'phags pa rten cing 'brel bar 'byung ba zhes bya ba theg pa chen po'i mdo
Text
ff. 206a–207b · 4 folio sides
- 206a
du lus 'bub pa ltar byed pa dang /'khar ba la brten pa dang /blun pas mi 'gul bA nyid dang /zhan pa nyid dang /nyams pa dang /yongs su nyams pa dang /dbang po rgud pa dang /nyams pa dang /'du byed rnams rnyings pa dang /shin tu rnyings par gyur ba 'di ni rga ba zhes bya'o//'chi ba gang zhe na/sems can gang yin pa de dang de dag sems can gyi ris/de dang de dag nas 'phos pa dang /'pho ba nyid dang /zhig pa dang /nang nyams pa dang /tshe nyams pa dang /drod yal ba dang /srog gi dbang po 'gags pa dang /phung po rnams 'dor ba dang /shi ba dang /dus byed pa 'di ni shi ba zhes bya ste/shi ba 'di dang snga ma rga ba gnyis gcig tu bsdus nas rga shi zhes bya ste/'di ni rten cing 'brel par 'byung ba rnam par dbye ba yin no//dge slong dag khyed la rton cing 'brel par 'byung ba dang po dang rnam par dbye ba bshad par bya'o//zhes ngas smras pa gang yin pa de'i ched du ngas smos par 'a dag yin no//rten cing 'brel bar 'byung ba'i dang po dang rnam par dbye ba bstan pa zhes bya ba'i mdo rdzogs so////rgya gar skar du/Ar+ya pra tI t+ya sa mud pA ra nA ma ma hA lA na sU tra/
- 206b
bod skad du/'phags pa rton cing 'brel par 'byung ba zhes bya ba theg pa chen po'i mdo//sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/bcom ldan 'das sum cu rtsa gsum gyi lha'i nang na/ar mo nig lta bu'i rdo leb la rta thul la sogs po nyan thos chen po rnams dang /'phags pa byams pa dang /'phags pa spyan rAs gzigs dbang phyug dang /lag na rdo rje la sogs pa byang chub sems dpa' sems dpa' chen po yon tan rin po che dpag tu med pas brgyan pa rnams dang /mi mjed kyi bdag po tshangs pa chen po dang /sred med kyi bu dang /dbang phyug chen po la sogs pa lha rnams dang /lha'i dbang po brgya byin dang /dri za'i rgyal po gtsug phud lnga pa dang thabs cig tu bzhugs te/de nas byang chub sems dpa' sems dpa' chen po spyan ras gzigs dbang phyug stan las langs te bla gos phrag pa gcig tu gzir nas/pus mo g.yas pa'i lha nga ri rab kyi rtse mo la btsugs te/bcom ldan 'das ga la bde logs su thal mo sbyar ba btung nas bcom ldan 'das la 'di skad ces gsol to//bcom ldan 'das lha 'di dag ni mchod rten bgyid par 'tshal ba sha stag
- 207a
ste/'khor gyi dkyil 'khor 'drir mchis na/ci nas tshangs pa'i bsod nams 'phel ba dang /lha dang bcas pa bdud dang bcas pa/tshangs pa dang bcas pa'i 'jig rten na dge sbyong dang bram zer bcas pa'i skye dgu las dge slong dang /dge slong ma dang /dge bsnyen dang /dge bsnyen ma drag bsod nams shin tu mung du 'phel bar 'gyur ba de lta de ltar bcom ldan 'das kyis de dag la chos bstan du gsol/de nus bcom ldan 'das kyis rten cing 'brel par 'byung ba'i tshigs su bcad pa bka' stsal pa/ye d+har+m+ma he tu pra b+ha bA he tun+te ShA na ta thA ga to h+ya ba data/te ShAny+tsa yo ni ro d+ha e baM bA dI ma hA shra ma Na/chos gang rgyu byung de dag gi/rgyu dang de 'gog gang yin pa'ang //de bzhin gshegs pas bka' stsal te//dge slong chen pos de skad gsungs//spyan ras gzigs dbang phyug 'di lta ste/rten cing 'brel par 'byung ba 'di ni de bzhin gshegs pa rnams kyi chos kyi sku yin te/sus rten cing 'brel par 'byung ba mthong ba des de bzhin gshegs pa mthong ngo //spyan ras gzigs dbang phyug rigs kyi bu 'am rigs kyi bu mo dad pa can gang la la zhig gis mi gnas pa'i phyogs su
- 207b
mchod rten ni skyu ru ra'i 'bru tsam srog shing ni khab tsam gdugs ni ba ku lA'i me tog tsam zhig byas la/rten cing 'brel par 'byung ba chos kyi dbyings kyi tshogs su btsong/ pa nang du bcugi na de tshangs pa'i bsod nams bskyed par 'gyur te/'di nas shi 'phos shing 'chi ba'i dus byas nas tshangs pa'i 'jig rten drag tu skye bar 'gyur ro// de nas shi 'phos te 'chi ba'i dus byas nas gnas gtsang ma'i ris kyi lha rnams dang skal ba mnyam par skye bar 'gyur ro//bcom ldan 'das kyis de skad ces bka' stsal nas nyan thos de dag dang /byang chub sems dpa' de dag dang /thams cad dang ldan pa'i 'khor de dag/lha dang mi dang /lha ma yin dang dri zar bcas po'i 'jig rten yi rangs te/bcom ldan 'das kyis gsungs pa mngon par bstod do//'phags pa rten cing 'brel par 'byung ba zhes bya ba theg pa chen po'i mdo rdzogs so///ye d+har+m+ma he tu pra b+ha bA hwe tun+te ShAn ta thA ga to h+ya ba data/te ShAny+tsa yo ni ro d+ha e waM bA dI ma hA shra ma Na/sar+b+ba bA bA s+ya ka rA Ni ku shA la s+yo bas ma pa dam/swa tsit+taM pa ri da ma nu me taR+Yu d+hA nu shA sa ni shu b+ha mastu sar+b+ba dza ga taM/rgya gar skad du/Ar+ya aM gu li mA lI yaM nA mo
Colophon
'phags pa rten cing 'brel bar 'byung ba zhes bya ba theg pa chen po'i mdo rdzogs so//