spyod pa thabs dang shes rab kyi rgyud_;_srog gi thigs pa bdud rtsi'i bum pa_/_snang byed kyi spu gri'i rgyud_/_yang ti nag po'i rgyud_/_rim pa nas snyan du brgyud pa/_spyod pa'i rgyud
Text
ff. 48a–49a · 3 folio sides
- 48a
rtsol sgrub byed pa 'khrul pa'i lam// thams cad rang snang chen po la// bsgom du med par sgom pa ni// de ni nam mkha' snyegs pa 'dra// ye nas chos skur gcig pa la/ khar dor chos nyid skye 'dod pas// de ni lam gyi go la sa yin// thams cad ye nas lhun grub la// bar dor 'bras bu 'dod pa ni// de ni sa yi gol sa yi ni/ rig pa rang byung ye shes la// rgad po 'khar thogs sgom pa dang // rgad po mdzub tshugs sgom pa dang // gzhon pa bde ba sgom pa ni// nyams myong re la phyogs ltos med// nyams myong rkyen gyis 'gyur ba'i phyir// ye shes skyes pa rkyen kha ra tha la// phyogs la ltos nas rten 'cha' ba// de ni nyi mas myong gol sa yini// rdzogs chen yang ti nag po la// phyogs 'dzin mi spong mi 'gegs la// ched du gang yang mi sgrub pas// de ni ltos pa'i chos med de// de yi ming ni lhun grub yin// de yi mtshan ni rdzogs chen yin// gsang mtshan yang ti 'brug cig yin// yang gsang lta ba la thul gyi rgyud/ kun tu bzang po'i srog gi spu gri// rdo rje sems dpa'i thugs kyi reg chod ro langs bde ba'i thugs kyi srog gi thigs pa/ brgyud pa gsum pa lta ba la thal gyi rgyud rdzogs so// // thig le
- 48b
ga gcig sku la phyag 'tshal nas// bcom ldan 'das dpal kun tu bzang po yis// chos nyid brdal ba'i pho brang du// 'khor gyi rdo rje sems dpa' la// rig pa phyi nang med pa'i du sau// thabs dang shes rab bstan pa shar// zhes gsungs so// thig le'i ngang dang byin rlabs las// spyod pa ga tanA la phebs pa yis// thabs dang shes rab rgyud chen 'di// byin gyis brlabs kyis shar ba'o// spyod pa'i don nyid rnam gsum ste// sems los byas pa'i spyod pa dang // chos las byas pa'i spyod pa dang // yong ti nag po'i spyod pa'o// sems kyi spyod pa rnam gsum ste// mdo sde 'dul ba mngon pa gsum// de yang sems kyi spyod pa yin// mu stegs skye bo lung ma bstan// de yang sems kyi spyod pa yin// ma hA a nu sems phyogs gsum// de yang sems kyi spyod pa gsum// chos kyi spyod pa rnam pa gnyis// lta bsgom pa spyod pa yang // de yang chos kyi spyod pa yin// thos dang bsam dang sgom pa yang // de yang chos kyi spyod pa yin// zhes gsungs so// yang ti nag po'i spyod pa ni// shos rab chen por 'dod pa de// snang ba mi 'gegs thug phrad khyer// 'od gsal 'khor lo'i rgyas 'debs spyod// 'dzin pa rig pa rang gro
- 49a
bas/ yid kyi 'dzin pa'i rgyus 'debs spyod// yul dang yul can gnyis med pas// dbyer med chos sku'i rgyas 'debs spyod// de ni yang ti'i phyir spyod do// yang ti nang spyod bstan pa ni// rang lus 'byung ba'i yid phung la// dbyer med chos sku'i rgyas 'debs spyod// 'od gsal 'khor lo bskor bo yis/ chos sku shes rab dang du 'char// gzung 'dzin rig pa'i klong du dngas// de ni nang gi spyod pa'o// yang ti gsang spyod bstan pa ni// rig pa bkag pas mi khegs te// rang shar dgag sgrub med par mthong // rig pa gcer bur sbyar gyis phyung // snang ba bsgoms pas spun po ro sho ra// thig le'i ngang du lhungs kyis zhog/ 'od gsal chen por lhangs kyis phyung // de la spyad pa'i yul med pa// ye bzhings chen po zhes kyang bya// gzhi gzhag chen po zhes kyang bya// ye grol chen po zhes kyang bya// yang ti nag po zhes kyang bye// gser gyi 'bru gcig ces kyang bya// thig le'i ngang las shar ba yi// spyod pa thabs dang shes rab kyi rgyud srog gi thigs pa bdud rtsi'i bum pa/ snang byed kyi spu gri'i rgyud/ yang ti nag po'i rgyud// rim pa nas snyan du brgyud pa/ spyod pa'i rgyud rdzogs so// /