F304MW1KG13607_0304mdo sdeAll versions of this work

'phags pa lha'i bu rab rtsal sems kyis zhus pa zhes bya ba theg pa chen po'i mdo

Āryasubakrānatacantadebapudtraparisridchanāmamahāyānasūtra

Text

ff. 76b–134a · 116 folio sides

  1. 76b

    / rgya gar skad du/ ar+ya su ba kra na ta tsan ta de ba pud tra ba ri srid tsha na ma ma hA yA na sU tra/ bod skad du/ 'phags pa lha'i bu rab rtsal sems kyis zhes pa zhes bya ba theg pa chen po'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus cig na/ bcom ldan 'das mnyan du yod pa na/ rgyal bu rgyal byed kyi tshal/ mgon med zas sbyin gyi kun dga' ra ba na/ dge slong khri'i dge slong gi dge 'dun chen po dang / 'jig rten gyi khams gzhan dag nas/ 'dus pa'i byang chub sems dpa' stong phrag rab tu mang po dang // 'dod pa na spyod pa dang / gzugs na spyod pa'i lha'i bu rnams dang / de las gzhan pa'i lha'i bu rnams dang / klu'i rgyal po rgya mtsho la stsogs pa/ klu'i 'khor mang po rnams dang / gnod sprin gyi rgyal po lus ngan la stsogs pa/ gnod sprin gyi 'khor mang po rnams dang / na mkha' lding gi rgyal po stobs chen la stsogs pa/ na mkha' sdig gi 'khor mang po rnams dang / lha ma yin gyi dbang po sgra gcan la stsogs pa/ lha ma yin gyi 'khor mang po rnams dang / mi 'am ci'i rgyal po ljon pa la stsogs pa/ mi 'am ci'i 'khor mang po rnams dang / lto 'phye chen po'i dbang po lag bzang la stsogs pa/ lto 'phye chen po'i 'khor mang po

  2. 77a

    @#rnams dang / rgyal po chen po bzhi'i 'khor dang bcas pa rnams dang / lha'i dbang po brgya byin lha'i bu stong phrag mang po'i lha'i 'khor dang bcas pa dang / mi mjed kyi bdag po tshangs pa tshangs ris kyi lha'i bu 'bum phrag du ma'i 'khor dang bcas pa dang / rgyal po gsal rgyal 'khor sto phrag du ma dang bcas pa rnams dang / khyim bdag mgon med zas sbyin 'khor dang bcas pa dang thabs gcig tu bzhugs te/ de dag la stsogs pa'i 'khor bzhi mang po rnams kyi yongs su bskor mdun gyis bltas te chos ston to// de'i tshe na 'jam dpal gzhon nur gyur pa 'khor de nyid du 'dus par gyur te 'dug go lha'i bu byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog pa/ rab rtsal sems kyang 'dus par gyur te 'dag go/ de nas lha'i bu rab rtsal sems kyis 'khor phal po che de 'dus par rig nas/ stan las langs te bla gos phrag pa cig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das ji ltar na/ byang chub sems dpa' sems dpa' chen po// theg pa chen po la gzhan gyi dring mi 'jog pa rnams lags/ ji ltar na byang chub sems

  3. 77b

    dpa' sems dpa' chen po brtsams pa thams cad la brtson 'grus brtan pa rnams lags/ ji ltar na byang chub sems dpa' sems dpa' chen po// bsod nams dag gis mngon par 'phags pa lags/ ji ltar na/ byang chub sems dpa' sems dpa' chen po// ye shes kyis chags pa ma mchis par spyod pa rnams lags/ ji ltar na byang chub sems dpa' sems dpa' chen po// shes rab kyis mun pa dang bral ba rnams lags/ ji ltar na byang chub sems dpa' sems// dpa' chen po// 'khor rnams kyi nang du 'jigs pa dang bral ba rnams lags/ ji ltar na byang chub sems dpa' sems dpa' chen po// thos pas don la rton pa rnams lags/ ji ltar na/ byang chub sems dpa' sems dpa' chen po// 'jig rten gyi tshul gyis chos la ston pa rnams lags// ji ltar na/ byang chub sems dpa' sems dpa' chen po// sangs rgyas bcom ldan 'das rnams kyis gsungs pa bzhin du smra ba rnams lags/ ji ltar na/ byang chub sems dpa' sems dpa' chen po// sems can rnams la chos smra ba rnams lags/ ji ltar na/ byang chub sems dpa' sems dpa' chen po// mngon par shes pa rnams kyis mngon par 'phags pa rnams lags/ ji ltar na/ byang chub sems dpa' sems dpa' chen po// bdud thams cad kyis

  4. 78a

    @6/ @#thul bar dka' ba rnams lags/ ji ltar na/ byang chub sems dpa' sems dpa' chen po// blos gting dpag dka' ba rnams lags/ ji ltar na/ byang chub sems dpa' sems dpa' chen po// 'jig rten gyi chos brgyad kyis mi gos pa rnams lags/ ji ltar na/ byang chub sems dpa' sems dpa' chen po// blo gting dpag dka' zhing zab mo la spyod pa rnams lags/ ji ltar na/ byang chub sems dpa' sems dpa' chen po/ chos ston pas dbang po la mkhas pa rnams lags/ ji ltar na/ byang chub sems dpa' sems dpa' chen po 'dus ma byas pa dang / ma 'dres pas rnam par thar pa'i sgor gnas pa rnams lags/ ji ltar na/ byang chub sems dpa' sems dpa' chen po// lhag pa'i nga rgyal can char bcad pa'i slad du snrel zhir bsgrub pa la mkhas pa rnams lags/ ji ltar na/ byang chub sems dpa' sems dpa' chen po// las kyi bgyi ba thams cad kyi rgyu la mkhas pa rnams lags/ ji ltar na/ byang chub sems dpa' sems dpa' chen po// lta ba'i rnam pa dang bral zhing rten cing 'brel bar 'byung ba la mkhas pa rnams lags/ ji ltar na/ byang chub sems dpa' sems dpa' chen po// sems can yongs su smin par bgyi ba dag la/ thabs

  5. 78b

    la mkhas pa rnams lags/ ji ltar na/ byang chub sems dpa' sems dpa' chen po// bsam pa yongs su dag pas brtul zhugs grub pa rnams lags/ ji ltar na/ byang chub sems dpa' sems dpa' chen po zhe 'gras pa'i sems ma mchis shing / bzod pa'i stobs dang ldan pa rnams lags/ ji ltar na/ byang chub sems dpa' sems dpa' chen po// pha rol tu phyin pa thams cad kyi pha rol du son pa rnams lags/ ji ltar na/ byang chub sems dpa' sems dpa' chen po sems can thams cad kyi nye bar 'tsho ba rnams lags/ ji ltar na byang chub sems dpa' sems dpa' chen 'jig rten thams cad mngon par 'du byed par 'gyur ba legs/ ji ltar na byang chub sems dpa' sems dpa' chen po srog chags thams cad kyis bsngags par 'gyur ba rnams lags/ ji ltar na byang chub sems dpa' sems dpa' chen po dge ba'i spyod pa thams cad la smras pa ma mchis pa rnams lags/ ji ltar na byang chub sems dpa' sems dpa' chen po shes rab dag la rgya mtsho lta bu rnams lags/ ji ltar na byang chub sems dpa' sems dpa' chen po chos la dbang bsgyur bas dbang phyug tu gyur pa rnams lags/ ji ltar na byang chub sems dpa' sems dpa' chen po bgyi ba thams cad la slob dpon du gyur pa rnams lags/ ji ltar na byang chub sems dpa' sems dpa'

  6. 79a

    / chen po thams cad du kha na ma tho ba ma mchis shing yon tan rnam pa thams cad dang ldan pa rnams lags/ de skad ces gsol pa dang / bcom ldan 'das kyis lha'i bu rab rtsal sems la 'di skad ces bka' stsal to// rab rtsal sems legaso legs so// lha'i bu khyod byang chub sems dpa' sems dpa' chen po 'jig rten thams cad las mngon par 'phags pa/ 'jig rten gyi yongs su 'dren pa/ snying rje chen po dang ldan pa/ bskal pa grangs med nas go cha bgos pa/ brtson 'grus shin du brtan pa/ ded dpon chen po// sems can dpag tu med pa'i don byed pa/ sems can dpag tu med pa thang bde ba la rab tu 'god pa la mkhas pa/ yon tan dpag tu med pa dang ldan pa rnams kyi don du/ de bzhin gshegs pa la yongs su zhu ba ni yang khyod legs so// / lha'i bu de'i phyir legs par rab tu nyon la yid la zung shig dang / ji ltar na byang chub sems dpa' sems dpa' chen po rnams kyis yon tan gyi khyad par de dag dang / gzhan dag kyang 'thob par 'gyur ba ngas khyod la bshad par bya'o// lha'i bu rab rtsal sems kyis/ bcom ldan 'das de ltar 'tshal la zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// lha'i bu byang chub sems dpa' sems dpa'

  7. 79b

    chen po chos bzhi dang ldan na/ theg pa chen po la gzhan gyi dring mi 'jog pa rnams yin te/ bzhi gang zhe na/ thabs la mkhas pas mngon par bsgrubs pa'i shes rab dang / snying rje chen pos mngon par bsgrubs pa'i byams pa dang don dang chos su mngon par bsgrubs pa'i spobs pa dang / byang chub kyi yan lag gi rnam pas mngon par bsgrubs pa'i mngon par shes pa lnga po dag ste/ lha'i bu byang chub sems dpa' sems dpa' chen po// chos bzhi po de dag dang ldan na/ theg pa chen po la gzhan gyi dring mi 'dzeg pa rnams yin no// de la 'di skad ces bya ste/ thabs la mkhas pa mngon par bsgrubs par byed pa yin/ mngon sum shes rab rtogs par khong du chud gyur cig/ thams cad skyabs phyir snying rje chen po yangs pa la/ gnas pa'i byams pa mngon par bsgrub par byed gyur la/ don dang chos la shin du mkhas par 'gyur ba yin/ so so yang dag rig la spobs pa thob gyur la/ byang chub lam la mngon shes dag gis rnam rtse na/ des ni gzhan gyi dring la 'jog par mi 'gyur ro// lha'i bu byang chub sems dpa' sems dpa' chen po chos bzhi dang ldan na/ brtsam pa thams cad la brtson 'grus brtan pa rnams yin te/ bzhi gang zhe na/ phyir mi ldog pa'i brtson 'grus bsam pa dag pa'i rtul ba dang / byang chub la 'dun pa drag po dang

  8. 80a

    @6ldan pa dang / sangs rgyas kyi chos yongs su sgrub pa la yongs su mi skyo ba dang ldan pa ste/ lha'i bu byang chub sems dpa' sems dpa' chen po chos bzhi po de dag dang ldan na/ brtsam pa thams cad la brtson 'grus brtan pa yin no// de la 'di skad ces bya ste/ brtson 'grus brtan zhing rab tu gnas pa med gyur cing / bsam pa brnyog pa med cing yongasu dag gyur la// sangs rgyas ye shes don phyir 'dun pa drag ldan zhing // sangs rgyas chos rnams/ 'dod cing rtag tu yongs mi skyo// gang la chos bzhi rgya chen khyad par de yod pa// de ni byang chub lam du mngon 'byung brtan 'gyur zhing // byang chub yan lag lag mthil bzhag pa bzhin 'gyur la// ring po mi thogs 'jig rten gsum gyi chos rgyal 'gyur// lha'i bu byang chub sems dpa' sems dpa' chen po chos bzhi dang ldan na/ bsod nams dag gis mngon par 'phags pa rnams yin to// bzhi gang zhe na/ byang chub sems dpa' rnams shes rab kyi pha rol du phyin pa la 'doms par byed pa ste/ sems can gang dag byang chub tu sems ma bskyed pa de dag byang chub sems bskyed 'jug pa dang / sprul pa lta bur dus gsum yongs su bsngo ba dang / byang chub kyi sems dang ma bral bas dge ba'i rtsa ba thams cad skyed pa/ mngon par 'du byed pa ste/ chos bzhi po de dag dang ldan pa'o//

  9. 80b

    de la 'di skad ces bya ste/ mkhas pa gang dag shes rab pha rol phyin 'doms shing / byang chub zhugs pas dus gsum yi rang zhing // yid dang ma bral sbrul 'dra// byang chub 'dod byed la// dag pa gang yin cung zad byed pa thams cad ni// thams cad mkhyen nyid sems la rten par byed pa yin/ lha'i bu byang chub sems dpa' sems dpa' chen po chos bzhi dang ldan na/ ye shes kyi chags pa med par spyod pa rnams yin te/ bzhi gang zhe na/ shes pas byas pa'i bya ba rnams byed cing nga rgyal gyis byas pa rnams mi byed pa dang / chos thams cad rkyen las rag las shing byin gyis rlob pa med la/ gang zag dang bral bar shes pa dang / stong pa nyid spyod yul du gyur cig/ sems can thams cad mi gtong ba'i bsam pa dang ldan pa dang / chags pa thams cad las yang dag par 'das shing / skye mched drug yongs su shes pa srung ba ste/ chos bzhi po de dag dang ngo // de la 'di skad ces bya ste/ shes pas las byed de dag nga rgyal yod min zhing // rten la mkhas pa yin zhing de dag ltar med la// stong nyid spyod yul de dag sems can mi stong zhing // chags pa kun las 'das shing phyi nang gnas pa med// chos mchog bzhi po de la shin tu rab gnas pa// shes rab pha rol phyin cing chags med spyod pa yin// lha'i bu byang chub sems dpa' sems dpa' chen po chos bzhi dang ldan na//

  10. 81a

    shes rab kyi mun pa dang bral ba rnams yin te/ bzhi gang zhe na/ thos pas ngoms pa med cing tshul bzhin yid la rab tu sbyor ba dang / zang zing med pa'i sems kyi chos ston pa dang / chos kyi dbyings dbyer med pa shes par bya ba'i phyir nyon mongs pa thams cad la sgyu ma lta bur so sor rtog pa dang / tshul gcig la 'jug pas thams cad kyi 'jug pa la 'jug pa ste/ chos bzhi po de dag dang ngo // de la 'di skad ces bya ste/ de dag thos tshol ngom med tshul bzhin rtog byed cing // de mnyam ston cing klog 'dzin rnyed pa tshol mi byed// nyon mongs sprin 'dra sgyu ma rmi lam lta bur lta// chos nyid tha dad mi byed de dag tshul gcig 'jug/ che bdag chos bzhi de ston khyad par 'thob 'gyur zhing // shes rab smon 'das mun rtsal zla ltar 'jig rten rgyud// lha'i bu byang chub sems dpa' sems dpa' chen po ches bzhi dang ldan na/ 'khor rnams kyi nang du 'jigs pa dang bral ba rnams yin te/ bzhi gang zhe na/ zos pa thams cad 'dzin pa'i gzugs thob pa dang / sems can thams cad the tsom gcod pa'i spobs pa thob pa dang / sems can thams cad la bdag med pa ston pa'i snying rje chen po dang / bdud dang nyon mongs pa dang bral ba mngon par shes pa'i ye shes kyi go cha bgos pa ste/ chos bzhi po de dag dang ngo //

  11. 81b

    de la 'di skad ces byas te/ thos kun chung mi za ba'i gzungs thob cing // de dag spobs ldan sems can som nyi gcod par byed// snying rjes chos 'di thams cad/ bdag med ston byed cing // mngon shes shes pa'i go bgos nyon mongs bdud mi nyams// byang chub sems dpa' tshes bzhi de dag gis 'jug na// 'khor kun nang du song yang de la 'jigs pa med// lha'i bu byang chub sems dpa' sems dpa' chen po chos bzhi dang ldan na/ thos pas don la ston pa rnams yin te// bzhi gang zhe na/ zos pa thams cad mi 'dzin pas thos pa dang mi ldan zhing / bsgrub pa nyams pa'i byis pa thams cad yongs su spong ba dang / yi ge dang / sgra dang / skad dang / tshig gi las thams cad mngon du rnam par shes par bya ba'i phyir brag ca dang mtshungs pa nyid du khong du chud pa dang / don 'dod pa nyid kyi phyir thos pa yongasu tshol zhing / dga' mgur bya ba'i phyir ma yin pa dang / brjod du med pa'i don la 'jug cing / brjod pa'i don la ma yin pa ste/ chos bzhi po de dag dang ngo // de la 'di skad ces bya ste/ ji tsam mang du zos kyang don la mi rtog pas// byis pa thos dang mi ldan rtag tu bsgrub chos nyams// srid gsum sgra skad dbyangs dang tshig lam gang yod pa// brag cha 'drar shes de las don ldan sgra thos nas// don nyid rtog cing dga' dgu nyes kun phyir mi 'jug/ chos nyid 'di ni

  12. 82a

    brtsaladon mchog yin te brjod du med// 'di na don dang sgra skad zos par 'gyur ba las// 'gro ba rnams su 'gro bar byed cing 'gro bar 'gyur/ lha'i bu byang chub sems dpa' sems dpa' chen po chos bzhi dang ldan na/ 'jig rten gyi tshul gyi chos la ston pa rnams yin te/ bzhi gang zhe na/ bre mos gtam byed pa rnams la chos ston pa dang / skye bo phal po che 'dus pa dag la 'chi ba rjes su dran pa dang / gtong ba chen po dag la rjes su yid rang bzhin byang chub tu yongs bsdu/ ba dang / 'du 'dzi thams cad las dben par gzhog pa ste/ chos bzhi po de dag dang ngo // de la 'di skad ces bya ste/ gang tshe skye bo mang po'i dbus su song gyur pa/ der ni mkhas pas chos kyi gtam la 'jug par bya// skye bo mang po 'dus par gyur pa'i tshogs rnams la// 'chi bar 'gyur ba'i 'du shes rnam par bsgom par bya// des ni bag yod gzhan gyi gtong ba rnam lnga yi// gtong la yid rang byas nas byang chub bsngo bya zhing // gang tshe 'du 'dzi dag dang phrad par gyur pa'i tshe// der ni dben par gzhol ba rab tu 'dod par bya// lha'i bu byang chub sems dpa' sems dpa' chen po chos bzhi dang ldan na/ sangs rgyas bcom ldan 'das rnams kyis gsungs pa bzhin du smra ba rnams yin te/ bzhi gang zhe na/ byang chub kyi sems mi gtong ba dang // thos pa sgrub pa'i snying por byed pa dang // ji skad smras pa de bzhin du byed pa dang /

  13. 82b

    rang bzhin gyis bdag zad pa la 'jug pa ste/ chos bzhi po de dag dang // de la 'di skad ces bya ste/ nyam nga gnod par gyur kyang byang chub sems mi gtong / de dag sto pa'i ras thos sgrub pa snying por byed// bka' blo bde 'thun ji skad smras pa de bzhin byed// mkhas pa de dag chos kun rang bzhin bdag med 'jug/ de ltar brtson pa'i shes ldan smras bzhin byed 'gyur shing // rtag brtson mi 'dir rjes 'thun bdag med ci yang med// rtag tu snyam pa'i phreng ba phyogs bcur grags 'gyur zhing // de ltar chos spras de dag chos kyi shes pas 'phags// lha'i bu byang chub sems dpa' sems dpa' chen po chos bzhi dang ldan na/ sems can rnams la chos sra ba yin te/ bzhi gang zhe na/ bdag nyid sgrub pa la gnas shing sems can rnams la chos ston pa dang / bdag nyid dul ba dang / gsungs pa dang / grol ba dang / btul ba dang / yongs su mya ngan las 'das shing sems can gzhan dag dul bar bya ba dang / bsrung ba dang / dgrol ba dang / gdul ba dang / yongs su mya ngan las bzla ba'i phyir chos ston par byed pa dang / bdag nyid yang par rdzogs pa'i byang chub tu bsam pa nyes par gyur cing / sems can rnams kyang theg pa chen po la rab tu dgod par byed pa dang / bdag nyid chos 'dod pas gzhan dag la yang ston par byed pa ste/ chos bzhi po de dag dang ngo // de la 'di skad ces bya ste/

  14. 83a

    @#sgrub pa snying por byed cing 'gro la chos ston pa// dul bsrung legs btul shin tu mya ngan 'das nas kyang // gang dag ma dul ma bsrungs ma btul mya ngan las// ma 'das de dag chos kyi dkon mchog 'byor par 'jud// de dag byang chub sems bsam chos gyur cing // theg pa de la 'gro ba rnams kyang 'god par byed// rtag tu chos 'dod don ldan bla ma gus byed cing // sems can rnams la'ang de dang 'thun pa'i chos rnams ston// lha'i bu byang chub sem dpa' sems dpa' chen po chos bzhi dang ldan na/ mngon par shes pa rnams kyi mngon par 'phags pa rnams yin te/ bzhi gang zhe na/ yang dang yang du tshangs pa'i gnas pa bzhir gnas pa dang / rtag par rgyun du rab tu dben par gnas pa dang / chos zab mo la bzod pa dang // lus dang sems mnyam pa nyid du shes pa ste/ chos bzhi po de dag dang ngo // de la 'di skad ces bya ste/ tshangs pa'i gnas pa dag la rtag tu rab gnas shing // dben par gnas pa la yang dga' bar sked byed la// shes pas zab mo'i bzod la nges pa thob gyur cing // mkhas dang mnyam pa'i sems dang ldan par gyur pa ste// de ltar mngon par brtson pa'i 'jigs pa med pa rnams// mngon shes lnga po dag gis mngon par 'phags gyur cing // de dag sangs rnams kyi spyan sngar 'dug 'dra la// sems can mang po rnams kyang

  15. 83b

    yongs su smin byed 'gyur// lha'i bu byang chub sems dpa' sems dpa' chen po chos bzhi dang ldan na/ bdud thams cad kyi thul bar dka' ba rnams yin te/ bzhi gang zhe na/ stong pa nyid kyi rnam pas mngon par bsgrub pa'i bsam gtan bzhi dang / sems can thams cad mi gtong ba'i snying rje chen po dang / dkon mchog gsum gyi gdung mi gcod pa'i brtson 'grus dang / thabs la mkhas pas mngon par bsgrubs pa'i pha rol tu phyin pa drug ste/ chos bzhi po de dag dang ngo // de la 'di skad ces bya ste/ mtshan med stong pas nges pa'i bsam gtan bzhi sgom zhing / sems can yongasu bskyab phyir rtag tu snying rje ldan/ dkon mchog gsum rgyan mi gcod brtson 'grus thob gyur cing // kun tu thabs ldan pha rol phyin pa drug la 'jug/ de ltar spyod mkhas bro ldan che dag yid bzhangs pa// de dag 'dud bzhi dag las yang dag par 'das gyur cing // bdud kyi lcags kyus zin pa'i 'gro ba mgon med rnams// mya ngan 'da' bar 'gro ba'i lam la 'god par byed// lha'i bu byang chub sems dpa' sems dpa' chen po chos bzhi dang ldan na/ blos gting dpag dka' ba rnams yin te/ bzhi gang zhe na/ chos zab mo'i tshul la 'jug pa dang / rtag tu don dang ldan zhing brnyed par dka' ba dang / rtag tu yid byung zhing chos sems par byed pa dang / sangs rgyas kyi ye shes sgrub pa med pa la sems

  16. 84a

    #kyis nges par rtogs par byed pa ste/ chos bzhi po de dag dang ngo // de la 'di skad ces bya ste/ zab mo'i chos kyi tshul la zhugs par gyur pa/ dang / rtag tu don dang ldan zhing bsnyen par dka' gyur la// rtag tu yid byung chos la bsam pa zhugs gyur cing // sems kyis nges par rtog par byed pa gang yin pa mkhas pa theg pa che la brtan par rab gnas pa/ blo rnams dag gis gting dpag dka' bar rab 'gyur zhing // chags pa med pa'i ye shes yang dag sgrub byed pa/ de phyir blo rnams dag gis gting dpag dka' ba yin// lha'i bu byang chub sems dpa' sems dpa' chen po chos bzhi dang ldan na/ 'jig rten gyi chos brgyad kyis mi gos pa rnams yin te/ bzhi gang zhe na/ rnyed pa dang / snyan pa dang / bstod pa dang / bde bas khyengs pa med pa dang / ma rnyed pa dang / mi snyan pa dang / spad pa dang / sdug bsngal gyis zhum pa med pa dang / sems can yongasasu smin par bya ba'i phyir/ phung po rnams la yongasu spyod par byed pa dang / phung po yongasu shes pa srung zhing dben par lta ba ste/ chos bzhi po de dag dang ngo // de la 'di skad ces bya ste/ rnyed dang snyan dang bstod dang bde ba kun thob kyang // de dag la ni nams kyang khengs par lu/ ba med// ma rnyed mi snyan smad dang sdug bsngal thob gyur kyang // de dag pad+ma bzhin du chags med 'jig rten spyod// sems can smin par byed phyir phung po yongs spyod cing /

  17. 84b

    phung po sgyu ma gsog 'dra ya ma rlar shes pa// sems can phan ba de'i don du 'jig rten spyod byed kyang // 'jig rten chos kyis mi gos tshul khrims spos dang ldan// lha'i bu byang chub sems dpa' sems dpa' chen po chos bzhi dang ldan na/ gting dpag dka' zhing zab mo la spyod pa rnams yin te/ bzhi gang zhe na/ bdag la bdag med pa dang / sems can la sems can med pa dang / chos dben pa dang / shes pa chags pa med pa ste chos bzhi po de dag dang ngo // de la 'di skad ces bya ste/ bdag la bdag med nyid du yongs su shes gyur cing // sems can sems can med par rjes su rtogs gyur la// chos rnams dben pa nyid du yongasu shes gyur cing // mkhas la lag bzhin shes pa chags pa yod min pa'i// dpa' rnams zab mo dag la yongasu spyod byed la// spyod pa med la yongasu rtag tu spyod par byed gyur cing // 'dzin dang kun 'dzin kun dang rnam bral bas// sems can dag pa gang dag de phyir gting dpag dka'// lha'i bu byang chub sems dpa' sems dpa' chen po chos bzhi dang ldan na/ chos ston pas dbang po la mkhas pa yin te// bzhi gang zhe na/ mngon par shes pa thob pa dang so so yang dag par rig pa shes pa dang / shes rab rno ba dang / sngon gyi smon lam rnam par dag pa ste/ chos bzhi po de dag dang ngo // de la 'di skad

  18. 85a

    #ces bya ste/ mngon par shes pa rnams ni rab tu thob gyur cing // shes pas so so yang dag rig pa mi zad 'gyur// rtag tu shes rab rnon khor gyur cing sngon yang ni// yang dag bstsags pa yongasu dag pa thob gyur pa// sems can rnams kyi dbang po yongs su shes byas nas// de dang 'dra ba'i chos rnams yongasu ston par byed// de dag bstan pa 'bras bu med pa ma yin te// de phyir mya ngan 'das nas mya ngan mda' ba byed// lha'i bu byang chub sems dpa' sems dpa' chen pos bzhi dang ldan na// 'dus ma byas dang ma 'dres pas rnam par thar pa'i sgor zhugs pa rnams yin te/ bzhi gang zhe na/ stong / pa nyid spyod yul du gyur cing lta ba'i 'ching bas bcing ba'i sems can rnams thar bar byed pa dang / mtshan ma med pa la gnas shing rnam par rtog par spyod pa rnams yongs su mya ngan las 'da' bar byed pa dang / smon pa med pa la gnas shing sems can yongasu smin par bya ba'i phyir bsam bzhin du skye ba legs pa dang / zabs la mkhas shing shes rab kyis nges par byung ba ste/ chos bzhi po de dag dang ngo // de la 'di skad ces byas te/ stong nyid spyod yul de dag ltas bcings grol byed cing // mtshan med gnas shing sems can 'di dag yongs smin byed// smon pa med la gnas shing sems can

  19. 85b

    smin byi'i phyir// bsam bzhin skye zhing gang du 'dod pa der skye 'gyur/ shes rab thabs kyis nges 'byung rnam thar sgor gnas kyang // 'dus ma byas pa'i dbyings ni das min thob mi byed// lha'i bu byang chub sems dpa' sems dpa' chen po chos bzhi dang ldan na/ lha'i nga rgyal can tshar gcad pa'i phyir snrel zhir bsgrub pa la mkhas pa rnams yin te/ bzhi gang zhe na/ chos kyi dbyings kun nas sgo yang dag par shes pa dang / chos thams cad sgrib pa med par mos pa dang / kun tu rtog pa'i rtsa ba las byung ba'i nyon mongs pa rnams yongasu shes pa dang / mya ngan las 'das pa'i rang bzhin gyis chos thams cad la nem nam med pa ste/ chos bzhi po de dag dang ngo // de la 'di skad ces bya ste/ sems mnyam chos kyi dbyings su nges par byung gyur cing / de dag rnams kyis sgrib pa 'ga' yang mthong mi 'gyur// nyon mongs kun tu rtog pa'i rtswa las rab byung bar// shes nas de las snrel zhir kun tu ston mi byed// chos 'di thams cad rang bzhin bya ngan 'das pa dang // ma sa ma 'gags ma nyid kyis dag pa yin// de dag kun mkhyen 'das 'jal mya ngan 'das gyur nas/ ! nga rgyal can dag tshar gcod byed pa yin// lha'i bu byang chub sems dpa' sems dpa' chen po chos bzhi dang ldan na/ las kyi bu thams cad kyi rgyal

  20. 86a

    mkhas pa rnams yin te/ bzhi gang zhe na/ longs spyod chen po'i rgyu byin pa mi spong ba dang / mtho ris su skye ba'i rgyu tshul khrims mi spongs pa dang / shes rab chen po'i rgyu thos pa mi spong ba dang / bral ba'i rgyu sgom pa mi spong ba ste/ chos bzhi po de dag dang ngo // de la 'di skad ces bya ste/ longs spyod che rgyu sbyin pa mi spong de 'bras de// mtho ris skye rgyu tshul khrims thob cing de 'bras de// shes rab nyon mongs 'joms rgyu thos pa de 'bras de// rnam grol reg rgyu sgom par byed cing de 'bras de// rgyu bzhi de la rtag brtson mkhas pa de dag ni// byang chub snying por dbang bskur 'bras phyir nyin mtshan spyod// lha'i bu byang chub sems dpa' sems dpa' chen po chos bzhi dang ldan na/ lta ba'i rnam pa dang bral zhing rten cing 'brel par 'byung ba la mkhas pa rnams yin te/ bzhi gang zhe na/ chad par smra ba ma yin pa dang / rtag par smra ba ma yin pa dang / ma rig pa byung na rga shi'i bar du 'byung bar lta zhing bdag tu lta bar yang mi byed pa dang / ma rig pa 'gags na rga shi'i bar du 'gag par lta zhing srid pa 'gog par yang mi byed pa ste/ chos bzhi po de dag dang / des ma / na nga kyang ba /

  21. 86b

    dag par shes// ma rig rtsa lag rga shi'i bar du 'byung 'gyur ba// rgyal ba kun gyis gsungs te de 'gags rgyu dang ni// rkyen zad de phyir phyin chad skye med 'gyur zhes gsungs// lha'i bu byang chub sems dpa' sems dpa' chen po chos bzhi dang ldan na/ sems can yongasu smin par byed pa'i thabs la mkhas pa rnams yin te/ bzhi gang zhe na/ byang chub sems can thams cad la rag las par lta ba dang / dge ba'i rtsa ba yang dag par brtsegs pa la skyo ba med pa dang / 'khor ba'i sgo nas mya ngan las 'das pa'i sgo yongs su tshol ba dang sems can rnams kyi mos pa ji lta ba de lta bu'i mos pa thabs kyis nyams su myong bar byed cing / nyon mongs pa rnams kyis ma yin te/ chos bzhi po de dag dang ngo // de la 'di skad ces bya ste/ sangs rgyas byang chub 'di ni sems can rnams la rten// dge ba stsogs shing 'dod pas yongs su skyo ba med// 'khor ba'i sgo nas mya ngan 'das pa yongs tshol zhing // sems can ji bzhin mos pa thabs kyis yongasu shes// lha'i bu byang chub sems dpa' sems dpa' chen po chos bzhi dang ldan na/ sems can thams cad kyi nye bar 'tsho ba rnams yin te/ bzhi gang zhe na/ long spyod zad mi shes pa dang / chos ston pa mi zad pa dang / mngon par shes pa thob pa dang / sems sa dang mnyam pa ste/ chos bzhi po de dag dang ngo // de la 'di

  22. 87a

    rab rtsal#skad ces bya ste/ de dag rnams kyi longs spyod rtag tu mi zad cing // rtag tu chos kyi mi zad rgya mtsho 'dra ba yi// de dag mngon shes lnga po mi rtag mi g.yo ba// rtag tu dran ldan bsam pas dang 'dra ba yin// mnyam med byang chub phyir ni yang dag zhugs gyur cing // mya ngan ma 'das gang la chos rnams de yod pa// de dag 'gro ba kun gyi nye bar 'tshe 'gyur zhing // byang chub mchog phyir myur du nges par 'byung bar 'gyur// lha'i bu byang chub sems dpa' sems dpa' chen po chos bzhi dang ldan na/ 'jig rten thams cad mngon par 'dra bar 'gyur ba rnams yin te/ bzhi gang zhe na/ tshangs pa'i gnas pa bzhis gnas pa dang / bsdu ba'i dngos po bzhis sdud pa dang / bde ba bzhi shes pa dang / so so yang dag rig pa bzhis thob pa ste chos bzhi po de dag dang ngo // / de la 'di skad ces bya ste/ tshangs pa'i gnas pa bzhi po dag gis gnas byed cing / bsdu ba'i dngos po dag la rtag tu dga' byed la// bden pa bzhi po dag la 'jigs med dpa' bo rnams// 'gro bas ri mo byas shing mchod pa byas par 'gyur// so so yang dag rig pa'i pha rol song gyur cing // 'chad dang klog pa dag la rtag tu brtson gyur la// pha rol bde bar gyur pa'i bde bas mgu byed na// de phyir de nyid yid du 'ong zhing sdug par 'gyur// lha'i bu byang chub sems dpa' sems

  23. 87b

    dpa' chen po chos bzhi dang ldan na/ srog chags thams cad kyis bsngags par 'gyur ba rnams yin te/ bzhi gang zhe na/ thos pa dang / tshul khrims dang ldan zhing tshul 'chos pa med pa dang / des shing 'grogs na bde ba dang / dben pa la dga' zhing dbang po bsrung ba dang / bdag nyid bde ba la lhag par chags pa med cing rtag tu kha na ma tho ba la lta ba ste/ chos bzhi po de dag dang ngo // de la 'di skad ces bya ste/ thos pa'i yon tan thob cing tshul khrims pha rol son// tshul 'chos med cing rtag tu nges la brtul zhugs bzang // nags dang nags rab gnas shing dbang po sdom byed la// dran ldan bdag bde mi ltos kha na ma the lta// gang la rtag tu dge ba'i yon tan de yod pa// de dag rtag tu sems can phan phyir brtson 'gyur zhing // de dag sems can don yang rtag tu byed 'gyur la// de dag rtag tu byang chub phyir yang yid gzhol 'gyur// lha'i bu byang chub sems dpa' sems dpa' chen po chos bzhi dang ldan na/ dge ba'i spyod pa thams cad la spras pa med pa rnams yin te/ bzhi gang zhe na/ dad pa phun sum tshogs pa yin/ brtson 'grus phun sum tshogs pa dang / snying rje chen po phun sum tshogs pa dang / theg pa chen por yong su bsngo ba la mkhas pa rnams yin te/ chos bzhi po de dag dang ngo // de la 'di skad ces bya ste/ de dag dang dang

  24. 88a

    @#ldan la brtul ba brtan ldan zhing // de dag brtson 'grus mthu dang snyoms dang ldan pa yin// 'gro ba kun la byams dang snying rje rje ldan zhing // byang chub ched du yongasu bsngo la mkhas pa ste// de phyir dge ba kun la sprad pa yod min zhing // zla ba nyid zla ba mkha' la skar ma yi// tshogs kyi dbus na gnas pa rnam par mdzes pa ltar// yang dang yang du dge ba kun la rnam 'phel 'gyur// lha'i bu byang chub sems dpa' sems dpa' chen po chos bzhi dang ldan na/ shes rab dag la rgya mtsho lta bu rnams yin te/ bzhi gang zhe na/ ji skad smras pa de bzhin du byed pa dang / sgrub pa snying por byed pa dang / blo rab tu gnas pa dang / lhag pa'i bsam pa rdo rje ltar brtan pa ste/ chos bzhi po de dag dang ngo // de la 'di skad ces bya ste/ mkhas pa de dag ji skad smras pa de bzhin byed// de dag sgrub pa snying por byed cing blo rab gnas// gang dag brtson pa de dag rdo rje lta bu yi// lhag pa'i bsam pa dag dang ldan pa 'gyur/ mkhas pa gang dag chos bzhi de dag ston byed pa// de dag rtag tu dge ba'i bshes gnyen sten byed cing // dam bcas rnams la snying por byed par 'gyur ba dang / rtag tu sangs rgyas gsung yang 'dzin par byed pa yin// lha'i bu byang chub sems dpa' sems dpa' chen po chos bzhi dang ldan na/ chos la dbang sgyur bas/

  25. 88b

    dbang phyug tu gyur pa rnams yin te/ bzhi gang zhe na/ ye shes kyi stobs can rnams yin zhing / nyon mongs pa'i stobs can rnams ma yin pa dang / sems la dbang sgyur ba rnams yin zhing / bdud kyi dbang sgyur ba ma yin pa dang / gzungs dang spobs pa phun sum tshogs pa rnams yin pa dang / 'bras bu yod par chos ston pa rnams yin te/ chos bzhi po de dag dang ngo // de la 'di skad ces bya ste/ de dag ye shes stobs ldan nyon mongs dbang mi 'gro// shes rab stobs kyis blun spangs lha rnams kun dang bral// sems la dbang sgyur byed cing bdud bzhi spangs gyur la// spobs pa brtan par gyur cing gzungs kyis 'khrugs pa med// de dag sten pa 'bras bu med par mi 'gyur te// de phyir myur du dbang phyug nyid dang ldan par 'gyur// lha'i bu byang chub sems dpa' sems dpa' chen po ches bzhi dang ldan na/ bya ba thams cad la slob dpon du gyur pa rnams yin te/ bzhi gang zhe na/ nga rgyal med pa dang / bla ma la gus pa dang / bag yod pa dang / 'dun pa drag pa ste/ chos bzhi po de dag dang ngo // de la 'di skad ces bya ste/ nga rgyal med cing bla ma gus pas gnas gyur la// kun nas khag yod byang chub mchog la 'dun drag cing // bsam pa thag pas smon cing rtag tu drang gyur la// slob dpon dpe mkhyud med pa rtag tu slob dpon 'gyur//

  26. 89a

    mkhas pa 'jig rten 'jig rten 'das pa'i don mkhas shing // tshul dang tshul ma yin la mkhas pa'i brtan pa rnams// 'jig rten kun mdzad thams cad rtogs pa khong du chud// de phyir 'gro bas spyi bor thal sbyar de la 'dud// lha'i bu byang chub sems dpa' sems dpa' chen po chos bzhi dang / ldan na/ thams cad du Sha na ma tho ba med cing yon tan rnam pa thams cad dang ldan pa rnams yin te/ bzhi gang zhe na/ mngon par shes pa'i ye shes kyis rnam par brtse ba dang / sangs rgyas thams cad kyis dgongs pa'i spobs pa dang / dge ba thams cad dang mi 'bral zhing bag chags dang bral ba dang / dge ba'i chos thams cad dang ldan zhing / dbang bskur ba thob pa ste/ chos bzhi po de dag dang ngo // de la 'di skad ces bya ste/ sems can dag pa rgya chen mngon shes shes rab rtse// bde gshegs kun gyis dgongs pa mkhas 'dra'i spobs dang ldan// brtson 'grus thogs med mi dge bag chags kun spangs shing // dge dang ldan zhing dbang bskur thob par gyur pa ste// chos rnams de dag la ni rab tu gnas gyur pa// de dag kha na ma tho med pa'i yon tan ldan// bcom ldan 'das kyis bzhi pa bsgrubs pa 'di bstan pa na// lha dang mi rnams las srog chags sa ya nyis 'bum gyis bla na med pa yang dag par rdzogs pa'i byang chub tu sems bskyed do// /

  27. 89b

    byang chub sems dpa' nyis khri lnga stong gis ni mi skye ba'i chos la bzod pa thob par gyur to// lnga dang mi rnams kyi skye dgu las srog chags 'bum ni chos rnams la chos kyi mig rdul med cing dri ma dang bral ba rnam par dgo/ stong gsum gyi stong chen po'i 'jig rten gyi khams 'di yang rnam pa drug tu rab tu g.yos shing / 'jig rten thams cad snang ba chen pos khyab par yang gyur to// lha rnams kyis kyang lha'i me tog gi char rab tu phab cing / lha'i sil snyan dag gis lha yang phyung bar gyur to// klu rnams kyis kyang mu tig dmar po dang // klu'i me tog gi char rab tu phab bo// lha ma yin dang / na mkha' lding dang / mi 'am ci dang / lto 'phye chen po dang / gnod sbyin rnams kyis kyang / bcom ldan 'das la lha'i mchod pa dag gis mchod par byas so// thams cad dang ldan pa'i 'khor rnams kyis kyang / a la la chos a la la chos a la la chos shes lan gsumached du brjod pa ched du brjod nas mchod pa ched du brjod nas mchod pa chen po dag kyang byas so// de nas lha'i bu rab rtsal sems kyis 'jam dpal gzhon nur gyur pa la 'di skad ces smras so// 'jam dpal bcom ldan 'das kyis chos sum bcu rtsa gnyis po de dag gi don dang / tshig rnam par gtan la dbab pa bstan pa de bka' stsal gyis/ 'jam dpal

  28. 90a

    khyod kyang chos sum bcu rtsa gnyis po de dag gi don dang tshig rnam par gtan la dbab pa de la spobs par gyis shig/ ji ltar na byang chub sems dpa' sems dpa' chen po theg pa chen po la gzhan gyi dring mi 'jog pa rnams yin/ 'jam dpal gyis smras pa/ lha'i bu gang gi tshe/ byang chub sems dpa' sems dpa' chen po rnams gzhan gyi rkyen gyis mi 'gro ba de ltar na/ lha'i bu byang chub sems dpa' sems dpa' chen po theg pa chen po la gzhan gyi dring mi 'jog pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po brtsam pa thams cad la brtson 'grus brtan pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams nyon mongs ba thams cad nges par 'joms par byed pa de ltar na/ lha'i bu byang chub sems dpa' sems dpa' chen po brtsams pa thams cad la brtson 'grus brtan pa rnams yin no// lha'i bus sbas pa/ 'jam dpal ji ltar na/ byang chub sems dpa' sems dpa' chen bsod nams dag gis mngon par 'phags pa rnams yin/ 'jam dpal gyis spras pa/ lha'i bu gang gi tshe/ byang chub sems dpa' sems dpa' chen po rnams chos kyi dbyings mi g.yo ba rjes su

  29. 90b

    rtogs pa de ltar na/ lha'i bu byang chub sems dpa' sems dpa' chen po bsod nams dag gis mngon par 'phags pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po ye shes kyis chags pa med par spyod pa rnams yin/ 'jam dpal gyis smras pa/ lha'i bu gang gi tshe/ byang chub sems dpa' sems dpa' chen po rnams yul thams cad la chags par mi byed pa lta na/ lha'i bu byang chub sems dpa' sems dpa' chen po ye shes kyi chags pa med par spyod pa rnams yin no// lha'i bus smras pa/ 'jam dpal ji ltar na/ byang chub sems dpa' sems dpa' chen po shes rab kyis mun pa dang bral ba rnams yin no// lha'i bus smras pa/ 'jam dpal ji ltar na byang chub sems dpa' chen po 'khor rnams kyi nang du 'jigs pa dang bral ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad rnam par byed pa/ mi rnyed par byed pa lta na/ lha'i bu byang chub sems dpa' sems dpa' chen po rnams 'khor gyi nang du 'jigs pa dang bral ba rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po thos pas don

  30. 91a

    ra ca/ la rton pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad brjod du med par shes par byed pa de lta na lha'i bu/ byang chub sems dpa' sems dpa' chen po thos pas don la rton pa rnams yin no// lha'i bus smras pa// 'jam dpal ji ltar na byang chub sems dpa' sems dpa' chen po 'jig rten gyi tshul gyis chos la rton pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos kyi dbyings zhi ba nyid du shes par byed pa de ltar na/ lha'i bu byang chub sems dpa' sems dpa' chen po 'jig rten gyi tshul gyis chos la rton pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen pos sangs rgyas bcom ldan 'das rnams kyis gsungs pa bzhin du smras pa rnams yin/ 'jam dpal gyis smras pa/ lha'i bu gang gi tshe/ byang chub sems dpa' sems dpa' chen po rnams sgra thams cad la rten par mi byed pa de lta na/ lha'i bu byang chub sems dpa' sems dpa' chen po sangs rgyas bcom ldan 'das kyis gsungs pa bzhin sbas pa rnams yin no// lha'i bus spras pa/ 'jam dpal ji ltar na byang chub sems dpa' sems dpa' chen po sems can rnams la chos

  31. 91b

    sba ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams smra ba thams cad las ldog par byed pa de/ lta na/ lha'i bu byang chub sems dpa' sems dpa' chen po sems can rnams la chos rnams la chos smra ba rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po mngon par shes pa rnams kyis mngon par 'phags pa rnams yin/ 'jam dpal gyis smras pa/ lha'i bu gang gi tshe/ byang chub sems dpa' sems dpa' chen po rnams chos thams cad las g.yo bar mi byed pa de ltar na/ lha'i bu byang chub sems dpa' sems dpa' chen po mngon par shes pa rnams kyis mngon par 'phags pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen bo bdud thams cad kyis thul bar dka' ba rnams yin/ 48dpal gyis smras pa/ lha'i bu gang gi tshe/ byang chub sems dpa' sems dpa' chen po rnams stong pa nyid rjes su rtogs par bya ba'i phyir/ nyon mongs pa nyid byang chub yin par yongasu tshol bar byed pa de lta na/ lha'i bu byang chub sems dpa' sems dpa' chen po bdud thams cad kyis thul bar dka' ba rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po blo gting

  32. 92a

    cag#dpag dka' ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams sangs rgyas kyi chos thams cad kyi gting rtogs par byed pa de lta na/ lha'i bu byang chub sems dpa' sems dpa' chen po blos gting dpag dka' ba rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po// 'jig rten gyi chos brgyad kyis mi gos pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams 'jig rten na spyod kyang / 'jig rten gyi chos rnams kyis gos par mi 'gyur ba de lta na/ lha'i bu byang chub sems dpa' sems dpa' chen po 'jig rten gyi chos brgyad kyis mi gos pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po gting dpag dka' zhing zab mo la spyod pa rnams yin/ 'jam dpal gyis smras pa/ lha'i bu gang gis tshe byang chub sems dpa' sems dpa' chen po rnams bdag la bdag med pas/ sgyid lug par mi 'gyur ba de lta na/ lha'i bu byang chub sems dpa' sems dpa' chen po gting dpag dka' zhing zab mo la spyod pa rnams yin no// lha'i bus smras pa/ 'jam dpal ji ltar na/ byang chub sems dpa'

  33. 92b

    sems dpa' chen po chos ston pas dbang po la mkhas pa yin/ 'jam dpal gyis spras pa/ lha'i bu gang gi tshe byang chub sems dpa' sems dpa' chen po rnams dbang po drug gis dbang po thams cad la lta bar byed pa lta na/ lha'i bu byang chub sems dpa' sems dpa' chen po chos ston pas dbang po la mkhas pa rnams yin no// lha'i bus spras pa/ 'jam dpal ji ltar na byang chub sems dpa' sems dpa' chen po 'dus ma byas dang ma 'dres pas rnam par thar pa'i sgor gnas pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams sgo thams cad nas thar pa ston par byed pa de lta na/ lha'i bu byang chub sems dpa' sems dpa' chen po 'das ma byas dang ma 'dres pa rnam par thar pa'i sgor gnas pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po lhag pa'i nga rgyal can tshar bcad pa'i phyir snrel zhing bsgrub pa la mkhas pa rnams yin/ 'jam dpal gyis smras pa/ lha'i bu gang gi tshe/ byang chub sems dpa' sems dpa' chen po rnams 'khor ba las mya ngan las 'das pa tshol zhing lta bar byed la/ mya ngan las 'das pa las kyang 'khor ba tshol zhing lta bar byed pa de lta na/ lha'i bu byang chub sems dpa' sems dpa' chen po lhag pa'i nga rgyal

  34. 93a

    can tshar bcad pa'i phyir/ snrel zhing bsgrub pa la mkhas pa rnams yin no// lha'i bus smras pa/ 'jam dpal ji ltar na/ byang chub sems dpa' sems dpa' chen po las kyi bya ba thams cad kyi rgyu las mkhas pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad mi 'pho bar lta bar byed pa de lta na/ lha'i bu byang chub sems dpa' sems dpa' chen po las kyi bya ba thams cad kyi rgyu la mkhas pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po lta ba'i rnam pa dang bral zhing / rten cing 'brel par 'byung ba la mkhas pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad bdag po med par shes par byed pa de lta na/ lha'i bu byang chub sems dpa' sems dpa' chen po lta ba'i rnam pa dang bral zhing rten cing 'brel par 'byung ba rnams yin no// lha'i bus smras pa/ 'jam dpal ji ltar na/ byang chub sems dpa' sems dpa' chen po sems can yongs su smin par bya ba dag la thabs la mkhas pa rnams yin/ 'jam dpal gyis spras pa/ lha'i bu gang gi tshe byang chub sems dpa' sems dpa' chen po rnams 'jig rten

  35. 93b

    gyi tshul la spyod par mi byed pa de lta na/ lha'i bu byang chub sems dpa' sems dpa' chen po sems can yongasu smin par bya ba dag la thabs la mkhas pa rnams yin no// lha'i bus smras pa/ 'anam dpal ji ltar na byang chub sems dpa' sems dpa' chen po bsam pa yongs su dag pas brtul zhugs grub pa rnams yin// 'jam dpal gyis smras pa/ lha'i bu gang gi tshe byang chub semam dpa' sems dpa' chen po rnams rtog pa nyid byang chub yin par shes par byed pa de lta na/ lha'i bu byang chub sems dpa' sems dpa' chen po bsam pa yongasu dag par brtul zhugs grub pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po zhe 'bras pa'i sems med cing bzod pa'i stobs dang ldan pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad gtan du yongasu mya ngan las 'das pas shes par byed/ lta bar byed pa de lta na/ lha'i bu byang chub sems dpa' sems dpa' chen po zhe 'gras pa'i sems med cing / bzod pa'i stobs dang ldan pa rnams yin no// lha'i bus smras pa/ 'jam dpal ji ltar na/ byang chub sems dpa' sems dpa' chen po pha rol tu phyin pa thams cad kyi pha rol tu son pa rnams yin/ 'jam dpal gyis smras pa/ lha'i bu gang gi/

  36. 94a

    @tshe byang chub sems dpa' sems dpa' chen po chos rnams chos thams cad pha rol las mthong bar byed pa de lta na/ lha'i bu byang chub sems dpa' sems dpa' chen po pha rol tu son pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po sems can thams cad kyi nye bar 'tshe ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams kyis chos kyi dbyings mi zad pa rab tu rtogs par byed pa de lta na/ lha'i bu byang chub sems dpa' sems dpa' chen po sems can thams cad kyi nye bar 'tshe ba rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po 'jig rten thams cad mngon par 'dra bar 'gyur ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams mi snang ba'i tshul gyis sangs rgyas kyi zhing thams cad na snang ba de lta na/ lha'i bu byang chub sems dpa' sems dpa' chen po 'jig rten thams cad mngon par 'du bar 'gyur ba rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po srog chags thams cad kyis bsngags par 'gyur ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa'

  37. 94b

    chen po rnams chos 'ga' yang len par mi byed/ spong bar mi byed pa de ltar na/ lha'i bu byang chub sems dpa' sems dpa' chen po srog chags thams cad kyis bsngags par 'gyur ba rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po dge ba'i spyod pa thams cad la smad pa med pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad nam mkha' dang mtshungs pa 'dra bar shes par byed pa de lta na/ lha'i bu byang chub sems dpa' sems dpa' chen po dge ba'i spyod pa thams cad la smad pa med pa rnams yin no// / lha'i bus smras pa/ 'jam dpal ji ltar na byang chub sems dpa' sems dpa' chen po shes rab dag la snying por gyur pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos kyi dbyings kun tu 'byed pa byed pa lta na/ lha'i bu byang chub sems dpa' sems dpa' chen po shes rab dag la snying por gyur pa rnams yin no// lha'i bus smras pa/ 'jam dpal ji ltar na/ byang chub sems dpa' sems dpa' chen po chos la dbang sgyur bas dbang phyug tu gyur pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po

  38. 95a

    / rnams bsam du med pa'i sems pas sems thams cad shes par byed pa de ltan/ lha'i bu byang chub sems dpa' sems dpa'/ chen po chos la dbang sgyur bas dbang phyug tu gyur pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po bya ba thams cad la slob dpon du gyur pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams tshul cig gis tshul thams cad shes par byed cing / tshul thams cad kyis kyang tshul gcig shes par byed pa de lta na/ lha'i bu gang gi tshe byang chub sems dpa' sems dpa' chen po bya ba thams cad la slob dpon du gyur pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po thams cad du kha na ma tho ba med cing / yon tan thams cad dang ldan pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad gnyen po med par rtogs nas chos 'ga' yang sgrub par mi byed/ chos 'ga' yang sel bar mi byed pa de lta na/ lha'i bu byang chub sems dpa' sems dpa' chen po thams cad du kha na ma tho ba med cing / yon tan rnam

  39. 95b

    kha thams cad dang ldan pa rnams yin no// 'jam dpal gzhon nur gyur pas bstan pa 'di bshad pa na/ byang chub sems dpa' lnga khri brgyad stong gis mi skye ba'i chos lung bstan pa la bzod pa thob par gyur to// lha mi rnams kyi skye dgu bdun khri nyis stong ni chos rnams la chos kyi mig rdul med cing dri ma dang bral ba rnam par dag go// srog chags 'bum lhag tsam gyis ni/ bla na med pa yang dag par rdzogs pa'i byang chub tu sems bskyed do// 'jam dpal gzhon nur gyur pa la mchod pa'i phyir lha rnams kyis kyang steng gi bar snang las lha'i me tog gi char dag mngon par rab tu phab bo// thams cad dang ldan pa'i 'khor rnams kyis kyang 'jam dpal gzhon nur gyur pas bstan pa 'di thos nas yi rangs pa dang / dga' ba dang / yid bde ba skyes nas tshig 'di skad ces bdag cag gis kyang chos de dag thos par gyur cig/ 'jam dpal gzhon nur gyur pas bstan pa'i spobs pa ci lta ba de lta bu'i spobs pa mi chod pa yang thob par gyur cig ces smras so// bcom ldan 'das kyis kyang / 'jam dpal gzhonur gyur pa la/ 'jam dpal khyod kyis chos rnam par gtan la dbab pa bstan pa 'di legs par smras te/ legs so legs so zhes bya ba byin no//

  40. 96a

    rab rtsal/ bam po gnyis pa'o// / de nas lha'i bu rab rtsal sems kyis 'jam dpal gzhon nur gyur pa la 'di skad ces smras so// 'jam dpal ci khyod kho bo las chos kyi dga' ba 'dod dam/ 'jam dpal gyis smras pa/ lha'i bu 'di skad du/ khyod chos kyi dga' ba 'dod dam/ zhes zer ba ni lha'i bu legs par gsungs pa'i chos 'dul ba 'di la chos kyi dga' ba zhes bya ba ni sred pa dang / 'dod pa spangs pa yin te/ chos 'di ni so sor rtog pa med pa'i phyir 'dod pa med pa yin no// chos 'di ni mig gi lam las yang dag par 'das pa'i phyir bltar mi snang ba yin no// / chos 'di ni mngon par grub pa med pa'i phyir ma byas pa yin no// chos 'di ni yul drug dang ma 'dres pa'i phyir mi mthong ba yin no// chos 'di ni sems dang / yid dang / rnam par shes pa dang bral ba'i phyir bdag gi ba med pa yin no// chos 'di ni gtan yongs su ma grub pa'i phyir bzung ba med pa yin no// chos 'di ni yul med pa'i yul du 'gro ba'i phyir gzhi med pa yin no// chos 'di ni rang bzhin gyis dben pa'i phyir zag pa med pa yin no// chos 'di ni sngon gyi mtha' rnam par dag pa'i phyir 'ong ba med pa yin no// chos 'di ni phyi ma'i mtha' rnam par dag pa'i phyir 'gro ba med pa yin no// chos 'di ni da ltar byung ba

  41. 96b

    rnam par dag pa'i phyir gnas pa med pa yin no// chos 'di ni brtag cing sel ba dang bral ba'i phyir brtson pa yin no// chos 'di ni nam mkha' dang mnyam pa'i phyir mnyam pa med pa yin no// chos 'di ni gnyen po med pa'i phyir mi mnyam pa yin no// chos 'di ni bdud kyi yul thams cad las yang dag par 'das ba'i phyir g.yo ba med pa dang / rlom sems med pa dang / ma brtags pa dang / rnam par ma brtags pa dang / rnam par ma bsgrubs pa dang / kun tu ma bstan pa yin no/ chos 'di ni skye ba dang / 'jig pa dang bral ba'i phyir blang ba med pa dang / dor ba med pa yin no// chos 'di ni chos kyi dbyings su yang dag par gzhol ba'i phyir gnas med par gnas pa yin no// chos nyid 'di ni yang dag par ma byung ba'i phyir dbyer med pa yin no// chos 'di ni spros pa dang bral ba'i phyir rab tu spyod pa med pa yin no// chos 'di ni rang bzhin gyis nye bar zhi ba'i phyir spros pa dang bral ba yin no// chos 'di ni rnam par rtog pa thams cad dang bral ba'i phyir nye bar zhi ba yin no// chos 'di ni phas kyis rgol ba thams cad nges par bcom pa'i phyir rnam par rtog pa med pa yin no// chos 'di ni 'dod chags kyi rdul dang bral ba'i phyir shin tu 'phags pa yin no// chos 'di ni stong pa nyid kyi phyir stong pa med pa yin no// chos 'di ni nges par ma brtags

  42. 97a

    pa'i phyir mtshan ma med pa yin no// chos 'di ni rnam par shes pa mi gnas pa'i phyir smon pa yin no// chos 'di ni rtsa ba yongs su chad pa'i phyir mi gnas pa yin no// chos 'di ni grogs med pa'i phyir mi rten pa yin no// chos 'di ni mi rten pa'i phyir mi g.yo ba yin no// chos 'di ni bzod ma nas rnam par dag pa'i phyir bdag med pa yin no// chos 'di ni gtan mngon par grub pa med pa'i phyir sems can med pa yin no// chos 'di ni gzod ma nas ma byung ba'i phyir rtag pa med pa yin no// chos 'di ni gzod ma nas ma skyes pa'i phyir ma byung ba yin no// chos 'di ni mtshan nyid dang bral ba'i phyir ma skyes pa yin no// chos 'di ni mtshan nyid thams cad dang bral ba'i phyir mtshan nyid med pa yin no// chos 'di ni gzod ma nas yang dag par rgyun chad pa'i phyir zhi ba yin no// chos 'di ni gzod ma nas nye bar zhi ba'i phyir yang dag par rgyun chad med pa yin no// chos 'di ni mi phyed pa dang / mi snang ba'i phyir na mkha'i mtshan nyid lta bu yin no// lha'i bu chos de lta bu la chos kyi dga' ba ci lta bu zhig yod/ lha'i bus smras pa/ 'jam dpal chos 'di'i dga' ba na kun tu 'phro ba med pa yin no// 'jam dpal gyis smras pa/ lha'i bu leg so leg so// ji skad smras pa de bzhin te/ chos 'di'i dga' ba gang

  43. 97b

    la la lus dang / ngag dang sems kyis brtul ba med pa de lta bu yin no// de ci'i phyir zhe na/ chos 'di ni gsal ba rnyog pa med pa yin pa yin pas de ni sems rnyog pa can gyis mchod par mi nus pa'i phyir ro// lha'i bus smras pa/ 'jam dpal ji ltar na sems rnyog pa can yin/ 'jam dpal gyis smras pa/ lha'i bu gzugs kyi mtshan ma rjes su dran pas/ sangs rgyas rjes su dran par byed pa ni sems rnyog pa can yin no// sgra dang skad dang / dbyangs dang / tshig gi lam gyi rjes su dran par byed pa ni sems rnyog pa can yin no// 'bras bu thob pa mngon du byed pas dge 'dun rjes su dran par byed pa ni sems rnyog pa can yin no// nyon mongs pa gtan spongs pa rjes su dran par byed pa ni sems rnyog pa yin no// skye ba la rten pas lha rjes su dran par byed pa ni sems rnyog pa can yin no// ma dul ba'i sbyin pa'i sems ni sems rnyog pa can yin no// ma zhi ba'i tshul khrims kyi sems ni sems rnyog pa can yin no// sems can la rten pa'i bzod pa'i sems ni sems rnyog pa can yin no// spros pa dang bcas pa'i shes rab kyi sems ni sems rnyog pa can yin no// bdag tu 'dzin pa la gnas pa'i byams pa'i sems ni sems rnyog pa can yin no// sems la nges par ma bsam pa'i bsam gtan gyi sems ni sems rnyog pa can yin no// the tshom

  44. 98a

    can gyi snying rje'i sems ni sems rnyog pa can yin no// mya ngan las 'das pa'i lam dang bral ba'i sems ni sems rnyog pa can yin no// gnyis la gnas pa'i btang snyoms kyi sems ni sems rnyog pa can yin no// lus su 'du shes pa'i tshor ba'i sems ni sems rnyog pa can yino// chos su 'du shes pa'i dran pa nye bar gzhag pa'i sems ni sems rnyog pa can yin no// skye ba dang 'jig par 'du shes pa'i yang dag pa'i spong ba'i sems ni sems rnyog pa can yin no// lus dang sems la rten pa'i rdzu 'phrul gyi rkang pa'i sems ni sems rnyog pa can yin no// dbang po drug la rten pa'i dbang / po lnga'i sems ni sems rnyog pa can yin no// lta ba'i stobs dang ldan pa'i stobs lnga'i sems ni sems rnyog pa can yin no// chos su 'du shes pa la gnas pa'i byang chub kyi yan lag gi sems ni sems rnyog pa can yin no// 'du byed yid la byed pa la brtson pa'i lam bsgom pa'i sems ni sems rnyog pa can yin no// sdug bsngal las yongs su rtog pa'i 'du shes can gyi sems ni sems rnyog pa can yin no// kun 'byung ba la bsgom pa'i 'du shes can gyi sems ni sems rnyog pa can yin no// 'gog pa la zad par 'du shes pa'i sems ni sems rnyog pa can yin no// lam la bsgom par 'dra shes pa'i sems ni

  45. 98b

    sems rnyog pa can yin te/ lha'i bu ji tsam du rang bzhin gyis yongasu dag pa nyid la sgro 'dogs par byed pa de tsam du sems rnyog pa can yin no// lha'i bus/ spras pa/ 'jam dpal sems rnyog pa med pa dag gang yin/ 'jam dpal gyis spras pa/ lha'i bu gang dag sems na mkha' dang mnyam pa dge go lha'i bus smras pa/ 'jam dpal namakha' las sems cung zad kyang yod dam/ 'jam dpal gyis smras pa/ lha'i bu ji ltar na na mkha' la sems med pa bzhin du sems de yang de dang 'dra ste/ gang gi sems de dang 'dra ba de ni sems na mkha' dang mnyam pa yin no// lha'i bus smras pa/ 'jam dpal gnas de na su zhig mos par 'gyur/ 'jam dpal gyis smras pa/ lha'i bu lhag par byed pa la brtson pa rnams kyis mos par dka' ba yin no// lha'i bus smras pa// 'jam dpal lhag par byed pa zhes bya ba de ji lta bu yin/ 'jam dpal gyis smras pa/ lha'i bu gang sems na mkha' dang mnyam pa nyid kyi phyir lhag par byed pa'o// lha'i bus smras pa/ 'jam dpal ci zhig lhag par byed pa yin/ 'jam dpal gyis smras pa/ lha'i bu rtag par byed pa ni lhag par byed pa yin no// mi rtag par byed pa ni lhag par byed pa yin no// de bzhin du bde ba dang / sdug bsngal dang / sdug pa dang / mi sdug pa dang / bdag dang bdag

  46. 99a

    ranamed par byed pa ni lhag par byed pa yin no// stong pa zhes bya ba dang / gang zag ces bya ba de ni lhag par byed pa yin no// man ma med zhes bya ba dang / smon pa med pa zhes bya ba de ni lhag par byed pa yin no// sgyu ma dang / rmi lam dang / mig yor dang / gzugs brnyan dang / brag cha dang / chu zla dang / smig sgyu dang / sprul pa'i dpe nye bar dgod pa dag gis chos rnam par 'jog par byed/ mtshon par byed pa de ni lhag par byed pa yin no// ji tsam du chos rnam par 'jog par byed pa de tsam du lhag par byed pa yin te/ kun nas nyon mongs pa la skyon du byed pa dang / rnam par byang ba la skyon med par byed pa de ni lhag par byed pa yin no// 'khor ba la skyon du lta bar byed pa dang / mya ngan las 'das pa la phan yon du lta bar byed pa de ni lhag par byed pa yin te/ lha'i bu de dag ni lhag pa'i nga rgyal can rnams kyi lhag par byed pa dag yin no// lha'i bus smras pa/ 'jam dpal ji ltar na lhag pa'i nga rgyal med pa yin/ 'jam dpal gyis smras pa/ lha'i bu gang gis nges par 'byung ba'i dbyings rtogs shing nyon mongs pa thams cad 'gog pa sgrubs te gnas kyang / 'gog pa la 'gog par yang mi byed la/ skye ba med la skyed par yang mi byed cing / sgra thams cad kyis skrag par yang mi byed la/ kun nas nyon mongs

  47. 99b

    pa'i rang bzhin gang yin pa de nyid rnam par byang ba'i rang bzhin yin pa de ltar shes shing / chos thams cad la gnyis dang bral ba dang / blang ba med pa dang / dor ba med pa thob pa de ni lha'i bu lhag pa'i nga rgyal med pa yin no// 'jam dpal gzhon nur gyur pas bstan pa 'di bshad pa na/ lha'i bu nyi khri nyis stong chos kyi mig rdul med cing dri ma dang bral ba rnam par dag go// dge slong lnga stong ni len pa med par zag pa rnams las sems rnam par grol lo// byang chub sems dpa' nyi khri nyis stong gis ni mi skye ba'i chos la bzod pa thob par gyur to// srog chags stong phrag rab tu mang po dag gis ni bla na med pa yang dag par rdzogs pa'i byang chub tu sems bskyed do// dge bsnyen stong yang chos rnams la chos kyi mig rdul med cing dri ma dang bral ba rnam par dag go// khyim pa dang rab tu byung ba las bud med nyis stong yang chos kyi mig rdul med cing dri ma dang bral ba rnam par dag go/ de nas lha'i bu rab rtsal sems kyis nyan thos chen po de dag la 'di skad ces sbas so// tshe dang ldan pa dag khyod cag kyang the tshom ci yod pa dag 'jam dpal gzhan nur gyur pa la dris shig/ de nas gnas brtan 'ang srung chen pos/ 'jas dpal gzhon nur gyur pa la 'di skad ces smras so// 'jam dpal dge slong rnam par thar pa brgyad la bsam gtan byed pa/ yin

  48. 100a

    #la bsam gtan byed pa yin/ 'jam dpal gyis smras pa/ brdzun pa 'od srungs chen po dge slong rnam par thar pa brgyad la bsam gtan byed pa de ni/ rtsa ba med pa dang / mtha' med pa dang / gnas med pa la bsam gtan byed pa dang / mi 'khrugs pa la bsam gtan byed pa dang / yang dag pa la bsam gtan byed pa yin no// 'od srung chen pos smras pa/ 'jam dpal ci las bsam ste de skad smras/ 'jam dpal gyis smras pa/ btsun pa 'od srung chen po rtsa ba ni rang gi lus yin/ mtha' ni rang 'dzin pa yin/ gnas ni khams gsum yin/ 'khrugs pa ni nyon mongs pa rnams yin/ mi mnyam pa ni gnyis yin te/ de las des lus ni rtsa ba med par shes/ ngar 'dzin pa ni mtha' med pa yin/ khams gsum na mi gnas par shes/ nyon mongs pa rnams ni mi 'khrugs par shes/ bsam gtan rnams ni gnyis su med par shes na/ btsun pa 'od srung chen po de las bsam nas dge slong rnam par thar pa brgyad la bsam gtan byed pa ni rtsa ba med pa dang / mtha' med pa dang / gnas med pa la bsam gtan byed pa dang / mi 'khrugs pa la bsam gtan byed pa dang / yang dag pa la bsam gtan byed pa yin no zhes smras so// sha ri'i bus smras pa/ 'jam dpal ji ltar na/

  49. 100b

    byang chub sems dpa' chags pa med pa'i shes rab dang ldan pa yin/ 'jam dpal gyis smras pa/ btsun pa sha ri'i bu byang chub sems dpa' gang chags pa thams cad la spyod par byed kyang / chags pa thams cad kyis gos par mi 'gyur zhing / nyon mongs pa thams cad la mngon sum du byed kyang / sems can yongs su smin par bya ba'i phyir nyon mongs pa de dag gi rang bzhin gang yin pa'i nyon mongs pa de dag kyang spong bar mi byed na de tsam gyis na byang chub sems dpa' chags pa med pa'i shes rab dang ldan pa yin no// mo'u 'gal gyi bu chen pos smras pa/ 'jam dpal ji ltar na byang chub sems dpa' rdzu 'phrul che ba yin/ 'jam dpal gyis smras pa/ btsun pa mo'u 'gal gyi bu chen po byang chub sems dpa' gang 'dus byas kyang ma thob la/ 'dus byas kyang ma thob la slob pa dang / mi slob pa rnams kyang 'dul bar byed na/ de tsam gyis na byang chub sems dpa' rdzu 'phrul che ba yin no// rab 'byor gyis smras pa/ 'jam dpal ji ltar na byang chub sems dpa' nyon mongs pa med par gnas pa yin/ 'jam dpal gyis smras pa/ btsun pa rab 'byor gang gi tshe/ byang chub sems dpa' chos thams cad sgrib pa med par shes par byed la/ pha rol dang / tshu rol dang / bral zhing

  50. 101a

    pha cagabyang chub kyi sgrib pa yang mi spong la ting nge 'dzin las kyang mi ldan zhing / bya ba thams cad kyang ston par byed na/ de tsam gyis na byang chub sems dpa' nyon mongs pa med par gnas pa yin no// byams ma'i bu gang pos smras pa/ 'jam dpal ji ltar na byang chub sems dpa' chos smra ba yin/ 'jam dpal gyis smras pa/ btsun pa gang po gang gi tshe/ byang chub sems dpa' dbang po thams cad kyis spobs par byed pa dang / 'du byed thams cad mi rtag go zhes 'bras bu yod par chos ston par byed la/ bskal pa stong phrag rnams su don dang tshig dang / yi ge ston pa rnams kyis rgyas par ston par byed kyang / mthar thug par mi 'gyur na/ de tsam gyis na byang chub sems dpa' ches ston pa yin no// nam grus spras pa/ 'jam dpal ji ltar na byang chub sems dpa' bsam gtan pa yin/ 'jam dpal gyis spras pa/ btsun pa nam gru gang gi tshe byang chub sems dpa' chos thams cad rang bzhin gyis mnyam par gzhag pa nyid yin par yang shes par byed la/ sems rnam par g.yengs pa rnams la snying rje chen po bskyed de phyi ma'i mur thug pa'i bar du spyod par byed kyang / bsam gtan la gnas pa las g.yo bar mi 'gyur na/ de tsam gyis na byang chub sems dpa' bsam gtan pa yin no// nye bar 'khor gyis smras pa/ 'jam dpal ji

  51. 101b

    ltar na byang chub sems dpa' 'dul 'dzin pa yin/ 'jam dpal gyis smras pa/ btsun pa nye bar 'khor gang gi tshe/ byang chub sems dpa' chos rnams gtan dul ba nyid du yang shes par byed cing ltung ba dang / nyon mongs pa gdal ba'i phyir chos ston par yang byed cing / de ltar nyon mongs pa rnams rtogs par yang byed la/ byang chub kyang tshol bar byed na/ de tsam gyis na byang chub sems dpa' 'dul ba 'dzin pa yin no// ma 'gags pas smras pa/ 'jam dpal ji ltar na byang chub sems dpa' lha'i mig dang ldan pa yin/ 'jam dpal gyis smras pa/ btsun pa ma 'gags pa gang gi tshe/ byang chub sems dpa' phyogs bcu'i gzugs snang ba thams cad kyang mthong bar byed la/ gzugs dben par mthong bas chos thams cad dben par mthong ba rjes su rtogs par byed na de tsam gyis na byang chub sems dpa' lha'i mig dang ldan pa yin no// ba ku las smras pa/ 'jam dpal ji ltar na byang chub sems dpa' dbang po srungs pa yin/ 'jam dpal gyis smras pa/ gang gi tshe byang chub sems dpa' yul thams cad sangs rgyas kyi yul yin par lta zhing / sangs rgyas kyi yul yang yul med par lta na/ de tsam gyis na byang chub sems dpa' dbang po bsrungs pa yin no// sor mo'i 'phreng bas smras pa/ 'jam dpal ji ltar na/ byang

  52. 102a

    nal@chub sems dpa' dbang po rno ba yin/ 'jab dpal gyis smras pa/ gang gi tshe byang chub sems dpa' byang chub rang bzhin gyis ma skyes pa'i phyir mtshams med pa dang mnyam par lta bar byed na/ de tsam gyis na byang chub sems dpa' dbang po rno ba yin no// ka ta'i bu chen pos smras pa/ 'jam dpal ji ltar na byang chub sems dpa' mdo sde rnam par 'byed pa la mkhas pa yin/ 'jam dpal gyis smras pa/ btsun pa ka ta'i bu chen po gang gi tshe/ byang chub sems dpa' so so yang dag par rig pa mi zad pa bzhi thob cing / tshig gcig gis kyang bskal pa 'bum gyi bar du rgya cher rnam par 'byed cing ston la/ ci nas nyon mongs pa spong bar mi byed pa dang / rnam par byang ba len par mi byed pa de ltar ston par byed pa dang / chos nyid gnas pa las kyang mi g.yo la// gnas thams cad la yang mi rten pa de lta ston par byed na/ de tsam gyis na byang chub sems dpa' mdo sde rnam par 'byed pa la mkhas pa yin no// gsus po chen pos smras pa/ 'jam dpal ji ltar na byang chub sems dpa' so sor yang dag par rig pa thob pa yin/ 'jam dpal gyis spras pa/ gang gi tshe byang chub sems dpa' brjod du med pa'i don gyis so sor yang dag par rig pa ston pa dang / chos kyi dbyings gnas pa nyid kyis so so yang dag par rig pa ston pa dang / ming dang

  53. 102b

    mtshan ma med pa nyid kyis nges tshig so so yang dag par rig pa ston pa dang / brag cha dang mnyam pa nyid kyis spobs pa so so yang dag par rig pa ston par byed na/ de tsam gyis na byang chub sems dpa' so so yang dag par rig pa thob pa yin no// sgra gcan zin gyis spras pa/ 'jam dpal ji ltar na byang chub sems dpa' tshul khrims dang ldan pa yin/ 'jam dpal gyis smras pa/ btsun pa sgra gcan zin gang gi tshe/ byang chub sems dpa' tshul khrims dang / brtul zhugs yang dag par blangs shi sems can yongs su smin par bya ba'i phyir/ tshul khrims 'tshal ba 'gro ba gang yin par 'gro bar byed na/ de tsam gyis na byang chub sems dpa' tshul khrims dang ldan pa yin no// kun dga' bos smras pa/ 'jam dpal ji ltar na byang chub sems dpa' mang du thos pa yin/ 'jam dpal gyis smras pa/ btsun pa kun dga' bo gang gi tshe/ byang chub sems dpa' sangs rgyas thams cad kyis gsungs pa nyan par byed cing / thos pa thams cad kyi don kyang rtogs par byed pa/ ji ltar thos pa yang 'dzin par byed cing / ji ltar gzung ba bzhin ston par yang byed na/ de tsam gyis na byang chub sems dpa' mang du thos pa yin no// de nas lha'i bu rab rtsal sems kyis nyan thos chen po de dag la 'di skad ces smras so// tshe dang ldan pa dag khyed cag 'jam dpal gzhon nur gyur pas/ ji

  54. 103a

    skad bstan pa de lta bu'i chos 'ga' dang ldan nas/ de dag gis smras pa/ lha'i bu bdag cag la ni/ chos de dag las 'ga' tsam yang med do// lha'i bus smras pa/ tshe dang ldan pa dag de lta na khyed cag nyan thos chen po mchog tu gyur pa ma yin par mi 'gyur ram/ sha ri'i bus smras pa/ lha'i bu 'di lta ste/ dper na/ gnag rjes la brten na/ rdzing bu mchog yin pa de bzhin du nyan thos gzhan dag las brten na kho bo cag kyang mchog yin no// 'di lta ste dper na/ rgya mtsho chen po las brten na 'og gi chu'i phung po mchog yin pa de bzhin du nyan thos dang rang sangs rgyas thams cad la rten na/ byang chub sems dpa' mchog yin no// lha'i bus smras pa/ btsun pa sha ri'i bu de ni nyan thos mngon pa'i nga rgyal med pa rnams kyis bstan te/ legs so leg so// 'jam dpal gyis smras pa/ lha'i bu de de bzhin te/ nyan thos ni lhag pa'i nga rgyal med pa yin no// byang chub sems dpa' ni lhag pa'i nga rgyal can yin no// lha'i bus smras pa/ 'jam dpal ci las bsam te de skad smras/ 'jam dpal gyis smras pa/ lha'i bu 'di ltar nyan thos rnams ni rang sangs rgyas las/ rten na/ nga rgyal spangs pa yin gyis/ byang chub sems dpa' ni lhag pa'i nga rgyal can yin la/ nga rgyal des sangs rgyas kyi chos rnams yang dag par sgrub par

  55. 103b

    byed pas na/ de'i phyir byang chub sems dpa' ni lhag pa'i nga rgyal can yin no// lha'i bus smras pa/ 'jam dpal lhag pa'i nga rgyal can ni bdag la bstod par byed cing / gzhan la smod par byed pa yin na/ byang chub sems dpa' yang de lta bur mi 'gyur ram/ 'jam dpal gyis smras pa/ lha'i bu de bzhin te/ byang chub sems dpa' ni bdag la bstod par byed cing / gzhan la smod par byed pa yin no// lha'i bus smras pa/ 'jam dpal ci las bsam te de skad smra/ 'jam dpal gyis smras pa/ lha'i bu byang chub sems dpa' ni rnam grangs du mar theg pa chen po'i bsngags pa brjod par byed cing / nyan thos kyi theg pa'i bsngags pa ma brjod par byed pa dang / ji ltar sems can rnams byang chub tu sems bskyed par 'gyur snyam nas/ bdag nyid kyi yon tan gyi chos brjod par byed cing / 'di la dga' ba'i sems bskyed par mi 'gyur bar bya'o snyam nas/ theg pa dman pa la rnam par sdang bar byed pa yin pas/ lnga'i bu de ltar na byang chub sems dpa' ni theg pa chen po la bstod par byed pa dang / nyan thos kyi theg pa la smod par byed pa yin no// lha'i bus smras pa/ 'jam dpal de lta na byang chub sems dpa' ltung ba dang bcas par mi 'gyur ram/ 'jam dpal gyis spras pa/ lha'i bu gang gis nor bu mching bu'i bsngags pa

  56. 104a

    ra / ma yin pa brjod cing / nor bu rin po che bai DUr+ya'i bsngags pa brjod par gyur na/ de yang ltung ba dang bcas par 'gyur ram/ lha'i bus smras pa/ 'jam dpal de ni mi 'gyur ro// 'jab dpal gyis smras pa/ lha'i bu de bzhin du byang chub sems dpa' theg pa chen po'i bsngags pa brjod par byed cing / nyan thos kyi theg pa'i bsngags pa ma yin pa brjod par byed pa yang ltung ba dang bcos par mi 'gyur ro// lha'i bu 'di lta ste dper na/ skyes bu shin tu stobs dang ldan pa gang zhig gis 'khor los sbyar ba'i rgyal po'i bsngags pa brjod cing / khams kyi rgyal po de ltar ma yin na/ de smad pa'i 'os su 'gyur ba yin snyam 'am/ lha'i bus smras pa/ 'jam dpal de lta ma yin no// 'jam dpal gyis smras pa/ lha'i bu de bzhin du byang chub sems dpa' theg pa chen po la bstod par byed cing / nyan thos kyi theg pa la smod par byed pa yang sma'i 'os su mi 'gyur ro// de nas bcom ldan 'das kyis 'jam dpal gzhon nur gyur pa la leg so zhes bya ba byin te/ 'jam dpal leg so legs so// khyod kyis tshig de ni legs par smras te/ 'jam dpal theg pa chen po'i bsngags pa brjod pas ni/ theg pa thams cad kyi bsngags pa brjod par 'gyur ro// de ci'i phyir zhe na/ 'jam dpal theg pa thams cad ni

  57. 104b

    de las nges par 'byung ba yin pa'i phyir ro// gzhan yang lha'i bu rab rtsal sems kyis 'jam dpal gzhon nur gyur pa la 'di skad ces smras so// 'jam/ dpal byang chub sems dpa' gang las rten nas byang chub tu sems bskyed par byed/ 'jam dpal gyis smras pa/ lha'i bu byang chub sems dpa' ni sems can thams cad kyis nyon mongs pa las rten nas/ byang chub tu sems bskyed par byed do// lha'i bus smras pa/ 'jam dpal ci'i phyir byang chub sems dpa' sems can thams cad kyi nyon mongs pa las brten nas/ byang chub tu sems bskyed par byed/ 'jam dpal gyis smras pa/ lha'i bu gal te sems can rnams kyi nyon mongs pa dag byang chub kyi theg pa ma yin du zin na ni/ byang chub sems dpa' yang byang chub tu sems bskyed nas go cha gyon par mi 'gyuraro// lha'i bus smras pa/ 'jam dpal byang chub kyi sems ci zhig la rten/ 'jam dpal gyis smras pa/ lha'i bu byang chub kyi sems ni sangs rgyas kyi chos thams cad la rten to// de ci'i phyir zhe na/ lha'i bu sangs rgyas kyi chos thams cad ni byang chub sems kyi rtsa ba las brten nas skye bar 'gyur ba'i phyir ro// lha'i bus smras pa/ 'jam dpal chos thams cad ci la rten/ 'jam dpal gyis smras pa/ lha'i bu chos thams cad ni rtsa ba'i gnas

  58. 105a

    med pa'i gnas la rten pa yin no// de ci'i phyir zhe na/ lha'i bu chos thams cad ni mtha' yas pa'i phyir rtsa ba med pa dang mngon par skags yod pa dang / na mkha' la rten pa yin pa'i phyir ro// lha'i bus smras pa/ 'jam dpal sangs rgyas kyi chos rnams ji snyed yod/ 'jam dpal gyis smras pa/ lha'i bu chos thams cad ji snyed pa de snyed yod do// de ci'i phyir zhe na/ de bzhin gshegs pas ni chos thams cad sangs rgyas pas na/ lha'i bu de'i phyir chos thams cad ji snyed pa sangs rgyas kyi chos rnams kyang de snyed do// lha'i bus smras pa/ 'jam dpal 'o na ci 'dod chags dang zhe sdang dang / gti mug rnams kyang sangs rgyas kyi chos yin nam/ 'jam dpal gyis smras pa/ lha'i bu de de bzhin te/ 'dod chags dang / zhe sdang dang / gti mug rnams kyang sangs rgyas kyi chos yin no// de ci'i phyir zhe na/ nyon mongs pa de dag gi rtsa ba'i gnas rjes su rtogs pa ni sangs rgyas yin no// zhes ston pa'i phyir ro// lha'i bus smras/ pa/ 'jam dpal gang gis sems can thams cad sangs rgyas su 'gyur ba'i rnam grangs yod dam/ 'jam dpal gyis smras pa/ lha'i bu rnam grangs med pas sems can thams cad sangs rgyas su 'gyur gyis/ rnam grangs kyis ni ma yin no// de ci'i phyir zhe na/ de bzhin gshegs pas ni sems can

  59. 105b

    thams cad rtogs par thugs su chud pa'i phyir ro// lha'i bus smras pa/ 'jam dpal ji ltar rtogs par thugasu chud/ 'jam dpal gyis smras pa/ lha'i bu sems can med pa'i rnam pa dang / stong pa nyid kyi rnam pas so// lha'i bus smras pa/ 'jam dpal stong pa nyid kyis ci zhig rtogs par byed// 'jam dpal gyis smras pa/ lha'i bu gal te cung zad rjes su rtogs par byed na/ ni de stong pa nyid du mi 'gyur ro// de ci'i phyir zhe na/ lha'i bu stong pa nyid ni rnam par rtog pa med pa dang / rtsol ba med pa yin pa'i phyir ro// lha'i bus smras pa/ 'jam dpal de bzhin gshegs pas stong pa nyid rjes su rtogs pa ni byang chub yin no// zhes ma gsungs sam/ 'jam dpal gyis smras pa/ lha'i bu stong pa nyid gang yin pa de nyid byang chub yin pas na/ 'jam dpal gyis smras pa/ bcom ldan 'das kyis kyang stong pa nyid rjes su rtogs pa kho na byang chub yin no zhes gsungs so// lha'i bus smras pa/ 'jam dpal stong pa nyid la gnas pa ci zhig la gnas pa yin/ 'jam dpal gyis spras pa/ lha'i bu stong pa nyid la gnas pa ni 'dod pa dang / gzugs dang / gzugs med pa la/ gnas pa yin/ phung po dang / khams dang / skye mched la gnas pa ma yin/ lus dang / sems la gnas pa ma yin no// de ci'i phyir zhe na/ lha'i bu

  60. 106a

    ra #de gnas pa gang gis gnas par 'gyur ba'i gnas pa de yang stong pas gnas/ stong pa nyid ni stong pa nyid la ma gnas pa'i phyir ro// lha'i bus smras pa/ 'jam dpal de bzhin gshegs pa don dam pa stong pa nyid kyi gnas pas gnas par mi mdzad dam/ 'jam dpal gyis smras pa/ lha'i bu de bzhin gshegs pa nyid stong pa nyid yin la/ stong pa nyid gang yin pa de ni gnyis su med pa yin pas na/ de bzhin gshegs pa ni gnyis su med pa'i gnas par mdzad do// lha'i bus smras pa/ 'jam dpal gnyis su med pa'i gnas pa gang yin/ 'jam dpal gyis smras pa/ lha'i bu gnyis su med pa'i gnas pa ni gnyis su med pa nyid yin gyi/ de la gnas pa gzhan med de de'i gnas pa gnyis su med pa las gzhan med pa de nyid kyang gnyis su med pa nyid yin no// lha'i bus smras pa/ 'jam dpal gnyis shes bya ba ni gang / gnyis su med pa zhes bya ba ni gang / 'jam dpal gyis smras pa/ lha'i bu 'dod chags dang / 'dod chags dang bral bar byed pa de ni gnyis so// 'dod chags kyi rang bzhin ni gnyis su med pa'o zhe sdang dang / zhe sdang med par byed pa de ni gnyis so// zhe sdang gi rang bzhin ni gnyis su med pa'o// gti mug dang / gti mug med par byed pa de ni gnyis so// gti mug gi rang bzhin

  61. 106b

    ni gnyis su med pa'o// nyon mongs pa dang / nyon mongs pa med par byed pa de ni gnyis so// nyon mongs pa'i rang bzhin ni gnyis su med pa'o// bdag dang bdag med par byed pa de ni gnyis so// bdag gi rang bzhin ni gnyis su med pa'o// lha'i bus smras pa/ 'jam dpal bdag gi rang bzhin gang yin/ 'jam dpal gyis smras pa/ lha'i bu bdag gi rang bzhin ni bzod ma nas dag pa'i phyir bdag med pa nyid yin no// bdag gi rang bzhin ni bzod ma nas dag pa'i phyir bzod ma nas dben pa nyid dang / gzod ma nas ma skyes pa nyid dang / gzod ma nas ma byung ba nyid yin no// lha'i bus smras pa/ 'jam dpal ci'i phyir rang bzhin zhes bya/ 'jam dpal gyis smras pa/ lha'i bu de ni 'gyur ba med pas de'i phyir rang bzhin zhes bya'o// de ni bzod ma nyid nas gsal zhing nyon mongs pa can pas de'i phyir rang bzhin zhes bya'o// de ni na mkha' dang mnyam pa nyid kyis mnyam zhing tshad med pas de'i phyir rang bzhin zhes bya'o// de ni spros pa dang bral ba dang / de ni rgyu ba dang bral ba dang / de ni 'od gsal bas de'i phyir rang bzhin zhes bya'o// de ni blang ba med pa dang / dor ba med pas de'i phyir rang bzhin zhes bya'o// lha'i bus smras pa/ 'jam dpal rang bzhin mi shes pa dag gang yin/ 'jam dpal gyis smras pa/ lha'i bu gang dag chos rnams kyi rang bzhin mi

  62. 107a

    shes pa dag 'o// lha'i bu 'angs dpal rang bzhin shes pa dag gang yin/ lam dpal kyis smras pa/ lha'i bu gang dag de dag kyis rang bzhin shes pa dag go// khwa'i bus smras pa/ 'jam dpal dad pa dang ldan pa'i mtshan nyid gang yin/ lam dpal gyis smras pa/ lha'i bu dad pa dang ldan pa'i mtshan nyid ni chags pa thams cad las yang dag par 'das pa yin no// lha'i bus sbas pa/ 'jam dpal dge slong dad pa dang mi ldan pa ji ltar dad pas byin pa la dad par byed/ 'jam dpal gyis spras pa/ lha'i bu dad pa dang mi ldan pa zhes bya ba ni gang mngon sum du gyur pa'i chos thams cad la rang bzhin gyi dring mi 'jog cing gzhan gyi dad pas yang dang yang du mi 'gro ba yin pas de'i phyir dad pa dang mi ldan pa zhes bya ste/ de ni dad pa sbyin pa spyod par mi byed do// de ci'i phyir zhe na/ bzod ma nas dag pa'i phyir ro// lha'i bus smras pa/ 'jam dpal dge slong gang dge 'dun dang lhan cig mi gnas pa de la ji skad ces bya/ 'jam dpal gyis smras pa/ lha'i bu dge slong gang dge 'dun dang lhan cig mi gnas pa de ni des na 'jig rten gyi sbyin gnas su 'gyur ro// de ci'i phyir zhe na/ lha'i bu dge 'dun ni 'dus ma byas dang lhan cig pa yin la/ byang chub sems dpa' ni 'dus ma byas dang lhan cig mi gnas pas/ de'i phyir de ni 'jig rten gyi sbyin gnas su 'gyur/

  63. 107b

    ba yin pa'i phyir ro// lha'i bus sbas pa/ 'jam dpal gal te byang chub sems dpa' 'dus ma byas dang lhan cig gnas par gyur na nyes pa cir 'gyur/ 'jam dpal gyis smras pa/ lha'i bu 'dus ma byas thob na/ sems can rnams skyob par mi byed cing / nyan thos su 'gyur bas de'i nyes pa ni der 'gyur ro// lha'i bus smras pa/ 'jam dpal 'dus byas ni so so'i skye bo'i sa yin la/ 'dus ma byas ni 'phags pa rnams kyi sa yin no// 'o na ji ltar byang chub sems dpa' 'phags pa'i sa spangs shing so so'i skye bo'i sa la gnas pa 'jig rten gyi sbyin gnas su 'gyur/ 'jam dpal gyis smras pa/ lha'i bu byang chub sems dpa' ni 'dus byas la yang mi gnas/ 'dus ma byas la yang mi gnas pas de'i phyir de ni 'jig rten gyi sbyin gnas su 'gyur ro// de ci'i phyir zhe na/ lha'i bu byang chub sems dpa' ni 'a byas las yid bskyod pa dang / 'das ma byas la mi gnas pa yin pas/ 'das byas kyi skyon dang bral ba dang / 'das ma byas shes pa rtogs pa yin te/ de 'das byas kyi skyon dang bral bas ni 'dus byas la mi gnas la/ 'dus ma byas shes pa rtogs pas ni 'das ma byas su mi ltung ba'i phyir ro// lha'i bu 'di lta ste dper ni/ mtshan po che chen pos steng gi bar snang la mda' 'phangs par 'gyur la/ de nas mda' den pa

  64. 108a

    mkha' la mi gnas par 'dug cing sa la yang mi ltung na/ lha'i bu de la dka' ba cung zad yod dam/ lha'i bus smras pa/ 'jam dpal dka'o// 'jam dpal gyis smras pa/ lha'i bu de bas kyang byang chub sems dpa' sems dpa' chen po gang dag 'dus byas kyang mi spong zhing / 'dus ma byas kyang thob par byed la/ 'dus ma byas su yang mi ltung zhing / 'dus byas thob pa rnams kyang yongs su smin par byed pa ni ches dka' ba yin no// lha'i bus smras pa/ 'jam dpal byang chub sems dpa'i 'jigs pa 'dus byas sam/ 'on te 'dus ma byas sam/ gang las 'byung bar 'gyur/ 'jam dpal gyis smras pa/ lha'i bu byang chub sems dpa'i 'jigs pa ni 'dus byas las kyang 'byung bar 'gyur/ 'dus ma byas las kyang 'byung bar 'gyur ro// de ci'i phyir zhe na/ lha'i bu 'dus byas las ni nyon mongs pa'i 'jigs pa 'byung la/ 'dus ma byas las ni nyon mongs pa'i 'jigs pa 'byung ba'i phyir ro// lha'i bus smras pa/ 'jam dpal nyon mongs pa med pas 'jigs pa ci yod/ 'jam dpal gyis smras pa/ lha'i bu khams gsum na ni nyon mongs pa'i 'jigs pa yod la/ byang chub sems dpa' gang khams gsum du nyon mongs par mi byed na/ de ni nyan thos su 'gyur/

  65. 108b

    lha'i bus smras pa/ 'jam dpal ji ltar na byang chub sems dpa' 'jigs pa med pa yin/ 'jam dpal gyis smras pa/ lha'i bu byang chub sems dpa' gang shes rab kyi shes pas/ 'dus byas la spyod par byed cing / thabs kyi shes pas 'dus pa byas su mi ltung ba de lta na/ lha'i bu byang chub sems dpa' 'jigs pa med pa yin no// lha'i bu gzhan yang gang gi tshe/ byang chub sems dpa' sems can la lta bas 'dus byas spong bar mi byed cing / sangs rgyas kyi chos la lta bas 'dus ma byas su mi ltung ba de lta na/ byang chub sems dpa' 'jigs pa med pa yin no// lha'i bu gzhan yang gang gi tshe/ byang chub sems dpa' bsod nams kyi tshogs nye bar bsags pa'i phyir/ 'das byas la sbyor bar byed cing / sangs rgyas kyi ye shes kyi tshogs nye bar bsags pa'i phyir/ 'das ma byas su mi ltung ba de lta na/ byang chub sems dpa' 'jigs pa med pa yin/ lha'i bu gzhan yang gang gi tshe/ byang chub sems dpa' 'dus ma byas la gnas te/ bsam gtan rnams skyed par byed cing / thabs la gnas te bsam gtan rnams las ldog par byed pa de lta na/ byang chub sems dpa' 'jigs pa med pa yin no// lha'i bu gzhan yang gang gi tshe byang chub sems dpa' byang chub kyi sems la gnas te/ dge ba'i rtsa ba nye bar stsogs

  66. 109a

    rab rtsa/ @#par byed cing snying rje chen po la gnas te/ sems can rnams yongs su smin par byed pa de lta na/ byang chub sems dpa' 'jigs pa med pa yin no// lha'i bu gzhan yang gang gi tshe/ byang chub sems dpa' dben pa la gnas te/ bdud kyi las rnams rtogs par byed cing / thabs la gnas te bdud kyi las rnams spong bar byed pa de lta na/ byang chub sems dpa' 'jigs pa med pa yin no// lha'i bu gzhan yang gang gi tshe byang chub sems dpa' byam pa chen po la gnas te/ chos ston par byed cing / snying rje chen po la gnas te/ zang zing gi sbyin pa byin par byed pa de lta na/ byang chub sems dpa' 'jigs pa med pa yin no// lha'i bu gzhan yang gang gi tshe byang chub sems dpa' 'khor ba la gnas te/ mya ngan las 'das pa yongs su sbyong ba'i las byed cing / mya ngan las 'das pa la gnas te/ 'khor ba yongs su sbyong ba'i las byed pa de tsam gyis na/ byang chub sems dpa' 'jigs pa med pa yin no// lha'i bu gzhan yang gang gi tshe/ byang chub sems dpa' skye ba med pas/ skye bar byed cing 'pho ba med pas 'byung bar byed pa dang / chos la lta bas snang bar byed pa dang / khams dang skye mched kyis rab tu phye ba ma yin pa dang / thams cad dang rjes su 'brel cing zhi ba dang / nye bar zhi bar gyur pa dang 'bar bar byed cing tshig par mi

  67. 109b

    byed pa dang / nyon mongs pa thams cad la yongs su spyod par byed cing / nyon mongs pa'i skyon rnams kyis mi gos pa dang / slob pa dang mi slob pa rnams 'dul bar byed cing / nyan thos kyi rnam par grol ba la reg par mi byed pa dang / sems can rnams kyi bsam pa la 'jug cing chos kyi bsam pa spong bar mi byed pa dang / bdud kyi lcags kyo shes par byed cing chos kyi lcags kyo spong bar mi byed pa dang / shes par 'jug par byed cing / thabs kyis ldog par byed pa dang / 'phags pa'i rnam pa ston par byed cing / 'phags pa ma yin pa yongs su smin par bya ba la spro bar byed pa dang / sangs rgyas mthong ba la mngon par dga' bar byed cing chos mthong ba la kun tu 'dod par byed pa de tsam gyis ni/ byang chub sems dpa' 'jigs pa med pa yin no// 'jam dpal gzhon nur gyur pas bstan pa 'di bshad pa na/ lha'i bu lnga khri chos rnams la chos rnams kyi mig rdul med cing dri ma dang bral ba rnam par dag gi/ lha'i bu nyis khri lnga stong ni len pa med par zag pa rnams las sems rnam par grol lo// byang chub sems dpa' sngon dge ba'i rtsa ba bskyed pa lnga khri ni mi skye ba'i chos la bzod pa thob par gyur to// byang chub sems dpa' nyis khri ni spobs pa thogs pa med pa skyes so// lha dang mi rnams kyi skye dgu las srog chags stong phrag rab tu mang po dag gis ni byang

  68. 110a

    rab 2/ @chub tu sems bskyed nas/ de bzhin gshegs pa dang 'jam dpal gzhon nur gyur pa la lha'i mchod pa dag byas so// gzhan yang / lha'i bu rab rtsal sems kyis 'jam dpal gzhon nur gyur pa la 'di skad ces smras so// 'jam dpal ji ltar na byang chub sems dpa' lam la gnas pa yin// 'jam dpal gyis smras pa/ lha'i bu gang gi tshe byang chub sems dpa' 'dod chags spangs pa'i phyir yang chos ston par byed la/ 'dod chags dang bral ba mngon tu yang mi byed pa dang / zhe sdang spang ba'i phyir yang chos ston par byed la/ zhe sdang spong ba mngon tu yang mi byed pa dang / gti mug spang ba'i phyir yang chos ston par byed la/ gti mug spong ba mngon tu yang mi byed pa dang / nyon mongs pa spong ba'i phyir chos ston par yang byed la/ nyon mongs pa spong ba mngon tu yang mi byed pa de tsam gyis na/ lha'i bu byang chub sems dpa' lam la gnas pa yin no// lha'i bu gzhan yang gang gi tshe byang chub sems dpa' sems can rnams la stong nyid ston par yang byed la/ stong pa nyid mngon tu yang mi byed pa dang / sems can rnams la mtshan ma med pa ston par yang byed la/ mtshan ma med pa mngon tu yang mi byed pa dang / sems can rnams la smon pa med pa ston par yang byed la/ smon pa med pa mngon yang mi byed pa dang / de bzhin du sems can rnams la

  69. 110b

    byatshul khrims las yang dag pa 'da' bab/ tshul khrims kyi pha rol tu phyin pa sgrub par byed pa dang / gnod sems kyi bzod pa'i pha rol tu phyin pa sgrub par byed pa dang / mngon par 'du byed pa med pa dang / skye ba med pa dang / 'byung ba med pa dang / dngos po med pa dang / 'dod chags dang bral ba dang mi ldan pa dang / 'gog/ pa'i chos ston par yang byed la/ 'gog pa mngon yang mi byed pa de tsam gyis na/ byang chub sems dpa' lam la gnas pa yin no// lha'i bu gzhan yang gang gi tshe byang chub sems dpa' yongs su mi gtong bas sbyin pa'i pha rol tu phyin pa sgrub par byed pa dang / le los brtson 'grus kyi pha rol tu phyin pa sgrub par byed pa dang / brjed ngas pas bsam gtan gyi pha rol tu phyin pa bsgrub par byed pa dang / bems po dang / lug ltar lkug pas shes rab kyi pha rol tu phyin pa sgrub pa byed pa de tsam gyis na byang chub sems dpa' lam la gnas pa yin no// lha'i bus smras pa/ 'jam dpal ci las bsam ste de skad smras/ 'jam dpal gyis smras pa/ lha'i bu bzhi pa 'di dag ni byang chub sems dpa' rnams kyis yongs su mi gtong ba yin te/ bzhi gang zhe na/ sems can yongs su mi gtong ba dang / chos yongs su mi gtong ba dang / byang chub kyi sems yongs su mi gtong ba dang / dge ba'i chos thams cad yongs su mi gtong ba ste/ byang chub sems dpa'i chos bzhi po de dag yongs su mi gtong ba dang / sbyin pa'i pha rol tu phyin pa sgrub par byed do// lha'i bu tshul khrims las yang dag par 'da' ba zhes bya

  70. 111a

    @ba de ni/ de'i rang bzhin ma yin pa'i tshig bla dgas yin te/ tshul khrims las yang dag par 'da' bas ting nge 'dzin dang / ting nge 'dzin las yang dag par 'da' bas shes rab dang shes rab las yang dag par 'da' bas rnam par grol ba shes pa sgrub par byed de/ lha'i bu khyod kyis rnam grangs des// gang tshul khrims las yang dag par 'da' ba de/ tshul khrims kyi pha rol tu phyin pa sgrub par byed pa yin par rig par bya'o// lha'i bu byang chub sems dpa' gang gnod sems la zhugs pa ni nyan thos kyi theg pa la log par zhugs pa dang / rang sangs rgyas kyi theg pa la log par zhugs pa yin pas/ de nas theg/ pa chen po la legs par zhugs pa yin te/ gang theg pa chen po la legs par zhugs pa de ni/ bzod pa'i pha rol tu phyin pa sgrub par byed pa yin no// lha'i bu gang gi tshe byang chub sems dpa' lus kyis brtul bar mi byed cing / ngag dang sems kyis brtul bar mi byed pa de ni le lo can yin la gang de ltar chos la mngon par brtson pa de dag brtson 'grus kyi pha rol tu phyin pa sgrub par byed pa yin no// lha'i bu gzhan yang byang chub sems dpa' ni rmi lam na yang sa gnyis po dag la dga' ba'i sems skyed par mi byed pas/ de ni brjed nges pa yin la gang nyan thos dang / rang sangs rgyas kyi theg pa la brjed ngas pa de ni theg pa chen po la

  71. 111b

    mnyam par gzhag pa yin pas/ de ni bsam gtan gyi pha rol tu phyin pa sgrub par byed pa yin no// lha'i bu chos thams cad ni bems po ste/ rtsa dang / shing dang / rtsig pa dang / lam dang mig yor dang / lug ltar lkug pa dang 'dra bar rang bzhin gyis nus pa med pa yin pas/ gang gi tshe byang chub sems dpa' shes rab dang / ye shes kyis de ltar chos thams cad bems pa dang / lug ltar lkug pa lta bus byang chub sgrub par byed pa de ni/ shes rab kyi pha rol tu phyin pa sgrub par byed pa yin te/ de ltar zhugs pa'i byang chub sems dpa' ni lam sgrub par byed pa yin no// lha'i bu gzhan yang gang gi tshe/ byang chub sems dpa' 'khor ba'i lam yang mi spong la/ mya ngan las 'das pa'i lam yang tshol ba byed pa dang / lam gyi las kyi rgyun yang mi gcod cing / lam gyi bya ba yang sgrub par byed pa dang / lam ngan par zhugs pa'i sems can rnams kyang lam la 'god par byed pa de lta na/ byang chub sems dpa' lam la gnas pa yin no// lha'i bu gzhan yang gang gi tshe/ byang chub sems dpa' sems can thams cad dang / chos thams cad brtsal na mi rnyed pa dang / byang chub kyi lam spong bar mi byed pa dang / 'bras bu yod par bsam gtan byed pa de lta na/ byang chub sems dpa' byang chub kyi lam thob pa yin no// lha'i bu gzhan yang gang

  72. 112a

    @#gi che/ byang chub sems dpa' nyan thos kyi lam yang rab tu shes la/ nyan thos kyi lam gyis nges par 'byung bar yang mi byed pa dang / rang sangs rgyas kyi lam yang rab tu shes la rang sangs rgyas kyi lam gyis nges par 'byung bar yang mi byed pa dang / byang chub sems dpa'i lam yang thob par byed la/ lam des kyang dbang po yongs su ma rdzogs par nges par 'byung bar ni byed pa de lta na/ byang chub sems dpa' lam la gnas pa yin no// lha'i bu gzhan yang gang gi tshe/ byang chub sems dpa' dge ba'i rtsa ba thams cad mngon par 'du byed pa dang / mngon par 'du bya ba'i 'bras bu don du mi gnyer ba dang / mngon par 'du byed pa'i skyon gyis mi gos pa dang / dge ba'i rtsa ba mngon par 'du bya ba thams cad byang chub yongs su bsngo bar byed pa dang / byang chub kyi phyir 'phel ba yang dag par rjes su mi mthong ba dang / 'bri ba yang dag par rjes su mi mthong ba de lta na/ byang chub sems dpa' lam la gnas pa yin no// / lha'i bu gzhan yang gang gi tshe/ byang chub sems dpa' lam ngan pa las lam yongasu tshol bar byed pa dang / lam yongs su btsal nas kyang nges par 'byung khar mi byed pa de lta na byang chub sems dpa' lam la gnas pa yin no// lha'i bus smras pa/ 'jam dpal ji ltar na byang chub sems dpa' lam ngan pa las

  73. 112b

    lam yongs su tshol bar byed/ 'jam dpal gyis spras pa/ lha'i bu lam ngan pa zhes bya ba ni 'khor ba ste/ byang chub sems dpa' ni de la gnas nas sems can nges par 'byung ba'i lam yongs su tshol bar byed kyi/ bdag nyid nges par 'byung ba'i phyir ni ma yin no// lha'i bus smras pa/ 'jam dpal byang chub sems dpa' spyod pa ni 'jig rten thams cad dang mi mthun pa yin no// 'jam dpal gyis smras pa/ lha'i bu byang chub sems dpa' rnams ni 'jig rten na spyod kyang 'jig rten gyi chos rnams kyis mi gos pa dang / nyon mongs pa dang / nyon mongs pa med ma ston par byed kyang / nyon mongs pa med pa nyid du mi ltung ba dang / rga ba dang / 'chi ba ston par byed kyang chos thams cad skye ba med pa dang / 'byung ba med par shes shing / skyon med pa mngon du mi byed pa dang / phung po dang / khams dang / skye mched la yongs su spyod par byed kyang / phung po dang / khams dang / skye mched don du mi gnyer ba dang / phung po dang / khams dang / skye mched yong su shes par byed pa'i phyir/ sems can rnams la chos ston kyang yong su shes par mi byed pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par sgrub par byed cing / sems rnam par g.yengs pa rnams nye bar 'jog par

  74. 113a

    byed kyang nye bar 'jog pa la 'byung bar mi byed pa dang / bdud kyi yul nye bar ston par byed kyang bdud kyi las rnams kyis mi 'phrog pa dang / sangs rgyas kyi yul spong bar mi byed pa dang / bdud kyi yul gyi rjes su mi 'jug pa dang / chos kyi dbyings kyi yul las ldog par mi byed pa dang / sems can gyi khams kyi yul nye bar len par byed pas na/ de'i phyir sems can chen po de dag gi spyod pa ni/ 'jig rten thams cad dang mi mthun pa yin no// lha'i bus smras pa/ 'jam dpal khyod byang chub sems dpa' rnams kyi spyod pa la spobs par gyis shig/ 'jam dpal gyis spras pa/ lha'i bu bas pa yongs su dag cing nang dang phyi rol dben pa nyid kyis/ lha'i bu bsam pa la spyod pa dang / rab tu spyod pa med pa nyid kyis sbyor ba la spyod pa dang sems mi brjod pa nyid kyis byang chub kyi sems mi brjod pa la spyod pa dang / sems dul ba nyid kyis sbyin pa la spyod pa dang / sems zhi ba nyid kyis tshul khrims la spyod pa dang / smras pa/ med pa nyid kyis bzod pa la spyod pa dang / lus dben pa nyid kyis brtson 'grus la spyod pa dang / chos kyi dbyings rnam par g.yengs pa med pa nyid kyis bsam gtan la spyod pa dang / spros pa med pa nyid kyis shes rab la spyod pa dang / sems can la bdag med pa nyid kyis byams pa la spyod pa dang / nyon mongs

  75. 113b

    pa yod pa yin pa rab tu zhi ba nyid kyis snying rje la spyod pa dang / rang bzhin gyis rnam par grol ba'i phyir dga' ba la spyod pa dang / mtha' la spyod pa dang / mtha' gnyis dang bral ba'i btang snyoms la spyod pa dang / bzod ma nas ma skyes pa'i phyir mi rtag pa la so sor rtogs pa la spyad pa dang / yongs su rtogs pa sdug bsngal ba'i phyir sdug bsngal la so sor rtogs pa la spyod pa dang / phrin ci log rang bzhin med pa'i phyir bdag med pa la so sor rtogs pa la spyod pa dang / 'du shes yongasu shes pa'i phyir zhi ba la so sor rtogs pa spyod pa dang / phung po sgyu ma lta bur yongs su shes pa'i phyir sdug bsngal yongasu shes pa la spyod pa dang / ma rig pa sngon du 'gro ba'i phyir kun 'byung ba shes pa la spyod pa dang / rang bzhin gyis 'gags pa'i phyir 'gog pas shes pa la spyod pa dang / 'dus byas la mngon par zhen pa med pa'i phyir lam shes pa la spyod pa dang / 'bras bu yongasu shes pa nyid kyis rgyu shes pa la spyod pa dang / rten cing 'brel par 'byung ba'i phyir rkyen shes pa la spyod pa dang / du ma'i tshogs pa la spyod pa dang / brjod du med pa'i phyir don so sor yang dag par rig pa la spyod pa dang / chos kyi dbyings dbyer med pa'i phyir so sor yang dag par rig pa la spyod pa dang / ming dang gzugs 'byung ba med pa'i phyir nges pa'i tshig so so yang dag par rig pa la spyod pa dang / brag cha dang mtshungs

  76. 114a

    @/ @pa'i phyir spobs pa so so yang dag par rig pa la spyod pa dang / tshig 'bru gsal ba nyid kyis don la rten pa la spyod pa dang / rnam par shes/ pa'i spyod yul ma spangs pa nyid kyis ye shes la rton pa la spyod pa dang / las kyi rnam par smin pa ston pa nyid kyis nges pa'i don gyis mdo sde la ston pa la spyod pa dang / gang zag yongasu smin par bya ba nyid kyis chos la rten pa la spyod pa dang / lam rnam par dag pa'i phyir lha'i mig la spyod pa dang / tshul khrims rnam par dag pa'i phyir lha'i rna ba la spyod pa dang / ting nge 'dzin rnam par dag pa'i phyir pha rol gyi sems shes pa la spyod pa dang / dus gsum mnyam pa nyid kyi phyir sngon gyi gnas rjes su dran pa shes pa la spyod pa dang / sems la dbang bsgyur ba'i rdzu 'phrul mngon par sgrub pa la spyod pa dang / mi byed pa'i phyir spyod pa brtan pa la spyod pa dang / mi lhod pa'i phyir spyod pa sra ba la spyod pa dang / bskyod du med pa'i phyir gnas med pa la spyod pa dang / tha dad pa med pa nyid kyis spyod pa mnyam pa la spyod pa dang / thams cad du rje su ma brtags pa'i phyir sa dang / chu dang / me dang / rlung dang / na mkha' lta bu spyod pa dang / rnam par bsgrubs pa'i mtshan nyid kyi/ phyir sgyu ma lta bu la spyod pa dang / yang dag pa ma yin pa'i mtshan nyid kyis rmi lam lta bu la spyod pa dang / rnam par rmongs pa'i mtshan nyid kyis smig rgyu lta bu la

  77. 114b

    spyod pa dang / bdag mi sred pa'i mtshan nyid kyis stong pa nyid la spyod pa dang / sems rang bzhin med pa'i mtshan nyid kyis mtshan ma med pa la spyod pa dang / khams gsum rang bzhin med pa'i mtshan nyid kyis smon pa med pa la spyod pa dang / 'dus byas rang bzhin med pa'i mtshan nyid kyis mngon par 'du byed pa med pa la spyod pa dang / sems dang yid dang / rnam par shes pa 'jug pa med pa'i mtshan nyid kyis bdud tshar bcad pa la spyod pa dang / spyod pa thams cad rnam par bsgrubs pa'i mtshan nyid kyis dkon mchog gsum gyi gdung mi gcod pa la spyod pa ste/ lha'i bu de ltar spyod pa'i byang chub sems dpa' ni byang chub sems dpa'i spyad pa la spyod pa yin no// / bam po gsum pa// lha'i bus smras pa/ 'jam dpal byang chub sems dpa' spyod pa de ni nyan thos dang / rang sangs rgyas thams cad las yang dag par 'das pa yin no// 'jam dpal gyis smras pa/ lha'i bu de de bzhin te/ lha'i bu kho bos ni byang chub sems gang dad pas rjes su 'brang ba ma yin pa dang / chos kyi rjes su 'brang ba ma yin pa dang / gang brgyad pa ma yin pa dang / rgyun du zhugs pa ma yin pa dang lan cig phyir 'ong ba ma yin pa dang / phyir mi 'ong ba ma yin pa dang / dgra bcom pa ma yin pa dang / gang nyan

  78. 115a

    @thos ma yin pa dang / rang sangs rgyas ma yin pa dang / gang sangs rgyas bcom ldan 'das ma yin pa dang / de bzhin gshegs pa/ ma yin pa dang / yang dag par rdzogs pa'i sangs rgyas ma yin pa dang / ston pa ma yin pa de ni/ byang chub sems dpa' yin par mi smra'o// lha'i bu'o// bo ni byang chub sems dpa' gang so so'i skye bo'i chos can ma yin pa dang / 'dod chags kyi chos can ma yin pa dang / zhe sdang gi chos can ma yin pa dang / gti mug gi chos can ma yin pa dang / gang 'khor ba'i chos can ma yin pa dang / yong su mya ngan las 'da' ba'i chos can ma yin pa de ni/ byang chub sems dpa' yin par mi smra'o// lha'i bus smras pa/ 'jam dpal ci las bsams te de skad smra/ 'jam dpal ji ltar na byang chub sems dpa' dad pas rjes su 'brang ba dang / chos kyi rjes su 'brang ba dang / brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / nyan thos dang / rang sangs rgyas dang / sangs rgyas bcom ldan 'das dang / de bzhin gshegs pa dang / yang dag par rdzogs pa'i sangs rgyas dang / ston pa dang / so so'i skye bo'i chos can dang / 'dod chags kyi chos can dang / zhe sdang gi chos can dang / gti mug gi chos can dang / 'khor ba'i chos can dang /

  79. 115b

    yongs su mya ngan las 'da' ba'i chos can yin/ 'jam dpal gyis smras pa/ lha'i bu gang gi tshe/ byang chub sems dpa' sangs rgyas kyi chos thams cad/ la dad par byed pa dang / chags pa thams cad la dad par byed kyang de chags par mi 'gyur ba dang / gzhan gyi dad pas mi 'gro ba dang / pha rol tu phyin pa drug gi lam la dad pa bskyed cing / 'dzin par byed pa dang / chags pas chags par gyur pa rnam par thar par byed pa dang / chags pa med pa'i ye shes yongs su tshol bar byed pa dang / 'khor ba la chags par mi byed pa dang / mya ngan las 'das par mi ltung ba de tsam gyis na/ lha'i bu byang chub sems dpa' dad pas rjes su 'brang ba yin no// lha'i bus smras pa/ 'jam dpal ji ltar na byang chub sems dpa' chos kyi rjes su 'brang ba yin/ 'jam dpal gyis smras pa/ lha'i bu gang gi tshe/ byang chub sems dpa' sangs rgyas thams cad kyis gsungs pa 'dzin par byed pa dang / kun 'dzin par byed pa dang / chos kyi zas dang ldan// zhing zang zing gi zas med pa dang / chos la gnas shing nyon mongs pa la mi gnas pa dang / chos kyi stobs can yin gyi/ nga rgyal gyi stobs can ma yin pa dang / chos sba ba yin gyi/ 'jig rten rgyang pan pa'i gtam smra ba ma yin pa dang / chos kyi dbang phyug yin gyis/ nyon mongs pa'i dbang phyug ma yin pa dang /

  80. 116a

    @chos la rton pa yin gyi gang zag la rton pa ma yin pa dang / chos smra ba yin gyi/ chos ma yin pa mi smra ba dang / chos kyi rjes 'brang / pa'i chos la rten pa yin gyi/ brtson pa btang ba'i chos la mi gnas pa dang / chos skyon med pa nyid du chos thams cad shes par byed pa dang / gzungs kyi sgo chag pa med pa ldan pa dang / nor bdun dang ldan pa dang / dam pa'i chos yongs su 'dzin par byed pa dang / chos kyi khyad par la gnas pa de lta na lha'i bu byang chub sems dpa' chos kyi rjes su 'brang ba yin no// lha'i bus spras pa/ 'jam dpal ji ltar na byang chub sems dpa' brgyad pa yin/ 'jam dpal gyis smras ba/ lha'i bu gang gi tshe byang chub sems dpa' log pa'i nyid brgyad las yang dag par 'das pa dang / yang dag pa nyid brgyad la rab tu gnas pa dang / lam yan lag brgyad pa rnam par sbyangs pa la mkhas pa dang / sbyor ba yongs su ma rdzogs par lam des rnam par 'byung bar mi byed pa dang / mi khom pa brgyad du skyes pa'i sems can rnams dal ba phun sum tshogs pa dag la 'god par byed pa dang / skyes bu dam pa'i rnam par rtog pa brgyad la gnas pa dang / rnam par thar pa brgyad la bsam gtan byed pa dang / byang chub sems dpa'i lhag pa'i bsam pa mi spong ba de lta na/ lha'i bu byang chub sems dpa' brgyad pa yin no/

  81. 116b

    lha'i dus smras pa/ 'jam dpal ji ltar na byang chub sems dpa' rgyun du zhugs pa yin/ 'jam dpal gyis smras pa/ lha'i bu gang gi tshe byang chub sems dpa' sems can rgyun phyogs su dad pa rnams rgyun las zlog par byed pa dang / 'khor ba'i rgyun thams cad kyang gcod par byed la/ 'khor ba mi gcod pa dang / ngan song thams cad gcod par byed pa dang / sems can rnams bde 'gro dang / mya ngan las 'das pa mngon du bya ba'i lam la 'god par byed pa dang / mtshams bcad pa dang / lha dang mi la gzhol ba dang / bden pa ston par byed pa dang / rlom sems su mi ltung ba dang / the tsom dang bral ba dang / nges pa dang / sangs rgyas kyi chos la gzhol ba dang / so so'i skye bo'i lam las yang dag par 'das pa dang / sangs rgyas kyi chos kyi lam la gnas pa dang / 'khor ba'i gting rnyed pa dang / mya ngan 'das pa lam mngon du phyogs par gyur pa dang / 'jig rten gyi sbyin gnas su gyur pa dang / 'dus byas la snang ba dang / 'dus ma byas pas rab tu bye ba dang / phyir mi ldog par mi 'gyur ba dang / dge 'dun la yang dag par gzhol ba de lta na/ lha'i bu byang chub sems dpa' rgyun du zhugs pa yin no// lha'i/ bus sbas pa/ 'jam dpal ji ltar na byang chub sems dpa' lan cig phyir 'ong ba dang / 'jam dpal gyis sbas pa/ lha'i bu gang gi tsaM/ byang chub sems dpa'

  82. 117a

    chos thams cad 'ong ba med pa dang / 'gro ba med par shes nas/ sems can yongs su smin par bya ba'i phyir bsams bzhin du 'ong / ba dang / sems can rnams yongs su smin par byed pa dang / 'ong ba dang / 'gro ba ston par byed pa dang / chos nyid la 'ong ba dang / 'gro ba med par mthong ba dang / 'ong yang nyon mongs pa med pas 'ong ba dang / rang gi las yongs su dag pas 'gro ba dang / 'ong ba mnyam pa nyid mi spong ba dang / bdud kyi dbang gis mi 'gro ba dang / byang chub kyi lam nye bar ston pa'i phyir 'ong ba dang / nye bar blangs pa'i sems can bsgral ba'i phyir 'ong ba dang / byang chub kyi lhag pa'i bsam pa sra zhing mi phyed pa de lta na/ lha'i bu byang chub sems dpa' lan cig phyir 'ong ba yin no// lha'i bus smras pa/ 'jam dpal ji ltar na byang chub sems dpa' phyir mi 'ong ba yin/ 'jam dpal gyis smras pa/ lha'i bu gang gi tshe byang chub sems dpa' lnga pa rnams dang / phyin ci log rnams dang / sgrib pa rnams su yang mi 'ong ba dang / 'dun pa dang / 'dod chags dang / zhe sdang dang / 'jigs pa dang / gti mug gis yang 'ong ba dang / 'gro ba 'gro bar 'gyur ba dang / byas pa nges par ma gyur cing / sangs rgyas kyi chos rnams ma rdzogs par mi 'ong ba dang / 'ong ba med pa dang / 'pho ba med pa la mkhas pa dang /

  83. 117b

    rga shi med pa la thob pa dang / mthar mi gnas pa dang / byas pa nges pa dang / lung bstan pa thob pa dang / dmigs pa med pa dang / rnam pa med pa thob pa/ dang / shes pas gzhan la rag ma las pa de lta na/ lha'i bu byang chub sems dpa' phyir mi 'ong ba yin no// lha'i bus sbas pa/ 'jam dpal ji ltar na byang chub sems dpa' dgra bcom pa yin/ 'jam dpal gyis smras pa/ lha'i bu gang gi tshe/ byang chub sems dpa' chags pa med cing / 'dod chags gdul ba'i phyir sems can rnams la chos ston pa dang / sdang ba med cing zhe sdang gdul ba'i phyir sems can rnams la chos ston pa dang / rmongs pa med cing gti mug gdul ba'i phyir sems can rnams la chos ston pa dang / chos thams cad la nyon mongs pa med par gnas pa dang / sems can thams cad la sems ma btang ba dang / sangs rgyas kyi chos thams cad la brtson 'grus brtsam pa dang / 'dod pa'i longs spyod thams cad la dga' ba med pas dga' ba dang / dgra bcom pa dang / bde ba bzhin du nyon mongs pa thams cad kyis ma gos pa dang / shes pas 'jigs pa dang / mnyam pa dang / thabs kyis/ 'phags pa ma yin par gnas pa dang / nye bar len pa thams cad la bdag gi med cing yongs su 'dzin pa med pa dang / sangs rgyas kyi chos thams cad

  84. 118a

    ra la bdag gir byed cing yongs su 'dzin pa dang / rang gi sems kyi rgyud dag la zag pa med pa'i sems dang ldan pa dang / gzhan gyi sems kyi rgyud dag la zag pa med pa gnas par byed pa dang / sngon dam bcas pa dag la brnag pa yongs su rdzogs pa dang / tshu rol dang pha rol la gnas pa rnams kyi pha rol tu son pa dang / tshu rol gyi gnas ma spangs pa dang / gzhan gyis sems can gzhan thar par byed pa de lta na/ lha'i bu gang gi tshe byang chub sems dpa' dgra bcom pa yin no// lha'i bus smras pa/ 'jam dpal ji ltar na byang chub sems dpa' nyan thos yin/ 'jam dpal gyis smras pa/ lha'i bu gang gi tshe byang chub sems dpa' sems can thams cad la ma thos pa'i chos sgrogs par byed cing / yul rnams la spyod par mi byed pa dang / yang dag pa'i dam pa'i chos dang / skye ba med pa dang / 'gag pa med pa'i chos sgrogs par byed pa dang / rgyu dang rkyen dang / bdag med pa dang / sems can med pa dang / rang bzhin gyis g.yo ba med pa sgrogs par byed pa dang / sangs rgyas kyis tshad med pa dang / na mkha' dang mnyam pa'i chos rnams sgrogs par byed pa dang / sangs rgyas kyi ye shes dang / ye shes chen po la chos thams cad la rgyus nye bar 'gro bar rtsom shig ces sgrogs par byed pa dang / sgrogs pa yang gzhan gyi dring mi 'jog

  85. 118b

    pa dang / thos pas kyang rlom sems mi byed pa dang / sgrogs pa thams cad kyi sngon dang / phyi ma'i mtha' mi 'chad pa yongs su shes pa dang / so so yang dag par rig pa mi zad pa thob pa dang / don dang / tshig dang / yig 'bru mi zad pa dang / sems can thams cad kyi sems dang / spyod pa dang / shes pa ston par byed pa dang / so so ci rig par chos ston par byed pa dang / zhi ba'i sa la gnas pa dang / spros pa med pa dang / sngon gyi smon lam gyis spyod pa de lta na/ lha'i bu byang chub sems dpa' nyan thos yin no// lha'i bus spras pa/ 'jam dpal ji ltar na byang chub sems dpa' rang sangs rgyas yin/ 'jam dpal gyis smras pa/ lha'i bu gang gi tshe byang chub sems dpa' chos thams cad rkyen la rag las pa dang / sems can med pa dang / srog med pa dang / gang zag med pa dang / bdag po med pa dang // rnam par bsgrubs pa nye bar gnas pa'i mtshan nyid du shes pa dang / des rkyen rnams legs par mthong ba'i phyir byang chub 'dren par byed pa'i rkyen 'di lta ste/ pha rol tu phyin pa thams cad kyi phyogs dang / byang chub kyi phyobs kyi chos rnams kyi phyogs dang / bsdu ba'i dngos po bzhi'i phyogs dang / tshad med pa bzhi'i byom dang mngon par shes pa'i phyogs yang dag par sgrubs par byed pa dang / de rkyen nye bar bsgrub par byed cing / gzhan gyi dring mi 'jog pas/ byang chub mngon par

  86. 119a

    @rdzogs par 'tshang rgya bar byed pa dang / sa ngan pa dag las sems skyo bar byed pa dang / nyi che ba'i shes pa 'dul ba la mkhas pa dang / theg pa chen po la legs par rab tu gnas pa dang / chos thams cad la mngon du gyur pa de lta na/ lha'i bu byang chub sems dpa' rang sangs rgyas yin no// lha'i bus smras pa/ 'jam dpal ji ltar na byang chub sems dpa' sangs rgyas yin/ 'jam dpa' gyis sbas pa/ lha'i bu gang gi tshe/ byang chub sems dpa' chos thams cad bzod ma nas dben pa nyid du rtogs par byed pa dang / sems can thams cad bzod ma nas bdag med pa nyid du rtogs pa byed pa dang / ming mngon par rtogs par byed pa'i phyir spyod pa dman pa dang / mchog dang bar ma thams cad rtogs par byed pa dang / rang gi nyon mongs pa stong pa nyid kyis nyon mongs pa thams cad rtogs par byed pa dang / skad cig gcig la rjes su rtogs pa'i rim gyis sa dang spyod pa sna tshogs ston par byed pa dang / sems can gyi dbang po dang mos pas chos ston par byed pa dang 'bras bu yod par chos ston par byed pa de lta na/ lha'i bu byang chub sems dpa' sangs rgyas yin no// lha'i bus smras pa/ 'jam dpal ji ltar na byang chub sems dpa' de bzhin gshegs pa yin/ 'jam dpal gyis spras pa/ lha'i bu gang gi tshe byang chub sems dpa' de bzhin gshegs pa'i lam du 'gro ba dang /

  87. 119b

    de bzhin nyid mi brjod pa dang / de bzhin nyid la rab tu gnas pa dang / de bzhin nyid kyi sbyin pa dang / de bzhin nyid kyi tshul khrims dang / de bzhin nyid kyi bzod pa dang // de bzhin nyid kyi brtson 'grus dang / de bzhin nyid kyi bsam gtan dang / de bzhin nyid kyi shes rab dang / de bzhin nyid kyi thabs dang / de bzhin nyid kyi smon lam dang / de bzhin nyid kyi stobs dang / de bzhin nyid kyi ye shes dang ldan pa dang / de bzhin nyid kyi sems can med pa dang / sems can yongs su thar bar byed pa dang / sems can gyi gnas dang / 'khor ba na yang spyod la spyod pa thams cad las kyang yang dag par 'das pa dang / spyod pa las sgrogs par byed pa dang de na yang yin la de na yang ma yin pa dang / 'di na yang yin la/ 'di na yang ma yin pa dang / gnyis ga las dag pa dang / mun pa dang bral ba dang / rtag tu gsal ba dang / mun pa med pa dang / mun pa'i ling tog dang bral ba dang / de bzhin nyid kyi rjes su song ba dang / de bzhin gshegs pa'i sa'i rjes su song ba de lta na/ lha'i bu byang chub sems dpa' de bzhin gshegs pa zhes bya'o// lha'i bus smras pa/ 'jam dpal ji ltar ji ltar na byang chub sems dpa' bcom ldan 'das shes bya 'jam dpal gyis sbas pa/ lha'i bu gang gi tshe/ byang chub sems dpa' nyon mongs pa dang / chu bo las rgal ba dang / srid pa mthong ba dang //

  88. 120a

    @sems can thams cad kyi khur dang / srid pa 'joms pa dang / srid pa'i 'du shes dang bral ba dang / bdud bcom pa dang khur bor ba dang / srid pa'i 'gro bar 'chi 'pho ba dang / skye ba dang / bya ba shes pa dang / srid pa'i 'dod chags bstsal ba dang / lus dang sems bsgoms pa dang / tshul khrims dang / shes rab bsgoms pa dang / srid pa'i skyon legs par mthong ba dang / srid pa'i sred pa dang bral ba dang / sems can la bsam pa ma gtang ba dang / srid pa'i rgya mtsho las sgrol ba dang / chu lon dang / zam pa legs par byas pa dang / mi gnas pas legs par gnas pa dang / rtag tu bsgom pa la yid kyis brtson pa dang / sems can gyi srid pa zad par byed pa dang / srid pa thams cad las rnam par log pa dang / thabs mkhas pa dang / nyon mongs pa thams cad thal bar klog pa byed pa dang / srid pas rnam par rtse ba la mkhas pa dang / srid gsum na yod pa rnams kyis mchod pa de lta na/ lha'i bu byang chub sems dpa' bcom ldan 'das shes bya'o// lha'i bus smras pa/ 'jam dpal ji ltar na byang chub sems dpa' yang dag par rdzogs pa'i sangs rgyas yin/ 'jam dpal gyis smras pa/ lha'i/ bu gang gi tshe byang chub sems dpa' mtshams med pa gang dang mnyam pa nyid du mngon par rdzogs par byang chub sems dpar byed pa dang / lta ba'i rnam pa rnams dang

  89. 120b

    phyin ci log rnams dang / sgrib rnams dang / mchod pa rnams dang / kun nas ldang ba rnams gang dang mnyam pa dang / byang chub kyang de dang mnyam pas mnyam pa nyid da mngon par rdzogs par byang chub par byed pa dang / 'dod chags dang / zhe sdang dang / gti mug dang mnyam pa dang / nyon mongs pa thams cad gang dang mnyam pas byang chub kyang de dang mnyam pa nyid du mngon par rdzogs par byang chub par byed pa dang / so so'i skye bo'i chos rnams dang / slob pa'i chos rnams dang / nyan thos kyi chos rnams dang / rang sangs rgyas kyi chos rnams dang / byang chub sems dpa'i chos rnams gang dang mnyam pa byang chub kyang de dang mnyam pas mnyam pa nyid du mngon par rdzogs par byang chub par byed pa dang / mnyam pa nyid du rnam par 'khrungs par mi byed pa dang / rnam par thar pa'i sgo gsum mnyam pa nyid kyis mnyam pa nyid du lta ba dang / chos thams cad gzod ma nas dag pa'i phyir rkyen la rag las pa dang / yod pa ma yin pa'i yongs su rtog pas kun nas bslang ba na mkha' dang mnyam pa nyid du mngon par rdzogs par byang chub par byed pa de lta na/ lha'i bu byang chub sems dpa' yang dag par rdzogs pa'i sangs rgyas yin no// lha'i bus smras pa/ 'jam dpal ji ltar na byang chub sems dpa' ston pa yin/ 'jam dpal gyis smras pa/ lha'i bu gang gi tshe/ byang chub sems dpa' gang la ston pa dang /

  90. 121a

    rab tu ston pa dang / rjes su ston par byed pa de dag thams cad mi g.yo ba'i chos can du 'gyur ba dang / ston pa yongs su 'dzin par 'gyur ba dang / stong gsum gyi stong chen po'i 'jig rten gyi khams su ston pa dang / rab tu ston pa dang / ston pa gcig pur 'gyur ba dang / sems can thams cad kyi skyabs dang / gling dang / dpung gnyen du 'gyur ba dang / mtshan ma thams cad zhi ba dang / rab tu zhi ba dang / nye bar zhi bar 'gyur ba dang / the tsom dang bral ba dang / sems can thams cad kyi the tsom gcod pa la mkhas pa dang / brgya byin dang / tshangs pa dang / 'jig rten skyong gis phyag byas pa dang / yang dag par spras pa dang / khams gsum pas phyag byas pa dang / sems na mkha' dang mnyam zhing khengs pa med pa dang / yang dag pa'i mtha' legs par mthong ba'i phyir smad pa dang / brdeg pa dang dgeng ba dang / bshung ba dang / khro ba dang / spyod pa dang / bsdigs pa thams cad dang / rlom sems thams cad kyis zhum par mi 'gyur ba dang / sems can gyi rang bzhin legs par mthong ba'i phyir sems can thams cad la phan zhing snying brtse ba dang / 'jig rten la ston par grags par 'gyur ba de lta na/ lha'i bu byang chub sems dpa' ston pa yin no// lha'i bus smras pa/ 'jam dpal ji ltar na byang chub sems dpa' so so'i skye bo'i chos can yin/ 'jam dpal gyis smras pa/ lha'i bu gang

  91. 121b

    gi tshe byang chub sems dpa' thabs kyi so so'i skye bo'i spyod pa thams cad kyang ston par byed la/ shes pas so so'i skye bo'i spyod pa thams cad la chags par yang mi 'gyur ba de lta na/ lha'i bu byang chub sems dpa' so so'i skye bo'i chos can yin no// lha'i bus smras pa/ 'jam dpal ji ltar na byang chub sems dpa' 'dod chags kyi chos can yin/ 'jam dpal gyis sbas pa/ lha'i bu gang gi tshe byang chub sems dpa' rtag tu sangs rgyas kyi chos rnams la rjes su chags par 'gyur ba dang / rtag tu sangs rgyas kyi sku la kun tu chags par 'gyur ba dang / bsam gtan dang / ting nge 'dzin dang / snyoms par 'jug pa bsgrub pa'i phyir rtag tu dgon par gnas pa la rjes su chags par 'gyur ba dang / sems can rnams bsdu ba'i dngos po bzhis bsdu ba la rtag tu rjes su chags par 'gyur ba dang / sems can thams cad la zhe 'gras pa'i sems med par 'gyur ba de lta na/ lha'i bu byang chub sems dpa' 'dod chags kyi chos can yin no// lha'i bus smras pa/ 'jam dpal ji ltar na byang chub sems dpa' zhe sdang gi chos can yin/ 'jam dpal gyis smras pa/ lha'i bu gang gi tshe byang chub sems dpa' 'dus byas rnams la gcig tu nyes pa'i khyer chags pangs rung ba dang / na nas dang / nga sangs rgyas kyi theg pa'i spang bar byed pa dang / mengs pa thams cad dang / 'du byung bams cad la thun du

  92. 122a

    'du shes la/ nyon mongs pa rnams spong bar yang mi byed pa dang / sems can yongs su smin par bya ba'i phyir brtson 'grus rgyun mi gcod par byed pa dang / snying rje chen pos yang dag par zin pa'i yid kyis snying brtse ba rgya chen po yang dag par bskyed par byed pa dang / sems can yongs su smin par bya ba'i phyir sems can rnams nyon mongs pa'i 'dam rdzab las 'byin par byed pa dang / sems can zhe sdang can rnams la bzod pa nye bar sgrub par byed cing / nyon mongs pa rnams la nye bar sbyin par byed pa dang / 'chi 'pho'i thabs thams cad dang / 'khor ba sun 'byin par byed pa dang / lha'i bu byang chub sems dpa' zhe sdang gi chos can yin no// lha'i bus smras pa/ 'jam dpal ji ltar na byang chub sems dpa' gti mug gi chos can yin/ 'jam dpal gyis smras pa/ lha'i bu gti mug ces bya ba ni gang cung zad kyang mi shes pa yin pas/ de la gang gi tshe byang chub sems dpa' chos kyi ngo bo nyid la snyoms par zhugs pa de shes par mi byed/ rnam par shes par mi byed/ kun du shes par mi byed/ len par mi byed/ spong bar mi byed/ 'byung bar mi byed/ 'jig par mi byed/ g.yo bar mi byed/ rlom sems su mi byed/ spyod par mi byed/ chos kyi rang bzhin gyis 'gog pa la snyoms par zhugs pa de lta na/

  93. 122b

    lha'i bu byang chub sems dpa' gti mug gi chos can yin no// lha'i bus smras pa/ 'jam dpal ji ltar na byang chub sems dpa' 'khor ba'i chos can yin/ 'jam dpal gyis spras pa/ lha'i bu gang gi tshe byang chub sems dpa' 'khor ba las kyang mi g.yo la/ de nyid las sangs rgyas kyi chos rnams tshol bar byed pa dang / bdud thams cad dang thun mongs ma yin zhing spyod pa dman pa rnams dang ma 'dres pa dang / sems can rnams spyod pa dman pa las phral zhing spyod pa rgya chen po la 'god par byed pa dang / don 'thun par byed pa dang / mi dge ba thams cad la mi bsngags pa brjod par byed cing / 'dun pa zlog pa dang / phyir zlog par byed pa dang / byang chub 'khor ba la gzhol bar shes par byed pa dang / 'khor ba mnyam par nyid kyis sangs rgyas mnyam pa nyid du lta bar byed pa dang / 'khor ba las mi g.yo zhing gnas par yang mi byed pa de lta na/ lha'i bu byang chub sems dpa' 'khor ba'i chos can yin no// lha'i bus smras pa/ 'jam dpal ji ltar na byang chub sems dpa' yongs su mya ngan las 'da' ba'i chos can yin/ 'jam dpal gyis smras pa/ lha'i bu gang gi tshe bya chub sems dpa' sems can thams cad rang bzhin gyis yongasu mya ngan las 'das par lta bar byed pa dang / chos thams cad rang bzhin gyis

  94. 123a

    ra lanye bar zhi bar shes par byed pa dang / sems can thams cad yongs su mya ngan las bzla ba dang nye bar zhi bar bya ba'i phyir chos ston par byed pa dang / sems can dpag tu med pa'i me gsum gyis 'bar bar gyur pa rnams nye bar zhi bar byed cing yongasu mya ngan las 'da' bar byed pa dang / yongs su mya ngan las 'das pa la yang spyod par byed la/ gtan du yong su mya ngan las 'da' bas yongasu mya ngan las 'da' bar yang mi byed pa de lta na/ lha'i bu byang chub sems dpa' yong su mya ngan las 'da' ba'i chos can yin te/ thabs la mkhas pa dang / thabs shes pa la nges par skyes pa dang / sems can thams cad la phan pa dang / rjes su snying brtse ba dang ldan pa yin no// 'jam dpal gzhon nur gyur pas bstan pa 'di bshad pa na/ srog chags 'bum lhag tsam chos rnams la chos kyi mig rdul med cing dri ma dang bral ba rnam par dag go/ srog chags drug khri ni len pa med par zag pa rnams las sems rnam par grol lo// sngon dge ba'i rtsa ba bskyed cing sangs rgyas mang po la bsnyen bkur byas pa'i sems can rnams kyis ni mi skye ba'i chos la bzod pa thob par gyur to// byang chub sems dpa' khri nyis stong gis ni mi zad pa'i rnam pa'i mdzod ces bya ba'i gzungs so so'i thob par gyur to// srog chags

  95. 123b

    sa ya phrag gnyis dang lnga 'bum gyis ni bla na med pa yang dag par rdzogs pa'i byang chub tu sems bskyed de// steng gi bar snang las kyang bcom ldan 'das dang / 'jam dpal gzhon nur gyur pa la mchod pa bya ba'i phyir me tog gi char dag mngon par rab tu babs so// de nas lha'i bu rab rtsal sems kyis 'jas dpal gnon nur gyur pa la 'di skad ces smras so// 'jam dpal ji ltar na byang chub sems dpa' thabs dang shes rab kyis nges par 'byung ba yin/ de nas 'jam dpa gzhon nur gyur pas/ lha'i bu rab rtsal sems la tshigs su bcad de smras pa/ gang tshe sems ni chags med pa// bla med byang chub sems yin te// sems kyi rang bzhin mngon sum pa// de ni shes rab mtshan nyid do// sems rnams bskyed pa thams cad ni// byang chub tu ni yongs bsngo zhing // byang chub sem las rab brtas pa// de ni thabs kyi mtshan nyid do// sems can thams cad bdag med cing // mi bden ya ma rla gsog tu// gang tshe shes pas shes byed pa// de ni shes rab mtshan nyid do// gang phyir sems can thams cad dag/ byang chub phyir ni sbyin byed cing // bsam pa thag pas sdud byed pa// de ni thabs kyi mtshan nyid do// gang tshe bdag dang byang chub dag/ gtan du mthong bar mi byed cing // 'khor gsum yongasu drag gyur pa// de ni shes rab mtshan

  96. 124a

    @#nyid do// nang dang yang na phyi rol dag/ thams cad yongs su gtong byed cing // sems can kun la yongs bsngo ba// de na thabs kyi mtshan nyid do// zhi zhing rab zhi gtsang dag cing // tshul khrims rlom sems mi byed la// lus dang ngag yid ni gyur pa// de ni shes rab mtshan nyid do// tshul khrims la ni zhugs gyur cing // gzhan yang tshul khrims sbyor byed la// sangs rgyas tshul khrims sngon byed pa// de phyir thabs shes bya ba yin/ chos rnams thams cad rab stong zhing // bdag med bzod pa bsgom byed la// lus dang sems kyis ma smras pa// de ni shes rab pha rol phyin// sems can kun gyi khro ba dang // gsod dang 'ching ba bzod byed cing // sems can de dag mi spong ba// de ni thabs kyi pha rol phyin// sems can yongs su smin bya'i phyir// bsam gtan bde ba rab spangs nas// grong dang yul 'khor snang byed pa// de ni thabs kyi pha rol phyin// tshu rol ma yin pha rol min// 'thun pa'i pha rol rab gnas shing // spros pa'i lta ba rgyun bcad pa// shes rab pha rol phyin rtogs yin// gang gis stong nyid rtogs gyur nas// de ni btang snyom mi byed cing // sems can stong nyid sbyor byed pa// de ni thabs kyi tshul yin no// sangs rgyas gzung med mkhas 'dra bar// chos kyi sgo nas lta byed cing //

  97. 124b

    de tshe gzugs la zhen med pa// de ni shes rab mtshan nyid do/ sangs rgyas mtshan nyid mchod 'dod cing // sangs rgyas bye ba mchod byed la// 'dren kun mchog tu 'jug byed pa// de phyir thabs shes bya ba yin// chos rnams rdul med rdul bral zhing // mkhas dang mnyam pas mnyam gyur la// chos 'ag 'dzin par mi byed pa// de ni shes rab pha rol phyin// chos ni yongs su gzung ba'i phyir// lus dang srog ni 'dor byed cing // 'jig rten kun gyis dben gyur pa// de ni thabs kyi sgo yin no// chos dbyings gnas pa nyid kyi phyir// yang dag mtha' la rab gnas shing // de bzhin nyid las mi g.yo ba// de ni shes rab sgo yin no// gang gis chos nyid ci 'dra ba// sems can de 'drar shes byed cing // de ltar rtogs par byed pa'i mtha'// de ni shes rab pha rol phyin// chos kun 'chi 'pho yod min zhing // skye ba med par shes byed la// mi 'gro rgyug par mi byed pa// de ni shes rab pha rol phyin// sems can yongs su smin pa'i phyir// mkhas pa 'dod dang gzugs rnams su// bsams bzhin du ni skye byed pa// de dag thabs kyi yon tan yin/ dben pa gnas rab gnas byed cing // nyon mongs med la rab gnas la// bsam gtan rnam par thar ston byed// de dge shes rab mtshan nyid yin/

  98. 125a

    canagrong dang yul 'khor rnams su ni// song nas snyan gtam ston byed cing // mi zad zhum pa yod min pa'i// mkhas pa thabs la/ mkhas pa yin// 'jig rten gsum po thams cad las// skrag cing 'dra 'dzi bsten med la// bdag nyid dul zhing zhi gyur la// de ni shes rab pha rol phyin// 'gro ba dag na 'das chen dang // tshogs dang 'dra 'dzi ji snyed pa// kun na snang ba de dag ni// thabs kyis smras pa med pa yin// brtan pa chags med spyod byed cing // yi ge don gnyer mi byed la// brjod med nges don don gnyer ba// de ni shes rab pha rol phyin// mkhas pa chags pa thams cad na// snang zhing chos rnams ston byed la// dkon mchog gsum gyi sngags brjod pa// de ni thabs kyi pha rol phyin// mngon shes shes la mkhas gyur cing // zhi zhing dul la zag pa med// bdeg med bzhag pa yod min pa// de ni shes rab pha rol phyin// mngon shes dag la rnam 'phrul zhing // zhing rnams byed par 'gro byed la// sangs rgyas bye ba mchod byed pa// de ni thabs kyi mtshan nyid yin// phung po sgyu ma 'drar shes shing // nyon mongs dngos med shes byas nas// de dag bdud kun zhi gyur pa// de ni shes rab pha rol phyin// bdud rnams thams cad ston byed cing // gtan nas rgyal bar byed gyur la// de las sems can thar byed pa// de ni

  99. 125b

    thabs kyi sgo yin no// stong nyid mtshan ma med pa dang // smon par byed pa yod min pa'i// rnam thar sgo la sten byed pa// de ni shes rab mtshan nyid yin// chags med sdang ba yod min zhing // rmongs med shes pa'i spyod yul dang // blang med dor ba yod yin pa// de ni shes rab mtshan nyid yin// rnam pa kun gyi mchog/ ldan yin// stong nyid rab tu ston gyur la// kun gyi pha rol son gyur pa// mnyam med 'gog pa'i mtshan nyid yin// zag med brdul ba ma yin pa'i// de dag shes rab ldan 'gyur zhing // 'khor ba'i spyod yul de dag ni// sems can kun gyi grogs su 'gyur// bsod nams tshogs kyis ngoms pa'i// mkhas pa thabs la mkhas pa yin// shes rab thabs la mkhas pa yin// yan lag gnyis ldan lam de ni// shes ldan byang chub sems dpa' ste// des ni 'dren rnams nges par 'byung // thabs dang mi ldan shes rab kyis// ma byung 'byung bar 'gyur ba med// shes rab med thabs kyis ni// mkhas pa rab tu zhi mi 'gyur// shes rab dang ni thabs shes pa// de gnyis kun tu 'dres gyur cing // gnyi ga zung du 'jug 'gyur na// des ni dam pa rtogs par 'gyur// gang dag bgrod par 'di 'gro ba// sangs rgyas kun gyis rab bsngags shing // ye shes pha rol phyin 'gyur te// de ni chos rnams chos nyid do// de dag sangs rgyas spyod yul gyi// chos

  100. 126a

    @6/ @#dbyings dbyer med dga' byed cing // sangs rgyas byang chub bla med pa'i// rdul med byang chub rtogs par 'gyur// lha'i bu rab rtsal sems kyis 'jam dpal gzhon nur gyur pa la gzhan yang 'di skad ces smras so// 'jam dpal byang chub kyi yul gang yin/ 'jam dpal gyis smras pa/ lha'i bu byang chub kyi yul ni rang gi yul dben pa nyid yin no// lha'i bus smras pa/ 'jam dpal byang chub kyi mtshan nyid gang yin/ 'jam dpal gyis smras pa/ lha'i bu byang chub ni na mkha'i mtshan nyid yin no// lha'i bus smras pa/ 'jam dpal byang chub kyi mtha' gang yin/ lha'i bu byang chub kyi mtha' ni stong pa nyid yin no// lha'i bus smras pa/ 'jam dpal byang chub kyi gnas gang yin/ 'jam dpal gyis smras pa/ lha'i bu byang chub kyi gnas ni chos thams cad kyi gnas yin no// lha'i bus smras pa/ 'jam dpal byang chub kyi sgo gang yin/ 'jam dpal gyis smras pa/ lha'i bu byang chub kyi sgo ni kun nas sgo yin no// lha'i bus smras pa/ 'jam dpal byang chub kyi rtsom pa gang yin// 'jam dpal gyis smras pa/ lha'i bu byang chub kyi rtsom pa ni sems can thams cad bdag med pa'o// / lha'i bus smras pa/ 'jam dpal byang chub ji dang mnyam/ 'jam dpal gyis smras pa/ lha'i bu byang chub ni chos thams cad mi skye ba dang mnyam mo//

  101. 126b

    lha'i bus smras pa/ 'jam dpal byang chub kyi bgrod pa gang yin/ 'jam dpal gyis smras pa/ lha'i bu byang chub kyi bgrod pa ni sems can thams cad kyi sems/ dang spyod pa yin no// byang chub kyi bgrod pa ni/ 'gro ba med par 'gro ba dang rgyu ba med par 'gro ba yin no// lha'i bus smras pa/ 'jam dpal byang chub gang gi rgyu 'thun pa yin/ 'jam dpal gyis smras pa/ lha'i bu byang chub ni snying rje chen po'i rgyu 'thun pa yin no// lha'i bus smras pa/ 'jam dpal snying rje chen po gang gi rgyu 'thun pa yin/ 'jam dpal gyis smras pa/ lha'i bu snying rje chen po ni sems can thams cad rab tu thar bar bya ba'i phyir rgyu 'thun pa yin no// lha'i bus smras pa/ 'jam dpal byang chub ga las brtsal bar bya/ 'jam dpal gyis smras pa/ lha'i bu byang chub ni sems can thams cad kyi nyon mongs pa rjes su rtogs pa las btsal bar bya'o// lha'i bus smras pa/ 'jam dpal nyon mongs pa rnams ga las btsal bar bya/ 'jam dpal gyis smras pa/ lha'i bu nyon mongs pa rnams ni 'phags pa'i lam yan lag brgyad pa las btsal bar bya'o// lha'i bus smras pa/ 'jam dpal ci 'phags pa'i lam nyon mongs pa rnams dang lhan cig gnas sam/ 'jam dpal gyis smras pa/ lha'i bu gal te 'phags pa'i lam gnyis su gyur pa zhig yin na ni/ 'phags pa'i lam nyon mongs pa rnams

  102. 127a

    rang rtsa/ dang lhan cig gnas par yang 'gyur ba zhig/ lha'i bu 'phags pa'i lam gnyis su gyur pa med pa ste/ nyon mongs pa tshol ba gang yin pa/ de nyid 'phags pa'i lam yin no// lha'i bus smras pa/ 'jam dpal ji ltar na lam gyi bya ba byas pa yin/ 'jam dpal gyis smras pa/ lha'i bu gang gi tshe btsal na nyon mongs pa rnams mi snyed cing / 'khor ba yang mi rnyed/ mya ngan las 'das pa yang mi rnyed pa de lta na/ lam gyis lam gyi bya ba byas pa yin no// lha'i bus smras pa/ 'jam dpal byang chub sems dpa'i lam gang yin/ 'jam dpal gyis smras pa/ lha'i bu byang chub sems dpa'i lam ni lta ba'i rnam pa drug cu rtsa gnyis dang / phyin ci log bzhi dang / sgrib pa lnga dang / mi dge ba'i phyogs kyi chos thams cad do// lha'i bus smras pa/ 'jam dpal ci la bsams te de skad smra/ 'jam dpal gyis smras pa/ lha'i bu byang chub sems dpa' ni sems can la sbyor ba yin pas/ sems can rnams kyang lta ba'i rnam pa dang / phyin ci log dang / sgrib pa dang / mi dge ba'i chos rnams ma gtogs pa gzhan las btsal bar mi bya'o// de'i phyir byang chub sems dpa' ni gang gis sems can rnams rab tu byed pa'i lta ba'i rnam pa dang / phyin ci log dang / nyon mongs pa de dag nyid tshol bar byed de/ de tshol bar byed na/ sems can yang mi rnyed//

  103. 127b

    nyon mongs pa rnams kyang mi rnyed do// ma rnyed na sems can yongasu smin par bya ba la skyo bar mi 'gyur te/ lha'i bu rnam grangs des na nyon mongs pa tshol ba ni/ byang chub sems dpa'i lam yin la/ sems can tshol ba yang byang chub sems dpa'i lam yin/ phung po dang khams dang / nyon mongs pa tshol ba yang byang chub sems dpa'i lam yin no// lha'i bus smras pa/ 'jam dpal rnam par thar pa'i sgo gsum po dag byang chub sems dpa'i lam yin nam/ 'jam dpal gyis smras pa/ lha'i bu stong pa nyid ni btsal bar mi nus la/ mtshan ma med pa dang / smon pa med pa yang btsal bar mi nas la/ mtshan ma med pa dang / smon pa med pa yang btsal bar mi nus so// de ci'i phyir zhe na/ lha'i bu de la ni sems dang / yid dang / rnam par shes pa 'jug par mi 'gyur la/ gang la sems dang / yid dang rnam par shes pa 'jug par mi 'gyur ba de ni btsal bar mi nus pa'i phyir ro// lha'i bus sbas pa/ 'jam dpal ji ltar mngon par rtogs par bya// 'jam dpal gyis smras pa/ lha'i bu yang dag pa'i lta ba gang dang mnyam pa log pa'i lta ba yang de dang mnyam pa de ltar mngon par rtogs pa gang yin pa de ni// lam mngon par rtogs pa yin no// yang dag pa'i rtog pa gang dang mnyam pa log pa'i rtog pa de yang de dang mnyam pa dang / yang dag pa'i ngag dang mnyam pa log/

  104. 128a

    rab rtsa #pa'i ngag dang mnyam be log pa'i ngag kyang de dang mnyam pa dang / yang dag pa'i lam kyi mtha' gang dang mnyam pa log pa'i las kyi mtha' yang de dang mnyam dang / yang dag pa'i 'tsho ba gang dag dang mnyam pa log pa'i 'tshe ba yang de dang mnyam pa dang / yang dag pa'i rtsol ba dang mnyam pa log pa'i rtsol ba yang de dang mnyam pa dang / yang dag pa'i dran pa gang dang mnyam pa log pa'i dran pa yang de dang mnyam pa dang / yang dag pa'i ting nge 'dzin gang dang / mnyam pa log pa'i ting nge 'dzin kyang de dang mnyam pa de ltar mngon par rtogs pa gang yin pa de ni lam mngon par rtogs pa yin no// lha'i bus smras pa// 'jam dpal yang dag pa'i lta ba gang deng mnyam/ 'jam dpal gyis smras pa/ lha'i bu yang dag pa'i lta ba dang / log pa'i lta ba ni stong pa nyid dang / dben pa nyid dang mnyam pa yin no// lha'i bus smras pa/ 'jam dpal stong pa nyid dang dben pa nyid la tha dad du bya ba ci yod/ 'jam dpal gyis smras pa/ lha'i bu na mkha' dang na mkha' la tha dad du bya ba ci yod/ lha'i bus smras pa/ 'jam dpal tha dad du bya ba cung zad kyang med do// 'jam dpal gyis smras pa/ lha'i bu de bzhin du stong pa nyid dang / dben pa nyid la yang dang yang du bya ba cung zad kyang med de/ lha'i bus smras pa/ 'jam dpal tha dad du bya/

  105. 128b

    ba gang las rab tu phye ba yin/ 'jam dpal gyis smras pa/ lha'i bu tha dad du bya ba ni mtshan ma dang / dmigs pa dang / 'du shes dang spros pa las rab tu phye ba yin te/ mtshan ma dang / dmigs pa dang / 'du shes dang / spros pa gang yin pa de'i ngo bo nyid kyi mtshan nyid rje su rtogs pa gang yin pa de la ni tha dad du bya ba med do// lha'i bu 'di lta ste dper na/ rgya mtsho chen por ma zhugs pa'i chu la ni tha dad du bya ba yod kyi// rgya mtsho chen por zhugs pa'i chu la ni tha dad du bya bya ba med pa de bzhin du/ lha'i bu chos kyi dbyings yongs su ma shes pa la ni chos la tha dad du bya ba yod kyi/ chos kyi dbyings yong su shes pa la ni chos tha dad du byed pa med do// lha'i bus smras pa/ 'jam dpal ci chos kyi dbyings yongasu shes par nus sam/ 'jam dpal gyis smras pa/ lha'i bu chos kyi dbyings ni yongasu shes par mi nus so// de ci'i phyir zhe na/ lha'i bu chos thams cad ni chos kyi dbyings su yang dag par 'dra ba yin la/ chos kyi dbyings kyis ni chos kyi dbyings yongasu mi shes pa'i phyir ro// chos kyi dbyings su yang dag par 'du ba'i chos de dag la gnyis su med par shes pa gang yin pa de ni/ yongs su shes pa zhes bya ste/ sems gcig nas gcig tu brgyud pa nye bar zhi bar byed pa'i phyir de ni yong su shes pa zhes bya'o// gzhan gyi

  106. 129a

    5/ @rnam par rig pa la gnas pa'i phyir de ni yongs su shes pa zhes bya'o// lha'i bu 'di lta ste/ dper na/ na mkha' gzugs/ med pa'i snang ba la gzugs thams cad snang yang / gzugs de dag ni na mkha'i ngo bo nyid yin pa de bzhin du/ lha'i bu byang chub sems dpa' rang gis smras pa'i chos kyi dbyings kyi sgo nas chos thams cad mthong yang / chos de dag ni chos kyi dbyings kyi ngo bo nyid kho na yin no// lha'i bus smras pa/ 'jam dpal ji ltar na byang chub sems dpa' mgo smos pas go ba yin/ 'jam dpal gyis smras pa/ lha'i bu mgo smos pas go ba'i rang gi lta bas/ sems can thams cad kyi lta ba spang ba'i phyir chos ston par byed na'o// lha'i bus smras pa/ 'jam dpal ji ltar na byang chub sems dpa' rnam par spros pas go ba yin/ 'jam dpal gyis smras pa/ lha'i bu dben pa'i phyir bdag kyang gzhan du mi byed la/ bdag med pa yang gzhan du mi byed na'o// lha'i bus smras pa/ 'jam dpal ji ltar na byang chub sems dpa' mi bkri ba yin/ 'jam dpal gyis smras pa/ lha'i bu gang gi tshe byang chub sems dpa' chos 'ga' yang khrid par mi byed mi khrid par mi byed pa na'o// lha'i bus smras pa/ 'jam dpal ji ltar na byang chub sems dpa' gnas lhur

  107. 129b

    len pa yin/ 'jam dpal gyis smras pa/ lha'i bu gang gi tshe byang chub sems dpa' mtshan ma med pa'i gnas las g.yo bar mi byed na'o// lha'i bus smras pa/ 'jam dpal gang gis byang chub sems dpa' tshogs gsum po nges pa nyid dang / ma nges pa nyid dang / log pa nyid du nges pa'i tshogs dag la snang bar 'gyur ba'i rnam grangs yod dam/ 'dza dpal gyis smras pa/ lha'i bu yod do// lha'i bus smras pa/ 'jam dpal ji lta bu yin/ 'jam dpal gyis smras pa/ lha'i bu byang chub sems dpa' nges pa ni sangs rgyas kyi chos thams cad la'o// ma nges pa ni nyan thos dang rang sangs rgyas rnams la'o// log pa nyid du nges pa ni de las sems can bsgral bar bya'o// lha'i bus smras pa/ 'jam dpal gang gis byang chub sems dpa' mi khom pa thob cing / khom pa thob pa'i rnam grangs yod dam/ 'jam dpal gyis smras pa/ lha'i bu yod do// lha'i bus smras pa/ 'jam dpal 'o na ci'i phyir byang chub sems dpa' mi khom pa thob pa rnams la snying rje chen po skyed par byed cing / sems can yong su smin par bya ba'i phyir/ khom pa thob pa/ de dag kyang yal bar 'jog par byed/ 'jam dpal gyis smras pa/ lha'i bu gang rnam par grol ba'i tshogs de dag ni khom pa thob pa yin pas/ de la ni

  108. 130a

    byang chub sems dpa' mi snang ngo // lha'i bus sbas pa/ 'jam dpal khyod mi khom pa thob pa yin nam/ 'on te khom pa thob pa yin/ 'jam dpal gyis smras pa/ lha'i bu kho bo ni khom pa thob pa yang ma yin mi khom pa thob pa yang ma yin no// lha'i bus smras pa/ 'jam dpal ci'i phyir/ 'jam dpal gyis smras pa/ lha'i bu kho bo ni thob pa yang ma yin yang dag par thob pa yang ma yin/ khom pa yang ma yin mi khom pa yang ma yin la/ khom pa dang mi khom pa la chags par yang mi byed pa'i phyir ro// lha'i bus smras pa/ 'jam dpal chos kyi rnam grangs 'dis ni/ bdud kyi dkyil 'khor thams cad tshar gcod do// 'jam dpal gyis smras pa/ lha'i bu 'di ltar chos kyi rnam grangs 'di la ni phung po yongasu shes pa yang med/ nyon mongs pa sel ba yang med/ bdud las yang dag par 'das pa yang med pa'i phyir ro// lha'i bus smras pa/ 'jam dpal nye bar sbyor bar gzhan mu stegs can rnams dam par byas so// 'jam dpal gyis smras pa/ lha'i bu 'di ltar 'di la mu stegs thams cad kyi spyod pa med pa'i phyir ro// lha'i bus smras pa/ 'jam dpal chos kyi tog btsug so// la dpal gyis smras pa/ lha'i bu snang ba med pa dang / mun pa mun pa med pa'i phyir ro// lha'i bus smras pa/ 'dam dpal 'dis ni chos kyi 'khor lo rab tu

  109. 130b

    bskor to// 'jam dpal gyis smras pa/ lha'i bu lta ba'i mtha' thams cad yongasu btsad pa'i phyir ro// lha'i bus smras pa/ 'jam dpal chos bstan pa 'dis chos kyi snang ba ji snyed cig byas/ 'jam dpal gyis smras pa/ lha'i bu gang dag la snang ba yang med la/ mun pa yang med pa de dag chos kyi snang bar byas so// lha'i bus smras pa/ 'jam dpal sems can gang dag chos kyi rnam grangs 'di thos nas/ mos par 'gyur ba de dag ni dkon no// rnam grangs 'di thos nas/ mos par 'gyur ba de dag ni dkon no// 'jam dpal gyis smras pa/ lha'i bus smras pa/ 'jam dpal 'di la su dag smos par 'gyur/ 'jam dpal gyis smras pa/ lha'i bu gang dag 'ching ba bas rnam par 'khrug par mi 'gyur ba rnams so// lha'i bus smras pa/ 'jam dpal 'ching bas rnam par 'khrug par mi 'gyur ba rnams so// 'jam dpal gyis smras pa/ lha'i bu gang dag 'dod chags dang / zhe sdang dang / gti mug dang / nyon mongs pa bsal ba'i sgo nas thar pa tshol bar mi byed pa dang / gang dag 'dod chags dang / zhe sdang dang / gti mug dang / nyon mongs pa mnyam pa nyid kyis rnam par grol ba mnyam par gyur pa de dag ste/ de dag gis ni 'ching ba ma dmigs

  110. 131a

    rab rtsalapas rnam par 'grub par yang mi 'gyur ba'i phyir ro// 'jam dpal gzhon nur gyur pas/ bstan pa 'di bshad pa na/ srog chags lnga 'bum tsam gyis byang chub tu sems bskyed nas tshig 'di skad ces bdag cag gis kyang ji ltar 'jam dpal gzhon nur pa dang / de bzhin gshegs/ pa dgra bcom pa yang dag par rdzogs pa'i sangs rgyas kyis chos 'di dag brnyes pa de bzhin du/ thos par gyur cig ces kyang smras so// lha dang mi rnams kyi skye dgu las srog chags 'bum lhag tsam ni chos rnams la chos kyi mig rdul med cing dri ma dang bral ba rnam par dag go// gnas gtsang ma'i rigs kyi lha'i bu drug khri ni len pa med par zag pa rnams las sems rnam par grol lo// 'dod pa na spyod pa'i lha'i bu brgyad khri yang len pa med par zag pa rnams las sems rnam par grol lo// srog chags dang / dge slong dang / dge slong ma dang / dge ba snyen pa dang / dge bsnyen ma khri yang len pa med par zag pa rnams las sems rnam par grol lo// byang chub sems dpa' sngon dge ba'i rtsa ba bskyed pa bdun khri nyis stong gis ni mi skye ba'i chos la bzod pa thob par gyur to// thams cad dang ldan pa 'di bshad pa na/ lha dang mi rnams kyi skye dgu las srog chags nyis khri nyis stong ni chos rnams la chos kyi mig rdal med cing dri ma dang bral ba rnam

  111. 131b

    par dag go// lha dang pi rnams kyi skye dag las srog chags 'bum phrag brgyad ni len pa med par zag pa rnams las sems rnam par grol lo// lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / dge slong dang / dge slong ma dang / dge bsnyen dang / dge bsnyen ma sa ya phrag gnyis kyis ni byang chub tu sems bskyed do// 'di na gnas pa dang / 'jig rten gyi khams gzhan dag nas 'dus pa'i byang chub sems dpa' lnga 'bum gyis ni mi skye ba'i chos la bzod pa thob par gyur to// byang chub sems dpa' bsam pa tha dad pa'i nyis stong tsam gyis ni gzungs sna tshogs so sor thob par gyur to// byang chub sems dpa' 'bum gyis ni gzungs dri ma med pa so sor thob par gyur to// de dag las byang chub sems dpa' mang po dag byang chub sems dpa' byams pa khyod kyis byang chub thob pa'i dam pa'i chos yongs su 'dzin par 'gyur zhing / mdo sde zab mo 'di lta bu dag nod pa dang / ston pa dang / 'dzin pa dang / klog par yang 'gyur te/ de dag ni byams pa khyod nyid kyis byang chub tu lung bston par 'gyur ro// de nas bcom ldan 'das la byang chub sems dpa' byams pas 'di skad ces gsol to// bcom ldan 'das rigs kyi bu 'am rigs kyi bu mo gang dag mdo sde 'di 'dzin pa dang /

  112. 132a

    ra la/ klog pa dang / ston pa dang / yi ger 'dri ba dang / dam pa'i chos yun ring du gnas par bgyi ba'i slad du/ glegs bam du bgyis te 'chang ba dang / tha na lan 'ga' zhig nyan par bgyid pa dang / rna lam du grags par bgyid pa de dag bsod nams ji tsam skyed par 'gyur lags/ de skad ces gsol pa dang / bcom ldan 'das kyis byang chub sems dpa' byams pa la 'di skad ces bka' stsal to// byams pa khyod de bzhin gshegs pa la don 'di yongs su 'dri bar sems pa ni legs so// byams pa de'i phyir legs par rab tu nyon la yid la zung shig dang / ngas khyod la bshad do// byams pa nan gyis dper na/ lha dang / mi rnams kyi skye dgu las lha 'am/ mi gang zhig gis sangs rgyas bcom ldan 'das 'khor gang ga'i klung gi bye ma snyed/ cig la bskal pa gang ga'i klung gi bye ma snyed du bde ba'i yo byad thams cad kyis bsnyen bkur byas par gyur pas ni/ gang gis mdo sde legs par gsungs pa 'di yi ger bris te 'dzin pa dang / klog pa dang / de bzhin nyid du sgrub par byed pa dang / gzhan dag la ston par byed pa de ches bsod nams mang du bskyed par 'gyur ro// byang chub mngon par rdzogs par 'tshang rgya ba'i phyir ring por mi thogs par byang chub kyi snying por nye bar 'gro bar 'gyur ro// byams pa nga ni gang dag gis mdo sde 'di thos nas spong bar mi

  113. 132b

    byed cing / mos par byed pa dang / tha na glegs bam du 'dri bar byed pa de dag kyang mos pa ji lta ba bzhin du phyir mi ldog pa nyid du lung ston to// byams dang / ni gang dag gis mdo sde zab mo 'di lta bu 'di'i ming tsam thos pa de dag kyang 'bras bu yod par lung ston par byed na/ gang dag mos pa dang / yi ger 'dri ba dang / klog pa dang / gzhan dag la yang ston par byed pa dag lta smos kyang ci dgos/ gang dag mdo sde 'di yi ger 'dri ba dang / lung nod pa dang / kha ton byed pa dang / klog pa dang / de bzhin nyid du sgrub par byed pa de dag ni/ sangs rgyas bcom ldan 'das rnams dang lhan cig tu/ gtam 'dri bar byed pa dang / phebs par smra bar byed par 'gyur te/ de dag ni rtag tu sangs rgyas bcom ldan 'das rnams dang mi 'bral bar 'gyur zhing / 'jig rten gyi khams gzhan dag na bzhugs pa'i sangs rgyas bcom ldan 'das rnams dang / byang chub sems dpa' sems dpa' chen po rnams kyis kyang de dag la ston par mdzad cing / bla na med pa yang dag par rdzogs pa'i byang chub tu lung ston par yang 'gyur ro// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo chos kyi rnams grangs 'di thos pa de ni sangs rgyas 'byung ba dang 'dra ba yin gyis/ kun dga' bo khyod kyis chos kyi rnam grangs 'di zung shig/ gzhan dag la yang rgya cher ston cig

  114. 133a

    kun dga' bos gsol pa/ bcom ldan 'das chos kyi rnam grangs 'di'i ming ci zhes bgyi/ 'di ji ltar gzung bar bgyi/ 'di'i ming ji skad bstan par bgyi lags/ bcom ldan 'das kyis bka' stsal pa/ kun dga' bo chos kyi rnam grangs 'di lha'i bu rab rtsal sems kyis zhes pa zhes bya ba dang / 'jam dpal gyis bstan pa ches thams cad rnam par gtan la dbab pa bstan pa zhes bya bar yang zung shig/ de nas 'khor de dag gis chos kyi rnam grangs 'dri'i ming thos nas thal mo sbyar te/ bcom ldan 'das la 'di skad ces gsol to// bcom ldan 'das bdag cag gis 'jam dpal gzhon nur gyur pas chos bstan par mang du thos legs na/ ji ltar chos kyi rnam grangs 'di rab tu rnam par phye ste rgya cher bstan pa dang / de lta bu'i chos ni nam yang ma byung lag so// bdag cag gis kyang chos kyi rnam grangs la dga' ba 'di lta bu thob pa ni sngon ma myong lags te/ de lta lags pas/ bcom ldan 'das yongs su mya ngan las 'das nas kyang skye bo mang po la sman pa dang / ma 'ongs pa'i skye bo rnams kyi slad du/ chos kyi rnam grangs 'di ci nas sangs rgyas kyi mdzad pa bgyid par 'gyur ba dang / sems can mos pa tha dad pa rnams kyis chos kyi rnam grangs 'di thos nas/ mos pa ji lta ba bzhin du theg pa tha dad pas/ nges par 'byung

  115. 133b

    bar 'gyur ba dang / de dag bde 'gro mchi bar bgyi bar/ bcom ldan 'das kyis chos kyi rnam grangs 'di legs par byin gyis brlab du gsol/ de nas bcom ldan 'das kyis 'khor bzhi po de dag gis gsol ba btab par thugs su chud nas/ phyogs bcur rnam par gzigs so// bcom ldan 'das phyogs bcur rnam par gzigs ma thag tu de nas de'i mod la stong gsum gyi stong chen po'i 'jig rten gyi khams 'di'i sa gzhi chen po rnam pa drug tu g.yos par gyur cing / lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po rnams dga' ba dang / mgu ba dang / yi rangs pa dang / spro ba dang / dga' ba dang / yid bde ba skyes nas/ ci nas kyang phyi ma'i dus na chos kyi rnams grangs 'di nub par mi 'gyur bar byin gyis brlab par bya ba'i phyir/ de bzhin gshegs pa dang / byang chub sems dpa' sems can la dga' ba rnams dang / nyan thos kyi dge 'dun la lha'i mchod pa dag byas shing / steng gi bar snang las me tog gi char dag kyang rab tu phab/ lha'i sil snyan dang / glu dbyangs dag rab tu bsil cing blangs so// de nas de bzhin gshegs pa thams cad dang ldan pa'i 'khor de la 'di skad ces/ nga dang 'jam dpal gzhon nur gyur pas chos kyi rnam grangs 'di byin gyis brlabs so//

  116. 134a

    / @#zhes go bar yang mdzad do// de nas thams cad dang ldan pa'i 'khor de dang / byang chub sems dpa' de dag dga' ba dang / mgu ba dang yid rangs pa dang / rab tu dga' ba dang / dga' ba dang / yid bde ba skyes nas/ bcom ldan 'das dang / 'jam dpal gzhon nur gyur pa la mchod pa byas te/ rang rang gis gnas su dong ngo // bcom ldan 'das kyis de skad ces bka' stsal nas/ byang chub sems dpa' byams pa dang / tshe dang ldan pa kun dga' bo dang / thams cad dang ldan pa'i 'khor de dag yi rangs te/ bcom ldan 'das kyis gsungs pa la mngon par bstod do// 'phags pa lnga'i bu rab rtsal sems kyis zhus pa zhes bya ba theg pa chen po'i mdo/ rdzogs s+ho// rgya gar gyi mkhan po brad dzA bar ma dang / zhwa chen gyi lo ts+tsha ba ban de ye shes sde las stsogs pas bsgyur cing zhus te kas te gtan la phab pa'o// dge'o// ba'is

Colophon

'phags pa lha'i bu rab rtsal sems kyis zhus pa zhes bya ba theg pa chen po'i mdo// rdzogs s+ho// rgya gar gyi mkhan po prad dn+yna bar ma dang/ zhu chen gyi lo ts+tsha ba ban de ye shes sdes las stsogs pas bsgyur cing zhu te gtan la phab pa'o