F69MW1KG13607_0069dkon btsegsAll versions of this work

sangs rgyas thams cad kyi gsang chen thabs la mkhas pa byang chub sems dpa' ye shes dam pas zhus pa'i le'u zhes bya ba theg pa chen po'i mdo

Āryasarbabuddharahasyobayakouśalya dañānodtarabodhisatvaparipridcaparibartonamamahayanasutra

Text

ff. 26a–91b · 132 folio sides

  1. 26a

    dang ldan par gyur na/ yon tan khyad par du 'phags pa rnams yongs su rdzogs par 'gyur ba'i phyir/ tshegs chu dus myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// chos kyi gter bstan pa'i chos kyi rnam grangs 'di bstan pa'i tshe/ byang chub sems dpa' glog thob ni gzungs rab tu thob par gyur to// byang chub sems dpa' lnga brgya ni/ glog gi 'od zer zhes bya ba'i ting nge 'dzin thob par gyur to// lha'i bu sum khri drug stong ni/ bla na med pa yang dag par rdzogs pa'i byang chub tu sems bskyed par gyur to// de nas bcom ldan 'das la/ byang chub sems dpa' zla ba'i rgyal mtshan gyis 'di skad ces gsol to// / bcom ldan 'das kyis ji skad du/ rtsol ba ma mchis pa'i ye shes zhes gang gsungs pa'i don ji lta bu lags/ bcom ldan 'das kyis bka' stsal pa/ byang chub sems dpa' gang gis dge ba'i chos rnams la lus dang sems kyi rjes su 'thun pas dmigs shing mngon par 'du byed pa gang yin pa de ni rtsol ba dang bcas pa zhes bya'o// byang chub seMs dpa' gang lus dang sems rab tu dul bar gyur nas/ dran pa med pa/ gnas pa med pa/ rnal 'byor sgom pa'i mtshan ma dang bral bar gyur pa dang / de sngon gyi smon lam dang / ye shes yongs su rdzogs par gyur pas/ sangs rgyas kyi zhing bye ba stong phrag rnamang po rnams/ rnam pa sna tshogs su ston par byed kyang / chos kyi dbyings las g.yo ba med pa dang /

  2. 26b

    can tu chos sor par byeng cang / chos kyi ma nam rlung zad rgyam yang med pa dang / bsdu ba'i dngos pa bas sems can yongs su srin par byas pang / sems can gang yang / rmongs su bzlas pa med pa dang / sangs rgyas kyi nong mas cad yongs su spangs kyang / sangs rgyas kyi zhing yongs su dag par yang dag par rjes su mi mthong ba dang / rtag pa sangs rgyas rnams rjes su dran par byed kyang / gzugs kyi mtshan nyid du mi lta ba dang / sangs rgyas kyi zhing kun tu rgyu bar byed kyang / chos kyi dbyings dang mi 'bral ba gang yin pa 'di ni/ byang chub sems dpa'i rtsol ba med pa'i ye shes zhes bya'o// byang chub sems dpa' rnams ni/ 'di lta bu'i ye shes dang ldan pa'i phyir/ sems can thams cad kyi re ba yongs su rdzogs par byas kyang / gang byas pa de dag la mngon par zhen pa yang med do// de'i tshe bcom ldan 'das kyis rtsol ba med pa'i ye shes 'di bstan pa na/ stong gsum gyi stong chen po'i 'jig rten gyi khams 'di rnam pa drug tu g.yos par gyur to// brgya byin lha'i dbang po yang sum cu rtsa gsum gyi lha rnams dang bcas par steng gi bar snang las me tog man da ra ba dang / sung ba la dang / ku mu ta dang / pad ma dang / pun da ri ka dang / tsan dan gyi phye ma'i char mngon par bab ste/ bcom ldan 'das la mngon gtor to// lha'i rnga rnams kyang rang sgra byung bar gyur to// ngo mtshar rmad du byung ba'i snang ba chen pos kyang kun tu snang byar byas te/ sems can gang la reg par gyur pa'i de'i lus kyang /

  3. 27a

    shin tu bsil bar gyur to// de nas bcom ldan 'das kyis byang chub sems dpa' glog thob la bka' stsal pa/ glog thob 'das pa'i de bzhin/ gshegs pa dgra bcom pa yang dag par rdzogs pa'i sangs rgyas rnams 'dir chos kyi rnam grangs 'di lta bu gsungs so// ma byon pa'i de bzhin gshegs pa rnams 'jig rten du byung ba'i tshe yang / gnas 'dir chos kyi rnam grangs 'di lta bu gsungs par 'gyur ro// 'jig rten gyi khams tshad med grangs med pa dag na/ da ltar bzhugs pa'i de bzhin gshegs pa rnams kyang / chos kyi rnam grangs 'di rgyun mi 'chad par mdzad pa'i phyir 'od zer chen po 'gyed par mdzad do// de nas tshe dang ldan pa kun dga' bo stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas/ bcom ldan 'das la 'di skad ces gsol to// bcom ldan 'das chos kyi rnam grangs 'di'i ming ci lags/ bdag gis ji ltar yongs su gzung bar bgyi/ bcom ldan 'das kyis bka' stsal pa/ kun dga' bo chos kyi rnam grangs 'di ni mi zad pa'i gter bstan pa zhes bya'o// chos thams cad dbyer med pa'i mtshan nyid bstan pa zhes kyang bya ste/ khyod kyi de ltar ming yongs su gzung bar bya'o// bcom ldan 'das kyis de skad ces bka' stsal nas/ byang chub sems dpa' glog thob dang / tshe dang ldan pa kun dga' bo dang / 'khor bzhi po rnams dang / lha dang / mau dang / lha ma

  4. 27b

    yin dang / dri zar bcas pa'i 'jig rten thams cad/ bcom ldan 'das kyis gsungs pa la yid rangs ste/ mngon par bstod do// / 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ mi zad pa'i gter bstan pa'i le'u ste// 'dus pa nyi shu pa rdzogs s+ho// rgya gar skad du/ ar+ya sing ha pa ri brid tsa/ na ma ma ha ya na su tra// bod skad du/ 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ seng ges zhus pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la/ dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs te/ byang chub sems dpa'i dge 'dun chen po dang yang thabs gcig go// thams cad mkhyen cing thams cad gzigs// rgyal ba gang zag mtshungs pa med/ rgyal po ma skyes dgra yi bu// seng ge zhes ni grags pa zhig/ tshong dpon bu pho lnga brgya yis// mdun du bdar te lhan cig tu// rgyal po'i khab nas de byung nas/ rgyal ba'i 'byor pa chen pa mos// gser las byas pa'i gdugs bogs te// rdzogs sangs rgyas kyi gan song nas// zhabs la mgo bos phyag 'tshal te// lnga brgyan

  5. 28a

    yis gdugs de dag/ tshang bar thub pa che la phul// kun kyang byang chub don tu zhags// rdzogs sangs rgyas kyi mthu yis ni// de dag mi 'jigs skyes gyur nas// seng ges thal mo sbar byas te// rdzogs sangs rgyas la zhus pa ni// byang chub sems dpa'i spyod pa gang // de ni 'dren pas bdag la gsungs// gang gis mdzes par 'gyur ba lags// gang gis brdzus te skye bar 'gyur// skye ba dran par ji ltar 'gyur// thub pa chen pos lung bstan gsol// de dag lhag bsam ye shes kyis// mkhyen nas sangs rgyas lung bstan pa// byang chub sems dpa'i spyod gang zhes// khyod kyis dris pa de bstan to// bzod pa yis ni mdzes par 'gyur// tshangs par spyod pas brdzus te skyes// chos kyi sbyin pas skye ba dran// gzhon nu de ltar shes par gyis// gang gis sum bcu rtsa gnyis mtshan// dpe byad bzang po brgya cu dang gser mdog 'dra ba'i lus 'gyur zhing // de mthong sems can dga' bar 'gyur// sbyin pa kun gyis mtshan du 'gyur// byams pas de bzhin dpe byad bzang // sems can kun la sems mnyam pas// rgyal ba gser gyi mdog 'drar 'gyur// gzungs ni gang gis thob par 'gyur// gang gis ting 'dzin skye 'gyur lags// gzung pa'i tshig tu gang gis 'gyur// thub pa chen pos bstan du gsol// chos la bzod pas gzungs rnams thob// sems bsgoms pas ni ting 'dzin skye// gzung ba'i tshig

  6. 28b

    tu gang gis 'gyur// thub pa chen pos bstan du gsol// chos la bzod pas gzungs rnams thob// sems bsgoms pas ni ting 'dzin skye// kyal pa'i tshig rnams spang / byas na// gzung bar 'os pa'i tshig tu 'gyur// dran dang ldan par ji ltar 'gyur// thub pa ji ltar blo glos ldan// ji ltar chos spyod 'gyur ba lags// skyes bu dam pa mkhas cis 'gyur// g.yo med pas ni dran ldan 'gyur// don la sems pa blo gros ldan// gus dang bcas pas chos spyod 'gyur// chos kyi mtshan nyid rtog pa mkhas 'jig rten mgon pa'i spyan sngar ni// las gang gis na skye bar 'gyur// 'jig rten mgon gyi mngon sum du// zhu ba zhu bar ji ltar 'gyur// gang zhig chos kyi sbyin pa la// nam yang bar chad mi byed pa// de ni de nas myur rab tu// 'jig rten mgon dang phrad par 'gyur// gang gis mi khom spong bar 'gyur// gang gis bzang 'gror mchi ba lags skye ba kun tu skye ba na// bag mchis par ni ji ltar 'gyur// dad pas mi khom spong bar 'gyur// tshul khrims kyis ni bzang 'gror 'gro// stong pa nyid ni bsgom byas na/ rtag tu bag dang ldan par 'gyur// thub pa byang chub sems dpa' rnams// ji ltar las rnams dag par 'gyur// ji ltar bdud kyi snyi mi thogs// ji ltar chos kyis phongs 'gyur phong // rnam par grol bas las rnams dag/ brtson 'grus kyis ni bdud 'dul 'gyur// ci smras de bzhin byed pas ni// chos kyis phongs pa spong bar 'gyur

  7. 29a

    ka la ping ka'i sgra snyan dang // tshangs pa'i dbyangs 'dra ci ltar 'gyur// thub pa mos pa sna tshogs kyi// sems can rnams ni gang gis dga'// / bden par smras pas tshangs pa'i dbyangs// ngag rtsub spangs pas sgra snyan 'gyur// kyal pa'i tshig dang phra ma rnams// spangs byas sems can dga' bar 'gyur// ji ltar tshe ring 'gyur ba lags// bro nad nyung bar ji ltar 'gyur// rnam par 'dren pa gang gis na// g.yog 'khor rnams ni mi phyed 'gyur// gsod pa mi byed tshe ring 'gyur/ mi 'tshe bas ni nad nyung 'gyur// mi 'thun pa dag sdums byas na// g.yog 'khor rnams ni mi phyed 'gyur// don rnams ji ltar 'grub 'gyur lags// gang gis longs spyod nyams mi 'gyur// gang dang gang du skye ba der// dbang cher grags par ji ltar 'gyur// chags pa med pas don rnams 'grub// ser sna med pas longs spyod 'phel// gang dang gang du skye ba der// phrag dog med pas dbang cher grags// ji ltar lha'i mig thob 'gyur// lha'i rna ba ji ltar thob// sems can 'chi 'pho skye ba dag/ 'dren pa gang gis 'tshal bar 'gyur// mar me sbyin pas mig thob 'gyur// rol mo'i sgra yis rna ba dag/ 'chi 'pho skyo shes ye shes kyis// de bas de ltar 'grub par 'gyur/ 'dren pa byang chub sems dpa' yi// zag pa gang gis bas par 'gyur// tshe rabs snga dran cis 'gyur lags// rdzu 'phrul ci yis thob par 'gyur// gzhon pa sbyin

  8. 29b

    pas rdzu 'phrul thob// dran bsgoms pas rjes su dran// mtha' gnyis rab tu spangs byas na// zag blud par reg par 'gyur// gang gis zhing ni phun sum tshogs// cis na dge 'dun phun sum tshogs// gang gis phun sum tshogs 'od 'gyur// gang gis phyogs bcur lha der gda'// smon lam gyis ni phun sum zhing // bsdu bas dge 'dun phun tshogs// 'dir ni rin chen gdugs phul bas// phyogs bcur lhang nger snang bar 'gyur// chos rnams thams cad bsdu ba ni// chos gang gis ni thob par 'gyur// gang dang gang du skyes pa der// byang chub sems dpa' dga' ba thob// sems can thams cad thar bya yi phyir// byang chub don tu sems btud pa// des na chos rnams bsdu ba 'ang thob// des ni dga' ba 'ang thob par 'gyur// bslab pa ci 'dra bslabs pa dang // sems ni ci 'dra bsgoms pa yi// / thub pa chen po khyod 'dra ba'i// ston pa thams cad mkhyen par 'gyur// sems can ma lus thams cad la// mnyam pa'i sems nyid bsrabs pa dang // mnyam par sems ni bsgoms pas na// thams cad zil gnon rgyal bar 'gyur// skye ba kun tu byang chub sems// rmi lam na yang sems de ni// 'dor mi 'gyur na ma nyal tshe// spos ci 'tshal bar gang gis 'gyur// grong dang grong khyer rnams su'am// gang du gnas pa'i yul rnams su// byang chub la ni yang dag 'dzud/

  9. 30a

    des na sems 'dor mi 'gyur ro// gang dang gang du skye bar yang // ci ltar stobs ni cher 'gyur dang // rtag tu mthu yis 'phags pa dang // bdud rnams bye bas mi tshugs 'gyur// 'dir ni snying po lnga byin zhing // skrag la mi 'jigs byin ni ni// gang dang gang du skyes par yang // des na stobs ni cher 'gyur te// rtag tu mthu yis 'phags pa dang // bdud rnams bye bas mi tshugs so// byang chub sems dpa'i spyod pa de// 'jig rten mgon gyi mngon sum du// lung bstan pa 'di thos nas su// seng ge yid ni dga' bar 'gyur// seng ge grogs dang lhan cig tu// 'di skad kyi ni tshig smra ste// spyod pa bstan pa 'di la ni bdag cag rjes su bslab par bgyi// de nas sangs rgyas mdzum mdzad de// stong gsum po yang g.yos gyur nas// ma pham pas ni sangs rgyas la// ci zhig slad du mdzum mdzad pa// thub chen lung bstan gsol zhes zhus// de skad zhu ba zhus pa dang // ma pham pa la sangs rgyas kyis// 'di skad ces ni bka' stsal to// gang gi phyir ni mdzum mdzad pa// ma phram nga las 'dir nyon cig/ sangs rgyas bye ba brgyad cu dang // gzhan yang khrag khrig phrag bcu la// byang chub don tu 'dus nas ni// mi'i 'dren pa rnams la mchod// rdzogs pa'i sangs rgyas rkang gnyis mchog/ mar me mdzad pa tshun chad du// bram ze'i bu khye'u 'di dag rnams//

  10. 30b

    nga yis yongs su smin par byas// snang ba che zhes bya ba'i// bskal pa chen por 'byung 'gyur te// de dag bskal pa gcig de la// rnam par 'dren par 'gyur ba ste// ye shes tog gi rgyal mtshan zhes// 'jig rten 'dren pa rnams su 'gyur// 'od dpag med kyi bkod pa ltar// de dag gi yang de 'drar 'gyur// / byis pa nas ni bzung nas su// bskal pa sum brgya tshang bar ni// de'i bar du dus kun tu// rtag tu sangs rgyas phrad par 'gyur// 'di dag byang chub thob pa yi// ming ni gang sus thob pa rnams// de dag thams cad 'jig rten kun// kun mkhyen gang zag mtshungs med 'gyur// gang zhig lu bstan 'di thos nas// mos pa bskyed par byed pa ni// 'jig rten gsum po 'di dag na// de dang mtshungs pa'i bsod nams med// gang gis bskal pa drug stong du// / sangs rgyas zhing rnams thams cad du// rin chen rnams kyis bkang byas nas// byang chub phyir 'dir byin pa bas// gang gis chos kyi rnam grangs 'di// thos nas byang chub phyir 'jug na// sngar smos pa'i bsod nams kyis// grangs dang char yang mi phod do// chos 'di bshad pa'i tshe na ni// 'jig rten mgon po'i mthu yis ni/ lha rnams me tog char pa 'bebs// stong gsum po yang g.yos par 'gyur// seng ge grogs dang bcas pa yis// mngon par shes pa lnga thob nas// nyin bdun

  11. 31a

    bar du mchod byas te// bstan pa la ni rab tu byung // de kun gyis ni ting 'dzin thob// zad mi shes pa'i gzungs kyang thob// sems/ can rnams kyi don byed de// sangs rgyas chos la 'dzud par byed// chos kyi rnam grangs 'di bstan pa na/ sems can bye ba phrag brgyad cu byang chub mchog la zhugs so// bcom ldan 'das kyis de skad ces bka' stsal nas/ bcom ldan 'das kyis gsungs pa la mngon par bstod do// // 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ seng ge'i zhus pa'i le'u zhes bya ste// / 'dus pa sum cu rtsa bdun pa rdzogs s+ho// / rgya gar skad du/ A ra sarba bud d+ha ra ha s+yo ba ya ko'u sha l+ya/ da nya nod ta ra bo d+hi sa ta pa ri phrid tsa/ pa ri ba rto na ma ma ha ya na su tra/ bod skad du/ 'phags pa dkon mchog brtsegs po chen po'i chos kyi rnam grangs le'u stong phrag brgya pa las/ sangs rgyas thams cad kyi gsang chen thabs la mkhas pa/ byang chub sems dpa' ye shes dam pas zhus pa'i le'u zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di/ skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon mod zas sbyin gyi kun dga' ra ba na/ slob pa dang mi slob pa'i

  12. 31b

    dge slong brgyad stong gi dge 'dun chen po dang / byang chub sems dpa' sems dpa' chen po khri drug stong dang / thams cad kyang mngon par shes pa/ gzungs thob pa spobs pa thogs med pa/ mngon par shes pa bsgrub pa la mkhas pa/ mi skye ba'i chos la bzod pa thob pa/ yon tan 'bum phrag du ma dang ldan pa'i byang chub sems dpa' sha stag dang thabs gcig tu bzhugs te/ de nas bcom ldan 'das phye 'bred kyi dus kyi tshe/ nang du yang dag 'jog las bzhengs nas/ ring po ma lon par 'khor 'bum phrag du mas yongs su bskor cing mdun gyis bltas nas/ chos ston to// tshangs par spyod pa/ thog mar dge ba/ bar du dge ba/ tha mar dge ba don bzang po// tshig 'bru bzang po// ma 'dres pa/ yongs su rdzogs pa/ yongs su dag pa/ yongs su byang ba yang dag par ston to// de'i tshe na byang chub sems dpa' sems dpa' chen po ye shes dam pa zhes bya ba 'khor de nyid du 'dus te 'dug par 'gyur to// de nas byang chub sems dpa' sems dpa' chen po ye shes dam pa stan las langs te bla gos phrag pa gcig tu bzar nas/ pus mos g.yas pa'i lha nga sa la gtsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar gnang na/ bcom ldan 'das de bzhin

  13. 32a

    gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so// de skad ces gsol pa dang / bcom ldan 'das kyis byang chub sems dpa' sems dpa' chen po ye shes dam pa la 'di skad ces bka' stsal to// rigs kyi bu khyod ci dang ci 'dod pa de bzhin gshegs pa la dris shig dang / ngas dris pa de dang de nyid kyi lung bstan pas/ khyod kyi sems rangs par bya'o// de skad ces bka' stsal pa dang / bcom ldan 'das la byang chub sems dpa' sem dpa' chen po ye shes dam pas 'di skad ces gsol to// btsun pa bcom ldan 'das byang chub sems dpa' sems dpa' chen po rnams kyi thabs la mkhas pa thabs la mkhas zhes bgyi na/ thabs la mkhas pa de gang lags/ btsun pa bcom ldan 'das ji ltar na/ byang chub sems dpa' sems dpa' chen po thabs la mkhas pa lags/ de skad ces gsol pa dang / bcom ldan 'das kyis byang chub sems dpa' sems dpa' chen po ye shes dam pa la 'di skad ces bka' stsal to// rigs kyi bu legs so legs so rigs kyi bu khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / lha rnams dang / mi rnams kyi skye bo phal po che'i don dang / phan pa dang / bde ba dang / da ltar dang / ma 'ongs pa'i byang chub sems dpa' sems dpa' chen po rnams kyi shes pa rjes su yongs su gzung ba dang / sangs rgyas kyi chos thams cad yong

  14. 32b

    su rdzogs par bya ba dang / 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dam pa'i chos yongs su gzung ba'i phyir zhugs te/ rigs kyi bu khyod de bzhin gshegs pa la byang chub sems dpa' rnams kyi thabs la mkhas pa yongs su dri bar sems pa ni rigs kyi bu yang khyod legs so// rigs kyi bu de'i phyir legs par rab tu nyon la tshul bzhin du yid la gzung shig dang / ngas byang chub sems dpa' sems dpa' chen po rnams kyi thabs la mkhas pa khyod la bshad bar bya'o// byang chub sems dpa' sems dpa' chen po ye shes dam pas/ bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to// rigs kyi bu 'di la byang chub sems dpa' sems dpa' chen po thabs la mkhas pa ni zan kham cig tsam yang sems can thams cad la sbyin par byed do// de ci'i phyir zhe na/ rigs kyi bu 'di la byang chub sems dpa' sems dpa' chen po thabs la mkhas pa ni/ gang gi tshe dud 'gro'i skye gnas su gyur pa la zad kham cig tsam sbyin par byed na yang / de yang thams cad mkhyen pa nyid dang ldan pa'i sems kyis sbyin par byed cing / dge ba'i rtsa ba de yang sems can thams cad kyis// sangs rgyas kyi chos yongs su rdzogs par bya bar yongs su sngo ba'i phyir ro// de rgyu gnyis kyis ni sems can thams cad

  15. 33a

    la yongs su sngo bar byed de/ gnyis gang zhe na/ thams cad mkhyen pa nyid kyi sems dang / yongs su sngo ba la mkhas pa nyid kyis ste/ rig kyi bu de ni byang chub sems dpa' sems dpa' chen po'o thabs la mkhas pa yin no// rigs kyi bu gzhan yang byang chub sems dpa' sems dpa' chen po'i thabs la mkhas pa ni/ gzhan gyi dge ba'i rtsa mngon par 'dus byas pa la rjes su yi rang bar byed cing / rjes su yi rang nas kyang sems cad thams cad la yongs su btang te/ yongs su sngo zhing bar yang byed do// de thams cad mkhyen pa nyid du yongs su bsngos pa'i dge ba'i rtsa ba des/ byang chub kyi sems dang bral ba'i sbyin pa dang / sbyin bdag gang dag yin pa de dag kyang zil gyis gnon par byed la/ len pa po gang dag yin de dag kyang zil gyis gnon par byed do// rigs kyi bu de yang byang chub sems dpa' sems dpa' chen po'i thabs la ma pa yin no// rigs kyi bu gzhan yang byang chub sems dpa' sems dpa' chen po thabs la mkhas pa ni/ phyogs bcu dag na me tog gi shing ljon pa dang / spos kyi shing ljon pa dang / me tog dang / me tog phreng ba dang / spos dang / phye ma dang / byug pa dag gir ma byas shing yongs su ma bzung ba gang ji snyed pa de dag thams cad bsam pas yod su bzung zhing yongs su bsdus nas/ sangs rgyas thams cad la 'bul bar byed cing / dge ba'i rtsa ba de yang sems can thams cad dang gtong bar byed de/ yongs su btang

  16. 33b

    nas kyang thams cad mkhyen pa nyid du yongs su sngo bar byed do// phyogs bcu dag na me tog gi shing ljon pa dag dang / spos kyi shing ljon pa dang / me tog dang / me tog 'phre dang / spos dang / phye ma dang / byug pa bdag gi dang bcas shing yongs su bzung ba dang bcas gang ji snyed pa de dag thams cad kyi dri rlung gis btab pa'i ngad de dag kyang byang chub sems dpa' thabs la mkhas pa/ sangs rgyas thams cad la 'bul bar byed cing / dge ba'i rtsa ba de yang bdag dang sems can thams cad kyis thams cad mkhyen pa nyid yongs su rdzogs par bya ba'i phyir yongs su sngo bar byed do// de thams cad mkhyen pa nyid du yongs su bsngos pa'i dge ba'i rtsa ba des/ tshul khrim dang ting nge 'dzin dang / shes rab dang rnam par grol ba dang / rnam par grol ba ye shes mthong ba'i phung po dpag tu med par 'gyur te/ rigs kyi bu de byang chub sems dpa' sems dpa' chen po'i thabs la mkhas pa yin no// rigs kyi bu gzhan yang byang chub sems dpa' sems dpa' chen po thabs la mkhas pa ni/ phyogs bcu'i 'jig rten gyi khams dag na sems can sdug bsngal gyi tshor ba myong bar 'gyur ba gang ji snyed pa de dag la/ byang chub sems dpa' thabs la mkhas pas// sems can de dag gi sdug bsngal gyi tshor ba de dag thams cad bsdus te/ 'chags par byed cing / 'di ltar sems can de dag gi sdug bsngal gyi tshor ba gang dag yin

  17. 34a

    pa de dag thams cad bdag gi lus la 'bab par 'gyur zhing / sems can de dag bde bar gyur cig ces go cha gyon par yang byed do// / phyogs bcu kun gyi 'jig rten gyi khams dag na sems can bde ba'i tshor ba myong bar gyur pa gang yin pa de dag la/ byang chub sems dpa' thabs la mkhas pas/ de dag yang dag par bsdus te/ rjes su yi rang bar byed cing / rjes su yi rang nas kyang thams cad mkhyen pa nyid la dmigs pa'i sems bskyed pas/ sems can thams cad kyi sdug bsngal thams cad rab tu zhi bar bya ba'i phyir/ thams cad mkhyen pa nyid yongs su sngo bar byed do// de dge ba'i rtsa ba des sangs rgyas thams cad kyi bde ba'i yo byad rnams thob par 'gyur te/ rigs kyi bu de yang byang chub sems dpa' sems dpa' chen po'i thabs la mkhas pa yin no// rigs kyi bu gzhan yang byang chub sems dpa' sems dpa' chen po'i thabs la mkhas pa ni/ de bzhin gshegs pa gcig la phyag byas/ bkur bsti byas/ bla mar byas/ ri mor byas/ mchod par byas/ bsnyen bkur byas nas/ 'di ltar so sor rtogs par byed de/ sangs rgyas bcom ldan 'das rnams ni chos kyi dbyings gcig la nges par byung ba dang / tshul khrims gcig pa dang / ting nge 'dzin gcig pa dang / shes rab gcig pa dang / rnam par grol ba gcig pa dang / rnam par grol ba ye shes mthong ba gcig pa dang / ye shes

  18. 34b

    gcig pa dang / rig pa gcig pa yin no zhes so sor rtog par byed do// des de ltar so sor brtags nas 'di ltar shes par byed de/ de bzhin gshegs pa gcig phyag byas/ bkur bsti byas/ bla mar byas/ ri mor byas/ mchod pa byas/ bsnyen bkur byas pas ni de bzhin gshegs pa thams cad la phyag byas pa dang / bkur bsti byas pa dang / bla mar byas pa dang / ri mor byas pa dang / mchod pa byas pa dang / bsnyen bkur byas par 'gyur ro snyam du shes par byed do// byang chub sems dpa' thabs la mkha ba ni phyogs bcu'i sangs rgyas bcom ldan 'das de dag gi mchod pa 'byung bar 'gyur ba gang dag yin pa de dag thams cad bsams pas yongs su bzung nas thams cad mkhyen pa nyid du yongs su sngo bar byed de/ rigs kyi bu yang byang chub sems dpa' sems dpa' chen po'o thabs la mkhyes pa yin no// rigs kyi bu gzhan yang byang chub sems dpa' sems dpa' chen po thabs la mkhas pa ni/ gang gi tshe blo rtul bar gyur na yang de bdag nyid khyad du gsod par mi byed cing zhum par mi byed par/ de tha na tshig bzhi pa'i tshigs su bcad pa gcig tsam la yang mi 'jug par mi byed cing de 'di ltar so sor rtog par yang byed de/ tshig bzhi pa'i tshigs su bcad pa gcig pu 'di'i don gang yin pa de ni gsung rab tu gtogs pa thams cad kyi don yin no zhes so sor rtog par byed do// des de ltar tshig bzhi pa'i tshigs su bcad pa gcig kha ton du bslabs nas

  19. 35a

    zhum pa med pa'i sems kyis snying rje chen po bskyed de/ rnyed pa dang / bkur bsti dang / grags pa 'dod pa med pas/ grong dang / grong khyer dang / grong rdal dang / yul 'khor dang / rgyal po'i pho brang 'khor dag tu skye bo mang po la tshig bzhi pa'i tshogs su bcad pa de rgya cher yang dag par ston par byed cing 'di ltar smon lam 'debs par yang byed de/ sems can gang su dag gis bdag gis tshig bzhi pa'i tshigs su bcad pa 'di thos par gyur pa de dag thams cad bla na med pa yang dag par rdzogs pa'i byang chub tu nges par gyur cig ces smon lam 'debs par yang byed de/ sems can gang su dag gis bdag gi tshig bzhi pa'i tshigs su bcad pa 'di thos par gyur pa de dag thams cad bla na med pa yang dag par rdzogs pa'i byang chub tu nges par gyur cig ces smon lam 'debs par yang byed do// de'i dge ba'i rtsa ba thabs la mkhas pas yongs su zin pa des sems can thams cad kun dga' bo ltar mang du thos par 'gyur zhing sangs rgyas kyi spobs pa nyid kyang thob par 'gyur te/ rigs kyi bu de yang byang chub sems dpa' sems dpa' chen po'i thabs la mkhas pa yin no// rigs kyi bu gzhan yang byang chub sems dpa' sems dpa' chen po thabs la mkhas pa ni/ gal te brgya la brgya lam na dbul por gyur na yang des za na gzhan gyi las kyang byas te kha zas nal ze gang tsam yang blangs nas/ zhum pa med pa'i sems kyis dge 'dun nam/

  20. 35b

    gang zag la 'bul bar yang byed do// phul nas kyang de 'di ltar so sor rtog par byed de/ bcom ldan 'das kyis sems rgya chen pos byin na/ sbyin pa yang rgya chen por 'gyuraro zhes gsungs pas na/ 'di ltar bdag gi sbyin par bya ba'i chos 'di ni chung mod kyi/ thams cad mkhyen pa nyid kyi sems kyis byin pas/ dpag tu med pa 'gyur ro snyam du so sor rtog par byed do// de thams cad mkhyen pa nyid kyi sems tshad med par gyur pa des/ kha zas nal ze gang tsam po sbyin par byed cing bdag gi dge ba'i rtsa ba 'dis bdag dang sems can thams cad 'di lta ste dper na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ji lta bu bzhin du skyes bu chen po'i mtshan ro bro ba'i mchog 'grub par 'gyur zhing lag na rin po che grub par gyur cig ces yongs su sngo bar byed do// de dge ba'i rtse ba thams cad mkhyen pa nyid du yongs su bsngos pa des/ byang chub kyi sems dang bral ba'i sems can rnams kyi sbyin pa las byung ba'i se bsod nams bya ba'i dngos po yang zil gyis gnon par 'gyur la/ skyes bu chen po mtshan ro bro ba'i mchog kyang thob par 'gyur/ lag na rin po che yang 'grub par 'gyur te/ rigs kyi bu de yang byang chub sems dpa' sems dpa' chen po thabs la mkhas pa yin no// rigs kyi bu gzhan yang byang chub sems dpa' sems dpa' chen po thabs la mkhas pa ni gal te nyan thos dang / rang sangs rgyas rnams dang /

  21. 36a

    nyan thos kyi theg pa pa dang / rang sangs rgyas kyi theg pa pa rnams dang lhan cig gnas par gyur kyang / de dag la dga' bar mi byed cing / gal te byang chub sems dpa' thabs la mkhas pas nyan thos dang / rang sangs rgyas rnams la bsnyen bkur lhag par yod la bdag la de lta ma yin par mthong na yang / de rgya gnyis kyis bdag la rtog par byed de/ gnyis gang zhe na/ byang chub sems dpa' las nges par byung ba ni sangs rgyas bcom ldan 'das rnams yin la/ sangs rgyas bcom ldan 'das rnams las nges par byung ba ni/ nyan thos dang / rang sangs rgyas rnams yin no snyam du bdag nyid la rtog par byed cing de 'di ltar so sor rtog pa yang byed de/ 'di dag la bsnyen bkur lhag pa dag yod mod kyi/ 'on kyang 'dir ni bdag nyid shin tu mchog dang shin tu gtso bo yin gyi 'di dag ni ma yin no// 'di dag ni bdag gi pa'i nor gyi phung po la yongs su spyod par byed pa yin pas/ bdag gis 'di dag la dga' bar yang mi bya la/ 'di dag la phrag dog kyang mi bya'o snyam du so sor rtog par byed do// des lhag pa'i bsam pas sems bskyed pa des gang gis de bzhin gshegs pa la bsnyen bkur byas kyang khengs par mi 'gyur la/ bsnyen bkur ma byas kyang zhum por mi 'gyur zhing sems can thams cad la thugs mnyam pa/ kun tu 'dzin par mdzad pa lta bu'i rdzasu chags pa dang / khong khro ba spangs pa thob par 'gyur te/ rigs kyi bu de yang

  22. 36b

    byang chub sems dpa' sems dpa' chen po'i thabs la mkhas pa yin no// rigs kyi bu gzhan yang byang chub sems dpa' sems dpa' chen po'i thabs la mkhas// pa ni/ sbyin pa sbyin pa bas kyang pha rol tu phyin pa drag po thams cad yongs su rdzogs par byed do// ci ltar yongs su rdzogs par byed ce na/ 'di la byang chub sems dpa' sems dpa' chen po thabs la mkhas pa ni gang gi tshe slongs mo pa mthong ba na/ de thams cad mkhyen pa nyid la dmigs te/ ser sna'i sems tshar gcod par byed cing / gtong ba chen po yang spel bar byed la/ sbyin no snyam pa'i sems kyang bskyed par byed pa gang yin pa de ni de'i sbyin pa'i pha rol tu phyin pa yin no// tshul khrims yang dag par blangs shing / tshul khrims dang ldan pa la sbyin pa smin par byed pa dang / sems can tshul khrims 'chal pa gang dag yin pa de dag tshul khrims la 'god par byed cing sbyin pa byin nas/ 'di ltar bla na med pa yang dag par rdzogs pa'i byang chub la 'god par byed pa gang yin pa de ni/ de'i tshul khrims kyi pha rol tu phyin pa yin no// byams pa'i sems dang / phan pa'i sems dang / ma 'dres pa'i sems dang / ma 'khrugs pa'i sems dang / le lo med pa'i sems dang / rnyog pa med pa'i sems dang / snyoms pa'i sems kyis sbyin pa sbyin par byed pa gang yin pa de ni nga'i bzod pa'i pha rol tu phyin pa yin no//

  23. 37a

    bza' ba dang / bca' ba dang / btung ba dang / bldag pa dang / myang ba dag la mngon par gus pa yang dag par bsgrub par byed cing / rtsol bar byed pa dang / lus kyis zhal ta byed pa dang / sems kyis zhal ta byed pa dang / ldang ba dang / 'gro ba dang / 'ong bar byed pa gang yin pa de ni/ de'i brtson 'grus kyi pha rol tu phyin pa yin no// byin pa gang yin pa de la sems rtse gcig pa nyid dang / dga' ba dang / yid bde ba dang / mchog tu dga' ba'i bsam pa dang / rnam par g.yeng ba med pa gang yin pa de ni/ de'i bsam gtan gyi pha rol tu phyin pa yin no// sbyin pa byin nas chos nyid kyi rjes su yang dag par gzhol bar byed de/ sus byin/ su la byin/ ci zhig byin/ 'di'i rnam par smin pa sus myong bar 'gyur zhes chos nyid kyi rjes su yang dag par gzhol bar byed cing / des de ltar yongs su btsal nas kyang / gang gis byin pa dang / gang la byin pa dang / ci zhig byin pa dang / de'i rnam par smin pa myong bar byed pa gang yin pa'i chos 'ga' yang mi dmigs pa gang yin pa de ni de'i shes rab kyi pha rol tu phyin pa yin te/ rigs kyi bu de ltar na byang chub sems dpa' sems dpa' chen po thabs la mkhas pa sbyin pa byin pas kyang pha rol tu phyin pa drug po thams cad yongs su rdzogs par byed pa yin no// de nas bcom ldan 'das la/ byang chub sems dpa' sems dpa' chen po ye shes dam pas 'di skad ces

  24. 37b

    gsol to// btsun pa bcom ldan 'das de ltar byang chub sems dpa' sems dpa' chen po thabs la mkhas pas sbyin pa gang gis sems can rnams kyang 'khor ba las yongs su 'dzin par bgyid la/ sbyin pa de nyid kyis sangs rgyas kyi chos thams cad kyang yongs su 'dzin par bgyid pa'i byang chub sems dpa' sems dpa' chen po rnams kyi thabs la mkhas pa de ni ngo mtshar legs so// bcom ldan 'das kyis bka' stsal pa/ rigs kyi bu de de bzhin no// ji skad smras pa bzhin te/ byang chub sems dpa' sems dpa' chen po thabs la mkhas pa ni/ thabs la mkhas pa dang thabs la mkhas pa'i pha rol tu phyin pas/ sbyin pa chung du yang chen por byed la/ chen po ni dpag tu med pa dang / grangs med par byed do// de nas bcom ldan 'das kyis yang byang chub sems dpa' sems dpa' chen po ye shes dam pa la 'di skad ces bka' stsal to// rigs kyi bu gzhan yang byang chub sems dpa' sems dpa' chen po thabs la mkhas pa ni gal te brgya la brgya lam na/ sdig pa'i grogs po'i dbang ngam/ sems kun tu rmongs pas nyes pa byung na yang 'di ltar so sor slob ste/ gal te bdag phung po dang / khams dang / skye mched 'di dag nyid kyis yongs su mya ngan las 'das par gyur na ni// de ltar na bdag gis yongs su gdung bar bya dgos par 'gyur bas/ bdag gis 'di ltar go cha bgo ba bya ste/ bdag sems can rnams yongs su smin par bya ba'i phyir/

  25. 38a

    phyi ma'i mtha'i mu'i bar du 'khor bar 'khor bar bya ba la bdag gis sems zhum par mi bya/ 'jigs par mi bya/ sems skrag par mi bya/ yongs su gdung bar mi bya zhing / ci lta ci ltar 'khor ba na 'khor bar 'gyur ba de lta de ltar/ sems can yongs su smin par bya ba dang / nyes pa 'di yang chos bzhin du phyir bya zhing / phyin cad kyang nyes pa mi byung bar bya ba dang / bdag gis sems can thams cad kyang nyes pa las dbyung ba'i phyir chos bstan par bya'o zhes go cha gyon par byed do// rigs kyi bu yongs su brtags pa nye bar bzung nas/ byang chub sems dpa' rab tu byung ba ni/ gal te rtsa ba'i nyes pa bzhi po thams cad byung bar gyur na yang thabs la mkhas des sel bar byed na/ rigs kyi bu nga ni byang chub sems dpa' la nyes med ces smra'o// de skad ces bka' stsal pa dang / bcom ldan 'das la byang chub sems dpa' sems dpa' chen po'i ye shes dam pas 'di skad ces gsol to// btsun pa bcom ldan 'das ji ltar na byang chub sems dpa' nongs pa dang bcas pa lags/ bcom ldan 'das kyis bka' stsal pa/ rigs kyi bu 'di ltar byang chub sems dpa' so sor thar pa'i bslab pa la slob par byed pa na/ bskal pa 'bum gyi bar du rtsa ba dang 'bras bu za bar byed cing sems can thams cad kyi legs par smras pa dang / nyes par smras so cog

  26. 38b

    bzod par byed du zin kyang / nyan thos dang rang sangs rgyas dang ldan pa'i yid la byed pa dag gis gnas par gyur na/ rigs kyi bu de ni byang chub sems dpa'i rtsa ba'i nyes pa lci ba zhes bya'o// rigs kyi bu 'di lta ste dper na/ nyan thos kyi theg pa pa'i gang zag rtsa ba'i nyes pa byang bar gyur pa ni/ phung po dang / khams dang / skye mched de nyid kyis yongs su mya ngan las 'da' bar 'gyur ba ni skal pa med pa de bzhin du byang chub sems dpa' yang nyan thos dang / rang sangs rgyas dang ldan pa'i yid la byed pa dag ma bshegs/ ma spangs kyi bar du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i skal pa med cing sangs rgyas kyis thob par 'gyur ba'i skal pa med de/ de ni gnas med do// de nas bcom ldan 'das la tshe dang ldan pa kun dga' bos 'di skad ces gsol to// btsun pa bcom ldan 'das de bzhin gshegs pa ni sems can thams cad kyi ston pa lags te/ mi mkhyen pa 'am/ ma gzigs pa 'am/ thugs su ma chud pa 'am/ mngon sum du ma mdzad pa chung zad kyang mi mnga' lags mod kyi/ 'on kyang de bzhin gshegs pas 'di skad ces dge slong gis nyes pa byung ba mthong na bcab par mi bya bar tshangs pa mtshungs par spyod pa gzhan dag gam/ de bzhin gshegs pa'i spyan sngar smros shig ces bka' stsal lags pas/ btsun pa bcom ldan 'das bdag mnyan

  27. 39a

    @yod kyi grong khyer chen po 'dir mthar chags su bsod snyoms kyi slad du mchi ba na grong khyer gzhan zhig na/ byang chub sems dpa' tshogs can rab mchog rgyal po zhes bgyi ba khri'i steng na bud med cig dang lhan cig mchis pa mthong ba de bdag byams pa dang ldan pa dang / nongs pa ma mchis pa'i sems kyis bcom ldan 'das la gsol lags so// tshe dang ldan pa kun dga' bos tshig de skad ces gsol nas/ ring po ma lon par/ de nas de'i modo la sa chen po 'di rnam pa drug tu rab tu g.yos par gyur to// de nas de'i tshe byang chub sems dpa' tshogs can rab mchog rgyal po bcom ldan 'das kyi spyan sngar steng gi bar snang la ta la bdun srid tsam du 'phags te 'dug nas/ tshe dang ldan pa kun dga' bo la 'di skad ces smras so// tshe dang ldan pa kun dga' bo 'di ji snyam du sems/ nyes pa'i chos dang ldan pa bar snang la 'dug par nus snyam 'am/ kun dga' bos smras pa/ rigs kyi bu de mi nus so// byang chub sems dpa' tshogs can rab mchog rgyal pos smras pa/ tshe dang ldan ldan pa kun dga' bo 'on kyang de bzhin gshegs pa mngon du gyur pa 'di la ji ltar na byang chub sems dpa' nyes pa'i chos dang ldan pa dris shig/ de nas tshe dang ldan pa kun dga' bo yul yul por gyur nas/ bcom ldan 'das kyi zhabs la gtugs te/ bcom ldan 'das la 'di skad ces gsal to//

  28. 39b

    btsun pa bcom ldan 'das bdag gis gtso bo chen po'i 'di lta bu la nongs par yongs su glengs pa gang lags pa'i nongs pa la nongs par 'chags shing mchis na/ btsun pa bcom ldan 'das kyis/ bdag gi nongs pa la nongs par bshags pa gang lags pa de/ nongs pa la nongs par yongs su gzung du gsol/ de nas bcom ldan 'das kyis tshe dang ldan pa kun dga' bos la 'di skad ces bka' stsal to// kun dga' bo khyod theg pa chen po la yang dag par zhugs pa'i skyes bu dam pa dag la nyes pa'i 'du shes ma skyed cig/ kun dga' bo 'di lta ste dper na/ nyan thos kyi theg pa pa'i gang zag gcig pu zla med par zhi gnas kyi gnas pas gnas par byed pa zag pa zad pa mngon sum du bya ba la bar chad med par 'gyur ba de bzhin du/ kun dga' bo byang chub sems dpa' sems dpa' chen po thabs la mkhas pa/ thams cad mkhyen pa nyid kyi sems dang ldan pa/ bud med kyi 'khor dam pa'i nang du 'dug cing / dga' bo dang / rtse ba dang / dga' mgur spyod par byed pa yang thams cad mkhyen pa nyid la bar du gcod pa med par bya'o// de ci'i phyir zhe na/ kun dga' bo byang chub sems dpa' sems dpa' chen po thabs la mkhas pa ni dkon mchog gsum po'o// gsum gang zhe na/ sangs rgyas dkon mchog dang / chos dkon mchog dang / dge 'dun dkon mchog dang / bla na med pa yang dag par rdzogs pa'i byang chub

  29. 40a

    la ma bkod pa'i g.yog 'khor gang yin pa de mi 'dzin pa'i phyir ro// kun dga' bo gang gi tshe khyod kyis byang chub sems dpa'i theg pa pa'i rigs kyi bu'am/ rigs kyi bu mo thams cad mkhyen pa nyid kyi sems dang ma bral ba 'dod pa'i yon tan lnga po dag gis rtse ba dang / dga' ba dang / dga' mgur spyod par byed pa mthong na/ kun dga' bo khyod kyis skyes bu dam pa de ni de bzhin gshegs pa lta bu yi dbang po lnga dang ldan zhing gnas pa yin par shes par bya'o// kun dga' bo gang gi phyir byang chub sems dpa' tshogs can rab mchog rgyal po khri gcig gi steng na bud med dang lhan cig 'dug pa gyur pa yang nyon cig/ kun dga' bo bud med de ni 'das pa'i dus na tshe rabs lnga brgyar byang chub sems dpa' tshogs can rab mchog rgyal po'i chung mar gyur te/ de sngon gyi tshul bzhin ma yin pa de nyid kyis rigs kyi bu de la lhag par sems kyis 'brel par gyur kyang / byang chub sems dpa' tshogs can rab mchog rgyal po de'i dpal dang gzi brjid dang / tshul khrims kyi stobs bskyed pa mthong nas/ gnas ngan len gyi tshig brjod par ma nus nas/ de gcig pu dben par 'dug pa na/ 'di lta bu'i sems skyes par gyur te/ gal te byang chub sems dpa' tshogs can rab mchog rgyal po bdag dang / lhan cig khri gcig gi steng na 'dug par gyur na/ bdag gis kyang bla na med pa yang dag par rdzogs pa'i byang chub tu sems bskyed par bya'o snyam mo// de nas

  30. 40b

    byang chub sems dpa' tshogs can rab mchog rgyal pos sring mo de'i sems kyi yongs su rtogs pa sems kyis shes nas/ de nyid kyi mtshan mo 'das pa dang / snga dro'i dus kyi tshe shams thabs dang chos gos bgos te lhung bzed thogs nas mnyan yod kyi grong khyer chen por bsod snyoms kyi phyir zhugs so// de mnyan yod kyi grong khyer chen por bsod snyoms kyi phyir rgya ba na/ sring mo de'i khyim ga la ba der zhugs nas/ rang gi sa'i khams gang yin pa dang / pha rol gyi sa'i khams gang yin pa'i sa'i khams de dag ni gcig ba yin pa'i chos kyi sgo 'dis/ des sa dang mnyam pa'i sems kyis/ lag pa g.yas pas sring mo do bzung ste khri gcig la 'khod do// 'khor ma thag tu des de'i tshe tshigs su bcad pa 'di yang smras so// sangs rgyas 'dod la bsngags mi mdzad// de ni byis pa'i spyod yul yin// 'dod la srid pa spangs byas nas// mi mchog sangs rgyas rnams su 'gyur// kun dga' bo de nas sring mo des tshigs su bcad pa de thos nas dga' ba dang mchog tu dga' ba skyes nas khri de las babs nas/ byang chub sems dpa' tshogs can rab mchog rgyal po'i rkang pa la gtugs te/ de'i tshe tshigs su bcad pa 'di dag smras so// 'dod gang sangs rgyas smad pa dag/ slan cad don tu gnyer mi bgyid// 'dod la sred pa spangs bgyis nas// mi mchog sangs rgyas grub gyur cig/ bdag gi sems kyis gang bsams pa'i// nod pa de ni khyod la 'chags//

  31. 41a

    srog chags kun la sman slad du// bdag ni byang chub 'dun pa skyed// kun dga' bo de ltar byang chub sems dpa' tshogs can rab mchog rgyal pos thabs la mkhas pa des/ sring mo de bla na med pa yang dag par rdzogs pa'i byang chub yang dag par bstan/ yang dag par gzeng bstod/ yang dag par 'dzin tu bcug/ yang dag par rab tu bzhag nas stan las langs te song ngo // kun dga' bo de'i lhag pa'i bsam pa'i khyad par la ltos te/ kun dga' bo nga ni sring mo de 'di nas shi 'phos nas bud med kyi lus bsgyur te bskal pa grangs med pa 'bum phrag dgu bcu rtsa dgu 'das pa'i 'og tu/ de bzhin gshegs pa dgra bcom pa yang dag par rdzogs pa'i sangs rgyas kun nas ldang ba dang bral ba zhes bya bar 'gyur te/ 'jig rten du 'byung bar 'gyur zhing / des byang chub thob pa'i sangs rgyas kyi zhing de na yang sems can mi dge ba'i kun nas ldang ba'i sems dang ldan pa dga' yang 'byung bar mi 'gyur bar lung ston to// kun dga' bo rnam grangs des kyang 'di ltar byang chub sems dpa' ni 'khor gang gzung ba log par ltung ba'i chos su 'gyur ba de 'dzin par mi byed par rig par bya'o// de nas byang chub sems dpa' tshogs can rab mchog rgyal po bar snang de las babs te/ bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to// bcom ldan 'das byang chub sems dpas ni thabs la mkhas pa dang / snying rje chen po la

  32. 41b

    gnas par bgyi lags te/ btsun pa bcom ldan 'das 'di la bdag ni 'di snyam du/ gal te byang chub sems dpa' ni sems can gcig gi dge ba'i rtsa yang dag par bskyed pa'i slad du 'di lta bu'i nongs pa 'byung bar 'gyur zhing / nongs pa ji lta bu 'byung bas bskal pa 'bum gyi bar du sems can dmyal ba chen por sreg par 'gyur yang / btsun pa bcom ldan 'das byang chub sems dpa' ni nongs pa 'byung ba de dang / sems can dmyal ba'i sdug bsngal de la spro bar bgyi lags kyi/ sam gcan gcig po de'i dge ba'i rtsa ba yongs su btang ba la ni ma lags so snyam du sems lags so// de nas bcom ldan 'das kyis bya chub sems dpa' tshogs can rab mchog rgyal po la legs so zhes bya ba byin te/ skyes bu dam pa legaso legs so// byang chub sems dpa' snying rje chen po de lta bu dang ldan pa ni nyes pa'i chos dang ldan par yang mi 'gyur la// nyes pa thams cad spongs par yang byed do// de ci'i phyir zhe na/ rigs kyi bu ngas mngon par shes pa'i phyir te/ sngon 'das pa'i dus na bskal pa grangs med pa'i yang ches grangs med pa rgya che ba dang / dpag tu med pa bsam gyis mi khyab pa de'i pha rol gyi yang ches pha rol tu gyur pa de'i tshe de'i dus na/ bram ze'i khye'u skar ma zhes bya ba zhig byung bar gyur te/ des lo bzhi khri nyis stong gi bar du nags 'dab dag tu tshangs par spyad pa sprad nas/ de lo bzhi khri nyis stong po de dag 'das pa dang / rgyal po'i pho brang leg

  33. 42a

    'byor ces bya bar zhugs so// de grong khyer chen po der zhugs pa na/ tshong dpon gyi bu mo zhig gis bram ze'i khye'u gzugs bzang ba mdzes pa blta na sdug pa de mthong nas/ de 'dod pa la 'dod chags kyis kun nas dkris pa'i sems kyis bram ze'i khye'u de'i mdun du rab tu brgyugs te/ rkang pa la gtugs so// / rigs kyi bu de nas bram ze'i khye'u skar ma des bu mo de la 'di skad ces smras so// sring mo khyod ci 'dod/ des de la 'di skad ces smras so// bram ze'i khye'u kho mo ni khyod la 'tshal lo// des de la 'di skad ces smras so// sring mo kho bo ni 'dod pa rnams don tu gnyer ba ma yin gyi/ kho bo ni tshangs par spyod pa yin no// des de la 'di skad ces smraso// / bram ze'i khye'u gal te khyod dang lhan cig tu 'grogs par mi 'gyur ba lta na/ bdag 'gum par 'gyur lags so// de nas bram ze'i khye'u skar ma 'di snyam du sems par gyur te/ bdag gis lo bzhi khri nyis stong gi bar du tshangs par spyad pa spyad nas/ deng brtul zhugs bshig pa 'di ni bdag gi tshul dang mthun pa ma yin no snyam nas/ des bu mo de mthus spangs te bor nas/ gom pa bdun bor ba dang / de gom pa bdun pa la gnas pa'i tshe snying rje skyes par nas/ 'di ltar bdag gis rtul zhugs bshig ste sems can dmyal bar 'gro bar gyur kyang / bdag gis sems can dmyal ba'i sdug bsngal myong bar 'gyur ba de bzod par bya zhing bu mo 'di bde bar 'gyur ba dang / 'chi ba'i dus byed par

  34. 42b

    mi 'gyur bar bya gor ma chag snyam mo rigs kyi bu de nas bram ze'i khye'u skar ma des/ de nas phyir log ste/ lag pa g.yas pas bu mo de bzung nas/ de la 'di skad ces smras so// bzung mo longs shig dang / kho bos khyod ci 'dod pa bzhin du bya'o// de nas bram ze'i khye'u skar ma de lo bcu gnyis kyi bar du de'i khyim na gnas nas/ yang mngon par byung ste/ tshangs pa'i gnas bzhi bskyed nas/ de nas shi 'phos ma thag tu tshangs pa'i 'jig rten du skyes par gyur to// rigs kyi bu de'i tshe de'i dus na/ bram ze'i khye'u skar ma zhes bya bar gyur pa de gzhan zhig yin pa snyam du khyod yid gnyis dang / the tsom za bar gyur na/ khyod kyis de ltar mi blta'o// de ci'i phyir zhe na/ nga nyid de'i tshe de'i dus na bram ze khye'u skar ma zhes bya ba der gyur to// shog kya'i bu mo sa 'tsho ma ni de'i tshe de'i dus na tshong dpon gyi bu mor gyur to// rigs kyi bu ngas snying rje chen po dang ldan pa'i sems bskyed pa des chung zad tsam zhig 'dod pa dang ldan par byas pas kyang bskal pa khrir 'khor ba bsnyil cing spangs par gyur to// rigs kyi bu sems can gzhan dag gis sems can dmyal bar 'gro bar 'gyur ba'i las gang yin pa de yang byang chub sems dpa' thabs la mkhas pa la tshangs pa'i 'jig rten du skye bar 'gyur ba la ltos/ de nas bcom ldan 'das kyi yang / byang chub sems dpa' sems dpa' chen po ye shes dam pa la 'di skad ces bka' stsal to// rigs kyi bu gal te dge slong sha ri'i bu dang mo'u 'gal gyi bu dag thabs la

  35. 43a

    mkhas par gyur na ni/ dge slong ko ka li ka yang sems can dmyal bar 'gro bar 'gyur ro// de ci'i phyir zhe na/ rigs kyi bu ngas mngon par shes pa'i phyir te/ sngon 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas 'khor bo 'jig gi gsung rab la dge slong dri ma med ces bya ba chos smra ba zhig byung bar gyur to/ dgon pa'i phug zhig na gnas so// de dang ha cang yang mi ring ba na drang srong lnga brgya zhig kyang gnas te/ de'i tshe/ na dus ma yin par sprin chen po 'dus shing char chen po bab par gyur to// de nas bud med gnyis shig grong bar gyi lam na 'dug pa de gnyis char pa de bskyab pa'i phyir dge slong dri med gnas pa'i phug tu zhags te/ phug de nas phyir byang ba dang / drang srong lnga brgya tsam po de dag gis bud med de gnyis dge slong dri ma med kyi phug nas phyir byang ba mthong ngo // mthong nas kyang drang srong lnga brgya tsam po de dag 'di snyam du/ e ma'o dge slong dri ma med pa 'di ni sdig pa 'dod pa/ mi tshangs par spyod pa yin no snyam nas/ tha pa dang zhe sdang gi 'du shes skyes par gyur to// de nas dge slong dri ma med kyis drang srong lnga brgya tsam po de dag gi sems kyi yongs su rtog pa sems kyis shes nas// de'i tshe steng gi bar snang gi na mkha' la ta la bdun srid tsam du mngon par 'phags te 'dug pa/ drang srong de dag gis mthong nas/ de dag 'di snyam du sems te/ bdag

  36. 43b

    cag gis bstan chos dag las ni mi tshangs par spyod pas ni steng gi bar snang la mngon par 'phags te 'dug par mi nus so// zhes byung ngo snyam nas de dag gis de'i mang la/ dge slong dri mod kyi rkang pa la yan lag lngas gtugs te nyes pa la nyes par bshags so// rigs kyi bu gal te dge slong dri med de de'i tshe steng gi bar snang la mngon par 'phag te 'dug par ma gyur na ni/ drang srong lnga brgya tsam po de dag rang rang gi lus de nyid kyis sems can dmyal ba chen por ltung bar 'gyur ro// rigs kyi bu 'di ji snyam du sems/ de'i tshe de'i dus na dge slong dri med ces bya bar gyur pa de gzhan zhig yin snyam du khyod yid gnyis dang the tsom za bar gyur na/ khyod kyis de ltar mi blta'o// / de ci'i phyir zhe na/ byang chub sems dpa' byams pa 'di de'i tshe de'i dus na/ dge slong dri med ces bya ba der gyur to// rigs kyi bu rnam grangs des khyod kyis 'di ltar/ gal te dge slong sha ri'i bu dang / mo'u 'gal gyi bu gnyis de'i tshe steng gi bar snang la mngon par 'phags te 'dug par gyur na ni/ dge slong ko ka li ka yang sems can dmyal bar 'gro bar mi 'gyur bar rig par bya'o// rigs kyi bu rnam grangs des kyang khyod kyis 'di ltar gang du byang chub sems dpa' thabs la mkhas pa'i ye shes 'jug par 'gyur ba de ni nyan thos dang / rang sangs rgyas thams cad kyis ma yin par rig par bya'o// rigs kyi bu 'di lta ste dper na/ smad 'tshong ma sgyu rtsal drug bcurtsa

  37. 44a

    bzhi'i bya ba bshes shing legs par logs pa ni/ de'i 'og tu nor 'dod pa'i phyir skyes bu gzhan gyi drung du ci nas kyang bdag nyid yongs/ su btang zhing dga' ba ston pa dang / ci srid du skyes bu de las don thams cad bgrubs kyi bar du/ de la yo byad thams cad kyang sra bar mi byed pa de lta de ltar gnas par byed do// de nas don bsgrubs zin pa'i 'og tu de la mi lta mi sems par spong bar mi byed cing / de gzhi de las 'gyod pa'i sems gcig tsam yang 'byung bar mi 'gyur ba de bzhin du/ rigs kyi bu byang chub sems dpa' thabs la mkhas pa yang / thabs la mkhas pa des sems can 'di dag yongs su smin par bya'o zhes bya bar shes te/ rnam grangs des sems can de dag gi bsam pa ji lta ba bzhin du drang du sbyor ba byed cing / de dag la yo byad thams cad kyang mi sri bar byed do// sems can rnams kyi dge ba la dga' bas// bdag nyid kyang yongs su nyams gtong bar byed kyi yo byad la dga' bas ni ma yin no// gang gi tshe kye ma sems can 'di dag ni dge ba'i rtsa ba byas par gyur pa dag ste/ 'di dag gis phyir yongasu nyams par byed mi nus par shes nas ni/ de'i 'og tu 'dod pa'i dga' ba dang / rtsed mo thams cad la mi lta bar spangs te/ 'gro zhing de dang 'brel pa'i sems kyis gnas par mi byed do// rigs kyi bu 'di lta ste dper na/ mes yongs su gdungs pa'i sa bon rnams ni kha dog yongs su nyams pa med la/ myu gu 'byung ba'i

  38. 44b

    bskal pa med pa de bzhin du/ rigs kyi bu byang chub sems dpa'i nyon mongs pa rnams kyang / stong pa nyid dang / mtshan ma med pa dang / smon pa med pa dang / bdag med pa dang / shes rab kyi pha rol tu phyin pas yongs su gdungs na/ de 'dod pa'i yon ton dga' ba thams cad la yongs su spyod par byed kyang log par ltung bar 'gro ba'i kun nas nyon mongs pa yongs su 'dzin par mi byed la/ sangs rgyas kyi kha dog las yongs su nyams par yang mi 'gyur ro// rigs kyi bu 'di lta ste dper na/ dud 'gro'i skye gnas su song ba'i srog chags bung ba ni me tog thams cad las dri sno ma zhing ro mong byed kyang / gang la yang rtag pa'i 'du shes sgom par mi byed/ gnas kyi sred pa skyed bar mi byed cing / de dag las dri dang mdab ma dang / sdong bu dang me tog 'phrog par mi byed pa de bzhin du/ rigs kyi bu byang chub sems dpa' thabs la mkhas pa yang sems can yongs su smin par bya ba'i phyir 'dod pa'i dga' ba dang / rtsed mo thams cad la yongs su longs spyod par byed kyang de dag la rtag pa'i 'du shes sgom par yang mi byed/ gnas kyi sred pa skyed par yang mi byed la/ bdag kyang smras par mi 'gyur/ gzhan yang smras par mi 'gyur bar byed do// rigs kyi bu 'di lte ste dper na/ nya ba shin tu legs par bslabs pa ni/ srang bu gcig la gzan ma btags te/ mchil ba byas nas mtsho chen po'i nang du 'dor ro// de srad pu legs par bsrungs pa gci

  39. 45a

    po des/ gang gi tshe 'dod pa de'i tshe na/ mtsho chen po nas mchil pa de 'dren par byed pa de bzhin du/ rigs kyi bu byang chub sems dpa' thabs la mkhas pa yang stong pa nyid dang / mtshan ma med pa dang / smon pa med pa dang / bdag med pa dang / shes rab kyi pha rol tu phyin pa yongs su bsgoms pa'i sems thams cad mkhyen pa nyid la brtan par gtad pas/ 'dod pa'i 'dam chen por 'jug par byed kyang / de thams cad mkhyen pa nyid kyi sems legs par bsrung ba des gang gi tshe 'dod pa de'i tshe na 'dod pa'i khams spangs te/ tshangs pa'i 'jig rten du skye bar byed do// rigs kyi bu 'di lta ste dper na/ skyes bu rigs sngags dang gsang sngags 'chang ba ni rgyal po'i mi rnams kyis bzung ste/ zhags pa lnga'i chings mas bcings par gyur kyang de ni gang gi tshe 'gro bar 'dod pa de'i tshe na rigs sngags dang gsang sngags kyi stobs bskyed pa gcig gis chings ma de dag thams cad bcad nas gang du 'gro bar 'dod pa der 'gro bar byed pa de bzhin du/ rigs kyi bu byang/ chub sems dpa' thabs la mkhas pa yang sems can yongs su smin par bya ba'i phyir/ gang gi tshe 'dod pa'i yon tan lnga po dag gis dga' ba myong bar byed cing de dag dang 'dres par gnas par byed kyang / de gang gi tshe 'dod pa de'i tshe na/ shes rab kyi rigs sngags dang / gsang sngags kyi stobs bskyed pa dang / thams cad mkhyen pa

  40. 45b

    nyid kyi sems legs par bsrungs pa gcig gis 'dod pa'i yon tan lnga'i chings ma de dag thams cad rab tu bcad de/ de nas shi 'phos nas tshangs pa'i 'jig rten du skye bar byed do// rigs kyi bu 'di lta ste dper na/ 'phong gi slob dpon legs par bslabs pa zhig/ ral gyi rnon po ras bcos bus dkris pa gcig thogs te/ 'dron pa mang po sgrol bar byed pa de ni sems can mi mkhas pa 'phong gi shes pa'i bya ba mi shes pa gang dag yin pa de dag ni/ 'phong gi slob dpon de la snying rje che ba dang / brnyas pa'i 'du shes skyed par byed cing / tshig 'di skad ces gzhu yang med/ ral gyi yang med/ dong pa yang med/ 'khor yang med pa 'dis ni 'dron pa 'di dag bsgral bar mi nus te/ 'dis ni bdag nyid kyang thar par byed mi nus na/ 'dron pa thams cad bsgral ba dang / chom rgan pa'i sde pham par bya ba lta ci smos ste/ de ni gnas med pas 'di ni tshul ma yin pas 'chi bar 'gyur ro zhes kyang zer bar gyur la/ de nas 'phong gi slob dpon de 'brog dgon par song ste/ chom rgan pa'i tshogs lhags par gyur pa na mda' zhu thogs te/ go cha sra ba bgos nas mtshon cha de gzas te chom rkun pa rnams la 'debs par byed cing / de chom rkun pa de dag thams cad srog dang phral nas/ yang mtshon cha lag tu len par byed pa de bzhin du/ rigs kyi bu byang chub sems dpa' thabs la mkhas pa yang sems can yongs su smin par bya ba'i phyir/ shes

  41. 46a

    rab kyi pha rol tu phyin pa'i mtshon cha legs par thogs te/ thabs la mkhas pas 'dod pa'i yon tan lnga po dag gis dga' ba dang / rtse ba dang / dga' mgur spyod pa byed pa de ni nyan thos kyi theg pa pa gang dag thabs la mkhas pa'i shes pa de khong du chud pa de dag gis de mthong ba'i tshe/ de dag de la ma dad pa dang / snying rje bskyed par byed cing / tshig 'di skad ces 'di ltar bag med pa'i gnas pas gnas pa 'di ni bdag nyid kyang thar par byed mi nus na/ sems can thams cad bsgral ba lta ci smos shing / bdud kyi sde pham par byed par lta ga la 'gyur te/ da ni gnas med pas/ 'di ni tshul ma yin pas 'chi bar 'gyur ro zhes kyang zer mod kyi/ byang chub sems dpa' thabs la mkhas pa dang / shes rab kyis legs par yongs su zin pa ni/ gang gi tshe 'dod pa de'i tshe na/ shes rab kyi mtshon des nyon mongs pa'i dra ba thams cad dral zhing rab tu gtugs nas/ shes rab dang lhan cig tu sangs rgyas kyi zhing bud med dang bral ba dang / 'khrig pa dang bral ba shin tu yongs su dag pa dag tu 'gro bar byed do// gtan 'di brjod par gyur pa de'i tshe na/ byang chub sems dpa' sems dpa' chen po dga' byed ces bya ba mnyan yod kyi grong khyer chen por bsod snyoms kyi phyir zhugs par gyur te/ de mnyan yod kyi grong khyer chen po bsod snyoms spyod pa na/ tshong dpon zhig gi khyim du phyin pa dang / tshong dpon de la bu mo dpal yon cam

  42. 46b

    gyi mchog ces bya ba phyugs cung zhig yod par gyur pa khang bzangs kyi steng na 'deg pa des/ dge slong de'i skad thos nas/ bsod snyoms thogs te/ byang chub sems dpa' dag byed ga la ba der song ngo / 1/ dpe byad las byad bzhin dang sgra skad dang kha dog gi mtshan ma bzung ba dang / de 'dod chags kyis kun nas dkris pa'i sems dang / 'dod chags kyis kun nas bslang ba'i sems dang / 'dod chags kyis yongs su gtugs pa'i sems dang / 'dod tshogs kyis yongs su gdungs pa'i sems kyis bsregs pas/ de nas bu mo dpal yon gyi mchog gis/ byang chub sems dpa' dga' byed mthong ma thag tu/ 'dod chags kyi kun nas dkris pa'i sems kyis/ gya/ lus rdul bar gyur nas/ 'greng zhing du 'chi ba'i dus byas par gyur to// byang chub sems dpa' dga' byed kyang bu mo dpal yon can gyi mchog mthong nas/ tshul bzhin ma yin pa yid la byed pa'i rnam par rtog pa 'di lta ste/ 'dod chags dang bcas pa'i sems skyes par gyur nas/ yud tsam zhig na de la dran pa 'di lta bu skyes par gyur te/ chos gang la chags par gyur pa'i chos de gang yin/ ci mig la chags sam/ mig ni chags pa ma yin te/ g.yo ba med pa/ byed pa med pa/ sems dpa' med pa/ 'dus byas pa dang / rim pa bdun pa sha'i ri lu yin te/ mig de ni rang bzhin stong pa'i phyir/ sems dpar mi byed/ tshor bar mi byed do// rna ba dang / sna dang / lce dang / lus dang / yid dang / pags pa dang /

  43. 47a

    mdog dang / sha yang de dang 'dra ste/ des rkang mthil yan cad/ glad pa man cad kyi bar la so sor brtags nas/ nad dang phyi rol na gang chags par 'gyur ba 'am/ sdang bar 'gyur ba 'am/ rmongs par 'gyur ba'i chos 'ga' yang ma dmigs so// des ma dmigs nas 'dod chags kyi sems de dang bral bar gyur cing / des sems kyis yang dag pa ji lta ba bzhin du so sor brtags pas/ chos thams cad ma skyes par rig nas/ mi skye ba'i chos la bzod pa thob par gyur to// de dga' ba dang / mchog tu dga' ba de nyid kyis steng gi bar snang la ta la bdun srid tsam du mngon par 'phags te/ mnyan yod kyi grong khyer chen po lan bdun du bskor ba byas nas/ nam mkha' de nyid las rgyal bu rgyal byed kyi tshal ga la ba dang / bcom ldan 'das ga la ba der song ngo // bcom ldan 'das kyis byang chub sems dpa' sems dpa' chen po dga' byed steng gi bar snang las ngang pa'i rgyal po ltar chags pa med par 'ong ba gzigs so// gzigs nas kyang tshe dang ldan pa kun dga' bo la bka' stsal pa/ kun dga' bo khyod kyis byang chub sems dpa' sems dpa' chen po dga' byed steng gi bar snang las ngang pa'i rgyal po ltar chags pa med par 'ong ba mthong ngam/ kun dga' bos gsol pa/ bcom ldan 'das mthong lags so// bcom ldan 'das kyis bka' stsal pa/ kun dga' bo byang chub sems dpa' sems dpa' chen po dga' byed 'dis ni 'dod chag

  44. 47b

    kyi sems la brten te/ chos thams cad yongs su btsal bas/ bdud kyi sde btul cing chos kyi 'khor lo rab tu bskor to// de nas bu mo dpal yon can gyi mchog 'chi ba'i dus byas nas/ bud med kyi lus spangs te/ mtho ris kyi 'jig rten du skyes pa'i lus thob cing sum cu rtsa gsum pa'i lha rnams dang skal ba mnyam par skyes so// skyes ma thag tu de la rin po che sna bdun las byas pa'i gzhal med khang dpag tshad bcu gnyis pa yang byung bar gyur/ de'i rim gro byed pa'i bsnyen bkur ma lha'i bu mo khri bzhi stong yang nye bar gnas par gyur to// de'i mod la nges bdag gis las ci zhig byas shing bstsags pas 'dir skyes par gyur snyam du bsams pa dang / de 'di snyam du gyur te/ bdag ni mnyan yod kyi grong khyer chen por chod dpon gyi bu mor gyur pa las/ de na bdag gis kun tu chags pa'i sems kyis byang chub sems dpa' sems dpa' chen po dga' byed bltas pa dang / bdag 'dod pa'i 'dod chags kyis kun nas dkris pa'i sems kyis 'chi ba'i dus byas nas/ bud med kyi lus rjes te/ bdag gis 'dir skyes pa'i lus thob cing / bdag la 'byor pa dpag tu med pa 'di lta bu dag kyang byung bar gyur to snyam nas/ sngon gyi las rjes su dran pa'i shes pa yang skyes par gyur to// de nas lha'i bu de 'di snyam du sems te/ 'dod chags kyi sems las kyang rnam par smin pa 'di lta bu 'byung bar 'gyur na/ bdag gis dad pa'i sems kyis byang chub sems dpa' sems dpa' chen po

  45. 48a

    dga' byed la phyag byas shing bsnyen bkur byas na lta smos kyang ci dgos te/ bdag 'dod pas dga' ba dang / rtse ba dang / dga' mgur spod cing bag med pa'i gnas pas gnas pa ni/ bdag gi tshul dang mthun pa ma yin zhing mi rigs kyis/ bdag bcom ldan 'das ga la ba dang / byang chub sems dpa' sems dpa' chen po dga' byed ga la ba der 'gro bar bya gor ma chag snyam mo// de nas lha'i bu de la 'khor lnga brgya dang lhan cig tu lha'i me tog dang / spos dang / me tog 'phreng ba dang / byug pa dag thogs te bcom ldan 'das dang / byang chub sems dpa' sems dpa' chen po dga' byed ga la ba der song nas/ kha dog shin tu 'phags pa shin tu 'phags pa'i snang ba chen pos rgyal bu rgyal byed kyi tshal snang bar byas te/ lha'i me tog dang / spos dang / me tog 'phreng dang / byug pa de dag gis/ bcom ldan 'das la mchod pa byas nas/ bcom ldan 'das kyi zhabs la mgo bos phyag 'tshal te/ byang chub sems dpa' sems dpa' chen po dga' byed dang / byang chub sems dpa' thams cad dang / dge slong gi dge 'a gyi rkang pa la yang mgo bos phyag 'tshal nas/ bcom ldan 'das la lan bdun bskor ba byas te/ bcom ldan 'das kyi spyan sngar thal mo pug phug por sbar nas/ de'i tshe tshig su bcad pa 'di dag gsol to// sangs rgyas mi mchog rnams ni bsam mi khyab// byang chub mchog la zhugs rnams bsam mi khyab// bde gshegs rnams kyi chos kyang bas

  46. 48b

    mi khyab// grags chen rnams kyi spyod pa'ang bsam mi khyab// mnyan yod du ni bdag sngon bu mor gyur// tshong dpon bu mo dpal yon mchog ces bgyi// mdzes shing thog mar phyugs chung gyur pa lags// pha ma'i glo bar mchi zhing rab tu byams// sangs rgyas sras po smad par ma gyur pa// mthu chen dga' byed ces bgyi gang lags pa// bsod snyoms spyod cing mnyan yod rgyu ba'i tshe// de ni bdag gi pha'i khyim du mchis// skad snyan yid du mchi ba thos gyur nas// bdag cag sems kyis bsod snyoms thogs nas ni// de bzhin gshogs pa'i sras po gang lags pa// dga' byed mthu chen ga la mchis par mchis// mthong ma thag tu bdag ni 'dod chags dang // ldan pa tshul bzhin ma lags sems skyes te// gal te ji ltar bsam bzhin ma 'jal na// srog la mi lta 'gum pa'i dus bgyid snyam// tshul bzhin ma lags 'dod pas rab gdungs nas// de la bka' mching brjod par bgyi ba dang // bsod snyoms stsol ba'i rdo yang ma thogs lags// rdul byung der ni 'greng bzhin gum par gyur// bcom ldan bdag ni 'chi 'phor gyur pa'i tshe// skad cig de la bud med lus spangs te// shi 'pho mtho ris 'jig rten skyes gyur nas// bdag gis 'od gsal skyes pa 'di nyid thob// rin chen sna tshogs blta na sdug pa'i// gzhal med khang mchog mdzes par grub gyur cing / bdag gi g.yog 'khor lha'i bu mo ni// khri dang bzhi stong tshang ba'ang byung bar gyur// bdag la sems bzang byung bar gyur pa ni// sug las gang gi rnams smin 'di 'dra ba// rjes su

  47. 49a

    dran nas ngan bu 'di snyam bgyid// chags bcas sems kyi rnam smin 'di 'dra ste// dga' byed yid dga' 'od gsal mkhas pa la// chags bcas sems kyis bdag gis bltas gyur pas// sug las de'i rnam smin bzang po des// ngan bu gzi brjid mthu stobs 'di 'dra bas// chags bcas sems kyi rnam smin 'di 'dra na// gang gis de la mchod bgyis ci smos te// gang la bde gshegs mkhyen pa 'jug gyur pa// de ni nyan thos rang rgyal sa ma lags// ngan bu de bzhin gshegs pa'i spyan sngar ni// sangs rgyas ye shes mchog rab bsgrub pa dang // bskal pa gang ga'i byed snyed spyad bgyi bar// bdag gi dam bcas 'di ni spang mi bgyi// dge ba'i bshes gnyen dga' byed dam pa la// chos kyi mchod pa mchog gis mchod par bgyi// gang dag byang chub 'tshal ba ma gtogs pa// gzhan gyis 'di la 'dren rnams mchod mi 'gyur// bud med gang dag 'dod chags sems kyis ni// bdag la rtog pa bud med lus bsgyur nas// de kun 'jigs med skyes pa thob 'gyur bar// byang chub spyad mchog dam pa spyad par bgyi// lus rdul shi bar gyur pa mthong nas ni// bu mo'i pha mtsho des 'debs byed cing // dge slong de yis byad ste ma yin snyam ste/ du ngu zhing dge slong rnams la mi snyan brjod// sangs rgyas mthu yis lha'i bu de ni// song nas pha ma dag la tshig smras pa// dge sbyong la ni zhe sdang khro ba med// yun

  48. 49b

    ring sdug bsngal 'grub par ma byed cig/ bu mo dpal yon shi 'phos gang yin de// sum cu rtsa gsum skal pa mnyam gyur cing // des ni bud med lus kyang spangs/ byas te// de ni lha'i bu mo 'od gsal gyur// bde bar gshegs kyi spyan sngar khyed deng la// khro ba'i sems kyi nyes pa 'di shogs shig/ sangs rgyas mi mchog rnams ni ma gtogs par// sems can rnams kyi dpung gnyen gnas gzhan med// 'jigs med de yis legs par bskul bas pas// pha ma gnyis kyis sangs rgyas sgra thos nas// nye du tshogs dang lhan cig 'grogs gyur te// shAkya thub pa'i spyan sngar dang bar gyur// mi mchog zhabs la spyi bos phyag 'tshal te// khro ba'i sems kyi nyes pa bshags byas nas// de bzhin gshegs la gus dang bcas byas te// bde gshegs rab byung la ni zhu nus pa// ci tsam gyis ni 'dren pa mchod par 'gyur// chos dang dge 'dun ji ltar mchod pa lags// zhus pa de'i lan ni stsal tu gsol// thos nas de bzhin gnas bgyi gzhan ma lags// rgyal bas de dag bsam pa dag mkhyen nas// 'jig rten mgon pos 'di skad bka' stsal to// gang zhig sangs rgyas thams cad mchod 'dod pa// de yis brtan par byang chub sems skyed cig/ bu mo pham+ba dang nye du ni// lnga brgya tshang ba nyung ba ma yin pas// skyes bu khyu mchog de'i gsung thos nas// byang chub phyir ni sems kyang brtan par bskyed//

  49. 50a

    rgyal bas kun dga' bzang la bka' stsal ba// kun dga' ci skad bshad pa 'di nyon cig/ byang chub sems dpa'i spyod pa bsam yas te// shes rab thabs la mkhas pa'ang de bzhin no// dga' byed smon lam yang dang yang 'debs pa// bud med gang dag chags pa'i sems kyis ni// bdag la rtog pa bud med lus spangs nas// de dag myur du skyes bu 'jigs med shog/ bud med cig min gnyis dang gsum min te// bye ba khrag khrig stong phrag mang po rnams// gang dag dga' byed la ni chags gyur po// de dag thams cad shi 'phos skyes par gyur// kun dga' 'dod chags bskyed pa gang gis ni// sems can gzhan dag sems dmyal 'gro 'gyur ba// de yis dpa' rnams mtho ris 'gro 'gyur zhing // skyes par 'gyur ba'i yon tan de 'dra ltos// lha'i bu gang gis nga la mchod byas te// gus dang bcas pas byang chub mchog zhugs pa// des ni sangs rgyas bye mang mchod byas nas// rgyal ba blta na mdzes shes bya bar 'gyur// lnga brgya gang dag byang chub zhugs gyur pa// de dag mi mchog rnams su 'byung 'gyur bas// gang la dang byas bde ba bsam yas pa'i// 'jig rten mgon la su zhig gus mi byed// gang dag nyon mongs rnams kyang bde sbyin no// gang dag gus byed de la ci smos pa// grags chen dpal gyi rgyal po lta bu yi/

  50. 50b

    byang chub sems dpa' rnams la su sdang skyed// de nas bcom ldan 'das la tshe dang ldan pa kun dga' bos 'di skad ces gsol to// btsun pa bcom ldan 'das 'di lta ste dper bgyi na/ sems can rab tu sdang ba'i sems dang ldan pa 'am/ dang ba'i sems dang ldan pa 'am/ chags pa'i sems dang ldan pa 'am/ chos kyi bar du gcod pa'i sems dang ldan pa gang la la dag/ ri'i rgyal po ri rab kyi drung du mchis na/ de dag thams cad 'di lta ste/ gser gyi kha dog tu kha dog gcig par 'gyur ba de bzhin du/ btsun pa bcom ldan 'das sems can rab tu sdang ba'i sems dang ldan pa 'am/ dang ba'i sems dang ldan pa 'am/ chags pa'i sems dang ldan pa 'am/ chos kyi bar du gcod pa'i sems dang ldan pa gang la la dag byang chub sems dpa' rnams kyi drung du mchis na yang / de dag thams cad 'di lta ste/ thams cad mkhyen pa nyid kyi sems kyi kha dog tu sems gcig tu 'gyur ba lags pas/ btsun pa bcom ldan 'das bdag ni deng slan cad byang chub sems dpa' thams cad ri'i rgyal po ri rab dang 'dra bar 'dzin lags so// btsun pa bcom ldan 'das 'di lta ste dper bgyi na/ sman gyi rigs chen po blta na mdzes shes bgyi ba mchis te/ sems can rab tu sdang ba'i sems dang ldan pa 'am/ dang ba'i sems dang ldan pa'i sems can bro nad sna tshogs kyis

  51. 51a

    thebs pa gang la la dag gis de mthong na/ de dag thams cad kyi blo nad rnams rab tu zhi bar 'gyur ba de bzhin du/ btsun pa bcom ldan 'das sems can gang dag rab tu sdang ba'i sems dang ldan pa 'am/ dang ba'i sems dang ldan pa dag/ byang chub sems dpa' rnams kyi drung du mchis na/ de dag thams cad kyi 'dod chags dang / zhe sdang dang / gti mug dang / nyon mongs pa'i bro nad rnams kyang rab tu zhi bar 'gyur lags so// de nas bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo ji skad smras pa de bzhin te leg so legs so zhes bya ba byin no// de nas bcom ldan 'das la/ tshe dang ldan pa 'od srung chen pos 'di skad ces gsol to// btsun pa bcom ldan 'das gang gi slad du byang chub sems dpa' sems dpa' chen po rnams de ltar zhi ba'i ting nge 'dzin gyi gnas pa dag gis kyang gnas par bgyid la/ sems can rnams la snying brtse ba'i slad du/ 'dod pa'i khams na yang kun tu mnga' ba dang / stong pa nyid dang / mtshan ma ma mchis pa dang / smon pa ma mchis pa dang / mngon par 'du bgyi ba ma mchis pa'i chos rnams kyis kyang gnas par bgyid la/ nyan thos dang / rang sangs rgyas kyi chos rnams la yang reg par mi bgyid pa dang / snying rje chen po yang kun tu skyed par bgyid la/ thams cad mkhyen pa nyid kyi sems la yang 'jug par bgyid pa de ni/ btsun pa bcom ldan 'das

  52. 51b

    byang chub sems dpa' sems dpa' chen po rnams kyi ngo mtshar lags te/ bde bar gshegs pa de ni mchog tu ngo mtshar lags so// btsun pa bcom ldan 'das byang chub sems dpa' sems dpa' chen po gang dag chags pa thams cad srung bar byed cing / 'di lta ste gzugs dang / sgra dang / dri dang / ro dang / reg bya'i chags pa dag la spyod par bgyid kyang de dag la chags par yang mi 'gyur ba de dag ni thabs la mkhas pa bsam gyis mi khyab pa la gnas pa lags te/ btsun pa bcom ldan 'das bdag byang chub sems dpa' sems dpa' chen po rnams las brtsams te/ dpe 'ba' zhig brjod lags so// bde bar gshegs pa spobs lags so// bcom ldan 'das kyis bka' stsal pa/ 'od srung khyod spobs par bgyis shig/ 'od srung chen pos gsol pa/ btsun pa bcom ldan 'das 'di lta ste dper bgyi na/ 'brog dgon pa chen po zhig mchis par gyur la/ 'brog dgon pa chen po de la yang srid pa'i rtse mo la mnyam pa'i ra ba mchis par gyur cing / pa 'brog dgon pa chen po der yang srog chags 'bum phrag du ma zhig zhugs par gyur la/ 'brog dgon pa chen po de yang chab sgo ni gcig cig mchis par gyur cing / 'brog dgon pa chen po de dang ha cang yang mi ring ba zhig na/ grong khyer chen po pa yang 'byor pa rgyas pa/ gsang lo legs pa/ skye bo dang mi mang pos kun tu bltam pa nyams dga' zhig kyang mchis par gyur la/ grong khyer chen po do yang chab sgo ni gcig mchis par

  53. 52a

    gyur cing / gang dag grong khyer chen po der zhugs par gyur pa de dag ni dga' ba dang / 'gum pa ma mchis par 'gyur la/ grong khyer chen po de na yang mtho gang tsam gyi tshad kyi shul shin tu dog cing nyam nga ba zhig kyang mchis shing de'i g.yas g.yon na/ khru 'bum tsam mchis pa'i ga yang sa chen po dag kyang mchis par gyur la/ de nas 'brog dgon pa chen po de'i dbus nas/ sems can mkhas pa zhib pa glo ba gzhungs pa/ sems can thams cad la don tu/ 'gyur bar 'tshal ba/ sman par 'tshal ba/ bde bar 'tshal ba/ grub pa dang bde bar 'tshal ba/ sman par 'tshal ba/ snying rje chen po dang ldan pa cig cig byung ba gyur nas/ des 'brog dgon pa chen po der 'di skad ces/ kye grogs po dag kho bo ni khyed cag gi yongs su skyob pa yin te/ 'brog dgon pa chen po 'di nas ha cang yang mi ring ba na grong khyer chen po 'byor pa rgyas pa bde ba lo legs pa/ nyams dga' ba zhig yod de/ gang dag der zhugs pa gyur pa de dag ni rga ba med pa dang / 'chi ba med par 'gyur zhing sems can dpag tu med pa rnams skye ba dang / rga ba dang / na ba dang / 'chi ba las yang dag par 'da' bar bya ba'i phyir chos ston par 'gyur ba/ sems can shes pa dang ldan pa dag tshur sheg/ grong khyer chen po der 'dong do zhes sgra bsgrags shing / skad kyis go bar bgyis par gyur na/ de na sems can

  54. 52b

    dman pa la mos shing nges par 'byung ba'i bsam pa can gang dag lags pa de dag ni/ 'di skad ces bdag cag 'di nas kyang mi g.yo bar gdams shing rjes su bstan pa de yang 'tshal la/ bdag cag 'di nas gnas bzhin du grong khyer de na mchis pa'i yon tan de dag kyang 'byung bar gyur cig ces mchi lags so// sems can rgya chen po la mos pa gang dag lags pa de dag ni/ 'di skad ces bdag cag ni/ khyod ji lta ba bzhin du grong khyer der mchi'o zhes mchi lags so// sems can bsod nams chung ba gang dag lags pa de dag ni sgra de nyan cing / thos nas kyang dad par mi bgyid cing / skyes bu mkhas pa'i rang bzhin can de'i slad bzhin du mchi bar mi bgyid lags te/ de nas skyes bu mkhas ga yang sa chen po de dag kyang mthong bar gyur nas/ des g.yas g.yon gyi ga yang sa de dag rtsig pa dang / spang leb kyis bkum ste/ rkang lag bzhis 'phye zhing shul de las 'da' bar bgyid la/ g.yas g.yon su yang mi lta bar slad bzhin du phyir rgol ba sgra 'byin cing 'jigs pa ston pa dag mchi yang / slar yang mi lta la/ skyo zhing yid byung ba yang ma mchis par der shul mchi bar 'gyur ba dang / ci lta ci ltar mchi bar 'gyur ba de lta de ltar/ grong khyer de mthong bar yang 'gyur la/ ci lta ci ltar mthong ba de lta de ltar de'i 'jigs pa dang / 'jigs su rung ba thams cad kyang ma mchis par

  55. 53a

    'gyur zhing grong khyer der zhugs na/ rga ba dang / 'gum pa dang / bro nad ma mchis par 'gyur la/ sems can dpag tu ma mchis/ pa rnams kyi don bgyid cing skye ba dang / rga ba dang / bro 'tshal ba dang / 'gum pa las yang yang dag par bzla ba'i slad du chos ston par bgyid pa zhig mchis na// btsun pa bcom ldan 'das de la 'brog dgon pa chen po zhes bgyi ba de ni 'khor ba'i dgon pa'i tshig bla dgas lags so// srid pa'i rtse mo dang mnyam pa'i ra ba zhes bya ba de ni ma rig pa dang / srid pa'i sred pa'i tshig bla dgas lags so// 'brog dgon pa chen po der yang srog chags 'bum phrag du ma zhugs par gyur pa zhes bgyi ba de ni/ byis pa so so'i skye bo thams cad kyi tshig bla dgas leg so// 'brog dgon pa chen po de la yang chab sgo ni gcig cig mchis par gyur cing zhes bgyi ba de ji lta ba de bzhin du ni bgrod pa gcig pa'i shul blta bar bgyi lagaso// skyes bu mkhas pa'i rang bzhin can zhes bgyi ba ji lta ba de bzhin du ni/ byang chub sems dpa' sems dpa' chen po rnams blta bar bgyi lags so// sems can dman pa la mos shing nges par byung ba'i bsam pa can gnas de las kyang mi g.yo la grong khyer gyi yon tan yang 'chal pa de dag ji lta ba de bzhin du ni nyan thos dang rang sangs rgyas thams cad blta bar bgyi lags so// sems can rgya chen po la mos pa tshig 'di skad

  56. 53b

    ces bdag cag ni khyod ji lta ba de bzhin du grong khyer der mchi lags so zhes mchi ba de dag ji lta ba de bzhin du ni byang chub sems dpa' sems dpa' chen po gzhan dag blta bar bgyi lagaso// sems can bsod nams chung ngu sgra de nyan cing thos nas kyang dad par mi bgyid pa gang lags pa de dag ni gzhan mu stegs can spyod pa dang / kun tu rgyu/ dag gi tshig bla dgas so// 'brog dgon pa chen po de nas slar byung ba zhes bgyi ba ji lta ba de bzhin du ni thams cad mkhyen pa nyid du nges par bsngos pa'i sems kyis brtson 'grus brtsams pa blta bar bgyi lags so// mtho gde tsam gyi tshad kyi shul zhes bgyi ba de ji lta ba de bzhin du ni chos kyi dbyings blta bar bgyi lags so// de'i g.yas g.yon na khru 'bum tsam mchis pa'i ga yang sa chen po zhes bgyi ba de ji lta ba de bzhin du ni nyan thos dang rang sangs rgyas thams cad kyi sa rnams blta bar bgyi lags so// g.yas g.yon gyi ga yang sa de dag rtsig pa dang spang leb kyis bkum ste zhes bgyi ba de ji lta ba de bzhin du ni/ shes rab kyi pha rol tu phyin pa dang / thabs la mkhas pa blta bar bgyi lags so// rkang lag bzhis 'phye zhing shul de las yang dag par 'da' bar bgyid la zhes bgyi ba de bzhin du ni/ byang chub sems dpa' bsdu ba'i dngos po bzhis sems can dpag tu mi mchis pa rnams sdud cing yang dag par 'da' bar bgyid pa dag blta bar bgyi lags so// slad bzhin du phyir/

  57. 54a

    rgol ba sgra 'byin cing 'jigs pa ston pa dag mchi yang zhes bgyi ba de ji lta ba de bzhin du ni/ bdud dang bdud kyi ris kyi lha'i bu rnams kyang blta bar bgyi la/ de bzhin du sems can sdig pa la mngon par zhen pa yongs su nyon mongs pa can gyi las kun tu spyod par bgyid pa gang dag byang chub sems dpa' de dag la 'phya ba dang smod par bgyid par blta bar bgyi lags so// slar yang mi lta la zhes bgyi ba de ni bzod pa'i pha rol tu phyin pa dang / lhag pa'i bsam pas sems bskyed pa'i tshig bla dgas lags so// g.yas g.yon su yang mi lta bar zhes bgyi ng+ge ni nyan thos dang rang sangs rgyas kyi sa la mi dga' ba dang / thams cad mkhyen pa'i ye shes kyi tshig bla dgas so// grong khyer chen po zhes bgyi ba de ni thams cad mkhyen pa nyid kyi grong gi tshig bla dgas so// ci lta ci ltar mchi bar 'gyur ba de lta de ltar grong khyer de mthong bar 'gyur zhes bgyi ba de ni de bzhin gshegs pa bsnyengs pa thams cad dang bral ba'i tshig bla dgas dang / de bzhin du byang chub sems dpa' sangs rgyas kyi yon tan mthong ba dang / sangs rgyas kyi spyod pa dang / ye shes la nges par rtog par bgyid pa dang / shes rab kyi pha rol tu phyin pa dang / thabs la mkhas pa la shin tu legs par slong pa'i tshig bla dgas lagaso so// ci lta ci ltar mthong ba de lta de ltar de'i 'jigs pa dang / 'jigs su rung ba thams cad kyang ma mchis par 'gyur zhing zhes bgyi ba de ni

  58. 54b

    sems can thams cad 'jigs pa ma mchis shing the tsam dang bral bar 'gyur ba'i tshig bla dgas lags so// grong khyer der zhugs na rga ba dang / 'gum pa dang / bro nad ma mchis par 'gyur zhing sems can dpag tu ma mchis pa rnams kyi don bgyid la/ skye ba dang / rga ba dang / brond dang / 'gum pa las yang dag par bzla ba'i slad du chos ston par yang bgyid ces bgyi ba de ni/ de bzhin gshegs pa dgra bcom pa yang dag par rdzogs pa'i sangs rgyas kyi tshig bla dgas lags so// btsun pa bcom ldan 'das byang chub sems dpa' sems dpa' chen po rnams ni/ ye shes dang ldan pa lags te/ btsun pa bcom ldan 'das dag byang chub sems dpa' sems dpa' chen po thams cad la phyag 'tshal lags so// de nas bcom ldan 'das kyis tshe dang ldan pa 'od srung chen po la legs so zhes bya ba byin te/ 'od srung legaso legs so// 'od srung khyod kyis de ltar byang chub sems dpa' sems dpa' chen po rnams la spro ba bskyed pa ni khyod legs te/ 'od srung khyod kyis dpa' rjod pa des lha dang mi rnams kyi skye dgu las srog chags khri nyis stong gis bla na med pa yang dag par rdzogs pa'i byang chub tu sems bskyed do// 'od srung byang chub sems dpa' sems dpa' chen po rnams ni thabs la mkhas pa legs par bslabs pa/ yon tan dpag tu med pa dang ldan pa yin te/ 'od srung byang chub sems dpa' sems dpa' chen po ni gang gis bdag la gnod

  59. 55a

    par 'gyur ba 'am/ gzhan la gnod par 'gyur ba de lta bu'i las byed cing / tshig gang gis bdag dang / gzhan la gdung bar 'gyur ba de lta bu'i tshig kyang mi smra'o// de skad ces bka' stsal pa dang / bcom ldan 'das la/ byang chub sems dpa' sems dpa' chen po ye shes dam pas 'di skad ces gas to/ btsun pa bcom ldan 'das bcom ldan 'das kyis de skad du byang chub sems dpa' ni tshig gang gis bdag dang gzhan la gdung bar 'gyur ba de lta bu'i tshig mi smra'o// zhes bka' stsal lags na/ bcom ldan 'das 'o na ci'i slad du byang chub sems dpa' skye ba gcig gis thogs pa/ bram ze'i khye'u 'od gzer 'phreng zhes bgyi bar gyur pa na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi gsung rab la 'di skad ces/ dge sbyong mgo reg mthong bas kho bo la ci zhig bya/ byang chub mchog tu rnyed par dka' ba yin pas/ dge sbyong mgo reg la byang chub ga la yod ces gsungs na/ bcom ldan 'das kyis de skad ces gsungs pa ci las dgongs te gsungs lags/ de skad ces gsol ba dang / bcom ldan 'das kyis/ byang chub sems dpa' sems dpa' chen po ye shes dam pa la 'di skad ces bka' stsal to// rigs kyi bu de bzhin gshegs pa dang / byang chub sems dpa' rnams kyi spyod pa'i tshad rab tu

  60. 55b

    rnam par dbye bas khyod la ci zhig bya mthong shig/ de ci'i phyir zhe na/ rigs kyi bu byang chub sems dpa' sems dpa' chen po rnams ni thabs la mkhas pa bsam gyis mi khyab pa dang ldan pas/ skyes bu dam pa de dag ni ci lta ci ltar sems can yongs su smin par 'gyur ba de lta de ltar gnas par byed pa'i phyir ro// rigs kyi bu de lta mod kyi 'on kyang legs par rab tu nyon la/ tshul bzhin du yid la zungs shig dang / thabs la mkhas pa'i pha rol tu phyin pa la 'jug pa zhes bya ba'i chos kyi rnam grangs bshad par bya'o// ji ltar byang chub sems dpa' bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad tshun cad du thabs la mkhas po bsam gyis mi khyab pa bstan pa gang yin pa de dag las/ phyogs tsam zhig bsten par bya ste/ rigs kyi bu gang gi tshe byang chub sems dpa' de bzhin gshegs pa dgra bcom pa yang dag par rdzogs pa'i sangs rgyas mar mi mdzad mthong ma thag tu mi skye ba'i chos la bzod pa thob pa'i bar der/ byang chub sems dpa' ni 'khrul pa med pa dang / ca co med pa dang / byed pa med pa dang / sems rnam par g.yengs pa med pa dang / shes pa zhabs pa med pa yin te/ rigs kyi bu ma skye bri'i chos la bzod pa zab pa'i byang chub sems dpo' ni 'do na/ zhag bdun gyis kyang byang chub

  61. 56a

    mngon par rdzogs par 'tshang rgya bar yang 'gyur/ 'dod na bskal pas kyang byang chub mngon par rdzogs par 'tshang rgya bar 'gyur/ 'dod na bskal pa brgyas kyang byang chub mngon par rdzogs par 'tshang rgya bar 'gyur/ 'dod na bskal pa stong gis kyang byang chub mngon par rdzogs par 'tshang rgya bar 'gyur/ 'dod na bskal pa 'bum gyis kyang byang chub mngon par rdzogs par 'tshang rgya bar 'gyur te/ byang chub sems dpa' de ni sems can yongs su smin par bya ba'i phyir/ 'dod na bsam bzhin du srid pa len cing 'gro bar yang byed do// de ni thabs la mkhas pa dang / shes rab kyi stobs bskyed pas gang gi tshe 'dod pa de'i tshe na/ bla na med/ pa yang dag par rdzogs pa'i byang chub mngon par rdzogs par 'tshang rgya bar byed cing / 'dod na phyi ma'i mtha'i mur thug pa'i bskal pa brgya phrag mang por yang yid yongs su skyo ba med par gnas par byed de/ de ni byang chub sems dpa'i thabs la mkhas pa yin no// rigs kyi bu gzhan yang nyan thos kyang zhi ba'i ting nge 'dzin dag la snyoms par 'jug la/ byang chub sems dpa' yang zhi ba'i ting nge 'dzin dag la snyoms par 'jug cing ldang bar byed mod kyi/ de ni lus g.yo bar yang mi 'gyur/ sems g.yo ba yang mi 'gyur ro// nyan thos ni bdag nyid yongs su mya ngan las 'da' ba de kho nar shes par byed kyi/ byang chub sems dpa' ni zhi ba'i ting nge 'dzin dag la snyoms par 'ju/

  62. 56b

    kyang bsdu ba'i dngos po bzhis sems can rnams bsdu ba'i brtson 'grus rgyan mi gcod cing / pha rol tu phyin pa drag gis sems can yongs su smin par yang byed la/ sems can rnams yongs su smin par byed pa na/ snying rje chen po bskyed par yang byed de/ de yang byang chub sems dpa'i thabs la mkhas pa yin no// rigs kyi bu gzhan yang byang chub sems dpa' ni 'dod na dga' ldan gyi gnas na 'dug bzhin du bla med pa yang dag par rdzogs pa'i byang chub mngon par rdzogs par 'tshang rgya zhing chos kyi 'khor lo skor bar yang byed nus mod kyi/ byang chub sems dpa' 'di snyam du sems te/ 'dzam bu gling pa'i mi rnams kyis ni chos mnyan pa'i phyir dga' ldan gyi gnas su 'dzeg par mi nus la/ lha rnam kyis ni chos mnyan pa'i phyir 'dzam bu gling du 'bab par nus so snyam nas/ de'i phyir byang chub sems dpa' 'dzam bu gling du byang chub mngon par rdzogs par sangs rgyas te/ de yang byang chub sems dpa'i thabs la mkhas pa yin no// rigs kyi bu gzhan yang byang chub sems dpa' ni 'dod na dga' ldan gyi gnas nas shi 'phos nas/ ma'i mngal du ma zhug shing / mngal gyi dri mas ma reg par de kho nar de'i skad cig de nyid la byang chub mngon par rdzogs par 'tshang rgya zhing chos kyi 'khor lo bskor bar yang nus mod kyi/ de la sems can kha cig 'di snyam du lha 'am/ klu 'am/ gnod sbyin nam/ dri za 'am/ sprul pa zhig gam/ 'di ga las 'ongs pa zhig snyam du/ nem nur dang yid gnyis dang / the tsom

  63. 57a

    skye bar 'gyur te/ de dag nem nur dang / yid gnyis dang / the tsom skyes par gyur na/ nyon mongs pa yongs su zad par bya ba'i phyir chos nyan par mi byed/ shes par mi byed/ brtson 'grus rtsom par mi byed par mi byed pas/ byang chub sems dpa' mngal na gnas pa'i rgyu ni de yin rkyen ni de yin no// rigs kyi bu khyod 'di snyam du byang chub sems dpa' mal gyi gnas su zhugs so snyam na/ khyod kyis ltar mi blta'o// de ci'i phyir zhe na/ byang chub sems dpa'i ting nge 'dzin dri ma med pa zhes bya ba yod de/ byang chub sems dpa' dga' ldan gyi gnas bzhin du de snyoms par zhugs shing yongs su bsten nas/ ting nge 'dzin de las ma langs bzhin du dga' ldan gyi gnas nyid nas/ byang chub kyi snying po la 'jug tu nas mod kyi/ dga' ldan gyi lha rnams kyis de na de ma mthong bas/ byang chub sems dpa'i ting nge 'dzin las langs so snyams du shes par zad do// byang chub sems dpa' ni dga' ldan gyi gnas nas mi g.yo bzhin du sprul pa dag gis 'pho ba dang / skye ba dang / mngon par 'byung ba dang / dka' ba spyod pa'i bya ba thams cad kun tu ston par byed de/ de dag thams cad ni byang chub sems dpa' sprul pa dag gis kun tu bstan pa yin no// de ci'i phyir zhe na/ rigs kyi bu byang chub sems dpa' ni kun tu spyod pa gtsang ba yin pas/ phyir mngal gyi gnas su mi 'gro ba'i phyir te/ de yang byang chub sems dpa'i thabs la mkhas pa yin no// de ci'i

  64. 57b

    phyir zhe na/ byang chub sems dpa' glang po che thal kar du sbyar te/ ma'i mngal du 'jug par ston par byed ce na/ de ni dkar po'i phyogs kyi tshig bla dgas yin no// de ci'i phyir/ zhe na/ byang chub sems dpa' ni sems can thams cad las khyad par du 'phags pa yin pas na/ des ni ci nas kyang lha mi gzhan gang la yang med pa de lta bu kho nas mngal du 'jug par bya dgos pa'i phyir te/ de yang byang chub sems dpa' thabs la mkhas pa yin no// ci'i phyir byang chub sems dpa' zla ba bcur ma'i mngal na gnas shing dgur ma yin she na/ sems can gang dag 'di snyam du/ skye ma gzhon nu 'di ni mngal na gnas pa'i dus yongs su mo rdzogs pas/ dbang po ma tshang bar gyur to snyam du sems can de dag gi the tsom gcad pa dang / mngal gyi dus dang / dbang po yongs su rdzogs pa kun tu bstan pa bya ba'i phyir/ byang chub sems dpa' zla ba bcur ma'i mngal na gnas kyi/ dgur ni ma yin no// byang chub sems dpa' zla ba bcur ma'i mngal na gnas pa na yang / lha rnams byang chub sems dpa' la blta ba dang / phyag bya ba dang / bsnyen bkur bya ba'i phyir 'ong bar 'gyur zhing / de dag gis byang chub sems dpa' ma'i mngal na gnas pa'i tshe/ byang chub sems dpa' long spyod rin po che bkod pa'i khang pa brtsegs pa lha'i longs spyod thams cad las yang dag par 'odas pa mthong nas/ lha'i bu sa ya phrag gnyis dang / bzhi 'bum gyis bla na med pa yang dag par rdzogs pa'i byang chub tu sems

  65. 58a

    bskyed par gyur/ de yang byang chub sems dpa'i thabs la mkhas pa yin no// ci'i phyir byang chub sems dpa' ma'i mtshan brtol te/ mngal gnas// 'byung ba kun tu ston par byed ce na/ sems can gang dag 'di snyam du/ byang chub sems dpa' ni pha dang ma'i mer mer po las skyes pa yin gyi/ rdzus te skyes pa ma yin no snyam du sems pa'i sems can de dag gi the tsom gcad pa'i phyir ma'i mtshan brtol te/ mngal gyi gnas nas 'byung ba kun tu bstan to// byung ma thag tu lha mo sgyu 'phrul gyi lus la yang rma med cing sgo mod la/ byang chub sems dpa' mngal na gnas pa'i tshe/ yum lha mo sgyu 'phrul gyis bde ba myong bar gyur pa gang yin pa de lta bu'i/ bde ba ni sngon nam yang ma reg cing sngon nam yang ma myong ste/ de yang byang chub sems dpa'i thabs la mkhas pa yin no// ci'i phyir byang chub sems dpa' dgon par gnas shing grong du ma yin/ zhe na/ byang chub sems dpa' ni yun ring po nas dgon pa'i bsngags pa brjod pa dang / dben pa la dga' ba dang / kun spyod pa gtsang ba dang / grong du btsas na lha dang / klu dang / gnod rnams kyang lha'i phye ma dang / spos dang / me tog 'phreng dang / byug pa dang / me tog dag gi shin tu 'phags pa'i mchod pa byed par mi 'gyur ba dang / ser skya'i gnas kyi grong khyer na gnas pa'i mi rnams kyang rgyags pa dang / bag med pa skye bar 'gyur ba'i phyir te/ gang gi phyir byang chub sems dpa' dgon par btsas shing grong du ma yin pa'i rgyu ni de yin rkyen

  66. 58b

    de yin no// ci'i phyir byang chub sems dpa'i yul gyis shing klag sha'i yal ga la bzung ste/ bang ma la ma byas par byang chub sems dpa' btsas par byas she na/ sems can gang dag 'di snyam du yum lha mo sgyu 'phral ni/ ji ltar bud med gzhan dag bzhin du sdug bsngal gyi tshor bas reg cing byang chub sems dpa' btsas so snyam du sems pa'i sems can de dag gi the tsom gcad pa dang / bde bar btsas pa kun tu bstan par bya ba'i phyir/ yum lha mo sgyu 'phrul gyis shing klag sha'i yal ga la bzung ste/ bang ma la ma byas par byang chub sems dpa' btsas par byas so// ci'i phyir byang chub sems dpa' ma'i mtshan g.yas pa brtol te/ dran pa dang shes bzhin gyis mngal gyi gnas nas byung zhing / skye gnas kyang ma yin/ lus kyi phyogs gzhan dag nas kyang ma yin zhe na/ byang chub sems dpa'i kun spyod pa gtsang ba dang / 'jig rten gsum po thams cad las khyad par du 'phag pa dang / gdul ba'i sems can rnams gdul ba'i phyir/ des ni ji ltar sems can dman pa gzhan dag bzhin du ma'i mngal la brten cing gnas pa ma yin pa dang / btsa' ba ma yin pa de ltar skye ba bstan par ba dgos pa'i phyir te/ des na byang chub sems dpa' ma'i mtshan g.yas pa brtol te/ dran pa dang shes bzhin gyis mngal la brten cing gnas nas byung zhing byang chub sems dpa' btsas ma thag tu yum lha mo skyo 'phrul gyi mtshan yang ma med cing sgro med par gyur te/ de yang byang chub sems dpa'i thabs la mkhas pa yin no//

  67. 59a

    ci'i phyir byang chub sems dpa' btsas ma thag tu lha'i dbang po brgya byin gyis bzung la/ mir gyur pa gzhan dag gis ma yin zhe na/ de ni byang chub sems dpa'i dge ba'i rtsa ba 'bar bas lha rnams 'dun par byas pas/ lha'i dbang po brgya byin gyis bdag gis byang chub sems dpa' btsas ma thag tu gos rin po ches gzung bar bya'o zhes sngon smon lam btab pa'i phyir/ de na byang chub sems dpa' la mchod pa'i las rgya chen po la brtson pa byed pa yin te/ de yang byang chub sems dpa' thab so la mkhas pa yin no// ci'i phyir byang chub sems dpa' btsas ma thag tu yongs su ma bzung bar gom pa bdun 'dor bar byed la/ drug kyang ma yin/ brgyad kyang ma yin zhe na/ byang chub sems dpa' ni ji ltar bzhin sus kyang sngon ma btab pa de lta bu'i rdzu 'phrul gyi stobs kyis brtson 'grus chen po dang / skyes bu dam pa'i rtsal don mi za bar kun tu bstan par bya dgos pa dang / gom pa bdun bor bas sems can gang dag gi don gom pa drug gis kyang mi chog la brgyad kyis lhag par 'gyur bas na/ de'i phyir byang chub sems dpa' btsas ma thag tu yongs su ma bzung bar gom pa bdun 'dor bar byed la/ drug kyang ma yin brgyad kyang ma yin te/ de yang byang chub sems dpa'i thabs la mkhas pa yin no// ci'i phyir byang chub sems dpa' gom pa bdun 'dor ba na tshig 'di skad ces nga ni 'jig rten na gtso bo yin te/

  68. 59b

    skye ba dang / rga ba dang / na ba dang / 'chi ba mthar dbyung bar bya'o zhes brjod par byed ce na/ rigs kyi bu 'khor de na brgya byin dang / tshangs pa dang / lha'i bu dbang che bar grags pa/ dag 'das par gyur te 'khod la/ nga rgyal gyis khengs pa de dag 'di snyam du bdag cag ni ches bla ma yin gyi/ byang chub sems dpa' 'di ni de lta ma yin no snyam du sems shing bdud par mi byed/ rab tu 'dud par mi byed/ phyag 'tshal bar mi byed/ rab tu phyag 'tshal bar mi byed pas na/ de ni byang chub sems dpa' 'di snyam du sems te/ brgya byin dang / tshangs pa dang lha'i bu 'di dag sun ring por don med pa dang 'gadon pa dang / sdug bsngal log par ltung bar 'gyur ro snyam nas/ de'i phyir byang chub sems dpa'i tshig 'di skad ces nga ni 'jig rten na mthu bo che yin no// nga ni 'jig rten na gtso bo yin te/ skye ba dang / rga ba dang / na ba dang / 'chi ba mthar dbyung bar bya'o zhes smras te/ tshig gi sgra des stong gsum gyi stong chen po'i 'jig rten gyi khams 'di go bar gyur nas/ lha'i bu gang dag der ma lhags pa de dag kyang sgra de thos nas lhags par gyur cing / de nas lha bu de dag dang / brgya byin dang / tshangs pa dag yid byung ba skyes shing ngo mtsher tu 'dzin par gyur nas/ gus pa dang bcas pas thal mo pug phug por sbyar te/ byang chub sems dpa' la mngon par 'dud cing phyag 'tshal bar byed de/ gang gi phyir byang chub sems dpa' tshig 'di

  69. 60a

    skad ces/ nga ni 'jig rten na gtso bo yin te/ skye ba dang / rga ba dang / na ba dang / 'chi ba mthar dbyung bar bya'o zhes smras pa'i rgyu ni de yin rkyen ni de yin no// byang chub sems dpa'i tshig de ni yang dag pa yin te de yang byang chub sems dpa'i thabs la mkhas pa yin no// ci'i phyir byang chub sems dpa' btsas ma thag tu gad mo cher dgod par byed ce na/ rigs kyi bu byang chub sems dpal ni 'dod chags dang lhan cig skyes pa 'am/ zhe sdang dang lhan cig skyes pa 'am/ gti mug dang lhan cig skyes nas rgod pa'i gad mo yang med/ rta gad du dgod pa yang med mod kyi/ 'on kyang byang chub sems dpa' 'di snyam du sems te/ byang chub sems dpa' 'di dag gis ni/ bdag dang lhan cig tu byang chub tu sems bskyed pa las/ bdag gis ni byang chub thob par gyur gyi/ sems can 'di dag ni li le'i dbang gis 'khor thibs por gnas par gyur pas/ kye ma sems can 'di dag ni thams cad mkhyen pa nyid thob par bya ba'i phyir snying rjes bgrod par bya ba'i chos thams cad la brtson 'grus rtsom par mi byed pa yin no zhes de ltar snying rje chen po bskyed na/ sems can de dag gis byang chub sems dpa' ni bsam pa yongs su rdzogs par yin par rig la/ bdag cag ni dman pa dang / bag med pa yin par rig nas/ de dag de bdag la phyag 'tshal bar 'gyur ro snyam nas/ de'i phyir byang chub sems dpa' gad mo cher dgod par byed de/ de yang byang chub sos/

  70. 60b

    dpa'i thabs la mkhas pa yin no// ci'i phyir byang chub sems dpa' dri ma med pa btsas ma thag tu brgya byin dang / tshangs pa dag gis 'khru bar byed ce na/ rigs kyi bu de ni brgya byin dang / tshangs pa dag mchod pa'i las byed pa dag yin la/ 'jig rten na yang khye'u dag btsas ma thag tu gdon mi za bar khrus byed pa dag yod pas/ byang chub sems dpas kyang 'jig rten shes pa'i rjes su gdon mi za bar 'jug par bya dgos pas na/ don gyi dbang de mthong ba'i phyir byang chub sems dpa' btsas ma thag tu brgya byin dang / tshangs pa dag gis 'khru bar byed de/ de yang byang chub sems dpa'i thabs la mkhas pa yin no// ci'i phyir byang chub sems dpa' dgon par btsas ma thag tu kho nar byang chub kyi snying por mi 'gro bar ci'i phyir grong du 'jug ce na/ dbang po rnams yongs su smin pa kun tu bstan pa dang / btsun mo'i 'khor gyi bya ba kun tu bstan pa dang / dga' ba dang / rtsed mo dag kun tu bstan nas kyang gling chen po bzhi la mi lta bar spangs te/ mngon par 'byung ba kun tu bstan par bya ba dang / 'di ltar sems can gzhan dag kyang bdag gi rjes su slob pa na/ 'dod pa'i dga' ba dang / rtsed mo dang longs spyod dang / 'khor rgya chen po dag spangs te/ rab tu 'byung ba'i phyir mngon par 'byung bar 'gyur bar bya ba'i phyir te/ gang gi phyir byang chub sems dpa' dgon pa ro btsas ma thag kho nar byang chub kyi

  71. 61a

    snying por mi 'gro bar grong du zhugs nas mngon par 'byung bar byed pa'i rgyu ni de yin rkyen ni de yin te/ de yang byang chub sems dpa'i thabs la mkhas pa yin no// ci'i phyir byang chub sems dpa' btsas nas zhag bdun lon na/ yum lha mo sgyu 'phrul 'chi ba'i dus byed par 'gyur ce na/ de la ni byang chub sems dpa' btsas pa'i nyes pa med de/ yum lha mo sgyu 'phrul nyid tshe zad nas dus las 'das pa yin gyi/ byang chub sems dpa'i nyes pa ma yin te/ 'di ltar byang chub sems dpa' dga' ldan gyi gnas mchog na gnas pa nyid kyi tshe na/ lha'i mig rnam par dag pas/ yum lha mo sgyu 'phrul gyi tshe la so sor brtags na/ byang chub sems dpa' yum lha mo sgyu 'phrul gyi tshe'i lhag ma ni zla ba bcu dang zhag bdun las ma las par shes nas/ de'i 'og tu byang chub sems dpa' dga' ldan gyi gnas mchog nas shi 'phos te/ ma'i mngal du zhugs pa yin pas/ rigs kyi bu rnam grangs des na khyod kyis 'di ltar yum lha mo sgyu 'phrul nyid tshe zad nas 'chi ba'i dus byas par zad kyi/ byang chub sems dpa' btsos pa'i nyes pa ma yin par rig par bya ste/ de yang byang chub sems dpa'i thabs la mkhas pa yin no// ci'i phyir byang chub sems dpa' yi ge dang / lag rtsis dang / bstan bcos dang / grangs dang / rtsis dang / ral gyi thabs dang / mda' gzhu'i thabs dang / 'gyed stobs dang /

  72. 61b

    gyad kyi 'dzin stangs dang / skar ma'i dpyad dang / dga' ba dang / rtsed mo dag legs par bslabs she na/ 'jig rten dang rjes su mthun pa'i bya ba'i phyir te/ 'di/ ltar byang chub sems dpa' dang po nyid nas gang la legs par ma bslabs/ ma byas pa'i bzo 'am/ gsang sngags sam/ rig sngags sam/ bstan chos sam/ bro gar tam/ glu 'am/ rol mo'i sgra 'am/ bzhad gad dam/ 'jo sgegs gam/ dga' ba 'am/ rtsed mo kun tu bstan par bya ba ni stong gsum gyi stong po'i 'jig rten gyi khams na 'ga' yang med mod kyi/ 'on kyang byang chub sems dpa' la ni btsas ma thag kho nar 'jig rten dang 'jig rten las 'das pa'i bzo dang / las kyi gnas thams cad mngon tu 'gyur ro// de ci'i phyir zhe na/ sngon shin tu legs par bslabs pa dang / dge ba'i rtsa ba yongs su smin ma'i dbang gi stobs bskyed pa'i phyir te/ de yang byang chub sems dpa'i thabs la mkhas pa yin no// ci'i phyir byang chub sems dpa' srid pa thams cad btsun mo dang sras dang g.yog 'khor len par byed ce na/ rigs kyi bu byang chub sems dpa' ni 'dod pa don du gnyer ba ma yin no// de ci'i phyir zhe na/ de'i gnas skabs na skyes bu dam pa ni 'dod chag dang bral ba'i phyir te/ 'on kyang byang chub sems dpa' srid pa tha ma pas ni btsun mo dang sras dang / bu'i 'khor gdon mi za bar bstan par bya dgos te/

  73. 62a

    sems can gang dag 'di snyam du byang chub sems dpa' ni skyes bu dam pa ma yin gyi/ za ma'i rigs shig yin no snyam du sems par gyur na/ de dag yun ring por don med pa dang / gnod pa dang / sdug bsngal ba dang / log par ltung bar 'gyur bas/ sems can de dag gi the tsom gcad pa dang / 'di lta ste sras sgra can 'dzin kun tu bstan par bya ba'i phyir/ byang chub sems dpas shAkya'i bu mos 'tshom blangs so// gang dag 'di snyam du sras sgra can 'dzin ni yab dang yum gyi mer mer po las skyes pa yin no snyam du sems na de ltar mi blta'o// de ci'i phyir zhe na/ sgra can 'dzin 'dis ni sngon 'di skad du bdag srid pa tha ma pa'i bur gyur cig ces smon lam btab pas na/ sgra can 'dzin ni lha yul nas shi 'phos nas 'dir rdzus te skyes pa yin gyi/ pha dang ma'i mor mer po las skyes pa ma yin pa'i phyir ro// shAkya'i bu mo sa 'tshom yang sngon gyi smon lam gyi dbang gis blangs pa yin te/ des de bzhin gshegs pa mar me mdzad kyi spyan sngar bram ze'i khye'u khyod srid pa zam par gyur pa na bdag gi khyim zab tu gyur la/ bdag kyang khyod kyi btsun mor gyur cig ces smon lam btab pa'i phyir ro// de'i tshe na byang chub sems dpas kyang 'di skad ces bzang mo nga ni 'dod pa rnams don tu gnyer ba ma yin mod kyi/ 'on kyang khyod kyi bsam pa ji lta ba bzhin du gyur cig ces/

  74. 62b

    ud pa la'i phyir khas blangs te/ sangs rgyas kyi spyan sngar dge ba'i rtsa ba bskyed pa de ni mi slu ba yin pas na/ byang chub sems dpas shAkya'i bu mo sa 'tsho ma blangs so// gzhan yang byang chub sems dpa' srid pa tha ma pas ni/ btsun mo'i 'khor dang / g.yog 'khor gdon mi za bar kun tu bstan par bya dgos te/ 'di ltar shAkya'i bu ma sa 'tsho mas byang chub sems dpa'i gzugs phun sum tshogs pa dang / lha'i mchod pa phun sum tshogs pa dang / mngon par 'byung ba phun sum tshogs pa mthong nas/ 'di skad du kye ma bdag kyang yon tan gyi chos 'di lta bu dang ldan par gyur cig ces lhag pa'i bsam pas/ bla na med pa yang dag par rdzogs pa'i byang chub tu sems bskyed par gyur pa'i phyir te/ de ltar na shAkya'i bu mo sa 'tsho ma byang chub kyi sems brten par bskyed du gzhug pa'i phyir yang byang chub sems dpas shAkya'i bu mo sa 'tsho ma blangs// gzhan yang sems can gang dag 'dod pa bran dang chung ma dang / las kyi mtha' dang / khang khyim dang / nor rdzas kyi 'du 'dzi spangs nas/ yongs su 'dzin pa spangs te/ rab tu 'byung bar mi nus pa'i sems can de dag la/ 'dod pa'i sred pa dang / longs spyod dang / nor rdzas dang / chung ma la mi lta bar kun tu bstan par bya ba'i phyir yang / byang chub sems dpas shAkya'i bu mo sa 'tshom blangs nas/ khang khyim dang / nor rdzas dang / chung ma dang / 'khor rnams la mi lta bar spangs te/ mngon par 'byung nas/

  75. 63a

    sems can de dag kyang 'di snyam du gzhon nu don thams cad grub pa 'di yang de ltar btsun mo dang / nor rdzas dang / 'khor dang / longs/ spong rgya chen po dag la mi lta bar spangs te/ rab tu byung na de'i phyir/ bdag cag kyang ci'i phyir rab tu 'byung bar mi bya snyam du sems par bya ba'i phyir ro// gzhan yang byang chub sems dpa' sngon byang chub sems dpa'i spyad pa spyod pa ni// bud med gzhon nu bsnyen bkur ma gang dag dge ba'i chos rnams kyis yongs su smin par byas shing / yid gcugs par gyur pa de dag gis 'di skad ces bdag cag khyod srid pa tha ma par gyur pa'i bar tshun cad kyi btsun mor gyur cig ces smon lam btab pas ni/ de dag gi dkar pa'i chos rgya cher smin par bya ba'i phyir yang / byang chub sems dpas 'khor rnams blangs te/ de na byang chub sems dpa' btsun mo'i 'khor gyi nang du gnas pas/ bud med bzhi khri nyis stong ni bla na med pa yang dag par rdzogs pa'i byang chub tu yongs su smin par byas so// lhag ma rnams ni log par mi ltung ba'i chos can du byas te/ rnam grangs des kyang byang chub sems dpa' 'khor rnams blangs so// gzhan yang bud med gang dag 'dod chags kyi yongs su gdung ba chen pos yongs su gdungs par gyur pa de dag gis byang chub sems dpa' mthong ma thag tu bdag nyid 'dod chags dang bral bar kun tu shes par bya ba'i phyir ro// gzhan yang byang chub sems dpa' bdag nyid kyi chu

  76. 63b

    zheng dang kha dog dang / dbyibs ci 'dra ba de 'dra ba'i sprul pa mngon par sprul nas/ sprul pa de dang bud med de dag lhan cig gnas pa dang / rtse ba dang / dga' mgur spyod par byed pa na/ de dag so so nas 'di snyam du bdag ni byang chub sems dpa' dang lhan cig dga' ba dang rtse ba dang / dga' mgur spod par byed do snyam du sems par zad kyi/ byang chub sems dpa' ni bsam gtan gyi dga' ba'i gnas pas gnas par byed do// sprul pa'i 'dod pa'i longs spod ji lta ba bzhin du/ de bzhin gshegs pa dgra bcom pa yang dag par rdzogs pa'i sangs rgyas mar me mdzad tshun cad nas/ byang chub sems dpa' 'dod pa'i longs spyod kyang de dang 'dra bar blta bar bya'o// shAkya'i bu 'dun pa dang / rta sngags ldan gnyis kyang / de gnyis kyi sngon gyi smon lam nyid yin par blta bar bya ste/ de yang byang chub sems dpa'i thabs la mkhas pa yin par blta bar bya'o// ci'i phyir byang chub sems dpa' shing 'dzam bu'i grib ma la bsam gtan byed ce na/ byang chub sems dpa' de na gnas pas lha bye ba phrag bdun cu btul pa dang / yab dang yum dag la yang dag par bstan par bya ba dang / byang chub sems dpa' dog rab tu 'byung ba'i phyir/ mngon par 'byung ba dang / shes rab che ba nyid gdon mi za bar kun tu bstan par bya dgos pa dang / shing 'dzam bu'i grib mas btang ba nyid kyang kun tu bsten pa bya ba'i phyir te/ gang gi phyir byang chub sems dpa' shing 'dzam bu'i grib ma

  77. 64a

    la bsam gtan byed pa'i rgyu ni de yin/ rkyen ni de yin te/ de yang byang chub sems dpa'i thabs la mkhas pa yin no// byang chub sems dpa' dga' ba dang / rtsed mo thams cad don tu mi gnyer ba ci'i phyir skyed mos tshal gyi sar byung zhe na/ rgan po dang / nad pa dang / shi ba kun tu bstan par bya ba dang / nye du rnam kyis 'di ltar byang chub sems dpa' ni nye du rnams mi 'dod pa ma yin gyi/ rga ba dang / na ba dang / 'chi bas 'jigs shing skrag pa dang / khyim na gnas pa ni nyes pa mang po'i skyon chags pas gnas ma yin par rig nas/ mngon par 'byung ba yin no// zhes shes par 'gyur ba kun tu bstan par bya ba dang / sems can thams cad kyang rga ba dang na ba dang / 'chi bas 'jigs pa kun tu bstan pa'i phyir te/ de'i phyir na byang chub sems dpa' dga' ba dang / rtsed mo don du mi gnyer ba yang skyed mos tshal gyi sar byung / de yang byang chub sems dpa'i thabs la mkhas pa yin no// ci'i phyir byang chub sems dpa' nam phyed kyi dus kyi tshe/ mngon par byang la nyin mo ma yin zhe na/ sems can rnams gang la gnas na/ dge ba'i rtsa ba dag 'phel bar 'gyur ba'i dge ba'i rtsa ba kun tu bstan par bya ba'i phyir te/ dkar po'i chos don tu gnyer ba'i rigs kyi bus ni bde ba rgya chen po ji snyed pa yang yongs su spangs te/ nam phyed kyi dus kyi tshe na ma dris mi ltos par mngon par 'byung bar bya ba dang / bde ba'i yo byad ji snyed pa dag kyang

  78. 64b

    yongs su spang bar bya ba dang / dkar po'i phyogs yongs su nyams par mi bya ba'i phyir te/ de yang byang chub sems dpa'i thabs la mkhas pa yin no// ci'i phyir byang chub sems dpa' skye bo rnams gnyid log par byas te/ mngon par byung zhe na/ skye bo rnams ni lha rnams kyis gnyid log par byas pas/ lha rnams kyis nyes par kun tu bstan pa'i phyir te/ byang chub sems dpa' la nye du rnams dang / skye bo rnams za ba dang / zhe sdang gi sems skyed par gyur na/ de dag la yun ring por don med pa dang / gnod pa dang / sdug bsngal ba dang / log par ltung bar 'gyur gyi/ de dag gis skye bo rnams lha rnams kyis gnyid log par byas shing / lha rnams kyis sgo bye ste/ bar snang la khyer bas/ de ni byang chub sems dpa' mnyes so zhes shes par gyur na/ de dag byang chub sems dpa' la dad pa rgya chen po 'thob par 'gyur bas/ don kyi dbang de mthong ba'i phyir skye bo rnams gnyid log par byas nas mngon par byung ste/ de yang byang chub sems dpa'i thabs la mkhas pa yin no// ci'i phyir byang chub sems dpas rta dang rgyan rnams shAkya'i bu 'dun pa la phyir skur zhe na/ 'di lta ste chog shes pa kun tu bstan par bya ba'i phyir te/ gzhan dag 'di skad ces byang chub sems dpa' ni dngos po thams cad la mi lta bar rab tu byung bas na/ gser dang dngul dag don du gnyer ba ma yin no zhes brjod par bya ba dang / gzhan yang byang chub sem

  79. 65a

    dpas phyi ma'i skye bo dag rjes su slob tu gzhug pa'i phyir te/ 'di ltar gang dag bstan pa 'di dag la rab tu 'byung bar 'gyur ba de dag gis/ ni nga'i rjes su bslab cing dngos po thams cad la mi lta bar 'phags pa'i rigs bzhi la brten nas/ rab tu 'byung bar bya ste rab tu 'byung bas ni dang po kho na nas 'tsha ba la ltos shing rab tu 'byung bar mi bya'o zhes bstan par bya ba'i phyir te/ de yang byang chub sems dpa'i thabs la mkhas pa yin no// ci'i phyir byang chub sems dpas bdag nyid kyis ral gyis skra bregs te byung zhe na/ rigs kyi bu 'di ltar gang gis byang chub sems dpa' dpal dang gzi brjid zil gyis mnan te/ sgra 'dreg par bzod/ pa'i lha 'am/ klu 'am/ gnod sbyin nam/ dri za 'am/ mi 'am mi ma yin pa ni stong gsum gyi stong chen po'i 'jig rten gyi khams na 'ga' yang med pa dang / byang chub sems dpa' de nyid rab tu 'byung ba don tu gnyer bas na/ dad pa dang ldan pa yin no zhes kun tu bstan pa dang / bdag nyid kyis skra bregs te rab tu gyur na/ rgyal po zas gtsang yang sus nga'i bu skra bregs/ chad pas gcod do zhes dga' bar mi 'gyur ba dang / byang chub sems dpa' bdag nyid kyis rang gis ral gyis skra bregs so zhes rgyal po zas gtsang gis thos nas/ cang mi zer bar gyur par bya ba'i phyir te/ de yang byang chub sems dpa'i thabs la mkhas pa yin no// /

  80. 65b

    de nas bcom ldan 'das kyis yang byang chub sems dpa' ye shes dam pa la bka' stsal pa/ rigs kyi bu gzhan yang gang gi phyir byang chub sems dpas lo// drug tu dka' ba spyod pa spyad pa yang nyon cig/ 'di ltar byang chub sems dpa' ni thabs la mkhas pas/ sems can rnams mi dge ba'i las kyi bya ba dag la nges par skyo zhing 'dun par bya ba'i phyir te/ rigs kyi bu 'di ltar byang chub sems dang sa de bzhin gshegs pa dgra bcom pa yang dag par rdzogs pa'i sangs rgyas 'od srung gi gsung rab la 'di skad ces dge sbyong mgo reg mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras pa de yang byang chub sems dpa'i thabs la mkhas po dang / ldem po ngag yin par blta bar bya ste/ las kyi sgrib pa de'i rgyus byang chub sems dpas lo drug tu dka' ba spyod pa spyad do// byang chub sems dpa' ci las bsams te tshig de skad ces smras she na/ rigs kyi bu de'i tshe de'i dus na/ de bzhin gshegs pa dgra bcom po yang dag par rdzogs pa'i sangs rgyas 'od srung gi gsung rab la/ bram ze'i khye'u 'od zer 'phreng de la ne'u ldangs bram ze'i rigs kyi shing sa la chen po lta bu'i byang chub sems dpa'i theg pa la yang dag par zhugs pa lnga zhig yod pa de dag sdig pa'i grog

  81. 66a

    po'i dbang dang / sdig pa'i grogs po dang phrad pas/ byang chub kyi sems de dag brjed par gyur nas/ de'i tshe na rigs kyi bu lnga po de dag mu stegs can gyi rtul zhugs spyod par gyur cing / sangs rgyas kyi rtul zhugs mi spyod pa dang / mu stegs can gyi gsang sngags la brtson 'grus shing / sangs rgyas kyi gsang sngags la mi brtson pa dang / mu stegs can gyi dbang gis byang chub ni bdag cag yo byad de/ bdag cag kyang sangs rgyas yin no zhes bdag nyid ston pa yin par khas 'che bar byed do// bram ze'i khye'u 'od zer 'phreng gis rigs kyi bu de dag snod yin par rig nas/ de thab la mkhas pas/ bram ze'i rigs shing sa la chen po lta bu'i bu lnga po de dag rim gyis mu stegs can de dag gi drung nas phyir bzlog par 'dod pas/ des thabs la mkhas pas rdza mkhan bum byed la tshig 'di skad ces/ dge sbyong mgo reg mthong bas khro bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras te/ rigs kyi bu de'i tshe bram ze'i khye'u 'od gzer 'phrong de sa phyog gzhan zhig tu bram ze'i rigs shing sa la chen po lto bu'i bu lnga po de dag dang lhan cig tu 'khod do// de nas rdza mkhan bum byed de sa phyogs de ga la ba der song ste/ de bzhin gshegs pa dgra bcom pa yang dag par

  82. 66b

    rdzogs pa'i sangs rgyas 'od srung gi bsngags pa brjod cing / bsngags pa brjod nas/ bram ze'i khye'u 'od ge zer 'phreng la 'di skad ces smraso// kye 'od gzer 'phreng tshur shog/ de bzhin gshegs pa dgra bcom pa yang dag par rdzogs pa'i sangs rgyas 'od srung gi spyan sngar 'dong ngo // rigs kyi bu de nas bram ze'i khye'u 'od gzer 'bring 'di snyam du sems te/ kye ma bram ze'i khye'u 'di dag ni dge ba'i rtsa ba yongs su ma smin pa yin pas/ gal te bdag gis de bzhin gshegs pa dgra bcom pa yang dag par rdzogs pa'i sangs rgyas 'od srung dang / byang chub kyi bsngags pa brjod cing / mu stegs can rnams kyi bsngags pa ma yin pa brjod par gyur na/ rig kyi bu 'di dag yongs su dogs par gyur nas/ de bzhin gshegs pa dgra bcom pa yang dag par rdzogs pa'i sangs rgyas 'od srung gi spyan sngar 'gro bar mi 'gyur ba'i gnas de lta bu yod do snyam nas/ bram ze'i khye'u 'od gzer 'phreng de sngar dam bcas pa de nyid rjes su srung bzhin du/ shes rab kyi pha rol tu phyin pa'i rgya mthun pa'i thabs la mkhas pas tshig 'di skad ces dge sbyong mgo reg mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smraso// ci ltar ni shes rab kyi pha rol tu phyin pa'i rgyu mthun pa'i thabs la mkhas pa yin zhe na/ shes rab kyi pha rol tu phyin pa le spyod pa'i

  83. 67a

    byang chub sems dpa' la ni byang chub kyi 'du shes kyang med/ sangs rgyas kyi 'du shes kyang med/ sangs rgyas shes bya ba sangs rgyas kyang yang dag par rjes su mi mthong / byang chub kyang yang dag par rjes su mi mthong ste/ byang chub ni nang du yang dag par rjes su mi mthong / byang chub ni phyi rol tu yang dag par rjes su mi mthong / byang chub ni nang dang phyi rol tu yang dag par rjes su mi mthong ba'i phyir ro// de ltar chos thams cad ma skyes mi dmigs pa'i phyir/ byang chub ni gtan stong pa nyid yin pas/ bram ze'i khye'u 'od gzer 'phreng gis shes rab kyi pha rol tu phyin pa'i rgyu mthun pa'i thabs la mkhas pa des/ tshig 'di skad ces dge sbyong mgo reg mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras so// de nas gzhan zhig gi tshe na bram ze'i khye'u 'od gzer 'phreng de ne'u ldangs lnga po dag dang chu 'gram zhig na 'khod par gyur pa dang / de nas sangs rgyas kyi mthus rigs kyi bu lnga po de dag gdul ba'i dbang gi phyir rdza mkhan bum byed chu 'grem de ga la ba der song ste/ bram ze'i khye'u 'od gzer 'phreng de dag la 'di skad ces smras so// kye 'od gzer 'breng tshur shog/ sangs rgyas bcom ldan 'das rnams 'jig rten du 'byung ba ni shin tu rnyed par dka' ba yin gyis/ de bzhin gshegs pa dgra bcom pa yang dag par rdzogs pa'i sangs rgyas 'od

  84. 67b

    srung la blta ba dang / phyag bya ba dang / bsnyen bkur bya ba'i phyir 'dong ngo // bram ze'i khye'u 'od gzer 'breng gis smras pa/ dge sbyong sgre bo mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras te/ bram ze'i khye'u 'od gzer 'phreng de bzhin gshegs pa la blta ba dang / phyag bya ba dang / bsnyen bkur bya ba'i phyir 'gror ma btub pa dang / de nas rdza mkhan bum byed des bram ze'i khye'u 'od gzer 'phreng gi bor to nas bzung ste/ de bzhin gshegs pa dgra bcom pa yang dag par rdzogs pa'i sangs rgyas 'od srung ga la ba der khrid de srong ngo // bram ze'i khye'u lnga po de dag gis kyang bram ze'i khye'u 'od gzer 'phreng yongs su bskor te/ yid 'dun par byas nas de bzhin gshegs pa dgra bcom pa yang dag par rdzogs pa'i sangs rgyas 'od srung ga la ba der dong ngo // de nas bram ze'i rigs shing sa la chen po lta bu'i log par lta ba'i khyim du skyes pa lnga po de dag cher 'dun par gyur nas/ 'di snyam du 'di ltar bram ze'i khye'u 'od gzer 'phreng 'di de bzhin gshegs pa dgra bcom pa yang dag par rdzogs pa'i sangs rgyas 'od srung la blta ba dang / phyag bya ba dang / bsnyen bkur bya ba dang / drung du 'gro ba dang / dge ba'i chos yongs su rdzogs par bya ba'i phyir rdza mkhan bum byed 'das thor to nas bzung bzhin du yang bdag nyid kyi srog yongs su btang ste/

  85. 68a

    de bzhin gshegs pa dgra bcom pa yang dag par rdzogs pa'i sangs rgyas 'od srung gi spyan sngar 'gro bar 'gyur ba'i sangs rgyas de ni ci 'dra ba zhig yin/ sangs rgyas kyi chos de ni ci 'dra ba zhig yin snyam nas/ de nas bram ze'i rigs shing sa la chen po lta bu'i bu lnga po de dag gis 'dun par byas na// de bzhin gshegs pa 'od srung la blta ba'i phyir/ de bzhin gshegs pa 'od srung gi thad du dong ngo // de dag gis de bzhin gshegs pa dgra bcom pa yang dag par rdzog pa'i sangs rgyas 'od srung mthong ma thag tu sngon gyi dge ba'i rtsa bas yang dag par bskul pas dad pa thob par gyur to// de dag gis dad pa thob nas bram ze'i khye'u 'od gzer 'phreng la smras pa/ ston pa'i yon tan 'di lta bu dag khyod kyis sngan cad kho bo cag la ma smras so zhes spyos so// rigs kyi bu de nas bram ze'i rigs shing sa la chen po lta bu'i bu lnga po dag gis/ de bzhin gshegs pa dgra bcom pa yang dag par rdzogs pa'i sangs rgyas 'od srung gi dpal dang / gzi brjid kyang mthong spobs pa yang thos/ tshangs pa'i sgra dbyangs bsgrags pa yang thos nas/ lhag pa'i bsam pas bla na med pa yang dag par rdzogs pa'i byang chub tu sems bskyed do// rigs kyi bu de nas de bzhin gshegs pa dgra bcom pa yang dag par rdzogs pa'i sangs rgyas 'od srung gis rigs kyi bu de dag gi lhag pa'i bsam pa thugs su chud nas/

  86. 68b

    de'i tshe byang chub sems dpa'i sde snod kyi chos kyi rnam grangs phyir mi ldog pa'i 'khor lo'i gzungs rdo rje'i tshig chos thams cad skye ba med pa zhes bya ba de lta de ltar yang dag par bstan pa mdzad de/ des rigs kyi bu lnga po de dag gis mi skye ba'i chos la bzod pa thob par gyur to// rigs kyi bu de ltar na nga ni sangs rgyas kyi ye shes thogs pa mi mnga' bas/ khyed cag la gal te bram ze'i khye'u 'od gzer 'phreng des/ gyi rigs kyi bu de dag gi mdun du de bzhin gshegs pa dgra bcom pa yang dag par rdzogs pa'i sangs rgyas 'od srung gi bsngags pa brjod cing / mu stegs can rnams kyi bsngags pa ma yin pa brjod par gyur na ni/ des na rigs kyi bu de dag de bzhin ga sh+ye pa dgra bcom pa yang dag par rdzogs pa'i sangs rgyas 'od srung gi spyan sngar 'gro ba'i gnas dang / skabs kyang med na/ dad pa thob par 'gyur ba lta ci smos te/ de ni gnas med do zhes lung ston to// rigs kyi bu de ltar na byang chub sems dpa'i theg pa la yang dag par zhugs pa'i rigs kyi bu lnga po de dag yongs su smin par bya ba'i phyir bram ze'i khye'u 'od gzer 'phreng gis shes rab kyi pha rol tu phyin pa rgyu mthun pa'i thabs la mkhas pas tshig 'di skad ces/ dge sbyong mgo reg mthong nas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo rog la byang chub ga la yod ces smras par zad kyi/ rigs kyi bu phyir mi

  87. 69a

    ldog pa'i byang chub sems dpa' ni/ sangs rgyas la nem nur med cing sangs rgyas kyi chos rnams la yang som nyi med de/ de yang byang / chub sems dpa'i thabs la mkhas pa yin no// rigs kyi bu byang chub sems dpa' de dag yongs su smin par byas shing / las kyi rnam par smin pa bstan pa gang yin pa'i las kyi rnam par smin des kyang / ngas lo drug tu dka' ba spyod pa spyad par gyur pas/ sems can mi shes par spyod pa gzhan dag gis ni dge sbyong dang bram ze'i tshul khrims dang ldan pa dag la lkog nas tshig rtsub po smras la/ de dag gis shes kyang rung mi shes kyang rung / shes pa dang ldan yang rung shes pa dang mi ldan yang rung ste/ brjod par gyur na/ de dag la yun ring por don med pa dang / gnod pa dang / sdug bsngal ba dang / log par ltung bar 'gyur bas na/ sems can de dag la las kyi bya ba bstan pa'i phyir/ de bzhin gshegs pas las de kun tu ston par zad kyi/ byang chub sems dpa' la ni las kyi sgrib pa cud kyang med do// gzhan yang sems can gang dag dge sbyong dang bram ze tshul khrims dang ldan pa dag la tshig rtsub po smras nas/ bdag la ni skal pa med do snyam nas 'gyod pa la gnas shing / phyin cad rtsol bar mi byed pa'i sems can de dag gi 'gyod pa bsal bar bya ba'i phyir yang las de kun tu bstan te/ de dag 'di snyam du sems dpa' skye ba gcig gis thogs pas/

  88. 69b

    de bzhin gshegs pa dgra bcom pa yang dag par rdzogs pa'i sangs rgyas 'od srung gi gsung rab la tshig 'di skad ces/ byang chub ni mchog tu rnyed par dka' ba yin pas/ dge sbyong mgo reg byang chub ga la yod ces smras kyang / de la rnam par grol ba'i skal pa yod par gyur na/ bdag cag mi shes pa rnams lta smos kyang ci dgos snyam du sems shing / de dag sdig pa'i las kyi nyes pa de yang 'chags la gzhan dag kyang mngon par 'du mi byed par 'gyur ba'i phyir ro// rigs kyi bu gzhan yang mu stegs can dag gdul ba'i phyir/ byang chub sems dpas lo drug tu dka' ba spyad pa kun tu bstan gyi/ las kyi sgrib pa'i rgyus ni ma yin no// de ci'i phyir zhe na/ dge sbyong dang bram ze rgya shug dang til dang / 'bras 'bru gcig tsam za zhing zas gzhan mi za bas/ rnam par dag par 'gyur bar 'dod pa dag yod pas/ de dag tshar gcad pa'i phyir byang chub sems dpes 'phags pa'i lam la ma brtan par/ rgya shug dang / til dang / 'bra bu gcig tsam gyi zas ngan pa za bas rnam par dag par mi nus par bstan pa'i phyir te/ 'di ltar byang chub sems dpas tshig 'di skad ces/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras pa'i rgyu ni de yin rkyen ni de yin te/ las kyi bya ba de la dmigs nas/ lo drug tu dka' ba spyad pa de bstan to// byang chub sems dpas lo drug tu dka' ba

  89. 70a

    spyad pa bstan pas/ lha dang phyi rol pa'i drang srong ngan pa la mos pas ya phrag bzhi dang / nye 'bum yang kha zas ngan pa des btul nas/ de dag gis ye shes mngon par rtogs par 'gyur te/ de yang byang chub sems dpa'i thabs la mkhas pa yin no// ci'i phyir byang chub sems dpas zas la yongs su longs spyod pa de las kyi stobs dang shugs dang mthu yang dag par bskyed nas byang chub kyi shing drung du song gi/ lus nyams pa dang / lus nyam chung bzhin du ma song zhe na/ byang chub sems dpa' ni zas ma zos shing lus nyams pa dang / lus nyams chung bas kyang byang chub mngon par rdzogs par 'tshang rgya bar nus na/ zas ngan par zos pas lta ci smos te/ 'on kyang skye bo phyi ma dge ba'i rtsa ba yongs su ma smin pa zas mi za bas byang chub yongs su btsal bar sems pa de dag/ bkres pas yongs su gdungs pas ye shes bsgrub par mi nus pa de dag snying brtse ba'i phyir/ byang chub sems dpas zas la yongs su longs spyod do// de ci'i phyir zhe na/ bde bar gyur pa rnam kyis ni chos rnams mngon par brjod par nus kyi/ sdug bsngal bar gyur pa rnams kyis ni mi nus pas/ ngas sems can de dag la bde bas ye shes rtogs pa kun tu bstan par bya ba'i phyir te/ ji lta zhe na/ byang chub sems dpa' nyid kyang grong mi'i bu mo zas la yongs su longs spyad nas/ zas kyi bde ba nyid kyis byang chub thob po zhes sems

  90. 70b

    rten rnams nga'i rjes su slob par 'gyur ba'i phyir ro// de nas byang chub sems dpas grong ma'i bu mo legs skyes ma'i byang chub kyi phyogs kyi chos rnams yongasu rdzogs par bya ba dang / skye bo phyi ma rnams la rjes su snying brtse ba'i phyir/ byang chub sems dpas de'i kha zas yongs su longs spyod nas/ byang chub thob par kun tu bstan par zad kyi/ rigs kyi bu byang chub sems dpas ni bsam gtan dang ting nge 'dzin gyi dga' ba dang / mchog tu dga' ba cig gis kyang / bskal pa 'bum phrag mang por kha zas med par gnas par nus te/ de yang byang chub sems dpa'i thabs la mkhas pa yin no// ci'i phyir byang chub sems dpa' rtswa dge slong bar byed ce na/ sngon gyi de bzhin gshegs pa de dag kyang rtsa'i gding ba la mos shing / gdan la gdung ba ma yin pas/ chog shes pa nyid kyi phyir dang / rtswa 'tshong bkra shis pa'i byang chub kyi phyogs kyi chos rnams yongs su rdzogs par bya ba'i phyir ro// des kyang byang chub sems dpa' la rtswa dag phul nas/ bla na med pa yang dag par rdzogs pa'i/ byang chub tu sems bskyed pas na/ de yang ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas rdul bral zhes bya bar 'gyur ro zhes lung ston to// de yang byang chub sems dpa'i thabs la mkhas pa yin no// ci'i phyir byang chub sems dpa' byang chub kyi shing drung du 'dug nas/ bdud sdig

  91. 71a

    can ma 'ongs pa myur bar byang chub mngon par rdzogs par 'tshang rgya bar mi byed ce na/ rigs kyi bu byang chub sems dpas skabs ma phye bar bdud sdig can byang chub kyi shing drung du 'ong ba ni/ gnas med cing skabs med de/ de ni gnas med mod kyi/ rigs kyi bu 'on kyang byang chub sems dpa' byang chub kyi shing drung du 'dug pa na/ 'di snyam du sems te/ gling chen po bzhi 'dod pa'i khams 'di na/ dbang phyug ni su yin/ sems can 'di dag ni su'i dbad du song snyam pa dang / de 'di snyam du sems te/ de ni bdud sdig can yin te/ de'i dbang du song ngo snyam nas/ de nas byang chub sems dpa' 'di snyam du sems te/ bdag gis bdud sdig can dang g.yul sprad de/ de las rgyal bar byas nas/ 'dod pa'i khams thams cad las kyang rgyal bar 'gyur la/ bdud kyi 'khor mang po yang 'dra bar 'gyur/ gnod sbyin gyi 'khor dang / srin po'i 'khor dang / dri za'i 'khor dang / lha ma yin gyi 'khor yang 'du bar 'gyur zhing / 'khor med po 'dus pa dag gis/ byang chub sems dpa' seng ge'i rnam par rtse ba mthong na/ bla na med pa yang dag par rdzogs pa'i byang chub tu sems bskyed cing / smon lam 'debs par yang 'gyur la/ gzhan gang dag gis mthong ba de dag la yang yongasu mya ngan las 'das pa'i bar gyi rgyur 'gyur ro snyam ste/ rigs kyi bu de nas bya

  92. 71b

    chub sems dpa' byang chub kyi shing drung na 'dug pas/ mdzod smra nas 'od rab tu bkye'o// 'od des stong gsum gyi stong chen po'i 'jig rten gyi khams 'di snang bar byas shing nyi ma dang zla ba dag gi 'od kyang yongasu gtugs te/ bdud kyi gnas thams cad spa bskongs nas/ 'od de las sgra 'di lta bu byung ngo // shag kya'i sras bo de shag kyi khab nas mngon par byung ste/ de ning byang chub mngon par rdzogs par 'tshang brgya par 'gyur bas/ bdud kyi yul las yang dag par 'da' zhing / sems can brgya stong dpag tu med pa gzhan dag kyang / bdud kyi yul yang dag par 'da' bar byed par 'gyur bas/ bdud kyi phyogs nyung ba dang / bdud kyi 'khor nyung bar 'gyur gyis/ khyod song la de dang g.yul spyod cig/ rigs kyi bu de nas 'od des bdud sdig can la yang dag par bskul ba na/ de mya ngan gyi gzug rngu chen pos gzer bar gyur te/ khro zhing rnga ma bzhin du de'i mod la/ dpung gi tshegs yan lag bzhi pa bshams shing bsdus nas/ byang chub kyi shing drung ga la ba der song ste/ byang chub sems dpa' la bgegs bya ba'i phyir dpag tshad sum cu rtsa gnyis kyi 'khor yug tu bdud kyi dmag gis gang bar byaso// de na byang chub sems dpa' shes rab rin po che dang / byams pa chen po dang / snying rje chen po la gnas nas shes rab rin po che las nges par byung ba'i ser gyi kha dog lta bus sa/

  93. 72a

    gzhi chen po la rdabs te/ byams pa'i stobs kyis bdud kyi sde thams cad pham par mdzad do// bdud kyi sde pham par mdzad ma thag tu/ lha dang / klu dang / gnod sprin dang / dri za dang / mi 'am ci dang / lto 'phye chen po dang / grul 'bum bye ba phrag brgya bcu rtsa bzhi byang chub sems dpa'i dpal dang / gzi brjid dang / sku mdog dang / gzugs dang / dbyings kyang mthong / stobs dang / shugs // mthu dang seng ge'i rnam por rtse ba yang mthong nas/ bla na med pa yang dag par rdzogs pa'i byang chub tu sems bskyed par gyur te/ de yang byang chub sems dpa'i thabs la mkhas pa yin no// ci'i phyir de bzhin gshegs pas byang chub bsnyes nas zhag bdun du skyil mo krung mi 'jig par shing gi rgyal po la sbran mi 'dzums par gzigs she na/ de na gzugs na spyod pa'i lha'i bu rab tu zhi bar spyong ba dag kyang 'khod la/ de dag gis de bzhin gshegs pa skyil mo krung gis bzhugs pa mthong nas/ dga' ba dang / dang ba dang / mchog tu dga' ba rgya chen po skyes shing / dga' ba dang / dang ba dang / mchog tu dga' ba skyes pa de dag 'di snyam du sems te/ bdag cag gis dge sbyong go'u ta ma'i sems ci la brten pa des par brtag par bya'o snyam nas/ de dag gis zhag bdun du sems gcig tu bsdus te/ brtags kyang de bzhin gshegs pa'i thugs ci la brten pa ma rtogs nas/ de dag

  94. 72b

    dga' ba dang / dang ba dang / mchog tu dga' ba chen po skyes nas/ lha'i bu sum khri nyis stong gis bdag cag kyang ma 'ongs pa'i dus na/ 'di ltar rab tu zhi ba'i spyod pas byang chub kyi shing la rtog par gyur cig ces bla na med pa yang dag par rdzogs pa'i byang chub tu sems bskyed par gyur te/ gang gis phyir de bzhin gshegs pas byang chub brnyes nas zhag bdun du skyil mo klung mi 'jig par shing gi rgyal po la spyan mi 'dzums par gzigs pa'i rgyu ni de yin rkyen ni de yin te/ de ni de bzhin gshegs pa'i thabs la mkhas pa yin no// ci'i phyir de bzhin gshegs pas bskal pa grangs med pa nas/ rnam par thar pa'i sgos sems can thams cad dbugs dbyung zhing mgron tu gnyer nas/ tshangs pas gsol ba ma btab par chos ston par mi mdzad ce na/ rigs kyi bu 'di la de bzhin gshegs pa 'di snyam du dgongs te/ lha dang mir bcas pa'i 'jig rten ni phal cher tshangs pa la rten cing / tshangs pa la gtso bor 'dzin pa yin pas/ de dag 'di snyam du bdag cag ni tshangs pas sprul to// bdag cag ni tshangs pa las skyes te/ tshangs pa ma ta gtogs par 'jig rten gyi byed pa po gzhan yang med la/ ston pa yang gzhan med do snyam du sems pas/ don de bzhin gshegs pa 'di snyam du dgongs te/ bdag gis tshangs pa 'ong bar bas shing tshangs pa la bstod de/ tshangs pas phyag byas na/ tshangs pa la brten

  95. 73a

    pa lha dang bcas pa'i 'jig rten yang de bzhin gshegs pa la phyag 'tshal bar 'gyur la/ tshangs pas gsol ba btab nas/ de bzhin gshegs pa chos ston par mdzad kyi/ ma gsol bar ma ston na/ de dag nga'i chos kyang 'dzin du nges so snyam du dgongs pa'i phyir te/ tshangs pa yang de bzhin gshegs pa nyid kyi mthus/ 'di lta ste chos kyi 'khor lo bskor bar gsol ba gdab pa'i phyir 'ongs par zad kyi/ tshangs pa nyid la bdag gis de bzhin gshegs pa la gsol ba gdab par bya'o zhes yid la byed pa'i sems gcig tsam yang med do// de ltar na tshangs pa la rten pa'i sems can rnams kyi tshangs pa la nges par spang ba'i phyir te/ de bzhin gshegs pas tshangs pa 'ong bar mdzad cing tshangs pa la bzhes te/ gang gi tshe tshangs pas chos kyi 'khor lo bskor bar bskul ba'i phyir/ de bzhin gshegs pa gsol ba btab pa de'i tshe na/ tshangs pa drug khri brgyad stong gi/ sangs rgyas bcom ldan 'das 'di ni sems can thams cad kyi mchog yin no// 'di ni gtso bo yin no// 'di ni rab mchog yin te/ bdag cag kyang ye shes 'di// lta bu dang / yon tan 'di lta bu dang ldan par gyur cig ces/ bla na med pa yang dag par rdzogs pa'i byang chub tu sems bskyed par gyur te/ de ltar de bzhin gshegs bI thabs la mkhas pa yin no// de nas bcom ldan 'das kyis yang byang chub sems dpa' ye shes dam pa la bka' stsal pa/ rigs kyi bu de bzhin gshegs pas

  96. 73b

    sems can rnams la las kyi rgyud bcu po 'di dag bstan pa de yang byang chub sems dpa' dang / de bzhin gshegs pa'i thabs la mkhas pa yin par yang blta bar bya'o// ldem pa ngag yin par blta bar bya ste/ rigs kyi bu byang chub sems dpa' ni mi dge ba tha na skra'i rtse mo'i cha shes tsam du phra ba 'ga' dang ldan na yang / byang chub kyi snying por byang chub kyi shing drung du 'dug nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i gnas med skabs ma yin te de ni gnas med do// de ci'i phyir zhe na/ rigs kyi bu de bzhin gshegs pa ni dge ba'i chos thams cad dang ldan pa zhing mi dge ba'i chos thams cad spangs te/ rigs kyi bu de bzhin gshegs pa la ni sdig pa'i las mngon par 'du bya ba'i lhag ma ma spangs pa bag chags mtshams sbyor ba tsam yang mi mnga' na las kyi sgrib pa lta smom kyang ci dgos te/ de ni gnas med pa'i phyir ro// 'on kyang sems can gang dag las kyi rnam par smin pa chud gzon cing / las kyi rnam par smin pa la ma dad pa'i sems can de dag la las kyi rnam par smin pa kun tu bstan pa'i phyir ro// de bzhin gshegs pa las kyi rgyud kun tu ston par yang mdzad de/ chos kyi bdag po nga la yang las kyi rnam par smin par 'gyur na/ khyed cag lta ci'i phyir las kyi rnam par smin par mi 'gyur zhes de dag la las kyi rnam par smin pa kun tu bsdu

  97. 74a

    par bya ba'i phyir/ de bzhin gshegs pa las kyi rgyud ston par mdzad kyi/ de bzhin gshegs pa la ni las kyi sgrib pa cung zad kyang mi mnga'o/ rigs kyi bu 'di lta ste dper na/ yi ge dang / grangs dang / lag rtsis leg par bslabs pa'i slob dpon ni byis pa rnams bslab pa'i don tu byis pa rnams bod pa'i tshul gyis/ yi ge'i phyi mo dag grog tu 'jug par zad de/ de ni de la mi shes pa dang / sgrib pa med mod kyi/ 'on kyang byis pa rnams kyis bdag las thos nas/ ci nas kyang yi ge dang / grangs dang / lag rtsis dang / bgrang ba dag gi rjes su slob cing byang bar bya ba de'i ched du yi ge'i phyi mo dag klog tu 'jug pa de bzhin du/ rigs kyi bu de bzhin gshegs pa chos thams cad la legs par bslab pa de yang / ci lta ci ltar sems can gzhan dag gi las yongs su dag par 'gyur bde lta de ltar gsung zhing / de lta de ltar las nye bar ston par mdzad do// rigs kyi bu 'di lta ste dper na/ sman pa nad thams cad rab tu zhi bar bya ba la legs par bslab pa ni nad pa med bzhin du sems can nad pa rnams kyi mdun du sman tsha ba dag gi ro mang bar byed cing / bsngags pa brjod par yang byed/ rab tu bsngags pa brjod par yang byed de/ nad pa rnams kyis de mthong nas/ sman tsha ba de dag 'thung bar byed/ yongs su longs spyod par byed cing / de dag nad de dag las yongs su thar par 'gyur ba de bzhin du/

  98. 74b

    rigs kyi bu de bzhin gshegs pa sman pa'i rgyal po chen po nyon mongs pa'i nad thams cad las yongs su thar pa/ chos thams cad la sgrib pa mi mnga' ba brnyes pa yang / las dge ba dang / mi dge ba 'di'i 'bras bu rnam par smin pa ni 'di yin no zhes las kun tu ston par mdzad cing / ci ltar na sems can rnams las kyi sgrib pas 'jig shing skrag pa dang / lus kyi las dang / ngag gi las dang / yid kyi las yongs su dag par 'gyur snyam nas/ bsams bzhin du las kun tu ston par yang mdzad do// / rigs kyi bu 'di lta ste dper na/ tshong dpon gyi bu 'am/ khyim bdag gi bu btsas nas ring po ma lon pa zhig la/ pha ma dag gis ma ma zhig byin par gyur na/ ma ma de nad/ med par gyur bzhin du/ 'di lta ste khye'u de'i 'o ma yongs su dag par bya'o snyam nas/ sman kha ba dang / ba dag so sor brtags shing 'thung bar byed pa/ de bzhin du rigs kyi bu de bzhin gshegs pa 'jig rten thams cad kyi yab kyang skung mi mnga' ba brnyes bzhin du/ lus kyi bya ba chud gson pa'i sems can yongs su smin par bya ba'i phyir/ las kun tu ston par mdzad de/ las che ge mo zhig gi rnam par smin pa ni 'di yin no zhes thos na/ sems can de dag yid byang ba thob par 'gyur zhing / de dag yid byung na sdig pa'i las mngon par 'du byed par mi 'gyur te/ de yang de bzhin gshegs pa'i thabs la mkhas pa yin// de nas bco ldan

  99. 75a

    'das kyis yang byang chub sems dpa' ye shes dam pa la bka' stsal pa/ rigs kyi bu sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi pha rol gyi yang ches pha rol na/ tshong pa nor 'dod pa lnga brgya tsam zhig rgya mtsho chen por zhugs pa dang / de'i tshe 'dron pa de dag nyid kyi nang na/ mi las nag po byed pa/ sdig pa'i las byed pa/ 'phong rtsal gyi rig pa legs par bslabs pa/ chom rkun byed pa/ tshong pa'i cha lugs kyis gzhan gyi nor 'phrog pa zhig kyang gru bo che de nyid kyi nang du zhugs par gyur to// de nas de 'di snyam du sems te/ bdag gis gang gi tshe tshong pa 'di dag don grub cing / bya ba byas pa de'i tshe na/ tshong pa 'di dag thams cad srog dang phral la nor rdzas kyi rnams pa thams cad khyer te/ 'dzam bu'i gling du 'gro'o snyam du semaso// rigs kyi bu de nas tshong pa de dag don grub ste/ pha rol du 'gro 'dod par 'gyur ba dang / de nas mi g.yon can gyi rang bzhin can de 'di snyam sems te/ da ni bdag gis tshong pa 'di dag thams cad srog dang bral la/ nor rdzas kyi rnams pa 'di dag thams cad khyer te/ 'dzam bu'i gling du 'gro ba'i dus la bab bo snyam pa dang / de'i tshe na ded dpon snying rjem po dang ldan pa zhig kyang gru bo che de nyid kyi nang du zhugs par gyur te/ de nas ded dpon snying rje chen po dang ldan pa zhes bya ba de gnyid log ste/ rmi lam rmi ba na/ rgya mtsho chen

  100. 75b

    po de nyid na gnas pa'i lha gang yin pa des de'i rmi lam du bstan pa/ 'drod pa 'di nyid kyi nang na mi'i ming ni 'di zhes bya/ gzugs ni 'di 'dra/ na byad dang kha dog dang dbyibs ni 'di 'dra ba/ chom rkun pa 'khru ba/ gzhan gyi nor 'phrog pa zhig 'dug pa des 'di ltar sems bskyed de/ bdag gis tshong pa 'di dag thams cad srog dang phral la/ nor rdzas kyi rnam pa 'di dag thams cad khyer te/ 'dzam bu gling du 'gro'o snyam du sems pas/ gal te mi 'dis tshong pa 'di dag thams cad srog dang phral bar gyur na ni/ de'i tshe sdig pa'i las dam po byas par 'gyur ro// de ci'i phyir zhe na/ 'di ltar tshong pa lnga brgya tsam po 'di dag thams cad ni bla na med pa yang dag par rdzogs pa'i byang chub la yang dag par zhugs shing / byang chub las phyir mi ldog pa sha stag yin pa'i phyir te/ gal te mi 'dis byang chub sems dpa' 'di dag bsad par gyur na/ de las kyi sgrib pa'i nyes pa des/ byang chub sems dpa' re re'i phyir yang byang chub sems dpa' gcig gis yun ring po ji srid kyis/ bla na med pa yang dag par rdzogs pa'i byang chub yang dag par grub par 'gyur ba'i yun ring po de srid du sems can dmyal ba chen po rnams su sreg par 'gyur bas de la ded dpon khyod kyis de lta bu las brten te/ ci nas kyang mi 'dis tshong pa lnga brgya tsam po 'di dag bsad par mi 'gyur ba dang / 'di yang sems can dmyal ba chen po rnams su

  101. 76a

    'gro bar mi 'gyur ba de lta bu'i thabs la mkhas pa bsam par gyis shig ces bstan to// rigs kyi bu de nas ded dpon snying rje chen po dang / ldan pa de bsad nas 'di snyam du sems te/ mi 'dis tshong pa lnga brgya tsam po 'di dag kyang bsad par mi 'gyur la/ 'di yang sems can dmyal ba chen po rnams su 'gro bar mi 'gyur ba'i thabs ci yod snyam nas/ de zhag bdun gyi bar du 'dzam bu gling du 'gro ba dang / mi 'thun pa'i rlung langs te/ sdod pa'i tshe zhag bdun du su la yang mi smra bar sems pa la zhugs par gyur pa na/ de 'di snyam du sems te/ 'di ltar tshong pa 'di dag kyang bsad par mi 'gyur la/ mi 'di yang sems can dmyal ba chen po rnams su 'gro bar mi 'gyur ba'i thabs ni/ mi 'di nyid srog dang phral ba bya ba ma gtogs pa gzhan med do snyam nas/ de 'di snyam du sems te/ gal te bdag gis don 'di tshong pa thams cad la bsgrags par gyur na ni/ 'di dag gis rab tu sdang ba'i sems kyis mi 'di yang srog dang bral zhing bsad 'gyur la/ 'di dag thams cad sems can dmyal ba rnams su tho bar 'gyur rosas nas/ de yang 'di bras du rnams te/ 'di bdag gis mi 'di gag dang thas nas gni das bdag la bskas pa 'brum dumams cad bachen po rnams su sreg par 'gyur yang bdag gis sems can dbyam pachen pa'i sdug bsngal myong bar 'gyur ba de la sgo bar bya'o/ dong balnga rgya mi po 'ad dag rtson

  102. 76b

    bral bar gyur na yang mi rung / mi 'di dag la sdig pa'i las de snyed cig rab tu 'phel bar gyur na yang mi rung bas/ bdag rang gis mi 'di srog dang dpral bar bya'o snyam nas/ rigs kyi bu de ltar ded dpon snying rje chen po dang ldan pa des/ tshong pa lnga brgya tsam po de dag kun tu bsrung ba dang / mi de yang sems can dmyal ba chen po rnams su 'gro ba las kun tu bsrung ba'i phyir/ snying rje chen po de dang / thabs la mkhas pa des bsam bzhin du chom rkun pa'i mi de mdung thung gis btab ste/ srog dang phral nas 'dron pa thams cad kyang don grub cing rang rang gi grong khyer du phyin par gyur to// rigs kyi bu de'i tshe de'i dus na ded dpon snying rje chen po dang ldan pa zhes bya bar gyur pa de gzhan zhig yin snyam du khyod yid gnyis dang the tsom za bar gyur na de ltar mi blta'o// de ci'i phyir zhe na/ nga nyid de'i tshe de'i dus na/ ded dpon snying rje chen po dang ldan pa zhes bya ba der gyur pa'i phyir ro// tshong pa lnga brgya tsam po gang dag gru bo che de nyid zhugs par gyur pa de dag ni/ gang dag bskal pa bzang po 'di la bla na med pa yang dag par rdzogs pa'i byang chub mngon par rdzogs par 'tshang rgya ba bskal pa bzang po'i byang chub sems dpa' lnga brgya yin no// rigs kyi bu ngas thabs la mkhas pa de dag snying rje chen po des bskal pa 'bum du 'khor ba bsnyil de bor bar gyur to// chom rkun pa de yang de nas shi 'phos nas mtho ris kyi

  103. 77a

    / 'jig rten du skyes so// rigs kyi bu 'di ji snyam du sems/ gang gi phyir thabs la mkhas pa de dang / snying rje chen po des bskal pa 'bum gyi 'khor ba bsnyil te bor bar gyur pa'i don te/ byang chub sems dpa'i las kyi sgrib pa yin par blta snyam na/ khyod kyis de ltar mi blta ste/ de ni thabs la mkhas pa nyid yin par blta bar bya'o// // rigs kyi bu de bzhin gshegs pas sems can las kyi bya ba la gzung ba'i phyir/ thabs la mkhas pas seng ldeng gi tshal ba zhabs la zug par bstan te/ de bzhin gshegs pa'i zhabs la seng ldeng gi tshal pas zug pa gang yin pa de yang sangs rgyas kyis/ mthu nyid yin par blta bar bya'o// de ci'i phyir zhe na/ de bzhin gshegs pa'i sku ni rdo rje mkhregs pa ltar mi shig pa'i sku yin pa'i phyir ro// rigs kyi bu 'on kyang mnyan yod kyi grong khyer chen po 'di nyid na/ srid pa bam pa'i mi nyi shu dang / mi nyi shu po de dag nyid kyi dgra bo mi nyi shu zhig kyang yod par gyur te/ de mi dgra bo nyi shu pa de dag rang rang gi sgra dag gis/ 'di lta bu'i rnam par rtog pa skyes par gyur te/ bdag cag gis mdza' ba shes ltar bcos te/ rang rang gi dgra po rnams kyi khyim du zhugs la/ de dag srog dang dpral bar bya'o snyam du sebasams te/ gcig la gcig tshig tu ni ma sbas so// rigs kyi bu de nas sangs rgyas kyi mdzus srid

  104. 77b

    pa tha ma pa'i mi nyi shu po gang yin pa de dag dang / mi de dag gi dgra bo bsod pa po'i mi nyi shu po gang dag yin pa de dag de bzhin gshegs pa dgra bcom pa yang dag par rdzogs pa'i sangs rgyas kyis mi bzhi bcu po de dag gdul ba'i dbang gi phyir dang / skye bo phal po che gzhan dag kyang gdul ba'i dbang gi phyir/ gnas brten mo'u 'gal gyi bu chen po la bka' stsal pa/ mo'u 'gal gyi bu chen po de sa phyogs 'di nas seng ldeng gi tshal pa zhig byung bar gyur te/ des de bzhin gshegs pa'i zhabs g.yas pa'i mthil du zug par 'gyur ro// de bzhin gshegs pas de skad ces bka' stsal nas/ ring po ma lon par de nas de'i modo las phyogs de nyid nas/ seng ldeng gi tshal ba rnon po mtho gang tsam gyi tshad cig byung bar gyur to// de nas bcom ldan 'das la gnas brtan mo'u 'gal gyi bu chen pos 'di skad ces gsol to// bcom ldan 'das bdag gis seng ldeng gi tshal po 'di 'jig rten gyi khams gzhan du dor bar bgyi lags so// ngas de la 'di skad ces bka' stsal to// mo'u 'gal gyi bu chen po khyod kyis seng ldeng gi tshal pa 'di sa phyogs 'di nas gzhan du dor bar mi nus so// rigs kyi bu de nas gnas brtan mo'u 'gal gyi bu chen pos stobs kyi shugs kyis seng lding gi tshal pa de bzung ba dang / 'di ltar stong gsum gyi stong chen po'i 'jig rten gyi khams 'di gyen tu bltas te/ rab tu g.yos par gyur

  105. 78a

    seng ldeng gi tshal pa de ni tha na skra'i rtse mo'i cha shes tsam yang mi 'gul lo// rigs kyi bu de nas de bzhin gshegs pa rdzu 'phrul gyi stobs kyis rgyal chen bzhi'i ris kyi lha rnams kyi gnas su gshegs pa dang / seng ldeng gi tshal pa de yang rgyal chen bzhi'i ris kyi lha rnams kyi gnas su 'ongs so// de nas de bzhin gshegs pa sum bcu rtsa gsum gyi lha rnams kyi gnas su ri rab kyi steng du gshegs pa dang / seng ldeng gi tshal ba de yang ri rab kyi steng du 'ongs so// de nas de bzhin gshegs pa 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams kyi gnas su yang gshegs/ tshangs pa'i 'jig rten gyi bar du yang gshegs pa dang / seng ldeng gi tshal pa de yang tshangs pa'i 'jig rten gyi bar du 'ongs so// de nas de bzhin gshegs pa tshangs pa'i 'jig rten nas babs te gdan la bzhugs pa dang / seng ldeng gi tshal ba de yang tshangs pa'i 'jig rten nas babs te/ bcom ldan 'das kyi spyan sngar 'dug go/ rigs kyi bu de nas de bzhin gshegs pas/ phyag g.yas pas zhabs g.yas pa bzung ste/ seng ldeng gi tshal brtse mo ya cig sa la zug la/ rtse mo ya cig sa las gyen du lta ba de'i steng du zhabs bzhag go/ bcom ldan 'das kyis seng ldeng gi tshal pa'i steng du zhabs bzhag ma thag tu/ de nas de'i mod la stong gsum gyi stong chen

  106. 78b

    po'i 'jig rten gyi khams 'di rab tu g.yos par gyur to// de nas nga la gnas brten kun dga' bos 'di skad ces gsol to// btsun pa bcom ldan 'das kyis sngon las kyi sgrib pa ci zhig mdzad lags na/ de'i rnam par smin pa 'di lta bur gyur lags/ ngas de la 'di skad ces bka' stsal to// kun dga' bo sngon nga rgya mtsho chen po'i nang du song ba na/ tshong pa g.yon can zhig mdung zung gis btab ste srog dang phral bar gyur pas/ 'di ni las de'i lhag ma yin no// rigs kyi bu de nas mi nyi shu po de dag gsod par 'dod pa'i mi mdza' bshes ltar bcos pa nyi shu po gang dag yin pa de dag 'di snyam du sems te/ de bzhin gshegs pa chos kyi bdag po la yang las kyi rnam par smin par 'gyur na/ bdag cag lta la ci'i phyir rnam par smin par mi 'gyur snyam nas/ de dag gis de'i mod la de bzhin gshegs pa'i spyan sngar btsun pa bcom ldan 'das bdag cag kyang srog chags 'gum pa dang / rjes su 'gums par 'tshal ba lags te/ bdag cag bcom ldan 'das kyi spyan sngar nongs pa de dag nongs par 'chags shing mchis na/ btsun pa bcom ldan 'das kyis bdag cag gis nongs pa la nongs par gshegs pa de dag rjes su gzung du gsol zhes nyes pa la nyes par bshags so// de bzhin gshegs pas de dag la las kyi bya ba dang / las zad par 'gyur ba las brtsams te/ de lta de ltar chos bstan pas/

  107. 79a

    mi bzhi bcu po gang dag yin pa de dag gis ni ye shes mngon par rtogs par gyur to// srogs chags gzhan bzhi khris ni chos mngon par rtogs par gyur to// gang gi phyir de bzhin gshegs pa dgra bcom pa yang dag par rdzogs pa'i sangs rgyas kyi zhabs la seng ldeng gi tshal pas zug par gyur pa rgyu ni de yin rkyen ni de yin te/ de yang byang chub sems dpa' dang / de bzhin gshegs pa'i thabs la mkhas pa yin no// ci'i phyir de bzhin gshegs pa snyun dang bral ba/ sman pa'i rgyal po 'tsho byed las bkru sman ud pa la ha sta gan da bslangs te gsol bar mdzad ce na/ rigs kyi bu de'i tshen so sor thar pa'i bslab pa bcas nas/ ring po ma lon pa zhig na dge slong rnam par grol bar 'gyur ba'i srid pa tha ma pa lnga brgya zhig/ nags khrod cig na gnas pa de dag la 'di ltar bkus te bor bas 'tsho bar mi nus pa de lta bu'i byung bar gyur nas/ de de bzhin gshegs pa la gus pas sman gzhan sten par mi byed/ tshol bar mi byed do// rigs kyi bu de nas de bzhin ga pa 'di snyam du dgongs te/ ngas dge slong de dag sman gzhan tshol zhing sten par rjes su gnang bar bya bar thabs ni ci yod/ rnam grangs ni ci yod snyam du dgongs so// de ci'i phyir zhe na/ 'di ltar gal te de bzhin gshegs pas dge slong rnams la sman gzhan dag rjes su gnang na/ phyi ma'i dus kyi tshe/ dge slong rnams 'phags pa'i rigs

  108. 79b

    kyi rjes su 'jug par mi 'gyur zhing / 'phags pa'i rigs 'dral bar 'gyur ba'i phyir te/ de bas na de bzhin gshegs pas thabs la mkhas pas/ sman pa'i rgyal po 'tsho byed las bkra span ud pa la ha sta gan d+ha bslangs te gsol pa dang / de nas gnas gtsang ma'i ris kyi lha'i bu rnams kyis/ dge slong de dag la 'di skad ces smras so// tshe dang ldan pa dag khyed cag sman gzhan dag tshol la 'chi ba'i dus byed par mi 'gyur bar gyis shig/ dge slong de dag gis 'di skad ces smras so// lha'i bu dag kho bo cag ni de bzhin gshegs pa'i bslab pa las yang dag par 'da' ba'i mthu med cing dbang med pa yin pas/ shi bar gyur kyang kho bo cag ni de bzhin gash+ye pa'i bslab pa las yang dag par 'da' bar mi byed do// de nas gnas gtsang ma'i ris kyi lha'i bu rnams kyis/ dge slong de dag la 'di skad ces smras so// tshe dang ldan pa dang de bzhin gshegs pa chos kyi bdag po de nyid kyang sman bkrus te bor ba spangs nas sman gzhan btsal gyis/ khyed cag kyang sman gzhan tshol cig/ de nas dge slong de dag 'gyod pa dang bral nas/ sman gzhan btsal te bsten pa dang / de dag nad de las yongs su thar nas/ de nad dang bral ba de dag gis zhag bdun gyis dgra bcom pa nyid mngon du byas so// rigs kyi bu gal te de bzhin gshegs pas sman btsal ba ma mdzad du zin na/ dge slong de dag kyang sman gzhan tshol bar mi byed pas

  109. 80a

    de dag nad de las thar pa dang / nyon mongs pa rnams las grol zhing / dgra bcom pa nyid thob par 'gyur ba'i gnas med la/ skabs ma yin zhing de ni gnas med de/ de yang de bzhin gshegs pa'i thabs la mkhas pa yin no// ci'i phyir de bzhin gshegs pa bsod nams thams cad dang ldan pa grong du bsod snyoms kyi phyir ci ltar lhung bzed bkrus pas zhugs pa bzhin du phyir yang byung bar gyur zhe na/ rigs kyi bu de la de bzhin gshegs pa la ni las kyi sgrib pa chung zed kyang mi mnga' mod kyi de bzhin gshegs pa ni skye bo phyi ma rnams la thugs brtse ba dang / rjes su bsrung bar bya dgos te/ dge slong bsod snyoms pa gang la la dag grong dang grong khyer dang / grong rdal dang / yul 'khor dang / rgyal po'i pho brang 'khor dag tu bsod snyoms kyi phyir zhugs pa na/ de dag bdag nyid bsod nam chung bas bsod snyoms mi rnyed pa de'i tshe na/ de dag de bzhin gshegs pa yid la byed par 'gyur te/ de bzhin gshegs pa bsod nams thams cad kyi gzi brjid kyis mngon par 'phags pa de nyid kyang / grong du bsod snyoms kyi phyir ci ltar lhung bzed bkrus pas zhugs pa de bzhin du bsod nams ma brnyes par phyir byung bar gyur na/ bdag cag dge ba'i rtsa ba chung ngu dang ldan pa rnams laM spos kyang ci dgos te/ de bas na bdag sreg bsod snyoms ma rnyed pas yi chad pa bskyed par mi bya sbom du sems

  110. 80b

    par gyur ba'i phyir te/ don gyi dbang de gzigs pas na/ de bzhin gshegs pa bsod snyoms kyi phyir ci ltar lhung bzed bkrus pas grong du zhugs pa bzhin du phyir yang byung bar gyur to// gzhan yang gang la la drag 'di skad ces gang dag gis de bzhin gshegs pa la bsod snyoms ma phul ba'i bram ze dang / khyim bdag de dag ni bdud sdig can gyis byin gyis brlabs so zhes smra na/ rigs kyi bu de ltar mi blta'o// de ci'i phyir zhe na/ bdud sdig can gyis ni de bzhin gshegs pa la bar chad bya bar mi nus pa'i phyir te/ gzhan du na de bzhin gshegs pa nyid kyi byin gyi brlabs kyis bdud sdig can gyis bram ze dang / khyim bdag de dag byin gyis brlabs par zad kyi/ rang gi blos ni ma yin no// de la de bzhin gshegs pa la ni las kyi sgrib pa chung zad kyang mi mngar mod kyi/ sems can de dag nyid yongs su smin par bya ba'i phyir/ de bzhin gshegs pa ji ltar lhung bzed bkrus pas grong du zhugs pa bzhin du phyir yang byung bar gyur to// zhal zas bcad pa de'i tshe na/ de bzhin gshegs pa dang / dge slong gi dge 'dun la yid mi bde ba med cing sngon ji lta ba de bzhin du phyis kyang de bzhin te/ mtho ba yang med// dma' ba yang med par gyur to// de nas de'i mod la lha'i bu bdun khris dad pa thob par gyur nas/ de bzhin gshegs pa la rab tu btud pa dang / de bzhin gshegs pas

  111. 81a

    kyang de dag la ci nas kyang de dag thams cad chos rnams la chos kyis kyi mig rdul med cing dri ma dang bral ba rnam par dag par 'gyur ba de lta de ltar chos bstan to// bram ze dang khyim bdag de dag gis kyang dus gzhan gyi tshe na/ ston pa bcom ldan 'das kyi yon tan dang / chog shes pa dag thos nas/ bcom ldan 'das kyi spyan sngar lhags te/ nyes pa la nyes par bshags pa dang / de bzhin gshegs pas kyang de dag la 'phags pa'i bden pa bzhi'i gtam yang dag par bstan pa mdzad pas/ de na lha dang mi rnams kyi skye dgu las/ srog chags nyi khri nyis stongs chos rnams la chos kyi rdul med cing dri ma dang bral ba rnam par dag ste/ gang gi phyir de bzhin gshegs pa bram ze'i grong shing sa la chen po can du bsod snyoms kyi phyir ji ltar lhung bzed bkrus pas zhugs pa bzhin du phyin byung ba'i rgyu ni de yin rkyen ni de yin te/ de yang de bzhin gshegs pa'i thabs la mkhas pa yin no// ci'i phyir bram ze'i bu mo drags mas shing gi gzhod bu lto bar bcings te/ dge sbyong khyod kyis kho mo sbrum par byas kyis/ kho mo la zas dang gos byin cig ces de bzhin gshegs pa la skur pa btab par gyur ce na/ rigs kyi bu de bzhin gshegs pa la ni las kyi sgrib po chung zad kyang mi mnga' ste/ de bzhi gshegs pas bram ze'i bu mo/

  112. 81b

    drags ma 'jig rten gyi khams gang ga'i klung gi bye ma snyed du 'phang bar yang spyod mod kyi/ de bzhin gshegs pa des mkhyen bzhin du btang snyoms mdzad cing babs la mkhas pas las kyi bya ba kun bstan pa mdzad do// de ci'i phyir zhe na/ phyi ma'i dus na bstan pa 'di la rab tu byung ba'i dge slong dag 'byung bar 'gyur te/ de dag la yang dag pa ma yin pa'i bskur ba btab pas/ de dag 'gyod pa dang / sems zhum par 'gyur zhing / de dag mngon par mi dga' ba dang / nyams pa la 'jug par 'gyur ba dang / de dag bskur pa btab pa'i tshe na/ 'di skad du de bzhin gshegs pa dkar po'i chos thams cad dang ldan pa de nyid kyis kyang skur pa brnyes par gyur na/ bdag cag gis lta ci'i phyir mi rnyed ces de bzhin gshegs pa rjes su dran par byed cing de dag de'i tshe na skur pa bde zil gyis mnan nas/ tshangs par spyod pa/ yongs su dag pa/ yongs su byang bar gyur pa spyod par 'gyur ba dang / nyams pa 'jug pa mi 'gyur ba'i phyir// bram ze'i bu mo drags ma ni re shig sdig pa'i las kun tu rgyas pa dang / rang bzhin gyis mi dad pa mang ba yin pas/ de ltar las kyi sgrib pas bsgribs pa des na/ phung po dang kham dang / skye mched de dag nyid kyis bsnyen po 'di la sarlo mi za bar ma 'byin par byed pa yin te/ de sdig pa'i las kun tu rgyas pa des gal te rmi la ma na de bzhin gshegs /

  113. 82a

    ma skur ba btab par gyur na yang / de nyid kyis bsad pa'i chen/ dri mar yang 'gyur ro// rigs kyi bu gal te de bzhin gshegs pa thabs 'ga' zhig gis de mi dge ba'i las mngon par 'du byed pa de las zlog par spyod na ni zlog par yang mdzad la/ de bzhin gshegs pas bsrung bar spyod na srung bar yang mdzad do// de ci'i phyir zhe na/ de bzhin gshegs pas sems can 'ga' yang yongs su ma btang ba'i phyir te/ de yang de bzhin gshegs pa'i thabs la mkhas pa yin no// ci'i phyir de bzhin gshegs pa thams cad mkhyen pas kun tu rgyu mdzes ma kun tu rgyu gcig gis srog dang phral te/ rgyal po rgyal byed kyi 'obs kyi nang du bor ba btang snyoms su mdzad ce na/ de bzhin gshegs pa ni thams cad mkhyen pa thogs pa mi mnga' ba'i ye shes gzigs pa dang ldan pa yin pas/ de bzhi gshegs pas de de ltar 'gyur bar mkhyen cing / de bzhin gshegs pas de lta bu'i byin gyi rlabs byin gyi rlob par yang spyod mod kyi/ kun tu rgyu mdzes ma nyid tshe'i tshad zad cing gdon mi za bar gzhan gyi gnod pas tshul bzhin ma yin pas 'chi ba'i dus byed par 'gyur ba'i phyir te/ rnam grangs des na gzhan mu stegs can dag 'di ltar sangs rgyas kyi ye shes de ci lta ci ltar sems can rnams kyi dkar po'i chos rnam par 'phel ba dang / dge bo'i rtsa ba rnam par 'phel bar 'gyur ba dang / ci lta ci ltar de la gzhag par bya

  114. 82b

    ba de lta de ltar de la 'jog par mdzad do zhes bdag nyid kyi rang gi nyes pas shin tu tshar gcod par yang 'gyur ro// de'i bcom ldan 'das zhag bdun gyi bar du grong khyer du ma zhugs par lnga bye ba phrag drug cu btul nas/ zhag bdun po de 'das pa dang / bcom ldan 'das kyi bang du 'khor bzhi po dge lhags nas/ bcom ldan 'das kyis ci nas srog chags brgyad khri bzhi stong dag ye shes mthong ba skyes par gyur pa de lta de ltar de dag la chos bstan te/ de yang de bzhin gshegs pa'i thabs la mkhas pa yin no// ci'i phyir de bzhin gshegs pa dge slong gi dge 'dun dang bcas pa nyon mongs pa med kyi/ ljongs su dbyar nus par zhal gyis bzhes pa na/ zla ba gsum du skye bo rnams la bag phab ste/ bram ze nyon mongs med kyi rta chas kyi nas dag gsol ce na/ rigs kyi bu de bzhin gshegs pa ci ltar khyim bdag des de bzhin gshegs pa dge slong gi dge 'dun dang bcas pa spyan drangs nas/ ri mo mi byed par yang mkhyen mod kyi/ des mkhyen bzhin du dang du blangs shing btang snyoms mdzad do// de ci'i phyir zhe na/ de bzhin gshegs pa dge slong gi dge 'dun dang bcas pas dbyar zla ba gsum du gang dag gi chas kyi nas dag gsol ba'i rta lnga brgya po gang dag yin pa de dag thams cad ni/ byang chub sems dpa'i theg pa la yang dag par zhugs pa/ sngon gyi rgyal ba la lhag par bya ba byas pa sha stag yin te/ de dag sdig pa'i grogs po'i dbang gis sdig pa'i la

  115. 83a

    dang las dman pa byas shing mdor byar 'dus byas pas/ las de dag dud 'gro'i skye gnas su skyes te/ rta lnga brgya po de dag gi nang na/ rta cang shes gcig yod pa gang yin pa de ni/ byang chub sems dpa' nyi ma'i snying po zhes bya ba smon lam gyi dbang gis bsams bzhin du der skyes pa yin la/ rta lnga brgya po de dag thams cad sngon mir gyur pa na/ byang chub sems dpa' nyi ma'i snying po de nyid kyis byang chub yang dag par 'dzin tu bcug pa yin pas/ de dag yongs su thar bar byar ba dang / yongs su smin par bya ba'i phyir der skyes te/ rta cang shes de nyid kyi mthus rta lnga brgya po de dag thams cad kyis sngon gyi tshe rabs rjes su dran par gyur cing / de dag gi byang chub kyi sems de mngon tu gyur pa'i phyir te/ rigs kyi bu de lta bas na/ de bzhin gshegs pa byang chub sems dpa' rtar gyur pa lnga brgya po de/ dag la thugs brtse ba'i phyir de bzhin gshegs pa dud 'gro'i skye gnas su skyes pa de dag gi don tu dbyar zla ba gsum der gnas par zhal gyis bzhes so// de na rta lnga brgya po de dag gi chas kyi nas gang dag yin pa de dag las byed byed ni dge slong lnga brgya po dag la 'bul lo// rta cang shes kyi chas kyi nas gang dag yin pa de dag las byed ni de bzhin gshegs pa la 'bul lo// phyed ni rta cong shes de zhing zazhing / rta cang shes des rta'i skad kyis rta lnga brgya po de dag thams cad sdig pa 'chags

  116. 83b

    su bcug cing sangs rgyas la sogs pa dge slong gi dge 'dun de dge la phyag 'tshal du yang bcug go// rta cang shes des rta lnga brgya po de dag la/ 'di skad ces khyed cag gi chas kyi nas dag las/ byed phyed de bzhin gshegs pa dang / dge slong gi dge 'dun gyis gsol to zhes go bar yang byas so// de ltar rta lnga brgya po de dag gis sdig ba bshags shing sangs rgyas la sogs pa dge slong gi dge 'dun la dad pa skyes nas/ zla ba gsum po de dag 'das pa'i 'og tu rta lnga brgya po de dag thams cad shi 'dra te dga' ldan gyi lha rnams dang skal ba mnyam par skyes nas/ lhar gyur pa de dag gis kyang de bzhin gshegs pa la zhal zas phul zhing / bkur sti byas/ bla mar byas/ ri mor byas/ mchod pa byas pa dang / de bzhin gshegs pas kyang de dag la ci nas kyang de dag bla na med pa yang dag par rdzogs pa'i byang chub tu nges par 'gyur ba de lta de ltar chos bstan to// rta lnga brgya po de dag 'dul zhing 'tsho bar byed pa'i rta rdzi gang yin pa de yang de bzhin gshegs pas rang sangs rgyas rab tu sems dul zhes bya bar 'gyur ro zhes lung bstan to// de bzhin gshegs pas rta cang shes de yang sangs rgyas bcom ldan 'das dpag tu med pa la mchod pa byas shing / byang chub kyi phyogs kyi chos rnams yongs su rdzogs par byas nas/ de bzhin gshegs pa dgra bcom pa yang dag par rdzogs pa'i sangs rgyas rab tu sems dul zhes bya bar 'gyur te/ 'ja

  117. 84a

    rten tu 'byung bar 'gyur ro zhes lung bstan to// rigs kyi bu de lta mod kyi mi'i kha zas gang yin pa de dag ni de bzhin gshegs pa la mi gsod pa chung zad kyang med de/ rigs kyi bu yongs su brtag pa nye bar gzung na/ gal te de bzhin gshegs pas shing dang bong ba dang / gseg ma dang / gyo mo dag zhal za kyi phyir yongs su longs spyad par gyur na yang / shing dang bong dang / gseg ma dang / gyo mo las sogs pa de dag gi ro de lta bu dang / ro bro ba'i mchog gi khyad par gang dag yin pa de lta bu dag ni stong gsum gyi stong chen po'i 'jig rten gyi khams na yang 'ga' yang med do// de ci'i phyir zhe na/ rigs kyi bu 'di ltar de bzhin gshegs ba ni skyes bu chen po'i mtshan ro bro ba'i mchog dang ldan pa yin pas na/ de bzhin gshegs pa'i sku la zhal zas mi gzod pa de dag thams cad gsol ma thag tu yang lha'i kha zas las yang dag par 'das pa'i ro dang ldan par 'gyur ba'i phyir te/ rigs kyi bu de'i phyir rnam grangs des na khyod kyis 'di ltar de bzhin gshegs pa'i zhal zas thams cad ni gsod pa yin par rig par bya'o// rigs kyi bu de'i tshe na dge slong kun dga' bo 'di snyam du sems te/ de bzhin gshegs pa 'dis 'khor los sgyur ba'i rgyal srid spangs te/ rab tu byung na rta chas kyi nas dag gsol bar mdzad pa lta zhes yid mi bde bar gyur pa dang / de bzhin gshe

  118. 84b

    pas de'i tshe sems la rnam par gzigs nas/ kun dga' bo 'di ci'i phyir yin zhes nas 'bra gcig byin pa dang / des de zos nas ngo mtshar du 'dzin par gyur te/ nga la 'di skad ces bcom ldan 'das bdag ni rgyal po'i khyim du skyes shing / rgyal po'i khyim du legs par rgyas pa lags na/ bcom ldan 'das bdag gis ro bro ba'i mchog 'di lta bu ni sngan chad ma 'tshal ma myong lags so zhes zer te/ de'i byin gyis dge slong kun dga' bo zas gzhan mi za bar dga' ba dang bde bas zhag bdun 'das par gyur to// rigs kyi bu rnam grangs des na khyod kyis 'di ltar de ni de bzhin gshegs pa'i thabs la mkhas pa yin gyi/ las kyi sgrib pa ma yin par rig par bya'o// rigs kyi bu gzhan yang sems can gang dag dge slong dang bram ze tshul khrims dang ldan pa dag mgron du gnyer la/ sems rnam par g.yengs pas ri mo ma byed pa'i sems can de dag la de dag la ji skad smras pa de bzhin byed pa// nyid kun tu bstan par bya ba'i phyir las kyi rgyu de lta bu dag kun tu ston par mdzad do// rigs kyi bu gang de gis de bzhin gshegs pa spyan drangs la ri mo ma byas pa de yang de bzhin gshegs pas log par ltung bar mi 'gyur ba'i chos su lung bstan pa'i de bzhin gshegs pa rnams kyi de bzhin gshegs pa'i chos nyid la stog/

  119. 85a

    rigs kyi bu gzhan yang de bzhin gshegs pa dang / thabs gcig tu dbyar zla ba gsum gnas par khas blangs pa'i dge slong lnga ba po gang dag gis/ rta chas kyi nas de dag zos pa de dag las dge slong bzhi bcu ni 'dod chags spyod pa dang / sdug pa'i mtshan ma spyod pa yin pas/ gal te de'i tshe na de dag gis zas gsod pa dag zos par gyur na/ de dag gi 'dod chags dang ldan pa'i rnam par rtog pa shin tu shas chen po dag skye bar 'gyur ba zhig na/ de dag gis zan pa pa zos pa des/ 'dod chags kyi kun nas ldan pa de dag srangs shing med par gyur to// de dag gis 'dod chags kyi kun nas ldan pa dag rnam par bsal nas/ de dag thams cad kyis zla ba gsum po de dag 'das nas/ zhag bdun gyis dgra bcom pa nyid thob par gyur to// rigs kyi bu de lta bas na dge slong lnga brgya podag gdul ba'i dbang gi phyir dang / byang chub sems dpa' de dag yongs su smin par bya ba'i phyir de bzhin gshegs pas thabs la mkhas pa des/ zla ba gsum du rta chas kyi nas dag gsol bar zad kyi/ las kyi sgrib pa'i nyes pa ni ma yin te/ de yang de bzhin gshegs pa'i thabs la mkhas pa yin no// ci'i phyir de bzhin gshegs pa/ gso sbyong la zhugs pa na/ 'od srung nga ni ro rgyab nas/ khyod kyis byang chub kyi yan lag dag shod cig ces bka' stsal ce na/ rigs kyi bu de'i tshe na lha'i bu nyan thos kyis

  120. 85b

    'dul ba gang dag sngon dge slong 'od srung gis sangs rgyas dang chos dang dge 'dun dang / bag yod pa'i bya ba dag la yang dang yang du dad pa bskyed cing yang dag par 'dzin du pa brgyad stong 'khor de nyid du 'dus par gyur te 'dug pas/ lha'i bu de dag gis sngon yang byang chub kyi yan lag gi gtam thos la/ lha'i bu de dag la dge slong 'od srung ma gtogs par/ gal te sangs rgyas 'bum gyis chos bstan par gyur kyang / de dag gis chos bstan pa kun shes par mi 'gyur bas na/ de'i phyir dge slong 'od srung gis bya chub kyi yan lag rab tu dbye ba rgya cher bshad pas/ lha'i bu brgyad stong po de dag gis ye shes mngon par rtogs par gyur to// gzhan yang sems can gang la la dag gis gnod par gyur cing nad par gyur nas/ chos mnyan tu ma 'ongs shing chos mi nyan pa'i sems can chos ma thos pa de dag 'di snyam du/ de bzhin gshegs pa chos kyi bdag po de yang byang chub kyi yan lag gi gtam dag gsan nas/ srung nad las yongs su thar par gyur na bdag cag gis ci'i phyir chos mnyan par mi bya snyam du sems par gyur te/ rigs kyi bu deg po de ltar na lha'i bu de dag gdul ba'i dbang gi phyir dang / sems can nad pa rnams chos la gus pa kun tu bstan par bya ba'i phyir te/ de bzhin gshegs pas tshig 'di skad ces 'od srung nga ni ro rgyab nas khyod kyis byang chub kyi yan lag dag shod cig ces gsungs par zad kyi/ de bzhin gshegs pa'i sku la snyun mnga' ba ni ma yin no//

  121. 86a

    de ci'i phyir zhe na/ rigs kyi bu de bzhin gshegs pa dgra bcom pa yang dag par rdzogs pa'i sangs rgyas rnams ni chos kyi sku yin te/ de dag la 'byung ba'i lus rags pa yongs su grub med pa'i phyir te/ de yang de bzhin gshegs pa'i thabs la mkhas pa yin no// ci'i phyir de bzhin gshegs pas shAkya rab tu rnam par 'jig par gyur pa na/ tshig 'di skad ces kun dga' bo nga glad pa na zhing mi bde'o zhes gsungs she na/ rigs kyi bu de ni sems can gang la la dge de bzhin gshegs pas nye du rnams kyi srid pa'i rtse mo'i bar gyi sdug bsngal gyi phung po mthar mdzad pa mi shes pa'i sems can de dag 'di snyam du gang gi phyir de bzhin gshegs pa 'jig rten la phan pa'i phyir rab tu byung ba nas/ rgyal po'i gdung rgyud thams cad chung zos kyang des nye du rnams yongs su ma bskyabs pa lags na// de bzhin gshegs pa ni nye du rnams la phan par bzhed pa yang ma yin/ don tu bzhed pa yang ma yin/ bde bar bzhed pa yang ma yin/ grub pa dang bde bar bzhed pa yang ma yin no snyam du sems par mi 'gyur bar sems can de dag gi sems gzung ba'i phyir/ de bzhin gshegs pas gnas brtan kun dga' bo la tshig 'di skad ces nga glad pa na zhing mi bde'o zhes gsungs so// rigs kyi bu gang gang gi tshe de bzhin gshegs pas gnas brtan kun dga' la 'di skad ces kun dga' bo

  122. 86b

    glad pa na zhing mi bde'o zhes gsungs pa de'i tshe na/ lha'i bu chad pa smra ba sum stong 'dus par gyur pa dang / sems can srog gcod pa rab tu mang po dag kyang 'dus par gyur pas/ de na sems can chad par smra ba de dag dang / sems can srog gcod pa de dag las kyi bya ba la gzung ba'i phyir de bzhin gshegs pas/ srog gcod ba'i dbang gis de bzhin gshegs pa'i dbu srung zhing mi bde'o zhes las kyi rgyud de kun tu bstan to// de na de bzhin gshegs pas gsung gi 'phrin las brjod pa bstan pa na/ lha dang mi rnams kyi skye dgu las srog chags khri btul bar gyur te/ de yang de bzhin gshegs pa'i thabs la mkhas pa yin no// ci'i phyir de bzhin gshegs pa bram ze b+ha ra dwa sgra spro ba rnam pa brgyas spyos pa na/ de bzhin gshegs pa spyos pa de dag dang du len par mdzad ce na/ rigs kyi bu de bzhin gshegs pa ni bram ze ba ra dwa dza spros par byed pa la phyir spyo pa 'am/ yang na de phyogs gzhan du 'phang ba 'am/ yang na de de bzhin gshegs pa la ci tsam gyis spro bar yang mi spong ba de ltar byin gyi rlabs kyis brlab par yang spyod mod kyi/ 'on kyang 'khor de lha dang mi mang po 'dus par gyur pa de dag gis de bzhin gshegs pa'i ma zhum pa dang / ma khengs pa dang / thugs mnyam pa dang / phan pa'i dngos po dang / mnyen pa dang / nges pa dang / sngon ji lta bar phyis kyang de bzhin pas/ bzod pa'i stobs bskyed

  123. 87a

    pa mthong nas/ srog chags bzhi stong gis bla na med pa yang dag par rdzogs pa'i byang chub tu sems bskyed par gyur te/ de bzhin gshegs pas don gyi dbang de gzigs pas na/ bram ze ba ra dA dzas spros pa btang snyomasu bzhag go// des kyang skyo bar byed pa bram ze ba ra da tsa de bzhin gshegs pa la sems dad par gyur nas/ sangs rgyas la skyabasu song zhing yongs su mya ngan las 'da' ba'i bar gyi sa bon bskyed par gyur te/ de yang de bzhin gshegs pa'i thabs la mkhas pa yin no// rigs kyi bu gang gi phyir byang chub sems dpa'i skye ba thams cad dang / srid pa thams cad du lhas byin yang dang yang du rjes su 'brang bar gyur pa de yang byang chub sems dpa'i thabs la mkhas pa yin no// de ci'i phyir zhe na/ lhas byin la brten nas/ nga pha rol tu phyin pa drug po dag yongs su rdzogs shing sems can dpag tu med pa rnams kyi don kyang byas pa'i phyir ro// rnams pa gang gis she na/ rigs kyi bu 'di la gang gi tshe/ sems can rnams bde ba dang ldan par gyur cing / gang gi tshe sbyin pa yang mi shes/ len pa po yang mi shes pa de'i tshen/ lhas byin byang chub sems dpa'i drung du 'ongs te/ thu drag kyang spong bar byed/ chung ma dag kyang sdung bar byed/ rgyal srid dag kyang spong bar byed/ lag pa dang / rkang pa dag dang / mig dang / mgo yang slong bar byed cing / de dag la sogs pa dga' ba dang / sems

  124. 87b

    can rnams la bde ba skyed par byed pa gzhan gang rung ba dag kyang slong bar byed do// byang chub sems dpas zhum pa med par de dag sbyin par byed pa de sems can dpag tu med pa dag gis mthong nas/ dga' ba dang / dang ba dang / mchog tu dga' ba skyes te/ spro ba bskyed nas/ 'di ji lta ba bzhin du/ bdag cag de bzhin gyur cig ces de dag sbyin pa la mos shing / byang chub tu smon lam 'debs par yang byed do// gzhan yang lhas byin dang sems can dpag tu med pa gang dag tshul khrims 'dral bar 'dod pa de dag gis byang chub sems dpa' tshul khrims mi 'dral ba mthong nas de dag kyang tshul khrims yang dag par len par byed pa dang / sems can de dag byang chub sems dpa'i rjes su slob pa na bzod pa phun sum tshogs pa de mthong nas de dag la spyos sam brgyad bkag gam/ brdegs na yang 'khrug par mi 'gyur zhing / bzod pa yongs su rdzogs par 'gyur te/ rnam grangs des kyang sems can rnams kyi don byas pa yin no// gang gi tshe lhas byin gyis de bzhin gshegs pa dkrongs pa'i phyir gshed ma pa'i mi dag spad pa dang / de bzhin gshegs pa dgrongs pa'i phyir glang po che gdug pa nor skyong bya dang / de bzhin gshegs pa dgrongs pa'i phyir de bzhin gshegs pa la rdo 'phangs pa gang yin pa de yang de bzhin gshegs pa'i thabs la mkhas pa yin par blte bar bya'i/ lus kyi sgrib pa'i nyes pa/

  125. 88a

    na ma yin no// de ci'i phyir zhe na/ thabs la mkhas pa de la brten nas/ sems can dpag tu med pa dag gi don mdzad pa'i phyir te/ rigs kyi bu mdor na lhas byin de ni nga'i ston pa phan par 'dod pa yin no// las kyi rgyud bcu po thams cad kyang de bzhin gshegs pa'i thabs la mkhas pa yin par blta bar bya'i/ las kyi sgrib pa'i nyes pa ma yin no// de ci'i phyir zhe na/ sems can las kyi bya ba dang / rnam par smin pa chud gson pa rnams las kyi bya ba dang / rnam par smin pa la 'jug par bya ba'i phyir/ de bzhin gshegs pas thabs la mkhas pas sems can rnams la las che go mo zhig rnam par smin pa ni 'odi yin no// las che go mo zhig gi rnam par smin pa ni 'di yin no zhes las kyi rgyud kun tu bstan te/ de thos nas sems can rnams kyi mi dge ba'i las kyi sgrib pa dang / mi dge ba'i las la sgrib pa dang / dge ba'i las la sgrib pa dang / dge ba'i las mngon par 'du bya ba la mi g.yel bar spyod par 'gyur ba'i phyir ro// rigs kyi bu thabs la mkhas pa bstan pa dang 'byung pa 'di ni gsung par bya ba yin te/ sems cad dmang po dge ba'i rtsa bu chung du rnams kyi mdun du brjod par mi bya/ bstan par m-ig/ bshad par mi bya/ klag par mi bya'o// de ci'i phyir zhe na/ bstadan pa 'di ni nyan thos dang rang sangs rgyas sems cad kyis yang ma yin na/ byis pas sa'i

  126. 88b

    dman pa la mos pa rnams kyi lta smos kyang ci dgos pa'i phyir ro// de ci'i phyir zhe na/ de dag ni thabs la mkhas pa 'di ma bslabs pa'i phyir ro// de ci'i phyir zhe na/ de dag la 'dis don tu 'gyur ba med de/ thabs la mkhas pa bstan pa 'di snod du 'gyur ba dang / gang dag gis bstan pa 'di la bslab par bya ba ni byang chub sems dpa' sems dpa' chen po rnams ma gtogs par gzhan dga' yang med pa'i phyir ro// rigs kyi bu 'di lta ste dper na/ mtshan mo mun gnag gi nang du 'bru mar gyi mar me byung na/ khyim gyi snod thams cad snang bar 'gyur ba de bzhin du/ rigs kyi bu byang chub sems dpas kyang thabs la mkhas pas bstan pa 'di thos na/ sems can thams cad byang chub sems dpa'i spyod pa la 'jug par mthong zhing / bdag gis kyang 'di la bslab par byas na/ byang chub sems dpa'i spyod pa thams cad dang / sangs rgyas kyi spyod pa thams cad la 'jug cing 'gro bar 'gyur te/ de ni legs par yang dag par brtson pas sla'o snyam du sems pa dang / de thabs la mkhas pa de dag la legs par bslabs pa dang / sems can rnams smras par mi byed pa de lta bu'i ming du yang 'gyur ro// rigs kyi bu khyod mos par bya/ khyad kyi khong du chud par bya ste/ rigs kyi bu 'am/ rigs kyi bum byang chub den tu gnyir bas ni/ gang nas thabs la mkhas pa'i pha rol tu phyin pa'i bstan pa rje

  127. 89a

    sa du grags par 'gyur ba'i dpag cad 'bum du yang 'gro bar yang bya// da ci'i phyir zhen/ 'di ltar byang chub sems dpa/ thabs la mkhas pas bstan pa 'di thos nas/ snang ba thob par 'gyur zhing / be tsom dang bral ba dang / nem nur dang bral bar 'gyur ba'i phyir ro// de nas dang bcas pa'i 'jig rten dang / 'khor bzhi po gang dag chos kyi rnam grangs 'di'i snod tu 'gyur ba'i 'khor der 'das par gyur pa de dag gis ni/ bcom ldan 'das kyis gsungs pa'i chos kyi rnam grangs 'di thos par gyur to// gang dag snod du ma gyur cing mi shes pa 'khor der 'dus par gyur pa de dag la ni chos kyi rnam grangs 'di rna lam du grags par yang ma gyur to// chos kyi rnam grangs 'di bshad pa na srog chags bdun khri nyis stong dag bla na med pa yang dag par rdzogs pa'i byang chub tu sems skyes so// de nas bcom ldan 'das la tshe dang ldan pa kun dga' bos 'di skad ces gsol to// btsun pa bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis chos kyi rnam gra 'di ni thabs la mkhas pa'i pha rol tu phyin pa bstan pa zhes bya bar zung shig/ thabs la mkhas pa'i le'u zhes bya bar yang zung shig/ thabs la mkhas

  128. 89b

    pa bstan pa zhes bya bar yang zung shig/ sangs rgyas thams cad kyi gsang chen thabs la mkhas pa'i le'u zhes bya bar yang zung shig/ bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' sems dpa' chen po ye shes dam pa dang / nyan thos kyi theg pa pa dang / rang sangs rgyas kyi theg pa pa dang / byang chub sems dpa'i theg pa pa la yang dag par zhugs pa'i dge bsnyen dang / dge bsnyen ma dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// / 'phags pa dkon mchog brtsegs pa chen po'i chos kyi rnam grangs stong phrag brgya pa las/ sangs rgyas thams cad kyi gsang chen thabs la mkhas pa byang chub sems dpa' ye shes dam pas zhus pa'i le'u zhes bya ste/ 'dus pa sum cu rtsa brgyad pa rdzogs s+ho// le'u 'di la sho lo ka stong nyis brgya rtsa bcu gsum mchis// / rgya gar skad du/ ar+ya b+had tra pa she ShA pa ri brid can ma ma ha ya na su tra/ bod skad du/ 'phags pa dkon mchog brtsegs pa chen po chos kyi rnam grangs le'u stong phrag brgya pa las/ tshong dpon bzang srong gis zhus pa zhes bya ba theg pa ches

  129. 90a

    po'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khyab na 'od ma'i tshal bya ka lan da ka gnas pa na/ sha ri'i bu la sogs pa bya ba byas pa/ byed pa byas pa/ dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs so// de'i tshe dge slong de dag bcom ldan 'das kyi thad na/ lus snyom pa dang / gnyid kyis gnas pas lus snyom mangs pa med cing / lus sdom pa med par gnas so// yang de'i tshe bcom ldan 'das kyigal gyi mdangs me tog pad ma tshal rgyas pa lta bur snang bar gyur to// de nas dge slong de dag 'di snyam du dgongs te/ bcom ldan 'das kyi zhal gyi mdangs pad ma'i tshal rgyas pa lta bur snang bar gyur pa las na/ bcom ldan 'das 'di chos kyi tshul ji lta bu zhig ston par dgongs shig gu snyam mo// de nas de'i tshe tshong dpon bzang skyong zhes bya ba 'khor tshong ba drug khri dang / bcom ldan 'das kyi bang du dong ngo // de nas bzang stong shin tu gnon sha can la/ lus kyi mdog bzang zhing rgyas pa dang ldan pa bcom ldan 'das gal ba der song gi byedan nas/ bcom ldan 'das ting nge 'dzin tu zhugs pa rab tu zhi pa dang / dul ba'i yon tan ci gter du byung ga nasar

  130. 90b

    ljon pa ltar gzi brjid 'bar ba mthong ngo // de nas bzang skyong dad pa skyes te mnyam par bzhag pa'i yid kyis 'di snyam du sems te/ kye thams cad mkhyen pa/ de bzhin gshegs pa dgra bcom pa yang dag par rdzogs pa'i sangs rgyas shes 'jig rten du snyan pa dag grags pa 'di ni mi brdzun no snyam ma de nas bzang skyong gis bcom ldan 'das kyi zhabs la gtugs nas/ de bzhin gshegs pa'i zhal du lta ba gtad te 'dug par gyur to// de nas bcom ldan 'das kyis bzang skyong la gzigs nas sku las 'od zer phyung ngo // 'od zer des kyang tshong dpon bzang skyong mo 'jigs pa skyes nas/ bcom ldan 'das la lan gsum bskor ba byas te/ yang bcom ldan 'das kyi zhabs la gtugs nas/ bcom ldan 'das la 'di skad ces gsol to// bcom ldan 'das bdag la thugs brtse bar mdzad du gsol/ bdag ni bcom ldan 'das la da gdod dad pa thob lags so// bcom ldan 'das de lta lags/ pas phyogs 'ga' la re ba/ chos 'tshal ba/ 'khor ba'i gnod pa rnams kyis yongasu nyon mongs pa/ rnam par rtog pa'i shas che ba/ ngo mtshar du gyur pa can/ bdag la bshad du gsol/ bcom ldan 'das bdag ni the tsom can lags/ bde bar gshegs pa bdag ni som zhi can lags na/

  131. 91a

    gang gis bdag rmongs par 'gyur zhing 'khor ba las nges par 'byung ba ma 'tshal to// bcom ldan 'das ni thams cad mkhyen pa lags te/ bde ba'i yo byad thams cad 'grub par mdzad pas/ yid bzhin gyi nor bu rin po che lta bu 'jig rten du de'u ma byung te byung ngo // bcom ldan 'das ni sems can thams cad la ma nyes gshin pas na pha ma lta bu yang lags so// de skad ces gsol nas/ bcom ldan 'das kyis tshong dpon bzang skyong la 'di skad ces bka' stsal to// bzang skyong de'i phyir khyod ci dang ci 'dod pa dris shig dang / ngas dris pa de dang de'i lung bstan pas sems rangs par bya'o// de nas bzang skyong zhu bar 'dod pa phyogs gcig tu 'dug go// tshong dpon bzang skyong gzi brjid 'bar zhing gzugs bzang po bum sum tshogs po/ phyogs gcig tu 'dug pa tshe dang ldan pa kun dga' bos mthong nas/ bcom ldan 'das la 'di skad ces gas to// bcom ldan 'das bzang skyong 'di mdage bzang zhing rgyas pas rgyal ba'i dpal yang zil gyis non te/ lhag par mdzes pa ni ngo mtshar lags so// de nas bcom ldan 'das kyis tshe dang ldan pa kun dga' bol maka' stsal pa/ kun dga' bo bzang skyong 'dir bde ba'i yo byad gang yin pa dang / dan

  132. 91b

    zhing rtse la dga' dgur spyod pa gang yin pa de ni tshong dpon gzhon nu zla ba 'byor pa ma gtogs par lha rnams kyi dbang po brgya byin la yang med do// 'dzam bu'i/ gling 'di na khyad par du 'phags pa rnams la yang med do// de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das tshong dpon bzang skyong 'di'i nor bu gyur pa ljags/ bcom ldan 'das kyis bka' stsal pa/ kun dga' bo de'i phyir khyod kyis tshong dpon dge ba'i rtsa ba byas pa 'di 'byor pa dang / longs spyod rgyas pa nyon cig/ kun dga' bo nor dang gser phun sum tshogs pa'i tshong pa drug khri 'di'i phyi bzhin 'brang ngo // mal khri tshon sna tshogs spel bas mdzes par byas pa/ smig thags can la stan nang tshangs can bting ba/ g.yas g.yos su sngas dmar po bzhag pa/ drug khri dang / bud med bgo ba dar dang / du gu la'i ras dang / men tri dang / mon dar dang / mos sbyangs pa'i gos dang / la tshig gu'i stod kor dang / dmar po dang / rnam pa sna tshogs kyi snam phran can gyi gos gyon pa/ 'dod chags pa'i rgyan gyis brgyan pa/ log mthil reg na sI zhing shin tu 'jam pa/ rnam pa sna tshogs su 'gyur ba/ dgod cing dga' ba dang / tshig 'tshogs shing sgeg la snyan pa'i gtam brjod pas bskyed pa'i dga' ba dang / mchog tu dga' bas dgod par byed pa/ khyim thab la bsnyen bkur byed

Colophon

sangs rgyas thams cad kyi gsang chen thabs la mkhas pa byang chub sems dpa' ye shes dam pas zhus pa'i le'u zhes bya ste/ 'dua pa sum bcu rtsa brgyad pa rdzogs s+ho/