'phags pa de bzhin gshegs pa rnams kyi sangs rgyas kyi zhing gyi yon tan brjod pa'i chos kyi rnam grangs

Text

ff. 50b–51a · 2 folio sides

  1. 50b

    dad myed tshes mchog ma thob byis pa rnams// zhum zhum por ni shi nad byed par 'gyur// de'i phyir 'jig rtend kun mgon gang yin pa// / dam chos spyod yul can rnams rnyed dga' bas// thub rnams spyan ra sngar shin tu dang soms rgyas/ sangs rgyas nyid kyi ched du smon lam thob// bcom ldan 'das kyis de skad ces bka' stsald nas/ tshe dang ldan pa sha ri'i bu dang / thams cad dang ldan pa'i 'khor de dang / lha dang myi dang l+h+wam yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// / 'phags pa mar me 'bul pa zhes bya ba theg pa chen po'i ma rdzogs so// / rgya kang gi mkhan po brang nya pa ra ma dang / zhu chen gi lo tsa pa/ ban te ye shes sde la sogs bas bsgyur cing zhus te/ gtan sa pheb pa// rgya kaMr skad du/ a r+ya ta tha 'ga' ta na bu te k+She tra 'aku no d+ha pU ban d+ha rma pa ra ya/ go skad du/ 'phags pa de bzhin gshegs pa rnams kyi sangs rgyas kyi zhing kyi yon tan brjod pa'i chos kyi rnam grangs sangs rgyas byang chub sems dpa' thams cad la phyag 'tshal lo// 'di skad bdag gis thos thal chus canan bcom ldan 'das yul mnyam dka' na/ chos kyi 'bye dgon pa byang chub kyi snying po na/ nor bu rdo rjes spras pa'i pad ma'i snying po'i seng ge'i khri la bzhugs te/ byang chub sems dpa'i dge 'dun chen po sangs rgyas kyi zhing brjod du myed pa bye ba khrag khrig brgya stong phrag bcu'i rtul phra rab snyed kyi byang chub sems dpa' sems dpa' chen po dang tha'as cig go// de'i tshe na byang chub sems dpa'i 'khor gyi dkyis 'khor 'dus pa de nyid du byang chub sems dpa' sems dpa' chen po 'od bsam

  2. 51a

    phyis myi khyab pa'i rgyal po zhes bya ba 'dus par 'gyur te 'dug go// de nas byang chub sems dpa' chen po 'od bsam gyis myi khyab pa'i rgyal po sangs rgyas kyi mthus stand las langs te// byang chub sems dpa'i tshogs thams cad la smras pa// kye rgyal ba'i sras dag 'jig rten gyi khams kyi mched kyi bskal pa de ni/ bcom ldan 'das de sna bzhin gshegs pa 'od dpag tu myed kyi sangs rgyas kyi zhing 'jig rten gi khams bde ba can gi nyin zhag cig go// kye rgyal ba'i sras dag gang 'jig rten gi khams bde ba can gi bskal pa de ni/ bcom ldan 'das de bzhin gshegs pa gyi 'khrugs pa'i sangs rgyas kyi zhing 'jig rten gi khams mngon par dga' ba'i nyin zhag gcig go// kye rgyal ba'i sde dag gang 'jig rten gi khams mngon par dga' ba'i skal pa de ni/ bcom ldan 'das de bzhin gshegs pa rdo rje snying pos rab tu 'dul ba'i sangs rgyas kyi zhing 'jig rten gi khams cur smyig ga rgyas mtshan kyi nyin zhag gcig/ go// kye rgyal pa'i sras dag 'jig rten gi khams drur smyig gi rgyas mtshan gyi bskas pa de ni/ bcom ldan 'das de bzhin gshegs pa shinang tu rnam par gnod myi za bar pang mo rab tu rgyas pa'i sku'i sangs rgyas kyi zhing 'jig rten ga khams phyir myi ldog pa'i 'khor lo dbyangs kyi nyan zhag cig go// kye rgyas pa'i sras dag gang 'jig rten gi khams phyir myi ldog pa'i 'khor so dbyangs kyi bskasad pa de ni/ bcom ldan 'das de bzhin gshegs pa chos kyi rgyas mtshan gi sangs rgyas kyi zhing 'jig rtend gi khams rngus dang bral ba'i nyani zhag cig go// kye rgyal ba'i sras/ ngag gang 'jig rten gi khams rdul dang bral ba 'i bskald pa de ni/ bcom ldan 'das de bzhin gshegs pa seng ge'i sangs rgyas kyi zhing 'jig rten ga khams mar me ldan gi nyin zhag gcig go// kye rgyal ba'i sras