Q3023MW1KG13126_3023rgyud 'grelAll versions of this work

phyag na rdo rje gos sngon po can gyi gtor ma'i cho ga

Bajrapāṇinīlaṃbārabaliṃtabidhi

Text

ff. 35a–37b · 6 folio sides

  1. 35a

    gter du// bka' rtsa dam bzhag byas nas ga dang // rin chen rdzas dang srog lus kyis// bla ma mnyes pas man ngag thob// de bzhin phyi rabs rnal 'byor gyis// de bzhin du shes par bya'o// phyi rabs blo dman la sogs shing // ser sna la sogs g.yo sgra can// sgom bsgrub la sogs mi nus la// man ngag bstan na dam tshig nyams// de bas phyir bas rnal 'byor pas// snod ldan brtags la sbyin par bya// thabs dang shes rab las byung ba'i// rin chen phreng ba sbyor ka 'di// bdag gi snod ldan don brtsams pas// 'di brtsams pa yi dge ba yis// bdag dang sems can thams cad kyang // bla med byang chub thob par shog/ sbyor ka chen po'i man ngag/ slob dpon chen po b+ha bas mdzad pa rdzogs so// // dge slong tshul khrims gzhon nus bskur to// / @// phyag na rdo rje gos sngon po can gyi gtor ma'i cho ga bzhugs so// // @#// rgya gar skad du/ badz+ra pA Ni nI laM bA ra dA ra ba li ta bi d+hi/ bod skad du/ phyag na rdo rje gos sngon po can gyi gtor ma'i cho ga/ 'phags pa phyag na rdo rje gos sngon po can la phyag 'tshal lo// rnal 'byor rnams la phan gdags phyir// bdag gis gtor ma bshad par bya// phar gdags pa dang tshar bcad pa// phan pa mchog dang thun mong ngo // gsang ba bla med mchog tu 'dod// phyi nang thun mong shes par bya// rgyas dang bsdus dang shin tu bsdus// tshar bcad pa'ang/ shes par bya// dgug dang bskrad dang bsad pa dang // mnan dang bsreg par shes par bya// rgyun nam dus chen bzhi gsum gnyis// chung ngu rgyun nam chen po ni// bcu gnyis bzhi'am

  2. 35b

    tha ma gcig/ rtsa ba lnga dang yan lag lnga// 'bru dang shing thog sman rnams dang // chan thug khur la sogs pa yi// rdzas rnams thams cad 'tshogs par bsags// de stengs dkar gsum klu la shis// khrag ste snying sna sha sna gsum// de sogs thun rdzas tshar bcad do// bskyed rim tshul du bya ba dang // bla ma nas bzung bsrung byas la// cho ga gsum du bskyed pa'am// chung ngu skad cig lhar bskyed la// mtshan dang ldan pa'i pad+ma ru// rdzas rnams kun gyis bkang nas ni// steng du rdo rje sngon po bsam// khong seng can la hUM gis mtshan// mtho gang la ni pi bong can// de la bcu drug bdun pas mtshan// rdo rje mtshan ldan par du ni// sdud sbyongs 'phro ba'i mthing dmar dkar// pad 'og ye shes lnga ldan gsum// bru gsum 'og na zla ga ma can// thugs kyi mthing gnag 'phros pa las// rdo rje lte bskul mtha' gnyis bskyod// dmar po 'bar bas mtshan ldan dros// thugs kyis bsdus shing gsung gis sbyangs// sku la 'phros pas ri bong bskul// shes rab can la 'od zer 'phros// de yis yab yum bskul nas ni// kha dog dkar po'i bdud rtsi bab// dang po bskul byed 'od du zhu// khong seng can nas pad+mar babs// babs pa'i rting la de nyid lhung // lan gsum bskor nas 'o ma bzhin// lnga pa'i dang po lnga pas mtshan// de yis gdan bskyed 'khor bcas bskyed// ji hUM rdo rje khong seng can// bdud rtsi gsol bas mnyes par bsam// yang na lha mo dkar mo yis// mtshan ldan gyis ni bkang nas mchod// bstod nas bshags shing las bcol lo// de yang rgyas dang bsdus dang shin tu bsdus// de ltar byas nas

  3. 36a

    gshegs su gsol// yang na skad cig lhar bskyed la// thugs kha'i hUM gis bdud rtsi sbyangs// slar yang ye shes bdud rtsi dbab// yud tsam sprul pa lha yis gsol/ yud tsam mos pas gsum ka gsal// shin tu bsdus pas zas de bzhin// pan gdags pa'i sbyor ka ste dngo po'o// // dgrag pa'i gtor ma'i sbyor ka ni// thun mdo cho ga thams cad ni/ thun mong gtor ma dag dang mthun// khyad par gtor mi bstan pa ni// dur khrod 'jigs pa'i gnas dag tu// shin tu dmar pa'i gos gyon la// nub kyi phyogs su 'baltas te// cho ga gsum gyis lhar bskyed pa'am// cho ga rnam lngas lhar bskyed pa// gang yang rung bas byas la byin gyis brlab// gtor ma'i rdzas ni thun mong rdzas steng du// khyad par rdzas ni raka ta sna tshogs dang // gshog pa can gyis sha sna sna tshogs shis// byin gyis brlabs la bde gshegs mchod// gnyis pa mkha' 'gro ma la mchod// gsum pa chos skyong rnams la mchod// bzhi pa 'byung po thams cad tshim par bya// yang na 'jig rten pa dang 'jig rten las 'das pa gnyis su mchod par bya'o// sngags ni rtsa ba'i sngags la ba laM kha kha lA hi khA hi zhes lan gsum mam nyi shu rtsa gcig bzlas mkha' 'gro ma'i sngags ni b+hU ta DA ki ni/ badz+ra DA ki ni/ rAt+na DA ki ni/ pad+ma r+tha ki niHbi shwa DA ki ni/ sA ya DA ki niHsarba thA ki niHi maM ba liM ta kha kha/ khA hi Sh+Tha haM/ 'jig rten las 'das pa'i dpal mgon po nag po ni mkha' 'gro ma'i gtso bo yin pas// rtsa ba'i sngags la bdags te dbul// 'jig rten pa'i mgon po nag po ni phyogs skyong gi gtso bo yin pas sngags kyang gong bzhin shes par bya/

  4. 36b

    phyogs kyi sngags ni/ in+d+ra zhes bya ba las kyi tshogs dang mthun// 'byung po thams cad pa'i gtor ma'i sngags ni oM A ro mu khaM zhes bya ba la sogs pas bya'o// de nas bstod pa bya zhing 'phrin las bcol// 'od zer 'phros pas thal mo brdab// des su thams cad bskal nas ni// gang la bya ba dgug par bsam// de 'dra lan grangs brgyanas stong // khri nas 'bum gyis khugs par 'gyur// dgug pa'i gtor ma'i sbyor ka skye gnyis pa'o// // bskrad pa'i gtor ma'i sbyor ka ni// thun mong cho ga thams cad ni// thun mong gtor ma dag dang mthun/ khyad par gtor ma phal cher yang // bskrad pa'i tshogs kyi sbyor kar blta// man ngag khyad par bstan pa ni// shing lo'am grog dag la ni// rlung dang bsgrub bya'i gzugs bris la// 'od zer rlung gis bskyod pa dang // khro bo dag gis bskyod pa dang // rlung lha dag la bskyod nas ni// nam mkha' mtha' gtugs bskyal bar bya// bskrad pa'i gtor ma'i sbyor ka ste gsum pa'o// / bsad pa khro bos bsad pa dang // mtshon tshwa'i char sogs dbab pas bsad// sngags dang phyag rgya rdzas sogs gzhan// mkhas pas man ngag sbyor bar bya'o// bsad pa'i sbyor ka ste bzhi pa'o// // mnan pa'ang gong ma bzhin te mthur// khyad par ri rab 'bum dang ni// rdo rje dang ni khro bo yang // 'bum du byas te 'od zer sogs// sbyor ba gzhan yang man ngag bzhin// mnan pa'i sbyor ka ste lnga pa'o// // bsreg pa sku gsung thugs kyis bsreg/ yang na me la sogs pa yi// sbyor ba gzhan du shes par bya'o// sreg pa'i sbyor ka ste drug pa'o// /

  5. 37a

    bcings pa yis ni sbyor ba yang // sku gsung thugs kyi sbyor ba yis// lu gu rgyud dang zhags pa dang // lcags sgrog la sogs sbyor ba yis// mkhas pa yis ni bcings/ par bya// bcings pa'i sbyor ka ste bdun pa'o// // klu dang rgyal po gnyis las ni// khyad par gtor ma bstan pa ni// dngul dang 'khar ba shi ngo dor dang // sa dkar snod du bya bar shis// sman lnga 'bru lnga snying po lnga// dkar gsum mngar gsum klu la shis// rin chen snod ni mdzes pa ru// rin chen lnga dang 'bru sna lnga// dar zab shing rtogs la sogs pa// rgyal po nyid la shis par gsungs// de gnyis byin gyis brlab pa yang // rdzas kyi steng du hrIH'am hUM// de'i 'od kyis rdzas rnams bsreg/ skyon dag nas ni bdud rtsir bsam// de nas lag pa g.yas pa ni// mchog sbyin byas pa'i lag mthil du// brim las dpag bsam shing bsam ste// de yi yal ga'i gseb tu ni// si las bdud rtsi bum pa bsam// de yis bdud rtsi yi ni rgyun// lag mthil du ni babs nas kyang // gtor ma'i nang du 'dres par bsam// de nas oM aHhUM lan gsum bzlas// de nas rang gi mdun du pad+ma bzhi bsam// de nas rang gi snying ga'i hUM gi 'od kyis// klu thams cad ni pad+mar bkug/ 'od zer 'phros pas sbyangs sogs bya// thams cad 'od du zhu ba las// bde gshegs klu'i sprul pa 'am// gsung gi rigs kyi lha ru gyur// de nas/ spyan drangs bstim zhing dbang bskur bya// de nas rdo rje rtse lnga sbu gu can du bsams la// de nas spyan drangs la gsol bar bsam// bstab pa'i sngags ni/ oM bA su gi ba li ta khA hi zhes klu rnams kyis so so'i rtsa

  6. 37b

    ba'i sngags la btags la dbral bar bya'o// gshegs su gsol ba'i sngags ni badz+ra muHzhes btags la gshegs su gsol// rgyal po yang sprul pa dang las kyi rigs su bsam// phyi ma mthun te man ngag tu shes par bya'o// klu dang rgyal po'i sbyor ka ste brgyad pa'o// // de dag thams cad phyi yin no// nang gi snying ga'i lha rnams la// gtor ma zas rnams yin pas na// / bdud rtsir byin gyis brlabs nas ni// lha la ting nge 'dzin gyis dbul// de ni rnal 'byor lam pa yin// phyag rgya phyag rgya'i man ngag bzhin// nang gi gtor ma'i sbyor ka ste dgu pa'o// gsang ba'i gtor ma'i sbyor kA ni// lte ba pad+ma gtor ma'i snod// de steng zla ba'i steng du ni// byang chub sems kyi kun de la// bdud rtsi la sogs yon tan sogs// gtor ma'i rdzas su bstan pa yin// de 'og tsaN+Da li yi me// de 'og rlung sngon bskyod pa las// me 'bar bdud rtsi zhu ste phab// 'khor lo mkha' 'gro rnams la mchod// rtog pa zhi ba las rnams 'grub// gsang ba'i gtor ma'i sbyor ka sde bcu pa'o// // bla na med pa'i gtor ma ni// lhan cig skyes pa'i dga' ba la// thams cad rdzogs pa'i man ngag 'chang // bla na med pa'i gtor ma'i sbyor ka ste bcu gcig pa'o// // gtor ma'i man ngag sbyor ka rnams// man ngag rim par bkod pa yis// bdag dang mtha' yas sems can rnams// bla med byang chub thob par shog/ slob dpon b+ha bas mdzad pa rdzogs so// // tshogs kyi la ma'i chog bzhugs// @#// rgya gar skad du/ gaN tsakra bi d+hi/ bod skad du/ tshogs kyi 'khor lo'i cho ga

Colophon

gtor ma'i man ngag sbyor ka rnams/_/man ngag rim par bkod pa yis/_/bdag dang mtha' yas sems can rnams/_/bla med byang chub thob par shog_/slob dpon b+ha bas mdzad pa rdzogs so/