bde legs su 'gyur ba'i tshigs su bcad pa
Svastyayanagātha
Text
ff. 385a–386a · 3 folio sides
- 385a
cing / / byang chub thob min don gzhan byed ma gyur// lus kun dbang po dag pas rab rgyas shing // nad med rims nad med cing mya ngan bral// tshe ring zhi dang sgra ni yid 'ong ldan// sdig las zlog cing dge la 'jug gyur cig/ ser sna bral zhing zang zing med chos kyis// rtag tu phan tshun phan 'dogs byed par shog/ gzhan du snying rje che dang ldan gyur nas// 'dod pa mi mnga' bde bar gshegs gyur cig/ 'gro ba sdug bsngal bying la phan bya'i phyir// sangs rgyas byang chub bla na med mchog tu// rdo rje rgyal mtshan yongs bsngo rgyal po la// des ni rang gi bsod nams yongs su bsngo bde gshegs kun tu bzang dang mkhyen pa dag/ kun tu bzang po bsdod ge ji lta bar// de bzhin bdag kyang kun tu bzang spyod dang // rgyal ba dam pa kun tu bzang por shog/ rdo rje rgyal mtshan gyi yongs su bsngo ba rdzogs so/ / / rgya gar skad du/ swa s+yA ya na gA tha/ bod skad du/ bde legs su 'gyur ba'i tshigs su bcad pa/ dkon mchog gsum la phyag 'tshal lo/ / lha zhig nye bar 'ongs nas su// 'jig rten mgon la zhus byas te// gang gis kun tu bde legs 'gyur// bdag zhus bcom ldan bka' stsal gsol// de yi tshig de gas na gyur nas// 'jig rten 'dren pas bka' stsal pa// gang gis kun tu bde legs 'gyur// de ni lha khyod legs par nyon// gang zhig de bzhin gshegs pa dang // g.yo ba med cing rab brtan dang // gang gis tshul khrims
- 385b
dge gyur pa/ / de la kun tu bde legs 'gyur// gang zhig pa dang ma dang bu// chung ma de bzhin mngag gzhug la// rtag tu rim gro legs byas pa// de la kun tu bde legs 'gyur// gang zhig rag tu dgra bcom la/ / yon rnams shin tu brtan byas dang // lha rnams la yang bya bsgo ba// de la kun tu bde legs 'gyur// gang zhig lus dang ngag dang ni// yid kyis nyes pa byas med cing // gang zhig gnas gsum bsdams gyur pa/ / de la kun tu bde legs 'gyur// gang zhig 'byung po thams cad la// byams pa'i sems ni rab bsgoms shing // dpag tu med la mi 'khrugs pa// de la kun tu bde legs 'gyur/ / sdug bsngal thams cad spang ba'i phyir// bde ba 'thob byed 'phags pa'i lam// yan lag brgyad pa sus bsgoms pa// de la kun tu bde legs 'gyur// 'du byed thams cad stong nyid du/ / gang gis rtag tu rab mthong zhing // der yang sems can gnas gyur pa// de la kun tu bde legs 'gyur// gang dag dri ma med chos rnams// lus kyis mngon sum byas nas spang dgra bcom rnam par grol sems rnams/ / de dag rtag tu bde legs 'gyur// gang zhig 'dod chags zhe sdang dang // ma rig pa yang rnam spangs dang // shes pa mi 'jigs skyes gyur pa// de la kun tu bde legs 'gyur/ / lha dang bcas pa'i 'jig rten mgon// yang srid zad pa'i sangs rgyas kyis// gang la khong du chud mdzad pa// de la kun tu bde legs 'gyur// bde legs su
- 386a
'gyur ba'i tshigs su bcad pa rdzogs so/ / rgya gar gyi mkhan po dzi na mi tra dang / su le nang po dz+ha dang / su chen gyi lo tsa ba ban+de ye shes sdes bsgrud cing zhus teg/ la bab pa// rgya gar skad du/ swasti g+hA tha/ bod skad du/ bde legs kyi tshog su bcad pa/ dkon mchog gsum la phyag 'tshal lo// lha zhig te bar 'ongs nas su/ / lhas mchod pa la zhus byas te// sangs rgyas chen po thub pa chen// ci zhig smras na bde legs 'gyur// lha yi tshig de gsan gyur nas// 'jig rten rtsa lag bka' stsal pa gang gis rtag tu rjod byed la/ / nga yi bde legs 'gyur de nyon// 'jig rten 'di dang gzhan dang mtho ris na// rin chen rgya chen mchog na gang yod pa// de ni rdzogs pa'i sangs rgyas rin chen la// cis kyang grangs dang bgrang dang char mi bod// ngo mtshar shin tu rmad byung dpag med de// rdzogs pa'i sangs rgyas rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ zhi 'gog bdud rtsi shin tu gya nom gang // shAkya thub pas mnyam gzhag thugs chud pa// chos de dang ni mtshungs pa yod min te// de mngon byas na phyin chad mya ngan med/ / ngo mtshar shin tu rmad byung dpag med de// dam pa'i chos kyis rin chen 'jig rten mchog/ ji ltar nga'i 'di de bzhin bden mchog na/ bden pa 'dis ni shin tu bde legs
Colophon
bde legs su 'gyur ba'i tshigs su bcad pa rdzogs so/ /rgya gar gyi mkhan po dzi na mi tra dang / su len dra bo dhi dang / zhu chen gyi lo tsa ba ban+dhe ye shes sdes bsgyur cing zhus te gtan la phab pa/