rDzogs chen - Man ngag sde/sPyi ti'i skorAll versions of this work

rin po che snang gsal spu gri 'bar bas 'khrul snang rtsad nas cod panamkha'i mtha' dang mnyam pa'i rgyud zhes bya ba

Radnadibatigs.anajvalagasarbachedagaganaantasamatantranama

Text

ff. 53a–83a · 61 folio sides

  1. 53a

    @gnas lugs spyad pas bar chad bsrungs// lus la bcang bas sgrib gnyis sel// klags pa tsam gyis tshogs gnyis rdzogs// mthong ba tsam gyi don dang phrad// thos pa tsam gyis spros thag chod// gzung ba'i chos kun bzung dang mtshungs// skal par bsags pa'i sgrib pa yang // 'di de rna bar thos pas sel// mos pa byas pa tsam la'ang // sa bcu'i sras dang yon tan mnyam// don rtogs gdeng du 'di 'chang na// yon tan bsam dang brjod las 'das// yid bzhin nor bu rin chen 'dra// tsas gsungaso// rin po che bdud rtsi bdud 'jigs// sangs rgyas tha~Md kyi dgongs pa 'dus pa'i rgyung las// phyi rabs kyi bzung ba'i phan yon bstan pa'i le'u ste bco lnga pa'o// // rgyud tha~Md kyi rgyal po// rin po che bdud rtsi bcud 'thigs/ sangs rgyas thams cad kyi dgongs pa 'dus pa'i rgyud rdzogaso// / skyon gyi mkhas pa pad+ma 'byung gnas dang // bod kyi lo tsa ba skab dpal rtsegs kyis bsgyur cing gtan la phab pa/ rgyal po khri srong lde btsan la gdams pa/ da lta spel ba'i gnas med sa'i gter du sbas/ gter rgya/ sbas rgya/ gtAng rgya/ nyang gtor// ring po che snang gsam spu gri 'bar ba'i chung 'khrugs/ rgya gar skad du/ rang na dI ba tig+hA na dz+nyA la ga sarba tshe da ga ga na an ta sa ma tan tra nA ma/ bod skad du/ rin po che snang gsal spu gri 'bar bas 'khrul snang rtsa nganas cod pa na mkha'i mtha' dang mnyam pa'i rgyud zhes bya ba// mtshan med brjod

  2. 53b

    'das chos kyi sku la phyag 'tshalo// 'di skad bdag gis rtogs shing bshad pa'i dus gcig na/ 'og min gyi gnas/ chos nyid kyi klong // kun gzhi'i mkha' dbyings/ yangs pa sems kyi gzhal yas khang / dbyings rnam par dag pa'i gnas// rin po che sna tshogs gcig tu 'dus pa'i khang ces bya ba na/ ston pa'i rgyal po bsam med brjod 'das dang / ston pa'i rgyal po brjod med blo 'das dang / ston pa'i rgyal po dran med yid la byed mang gsum ni/ ye thog ye gnas kyi ston pa gsumo// de gsum gyi thugs kyi sprul pa las// kun tu bzang po rdo rje sems dpa'o// ston pa'i rgyal po lnga po la// drung na gnas pa'i 'khor yang 'di lta ste/ ma 'gags rgya chad med pa'i khor dang / rtsal snang yan lag 'od kyi 'khor dang / snang tshul zer gyi 'khor rnams ni/ ye thog ston pa'i 'khor gsum yino// de gsum rtsal snang ston pa yin pa las/ rang bzhin gyi 'khor dang // don gyi 'khor dang / 'dod pas bsdus pa'i 'khor gsum// gzhan yang 'khor gsum 'di lta ste/ rgyu'i byang chub sems dpa' dang / lam gyi byang chub sems dpa' dang / 'bras bu'i byang chub sems dpa' dang / rjes kyi rna lhor dang / sems dpa'i rnal 'byor dang / yong su rna khyor dang / rnal 'byor chen po dang / shin tu rnal 'byor// de nas gnas 'khor yang 'di lta ste/ sa dang / chu dang / me dang / rlung dang / na mkha'o// de dag la sogs pa'i 'khor sna tshogs dang babs gcig tu bzhug so// de nas yang 'khor gyi nang nas chang gsal khye'u chung bstan las langs nas pus gtsug

  3. 54a

    thal sbyar gus pas 'di skad gsol// a b+hi ra ka ta gang tang a ti/ ston pa'i rgyal po mtshon med kun bzang lags// bdag cag 'dus pa'i 'khor tshogs thams cad la// dang po ji ltar gnas pa'i gnas lugs dang / ma rtog sems can rnams kyi 'khrul lugs dang / 'khrul pa'i snang ba rtsad ras bcad thabs dang // chos rnams kun gyi 'bras bu'i thob lugs dang / thob nas 'bras bu gdeng gis zin lugs dang // 'khrul pa bsal zhing bzlog pa'i gdam ngag dang // sangs rgyas rnams la yon tan ji lta bu// sems can rnams la skyon ni ci zhig mchis// ye thog sang+yas rnams kyi bzang byas sam// ma rig sems can rnams kyi ngan byas sam/ de gcig skyon dang yon tan ji ltar lags/ theg pa brgyad khri bzhi stong phye ba gang la dgongs/ dgur bsdus gdul bya gang la dgongs nas bsdus// a nu man chang rgyal po kun spangs sam// mu stegs spangs na rdzogs pa ci zhig 'gyur// sgrub na phyi rol gsung la dgos pa med// theg pa'i grol bsgrib gangar sha ji ltar bcad// rang gzhung nyam su ji ltar blang bar bya// rang gzhan gnyisu gsungs pa'i khyad par gang // de ltar ston pas 'khor la bka' stsol shig/ ces zhuso// rin po che snang gsal spu gri 'bar bas 'khrul snang rtsad nas gcod pa na mkha'i mtha' dang mnyam pa'i rgyud las/ gling gzhi'i le'u ste dang po'o// // de nas rdo rje sems dpa' yis// kun bzang nyid la 'di skad zhus// dngos

  4. 54b

    po gnas pa'i gnas lugs de// bdag cag rnams la bsha du gsol// ces zhus pa dang / de nas mtshon byed kun bzang de/ rin po che 'od 'byed pa zhes bya ba'i ting nge 'dzin la snyoms par bzhug so// de nas gnyis med kun bzang gis// 'khor rnams drung na tshogs par gzigs// bzhengs nas 'khor la 'di skad gsungs// rdo seda' la sogs rnams// ma yangs gus par ldan pas nyon// a b+ha d+hi yI a si thim la/ dngos po gshis kyi gnas lugs de// mtshon byed yul du ma gyur kyang // rtogs pa'i shes rab gsal ba yis// ye shes rin chen sgron me des// gsung gis 'gag med gsal ba yis// nyi zla bzhin du gsal khyab bshad// dper na mi gcig don yod pas// ma sgrub don dang 'phrang mi 'gyur// de bzhin chos nyid rtogs 'dod pas// mtshon brjod med na don mi 'gyur// brjod bral mtha' la sten bshad// dper na skom pa chu 'dod pas// mi 'dod brjod pa chu mi myong // chu 'dod brjod pas 'phrad par nges// de bzhin dngos po'i don 'dod la// dngos por bstan pas rtogs mi 'gyur// dngos med bstan pas skye med rtogs// des na dngos po'i gnas lugs kyang // dpe dang don la sbyar la bshad// rdo rje sengs go bar bzung // mtsho la dar chags zhing sa dang // rgyal po'i bang mdzod gser dang bzhi// gzhi yi gnas lugs mtshon dper gsungs// mtsho la ngar chags dus nyi du// 'bar 'bur mtho dman rkang gshong med// mnyam pa nyi gnas pa'o// bzhi la mnyam pa bzhi yod// khyab pa'i

  5. 55a

    @#gzhi dang gnas pa'i gzhi// g.yo ba'i gzhi dang 'byung ba'i gzhi// mtsho la dar chags dpe bzhin du/ gnas pa'i gzhi dang 'di ltar gnas// sen ma yin sangs rgyas yin// 'khor ba ma yin myang 'das min// rnam rtog ma yin chos nyid mi nan/ ma rig ma yin ye shes min// mtshon med tshig med ming brjod med// bstan med ston mad nyan pa med// sgrar med dmigs med btags pa med// snang med srid med chags pa med// yul med sems med dbye gsal med// nga med bdag med phye ba med// phyi med nang med 'du 'dzi med// dgra med gnyen med phyogs ris med/ pha med ma med skye ba med// yul med gnas med chad pa med// bcud med snod med 'khor ba med// dbus med mtha' med phyoT mtshams med// dkar med nag med kha dog med// de dag la sogs thaMd la// rig med yid med sems dpa' med// dmigs med btang med 'cha' sa med// smra bsam brjod 'das ngo bo de// yid la byar med rtsis thabs med// blos bcos sems la bzhags med// de dag kun gyi rang bzhin ni// dngos po ga shis kyi gnas lugs yin// sangs rgyas so ni btags pa med// bstan bya ston byed btags pa med// tshig dang yi ge'i mtha' las 'das// tshogs brgyad yul min gnas lugs de// ma rig yis mnyam par gnas// 'char sgo 'khrul sgo mnyam par gnas// rnam rtog chos nyid mnyam par gnas// sangs rgyas son mnyam par gnas//

  6. 55b

    'khor ba myang 'das mnyam par gnas// bde dang sdug bsngal mnyam par gnas// thaMd mkhyen pa nyid du gnas// de ni dpe'i gzhi zhes bya'o// khyab pa'i gzhi ni 'di lta ste/ til la mar gyi khyab pa bzhin/ ya mtha' rgyal ba'i dkyil 'khor nas// ma mtha' dmyal ba'i 'jig tshogs rnams// skye 'gro'i gzugs kyis bsdus pa la// kun la khyab par gnas pa'o// de yis khyab pa'i gzhi ru gsungs// g.yo ba'i gzhi ni 'di lta ste/ sngon gnas gzhi nas thog mar g.yos// thog ma'i gzhi las ye nas g.yo// yanas gzhi las rang bzhin g.yos// rang bzhin gzhi las khyab gzhi yod// khyab pa'i gzhi las ye rlung g.yo// ye rlung gzhi las tho lung g.yo// de ni g.yo ba'i gzhi ru gsungs// 'byung ba'i gzhi yang 'di lta ste/ ye rlung tho lung de las ni// bag tsam gyur pa'i cha ru byung // de las yid tsam gyur pa byung // de las zer gyis tshul du byung // de las zer kun spyi khyab byung // de las 'byung ba'i rang bzhin byung // de las 'od kyi tshul du byung // 'od las ma 'gags zer shar bas// rtsal snang yan lag bu ru byung // rtsal snang gzhan du ma chags s+ho// slar la 'od kyi nang du thim// 'od la rtsal snang bu thim pas/ ma bu dbyer med ye sangs rgyas/ thog mar rang sar rang thim pas// 'od dang zer 'phrad rang sa zin// 'khrul tshod skye med rgya yi thebs// snying po klong nas shar ba yin// kun tu bzang po sangs rgyas de// rgyu rkyen rtsol ba ma byas par// shugs 'thung thog mar ye sangs rgyas// dper na rin chen gser bzhin du// kun tu 'gyur ba med par gnas

  7. 56a

    de ltar 'byung ba'i gzhi yis ni// 'byung ba ma la zha ba dang // yis mkha' la thim pa dang // chos nyid ma dang bu phrad pa dang // skye med rang sa zin pa dang // 'gyur med rgya yis thebs pa dang // brjod med dbyingasu mngon sangs rgyas// thog ma gzhi yi sangs rgyas yin// dper na rgyal po bang mdzod yin// nor rdzas che 'byung chung ba 'byung // rin chen gser dang g.yu yang 'byung // 'bras kyang 'thung la sran ma 'byung // rin thang che 'byung chung bar 'byung // de bzhin kun gzhi mdzod chen nas// ma rig 'byung la yis 'byung // sangs rgyas 'byung la sems can 'byung // 'khor ba 'byung la myang 'das 'byung // rnam rtog 'byung la chos nyid 'byung // bde ba 'byung la sdug bsngal 'byung // dga' ba 'byung la mi dga' 'byung // nga bdag 'byung la bdag med 'byung // yul sems 'byung la gnyis med 'byung // phyogs ris 'byung la phyogs med 'byung // de sogs 'byung ba'i gzhi ru gsungs// ces gsungs// rin po che snang gsal sku gri 'bar bas 'khrul snang rtsad nas gcod pa na mkha' dang mnyam pa'i rgyud las// dang po gzhi'i gnas lugs bstan pa'i le'u ste gnyis pa'o// / de nas rdo rje sems dpa' yis// kun bzang nyid la 'di skad zhus// khams gsum 'khor ba'i seMn dang // phyi nang snod bcud ji ltar 'khrul// 'dus pa'i 'khor la 'di skad gsungs// snying po ming med brjod las 'gyur med dang // ma rtog rtsal gyi shes pa rang shugs las// sems can rnams kyi 'khrul lugs ngas bshad kyis// rdo rje sems dpas gus

  8. 56b

    par yid la zung // ma byung ma skyes sngon thog ye yod la// sngon gnas gzhi ru rang bzhin gnas// de nyid thog ma bzhi ru gyur// cang shes med pa'i gzhi de las// de nyid ming med gzhi ru gyur// ming med rang bzhin ma shes pas// 'byed pa med pa'i gzhi ru gyur// de nyid g.yos pas g.yo gzhir gyur// g.yo ba'i rang bzhin kun las 'das// de nyid khyab pa'i gzhi ru 'khrul// nga las zar tsam tshul du me rlung brten med bya bar g.yos// de nyid kun gsal rlung du 'khrul// de nyid thod tsam long tsam 'khrul// sang sangs seng sang tsam du 'khrul// bag tsam tshad 'khrul pa las// de nyid bag tsam 'gyur bar 'khrul// de las zer tsam tshul du 'khrul// zer des kun gyi gzhi byas nas// der gdong kun gzhi spyi khyab byung // dngos mtshan kun gyi gzhi ma byas// gzhi med chos nyid klong chen 'khrul// chos kun 'khrul pa'i rtsa ba byas// de las rang byung ye shes la// yan lag rtsa la snang zer phra bas// g.yo mi g.yo las phra rab zer// 'phros pas zer gyi rang bzhin de// ma 'gags 'od zer sna lnga 'khrul// de las 'byung ba'i rang bzhin 'khrul// 'byung ba'i 'od kyi rang bzhin las// rtsal snang yan lag bu ru 'khrul// sngar g.yos ma myong yid tsam g.yos// de las 'gyu ba'i rlung du 'khrul// de las gsal ba' shes par 'khrul// bde snyam mi bde snyam byung bas// myong rig nyi su de yis 'khrul// myong zhing rig pu yod pa des// 'gyu mi 'gyu las yid gsum g.yos// 'gyu ba'i zer las rig pa skyes// rang sa ma zin

  9. 57a

    gcos rlung bcas// yin min ming gi rnam grangs skyes// yin par ma mthong bden par 'khrul// yin par ma rig min par rig/ der ni ma rig mun par 'khrul// 'gyu ba rlung gi rgyu byas nas// bsgrib g.yog mun pas bar bca // rtsa la snang bu yis rkyen byas nas// ma rig 'khrul sgo 'bras bur smin// rig pa yid dang samasu 'khrul// de las yid gsum rims kyi 'khrul// rig pa kun tu 'tshol ba yas// phyogs mtshams sun tu 'gyu ba'o// kun tu 'tshol ba'i yi du 'khrul// yid kyi mtshan nyid rgyu ba yis// yid la rten med mi bde ste// 'phyangs pa ban bun phyang phyod khyer// sang sang seng seng rten med la// yin nam ma yin yid gnyis skyes// nges par 'jog pa'i yi du 'khrul// nga las mang dam rang snyam sems// de las shesu gsal bar skyes// gsal ba'i rang gsal rnam pa lnga// gsal dang mi g.yo rgya mtshang // ma 'gags mi 'gyur lnga ru 'khrul// gtan la 'bebs pa'i yang 'khrul// ma rig pa yi gzugasu 'khrul// de las yid kyi gzugasu 'khrul// de las sems nyid gzugasu 'khrul// de las dbang po rnam lngar 'khrul// de las rnam shes lnga ru 'khrul// de las yan lag rnam lngar 'khrul// de las yulnga rig lngar 'khrul// 'od gzugs de yi rnam shes la// rang rang bag chag ji ltar mthong // rang rang lus la bzang ngan par mthong // la lar cher mthong la lar chung bar mthong // la lar ring mthong la lar thung bar mthong // la lar zlum mthong la lar srid pa mthong // la la'i dbang gis rang ra/

  10. 57b

    gzugasu mthong // phyi nang snod bcud dngos med dngos snang dang / 'dod yon rnam lnga dngos med dngos snang dang // phyogs mtshams dngos med dngos por snang ba dang // nyon mongs rnam lnga dngos med dngos snang dang / dbang po rnam lnga dngos med dngos snang dang // phung po rnam lnga dngos med dngos snang dang // kha dog rnam lnga dngos med dngos snang dang // dbyibs kyi bye brag dngos med dngos snang dang // pho mo ma ning dngos med dang snang dang // nyin mtshan dngos med dngos por snang ba dang // nyi zla gza' skar dngos med dngos snang dang // 'gro ba rig drug dngos med dngos snang dang // gling bzhi ri rab dngos med dngos snang dang // rtsi shing nags tshal dngos med dngos snang dang // long spyod sna tshogs dngos med dngos snang dang / yan lag rtsal rnams rims kyi 'khrul pa las// 'od kyi gzugs kyi snang bar 'khrul// ces gsungaso// 'khrul snang rtsad gcod kyi rgyud las// rgyud pa rims kyi 'khrul lugs bstan pa'i le'u ste gsum pa'o// / de nas rdo rje sems dpa' yis// kun bzang nyid la 'di skad gsol// 'od kyi gzugs las 'khrul pa yis// dngos po'i rkyen du snang ba dang // mi snang 'khrul pa ji ltar 'khrul// ces gsol pas/ ston pas 'khor la bka' stsal pa// rang byung rtsal gyi yan lag zer g.yos pas// mdo ru bsdus na yan lage 'di byung bas// lnga po dag las phyi nang snod bcud 'khrul// rig pa ma 'gags 'byung ba rnam lngar 'khrul// sang sang ming dang seng seng gsal ba las// snang stong go 'byed 'dug snyam na mkha' gzung // bzung ba'i zhen

  11. 58a

    pas 'khrul pa'i 'bras bur smin// brtas mthas 'phrang dang sra bar bstan pa dang // 'dod pa yino snyam nas slar bzung bas// rtags shing zhen pas sa ru 'khrul pa'o// cher mer brlan dang / sbeng dang gsher ba las// bdud pa chu yin snyam nas chu ru bzung // bzung bas zhan nas chu yis dngos por snang // tsha zhing bsreg dang 'bar zhing 'chang ba la// sman pa me yin snyam nas me ru bzung // bzung zhing zhen pas me yis dngos por snang // yang zhing g.yo dang 'gul dang ldeg pa la// bskyod byed rlung yin snyam nas rlung du bzung // bzung bas zhen pas rlung gis 'khrul pa smin// de ltar 'byung ba dngos yod mtshan ma yin// rig 'thun ming gis 'khrul pa smin pa'o// rtsal gyi yan lag rig pa'i zer g.yos pas// rtsal gyi yan lag 'khor lo gsum g.yos mthong // mo ru smin zhing mor bsgrib mo ru 'khrul rang gi rig pa phor snang por bzung 'khrul// chos nyid ma rtog dga' ba'i bde ba las// pho mor gzung ba'i rigs pas bde myong bas// pho mo'i 'dod chags spyad pa yin nam 'khrul// de nas rig pa slar la langs pa de// de ltar 'dod cing chags 'dod chags pa bzung // bzung ba'i zhen pas 'dod chags 'khrul par smin// yan lag rig pa'i 'khor los gsum g.yos pas// pho gzhan mthong ste pho mo bzung ba yis// gnyis mang mi rtogs dga' ba'i bde ba la// spyad do snyam nas zhe sdang skyes pa las// skyes pa'i zhe sdang 'khrul pa'i 'bras bur smin// de nas rang gi log rtog phrag dog skyes// skyes pas phrag dog

  12. 58b

    'khrul pa'i 'bras bur smin// de nas rang gi migs bsgrib ma bsgrib// gzhan pas bdag dbang che ba'i nga rgyal skyes// skyes pa'i nga rgyal 'khrul par snang ba'o// log par rig pa'i ming gis bag chags brtas// brtas pa'i bag chags ma rig 'khrul par smin// de ltar nyon mongs rnam lngar 'khrul pa'o// yan lag rtogs skyes rig pa'i ming rtags pas// nam mkha' gsal la dngas pa'i gzugasu 'dug/ lta ba'i yul min snyam nas gzugasu bzung // bzung bas ming gis sgribs te gzugasu 'khrul// de nas rang gi log rtog skyes pa des// de la tshang dang grong dang smin pa des// snyan pa'i yul yin snyam ta sgrar bzung bas// gzung ba'i ming gis bsgribs te sgra ru 'khrul// rtsal snang log pa'i shes pa yang skyes pas// chu la rlan dang gsher dang sprad pa 'di// ro yin myang byar 'dug snyam ro ru bzung // bzung bas ming gi bag chags ro ru 'khrul// de nas rang gi log rtog yang skyes pas// rlung las yang zhing g.yo ba bskyod pa 'di// drir 'dug sgyum pa'i dri yin snyam nas d+hi ru bzung // bzung ba'i ming gis bag chag dri ru 'khrul// de nas rang gi rnam rtog langs pa las// sa las sra zhing brtan la 'degs pa 'di// 'jam rtsub 'dug snyam reg bya'i yul du bzung // gzung ba'i ming gis bag chags reg byar 'khrul// de ltar 'dod yon lnga'i bag chags dang // snying po'i don dang yan lag sems la chags// chags pa'i bag chags 'dod yon rnam lngar 'khrul// ces gsungaso// 'khrul snang rtsad nas gtsod pa'i rgyud

  13. 59a

    las/ 'byung ba lnga 'dod yon lngar 'khrul pa'i le'u ste bzhi pa'o// / de nas rdo rje sems dpa' yis// mtshon byed ston pa kun bzang la// phung po khams dang rten 'brel 'byung ba dang / gzugs dang khyad par dbyibasu snang ba dang // phyogs dang kha dog mtshan ma sna tshogs dang // khams gsum 'gro drug rigs mthun mos mthun 'di// 'dra ma thun ming gi bag chags ji ltar 'khrul// ces zhus pa dang / ston pas 'dus pa'i 'khor la bka' stsal pa// rang byung rtsal gyi yan lag zer g.yos pas// yul lnga'i bag chags brtas nas snang ba'o// yul lnga de la rig pa rig pa yis// rig pas tshor nas nyam su myong ba des// tshor ba yin nam snyam nas tshor bar bzung // gzung bas ming gis bag chags tshor bar 'khrul// de la 'dod pas skyes pas 'du shes ste// shes snyam nas 'du shesu gzung bas// ming gis bag chags brtas pas 'du shes 'khrul// 'khrul pa de la blang ba'i shes pa skyes// rnam pa sna tshogs 'du bar spyod skyes pas// 'du zhing byed 'dug snyam du 'du byed du// bzung ba'i ming gis bag chags 'du byed 'khrul// snang ba kun la nga dang bdag tu bzung ba yi// ming gi bag chags bsdus pas yi du 'khrul// snang ba 'od rnams kha dog cig tu 'dus// 'dus pa'i bag chags brtas bas gzugasu 'khru ba// snang ba de lnga gcig tu 'dus pa las// phung po lnga yis ming du btags pa las// pho mo'i cha bzung 'od kyi gzung ba las// rang rang bag chags ji ltar brtas mthong ste// rang rang lus

  14. 59b

    lus la bzang dang ngan mthong nas// che ba'i bag chags dang ni chung ba'i bag chags dang // ring thung phra zlum yan lag mang nyung dang // sgrom phra legs mi legs pa'i 'od gzugs rnams// so so rang gi ltas lha ji bzhin du// rang byung ye yid rtsal snang zer g.yos pas// zer gyi snang tshul 'khor lo gsum du g.yos// de yi rkyen gyis pha ma'i gzugasu 'khrul// de yi rkyen gyis blang dang len par mthong // len pa'i dbang gis 'dod cing chags tshul skyes// sbyang ba'i rkyen gyis rang byung yan lag gis// rig pa gzhan gyis 'khrul nas der 'byung ste// der 'byung de la go bzhin bltas pa des// srid pa spyad pas 'byung snyam bzung bas su// skyes pa'i rkyen gyis bur bzung 'khrul pa ste// chos nyid rlan gyis nyal nyal song ba las// skyes pa de rgas snyam nas rgas par bzung // bzung bas ming gis bsgrib pa shi bar bzung / de ltar yan lag chos nyid dang song nas// na ba 'chi ba nyid dang nyi ma nub// sa sros pa yi snang ba'i 'khrul pa mthong // yan lag shes pa slar la langs pa de// skyed dang gnyid sad nams langs nyi shar dang // yan lag rtsal gyi 'byung ba'i 'od lnga dang // rtsal gyi yan lag rig pa skyes pa des// gsal te ma rtog gnas pas nub tu 'khrul// rtsal gyi yan lag 'byung ba shwar du 'khrul// yan lag rgya ma chad pas lho ru bzung // gzung bas ming gis bag chags lho ru 'khrul// yan lag mi g.yo ba la byang du bzung // gzung bas ming gis bag chags byang du 'khrul// yan lag mi 'gyur dbus dang mtsham su

  15. 60a

    @bzung // gzung bas ming sgribs dbus dang mtshamasu 'khrul// de ltar ming btags phyogs dang ri su 'khrul// de nas yan lag log lta yang skyes pas// yan lag rang gsal kha dog dkar por bzung // bzung bas ming gis bag chags dkar por 'khrul// yan lag rang gsal ma g.yos sngon por 'khrul// yan lag rgya ma chang bas dmar por 'khrul// yan lag mi 'gyur gsal bas ser por 'khrul// yan la g.yo zhing 'gul bas ljang khur 'khrul// de ltar yan lag bag chags brtas snang la// la las snong mthong la las bcud mthong bas// mthong ba'i ming gi bag chags snod bcud 'khrul// las bzang mthong la las ngan par mthong // bzang mthong de la zhen cing chags pa skyes// ngan pa de mthong sdang zhing drag pa skyes// mnyam mthong 'dra ba de la phrag dog skyes// skyes pa'i bag/ chags bzang ngan mang mthong ste// dge sdig spyod pa'i dbang la 'khrul par bzung // bzung ba'i 'grib ma bzang ngan gnyi su snang // de ltar rang gi bag chags sna tshogs pa// rang byung tshe sku gsal dngas ngang nyid du// so so rang rig gsal ba'i tshul du snang // de ltar rang gi bag chag sna tshogs pa// mtshan dang dpe byad rgyan dang ldan pa yi// 'od kyi rang bzhin longs spyod rdzogaskur 'khrul// sgra yi longs spyod 'od kyi 'dod yon spyod// rang byung rtsal gyi yid 'khor gsum g.yos pas// yod min med min sems kyi gzugasu 'khrul// gzung ba'i rigs mthun sen skye shing mched// skye zhing mched pa'i seMn de

  16. 60b

    rnams la// yod min med min skye mched gzugasu 'khrul// rtsal gyi yan lag 'khor lo gsum skyes te// ci yang med pa'i sems kyi rigs mthun bzung // gzung ba'i rigs mthun sems can skye shing ched// skye shing mched pa'i sen de rnams la// skye shing mched pa'i sems can ming du btags// btags pa'i bag chags med pa'i skye mched 'khrul// rtsal snang rigs skyes 'khor lo gsum g.yos pas// rnam shes mtha' yas skye mched sems rig zung // gzung bas rnam shes mtha' yas nyid du 'khrul// rtsal gyi yan lag 'khor lo gsum g.yos pas// na mkha' mtha' yas skye mched rig mthun bzung // bzung bas na mkha' mtha' yas dag tu 'khrul// de ltar gzugs med khamasu 'khrul pa ste// snod bcud chags ste bag chags brtas pas snang // rtsal gyi yan lag 'od gzugs brtas pa la// 'og min rig kyi rigs mthun gzugasu mthong // gzung ba'i bag chags 'og min lha ru 'khrul// rtsal gyi yan lag 'od gzugs ltos pa la// rtsal gyi yan lag 'khor lor gsum skyes nas// shin tu mtho ba'i 'od gzugs rigs bzung bas// gzung bas bag chags shin tu mtho bar 'khrul// rtsal gyi yan lag 'khor lor gsum skyes pas// gya nom snang ba'i 'od gzugs rigasu bzung // gzung ba'i bag chags gya nom snang du 'khrul// rtsal gyi yan lag 'khor lor gsum skyes pas// mi gdung rigs kyi gzugasu 'dzin pas gzung // gzung ba'i bag chags mi gdung gzugasu 'khrul//

  17. 61a

    rtsal gyi yan lag 'khor lor gsum skyes pas// mi che ba yi rigs kyi gzugasu gzung // gzung ba'i bag chags de yi gzugasu 'khrul// rtsal gyi yan lag 'khor gsum skyes pas// 'bras bu che ba'i gzugs kyi rigasu gzung // gzung ba'i bag chags 'bras bu che ru 'khrul// rtsal gyi yan lag 'khor lor gsum skyes pas// bsod nams 'od kyi gzugs kyi rigasu gzung // bzung ba'i bag chags bsod nams skyesu 'khrul// rtsal gyi yan lag 'khor lor gsum skyes pas// sprin med 'od kyi rigs 'thun gzugasu gzung // gzung ba'i bag chags sprin med/ gzugasu 'khrul// rtsal gyi yan lag 'khor lor gsum skyes pas// dge rgyas rigs kyi ris mthun gzugasu bzung // bzung ba'i bag chags dge rgyas rigasu 'khrul// rtsal gyi yan lag 'khor lo gsum skyes pas// dge chung rigs kyi gzugs mthun rigasu bzung // bzung ba'i bag chags dge chung gzugasu 'khrul// rtsal gyi yan lag 'od kyi gzugs brtas la// rtsal gyi yan lag 'khor lo gsum skyes pas// dge tshad med dge yis gzugs mthun rigasu bzung // bzung ba'i bag chags tshad med dge ru 'khrul// rtsal gyi yan lag 'khor lo gsum skyes pas// 'od gsal lha yi gzugs mthun rigasu bzung // bzung ba'i bag chags 'od gsal lha ru 'khrul// rtsal gyi yan lag 'khor lo gsum skyes pas// tshad med 'od kyi gzugs mthun rigasu bzung //

  18. 61b

    bzung ba'i bag chags tshad med 'odu 'khrul// rtsal gyi yan lag 'khor lo gsum skyes pas// tshangs chen rigs kyi rigs mthun gzugasu bzung // gzung ba'i bag chags tshangs chen lha ru 'khrul/ rtsal gyi yan lag 'khor lo gsum skyes pas// tshangs 'dun na 'don gyi gzugasu bzung // gzung ba'i bag chags 'dun na 'don du 'khrul// rtsal gyi yan lag 'od kyi gzugs brtas pas// rtsal gyi yan lag 'khor lo gsum skyes pas// tshangs rigs gzugs mthun tshangs rigs gzugasu gzung // gzung ba'i bag chags tshangs ris gzugasu 'khrul// bsam gtan dang po'i bag chags brtas snang bas// de ltar gzugs khams gnas rigs bcu bdun gyi// snod bcud bag chags 'od gzugs brtas snang ba'o// rang byung yan lag dngos por ltas pa las// rtsal gyi yan ga rtog pa'i yid g.yos pas// gzhan 'phrul dbang byed gzugasu bzung // bzung ba'i bag chags gzhan 'phrul dbang byed 'khrul// rtsal gyi yan lag rtog pa'i yid g.yos pa// 'phrul dga'i rigs kyi gzugs mthun rigs bzung bas/ gzung ba'i bag chags 'phrul dga'i gzugasu 'khrul// rang byung rtsal gyi 'khor lo yid g.yos pas// dga' ldan rigs kyi gzugs mthun lha ru bzung // / bzung ba'i bag chags dga' ldan lha ru 'khrul// rtsal gyi yan lag 'khor lo yid g.yos pas// 'thab bral rigs kyi gzugs mthong rigasu bzung // bzung ba'i bag chags mtha' bral gzugasu

  19. 62a

    @'khrul// rtsal gyi yan lag 'khor lo gsum g.yos pas// sum cu rtsa gsum rigs kyi lha ru gzung // bag chags sum cu rtsa gsum lha ru 'khrul// rtsal gyi yan lag rig pas yid g.yos pas// rgyal chen rigs bzhi'i rigs mthun gzugasu bzung // bzung ba'i bag chags rgyal chen rigs bzhir 'khrul// de ltar 'dod khams lha yi rigs drug ni// snod bcud bag chags brtas pas 'khrul pa'o// rtsal gyi bag chags rtog pa'i yid ga yos pas// re khongs lha min rigs mthun gzugasu bzung / gzung ba'i bag chags lha ma yin du 'khrul// rtsil gyi yan lag rtog pa'i yid g.yos pas// gling dang mi rnams rigs mthun sor bzung // gzung ba'i bag chags gling dang mi ru 'khrul// yan lag rtog pa'i dngos po yang skyes pas// byol song gnas kyi/ rigs mthun bzung ba dang // yi dwags gnas kyi rigs mthun bzung ba dang // dmyal ba gnas kyi rigs mthun bzung ba yis// gzung ba'i bag chags mthu brtas zhen pa yis// dmyal ba rnams kyi rigs mthun tsha grang sha/ yang song thig nag bsdus 'joms ngu 'bod dang // ngu 'bod che dang tsha ba rab tu tsha// mnar med pa ste tsha ba'i dmyal rgya rigs/ chu bur can dang chu bur rdol bla dang / a chu zer dang so yang tham tha ma dang // kyi hud zer dang ut+pal ltar gas dang // pad+ma ltar gas pad+ma che ltar gas// gzung ba'i bag chags cha grangs so sor 'khrul// de ltar 'dod khams gnas rigs nyi shu 'khrul

  20. 62b

    so sor rgyas par byen grangs med// rdul gyi yan lag rtog pa yang skyes pas// der yang le lo sngon btang gtsor gzung bas// gzung ba'i bag chags mthu bcas lha ru 'khrul// rtsal gyi yan lag rtog pa'i yid g.yos pas// ltas pa'i dngos po bag chags dran par mthong // mthong ba bzang po snyam ste nga rgyal skyes// nga rgyal sngon btang nga rgyal btsor bzung bas// gzung ba'i bag chags mang po mthu brtas ste// ltas pa'i bag chags lha ma yin du 'khrul// rtsal gyi yan lag rtog pa yang skyes pas/ yan lag dngos po 'dra mthun mnyam par mthong // mthong ba de la phrag rtog skyes pa las// phrag dog sngon btang phrag dog gcor gzung bas// gzung ba'i bag chags mang po mthu brtas pas// ltas pa'i bag chags yi mi 'gro bar 'khrul// rtsal gyi yan lag rtog pa yang skyes pas// rtsal gyi yan lag dngos por ltas pa las// ltas pas rig par ma mthong shes par mthong // ma shes mthong bsam rig gti mug skyes/ skyes pas gti mug skyon btang gtsor gzung pos// gzung ba'i bag chags mang du mthu brtas te// ltas pa'i bag chags byol song 'gro bar 'khrul// rtsal gyi yan lag longs spyod nor la mthong // mthong ba de la 'phangs snyam ser sna skyes// skyes pa'i ser sna ston btang btsor bzung bas// gzung ba'i bag chags mang du mthu brtas pas// phyi sgrib nang sgrib yi dgas gzug su 'khrul// rtsal gyi yan lag 'khor lo gsum g.yos pos// tsal gyi yan lag rin pa dang snang la

  21. 63a

    lta ba ngan byed gnod pa byed pa mthong // mthong ba de mthong snyam nas zhe sdang skyes// skyes pas zhe sdang sngon btang gtsor bzung bas// bzung ba'i bag chags mang po mthu brtas pas// 'gro ba dmyal ba'i gzugasu 'khrul pa'o// de ltar 'jig rten khams 'di grangs med na// 'gro ba rig drug 'khrul nas de bzhin snang // snang ba'i 'dra mthun bag chags 'khrul pa'o// khams gsum 'gro drug dngos por snang ba'o// phyi nang snod bcud snang srid skye 'gul rnams// ji ltar 'khrul lugs 'khrul snang bstan pa'o// tsas gsungaso// 'khrul tshul bstan la phab pa'i le'u ste lnga pa'o// a tha b+ha ri sa ka ta ya/ b+ha ma la sa ti/ badz+ra a sa g+ha ra a ta an/ g+hu b+hi ri b+hi li i ba ra ya/ a la i thi ma d+ha ka ang // de nas rdo rje sems dpa' yis// kun bzang nyid la 'di skad zhus// gong gi 'khrul pa'i snang ba de// 'khrul gzhi rtsad nas ji ltar bcad// de skad ces gsol pa dang / mtshon med ston pa kun bzang des// rin po che kha sbyor dbyer med kyi ti nge 'dzin la snyoms par bzhugaso// de nas ston pa kun bzang gis// gzhangs nas 'khor la 'di skad gsungs// nga yis 'khrul snang rtsad nas bshad// rdo rje sems dpas go bar nyon// a ti sa ri ag+ha sa b+ha la a li rkang ka a/ 'khrul gzhi rtsad nas bcad thabs ni// blo la rab 'bring tha ma gsum// dang po rab kyi bcad thabs la// gzhi rtsa nga yid gnyis bcad pas mchog/ rtsad nas chod pas 'khrul snang tshong// gzhi la dngos shes 'khrul du med//

  22. 63b

    dug tu ngo shes dug rtsad stod/ dper na ha la nag po'i dug/ sngags dang thabs ldan gang zos pa// mi 'chi slar la sman du 'gyur// de bzhin 'khrul gzhi'i 'khrul snang yang / gzhi 'khrul rtsa du chod rjes mi 'bred// rang sangs yas dang thim pas// gcad bya gcod byed gnyis med// 'khrul gzhi'i 'khrul snang rta da nas tshang// dbang po 'bring gis bcad lugs ni// gzhi kun khyab spyi phud ste// ming 'dogs med par rtsad nas chod// 'khrul pa kun tu 'tshol ba'i yid// gzhi la med par spros pa chod// gzhi ni ye nas gnas pa te// 'pho 'gyur med par spros pa tshong // 'gyu ba yod rtog blo bur ba// gzhi la med kyi spros pa chod// gzhi ni blo 'das mtshon med de// 'khrul pa bsam brjod rtog pa'i tshig/ mtshon brjod bsam 'das rtsad nas chod// gzhi ni kun gzhi rnam shes te// kun khyab dngos med rtsad nas chod// 'khrul pa 'od lnga 'byung ste// rang bzhin gzhi la ma grub te// rtsal snang yid kyi rtsad nas chod// rtsal dang zer dang khyab byed gsum// shugs 'byung yin gyis rtsad nas chod// yan lag mtshan nyid bu dang gsum cu// rgya chad med kyis rtsad nas chod// shes pa rig pa cad rigasum/ 'khrul pa'i rkyen yin rtsad nas tshod// 'khrul sgo mun pa mi gsal gsum// 'khrul pa'i dus yin rtsad nas tshong// nga med pa la ngar 'dzin dang // mi bden pa la bden 'dzin dang // mi rtag pa la rtag 'dzin gsum// 'khrul pa'i ngo bo rtsad nas chong// sems dang yid dang bag chags gsum//

  23. 64a

    @'khrul tshul yin gyis rtsad nas tshod// ri gzugs 'od gzugs sha gzugs gsum// 'khrul 'bras yin gyi rtswang nas chod// skur ba srin bu smig rgyu gsum// 'khrul pa'i dpe yin/ rtsa nga nas chod// log pa'i ma dag bdun po yin// 'khrul pa bdun po rtsad nas chod// dbang po tha ma'i bcad tshul yin// 'khrul pa'i gzhi rtsa rtsad chod pas// bcos bslang 'phel 'gro'i rgyu rkyen bral// 'pho 'gyur bya btsal 'gyur pa med// dngos med ma btsos lhun gyis grub// blo bur chos la rag las med// ma bcos ma bslang ma btsal don// 'dzin bcas blo las khyad par grol// de yis 'khrul gzhi rtsad nas bcad/ lhan cig skyes pa'i ma rig de// nyon mongs can gyi yid kyi gzhi// rang gsal ri ne rang gsal 'bar// rang gsangs snying po'i klong du thim// gang gis 'khrul pa 'khrul snang dang 'khrul gzhi ma rig rtsad nas gcad// nyon mongs 'gyu ba'i shes pa de/ yid kyi rnam par shes pa'i gzhi// rlung med yid med sems med pas// 'khrul ba'i rkyen rnams rtsad nas gcad na/ 'gyub sems kyi shes pa de// sgro lnga'i rnam par shes pa'i gzhi/ 'char sgo'i ye shes chen po dang // dang dngas yas zang thal yin// 'khrul pa'i dus rnams rtsad nas gcad// bden pa'i don mthong the tshom med/ yul sems gnyis mang gzung 'dzin bral// rtag chang gnyis mang gsal dngas pas// nga bdag mi 'dzin 'dzin med de// 'khrul pa'i ngo bo rtsang nas bcad // sems med yid med bag chags med//

  24. 64b

    'khrul pa'i tshul rnams rtsad nas bcad// rgyu med rkyen med gzugs med gsum// 'khrul pa'i 'bras bu rtsad nas bcad// gzhi med 'khrul med yid gnyis med// 'khrul pa gang yin rtsad nas bcad // 'od la 'dod med dbyingasu thim// 'dod khams lhur 'khrul rtsad nas bcad// 'od la gzugs med chos nyid klong // gzugs khams ltar 'khrul rtsad nas bcad// gnas pa'i don rtogs dbyingasu thim gzugs med lhar 'khrul rtsad nas gcar// chos nyid mar 'phrang zhe sdang med// dmyal ba'i 'khrul snang rtsad nas gcad// dbyer med dang thim ser sna med// yi dgas dang 'khrul snang rtsad nas gcang// ma rig sangs nas ye nas shar// byol song 'khrul snang rtsad nas gcatsang// 'khrul pa rang sangs phrag dog chod// mi rnams 'khrul pa rtsad nas gcad// rnam rtog rang grol nga rgyal med// lha min 'khrul snang rtsad nas gcad skye med don rtogs chags sems med// lha yi 'khrul pa rtsad nas gcad// snying po'i klong shar sku gsum grub// du gsum 'khrul partsang nas bcad// lus ngag yid gsum bya btsal med// de gsum 'khrul snang rtsad nas gcad // nang gi sems yid rtsis gdab med// rig yid sems gsum rtsad nas bcad // phyogs mtshams dbus lnga ma grub pas// kha dog phyogs mtshams 'khrul pa gcad// phyi ltas nang ltas yid gnyis dang / 'khrulnga de dag thang snang // yid cang tshang par 'a khrul du med/ 'khrul pa gzhi la med par bcad// ces gsung so// 'khrul pa 'khrul snang rtsa nas gtsang ba'i le'u ste drug pa'o// /

  25. 65a

    g+ha ta e ti rang / a sa ta ni/ bi mA la ta sa a/ de nas rdo rje sems dpa' yis// kun bzang nyid la 'di skad zhus// 'khrul pa bsam zhing bzlog pa'i thabs// bdag cag rnams la gsungs du gsol// zhes gsol pa dang / ston pas 'khor la bka' stsal pa/ 'khrul pa bsal nA thang kar gsal// 'khrul pa bzlog na rgyu nas bzlog/ sgo lnga yul la gsal dus su// snang ba'i mtshan nyid shes pas bzlog/ nyon mongs rnam lnga langs pa'i tshe// blo bur 'khrul par shes pas bzlog/ yid kyi nang du ltas pa'i tshe// blo yi 'dzin par shes pas bzlog/ bden pa'i chos la the tshom zad// mi bden chos la yang dag 'dzin// bden brdzun shes pa 'byung ba'i tshe// ma rig par shes pas bzlog/ ci yang mi shes mi gsal tshe// gdams pa rgyud la thebs pas bzlog/ snang yang mi 'gegs mi sgrub na// phyi yi 'khrul ba sol ba yin// gsal yang yul la mi 'jug na// rten gyi 'khrul pa sol ba yin// nang du bdag 'dzin mi skye na// 'phrang gis 'khrul ba sol ba yin// phyi nang shes pas mi bzung na// bro yi 'khrul pa sol ba yin// yang dag don la gdeng rnyed cing // 'dzin dang the tshom mi smra na// ma rig 'khrul pa sol ba yin// rig med stong pa'i snying po can// snying po ngos kyi zin pa'i tshe// brtsol sgrub 'khrul pa sol ba yin// rgyun gyi bya ba khengs pa'i tshe// zhen chags 'khrul pa sol ba yin// gnyen po klong du gyur pa'i tshe// rkyen gyi 'khrul pa sol ba yin// yis klong du gyur pa'i tshe// ma rtogs 'khrul pa sol ba yin// yes rgyun

  26. 65b

    char med pa'i tshe// dum bu'i 'khrul pa sol ba yin// rtog pa dang dang mi 'bral tshe// 'khrul pa thams cad ma spangs sol// dkar dang dmar la ma chags na// phyi yi 'khrul pa sol ba yin// yid rig 'khrul pachod pa na// nang gi 'khrul pa sol ba yin// dbye gsal shes pa ma skyes na// bar gyi gzung 'dzin sol ba yin// phyi yi yul lam spyad na// yul gyi 'khrul pa sol ba yin// nang gi sems la ma bsams na// bdag 'dzin 'khrul pa sol ba yin// phyi nang gcig tu ma bzung na// dgag sgrub 'khrul pa sol ba yin// rtog spyod blo 'das mtshan ma med// de ltar sus rtogs gong ltar gnas// 'khrul snang thad ma spangs sol ces gsungs so// 'khrul snang rtsang gcod kyi rgyud las 'khrul pa bsal thabs bstan pa'i le'u ste bdun pa'o// / a ti sa ti sra ta ra a/ de nas rdo rje sems dpa' yis// kun bzang nyid la 'di skad zhus// 'bras bu ji ltar thob tshul rnams// 'dus pa'i 'khor la bka' stsol cig/ ces gsol ba dang / ston pas 'khor la bka' stsal pa/ thog ma med pa'i dus mtha' nas// rang la rang chas yod pa yi// sems nyid brjod du med pa yis// brjod med dbyings thim 'bras bu 'thob// sems nyid skye ba med pa ste// skye med dbyings thim 'bras bu yin// sems nyid dngos med 'gyu med// 'pho 'gyur med pa 'bras bu yin// snang ba gsum gyi dkyil 'khor nas// sku gsum 'bras bu shugs kyis 'char// gdul bya gsum la dgongs nas ni// zhing khams ma lus bde bar spyod// don dam 'bras bu 'char ba'i

  27. 66a

    gzhi// ye nas rang la gnas pa de// rangs zin cing gnas pas mchog/ ces gsungaso// 'khrul snang rtsad gcod kyi rgyud las/ 'bras bu bstan pa'i le'u ste brgyad pa'o// // de nas rdo rje sems dpa' yis// kun bzang nyid la 'di skad gsol/ 'bras bu gdeng zin ji ltar lags// ces gsol pa dang / ston pas 'khor la bka' stsal pa// 'bras bu gdeng zin 'di ltar shes par gyis// snying po'i rang bzhin ming med brjod med la// zin dang ma zin don la gnyis med kyang // re shig 'bras bu'i gdeng gi 'di lta ro// chos su gnas pa'i gnas lugs med pa la// ma 'khrul snang ba gnas pa gdeng zin pas// chos sku rang byung ye shes dbyer med de// tshe sku mtshan ma mtshon ma'i ming las 'das// 'gyur med rang gnas gdeng zin chen po yin// rang bzhin lhun grub 'gyur med klong nas gnas// chos nyid ngang las ma 'das gdeng zin chen po'o// gsal la dngas pa snying po 'gag med la// skye 'jigs med de gdeng zin chen po yin// dngos po mtshan ma med pa'i rang bzhin da// kha dog dbyibs dang bral bas gdeng zin che// rgyu dang rkyen gyis ma skyed phyogs ris med// tshogs brgyad yul min skye med gdid zin pa// yod med stong dang mi stong rtag chad med// mtha' dang dbus med tshig 'das gdeng gis zin// yi ge brjod med pa'i ngo bo la rang gsal ris med phyogs med gdeng gis zin// chos nyid mar 'phrong gnyis med gdeng gis zin// ye shes rang sar 'gyur med gdeng gis zin// rnam grol rang grol chos nyid gdeng gis zin// gti mug dang /

  28. 66b

    dngas 'od gsal gdeng gis zin// blo 'das dbyer med tshe sku gdeng gis zin// zhe sdang rang sangs mkha' gsal gdeng gi zin// skye med 'gag med long sku'i gdeng gis zin// 'dod chags rang dngas yis gsal gdangs gdeng // yid la byas pa sprul sku'i gdeng gis zin// dug gsum rtsad gcad sku gsum thugasu 'gyur// sku gsum 'du 'bral med pa'i gdeng gis zin// ces gsungaso// 'bras bu'i gdeng gis zin pa bstan pa'i le'u ste dgu pa'o// // de nas rdo rje sems dpa' yis// kun bzang nyid la 'di skad zhus// sa ra ta ya/ 'bu sa da ra g+ha ya/ ba la mu ti si ti a a/ sangs rgyas che ba'i yon ji ltar lags// ces gsol pa dang / kun tu bzang pos bka' stsal pa// skye med tshe sku'i snying po la// skyon dang yon tan gnyis med kyang // ma rtogs go bar bskyed pa'i phyir// nga yis sangs rgyas yon tan bshad// 'khor rnams ma yengs gus pa ldan pas nyon// sangs rgyas tsha ba'i yon tan bsam mi khyab// bdag med ci mang rtogs pa chos kyi sku// blo yul ma gyur yon tan bsam las 'das// gzugs sku rnam gnyis la sogs yon tan kun// nyi zla'i 'od bzhin kun la gsal bar khyab// drangs pa'i don du bgrang ba tsam// bdag tu 'dzin pa'i shes pa log pA yi// s+thArga na 'chi'i chu bo rlung nas bcad // skye 'chi'i sdug bsngal mdo yon tan che// chosu bzung ba'i yul de log pa yin// nyon mongs dug lnga ma bcad rang bzhin 'chang // sku gzhi yis lnga nyid lhun gyis grub// sangs rgyas che ba'i yon tan bsam mi khyab// sku yi dngos po cir ya

  29. 67a

    mi mnga' bar// stong gsum ma lus dbang bsdus zil gyi gnon// gsung gi dngos po ci yang mi mnga' bas// bstan pa ma lus thaMd rgyas par sgrog/ thugs kyi dngos po ci yang mi mnga' bAr/ thade rang gi ngo bor cho skur gsal// mkhyen pa med pa'i mkhyen pa chen po dang // ji snyed mkhyen pa'i gnasu gsungs// rnam rtog ci yang mi mnga' sa la mkhyen// nga dang gzhan dang bya byed la sogs pa// rnam rtog mi mnga' snang srid chos skur mkhyen/ ji lta ba nyid mkhyen pa mkhyen pa'i mchog/ de ni thaMd mkhyen pa'i mkhyen chen yin// sku gsung phuT kyang gcig gis ngo bor gsungs// sku gsung thugs kyang chos kyi dbyings la gnas// sku gsum ngo bo nyid kyi klong du thim// thang ngo bo bsam med dang du thim// g.yo ba mi mnga' sa le sang nge mkhyen// mchog tha~Md mkhyen pa'i mchog tu gsungs// de lta bu yi yon tan chen po dang // bsgrub pas gzhan nas 'byung ba ma yin te// rang gi ngo bo de ltar ye nas gnas// ye nas gnas pa rtogs pa bstan pa la// mthar thug sang+yas de la bya ba yin// dang dngas sems nyid sku gsum sangs rgyas pas// phyi nang snod bcu dang yi yon tan yin// yon tan mchog tu gyur pas rgyal bas gsungs// drang don a nu man chad mkhyen pa de// bdag gi zhan mkhyen mkhyen bya mkhyen byed des// bdag gzhan gnyis med mkhyen pa'i mkhyen byed med// de ni rlung 'dus byas gzung 'dzin yin// yon tan phyogs chad sangs rgyas yon tan min// de ni sen blo yi yon ta no// ces gsung so// 'khrul snang rtsad gcod kyi rgyud las// sang+yas che ba'i

  30. 67b

    yon tan bstan pa'i le'u ste bcu pa'o// / ma nu a/ sa ta a/ bi ba ya la/ d+hi a ki tra mu ru saM ti e ma ho a// de nas rdo rje sems dpa' yis// kun bzang nyid la 'di skad zhus// son rnams la skyon ci mchis// ces gsol ba dang / kun tu bzang pos bka' stsal pa// snying po ming med 'gyur med ma rtogs pa'i// rig pa rtsal snang sems can rnams kyi skyon// bsam dang brjod pa'i mtha' las 'das mod kyang re shig bshad kyi rdo rje sems dpa' zung // sen skyon gyi rtsa ba gcig pa la// bdag tu 'dzin pas dug lnga rang las byung // se naM zhes kyang 'dzin pas btags pa yin// nyon mongs ji snyed phod 'byung ba'i gnas/ bdag tu 'dzin pas thog ma med pa nas// da lta'i bar du sdug bsngal 'dam du mnar// da dung gzung 'phur pa ma thon par// thar bar kun tu bzang pos ma gsungaso// ming med chos nyid zla dang bral ba las/ nga dang / bdag tu 'dzin pas rtag tu 'khyams// ji srid bdag gzhan 'du shes yod kyi bar// dka' ba ci spyang rang nyid 'ching ba'i rgyu// 'grol bar 'dod pa nyid kyi bcings par 'gyur// skur ba bal du chud pa ji bzhino// bdag gzhan nyid go ba ma skyed na// bad gzhan yul dang sems la bya ba ste// de gnyis yod pas bya ba byed pa dang // blang dor dgag sgrub spong len re dogs dang // legs nyes bzang ngan rgyu dang 'bras bu dang // mtho ris ngan song thang yod pa ste// ji srid yul sems gnyis med ma rtogs par// bdag gzhan gnyis med zer ba'i dmus long byar mkhan// bdag dang gzhan gyi shes pa mi 'dre bar// yul sems gnyis med per nga'i rjod

  31. 68a

    pa yod// skyon gyi rtsa ba gzung 'dzin gnyis dang 'grogs// kha gcig grub mtha' 'di skad smra ba yod// nga dang khyod kyang ye nas so so ste// bdag gis sems nyid btsal bas mi rnyed de/ yul sems gnyis med zer rmongs pa yod// kha dog chos nyid tsam du gcig pa las// sems nyid tha dad yul sems gnyis med zer// kha cig cig pa'i don dang ma 'byor par// yod skyod tshig tu rtsis zhes zer ba yod// skyon gyi rtsa ba gzung 'dzin cig dang 'grogs// nyes pa'i 'byung khungs de dang ma bral bar// 'khor ba'i mtha' las grol bar ma gsungaso// de ltar skyon gyis rtsa ba shes par gyis// rnam grangs rgyal bas mkhyen par ma cha de// re shig sngun brgyad khri bzhi stong ngo // nga bdag du gsum skyon gyis rtsa ba yin// nyon mongs dug lnga skyon gyi rtsa ba yin// ming med ming 'dog skyon gyi rtsa ba yin// yid rig rtog pa skyon gyi rtsa ba yin// gzung 'dzin zhen pa skyon gyi rtsa ba yin// nga bdag phyogs rigs skyon gyi rtsa ba yin// bya btsal 'khrul pa skyon gyi rtsa ba yin// rtsal snang phyir phyos skyon gyi rtsa ba yin// cir snang rig pa'i mtshan nyid yin gyur kyang // rangs ma zin gyi rtsa ba yin// sems dang yid dang ma 'gag bu rnams dang // ma bu ma phrad skyon gyi rtsa ba yin// rig 'gyu yid sems skyon gyi rtsu ba yin// bya byed 'byed rtsol skyon gyi rtsa ba yin// rtsis gdab dbye gsal ying smon re dogs rnams// mdor bsdus skyon gyi rtsa ba bstan pa yin// ces gsung so// 'khrul snang rtsad gcod kyi rgyud las/ sems can gyi skyon gyi rtsa ba bstan pa'i le'u ste 'artsig pa'o//

  32. 68b

    de nas rdo rje sems dpa' yis// kun bzang nyid la 'di skad zhus// ye thog sangs rgyas rnams kyis bzang byas sam// ces gsol pa dang // mtshon byed kun tu bzang pos bka' stsal pa// gzhi yi rang bzhin ming med mnyam ba la// rtsal snang ma 'gags yan lag zer shAr bas// ye shes rlung 'gyu yid rtog skye ma nus// rig pa zer la thim pasna dpyad mi nus// rtsal snang ma 'gags yan lag mar thim pas// thim pa tsam gyis thog mar ye sangs rgyas// rig pa ma 'gags ma la bu thim pas// ma bu ngo 'phrod dbyer med blang dor med// yan lag shes pa snying po'i klong thim pas// yan lag snying po gnyisu dbyer mi phyed// snying po yan lag 'phrad pas ye shes rang sa zin// chos nyid ma bu 'phrang bas 'khrul pa rang sa grol// ngad dngas 'gyur med rtogs pas 'pho 'gyur bya rtsal med// ye shes rang sa zin pas gsal gdangs klong nas shar// rgyu dang rkyen gyi sgo nas bzang ma byas// rang bzhin gzhi ya shugs las gyur pa yin// rgyu ru ya sa gzhi gnas rkyen du rlung // de yi 'bras bu kun tu bzang po'o// rang bzhin kun bzang rgyu rkyen rtsol nas bral// rtogs pa'i kun bzang rang gi de nyid rtogs// gyur pa'i kun bzang du gsum sku gsung thugs// de ltar gyur pas kun bzang zhes bya'o// ces gsung so// 'khrul snang rtsad gcod kyi rgyud las/ ye thog ma'i sangs rgyas kyis bzang ma byas par rang bzhin shugs kyis ye sangs rgyas par bstan pa'i le'u ste bcu gnyis pa'o// / a tha b+ha ri/ ma nu a daM/ si ta a/ dar ma dar du/ i ba ta ni// de nas rdo rje sems dpa' yas

  33. 69a

    kun bzang nyid la 'di skad zhus// rig drug sems can rnams kyis skyon ci byas// ces gsol pa dang / ston pas 'khor la bka' stsal pa/ 'khrul rgyu rlung gi rang bzhin ste// gnyis ka'i gzhi ru mnyam pa la// rang sa ma zin rlung 'gyus pas// chos nyid ma rang ma phrad cing // 'gyur med klong du ma gyur la// ye shes rang sa ma zin par// 'khrul pa dang du ma chod de/ snying po klong nas ma shar bra skye ba med par sangs ma rgyas// 'khrul pa'i 'bras bu rig pa yis// rgyu ni rlung gi nus pa la// 'bras bu rig pa yod pa yis// rig pas yis don ma rig/ ma rtog ma rig mun par zhums// de ru yid 'gyus semasu 'khrul// sems kyi rang sam zin pas// gzugs med khamasu 'khrul par 'gyur// rangs ma zin rnam gsum gyis// ngan byas shugs kyi 'khor bar 'khyams// dper na bcu bdun man chad kyi// zla ba rgyu rkyen byed med kyang // shugs kyi chung ngu 'gro bar ltar/ byad mkhan med par 'khor bar 'khyams// ces gsungaso// 'khrul snang rtsad gcod kyi rgyud las// sems can gyis ngan ma byas par 'khor tshul bstan pa'i le'u ste bcu gsum pa'o// / a bA tI/ a b+hi ta/ sad g+hA ya a/ de nas rdo rje sems dpa' yis// kun bzang nyid la 'di skad zhus// de nyid skyon yon ji ltar lags// ces gsol ba dang / kun bzang nyid la 'di skad zhus/ dper na nas kyi gzhi gcig pu// zhings cig la btab pa la// byed ba med par bzang ngan byung // de yang shugs las 'byung ba ltar// ma rig ye shes shugs las 'byung //

  34. 69b

    lcags rdo lcagasu gzhi cig la// bzang ngan rno rtul shugs las 'byung // de ltar 'char sgo 'khrul sgo 'byung // dper na gzhi ma cig pa las// sbyor bar mnyam la theg ler mnyam// gnasu mnyam la 'byung bar mnyam// de ltar mnyam pa'i rang bzhin la// khye'u bu mo 'ong ba dang // legs nyes bzang ngan shugs 'byung las// de dag de ltar byas pa min// che chung blo yi rno rtul dang // sbyad glan gnyi su 'ong ba yang // rgyu rkyen rtsol sgrub ma byas par// rang bzhin shugs las 'byung ba yin// ces gsungaso// 'khrul snang rtsa gcod kyi rgyud las// skyon dang yon tan bstan pa'i le'u ste bcu bzhi pa'o// / ka ba rtsa ta ya/ b+hi ma la ya/ a ta pa ri/ de nas rdo rje sems dpa' yis// kun bzang nyid la 'di skad gsol// theg pa brgyad khri bzhi stong de// gang la dgongs nas phye ba lags// ces gsol pa dang / kun tu bzang pos bka' stsal pa// snying po rang bzhin ming med mnyam pa las// rtsal snang yan lag snang tshul rim pas phye// du gsum cha las nyon mongs brgyad khri bzhi stong byung // 'dod chags las gyur nyi khri chig stong gcig/ gti mug las gyur nyi khri chig stong gcig/ zhe sdang las gyur nyi khri chig stong gcig/ dug gsum cha mnyam las gyur nyi khri chig stong gcig/ cha mnyam las gyur nyi khri tshig stong gcig/ de ltar nyon mongs brgyad khri bzhi stong rnams// 'dul phyir chos sgo brgyad khri bzhi stong ste// mdo sde las gyur nyi khri chig stong gcig/ 'dul ba las gyur nyi khri chig stong gcig/ rdzo ga/

  35. 70a

    @#// myur te khri tshig stong gcig/ cha mnyam las gyur nyi khri chig stong gcig/ theg pa brgyad khri bzhi stong phye ba ste// nyon mongs de snyed 'dul ba'i don du gsungs// mu stegs nyan thos rang rgyal sems tsam dang // dbu ma kri ya u pa yo ga dang // mahA a nu a ti yo ga rnams// yan lag mi 'dra dbang gis rim pas phye// rgyu lam 'bras bu gsum las theg pa gsum// gdul bya gang la gang 'dul don du bstan// ces gsungaso// 'khrul snang rtsad gcod kyi rgyud las// theg pa brgyad khri bzhi stong phye ba'i le'u ste bco lnga pa'o// / de nas rdo rje sems dpa' yis// kun bzang nyid la 'di skad zhus// theg pa dgu ru gsungs pa ste// 'dul bya gang la dgongs nas gsungs// kun tu bzang pos bka' stsal pa// snying pos don ni rang bzhin cig mos kyang // rtsal snang yan lag mi 'dra bas// dbang po rab 'bring tha ma gsum du 'byung // dbang po rab kyi don ni// nang gi bskyed rdzogs rnam gsum bstan// dbang po 'bring gi don du ni// phyi yi kri yog sde gsum bstan// dbang po tha ma'i don du ni// mtshan nyid sde gsum theg pa bstan// de ltar theg pa rim pa dgu// rab 'bring dgu la dgongs nas gsungs// ces gsungs so// 'khrul snang rtsa gcod kyi rgyud las// theg pa dgur bsdus te bstan pa'i le'u ste bcu drug pa'o// de nas rdo rje sems dpa' yis// kun bzang nyid la 'di skad zhus/ gzhan gzhung theg pa ji ltar shes par gyis// ces gsol ba dang // kun tu bzang pos bka' stsal pa// snying po'i rang bzhin mnyam pa la/

  36. 70b

    yan lag rtsal gyi shes pa'i ming btags nas// theg pa mang yang bsdus na rnam pa gnyis// 'jig rten pa dang de las 'das pa'o// 'jig rten pa ni phyi ba mu stegs te// yod med gang dang rtog spyod sgo nas 'jug lus la gsum dang ngag la rnam pa bzhi// bsrung ba'i tshul khrims gsum po bsrung bar byed// lta ba sum brgya drug cu'i grangs snyed yod// de las bsdus pa 'jigs tshogs drug cu gnyis// sngon gyi mtha' ru rtogs pa bco brgyad dang // phyi ma'i mtha' ru rtogs pa bzhi bcu rtsa bzhi ste// ra ltar mthar rtogs lta ba rnam pa gnyis// sdoms pas drug cu rtsa gnyis yod par bshad// de bsdus nyi shu rnam pa bzhi yin te// rtag chang thun mongs rig byed rtsa nga ma'o// dbang po rtag par lta ba'i 'dod lugs ni// snying po'i rang bzhin ming med ma rtogs pas// yan lag snang tshul de la rtag par 'dod// rgyu med 'bras bu yod par rang rig/ 'dod// thams cad byed pa'i rtag pa chen po 'dod// rtag pa mdog dkar 'tsher zhing bsdum la 'dril// che chung tshad ni mthe bong sran ma 'am// nyung 'bru tsam pa lus dang sbyar nas yod// mu stegs chang par lta ba'i 'dod pa ni// snying po'i rang bzhin ma rtogs snang tshul la// ma 'gags rig pa blo bur snang bar 'dod// phyi ma rig pa skye zhing med par 'dod// dge sdig 'bras bu tshe 'di nyid la'o// bde skyid nang nyung tshe ring dge sbyong 'bras// sdug bsngal nang mang tshe thung sdig 'bras yin// de yang tshe 'dir 'ong bas phyi ma med// lus ngag yid gsum sgo nas dge sdig gis// tshe 'di nyid la smin pas 'ongs na// mi dge

  37. 71a

    spong zhing dge la sbyong bar 'dong // thun mongs mu stegs lta ba'i 'dod pa yang // tshe sku 'gyur med rang bzhin ma shes pas// yan lag rtsal gyi shes pa'i bye brag la// rig pa g.yo ba rlung gi g.yo ba yin// rlung gis bcung byas rtsal ni sdod du chags// rlung g.yos bde ba mi 'char ma g.yo ba // bde ba 'dod pas rlung 'gegs bde ba sgom// rig byed gtsang ma'i mu stegs lta ba ni// snying po'i rang bzhin ma shes ma rtogs pas// snang tshul rtsal gyi rig pa gsal ba las// shes pa'i dngas ma gcig tu yod par 'dod// don dam rang bzhin shes par 'gyur ba mang // rtag chad rang bzhin kha dog dbyib las 'das// rkyen gyis mi shes tshig gis phebs pa dka'// rig pas brtags don shin tu shes pa gsungs// rtag chad mtha' dang bral ba'i shes ma gcig/ de ni don dam rang bzhin lta ba yin// me long rten dang 'khrus dang gtsang sbra spyod// yong med rtag chang gnyis kyi mtha' la skom// grub tshad lha dang mir skyes sgyu ma nam gru pa// mthar phyin 'bras bu lha dang mi ru skye// byis pa so so'i skye bo rnams la dpag so// lhar rgyud mi pham mgon po shar ka bdun che'o// bstan pa sde drug dag gi zhung bstano// ces gsung so// 'khrul snang rtsad gcod kyi rgyud las// 'jig rten pa'i mu stegs pa'i theg pa bstan pa'i le'u ste bcu bdun pa'o// // de nas rdo rje sems dpa' yis// kun bzang nyid la 'di skad zhus// nyan thos theg pa ji ltar lags// ces gsol pa dang / kun tu bzang pos bka' stsal pa// snying po chos sku'i rang bzhin

  38. 71b

    ma rtogs pas// rtsal snang rig pa nyan thos theg pa bstan pa ni// 'phags pa'i bden pa bzhi yi sgo nas 'jug/ bsrung ba'i tshul khrims nyis brgya lnga bcu bsrung // 'phags pa nyan thos lta bu bstan pa ni// nyan thos bye brag pa dang mdo sde pa'o// bye brag pa ni don dam brdul phran ni// cha med phyogs cha bral bar 'dod pa yin// mdo sde pa ni g.yag ldan sang tshul// kun rdzob tshul du de ltar 'dod pa yin// mtsho ba'i yo byad rnam pa bcu gnyis dang // sbyangs pa'i yon tan bcu gnyis ngag la spyod/ spang bar bya ba sum cu rtsa gcig dang // thob bya mthong spangs brgyad bcu tham pa sgom// grub pa'i tshad ni bskal pa bdun gyis grub// mthar phyin dgra bcom rnam bzhi'i 'bras bu thob// tsas gsung so// 'khrul snang rtsad gcod kyi rgyud las// nyan thos kyi theg pa bstan pa'i le'u ste bco brgyad pa'o// / de nas rdo rje sems dpa' yis/ kun bzang nyid la 'di skad zhus// rang rgyal theg pa ji ltar lags// ces gsol ba dang / kun tu bzang pos bka' stsal pa// snying po rang bzhin ming med ma rtogs pas// snang tshul yan lag rig pa'i shes pa las// nga rgyal rten 'brel bcu gnyis sgo nas 'jug/ bsrung ba'i tshul khrims nyis rgya lnga bcu bsrung // bsgom pa'i rim pa snyoms par 'jug pa bsgom// lta ba phyogs gcig nyan thos ngag dang mthun// de las lta ba khyad par spags pa ni// rnam par rig byang ma yin par 'dod ngo do// gzugs las bdag med khyad par 'phags pa yin// nang gi shes pa skad cig po// skye 'gag can de rgyu 'bras yin// rdzu 'phrul

  39. 72a

    @ya ma zung la spyod/ grub tshad bskal lnga ru sa 'grub// bya ba byas pa'i 'bras bu thob// ces gsungaso// 'khrul snang rtsad gcod kyi rgyud las// rang rgyal gyi theg pa bstan pa'i le'u ste bcu dgu pa'o// // de nas rdo rje sems dpa' yis// kun bzang nyid la 'di skad zhus// mdo sde byang chub sems dpa' yis// theg pa'i rim pa bstan du gsol// ston pas 'khor la bka' stsal pa// snying ming med ma rtogs pas// rtsal snang phra ba'i shes pa las// mdo sde'i byang chub sems dpa' ni// bden pa gnyis kyi sgo nas 'jug/ byang sems sdom pa nyi shu bsrung // lta ba rnam pa gsum yod // rnam par bden pa'i lta ba ni// phyi yi yul dang nang gi sems// don dam du ni 'brel med kyang // kun rdzob tsam du 'brel par 'dod// nang gi shes pa skad cig ma// skad cig cha yi mi rtog ste// de la rgyun gyi rtag par 'dod // snga ma snga mas rgyu byas nas// phyi ma phyi mas 'bras bur 'dod// rnam par lta ba rdzun pa'i lta ba ni// shes pa bden de rnam par rdzun// rnam par shes pa mgo mnyam du// yang dag yod pa ma yin ste// don dam du yang lta ci smos// kun rdzob du yang 'brel par 'dod // shes pa rig pa gsal ba tsam// de las gzhan pa'i chos mi 'dod// rnam bden dag gi lta ba ni// gnyis med ye shes shel lta bu// rang rig gsal ba'i ngo bor 'dong // mdo sde spyod pa'i dbu ma ni// chos rnams yul sems gnyi su 'dong // yul rnams rgyu ni phra rab rdul// phyogs chas bzhig na gcig ma grub// gcig ma grub

  40. 72b

    pa'i gtan tshigs kyis// gcig gis bsags pa'i du ma yang // yang dag nyid du mi 'dod de// rang gi rang bzhin stong par 'dod// nang gi shes pa skad cig ma// snga ma 'gag ste mi gnas stong // da lta 'gags pas 'gyur ba stong // phyi ni ma 'ongs mi gnas stong // dus gsum cha yi stong par 'dod// rnal 'byor spyod pa'i lta ba ni// phyi yul ltar snang ba 'di// kun rdzob sgyu ma'i tshul du snang // stong zhing snang la snang zhing stong // 'ja' ltar snang stong gnyis med 'dod// byang chub sems dpa'i spyod pa ni// mi dge bcu spangs dge ba bcu// gzhan gyi don du spyod par byed// pha rol phyin pa rnam pa bcu ka/ bdag gzhan gnyis ka'i don du spyod// byang chub se de'i spyod pa spyod// sgo lnga shes pa gsal ba la// yid kyi rtog pa med par gnas// grub tshad bskal pa gsum na 'grub// mthar thug pa yi 'bras bu ni// bcug kun tu 'od sa thob// ces gsungaso// 'khrul snang rtsad gcod kyi rgyud las// byang chub sems dpa' mdo sde'i theg pa bstan pa'i le'u ste nyi shu pa'o// / de nas rdo rje sems dpa' yis// kun bzang nyid la 'di skad zhus// kri yi theg pa ji ltar lags/ ces gsol pa dang // kun tu bzang pos bka' stsal pa// snying po ming med ma rtogs pas// rtsal snang phra ba'i shes pa la// kri yI theg pa bstan pa ni// bza' skar dus tshes bzang po dang // dag pa gsum gyi sgo nas 'jug/ tshul khrims rtsa ba yan lag gi/ mi nyams yan lag bdun po bsrungs// kri ya rtog pa'i lta ba ni// don dam dag pa'i chos nyid la// kun rdzob rigs gsum dkyil 'khor 'dod//

  41. 73a

    cho ga yan lag bcu gcig gis// byin gyis brlabs nas lha ru sgom// de yang rje dang 'khol gyi tshul// zhi rgyas dbang dang mngon spyod gzhi// bdas gzhan gnyis ka'i don du spyod mchi bdun gyis grub par 'dod// mthar phyin rdo rje 'dzin pa thob// ces gsung so// rin po che snang gsal spu gri 'bar byas 'khrul snang rtsad nas gcod pa na mkha'i mtha' dang mnyam pa'i rgyud las// kri ya'i/ theg pa bstan pa'i le'u ste nyi shu gcig pa'o// // de nas rdo rje sems dpa' yis// kun bzang nyid la 'di skad zhus// u pa ya yi theg pa ji ltar lags// ces gsol ba dang // kun tu bzang / bos bka' stsal pa/ snying po'i rang bzhin ming med mnyam pa las// yan lag rtsal gyi rig pa shes pa las// u pa ya yi theg pa bstan pa ni// 'jug sgo khrus dang gtsang sbra'i sgo nas 'jug/ bsrung ba'i tshul khrims dkon mchog sum mchod dang // slob dpon mched lcam gdung sems che ba dang // rtog pa'i lta ba dpon dang g.yog gi tshul// spyod pa'i thabs ni khrus dang gtsang sgra spyod// lha ni sum cu rtsa bdun lta bu sgom// grub tshad ma tshe bdun gyis 'grub par bshad// 'bras bu rigasum mgon po'i go 'phangs thob// ces gsung so// 'khrul snang rtsad gcod kyi rgyud las// u pa ya yi theg pa bstan pa'i le'u ste nyi shu rtsa gnyis pa'o// / de nas rdo rje sems dpa' yis// kun bzang nyid la 'di skad zhus// yo ga'i theg pa ji ltar lags// ces gsol pa dang / ston pas 'khor la

  42. 73b

    bka' stsal pa// g.yo med skye med chos sku ma rtog pas// rtsal snang zer mi shes pa'i yo ga ni// lha spyod gnyis dang rnal 'byor bzhi nas 'jug/ tshul khrims rtsa ba lnga dang yan lag bdun// rtsa ba yan lag rtsa ba'i ltung ba bzhi bcu bsrung bar byed// lta ba mngon byang lha dang tshul khrims bzhi// yongasu btags nas lha ru lta bar byed// de yang spun dang grogs po'i tshul// tshad med rnam bzhi gzhan gyi don du spyod// bsgom pa sum cu rtsa bdun lha ru bsgom// grub pa'i tshad ni mi tshe gsum gyis ste// 'bras bu stug po bkod pa'i sa yang thob// ces gsungaso// 'khrul snang rtsad nas gcod kyi rgyud las/ yo ga'i theg pa bstan pa'i le'u ste nyi shu rtsa gsum pa'o// // a ta ma ha sa ta ri/ i ba da ni bi ma la/ a ta la/ b+hi b+hu da si dar ma/ 'ga' sa a/ de nas rdo rje sems dpa' yis// kun bzang nyid la 'di skad zhus// bskyed rdzogs rnam gsum ji ltar lags// ces gsol ba dang / ston pas bka' stsal pa/ snying po'i rang bzhin ming med ma rtogs pas// yan lag rtsal gyi 'khor lo yid g.yos bas// mtshan nyid rig pa'i dbang gis ming brtags pas/ skyed pa ma hA yo ga'i theg pa ni// 'jug sgro thabs dang shes rab sgom nas 'jug/ bsrung bar bya ba'i dam tshig nyi shu rtsa brgyad bsrung // bsrung bar bya ba'i dam tshigasum// spyad par bya ba'i dam tshig lnga// mi spang ba'i dam tshig lnga// ngang du blang ba'i dam tshig lnga// shes par bya ba'i dam tshig lnga// bsgrub par bya ba'i dam tshig lnga// phye bas nyi shu

  43. 74a

    rtsa brgyad bsrung // ma hA yo ga'i lta ba ni/ ting 'dzin gsum dang bsnyen bsgrub bzhi// yongasu rtags nas lha ru lha// ye shes dam tshig tshul ma 'dzin// snang grags chos rnams gdod nas dag/ rang gi sems nyid yin pa la// sems de snang ba mi 'gegs thabs// rang bzhin med pas shes rab yin// thabs kyi rang bzhin stong pa la// shes rab rang bzhin gnyi su med// snang stong gnyis med byang chub sems// don dam rang bzhin dbyer med kyang // spyod yul kun dang bral ba la// thad gnyisu med par lta// ma hA yo ga'i bsgom pa ni// ting 'dzin gsum dang bsnyen bsgrub bzhi// rang rgyud dag pa'i lha ru bsgom// bsgrub pa'i thabs ni rtogs pa dang // ting 'dzin rnam pa gsum sgo nas// sku gsung thugs kyi don du bsgrub// rnal 'byor ma hA'i spyod pa ni// tan gan dam tshig bdud rtsi lnga// bdag gzhan gnyis ka'i don du spyod// grub tshad rig pa 'dzin pa'i chos// phyag rgya chen po'i rigs 'dzin thob// de nyid thar phyin 'bras bu ni/ rdo rje 'chang gis sangs rgyas thob// ces gsungaso// 'khrul snang rtsad gcod pa'i rgyud las/ ma hA yo ga'i theg pa bstan pa'i le'u ste nyi shu rtsa bzhi pa'o// // de nas rdo rje sems dpa' yis// kun bzang nyid la 'di skad zhus// a nu'i theg pa ji ltar lags/ tsas gsol ba dang / kun tu bzang pos bka' stsal pa// snying po'i rang bzhin ming med ma shes pas// yan lag rtsal gyi 'khor lo yid g.yos pas// mtshan nyid rig pas ming med ming rtags pas// rdzogs pa a nu yo ga'i theg pa ni

  44. 74b

    dbyings dang ye shes bskor zhugs pas// 'di ltar snang ba'i chos rnams la// thang chos dbyings dkyil 'khor ste// dran rig yid sems ci skyes rnams// de nyid ye shes chen po ste// de nyid gnyis med sgo nas 'jug bsrung bar bya ba'i dam tshig ni/ sku gsung thugs kyi dam tshig dang // snying rje chos nyid tha mi dang // snang ba thams cad dbyings yin te// shes pa ci skyes ye shes la// dbyings dang ye shes gnyis med lta// skye 'gag med pa'i thabs la spyod// bya byed gang la mi phan so// sku ni lha yi sku ru b+hai// lus kyang rdo rje 'chang du bsgoms// ngag ni ting 'dzin zhi ba yin// yid kyi ting 'dzin spro bsdus bzung // rtsa ba mi rtog 'dzin bde dang 'brel yab yum thabs dang shes rab mi ltos pas// snying po tsam gyis dkyil 'khor rdzogs bya'i phyir// a nu'i ting 'dzin chen por bshad pa yin// grub tshad lhag ma'i rgyu lus 'di nyid kyis// che la dbang ba'i rig 'dzin thob par 'dod// 'bras bu rdo rje sems dpa' mtshan rdzogs pas// ye shes 'khor lo pad+ma can gyi sa'o// ces gsung so// ston pas 'khar la bka' stsal/ snang pa rang bzhin mang / 'khrul snang rtsad gcod kyi rgyud las/ a nu yo ga'i theg pa bstan pa'i le'u ste nyi shu rna lnga pa'o// / de nas rdo rje sems dpa' yis// kun bzang nyid la 'di skad zhus// a ti'i theg pa ji ltar lags/ ces zhuso// ston pas 'tsha la bka' stsal pa/ snying po rang bzhin ming med ma shes pas// yan lag rtsal gyis rig pa yid g.yos pas// ming med ming rtags a ti'i theg pa ni// sems nyid ye sangs rgyas pa'i sgo nas 'jug/ rtogs pa'i

  45. 75a

    mtha' drug skyon dang bral// sdang sring chos rnams rang bzhin dag par lta// med pa chal ba gcig la lhun gyis grub// bsrung du med pa'i don las mi mnga'o// bsgom pa ma bcos mnyam par bzhag pa ni// sems dang chos ni ci yang ma yin pas// bsgom pa'i tshe na ci yang yid mi byed// gang yang sgom du med pa'i ngang la sgom// brtsol bsgrub mtha' dang bral ba'i don la sgrub// spyod pa'i phrin las rtsal du med pa ste// bya ba gang yang gtang bas bya rgyu med// dus ni mi tshe cigis 'grub par 'dod// mthar phyin thaMd mkhyen pa'i sangs rgyas thob// ces gsung so// rin po che snang gsal hUM gri'i rgyud las/ rdzogs pa chen po bstan pa'i le'u ste nyi shu rtsa drug pa'o// // a ta ma ha su ka ho// a nu si ti/ a ta ri/ sa ka ri/ dar ma dar du/ ka ya wa ka si ti a/ a a tha/ b+hi ma la/ tiM a ti/ de nas rdo rje sems dpa' yis// kun bzang nyid la 'di skad zhus/ theg pa thad cig tu bsdus pa yis// rang gzhung spyi ti yang ti 'di// 'dus pa'i 'khor la gsung du gsol// ces gsol pa dang / de nas ston pa kun bzang gis/ 'dus pa'i 'khor la bka' stsal pa/ nga yi spyi ti yo gA 'di// theg pa kun gyi gnya' gnog yin// theg pa spyi yi bcud phyung nas// snying po spyi ti yo ga 'di// cig theg byang chub sems kyi theg pa yin// dbye gsal med pa'i sgo nas 'jug/ phyogs mtshams med pa'i dam tshig bsrung // zhe 'dod med pa'i lta ba lta// g.yo rtsol med pa'i ting 'dzin bsgom// bya rgyu med pa'i ngang la spyod// cis gdab med pa'i dngal bsgrub

  46. 75b

    dus gsum gcig ste snga phyi med// 'bras bu lta ba mngon sangs rgyas// ces gsung so// 'khrul snang rtsad gcod kyi rgyud las// spyi ti lo ga'i lta ba bstan pa'i le'u ste nyi shu rtsa bdun pa'o// / de nas rdo rje sems dpa' yis// kun bzang nyid la 'di skad zhus// a nu man chad theg pa dgu// theg pa spong ngam ji ltar bgyi// ces gsol ba dang / kun tu bzang pos bka' stsal pa// snying po'i rang bzhin ming med mnyam pa la/ brtsal gyi rig pas ming btags theg pa brgyad// nga yi tsi tir rang ngam shugs kyis rdzogs// spangs na nyan thos lta bar ltung bar 'gyur// a nu man chad rdzogs lugs kyang // dbyings dang yes gnyis med bas// a nu'i theg pa yongasu rdzogs// thabs dang shes rab gnyis med pas// ma hA yo ga'i theg pa rdzogs// spun dang grogs po gnyis med pas// yo ga'i lta ba yongasu rdzogs// phyi ngag nang dag thaMd dag/ kri ya'i lta ba yongasu rdzogs// don dam kun rdzob gnyis med pas// byang sems dbu ma'i lta ba rdzogs// yul sems gcig tu ma grub pas// sems tsam lta ba yongasu rdzogs// gzung 'dzin gnyisu ma grub pas// rnal 'byor rig byed ma grub ste// rang rgyal lta ba yongasu rdzogs// bden bzhi so sor ma grub pas// rtag chang gnyisu ma grub pas// mu stegs lta ba yongasu rdzogs// spang bar bya ba ma yin te// rang bzhin yongs kyis rdzogs pa'o// phyi ba mu stegs lta yang // rtag chad mtha' ru gol dogs pas// re shig phyi bar bstan pa tsam// byang chub sems kyi ngang gcig pas// spangs na rdzogs par mi 'gyur te// drug gis bstan pa'i log chos kyang //

  47. 76a

    ngan du mi spong mi 'dor ro// ces gsung so// 'khrul snang chang garjod kyi rgyud las/ ma spangs yongasu rdzogs pa'i bang du len ts+tsha ci shu rtsa brgyad pa'o// // a ba tas pa ri/ dang ma dang / ka ya wA ka tsi ta// de nas rdo rje sems dpa' yis// kun bzang nyid la 'di skad zhus// theg pa de dag thams cad kyis// gol bsgribs gdar sha ji ltar gcad// ces gsol pa dang / kun tu bzang pos bka' stsal pa snying po'i rang bzhin ming med ma shes pas// yan lag rtogs pa'i 'khor lo yid g.yos pas// ma rtogs theg pa'i gol bsgribs ngas bshad kyis// rdo rje sems dpas go bar zung // theg pa'i gol bsgrib 'khrul dang gsum// nyan thos bdag med lta ba yang // de ltar ma rtogs mu stegs bdag tu gol ba yis// nyan thos bdag med dag la bsgribs// phrag dog dag tu nyan thos 'khrul// chos la bdag med rang rgyal yang // bdag tu 'dod na nyan thos gol// chos la bdag 'dod nyan thos kyis// rang rgyal chos bdag med la bsgribs// rang rgyal ma rig dag tu 'khrul// gzung 'dzin gnyis bral sems tsam la/ rang rig gsal bar 'dod pa na// sems tsam rang rgyal dag tu gol/ rang rgyal rnam par rig byed bsgribs// sems tsam zhe 'dod dag tu 'khrul// rang bzhin med pa'i dbu ma yang // semasu gsal bar 'dod pa na// dam ma sems tsam dag tu gol// gzung 'dzin gnyis bral sems tsam gyis// dbu ma rang bzhin med la bsgribs// dbu ma sems tsam dag tu 'khrul// skye 'gag med pa'i kri yog kyang // kun rdzob don dam/

  48. 76b

    gnyis 'dod na// kri yog dbu ma dag tu go la/ dbu ma bden pa gnyis 'dod kyis// kri yog skye med dag la sgrib// kri yog nga rgyal dag tu 'khrul// snang stong gnyis med ma hA yang // don dam skye 'gag med lhan ma hA kri yog dag tu gol// kri yog skye 'gag med pa des// ma hA'i snang stong gnyis med sgribs// ma hA 'dod chags dag tu 'khrul// snod bcud gnyis med a nu yang // snang stong gnyisu 'dod yang // a nu/ ma hA dag tu gol// ma hA'i snang stong gnyis med kyis// a nu'i snod bcud gnyis med bsgri'o// a nu'i gzung 'dzin dag tu 'khrul// ces gsungaso// 'khrul sbrang rtsang gcod kyi rgyud las/ theg pa'i gol sgrib 'khrul pa bstan pa'i le'u ste nyi shu rtsa dgu pa'o// // de nas rdo rje sems dpa' yis// kun bzang nyid la 'di skad zhus// a ti yo ga'i snying po la// gol sgru'i 'khrul pa yod dam med// ces gsol pa dang / kun tu bzang pos bka' stsal pa/ rtogs na gol sgribs med mod kyis// ma rtogs ma gol bsgrib 'khrul par snang // nges pa thob pa'i theg pa drug/ rdzogs pa chen po'i gol sa ste// rdzogs chen des thob med par bshad// mdo sde kri ya u pa ya// yo gA ma hA a nu drug/ rdzogs pa chen po'i gol bsgrib ste// mdo sde byang chub sems dpa' ni// kun tu 'od kyi sa 'dod pas// bden pa gnyis kyi sgor zhugs nas// chos nyid stong la rnam par rtog/ a ti stong pa bden med nyid// rtsis gdab med la mdo sdes sgribs// rtog spyod rtsis gdab byed pa ni// mdo sde dag tu gol bar bshad// rtog spyod 'khrul rtsad mchod pas//

  49. 77a

    rdzogs chen gti mug ngag tu 'khrul// kri ya rdo rje 'dzin 'dod pas// dag pa rnam gsum sgor zhugs nas// chos nyid ngag la 'dzin pa ste// gzung 'dzin ngag gi yul la gnas// gzung 'dzin 'khrul pa med pa'i don// gzung 'dzin mengal kri yas bsgribs// rdzogs chen gzung 'dzin byed pa ni// kri ya dag tu gol bar bshad// gzung 'dzin 'khrul rtsad ma chod pas// rdzogs chen kri ya dag tu 'khrul// u pa ya yi lta spyod ni// kri ya spyod la yo ga bsgrub// lta spyod ya bral don med pas// a ti yo ga'i snying po yin// lta spyod gnyis med byang chub sems// gnyisu med la u pas bsgribs// rdzogs chen gnyisu 'dod pa ni// u pa ya ru gol bar bshad// gnyis med nges mang ma shar bas// rdzogs chen ya bral dag tu 'khrul// yau ga stug po bkod 'dod pas// ting 'dzin rnam gsum bsgor zhugs nas// phyag rgya bzhi la rtsol byas pas// dbye gsal med la 'jug ma nus// a ti yo ga'i spyod pa ni// dbye gsal med pa'i byang chub sems// dbye gsal med la yo gas bsgribs// rdzogs dbye gsal byed pa ni// yo ga dag tu go bar bshad// dbye gsal med par ma go bas// rdzogs tshan gnyis snang dag tu 'khrul// ma hA rdo rje 'chang 'dod pas// ting 'dzin rnam gsum sgor zhugs nas// rang rgyud dag pa'i dkyor la// bsnyen bsgrub nam mkha'i bsgrub pa byed// a ti yo ga'i snying po ni// brtsol bsgrub 'das pa'i byang chub sems// brtsol bsgrub 'das pa ma hA sa bsgribs// rdzogs chen brtsol bsgrub byed pa ni// ma ha yo gar 'khrul par bshad

  50. 77b

    chub sems/ rgyu 'bras 'das la lus ngag 'khrul par ma zhig pas// rdzogs chen bya btsal dag tu 'khru lol-i// a nu dbyer med sa 'dod pas// dbyings dang ye shes sgor zhugs nas// rgyu ni dag pa'i dbyingasu lta// 'bras bu dag pa'i ye shes dkyil 'khor lha// a ti yo ga'i snying po ni// rgyu 'bras 'das pa'i byang a nu bsgribs// rdzogs chen rgyu 'bras gnyis lha ni// a nu yo gar gol bar bshad// rgyu 'bras 'khrul rtsad mchod pas// rdzogs chen brtsol bsgrub dag tu 'khrul// theg pa'i gol bsgrib 'khrul dang gsum// theg pa gcig gi lta ba la// gol bsgrib 'khrul sum bcu yod// lta ba'i gol bsgribs 'khrul dang gsum// dam tshig la bsgrib 'khrul dang gsum// 'phrin las gol sgrib 'khrul dang gsum// ya shes gol sgrib 'khrul dang gsum// sa yi gol bsgrib 'khrul dang gsum// lam gyi gol bsgrib 'khrul dang gsum// phra ba'i gol bsgrib 'khrul dang gsum// rgyud kyi gol bsgrib 'khrul dang gsum// lung gi gol sgrib 'khrul dang / man ngag gol bsgrib 'khrul dang gsum dang // phye bas sum cu tham pa yod// de yi mtshan nyid gang dang gang // lta ba dag gi rang bzhin ni// bsgom med rang bzhin ma shes na// lta ba dag gi bsgrib par bshad// ye nas mnyam pa'i rang bzhin la// zhe 'dod med par mi lta bar// bsgoms nas log par lta ba ni// lta ba dag gi gol sa yin// zhe 'dod cis gdab byed pa ni// lta ba'i 'khrul pa yin par bshad// bsrungs mtshams med pa'i dam tshig la// bsrung 'tsham med par ma glen//

  51. 78a

    dam tshig bsgrub pa yin par bshad// bsrung 'tshams med bar ma rtogs par// phyogs ris dam tshig bsrung ba ni// dam tshig gol sa yin par bshad// phyogasu bye brag 'byed pa ni// dam tshig 'khrul pa yin par bshad// brtsol bsgrub 'das pa'i phrin las la// brtsal du med par ma shes na// 'phrin las bsgrib pa yin par bshad// brtsal du med pa'i rang bzhin la// brtsal du med par ma rtogs ste// 'phrin las brtsol bsgrub byed pa ni// 'phrin las gol sa yin par bshad// grub dang ma grub gnyis rtogs pa// 'phrin las 'khrul pa yin par bshad// ye shes dag gi rang bzhin ni// bsgrib pa med par ma shes na// ye shes ngag gi bsgrib par bshad/ bsgrib pa med pa'i ye shes la// bsgrib pa med pa ma rtogs shing // mi bskyod gsal bar ma rtogs na// yis gol sa yin par bshad// gsal mi gsal du 'dod pa ni// yis 'khrul pa yin par bshad// sa dang pha rol phyin pa ni// sbyangs zhing bsgrod du med pa la// sbyang bsgrod med par ma shes na// sa yi bsgrib pa yin par bshad// sbyang bskrod mi dgos sa lam la// de ltar mi dgos ma rtogs ste// sbyang zhing bsgrod par byed pa ni// sa dang phar phyin grol bar bshad// gong 'og rim par 'dod pa na// sa dang phar phyin 'khrul par bshad// lam ni bsgrod du med ba la// bskrod du med par ma shes na// lam gyi bsgrib pa yin par bshad// bsgo du med pa'i rang bzhin ni// bsgo du med par ma rtogs na// lam la bsgrod par 'dod pa ni// lam gyi gol sa yin par bshad

  52. 78b

    bye brag lnga ru 'dod pa ni// lam gyi 'khrul pa yin par bshad// 'phra ba dag gi rang bzhin ni// bzung dang 'dzin pa'i rang bzhin ni// gzung 'dzin bral bar ma shes na// 'phra dag gi bsgrib par bshad/ gzung 'dzin bral bar ma rtogs ste// 'phra rab rdul du yod lta na// 'phra ba'i gol sa yin par bshad// gzung 'dzin 'phra rag gnyis lha na// 'phra ba'i 'khrul pa yin par bshad// rgyud kyi rang bzhin bstan pa ni// sems chos gnyisu med par 'brel// gnyis mang 'bral bar ma shes na// rgyud kyi sgrib pa yin par bshad// gnyisu med par 'brel ba la// gnyis med 'brel par ma rtogs ste// sems chos gnyisu mthong ba ni// rgyud kyi grol sa yin par bshad// tha dang rtse gnyis skyes pa ni// rgyud kyi 'khrul pa yin par bshad// lung gi rang bzhin bstan pa ni/ gtan la 'bebs shing nges par ston gtan la 'bebs par ma shes na// lung gi bsgrib pa yin par bshad// gtan la 'bebs pa'i lung de la// thog tu phebs par ma rtogs shing // thog tu mi phebs zhes zer na// gong gi go las yin par bshad// sgra tshig rang thang khyer nas ni// don dang mi mthun tshig rjes 'brang // lung gi 'khrul pa yin par bshad// man ngag rang bzhin bstan pa ni// gnyis snang med par la 'das nas// spros pa med par ma shes na// man ngag bsgrib pa yin par bshad // sgro skur bral ba'i man ngag la// spros pa med par ma rtog ste// sgro skur yong par 'dod pa ni// man ngag dag gi gol sar bshad// spros pa'i

  53. 79a

    mtha' la mngon zhe na// man ngag 'khrul pa yin par bshad// dbye na de ltar mang yod kyang // bsdus na gsum las med par bshad// 'gro na don nor gol sa yin// gnas don ma rtogs bsgrib pa yin// sgo lngar 'khyams pas 'khrul pa yin// dper na 'dod yon gnyer ba zhig/ shar na don yod lam du zhugs// nub tu phyin pas don mi grub// lam rgyus ma shes 'khrul pa 'byung // zhe 'dod med pa'i don 'dod pas// zhe 'dod mtshan ma'i lam du zhugs// sgro skur bral ba'i rang bzhin la// brjod yod rtogs pa'i bsgrib pa yin// tshigi sgro 'dogs mchod 'khrul// gang zag dbang po'i khyad par las// sems 'thad theg pa rim pa dgu// mthun lta spyod so sor bshad// de nas gol bsgrib 'khrul pa 'byung // yang dag don la theg pa med// ces gsungaso// 'khrul snang rtsad gcod kyi rgyud las// spyi tI yo ga ma rtogs pa rnams la gol bsgrib 'khrul pa bstan pa'i le'u ste sum bcu pa'o// / a tha i ba da ni be mu bo// sang ka ri a/ a si kaM ka ya/ ma hA pU to a/ b+ha ri oM ti/ de nas rdo rje sems dpa' yis// kun bzang nyid la 'di skad zhus/ rdzogs chen spyi ti yo ga yis// gol bsgrib 'khrul gsum la zla gang / ces gsol ba dang / kun tu bzang pos bka' stsal pa// thog ma snying po ma nyid la// rtsal snang rig pa bu 'phrad pas// ma bu dbyer med 'dres nas ni// skye med rangs zin pa dang / 'gyur ba med pargya yis thebs// snying po klong nas shar

  54. 79b

    tsam na// gong 'og khyad par dbye ru med// theg pa drug gi gol bsgrib med// bden gnyis kha mtshon gca du med// snying po'i rang bzhin rtsis gdab med// rang bzhin shes pas bsgrib pa med// 'dzin rtog gnyis las grol bar 'gyur// de yi don rtog gol sa med// 'dzin rtog yid gnyis 'khrul par shes// yid rtsang bcad pas 'khrul du med// gzung dang 'dzin pa 'khrul pa'i chos// de ltar shes pas bsgrib tu med// gzung 'dzin yid gnyis ma skyes na// ma nor snying po'i rang bzhin yin// lta ba gol med byang chub sems// phyogs cha ya bral ma skyes na// 'dzin rtog gol bsgrib 'khrul pa mang // dngos po gang la'ang dbye gsal med// dbye gsal gol bsgrib 'khrul pa med// lus ngag brtsol bsgrub byed med pas// bya brtsal brtsol sgrub 'khrul pa med// rgyu las ma byung 'bras bu'i mchog/ rgyu 'bras/ rtsang chod gol sgrib med// snying po'i rang bzhin cig shes nas// lta ba la sogs bcu po la// gol sgrib 'khrul pa gang yang med// lte ba rtog na bsgom mong don// bsgom med mnyam pa'i don shar na// lta ba'i gol bsgrib 'khrul pa med// phyogs dang ris med mnyam pa'i ngang // de yi don las mi 'da' bas// dam tshig gol bsgrib 'khrul pa med// brtsol bsgrub med pa'i rang bzhin lnga// lus dag 'bad brtsol med pas na// 'phrin las gol bsgrib 'khrul pa med// mi bsgrib gsal ba'i ye shes ni// de nas yin pas bya mi dgos// ye shes gol bsgrib 'khrul pa med// bskyod med yis mthar phyin don

  55. 80a

    @rim pa gnyisu med pa'i mchog/ sa yi gol bsgrib 'khrul pa med// yang dag lam la gnyis med pas// bye brag rim pas mi bskyod na// lam gyi go la bsgrib 'khrul pa med// gzung 'dzin gnyis bral byang chub sems// phra rags yid rtogs med pa la// phra ba'i gol bsgribs 'khrul pa med// gnyis med thig le cig gi dang // mnyam pa'i rang bzhin rgya ma chad// rang bzhin rgyun du gnas pa'i mchog/ rgyud kyi gol bsgribs 'khrul ba med// ma nor byang chub sems kyi ni// yang dag don ni gtan la 'bebs// lung gi gol bsgrib 'khrul pa med// phyogs ris spros pa med pa'i don// sgo skur mtha' las grol ba yis// nam ngag gol bsgrib 'khrul ba med// gol bsgrib bsam gyis mi khyab ste// 'char ba'i sgo nor gol sa yang // bzlog pa'i thabs shes gol sa med// gnas don ma rtog bsgrib pa yang // snying po'i don shar bsgrib du med// sgo lnga yul 'dzin 'khrul pa yang // yid rtsad chod pas 'khrul du med// 'gro sgo ma nor yang dag lam// nges pa'i don mthong the tshom med// rang sems ma bcos sangs rgyas pas// sangs rgyas gzhan nas brtsal du med// tsas gsungaso// 'khrul snang rtsad gcod kyi rgyud las// gol bsgrib la bzla'i ba'i le'u ste so gcig pa'o// / de nas rdo rje sems dpa' yis// mtshon byed ston pa kun bzang la/ bdag gzhan gnyisu gsungs pa ste// de nyid khyad par gang gis 'byed// ces gsol pa dang / kun tu bzang pos bka' stsal pa//

  56. 80b

    snying po'i rang bzhin ming med la// mnyam pa nyid du ma rtogs pas// rtsal gyi 'khor lo rtog yid g.yo// yan lag mi 'dra rim dgu po// rang lta mngon par zhen pa la// gzhan gyis lta ba rgyab kyis phyogs// nyan thos chos kyi bdag la zhe na// rang rgyal rten 'brel gnyis la zhe na// sems tsam gzung 'dzin gnyis la zhe na/ dbu ma bden pa gnyis la zhe na// kri ya dag pa gsum la zhe na// gnyis ka'i rgyud la gzhung ma tshugs// yo ga skye 'gaganyis la zhen// ma hA snang stong gnyis la zhen/ a nu rgyu 'bras gnyis la zhen// dbyings dang yis gnyis la chags// rdzogs tshan rtsal snang rig pa la// rang byung ye shes rig zer nas// yid smon ye shes sangs rgyas ying // rig pa 'gyu ba'i rang bzhin la// sangs rgyas dgongs pa yin zer nas// nyon mongs kha yang ma bri bar// kha cig yid smon tshig/ tsam la// rtog na sangs rgyas yin smra ba// gzung 'dzin chos brgyad ma bral zhing // chags zhen mtha' rgya mchod par// dug lnga sangs rgyas yin zer nas// da lta sangs rgyas yin par smra// rmi lam na yang mi srid do// lta ba nan tan tshigs la zhen// bsgom pa stong pa brtan por bsgom// spyod pa mtho tshe bab bcol spyod// dam tshig khrel med grogs po slu// 'phrin las brtsol zhing bsgrub byed// sa la spyod zhing lam la bskyod// 'bras bu'i yid smon brtsol bas bsgrub// bsgrub pa med pa'i yis la// da gdod gsal du re ba dang // gzung 'dzin bral ba'i rang bzhin la// dus la thob du re ba dang // de ltar thag pa rim dgu

  57. 81a

    @#yis/ rang la bzhag nas gzhan du btsal// bskal pa brgyar yang snyed mi srid// mdong ba na mkha' snyeg pa 'dra// nga yi spyi ti yo ga la// blo btags lta ba'i tshig dang bral// yang smon bsgom pa'i tshig dang bral// gzung 'dzin gnyis med phra ba'i sems dang bral// bsgrib med gsal ba'i sems dang bral// skyon med dam tshig sems dang bral// ched byang spyod pa'i sems dang bral// rtsol bsgrub 'phrin las sems dang bral// sbyang me sa thob sems dang bral// bsgrod med lam gyi sems dang bral// thob med 'bras bus sems dang bral// des na bdag gzhan khyad par che// khyad par gang gi spags zhe na// bden pa'i snying po mthong na lta ba'i rgyal po yin// dus gsum tshad las grol ba'i lta ba'i rgyal po yin// rtog pa med pa'i lta ba'i rgyal po yin// 'gyur ba med pa lta ba'i rgyal po yin// 'khrul med pa'i lta ba'i rgyal po yin// yin pa med pa'i lta ba'i rgyal po yin// tshig las 'das pa lta ba'i rgyal po yin// zhe 'dod med pa lta ba'i rgyal po yin// phyogs dang bral ba lta ba'i rgyal po yin/ dper na khyud dang na mkha' lta bu'o// dang nas 'gro 'ong med pa sgom pa'i rgyal po yin// bsam dang bral ba sgom pa'i rgyal po yin// gzung 'dzin rtog med bsgom pa'i rgyal po yin// yid smon byar med sgom pa'i rgyal po yin// nyam nga bag tsha med spyod pa'i rgyal po yin// bya brtsal kun bral spyod pa'i rgyal po yin// me tog bung ba glang chen bu chung 'dra// thob du meng ba 'bras bu'i rgyal po yin// rang nyid

  58. 81b

    yin pa'i 'bras bu'i rgyal po yin// yin pa'i don rtogs 'bras bu'i rgyal po yin// skye med 'gyur med 'bras bu'i rgyal po yin// rang sangs rgyas ste 'bras bu'i rgyal po yin// re dogs med 'bras bu'i rgyal po yin// dper na rin po che'i ri bo gser dang 'dra'o// ces gsungaso// 'khrul snang rtsad gcod kyi rgyud las// rang gzhan gnyis kyi khyad par bstan pa'i le'u ste so gnyis pa'o// / a tha badz+ra sa ta li/ dar ma ka ya/ dar du a/ de nas rdo rje sems dpa' yis// kun bzang nyid la 'di skad zhus// rgyud kyi mtshan ni ji ltar bzung // ces gsol ba dang // kun tu bzang pos bka' stsal pa// snying po'i rang bzhin mtshan med la// brtsal snang rig pas mtshan btags pas// theg pa spyi yi don ston phyir// spyi ti yo ga'i rgyud yino// dgos 'dod ma lus 'byung ba'i gnas// rin po che'i rgyud yin// snang srid gsal bar ston pa'i phyir// nyi zla lta bu'i rgyud yin// 'khrul bzhi'i 'khrul snang gcod pa'i phyir// 'khrul snang rtsad gcod rgyud yino// yid gnyis log lta spyod pa'i phyir// sprul pa 'bar ba'i rgyud yin no// kun khyab phyogs mtshams med pa'i phyir// yang ba na mkha'i rgyud yin// ces gsungaso// 'khrul snang rtsed gcod kyi rgyud las// rgyud kyi mtshan nyid bstan po'i le'u ste so gsum pa'o// a tha badz+ra sa to a// de nas rdo rje sems dpa' yis// rgyud 'di gang zag gang la gtad// ces gsol pa dang / kun tu bzang pos bka' stsal pa// snying po ma bcos rin chen rgyud// rtsal gyi rang bzhin

  59. 82a

    @#khyad par ston// gdung sogs rgyud 'di gtad pa'i gnas// rang rgyud bzang zhing dad pa che// 'khrul pa rtsad chod skyes bu la// dam tshig zhung bsrung rnam smin 'dzem// ser sna chung la gtod phod che// rin chen snod ldan de dag la// spyi ti yo ga'i rgyud 'di gtad// man ngag gsang tshig thub pa dang // 'khrul pa rtsad tshad skyes bu la// rin po che yi rgyud 'di gtad// ma chags ser sna med pa la/ 'khrul snang rtsad gcod rgyud 'di gdams// dad po mi 'gyur ri rab 'dra// phan sems che zhing dkon mchog mchod// dge ba'i sems dang ldan pa la// spu gri 'bar ba'i rgyud 'di bshad// ngang tshul bzang zhing bla ma 'khur// mched la rtse zhing blo tsho yangs// nam mkha' lta bu'i rgyud 'di gtad// nga rgyal dregs pa'i khengs pa dang // mu tshor smra zhing mkhas 'dod dang // don du mi sgom tshig tu bsgom// lag tu thog nas zo che// khrel med thabs kyis 'dod pa la yul khams gter yang mi sbyin no// de lta bu la byin gyur na// dam shang gling gi dur khrod na// ma mo mkha 'gro'i tshogs sa ru// / bka' bsrung dam can chos skyong gis// ma shi ba yi sngon rol du// sha khrag rlon ba za bar byed// rgya mtshor dug sbyor g.yos pa yis// sdig pa'i char yang mi phod do// rdo rje dmyal b.raHltung bar mchi'o// rin po che snang gsal spu gri 'bar ba'i rgyud las// rgyud gtad pa'i gang zag bstan pa'i le'u ste so bzhi pa'o// / de nas rdo rje sems dpa' yis// rgyud 'di 'byung ba'i dus gang yin// ces gsol pa dang // kun tu bzang pos bka' stsal pa/ nam zhig dus ni phyi ma la//

  60. 82b

    nga yi bstan pa ngar ba'i dus// 'dzam gling byang phyogs kha ba can// chos bskor mi btsun rgyal khrims zhig/ skad rig mi mthun rgya gar skad// chu 'brug na mkha' bya bran bzhin// bong khams khengs ste mang po 'byung // rgya gar la sogs mtha' mis kyang // dam chos bdud rtsi yid bzhin 'dra// de la brten nas ngan spyod byed// snyan tshig yid du byung ba bris// gser 'dod phyir na zong du byas// chos snang byed pa'i lo chos kyang // sa dang phar phyin blo ma 'byongs// chos skad ma shes 'phral skad tsam// de la lo tsha brtan nas byas// dam chos tshong dus 'o ma bzhin// slad dus nga yis rgyud 'di 'byung // chos bskor mnga' bu gdod pa dang // gnas gzhi 'thabar bskor ba'i dus// rgyal po grong spang byed pa'i dus// blon po lug rdzi byed pa'i dus// bod 'bangs sil bur 'gro ba'i dus// tshe btsun dug la spyod pa'i dus// nyan thos khrims dang bral ba'i dus// dge slong tshong dpon byed pa'i dus// chos gos 'og tu gri 'dzugs dus// btsun pa khyim thabs byed pa'i dus// btsun mas bu chung gso ba'i dus/ ban d+he gos nag gyon pa'i dus// zhwa mtha' sku yis bskor ba'i dus// lham bu re bas byed pa'i dus// de dus spros gcod sde 'byung // pha zer bu yang mi nyan dus// mi rnams g.yo sgyus 'tsho ba'i dus// 'byung ba'i sa yi gter ma thub// skye 'gros gtang ba'i gnyer ma thub// mkha' 'gros gtang ba'i rgya ma thub// rtsod pa 'dab rgyas byed pa'i dus// de dus spyi ti yo ga 'byung // nyon mongs drug lnga'i dbang nyid kyis// chos dang semasu ma

  61. 83a

    'dres pa'i// lta ba khyu khyer zhen ma log/ chags sdang lnga dang ma bral bar// nga lta sangs rgyas yin zer dus// de dus nga yi bstan pa 'byung // ces gsung so// rin po che snang gsal spu gri 'bar bas 'khrul snang rtsa nas gcod pa na mkha'i mtha' dang mnyam pa'i rgyud las// bstan pa 'byung dus bstan pa'i le'u ste sum cu so lnga pa'o// / rin po che snang gsal spu gri 'bar bas 'khrul snang rtsad nas gcod pa na mkha'i mtha' dang mnyam pa'i rgyud rdzogaso// / rgya gar gu ru pad+ma sam b+ha ba dang / bod kyi lo ts+tsha ba ka ba dpal rtsegs kyis bsgyur zhing gtan la phab pa'o// // tshig la 'chal pa'i mi rnams ni// su zer nyan la blo sho rgod// man ngag gdeng du ma gyur par// tshig la don med smad gi bsgom pa mkhan// mni ngag zong du 'tshong ba'i bong ban la/ spel ba'i gnas med sa'i gter du sbas// nam zhig bskal ldan cig dang 'phrad par shog/ bka' rgya/ zla brgya/ gter rgya/ chen po che spyi gnang skyon sel thig le kun gsal gyi chung bzhugs// / rgya gar skad du/ rat+na sa mA n+ya mar ma do Sha na bin du/ sarba sra ka sa tan tra/ bod skad du/ rin po che spyi'i gnang skyon sel theg le kun gsal gyi rgyud/ bcom ldan 'das dpal kun bzang ka dag sku la phyag 'tshalo// 'di skad bdag gis thos pa'i dus gcig na/ mkha' dbyings ku ka'i pho brang na// chos nyid dkyir rnam dag 'od gsal na//