'jig rten dbang phyug gi bstod pa rin po che'i phreng ba
Lokiśvarastotraratnamālā
Text
ff. 130a–132a · 5 folio sides
- 130a
yas pa'i 'od zer gyi dra ba rtag tu 'phros pas/ sems can gyi phung po thams cad kyi sdig pa'i tshogs gzhom par bya'o// zhes nus pa ji lta bas gsal bar bsgom par bya'o// rnal 'byor brtson ldan sgom pa pos/ sgrib pa rab spongs shes rab dang / skal bzang nad med phun sum tshogs/ mngon du byed pa 'thob par 'gyur/ bsgom pas dub na sems rtse gcig pas bzlas pa bya ste/ de/ la sngags ni 'di'o// oM hrIHswA hA/ 'di rnams ston ka'i rgyu skar dri ma med pa'i phreng ba lta bu'i kha dog dang 'od kyi snang ba can las/ 'od zer du ma 'phro bas bzlas par bya'o// dub par gyur na bsod nams yongs su bsngo zhing / langs la ji ltar bde bar lha'i nga rgyal gyis gnas par bya'o// dpal ldan 'jig rten dbang phyug gi/ yid 'ong bsgrub thabs bgyis pa yis// bdag gis bsod nams gang thob des// 'gro kun de yi go 'phang gyur// dpal 'jig rten mgon po kha saR+sha Na'i sgrub thabs shes bya ba grub chen pad+ma 'byung gnas zhabs kyis mdzad pa rdzogs so// // rgya gar shar phyogs kyi paN+Di ta chen po shrI ba na rat+na'i zhal snga nas dang / chos 'khor lo tsA bas bsgyur ba las/ slad kyi btsun pa rgya mtshos dag par bcos shing gtan la phab pa'o// @#// 'jig rten pang zug pa snyed pa na pa che'i the bgrugs so// rgya gar skad du/ lo ki shwa ra sto tra rat+na mA lA/ bod skad du/ 'jig rten dbang phyug gi bstod pa rin po che'i phreng ba/ dpal ldan 'jig rten mgon po la phyag 'tshal lo// 'jig rten dbang phyug dri med thugs ni stong dang snying rjes brlan// lam mkhyen nyid dang thams cad mkhyen nyid la sogs don dang tshig/ gsal bar 'doms pas yongs su rdzogs shing rnam par dag pa'i sku// ye shes lha'i bdag
- 130b
pos rol par mgo bos phyag bgyi'o// gdul bya'i dbye ba'i dbang las rnam pa mang por snang ba yis// gcig kyang chu snod rnams su gnas pa'i ri bong can mtshungs las// khyod ni gsal bar gzhan la phan pa'i rjes su song nyid phyir// e ma'o rdzu 'phral shin tu rmad du byung ba'i sku ni rigs pa lags// mu stegs skye bo gdul zhing rab tu rtogs par bya don du// yongs rdzogs zla ba'i zhal gyi rnam par sgeg pa'i dpral ba yi// gnas las dbang phyug chen po lnga yi bu ni nges phyung bas// lha dang chen po'i mi yi shin tu lha dang dbang phyug khyod// pad+ma'i skye ba pa rnams gdul zhing khong du chud don du/ khyod kyi phrag pa legs rgyas chen po'i dge ba'i mtshan nyid las// mes po lnga yi sras po nges par phyung ba nyid kyis ni// 'jig rten dbang phyug dbang phyug mchog la mgo bos phyag bgyi'o// skye bo khyab 'jug pa rnams gdul dang rtogs par bya ba'i phyir// mi bu yang ni phyag na pad+ma 'dzin pa'i thugs ka las// nges phyung 'di ni srid pa'i dbang phyug nyid de de'i slad du// khyod ni skyes bu rnams kyi mchog las mchod nyid gzhan yod min// nyi zlar gus bcas rim gro bsnyen bkur stobs stobs rnams la ni// yang dag bstan phyir mthon mthing mdzes pa'i spyan ni gang dag las// ri bor spyan dang bla ma nges phyung sa la mig rnams kyi// nang gi mun nag 'joms pa de la bdag ni phyag 'tshal lo// dpal mor rim gro bzhin bkur myong ba po rnams gdul ba dang // rtogs phyir 'dir ni nges// par bcom ldan ma ste dbyangs can 'di// rgyal ba'i sras po khyod kyi mche ba'i rtse las rab phyung bas// mngon 'dod shes rab 'bras bu ster ba la yang bdag phyag 'tshal// rlung gi skye ba rnams lagadul dang
- 131a
mi bzad la ma grub phyir// de nas 'jig rten mgon po'i zhal gang zhig las nges phyung 'di// rlung lha mchog gi bla ma sa la skye ba pa rnams kyi// spyod lam rnam bzhi'i 'bras bu/ ster ba de la bdag phyag 'tshal// chu lha pa rnams gdul dang zhi ba'i lam 'dod ldan rnams kyi// yang dag khong du chud phyir bde gshegs sras po'i lto ba las// yang dag phyung ba chu lha'i gtso yang ste myur ba ru// 'dod dga'i dbang phyug nyid kyi 'bras bu ster la rtag phyag 'tshal// mthun pa'i 'bras bu la sogs mngon par 'dod rnams nges gdul zhing // yang dag grub phyir rab mchog mtshan ldan zhabs kyi pad+ma las// gang zhig nges par byung ba bcom ldan nor 'dzin mar grags pa// 'jig rten gsum gyi mgon po mnyam med de la bdag phyag 'tshal// khyod ni srid las grol kyang de la yang dag gnas pa ni// sems can tshegs la snying brtse nyid las srid pa'i spyod tshul gyis// srid mtha'i bar du brtan pa bdag ni rtag gnas gyur snyam du// dam pa'i bsam pa chen po'i mchog gyur khyod la phyag bgyi'o// nam mkha'i bar du snang ba'i 'jig rten khams rnams khyod nyid kyis// rang gi zhabs gcig mthil gyis kyang ni rnam par gnan pa ste// bskal pa'i mtha' ru srid pas rten par 'bar ba drag po'i me// khyod kyis dbugs kyi rlung gi stogs kyis nges par bcil bar gyur// rang gi 'dzub mo gyen du gtod de 'dzin pa'i sdigs 'dzub kyis// lhun po'i tshogs rnams du ma g.yo bar gyur cing sen mo yi// sbubs kyis gyen du 'dzin pas rgya mtsho'i chu yang lus ma gyur// e ma'o 'di lta'i nus pa khyod las gzhan du ci zhig mthong // mchog tu mnyen zhing zla ba gzhon nu'i
- 131b
mdzes pa yang dag par// ston pa'i sku mchog 'di yang lang tsho ma yi yin nam ci// 'jigs byed drag po gnon las mi ljongs ci yang dub pa dang // gdul bar dka' ba'i bdud 'joms pa ni khyod kyi spyod tshul lags// kye lags 'di ltar chen po'i skye bo'i ral phreng dang mtshungs par// rang gi dbu skyes mdzes pa'i lan bu 'khyog po de// de nyid me yis nyon mongs bud shing sbar ba byas pa yi// du ba'i phreng ba lta bu dri med khyod la snang bar gyur// zla zer cung zad 'phros pa yis ni phyogs bcur khyab khyed kyis// nag pa'i phyogs zad chung ngu'i cha bcas 'od kyis mdzes pa ni// srid pa rnams su 'dod pa gang myur ri bong can gang de// cung zad las ni ma lus bsam pa rnam par mdzes// mthun par spros pa'i ngan pa'i lam can lugs 'joms shing // mi dang mi min bsam parton la lam dang lam// yang dag thob byed gzhan don spyod tshul mchog gis ni// mdzes ldan rgyal ba sa yi dbang phyug la phrag bgyi'o// mya ngan 'das dang srid mi gnas kyang khyod gnas pa// 'od gsal rang byin rlab ste sbyor dang phan pa po// ma lus skye bo'i mi dge mi mdzad dge ba yis// mdzes ldan rgyal ba sa yi dbang phyug la phyag bgyi'o// rigs par dpag med 'od zer phreng bas yang dag bskor// de las bde spyod mtsho skyes rang gi phyag gis 'dzin// rjes mthun dga' ba thob pa yang dag dga' bde yis// mdzes ldan rgyal bas yi dbang phyug la phyag bgyi'o// chos kyi dbyings las kun mchog snying rje rang nyid gtso// gang zhig dge ba la sogs tshogs rnams yang dag rdzogs// rnam par rtog spangs mthulas sgra yis ston pa po// mdzes ldan rgyal ba sa yi dbang phyug la phyag
- 132a
brgya'o// de bzhin nyid dang nyid min gnyis pa dkun dga' bzlas// yangs sdugang bar mdzad pa bcu zag chos kyi gtam// 'bad ldan mchog tu bden ni d+ha rigs par gsungs pa yi// 'dzin ma'i dbang phyug rgyal po mchog la bdag phyag 'tshal// mi mchog de yi rang gi sku ni 'grol rab 'phro ba// mtsho skyes spyan gyis shin tu mdzes par gyur pa yi// ma lus sems can rnams kyi myur ba'i thar mchog go// 'dzin ma'i dbang phyug rgyal po dam par bdag phyag 'tshal// mchog tu sprul dang longs spyod rdzogs pa gzhan dan dgyes// stong nyid gos med chos 'dzin pa la dgyes pa can// grung pa dam pa rnams 'dzin ma'i dbang po ste// nor 'dzin dbang phyug rgyal po mchog la bdag phyag 'tshal// mchog tu lhan skyes dam pa'i rgya mtshar zla zhal gyi// sgo las thams cad gsung ba ma lus ngag tshig ni// mya ngan 'das pa'i mtshan nyid rjes mthun rgyun gyis phul// dbang phyug 'dzin ma'i rgyal po dam par phyag 'tshal lo// 'jig rten por gyur// bstod pa rin po che'i phreng ba 'di ni rdzogs so// / rgya gar shar phyogs kyi paN+Di ta chen po nags kyi rin po che'i zhal snga nas mdzad pa'o// mkhas pa chen po de nyid kyis spyan sngar/ dge slong rgya mtsho'i sde zhes bya bas bal yul ye rang gi grong khyer chen po'i 'dabs dpal go bi tsin+da'i gtsug lag khang chen por bsgyur ba'o// /
Colophon
bstod pa rin po che'i phreng ba 'di ni rdzogs so/_rgya gar shar phyogs kyi paN+Di ta chen po nags kyi rin po che'i zhal snga nas mdzad pa'o/_/mkhas pa chen po de nyid kyis spyan sngar/_dge slong rgya mtsho'i sde zhes bya bas bal yul ye rang gi grong khyer chen po'i 'dabs dpal go bi tsan+d+ra'i gtsug lag khang chen por bsgyur ba'o