'phags pa rdo rje'i snying po'i gzungs zhes bya ba theg pa chen po'i mdo
Āryamanḍanāmadhaṇimahāyanasutra
Text
ff. 2b–21b · 37 folio sides
- 2b
'phags pa rdo rje'i snying po'i gzungs zhes bya ba theg pa chen po'i mdo// sangs rgyas dang / byang chubs ma dpa' thams cad la phyag 'tsha lo// 'od skad bdag gis
- 3a
thos pa 'dus gcig na/ bcom ldan padas gangs kyi dang / nye ba sna tshogs kyi/ grong gi rtsa'i spyil po na// dge slong stong du tshang ba'i dge slong gi dge 'dun chen po dang / thabs gcig tu bzhags te/ de nas bcom ldan 'das bsod snyoms kyi zas pis len spangs te/ rtsa'i sgril por dkyil mo dkrang bcas
- 3b
nas/ sku drang por bsrang ste/ dran pa mngon du bzhugs so// de nas de'i tshe bcom ldan 'das chos thams cad la mnyam pa nyid du gnas pa zhes bya ba'i ting nge 'dzin la snyom par bzhags so// bcom ldan 'das snyoms par zhugs ma thag tu/ dge slong gi dge 'dun thams cad kyis/ bcom ldan 'das da ltar bzhugs pa'i sku ma mthong ngo // de nas
- 4a
sangs rgyas kyi mthus/ lha rnams kyi dbang po brgya byin dang / mi mjed kyi bdag po tshangs pa dang / gnas gtsang ma'i ris kyi lha'i bu sum khri nyi stong bcom ldan 'das ga la ba de dong do de nas lha rnams kyi dbang po brgya byin dang / mi mjed kyi bdag po tshangs pa 'di snyam du/ bcom ldan 'das da ltar gang na bzhugs snyam sems pa dang / bcom ldan 'das rtsa'i sgril po'i nang na// ting nge 'dzin la snyoms par zhugs pa de dag gis mthong ngo // mthong nas bcom ldan 'das ga la
- 4b
ba der dong ste/ bcom ldan 'das kyi spyan sngar cang mi smra bar dkyil mo dkrung bcas te 'khod do// gnas gtsang ma'i ris kyi lha'i bu rnams kyang cang mi smra ba/ bcom ldan 'das kyi spyan sngar de nyid du dkyil mo dkrung bcas te 'khod do// de nas de'i tshe bcom ldan 'das kyis 'di lta bu'i rdzu 'phrul mngon par 'du mdzad de/ ji lta bu'i rdzu 'phrul mngon par 'du mdzad pa mngon par mdzad nas/ stong gsum gyi stong chen po'i 'jig rten gyi khams na/ byang chub sems dpa'i theg pa pa'i gang zag theg pa la gsar du yang dag par zhug
- 5a
pa migag la yang dag par zhugs nas ring du yon pa la/ byar ma ldog pa'am/ gcig gis thogs pa yang rung ste/ ji snyed 'khod pa de dag thams cad sna tshogs kyi grong ga la ba dang / rtsa'i skyil po ga la ba der dong ste phyin pa dang / sangs rgyas kyi mthus mi gang tsam gyi bar snang la dkyil mo dkrung bcas te 'khod do// de nas de'i tshe 'jam dpal gzhon nur gyur pas/ sems can thams cad kyi sems mgum par byed pa zhes bya ba'i ting nge 'dzin la snyoms par bzhugs so// de nas 'jam dpal gzhon nur
- 5b
gyur pa/ ting nge 'dzin de la snyoms par zhugs ma thag tu/ 'khor de dag thams cad sems rab tu dga' ba dang / sems mgu ba dang / sems rangs pa dang / sems shin tu tshim pa skyes so// de nas de'i tshe byang chub sems dpa' byams pas/ chos thams cad rab tu zhi ba zhes bya ba'i ting nge 'dzin la snyoms par zhugs so// byang chub sems dpa' byams pa ting nge 'dzin de la snyoms par zhugs ma thag tu/ 'khor de dag thams cad kyi dbang po rnams rab tu zhi bor gnas so// de nas byang chub sems dpa' rin po che tog ces bya ba/ byang chub sems dpa' drug khri nyis stong dang lhan cig tu sna tshogs kyi grong ga la ba dang / rtsa'i skyil po gal ba der song ste/ byin ma thag tu
- 6a
bdag nyid steng gi na mkha' bar snang la 'dug pa snyam du shes te/ de steng gi na mkha'i de nyid la dkyil mo dkrung bcas te 'dug go// de nas de'i tshe byang chub sems dpa' rin po che tog bkod pa chen po zhes bya ba'i ting nge 'dzin la smos par zhugs so// byang chub sems dpa' rin po che tog ting nge 'dzin de la/ snyoms par zhugs ma thag tu/ de nas par snang thams cad/ me tog ud pa la dang / pad+ma dang / ku mu ta dang / pad+ma dkar po dag gis/ kun tu khebs nas/ nyi ma dang / zla ba rnams kyi 'od kyang / snang bar gyur to// de nas/ byang chub sems dpa'/ 'phags ba spyan ras gzigs dbang phyug/ byang chub sems dpa' drug khri nyis stong dang / lhan cig tu steng gi na mkha' las/
- 6b
sna tshogs kyi grong ga la ba dang / bcom ldan 'das ga la ba der song ste/ phyin ma thag tu byang chub sems dpa' 'phags pa spyan ras gzigs dbang phyug la 'dug ma nus nas/ de byang chub sems dpa' lhag ma de dag dang lhan cig tu steng gi bar snang nam mkha' la dkyil mo dkrung bcas te 'dug go/ 'dag ma thag tu de'i tshe/ byang chub sems dpa' spyan ras gzigs dbang phyug sems can thams cad kyi nyon mongs pa 'joms pa zhes bya ba'i ting nge 'dzin la snyoms par zhugs so// byang chub sems dpa' spyan ras gzigs dbang phyug ting nge 'dzin de la snyoms par zhug ma thag tu/ de nas 'khor de dag thams cad kyi 'dod chags dang / zhe sdang dang / ti mug dang / nyon mongs pa thams cad rab tu zhi bar gyur to// de nas de'i tshe bcom ldan 'das steng gi bar snang la 'phag nas mdzum pa mdzadado// de nas bcom ldan 'das kyi zhal gyi sgo nas 'od zer kha dog du ma 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung ngo // de nas de'i tshe 'jam dpal gzhon nur gyur pas steng gi bar snang la bla gos phrag pa gcig tu bgos te/ pus mo g.yas pa'i lha nga bar snang de nyid la btsug nas/ bcom ldan 'das ga la ba de log su thal mo sbar ba btud de/ bcom ldan 'das la 'di skad ces gsol to// bcom ldan 'das mdzum pa
- 7a
mdzad pa'i rgyu gang lags/ rkyen ni gang lags/ bcom ldan 'das kyis bka' stsal pa/ 'jam dpal bar snang 'dir sangs rgyas khri rnams kyis bya chub sems dpa' rnams la/ rdo rje'i snying po'i gzungs zhes bya ba bshad/ yang dag pa rab tu bstan to// 'jam dpal gyis gsol pa/ bcom ldan 'das kyis nga yang byang chub sems dpa' 'di rnams la rdo rje'i snying po'i gzungs bsha du gsol/ bcom ldan 'das kyis bka' stsal ba/ 'jam dpal chog go/ rdo rje'i snying po'i gzung la byang chub kyang med/ sangs rgyas kyi chos rnams kyang med na/ byang chub sems dpa' 'di dag ni byang chub mngon par rdzogs par 'tshang rgya bar 'dod do// rdo rje'i snying po'i gzungs 'di la 'khor ba yang med/ mya ngan las 'das pa yang med na/ byang chub sems dpa' 'di dag ni yong su mya ngan las 'das par 'dodado// rdo'i snying po'i gzungs 'di la dge ba yang med/ mi dge ba med na/ byang chub sems dpa' 'di dag ni mi dge ba spong bar 'dod do// rdo'i snying po'i gzungs la pha rol yang med/ tshu rol yang med na/ 'di dag ni pha rol du 'gro bar 'dod do// rdo'i snying po'i gzungs la zhing yang med/ zhing yongasu grub pa yang med na/ 'di dag ni zhing yongasu sgrub par 'dod do// rdo'i snying po'i gzungs la bdud kyang med/ bdud du gdags pa yang med na/ 'di dag ni bdud 'dul bar 'dod do// rdo'i snying po'i gzungs la nyan thos kyang med nyan thos bdags pa yang med na/ 'di dag ni nyan thos kyi chos las 'da' bar 'dod do// rdo'i snying po'i gzungs la rang sang+yas kyang med/ rang sa ng+yas su gdags pa med na/ 'di dag ni rang sangs rgyas kyi chos las 'da' 'dod do// rdo rje'i snying po'i gzungs la sems can yang med/ sems can du gdags pa yang med na/ 'di dag ni sems can rnams yongasu mya ngan
- 7b
las 'da' bar 'dod do// rdo rje'i snying po'i gzungs la don kyang med/ don ma yin pa yang med na/ 'di dag ni don byed par 'dod do// rdo rje'i snying po'i gzungs la 'dod chags kyang med/ 'dod chagasu gdags pa yang med na/ 'di dag ni 'dod chags spong bar 'dod do// rdo'i snying po'i gzungs la zhe sdang yang med/ zhe sdang du gdags pa yang med na/ 'di dag ni zhe sdang spong bar 'dod do// rdo'i snying po'i gzungs la gti mug kyang med/ gti mug du gdags pa yang med na/ 'di dag ni gti mug spong bar 'dod do// rdo'i snying po'i gzungs la shes pa yang med de/ mi shes pa yang med na/ 'di dag ni shes pa mngon gsum du byed par 'dod do// rdo'i snying po'i gzungs la kun nas nyon mongs pa myed/ kun nas nyon mongs par gdags pa yang med na/ 'di dag ni kun nas nyon mongs pa spongs par 'dod do// rdo'i snying po'i gzu la rnam par byang ba yang med/ rnam par byang bar gdags pa myed/ 'dul ba yang med 'dul ba ma yin pa yang med/ byams pa yang med/ snying rje yang med/ dga' ba yang med/ btang snyoms kyang med/ sbyin pa yang med/ ser sna yang med/ tshul khrims kyang med/ bzod pa yang med/ gnod sems kyang med/ brtson 'grus kyang med/ le lo yang med/ bsam gtan kyang med/ rnam par g.yeng ba med/ shes rab kyang med/ 'chal pa'i shes rab kyang med/ ltung ba yang med/ nyan thos kyang med/ rang sangs rgyas kyang med/ de bzhin gshegs pa yang med/ chos kyang med// yA dag pa yang med bslab pa med/ shes pa yang med/ mi shes pa yang med/ thob pa yA med/ mngon par rtog pa yang med/ mya ngan las 'das pa yang med/ dran pa nye bar gzhag pa rnam kyang med/ yA dag pa thong ba rnas kyang med/ rdzu 'phrul gyi rkang pa nas kyang med/ dbang po rnam kyang med/ stob nam kyang med/ byang chub kyi yan lag nas kyang med/ 'jas dpal rje'i snying po'i gzung thob par 'dod pa byang chub sems dpaso
- 8a
so skye bo'i chos rnams la gnas par mi bya'o// so so'i skye bo'i chos rnams bzung bar mi bya'o// 'dor bar mi bya'o// rnam par bsgrub par mi bya'o// 'da' bar mi bya/ reg par mi bya/ 'pho bar mi bya/ gtang snyoms su gnas par mi bya/ sbyin par 'byung bar mi bya/ le lo mi bya/ mi chags par mi bya/ yongs su yi chad par mi bya/ reg par mi bya'o// so so'i skye bo'i chos rnams la kun nas nyon mongs par 'du shes skyed par mi bya/ sbyin par 'du shes skyed pa mi bya/ gtang bar 'du shes skyed par mi ba'o// so so'i skye bo'i chos rnams kyang / sangs rgyas kyis chos su ma gtogs par lta bar mi bya/ sangs rgyas kyi chos rnams so so skye bo'i chos rnams kyang spang bar mi bya/ so so skye bo'i chos rnams dang / sangs rgyas kyi chos rnams kyang spang bar mi bya/ so so skye bo'i chos rnams dmigs par bya/ nyan thos kyi chos rnams dang / rang sangs rgyas kyi chos rnams spang bar mi bya'o// sangs rgyas kyi chos rnams kyang bzung bar mi bya'o// so so'i skye bo'i chos rnams kyang 'dor bar mi bya/ so so'i skye bo'i chos rnams srung bar mi bya/ sangs rgyas kyi zhing rnams yongs su dag pa la yang gnas par mi bya ste/ smon lam yang mi btang // de ci'i phyir/ zhe na/ 'jam dpal gyis rdo rje'i snying po'i gzungs ni rnam par mi rtog pa ste/ 'dod chagasu yang dag par 'du ba zhe sdang du yang dag par 'du ba/ gti mug tu yang
- 8b
dag par 'du ba/ bu med yang dag par 'du ba/ skyes par yang dag par 'du ba/ lhar yang dag par 'dra ba/ klur yang dag par 'du ba/ gnod sbyin du yang dag par 'du ba/ dri zar yang dag par 'du ba/ lha ma yin du yang dag par 'du ba/ nam mkha' lding du yang dag par 'du ba/ lto 'phye chen por yang dag par 'dra ba/ sangs rgyas su yang dag par 'du ba/ chos su yang dag par 'du ba/ dge 'dun du yang dag par 'dra ba/ nyan thos su yang dag par 'dra ba/ rang sangs rgyas su yang dag par 'du ba/ sems can dmyal bar yang dag par 'du ba/ dud 'gro'i skye gnasu yang dag par 'du ba/ gshin rje'i 'jig rten du yang dag par 'du ba/ ngan par yang dag par 'dra ba/ bzang por yang dag par 'dra ba/ sar yang dag par 'du ba/ chur yang dag par 'du ba/ mer yang dag par 'du ba/ rlung du yang dag par 'dra ba/ mig du yang dag par 'dra ba/ rna bar yang dag par 'du ba/ snar yang dag par 'du ba/ lcer yang dag par 'dra ba/ lusu yang dag par 'dra ba/ yid du yang dag par 'du ba/ 'jam dpal rdo rje'i snying po'i gzungs ni chos thaMd yang dag par 'dra bo/ 'di lta ste dper na/ shar phyogs kyi nam mkha'i khams gang yin pa dang / lho phyogs kyi gang yin pa dang / nub phyogs kyi gang yin pa dang / byang phyogs kyi gang yin pa dang / 'og gi gang yin pa dang / steng gi na mkha'i khams gang yin pa de dag thams cad ni na mkha'i khamasu yang dag par 'du bar 'gyur ba de bzhin du/ 'jam dpal rdo rje'i gzungs 'di yang chos thams cad du yang dag par 'gyuraro//
- 9a
de skad ces bka' stsal ba dang / 'jam dpal gzhon nur gyur pas/ bcom ldan 'das la 'di skad ces gsol to// bcom ldan 'das ji ltar na 'dod chags gzungs kyi bzhi lags/ bcom ldan 'das kyis bka' stsal pa/ 'jam dpal 'dod chags shes bya ba ni/ shar phyogs nas 'ong ste/ sems can rnams la kun nas nyon mongs par byed pa ma yin/ lho phyogs nas ma yin/ nub phyogs nas ma yin/ byang phyogs nas ma yin/ 'og nas ma yin/ steng gi phyogs nas ma 'ongs te/ sems can rnams la kun nas nyon mongs par byed pa ma yin no// nang nas skyes te sems can rnams kun nas nyon mongs par byed pa ma yin/ phyi rol nas kyang ma yin no// 'jam dpal gal te 'dod chags nang nas langs te/ sems can rnams la kun nas nyon mongs par byed na ni/ de'i phyir sems can rnams kun nas nyon mongs pa can nyid du 'gyur te/ phyis kyang chos mngon par rtogs par mi 'gyur ro// 'jam dpal chos ni mi 'ong mi 'gro/ nang na mi 'dug/ phyi rol na yang mi 'dug gnyi ga med par yang mi 'dug ste/ de la bgrang ba gang yang med de/ des na 'dod chags ni gzungs kyi bzhi zhes bya'o// zhe sdang ni gzungs kyi bzhi'o// 'jam dpal gyis gsol pa/ bcom ldan 'das ji ltar na ne sdang gzungs kyi bzhi lags/ bcom ldan 'das kyis bka' stsal pa/ 'jam dpal zhe sdang ni caco bton pa las 'byung ste/ caco ston na de ni 'das pa yang ma yin/
- 9b
ma 'ongs pa yang ma yin/ da ltar byung ba yang ma yin/ 'jam dpal gal te 'das pa las chos rnams byung du zin na rtag par 'gyur ro// 'jam dpal ma 'ongs pa'i rkyen rnams las kyang zhe sdang 'byung ba med do// da ltar gyi rkyen kyang 'dug pa med cing ma 'gags pa'o// 'jam dpal chos gang 'das pa las ma byung / ma 'ongs pa las ma byung / da ltar gyi las kyang ma yin pa de ni dus gsum yongs su dag pa'i gzungs kyi gzhi zhes bya'o// 'jam dpal gti mug ni gzungs kyi gzhi'o gsol pa/ bcom ldan 'das ji ltar na gti mug gzungs kyi gzhi lags/ bcom ldan 'das kyis bka' stsal pa/ 'jam dpal gti mug ni ma rig pa las byung ste/ ma rig pa de yang sa'i khams dang ma 'dres/ chu'i khams dang ma yin/ me'i khams dang yang ma yin/ rlung gi khams dang ma yin/ na mkha'i khams dang ma yin/ rnam par shes pa'i khams dang ma 'dres pa'o// 'jam dpal ma 'dres pa'i chos ni kun nas nyon mongs pa can du mi 'gyur zhing / rnam par byang bar mi 'gyuraro// 'jam dpal gal te ma 'dres pa'i chos de kun nas nyon mongs pa can du 'gyur ba 'am/ rnam par byang bar 'gyur du zin na/ nam mkha' yang kun nas nyon mongs pa can du 'gyur zhing / rnam par byang bar 'gyuraro// de ci'i phyir zhe na/ 'jam dpal na mkha' ni gang yong ma 'dres pa ste/ 'jam dpal gang ma rig pa dang ma 'dres pa/ mi 'pho ba/ 'dul
- 10a
pa ma yin pa/ yod pa ma yin pa/ ma byung ba dngos po med pa/ mi thub pa/ mi snang ba/ gzung du med pa/ macings pa/ ma grol ga tshad med pa/ ya ma rA/ gsob gsog/ stong pa nyid ni kun nas nyon mongs pa zhe 'am/ rnam par byang bar zhes brjod par bya ba 'am/ gsol pa/ bcom ldan 'das de ni ma lagaso// bka' stsal pa/ 'jam dpal ma rig pa ma rig pa zhes de bzhin gshegs pas bstan pa de'i thogs ma med do// rtag tu gcig pa nyid kyang medo// thog ma'i mtha' yang med/ mtha' ma'i mtha' yang med/ da ltar byung ba'i mtha' yang med de/ des na ma rig pa zhes bya'o// 'jam dpal chos gang med cing mi rnyed// rnam par mi rig/ mi snang / mi chags/ rnam par ma chags/ zhe mi sdang / gti mi mug ste/ chos gang la yang nyon mongs pa 'am/ rnam par byang ba 'am/ sgrib ba'i bya ba byed dam gsol pa/ bcom ldan 'das de ni ma lags so// bde bar gshegs pa de ni ma lagaso// bcom ldan 'das gal te de ni ma rig pa'i gang la yA kun nas nyon pa 'am/ rnam par byang ba 'am/ sgrib pa'i bgyi ba mi bgyid na/ ji ltar na bcom ldan 'das kyis ma rig pa kun nas nyon mongs pa zhes bka' stsal/ bcom ldan 'das kyis bka' stsal pa/ 'jam dpal 'di lta ste dper na/ tsub shing dang gtsub stan la yang rten/ mi'i lag pas gtsub pa la yang rten nas dub
- 10b
'byung zhing me mngon par 'grub ste/ me de yang gtsub shing la yang mi gnas/ gtsub stan la yang mi gnas/ mi'i lag pa gtsubs pa la yang mi gnaso// 'jam dpal de bzhin du/ skyes bu gang zag rmongs pa la 'dod chags dang / zhe sdang dang gti mug gis yongs su gdung bar med pa 'byung ste/ yongs su gdung ba de yang nang na yang mi gan+da/ phyi rol na yang mi gnas/ gnyi ga med par yang mi gnas mod kyi/ 'jam dpal 'on kyang gti mug ces bya'o// de ci'i phyir zhe na/ 'jam dpal chos thams cad ni shin tu grol ba yin pa'i phyir te/ chos gang shin tu grol ba de ni gzungs kyi gzhi zhes bya'o// de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das byang chub sems dpa' chos kyi sgo gang dang ldan na/ thams cad kyi rjesu song ba'i gzungs thob par 'gyur ba'i/ chos kyi sgo 'ga' mchis lags sam/ bcom ldan 'das kyis bka' stsal pa/ 'jam dpal byang chub sems dpa'i chos kyi sgo gang dang ldan na/ thams cad kyi rjesu song ba'i gzungs thob pa'i chos kyi sgo yod/ yi ge gcig las yi cig 'bum du bshad kyang / yi ge de'i mtha' mi rtogs te/ chos kyi sgo gang dang gis bshad pa'i chos kyi sgo de dang de las chos kyi sgro mtha' yas pa dag snang bar 'gyur zhing / spobs pa yang thogs pa med do// de spobs pa thogs pa med pa'i phyir chos kyi sgo thams cad brjod do// chos kyi sgo'i tshig gcig
- 12a
la chos kyi sgo'i chog thams cad rjes su 'jug par byed do// chos kyi sgo'i tshig thams cad la chos kyi sgo'i tshig gcig rjesu 'jug par byed do// 'jam dpal gyis gsol pa/ bcom ldan 'das chos kyi sgo de ji ltar bu zhig lags/ bcom ldan 'das kyis bka' stsal pa/ 'jam dpal chos thams cad ni lha'i sgo ste/ 'di ni gzungs kyi gzhi'o// gsol pa bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad ni dul ba'i sa la gnas pa ste de ni lha lta bur 'jug pa'i gzungs kyi gzhi'o// 'jam dpal chos thams cad ni klu'i sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags/ bcom ldan bka' stsal pa/ 'jam dpal chos thams cad ni ming med/ yi ge yongasu chud pa/ yi ge med pa/ yi ges brjod pa ste/ de'i klu lta bur 'jug pa'i gzungs kyi gzhi'o// 'jam dpal chos thams cad ni gnod sbyin gyi sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad ni mi skyes pa'i phyir mi zad pa'i rnam par bzhugs pa ste/ de ni gnod sbyin lta bur 'jug pa'i gzungs kyi gzhi'o// 'jam dpal chos thams cad ni dri za'i sgo ste de ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags//
- 12b
bka' stsal pa/ 'jam dpal chos thams cad med grangs med dpag tu med/ nam mkha' dang mnyam pa'i phyir bgrang las 'das pa ste/ de ni dri za lta bur 'jug pa'i gzungs kyi gzhi'o// 'jam dpal chos thams cad ni lha ma yin gyi sgo ste/ 'di ni gzungs kyi gzhi'o// gsol pa bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad ni med pa'i sgo ste/ ming du rig par bya ba yin/ gzugs su rigs par bya ba ma yin/ sgra rig par bya ba ma yin/ dri rig par bya ba ma yin/ ro rig par bya ba ma yin/ reg pa rig par bya ba ma yin/ sangs rgya su rig par bya ba ma yin/ chos su rig par bya ba ma yin/ dge 'dun du rig par bya ba ma yin/ nyan thos du rig par bya ba ma yin rang sangs rgyas su reg par bya ba ma yin/ so so'i skye bor rig par bya ba ma yin/ 'jam dpal chos thams cad ni shin tu kun nas ma skyes pa'i tshul gyis rig par bya ba ma yin pa ste/ de ni lha ma yin lta bur 'jug pa'i gzungs kyi gzhi'o// 'jam dpal chos thams cad ni nam mkha' lding gi sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags/ bka' stsal ba/ 'jam dpal chos thams cad ni 'ong ba med cing 'gro ba med pa ste/ mi rgyug par rnam par mi rgyug pa/ mi 'bros pa/ mi 'gro ba mi 'ong mi 'phro ba/ mi skye ba mi rten pa/ mi gnas pa/ mi chags pa/ mi 'ching ba/ zhe mi sdang ba/ gti mi mug pa/ mi 'grol ba/ mi gnas pa
- 13a
rab tu mi gnas pa ste/ 'jam dpal na mkha' la chags pa med pa'i phyir/ chos thams cad ni gnas med pa'i sgo ste/ de ni nam mkha' lding lta bur 'jug pa'i gzungs kyi gzhi'o// 'jam dpal chos thams cad ni mi 'am ci'i sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags/ bka' stsal pa 'jam dpal chos thams cad ni byed pa po las log pa ste/ ma byas pa'i mi 'gyur ba/ byed pa po kun tu btsal na mi sred pa ste/ 'jam dpal de ni mi 'am ci'i lta bur 'jug pa'i gzungs kyi gzhi'o// 'jam dpal chos thams cad ni lto 'phye chen po'i sgo ste/ 'di ni gzungs kyi gzhi'o// gsol pa/ bcom ldan 'das ji ltar na gzungs kyi gzhi lags/ bka' stsal pa/ 'jam dpal chos thams cad ni dri ma bral zhing / shin du 'od gsal ba ste/ sems can thams cad kyis kun nas nyon mongs pa can du byas pa 'am/ rnam par bang bar byar mi nus pa de ni rnam par dag pa'i gzungs kyi gzhi'o// de ci'i phyir zhe na/ 'jam dpal chos thams cad ni rang bzhin gyis ma skyes pa'i phyir/ gtan du yongs su mya ngan las 'das pa te/ de ni lto 'phye chen po lta bur 'jug pa'i gzungs kyi gzhi'o// 'jam dpal chos thams cad ni bud med kyi sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal
- 13b
'di lta ste chos thams cad ni/ dngos po med pa'i phyir mi bden/ skyes pa'i dbang po dang / bud med kyi dbang po dang bral ba ste/ de ni bud med lta bur 'jug pa'i gzungs kyi gzhi'o// 'jam dpal chos thams cad ni skyes pa'i sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags/ bka' skul pa 'jam dpal rnam pa thams cad du skyes pa nyid ni mi dmigs te/ thogs ma'i mtha' mi dmigs/ tha ma'i mthar yang mi dmigs/ da ltar byung bar yang mi dmigs so// 'jam dpal gang dus gsum du mi dmigs de la skyes pa yang med/ bud med yang med de/ gzhan du ming brdas brjod par zad do// ming de yang bden pas te/ gzungs kyi sa brdas de dag btags so// gzungs de yang 'byung ba chen po bzhi la gyur 'byung ba chen po bzhi rnams kyi skye ba yang mi dmigs so// chos thams cad ma skyes pa'i phyir/ chos thams cad gtan du yongs su mya ngan las 'das pa ste/ de ni skyes pa lta bur 'jug pa'i gzungs kyi gzhi'o// 'jam dang / chos thams cad ni sems can dmyal ba'i sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags/ bcom ldan 'das kyis bka' stsal pa/ 'jam dpal sems can dmyal ba gang du yang dag par 'du bar 'gyur 'jam dpal gyis gsol pa/ bcom ldan 'das sems can dmyal
- 14a
ba ni na mkha' yang dag par 'du ba lags so// bcom ldan 'das kyis bka' stsal pa/ 'jam dpal 'di ji snyam du sems sems/ can dmyal ba rang gi rtogs pa las byung ngam/ 'on te ngo bo nyid las byung / 'jam dpal gyis gsol pa/ bcom ldan 'das byis pa so so'i skye bo rang gi rtogs pas sem/ can dmal ba dang dud 'gro ba dang / gshin rje'i 'jig rten du rig te/ de dag ma mchis pa la sgro btags pa'i slad du ngan song gsum du gnod pa tshor zhing sdug bsngal myong ba lags so// bcom ldan 'das bdag gis sems can dmyal ba ji ltar mi mthong ba de bzhin du/ sems can dmyal ba rnams mi mthong ste/ sems can dmyal ba'i sdug bsngal ba yang ma mchis so// bcom ldan 'das 'di lta ste/ dper bgyi na/ mi la la zhig gnyid kyi log pa'i rmi lam na/ bdag med sems can dmyal por ltung bar snyam du rig nas/ de de na lcags kyi bum pa rab tu khol ba shin tu 'bar ba 'do du ma mchis pa'i nang na bdag cug nas/ de de na sdug bsngal gyi tshor ba myong bar rab tu 'tshal te/ de yid spangs shing yongs su gdung bar rig nas/ 'jigs skrag ste spangs nas/ de slar sang ba dang kye ma'o sdug bsngal lo// kye ma'o sdug bsngal lo zhes cho nges 'debs/ nas/ de'i mdza' bshes dang nye dra dang pu nu rnams kyis khyed cis sdug sngal zhes dris pa dang / mi des de dag la 'di skad ces bdag ni sems can dmyal ba'i sdug bsngal mong
- 14b
zhes smras nas/ yang de mdza' ga shes dang nye du dang / pu nu rnams gshe zhing 'tshog te/ bdag na sems can dmyal ba'i sdug bsngal ba myong na khyod kyi slar byi phyir zhing ngal cis sdug bsngal zhes drir ci yod ces mchis la/ de nas mdza' gshes dang nye dang pu na de dag gis/ mi de la 'di skad ces kye ma 'jigs shig/ mi khyod ni gnyid kyis log ste/ khyim 'di na se gar ma song ngo // zhes bgyis pa dang / mi des slar dran pa rnyed nas/ bdag ni gnyid kyi log ste/ yang dag pa ma yin pa dngos po med pa de la bdag gis brtags pa lta zhig ste/ dngos po ci yang med do snyam bgyis nas/ de slar yang yid bde ba rnyed na/ bcom ldan 'das ji ltar na mi de gnyid kyis log pa'i rmi lam na/ ma mchis pa la sgro btag nas/ bdag sems can dmyal bar mchis so// snyam du rig pa de bzhin du bcom ldan 'das ji ltar na mi de gnyid log pa'i rmi lam na ma mchis pa la sgro btags nas/ bdag sems can dmal bar mchis so// snyam du rig pa de bzhin du bcom ldan 'das byis pa so so'i skye bo thams cad mchis pa ma lags pa'i 'dod chags kyis kun tu dkris pas bud med kyi mtshan ma rtog go/ de dag gis bud med kyi mtshan ma btags nas/ bud med dang bdag lhan cig tu rtse dga' zhing / dga' mgur sprod par rig ste/ de dag 'di snyam du bdag ni skyes pa/ 'di bud med do// 'di ni bdag gi bud med do snyam nas/ de sred pa'i 'dod chags kyis kun tu dkris pa'i sems kyis de longs spyod tshol bar sems gtong //
- 15a
de gzhi de las 'thab pa dang 'gyed pa dang / rtsod pa skyed de/ de'i dbang po rab tu khros pas kho na byung ngo // de 'du shes phyin ci log pa des/ gum/ ma thag tu bskal pa stong phrag mang por sems can dmyal ba'i sdug bsngal gyi tshor ba myong ba snyam du 'tshal to// bcom ldan 'das 'di lta ste/ mi de la mdza' bshes dang nye du dang / phu nu rnams kyis 'di skad ces ma 'jigs shig/ mi khyod gnyid kyis log ste/ khyim 'di nas gar yang ma song ngo // zhes mchi ba ltar/ bcom ldan 'das sangs rgyas bcom ldan 'das kyis byin ci log bzhis rnam par myos pa'i sems can rnams la chos bstan te/ 'di la bud med kyang med/ skyes pa yang med sems can yang med// srog kyang med/ gso ba yang med/ gang zag kyang med de/ chos 'di dag thams cad ni yang dag pa ma yin pa'o// chos 'di dag thams cad ni med pa'o// chos 'di dag thams cad ni rnam par bsgrub pa'o// chos 'di dag thams cad ni brtags pa'o// chos 'di dag thams cad ni stong pa'o// chos 'di dag thams cad ni skyed pa med pa'o// chos 'di dag thams cad ni 'gag pa med pa'o// chos 'di dag thams cad ni dngos po med pa'o// chos 'di dag thams cad ni ma 'brel ba'o// chos 'di dag thams cad ni rmi lam lta bu'o// chos 'di dag thams cad ni dngos po med pa'o// chos 'di dag thams cad ni ma 'brel ba'o// chos 'di dag thams cad ni rmi lam lta bu'o// chos 'di dag
- 15b
thams cad ni sgyu ma lta bu'o// chos 'di dag thams cad ni chu zla lta bu ste/ 'di las su yang mi chags mi sdang mi rmongs te/ yang dag pa ma yin pa la ma rtog cing ces brtan pa dang / de dag gis de bzhin gshegs pa'i chos thos nas/ chos thams cad la 'dod chags ma mchis par mthong ngo // chos thams cad la zhe sdang ma mchis pa dang / gti mug ma mchis pa dang / sgrib pa ma mchis pa dang / chags pa ma mchis par mthong ngo // chos thams cad shin tu grol ba med pa dang / gtan tu yongs su mya ngan las 'das par mthong nas// de dag sems nam mkha' la gnas te/ 'gum pa'i dus bgyis ma thag tu phung po'i lhag ma mchis pa'i mya ngan 'das pa'i dbyings su yongs su mya ngan las 'das pa yang de dang 'dra ste/ bcom ldan 'das bdag gis sems can dmyal ba de ltar mthong lag so// de nas bcom ldan 'das kyis 'jas dpal gzhon nur gyur pa la leg so zhes bya ba byin te legs so legs so// 'jam dpal ji ltar na khyod kyis sems can dmyal ba mthong ba de bzhin du blta'o// ji ltar khyod rnam par rtog pa de bzhin du mi rtag par bya'o// 'jam dpal sems can dmal ba de ltar mthong na/ mi skye ba'i chos la bzod pa thob par 'gyur ro// sems can dmyal ba nges par bstan pa 'di bshad pa na/ byang chub sems dpa' dgu khri nyis stong mi skye ba'i chos la bzod pa thob pa/ de dag tshig mthun par 'di skad ces gsol to// 'di ltar sems can dmyal ba'i chos rnams las sangs rgyas kyi chos
- 16a
brnyed par rung zhing / sangs rgyas kyi yul 'di ngo mtshar te/ legs so// zhes 'dzer to// de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das gnyis su ma mchis pa'i sgo gang gis byang chub sems dpa' rnams chos thams cad sangs rgyas kyis chos su rtogs shing / gnyis lta bur mi bgyid pa/ gnyis su ma mchis pa'i chos kyi sgo byang chub sems dpa' rnams la bstan du gsol/ de skad ces gsol pa dang // bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal de'i phyir kun nas nges par bstan zhes bya ba'i chos kyi sgo 'di ni/ chos kyi sgo gang gis byang chub sems dpa' rnams nyon mongs pa thams cad la sangs rgyas kyis chos rnams yang dag par 'gro bar byed pa'o// 'jam dpal gyis gsol ba/ bcom ldan 'das gnyis su ma mchis pa'i sgo ji lta bu zhig lags/ bcom ldan 'das kyis bka' stsal pa 'jam dpal de'i phyir legs par rab tu nyon la zung shig dang / nyon mongs pa thams cad rab tu rnam par phye ba zhes bya ba'i gzungs kyi sgo 'di ngas khyod la bshad do bcom ldan 'das de ltar 'tshal lo zhes gsol to// 'jam dpal gzhon nur gyur pa/ bcom ldan 'das kyis ltar nyan pa dang / bcom ldan 'das kyis de la 'di skad ces/
- 16b
bka' stsal to// 'jam dpal ma rig pa ni byang chub te/ 'di ni gzungs kyi sgra'o// gsol ba bcom ldan 'das ji ltar nam rig pa byang chub lags/ bka' stsal pa/ 'jam dpal med pa'i phyir ma rig pa zhes bya'o// gang med pa de la skye ba med/ de gang ma skyes pa de la kun nas nyon mongs pa med do// 'jam dpal kun nas nyon mongs can ma yin pa ni byang chub te/ rang bzhin gyis 'od gsal ba/ rtag tu ma skyes pa'o// 'jam dpal de bzhin gshegs pas don gyi dbang 'di gzigs nas ma rig pa dang byang chub gnyis su med par snyan to// 'jam dpal ngas ma rig pa 'di snyed de/ de'i phyir ma rig pa zhes bstan to// 'jam dpal de ni ma rig pa lta bur 'jug pa zhes bya ba'i gzungs kyi sgo te/ 'jug pa gang gis spobs pa myur bar 'gyur/ spobs pa rno bar 'gyur ba/ spobs pa zab mor 'gyur ba/ spobs pa chags par 'gyur ba/ spobs pa thogs pa med par 'gyur ba'o// 'jam dpal 'du byed rnams ni byang chub ste/ 'di ni gzungs kyi sgo'o// gsol pa/ bcom ldan 'das ji ltar na 'du byed rnams byang chub lags/ bka' stsal pa/ 'jam dpal 'du byed rnams ni grangs med pa/ bgrangasu med pa ste/ de'i phyir de dag gi tshud mi dmig so// mi dge ba dang mtshungs par ldan na/ sems can dmyal bar skye ba ston mod kyi 'di nas kyang mi 'gro der yang 'pho ba med do// 'jam dpal mi 'pho ba ni byang chub ste/ 'ong ba dang 'gro ba med pa'o// 'jam dpal de ni 'du byed lta bur 'jug pa'i gzungs kyi sgo'o// 'jam dpal rnam par shes pa ni byang chub ste/ 'di ni gzungs kyi sgo'o//
- 17a
gsol pa bcom ldan 'das ji ltar na rnam par shes pa byang chub lags/ bka' stsal pa/ 'jam dpal rnam par shes pa ni sgyu ma lta bu ste/ yang dag pa ma yin pa las byung bar de bzhin gshegs pas gsungs so// 'jam dpal ji ltar na byis pa so so'i skye bo yang dag pa ma yin pa la gnas pa rnams kyis sgyu ma lta bu'i rnam par shes pa brtags shing rnam par shes pa bsgrubs nas bslus pa de bzhin du/ 'jam dpal sangs rgyas kyi byang chub kyang sgyu ma lta bu ste/ byis pa so so'i skye bo rnams kyis brtags shing rnam par bsgrubs nas bsdus te/ de dag sangs rgyas kyis chos la lhag par dmigs shing bdag cag sangs rgyas su gyur cing / bdag cag sems can grol bar byed par gyur cig/ bdag cag 'jig rten gyi mchog tu gyur cig snyam du de dag sangs rgyas kyi byang chub na mkha' dang 'dra ba la brtags nas/ rab tu dpyod do// 'jam dpal das ni byang chub kyis snying po la 'dug nas/ sangs rgyas sam/ nyan thos sam/ rang sangs rgyas sam/ so so skye bo'i chos gang yang ma dmigs te/ 'jam dpal de ni rnam par shes pa lta bu 'jug pa'i gzungs kyi sgo'o// 'jam dpal ming dang gzugs ni byang chub ste/ 'di ni gzungs kyi sgo'o// gsol pa bcom ldan 'das ji ltar na ming dang gzugs byang chub lags/ bka' stsal pa/ 'jam dpal ming ni dngos po med pa smras
- 17b
brjod pa'o// 'jam dpal gzugs kyang med/ byed pa po yang med pa ste/ 'jam dpal gang na byed pa po med pa de la bdag med do// 'jam dpal bdag med pa ni sangs rgyas kyi byang chub ste/ ming gis bstan pa'o// ming de ni phyogs bcu kun tu btsal kyang ming brnyed de/ 'jam dpal de ni ming dang gzungs lta bur 'jug pa'i gzungs kyi ske'o// 'jam dpal skye mched drug ni byang chub ste/ 'di ni gzugs kyi sgo'o// gsol pa bcom ldan 'das ji ltar na skye mched drug ni byang chub lags/ bka' stsal pa/ 'jam dpal skye mched thams cad ni rang gi yul dben pa ste/ mig gi dbang po yang bdag gis gzugs blta'o snyam du de ltar mi sems so// rna ba'i dbang po yang bdag gis sgra gnyan to snyam du de ltar mi sems so// sna'i dbang po yang bdag gis dri snyam du de ltar mi sems so// lce'i dbang po yang bdag gis ro myang ngo snyam du de ltar mi semaso// lus kyi dbang po yang bdag gis reg pa tshor ro snyam du de ltar mi sem so// yid kyi dbang po yang bdag gis chos rnam par shes so snyam du de ltar mi sems so// mig kyang gzugs yul du mi shes/ gzugs kyang mig gi yul du mi shes/ rna ba yang sgra yul du mi shes/ sgra yang rna ba yul du mi shes sna yang dri yul du mi shes/ dri yang sna'i yul du mi shes/ lce'i yang ro yul du mi shes/ ro yang lce'i yul du mi shes/ lus kyang reg bya yul du mi shes/ reg bya yang lus kyi yul du mi shes/ yid kyang chos
- 18a
yul du mi shes/ sna yang dri yul du mi shes/ lce yang ro yul du mi shes/ ro yang lce'i yul du mi shes// lus kyang reg bya yul du mi shes/ reg bya yang lus kyi yul du mi shes/ yid kyang chos yul du mi shes/ chos kyang yid kyi yul du mi shes te/ 'jam dpal skye mched rnams ni phan tshun mi mthun pa/ g.yo ba med pa byed pa med pa/ phan tshun sems pa med pa/ phan tshun ngo bo nyid kyis stong pa'o// 'jam dpal chos gang ngo bo nyid kyis stong pa de ni byang chub ste/ de ni skye mched drug lta bur 'jug pa'i gzungs kyi sgo'o// 'jam dpal reg pa ni byang chub ste/ 'di ni gzungs kyi sgo'o// gsol pa bcom ldan 'das ji ltar na reg pa byang chub lags/ bka' stsal pa/ 'jam dpal reg pa zhes bya ba ni gzugs 'dus te reg pa dang / sgra 'dus te reg pa dang / dri 'dus te reg pa dang / reg ro 'dus te reg pa pa dang / reg 'dus te reg pa dang / chos 'dus te reg pa dang / 'jam dpal gzugs 'dus te reg pa dang / chos 'dus te reg pa'i bar gang yin pa de ni rten pa'o// gang rten pa de ni rkyen mang po la skye ba'o// 'jam dpal gang rkyen mang po las skye ba de ni tshogs kyi tshul du gnas pa'o// 'jam dpal tshogs kyi tshul gang yin pa de ni sgyu ma'i tshul lo// sgyu ma'i tshul gang yin pa de ni yang dag pa ma yin pa'i tshul lo// yang dag pa ma yin pa'i tshul gang yin pa de ni med pa'o//
- 18b
med pa gang yin pa de ni mi yin skye ba'o// mi skye ba gang yin pa de ni ma 'gag pa'o// 'jam dpal gang skye ba med cing 'gag pa med pa de ni sangs rgyas kyi byang chub te/ de ni rig pa lta bur 'jug pa'i bzungs kyi sgo'o// 'jam dpal tshor ba ni byang chub te/ 'di ni gzungs kyi sgo'o// gsol pa/ bcom ldan 'das ji ltar na tshor ba byang chub lags bka' stsal pa/ 'jam dpal tshor ba ni zhes bya ba ni rnam pa gsum te/ bde ba'i tshor ba dang / sdug bsngal gyi tshor ba dang / bde ba yang ma yin sdug bsngal ba yang ma yin pa'i tshor ba'o// 'jam dpal bde ba'i tshor ba ni nang na yang mi 'dag/ phyi rol na yang mi 'dug gnyi ga med par yang mi dmigs so// 'jam dpal sdug bsngal gyi tshor ba yang / nang na yang mi 'dug/ phyi rol na yang mi 'dug/ gnyi ga med par yang mi dmigs so// 'jam dpal bde ba yang ma yin sdug bsngal ba yang ma yin pa'i tshor ba yang nang na mi 'dug/ phyi rol na yang mi 'dug/ gnyi ga med par yang mi dmigs so// 'jam dpal gyis gsol pa/ bcom ldan 'das 'o na ji ltar sems can rnams kyi bde ba'i tshor ba dang / sdug bsngal gyis tshor ba dang / bde ba yang ma lags/ sdug bsngal ba yang ma lags pa'i bde ba'i tshor ba dag lags// bcom ldan 'das kyi bka' stsal pa/ 'jam dpal 'du shes phyin ci log gi phyin ci log du gyur pa'i byis pa so so'i skye bo rnams ni yang dag pa mi yin pa'i rkyen sna tshogs
- 19a
kyis bde'o snyam du shes/ sdug bsngal lo snyam pa 'am bde ba yang ma yin/ sdug bsngal ba yang ma yin snyam du shes mod kyi/ 'jam dpal tshor ba thams cad sgyu ma'i rang bzhin te/ ma byas pa/ ma skyes pa/ rtag tu ma byung ba ste/ 'jam dpal rnam grangs des na tshor ba ni byang chub ste/ de ni tshor ba lta bur 'jug pa'i gzungs kyi sgo'o// 'jam dpal sred pa ni byang chub ste/ 'di ni gzungs kyi sgo'o// gsol pa bcom ldan 'das ji ltar na sred pa byang chub lags/ bcom ldan 'das kyis sred pa kun nas nyon mongs pa lags par bka' stsa la lags sam/ bcom ldan 'das kyis bka' stsal pa/ 'jam dpal 'di ji snyam du sems/ mi bu med pa'i bu'i sred pa nang na 'dug gam/ 'on te phyi rol na 'dug gam/ 'on te phyogs dang mtshams rnams na 'dug/ 'jam dpal gyis gsol pa/ bcom ldan 'das de'i bu nyid kyang ma byung na/ bu'i sred pa nyid lta ga la mchis/ bcom ldan 'das kyis bka' stsal pa/ 'jam dpal gang gis tshe mi de 'dra ba dang ldan te bu skyed cing sred pa bskyed pa'i dus de yod/ tshigs de yod na 'jam dpal de ni ji snyam du sems/ mi de'i bu la sred pa/ shar phyogs nas 'ongs sam/ 'on te lho phyogs nas sam/ 'on te byang phyogs nas sam// 'on te 'og nas sam/ 'on te steng gi phyogs sam/ 'on te nang na 'dug gam/ sa 'on te phyi rol na nam/ gnyi ga med par gnas sam/ 'jam dpal gyis/
- 19b
gsol pa/ bcom ldan 'das sred pa shar phyogs na mi dmigs/ lho phyogs na yang ma lags/ nub phyogs na yang ma lags/ byang phyogs na yang ma lags/ steng gi phyogs na yang ma lags/ 'og gi nang na yang ma lags/ nang na yang ma lags/ slad rol na yang ma lags/ gnyis ga ma mchis par mi dmig so// / bcom ldan 'das kyis bka' stsal pa/ 'jam dpal 'di ji snyam du sems/ sred pa de sus kyang byas sam/ byed du bcug pa yin nam/ 'jam dpal gyis gsol pa bcom ldan 'das sred pa ni ma bgyis pa ste/ sred pa la byed pa po gang yang ma mchis/ bcom ldan 'das byis pa so so'i skye bo'i log pa ldan pa rnams kyis yang dag pa ma lags pa brtag so bka' stsal pa/ 'jam dpal 'di ji snyam du sems/ yang dag pa ma yin pa la de yod dam/ 'jam dpal gyis gsol pa/ bcom ldan 'das de ni ma lags so// bde bar gshegs pa de ni lcag so// bka' stsal pa/ 'jam dpal med pa de la ci kun nas nyon mongs pa'am/ rnam par byang ba yod dam/ gsol pa/ bcom ldan 'das de ni ma lags so// bka' stsal pa/ 'jam dpal chos gang shar phyogs nas mi rnyed/ lho phyogs nas kyang ma yin/ nub phyogs nas kyang ma yin/ byang phyogs nas kyang ma yin/ nang nas kyang ma yin/ phyi rol nas kyang ma yin/ gnyi ga med par yang
- 20a
mi dmigs pa de ni kun nas nyon mongs pa can du mi 'gyur zhing / rnam par byang bar mi 'gyur ba ste/ 'jam dpal de ni sred pa lta bur 'jug pa'i gzungs kyi sgo'o// 'jam dpal len pa ni byang chub ste/ 'di ni gzungs kyi sgo'o// gsol pa/ bcom ldan 'das ji ltar na len pa byang chub legs/ bcom ldan 'das kyis len pa 'ching ba lags par bka' ma sku la lags sam/ bcom ldan 'das kyis bka' stsal pa/ 'jam dpal 'di ji snyam du sems/ byis pa so so skye bo rnams ci yang skyed dam/ gsol pa bcom ldan 'das skyed lags te/ gzugs dang / sgra dang / dri dang / ro dang / reg dang / 'dod pa'i yon tan 'di lnga skyed lagaso// bka' stsal pa/ 'jam dpal 'di ji snyam du sems/ gzugs kyi gzugs skyed dam/ gsol pa de ni ma lags so bcom ldan 'das kyis bka' stsal pa/ ci tshor ba skyed dam/ 'du shes kyi 'du shes skyed dam/ 'du byed kyis 'du byed rnams skyed dam/ ci rnam par shes pas rnam par shes pa skyed dam/ gsol pa bcom ldan 'das de ni ma lags so// bcom ldan 'das kyis bka' stsal pa/ 'jam dpal 'di ji snyam du sems/ chos gang zhig chos gang skyed par byed pa de yod dam/ gsol pa bcom ldan 'das de ni ma lag so// bcom ldan 'das kyis bka' stsal pa/ 'jam dpal chos gang zhig chos gang zhig la 'ching ba'i bya ba byed dam gsol pa/ bcom ldan
- 20b
'das de ni ma lag so// bka' stsal pa/ 'jam dpal de ltar chos thams cad skye ba med pa/ 'gag pa med pa/ 'gri ba med pa ste/ 'di dag ni gcig la gcig mi skyed do// gcig la gcig mi dmigs so// mi smra'o// bem po yin pa'i phyir ngag gi las 'byin par mi byed do// 'jam dpal rnam grangs des na len pa ni byang byang chub ste/ de ni len pa lta bur 'jug pa'i gzungs kyi sgo'o// 'jam dpal srid pa ni byang chub te/ 'di ni gzungs kyi sgo'o// gsol pa bcom ldan 'das ji ltar na srid pa byang chub lags/ bcom ldan 'das srid pa 'gag pa'i slad du/ nyan thos rnams la bcom ldan 'das kyis chos ma bstan lags sam/ bka' stsal pa/ 'jam dpal ngas srid pa bshad pa de ni dngos po med pa ste/ des na srid pa zhes bya'o// 'jam dpal gang gis chos thams cad ni dngos po med par mthong ba de ci yang skye bar mi byed do// chos thams cad nam mkha'i rang bzhin du mthong nas/ sangs rgyas kyi chos rnams la yang mi dmigs mi 'dor ro// 'jam dpal rnam grangs des na srid pa byang chub te/ de ni srid pa lta bur 'jug pa'i gzungs kyi sgo'o// 'jam dpal skye ba ni byang chub ste/ 'di ni gzungs kyi sgo'o// gsol ba/ bcom ldan 'das ji ltar na skye ba byang chub lags/ bcom ldan 'das kyis skye ba las yang dag par bzlas pa'i slad du chos ma bstan lags sam/ bka' stsal pa/ 'jam dpal byang chub sems 'gog par mi byed do//
- 21a
dpa' skye ba yongs su bskul na/ skye ba med pa 'pho ba med pa 'byung ba med par mthong ngo 'jam dpal rnam grangs des na/ skye ba byang chub ste/ de ni skye ba lta bur 'jug pa'i gzungs kyi sgo'o// 'jam dpal rdo rje'i snying po'i gzungs la 'jug pa'i sgo 'di ni 'jug pa'i sgo gang gis/ byang chub sems dpa' spobs pa myur du 'thob cing spobs pa rno bar 'gyur ba dang / spobs pa zab mor 'gyur ba dang / spobs pa chags pa med par 'gyur ba dang / spobs pa thogs pa med par 'gyuraro// de nas bcom ldan 'das la dpal gzhon nur gyur pas 'di skad ces gsol to// 'di byang chub sems dpa' gang rnams kyis lags/ bcom ldan 'das kyis bka' stsal pa/ 'jam dpal 'di ni gang dag byang chub la ma zhugs pa rnams dang / gang dag byang chub tu sems ma bskyed pa rnams dang / gang dag rang sangs rgyas kyi chos rnams la mi dmigs pa dang / gang dag 'dod chags dang / zhe sdang dang / gti mug las skyed par mi 'dod pa rnams dang / gang dag 'khor ba las 'da' bar mi 'dod pa rnams dang / gang dag sems can dgrol bar mi 'dod pa rnams dang / gang dag sangs rgyas kyi chos rnams khong du chud par mi 'dod pa'i byang chub sems dpa' de dag gis yin no// 'di skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to// bcom ldan 'das
- 21b
rigs kyi bu mo gang la la zhig gzungs 'dzin pa dang / 'chang ba dang / klog pa dang / kun chub par bgyid pa dang / gzhan dag la rgya cher rab tu ston pa de la tshe 'di la yon tan ji snyed mchis par 'tshal bar bgyi/ bcom ldan 'das kyis bka' stsal pa/ de la lha dang / klu dang / gnod sbyin dang / dri za rnams srung bar shes par bya'o// de chos thams cad la the cad med par shes par bya'o// de chos rab tu dbye ba'i shes pa dang ldan par shes par bya'o// 'jam dpal gzungs 'di yi yon tan ni mtha' yas te/ bskal pa brgyar yang zad par byar mi nus so// bcom ldan 'das kyis chos kyis rnam grangs 'di bshad pa na/ byang chub sems dpa' khris rdo rje'i snying po'i gzungs 'di thob bo// las dang po pa'i byang chub sems dpa' sum khri nyis stong gis rjesu mthun pa'i chos la bzod pa thob po// bcom ldan 'das kyis de skad ces bka' stsal nas/ 'jam dpal gzhon nur gyur pa dang / lha dang / klu dang / gnod sbyin dang / dri za de dag dang lha dang mi dang / lha ma yin du bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa rdo rje'i snying po'i gzungs zhes bya ba theg pa chen po'i mdo rdzogs s+ho// / rgya gar gyis mkhan po shri len 'dra bo de dang / zhu chen gyi lo ts+tshab ban de ye shes sde la spogs pas bsgyur cing zhus te gtan la phab pa/
Colophon
'phags pa rdo rje'i snying po'i gzungs zhes bya ba theg pa chen po'i mdo rdzogs s+ho// rgya gar gyis mkhan po shri len 'dra bo de dang/ zhu chen gyi lots+tsha ba ban de ye shes sde lastsogs pas bsgyur cin nzhus te gtan la phab pa/