'phags pa bzang po spyod pa'i smon lam gyi rgyal po
Text
ff. 268a–271b · 8 folio sides
- 268a
bti/ tsin da ma Ni ma hA ba du me ru ru tin+ta/ dz+wa la A kar Sha ya hUM phaT swA hA/ rtsa ba'i sngags/ rdzogs s+ho// // oM ba du mo tsan dam Ni dz+wa la hUM/ snying po'o// oM b+ha rang pa du ma hUM// nye ba'i snying po'o// oM ma Ni brjon d+ha/ gsang ba'i snying po'o// sngags snying bzhin du 'byung / sprin lam dang tshigs su bcad pa dang sngags su bcas pa/ rdzogs s+ho// // rgya gar skad du/ Ar+ya b+hadrA tsI r+yapra Ni d+hAn rAng / bod skad du// 'phags pa bzang po spyod pa'i smon lam gyi rgyal ba// 'phags pa 'jam dpal gzhon nur gyur ba la phyag 'tshal lo// ji snyed su dag phyogs bcu'i 'jig rten na// dus gsum gshegs pa mi yi seng ge kun/ / bdag gis ma lus de dag thams cad la// lus dang ngag yid dang bas phyag bgyi'o// bzang po spyod pa'i smon lam stobs dag gis// rgyal ba thams cad yid kyis mngon sum du// zhing gi rdul snyed lus rab btud pa yis/ / rgyal ba kun la rab tu phyag 'tshal lo// rdul gcig steng na rdul snyed sangs rgyas rnams// sangs rgyas sras kyi dbus na bzhugs pa dag/ de ltar chos kyi dbyings rnams ma lus pa/ / thams cad rgyal ba dag gis gang bar mos// de dag bsngags pa mi zad rgya mtsho rna mas// dbyangs kyi yan lag rgya mtsho sgra kun gyis// rgyal ba kun gyi yon tan rab brjod cing // bde bar gshegs pa thams cad bdag gis bstod/ / me tog dam pa phreng ba dam pa dang // sil snyan rnams dang byug pa gdugs mchog dang // mar me mchog dang bdug pa dam pa yis// rgyal ba de dag la ni mchod par bgyi na bza' dam pa rnams dang dri mchog dang / / phye ma'i bur ma ri rab mnyam pa dang // bkod pa'i khyab par 'phags pa'i mchog kun gyis// rgyal ba de dag la ni mchod par bgyi// mchod pa gang rnams bla med rgya
- 268b
che ba/ / de dag rgyal ba thams cad la yang mos// bzang po spyod la dang pa'i stobs dag gis// rgyal bkun la phyag 'tshal mchod par bgyi// 'dod chags zhe sdang gti mug dbang gis na// lus dang ngag dang de bzhin yid kyis kyang / / sdig pa bdag gis bgyis po ci mchis pa// de dag thams cad bdag gis so sor bshags// phyogs bcu'i rgyal ba kun dang sangs rgyas sras// rang rgyal rnams dang slob dang mi slob dang / / 'gro ba kun gyi bsod nams gang la yang // de dag kun gyi rjes su bdag yi rang // gang rnams phyogs bcu'i 'jig rten sgron ma dag/ byang chub rim par sangs rgyas ma chags brnyes/ / mgon po de dag bdag gis thams cad la// 'khor lo bla na med pa bskor bar bskul// mya ngan 'das ston gang bzhed de dag la// 'gro ba kun la phan zhing bde ba'i phyir// bskal pa zhing gi rdul snyed bzhugs par yang / / bdag gis thal mo rab sbyar gsol bar bgyi// phyag 'tshal ba dang mchod cing bshags pa dang / rjes su yi rang bskul zhing gsol ba yis// dge ba cung zad bdag gis ci bsags pa/ / thams cad bdag gis byang chub phyir bsngo'o// 'das pa'i sangs rgyas rnams dang phyogs bcu yi// 'jig rten dag na gang bzhugs mchod par gyur// gang yang ma byon de dag rab myur bar// bsam rdzogs byang chub rim par sangs rgyas spyon// phyogs bcu ga la'i zhing rnams ji snyed pa// de dag rgya cher yongs su dag par gyur// byang chub shing dbang drung gshegs rgyal ba dang // sangs rgyas sras kyis rab tu gang bar shog/ phyogs bcu'i sems can gang rnams ji snyed pa// de dag rtag tu nad med bde bar gyur// 'gro ba kun gyi chos kyi sa don rnams ni// 'thun par gyur cing re ba'ang
- 269a
'grub par shog/ byang chub spyod pa dag ni bdag spyod cing // 'gro ba kun tu skye ba dran par gyur// tshe rab kun tu 'chi 'pho skye ba na// rtag tu bdag ni rab tu 'byung bar shog/ rgyal ba kun gyi rjes su sngom gyur te/ / bzang po spyod pa yongs su rdzogs byed cing // tshul khrims spyod pa dri med yongs dag par// rtag tu ma nyams skyon med spyod par shog/ lha yi skad dang klu dang gnod sbyin skad// grul bum dag dang mi yi skad rnams dang / / 'gro ba kun gyi sgra rnams ji tsam par// thams cad skad du bdag gis chos bstan to// des shing pha rol phyin la rab brtson te// byang chub sems ni nam yang rjed mi gyur// sdig pa gang rnams sgrib par gyur pa dag/ de dag ma lus yongs su byang bar shog/ las dang nyon mongs bdud kyi las rnams las// grol zhing 'jig rten 'gro ba rnams su yang // ji ltar bad ma chus mi chags pa bzhin/ / nyi zla nam mkha' thogs pa med ltar spyod// zhing gi khyon dang phyogs rnams ji tsam par// ngan song sdug bsngal rab tu zhi bar byed// bde ba dag la 'gro ba kun 'god cing // 'gro ba thams cad la ni phan par spyad/ / byang chub spyod pa yongs su rdzogs byed cing // sems can rnams kyi spyod dang 'thun par 'jug/ bzang po spyod pa dag ni rab ston cing // ma 'ongs bskal pa kun tu spyod par gyur// bdag gis spyod dang 'thun par gang spyod pa/ / de dag dang ni rtag du 'grogs par shog/ lus dang ngag rnams dang ni sems kyis kyang // spyod pa dag dang smon lam gcig tu spyad// bdag la phan par 'dod pa'i grogs po dag/ bzang po spyod pa rab tu ston pa rnams// de dag dang yang rtag tu phrad par shog/ de dag bdag gis nam yang yid mi dbyung // sangs rgyas sras kyis bskor ba'i mgon po rnams//
- 269b
mngon sum rtag tu bdag gis rgyal ba blta// ma 'ongs bskal pa kun tu mi skyo bar// de dag la yang mchod pa rgya cher bgyi// rgyal ba rnams kyi dam pa'i chos 'dzin cing // byang chub spyod pa kun tu snang bar byed/ bzang po'i spyod pa rnam par sbyar ba yang // ma 'ongs bskal pa kun tu spyad par bgyi// srid pa thams cad du ni 'khor ba na// bsod nams ye shes dag ni mi zad rnyed// thabs dang shes rab ting 'dzin namathar dang / / yon tan kun gyi mi zad mdzod du gyur// rdul cig sted na rdul snyed zhing rnams te// zhing der bsam gyis mi khyab sangs rgyas rnams// sangs rgyas sras kyi dbus na bkram bal/ / byang chub spyad pa spyod cing blta bar bgyi// de ltar ma lus thams cad phyogs su yang // skra tsam khyon la dus gsum tshad snyed kyi// sangs rgyas rgya mtsho zhing rnams rgya mtsho dang // bskal pargya mtshor spyod cing rab tu 'jug/ gsung gcig yan lag rgya mtsho sgra skad kyis// rgyal ba kun dbyangs yan lag rnam dag pa// 'gro ba kun gyi bsam pa ji bzhin dbyangs// sangs rgyas gsung la rtag tu 'jug par bgyi/ / dus gsum gshegs pa rgyal ba thams cad dag/ 'khor lo'i tshul rnams rab tu bskor ba yi// de dag gi yang gsung dbyangs mi zad la// blo yi stobs kyis bdag kyang rab tu 'jug/ ma 'ongs bskal pa thams cad 'jug par yang // skad cig gcig gis bdag kyang 'jug par bgyi// gang yang bskal pa dus gsum tshad de dag/ skad cig cha shas kyis ni zhugs par spyad// dus gsum gshegs pa mi yi sang ge gang // de dag skad cig gcig la bdag gis blta// rtag tu de dag gi ni spyod yul la// sgyu mar gyur pa'i rnam thar stobs kyis 'jug/ gang yang dus gsum dag gi
- 270a
zhing bkod pa/ / de dag rdul gcig steng du mngon par bsgrub// de ltar ma lus phyogs rnams thams cad du// rgal ba dag gi zhing rnams bkod la 'jug/ gang yang ma byon 'jig rter smon ma rnams/ / de dag rim par 'tshang rgya 'khor lo bskor// mya ngan 'das pa rab tu zhi mtha' ston// mgon po kun gyi drung du bdag mchi'o// kun tu myur ba'i rdzu 'phrul stobs rnams dang // kun nas sgo bam theg pa'i stobs dag dang / / kun du yon tan spyod pa'i stobs rnams dang // kun du khyab pa byams pa dag gi stobs// kun nas dge ba'i bsod nams stobs rnams dang // chags pa med par gyur pa'i ma shes stobs/ / shes rab thabs dang ting 'dzin stobs dag gis// byang chub stobs rnams yang dag sgrub par byed// las kyi stobs rnams yongs su dag byed cing // nyon mongs stobs rnams kun tu 'joms par byed/ / bdud kyi stobs rnams stobs medarab byed cing // bzang po spyod pa'i stobs ni rdzogs par bgyi// zhing rnams rgya mtsho rnam par dag byed cing // sems can rgya mtsho dag ni rnam par 'grol/ / chos rnams rgya mtsho rab tu mthong byed cing // ye shes rgya mtsho rab tu rtogs par byed// spyod pa rgya mtsho rnam par dag byed cing // smon lam rgya mtsho rab tu rdzogs par byed// sangs rgyas rgya mtsha rab tu mchod byed cing / / bskal pa rgya mtshor mi skyo spyad par bgyi// gang yang dus gsum gshegs pa rgyal ba yi// byang chub spyod pa'i smon lam bye brag rnams// bzang po spyod pas byang chub sangs rgyas nas/ / de kun ma lus bdag gis rdzogs par bgyi// rgyal ba kun gyi sras kyi thu bo pa// gang gi ming ni kun tu bzang zhes bya// mkhas pa de dang mtshungs par spyad pa'i phyir/
- 270b
dge ba 'di dag thams cad rab tu bsngo// lus dang ngag dang yid kyang rnam dag cing // spyod pa rnam dag zhing rnams yongs dag dang // bsngo ba bzang po mkhas pa ci 'dra bar// de 'drar bdag kyang de dang mtshung par shog/ kun nas dge ba bzang po spyad pa'i phyir// 'jam dpal gyi ni smon lam spyad par bgyi// ma 'ongs bskal pa kun tu mi skyo bar// de yi bya ba ma lus rdzogs par bgyi// spyod pa dag ni tshang yong ma gyur cig/ yon tan rnams kyang tshad gzud med par shog/ stod pa tshad med pa la gnas nas kyang // de dag 'phrul pa thams cad 'tshal bar bgyi// nam mkha'i mthar thug gyur pa rdzi rnam par/ / sems can ma lus mtha' yang de bzhin te// ji tsam las dang nyon mongs mtha' gyur pa// bdag gi smon lam mtha' yang de tsam mo// gang yang phyogs bcu'i zhing rnams mtha' yas ba/ rin char brgyan te rgyal ba rnams la bul// lha dang ma yi bad ba mchog rnams kyang // zhing gardul snyed bskal par bral babs// gang gis bsngo ba'i rgyal po 'ang thos nas// byang chub mchog gi rjes su rab mos shing / / lan cig tsam yang dang pa skyed pas ni// bsod nams dam pa'i mchog tu 'di 'gyur ro// gang gis bzang skyod smon lam 'di btab pa// des na ngan song thams cad spangs par 'gyur// ngas ni grogs po ngan pa spangs pa yin// snang ba mtha' yas de yang des myur mthong // de dag rnyed pa rab rnyed bde bar 'tsho// mo tshe 'dir yang de dag legs par 'ongs// kun tu bzang po de yang ci 'dang/ nga dag ring por mi thogs de bzhin 'gyur// 'tshams med lnga po dag gi sdig pa rnams// gang gis mi shes dbang gis byas pa dag/ de yis bzang po spyod pa 'di brjod na// mAr du ma lus yongs su byang ba
- 271a
'gyur/ / ya shas dang na gzugs dang mtshan rnams dang // rags dang kha dog rnams dang ldan par 'gyur// bdud dang mu stegs mang pos de mi thub// 'jig rten gsum po kun na'ang mchod par 'gyur/ / byang chub shing dbang drung du de myur 'gro// song nas sems can phan phyir der 'dug ste// byang chub sangs rgyas 'khor lo rab tu bskor// bdud rnams sde dang bcas pa thams cad 'dul// gang yang bzang po spyod pa'i smon lam 'di/ / 'chang ba dang ni ston tam klog pa yi// de yi rnam par smin pa sangs rgyas mkhyen// byang chub mchog la som nyi ma byed cig/ 'jam dpal ji ltar mkhyen cing dpa' bo dang / / kun du bzang po de yang de bzhin te// de dag gi ni rjes su bdag slob cing // dge ba 'di dag thams cad rab tu ba sngo// dus gsum gshegs pa rgyal ba thams cad kyis// bsngo ba gang la mchog tu bsngags pa des/ / bdag gi dge ba'i rtsa ba 'di kun kyang // bzang po spyod phyir rab tu bsngo bar bgyi// bdag ni 'chi ba'i dus byed gyur pa na// sgrib pa thams cad dag ni phyir bsal te// mngon sum snang ba mtha' yas de mthong nas/ / bde ba can gyi zhing der rab tu 'gro// der seng na ma ni smon lam 'di dag kyang // thams cad ma lus mngon sum 'gyur bar shog/ de dag ma lus bdag gis yongs su bskad// 'jig rten ji srid sems can phan par bgyi// rgyal ba'i dkyil 'khor bzang zhing dga' ba der// pad ma dam pa shin tu mdzes las skyes// snang ba mtha' yas rgyal las mngon sum du// lung bstan pa yang bdag gis der thob shog/ der ni bdag gis lung bstan rab thob nas// sprul pa mang po bye ba phrag brgya yis// blo yi stobs kyis phyogs bcu rnams su yang // sems can rnams la ban pa mang
- 271b
po bgyi/ / bzang po spyod pa'i smon lam btab pa yis// dge ba cung zad bdag gis ci bsags pa// des ni 'gro ba'i dge ba'i smon lam rnams// skad cig gcig gis thams cad 'byor par shog/ bzang po spyod pa'i smon lam bsngos pa yis// bsod nams dam pa mtha' yas gang thob des// 'gro ba sdug bsngal chu bo dbying ba rnams// 'od dpag med pa'i gnas rab thob par shog/ smon lam rgyal po 'di mchog gtso des na/ / 'gro ba mtha' yas kun la phan byed cing // kun tu bzang pos brgyan pa'i gzhung grub cing // ngan song rgyung gsum ma lus stongs par shog/ 'phags pa bzang po spyod pa'i// smon lam gyi rgyal po/ rdzogs s+ho// / 'phags pa byams pa'i smon lam/ sangs rgyas kun la phyag 'tshal lo// drang srong lha mig ldan pa yi// byang chub sems dpa' rnams dang yang / / nyan thos rnams la phyag 'tshal lo// ngan 'gro thams cad zlog bgyid cing // mtho ris lam ni rab ston la// rga shi med par 'dren pagyid pa// byang chub sems la phyag 'tshal lo// sems kyi dbang du gyur pas na// bdag gis sdig pacibagyis pa// sangs rgyas spyan mngar mchis nas su// bdag gis de dag bshags par bgyi// bdag las rnam pa gsum gang gis// bsod nams tshegs ni bsgreng bde/ / bdag gi kun mkhyen sa bon te// bdag gi byang chub mi zang shog/ phyogs bcu dag gi zhing rnams su// sangs rgyas mchod pa gang byung ba// sangs rgyas mkhyen pa'i yi rang bas// de la bdag ni yi rang de/ / sdig pa thams cad bshags par bgyi// bsod nams kun la yi rang ngo // sangs rgyas kun la phyag 'tshal lo// bdag ni ye shes mchog thob shog/ phyogs bcu dag gi phyogs rnams na/
Colophon
'phags pa bzang po spyod pa'i smon lam gyi rgyal po /rdzogs s+ho // // (ya, 271b3-4)