'byung po kun 'dul zhes bya ba'i rgyud
Text
ff. 355b–392a · 74 folio sides
- 355b
sku gdung bzhengs pa'i las byed pas// rgyud 'di'i rjes su 'brengs byas te// las kyi rim pa ma nor bar// yan lag tshang bar byas nas ni// mchod rten sku gdung las byas na// gcig btab bye ba btab dang mtshungs// dpung bzangs zhus pa'i brgyud dag la// gang gis sbyin sreg dang ni bzlas brjod kyis// rang gi 'dod pa'i lha de ma 'grub cing // gsang sngags 'bras bu thob par ma gyur na// de tshe bder gshegs sku gdungs tsha gdab par bya// yang na chu 'gram bye ma dag la gdab// res ni bskal par bsags pa'i srid zhan rnams// grol bar 'gyur te nyes pa kun zad nas// gsang sngags 'bras bu tshe 'di nyid la tho ba// de nas sku gsung thugs kyi dam tshig nyams pa yang // de yi las byas 'byung bar te 'bras bu ni// mchod rten chos sku'i yon tan thob par 'gyur// zhes 'byung bas phan yon ni/ dpag cing gzhal ba las 'das par gsungs so// rgya gar skad du/ b+hU ta sarba da ma ka nA ma tan+ta/ bod skad du/ 'byung po kun 'dul zhes bya ba'i rgyud/ dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das dpal kun tu bzang po rtag pa mi 'gyur ba'i sku/ bde ba chen po'i
- 356a
gnas bdal ba na bzhugs so// de'i tshe byang chub sems dpa' rdo rje chos kyi blo gros kyis// kun tu bzang po la byin rlabs zhus so// de'i tshe de'i dus na/ kun tu bzang pos lung bstan pa/ rgyud nyi shu rtsa lnga la/ man ngag sum brgya drug cu dang // phyi nang gsang ba'i ngo sprad dang // man ngag gser gyi yang zhun dang // dgongs pa zam ma chad pa'i byin rlabs bskor du bstan pa'i/ byin rlabs thugs rje'i chos rnams la// bstan pa'i yang rtse man ngag kun gyi bcud// theg pa'i yang rtse spyi don dgongs pa'i rgyud// man ngag lde mig 'phrul gyi sgrom bu 'byed// rig pa'i tshad la 'jar byed spu gri 'di// rigs 'dzin rgyal po rdo rje chos kyi blo gros la// byin rlabs rgyal po bstan pa'i rten du gzhag/ tshegs chung don tshe man ngag zab// rgya che rab zab dgongs pa brgyud pa la// chos kyi blo gros thugs la dgongs pa shar// snang srid 'khor 'das phyi nang med par gsal// me long bltas pas rang snang gsal ba ltar// 'gro drug rang snang sku dang ye shes dang // thig le nyag gcig me long nang ltar gsal// de ltar ngo sprod dgongs pa bstan pa ni// chos can chos med rang grol dgongs pa shar// de phyir dgongs pa brgyud pa yin// rang 'byung me long nang na
- 356b
cir snang ltar// rang snang rang 'das 'di ni cir yang snang // rgyal ba'i thugs kyi gter sgo phye// nyag gcig dgongs pa rang grol bstan pa ni// mu stegs 'gro drug theg pa'i rgyu// rang snang rang gdangs 'od gzhung tha dad kyang // don du rnam pa mang yang nges par gcig/ gcig po mtha' grol 'ub chub rtse mo ste// byis pa rnams kyis de ltar mi shes so// kye ma ho// de ltar snang yang de ltar mi srid kyis// yang dag rang grol dgongs pa 'di yin no// thog ma rang bzhin lhun gyis grub pa la// snang ba rgya chang phyogs ris ci/ ris su chad pa rdul yang mi srid do// bar du byin rlabs 'grib pa med pa la// bsgom par bya ba rdul yang ma mtshon no// snang ba de la shes pas phyogs su bzung // phyogs ris dgongs pa rang grol ma shar na// rang snang rnam pa mtha' yis bcings pa yin// lam dang 'bras bus rang gzhung grub pa'i mtha khA// mtha' grol rang byung sha ra ba shin tu dka'// zhes gsungs pa dang / rdo rje chos kyi blo gros la// thugs cang shes kyi klong nas sprul pa'i sku byung ste/ chu dang rlabs dang nyi ma 'od dang zer// de bzhin lbu ba'i rnam pa ltar// byin rlabs skad cig ma la shar// rang shar 'bras bu'i dgongs pa las// ston pa dga' rab rdo rje 'thon// de nas thugs rje'i byin rlabs
- 357a
shar ba las// rigs pa'i klong nas byin gyis brlabs kyis su// rdo rje chos kyi blo gros dang // ston pa kun tu bzang po la// snang ba bsam gyis mi khyab pa// 'di yi rtag pa ji ltar lags// zhes zhus so// 'byung po kun 'dul gyi rgyud las// gleng gzhi'i le'u ste dang po'o// / / de nas rdo rje chos kyi blo gros kyis yang zhus pa/ ston pa kun tu bzang po lags// bdag lta sprul sku dga' rab rdo rje dang // de yi 'khor du 'dus pa yis// ya ma/ badz+ra sha/ bud+d+ha pA ni/ bA yu/ tsan+na de ba/ sUr+ya de ba/ ma di de ba/ b+ha pa ya/ ta la'i de ba/ pA ta le de ba/ dza la/ na ga de ba/ de rnams thams cad 'dus nas ni// mchod pa'i rnam pa 'di rnams 'bul// mahA pU dza d+ha thim d+ha thim/ zhes brjod pas/ byin rlabs 'gag pa med pa ni// dang po thugs rje 'gag med de// byin gyis brlabs kyi gzhi ma yin// rgya mtsho'i rba dang rlabs lta bu// nyi ma'i 'od dang zer lta bu// bar du byin gyis brlabs kyi rgyud// 'gyu ba 'gag pa med pa yin// 'gyu ba'i byin rlabs shar ba ni// thugs rje mi 'byung rang dbang med// de yang lam du 'gyur ba'i byin rlabs shar// 'gyu ba'i byin
- 357b
chen gtan la phebs// zang thal rlabs chen dgongs pa shar// rang grol 'bras bu chos las 'das// de yi byin rlabs gdan chen shar// lag len nyams len 'phel 'grib med// don gyi khong gzer gnang du thebs// 'jig rten snang ba sangs rgyas yin// nyon mongs rang snang dgra bcom yin// 'jig rten rnam rtog shes rab rtsi// shes rab rtsa ba rtogs pa yin// rtog med shes rab tshad ma gang // shes rab rtags kyis ma rgyan na// sangs la rgyas sa med cing chos la spyad sa med// dgra bcom rang rgyal byang chub sems dpa' med// gang zag rnam brgyad med cing bar do'i las dbang med// 'khor ba myang 'das med cing thar pa thob mkhan med// dag dang ma dag yang dag snang ba tha dad med// las med 'phro med 'thud pa'i 'bras bu med// rnam par smin pa med cing yang dag thar pa med// de phyir 'byung po kun 'dul yin// thams cad 'brel cing 'dus pa'i rgyud// ngo sprod 'di dang mi ldan na// tshig gi bdag pos mtshon nas las// stong pa'i bdag pos stong par ltas// mtshan ma'i bdag pos mtshan mar khyer// kun rdzob bdag pos rdzab tu chug/ mya ngan 'das zer mya ngan non// 'khor ba bshad cing 'khor bar 'khyams// 'khrul 'khor bdag po
- 358a
nyon re mongs// thar pa 'dod pa sgrib pa che// byang chub 'dod pa gol bar chud// chos spyod byed pa ngal dub che// dmigs pa'i bdud zhugs mtshor ro// thams cad mi rtag 'dus byas yin// 'dus byas mya ngan mtha' las 'das// oM maho// bgrod par 'dod pa nyon re mongs// de ltar bgrod pas de ltar mi rtogs so// bgrod nas byang chub thob par 'dod pa smig rgyu sgeg pa 'dra// gser sbram khyim du sbas nas gser sa mi la 'tshol// chos dman rang snang ma shes gzhan na 'tsho la// brtson 'grus byas pas 'bras bu rnyed par dka'// zhes gsungs so// 'byung po kun 'dul gyi rgyud las// kun tu bzang po la byin rlapra rang shar nas/ chos las 'das pa'i le'u ste gnyis pa'o// // de nas yang byin gyis brlabs kyis lung bstan pa/ rdo rje chos kyi blo gros nyon// theg pa sna tshogs bsgrub bya dang // de yi 'bras bu sgrub byed dang // snang ba lam gyis mdor bsdus pa// de ni bdag gis bshad par bya// nyan thos snang ba rdul phran dang // nang gi shes pa brjod med yin// de yang shes rab khyad par las// snang ba rdul du shes pa dang // snang ba brjod du med pa'o// /
- 358b
de yang rdul phran don dam mo// rang rgyal ba yi snang ba 'di// rdul phran sgyu ma lta bu la// phung po sgyu ma lta bur la// rten 'brel bcu gnyis shes rab yin// zhi ga nas lhag mthong shes pas 'phags// sems tsam rnam par snang ba 'di// sems las ma rtogs log snang med// rnam par snang yang mi rtogs pas// de ni rnam bcas shes rab bo// rnam pa med pa'i snang ba 'di// sems kyis snang ba brdzun pa las// rnam med rang rig don dam mo// sgyu ma lta bu'i spyod pa ni// chos rnams thams cad sems yin te// sems kyang brdzun par shes pa'o// kun rdzob sgyu ma tsam du bden pa dang // don dam spros pa bral bar bden pas shes rab bo// rab tu mi gnas snang ba ni// rnam par bcad pa tsam zhig las// khas len thams cad dang bral ba yi// gnyis su med pa sa dbu ma yin// de ltar shes pas shes rab yin// de la kre ya'i snang ba yang // rig gsum sgyu ma lta bu las// don dam skye ba med pa'i ngang // de ltar shes pa sa shes rab bo// yo ga sku lnga ma hA rigs lngar snang // a nu he ru ka lngar snang ba'i ngang // rdzogs chen rang snang ma bcos pa// dbu ma sgyu mar bden pa de//
- 359a
bden pa gnyis kyi mu snang la// gsang sngags sgyu ma yang brdzun pas// gsang sngags rang snang khyad par 'phags// a ti brdzun dang bden pa gnyis// rang snang ma bcings chos kyi sku// kun 'dul dgongs pa yin shes rang snang ste// 'gro drug rang sar rnam par dag/ mu stegs rtag chad rgyu dang 'bras zur snang // rgyu gsung rang rtswa du yon/ ne s+'ung+tha// sna thom spyon 'bras rang re rlung // rludu snang 'di la 'jug pa'i lam// de phyir las kyi dgongs pa ba sasas hU~M/ wA b+h+yo du tshun la y-i/ ba rgyas byed pa ni ng+ge/ gsus ng+ge/ nas pa dag bshad bya ba// nyon cig rdo rje chos kyi blo gros khyod// snang rtags lam gyi rim pa la// dbang po bsam pa mkhyen gyur pa// sngags kyi theg pa'i khyad par las// grol lam chags lam ma shes na// sngags kyi bka' bsgo nyams pas na// dbang gi dmar khrid bshad par bya// 'bras bu bla med byang chub thob 'dod pas// mtshan nyid pa dang pha rol phyin pa dang // gsang sngags 'bras bu bla na med pa dang // chos las 'das pa'i ngo spong 'di ltar bstan// mtshan nyid pa dang
- 359b
pha rol phyin pa dang // thabs dang shes rab khyad par ni// shes rab gtso bor bzung nas 'bras bu tshol// thos dang bsam pa'i shes rab rgyud la rten// shes rab med na mig med pha rol phyin pa dka'// thabs kyi sbyor ba sems bskyed pa dang sbyin pa'o// gsang sngags 'bras bu'i theg pa ni// sku lnga ye shes lnga dang ldan pa de/ bskyed pa sku la rdzogs pas ye shes so// zung du 'brel pa 'bras bu'i theg pa'o// de yang rten dang khyad par las// khams gsum sems can grol bar byed pa la// dbang gi rten dang mi ldan par// dbang bzhi bskur ba'i gnang bstan pa// dper na ba la zho yod kyang // be'u la kha med blug snod med// de bzhin bla mas dbang bskur te// rten dang mi ldan bskur thabs med// gzugs med pa yi khams rnams la// dbang rnams bskur ba'i brten med de// rtswa rlung rtog pa mi dmigs pas/ ye shes dbang bskur ga la nus// gzugs khams rtsa dang rlung yod kyang // khams kyi zas dang bral bso rten ma yin// des na 'dod khams ga nas ris kho na la// dbang rnams bskur ba'i rten du rung // 'dod chags zhe sdang gti mug dang // nga rgyal khong khro phrag dog gis// gdungs nas 'dus pa'i 'dod khams
- 360a
'di/ dbang gi snod du rung ba yin// dbang dang man ngag lag len gsum// snod dang bcud dang bskur thabs gsum// phyi dang nang dang gsang ba'o// bum pa thabs dang shes rab dang // rgyud dang ngo bo dbye ba'o// bskur thabs gnas dang rdzas dang ni// gleng gzhi dkyil 'khor bskor ba'i dus// 'bras bu dang ni nges pa'i tshig/ ces gsungs pa'i rjes la// rgyu ni sa chog la sogs sa blangs dang // brtags dang sbyang dang bri ba dang // mchod pa'i rdzas dang rgyan dgram pa// dkyil 'khor cho ga la sogs yin// ngo bo dbang thob don dang ldan// nges tshig don ldan rnal 'byor pas// dbye ba phyi nang gsang ba'o// gling gzhi sngon 'byung rjes 'jug go// dkyil 'khor phyi nang kun la snang // bskur thabs bskyed rims rdzogs rims so// gnas ni lus ngag yid gsum mo// rdzas ni bum pa thabs dang gsang ba'o// dus ni bkra shis nyi ma yin// 'bras bu sku gsum rang grol yin// ces gsungs so// 'byung po kun 'dul gyi rgyud las// dbang gi sdoms bstan pa'i le'u ste bzhi pa'o// // de nas yang dag bshad bya ba// nyon cig rdo rje chos kyi blo gros khyod// bum pa'i dbang gi ngo
- 360b
sprod pa/ bum pa'i ngo bo nges tshig dbye ba dang // mthun pa'i dpe dang bskur ba'i gnas// bskur ba'i rdzas dang dus tshod dang // yon tan 'bras bu skyon bstan pa/ bum pa'i ngo bo 'dus pa yin// nges pa'i tshig ni rdzogs pa yin// dbye ba phyi nang gsang ba'o// mthun pa'i dpe ni rin po che// bskur ba'i gnas ni mgo bopo la// rdzas ni phyi nang gsang ba'o// dus ni gnam stong nyi ma la// yon tan lus kyi sgrib gsum dag/ srog gcod ma yin 'dod log dag/ 'bras bu sprul pa'i sku ru rdzogs// ma bskur khams gsum 'khor bar 'khyams// phyi yi bum pa rin chen dang // bum pa'i rdzas ni 'di dag go// 'bru lnga sman lngar rin chen lnga// spos lnga snying po rnam lnga yin// bskur gnas la sogs gong du'o// nang gi bum pa bla ma'i sku// bdud rtsi la sogs lus la rdzogs// bskur ba'i gnas ni lcela'o// rdzas ni bdud rtsi 'o ma chu// dus ni skyed rims sgoms pa'i dus// yon tan ngag gi sgrib pa dag/ bdud rtsi lce la gzhag pa yi// dgongs pa tha ma la rtogs pa med pa dang / bdud rtsi longs spyod grogs su shes pa dang // brdzun dang phra ma tshig rtsub dag 'khyal gyi// ngag gi sgrib pa dag par byed// gsang ba'i bum pa rang lus kyi//
- 361a
bum rdzas lhag pa byang chub sems// bskur thabs yum gyi b+ha ga la// bskur ba'i rten ni rtsa gsum ste// yon tan gzung 'dzin bde bar 'bar// dus ni snyoms par zhugs pa yin// 'bras bu dga' ste lhan cig skyes pa'o// yang gsang bum pa'i dbang bskur ba// rang rig ye shes bum pa yin// bum rdzas 'das pa rnam pa lnga// bskur thabs chos las 'das pa yin// rten ni blo ldan gang zag yin// yon tan rang grol byin rlabs yin// dus ni gdams pa skad cig yin// 'bras bu rig pa rang grol yin// de la dkyil 'khor gang dang 'brel ce na// phyi yi bum pa'i dkyil 'khor ni// me tog thang ka rdul tshon no// bskur tshul gang dang 'brel ce na// slob dpon bla ma gus par bya ba yis// chu ni spyi bo'i gtsug tu bskur// rna ba g.yas su dbu rgyan no// ltag par rdo rje rna g.yon dril// ming ni dpral bar bskur ba yin// me tog 'phreng ba mgo la bcing // shes rab rig pas dbang lnga yin// lus kyi sgrib pa dag par byed// ces gsungs so// 'byung po kun 'dul gyi rgyud las/ bum pa'i dbang gi le'u ste lnga pa'o// // de nas yang dag bshad bya ba// nyon cig rdo rje chos kyi
- 361b
blo gros khyod// thabs dang shes rab dbang bskur bstan par bya// thabs dang shes rab ldan pas bum pa'o// thabs kyi bum pa bla ma yin// ting 'dzin byang chub sems kyi chu// bla ma'i kha yis pad+ma blangs// slob ma'i tshangs pa'i bu gar bskur// ga bur chu li bdud rtsis ni// lus kyi sgrib pa dag par byed// shes rab bum pa'i mi mo yis// lus kyi pad+ma rak+ta yin// gsang ba pad+ma'i sbyor ba yis// gsang ba'i bdud rtsi phab byas la// thabs kyi rdo rje ngag thabs byed// bskur gnas pad+ma'i lte ba la// bskur dus lhan cig skyes pa'o// yon tan rnam rtog bde bar 'bar// 'bras bu phyag rgya chen po thob// nyams len dga' ba bzhi dang 'brel// thig les rdo rje'i mgrin par slebs// de ni dga' bde zhes su brjod// de nas rdo rje rtse mor 'bar// de ni mchog dga' zhes bya'o// de nas mnyam par sbyor ba yis// phyed shor phyed ma sho ra ba yis// lhan cig skyes pa'i dga' ba yin// thig le rang sa zin tsan// de ni dga' ba zhes su brjod// dang po bde ba'i ye shes de// rgyu yi ye shes zhes su brjod// de nas mchog tu dga' ba ni// lam gyi ye shes zhes su brjod// de nas lhan cig skyes dga' ni// lhan cig skyes pa'i ye shes
- 362a
so// dga' bral 'bras bu'i ye shes yin// dga' ba las kyi phyag rgya yin// dga' mchog chos kyi phyag rgya yin// lhan cig skyes pa dam tshig phyag rgya yin// dga' bral phyag rgya chen po yin// dA la ni lus kyi phyag rgya yin// rten ni ma ning la sogs ma yin pa'o// dus ni bcu drug lon pa'o// yon tan ye shes bzhi dang ldan// 'bras bu phyag rgya chen por lhun gyis grub pa'o// nang gi thabs dang shes rab dbang bskur rdzogs// rig pa yab la snang ba yum// snod bcud gnyis med sbyor ba yis// thabs dang shes rab dbang mchog thob// thabs dang shes rab rgya ma chad// phyi nang med pa'i dbang bskur rdzogs// rten ni bla ma dam pa'o// dus ni rtogs pa skad cig la// yon tan mtshan ma rang sar grol// 'bras bu snang srid thig ler 'bar// yang gsang thabs dang shes rab dbang bskur ba// rang gsang thabs kyis mchod pa de// rang ni shes rab dbang bskur ba// mchod pa thabs kyis dbang bskur dang // thabs dang shes rab dbang bskur rdzogs// rten ni ma rig ma rtogs pa// dus ni le lo ma rig ma rtog log rtog dang // phyogs rtog gang zag rnams la bskur// yon tan kun mkhyen ye shes tho ba// 'bras bu rang byung
- 362b
thig ler bad la// dkyil 'khor gang dang 'brel ce na// kun 'byung rang snang dkyil 'khor dang // 'brel ba med par 'brel ba ni// rig pa'i ye shes lha chen phog dam tshig par mtshams med par bsrungs// de las 'das na 'chi bar 'gyur// zhes gsungs so// 'byung po kun 'dul gyi rgyud las// thabs dang shes rab kyi dbang bskur ba'i le'u ste drug pa'o// // de nas yang dag bshad bya ba// rdo rje chos kyi blo gros nyon// gsang ba'i dbang bskur bstan par bya// ngo bo nges tshig dbye ba dang // mthun pa'i dpe dang bskur gnas drang // rdzas dang yon tan dang ni 'bras bu'o// ngo bo bde ba nyams su myong ba'o// nges tshig shes rab dang ni snying rje yin// bde ba'i ye shes bskyed phyir yin// dbye ba phyi nang gsang ba'o// mthun dpe 'bras chang blud pa 'dra// de yis shes pa 'gyur ba'o// gnas ni ri phug dgon pa phyi yi dang // nang gi shes rab pad+ma dang // gsang ba'i shes rab ye shes so// rdzas ni byang sems dkar dmar ro// yon tan ye shes dgongs pa 'char// dus ni dbang gnyis rdzogs pa yin// dkyil 'khor tshogs dang lus shes rab bo// bskur tshul lus kyi yan lag
- 363a
gnang du'o// 'bras bu ma rig log rtog sel// da ni nang gi gsang bstan pa// snang ba rtsad nas chod pa shes rab dbang // rang snang ye nas/ shes pas ye shes dbang // phyi nang zad thal shar ba ngo bo yin// rig pa rang sar grol ba des tshig yin// ye shes rang 'byung rang shar shes pa dbye ba yin// nyi shar mun pa dngas pa mthun dab yin// rig pa rang la gnas pa dgon pa yin// rang rig ye shes rang la yod pa dbang rdzas yin// ye shes lngar ldan ma bsgrub yon tan yin// dus gsum 'du 'bral med par shes pa dus chod yin// rang 'byung thams cad 'dus pa dkyil 'khor yin// rig pa rang dbang 'dus pa bskur tshul yin// ma rig log lta chom pa 'bras bu yin// da ni gsang ba'i dbang bstan pa// shes rab ye shes ye nas rang la gnas// ngo bo shes pas 'khor ba'i skyon dang bral// rang grol nges pa'i tshig gi gdeng las grol// dbye ba ye dang shes pa gnyis// shes rab kyis ni yang dag ye shes shar// mthun dpe man shel ngo sprod 'dra// phyi nang med pa'i gtan tshigs khong nas shar// dbang rdzas shes rab rang chas rang la rdzogs// yon tan nyag gcig dgongs pa sad//
- 363b
bskur dus skad cig bye brag phyed// dkyil 'khor ye shes gting rdzogs yin// bskur tshul ngo sprod skad cig la// 'bras bu rang gro la dgongs pa sad // ngo sprod dbang bskur 'di lta bu// bum pa nang gi mar me ltar// snod ma yin gyi gang zag la// dus dang gnas skabs kun tu gsang // snod dang ldan pa rnams la yang // dbang ma thob par bshad ma yin// ci phyir ngo sprod 'di nyid la// ma rtogs pa rnams skur pa 'debs// log par rtog nas skur bar 'gyur// don ma rtogs pas yid ma ches// tshig la 'phyos shing don la rmongs// bshad tshod mkhan gyis go bar dka'// skye bo rnams kyi ya gar 'gyur// de bas 'di don gsang bar byos// zhes gsungs so// 'byung po kun 'dul gyi rgyud las/ shes rab ye shes gsang ba dbang bskur ba'i le'u ste bdun pa'o// / / de nas yang dag bshad bya ba// rdo rje chos kyi blo gros nyon// tshig dbang rin chen bstan pa ni// legs par rtse gcig yid kyis nyon// bum pa'i lha dang dbang bskur rnams// skye ba med par rgyas 'debs pas// phyi yi tshig dbang zhes su brjod// dga' ba bzhi la rgyas 'debs pas// nang gi tshig dbang zhes su
- 364a
bshad// shes rab ye shes rgyas 'debs pa// gsang ba'i tshig dbang zhes su brjod// rig pa'i ye shes ngo spong pa// tshig dbang bla na med pa yin// bla med tshig gcig dbang du byed// dbang bskur lha ston lha rje yin// lha yi dbang po lha yi lha// lta bas bla ma lhag pas lha yi bla// lha la zab mo'i tshogs 'khor 'phrul// tshogs rje tshogs bdag dbyung dang ldan// s+thA li rje bo kun dga' snying pos bya swA// de rnams shes shing slob pas slob dpon yin// ma rtogs ma shes 'dras pas slob dpon yin// 'dren pa rang rgyu la slob dpon yin// tshogs kyi slob dpon tshogs kyi bdag/ de nas tshig dbang rgyas btab pas// rdo rje lta bu'i sku brnyes pa// gcig pu sra mkhregs rdo rje'i bdag/ skyes ma thag tu rang grol bas// rdo rje slob dpon zhes su brjod// dbang bzhi rdzogs par slob dpon de// rdo rje slob dpon zhes brjod do// rdo rje gdan ni ma lus ldan// rdo rje gcig pu g.yul sel ba// slob dpon dpa' bo che zhes brjod// tshig dbang gcig la thams cad rdzogs// rang rig ye shes ma bcos pas// rnal 'byor zhes kyang de la bya// don ldan blo la 'byor
- 364b
pa yis// rnal 'byor chen po zhes kyang bya// chos sku mi 'gyur rtag pa'i sku// dus gsum 'pho 'gyur med pa shes// rtag pa kun rgyal rnal 'byor can// gsang ba mngon du phyung nas bstan// gsang ba zlas pa'i khungs brtol bas// thams dbang bzhi bkur bsnyen// bla ma gsang sngags kun pas mchog/ ces gsung so// thig le 'byung po kun 'dul gyi rgyud las// tshig dbang bla ma la rag lus pa'i le'u ste brgyad pa'o// // de nas yang dag bshad bya pab/ nyon cig rdo rje chos kyi blo gros khyod// gsang sngags bla ma'i thugs la gnas// gsang sngags don kun skyed pa bo// gsang sngags bdag po sna tshogs ston// khyod ni rtse gcig yid kyis nyon// gnas brtan rgan bu skye dgu'i bdag/ sangs rgyas rabs bdun ngo zla bo// de yi dgongs pa bshad par bya// ldem por dgongs pa rnam pa bzhi// gzhi la ldem dang tshigs la ldem// don la ldem dang gnad la ldem// ldem dgongs rtsu ba mchod na// 'khrul 'khor rmongs pa nyon re mongs// kye kye rigs kyi bu nyon cig/ thog ma med pa dus kyi dbyings// dngos gzhi chen po kun gzhi la// gzhi la phun tshogs gnad med nas// ston pas bstan pa 'dus byas
- 365a
'gyur// dka' tshoms gegs kyi gnad med na// kun brtags theg pa rang gzhung srol// 'bras bu mi 'dra nges shes med// 'gro drug mu stegs rang sar bde// bar sar bde ba'i gegs med na// rgyal po rmongs kyang lcebs te 'chi// sku gsum lam gyi gnad med na// rnal 'byor dus ltos nyon re mongs// byin rlabs rang chas gnad med na// nyi ma'i snying po sngon du zad// thugs rje 'gag med ga nad med na// nam mkha'i char pa sngon du zad// gzhi la mkhas pa'i gnad med na// 'khor ba dong spugs sngon du 'byung // 'bras bu rang sa'i gnad med na// kun tu bzang po 'khor bar ltung // thugs rje rol pa'i gnad med na// 'khor ba'i snang ba sngon du sangs// 'gyu ba med pa'i byin rlabs gnad med na// chags sdang lnga po sngon du zad// ma rig gti mug ga nad med na// gzung 'dzin 'dus byas sngon du zhig/ skye dgu'i bdag po'i gnad med na// skye ba dgu rgyud sngon du chad// e ma ho// tshigs la ldems por dgongs pa de gsungs so// de nas cad mi gsung bar/ chos nyid kyi klong du rnal ces gsungs so// 'byung po kun 'dul gyi rgyud las// skye dgu la ngo sprod pa'i le'u ste dgu
- 365b
pa'o// // de nas rdo rje chos kyi blo gros kyis/ bcom ldan kun tu bzang po lags// skye dgu'i mtshan nyid ji ltar lags// zhes zhus pas kun tu bzang pos bka' stsal pa// gnas dang brtan dang skye dgu'i bdag/ gnas pa kun gzhi spyis yin// brtan pa rang bzhin stong pa lnga dang ldan// rgad po thog ma med pa yin// skye ba dgu ni mi 'gag pa// phyi yi skye ba dgu brgyud la// dang po bzhi pa ngos spong gces// bar du rgyu rkyen ngo spyod gces// tha mar skyes pa'i dngos po bstan par gces// 'gro ba rigs drug mu stegs rtag chad gnyis// 'dre dang lha ru skye ba dgu brgyad pa// dang po brgyud pa'i khungs btsa la na// 'khor ba thog mtha' bcas pa gces// lha ni 'dre srin mi dang 'gro drug gis// skye ba'i gzhi ma ma shes nas// sngags pa mthu rtsa la ba sam yas kyang // skye ba dgu brgyud chod mi srid// ngan sngags skye ba'i rtsad mchod// dgu brgyud gcod pa ya re cha// chod pa med pa nyon re mongs// srid ga sum skye ba rgyud mchod na// khams gsum yongs sgrol dka' mor mchi// phyi yi skye rgyud gcod pa la// 'byung po kun 'dul gdams pa dgos// skye dgu rtsad nas
- 366a
gcod pa'i ngo sprod dgos// khams gsum yongs sgro la dgongs pa dgos// srid gsum rnam par dag pa'i yid ches dgos// gnas brtan rgan po sgrol ba'i dbang po dgos// sangs rgyas mes po mthong ba'i spyan mig dgos// 'gro drug skye sgo gcod pa'i gegs sel dgos// rtag chad srog rtsa gcod pa'i shan pa dgos// lha srog 'dre gzir gtan la phebs pa'i phur thun dgos// nam mkha' klong du slebs pa'i gshog pa dgos// rgya mtsho hub kyi sa 'debs pa'i kha mchu dgos// me chen gos su gyon pa'i bzod pa dgos// sa chen stan du 'dings pa'i lus stobs dgos// rlung po gshogs par byed pa'i yang rtsa la dgos// 'byung lnga sngas su 'jug pa'i mi po dgos// dug lnga bdud rtsir spyod pa'i rnal 'byor dgos// gnyis snang rang snang spyod pa'i khyer ka dgos// khams gsum rang la shar ba'i dgongs pa dgos// de ltar shes na phyi yi 'byung po 'dul// ces gsungs so// 'byung po kun 'dul gyi rgyud las/ phyi'i 'byung po skye ba rgyud gcad pa'i le'u ste bcu pa'o// // de nas yang dag bshad bya ba// nyon cig rdo rje chos kyi blo gros khyod// nang gi skye dgu rtsad gcad bstan par bya//
- 366b
thog ma'i gnas brtan skye dgu las// thog ma med pa'i dus nyid nas// nyon mongs brgyad khri gzhi ma yin// chos kyi sgo mo brgyad khri bzhi stong gis// de rnams skye ba'i gzhi ma de// theg pa rim pa dgu yi gzhi// kun gzhi skye ba'i mdzod chen yin// rgyu dang lam dang gzhi dang dngos po gsum// de gsum gtan la phebs par 'gyur// gtan la 'bebs pa'i sde yi lung du bshad// de la gol gzhi rim pa dgu// gol ba lam gyi so mtshams dgu// go la sa dngos po mtha' bcas rnams// gol gzhi go la sa ma shes na// theg pa spyi las bogs mi tho na// sun 'don la bzla ma shes na// theg pa'i la shan rim mi phyed// ngo spod rang sa ma bstan na// 'bras bu spyi sa'i/ gol sar 'chor// gags dang sel lugs ma shes na// spra rgan mi ru 'chos pa 'dra// lta ba'i gol sgrib mchod na// bong bu seng lpags gyon pa 'dra// bsgom pa'i gol sgribs mchod na// spre'u la sgom pa slabs pa 'dra// spyod pa'i go la sgribs mchod na// rgod po gshog pa chag pa 'dra// 'bras bu'i go la sgribs mchod na// nyi ma gza' yis gzung ba 'dra// thams cad ngo sprod ma shes na// nor bu mching bu thogs pa 'dra// dngos po rtsad nas mchod na// nyan thos la sogs rang gzhung re// de yi mtshan ma ma
- 367a
grol na// grang nad can la ga bur ltar// rang snang ye shes bdud du 'gyur// phyogs rtogs rtogs pas zin pa ni// kha brag lag 'dor tshogs pa 'dra// des na ngo spro da shin tu gces// nang gi skye dgu rtsad gcod na// theg pa'i go la sa shes pa ngo sprod yin// theg pa'i gol gzhi shes pa gdams ngag yin// theg pa sun 'don shes pa dbang po yin// theg pa'i la bzla shes pa yid ches yin// theg pa'i ngo sprod rang grol shes pa nges shes yin// thig le gcig tu shes pa 'bras bu yin// zhes gsungs so// 'byung po kun 'dul gyi rgyud las// man ngag gi skye dgu rtsad nas gcad pa'i le'u ste bcu gcig pa'o// // de nas yang dag bshad bya ba// nyon cig rdo rje chos kyi blo gros khyod// gsang ba'i skye dgu rtsad nas gcad pa bstan par bya// kun gzhi skye ba dgu pa'i bdag/ rnam par shes pa'i tshogs brgyad la// skye lugs mi 'dra rnam pa brgyad// brgyad kyi dpon po 'gyur ba yin// de skye ba dang dgu zhes bya// de la gzhi dang lam dang ni// 'bras bu dngos po dgu ru smin// de la ngo sprod bstan pa ni// lha yi ngo spod skye ba dgu// nor lha brgyad ces bya bar skyes// de'i dpon po dbang phyug chen po dang dgu// lhan cig skyes pas
- 367b
lha dgu yin// lha yi skyes rabs ma shes na// lha la mchod pa 'bul mi shes// lha yi mchod thabs ma shes na// mchog gi dngos grub thob mi 'gyur// 'dre ni 'byung po srin po dang // nyi ma zla ba khyab 'jug tshangs pa dang // gshin rje dang ni ma mo dang // sa'i lha dang chu lha me'i lha rlung gi lha// ku be ra'i lha dang // 'brog gnas lha dang gangs pa bzang pos lha dang // nor gyi lha brgyad// de ni nor gyi lha brgyad do// lhan cig skyes pa'i 'dre dgu pa// de yi bcos thabs ma shes na// bar chod sel ba'i dus mi mchi// de la dang po bar dang tha ma gsum// de gsum ngo sprod ma shes na// rnam rtog rang grol dus mi mchi// kye rigs kyi bu khyod nyon cig/ gsang ba'i skye dgu rtsad gcod na// skye bzhi'i rtsa ba mchod pa// rgya mtsho'i lbu ba sub pa 'dra// skye dgu'i rtsa ba mchod na// chu steng zla bar rdo rdeg 'dra// dngos po'i skye rgyud mchod na// rmongs pa'i lag tu sman dgyed 'dra// gzhi lam skye rgyud gcod pa la// dga' bo 'jog po'i nor bu ltar// dug la mi 'jigs nor bu rnyed pa ltar// dngos po spang/ dang skyong ba dang // sgyur dang rang snang yin zer ba// de yi 'bras bu sgribs pa yin// kye rigs kyi bu nyon cig/ 'gyus na rang grol zug rngu med// lha brgyad ngo sprod de yin no//
- 368a
'gyus na ma rig bdud du 'byung // 'gyu ba gcig gis rtsad chod na// tshig chod ngo sprod de yin no// gcig po rang grol shes tsam na// lha 'dre dbang du 'dus pas 'byung po thul// mkha' 'gro chos skyong dbang du 'dus pas 'byung po thul// nyag gcig nyams las grol bar rtog ge'i yul las 'das// mtshan ma sna tshogs rang sar grol ba pas// thig le nyag gcig rang la shar// lha 'dre gnyis med shar bas dngos grub par chod med// lha yi skye brgyud chod pas zug rngu dus gcig choms// 'dre yi skye ba rgyud chod pas bar chod dus gcig zhi// bde sdug skye ba rgyud chod pas 'khor ba rang sar grol// thig le rang la shar bas mtha' bzhi dras thag chod// me chu gnyis kyi tsha grang snyoms pas btso bsreg khar mi ltung // sa dang rlung gnyis mtshan nyid shes pas bying rgod rang sar grol// mkha' dang 'gyu ba'i mtshan nyid shes pas dgongs pa rnam par dag/ rnam shes 'od gsal shes pas par do tshad las grol// rig pa ye shes shes pas mkhyen pa zhi zhing kham sa shar// thig le ye shes sha ra bas sangs rgyas dgongs pa shar// 'gyu ba zang tha la shar bas byin rlabs phyogs med shar// 'gro drug rang sar grol bas sangs rgyas yul med
- 368b
shar// 'khor ba rang sar grol bas 'gro drug 'khyams pa med// snod bcud phyi nang med pas gzung 'dzin dngas pa med// rigs pa khongs nas shar bas ma rig dngas pa med// shes rab khong nas shar pas sgrib pa byang sa med// 'gyu ba zang thal shar bas las kyi 'kho la sa med// dug lnga rang sar grol bas nyon mongs skyes pa med// gzung 'dzin dkar nag grol bas shes bya'i sgrib pa med// lus kyi mtha' gzhi chod pas rnam smin gol sa med// sgrib pa bcu gnyis 'dus pas bzhi ru 'dus// de yang gsum 'dus gsum po gcig/ rgya mtsho gting gi lu ma'i rtsang chod na// rgya mtsho che yang rang dengs skam par 'gyur// shing phung ljon pa'i rtsa ba chod can// lo ma me tog 'bras ldan skam par 'gyur// de bzhin sgribs pa'i rtsa ba yin par shes pa la// 'gyu ba shes pas gong ltar thams cad chod// rtsa ba gcig gi don rtogs na// dper na dze ta'i sman bzhin du// gang la reg pa sman du 'gyur// de bzhin cir snang cir 'gyur yang // ye shes dag pas 'das pa ni// ska da cig tsam yang mi srid do// dbang po bsam pa dang sbyar du// 'gyu ba gcig po'i spyi khyab yin// khyab pa gcig po'i don shes na// thams cad sangs rgyas dgongs pa yin//
- 369a
dbang po 'di la rno rtul med// 'gyu ba byin rlabs rang snang phyir// thos pa 'di la che chung med// 'gyu ba ye nas dngos med phyir// dbang 1po'i blo la rno rtul med// 'gyu ba rang grol 'char ba'i phyir// dad pa 'di la che chung med// 'gyu ba rang bas 'byung ba'i ye shes la// dad pa bzang pos 'grub pa med// gnad kyi gdams pas ngo sprad nas// sman gyi rgyal po dze ta bzhin// gang la reg pa sman du 'gyur// de bzhin rnam pa cir snang yang // rang snang ye shes 'ba' zhig yin// dper na rtsi mchog ma gi bzhin// gang la reg pa sman du 'gyur// de bzhin 'gyus tshad ye shes 'bar/ ces gsungs so// 'byung po kun 'dul gyi rgyud las// gsang ba'i skye ba rgyud rtsad gcad pa'i le'u ste bcu gnyis pa'o// / / de nas yang dag bshad bya ba// nyon cig rdo rje chos kyi blo gros khyod// gsang ba'i skye dgu rtsu dang ngo sprod pa// dang po rtsa yi gzhi ma bstan/ thams cad shes rab ye shes rtsa// yon tan rtsa dang 'phrin las rtsa// dang po'i gzhi rtsa bstan pa ni// bar du rlung dang rtsa dang thig le rnams//
- 369b
rgyu dang rkyen dang 'dus pas 'dus byas phung po dngos po'i rtswa// de yang thig le byang chub sems// dkar dmar gnyis po 'dus pa las// rtsal rtags dang spyad pa las// rtsa la rtsa rgyud bshad par bya// gdugs dang pad+ma 'khor lo dang // rin po che dang rtse gsum rdo rje'i rtsa// gnas pa dngos po'i rtswa zhes brjod// de ni bcud la gnas pa'i rtsa// de yang a wa d+hu ti dang // ro ma rkyang ma gsum du 'dus// thog ma tshes gsum dag la 'dus// bar du ma ning gsum la 'dus// rig pa'i 'od dang dkar dmar gsum du 'dus// rtswa yi ngo bo zang thal bas// shel gyi spug ma bya ba yin// mdzod spur dngos su chags pas bag chags rtsu// dngos su grub pa'i rtswa zhes brjod// ro t+ya d+hU ti gsum du grag sa// gdugs lta bu yi rtsa zhes pa// spyi bo bde chen ga zhal yas yin// rtsa ni sum cu rtsa gnyis gnas// mkha' 'gro sum cu rtsa gnyis gnas// ye shes rtsa dang thabs dang shes rab rtsu// yon tan rtse dang rang rgyud rtsa// rnam pa lnga/ las gyes pa yin// ye shes rtsa ni dbus nas 'gyu// rang rgyud rtswa yang de la rten// thabs kyi rtsa la cha lnga gnas// nyis 'gyur mkha' 'gro bcu ru bshad//
- 370a
shes rab rtsal rno ba lnga ru snang // nyis 'gyur mkha' 'gro bcu ru gnas// yon tan rtsa la rnam pa lnga// nyis 'gyur mkha' 'gro bcu ru gnas// ye shes mkha' 'gro las 'gro gnyis// sum cu rtsa gnyis gdugs kyi gnas// rma bya mdongs dang bcas pa ltar// rtsa dang mkha' 'gro rang chas yin// mgrin pa longs spyod pad+ma 'dra// pad+ma can gyi gnas zhes bya// de la rtsa yang bcu drug yod// ye shes thabs dang shes rab rtsu// yon tan rang rgyud rnam lnga'i rtsa// thabs kyi rtsa la mkha' 'gro lnga// shes rab la yang de ltar ro// yon tan la yang de ltar shes// ye shes rtsa dang rang rgyud la// mkha' 'gro rnam snang gsal bas na// de yang rang chas sngags kyi rtsa// snying kha chos kyi 'khor lo ni// byang chub sems dpa' phug ces bya// de na rtswa bcus 'khyud 'dra ba'i// rtswa yang rnam pa brgyad yod de// ye shes thabs dang shes rab dang // yon tan rang rgyud rtsa brgyad gnas// thabs kyi rtsa la mkha' 'gro gnyis// lho phyogs shar gyi rang sa 'dzin// shes rab rtsa la mkha' 'gro gnyis// nub byang gnyis kyi rang sa 'dzin// yon tan rtsa la mkha' 'gro gnyis// mtshams kyi mkha' 'gro zhes su bshad// ye
- 370b
shes rtswa dang rang rgyud la// steng 'og mkha' 'gro gnas pa yin// nyi ma mdangs dang chas pa bzhin// rtswa dang mkha' 'gro rang chas yin// lte ba sprul pa'i 'khor lo ni// 'jigs su rung ba'i gnas zhes bya// de yang gang du rim pas shes// de la drug cu rtsa bzhi gnas// 'khor lo mtshan cha 'dru ba lta// 'dzin su rung ba'i gnas zhes bya// de yang gong dang 'dra ba la// thabs kyi rtsa la mkha' 'gro bcu// shes rab rtsal de bzhin no// yon tan rtsa yang de bzhin no// rang rgyud rtsa la mkha' 'gro bcu// ye shes rtsa la gnyis su gnas// drug cu rtsa bzhi 'khor bcas rnams// mtshon cha 'khor lo 'bar ba rnams// 'gro drug grong khyer dmyal thag chod// 'jigs su rung ba'i gnas zhes bya// mun shel 'od dang chas pa bzhin// rtswa dang mkha' 'gro rang chas yin// gsang ba rdo rje lta bu'i rlu// rdo rje rtse gsum lta bu yod// khan+da dung can shin tu dkon// de yi mtshan nyid bstan pa ni// mas 'gegs bus se mig smin 'byar// bya lag chu ka ska ma ser// lhag ma 'khor bar yod pa la// pho skad can dang gdong tshug blta// bab bcol smra zhing zur 'gros byed// de la dung can yod pa ni// mkha' 'gro me mi
- 371a
rigs su bshad// de yi bde ba khyad 'phags pas// bde ba can gyi gnas zhes bya// g.yas na thabs kyi mkha' 'gro yin// glang po gdong zhes bya ba yod// g.yon na shes rab mkha' 'gro ma// kha kha mu ka zhes pa yod// dbus na ye shes mkha' 'gro ma// srin mo gdong ldan dung can yod// de phyir rdo rje mkha' 'gro yin// bde ba bskyed pas ye shes mkha' 'gro ma// bde ba spor bas las kyi mkha' 'gro ma// bde ba zad med rin chen mkha' 'gro ma// bde la ma chags pad+ma mkha' 'gro ma// rang don mthar phyin ye shes mkha' 'gro ma// gzhan don mthar phyin dam tshig mkha' 'gro ma// 'khor ba'i sdug bsngal zad byed 'jig rten mkha' 'gro ma// dug lnga rang log log 'dren mkha' 'gro ma// spyi bo bde chen gnas pas chos dbyings ye shes mkha' 'gro mA// mgrin par byon pas bde ba skyed byed longs spyod mkha' 'gro ma// snying ka ra nyams su myong bas chos skyong mkha' 'gro ma// lte bar sprul pa 'khyil bas las kyi mkha' 'gro ma// gsang bar bde ba 'bar bas bde skyob mkha' 'gro ma// nang gi rtsa rgyud la mkha' 'gro ngo sprod yin// mkha' 'gro'i tshogs 'khor smin par byed na de ltar gyis//
- 371b
mchod rdzas dam rdzas thun rdzas rang chas yin// sngags dang gtor ma rak+ta bdud rtsi rkang gling de ci dgos// mkha' 'gro bod pa ci dgos mchod dang bstod ci dgos// tshogs kyi 'khor lo bskor ba bya ci dgos// 'di ni gsang ba nges pa'i don// ces gsungs so// 'byung po kun 'dul gyi rgyud las// gsang ba'i tshogs kyi 'khor lo'i le'u ste bcu gsum pa'o// // de nas yang dag bshad bya ba// nyon cig rdo rje chos kyi blo gros khyod// rtsa yi gnas lugs ngo sprod bstan par bya// pho rtsa mo rtsa ma ning rtswa dang tshan po che// de yang gzhi dang lam dang dngos po rnams// de rnams gtan la dbab par bya// dang por skye bar 'byung ba ni// dang por lhun 'grub mi 'gag par// thugs rje 'gag pa med pa las// 'gyu ba rlung gis bskyod nas ni// lhun grub rlung chen ma 'gag pas// ma ning rnam pa gsum du 'byung // ma ning rlung gis rtsa la drag pas// drag por 'gyus nas 'od la bcang // thig le dkar dmar 'dus pa las// mdzad chen zhes pa'i rtsa ru 'khyil// rkyang ma ro ma kun 'dar ma// de la dngos po'i rtsa ru 'byung // dngos po'i rtsa yi snang ba yang // ro rkyang kun 'dar gsum po las// pho rtsa'i sna ni kha la zug
- 372a
nas kha bye bas// zla ba re la mtshan ma re// sna yi nang nas 'byung ba yin// thig le de la rgyas pa'i rtsa// A wa d+hU ti'i nang nas 'byung // bde ba 'byung ba de ltar yin// rdo rje'i rtse mor rtsa 'dud gnas// ma yi shes rab rtsal gyis su// zla mtshan 'dzag ces bya ba yang // thig laM a wa d+hu ti nas 'dzag thig le dmar po ro rkyang nas// sna yi bu ga gnyis nas 'dzag/ zla mtshan zhes kyang de la bya// zla ba re la rgyu ba yang // mdzod spu drag tu g.yo bar byed// mgrin par zhag drug bar du 'bab// skyeng dang lte bar de bzhin no// gsang ba rgyas pa drug tu 'dod// de bas mi 'byung rang dbang med// de nas sna ru 'byung ba yang // ro rkyang gnyis nas byung ba yin// de gnyis med par gyur pa na// thabs dang shes rab bstan pa med// gzhi ni ngo bo thugs rje'o// lam ni rig dang ma rig snang // rags pa 'gyu/ ba 'od du'o// dngos po thabs dang shes rab rtsa// de gsum 'dus pa sa d+hU ti yin// de la 'khor lo rnam pa lnga// spyi bo bde ba chen po na// thi ga le dkar dmar 'dzag pa ni// haM kha 'thur du bltas pa yin// ha ni 'phrin las ljang khu'i me dog/ nga ni rang 'byung thig le yin// zhag drug bar du rtsa rnams bskor// des na bde
- 372b
chen 'khor lo yin// 'khor lo ngar dang ldan pa bzhin// bde ba'i dar gyi rtsa rnams gso// bde ba skye ba de ltar yin// de bzhin 'khor lo bzhi rnams la// re mos re mos 'khor bas na// 'khor lo lnga zhes brjod pa yin// gsang ba'i rtsa yi gnad med na// bde chen ye shes ngos mi zin// thig les rtsa rnams ma brgyan cing // 'khor lo bzhin du mi bskor na// rtsa rnams thams cad sngo bskam 'gyur// rtsa rnams bskam par gyur pa na// 'chi ba zhes ni brjod pa yin// thig le go nad dang dus su myong // bskor bzlog mi btub gyur pa na// 'chi ba'i rtags su bshad pa yin// pho ni gsal ba shas che bas// pho rtsa zhes ni brjod pa yin// de la thabs kyi rtsu zhes brjod// mkhas pa chen po thabs che ba// byang chub sems dpa' rnams la snang // mo ni thugs rje shas che bas// mo rtsa zhes ni brjod pa yin// shes rab rang bzhin bud med yin// rak+ta 'bab cing zang thal yod// mtshan ldan bud med ces bya ba// byang chub sems dpa' rnams la snang // yid 'ongs mdzes pa'i mdog ldan ma// yid 'ongs mdzes pa'i gzugs 'chang yin// ces gsungs so// ma ning ma ning zhes bya ba// rtsa gnyis kha ni bsnol ba las// mtshan ni
- 373a
mtshan ma gnyis dang ldan// thugs rje mi 'gag dang po'i gzhi// bar du ma ning rtsa ru byung // tha ma dngos su ma ning ngo // ma ning tshan po che yang de ltar shes// pho mo rgod kyang rtsa yi ro rkyang gnad// ro rkyang kha 'phel 'grib 'byung // des na po mor byung ba yang // rtsa yi srid mtha' mi khebs pas// de lta bu ru 'byung ba yin// ri dgas lta bu'i skad dang ni// glang po lta bu'i skad 'byung bas// pho rtswa mo rtsa'i mtshan nyid ces// gnyis 'joms pas ni snyoms pa yin// byis pa tshe mar byung ba yang // zla mtshan dus nyur gnyis 'doms pas// byis pa tshe mar byung ba yin// skye ba snga phyir 'byung ba yang // rlung dang thig la'i rtsal spobs yin/ mkhas pa thabs dang ldan pa yang // thabs kyi rtswa ni shas che yin// rtog pa shes rab che ba yang // shes rab rtsa ni shas rje yin// dbang po tha mar gyur yang // rtsa gnyis yod kyang shes chung yin// gti mug che zhing 'dod chags chung // zhe sdang chung ba'i mo rnams ni// mig nag 'dril kyang mi shes par// gyen la zlog cing lta ba ni// glen pa ba glang zhes su brjod// gnyis 'doms pa yi rtags bstan pa// spyan mig dmar la hrig chag na// 'dod chags che zhing zhe sdang 'bar//
- 373b
shes pa gsal zhi myur por smra// dbang po rab kyi rtags yin te// rtags rtswa mig la rgyas pa dang // mig ni dmar zhing phyed pa dang // bcud ni pho rog khu 'phrig ltar// thig chags 'khrul shes spyod lam drag/ dbang po rab kyi gang zag yin pa'i phyir// shes pa dal zhing 'jam por smra// spyan mig dkar nag phyed pa la// thad kar lta zhing zhi sems tshul// 'khrul par mi byed rang lugs 'dril// dbang po 'bring gi gang zag yin pa'i rtags// ro ma rkyang ma'i rtsa rtags yin// mngon par dga' ba'i tshal ces bya// mig ni spru la sku dngos su byon pas na// mngon par dga' ba'i tshul ces bya// spyi bos thams cad bskyed pas na// rin chen mtha' yas phug ces bya// mgrin par thams cad longs spyod pas// pad+ma can gyi gnas zhes bya// snying ka chos kyi 'khor lo'i gnas// de ru thams cad rtsal rdzogs pas// / byang chub mtha' yas phug ces bya// lte bar thams cad sprul pas na// 'jigs su rung ba'i phug ces bya// ngan 'gror 'gro bas spyi bung zhes kyang bya// gsang ba mkha' 'gro dngos su byon// byon nas bde ba skyes pas na// bde ba can gyi gnas zhes bya// de ni shar phyogs mngon par dga' ba'i tshal// lho phyogs yangs
- 374a
pa can gyi gnas// nub phyogs nub kyi mtha' yas kyi phug dang // byang phyogs 'jigs su rung ba'i spyi bung ba'i gnas// dbus phyogs bde ba chen po'i gnas zhes bya'o// rdo rje mkha' 'gro rin chen mkha' 'gro dang // pad+ma mkha' 'gro las kyi mkha' 'gro dang // dbyings kyi mkha' 'gro thams cad du/ rnal 'byor pa de thams cad dbang // des na rnal 'byor dbang phyug yin// ces gsungs so// 'byung po kun 'dul gyi rgyud las// rtsa'i mtshan nyid la ngo spran pa'i le'u ste bcu bzhi pa'o// // de nas yang dag bshad bya ba// nyon cig rdo rje chos kyi blo gros khyod// rtsa rnams de dag thams cad kyi// ngo spong mdor bsdus bstan par bya// gzhi rtsa lnga yi ngo spyad pa// rang bzhin ngo bo thugs rje can// yon tan 'phrin las gnyis kyi rtsa// rtsa lnga'i gzhis ma shes na/ 'khor lo lnga yi rtsa ba chod mi 'gyur// de yi rtsu ba mchod na// bde ba ngos 'dzin dngos po sbyong // zag pa can gyi rtsa zhes bya// bde ba zag pas zag ces bya// a wa d+hU ti'i mtshan nyid ni// srog brtsa yi 'og na yod// yar la tshang ba mar la gsong ba'i gnas// tshad na wa sdug 'bring po tsam// lus po
- 374b
pa stong ra sbyong // kun gyi brtag pas dngos po sbyong // kun brtags stong ra zhes kyang bya// de 'og a wa d+hU ti'i nang // kun ni rtsa rnams thams cad kun// rtags pa oM ba d+hA ti stong // kun brtags stong ra sbyong ba yin// kun ni a ba d+hU ti la// brtags pas d+hu ti nang stong pa// kun brtag sa stong ra sbyongs pa dang // dbugs ni sna sgo re mi rgyu ste// shes pa a ba d+hU tir tshud// d+hU ti stong pa nam mkha' yin// shes pa stong pa brtags pa yis// nam mkha' shes par 'dres tsam na// rtog pa med cing shes rab med// skye ba med cing brjod du med// rab tu mi gnas lta ba yin// de yang bstan par ma gyur na// so sor bsdus te bstan par bya// shes pa a ba d+hU ti ru// yar zad mar zang sbyang byas la// tshang pa'i bu ga'i thad ka la// nam mkha'i rang bzhin stong par shes// shes pa d+hU ti'i nang gnas stong // mkha' la 'phags pas 'dres pa ni// dang po so sor shes pa la// de las 'phangs pas bsdus pa yin// nam mkha'i ngang du rnam rtog 'phangs// nam mkha' lta bur brjod du med// so sor bsdus zhes bya ba yin// de ltar 'phen pas bsam gtan te// 'du shes chad pas srog
- 375a
rtsol chod// tshol chod dbu ma'i lta ba yin// gnyis ma grub pas dbus ma yin// ces gsungs so// 'byung po kun 'dul gyi rgyud las// rtsa'i stong ra dang rtog pa'i kun brtags nam mkha' dang bsre ba'i le'u ste bco lnga pa'o// // de nas yang dag bshad bya ba// nyon cig rdo rje chos kyi blo gros khyod// rtsa rgyud bsam gyis mi khyab pas// thabs lam bsam gyis mi khyab ste// zag bcas chags pa'i lam dang ni// de nyid grol ba'i lam dang 'dus/ grol ba'i 'bras bu khyad par che// theg pa rang gzhung grol ba dang // mthar thug pa yi grol ba gnyis// ming tsam 'dra ste don las 'phags// 'phags pa kun dga' shAka thub ltang// 'khor dang ston pa'i khyad par yod// de phyir zag bcas zag med rtsa// rgyu dang 'bras bu'i khyad par yod// de don ma rtogs e re 'khyams// ce re thar pa'i lam chen por nas 'khor ba'i lam du zhugs// lam 'dir zhugs pa rnams kyis zag med 'bras bu thob// gzhi ni rtsa lnga lhun gyis grub// lam du de rnyed rtogs pas mchog/ 'bras bu rang grol zag med de// rtsa rnams ma btsal rdzogs bsan// rdzogs pa chen po'i rtsa rlung rdzogs// rdzogs nas
- 375b
lam med mi 'gal te// gzhi dadz+nyA dngos po gnyis su shes// de yis ldog bcas skyon mi 'byung // grol ba gzhi dang grol ba dngos// rdzogs pa'i gzhi dang rdzogs pa dngos// lam gyi gzhi dang lam dngos dang // 'bras bu'i gzhi dang 'bras bu dngos// 'bras bu la yang rnam pa gsum// ngan 'gro mtho ris 'dren dang gsum// longs sku sems ma thub pa drug/ 'bras bu'i sku gsum grub mtha' theg pa gsum// de yi gzhi lam 'bras bu rnams// rtag pa rab tu gces pas ngo sprod gces// gab pa mngon du phyung nas bshad pa 'di// 'bras bu lam dang gzhi gsum mo// khyab pa sgra 'thun don las 'phags// dngos gzhi gnyis kyi lam med na// lag rdum breg la 'dzeg pa 'dra// 'bras bu rang grol ga nad med na// bye ma'i spol mkhar rtsig 'dra// lam gyis mtshams ma shes nA// khas drag khyo bsad sngon na rgyu// de yi grwa nad dang log non ma shes na// khras bdas bye tshad chas pa 'dra// rtsa dang rlung dang thig le gsum// mtshan nyid 'dzin pa re re la// kun dang rgya ma chad pa yin// de ltar gzhi lam 'bras bu yang // mtshan nyid 'dzin pa rangs la// rgya ma chad pas rdzogs pa yin//
- 376a
gzhi rtsa lnga yi gA nad shes pas// rtsa lnga'i ngo sprod byas tsa na// kun brtags stong ra dus gcig 'byongs// rlung lnga'i dro sprod gdeng brtan// pas// shes pa a ba d+hU tir tshud// thig le ngo sprod byas pa yis// shes pa bde ba chen por khe la// ye shes ngo sprod byas pa yis// nam mkha'i ngang du rnam rtog 'phongs// skye ba rnam bzhi dbyer med shar// lhan cig skyes dang 'dus byas skyes// skyes pa dgra 'thun don las 'phags// de ltar shes nas bstan pa dang // 'dus nas byas pa'i bsam gtan gnyis// bsam gtan sgra 'thun khyad par che// mtshan nyid so sor rtsal snang dang // rtsa bral so sor rtswal snang dang // so sor ngo sprod khyad par che// gcig tu bstan nas rdzogs pa dang // phyogs 'dzin tshig rkyang shor ba gnyis// nyag gcig sgra 'thun khyad par che// zhes gsungs so// 'byung po kun 'dul gyi rgyud las// rtsa lnga ngo sprod pa'i le'u ste bcu drug pa'o// // de nas yang dag bshad bya ba// rdo rje chos kyi blo gros nyon/ theg pa'i gzhi dang lam rdzogs pas// de yi 'bras bu sgra'athun rnams// mdor bsdus bdag gis brjod pa ni// 'gyu ba dngos med ngo shes pas//
- 376b
nyan thos bdag med lta ba mthun// dbugs la mi brten go las chod// rig pa khong gsal ngo sprad pas// sems tsam pa dang lta ba mthun// sems la grol bas// gol sa med// rang bzhin stong par ngo spud pas// dbu ma pa dang lta ba mthun// sgyu mar ma 'dod golas med// gnyis su med par 'bras bu mthun// grangs med dus mi ltos pas go la sa med// sgyu ma'i dpe brgyad mi bsgrub khyad par 'phags// ngo bo rang bzhin thugs rje gsum// kri ya ba dang khyer so mthun// rigs gsum mi sgom gol sa med// byed spyod mi dgos khyad par 'phags// ngo bo la sogs lnga dang ldan// yo gra pa dang lta ba mthun// byang chub lnga la mi ltos med// sku lnga mi bsgru ba khyad par 'phags// chos lnga dag dang ldan pa ni// ma hA yo ga dag dang mthun// rigs lnga mi bskyed gol sa med// yo ga rnam gsum mi ltos khyad par 'phags// ngo bo rang bzhin thugs rje gsum// a nu pa dang lta ba mthun// he ru ka dgu mi bsgrub gol sa med// ting 'dzin rnam gsum mi sgom khyad par 'phags// rdzogs chen rnams dang lta ba mthun// yon tan 'gyur ba med pa yin// dag par 'dod dang lta so mthun// thugs rje 'gags pa med pa khyad par
- 377a
'phags// rgyam chad pas go la sa med// thugs rje 'gag pa med pa yis// ma nges pa dang lta so mthun// rgya ma chad pas gol sa med// rang bzhin stong pas khyad par 'phags// rtsa rlung rgyud la rten pa yis// thabs lam pa dang lta so mthun// zag pa med pas gol sa med// lhan cig/ rdzogs pas khyad par 'phags// thams cad rgya ma chad par shes// rdzogs rim pa dang lta so mthun// phyogs rdzogs mi bsgrub gol sa med// mtshan ma rang grol khyad par 'phags// zung du 'jug pas lta so mthun// gnyis su med las khyad par mthun// chos las 'das pas gol sa med// thams cad mkhyen pas khyad par 'phags// sa yi rnam pa lta so mthun// sa rnams ma lus rgyan dang ldan// mi bgrod pas na go la sa med// sa rnams rang gro la khyad par 'phags// lam lnga pa dang lta so mthun// sbyang mi dgos pas gol sa med// rang grol chen pos khyad par 'phags// 'bras bu rnams dang lta so mthun// dus la mi ltos gol sa med// rang grel 'ub chub khyad par 'phags// de phyir sgra mthun khyad par 'phags// theg pa kun 'dul 'byung bas na// kun 'dul kun 'byung rgyud ces bya//
- 377b
zhes gsungs so// 'byung po kun 'dul gyi rgyud las// rdzogs lugs bsdu ba'i le'u ste bcu bdun pa'o// // de nas yang dag bshad bya ba// rdo rje chos kyi blo gros khyod// de lta bu yi gnad bstan pa// dbang po rab kyis grol ba las// 'bring dang thams rtogs par dka'// de phyir ngo spong bcu gnyis las// thig le bcu gnyis sbyar la bstan// de yang 'di ltar shes par gyis// ngo sprod rnam pa bzhi dag gis// kha rkyangs shor ba'i go la sa gas la// nyams khrid rnam pa bzhi dag gis// nyams kyis 'ching ba'i go la sa bcad// gzer chen bzhi yi ngo sprod gyis// spang blangs 'du 'bral go la sa bcad// dam khrid skra khrid lag len 'di// sgom pa dbang dang gzer lta bu// 'di 'dra bstan pa'i snod re nyung // chos 'brid sre tshong chu la 'o mas bslad// e ma ho bstan par dka'// dka' bas snod nyung gab pa yin// gzung 'dzin gnyis med ngo spradra des// de yi dpe yi ngo sprad gces// 'khrul pa'i mig gis bltas pa'i tshe// zla ba gnyis su snang ba ltar// brtags pas gnyis su med par mthong // de bzhin 'khrul pa'i gzung 'dzin yang // bltas pas gnyis su med par shar//
- 378a
gzung 'dzin gnyis med ngo spud do// ma rig pa rig pa'i ye shes ngo sprod pa ni// de yi dpe yi ngo spra ni// dper na ldeng ka'i zla ba rnams// yang dag don la dngos su med// mkha' zla gcig tu shes pa ltar// ma rig bltas pas dngos po med// lta thabs mkhas pas shes par bya// 'gyu ba ye shes ngo sprod pa// dper na smig rgyu sna tshogs kyang // yang dag don la rang bzhin med// de bzhin 'gyu ba sna tshogs kyang // bltas pas dngos po med par shar// shes rab yid la ngo sprod pa// de yi dpe yi ngo sprad pas// brag cha lta bur gar byas 'char// yid la ngo sprad sku gsum 'char// de don ngo spod rnam bzhi yin// rten gyi gsang ba ngo spyod pa// de'i dpe'i ngo spyod rgya mtsho 'dra// rtags kyang lbu ba lta bu'o// don gyi ngo sprod rtsa gnyis la// rtags ni phyi 'gyu nang 'gyu'o// don ni 'gyu ba rang dngas so// de ni nyams len ngo sprod yin// nyams la chags pas 'khor ba nas// dus bzhi mnyam sbyor gzer gdab ste// 'gyus pa'i dus na rang ngo shes/ ltas pa'i dus na 'gyu ba dngas// dper na dze ta'i sman bzhin du// 'gyu ba thams cad sangs rgyas yin// mthong ba'i dus na dgongs pa sha ra// lhun gyis/
- 378b
grub pa'i sman ltar shar// de yi dus na gzung 'dzin dngas// nam mkha' dngas pa lta bu'o// snga rabs 'das dang slad kyis byon// sangs rgyas rnams kyi dgongs pa yin// thog ma tha ma par dang gsum// de yi dgongs pa bstan pa yin// skal ldan rnams min gzhan gyis thos par dka'// 'di'i don thos kyang don la gnas pa dka'// 'di don bstan yang dam tshig srung ba dka'// 'di don bstan sang go zhing rtogs pa da ka 'a// dka' bas bstan kyang la lor 'chor bas na// nyams su len pa'i gang zag ma rtogs pas// 'di don gsang bas gsang sngags rgyal po yin// 'di don thugs la gang gnas pa// rdo rje chos kyi blo gros nyon// gsang sngags rgyal po mthu chen 'chang // zhes gsungs so// 'byung po kun 'dul gyi rgyud las/ ngo sprod dmar khrid kyi le'u ste bco brgyad pa'o// / / de nas yang dag bshad bya ba// rdo rje chos kyi blo gros nyon// ngo sprod bsdus pa bstan par bya// lta thabs gcig gis kun mthong ba sa// dper na za 'og gur khyim ltar// ma 'dres yongs su rdzogs par mthong // theg pa'i rang gzhung thams cad rdzogs// chos rnams spyi dang rang gis mtshan nyid kyang //
- 379a
dus gcig sgro 'dogs chod pa yin// lta thabs gcig gis thams cad mthong // mkha' la skar tshogs mthong ba ltar// 'gro ba rigs drug 'khrul pa mthong // ma rig pa yi sgro 'dogs chod// lta thabs gcig gis thams cad mthong // dper na me long bzhin bstan ltar// sangs rgyas dgongs pa'i mtshan nyid mthong // phyi nang sgro 'dogs dus gcig chod// lha thabs gcig gis thams cad mthong // rin chen man shel bstan pa ltar// phyi nang snod bcud rang grol shar// 'bras bu sgro 'dogs dus gcig chod// brda dang rtags su ngo sprad gces// gces pa mdor bsdus gnyis las med// ngo sprod chen po gsang ba'i gter/ gter gsum lus la tshang ba yin// de la ma rig pa dang log par lta ba yis// sgro 'dogs rang grol 'bras bu ni// dug lnga khong khro'i gzhi dang rgyu rkyen dang // dngos po rnam gsum ngo sprod pas// gzhi dang dngos po 'phreng grol bas// 'gro drug mu stegs rang sar grol// grol ba rang 'byung rang la shar// ye gzhi grol gzhi rang grol dngos// thams cad rang grol 'bras bu'i mchog/ ces gsungs so// 'byung po kun 'dul gyi rgyud las// ngo sprod bsdus te bstan pa las/
- 379b
'bras bu rang grol gyi le'u ste bcu dgu pa'o// // de nas yang dag bshad bya ba// rdo rje chos kyi blo gros nyon// ri rab ri yi skyed pa la// tshangs pa khyab 'jug skos rje dang // srid rje brang dkar thams cad kyang // lha dang klu dang gnod sbyin dang // dri za lto 'phye nam mkha' lding // mi 'am ci'am srin po dang // sa yi lha dang sa steng lha// de ru 'dus pa'i 'byung po kun// thams cad nga las 'byung ba yin// thams cad nga yi 'khor ba yin// thams cad blan dang yang bran yin// yang 'khor nyid 'khor nga yi 'khor// de phyir 'byung po thams cad 'dul// 'byung po kun 'dul ting nge 'dzin// bstan pa kun gyi sde dpon yin// phyi yi/ 'byung po kun 'dul bas// bar chad thams cad sel bar byed// nang gi 'byung po kun 'dul bas// tshogs drug rang sar grol bar byed// gsang ba'i 'byung po kun 'dul bas// chags sdang mdud pa grol bar byed// 'byung po kun gyi gtso bo ni// nag po chen po mig gcig po// 'gyur med drag med bya ba des// thams cad kha lo sgyur ba yin// tshogs kyi bdag po tshogs la rol// phud kyi bdag po phung nyul bas// 'byung po'i bdag po kun tu rgyu// lus med lus po kun gyi bdag/ srog med srog
- 380a
chags kun gyi bdag/ dbugs med dbugs chen kun gyi bdag/ skye 'chi gnyis kyi bdag po ste// lus can thams cad kho las grub// de phyir/ 'byung po'i rgyal po yin// thams cad kun la dbang sgyur bas// 'byung po kun gyi blon po yin// de la ngo spod ma byas na// 'byung po kun chom shin tu dka'// 'byung po choms par ma gyur na// ro snyoms 'byung ba shin tu dka'// ro ma snyoms par gyur pas na// sangs rgyas dgongs pa'i don mi mthong // 'dra rnams thams cad 'dul byed na// 'dre gcig rtsa ba mchod na// thams cad 'dul bas ga la lang // gcig chod pas ni thams cad chod// dper nA ral gri kha mangs kyis// lag pa'i// khrig mchod tsam na// sor mo lnga po gcad mi dgos// 'byung po'i rgyal po sod tsam na// 'byung po thams cad song pa yin// rtsa yi rgyal po srog pa rtsu// srog pa rtsa de chod gyur na// rtsa bran rnams ni dus gcig chod// rtsa bran chod kyang mi 'chi ltar// rtsa chen chod pas 'chi bar 'gyur// ro rnams mnyam pas mi snyoms te// 'byung po gcig la ro mnyam na// thams cad ma lus snyoms pa yin// 'byung po rnam rtog lha dang 'dre// ro snyoms ro snyoms tshad dang ldan// 'bras bu gdeng dang ldan par
- 380b
byed/ rtswa dang rlung dang thig le rnams// gzhi dang lam dang 'bras bu la// ro snyoms ro ma snyoms pa dang // tshad dang dbang po 'bras bu rnams// nges shes gdeng dang ldan par gyis// nad la rnam pa mang yang ni// rgas par byed dang 'dre dang 'byung 'khrug nang // rnam smin rkyen 'gyur 'chi ba'i nad// de yi ro snyoms tshad dang ldan// 'bras bu nges shes gdengs dang ldan par gyis// 'dre la bsam gyis mi khyab ste// rtog 'dre 'byung 'dre rtogs kyi 'dre// mi 'dre dang ni rnam pa bzhi// de yi ro snyoms ro sgoms tshad// 'bras bu nges shes gdeng dang dbang po med 'gyur na// rnal 'byor don dang ldan zhes bya ba shin tu dka'// thams cad man ngag ngo sprod 'di ru 'dus pa yin// sangs rgyas sa dang de yi thugs rje yang // 'di ni ma rtogs ga deng dang mi ldan gyis// 'bras bu gdeng rnyed 'di ru shes par gyis// shes pas 'khor bar skye ba'i rgyun rnams gcad// de ltar shes na 'khor ba dong nas sprugs// mngal kha rgya yis thebs zhes brjod pa yin// srid gsum rnam dag dgongs pa rang snang thob// ces gsungs so// 'byung po kun 'dul gyi rgyud las gdams pa dmar khrid kyi le'u ste nyi shu pa'o// // de nas yang dag bshad
- 381a
bya ba// rdo rje chos kyi blo gros nyon// 'di dang mi ldan ro snyoms byed// nor bus rgyal sa bzung ba 'dra// thams cad rdzogs pa'i sa gzhi nas/ thams cad sgrub pa'i nor bur shar// nor bu kun gyi nang na mchog/ snyun grub spyan chen ma 'gags pas// 'gyu ba'i mig tu grub pa yin// rang snang 'od du mthong ba yin// bag chags chags sdang de ru mthong // mthong stangs 'gyu ba'i spyan la dris// kun tu bzang pos mthong ba ni// dus bzhi mnyam sbyor sangs rgyas dgongs pa shar// 'das pa lnga yi thig le ye shes kyis// klong du shar nas gzhi lam 'bras bu mkhyen// lhag mthong rig pa'i ye shes me long byad ltar gsal/ gsang ba zang tal 'di la lta shes na// sangs rgyas dgongs pa rtogs pas dgongs pa mngon sum 'gyur// de yi dus na gzhi lam so sor bstan pa tsam// de las ma brtan rtogs thob 'byung ba med// de las thugs rje byin rlabs nyi ma'i 'od bzhin 'char// de don dgongs pa thugs nas thugs su chud// kha sbub zhabs rdol dug can gzhogs ral la// byin rabs 'byung bas byin rlabs rgyud du bshad// khams gsum 'khrul pa ma shes ma rig pa// 'gyu ba'i mig gis stong gsum bltas
- 381b
pas lan// blta ba nyes pas mig sprin zhag gis chod// dper na nam mkha' zhag gis chod pa ltar// 'gyu ba 'od kyis chod pas sangs rgyas spyan ma gas la// 'od lus yid lus sha khrag lus su tshud// gnas dang tshe tshad lung du bstan pa med// dge sdig las kyi 'bras bu so sor shar ba med// las dang 'bras bu rnam smin grub nas bskal pa med// de dus las rgyu las rkyen 'gyu ba'i rtsa la las byung // sha khrag mi yi lus su tshud de tshul khrims bsrungs pa med// stag dang seng ge kha spyod byung bas shed rtsa la gzhan la rag ma lus// gzhi dang rgyu rkyen dus mtshungs pas// tshul khrims bsrungs dang sdoms la rag ma lus// de ltar sha ra bar lus kyi thog mtha' yin// sha khrag lus la rtsa rlung thig la 'dus// 'dus pa nad du byung bas 'byung ba lnga zhes bya// 'byung khrug nad du 'ong ba'i ga nad ka dre ltar yin// mig gnyis chu bur 'ong ba ni// pha ma'i mngal du khu chu dngas ma 'dus// pha dang ma yi sred len byas pas ni// chu bur mig gnyis 'ong ba de ltar yin// dbang po dang sa ma gnyis 'dus pas// dbang po'i dngas ma mig tu 'ong ba de ltar yin// de yin lha mthong 'dre mthong zer ba chu bur mig la snang // lha 'dre gnyis su 'ong
- 382a
bde ltar yin// rtog med rtog pa'i bar na 'gyu ba gnas// 'khor ba myang 'das gnyis su 'ong ba de ltar yin// de phyir mig gi thog mtha' ma chod na// 'khor ba'i snang ba bkag pas khegs par dka'// gnyis su snang yang yod pa gcig las med// gnyis med mig gcig yod pa'i phyir// spyan gyi gzhi dang dang rkyen// tha ma dngos po ma shes na// ye shes spyan la 'char ba'i dus mi mchi// zhes gsungs so// 'byung po kun 'dul gyi rgyud las// ngo sprod rang snang gi le'u ste nyer gcig pa'o// // de nas yang dag bshad bya ba// rdo rje chos kyi blo gros nyon// rab kyi ngo sprod de ltar bstan/ 'bring gi ngo sprod bstan pa ni/ dang po gzhi la spyan gsum gnas// spyan gsum rgyu rkyen bstan par rgyu// tha ma spyan gsum ngo spad bya// dpe yi spyan gsumaM man shel yin// phyi nang gsum la sbyar la bshad// rtags kyi spyan gsum bstan par bya// chos dang shes rab ye shes spyan// sgro 'dogs gcod dang 'dug tshul rtog/ yon tan rang grol 'bras bu'i spyan// rtags dang don dang ngo sprod bstan// phyi nang gsang ba sbyin gyi dbang // thams cad dbang bskur khyad par 'phags// dug lnga lam du blang ba
- 382b
yin// gcig tu 'dril ba'i gzer chen gdab// kha mi 'khyar dang nyams las grol// 'bras bu gdengs dang dbang po yin// ngo bo nges tshig dbye ba 'di// tha ma'i ngo sprod yin par shes// chos mthun bsgrub bya dpe ru bstan// ngo bo gsal gdangs zang ta la 'gag pa med pa yin// nges tshig mthong snang ma 'gags pa// dbye/ ba gzhi lam 'bras bu'i spyan// 'bras bu'i spyan la rnam pa gsum// 'khrul pa bag chags mig dang ni// longs sku sgyu ma'i spyan lnga dang // thig le ye shes mig gcig dri med spyan// sbyin gyi rtsa ba lhun grub gzhi yi spyan// spyan gyi rgyu ni 'gyu ba mi 'gag pa// spyan gyi yul ni chos la mi dmigs pa'o// spyan gyi dpe ni nyi ma me shel lo// shel ltar gsal zhing lhan gyis grub// snod kyi ngo sprod 'od la'o// bcud kyi ngo sprod de nyid la// gnyis med ngo sprod thams cad la// 'das pa'i ngo sprod thabs chen la// 'khrul gzhi dngas par ma shes na// phyis kyang 'phrul pa'i skyon du 'byung // zhes gsungs so// 'byung po kun 'dul gyi rgyud las// tha ma spyan gsum ngo sprod kyi le'u ste nyer gnyis pa'o// // de nas yang dag bshad bya ba// rdo rje chos kyi blo gros nyon// des kyang grol bar ma gyur na//
- 383a
dbang po yang mtha' yin par shes// de la 'di skad ces bya ste// lus su rtogs pa dran bya'i phyir// theg pa rgya mtsho ngo sprad dang / gzhung lugs rgya mtsho su 'don dang // gzhung chen rgya mtsho la bzla dang // gzhung chen rgya mtsho sprod pas// des ni grol bar ma gyur na// ngo sprod nges pa'i gzer 'di gdab// dran pa'i dus na thams cad gsal// ma dran ma shes rmongs gyur pas// dran pa'i thugs rje'i byin rlabs dang // mi 'gyur mi brjed gzungs kyi thag pa yis// ye shes dran pa'i thag pas btags// phyi yi dran pa'i theg pa yin// snang la skye med thag pas gdags// skye med dgongs pa'i rgyun thag 'khrigs// snang ba skye med do sprad pas// dbu ma rab tu mi gnas pa'i// lta ba dag las khyad par 'phags// rigs snang rang grol ngo sprod pas// sems tsam dag las khyad par 'phags// 'gyu ba dngos med zang thal bas// thig le nyag gcig dgongs pa khel// nyan thos dag las khyad par 'phags// phyi nang mtshan ma rang grol bas// sngags kyi theg pa khyad par 'phags// 'dir snang chos sku rang sar grol// chos kyi sku bas mtho 'gyur bas// rdzogs chen dag las khyad par 'phags// gzhung
- 383b
lugs rgya mtsho'i la bzla yin// de yis de ltar de ma rtogs// de ma rtogs pas de ma rig/ de ma rig pas de ltar 'khor// de ltar de 'dra'i de las 'byung // sngon gyi de dang da ltar rnams// de bzhin de dang de'ang thob// de ma thob pas de ltar snang // de yi 'khrul pa de ltar shes// de shes pas ni 'khrul pa med// de yang de ltar ma gyur na// de la 'od gsal 'khor lo bskor// de la dmigs pa de yi thabs// de yi tshad dang de la ma zhugs// de la mi 'khor rang dbang med// de ma shes na de yi log non te// de yang rtsol ba de yin de rang grol// de ltar thabs bstan der shes pas// theg pa rgya mtsho'i ngo sprong yin// 'khor lo bskor lugs rnam pa gsum// snang ba tshogs drug 'byung ba gsum// de ni phyi yi 'khor lo yin// sha dang rtsa dang rus pa las// 'khor lo rnam pa gsum yang bskor// sha la 'khor lo bskor shes na/ sprul sku dngos su 'byung bar 'gyur// de la'ang bskor ba rnam pa lnga// de yi log non shes par bya// rtsal 'khor lo bskor shes na// longs sku'i dgodas/ tshad 'char bar 'gyur// de la de bzhin de ltar ro// rus pa'i 'khor lo bskor shes na// chos sku mngon du 'byung bar 'gyur// de la de ltar rim bzhin no// dbyer med
- 384a
rang 'byung 'khor lo bskor// sku gsum rang grol dgongs pa 'char// lta ba chos sku mi mthun te// de dgongs 'char ba'i gnad med na// zla ba mtshan nas bsten pa bzhin// yul can dag las ma shar ro// de la gnas pa e re 'khyams// rang shar lta ba'i gdeng ma rnyed// ces gsungs so// 'byung po kun 'dul gyi rgyud las/ theg pa rgya mtsho la zlo dang 'od gsal gtan la dbab pa'i le'u ste nyer gsum pa'o// // de nas yang dag bshad bya ba// rdo rje chos kyi blo zlos nyon// de yi yon tan bstan pa ni// 'od gsal 'khor lo byin rlabs che// thams cad dbang du rtsu bar byed// 'od ni byin dang ldan po yin// rlabs ni rang snang 'khor lo yin// sku gsum lam du slongs pas che// dmigs pa myur te glog dang 'dra// zung ta la 'gro ste thog dang 'dra// rig pa ngar drag 'khor lo 'dra// dmigs pa sna rno spu gri 'dra// 'gyu ba rba drag skar mda' 'dra// 'od gsal byin che nyi ma 'dra// dmigs pa rgya chenam mkha' 'dra// dgongs pa gting zab rgya mtsho 'dra// nyams len brdar drag gang sar 'dra// dgongs pa don zab za 'og gur khyim 'dra// sku gsum lam bde nyi shar 'dra// de ltar ma rtogs skyon bstan pa//
- 384b
ma rig mun nag 'thib pa 'dra// 'gyub lce spyang lag pa 'dra// gzung 'dzin gangs la kha bab 'dra// bag chags rgya mtsho'i gnyer ma 'dra// dug lda nags la me shor 'dra/ dgra gnyen gram pa'i rdo dang 'dra// chags spang lam ka'i 'gron po 'dra// 'khrul pa gzi lum brgyus pa 'dra// 'khor ba zo chu khyud mo 'dra// 'gro drug tshong pa skyel bsu 'dra// sdug bsngal tshong pa choms pa 'dra// rnam rtog tshong dus 'o ma 'dra// 'dod pa bu shi 'o ma 'dra// chags pa phye leb me shor 'dra// sdang ba lam gyi dgra dang 'dra// rnam rtog smyig rgyu 'gyus pa 'dra// de tshe ngo sprod shes gyur na// rdzogs pa chen po'i lam chen yin// zhes gsungs so// 'byung po kun 'dul gyi rgyud las 'od gsal 'khor lo phyir zlog nang zlog gi le'u ste nyer bzhi pa'o// // de nas yang dag bshad bya ba// rdo rje chos kyi blo gros nyon// dran pa ban yis ma brgyan na// 'od gsal 'khor lo bskor ba dka'// de phyir dran pa'i thug pas gdags// ma dran pas ni bskor thabs med// med pas dran pa'i thag pas gdags/ de la ngo spod bstan par bya// da lta bar do gnyis su bstan// man shel me long gnyis po la// gzhi la rgyu rkyen 'bras bu bzhi// da lta bar do sbyar la bstan// thugs rje'i
- 385a
'byung lugs ngo sprod bstan// da lta rang la ngo sprad na// snying dang mgrin pa mig dang gsum// chos sku longs sku sprul sku gsum// sku rel yang gsum gsum bstan// thugs rje yang babs sku gsum dang // dza log sku gsum shes par bya// rab la bar do med pa yang // dus bzhi mnyam sbyor dgongs pa yin// bar ngo sku gsum dran par 'gyur// 'od dang 'gyu ba yid dang gsum// dgu phyug shes pa ngo sprod do// de yis grol bar 'gyur ba yin// de las grol nas shar ba ni// mchog gi sku gsum zhes su bshad// de yi ngo sprod ma shes na// gdams pa bstan pa skyon du 'gyur// thugs rje 'byung ba ma shes na// nyi ma'i 'od dang bral ba ltar// gzugs sku gnyis po 'char bar 'gyur// gzugs sku gnyis po ma shar na// 'gro drug ston pa gang la 'byung // 'du dus thim dus 'char dus dang // de gnyis grol ba'i rus dang bzhi// de bzhi so mtshams ma shes na// sangs rgyas dus tshod shes su dka'// mar gyi dus bzhi yar gyi bzhi// bar do'i so mtshams ma shes na// 'khor ba'i 'phro 'thung dus tshod dka'// 'du dus thim dus 'char dus rang grol dus// 'du dus thim dus 'char dus lus 'jug dus// 'dra 'dra 'dra ste nor sa che// des na
- 385b
brtag pa rab tu dka'// 'khor ba tsam du sgra 'thun yang // rgyu dang dkar nag 'bras bu bzhi// de yi so mtshams khyad par che// lus po tsam du sgra mthun te// 'jug pa'i lus la khyad par che// 'bras bu tsam du sgra mthun te// lung du bstan dang lung ma bstan// de yi 'bras bu khyad par che// zhes gsungs so// 'byung po kun 'dul gyi rgyud las/ ngo sprod bsdus te bstan pa sku gsum ngo spyod kyi le'u ste nyer lnga pa'o// // de nas yang dag bshad bya ba// rdo rje chos kyi blo gros nyon// ngo sprod gtan nas gnas pa dang // de yi ngo sprod ma byas na// 'chi ba zhes bya kun la 'byung // lus dang 'pho ba zhes bya ba// de yi mdor bsdus bshad par bya// 'chi ba rnam pa bzhi dag las// rgas nas thug nas 'chi ba dang // 'dus pa nad kyis 'chi ba dang // bar chad gdon gyis 'chi ba dang // las kyi rnam par smin pas 'chi// rlung yang lnga gsum bco lnga yin// rtag pa yin par shes par bya// de la rlung gi mtshan nyid kyang // ngo bo dbye ba nges tshig dang // kha dog dang ni gnas pa dang // rgyu ba'i dus tshod bstan pa'o// ngo bo g.yo zhing mi 'gags pa// nges pa'i tshig ni legs bskyod do// dbye ba rgyu dang 'jug gnas so// de ni dngos poni
- 386a
rlung du shes// gzhi yi rlung dang 'bras bu'i rlung // deng 'dir 'chi rtsis 'bras bu bshad// rgyu ba la yang rnam pa gsum// gyen rgyu thur sel thad kar rgyu/ khyab par gnas pa'i rlung dang lnga// thugs rje bklag dang drod 'bebs dang // thur du sel byed g.yo ba'i rlung // rtsa ba'i rlung lnga zhes su bshad// kha dog chu rlung dka ra la zlum// ma rlung dmar po gru gsum po// sa rlung ser po gru bzhi yin// rlung gi rlung ni zla kham ljang // mkha' rlung sna tshogs mthing kha'o// gyen du rgyu ba sna dang bug/ thur du sel ba gsang ba'o// thur sel rtsib ma 'byin par byed// gyen du rgyus pa lus stobs bskyed// chuyi rlung ni sor brgyad rgyu// sa yi rlung ni sor bzhi ste// me yi rlung ni/ sor bcu gnyis// nam mkha'i rlung ni tshad bzung med// de yis 'chi bar 'phen pa yin// gnas pa'i sa dang 'byung ba sbyar// rlung la drod yod gnas su 'dus// de dus rtsa rnams khrag bros pas// kha sna bskams la sgo bdun du// me bdun bskal pa 'byung bar 'gyur// chu dang rdul rnams gcig tu 'dus// chu yi bskal pa 'byung bar 'gyur// sna bug gnyis su dbugs med pas// mjug tu rlung gis 'jig pa yin// mthil bzhi drod dang 'degs byed bkod// gling chen bzhi po 'jig pa yin// 'khor ba brgyad
- 386b
kyis g.yog ma nus// gling g.yog 'jig pa de ltar yin// tshogs bdun rnam shes mi rgyu bas// mtsho bdun 'jig pa de ltar yin// rin chen sna bdun 'jig pa yin// lus kyi nga rgyal dang bral bas// ri rab 'jig pa de ltar yin// sgra rnams gyen du log pa yin// mkha' 'gro 'bros pa de ltar yin// mig gnyis khong du nub pa yis// nyi zla nub pa de ltar yin// bzhugs pa srog pa'i rtsa med pa// rgyu tshogs nam mkha' med pa yin// tshogs brgyad med pas gza' brgyad med// sgal tshogs rtsa brgyad la bral bas// rgyu skar rtsa brgyad nub pa yin// rig pa med pas rgyal po med// yid 'jug med pas blon po med// dug lnga med pas 'khor dang dmangs rnams med// snod bcud 'jig pa de ltar yin// des na 'du dus thim dus dang // 'char dus 'jig pa'i dus dang ni// grol ba'i dus dang ngo sprod rnams// 'dir ni rgyas par bshad pa yin// zar ma'i me tog ma yal lam// glang po'i mkhyen thag ma chad dam// rta sngon mthur mnga' ma chad dam// seng lcam gangs dkar rgyu 'phrul ma chad dam// sgeg po sgeg rma me long ma stor ram// rta sprin gyi shugs can mtha' gseb mtshud dang // klu rgyal dga' bo'i rnacham stor ram// rgya mtsho'i lbub mchad dam// kye kye maho tshad do zer
- 387a
brgyal lo// de'i dus na 'khor 'khor thams cad 'dus nas gar chang 'thungs nas ra ro'o// rgyal po gnyid log lta bur 'gyur ro// zhag gsum du brgyal zhing 'dug par 'gyur ro// de nas byang chub sems de brgya la sangs tsam na/ rmi lam rnam pa gsum rmis par 'gyur ro// de'i tshe der snang gi dus na/ de ni mtshams sbyor rmi lam dang // 'khrul pa 'phro 'thud rmi lam dang // ye shes rang snang gnyid grol ba// rnam grol gsum la mkhas pa'o// grol ba thar pa rnam grol lus// rnam grol zhi bzhi pa nyid// legs par mya ngan 'das dang nye// bde sdug gnyis ka rnam par sel// grol ba thar pa rnam grol lus kyi mchog/ rnam par grol ba mkhas pas mchog/ mchog gi 'bras bu bstan pa yin// zhes gsungs so// 'byung po kun 'dul gyi rgyud las// 'chi rtsis dang do sprod da lta bar dor ro/ skyom ngo sprod kyi le'u ste nyer drug pa'o// // de nas yang dag bshad bya ba// rdo rje chos kyi blo gros nyon// de las thugs rje sprul pa ni/ phyi nang gsang ba gsum du 'byung // thams cad mkhyen pa'i spyan ldan pas// las dang 'phro dang 'thud pa dang // 'bru shag las kyi 'khor lo 'dis// go
- 387b
skabs lus 'di 'byed par 'gyur// las 'phro nges pa'i gnad med na// thams cad rtag chad gol bar chud// kye kye rgyal po'i sras po thugs zhes bya// 'od lus yid lus sha khrag lus// 'od zer phung po 'od dpag med// mthar thug rdo rje sems dpa' yin// bde ba gnyis la rtog pa'o// mtshan dang dpe byad rab tu mdzes// sa bcu byang chub sems dpa' rnams// 'od zer 'dom gang 'od du 'phro// sta lus 'od gsal mda' gang dang // 'dre ni rang snang rang nges med// bsam gtan ting 'dzin khyad par yin// yid lus rnam smin 'bras bu dang // las kyi rim pa bsam gtan las// dmyal ba tsha grang gnyis gnyis dang // nyi tshe ba dang nye 'khor ba// rdo rje dmyal ba'i snang ba rnams// rnam smin las kyi 'bras bu yin// yi dgas yid lus rnam pa bzhi// phyi dang nang dang gnyis ka dang // sgo khyud yid lus rnam bzhi yin// gnas dang rgyu ba rnam smin gsum// de ni las dang 'bras bu'o// lha yang gzugs med grub pa ni// bsam gtan drag las grub pa yin// 'dod khams ris drug lha dang ni// mi rnams sha khrag lus su grub pa ni// dge ba'i las kyi 'bras bu yin// pha rol phyin drug khyad 'phags pas// de yi 'bras bu so sor smin// byol song sha khrag lus su grub pa ni/
- 388a
gti mug lung ma bstan gyi 'bras bu yin// phal cher las kyi 'bras bur snang // rkyen 'gyur gnas skabs ma nges pa yang yod// gzhi nas rang dbang med par 'byung ba yod// rgyu nyid rdo rje rgyan dang 'dra ster gzho ba ltar// yang dag don la las kyang med// rnam par smin pa'i 'bras bu med// ma rtogs pa la las yod las kyi 'bras bu yod// bden pa'i byin gyi brlabs kyis me yi phung po zhi// rang grol rig pa 'di la lta nus na// yang dag don nyid mthong bar nges pa yin// zhes gsungs so// 'byung po kun 'dul gyi rgyud las// thugs rje'i 'byung lugs dang lus gsum bstan pa'i le'u ste nyer bdun pa'o// // de nas yang ngag bshad bya ba// rdo rje chos kyi blo gros nyon// theg pa spyi dang rang gi mtshan nyid kyis// lam la 'jug phyir lam lnga bshad// tshogs dang sbyor dang mthong ba dang // bsgom pa dang ni mthar phyin lnga// nyan thos tshogs lam 'di lta ste// nyis brgya lnga bcu tshogs kyi lam// bden pa bzhi ni mthong ba po// shes pa bzhi ni sbyor ba'i lam// 'phags pa'i lam brgyad sgom pa'i lam// dgra bcom 'bras bu gyur pa mthar phyin lam// tshad med bzhi dang pha rol phyin pa drug/ sdom pa nyi shu rtsa ba gsum// de yi sdom pa byang
- 388b
chub sems dpa' yi// tshogs kyi lam du bshad pa yin// bzod pa 'jig rten chos kyi mchog/ sbyin dang tshul khrims pha rol phyin pa bcu// sbyor ba'i lam du bshad pa yin// chos rnams nam mkha' lta bu ni// dngos po mtshan ma mi dmigs pas// sgom pa'i lam du bstan pa yin// 'bras bu rdzogs pas sangs rgyas pa// mthar phyin pa yi lam du bstan pa yin// sngags phyi ba yi lam du bstan pa ni// dag pa rnam gsum gza' dang rgyu skar rtsi// brtul zhugs dkyil 'khor sbyor ba rtsom// tshogs kyi lam du bstan pa yin// de nyid rje dang 'bangs kyi tshul// 'phro 'du ting 'dzin byed pa ni// sbyor ba'i lam du bstan pa yin// ting 'dzin las su gyur pa ni// mthong ba'i lam du bstan pa yin// ting 'dzin rgyun ma chad pa ni// sgom pa'i lam du bstan pa yin// 'bras bu rigs gsum grub pa ni// mthar phyin lam du bstan pa yin// bdag dang dam tshig sems dpa' gnyis// de yi lam las mi 'da'a'o// spun dang grogs po'i sgo nas sgrub// tshogs kyi lam du bstan pa yin// sku mchog phyag mtshan gsal ba ni// sbyor ba'i lam du bstan pa yin// de nyid las su rung gyur pa// mthong ba'i lam du bshad pa yin//
- 389a
de yi lam las mi 'da' bas// skom pa'i lam zhes bshad pa yin// sku lnga mngon du gyur pa ni// mthar phyin lam zhes bshad pa yin// ces gsungs so// 'byung po kun 'dul gyi rgyud las/ mtshan nyid lam dang gsang sngags phyi rgyud lam lnga bstan pa'i le'u ste nyer brgyad pa'o// / de nas yang dag bshad bya ba// rdo rje chos kyi blo gros nyon// rgyud lung man ngag snyan rgyud kyi// de yi lam lnga bshad par bya// ting 'dzin rnam gsum dam tshig brgyad// 'phags pa spyan drangs la sogs pa// tshogs kyi lam du bshad pa yin// goms shing brtan par byed pa ni// sbyor ba'i lam du bshad pa yin// brtan nas rigs lnga yab yum gsal// mthong ba'i lam du bshad pa yin// ting 'dzin rnam gsum ma thob bar du sgom// sgom pa'i lam du bstan pa yin// longs sku zhi gnyis sangs rgyas pa// mthar phyin lam du bstan pa yin// phung po khams rnams lha ru sgoms// 'dza ba dang 'phro 'du tshogs kyi lam// de nyid 'dris byed sbyor ba'i lam// kun bzang yab yum he ru ka/ gu ru gsal ba mthong ba'i lam// he ru yab yum bstan pa sgom pa'i lam// dbyings dang ye shes gnyis su med pa mthar phyin lam// a ti
- 389b
yo ga'i lam lnga ni// snang srid rgyan du gyur pa'i tshogs kyi lam// thig le nyag gcig rtogs thob sbyor ba'i lam// the tsom med par go ba mthong ba'i lam// de yi don la gnas pa sgom pa'i lam / chos sku thig le shar ba mthar phyin lam// snyan rgyud nges pa'i lam lngas 'di ltar bstan// rang snang zang tal yin pas tshogs lam sgrol// rig pa rang sar grol bas sbyor lam rdzogs// thig le rang la shar bas mthong lam rdzogs// 'gyu ba zang ta la sha ra bas sgom lam rdzogs// thig le chos min shar bas thams cad mkhyen pa rdzogs// tshigs su brjod pas lngar snang don la gcig/ gser bzang mdog bzang byas pa'i don la gcig/ theg pa rang re'i lam lnga de ltar yin// ces gsungs so// 'byung po kun 'dul gyi rgyud las/ lam lnga khyad par bstan pa'i le'u ste nyer dgu pa'o// / / de nas yang dag bshad bya ba// rdo rje chos kyi blo gros nyon// sa dang pha rol phyin pa ni// gsang sngags mtshan nyid man ngag gsum// de yang khyad par 'di ltar/ bstan// dang po rab tu dga' ba ni// sbyin pa yin no pha rol phyin// pad+ma can gyis zhes bya ba dang // bla ma'i gdams ngag thob pa'o// gnyis pa dri ma med pa ni// tshul
- 390a
khrims pha rol phyin pa'o// rig pa dri ma med pa ngo sprod yin// gsum pa 'od 'phro zhes pa ni// bzod pa'i pha rol phyin pa'o// bcu gsum yi ge 'khor lo tshogs chen yin// sku gsum dgongs pa gzhan don byed// bzhi pa 'od byed ces pa ni// brtson 'grus pha rol phyin pa'o// yi ge tshogs chen rdzogs pa yin// sku gsum gyis ni gzhan don byed po yin// sgru ba byung bar dka' ba'i sa// bsam gtan pa rol phyin pa'o// bsrod+hA rdo rje 'chang gis// dbang po dman+da pa de sdong drug pa mngon du gyur pa'i sa// shes rab pha rol phyin pa'o// ngo sprod pas ni rtog pa mngon du gyur// bdun pa ring du song ba'i sa// thabs kyi pha rol phyin pa yin// nyan thos spong ba'i yin te song ba'o// 'di nyid lam du byed pa'o// brgyad pa mi g.yo ba yis// smon lam pha rol phyin pa'o// chos sku 'gyur ba med par rtogs// dgu pa legs pa'i blo gros so// stobs kyi pha rol phyin pa yin// kun tu bzang po'i dgongs pa'o// bcu pa chos kyi sprin gyis// ye shes pha rol phyin pa'o// rtogs pa mngon du gyur pa'o// bcu gcig la ni 'od du 'char// shes rab pha rol phyin pa'o// ye shes pha rol phyin pa'o// zhes gsungs so// 'byung po kun 'dul gyi rgyud las/ sa gsum re//
- 390b
sprod kyi le'u ste sum cu pa'o// // de nas yang dag pa shad bya ba// rdo rje chos kyi blo gros nyon// phyag rgya bzhi yi don ston pa// 'gro ba'i bsnyen bkur gnas kyi mchog/ bden pa bzhi ni ston pa'o// de la nyan thos phyag rgya bzhi// nyis brgya lnga bcu las kyi phyag rgya yin// bden bzhi gtan la 'bebs pa chos kyi phyag rgya yin// gang zag bdag med dam tshig phyag rgya yin// dgra bcom 'bras bu rnam bdun phyag rgya chen po yin// byang chub sems dpa'i phyag rgya ni// sdom pa nyi shu srung ba las rgya yin// pha rol phyin drug spyod pa chos rgya yin// chos rnams rang bzhin stong pa dam tshig phyag rgya yin// thams cad mkhyen pa thob pa phyag rgya chen po yin// dag pa rnam gsum spyod pa las kyi phyag rgya yin// rigs gsum spyan 'dren mchod bstod chos kyi phyag rgya yin// nya sha sgog btsong srung ba dam tshig phyag rgya yin// 'bras bu rigs gsum bsgrubs pa phyag rgya chen po yin// byang chub lam la 'jug pa las kyi phyag rgya yin// sku lbu ba zhu btul byed pa chos kyi phyag rgya yin// dkar gsum mngar gsum bsten pa dam tshig phyag rgya yin// sku lnga mngon du gyur pa phyag rgya chen po yin// bdud rtsi lnga la spyod cing sbyor sgrol las kyi phyag rgya yin// sngags dang phyag rgya chos kyi
- 391a
phyag rgya yin// dam tshig nyi shu rtsa brgyad srung ba dam tshig phyag rgya yin// bzhi bcu rtsa gcig sgrub pa phyag rgya chen po yin// ting 'dzin rnam gsum dam rdzas lnga spyod las kyi phyag rgya yin// kun bzang yab yum sgom pa chos kyi phyag rgya yin// 'du 'phro rgyun ma chad pa dam tshig phyag rgya yin// rgyun mi gcod pa dam tshig phyag rgya yin// dbyings dang ye shes gnyis su med pa phyag rgya chen po yin// rol pa 'gag pa med pa chos kyi phyag rgya yin// mtshan nyid skye ba med pa las kyi phyag rgya yin// ngo bo blo gros las kyi phyag rgya yin// rang bzhin skye ba med pa phyag rgya chen po yin// 'gyu ba 'gag pa med pa chos kyi phyag rgya yin// ye shes zang tal shes pa las kyi phyag rgya yin// rigs nas phyi nang med pa dam tshig phyag rgya yin// chos las 'das pa phyag rgya chen po yin// zhes gsungs so// 'byung po kun 'dul gyi rgyud las/ phyag rgya rgyas gdab pa'i le'u ste so gcig pa'o// // de nas yang bka' stsal pa// rigs kyi bu khyod nyon cig/ nga kun tu bzang po'i dgongs pa ni gzhi rang grol du shes pa'o// gzhi rang grol gyi dgongs pa de ni/ ma ltas rang shar gyi dgongs par shar ro// ma bsgoms so// ma bsgrubs so// ma spyad do//
- 391b
tshogs gnyis ma bsags so// gzhi rang grol de yis bsgoms sam// bsgoms zin nam/ bsgom pa byas sam// sgom pa ma byas nas sangs rgyas so// blta bas bltas sam ma blta ba byas sam/ blta ba byed zin nam/ blta ba lta nas sangs rgyas sam// de spyad dam/ spyod pa byed dam/ spyad nas son nam/ spyad zin nam/ des sangs rgyas sam/ gzhi 'bras bu gzhi yin nam/ gzhi des 'bras bu myong ngam/ gzhis 'bras bu thob bam/ gzhi na re 'bras bu yin zer ro// de bzhin du lam lnga sa bcu tshogs gnyis rnams dang // de bzhin de'i rang bzhin yin// zhes gsungs so// dper na ga bur na re/ nga sman yin zer// dug yin// zas phal pa yin zer ram/ nor bu rin po che de skad zer te/ gzhi 'khrul pas gzhi ngo shes te/ mi shes pa yi rang dbang med// mi yi byad kyi me long ltar// phar bltas tshur mthong bzhin gsal ba// gzhi ngo shes pas gzhi las 'das// 'das pa lnga po chos las min// ye shes zang ta la rang shar bas// thams cad mkhyen pa ma 'gag pas// mkhyen pa de ltar shar ba yin// drug gi bstan pa'i dgongs pa dang // mu stegs ston pa drug po yis// grub mtha' gnyis su phye bas log/ gnyis med don dang mi 'gal lam// mnyam phyir don na bzang ngan med//
- 392a
bzang por 'dod na 'dod chags yin// 'dod pas mi myong ltogs 'dre yin// 'dre ru 'di bas che ba med// ces gsungs so// 'byung po kun 'dul gyi/ rgyud las// kun tu bzang po'i dgongs pa bstun pa'i le'u ste so gnyis pa'o// // de nas yang dag bshad bya ba// 'byung po kun 'dul rgyud chen 'dir// thams cad ma lus 'dus pa yin// 'di ni byin gyis brlabs pa'i rgyud du zung // zhes gsungs so// ston pa kun tu bzang po la// rdo rje chos kyi blo gros rjes su yi rang ngo // 'byung po kun 'dul gyi rgyud ces bya ba rdzogs so// rgya gar skad du/ de ba hu ye shes ya man hri/ b+hU ti tan+t+ra nA ma/ bod skad du lha 'dre gnyis med kyi rgyud ces bya ba/ dpal kun tu bzang po thig le snyun gyis grub pa la phyag 'tshal lo// 'di skad bdag gis bshad pa'i dus// chos bzangs / lha yi 'dun sa na// rnam dag yangs pa pad+ma'i gnas// bde ba chen po'i zhing khams su// yang dag rdzogs sangs rgyas pa yi// kun tu bzang po ston pa'i gtso// 'khor ni rdzogs pa'i sangs rgyas lnga// bstan pa kun 'byung dkyil 'khor du// yongs la khyab pa gdal ba'i gnas// gzhi po gnad shes 'khrul pa'i dus// dbang po rang snang me long lnga/