D714MW4CZ5369_0714rgyudAll versions of this work

sha lo ka stong lobs pa'i gzungs

Text

ff. 178b–179a · 2 folio sides

  1. 178b

    དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། ཨ་བ་ལོ་ཀི་ནི། བ་ལོ་ཀི་ནི། པྲ་བྷཱ་ལོ་ཀི་ནི། ཛཱི་བ་ཧ་པ་རི་ཤོ་དྷ་ནི། དྷི་ད་ནི་ཡ་ག་མེ། ཨཱ་ཤཱ་པ་རི་ཤོ་དྷ་ནི། སརྦ་སཏྭཱ་མ་ནོ་ར་ཐེ། ཀཱ་ཡ་སིདྡྷེ་ཤུ་ཏིདྷཱ་ར་ཎཱི་སྨྲྀ་ཏི་དྷཱ་ར་ཎཱི་སྭཱ་ཧཱ། ཆོ་ག་ཞག་བདུན་གྱི་བར་དུ་ཤིང་ཨ་པ་མརྒའི་སོ་ཤིང་ལ་ལན་བདུན་ བཟླས་བརྗོད་བྱས་ཏེ་ནང་རེ་ཞིང་ཟོས་ན་ཉིན་གཅིག་ལ་ཤ་ལོ་ཀ་བརྒྱ་བརྒྱ་ལོབས་སོ། །ཟླ་བ་དྲུག་གི་བར་དུ་བྱས་ན་ཐོས་པ་འཛིན་པར་འགྱུར་རོ། །ཤ་ལོ་ཀ་བརྒྱ་ལོབས་པ་རྫོགས་སོ།། ༄༅། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་ པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། ཁ་ལི་ཁ་ལི་བ་ལི་ཏེ་སྭཱ་ཧཱ། གདོང་འཁྲུ་བའི་ཚེ་ཆུ་ཁྱོར་གང་ལ་སྔགས་འདི་ལན་གསུམ་མམ་བདུན་བཟླས་ཏེ་འཐུངས་ན་ཉིན་གཅིག་ཀྱང་ཡི་གེ་ཤ་ལོ་ཀ་བརྒྱ་ལོ་བས་པར་འགྱུར་ཏེ། སྔོན་ལོབས་ པ་རྣམས་ཀྱང་བརྗེད་པར་མི་འགྱུར་རོ། །ཤ་ལོ་ཀ་བརྒྱ་ལོབས་པ་རྫོགས་སོ།། ༄༅། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ ལོ། །བཱི་རེ་བཱི་རེ། མ་ཏི་ཏེ་ཛེ། ཏེ་ཛ་མ་ཏི་དྷཱ་ར་ཎཱི། ཤྲུ་ཏ་དྷཱ་ར་ཎཱི། ཛ་ཡནྟི་བི་ཛ་ཡནྟི་མ་ཏིདྷཱ་ར་ཎཱི་སྭཱ་ཧཱ། སྨན་བྲམ་ཧི་ཞོ་གཉིས་ཞིབ་ཏུ་བཏགས་ཏེ། འོ་མའི་ནང་དུ་བསྐོལ་ལ་སྔགས་འདི་ལན་ཉི་ཤུ་རྩ་གཅིག་བཟླས་ཏེ། ཞག་བདུན་གྱི་བར་དུ་འཐུངས་ན་གདོན་མི་ཟ་བར་ཐོས་པ་འཛིན་པར་འགྱུར་ རོ། །སངས་རྒྱས་ཀྱིས་གསུངས་པའམ། བསྟན་བཅོས་ཀྱང་རུང་སྟེ། ཐོས་ན་ཉིན་ཞག་གཅིག་ལ་ཤ་ལོ་ཀ་སྟོང་ལོབས་པར་འགྱུར་རོ། །ཤ་ལོ་ཀ་སྟོང་ལོབས་པའི་གཟུངས་རྫོགས་སོ།། ༄༅། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་ སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། ཏྲི་ཤཱ་ཏྲི་ཤུ་ལ་ཤཱ་ཁི། ཨཱརྱཱ་བ་ལོ་ཀི་ཏེ་ཤྭ་རཱ་ཡ། ཨཱཛྙཱ་པ་ཡ་ཏི། བ་རེ་ན་བུ་ཧ་ལ། མྲྀད་དྷཱ་ཏུ་སྭཱ་ཧཱ། ཆོ་ག་ནི་འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དུ་དཀྱིལ་འཁོར་བྱས་ཏེ།

  2. 179a

    ཅི་འབྱོར་པས་མཆོད་པ་བྱས་ལ་ཆུ་ལ་སྔགས་ཀྱིས་བཏབ་སྟེ་བཞག་ནས། ནང་པར་ཆུ་ལ་ལན་བདུན་བཟླས་བརྗོད་བྱས་ཏེ་དྲོ་ཁར་ཁ་ཟས་འོ་མ་དང་སྤགས་ཏེ་ཟོས་ན་ཞག་བདུན་ལོན་ན་ཉིན་གཅིག་ཀྱང་ཤ་ལོ་ཀ་སྟོང་ལོབས་པར་འགྱུར་རོ། །ཡིད་ཆེས་པའི་རྟགས་ ཡོད་དོ། །ཤ་ལོ་ཀ་སྟོང་ལོབས་པའི་གཟུངས་རྫོགས་སོ།། ༄༅། །དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ཀུན་ནས་ཐོགས་མེད་སྟོན་ལ་ཕྱག་འཚལ་ལོ། །བྱང་ཆུབ་སེམས་ དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། ཀ་བ་ཙ་ཀརྞ་ལ་ལ་ཏེ་སྭཱ་ཧཱ། ཆུ་ལ་ལན་བདུན་བཟླས་ཏེ་གདོང་བཀྲུས་ན་སྐྱེ་བོ་ཐམས་ཅད་དགའ་བར་འགྱུར་རོ། །དེའི་ཆོ་ག་ལ་འཕགས་ པ་སྤྱན་རས་གཟིགས་དབང་ཕྱུག་གི་སྤྱན་སྔར་ཆུ་བཞག་ལ་ལན་བདུན་བཟླས་བརྗོད་བྱས་ཏེ་འཐུངས་ལ། དྲོ་ཁར་ཁ་ཟས་འོ་མ་དང་སྤགས་ཏེ་བཟའ་བ་དེ་ལྟ་བུར་ཞག་བདུན་གྱི་བར་དུ་བྱས་ན། ཉིན་གཅིག་ཀྱང་ཡི་གེ་ཤ་ལོ་ཀ་སྟོང་ལོབས་པར་འགྱུར་རོ། །ཤ་ལོ་ཀ་སྟོང་ ལོབས་པའི་གཟུངས་རྫོགས་སོ།། ༄༅། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ། འཕགས་པ་སྤྱན་རས་གཟིགས་དབང་ ཕྱུག་ལ་ཕྱག་འཚལ་ལོ། །ཏདྱ་ཐཱ། ཨོཾ་མུ་ནི་ཀནྟེ་མུ་ནི་པྲ་བྷ་སྭ་རེ་སྭཱ་ཧཱ། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་དཀྱིལ་འཁོར་བྱས་ཏེ། ཤུ་དག་མཐེ་བོང་ཙམ་བླངས་ལ་ལན་བརྒྱ་རྩ་བརྒྱད་བཟླས་བརྗོད་བྱས་ནས་ཟོས་ན་ཐོག་མའི་ཉིན་མོ་ཡི་གེ་ཤ་ལོ་ ཀ་སྟོང་བཀླགས་པ་ཙམ་གྱིས་ལོབས་པར་འགྱུར་རོ། །ཞག་གསུམ་ལོན་པའི་ཉིན་མོ་ཤ་ལོ་ཀ་སུམ་སྟོང་ལོབས་པར་འགྱུར་རོ། །ཞག་བདུན་ལོན་པའི་ཉིན་མོ་ཐོས་པ་འཛིན་པར་འགྱུར་རོ། །ཤ་ལོ་ཀ་སུམ་སྟོང་ལོབས་པའི་གཟུངས་རྫོགས་སོ།། །།

Colophon

sha lo ka stong lobs pa'i gzungs rdzogs so/