'phags pa bu mang po rton pa zhes bya ba'i gzungs
Text
ff. 279a–279b · 2 folio sides
- 279a
bde bar byin nas dkrol bar bya'o// 'di ni grub pa'o// 'phags pa mi rgod rnam par 'joms pa zhes bya ba'i gzungs rdzogs s+ho/ @6// rgya gar skad du/ Ar+ya ba hu pu tra pra ti sa ra na ma d+hA ra Ni/ bod skad du/ 'phags pa/ bu mang po rton pa zhes bya ba'i gzungs/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med sbyin gyi kun dga' ra ba na bzhugs te/ de nas khyim bdag mgon med zas sbyin gyis bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ / bcom ldan 'das bdag deng 'dir rgyal po gsal rgyal dang / 'thab rtsod mtshar brus te bkye bar gyur na/ bcom ldan 'das de la bdag gis ji ltar bsgrub par bgyi/ de skad ces gsol pa dang / bcom ldan 'das kyis khyim bdag mgon med zas sbyin la 'di skad ces bka' stsal to/ / khyim bdag de'i phyir khyod kyis bu mang po rton pa zhes bya ba'i rig sngags 'di zung shig/ chongs shig/ lhogs shig/ kun chub par gyis shig/ tad+ya thA/ da ba Da De/ u pa da Da deH/ u pa da deDe/ gam b+hi ra a han/ ni brtan/ d+ha hI d+ha tI/ a brta ni/ bdag gi/ sarbe shA na karmi/ kA nan pra t+ya thanan/ bra t+ya mo ta nan/ tsak+Shu mo ha na karo mi/ shro d+hA mo ha ni ka ro mi/ dzi hwA gra ha na ka ro mi/ dzi b+ha na/ stam b+ha nan mo tanan tha mo hanan byim bdag gang la la zhig bu mang po rton pa'i gzungs 'di skad pa dmar po la lan bdun bsngags te/ lag pa g.yon pa'i sor mo gcig la bcings na de'i lus la dug dang / mtshon dang nad dang rims nang dang rims drag pos mi tshugs so/ / 'thab pa dang mtshang 'bru ba dang / rtsod pa rnams kyi lan thebs par 'gyur ro// bcom ldan 'das kyis de skad ces bka' stsal nas/ khyim bdag mgon med zas sbyin yid rangs te/
- 279b
bcom ldan 'das kyis gsungs pa la mngon par bstod do// 'phags pa bu mang po rton pa zhes bya ba'i gzungs/ rdzogs s+ho// rgya gang gi mkhan po 'dzin mi tra dang / dA na shI la dang zhu chen gyi lo tsA ba ban de ye shes sdes bskur cing zhus te gtan la phab pa/ / dkon mchog gsum la phyag 'tshal lo// de bzhin gshegs pa dgra bcom pa yang dag par rdzogs pa'i sangs rgyas 'od dpag med la phyag 'tshal lo// byang chub sems dpa' sems dpa' chen po snying rje chen po dang ldan pa 'phags pa rgyad dag gis dbang phyug la phyag 'tshal lo/ / tad+ya thA/ oM dza ye dza ye/ ma hA dza ye/ dza yA ba hi ni/ dza yod ta ri/ ka la ka la/ ma la ma la/ tsa la tsa la/ kI nak+Shi na/ sarba ka rma a ba ra na/ ni me sarbA da nya dz+nyA na a d+hiSh+Thi te swA hA/ na mo b+ha ga ba ti sa ha sra brte/ sarba bu d+ha a ba lo ki ti tsak+Shu shro tra g+hA Na dzi drA kA ya ma no bi dz+nyA na bi sho d+ha ni swA hA/ phu ru phu ru/ su ru su ru/ pu rA phu rA/ pra phu rA phu rA/ sarba bud d+ha a d+hi sh+tsi te swA hA/ d+harma d+hA tu gar+b+he swA hA/ a b+ha ba swA hA/ sarba d+harma a ba bo d+ha ni swA hA// gzungs 'di'i cho ga ni 'di yin te/ lan cig brjod pas kyang bskal pa stong gi bar du las kyi sgrib pa bsags pa thams cad zad par 'gyur ro/ / sangs rgyas stong gis dge ba'i rtsa ba bsags pa 'thob par 'gyur ro// skal pa stong gi bar du 'khor ba la rgyab kyis phyogs par 'gyur ro// cho ba des nas 'khor los bsgyur ba'i rgyal srid thob par 'gyur ro// 'chi ba'i dus kyi tshe sangs rgyas stong mthong bar 'gyur ro// sangs rgyas kyi zhing dag pa dag tu skye bar 'gyur ro// nyin mtshan dus gsum du nyi shu rtsa re re brjod na ci 'dod pa rmi lam du mthong bar 'gyur ro// de bzhin gshegs pa'i sku gser gyi mdog can yang mthong bar 'gyur ro/ / sangs rgyas dang byang chub sems dpa'i yul rnams la yang mi phyed pa'i sems dad pa can du 'gyur te/ de la sogs pa phan yon tshad med pa dag 'byung ngo // stod 'gyur
Colophon
'phags pa bu mang po rton pa zhes bya ba'i gzungs /rdzogs s+ho // rgya gar gi \[gyi \]mkhan po 'dzi na mi tra dang /dA na sh'i la dang zhu chen gyi lo ts+tsha ba ban de ye shes sdes bsgyur cing zhus te gtan la phab pa // (pha, 279b1-2)