'phags pa theg pa chen po'i man ngag ces bya ba theg pa chen po'i mdo
AryamahāyonOpateśanāmamahāyanasutra
Text
ff. 315a–381b · 134 folio sides
- 315a
'od dri med snying po nor bu dang / rin mo che dang nyi ma zla ba'i 'od/ khyod kyi sku'i 'od kyi zil bu drag/ thub pa khyed kyi sku chad brtag par ni gas bcu bar la gnas pas mi dmigs so// 'jig rten rtso khyod sa la bzhugs kyang go/ rdzu 'phrul yon tan srid pa'i rtser gnas mthong // rgyal ba'i 'khor rnams thams cad res kyang // rgyal ba rang rang mdun na bzhugs par shes// thams cad phyogs nas mngon par yang / kun nas sgo nas mtshungs par med pa mthong // la las zhugs dang mnal dang chags ba dang / 'khor rnams la las bde gshegs bsrung ba dang / mi bsrung bzhugs shing bsam gtan dgyes pa dang // mtshungs med khyod kyi spyod lam mtha' yas mthong / khyod kyi ba spu re re nas 'od zer mchog/ btang ma thag tu phyogs bcu thams cad rgyas// rgyal ba'i sku ni pad ma 'byung gnas 'dra// bsam po ji bzhin yid kyang dga' ba mdzad// bden la gnas shing rtag tu bden la dgyes// bden pa lhur mdzad ni gsung de bzhin mdzad// chos kyi 'byung gnas don dang 'dul la mkhas// yon tan kun mthar phyin la phyag 'tshal lo// de nas bu mo rin chen gyis// bcom ldan 'das la tshul dang 'thun pa'i tshigs su bcad pa de dag gis/ mngon par bstod nas/ bcom ldan 'das la 'di skad ces gsol to// bcom ldan 'das gal te/ zhus nas zhus pa lung bstan pa'i slad du/ bcom ldan 'das kyis bdag la skabs dbye bar gnang
- 315b
na/ bdag 'dus pa'i le'u'i chos kyi rnam grangs las/ dga' 'chid kyi rgyud 'ga' zhig brtsams te zha'o// bcom ldan 'das kyis bka' stsal pa/ bu mo khyod de bzhin gshegs pa la ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o// de nas de bzhin gshegs pas skabs phye ba dang / bu mo rin chen gyis/ bcom ldan 'das la 'di skad ces gsol to// bcom ldan 'das ji ltar na/ byang chub sems dpa' bden par smra ba lags/ de bzhin gshegs pas byang chub sems dpa' rnams la bden par gsungs pa ni gang lags/ bcom ldan 'das ji ltar byang chub sems dpa' chos smra ba rnams lags/ de bzhin gshegs pas byang chub sems dpa' rnams don du gsungs pa ni gang lags/ bcom ldan 'das ji ltar byang chub sems dpa' 'del ba smra ba rnams lags/ de bzhin gshegs pas byang chub sems dpa' rnams la 'dul bar gsungs pa ni gang lags/ de nas bcom ldan 'das kyis bu mo rin chen la legs so// zhes bya ba gnang ste/ bu mo legs so legs so// khyod kyi rtog pa bzang po// dri ba tshul bzhin yin no// spobs pa dge'o// bu mo de bas na legs par shin tu nyon la yid la zung shig dang / ngas khyod la bshad do// bu mo rin chen gyis/ bcom ldan 'das la legs so zhes gsol to// bcom ldan gyi ltar mnyan pa dang /
- 316a
bcom ldan 'das kyis 'di skad ces bka' stsal to// bu mo gsum po 'di dag ni/ byang chub da pa'i bden pa ste/ gsum gang zhe na/ gang / sangs rgyas la mi slu ba dang / bdag mi slu ba dang / sems can thams cad la mi slu'o// bu mo byang chub sems dpa' sangs rgyas dang / bdag dang sems can thams cad la slu ba ji lta bu zhe na/ bu mo gal te byang chub sems dpa' bla na med pa yang dag par rdzogs pa'i byang chub tu sems bskyed la/ nyan thos kyi sa'am/ rang sangs rgyas kyis 'dod par byed cing smon te/ mngon par dga' ba de lta bu ni bu mo byang chub sems dpa' sangs rgyas dang / bdag dang sems can thams cad la mi slu ba'o// bu mo byang chub sems dpa' sangs rgyas dang bdag dang / sems can thams cad la mi smra ba ji lta bu zhe na/ bu mo gang gi tshe byang chub sems bskyed nas/ bdud dang dmigs pa can thams cad kyis ji tsam du tshegs phyung zhing / ji tsam du gnod par byas pa dang / phas kyi rgol ba thams cad kyi rgol ba thams cad kyis mtho btsams shing / co bris te 'bral bar byed cing / ral gri dang gdung zung dang / mtshon rtse gnyis pas phug pa dang / ma thob pa dang / ma grags pa dang / smad pa dang sdug bsngal bas kyang mi g.yo// mi 'khrul rnam par mi 'khrul mi zhum/ sgyid lug par mi 'gyur/ mi skrag/ kun tu mi skrag/ kun tu mi skrag par mi 'gyur/ yi mug par mi 'gyur/ 'gyod par mi 'gyur bar thog ma'i lhag
- 316b
pa'i bsam pa de yang mi gtong zhing brtan por yang dag par 'dzin la/ byang chub kyi sems rin po che bskyed pa dang / 'jig rten gsum po thams cad las khyad par 'phags/ pa'i sems bskyed pa dang / sems can thams cad kyi skyabs dang mgon dang dpung gzhin gyi sems bskyed pa dang / mtshungs pa med cing 'dra ba med pa'i sems bskyed pa de la/ kyang nyams mi nus te/ theg pa gzhan las 'dod pa'i sems lan 'ga' yang mi bskyed par sangs rgyas dran/ chos kyi 'khor la rton/ sems can thams cad la mngon du byed stobs nye bar ston/ mthu skyed par byed/ rtsal gyis rnam par gnon/ brtson 'grus kyis pha rol tu tshig gis gnod par mi nus pa de lta bu ni/ bu mo byang chub sems dpa' sangs rgyas dang / bdag dang sems can thams cad li mi sla ba'o// byang chub sems dpa' sangs rgyas dang / bdag dang sems can thams cad la mi sla ba gang yin pa 'di ni/ byang chub sems dpa'i bden pa'i mchog go/ de rnams pa zhes sangs rgyas la mi smra ste/ brtan pa dang / mthu dang / stobs dang / brtson 'grus rtul ba'o// de rnam pa bzhis bdag mi smra ste/ bsam pa dang / lhag pa'i bsam pa dang / g.yo ba med pa dang / sgyu med pa'o// de rnam pa zhes sems can thams cad mi spu sbyor/ sbyor ba dang / byams pa dang/ snying rje dang/ sdud pa dang / bu mo gang 'dadi dag bsdams pa dang / ngag sung ba dang/ ngag 'phrul ba med pa dang / tshig bden pa ste/ de bcas
- 317a
pu yang rung / skye bo mang po'i nang du gnas kyang rung / tshig bden pa bar smra ste/ de rgyal srid kyi phyir yang brdzun gyi tshig mi smra/ stong gsum gyi stong chen po'i 'jig rten gyi khams rin po ches bka' bas/ brid kyang brdzun gyi tshig mi smra'o// bu mo de la byang chub sems dpa'i bden pa ni rnam pa gsum bcu rtsa gnyis yongs su dag pa ste/ rnam pa gsum cu rtsa gnyis gang zhe na/ 'di lta ste/ ngo tsha shes pa'i rnam pa dang / yon tan gyi rnam pa dang / khril yod pa'i rnam pa dang / bcos ma ma yin pa/ rnam pa dang / ma smad pa'i rnam pa dang / mi dmigs pa'i rnam pa dang / g+has pa rig pa'i rnam pa dang / 'jigs pa med pa'i rnam pa dang / ngan 'gro bcod pa'i rnam pa dang / bde 'gro 'byed pa'i rnam pa dang / 'phags pa'i bden pa la mngon par dga' ba'i rnam pa dang / mkhas pas mchod par 'os pa'i rnam pa dang / nang dag pa'i rnam pa dang / phyi dag pa'i rnam pa dang / phyi rol legs par byas pa'i rnam pa dang / gzung bar 'os pa'i tshig gi rnam pa dang / blang bar 'os pa'i rnam pa'i rnam pa dang / tshig mi bslang ba'i rnam pa dang 'jam pa'i tshig gi rnam pa dang / khyad par can gyi rnam pa dang / kha rab tu dri zhim pa'i tshig gi rnam pa dang / bka' blo bde ba'i rnam pa dang / slu ba med pa'i rnam pa dang / gdung ba med pa'i rnam pa dang / dga' zhing mchog tu dga' ba'i rnam pa dang / bdag la nges par sems pa'i rnam pa dang / 'khrul pa med pa'i rnam pa dang / kha na ma tho ba rnam pa gzhan sa nges par sems pa'i rnam pa dang
- 317b
dang / sbyin pa'i gnas kyi sa'i rnam pa dang / sangs rgyas la nye bar byed pa'i rnam pa dang / bden pa'i rjes su 'thun pa'i dag rab tu 'thob pa'i rnam pa ste/ bu mo 'di dag ni/ bden pa'i rnam pa yongs su dag pa sum cu rtsa gnyis so// bu mo gzhan yang byang chub sems dpa'i bden pa ni dam bcas pa yongs su rdzogs pa'o// de ci'i phyir zhe na/ byang chub sems dpa' sbyin par la mos pa dag gi yin gyi/ ser sna can dag gi ma yin te/ 'di ni de'i dam bcas pa'o// gang bdog pa thams cad yongs su gtong bar kun tu/ snang ba 'di ni de'i bden pa'i byang chub ni byang chub sems dpa' tshul khrims yongs su dag pa dag gis yin gyi/ ngang tshul ngan pa dag gis ma yin te/ 'di ni de'i dag bcas pa'o// gang tshul khrims yongs su dag par kun tu snang ba 'di ni de'i bden pa'o// byang chub sems dpa' bzod pa'i stobs rab tu thob pa dag gi yin gyi/ gnod sems can dag gi ma yin te/ 'di ni de'i dam bcas pa'o// gang bzod pa dang nges par kun tu snang ba 'di ni de'i bden pa'o// byang chub sems dpa' brtson 'grus brtsams pa dag yin gyi/ le lo can dag gi ma yin te/ 'di ni de'i dam bcas pa'o// gang dge ba'i rtsa ba thams cad bcom par kun tu snang ba 'di ni de'i bden pa'o// byang chub ni byang chub sems dpa' bsam gtan rab tu gnas bdag gi yin gyi/ sems g.yeng ba dag gi ma yin te/ de 'di ni de'i dam bcas pa'o// gang bsam gtan gyi yan lag yang dag
- 318a
par sgrub par kun tu snang ba 'di ni de'i bden pa'o// byang chub ni byang chub sems dpa' shes rab dang ldan pa dag gi yin gyi/ shes rab 'tshal ba/ ngag gi ma yin gyi/ 'di ni 'di'i dam bcas pa'o// gang shes rab dang ye shes kun tu sbyor ba de ni bden pa'o// gong ma bzhin du sbyar te/ byang chub kyi tshogs kyi chos thams cad dang / bsdu ba'i dngos po dang / tshangs pa'i gnas dang / mngon par shes pa dang / rigs pa dang / zhi gnas dang / lhag mthong la yang de bzhin no// byang chub ni byang chub sems dpa' dge ba'i chos thams cad dang ldan pa dag gi yin gyi/ dge ba'i chos rnam par spangs pa dag gi ma yin te/ 'di ni de'i dam bcas pa'o// gang dge ba'i chos thams cad la kun tu snang ba 'di ni de'i bden pa'o// bu mo gzhan yang 'phags pa'i rnam pa'i bden pa de la byang chub sems dpas brtson par bya ste/ gang 'di sdug bsngan shes pa dang / kun 'byung ba spong ba dang / 'gog pa shes pa dang / lam sgom pa'o// de la sdug bsngal shes pa ni gang phung po rnams la dang bzhin gyis mi skye bar shes pa'o// kun 'byung ba spang ba ni srid pa gang gis/ phung po rnams yang dag par 'gyur ba'i srid pa de shin tu mi 'byung zhing chags pa dang bral ba mngon par dga' ba med pa ste/ gang mngon par dga' ba med pa de ni gdod ma nas 'ong ba med pa'o// gang 'dod ma nas 'ong ba med pa de ni chos nyid ma spangs pa'o// gang chos nyid ma spangs pa de ni kun 'byung
- 318b
ba spang ba'o// de la 'gog pa shes pa ni gang mtshan ma dang / dmigs pa shin tu zad cing 'gag pa ste/ gang 'gag pa'i tshe dngos po 'jig par 'gyur ba yang med la/ dngos po yod pa dang dngos po med mtshungs shing / mnyam par 'gyur ba'i chos thams cad la gang mnyam par mthong ba ni/ 'gog pa'i bden pa zhes bya'o// de la lam ni gang mnyam par lta zhing mnyam par sbyor ba/ mi rtog pa mi mnyam pa'i mtshan nyid ma yin pa/ nyon mongs pa thams cad mi tshor ba/ bdag gi med pa/ yongs su 'dzin pa med pa/ len pa med pa/ ma byas pa/ rnam par ma byas pa/ 'di ni lam zhes bya'o// 'di la gang bden pa shes pa'i ye shes dang / sems can rnams yang dag par thob par byed kyang / bdag mngon gsum du mi byed pa 'di yang byang chub sems dpa'i bden pa zhes pa'o// bden pa bstan pa 'di bshad pa na/ byang chub sems dpa' khris bden pa shes pa yongs su bzod pa rab tu thob po// bu mo de la ji ltar byang chub sems dpa' chos smra ba yin zhe na/ gang gi tshe chos la rtog par 'gyur ba dang / chos smra ba dang / chos bsam dang / chos spyod yul ba dang / chos spyod pa dang / chos don tu gnyer ba dang / chos 'dod pa dang / chos la dga' bas dga' ba mos pa dang / chos kyi dpung dang / chos kyi rtog pa dang / chos kyi mtshon cha dang / chos kyi go cha bgos pa dang / chos kyi yan lag bgos pa dang / chos kyi snang ba dang / chos kyi mar me dang / chos kyi dran pa dang / chos
- 319a
kyi blo gros dang / chos rtogs pa dang / chos brjod pa dang / chos la sbyor ba dang / chos spyod par 'gyur ba dang / chos kyis nyal ba dang / chos kyi spyod lam dang / chos srung ba dang / chos kyi nor dang / chos kyi mi zad pa dang / chos rgya che ba dang / chos kyi bya ba byed pa dang / chos kyi lus dang / chos kyi ngal dang / chos kyi yid la byed pa mi gtong ba ste/ chos spyod pa rnam pa 'di lta bu dang ldan pa de ni smra ba yin te/ chos ma yin pa smra ba ma yin no// de la chos smra ba gang zhe na/ bden pa gang yin pa de bden par smra ba dang / sangs rgyas la bsngags pa smra ba dang / chos srung bar smra ba dang / dge 'dun la bla ma dang / sri zhu bya bar smra ba dang / byang chub kyi sems la mos par bya ba bsnyad pa smra ba dang / bsam pa mi 'dor smra ba dang / lhag pa'i bsam pa la dmigs pa smra ba dang / sbyor ba ma mnyam par smra ba dang / 'phags pa rnams kyis lto ba smra ba dang / dge ba'i bshes gnyen rnams la bsnyen pa smra ba dang / nga rgyal med par gus pa dang / ri mo bya ba smra ba dang / rtag tu bsngags pa smra ba dang / chos mnyan pa na sti bstang du byas te/ mnyan par smra ba dang / chos kun tu tshol bas mi ngoms pa smra ba dang / chos ston pa la snyoms lus med par smra dang / slob dpon chos 'chab pa med pa smra ba dang / byas pa bzo ba dang / byas pa shes pa dang / byas pa chud mi gson pa dang / lan la mi re smra ba dang /
- 319b
dgon pa la skrag pa med pa smra ba dang / 'phags pa'i rigs ma nyams par smra ba dang / spungs pa'i yon tan gyi stong pa smra ba dang dge ba bcu'i las la 'jug pa smra ba dang / sbyin pa'i bsngags pa smra ba dang / byang chub tu yongs su sngo ba smra ba dang / tshul khrims kyi de bya ba smra ba dang / bzod pa'i stobs smra ba dang / brtson 'grus kyi zhum pa med smra ba dang / bsam gtan rnams kyi rab tu zhi ba smra ba dang / shes rab kyi khong du chud pa smra ba dang / thabs kyi yongs su gsal bar byed pa smra ba dang / byams pa'i skyabs smra ba dang / snying rje khaM 'jug pa smra ba dang / dga' ba'i mchog tu dga' ba smra ba dang / btang snyoms kyi gnyis dang bral ba smra ba dang / bden pa rnams kyi rjes su 'thun pa smra ba dang / so so yang dag par rig pa bstan par smra ba dang / mngon par shes pa bskyed pa smra ba dang / rton pa rnam kyi chos smra ba dang / chos kyi mdo rnams kyi khong du chud pa smra ba dang / dran pa nye bar bzhag pa rnams kyi dran pa mi brjod pa smra ba dang / yang dag par spong ba rnams kyi yang dag pa'i nan tan smra ba dang / rdzu 'phrul gyi rkang pa rnams kyi mngon par bstod pa smra ba dang / dbang po rnams kyi rno ba smra ba dang / stobs rnams kyi mi rtsi ba smra ba dang / byang chub kyi yan lag rnams kyi rjes su rtogs pa smra ba dang / lam gyi sgrol ba smra ba dang / zhi gnas kyi 'jug pa smra ba dang / lhag mthong gi de kho na shes pa smra ba dang
- 320a
rig pa dang rnam par grol ba yongs su gsal bar byed pa smra ba dang / nyan thos kyi theg pa'i sa ji lta ba smra ba dang / rang sangs rgyas kyi theg pa ston pa smra ba dang / theg pa chen po'i yon tan thams cad yongs su sgrags pa smra ba dang / rten cing 'brel par 'byung ba lugs dang 'thun pa smra ba dang / stong pa nyid dang skrag pa med pa smra ba dang / skye mched rnams kyis rang bzhin gyis stong pa nyid smra ba dang / nor bdun smra ba dang / rjes su dran pa drug smra ba dang / gus pa dang bcas pa smra ba dang / yang dag par dga' bar bya ba drug smra ba dang / mngon par shes pa drug smra ba dang / pha rol tu phyin pa drug smra ba dang / mig lnga smra ba dang / don dam pa smra ba dang / kun rdzob la 'jug pa smra ba dang / legs par byas pa'i las smra ba dang / sems can thams cad la sems snyoms par smra ba dang / sangs rgyas kyi chos thams cad kyi yon tan dang / bsngags pa tshad med pa smra ba'o// bu mo gzhan yang byang chub sems dpa' chos smra ba ni/ bdag tu smra ba ma yin/ seMs can du smra ba ma yin/ srog tu smra ba ma yin/ gang zag tu smra ba ma yin/ tshang bar smra ba ma yin/ 'byung bar lta ba smra ba ma yin/ 'jig par lta ba sdu ba ma yin/ mtha' khas len pa ma yin/ dbus la mngon par zhen pa ma yin/ mi mthun pa smra ba ma yin/ 'gal ba smra ba ma yin/ rtsod pa smra ba ma yin/ phyogs yongs su
- 320b
'dzin pa smra ba ma yin/ dmigs pa smra ba ma yin/ lta ba kun nas bkris pa dang / the tshom dang / sgrib dang / chod pa dang / bag la nyal ba dang / khong khro ba smra ba ma yin/ chos dang 'gal ba smra ba ma yin/ chos 'jig pa smra ba ma yin/ chos spong ba smra ba ma yin/ chos la mngon par 'gal zhing rlom sems su byed ba smra ba ma yin/ chos log par smra ba ma yin te/ chos smra ba'i byang chub sems dpa' ni chos kyi rjes su 'thun pa'i chos smra ba dang / yang dag pa smra ba dang / chos smra ba dang / phas kyis rgol ba thams cad kyis mi tshugs par smra ba'o// byang chub sems dpa' chos smra ba ni/ chos thams cad pa dang / 'brel pas phyir bsgyur bar dga' ba yin/ byang chub sems dpa' chos smra ba ni/ dmigs pa med pa'i spyod yul bas/ stong pa nyid smra ba ma yin/ mi 'khrugs pa'i chos can yin pas/ mtshan ma med pa smra ba yin/ khams gsum dang ma 'dres pas smon pa med pa smra ba yin/ 'dus byas kyi ma skyes pa mthong bas mngon par 'du mi byed pa smra ba yin no// byang chub sems dpa' chos smra ba ni/ chos kyi don rang bzhin gyis dben pa'i phyir skye ba med pa dang / 'byung ba med pa smra ba pa yin no// bu mo chos shes bya ba ni brjod du med pa yi ge med pa/ bsnyud du med pa smad med pa/ gzugs med bstan med pa/ thogs pa med pa/ rnam par rig pa ma yin pa/ rnam par shes pa bya ba ma yin pa sems dang / yid dang / rnam par shes pa dang //
- 321a
bral ba rdul med pa/ rdul dang bral ba/ 'dod chags dang bral ba mun pa med pa/ snang ba med pa/ bdag gi med pa/ yongs su 'dzin pa med pa/ 'dzin pa ma yin pa/ 'dzin pa dang bral ba/ yul med pa/ yul ma yin pa/ yul thams cad dang / zhe ma 'dres pa/ zhi ba grol ba/ blta dka' ba/ khong du chud par dka' ba/ rtog ge ma yin/ rtog ges mi chud pa/ 'phags pa mkhas pas shes shing rtogs pa/ tshor ba med pa/ tshor ba thams cad kyi rgyun bcad pa/ ji lta ba bzhin du dus gsum stong pa/ 'chi 'pho med pa/ 'pho bar 'byung ba yin/ 'pho ba med pa/ skye ba med pa/ phun sum tshogs pa ma yin pa/ rgyud pa ma chad pa/ 'byung ba med pa/ 'jig pa med pa/ mi srid pa 'byung bar mi 'gyur ba/ 'jig par mi 'gyur ba/ bskyed pa ma yin pa/ gzhig pa ma yin pa/ mi rtogs pa/ kun tu mi rtogs pa/ rnam par mi rtogs pa/ mtshan nyid du snang ba ma yin pa/ mtshan nyid gcig pa/ mtshan nyid med pa/ kun gzhi med pa/ kun gzhi dang bral ba/ 'dre ba med pa/ chags pa med pa/ bcings pa med pa/ grol ba med pa/ bdag gi med pa/ yongs su 'dzin pa med pa/ sbyor ba med pa/ zag pa med pa/ 'dra ba med pa/ mtshungs pa med pa/ mi mnyam pa dang mnyam pa/ mi bden pa
- 321b
mi rdzun pa/ bde ba med pa/ sdug bsngal med pa/ 'du ba med pa/ 'bral ba med pa/ ldan pa med pa/ mig med pa gzugs med pa/ sbyar/ ba med pa/ snying po med pa/ snying po med pa ma yin pa/ dbyer med pa/ dbyer med pa ma yin pa/ rdo rje ma yin pa/ 'bigs pa'i mtshan nyid ma yin pa/ de kho na bzhin nyid gzhan ma yin pa de bzhin nyid/ ring ba ma yin pa/ nye ba ma yin pa/ kha dog med pa/ rtags med pa/ dbyibs med pa/ mtshan ma med pa/ 'di na ma yin pa/ pha ma yin pa/ de las ma yin pa/ gzhan las ma yin pa/ nang ma yin pa/ phyi ma yin pa/ gnyi ga ma yin pa/ gzhan ma yin pa/ gzhan ma yin pa yang ma yin pa/ gzhan dang gzhan ma yin pa yang ma yin/ mthong na med pa/ thos pa med pa/ brjed pa med pa/ shes pa med pa/ rnam pa shes pa med pa/ rnam par shes par bya dang / rnam par shes pa dang bral ba dang / grangs med pa dang / grangs med pa ma yin pa/ grangs thams cad dang bral ba ste/ bu mo 'dis ni chos shes bya'o// gang 'dri ba'i chos skad dang / brda' sna tshogs kyis 'chad bcing yang dag par rab tu ston pa 'di na/ byang chub sems dpa' chos smra ba zhes bya'o// gzhan yang chos smra ba ni smra ba thams cad las rnam par log pa yin no// chos smra ba ni su dang yang mi
- 322a
chos kyi bar chad mi byed brtsod do// chos smra ba ni gzhan la shin tu rlom sems med do// chos smra ba ni ma bslabs pa la mi brnyes so// chos smra ba ni ma bslabs rnams la mi 'dud pa ma yin no// bdag stong pa ma yin no// chos nyid dang 'gal bar mi byed do// zang zing gi ma spags pa'i rgyud kyi chos ston to// / gzhan dag la 'gyod pa mi skyed do// gzhan gyi lhung ba gleng bar mi byed do// chos la khyad du gsod par mi byed do// chos smra ba ni byang chub kyi phyir mi 'dra ba'i chos gang yang mi mthong ngo // stong pa nyid las rnam par grol ba'i chos mi ston to// mtshan ma med pa dang / smon pa med pa la las rnam par grol ba'i chos mi ston to// chos kyi dbyings tha dad du mi byed do// de bzhin nyid las mi g.yo'o// yang dag pa'i mtha' las shin tu mi 'da'o// tshig 'bru la rton pa ma yin no// rnam par shes pa la rton pa ma yin no// rnam par drang ba la rton pa ma yin no// gang zag la rton pa ma yin no// don dang 'gal ba ma yin no// tshig 'bru dang 'gal ba ma yin no// ye shes dang 'gal ba ma yin no// rnam par shes pa dang 'gal ba ma yin no// nges pa'i don dang 'gal ba ma yin no// drang ba'i don dang 'gal ba ma yin no// chos nyid dang 'gal ba ma yin no// gang zag dang 'gal ba ma yin no// phyogs yongs/
- 322b
su 'dzin par mi byed do// rten cing 'brel par 'byung ba dang 'gal bar mi byed do// chos smra ba 'jig rten gyi chos gang gis kyang rnam par mi shes so// ser sna'i nyon mongs pas bsgribs pa ma yin no// tshul khrims las nyams pa ma yin no// ngang tshul ngan pa'i sems can 'dor ba ma yin no// khro ba gang gnod sems dang / tha ba can ma yin no// le lo'i dri ma dang lhan cig gnas pa ma yin no// chos smra ba ni byang chub kyi sems brjed pa ma yin no// shes rab kyi rtsa ba nyan pa chud gson pa ma yin no// gzhan la smod pa ma yin no// gang zag la snang ba dang / chos la sdang bar mi byed do// mdo/ sde dang mdo sde 'gal bar mi byed do// 'dul ba la 'dul ba ma yin par mi byed do// chos nyid dang 'gral bar mi byed do// tshul bzhin sbyor ba'i chos gang la yang ma yin par mi mthong ngo // nga rgyal gyi nga rgyal gyis 'phel bar mi byed do// chos las nyams pa ma yin no// byas pa chung gson pa ma yin no// bag la nyal ba mi 'dzin to// sti stang la rjes su chags pa ma yin no// sti stang med pa la khong khro ba ma yin no// 'dza' ba dang mi 'dza' ba la gnyis su 'du shes mi byed do// rgyu dang 'bras bu chud mi gzon to// chos smra ba ni las kyi rnam par smin pa la mi mos pa ma yin no// smras pa'i lam mi ster ba yin no// chos smra ba ni dgra med pa'o// 'khrul pa mi tshol lo// lce gnyi
- 323a
med de/ lus dang ngag dang sems la tshul chos pa med/ chos smra ba ni gzhan la nye bar bstan pa'i phyir dgon par gnas pa ma yin no// thob pa/ 'dod pa'i phyir 'dod pa chung ba ltar ston pa ma yin no// 'dod chen che bas sdig pa 'dod pa ma yin no// chos smra ba ni/ sangs rgyas kyi byang chub gzhan gyis byas par mi ston to// mi mnyam par len par mi rtsom mo// nor bdun rul bar mi byed do// sha za ba ma yin no// pha'i rigs gcod pa ma yin no// gzhan gyi rigs yon tan brjod pa ma yin no// sangs rgyas kyi chos tshad yod par ston pa ma yin no// chos smra ba ni theg pa chen po'i bsngags pa brjod pas mi ngoms te/ de'i phyir na chos smra ba'o// bu mo de la ji ltar na byang chub sems dpa' don smra ba yin zhe na/ don ces bya ba ni bsam pas bcos ma yin pa ni don to// sbyor bas dge ba'i rtsa ba thams cad yang dag par sgrub pa ni don to// lhag pa'i bsam pas khyad par du 'gro ba ni don to// sbyor ba dge ba'i rtsa ba thams cad yang dag par 'dzin du 'jug pa ni don to// sbyin pas dag par smin pa la mi re ba ni/ don to// sems can rnams bde ba myong bar byed pa ni don to// tshul khrims las nyams par mi byed pa ni don to// bzod pas ma smras pa ni don to// brtson 'grus kyis dgos pa thams cad mthar 'byin pa ni/ bsam gtan gyis nye bar zhi ba ni don to// shes rab kyis the tsom med pa ni don to// byams pas sems can
- 323b
thams cad la sems snyoms pa ni don to// snying rjes sems can thams cad kyi ci bya ba byed pa ni don to// dga' bas mchog la dga' zhing mos pa ni don to// btang snyoms kyis bde ba dang sdug bsngal thams cad mi 'byed pa ni don to// sbyin pas mi 'gyod pa ni don to// snyan par smra bas khong khro ba med pa'i don to// don byed pas chos dang ldan pa'i bsam gtan yongs su rdzogs par byed pa ni don to// don 'thun pas sems can rnams theg pa chen po yang dag par 'dzin du 'jug pa don to// snga ba'i dngos po rnams kyis sems can yongs su smin par byed pa yin to// 'du byed thams cad mi rtag pa dang sdug bsngal ba ni don to// chos thams cad bdag med pa'i don to// nyon mongs pa thams cad zhi ba ni don to// tshig 'bru las don la rton pa ni don to// rnam par shes pa la rton pa ni don to// mdo sde thams cad las nges pa'i don gyi mdo sde la rton pa ni don to// srog dang gang zag gi sgra las chos nyid la rton pa ni don to// don so so yang dag par rig pas bstan pa mi zad pa ni ton to// chos so so yang dag par rig pas ci rigs dbyings 'dres pa'i med pa ni don to// nges pa'i tshig so so yang dag par rig pas phung po ma lus pa'i ye shes kyi rjes su 'jug pa ni don to// spobs pa so so yang dag par rig pas ci rigs par chos ston pa ni don to// sbyin pa'i chos kyis mi nges pa ni don to//
- 324a
tshul khrims kyi tshogs las srin lam yongs su rdzogs par byed pa ni don to// thos pa'i tshig las nan tan snying por byed pa ni don to// bsod nams kyi chog/ las mtshan ma yongs su rdzogs par byed pa ni don to// ye shes kyi tshogs las sems can thams cad kyi dbang po mchog dang / mchog ma yin pa ni don to// zhi gnas kyi tshogs las sems las su rung ba ni don to// lhag mthong gi tshogs las rig pa dang rnam par grol ba ni don to// dran pa nye bar bzhag pa rnams kyis dran pa nye bar gnas pa yang dag par spong ba rnams kyis dge ba'i chos thams cad skyed pa ni don to// rdzu 'phrul gyi rkang pa rnams kyis phyogs bcur 'grod pa ni don to// dbang po rnams kyis tshig rab tu 'byed pa ni don to// stobs rnams kyis nyon mongs pa thams cad 'dul ba don to// byang chub kyi yan lag rnams kyis chos thams cad khong du chud pa ni don to// lam gyis chos thams cad mi 'khrugs pa ni don to// mngon par shes pa rnams las shin tu nyams pa med pa ni don to// de ltar na gang chos rnam pa 'di lta bu las don rab myong ba de smra ba yin te/ 'di ltar don smra ba yin te/ don ma yin pa smra ba ma yin no// de ltar na byang chub sems dpa' don smra ba yin no// bu mo gzhan yang dag dmigs par lta ba thams cad tu zhi bar bya ba'i phyir stong pa/ nyid kyi don ni don to// byang chub sems dpa' stong pa nyid du smra ba ni don smra ba yin no// rtog pa dang rnam par rtog pa thams cad spang ba'i phyir mtshan ma med pa yin no// byang chub sems dpa' mtshan ma med pa smra ba ma ni don smra ba'o// khams
- 324b
gsum pa thams cad kyi smon lam dang bral ba'i phyir/ sngon med pa'i don ni don to// byang chub sems dpa' smon pa med smra ba ni/ don smra ba yin no// de bzhin du sdus te 'du byed thams cad kyi rgyun gcad pa'i don ni don te/ skye ba thams cad nye bar zhi bar bya ba'i phyir/ skye ba med pa'i don ni don to// skye ba nye bar len pa'i skye ba thams cad mi skye mi 'byung ba'i don ni don te/ byang chub sems dpa' mi skye ba smra ba ni/ don smra ba yin no// sdug bsngal dang kun 'byung ba dang / lam dang 'gog pa'i don ni don te/ 'gog pa smra ba dang / chos thams cad la gang zag med pa'i don ni don to// gang zag med pa smra ba dang / skad dang tshig thams cad brjod du med pa'i don ni don te/ brjod du med med pa smra ba dang / brtul shugs thams cad yongs su rdzogs par bya ba'i phyir bden pa'i don ni don te/ bden par smra ba dang / byang chub kyi phyogs kyi chos thams cad la bag yod pa'i don ni don te/ bag yod pa smra ba dang / bos pa'i don thams cad la nan tan byed pa'i don ni don te/ nan tan byed pa smra ba dang / theg pa thams cad theg don ni don to// byang chub sems dpa' theg pa chen po sba ba ni do smra ba yin no// bu mo gzhan yang dbyar med pa ni don ni don to// sems can med pa'i don ni don to// ro gcig pa'i 'don ni don to// ba dad pa' med pa'i don ni don to// tshul gcig pa'i don ni don to// tshul med pa'i rno ni don to// mi zad pa'i don ni don to// mi srid pa'i don ni don to// mi skye mi 'byung ba'i don ni don to// 'ong ba
- 325a
med pa'i don ni don to// 'gro ba med pa'i don ni don to// mi skye mi 'gag pa'i don ni don to// rjes su 'gro ba'i don ni don to// bdeg pa/ med cing bzhag pa med pa'i don ni don to// mngon par mi byed pa'i don ni don to// 'gro ba med pa'i don ni don to// sgro gtags pa'i don ni don to// rnam par rig pa med pa'i don ni don to// 'khor gsum yongs su sbyong ba'i don ni don to// dus gsum mnyam pa nyid kyi don ni don to// 'khom gsum dri ma med pa'i don ni don to// 'gro ba med pa'i don ni don to// 'jig pa med pa'i don ni don to// thun mong med pa'i don ni don to// yongs su bdung ba med pa'i don ni don to// nye bar zhi ba'i don ni don to// 'dre ba med pa'i don ni don to// rgyu ba med pa'i don ni don to// bzung ba med pa'i don ni don to// sngon gyi mtha' dang phyi ma'i mtha' yongs su ma chad pa'i don ni don to// mi 'khrugs pa'i don ni don to// chos dang chos ma yin pa la rnam par mi rtog pa'i don ni don to// mtha' dang mtha' med pa dang / chad pa dang / rtag pa dang mnyam pa nyid kyi ye shes la 'jug pa'i don ni don to// ye shes dang nges pa'i tshig dang / sgra dang tshig gi lam thams cad ji lta ba bzhin du nan tan bya ba dang / khong du chud par bya ba'i don ni don to// sems dang yid dang / rnam par shes pa dang / spros pa la mi rgyu ba'i don ni don to// 'dod chags dang zhe sdang dang gti mug gi nyon mongs pa la rnam par mi rtog pa'i don ni don to// chos thams cad
- 325b
mnyam pa nyid de tha mi dad cing sna tshogs med pa'i don ni don to// stong pa nyid dang mtshan ma med pa dang / smon pa med pa dang / mngon par 'du bya ba med pa'i don ni don to// don dam pa'i bden pa'i don ni don to// gzhan gyi dring la mi 'jog pa'i don ni don to// rnam par rig pa'i mtshan nyid kyi don ni don to// shin tu gtags pa'i mtshan nyid kyi don ni don to// sdug bsngal ba'i mtshan nyid kyi don ni don to// dben pa'i mtshan nyid kyi don ni don to// gnas med pa'i mtshan nyid kyi don ni don to// don bya ba ma rung bar mi byed pa'i don ni don to// dbyer med pa'i mtshan nyid kyi don ni don to// de kho na dang de bzhin nyid dang / gzhan ma yin pa'i de kho na'i mtshan nyid kyi don ni don to// shin tu dul ba'i nges pa'i don gyi don ni don to// phung po sgyu ma'i mtshan nyid kyi don ni don to// khams chos kyi dbyings kyi don ni don to// skye mched dben pa'i mtshan nyid kyi don ni don to// phyi rol tu rgyu ba med pa'i mtshan nyid kyi don ni don to// sbyin pa dul ba dang / nye bar zhi ba'i mtshan nyid kyi don ni don to// bden pa yang dag par slu ba med pa'i mtshan nyid kyi don ni don to// nyon mongs pa thams cad ci yang ma yin pa'i don ni don to// rdo rje ltar sra zhing mi phyed pa'i mtshan nyid kyi don ni don to// 'jig rten thams cad dang mi 'gal ba'i mtshan gyi don ni don to// legs par byas pa'i shin tu mthar gtugs pa'i mtshad kyi don ni don to// thams cad kyi rjes su song ba kho du chud pa'i mtshan nyid kyi don ni don to// rnam par thar pa sgrib pa med pa'i mtshan nyid kyi don ni don to// 'gro
- 326a
'dis bu dang ldan pas/ ngos sa pa thams cad du yang dag par zhugs shing / sangs rgyas kyi chos thams cad kyi rjes su 'jig pa'i mtshan nyid kyi don ni don to// nges pa'i tshig dang rnam par grol ba'i ye shes mthong ba'i mtshan nyid kyi don ni don to// ye shes kyi rgyu 'thun pa'i mtshan nyid kyi don ni don to// gtags pa'i rnam par rig pa'i nges pa'i tshig dang rnam par grol ba dang / rnam par grol ba'i ye shes mthong ba'i mtshan nyid kyi don ni don to// ye shes kyi rgyu mthun pa'i mtshan nyid kyi don ni don to// gtags pa rnam rnam par rig pa'i mtshan nyid kyi don ni don to// yang dag pa'i shes pas lan 'debs pa'i mtshan nyid kyi don ni don to// don thams cad yang dag par 'du ba'i mtshan nyid kyi don ni don to// byang chub sems dpa' gang don bstan pa de dag thams cad ni bstan pa ste/ de'i phyir don smra ba zhes bya'o// bu mo de la ji ltar na/ byang chub sems dpa' 'dul ba smra zhe na/ 'dul ba'i ni de bzhin gshegs pas gnyis su gsungs te/ gnyis gang zhe na/ ltung ba 'dul ba dang / nyon mongs pa 'dul ba'o// de la ltung ba ni gang / ltung ba 'dul ba ni gang zhe na/ ltung ba zhes bya ba ni yong su rtog pa'i rtsa ba las byung ba tshul bzhin yin pa'i rtsa ba las byung ba/ ma rig pa'i rtsa ba la byung / phyin ci log gi rtsa ba las byung ba/ yang dag pa'i ma yin pa'i rtsa ba las byung ba/ yod pa ma yin ba'i rtsa ba las byung ba/ 'jig tshogs kyi rtsa ba las byung ba'i sems can du mngon par zhen pa'i rtsa ba las byung ba/ 'gyod pa'i rtsa ba las byung ba/ 'byung ba'i rtsa ba ma yin pa'i
- 326b
las byung ba/ the tsom gyi rtsa ba las byung ba/ zhan cing rmongs pa'i rtsa ba las byung ba/ shes rab nyam chung ba'i rtsa ba ltas byung ba ste// 'di ni ltung ba zhes bya'o// de la ltung ba 'dul ba gang zhe na/ the tsom med pa la rab tu gnas par 'byung ba ste// ltung ba ni yul na mi gnas pa/ phyogs na mi gnas pa/ phung por ma gyur pa/ gzung ba med pa snang ba med pa'o// sems gang gis ltung bar gyur pa de yang zad pa bral ba/ rnam par gyur pa/ yul na mi gnas pa/ phyogs na mi gnas pa/ phung por ma gyur pa/ gzung ba med pa'o// snang ba med pa'o// sems can lta bar ltung ba yang de bzhin no// bu mo gzhan yang byang chub sems dpa' byang chub sems dpa'i bskyod pa na/ rang gi las las gyur pa/ las kyi rnam par smin pa la rton pa yin te/ de las kyi rnam par smin pa'i stobs 'di dang / ldan pas/ byang chub sa thob pa na 'das pa dang / de ltar byung ba'i las dang / las yang dag par blangs pa rnams kyi rnam par smin pa mkhyen pa/ gnas dang rgyus yang dag pa ji lta ba bzhin tu rab tu shes pa 'di ni/ de bzhin gshegs pa'i stobs gnyis pa ste/ stobs de thob pas/ de bzhin gshegs pa'i 'khor gyi nang du seng ge'i sgra yang dag par sgeg ste/ khyu mchog gi gnas su dam 'cha' zhing / dge sbyong ngam/ bram ze'am/ lha 'am/ bdud dam/ tshangs pa 'am/ gang gis kyang 'jig rten du chos dang 'thun par ma bskor ba'i tshangs pa'i 'khor lo rab tu skor ro// bu mo gzhan yang byang chub sems dpa' spyad pa spyod pa na/ sems can gyi dbang po la brtags nas/ chos ston te de dag shes nas dbang po rnams ji lta ba bzhin du
- 327a
'jug cing / dbang po rnams ji lta ba dang ldan te/ de dbang po mkhyen pa'i stobs 'di dang ldan pas/ byang chub thob na sems can gzhan rnams/ gang zag gzhan dag gi dbang po dang brtson 'grus kyi rim pa yang dag pa ji lta ba bzhin du rab tu shes te/ bu mo de bzhin gshegs pas gang sems can gzhan rnams dang / gang zag gzhan rnams kyi dbang po dang / brtson 'grus kyi rim pa yang dag pa ji lta ba bzhin du rab tu shes pa 'di ni de bzhin gshegs pa'i stobs gsum pa'o// bu mo gzhan yang byang chub sems dpa' byang chub sems dpa'i spyad pa spyod pa na/ sems can rnams kyi khams la 'jug ste/ zhugs nas/ sems can rnams kyi ma so pa ji lta ba bzhin du gnas so// de khams la 'jug pa'i stobs 'di dang ldan pas/ de khams la 'jug pa'i stobs 'di dang / ldan pas/ byang chub thob na khams sna tshogs pa'i 'jig rten yang dag pa ji lta bzhin du rab tu shes pa 'di ni de bzhin gshegs pa'i stobs bzhi pa'o// bu mo gzhan yang byang chub sems dpa'i spyad pa spyod pa na/ sems can mos pa tha dad pa rnams kyi mos pa dang / rnam par grol ba'i ye shes kun tu tshol te/ de ltar mos pa la smod do// de mos pa'i stobs 'di dang ldan pas/ byang chub thob na/ sems can gzhan rnams dang / gang zag gzhan dag gi mos pa du ma dang / mos pa sna tshogs yang dag pa ji lta ba bzhin du rab tu shes pa 'di ni de bzhin gshegs pa'i stobs lnga pa'o// bu mo gzhan yang byang chub sems dpa'i spyad pa spyod pa na 'dus byas dang / 'dus ma byas dang / nyan thos
- 327b
kyi theg pa dang / rang sangs kyi theg pa dang / theg pa chen po thams cad du ye shes btong ngo // de kun tu 'gro ba mkhyen pa'i stobs 'di dang ldan pas/ byang chub thob pa na/ kun tu 'gro ba'i lam yang dag pa ji lta ba bzhin du rab tu shes pa 'di ni/ de bzhin gshegs pa'i drug pa'o// bu mo gzhan yang byang chub sems dpa' byang chub sems dpa'i spyad pa spyod pa na/ bsam gtan dang ting 'dzin lhur len pa yin te/ sems nges par rtog cing / nyon mongs pa dang bral te dul shing cang shes so// de cang shes kyi stobs 'di dang ldan pas/ byang chub thob pa na/ sems can gzhan rnams gang dang gang zag gzhan dag gis bsam btan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba dang / ldang ba thams cad mkhyen pa'i stobs yang dag pa ji lta ba bzhin du shes pa 'di de bzhin gshegs pa'i stobs bdun pa'o// bu mo gzhan yang byang chub sems dpa' sems dpa'i spyad pa spyod pa na/ sngon gyi rgyu las byung ba'i dge ba'i rtsa ba chud mi ston te/ bag yod pa yin/ sngon dam bcas pa las mi nyams yin no// de sngon gyi rgyu las byung ba'i ltung ba ji lta bar chos thams cad kyang de bzhin te/ rtsa ba med pa'o// mi gnas pa'o// gang sems la som nyi med pa dang / rnyog pa med pa dang / yang ba dang zhi ba dang / yongs su gtong ba med pa dang / brtsal dang / shin tu byang ba dang / bla ma'i tshig la mos pa dang / gcig tu nges par the tsom med cing / gcig tu yid ches pa 'di ni ltung ba 'dul ba zhes bya'o// de la nyon mongs pa ni gang
- 328a
zhe na/ nyon mongs pa zhes bya ba ni/ 'dod chags dang / zhes sdang dang / gti mug dang / ma rig pa dang / sred pa dang / len pa dang / srid pa pa'i yan lag bcu gnyis dang / gang dag la 'dus byas 'jug pa 'di ni nyon mongs pa zhes bya'o// de la nyon mongs pa 'dul ga gang zhe na/ 'di lta ste/ chos thams cad ni shin dul ba'o// de ci'i phyir zhe na// chos thams cad ni stong pa nyid kyi dul ba ste/ de la 'dod chags kun tu rgyu ba med do// zhes sdang med do// gti mug med do// chos thams cad ni mtshan ma med pas dul ba ste/ de la nyon mongs pa thams cad kun tu rgyu ba med do// chos thams cad ni smon pa med pas dul ba ste/ de la kun tu rgyu ba thams cad ni mngon par 'du bya ba med pas dul ba ste/ de la mngon par 'du byed pa thams cad kun tu rgyu ba med do// chos thams cad ni rkyen gyi kha la las pa ste/ de lta bur song ba la thams cad kun tu rgyu med do// gang rten cing 'brel par 'byung ba'i chos thams cad la nges pa dang / yang dag pa kho na dang / nyon mongs pa ma yin pa dang / shin tu zhi ba dang / stong pa nyid gang gis byang chub stong pa'i stong pa nyid nges/ nyon mongs pa thams cad stong pa nyid kho du chud pa 'di ni/ nyon mongs pa 'dul ba zhes bya ste/ gang 'di skad smra ba de ni 'dul ba smra ba yin no// bdag 'dul ba'i phyir 'dul zhing gang ba dag 'dul ba shes pa de ni nyon mongs pa 'dul ba shes pa'o// de la bdag 'dul ba gang zhe na/ gang bdag med par shes pa dang / bdag gi ngo bo nyid zhes pa dang / bdag dben par shes pa dang /
- 328b
bdag ji lta ba bzhin dang / bdag mi 'khrugs pa dang / bdag stong pa nyid dang / bdag dngos po med pa dang / bdag de bzhin nyid dang / bdag mi 'jigs pa dang / bdag sgro btags ba med pa dang / bdag rtag tu skye ba med par shes pa ste/ gang de ltar bdag shes pa de ni nyon mongs pa rnam pa thams cad du 'du shes pa'o ji ltar bdag med pa la bdog tu 'du shes phyin ci pa de bzhin du/ nyon mongs pa med pa nyon mongs par 'dul 'dus shes phyin ci log tu/ ji ltar bdag rang bzhin gyis med pa de bzhin du nyon mongs pa yang rang bzhin gyis med pa ste/ gang de ltar lhag mthong gis shes pa de ni nyon mongs pas dul ba zhes bya'o// de la 'das pa'i nyon mongs pa 'dul ba ma yin/ ma 'ongs pa'i ma yin/ de ltar byung ba yin no// de ci'i phyir zhe na/ kun tu rgyu ba med cing yid la byed pa med pa ni nyon mongs pa 'dul ba'o// gang kun tu rgyu ba med cing yid la byed pa med pa de ni/ 'das pa ma yin/ ma 'ongs pa yin/ de ltar byung ba ma yin no// ji ltar sems gzugs can ma yin te nang na ma yin/ phyi rol na ma yin gnyi ga med pa la yang mi dmigs pa de bzhin du nyon mongs pa yang gzugs can ma yin te/ nang na ma yin/ phyi rol na ma yin/ gcig med pa la yang mi dmigs so// mi dmigs pa'i phyir nyon mongs pa thams cad ni gnod pa med pa'o// zhi ba med pa'o// bya ba med pa'o// rnam par byang ba med pa'o// bya ba med pa'o// rnam par byed pa med pa'o// gang de kar nyon mongs pa rnams 'byung ba dang / 'jig pa med par
- 329a
shes pa 'di yang nyon mongs pa 'dul ba'o// bu mo byang chub sems dpa' gang 'di ltar nyon mongs pa shin tu btul ba de gzhan dag gi nyon mongs pa yang 'dul ba'i phyir/ chos ston pas de'i phyir 'dul ba smras pa zhes bya'o// bden pa bstan pa'i le'u ste dang po'o// bden pa dang chos dang / don dang 'dul ba bstan pa 'di bshad pa na/ byang chub sems dpa' khri mi skye ba'i chos la bzod pa skyes so// bu mo rin chen ni tshim zhing dgu' ste/ yid rangs shing rab tu nas dga' ba dang yid bde ba skyes te/ bcom ldan 'das la 'di skad ces gsol to// bcom ldan 'das la ji tsam du de bzhin gshegs pas bden pa dang / chos dang don dang / 'dul ba bstan pa 'di legs par gsungs pa ni ngo mtshar te/ bcom ldan 'das byang chub sems dpa' gang 'di ltar smra bar 'gyur ba de dag ni rtsod pa ma mchis pa lhur len pa ste/ sems can thams cad kyi rtsod pa spang ba'i slad du chos ston par 'gyur ro// de nas tshe dang ldan pa sha ri'i bus/ bu mo'u rin chen la 'di skad ces smras so// bu mo khyod ci 'don pa dang / chos dang don 'dul ba smra ba yin nam/ bu mo rin chen gyis smras pa/ btsun pa sha ri'i bu bden pa bsnyad du med pa'o// chos ni 'dod chags dang bral ba'o// don ni brjod du med pa'o// 'dul ba ni lus dang sems dben pa ste/ de ni lan gdab par mi nus so// btsun pa sha ri'i bu gzhan yang bden pa ni 'gog pa'i bden pa'o// chos ni dben pa'i mtshan nyid do// don ni
- 329b
tshig 'bru dang bral ba'o// 'dul ba ni rnam par grol ba'i mtshan nyid do// de ni brjod pas lan btab par mi nuso// btsun pa sha ri'i bu gzhan yang bden pa ni de bzhin nyid do// chos ni/ gzhan ma yin pa de bzhin nyid do// don ni gnyis su med pa'i don do// 'dul ba ni bya ba med pa'i don te/ de ni brjod pa med pa/ bstan du med pa'o// tshe dang ldan pa sha ri'i bus yang bu mo rin chen la 'di skad ces smras so// bu mo khyod kyis rin po che ci 'dra zhig blangs na/ des khyod rin chen zhes bya de skad ces smras pa dang / rin chen gyis/ tshe dang ldan pa sha ri'i bu la 'di skad ces smras so// btsun pa sha ri'i bu sum bcu rtsa gnyis po 'di dag ni/ byang chub sems dpa' rnams kyi mngon gsum du sems bskyed pa rin po che ste/ gang nyan thos dang / rang sangs rgyas thams cad la med pa'o// sum bcu rtsa gnyis gang zhe na/ 'di lta ste/ 'gro ba thams cad yongs su bskyab pa'i phyir/ thams cad mkhyen pa'i sems bskyed rin po che dang / sangs rgyas kyi gdung sob pa'i sems bskyed pa rin po che dang / chos kyi rigs kun tu 'dzin pa'i sems bskyed pa rin po che dang / dge 'dun gyi rigs yongs su bsgrub pa rgyun mi bcod pa'i sems bskyed pa rin po che dang / sems can thams cad 'phags pa'i bden pa la dgod pa'i phyir byams pa chen po'i sems bskyed pa rin po che dang / sems can thams cad kyi nyon mongs pa spang ba'i phyir/ sdug bsngal thams cad sel ba snying rje chen po'i sems bskyed pa rin po che dang /
- 330a
bdog pa thams cad yongs su btang zhing / sems can ser n+dan rnams yongs su smin par bya ba'i phyir nang dang phyi'i dngos po ni mi lta ba'i sems bskyed pa'i rin po che dang / bdag kyang tshul khrims la gnas la/ ngang tshul ngan pa'i sems can yongs su smin par byed pa'i sems bskyed pa rin po che dang / bzod pa'i stobs dang / nges pa dang / bde ba dang / dul ba zhi ba dang sdom pa dang ldan zhing gnod sems dang / tha ba dang / khro ba dang / nga rgyal dang / rgyags pa dang / 'chab pa dang / ldan pa rnams kyi gtso bo dang / mthu dang ldan par gyur kyang lan mi byed cing bzod pa nyid mi skyed la byang chub kyi sems sems can la lta ba'i bzod pa'i stobs kyi sems bskyed pa rin po che dang / zhum pa med cing zhen pa med pa le lo med de/ brtson 'grus brtan zhing theg pa chen po las phyir mi ldog la/ tshogs la yongs su mi skyo zhing sems can le lo can yongs su smin par bya ba'i phyir/ brtson 'grus chen po'i sems bskyed pa rin po che dang / blo gros dang / rtogs pa dang / byams pa dang / bsam gtan gyi mchog dang / rnam par thar pa dang / ting nge 'dzin dang / snyoms par 'jug pa'i khyad par khong du chud pa la/ sems can yongs su smin par bya ba'i phyir/ 'dod pa'i khams la yang dmigs shing / thabs kyis bsam gtan las yang mi ldog pa'i sems bskyed pa rin po chen dang / shes rab rab tu dbye ba chos thams cad la rab rib med cing / ji lta ba bzhin du gnyis su med pa tshul gcig pa la 'jug pa'i phyir/ shes rab kyis rnam par 'phrul pa'i sems bskyed pa rin po che dang /
- 330b
sems can thams cad la sems snyoms pa/ zhe 'gras pa med pa'i blo dang ldan pa/ tha dad pa med cing ro gcig pa/ thams cad mkhyen pa nyid du yongs su smin par bye ba'i sems/ bskyed pa rin po che dang / rjes su chags pa dang / khong khro ba dang / bral zhing sti stang byas pa dang / sti stang byas pa mtshungs par gyur cig/ mkhengs la/ mdun par legs par gnas pa/ yid g.yo ba med pa/ bde ba dang sdug bsngal gyis mi g.yo ba/ sems can thams cad la sems snyoms mi 'jigs shing sdang ba dang / skrag pa dang bral ba rten cing 'brel par 'byung ba zab mo la 'jug pa la mkhas pa/ mtha' dang mtha' med par lta ba dang bral ba'i sems bskyed pa rin po che dang / chos mnyam pa yongs su tshol ba bsod nams tshogs gsags pas ngoms ma shes shing / mtshan dang dpe' byad bzang po yongs su rdzogs par byed pa'i sems bskyed pa rin po che dang / sangs rgyas mthong bar byed cing / sangs rgyas mthong ba mi bral ba'i sems bskyed pa rin po che dang / chos mnyan pa yongs su tshol la/ thos pa la dpyod cing don la yongs su 'jal ba'i sems bskyed pa rin po che dang / 'di ltar thos pa'i chos ston cing zang zing med pa'i sems bskyed pa rin po che dang / zin pa'i chos la spro dpon 'chab pa med pa'i sems skyed pa'i rin po che dang / legs par zhugs shing gnas te/ chos la tshul khrims las nyams pa rtag tu 'dzin pa'i sems bskyed pa rin po che dang / ma bslabs pa las dang po la brnyas pa med pa'i sems bskyed
- 331a
pa rin po che dang / nga rgyal mngon pa'i nga rgyal dang / log pa'i nga rgyal dang / bral zhing nga rgyal med pa/ sems can bka' blo bde ba mthun par 'dzin pa/ sems can thams cad la bdud pa'i sems bskyed pa'i rin po che dang / rlabs po che'i sems dbang po rno ba theg pa ngan pa dman pa dang bral zhing theg pa chen po la mos pa sangs rgyas kyi dgongs pa'i mtshan nyid sems bskyed pa'i rin po che dang / bdud kyi las dang bral zhing nye ba'i nyon mongs pa dag ste/ gtsang zhing dri ma med la rnyog pa med pa med kyang / 'dod chags kyi rdul dang / nyon mongs pa dang ldan pa'i 'dus byas la dga' zhing / yongs su mi skyo ba'i sems bskyed pa'i rin po che dang / lha dang mi'i bde ba dang / rtag tu rgyun mi 'chad par dben par spyod cing / dgon pa'i yon tan mthong ste/ lus dang sems dben pa la dben par spyod kyang 'khor ba'i 'du 'dzi dang / 'dre ba la mi spyod pa/ snying rje chen po'i sems bskyed pa'i rin po chen dang / lha dang mi'i bde ba dang / bsam gtan gyi bde ba dang / rang gi bde ba thams cad 'dor zhing / sems can sdug bsngal ba yongs su smin par bya ba'i phyir/ sdug bsngal myong bas yongs su mi skyo ba'i sems bskyed pa rin po che dang / zag pa med par chos thob pa'i nus pa dang / bskal pa dang / dbang dang / bzod pa dang ldan yang lag 'thil du song ba'i rnam par grol ba mi 'dod cing / 'dus byas mi spong ste/ sangs rgyas kyi chos yongs su rdzogs par byed pa'i sems bskyed pa rin po che dang /
- 331b
chos rnams la mi rtag pa dang / sdug bsngal ba dang / bdag med par yang so sor rtog la/ skyo ba yang med/ chags par 'gyur ba yang med par dga' zhing byang chub kyi phyogs kyi chos yang dag par sgrub pa'i sems bskyed pa rin po che dang / chos thams cad stong pa nyid dang / mtshan ma med pa dang / smon pa med pa dang / mngon par 'du bya ba med par so sor rtog cing / sems can yang chos de mngon gsum du yang mi byed la/ sems can la lta ba'i sems bsad pa rin po che dang / 'gro ba thams cad kyis skrag cing 'go'i thod la me 'bar ba lta bu brtson 'grus dang ldan pa zhing / thams cad mkhyen pa'i ye shes kyi phyir bskal pa grangs med par 'khor bas yongs su mi skyo ba 'di ni byang chub sems dpa' sems bskyed pa rin po che'o// ji lta ji lta bu'i brtson 'grus dang nye bar 'gyur ba de lta de lta bur lus dang / long spyod dang / ye shes shin tu rgya cher 'gyur yang / de che ba nyid kyi chos de yang mi 'dor zhing snying rjes dbul po'i rjes su 'jug ste/ smon pa med cing skyo ba med pa 'di yang / byang chub sems dpa'i sems bskyed pa rin po che'i/ gang sems can yongs su smin par byed pa de dag thog maM kho nas/ bdag byang chub par mi 'dod la/ lhag pa'i bsam pa brtan pa'i sems bskyed pa rin po che ste/ btsun pa sha ri 'di'i bu sun bcu rtsa gnyis po de dag ni/ byang chub sems dpa' rnams kyi sems bskyed pa rin po che ste/ des na byang chub kyi sems dang rin po che'i 'byung gnas zhes bya'o// de nas bcom
- 332a
ldan 'das kyis/ bu mo rin chen la legs so zhes bya ba gnang ste/ bu mo khyod kyis byang chub sems dag gi sems bskyed pa rin po che la 'jug pa 'di legs par smras pa ni legs so legs so// bu mo gang dag bla na med pa yang dag par rdzogs pa'i byang chub tu sems bskyed de dag ni skyes bu dam pa yin te/ yon tan bstan pa mtha' yas so// de ci'i phyir zhe na/ nyan thos rin po che dang / rang sangs rgyas rin po che las sangs rgyas dkon mchog mi 'byung gi/ sangs dkon mchog las nyan thos dang rang sangs rgyas rin po che 'byung ngo // byang chub sems rin po che las sangs rgyas dang chos dang / dge 'dun dkon mchog 'byung ngo // de nas bcom ldan 'das la tshe dang ldan pa la sha ra dwa ti'i bus 'di skad ces gsol to// bcom ldan 'das bu mo rin chen gyi shes rab dang ldan pa bstan pa dang / ji ltar 'di so so yang dag par rig pa thob par bstan pa ngo mtshar to// bcom ldan 'das kyis bka' stsal pa/ sha ra dwa ti'i bu 'di la ji snyam du sems/ bu mo rin chen gyi so so yang yang dag par rig pa ma thob po// snyam na de ltar mi lta ste/ bu mo rin chen gyis so so yang dag par rig pa dang spobs pa rgyun mi chad pa thob po// de nas tshe dang ldan pa sha ra dwa ti'i bus/ bu mo rin chen la 'di skad ces smras so// bu mo khyod kyis so so yang dag par rig pa bstan pa las rtsoms to// spobs par gyis shig/ bu mo rin chen gyis smras pa/ btsun pa
- 332b
sha ra dwa ti'i bu so so yang dag par rig pa ni thams cad du chos la dpyod pa dang / ston pa'i las byed de/ btsun pa sha ra dwa ti'i bu byang chub sems shes bya ba de ni/ so so yang dag/ par rig pa bstan pa'i tshig go/ de ci'i phyir zhe na/ don thams cad kyis yang dag par bsdus pa'i sems de skyed pa 'di ni/ don so so yang dag par rig pa'o// chos kyi dbyings su su yang dag par dag 'dus pa'i sems de bskyed pa 'di ni/ chos so so yang dag par rig pa'o// de las dpyod pa thams cad dang / nges pa'i tshig thams cad so 'di ni nges pa'i tshig so so yang dag par rig pa'o// sems bskyed pa thogs pa med par ston cing / spobs pa rgyun mi bcad pa 'di ni/ spobs pa so so yang dag par rig pa'o// sgyu ma med cing gnas pa med pa'i don ni don te/ 'di ni don so so yang dag par rig pa'o// sgyu ma'i sems kyi so so yang dag par rig pa'o// rnam par rig pa'i sgo nas nges pa'i tshig ni/ nges pa'i tshig so so / yang dag par rig pa'o// yul drag la sems mi chags shing spobs pa thogs pa 'di ni/ spobs pa so so yang dag par rig pa'o// don ni nges pa'i don to// chos ni dben pa la lta ba'o// nges pa'i tshig ni sgra tsam mo// spobs ni sgra rnam par rig pa'o// sangs rgyas zhes bya ba de ni khong du chud pa'i don ni gyi tshig go// de las nges par byung ba'i chos so// chos de ni nges pa'i tshig gis rab tu phye ba'o// spobs pa bstan pa ni spobs pa so so yang dag par rig pa'o// chos kyi don ni don to// 'dod chags dang bral ba ni'i chos nyid ni chos so//
- 333a
ni spobs pa chos la spyod pa ni nges pa'i tshig sa// chos la spobs paso so yang dag par rig pa'o// dge 'dun gyi don 'dus ma byas pa'i don na nanam so yang dag pa/ pa rig pa'o// dge 'dun dang don ro gcig pa ni chos so// dge 'dun pa dpyod pa ni nges pa'i tshig go// gang rab tu ston pa de ni so so yang dag par rig pa'o// btsun pa sha ra dwa ti'i bu/ de ltar na chos kyi tshig bstan pa ni so so yang dag par rig pa blta'o// de nas bcom ldan 'das la tshe dang ldan pa sha ra dwa ti'i bus/ 'di skad ces gsol to// bcom ldan 'das bu mo rin chen gyis/ bla na med pa yang dag par rdzogs pa'i byang chub tu sems bskyed nas ni ji srid cig lags/ de bzhin gshegs pa ni gang gi gsung rab lags/ de skad ces gsol pa dang / bcom ldan 'das kyis tshe dang ldan pa sha ra dwa ti'i bu la 'di skad ces bka' bstsal to// sha ra dwa ti'i bu sngon 'byung 'das pa'i dus na/ bskal pa grangs med pa'i/ yang ches grangs med par gyur par de'i tshe/ de'i dus na de bzhin gshegs pa dgra bcom pa yang dag par rdzogs pa'i sangs rgyas rnam par gzigs zhes bya ba mkhyen pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo // sha ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas rnam par gzigs de'i/ sangs rgyas kyi zhing na 'jig rten gyi
- 333b
khams shin tu rnam par dag pa zhes bya bar gyur to// sha ra dwa ti'i bu 'jig rten gyi khams shin tu rnam par dag pa'i longs spyod ni/ dga' ldan gyi longs spyod dang 'dra bar 'gyur/ to// bcom ldan 'das de'i byang chub sems dpa'i dge 'dun ni byang chub sems dag pa sha stag ste/ byang chub sems dpa' bye ba phrag bdun bcu rtsa drug thams cad kyang / phyir mi ldog pa gzungs dang / spobs pa las nges par byung ba sha stag go/ sha ra dwa ti'i bu de'i tshe de'i dus na/ de bzhin gshegs pa rnam par gzigs kyi gsung rab la 'khor los sgyur ba'i rgyal po// stong gsum gyi stong chen po'i 'jig rten gyi dbang phyug rin po che'i mtha' yas pa dang ldan pa/ bsod nams kyi rnam par smin pa yongs su dag pa zhes bya ba zhig byung ngo // sha ra dwa ti'i bu rgyal po bsod rnams kyi rnam par smin pa yongs su dag pa la/ btsun mo'i 'khor gyi bud med stong phrag brgyad khri bzhi stong yod de/ de dag thams cad skye bo bzang po sha stag go/ de la bu khri yod de thams cad kyang mthus po che'i stobs dang ldan pa sha stag go/ sha ra da ti'i bu de ltar rgyal po bsod nams kyi rnam par smin pa yongs su dag pas/ bcom ldan 'das de bzhin gshegs pa rnam par gzigs/ byang chub sems dpa'i 'dun dang bcas pa de la yid du yong ba'i bza' dang / zhal zas dang / snyun gsos kyi rkyen sman dang / yo byad dang bde bar sbyar ba thams cad kyis bye ba phrag sum bcu rtsa drug bsnyen bkur byas so// de nas
- 334a
bcom ldan 'das la tshe dang ldan pa sha ra dwa ti'i bus/ 'di skad ces gsol to// bcom ldan 'das de bzhin gshegs pa rnam par gzigs de'i sku tshe'i ni dza tsam/ bcom ldan 'das kyis bka' stsal pa/ sha ra da ti'i bu de bzhin gshegs par rnam par gzigs de'i tshe'i tshad ni bar gyi skal pa bcu thub po// sha ra dwa ti'i bu de ltar rgyal po bsod nams kyi rnam par smin pa yongs su dag pas de bzhin gshegs pa rnam par gzigs de la mchod pa dpag tu med pa byas nas/ btsun mo 'khor dang bcas// bu dang bcas/ g.yog dang bcas te/ srog chags khrag khrig dgu bcu rtsa gnyis kyis mdun bdar nas/ de bzhin gshegs pa rnam par gzigs ga la der song ste phyin pa dang / bcom ldan 'das kyi zhabs la mgo bos phyag 'tshal te/ bye ba brgya stong gin shin tu spras pa'i mu tig gi se mo dos/ mngon bkab nas/ thal mo sbyar te/ de bzhin gshegs pa rnam par gzigs la 'di skad ces gsol to// bcom ldan 'das bdag gis bcom ldan 'das la mchod pa thams cad kyis mchod pa bgyid na/ bdag gis de bzhin gshegs pa la mchod pa ma bgyis pa'i mchod pa khyad par du 'phags pa/ gzhan la mchis sam/ de skad ces gsol pa dang / de bzhin gshegs pa rnam par gzigs kyis/ rgyal po bsod nams kyi rnam par smin pa yongs su dag pa de la 'di skad ces bka' stsal to// rgyal mo chen po gang khyod kyis de bzhin gshegs pa la mchod pas byas pa'i/ mchod pa dam pa/ khyad
- 334b
par can/ gya nos pa/ khyod kyi mchod pa 'dis/ brgya'i char yang nye bar mi 'gro ba nas/ rgyu'i bar du yang mi bzod pa gzhan yod do// de gang zhe na/ de nas de bzhin gshegs pa rnam par gzigs des/ rgyal po 'khor dang bcas de'i bsam pa mkhyen nas/ tshigs su bcad pa 'di dag gsungs so// la las zhing rnams bye ba khrag khrig brgya stong gang ga'i bye ma snyed/ gang gis rin chen bskang ste bskal pa bye brgyar rtag tu byin pa yi// bsod nams des ni gang zhig sems can don phyir snying rtse snying rje bskyed/ byang chub zhug pa'i bsod nams de'i grangs cha gang du'ang 'gyur ma yin/ sangs rgyas bye ba khrag khrig brgya stong gang gi bye snyed la/ bskal pa bye ba khrag khrig mang por me tog spos kyis mchod pa bas/ byang chub brten pa phan byed gang zhig gom pa bdun ni rab bor bas/ rgyal ba mchod pa 'di ni dam pa gtso bo rgya nom mchog gi phul/ gang zhig byang chub sems bskyed 'jig rten 'dren par 'gyur bar smon lam btab/ de'i sbyin pa de bzhin tshul khrims bzod pa gzhal yas stobs yas stobs kyi mchog/ de ni brtson 'grus brtan pa ting 'dzin gzhal yas shes rab mi g.yos pa/ de ni mtha' yas bsags pa'i bsod nams lam ste zad par 'gyur ma yin/ gang zhig bsam pas yid rab dga' zhing thams cad mkhyen la rab 'jug pa/ bsngags brjod dang grags dang g.yog ni/ shin tu mdzes pa thob/ des ni longs spyod dbang phyug stobs rnams dag 'thob sems dang dran pa 'phags/ de na 'khor los sbyar rgyal stobs ldan de ltar brgya byin tshangs par
- 335a
'gyur/ mi gang la la byang chub rdul bral bla med zhi bar rab 'jug pa/ de na ngan song 'gro lam dang mi khob brgyad po thams cad gcod// de ni lha dang / mi dang mi'i lam rnams rab tu 'byed cing rnam par sbyangs/ long bar mi 'gyur 'on par ma yin dbang po thams cad tshang bar 'gyur// gang zhig byang chub 'jug cing blo gros ldan pa sems can skyabs gnyen te/ sangs rgyas mthong zhing de dag la yang mchod mkhas pa chos nyan// shes rab ye shes ldan zhing blo ni shin tu rlabs che chen por 'gyur/ the tshom nem nur med cing nga rgyal bral ba rtag tu dang por 'gyur// gang zhig byang chub sems bskyed 'di 'dra'i dpal gyi byang chub 'jug pa de/ 'dod pa'i dga' ba dag rnyed par mi 'gyur chos la dga' ba brnyed/ de ni 'jig rten dri mas gos par mi 'gyur chu las pad+ma zhig/ shes rab ye shes yon tan rnams kyis ngoms phyir zhing tshol bar byed/ byang chub zhugs nas snying rje mtha' yas gang zhig zad par mi nus pa/ skyabs dang dpung gnyen dag rang sems can rnams kyi pha mar 'gyur/ de ni 'gro ba sman pa slob dpon bla ma ded dpon chen por 'gyur/ 'jig rten dang ni 'jig rten 'das pa'i sman pa byin nang rnams zhi bar byed/ sha ra dwa ti'i bu de nas rgyal po bsod nams kyi rnam par smin pa yongs su dag pa des/ de bzhin gshegs pa rnam par gzigs de las byang chub kyi sems kyi yon tan dang / phan yon dang / bsod napa tshad med pa 'di thos nas/ rtsis zhing mgul yid rangs so
- 335b
rab tu dga' ba ste/ dga' ba dang / yid bde ba skyes nas/ bsam pa thag pa nas/ bla na med pa yang dag par rdzogs pa'i byang chub tu sems bskyed de/ bud med kyi 'khor de dag dang / bu mthu bo dang / blon po dang / mkhar gyi rgyal po dang / skye bo tshogs chen po de la/ tshigs su gcad pa 'di dag smras so// sems can dag la snying rje byams bskyed nas/ nga ni/ byang chub dam pa mchog la zhugs/ gang zhig gang la dga' ba yid 'ong 'dod/ de ni byang chub sems brtan yang dag bskyed/ ma rigs sbyor ba sdug bsngal gyur pa yis/ sngon chad 'khor wa bya ba ma shes kyis/ byang chub mchog gi lam du zhugs shig dang / sems can brtson pa sdug bsngal bde bar 'gyur/ gang dag rdzu 'phrul spobs pa yis dang / shes rab 'khor dang de bzhin mchod pa dang / sangs rgyas rnams gzigs yon tan dpag med pa/ 'di dag thams cad mkhyen pa'i sems las byung / lha mi 'jig rten bde ba gang dag dang / brgya byin tshangs pa 'khor los sgyur ba dang / gang dag zag bcas zag pa med pa'i bde/ 'di dag thams cad mkhyen pa'i sems las byung / bsdud dang bsam gtan de ltar tshad med gang / de bzhin gang dag pha rol phyin lam dang / mngon shes rig dang so so yang dag rig/ 'di dag thams cad mkhyen pa'i sems las byung / stobs/ bcu sangs rgyas kha tog bsam yas dang / gang dag de bzhin gshegs pa'i mi 'jigs dang / gang dag sangs rgyas chos yangs dpag med pa/ de kun rnam dag sems
- 336a
las nges par byung / gang zhig zhing rnams bye ba bskyed pa dang / thams cad dbyangs kyis go bar byed pa dang / 'od dang bkod pas dri med rgyas 'dod/ pa/ mkhas pa des ni byang chub sems bskyed cig/ mkhas pa gang zhig byang chub sems bskyed pa/ phyogs rnams kun tu mchod pa'i 'os su 'gyur/ de bzhin gshegs pa rnams kyis bsngags par 'gyur/ gsol ba ma btab 'gro ba'i bshes su 'gyur/ gal te sangs rgyas thams cad gzigs pa yis/ bskal pa mang por bsngags pa brjod kyang go/ byang chub sems las bsod nams gang bya ba/ brjod pas zad par 'gyur ba ma yin no// rgyal po bsod nams kyi rnam par smin pa yongs su dag pas/ tshigs su bcad pa de dag smras ma thag tu/ de nas srog chags bye ba khrag khrig phrag dgu bcu rtsa gnyis pa de dag dang / rgyal po'i btsun mo'i 'khor de dang / bu khri po de dag gis bla na med pa yang dag par rdzogs pa'i byang chub tu sems bskyed do// stong gsum gyi stong chen po'i 'jig rten gyi khams de yang rnam pa drug g.yos so// lha bye ba khrag khrig bcus kyang rjes su yi rang ngo zhes bya ba'i sgra byung nas/ bla na med pa yang dag par rdzogs pa'i byang chub tu sems bskyed do// 'khor los sgyur ba'i rgyal po des phyis kyang lo bye ba phrag bcur/ de bzhin gshegs pa rnam par gzigs de la bde bar sbyar ba thams cad kyis sti steng du byas so// bla mar byas so// ri mor/
- 336b
byas so// mchod do// tshangs par spyad pa bslab pa'i gnas lnga yongs su blangs so// rtag tu rgyun mi chad pa de bzhin gshegs pa de la chos nyan pa'i phyir g.yon/ dang bcas te 'dod pas chos nyan to// des phyi zhig na bu thu bo rgyal por bcug nas skra dang / kha spu bregs te/ gos ngur smin bgos nas/ yang dag par dad pas khyim nas khyim med par rab tu byung ngo // de de ltar rab tu byung nas 'di lta ste/ bden pa'i tshig dang / chos kyi tshig dang / don gyi tshig dang / 'dul ba'i tshig dang / tshig mi zad pa bzhi po 'di dag gi yi ge'i mtshams sbyar ba la yongs su 'jal lo// de lo bye ba tshang bar dpyod pa la mkhas pa'i rjes su song ngo // rgyal po rab tu byung ba des rjes su bslabs nas/ de na stong gsum gyi stong chen po'i 'jig rten gyi khams// kyi sems can bgrang ba las shin tu 'das pa dag de bzhin gshegs pa rnam gzigs de'i gsung rabs la rab tu byung ngo // sha ra dwa ti'i bu de'i tshe de'i dus na rgyal po bsod nams kyi rnam par smin pa yongs su dag pa zhes bya bar gyur pa de bzhin zhig yin snyam du sems na de ltar mi lta ste/ bu mo rin chen 'di nyid do// de bzhin gshegs pa rnam par gzigs de las bu mo rin chen 'dis byang chub du sems bskyed do// sha ra dwa ti'i bus gsol pa/ bcom ldan 'das las kyi sgrib pa ji lta bu zhig gis bu mo 'dis bud med kyi dngos po yongs su bzung / bcom ldan 'das
- 337a
kyis bka' stsal ba/ sha ra dwa ti'i bu byang chub sems dpa' dag ni las kyi sgrib pas bud me kyi dngos po yongs su mi 'dzin to// de ci'i phyir zhe na/ sha ra dwa ti'i bu byang chub sems dpa' ni sems can yongs su smin par bya ba'i phyir/ mngon par shes pa dang / rig pa dang / ye shes dang shes rab kyi stobs kyi bud med kyi dngos po yongs su 'dzin to// sha ra dwa ti'i bu 'di la ji snyam du sems/ bu mo rin chen 'di bud med do snyam du yang yang mi blta'o// sha ra dwa ti'i bu bu mo rin po che 'di sngon par shes pa'i stobs can gyi byang chub sems dpa' blta ste/ de la ni bud med kyi chos dang skyes pa'i chos med do// bu mo 'di ni dge ba'i chos thams cad dang ldan no// 'ong ba med do// 'gro ba med do// sha ra da ti'i bu bu mo rin chen 'dis ni 'dzam bu gling 'dir/ bu mo gzhon nu dgu khri bla na med pa yang dag par rdzogs pa'i byang chub tu yongs su smin par byas so// de nas bu mo rin chen gyis tshe dang ldan pa sha ra dwa ti'i bu la 'di skad ces smras so// btsun pa sha ra dwa ti'i bu bud med kyi lus kyis sems can rnams la chos ston pa mi spyod dam/ sha ra dwa ti'i bus smras pa/ bu mo bdag ni skyes pa'i lus 'di nyid kyang mi 'dod na/ bud med kyi lus yongs su gzungs pa lta ci smos/ bu mos smras pa/ btsun pa sha ra dwa ti'i bu lus la smong dam/ smras pa bu mo spod do// smras pa de bas na/ btsun
- 337b
shA ra dwa ti'i bu byang chub sems dpa' ni sems can las khyad par du 'phags so// de ci'i phyir zhe na/ 'di ltar gang nyan thos kyis spyad pa de la ni byang chub sems dpa'/ mi med do// nyan thos kyis spod kyo// byang chub sems dpa' ma yin pa gang zhe na/ phung po dang / khams dang / skye mched la nyan thos smod kyi/ byang chub sems dpa' nim yin no// lus yongs su gzung ba la nyan thos smod kyi byang chub sems dpa' ni ma yin no// 'khor ba yongs su gzung la nyan thos smod kyi/ byang chub sems dpa' ni ma yin no// skye ba gnas pa nyan thos smod kyi/ bsams bzhin du skye ba yongs su gzung ba la byang chub sems dpa' ni ma yin no// bsod nams mngon par 'du bya ba la nyan thos smod kyi/ bsod nams kyi tshogs sog pas mi ngoms pa la ni byang chub sems dpa' ma yin no// sems can dang 'dre ba la nyan thos smod kyi/ sems can thams cad yongs su smin par bya ba'i phyir/ 'du 'dzi la byang chub sems dpa' ni ma yin no// grong dang grong khyer du 'jug pa la nyan thos smod kyi/ grong dang grong khyer dang / grong rdal dang yul 'khor dang pho brang 'khor du 'jug pa la byang chub sems dpa' ni ma yin no// rang gi nyon mongs pa la nyan thos smod kyi/ sems can thams cad kyi nyon mongs pa la byang chub sems dpa' ni ma yin no// btsun pa sha ra dwa ti'i bu de ltar na gang la nyan thos spong ba de dang de la byang chub sems dpa' ni ma yin no// sha ra da ti'i bus smras pa/ bu mo stobs gang gis de
- 338a
smod par mi 'gyur ba'i byang chub sems dpa'i stobs gang yin/ bu mos smras pa/ btsun pa sha ra dwa ti'i bu brgyad po 'di dag ni/ byang chub sems/ dpa'i stobs te/ des de stod par mi 'gyur ro// brgyad gang zhe na/ khong khro ba med pa'i sems kyis byams pa'i stobs dang / sems can yongs su smin par byed pas snying rje'i stobs dang / bcos ma ma yin pas lhag pa'i bsam pa'i stobs dang / nyon mongs pa dang bral bas/ shes rab kyi stobs dang / yongs su mi skyo bas thabs kyi stobs dang / zhum pa med pas bsod nams kyi stobs dang / gti mug dang bral bas ye shes kyi stobs dang / sngon dam bcas pa nyams 'og tu chud par byed pas brtson 'grus kyi stobs dang / btsun pa sha ra dwa ti'i bu brgyad po de dag ni byang chub sems dpa'i stobs te/ stobs de dag gis de mi smod do// gnas gtan gyis smras pa ci bu mo khyod stobs 'di lta bu dang ldan nam/ bu mos smras pa/ btsun pa sha ra dwa ti'i bu ldan te/ gang mnyam pa nyid kyis mnyam par gnas so// btsun pa sha ra dwa ti'i bu gang mnyam pa de ni stobs ma yin no// nyam chung ba ma yin te/ de ni mnyam pa nyid do// gang mnyam pa nyid de la ni tha dad bya ba chung zad kyang med do// mnyam pa zhes bya ba ni nam mkha' ste/ chos thams cad ni ma mkha' dang mnyam mo// ji ltar na na mkha' snang ba med cing bla gab med pa de bzhin du/ chos thams cad kyang na mkha' ltar snang ba med cing / bla gab med pa'o// ga ltar mnyam pa nyid
- 338b
de ni nyam chung ba ma yin/ stobs dang ldan pa ma yin mod kyi/ 'on kyang btsun pa sha ra dwa ti'i bu byang chub sems dpa' gang nyam chung ba de ni stobs dang ldan pa'o// de ci'i phyir zhe na/ gang nyon mongs pa nyam chung ba de ni ye shes kyi stobs dang ldan pa'o// gang ser sna nyams chung de ni sbyin pa'i stobs dang ldan pa'o// gang dang tshul ngan pa nyam nub ba de ni tshul khrims kyi stobs dang ldan pa'o// gang gnod sems nyam chung ba de ni bzod pa'i stobs dang ldan pa'o// gang le lo chung ba de ni brtson 'grus kyi stobs dang ldan pa'o// gang g.ye ba nyam chung ba de ni bsam gtan gyi stobs dang ldan pa'o// gang 'chal pa'i shes rab nyam chung ba de ni shes rab kyi stobs dang ldan pa'o// de bzhin du chos thams cad de gang dang gang las byang chub sems dpa' mi dge ba nyam chung ba de dang de las dge ba'i stobs dang ldan no// de nas bcom ldan 'das kyis/ bu mo rin chen la legs so zhes bya ba gnang ste// bu mo legs so legs so// ji ste bstan pa lta na de ltar bstan par bya'o// bstan pa 'di bshad pa na/ byang chub sems dpa' lnga brgya bzod pa skyes so// de bcom ldan 'das la bu mo rin chen gyis 'di skad ces gsol to// bcom ldan 'das gang de bzhin gshegs pa'i stobs bcu po de dag dge ba'i rtsa ba gang gis de bzhin gshegs pa'i stobs bcu dang ldan par 'gyur/ de skad ces gsol pa dang / bcom ldan 'das kyis bu mo rin chen la 'di
- 339a
skad ces bka' stsal to// b+h+yo byang chub sems dpa' gang gi phyir/ byang chub sems dpa'i spyad pa spyod pa na/ theg pa dman pa 'dod cing bya ba ma yin pa byed par 'gyur ba 'di ni gnas ma yin te skabs med do// de yi dam bcas pa la brtan pa laM brten pa'i stobs 'di ldan pas/ byang chub snying po mchog dam par song nas/ gnas dang gnas ma yin pa mkhyen pa'i stobs thob ste/ gnas la yang gnas dang / gnas ma yin pa la yang gnas ma yin par yang dag par ji lta ba bzhin du/ rab tu shes pa 'di ni/ de bzhin gshegs pa'i stobs dang po ste/ stobs de thob pas de bzhin gshegs pa 'khor gyi nang du seng ge'i sgra yang dag par sgrogs te/ khyu mchog gi gnas su dam 'cha' zhing / dge sbyong ngam/ bram ze 'am lha 'am/ bdud dam/ tshangs pa 'am/ gang gis kyang 'jig rten du chos dang mthun par ma bskor ba'i tshangs pa'i 'khor lo rab tu bskor ro// dge ba'i rtsa ba chud mi gson pa'i stobs 'di dang ldan pas/ byang chub thob pa na/ bdag dang sems can gzhan rnams dang / gang zag gzhan rnams dang / gang zag gzhan dag gi gnas rnams pa du ma rjes su dran pa mkhyen pa'i stobs yang dag pa ji lta ba bzhin du shes pa 'di ni/ de bzhin gshegs pa'i stobs brgyad pa'o// bu mo gzhan yang byang chub sems dpa'i spyad pa spyod pa na/ sems can gang yang spa 'gong par mi byed la/ ma slabs pa la dbang mi
- 339b
za zhing / sems can thams cad la snang bar gyur pa yin no// de snang ba'i stobs 'di dang ldan pas byang chub thob pa na/ lha'i mig gi shes pa yang dag pa ji lta ba bzhin du rab tu shes pa 'di ni/ de bzhin gshegs pa'i stobs dgu pa'o// bu mo gzhan yang byang chub sems dpa' byang chub sems dpa'i spyad pa spyod pa na/ sems can gang gi zag pa 'phel ba'i phyir yang gnas pa mu gyi/ zag pa zad par bya ba'i phyir sems can rnams la chos ston to// zag pa 'phel bar bya ba'i phyir ma yin gyi/ zag pa med pa'i lam gyi sems can rnams la lam nye bar ston to// de mos pa zag pa med pa'i stobs 'di dang ldan pas byang chub thob pa na/ dag pa thams cad zad pa mkhyen pa yang dag pa ji lta ba bzhin du rab tu shes pa 'di ni de bzhin gshegs pa'i stobs bcu pa'o// bu mo de dag de bzhin gshegs pa'i stobs bcu ste/ byang / chub sems dpa' de dag rdzogs par byas nas/ stobs bcu dang ldan pa'i de bzhin gshegs par 'gyur ro// bu mo de lta bas na/ byang chub sems dpa' de bzhin gshegs pa'i stobs bcu rab tu dbyed pa 'di dag thos nas/ de bzhin gshegs pa'i stobs bcu po 'di dag yongs su rdzogs par bya ba'i phyir/ ci nas kyang dge ba'i rtsa ba rnams la 'jug par bya'o// bcom ldan 'das labu mo rin chen gyis yang 'di skad ces gsol to// bcom ldan 'das gang mi 'jigs pa bzhi dang
- 340a
sangs rgyas kyi chos ma 'dres pa bcom rgyad po 'di dag dang ji ltar ldan na/ byang chub sems dpa' mi 'jigs pa bzhi dang / sangs rgyas kyi chos ma 'dres pa bco brgyad rab tu thob par 'gyur bcom ldan 'das kyis bka' stsal pa/ bu mo 'di la byang chub sems dpa'i spyad pa spyod pa na/ gzhan gyis shes par mi bya'o// snyam nas/ slob dpon nam yang chos yang 'chab par mi byed de/ sems can thams cad la sems snyoms par yin/ bdog pa thams cad yongs su gtong zhing chos mnyam pa nyid du mthong ba yin/ tha dad pa'i 'du shes dang bral ba yin te/ de byang chub thob pa nas seng ge'i sku yang dag par sgrog ste/ nga yang dag par rdzogs pa'i/ sangs rgyas so zhes dam bcas pa la/ chos 'di lta bu zhig mngon par rdzogs par sangs rgyas so zhes 'dir nga la dge sbyong ngam/ bram ze bam/ lha 'am/ bdud dam/ tshangs pa'am/ su 'ang rung ste/ 'jig rten na chos dang / 'thun pas rgol bar 'gyur ba'i mtshan ma de yang dag par rjes su mthong bas/ de bzhin gshegs pas bde ba brnyes pa dang / 'jigs pa med pa brnyes pa dang / mi 'jigs pa brnyes pa yin te/ 'khor gyi nang du seng ge'i sgra yang dag par sgrogs cing / khyu mchog gis gnas su dam 'chab ste/ dge sbyong ngam/ bram ze 'am/ lha 'am/ bdud dam/ tshangs pa 'am/ gang gis kyang 'jig rten du chos dang 'thun par ma bskor ba'i// tshangs pa'i 'azho
- 340b
lo rab tu bskor ba 'di ni/ bu mo de bzhin gshegs pa'i mi 'jigs pa dang po'o// bu gzhan yang byang chub sems dpa' byang chub sems dpa'i spyad pa spyod pa na/ bar du bcod pa la bar du bcos pa'i chos su yang dag pa ji lta ba bzhin du rab tu shes te/ de bar du gcod pa'i chos la mi ston to// mi 'jug go// mi spyod do// gzhan dag la yang mi 'chad do// mi ston to// bar du gcod pa'i chos su shes nas spong ngo // de byang chub thob pa na seng ge'i sgra sgrog ste/ gang ngas bar du gcod pa'i chos su gsungs pa de dag la sten pa la ni bar du gcod pa ma yin no// zhes bya ba'i gnas med de/ 'di nga la gang yang rgol bar 'gyur ba zhes bya ba ni snga ma bzhin te/ 'di ni mi 'jig pa gnyis pa'o// bu mo gzhan yang byang chub sems dpa'i byang chub sems dpa'i spyad pa spyod pa na/ rtag tu rgyun mi 'chad par dkar po'i chos la mos pa yin te/ rnam par byang ba'i lam du zhugs shing / sems can thams cad la rnam par dag pa'i chos ston te/ yon tan gyi chos nyid mngon gsum du gyur pa yin no// yan lag gi tshogs gang dag gis rnam par byang ba la/ rnam par dag pa'i lam gnon par 'gyur ba'i yan lag gi tshogs de dag la bdag kyang spyod pa/ sems can gzhan la yang ston to// de byang chub thob pa na seng ge'i sgra sgrog ste/ gang ngas rnam par byang ba rnam par dag pa'i chos su gsungs pa'i de dag la ni rnam par dag pa ma yin//
- 341a
zhes bya ba'i gnas med de/ 'di nga la su rung rgol bar 'gyur zhes bya ba ni snga ma bzhin te/ 'di ni mi 'jigs pa gsum pa'o// bu mo gzhan yang byang chub sems dpa'i spyad pa spyod pa na/ bdag gis shes shing mthong gi/ gzhan gyi mi mthong ngo zhes mngon pa'i nga rgyal du yang mi ltung ste/ rtag tu rgyun mi chad par mngon pa'i nga rgyal med cing sdig pa 'byed pa blo sbyangs pa yin no// de chos kyi sbyin pa 'di dang ldan pas byang chub thob pa na/ seng ge'i sgra sgrog ste/ nga zag pa zad do// zhes dam bcas pa la zag pa 'di lta bu zhig yongs su ma zad do// zhes bya ba de lta bu'i gnas med do// 'dir nga la su yang rgol bar 'gyur ba zhes bya ba ni snga ma bzhin te/ 'di ni mi 'jigs pa bzhi pa'o// bu mo gzhan yang byang chub sems dpa' byang chub sems dpa'i spyad pa spyod pa na/ rtag tu rgyun mi chad par lam ston pa'i sems can rnams la/ lam mtshon par byed de/ lam g.yas gi g.yon mchod rten la mar me yang 'bul lo// sems can ltung ba'i 'gyod pa la gnas pa rnams kyi ltung ba'i 'gyod pa sel to// kun nas ldang ba med pa byed do// gzhan gyi ltung ba byung gleng bar mi byed do// chos la dogs pa skyed pa'i sems can rnams la dogs pa thams cad gcad pa'i phyir ston te/ the tsom dang / yid gnyis dang / nem nur med par byed do// chos kyi snang ba sgrub po// shes rab kyi nas mngon dam na mi mnyam pa mnyam par byed do// rngam pa dang rdo sdegs kyang 'dogs so// mtshan mo mun pa mun nag gi nang na// de bzhin gshegs pa'i
- 341b
snang ba chen po yang snang bar skyed do// sangs rgyas dang byang chub sems dpa' dang / chos smra ba thams cad la chos bstan par gsol ba 'debs te/ chos yang / dag par 'dzin cing sgyu med pas legs so// zhes bya ba brjod do// sems can gang lA la yang mi 'phya'o// thing slad mi byed do// chos la shed mi byed pa dang / sdang ba dang / mgo myos pa dang rmongs par mi byed do// skye bo'i nges pa'i tshig la dbang bar 'khrul pa'i bskabs mi tshol lo// de chos yang dag par blangs pa 'di tshig thams cad sangs rgyas kyi gsungs du mos so// yi ge gsog dang / yi ge stong pa nyid kyis tshig tu brjod pa thams cad la skyon du lta ba ma yin no// 'khrul pa'i bskabs mi tshol lo// de chos yang dag par blangs pa'i dang ldan pas byang chub thob pa na/ 'khrul pa med pa zhes bya ste/ dris pa thams cad lung bstan pa ston pa dag la de la med cing kun tu snang ba'i ting nge 'dzin shin tu bsgoms pa'i phyir sgra skad thams cad du 'jug pa'i gzungs la mkhas pas/ rtag tu rgyun mi chad par de bzhin gshegs pa 'khrul pa med pa'i tshig gis chos ston pa yin te/ thams cad du khyad par lung ston pa 'di ni/ bu mo de bzhin gshegs pa'i sangs rgyas kyi chos ma 'dres pa dang po'o// bu mo gzhan byang chub sems dpa'i spyad pa spyod pa na/ tshig gis skyon thams cad spangs pa yin te/ bden pa smra
- 342a
chos smra don smra/ 'dul ba smra zhing mor cor mi smra/ byung rgyal mi smra te/ 'phags pa ma yin pa'i gtam thams cad spangs nas/ 'phags pa'i mi thob cing dge sbyongs gis chos kyi bya ba rtsod pa med pa la zhugs ste/ chos gang nyan cing yongs rgol ba dang / gzhan yang ston pa de dag thams cad bdag dang gzhan dag zhi ba dang / nye ba zhi bar bya ba'i bsam pas yongs su tshol lo// rtsod pa med med par lhur len pa'i phyir de su yang mi 'thob mi cod do// dgrar mi tshol lo// dgra med pa'i chos la mos pa yin no// brjod du med pa'i chos rnams la 'jug go/ de bzhin gshegs pa'i ye shes lhun gyis grub pa la mngon par dad do// sems can gzhan yang chos nyid 'di yang dag par 'dzin du 'jug go/ de chos yang dag par blangs pa'i 'di dang ldan pas/ byang chub thob pa/ na ca co med pa zhes bya ste/ de la de med pa yin no// yi ge 'bru cig kyang mi brjod cing mi smra la sgra skad thams cad dang / nges pa'i tshigs gis bstan pa dag la yang lhun gyis grub pa nyid du legs par bshad pas/ 'khor tshim par byed do// rnam par 'phrul pa'i rgyal po'i ting nge 'dzin shin tu bsgoms pa dang sgo mtha' yas pa'i bsgrub pa'i gzungs la mkhas pas/ de bzhin gshegs pa'i gnas thams cad dang / mtshan thams cad dang / dpe'i byad bzang po thams cad dang /
- 342b
sru'i khung bu thams cad nas/ sangs rgyas kyi chos kyi sgra dbyangs bsam gyis mi khyab pa 'byung ste/ tha na sgra cig gis kyang 'khor thams cad kyi sems tshim par byed pa'i chos kyi sgo dpag tu med pa bstan pa 'byung zhing / sngon gyi smon lam gyi byin gyi rlabs dang / ye shes kyi stobs kyis de ni de bzhin gshegs pa rnam par mi rtog cing btang snyoms te/ lhun gyis grub pa 'di ni/ bu mo de bzhin gshegs pa'i sangs rgyas kyi chos ma 'dres pa gnyis pa'o// bu mo gzhan yang byang chub sems dpa' byang chub sems dpa'i spyad pa spyod pa na/ 'di lta ste/ sangs rgyas rjes su dran pa dang / dge 'dun rjes su dran pa dang / tshul khrims rjes su dran pa dang / btong ba rjes su dran pa dang / lha rjes su dran pa'i dran pa drug po dang mi 'bral ba yin no// sems can gzhan yang dag par rjes su dran pa 'di dag yang dag par 'dzin tu 'jog go// de chos yang dag par blangs pa'i di dag ldan pas/ byang chub thob pa na/ de bzhin gshegs pa bsnyel pa med pa zhes bya ste/ de la de med pa yin no// chos thams cad la dbang sgyur ba'i ting nge 'dzin du bsgoms pa dang / chos kyi sgron ma'i gzungs la mkhas pas rtag tu rgyun mi chad pa'i de bzhin gshegs pa/ la sten pa med pa'i chos can yin no// gal te sems can thams cad kyis bskal par bsam te/ snga phyi med par the tsom dri ba tha dad pa de bzhin gshegs pa la yongs su
- 343a
dris kyang de 'di bshad do// 'di bstan to// snrums du mi sems mi rtog/ rtag tu marmongs shing dran pa'i dbang pos sgra skad thang cig yud/ tsam gcig la legs par bshad pas sems can thams cad tshim par byed pa 'di ni/ bu mo de bzhin gshegs pa'i sangs rgyas kyi chos ma 'dres pa gsum pa'o// bu mo gzhan yang byang chub sems dpa' byang chub sems dpa'i spyad pa spyod pa na/ rtag tu rgyun mi 'chad par pha rol gyi sems bsrung ba'i yin te/ gzhan gyi sems 'khrugs bar mi byed/ sems la gdung bar mi byed/ sems la dmigs par mi byed/ dge ba'i rtsa ba'i bar du gcod par mi byed/ chos la dmigs par mi byed cing / thams cad sgyu ma lta bur mos te/ g.yo ba med rlom sems med cing / sems can thams cad la sems snyoms pa yin/ chos mnyam pa nyid du mthong ste/ chos kyi dbying 'dris pa cing / ro gcig pa la zhugs pa yin no// de chos yang dag par blangs pa 'di dang ldan pas byang chub thob pa na/ sems bskyed pa gcig tsam yang mnyam par ma bzhag pa med pa yin te/ chos thams cad rang bzhin gyis pa nyid rnam par spros pa med pa'i ting nge 'dzin shin tu bsgoms pa dang / kun nas 'khyil ba'i gzugs la mkhas pas mnyam par bzhag cing lhun gyi grub pa'i tshul gyis/ de bzhin gshegs pas sangs rgyas kyi mdzad pa la 'jug pa 'di ni/ bu mo de bani/
- 343b
gshegs pa'i sangs rgyas kyi chos ma 'dres pa bzhi pa'o// bu mo gzhan yang byang chub sems dpa'i byang chub sems dpa'i spyad pa spyod pa na/ phyin ci log gi/ 'du shes med pa yin te/ sems phyin ci log med/ lta ba phyin ci log med/ med pa la sgro 'dogs pa'i phyin ci log med pa yin/ bdag tu 'du shes pa ma yin/ sems can du 'du shes pa ma yin/ srog tu 'du shes pa ma yin/ gso bar 'du shes pa ma yin/ gang zag tu 'du shes pa ma yin/ shed las skyes par 'du shes pa ma yin/ shed bur 'du shes pa ma yin/ chad par 'du shes pa ma yin te/ rtag par 'du shes pa ma yin/ 'byung ba 'du shes pa ma yin/ 'jig par/ 'du shes pa ma yin/ dge ba dang mi dge ba dang / kha na mtho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'jig rten pa dang 'jig rten las 'das pa dang / kun nas nyon mongs pa dang / rnam par byang ba dang / 'khor ba dang / mya ngan las 'das pa la gnyis su 'du shes/ pa ma yin la/ 'du shes la chags shing zhen pa'i sems can rnams la 'du shes phyin ci log spong bar ston kyang / che ba dang / tha dad pa'i 'du shes dang bral ba yin/ mtha' lta ba thams cad rnam par spangs te/ dbu ma'i lam la zhugs pa yin/ chos mnyam pa nyid mthong ba yin no// chos yang dag par blangs pa dang ldan pas/ byang chu
- 344a
thob pa na/ de bzhin gshegs pa la tha dad pa'i 'du shes med pa zhes bya ste/ de la de med pa yin no// mtshan ma med pa'i ting 'dzin shin tu bsgoms pa dag / mi zad pa'i za ma rtog gi gzungs la mkhas pas/ de bzhin gshegs pa'i gnas pas gnas kyang / mtshan ma thams cad la 'du shes kyi 'dzin pa dang / rnam par rtog pa la spyod pa'i sems can rnams la snying rje chen po mi ldog ste/ sems can 'dul ba'i dus la yang rub cing chos ston pa'i rgyun yang mi gcod pa 'di ni/ bu mo de bzhin gshegs po'i sangs rgyas kyi chos ma 'dres pa lnga pa'o// bu mo gzhan yang byang chub sems dpa' byang chub sems dpa'i spyad pa spyod pa na/ rtag tu rgyun tu mi chad par btang snyoms pa yin te/ 'khor ba na spyod pa'i nyon mongs shing / sdug bsngal ba'i chos thams cad la de btang snyoms pas/ bde ba dang yid bde thams cad kyi gnas kyi chos la rjes su rjes dran la chags pa yang med/ sdug bsngal dang yid mi bde ba'i gnas kyi chos thams cad la khong khro ba med de/ rjes su chags pa dang / khong khro ba dang bral bas/ don thams cad rnyed cing 'byor kyang khyengs par mi 'gyur/ don thams cad yongs su nyams kyang 'dud mi 'gyur/ 'du byed thams cad la mi rtag pa dang / sdug bsngal byar so sor rtog cing / bdag med pa dang / mya ngan las 'das pa ni ni ba'o zhes mos to// btang snyoms pa yin no// sems can gzhan yang btang snyoms kyi chos nyid
- 344b
de lta bu yang dag par 'dzin du 'jug go/ de chos yang dag par blangs pa 'di dang ldan pas/ byang chub thob pa na/ de bzhin gshegs pa la ma rtogs pa'i btang snyoms med pa zhes bya ste/ de la btang snyoms de med pa yin no// gnyis las chags pa las rnam par grol ba'i ting nge 'dzin shin du bsgoms pa dang / rgya mtsho'i phyag rgya'i gzugs la mkhas pas/ de bzhin gshegs pa lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / brgya byin dang tshangs pa dang / 'jig rten skyong ba dang / mi dang mi ma yin pa thams cad kyis stod cing / sti bstang du byas te/ mchod cing ri mor byas kyang rjes su chags pa med// bdud dang / gzhan mu stegs can dang / phas kyis rgol ba dang / mche ba can gyi sems can thams cad kyis krugs shing gnod par byas kyang khong khro ba med la/ sems mtshungs shing mnyam pa yin te/ phan 'dogs pa dang / gnod par byas las dang / mtshungs pa'i sems dang / chu dang tshungs pa'i sems dang / me dang mtshungs pa'i sems dang / rlung dang mtshungs pa'i sems kyis khengs par mi 'gyur/ 'dud par mi 'gyur zhing mi 'khrugs te/ na mkha' dang tshungs pa'i sems kyis mnyam pa nyid du sbyor zhing / sems can thams cad la btang snyoms par gnas pa yin no// de chos nges par sems dpa'i btang snyoms 'di dang ldan pas/ sems can thams cad la snying rje
- 345a
chen po mi ldog ste/ sems can 'dul ba'i dus la yang rub cing ci rigs par chos ston pa'i rgyun yang mi gcod pa/ 'di ni bu mo// de bzhin gshegs pa'i sangs rgyas kyi chos ma 'dres pa drug pa'o// bu mo gzhan yang byang chub sems dpa' byang chub sems dpa'i spyad pa spyod pa na/ rtag tu/ rgyun mi chad par mos pa drag po yin te/ dge ba'i rtsa ba thams cad yongs su tshol mos pa rlabs po che dang / mos pa rgya chen po dang / mos pa zab mos dge ba'i rtsa ba sna tshogs bskrun par mos so// nyan thos dang rang sangs rgyas kyi sa yongs su spong bar mos so// theg pa chen po las phyir mi ldog par mos so// sems can thams cad la snying rje chen po btang ba yid la byed pa mi 'dor bar mos so// rang gis rtog cing sgrub kyi/ gzhan gyi dring la mi 'jog par sangs rgyas kyi chos yang dag par sgrub par mos te/ bdud dang / gzhan mu stegs can dmigs pa can lta ba la mngon par zhen pa thams cad dang / sems can thams kyis de mos pa de las mos pa dang / bral bar mi nus so// de chos yang dag par blangs pa 'di dang / ldan pas/ byang chub thob pa na/ de bzhin gshegs pa smos nyams pa med pa zhes bya ste/ de la de med pa yin no// mos pa'i ting nge 'dzin spong ba'i 'du byed kyi ting nge 'dzin rtag tu bsgoms pa dang / rdo rje mtshan gyi gzungs la mkhan
- 345b
pas dbang skur ba'i phyir/ chos thams cad kyis nang nas bstan par bya ba de ston to// gang du skad cig thang cig yud tsam gis dus gang dang / nyi tshod gang dang / sems can gyis rgyun gang dang gang du la snod ji lta ba bzhin du ci rigs par chos ston kyang ma nyams par gzhag pa'i gnas kyang mi 'dor ba 'di ni/ bu mo de bzhin gshegs pa'i sangs rgyas kyi chos ma 'dres pa bdun pa'o// gzhan yang byang chub sems dpa' byang chub sems dpa'i spyad pa spyod pa na rtag tu rgyun mi chad par brtson 'grus brtsams pa yin te/ rtag tu brtson par mi 'dor/ dge ba'i rtsa ba yang dag par bsgrub cing / sbyor bas ngoms mi myong / byin gyis rlabs pa'i rtsom pa la rtul cing bla ma dang / dge ba'i bshes gnyen dang / chos smra ba dang / sangs rgyas dang / byang chub sems dpa' thams cad kyi gan du 'grol/ yongs su 'dri ba dang / bsnyen bkur bya ba dang / mchod pa'i las dang / bskal pa tshad med par 'khor ba yongs su gzung bar bya ba dang / sems can tshad med pa yongs su smin par bya ba dang / sangs rgyas kyi zhing tshad med pa yongs su sbyangs pa dang / sangs rgyas tshad med pa la mchod cing rim gror bya ba dang / sangs rgyas kyi chos tshad med pa yang dag par gzung ba dang / sangs rgyas kyi chos tshad med pa mngon par rdzogs pa'i byang chub par bya ba dang / sems can gyi spyod pa tshad med pa la 'jug par bya ba dang /
- 346a
sangs rgyas kyi chos tshad med pa bstan pa la mkhas par bya ba'i phyir/ de brtson 'grus de tshad med par byas pa yin no// de chos yang dag par blangs pa 'di dang / ldan pas/ byang chub thob pa na/ de bzhin gshegs pa la brtson 'grus nyams pa med pa zhes bya ste/ de la de med pa yin no// brtson 'grus kyi ting nge 'dzin shin tu bsgoms pas/ sems can tshad med pa gzud cing 'dul ba'i phyir/ de bzhin gshegs pa'i rdzu 'phrul gyi cho 'phrul gyis/ rdzu 'phrul gyi yul gyi 'phrul rnam par 'khrul pa khyu mchog tu gyur pa/ tshad med pa ston kyang de'i rdzu 'phrul de tshogs pa med/ sgrib pa med pa/ thogs pa med par sangs rgyas kyi zhing thams cad du 'gro ste/ mngon par phyogs kyang mngon par 'du byed cing thams cad du rgyu ba na mkha'i mtha' klas pa 'di ni/ bu mo de bzhin gshegs pa'i sangs rgyas kyi chos ma 'dres pa brgyad pa'o// / bu mo gzhan yang byang chub sems dpa' byang chub sems dpa'i spyad pa spod pa na/ rtag tu rgyun mi chad par dran pa/ phun sum tshogs shing / dran pa shes bzhin mchog dang ldan pa yin te/ de'i dran pa brjod pa med pa yin/ 'jig rten dang 'jig rten las 'das pa'i chos thams cad la dran dran pa nye bar bzhag pa bsgom pa'i rnal 'byor la brtson pa yin no// de nang gi lus la lus kyis rjes su lta zhing gnas te/ mi rtag pa dang / sdug bsngal ba dang / bdag med pa dang / mi sdug pa'i rnam par
- 346b
yid la byed cing sbyor ro// phyi'i lus dang / phyi nang gi lus lus la lus kyi rjes su lta zhing gnas te/ mi rtag pa dang / sdug bsngal ba dang / bdag med pa dang / maM/ sdug pa'i rnam par yid la byed cing sbyor ro// nang gi tshor ba rnams la tshor ba'i rjes su lta zhing gnas te/ stong pa'i rnam par yid la byed cing sbyor ro// de bzhin du phyir tshor ba dang phyi nang gi tshor ba rnams la tshor ba'i rjes su lta zhing gnas te/ stong pa'i rnam par yid la byed cing sbyor ro// nang gi sems la sems kyi rjes su lta zhing gnas te/ mtshan ma med pa'i rnam par yid la byed cing sbyor ro// phyi nang gi sems la sems kyi rjes su lta zhing gnas te/ mtshan ma med pa'i rnam par yid la byed cing sbyor ro// nang gi chos rnams la chos kyi rjes su lta zhing gnas te/ smon pa med pa'i rnam par yid la byed cing sbyor ro// phyi'i chos dang / phyi nang gi chos rnams kyi rjes su lta zhing gnas te/ smon pa med pa'i rnam par yid la byed cing sbyor ro// lus la zhugs pa'i dran pa nye bar bzhag pa sgom ste/ mi rtag pa dang / sdug bsngal ba dang / bdag med pa dang / mi sdug pa'i rnam par yid la byed cing sbyor yang / de bzhin gshegs pa'i sku yongs su bsgrub pa'i phyir/ lus kyi las legs par sbyor ba'i rgyun kyang mi gcod do// tshor ba la zhugs pa'i dran pa nye bar bzhag pa sgom ste/ stong pi rnam par yid la byed cing spyir yang / ngan song thams cad du skyes pa'i sems can rnams la lta bas sdug bsngal gyi tshor ba thams
- 347a
cad rgyun gcad pa'i phyir/ sems can de dag la snying rje chen po'i rgyun kyang mi gcod do// sems la zhugs pa'i dran pa nye bar bzhag pa sgom ste/ mtshan ma med pa'i rnam par yid la byed cing sbyor yang / byang chub sems kyang mi brjed la/ theg pa chen po'i tshogs yang dag par sgrub pa'i rgyan kyang mi gcod do// chos la zhugs pa'i dran pa nye bar bzhag pa sgom ste/ smon pa med pa'i rnam par yid la byed cing sbyor yang / 'dod chags dang bral ba'i chos nyid kyang mngon sum du mi byed la/ sangs rgyas kyi chos dang yang 'tshams pa yin te/ chos kyi dbyings mtha' dang dpung med pa la yang dag par 'jug go/ de chos yang dag par blangs ba 'di dang ldan pas/ byang chub thob pa na/ de bzhin gshegs pa la dran pa nyams pa zhes bya ste/ de la de med pa'i yin no// spong ba'i 'du byed dang ldan pa'i ting nge 'dzin shin tu sgoms pas/ de bzhin gshegs pa kun bstan pa'i cho 'phrul gyis/ sems can thams cad kyi sngon gyi mtha' dang / phyi ma'i mtha' dang / de ltar byung ba'i sems gcig tu rgyud pa dang / dbang po dang / khams dang / mos pa gcig tu rgyud pa dang / nyon mongs pa spyod pa'i bag chags dang / bsam pa dang / bag la nyal ba dang / kun nas bkris pa dang / dge ba dang / mi dge ba'i las kyi rnam par smin pa gcig nas gcig tu brgyud pa dang / tshe dang 'chi 'pho ba dang /
- 347b
skye ba gcig nas gcig tu brgyud pa dang / bskal pa dang zhing du sangs rgyas gcig nas gcig tu brgyud pa dang / nyan thos 'dus pa dang / byang chub sems dpa'i spyod pa'i lun bstan pa gcig nas gcig tu brgyud pa dang / pha ma dang / nye du dang snag gi gnyen 'tshams gcig nas gcig tu brgyud pa bstan pa la dran pa'i dbang po thogs med cing rmongs pa med pa yin te/ thams cad du phyed par lung ston pa 'di ni/ bu mo de bzhin gshegs pa'i sangs rgyas kyi chos ma 'dres pa dgu pa'o// bu mo gzhan yang byang chub sems dpa' byang chub sems dpa'i spyad pa spyod pa na/ rtag tu rgyun mi chad par shes rab spyod pa yin te/ shes rab kyi 'od dang / shes rab kyi snang ba dang / shes rab kyi spyod pa dang / shes rab kyi dbang dang / rna ba'i shes rab dang / zab pa'i shes rab dang / nges par rtogs pa'i shes rab dang / mi thul ba'i shes rab dang / zil gyis mi non pa'i shes rab dang / nyan thos dang / rang sangs rgyas thams cad kyis gting dpag bka' ba'i shes rab dang / yangs shing rgya che la sems snyoms pa'i shes rab dang / lhag pa'i shes rab dang / bdag tshul gzhan yid la byed kyi lung mnos pa med pa'i shes rab dang / thos pa tshol bas ngoms mi myong ba'i shes rab can te/ zos kyang shes rab kyi khong du chud cing rtogs te/ 'gro'i thod la me 'bar ba bzhin du sti bstang du byed cing thos pa 'tshol la/ thos pa snying por byed pa yin/ thos pa bsags pa yin/ chos 'dod cing chos la dga' bas/ dga' zhing mos
- 348a
pa yin/ dam pa'i chos yongs su tshol ba la brtson pa yin te/ de chos 'dod pa des phyi nang gi dngos po gang yang yongs su mi btong ba med do// de bla ma la rim gro bya ba mi byed pa gang yang byed do// de sdug bsngal gyi phung po mi bzod pa gang yang med do// de bde ba'i yo byad mi 'dor ba gang yang med do// de chos 'dod pas des tshigs bzhi pa'i tshigs su bcad pa cig nyan pa la dga' ba yin te/ stong gsum gyi stong gsum gyi chen po'i 'jig rten gyi khams rin po ches yongs bkang ba la ni ma yin no// chos kyi tshig la shin tu dga' ba yin no// chos kyi tshig la shin tu dga' ba yin te/ 'khor los sgyur ba'i rgyal po thob pa la ni ma yin no// rol tu phyin pa'i lam nyan pa la shin tu dga' ba yin te/ brgya byin dang tshangs pa thob pa la ni ma yin no// tshigs bzhi pa'i tshogs su bcad pa gcig gzhan dag la ston par byed pa la shin tu dga' ba yin te/ gang ga'i klung gi bye mo snyed kyi bstan pa med pa'i mchod sbyin byed pa la ni ma yin no// gzhan dag byang chub kyi sems yang dag par 'dzin du 'jug pa la dga' ba yin te/ 'khor los sgyur ba'i rgyal srid gang ga'i klung gi bye ma snyed thob pa la ni ma yin no// gzhan dag la pha rol phyin pa dang / rab tu ldan pa'i chos kyi gtam rab tu ston pa la ston pa yin te/ brgya byin dang / tshangs pa gang gi'i klung gi bye ma snyed thob pa yin no// de lhag pa'i bsam pa de lta bu la zhugs pas skyes
- 348b
byed cing chos nyan to// sti snang byed cing gzhan la ston to// de de ltar mngon par brtson par tshigs chung ngur lhas yongs su bzung ba yin/ sangs rgyas thams cad kyis dgongs pa yin no// de lhas yongs su bzung zhing sangs rgyas kyi dgongs pas/ 'jig rten pa dang / 'jig rten las 'das pa'i gtsug lag thams cad bdag nyid la mngon sum du 'gyur ba yin no// de shes rab kyi snang ba'i sgo zang mi shes pas snang ba yin no// de chos snang ba'i sgo 'di dang ldan pas/ byang chub thob pa na/ de bzhin gshegs pa shes pa la shes rab nyams pa med pa zhes bya ste/ de la de med pa yin no// de shes sems can thams cad kyi sems kyi spyod pa shes pa dang / dge ba dang mi dge ba dang / lung du ma bstan pa dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa dang / kun nas nyon mongs pa dang / rnam par byang ba dang / 'khor ba dang / mya ngan las 'das pa dang / chos kyi sgo thams cad khong du chud cing rtogs pa bstan pa shes pa dang / zhing thams cad kyi rdul phra rab thams cad dang / mnyam pa'i bstan pa shes pa dag la/ de'i shes pa thogs pa med cing sgom pa yin no// de'i shes rab de sngon gyi mtha' dang / phyi mi'i mtha' dang / de ltar byung ba'i dus la chags pa med
- 349a
med cing slob pa med de/ thogs pa med do// phyi'i mthar de bzhin gshegs pa rnams la bstan kyang thug pa med do// dpyod pa'i 'du byed kyi ting nge 'dzin shin tu bsgoms pas rjes su bstan pa'i cho 'phrul gyis/ de bzhin gshegs pa'i chos sgo gcig las/ chos kyi sgo thams cad snang zhing / chos kyi sgo thams cad chos kyi gcig gis yang dag par sgrub pa 'di ni/ bu mo de bzhin gshegs pa'i sangs rgyas kyi chos ma 'dres pa bcu pa'o// bu mo gzhan yang byang chub sems dpa' byang chub sems dpa'i spyad pa spyod pa na/ rtag tu rgyun mi chad par khyim gyi gnas don du mi gnyer ba yin/ 'dod pa don du mi gnyer ba yin te/ de khyim nas 'byung bar dga' zhing rab tu 'byung ba mang ba yin/ dben pa la zhol/ dben pa la 'bab/ dben pa la bab cing chos zab mo bsgom pa'i rnal 'byor la brtson te/ de stong pa nyid dang / mtshan ma med pa dang / smon pa med pa dang / rnam par thar pa'i sgo gsum po 'di dag sgom mo// gang phas kyi rgol ba thams cad kyi yul ma yin/ zhing mi rtogs pa dang / dmigs par lta ba/ mtshan ma la mngon par dga' ba thams cad kyis rtogs par mi 'gyur ba'i/ rnam par thar pa'i sgo gsum po de dag bsgoms pas/ sgrib pa med pa zhes bya ba'i rnam par thar pa kun tu skye'o// chags pa med pa'i shes rab kyi snang ba yang rab tu 'thob po// bdud kyi yul las kyang shin tu 'da'o// ye shes kyi yul yang yongs su rdzogs par byed do// sgrib pa dang chod pa dang / kun na/
- 349b
bkris pa dang / lta ba dang / nyon mongs pa dang / mtshan ma thams cad la mi spyod do// de sgrib pa med pa'i rnam par thar pa rab tu thob cing / rnam par thar pa'i sgo gsum la rnam par rtson pas/ chos zab mo ston pa yin no// don la ton pa yin gyi/ tshigs 'brul ston pa ma yin no// ye shes la rton pa yin gyi/ rnam par shes pa la rton pa ma yin no// nges pa'i don la rton pa yin gyi drang ba'i don la rton pa ma yin no// chos nyid la rton pA gyi/ gang zag gi la rton pa ma yin no// sems can thams kyi rten du gyur pa yin te/ yi ge dang rnam par rtog pa la chags shing zhin pa la rton pa bstan nas yongs su thar par byed do// rnam par shes pa'i mtshan ma la chags bzhin pa la ye shes la rton nas yongs su thar par bye'o// drang bar sgo bstags pa chags zhen pa la nges pa'i don la rton pa bstan nas yongs su thar par byed do// gang zag la mngon par zhen cing chags zhen pa la/ chos nyid la rton pa bstan yongs su thar par byed do// ltar bar song ba drug bcu rtsa gnyis la chags zhen pa la/ stong pa nyid bstan nas yongs su thar par byed do// rnam par rtog pa'i sgrib pa thams cad la chags zhen pa la mtshan med pa bstan nas yongs su thar par byed do// khams gsum la chags zhen pa la smon pa med pa bstan nas yongs su thar par byed do// 'dod chags kyi chags zhen pa la mi sdug pa'i rnam pa bstan nas/ yongs su thar par byed do// zhe sdang spyod pa la zhen pa la byams pa bstan nas yongs su thar par byed do// gti mug spyod pa la
- 350a
spyod pa la chags zhen pa la rten cing 'brel par 'byung ba bstan nas yongs su thar par byed do// ser sna rgyags zhen pa la sbyin pa'i pha rol tu phyin phyin pa bstan nas yongs su thar par byed do// ngan pa'i ngang tshul la chags zhen pa la tshul khrims kyi pha rol tu phyin pa bstan nas yongs su thar par byed do// gnod sems la chags zhen pa la bzod pa'i pha rol tu phyin pa bstan nas yongs su thar par byed do// le lo la chags zhen pa la brtson 'grus kyi pha rol tu phyin pa bstan nas yongs su thar par byed do// g.yeng ba la chags zhen pa la bsam gtan gyi pha rol tu phyin pa bstan nas yongs su thar par byed do// 'chal pa'i shes rab la chags zhen pa la shes rab kyi pha rol tu phyin pa bstan nas yongs su thar par byed do// so so skye bo'i sa la chags zhen pa la 'phags pa'i bden pa'i bstan nas yongs su thar par byed do// phyin ci log la chags zhen/ pa la mi rtag pa dang / sdug bsngal ba dang / bdag med pa dang / zhi ba bstan nas yongs su thar par byed do// sgrib pa dang chod pa dang / kun nas bkris pa dang / lta ba thams cad la chags zhen pa la sgrib pa med pa'i rnam par thar par bstan nas yongs su thar par byed do// nyon mongs pa thams cad la chags zhen pa la byang chub kyi phyogs kyi chos bstan nas yongs su thar par byed do// de chos yang dag par blangs pa 'di dang ldan pas/ byang chub thob pa na/ de bzhin gshegs pa la rnam par grol ba rnams pa med pa zhes bya ba ste/ de la med pa yin no// de'i
- 350b
rnam par grol ba de mi 'khrugs shing shin tu mthar thug ste/ dpa' rlabs med la shin tu bsil ba'i dngos por grub zab cing ste/ zhi gnas nyan thos dang rang sangs rgyas thams cad kyis gting dpag dka' ba yin/ sangs rgyas thams cad dang / mnyam pa nyid rjes su song ba yin/ dri ma med cing dri ma dang bral te/ rnyog pa med pa shin tu yongs su dag pa yin// zhi gnas dang lhag mthong gis rnams la shin tu yongs su sbyang ba byas pas/ zad mi shes pa yin/ bstan pa mtha' yas mu med pa yin/ chags pa med cing sgrib pa yin// namakha'i dbyings su yang dag par 'du ba yin te/ dri ma med pa'i snying po'i ting nge 'dzin shin tu bsgoms pa dang / chos thams cad snang ba dang ldan pa'i gzungs la mkhas pas de bzhin gshegs pa thams cad kyi rnam par grol ba'i mtshan gyi chos bstan pa dang / rgyu 'thun pa yin te/ thams cad las byung zhing chos thams cad kyi snang ba dang ldan pa yin te/ mya ngan las 'das pa la bab pa yin te/ shin tu zlar thug cing mthar phyin pa 'di ni/ bu mo de bzhin gshegs pa'i sangs rgyas kyi chos ma 'dres pa bcu gcig pa'o// bu mo gzhan yang byang chub sems dpa' byang chub sems dpa'i spyad pa spyod pa na/ ye shes kyi lhur len pa te/ ye shes kyi stobs dang / ye shes la 'bab pa dang / ye shes kyi byin dang / ldan pa yin no// de'i ye shes de ni nyams par med par 'gro ba'i mngon par shes pa yongs su sbyangs pa byas pa
- 351a
las nges par byung ba'o// thams cad mkhyen pa'i ye shes kyis rnam par dpyod pa'i blo dang ldan pa yin te/ thams cad mkhyen pa'i kyis/ rnam par spyod pa'i blo dang ldan pas/ 'dod chags dang bcas pa'i sems la yang / 'dod chags dang bcas pa'i sems su yang dag pa ji lta ba bzhin du rab tu shes so// 'dod chags dang bral ba'i sems la yang / 'dod chags dang bral ba'i sems su yang dag pa ji lta ba bzhin du rab tu shes so// de bzhin du zhe sdang dang bcas pa dang / zhe sdang med pa dang / gti mug dang bcas pa dang / gti mug med pa dang / nyon mongs pa dang bcas pa dang / nyon mongs pa med pa dang / 'khor byed dang bcas pa dang / 'khor byed med pa dang / zang zing dang bcas pa dang / zang zing med pa dang / mchog tu 'dzin pa dang bcas pa dang / mchog tu 'dzin pa med pa dang / bla ma dang bcas pa dang / bla ma med pa dang // sgrib pa dang bcas pa dang / sgrib pa med pa dang / lung bstan pa dang lung ma bstan pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa dang / kun nas nyon mongs pa can dang / kun nas nyon mongs pa can ma yin pa dang / rnam par dag pa dang / rnam par ma dag pa dang / chung ngu gyur pa dang / mtha' dang bcas pa dang / mtha' yas pa dang / ser sna dang / ldan pa dang / gtong ba dang ldan pa dang /
- 351b
ngang tshul ngan pa'i sems dang / tshul khrims la sbyor ba'i sems dang / gnod sems kyi bag la nyal dang / gnod sems med pa dang / le lo dang / brtson 'grus dang ldan pa dang / g.yeng ba dang / mnyam par bzhag pa dang / 'chal pa'i shes rab dang / shes rab dang ldan pa dang / so so'i skye bo'i sems can dang / log pa'i nyid du nges pa dang yang dag pa nyid du nges pa dang / nyan thos dkyi theg par nges pa dang / rang sangs rgyas kyi theg par nges pa dang / theg pa chen por nges pa yang dag pa ji blta ba bzhin du rab tu shes so// 'di ni sdug bsngal 'phags pa'i bden pa'o zhes yang dag pa ji lta ba bzhin du rab tu shes so// 'di ni sdug bsngal kun 'byung ba/ 'di ni sdug bsngal 'gog pa/ 'di ni sdug bsngal 'gog par 'gro ba'i lam mo zhes yang dag pa ji lta ba bzhin du rab tu shes so// mi skye ba shes pas sdug bsngal 'phags pa'i bden pa rab tu shes so// shin tu kun tu/ mi rgyu ba shes pas kun rab tu shes pas kun 'byung ba rab shes so// chad pa med cing rtag pa med pa shin tu skad cig pa/ 'gog pa shes pas 'gog pa rab tu shes so// thams cad kyi rjes su song ba nam mkha' yang dag par 'du ba bdag gi byed pa med cing yongs su 'dzin pa/ shin tu rnam par dag pa'i shes pas lam rab tu shes so// de'i 'phags pa'i bden pa bzhi po 'di dag de ltar yang dag pa ji lta ba bzhin du rab tu shes kyang / sems can yongs su smin par bya ba'i phyir/
- 352a
mngon gsum du yang mi byed la/ bden pa yongs su shes pa dang / spong ba dang / bsgom pa dang / mngon gsum du bya ba'i phyir/ sems can rnams la chos ston to// de'i chos bstan pa de bden pa'i rjes su 'thun pa yin/ rten cing 'brel bar 'byung ba dang / 'gal ba med pa yin/ mtha' lta ba thams cad yongs su spangs pa/ yin/ dbu mi'i lam la zhugs pa yin/ rten pa'i chos mngon gsum du gyur pa yin te/ de chos thams cad rgyu dang bcas shing / rkyen dang bcas pa'i kho na las kyi/ bdag gi kha na las pa ma yin/ bdag gi kha na las pa ma yin/ sems can gyi kha na las pa ma yin/ srog gi kha na las pa ma yin/ gso ba'i kha na las pa ma yin/ skye bu'i kha na las pa ma yin/ gang zag gis kha na las pa ma yin par rab tu shes so// de ma rig pa'i rkyen gyis 'du byed rnams rab tu shes so// 'du byed kyi rkyen gyis rnam par shes pa dang / rnam par shes pa'i rkyen gyis ming dang gzungs dang / ming dang gzungs kyi rkyen gyis skye mched drug dang / skye mched drug gi rkyen gyis reg pa dang / reg pa'i rkyen gyis tshor ba dang / tshor ba'i rkyen gyis sred pa dang / sred pa'i rkyen gyis len pa dang / len pa'i rkyen gyis sred pa dang / srid pa'i rgyun gyis skye ba dang / skye ba'i rkyen gyis rga shi dang / mya ngan dang sde sngags 'don pa dang / sdug bsngal ba dang / 'khrugs pa rnams 'byung ste/ de ltar sdug bsngal gyi phung po chen po 'dres pa 'di 'byung bar rab tu shes so// de ma rig pa
- 352b
'gag pa nas rga shi 'gag pa'i bar dang / de ltar sdug bsngal gyi phung po chen po ma 'dres pa 'di 'gag par 'gyur ba'i rab tu shes so// de 'di la yang dag par slob pa dang / gang ma rig pa'i rkyen las byung ba de ni/ bdag gi rkyen las byung ba ma yin/ sems can gyi rkyen las byung ba ma yin/ srog dang / gso ba dang / gang zag gi rkyen las drung ba ma yin no// gang bdag gi rkyen las byung ba ma yin pa nas/ gang zag gi rkyen las byung ba ma yin pa'i bar de ni stong pa'o// stong pa gang yin pa de ni chad pa ma yin/ rtag pa ma yin no// chad pa ma yin/ rtag pa ma yin pa gang yin pa de ni gdod ma nyid nas ma skyes tham byung ba'o// gdod ma nyid nas ma skyes ma byung ba gang yin pa de ni dus gsum du brjod du medado// dus gsuM du brjod du med pa gang yin pa de ni/ dngos po med pa'i ngo bo nyid do// dngos po med pa'i ngo bo nyid gang yin pa de bgrang ba med cing bgrang ba las shin tu 'das pa'o// bgrang ba med cing bgrang ba las shin tu 'das pa gang yin pa de ni don dam pa'o// don dam pa gang yin pa de sangs rgyas kyis bka' yang dag pa'o// sangs rgyas kyi bka' yang dag pa gang yin pa de 'thob pa med cing brtson pa med pa'o// mtha' pa med pa cing rtsod pa med pa gang yin pa de dge sbyong gis chos so// gang dge sbyong gi chos gang yin pa de na mkha' dang mtshungs pa'i rang bzhin du des de ltar shes shing gnas te/ tshul bzhin ma yin/ kun 'byung bas ma rig pa/ kun 'byung ba rab tu shes so// ma rig pa 'gag pa nas
- 353a
rga shi 'gag pa'i bar du rab tu shes te/ rgyu dang rkyen tshogs pa'i shes pas/ chad par lta bar sbyor ba ma yin gyi/ bdag med pa dang / sems can med pa dang / srog med pa dang / gang zag med pa'i chos kyi rjes su song ba yin/ mtha' khas mi len/ nye bar mi 'dzin/ mi dmigs so// mtha' mi dmig pas/ dbus yang dag par rjes su mthong ngo // chos gang la mtha' mi dmigs pa de la dbus yod par ga la 'gyur te/ de'i mtha' ci 'dra ba zhig snyams nas/ de mtha' dang dbus med pa'i chos rnams la 'jug go/ chos kyi dbyings mtha' dang / dbus dang bral bas/ mtha' dang dbus med pa'i chos ston pa'o// yin no// de chos yang dag par blangs pa pa 'di dang ldan pas/ byang chub thob pa na/ de bzhin gshegs pa la rnam par grol ba'i/ ye shes mthong ba/ nyams med pa zhes bya ste/ de la de med pa yin no// stobs dkod pa'i ting nge 'dzin shin tu bsgoms pa dang / mtha' yas 'khyil pa'i gzungs la mkhas pas/ de'i rnam par grol ba ye shes mthong ba// mthong ba de chos chos kyi dbyings mtha' dang dbus med par 'du ba yin/ gnas dang gnas ma yin pa bstan pa rnams la/ na mkha'i dbyings ltar rgya che zhing rnam par mi rtog la/ lhun gyis grub pa yin/ 'das pa dang / ma 'ongs pa dang / de ltar byung ba'i las yang dag par blangs pa zhes pa rnams la rnam par smin pa chung mi za bar ston pa yin/
- 353b
sems can thams cad kyi dbang po dang / brtson 'grus kyi rim pa shes pa bstan pa rnams la mngon gsum du gyur pa yin/ khams sum pa dang / khams sna tshogs pa'i 'jig rten bstan pa rnams la shin tu rnam par gon+da mi za bar ston pa yin/ mos pa du ma dang / mos pa sna tshogs shes pa bstan pa/ rnams la mi zad par ston cing 'jug pa yin/ kun tu 'gro ba'i lam shes pa bstan pa rnams la phyogs kyi dra ba thams cad rnam par dbye ba rgyas par byed cing phyed par lung ston pa yin/ bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba dang / ldang ba shes pa bstan pa rnams la/ chos kyi sgo bsam gyis mi khyab par rnam par gzhag pa ston pa yin/ sngon gnas pa rnams pa du ma rjes su dran pa shes pa bstan pa rnams la/ sems can thams cad 'chi 'pho ba dang / tshe dang skye ba rab 'bring tha ma/ thog ma'i mtha' chags pa med cing sgrib pa med pa'i ye shes ston pa yin/ thogs med cing sgrib pa med pa'i lha'i mig shes pa bstan pa rnams la/ kun tu rnam par lta ba thams cad du shin tu yongs su sbyangs pa'i lung bstan pa ston pa yin/ zag pa thams cad zad pa shes pa bstan pa rnams luH bag chags kyi mtshams sbyor ba ma lus spang ba shes pa ston pa yin/ mi 'jigs pa shes pa bstan pa rnams la/ zil gyis mi non pa ston pa yin/ snying rje chen po'i
- 354a
stobs shes pa bstan pa rnams la sangs rgyas kyi mdzad pa thams cad du bya ba med cing / sbyor ba mtshungs par mnyam pa rgyun mi gcod pa stan pa yin/ so so ci rigs par chos bstan pa rnams la/ lhun gyis grub pa'i ye shes kyi rnam par 'phrul pa ston pa yin/ sems can thams cad yongs su smin par byed cing / 'dul ba'i phyir mi zad pa'i chos kyi 'khor lo rab tu skor ba'i ye shes kyi yul bstan pa rnams la zab mo dang / sna tshogs dang / snrel zhing rgyu ba dang / shes rab dang / thabs dang / stobs dang / rnam par 'phrul pa'i ye shes ston pa yin/ nyan thos dang rang sangs rgyas thams cad dang / thun mong ma yin/ bu mo 'di ni de bzhin gshegs pa'i sangs rgyas kyi chos ma 'dres pa bcu gnyis pa'o// bu mo gzhan yang byang chub sems dpa' byang chub sems dpa'i spyad pa spyod pa na/ ye shes kyis byas pa'i las rnams byed kyi/ nga rgyal gyis byas pa rnams mi byed de/ de ye shes kyis lus kyi las byed pa 'di lta ste/ 'khu ba dang / g.yo ba dang / gya gyu dang / tshul 'tshos pa pa thams cad mi byed do// snang ba med cing chags pa med pa yin/ rtag tu tshangs par spyod cing / de lus kyis las byed pa ni 'di lta ste/ brtson 'grus btsams pas byang chub dang 'thun te/ bdag dang gzhan la gnod pa mi byed pa yin/ pha rol tu phyin pa'i rgyu mthun pas snying rje chen po la sbyor zhing / rtag tu sems can gyi don la
- 354b
brtson te/ lus kyi las de lta bu dang ldan pa yin no// de chos yang dag par blangs pa 'di dang ldan pas/ byang chub thob pa na/ de bzhin gshegs pa'i lus kyi las thams cad sngon gyis ye shes 'gro zhing / ye shes kyi rjes su 'brang ba zhi bya ste/ de la de yod do// gzugs thams cad kun tu ston pa'i ting nge 'dzin shin tu bsgoms pa dang / kun nas snang ba'i gzungs la mkhas pas/ de bzhin gshegs pa kha togs du ma dang / kha dog sna tshogs dang / gzugs dang / dbyings dang / chu zheng ston pa'i lus kyis/ lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong dang / bram ze dang / rgyal rigs dang / rje'u rigs dang / dmangs ris dang / dge slong dang / dge slong ma dang / dge snyen dang / dge snyen ma dang / srog chags brgya stong du ma lhags pa'i 'khor 'dus pa thams cad du spyod lam tshad med pa dang / kha tog dang / rtags dang / dbyibs gnas pa/ mchod dam pa/ gtso bo// gya nom pa'i lus bstan nas/ thams cad dang ldan pa'i 'khor la chos kyi btam kun tu ston to// yang dag par 'dzin tu 'jug go// gzengs stod do// rab tu dag par byed do// kun tu bstan yang dag par 'dzin du bcug gzengs bstod/ rab tu dga' bar byas nas/ mi snang bar byed do// mi snang bar gyur kyang song bar shes
- 355a
pa yang med do// 'khor 'dus pa de dag tu 'dus shing 'dug ste/ sgra'am cang mi sgra yang rlung 'ongs par yang med do// de las ltabs / ngoms mi myong ngo // des bstan pa la dga' ba dang / mchog tu dga' rab tu rgya chen po yang rnyed do// 'dod pa la dga' zhing rtse ba dang / yul dang longs spyod thams cad la mi lta ba yid la byed sbyor ro// mi snang bar gyur na lta ba dang / mnyan pa'i phyir bsgoms par 'gyur ro// de la lta bas sgom pa dang / chos nyan 'dod pa de yang / zag pa med pa'i lus kyi las dang / ngag gi las dang / yid kyi las 'thob pa'i rgyur 'gyur te/ bu mo 'di ni de bzhin gshegs pa'i sangs rgyas kyi chos ma 'dres pa bcu gsum pa'o// bu mo gzhan yang byang chub sems dpa' byang chub sems dpa'i spyad pa spyod pa na/ ye shes kyis byas pa'i las rnams byed kyis/ nga rgyal gyis byas pa rnams mi byed de/ de ye shes kyis ngag gi las byed pa ni 'khu ba dang / g.yo dang / gya gyu dang / tshul chos pa thams cad mi byed de/ bden par smra zhi phra ma dang / ngag rtsub po dang / tshig kyal pa mi smra ba yin/ phan pa'i tshig dang / ngan pa'i tshig dang / chos kyi tshig dang / de'i tshig de dag smra ste/ tshig des bdag dang / gzhan gdung bar mi 'gyur ro// tshig gang sangs rgyas kyi rjes su gnang ba dang ldan pa'i tshig smra ste/ tshig des sems can thams cad tshim par byed do// de mi gshe mi tshig ste/ ye shes dang rab tu ldan pa'i tshig dang
- 355b
ldan pa yin gyi/ nga rgyal dang rab tu ldan pa ma yin no// de chos yang dag par blangs 'di dang ldan pas/ byang chub thob pa na/ de bzhin gshegs pa dag gi las thams cad sngon du ye shes 'gro zhing ye shes kyi rjesu 'brang ba zhes bya ste/ de la de yod do// rin po che chen po'i byung gnas kyi ting nge 'dzin shin tu bsgoms pa dang / 'khor gsum gyis gzungs la mkhas pas/ de bzhin gshegs pa dag gi las ci yang mi brjod kyang / de skad thams cad las sgra bstan dang / 'khor thams cad kyi sem kyi bsam pa tshim par byed pa'i sgra 'byung ngo // de bzhin gshegs pa de dag thams cad kyi gsung sgra dang dbyangs ni/ don dang ldan pa/ chos dang ldan pa/ bden pa dang 'thun pa/ rten cing 'brel bar 'byung ba dang / mi 'gal ba yid du 'byung ba dang / 'dod chags dang bral ba dang / 'thun pa nye bar zhi bar 'gyur ba/ 'bras bu yod pa nas mya ngan las 'das pa'i bar gyi rgyur gyur pa yin te/ bu mo 'di ni de bzhin gshegs pa'i sangs rgyas kyi chos 'dres pa bcu bzhi pa'o// bu mo gzhan yang byang chub sems dpa' byang chub sems dpa'i spyad pa spyod pa na/ rtag tu rgyun mi chad par ye shes kyis byas pa'i las rnams byed kyi nga rgyal gyis byas pa rnams mi byed do// de ye shes kyis yid kyi las byed pa ni 'khu ba dang / g.yo dang / tshul chos pa thams cad mi byed do// brnab sems dang / gnod sems dang / log pa
- 356a
lta ba dang / zhing yang dag par lta ba yin/ byams pa dang / snying rje la gnas te/ sems can thams cad la sems snyoms shing / byang chub kyi sems brjed pa med pa yin no// de ye shes dang rab tu ldan pa'i yid dang ldan pa yin gyi/ nga rgyal dang rab tu ldan pa ma yin no// de chos yang dag par blangs pa 'di dang pas/ byang chub thob pa na/ de bzhin gshegs pa'i yid kyi las thams cad sngon du 'gro zhing ye shes kyi rjes su 'brang ba zhes bya ste/ de la de yod do// da ltar byung ba'i sangs rgyas mngon sum du bzhugs pa'i ting nge 'dzin shin tu bsgoms pa dang / rnyog pa med med pa'i gzungs la mkhas pas/ de bzhin gshegs pa sems gcig gis sems can thams cad kyi sems rab tu shes so// sems can thams cad sgyu ma lta bu dang / sems can thams cad rang bzhin gyi 'od gsal ba'i phyir/ rang gi sems mnyam pa nyid kyis 'od gsal ba'i phyir/ rang gi sems mnyam pa nyid kyis sems can thams cad kyi sems mnyam pa nyid khong du chud pa yin no// sems can thams cad kyi sems mnyam nyid kyis/ rang gi sems mnyam pa nyid khong du chud pa yin no// lus thams cad gzugs bstan lta bu'i phyir rang gi lus kyi chos nyid kyis/ rang gi sems mnyam pa// sems can thams cad kyi lus kyi chos nyid/ rang gi lus chos nyid du khong du chud pa yin no// rang gi lus sems can thams cad kyi lus kyi rjes su 'jug cing yang dag par 'du ba
- 356b
yin no// sems can thams cad kyi lus rang gi lus kyi rjes su 'jug cing yang dag par 'du ba yin no// sems can thams cad kyi lus sangs rgyas kyi skur byin gyis rlob po/ de'i byin gyis rlabs de ni lha dang bcas pa'i 'jig rten dang bdud dang bcas pa dang / tshangs pa bcas pa dang / dge sbyong dang bram zer bcas pa'i skye dgu dang / lha dang mi dang lha ma yin du bcas pa'i 'jig rten gang gis kyang g.yos pa 'am/ bskyod par mi nus te/ bu mo 'di ni de bzhin gshegs pa'i sangs rgyas kyi chos ma 'dres pa bcwo lnga pa'o// bu mo gzhan yang byang chub sems dpa' byang chub sems dpa'i spyad pa spyod pa na/ 'das pa'i de bzhin gshegs pa rnams kyi ye shes chags pa med pa thob pa na/ mos shing yid ches te/ the tsom mi za/ nem nur med cing / mi sdang la kun du mi sdang zhing / mi skrag la kun tu skrag par 'gyur te/ sangs rgyas kyi yul bsam gyis mi khyab pa la yang mos pa yin no// de bzhin gshegs pa dgra bcom pa yang dag par rdzogs pa'i sangs rgyas kyi de dag gi lus kyi las dang / lus kyi spyod lam yongs su dag pa/ chags pa med cing sgrib pa med pa/ 'jig rten gyi khams rab 'byam thams cad kyi rjesu song ba la mos so// 'das pa'i de bzhin gshegs pa de dag gi las 'jig rten gyi khams thams cad du khyab pa'i dbyangs sgra brjod pa/ chags pa med cing / sgrib pa med la/ bsam kyis mi khyab pa thams cad dang / sangs rgyas kyi sgra skang/
- 357a
dang / dbyangs dang / chos kyi sgo tshad med pa bstan pa thams cad kyi rjes su song ba la mos so// 'das pa'i de bzhin gshegs pa de dag gi sems kyi las dus thams cad dang / zhing thams cad dang / sangs rgyas thams cad dang / chos thams cad dang / sems can thamasad dang / byang chub sems dpa' thams cad dang / nyan thos dang / rang sangs rgyas thams cad dang / 'gro ba thams cad kyi las kyi rnam par smin pa shin tu rnam par phye ba dang / rnam par 'byed pa la mos so// 'das pa'i de bzhin gshegs pa de dag gi 'od zer gyi dra ba bkod pa/ chags pa med cing sgrib pa med pa la yang mos shing yid ches te/ the tsom mi za/ nem nur med cing / mi sdang la kun tu mi sdang zhing / mi skrag la kun tu skrag par mi 'gyur te/ sangs rgyas kyi yul bsam gyis mi khyab pa la yang mos so// sems can gzhan dag kyang mos pa'i chos nyid rnam pa 'di lta bu yang dag par 'dzin du 'jug go// de chos yang dag par blangs pa 'di dang ldan pas byang chub thob pa na/ 'das pa'i dus la de bzhin gshegs pa'i ye shes mthong ba chag/ pa med cing thogs pa med pa 'jug pa zhes bya ste/ de la de yod do// dpa' bar 'gro ba'i ting nge 'dzin shin tu bsgoms pa dang / gzi brjid dang ldan pa'i gzungs la mkhas pas/ de bzhin gshegs pa 'das pa'i de bzhin gshegs pa rnams kyi mtshan tha dad pa dang / tshe'i tshad dad pa go rims bzhin du brda' sprod pa'i mtha' ni mi rtogs so// 'di ni de
- 357b
bzhin du 'das pa'i byang chub sems dpa' rnams dang / nyan thos rnams dang / rang sangs rgyas rnams dang / sems can rnams dang / sems can gyi spyod pa rnams dang / sems na gyi/ spyod pa byed pa'i lus kyi rnam par smin pa so sor myong ba dang / de bzhin du 'das pa'i bskal pa thams cad de bskal pa gang dag sangs rgyas dang bcas pa dag dang / bskal pa gang dag sangs rgyas med pa dag dang bskal pa gang dag la de bzhin gshegs pa dgra bcom pa yang dag par rdzogs pa'i sangs rgyas ji snyed byung ba'i bskal pa de dag go// rims bzhin du brda' sprod pa'i mtha' ni mi rtogs so// de bzhin du 'das pa'i 'jig rten gyi khams thams cad kyi ming tha dad pa dang / kun nas nyon mongs pa can dag dang / gang dag rnam pa gang dag chu ba dag dang / gang dag cher gyur pa dag dang / gang dag phra ba dag dang / gang dag rags pa dag dang / gang dag rdul phra rab la 'jig pa'i rjes su zhugs pa dag dang / gang dag spyi'i rmugs pa dag dang / gang dag 'thun pa dag dang / gang dag phyogs mtshams rnam par gzhag pa dang / mi 'phrul rnam par dbye ba la 'jug pa'i rjes su zhugs pa/ 'das pa'i 'jig rten gyi khams de dag thams cad kyi go rims bzhin du brda' sprod pa'i mtha' ni mi rtogs so// de la de bzhin gshegs pa'i lung bstan pa thams cad la rmongs pa med de/ lag 'thil dang / sor mo lnga mthong ba'i tshul du de bzhin gshegs pa'i ye shes kyis/ thams cad shes te/ bu mo 'di ni de bzhin gshegs pa'i
- 358a
sangs rgyas kyi chos ma 'dres pa bcu drug pa'o// bu mo gzhan yang byang chub sems dpa' byang chub sems dpa'i spyad pa spyod pa na/ ma 'ong / pa'i de gshegs pa rnams kyi ye shes chag pa med pa thos nas/ mos shing yid ches te/ the tsom mi za/ nem nur med cing / mi sdang mi skrag/ skrag par mi 'gyur te/ sangs rgyas kyi yul gyi bsam gyis mi khyab pa la yang mos pa yino// ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas de dag gi lus dang / lus kyi las dang / lus kyi spyod lam yongasu dag pa/ chags pa med cing sgrib pa med la/ bsam gyis khyab rab 'byam thams cad kyi rjes su song ba la mos so// 'ongs pa'i de bzhin gshegs pa de dag ngag gi las 'jig rten gyi khams thams cad du khyab pa'i dbyangs brjod pa chags pa med cing / sgrib pa med la/ bsam gyis mi khyab pa thams cad dang / sangs rgyas kyi sgra skad dang dbyangs dang / chos kyi sgo tshad med pa bstan pa thams cad kyi rjes su song ba la mos so// ma 'od pa'i de bzhin gshegs pa de dag gi sems kyi las dus thams cad dang zhing thams cad dang / sangs rgyas cad dang / sems can thams cad dang / byang chub sems dpa' thams cad dang / nyan thos dang rang sangs rgyas thams cad dang / 'gro ba thams cad kyi las kyi rnam par smin pa/ shin tu rnam par 'byed pa la mos so// ma 'ongs pa'i de bzhin
- 358b
gshegs pa de dag gi 'od zer gyi dra ba bkod pa chags pa med cing / sgrib pa med pa la yang mos shing yid ches te/ the tsom mi za/ nem nur med cing / mi sdang mi skrag/ skrag par mi 'gyur te/ sangs rgyas kyi yul bsam gyis mi khyab pa la yang mos pa yin no// sems can gzhan dag kyang mos pa'i chos nyid rnam pa 'di lta bu yang dge bar 'dzin du 'jug go// de chos yang dag par blangs pa 'di dang ldan pas/ byang chub thob pa na/ ma 'ongs dus la de bzhin gshegs pa'i ye shes mthong ba/ chags cing thogs pa med pa 'jug pa zhes bya ste/ de la de yod do// snying rje chen po'i stobs dang / smon lam yang dag par 'phags pa'i ting nge 'dzin shin tu bsgoms pa dang / seng ge rnam par bsgyings pa'i gzungs la mkhas pas/ de bzhin gshegs pa ma 'ongs pa'i de bzhin gshegs pa thams cad tha dad pa dang / tshe'i tshad tha dad pa go rims bzhin du brda' sprod pa'i mtha' ni mi rtogs so// de bzhin du ma 'ongs pa'i byang chub sems dpa' rnams dang / nyan thos rnams dang rang sangs rgyas rnams dang / sems can rnams dang / sems can rnams kyi spyod pa rnams dang / sems can gyi las rnams dang / sems can gyi rnam par smin par so sor myong ba rnams dang / de bzhin du ma 'ongs pa'i bskal pa thams cad te bskal pa gang dag sangs rgyas dang bcas pa dag dang / gang dag sangs rgyas med pa dag dang / bskal pa gang la de bzhin
- 359a
gshegs pa dgra bcom pa yang dag par rdzogs pa'i sangs rgyas ji snyed 'byung bar 'gyur ba'i bskal pa de dag go rims bzhin du brdag skrod pa'i mtha' ni mi rtog so// de bzhin du ma 'ongs pa'i 'jig rten gyi khams thams cad kyi ming tha dad pa dang / gang dag kun nas nyon mongs pa can dag dang / gang dag rnam par dag pa dang / gang dag chung ba dag dang / gang dag cher gyur pa dag dang / gang dag phra ba dag dang / gang dag rags pa dag dang / gang dag rngu phra rab la 'jug pa'i rje su zhugs pa dang / gang dag spyi'i thugs dag dang / gang dag 'thun pa dag dang / gang dag phyogs dang / phyogs mtshams rnam par gzhag pa dang / mig 'phrul rnam par dbye ba la 'jug pa'i rje su zhugs pa/ ma 'ongs pa'i 'jig rten gyi khams de dag thams cad go rims bzhin du brda' sprod pa'i mtha' ni mi rtogs so// de la de bzhin gshe pa lung bstan pa thams cad la rmongs pa med de/ de lag 'thil dang sor mo lnga mthong ba'i tshul du de bzhin gshegs pa'i ye shes kyis thams cad shes te/ bu mo 'di ni de bzhin gshegs pa'i sangs rgyas chos ma 'dres pa bcu bdun pa'o// bu mo gzhan yang byang chub sems dpa' byang chub sems dpa'i spyad pa spyod pa na/ da ltar byung ba'i sangs rgyas rnams kyi ye shes chags pa med pa thos pa na/ mos shing yid ches te/ the tsom mi za/ nem nur med cing / mi sdang mi skrag/ skrag par mi 'gyur te/ sangs rgyas
- 359b
kyi yul bsam gyis mi khyab pa la mos pa yin no// de ltar byung ba'i de bzhin gshegs pa dgra bcom pa yang dag par rdzogs pa'i sangs rgyas de dag gi lus kyi las dang / lus kyi spyod lam yong su dag pa/ chags pa med pacing sgrib pa med pa/ 'jig rten gyi khams rab 'byam thams cad kyi rjes su song ba la mos so// da ltar byung ba'i de bzhin gshegs pa de dag gi ngag gi las dang / 'jig rten gyi khams thams cad khyab pa'i dbyangs sgra chags pa med cing / bsam gyis mi khyab pa thams cad dang sangs rgyas kyi sgra skad dang / dbyangs dang / chos kyi sgo tshad med pa bstan pa thams cad kyi rjes su song ba la mos so// da ltar byung ba'i de bzhin gshegs pa de dag gi sems kyi las dus thams cad dang / zhing thams cad dang / sems can thams cad dang / byang chub sems dpa' thams cad dang / nyan thos dang rang sangs rgyas tham cad dang / 'gro ba thams cad kyi rnam par smin pa shin tu rnam par phye ba/ rnam par 'byed pa mos so// da ltar byung ba'i de bzhin gshegs pa de dag gi 'od zer kyi dra ba bkod pa/ chags pa med cing / sgrib pa med pa la yangs shing / yid ches te/ the tsom mi pa/ nem nur med cing / mi sdang mi skrag skrag par mi 'gyur te/ sang rgyas kyi yul bsam gyis mi khyab pa la mos pa yin no// sems can gzhan dag kyang mos pa'i chos nyid rnam par 'di lta bu yang dag par 'dzin du 'jug go// de chos rgya chos thams cad dang /
- 360a
yang dag par blangs pa 'di dang ldan pas/ byang chub thob pa na/ de ltar byung ba'i dus la de bzhin gshegs pa'i ye shes mthong ba chags pa med cing thogs pa med pa 'jug pa zhes bya ste/ de la de yod do// shin tu dkor ba dri ma med pa'i phyag bya'i ting nge 'dzin shin tu bsgoms pa dang // rdo rje'i dkyil 'khor gyi gzungs la mkhas pas/ de bzhin gshegs pa thams cad kyi mtshan tha dad pa dang / tshe'i tshad tha dad pa go rims bzhin du brda' spyod pa'i mtha' ni ma rtogs so// de bzhin du da ltar byung ba'i byang chub sems dpa' rnams dang / nyan thos dang / rang sangs rgyas rnams dang sems can rnams dang / sems can gyi spyod pa rnams dang / las rnams dang / las kyi rnam par smin pa so so myong ba rnams go rims bzhin du brda' sprod pa'i mtha' nim rtogs so// de bzhin du da ltar byung / ba'i bskal pa thams cad de/ bskal pa gang dag sangs rgyas dang bcas pa dag dang / gang dag sangs rgyas med pa dag dang / bskal pa gang la de bzhin gshegs pa dang / bcom pa yang dag par rdzogs pa'i sangs rgyas ji snyed byung ba'i bskal pa de dag go rims bzhin du brda' sprod pa'i mtha' ni mi rtogs so// de bzhin du da ltar byung ba/ 'jig rten gyi khams thams cad ming tha dad pa dang / gang dag kun nas nyon mongs pa can dag dang / gang dag rnam par dag pa dang / gang dag chung ba dag dang / gang dag
- 360b
cher gyur pa dag dang / gang dag phra ba dag dang / gang dag rags pa dag dang / gang dag rdul phra rab la 'jug pa'i rjes su zhugs pa dag spyi'u tsugs pa dag dang gang dag 'thun pa dag dang / gang dag phyogs dang / phyogs mtshams rnam par bzhag pa dang / mi 'phrul rnam par dbye ba la 'jug pa'i rjes su zhugs pa/ da ltar byung ba'i 'jig rten gyi khams de dag thams cad go rims bzhin du brda' sprod pa'i mtha' ni mi rtogs so// de la de bzhin gshegs pa lung bstan pa thams cad la/ rmongs pa med de/ lag 'thil dang sor mo lnga mthong ba'i tshul du/ de bzhin gshegs pa'i ye shes kyis thams cad shes te/ bu mo 'di ni de bzhin shegs pa'i sangs rgyas kyi chos ma 'dres pa bcwo brgyad pa'o// bco brgyad pa 'di dag la sogs pa sangs rgyas kyi chos ma 'dres pa thams cad thob ste/ thams cad gang zhe na 'di lta ste/ lus tshad med pa dang / thams cad zil gyis gnon cing thams cad du khyad par 'phags pa'i phyir/ spyi gtsug ltar mi mthong ba/ de bzhin gshegs pa'i sangs rgyas kyi chos ma 'dres pa dang / lus rtsi sman dang / 'dra ba'i phyir mthong ma thag tu/ sems can rnams kyi skyon zhi bar byed pa dang / thams cad du kha na ma tho ba med pas/ 'khor thams cad las mngon par 'phags pa dang / mi 'jigs rab tu thob pas bag tsha ba med pa dang / yang dag par sbyor bas slob ma bas pa can dang / pad ma sa dag dang / rjes
- 361a
bstan pa dang 'thun pas/ slob ma mi phyed pa dang / sems can la mtshungs par gnas pas/ bslob ma shin du dul ba dang / chos bstan pa la the tsom med pas spobs pa myur ba dang / gling ba med pas sems can tshim par byed pa dang / don yod pa'i chos ston pa dang / 'dul ba rnams kyi dbang yongs su smin pas/ 'khor thams cad rtse gcig tu sems pa la/ sangs rgyas kyi sgra skad 'byin pa dang / cho 'phrul bsam gyis mi khyab pas/ 'khor gyi dkyil 'khor thams cad kyis mngon du blta ba dang / de bzhin gshegs pa'i bsod nams tshad med pas/ bstan pa'i phyir blta bas mi ngoms pa dang / yang dag par khong du chud pas 'bras bu yod pa'i chos ston pa dang / smon lam gyi mi 'khrugs pa'i glang po'i lta stangs kyis blta ba dang / spo ba che bas seng ge ltar rnam par bsgyings pa dang / lus kyi las ye shes sngon du 'gro bas don yod pa'i rnam par gnon pas 'gro ba dang / ngag gi las ye shes sngon du 'gro bas ngag la dbang ba dang / yid kyi las ye shes sngon du 'gro bas/ kun nas/ mig dang ldan pa dang / spobs pa myur bas 'os pa'i tshig dang ldan pa dang / bla na med pa'i sbyin gnas su gyur pas rnyed pa'i mchog dang / grags pa'i mchog dang ldan pa dang / chos kyis dbyings kyis klas shing mthas gtugs pas/ bsod nams zad mi shes pa dang / mthu bo che chen po'i lus dang / stobs bcu dang / mi 'jigs pa'i mchog
- 361b
thob pas rdzi ba med pa dang / sems can thams cad kyi dbang po mchog dang / mchog ma yin pa shes pas/ sems can la bde ba bskyed pa las mi ldog cing 'khrul pa/ med la/ brel 'phongs med pa dang / 'jig rten thams cad kyi ston par gyur pas/ chos dang gtsug lag mang po shes pa dang / chos kyi skus rab tu phye bas tshe dpag tu med pa dang / shin tu myur tu thug cing mtha' klas pas mthong ba dang / reg pa dang snyen bkur byas pa dang / dran pa dang thos pa don yod pa dang / dus gsum mnyam pa nyid du khong du chud pAH/ shes rab mi 'khrugs pa dang / chos smra zhing nye bar smra ba med pas/ gtam rgyun chags dang / mi dge ba'i chos thams cad ma lus par spangs pas/ bag chags thams cad yang dag par bcom pa dang / sangs rgyas kyi chos rang byung bas slob dpon med pa dang / sangs rgyas kyi chos ma lus par khong du chud pas/ rnam pa thams cad shes pa ste/ sangs rgyas kyi chos ma 'dres pa 'di dag thams cad rab tu 'thob po// de nas bcom ldan 'das la/ bu mo rin chen gyis 'di skad ces gsol to// bcom ldan 'das de bzhin gshegs pa'i skyes bu'i mtshan sum bcu rtsa gnyis po 'di dag/ sngon dge ba'i rtsa ba'i tshogs gang dag la zhugs pa'i sku la/ skyes bu chen po'i mtshan sum bcu rtsa gnyis mngon par grub/ de skad ces gsol pa dang / bcom ldan 'das kyis/ bu mo rin chen la 'di skad ces bka' stsal to// bum sngon dge ba'i
- 362a
rtsa ba'i tshogs tshad med dag la zhugs pas/ de bzhin gshegs pa'i sku la/ skyes bu chen po'i mtshan sum bcu rtsa gnyis mngon par grub ste// de dag la chung bad tsam zhig bstan par bya'o// de bzhin gshegs pa'i skyes bu chen po'i mtshan zhabs shin tu gnas pas/ 'di ni sngon dam bcas pa la brtan pas/ mngon par grub po// de bzhin gshegs pa'i skyes bu chen po'i mtshan zhabs kyi 'thil 'khor lo'i mtshan dang ldan pa 'di ni/ sngon sbyin pa sna tshogs bsags pas mngon par grub po// zhabs kyi snying pa yangs shing zhabs byin gyis mtho ba ni/ sngon sems can gzhan dag khyed du ma bsad pas grub po// sor mo ring ba ni sngon sems can rnams bsrungs shing skyabs te/ sbas pa byas pas grub po// phyag dang zhabs dra bas 'brel ba ni/ sngon gzhan gyi g.yog 'khor ma phye bas grub po// phyag dang zhabs gzhan zhing 'jam pa ni/ sngon bgo ba sna tshogs byin pas grub po// bdun mtho ba ni sngon bza' ba dang / btung ba rgya chen po byin pas grub po// byon pa ri dag sa e ne ya'i byin pa lta bu ni sngon sangs rgyas kyi chos yongs su bzung bas grub po// gsang ba'i gnas sbubs su nub pa ni/ sngon gsang ba'i tshig bsrungs shis 'khrugs pa'i chos spangs pas grub po// ro stod seng ge'i ro stod lta bu ni sngon dge ba'i las rgya chen po mthar gyis spyod pas grub po// thal gong rgyas pa ni sngon dge ba'i chos yang
- 362b
dag par spyad pas grub bo// dpung 'go shin tu zlum pa ni sngon mi 'jigs pas gzhan dbug byung bas grub bo// phyag ma btud cing ring ba ni sngon gyi ci bya'o// cho ga byed pa la spro bas grub po// sku rnam par dag pa ni sngon dge ba bcu'i las kyi lam la ngoms mi myong ba bar yang dag spyad pas grub po// mgur dung lta bu ni sngon nad pa rnams la sman tshogs byin pas grub po// 'gram pa seng ge'i 'gram pa lta bu ni sngon dge ba'i rtsa ba la sbyor ba yongs su rdzogs par byas pas grub po// tshems bzhi bcur tshang ba'i ni sngon sems can la bsam pa mnyam par sbyor bas grub po// tshems thags bzang ba ni sngon sems can mi 'dum pa rnams kyi sdums byas pa byas grub bo// tshems mnyam pa ni sngon yid du 'ong ba'i nor bu byin pas grub po// tshems mche ba dkar po ni sngon lus dang / ngag dang yid kyi las shin tu bsrungs pas grub po/ ljags shin tu ring ba ni sngon bden pa'i tshig kun tu bsrungs pas grub po// ro bro ba'i mchog dang / ldan pa ni sngon bsod nams tshad med pas brtan cing yid du 'ong ba'i/ ro tho ba byin pas grub bo// tshangs pa'i dbyangs dang ga la bing ka'i sgra dbyangs dang ldan pa ni sngon ces ma can la 'jam pa'i tshig smra ba dang / tshig bsdams pa dang / kun dga' ba'i tshig bsgrags pas grub bo// spyan mthon ting dang ldan pa ni sngon byams pa dang ldan zhing / thams cad bsrungs pas grub po// spyan gyi rdzim pa'i rdzim lta bu ni
- 363a
sngon bsam pa sgyu med pas grub po// dpral ba'i smin mtshams kyi spu shin tu dkar ba ni sngon bsngags par 'os pa rnams kyis bsngags pa brjod pas grub po// dbu tsug tor dang ldan pa ni sngon bla ma la gus shing 'dud pas grub po// pags pa srab ni/ sngon chos yang dag par 'gro ba'i sems las su rung pas grub po// bsags pa'i mdog gser 'dra ba ni sngon yid du 'ong ba'i gos dang lam bstan pa byin pas grub po// spu'i khung bu nus pa spu re re nas skye ba ni sngon 'du/ dzaM yongs su spangs pas grub po// spu'i rtse mo g.yasu 'khyil la ni/ sngon mkhan po dang / slob dpon dang / dge ba'i bshes gnyen gyi padam ngag 'thun par 'dzin pas/ grub po// dbu in dra ni la lta bu sngon srog chags thams cad la snying rtse zhing rdo dbyig dang mtshon cha bor bas grub po// shin n+ya dro da ltar chu zhing bag pa ni sngon bdag dang / sems can gzhan dag kyang ting nge 'dzin la sbyor bas grub bo// de bzhin gshegs pa'i skyes bu chen po'i mtshan mthu bo che chen po'i lus kun nas mdzes pa 'di ni/ sngon de bzhin gshegs pa'i sku gzugs byed pa dang / mchod rten zhig pa bcos pa dang / gzhan 'jigs pa dag dbugs phyung ba dang / sems can 'dum pa'i sdums byas pas grub ste/ bu mo sngon dge ba'i rtsa ba'i chos tshad ba grangs med pa 'di dag spyad pas/ de bzhin gshegs pa'i sku la/ skyes bu chen po'i mtshan sum bcu
- 363b
rtsa gnyis mngon par grub po// de nas bcom ldan 'das la bu mo rin chen gyis 'di skad ces gsol to// bcom ldan 'das ci tsam du de bzhin gshegs pas sngon gyi rgyu las byung ba'i dge ba'i rtsa ba'i las brtsams to// dge ba'i chos thams cad dka' bsngal pa ngo mtshar che'o// 'di skad ces gsol pa dang / bcom ldan 'das kyis// bu mo rin chen la 'di skad ces bka' stsal to// bu mo de de bzhin te/ bu mo de bzhin gshegs pas/ sangs rgyas kyi chos thams cad bstan pa 'di las bstan to// bu mo gang dag de bzhin gshegs pa'i sngon gyi rgyu las byung ba'i dge ba'i rtsa ba las brtsams te/ sangs rgyas kyi chos thams cad bstan pa 'di thos la/ thos nas kyang de bzhin nyid du grub pa de dag thams cad sangs rgyas kyi chos thams cad kyis/ rnam pa'i mchog thams cad dang ldan par 'gyur ba'i byang chub sems dpa' rnyed pa legs par rnyed pa de dag la ltos/ de bzhin gshegs pa'i stobs dang mi 'jigs pa dang / sangs rgyas kyi chos ma 'dres pa dang / mtshan rab tu dbye ba bstan pa'i chos bstan pa'i chos kyi sgo le'u 'di/ bcom ldan 'das kyis bshad pa na/ phyogs bcu'i 'jig rten gyi khams thams cad rab tu g.yos te/ snang ba chen pos khyab par gyur nas/ sems can tshad med grangs med pa ni/ bla na med pa yang dag par rdzogs pa'i byang chub tu sems bskyed do byang chub sems dpa' nyi khri lnga stong ni/ mi skye ba'i chos
- 364a
la bzod pa skyes so// steng gi bar snang las kyang / lha brgya stong gis me tog gi char phab ste/ sil snyan yang bskol nas/ gang de bzhin gshe/ pa'i stobs dang / mi 'jigs pa dang / sangs rgyas kyi chos ma 'dres pa dang / mtshan rab tu dbye ba bstan pa'i chos kyi sgo'i le'u 'di thos la/ thos nas kyang mos shing yid ches te/ 'dzin cing de bzhin du bsgrub pa'i sems can de dag ni dge ba'i rtsa ba ngan pa dang / ldan par mi 'gyur te/ de dag ni ji ltar da ltar gyi de bzhin gshegs pa dgra bcom pa yang dag par rdzogs pa'i sangs rgyas bzhin du lhar bcas pa'i 'jig rten gyi mdun du seng ge'i sgra sgrogs par 'gyur ro// de ci'i slad du zhe na/ bcom ldan 'das chos 'di ni/ sems can dman pa la mos shing / nan tan la mi gnas pa rnams kyi sug par mchi bar mi 'gyur/ bcom ldan 'das spyod pa yongs su dag pa rnams kyi sug par mchi bar 'gyur te/ bcom ldan 'das yongs su dag par spyod pa dang / chos spyod pa'i sems can rnams ni/ chos 'di la dga' bar 'gyur te/ yid la 'bas cing mngon par dga' bar yang 'gyur ro zhes/ ched du brjod pa ched du brjod do// de nas bcom ldan 'das la bu mo rin chen gyis 'di skad ces gsol to// bcom ldan 'das de bzhin gshegs pas/ sngon gyi rgyu las byung ba'i dge ba'i rtsa bas sangs rgyas kyi chos thams cad bka' stsal pa ni ngo mtshar to// bcom ldan 'das byang chub sems
- 364b
dpa' chos spyod par gyur pa'i chos spyad pa ni ji lta bu lags/ bcom ldan 'das kyi byang chub sems dpa' rnams kyi spyod pa legs par bshad du gsol de skad ces gsol pa dang / bcom ldan 'das kyis bu mo rin chen la 'di skad ces bka' stsal to// bu mo bsam pa rnam par dag pa ni chos spyod pa'o// 'dza' ba brten pa dang / byas pa bzo' ba dang / byas pa shes pa dang / snying rtse ba dang bcas pa dang / skyabs su song ba yongs su mi gtong ba dang / nyam chung ba la bzod cing dang du lon pa dang / gtang bar dga' ba yongs su gtong ba dang / phan pa'i dngos po dang / phan 'dogs pa'i blo dang / ngang tshul ngan pa rjes su bsrung ba dang / chos nges par sems pa dang / chos kun tu bsrung ba dang / chos 'dod pa dang / dam pa'i chos bsrung ba dang / dben pa dang / gcig pur dga' ba dang / dgon pa'i gnas pa yongs su 'jal ba dang / 'du 'dzi yongs su spongs pa dang / sems can rjes su srung ba dang / 'khrul pa la lta ba dang / byams pa la sbyor ba dang / snying rje chen po la 'jug pa dang / dga' bas chos la dga' zhing mchog tu dga' ba dang / btang snyoms la bsam gtan 'cha' ba dang / sems can gzhan dag byang chub kyi sems la sbyor ba dang / theg pa chen po'i bsngags pa smra ba dang / khur blangs pa khyer ba dang / sems mi nub pa dang / rung ba'i tshong shes pa dang / tshol ba med pa dang / sdig pa 'dod pa dang / phra dog med pa dang / 'dod pa'i 'thob pa slob pa dang / 'phags pa'i rig
- 365a
chog shes pa dang / sbyangs pa'i yon tan yo byad bsgrubs pa dang / 'thab pa med pa dang / rtsod pa med pa dang / gnod sems med pa dang / khro ba med pa dang bzod pa dang / nges pa dang / rgyu'i byed pa khong du chud pa dang / las kyi rnam par smin pa la yid ches pa dang / dang pa dang / tshul khrims dang / thos pa dang / gtong ba dang / khrel yod pa dang / ngo tsha shes pa dang / shes rab kyi nor gyi rjes su 'jug pa dang / bla ma la gus pa dang / dge ba'i bshes gnyen la bsten pa dang / bka' blo bde ba dang / 'thun par 'dzin pa dang / nga rgyal med pa dang / bdud pa dang / sems dma' ba dang bdag la mi bstod pa dang / gzhan la mi smod pa dang / rang gi yon tan mi brjod pa dang / gzhan gyi yon tan mi smod pa dang / 'dod chags kyi rdul 'phyags pa dang / zhe sdang gi tha ba rnam par spyod pa dang / gti mug gi mun nag med pa dang / nga rgyal bcom pa dang / spyod lam dang / spyod pa la nan tan byed pa dang / chos la rim gro byed de/ dga' zhing dad la/ mchog tu dga' ba dang / sangs rgyas la mi phyed pa dang / chos la mos pa dang / dge 'dun la ston pa ltar 'dzin pa dang / sbyin pa dang / dul ba dang / sdom pa dang / khyim nas 'byung dang / tshangs par spyod pa la gnas pa dang / rnyed pa dang / ma rnyed pa dang / grags pa dang / ma grags pa dang / bstod pa dang / spad pa dang / bde ba dang / sdug bsngal gyis mi g.yos pa dang / 'jig rten gyi chos las shin tu 'da' ba dag/ byams las mtshungs par lta ba dang /
- 365b
'dor te/ gsong por smra ba dang / bzhin 'dzum pa dang / khro gnyer med pa dang / tshul chos pa med pa dang / kha gsag med pa dang / g.yo med pa dang / sgyu med pa dang / bcos ma ma yin pa dang / bsam pa shin tu dga' ba dang sbyin pa dang / snyan par smra ba dag/ don 'thun pa dang / dga' bar 'gyur ba'i chos nyid dang / sangs rgyas rjes su dran pa dang / dge 'dun rjes su dran pa dang gtong ba rjes su dran pa dang / tshul khrims rjes su dran dang / don byed lha'i rjes su dran pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa yongs su rdzogs par byed pa dang / thams mkhas mngon par bsgrub pa dang / dge ba'i rtsa ba thams cad rnam par dag pa dang / sems can rnams kyi lus dang / ngag dang / sems rnam par dag pa byed pa dang / dge ba bcu'i las srung ba dang / mi rtag pa dang / sdug bsngal ba dang / bdag med pa dang / sems can med pa dang / srog med pa dang / gso ba med pa dang / gang zag med par mos pa dang / stong pa nyid nges par sems pa dang / mtshan ma med pa la gnas pa dang / smon pa shes pa dang / khams gsum la mi gnas pa dang / dran pa nye bar gzhag pa dang / yang dag par spong ba dang / rdzu 'phrul gyi nang pa dang / dbang po dang / stobs dang / byang chub kyi yan lag dang / lam la 'jug 'jug pa dang / zhi gnas dang / lhag mthong gis maso
- 366a
rtog pa ni chos spyod pa'o// bu mo gzhan yang spyod pa ni/ mig la mi spyod pa dang / gzugs la mi spyod pa dang / gzugs kyi mtshams la mi spyod pa dang / rna ba la mi spyod pa dang / sgra la mi spyod pa dang / sgra'i mtshan ma la mi spyod pa dang / sna la mi spyod pa dang dri la mi spyod pa dang / dri'i mtshan ma la spyod pa dang / lce la mi spyod pa dang / ro la mi spyod pa dang / ro'i mtshan ma la mi spyod pa dang / lus la mi spyod pa dang / reg pa la mi spyod pa dang / reg pa'i mtshan ma la mi spyod pa dang / yid la mi spyod pa dang / chos la mi spyod pa dang / chos kyi mtshan ma la mi spyod pa ni/ chos la spyod pa'o// gzugs la mi spyod pa dang / gzugs kyi mtshan ma la mi spyod pa dang / gzugs kyi sdug bsngal ba mi rtag pa la mi spyod pa dang / gzugs kyi sdug sngal ba la mi spyod pa dang / gzugs kyi bdag med pa la mi spyod pa dang / gzugs kyi zhi ba la mi spyod pa dang / gzugs kyi stod pa la mi spyod pa dang / gzugs kyi mtshan ma med pa la mi spyod pa dang / gzugs kyi smon pa med pa la mi spyod pa dang / gzugs kyi mngon par 'du bya ba med pa la mi spyod pa dang / gzugs kyi dben pa la mi spyod pa dang / gzugs kyi rang bzhin la mi spyod pa dang / gzugs kyi lta ba bzhin la mi mi spyod pa dang / gzugs kyi ma skyes pa la mi spyod pa dang / gzugs kyi 'byung ba med pa la mi spyod pa dang / gzugs kyi gzhi med pa la mi spyod pa dang / gzugs
- 366b
kyi gnas med pa la mi spyod pa dang / gzugs kyi de bzhin nyid la mi spyod pa ni chos spyod pa'o// de bzhin du tshor ba dang 'du shes dang / 'du byed rnams dang / rnam par/ shes pa la mi spyod pa ni chos spyod pa'o// rnam par shes pa'i mi rtag pa la mi spyod pa dang / rnam par shes pa'i sdug bsngal ba mi spyod pa dang / rnam par shes pa'i bdag med pa la mi spyod pa dang / rnam par shes pa'i zhi ba la mi spyod pa dang / rnam par shes pa lnga mi spyod pa dang / rnam par shes pa'i mtshan med pa la mi spyod pa dang / rnam par shes pa'i smon pa med pa la mi spyod pa dang / rnam par shes pa'i mngon par 'du bya ba med pa la mi spyod pa dang / rnam par shes pa'i dben pa la mi spyod pa dang / rnam par shes pa'i rang bzhin la mi spyod pa dang / rnam par shes pa'i ji lta ba bzhin la mi spyod pa dang / rnam par shes pa'i skyes pa la mi spyod pa dang / rnam par shes pa'i 'byung ba med pa la mi spyod pa dang / rnam par shes pa'i gzhi med pa la mi spyod pa dang / rnam par shes pa'i gnas med pa la mi spyod pa dang / rnam par shes pa'i de bzhin nyid la mi spyod pa ni chos spyod pa'o// khams la mi spyod pa dang / skye mched la mi spyod pa dang / 'dod pa dang / gzugs dang gzugs med pa la mi spyod pa dang / gang spyod pa med cing rab tu spyod pa med pa zhes bya'o// gang na spyod pa med cing rnam par spyod pa med pa dang 'gro ba med pa dang / gnas pa med pa dang / 'jug pa
- 367a
med pa dang / gang na sems dang yid dang / rnam par shes pa la mi spyod pa dang / mthong ba dang thos pa dang / bye brag phyed pa dang / rnam par shes pa la mi spyod pa dang / gang na 'dod pa dang / 'du byed pa mi spyod pa dang / gang chos la yang mi spyod la/ gang na gnyis la mi spyod pa dang / sna tshogs la mi spyod pa dang / gang na 'das pa dang / ma 'ongs pa la spyod pa dang / da ltar byung ba la mi spyod pa dang / gang phung pa dang / khams dang / skye mched la mi spyod pa 'di ni/ chos spyod pa'o// gang na kun nas nyon mongs pa dang / rnam par byang ba'i rlom sems la mi spyod pa dang / gang na ril po dang / rdzas la mi spyod pa dang / gang na bdag dang / sems can dang / srog dang gso ba dang / skyes bu dang gang zag dang / shed las skyes pa dang / shed bur 'dzin dang / sgra 'dod pa la mi spyod pa dang / gang na skye ba dang / 'jig pa dang / gnas pa la mi spyod pa dang / gang na ngar 'dzin pa dang / nga'ir 'dzin pa la mi spyod pa dang / gang na rtag pa dang / chad pa la mi spyod pa dang / mi zar 'dzin par lta ba la mi spyod pa dang / dbus la mngon pa zhen pa la mi spyod pa dang / bdag dang chos kyi ngo bo nyid kyi gnas dang gnas med pa'i gnas dang / chos kyi rang bzhin gyis gnas dang / chos thams cad kyi gnas dang / stong pa dang / mi stong pa'i gnas dang / shin tu gnas pa'i gnas dang / chos thams cad mi g.yo ba dang / mi gnas pa dang /
- 367b
gnas pa med dang / ngo bo nyid med pa dang / rgyu ba med pa dang / spros pa med pa dang blang ba med pa dang dor ba med pa dang / khas len pa med pa dang len pa med pa dang / gang chos 'di shes pas rlom sems kyang med pa 'di ni yang dag pa dang / de kho na dang / de bzhin nyid dang chos shes pa shes bya'o// bu mo byang chub sems dpa' gang 'di lta bur thams cad khong du nus/ sems can gzhan dag la 'dul ba'i phyir/ 'khor ba la yang spyod la/ mya ngan las 'das pa'i chos nyid kyang mi g.yo ba 'di ni/ byang chub sems dpa'i spyod pa yang dag phul yin no// chod spyod bstan pa 'di 'di bshad pa na/ byang chub sems dpa' brgyad stong ni/ bzod pa rab tu thob par gyur to// bu mo rin chen gyis ni/ mu tig gi se mo bye ba brgya stong ri ba/ bcom ldan 'das la phul nas/ tshig 'di skad ces smras so// bcom ldan 'das byang/ chub sems dpa' gang chos spyod pa 'di la btson pa 'di ni/ chos thams cad la brtson pa legs so// de'i lung bstan pa ni 'di lags te/ byang chub kyi snying po la gsan nas/ bsdud dang / phyir rgol ba bcom ste/ phyir mi ldog pa'i phyag rgyas btab par blta'o// de nas tshe dang ldan pa sha ra dwa ti'i bus/ bu mo rin chen la 'di skad ces smras/ bu mo khyod kyis byang chub sems dpa' rnams kyi phyir mi ldog pa'i phyag rgya shes pas/ de nasu mo rin chen gyis de'i tshe tshe dang ldan pa sha ra dwa ti'i bu la/ tshigs su bcad pa 'di dag
- 368a
smras so// 'di la chos dbyings sems can khams/ yang dag nyid kyis mnyam rtogs nas/ gnyis med rtogs pa gang yin pa/ de ni mi ldog phyag rgya yin/ gang dag 'das pa'i sangs rgyas dang / da ltar byung dang ma byon pa/ thams cad chos kyi dbyings mnyam par/ rtog pa de dag phyir mi ldog/ gang yang 'dus byas khams rnams dang / gang de yang 'dus ma byas pa'i khams/ dben pa'i don gyis stong par ni/ khong du chud par phyir mi ldog/ sngon gyi mtha' ni mtha' yas pa/ de'i tshad ni mi dmig pa/ sems kyi skad gcig ldan la/ khong du chud phyir mi ldog/ 'jig rten pa'i chos gang dag/ spyod par btags pa'i spyod yul rnams/ shes rab kyis ni de rtog pa/ gang yin de dag phyir mi ldog/ bdud kyi yul ni ji snyed la/ gang gis sangs rgyas yul rnams dang / de dag mi gnyis shes pa ni/ phyag brgya 'di yis btab pa yin/ 'dod chags zhe sdang gti mug dang / nyon mongs gang dag mtha' yas pa/ gang gis rtogs pa'i rtsa ba las/ byung bar shes pa phyir mi ldog/ 'khor ba dang ni mya ngan 'das/ byang chub zhi bar bstan pa yang / tha dad ma yin kun mnyam par/ khong du chud par phyir mi ldog/ phung po de bzhin byang chub ste/ phung po byang chub mi gnyis shing / sgyu ma 'dra bar macan shes te/ rnam rtog med pa de dag mkhas/ gang yang khams rnams bzhi pa dag/ na mkha' mtshungs pa'i khams yin te/ bzung med khong du chud pa ni/ yang dag phyag rgyas
- 368b
btab pa yin/ mig ni byang chub mig/ sangs rgyas kyis ni stong par gsungs/ ji ltar ming bzhin byang chub ste/ rtag tu mnyim pa nyid kyis mnyam/ de ltar skye mched thams cad kyang / brtag tu stong ste/ byang chub mnyam/ tshul 'di rab tu shes pa dag/ phyag rgyas des ni btab pa yin/ sems rnams ni kun gyi sems/ sems cig gis ni rab shes pa/ de ni rdzogs pa'i byang chub las/ phyir mi ldog par the tsom med/ sems can kun gyi dbang po ni/ rab dang 'bring dang tha ma yin/ pha rol phyin pa gang yin pa/ de dag phyir mi ldo pa yin/ thogs pa med pa'i spobs pa yis/ rgyun mi chad par kun tu yang / bskal pa bye bar brjod kyang go/ de'i sngags pa de mi zad/ na mkha'i khams ni zad 'gyur la/ rlung zhags pas gzung 'gyur srid/ de'i spobs pa 'jig rten gyis/ zad par bya bar yong mi nus/ gang gis sems ni mi rmongs shing / zos pa 'ang cung zad zad mi 'gyur/ chos rnams thams cad 'dzin pa yi/ gzungs ni de dag spyod yul yin/ phyogs bcu kun gyi 'dren pa yis/ dam pa'i chos ni gang bshad pa/ gzungs thob pas ni de thams cad/ dran pa dang ni shes pas 'dzin/ gzungs ni shin tu bslabs pas na/ sngon gyi bskal pa bye bar ni/ skyobs pa rnams kyi chos thob pa/ de dag dris pa ston par 'gyur/ phyir mi ldog pa'i gang yin/ de dag gzungs ni 'dra ba ste/ spobs pa dag kyang 'di 'dra zhing / de dag ye shes 'di 'dra'o// chos rnams phyag rgya stong/
- 369a
pa nyid/ rnam smin med cing sgrib med pa/ stong pa'i phyag rgyas gang btab pa/ de dag phyir mi ldog par bstan/ nam pa'i phyag rgyas btab pa'i chos/ rang bzhin gyis ni 'byung med par/ mtha' ni khong du chud la/ phyag rgyas btab pa phyir ldog/ chos ni brten nas 'byung ba ste/ rgyu med pa'i chos med do// chos gang rgyu las byung ba dag/ de'i mtshan nyid 'gog pa'o// chos rnams kun gyi mtshan nyid ni/ namakha' mnyam pa'i mtshan nyid de/ mtshan nyid phyag rgya de 'dra ba'i/ phyag rgyas gang btab pa phyir mi ldog/ phyir mi ldog pa gang yin pa/ sems can kun gyi spyod pa dang / gzugs dang spyod lam dus rnams dang / skad cig gcig la rab tu ston/ sbyin pa'i tshogs ni mtha' yas te/ bsod nams rtag tu mi zad pa/ gal te ro gcig 'gyur na ni/ na mkha'i khams kyang gang bar 'gyur/ de dag tshul khrim che ba nyid/ sangs rgyas tshul khrims 'byung gnas te/ da pag tu med cing mtha' yang med/ na mkha' yid ni dbyings dang 'dra/ sems can kun dang nyan thos dang / rgyal ba re re'i tshul khrims ni/ phyir mi ldog pa'i tshul khrims kyi/ bcu drug cu cha'i rin mi chog de dag bzod pa mi zad de/ de dag skye ba med pas bskyed/ bskyed pa mi zad phun sum tshogs/ phyir mi ldog par 'gyur ba yin/ de dag brtson 'grus che ba nyid/ yang dag brtson par dpag tu med/ rtul ba'ang dpag tu med po ste/
- 369b
sems can thams cad tshim par byed/ rten pa rtag tu mnyam par gzhag/ g.yeng ba med cing shin tu bsdams/ byang ba rnams ni kun ston kyang / mnyam par gzhan las g.yo ba med/ shes rab kyis ni tshegs med thob/ lta ba'i bag chags rnam par sbyangs/ sangs rgyas brgya spyod yul rdzogs pa'i thob/ phun sum tshogs pa'i zhing yang spyod/ sangs rgyas phyag rgyas btab pa te/ ye shes pha rol phyin pa thob/ thabs chen dag kyang shin tu bslabs/ byang chub kyi ni spyad pa spyod pa/ sems can yongs su smin byed pa/ de dag spyod yul mtha' yas te/ spyod pa ci 'dra bas ma ci 'dra/ de dag spyod pas shes pa med/ dgra bcom dag dang rang rgyal dang / bdud dang / mu stegs gzhan kun gyis de dag spyod yul tshad med pa/ shes par nus pa ma yin no// de dag bsapa gtan rdzu 'phrul dang / rnam 'phrul 'du byed bcas pa ma ni/ dpa' bo lhun gyis grub par ni/ bya ba de dag kun la 'jug/ tshe dang 'jug dang 'chi 'pho dang / byang chub kyi ni snying po dang / chos kyi 'khor lo rab bskor dang / sangs rgyas kyi ni gzugs kyang ston/ sangs rgyas kun gyi spyan snga na/ zhing rnams kun na snang ba ni/ nyi zla lta bur gsal ba ste/ de dag na mkha'i mtshungs par ldan/ theg pa mos pa ji bzhin par/ mya ngan 'das pa'ang ston mod kyi/ mi ldog phyag rgya gang yin pa/ phyag rgya de ni 'dor ma yin/ namakha' ji tsam khyab par dag/ de srid ye shes bya bar byed/ phyag rgya
- 370a
las ni mi ldog pa/ sangs rgyas kyis ni de dag mkhyen/ phyir mi ldog pa'i phyag rgya 'di bshad pa na/ stong gsum gyi stong chen po'i 'jig rten gyi khams 'di rab tu g.yos so// byang chub sems dpa' lnga stong ni phyir mi ldog pa'i phyag rgyas lung bstan par gyur to// bcom ldan 'das kyis kyang / bu mo rin chen la legs so// zhes bya ba gnang ste/ bu mo khyod kyis byang chub sems dpa' rnams phyir mi ldog par bstan pa 'di legs smras pa ni/ legs so legaso// de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das bu mo rin chen gyi/ spobs pa 'di 'dra bas las na/ de phyir mi ldog pa'i phyag rgyas btab pa lags ste/ the tsom ma mchis so// bcom ldan 'das chos 'di mngon gsum ma gyur par 'di 'dra ba'i bstan pa ston par nus pa mchis so// bcom ldan 'das kyis bka' bstsal pa/ rab 'byor de de bzhin no// ji skad smras pa de bzhin de/ bu mo rin chen ni phyir mi ldog rgyas btab pa/ bzod pa rab tu thob pa/ theg pa chen po'i gting thob pa'o// de nas bcom ldan 'das la bu mo rin chen gyis 'di skad ces gsol to// bcom ldan 'das theg pa chen po// theg pa chen po zhes bgyi ba ci'i slad du theg pa chen po zhes bgyi/ de skad ces gsol pa dang / bcom ldan 'das kyis bu mo rin chen
- 370b
la 'di skad ces bka' bstsal to// bu mo theg pa de ni sems can thams cad la skabs dbye bas rgya che ba'o// dge ba'i rtsa ba thams cad kun tu ston pa theg pa de ni sgrib pa med pa'o// nyon mongs pa'i mun pa mun nag dang bral bas/ theg pa de ni dri ma med pa'o// thams cad du rnam par grol ba'i sgo'i mtshan nyid yin pas theg/ ba de ni kun tu snang ba'o// gdod ma nas kun nas nyon mongs pa can ma yin pas theg pa de ni 'od gsal ba'o// bag chags dang bral ba'i phyir theg pa de ni yongs su dkar ba'o// tshul khrims kyi phung po shin tu bsrungs pa'i phyir/ theg pa de ni yongs su dga' ba'o// ting nge 'dzin gyi phung po shin tu brtags pa'i phyir theg pa de ni mnyam par legs par gnas pa'o// shes rab phung pos legs pa'i phyir theg pa de ni zag pa med pa'o// rnam par grol ba'i phung po shin tu dkar bar byas pa'i phyir theg pa de ni nges par grol ba'o// rnam par grol ba'i ye shes mthong ba shin tu rtogs pa'i phyir theg pa de ni chos thams cad mnyam nyid du ston pa'o// stobs bcus shin tu yongasu zin pas theg pa de ni mi thul ba'o// mi 'jigs pa bzhes seng ge'i sgra bsgrags pa'i phyir theg pa de ni 'jigs pa med pa'o// sangs rgyas kyi chos ma 'dres pa bcwo brgyad kyis shin tu yongs su zin pas/ theg pa de ni byin gyis rlabs thogs pa med par 'gro ba'o// sems can thams cad la byams pa'i
- 371a
sems kyi phyir theg pa de ni mnyam pa'o// chos dang 'thun pas bdud dang pas kyi rgol ba thams cad char bcod pa'i phyir/ theg pa de ni chos dang / 'thun pas nges par 'jom pa'o// bdud kyi phyogs thams cad las rnam par rgyal bas dag gi bdud dang bral ba'o// theg pa de ni rnam par 'jig par byed pa'o// theg pa de ni nyon mongs pa'i bdud rab tu zhi bar byed pa'o// theg pa de ni phung po'i bdud yongs su shes pa'o// theg pa de ni 'chi bdag gi bdud dang bral ba'o// theg pa de ni lha'i bdud rnam par spangs pa'o// sbyin pa'i pha rol tu phyin pa yongs su rdzogs pas theg pa de ni 'byor pa'o// tshul khrims kyi pha rol tu phyin pa yongs su rdzogs pas theg pa de ni yongs su gdung ba med pa'o// bzod pa'i pha rol tu phyin pa'i yongs su rdzogs pas theg pa de ni bdud dang phyir rgol ba bcom pa'o// brtson 'grus kyi pha rol tu phyin pa yongs su rdzogs pas theg pa de ni brtan pa mi phyed pa'o// drang po ma yin pa dang / snyoms las thams cad dang bral ba'o// theg pa de ni skyon med pa'o// bsam gtan gyi pha rol tu phyin pa yongasu rdzogs pas theg pa de ni sems kyi gdung ba'i skyon dang bral ba'o// theg pa de ni lam bzang po thams cad kyi gnas su 'gro ba'o// shes rab kyi pha rol tu phyin pa yongs su/ rdzogs pa'i phyir/ theg pa de ni thams cad la mkhas pa dang / thams cad mkhyen pa'i ye shes dang / 'jig rten pa thams cad dang / 'jig rten las 'das pa'i chos thams
- 371b
cad so so yang dag par rig pa'o// thabs la mkhas pas yongs su rdzogs pa'i phyir theg pa de ni theg pa thams cad kyis ci rigs par 'byung ba'o// mya ngan las 'das pa'i 'gros kyis theg pa de ni 'ong ba dang 'gro ba med pa'o// 'phags pa'i yan lag brgyad pa gya nom pas theg pa de ni bde bar 'gro ba'o// zhi gnas dang lhag mthong gi rlung gi shugs dang ldan pas/ theg pa de ni byin gyis rlabs kyi 'gro ba'o// phas kyi rgol thams cad kyis bltar mi mthong bas/ theg pa de ni dbang po dang / stobs dang / byang chub kyi yan lag gi kha khyer gyis yongs su bskor ba'o// sangs rgyas kyi zhing thams cad bde bar blta ba'i phyir theg pa de ni rdzu 'phrul gyi rkang pa bzhis 'gro ba'o// / dge ba'i chos thams cad dang ldan pa'i phyir theg pa de ni yang dag par spongs pa la mnyam par legs par gnas pa'o// bar mi phyed pas theg pa de ni dran pa nye bar gzhag pa nga shin tu yongs su byar byas pa'o// zag pa med pa'i chos 'ong ba'i phyir theg pa de ni khams gsum las byung ba'o// 'dus byas kyi khams kyi snang ba thob pas theg pa de ni 'dus byas kyi khams 'dus ma byas pa'o// nyan thos dang / rang sangs rgyas thams cad kyi theg pa mi 'dod pas// de ni byang chub kyi sems ma brjed cing kha lo sgyur te/ legs par khrid pa'o// spyi gtsug bltar mthong bas theg pa de ni mngon par 'phags pa'o// theg pa de ni bsod nams kyi tshogs
- 372a
kyis brgyan pa'o// theg pa de ni ye shes kyi tshogs kyis sems can gyi bsam pa rab tu shes pa'o// gtan pa med pa'i mchod sbyin byin/ pas theg pa de ni sgo phye ba'o// sangs rgyas kyi ye shes mnyam pa'i phyir theg pa de ni ro gcig pa'o// grags pa phyogs bcu grags pa'i phyir theg pa de ni bsgrags pa'o// legs par byas pa'i las kyi phyir theg pa de ni/ lha thams cad kyi phyag byas pa'o// bsngags pa mtha' yas pas theg pa de ni brgya byin dang / tshangs pa dang / 'jig rten skyong ba thams cad kyis mngon par bstod pa'o// sbyin pa sngon tu 'gro bas theg pa de ni ser sna can rnams la gtong ba sbyin pa'o// snying / rjechen pos shin tu zin pas theg pa de dang nul ngan pa rnams la tshul khrims sbyin pa'o// sems can la khong khro ba'i sems med pas/ theg pa de ni gnod pa'i sems dang ldan pa rnams la bzod pa sbyin pa'o// go cha brtan pa mi 'dor bas theg pa de ni le lo can rnams la brtson 'grus sbyin pa'o// sems dul zhing zhi la las su rung bas theg pa de ni g.yeng ba rnams la bsam gtan sbyin pa'o// sems can thams cad thos pa la sbyor bas theg pa de ni shes rab sbyin pa'o// sdig rnams ca mi byed pas/ theg pa de ni bde ba thams cad sgrub cing sdug bsngal thams cad sel ba'o// theg pa de ni chags pa med pa'i ye shes kyis sangs rgyas kyi ye shes
- 372b
dang / chags pa med pa'i ye shes kun tu ston pa/ theg pa thams cad kyi spyi bor phyin pa ste// de'i phyir theg pa chen po zhes bya'o// chos kyi rnams grangs 'di bshad pa na/ srog chags khri nyi stong ni/ bla na med pa yang dag par rdzogs pa'i byang chub sems bskyenas/ 'di skad ces bdag kyang theg pa chen po la zhugs te/ sems can tshad ma mchis pa theg pa chen po 'di la dgod par bgyi'o zhes smras so// de nas bcom ldan 'das la bu mo rin chen gyis/ 'di skad ces gsol to// bcom ldan 'das gang gis thams cad mkhyen par myur du nges par mi 'byung ba theg pa chen po'i bar du gcod pa gang lags/ de skad ces gsol pa dang / bcom ldan 'das kyi bu mo rin chen la 'di skad ces bka' stsal to// bu mo theg pa chen po'i bar tu gcod pa/ sum bcu rtsa gnyis te/ bar du gcod pa de dag gis thams cad mkhyen pa nyid du myur du nges par mi 'byung ngo // sum bcu rtsa gnyis gang zhes na/ 'di lta ste/ nyan thos kyi theg pa 'dod pa dang / rang sangs rgyas kyi theg pa 'dod pa dang / brgya byin dang / tshangs pa nyid mngon par 'dod pa dang / skye ba la gnas te/ tshangs par spyod pa dang / dge ba'i rtsa ba gcig la chags pa dang / longs spyod bdog pa rnams la ser sna byed pa dang / sems can rnams la mnyam par mi sbyin pa dang / tshul khrims lhod pa dang / byang chub kyi sems kyi mi srung ba dang / gnod sems dang kho khro
- 373a
bdag la nyal bar byed pa dang / sems zhus pa dang / brjedangs pa dang / thos pa don tu mi gcer ba dang / dpyod pa med padang / 'phags pa ma yin pa dang / nga rgyal las kyang nga rgyal 'phel ba dang / lus dang sems kyi las yongs su ma dag pa dang / dam pa'i chos mi bsrung ba dang / slob dpon chos chab pa dang / bsdu ba'i dngos po rnams 'dor ba dang / yang dag par dga' bar 'gyur ba'i gtong ba dang / sdig pa'i grogs po dang / spen pa dang / byang chub tu yongs su mi sngo ste/ phung po gsum pa dang / mi 'thun pa dang / dge ba'i rtsa ba chung ngus rlom sems su byed pa dang / thabs med par ltung ba'i blo dang / phyir zhing dkon mchog gsum gyi bsngags pa mi smra ba dang / byang chub sems dpa' la gnod par sems pa dang / mthos pa'i chos smra ba dang / bdud kyi las khyod du mi chud pa dang / 'jig rten kyang 'phen pa'i gsang tshig 'dzin pa dang / sems can yongs su smin par mi byed pa dang / 'khor bas yongs su skye ba ste/ bu mo sum bcu rtsa gnyis po de dag ni theg pa chen po'i bar du gcod pa yang dag phul yin te/ bar du gcod pa de dag gis thams cad mkhyen par nges par mi 'byung ngo // de lta mod kyi 'on kyang bu mo theg pa chen po'i yon tan ji tsam pa bar du gcod pa yang de tsam mo// de ci'i phyir zhe na/ 'dus byas kyi skyon ji tsam pa theg pa chen po'i
- 373b
bar du gcod pa yang de tsam mo// mya ngan las 'das pa'i yon tan ji tsam pa theg pa chen po'i yon tan dang / bsngags pa yang de tsam mo// theg pa chen po'i yon/ tan dang / bsngags pa ci tsam pa de bzhin gshegs pas sems kyi nye ba'i nyon mongs pa rab tu mkhyen pa'i yang de tsam ste/ de dag thams cad ni theg pa chen po'i bar du gcod pa'o// de bzhin gshegs pas sangs rgyas kyi yon tan rab tu mkhyen pa ji tsam pa theg pa chen po'i bsngags pa dang yon tan yang de tsam mo// bu mo de lta bas na ci nas kyang byang chub sems dpa' sems dpa' chen pos theg pa chen po'i nyon mongs par gyur pa'i chos yongs su spang bar bya'o// chos gang gis theg pa chen po rnam par dag par 'gyur ba'i chos de dag la sten par bya/ bsgom par bya/ mang du bya'o// de la theg pa chen po rnam par dag par 'gyur ba'i chos gang zhe na/ bu mo chos sum bcu gnyis 'di dag ni theg pa chen po rnam par dag par 'gyur ba ste/ sum bcu rtsa gnyis gang zhe na/ 'di lta ste/ gsol ba ma btab par/ sems can thams cad la dge ba'i bshes gnyen du gyur pa dang / gzhan gyis byas pa rnams la/ mngon par dga' ba med pa dang / dge ba'i rtsa ba'i tshogs thams cad la bsam pa brtan pa dang / bya ba thams sa cad yongs su sgrub pa la zhum pa med pa dang / bsam pa dag pas sems rlog pa med pa dang / spyod lam thams cad du rnam par mi rtog pas lus yongs su dag
- 374a
pa dang / ji skad smras pa de bzhin du byed pas/ ngag yongs su dag pa dang / byang chub kyi sems mi 'dor bas sems yongs su dag pa dang / lan la mi re bas sbyin pa yongs su dag pa/ ngang tshul ngan pa yongs su skyo bas/ tshul khrims yongs su dag pa/ lus dang srog la mi lta bas/ bzod pa yongs su dag pa dang / stobs bcu dang / mi 'jigs pa bzhi yongs su rdzogs par byed pas/ brtson 'grus yongs su dag pa dang / nyon mongs pa thams cad kyis zil gyis mi non pas/ bsam gtan yongs su dag pa dang / bag chags thams cad yang dag par 'joms pas/ shes rab yongs su dag pa dang / bdud kyi las thams cad yongs su spong bas sems dpa' ba dang / kha 'og tu lus 'khrus par byed pas yi dam la brtan pa dang / sems can yongs su smin par byed pas sdu ba'i dngos po rnams mi 'dor ba dang / dam pa'i chos yongs su srung bas// sangs rgyas la byas pa gzo ba dang / byang chub kyi phyogs kyi chos rab tu rdzogs par byed pas/ yongs su mi skyo ba dang / shes rab dang ye shes rab tu rdzogs par bya ba'i phyir thos pas mi ngoms pa dang / gong ma'i khyad par khong du chud pas de la mi chags pa dang / spyi gtsug ltar mi mthong bar bya ba'i phyir nga rgyal med par nyan pa dang / rgyu dang rkyen tshogs pa shin tu mi mthong ba'i phyir/ chos thams cad dang 'gal ba'i med pa dang / 'phags pa'i nor bdun rab tu thob pa'i phyir/ dbul ba med pa dang / bdag dbang bas// rang dpa
- 374b
yod de/ bran ma yin pa dang / bsod nams dang ye shes kyi tshogs mngon par bsgrubs pa'i mngon par shes pa rnams kyis/ sems can thams cad kyi nyon mongs bzhi par byed pa dang / de bzhin gshegs pa'i rig pa dang / rnam par grol bar bsgrubs pas zhi gnas kyi tshogs dang / lhag mthong gi tshogs dang / stong pa nyid dang / mtshan ma med pa dang / smon pa med pa bsgom pa'i phyir rnam par thar pa'i phyir rnam par thar pa'i sgo gsum gyi sgo mo kun tu ston pa dang / sems can thams cad snyed kyi ye shes khong du chud pas nang nye bar zhi ba dang / mi skye ba'i chos la bzod pa'i phyir/ zad pa dang mi skye ba shes pa dang / chos thams cad la nan tan snying por byed cing / gnas pa lung bstan pa ste/ bu mo chos sum bcu rtsa gnyis po de dag ni/ theg pa chen po rnam par dag par 'gyur ba'o// theg pa chen po rnam par dag pa'i le'u yi chos kyi rnams grangs 'di bshad pa na/ lha dang mi'i skye dgu srog chags bdun khri nyis stong ni/ bla na med pa yang dag par rdzogs pa'i byang chub tu sems bskyed do// byang chub sems dpa' khri nyis stong ni mi mi skye ba'i chos la bzod pa rab tu thob par gyur to// steng gi bar snang las kyang lha brgya stong gis ca co dang / gzhi'i sgra phyung ste/ me tog kyang gtor sil snyan yang bkrol nas/ gang theg chen po'i yon tan dang / bsngags pa bstan pa'i chos kyi sgo'i// le'u 'di la zos nas kyang mos pa dang / mos nas kyang len cing 'dzin te/ yang dag par nan tan byed
- 375a
pa'i sems can de dag ni/ sangs rgyas kyi yon tan la nges par gnas par 'gyur ro zhes/ ched du brjod pade skad cid du brjod do// den/ bcom ldan 'das la lha'i dbang po brgya byin dang / mi 'jed kyi bdag po tshangs pa dang / rgyal po chen po bzhis 'di skad ces gsol to// bcom ldan 'das kyi ma'o// / ji tsam du chos kyi rnams grangs mang po dang ldan pa/ sgrib pa'i nyon mongs pa'i zhi bar bgyid pa/ nges pa'i don dang ldan pa/ bdud dang phyir rgol ba bcom pa/ phas kyi rgol ba thams cad rab tu 'dul ba/ sangs rgyas kyi chos thams cad kun tu 'dzin pa/ shin tu gnod mi 'tshal ba/ zab mo nges pa'i tshig bstan pa ni ngo mtshar to// bcom ldan 'das bdag cag gis kyang chos rnam grangs 'di glang bar bgyi/ gzung bar bgyi'o// chos kyi rnam grangs 'di chos smra ba gang gis sug par ma mchis pa dang / mdzod du chud pa dang / gleg bam du mchis par gyur pa dang / lha dang klu dang / gnod sbyin dang dri za gang dag chos kyi rnam grangs 'di la mos pa dang / 'dzin par 'gyur ba de dag yongs su bzung ba'i sug las bgyi'o// gang sems ma dad pas tshol ba de dag ci nas kyang chos smra ba de dag la 'che 'gyur bar shin tu tsham 'gum par bgyi'o// de nas bcom ldan 'das kyis lha'i dbang po brgya byin dang / mi 'jed kyi bdag po tshangs pa dang / 'jig rten skyong ba bzhi la legs so bya ba gnang ste/ grog
- 375b
po dag chos smra ba yongs su gzung ba'i phyir dam bcas par gyur pa ni legs so legs so// grogs po dag chos smra ba yongs su gzung bas/ dam pa'i yongs su gzung / ba yin no// dam pa'i chos yongs su gzungs pas/ sems can thams cad yongs su gzung ba byas pa yin no// de nas bcom ldan 'das kyi tshe dang ldan pa kun dga' ba'o la bka' bstsal pa/ dam pa'i chos yongs su dris pa'i chos kyi rnam grangs 'dra zung shig/ lhogs shig gzhan dag yang rgya cher rab tu ston cig/ kun dga'o byang chub sems dpa'i sbyin pa la mos pa/ dmigs pa la gnas pa'i bzod pas/ bskal pa brgya stong du sbyin pa byin pa gang yang byang chub sems dpa' gzhan zhig chos kyi rnam grangs 'di zhugs te/ gzhan dag la yang rab tu ston cing / sems can rab tu thar par bya ba la dmigs nas/ snying rje chen po gnas pa dang / gang byams pa chen po dang ldan zhing / chos nges par sems dpa'i bzod pa la rab tu gnas na de de bas bsod nams ches mang du 'phel te/ 'di ltar theg pa chen po la ches myur du nges par 'byung bar 'gyur/ de skad ces bka' stsal pa dang / tshe dang ldan pa kun dag 'os/ bcom ldan 'das la 'di skad ces gsol to// bcom ldan 'das bdag gis chos kyi rnam grangs 'di gzung ba lags na/ bcom ldan 'das chos kyi rnam grangs 'di ming ci lags/ 'di ji ltar bzung bar bgyi/ bcom ldan 'das kyis bka' stsal pa//
- 376a
@kun dga' bo de bas/ chos kyi rnam grangs 'di bden pa dang / chos dang don dang / 'dul ba la mkhas pa'i sgo'i le'u zhes bya bar zung shig/ yon tan rin chen mtha' yas par sems bskyed pa bstan pa zhes bya ba dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / mtshan rab tu dbye ba bstan pa zhes bya ba dang / byang chub sems dpa'i chos spyod pa mtha' dag ces bya ba dang / phyir mi ldog pa'i phyag rgya bstan pa/ zhes bya ba dang / theg pa chen po'i man ngag ces bya ba dang / 'dus pa'i le'u zhes bya ba dang / bu mo rin chen gyi zhus bya bar yang zung shig/ kun dga' bo khyod kyis chos kyi sgo'i le'u 'di bzung zhing / gzhan dag la yang bshad na/ yon tan dpag tu med pa la chos kyi snang ba thob par 'gyur ro// sems can rnams sangs rgyas kyi mdzad pas/ nye bar gnas par 'gyur ro// de ci'i phyir zhe na/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi mdun du ni 'dir 'dus pa'i phyir ro// bcom ldan 'das kyis de skad ces bka' stsal pa dang / tshe dang ldan pa kun dga' bo dang / bu mo rin chen dang / lha dang mi dang / lha ma yin dang / dri bar bcas pa'i 'jig rten/ bcom ldan 'das kyi gsungs pa la yid rangs te/ mngon par bstod do// 'phags pa theg pa chen po'i man ngag ces bya ba theg pa chen po'i mdo rdzogs skyo// rgya gar gi mkhan po 'dzin mi tra dang / da na shi la dang / zhu chen gyi
- 376b
lo tsa ba bAde ye shes sde las sogs pas bsgyur cing nus te/ gtan la phab pa'o// @/ rgya gar skad du// ar+ya sarba bud+d+ha be Sha ya a ba tAr gnya' na lo kA lang kAr na ma ma hA yan su tra/ bod skad du/ 'phags pa sangs rgyas thams cad kyi yul la 'jug pa/ ye shes snang ba'i rgyan ces bya ba theg pa chen po'i mdo/ sangs rgyas dang / byang chub sems dpa'i thams cad la phyag 'tshal lo// 'di skad bdag gis thos pa'i dus gcig na/ bcom ldan 'das rgyal po'i khab na/ bya rgod kyi phung po'i ri'i rtse mo bzhi pa'i drung / chos kyi dbyings kyi snying po'i khang bzangs na 'di lta ste/ nyan thos chen po brgyad po kun shes ko'u na la sogs pa/ dge stong nyi khri lnga stong gi dge slong gi dge 'dun chen po thams cad kyang dgra bcom pa zag pa zad pa nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po// bya ba byas pa/ byed pa byas pa/ khur bor ba/ bdag gis don rjes su thob pa/ sring ba kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems can thams cad kyi dbang gi dam pa'i pha rol son pa sha rtag dang / 'di lta ste/ byang chub sems dpa' chen po 'jam dpal gzhon nur gyur pa dang / nor dpal dang / sangs rgyas dpal dang / sman gyi rgyal po dang / sman yang dag 'phags la sogs pa/ 'jig rten gyi khams gzhan dang / gzhan dag gi de bzhin gshegs pa bye ba khrag khrig pa
- 377a
stong gis/ kun nas bkye ba'i byang chub sems dpa' bye ba khrag khrig phrag bdun bcu rtsa gnyis thams cad kyang phyir mi ldog pa'i chos kyi 'khor lo rag tu bskor ba/ thams cad kyang shin tu rgyas pa'i sde/ dkon mchog brtsegs pa'i mdo yongs su zhu ba la mkhas pa/ thams cad kyang sa bcu pa chos kyi sprin thob pa/ thams cad kyang shes rab kyis ri rab ltar gyur pa/ thams cad stong pa nyid dang / mtshan ma med pa dang / smon pa med pa dang / skye ba med pa dang / 'byung ba med pa dang / dngos po med pa yongs su/ bsgoms pa'i sems dang ldan pa thams cad kying chos zab mo'i snang ba chen po thob pa/ thams cad kyang de bzhin gshegs pa'i spyod lam dang ldan pa/ thams cad kyang mngon par shes pa/ yongs su sbyangs pas nges par byung ba/ thams cad kyang chos thams cad kyi ngo bo nyid kyi rang bzhin la gnas pa sha stag dang / thabs gcig tu bzhugs/ de'i tshe na bcom ldan 'das 'di snyam du bdag gis/ byang chub sems dpa' chen po rnams kyi myur ba dang / stobs dang / shugs chen po yang dag par bskyed par bya ba'i phyir/ chos kyi gtam brjod par bya zhing / 'jig rten gyi khams gang ga'i klu gi bye ma snyed dag nas/ byang chub sems dpa' sems dpa' chen po gzi brjid che ba dag bsdu bar yang bya/ bdag gis chos bstan pa chen po'i chos kyi rnam grangs bshad pa'i ltas snang ba chen po yang bstan par bya/ bdag gis byang chub sems dpa' sems dpa' chen po rnams lhags nas bdag la chos bstan pa chen po
- 377b
yongs su nu bar/ 'gyur bar yang bya'o// snyam du dgongs so// de nas bcom ldan 'das kyis/ de'i tshe phyogs bcu'i 'jig rten gyi khams stong gsum gyi stong chen po'i 'jig rten gyi khams grangs med cing / bsam gyis mi khyab padag gi rdul phra rab kyi rdul dag 'od zer chen po'i sprin dag gis snang bar mdzad do// de'i tshe na phyogs bcu'i re re nas kyang / byang chub sems dpa' sems dpa' chen po// sangs rgyas kyi zhing bye ba khrag khrig 'bum phrag/ brjod du med pa bcu'i rdul phra rab kyi rdul snyed dang lhags so// de dag la byang chub sems dpa' re yang byang chub sems dpa'i rnam par 'phrul pa bsam gyis mi khyab pa dag gis 'ongs te/ lhags nas kyang bcom ldan 'das la tshul dang / 'thun pa'i mchod pa bsam gyis mi khyab pa dag byas nas/ bcom ldan 'das kyi spyan sngar rab gi smon lam gyi stobs las byung ba'i pad ma'i stan dag 'khod de/ bcom ldan 'das la mig mi 'dzum par lta zhing sdod par 'gyur to// de'i tshe na chos kyi dbyings kyi snying po'i khang bzangs de'i dbus su se ge'i khri nor bu rin po che'i pad ma'i snying po na/ rgyar dpag cha dbye ba khrag grangs med pa yod pa/ rim gyis mthong ba/ nor bu rin po che kun tu snang ba las grub pa/ nor bu rin po che klog gi sgron ma'i kha khyer gyis yongs su bskor ba nor bu rin po che 'od bsam gyis mi khyab pa'i lan kan gyis yongs su bskor ba/ nor bu rin po che dpe med pas yongs su bskor ba/ nor bu rin po che snang ba dpe las 'das
- 378a
pa'i phreng bas mdzes par byas pa/ nor bu rin po che dbang gi rgyal po'i dra bas kun nas g.yogs pa/ nor bu rin po che rnam pa sna tshogs kyis sbas ga gdugs dang / rgyal mtshan dang / ba dan bsgreng ba dang ldan pa zhig byung bar gyur to// seng ge'i khri nor bu rin po che chen po'i snying po can de'i khor yug nas/ 'od zer grangs med pa bye ba khrag khrig 'bum phrag bcu byung ste/ 'od de dag gi phyogs bcu'i 'jig rten gyi khams gzhan dang / gzhan dag snang ba chen pos/ khyab par gyur to// yang de'i tshe na/ phyogs bcu'i phyogs re re nas kyang lha dang / klu dang / gnod sbyin dang / dri za dang / lha ma yin dang / na mkha'i lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / sangs rgyas kyi zhing bye ba khrag khrig 'bum phrag brjod du med pa bcu'i rdul snyed dag kyang lhags par gyur te/ de dag las kha cig ni rin po che'i khang pa brtsegs pa dag na 'khod la/ lha'i bu mo bye ba khrag khrig 'bum phrag grangs med cing bsam gyi mi khyab pa/ klu dbyangs dang / rol me'i sgra 'byin pa dag dang lhags so// kha cig ni me tog las byas pa dag dang / kha cig ni tsan dan sbrul gyi snying po las byas pa dag dang / kha cig na mu tig las byas pa dag dang / kha cig ni rdo rje las byas pa dag dang / kha cig ni nor bu rin po che rdo rje ltar snang ba las byas pa dag dang / kha cig ni 'dzam bu chu bo gser las byas pa dag dang / kha cig ni nor bu rin po che'i 'od thams cad yang dag
- 378b
par 'dus pa las byas pa dag dag kha cig ni nor bu rin po che bang gi rgyal po las byas pa dag dang / kha cig ni rin po che yid bzhin gyi nor bu las byas pa dag dang / kha cig ni nor bu rin po che brgya byin thogs pa las byas pa dag dang / kha cig ni rgya mtsho'i rten rnam par dag pa'i rin po che'i dkod pa stong lta bu'i nor bu rin po che chen po kun nas zer snang ba las byas pa'i khang pa brtsegs pa dag na 'khod la/ lha'i bu mo bye ba khrag khrig 'bum phrag grangs med cing bsam gyi mi khyab pa/ klu dbyangs dang / rol me'i sgra 'byin pa dag dang / lhags so// lhags nas kyang bcom ldan 'das la bsam gyis mi khyab pa dang / mtshungs pa med pa dang / gzhal du med pa dang / dpag tu med pa las kyang / shin tu 'das pa'i mchod pa byas te/ bcom ldan 'das kyi spyan sngar rang gi smon lam gyi stobs kyi rgyu las byung ba'i stan dag las 'khod nas/ bcom ldan 'das la mig mi 'dzums par lta zhing sdod par gyur to// de'i tshe na stong chen po'i 'jig rten gyi khams 'di 'dzam bu chu bo// gser las grub par kun tu gnas par gyur cing / nor bu rin po che chen po sna tshogs kyi shing ljon pa dag gis legs par brgyan pa dang / lha'i me tog gi sngon shing dag dang / gos kyi shing ljon pa dang / tsan dan sprul gyi snying po'i shing ljon pa dag dang / spos kyi shing ljon pa dang / a ga ru'i shing ljon pa de dag gis legs par brgyan cing / nor bu rin po che nyi ma dang / zla ba dang / glog
- 379a
gi sgron ma'i dra bas kun nas khebs pa dang / gdugs pa dang / rgyal mtshan dang / ba dan basbed pa dang / shing ljon pa thams cad lha'i bu/ mo bye ba khrag khrig 'bum phrag grangs pa/ mu tig do shal lus phyed pa thogs pa dang / rin po che chen po'i 'phreng ba thogs pa dag 'khod par gyur to// de'i tshe na seng ge'i khri nor bu rin po che chen po'i snying po can de las/ tshigs su bcad pa 'di dag byung ngo // khyod kyi bsod nams kyis bdag byung ste/ mi dbang rgyal ba tshur gshegs bzhugs su gsol/ rgyal ba rkang gnyis dam pa bdeg bgyi ste/ de ring bdag gi brnag pa 'di rdzogs 'gyur/ bdag gi lus 'di rin chen rgyus grub ste/ 'dren pa khyod phyir bdag gi dkyil na ni/ rin chen pad ma yid 'ong cig mchis te/ skyob pa bdag gi brnag pa deng rdzogs mdzod// rin chen pad ma 'di la bzhugs nas ni/ bdag dang 'jig rten 'di kun mdzes par mdzod// gang thos seng ge'i khri 'di 'dra thob par// chos de srog chags bye mang bstan du gsol// khyod kyi sku las 'od zer stong byung ste/ 'jig rten khams mang rab tu snang bgyid pa/ de ni bdag gi dga' mchog skyes pa'i mtshan/ 'dren pa bdag gi slad du bzhugs gsol// snang bdag gi phyogs 'dir rang 'byung ba'i// thub pa byed ba phrag brgyad bteg zur pas/ myur du bzhugs te phan gdags mdzad du gsol// bcom ldan dang 'dir ban gdags mdzad du gsol// de nas bcom ldan 'das bdan ldanas
- 379b
las bzhengs te/ seng ge'i khri nor bu rin po che chen po'i pad mi snying po can de la/ dkyil mo dkrung bcas te/ bzhugs nas/ thams cad dang ldan pa'i byang chub sems dpa'i tshogs la rnam par gzigs te/ byang chub sems dpa' chen po de dag la yang dag phul gyi chos bstan pa'i ltas mdzod do// de'i tshe na/ thams cad dang ldan pa'i byang chub sems dpa'i tshogs rnams 'di snyam du sems te/ bajam dpal gzhon nur gyur pa 'dis de bzhin gshegs pa dgra bcom pa yang dag par rdzogs pa'i sangs rgyas la/ bdag cag gis thos nas yun ring du lon pa skye ba med pa dang / 'phags pa med pa'i chos kyi rnam grangs de yongs su zhus na ci ma rung snyam mo// de nas 'jam dpal gzhon nur gyur pas/ bcom ldan 'das kyis ltas mdzad pa yang rig byang chub sems dpa' sems dpa' chen po de dag gi sems kyi yongs su rtog pa yang / sems kyis shes nas stan las langs te/ bla gos phrag pa gcig tu gzar nas/ pus mo g.yas pa'i lha nga pad ma'i snying po la gtsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das skye ba mchis pa dang / 'gag pa ma mchis pa zhes bgyi na/ bcom ldan 'das skye ba ma mchis/ pa dang / 'gag pa ma mchis pa zhes bgyi ba de chos gang gi tshig bla dgas lags/ de'i tshe tshig su bcad pa 'di dag kyang gsol to// mi skye 'gag pa ma mchis pa/ rnam 'dren khyod kyis
- 380a
bshad du gsol// de'i nges tshig mtshan nyid de/ ci 'dra shes rab chen po lags/ mi skye 'gag pa ma mchis pa/ de ni ji ltar brjod par bgyi/ dpe' rnams dang ni gtan tshigs kyis/ thub chen bshad pa mdzad du gsol/ byang chub sems dpa' mang po 'di dag ni/ 'jig rten rnam par 'dren pa bkye lags te/ ye shes 'tshal zhing bya 'tshal mchis lags na/ dam chos rgya chen dam pa bshad par mdzad du gsol// de skad ces gsol to// bcom ldan 'das kyis/ 'jam dpal gzhon nur gyur pa la/ 'di skad ces bka' stsal to// 'jam dpal leg so legs so// 'jam dpal khyod skye bo mang po la phan pa dang / bde ba dang / 'jig rten la snying brtse ba dang / lha dang mi rnams kyi skye bo phal po che'i don dang / phan pa dang / bde ba dang / byang chub sems dpa' sems dpa' chen po rnams kyis sangs rgyas kyi sa thob par bya ba'i phyir zhugs te/ khyod de bzhin gshegs pa la de lta bu yongs su zhu bar sems pa ni/ 'jam dpal yang khyod legs so// 'jam dpal de bzhin gshegs pas don de bstan pa na/ gnas de la khyod skrag pa dang / 'jigs pa dang / sdang bar mi bya zhing / 'jam dpal khyod kyis ye shes la bston par yang bya'o// 'jam dpal skye ba med pa dang / 'gag pa med pa zhes/ bya ba de ni de bzhin gshegs pa dgra bcom pa yang dag par rdzogs pa'i sangs rgyas kyi tshig bla dgas yin te/ 'jam dpal 'di lta ste dper na/ sa bzhi chen po 'di be dUr+ya chen
- 380b
po'i rang bzhin du kun nas gnas par gyur cing / de yang ji ltar be durar+ya chen po'i rang bzhin gyis bzhi chen po de la sum pa'i gnas dang / lha'i dbang po brgya byin dang / khang bzangs rnam par rgyal byed kyi gzugs bstan kun tu snang bar 'gyur ba de ltar kun nas gnas par gyur la/ de na lha'i dbang po brgya byin lha'i 'dod pa'i yon tan lnga po de dag gis rtse ba dang / dga' ba dang / dga' mgur spyod par yang kun tu snang bar gyur cing / de nas de'i tshe lha rnams kyis mdzam bu gling pa'i skyes pa dang / bud med dang / khye'u dang / bu mo zam cad la tshig 'di skad ces/ kye skyes pa dang / bud med dag tshur shog/ lha'i dbang po rgya byin 'di khang bzangs rnam par rgyal byed kyi nang na/ lha'i 'dod pa'i yon tan lnga po de dag gis rtse ba dang / dga' ba dang dga' mgur spyod par byed pa la ltos/ kye skyes pa bud mod kyi tshogs dag tshur shog/ sbyin pa dag byin cig/ bsod nams dag gyis shig/ tshul khrims yang dag par long ste/ 'dug shig dang / khang bzangs rnam par rgyal byed 'di lta bu dag gi nang na/ rtse bar 'gyur/ dga' mgur spyod par 'gyur zhing / brgya byin nyid thob par yang 'gyur la/ lha'i dbang po brgya byin lha'i longs spyod dag gis 'byor cing ldan par gyur pa ci 'dra ba de 'dra ba'i 'byor pa dag dang ldan par yang 'gyur ro// zhes yang dag par skul bar yang byed la/ 'jab dpal de nas skyes pa dang / bud med dang / khye'u dang / bu mo de dag gis/ be dUr+ya chen po'i rang bzhin gyis gzhi chen po de
- 381a
sum bcu rtsa gsum pa'i gnas dang / khang bzangs rnam par rgyal byed dang / lha'i dbang po brgya byin gyi gzugs brnyan mthong nas/ thal mo sbyar zhi/ me tog kyang 'thor bar byed/ spos dag kyang 'thor bar byed la tshig 'di skad ces bdag cag kyang lha'i dbang po rgya byin/ ci 'dra ba de 'dra ba'i lus thob par gyur cig/ bdag cag kyang ji ltar lha'i dbang po brgya byin 'di bzangs rnam par rgyal byed kyi nang na/ lha'i 'dod pa'i yon tan lnga po de dag gis rtse ba dang / dga' ba dang / dga' mgur spyod par byed pa de ltar gyur cig ces brjod par byed kyang / sems can de dag gis ni 'di ltar be dU r+ya chen po'i rang bzhin gyi sa bzhi chen po la/ bya'i gnas dang / khang bzangs rnam par rgyal byed dang / lha'i dbang po brgya byin snang ba 'di ni/ be dUr+ya chen po'i rang bzhin yongs su dag pa'i phyir gzugs bstan kun tu snang ba yin no// zhes de ltar yongs/ su mi shes te/ de dag brgya byin nyid 'dod pas sbyin pa dag kyang sbyin/ bsod nams dag kyang byed/ tshul khrims kyang yang dag par blangs te/ gnas shing dge ba'i rtsa ba dag kyang sum bcu rtsa gsum pa'i gnas snang ba der skye bar bya ba'i phyir yongs su sngo bar byed na/ 'jam dpal ji ltar be dUr+ya chen po'i rang bzhin gyis chen po de la/ sum bcu rtsa gsum pa'i gnas kyang med/ khang bzang rnam par rgyal byed kyang med/ lha'i dbang po brgya byin yang med mod kyi 'on kyang bai durar+ya chen po yongs su dag pa'i phyir/ de la
- 381b
sum bcu rtsa gsum pa'i gnas dang / khang bzangs rnam par rgyal byed dang / lha'i dbang po brgya byin gyi gzugs brnyan kun tu snang ste/ de dag kyang yod pa ma yin zhing / skyed med pa dang / 'gag pa med pa bzhin du/ be dUr+ya chen po yongs su dag pa'i phyir/ gzungs brnyan yang kun tu snang ste/ de dag kyang yod pa ma yin zhing / skye ba med pa dang / 'gag pa med pa bzhin du/ be dUr chen po yongs su dag pa'i phyir/ gzungs brnyan yang kun tu snang ba de bzhin du/ 'jam dpal sems yongs su dag pa dang / bsgom pa shin tu goms par byas pa'i sems can la/ de bzhin gshegs pa'i sku snang bar 'gyur te/ 'jam dpal de bzhin gshegs pa'i mthus/ sems can rnams kyis de bzhin gshes pa'i sku mthong ba yang ma byung ba/ ma skyes pa/ dngos po ma yin pa/ dngos po med pa ma yin/ ltar snang ba ma yin/ 'di ltar mi snang ba ma yin/ 'jig rten pa ma yin// 'jig rten med pa ma yin/ sems pa yod pa ma yin/ bsam du med pa ma yin/ yod pa ma yin/ med pa ma yin mod kyi/ 'apal 'on kyang sems can rnams ni/ de bzhin gsheg ba'i gzugs brnyan la dmigs nas/ me tog kyang 'thor bar byed/ spos dang na bza' dang / rin po che dag kyang 'bul bar byed cing / tshig 'di skad ces bdag cag de bzhin gshes pa dgra bcom pa yang dag par rdzogs pa'i sangs rgyas ci 'dra ba de 'dra bar gyur cig ces brjod par byed de/ sangs rgyas kyi ye shes 'dod pa de dag sbyin pa dag kyang byed/ mum
Colophon
'phags pa theg pa chen po'i man ngag ces bya ba theg pa chen po'i mdo rdzogs s+h+yo/ /rgya gar gyi mkhan po 'dzin mi tra dang/ da na shi la dang/ zhu chen gyilo tsa ba ban de ye shes sde las sogs pas bsgyur cing zhus te/ gtan la phab pa'o