F11MW1KG13607_0011brgyad stongAll versions of this work

'phags pa shes rab kyi pha rol tu phyin pa brgyad stong pa

Āryaaṣṭasāhasrikaprajñāpāramitā

Text

ff. 1b–438a · 872 folio sides

  1. 1b

    rgya gar skad du/

  2. 2a

    // ar+ya aSh+Ta sa sri ka prad+d+ha pa ra mi ta/

  3. 2b

    bod skad du/ 'phags pa shes rab kyi pha rol tu phyin pa brgyad stong pa/ bam po dang po'o// sangs rgyas dang byang chub sems dpa' dang / 'phags pa nyan thos dang

  4. 3a

    rang sangs rgyas thams cad la phyag 'tshal lo// 'di nang bdag gis mas pa dus gcigan/ 'das rgyal po'i kha na/ bya rgod kyi phung po'i ril bzhugs

  5. 3b

    dge slong song gas brgya lnga bcu'i dge slong gi dge 'dun can po dag dang thabs tshig / cad kyang dgra bcom pa/ zag bzad pa/ nyon mongs pa med pa/ dbang du gyur pa/ sems shin tu rnam par grol ba/ shes rab shin tu rnam par grol ba cang shes pa/ glang po chen bya ba byas pa/ byed pa byas pa/ khur bor ba rang gi don rjes su thob pa/ srid

  6. 4a

    par kun tu sbyor ba yongs su zad pa/ yang dag par kun shes pas sem shin tu rnam par grol ba/ sems thams cad kyi dbang dam pa'i pha rol tu son pa thob pa sha stag ste/ gang zag gcig ma gtogs pa ni 'di lta ste/ tshe dang ldan pa kun dga' bo'o// de nas bcom ldan 'das kyis gnas brtan tshe dang ldan pa rab 'byor la bka' stsal pa/ rab

  7. 4b

    'byor byang chub sems dpa' sems dpa' chen po rnams kyi shes rab kyi pha rol tu phyin pa las brtsams te/ ji ltar byang chub sems dpa' sems dpa' chen po rnams/ shes rab kyi pha rol tu phyin pa la nges par 'byung bar 'gyur ba de bzhin du khyod spobs par byos shig/ de nas tshe dang ldan pa sha ri'i bu 'di snyam du sems te/ ci tshe dang ldan pa rab 'byor 'di bdag nyid kyi rang gi shes rab kyi spobs pa stobs bskyed pa dang / rang gi shes rab kyi spobs pa'i stobs byin gyis brlabs pas byang chub

  8. 5a

    sems dpa' sems dpa' chen po rnams kyi shes rab kyi pha rol tu phyin pa nye bar ston par 'gyur rab/ 'on te sangs rgyas mthus yin snyam mo// de nas sangs rgyas kyi tshe dang ldan pa rab 'byor gyis tshe dang ldan pa shA ri'i bu'i de lta bu'i tshul gyi sems kyi rtog pa de sems kyis shes nas tshe dang ldan pa sha ri'i bu la 'di skad ces smras so// tshe dang ldan pa shi ri'i bu bcom ldan 'das kyi nyan thos rnams ni gang ci smra ba dang ston pa dang / nye bar ston pa dang / rjod par byed pa dang /

  9. 5b

    gsal bar byed pa dang / yang dag par gsal bar byed pa de dag thams cad ni de bzhin gshegs pa'i skyes bu'i mthu yin par rig par bya'o// de ci'i phyir zhe na/ de bzhin gshegs pas chos gang bstan pa'i chos bstan pa de la slob pa na de dag gis chos nyid de mngon sum du byas nas 'dzin to// de dag gis chos nyid de mngon sum du byas shing bzung nas gang dang gang 'chad pa dang gang dang gang ston pa dang gang dang gang nye bar ston ba dang / gang dang gang rjod par byed pa dang / gang dang gang gsal bar byed pa dang gang dang gang yang dag par gsal bar byed pa de dag thams cad chos nyid dang mi 'gal ba yin no// tshe dang ldan pa shA ri'i bu rigs kyi bu de dag 'di

  10. 6a

    ltar chos nyid de nye bar ston pa rnams chos nyid dang mi 'gal ba de yang de bzhin gshegs pas chos bstan pa'i rgyu mthun pa'o// de nas sangs rgyas kyi mthus tshe dang ldan pa rab 'byor gyis bcom ldan 'das la 'di skad ces gsol to// gang bcom ldan 'das kyis 'di skad du rab 'byor byang chub sems dpa' sems dpa' chen po rnams kyi shes rab kyi pha rol tu phyin pa las brtsams te/ ji ltar byang chub sems dpa' sems dpa' chen po rnams shes rab kyi pha rol tu byin pa la nges par 'byung bar 'gyur ba de bzhin du khyod spobs par byos shig ces bka' stsal pa dang / bcom ldan 'das byang chub sems dpa' byang chub sems dpa' zhes brjod pa gang lags pa de la/ bcom ldan 'das 'di lta ste/ byang chub sems dpa' zhes bgyi ba 'di chos gang gi tshig bla dgas lags/ bcom ldan 'das 'di lta ste byang chub sems dpa' zhes

  11. 6b

    bgyi ba'i chos de bdag gis yang dag par rjes su mthong ngo // bcom ldan 'das 'di lta ste/ shes rab kyi pha rol tu phyin pa zhes bgyi ba'i chos de yang bdag gis yang dag par rjes su ma mthong ngo // bcom ldan 'das byang chub sems dpa'am byang chub sems dpa'i chos kyang bdag gis ma 'tshal ma dmigs yang dag par rjes su ma mthong // shes rab kyi pha rol tu phyin pa yang ma 'tshal ma dmigs yang dag par rjes su ma mthong na/ byang chub sems dpa' gang zhig shes rab kyi pha rol tu phyin pa gang la gdams shing rjes su bstan par bgyi/ bcom ldan 'das 'on kyang yang gal te 'di ltar smras pa dang bstan pa dang nye bar bstan pa la/ byang chub sem dpa' sems dpa' chen po sems 'gong kun tu mi zhum bag mi tsha bag 'khums par mi 'gyur/ 'di'i yid phyir phyogs par mi bgyid/ bcom zhing phyir phyogs par mi 'gyur/ mi dngang / kun tu mi skrag/ kun tu skrag pa dang ldan par mi 'gyur na/ 'di nyid byang chub sems dpa' sems dpa' chen po shes rab kyi pha/ tu phyin pa la rjes su bstan par bgyi ba lags so// 'di nyid byang chub sems dpa' sems dpa' chen po'i shes rab kyi pha rol tu phyin par rig par bgyi'o// 'di nyid shes rab kyi pha rol tu phyin pa la gdams pa lags so// gal te de ltar gnas na de nyid 'di'i gdams pa dang rjes su bstan pa lags so// bcom

  12. 7a

    ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod cing shes rab kyi pha rol tu phyin pa bsgoms pas/ ci ltar bslabs na/ 'di byang chub kyi sems des kyang rlom sems su mi bgyid pa de ltar bslab par bgyi'o// de ci'i slad du zhe na/ 'di ltar sems de ni sems ma mchis pa ste/ sems kyi rang bzhin ni 'od gsal ba lags so// de nas tshe dang ldan pa shA ri'i bus dang tshe dang ldan pa rab 'byor la 'di skad ces smras so// tshe dang ldan pa rab 'byor yang ci sems gang sems med pa'i sems de yod dam/ de skad ces smras pa dang / tshe dang ldan pa rab 'byor gyis tshe dang ldan pa sha ri'i bu la 'di skad ces smras so// tshe dang ldan pa shA ri'i bu yang ci sems med pa nyid gang yin pa'i sems med pa nyid de la yod pa nyid dam med pa nyid yod pa 'am dmigs par yang 'gyur ram/ sha ri'i bus smras pa/ tshe dang ldan pa rab 'byor de ni med do// rab 'byor gyis sbas pa/ tshe dang ldan pa sha ri'i bu gal te sems med pa de la yod pa 'am med pa med cing mi dmigs na/ tshe dang ldan pa sha ri'i bu 'di skad du sems gang sems med pa'i sems de yod dam zhes smras pa'i khyod kyis brgal ba gang yin pa de ci rigs par 'gyur ram/ de skad ces smras pa dang / tshe dang ldan pa sha ri'i bus tshe dang ldan pa rab 'byor la 'di skad ces smras so//

  13. 7b

    tshe dang ldan pa rab 'byor sems med pa nyid de yang gang yin/ rab 'byor gyis smras pa/ tshe dang ldan pa'i sha ri'i bu sems med pa de ni 'gyur ba med pa rnam par rtog pa/ med pa'o// de nas tshe dang ldan pa sha ri'i bus tshe dang ldan pa rab 'byor la legs so zhes bya ba byin te/ tshe dang ldan pa rab 'byor ji ltar yang khyod bcom ldan 'das kyi nyon mongs pa med pa la gnas pa'i mchog tu gsungs pa ltar ston pa legs so leg so// de bas na yang byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog par nye bar brtag par bya'o// byang chub sems dpa' sems dpa' chen po shes rab kyi pha rol tu phyin pa dang ma bral bar yang rig par bya'o// nyan thos kyi sa la slob par 'dod pas kyang shes rab kyi pha rol tu phyin pa 'di nyid mnyan par bya/ gzung bar bya/ bcang bar bya/ klag par bya/ kun chub par bya/ rab tu gdon par bya'o// shes rab kyi pha rol tu phyin pa 'di nyid la bslab par bya'o// rnal 'byor du bya'o// rang sangs rgyas kyi sa la slob par 'dod pas kyang shes rab kyi pha rol tu phyin pa 'di nyid mnyan par bya/ gzung bar bya/ bcang bar bya/ klag par bya/ kun chub par bya/ rab tu gdon par bya'o// shes rab kyi pha rol tu phyin pa 'di nyid la bslab par bya'o// rnal 'byor du bya'o// byang chub sems dpa'i sa la slob par 'dod pas kyang shes rab kyi pha rol tu phyin pa 'di nyid mnyan par bya/

  14. 8a

    gzung bar bya/ bcang bar bya/ klag par bya/ kun chub par bya/ rab tu gdon par bya'o// shes rab kyi pha rol tu phyin pa 'di nyid la thabs mkhas pa dang ldan pas byang chub sems dpa'i chos thams cad thob par bya ba'i phyir rnal 'byor du bya'o// de ci'i phyir zhe na/ byang chub sems dpa' sems dpa' chen po'i gang bslab cing rnal 'byor du bya ba'i byang chub sems dpa'i chos thams cad rgyas par shes rab kyi pha rol tu phyin pa 'di nyid las bstan to// bla na med pa yang dag par rdzogs pa'i byang chub la slob par 'dod pas kyang shes rab kyi pha rol tu phyin pa 'di nyid mnyan par bya/ gzung bar bya/ bcang bar bya/ klag par bya/ kun chub par bya/ rab tu gdon par bya'o// shes rab kyi pha rol tu phyin pa 'di nyid la thabs mkhas pa dang ldan pas sangs rgyas kyi chos thams cad thob par bya ba'i phyir rnal 'byor/ du bya'o// de ci'i phyir zhe na/ shes rab kyi pha rol tu phyin pa 'di nyid las ni byang chub sems dpa' sems dpa' chen po'i gang bslab par bya ba dang rnal 'byor du ba'i sangs rgyas kyi chos thams cad rgyas par bstan to// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'ang byang chub sems dpa'i ming gang lags pa 'di nyid bdag gis ma 'tshal ma dmigs yang dag par rjes su mi mthong ngo // shes rab kyi pha rol tu phyin pa yang ma

  15. 8b

    'tshal ma dmigs yang dag par rjes su mi mthong ngo // bcom ldan 'das bdag gis byang chub sems dpa'i ming 'di nyid ma 'tshal ma dmigs yang dag par rjes su ma mthong / shes rab kyi pha rol tu phyin pa yang ma 'tshal ma dmigs yang dag par rjes su ma mthong na/ byang chub sems dpa' gang zhig shes rab kyi pha rol tu phyin pa gang la gdams shing rjes su bstan par bgyi/ bcom ldan 'das gang bdag gis dngos po ma 'tshal ma dmigs yang dag par rjes su ma mthong na/ ming tsam gyis 'di lta ste/ byang chub sems dpa' zhes 'du ba dang 'god par bgyid pa ni bdag gi blo ba la gcags lags so// bcom ldan 'das 'on kyang ming de yang gnas pa ma lags shing mi gnas pa yang ma lags la gnas pa dang bral ba ma lags shing gnas pa dang bral ba ma lags pa yang ma lags so// de ci'i slad du zhe na/ ming de ma mchis pa'i slad du'o// de ltar ming de gnas pa ma lags shing mi gnas pa yang ma lags la gnas pa dang bral ba ma lags shing gnas pa dang bral ba/ ma lags pa yang ma lags so// bcom ldan 'das gal te de ltar shes rab kyi pha rol tu phyin pa zab mo bshad pa dang bstan pa dang nye bar bstan pa la byang chub sems dpa' sems dpa' chen po'i sems mi 'gong kun tu mi zhum bag mi tsha/ bag 'khums par mi 'gyur 'di'i yid phyir phyogs par mi bgyid/ bcom zhing

  16. 9a

    @phyir phyogs par mi 'gyur/ mi dngang kun tu mi skrag kun tu skrag pa dang ldan par mi 'gyur zhing lhag pa'i bsam pas mos pa'i byang chub sems dpa' sems dpa' chen po ni shes rab kyi pha rol tu phyin pa dang ma bral bar rig par bgyi'o// phyir mi ldog pa'i byang chub sems dpa'i sa la gnas pa ste mi gnas pa'i tshul gyis legs par gnas pa lag so/ bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod cing shes rab kyi pha rol tu phyin pa la sgoms pas gzugs la gnas par mi bgyi'o// de bzhin du tshor ba la ma lags 'du shes la ma lags 'du byed rnams lcags rnam par shes pa la gnas par mi bgyi'o// de ci'i slad du zhe na/ gal te gzugs la gnas na gzugs mngon par 'du byed pa la spyod kyi shes rab kyi pha rol tu phyin pa la ma lag so// / de bzhin du gal te tshor ba dang 'du shes dang 'du byed rnams dang gal te rnam par shes pa la gnas na rnam par shes pa mngon par 'du byed pa la spyod kyi shes rab kyi rol tu phyin pa la spyod pa ma lag so/ de ci'i slad du zhe na/ mngon par 'du byed pa la spyod na shes rab kyi pha rol tu phyin pa yongs su 'dzin pa ma lags/ shes rab kyi pha rol tu phyin pa la rnal 'byor du bgyid pa yang ma lags shes rab kyi pha rol tu phyin pa yongs su rdzogs par bgyid pa yang lhag so// shes rab kyi pha rol tu phyin pa yongs su

  17. 9b

    rdzogs par ma gyur na yongs su mi gzung ba yongs su pas thams cad mkhyen pa nyid la nges par 'byung bar mi 'gyur ro// de ci'i slad du zhe na/ shes rab kyi pha rol tu phyin pa/ gzugs yongasu gzung ba ma mchis so// de bzhin du shes rab kyi pha rol tu phyin pa la tshor ba dang 'du shes dang 'du byed rnams dang rnam par shes pas yongasu gzung ba ma mchis so// gzugs yongs su gzung ba ma mchis pa gang lags pa de ni gzugs ma lags/ de bzhin du tshor ba gang lags pa dang 'du shes gang lags pa dang 'du byed rnams gang lags pa dang / rnam par shes pa yongs su gzung ba ma mchis pa gang lags pa de ni rnam par shes pa ma lags te/ shes rab kyi pha rol tu phyin pa de yang yod su gzung ba ma mchis so// de bzhin du byang chub sems dpa' sems dpa' chen po'i shes rab kyi pha rol tu phyin pa 'di la spyad par bgyi'o// 'di yang byang chub sems dpa' sems dpa' chen po'i chos thams cad yongasu gzung ba ma mchis pa zhes bgyi ba'i ting nge 'dzin te/ yangs pa mdun du bgyis pa tshad med par nges pa nyan thos dang rang sangs rgyas thams cad dang thun mong ma lags pa'o// thams cad mkhyen pa nyid de yang yongasu gzung ba ma mchis te/ mtshan mar gzung ba ma lag so// gal te mtshan mar gzung bar gyur na kun tu rgyu phreng ba can 'di la dad par mi 'gyur ba zhig na/ kun tu rgyu phreng ba can thams cad mkhyen pa'i ye shes 'di la mos nas dad pas rjes su 'brang

  18. 10a

    zhing phyogs gcig pa'i ye shes kyis zhugs so// de zhugs nas kyang gzugs yongasu mi 'dzin to// de bzhin du tshor ba ma lags/ 'du shes ma lags/ 'du byed rnams ma lags/ rnam par shes pa yongasu mi 'dzin to// de la shes pa de dga' ba dang bde bar yang yang dag par rjes su mi mthong ngo // shes pa de nang gi gzugs kyis yin par yang dag par rjes su mi mthong ngo // shes pa de phyi rol gyi gzugs kyi yin par yang dag par rjes su mi mthong ngo // shes pa de phyi nang gi gzugs kyi yin par yang dag par rjes su mi mthong / shes pa de gzugs las gzhan du yang yang dag par rjes su mi mthong ngo // de bzhin du shes pa de nang gi tshor ba dang 'du shes dang 'du byed rnams kyi ma yin/ shes pa de nang gi rnam par shes pa'i yin par yang dag par rjes su mi mthong / shes pa de phyi rol gyi rnam par shes pa'i yin par yang dag par rjes su mi mthong / shes pa de phyi nang gi rnam par shes pa'i yin par yang dag par rjes su mi mthong / shes pa de rnam par shes pa las gzhan du yang yang dag par rjes su mi mthong ste/ tshig gi rnam grangs 'di la kun tu rgyu phreng ba can mos so// de thams cad mkhyen pa'i ye shes 'di la thams cad du dad pas rjes su 'brang zhing chos nyid tshad mar bgyis te 'di ltar mos pa zhes bgyi'o// des chos gang yang yongs su ma bzung ngo // gang gzung ba 'am gtang bar bgyi ba'i chos de

  19. 10b

    gang yang ma dmigs so// de mya ngan las 'das par yang rlom sems su mi bgyid do// bcom ldan 'das 'di yang byang chub sems dpa' sems dpa' chen po'i shes rab kyi pha rol tu phyin par rig par bgyi ste/ gang gzugs yongs su mi 'dzin/ de bzhin du gang tshor ba dang 'du shes dang 'du byed rnams dang gang rnam par shes pa yongs su mi 'dzin la/ de bzhin gshegs pa'i stobs bcu dang de bzhin gshegs pa'i mi 'jigs pa bzhi dang / sangs rgyas kyi chos ma 'dres pa bco brgyad rnams yongs su ma rdzogs par bar ma dor yongasu mya ngan las mi 'da' ba ste/ de bas na bcom ldan 'das 'di yang byang chub sems dpa' sems dpa' chen po'i shes rab kyi pha rol tu phyin par rig par bgyi'o// bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod cing shes rab kyi pha rol tu phyin pa la sgom pas 'di ltar nye bar brtag cing 'di ltar nges par bsam par bgyi ste/ shes rab kyi pha rol tu phyin pa 'di gang yin pa shes rab kyi pha rol tu phyin pa 'di gang gi yin/ ci chos gang med pa dang mi dmigs pa de shes rab kyi pha rol tu phyin pa yin nam zhes/ gal te nye bar brtags de ltar nges par bsams na/ mi 'god kun tu mi zhum/ bag mi tsha/ bag 'khums par mi 'gyur/ 'di'i yid phyir phyogs par mi bgyid/ bcom zhing phyir phyogs par mi 'gyur/ mi dngang kun tu mi skrag

  20. 11a

    kun tu skrag pa dang ldan par mi 'gyur na byang chub sems dpa' sems dpa' chen po shes rab kyi pha rol tu phyin pa dang ma bral bar rig par bgyi'o// de nas tshe dang ldan pa sha ri'i bu'i tshe dang ldan pa rab 'byor la 'di skad ces smras so// tshe dang ldan pa rab 'byor 'di ltar gang gi tshe gzugs nyid gzugs kyi ngo bo nyid dang bral ba de bzhin du gang gi tshe tshor ba nyid dang 'du shes nyid dang 'du byed rnams nyid dang de bzhin du 'di ltar gang gi tshe rnam par shes pa nyid kyang rnam par shes pa'i ngo bo nyid dang thal ba gang gi tshe shes rab kyi pha rol tu phyin pa nyid kyang shes rab kyi pha rol tu phyin pa'i ngo bo nyid dang bral ba/ gang gi tshe thams cad mkhyen pa nyid kyang thams cad mkhyen ba'i ngo bo nyid dang bral ba yin na/ de ci'i phyir byang chub sems dpa' sems dpa' chen po shes rab kyi pha rol tu phyin pa dang ma bral bar rig par bya/ de skad ces smras pa/ dang / tshe dang ldan pa rab 'byor gyis tshe dang ldan pa sha ri'i bu la 'di skad ces smras so// tshe dang ldan pa sha ri'i bu de de bzhin no de de bzhin te/ sha ri'i bu gzugs nyid gzugs kyi ngo bo nyid dang bral ba'o// de bzhin du tshor ba nyid dang 'du shes nyid dang 'du byed rnams nyid dang de bzhin du rnam par shes pa nyid kyang tshe dang ldan pa sha/ ri'i bu rnam par shes pa'i ngo bo nyid dang bral ba'o// tshe dang ldan pa sha ri'i bu shes rab kyi pha rol tu phyin pa nyid kyang shes rab kyi pha rol tu phyin pa'i ngo bo nyid dang bral ba'o//

  21. 11b

    tshe dang ldan pa shA ri'i bu thams cad mkhyen pa nyid kyang thams cad mkhyen pa'i ngo bo nyid dang bral ba'o// shes rab kyi pha rol tu phyin pa ni shes rab kyi pha rol tu phyin pa'i mtshan nyid dang yang bral ba'o// mtshan nyid ni mtshan nyid kyi ngo bo nyid dang yang bral ba'o// mtshan nyid kyi gzhi yang mtshan nyid kyi gzhi'i ngo bo nyid dang yang bral ba'o// nga ba ningo bo nyid ni ngo bo nyid kyi mtshan nyid dang yang bral ba'o// de skad ces smras pa dang / tshe dang ldan pa sha ri'i bus tshe dang ldan pa rab 'byor la 'di skad ces smras so// tshe dang ldan pa rab 'byor yang ci byang chub sems dpa' sems dpa' chen po gang 'di la slob par 'gyur ba de thams cad mkhyen pa nyid la nges par 'byung bar 'gyur ram/ tshe dang ldan pa rab 'byor gyis smras pa/ tshe dang ldan pa sha ri'i bu de de bzhin no de de bzhin te/ byang chub sems dpa' sems dpa' chen po gang 'di slob pa 'gyur ba de thams cad mkhyen pa nyid la nges par 'byung bar 'gyur ro// de ci'i phyir zhe na/ tshe dang ldan pa shA ri'i bu chos thams cad ni nges par 'byung ba med cing ma skyes pa'o// tshe dang ldan pa shA ri'i bu de ltar spyod pa'i byang chub sems dpa' sems dpa' chen po ni thams cad mkhyen pa nyid la nye bar 'gyuraro// ci lta ci ltar thams cad mkhyen pa nyid la nye bar 'gyur ba de lta de ltar sems can yongs su smin pa'i phyir/ lus dang sems yongs su dag pa dang mtshan yongasu dag pa dang sangs rgyas kyi zhing yongs su dag pa dang / sangs rgyas dang

  22. 12a

    nye bar 'gyur ro// tshe dang ldan pa shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la spyod pa ni thams cad mkhyen pa nyid la nye ba yin no// gzhan yang tshe dang ldan pa rab 'byor gyis byang chub sems dpa' sems dpa' chen po las brtsams te 'di skad ces smras so/ gal te gzugs la spyod na mtshan ma la spyod do// gal te gzugs kyi mtshan ma la spyod na mtshan ma la spyod do// gal te gzugs mtshan ma'o snyam du spyod na mtshan ma la spyod do// gal te gzugs kyi skye ba la spyod na mtshan ma la spyod do// gal te gzugs kyi 'gag pa la spyod na mtshan ma la spyod do// gal te gzugs kyi 'jig pa la spyod na mtshan ma la spyod do// gal te gzugs stong pa'o snyam du spyod na mtshan ma la spyod do// bdag spyod do snyam du spyod na mtshan ma la spyod do// bdag byang chub sems dpe'o snyam du spyod na mtshan ma la spyod do// bdag byang chub sems dpa'o snyam na de dmigs pa nyid la spyod do/ de bzhin du gal te tshor ba dang 'du shes dang 'du byed rnams dang gal te rnam par shes pa la spyod na mtshan ma la spyod do// gal te rnam par shes pa'i mtshan ma la spyod na mtshan ma la spyod do// gal te rnam par shes pa'i mtshan ma'o snyam du spyod na mtshan ma la spyod do// gal te rnam par shes pa'i skye ba la spyod na mtshan ma la spyod do// gal te rnam par shes pa'i 'gag pa la spyod na mtshan ma la spyod do// gal te rnam pa shes pa'i

  23. 12b

    'jig pa la spyod na mtshan ma la spyod do// gal te rnam par shes pa stong pa'o snyam du spyod mtshan ma la spyod do// bdag spyod do snyam du spyod na mtshan ma la spyod do// bdag byang chub sems dpa'o snyam du spyod na mtshan ma la spyod do// bdag byang chub sems dpa'o snyam na de dmigs pa nyid la spyod do// gal te yang de'i 'di snyam du gang de ltar spyod pa de ni shes rab kyi pha rol tu phyin pa la spyod pa ste/ de ni shes rab kyi pha rol tu phyin pa sgom par byed pa yin no snyam du sems na de mtshan ma nyid la spyod pa ste/ byang chub sems dpa' 'di ni thabs mi mkhas par rig par bya'o// de nas tshe dang ldan pa sha ri'i bus tshe dang ldan pa rab 'byor la 'di skad ces smra so// tshe dang ldan pa rab 'byor yang byang chub sems dpa' sems dpa' chen po ji ltar spyod na shes rab kyi pha rol tu phyin pa la spyod pa yin/ de skad ces smras pa dang / tshe dang ldan pa rab 'byor gyis tshe dang ldan pa sha ri'i bu la 'di skad ces smraso// tshe dang ldan pa sha ri'i bu gal te byang chub sems dpa' sems dpa' chen po gzugs la mi spyod/ gzugs kyi mtshan ma la mi spyod/ gzugs mtshan ma'o snyam du mi spyod/ gzugs kyi skye ba la mi spyod/ gzugs kyi 'gag pa la mi spyod/ gzugs kyi 'jig pa la mi spyod/ gzugs stong pa'o snyam du mi spyod/ bdag spyod do snyam du mi spyod/ bdag byang chub sems dpa'o snyam du mi spyod/ bdag byang chub sems dpa'o snyam du dmigs pa

  24. 13a

    mi spyod pa dang / de bzhin du gal te tshor ba la ma yin/ 'du shes la ma yin/ 'du byed rnams la ma yin/ gal te rnam par shes pa la mi spyod/ rnam par shes pa'i mtshan ma la mi spyod/ rnam par shes pa mtshan ma'o snyam du mi spyod/ rnam par shes pa'i skye ba la mi spyod/ rnam par shes pa'i 'gag pa la mi spyod/ rnam par shes pa'i 'jig pa la mi spyod/ rnam par shes pa stong pa'o snyam du mi spyod/ bdag spyod do snyam du mi spyod/ bdag byang chub sems dpa'o snyam du mi spyod/ bdag byang chub sems dpa'o snyam du dmigs pa la mi spyod cing / gal te yang de 'di snyam du gang de ltar spyod pa de ni shes rab kyi pha rol tu phyin pa la spyod pa ste de ni shes rab kyi pha rol tu phyin pa sgom par byed pa yin no snyam du mi sems pa ste/ de ltar spyod pa'i byang chub sems dpa' sems dpa' chen po ni shes rab kyi pha rol tu phyin pa la spyod pa yin no// de spyod kyang spyod do snyam du nye bar mi rtog/ mi spyod do snyam du nye bar mi rtog/ spyod kyang spyod la mi spyod kyang mi spyod do snyam du nye bar mi rtog/ spyod pa yang ma yin/ mi spyod pa yang ma yin pa'o snyam du nye bar mi rtog/ spyad par bya'o snyam du yang nye bar mi rtog spyad par mi bya'o snyam du yang nye bar mi rtog/ spyad par bya ba yang yin la spyad/ par mi bya ba yang yin no snyam du nye bar mi rtog/ sprad par bya ba yang ma yin la spyad par mi bya ba yang ma yin pa nyid do snyam du nye bar mi rtog go// de ci'i phyir zhe na/ chos tham

  25. 13b

    cad ni nye bar mi rtog cing ma zin paso// 'di ni byang chub sems dpa' sems dpa' chen po'i ting nge 'dzin chos thams cad len pa med pa zhes bya ba ste/ yang ba mdun du byas pa tshad med par nges pa nyan thos dang rang sangs rgyas thams cad dang thun mong mi yin pa'o// ting nge 'dzin gnas pa'i byang chub sems dpa' sems dpa' chen po ni myur/ du bla na med pa yang dag par rdzogs pa'i byang chub mngon par rdzogs par 'tshang rgya'o// de nas sangs rgyas kyi mthus gnas brtan tshe dang ldan pa rab 'byor gyis 'di skad ces gsol to// bcom ldan 'das gang ting nge 'dzin 'dis gnas pa'i byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung bstan pa lagaso/ de ni ting nge 'dzin de yang dag par rjes su mi mthong // ting nge 'dzin des kyang rlom sems su mi bgyid/ bdag ni mnyam par bzhag pa ste/ bdag ting nge 'dzin la snyoms par 'jug go/ bdag ting nge 'dzin la mnyam pa/ bzhag pa'o// bdag ting nge 'dzin la snyoms par zhugs pa'o snyam pa de lta bu de la thams cad nas thams cad rnam pa thams cad du thams cad ma mchis so// de skad ces gsol pa dang / tshe dang ldan pa sha ri'i bus tshe dang ldan pa rab 'byor la 'di skad ces smras so/ tshe dang ldan pa rab 'byor ting nge 'dzin gang gis gnas na byang chub

  26. 14a

    sems dpa' sems dpa' chen po de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung ston pa'i ting nge 'dzin 'di bstan par nus sam/ rab 'byor gyis smras pa/ tshe dang ldan pa shA ri'i bu de ni ma yin no// de ci'i phyir zhe na/ rigs kyi bu des ni ting nge 'dzin de yang mi shes yang dag par mi shes so/ tshe dang ldan pa shA ri'i bus smras pa/ tshe dang ldan pa rab 'byor mi shes yang dag par mi shes zhes zer ram/ tshe dang ldan pa rab 'byor gyis smras pa/ tshe dang ldan pa sha ri'i bu yang dag par mi shes zhes zer ro// de ci'i phyir zhe na/ ting nge 'dzin de med pas na mi shes yang dag par mi shes so// ting nge 'dzin de yang mi shes yang dag par mi shes so// de nas bcom ldan 'das kyis tshe dang ldan pa rab 'byor la leg so zhes bya ba byin te/ ji ltar yang khyod de bzhin gshegs pa'i mthus spobs pa dang de bzhin gshegs pa'i byin gyis brlabs kyis ston pa ni rab 'byor leg so legs so// rab 'byor de de bzhin no de de bzhin te/ byang chub sems dpa' sems dpa' chen pos ni de bzhin du 'di la bslab par bya'o// de ci'i phyir zhe na/ byang chub sems dpa' sems dpa' chen po de ltar slob na shes rab kyi pha rol tu phyin pa la slob po/ de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das byang chub sems dpa' sems dpa'

  27. 14b

    chen po de ltar slob na/ shes rab kyi pha rol tu phyin pa la slob pa lags sam/ de skad ces gsol ba dang / bcom ldan 'das kyis tshe dang ldan pa sha ri'i bu la 'di skad ces bka' stsal to// shA ri'i bu byang chub sems dpa' sems dpa' chen po de ltar slob na shes rab kyi pha rol tu phyin pa la slob pa yin no// de skad ces bka' stsal ba dang / bcom ldan 'das la tshe dang ldan pa sha ri'i bu'i 'di skad ces gsol to// bcom ldan 'das byang chub sems dpa' sems dpa' chen po de ltar slob na chos gang la slob pa lags/ de skad ces gsol pa dang / bcom ldan 'das kyis tshe dang ldan pa shA ri'i bu la bka' stsal pa/ sha ri'i bu byang chub sems dpa' sems dpa' chen po de ltar slob pa ni chos gang la yang mi slob po// de ci'i phyir zhe na/ shA ri'i bu chos de dag ni byis pa so so'i skye bo thos pa dang mi ldan pas ci ltar mngon par chags pa de bzhin du yod pa ma yin no// tshe dang ldan pa sha ri'i bus gsol pa/ bcom ldan 'das 'o na de dag ci ltar mchis/ bcom ldan 'das kyis bka' stsal pa/ ri'i bu ci ltar med pa de bzhin du yang dag par yod de de ltar med pa de'i phyir ma rig pa zhes bya'o// de dag la byis pa so so'i skye bo thos pa dang mi ldan pa rnams mngon bar chags te/ de dag gis chos thams cad med pa la brtag so// de dag gis de la brtags nas mtha' gnyis la zhen pas chos de dag mi shes mi mthong ste/ de'i

  28. 15a

    phyir de dag med bzhin du chos thams cad la rtog go// brtags nas mtha' gnyis la mngon par chags so// mngon par chags pa de'i gzhis/ dmigs pa la gnas nas 'das pa'i chos la rtog go/ ma 'ongs pa'i chos la rtog go// da ltar byung ba'i chos la rtog go/ de dag gis brtags nas ming dang gzug la mngon par zhen to// de dag gis med pa'i chos thams cad la brtags so// de dag gis med pa'i chos de dag thams cad la brtags pas lam yang dag pa ji ltar ba bzhin du mi shes mi mthong ngo // lam yang dag pa ji lta ba bzhin du ma shes ma mthong bas khams gsum las nges par mi 'byung / yang dag pa'i mtha' khong du mi chud de de'i phyir de dag byis pa zhes bya ba'i grangs su 'gro'o// de dag chos bden pa la yid mi ches so// shA ri'i bu yang byang chub sems dpa' sems dpa' chen po ni chos gang la yang mngon par zhen par mi byed do// de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to// bcom ldan 'das byang chub sems dpa' sems dpa' chen po de ltar slob na thams cad mkhyen pa nyid la slob pa lags sam/ bcom ldan 'das kyis bka' stsal/ pad+ma shA ri'i bu byang chub sems dpa' sems dpa' chen po de ltar slob na thams cad mkhyen pa nyid la slob ste/ sha ri'i bu byang chub sems dpa' sems dpa' chen po

  29. 15b

    de ltar slob na chos thams cad la slob bo// shA ri'i bu byang chub sems dpa' sems dpa' chen po de ltar slob na/ thams cad mkhyen pa nyid la slob par 'gyur thams cad mkhyen pa nyid la nye bar 'gyur thams cad mkhyen pa nyid du nges par 'byung bar 'gyur ro// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das gang zhig 'di skad du 'dri ste ci sgyu ma'i skyes bu 'di thams cad mkhyen pa nyid la slob par 'gyur ram thams cad mkhyen pa nyid la nye bar 'gyur ram thams cad mkhyen pa nyid la nges par 'byung bar 'gyur ram zhes de skad du yongs su 'dri na bcom ldan 'das de la ji ltar bstan par bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de bas na 'dir khyod nyid la dri bar bya yis khyod kyis ci nus pa de bzhin du ston cig ces bka' stsal pa dang / bcom ldan 'das legs so zhes gsol nas tshe dang ldan pa rab 'byor bcom ldan 'das kyi ltar mnyan pa dang / bcom ldan 'das kyis dri skad ces bka' stsal to// rab 'byor 'di ji snyam du sems sgyu ma de gzhan la gzugs de gzhan nam de bzhin du sgyu ma de gzhan la tshor ba de gzhan nam 'du shes de gzhan nam 'du byed rnams de gzhan nam/ rab 'byor de ci snyam du sems sgyu ma de gzhan la rnam par shes pa de gzhin nam/ rab 'byor

  30. 16a

    gyis gsol pa/ bcom ldan 'das de ltar ma lags te sgyu ma de gzhan la gzugs de gzhan ma lags te/ bcom ldan 'das gzugs nyid sgyu ma lags so sgyu ma nyid gzugs lags so// bcom ldan 'das de bzhin du sgyu ma de gzhan la tshor ba de gzhan dang / 'du shes de gzhan dang 'du byed rnams de gzhan yang ma lags te/ bcom ldan 'das tshor ba dang 'du shes dang 'du byed rnams nyid sgyu ma lags so sgyu ma nyid tshor ba dang 'du shes dang 'du byed rnams lag so/ ldan 'das sgyu ma de gzhan la rnam par shes pa de gzhan yang ma lags te/ bcom ldan 'das rnam par shes pa nyid sgyu ma lags so sgyu ma nyid rnam par shes pa lag so// bcom ldan 'das kyis bka' stsal pa/ rab 'byor 'di ji snyam du sems nye bar len pa'i phung po lnga po 'di rnams la 'di lta ste byang chub sems dpa' zhes bya ba'i 'du shes dang kun shes pa dang rnam par rig pa dang tha snyad 'di yin nam/ de skad ces bka' stsal pa dang / bcom ldan 'das la tshe dang ldan pa rab 'byor gyi 'di skad ces gsol te/ bcom ldan 'das de de bzhin te bde bar gshegs pa de de bzhin no// bcom ldan 'das byang chub sems dpa' sems dpa' chen po shes rab kyi pha rol tu phyin pa la slob pa des ni sgyu ma'i skyes bu ltar bla na med pa yang dag par rdzogs pa'i byang chub la bslab par bgyi'o// de ci'i slad

  31. 16b

    du zhe na/ bcom ldan 'das 'di lta ste nye bar len pa'i phung po lnga po de dag nyid sgyu ma'i skyes bur gzung bar bgyi'o// de ci'i slad du zhe na/ bcom ldan 'das 'di ltar bcom ldan 'das kyis gzugs ni sgyu ma lta bur gsungs te/ gzugs gang lags pa de yang dbang po drug dang phung po lnga po de dag lags so// bcom ldan 'das 'di ltar bcom ldan 'das kyis tshor ba dang 'du shes dang 'du byed rnams sgyu ma lta bur gsungs shing bcom ldan 'das kyis rnam par shes pa yang sgyu ma lta bur gsungs te/ bcom ldan 'das rnam par shes pa gang lags pa de yang dbang po drug dang phung po lnga po de dag lags so// bcom ldan 'das theg pa la gsar du zhugs pa'i byang chub sems dpa' sems dpa' chen po rnams bstan pa 'di thos na dngang zhing kun tu skrag la kun tu skrag pa dang ldan par mi 'gyur ram/ bcom ldan 'das kyis bka' stsal pa/ rab 'byor gal te theg pa la gsar du zhugs pa'i byang chub sems dpa' sems dpa' chen po rnams sdig pa'i grogs po'i lag tu song bar gyur na ni/ dngang zhing kun tu skrag la kun tu skrag pa dang ldan par 'gyur ro// rab 'byor gal te theg pa la gsar du zhugs pa'i byang chub sems dpa' sems dpa' chen po dge ba'i bshes gnyen gyi

  32. 17a

    lag tu song bar gyur na ni mi dngang kun tu mi skrag kun tu skrag pa dang ldan par 'gyur ro// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das yang byang chub sems dpa' sems dpa' chen po'i dge ba'i bshes gnyen gang rnams lags par rig par bgyi/ bcom ldan 'das kyis bka' stsal pa/ gang de dag la pha rol tu phyin pa rnams 'doms shing rjes su ston pa rnams dang / gang de dag la bdud kyi las rnams nye bar ston pa ste/ bdud kyi nyes pa ni 'di lta bur rig par bya/ bdud kyi nyes pa ni 'di dag yin// bdud kyi las ni 'di dag yin par rig par bya/ bdud kyi las 'di dag khyed kyis rtogs nas spang bar bya'o zhes bya ba ste/ rab 'byor 'di dag ni byang chub sem dpa' sems dpa' chen po go cha chen po bgos pa theg pa chen po la yang dag par zhugs pa theg pa chen po la yang dag par gnas pa'i dge ba'i bshes gnyen rnams su rig par bya'o// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das kyis gang 'di skad du rab 'byor 'di dag ni byang chub sems dpa' sems dpa' chen po go cha chen po bgos pa theg pa chen po la yang dag par zhugs pa

  33. 17b

    theg pa chen po la yang dag par gnas pa'i dge ba'i bshes gnyen rnams su rig par bya'o zhes bka' stsal pa dang / bcom ldan 'das gang yang byang chub sems dpa' sems dpa' chen po zhes bka' stsal pa de la byang chub sems dpa' zhes bgyi ba'i gzhi'i don gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor byang chub sems dpa'i gzhi'i don ni gzhi'i don med pa yin no// de ci'i phyir zhe na/ rab 'byor byang chub sems dpa' sems dpa' chen po ni chos thams cad kyi chags pa med pa la slob po// rab 'byor byang chub sems dpa' sems dpa' chen bo ni chos thams cad rjes su rtogs pa'i don du chags pa med pa na bla na med pa yang dag par rdzogs pa'i byang chub mngon par rdzogs par 'tshang rgya ste/ rab 'byor byang chub tu gnyer bas na byang chub sems dpa' sems dpa' chen po zhes bya'o// rab 'byor gyis gsol pa/ bcom ldan 'das kyis gang yang 'di skad du byang chub sems dpa' sems dpa' chen po zhes bka' stsal pa/ bcom ldan 'das rgyu ci'i slad du byang chub sems dpa' sems dpa' chen po zhes bgyi/ bcom ldan 'das kyis bka' stsal pa/ sems can gyi phung po chen po dang sems can gyi ris chen po'i mchog nyid du bya'o snyam pa ste/ don des

  34. 18a

    na byang chub sems dpa' sems dpa' chen po zhes bya'o// de nas bcom ldan 'das l-i shA ri'i bus 'di skad ces gsol to// bcom ldan 'das bdag kyang don gang gi slad du byang chub sems dpa' sems dpa' chen po zhes bgyi bar spobs so// bcom ldan 'das kyis bka' stsal pa/ shA ri'i bu da de'i dus la bab par shes na spobs par gyis shig/ tshe dang ldan pa shA ri'i bus gsol pa/ bdag tu lta ba dang sems can du lta ba dang srog tu lta ba dang gang zag tu lta ba dang / 'byung bar lta ba dang 'jig par lta ba dang / chad par lta ba dang rtag par lta ba dang / rang gi lus la lta ba chen po 'di lta bu la sogs pa'i lta ba de dag spang ba'i slad du chos bstan to snyam ste don des na byang chub sems dpa' sems dpa' chen po zhes bgyi'o// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das bdag kyang don gang gi slad du byang chub sems dpa' sems dpa' chen po zhes bgyi bar spobs so// bcom ldan 'das kyis bka' stsal pa/ rab 'byor des dus la bab par shes na spobs par gyis shig/ rab 'byor gyis gsol pa/ bcom ldan 'das byang chub sems dpa' sems dpa' chen po zhes bgyi ba ni/ bcom ldan 'das de byang chub

  35. 18b

    kyi sems thams cad mkhyen pa'i sems zag pa med pa'i sems/ mnyam pa med pa'i sems mi mnyam pa dang mnyam pa'i sems nyan thos dang rang sangs rgyas thams cad dang thun mong ma lags pa'i sems gang lags pa'i sems de la yang ma chags yongs su ma zin to// de ci'i slad du zhe na/ 'di ltar thams cad mkhyen pa'i sems de ni zag pa ma mchis pa yongs su ma zin pa'o// de ni thams cad mkhyen pa'i sems zag pa ma mchis shing yongs su ma zin pa gang lags pa'i sems de la yang ma chags shing yongs su ma zin te/ don des na byang chub sems dpa' sems dpa' chen po zhes bgyi ba'i grangs su mchi'o// de nas tshe dang ldan pa shA ri'i bus tshe dang ldan pa rab 'byor la 'di skad ces smras so// tshe dang ldan pa rab 'byor ci'i rgyus sems de la yang ma chags shing yongs su ma zin/ rab 'byor gyis smras pa/ tshe dang ldan pa sha ri'i bu sems med pa'i phyir sems de la yang ma chags shing yongs su ma zin to// sha ri'i bus smras pa/ tshe dang ldan pa rab 'byor yang ci sems gang sems med pa'i sems de yod dam/ rab 'byor gyis smras pa/ tshe dang ldan pa shA ri'i bu yang ci sems med pa de la yod pa 'am med pa yod pa 'am dmigs par 'gyur ram/ shA ri'i bus smras pa/ tshe dang ldan pa rab 'byor de ni ma yin no// rab 'byor gyis

  36. 19a

    smras pa/ tshe dang ldan pa sha ri'i bu gal te sems med pa de la gang yod pa 'am/ med pa med cing mi dmigs na/ tshe dang ldan pa sha ri'i bu de ltar 'di skad du sems gang sems med pa'i sems de yod dam zhes zer/ sha ri'i bus smras pa/ tshe dang ldan pa rab 'byor ci ltar yang khyod bcom ldan 'das kyis nyon mongs pa med pa la gnas pa'i mchog tu gsungs pa ltar ston pa legs so legs so// de nas bcom ldan 'das la tshe dang ldan pa gang po byams ma'i bus 'di skad ces gsol to// bcom ldan 'das sems dpa' chen po sems dpa' chen po zhes bgyi ba gang lags pa 'di ni sems dpa' de go cha chen po bgos pa sems dpa' de theg pa chen po la yang dag par zhugs pa theg pa chen po la yang dag par gnas pa lags te/ de'i srad du sems dpa' chen po sems dpa' chen po zhes bgyi ba'i grangs su mchi'o// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das go cha chen po bgos pa go cha chen po bgos pa zhes bgyi ba 'di gsungs na/ bcom ldan 'das ci tsam gyis na byang chub sems dpa' sems dpa' chen po go cha chen po bgos pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po 'di snyam du bdag gis sems can gzhal du med pa yongs su mya ngan las bzla bar bya

  37. 19b

    bdag gis sems can grangs med pa yongs su mya ngan las bzla'o snyam la/ gang gis gang yongs su mya ngan las bzlas pa'i sems can de dag kyang yod pa ma yin/ no snyam ste/ des sems can de snyed pa de dag yongs su mya ngan las zla bar byed la gang yongs su mya ngan las bzlas pa dang gang gis yongs su mya ngan las bzlas pa'i sems can yang 'ga' yang yod pa ma yin no// de ci'i phyir zhe na/ rab 'byor sgyu ma'i chos nyid nye bar bzung na chos rnams kyi chos nyid 'di yin pa'i phyir ro/ rab 'byor dper na sgyu ma byed pa mkhas pa 'am sgyu ma byed pa'i nye gnas kyis lam po che ni bzhi mdor skye bo'i tshogs chen po mngon par sprul te mngon par sprul nas skye bo'i tshogs chen po de mi snang bar byas na/ rab 'byor de ji snyam du sems/ de la yang gang gis gang yang bsad pa 'am shi ba 'am bshig pa 'am mi snang bar byas pa yod dam/ rab 'byor gyis gsol pa/ bcom ldan 'das de ni ma mchis so// bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can gzhal du med grangs med pa rnams yongs su mya ngan las zlo bar byed de gang yongs su mya ngan las bzlas par nga gang gis yongs su mya ngan las bzlas par 'gyur ba'i sems can yang 'ga' zhig yod pa ma yin no// gal te byang chub sems dpa' sem

  38. 20a

    dpa' chen po bstan pa 'di lta bu 'di thos nas mi dang kun tu mi skrag/ kun tu skrag pa dang ldan par mi 'gyur na 'di tsam gyis rab 'byor byang chub sems dpa' sems dpa' chen po de go cha chen po bgos par rig par bya'o// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das kye ma bcom ldan 'das kyis ji ltar gsungs pa'i don bdag gis 'tshal ba de ltar na bcom ldan 'das byang chub sems dpa' sems dpa' chen po 'di ni go cha ma mchis pa bgos pa lags par rig par bgyi'o// bcom ldan 'das kyis bka' stsal pa/ rab 'byor de de bzhin te byang chub sems dpa' sems dpa' chen po 'di ni go cha med pa bgos pa rig par bya'o// de ci'i phyir zhe na/ rab 'byor thams cad mkhyen pa nyid ni ma byas pa rnam par ma bsgyur ba mngon par 'dus ma byas pa'o// sems can gang dag gi don du go cha 'di bgos pa'i sems can de dag kyang ma byas pa rnam par ma bsgyur ba mngon par 'dus ma byas pa'o// de skad ces bka' stsal ba dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das de de bzhin no// bde bar gshegs pa de de bzhin no// de ci'i slad du zhe na/ bcom ldan 'das 'di ltar gzugs ni ma bcings ma grol ba'o// de bzhin du tshor ba dang 'du shes dang 'ang

  39. 20b

    khyed rnams dang / bcom ldan 'das 'di ltar rnam par shes pa ni ma bcings ma grol ba'o// bcom ldan 'das gzugs kyi de bzhin nyid ma bcings ma grol ba'o// de bzhin du tshor ba'i de bzhin nyid dang / 'di shes kyi de bzhin nyid dang / 'du byed kyi de bzhin nyid dang / bcom ldan 'das rnam par shes pa'i de bzhin nyid kyang ma bcings ma grol ba'o// de nas tshe dang ldan pa gang po byams ma'i bus che dang ldan pa rab 'byor la 'di skad ces smras so// tshe dang ldan pa rab 'byor gzugs ma bcings ma grol ba zhes zer ram/ de bzhin du tshor ba dang 'du shes dang 'du byed rnams dang tshe dang ldan pa rab 'byor rnam par shes pa ma bcings ma grol ba zhes zer ram/ tshe dang ldan pa rab 'byor gzugs kyi de bzhin nyid kyang ma bcings ma grol ba zhes zer ram/ de bzhin du tshor ba'i de bzhin nyid dang 'du shes kyi de bzhin nyid dang 'du byed rnams kyi de bzhin nyid dang tshe dang ldan pa rab 'byor rnam par shes pa'i de bzhin nyid kyang ma bcings ma grol ba zhes zer ram/ tshe dang ldan pa rab 'byor 'on te gzugs gang ma bcings ma grol ba zhes zer ba'i gzugs de gang yin/ de bzhin du tshor ba de gang yin/ 'du shes de gang yin/ 'du byed rnams de gang yin/ tshe dang ldan pa rab 'byor rnam par shes pa gang ma bcings ma grol ba zhes zer ba'i rnam par shes pa de gang yin/ tshe dang ldan pa

  40. 21a

    rab 'byor gzugs kyi de bzhin nyid ma bcings ma grol ba zhes zer ba'i gzugs kyi de bzhin nyid de gang yin/ de bzhin du tshor ba'i de bzhin nyid dang / 'du shes kyi de bzhin nyid dang / 'du byed rnams kyi de bzhin nyid de gang yin/ tshe dang ldan pa rab 'byor rnam par shes pa'i de bzhin nyid ma bcing ma grol ba zhes zer ba'i rnam par shes pa'i de bzhin nyid de gang yin/ de skad ces smras pa dang / tshe dang ldan pa rab 'byor gyis tshe dang ldan pa gang po byams ma'i bu la 'di skad ces smras so// tshe dang ldan pa gang po gang gi tshe sgyu ma'i skyes bu'i gzugs gang yin pa de ni ma bcings ma grol ba'o// de bzhin du sgyu ma'i skyes bu'i tshor ba gang yin pa dang / sgyu ma'i skyes bu'i 'du shes gang yin pa dang / sgyu ma'i skyes bu'i 'du byed rnams gang yin pa dang / tshe dang ldan pa gang po gang gi tshe sgyu ma'i skyes bu'i rnam par shes pa gang yin pa de ni ma bcings ma grol ba'o// tshe dang ldan pa gang po sgyu ma'i skyes bu'i gzugs kyi de bzhin nyid gang yin pa de ni ma bcings ma grol ba'o// de bzhin du sgyu ma'i skyes bu'i tshor ba'i de bzhin nyid dang / 'du shes kyi de bzhin drung 'du byed rnams kyi de bzhin nyid gang yin pa dang / tshe dang ldan pa gang po sgyu ma'i skyes bu'i rnam par shes pa'i de bzhin nyid gang yin pa de ni ma bcings ma grol ba'o// de ci'i phyir du zhe na/ yang dag pa ma yin pas

  41. 21b

    nam bcings ma grol ba'o// dben pas na ma bcings ma grol po'o// ma skyes pas nam bcings ma grol ba ste/ 'di dag ni byang chub sems dpa' sems dpa' chen po'i go cha chen po bgos pa theg pa chen po la yang dag par zhugs pa theg pa chen po la yang dag par gnas pa'i go cha chen po go cha med pa'o// de skad ces smras pa dang / tshe dang ldan pa gang po byams ma'i bu cang mi smra bar gyur to// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das de ltar byang chub sems dpa' sems dpa' chen po go cha chen po bgos par gyur pa theg pa chen po la yang dag par zhugs shing theg pa chen po la yang dag par gnas par 'gyur ba'i theg pa chen po de ni gang lags/ theg pa chen po de la ji ltar yang dag par zhugs par rig par bgyi ba 'am/ theg pa chen po des gang nas nges par 'byung bar 'gyur ba'am/ theg pa chen po de la gang gis yang dag par zhugs pa'am/ theg pa chen po des gang du gnas par 'gyur ba 'am/ theg pa chen po des gang zhig nges par 'byung bar 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor theg pa chen po zhes bya ba 'di ni gzhal du med pa'i tshig bla dgas so// rab 'byor gzhal du med pa zhes bya ba 'di ni tshad med pa'i

  42. 22a

    phyir ro// rab 'byor gang yang 'di skad du theg pa chen po de la ji ltar yang dag par zhugs par rig par bgyi ba 'am/ theg pa chen po des gang nas nges par 'byung bar 'gyur ba 'am/ theg pa chen po de la gang gis yang dag par zhugs pa 'am/ theg po chen po des gang du gnas par 'gyur ba 'am/ theg pa chen po des gang zhig nges par 'byung bar 'gyur zhes zer ba ni/ pha rol tu phyin pa rnams kyi sgo nas yang dag par zhugs nas/ khams gsum nas nges par 'byung bar 'gyur zhing mi dmigs pa gang yin pas yang dag par zhugs te thams cad mkhyen pa nyid du gnas par 'gyur la byang chub sems dpa' sems dpa' chen po nges par 'byung bar 'gyur te/ 'on kyang gang nas kyang nges par 'byung ba med gang gis kyang yang dag par ma zhugs gang du yang gnas par mi 'gyur mod kyi gnas pa med pa'i tshul gyis thams cad mkhyen pa nyid la gnas par 'gyur la/ theg pa chen po des gang yang nges par 'byung bar yang mi 'gyu nges par phyung ba yang med de/ de ci'i phyir zhe na/ gang nges par 'byung ba dang / gang gis nges par 'byung ba'i chos de gnyis ka yang med cing mi dmigs te/ de ltar na chos thams cad med cing mi dmigs pa la chos gang zhig chos gang gis nges par 'byung bar 'gyur/ de skad ces bka' stsal pa dang / bcom ldan

  43. 22b

    'das la tshe dang ldan pa rab 'byor gyis 'di skad gsol to// bcom ldan 'das theg pa chen po theg pa chen po zhes bgyi ba 'di ni lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ba la rjod do// nam mkha' ltar mnyam pa nyid kyi phyir de ni theg pa chen po'o// ji ltar nam mkha' la sems can gzhal du ma mchis grangs ma mchis tshad ma mchis pa'i go skabs mchis pa de bzhin du/ bcom ldan 'das theg pa chen po la yang sems can gzhal du ma mchis grangs ma mchis tshad mchis pa'i go skabs mchis te/ bcom ldan 'das rnam grangs 'dis na 'di ni byang chub sems dpa' sems dpa' chen po rnams kyi theg pa chen po'o// 'di la 'ong ba yang ma mthong 'di la 'gro ba yang ma mthong zhing 'di la gnas pa yang ma mchis so// bcom ldan 'das 'di ltar theg pa chen po 'di la sngon gyi mtha' mi dmigs phyi ma'i mtha' yang mi dmigs dbus kyang mi dmigs te/ bcom ldan 'das theg pa de ni dus gsum du mnyam pa'o// de bas na theg pa chen po theg pa chen po zhes bgyi'o// de nas bcom ldan 'das kyis tshe dang ldan pa rab 'byor la legs so zhes bya ba byin te/ rab 'byor legs so legs so// rab 'byor de de bzhin no de de bzhin te/ de ltar na 'di ni byang chub sems dpa' sems dpa' chen po rnams kyi theg pa chen po

  44. 23a

    yin no// byang chub sems dpa' sems dpa' chen po rnams kyis 'di la bsrabs pas thams cad mkhyen pa nyid rjes su thob par gyur to// rjes su thob po rjes su 'thob par 'gyur ro// de nas bcom ldan 'das la tshe dang ldan pa gang po byams ma'i bus 'di skad ces gsol to// bco ldan 'das gnas brtan rab 'byor shes rab kyi pha rol tu phyin pa'i slad du byin gyis brlabs pa 'di ni theg pa chen po bshad par bya bar sems lags so// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das bdag ni shes rab kyi pha rol tu phyin pa dang 'gal bar theg pa chen po ston par ma gyur lags grangs/ bcom ldan 'das kyis bka' stsal pa/ rab 'byor de ni ma yin te rab 'byor khyod ni shes rab kyi pha rol tu phyin pa la theg pa chen po rjes su mthun par ston to// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das sangs rgyas kyi mthus lags so// bcom ldan 'das gzhan yang byang chub sems dpa' sngon gyi mthar yang nye bar mi rtog bya chub sems dpa' phyi ma'i mthar yang nye bar mi rtog byang chub sems dpa' dbus su yang nye bar mi rtog go/ nye bar mi rtog pa de ci'i srad du zhe na/ gzugs mu/

  45. 23b

    ma mchis pas na byang chub sems dpa' yang mu mchis par rig par bgyi'o// de bzhin du tshor ba dang 'du shes dang 'du byed rnams dang rnam par shes pa mu ma mchis pas na byang chub sems dpa' yang mu mchis par rig par bgyi'o// gzugs byang chub sems dpa'o zhes nye bar mi rtog ste 'di yang ma mchis mi dmigs/ so// de bzhin du tshor ba dang 'du shes dang 'du byed rnams dang / rnam par shes pa byang chub sems dpa'o zhes nye bar mi rtog ste/ 'di yang ma mchis mi dmigs so// bcom ldan 'das de ltar bdag gis byang chub sems dpa'i chos thams cad nas thams cad rnam pa thams cad du thams cad mi dmigs pas bcom ldan 'das 'di lta ste/ byang chub sems dpa' zhes bgyi ba'i ming 'di gang la yod pa'i chos de yang dag par rjes su mi mthong ngo // shes rab kyi pha rol tu phyin pa yang yang dag par rjes su mi mthong mi dmigs thams cad mkhyen pa nyid kyang yang yang dag par rjes su mi mthong mi dmigs te/ bcom ldan bdag gis chos de thams cad nas thams cad rnam pa thams cad du thams cad yang dag par rjes su ma mthong zhing ma dmigs na chos gang zhig chos gang gis chos gang la gdams shing rjes su bstan par bgyi/ bcom ldan 'das sangs rgyas shes bgyi ba 'di ni ming tsam mo// bcom ldan 'das byang chub sems

  46. 24a

    dpa' zhes bgyi ba 'di yang ming tsam mo// bcom ldan 'das shes rab kyi pha rol tu phyin pa zhes bgyi ba 'di yang ming tsam mo// ming de yang mngon par ma grub ste/ bcom ldan 'das ji ltar bdag bdag ces brjod kyang bcom ldan 'das bdag shin tu mngon par ma grub pa bzhin no// de ltar chos thams cad ngo bo nyid ma mchis pa la gang zhig gzung du ma mchis shing mngon par ma grub pa'i gzugs de gang lags/ tshor ba dang 'du shes dang 'du byed rnams de gang lags/ gang zhig gzung du ma mchis shing mngon par ma grub pa'i rnam par shes pa de gang lags/ de ltar chos de dag thams cad kyi ngo bo nyid ma mchis pa gang lags pa de ni mngon par ma grub pa lags la/ gang chos thams cad kyi mngon par ma grub pa gang lags pa de yang chos ma lags te/ des na shes rab kyi pha rol tu phyin pa la mngon pa ma grub pas mngon par ma grub pa la ci zhig gdams shing rjes su bstan par bgyi/ bcom ldan 'das mngon par ma grub pa las gzhan na chos thams cad dam sangs rgyas kyi chos sam byang chub sems dpa'i chos sam gang byang chub tu spyod pa yang mi dmigs so// bcom ldan 'das gal te de ltar bshad cing de ltar bstan te de ltar nye bar bstan pa la/ byang chub sems dpa' sems dpa' chen po'i sems mi 'gong kun tu mi zhum bag mi cha/

  47. 24b

    bag 'khums par mi 'gyur/ 'di'i yid phyir phyogs par mi bgyid bcom zhing phyir phyogs par mi 'gyur/ mi dngang kun tu mi skrag kun tu skrag pa dang ldan par mi 'gyur na/ byang chub sems dpa' sems dpa' chen po 'di ni shes rab kyi pha rol tu phyin pa la spyod pa'o// byang chub sems dpa' sems dpa' chen po 'di ni shes rab kyi pha rol tu phyin pa la sgom pa'o// byang chub sems dpa' sems dpa' chen po 'di ni shes rab kyi pha rol tu phyin pa la nye bar rtog pa'o// / byang chub sems dpa' sems dpa' chen po 'di ni shes rab kyi pha rol tu phyin pa la nges par sems pa'o zhes de ltar rig par bgyi'o// de ci'i slad du zhe na/ bcom ldan 'das gang gi tshe byang chub sems dpa' sems dpa' chen po shes rab kyi pha rol tu phyin pa la chos 'di dag nye bar rtog pa de'i tshe/ gzugs nye bar mi rtog/ gzugs nye bar mi 'dzin/ gzugs skye bar yang dag par rjes su mi mthong / gzugs 'gag par yang dag par rjes su mi mthong / de bzhin du tshor ba ma yin 'du shes ma yin/ 'du byed rnams ma yin rnam par shes pa nye bar mi rtog/ rnam par shes pa nye bar mi 'dzin/ rnam par shes pa skye bar yang dag par rjes su mi mthong / rnam par shes pa 'gag par yang dag par rjes su mi mthong ngo // de ci'i slad du zhe na/ 'di ltar gzugs

  48. 25a

    kyi skye ba ma mchis pa gang lags pa de ni gzugs ma lags/ gzugs kyi 'jig pa ma mchis pa gang lags pa de ni gzugs ma lags te/ des na skye ba ma mchis pa dang / gzugs shes bgyi ba 'di ni gnyis su ma mchis shing / gnyis su bgyir ma mchis so// des na 'jig pa ma mchis pa dang gzugs shes bgyi ba 'di yang gnyis su ma mchis shing gnyis su bgyir ma mchis te/ gang yang 'di skad du gzugs shes bgyi ba 'di ni gnyis su ma mchis pa'i grangs su gtogs so// de bzhin du 'di ltar tshor ba'i gang lags pa dang / 'du shes kyi gang lags pa dang / 'du byed rnams kyi gang lags pa dang / 'di ltar rnam par shes pa'i skye ba ma mchis pa gang lags pa de ni rnam par shes pa ma lags/ rnam par shes pa'i 'jig pa ma mchis pa gang lags pa de ni rnam par shes pa ma lags te/ des na skye ba ma mchis pa dang / rnam par shes pa zhes bgyi ba 'di yang gnyis su ma mchis shing gnyis su ma mchis shing gnyis su bgyir ma mchis so// des na 'jig pa ma mchis pa dang rnam par shes pa zhes bgyi ba 'di yang gnyis su ma mchis shing gnyis su bgyir mchis te/ gang yang 'di skad du rnam par shes pa zhes bgyi ba 'di ni gnyis su ma mchis pa'i grangs su gtogs so// bcom ldan 'das de ltar shes rab

  49. 25b

    kyi pha rol tu phyin pa la chos thams cad rnam pa thams cad du nye bar rtog na/ de'i tshe gzugs nye bar mi rtog gzugs nye bar mi 'dzin gzugs skye bar yang dag par rjes su mi mthong / gzugs 'gag par yang dag par rjes su mi mthong / de bzhin du tshor ba ma yin 'du shes ma yin 'du byed rnams ma yin/ rnam par shes pa nye bar mi rtog/ rnam par shes pa nye bar mi 'dzin/ rnam par shes pa skye bar yang dag par rjes su mi mthong / rnam par shes pa 'gag par yang dag par rjes su mi mthong ngo/ de ci'i slad du zhe na/ 'di ltar gzugs kyi skye ba ma mchis pa gang lags pa de ni gzugs ma lags/ gzugs kyi 'jig pa ma mchis pa gang lags pa de ni gzugs ma legs te/ des na skye ba ma mchis pa dang gzugs shes bgyi ba 'di ni gnyis su ma mchis shing gnyis su bgyir ma mchis so// des na 'jig pa ma mchis pa dang / gzugs shes bgyi ba 'di ni gnyis su ma mchis shing gnyis su bgyir ma mchis te/ gang yang 'di skad du gzugs shes bgyi ba 'di ni gnyis su ma mchis pa'i grangs su gtogs so// de bzhin du 'di ltar tshor ba'i gang lags pa dang / 'du shes kyi gang lags pa dang / 'du byed rnams kyi gang lags pa dang / 'di ltar rnam par shes pa'i skye ba ma mchis pa gang lags pa de ni rnam par shes pa ma lags/ rnam par shes pa'i 'jig pa ma

  50. 26a

    mchis pa gang lags pa de ni rnam par shes pa ma lags te/ des na skye ba ma mchis pa dang rnam pa shes pa zhes bgyi ba 'di yang gnyis su ma mchis shing gnyis su bgyir ma mchis so// des na 'jig pa ma mchis pa dang rnam par shes pa zhes bgyi ba 'di yang gnyis su ma mchis shing gnyis su bgyir ma mchis te/ gang yang 'di skad du rnam par shes pa zhes bgyi ba 'di ni gnyis su ma mchis pa'i grangs su gtogs so// / 'phags pa shes rab kyi pha rol tu phyin pa brgyad stong pa/ bam po gnyis pa// / de nas tshe dang ldan pa sha ri'i bus tshe dang ldan pa rab 'byor la 'di skad ces smras so// de'i phyir tshe dang ldan pa rab 'byor gyis 'di skad smras pa'i don bdag gis shes pa de ltar na byang chub sems dpa' yang skye ba med pa yin no// tshe dang ldan pa rab 'byor gal te yang byang chub sems dpa' yang skye ba med pa yin na byang chub sems dpa' dka' ba spyad pa spyod pa 'am sems can rnams kyi don gyi phyir sdug bsngal gang yin pa de dag nyams su myong ba'i don du spro ba yang ci zhig yod/ de skad ces smras pa dang / tshe dang ldan pa rab 'byor gyis tshe dang ldan pa shA ri'i bu la 'di skad ces smras so// tshe dang ldan pa sha ri'i bu kho bo ni byang chub sems dpa' sems dpa' chen po dka' ba spyad pa

  51. 26b

    spyod par mi 'dod do// gang zhig dka' ba'i 'du shes kyis spyod pa de ni byang chub sems dpa' yang mi 'gyur te/ de ci'i phyir zhe na/ tshe dang ldan pa sha ri'i bu dka' ba'i 'du shes bskyed nas ni sems can gzhal du med grangs med pa'i don bya bar mi nus so// 'on kyang bde ba'i 'du shes nyid du byas nas de sems can thams cad la mar 'du shes pa dang / bar 'du shes pa dang / bur 'du shes pa dang / bu mor 'du shes bskyed par byas shing / de bzhin du skyes pa dang / bud med dag la 'du shes de dag byas nas/ byang chub sems dpa' sems dpa' chen po byang chub sems dpa'i spyad pa spyod do// de bas na byang chub sems dpa' sems dpa' chen pos sems can thams cad la mar 'du shes pa dang / par 'du shes pa dang / bur 'du shes pa dang / bu mor 'du shes pa dang / bdag nyid kyi bar du yang 'du shes bskyed par bya ste/ ji ltar bdag ni thams cad nas thams cad rnam pa thams cad du thams cad sdug bsngal thams cad las thar bar bya ba de bzhin du sems can thams cad thams cad nas thams cad rnam pa thams cad du thams cad sdug bsngal thams cad las thar bar bya// zhes de ltar sems can thams cad la yang 'du shes bskyed par bya ste/ bdag gis sems can 'di dag thams cad yongs su mi gtang ngo // bdag gis/

  52. 27a

    sems can 'di dag thams cad sdug bsngal gyi phung po dpag tu med pa las thar bar bya'o// bdag gi lus brgyar gtubs kyang chung du na 'di dag la bdag gis gnod sems kyang mi bskyed do snyam du de ltar byang chub sems dpa' sems dpa' chen pos sems bskyed par bya'o// gal te sems de ltar gnas na dka' ba byed pa'i 'du shes su spyod pa ma yin no// dka' ba byed pa'i 'du shes su gnas pa ma yin no// tshe dang ldan pa sha ri'i bu gzhan yang byang chub sems dpa' sems dpa' chen pos ci nas kyang bdag ni thams cad nas thams cad rnam pa thams cad du thams cad med cing mi dmig pa de bzhin du chos thams cad thams cad nas thams cad rnam pa thams cad du thams cad med cing mi dmigs pa de ltar sems bskyed par bya zhing de ltar na nang dang phyi'i chos thams cad la 'du shes bskyed par bya'o// gal te sems de ltar spyod na dka' ba'i 'du shes can du spyod pa ma yin dka' ba'i 'du shes can du gnas pa ma yin no// tshe dang ldan pa sha ri'i bus gang yang 'di skad du byang chub sems dpa' yang skye ba med pa yin no zhes smras pa de ni de de bzhin no// tshe dang ldan pa sha ri'i bu de de bzhin te/ byang chub sems dpa' ni skye ba med pa'o// sha ri'i bus smras pa/ tshe dang ldan pa rab 'byor yang ci byang chub sems

  53. 27b

    dpa' nyid skye ba med dam 'on te byang chub sems dpe'i chos rnams kyang skye ba med/ rab 'byor gyis smras pa/ tshe dang ldan pa sha ri'i bu byang chub sems dpa'i chos rnams kyang skye ba med do// sha ri'i bus smras pa/ tshe dang ldan pa rab 'byor yang ci byang chub sems dpa'i chos rnams kho na skye ba med dam 'on te thams cad mkhyen pa nyid kyang skye ba med/ rab 'byor gyis smras pa/ tshe dang ldan pa sha ri'i bu thams cad mkhyen pa nyid kyang skye ba med do// sha ri'i bus smras pa/ tshe dang ldan pa rab 'byor yang ci thams cad mkhyen pa nyid kho na skye ba med dam/ 'on te thams cad mkhyen pa nyid kyi chos rnams kyang skye ba med/ rab 'byor gyis smras pa/ tshe dang ldan pa sha ri'i thams cad mkhyen pa nyid kyi chos rnams kyang skye ba med do// sha ri'i bus smras pa/ che dang ldan pa rab 'byor yang ci thams cad mkhyen pa nyid kyi chos rnams kho na skye ba med dam 'on te so so'i skye bo yang skye ba med/ rab 'byor gyis smras pa/ tshe dang ldan pa shA ri'i bu so so'i skye bo yang skye ba med do// sha ri'i bus smras pa/ tshe dang ldan pa rab 'byor yang ci so so'i skye bo nyid skye ba med dam/ 'on te so so'i skye bo'i chos rnams kyang skye ba med/ rab 'byor gyis smras pa/ tshe dang ldan pa sha ri'i bu so so'i skye bo'i chos rnams kyang skye ba med do// de skad

  54. 28a

    ces smras pa dang / tshe dang ldan pa sha ri'i bus tshe dang ldan pa rab 'byor la 'di skad ces smras so// tshe dang ldan pa rab 'byor gal te byang chub sems dpa' yang skye ba med/ byang chub sems dpa'i chos rnams kyang skye ba med/ thams cad mkhyen pa nyid kyang skye ba med/ thams cad mkhyen pa nyid kyi chos rnams kyang skye ba med/ so so'i skye bo yang skye ba med so so'i skye bo'i chos rnams kyang skye ba med pa yin na/ tshe dang ldan pa rab 'byor 'o na byang chub sems dpa' sems dpa' chen pos thams cad mkhyen pa nyid rjes su thob pa yin ni/ de skad ces smras pa dang / che dang ldan pa rab 'byor gyis tshe dang ldan pa sha ri'i bu la 'di skad ces smras so// tshe dang ldan pa sha ri'i bu kho bo ni ma skyes pa'i chos la thob par mi 'dod la mngon par rtogs pa yang ma yin te/ ma skyes chos kyis thob pa ma skyes pa 'thob par yang mi 'gyur ro// shA ri'i bus smras pa/ tshe dang ldan pa rab 'byor yang ci ma skyes pa'i chos kyis thob pa skyes pa 'thob par 'gyur ram/ 'on te skyes pa'i chos kyis thob pa ma skyes pa 'thob par 'gyur/ rab 'byor gyis smras pa/ tshe dang ldan pa sha ri'i bu yang ci ma skyes pa'i chos skyes pa yin nam/ 'on te ma skyes pa'i chos ma skyes pa nyid yin/ sha

  55. 28b

    ri'i bus smras pa/ tshe dang ldan pa rab 'byor yang ci skye ba'i chos nyid mi skye ba yin nas 'on te mi skye ba'i chos mi skye ba yid/ rab 'byor gyis smras pa/ tshe dang ldan sha ri'i bu skye ba'i chos sam mi skye ba'i chos shes smra bar mi spobs so// sha ri'i bus smras pa/ tshe dang ldan pa rab 'byor khyod kyis skye ba med pa yang smra bar mi spobs sam/ rab 'byor gyis smras pa/ tshe dang ldan pa sha ri'i bu skye ba med pa nyid rjod pa yin la tshe dang ldan pa sha ri'i bu skye ba med pa nyid so sor snang ba yin no// tshe dang ldan pa sha ri'i bu skye ba med pa nyid spobs pa yin te/ tshe dang ldan pa sha ri'i bu de kho na bzhin du so sor snang ba nyid do// de skad ces smras pa dang / tshe dang ldan pa sha ri'i bus tshe dang ldan pa rab 'byor la 'di skad ces smras so// tshe dang ldan pa rab 'byor ni chos ston/ pa'i nang na mchog tu gzhag par bya'o// de ci'i phyir zhe na/ 'di ltar gnas brtan tshe dang ldan pa rab 'byor ni gang dang gang nyid la yongs su dri ba byas pa de dang de nyid la nges par 'byung bar 'gyur zhing chos nyid las kyang mi g.yo la chos nyid dang 'gal bar yang mi byed do// de skad ces smras pa dang / dang ldan pa rab 'byor gyis tshe dang ldan pa sha ri'i bu la 'di skad ces smras so// tshe dang ldan pa sha ri'i bu bcom ldan 'das kyi nyan thos mi gnas pa'i

  56. 29a

    chos can rnams kyi chos nyid ni 'di yin te de dag ni gang dang gang nyid la yongs su dri ba byas pa de dang de nyid la nges par 'byung bar 'gyur zhing / chos nyid dang 'gal bar yang mi byed la chos nyid las kyang mi 'dra'o// de ci'i phyir zhe na/ 'di ltar yang chos thams cad mi gnas pa'i phyir ro// de skad ces smras pa dang / tshe dang ldan pa sha ri'i bus tshe dang ldan pa rab 'byor la 'di skad ces smras so// tshe dang ldan pa rab 'byor legs so legs so// byang chub sems dpa' sems dpa' chen po rnams kyi chos thams cad la mi gnas pa'i pha rol tu phyin pa 'di gang rab 'byor gyis smras pa/ tshe dang ldan pa shA ri'i bu shes rab kyi pha rol tu phyin pa 'di ni theg pa thams cad pa chos thams cad la mi gnas phyir/ chos thams cad la mi gnas pa'i pha rol tu phyin pa yin no// de ltar byang chub sems dpa' sems dpa' chen po gang shes rab kyi pha rol tu phyin pa zam mo 'di ltar bshad/ cing 'di ltar bstan pa dang 'di ltar nye bar bstan pa la sems zhum par mi 'gyur ba dang nem nur du mi 'gyur ba dang rmongs par mi 'gyur ba dang / sems gzhan du mi 'gyur na/ byang chub sems dpa' sems dpa' chen po de ni shes rab kyi pha rol tu phyin pa'i gnas pa 'dis gnas shing yid la byed pa 'di dang ma bral

  57. 29b

    ba yin na zhes rig par bya'o// de nas tshe dang ldan pa sha ri'i bus tshe dang ldan pa rab 'byor la 'di skad ces smras so// tshe dang ldan pa rab 'byor byang chub sems dpa' sems dpa' chen po shes rab kyi pha rol tu phyin pa'i gnas pas gnas pa gnas pa gang yin pa de ci ltar yid la byed pa dang ma bral bar 'gyur/ tshe dang ldan pa rab 'byor gal te byang chub sems dpa' sems dpa' chen po yid la byed pa dang ma bral ba yin na de lta na ni de shes rab kyi pha rol tu phyin pa'i gnas pa dang bral bar 'gyur zhing / tshe dang ldan pa rab 'byor gal te byang chub sems dpa' sems dpa' chen po shes rab kyi pha rol tu phyin pa la gnas pa dang bral na/ de lta na ni de yid la byed pa de dang bral bar 'gyur ro// tshe dang ldan pa rab 'byor gal te yang byang chub sems dpa' sems dpa' chen po yid la byed pa dang ma bral yang shes rab kyi pha rol tu phyin pa'i gnas pa mya bral ba nyid du 'gyur na de lta yin du zin na sems can thams cad kyang shes rab kyi pha rol tu phyin pa'i gnas pa dang ma bral bar 'gyur te/ de ci'i phyir zhe na/ sems can thams cad kyang yid la byed pa dang ma bral bar gnas so// de skad ces smras pa dang / tshe dang ldan pa rab 'byor gyis tshe dang ldan pa sha ri'i bu la 'di skad ces smras so// tshe dang ldan pa sha ri'i bu legs so legs so// 'on kyang khyod la yang klan kar 'gyur te/

  58. 30a

    tshe dang ldan pa sha ri'i bus ni don 'di nyid yang dag pa'i tshig tu brjod par yang yongs su bzung ba yin no// de ci'i phyir zhe na/ tshe dang ldan pa sha ri'i bu sems can ngo bo nyid med pas na yid la byed pa ngo bo nyid med par rig par bya'o// tshe dang ldan pa sha ri'i bu sems can dngos po med pas na yid la byed pa dngos po med par rig par bya'o// tshe dang ldan pa sha ri'i bu sems can dben pas na yid la byed pa dben par rig par bya'o// tshe dang ldan pa sha ri'i bu sems can bsam gyis mi khyab pas na yid la byed pa bsam gyis mi khyab par rig par bya'o// tshe dang ldan pa sha ri'i bu sems can mngon par rdzogs par byang me chub pas na yid la byed pa mngon par rdzogs par byang ma chub par rig par bya'o// tshe dang ldan pa sha ri'i bu sems can yang dag pa ji lta ba ma yin pa'i don du mngon par rdzog par byang chub pas na yid la byed pa yang dag pa ji lta ba ma yin pa'i don du mngon par rdzogs par byang chub par rig par bya'o// tshe dang ldan pa sha ri'i bu byang chub sems dpa' sems dpa' chen po ni de lta bu'i ngo bo'i yid la byed pa 'di dang gnas pa 'dis gnas par 'dod do// 'phags pa shes rab kyi pha rol tu phyin pa brgyad stong pa las/ rnam pa thams cad mkhyen pa nyid kyi spyod pa'i le'u zhes bya ba ste dang po'o// // de'i tshe yang lha rnams

  59. 30b

    kyi dbang po brgya byin sum cu rtsa gsum gyi ris kyi lha'i bu bzhi khri dang lhan cig tu 'khor de nyid du 'dus te 'khod par gyur to// 'jig rten skyong ba bzhi yang rgyal che bzhi'i ris kyi lha'i bu nyi khrir bcas pa dang / mi mjed kyi bdag po tshangs pa yang tshangs ris kyi lha'i bu khrir bcas pa dang / gnas gtsang ma'i ris kyi lha'i bu lnga stong yang 'khor de nyid du 'dus te 'khod par gyur te/ lha rnams kyi rang gi las kyi rnam par smin pa las skyes pa'i 'od gang yin pa de thams cad kyang sangs rgyas kyi mthu dang sangs rgyas kyi gzi brjid dang sangs rgyas kyi byin gyi rlabs kyis zil gyis mnan to// de nas lha rnams kyi dbang po brgya byin gyis che dang ldan pa gnas brtan rab 'byor la 'di skad ces smras so// 'phags pa rab 'byor lha'i bu stong phrag mang po 'khor 'dir 'dus te 'khod pa 'di rnams 'phags pa rab 'byor las byang chub sems dpa' sems dpa' chen po rnams kyi shes rab kyi pha rol tu phyin pa nye bar bstan pa dang gdams pa dang rjes su bstan pa nyan par 'dod na/ byang chub sems dpa' sems dpa' chen po des ji ltar shes rab kyi pha rol tu phyin pa la gnas par bya/ ji ltar bslab par bya/ ji ltar rnal 'byor du bya/ gnas brtan rab 'byor gyis smras pa/ kau shi ka de'i phyir sangs rgyas kyi mthu dang sangs rgyas kyi gzi brjid dang sangs rgyas kyi byin gyi rlabs

  60. 31a

    kyis nye bar bstan par bya ste/ lha'i bu gang dag gis bla na med pa yang dag par rdzogs pa'i byang chub tu sems ma bskyed pa de dag gis sems bskyed par bya'o// gang dag yang dag pa nyid du nges pa la zhugs pa de dag ni bla na med pa yang dag par rdzogs pa'i byang chub tu sems bskyed pa'i skal ba med do// de ci'i phyir zhe na/ de dag gis 'khor ba'i rgyun las mtshams bcad pas de dag yang dang yang du 'khor zhing bla na med pa yang dag par rdzog pa'i byang chub tu sems bskyed pa'i skal ba med do// 'on kyang gal te de dag gis kyang bla na med pa yang dag par rdzogs pa'i byang chub tu sems bskyed na de dag la yang rjes su yi rang bar bya'o// kho bo ni de dag gi dge ba la bar chad mi byed de khyad par du 'phags pa'i chos rnams las ches khyad par du 'phags pa'i chos rnams la lhag par dmigs par bya'o// de nas bcom ldan 'das kyis tshe dang ldan pa rab 'byor la bka' stsal pa/ rab 'byor legs so legs so// khyod byang chub sems dpa' sems dpa' chen po rnams la spro ba skyed pa gang yin pa de ni rab 'byor yang khyod legs so// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das bdag cag gis ni bcom ldan 'das kyi bka'

  61. 31b

    drin gzo bar bgyi ste bka' drin mi gzo bar mi bgyi'o// de ci'i slad du zhe na/ bcom ldan 'das ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi drung du bcom ldan 'das sngon byang chub sems dpar gyur pa nyid kyis bdag cag rnams kyi don du byang chub kyi phyir tshangs par sprad pa spyod pa na nyan thos gang dag gis pha rol tu phyin pa rnams la gdams shing rjes su bstan te de la bcom ldan 'das kyis spyad pas bla na med pa'i ye shes bskyed pa de bzhin du bcom ldan 'das bdag cag gis kyang byang chub sems dpa' sems dpa' chen po rnams rjes su yongs su gzung bar bgyi zhing rjes su yongs su bskor bar bkyi'o// yang dag par yongs su gzung bar bgyi zhing yang dag par yongs su bskor bar yang bgyi'o// de ci'i slad du zhe na/ bcom ldan 'das 'di la bdag cag gis kyang byang chub sems dpa' sems dpa' chen po rnams rjes su yongs su bzung zhing rjes su yongs su bskor ba dang yang dag par yongs su bzung zhing yang dag par yongs su blas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de nas tshe dang ldan pa rab 'byor gyis lha rnams kyi dbang po brgya byin la smras pa/ kau shi ka de'i

  62. 32a

    phyir legs par rab tu nyon la yid la zung zhig dang / ji ltar byang chub sems dpa' sems dpa' chen pos shes rab kyi pha rol tu phyi pa la gnas par bya ba ngas khyod la bshad par bya'o// kau shi ka byang chub sems dpa' sems dpa' chen pos stong pa nyid la gnas pas shes rab kyi pha rol tu phyin pa la gnas par bya ste/ kau shi ka de'i phyir byang chub sems dpa' sems dpa' chen pos go cha chen po bgos par 'gyur bar bya'o// gzugs la gnas par mi bya'o// tshor ba la ma yin 'du shes la ma yin 'du byed rnams la ma yin/ rnam par shes pa la gnas par mi bya'o// mig la gnas par mi bya'o// gzugs la gnas par mi bya'o// mig gi rnam par shes pa la gnas par mi bya'o// mig gi 'dus te reg pa la gnas par mi bya'o// mig gi 'dus te reg pa las byung ba'i tshor ba la gnas par mi bya'o// de bzhin du rna ba dang sna dang / lce dang lus dang yid la gnas par mi bya'o// sgra dang dri dang ro dang reg dang chos rnams dang rna ba'i rnam par shes pa nas yid kyi rnam par shes pa'i bar dang yid kyi 'dus te reg pa dang yid kyi 'dus te reg pa la byung ba'i tshor ba'i bar la gnas par mi bya'o sa'i khams la gnas par mi bya'o// chu'i khams dang me'i khams dang rlung gi khams dang nam mkha'i khams

  63. 32b

    dang / rnam par shes pa'i khams la gnas par mi bya'o// dran pa nye bar gzhag pa la gnas par mi bya'o// yang dag par spong ba dang rdzu 'phrul gyi rkang pa dang dbang po dang stobs dang / byang chub kyi yan lag dang lam la gnas par mi bya'o// rgyun tu zhugs pa'i 'bras bu la gnas par mi bya'o// la cig phyir 'ong ba'i 'bras bu dang phyir mi 'ongs pa'i 'bras bu dang dgra bcom pa nyid la gnas par mi bya'o// rang sangs rgyas nyid la gnas par mi bya'o// sangs rgyas nyid la gnas par mi bya'o// de ltar na gzugs so zhes gnas par mi bya'o// de ltar na tshor ba'o zhes bya ba dang / 'du shes so zhes bya ba dang 'du byed rnams so zhes bya ba dang / de ltar na rnam par shes pa'o zhes gnas par mi bya'o// de ltar na mig go zhes bya ba nas yid kyi 'dus te reg pa las byung ba'i tshor ba'o zhes bya ba'i bar du gnas par mi bya'o// de ltar na sa'i khams so zhes bya ba nas rnam par shes pa'i khams so zhes bya ba'i bar du gnas par mi bya'o// de ltar na dran pa nye bar gzhag pa'o zhes gnas par mi bya'o// de ltar na yang dag par spong ba dang / rdzu 'phrul gyi rkang pa dang dbang po dang stobs dang / byang chub kyi yan lag rnams so zhes bya ba dang de ltar na lam gyi yan lag go zhes gnas par mi bya'o// de ltar na rgyun tu zhugs pa'i

  64. 33a

    'bras bu'o zhes gnas par mi bya'o// de ltar na lan cig phyir 'ong ba'i 'bras bu'o zhes bya ba dang de ltar na phyir mi 'ong ba'i 'bras bu'o/ zhes bya ba dang / de ltar na dgra bcom pa'o zhes gnas par mi bya'o// de ltar rang sangs rgyas so zhes gnas par mi bya'o// de ltar na sangs rgyas so zhes gnas par mi bya'o// gzugs rtag pa dang mi rtag pa'o zhes gnas par mi bya'o// de bzhin du tshor ba dang 'du shes dang 'du byed rnams dang rnam par shes pa rtag pa dang mi rtag pa'o zhes gnas par mi bya'o// gzugs bde ba dang sdug bsngal ba'o zhes gnas par mi bya'o// de bzhin du tshor ba dang 'du shes dang 'du byed rnams dang rnam par shes pa bde ba dang sdug bsngal ba'o zhes gnas par mi bya'o// gzugs stong pa'o zhes gnas par mi bya'o// de bzhin du tshor ba dang 'du shes dang 'du byed rnams dang rnam par shes pa stong pa dang mi stong pa'o zhes gnas par mi bya'o// gzugs bdag dang bdag med po'o zhes gnas par mi bya'o// de bzhin du tshor ba dang 'du shes dang 'du byed rnams dang rnam par shes pa bdag dang bdag med pa'o zhes gnas par mi bya'o// gzug sdug pa dang mi sdug pa'o zhes gnas par mi bya'o// gzugs stong pa'o zhes nye bar dmigs pas gnas par mi bya'o// de bzhin du tshor ba dang 'du shes dang de bzhin du tshor ba dang 'du shes dang 'du byed rnams dang rnam par shes pa sdug pa dang mi sdug pa'o zhes gnas par mi bya

  65. 33b

    'du byed rnams dang rnam par shes pa stong pa'o zhes nye bar dmigs pas gnas par mi bya'o// rgyun tu zhugs pa'i 'bras bu 'dus ma byas kyis rab tu pa phye ba'o zhes gnas par mi bya'o// de bzhin du lan cig phyir 'ong ba'i 'bras bu dang phyir mi 'ong ba'i 'bras bu dang dgra bcom pa nyid 'das ma byas kyis rab tu phye ba'o zhes gnas par mi bya'o// rang sangs rgyas nyid 'dus ma byas kyis rab tu phye ba'o zhes gnas par mi bya'o// sangs rgyas nyid 'dus ma byas kyis rab tu phye ba'o zhes gnas par mi bya'o// rgyun tu zhugs pa sbyin pa'i gnas so zhes bya bar gnas par mi bya'o// rgyun tu zhugs pa de ltar thogs na srid pa lan bdun pa'o zhes gnas par mi bya'o// lan cig phyir 'ong ba sbyin pa'i gnas so zhes gnas par mi bya'o// lan cig phyir 'ong ba yongs su mthar ma phyin pa'i phyir 'jig rten 'dir lan cig phyir 'ongs nas sdug bsngal mthar byed par 'gyur ro zhes gnas par mi bya'o// phyir mi 'ong ba sbyin pa'i gnas so zhes gnas par mi bya'o// phyir mi 'ong ba 'jig rten 'dir phyir mi 'ong bar de nyid du yongs su mya ngan las 'da'o zhes gnas par mi bya'o// dgra bcom pa nyid sbyin pa'i gnas so zhes gnas par mi bya'o// dgra bcom pa nyid du phung po'i lhag ma ma lus par mya ngan las 'das pa'i dbyings su yong

  66. 34a

    su mya ngan las 'da' bar 'gyur ro zhes gnas par mi bya'o// rang sangs rgyas sbyin pa'i gnas so zhes gnas par mi bya'o// rang sang rgyas ni nyan thos kyi sa las 'das nas sangs rgyas kyi sa ma thob par yongs su mya ngan las 'da' bar 'gyur ro zhes gnas par mi bya'o// sangs rgyas ni sbyin pa'i gnas so zhes gnas par mi bya'o// sangs rgyas ni so so'i skye bo'i sa las 'das pa dang nyan thos kyi sa las 'das pa dang rang sangs rgyas kyi sa las 'das nas gzhal du med grangs med pa'i sems can rnams kyi don mdzad do// gzhal du med grangs med pa'i sems can bye ba khrag khrig brgya stong yongs su mya ngan las bzlas/ gzhal du med grangs med pa'i sems can rnams nyan thos dang rang sangs rgyas dang yang dag par rdzogs pa'i sangs rgyas su nges par mdzad cing sangs rgyas kyi sa la bzhugs te/ sangs rgyas kyi mdzad pa mdzad nas phung po'i lhag ma med pa'i mya ngan las 'das pa'i dbyings su sangs rgyas yongs su mya ngan las 'da' bas yongs su mya ngan las 'da' bar 'gyur ro zhes des 'di ltar yang gnas par mi bya'o// de nas yang tshe dang ldan pa sha ri'i bu 'di snyam du sems te/ gal te sangs rgyas ni so so'i skye bo'i sa las 'das pa dang / nyan thos kyi sa las 'das pa dang /

  67. 34b

    rang sangs rgyas kyi sa las 'das nas gzhal du med grangs med pa'i sems can rnams kyi don mdzad de/ gzhal du grangs med pa'i sems can bye ba khrag khrig brgya stong yongs su mya ngan las bzlas/ gzhal du med grangs med pa'i sems can rnams nyan thos dang rang sangs rgyas dang yang dag par rdzogs pa'i sangs rgyas su nges par mdzad cing sangs rgyas kyi sa la bzhugs te sangs rgyas kyi mdzad pa mdzad nas phung po'i lhag ma med pa'i mya ngan las 'das pa'i dbyings su sangs rgyas kyi mya ngan las 'da' bas yongs su mya ngan las 'da' bar 'gyur ro zhes des 'di ltar yang gnas par mi bya na des yang ji ltar 'di la gnas par bya ci ltar bsrab par bya snyam pa dang / de nas sangs rgyas kyi mthus che dang ldan pa rab 'byor gyis tshe dang ldan pa sha ri'i bu'i sems kyi rtog pa sems kyis shes nas tshe dang ldan pa sha ri'i bu la 'di skad ces smras so// tshe dang ldan pa sha ri'i bu de ji snyam du sems de bzhin gshegs pa dgra bcom pa yang dag par rdzogs pa'i sangs rgyas ci zhig la gnas/ tshe dang ldan pa sha ri'i bus smras pa/ tshe dang ldan pa rab 'byor de bzhin gshegs pa dgra bcom pa yang dag par rdzogs pa'i sangs rgyas ni ci la yang gnas pa ma yin no// de ci'i phyir zhe na/ de bzhin gshegs pa dgra bcom pa yang

  68. 35a

    dag par rdzogs pa'i sangs rgyas kyi thugs ni shin tu mi gnas pa ste de ni 'dus byas kyi khams la yang mi gnas la 'dus ma byas kyi khams la yang mi gnas te de las bzhengs pa yang ma yin no// de nas tshe dang ldan pa rab 'byor gyis tshe dang ldan pa sha ri'i bu la 'di skad ces smras so// tshe dang ldan pa shA ri'i bu de bzhin du byang chub sems dpa' sems dpa' chen pos 'di lta bu nyid du gnas par bya zhing 'di ltar bslab par bya ste/ ji ltar de bzhin gshegs pa dgra bcom pa yang dag par rdzogs pa'i sangs rgyas 'ga' zhig la gnas pa ma yin zhing mi gnas pa yang ma yin la mi mthun par gnas pa ma yin zhing mi mthun par mi gnas pa yang ma yin pa de bzhin du gnas par bya'o snyam pa dang / de bzhin gsheg pa'i gnas pa ci lta ba de bzhin du gnas par bya'o snyam zhing de bzhin du bslab par bya'o snyam pa dang / de bzhin gshegs pa'i gnas pa ci lta ba de bzhin du gnas na mi gnas pa'i tshul gyis legs par gnas pa yin no snyam du 'dres de ltar bslab par bya'o// 'di la byang chub sems dpa' sem dpa' chen pos de ltar gnas par bya zhing de bzhin du bslab par bya ste/ de ltar slob pa'i byang chub sems dpa' dpa' chen po ni shes rab kyi pha

  69. 35b

    rol tu phyin pa'i gnas pa 'dis gnas shing yid la byed pa 'di dang ma bral ba yin no// de nas 'khor de'i nang nas lha'i bu kha cig 'di snyam du sem par gyur te/ gnod sbyin rnams kyis gnod sbyin gyi skad dang gnod sbyin gyi sgra dang / gnod sbyin gyi tshig dang gnod sbyin gyi gtam du byas pa dang / gnod sbyin gyi rab tu brjod pa gang yin pa de dag smras pa ni shes par rung gi/ gnas brten rab 'byor gang 'chad pa dang rab tu rjod pa dang ston pa dang nye bar sto/ po 'di ni shes par yang mi rung ngo snyam mo// de nas tshe dang ldan pa rab 'byor gyis sangs rgyas kyi mthus lha'i bu de dag gi sems kyi rtog pa'i ngo bo nyid de lta bu sems kyis yongs su shes nas lha'i bu de dag la smras pa/ lha'i bu dag shes par mi rung shes par mi rung zhes bya ba de ni 'di ltar 'di la cung zad kyang spros pa med de/ 'di la cung zad kyang thos pa med do// de nas lha'i bu de dag yang 'di snyam du sems par gyur te/ e ma'o 'phags pa rab 'byor 'dis ni gsal bar byed par 'gyur ro// e ma'o 'phags pa rab 'byor 'dis ni gsal bar byed par 'gyur te/ 'phags pa rab 'byor ni ring ba bas kyang ches ring du 'jug pa 'phags pa rab 'byor 'di ni phra ba bas kyang ches phra ba zab pa bas kyang ches zab par 'jug pas ston cing 'chad do snyam mo// de nas yang

  70. 36a

    sangs rgyas kyi mthus tshe dang ldan pa rab 'byor gyis lha'i bu de dag gi sems kyi rtog pa sems kyis shes nas/ lha'i bu de dag la 'di skad ces smras so// lha'i bu dag de lta bas na gang rgyun tu zhugs pa'i 'bras bu thob par 'dod pa dang rgyun tu zhugs pa'i 'bras bu la gnas par 'dod pa des bzod pa 'di la ma rten par mi 'grub bo// de bzhin du sbyar te gang lan cig phyir 'ong ba'i 'bras bu thob par 'dod pa dang / lan cig phyir 'ong ba'i 'bras bu la gnas par 'dod pa dang / gang phyir mi 'ong ba'i 'bras bu thob par 'dod pa dang phyir mi 'ong ba'i 'bras bu la gnas par 'dod pa dang / gang dgra bcom pa nyid thob par 'dod pa dang / dgra bcom pa nyid la gnas par 'dod pa dang / gang rang byang chub thob par 'dod pa dang / rang byang chub la gnas par 'dod pa des bzod pa 'di la ma rten par mi 'grub po// gang bla na med pa yang dag par rdzogs pa'i byang chub thob par 'dod cing bla na med pa yang dag par rdzogs pa'i byang chub la gnas par 'dod pa ras bzod pa 'di la ma rten par mi 'grub po// de nas yang lha'i bu de dag 'di snyam du sems te/ 'phags pa rab 'byor 'di la chos nyan pa rang bzhin ci lta bu zhig btsal bar bya snyam pa dang / de nas sangs rgyas kyi mthus tshe dang ldan pa rab 'byor

  71. 36b

    gyis lha'i bu de dag gi sems kyi rtog pa sems kyis shes nas lha'i bu de dag la smras pa/ lha'i bu dag kho bo la chos nyan pa ni sgyu ma dang sprul pa lta bu dag btsal bar bya'o// de ci'i phyir zhe na/ 'di ltar de dag ni nyan par mi 'gyur mngon du byed par mi 'gyur ro// de nas lha'i bu de dag gis tshe dang ldan pa rab 'byor la 'di skad ces smras so// 'phags pa rab 'byor yang ci sems can de dog sgyu ma lta bu yin gyi de dag sgyu ma ni ma yin nam/ de skad ces smras pa dang / tshe dang ldan pa rab 'byor gyis lha'i bu de dag la 'di skad ces smras so// lha'i bu dag sems can de dag ni sgyu ma lta bu lha'i bu dag sems can de dag ni rmi lam lta bu ste/ lha'i bu dag de ltar na sgyu ma dang sems can dag ni gnyis su med de gnyis su byar med do// de ltar na rmi lam dang sems can de dag ni gnyis su med de gnyis su byar med do// lha'i bu dag chos thams cad kyang sgyu ma lta bu rmi lam lta bu'o// rgyun tu zhugs pa yang sgyu ma lta bu rmi lam lta bu'o// rgyun tu zhugs pa'i 'bras bu yang sgyu ma lta bu rmi lam lta bu'o// de bzhin du lan cig phyir 'ong ba dang lan cig phyir mi 'ong ba'i 'bras bu dang phyir mi 'ong ba dang phyir mi 'ong ba'i 'bras bu dang / dgra bcom pa yang sgyu ma lta bu rmi lam lta bu'o// dgra bcom pa nyid kyang sgyu

  72. 37a

    ma lta bu rmi lam lta bu'o// rang sangs rgyas kyang sgyu ma lnga bu rmi lam lta bu'o// rang sangs rgyas nyid kyang sgyu ma lta bu rmi lam lta bu'o// yang dag par rdzogs pa'i sangs rgyas kyang sgyu ma lta bu rmi lam lta bu'o// yang dag par rdzogs pa'i sangs rgyas nyid kyang sgyu ma lta bu rmi lam lta bu'o// de nas lha'i bu de dag gis tshe dang ldan pa rab 'byor la 'di skad ces smras so// 'phags pa rab 'byor yang dag par rdzogs pa'i sangs rgyas kyang sgyu ma lta bu rmi lam lta bu'o zhes zer ram yang dag par rdzogs pa'i sangs rgyas nyid kyang sgyu ma lta bu rmi lam lta bu'o zhes zer ram/ rab 'byor gyis smras pa/ lha'i bu dag mya ngan las 'das pa yang sgyu ma lta bu rmi lam lta bur smra na chos gzhan lta ci spros/ lha'i bu de dag gis smras pa/ 'phags pa rab 'byor mya ngan las 'das pa yang sgyu ma lta bu rmi lam lta bu'o zhes zer ram/ tshe dang ldan pa rab 'byor gyis smras pa/ lha'i bu dag bdag ni gal te mya ngan las 'das pa las khyad par du 'phags pa'i chos gzhan zhig yod kyang de yang sgyu ma lta bu rmi lam lta bu'o zhes smra'o// lha'i bu dag de ltar na sgyu ma dang mya las 'das pa 'di ni gnyis su med de gnyis su byar med do// de ltar na rmi lam dang mya ngan las 'das pa 'di ni gnyis su med de gnyis su byar med do// de

  73. 37b

    nas tshe dang ldan pa sha ri'i bu dang tshe dang ldan pa gang po byams ma'i bu dang tshe dang ldan pa lto rings chen po dang tshe dang ldan pa ka t+yA ya na chen po dang tshe dang ldan pa 'od srungs chen po dang nyan thos chen po gzhan dag gis byang chub sems dpa' stong phrag du ma dang thabs cig tu tshe dang ldan pa gnas brtan rab 'byor la 'di skad ces smras so// tshe dang ldan pa rab 'byor shes rab kyi pha rol tu phyin pa 'di ltar bstan pa 'di la su dag yang dag par 'dzin par 'gyur/ de nas tshe dang ldan pa kun dga' bos gnas brtan de dag la 'di skad ces smras so// tshe dang ldan pa dag phyir mi ldog pa'i byang chub sems dpa' sems dpa' chen po rnams sam/ lta ba phun sum tshogs pa'i gang zag rnams sam/ dgra bcom pa zag pa zad pa gang yin pa de dag shes rab kyi pha rol tu phyin pa 'di ltar bstan pa 'di la yang dag par 'dzin par 'gyur ro// de nas tshe dang ldan pa rab 'byor gyis gnas brtan de dag la 'di skad ces smras so// tshe dang ldan pa dag shes rab kyi pha rol tu phyin pa 'di ltar bshad pa 'di la yang dag par 'dzin pa su yang mi 'byung ngo // de ci'i phyir zhe na/ 'di ltar 'di la chos gang yang ma smos chos gang yang yongs su snang bar ma byas/ chos gang yang ma bzhag go/ de bas na ci ltar 'di la chos gang yang ma smos chos

  74. 38a

    yang yongs su snang bar ma byas chos gang yang ma bzhag pa de bzhin du shes rab kyi pha rol tu phyin pa 'di ltar bstan pa 'di la yang dag par 'dzin pa gang yang mi 'byung ngo // de nas lha rnams kyi dbang po brgya byin 'di snyam du sems te/ 'phags pa rab 'byor gyis de ltar chos kyi rnam grangs 'di bstan pa la bdag gis kyang mchod pa'i don du 'di ltar me tog dag mngon par sprul te/ 'phags pa rab 'byor la mngon par gtor ro snyam mo// de nas lha rnams kyi dbang po brgya byin gyis de'i tshe me tog dag mngon par sprul nas tshe dang ldan pa rab 'byor la mngon par gto to// de nas gnas brtan che dang ldan pa rab 'byor lha rnams kyi dbang po brgya byin la rjes su brjod pa'i phyir 'di snyam du sems te/ yang 'di ltar lha rnams kyi dbang po brgya byin gyis mngon par gtor ba'i me tog 'di dag ni bdag gis sngon chad sum cu rtsa gsum gyi lha'i gnas na yang yod par ma mthong ste/ me tog 'di dag ni sprul pa'o// 'di ltar lha rnams kyi dbang pos mngon par gtor ba'i me tog 'di dag ni shing dang gel ba dang 'a shing las skyes pa ma yin gyi yid las byung ba'i me tog go snyam pa dang / de nas lha rnams kyi dbang po brgya byin gyis tshe dang ldan pa rab 'byor gyi

  75. 38b

    sems kyi rtog pa sems kyis shes nas tshe dang ldan pa rab 'byor la 'di skad ces smras so// 'phags pa rab 'byor me tog 'di dag ni ma skyes pa'o// de ci'i phyir zhe na/ yid las skyes pa'i me tog ni gang yang med de shing dang grol ba dang 'khri shing las skyes pa yang ma yin no// de nas tshe dang ldan pa rab 'byor gyis lha rnams kyi dbang po brgya byin la 'di skad ces smras so// kau shi ka gang khyod 'di skad du me tog 'di dag ni ma skyes pa ste/ me tog 'di dag ni yid las skyes pa ma yin gyi/ shing dang gel ba dang 'khri shing las skyes pa yang ma yin no zhes zer na/ kau shi ka gang ma skyes pa de ni me tog ma yin no// de nas lha rnams kyi dbang po brgya byin 'di snyam du sems te/ e ma'o 'phags pa rab 'byor ni shes rab zab ste ming dang tshig tu btags pa de yang ston la de dang 'gal bar yang mi byed/ de nyid kyang gsal bar byed cing de nyid kyang nye bar ston to snyam mo// de nas lha rnams kyi dbang po brgya byin gyis tshe dang ldan pa rab 'byor la 'di skad ces smras so// 'phags pa rab 'byor de de bzhin no de de bzhin te/ 'phags pa rab 'byor ci skad du nye bar ston pa de bzhin du byang chub sems dpa' sems dpa' chen po rnams kyis bslab par bya'o// de skad ces

  76. 39a

    smras pa dang / tshe dang ldan pa rab 'byor gyis lha rnams kyi dbang po brgya byin la 'di skad ces smos so// ko'u shi ka de de bzhin no de de bzhin te de ltar byang chub sems dpa' sems dpa' byos 'di la bslab par bya'o// kau shi ka byang chub sems dpa' sems dpa' chen po de ltar slob na rgyun tu zhugs pa'i 'bras bu la mi slob po// lan cig phyir 'ong ba'i 'bras bu la mi slob phyir mi 'ong ba'i 'bras bu la mi slob dgra bcom pa nyid la mi slob po// rang sangs rgyas nyid la mi slob/ sangs rgyas nyid la mi slob ste/ gangs 'di dag la mi slob pa de ni sangs rgyas nyid dang thams cad mkhyen pa nyid la slob po// gang sangs rgyas nyid dang thams cad mkhyen pa nyid la slob pa de ni sangs rgyas kyi chos gzhal du med grangs med pa la slob po// gang sangs rgyas kyi chos gzhal du med grangs med pa la slob pa de ni gzugs 'phel bar bya ba dang / 'grib par bya ba'i phyir mi slob bo// de bzhin du tshor ba la ma yin 'du shes la ma yin 'du byed rnams la ma yin de rnam par shes pa 'phel bar bya ba dang 'grib par bya ba'i phyir mi slob po/ gang gzugs 'phel bar bya ba dang / 'grib par bya ba'i phyir mi slob pa dang gang tshor ba la ma yin 'du shes ma yin 'du byed rnams la ma

  77. 39b

    yin gang rnam par shes pa 'phel bar bya ba dang 'grib par bya ba'i phyir mi slob pa de ni gzugs yongs su gzung ba dang dor bar bya ba'i phyir mi slob po// de bzhin du tshor ba la ma yin 'du shes la ma yin 'du byed rnams la ma yin de rnam par shes pa yongs su gzung ba dang dor bar bya ba'i phyir mi slob po/ chos 'ga' zhig yongs su gzung ba'i phyir yang mi slob ste/ skye ba'i phyir mi slob nub pa'i phyir mi slob po// gang chos 'ga' zhig yongs su gzung ba'i phyir mi slob cing skye ba'i phyir mi slob nub pa'i phyir mi slob pa de ni thams cad mkhyen pa nyid kyang yongs su gzung ba'i phyir mi slob cing skye ba'i phyir mi slob mi nub pa'i phyir mi slob ste/ de ltar slob pa'i byang chub sems dpa' sems dpa' chen po ni thams cad mkhyen pa nyid la slob cing thams cad mkhyen pa nyid la nges par 'byung bar 'gyur ro// de nas tshe dang ldan pa sha ri'i bus tshe dang ldan pa rab 'byor la 'di skad ces smras so// tshe dang ldan pa rab 'byor byang chub sems dpa' sems dpa' chen po gang chos 'ga' zhig yongs su gzung ba'i phyir mi slob cing skye ba'i phyir mi slob nub pa'i phyir mi slob pa de ni thams cad mkhyen pa nyid kyang yongs su gzung ba'i phyir mi slob cing skye ba'i phyir mi slob nub pa'i phyir mi slob na/ tshe dang ldan

  78. 40a

    pa rab 'byor de ltar slob pa'i byang chub sems dpa' sems dpa' chen po ni thams cad mkhyen pa nyid la slob cing thams cad mkhyen pa nyid la nges par 'byung bar 'gyur ram/ tshe dang ldan pa rab 'byor gyis smras pa/ tshe dang ldan pa sha ri'i bu de de bzhin no de de bzhin te/ tshe dang ldan pa sha ri'i bu byang chub sems dpa' sems dpa' chen po gang chos 'ga' zhig yongs su bzung ba'i phyir mi slob cing skye ba'i phyir mi slob nub pa'i phyir mi slob pa de ni thams cad mkhyen pa nyid kyang yongs su gzung ba'i phyir mi slob cing skye ba'i phyir mi slob nub pa'i phyir mi slob sangs rgyas kyi chos rnams kyang yongs su gzung ba'i phyir mi slob cing skye ba'i phyir mi slob nub pa'i phyir mi slob ste/ tshe dang ldan pa sha ri'i bu de ltar slob pa'i byang chub seMs dpa' sems dpa' chen po ni thams cad mkhyen pa nyid la slob cing thams cad mkhyen pa nyid la nges par 'byung bar 'gyur ro// de nas lha rnams kyi dbang po brgya byin gyis tshe dang ldan pa sha ri'i bu la 'di skad ces smras so// 'phags pa shA ri'i bu byang chub sems dpa' sems dpa' chen pos shes rab kyi pha rol tu phyin pa gang las btsal bar bya/ sha ri'i bus smras pa/ kau shi ka byang chub sems dpa' sems dpa' chen pos shes rab kyi pha rol tu phyin

  79. 40b

    pa ni tshe dang ldan pa rab 'byor gyis le'u las btsal bar bya'o// de skad ces smras pa dang / lha rnams kyi dbang po brgya byin gyis tshe dang ldan pa sha ri'i bu la 'di skad ces smras so// 'phags pa sha ri'i bu 'di ltar 'phags pa rab 'byor shes rab kyi pha rol tu phyin pa 'chad pa gang yin pa 'di su'i mthur rig par bya 'di su'i byin gyi rlabs su rig par bya/ tshe dang ldan pa sha ri'i bus smras pa/ kau shi ka tshe dang ldan pa rab 'byor shes rab kyi pha rol tu phyin pa 'chad pa gang yin pa 'di ni de bzhin gshegs pa'i mthur rig par bya/ 'di ni de bzhin gshegs pa'i byin gyi rlabs su rig par bya'o// de nas tshe dang ldan pa rab 'byor gyis lha rnams kyi dbang po brgya byin la 'di skad ces smras so// kau shi ka gang 'di skad du 'phags pa rab 'byor gang shes kyi pha rol tu phyin pa 'chad pa gang yin pa 'di su'i mthur rig par bya 'di su'i byin gyi rlabs su rig par bya zhes zer ba ni/ kau shi ka bdag shes rab kyi pha rol tu phyin pa 'chad pa gang yin pa 'di ni de bzhin gshegs pa'i mthur rig par bya'o// 'di ni de bzhin gshegs pa'i byin gyi rlabs su rig par bya'o// kau ka gang yang 'di skad du byang chub sems dpa' sems dpa' chen pos shes rab kyi pha rol tu phyin pa gang las btsal bar bya zhes zer ba ni/ kau shi ka

  80. 41a

    byang chub sems dpa' sems dpa' chen pos shes rab kyi pha rol tu phyin pa gzugs las btsal bar mi bya/ gzugs las gzhan du yang btsal bar mi bya'o// de bzhin du tshor ba las ma yin 'du shes las ma yin/ 'du byed rnams las ma yin/ rnam par shes pa las bcal bar mi bya rnam par shes pa las gzhan du yang btsal bar mi bya'o// de ci'i phyir zhe na/ kau shi ka 'di ltar gzugs ni shes rab kyi pha rol tu phyin pa ma yin/ gzugs las gzhan na yang shes rab kyi pha rol tu phyin pa med do// de bzhin du tshor ba ma yin 'du shes ma yin 'du byed rnams ma yin/ rnam par shes pa shes rab kyi pha rol tu phyin pa ma yin rnam par shes pa las gzhan na yang shes rab kyi pha rol tu phyin pa med do// de skad ces smras pa dang lha/ rnams kyi dbang po brgya byin gyis tshe dang ldan pa rab 'byor la 'di skad ces smras so// 'phags pa rab 'byor 'di lta ste/ shes rab kyi pha rol tu phyin pa 'di ni pha rol tu phyin pa chen po'o// 'phags pa rab 'byor 'di lta ste shes rab kyi pha rol phyin pa 'di ni tshad ma med pa'i pha rol tu phyin pa'o// 'phags pa rab 'byor 'di lta ste/ shes rab kyi pha rol tu phyin pa 'di ni tshad med pa'i pha rol tu phyin pa'o// 'phags pa rab 'byor 'di lta ste/ shes rab kyi pha rol tu phyin

  81. 41b

    pa 'di ni mtha' yas pa'i pha rol tu phyin pa'o// gnas brtan rab 'byor gyis smras pa/ de de bzhin no kau shi ka de de bzhin te/ kau shi ka 'di lta ste/ shes rab kyi pha rol tu phyin pa 'di ni pha rol tu phyin pa chen po'o// kau shi ka 'di lta ste shes rab kyi pha rol tu phyin pa 'di ni tshad ma med pa'i pha rol tu phyin pa'o// kau shi ka 'di lta ste shes rab kyi pha rol tu phyin pa 'di ni tshad med pa'i pha rol tu phyin pa'o// kau shi ka 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa'o// de ci'i phyir zhe na/ gzugs che ba'i phyir kau shi ka 'di lta ste shes rab kyi pha rol tu phyin pa 'di ni pha rol tu phyin pa chen po'o// de bzhin du tshor ba dang 'du shes dang 'du byed rnams dang rnam par shes pa che ba'i phyir kau shi ka 'di ltar ste shes kyi pha rol tu phyin pa 'di ni pa rol tu phyin pa chen po'o// gzugs tshad ma med pa'i phyir ko'u shi ka 'di lta ste shes rab kyi pha rol tu phyin pa 'di ni tshad ma med pa'i pha rol tu phyin pa'o// de bzhin du tshor ba dang 'du shes dang 'du byed rnams dang rnam par shes tshad me med pa'i phyir kau shi ka 'di lta ste shes rab kyi pha rol tu phyin pa 'di ni tshad ma med/ pa'i pha rol tu phyin pa'o// gzugs tshad med pa'i phyir kau shi ka 'di lta ste shes rab kyi pha rol tu phyin pa 'di ni tshad med pa'i pha rol tu phyin pa'o// de bzhin du

  82. 42a

    tshor ba dang 'du shes dang 'du byed rnams dang rnam par shes pa tshad med pa'i phyir kau shi ka 'di lta ste shes rab kyi pha rol tu phyin pa 'di ni tshad med pa'i pha rol tu phyin pa'o// gzugs mtha' yas pa'i phyir kau shi ka 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa'o// de bzhin du tshor ba dang 'du shes dang 'du byed rnams dang rnam par shes pa mtha' yas pa'i phyir kau shi ka 'di lta de shes rab kyi pha rol tu phyin pa 'di ni mtha' yas pa'i pha rol tu phyin pa'o// kau shi ka de bzhin du pha rol tu phyin pa chen po zhes bya bar mngon par chags par mi byed do// de bzhin du tshad ma med pa'i pha rol tu phyin pa zhes bya ba dang / de bzhin du chad med pa'i pha rol tu phyin pa zhes bya ba dang de bzhin du mtha' yas pa'i pha rol tu phyin pa'o zhes bya bar mngon par chags par mi byed do// kau shi ka de ltar bas na 'di lta ste shes rab kyi pha rol tu phyin pa 'di ni pha rol tu phyin pa chen po'o// 'di ni tshad ma med pa'i pha rol tu phyin pa'o// 'di ni tshad med pa'i pha rol tu phyin pa'o// kau shi ka 'di ni mtha' yas po'i pha rol tu phyin pa'o// kau shi ka dmigs pa mtha' yas pa phyir/ 'di lta ste shes rab kyi pha rol tu phyin pa 'di ni mthas yas pa'i pha rol tu phyin pa'o// kau shi ka sems can mtha' yas pa'i phyir 'di lta ste/ shes

  83. 42b

    rab kyi pha rol tu phyin pa 'di ni mtha' yas pa'i pha rol tu phyin pa'o// kau shi ka yang ci ltar na dmigs pa mtha' yas pa'i phyir 'di lta ste shes rab kyi pha rol tu phyin pa 'di mtha' yas pa'i pha rol tu phyin pa yin zhe na/ kau shi ka 'di ltar chos thams cad kyi thog ma dang dbus dang tha ma mi dmigs te de bas na kau shi ka 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa ste/ kau shi ka rnam grangs 'dis dmigs pa mtha' yas pa'i phyir/ 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa'o// kau shi ka gzhan yang gang gi phyir 'di ltar chos thams cad mtha' yas mu med de/ de rnams kyi thog pa 'am dbus sam tha ma yang mi dmigs te/ de bas na kau shi ka 'di lta ste/ shes rab kyi pha rol tu phyin pa 'di ni mtha' yas pa'i pha rol tu phyin pa'o// de ci'i phyir zhe na/ ko'u shi ka gzugs kyi thog ma 'am dbus sam tha ma yang mi dmigs so// kau sha~M ka de bzhin du tshor ba dang 'du shes dang 'du byed rnams dang rnam par shes pa'i thog ma 'am dbus sam tha ma yang mi dmigs te/ kau shi ka rnam grangs 'dis kyang dmigs pa mtha' yas pa'i phyir 'di lta ste/ shes rab kyi pha rol tu phyin pa 'di ni mtha' yas pa'i pha rol tu phyin pa'o// kau shi ka gzhan yang sems can mtha' yas mu

  84. 43a

    med do// de ci'i phyir zhe na/ sems can la thog ma 'am dbus sam tha ma yang mi dmigs so// kau shi ka de bas na sems can mtha' yas pa'i phyir 'di lta ste/ shes rab kyi pha rol tu phyin pa 'di ni mtha' yas pa'i pha rol tu phyin pa'o// de nas lha rnams kyi dbang po brgya byin gyis che dang ldan pa rab 'byor la 'di skad ces smras so// 'phags pa rab 'byor ji ltar na sems can mtha' yas pa'i phyir 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa yin/ gnas brtan rab 'byor gyis smras pa/ ko'u shi ka bgrang ba dang mi ldan pa 'am/ bgrang ba mang pos sems can mtha' yas pa'i phyir 'di lta ste/ shes rab kyi pha rol tu phyin pa 'di mtha' yas pa'i pha rol tu phyin pa yin no// brgya byin gyis smras pa/ 'phags pa rab 'byor 'o na ci ltar sems can mtha' yas pa'i phyir 'di lta ste/ shes rab kyi pha rol tu phyin pa 'di mtha' yas pa'i pha rol tu phyin pa zhes bya/ gnas brtan rab 'byor gyis smras pa/ kau shi ka 'di ji snyam du sems/ 'di lta ste sems can zhes bya ba 'di chos gang gi tshig bla dgas yin/ brgya byin gyis smras pa/ 'phags pa rab 'byor 'di lta ste/ sems can sems can zhes bya ba 'di ni chos kyi tshig bla dgas

  85. 43b

    chos med pa'i tshig bla dgas kyang ma kyang ma yin te ming du btags pa 'di ni glo bur du byung ba'o// ming du btags pa 'di ni dngos po med pa'o// ming du btags pa 'di ni bdag gi ba med pa'o// 'di lta ste/ sems can sems can zhes ming du btags pa 'di ni dmigs su med pa'o// gnas brtan rab 'byor gyis smras pa/ kau shi ka 'di ji snyam du sems 'di la sems can du yongs su bstan par byas pa gang yang yod dam/ brgya byin gyis smras pa/ 'phags pa rab 'byor de ni ma yin no// rab 'byor gyis smras pa/ kau shi ka gang sems can du yongs su bstan par byas pa 'ga' zhig med pa de la sems can mtha' yas pa yod dam/ kau shi ka gal te de bzhin gshegs pa dgra bcom pa yang dag par rdzogs pa'i sangs rgyas kyis bskal pa gang ga'i klung gi bye ma snyed du yang bzhugs te/ mtha' las 'das pa rnam par rig par byed pa'i dbyangs dang gsung sa byangs zab mos sems can sems can zhes tshig tu brjod du zin kyang de la sems can gang yang skyes pa 'am skye bar 'gyur ba 'am skye ba 'am 'gag pa 'am/ 'gag par 'gyur ba 'am 'gag pa yod dam/ brgya byin gyis smras pa/ 'phags pa rab 'byor de ni ma yin no// de ci'i phyir zhe na/ sems can thog ma nas dag pa'i phyir dang thog ma nas yongs su dag pa'i phyir ro//

  86. 44a

    rab 'byor gyis smras pa/ kau shi ka rnam grangs 'dis kyang 'di ltar sems can mtha' yas pa'i phyir 'di lta ste/ shes rab kyi pha rol tu phyin pa 'di ni mtha' yas pa'i pha rol tu phyin pa'o// kau shi ka de ltar yang sems can mtha' yas pa'i phyir/ shes rab kyi pha rol tu phyin pa mtha' yas par rig par bya'o// de nas dbang po dang bcas pa'i lha rnams dang tshangs pa dang bcas pa dang / skye dgu'i bdag po dang bcas pa dang / drang srong dang bcas pa dang / skyes pa dang bud med kyi tshogs dang bcas pa rnams kyis lan gsum du ched du brjod pa ched du brjod de/ e ma'o chos e ma'o chos e ma'o chos rnam kyi chos nyid de bzhin gshegs pa 'byung ba gang yin pa de ni 'phags pa gnas brtan rab 'byor gyis legs par smras pas brjod cing bstan te bshad la rab tu bzhag go/ bcom ldan 'das deng sran chad bdag cag ni byang chub sems dpa' sems dpa' chen po gang shes rab kyi pha rol tu phyin pa 'di dang ma bral ba dang / byang chub sems dpa' sems dpa' chen po gang dag shes rab kyi pha rol tu phyin pa'i gnas pa 'dis gnas pa 'di ni de bzhin gshegs pa legs par 'dzin to// bcom ldan 'das kyis dbang po bcas pa'i lha rnams dang tshangs pa dang bcas pa dang skye dgu'i bdag po dang bcas pa dang drang srong dang bcas pa dang /

  87. 44b

    skyes pa dang bud med kyi tshogs de rnams la bka' stsal pa/ lha'i bu dag de de bzhin no de de bzhin te/ lha'i bu dag gang gi tshe rgyal po'i pho brang 'khor na mar me can zhes bya ba'i tshong dus kyi dbus su mar me mdzad de bzhin gshegs pa dgra bcom pa yang dag par rdzogs pa'i sangs rgyas kyi drang nang shes rab kyi pha rol tu phyin pa 'di dang bral bar gyur pas/ de'i tshe mar me mdzad de bzhin gshegs pa dgra bcom pa yang dag par rdzogs pa'i sangs rgyas kyis/ bram ze'i khye'u khyod ma 'ongs pa'i dus kyi bskal pa grangs med pa na shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang rkang par ldan pa bde bar gshegs pa/ 'jig rten rig pa skyes bu gdul bya'i kha lo bsgyur ba/ bla na med pa lha dang mi rnams kyi ston pa/ sangs rgyas bcom ldan 'das su 'gyur ro zhes nga bla na med pa yang dag par rdzogs pa'i byang chub tu lung bstan to// de nas bcom ldan 'das la lha'i bu de dag giso 'di skad ces bcom ldan 'das byang chub sems dpa' sems dpa' chen po rnams kyi shes rab kyi pha rol tu phyin pa 'di thams cad mkhyen pa nyid kyi bar du sgrub par byed pa dang rjes su 'dzin par byed pa ngo mtshar to// bde bar gshegs pa ngo mtshar to zhes gsol to// 'phags pa shes rab kyi pha rol tu phyin pa brgyad stong/

  88. 45a

    pa las brgya byin gyi le'u ste gnyis pa'o// // 'phags pa shes rab kyi pha rol tu phyin pa brgyad stong pa// bam po gsum pa// / de nas bcom ldan 'das kyis 'khor der lha'i bu gang dag 'dus te 'khod par gyur pa dang dge slong dang dge slong ma dang dge bsnyen dang dge bsnyen ma'i 'khor gang dag 'dus te 'khod par gyur pa dang / lha'i bu de rnams 'dus te 'khod par gyur par mkhyen cing 'khor bzhi po thams cad 'dus shing 'khod par yang mkhyen nas/ 'dod pa na spyod pa dang gzugs na spyod pa'i lha'i bu rnams dang tshangs ris kyi lha'i bu rnams dang 'od gsal dang dge chung dang 'og min gyi lha'i bu rnams dpang du bzhag ste/ lha rnams kyi dbang po brgya byin la sogs pa 'dod pa na spyod pa'i lha'i bu rnams dang tshangs pa chen po la sogs pa tshangs ris kyi lha'i bu rnams dang 'od gsal gyi lha'i bu rnams la bka' stsal pa/ lha'i bu dag rigs kyi bu 'am rigs kyi bu mo gang la la shes rab kyi pha rol phyin pa 'di 'dzin tam/ 'chang ngam/ klog gam/ kun chub par byed dam/ rab tu 'don na/ de la bdud dam bdud kyi ris kyi lha grags lta ba dang / glags tshol ba dag gis glags rnyed par mi 'gyur ro// rigs kyi bu 'am rigs kyi bu mo de la mi 'am mi ma yin pa glags/

  89. 45b

    lta ba dang glags tshol ba rnams kyis grags rnyed par yang mi 'gyur ro// rigs kyi bu 'am rigs kyi bu mo de yang yang ba ma spangs par 'chi ba'i dus byed par mi 'gyur ro// lha'i bu dag gzhan yang lha'i bu gang bla na med pa yang dag par rdzogs pa'i byang chub tu yang dag par zhugs pa rnams dang lha'i bu gang dag gis shes rab kyi pha rol tu phyin pa 'di ma bzung ba dang ma bcad sa pa dang kun chub par ma byas pa dang / rab tu mi 'don pa'i lha'i bu de dag rigs kyi bu de'i drung du 'ong 'dod par 'gyur te/ rigs kyi bu shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa de la nyan par 'gyur te/ thos nas kyang 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ rab tu 'don par 'gyur ro// lha'i bu dag de zhan yang rigs kyi bu 'am rigs kyi bu mo shes rab kyi pha rol tu phyin pa 'di 'dzin pa dang / 'chang ba dang / klog pa dang kun chub par byed pa dang / rab tu 'don pa de dgon par song yang rung shing drung du song yang rung khyim stong du song yang rung bla gab med par song yang rung lam du song yang rung lam gol bar song yang rung 'brog dgon par song yang rung rgya mtsho chen por song yang rung de dang der 'gro ba 'am 'chag pa 'am/

  90. 46a

    'dug pa 'am nyal ba na yang rung ste/ 'jigs par 'gyur ba 'am rengs par 'gyur ba nyid mi 'byung mi skye'o// de nas bcom ldan 'das la rgyal po chen po bzhis 'di skad ces gsol to// bcom ldan 'das rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par bgyid pa dang / rab tu 'don par 'gyur ba de ni theg pa gsum gyis sems can rnams 'dul bar bgyid cing sems can gyi 'du shes kyang mi skyed pa ni ngo mtshar to// bcom ldan 'das bdag cag gis kyang rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par bgyid pa dang rab tu 'don par 'gyur ba de la bsrung ba dang bskyab pa dang sba bar bgyi'o// de nas bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das bdag gis kyang rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par bgyid pa dang / rab tu 'don par 'gyur ba de dag la bsrung ba dang bskyab pa dang sba bar bgyi'o// bcom ldan 'das la tshangs pa mi mjed kyi bdag po tshangs ris kyi lha'i bu rnams dang bcas pas kyang 'di skad ces

  91. 46b

    gsol to// bcom ldan 'das bdag cag gis kyang rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par bgyid pa dang / rab tu 'don par 'gyur ba de la bsrung ba dang bskyab pa dang sba bar bgyi'o// de nas bcom ldan 'das la lha rnams kyi dbang po brgya byin gyis 'di skad gsol to// bcom ldan 'das rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par bgyid pa dang rab tu 'don pa de tshe 'di la yon tan 'di dag nges par 'thob cing yongs su 'dzin par 'gyur ba ngo mtshar to// bco ldan 'das yang ci shes rab kyi pha rol tu phyin pa 'di bzung na pha rol tu phyin pa drug po thams cad bzung bar 'gyur ram/ de skad ces gsol pa dang / bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka de de bzhin no de bzhin te/ kau shi ka shes rab kyi pha rol tu phyin pa bzung bas pha rol tu phyin pa drug po thams cad bzung bar 'gyur ro// kau shi ka gzhan yang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don par byed na kau shi ka rigs kyi bu 'am rigs kyi bu mo des tshe 'di la yon tan gang dag 'dzin par 'gyur

  92. 47a

    ba de dag thams cad legs par rab tu nyon la yid la zung zhig dang ngas khyod la bshad do// bcom ldan 'das la lha rnams kyi dbang po brgya byin gyis legs so zhes gsol nas/ lha rnams kyi dbang po brgya byin bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// kau shi ka de la gang zhig chos 'di la rtsod par 'dod pa dang rgol bar 'dod pa dang 'gal bar byed 'dod na/ rtsod par 'dod pa dang rgol bar 'dod pa dang 'gal bar byed 'dod pa de dag gi rtsod pa dang rgol ba dang 'gal bar byed pa skyes shing skyes pa rnams slar nub pa nyid du 'gyur zhing gnas par mi 'gyur te/ rtsod par 'dod pa dang rgol bar 'dod pa dang 'gal bar byed 'dod pa de dag gi bsam pa de dag yongs su rdzogs par mi 'gyur ro// de/ ci'i phyir zhe na/ kau shi ka de ni 'di ltar 'gyur te rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lug 'bog pa dang / kha ton du byed pa de'i rtsod pa'i gzhi ltar skyes shing skyes pa de dag slar yang nub pa nyid du 'gyur zhing gnas par mi 'gyur te/ rtsod par 'dod pa dang rgol bar 'dod pa dang / 'gal bar

  93. 47b

    byed 'dod pa de dag gri bsam pa de ltar yongs su rdzogs par mi 'gyur ro// kau shi ka rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang / rab tu 'don pa dang ston pa dang nye bar ston pa dang / lung 'bogs pa dang / kha ton du byed pa de tshe 'di la yon tan 'di dag kyang yongs su 'dzin par 'gyur ro// kau shi ka 'di lta ste dper na rtsi ma g+hi zhes bya ba dug thams cad rab tu zhi bar byed pa zhig yod de der skye bo sbrul gdug pa bkres shing zas 'dod de zas tshol ba zhig gis srog chags su gyur pa 'ga' zhig mthong ste skye bo sbrul gdug pa des zas kyi phyir bza' bar 'dod nas srog chags su gyur pa de'i dri'i phyogs su 'brang zhing bsgrags pa dang de nas srog chags su gyur pa de rtsim g+hi gang na yod pa der song nas phyin te 'dug pa dang de nas sbrul de rtsi de'i dri tsam gyis phyir ldog go// de ci'i phyir zhe na/ de ltar sbrul gyi gdug pa zil gyis gnon pa de ni rtsi de'i sman gyi yon tan du blta bar bya ste rtsi de ni de ltar mthu che'o// kau shi ka de bzhin du rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang sten pa dang nye bar ston pa dang lung 'bogs pa dang kha ton byed

  94. 48a

    pa de la ni kau shi ka rtsod pa dang rgol ba dang 'gal bar byed pa'i gzhi skyes shing skyes pa gang yin pa de dag shes rab kyi pha rol tu phyin pa'i gzi brjid dang stobs dang mthu dang shes rab kyi pha rol tu phyin pa'i stobs bskyed pas myur du de nyid nas med par 'gyur nye bar zhi zhing 'phel bar mi 'gyur te de gang nas byung ba de dang de nyid nas 'gag cing nub par 'gyur la gnas par mi 'gyur ro// de ci'i phyir zhe na/ shes rab kyi pha rol tu phyin pa ni 'dod chags la sogs pa nas mya ngan las 'das pa nyid kyi bar du 'dzin pa dag nye bar zhi bar byed de rnam par 'phel bar byed pa ma yin no// kau shi ka rgyal po chen po bzhi dang lha rnams kyi dbang po brgya byin dang mi mjed kyi bdag po tshangs pa dang sangs rgyas bcom ldan 'das rnams dang byang chub sems dpa' thams cad kyang rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang / kun chub par byed pa dang rab tu 'don pa dang ston pa dang lung 'bogs pa dang kha ton du byed pa de la bsrung ba dang bskyab pa dang smra bar byed de des tshe 'di la yon tan 'di dag yongs su bzung bar 'gyur ro// kau shi ka gzhan yang rigs kyi bu 'om rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par

  95. 48b

    byed pa dang rab tu ston na pa dang ston pa dang nye bar ston pa dang / lung 'bogs pa dang kha ton du byed pa de'i tshig gzung bar 'os par 'gyur tshig 'jam par 'gyu tshig ran par 'gyur tshig 'chal pa med par 'gyur ro// khro bos zil gyis non par mi 'gyur/ nga rgyal gyis zil gyis non par mi 'gyur ro// de ci'i phyir zhe na/ 'di ltar shes rab kyi pha rol tu phyin pas yongs su dul bar byed shes rab kyi pha rol tu phyin pas yongs su 'dud par byed de khro ba 'phel bar mi byed/ nga rgyal 'phel bar mi byed khon du 'dzin pa yongs su mi 'chang gnod sems yongs su mi 'chang la bag la nyal mi 'dzin to// rigs kyi bu 'am rigs kyi bu mo de ltar spyod pa de la dran pa dang byams pa skye bar 'gyur zhing de 'di snyam du sems te gal te bdag gis gnod sems bskyed du zin na bdag gi dbang po rnams 'khrugs shing bzhin gyi mdog kyang 'gyur bas bdag bla na med pa yang dag par rdzogs pa'i byang chub tu yang dag par zhugs shing 'di la slob par 'dod pa khro ba'i dbang du 'gro ba 'di ni mi rigs so snyam nas de myur du dran pa rnyed par 'gyur te/ kau shi ka rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang

  96. 49a

    lung 'bogs pa dang kha ton du byed par 'gyur ba des tshe 'di la yon tan 'di dag kyang yongs su 'dzin par 'gyur ro// de skad ces bka' stsal pa dang / bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das shes rab kyi pha rol phyin pa 'di ni de ltar byang chub sems dpa' sems dpa' chen po rnams yongs su dul ba dang khengs pa ma mchis pa'i slad du nye bar gnas pa ngo mtshar to// bcom ldan 'das kyis bka' stsal pa/ kau shi ka gzhan yang rigs kyi bu 'am rigs kyi bu mo gang shes rab kyi pha rol tu phyin pa 'di 'dzin par 'gyur 'chang bar 'gyur klog par 'gyur kun chub par byed par 'gyur rab tu 'don par 'gyur ston par 'gyur nye bar ston par 'gyur lung 'bogs par 'gyur kha ton byed par 'gyur zhing gal te rigs kyi bu 'am rigs kyi bu ma de ltar shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed ba dang rab tu 'don pa dang ston pa dang nye bar ston pa dang lung 'bogs pa dang kha ton byed pas g.yul 'gyed pa'i che g.yul du thog mar zhugs par gyur na de g.yul du 'jug gam g.yul du zhugs sam g.yul las 'das sam ga yul gyi nang du 'gro 'am 'greng ngam 'dug kyang rung ste/ kau shi ka rigs

  97. 49b

    kyi bu 'am rigs kyi bu mo gang shes rab kyi pha rol tu phyin pa 'di yid la 'dzin pa 'am 'chang ba 'am/ klog pa 'am kun chub par byed pa 'am/ rab tu 'don pa 'am ston pa 'am nye bar ston pa 'am/ lung 'bogs pa 'am kha ton byed pa de srog gi bar chad du 'gyur ba gang yin pa 'di ni gnas ma yin/ zhing go skabs med do// gzhan gyi gnod pa byed pas de srog gi bar chad du 'gyur ba 'di yang gnas ma yin no// kau shi ka yang gal te 'ga' zhig gis de la dbyug pa 'am mtshon nam bong ba 'am gzhan gang yang rungs pas 'phangs na de'i lus la phog par mi 'gyur ro// de ci'i phyir zhe na/ kau shi ka 'di lta ste shes rab kyi pha rol tu phyin pa 'di ni rig sngags chen mo'o// kau shi ka 'di lta ste shes rab kyi pha rol tu phyin pa 'di ni tshad ma med pa'i rig sngags so// kau shi ka 'di lta ste shes rab kyi pha rol tu phyin pa 'di ni chad med pa'i rig sngags so// kau shi ka 'di lta ste shes rab kyi pha rol tu phyin pa 'di ni bla na med pa'i rig sngags so// kau shi ka 'di lta ste shes rab kyi pha rol tu phyin pa 'di ni mnyam pa med pa'i rig sngags so// kau shi ka 'di lta ste shes rab kyi pha rol tu phyin pa 'di ni mi mnyam pa dang mnyam pa'i rig sngags so// de ci'i phyir zhe na/ kau shi ka rig sngag sa 'di la slob pa'i

  98. 50a

    rigs kyi bu 'am rigs kyi bu mo ni bdag la gnod pa bya bar yang mi sems gzhan la gnod pa bya bar yang mi sems gnyis ka la gnod pa bya bar yang mi sems so// kau shi ka rig sngags 'di la slob pa'i byang chub sems dpa' sems dpa' chen po ni bla na med pa yang dag par rdzogs pa'i byang chub mngon par rdzogs par sangs rgyas nas sems can thams cad kyi sems la rnam par lta bar 'gyur ro// de ci'i phyir zhe na/ kau shi ka rig sngags 'di la bslabs pa'i byang chub sems dpa' sems dpa' chen po la gang ma thob pa 'am ma shes pa 'am mngon sum du ma byas pa gang yang med do// de de'i phyir thams cad mkhyen pa'i ye shes zhes bya'o// kau shi ka rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang / rab tu 'don pa dang / ston pa dang nye bar ston pa dang / lung 'bogs pa dang kha ton du byed par 'gyur ba des tshe 'di la yon tan 'di yang yongs su gzung bar 'gyur ro// kau shi ka gzhan yang gang du shes rab kyi pha rol tu phyin pa 'di chung ngu na bris te glegs bam du chud par byas shing mchod pa sngon du byas te bzhag nas bkur stir byed la/ mi 'dzin mi 'chang mi klog

  99. 50b

    kun chub par mi byed rab tu 'don par mi byed ston par mi byed nye bar ston par mi byed lung 'bogs par mi byed kha ton mi byed pa der yang kau shi ka sngon gyi/ las kyi rnam par smin pa ma gtogs par sems can rnams la mi dang mi ma yin pa grags lta ba dag gis glags bltas kyang grags rnyed par mi 'gyur te de ni gnas med do// kau shi ka rigs kyi bu 'am rigs kyi bu mo des tshe 'di la yon tan 'di yang yongs su 'dzin par 'gyur ro// kau shi ka 'di lta ste dper na gang dag byang chub kyi snying po na 'dug pa dang byang chub kyi snying po'i khor yug na 'dug pa dang byang chub kyi snying po'i nang na 'dug pa dang byang chub kyi shing gi rtsa ba na 'dug pa'i ming dang mi ma yin pa dang byol song yan chad kyang sngon gyi las kyi rnam par smin pa ma gtogs par mi dang mi ma yin pa dag gis gtse ba 'am gnod par bya ba 'am 'bebs par byed mi nus so// de ci'i phyir zhe na/ gang dag sems can thams cad la mi 'jigs pa dang khon med par dang mi skrag pa rab tu sgom par mdzad cing rab tu ston par mdzad pa 'das pa dang ma byon pa dang da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams der mngon par rdzogs par sangs rgyas pa dang mngon par rdzogs par 'chang rgya bar 'gyur ba dang mngon par rdzogs par

  100. 51a

    'tshang rgya ba'i phyir ro// de bzhin du kau shi ka gang du rigs kyi bu 'am rigs kyi bu mo shes rab kyi pha rol tu phyin pa 'di nyid 'dzin pa dang 'chang ba dang klog pa dang kun chub par byed pa dang / rab tu 'don pa dang ston pa dang nye bar ston pa dang lung 'bogs pa dang kha ton du byed pa der kau shi ka sngon gyi las kyi rnam par smin pa ma gtogs par sems can mi dang mi ma yin pa dag gis gtse ba'am gnod par bya ba 'am 'bebs par byed mi nus so// de ci'i phyir zhe na/ kau shi ka shes rab kyi pha rol tu phyin pa 'di nyid kyis sa phyogs de sems can rnams kyi mchod rten du gyur par byas pa dang phyag bya ba dang rjed par bya ba dang mchod par bya ba dang ri mor bya ba dang / bsnyen bkur du bya ba dang bkur stir bya ba dang bla mar bya ba dang der nye bar phyin pa'i sems can rnams kyi skyob pa dang skyabs dang gnas dang dpung gnyen du 'gyur bar byas pas so// kau shi ka rigs kyi bu 'am rigs kyi bu mo des tshe 'di la phan yon 'di dag kyang yongs su 'dzin to// de skad ces bka' stsal pa dang / bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das rigs kyi bu 'am rigs kyi bu mo gang gis shes rab kyi pha rol tu phyin pa 'di bris nas glegs bam du chud par bgyis te bzhag la/ de la lha'i me

  101. 51b

    tog dang lha'i bdug pa dang lha'i dri dang lha'i phreng ba dang lha'i byug pa dang lha'i phye ma dang / lha'i na bza' dang lha'i gdugs dang lha'i rgyal mtshan dang lha'i dril bu dang lha'i ba dan dag dang kho ra yug tu lha'i mar me'i phreng ba dag dang / lha'i mchod pa rnam pa mang po drag gis bkur stir bgyis pa dang bla mar bgyis pa dang / rjed par dang mchod pa dang ri mor bgyis pa dang bsnyen bskur bgyis pa dang gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i sku gdung dag mchod rten gyi nang du stsal te yongs su 'dzin cing 'chang la de dag la yang de bzhin du lha'i me tog dang lha'i bdug pa dang / lha'i dri dang lha'i phreng ba dang lha'i byug pa dang lha'i phye ma dang / lha'i na bza' dang lha'i gdugs dang lha'i rgyal mtshan dang lha'i dril bu dang lha'i ba dan dag dang khor yug tu lha'i mar me'i phreng ba dag dang lha'i mchod pa rnam pa mang po dag gis bkur stir bgyis pa dang bla mar bgyis pa dang rjed pa dang mchod pa dang ri mor bgyis pa dang bsnyen bkur bgyis na/ rigs kyi bu 'am rigs kyi bu mo de gnyis gang bsod nams ches mang du skyed par 'gyur/ de skad ces gsol pa dang bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka de'i phyir

  102. 52a

    'di khyod nyid la dri bar bya ste khyod kyis ci ltar nus pa de bzhin du lung ston cig/ kau shi ka 'di ci snyam du sems/ de bzhin gsheg pa dgra bcom pa yang dag par rdzogs pa'i sangs rgyas kyi thams cad mkhyen pa nyid kyi bdag gi dngos po mngon par grub pa gang yin pa des lam gang zhig la bsrabs pas de bzhin gshegs pa dgra bcom pa yang dag par rdzogs pa'i sangs rgyas kyis/ bla na med pa yang dag par rdzogs pa'i byang chub dang thams cad mkhyen pa nyid brnyes shing mngon par rdzogs par sangs rgyas/ de skad ces bka' stsal pa dang lha rnams kyi dbang po brgya byin gyis bcom ldan 'das la 'di skad ces gsol to// bcom ldan 'das shes rab kyi pha rol tu phyin pa 'di nyid la bslabs pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub dang thams cad mkhyen pa nyid brnyes shing mngon par rdzogs par sangs rgyas so// bcom ldan 'das kyis bka' stsal pa/ kau shi ka de lta bas na 'o na ni bdag gi dngos po'i sku 'di brnyes pas de bzhin gshegs pa de bzhin gshegs pa zhes bya ba'i grangs su mi 'gro'i// thams cad mkhyen pa nyid brnyes pas ni de bzhin gshegs pa

  103. 52b

    de bzhin gshegs pa zhes bya ba'i grangs su 'gro'o// kau shi ka de bzhin gshegs pa dgra bcom pa yang dag par rdzogs pa'i sangs rgyas kyi thams cad mkhyen pa nyid gang yin pa 'di ni shes rab kyi pha rol tu phyin pa las byung ba yin zhing / kau shi ka de bzhin gshegs pa'i bdag gi dngos po'i sku brnyes pa 'di yang shes rab kyi pha rol tu phyin pa dang thabs mkhas pa las byung ba yin te thams cad mkhyen pa'i ye shes kyi rten du gyur pa yin no// rten 'di la rten nas ni thams cad mkhyen pa'i ye shes rab tu 'byed par 'gyur/ sangs rgyas kyi sku rab tu 'byed par yang 'gyur/ chos kyi sku rab tu 'byed par yang 'gyur/ dge 'dun gyi sku rab tu 'byed par yang 'gyur ro// de ltar na thams cad mkhyen pa'i ye shes kyi rgyu bdag gi dngos po'i sku brnyes pa gang yin pa 'di ni thams cad mkhyen pa'i ye shes kyi rten du gyur pas na/ sems can thams cad kyi mchod rten du gyur cing phyag bya ba dang bkur stir bya ba dang bla mar bya ba dang / rjed par bya ba dang mchod par bya ba dang ri mor bya ba dang bsnyen bkur bya bar gyur pa yin la/ de bzhin du nga yongs su mya ngan las 'das par gyur kyang deg la yang mchod pa byed par 'gyur ro// de bas na kau shaM ka rigs kyi bu 'am rigs kyi bu mo gang la la shes rab kyi pha rol tu phyin pa 'di bris nas glegs bam

  104. 53a

    du chud par byas te bzhag la/ de la lha'i me tog dang lha'i bdug pa dang lha'i dri dang lha'i phreng ba dang lha'i byug pa dang lha'i phye ma dang lha'i na bza' dang lha'i gdugs dang lha'i rgyal mtshan dang lha'i dril bu dang lha'i ba dan dag dang khor yug tu lha'i mar me phreng ba dag dang lha'i mchod pa rnam pa mang po dag gis mchod par byed de/ bkur stir byed bla mar byed/ rjed par byed/ mchod par byed/ ri mor byed/ bsnyen bkur byed na/ kau shi ka rigs kyi bu 'am rig kyi bu mo de dag bsod nams ches mang du skyed do// de ci'i phyir zhe na/ kau shi ka rigs kyi bu 'am rigs kyi bu mo des thams cad mkhyen pa'i ye shes la mchod pa byas par 'gyur ro// rigs kyi bu 'am rigs kyi bu mo gang gis shes rab kyi pha rol tu phyin pa 'di ni 'dri ba na glegs bam du chud pa 'di la bkur stir byed bla mar byed rjed par byed mchod par byed ri mor byed bsnyen bkur byed mchod pa rnam pa mang po dag byed na 'di nyid de las bsod nams ches mang du skyed // de ci'i phyir zhe na/ kau shi ka gang shes rab kyi pha rol tu phyin pa la mchod pa byed pa des thams cad mkhyen pa'i ye shes la mchod pa byas par 'gyur// de skad ces bka' stsal pa dang / bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das 'dzam bu'i gling

  105. 53b

    'di'i mi gang dag shes rab kyi pha rol tu phyin pa 'di 'dri bar mi bgyid/ 'dzin par mi bgyid/ 'chang bar mi bgyid/ klog par mi bgyid/ kun chub par mi bgyid/ rab tu 'don par mi bgyid/ ston par mi bgyid/ nye bar ston par mi bgyid/ lung 'bogs par mi bgyid/ kha ton du mi bgyid/ shes rab kyi pha rol tu phyin pa 'di la me tog dang gdug pa dang dri dang phreng ba dang byug pa dang phye ma dang na bza' dang gdugs dang rgyal mtshan dang dril bu dang ba dan ngag dang khor yug tu mar me'i phreng ba dag dang mchod pa rnam pa mang po dag gis mchod par mi bgyid de/ bkur stir mi bgyid/ bla mar mi bgyid/ rjed bar mi bgyid/ mchod par mi bgyid/ ri mor mi bgyid/ bsnyen bkur mi bgyid pa de dag gis bcom ldan 'das ci bcom ldan 'das kyis gsungs pa'i shes rab kyi pha rol tu phyin pa la mchod pa bgyid pa de ltar don chen po can du ma 'tshal lags sam/ bcom ldan 'das ci bcom ldan 'das kyis gsung pa'i shes rab kyi pha rol tu phyin pa 'di la mchod pa bgyis pa de ltar phan yon chen po dang ldan par rtogs par ma gyur lags sam/ de ltar 'bras bu che ba dang rnam par smin pa che bar des rig par ma gyur lags sam/ 'on te 'tshal cing rtogs la rig kyang slar zhing dad par ma gyur pa lags/ de skad

  106. 54a

    ces gsol pa dang bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka 'di ci snyam du sems 'dzam bu'i gling gi mi de dag las gang dag sangs rgyas la rtogs nas dad pa dang ldan pa dang gang dag chos la rtogs nas dad pa dang ldan pa dang gang dag dge 'dun la rtogs nas dad pa dang ldan pa ci snyed cig yod/ de skad ces bka' stsal pa dang / bcom ldan 'das la lha rnam kyi dbang po brgya byin gyis 'di skad ces gsol to// bcom ldan 'das 'dzam bu'i gling gi mi de dag las gang dag sangs rgyas la rtogs nas dang pa/ dang ldan pa dang gang dag chos la rtogs nas dad pa dang / gang dag dge 'dun la rtogs nas dad pa dang ldan pa de lta bu ni nyung ngo // de skad ces gsol pa dang / bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka de de bzhin no de de bzhin te/ 'dzam bu'i gling gi mi de dag las gang dag sangs rgyas la rtogs nas dad pa dang ldan pa dang gang dag chos la rtogs nas dad pa dang ldan pa dang gang dag dge 'dun la rtogs nas dad pa dang ldan pa de lta bu ni nyung ngo // kau shi ka gang dag rgyun tu zhugs pa'i 'bras bu thob pa ni nyung ba de dag pas kyang ches nyung ngo // gang dag lan cig/

  107. 54b

    phyir 'ong ba'i 'bras bu dang phyir mi 'ong ba'i 'bras bu thob pa ni nyung ba de dag pas kyang ches nyung ngo // gang dag dgra bcom pa nyid thob pa ni nyung ba de dag pas kyang ches nyung ngo // gang dag rang byang chub mngon du byed pa ni nyung ba de dag pas kyang ches nyung ngo // gang dag bla na med pa yang dag par rdzogs pa'i byang chub tu ses bskyed pa de ni nyung ba de dag pas kyang ches nyung ngo // gang dag bla na med pa yang dag par rdzogs pa'i byang chub tu sems bskyed nas sems bskyed pa de rab tu rgyas par byed pa de ni nyung ba de dag pas kyang ches nyung ngo // gang dag bla na med pa yang dag par rdzogs pa'i byang chub tu sems bskyed de sems bskyed pa rgyas par byas nas brtson 'grus brtsams shing gnas pa de ni nyung ba de dag pas kyang ches nyung ngo // gang dag shes rab kyi pha rol tu phyin pa la rnal 'byor du byed pa de ni nyung ba de dag pas kyang ches nyung ngo // gang dag shes rab pha rol tu phyin pa la spyod pa ni nyung ba de dag pas kyang ches nyung ngo // gang dag shes rab kyi pha rol tu phyin pa la spyod cing 'bad de phyir mi ldog pa'i byang chub sems dpa'i sa la gnas pa ni nyung ba de dag pas kyang ches nyung ngo // gang dag shes rab kyi pha rol tu phyin pa la spyod cing 'bad de bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba ni

  108. 55a

    nyung ba de dag pas kyang ches nyung ngo // gang dag shes rab kyi pha rol tu phyin pa la spyod cing 'bad de bla na med pa yang dag par rdzogs pa'i byang chub mngon par rdzogs par 'tshang rgya ba de dag ni nyung ba de dag pas kyang ches nyung ngo // kau shi ka byang chub sems dpa' sems dpa' chen po gang dag phyir mi ldog pa'i byang chub sems dpa'i sa la gnas te bla na med pa yang dag par rdzogs pa'i byang chub mngon par rdzogs par sangs rgyas nas/ rigs kyi bu 'am rigs kyi bu mo lhag pa'i bsam pa phun sum tshogs pa shes rab kyi pha rol tu phyin pa la slob cing 'bad pa gzhan rnams la shes rab kyi pha rol tu phyin pa 'di nye bar ston cing lung 'bogs pa dang de dag la yang 'dzin du 'jug pa dang 'chang du 'jug pa dang klog tu 'jug pa dang kun chub par byed du 'jug pa dang rab tu 'don du 'jug pa dang ston du 'jug pa dang nye bar ston du 'jug pa dang lung 'bogs su 'jug pa dang kha tor byed du 'jug pa de dang de dag ni shes rab kyi pha rol tu phyin pa de la lha'i me tog dang lha'i bdug pa dang lha'i dri dang lha'i phreng ba dang lha'i byug pa dang lha'i phye ma dang lha'i na bza' dang / lha'i gdugs dang lha'i rgyal mtshan dang lha'i dril bu dang lha'i ba dan dag dang khor yug tu lha'i mer me'i phreng ba dag dang lha'i mchod pa rnam pa

  109. 55b

    mang po dag gis mchod par byed de/ bkur stir byed bla mar byed/ rjed par byed mchod par byed ri mor byed bsnyen bkur byed pa dag yin no// kau shi ka yang gang dag byang chub kyi sems bskyed pa dang byang chub kyi sems bskyed nas byang chub kyi sems rgyas par byed cing byang chub kyi sems rab tu rgyas par byas te byang chub tu spyod pa'i sems can dag ni gzhal du med pa grangs med par yod mod kyi/ ko'u shi ka yang sems can gzhal du med pa grangs med pa byang chub kyi phyir spyod pa de dag las gal te na gcig gam gnyis shig phyir mi ldog pa'i byang chub sems dpa'i sa la gnas par 'gyur ro// de ci'i phyir zhe na/ kau shi ka bla na med pa yang dag par rdzogs pa'i byang chub ni brtson 'grus zhan pa dang le lo can dang sems pa dman pa dang sems dman pa dang 'du shes dman pa dang mos pa dman pa dang shes rab dman pa rnams kyis bsgrub par dka'o// kau shi ka de bas na de ltar rigs kyi bu 'am rigs kyi bu mo gang myur du bde ba bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas rgyun mi 'chad par shes rab kyi pha rol tu phyin pa 'di nyid mnyan par bya'o// gzung bar bya'o bcang bar bya'o klag par bya'o kun chub par bya'o rab tu gdon par bya'o bstan par bya'o nye bar bstan par bya'o// lung 'bog

  110. 56a

    par bya'o// kha ton du bya'o yongs su dri bar bya'o// de ci'i phyir zhe na/ kau shi ka 'di ltar rigs kyi bu 'am rigs kyi bu mo de dag 'di snyam du de bzhin gshegs pa dgra bcom pa yang dag par rdzogs pa'i sangs rgyas sngon byang chub sems dpa'i spyad pa spyod pa'i tshe 'di ltar shes rab kyi pha rol tu phyin pa 'di la bslabs pas/ bdag cag gis kyang 'di la bslab par bya ste/ shes rab kyi pha rol tu phyin pa 'di ni bdag cag gi ston pa'o zhes shes te/ kau shi ka de bzhin gshegs pa dgra bcom pa yang dag par rdzogs pa'i sangs rgyas bzhugs kyang rung yongs su mya ngan las 'das kyang rung ste/ byang chub sems dpa' sems dpa' chen pos shes rab kyi pha rol tu phyin pa 'di nyid la brten par bya'o// kau shi ka de bas na de ltar rigs kyi bu 'am rigs kyi bu mo gang la la zhig gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa mchod pa'i phyir rin po che sna bdun gyi rang bzhin gyi mchod rten de bzhin gshegs pa'i ring srel gyi snying po can bye ba du ma byed du bcug ste/ byas nas kyang des de la nam 'tshe ba'i bar du lha'i me tog dang / lha'i bdug pa dang lha'i dri dang lha'i phreng ba dang lha'i byug pa dang lha'i phye ma dang lha'i na bza' dang lha'i

  111. 56b

    gdugs dang lha'i rgyal mtshan dang lha'i dril bu dang lha'i ba dan ngag dang kho ra yug tu lha'i mar me'i phreng ba dag dang lha'i mchod pa rnam pa mang po dag gis mchod par byed de bkur bstir byed bla mar byed rjed par byed mchod par byed ri mor byed bsnyen bkur byed na/ kau shi ka de ci snyam du sems/ ci rigs kyi bu 'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di bsod nams ches mang du skyed de/ gang shes rab kyi pha rol tu phyin pa 'di la mngon par dad de rtog cing mos la sems dang pas byang chub tu sems bskyed nas/ lhag pa'i bsam pas nyan pa dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang / gzhan dag la yang rgya cher yang dag par storan pa dang 'di'i don rnam par 'grel pa dang yid kyis rjes su rtog pa dang ci lta bur grub pa'i shes rab kyis 'dir yongs su dpyod par byed pa dang / sangs rgyas kyi tshul rgyun chad par ma gyur cig dam pa'i chos nub par ma gyur cig ces dam pa'i chos yun ring du

  112. 57a

    gnas par bya ba dang / tshul dang ma bral bas byang chub sems dpa' sems dpa' chen po rnams la phan gdags pa bsgrub pa byas par 'gyur bar chung ngu na glegs bam du chud par byas te 'chang ngam bzhag la shes rab kyi pha rol tu phyin pa de la me tog dang bdug pa dang dri dang phreng ba dang byug pa dang phye ma dang na bza' dang gdugs dang rgyal mtshan dang dril bu dang ba dan dag dang khor yug tu mar me'i phreng ba dag dang mchod pa rnam pa mang po dag gis mchod par byed/ bkur stir byed bla mar byed rjed par byed mchod par byed ri mor byed bsnyen bkur byed na kau shi ka rigs kyi bu 'am rigs kyi bu mo 'di nyid de bas ches bsod nams kyi phung po mang du skyed do// kau shi kA rin po che sna bdun gyi rang bzhin gyi mchod rten de bzhin gshegs pa'i ring bsrel gyi snying po can bye ba du ma lta zhog/ kau shi ka yang rigs kyi bu 'am rigs kyi bu mo gang la las 'dzam bu'i gling 'di kun tu rin po che sna bdun gyi rang bzhin gyi mchod rten de bzhin gshegs pa'i ring bsrel gyi snying po can gyis yongs su gang bar byed du bcug ste/ byas nas kyang de dag la nam 'tshe ba'i bar du lha'i me tog dang lha'i bdug pa dang lha'i dri dang lha'i phreng ba dang lha'i byug pa dang lha'i phye ma dang lha'i na bza' dang lha'i gdugs dang rgyal mtshan dang lha'i dril

  113. 57b

    bu dang lha'i ba dan dag dang khor yug tu lha'i mar me'i phreng ba dag dang lha'i mchod pa rnam pa mang po dag gis mchod par byed de bkur stir byed bla mar byed rjed par byed mchod par byed ri mor byed bsnyen bkur byed na/ kau shi ka de ci snyam du sems ci rigs kyi bu 'am rigs kyi bu mo de de'i gzhi las bsod nams mang du skyed dam brgya byin gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'dis bsod nams ches mang du skyed de/ gang shes rab kyi pha rol tu phyin pa 'di la mngon par dad de rtog cing mos la sems dang bas byang chub tu sems bskyed nas lhag pa'i bsam pas nyan pa dang 'dzin pa dang 'chang ba dang klog po dang kun chub par byed pa dang rab tu 'don pa dang ston pa dang nye bar ston pa dang / lung 'bogs pa dang kha ton byed pa dang gzhan dag la yang dag par ston pa dang 'di'i don rnam par 'grel pa dang yid kyis rjes su rtog pa dang ci lta bur grub pa'i shes rab kyis 'dir yongs su dpyod par byed pa dang / sangs rgyas kyi tshul rgyun chad par ma gyur cig dam pa'i chos nub par ma gyur cig ces dam pa'i chos yun ring du gnas par bya ba dang / tshul dang ma bral bas byang chub sems dpa' sems dpa' chen po rnams la phan gdags pa sgrub pa byas par 'gyur bar chung ngu na glegs

  114. 58a

    bam du chud par byas te 'chang ngas bzhag la/ shes rab kyi pha rol tu phyin pa de la me tog dang bdug pa dang dri dang phreng ba dang byug pa dang phye ma dang na bza' dang gdugs dang rgyal mtshan dang dril bu dang ba dan dag dang kho ra yug tu mar me'i phreng ba dag dang mchod pa rnam pa mang po dag gis mchod par byed de/ bkur stir byed bla mar byed rjed par byed mchod par byed ri mor byed bsnyen bkur byed na kau shi ka rigs kyi bu 'am rigs kyi bu mo 'di nyid de bas ches bsod nams mang du skyed do// kau shi ka 'dzam bu'i gling 'di rin po che sna bdun gyi rang bzhin gyi mchod rten de bzhin gshegs pa'i ring bsrel gyi snying po can rnams kyis yod su gang ba lta zhog/ kau shi ka yang gal te gling chen po bzhi pa'i 'jig rten gyi khams na sems can ci snyed yod pa de dag thams cad las sems can re res rin po che sna bdun gyi rang bzhin gyi mchod rten de bzhin gshegs pa'i ring bsrel gyi snying po can re re byed du bcug ste/ de dag la nam 'tshe ba'i bar du lha'i me toH dang lha'i bdug pa dang lha'i dri dang lha'i phreng ba dang lha'i byug pa dang lha'i phye ma dang lha'i na bza' dang lha'i gdugs dang lha'i rgyal mtshan dang lha'i dril bu dang lhan ba dan dag dang / khor yug tu lha'i mar me'i phreng ba dag dang lha'i mchod pa rnam pa mang po dag gis mchod pa byed de/ bkur stir byed bla mar byed rjed par byed

  115. 58b

    mchod par byed ri mor byed bsnyen bkur byed na/ kau shi ka de ci snyam du sems ci sems can de dag thams cad de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'dis bsod nams ches mang du skyed de/ gang shes rab kyi pha rol tu phyin pa 'di la mngon par dang de rtog cing mos la sems dang bas byang chub tu sems bskyed nas/ lhag pa'i bsam pas nyan pa dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang / gzhan dag la yang dag par rab tu ston pa dang 'di'i don rnam par 'grel pa dang yid kyis rjes su rtog pa dang ci lta bur grub pa'i shes rab kyis 'dir yongs su dpyod par byed pa dang / sangs rgyas kyi tshu la rgyun chad par ma gyur cig dam pa'i chos nub par ma gyur cig ces dam pa'i chos yun ring du gnas par bya ba dang / tshul dang ma bral bas byang chub sems dpa' sems dpal chen po rnams la phan gdags pa bsgrub pa byas par 'gyur bar chung ngu na glegs bam du chud par byas te 'chang ngam/ bzhag la/ shes rab kyi pha rol tu phyin

  116. 59a

    pa de la me tog dang bdug pa dang dri dang phreng ba dang byug pa dang phye ma dang na bza' dang gdugs dang rgyal mtshan dang dril bu dang ba dan dag dang khor yug tu mar me'i phreng ba dag dang mchod pa rnam pa mang po dag gis mchod par byed de/ bkur stir byed bla mar byed rjed par byed mchod par byed ri mor byed bsnyen bkur byed na/ kau shi ka rigs kyi bu 'am rigs kyi bu mo 'di nyid de'i gzhi las bsod nams ches mang du skyed do// kau shi ka gling chen po bzhi pa'i 'jig rten gyi khams kyi sems can thams cad lta zhog/ kau shi ka yang stong spyi phud kyi 'jig rten gyi khams kyi sems can ji snyed yod pa de dag thams cad las sems can re res rin po che sna bdun gyi rang bzhin gyi mchod rten de bzhin gshegs pa'i ring bsrel gyi snying po can re re byed du bcug ste/ de dag la ni 'tsho ba'i bar du lha'i me tog dang lha'i bdug pa dang lha'i dri dang lha'i phreng ba dang / lha'i byug pa dang lha'i bye ma dang lha'i na bza' dang lha'i gdugs dang lha'i rgyal mtshan dang lha'i dril bu dang lnga'i ba dan dag dang khor yug tu lha'i mar me'i phreng ba dag dang lha'i mchod pa rnam pa mang po dag gis mchod par byed de bkur stir byed bla mar byed rjed par byed mchod par byed ri mor byed bsnyen bkur byed na/ kau shi ka de ji snyam du sems ci sems can de dag thams cad de'i gzhi la

  117. 59b

    bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di la mngon par dad de rtog cing mos la sems dang bas byang chub tu sems bskyed nas/ lhag pa'i bsam pas nyan pa dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang / gzhan dag la yang rgya cher yang dag par rab tu ston pa dang 'di'i don rnam par 'grel pa dang yid kyis rjes su rtog pa dang ji lta bur grub pa'i shes rab kyi 'dir yongs su dpyod par byed pa dang / sangs rgyas kyi tshul rgyun chad par ma gyur cig dam pa'i chos nub par ma gyur cig ces dam pa'i chos yun ring du gnas par bya ba dang / tshul dang ma bral bas byang chub sems dpa' sems dpa' chen po rnams la phan gdags pa bsgrub pa byas par 'gyur bar chung ngu na glegs bam du chud par byas te 'chang ngam bzhag la shes rab kyi pha rol tu phyin pa de la me tog dang bdug pa dang dri dang phreng ba dang byug pa dang phye ma dang na bza' dang gdugs dang rgyal mtshan dang dril bu dang ba dan dag

  118. 60a

    dang khor yug tu mar me'i phreng ba dag dang mchod pa rnam pa mang po dag gis mchod par byed de/ bkur stir byed bla mar byed rjed par byed mchod par byed ri mor byed bsnyen bkur byed na/ kau shi ka rigs kyi bu 'am rigs kyi bu mo 'di nyid de'i gzhi las bsod nams ches mang du skyed do// kau shi ka stong spyi phud kyi 'jig rten gyi khams kyi sems can lta zhog/ kau shaM ka yang stong gnyis pa bar ma'i 'jig rten gyi khams na sems can ji snyed cig yod pa de dag thams cad las sems can re res rin po che sna bdun gyi rang bzhin gyi mchod rten de bzhin gshegs pa'i ring bsrel gyi snying po can der byed du bcug ste/ de dag la nas 'tshe ba'i bar du lha'i me tog dang lha'i bdug pa dang lha'i dri dang lha'i phreng ba dang lha'i byug pa dang / lha'i phye ma dang lha'i na bza' dang / lha'i gdugs dang rgyal mtshan dang lha'i dril bu dang lha'i ba dan dang khor yug tu lha'i mar me'i phreng ba dag dang lha'i mchod pa rnam pa mang po dag gis mchod par byed de/ bkur stir byed bla mar byed rjed par byed mchod par byed ri mor byed bsnyen bkur byed na/ kau shi ka de ci snyam du sems ci sems can de dag thams cad de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo //

  119. 60b

    bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'dis bsod nams ches mang du skyed do// gang shes rag pha rol tu phyin pa 'di la mngon par dad de rtog cing mos la sems dang bas byang chub tu sems bskyed nas lhag pa'i bsam pas nyan pa dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang gzhan dag la yang rgya cher yang dag par ston pa dang 'di'i don rnam par 'grel pa dang yid kyis rjes su rtog pa dang / ci lta bur grub pa'i shes rab kyis 'dir yongs su dpyod par byed pa dang sangs rgyas kyi tshul rgyun chad par ma gyur cig/ dam pa'i chos nub par ma gyur cig ces dam pa'i chos yun ring du gnas par bya ba dang / tshul dang ma bral bas byang chub sems dpa' sems dpa' chen po rnams la phan gdags pa bsgrub pa byas par 'gyur bar chung ngu na glegs bam du chud par byas te 'chang ngam bzhag la/ shes rab kyi pha rol tu phyin pa de la me tog dang bdug pa dang dri dang phreng ba dang byug pa dang phye ma dang na bza' dang gdugs dang rgyal mtshan dang dril bu dang ba dan dag dang kho ra yug tu mar me'i phreng ba dag dang mchod pa rnam pa mang po dag gis mchod

  120. 61a

    par byed de/ bkur stir byed bla mar byed rjed par byed mchod par byed ri mor byed bsnyen bkur bye na/ kau shri ka rigs kyi bu 'am rigs kyi bu mo 'di nyid de'i gzhi las bsod nams ches mang du skyed do// kau shi ka stong gnyis pa bar mi'i 'jig rten gyi khams kyi sems can thams cad lta zhog/ kau shri ka yang stong gsum gyi stong chen po'i 'jig rten gyi khams na sems can ji snyed yod pa de dag thams cad las sems can de dag re res rin po che sde bdun gyi rang bzhin gyi mchod rten de bzhin gshegs pa'i ring bsrel gyi snying po can re re byed du bcug ste/ de dag la nam 'tshe ba'i bar du lha'i me tog dang lha'i bdug pa dang lha'i dri dang lha'i phreng ba dang lha'i byug pa dang lha'i phye ma dang lha'i na bza' dang lha'i gdugs dang lha'i rgyal mtshan dang lha'i dril bu dang lha'i ba dan dag dang khor yug tu lha'i mar me'i phreng ba dag dang lha'i mchod pa rnam pa mang po dag gis mchod par byed de/ bkur stir byed bla mar byed rjed par byed mchod par byed ri mor byed bsnyen bkur byed na/ kau shi ka de ci snyam du sems ci sems can de dag thams cad de'i gzhi las bsod nams ches mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/

  121. 61b

    kau shi ka de bas kyang rigs kyi bu 'am rigs kyi bu mo 'dis bsod nams ches mang du skyed de/ gang shes rab kyi pha rol tu phyin pa 'di la mngon par dad de rtog cing mos la sems dang bas byang chub tu sems bskyed nas/ lhag pa'i bsam pas nyan pa dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang gzhan dag la yang rgya cher yang dag par ston pa dang 'di'i don rnam par 'grel pa dang yid kyis rjes su rtog pa dang ci lta bur grub pa'i shes rab kyis 'dir yongs su dpyod par byed pa dang / sangs rgyas kyi tshul rgyun chad par ma gyur cig dam pa'i chos nub par ma gyur cig ces dam pa'i chos yun ring du gnas par bya ba dang / tshul dang ma bral bas byang chub sems dpa' sems dpa' chen po rnams la phan gdags pa bsgrub pa byas par 'gyur bar chung ngu na glegs bam du chud par byas te 'chang ngam bzhag la/ shes rab kyi pha rol tu phyin pa de la me tog dang bdug pa dang dri dang phreng ba dang byug pa dang phye ma dang na bza' dang gdugs dang rgyal mtshan dang dril bu dang ba dan dag dang kho ra yug tu mar me'i phreng ba dag dang mchod pa rnam pa mang po dag gis mchod par byed de/ bkur stir+ya bla mar byed rjed par byed mchod par byed ri mor

  122. 62a

    byed bsnyen bkur byed na/ kau shi ka rigs kyi bu 'am rigs kyi bu mo 'di nyid de'i gzhi las bsod nams ches mang du skyed do// kau shi ka stong gsum gyi stong chen po'i 'jig rten gyi khams kyi sems can rnams re res rin po che sna bdun gyi rang bzhin gyi mchod rten de bzhin gshegs pa'i ring bsrel gyi snying po can re re byed du bcug ste/ de dag la nam 'tshe ba'i bar du lha'i me tog dang bdug pa dang lha'i dri dang lha'i phreng ba dang lha'i byug pa dang lha'i phye ma dang lha'i na bza' dang / lha'i gdugs dang lha'i rgyal mtshan dang lha'i dril bu dang lha'i ba dan dag dang khor yug tu lha'i mar me'i phreng ba dag dang lha'i mchod pa rnam pa mang po dag gis mchod par byed de/ bkur stir byed bla mar byed rjed par byed mchod par byed ri mor byed bsnyen bkur byed pa lta zhog/ kau shi ka yang gal te stong gsum gyi stong chen po'i 'jig rten gyi khams na sems can gang su dag yod pa de dag thams cad yongs su brtag ba bzung ste/ snga phyi med par mi'i lus thob par gyur la de dag las kyang sems can re res rin po che sna bdun gyi rang bzhin gyi mchod rten de bzhin gshes pa'i ring bsrel gyi snying po can re re byed du bcug ste/ byed du bcug nas kyang sems can re res kyang mchod rten de dag thams cad bzhag ste/ bskal pa 'am

  123. 62b

    bskal pa bas lhag par sil snyan thams cad dang klu dbyangs thams cad dang gar thams cad dang rol mo dang pheg rdob pa thams cad dang lha'i me tog dang lha'i bdug pa dang lha'i dri dang lha'i phreng ba dang lha'i byug pa dang lha'i phye ma dang lha'i ni bza' dang lha'i gdugs dang lha'i rgyal mtshan dang lha'i dril bu dang lha'i ba don thams cad dang kho ra yug tu lha'i mar me'i phreng ba dag dang lha dang mi rnams kyi mchod pa rnam pa mang po / de dag thams cad kyis mchod par byed de/ bkur stir byed bla mar byed rjed par byed mchod par byed ri mor byed bsnyen bkur byed la/ sems can de dag thams cad kyis de lta bu'i ngo bo nyid kyi bsod nams bya ba des mchod rten gzhal du med pa grangs med pa dag byed du bcug la de lta bu'i ngo bo'i mchod pa dag kyang byed du bcug na/ kau shi ka de ci snyam du sems ci sems can de dag thams cad de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'dis bsod nams ches mang du skyed de/ gang shes rab kyi pha rol tu phyin pa 'di la mngon par dad de rtog cing mos la sems dang bas byang chub tu sems bskyed

  124. 63a

    nas/ lhag pa'i bsam pas nyan pa dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang / nye bar ston pa dang lung 'bogs pa dang kha ton byed pa dang gzhan dag la yang rgya cher yang dag par ston pa dang 'di'i don rnam par 'grel pa dang yid kyis rjes su rtog pa dang ci lta bur grub pa'i shes rab kyis 'dir yongs su dpyod par byed pa dang / sangs rgyas kyi tshul rgyun chad par ma gyur cig dam pa'i chos nub par ma gyur cig ces dam pa'i chos yun ring du gnas par bya ba dang / tshul dang ma bral bas byang chub sems dpa' sems dpa' chen po rnams la phan gdags pa bsgrub pa byas par 'gyur bar chung ngu na glegs bam du chud par byas te 'chang ngam bzhag la/ shes rab kyi pha rol tu phyin pa de la me tog dang bdug pa dang dri dang phreng ba dang byug pa dang phye ma dang na bza' dang gdugs dang rgyal mtshan dang dril bu dang ba dan dag dang kho ra yug tu mar me phreng ba dag dang mchod pa rnam pa mang po dag gis mchod par byed de/ bkur stir byed bla mar byed rjed par byed mchod par byed ri mor byed bsnyen bkur byed na kau shi ka rigs kyi bu 'am rigs kyi bu mo 'di nyid de'i gzhi las bsod nams ches mang du skyed do// de skad ces bka' stsal pa

  125. 63b

    dang / bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das de de bzhin no bde bar gshegs pa de de bzhin te/ bcom ldan 'das shes rab kyi pha rol tu phyin pa 'di la bkar stir bgyid pa dang bla mar bgyid pa dang rjed par bgyid pa dang mchod par bgyid pa dang ri mor bgyid pa dang bsnyen bkur bgyid pa'i rigs kyi bu 'am rigs kyi bu mo des 'das pa dang ma byon pa dang da ltar byung ba'i sangs rgyas bcom ldan 'das/ sangs rgyas rnams kyis sangs rgyas kyi ye shes kyis yongs su mkhyen pa'i 'jig rten gyi khams thams cad na bzhugs pa rnams la shin tu bkur stir bgyis pa dang bla mar bgyis pa dang rjed par bgyis pa dang mchod par bgyis pa dang ri mor bgyis pa dang bsnyen bkur bgyis par 'gyur ro// btso ldan 'das rnam grangs 'dis stong gsum gyi stong chen po'i 'jig rten gyi khams kyi sems can thams cad lta zhog/ bcom ldan 'das yang stong gsum gyi stong chen po'i 'jig rten gyi khams gang gA'i klung gi bye ma snyed na sems can gang ji snyed pa mchis pa de dag thams cad kyis kyang sems can re res rin po che sna bdun gyi rang bzhin gyi mchod rten de bzhin gshegs pa'i ring bsrel gyi snying po can re re bgyid du stsal la/ bgyid du stsal nas kyang sems can

  126. 64a

    de dag re res mchod rten de dag thams cad bzhag ste/ bskal pa 'am bskal pa bas lhag par sil snyan thams cad dang klu dbyangs thams cad dang gar thams cad dang rol mo dang pheg rdob pa thams cad dang lha'i me tog thams cad dang / lha'i bdug pa dang lha'i dri dang lha'i phreng ba dang lha'i byug pa dang lha'i phye ma dang lha'i na bza' dang lha'i gdugs dang lha'i rgyal mtshan dang lha'i dril bu dang lha'i ba dan thams cad dang kho ra yug tu lha'i mar me'i phreng ba dag dang lha'i mchod pa rnam pa mang po dag thams cad kyis mchod par byed de/ bkur stir bgyid bla mar bgyid rjed par bgyid mchod par bgyid ri mor bgyid bsnyen bkur bgyid pa bas/ bcom ldan 'das rigs kyi 'am rigs kyi bu mo 'dis bsod nams ches mang du skyed de/ gang shes rab kyi pha rol tu phyin pa 'di la mngon par dad de rtog cing mos la sems dang bas byang chub tu sems bskyed nas/ lhag pa'i bsam pas nyan pa dang 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dang nye bar ston pa dang lung 'bogs pa dang kha ton bgyid pa dang gzhan dag la yang rgya cher yang dag par ston pa dang 'di'i don rnam par 'grel pa dang yid kyis rjes su rtog pa dang ci lta bur grub pa'i shes kyis 'dir yongs su dpyod par bgyid pa

  127. 64b

    dang / sangs rgyas kyi tshul rgyun chad par ma gyur cig dam pa'i chos nub par ma gyur cig ces dam pa'i chos yun ring du gnas par bgyi ba dang / tshul dang ma hA bas byang chub sems dpa' sems dpa' chen po rnams la phan gdags pa bsgrub pa bgyis par 'gyur bar chung ngu na glegs bam du chud par bgyis te 'chang ngam bzhag la/ shes rab kyi pha rol tu phyin pa de la me tog dang bdug pa dang dri dang phreng ba dang byug pa dang phye ma dang na bza' dang gdugs dang rgyal mtshan pa dril bu dang ba dan dag dang kho ra yug tu mar me'i phreng ba dag dang / mchod pa rnam pa mang po dag gis mchod par byed de/ bkur stir bgyid bla mar bgyid rjed par bgyid mchod par bgyid ri mor bgyid bsnyen bkur bgyid/ na/ bcom ldan 'das rigs kyi bu 'am rigs kyi bu mo 'di nyid de bas bsod nams ches mang du skyed do// de nas bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka de de bzhin no de de bzhin te/ kau shi ka rigs kyi bu 'am rigs kyi bu mo de ni de'i gzhi las bsod nams mang po skyed do// kau shi ka rigs kyi bu 'am rigs kyi bu mo de de'i gzhi las bsod nams gzhal du med pa skyed do// kau shi ka rigs kyi 'am rigs kyi bu mo de de'i gzhi las bsod nams grangs med pa skyed do// kau shi ka rigs kyi bu

  128. 65a

    'am rigs kyi bu mo de de'i gzhi las bsod nams bsam gyis mi khyab pa skyed do// kau shi ka rigs kyi bu 'am rigs kyi bu mo de de'i gzhi las bsod nams mnyam pa med pa skyed do// kau shi ka rigs kyi bu 'am rigs kyi bu mo de de'i gzhi las bsod nams tshad med pa skyed do// de ci'i phyir zhe na/ kau shi ka de bzhin gshegs pa dgra bcom pa yang dag par rdzogs pa'i sangs rgyas rnams kyi thams cad mkhyen pa nyid ni shes rab kyi pha rol tu phyin pa las skyes shing / de bzhin gshegs pa'i sku la mchod pa yang thams cad mkhyen pa nyid las skyes so// kau shi ka de lta bas na de ltar rigs kyi bu 'am rigs kyi bu mo gang shes rab kyi pha rol tu phyin pa 'di la mngon par dad de rtog cing mos la sems dang bas byang chub tu sems bskyed nas lhag pa'i bsam pas nyan pa dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha te/ byed pa dang gzhan dag la rgya cher yang dag par ston pa dang 'di'i don rnam par 'grel pa dang yid kyis rjes su rtog pa dang ji lta bur grub pa'i shes rab kyis 'dir yongs su dpyod par byed pa dang / sangs rgyas tshul rgyun chad par ma gyur cig dam pa'i chos nub par ma gyur cig ces dam pa'i chos yun ring du gnas

  129. 65b

    par bya ba dang / tshul dang ma bral bas byang chub sems dpa' sems dpa' chen po rnams la phan gdags pa bsgrub pa byas par 'gyur bar chung ngu na glegs bam du chud par byas te 'chang bzhag la/ shes rab kyi pha rol tu phyin pa de la me tog dang bdug pa dang dri dang phreng ba dang byug pa dang phye ma dang na bza' dang gdugs dang rgyal mtshan dang dril bu dang ba dan dag dang kho ra yug tu mar me'i phreng ba dag dang mchod pa rnam pa mang po dag gis kyang mchod par byed de/ bkur stir byed bla mar byed rjed par byed mchod par byed ri mor byed bsnyen bkur byed na/ kau shi ka bsod nams mngon par 'du byed pa de la/ rin po che sna bdun gyi mchod rten de bzhin gshegs pa'i ring bsrel gyi snying po can la bkur stir byas pa'i bsod nams mngon par 'du byas pa snga ma des brgya'i char yang nye bar mi 'gro/ stong gi char yang brgya stong gi char yang bye ba'i char yang bye ba'i rgya'i char yang bye ba stong gi char yang bye ba brgya stong gi char yang bye ba khrag khrig brgya stong gi char yang nye bar mi 'gro'o// grangs su yang nye bar mi 'gro'o char yang bgrang bar yang dper yang dpes bstan par bya bar yang rten du yang rgyur yang mi bzod do// de nas lha'i bu bzhi khri gang dag lha rnams kyi dbang po brgya byin dang bcas pa 'khor der 'dus te 'khod par gyur pa de

  130. 66a

    dag gis lha rnams kyi dbang po brgya byin la 'di skad ces smras so// grogs po shes rab kyi pha rol tu zung zhig grogs po shes rab kyi pha rol tu phyin pa gzung bar bya ba yin no// grogs po shes rab kyi pha rol tu phyin pa bcang bar bya ba yin no// grogs po shes rab kyi pha rol tu phyin pa klag par bya ba yin no// grogs po shes rab kyi pha rol tu phyin pa kun chub par bya ba yin no// grogs po shes rab kyi pha rol tu phyin pa rab tu gdon par bya ba yin no// grogs po shes rab kyi pha rol tu phyin pa bstan par bya ba yin no// grogs po shes rab kyi pha rol tu phyin pa nye bar bstan par bya ba yin no// grogs po shes rab kyi pha rol tu phyin pa lung 'bogs par bya ba yin no// grogs po shes rab kyi pha rol tu phyin pa kha ton du bya ba yin no// de nas bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka khyod kyis shes rab kyi pha rol tu phyin pa zung zhig/ kau shi ka khyod kyis shes rab kyi pha rol tu phyin pa chongs shig/ kau shi ka khyod kyis shes rab kyi pha rol tu phyin pa lhogs shig/ kau shi ka khyod kyis shes rab kyi pha rol tu phyin pa ston cig/ kau shi ka khyod kyis shes rab kyi pha rol tu phyin pa nye bar ston cig/ kau shi ka khyod kyis shes rab kyi pha rol tu phyin pa lung phog kog ga khyod kyis shes rab kyil ro tu phyin pa kur chub par gyis shig/ kau shi ka khyod kyis shes rab kyi pha rol tu phyin pa rab tu thon cig/

  131. 66b

    cig/ kau shi ka khyod kyis shes rab kyi pha rol tu phyin pa kha ton du byos shig/ de ci'i phyir zhe na/ kau shi ka gang gi tshe lha ma yin rnams 'di lta bur sems kyi rgyu ba 'byung ste/ 'di snyam du sum cu rtsa gsum pa'i lha rnams dang 'thab par bya'o// sum cu rtsa gsum pa'i lha rnams dang lhan cig tu g.yul 'gyed par bya'o snyam na/ de'i tshe kau shi ka khyod kyis shes rab kyi pha rol tu phyin pa 'di dran par byos shig kha ton du byos shig/ dang lha ma yin de dag gi sems kyi rgyu ba de lta bu de dag kyang nub par 'gyur ro// de skad ces bka' stsal pa dang bcom ldan 'das la lha rnams kyi dbang po brgya byin gyis 'di skad ces gsol to/ bcom ldan 'das 'di lta ste shes rab kyi pha rol tu phyin pa 'di ni rig sngags chen me'o// bcom ldan 'das 'di lta ste shes rab kyi pha rol tu phyin pa 'di ni tshad med pa'i rig sngags so// bcom ldan 'das 'di lta ste shes rab kyi pha rol tu phyin pa 'di ni tshad med pa'i rig sngags so// bcom ldan 'das shes rab kyi pha rol tu phyin pa 'di ni gong na med pa'i rig sngags so// bcom ldan 'das 'di lta ste shes rab kyi pha rol tu phyin pa 'di ni bla na med pa'i rig sngags so// bcom ldan 'das 'di lta ste shes rab kyi pha rol tu phyin pa 'di ni mnyam pa med pa'i rig sngags so// bcom ldan 'das 'di

  132. 67a

    lta ste shes rab kyi pha rol tu phyin pa 'di ni mi mnyam pa dang mnyam pa'i rig sngags so// de skad ces gsol pa dang / bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka de de bzhin no de de bzhin te/ kau shi ka 'di lta ste shes rab kyi pha rol tu phyin pa 'di ni rig sngags chen mo'o// kau shi ka 'di lta ste shes rab kyi pha rol tu phyin pa 'di ni tshad ma med pa'i rig sngags so// kau shi ka 'di lta ste shes rab kyi pha rol tu phyin pa 'di ni chad ma med pa'i rig sngags so// kau shi ka 'di lta ste shes rab kyi pha rol tu phyin pa 'di ni gong na med pa'i rig sngags so// kau shi ka 'di lta ste shes rab kyi pha rol tu phyin pa 'di ni bla na med pa'i rig sngags so// kau shi ka 'di lta ste shes rab kyi pha rol tu phyin pa 'di ni mnyam pa med pa'i rig sdug so// kau shi ka 'di lta ste shes rab kyi pha rol tu phyin pa 'di ni mi mnyam pa dang mnyam pa'i rig sngags so// de ci'i phyir zhe na/ kau shi ka 'di lta ste shes rab kyi pha rol tu phyin pa'i rig sngags 'di la brten nas sngon gyi de bzhin gshegs pa dgra bcom pa yang dag par rdzogs pa'i sangs rgyas rnams bla na med pa yang dag par rdzogs pa'i byang chub mngon par rdzogs par sangs rgyas so// kau shi ka ma 'ongs pa'i dus na 'byung ba'i de bzhin gshegs pa dgra

  133. 67b

    bcom pa yang dag par rdzogs pa'i sangs rgyas rnams bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba ci snyed pa de snyed kyang kau shi ka 'di lta ste shes rab kyi pha rol tu phyin pa'i rig sngags 'di nyid la brten nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// kau shi ka da ltar stong gsum gyi stong chen po'i 'jig rten gyi khams gzhal du med grangs med pa na sangs rgyas bcom ldan 'das gang su dag bla na med pa yang dag par rdzogs pa'i byang chub mngon par rdzogs par sangs rgyas pa de dag kyang kau shi ka 'di lta ste shes rab kyi pha rol tu phyin pa'i rig sngags 'di nyid la brten nas bla na med pa yang dag par rdzogs pa'i byang chub mngon par rdzogs par sangs rgyas so// kau shi ka nga yang 'di lta ste/ shes rab kyi pha rol tu phyin pa'i rig sngags 'di nyid la brten nas bla na med pa yang dag par rdzogs pa'i byang chub mngon par rdzogs par sangs rgyas so// kau shi ka rig sngags 'di nyid la brten nas dge ba bcu'i las kyi lam rnams kyang 'jig rten du rab tu 'byed do// byang chub kyi yan lag dang ldan pa'i bsam gtan bzhi 'jig rten du rab tu 'byed do// byang chub kyi yan lag dang ldan pa'i tshad med pa bzhi 'jig rten du rab tu 'byed

  134. 68a

    do// byang chub kyi yan lag dang ldan pa'i gzugs med pa'i snyoms par 'jug pa bzhi 'jig rten du rab tu 'byed do// byang chub kyi yan lag dang ldan pa'i mngon par shes pa drug rnams 'jig rten du rab tu 'byed do// byang chub kyi phyogs kyi chos sumacu rtsa bdun yang 'jig rten du rab tu 'byed do// mdor na chos kyi phung po brgyad khri bzhi stong yang 'jig rten du rab tu 'byed do// sangs rgyas kyi ye shes dang rang byung gi ye shes dang bsam gyis mi khyab pa'i ye shes kyang 'jig rten du rab tu 'byed do// // 'phags pa shes rab kyi pha rol tu phyin pa brgyad stong pa/ bam po bzhi pa// / kau shi ka gang gi tshe yang de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du mi 'byung bar 'gyur ba de'i tshe yang kau shi ka 'di lta ste shes rab kyi pha rol tu phyin pa'i rig sngags 'di nyid la brten nas kau shi ka byang chub sems dpa' sems dpa' chen po rnams shes rab kyi pha rol tu phyin pa'i rgyu mthun pa sngon thos pas thabs mkhas pa dang ldan par 'gyur ro// kau shi ka sems can rnams la rjes su brtse ba dang ldan pa de dag kyang rjes su brtse ba'i phyir 'jig rten 'di la brten te dge ba bcu'i las kyi lam rnams 'jig rten du rab tu

  135. 68b

    'byed do// byang chub kyi yan lag dang ldan pa'i bsam gtan bzhi 'jig rten du rab tu 'byed do// byang chub kyi yan lag dang mi ldan pa'i tshad med pa bzhi 'ji rten du rab tu 'byed do// byang chub kyi yan lag dang mi ldan pa'i gzugs med pa'i snyoms par 'jug pa bzhi 'jig rten du rab tu 'byed do// byang chub kyi yan/ lag dang mi ldan pa'i mngon par shes pa lnga rnams 'jig rten du rab tu 'byed do// kau shi ka 'di lta ste dper na zla ba'i dkyil 'khor la brten nas sman dang skar ma thams cad stobs ci lta ba dang mthu ci lta bar kun tu snang bar byed/ rgyu skar rnams kyang stobs ci lta ba dang mthu ci lta ba bzhin du snang bar byed do// kau shi ka de bzhin du de bzhin gshegs pa dgra bcom pa yang dag par rdzogs pa'i sangs rgyas 'das nas dam pa'i chos 'jig par gyur pa dang de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du ma byung ba na/ la la chos spyod pa dang mtshungs par spyod pa dang zhi ba spyod pa dang dge bar spyod pa gang dag 'jig rten na rab tu 'dogs pa dang rab tu sgom pa de dag thams cad byang chub sems dpa' las skyes shing byang chub sems dpas rab tu phye ste/ byang chub sems dpa'i thab mkhas pa las 'jug la/ byang chub sems dpa' rnams kyi thabs mkhas pa de yang shes rab kyi pha rol tu phyin pa las

  136. 69a

    skyes par rig par bya'o// kau shi ka gzhan yang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang / rab tu 'don pa dang ston pa dang nye bar ston pa dang lung 'bogs pa dang kha ton byed pa dang yi ger 'dri ba dang / yid la byed pa dang dran par byed pa'i rigs kyi bu dang rigs kyi bu mo rnams de'i gzhi las tshe 'di la yon tan mang po rnams re rer bya'o// de skad ces bka' stsal pa dang lha rnams kyi dbang po brgya byin gyis bcom ldan 'das la 'di skad ces gsol to// bcom ldan 'das rigs kyi bu 'am rigs kyi bu mo de dag kyang tshe 'di'i yon tan gang dag dang ldan par 'gyur/ bcom ldan 'das kyis bka' stsal pa/ kau shi ka rigs kyi bu 'am rigs kyi bu mo de dag ni yang ba ma spangs pas 'chi ba'i dus byed par mi 'gyur/ dug gis 'chi ba'i dus byed par mi 'gyur/ mtshon gyis 'chi ba'i dus byed par mi 'gyur/ mes 'chi ba'i dus byed par mi 'gyur/ chus 'chi ba'i dus byed par mi 'gyur/ dbyug pas 'chi ba'i dus byed par mi 'gyur/ pha rol gyi gnod pa byed pas 'chi ba'i dus byed par mi 'gyur/ de dag la rgyal po 'am rgyal po'i bu 'am rgyal po'i blon po chen po 'am rgyal po'i blon po dag gis gnod pa byung zhing skyes na yang shes rab kyi pha rol tu phyin pa 'di dran zhing kha ton du byed pa dag la phyir mi snang bar 'gyur ro// shes

  137. 69b

    rab kyi pha rol tu phyin pa 'di yang dang yang dran zhing kha ton byed pa de dag la rgyal po 'am rgyal po'i bu 'am rgyal po'i blon po chen po 'am rgyal po'i blon po der grags lta ba dang / grags tshol ba gang dag nye bar 'ongs par gyur na de dag gis glags rnyed par mi 'gyur te/ 'di ltar yang shes rab kyi pha rol tu phyin pa yongs su bzung ba'i phyir ro// der rgyal po 'am rgyal po'i bu 'am rgyal po'i blon po chen po 'am rgyal po'i blon po dag nye bar 'ongs na yang de dag smra bar 'dod cing gtam zer bar 'dod de yang dag par dga' bar bya'o snyam du sems par 'gyur ro// de ci'i phyir zhe na/ kau shi ka shes rab kyi pha rol tu phyin pa 'di ni sems can thams cad kyi drung na byams pa'i sems kyis byams pa nye bar bsgrub pa dang snying rje'i sems kyis snying rje nye bar bsgrub pas nye bar gnas par 'gyur ro// kau shi ka de nyid kyi phyir na rigs kyi bu 'am rigs kyi bu mo gang yang gdugs dang sdig sbrul mang po'i dgon po'i nang du song ba de dag la mi 'am mi yin pa glags lta ba dang grags tshel ba de dag gis kyang kau shi ka de dag la sngon gyi las kyi rnam par smin po ma gtogs par grags rnyed par mi 'gyur ro// de nas mu stegs can gzhan kun tu rgyu brgya klan ka tshol ba'i bsam pas de'i tshe bcom ldan 'das ga la der 'ongs par gyur to// de nas lha rnams kyi dbang po brgya byin gyis mu stegs can gzhan kun tu rgyu de dag

  138. 70a

    rgyang nas 'ong ba mthong nas de dag gi sems la kun tu brtags te/ 'di snyam du mu stegs can gzhan kun tu rgyu 'di dag klan ka tshol ba'i bsam pas bcom ldan 'das ga la ba der 'ongs kyis/ bdag gis ci nas kyang mu stegs can gzhan kun tu rgyu de dag bcom ldan 'das kyi drung du nye bar mi 'ong bar bya ba'i phyir/ bdag gis bcom ldan 'das kyi thad nas shes rab kyi pha rol tu phyin pa 'di'i phyogs cha ji snyed cig bzung ba de tsam zhig bdag gis dran pas bsam par bya kha ton du bya rab tu gdon par bya ste/ de ltar byas pa dang shes rab kyi pha rol tu phyin pa 'di bshad pa la bar chad du mi 'gyur ro zhes bsams so// de nas lha rnam kyi dbang po brgya byin gyis bcom ldan 'das kyi thad nas shes rab kyi pha rol tu phyin pa 'di'i phyogs cha ji snyed cig nges bzung ba de snyed tsam zhig dran pas bsams te kha ton du byas shing rab tu gdon par gyur to// de nas mu stegs can gzhan kun tu rgyu de dag rgyang ring ba bas kyang ches ring ba nas bcom ldan 'das la skor ba byas te sgo de nyid nas phyir log ste dong ngo // de nas tshe dang ldan pa sha ri'i bu 'di snyam du sems te 'dir ci'i phyir 'di ltar mu stegs can gzhan kun tu rgyu de dag rgyang ring ba bas kyang ches ring ba nas bcom ldan 'das la skor ba byas te sgo de nyid dang lam de nyid nas slar dong snyam mo// de nas bcom ldan 'das kyis

  139. 70b

    tshe dang ldan pa shA ri'i bu'i de lta bu'i sems kyi rtog pa thugs kyis mkhyen nas tshe dang ldan pa sha ri'i bu la 'di skad ces gsol stsal to// sha ri'i bu lha rnams kyi dbang po brgya byin gyis mu stegs can gzhan kun tu rgyu klan ka tshol ba'i bsam pa can de dag gi sems dag mthong nas shes rab kyi pha rol tu phyin pa 'di 'chang pa la bar chad byed par gyur na mi rung ngo snyam zhing ci nas shes rab kyi pha rol tu phyin pa 'chad par mu stegs can gzhan kun tu rgyu de dag 'ong bar ma gyur cig snyam pas/ mu stegs can gzhan kun tu rgyu rtsod par 'dod pa dang rgol bar 'dod pa dang 'gal bar byed par 'dod pa rnams bzlog pa'i don du shes rab kyi pha rol tu phyin pa 'di dran pas yid la bsams te kha ton du byas shing rab tu bton te lha rnams kyi dbang po brgya byin gyi ltar ngas kyang gnang ngo // de ci'i/ phyir zhe na/ sha ri'i bu mu stegs can gzhan kun tu rgyu de dag gcig la yang chos dkar po yod par ngas ma mthong ste/ sha ri'i bu de dag thams cad ni klan cha tshol po bsam pa dang / zhe 'gras pa'i sems kyis 'ong 'dod par gyur to// de nas bdud sdig can 'di snyam du sems te de bzhin gshegs pa dgra bcom pa yang dag par rdzogs pa'i sangs rgyas kyi 'khor bzhi po 'di dag tshogs shing 'khod de de bzhin gshegs pa'i mngon du gyur cing 'dod pa na spyod pa dang gzugs na spyod pa'i lha'i bu 'di

  140. 71a

    dag kyang mngon du gyur pa lags na 'dir ni nges par byang chub sems dpa' sems dpa' chen po dag bla na med pa yang dag par rdzogs pa'i byang chub tu lung ston par 'gyur gyis mig gis mi rtsol bar bya ba'i phyir bdag nye bar 'gro'o snyam mo// de nas bdud sdig can gyis yan lag bzhi pa'i dpung gi tshe mngon par sprul te/ bcom ldan 'das ga la ba der nye bar 'ongs so// de nas lha rnams kyi dbang po brgya byin 'di snyam du sems te kye ma'o 'di dag ni bdud sdig can yin te yan lag bzhi pa'i dpung gi tshogs mngon par sprul nas bcom ldan 'das ga la ba der 'ongs pa yin gyi yan lag bzhi pa'i dpung gi tshogs kyi bkod pa gang yin pa 'di ni rgyal po gzugs can snying po'i yan lag bzhi pa'i dpung gi tshogs kyi bkod pa yang ma yin/ rgyal po gsal rgyal gyi yan lag bzhi pa'i dpung gi tshogs kyi bkod pa yang yin no// shAkya rnams kyi yan lag bzhi pa'i dpung gi tshogs kyi bkod pa yang ma yin no// lits+tsha ba'i rnams kyi yan lag bzhi pa'i dpung gi tshogs kyi bkod pa yang ma yin no// 'di ni bdud sdig can gyis mngon par sprul pa yin te/ bdud sdig can ni yun ring po nas bcom ldan 'das la glags lta ba dang grags tshol ba dang sems can rnams la gnod pa'i bsam pa dang rjes su 'brel pa yin no// de bdag gis shes rab kyi pha

  141. 71b

    rol tu phyin pa 'di dran pas bsam par bya kha ton du bya rab tu gdon par bya'o snyam mo// de nas lha rnams kyi dbang po brgya byin gyis shes rab kyi pha rol tu phyin pa 'di nyid dran pas bsams shing kha ton du byas te rab tu bton par gyur to// lha rnams kyi dbang po brgya byin gyis ci lta ci ltar shes rab kyi pha rol tu phyin pa dran pas bsams shing kha ton du byas te rab tu bton pa de lta de ltar bdud sdig can sgo de nyid dang lam de nyid nas slar log ste song bar gyur to// de nas sum cu rtsa gsum pa'i ris kyi lha'i bu rnams kyis lha'i me tog man da ra ba dag mngon par sprul te bar snang gi nam mkha' la 'dug nas bcom ldan 'das ga la ba der lha'i me tog man da ra ba de dag mngon par rab tu gtor te/ 'di skad du kye ma shes rab kyi pha rol tu phyin pa 'di ni yun ring mo zhig na 'dzam bu'i gling gi mi rnams kyi nang du byung ngo zhes ched du brjod pa ched du brjod nas/ yang lha'i me tog rnams bzung nas bcom ldan 'das ga la ba der mngon par gtor mngon par rab tu gtor te 'di skad ces gsol to// bcom ldan 'das sems can gang dag shes rab kyi pha rol tu phyin pa 'chad pa dang sgom par nga shes rab kyi pha rol tu phyin pa la spyod pa de dag la ni bdud dam bdud kyi ris kyi lha rnams kyis glags rnyed par mi 'gyur ro// bcom ldan 'das gang shes rab kyi pha rol tu phyin pa 'di mnyan pa dang thos nas 'dzin pa dang 'chang ba dang klog pa/

  142. 72a

    dang kun chub par bgyid pa dang rab tu 'don pa dang ston pa dang nye bar ston pa dang lung 'bogs pa dang kha ton du bgyid pa'i sems can de dag ni ngan don gyi dge ba'i rtsa ba dang ldan pa ma lags so// bcom ldan 'das shes rab kyi pha rol tu phyin pa 'di gang dag gi rna lam du grag par gyur pa'i sems can de dag gis kyang sngon gyi rgyal ba rnams la bgyi ba bgyis pa lags na/ gang 'dzin pa dang 'chang ba dang klog pa dang kun chub par bgyid pa dang rab tu 'don pa dang ston ba dang nye bar ston pa dang lung 'bogs pa dang kha ton bgyid pa dang de bzhin nyid du slob pa dang de bzhin nyid du sgrub pa dang / de bzhin nyid du rnal 'byor du bgyid pa lta ci smos te/ bcom ldan 'das sems can de dag gis ni de bzhin gshegs pa la bsnyen bkur bgyis pa lags so// de ci'i slad du zhe na/ 'di lta ste shes rab kyi pha rol tu phyin pa 'di las thams cad mkhyen pa nyid rab tu 'byed cing 'di las thams cad mkhyen pa nyid btsal bar bgyi'o// bcom ldan 'das 'di lta ste dper na rin po che dang rin po che chen po gang yang rung ba de dag thams cad ni rgya mtsho chen pos rab tu phye ba lags/ de dag thams cad ni rgya mtsho chen po las/ btsal bar bgyi ba lags so// bcom ldan 'das de bzhin du thams cad mkhyen pa nyid kyi rin po che chen po ni de bzhin gshegs pa dgra bcom pa yang dag par

  143. 72b

    rdzogs pa'i sangs rgyas rnams kyi shes rab kyi pha rol tu phyin pa'i rgya mtsho chen po las btsal bar bgyi'o// de skad ces gsol ba dang / bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka de de bzhin no de de bzhin te/ de bzhin gshegs pa dgra bcom pa yang dag par rdzogs pa'i sangs rgyas rnams kyi thams cad mkhyen pa nyid kyi rin po che chen po ni 'di lta ste/ shes rab kyi pha rol tu phyin pa'i rgya mtsho chen po 'di las skyes so// de nas bco ldan 'das la tshe dang ldan pa kun dga' bos 'di skad ces gsol to// bcom ldan 'das ni sbyin pa'i pha rol tu phyin pa'i bsngags pa mi gsung zhing ming yongs su mi sgrogs/ tshul khrims kyi pha rol tu phyin pa ma lags/ bzod pa'i pha rol tu phyin pa'i ma lags/ brtson 'grus kyi pha rol tu phyin pa'i ma lags/ bcom ldan 'das ni bsam gtan gyi pha rol tu phyin pa'i bsngags pa mi gsung zhing ming yongs su mi sgrogs kyi 'on kyang bcom ldan 'das ni shes rab kyi pha rol tu phyin pa gcig pu nyid kyi bsngags pa yongs su gsung ba dang ming yongs su sgrogs par mdzad do// bcom ldan 'das kyis bka' stsal pa/ de de bzhin no kun dga' bo de de bzhin te/ kun dga' bo nga ni shes rab kyi pha rol tu phyin pa kho na'i bsngags pa smra ba dang ming yongs su sgrogs kyi pha rol tu phyin pa gzhan gyi ni

  144. 73a

    ma yin no// de ci'i phyir zhe na/ kun dga' bo shes rab kyi pha rol tu phyin pa ni pha rol tu phyin pa lnga po rnams kyi sngon du 'gro ba ste des na pha rol tu phyin pa'i ming 'thob po// kun dga' bo de ci snyam du sems thams cad mkhyen pa nyid du yongs su ma bsngos pa'i sbyin pas sbyin pa'i pha rol tu phyin pa zhes bya ba'i ming 'thob par 'gyur ram/ kun dga' bos gsol pa/ bcom ldan 'das de ni ma lags so// bcom ldan 'das kyis bka' stsa kun dga' de ci snyam du sems/ de bzhin du yongs su ma bsngos pa'i tshul khrims dang yongs su ma bsngos pa'i bzod pa dang / yongs su ma bsngos pa'i brtson 'grus dang / yongs su ma bsngos pa'i bsam gtan dang rnams dang / kun dga' bo 'di ci snyam du sems/ thams cad mkhyen pa nyid du yongs su ma bsngos pa'i shes rab kyi pha rol tu phyin pa zhes bya ba'i ming 'thob par 'gyur ram/ kun dga' bos gsol pa/ bcom ldan 'das de ni ma lags so// bcom ldan 'das kyis bka' stsal pa/ kun dga' bo 'di ji snyam du sems dge ba'i rtsa ba rnams thams cad mkhyen pa nyid du yongs su bsngos pas yongs su sngo bar byed pa'i shes rab gang yin pa de bsam gyis mi khyab pa yin nam/ kun dga' bos gsol pa/ bcom ldan 'das de de bzhin te/ bcom ldan 'das

  145. 73b

    dge ba'i rtsa ba rnams thams cad mkhyen pa nyid du yongs su bsngo bas yongs su sngo bar byed pa'i shes rab gang lags pa de ni bsam gyis mi khyab pa'o// ldan 'das de ni mchog tu bsam gyis mi khyab po// bcom ldan 'das kyis bka' stsal pa/ kun dga' bo de lta bas na de ltar dam pa yin pa'i phyir de ni shes rab kyi pha rol tu phyin pa zhes bya ba'i ming 'thob par 'gyur te/ gang gis dge ba'i rtsa ba thams cad mkhyen pa nyid yongs su bsngos pa rnams pha rol tu phyin pa'i ming 'thob bo// kun dga' bo de lta bas na dge ba'i rtsa ba rnams thams cad mkhyen pa nyid du yongs su bsngos pa'i phyir shes rab kyi pha rol tu phyin pa ni pha rol tu phyin pa lnga'i sngon du 'gro zhing 'dren pa yongs su 'dren pa'o// tshul 'di'i pha rol tu phyin pa lnga ni shes rab kyi pha rol tu phyin pa kho na'i nang du 'dus so// kun dga' bo 'di lta ste/ shes rab kyi pha rol tu phyin pa zhes bya ba ni pha rol tu phyin pa drug yongs su rdzogs pa'i tshig bla dgas so// kun dga' bo de lta bas na shes rab kyi pha rol tu phyin pa yongs su bsgrags na pha rol tu phyin pa drug po thams cad yongs su bsgrags par 'gyur ro// kun dga' bo 'di lta ste dper na sa chen po la sa bon btab pa tshogs pa dang phrad na skye bar 'gyur te/ sa chen po ni sa bon de dag gi gzhi yin pas sa bon po la brten nas sa bon de dag skye bar 'gyur ro// kun

  146. 74a

    dga' bo de bzhin du pha rol tu phyin pa lnga ni shes rab kyi pha rol tu phyin pas yang dag par bzung bas thams cad mkhyen pa nyid la brten pa yin te/ shes rab kyi pha rol tu phyin pa la brten nas pha rol tu phyin pa lnga skye bar 'gyur ro// shes rab kyi pha rol tu phyin pas yongs su bzung ba'i phyir pha rol tu phyin pa zhes bya ba'i ming 'thob par 'gyur ro// kun dga' bo de lta bas na shes rab kyi pha rol tu phyin pa 'dri nyid pha rol tu phyin pa lnga'i sngon du 'gro zhing 'dren pa yongs su 'dren pa'o// de nas bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das re shig shes rab kyi pha rol tu phyin pa bzung zhing bcangs pa dang bklags pa dang kun chub par bgyis pa dang / rab tu bton pa dang bstan pa dang nye bar bstan pa dang lung 'phog pa dang kha ton du bgyis pas rigs kyi bu 'am rigs kyi bu mos yon tan gang dag yongs su 'dzin par 'gyur ba shes rab kyi pha rol tu phyin pa'i yon tan 'di dag thams cad de bzhin gshegs pa dgra bcom pa yang dag par rdzogs pa'i sangs rgyas kyis yongs su bsgrags pa ni ma lags te/ 'on kyang gang zhig bdag gis bcom ldan 'das kyi thad nas shes rab kyi pha rol tu phyin pa 'di'i phyogs gcig bzung zhing rab tu bton pa lags so// bcom ldan 'das kyis bka' stsal pa/ kau shi ka legs so legs so// kau shi ka yang gang shes rab kyi

  147. 74b

    pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa ston pa dang nye bar ston pa dang lung 'bogs pa dang kha ton byed pa de dag nyid 'ba' zhig la yon tan 'di dag 'byung ba 'ba' zhig tu ni ma zad kyi/ kau shi ka rigs kyi bu 'am rigs kyi bu mo gang gis yang sangs rgyas kyi tshul rgyun chad par ma gyur cig dam pa'i chos nub par ma gyur cig ces dam pa'i chos yun ring du gnas par bya ba dang / tshul dang ma bral bas byang chub sems dpa' sems dpa' chen po rnams la phan gdags pa bsgrub pa byas par 'gyur bar shes rab kyi pha rol phyin pa 'di bris nas glegs bam du chud par byas te 'chang ngam bzhag la shes rab kyi pha rol tu phyin pa de la me tog dang bdug pa dang dri dang phreng ba dang byug pa dang phye ma dang na bza' dang / gdugs dang rgyal mtshan dang dril bu dang ba dan dag dang khor yug tu mar me'i 'phreng ba dag dang mchod pa rnam pa mang po dag gis mchod par byed de/ bkur stir byed bla mar byed rjed par byed mchod par byed ri mor byed bsnyen bkur byed na/ kau shi ka rigs kyi bu 'am rigs kyi bu mo de'i yang tshe 'di nyid kyi yon tan ngas bshad pa yin no// de skad ces bka' stsal pa dang / bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das bdag gis kyang gang zhig sangs rgyas kyi

  148. 75a

    chu la rgyun chad par ma gyur cig dam pa'i chos nub par ma gyur cig ces dam pa'i chos yun ring du gnas par bgyi ba dang / tshul dang ma bral bas byang chub sems dpa' sems dpa' chen po rnams la phan gdags pa bsgrub pa bgyis par 'gyur bar shes rab kyi pha rol tu phyin pa 'di bris nas glegs pam du chud par bgyis te 'chang ngam bzhag la/ shes rab kyi pha rol tu phyin pa de la me tog dang bdug pa dang dri dang phreng ba dang byug pa dang phye ma dang na bza' dang gdug dang rgyal mtshan dang dril bu dang ba dan dag dang kho ra yug tu mar me'i phreng ba dag dang mchod pa rnam pa mang po dag gis mchod par bgyid de/ bkur stir bgyid bla mar bgyid rjed par bgyid mchod par bgyid ri mor bgyid bsnyen bkur bgyid pa'i rigs kyi bu 'am rigs kyi bu mo de la bsrung ba dang bskyab pa dang sba bar bgyid par 'gyur na/ gang shes rab kyi pha rol tu phyin pa 'di 'dri ba dang 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dang nye bar ston pa dang lung 'bogs pa dang kha ton du bgyid pa dang me tog dang bdug pa dang dri dang phreng ba dang byug pa dang bye ma dang na bza' dang gdugs dang rgyal mtshan dang dril bu dang ba dan dag dang kho ra yug tu mar me'i phreng ba dag dang mchod pa rnam pa mang po dag gis kyang mchod par bgyid de/ bkur stir bgyid bla mar bgyid rjed par bgyid mchod par

  149. 75b

    bgyid ri mor bgyid bsnyen bkur bgyid pa lta ci smos ci 'tshal/ bcom ldan 'das kyis bka' stsal pa/ kau shi ka legs so legs so// kau shi ka yang rigs kyi bu 'am rigs kyi bu mo de shes rab kyi pha rol tu phyin pa 'di kha ton du byed pa na de nyid du lha'i bu brgya phrag mang po 'ong bar 'gyur/ lha'i stong phrag mang po dang lha'i bu brgya stong phrag mang po rnams chos nyan pa'i phyir nye bar 'ong bar 'gyuraro// lha'i bu de dag chos nyan pa na chos smra ba de'i spobs pa nye bar sgrub po snyam du sems par 'gyur ro// gang gi tshe yang chos smra ba de mi smra bar 'dod par gyur pa de'i tshe yang lha'i bu de dag gis chos la gus pa de nyid kyis rigs kyi bu 'am rigs kyi bu mo de ji ltar smra ba nyid du 'dun pa de ltar spobs pa nye bar bsgrub par sems so// kau shi ka rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed par 'gyur ba de dag tshe 'di la yon tan 'di dag kyang yongs su 'dzin par 'gyur ro// kau shi ka gzhan yang rigs kyi bu'am rigs kyi bu mo de shes rab kyi pha rol tu phyin pa 'di 'chad pa na nga la kA na kA tshol ba'i bsam pas 'ga' zhig rgol na mi rung ngo snyam du 'khor gyi mdun du sems zhum par mi 'gyur ro// de ci'i phyir zhe na/ 'di ltar de la shes rab kyi tu phyin

  150. 76a

    pas bsrung ba dang bskyab pa dang sba ba byed de shes rab kyi pha rol tu phyin pa la gnas pa des ni klan ka tshol ba yang yang dag par rjes su mi mthong ngo // shes rab kyi pha rol tu phyin pa la gnas pas na klan ka tshol bar byed pa yang yang dag par rjes su mi mthong ngo // gang la klan ka btsal bar bya ba de yang yang dag par rjes su mi mthong ngo // shes rab kyi pha rol tu phyin pa de yang yang dag par rjes su mi mthong ste/ de ltar shes rab kyi pha rol tu phyin pas yongs su bzung ba'i rigs kyi bu 'am rigs kyi bu mo la rnam grangs 'dis rgol ba gang yang mi 'byung ngo // de yang mi dngang kun tu mi skrag kun tu skrag pa dang ldan par mi byed do// kau shi ka rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed par 'gyur ba des tshe 'di la yon tan 'di dag kyang yongs su 'dzin par 'gyur ro// kau shi ka gzhan yang rigs kyi bu 'am rigs kyi bu mo dag pha ma dang / mdza' bo dang blon po dang gnyen bshes dang snag gi gnyen mtshams rnams dang dge sbyong dang bram ze dag la yid du 'ong bar 'gyur ro// de la pha rol rgol ba byung zhing skyes pa dag chos dang ldan pas tshar gcod pa la stobs yod cing

  151. 76b

    nus pa yod par 'gyur te/ pha rol gyis brgal ba na yang brgal ba la lung ston nus par 'gyur ro// kau shi ka rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang / rab tu 'don pa dang ston pa dang nye bar ston pa dang lung 'bogs pa dang kha ton byed par 'gyur ba'i rigs kyi bu 'am rigs kyi bu mo des tshe 'di la yon tan 'di dag kyang yongs su 'dzin par 'gyur ro// kau shi ka yang rigs kyi bu 'am rigs kyi bu mo des phyogs gang du shes rab kyi pha rol tu phyin pa 'di bris nas glegs bam du chud par byas te/ mchod pa sngon du 'gro bas bzhag par gyur pa der/ kau shi ka rgyal chen bzhi'i ris kyi lha dag gi nang na lha'i bu gang su dag bla na med pa yang dag par rdzogs pa'i byang chub tu yang dag par zhugs pa de dag kyang der 'ong bar sems te/ de dag kyang der 'ongs nas shes rab kyi pha rol tu phyin pa 'di glegs bam du chud par la lta bar 'gyur phyag 'tshal bar 'gyur/ 'dud pa byed par 'gyur 'dzin par 'gyur 'chang bar 'gyur klog par 'gyur kun chub par byed par 'gyur rab tu 'don par 'gyur ston par 'gyur nye bar ston par 'gyur lung 'bogs 'gyur kha ton byed par 'gyur te/ bltas shing phyag byas nas 'dud pa byas gzung ba byas bcang ba byas klag pa byas kun chub par byas rab tu 'don par

  152. 77a

    byas ston par byas nye bar ston par byas lung phog cing kha ton byas te yang phyir 'gro bar sems so// kau shi ka sum cu rtsa gsum pa'i lha dag gi nang na lha'i bu gang su dag bla na med pa yang dag par rdzogs pa'i byang chub tu yang dag par zhugs pa de dag kyang der 'ong bar sems te/ de dag kyang der 'ongs nas shes rab kyi pha rol tu phyin pa 'di glegs bam du chud pa la lta bar 'gyur phyag 'tshal bar 'gyur 'dud pa byed par 'gyur 'dzin par 'gyur 'a bar 'gyur klog par 'gyur kun chub par byed par 'gyur rab tu 'don par 'gyur ston par 'gyur nye bar ston par 'gyur lung 'bogs par 'gyur kha ton byed par 'gyur te/ bltas shing phyag byas nas 'dud pa byas gzung ba byas bcang ba byas/ klag pa byas kun chub par byas rab tu 'don par byas ston par nye bar ston par byas lung phog cing kha ton byas te yang phyir 'gro bar sems so// ko'u shi ka 'thab bral gyi lha dag gi nang na lha'i bu gang su dag bla na med pa yang dag par rdzogs pa'i byang chub tu yang dag par zhugs pa de dag kyang der 'ong bar sems te/ de dag kyang der 'ongs nas shes rab kyi pha rol tu phyin pa 'di glegs bam du chud pa la lta bar 'gyur phyag 'tshal bar 'gyur 'dud pa byed par 'gyur 'dzin par 'gyur 'chang bar 'gyur klog par 'gyur kun chub par byed par

  153. 77b

    'gyur rab tu 'don par 'gyur ston par 'gyur nye bar ston par 'gyur lung 'bogs par 'gyur kha ton byed par 'gyur te/ bltas shing phyag byas nas 'dud pa byas gzung ba byas bcang ba byas klag pa byas kun chub par byas rab tu 'don par byas ston par byas nye bar ston par byas lung phog cing kha ton byas te yang phyir 'gro bar sems so// kau shi ka dga' ldan gyi lha dag gi nang na lha'i klung su dag bla na med pa yang dag par rdzogs pa'i byang chub tu yang dag par zhug pa de dag kyang der 'ong bar sems te/ de dag kyang der 'ongs nas shes rab kyi pha rol tu phyin pa 'di glegs bam du chud pa la lta bar 'gyur phyag 'tshal bar 'gyur/ 'dud pa byed par 'gyur 'dzin par 'gyur 'chang bar 'gyur klog par 'gyur kun chub par byed par 'gyur rab tu 'don par 'gyur ston par 'gyur nye bar ston par 'gyur lung 'bogs par 'gyur kha ton byed par 'gyur te/ bltas shing phyag byas nas 'dud pa byas gzung ba byas bcang ba byas klag pa byas kun chub par byas rab tu 'don par byas ston par byas nye bar ston par byas lung phog cing kha ton byas te yang phyir 'gro bar sems so// kau shi ka 'phrul dga'i lha dag gi nang na lha'i bu gang su dag bla na med pa yang dag par rdzogs pa'i byang chub tu yang dag par zhugs pa de dag kyang der 'ong bar sems te/ de dag kyang de/

  154. 78a

    'ongs nas shes rab kyi pha rol tu phyin pa 'di glegs bam du chud pa la lta bar 'gyur phyag 'tshal bar 'gyur 'dud pa byed par 'gyur 'dzin par 'gyur 'chang bar 'gyur klog par 'gyur kun chub par byed par 'gyur rab tu 'don par 'gyur ston par 'gyur nye bar ston par 'gyur lung 'bogs par 'gyur kha ton byed par 'gyur te/ bltas shing phyag byas nas 'dud pa byas gzung ba byas bcang ba byas klag pa byas kun chub par rlab tu 'don par byas ston par byas nye bar ston par byas lung phog cing kha ton byas te yang phyir 'gro bar sems so// kau shi ka gzhan 'phrul dbang byed kyi lha dag gi nang na lha'i bu gang su dag bla na med pa yang dag par rdzogs pa'i byang chub tu yang dag par zhugs pa de dag kyang der 'ong bar sems te/ de dag kyang der 'ongs nas shes rab kyi pha rol tu phyin pa 'di glegs bam du chud pa la lta bar 'gyur phyag 'tshal bar 'gyur 'dud pa byed par 'gyur 'dzin par 'gyur 'chang bar 'gyur klog par 'gyur kun chub par byed par 'gyur rab tu 'don par 'gyur ston par 'gyur nye bar ston par 'gyur lung 'phogs par 'gyur kha ton byed par 'gyur te/ bltas shing phyag byas nas 'dud pa byas gzung ba byas bcang ba byas klag pa byas kun chub par byas rab tu 'don par byas ston par byas nye bar ston par byas lung phog cing kha

  155. 78b

    ton byas te yang phyir 'gro bar sems so// kau shi ka de bzhin du gzugs na spyod pa'i lha rnams la lha'i bu gang ji snyed yod pa nas tshangs pa'i 'jig rten na tshangs ris kyi lha'i bu gang su dag bla na med pa yang dag par rdzogs pa'i byang chub tu yang dag par zhugs pa de dag kyang der 'ong bar sems te/ de dag kyang der 'ongs nas shes rab kyi pha rol tu phyin pa 'di glegs du chud pa la lta bar 'gyur phyag 'tshal bar 'gyur 'dud pa byed par 'gyur 'dzin par 'gyur 'chang bar 'gyur klog par 'gyur kun chub par byed par 'gyur rab tu 'don par 'gyur ston par 'gyur nye bar ston par 'gyur lung 'bogs par 'gyur kha ton byed par 'gyur te/ bltas shing phyag byas nas 'dud pa byas gzung ba byas bcang ba byas klag pa byas kun chub par byas rab tu 'don par byas ston par byas nye bar ston par byas lung phog cing kha ton byas te yang phyir 'gro bar sems so// kau shi ka khyod kyis 'dir tshangs ris pa nyid ji lta ba de bzhin du ni mi khams te/ tshangs ris pa ji lta ba de bzhin du tshangs pa'i mdun na 'don gyi lha dag gi nang na lha'i bu gang su dag yod pa yang snga ma bzhin du sbyar ro// de bzhin du tshangs pa chen po dang / 'od chung dang tshad med 'od dang 'od gsal dang dge chung dang tshad med dge dang dge rgyas dang sprin med dang bsod nams 'phel dang / 'bras bu che ba dang /

  156. 79a

    'du shes med pa'i sems can dang mi che ba dang mi gdung ba dang gya nom snang dang shin tu mthong dang kau shi ka 'og min gyi lha dag gi nang na lha'i/ bu gang su dag bla na med pa yang dag par rdzogs pa'i byang chub tu yang dag par zhugs pa de dag kyang der 'ong bar sems te/ de dag kyang der 'ong nas shes rab kyi pha rol tu phyin pa 'di glegs bam du chud pa la lta bar 'gyur phyag 'tshal bar 'gyur 'dud pa byed par 'gyur 'dzin par 'gyur 'chang bar 'gyur klog par 'gyur kun chub par byed par 'gyur rab tu 'don par 'gyur ston par 'gyur nye bar ston par 'gyur lung 'bogs par 'gyur kha ton byed par 'gyur te/ bltas shing phyag byas nas 'dud pa byas gzung ba byas bcas pa byas klag pa byas kun chub par byas rab tu 'don par byas ston par byas nye bar ston par byes lung phog cing kha ton byas te yang phyir 'gro bar sems so// kau shi ka rigs kyi bu 'am rigs kyi bu mo des sems can ltar bskyed par bya ste/ gang su dag phyogs bcu'i 'jig rten khams gzhal du med grangs med pa dag na yod pa'i lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lte 'phye chen po dang mi dang ma yin pa de dag la/ glegs bam 'di las shes rab kyi pha rol tu phyin pa ltos shig phyag tshol cig 'dud pa gyis shig zung zhig chongs

  157. 79b

    shig kun chub par gyis shig rab tu thon cig ston cig nye bar ston cig lung phog cig kha ton gyis shig/ bltas shing phyag byas te 'dud pa byas gzung ba byas bcang ba byas klag pa byas kun chub par byas rab tu 'don par byas ston par byas nye bar ston par byas lung phog cing kha ton byas nas yang phyir bdag nyid kyi gnas su dengs shig de dag la chos kyi sbyin pa 'di nyid byin par gyur cig ces bsam par bya'o// kau shi ka 'di la khyod 'di snyam du gling chen po bzhi pa'i 'jig rten gyi khams 'di nyid kyi 'dod pa na spyod pa dang gzugs na spyod pa'i lha'i bu gang dag bla na med pa yang dag par rdzogs pa'i byang chub tu yang dag par zhugs pa de dag nyid 'bal zhig der 'ong ba snyam du sems par gyur na mi rung ste kau shi ka de ltar mi lta'o// kau shi ka 'on kyang yang stong gsum gyi stong chen po'i 'jig rten gyi khams na 'dod pa na spyod pa dang gzugs na spyod pa'i lha'i bu gang su dag bla na med pa yang dag par rdzogs pa'i byang chub yang dag par zhugs pa ci snyed yod pa de dag kyang der 'ong bar sems te/ de dag kyang der 'ongs nas shes rab kyi pha rol tu phyin pa 'di glegs bam du chud pa la lta bar 'gyur phyag 'tshal bar 'gyur 'dud pa byed par 'gyur 'dzin par 'gyur 'chang bar 'gyur klog par 'gyur/ kun chub par byed par 'gyur rab tu 'don par 'gyur ston par 'gyur nye bar ston par 'gyur lung 'bog

  158. 80a

    par 'gyur kha ton byed par 'gyur te/ bltas shing phyag byas nas 'dud pa byas gzung ba byas bcang ba byas klag pa byas kun chub par byas rab tu 'don par byas ston par byas nye bar ston par byas lung phog cing kha ton byas te yang phyir 'gro bar sems so// kau shi ka yang rigs kyi bu 'am rigs kyi bu mo de'i khyim dang gnas khang dang khang bzangs kyang shin tu bsrungs par 'gyur zhing sngon gyi las kyi rnam par smin pa ma gtogs par de la su yang 'tshe ba byed par yang mi 'gyur te/ kau shi ka de ltar der gzi brjid che ba gzi brjid che ba zhes bya ba'i lha dang klu dang gnod sbyin dang dri za dang lha me yin dang nam mkha' lding dang mi 'am ci dang lto 'phye chen po dang mi dang mi ma yin pa dag 'od sems par so// kau shi ka rigs kyi bu 'am rigs kyi bu mo des tshe 'di la yon tan 'di dag kyang yongs su 'dzin par 'gyur ro// de skad ces bka' stsal pa dang bcom ldan 'das la lha rnams kyi dbang po brgya byin gyis 'di skad ces gsol to// btsa ldan 'das yang rigs kyi bu 'am rigs kyi bu mo des 'di ltar lha 'am klu 'am gnod sbyin nam dri za 'am lha ma yin nam nam mkha' lding ngam lto 'phye chen po 'am mi 'am mi ma lags pa rnams/ shes rab kyi pha rol tu phyin pa 'di la mnyan pa dang blta ba dang phyag bgyi ba dang 'dud pa bgyi ba dang gzung ba dang bcang ba dang / mi 'am ci

  159. 80b

    klag pa dang kun chub par bgyi ba dang rab tu 'don pa dang ston pa dang nye bar ston pa dang lung 'bogs pa dang kha ton bgyid pa'i slad du der mchis par ci ltar 'tshal bar bgyi/ de skad ces gsol pa dang bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka gal te rigs kyi bu 'am rigs kyi bu mos der snang ba chen po dag mthong na de la 'dir nges par lha 'am klu 'am gnod sprin nam dri za 'am lha ma yin nam nam mkha' lding ngam mi 'am ci 'am lto phye chen po 'am mi 'am mi ma yin pa dag 'ongs shing lhag pa yin no zhes rigs kyi bu 'am rigs kyi bu mo des shes par bya'o// kau shi ka gzhan yang rigs kyi bu 'amA rigs kyi bu mo des mi ma yin pa'i dri sngon cha de ma bsnams pa bro bar gyur na/ dri de tshor nas de la 'dir nges par lha 'am klu 'am gnod sbyin nam dri za 'am lha ma yin nam mkha' lding ngam mi 'am ci 'am lto 'phye chen po 'am mi 'am mi ma yin pa 'ongs shing lhags pa yin no zhes rigs kyi bu 'am rigs kyi bu mo des shes par bya'o// kau shi ka gzhan yang gal te rigs kyi bu 'am rigs kyi bu mo de kun tu spyod pa gzob par 'gyur kun tu spyod pa gtsang bar 'gyur te/ de kun tu spyod pa gzob pa dang kun tu spyod pa gtsang ba des lha dang klung gnod sbyin dang dri za dang lA ma yin dang nam mkha' lding dang mi 'am ci dang lto 'phye chen po dang mi dang mi ma yin pa dag der 'ong bar sems so// der lha dang kla dang

  160. 81a

    gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi dang mi ma yin pa gang dag der 'ongs par gyur pa de dag kun tu spyod pa gzob pa gtsang ba des yi rangs shing rab tu dga' ste mgu ba dang yid bde ba skye bar 'gyur ro// de na gzi brjid chung ba gzi brjid chung ba'i lha gang dag gnas pa de dag kyang de nas 'byol bar sems so// de ci'i phyir zhe na/ lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po/ dang mi dang mi mi yin pa gzi brjid chen po gzi brjid chen po de dag nyid kyi dpal dang gzi brjid dang btsun pa mi bzod pas/ de ltar lha gzi brjid chung ba gzi brjid chung ba de dag kyang 'byol bar sems so// kau shi ka yang ci lta ci ltar lha dang klu dang gnod sprin dang dri za dang lha ma yin dang nam mkha' lding dang mi 'am ci dang lto 'phye chen pe dang mi dang mi ma yin pa gzi brjid che ba gzi brjid che ba de dag rtag tu 'ong bar sems pa de lta de ltar rigs kyi bu 'am rigs kyi bu mo de yang dad pa mang bar 'gyur te/ kau shi ka rigs kyi bu 'am rigs kyi bu mo des tshe 'di la yon tan 'di dag kyang yongs su 'dzin par 'gyur ro// kau shi ka gzhan yang rigs kyi bu 'am rigs kyi bu mo des de la bla mar bya ba dang gus par bya ba dang yongs su rdzogs par bya ba'i chos kyi tshul gyi gnas de'i khor yug tu mi gtsang ba dang mi gzob pa'i kun tu spyod pa

  161. 81b

    la 'jug par bya'o// kau shi ka gzhan yang rigs kyi bu 'am rigs kyi bu mo de lus ngal ba dang sems ngal bar mi 'gyur/ de bde bar nyal bar byed par 'gyur/ bde bar 'gro bar 'gyur/ gnyid kyis log na yang sdig pa'i rmi lam mthong bar mi 'gyur/ mthong na yang de bzhin gshegs pa dgra bcom pa yang dag par rdzogs pa'i sangs rgyas rnams nyid mthong bar 'gyur mchod rten rnams nyid mthong bar 'gyur byang chub sems dpa' rnams nyid mthong bar 'gyur de bzhin gshegs pa'i nyan thos rnams nyid mthong bar 'gyur/ sgra thos na yang pha rol tu phyin pa'i sgra dag nyid thos par 'gyur byang chub kyi phyogs nyid kyi chos rnams thos par 'gyur/ byang chub kyi shing dag nyid mthong bar 'gyur/ de dag tu yang de bzhin gshegs pa dgra bcom pa yang dag par rdzogs pa'i sangs rgyas mngon par rdzogs par 'tshang rgya ba dag nyid mthong bar 'gyur/ de bzhin du mngon par rdzogs par sangs rgyas pa rnams chos kyi 'khor lo bskor ba mthong bar 'gyur/ shes rab kyi pha rol tu phyin pa bgro ba la dga' ba'i byang chub sems dpa' sems dpa' chen po mang po dag shes rab kyi pha rol tu phyin pa 'di nyid bgro bar byed pa dang 'di ltar thams cad mkhyen pa nyid yongs su gzung bar bya 'di ltar sangs rgyas kyi zhing yongs su sbyang bar bya'o// zhes thabs mkhas pa nye bar ston pa mthong bar

  162. 82a

    'gyur ro// sangs rgyas bcom ldan 'das mngon par byang chub pa'i sgra rgya chen po yang thos par 'gyur ro// phyogs ga ge mo zhig dang phyogs kyi cha ga ge mo zhig dang 'jig rten gyi khams ga ge mo zhig na de bzhin gshegs pa dgra bcom pa yang dag par rdzogs pa'i sangs rgyas che ge mo zhes bya ba de nyan thos dang byang chub sems dpa' mang po dang nyan thos dang byang chub sems dpa' brgya phrag mang po dang nyan thos dang byang chub sems dpa' stong phrag mang po dang nyan thos dang byang chub sems dpa' brgya stong phrag mang po dang nyan thos dang byang chub sems dpa' bye ba phrag mang po dang nyan thos dang byang chub sems dpa' bye ba brgya phrag mang po dang nyan thos dang byang chub sems dpa' bye ba stong phrag mang po dang / nyan thos dang byang chub sems dpa' bye ba brgya stong phrag mang po dang nyan thos dang byang chub sems dpa' bye ba khrag khrig brgya stong phrag mang pos yongs su bskor cing mdun du byas te chos ston to zhes sangs rgyas kyi sgra rlab po che yang thos par 'gyur ro// kau shi ka rigs kyi bu 'am rigs kyi bu mo des de lta bu'i tshul gyi rmi lam 'di dag mthong bar 'gyur te/ de bde bar nyal bar 'gyur bde bar sad par 'gyur lus kyi nang du mdangs rab tu bcug pas shin tu bde ba myong bar 'gyur yang zhing yang ba nyid myong bar 'gyur/ de la ma 'ong

  163. 82b

    par kha zas la brkam pa'i sems kyi rgyud mi skye bar 'gyur kha zas kyi 'du shes chung bar 'gyur te/ kau shi ka dper na dge slong rnal 'byor spyod pa ting nge 'dzin las langs pa'i sems yid la byed pas yongs su brlan pas kha zas la brkam pa drag po mi 'byung zhing zas la 'du shes chung bar 'gyur ba de bzhin du kau shi ka rigs kyi bu 'am rigs kyi bu mo de la yang kha zas la brkam pa drag po mi 'byung bar 'gyur te/ de zas kyi 'du shes chung bar 'gyur ro// de ci'i phyir zhe na/ kau shi ka de ni 'di ltar rigs kyi bu 'am rigs kyi bu mo ji ltar yang shes rab kyi pha rol tu phyin pa la bsgom pa'i rnal 'byor la brtson pa de ltar de'i lus la mi ma yin pa dag mdangs nye bar bsgrub par sems par 'gyur ro// kau shi ka rigs kyi bu 'am rigs kyi bu mo de mthong ba'i chos la yon tan 'di dag kyang yongs su 'dzin par 'gyur ro// kau shi ka gzhan yang rigs kyi bu 'am rigs kyi bu gang shes rab kyi pha rol tu phyin pa 'di bris te glegs bam du chud par byas nas mchod pa sngon du 'gro bas bzhag ste mchod par byed la/ 'dzin par mi byed 'chang bar mi byed klog par mi byed kun chub par mi byed rab tu 'don par mi byed ston par mi byed nye bar ston par mi byed lung 'bogs par mi byed kha ton du mi byed pa de bas ni kau shi ka rigs kyi bu 'am rigs kyi bu mo 'di nyid bsod

  164. 83a

    nams mang du skyed de rigs kyi bu 'am rigs kyi bu mo gang shes rab kyi pha rol tu phyin pa 'di la mngon par dad de rtog cing mos la sems dang bas byang chub tu sems bskyed nas/ lhags pa'i bsam pas nyan pa dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang gzhan dag la yang rgya cher yang dag par ston pa dang de'i don rnam par 'grel pa dang yid kyis rjes su rtog pa dang ci lta bur grub pa'i shes rab kyis 'dir yongs su dpyod par byed pa/ dang / sangs rgyas kyi tshul rgyun chad par ma gyur cig dam pa'i chos nub par ma gyur cig ces dam pa'i chos yun ring du gnas par bya ba dang / tshul dang ma bral bas byang chub sems dpa' sems dpa' chen po rnams la phan gdags pa bsgrub pa byas par 'gyur bar chung ngu na glegs bam du chud par byas te 'chang ngam bzhag la/ shes rab kyi pha rol tu phyin pa de la me tog dang bdug pa dang dri dang phreng ba dang byug pa dang phye ma dang na bza' dang gdugs dang rgyal mtshan dang ba dril bu dang ba dan dag dang khor yug tu mar me'i phreng ba ngag dang mchod pa rnam pa mang po dag gis kyang mchod pa byed de/ shes rab kyi pha rol tu phyin pa la bkur stir byed bla mar byed rjed par byed mchod par byed de/

  165. 83b

    mor byed bsnyen bkur byed na/ kau shi ka rigs kyi bu 'am rigs kyi bu mo de nyid de bas gzhi de las bsod nams ches mang du skyed par 'gyur te/ kau shi ka de lta bas na 'di ltar tshe 'di la yon tan khyad par can 'di dag yongs su 'dzin par 'dod pa'i rigs kyi bu 'am rigs kyi bu mos shes rab kyi pha rol tu phyin pa 'di nyid la mngon par dad par bya rab tu brtag par bya lhag par mos par bya/ sems dang bas byang chub tu sems bskyed nas/ lhag pa'i bsam pa mnyan par bya gzung bar bya bcang bar bya klag par bya kun chub par bya rab tu 'don par bya stan par bya nye bar ston par bya lung 'bogs par bya kha ton du bya gzhan dag la yang rgya cher yang dag par bstan par bya de'i don rnam par dgrol bar bya yid kyis rjes su brtag par bya ci lta bur grub pa'i shes rab kyis 'dir yongs su dpyad par bya/ sangs rgyas kyi tshul rgyun chad par ma gyur cig dam pa'i chos nub par ma gyur cig ces dam pa'i chos yun ring du gnas par bya ba dang / tshul dang ma bral bas byang chub sems dpa' sems dpa' chen po rnams la phan gdags pa bsgrub pa byas par 'gyur bar chung ngu na glegs bam du chud par byas te bcang zhing gzhag par bya'o// don du gnyer ba'i rigs kyi bu 'am rigs kyi bu mo de dag la yang dag par bgo bar bya'o// bdag dang sems can dge

  166. 84a

    ba gzhan dag la sangs rgyas kyi tshul spyan chen po dang ma bral bar 'gyur ro zhes de la lha'i me tog dang lha'i bdug pa dang lha'i dri dang lha'i phreng ba dang lha'i byug pa dang lha'i phye ma dang lha'i na bza' dang lha'i gdugs dang lha'i rgyal mtshan dang lha'i dril bu dang lha'i ba dan dag dang kho ra yug tu lha'i mar me'i phreng ba dag dang lha'i mchod pa rnam pa mang po dag gis kyang rtag tu mchod par bya ste/ bkur stir bya bla mar bya rjed par bya mchod par bya ri mor bya bsnyen bkur bya'o// 'phags pa shes rab kyi pha rol tu phyin pa brgyad stong pa las/ pha rol tu phyin pa dang mchod rten la bkur stir byed pa gzhal du med pa'i yon tan 'dzin pa'i le'u zhes bya ba ste gsum pa'o// // gzhan yang bcom ldan 'das kyis lha rnams kyi dbang po brgya byin la bka' stsal pa/ kau shi ka gal te khyod la 'dzam bu'i gling 'di de bzhin gshegs pa'i skus byur bur yongs su bkang ste byin la shes rab kyi pha rol tu phyin pa 'di yang bris te gtad nas de las cha gang rung cig bstabs na cha bzhag pa de gnyis las kau shi ka khyod cha gang len/ brgya byin gyis gsol pa/ bcom ldan 'das gal te 'dzam bu'i gling 'di de bzhin gshegs pa'i skus byur bur bltam ste srul la shes rab kyi pha rol tu phyin pa 'di yang bris te gtad nas de las cha gang rung cig

  167. 84b

    'di lta ste de bzhin gshegs pa'i tshul la ri mor bgyi ba'i slad du bstabs na cha bzhag pa de gnyis las bcom ldan 'das bdag ni shes rab kyi pha rol tu phyin pa 'di nyid len to// de ci'i slad du zhe na/ 'di ni ge de bzhin gshegs pa'i yang dag pa'i don gyi sku'o// de ci'i slad du zhe na/ bcom ldan 'das kyis sangs rgyas rnams ni chos kyi sku yin te/ dge slong dag 'di la/ ni sku dam par ma 'dzin par dge slong dag nga ni chos kyi skus yongs su rdzogs par ltos shig ces bya bar 'di gsungs pas/ de bzhin gshegs pa'i sku 'di yang yang dag pa'i mthas rab tu phye bar blta ste 'di lta ste shes rab kyi pha rol tu phyin pa'o// bcom ldan 'das yang bdag de bzhin gshegs pa'i sku de rnams la mi gus pa yang ma lags te bcom ldan 'das de bzhin gshegs pa'i sku de dag la bdag gus pa nyid lags so// bcom ldan 'das 'on kya shes rab kyi pha rol tu phyin pa 'di las de bzhin gshegs pa'i sku de dag 'khrungs te mchod pa brnyes so// bcom ldan 'das de lta bas na shes rab kyi pha rol tu phyin pa 'di nyid mchod pas de bzhin gshegs pa'i sku de rnams la yang mchod pa yongs su rdzogs par bgyis par 'gyur ro// de ci'i slad du zhe na/ de bzhin gshegs pa'i sku rnams shes rab kyi pha rol tu phyin pa las byung ba'i srad du'o// bcom ldan 'das 'di lta ste dper na gang gi tshe bdag chos bzang

  168. 85a

    lha'i mdun san bdag nyid kyi lha'i stan la mchis pa de'i tshe lha'i bu dag bdag gi rim gro bgyi ba'i srad du mchi'o// gang gi tshe bdag ma mchis par gyur pa de'i tshe yang bdag gi stan gang lags pa der lha'i bu de dag bdag la gus pas stan de la phyag bgyis skor ba bgyis nas yang slar mchi'o// de ci'i slad du zhe na/ lha rnams kyi dbang po brgya byin stan 'di la mchis nas sum cu rtsi lho rnams la bachos ston pa zhes bya ba yin no snyam mo// bcom ldan 'das de bzhin du dbang chenar grags pa rgyu dang rkyen du gyur pa'i shes rab kyi pha rol tu phyin pa yang de bzhin gshegs pa dgra bcom pa yang dag par rdzogs pa'i sangs rgyas kyi thams cad mkhyen pa'i sgrub par byed pa lags so// de bzhin gshegs pa'i sku rnams ni thams cad mkhyen pa'i gnas su gyur pa lags kyi de dag ni ye shes skye ba'i rgyur gyur pa ma lags te/ bcom ldan 'das de ltar de bzhin gshegs pa'i sku la mchod pa ni thams cad mkhyen pa'i ye shes kyi rgyu las byung ba lags so// bcom ldan 'das de lta bas na cha bzhag pa de gnyis las bcom ldan 'das bdag ni shes rab kyi pha rol tu phyin pa 'di nyid len to// bcom ldan 'das bdag de bzhin gshegs pa'i sku de rnams la mi gus pa yang ma lags te/ bcom ldan 'das de bzhin gshegs pa'i sku de dag la bdag gus pa nyid lags so// 'on kyang de bzhin gshegs pa'i sku dag ni shes rab kyi pha rol tu phyin pas yongs su bsgos pas

  169. 85b

    mchod pa brnyes so// bcom ldan 'das yang 'jam bu'i gling de bzhin gshegs pa'i skus byung bur bltam pa lta zhog/ gling chen po bzhi pa'i 'jig rten gyi khams de bzhin gshegs pa'i skus byur bur bltam pa lta zhog/ stong gi 'jig rten gyi khams de bzhin gshegs pa'i skus byur bur bltam pa lta zhog/ stong gnyis pa bar ma'i 'jig rten gyi khams de bzhin gshegs pa'i skus byur bur bltam pa lta zhog/ bcom ldan 'das stong gsum gyi stong chen po'i 'jig rten gyi khams 'di nyid de bzhin gshegs pa'i skras byur bur bltam ste cha gcig tu bgyis te bzhag la shes rab kyi pha rol tu phyin pa 'di yang bris la cha gnyis par bzhag ste cha bzhag pa 'di nyid las khyod cha gang 'dod be cig khyer cig ces cha gcig bstabs na/ bcom ldan 'das de la bdag ni shes rab kyi pha rol tu phyin pa 'di nyid len to// bcom ldan 'das bdag de bzhin gshegs pa'i sku de rnams la mi gus pa yang ma lags te bcom ldan 'das de bzhin gshegs pa'i sku de dag la bdag gus pa nyid lags so// 'on kyang de bzhin gshegs pa'i sku dag kyang shes rab kyi pha rol tu phyin pas yongs su bsgos pas mchod pa brnyes so// de bzhin gshegs pa'i sku rnams ni thams cad mkhyen pa'i ye shes kyi gnas su gyur pa lags la thams cad mkhyen pa'i ye shes de yang shes rab kyi pha rol tu phyin pa las nges par 'byung ba lags so// bcom ldan 'das de lta bas na cha bzhag pa de

  170. 86a

    gnyis las bcom ldan 'das bdag ni shes rab kyi pha rol tu phyin pa 'di nyid len to// bcom ldan 'das bdag de bzhin gshegs pa'i sku la mi gus par mi bgyid pa yang ma lags te bcom ldan 'das bdag de bzhin gshegs pa'i sku de dag la gus pa nyid lags so// bcom ldan 'das 'on kyang shes rab kyi pha rol tu phyin pa 'di las de bzhin gshegs pa'i sku de dag kyang 'khrungs te/ de bzhin gshegs pa'i sku de dag mchod pa bsnyes pa ni 'di lta ste/ shes rab kyi pha rol tu phyin pas yongs su bsgos pa lags pa'i slad du'o// // 'phags pa shes rab kyi pha rol tu phyin pa brgyad stong pa// bam po lnga pa// bcom ldan 'das 'di lta ste dper na rin thang ma mchis pa'i nor bu rin po che yon tan 'di lta bu'i ngo bo 'di dag dang ldan pa zhig mchis te/ 'di lta ste de gang dang gang du bzhag pa de dang der mi dang mi ma lags pa dag gis glags rnyed par mi 'gyur/ gang dang gang du skyes pa 'am bud med la la mi ma lags pas zin pa de dang der nor bu rin po che chen po de stsal ma thag tu mi ma lags pa de de nas 'byer/ bser mas gzir cing rgyas pa'i lus la nor bu rin po che bzhag na yang de'i bser ma de char gcod de de mi 'phel ba dang zhi bar bgyid mkhris pas tsha bar gyur pa'i lus la bzhag na yang de'i mkhris pa de yang tshar gcod de mi 'phel ba dang zhi bar bgyid/ bad kan gyis yongs su

  171. 86b

    rgyas shing kun tu gzir ba'i steng du bzhag na yang de'i bad kan de yang tshar gcod de mi 'phel ba dang zhi bar bgyid de/ 'dus pa'i nad kyis sdug bsngal ba'i lus la bzhag na yang de'i 'dus pa'i nad de yang tshar gcod de mi 'phel ba dang zhi bar bgyid/ mtshan mo mun pa mun nag gi nang du ni snang bar bgyid/ tsha ba'i tshe na yang sa phyogs gang du bzhag pa'i sa phyogs de bsil bar 'gyur/ grang ba'i tshe na yang sa phyogs gang du bzhag pa'i sa phyogs de dro bar 'gyur ro// sa phyogs gang na sbrul gdag pa mchis pa dang de bzhin du srog chags phra mo gzhan dag mchis pa'i sa phyogs der 'dzin cing bzhag na sbrul gdug pa de dag dang srog chags phra mo de dag kyang 'byer ro// bcom ldan 'das gal te skyes pa'am bud med sbrul gdug pas zin na de la nor bu rin po che de bstan na nor bu rin po che de mthong ma thag tu de'i dug bcom nas ma mchis par 'gyur te/ bcom ldan 'das nor bu rin po che de yang yon tan de dag dang de lta bu'i ngo bo gzhan dag dang yang ldan no// bcom ldan 'das gang su dag mig la chu bur ram rab rib mig nad lding tog byung na de dag gi mig gi steng du nor bu rin po che de bzhag na de dag la bzhag ma thag tu mig gi skyon de dag kyang byang zhing zhi bar 'gyur te/ bcom ldan 'das nor bu rin po tshe de yon tan de dag dang de lta bu gzhan dang yang ldan no// chab gang gi nang du sprul ba'i chab de yang rang gi mdog tu mdog gcig par 'gyur/ gal te ras dkar pos dkris te cha ba

  172. 87a

    kyi nang du stsal na chab de yang dkar por 'gyur de bzhin du gal te ras sngon po dang ser po dang dmar po dang bcod kha dang de lta bu dag dang gzhan dag kyang rub ste ras rnam pa sna tshogs kyi nang nas ras gang yang rung bas nor bu rin po che de dkris sam bcings te chab kyi nang du stsal na ras kyi tshon de dang de dag gi chab kyang de dang de dag gi rang bzhin gyi mdog tu 'gyur la/ chab de la rnyog par gyur pa ci tsa mchis pa de dag kyang dang bar 'gyur te/ bcom ldan 'das nor bu rin po che de yon tan de lta bu'i ngo bo dag dang ldan no// de nas tshe dang ldan pa kun dga' bos lha rnams kyis dbang po brgya byin la 'di skad ces smras so// kau shi ka yang rtsi nor bu rin po che de dag lha'i 'jig rten 'ba' zhig na yod dam 'on te nor bu rin po che de dag 'dzam bu'i gling gi mi rnams la yang yod/ brgya byin gyis smras pa/ 'phags pa kun dga' bo nor bu rin po che de dag ni lha'i nang na yod de/ 'dzam bu'i gling gi mi dag la yang nor bu rin po che yod mod kyi de dag ni lci la chung zhing phra la yon tan ma rdzogs te de lta bu'i ngo bo'i yon tan de dag dang mi ldan pas/ lha'i nor bu rin po che de dag gi brgya'i char yang nye bar mi 'gro stong gi char yang brgya stong gi char yang bye ba'i char yang bye ba brgya'i char yang bye ba stong gi char yang bye ba brgya stong gi char yang bye ba khrag khrig brgya stong gi char yang nye bar mi 'gro'o// grangs su yang bgrang bar yang dper yang dpes bstan par bya bar yang rten du yang

  173. 87b

    ba'i rgyur yang mi bzod de/ lha rnams kyi nor bu rin po che gang yin pa de dag ni yang zhing yon tan gyi rnam pa thams cad yongs su rdzogs pa yin no// nor bu rin po che de zam tog/ gang gi nang du gtsug pa ma phyung na nor bu rin po che de yang yang des za ma tog de snying du sdug par 'gyur nor bu rin po che de'i yon tan de dag gis za ma tog de la shin tu snying du sdug pa skye'o// bcom ldan 'das de bzhin du gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das par gyur kyang de bzhin gshegs pa'i sku de dag gis mchod pa brnyes pa de ni shes rab kyi pha rol tu phyin pa dang thams cad mkhyen pa'i ye shes kyi yon tan lags te de bzhin gshegs pa'i sku 'di dag ni thams cad mkhyen pa'i ye shes kyi snod du gyur pa lags so// bcom ldan 'das yang ci ltar sangs rgyas bcom ldan 'das rnams 'jig rten gyi khams thams cad du chos ston par mtha pa ni shes rab kyi pha rol tu phyin pa las 'khrungs pa'i slad du mchod par bgyi ba de bzhin du chos smra ba po'i chos ston pa ni shes rab kyi pha rol tu phyin pa las skyes pa'i slad du mcho pa bgyi ba lags so// bcom ldan 'das dper na rgyal po'i skyes bu ni rgyal po'i mthus skye bo chen po'i tshogs sus kyang mi 'jigs par bkur bar 'gyur ro// de bzhin du chos spra bo bo de chos kyi sku'i mthus skye bo'i tshogs chen po sus kyang mi 'jigs par mchod do// ci ltar chos ston pa'i chos smra ba po mchod pa brnyes pa de ltar de bzhin

  174. 88a

    gshegs pa'i sku gdung de rnams kyis mchod pa brnyes so// bcom ldan 'das de lta bas na stong gsum gyi stong chen po'i 'jig rten gyi khams de bzhin dgashegs pa'i skus byur bur bltam pa lta zhog bcom ldan 'das gang yang gang ga'i klung gi bye ma snyed kyi 'jig rten gyi khams de dag kyang de bzhin gshegs pa'i skus byur ba/ bltam pa cha gcig tu bzhag la/ shes rab kyi pha rol tu phyin pa 'di bris nas cha gnyis par bzhag ste/ bcom ldan 'das la la zhig gis bdag la cha bzhag pa 'di gnyis las khyod gang 'dod pa cha gcig khyer ces bstabs na cha bzhag pa de gnyis las bdag ni shes rab kyi pha rol tu phyin pa 'di nyid len to// bcom ldan 'das bdag de bzhin gshegs pa'i sku de rnams la mi gus pa yang ma lags kyi bcom ldan 'das de bzhin gshegs pa'i sku de dag la yang bdag gus lags te/ bcom ldan 'das 'on kyang thams cad mkhyen pa nyid ni shes rab kyi pha rol tu phyin pa las rab tu phye ba lags la de bzhin gshegs pa'i sku la mchod pa ni thams cad mkhyen pa'i ye shes las skyes pa lags so// bcom ldan 'das de lta bas na shes rab kyi pha rol tu phyin pa 'di mchod na 'das dang ma byon pa dang da ltar byung ba'i sangs rgyas bcom ldan 'das rnams mchod pa bgyis par 'gyur ro// bcom ldan 'das gzhan yang 'jig rten gyi khams gzhal du ma mchis grangs ma mchis pa dag na sangs rgyas bcom ldan 'das rnams da ltar bzhag

  175. 88b

    te 'tsho zhing gzhes pa de dag chos nyid du lta bar 'dod pa'i rigs kyi bu 'am rigs kyi bu mos shes rab kyi pha rol tu phyin pa 'di la spyad par bgyi'o// shes rab kyi pha rol tu phyin pa 'di la rnal 'byor du bgyi'o// shes rab kyi pha rol tu phyin pa 'di la bsgom par bgyi'o// de skad ces gsol pa dang bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka de de bzhin no de de bzhin te/ kau shi ka 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas gang dag byung bar gyur pa de dag kyang kau shi ka shes rab kyi pha rol tu phyin pa 'di nyid la brten te bla na med pa yang dag pa'i rdzogs pa'i byang chub mngon par rdzogs bar sangs rgyas so// kau shi ka ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas gang dag 'byung bar 'gyur ba de dag kyang kaM/ shi ka shes rab kyi pha rol tu phyin pa 'di nyid la brten nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// kau shi ka da ltar gyi dus na 'jig rten gyi khams gzhal du med grangs pa dag na sangs rgyas bcom ldan 'das gang dag bzhugs te 'tsho zhing gzhes pa de dag kyang kau shi ka shes rab kyi pha rol tu phyin pa 'di nyid la brten nas bla na med pa yang dag par rdzogs pa'i byang chub mngon par rdzogs par sangs rgyas so// kau shi ka da ltar de bzhin gshegs pa dgra bcom pa yang

  176. 89a

    dag par rdzogs pa'i sangs rgyas nga yang shes rab kyi pha rol tu phyin pa 'di nyid la brten te bla na med pa yang dag par rdzogs pa'i byang chub mngon par rdzogs par sangs rgyas so// de skad ces bka' stsal pa dang bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das 'di lta ste shes rab kyi pha rol tu phyin pa 'di ni pha rol tu phyin pa chen po lags te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis sems can thams cad kyi sems kyi spyod pa rab tu mkhyen cing yang dag par gzigs so// bcom ldan 'das kyis bka' stsal pa/ kau shi ka de de bzhi de de bzhin te/ kau shi ka 'di ltar byang chub sems dpa' sems dpa' chen po yun ring por shes rab kyi pha rol tu phyin pa la sprad na des sems can thams cad kyi sems kyi spyod pa yang shes rab kyi pha rol tu phyin pas yang dag par shes shing yang dag par mthong ngo // de nas bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das ci byang chub sems dpa' sems dpa' chen pos shes rab kyi pha rol tu pha rol tu phyin pa 'ba' zhig la spyad kyi pha rol tu phyin pa gzhan dag la ma lags sam/ bcom ldan 'das kyis bka' stsal pa/ kau shi ka byang chub sems dpa' sems dpa' chen po pha rol tu phyin pa drug po thams cad la spyod de/ kau shi ka

  177. 89b

    'on kyang byang chub sems dpa' sems dpa' chen po'i shes rab kyi pha rol tu phyin pa kho na 'di dag gi sngon du 'gro ba'o// sbyin pa sbyin par byed pa dang tshul khrims srung ba dang bzod pa sgrub pa dang brtson 'grus rtsom pa dang / bsam gtan la mnyam par gzhog pa dang chos la rnam par lta ba'i byang chub sems dpa' sems dpa' chen po'i shes rab kyi pha rol tu phyin pa kho na 'di dag gi sngon du 'gro ba'o// kau shi ka pha rol tu phyin pa drug po thabs mkhas pas yongs su zin cing shes rab kyi pha rol tu phyin pas yongs su bsngos pa dang thams cad mkhyen par yongs su bsngos pa 'di rnams la ni bye brag med cing tha dad du bya ba mi dmigs so// kau shi ka 'di lta ste dper na 'dzam bu'i gling gi shing sna tshogs ni kha dog tha dad dbyibs tha dad lo ma tha dad me tog tha dad 'bras bu tha dad chung zheng phun sum tshogs pa tha dad kyang shing de dag gi grib ma bye brag med cing tha dad du bya ba mi mngon te/ gzhan du na grib ma grib ma zhes bya ba'i grangs su 'gro ba de bzhin du/ kau shi ka pha rol tu phyin pa drug po thabs mkhas pas yongs su zin cing shes rab kyi pha rol tu phyin pas yongs su bsngos pa thams cad mkhyen par yongs su bsngos pa 'di rnams la ni bye brag med cing tha dad du bya ba mi dmigs so// de skad ce bka' stsal pa dang / bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das 'di lta ste shes rab kyi pha rol tu phyin pa

  178. 90a

    'di ni yon tan chen po dang ldan no// bcom ldan 'das 'di lta ste shes rab kyi pha rol tu phyin pa 'di ni gzhal du ma mchis pa'i yon tan dang ldan no/ bcom ldan 'das 'di lta ste shes rab kyi pha rol tu phyin pa 'di ni mu mchis pa'i yon tan dang ldan no// 'phags pa shes rab kyi pha rol tu phyin brgyad stong pa las yon tan yongs su brjod pa zhes bya ba'i le'u ste bzhi pa'o// // de nas bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das rigs kyi bu'am rigs kyi bu mo gang shes rab kyi pha rol tu phyin pa 'di la mngon par dad de rtog cing mos la sems dang bas byang chub tu sems bskyed nas/ lhag pa'i bsam pas nyan cing 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dang nye bar ston pa dang lung 'bog pa dang kha ton bgyid pa dang gzhan dag la yang rgya cher yang dag par ston pa dang / 'di'i don rnam par 'grel pa dang yid kyis rjes su rtog pa dang ci lta bur grub pa'i shes rab kyis 'dir yongs su dpyod par bgyid pa dang / sangs rgyas kyi tshul rgyun chad par ma gyur cig dam pa'i chos nub par ma gyur cig ces dam pa'i chos yun ring du gnas par bgyi ba dang / tshul dang ma bral bas byang chub sems dpa' sems dpa' chen po rnams la phan gdags pa bsgrub pa bgyis

  179. 90b

    par 'gyur bar chung ngu na glegs bam du chud par bgyis te 'chang ngam 'jog pa dang / de ltar ston pa 'di thos nas kye ma shes rab kyi pha rol tu phyin pa 'di ni 'di ltar don che'o// kye ma shes rab kyi pha rol tu phyin pa 'di ni 'di ltar phan yon che'o// kye ma shes rab kyi pha rol tu phyin pa 'di ni 'di ltar 'bras bu che'o// kye ma shes rab kyi pha rol tu phyin pa 'di ni 'di ltar rnam par smin pa che'o// kye ma shes rab kyi pha rol tu phyin pa 'di ni 'di ltar yon tan mang po dang ldan pa ste/ shes rab kyi pha rol tu phyis pa 'di ni bdag gis gtang bar mi bya'o// shes rab kyi pha rol tu phyin pa 'di ni bdag gis bsrung bar bya'o// shes rab kyi pha rol tu phyin pa 'di ni bdag gis sba bar bya'o// shes rab kyi pha rol tu phyin pa 'di ni shin du rnyed par dka'o zhes lhag par mos shing / bdag nyid shes rab kyi pha rol tu phyin pa 'di la me tog dang bdug pa dang dri dang phreng ba dang byug pa dang phye ma dang na bza' dang gdugs dang rgyal mtshan dang dril bu dang ba dan ngag dang khor yug tu mar me'i phreng ba dag dang / mchod pa rnam pa mang po dag gis mchod de/ bkur stir bgyid pa dang bla mar bgyid pa dang rjed par bgyid pa dang mchod par bgyid pa dang ri mor bgyid pa dang bsnyen bkur bgyid pa dang / yang gzhan zhig tha na glegs bam du yang chud par bgyis nas mchod de/ rigs kyi bu 'am rigs kyi bu mo gzhan don du gnyer zhing 'dun nas slong ba la sbyin cing 'bul la yongs su gto

  180. 91a

    na/ bcom ldan 'das rigs kyi bu 'am rigs kyi bu mo gtong ba'i blo dang ldan pa gang lags pa dang gtong ba'i blo dang mi ldan pa gang lags pa de gnyis gang gis bsod nams ches mang du skyed/ de skad ces gsol pa dang / bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka de'i phyir 'dir khyod nyid la dri ste khyod kyis ci ltar nus pa de bzhin du lung ston cig/ kau shi ka de ji snyam du sems rigs kyi bu 'am rigs kyi bu mo gang de bzhin gshegs pa mya ngan las 'das pa'i sku la bdag nyid kyis bkur stir byas nas bsnyen bkur byed cing 'dzin par byed de bkur stir byed pa dang bla mar byed pa dang rjed par byed pa dang mchod par byed pa dang ri mor byed pa dang bsnyen bkur byed pa dang rigs kyi bu 'am rigs kyi bu mo gzhan gang zhig/ de bzhin gshegs pa'i sku la bdag nyid kyis kyang bkur stir byed bla mar byed rjed par byed mchod par byed ri mor byed bsnyen bkur byed la byed la mchod pa rgyas par 'gyur ro snyam pas/ sems can rnams la yang snying rtse ba'i phyir gzhan dag la yang rgya cher yang dag par ston par byed sbyin par byed kun 'ged par byed na/ kau shi ka rigs kyi bu 'am rigs kyi bu mo de gnyis gang bsod nams ches mang du skyed/ ci bdag nyid kyis kyang mchod par byed la gzhan dag la yang rgya cher yang dag par ston par byed sbyin par kun 'ged par byed pa gang yin pa de ches bsod nams

  181. 91b

    mang du skyed dam/ ci 'on te gang zhig rang nyid kho nas bdag nyid so so la mchod pa bsod nams mang du skyed/ brgya byin gyis gsol pa/ bcom ldan 'das rigs kyi bu 'am rigs kyi bu mo gang bdag nyid kyang de bzhin gshegs pa'i sku la bkur stir bgyid bla mar bgyid rjed par bgyid mchod par bgyid ri mor bgyid bsnyen bkur bgyid la mchod pa rgyas par 'gyur ro snyam pas sems can rnams la glo bo brtse ba'i slad du gzhan dag la yang rgya cher yang dag par ston par bgyid sbyin par bgyid kun 'ged par bgyid na/ 'di gnyis las rigs kyi bu 'am rigs kyi bu mo 'di nyid de bas ches bsod nams mang du skyed do// bcom ldan 'das kyis bka' stsal pa/ kau shi de de bzhin no// de de bzhin te/ kau shi ka rigs kyi bu 'am rigs kyi bu mo gang de ltar shes rab kyi pha rol tu phyin pa 'di bris nas glegs bam du chud par byas te/ 'dzin pa dang / 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang / rigs kyi bu 'am rigs kyi bu mo gzhan don du gnyer zhing 'dun nas slong ba dag la/ mdun glegs bam du yang chud par byas te sbyin pa dang stob cing 'bul la yongs su gtong na kau shi ka rigs kyi bu 'am rigs kyi bu mo de gnyis las/ rigs kyi bu 'am rigs kyi bu mo gzhan rjes su 'dzin par byed pa yongs su gtong ba'i blo dang ldan pa 'di nyid gzhi de las

  182. 92a

    bsod nams ches mang du skyed do// kau shi ka gzhan yang rigs kyi bu 'am rigs kyi bu mo gang shes rab kyi pha rol tu phyin pa 'di'i snod du gyur pa'i rigs/ kyi bu 'am rigs kyi bu mo gang dang gang na 'dug pa de dang der song ste de rnams la shes rab kyi pha rol tu phyin pa 'di sbyin par byed yang dag par 'ged par byed na/ 'di nyid kau shi ka rigs kyi bu mam rigs kyi bu mo de bas ches bsod nams mang du skyed do// kau shi ka gzhan yang rigs kyi bu 'am rigs kyi bu mo gang gis 'dzam bu'i gling gi sems can gang ji snyed yod pa de dag thams cad dge ba bcu'i las kyi lam la yang dag par bkod cing bzhag na/ kau shi ka 'di ji snyam du sems ci rigs kyi bu 'am rigs kyi bu mo de'i gzhi las bsod nams ches mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na glegs bam du chud par byas te/ mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems

  183. 92b

    bskyed pa'i byang chub sems dpa' la/ lhag pa'i bsam pas byin nam/ chung ngu na 'dri ba dang klog pa la yang snyoms las med par sgrub cing / brtson pas de la 'jid du 'jug pa dang / yang dag par ston pa dang yang dag par 'god pa dang yang dag par gzengs bstod pa dang yang dag par rab tu dga' bar byed pa dang tshig gis mtshon pa dang rnam par mtshon pa dang rjes su mtshon pa dang / de la 'di'i don yang dag par ston cing de la 'di skad du rigs kyi bu khyod tshur sheg byang chub sems dpa'i lam 'di la 'di ltar slobs shig/ khyod kyis lam 'di la bslabs shing spyad de 'bad na mar du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam par sbyong ba dang the tshom med par byed na/ kau shi ka rigs kyi bu 'am rigs kyi bu mo yongs su gtong ba'i blo dang ldan pa 'di ni rigs kyi bu 'am rigs kyi bu mo snga ma de bas kyang ches bsod nams mang du skyed do// kau shi ka yang 'a bu'i gling gis sems can thams cad lta zhog/ kau shi ka rnam grangs 'dis gling chen po bzhi pa'i 'jig rten gyi khams na sems can ji snyed yod pa de dag thams cad

  184. 93a

    kyang rigs kyi bu 'am rigs kyi bu mo gang la la zhig gis dge ba bcu'i las kyi lam la yang dag par bkod cing bzhag pa dang / kau shi ka gling chen po bzhi pa'i 'jig rten gyi khams na sems can ji snyed yod pa de dag thams cad lta zhog/ kau shi ka rnam grangs de lta bur stong spyi bud kyi 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis dge ba bcu'i las kyi lam la yang dag par bkod cing bzhag pa dang / kau shi ka yang stong spyi phud kyi 'jig rten gyi khams na sems can ji snyed yod pa de dag thams cad lta zhog/ kau shi ka rnam grangs de lta bur stong gnyis pa bar ma'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis dge ba bcu'i las kyi lam la yang dag par bkod cing bzhag pa dang / kau shi ka yang stong gnyis pa bar ma'i 'jig rten gyi khams ni sems can thams cad lta zhog/ kau shi ka rnam grangs de lta bur stong gsum gyi stong chen po'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis dge ba bcu'i las/ kyi lam la yang dag par bkod cing bzhag pa dang / kau shi ka yang stong gsum gyi stong chen po'i 'jig rten gyi khams kyi sems can thams cad lta zhog/ kau shi ka rnam

  185. 93b

    grangs de lta bur stong gsum gyi stong chen po'i 'jig rten gyi khams gang ga'i klung gi bye ma snyed na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis dge ba bcu'i las kyi lam la yang dag par bkod cing bzhag na/ kau shi ka de ji snyam du sems ci rigs kyi bu 'am rigs kyi bu mo de de'i bzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na glegs bam de chud par byas nas mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la/ lhag pa'i bsam pas byin nam/ chung ngu na bri ba dang klag pa la yang snyom las med par sgrub pa dang / brtson pas de la 'dzin du 'jug pa dang yang dag par ston pa dang yang dag par 'god pa dang / yang dag par gzengs bstod pa dang / yang dag par rab tu dga' bar byed pa dang / tshig gis mtshon pa dang

  186. 94a

    rnam par mtshon pa dang rjes su mtshon pa dang de la 'di'i don yang dag par ston pa dang / de la 'di skad du rigs kyi bu khyod tshur sheg/ byang chub sems dpa'i lam 'di la slob shig khyod kyis lam 'di la bslabs shing spyad de 'bad na myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam par spong pa dang the tshom med par byed na/ kau shi ka/ rigs kyi bu 'am rigs kyi bu mo yongs su gtong ba'i blo dang ldan pa 'di ni rigs kyi bu 'am rigs kyi bu mo snga ma de bos ches bsod nams mang du skyed do// shi ka gzhan yang 'dzam bu'i gling na sems can ji snyed yod pa de dag thams cad rigs kyi bu 'am rigs kyi bu mo gang la zhig gis bsam gtan bzhi la bkod ne/ kau shi ka de ji snyam du sems/ ci rigs kyi bu 'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'om rigs kyi bu mo 'di ches bsod

  187. 94b

    nams mang du skyed de/ gang shes rab kyi pha rol tu phyin pa 'di chung ngu na glegs bam du yang chud par byas nas mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpal la/ lhag pa'i bsam pas byin nam/ chung ngu na bri ba dang klag pa la yang snyom las med par sgrub pa dang / brtson pas de la 'dzin du 'jug pa dang yang dag par ston pa dang yang dag par 'god pa dang yang dag par gzengs bstod pa dang yang dag par rab tu dga' bar byed pa dang / tshig gis mtshon pa dang rnam par mtshon pa dang rjes su mtshon pa dang de'i don yang dag par ston pa dang / de la 'di skad du rigs kyi bu khyod tshur sheg/ byang chub sems dpa'i lam 'di la slobs shig/ khyod kyis lam 'di la bsrabs shing spyad de 'bang na myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs pa sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par

  188. 95a

    'dul bar byed par 'gyur ro zhes smra zhing de ltar de'i sems rnam par sbyong ba dang the tshom med par byed pa'o// kau shi ka yang 'dzam bu'i gling / gi sems can thams cad lta zhog/ kau shi ka rnam grangs de lta bur gling chen po bzhi pa'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis bsam gtan bzhi la bkod pa dang / kau shi ka yang gling chen po bzhi pa'i 'jig rten gyi khams kyi sems can thams cad lta zhog/ kau shi ka rnam grangs de lta bur stong spyi phud kyi 'jig rten gyi khams na sems can ji snyed yod pa de dag thams cad kyang rigs kyi bu 'am rigs/ kyi bu mo gang la la zhig gis bsam gtan bzhi la bkod pa dang / kau shi ka yang stong spyi phud kyi 'jig rten gyi khams kyi sems can thams cad lta zhog/ kau shi ka rnam grangs de lta bur stong gnyis pa bar ma'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis bsam gtan bzhi la bkod pa dang / kau shi ka yang stong gnyis pa bar ma'i 'jig rten gyi khams kyi sems can thams cad lta zhog/ kau shi ka rnam grangs de lta bur stong gsum gyi stong chen po'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis bas

  189. 95b

    gtan bzhi la bkod pa dang / kau shi ka yang stong gsum gyi stong chen po'i 'jig rten gyi khams kyi sems can thams cad lta zhog/ kau shi ka rnam grangs de lta bur stong gsum gyi stong chen po'i 'jig rten gyi khams gang gA'i klung gi bye ma snyed na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis bsam gtan bzhi la bkod na/ kau shi ka de ci snyam du sems ci rigs kyi bu 'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na glegs bam du yang chud par byas nas mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la/ lhag pa'i bsam pas byin nam/ chung ngu na bri ba dang klag pa yang yang snyom las med par sgrub pa dang / brtson pas de la 'dzin du 'jug pa dang / yang dag par ston

  190. 96a

    pa dang yang dag par 'god pa dang yang dag par gzengs stong pa dang yang dag par rab tu dga' bar byed pa dang tshig gis mtshon pa dang / rnam par mtshon pa dang / rjes su mtshon pa dang de'i don yang dag par ston pa dang / de la 'di skad du rigs kyi bu khyod tshur sheg/ byang chub sems dpa'i lam 'di la slobs shig khyod kyis lam 'di la bslabs shing spyad de 'bad na myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam par sbyong ba dang / the tshom med par byed pa'o// kau shi ka gzhan yang 'dzam bu'i gling na sems can ji snyed yod pa de dag thams cad rigs kyi bu 'am rigs kyi bu mo gang la la zhig gis tshad med pa bzhi la bkod pa dang / de bzhi du sbyar te tshad med pa la ji lta ba de bzhin du gzugs med pa'i snyoms par 'jug pa bzhi dang mngon par shes pa lnga nas bsam gtan dang tshad med pa dang gzugs med pi'i snyoms par 'jug pa dang mngon par shes pa ma lus pa'i bar la bkod na/ kau shi ka de ci snyam du sems ci rigs kyi bu 'am rigs kyi bu mo de de'i gzhi las bsod

  191. 96b

    nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na glegs bam du yang chud par byas nas mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la/ lhag pa'i bsam pas byin nam/ chung ngu na bri ba dang klag pa la yang snyom las med par sgrub pa dang / brtson pas de la 'dzin du 'jug pa dang / yang dag par ston pa dang yang dag par 'god pa dang yang dag par 'god pa dang yang dag par gzengs bstod pa dang / yang dag par rab tu dga' bar byed pa dang tshig gis/ mtshon pa dang rnam par mtshon pa dang rjes su mtshon pa dang de'i don yang dag par ston pa dang / de la 'di skad du rigs kyi bu khyod tshur sheg byang chub sems dpa'i lam 'di la slobs shig/ khyod kyis lam 'di la bslabs shing sprad de 'bad na myur du bla na med pa yang dag par rdzogs pa'i byang chub mngon par rdzogs par 'tshang rgya bar

  192. 97a

    'gyur ro// mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa bla na med/ pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam par sbyong ba dang the tshom med par byed pa'o// kau shi ka yang 'dzam bu'i gling gi sems can thams cad bsam gtan dang tshad med pa dang gzugs med pa'i snyom par 'jug pa dang mngon par shes pa rnams la bkod pa'i bsod nams mngon par 'du byed pa lta zhog/ kau shi ka rnam grangs de lta bur gling chen po bzhi pa'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis bsam gtan dang tshad med pa dang gzugs med pa'i snyoms par 'jug pa dang mngon par shes pa dag la bkod pa dang / kau shi ka yang gling chen po bzhi pa'i 'jig rten gyi khams na sems can ji snyed yod pa de dag thams cad rigs kyi bu 'am rigs kyi bu mo gang la la zhig gis bsam gtan dang tshad med pa dang gzugs med pa'i snyoms par 'jug pa dang mngon par shes/ dag la bkod pa'i bsod nams mngon par 'du byed pa lta zhog/ kau shi ka stong spyi phud kyi 'jig rten gyi khams na sems can gang ji snyed yod pa de dag thams cad kyang rigs kyi bu 'am rigs kyi bu mo gang la la zhig gis bsam gtan dang tshad med pa/

  193. 97b

    dang gzugs med pa'i snyoms par 'jug pa dang mngon par shes pa dag la bkod pa dang / kau shi ka yang stong spyi phrad kyi 'jig rten gyi khams kyi sems can thams cad rigs kyi bu 'am rigs kyi bu mo gang la la zhig gis bsam gtan dang tshad med pa dang gzugs med pa'i snyoms par 'jug pa dang mngon par shes pa dag la bkod pa bsod nams mngon par 'du byed pa lta zhog/ kau shi ka stong gnyis pa bar ma'i 'jig rten gyi khams na sems can gang ji snyed yod pa de dag thams cad kyang rigs kyi bu 'am rigs kyi bu mo gang la la zhig gis bsam gtan dang tshad med pa dang gzugs med pa'i snyoms par 'jug pa dang mngon par shes pa dag la bkod pa dang / kau shi ka yang stong gnyis pa bar ma'i 'jig rten gyi khams kyi sems can thams cad bsam gtan dang tshad med pa dang gzugs med pa'i snyom par 'jug pa dang mngon par shes pa dag la bkod pa'i bsod nams mngon par 'du byed pa lta zhog/ kau shi ka stong gsum gyi stong chen po'i 'jig rten gyi khams na sems can gang ji snyed yod pa de dag thams cad kyang rigs kyi bu 'am rigs kyi bu mo gang la la zhig gis bsam gtan dang tshad med pa dang gzugs med pa'i snyoms par 'jug pa dang mngon par shes pa dag la bkod pa dang / kau shi ka yang stong gsum gyi stong chen po'i 'jig rten gyi khams kyi sems can thams cad bsam gtan dang tshad med pa dang gzugs med pa'i snyoms par

  194. 98a

    'jug pa dang / mngon par shes pa dag la bkod pa'i bsod nams mngon par 'du byed pa lta zhog/ kau shi ka rnam grangs de lta bur stong gsum gyi stong chen po'i 'jig rten gyi khams gang ga'i klung gi bye ma snyed na sems can gang ji snyed yod pa de dag thams cad kyang rigs kyi bu 'am rigs kyi bu mo gang la la zhig gis bsam gtan dang tshad med pa dang gzugs med pa'i snyoms par 'jug pa dang mngon par shes pa dag la bkod na/ kau shi ka yang de ci snyam du sems ci rigs kyi bu 'am/ rigs kyi bu mo de de'i gzhi las bsod nams mang du skyed dam/ brgya byin gyis gsol ba/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gdi les bsod nams mang du skyed de/ gang shes rab kyi pha rol tu phyin pa 'di chung ngu na glegs bam du chud par byas nas mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos ba la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la/ lhag pa'i bsam pas byin nam/ chung ngu na bri ba dang klag pa la yang snyom las med par

  195. 98b

    sgrub pa dang / brtson pas de la 'dzin du 'jug pa dang / yang dag par ston pa dang yang dag par 'god pa dang yang dag par gzengs bstod pa dang / yang dag por rab tu dga' bar byed pa dang / tshig gis mtshon pa dang / rnam par mtshon pa dang rjes su mtshon pa dang / de la 'di'i don yang dag par ston pa dang / de la 'di skad du rigs kyi bu khyod tshur sheg/ byang chub sems dpa'i lam 'di la slobs shig/ khyod kyi sa lam 'di la bsrabs shing spad de 'bad na myur du bla na med pa/ yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam par spong ba dang the tshom med par byed pa'o// kau shi ka gzhan yang rigs kyi bu 'am rigs kyi bu mo gang shes rab kyi pha rol tu phyin pa 'di bris nas bdag nyi kyang klog pa dang bris nas gzhan dag la yang snga ma bzhin du byin na/ kau shi ka rigs kyi bu 'am rigs kyi bu mo snga ma de bas ches bsod nams mang du skyed do// kau shi gzhan yang rigs kyi bu 'am rigs kyi bu mo gang don la mkhas pas shes rab kyi pha rol tu phyin pa 'di klog pa dang / bris nas gzhan dag la yang snga ma bzhin du byin la

  196. 99a

    don dang bcas tshig 'bru dang bcas par nye bar ston pa yongs su gsal bar byed na/ kau shi ka rigs kyi bu 'am rigs kyi bu mo 'di ni de bas bsod nams mang du skyed do// de nas bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das shes rab kyi pha rol tu phyin pa 'di yang nye bar bstan par bgyi ba lags sam/ de skad ces gsol pa dang / bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka rigs kyi bu'am rigs bu mo ma rtogs pa dag la shes rab kyi pha rol tu phyin pa 'di yang nye bar bstan par bya'o// de ci'i phyir zhe na/ shi ka ma 'ongs pa'i dus na shes rab kyi pha rol tu phyin pa'i gzugs brnyan 'byung bar 'gyur te/ de la rigs kyi bu 'am rigs kyi bu mo ma rtogs pa bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa dag/ shes rab kyi pha rol tu phyin pa'i gzugs brnyan thos nas chud zos par gyur na mi rung ngo // de nas bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das shes rab kyi pha rol tu phyin pa'i gzugs brnyan bstan pa de ni 'di lags so zhes ji ltar ma 'ongs pa'i dus na shes rab kyi pha rol tu phyin pa'i gzugs brnyan du rig par bgyi/ de skad ces gsol pa dang / brtsa

  197. 99b

    ldan 'das kyis lha rnams kyi dbang po brgya byin la 'di skad ces bka' stsal to// kau shi ka ma 'ongs pa'i dus na dge slong kha cig lus ma bsgoms pa tshul khribs ma/ bsgoms pa sems ma bsgoms pa/ shes rab ma bsgoms pa shes rab 'chal pa lug ltar lkug pa'i rang bzhin can shes rab yongs su nyams pa dag 'byung ste/ de dag shes rab kyi pha rol tu phyin pa bstan to snyam nas de'i gzugs brnyan ston par 'gyur ro// kau shi ka shes rab kyi pha rol tu phyin pa'i gzugs brnyan ji ltar ston par 'gyur zhe na/ gzugs 'jigs pa ni gzugs mi rtag pa nyid do zhes ston par 'gyur/ de bzhin du tshor ba dang 'du shes dang 'du byed rnams dang rnam par shes pa 'jig pa ni rnam par shes pa mi rtag pa nyid do zhes ston par 'gyur ro// 'di skad du gang de ltar tshol ba de ni shes rab kyi pha rol tu phyin pa la spyod par 'gyur ro zhes kyang nye bar ston te/ kau shi ka 'di ni shes rab kyi pha rol tu phyin pa'i gzugs brnyan du rig par bya'o// kau shi ka yang gzugs 'jig pa ni gzugs mi rtag pa nyid du mi blta'o// de bzhin du tshor ba dang 'du shes dang 'du byed rnams dang / kau shi ka yang rnam par shes pa 'jig pa ni rnam par shes pa mi rtag pa nyid du mi blta ste/ gal te de ltar blta na shes rab kyi pha rol tu phyin pa'i gzugs brnyan la spyod par yin no// kau shi ka de lta bas na rigs kyi bu 'am rigs kyi bu mos shes

  198. 100a

    rab kyi pha rol tu phyin pa 'di'i don nye bar bstan par bya ste/ shes rab kyi pha rol tu phyin pa'i don nye bar bstan na rigs kyi bu 'am rigs kyi bu mo 'di ni bsod nams ches mang du skyed do// kau shi ka gzhan yang rigs kyi bu 'am rigs kyi bu mo gang la la zhig gis 'dzam bu'i gling gi sems can ji snyed yod pa de dag thams cad rgyun du zhugs pa'i 'bras bu la bkod na/ kau shi ka de ci snyam du sems/ ci rigs kyi bu 'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na glegs bam du yang chud par byas te mngon par dad pa mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la/ lhag pa'i bsam pas byin nam/ chung ngu na bri ba dang / klag pa la yang snyom las med par sgrub pa dang brtson pas de la 'dzin du 'jug pa dang yang dag par ston pa dang

  199. 100b

    yang dag par 'god pa'i nga yang dag par gzengs bstod pa dang yang dag par rab tu dga' bar byed pa dang / tshig gis mtshon pa dang rnam par mtshon pa dang rjes su mtshon pa dang / de la 'di'i don yang dag par ston pa dang / de la 'di skad du rigs kyi bu khyod chur sheg/ byang chub sems dpa'i lam 'di la slobs shig/ khyod kyi sa lam/ 'di la bslabs shing spad de 'bad na myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste/ yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam par spong ba dang the tshom med par byed pa dang / tshig 'di skad du rigs kyi bu khyod 'di lta ste/ shes rab kyi pha rol tu phyin pa dang ldan pa'i chos de dag nyid thob par gyis shig ces zer na/ kau shi ka rigs kyi bu 'am rigs kyi bu mo snga ma de bas 'di nyid bsod nams ches mang du skyed do// de ci'i phyir zhe na/ kau shi ka 'di las rgyun tu zhugs pa'i 'bras bu rab tu 'byed do// kau shi ka yang 'dzam bu'i gling gi sems can thams cad rgyun tu zhugs pa'i 'bras bu la bkod pa'i bsod nams mngon par 'du byed pa lta zhog/ kau shi ka gling chen po bzhi pa'i 'jig rten gyi khams na sems can ji snyed yod pa de dag

  200. 101a

    thams cad kyang rigs kyi bu 'am rigs kyi bu mo gang la la zhig gis rgyun tu zhugs pa'i 'bras bu la bkod pa dang / kau shi ka yang gling chen po bzhi pa'i 'jig rten gyi khams kyi sems can thams cad rgyun tu zhugs pa'i 'bras bu la bkod pa'i bsod nams mngon par 'du byed pa lta zhog/ kau shi ka stong spyi phud kyi 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis/ rgyun tu zhugs pa'i 'bras bu la bkod pa dang / kau shi ka yang stong spyi phud kyi 'jig rten gyi khams kyi sems can thams cad rgyun tu zhugs pa'i 'bras bu la bkod pa'i bsod nams mngon par 'du byed pa lta zhog/ kau shA ka stong gnyis pa bar ma'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis rgyun tu zhugs pa'i 'bras bu la bkod pa dang / kau shi ka yang stong gnyis pa bar ma'i 'jig rten gyi khams kyi sems can thams cad rgyun tu zhugs pa'i 'bras bu la bkod pa'i bsod nams mngon par 'du byed pa lta zhog/ kau shi ka stong gsum gyi stong chen po'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis rgyun tu zhugs pa'i 'bras bu la bkod pa dang / kau shi ka yang stong gsum gyi stong chen po'i 'jig rten gyi khams kyi sems can thams cad

  201. 101b

    rgyun tu zhugs pa'i 'bras bu la bkod pa'i bsod nams mngon par 'du byed pa lta zhog/ kau shi ka rnam grangs 'di lta bur stong gsum gyi stong chen po'i 'jig rten gyi khams gang ga'i klung gi bye ma snyed na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis rgyun tu zhugs pa'i 'bras bu la bkod na/ kau shi ka yang de ci snyam du sems/ ci rigs kyi bu 'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na glegs bam du yang chud par byas nas/ mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub sems bskyed pa'i byang chub sems dpa' la/ lhag pa'i bsam pas byin nam/ chung ngu na bri ba dang klag pa la yang snyom las med par sgrub pa dang / brtson pas de la 'dzin du 'jug pa dang yang dag par ston pa dang yang dag par 'god pa dang yang dag par gzengs

  202. 102a

    bstod pa dang yang dag par rab tu dga' bar byed pa dang / tshig gis mtshon pa dang rnam par mtshon pa dang rjes su mtshon pa dang / de la 'di'i don yang dag par ston pa dang / de la 'di skad du rigs kyi bu khyod tshur sheg/ byang chub sems dpa'i lam 'di la spobs shig/ khyod kyis lam 'di la bslab shing spyad de 'bad na myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// mngon par rdzogs sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro// zhes smra zhing de ltar de'i sems rnam par sbyong ba dang the tshom med par byed pa dang / tshig 'di skad du rigs kyi bu khyod 'di lta ste/ shes rab kyi pha rol tu phyin pa dang ldan pa'i chos de dag nyid thob par gyis shig/ ces zer na/ kau shi ka rigs kyi bu 'am rigs kyi bu mo snga ma de bas 'di nyid bsod nams ches mang du skyed do// de ci'i phyir zhe na/ kau shi ka 'di las rgyun tu zhugs pa'i 'bras bu rab tu 'byed do// kau shi ka gzhan yang rigs kyi bu 'am rigs kyi bu mo gang la la zhig gis 'dzam bu'i gling gi sems can ji snyed yod pa de dag thams cad lan cig phyir 'ongs pa'i 'bras bu la bkod na/ kau shi ka de ci snyam du sems/ ci rigs kyi bu 'am

  203. 102b

    rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa ma // bcom ldan 'das/ kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na gleg bam du yang chud par byas nas/ mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la/ lhag pa'i bsam pas byin nam/ chung ngu na bri ba dang klag pa la yang snyom las med par sgrub pa dang / brtson pas de la 'dzin du 'jug pa dang yang dag par ston pa dang yang dag par 'god pa dang yang dag par gzengs bstod pa dang yang dag par rab tu dga' bar byed pa dang / tshig gis mtshon pa dang rnam par mtshon pa dang rjes su mtshon pa dang de la 'di'i don yang dag par ston pa dang / de la 'di skad du rigs kyi bu khyod tshur sheg/ byang chub sems dpa'i lam 'di la slob shig/ khyod kyis lam 'di la bslabs shing spyad de 'bad na myur du bla na med pa yang dag par rdzogs pa'i byang chub mngon par rdzogs par 'chang

  204. 103a

    rgya bar 'gyur ro// mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa blan med pa 'di lta ste/ yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam par sbyong ba dang the tshom med par byed pa dang / tshig 'di skad du rigs kyi bu khyod 'di lta ste/ shes rab kyi pha rol tu phyin pa dang ldan pa'i chos de dag nyid thob par gyis shig ces zer na/ kau shi ka rigs kyi bu 'am rigs kyi bu mo snga ma de bas 'di nyid bsod nams ches mang du skyed do// de ci'i phyir zhe na/ kau shi ka 'di las lan cig phyir 'ong ba'i 'bras bu rab tu 'byed do// kau shi ka yang 'dzam bu'i gling gi sems can thams cad lan cig phyir 'ong ba'i 'bras bu la bkod pa'i bsod nams mngon par 'du byed pa lta zhog/ kau shi ka gling chen po bzhi pa'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis lan cig phyir 'ong ba'i 'bras bu la bkod pa dang / kau shi ka yang gling chen po bzhi pa'i 'jig rten gyi khams kyi sems can thams cad lan cig phyir 'ong ba'i 'bras bu la bkod pa'i bsod nams mngon par 'du byed pa lta zhog/ kau shi ka stong spyi bud kyi 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la

  205. 103b

    zhig gis lan cig phyir 'ong ba'i 'bras bu la bkod pa dang / kau shi ka yang stong spyi phud kyi 'jig rten gyi khams kyi sems can thams cad lan cig phyir 'ong ba'i 'bras bu la bkod pa'i bsod nams mngon par 'du byed pa lta zhog/ kau shi ka stong gnyis pa bar ma'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs bu mo gang la la zhig gis lan cig phyir 'ong ba'i 'bras bu la bkod pa dang / kau shi ka yang stong gnyis pa bar ma'i 'jig rten gyi khams kyi sems can thams cad lan cig phyir 'ong ba'i 'bras bu la bkod pa'i bsod nams mngon par 'du byed pa lta zhog/ kau shi ka stong gsum gyi stong chen po'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis lan cig phyir 'ong ba'i 'bras bu la bkod pa dang / kau shi ka yang stong gsum gyi stong chen po'i 'jig rten gyi khams kyi sems can ji snyed yod pa de dag thams cad lan cig phyir 'ong ba'i 'bras bu la bkod pa'i bsod nams mngon par 'du byed pa lta zhog/ kau shi ka stong gsum gyi stong chen po'i 'jig rten gyi khams gang ga'i klung gi bye ma snyed na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis lan cig phyir 'ong ba'i 'bras bu la bkod na/ kau shi ka de ci snyam du sems/ ci rigs kyi bu 'am rigs kyi bu mo de de'i gci

  206. 104a

    las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu'am rigs kyi bu mo 'di ches bsod nams mang du skyed do// gang shes rab kyi pha rol tu phyin pa 'di chung ngu na glegs dam du yang chud par byas nas mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la/ lhag pa'i bsam pas byin nam/ chung ngu na bri ba dang klag pa la yang snyom las med par sgrub pa dang / brtson pas de la 'ji du 'jug pa dang yang dag par ston pa dang / yang dag par 'god pa dang yang dag par gzengs bstod pa dang yang dag par rab tu dga' bar byed pa dang / tshig gis mtshon pa dang rnam par mtshon pa dang rjes su mtshon pa dang de la 'di'i don yang dag par ston pa dang / de la 'di skad du rigs kyi bu khyod tshur shog/ byang chub sems dpa'i lam 'dil spobs shig/ khyod kyis lam 'di la bsrabs shing spyad de 'bad dmyur du blan med pa yang dag par rdzogs pa'i byang chub mngon par rdzogs par 'chang rtsa

  207. 104b

    par 'gyur ro// mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste/ yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam par sbyong ba dang the tshom med par byed pa dang / tshig 'di skad du rigs kyi bu khyod 'di lta ste/ shes rab kyi pha rol tu phyin pa dang ldan pa'i chos de dag nyid thob par gyis shig ces zer na/ kau shi ka rigs kyi bu 'am rigs kyi bu mo snga ma de bas 'di nyid bsod nams ches mang du skyed do// de ci'i phyir zhe na/ kau shi ka 'di las lan cig phyir 'ong ba'i 'bras bu rab tu 'byed do// shes rab kyi pha rol tu phyin pa brgyad stong pa// bam po drug pa// / kau shi ka gzhan yang rigs kyi bu 'am rigs kyi bu mo gang la la zhig gis 'dzam bu'i gling gi sems can thams cad phyir mi 'ong ba'i 'bras bu la bkod na/ kau shi ka de ci snyam du sems/ ci rigs kyi bu 'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na glegs

  208. 105a

    bam du yang chud par byas nas/ mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la/ lhag pa'i bsam pas byin nam/ chung ngu na bri ba dang klag pa la yang snyom las med par sgrub pa dang / brtsom pas de la 'dzin du 'jug pa dang yang dag par ston pa dang yang dag par 'god pa dang yang dag par gzengs bstod pa dang yang dag par rab tu dga' bar byed pa dang / tshig gis mtshon pa dang rnam par mtshon pa dang rjes su mtshon pa dang de la 'di'i don yang dag par ston pa dang / de la 'di skad du rigs kyi bu khyod tshur sheg/ byang chub sems dpa'i lam 'di la slobs shig/ khyod kyis lam 'di la bslabs shing sprad de 'bad na myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste/ yang dag pa'i mtha' rab tu 'byed pa la mngon par 'dul bar byed par 'gyur ro// zhes smra zhing de ltar de'i sems rnam par spong ba dang the tshom

  209. 105b

    med par byed pa dang tshig 'di skad du rigs kyi bu khyod 'di lta ste shes rab kyi pha rol tu phyin pa dang ldan pa'i chos de dag nyid thob par gyis shig ces zer na/ kau shi ka rigs kyi bu 'am rigs kyi bu mo snga ma de bas 'di nyid bsod nams ches mang du skyed do// de ci'i phyir zhe na/ kau shi ka 'di las phyir mi 'ong ba'i 'bras bu rab tu 'byed do// kau shi ka yang 'dzam bu'i gling gi sems can thams cad phyir mi 'ong ba'i 'bras bu la bkod pa'i bsod nams mngon par 'du byed pa lta zhog/ kau shi ka gling chen po bzhi pa'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis phyir mi 'ong ba'i 'bras bu la bkod pa dang / kau shi ka yang gling chen po bzhi pa'i 'jig rten gyi khams kyi sems can thams cad phyir mi 'ong ba'i 'bras bu la bkod pa'i bsod nams mngon par 'du byed pa lta zhog/ kau shi ka stong spri phud kyi 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis phyir mi 'ong ba'i 'bras bu la bkod pa dang / kau shi ka yang stong spyi phud kyi 'jig rten gyi khams kyi sems can thams cad phyir mi 'ong ba'i 'bras bu la bkod pa'i bsod nams mngon par 'du byed pa lta zhog/ kau shi ka stong gnyis pa bar ma'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis phyir mi

  210. 106a

    'ong ba'i 'bras bu la bkod pa dang / kau shi ka yang stong gnyis pa bar ma'i 'jig rten gyi khams kyi sems can thams cad phyir mi 'ong ba'i 'bras bu la bkod pa'i bsod nams mngon par 'du byed pa lta zhog/ kau shi ka stong gsum gyi stong chen po'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis phyir mi 'ong ba'i 'bras bu la bkod pa dang / kau shi ka yang stong gsum gyi stong chen po'i 'jig rten gyi khams kyi sems can thams cad phyir mi 'ong ba'i 'bras bu la bkod pa'i bsod nams mngon par 'du byed pa lta zhog/ kau shi ka stong gsum gyi stong chen po'i 'jig rten gyi khams gang ga'i klung gi bye ma snyed na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis phyir mi 'ong ba'i 'bras bu la bkod na/ kau shi ka de ci snyam du sems/ ci rigs kyi bu 'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na glegs bam du yang chud par byas nas/ mngon par dad pas mngon par dad pa la/ rab tu rtog pas rab tu rtog pa la/

  211. 106b

    lhag par mos pas lhag par mos pa la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la/ lhag pa'i bsam pas byin nam/ chung ngu na bri ba dang / klag pa la yang snyom las med par sgrub pa dang / brtson pas de la 'dzin du 'jug pa dang / yang dag par ston pa dang yang dag par 'god pa dang yang dag par gzengs bstod pa dang yang dag par rab tu dga' bar byed pa dang / tshig gis mtshon pa dang rnam par mtshon pa dang rjes su mtshon pa dang de la 'di'i don yang dag par ston pa dang / de la 'di skad du rigs kyi bu khyod tshur sheg/ byang chub sems dpa'i lam 'di la slobs shig/ khyod kyis lam 'di la bslabs shing spyad de 'bad na myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste/ yang dag pa'i mtha' rab tu 'byed pa la mngon par 'dul bar byed par 'gyur ro// zhes smra zhing de ltar de'i sems rnam par sbyong ba dang the tshom med par byed pa dang / tshig 'di skad du rigs kyi bu khyod 'di lta ste shes rab kyi pha rol tu phyin pa dang ldan pa'i

  212. 107a

    chos de dag nyid thob par gyis shig ces zer na/ kau shi ka rigs kyi bu 'am rigs kyi bu mo snga ma de bas 'di nyid bsod nams ches mang du skyed do// de ci'i phyir zhe na/ kau shi ka 'di las phyir mi 'ong ba'i 'bras bu rab tu 'byed do// kau shi ka gzhan yang 'dzam bu'i gling na sems can ji snyed yod pa de dag thams cad rigs kyi bu 'am rigs kyi bu mo gang la la zhig gis dgra bcom pa nyid la bkod na/ kau shi ka de ci snyam du sems ci rigs kyi bu 'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na glegs bam du yang chud par byas nas/ mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la/ lhag pa'i bsam pas byin nam/ chung ngu na bri ba dang klog pa la yang snyom las med par sgrub pa dang / brtson pas de la 'dzin du 'jug

  213. 107b

    pa dang yang dag par ston pa dang yang dag par 'god pa dang yang dag par gzengs bstod pa dang / yang dag par rab tu dga' bar byed pa dang tshig gis mtshon pa dang rnam par mtshon pa dang rjes su mtshon pa dang / de la 'di'i don yang dag par ston pa dang / de la 'di skad du rigs kyi bu khyod tshur sheg/ byang chub sems dpa'i lam 'di la spobs shig/ khyod kyis lam 'di la bsrabs shing spyad de 'bad na myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam par spong ba dang the tshom med par byed pa dang / tshig 'di skad du rigs kyi bu khyod 'di lta ste shes rab kyi pha rol tu phyin pa dang ldan pa'i chos de dag nyid thob par gyis shig ces zer na/ kau shi ka rigs kyi bu 'am rigs kyi bu mo snga ma de bas 'di nyid bsod nams ches mang du skyed do// de ci'i phyir zhe na/ kau shi ka 'di las dgra bcom pa nyid kyang rab tu 'byed do// de la 'di ltar rig kyi bu khyod ci ltar shes rab kyi pha rol tu phyin pa la slob pa de lta de ltar khyod kyis mthar gyis sangs rgyas kyi chos rnams 'thob par 'gyur zhing bla na med pa yang dag par

  214. 108a

    rdzogs pa'i byang chub dang nye bar 'gyur ro// khyod kyis bslab pa 'di la bslabs shing sprad de 'bad na rgyun tu zhugs pa'i 'bras bu rab tu 'byed par 'gyur ro// lan cig phyir 'ong ba'i 'bras bu rab tu 'byed par 'gyur ro// phyir mi 'ong ba'i 'bras bu rab tu 'byed par 'gyur ro// dgra bcom pa nyid rab tu 'byed par 'gyur ro// rang sangs rgyas nyid rab tu 'byed par 'gyur ro// yang dag par rdzogs pa'i sangs rgyas nyid rab tu 'byed par 'gyur ro// zhes spro ba 'phel bar byed par 'gyur ro// kau shi ka yang 'dzam bu'i gling gis sems can thams cad dgra bcom pa nyid la bkod pa'i bsod nams mngon par 'du byed pa lta zhog/ kau shi ka gling chen po bzhi pa'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis dgra bcom pa nyid la bkod pa dang / kau shi ka yang gling chen po bzhi pa'i 'jig rten gyi khams kyi sems can thams cad dgra bcom pa nyid la bkod pa'i bsod nams mngon par 'du byed blta zhog/ kau shi ka stong spyi bud kyi 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis dgra bcom pa nyid la bkod pa dang / kau shi ka stong yang stong spri phud kyi 'jig rten gyi khams kyi sems can thams cad dgra bcom pa nyid la bkod pa'i bsod nams

  215. 108b

    mngon par 'du byed pa lta zhog/ kau shi ka stong gnyis pa bar mi'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis dgra bcom pa nyid la bkod pa dang / kau shi ka yang stong gnyis pa bar ma'i 'jig rten gyi khams kyi sems can thams cad dgra bcom pa nyid la bkod pa'i bsod nams mngon par 'du byed pa lta zhog/ kau shi ka stong gsum gyi stong chen po'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis dgra bcom pa nyid la bkod pa dang / kau shi ka yang stong gsum gyi stong chen po'i 'jig rten gyi khams kyi sems can thams cad dgra bcom pa nyid la bkod pa'i bsod nams mngon par 'du byed pa lta zhog/ kau shi ka stong gsum gyi stong chen po'i 'jig rten gyi khams gang ga'i klung gi bye ma snyed na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis dgra bcom pa nyid la bkod na/ kau shi ke de ci snyam du sems/ ci rigs kyi bu 'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das bsod nams kyi phung po de'i grangs su bgyi sla ba ma lags te/ bcom ldan 'das bsod nams kyi phung po de bgrang

  216. 109a

    bar yang dper yang dpes bstan par bgyi bar yang rten du yang nye ba'i rgyur yang bgyi bar sla ba ma lags so// bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na glegs bam du yang chud par byas nas/ mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la/ lhag pa'i bsam pas byin nam/ chung ngu na bri ba dang klag pa la yang snyom las med par sgrub pa dang / brtson pas/ de la 'dzin du 'jug pa dang / yang dag par ston pa dang / yang dag par 'god pa dang / yang dag par gzengs bstod pa dang / yang dge bar rab tu dga' bar byed pa tshig gis mtshon pa dang rnam par mtshon pa dang rjes su mtshon pa dang de la 'di'i don yang dag par ston pa dang / de la 'di skad du rigs kyi bu khyod tshur sheg/ byang chub sems dpa'i lam 'di la slob shig/ khyod kyis lam 'di la bslabs shing sprad de 'bad na myur du bla na med pa yang dag par rdzogs pa'i byang chub mngon par

  217. 109b

    rdzogs par 'tshang rgya bar 'gyur ro// mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro// zhes smra zhing de ltar de'i sems rnam par sbyong ba dang the tshom med par byed pa dang / tshig 'di skad du rigs kyi bu khyod 'di lta ste shes rab kyi pha rol tu phyin pa dang ldan pa'i chos de dag nyid thob par gyis shig ces zer na/ de bas 'di nyid bsod nams ches mang du skyed do// de ci'i phyir zhe na/ kau shi ka 'di las dgra bcom pa nyid rab tu 'byed do// de la 'di ltar rigs kyi bu khyod ci lta ci ltar shes rab kyi pha rol tu phyin pa la slob pa de lta de ltar khyod mthar gyis sangs rgyas kyi chos rnams thob par 'gyur te bla na med pa yang dag par rdzogs pa'i byang chub dang nye bar 'gyur ro// khyod 'di la bslabs shing spyad de 'bad na/ rgyun tu zhugs pa'i 'bras bu rab tu 'byed par 'gyur ro// lan cig phyir 'ong ba'i 'bras bu rab tu/ 'byed par 'gyur ro// phyir mi 'ong ba'i 'bras bu rab tu 'byed par 'gyur ro// dgra bcom pa nyid rab tu 'byed par 'gyur ro// rang sangs rgyas nyid rab tu 'byed par 'gyur ro// yang dag par rdzogs pa'i sangs rgyas nyid rab tu 'byed par 'gyur ro zhes spro ba 'phel bar byed par 'gyur ro// kau shi ka gzhan yang 'dzam bu'i gling

  218. 110a

    gi sems can ji snyed yod pa de dag thams cad rigs kyi bu 'am rigs kyi bu mo gang la la zhig gis rang sangs rgyas nyid la bkod na/ shi ka de ci snyam du sems/ ci rigs kyi bu 'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na glegs bam du yang chud par byas nas/ mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la/ lhag pa'i bsam pas byin nam/ chung ngu na bri ba dang klag pa la yang snyom las med par sgrub pa dang / brtson pas de la 'dzin du 'jug pa dang yang dag par ston pa dang yang dag par 'god pa dang yang dag par gzengs stong pa dang / yang dag par rab tu dga' bar byed pa dang tshig gis mtshon pa dang rnam par mtshon pa dang rjes su mtshon pa dang de la 'di'i don yang dag par ston pa dang / de la 'di skad

  219. 110b

    du rigs kyi bu khyod tshur sheg/ byang chub sems dpa'i lam 'di la slobs shig/ khyod kyis lam 'di la bslabs shing spyad de 'bad na myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam par sbyong ba dang the tshom med par byed pa dang / tshig 'di skad du rigs kyi bu khyod 'di lta ste shes rab kyi pha rol tu phyin pa dang ldan pa'i chos de dag nyid thob par gyis shig ces zer na/ de bas 'di nyid ches bsod nams mang du skyed do// de ci'i phyir zhe na/ kau shi ka 'di las rang sangs rgyas nyid rab tu 'byed do// de la 'di ltar rigs kyi bu khyod ci lta ci ltar shes rab kyi pha rol tu phyin pa la slob par gyur pa de lta de ltar mthar gyis khyod sangs rgyas kyi chos rnams thob par 'gyur ro// bla na med pa yang dag par rdzogs pa'i byang chub dang nye bar 'gyur ro// khyod bslabs pa 'di la slob cing sprad de 'bad na rgyun tu zhugs pa'i 'bras bu/ rab tu 'byed par 'gyur ro// lan cig phyir 'ong ba'i 'bras bu rab tu 'byed par 'gyur ro// phyir mi 'ong ba'i 'bras bu rab tu 'byed par 'gyur ro// dgra bcom pa

  220. 111a

    nyid rab tu 'byed par 'gyur ro// rang sangs rgyas nyid rab tu 'byed par 'gyur ro// yang dag par rdzogs pa'i sangs rgyas nyid rab tu 'byed par 'gyur ro zhes spro ba 'phel bar byed par 'gyur ro// kau shi ka yang 'dzam bu'i gling gi sems can thams cad cad rang sangs rgyas nyid la bkod pa'i bsod nams mngon par 'du byed pa lta zhog/ kau shi ka gling chen po bzhi pa'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis rang sangs rgyas nyid la bkod pa dang / kau shi ka yang gling chen po bzhi pa'i 'jig rten gyi khams kyi sems can thams cad rang sangs rgyas nyid la bkod pa'i bsod nams mngon par 'du byed pa lta zhog/ kau shi ka stong spri phud kyi 'jig rten gyi khams na sems can ji snyed yod pa de dag thams cad kyang rigs kyi bu'am rigs kyi bu mo gang la la zhig gis rang sangs rgyas nyid la bkod pa dang / kau shi ka yang stong spyi phud kyi 'jig rten gyi khams kyi sems can thams cad rang sangs rgyas nyid la bkod pa'i bsod nams mngon par 'du byed pa lta zhog/ kau shi ka stong gnyis pa ba ro mi'i 'jig rten gyi khams na sems can ji snyed pa de dag thams cad kyang rigs kyi bu 'am rigs kyi bu mo gang la la zhig gis rang sangs rgyas nyid la bkod pa dang / kau shi ka yang stong gnyis pa bar ma'i 'jig rten gyi

  221. 111b

    khams kyi sems can thams cad rang sangs rgyas nyid la bkod pa'i bsod nams mngon par 'du byed pa lta zhog/ kau shi ka stong gsum gyi stong chen po'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis rang sangs rgyas nyid la bkod pa dang / kau shi ka yang stong gsum gyi stong chen po'i 'jig rten gyi khams kyi sems can thams cad rang sangs rgyas nyid la bkod pa'i bsod nams mngon par 'du byed pa lta zhog/ kau shi ka stong gsum gyi stong chen po'i 'jig rten gyi khams gang gA'i klung gi bye ma snyed na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis rang sangs rgyas nyid la bkod na/ kau shi ka de ji snyam du sems ci rigs kyi bu 'am rigs kyi bu mo de de'i gzhi las bsod nams mang du skyed dam/ brgya byin gyis/ gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka de bas kyang rigs kyi bu 'am rigs/ kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na glegs bam du yang chud par byas nas/ mngon par dad pas mngo par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag pa'i bsam pa phun sum

  222. 112a

    tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la// lhag pa'i bsam pas byin nam/ chung ngu na bri ba dang klag pa la yang snyom las med par sgrub pa dang / brtson pas de la 'dzin du 'jug pa dang / yang dag par ston pa dang yang dag par 'god pa dang yang dag par gzengs bstod pa dang / yang dag par rab tu dga' bar byed pa dang / tshig gis mtshon pa dang rnam par mtsho pa dang rjes su mtshon pa dang de la 'di'i don yang dag par ston pa dang / de la 'di skad du rigs kyi bu khyod tshur sheg/ byang chub sems dpa'i lam 'di la slobs shig/ khyod kyis lam 'di la bslabs shing sprad de 'bad na myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam par sbyong ba dang the tshom med par byed pa dang / tshig 'di skad du rigs kyi bu khyod 'di lta ste shes rab kyi pha rol tu phyin pa dang ldan pa'i chos de dag nyid thob par gyis shig ces zer na de bas 'di nyid bsod nams ches mang du skyed do// de ci'i phyir zhe na/

  223. 112b

    kau shi ka 'di las rang sangs rgyas nyid rab tu 'byed do// de la 'di ltar rigs kyi bu khyod ji ltar ji ltar shes rab kyi pha rol tu phyin pa la slob par 'gyur ba de lta de ltar mthar gyis khyod sangs rgyas kyi chos rnams thob par 'gyur ro// bla na med pa yang dag par rdzogs pa'i byang chub dang nye bar 'gyur ro// khyod bslab pa 'di la slob cing spyad de 'bad na rgyun tu zhugs pa'i 'bras bu rab tu 'byed par 'gyur ro// lan cig phyir 'ong ba'i 'bras bu rab tu 'byed par 'gyur ro// phyir mi 'ong ba'i 'bras bu rab tu 'byed par 'gyur ro// dgra bcom pa nyid rab tu 'byed par 'gyur ro// rang sangs rgyas nyid rab tu 'byed par 'gyur ro// yang dag par rdzogs pa'i sangs rgyas nyid rab tu 'byed par 'gyur ro zhes spro ba 'phel bar byed par 'gyur ro// kau shi ka gzhan yang 'dzam bu'i gling gi sems can ji snyed yod pa de dag thams cad rig kyi bu 'am rigs kyi bu mo gang la la zhig gis bla na med pa yang dag par rdzogs pa'i byang chub tu sems bskyed du bcug pa dang / kau shi ka rigs kyi bu 'am rigs kyi bu mo gzhan gang zhig gis de dag thams cad bla na med pa yang dag par rdzogs pa'i byang chub tu sems bskyed du bcug nas de dag la shes rab kyi pha rol tu phyin pa 'di bris te byin pa dang / kau shi ka rigs kyi bu 'am rigs kyi bu mo gang la la zhig gis 'di ni shes rab kyi pha rol tu phyin pa 'di la slob par 'gyur zhing rnal 'byor du

  224. 113a

    par 'gyur te 'di nyid kyis shes rab kyi pha rol tu phyin pa 'di sgom pa dang 'phel ba dang rgyas pa dang yangs par gyur pa sangs rgyas kyi chos rnams yongs su rdzogs par 'gyur ro snyam pas phyir mi ldog pa'i byang chub sems dpa' sems dpa' chen po la shes rab kyi pha rol tu phyin pa 'di nye bar gtad na rigs kyi bu 'am rigs kyi bu mo snga ma de bas 'di ches bsod nams mang du skyed do// de ci'i phyir zhe na/ 'di ni nges pa kho nar bla na med pa yang dag par rdzogs pa'i byang chub mngon par rdzogs par sangs rgyas nas sems can rnams kyi sdug bsngal mthar 'byin par 'gyur ro// kau shi ka yang 'dzam bu'i gling gi sems can thams cad bla na med pa yang dag par rdzogs pa'i byang chub tu sems bskyed pa'i bsod nams mngon par 'du byed pa lta zhog/ kau shi ka gling chen po bzhi pa'i 'jig rten gyi khams na sems can snyed yod pa de dag thams cad rigs kyi bu 'am rigs kyi bu mo gang la la zhig gis bla na med pa yang dag par rdzogs pa'i byang chub tu sems bskyed pa dang / kau shi ka yang gling chen po bzhi pa'i 'jig rten gyi khams kyi sems can thams cad bla na med pa yang dag par rdzogs pa'i byang chub tu sems bskyed pa'i bsod nams mngon par 'du byed pa lta zhog/ kau shi ka stong spyi phud kyi 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la

  225. 113b

    zhig gis bla na med pa yang dag par rdzogs pa'i byang chub tu sems bskyed pa dang / kau shi ka yang stong spyi phud kyi 'jig rten gyi khams kyi sems can thams cad bla na med pa yang dag par yang dag par rdzogs pa'i byang chub tu sems bskyed pa'i bsod nams mngon por 'du byed pa lta zhog/ kau shi ka stong gnyis pa bar ma'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis bla na med pa yang dag par rdzogs pa'i byang chub tu sems bskyed pa dang / kau shi ka yang stong gnyis pa bar ma'i 'jig rten gyi khams kyi sems can thams cad bla na med pa yang dag par rdzogs pa'i byang chub tu sems bskyed pa'i bsod nams mngon par 'du byed pa lta zhog/ kau shi ka stong gsum gyi stong chen po'i 'jig rten gyi khams na sems can ji snyed yod pa de dag thams cad kyang rigs kyi bu 'am rigs kyi bu mo gang la la zhig gis bla na med pa yang dag par rdzogs pa'i byang chub tu sems bskyed pa dang / kau shi ka yang stong gsum gyi stong chen po'i 'jig rten gyi khams kyi sems can thams cad bla na med pa yang dag par rdzogs pa'i byang chub tu sems bskyed pa'i bsod nams mngon par 'du byed pa lta zhog/ kau shi ka stong gsum gyi stong chen po'i 'jig rten gyi khams gang ga'i klung gi bye ma snyed na sems can ji snyed yod pa de dag thams ca

  226. 114a

    kyang rigs kyi bu 'am rigs kyi bu mo gang la la zhig gis bla na med pa yang dag par rdzogs pa'i byang chub tu sems bskyed du bcug pa dang / kau shi ka rigs kyi bu 'am rigs kyi bu mo gzhan gang la la zhig gis de dag thams cad bla na med pa yang dag par rdzogs pa'i byang chub tu sems bskyed du bcug nas de dag la shes rab kyi pha rol tu phyin pa 'di bris te byin pa dang / kau shi ka rigs kyi bu 'am rigs kyi bu mo gang la la zhig gis 'di ni shes rab kyi pha rol tu phyin pa 'di la slob par 'gyur zhing rnal 'byor du byed par 'gyur te/ de ltar na 'di'i shes rab kyi pha rol tu phyin pa 'di lhag par sgom pa dang 'phel bar nga rgyas pa dang yangs par gyur pas yongs su rdzogs par 'gyur ro snyam pas/ phyir mi ldog pa'i byang chub sems dpa' sems dpa' chen po la shes rab kyi pha rol tu phyin pa 'di nye bar gtad na kau shi ka rigs kyi bu 'am rigs kyi bu mo snga ma de bas 'di ches bsod nams mang du skyed par 'gyur ro// de ci'i phyir zhe na/ 'di ni nges par bla na med pa yang dag par rdzogs pa'i byang chub mngon par rdzogs par sangs rgyas nas sems can rnams kyi sdug bsngal mthar 'byin par 'gyur ro// kau shi ka gzhan yang 'dzam bu'i gling gi sems can ji snyed yod pa de dag thams cad bla na med pa yang dag par rdzogs pa'i byang chub las phyir mi ldog par gyur la/ de dag

  227. 114b

    nyid la rigs kyi bu 'am rigs kyi bu mo gang la la zhig gis shes rab kyi pha rol tu phyin pa 'di glegs bam du bar byas nas byin zhing nye bar gtad de/ don dang bcas shing yi ge dang bcas pa nye bar ston na/ kau shi ka de ci snyam du sems/ ci rigs kyi bu 'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das bsod nams kyi phung po de grangs su bgyi bar sra ba ma lags te/ bcom ldan 'das bsod nams kyi phung po de bgrang bar yang dper yang dpes bstan par bgyi bar yang rten du yang rgyur yang bgyi bar sla ba ma lags so// bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang gis phyir mi ldog pa'i byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa de dag la/ shes rab kyi pha rol tu phyin pa 'di glegs bam du bri ba byas nas byin zhing nye bar gtad de don dang bcas pa nye bar ston pa dang shes rab kyi pha rol tu phyin pa 'di la 'doms shing rjes su ston pa'o// kau shi ka yang 'dzam bu'i gling gi sems can thams cad phyir mi ldog par gyur pa la shes rab kyi pha rol tu

  228. 115a

    @phyin pa 'di nye bar gtad pa'i bsod nams mngon par 'du byed pa lta zhog/ kau shi ka gling chen po bzhi pa'i 'jig rten gyi khams na sems can ji snyed yod pa de dag thams cad kyang bla na med pa yang dag par rdzogs pa'i byang chub las phyir mi ldog par gyur la de dag la yang rigs kyi bu 'am rigs kyi bu mo// gang la la zhig gis shes rab kyi pha rol tu phyin pa 'di glegs bam la bri ba byas nas byin zhing nye bar gtad la don dang bcas shing yi ge dang bcas pa nye bar ston pa dang / kau shi ka yang gling chen po bzhi pa'i 'jig rten gyi khams kyi sems can thams cad phyir mi ldog par gyur pa la shes rab kyi pha rol tu phyin pa 'di nye bar gtang pa'i bsod nams mngon par 'du byed pa lta zhog/ kau shi ka stong spyi phud kyi 'jig rten gyi khams na sems can ji snyed yod pa de dag thams cad kyang bla na med pa yang dag par rdzogs pa'i byang chub las phyir mi ldog par gyur la de dag la yang rigs kyi bu 'am rigs kyi bu mo gang la la zhig gis shes rab kyi pha rol tu phyin pa 'di glegs bam la bri ba byas nas byin zhing nye bar gtad de don dang bcas shing yi ge dang bcas pa nye bar ston pa dang / kau shi ka yang stong spyi phud kyi 'jig rten gyi khams kyi sems can thams cad phyir mi ldog par gyur pa la shes rab kyi pha rol tu phyin pa 'di nye bar gtad pa'i bsod nams mngon par 'du byed pa lto zhog/ kau shi ka stong gnyis pa bar ma'i 'jig rten

  229. 115b

    gyi khams na sems can ji snyed yod pa de dag thams cad kyang bla na med pa yang dag par rdzogs pa'i byang chub las phyir mi ldog par gyur la de dag la yang rigs kyi bu 'am/ rigs kyi bu mo gang la la zhig gis shes rab kyi pha rol tu phyin pa 'di glegs bam la bri ba byas nas byin zhing nye bar gtad de don dang bcas shing yi ge dang bcas pa nye bar ston pa dang / kau shi ka yang stong gnyis pa bar ma'i 'jig rten gyi khams kyi sems can thams cad phyir mi ldog par gyur pa la shes rab kyi pha rol tu phyin pa 'di nye bar gtad pa'i bsod nams mngon par 'du byed pa lta zhog/ kau shi ka stong gsum gyi stong chen po'i 'jig rten gyi khams na sems can ji snyed yod pa de dag thams cad kyang bla na med pa yang dag par rdzogs pa'i byang chub las phyir mi ldog par gyur la de dag la yang rigs kyi bu 'am rigs kyi bu mo gang la la zhig gis shes rab kyi pha rol tu phyin/ pa 'di glegs bam la bri ba byas nas byin zhing nye bar gtad de don dang bcas shing yi ge dang bcas pa nye bar ston pa dang / kau shi ka yang stong gsum gyi stong chen po'i 'jig rten gyi khams kyi sems can thams cad phyir mi ldog par 'gyur ba la shes rab kyi pha rol tu phyin pa 'di nye bar gtad pa'i bsod nams mngon par 'du byed pa lta zhog/ kau shi ka stong gsum gyi stong chen po'i 'jig rten gyi khams gang ga'i klung gi bye ma snyed na sems can ji snyed yod pa de dag thams cad kyang bla na med pa yang dag par rdzogs

  230. 116a

    @pa'i byang chub las phyir mi ldog par gyur la de dag la rigs kyi bu 'am rigs kyi bu mo gang la la zhig gis shes rab kyi pha rol tu phyin pa 'di glegs bam la bri ba byas nas byin zhing nye bar gtad de don dang bcas shing yi ge dang bcas pa nye bar ston na/ kau shi ka de ji snyam du sems ci rigs kyi bu 'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo // bcom ldan 'das bsod nams kyi phung po de grangs su bgyi bar sla ba ma lags te/ bcom ldan 'das bsod nams kyi phung po de bgrang bar yang dper yang dpes bstan par bgyi bar yang rten du yang rgyur yang bgyi bar sla ba ma lags so// bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang gis phyir mi ldog pa'i byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa de dag la shes rab kyi pha rol tu phyin pa 'di glegs bam du bri ba byas nas byin zhing nye bar gtad de don dang bcas shing yi ge dang bcas pa nye bar ston cing shes rab kyi pha rol tu phyin pa 'di 'doms shing rjes su ston pa dang / kau shi ka de nas byang chub sems dpa' sems dpa' chen po gzhan zhig byung ste de 'di skad du bdag ni 'di dag pas ches myur du bla na med

  231. 116b

    pa yang dag par rdzogs pa'i byang chub mngon par rdzogs par 'tshang rgya bar bya'o zhes zer ne/ kau shi ka rigs kyi bu 'am rigs kyi bu mo gang zhig gis mngon par shes par/ shin tu myu ra du'i byang chub sems dpa' sems dpa' chen po de la shes rab kyi pha rol tu phyin pa 'di 'doms shing rjes su ston na rigs kyi bu 'am rigs kyi bu mo snga ma de bas 'di nyid ches bsod nams mang du skyed do// de nas bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das byang chub sems dpa' sems dpa' chen po ci lta ci ltar bla na med pa yang dag rdzogs pa'i byang chub tu nye bar gyur pa de lta de ltar shes rab kyi pha rol tu phyin pa la gdams par bgyi shing rjes su bstan par bgyi ba lags so// de lta de ltar shes rab kyi pha rol tu phyin pa la gdams par bgyi ba dang rjes su bstan par bgyi ba lags pas de bzhin nyid la nye bar 'gyur ro// de bzhin nyid la nye bar gyur na gang dag gi gos dang bsod snyoms dang mal cha dang bro tshal ba'i gsos sman dang yo byad rnams yongs su spyad pa de dag gi bya ba byas pa de dag 'bras bu chen po dang phan yon chen por bgyid pa des na de bsod nams ches mang du skyed do// de ci'i slad du she na/ bcom ldan 'das de ltar byang chub sems dpa' sems dpa' chen po de bla na med pa yang dag par rdzogs pa'i byang chub dang nye bar 'gyur ba 'di ni de lta bu nyid lags

  232. 117a

    pa'i srad du'o// de nas tshe dang ldan pa rab 'byor gyis lha rnams kyi dbang po brgya byin la 'di skad ces smras so// kau shi ka gang khyod byang chub sems dnga'i theg pa pa'i gang zag rnams la spro ba sbyin pa dang yongs su 'dzin pa dang rjes su sten par byed pa ni legs so legs so// kau shi ka khyod kyi bya ba ni 'di yin te/ 'phags pa nyan thos gang zhig sems can thams cad rjes su 'dzin par byed 'dod pa des ni byang chub sems dpa' sems dpa' chen po rnams bla na med pa yang dag par rdzogs pa'i byang chub la spro ba 'phel bar byed pa dang yongs su 'dzin par byed pa dang rjes su sten par byed pa de ltar 'di bya ba yin no// de ci'i phyir zhe na/ byang chub sems dpa' sems dpa' chen po rnams kyi bla na med pa yang dag par rdzogs pa'i byang chub ni 'di las skyes te/ gal te byang chub sems dpa' sems dpa' chen po rnams kyis byang chub kyi sems 'di ma bskyed du zin na byang chub sems dpa' sems dpa' chen po de rnams bla na med pa yang dag par rdzogs pa'i byang chub la slob par yang mi 'gyur zhing pha rol tu phyin pa drug la slob par yang mi 'gyur la ma bslabs na ni bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ba zhig na/ gang gi phyir de ltar byang chub sems dpa' sems dpa' chen po byang chub sems dpa'i bslab pa pha rol tu phyin pa drug po 'di dag la slob ste de'i phyir byang chub tu

  233. 117b

    sems bskyed do// de'i phyir bla na med pa yang dag par rdzogs pa'i byang chub mngon par rdzogs par 'tshang rgya'o// 'phags pa shes rab kyi pha rol tu phyin pa brgyad stong pa las/ bsod nams kyi rnam grangs kyi le'u zhes bya ste lnga pa'o// / de nas byang chub sems dpa' sems dpa' chen po byams pas gnas brtan tshe dang ldan pa rab 'byor la 'di skad ces smras so// 'phags pa rab 'byor gzhan yang byang chub sems dpa' sems dpa' chen po'i rjes su yi rang ba yongs su bsngo ba dang ldan pa'i bsod nams bya ba'i dngos po gang yin pa dang / gang yang sems can thams cad kyi sbyin pa las byung ba'i bsod nams bya ba'i dngos po dang tshul khrims las byung ba'i bsod nams bya ba'i dngos po dang bsgoms pa las byung ba'i bsod nams bya ba'i dngos po gang yin pa de dag la/ byang chub sems dpa' sems dpa' chen po'i rjes su yi rang ba yongs su bsngo ba dang ldan pa'i bsod nams bya ba'i dngos po 'di nyid mchog ces bya'o dam pa zhes bya'o// gtso bo zhes bya'o rab ces bya'o// mchog rab ces bya'o gya nom pa zhes bya'o bla ma zhes bya'o bla na med pa zhes bya'o// gong na med pa zhes bya'o mnyam pa med pa zhes bya'o// mi mnyam pa dang mnyam pa zhes bya'o// de skad ces smras pa dang / gnas brtan tshe dang ldan pa rab 'byor gyis byang chub sems dpa' sems dpa' chen po byams pa la 'di skad ces smras so//

  234. 118a

    byams pa yang byang chub sems dpa' sems dpa' chen po gang gis thams cad nas thams cad du song ba'i phyogs bcu'i 'jig rten na/ stong gsuM gyi stong chen po'i 'jig rten gyi khams gzhal du med pa'i gzhal du med pa/ grangs med pa'i grangs med pa tshad med pa'i tshad med pa/ bsam gyis mi khyab pa'i bsam gyis mi khyab pa/ mtha' yas mu med pa yod pa rnams kyi phyogs re re'i stong gsum gyi stong chen po'i 'jig rten gyi khams re rer/ 'das pa'i dus na gzhal du med pa'i gzhal du med pa/ grangs med pa'i grangs med pa/ tshad med pa'i tshad med pa/ bsam gyis mi khyab pa'i bsam gyis mi khyab pa/ mthas yas mu med pa'i de bzhin gshegs pa dgra bcom pa yang dag par rdzogs pa'i sangs rgyas/ lam chad pa 'jug pa/ chad pa/ spros pa dang srid par 'dren pa chad pa mchi ma zad pa tsher ma bcom pa khur shin tu bor ba bdag gi don rjes su thob pa srid par sbyor ba yongs su zad pa/ yang dag par kun shes pas sems shin tu rnam par grol ba sems thams cad kyi dbang dam pa'i pha rol gson pa/ phung po lhag ma med pa'i mya ngan las 'das pa'i dbyings su yongs su mya ngan las 'das pa de dag gi sems dang po bskyed pa nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas pa'i bar dang / phung po lhag ma med pa'i mya ngan las 'das pa'i dbyings su mya ngan las 'das

  235. 118b

    pa'i bar dang / dam pa'i chos nub par ma gyur pa'i bar de/ de dag gi bar gyi sangs rgyas bcom ldan 'das de rnams kyi tshul khrims kyi phung po dang ting nge 'dzin gyi phung po dang shes rab kyi phung po dang rnam par grol ba'i phung po dang rnam par grol ba'i ye shes gzigs pa'i phung po dang pha rol tu phyin pa drug dang ldan pa'i dge ba'i rtsa ba gang dag yin pa dag dang / sangs rgyas kyi yon tan phun sum tshogs pa dang ldan pa'i dge ba'i rtsa ba rnams dang stobs dang mi 'jigs pa'i pha rol tu phyin pa dang ldan pa'i dge ba'i rtsa ba dang / de bzhin du mngon par shes pa'i pha rol tu phyin pa dang ldan pa dang yongs su shes pa'i pha rol tu phyin pa dang ldan pa dang / smon lam gyi pha rol tu phyin pa dang ldan pa dang thams cad mkhyen pa'i ye shes phun sum tshogs pa dang ldan pa'i dge ba'i rtsa ba gang yin pa rnams dang / phan par gzhed pa gang yin pa dang / byams pa chen po gang yin pa dang / snying rje chen po gang yin pa dang / sangs rgyas kyi yon tan gzhal du med pa grangs med pa gang yin pa dang / bla na med pa yang dag par rdzogs pa'i byang chub gang yin pa dang / bla na med pa yang dag par rdzogs pa'i byang chub kyi bde ba gang yin pa dang / chos thams cad la dbang phyug gi pha rol tu phyin pa gang yin pa dang / zil gyis mnan pa dpag tu med pa dang thams cad zil gyis non pa'i rdzu 'phrul mngon par 'du byed pa'i mchog gang yin pa dang / sgrib pa med par chags pa med pa thogs pa med

  236. 119a

    pa mnyam pa med pa mi mnyam pa dang mnyam pa dpe med pa dpag tu med pa de bzhin gshegs pa'i yang dag pa ci lta ba'i ye shes kyi stobs gang yin pa dang / stobs kyi nang na sangs rgyas kyi ye shes kyi stobs gang yin pa dang / sangs rgyas kyi ye shes dang gzigs pa gang yin pa dang / stobs bcu'i pha rol tu phyin pa gang yin pa dang / mi 'jigs pa bzhi mchog tu yongs su rdzogs par khong du chud pa gang yin pa dang / chos thams cad don dam par mngon par sgrub pas chos khong du chud pa gang yin pa dang / chos kyi 'khor lo rab tu bskor ba gang yin pa dang / chos kyi sgron ma thogs pa dang chos kyi rnga rdung ba dang chos kyi dung 'bud pa dang chos kyi dung sgrogs pa dang / chos kyi ral gri 'debs pa dang chos kyi char 'bebs pa dang chos kyi mchod sbyin sbyin pa dang / chos kyi sbyin pas sems can thams cad yang dag par tshim par mdzad cing yang dag par stobs pa dang / gang yang chos bstan pa de dag dang sangs rgyas kyi chos rnams sam rang sangs rgyas kyi chos rnams sam/ nyan thos kyi chos rnams la/ gang dag brtul ba dang bsrabs pa dang mos par gyur pa dang nges par gyur pa dang rdzogs pa'i byang chub la gzhol bar gyur pa gang dag yin pa de dag thams cad kyi dge ba'i rtsa ba gang yin pa rnams dang / sangs rgyas bcom ldan 'das de dag gis byang chub sems dpa' sems dpa' chen po gang dag bla na med pa yang dag par rdzogs pa'i byang chub tu lung

  237. 119b

    bstan pa de dag gi pha rol tu phyin pa drug dang ldan pa'i dge ba'i rtsa ba gang yin pa rnams dang / gang zag rang sangs rgyas kyi theg pa can gang dag rang sangs rgyas kyi byang chub la lung bstan pa de dag thams cad kyi dge ba'i rtsa ba gang yin pa rnams dang / gang zag nyan thos kyi theg pa can rnams kyi sbyin pa las byung ba'i bsod nams bya ba'i dngos po dang tshul khrims las byung ba'i bsod nams bya ba'i dngos po dang bsgoms pa las byung ba'i bsod nams bya ba'i dngos po gang yin pa dang / slob pa'i zag ba med pa'i dge ba'i rtsa ba gang yin pa rnams dang / mi slob pa'i zag pa med pa'i dge ba'i rtsa ba gang yin pa rnams dang / so so'i skye bo gang dag gi chos de dag la dge ba'i rtsa ba bskrun pa rnams dang / sangs rgyas bcom ldan 'das de dag gi 'khor bzhi po dge slong rnams dang dge slong ma rnams dang / dge bsnyen rnams dang dge bsnyen ma rnams kyi sbyin pa las byung ba'i bsod nams bya ba'i dngos po dang tshul khrims las byung ba'i bsod nams bya ba'i dngos po dang / bsgoms pa las byung ba'i bsod nams bya ba'i dngos po gang yin pa rnams dang / der sangs rgyas bcom ldan 'das ches ston pa de dag la lha dang klu dang gnod sbyin dang dri za dang lha ma yin dang na mkha' lding dang mi 'am ci dang lto 'phye chen po dang mi dang mi ma yin pa gang dag dang byol song gi ske gnas su song ba'i sems can gang de dag thams cad kyis dge ba'i rtsa ba

  238. 120a

    bskrun pa gang yin pa rnams dang / sangs rgyas bcom ldan 'das de dag yongs su mya ngan las 'dal ba la yang gang gis dge ba'i rtsa ba bskrun pa gang dag yin pa dang / sangs rgyas bcom ldan 'das de dag yongs su mya ngan las 'das pa la yang gang gis dge ba'i rtsa ba bskrun pa gang yin pa dang / sangs rgyas bcom ldan 'das la brten pa dang / chos la brten pa dang dge 'dun rnams la brten pa dang yid kyis bsgom par bya ba'i gang zag dag la brten nas dge ba'i rtsa ba bskrun pa gang yin pa'i dge ba'i rtsa ba de dag thams cad ma lus shing lus pa med par gcig tu mngon par bsdus te/ bsdoms shing gzhal nas rjes su yi rang ba'i mchog gis rjes su yi rang ste/ dam pa dang gtso bo dang rab dang rab mchog dang gya nom pa dang bla mdang bla na med pa dang gong na med pa dang mnyam pa med pa dang mi mnyam pa dang mnyam pa'i rjes su yi rang bas rjes su yi rang la/ de ltar rjes su yi rang nas rjes su yi rang ba dang ldan pa'i bsod nams bya ba'i dngos po de bla na med pa yang dag par rdzogs pa'i byang chub tu yongs su bsngo'o zhes bla na med pa yang dag par rdzogs pa'i byang chub bsgrub par gyur cig snyam pas ngag tu brjod par bya ba yin te/ de la gang zag byang chub sems dpa'i theg pa can dag dngos po gang dag dang dmigs pa gang dag dang rnam pa gang dag gis yongs su bsngo zhing sems de bskyed pa na cis dngos po de dag dang

  239. 120b

    dmigs pa de dag dang rnam pa de dag ci ltar mtshan mar byas pa de bzhin du dmigs sam/ de skad ces smras pa dang / byang chub sems dpa' sems dpa' chen po byam pas gnas brtan tshe dang ldan pa rab 'byor la 'di skad ces smras so// btsun pa rab 'byor dngos po de dag dang dmigs pa de dag dang rnam pa de dag ci ltar mtshan mar byas pa de bzhin du mi dmigs so// de skad ces smras pa dang / gnas brtan tshe dang ldan pa rab 'byor gyis byang chub sems dpa' sems dpa' chen po byams pa la 'di skad ces smras so// gal te de dngos po med par dang dmigs pa med pa la dmigs par byed cing mtshan mar byed na ci ltar 'di 'du shes phyin ci log pa dang sems phyin ci log pa dang lta ba phyin ci log par mi 'gyur/ de ci'i phyir zhe na/ 'di ltar 'dod chags kyang dngos po med bzhin du mi rtag pa dang sdug bsngal ba la bde ba dang bdag med pa la bdag dang mi sdug pa la sdug par rnam par brtags shing kun tu brtags nas/ 'du shes phyin ci log pa dang sems phyin ci log pa dang lta ba phyin ci log par 'byung ngo// gzhan yang dngos po ci lta ba dang dmigs pa ci lta ba dang rnam pa ci lta ba bzhin du byang chub kyang de bzhin sems kyang de bzhin yin na de lta na chos thams cad dang khams thams cad kyang de bzhin no// gal te yang dngos po ci lta ba dang dmigs pa ci lta ba dang rnam pa ci lta ba de bzhin du byang chub kyang de bzhin sems kyang de bzhin

  240. 121a

    yin na/ des na dngos po gang dag dang dmigs pa gang dag dang rnam pa gang dag gis/ sems gang zhig bla na med pa yang dag par rdzogs pa'i byang chub tu yongs su sngo bar byed pa 'am/ rjes su yi rang ba dang ldan pa'i bsod nams bya ba'i dngos gang zhig bla na med pa yang dag par rdzogs pa'i byang chub gang du yongs su sngo bar byed// de nas byang chub sems dpa' sems dpa' chen po byams pas tshe dang ldan pa gnas brtan rab 'byor la 'di skad ces smras so// 'dug pa rab 'byor 'di ni theg pa la gsar du zhugs pa'i byang chub sems dpa' sems dpa' chen po'i mdun du bshad par mi bya bstan par mi bya'o// de ci'i phyir zhe na/ de la gang dad pa tsam dang dga' ba tsam dang mos pa tsam dang gus pa tsam dag yod pa de dag thams cad kyang 'jig par 'gyur ro// 'phags pa rab 'byor phyir mi ldog pa'i byang chub sems dpa' sems dpa' chen po'i mdun du 'di bshad par bya'o nye bar bstan par bya'o// byang chub sems dpa' sems dpa' chen po gang dge ba'i bshes gnyen gyis nye bar bstan par gyur pa de yang 'di la mi 'gong kun tu mi zhum bag mi tsha bag 'khums par mi 'gyur 'di'i yid phyir phyogs par mi byed bcom zhing phyir phyogs par mi 'gyur mi dngang kun tu mi skrag kun tu mi skrag pa dang ldan par mi 'gyur ro// de ltar byang chub sems dpa' sems dpa' chen pos rjes su yi rang bar

  241. 121b

    byas nas rjes su yi rang ba dang ldan pa'i bsod nams bya ba'i dngos po thams cad mkhyen pa nyid du yongs su bsngo bar bya'o// / 'phags pa shes rab kyi pha rol tu phyin pa brgyad stong pa/ bam po bdun pa// // de nas gnas brtan tshe dang ldan pa rab 'byor gyis byang chub sems dpa' sems dpa' chen po byams pa la 'di skad ces smras so// byams pa sems gang gis rjes su yi rang nas gang yongs su sngo bar byed pa'i sems de yang zad cing 'gag par gyur la bral zhing rnam par gyur pa yin te/ des na gang gis bla na med pa yang dag par rdzogs pa'i byang chub tu yongs su sngo bar byed pa'i sems de gang zhig yin/ rjes su yi rang ba dang ldan pa'i bsod nams bya ba'i dngos po gang bla na med pa yang dag par rdzogs pa'i byang chub tu yongs su sngo bar byed pa'i sems de yang gang yin la/ gang gi tshe sems gnyis phrad pa med pa dang sems de rang bzhin gyis yongs su bsngo bar yang mi nus na/ sems kyis sems yongs su bsngo bar nus dang yang ci ltar 'gyur/ de nas lha rnams kyi dbang po brgya byin gyis gnas brtan tshe dang ldan pa rab 'byor la 'di skad ces smras so// 'phags pa rab 'byor theg pa la gsar du zhugs pa'i byang chub sems dpa' sems dpa' chen po de dag gis bstan pa 'di thos nas dngang zhing kun tu skrag la kun tu skrag pa dang ldan par gyur na mi rung ngo // 'phag

  242. 122a

    pa rab 'byor yang ci ltar byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po de bla na med pa yang dag par rdzogs pa'i byang chub tu yongs su bsngo bar bya/ rjes su yi rang ba dang ldan pa'i bsod nams bya ba'i dngos po yongs su 'dzin pa dang rjes su yi rang ba dang ldan pa'i sems yongs su sngo bar byed pas ji ltar rjes su yi rang ba dang ldan pa'i sems de legs par yongs su bzung zhing legs par yongs su bsngos par 'gyur/ de nas gnas brtan tshe dang ldan pa rab 'byor gyis byang chub sems dpa' sems dpa' chen po byams pa la brtsams shing byang chub sems dpa' sems dpa' chen po byams pa gzhir byas te byang chub sems dpa' sems dpa' chen po byams pa la smras pa/ byams pa 'di la byang chub sems dpa' sems dpa' chen po'i phyogs bcu'i 'jig rten na/ stong gsum gyi stong chen po'i 'jig rten gyi khams gzhal du med cing grangs med pa yod pa'i phyogs re re stong gsum gyi stong chen po'i 'jig rten gyi khams re rer yang 'das pa'i sangs rgyas bcom ldan 'das lam chad pa 'jug pa chad pa spros pa dang srid par 'dren pa chang pa mchi ma zad pa cher ma bcom pa khur shin tu bor ba bdag gi don rjes su thob pa srid par sbyor ba yongs su zad pa yang dag par kun shes pas sems shin tu rnam par grol ba sems thams cad kyi dbang dam pa'i pha rol tu

  243. 122b

    son pa gzhal du med cing grangs med pa yongs su mya ngan las 'das par gyur pa'i sangs rgyas bcom ldan 'das de dag gi sems dang po bskyed pa nas bzung ste bla na med pa yang dag par rdzogs pa'i byang chub mngon par rdzogs par sangs rgyas pa'i bar dang / phung po lhag ma med pa'i mya ngan las 'das pa'i dbyings su yongs su mya ngan las 'das pa'i bar dang / dam pa'i chos nub par ma gyur pa'i bar te/ de dag gi bar gyi sangs rgyas bcom ldan 'das de dag gi dge ba'i rtsa ba pha rol tu phyin pa dang ldan pa gang yin pa rnams dang / sangs rgyas bcom ldan 'das de dag gi bsod nams mngon par 'du byed pa dang dge ba'i rtsa ba mngon par 'du byed pa gang yin pa rnams dang / sangs rgyas bcom ldan 'das de dag gi tshul khrims kyi phung po dang ting nge 'dzin gyi phung po dang shes rab kyi phung po dang rnam par grol ba'i phung po dang rnam par grol ba'i ye shes gzigs pa'i phung po gang yin pa rnams dang / phan par bzhed pa gang yin pa dang / byams pa chen po gang yin pa dang / snying rje/ chen po gang yin pa dang / sangs rgyas kyi yon tan gzhal du med cing grangs med pa gang yin pa rnams dang / sangs rgyas bcom ldan 'das de dag gis chos gang bshad pa dang / chos de la gang gis bslabs pa dang lhag par mos pa dang gnas pa de dag gi dge ba'i rtsa ba gang yin pa rnams dang sangs rgyas bcom ldan 'das

  244. 123a

    de dag gis byang chub sems dpa' sems dpa' chen po gang dag bla na med pa yang dag par rdzogs pa'i byang chub tu lung bstan pa de dag gi dge ba'i rtsa ba pha rol tu phyin pa drug dang ldan pa gang yin pa rnams dang / sangs rgyas bcom ldan 'das de dag gis gang zag rang sangs rgyas kyi theg pa can gang dag rang byang chub tu lung bstan pa de dag gi dge ba'i rtsa ba gang yin pa rnams dang / gang zag nyan thos kyi theg pa can dag gi sbyin pa las byung ba'i dge ba'i rtsa ba dang tshul khrims khrims las byung ba'i dge ba'i rtsa ba dang bsgoms pa las byung ba'i dge ba'i rtsa ba dang / slob pa'i zag pa med pa'i dge ba'i rtsa ba gang yin pa rnams dang mi slob pa'i zag pa med pa'i dge ba'i rtsa ba gang yin pa rnams dang / chos de la so so'i skye bo gang dag gis dge ba'i rtsa ba bskrun pa dang / lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi dang mi ma yin pa gang dag gis chos de thos te thos nas kyang dge ba'i rtsa ba bskrun pa dang / byol song gi skye gnas su song ba'i sems can gang dag gis chos de thos te thos nas kyang dge ba'i rtsa ba bskrun pa dang / sems can gang dag gis sangs rgyas bcom ldan 'ang yongs su mya ngan las 'da' ba dang yongs su mya ngan las 'das pa de dag la dge ba'i rtsa ba bskrun pa ste/ de dag thams cad kyi dge ba'i rtsa ba gang dag yin pa de dag

  245. 123b

    thams cad gcig tu bsdus te bsdoms shing gzhal nas ma lus par byas te/ rjes su yi rang bar bya ba ma lus pa la rjes su yi rang nas rjes su yi rang ba dang ldan pa'i bsod nams bya ba'i dngos po de bla na med pa yang dag par rdzogs pa'i byang chub tu yongs su bsngos na yongs su sngo bar byed pa'i byang chub sems dpa' sems dpa' chen po ci ltar 'du shes phyin ci log tu mi 'gyur sems phyin ci log tu mi 'gyur lta ba phyin ci log tu mi 'gyur/ de skad ces smras pa dang byang chub sems dpa' sems dpa' chen po byams pas gnas brtan tshe dang ldan pa rab 'byor la 'di skad ces smras so// 'phags pa rab 'byor gal te byang chub sems dpa' sems dpa' chen pos sems gang gis yongs su bsngo ba'i sems de la sems su 'du shes par ma gyur na de ltar na byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngos pa yin no// ci ltar sems de la sems de 'di yin no zhes yang dag par mi shes pa de ltar byang chub sems dpa' sems dpa' chen po'i 'du shes phyin ci log tu mi 'gyur sems phyin ci log tu mi 'gyur lta ba phyin ci log tu mi 'gyur ro// de ste sems gang gis gang yongs su bsngo ba'i sems de la sems de ni 'di yin no zhes yang dag par shes shing / sems su 'du

  246. 124a

    shes par gyur na de ltar na byang chub sems dpa' sems dpa' chen po'i 'du shes phyin ci log pa dang sems phyin ci log pa dang lta ba phyin ci log par 'gyur ro// gal te yang byang chub sems dpa' sems dpa' chen pos sems gang yongs su bsngo ba'i sems de la 'di ltar yang dag par shes shing 'di ltar sems te/ sems de la sems pa ni 'di ltar zad pa la zad pa'o zhes de ltar yang zad par shes la 'gags pa dang bral ba dang rnam par gyur pa yin no zhes de ltar shes te gang zad pa de yang yongs su bsngo bar mi nus la/ sems gang gis yongs su bsngo ba'i sems de'i chos nyid kyang de yin/ chos gang dag gis yongs su bsngo ba'i chos de dag gi chos nyid kyang de yin/ chos gang dag tu yongs su bsngo ba'i chos de dag gi chos nyid kyang de yin no// zhes gal te de ltar yongs su bsngo na yang dag par yongs su bsngo ba yin gyi log par yongs su bsngo ba ma yin te/ de ltar byang chub sems dpa' sems dpa' chen pos yongs su bsngo bar bya'o// 'phags pa rab 'byor gzhan yang byang chub sems dpa' sems dpa' chen pos 'das pa ci lta ba de bzhin du ma byon pa'i sangs rgyas bcom ldan 'das lam chad pa 'jug pa chad pa spros pa dang srid par 'dren pa chad pa gzhal du med cing grangs med pa de dag gi sems dang po bskyed pa nas bzung ste/ bla na med pa yang dag par rdzogs pa'i byang chub mngon par rdzog

  247. 124b

    par 'tshang rgya bar 'gyur ba'i bar dang / phung po lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ba'i bar dang / dam pa'i chos nub par mi 'gyur ba'i bar de/ de dag gi bar gyi sangs rgyas bcom ldan 'das rnams kyi pha rol tu phyin pa dang ldan pa'i dge ba'i rtsa ba gang yin pa rnams dang / sangs rgyas bcom ldan 'das de dag gi tshul khrims kyi phung po dang ting nge 'dzin gyi phung po dang shes rab kyi phung po dang rnam par grol ba'i phung po dang rnam par grol ba'i ye shes gzigs pa'i phung po gang yin pa rnams dang / phan par bzhed pa gang yin pa dang / byams pa chen po gang yin pa dang / snying rje chen po gang yin pa dang / sangs rgyas kyi yon tan gzhal du med cing grangs med pa gang yin pa rnams dang / sangs rgyas bcom ldan 'das de dag gis chos gang 'chad par 'gyur ba gang yin pa rnams dang chos de la slob par 'gyur ba gang yin pa rnams dang / lhag par mos par 'gyur ba rnams dang gnas par 'gyur ba de dag gi dge ba'i rtsa ba gang yin pa rnam dang / sangs rgyas bcom ldan 'das de dag gis byang chub sems dpa' gang dag bla na med pa yang dag par rdzogs pa'i byang chub tu lung ston par 'gyur ba de dag gi pha rol tu phyin pa drug dang ldan pa'i dge ba'i rtsa ba gang yin pa rnams dang / sangs rgyas bcom ldan 'das de dag gis gang zag rang sangs rgyas kyi theg pa can dag rang sangs

  248. 125a

    rgyas kyi byang chub la lung ston par 'gyur ba de dag gi dge ba'i rtsa ba gang yin pa rnams dang / gang zag nyan thos kyi theg pa can rnams kyi sbyin pa las byung ba'i bsod nams bya ba'i dngos po dang / tshul khrims las byung ba'i bsod nams bya ba'i dngos po dang bsgoms pa las byung ba'i bsod nams bya ba'i dngos po gang yin pa rnams dang / slob pa'i zag pa med pa'i dge ba'i rtsa ba gang yin pa rnams dang mi slob pa'i zag pa med pa'i dge ba'i rtsa ba gang yin pa rnams dang / chos de la so so'i skye bo gang dag gis dge ba'i rtsa ba bskrun par 'gyur ba dang / gang yang lha dang klu dang gnod sbyin dang dri za dang lha ma yin dang na mkha' lding dang mi 'am ci dang lto 'phye chen po dang mi dang mi ma yin pa gang dag gis chos de thos par 'gyur ba dang thos nas kyang dge ba'i rtsa ba bskrun par 'gyur ba dang // gang yang byol song gi skye gnas su song ba'i sems can gang dag gis kyang chos de thos par 'gyur ba dang thos nas kyang dge ba'i rtsa ba dag bskrun par 'gyur ba dang / sems can gang dag gis sangs rgyas bcom ldan 'das yongs su mya ngan las 'da' ba dang / yongs su mya ngan las 'das pa de dag la dge ba'i rtsa ba bskrun par 'gyur ba de dag thams cad kyi dge ba'i rtsa ba gang dag yin pa de dag thams cad gcig tu bsdus te bsdoms shing gzhal nas ma lus par byas te/

  249. 125b

    rjes su yi rang bar bya ba ma lus pa la rjes su yi rang nas rjes su yi rang ba dang ldan pa'i bsod nams bya ba'i dngos po de bla na med pa yang dag par rdzogs pa'i byang / tu yongs su sngo bar byed pa'i byang chub sems dpa' sems dpa' chen po ci ltar 'du shes phyin ci log tu mi 'gyur/ sems phyin ci log tu mi 'gyur lta ba phyin ci log tu mi 'gyur zhe na/ gal te byang chub sems dpa' sems dpa' chen po de sems gang gis gang yongs su bsngo ba'i sems de la sems su 'du shes par mi 'gyur na de ltar na byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngos pa yin no// ci ltar sems de la sems de 'di yin no zhes yang dag par mi shes pa de ltar byang chub sems dpa' sems dpa' chen po 'du shes phyin ci log par mi 'gyur sems phyin ci log par mi 'gyur lta ba phyin ci log par mi 'gyur ro// de ste sems gang gis gang yongs su bsngo ba'i sems de la sems de ni 'di yin no zhes yang dag par shes shing sems su 'du shes par gyur na/ de ltar na byang chub sems dpa' sems dpa' chen po'i 'du shes phyin ci log pa dang sems phyin ci log pa dang lta ba phyin ci log par 'gyur ro// gal te byang chub sems dpa' sems dpa' chen po sems gang yongs su bsngo ba'i sems

  250. 126a

    de la 'di ltar shes shing 'di ltar sems te/ sems de la sems pa na de ltar zad pa la zad pa'o zhes de ltar yang dag par shes shing 'gags/ ba dang bral ba dang rnam par gyur pa yin no zhes de ltar shes te gang zad pa de yang yongs su bsngo bar mi nus/ sems gang gis yongs su bsngo ba'i sems de'i chos nyid kyang de yin/ chos gang dag gis yongs su bsngo ba'i chos de dag nyid kyang de yin/ chos gang dag tu yongs su bsngo ba'i chos de dag gi chos nyid kyang de yin no zhes gal te de ltar yongs su bsngo na yang dag par yongs su bsngo ba yin gyi log par yongs su bsngo ba ma yin te de ltar byang chub sems dpa' sems dpa' chen pos yongs su bsngo bar bya'o// 'phags pa rab 'byor gzhan yang byang chub sems dpa' sems dpa' chen pos stong gsum gyi stong chen po'i 'jig rten gyi khams gzhal du med med cing grangs med pa rnams na da ltar byung ba'i sangs rgyas bcom ldan 'das la ma chad pa 'jug pa chad pa spros pa dang srid par 'dren pa chad pa gzhal du med cing grangs med pa bzhugs te 'tsho zhing gzhes pa rnams kyi sems dang po bskyed pa nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas pa'i bar dang / phung po lhag ma med pa'i mya ngan las 'das pa'i dbyings su yongs su mya ngan las 'da' ba'i bar dang / dam pa'i chos nub pa'i

  251. 126b

    bar te/ de dag gi bar gyi sangs rgyas bcom ldan 'das de rnams kyi pha rol tu phyin pa dang ldan pa'i dge ba'i rtsa ba gang yin pa rnams dang / sangs rgyas bcom ldan 'das de dag gi tshul khrims kyi phung po dang ting nge 'dzin gyi phung po dang shes rab kyi phung po dang rnam par grol ba'i phung po dang rnam par grol ba'i ye shes gzigs pa'i phung po gang yin pa rnams dang / phan par bzhed pa gang yin pa dang / byams pa chen po gang yin pa dang / snying rje chen po gang yin pa dang / sangs rgyas kyi yon tan gzhal du med cing grangs med pa gang yin pa rnams dang / sangs rgyas bcom ldan 'das de dag gi chos gang bshad pa dang / chos de la gang gis bslabs pa dang lhag par mos pa dang gnas pa de dag gi dge ba'i rtsa ba gang yin pa rnams dang / sangs rgyas bcom ldan 'das de dag gi byang chub sems dpa' sems dpa' chen po gang dag bla na med pa yang dag par rdzogs pa'i byang chub tu lung ston pa de dag gi pha rol tu phyin pa drug dang ldan pa'i dge ba'i rtsa ba gang yin pa rnams dang sangs rgyas bcom ldan 'das de dag gis gang zag rang sangs rgyas kyi theg can dag rang sangs rgyas kyi byang chub la lung ston pa de dag gi dge ba'i rtsa ba gang yin pa rnams dang gang zag nyan thos kyi theg pa can rnams kyi sbyin pa las byung ba'i bsod nams bya ba'i dngos po dang / tshul khrims las byang ba'i dngos po/

  252. 127a

    dang bsgoms pa las byung ba'i bsod nams bya ba'i dngos po gang yin pa rnams dang / slob pa'i zag pa med pa'i dge ba'i rtsa ba gang yin pa rnams/ dang / mi slob pa'i zag pa med pa'i dge ba'i rtsa ba gang yin pa rnams dang / chos de la so so'i skye bo gang dag gis dge ba'i rtsa ba bskrun pa dang / lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi dang mi ma yin pa gang dag gis chos de thos te thos nas kyang dge ba'i rtsa ba bskon pa dang / byol song gi skye gnas su song ba'i sems can gang dag gis chos de thos te thos nas kyang dge ba'i rtsa ba bskrun pa dang / gang dag gis sangs rgyas bcom ldan 'das de dag yongs su mya ngan las 'da' ba dang yongs su mya ngan las 'das pa la dge ba'i rtsa ba bskrun pa gang yin pa de dag thams cad kyi dge ba'i rtsa ba gang yin pa de dag thams cad gcig tu bsdus te bsdoms shing gzhal nas ma lus par byas te rjes su yi rang bar bya ba ma lus pa la rjes su yi rang nas/ rjes su yi rang ba dang ldan pa'i bsod nams bya ba'i dngos po de bla na med pa yang dag par rdzogs pa'i byang chub tu yongs su sngo bar byed pa'i byang chub sems dpa' sems dpa' chen po ci ltar 'du shes phyin ci log tu mi 'gyur sems phyin ci log tu mi 'gyur lta ba phyin ci log tu mi 'gyur zhe na/ gal te byang chub sems dpa' sems dpa'

  253. 127b

    chen po de sems gang gis yongs su bsngo ba'i sems de la sems su 'du shes par mi 'gyur na de ltar byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngos pa yin no// ci ltar sems de la sems de ni 'di yin no zhes yang dag par mi shes pa de ltar byang chub sems dpa' sems dpa' chen po 'du shes phyin ci log par mi 'gyur sems phyin ci log par mi 'gyur lta ba phyin ci log par mi 'gyur ro// de ste sems gang gis yongs su bsngo ba'i sems de la sems de ni 'di yin no zhes yang dag par shes shing sems su 'du shes par gyur na de ltar na byang chub sems dpa' sems dpa' chen po'i 'du shes phyin ci log pa dang sems phyin ci log pa dang lta ba phyin ci log par 'gyur ro// yang gal te byang chub sems dpa' sems dpa' chen po sems gang yongs su bsngo ba'i sems de la 'di ltar shes shing 'di ltar sems te/ sems de la sems pa na de ltar zad pa la zad pa'o zhes de ltar yang dag par shes shing 'gags pa dang bral ba dang rnam par gyur pa yin no zhes de ltar shes te gang zad pa de yang yongs su bsngo bar mi nus/ sems gang gi yongs su bsngo ba'i sems de'i chos nyid kyang de yin/ chos gang dag gis yongs su bsngo ba'i chos de dag gi chos nyid kyang de yin/

  254. 128a

    chos gang dag tu yongs su bsngo ba'i chos de dag gi chos nyid kyang de yin no zhes gal te de ltar yongs su bsngo na yang dag par yongs su bsngo ba yin gyi/ log par yongs su bsngo ba yin te/ de ltar byang chub sems dpa' sems dpa' chen pos yongs su bsngo bar bya'o// 'phags pa rab 'byor gzhan yang byang chub sems dpa' sems dpa' chen pos 'das pa dang ma byon pa dang da ltar gyi sangs rgyas bcom ldan 'das lam chad pa 'jug pa chad pa spros pa dang srid par 'dren pa chad pa gzhal du med cing grangs med pa dag gi sems dang po bskyed pa nas bzung ste/ bla na med pa yang dag par rdzogs pa'i byang chub mngon par rdzogs pa'i sangs rgyas pa dang / mngon par rdzogs par 'tshang rgya bar 'gyur ba dang mngon par rdzogs par 'tshang rgya ba'i bar dang / phung po lhag ma med pa'i mya ngan las 'das pa'i dbyings su yongs su mya ngan las 'das pa dang yongs su mya ngan las 'da' bar 'gyur ba dang yongs su mya ngan las 'da' ba'i bar dang dam pa'i chos ma nub pa dang nub par mi 'gyur ba dang nub par ma gyur pa'i bar te/ de dag gi bar gyi sangs rgyas bcom ldan 'das de rnams kyi pha rol tu phyin pa dang ldan pa'i dge ba'i rtsa ba gang yin pa rnams dang / sangs rgyas bcom ldan 'das de dag gi tshul khrims kyi phung po dang ting nge 'dzin gyi phung po dang shes rab kyi phung po dang / rnam

  255. 128b

    par grol ba'i phung po dang rnam par grol ba'i ye shes gzigs pa'i phung po gang yin pa rnams dang / phan par bzhed pa gang yin pa dang byams pa chen po gang yin pa dang / snying rje chen po gang yin pa dang sangs rgyas kyi yon tan gzhal du med cing grangs med pa gang yin pa rnams dang / sangs rgyas bcom ldan 'das de dag gis chos gang bshad pa dang 'chad par 'gyur ba dang 'chad pa dang chos de dag la gang gis bslabs pa dang slob par 'gyur ba dang / slob pa dang / mos pa dang mos par 'gyur ba dang mos par byed pa dang gnas pa dang gnas par 'gyur ba dang gnas par byed pa de dag gi dge ba'i rtsa ba gang yin pa rnams dang / sangs rgyas bcom ldan 'das de dag gis byang chub sems dpa' sems dpa' chen po gang dag bla na med pa yang dag par rdzogs pa'i byang chub tu lung bstan pa dang lung ston par 'gyur ba dang lung ston pa de dag thams cad kyi dge ba'i rtsa ba gang yin pa rnams dang / sangs rgyas bcom ldan 'das de dag gis gang zag rang sangs rgyas kyi theg pa can gang dag rang byang chub la lung bstan pa dang lung ston par 'gyur ba dang lung ston par de dag thams cad kyi dge ba'i rtsa ba gang yin pa rnams dang / gang zag nyan thos kyi the pa can rnams kyi sbyin pa las byung ba'i dge ba'i rtsa ba gang yin pa rnams dang tshul khrims las byung ba'i dge ba'i rtsa ba gang yin pa rnams dang bsgoms pa las byung

  256. 129a

    ba'i dge ba'i rtsa ba gang yin pa rnams dang slob pa'i zag pa med pa'i dge ba'i rtsa ba gang yin pa rnams dang mi slob pa'i zag pa med pa'i dge ba'i rtsa ba gang yin pa rnams dang / chos de la so so'i skye bo gang dag gis dge ba'i rtsa ba bskrun pa dang skrun par 'gyur ba dang skrun pa dang / lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi dang mi ma yin pa gang gis kyang chos de thos par gyur pa dang thos par 'gyur ba dang thos pa dang thos nas kyang dge ba'i rtsa ba bskyed pa dang skyed par 'gyur ba dang skyed pa dang / byol song gi skye gnas su skyes pa'i sems can gang dag gis dam pa'i chos de thos par gyur pa dang thos par 'gyur ba dang thos pa dang thos nas kyang dge ba'i rtsa ba bskrun pa dang skrun par 'gyur ba dang skrun pa dang sems can gang dag gi sangs rgyas bcom ldan 'das de dag yongs su mya ngan las 'das pa dang yongs su mya ngan las 'da' bar 'gyur ba dang yongs su mya ngan las 'da' ba la dge ba'i rtsa ba bskrun pa dang skrun par 'gyur ba dang skrun pa de rnams thams cad kyi dge ba'i rtsa ba gang yin pa de dag thams cad gcig tu bsdus te bsdoms shing gzhal nas ma lus par byas te rjes su yi rang por bya ba ma lus pa la rjes su yi rang ba'i mchog gis rjes su yi rang ba dang dam pa dang gtso bo dang rab dang mchog rab dang

  257. 129b

    gya nom pa dang bla na med pa dang gong na med pa dang mnyam pa med pa dang mi mnyam pa dang mnyam pa'i rjes su yi rang bas rjes su yi rang ba la de ltar rjes su yi rang nas rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngo'o zhes bla na med pa yang dag pa rdzogs pa'i byang chub yongs su sgrub par gyur cig snyam pas ngag tu brjod pa byang chub sems dpa' sems dpa' chen po de ji ltar 'du shes phyin ci log tu mi 'gyur sems phyin ci log tu mi 'gyur lta ba phyin ci log tu mi 'gyur zhe na/ gal te yongs su sngo bar byed pa 'di snyam du chos de dag ni zad pa 'gags pa bral ba rnam par gyur pa yin pas gang du chos de zad par mi 'gyur bar yongs su bsngo bar bya'o zhes sems pa de lta na bla na med pa yang dag par rdzogs pa'i byang chub tu yong su bsngos pa yin no// gal te yang 'di ltar chos kyis ni chos yongs su mi bsngo'o snyam du nye bar rtog pa de lta na yang bla na med pa yang dag par rdzogs pa'i byang chub tu yongs su bsngos pa yin te/ btsun pa rab 'byor de ltar yongs su sngo ba'i byang chub sems dpa' sems dpa' chen po ni 'du shes phyin ci log tu mi 'gyur sems phyin ci log tu mi 'gyur lta ba phyin ci log tu mi 'gyur ro// de ci'i phyir zhe na/ 'di ltar de ni yongs su bsngo ba de la mngon par zhen pa med do// gal te

  258. 130a

    yang 'di snyam du sems kyis sems mi shes shing chos kyis chos mi shes so zhes yang dag par shes pa de lta na yang bla na med pa yang dag par rdzogs pa'i byang chub tu yongs su bsngos pa yin te 'di ni byang chub sems dpa' sems dpa' chen po'i yongs su bsngo ba bla na med pa'o// gal te yang byang chub sems dpa' sems dpa' chen po de bsod nams mngon par 'du byed pa de shes na bla na med pa yang dag par rdzogs pa'i byang chub tu yongs su bsngos pa ma yin no// de ci'i phyir zhe na/ 'di ltar de ni yongs su bsngo ba de la mngon par zhen pa'i phyir ro// gal te yang de 'di snyam du bsod nams mngon par 'du byed pa de yang dben pa zhi ba'o zhes rjes su yi rang ba dang ldan pa'i bsod nams bya ba'i dngos po gang yin pa de yang dben pa zhi ba'o zhes sems pa de ltar na bla na med pa yang dag par rdzogs pa'i byang chub tu yongs su bsngos pa yin no// gal te de 'du shes thams cad ni dben pa'o zhi ba'o snyam du de ltar yang mi shes pa de ltar na 'di ni byang chub sems dpa' sems dpa' chen po de'i shes rab kyi pha rol tu phyin pa yin no// gang yang sangs rgyas bcom ldan 'das yongs su mya ngan las 'das pa de dag gi dge ba'i rtsa ba de ci 'dra ltar yongs su bsngo ba de dang de'i dge ba'i rtsa ba yang de 'dra ba nyid de/ gang gis de yongs su bsngos pa de yang de'i mtshan nyid can de'i rigs can de'i ris

  259. 130b

    su gtogs pa de'i rang bzhin can yin par gal te de ltar shes na bla na med pa yang dag par rdzogs pa'i byang chub tu yongs su bsngos pa ma yin no// de ci'i phyir zhe na/ sangs rgyas bcom ldan 'das rnams ni mtshan ma'i tshul gyis yongs su bsngo ba gnang bar mi mdzad do// gang 'das pa de ni zad pa 'gags pa bral ba rnam par gyur pa'o// gang ma 'ongs pa de yang ma thob pa'o// da ltar byung ba de la ni gnas pa mi dmigs la/ gang mi dmigs pa de ni mtshan ma ma yin zhing yul ma yin par gal te de ltar mtshan mar byed cing mi sems na bla na med pa yang dag pa rdzogs pa'i byang chub tu yongs su bsngos pa ma yin no// de ste dran pa dang bral bas mtshan mar mi byed cing mi sems pa dang / dran pa dang bral ba'am khong du ma chud pas yid la mi byed na de lta na yang bla na med pa yang dag par rdzogs pa'i byang chub tu yongs su bsngos pa ma yin no// de ste mtshan ma de la sems shing mtshan mar mi byed na de ltar na byang chub sems dpa' sems dpa' chen pos dge ba'i rtsa ba de bla na med pa yang dag par rdzogs pa'i byang chub tu yongs su bsngos pa yin no// 'di ltar byang chub sems dpa' sems dpa' chen pos 'di la bslab pa bya ste/ 'di ni byang chub sems dpa' sems dpa' chen po de'i thabs mkhas par rig par bya'o// gang thabs mkhas pa 'dis dge ba'i rtsa ba yongs su

  260. 131a

    bsngo ba 'di ni thams cad mkhyen pa nyid la nye ba yin no// thabs mkhas pa 'di la slob par 'dod pa'i byang chub sems dpa' sems dpal chen pos ni shes rab kyi phyin pa 'di nyid rgyun mi chad par mnyan par bya gzung bar bya bcang bar bya klag par bya kun chub par bya/ rab tu gdon par bya bstan par bya nye bar bstan par bya/ lung 'bog par bya kha ton du bya yongs su dri bar bya'o// de ci'i phyir zhe na/ shes rab kyi pha rol tu phyin pa la ma brten par thos pa dang mi ldan pas shes rab kyi pha rol tu phyin pa 'di yongs su bsngo ba'i bya ba 'di la 'jug mi nus so// de la gang 'di skad du shes rab kyi pha rol tu phyin pa 'di la ma brten kyang bsod nams bya ba'i dngos po de bla na med pa yang dag par rdzogs pa'i byang chub tu bsngo bar nas so zhes zer na/ de la de skad ma zer cig ces brjod par bya ba yin no// de ci'i phyir zhe na/ bdag gi dngos po de dag 'gags pa dang 'du byed de dag kyang 'gags pa ste zhi ba dben pa dmigs pa dang bral ba yin no// 'on kyang gang zag de ni yang dag pa ji lta ba nyid la mtshan mar byas shing rnam par brtags nas yang dag pa ci lta ba bzhin ma yin pa la yang dag pa ji lta bar 'du shes pas dmigs pa la mi dmigs par yongs su sngo bar byed pa yin te/ de'i dge ba'i rtsa ba de ltar bla na med pa yang dag par rdzogs pa'i byang chub tu yongs su bsngos

  261. 131b

    pa ni sangs rgyas bcom ldan 'das rnams kyis gnang bar mi mdzad do// de ci'i phyir zhe na/ sangs rgyas bcom ldan 'das rnams kyi yongs su mya ngan las 'das pa la mtshan mar byed cing rnam par rtog pa dang mya ngan las 'das pa la rnam par dmigs pa gang yin pa de nyid de'i dmigs pa chen po yin te/ de bzhin gshegs pa dgra bcom pa yang dag par rdzogs pa'i sangs rgyas rnams ni dmigs pa'i 'du shes can gyi yongs su bsngo ba don chen po byed pa'o zhes mi gsung ngo // de ci'i phyir zhe na/ yongs su bsngo ba de ni dug dang bcas shing zug rngu dang bcas pa yin no// 'di lta ste dper na kha zas bzang po dug can zhig yod la de bzhin du de'i kha dog dang dri dang ro dang reg pa'i sgo nas 'dod par bya ba yang yin mod kyi/ 'on kyang dug dang bcas pa yin pas na mkhas pa rnams kyis yongs su spang bar bya ba yin gyi yongs su longs sprad par bya ba ma yin no// de nyid skyes bu byis pa'i rang bzhin can shes rab 'chal pa'i rang bzhin can gyis yongs su longs sbed par bsaM te/ des zas de za ba na de'i kha dog dang dri dang ro dang reg pa'i sgo nas myangs pa na bde bar byed la zhu ba'i tshe de la rnam par smin pa sdug bsngal bar 'gyur te de/ de'i gzhi las shi ba 'am shi ba tsam gyi sdug bsngal du 'gyur ro// 'phags pa rab 'byor de bzhin du 'di la kha cig log par zin cing log par rig pa dang log

  262. 132a

    bar kha ton byas pas logs par smras pa'i don ma shes shing don yang dag par lta ba bzhin du khong du chud pa dang / 'di skad du rigs kyi bu khyod chur sheg/ 'jig rten thams cad kyi 'jig rten gyi khams gzhal du med cing grangs med pa'i sangs rgyas bcom ldan 'das 'das pa dang da ltar byung ba rnams kyi thugs dang po bskyed pa nas nye bar gzung nas bla na med pa yang dag par rdzogs pa'i byang chub mngon par rdzogs par sangs rgyas pa dang rgya bar 'gyur ba dang rgya ba'i bar dang phung po'i lhag ma med pa'i mya ngan las 'das pa'i dbyings su yongs su mya ngan las 'das pa dang 'da' bar 'gyur ba dang 'da' ba'i bar dang / dam pa'i chos nub par ma gyur pa dang nub par mi 'gyur ba dang mi nub pa'i bar te/ bar de'i 'das pa dang ma byon pa dang da ltar byung ba'i sang rgyas bcom ldan 'das rnams dang de dag gi nyan thos rnams kyi tshul khrims kyi phung dang ting nge 'dzin gyi phung po dang shes rab kyi phung po dang / rnam par grol ba'i phung po dang rnam par grol ba'i ye shes gzigs pa'i phung po gang yin pa rnams dang / sangs rgyas bcom ldan 'das de dag gis byang chub sems dpa' sems dpa' chen po gang dag bla na med pa yang dag par rdzogs pa'i byang chub tu lung bstan pa dang / lung ston par 'gyur ba dang lung ston pa de dag gis dge ba'i

  263. 132b

    ba bskrun pa dang skrun par 'gyur ba dang skrun pa gang yin pa rnams dang / gang zag rang sangs rgyas kyi theg pa can gang dag rang byang chub tu lung bstan pa dang lung ston par 'gyur ba dang lung ston pa de dag gis dge ba'i rtsa ba bskrun pa dang skrun par 'gyur ba dang sbran pa gang yin pa rnams dang / nyan thos kyi theg pa can gyi gang zag gang dag nyan thos kyi byang chub tu lung bstan pa dang lung ston par 'gyur ba dang lung ston po de dag gis dge ba'i rtsa ba bskrun pa dang / skrun par 'gyur ba dang skran pa gang yin pa rnams dang / so so'i skye bo gang dag gis der dge ba'i rtsa ba bskrun pa dang skrun par 'gyur ba dang skrun pa gang yin pa rnams te de rnams thams cad kyi dge ba'i rtsa ba de dag thams cad gcig tu bsdus shing bsdoms te gzhal nas ma lus par byas te ma lus pa la rjes su yi rang nas/ rjes su yi ba dang ldan pa'i bsod nams bya ba'i dngos po de bla na med pa yang dag par rdzogs pa'i byang chub tu yongs su bsngo bar gyis shig ces 'doms shing rjes su ston par 'gyur te/ de ltar na yongs su bsngo ba de ni mtshan ma'i tshul gyis yongs su bsngo bas dug nyid du 'gyur te 'di lta ste dper na kha zas de dug dang bcas pa yin no/ de ltar na dmigs pa'i 'du shes can la yongs su bsngo ba med do// de ci'i phyir zhe na/ dmigs pa ni dug dang bcas pa'o// de bas na gang zag byang

  264. 133a

    chub sems dpa'i theg pa can gyis de ltar bslab par mi bya'o// yang des ci ltar bslab par bya zhing ci ltar 'das pa dang ma byon pa dang / da ltar byung ba'i sangs rgyas bcom ldan 'das rnams kyi dge ba'i rtsa ba yongs su gzungs par bya ba dang / ci ltar yongs su bzung na legs par yongs su bzung bar 'gyur zhing ji ltar yongs su bsngo bar bya ba dang ji ltar yongs su bsngos na bla na med pa yang dag par rdzogs pa'i byang chub tu legs par yongs su bsngos par 'gyur zhe na/ 'di la rigs kyi bu 'am rigs kyi bu mo byang chub sems dpa'i theg pa can de bzhin gshegs pa la skur pa mi gda' bar 'dod pa des dge ba'i rtsa ba de dag thams cad 'di ltar rjes su yi rang bar bya zhing 'di ltar yongs su bsngo bar bya ste/ dge ba'i rtsa ba de ci ltar de bzhin gshegs pa dgra bcom pa yang dag par rdzogs pa'i sangs rgyas rnams kyis sangs rgyas kyi ye shes dang sangs rgyas kyi sman gyis mkhyen cing gzigs pa dang / dge ba'i rtsa ba de rigs gang yin pa dang ris gar gtogs pa dang ci 'dra ba dang rang bzhin gang yin pa dang mtshan nyid gang yin pa dang chos nyid gang gis yod pa de bzhin du rjes su yi rang zhing / dge ba'i rtsa ba de ci ltar bla na med pa yang dag par rdzogs pa'i byang chub tu yongasu bsngos na de bzhin gshegs pa dgra bcom pa yang dag par rdzogs pa'i

  265. 133b

    sangs rgyas de dag gis rjes su gnang bar bzhin du bdag gis rjes su yi rang bar bya'o snyam pa ste/ de ltar rjes su yi rang zhing de ltar yongs su sngo bar byed pa'i byang chub sems dpa' sems dpa' chen po ni sangs rgyas bcom ldan 'das rnams la gnod par mi 'gyur zhing / yang dag par rjes su yi rang bar byas pa dang dge ba'i rtsa ba de bla na med pa yang dag par rdzogs pa'i byang chub tu legs par yongs su bsngos par 'gyur ba dang / de bzhin gshegs pa dgra bcom pa yang dag par rdzogs pa'i sangs rgyas de dag la skur pa mi 'debs pa ma yin te/ lhag pa'i bsam pas mos pas yongs su sngo bar byed pa de'i yongs su bsngo ba de lta bu ni dug med pa'i yongs su bsngo ba yin yongs su bsngo ba chen po yin chos kyi dbyings kyi yongs su bsngo ba yin/ yongs su rdzogs shing shin tu yongs su rdzogs pa yin no// gzhan yang rigs kyi bu 'am rigs kyi bu mo byang chub sems dpa'i theg pa can gyi/ tshul khrims gang yin pa dang / ting nge 'dzin gang yin pa dang / shes rab gang yin pa dang / rnam par grol ba gang yin pa dang / rnam par grol ba'i ye shes gzigs pa gang yin pa/ ci ltar 'dod pa'i khams su mi gtogs gzugs kyi khams su mi gtogs gzugs med pa'i khams su mi gtogs pa dang 'das pa ma yin ma 'ongs pa ma yin da ltar byung

  266. 134a

    ba yang ma yin pa de ltar yongs su bsngo bar bya'o// de ci'i phyir zhe na/ dus gsum dang khams gsum du mi gtogs pa'i phyir de bzhin du yongs su bsngo ba yang ma gtogs pa'o// chos gang du yongs su bsngo ba des yongs su bsngo ba'i chos de yang ma gtogs pa'o// gal te de ltar mos shing de ltar yongs su bsngo na byang chub sems dpa' sems dpa' chen po de ltar yongs su spro bar byed pa de'i yongs su bsngo ba ni chud ma zos pa yin te ma gtogs pa'i yongs su bsngo ba yongs su bsngo ba dag med pa yongs su ba chen po chos kyi dbyings kyi yongs su bsngo ba yongs su rdzogs shing legs par yongs su rdzogs pa yin no// de ste yongs su bsngo ba de la mngon par chags shing mtshan mar byed na log par yongs su bsngo ba yin no// de la byang chub sems dpa' sems dpa' chen po'i yongs su bsngo ba gang zhig dge ba'i rtsa ba de ci ltar sangs rgyas bcom ldan 'das rnams kyis mkhyen cing ci ltar rjes su gnang ba de ltar chos kyi dbyings kyi yongs su bsngo ba 'dis bla na med pa yang dag par rdzogs pa'i byang chub tu yongs su bsngos pa de lta na de legs par phar yongs su bsngos pa yin no// snyam zhing de ltar bdag gis yongs su bsngo'o snyam na 'di ni yang dag par yongs su bsngo ba yin te/ de ltar yongs su bsngos pa ni bla na med pa yang dag par rdzogs pa'i

  267. 134b

    byang chub tu legs par yongs su bsngos pa yin no// de nas bcom ldan 'das kyis tshe dang ldan pa rab 'byor la legs so zhes bya ba byin te/ rab 'byor khyod ston pa'i bya ba byed cing gang khyod byang chub sems dpa' sems dpa' chen po rnams la chos ston pa ni rab 'byor legs so legs so// de ci'i phyir zhe na/ rab 'byor yongs su bsngo ba gang yin pa 'di ni byang chub sems dpa' sems dpa' chen po'i chos kyi dbyings kyi yongs su bsngo ba'o// chos nyid 'di nyid la sangs rgyas bcom ldan 'das rnams kyis ci ltar mkhyen pa dang gzigs pa dang / dge ba'i rtsa ba de rigs gang yin pa dang ris gar gtogs pa dang / ci 'dra ba dang rang bzhin gang yin pa dang mtshan nyid gang yin pa dang chos nyid gang gis yod pa de ltar rjes su yi rang ba dang / ci ltar rjes su gnang ba de ltar bdag gis yongs su bsngo'o snyam pa 'di'i bsod nams kyi phung po gang yin pa dang / stong gsum gyi stong chen po'i 'jig rten gyi khams gang ga'i klung gi bye ma snyed dag sems can ji snyed yod pa de dag thams cad rigs kyi bu 'am rigs kyi bu mo gang la la zhig gis dge ba bcu'i las kyi lam la yang dag par bkod cing bzhags pa'i bsod nams mngon par 'du byed pa gang yin pa de las byang chub sems dpa' sems dpa' chen po'i chos kyi dbyings kyi yongs su bsngo ba las skyes pa'i

  268. 135a

    bsod nams kyi phung po 'di nyid mchog ces bya'o dam pa zhes bya'o gtso bo zhes bya'o rab ces bya'o mchog rab ces bya'o gya nom pa zhes bya bla ma zhes bya'o bla na med pa zhes bya'o gong na med pa zhes bya'o mnyam pa med pa zhes bya'o mi mnyam pa dang mnyam pa zhes bya'o// rab 'byor yang stong gsuM gyi stong chen po'i 'jig rten gyi khams gang ga'i klung gi bye ma snyed dag na sems can ji snyed yod pa de dag thams cad dge bo bcu'i las kyi lam la bkod pa'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi khams gang ga'i klung gi bye ma snyed dag na sems can ci snyed yod pa de dag thams cad bsam gtan bzhi thob par gyur pa de dag gi bsod nams mngon par 'du byed pa gang yin pa de bas kyang byang chub sems dpa' sems dpa' chen po'i yongs su bsngo ba dang ldan pa'i bsod nams kyi phung po 'di ni mchog ces bya'o dam pa zhes bya'o// gtso bo zhes bya'o rab ces bya'o mchog rab ces bya'o// gya nom pa zhes bya'o bla ma zhes bya'o bla na med pa zhes bya'o gong na med pa zhes bya'o mnyam pa med pa zhes bya'o mi mnyam pa dang mnyam pa zhes bya'o// rab 'byor yang stong gsum gyi stong chen po'i 'jig rten gyi khams gang gA'i klung gi bye ma snyed dag na sems can ci snyed yod pa

  269. 135b

    de dag thams cad bsam gtan bzhi rdzogs par gyur pa'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi/ khams gang ga'i klung gi bye ma snyed dag na sems can ci snyed yod pa de dag thams cad tshad med pa bzhi thob par gyur pa dang / rab 'byor yang stong gsum gyi stong chen po'i 'jig rten gyi khams gang ga'i klung gi bye ma snyed kyi sems can thams cad tshad med pa bzhi thob pa'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi khams gang ga'i klung gi bye ma snyed dag na sems can ci snyed yod pa de dag thams cad gzugs med pa'i snyoms par 'jug pa bzhi thob par gyur pa dang / rab 'byor yang stong gsum gyi stong chen po'i 'jig rten gyi khams gang ga'i klung gi bye ma snyed kyi sems can thams cad gzugs med snyoms par 'jug pa bzhi thob pa'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi khams gang gA'i klung gi bye ma snyed dag na sems can ci skyed yod pa de dag thams cad mngon par shes pa lnga thob par gyur pa dang / rab 'byor yang stong gsum gyi stong chen po 'jig rten gyi khams gang ga'i klung gi bye ma snyed kyi sems can thams cad mngon par shes pa lnga thob pa'i bsod nams mngon par 'du byed pa lta zhog/ rab

  270. 136a

    'byor stong gsum gyi stong chen po'i 'jig rten gyi khams gang ga'i klung gi bye ma snyed dag na sems can ci snyed yod pa de dag thams cad rgyun du zhugs par gyur pa dang / rab 'byor yang stong gsum gyi stong chen po'i 'jig rten gyi khams gang ga'i klung gi bye ma snyed kyi sems can thams cad rgyun du zhugs par gyur pa'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi khams gang gi'i klung gi bye ma snyed dag ni sems can ci snyed yod pa de dag thams cad lan cig phyir 'ong bar gyur pa dang / rab 'byor yang stong gsum gyi stong chen po'i 'jig rten gyi khams gang ga'i klung gi bye ma snyed kyi sems can thams cad lan cig phyir 'ong bar gyur pa'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi khams gang ga'i klung gi bye ma snyed dag na sems can ci snyed yod pa de dag thams cad phyir mi 'ong bar gyur pa dang / rab 'byor yang stong gsum gyi stong chen po'i 'jig rten gyi khams gang gA'i klung gi bye ma snyed kyi sems can thams cad phyir mi 'ong bar gyur pa'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi khams gang ga'i klung gi bye ma snyed dag na sems can ci snyed yod pa de dag thams cad dgra bcom par gyur pa dang / rab

  271. 136b

    'byor yang stong gsum gyi stong chen po'i 'jig rten gyi khams gang gA'i klung gi bye ma snyed kyi sems can thams cad dgra bcom par gyur pa'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi khams gang ga'i klung gi bye ma snyed dag na sems can ci snyed yod pa de dag thams cad rang sangs rgyas su gyur pa dang / rab 'byor yang stong gsum gyi stong chen po'i 'jig rten gyi khams gang gi'i klung gi sems can thams cad rang sangs rgyas su gyur ba'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi khams gang ga'i klung gi bye ma skyed dag na sems can gang dag yod pa de dag thams cad bla na med pa yang dag par rdzogs pa'i byang chub tu zhugs par gyur la/ de dag thams cad kyi sa stong gsum gyi stong chen po'i 'jig rten gyi khams gang ga'i klung gi bye ma snyed gzhan dag nyid na sems can gang dag yod pa de dag thams cad la/ byang chub sems dpa' re res chos gos dang bsod snyoms dang / mal cha dang na ba'i gsos smin dang yo byad dang bde bar sbyar ba thams cad dang bde ba la reg par gnas pa thams cad kyis bskal pa gang ga'i klung gi bye ma snyed du rim gror byas te sbyin pa de yang dmigs pa'i 'du shes kyi so byin la/ rnam grangs des na yongs su brtag nas sems can de rnams thams cad las re re la

  272. 137a

    yang byang chub sems dpa' de rnams thams cad las kyang byang chub sems dpa' re res bskal pa gang ga'i klung gi bye ma snyed du chos gos dang / bsod snyoms dang mal cha dang na ba'i gsos sman dang yo byed dang bde bar sbyar ba thams cad dang bde ba la reg par gnas pa thams cad kyis rim grer byas te bkur stir byed bla mar byed rjed par byed mchod par byed ri mor byed bsnyen bkur byed de/ de bzhin du re re la yang byang chub sems dpa' de dag thams cad kyis rnam grang 'dis sbyin pa byin zhing / de bzhin du thams cad la yang sbyin pa byin ni rab 'byor de ci snyam du sems ci byang chub sems dpa' de dag de'i gzhi las bsod nams mang du skyid dam/ rab 'byor gyis gsol pa/ bcom ldan 'das mang ngo bde bar gshegs pa mang ngo // bcom ldan 'das gzhal du ma mchis so bde bar gshegs pa gzhal du ma mchis so// bcom ldan 'das de'i bsod nams kyi phung po ni grangs su bgyi bar yang sra ba ma lags so// bcom ldan 'das de'i bsod nams kyi phung po ni bgrang bar yang dper yang dpes bstan par bgyi bar yang gzhir yang rgyur yang bgyi bar sla ba ma lags so// bcom ldan 'das gal te bsod nams kyi phung po de gzugs can zhig lags na ni stong gsum gyi stong chen po'i 'jig rten gyi khams gang ga'i klung gi bye ma snyed dag tu/ yang mi shong

  273. 137b

    bar 'gyur ro// de skad ces gsol pa dang bcom ldan 'das kyis gnas brtan tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ rab 'byor yang gang gi phyir gang zag byang chub sems dpa'i theg pa can shes rab kyi pha rol tu phyin pa dang thabs mkhas pas yongs su bzung ba chos kyi dbyings kyi yongs su bsngo ba 'dis dge ba'i rtsa ba bla na med pa yang dag par rdzogs pa'i byang chub tu yongs su sngo bar byed pa de'i phyir de'i bsod nams mang du skyed de rab 'byor chos kyi dbyings yongs su bsngo ba las skyes pa'i bsod nams kyi phung po 'di la ni dmigs pa'i 'du shes can gyi byang chub sems dpa' sems dpa' chen po rnams kyi sbyin pa las byung ba'i bsod nams mngon par 'du byed pa snga ma des brgya'i char yang nye bar mi 'gro// stong gi char yang brgya phrag stong gi char yang bye ba'i char yang bye ba phrag brgya'i char yang bye ba phrag stong gi char yang bye ba brgya phrag stong gi char yang bye ba khrag khrig brgya phrag stong gi char yang nye bar mi 'gre'o// grangs su yang nye bar mi 'gro/ bgrang bar yang dper yang dpes bstan par bya bar yang gzhir yang rgyur yang nye ba'i rgyur yang mi bzod do// de ci'i phyir zhe na/ 'di ltar snga ma dmigs pa'i 'du shes kyi byang chub sems dpa' de dag gi sbyin pa ni shin tu mang po sbyin na yang shin tu mang por yang grangs su de 'gyur ro// de nas rgyal chen bzhi'i ris

  274. 138a

    kyi lha'i bu stong phrag nyi shu rnams thal mo sbyar te phyag 'tshal nas bcom ldan 'das la 'di skad ces gsol to// bcom ldan 'das 'di lta ste byang chub sems dpa' sems dpa' chen po'i shes rab kyi pha rol tu phyin pa dang thabs mkhas pas yongs su bzung ba'i dge ba'i rtsa ba thams cad mkhyen pa nyid du yod su bsngos pa 'di ni yongs su bsngo ba chen po lags te/ 'di ltar gang du dmigs pa dang bcas pa'i byang chub sems dpa' de dag gi sbyin pa las byung ba'i bsod nams mngon par 'du byed pa de snyed kyang zil gyis mnan pa lag so// de nas sum cu rtsa gsum gyi ris kyi lha'i bu brgya phrag stong gis lha'i me tog dang lha'i bdug pa dang lha'i dri dang lha'i phreng ba dang lha'i byug pa dang lha'i phye ma rnams kyi char dang lha'i rin po che'i char dang lha'i na bza'i char gyis bcom ldan 'das la mngon par gtor mngon par rab tu gtor nas/ lha'i gdugs dang lha'i rgyal mtshan dang lha'i dril bu dang lha'i ba dan dag dang lha'i mchod pa rnam pa mang po dag gis/ bcom ldan 'das la bkur stir byas bla mar byas rjed par byas mchod par byas ri mor byas/ bsnyen bkur byas te lha'i sil snyan rnams rab tu dkrol nas tshig 'di skad ces gsol/ to// kye ma bcom ldan 'das byang chub sems dpa' sems dpa' chen po'i chos kyi dbyings kyi yongs su bsngo ba 'di ni bsngo ba chen po lags te/ 'di ltar gang du dmigs

  275. 138b

    pa can gyi byang chub sems dpa' de dag gi sbyin pa las byung ba'i bsod nams mngon par 'du bgyid pa'i phung po chen po de snyed kyang zil gyis gnon pa lags so// 'di ltar shes rab kyi pha rol tu phyin pa dang thabs mkhas pas yongs su bzung ba'i slad du 'di ni bsngo ba chen po lags so// de bzhin du lha'i ris gzhan dag nas kyang lhags nas bcom ldan 'das la bkur stir bya ba dam pa dang bla mar bya ba dam pa dang rjed par bya ba dam pa dang mchod par bya ba dam pa dang ri mor bya ba dam pa dang bsnyen bkur bya ba dam pa rnams kyis/ bkur stir byas bla mar byas rjed par byas mchod par byas ri mor byas bsnyen bkur byas nas de skad du sgra byung zhing dbyangs rjes su bsgrags so// de bzhin du sbyar bar bya ste 'thab bral dang dga' ldan dang 'phrul dga' dang gzhan 'phrul dbang byed dang tshangs ris dang tshangs pa'i mdun na 'don dang tshangs pa kun 'khor dang tshangs chen dang 'od chung dang tshad med 'od dang 'od gsal dang / dge chung dang tshod med dge dang dge rgyas dang / sprin med dang bsod nams 'phel dang 'bras bu che dang 'du shes med pa'i sems can dang / mi che ba dang mi gdung ba dang gya nom snang dang shin tu mthong dang 'og min gyi lha dag kyang de bzhin du thal mo sbyar te bcom ldan 'das la phyag 'tshal nas 'di skad ces gsol to// bcom ldan 'das de ltar byang chub sem

  276. 139a

    dpa' sems dpa' chen po shes rab kyi pha rol tu phyin pa dang thabs mkhas pas yongs su bzung ba'i dge ba'i rtsa ba yongs su bsngo ba des byang chub sems dpa' dmigs pa'i 'du shes can gyi yun ring po de tsam du bsags pa dang de ltar rgya cher yang dag par bsgrubs pa'i bsod nams kyi phung po de snyed kyang zil gyis gnon pa ngo mtshar to// de nas bcom ldan 'das kyis gnas gtsang ma'i ris kyi lha'i bu de dag thams cad la bka' stsal pa/ lha'i bu dag stong gsum gyi stong chen po'i 'jig rten gyi khams gang gA'i klung gi bye ma snyed dag gi sems can thams cad bla na med pa yang dag par rdzogs pa'i byang chub tu yang dag par zhugs pa rnams kyi bla na med pa yang dag par rdzogs pa'i byang chub thob par bya ba'i don du sbyin pa byin pa'i bsod nams mngon par 'du byed pa lta zhog/ lha'i bu dag rnam grangs 'dis stong gsum gyi stong chen po'i 'jig rten gyi khams gang+gA'i klung gi bye ma snyed gzhan dang gzhan dag na sems can gang dag yod pa de dag thams cad kyang bla na med pa yang dag par rdzogs pa'i byang chub tu smon lam btab ste byang chub tu sems bskyed nas/ stong gsum gyi stong chen po'i 'jig rten gyi khams gang+ka'i klung gi bye ma snyed gzhan dang gzhan dag gi sems can thams cad la chos gos dang bsod snyoms dang mal cha dang na ba'i gsos sman dang yo byad dang bde bar sbar ba thams

  277. 139b

    cad dang bde ba la reg par gnas pa thams cad kyis/ byang chub sems dpa' re res kyang bskal pa gang+gA'i klung gi bye ma snyed du 'dug ste sbyin pa byin zhing / de bzhin du dmigs pa'i 'du shes can de dag thams cad kyis kyang sbyin pa byin pa'i bar dang / rnam grangs 'dis sems can de rnams thams cad dang byang chub sems dpa' de rnam thams cad re re nas yongs su brtags nas/ byang chub sems dpa' re re nas byang chub sems dpa' de rnams thams cad kyi bskal pa gang gA'i klung gi bye ma snyed du 'dug ste/ sems can de dag thams cad la chos gos dang bsod snyoms dang mal cha dang na ba'i gsos sman dang yo byad dang bde bar sbar ba thams cad dang bde ba la reg par gnas pa thams cad kyis rim gror byed cing / sbyin pa de yang dmigs pa'i 'du shes kyis byin la/ byang chub sems dpa' chen po shes rab kyi pha rol tu phyin pa dang thabs mkhas pas yongs su zin pa zhig gis 'das pa dang ma byon pa dang da ltar byung ba'i sangs rgyas bcom ldan 'das rnams dang byang chub sems dpa' dang rang sangs rgyas dang gang zag nyan thos kyi theg pa can de rnams kyi tshul khrims kyi phung po dang ting nge 'dzin gyi phung po dang shes rab kyi phung po dang rnam par grol ba'i phung po dang rnam par grol ba'i ye shes mthong ba'i phung po dang / de la sems can gzhan dag gis kyang dge ba'i rtsa ba dag bskrun pa dang snyan par 'gyur ba dang ska

  278. 140a

    par byed pa de dag thams cad gcig tu bsdus shing bsdoms te gzhal nas ma lus par byas te ma lus pa rjes su yi rang ba'i mchog gis rjes/ su yi rang zhing dam pa dang gtso bo dang rab dang mchog rab dang gya nom pa dang bla ma dang bla na med pa dang gong na med pa dang gong ma'i yang gong ma dang mnyam pa med pa dang / mi mnyam pa dang mnyam pa dang rab tu mnyam pa med pa dang bsam gyis mi khyab pa'i rjes su yi rang bas rjes su yi rang la/ rjes su yi rang nas rjes su yi rang ba dang / ldan pa'i bsod nams bya ba'i dngos po bla na med pa yang dag par rdzogs pa'i byang chub sgrub par gyur cig ces bla na med pa yang dag par rdzogs pa'i byang chub tu yongs su bsngo na rjes su yi rang ba yongs su bsngo ba dang ldan pa'i bsod nams bya ba'i dngos po 'di la byang chub sems dpa' dmigs pa'i 'du shes can dag gi bsod nams mngon par 'du byed pa snga ma des brgya'i char yang nye bar mi 'gro stong gi char yang brgya stong gi char yang bye ba'i char yang bye ba brgya'i char yang bye ba stong gi char yang bye ba brgya stong gi char yang bye ba khrag khrig brgya stong gi char yang nye bar mi 'gro'o// grangs su yang bgrang bar yang dper yang dpes bstan par bya bar yang gzhir yang rgyur yang mi bzod do// de ci'i phyir zhe na/ 'di ltar byang chub sems dpa' de dag thams cad ni dmigs pa'i 'du shes can gyis sbyin pa sbyin par byed pa yin

  279. 140b

    pa'i phyir ro// 'phags pa shes rab kyi pha rol tu phyin pa brgyad stong pa/ bam po brgyad pa// / de nas bcom ldan 'das la tshe dang ldan pa rab 'phyo gyis 'di skad ces gsol to// bcom ldan 'das kyis 'di skad du 'das pa dang ma byon pa dang da ltar byung ba'i sangs rgyas bcom ldan 'das dang byang chub sems dpa' dang rang sangs rgyas dang nyan thos kyi dge 'dun thams cad dang / sems can thams cad kyi dge ba'i rtsa ba 'das pa dang ma 'ongs pa dang da ltar byung ba zhes bya ba gang yin pa de dag thams cad gcig tu bsdus shing bsdoms te gzhal nas ma lus par byas te/ ma lus pa la rjes su yi rang ba'i mchog gis rjes su yi rang zhing dam pa dang gtse bo dang rab dang mchog rab dang / gya nom pa dang bla ma dang bla na med pa dang gong na med pa dang gong ma'i yang gong ma dang mnyam pa med pa dang mi mnyam pa dang mnyam pa dang rab tu mnyam pa med pa dang bsam gyis mi khyab pa'i rjes su yi rang bas rjes su yi rang la zhes gang gsungs pa de la/ bcom ldan 'das ci tsam gyis na rjes su yi rang ba'i mchog tu 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor gal te gang zag byang chub sems dpa'i theg pa can dag 'das pa dang ma 'ongs pa dang da ltar gyi chos rnams mi 'dzin rlom sems su mi byed mi dmigs mi rtog rnam par mi rtog

  280. 141a

    yang dag par rjes su mi mthong zhing chos de dag la 'di ltar yang yongs pas su rtog ste chos thams cad ni rtogs pas rnam par bsgrubs ste/ ma skyes pa nges par ma skyes pa 'ongs med pa 'gro ba med pa'o// 'di la chos gang yang ma skyes so chos gang yang skye bar mi 'gyur ro chos gang yang mi skye'o// 'di la chos gang yang 'gags pa med do chos gang yang 'gags par mi 'gyur ro chos gang yang mi 'gag go zhes de ltar chos de dag nye bar brtags nas chos de dag gi chos nyid ji lta ba de ltar rjes su yi rang bar byed do// de ltar rjes su yi rang nas de kho na bzhin du bla na med pa yang dag par rdzogs pa'i byang chub tu yongs su bsngo ste/ rab 'byor 'di tsam gyis na byang chub sems dpa' sems dpa' chen po'i rjes su yi rang ba'i mchog tu 'gyur ro// rab 'byor dge ba'i rtsa ba yongs su bsngo ba 'di la byang chub sems dpa' snga ma dmigs par 'du shes pa dang dmigs par lta ba de dag gi sbyin pa las byung ba'i bsod nams bya ba'i dngos po des ni brgya'i char yang nye bar mi 'gro stong gi/ char yang brgya stong gi char yang bye ba'i char yang bye ba brgya'i char yang bye ba stong gi char yang bye ba brgya stong gi char yang bye ba khrag khrig brgya stong gi char yang nye bar mi 'gro'o// grangs su yang bgrang bar yang dper yang de pes bstan par bya bar yang gzhir yang rgyur yang mi bzod do// rab 'byor gzhan yang gang zag byang chub sems dpa'i theg

  281. 141b

    pa can 'das pa dang ma byon pa dang / da ltar byung ba'i sangs rgyas bcom ldan 'das de dag thams cad kyi sbyin pa la rjes su yi rang bar 'dod pa dang / tshul khrims la rjes su yi rang bar 'dod pa dang bzod pa la rjes su yi rang bar 'dod pa dang brtson 'grus la rjes su yi rang bar 'dod pa dang / bsam gtan la rjes su yi rang bar 'dod pa dang / shes rab la rjes su yi rang bar 'dod pa des 'di ltar rjes su yi rang bar bya ste/ rnam par grol ba de bzhin du sbyin pa'o rnam par grol ba ci lta ba de bzhin du tshul khrims so rnam par grol ba ci lte ba de bzhin du bzod pa'o rnam par grol ba ci lta ba de bzhin du brtson 'grus so rnam par grol ba ci lta ba de bzhin du bsam gtan no rnam par grol ba ci lta ba de bzhin du shes rab po rnam par grol ba ci lta bu bzhin du rnam par grol ba'o// rnam par grol ba ci lta ba de bzhin du rnam par grol ba'i ye shes mthong ba'i phung po'o// rnam par grol ba ci lta ba de bzhin du rjes su yi rang ba'o// rnam par grol ba ci lta ba de bzhin du rjes su yi rang ba dang ldan pa'i bsod nams bya ba'i dngos po'o// rnam par grol ba ci lta ba de bzhin du yongs su bsngo ba'o// rnam par grol ba ci lta ba de bzhin du sangs rgyas bcom ldan 'das rnams dang rang sangs rgyas rnams kyang ngo // rnam par grol ba ci lta ba de bzhin du de dag gi nyan thos gang dag yongs su mya ngan las 'das pa rnams so// rnam

  282. 142a

    par grol ba ci lta ba ci lta ba de bzhin du chos gang dag 'das shing 'gags pa de rnams so// rnam par grol ba ci lta ba de bzhin du chos gang dag ma 'ongs pa ma byung ba de rnams so// rnam par grol ba ci lta ba de bzhin du chos gang dag da ltar byung ba gnas bzhin pa rnams so// rnam par grol ba ci lta ba de bzhin 'das pa'i sangs rgyas bcom ldan 'das de dag dang de dag gi nyan thos rnams so// rnam par grol ba ci lta ba de bzhin du 'das pa'i sangs rgyas bcom ldan 'das de dag dang de dag gi nyan thos rnams so// rnam par grol ci lta ba de bzhin du gang dag da ltar 'jig rten gyi khams gzhal du med cing grangs med pa rnams na bzhugs te 'tshe zhing gzhes pa da ltar byung ba'i sangs rgyas bcom ldan 'das de rnams dang de dag gi nyan thos rnams so// rnam par grol ba ci lta ba de bzhin du 'das pa dang ma byon pa dang da ltar byang ba'i sangs rgyas bcom ldan 'das rnams te// de ltar ma bcings ma grol la ma chags pa'i chos 'di dag gi chos nyid gang yin pa de la rjes su yi rang ba bla na med pas rjes su yi rang ngo // rjes su yi rang nas rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngo ba'i tshul gyis chos de dag gi chos nyid ji lta ba de ltar mi 'pho ba dang mi 'jig pas yongs su bsngo'o zhes bya'o//

  283. 142b

    rab 'byor 'di tsam gyis na byang chub sems dpa' sems dpa' chen po'i rjes su yi rang ba'i mchog yin no// rab 'byor yang gang dag stong gsum gyi stong chen po'i 'jig rten gyi khams gang ga'i klung gi bye ma snyed gzhan dag dang gzhan dag na yod pa'i sems can de dag thams cad bla na med pa yang dag par rdzogs pa'i byang chub tu yang dag par zhugs te/ bla na med pa yang dag par rdzogs pa'i byang chub tu yang dag par zhags nas stong gsum gyi stong chen po'i 'jig rten gyi khams gang+ga'i klung gi bye ma snyed gzhan dag dang gzhan dag na yod pa'i sems can thams cad byang chub tu sems bskyed la/ byang chub sems dpa' de dag thams cad las re res kyang byang chub sems dpa' re re la/ bskal pa gang+gA'i klung gi bye ma snyed du 'dag nas sbyin pa byin te/ dmigs pa'i 'du shes kyis chos gos dang bsod snyoms dang mal cha dang na ba'i gsos sman dang yo byad dang bde bar sbar ba thams cad dang bde ba la reg par gnas pa thams cad kyis rim gror byed cing rnam grangs 'dis thams cad kyang thams cad dag la rim gror byed pa dmigs po'i 'du shes can gyis sbyin pa byin pa lta zhog/ rab 'byor gang dag stong gsum gyi stong chen po'i 'jig rten gyi khams gang+gA klung gi bye ma snyed dag na sems can ji snyed yod pa de dag thams cad bla na med pa yang dag par rdzogs pa'i byang chub tu yang dag par zhags par gyur te/ bla na med pa ya

  284. 143a

    dag par rdzogs pa'i byang chub tu yang dag par zhugs nas bskal pa gang+gA'i klung gi bye ma snyed du lus kyis legs par spyod pa dang ngag gis legs par spyod pa dang yid kyis legs par spyod pa'i tshul khrims dmigs pa'i 'du shes can dag gis yang dag par blangs te gnas pa dang / rnam grangs 'dis byang chub sems dpa' de dag thams cad las byang chub sems dpa' re res kyang bskal pa gang+ga'i klung gi bye ma snyed du 'dug ste bskal pa gang+gA'i klung gi bye ma snyed du lus kyis legs par spyod pa dang ngag gis legs par spyod pa dang / yid kyis legs par spyod pa'i tshul khrims dmigs pa'i 'du shes can dag gis yang dag par blangs te gnas pa dang / rnam grangs 'dis byang chub sems dpa' de dag thams cad kyis kyang tshul khrims dmigs pa'i 'du shes can dag gis yang dag par blangs te gnas la/ byang chub sems dpa' sems dpa' chen po shes rab kyi pha rol tu phyin pa dang thabs mkhas pas yongs su zin pa gang zhig gis 'das pa dang ma byon pa dang da ltar byung ba'i sangs rgyas bcom ldan 'das rnams kyi tshul khrims dang ting nge 'dzin dang shes rab dang rnam par grol ba dang rnam par grol ba'i ye shes gzigs pa'i phung po dang / rang sangs rgyas de dag gi tshul khrims dang ting nge 'dzin dang shes rab dang / rnam par grol ba dang rnam par grol ba'i ye shes

  285. 143b

    mthong ba'i phung po dang / nyan thos de dag gi tshul khrims dang ting nge 'dzin dang shes rab dang rnam par grol ba dang / rnam par grol ba'i ye shes mthong ba'i phung po dang / 'das pa dang ma 'ongs pa dang / da ltar byung ba'i sems can thams cad kyi dge ba'i rtsa ba de dag thams cad gcig tu bsdus shing bsdoms te/ gzhal nas ma lus par byas shing / ma lus pa la rjes su yi rang ba'i/ mchog gis rjes su yi rang ste/ dam pa dang gtso bo dang rab dang mchog rab dang gya nom pa dang bla ma dang bla na med pa dang gong na med pa dang gong ma'i yang gong ma dang mnyam pa med pa dang mi mnyam pa dang mnyam pa dang shin tu mnyam pa med pa dang bsam gyis mi khyab pa'i rjes su yi rang bas rjes su yi rang zhing / rjes su yi rang nas rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngo na/ rab 'byor rjes su yi rang ba dang ldan pa'i bsod nams bya ba'i dngos po 'di la byang chub sems dpa' dmigs pa can dag gi tshul khrims las byung ba'i bsod nams mngon par 'du byed pa snga ma des ni brgya'i char yang nye bar mi 'gro'o// stong gi char yang brgya stong gi char yang bye ba'i char yang bye ba brgya'i char yang bye ba stong gi char yang bye ba brgya stong gi char yang bye ba khrag khrig brgya stong gi char yang nye bar mi 'gro'o grangs su yang nye bar mi 'gro'o// bgrang bar yang dper yang dpes

  286. 144a

    bstan par bya bar yang gzhir yang rgyur yang mi bzod do// de ci'i phyir zhe na/ 'di ltar byang chub sems dpa' de dag thams cad ni dmigs pa'i 'du shes can gyis tshul khrims yang dag par blangs te gnas pa'i phyir ro// rab 'byor yang stong gsum gyi stong chen po'i 'jig rten gyi khams gang+gA'i klung gi bye ma snyed kyi sems can thams cad bla na med pa yang dag par rdzogs pa'i byang chub tu yang dag par zhugs te/ bla na med pa yang dag par rdzogs pa'i byang chub tu yang dag par zhugs nas/ bskal pa gang+gA'i klung gi bye ma snyed du lus kyis legs par spyod pa dang / ngag gis legs par spyod pa dang yid kyis legs par spyod pa'i tshul khrims dmigs pa'i 'du shes can gyis yang dag par blangs te gnas pa lta zhog/ rab 'byor stong gsum gyi stong chen po'i 'jig rten gyi khams gang gA'i klung gi bye ma snyed na sems can gang dag yod pa de dag thams cad bla na med pa yang dag par rdzogs pa'i byang chub tu yang dag par zhugs la/ bla na med pa yang dag par rdzogs ba'i byang chub tu yang dag par zhugs nas bskal pa gang ga'i klung gi bye ma snyed du 'dug cing / stong gsum gyi stong chen po'i 'jig rten gyi khams gang gA'i klung gi bye ma snyed gzhan dag gi sems can thams cad kyis/ byang chub sems dpa' re re la mtshang brus shing brdegs te spos kyang nga rgyal dang bcas pa dmigs pa'i

  287. 144b

    'du shes can gyis bzod pa yang dag par blangs te gnas pa nas/ de bzhin du dmigs pa'i 'du shes can gyi byang chub sems dpa' de dag thams cad kyis bzod pa yang dag par blangs te gnas pa'i bar dang rnam grangs 'dis byang chub sems dpa' de dag thams cad las byang chub sems dpa' re res kyang bskal pa gang+gA'i klung gi bye ma snyed du 'dug cing stong gsum gyi stong chen po'i 'jig rten gyi khams gang ga'i klung gi bye ma snyed gzhan dag dang gzhan dag na yod pa'i sems can thams cad kyis bskal pa gang ga'i klung gi bye ma snyed du mtshang brus shing brdegs te spyos pa dang / nga rgyal dang bcas pa dmigs pa'i 'du shes can gyis bzod pa yang dag par blangs te gnas pa dang de bzhin du de dag thams cad thams cad kyis mtshang brus shing brdegs te spos kyang nga rgyal dang bcas pa'i dmigs pa'i 'du shes can kyis bzod pa yang dag par blangs te gnas par gyur la/ byang chub sems dpa' sems dpa' chen po shes rab kyi pha rol tu phyin pa dang thabs mkhas pas yod su zin pa gang zhig 'das pa dang ma byon pa dang da ltar byung ba'i sangs rgyas bcom ldan 'das rnams kyi tshul khrims kyi phung po dang ting nge 'dzin gyi phung po dang shes rab kyi bu po dang rnam par grol ba'i phung po dang rnam par grol ba'i ye shes gzigs pa'i phung po dang / rang sangs rgyas de dag gi tshul khrims dang ting nge 'dzin dang shes rab dang

  288. 145a

    @#rnam par grol ba dang rnam par grol ba'i ye shes mthong ba'i phung po dang / nyan thos de dag gi tshul khrims dang ting nge 'dzin dang shes rab dang rnam par grol ba dang rnam par grol ba'i ye shes mthong ba'i phung po dang / sems can thams cad kyi 'das pa dang ma 'ongs pa dang da ltar byung ba'i dge ba'i rtsa ba de dag thams cad gcig tu bsdus shing bsdoms te gzhal nas ma lus par byas shing / ma lus pa la rjes su yi rang ba'i mchog gi rjes su yi rang ste/ dam pa dang gtso bo dang rab dang mchog rab dang gya nom pa dang bla ma dang bla na med pa dang gong na med pa dang gong ma'i yang gong ma dang mnyam pa med pa dang mi mnyam pa dang mnyam pa dang shin tu mnyam pa med pa dang bsam gyis mi khyab pa'i rjes su yi rang bas rjes su yi rang zhing rjes su yi rang nas rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngo na/ rab 'byor rjes su yi rang ba dang ldan pa'i bsod nams bya ba'i dngos po 'di la/ byang chub sems dpa' dmigs pa can snga ma de dag gi bzod pa dang ldan pa'i bsod nams mngon par 'du byed pa des ni brgya'i char yang nye bar mi 'gro/ stong gi char yang brgya stong gi char yang bye ba'i char yang bye ba brgya'i char yang bye ba stong gi char yang bye ba brgya stong gi char yang bye ba khrag khrig brgya stong gi char yang nye bar mi 'gro'o// grangs su yang bgrang

  289. 145b

    bar yang dper yang dpes bstan par bya bar yang gzhir yang rgyur yang mi bzod do// de ci'i phyir zhe na/ 'di ltar byang chub sems dpa' de dag thams cad ni dmigs pa'i 'du shes can gyis bzod pa yang dag par blangs te gnas pa'i phyir ro// rab 'byor yang stong gsum gyi stong chen po'i 'jig rten gyi khams gang ga'i klung gi bye ma snyed kyi sems can thams cad bla na med pa yang dag par rdzogs pa'i byang chub tu yang dag parla zhugs te/ bla na med pa yang dag par rdzogs pa'i byang chub tu yang dag par zhags nas/ stong gsum gyi stong chen po'i 'jig rten gyi khams gang ga'i klung gi bye ma snyed gzhan dag gi sems can thams cad kyis mtshang brus shing brdegs te spros kyang nga rgyal dang bcas pa dmigs pa'i 'du shes can gyis bskal pa gang ga'i klung gi bye ma snyed ni bzod pa yang dag par blangs te gnas pa lta zhog/ rab 'byor gang dag stong gsum gyi stong chen po'i 'jig rten gyi khams gang gA'i klung gi bye ma snyed na sems can ji snyed yod pa de dag thams cad bla na med pa yang dag par rdzogs pa'i byang chub tu yang dag par zhugs par gyur te/ bla na med pa yang dag par rdzogs pa'i byang chub tu yang dag par zhags nas bskal pa gang ga'i klung gi bye ma snyed du 'dug cing 'chag pas mad par gnas te/ bskal pa gang ga'i klung gi bye ma snyed du yi mi gsod cing rmugs pa dang gnyid kyis zil gyis mnon par brtson 'grus dmigs pa'i 'du shes can gyis yang

  290. 146a

    dag par blangs te gnas la/ byang chub sems dpa' sems dpa' chen po shes rab kyi pha rol tu phyin pa dang thabs mkhas pas yongs su zin pa gang zhig/ 'das pa dang ma byon pa dang da ltar byung ba'i sangs rgyas bcom ldan 'das rnams kyi tshul khrims kyi phung po dang ting nge 'dzin gyi phung po dang shes rab kyi phung po dang rnam par grol ba'i phung po dang rnam par grol ba'i ye shes gzigs pa'i phung po dang / rang sangs rgyas de dag gi yang tshul khrims dang ting nge 'dzin dang shes rab dang rnam par grol ba dang rnam par grol ba'i ye shes mthong ba'i phung po dang / nyan thos de dag gi yang tshul khrims dang ting nge 'dzin dang shes rab dang rnam par grol ba dang rnam par grol ba'i ye shes mthong ba'i phung po dang / sems can thams cad kyi 'das pa dang ma 'ongs pa dang da ltar byung ba'i dge ba'i rtsa ba mngon par 'das byas pa de dag thams cad gcig tu bsdus shing bsdoms te gzhal nas ma lus par byas shing / ma lus pa la rjes su yi rang ba'i mchog gis rjes su yi rang ste/ dam pa dang gtso bo dang rab dang mchog rab dang gya nom pa dang bla ma dang bla na med pa dang gong na med pa dang gong ma'i yang gong ma dang mnyam pa med pa dang mi mnyam pa dang mnyam pa dang shin tu mnyam pa med pa dang bsam gyis mi khyab pa'i rjes su yi rang bas rjes su yi rang la/ rjes su yi rang nas rjes su yi rang ba dang ldan pa'i

  291. 146b

    bsod nams bya ba'i dngos po bla na med pa yang dag par rdzogs pa'i byang chub tu yongs su bsngo na/ rab 'byor rjes su yi rang ba dang ldan pa'i bsod nams bya ba'i dngos po 'di la/ byang chub sems dpa' dmigs pa can snga ma de dag gi brtson 'grus las byung ba'i bsod nams mngon par 'du byed pa des ni brgya'i char yang nye bar mi 'gro/ steng gi char yang brgya stong gi char yang bye ba'i char yang bye ba stong gi char yang bye ba brgya stong gi char yang / bye bo khrag khrig brgya stong gi char yang nye bar mi 'gro'o// grangs su yang bgrang bar yang dper yang dpes bstan par bya bar yang gzhir yang rgyur yang mi bzod do// de ci'i phyir zhe na/ 'di ltar byang chub sems dpa' de dag thams cad ni dmigs pa'i 'du shes can gyis brtson 'grus yang dag par blangs te gnas pa'i phyir ro// rab 'byor yang stong gsum gyi stong chen po'i 'jig rten gyi khams gang ga'i klung gi bye ma snyed kyi sems can thams cad bla na med pa yang dag par rdzogs pa'i byang chub tu yang dag par zhu te bla na med pa yang dag par rdzogs pa'i byang chub tu yang dag par zhugs nas bskal pa gang gA'i klung gi bye ma snyed du 'dug cing 'chag pas mngon par gnas te/ bska pa gang gA'i klung gi bye snyed da yi mi gsod cing rmugs pa dang gnyid kyis zil gyis ma non par dmigs pa'i 'du shes can gyis brtson 'grus yang dag par blangs te gnas

  292. 147a

    pa lta zhog/ rab 'byor gang dag stong gsum gyi stong chen po'i 'jig rten gyi khams gang ga'i gi bye ma snyed kyi sems can de dag tham cad bla na med pa yang dag par rdzogs pa'i byang chub tu yang dag par zhugs te/ de dag thams cad bla na med pa yang dag par rdzogs pa'i byang chub tu yang dag par zhugs nas/ bskal pa gang ga'i klung gi bye ma snyed du dmigs pa'i 'du shes can dag gis bsam gtan bzhi la mnyam par bzhag la/ yang byang chub sems dpa' sems dpa' chen po shes rab kyi pha rol tu phyin pa 'di dang / thabs mkhas pas yongs su zin pa gang zhig 'das pa dang / ma byon pa dang da ltar byung ba'i sangs rgyas bcom ldan 'das thams cad kyi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes gzigs pa'i phung po dang / rang sangs rgyas de dag gi tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po dang / nyan thos de dag gi tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po dang / sems can thams cad kyi 'das pa dang / ma 'ongs pa dang / da ltar byung ba'i dge ba'i rtsa ba

  293. 147b

    mngon par 'du byed pa de dag thams cad gcig tu bsdus shing bsdoms te gzhal nas ma lus par byas shing / ma lus pa la rjes su yi rang ba'i mchog gis rjes su yi rang ste/ dam pa dang gtso bo dang rab dang / mchog rab dang gya nom pa dang bla ma dang bla na med pa dang gong na med pa dang gong ma'i yang gong ma dang / mnyam ba med pa dang / mi mnyam pa dang mnyam pa dang / shin tu mnyam pa med pa dang / bsam gyis mi khyab pa'i rjes su yi rang bas rjes su yi rang ba/ rjes su yi rang nas rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngo na/ rab 'byor rjes su yi rang ba dang ldan pa'i bsod nams bya ba'i dngos po 'di la byang chub sems dpa' dmigs pa can gyis bsam gtan bzhi las byung ba'i bsod nam mngon par 'du byed pa snga ma des brgya'i char yang nye bar mi 'gro'o// stong gi char yang brgya stong gi char yang bye ba'i char yang bye ba brgya'i char yang bye ba stong gi/ char yang bye ba brgya stong gi char yang bye ba khrag khrig brgya stong gi char yang nye bar mi 'gre'o// grangs su yang bgrang bar yang dper yang dpes bstan par bya bar yang gzhir yang rgyur yang mi bzod do// de ci'i phyir zhe na/ 'di ltar byang chub sems dpa' de dag thams can ni dmigs pa'i 'du shes can gyis bsam

  294. 148a

    gtan dag la mnyam par gzhog pa'i phyir ro// 'phags pa shes rab kyi pha rol tu phyin pa brgyad stong pa las/ rjes su yi rang ba dang yongs su bsngo ba'i le'u zhes bya ste drug pa'o// / de nas bcom ldan 'das la tshe dang ldan pa sha ri'i bus 'di skad ces gsol to// bco ldan 'das shes rab kyi pha rol tu phyin pa ni thams cad mkhyen pa'i ye shes yongs su sgrub pa lags so// bcom ldan 'das shes rab kyi pha rol tu phyin pa ni tham cad mkhyen pa nyid lags so// bcom ldan 'das kyis bka' stsal pa/ de de bzhin no sha ri'i bu ci skad zer ba de bzhin no// sha ri'i bus gsesol pa/ bcom ldan 'das shes rab kyi pha rol tu phyin pa ni gsal bar bgyid pa lags te/ bcom ldan 'das shes rab kyi pha rol tu phyin pa la phyag 'tshal lo// bcom ldan 'das shes rab kyi pha rol tu phyin pa ni phyag bgyi bar 'os pa lags so// bcom ldan 'das shes rab kyi pha rol tu phyin pa ni nye bar gos pa med pa lags so// bcom ldan 'das shes rab kyi pha rol tu phyin pa ni 'jig rten thams cad kyis nye bar mi gos pa lags so// bcom ldan 'das shes rab kyi pha rol tu phyin pa ni snang bar bgyid pa lags so// bcom ldan 'das shes rab kyi pha rol tu phyin pa ni khams gsum pa thams cad kyi rab rib dang bral bar bgyid pa logs so// /

  295. 148b

    bcom ldan 'das shes rab kyi pha rol tu phyin pa ni nyon mongs pa dang lta ba'i mun pa thams cad sel bar bgyid pa lags so// bcom ldan 'das shes rab kyi pha rol tu phyin pa ni brten par bgyid pa lags so// bcom ldan 'das shes rab kyi pha rol tu phyin pa ni mchog tu bgyid pa lags so// bcom ldan 'das shes rab kyi pha rol tu phyin pa ni byang chub kyi phyogs kyi chos rnams kyi bde legs su bgyid pa lags so// bcom ldan 'das shes rab kyi pha rol tu phyin pa ni sems can ldong ba rnams la snang bar bgyid pa lags so// bcom ldan 'das shes rab kyi pha rol tu phyin pa ni 'jigs pa dang nye bar 'tshe ba thams cad rab tu spong ba dang snang bar bgyid pa lags so// bcom ldan 'das shes rab kyi pha rol tu phyin pa ni sman lnga yongs su 'dzin par bgyid pas sems can thams cad la lam ston pa lags so// / bcom ldan 'das shes rab kyi pha rol tu phyin pa ni mig lags so// bcom ldan 'das shes rab kyi pha rol tu phyin pa ni gti mug dang mun pa dang rab rib rnams dang bral bar bgyid pa lags so// bcom ldan 'das shes rab kyi pha rol tu phyin pa ni rab rib dang bral bar bgyid pa lags so// bcom ldan 'das shes rab kyi pha rol tu phyin pa ni chos thams cad mi bgyid pa legs so// bcom ldan 'das shes rab kyi pha rol tu phyin pa ni lam log par mchis pa'i sems can rnams lam du

  296. 149a

    'dzud pa lags so// bcom ldan 'das shes rab kyi pha rol tu phyin pa ni thams cad mkhyen pa nyid lags so// bcom ldan 'das shes rab kyi pha rol tu phyin pa ni nyon mongs pa dang shes bya'i sgrib pa'i bag chags dang mtshams sbyor ba thams cad spong ba'i slad du chos thams cad mi skyed pa lags so// bco ldan 'das shes rab kyi pha rol tu phyin pa ni chos thams cad mi 'gog pa lags so// bcom ldan 'das shes rab kyi pha rol phyin pa ni ma skyes pa dang ma 'gags pa lags so// bcom ldan 'das shes rab kyi pha rol tu phyin pa ni rang gi mtshan nyid stong pa nyid kyi slad du byang chub sems dpa' sems dpa' chen po rnams kyi yum lags so// bcom ldan 'das shes rab kyi pha rol tu phyin pa ni sangs rgyas kyi chos rin po che thams cad stsol ba'i srad du stobs bcu bgyid pa lags so// bcom ldan 'das shes rab kyi pha rol tu phyin pa ni mi 'jigs pa bzhi bgyid pa'i slad du mi thul ba lags so// bcom ldan 'das shes rab kyi pha rol tu phyin pa ni mgon ma mchis pa'i sems can rnams kyi mgon bgyid pa lags so// bcom ldan 'das shes rab kyi pha rol tu phyin pa ni ther zug tu gnas pa ma mchis pa'i srad du 'khor ba'i gnyen po lags so// bcom ldan 'das shes rab kyi pha rol tu phyin pa ni chos thams cad kyi ngo bo nyid ston pa lags so// bcom ldan 'das shes rab kyi pha rol tu

  297. 149b

    phyin pa ni sangs rgyas bcom ldan 'das rnams kyi chos kyi 'khor lo lan gsum du bzlas te rnam pa bcu gnyis su bskor ba yongs su rdzogs pa lags so// bcom lnga/ 'das ci ltar byang chub sems dpa' sems dpa' chen pos shes rab kyi pha rol tu phyin pa la gnas par bgyi/ bcom ldan 'das shes rab kyi pha rol tu phyin pa la ltar yid la bgyi/ bcom ldan 'das shes rab kyi pha rol tu phyin pa la ji ltar phyag 'tshal bar bgyi/ de skad ces gsol pa dang / bcom ldan 'das kyis che dang ldan pa sha ri'i bu la 'di skad ces bka' stsal to// sha ri'i bu ston pa la ji lta bar shes rab kyi pha rol tu phyin pa la de ltar gnas par bya'o// sha ri'i bu ston pa la ci ltar bar shes rab kyi pha rol tu phyin pa la de ltar yid la bya'o// sha ri'i bu ston pa la ci lta bar shes rab kyi pha rol tu phyin pa la de ltar phyag bya'o// de nas lha rnams kyi dbang po brgya byin 'di snyam du sems te/ kye ma'o 'phags pa sha ri'i bu ci'i phyir 'di 'dri bar gyur/ kye ma 'phags pa sha ri'i bu ci'i gzhi las 'di 'dri bar gyur snyam mo/ de nas lha rnams kyi dbang po brgya byin gyis tshe dang ldan pa sha ri'i bu la 'di skad ces smras so// 'phags pa shA ri'i bu ci'i phyir 'di 'dri bar gyur/ 'phags ba sha ri'i bu ci'i gzhi las 'di 'dri bar gyur/ de skad ces smras pa dang / tshe dang ldan pa sha ri'i buse lha rnams kyi dbang po brgya byin la 'di skad ces smras so//

  298. 150a

    ko'u shi ka shes rab kyi pha rol tu phyin pa'i thabs mkhas pas yongs su zin pa'i byang chub sems dpa' sems dpa' chen po rjes su yi rang ba dang ldan pa'i bsod nams bya ba'i dngos po thams cad mkhyen pa nyid yongs su bsngo bar byed pas byang chub sems dpa' dmigs pa can snga ma de dag thams cad kyi sbyin pa las byung ba'i bsod nams mngon par 'du byed pa gang yin pa dang tshul khrims las byung ba'i gang yin pa dang bzod pa las byung ba'i gang yin pa dang brtson 'grus las byung ba gang yin pa dang / bsam gtan las byung ba'i bsod nams mngon par 'du byed pa gang yin pa de dag thams cad zil gyis gnon te/ des na bdag ni gzhi 'di las 'di 'dri bar gyur to// ko'u shi ka yang 'on kyang pha rol tu phyin pa lnga po rnams thams cad mkhyen pa nyid kyi lam du 'jug pa'i phyir shes rab kyi pha rol tu phyin pa nyid sngon du 'gro ba yin no// kau shi ka 'di lta ste dper na dmus long brgya 'am stong ngam brgya stong yang rung yongs su 'dren pa med na lam du 'jug pa'i skal ba med kyi ngam grong khyer ram/ grong rdal du 'gro ba'i skal ba med do// kau shi ka de bzhin du sbyin pa dang tshul khrims dang bzod pa dang brtson 'grus dang bsam gtan rnams shes rab kyi pha rol tu phyin pa dang bral bas ni pha rol tu phyin pa'i ming thob cing dmus ling du gyur pa yin te/ yongs su 'dren pa med pa'i phyir thams cad mkhyen pa'i nyid

  299. 150b

    kyi lam du 'jug pa'i skal ba yang med na thams cad mkhyen pa'i grong khyer chen por 'jug pa 'am rjes su thob par lta yang ga la 'gyur/ kau shi ka yang gang gi tshe sbyin pa dang / tshul khrims dang bzod pa dang / brtson 'grus dang bsam gtan rnams shes rab kyi pha rol tu phyin pas yongs su bzung bar gyur pa de'i tshe pha rol tu phyin pa'i ming dang pa rol tu phyin pa'i sgra 'thob ste de'i tshe ni pha rol tu phyin pa lnga po 'di dag thams cad mkhyen pa'i lam du 'jug pa dang thams cad mkhyen pa rjes su thob par bya ba'i don du mig rab tu thob pa yin no// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das byang chub sems dpa' sems dpa' chen po ci ltar shes rab kyi pha rol tu phyin pa mngon par bsgrub par bgyi/ de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu gzugs mngon par bsgrub par blta'o// sha ri'i bu de bzhin du tshor ba dang 'du shes dang 'du byed rnams dang rnam par shes pa mngon par mi bsgrub par blta'o// sha ri'i bu phung po lnga rnams mngon par mi sgrub par gang yin pa de ni sha ri'i bu shes rab kyi pha rol tu phyin pa la mngon par sgrub pa zhes brjod do// de ltar mngon par 'du mi byed pas phung po lnga rnams la mngon par sgrub pa ni shes rab kyi pha rol tu phyin pa la mngon par sgrub pa ste mngon par sgrub pa zhes brjod do// de

  300. 151a

    @skad ces bka' stsal pa dang / bcom ldan 'das la tshe dang ldan pa sha ri'i bus 'di skad ces gsol to// bcom ldan 'das shes rab kyi pha rol tu byin pa de ltar mngon par bsgrubs pas chos gang zhig gtod par bgyid/ bcom ldan 'das kyis bka' stsal pa/ sha ri'i bu shes rab kyi pha rol tu phyin pa de ltar mngon par bsgrubs pas chos gang yang gtod par mi byed do// sha ri'i bu gang gi tshe chos gang yang gtod par mi byed pa de'i tshe shes rab kyi pha rol tu phyin pa zhes bya ba'i grangs su 'grel// de nas bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das ci shes rab kyi pha rol tu phyin pa 'dis thams cad mkhyen pa nyid kyang gtod par mi bgyid lags sam/ bcom ldan 'das kyis bka' stsal pa/ kau shi ka 'di skad du ci shes rab kyi pha rol tu phyin pa 'dis thams cad mkhyen pa nyid kyang gtod par mi bgyid lags sam zhes zer ba ni/ ci ltar dmigs pa de ltar gtong bar mi byed do// ming ci lta ba de ltar gtong bar mi byed do// mngon par 'du byed pa ci lta ba de ltar gtong bar mi byed do// brgya byin gyis gsol pa/ bcom ldan 'das 'on ci ltar gtong bar bgyid/ bcom ldan 'das kyis bka' stsal pa/ kau shi ka ci ltar gtong bar mi byed pa de ltar gtong bar byed do// brgya byin gyis gsol pa/ bcom ldan 'das ci srid du gang gis shes rab

  301. 151b

    kyi pha rol tu phyin pa 'dis chos gang yang mi skyed mi 'gog pa dang chos thams cad skye ba ma mchis pa dang 'gog pa ma mchis pa'i slad du nye bar gnas la/ gnas pa yang ma lags pa'i shes rab kyi pha rol tu phyin pa 'di ni ngo mtshar to// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das gal te byang chub sems dpa' sems dpa' chen po de ltar yang 'du shes par bgyid na/ shes rab kyi pha rol tu phyin pa 'di ring du bgyid shes rab kyi pha rol tu phyin pa 'di gsog tu bgyid shes rab kyi pha rol tu phyin pa 'di gsob tu bgyid de/ shes rab kyi pha rol tu phyin pa 'di mi bgyid pa lags so// de skad ces gsol pa dang bcom ldan 'das kyis tshe dang ldan pa rab 'byor la 'di skad ces bka' stsal to// de de bzhin no rab 'byor de de bzhin te// rab 'byor rnam grangs gang gis shes rab kyi pha rol tu phyin pa 'di rgyang ring du byed pa dang shes rab kyi pha rol tu phyin pa 'di gsog tu byed pa dang shes rab kyi pha rol tu phyin pa 'di gsob tu byed pa dang shes rab kyi pha rol tu phyin pa 'di mi byed par 'gyur ba'i rnam grangs 'di ni yod de/ de ci'i phyir zhe na/ rab 'byor shes rab kyi pha rol tu phyin pa 'di yongs su gsal bar byas na gzugs yongs su gsal bar byas pa ma yin/ tshor ba ma yin 'du shes ma yin 'du byed rnams ma yin/ rnam par shes pa yongs

  302. 152a

    su gsal bar byed pa ma yin/ rgyun tu zhugs pa'i 'bras bu yongs su gsal bar byas pa ma yin/ lan cig phyir 'ong ba'i 'bras bu yongs su gsal bar byas pa ma yin// phyir mi 'ong ba'i 'bras bu yongs su gsal bar byas pa ma yin/ dgra bcom pa nyid yongs su gsal bar byas pa ma yin/ rang sangs rgyas nyid yongs su gsal bar byas pa ma yin sangs rgyas nyid yongs su gsal bar byas pa ma yin// gnas brtan rab 'byor gyis gsol pa/ bcom ldan 'das 'di lta ste shes rab kyi pha rol tu phyin pa ni pha rol tu phyin pa chen po lags so// bcom ldan 'das kyis bka' stsal pa/ rab 'byor 'di ji snyam du sems rnam grangs gang gis 'di lta ste shes rab kyi pha rol tu phyin pa 'di pha rol tu phyin pa chen po yin/ gnas brtan rab 'byor gyis gsol pa/ bcom ldan 'das gzugs chen por mi bgyid chung ngur mi bgyid gzugs sdud par mi bgyid g.yengs par mi bgyid do// de bzhin du tshor ba ma lags/ 'du shes ma lags 'du byed rnams ma lags te/ bcom ldan 'das rnam par shes pa chen por mi bgyid chung ngur mi bgyid rnam par shes pa sdud par mi bgyid g.yengs par mi bgyid do// de bzhin gshegs pa rnams kyi de bzhin gshegs pa'i stobs gang lags pa de dag kyang stobs dang ldan par mi bgyid

  303. 152b

    stobs ma mchis par yang mi bgyid sdud par mi bgyid g.yengs par mi bgyid do// thams cad mkhyen pa gang lags pa de yang chen por mi bgyid chung ngur mi sdud par mi bgyid g.yengs par mi bgyid do// de ci'i slad du zhe na/ bcom ldan 'das thams cad mkhyen pa nyid mi bsdus ma g.yengs pa lags so// bcom ldan 'das byang chub sems dpa' sems dpa' chen po gal te de ltar 'tshal na yang shes rab kyi pha rol tu phyin pa la spyod pa ma lags na/ bdag ni thams cad mkhyen ba'i ye shes dang ldan pa ste 'di ltar sems can rnams la chos bstan par bya'o// 'di ltar sems can 'di dag yongs su mya ngan las bzla bar bya'o snyam du 'tshal ba lta smos su ci mchis/ de ci'i sad du zhe na/ sems can 'di dag yongs su mya ngan las bzla'o snyam pa gang lags pa 'di ni shes rab kyi pha rol tu phyin pa'i rgyu mthun pa ma lags te/ sems can du dmigs pa 'di nyid de'i dmigs pa chen por 'gyur ro// de ci'i slad du zhe na/ shes rab kyi pha rol tu phyin pa ni sems can ngo bo nyid ma mchis pa dang skye ba ma mchis pa'i rang bzhin can du rig par bgyi ste/ sems can ngo bo nyid ma mchis pas na shes rab kyi pha rol tu phyin pa ngo bo nyid ma mchis par rig par bgyi'o// sems can dben pas na shes rab kyi pha rol tu phyin pa dben par rig par bgyi'o// sems can bsam gyis mi khyab pas

  304. 153a

    @na shes rab kyi pha rol tu phyin pa bsam gyis mi khyab par rig par bgyi'o// sems can mi 'jigs pa'i chos nyid lags pa na shes rab kyi pha rol tu phyin pa mi 'jig pa'i chos nyid du rig par bgyi'o// sems can mngon par rdzogs par 'tshang mi rgya bas na shes rab kyi pha rol tu phyin pa mngon par rdzogs par 'chang rgya bar rig par bgyi'o// sems can yang dag pa'i don ci lta ba bzhin du mngon par rdzogs par 'tshang mi rgya bas na/ shes rab kyi pha rol tu phyin pa yang dag ba'i don ci lta ba bzhin du mngon par rdzogs par 'tshang mi rgya bar rig par bgyi'o// sems can stobs yang dag par bsgrub pas na de bzhin gshegs pa'i stob yang dag par bsgrub pas rig par bgyi ste/ bcom ldan 'das rnam grangs 'dis 'di lta ste shes rab kyi pha rol tu phyin pa 'di ni pha rol tu phyin pa chen po lag so// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das byang chub sems dpa' sems dpa' chen po gang shes rab kyi pha rol tu phyin pa zab mo 'di la mos shing nem ner mi bgyid the tshom mi 'tshal rmongs par mi 'gyur na/ bcom ldan 'das de gang nas shi 'phos nas 'dir skyes par rig par bgyi/ bcom ldan 'das shes rab kyi pha rol tu phyin pa 'di'i don dang / chos nyid dang don gyi tshul dang chos nyid kyi tshul gyi rjes su 'gro bar 'gyur la rjes

  305. 153b

    su 'chal bar 'gyur zhing rjes su rtogs par bgyid par 'gyur ba'i byang chub sems dpa' sems dpa' chen po de yun ring po ji srid cig tu spyad cing tshul bsrungs par rig par bgyi/ de skad ces gsol pa dang bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu byang chub sems dpa' sems dpa' chen po de ni sangs rgyas bcom ldan 'das rnams la bsnyen bkur byas shing yongs su dris nas 'jig rten gyi khams gzhan dag nas shi 'phos te 'dir skyes par rig par bya'o// de ci'i phyir zhe na/ sha ri'i bu byang chub sems dpa' sems dpa' chen po gang la la sangs rgyas rnams la bsnyen bkur byas shing / yongs su dris nas 'jig rten gyi khams gzhan dag nas shi 'phos te 'dir skyes par gyur pa de shes rab kyi pha rol tu phyin zab mo 'di 'chang ba dang ston pa dang / nye bar ston pa dang lung 'bogs pa nyan te shes rab kyi pha rol tu phyin pa 'di thos nas shes rab kyi pha rol tu phyin pa 'di la ston par 'du shes bskyed do// bdag gi ston pa mngon sum du gyur te bdag gi ston pa mthong ngo snyam du sems bskyed do// shes rab kyi pha rol tu phyin pa 'di 'chang ba dang ston pa dang nye bar ston pa dang lung 'bogs pa la rna ba blags nas gus par nyan te gtam gyi bar chad mi byed do// sha ri'i bu byang chub sems dpa' sems dpa' chen po de ni yun ring por

  306. 154a

    spyad cing tshul bsrungs pa de lta bu'i rang bzhin du rig par bya'o// shA ri'i bu byang chub sems dpa' sems dpa' chen po de ni sangs rgyas mang po la bsnyen bkur byas pa de lta bu'i tshul du rig par bya'o// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das yang shes rab kyi pha rol tu phyin pa 'di mnyan pa 'am rtogs pa 'am bsam pa 'am bskyed pa 'am nye bar gzung bar nus sam/ shes rab kyi pha rol tu phyin pa de ni 'di zhes 'am shes kyi pha rol tu phyin pa de 'di la'o zhe 'am shes rab kyi pha rol tu phyin pa de ni ga ge mo zhig na'o zhes sam/ rnam pa dang rtags dang mtshan ma 'dis so zhes kyang bstan pa 'am mnyan par nus sam/ bcom ldan 'das kyis bka' stsal pa/ rab 'byor de ni ma yin te rab 'byor shes rab kyi pha rol tu phyin pa la ni phung po 'am khams sam skye mched du bstan pa 'am mnyan pa 'am rtogs pa 'am bsam pa 'am nye bar gzung bar mi nus so// de ci'i phyir zhe na/ rab 'byor chos thams cad dben pa nyid dang chos thams cad shin tu dben pa nyid yin pa'i phyir shes rab kyi pha rol tu phyin pa ni bstan pa 'am mnyan pa 'am rtogs pa 'am bsam pa 'am bskyed pa 'am nye bar gzungs par mi nus so// shes rab kyi pha rol tu phyin pa ni phung po dang khams dang skye mched las gzhan na yang med par

  307. 154b

    rig par bya ste/ de ci'i phyir zhe na/ rab 'byor phung po dang khams dang skye mched nyid stong pa dben pa zhi bas so// de ltar na shes rab kyi pha rol tu phyin pa dang bung po dang khams dang skye mched 'di ni gnyis su med de gnyis su byar med do// stong pa dang dben pa dang zhi ba'i phyir dmigs su med de// chos thams cad kyi mi dmig pa gang yin pa de ni shes rab kyi pha rol tu pha rol tu phyin pa zhes brjod do// gang gi tshe 'du shes pa dang kun shes pa dang brtags pa dang tha snyad mi 'byung ba de'i tshe shes rab kyi pha rol tu phyin pa zhes bya'o// gnas brtan rab 'byor gyis gsol pa/ bcom ldan 'das byang chub sems dpa' sems dpa' chen po gang shes rab kyi pha rol tu phyin pa zab po 'di la rnal 'byor du bgyid pa'i yun ring po ji srid cig sprad cing tshul bsrungs par rig par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen po rnams kyi dbang po'i rim pa yod pas 'di ni rnam par phye ste lung bstan par bya ba yin no// rab 'byor yang rnam grangs gang gis byang chub sems dpa' rnams sangs rgyas brgya phrag mang po dang sangs rgyas stong phrag mang po dang sangs rgyas brgya stong phrag mang po dag mthong nas de dag gi drung du tshangs par spyod pa spad kyang shes rab kyi pha rol tu phyin pa 'di la ma dad ma mos par 'gyur ba'i rnam grangs kyang yod do// de ci'i phyir zhe na/ sngon yang sangs

  308. 155a

    rgyas bcom ldan 'das de dag gis thad nas shes rab kyi pha rol tu phyin pa zab mo 'di 'chang ba dang ston pa dang nye bar ston pa la ma gus so// ma gus pas legs par mi nyan to// legs par ma nyan pas bsnyen bkur mi byed do// bsnyen bkur mi byed pas yongs su mi 'dri'o// yongs su ma dris pas mngon par mi dad do// mngon par dad pas 'khor de nas 'byol te/ de dag gzhi de las chos kyi 'phongs par 'gyur ba dang / mthun pa'i las byas shing bsags la kun nas bsags shing nye bar bsags pas da ltar yang shes rab kyi pha rol tu phyin pa zab mo 'di 'chang ba dang ston pa dang nye bar ston pa na ma gus pas 'byol zhing ma dad la mos par mi byed pas lus dang sems kyi tshogs pa sgrub par mi byed do// tshogs pa sgrub par mi byed pas ni shes rab kyi pha rol tu phyin pa 'a mi shes mi mthong khong du mi chud rig par mi byed de/ de dag de ltar shes rab kyi pha rol tu phyin pa la ma dad par 'gyur ro// ma dad pa ni mi nyan to// mi nyan pa ni mi shes so// ma shes pas ni mi mthong ngo // ma mthong bas ni khong du chud do// khong du mi chud pa ni chos kyis phongs par 'gyur ba dang mthun pa'i las byed yang dag par sogs par byed kun tu sogs par byed nye bar sogs par byed do// de dag chos kyi phongs par 'gyur ba dang mthun pa'i las byas pa dang bsags pa dang kun nas

  309. 155b

    bsags pa dang nye bar bsags pa des shes rab 'chel par 'gyur ba dang mthun pa'i las mngon par 'du byed par 'gyur ro// de dag shes rab 'chal par 'gyur ba dang mthun pa'i las mngon par 'dus byas pa dang bsags pa dang / kun nas bsags pa dang nye bar bsags pa des shes rab kyi pha rol tu phyin pa 'di 'chad pa dang ston pa dang nye bar ston pa na spong bar 'gyur skur bar 'gyur mi snyan par brjod par 'gyur te skur nas kyang 'byol bar 'gyur ro// rab 'byor shes rab kyi pha rol tu phyin pa 'di spong ba dang skur pa dang mi snyan par brjod pas ni 'das pa dang ma byon pa dang da ltar byung ba'i sangs rgyas bcom ldan 'das rnams kyi thams cad mkhyen ba nyid spangs par 'gyur skur bar 'gyur mi snyan par brjod par 'gyur te/ de dag ni rang gi rgyud bcom zhing bsregs nas blo chung ba shes rab chung ba bsod nams chung ba dge ba'i rtsa ba chung po'i gang zag dad pa tsam dang ldan pa dga' ba tsam dang ldan pa/ dang ba tsam dang ldan pa 'dun pa tsam dang ldan pa las dang po pa skal ba med pa'i rang bzhin can gzhan rnams kyi yang dad pa tsam dang dga' ba tsam dang dang btsam dang 'dun pa tsam de yang phyir bzlog cing 'bral bar byed ldog par byed de/ 'di la bslab par mi bya'o// zhes smra zhing 'di ni sangs rgyas kyi gsung ma yin no zhes tshig tu rjod par 'gyur ro// de ltar de dag bdag gi rgyud bcom zhing phral te gzhan

  310. 156a

    gyi rgyud kyang bcom zhing phral nas shes rab kyi pha rol tu phyin pa la skur pa 'debs par 'gyur ro// shes rab kyi pha rol tu phyin pa la skur pa/ btab na thams cad mkhyen pa nyid la skur pa btab par 'gyur ro// thams cad mkhyen pa nyid la skur pa btab na 'das pa dang ma byon pa dang da ltar byung ba'i sang rgyas bcom ldan 'das rnams la skur pa btab par 'gyur ro// de ltar de dag sangs rgyas bcom ldan 'das rnams kyi drung nas 'byol bar 'gyur/ chos kyi yongs su btang bar 'gyur dge 'dun las yongs su phyi rol tu 'gyur ro// de ltar de rnams thams cad nas thams cad rnam pa thams cad du thams cad dkon mchog gsum las phyi rol tu 'gyur te/ de dag sems can rnams la phan pa dang bde ba nye bar gcod par byed pas sems can dmyal ba chen po rnams su rnam par smin par 'gyur ba dang mthun pa'i las nye bar sogs par 'gyur ro// de dag de lta bu'i las mngon par 'du byed pa dang nye bar bzhag pa dang / kun nas blang ba dang chos kyi phongs par 'gyur ba dang mthun pa'i rang bzhin de nyid kyis lo brgya phrag mang po dang lo stong phrag mang po dang lo brgya stong phrag mang po dang lo bye ba brgya phrag mang po dang lo bye ba stong phrag mang po dang / lo bye ba brgya stong phrag mang po dang lo bye ba khrag khrig brgya stong phrag mang por sems can dmyal ba chen po

  311. 156b

    rnams su ltung bar 'gyur ro// de dag sems can dmyal ba chen po nas sems can dmyal ba chen por 'gro bar 'gyur te/ de dag de ltar yun ring por sems ca dmyal ba chen po nas sems can dmyal ba chen por 'pho ba na mes 'jig pa'i bskal pa 'byung bar 'gyur ro// mes 'jig pa'i bskal pa byung ba na 'jig rten gyi khams gzhan dag na sems can dmyal ba chen po gang dag yod pa de dag tu 'dor bar 'gyur te de dag sems can dmyal ba chen po de dag tu ltung bar 'gyur ro// der bor te sems can dmyal ba chen po de dag tu ltung bar gyur pa de dag der yang sems can dmyal ba chen po nas sems can dmyal ba chen por 'pho bar 'gyur ro// de dag der yang sems can dmyal ba chen po nas sems can dmyal ba chen por 'pho ba na der yang slar de kho na bzhin du mes 'jig pa'i bskal pa 'byung bar 'gyur ro// de dag mes 'jigs pa'i bskal pa byung ba na de nas shi 'phos ma thag tu 'jig rten gyi khams gzhan dag na sems can dmyal ba chen po yod pa der 'dor te de dag sems can dmyal ba chen po de dag tu skye bar 'gyur ro// der yang kho na bzhin du sems can dmyal ba chen po nas sems can dmyal ba chen por 'pho bar 'gyur ro// de dag der yang yun ring por sems can dmyal ba chen po de nas sems can dmyal ba chen por 'pho ba na der yang mes 'jig pa'i skal pa 'byung bar

  312. 157a

    'gyur ro// de dag tu mes 'jig pa'i bskal pa byung ba na yang de dag de nas shi 'phos te/ lus ma zad cing lhag ma dang bcas pa'i las de nyid kyis slar 'jig rten gyi khams 'dir 'dor bar 'gyur zhing bor bar gyur pa na yang sems can dmyal ba chen po rnams su skye bar 'gyur ro// de dag slar sems can dmyal ba chen po rnams su sems can dmyal ba'i sdug bsngal chen po de dag myong bar 'gyur te ji srid du mes 'jig pa 'byung bar 'gyur ba de srid du myong bar 'gyur ro// de ltar de dag sdug bsngal mang po myong ba dang mthun pa'i las nyams su myong bar 'gyur ro// de ci'i phyir zhe na/ de lta bu'i tshig gi nyes pa spros pa'i phyir re/ de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das mtshams ma mchis pa lnga'i las bgyis shing nye// bar bsags pa rnams ni/ yid kyis nonges par sprad pa dang ngag gis nong par spyad pa 'di'i gzugs brnyan nam rjes su mthun pa 'am tshul mthun pa tsam yang ma lags so// bcom ldan 'das kyis bka' stsal pa/ de de bzhin no sha ri'i bu de de bzhin to/ sha ri'i bu mtshams med pa lnga'i las byas shing nye bar bsags pa rnams ni yid kyis nyes par spyad pa dang ngag gis nyes par spyad pa'i las byas shing bsags te kun nas bsags pa dang nye bar bsags pa 'di'i gzugs brnyan

  313. 157b

    nab rjes su mthun pa 'am/ tshul mthun pa tsam yang ma yin no// gang su dag shes rab kyi pha rol tu phyin pa zab mo 'di 'chang ba dang ston pa dang nye bar ston pa la phyir gzhil bar sems shing skur par 'gyur mi snyen par zer bar 'gyur te/ 'di la bslab par mi bya'o zhes smra bar 'gyur la 'di ni de bzhin gshegs pas bshad pa ma yin no zhes tshig smra bar 'gyur zhing sems can gzhan dag kyang de dang bral bar byed pa de dag ni rang gi rgyud bcom nas gzhan gyi rgyud kyang 'joms par 'gyur/ rang gi rgyud dug can du byas nas gzhan gyi rgyud kyang dug can du byed par 'gyur/ rang nyid brlag nas gzhan yang brlag par byed par 'gyur/ bdag nyid kyang shes rab kyi pha rol tu phyin pa zab mo ma shes ma rtogs la gzhan dag kyang 'di la bslabs par mi bya'o// zhes 'dzin du 'jug pa'o// sha ri'i bu gang zag de lta bu rang bzhin can ni blta bar yang ngas mi gnang na de dag dang 'grogs pa lta ci smos rnyed pa dang bkur sti lta ci smos gnas pa lta ci smos/ de ci'i phyir zhe na/ sha ri'i bu de lta bu'i rang bzhin can gyi gang zag de dag ni chos la sun 'byin par rig par bya ba yin no// shA ri'i bu gang zag de lta bu'i rang bzhin can de dag ni lo 'dab rul pa lta bur gyur par rig par bya'o// sha ri'i bu gang zag de lta bu de dag ni nag po'i rang bzhin can nag po nye bar skyed par rig par bya'o// sha

  314. 158a

    ri'i bu gang zag de lta bu de dag las gang dag mnyan pa dang dad par bya bar sems pa de dag thams cad kyang tshul me yin pas brlag par 'gyur/ ro// sha ri'i bu gang dag shes rab kyi pha rol tu phyin pa sun 'byin pa de dag ni sha ri'i bu chos la sun 'byin pa'i gang zag tu rig par bya'o// sha ri'i bus gsol pa/ bcom ldan 'das kyis gang zag der skyes shing sems can dmyal ba chen po na mchis pa de'i lus kyi tshad ma bstan to// bcom ldan 'das kyis bka' stsal pa/ shA ri'i bu gang zag sems can dmyal ba chen po der skyes pa de'i lus kyi tshad lta zhog cig/ de ci'i phyir zhe na/ gang zag de lta bu'i rang bzhin can gyi lus kyi tshad thos nas khrag dron po kha nas skyug cing 'chi bor 'gyur ba'am 'chi ba tsam mam sdug bsngal mi bzod pa dang nad kyis reg cing tshig pa 'am de la mya ngan gyi zug tu zhugs pa 'am ga yang sa chen por ltung ba 'am bskam pa 'am snying par gyur na mi rung bas na gang la nyes pa de dag yod pa'i lus de'i chad 'jigs pa chen po can de ltar bu thos par ma gyur ces/ bcom ldan 'das kyis lus de'i tshad 'di tsam du 'gyur ro zhes tshe dang ldan pa sha ri'i bu la go skabs ma phye'o// lan gnyis lan gsum du yang bcom ldan 'das la tshe dang ldan pa sha ri'i bus 'di skad ces gsol to// gang zag de'i lus kyi tshad kyis

  315. 158b

    phyi ma'i skye bo la snang bar bgyis par 'gyur bas ngag dang yid kyis las byas shing bsags pa dang kun tu bsags pa dang nye bar bsags pa 'dis sems can dmyal ba chen po'i lus 'di lta bu chen po yongs su 'dzin par 'gyur ro zhes bcom ldan 'das kyis bdag la bshad du gsol/ bcom ldan 'das kyis bka' stsal pa/ shA ri'i bu gang dag dang yid kyis nyes par spyad pa mi dge ba'i las mngon par 'du byed pa mngon par 'dus byas pa bsags shing kun nas bsags la nye bar bsags pa 'dis yun ring po 'di tsam du sdug bsngal myong bar 'gyur ro zhes bya ba 'di nyid kyis phyi ma'i skye bo la snang bar byas par 'gyur te/ sha ri'i bu sdug bsngal de nyid la gzhal du med pa dang sdug bsngal mang por bshad pa gang yin pa de nyid kyis rigs kyi bu 'am rigs kyi bu mo gang dag dkar po'i skal ba can rnams skyo bar 'gyur zhing de nas de chos kyis phong par 'gyur ba dang mthun pa'i las de dag las rnam par ldog cing bsod nams mngon par 'du byed pa kho na byed de/ bdag kyang de dang 'dra ba'i sdug bsngal dang phrad par mi 'gyur bar bya ba'i phyir srog gi phyir yang dam pa'i chos spong bar mi byed do// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das rigs kyi bu 'am rigs kyi bu mos lus

  316. 159a

    kyi las dang ngag gi las dang yid kyi las shin tu bsdams par bgyi'o// de ci'i slad du zhe na/ bcom ldan 'das de ltar ngag gis nongs pa smras pa de lta bu'i ngo bos bsod nams ma lags pa'i phung po chen po 'di skyes pa lags so// bcom ldan 'das yang las gang gis bsod nams ma lags pa'i phung po chen po 'di skyes par gyur/ bcom ldan 'das kyis bka' stsal pa/ rab 'byor dag gis nyes par smras pa de lta bu'i ngo bos bsod nams ma yin pa'i phung po chen po 'di tsam skyes so// rab 'byor gang dag shes rab kyi pha rol tu phyin pa zab mo 'di sun dbyung bar sems par 'gyur skur par sems par 'gyur phyir gzhil bar sems par 'gyur ba'i skyes bu gti mug can de dag legs par gsungs pa'i chos 'dul ba 'di nyid du rab tu 'byung bar 'gyur ro// shes rab kyi pha rol tu phyin pa 'di phyir bcil na sangs rgyas bcom ldan 'das rnams kyi byang chub kyang phyir bcil bar 'gyur ro// sangs rgyas kyi byang chub phyir bcil na 'das pa dang ma 'ong ba dang da ltar byung ba'i sangs rgyas bcom ldan 'das rnams kyi thams cad mkhyen pa nyid phyir bcil bar 'gyur ro// thams cad mkhyen pa nyid phyir bci la na dam pa'i chos phyir bcil bar 'gyur ro// dam pa'i chos phyir bcil na de bzhin gshegs pa'i nyan thos kyi dge 'dun phyir bcil par 'gyur

  317. 159b

    ro// de bzhin gshegs pa'i nyan thos kyi dge 'dun phyir bcil ba de lta na ni dkon mchog gsum las thams cad nas thams cad rnam pa thams cad du thams cad phyi rol du gyur pa yin pas ches gzhal du med cing grangs med pa'i mi dge ba'i las chen po mngon par 'du byed pa yongs su 'dzin par 'gyur ro// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das rigs kyi bu 'am rigs kyi bu mo shes rab kyi pha rol tu phyin pa 'di la phyir gzhi la bar sems pa de'i rgyu gang lags rkyen gang lags/ bcom ldan 'das kyis bka' stsal pa/ rab 'byor rigs kyi bu 'am rigs kyi bu mo de bdud kyis byin gyis brlabs pa 'am/ shes rab 'chal par 'gyur ba dang mthun pa'i ngag gi las kyis 'di chos zab mo dag la mi dad cing rab tu dad par mi 'gyur te/ rab 'byor sdig pa'i chos 'di gnyis dang ldan pas rigs kyi bu 'am rigs kyi bu mo de shes rab kyi pha rol tu phyin pa 'di la phyir 'jil bar 'gyur ro// rab 'byor gzhan yang shes rab kyi pha rol tu phyin pa zab mo 'di 'chang ba dang ston pa dang nye bar ston pa na phyir gzhil bar sems par 'gyur ba gang yin pa de ni rnam pa bzhi po 'di dag dang ldan par 'gyur te/ rigs kyi bu 'am rigs kyi bu mo de sdig pa'i grogs pa'i lag tu son par 'gyur ba 'am/ mngon par mi brtson par 'gyur ba

  318. 160a

    'am/ phung po la mngon par zhen par 'gyur ba 'am/ bdag la bstod cing gzhan la smod de nyes pa'i skabs tshol bar 'gyur ba'o// 'phags ba shes rab kyi pha rol tu phyin pa brgyad stong pa las dmyal ba'i le'u zhes bya ba ste bdun pa'o// // 'phags pa shes rab kyi pha rol tu phyin pa brgyad stong ga bam po dgu pa// / de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das shes rab kyi pha rol tu phyin pa ni mngon par mi brtson pa dang dge ba'i rtsa ba dang bral ba dang / sdig pa'i grogs po'i lag tu song bas mos par dka'o// bcom ldan 'das kyis bka' stsal pa/ de de bzhin no rab 'byor de de bzhin te/ rab 'byor shes rab kyi pha rol tu phyin pa ni mngon par mi brtson pa dang dge ba'i rtsa ba chung ba dang blo zhen pa dang don du mi gnyer ba dang thos pa nyung ba dang shes rab zhan pa dang sdig pa'i grogs po'i nye bar brtan pa dang legs par mi nyan pa dang / mi 'dri ba'i rang bzhin can dang dge ba'i chos la mi brtson pas mos par dka'o// rab 'byor gyis gsol pa/ bcom ldan 'das e ma shes rab kyi pha rol tu phyin pa ni mos par dka' ba'i slad du 'di tsam du zab pa lags/ bcom ldan 'das kyis bka' stsal pa/ rab 'byor gzugs ni ma bcings ma grol ba'o// de ci'i phyir zhe na/ rab 'byor gzugs ngo bo nyid med

  319. 160b

    pa'i phyir gzugs ma bcings ma grol ba'o// rab 'byor de bzhin du tshor ba dang 'du shes dang 'du byed rnams dang rnam par shes pa ni ma bcings ma grol ba'o// de ci'i phyir zhe na/ rab 'byor rnam par shes pa ngo bo nyid med pa'i phyir rnam par shes pa ma bcings ma grol ba'o// rab 'byor gzugs kyi sngon gyi mtha' ma bcings ma grol ba'o// de ci'i phyir zhe na/ rab 'byor gzugs la sngon gyi mtha'i ngo bo nyid med pa'i phyir ro// rab 'byor gzugs kyi phyi ma'i mtha' ma bcings ma grol ba'o// de ci'i phyir zhe na/ rab 'byor gzugs la phyi ma'i mtha'i ngo bo nyid med pa'i phyir ro// rab 'byor gzugs kyi da ltar byung ba ma bcings ma grol ba'o// de ci'i phyir zhe na/ rab 'byor gzugs kyi da ltar byung ba'i ngo bo nyid med pa'i phyir ro// rab 'byor de bzhin du tshor ba dang 'du shes dang 'du byed rnams dang rnam par shes pa'i sngon gyi mtha' ma bcing ma grel pa'o// de ci'i phyir zhe na/ rab 'byor rnam par shes pa la sngon gyi mtha'i ngo bo nyid med pa'i phyir ro// rab 'byor rnam par shes pa'i phyi ma'i mtha' ma bcings ma grol ba'o// de ci'i phyir zhe na/ rab 'byor rnam par shes pa la phyi ma'i mtha'i ngo bo nyid med pa'i phyir ro// rab 'byor rnam par shes pa'i da ltar byung ba ma bcing ma grol ba'o// de ci'i phyir zhe na/ rab 'byor rnam par shes pa la da ltar byung ba'i ngo bo nyid med pa'i phyir ro// rab 'byor gyis gsol pa/ bcom ldan 'das/

  320. 161a

    @shes rab kyi pha rol tu phyin pa ni mi brtson pa dang dge ba'i rtsa ba ma bsags pa dang sdig pa'i grogs po'i lag tu song ba dang bdud kyi dbang du gyur pa dang le lo can dang brtson 'grus zhan pa dang dran pa nyams pa dang shes rab 'chal pas mos par dka' zhing mchog tu mos par dka' ba lags so// bcom ldan 'das kyis bka' stsal pa/ de de bzhin no// rab 'byor de de bzhin te/ rab 'byor shes rab kyi pha rol tu phyin pa ni mi brtson pa dang dge ba'i rtsa ba ma bsags pa dang sdig pa'i grogs pa'i lag tu song ba dang / bdud kyi dbang du gyur pa dang / le lo can dang brtson 'grus zhan pa dang dran pa nyams pa dang shes rab 'chal pas mos par dka' ba yin te/ rab 'byor shes rab kyi pha rol tu phyin pa ni mchog tu mos par dka' ba yin no// de ci'i phyir zhe na/ rab 'byor gzugs rnam bar dag pa gang yin pa de ni 'bras bu rnam par dag pa 'bras bu rnam par dag pa gang yin pa de ni gzugs rnam par dag pa ste/ rab 'byor de ltar na gzugs rnam bar dag pa dang 'bras bu rnam par dag pa 'di ni gnyis su med cing gnyis su byar med de tha mi dad cing mchad pa'o// rab 'byor de ltar na 'bras bu rnam par dag pa na gzugs rnam par dag pa/ gzugs rnam par dag pas na 'bras bu rnam par dag pa'o// rab 'byor de bzhin du tshor ba dang 'du shes dang 'du byed rnams dang rnam

  321. 161b

    bar shes pa rnam par dag pa gang yin pa de ni 'bras bu rnam par dag pa'o// 'bras bu rnam par dag pa gang yin pa de ni rnam par shes pa rnam par dag pa ste/ rab 'byor de ltar na rnam par shes pa rnam par dag pa dang 'bras bu rnam par dag pa 'di ni gnyis su med cing gnyis su byar med de tha mi dad cing ma chad pa'o// rab 'byor de ltar na 'bras bu rnam par dag pas na rnam par shes pa rnam par dag pa/ rnam par shes pa rnam par dag pas na 'bras bu rnam par dag pa'o// rab 'byor gzhan yang gzugs rnam par dag pa gang yin pa de ni thams cad mkhyen pa nyid rnam par dag pa/ thams cad mkhyen pa nyid rnam par dag gang yin pa de ni gzugs rnam par dag pa ste/ rab 'byor de ltar na gzugs rnam par dag pa dang thams cad mkhyen pa nyid rnam par dag pa 'di ni gnyis su med de gnyis su byar med cing tha mi dad cing ma chad pa'o// rab 'byor de ltar na thams cad mkhyen pa nyid rnam par dag pas na gzugs rnam par dag pa/ gzugs rnam par dag pas na thams cad mkhyen pa nyid rnam par dag pa'o// rab 'byor de bzhin du tshor ba dang / 'du shes dang 'du byed rnams dang rnam par shes pa rnam par dag pa gang yin pa de ni thams cad mkhyen pa nyid rnam par dag pa'o// thams cad mkhyen pa nyid rnam par dag pa gang yin pa de ni rnam par shes pa rnam par dag pa ste/

  322. 162a

    rab 'byor de ltar na rnam par shes pa rnam la phags pa rnam par dag pa dang thams cad mkhyen pa nyid rnam par dag pa 'di ni gnyis su med cing gnyis/ su byar med de tha mi dad cing ma chad pa'o// rab 'byor de ltar na thams cad mkhyen pa nyid rnam par dag pas na rnam par shes pa rnam par dag pa'o// rnam par shes pa rnam par dag pas na thams cad mkhyen pa nyid rnam par dag pa'o// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das shes rab kyi pha rol tu phyin pa ni zab bo bcom ldan 'das kyis bka' stsal pa/ sha ro'i bu rnam par dag pa'i phyir ro// sha ri'i bus gsol pa/ bcom ldan 'das shes rab kyi pha rol tu phyin pa ni gsal bar bgyid pa'o// bcom ldan 'das kyis bka' stsal pa/ sha ri'i bu rnam par dag pa'i phyir ro// sha ri'i bus gsol ba/ bcom ldan 'das shes rab kyi pha rol tu phyin pa ni snang bar bgyid pa'o// bcom ldan 'das kyis bka' stsal pa/ sha ri'i bu rnam par dge ba'i phyir ro// sha ri'i bus gsol pa/ bcom ldan 'das shes rab kyi pha rol tu phyin pa ni mtshams sbyor ba ma mchis pa'o// bcom ldan 'das kyis bka' stsal pa/ sha ri'i bu rnam par dag pa'i phyir ro// shA ri'i bus gsol pa/ bcom ldan 'das shes rab kyi pha rol tu phyin pa ni kun nas nyon mongs pa ma mchis pa'o// bcom

  323. 162b

    ldan 'das kyis bka' stsal pa/ sha ri'i bu rnam par dag pa'i phyir ro// shA ri'i bus gsol pa/ bcom ldan 'das shes rab kyi pha rol tu phyin pa ni thob pa ma mchis pa mngon par rtog pa ma mchis pa'o// bcom ldan 'das kyis bka' stsal pa/ sha ri'i bu rnam par dag pa'i phyir ro// sha ri'i bus gsol pa/ bcom ldan 'das shes rab kyi pha rol tu phyin pa ni mngon par 'grub pa ma mchis pa'o// bcom ldan 'das kyis bka' stsal pa/ sha ri'i bu rnam par dag pa'i phyir ro// shA ri'i bus gsol pa/ bcom ldan 'das shes rab kyi pha rol tu phyin pa ni 'dod pa'i khams dang gzugs kyi khams dang / gzugs med pa'i khams su shin tu skye ba ma mchis pa'o// bcom ldan 'das kyis bka' stsal pa/ sha ri'i bu rnam par dag pa'i phyir ro// shA ri'i bus gsol pa/ bcom ldan 'das shes rab kyi pha rol tu phyin pa ni ma 'tshal yang dag par ma 'tshal ba'o// bcom ldan 'das kyis bka' stsal pa/ sha ri'i bu rnam par dag pa'i phyir ro// ri'i bus gsol pa/ bcom ldan 'das yang shes rab kyi pha rol tu phyin pa ni ci zhig ma 'tshal zhing yang dag par ma 'tshal/ bcom ldan 'das kyis bka' stsal pa/ sha ri'i bu shes rab kyi pha rol tu phyin pa ni gzugs mi shes yang dag par mi shes so// de ci'i phyir zhe na/ sha ri'i bu rnam par dag pa'i phyir ro//

  324. 163a

    @ri'i bu de bzhin du shes rab kyi pha rol tu phyin pa ni tshor ba dang 'du shes dang 'du byed rnams dang rnam par shes pa mi shes yang dag par mi shes so// de ci'i phyir zhe na/ rnam par dag pa'i phyir ro// sha ri'i bus gsol pa/ bcom ldan 'das shes rab kyi pha rol tu phyin pa ni thams cad mkhyen pa nyid la gnod par yang mi bgyid phan par yang mi bgyid do// bcom ldan 'das kyis bka' spel pa/ rnam par dag pa'i phyir ro// shA ri'i bus gsol pa/ bcom ldan 'das shes rab kyi pha rol tu phyin pa ni chos gang yang yongs su mi 'dzin yongs su mi gtong ngo // bcom ldan 'das kyis bka' stsal pa/ sha ri'i bu rnam par dag pa'i phyir ro// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das bdag rnam par dag pas gzugs rnam par dag pa'o// bcom ldan 'das kyis bka' stsal pa/ rab 'byor shin tu rnam par dag pa'i phyir ro// rab 'byor gyis gsol pa/ bcom ldan 'das bdag rnam par dag pas tshor ba dang 'du shes dang 'du byed rnams rnam par dag pa'o// bcom ldan 'das bdag rnam par dag pas rnam par shes pa rnam par dag pa'o// bcom ldan 'das kyis bka' stsal pa/ rab 'byor shin tu rnam par dag pa'i phyir ro// rab 'byor gyis kyis gsol pa/ bcom ldan 'das

  325. 163b

    bdag rnam par dag pas 'bras bu rnam par dag pa'o// bcom ldan 'das kyis bka' stsal pa/ rab 'byor shin tu rnam par dag pa'i phyir ro// rab 'byor gyis gsol pa/ bcom ldan 'das bdag rnam par dag pas thams cad mkhyen pa nyid rnam par dag pa'o// bcom ldan 'das kyis bka' stsal pa/ rab 'byor shin rnam par dag par phyir ro// rab 'byor gyis gsol pa/ bcom ldan 'das bdag rnam par dag pas thob pa ma mchis mngon par rtogs pa yang ma mchis so/ bcom ldan 'das kyis bka' stsal pa/ rab 'byor shin tu rnam par dag pa'i phyir ro// rab 'byor gyis gsol pa/ bcom ldan 'das bdag mu ma mchis pas na gzugs mu ma mchis pa'o// bcom ldan 'das kyis bka' stsal pa/ rab 'byor shin tu rnam par dag pa'i phyir ro// rab 'byor gyis gsol pa/ bcom ldan 'das bdag mu ma mchis pas na tsher ba dang 'du shes dang 'du byed rnams dang rnam par shes pa mu mchis pa'o// bcom ldan 'das kyis bka' stsal pa/ rab 'byor shin tu rnam par dag pa'i phyir ro// rab 'byor gyis gsol pa/ bcom ldan 'das byang chub sems dpa' sems dpa' chen po de'i de ltar rtogs pa gang lags pa de ni 'di'i shes rab kyi pha rol tu phyin pa lags so// bcom ldan 'das kyis bka' stsal pa/ rab 'byor shin tu rnam par

  326. 164a

    dag pa'i phyir ro// tshe dang ldan pa rab 'byor gyis gsol pa/ bcom ldan 'das yang shes rab kyi pha rol tu phyin pa 'di ni tshu rol gyi 'gram na yang mi gnas pha rol gyi 'gram na yang mi gnas gnyis ka'i bar rgyang ring po na yang mi gnas so// bcom ldan 'das kyis bka' stsal pa/ rab 'byor shin tu rnam par dag pa'i phyir ro// tshe dang ldan pa rab 'byor gyis gsol pa/ bcom ldan 'das de ltar yang 'du shes na byang chub sems dpa' sems dpa' chen po de ni shes rab kyi pha rol tu phyin pa 'di 'dor bar 'gyur ro// shes rab kyi pha rol tu phyin pa 'di ring du bgyid par 'gyur ro// bcom ldan 'das kyis bka' stsal pa/ rab 'byor legs so legs so// de de bzhin no// rab 'byor de de bzhin te/ de ci'i phyir zhe na/ rab 'byor ming las kyang chags par 'gyur ro mtshan ma las kyang chags par 'gyur ro// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das 'di ltar bcom ldan 'das kyis gang du chags pa 'di dag kyang bshad pas ci tsam du shes rab kyi pha rol tu phyin pa 'di legs par bshad cing legs par bstan te/ shin tu mthar gtugs pa ni ngo mtshar to// de nas tshe dang ldan pa sha ri'i bus tshe dang ldan pa rab 'byor la 'di skad ces smras so// tshe dang ldan pa rab 'byor chags

  327. 164b

    pa de dag gang yin/ rab 'byor gyis smras pa/ tshe dang ldan pa sha ri'i bu gzugs stong pa'o// snyam pa ni chags pa'o// de bzhin du tshor ba dang 'du shes dang 'du byed rnams dang tshe dang ldan pa sha ri'i bu rnam par shes pa stong pa'o snyam pa ni chags pa'o// 'das pa'i chos rnams la 'das pa'i chos rnams so zhes yang dag par shes pa ni chags pa'o// ma 'ongs pa'i chos rnams la ma 'ongs pa'i chos rnams so zhes yang dag par shes pa ni chags pa'o// da ltar byung ba'i chos rnams la da ltar byung ba'i chos rnams so zhes yang dag par shes pa ni chags pa'o// gang zag byang chub sems dpa'i theg pa can sems dang po bskyed pas bsod nams kyi phung po 'di tsam bskyed do zhes yang dag par shes pa ni chags pa'o// de nas lha rnams kyi dbang po brgya byin gyis tshe dang ldan pa rab 'byor la 'di skad ces smras so// 'phags pa rab 'byor rnam grangs gang gis chags par 'gyur// rab 'byor gyis smras pa/ kau shi ka gal te 'di ni byang chub sems dang po'o zhes byang chub kyi sems de yang dag par shes shing bla na med pa yang dag par rdzogs pa'i byang chub tu yongs su bsngo'o zhes yongs su sngo bar byed pas te/ rigs kyi bu'am rigs kyi bu mo theg pa chen po la yang dag par zhugs pa des sems kyi rang bzhin yongs su bsngo bar ni mi nus so// kau shi ka de bas na

  328. 165a

    @gzhan la yang dag par ston pa dang yang dag par 'god pa dang / yang dag par gzengs bstod pa dang / yang dag par rab tu dga' bar byed pas ni bla na med pa yang dag par rdzogs pa'i byang chub la yang dag pa nyid rjes su rtogs pas yang dag par bstan par bya yang dag par dgod par bya yang dag par gzengs bstod par bya/ yang dag par rab tu dga' bar bya ste/ de ltar na rigs kyi bu 'am rigs kyi bu mo de bdag nyid la yang gnod par mi byed cing sangs rgyas kyis gnang ba'i yang dag par 'god pas gzhan 'god par byed par yang 'gyur la chags pa'i mtha' 'di dag thams cad kyang rnam par spangs par 'gyur ro// de nas bcom ldan 'das kyis tshe dang ldan pa rab 'byor la legs so zhes bya ba byin te/ rab 'byor khyod de ltar byang chub sems dpa' sems dpa' chen po dag la chags pa'i mthe' 'di dag khong du chud par byed pa legs so legs so// rab 'byor de'i phyir chags pa rab tu phra ba gzhan dag kyang brjod par bya ste legs par rab tu nyon la yid la zung shog dang ngas khyod la bshad do// bcom ldan 'das la legs so zhes gsol nas/ tshe dang ldan pa rab 'byor bcom ldan 'das kyis ltar nyan pa dang bcom ldan 'das kyis 'di skad ces bka' stsal te// rab 'byor 'di la rigs kyi bu 'am rigs kyi bu mo dad pa

  329. 165b

    dag de bzhin gshegs pa dgra bcom pa yang dag par rdzogs pa'i sangs rgyas mtshan mar yid la byed na yang rab 'byor mtshan ma ji srid pa de srid du chags pa yin no// de ci'i phyir zhe na/ rab 'byor mtshan ma las ni chags par 'gyur ro// de ltar na de 'das pa dang ma 'ongs pa dang da ltar byung ba'i sangs rgyas bcom ldan 'das rnams kyi zag pa med pa'i chos gang yin pa de dag la rjes su yi rang ngo // de ltar rjes su yi rang nas rjes su yi rang ba dang ldan pa'i dge ba'i rtsa ba dag bla na med pa yang dag par rdzogs pa'i byang chub tu yongs su bsngo'o zhes yongs su sngo bar byed na/ rab 'byor yang chos rnams kyi chos nyid gang yin pa de ni 'das pa 'am ma 'ongs pa 'am da ltar byung ba ma yin te/ gang 'das pa dang ma 'ongs pa dang da ltar byung ba ma yin pa de ni dus gsum las nges par grol ba/ gang dus gsuM las nges par grol ba de ni yongs su bsngo ba dang mtshan mar bya ba dang dmigs par bya bar mi nus shing / de ni mthong ba dang thos pa dang rtogs pa dang rnam par shes pa yang ma yin no// rab 'byor gyis gsol pa/ bcom ldan 'das chos rnams kyi rang bzhin ni zab po// bcom ldan 'das kyis bka' stsal pa/ rab 'byor dben pa'i phyir ro// rab 'byor gyis gsol pa/ bcom ldan 'das shes rab kyi pha rol tu phyin pa ni rang bzhin zab po// bcom ldan 'das kyis bka' stsal pa/

  330. 166a

    rab 'byor rang bzhin rnam par dag pa'i phyir dang / rab 'byor rang bzhin dben pa'i phyir shes rab kyi pha rol tu phyin pa ni rang bzhin zab bo// rab 'byor gyis gsol pa/ bcom ldan 'das shes rab kyi pha rol tu phyin pa ni rang bzhin dben pa'i phyir bcom ldan 'das shes rab kyi pha rol tu phyin pa la phyag 'tshal lo// bcom ldan 'das kyis bka' stsal pa/ rab 'byor chos thams cad rang bzhin dben pa nyid de rab 'byor chos thams cad kyi rang bzhin dben pa nyid gang yin pa de ni shes rab kyi pha rol tu phyin pa'o// de ci'i phyir zhe na/ rab 'byor 'di ltar chos thams cad ni de bzhin gshegs pa dgra bcom pa yang dag par rdzogs pa'i sangs rgyas kyis ma byas par mngon par rdzogs par sangs rgyas so// rab 'byor gyis gsol pa/ bcom ldan 'das de bas na de bzhin gshegs pa dgra bcom pa yang dag par rdzogs pa'i sangs rgyas kyis chos thams cad mngon par rdzogs par sangs rgyas so// bcom ldan 'das kyis bka' stsal pa/ rab 'byor rlung bzhin gyis chos de dag gang yang med do// rang bzhin gang yin pa de ni rang bzhin med pa rang bzhin med pa gang yin pa de ni rang bzhin yin te/ 'di ltar chos thams cad kyi mtshan nyid med pa'i phyir na mtshan nyid gcig pa'i phyir ro// rab 'byor de lta bas na de bzhin gshegs pa dgra bcom pa yang dag par rdzogs pa'i sangs rgyas kyi

  331. 166b

    chos thams cad mngon par rdzogs par sangs ma rgyas so// de ci'i phyir zhe na/ rab 'byor chos kyi rang bzhin ni gnyis su med de rab 'byor chos thams cad kyi rang bzhin ni gcig tu zad do// rab 'byor chos thams cad kyi rang bzhin gang yin pa de ni rang bzhin med pa rang bzhin med pa gang yin pa de ni rang bzhin yin te/ rab 'byor de ltar na chags pa'i mtha' de dag thams cad rnam par spangs pa yin no// rab 'byor gyis gsol pa/ bcom ldan 'das shes rab kyi pha rol tu phyin pa ni zab pa lags sam/ bcom ldan 'das kyis bka' stsal pa/ rab 'byor na mkha' zab pa'i phyir shes rab kyi pha rol tu phyin pa zab bo// rab 'byor gyis gsol pa/ bcom ldan 'das shes rab kyi pha rol tu phyin pa ni rjes su rtogs par dka' ba lags sam/ bcom ldan 'das kyis bka' stsal pa/ rab 'byor 'di ltar su yang mngon par rdzogs par 'tshang rgya ba med do// rab 'byor gyis gsol pa/ bcom ldan 'das shes rab kyi pha rol tu phyin pa ni bsam gyis mi khyab pa lags sam/ bcom ldan 'das kyis bka' stsal pa/ rab 'byor 'di ltar shes rab kyi pha rol tu phyin pa ni sems kyis shes par bya ba ma yin sems kyis rtogs par bya ba ma yin no// rab 'byor gyis gsol pa/ bcom ldan 'das shes rab kyi pha rol tu phyin pa ni ma bgyis pa lags sam/ bcom ldan 'das kyis bka'

  332. 167a

    stsal pa/ rab 'byor byed pa po mi dmigs pa'i phyir shes rab kyi pha rol tu phyin pa ma byas pa'o// rab 'byor gyis gsol pa/ bcom ldan 'das de ltar na byang chub sems dpa' sems dpa' chen pos shes rab kyi pha rol tu phyin pa la ci ltar spyad par bgyi/ bcom ldan 'das kyis bka' stsal pa/ rab 'byor gal te byang chub sems dpa' sems dpa' chen po shes rab kyi pha rol tu phyin pa la spyod pa gzugs la mi spyod no/ shes rab kyi pha rol tu phyin pa la spyod do// de bzhin du gal te tshor ba la ma yin 'du shes la ma yin 'du byed rnams la ma yin/ gol te rnam par shes po la mi spyod na/ shes rab kyi pha rol tu phyin pa la spong do/ gal te gzugs mi rtags pa'o zhes mi spyod na shes rab kyi pha rol tu phyin pa la spyod do// de bzhin du tshor ba dang 'du shes dang 'du byed rnams dang gal te rnam par shes pa mi rtag pa'o zhes mi spyod na shes rab kyi pha rol tu phyin pa la spyod do// gal te gzugs stong pa'o zhes mi spyod na shes rab kyi pha rol tu phyin pa spyod do// de bzhin tu tshor ba la ma yin 'du shes la ma yin 'du byed rnams la ma yin/ gal te rnam par shes pa stong pa'o snyam du mi spyod na/ shes rab kyi pha rol tu phyin pa la spyod do// gal te gzugs ma rdzogs pa dang rdzogs pa'o snyam du mi spyod na/ shes rab kyi pha rol tu phyin pa la spyod do// gzugs kyi rdzogs pa ma yin pa'am rdzogs pa gang yin

  333. 167b

    ba de ni gzugs ma yin te gal te de ltar yang mi spyod na shes rab kyi pha rol tu phyin pa la spyod do// de bzhin du tshor ba la ma yin 'du shes la ma yin 'du byed rnams la ma yin gal te rnam par shes pa rdzogs pa ma yin pa dang rdzogs pa'o snyam du mi spyod na shes rab kyi pha rol tu phyin pa la spyod do// rnam par shes pa rdzogs pa ma yin pa 'am rdzogs pa gang yin pa de ni rnam par shes pa ma yin te/ de ltar yang mi sprod na shes rab kyi pha rol tu phyin pa la spyod do// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das gang gi phyir de ltar ci srid du byang chub sems dpa' sems dpa' chen po rnams kyi chags pa dang bcas pa nyid dang chags pa ma mchis pa nyid bshad pa ni ngo mtshar to// bcom ldan 'das kyis bka' stsal pa/ rab 'byor gal te byang chub sems dpa' sems dpa' chen po gzugs la chags pa dang bcas pa dang chags pa med pa'o snyam du mi spyod ni shes rab kyi pha rol tu phyin pa la spyod do// de bzhin du cha ba dang 'du shes dang 'du byed rnams dang gal te rnam par shes pa la chags pa dang bcas pa dang chags pa med pa'o snyam du mi spyod na shes rab kyi pha rol tu phyin phyin pa la spyod do// rab 'byor gal te byang chub sems dpa' sems dpa' chen po mig la chags pa dang bcas pa dang chags pa med pa'o snyam du mi spyod na shes rab kyi pha rol tu

  334. 168a

    phyin pa la spyod do// de bzhin du yid kyi 'dus te reg pa las byung ba'i tshor ba'i bar la chags pa dang bcas pa dang chags pa med pa'o snyam du mi spyod na shes rab kyi pha rol tu phyin pa la spyod do// sa'i khams la chags pa dang bcas pa dang chags pa med pa'o snyam du mi spyod na shes rab kyi pha rol tu phyin pa la spyod do// rnam par shes pa'i khams kyi bar la chags pa dang bcas pa dang chags pa med pa'o snyam du mi spyod na shes rab kyi pha rol tu phyin pa la spyod do// sbyin po'i pha rol tu phyin pa la chags pa dang bcas pa dang chags pa med pa'o snyam du mi spyod na/ shes rab kyi pha rol tu phyin pa la spyod do// de bzhin du tshul khrims kyi pha rol tu phyin pa dang bzod pa'i pha rol tu phyin pa dang / brtson 'grus kyi pha rol tu phyin pa dang bsam gtan gyi pha rol tu phyin pa dang shes rab kyi pha rol tu phyin pa la chags pa dang bcas pa dang chags pa med pa'o snyam du mi spyod na shes rab kyi pha rol tu phyin pa la spyod do// de bzhin du byang chub kyi phyogs kyi chos sum cu rtsa bdun dang stobs dang mi 'jigs pa dang so so yang dag par rigs pa dang sangs rgyas kyi chos ma 'dres pa bco brgyad la tshogs pa dang bcas pa dang chags pa med pa'i snyam du mi spyod na/ shes rab kyi pha rol tu phyin pa la spyod do// rgyun tu zhugs pa'i 'bras bu la chags pa dang bcas pa dang chags pa med pa'o snyam du mi spyod

  335. 168b

    na shes rab kyi pha rol tu phyin pa la spyod do// de bzhin du lan cig phyir 'ong ba'i 'bras bu dang phyir mi 'ong ba'i 'bras bu dang dgra bcom pa nyid la chags pa dang bcas pa dang chags pa med pa'o snyam du mi spyod na shes rab kyi pha rol tu phyin pa la spyod do// rang sangs rgyas nyid la chags pa dang bcas pa dang chags pa med pa'o snyam du mi spyod na shes rab kyi pha rol tu phyin pa la spyod do// sangs rgyas nyid la chags pa dang bcas pa dang chags pa med pa'o snyam du mi spyod na shes rab kyi pha rol tu phyin pa la spyod do// rab 'byor gal te thams cad mkhyen pa nyid la yang chags pa dang bcas pa dang chags pa med pa'o snyam du mi spyod na shes rab kyi pha rol tu phyin pa la spyod do// rab 'byor byang chub sems dpa' sems dpa' chen po de ltar spyod pa ni gzugs la chags pa mi skyed do de bzhin du tshor ba la ma yin 'du shes ma yin 'du byed rnams la ma yin rnam par shes pa la chags pa mi skyed do// rab 'byor byang chub sems dpa' sems dpa' chen po de ltar na mig la chags pa mi skyed pa nas yid kyi 'dus te reg pa las byung ba'i tshor ba'i bar la chags pa mi skyed/ sa'i khams la chags pa mi skyed pa nas rnam par shes pa'i khams kyi bar la chags pa mi skyed/ sbyin pa'i pha rol tu phyin pa la chags pa mi skyed/ tshul khrims kyi pha rol tu phyin pa lam yin bzod pa'i pha rol tu phyin pa

  336. 169a

    lam yin brtson 'grus kyi pha rol tu phyin pa la ma yin bsam gtan gyi pha rol tu phyin pa la ma yin shes rab kyi pha rol tu phyin pa la chags pa mi skyed/ byang chub kyi phyogs rnams la ma yin stobs rnams la ma yin mi 'jigs pa rnams la ma yin so so yang dag par rig pa rnams la ma yin sangs rgyas kyi chos ma 'dres pa bco brgyad rnams la chags pa mi skyed do// rgyun tu zhugs pa'i 'bras bu la chags pa mi skyed lan cig phyir 'ong ba'i 'bras bu la ma yin phyir mi 'ong ba'i 'bras bu lam yin/ dgra bcom pa nyid la chags pa mi skyed/ rang sangs rgyas nyid la chags pa mi skyed/ sangs rgyas nyid la chags pa mi skyed/ thams cad mkhyen pa nyid la chags pa mi skyed do// de ci'i phyir zhe na/ rab 'byor thams cad mkhyen pa nyid ni ma chags pa ma bcings pa ma grol ba yang dag par ma 'das pa'o// rab 'byor de ltar na chags pa thams cad las rab tu bzla ba'i phyir byang chub sems dpa' sems dpa' chen pos shes rab kyi pha rol tu phyin pa la spyad par bya'o// rab 'byor gyis gsol pa/ bcom ldan 'das 'di ltar shes rab kyi pha rol tu phyin pa zhes bgyi ba'i chos 'di ni zab ste/ ni bstan kyang mi 'grib mo bstan kyang mi 'grib bstan kyang mi 'phel ma bstan kyang mi 'phel ba ni ngo mtshar to// de skad ces gsol pa dang bcom ldan 'das kyis/

  337. 169b

    tshe dang ldan pa rab 'byor la 'di skad ces bka' stsal to// rab 'byor legs so legs so rab 'byor de de bzhin no de de bzhin te/ rab 'byor 'di lta ste dper na de bzhin gshegs pa dgra bcom pa yang dag par rdzogs pa'i sangs rgyas ci srid 'tsho'i bar du bzhugs shing nam mkha'i bsngags pa brjod kyang nam mkha' yongs su 'phel bar mi 'gyur/ bsngags pa ma brjod kyang nam mkha' yongs su 'grib par mi 'gyur ro// rab 'byor 'di lta ste dper na sgyu ma'i skyes bu la brjod kyang rjes su chags par yang mi 'gyur kun nas nyon mongs par mi 'gyur/ bsngags pa ma brjod kyang khong khro bar mi 'gyur kun nas nyon mongs par mi 'gyur ro// rab 'byor de bzhin du chos rnams kyi chos nyid gang yin pa de yang bstan kyang de skyed du zad do ma bstan kyang de snyed du zad do// gnas brtan rab 'byor gyis gsol pa/ bco ldan 'das byang chub sems dpa' sems dpa' chen po gang shes rab kyi pha rol tu phyin pa zab mo 'di la spyod cing / shes rab kyi pha rol tu phyin pa bsgom pa gang zhig zhum par mi bgyid ya ya bor mi 'gyur te/ 'di la rnal 'byor tu yang bgyid la phyir mi ldog pa ni dka' ba bgyid pa lags so// bcom ldan 'das 'di lta ste shes rab kyi pha rol tu phyin pa sgom pa 'di ni nam mkha' sgom pa lags so// bcom ldan 'das byang chub sems dpa' sems dpa' chen po gang dag gis go cha 'di bgos pa

  338. 170a

    de dag ni phyag bgyi bar 'os pa lags so// de ci'i phyir zhe na/ bcom ldan 'das gang sems can rnams kyi srad du go cha bgo bar 'tshal ba de ni nam mkha' dang lhan cig go cha bgo bar 'tshal ba lags so// gang zhig nam mkha' dang mtshungs pa'i sems can chos kyi dbyings dang mtshungs pa'i sems can chos kyi dbyings dang mtshungs pa'i sems can rnams kyi slad du go cha bgo bar 'tshal ba de ni bcom ldan 'das byang chub sems dpa' sems dpa' chen po go cha chen po bgos pa lags te bcom ldan 'das byang chub sems dpa' sems dpa' chen po dpa' bo lags so// bla na med pa yang dag par rdzogs par 'tshang rgya bar 'tshal ba de ni bcom ldan 'das nam mkha' yongs su thar bar 'tshal ba lags so// de ni bcom ldan 'das nam mkha' 'degs par 'tshal ba lags so// bcom ldan 'das byang chub sems dpa' sems dpa' chen po gang nam mkha' dang mtshungs pa chos kyi dbyings dang mtshungs pa'i sems can rnams kyi slad du go cha 'tshal ba de ni brtson 'grus kyi pha rol tu phyin pa'i go cha chen po thob pa lags so// de nas dge slong gzhan zhig gis bcom ldan 'das ga la bde logs su thal mo sbyar ba btud nas bcom ldan 'das la 'di skad ces gsol to// bcom ldan 'das shes rab kyi pha rol tu phyin pa la phyag 'tshal lo// bcom ldan 'das 'di ltar shes rab kyi pha rol

  339. 170b

    tu phyin pa ni chos gang yang mi skyed chos gang yang 'gog par mi bgyid do// de nas tshe dang ldan pa rab 'byor la lha rnams kyi dbang po brgya byin gyis 'di skad ces smras so/ 'phags pa rab 'byor gang shes rab kyi pha rol tu phyin pa 'di la de ltar rnal 'byor du byed pa de ci la rnal 'byor du byed par 'gyur/ rab 'byor gyis smras pa/ kau shi ka gang shes rab kyi pha rol tu phyin pa 'di rnal 'byor du byed pa de ni nam mkha' la rnal 'byor du byed par 'gyur ro// kau shi ka gang shes rab kyi pha rol tu phyin pa 'di la slob cing rnal 'byor tu byed par sems pa de ni bla gab med pa la rnal 'byor du byed par 'gyur ro// de nas bcom ldan 'das la lha rnams kyi dbang po brgya byin gyis 'dri skad ces gsol to// bcom ldan 'das rigs kyi bu 'am rigs kyi bu mo gang shes rab kyi pha rol tu phyin pa 'di 'dzin par 'gyur ba de la bsrung ba dang bskyab pa dang sba ba ci zhig bgyi ba bka' stsal bar gsol/ de nas tshe dang ldan pa rab 'byor gyis lha rnams kyi dbang po brgya byin la 'di skad ces smras so// kau shi ka chos gang la bsrung ba dang bskyab pa dang smra bar bya ba'i chos de khyod kyis yang dag par rjes su mthong ngam/ brgya byin gyis smras pa/ 'phags pa rab 'byor de ni ma yin no/ rab 'byor gyis smras pa/ kau shi ka gal te de ltar byang chub sems dpa' sems dpa' chen po shes rab kyi pha rol tu phyin pa ci ltar bshad pa 'di la gnas na de nyid

  340. 171a

    de la srung ba dang skyob pa dang sbed par 'gyur ro// de ste shes rab kyi pha rol tu phyin pa dang bral bar gyur na ni mi dang mi ma yin pa de la glags lta ba dang glags tshol ba dag gis glags rnyed par 'gyur ro// kau shi ka gzhan yang byang chub sems dpa' sems dpa' chen po gang shes rab kyi pha rol tu phyin pa spyod pa la bsrung ba dang bskyab pa dang sba bar bya bar sems pa de ni nam mkha' la bsrung ba dang bskyab pa dang sba bar bya bar sems so// kau shi ka 'di ci snyam du sems khyod kyis brug cha la bsrung ba dang bskyab pa dang sba bar byed par nus sam/ brgya byin gyis smras pa/ 'phags pa rab 'byor de ni ma yin no// rab 'byor gyis smras pa/ kau shi ka de bzhin du byang chub sems dpa' sems dpa' chen po shes rab kyi pha rol tu phyin pa 'di la spyod cing gnas pas ni chos thams cad kyang brag cha lta bur yongs su shes so// de bas na rlom sems su mi byed yang dag par rjes su mi mthong mi shes yang dag por mi shes chos de dag kyang med cing yang dag par mi snang la/ yang dag par med cing mi dmigs so zhes gnas te/ gal te de ltar gnas na shes rab kyi pha rol tu phyin pa la spyod do// de nas sangs rgyas kyi mthus stong gsum gyi stong chen po'i 'jig rten gyi khams na rgyal po chen po bzhi po dang lha rnams kyi dbang po brgya byin thams cad dang tshangs pa chen po thams cad dang mi mdzad kyi bdag

  341. 171b

    po tshangs pa chen po gang dag yod pa de dag thams cad bcom ldan 'das ga la ba der 'ongs te lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod do// phyogs gcig tu 'khod pa dang rgyal po chen po de dag dang lha rnams kyi dbang po brgya byin thams cad dang tshangs pa chen po thams cad dang tshangs pa chen po mi mjed kyi bdag pos kyang sangs rgyas kyi mthu dang sangs rgyas kyi byin gyis rlabs kyis sangs rgyas stong dang de dag gis ming 'di dag nyid dang tshig 'di dag nyid dang yi ge 'di dag nyid dang rab 'byor ces bya ba'i dge slong 'di dag nyid kyis shes rab kyi pha rol tu phyin pa 'di nyid dang shes rab kyi pha rol tu phyin pa'i le'u 'di nyid nye bar bstan cing / der yang lha rnams kyi dbang po brgya byin rnams nyid kyis yongs su dris shing yongs su zhus te sa phyogs 'di nyid du shes rab kyi pha rol tu phyin pa 'di nyid bshad pa dang / byang chub sems dpa' sems dpa' chen po byams pas kyang bla na med pa yang dag par rdzogs pa'i byang chub mngon par rdzogs par sangs rgyas nas sa phyogs 'di nyid du shes rab kyi pha rol tu phyin pa 'di nyid 'chang bar 'gyur ba shes par gyur to// // 'phags pa shes rab kyi pha rol tu phyin pa brgyad stong pa las rnam par dag pa zhes bya ba'i le'u ste brgyad pa'o// // de

  342. 172a

    @nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das shes rab kyi pha rol tu phyin pa zhes bgyi ba 'di ni ming tsam mo// ming de yang 'di'o zhes mi dmigs te ngag gi dngos po 'di nyid ming zhes bgyi'o// shes rab kyi pha rol tu phyin pa de yang ma mchis mi dmigs te/ ming ci lta ba bzhin du shes rab kyi pha rol tu phyin pa yang de bzhin no shes rab kyi pha rol tu phyin pa ci lta bar ming yang de bzhin te/ chos 'di gnyis ni ma mchis shing mi dmigs na/ bcom ldan 'das ci'i slad du byang chub sems dpa' sems dpa' chen po byams pa bla na med pa yang dag par rdzogs pa'i byang chub mngon par rdzogs par sangs rgyas nas/ ming 'di dag nyid dang / tshig 'di dag nyid dang yi ge 'di dag nyid dang sa phyogs 'di nyid tu shes rab kyi pha rol tu phyin pa 'di nyid 'chad par 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor 'di ltar byang chub sems dpa' sems dpa' chen po byams ni gzugs rtag pa ma yin/ mi rtag pa ma yin/ gzugs bcings pa ma yin grol ba ma yin pas mtha' yas 'das shing rnam par dag pa'o zhes mngon par rdzogs par 'tshang rgya bar 'gyur te/ de bzhin du tshor ba la ma yin/ 'du shes la ma yin 'du byed rnams la ma yin//

  343. 172b

    rnam par shes pa rtag pa ma yin mi rtag pa ma yin/ rnam par shes pa bcings ma yin grol ba ma yin pas mtha' las 'das shing rnam par dag pa'o zhes mngon pa rdzogs par 'tshang rgya bar 'gyur ro// rab 'byor rgyu 'dis na byang chub sems dpa' sems dpa' chen po bams pa bla na med pa yang dag par rdzogs pa'i byang chub mngon par rdzogs par sangs rgyas nas/ ming 'di dag nyid dang tshig 'di dag nyid dang yi ge 'di dag nyid kyis sa phyogs 'di nyid du shes rab kyi pha rol tu phyin pa 'di nyid 'chad par 'gyur ro// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das e ma'o shes rab kyi pha rol tu phyin pa 'di ni yongs su dag pa'o// bcom ldan 'das kyis bka' stsal pa/ rab 'byor gzugs rnam par dag pas/ shes rab kyi pha rol tu phyin pa yongs su dag pa'o// rab 'byer de bzhin du tshor ba dang 'du shes dang 'du byed rnams dang rnam par shes pa rnam par dag pas shes rab kyi/ pha rol tu phyin pa yongs su dag pa'o// rab 'byor gzugs skye ba med pa dang 'gag pa med pa dang kun nas nyon mongs pa med pa dang rnam par byang ba med pa rnam par dag pas shes rab kyi pha rol tu phyin pa yongs su dag pa'o// rab 'byor de bzhin du tshor ba dang 'du shes dang 'du byed rnams dang rnam par shes pa skye ba med pa

  344. 173a

    dang 'gag pa med pa dang / kun nas nyon mongs pa med pa dang rnam par byang ba med pa rnam par dag pas shes rab kyi pha rol tu phyin pa yongs su dag pa'o// rab 'byor nam mkha' rnam par dag pas shes rab kyi pha rol tu phyin pa yongs su dag pa'o// rab 'byor gzugs gos pa med cing yongs su 'dzin pa med pas shes rab kyi pha rol tu phyin pa yongs su dag pa'o// rab 'byor de bzhin du tshor ba dang 'du shes dang 'du byed rnams dang rnam par shes pa gos pa med cing yongs su 'dzin pa med pas shes rab kyi pha rol tu phyin pa yongs su dag pa'o// rab 'byor nam mkha' dang brag cha smrar med cing brjod du med la/ dmigs su med pas shes rab kyi pha rol tu phyin pa yongs su dag pa'o// rab 'byor nye bar gos pa dang gos pa med pa'i chos thams cad kyis gos pa med pa'i phyir shes rab kyi pha rol tu phyin pa yongs su dag pa'o// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das rigs kyi bu 'am rigs kyi bu mo gang dag gi rna lam du shes rab kyi pha rol tu phyin pa 'di grag par 'gyur ba de dag kyang rnyed pa legs par rnyed pa lags na/ gang dag 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa

  345. 173b

    dang lung 'bogs pa dang kha ton bgyid par 'gyur ba lta ci smos te/ de dag la ni mig gi nad 'byung bar mi 'gyur rna ba'i nad ma yin sna'i nad ma yin lce'i nad ma yin lus kyi nad 'byung bar mi 'gyur ro// rmongs pa nyid du mi 'gyur ro// de dag ni nyam nga ba mi spong bas 'chi ba'i dus mi bgyid do// de dag la lha'i bu brgya stong phrag mang po dag de'i phyi bzhin du 'brang bar 'gyur ro// tshes brgyad dang bcu bzhi dang bco lnga la chos smra ba'i rigs kyi bu 'am rigs kyi bu mo gang dang gang du shes rab kyi pha rol tu phyin pa 'chad par 'gyur ba de dang der bsod nams ches mang du bskyed par 'gyur ro// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// de de bzhin no rab 'byor de de bzhin te/ rab 'byor rigs kyi bu 'am rigs kyi bu mo de de'i phyi bzhin du lha brgya stong phrag mang po dag rjes su 'brang bar 'gyur ro// lha brgya stong phrag mang po dag der 'ong bar 'gyur ro// chos ston pa de shes rab kyi pha rol tu phyin pa 'di 'chad par byed pa'i chos nyan par 'dod pa de dag thams cad kyang bsrung ba dang bskyab pa dang sba ba byed par 'gyur ro// de ci'i phyir zhe na/ rab 'byor shes rab kyi pha rol tu phyin pa ni lha dang mi dang lha ma yin du bcas pa'i 'jig rten gyi rin po che bla na med pa'o// rab 'byor de'i phyir yang rigs kyi bu 'am/

  346. 174a

    rigs kyi bu mo de de'i gzhi las bsod nams mang du bskyed par 'gyur ro// rab 'byor 'on kyang shes rab kyi pha rol tu phyin pa zab mo 'di yi ger 'dri ba dang 'dzin pa dang 'chang ba dang klog pa dang / kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa la bar chad mang du 'byung bar 'gyur ro// de ci'i phyir zhe na/ rab 'byor 'di ltar rin po che chen po ni dgra mang ba yin te/ ci tsam du gces par gyur pa bzhin du dgra ches lci bar 'gyur ro// rab 'byor 'di lta ste/ shes rab kyi pha rol tu phyin pa rin po che chen po 'di ni 'jig rten na bla na med pa'i rin po che ste 'jig rten la phan pa dang bde ba'i phyir zhugs pa chos thams cad mi skye ba dang mi 'gag par bya ba'i phyir dang kun nas nyon mongs pa med par bya ba'i phyir mi 'jigs pa'i tshul gyis nye bar gnas pa'o// rab 'byor shes rab kyi pha rol tu phyin pa ni chos gang la yang mi gnas chos gang la yang mi sbyor chos gang la yang yongs su mi 'dzin to// de ci'i phyir zhe na/ rab 'byor 'di ltar chos de dag thams cad ni med cing mi dmigs so// rab 'byor ma skyes pa'i phyir shes rab kyi pha rol tu phyin pa ni ma gos pa'o// rab 'byor ma gos pa zhes bya ba 'di ni shes rab kyi pha rol tu phyin pa ste/ rab 'byor 'di ltar gzugs ma gos pas na shes rab kyi pha rol tu phyin pa

  347. 174b

    ma gos pa'o// de bzhin du tshor ba dang 'du shes dang 'du byed rnams dang rnam par shes pa ma gos pas na rab 'byor shes rab kyi pha rol tu phyin pa 'di ma gos pa'o// rab 'byor gal te de ltar yang byang chub sems dpa' sems dpa' chen po yang dag par mi shes na shes rab kyi pha rol tu phyin pa la spyod do// rab 'byor yang shes rab kyi pha rol tu phyin pa 'di ni chos gang la yang 'jug par byed pa 'am nges par 'jug par byed pa 'am/ yang dag par ston par byed pa 'am/ nges par ston par byed pa 'am/ yongs su thob par byed pa 'am nges par thob par byed pa med do// de nas lha'i bu stong phrag mang po dag par snang la ca co dang ga zha dag byed de gos dag 'thor zhing 'di skad du e ma 'dzam bu'i gling du chos kyi 'khor lo bskor ba lan gnyis su byung bar snang ngo zhes kyang zer ro// de nas bcom ldan 'das kyis tshe dang ldan pa gnas brtan rab 'byor la 'di skad ces bka' stsal to// rab 'byor 'di ni chos kyi 'khor lo lan gnyis su bskor ba ma yin te/ chos gang la yang rab tu bskor ba 'am ldog pa med do// rab 'byor de ltar 'di ni byang chub sems dpa' sems dpa' chen po'i shes rab kyi pha rol tu phyin pa yin no// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das 'di ni gang zhig chos thams cad

  348. 175a

    la chags pa ma mchis pa dang / gang bla na med pa yang dag par rdzogs pa'i byang chub mngon par rdzogs par 'tshang rgya bar 'tshal yang chos gang yang mngon par rdzogs par 'tshang mi rgya ba dang / chos kyi 'khor lo rab tu bskor yang chos gang yang yang dag par mi ston pa'i byang chub sems dpa' sems dpa' chen po de'i pha rol tu phyin pa chen po lags so// de ci'i slad du zhe na/ chos gang zhig dmigs par bya ba 'am chos gang zhig bstan par bya ba de ni med la 'ga' zhig gis 'ga' zhig bskor bar bya ba yang med do// de ci'i slad du zhe na/ bcom ldan 'das chos thams cad ni shin tu mngon par ma grub pa ste/ chos gang yang ldog par mi 'gyur rab tu bskor bar mi 'gyur ro// de ci'i slad du zhe na/ bcom ldan 'das chos thams cad ni thog ma nas mngon par ma grub pa ste/ chos thams cad ni rang bzhin gyis dben pa'i phyir ro// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no de de bzhin te/ rab 'byor stong pa nyid ni rab tu 'jug pa 'am ldog pa med do// rab 'byor mtshan ma med pa yang 'jug pa 'ang ldeg pa med do// rab 'byor/ smon pa med pa yang 'jug pa 'am ldog pa med do// rab 'byor gang 'di ltar bstan pa 'di ni chos thams cad bstan pa yin te/ sus kyang bstan pa med la sus kyang

  349. 175b

    thos pa yang med sus kyang mnos pa yang med sus kyang mngon sum du byas pa yang med sus kyang mngon sum du byed pa yang ma yin/ sus kyang mngon sum du byed par yang mi 'gyur ro// chos bstan pa 'dis ni su yang yongs su mya ngan las 'das yongs su mya ngan las 'da' bar mi 'gyur yongs su mya ngan las mi 'da' ste/ chos bstan pa 'dis ni su yang sbyin pa'i gnas su byas pa yang med do// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das nam mkha' ma mchis pa'i slad du 'di ni ma mchis pa'i pha rol tu phyin pa'o// bcom ldan 'das chos thams cad dmigs su ma mchis par mnyam pa'i slad du 'di ni mi mnyam pa dang mnyam pa nyid kyi pha rol tu phyin pa'o// bcom ldan 'das shin tu stong pa'i slad du 'di ni dben pa'i pha rol tu phyin pa'o// bcom ldan 'das chos thams cad mi dmigs pa'i slad du 'di ni mi rdzi ba'i pha rol tu phyin pa'o// bcom ldan 'das ming ma mchis shing lus ma mchis pa'i srad du 'di ni gnas ma mchis pa'i pha rol tu phyin pa'o// bcom ldan 'das 'gro ba dang 'ong ba ma mchis pa'i slad du 'di ni ngo bo nyid ma mchis pa'i pha rol tu phyin pa'o// bcom ldan 'das chos thams cad rtog pa ma mchis pa'i slad du 'di ni brjod du ma mchis pa'i pha rol tu phyin pa'o// bcom ldan 'das phung po

  350. 176a

    lnga dmigs su ma mchis pa'i slad du 'di ni ming mchis pa'i pha rol tu phyin pa'o// bcom ldan 'das chos thams cad 'gro ba ma mchis pa'i slad du 'di ni 'gro ba ma mchis pa'i pha rol tu phyin pa'o// bcom ldan 'das chos thams cad gzungs pa ma mchis pa'i slad du 'di ni mi 'phrogs pa'i pha rol tu phyin ba'o// bcom ldan 'das mi bas pa'i chos dang ldan pa'i slad du 'di ni mi bas pa'i pha rol tu phyin pa'o// bcom ldan 'das chos thams cad mngon par ma grub pa'i slad du 'di ni chos thams cad mi skye ba'i pha rol tu phyin pa'o// bcom ldan 'das byed pa po mi dmigs pa'i slad du 'di ni byed pa po ma mchis pa'i pha rol tu phyin pa'o// bcom ldan 'das chos thams cad bdag ma mchis pa'i slad du 'di ni shes pa po ma mchis pa'i pha rol tu phyin pa'o// bcom ldan 'das 'chi 'pho ba dang skye ba dag mi skye ba'i slad du 'di ni mi 'pho ba'i pha rol tu phyin pa'o// bcom ldan 'das sngon gyi mtha' dang phyi ma'i mtha' dang da ltar byung ba'i dus mi dmigs pa'i slad du la ni 'dul ba med pa'i pha rol tu phyin pa'o// bcom ldan 'das skye ba ma mchis pa rnam par shes par bgyid pa'i slad du 'di ni rmi lam dang / sgra bstan dang mig yor dang / smig rgyu dang sgyu ma'i pha rol tu phyin pa'o// bcom ldan 'das 'dod chags dang zhe sdang dang gti mug ngo bo nyid ma mchis pa'i slad du 'di ni kun nas

  351. 176b

    nyon mongs pa ma mchis pa'i pha rol tu phyin pa'o// bcom ldan 'das rten mi dmigs pa'i slad du 'di ni rnam par byang ba ma mchis pa'i pha rol tu phyin pa'o// @ ldan 'das nam mkha' gos pa ma mchis pa'i slad du 'di ni gos pa ma mchis pa'i pha rol tu phyin pa'o// bcom ldan 'das rlom sems thams cad las 'das pa'i slad du 'di ni spros pa ma mchis pa'i pha rol tu phyin pa'o// bcom ldan 'das g.yo ba ma mchis pa'i slad du 'di ni rlom sems ma mchis pa'i pha rol tu phyin pa'o// bcom ldan 'das chos kyi dbyings gnas pa nyid kyi slad du 'di ni mi g.yo ba'i pha rol tu phyin pa'o// bcom ldan 'das chos thams cad phyin ci leg pa de bzhin nyid kyi slad du 'di ni 'dod chags dang bral ba'i pha rol tu phyin pa'o// bcom ldan 'das chos thams cad rnam par mi rtog pa nyid kyi slad du 'di ni ldang ba ma mchis pa'i pha rol tu phyin pa'o// bcom ldan 'das chos thams cad kyi mtshan ma mi dmigs pa'i srad du 'di ni zhi ba'i pha rol tu phyin pa'o// bcom ldan 'das yon tan gyi pha rol tu phyin pa'i slad du 'di ni skyon ma mchis pa'i pha rol tu phyin pa'o// bcom ldan 'das yongs su rtog pa ma mchis pa'i srad du 'di ni / mongs pa ma mchis pa'i pha rol tu phyin pa'o// bcom ldan 'das yang dag pa'i mtha'i srad du 'di ni sems can ma mchis pa'i pha rol tu phyin pa'o// bcom ldan 'das

  352. 177a

    chos thams cad ldang ba ma mchis pa'i slad du 'di ni tshad ma mchis pa'i pha rol tu phyin pa'o// bcom ldan 'das chos thams cad mngon par ma/ zhen pa'i slad du 'di ni mtha' gnyis mi rtogs pa'i pha rol tu phyin pa'o// bcom ldan 'das chos thams cad dbyer ma mchis pa'i slad du 'di ni tha mi dad pa'i pha rol tu phyin pa'o// bcom ldan 'das nyan thos dang rang sangs rgyas kyi sa thams cad la 'dod pa ma mchis pa'i slad du 'di ni mchog tu mi 'dzin pa'i pha rol tu phyin pa'o// / bcom ldan 'das rnam par rtog pa zhi ba nyid kyi slad du 'di ni rnam par mi rtog pa'i pha rol tu phyin pa'o// bcom ldan 'das chos nyid tshad ma mchis pa nyid kyi slad du 'di ni gzhal du ma mchis pa'i pha rol tu phyin pa'o// bcom ldan 'das chos thams cad chags pa ma mchis pa'i slad du 'di ni chags pa ma mchis pa'i pha rol tu phyin pa'o// bcom ldan 'das chos thams cad 'dus ma bgyis pa'i slad du 'di ni mi rtog pa'i pha rol tu phyin pa'o// bcom ldan 'das chos thams cad nam mkha' dang mnyam pa'i slad du 'di ni sdug bsngal ba'i pha rol tu phyin pa'o// bcom ldan 'das chos thams cad mi dmigs pa'i srad du 'di ni stong pa nyid kyi pha rol tu phyin pa'o// bcom ldan 'das chos thams cad mngon par ma chags pa'i slad du 'di ni bdag ma mchis pa'i pha rol tu phyin pa'o// bcom ldan 'das chos thams cad mngon par ma

  353. 177b

    grub pa'i slad du 'di ni mtshan nyid ma mchis pa'i pha rol tu phyin pa'o// bcom ldan 'das mtha' yas mu ma mchis pa'i slad du 'di ni stong pa nyid thams cad kyi pha rol tu phyin pa'o// bcom ldan 'das byang chub kyi phyogs de rnams dmigs su ma mchis pa'i slad du 'di ni dran pa nye bar gzhag pa la sogs pa byang chub kyi phyogs kyi chos rnams kyi pha rol tu phyin pa'o// bcom ldan 'das rnam par thar pa'i sgo gsum mi dmigs pa'i slad du 'di ni stong pa nyid dang mtshan ma med pa dang smon pa med pa'i pha rol tu phyin pa'o// bcom ldan 'das 'di rnams dmigs su ma mchis pa'i slad du 'di ni rnam par thar pa brgyad kyi pha rol tu phyin pa'o// bcom ldan 'das bsam gtan dang po la sogs pa mi dmigs pa'i srad du 'di ni mthar gyis gnas pa'i snyoms par 'jug pa dgu'i pha rol tu phyin pa'o// bcom ldan 'das sdug bsngal la sogs pa mi dmigs pa'i slad du 'di ni bden pa bzhi'i pha rol tu phyin pa'o// bcom ldan 'das sbyin pa la sogs pa mi dmigs pa'i slad du 'di ni sa bcu'i pha rol tu phyin pa'o// bcom ldan 'das mi rdzi ba'i slad du 'di ni stobs kyi pha rol tu phyin pa'o// bcom ldan 'das shin tu ma zhum pa'i slad du 'di ni mi 'jigs pa'i pha rol tu phyin pa'o// bcom ldan 'das ye shes thams cad chags pa ma mchis pa dang / thog pa ma mchis pa'i slad du 'di ni so so yang dag par rig

  354. 178a

    pa'i pha rol tu phyin pa'o// bcom ldan 'das bgrang ba las yang dag par 'das pa'i slad du 'di ni sangs rgyas kyi chos ma 'dres pa thams cad kyi pha rol tu phyin pa'o// bcom ldan 'das chos thams cad ma log pa de bzhin nyid kyi slad du 'di ni de bzhin gshegs pa'i de bzhin nyid kyi pha rol tu phyin pa'o// / bcom ldan 'das chos thams cad ngo bo nyid ma mchis pa'i slad du 'di ni rang byung gi pha rol tu phyin pa'o// bcom ldan 'das chos thams cad kyi ngo bo nyid kyi rnam pa thams cad yongs su mkhyen pa'i slad du 'di lta ste shes rab kyi pha rol tu phyin pa 'di ni thams cad mkhyen pa'i ye shes kyi pha rol tu phyin pa'o// 'phags pa shes rab kyi pha rol tu phyin pa brgyad stong pa las bstod pa'i le'u zhes bya ste dgu pa'o// // 'phags pa shes rab kyi pha rol tu phyin pa brgyad stong pa/ bam po bcu pa// de nas lha rnams kyi dbang po brgya byin 'di snyam du sems te shes rab kyi pha rol tu phyin pa 'di rigs kyi bu 'am rigs kyi bu mo gang dag gi rna lam du snang bar 'gyur ba yang sngon rgyal ba la lhag par bya ba byas par 'gyur ba dang sangs rgyas mang po la dge ba'i rtsa ba bskrun pa dang / dge ba'i bshes gnyen gyis yongs su zin par 'gyur ba yin na/ gang dag shes rab kyi pha rol tu phyin pa zab mo 'di 'dzin par 'gyur ba

  355. 178b

    bar 'gyur klog par 'gyur kun chub par byed par 'gyur rab tu 'don par 'gyur ston par 'gyur nye bar ston par 'gyur lung 'bog par 'gyur kha ton byed par 'gyu zhing gzung ba dang bcang ba dang bklags pa dang kun chub pa dang rab tu ston pa dang bstan pa dang nye bar bstan pa dang lung 'bogs pa dang kha ton byas nas de bzhin nyid du slob pa dang de bzhin nyid du sgrub pa dang de bzhin nyid du rnal 'byor du byed par 'gyur ba lta ci smos te de dag ni dge ba'i rtsa ba ngan ngon tsam dang ldan par mi 'gyur te/ rigs kyi bu dang rigs kyi bu mo de dag ni sangs rgyas mang po la brnyan bkur byas par 'gyur ro// gang dag da ltar yang shes rab kyi pha rol tu phyin pa 'di/ nyan par 'gyur zhing mnyan nas kyang 'dzin par 'gyur 'chang bar 'gyur klog par 'gyur kun chub par byed par 'gyur rab tu 'don par 'gyur nye bar ston par 'gyur lung 'bogs par 'gyur/ kha ton byed par 'gyur de bzhin nyid du slob par 'gyur de bzhin nyid du sgrub par 'gyur de bzhin nyid du rnal 'byor du byed par 'gyur ba'i rigs kyi bu 'am rigs kyi bu mo de dag gis ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi thad dus kyang shes rab kyi pha rol tu phyin pa 'di thos nas sangs rgyas bcom ldan 'das rnams la shes rab kyi pha rol tu phyin pa yongs su zhus shing yongs su dris par byas pa yin no//

  356. 179a

    gang dag shes rab kyi pha rol tu phyin pa 'di ltar zab pa 'di bshad pa dang bstan pa dang nye bar bstan pa la 'gong bar mi 'gyur kun tu zhum par mi/ 'gyur bag tsha bar mi 'gyur bag 'khums par mi 'gyur yid phyir phyogs par mi 'gyur bcom zhing phyir phyogs par mi 'gyur mi dngang kun tu mi skrag kun tu skrag pa dang ldan par mi 'gyur ba'i rigs kyi bu dang rigs kyi bu mo de dag ni sangs rgyas mang po la dge ba'i rtsa ba bskrun par rig par bya'o// de nas tshe dang ldan pa sha ri'i bus lha rnams kyi dbang po brgya byin gyi 'di lta bu'i sems kyi rtog pa sems kyi shes nas bcom ldan 'das la 'di skad ces gsol to// bcom ldan 'das rigs kyi bu 'am rigs kyi bu mo gang shes rab kyi pha rol tu phyin pa zab mo 'di nyid 'chad pa dang ston pa dang nye bar ston pa la/ mngon par dad de rtog cing mos la sems dang bas byang chub tu sems bskyed de shes rab kyi pha rol tu phyin pa 'di 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dang nye bar ston pa dang / lung 'bogs pa dang kha ton bgyid pa dang de bzhin nyid du slob pa dang de bzhin nyid du sgrub pa dang de bzhin nyid du rnal 'byor du bgyid par 'gyur ba de ni phyir mi ldog pa'i byang chub sems dpa' sems dpa' chen po ji lta ba de bzhin du gzung bar bgyi'o// de ci'i slad du zhe na/ bcom ldan 'das shes rab kyi pha rol tu phyin pa

  357. 179b

    'di ni zab ste/ bcom ldan 'das dge ba'i rtsa ba chung ba dang sangs rgyas bcom ldan 'das rnams la mngon du ma thos shing yongs su ma dris pa'i rang bzhin can du gyur pa dang sngon spyad pa dang mi ldan pa rnams kyis ni 'di ltar zab pa'i shes rab kyi pha rol tu phyin pa 'di la mos par mi nus so// bcom ldan 'das yang gang dag 'di la mos shing ma rtogs pas spong bar sems pa'i rigs kyi bu dang rigs kyi bu mo de dag gis ni/ sngon gyi mthar yang 'di ltar zab pa'i shes rab kyi pha rol tu phyin pa 'di nyid bshad pa na spangs par gyur to// de ci'i slad du zhe na/ bcom ldan 'das 'di ltar dge ba'i rtsa ba chung ba'i slad du sngon gyi mthar ma sbed pas shes rab kyi pha rol tu phyin pa zab mo 'di la ci ltar yang mos par mi nus so// gang dag shes rab kyi pha rol tu phyin pa zab mo 'di 'chad pa na spong bar 'gyur ba de dag kyang de bzhin du rig par bgyi ste/ de dag gis sngon gyis mthar yang shes rab kyi pha rol tu phyin pa zab mo 'di nyid bshad pa na spangs pa lags te 'di ltar de dag gis shes rab kyi pha rol tu phyin pa zab mo 'di bshad pa la dad pa ma mchis bzod pa ma mchis sred pa ma mchis 'dun pa ma mchis brtson 'grus ma mchis dang ba ma mchis mos pa ma mchis so// de dag gis ni sngon gyi sangs rgyas bcom ldan 'das rnams dang sangs rgyas kyi nyan thos rnams la yongs su ma dris te yongs su dri ba ma

  358. 180a

    @bgyis so// de nas lha rnams kyi dbang po brgya byin gyis tshe dang ldan pa shA ri'i bu la 'di skad ces smras so// 'phags pa sha ri'i bu shes rab kyi pha rol tu phyin pa ni zab pa ste/ byang chub sems dpa' sems dpa' chen po sngon ma sprad pa dag shes rab kyi pha rol tu phyin pa zab mo 'di bshad pa la mos par mi 'gyur ba de la ngo mtshar ci zhig yod/ de nas bcom ldan 'das la lha rnams kyi dbango po brgya byin gyis 'di skad ces gsol to// bcom ldan 'das shes rab kyi pha rol tu phyin pa la phyag 'tshal lo// bcom ldan 'das gang shes rab kyi pha rol tu phyin pa la phyag 'tshal ba de ni thams cad mkhyen pa'i ye shes la phyag 'tshal ba lags so// bcom ldan 'das kyis bka' stsal pa/ kau shi ka de de bzhin no de bzhin te/ kau shi ka gang shes rab kyi pha rol tu phyin pa la phyag 'tshal ba de ni thams cad mkhyen pa'i ye shes la phyag 'tshal ba yin no// de ci'i phyir zhe na/ kau shi ka sangs rgyas bcom ldan 'das rnams kyi thams cad mkhyen pa nyid ni 'di las skyes te/ kau shi ka thams cad mkhyen pa nyid kyi ye shes las skyes pas kyang shes rab kyi pha rol tu phyin pa rab tu phye ba yin no// de ltar shes rab kyi pha rol tu phyin pa 'di la spyad par bya/ de ltar shes rab kyi pha rol tu phyin pa 'di la gnas par bya/ de ltar shes rab kyi pha rol tu phyin pa 'di la rnal 'byor du bya'o// de nas

  359. 180b

    bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das ci ltar na byang chub sems dpa' sems dpa' chen po shes rab kyi pha rol tu phyin pa la spyod pa na shes rab kyi pha rol tu phyin pa la gnas pa lags/ ci ltar shes rab kyi pha rol tu pha rol tu phyin pa la spyod pa na shes rab kyi pha rol phyin pa la rnal 'byor du bgyid/ de skad ces gsol pa dang / bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka/ legs so legs so// kau shi ka gang khyod de bzhin gshegs pa dgra bcom pa yang dag par rdzogs pa'i sangs rgyas la don 'di yongs su 'dri bar bya ba dang yongs su dri bar byed par sems dpa' ni yang khyod legs so// kau shi ka khyod kyi spobs pa 'di yang sangs rgyas kyi mthus skyes pa yin no// kau shi ka byang chub sems dpa' sems dpa' chen po shes rab kyi pha rol tu phyin pa 'di la spyod na/ gzugs la mi gnas gzugs so zhes mi gnas te kau shi ka 'di ltar byang chub sems dpa' sems dpa' chen po gzugs la mi gnas gzugs so zhes mi gnas pa de ltar na kau shi ka byang chub sems dpa' sems dpa' chen po gzugs la rnal 'byor du byed pa yin no// de bzhin du tshor ba dang 'du shes dang 'du byed rnams dang rnam par shes pa la mi gnas rnam par shes pa'o zhes mi gnas te/ kau shi ka 'di ltar byang chub

  360. 181a

    sems dpa' sems dpa' chen po rnam par shes pa la mi gnas rnam par shes pa'o zhes mi gnas pa de ltar na kau shi ka byang chub sems dpa' sem dpa' chen po rnam par shes pa la rnal 'byor du byed pa yin no// kau shi ka gzugs so zhes mi sbyor te/ kau shi ka 'di ltar gzugs so zhes mi sbyor ba de ltar na gzugs so zhes mi gnas pa yin no// kau shi ka de bzhin du tshor ba dang 'du shes dang 'dra byed rnam dang rnam par shes pa'o zhes mi sbyor te/ kau shi ka 'di ltar rnam par shes pa'o zhes mi sbyor ba de ltar na rnam par shes pa'o zhes mi gnas pa yin te/ shes rab kyi pha rol tu phyin pa la de ltar gnas shing de ltar rnal 'byor du byed par 'gyur ro// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das shes rab kyi pha rol tu phyin pa ni zab pa'o// bcom ldan 'das shes rab kyi pha rol tu phyin pa ni gting dpag dka' ba'o// bcom ldan 'das shes rab kyi pha rol tu phyin pa gzung bar dka' ba'o// bcom ldan 'das shes rab kyi pha rol phyin pa ni tshad ma mchis pa'o// bcom ldan 'das kyis bka' stsal pa/ sha ri'i bu de de bzhin no de de bzhin te/ shA ri'i bu gzugs zab po snyam du mi gnas te/ sha ri'i bu 'di ltar gzugs zab bo snyam du mi gnas pa de ltar na gzugs le rnal 'byor du byed pa yin no// de bzhin du tshor ba dang 'du shes dang 'du byed nam

  361. 181b

    dang / sha ri'i bu rnam par shes pa zab po snyam du mi gnas te/ sha ri'i bu 'di ltar rnam par shes pa zab bo snyam du mi gnas pa de ltar na rnam par shes pa la/ rnal 'byor du byed pa yin no// sha ri'i bu gzugs zab po snyam du rnal 'byor du mi byed de/ shA ri'i bu 'di ltar gzugs zab po snyam du rnal 'byor du mi byed pa de ltar na gzugs zab po snyam du mi gnas pa yin no// de bzhin du tshor ba dang 'du shes dang 'du byed rnams dang / shA ri'i bu rnam par shes pa zab po snyam du rnal 'byor du mi byed de/ sha ri'i bu 'di ltar rnam par shes pa zab po snyam du rnal 'byor du mi byed pa de ltar na rnam par shes pa zab bo snyam du mi gnas pa yin no// de skad ces bka' stsal pa dang / bcom ldan 'das la tshe dang ldan pa sha ri'i bus 'di skad ces gsol to// bcom ldan 'das shes rab kyi pha rol tu phyin pa ni zab ste/ byang chub sems dpa' sems dpa' chen po phyir mi ldog par lung bstan pa rnams kyi mdun du bshad par bgyi ba lags so// de ci'i slad du zhe na/ bcom ldan 'das de ni nem nur mi bgyid the tshom 'tshal bar mi 'gyur rmongs par mi 'gyur rtsod par mi 'gyur ro// de nas tshe dang ldan pa sha ri'i bu la lha rnams kyi dbang po brgya byin gyis 'di skad ces smras so// 'phags pa sha ri'i bu gal te byang chub sems dpa' sems dpa' chen po lung ma bsten pa'i mdun du shes

  362. 182a

    rab kyi pha rol tu phyin pa 'di bshad na nyes pa cir 'gyur/ de skad ces sbas pa dang / tshe dang ldan pa sha ri'i bus lha rnams kyi dbang po brgya byin la 'di skad ces smras so// kau shi ka byang chub sems dpa' sems dpa' chen po lung ma bstan pa gang shes rab kyi pha rol tu phyin pa zab mo 'di blta ba dang phyag bya ba dang bsnyen bkur bya ba dang mnyan pa thob par gyur la/ thos nas kyang dngang bar mi 'gyur kun tu skrag par mi 'gyur kun tu skrag pa dang ldan par mi 'gyur ba'i byang chub sems dpa' sems dpa' chen po de ni kau shi ka rgyang ring po nas 'ong bar rig par bya ste/ yun ring po nas theg pa la yang dag par zhugs pa dge ba'i rtsa ba yongs su smin par yin par rig par bya'o// 'di ni ring por mi thogs par bla na med pa yang dag par rdzogs pa'i byang chub tu lung bstan pa thob par 'gyur te/ de ni lung bstan pa la bsnyen pa yin par rig par bya'o// byang chub sems dpa' sems dpa' chen po de ni de bzhin gshegs pa dgra bcom pa yang dag par rdzogs pa'i sangs rgyas gcig gam gnyis sam gsum las mi 'da' ste/ de nas bla na med pa yang dag par rdzogs pa'i byang chub tu lung bstan pa thob par 'gyur ro// 'on kyang de bzhin gshegs pa dgra bcom pa yang dag par rdzogs pa'i sangs rgyas de rnams mnyes par byed par 'gyur te/ mnyes par byas nas

  363. 182b

    kyang thugs phyung bar byed par mi 'gyur ro// de bzhin gshegs pa mthong ba yang lung bstan pas 'bras bu yod par byed par 'gyur ro// de bzhin gshegs pa mthong ba de las kyang bla na med pa yang dag par rdzogs pa'i byang chub tu lung bstan pa thob par 'gyur ro// ji srid du bla na med pa yang dag par rdzogs pa'i byang chub tu lung bstan pa thob par 'gyur ba de srid du de bzhin gshegs pa blta ba dang phyag bya ba dang brnyen bkur bya ba dang rim gror bya ba nas bla na med pa yang dag par rdzogs pa'i byang chub tu mngon par rdzogs par sangs rgyas pa'i bar gyi 'bras bu yod par byed par 'gyur ro// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das byang chub sems dpa' sems dpa' chen po gang shes rab kyi pha rol tu phyin pa zab mo 'di blta ba dang byeg bya ba dang bsnyen bkur bya ba dang mnyan pa thob par gyur pa'i byang chub sems dpa' sems dpa' chen po de ni/ bcom ldan 'das rgyang ring po nas mchis pa lags te yun ring po nas theg pa la yang dag par zhugs pa dge ba'i rtsa ba yongs su smin pa lags par 'tshal bar bgyi na/ gang 'di thos nas kyang 'dzin pa dang 'chang ba dang klog pa dang kun chub par byed pa dang / rab tu 'don pa dang ston pa dang nye bar ston pa dang / lung 'bogs pa dang / kha ton byed par 'gyur

  364. 183a

    pa rnams lha smos kyang ci 'tshal/ de nas bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu de de/ bzhi no de bzhin te/ sha ri'i bu byang chub sems dpa' sems dpa' chen po gang shes rab kyi pha rol tu phyin pa zab mo 'di blta ba dang phyag bya ba dang bsnyen bkur bya ba dang mnyan pa thob par gyur pa'i byang chub sems dpa' sems dpa' chen po de ni shA ri'i bu rgyang ring po nas 'ongs pa yin te/ yun ring po nas theg pa la yang dag par zhugs pa'i dge ba'i rtsa ba yongs su smin pa yin par rig par bya na/ gang 'di thos nas kyang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed par 'gyur ba lta smos kyang ci dgos/ de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das dper gsol bar bdag spobs so// bde bar gshegs pa bdag spobs so// bcom ldan 'das 'di lta ste dper na/ rigs kyi bu 'am rigs kyi bu mo byang chub sems dpa'i theg pa can gang zhig gi rmi lam du yang byang chub kyi snying po la 'dug barmi na/ bcom ldan 'das byang chub sems dpa' sems dpa' chen po de ni mngon par rdzogs par byang chub par bgyi ba'i slad du bla na med pa yang dag par rdzogs

  365. 183b

    pa'i byang chub tu bsnyen pa lags so// bcom ldan 'das de bzhin du rigs kyi bu 'am rigs kyi bu mo gang dag shes rab kyi pha rol tu phyin pa zab mo 'di blta ba dang / phyag bgyi ba dang bsnyen bkur bgyi ba dang mnyen pa thob par gyur na/ bcom ldan 'das byang chub sems dpa'i theg pa pa'i gang zag de ni rgyang ring po nas mchis pa lags te/ yun ring po nas theg pa la yang dag par zhugs pa dge ba'i rtsa ba yongs su smin pa lags na/ thos nas kyang bzung ba dang bcang ba dang klag pa dang kun chub par bgyid pa dang rab tu 'don pa dang ston pa dang nye bar ston pa dang lung 'bogs pa dang kha ton du bgyid pa lta smos kyang ci 'tshal te/ byang chub sems dpa'i theg pa pa'i gang zag de ni lung bstan pa dang bsnyen pa lags shing / byang chub sems dpa' sems dpa' chen po de ni sangs rgyas bcom ldan 'das kyis bla na med pa yang dag par rdzogs pa'i byang chub tu mngon par rdzogs par byang chub par bgyi 'i slad du lung bstan par 'gyur bar rig par bgyi'o// gang shes rab kyi pha rol tu phyin pa zab mo 'di than mnyan pa yang rnyed par 'gyur ba'i byang chub sems dpa' sems dpa' chen po de ni yun ring po nas theg pa la yang dag par zhugs pa dge ba'i rtsa ba yongs su smin pa lags par rig par bgyi na/ bcom ldan 'das rigs kyi bu 'am rigs kyi bu me gang shes rab

  366. 184a

    kyi pha rol tu phyin pa zab mo 'di 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dang / nye bar ston pa dang lung 'bogs pa dang kha ton du bgyid par 'gyur ba lta smos kyang ci 'tshal/ de ci'i slad du zhe na/ bcom ldan 'das sems can chos kyis phongs par 'gyur ba dang mthun pa'i las bsags pa dang phal cher ma bral ba de dag gi sems phal cher ni shes rab kyi pha rol tu phyin pa zab mo 'di la mi mthun par 'gyur zhing sems ldog par 'gyur ro// sems can dge ba'i rtsa ba ma bsags pa ni phal cher yang dag pa'i mtha' 'di la rab tu mi 'jug cing rab dad par mi 'gyur te/ gang dag yang dag pa'i mtha' 'di la rab tu 'jug cing rab tu dad par 'gyur ba'i rigs kyi bu dang rigs kyi bu mo de dag ni dge ba'i rtsa ba bsags pa lags te bcom ldan 'das de dag ni dge ba'i rtsa ba shin tu bsags par rig par bgyi'o// bcom ldan 'das 'di lta ste dper na skyes bu zhig 'brog dgon par dpag tshad brgya pa 'am dpag tshad nyis brgya pa 'am dpag tshad sum brgya pa 'am dpag tshad bzhi brgya pa 'am dpag tshad lnga brgya pa 'am dpag tshad brgya phrag bcu pa'i 'brog dgon pa nas byung ste des byung ba dang mtshan ma gang gis grong ngam grong khyer ram grong rdal mchis par mngon pa'i mtshan ma sngar gda' ba ba lang rdzi 'am phyags rdzi 'am mtshams sam kun dga' ra ba phun sum chog

  367. 184b

    pa 'am tshal phun sum tshogs pa'am de ma lags pa'i mtshan ma gzhan dag kyang rung ste/ des sngar mtshan ma de dag mthong ba dang / 'di snyam du 'di ltar sngar mtshan ma 'di dag snang bas/ de ltar grong ngam grong khyer ram grong rdal du nye bar gyur to snyam nas de ni dbugs phyin pa rnyed pa lags te/ de la slan chad chom po yid la bgyid pa ma mchis pa lags so// bcom ldan 'das de bzhin du byang chub sems dpa' sems dpa' chen po gang zhig shes rab kyi pha rol tu phyin pa zab mo 'di la nye bar gnas na bcom ldan 'das byang chub sems dpa' sems dpa' chen po 'di ni bla na med pa yang dag par rdzogs pa'i byang chub tu bsnyen pa lags te/ byang chub sems dpa' sems dpa' chen po 'di ni ring po mi thogs par bla na med pa yang dag par rdzogs pa'i byang chub tu lung bstan pa thob par rig par bgyi'o// de yang nyan thos kyi sa 'am rang sangs rgyas kyi sa la skrag par mi 'gyur 'jigs par mi 'gyur ro// de ci'i slad du zhe na/ 'di ltar des sngar gyi mtshan ma 'di dag mthong ste/ 'di lta ste shes rab kyi pha rol tu phyin pa zab mo 'di blta ba dang phyag bgyi ba dang bsnyen bkur bgyi ba dang mnyan pa thob pa'i slad du'o// de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu de de bzhin no de de bzhin te/ sha ri'i bu ci ltar 'di sangs rgyas kyi mthus sgra/

  368. 185a

    ba dang smra bar 'gyur ba de bzhin du yang gnas 'di la khyod spobs par bgyis shig/ de skad ces bka' stsal pa dang / com ldan 'das la/ tshe dang ldan pa sha ri'i bus 'di skad ces gsol to// bcom ldan 'das 'di lta ste dper na 'di na skyes bu la la zhig rgya mtsho chen po lta 'tshal bar gyur te/ de rgya mtsho chen po ltar mchis pa dang ci lta ci ltar de rgya mtsho chen po lta bar mchis pa de lta de ltar gal te des sdong po 'am sdong po'i mtshan ma 'am ri 'am ri'i mtshan ma mthong na des 'di snyam du 'di nas rgya mtsho chen po ni da dung ring ngo snyam du 'tshal bar bgyi'o// gal te phyis sdong po 'am sdong po'i mtshan ma 'am ri 'am ri'i mtshan ma mthong na des 'di snyam du 'di nas ni rgya mtsho chen po dang nye'o snyam du 'tshal bar bgyi'o// de ci'i slad du zhe na/ rgya mtsho chen po ni rim gyis dma' ba lags pas rgya mtsho chen po'o nang na sdong po 'am sdong po'i mtshan ma 'am ri 'am ri'i mtshan ma gang yang ma mchis te/ 'di ltar yang rgya mtsho chen po de mig gis mngon gsum du ma mthong ba de lta na yang rgya mtsho chen po ni bdag gis bsnyen te 'di phan chad rgya mtsho chen po mi ring ngo snyam mo// bcom ldan 'das de bzhin du byang chub sems dpa' sems dpa' chen pos shes rab kyi pha rol tu phyin pa zab mo 'di nyan pa na 'di snyam du rig par bgyi ste/ 'di ltar yang de bzhin gshegs pa dgra bcom pa yang dag par rdzogs pa'i

  369. 185b

    sangs rgyas bdag gis bdag mngon sum du ni lung ma bstan pa de lta na yang 'di ltar bla na med pa yang dag par rdzogs pa'i byang chub tu bdag lung ba ston pa dang bsnyen pa/ rig par bgyi'o// de ci'i slad du zhe na/ de ni 'di ltar shes rab kyi pha rol tu phyin pa zab mo 'di blta ba dang phyag bgyi ba dang bsnyen bkur bgyi ba dang mnyan pa thob pa'i srad du'o// bcom ldan 'das 'di lta ste dper na dpyid ka'i dus nye bar gnas pa na shing sna tshogs kyi yal ga'i lo ma rnying pa rnams lhag pa las lo sna tshog byung ste/ lo ma rnams byung ba dang 'dzam bu'i gling gi mi rnams nags tshal dag la sngar gyi mtshan ma de dag mthong nas/ da ni me tog dang 'bras bu rnams ring po mi thogs par 'byung ngo snyam nas yid dga' bar 'gyur ro// de ci'i slad du zhe na/ de ni 'di ltar sdong po las mtshan ma 'di lta bu dag sngar gda' ba'i slad du'o/ bcom ldan 'das de bzhin du gang gi tshe byang chub sems dpa' sems dpa' chen pos shes rab kyi pha rol tu phyin pa zab mo 'di lta ba dang phyag bgyi ba dang bsnyen bkur bgyi ba dang mnyen pa rnyed pa'i skad du nye bar gnas na byang chub sems dpa' sems dpa' chen po de ni shes rab kyi pha rol tu phyin pa zab mo 'di la dge ba'i rtsa ba yongs su smin pa lags par rig par bgyi ste/ shes rab kyi pha rol tu phyin pa zab mo 'di ni de la sngon gyi dge ba'i rtsa ba de nyid kyis nye bar bstabs pa lags so// de la gang sngon

  370. 186a

    sangs rgyas mthong ba'i lha de dag ni 'di snyam du sems te/ sngon gyi byang chub sems dpa' sems dpa' chen po de dag la yang bla na med pa yang dag par rdzogs pa'i byang chub tu lung bstan pa'i mtshan ma sngar byung ba yin pas byang chub sems dpa' sems dpa' chen po 'di ni bla na med pa yang dag par rdzogs pa'i byang chub tu ring po mi thogs par lung bstan pa thob par 'gyur ro snyam nas rab tu dga' bar 'gyur zhing rangs te yid mgu ba skye bar 'gyur ro// bcom ldan 'das 'di lta ste dper na bud med sbrum ma mngal lci bar gyur pa de gang gi tshe lus bskyod na cher snyom par 'gyur te de 'chag pa la dad tshor mi 'gyur kha zas chung ngu 'tshal bar 'gyur rmug pa dang gnyid chung bar 'gyur smra ba nyung bar 'gyur stobs chung bar 'gyur sdug bsngal mang bar 'gyur smre bzhin du mang du gnas par 'gyur/ 'grogs pa la dad che bar mi 'gyur sngon gyi tshul bzhin ma lags pa yid la bgyid pa sten cing nges par bsten la bsgoms te mang du byas pas 'di lta bu'i tshor ba lus kyis myong ngo snyam ba de'i tshe bcom ldan 'das ci ltar sngar gyi mtshan ma 'di dag mthong ba de ltar bud med 'di ni ring po mi thogs par bu 'byung bar 'tshal bar bgyi'o// bcom ldan 'das de bzhin du byang chub sems dpa' sems dpa' chen po dge ba'i rtsa ba yongs su smin pa de/ gang gi tshe shes rab kyi pha rol tu phyin pa zab mo 'di lta ba dang phyag bgyi ba dang /

  371. 186b

    bsnyen bkur bgyi ba dang mnyan pa'i srad du nye bar gnas la/ nyan pa na de la dga' zhing shes rab kyi pha rol tu phyin pa la don du gnyer ba'i sems bskyed pa de'i tshe/ bcom ldan 'das byang chub sems dpa' sems dpa' chen po 'di ni bla na med pa yang dag par rdzogs pa'i byang chub tu ring po mi thogs par lung bstan pa thob par 'gyur bar 'chal bar bgyi'o// de skad ces gsol pa dang bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu legs so legs so sha ri'i bu 'di yang sangs rgyas kyi mthus khyod spobs par gyur to// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po 'di dag 'di ltar legs par yong su bzung ba dang legs par sbyangs pa dang yongs su gtad pa'i bar 'di ni ngo mtshar to// bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen po de dag ni skye bo mang po la phan pa dang skye bo mang po la bde ba dang 'jig rten la snying rtse ba dang skye bo phal po che'i don dang phan pa dang bde ba'i phyir zhugs pa ste/ lha dang mi dang sa la snying brtse ba can snying brtse ba'i phyir/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod

  372. 187a

    pa/ bla na med pa yang dag par rdzogs pa'i byang chub tu mngon par rdzogs par sangs rgyas nas bla na med pa'i chos ston par 'dod pa'o// rab 'byor gyis gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa 'di la spyod pa na ci ltar shes rab kyi pha rol tu phyin pa sgom pa yongs su rdzogs par 'gyur/ bcom ldan 'das kyis bka' stsal pa/ rab 'byor gal te byang chub sems dpa' sems dpa' chen po shes rab kyi pha rol tu phyin pa la spyod pas/ gzugs kyi 'phel ba yang dag par rjes su mi mthong na shes rab kyi pha rol tu phyin pa la spyod do// de bzhin du tshor ba'i ma yin 'du shes kyi ma yin 'du byed rnams kyi ma yin rnam par shes pa'i 'phel ba yang dag par rjes su mi mthong na shes rab kyi pha rol tu phyin pa la spyod de// gzugs kyi 'grib pa yang dag par rjes su mi mthong na shes rab kyi pha rol tu phyin pa la spyod do// de bzhin du tshor ba'i ma yin 'du shes kyi ma yin 'du byed rnams kyi ma yid rnam par shes pa'i 'grib pa yang dag par rjes su mi mthong na shes rab kyi pha rol tu phyin pa la spyod do// chos yang dag par rjes su mi mthong na shes rab kyi pha rol tu phyin pa la spyod do// chos ma yin pa yang dag par rjes su mi mthong na shes rab kyi pha rol tu phyin pa la spyod do// de ltar na 'di'i shes rab kyi pha rol tu phyin pa sgom pa yongs

  373. 187b

    su rdzogs par 'gyur ro// rab 'byor gyis gsol pa/ bcom ldan 'das bstan pa 'di ni bsam gyis mi khyab bo// bcom ldan 'das kyis bka' stsal pa/ rab 'byor gzugs bsam gyis mi khyab ste/ de bzhin du tshor ba dang 'du shes dang 'du byed rnams dang rab 'byor rnam par shes pa bsam gyis mi khyab po// rab 'byor gzugs bsam gyis mi khyab ces bya bar yang mi shes na shes rab kyi pha rol tu phyin pa la spyod do// de bzhin du tshor ba dang 'du shes dang 'du byed rnams dang / rab 'byor rnam par shes pa bsam gyis mi khyab ces bya bar yang mi shes na shes rab kyi pha rol tu phyin pa la spyod do// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das shes rab kyi pha rol tu phyin pa de ltar zab pa 'di la su zhig mos par 'gyur/ bcom ldan 'das kyis bka' stsal pa/ sha ri'i bu byang chub sems dpa' sems dpa' chen po gang shis rab kyi pha rol tu phyin pa la sprad par gyur pa de shes rab kyi pha rol tu phyin pa 'di la mos par 'gyur ro// tshe dang ldan pa sha ri'i bus gsol pa/ bcom ldan 'das ci ltar na byang chub sems dpa' sems dpa' chen po spyad par gyur pa lags/ bcom ldan 'das ci ltar na spyad par gyur pa zhes bgyi ba'i ming 'thob par 'gyur/ bcom ldan 'das kyis bka' stsal pa/ sha ri'i bu 'di lo byang chub sems dpa'

  374. 188a

    sems dpa' chen po stobs rnams la mi rtog mi 'jigs pa rnams la mi rtog sangs rgyas kyi chos rnams la yang mi rtog thams cad mkhyen pa nyid la mi rtog go/ de ci'i phyir zhe na/ sha ri'i bu stobs rnams bsam gyis mi khyab mi 'jigs pa rnams kyang bsam gyis mi khyab sangs rgyas kyi chos rnam kyang bsam gyis mi khyab/ thams cad mkhyen pa nyid kyang bsam gyis mi khyab chos thams cad kyang bsam gyis mi khyab ste/ shA ri'i bu de ltar spyad par gyur pa'i byang chub sems dpa' sems dpa' sang la yang mi spyod na shes rab kyi pha rol tu phyin pa la spyod de/ de ltar spyad par gyur pa zhes bya zhing spyad par gyur pa zhes bya ba'i ming 'thob po// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das shes rab kyi pha rol tu phyin pa zab bo// bcom ldan 'das shes rab kyi pha rol tu phyin pa ni rin po che'i phung po'o// bcom ldan 'das nam mkha' dag pa'i srad du shes rab kyi pha rol tu phyin pa ni dag pa'i phung po'o// bcom ldan 'das rigs kyi bu dang rigs kyi bu mo gang dag shes rab kyi pha rol tu phyin pa 'di 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dang nye bar ston pa dang lung 'bogs pa dang kha to/ bgyid pa dang yi ger 'dri ba la bar chad bgyid pa mang po 'byung ba 'di ni de/

  375. 188b

    mtshar to// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no de de bzhin te/ rab 'byor rigs kyi bu 'am rigs kyi bu mo gang dag shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang / ston pa dang nye bar ston pa dang lung 'bogs pa dang kha ton byed pa dang yi ger 'dri ba la bar chad byed pa mang du 'byung ngo // de ci'i phyir zhe na/ rab 'byor de ni 'di ltar rigs kyi bu dang rigs kyi bu mo dag shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang yi ger 'dri ba dag la bdud sdig can dag bar chad bya bar brtson par byed do// der myur du bris te gal te zla ba 'am zla ba gnyis sam zla ba gsum gyis 'dri na yang bri bar bya ba yin no// gal te lo gcig gis sam de phan chad 'dri bar 'gyur na de lta na yang rab 'byor rig kyi bu 'am rigs kyi bu mo de dag gis shes rab kyi pha rol tu phyin pa 'di bri bar bya'o// de ci'i phyir zhe na/ rab 'byor de ni 'di ltar yin te rin po che chen po gang yin pa de la ni bar chad byed pa mang du 'byung ngo // de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan

  376. 189a

    'das shes rab kyi pha rol tu phyin pa 'di 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dang nye bar ston ba dang lung 'bogs pa dang kha ton bgyid pa dang yi ger 'dri ba la bdud sdig can bar chad kyi las bgyi bar spro ba rnam pa mang po skyes nas brtson pa bgyid par 'gyur ro// bcom ldan 'das kyis bka' stsal pa/ rab 'byor 'di ltar yang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang yi ger 'dri ba la bdud sdig can bar chad kyi las bya bar brtson par ni 'gyur mod kyi de ltar na yang yi dam ma nyams pa'i byang chub sems dpa' sems dpa' chen po la bar chad byed mi nus so// de nas bcom ldan 'das la che dang ldan pa sha ri'i bus 'di skad ces gsol to// bcom ldan 'das gang gi tshe rigs kyi bu dang rigs kyi bu mo dag shes rab kyi pha rol tu phyin pa 'di 'dzin pa dang 'chang ba dang klog pa dang kun chub par/ byed pa dang rab tu 'don pa dang ston pa dang nye bar ston pa dang lung 'bogs pa dang kha ton bgyid pa dang yi ger 'dri ba la bdud sdig cin dag par bgyi ba la spro ba skye bar 'gyur ba de'i tshe/ bcom ldan 'das ci ltar na deng sang rigs kyi bu dang rigs kyi bu mo dag gis shes rab kyi pha rol tu phyin pa 'di 'dzin pa dang 'chang ba dang klog pa dang kun chub par

  377. 189b

    bgyid pa dang rab tu 'don pa dang ston pa dang nye bar ston pa dang lung 'bogs pa dang kha ton bgyid pa dang yi ger 'dri bar 'gyur/ bcom ldan 'das gang gis mthus rigs kyi bu dang rigs kyi bu mo de dag shes rab kyi pha rol tu phyin pa 'di 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dang nye bar ston pa dang lung 'bogs pa dang / kha ton bgyid pa dang yi ger 'dri bar 'gyur/ de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu rigs kyi bu dang rigs kyi bu mo de dag ni sangs rgyas bcom ldan 'das de bzhin gshegs pa dgra bcom pa yang dge bar rdzogs pa'i sangs rgyas rnams kyi mthus shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang yi ger 'dri bar 'gyur ba dang de bzhin nyid du slob pa dang de bzhin nyid du sgrub pa dang de bzhin nyid du rnal 'byor du byed par 'gyur ro// de ci'i phyir zhe na/ sha ri'i bu 'di ni chos rnams kyi chos nyid de gang 'jig rten gyi khams gzhal du med grangs med pa dag na sangs rgyas bcom ldan 'das gang dag bzhug te 'tsho zhing bzhes pa de dag shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lu

  378. 190a

    'bogs pa dang / kha ton byed pa dang yi ger 'dri ba la dgongs par 'gyur yongs su bzung bar 'gyur ro// rigs kyi bu dang rigs kyi bu mo gang dag shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang yi ger 'dri bar 'gyur ba dang de bzhin nyid du slob pa dang de bzhin nyid du sgrub pa dang de bzhin nyid du rnal 'byor du byed par 'gyur ba dag la yang sangs rgyas bcom ldan 'das de dag gis dgongs par 'gyur yongs su bzung bar 'gyur te/ sha ri'i bu sangs rgyas kyis dgongs pa dang sangs rgyas kyis yongs su bzung ba'i rigs kyi bu dang rigs kyi bu mo dag la bar chad byed mi nus so// de skad ces bka' stsal pa dang bcom ldan 'das la tshe dang ldan pa sha ri'i bus 'di skad ces gsol to// bcom ldan 'das byang chub sems dpa' sems dpa' chen po gang dag shes rab kyi pha rol tu phyin pa 'di nyan pa dang 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dang nye bar ston pa dang / lung 'bogs pa dang kha ton bgyid pa dang yi ger 'dri bar 'gyur ba dang de bzhin nyid du slob pa dang de bzhin nyid du sgrub pa dang de bzhin nyid du rnal 'byor du bgyid par 'gyur ba de dag thams cad ni/ bcom ldan 'das sangs rgyas kyi mthu dang sa

  379. 190b

    rgyas kyi byin gyis brlabs dang sangs rgyas kyis yongs su bzung bas/ shes rab kyi pha rol tu phyin pa 'di nyan pa dang 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dang nye bar ston pa dang lung 'bogs pa dang kha ton bgyid pa dang yi ger 'dri bar 'gyur ba dang de bzhin nyid du slob pa dang de bzhin nyid du sgrub pa dang de bzhin nyid du rnal 'byor du bgyid par 'gyur ba de ltar sgrub par 'gyur ro// de skad ces gsol pa dang / bcom ldan 'das kyis che/ dang ldan pa sha ri'i bu la 'di skad ces bka' stsal to// sha ri'i bu de de bzhin no de bzhin te// sha ri'i bu byang chub sems dpa' sems dpa' chen po de dag thams cad ni sangs rgyas kyi mthu dang sangs rgyas kyi byin gyis brlabs dang sangs rgyas kyis yongs su bzung bas shes rab kyi pha rol tu phyin pa zab mo 'di nyan pa dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang yi ger 'dri bar 'gyur ba dang de bzhin nyid du slob pa dang de bzhin nyid du sgrub pa dang de bzhin nyid du rnal 'byor du byed par 'gyur ro// sha ri'i bu byang chub sems dpa' sems dpa' chen po gang dag shes rab kyi pha rol tu phyin pa 'di nyan pa dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa

  380. 191a

    dang kha ton byed pa dang yi ger 'dri bar 'gyur ba dang de bzhin nyid du slob pa dang de bzhin nyid du sgrub pa dang de bzhin nyid du rnal 'byor du byed par 'gyur ba de dag ni de bzhin gshegs pas mkhyen te/ sha ri'i bu de dag ni de bzhin gshegs pas byin gyis brlabs so// sha ri'i bu de dag ni de bzhin gsheg pas gzigs so// sha ri'i bu de dag ni de bzhin gshegs pa'i sangs rgyas kyi spyan gyis rnam par gzigs so// thos nas kyang bzung ba dang bcangs pa dang bklags pa dang kun chub par byas pa dang rab tu bton pa dang bstan pa dang nye bar bstan pa dang lung 'bogs pa dang kha ton byas pa dang yi ger bris nas de bzhin nyid du slob pa dang de bzhin nyid du sgrub pa dang / de bzhin nyid du rnal 'byor du byed pa ni bla na med pa yang dag par rdzogs pa'i byang chub tu nye bar 'gyur te/ bla na med pa yang dag par rdzogs pa'i byang chub dang de bzhin nyid la gnas par 'gyur ro// sha ri'i bu gang dag shes rab kyi pha rol tu phyin pa 'di bris nas 'chang bar 'gyu klog par 'gyur kun chub par byed par 'gyur rab tu 'don par 'gyur ston par 'gyur nye bar ston par 'gyur lung 'bogs par 'gyur kha ton byed par 'gyur yi ger 'bri bar 'gyur gyi de bzhin nyid du mi slob de bzhin nyid du mi sgrub de bzhin nyid du rnal 'byor du mi byed pa de dag ni/ de bzhin nyid du mi slob pa dang de bzhin nyid du mi sgrub pa dang

  381. 191b

    de bzhin nyid du rnal 'byor du mi byed pas/ de bzhin nyid dang bla na med pa yang dag par rdzogs pa'i byang chub tu gnas par mi 'gyur mod kyi/ shA ri'i bu de dag kyang de bzhin gshegs pas mkhyen de dag kyang de bzhin gshegs pas byin gyis brlabs de dag kyang de bzhin gshegs pas gzigs te/ sha ri'i bu de dag kyang de bzhin gshegs pas sangs rgyas kyi sman gyis rnam par gzigs so// sha ri'i bu de dag gi 'bad pa dang / yongs su g.yo ba de yang don chen po dang / phan yon chen po dang 'bras bu chen po dang rnam par smin pa chen po dang ldan par 'gyur ro// de ci'i phyir zhe na/ 'di ltar shes rab kyi pha rol tu phyin pa ni chos thams cad kyi don dam pa dang ldan pa yin te/ sems can thams cad la yang dag pa ci lta ba bzhin du rtogs par bya bas nye bar gnas so// sha ri'i bu yang pha rol tu phyin pa drug dang ldan pa'i mdo sde 'di dag ni de bzhin gshegs pa 'das nas kyang dam pa'i chos 'jig pa'i dus kyi tshe chos 'dul ba snying po gsar pa thob pa na lho phyogs su 'byung bar 'gyur ro// lho phyogs nas kyang bar ta nir 'byung bar 'gyur ro// ba ra ta ni nas kyang byang phyogs su 'byung ste/ sha ri'i bu de'i dus na gang zhig shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa deng lung 'bogs pa dang kha ton byed par 'gyur zhing tha na gleg

  382. 192a

    bam du chud par byas nas 'chang bar 'gyur ba'i rigs kyi bu dang rigs kyi bu mo de dag ni de bzhin gshegs pas dgongs so// de dag ni de bzhin gshegs pas mkhyen to// sha ri'i bu de dag ni de bzhin gshegs pas byin gyis brlabs so/ sha ri'i bu de dag ni de bzhin gshegs pas sangs rgyas kyi spyan gyis rnam par gzigs so// sha ri'i bus gsol pa/ bcom ldan 'das shes rab kyi pha rol tu phyin pa 'di lta bur zab mo 'di yang 'di ltar phyi ma'i dus phyi ma'i tshe na byang gi yul dang byang gi phyogs kyi char rgyas par 'gyur lag sam/ bcom ldan 'das kyis bka' stsal pa/ shA ri'i bu de la byang gi yul dang byang gi phyogs kyi cha der gang dag shes rab kyi pha rol tu phyin pa zab mo 'di mnyan nas shes rab kyi pha rol tu phyin pa zab mo 'di la rnal 'byor du byed pa de dag rgyas par 'gyur ro// shA ri'i bu gang shes rab kyi pha rol tu phyin pa zab mo 'di nyan pa dang 'dri ba dang 'dzin pa dang 'chang ba dang klog pa dang kun chub por byed pa dang / rab tu 'don pa dang ston pa dang nye bar ston pa dang lung 'bogs pa dang kha ton byed par 'gyur ba dang / de bzhin nyid du slob pa dang de bzhin nyid du sgrub pa dang de bzhin nyid du rnal 'byor du byed par 'gyur ba'i byang chub sems dpa' sems dpa' chen po de dag ni yun ring po nas theg pa la yang dag par zhug par rig par bya'o// ri bu de das ni de bzhin gshegs pas gzigs so//

  383. 192b

    sha ri'i bus gsol pa/ bcom ldan 'das byang gi yul dang byang gi phyogs kyi char gang dag shes rab kyi pha rol tu phyin pa zab mo 'di nyan pa dang 'dri ba dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton bgyid par 'gyur ba dang de bzhin nyid du slob pa dang de bzhin nyid du sgrub pa dang de bzhin nyid du rnal 'byor du bgyid par 'gyur ba'i byang chub sems dpa' sems dpa' chen po de dag nyung du 'am 'on te mang ste ci snyed cig 'byung bar 'gyur/ bcom ldan 'das kyis bka' stsal pa/ sha ri'i bu byang gi yul dang byang gi phyogs kyi char byang chub sems dpa' sems dpa' chen po mang zhing shin tu mang du 'byung bar 'gyur ro// sha ri'i bu de dag mang mod kyi mang po de dag las shes rab kyi pha rol tu phyin pa 'di nyan pa dang 'dri ba dang / 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed par 'gyur ba dang de bzhin nyid du slob pa dang de bzhin nyid du sgrub pa dang de bzhin nyid du rnal 'byor du byed par 'gyur ba dang shes rab kyi pha rol tu phyin pa 'di bshad pa na 'gong bar mi 'gyur kun ta zham par mi 'gyur bag tsha bar mi 'gyur bag 'khums pa ra mi 'gyur yid phyir phyogs par mi 'gyur dngang bar mi 'gyur kan tu skrag par mi 'gyur kan tu skrag

  384. 193a

    dang ldan par mi 'gyur ba'i byang chub sems dpa' sems dpa' chen po de dag ni yun ring po nas theg pa la yang dag par zhugs par rig par bya'o// de dag ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi rjes su 'brang zhing yongs su dris pa dang yongs su zhus pa dang yongs su dri ba byas shing gang zag byang chub sems dpa'i theg pa can rigs kyi bu 'am rigs kyi bu mo de dag gis sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la mchod pa yin no// de dag ni tshul khrims yongs su rdzogs par byed par 'gyur ro// de dag ni 'di lta ste bla na med pa yang dag par rdzogs pa'i byang chub 'di nyid las brtsams te skye bo mang po'i don byed par 'gyur ro// de ci'i phyir zhe na/ de ni 'di ltar rigs kyi bu dang rigs kyi bu mo de dag la nga nyid kyis thams cad mkhyen pa nyid dang ldan pa'i gtam byas so// de dag ni tshe rabs 'phos kyang thams cad mkhyen pa nyid dang ldan pa dang shes rab pha rol tu phyin pa dang ldan pa 'di nyid la yang dag par spyod par 'gyur ro// 'di lta ste bla na med pa yang dag par rdzogs pa'i byang chub las brtsams nas de nyid kyi gtam byed par 'gyur de nyid kyi gtam la mngon par dga' bar 'gyur ro// de dag la legs par gnas shing shes rab kyi pha rol tu phyin pa 'di la mnyam par

  385. 193b

    gzhag par 'gyur te bdud kyis kyang dbye bar byed mi nus na 'di lta ste sems can gzhan dag gis 'dun pa 'am sngags kyi sgo nas dbye ba lta ci smos/ de ci'i phyir zhe na/ de ni 'di ltar bla na med pa yang dag par rdzogs pa'i byang chub tu mthu brtan pa'i phyir ro// rigs kyi bu dang rigs kyi bu mo dag gis de thos nas shes rab kyi pha rol tu phyin pa 'di la dga' ba dang dang ba dang rab tu dang ba rgya chen po thob par 'gyur ro// de dag gis ni 'di lta ste bla na med pa yang dag par rdzogs pa'i byang chub la skye bo mang po dag gis dge ba'i rtsa ba skyed par 'gyur ro// de ci'i phyir zhe na/ 'di ltar rigs kyi bu dang rigs kyi bu mo de dag gis ni nga'i mngon sum du tshig 'di skad du/ byang chub sems dpa'i spad pa spyod pa na bdag gis srog chags brgya phrag mang po dang srog chags stong phrag mang po dang srog chags brgya stong phrag mang po dang srog chags bye ba brgya phrag mang po dang srog chags bye ba stong phrag mang po dang / srog chags bye ba brgya stong phrag mang po dang srog chags bye ba khrag khrig brgya stong mang po rnams bla na med pa yang dag par rdzogs pa'i byang chub la yang dag par gzhag par bya'o yang dag par bstan par bya'o// yang dag par dgod par bya'o// yang dag par gzengs bstod par bya'o// yang dag par dka' ba bskyed par bya'o// yang dag par rab tu dbye bar bya'o// rdzogs pa'i byang chub la gnas par bya'o//

  386. 194a

    slar mi ldog par bya'o zhes smras so// de ci'i phyir zhe na/ ngas gang dag gis tshig 'di skad ces byang chub kyi don du spyod pa na bdag gis srog chags brgya phrag mang po dang srog chags stong phrag mang po dang srog chags stong phrag mang po dang srog chags bye ba brgya phrag mang po dang srog chags bye ba stong phrag mang po dang srog chags bye ba brgya stong phrag mang po dang / srog chags bye ba khrag khrig brgya stong mang po rnams bla na med pa yang dag par rdzogs pa'i byang chub la yang dag par gzhag par bya'o// yang dag par bstan par bya'o// yang dag par dgod par bya'o// yang dag par gzengs bstod par bya'o// yang dag par dga' bar bya'o// yang dag par rab tu dbye bar bya'o// rdzogs pa'i byang chub la gnas par bya'o// phyir mi ldog par bya'o// zhes smras pa'i rigs kyi bu dang rigs kyi bu mo byang chub sems dpa'i theg pa can de dag gi sems la sems kyis bltas nas rjes su yi rang bar byas so// de ltar rigs kyi bu dang rigs kyi bu mo de dag ni mos pa rgya chen po dang ldan pa yin no// gang na de bzhin gshegs pa dgra bcom pa yang dag par rdzogs pa'i sangs rgyas mngon du gyur pa rnams chos ston par 'gyur ba dang / gang du de bzhin gshegs pa dgra bcom pa yang dag par rdzogs pa'i sangs rgyas rnams kyi thad nas shes rab kyi pha rol tu phyin pa 'di

  387. 194b

    rgya cher zos par 'gyur ba gang yin pa'i sangs rgyas kyi zhing gzhan dang gzhan du 'gro bar bya bar sems par 'gyur ro// sangs rgyas kyi zhing de dag tu yang de dag gis srog chags brgya phrag mang po dang srog chags stong phrag mang po dang srog chags brgya stong phrag mang po dang srog chags bye ba brgya phrag mang po dang srog chags bye ba stong phrag mang po dang srog chags bye ba brgya stong phrag mang po dang srog chags bye ba khrag khrig brgya stong mang po dag bla na med pa yang dag par rdzogs pa'i byang chub tu yang dag par rdzogs pa'i byang chub tu yang dag par rdzogs pa dang yang dag par ston pa dang yang dag par 'god pa dang yang dag par gzengs bstod pa dang yang dag par rab tu dga' ba skyed pa dang / yang dag par rab tu 'byed pa dang yang dag par byang chub pa la gzhog par byed pa dang phyir mi ldog par byed par 'gyur ro// de skad ces bka' stsal pa dang / bcom ldan 'das la tshe dang ldan pa sha ri'i bus 'di skad ces gsol to// bcom ldan 'das de bzhin gshegs pa dgra btso pa yang dag par rdzogs pa'i sangs rgyas kyis 'das pa dang ma 'ongs pa dang de ltar byung ba'i chos kyi bar rnams la ma gzigs pa 'am ma gsan pa 'am mngon par mi mkhyen pa 'am rnam par mi mkhyen pa gang yang ma mchis shing / chos gang yang rnam par mi mkhyen pa ma mchis sems can gyi smod pa gang yang rnam par mi

  388. 195a

    mkhyen pa ma mchis pa dang bcom ldan 'das yang de'i tshe gang dag shes rab kyi pha rol tu phyin pa zab po 'di 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dang nye bar ston pa dang lung 'bogs pa dang kha ton bgyid pa dang yi ger 'dri bar 'gyur ba/ ma 'ongs pa'i byang chub sems dpa' sems dpa' chen po byang chub 'dod pa rnams dang lhag pa'i bsam pa phun sum tshogs pa rnams dang brtson 'grus brtsams pa rnams kyi yang spyod pa gang du mkhyen pa zhes bya ba de ni ngo mtshar to// gang de'i tshe na pha rol tu phyin pa drug po 'di dag gi slad du sems can thams cad kyi don du brtson pa bskyed de/ tshil ba dang yongs su tshol ba dang tshol bar 'gyur ba'i rigs kyi bu dang rigs kyi bu mo de dag las btsal ba dang yongs su btsal ba dang btsal bar 'gyur ba'i byang chub sems dpa' kha cig gis ni btsal ba rnyed par 'gyur shes rab kyi pha rol tu phyin pa zab mo 'di kha cig gis btsal yang mi rnyed shes rab kyi pha rol tu phyin pa zab mo 'di kha cig gis ma btsal yang rnyed par 'gyur ba bcom ldan 'das 'di'i rgyu gang lags/ de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu de de bzhin no de de bzhin te/ de bzhin gshegs pas ni 'das pa dang ma 'ongs pa dang da ltar byung ba'i chos rnams le ma gzigs pa 'amam

  389. 195b

    gsan pa 'am mi mkhyen pa 'am rnam par mi mkhyen pa ni gang yang med do// sha ri'i bu yang de'i tshe de'i dus na byang chub sems dpa' kha cig gis ni shes rab kyi pha rol tu phyin pa 'di btsal zhing rjes su btsal la yongs su btsal yang mi rnyed la/ byang chub sems dpa' kha cig gis ni ma btsal rjes su ma btsal yongs su ma btsal yang rnyed par 'gyur ro// de ci'i phyir zhe na/ 'di ltar byang chub sems dpa' de dag gis shes rab kyi pha rol tu phyin pa 'di sngon gyi mthar yang brtson pa ma bor bar btsal ba dang yongs su btsal bas na de dag gis sngon gyi dge ba'i rtsa ba'i 'dun pa de nyid kyis shes rab kyi pha rol tu phyin pa 'di ma btsal rjes su ma btsal yongs su ma btsal yang rnyed par 'gyur ro// de las gzhan pa'i mdo sde shes rab kyi pha rol tu phyin pa 'di nyid mngon par brjod pa de dag kyang de dag la rang nyid nye bar 'ong bar 'gyur nye bar gzhol ba dang nye bar phyogs par 'gyur ro// de ci'i phyir zhe na/ sha ri'i bu de ni 'di ltar yin te/ byang chub sems dpa' sems dpa' chen po gang zhig shes rab kyi pha rol tu phyin pa 'di brtson pa ma bor bar tshol ba dang yongs su tshil ba des ni skye ba 'phos shing tshe rabs brjes kyang shes rab kyi pha rol tu phyin pa 'di rnyed par 'gyur de las gzhan pa'i mdo sde shes rab kyi pha rol tu phyin pa dang ldan pa dag kyang de'i drung du rang nyid nye bar 'ong ba dang nye bar gzhol ba dang nye bar phyogs par 'gyur ro//

  390. 196a

    de skad ces bka' stsal pa dang / bcom ldan 'das la tshe dang ldan pa sha ri'i bus 'di ces gsol to// bcom ldan 'das pha rol tu phyin pa drug dang ldan pa'i mdo 'di dag nyid rigs kyi bu dang rigs kyi bu mo de dag la nye bar 'ong ba dang nye bar gzhol ba dang nye bar phyogs par 'gyur gyi gzhan dag ni ma legs sam/ bcom ldan 'das kyis bka' stsal pa/ sha ri'i bu mdo sde zab mo zab pa gzhan ci snyed yod pa de dag kyang / bdag nyid rigs kyi bu dang rigs kyi bu mo de dag la rang nyid nye bar 'ong ba dang nye bar gzhol ba dang nye bar phyogs par 'gyur ro// de ci'i phyir zhe na/ sha ri'i bu de ni 'di ltar yin te/ byang chub sems dpa' sems dpa' chen po gang dag sems can rnams bla na med pa yang dag par rdzogs pa'i byang chub la rab tu 'jog pa dang yang dag par ston pa dang yang dag par 'god pa dang / yang dag par gzengs bstod pa dang yang dag par rab tu dga' bar byed pa dang yang dag par rab tu 'byed par 'gyur ba dang yang dag par rdzogs pa'i byang chub la gnas par byed par 'gyur ba dang phyir mi ldog par byed par 'gyur zhing bdag nyid kyang de la slob par 'gyur na/ sha ri'i bu skye ba 'phos nas kyang de dag la mi dmigs pa dang ldan pa dang stong pa nyid dang ldan pa dang pha rol tu phyin pa drug dang ldan pa'i mdo sde zab mo zab pa dag

  391. 196b

    rang nyid nye bar 'ong bar 'gyur rang nyid nye bar gzhol bar 'gyur rang nyid nye bar phyogs par 'gyur ro// 'phags pa shes rab kyi pha rol tu phyin pa brgyad stong pa las/ 'dzin pa'i yon tan yongs su brjod pa'i le'u zhes bya ste bcu pa'o// // 'phags pa shes rab kyi pha rol tu phyin pa brgyad stong pa/ bam po bcu gcig pa// / de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das rigs kyi bu dang rigs kyi bu mo de dag gi yon tan 'di dag ni bcom ldan 'das kyis yongs su brjod na/ bcom ldan 'das yang de dag la bar du gcod pa ci tsam dag 'byung bar 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor bar chad byed pa'i bdud kyi las mang du 'byung bar 'gyur ro// rab 'byor gyis gsol pa/ bcom ldan 'das bar du gcod par bgyid pa'i bdud kyi las mang po tshul ci lta bu dag 'byung / bar 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen po shes rab kyi pha rol tu phyin pa 'chad pa de dag gis spobs par yun ring mo zhig na 'byung bar 'gyur te rab 'byor 'di ni bdud kyi las dang por rig par bya'o// rab 'byor spobs pa de skyes na yang yid g.yengs pa

  392. 197a

    nyid du 'gyur te 'di yang bdud kyi las su rig par bya'o// rab 'byor de dag glal ba dang rgod pa dang steg cing yi ger 'dri bar 'gyur na 'di yang bdud kyi las su rig par bya'o// rab 'byor sems rnam par g.yeng bas kun chub par byed na 'di yang bdud kyi las su rig par bya'o// rab 'byor rnam par shes pa phan tshun dang ldan pas yi ger 'dri na 'di yang bdud kyi las su rig par bya'o// rab 'byor dran pa mi 'thob na 'di yang bdud kyi las su rig par bya'o// rab 'byor phan tshun bzhad gad byed cing yi ger 'dri na 'di yang bdud kyi las su rig par bya'o// rab 'byor phan tshun co 'dri zhing yi ger 'drin 'di yang bdud kyi las su rig par bya'o// rab 'byor mig g.yeng zhing yi ger 'dri na 'di yang bdud kyi las su rig par bya'o// rab 'byor yi ger 'dri ba dag phan tshun tshogs pa dang mi mthun par gyur na 'di yang bdud kyi las su rig par bya'o// rab 'byor bdag gis 'di'i gting mi rnyed ro mi myong ngo zhes stan las langs te 'gro na 'di yang bdud kyi las su rig par bya'o// rab 'byor bdag ni shes rab kyi pha rol tu phyin pa 'di las lung ma bstan to zhes sems ma dad pas stan las langs te song na 'di yang bdud kyi las su rig par bya'o// rab 'byor bdag gang du skyes pa'i grong dang grong khyer dang grong rdal gyi ming yang 'dir ma smos 'dir bdag gi ming dang rigs

  393. 197b

    kyang ma spros/ bdag gi pha ma'i ming dang rigs kyang 'dir ma smos/ bdag gang du skyes pa'i rigs kyang ma smos so snyam nas/ de dag shes rab kyi pha rol tu phyin pa mi nyan par sems shing de nas 'gro bar sems na sems bskyed pa de dag ji snyed kyis de dag ji lta ji ltar 'gro bar 'gyur ba de lta de ltar/ gang du de dag gis slar rnal 'byor nyid du bya bar 'gyur ba/ bskal pa de snyed du 'khor ba yongs su 'dzin par 'gyur ro// de ci'i phyir zhe na/ rab 'byor shes rab kyi/ pha rol tu phyin pa 'di mi nyan pa'i phyir byang chub sems dpa' sems dpa' chen po rnams ni 'jig rten pa dang 'jig rten las 'das pa'i chos rnams la nges par 'byung bar mi 'gyur te/ rab 'byor 'di yang de dag gi bdud kyi las su rig par bya'o// rab 'byor gzhan yang gang zag byang chub sems dpa'i theg pa can dag shes rab kyi pha rol tu phyin pa thams cad mkhyen pa'i ye shes sgrub par byed pa 'dis spangs shing bor nas mdo sde gang dag thams cad mkhyen pa'i ye shes sgrub par byed pa ma yin pa de nyid de dag nyid de dag yongs su btsal bar sems par 'gyur te rab 'byor 'di yang de dag gi bdud kyi las su rig par bya'o// 'byor yang ci ltar 'jig rten pa dang 'jig rten las 'das pa'i chos dag la slob par mi 'dod pa dang 'jig rten pa dang 'jig rten las 'das pa'i chos dag la nges

  394. 198a

    par 'byung bar mi 'dod pa de ltar shes rab kyi pha rol tu phyin pa 'di la mi slob ste/ shes rab kyi pha rol tu phyin pa 'di la ma bslabs pa 'jig rten pa dang 'jig rten las 'das pa'i chos dag la nges par 'byung bar mi 'gyur ro// de ltar blo chung ba de dag 'jig rten pa dang 'jig rten las 'das ba'i chos rnams yang dag pa'i lta ba bzhin du yongs su shes pa'i rtsa ba shes rab kyi pha rol tu phyin pa spangs shing bor nas yal ga la 'ju bar sems so// rab 'byor 'di lta ste dper na/ khyi ni jo bos thad nas zan gong bslang ba btang ste/ las byed pa'i mi las zan kham btsal bar sems pa de bzhin du rab 'byor/ phyi ma ma 'ongs pa'i dus na gang zag byang chub sems dpa'i theg pa can gang la la dag shes rab kyi pha rol tu phyin pa thams cad mkhyen pa'i ye shes kyi rtsa ba 'di bor te nyan thos dang rang sangs rgyas kyi theg pa yal ga dang lo ma dang 'dab ma lta bu las snying po sangs rgyas nyid btsal bar sems par 'gyur te rab 'byor byang chub sems dpa' de dag gi bdud kyi las su rig par bya'o// de ci'i phyir zhe na/ blo chung ba de dag ni shes rab kyi pha rol tu phyin pa 'di thams cad mkhyen pa'i ye shes sgrub par byed par mi shes te/ de dag gis shes rab kyi pha rol tu phyin pa spangs shing bor nas de las gzhan pa'i mdo sde gang dag nyan thos kyi sa mngon par ston pa dang rang sangs

  395. 198b

    rgyas kyi sa mngon par ston pa de dag la lhag par kun chub par bya bar sems par 'gyur te/ de lta bu'i tshul gyis byang chub sems dpa' de dge ni yal ga dang lo ma dang 'dab ma lta bu la zhugs pa yin par rig par bya'o// de ci'i phyir zhe na/ rab 'byor byang chub sems dpa' sems dpa' chen pos ci ltar ga zag nyan thos kyi theg pa can dag dang rang sangs rgyas kyi theg pa can dag slob pa de ltar bslabs par mi bya'o// rab 'byor gang zag nyan thos kyi theg pa can dag rang sangs rgyas kyi theg pa can dag ci ltar slob ce na/ rab 'byor de dag 'di snyam du sems te/ bdag gcig pu dul bar bya'o// bdag gcig pu zhi bar bya'o bdag gcig pu yongs su mya ngan las bzla bar bya'o snyam ste/ bdag 'ba' zhig dul ba dang zhi ba dang yongs su mya ngan las bzla ba'i phyir dge ba'i rtsa ba thams cad mngon par 'du byed pa'i sbyor ba rtsom ste/ rab 'byor yang de ltar byang chub sems dpa' sems dpa' chen pos bslab par mi bya'o// rab 'byor 'on kyang byang chub sems dpa' sems dpa' chen pos ni 'jig rten thams cad la phan gdags pa'i phyir bdag nyid kyang de bzhin nyid la gnas par bya sems can thams cad kyang de bzhin nyid la dgod par bya ste sems can gyi khams gzhal du med pa rnams yongs su mya ngan las bzla bar bya'o zhes

  396. 199a

    de ltar bslab par bya ste/ byang chub sems dpa' sems dpa' chen pos dge ba'i rtsa ba thams cad mngon par 'du byed pa'i sbyor ba de ltar brtsam par bya zhing des rlom sems su yang mi bya'o// rab 'byor 'di lta ste dper na/ glang po che ma mthong ba'i skyes bu la la zhig glang po che'i kha dog dang dbyibs tshol te/ des mun khung nas glang po che zhig rnyed nas snang ba ga la ba der brtags so// der rtags nas glang po che'i rjes btsal bar sems shing glang po che'i rjes las glang po che'i kha dog dang dbyibs gzung bar sems na rab 'byor de ci snyam du sems/ ci skyes bu de yang mkhas pa'i rang bzhin can yin nam/ rab 'byor gyis gsol pa bcom ldan 'das de ni ma lags so// bcom ldan 'das kyis bka' stsal pa/ rab 'byor de bzhin du gang zag byang chub sems dpa'i theg pa can gang dag shes rab kyi pha rol tu phyin pa 'di mi shes shing mi 'dri bar de spangs te/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ mdo sde gang dag nyan thos kyi sa mngon par ston pa dang rang sangs rgyas kyi sa mngon par ston pa de dag yongs su btsal bar sems pa de dag de lta bu'i tshul du rig par bya ste/ rab 'byor 'di yang de dag gi bdud kyi las su rig par bya'o// rab 'byor

  397. 199b

    'di lta ste dper na skyes bu rin po che don du gnyer ba zhig rgya mtsho chen po mthong nas/ der rin po che dag la mi dpyod cing mi sems la mi 'jug par de rin po che'i rgyur ba lang gi rmig rjes kyi nang du tshol bar sems shing ba lang gi rmig rjes dang rgya mtsho chen po mtshungs par bya bar sems na/ rab 'byor 'di ci snyam du sems ci skyes bu de mkhas pa'i rang bzhin can du rig par bya 'am/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor de bzhin du gang zag byang chub sems dpa'i theg pa can gang shes rab kyi pha rol tu phyin pa 'di rnyed kyang ma rtogs shing mi shes pas 'dor bar byed de mdo sde gang dag nyan thos kyi sa mngon par ston pa dang rang sangs rgyas kyi sa mngon par ston pa de dag la brtson pa chung ngus gnas par 'dod pas btsal bar sems pa de dag ni de lta bu'i tshul du rig par bya'o// gang du byang chub sems dpa'i theg pa ma brjod par/ bdag gcig pu dul ba dang zhi bar gnas pa dang 'di ltar yongs su mya ngan las 'da' bar bya ba nyid do// zhes bya ba dang nang du yang dag gzhag pa dang rgyun du zhugs pa'i 'bras bu thob par bya'o lan cig phyir 'ongs pa'i 'bras bu dang phyir mi 'ong ba'i 'bras bu dang dgra bcom pa nyid kyi 'bras bu thob par bya'o// rang byang chub thob par bya'o// tshe 'di nyid la len pa med

  398. 200a

    par zag pa las sems yongs su grol bar byas nas yongs su mya ngan las 'da' bar bya'o zhes brjod pa de ni nyan thos dang rang sangs rgyas kyi sa dang ldan pa zhes bya ste 'di la byang chub sems dpa' sems dpa' chen po de ltar sems bskyed par mi bya'o// de ci'i phyir zhe na/ rab 'byor byang chub sems dpa' sems dpa' chen po ni theg pa chen po la yang dag par zhugs shing go cha chen po bgos pa yin te de dag gis nam du yang spro ba chung ngu la sems mi bskyed do// de ci'i phyir zhe na/ skyes bu dam pa de dag ni 'jig rten yongs su 'dren pa 'jig rten gyi don byed pa yin te/ de bas na de dag gis dus rtags tu rgyun mi 'chad par pha rol tu phyin pa drug la legs par bslab par bya'o// rab 'byor yang gang zag byang chub sems dpa'i theg pa can gang dag dge ba'i rtsa ba yongs su ma smin pa blo chung ba lhag pa'i bsam pa zhan pa de dag pha rol tu phyin pa drug dang ldan pa'i mdo sde dag mi shes shing khong du chud pas/ shes rab kyi pha rol tu phyin 'di spangs shing bor nas mdo sde gang dag nyan thos dang rang sangs rgyas kyis mngon par ston pa de dag yongs su btsal bar sems te/ rag 'byor gang zag byang chub sems dpa'i theg pa can 'di lta bu'i tshul can de dag gi 'di yang bdud kyi las su rig par bya'o// rab 'byor 'di lta ste dper na/

  399. 200b

    mkhan nam shing mkhan gyi slob ma zhig rnam par rgyal ba'i khang pa'i tshang du khang pa byed par 'dod pa dang sgrub par 'dod nas/ de nyi ma dang zla ba'i gzhal med khang gi tshad dang dkyil 'khor yongs su tshol te/ de yongs su tshol bas nyi ma dang zla ba'i gzhal med khang mthong ba dang / de de dag gi tshad gzung bar sems na/ rab 'byor de ci snyam du sems/ rnam par rgyal ba'i khang pa'i tshad kyi khang pa byed par 'dod pa dang sgrub par 'dod pas/ nyi ma dang zla ba'i gzhal med khang gi tshad gzung bar bya ba yin nam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor de bzhin du ma 'ongs pa'i dus na 'byung bar 'gyur ba'i gang zag byang chub sems dpa'i theg pa can la la dag shes rab kyi pha rol tu phyin pa 'di thos shing shes rab kyi pha rol tu phyin pa 'di rnyed nas shes rab kyi pha rol tu phyin pa 'di spangs shing rab kyi pha rol tu phyin pa btang nas nyan thos dang rang sangs rgyas kyi sa dang ldan pa'i mdo sde dag las thams cad mkhyen pa nyid yongs su tshol bar sems te mdo sde gang dag bdag gcig pu dul bar bya'o bdag gcig pu zhi bar bya'o bdag gcig pu yongs su mya ngan las 'da' bar bya'o zhes de ltar mngon par ston pa/ bdag 'ba' zhig dul ba dang zhi ba dang yongs su mya ngan las 'da' ba thob par byed

  400. 201a

    pa de lta bu'i tshul gyi mdo sde dag yongs su tshol zhing de lta bur slob par sems na/ rab 'byor 'de ji snyam du sems/ byang chub sems dpa' de dag kyang mkhas pa'i rang bzhin can du rig par bya ba 'am/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di yang de dag gi bdud kyi las su rig par bya'o// rab 'byor 'di lta ste dper na/ skyes bu la la zhig 'khor los sgyur ba'i rgyal po lta 'dod par gyur la des 'khor los sgyur ba'i rgyal po mthong ste mthong nas 'khor los sgyur ba'i rgyal po'i kha dog dang dbyibs dang gzi brjed/ dang rdzu 'phrul 'di 'dra'o zhes mtshan mar bzung nas des mkhar gyi rgyal po mthong nas/ des mkhar gyi rgyal po de'i kha dog dang dbyibs dang gzi brjid dang 'phrul dang mtshan ma bzung ste/ bye brag shes par mi nus pas 'di skad du 'khor los sgyur ba'i rgyal po de ni kha dog dang dbyibs dang gzi brjid dang rdzu 'phrul dang mtshan ma 'di kho na 'dra'o zhes zer na/ rab 'byor de ci'i snyam du sems/ grang 'khor lo bsgyur ba'i rgyal po dang mkhar gyi rgyal po dang mtshungs par bya bar sems pa'i skyes bu de mkhas pa'i rang bzhin can du rig par bya 'am/ rab 'byor gyis gsol pa/ bcom ldan 'das de ni ma lags so// bcom ldan 'das kyis

  401. 201b

    bka' stsal pa/ rdza rab 'byor de bzhin du ma 'ongs pa'i dus na 'byung bar 'gyur ba'i gang zag byang chub sems dpa'i theg pa can gang shes rab kyi pha rol tu phyin pa 'di thos shing shes rab kyi pha rol tu phyin pa 'di rnyed nas shes rab kyi pha rol tu phyin pa btang shes rab kyi pha rol tu phyin pa por shes rab kyi pha rol tu phyin pa 'di ring du byas nas nyan thos dang rang sangs rgyas kyi sa dang ldan pa'i mdo sde dag las thams cad mkhyen pa nyid yongs su btsal bar sems par 'gyur te/ rab 'byor 'di yang de dag gi bdud kyi las su rig par bya'o// rab 'byor yang nyan thos dang rang sangs rgyas kyi nga ldan pa'i mdo sde 'di dag las byang chub sems dpa' sems dpa' chen pos thams cad mkhyen pa nyid yongs su btsal bar bya'o zhes nga mi smra ste/ rab 'byor yang 'on kyang de bzhin gshegs pa shes rab kyi pha rol tu phyin pa las byang chub sems dpa' sems dpa' chen po rnams kyi thabs mkhas pa gang bshad pa de la ma slabs par byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar mi 'gyur ro// de ci'i phyir zhe na/ mdo sde gzhan dag tu byang chub sems dpa' yang dag par 'grub pa ni dka' ba yin no// rab 'byor de lta bas na de bzhin gshegs pas shes rab kyi pha rol tu phyin pa'i phan yon de

  402. 202a

    dag yang dag par gzigs pas rnam grangs du mas byang chub sems dpa' sems dpa' chen po rnams la shes rab kyi pha rol tu phyin pa 'di yang dag par ston yang dag par 'god yang dag par gzengs bstod yang dag par rab tu dga' bar byed yang dag par 'jog par byed de/ de ltar na byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog par 'gyur ro// rab 'byor yang de ci snyam du sems/ gang dag phyir mi ldog pa'i theg pa chen po thob cing bsgrubs nas/ de lta bur bor te theg pa dman pa yongs su btsal bar sems na/ byang chub sems dpa' de dag kyang mkhas pa'i rang bzhin can yin nam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di lta ste dper na/ skyes bu bkres pa zhig gis kha zas ro brgya pa zhu na phan pa zhu na bde ba tshe'i mthar thug pa'i bar du bkres pa dang skom pa bzlog pa zhig rnyed la/ des de bor te zhag drug cu pa'i 'bras chen btsal bar sems shing zhag drug cu pa'i 'bras chen rnyed nas kha zas ro brgya pa bor te/ zhag drug cu pa'i 'bras chen de za bar sems na/ rab 'byor de ci snyam du sems/ ci skyes bu de mkhas pa'i rang bzhin can yin nam/ rab 'byor gyis gsol

  403. 202b

    ga bcom ldan 'das de ni ma lags so// bcom ldan 'das kyis bka' stsal pa/ rab 'byor de bzhin du ma 'ongs pa'i dus na 'byung bar 'gyur ba'i byang chub sems dpa' la la shes rab kyi pha rol tu phyin pa 'di thos shing shes rab kyi pha rol tu phyin pa 'di rnyed nas/ shes rab kyi pha rol tu phyin pa btang shes rab kyi pha rol tu phyin pa por shes rab kyi pha rol tu phyin pa 'di ring du byas nas nyan thos kyi theg pa dang rang sangs rgyas kyi theg pa dang ldan pa'i mdo sde dag btsal bar sems shing / mdo sde gang dag nyan thos dang rang sangs rgyas kyi sa mngon par ston pa de dag gis thams cad mkhyen pa nyid dang thabs mkhas pa btsal bar sems na/ rab 'byor de ci'i snyam du sems/ byang chub sems dpa' de dag kyang mkhas pa'i rang bzhin can du rig par bya 'am/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di yang de dag gi bdud kyi las su rig par bya'o// rab 'byor 'di lta ste dper na/ skyes bu la la zhig gis nor bu rin po che ring thang med pa zhig rnyed nas nor bu rin po che rin thang chung zhing byin chung ba dang lhan cig mtshungs par bya bar sems na/ rab 'byor de ci snyam du sems/ ci skyes bu de mkhas pa'i rang bzhin can du rig par

  404. 203a

    bya 'am/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor de bzhin du ma 'ongs pa'i dus na 'byung bar 'gyur ba'i gang zag byang chub sems dpa'i theg pa can gang la la shes rab kyi pha rol tu phyin pa zab mo 'od gsal ba rin po che 'di thos shing rnyed nas/ nyan thos dang rang sangs rgyas kyi theg pa dang mtshungs par bya bar sems par 'gyur te nyan thos dang rang sangs rgyas kyi sa las thams cad mkhyen pa nyid dang thabs mkhas pa yongs su btsal bar sems na/ rab 'byor de ci snyam du sems/ byang chub sems dpa' de dag kyang mkhas pa'i rang bzhin can du rig par bya'am/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di yang byang chub sems dpa' de dag gi bdud kyi las su rig par bya'o// rab 'byor gzhan yang shes rab kyi pha rol tu phyin pa zab mo 'di 'chad pa dang ston pa dang nye bar ston pa dang 'dzin pa dang 'chang ba dang klog pa dang lung 'bogs pa dang kha ton byed pa dang chung ngu na yi ger 'dri ba la yang gang sems rnam par g.yeng bar byed par 'gyur ba'i spobs pa mang po 'byung bar 'gyur te/ rab 'byor 'di yang byang

  405. 203b

    chub sems dpa' de dag gi bdud kyi las su rig par bya'o// de skad ces bka' stsal pa dang bcom ldan 'das la tshe dang ldan pa rab 'byor gyis 'di skad ces gso to// bcom ldan 'das yang shes rab kyi pha rol tu phyin pa yi ger brir nus lags sam/ bcom ldan 'das kyis bka' stsal pa/ rab 'byor de ni ma yin no// rab 'byor gang su dag shes rab kyi pha rol tu phyin pa yi ge 'brur bris nas/ shes rab kyi pha rol tu phyin pa bris par sems pa 'am med pa'o zhes pa 'am/ yi ge dag la shes rab kyi pha rol tu phyin par mngon par chags pa 'am/ yi ge med pa'o snyam na rab 'byor 'di yang de dag gi bdud kyi las su rig par bya'o// rab 'byor gzhan yang shes rab kyi pha rol tu phyin pa yi ger 'dri ba la/ yul yid la byed pa dag 'byung bar 'gyur/ grong dang grong khyer dang grong rdal dang ljongs dang yu 'khor dang rgyal po'i pho brang 'khor yid la byed pa dag 'byung bar 'gyur/ skye mos tshal yid la byed pa dag 'byung bar 'gyur/ bla ma yid la byed pa dag 'byung bar 'gyur/ kun tu ston pa yid byed pa dag 'byung bar 'gyur chom rkun yid la byed pa dag 'byung bar 'gyur/ la can yid la byed pa dag 'byung bar 'gyur// bi shi khA yid la byed pa dag 'byung bar 'gyur/ shi bi ka yid la byed pa dag 'byung bar 'gyur/ smad 'tshong yid la byed pa dag 'byung bar 'gyur/ bde ba yid

  406. 204a

    la byed pa dang sdug bsngal yid la byed pa dang / 'jigs pa yid la byed pa dag 'byung bar 'gyur/ bud med yid la byed pa dang skyes pa yid la byed pa dang ma ning yid la byed pa dag 'byung bar 'gyur/ mdza' ba dang mi mdza' ba dang ldan pa yid la byed pa dag 'byung bar 'gyur/ pha ma dang lnga pa'i yid la byed pa dag 'byung bar 'gyur/ spun zla dang sring mo dang ldan pa'i yid la byed pa dag 'byung bar 'gyur/ gnyen gshes dang ldan pa'i yid la byed pa dang grogs po dang rtsa lag dang snag gi gnyen mtshams dang ldan pa'i yid la byed pa dang / chung ma dang bu dang bu mo dang ldan pa'i yid la byed pa dang / khyim dang zas dang btung ba dang ldan pa'i yid la byed pa dang gos yid la byed pa dang mal stan yid la byed pa dang / 'tshe ba'i yo byad yid la byed pa dang 'phral gyi bya ba yid la byed pa dang / 'dod chags yid la byed pa dang zhe sdang yid la byed pa dang gti mug yid la byed pa dang dus tshigs yid la byed pa dang dus bzang po dang dus ngan pa yid la byed pa dang / glu yid la byed pa dang sil snyan yid la byed pa dang / gar yid la byed pa dang snyan dang gas yid la byed pa dang tsas bstan bcos yid la byed pa dang tha snyad yid la byed pa dang bzhad gang yid pa dang 'jo sgeg yid la byed pa dang / mya ngan yid la byed pa dang nyon mongs yid la byed

  407. 204b

    pa dang bdag yid la byed pa dang rab 'byor yid la byed pa de dag dang gzhan dag kyang bdud sdig can nye bar sgrub par 'gyur te/ shes rab kyi pha rol tu phyin pa 'di 'chad pa dang ston pa dang nye bar ston pa dang 'dzin pa dang 'chang ba dang klog pa dang lung 'bogs pa dang kha ten byed pa dang chung ngu na yi ger 'dri bar yang bar chad byed par 'gyur sems g.yeng bar byed par 'gyur te/ byang chub sems dpa' sems dpa' chen pos bdud kyi las 'di dag rtogs par bya ste rtogs nas kyang spang bar bya'o// rab 'byor gzhan yang rgyal po yid la byed pa dang gzhon nu yid la byed pa dang glang po che yid la byed pa dang rta yid la byed pa dang shing rta yid la byed pa dang la gcan gyi tshe lo lta ba yid la byed pa dag 'byung bar 'gyur te/ rab 'byor 'di yang byang chub sems dpa' sems dpa' chen po de dag gis bdud kyi las su rig par bya'o// rab 'byor gzhan yang me yid la byed pa dang 'dod pa yid la byed pa dang nor dang 'bru phun sum tshogs pa yid la byed pa dag 'byung bar 'gyur te/ rab 'byor 'di yang byang chub sems dpa' sems dpa' chen pos bdud kyi las su rig par bya'o// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa 'di 'chad pa dang ston pa dang nye bar ston pa dang / lung 'bogs pa dang kha ton byed

  408. 205a

    pa dang chung ngu na yi ger 'dri ba dag la bar chad byed par 'gyur ba dang rnyed par dang bkur sti dang chos gos dang bsod snyoms dang mal stan dang / na ba'i gsos sman dang yo byad rnams 'byang bar 'gyur ba dang / rnyed pa dang bkur sti dang tshigs su bcad pa dag gi ro myang bas sems la gdung ba dag 'byung bar 'gyur te/ rab 'byor 'di yang byang chub sems dpa' sems dpa' chen po dag gis bdud kyi las su rig par bya ste bdud kyi las 'di dag thams cad rtogs par bya ste de dag rtogs nas kyang spang bar bya ba yin no// rab 'byor gzhan yang byang chub sems dpa' sems dpa' chen po rnams shes rab kyi pha rol tu phyin pa 'di 'chad pa dang ston pa dang nye bar ston pa dang lung 'bogs pa dang kha ton byed pa dang tha na yi ger 'dri ba dag la nyan thos dang rang sangs rgyas kyi sa dang ldan pa'i mdo ste gang dag zab mo zab pa dag yod pa de dag bdud sdig can dge slong gi cha byad du 'ongs nas sbyin par byed par 'gyur te/ 'di skad du 'di la slobs shig/ 'di bris shig 'di lung phog cig 'di kha ton du gyis shig dang 'di las thams cad mkhyen pa nyid 'grub par 'gyur ro zhes zer na/ rab 'byor byang chub sems dpa' sems dpa' chen po thabs mkhas pa de dag la dgal ba mi bskyed do// de ci'i phyir zhe na/ rab 'byor 'di ltar yang mdo sde de dag las stong pa

  409. 205b

    nyid dang mtshan ma med pa dang smon pa med pa dag bshad mod kyi/ yang de las byang chub sems dpa' sems dpa' chen po'i thabs mkhas pa ma bstan to// de la byang chub sems dpa' gang dag thabs mkhas pa'i ye shes kyi bye brag mngon par mi shes pa de dag ni shes rab kyi pha rol tu phyin pa zab mo 'di btang bar sems te/ shes rab kyi pha rol tu phyin pa zab mo 'di btang nas/ nyan thos dang rang sangs rgyas kyi sa dang ldan pa'i mdo sde dag las thabs mkhas par tsal bar sems par 'gyur te/ rab 'byor 'di yang byang chub sems dpa' sems dpa' chen pos bdud kyi las su rig par bya'o// rab 'byor gzhan yang chos nyan pa dag 'dun pa dang ldan zhing shes rab kyi pha rol tu phyin pa gzung bar 'dod la/ chos smra ba snyom las byed par 'gyur te chos ston par mi 'dod na/ rab 'byor 'di yang byang chub sems dpa' sems dpa' chen pos tshogs pa dang bral bas bdud kyi las su rig par bya'o// rab 'byor gzhan yang chos smra ba snyom las med par gyur cing shes rab kyi pha rol tu phyin pa sbyin par 'dod la/ chos nyan pa snyom las dang bya ba mang po dang ldan par 'gyur te/ rab 'byor 'di yang byang chub sems dpa' sems dpa' chen pos tshogs pa dang bral bas bdud kyi las su rig par bya'o// rab 'byor gzhan yang chos nyan

  410. 206a

    pa dag 'dun pa dang ldan zhing shes rab kyi pha rol tu phyin gzung bar 'dod bcang bar 'dod klag par 'dod kun chub par byed par 'dod rab tu 'don par 'dod tha na yi ger bri bar yang 'dod cing / rtogs pa dang ldan blo dang ldan dran pa dang ldan par 'gyur la/ chos smra ba yul gzhan du 'gro bar 'gyur te mgo smos pas go ba ma yin pa 'am rnam par spros te go ba ma yin pa 'am mngon par mi shes pa yin na/ rab 'byor 'di yang shes rab kyi pha rol tu phyin pa 'di 'chad pa dang ston pa dang nye bar ston pa dang lung 'bogs pa dang kha ton byed pa dang slob pa dang chung ngu na yi ger 'dri ba de la tshogs pa dang / bral bar 'gyur te/ rab 'byor 'di yang byang chub sems dpa' sems dpa' chen pos bdud kyi las su rig par bya'o// rab 'byor gzhan yang chos smra ba snyom las med par 'gyur don mngon par shes par 'gyur zhing shes rab kyi pha rol tu phyin pa 'di sbyin par 'dod klog ku gzhug par 'dod la/ chos nyan pa yul gzhan du 'gro bar 'gyur te mgo smos pas go ba ma yin rnam par spros te go ba ma yin mngon par mi shes par 'gyur na/ rab 'byor 'di yang byang chub sems dpa' sems dpa' chen pos tshogs pa dang bral bas bdud kyi las su rig par bya'o// rab 'byor gzhan yang chos smra ba zang zing lhar byed

  411. 206b

    rnyed pa dang bkur sti lhur byed/ chos gos lhar byed par gyur la chos nyan pa ni 'dod pa chung zhing chog shes pa la rab tu dben pa 'am nor sbyin par mi 'dod par gyur na/ rab 'byor 'di yang shes rab kyi pha rol tu phyin pa la bslab pa dang bri ba de la tshogs pa dang bral bar 'gyur te/ rab 'byor 'di yang byang chub sems dpa' sems dpa' chen pos bdud kyi las su rig par bya'o// rab 'byor gzhan yang chos nyan pa ni dad par gyur cing shes rab kyi pha rol tu phyin pa 'di nyan par 'dod don khong du chud par 'dod nor yongs su btang bar 'dod la chos smra ba ni dad pa med par 'gyur ba'am nor len par mi 'dod pa 'am 'dod pa chung ba 'am smra bar mi 'dod na/ rab 'byor 'di yang tshogs pa dang mi ldan pas bdud kyi las su rig par bya'o// rab 'byor gzhan yang chos nyan pa ni dad pa dang ldan par gyur pa dang nyan par bya bar 'dod pa dang don khong du chud par bya bar 'dod la/ chos smra ba la chos kyi bar chad du gyur pas mdo sde de dag med pa 'am mi 'jug na/ rab 'byor 'di las kyang chos smra ba ma rnyed pa'i chos nyan pa po mi mthun par brjod par 'gyur ro// rab 'byor 'di yang shes rab kyi pha rol tu phyin pa thos nas 'dzin pa 'ang 'chang ba 'am klog pa 'am yi ger 'dri ba de la tshogs pa dang mi ldan par 'gyur te/ rab 'byor

  412. 207a

    'di yang byang chub sems dpa' sems dpa' chen pos bdud kyi las su rig par bya'o// rab 'byor gzhan yang chos smra ba 'chad par 'dod la chos nyan pa nyan mi 'dod na/ rab 'byor 'di yang shes rab kyi pha rol tu phyin pa thos nas 'dzin pa 'am 'chang ba 'am klog pa 'am yi ger 'dri ba de la tshogs pa dang mi ldan par 'gyur te/ rab 'byor 'di yang byang chub sems dpa' chen pos bdud kyi las su rig par bya'o// rab 'byor gzhan yang chos nyan pa gnyid che bar gyur lus lci bar gyur te/ de gnyid che ba de dang ldan pa dang lus snyom pa de dang ldan pas nyan mi 'dod par gyur la/ chos smra ba ni 'chad 'dod par 'gyur na/ rab 'byor 'di yang tshogs pa dang mi ldan par 'gyur te/ byang chub sems dpa' sems dpa' chen pos bdud kyi las su rig par bya'o// rab 'byor gzhan yang chos smra ba gnyid che bar 'gyur lus lci bar 'gyur te de gnyid che ba dang ldan pa dang / lus snyom pa de dang ldan pas 'chad mi 'dod par gyur la/ chos nyan pa ni nyan 'dod par gyur na/ rab 'byor 'di yang yi ger bri ba dang klag pa dang kun chub par bya ba de la tshegs pa dang mi ldan par 'gyur te/ rab 'byor 'di yang byang chub sems dpa' sems dpa' chen pos bdud kyi las su rig par bya'o// rab 'byor gzhan

  413. 207b

    yang shes rab kyi pha rol tu phyin pa yi ger 'dri ba dang 'chang ba dang slob pra la la la zhig der 'ongs nas/ sems can dmyal ba'i mi bsngags pa brjod byol song gi skye gnas kyi mi bsngags pa brjod yi dgas kyi yul gyi mi bsngags pa brjod lha ma yin gyi lus kyi mi bsngags pa brjod de/ sems can dmyal ba ni 'di ltar sdug bsngal ba'o// byol song gi skye gnas ni 'di ltar sdug bsngal ba'o// yi dgas kyi yul ni 'di ltar sdug bsngal ba'o// lha ma yin gyi lus ni 'di ltar sdug bsngal ba'o// 'du byed rnams ni 'di ltar sdug bsngal ba ste 'di nyid du sdug bsngal mthar dbyung bar bya'o// zhes zer na rab 'byor 'di yang byang chub sems dpa' sems dpa' chen pos tshogs pa dang mi ldan pas bdud kyi las su rig par bya'o// rab 'byor gzhan yang shes rab kyi pha rol tu phyin pa yi ger 'dri ba dang 'chad pa dang slob pa la/ la la zhig der 'ongs nas lha'i bsngags pa brjod de lha rnams ni 'di ltar bde'o mtho ris ni 'di ltar bde'o 'dod pa'i khams su 'dod pa ni 'di ltar bstan to// gzugs kyi khams su bsam gtan rnams 'di ltar mnyam par gzhog go/ gzugs med pa'i snyom par 'jug pa rnams la 'di ltar mnyam par gzhog go// 'di yang shes rab kyis thams cad brtags na skye ba thams cad

  414. 208a

    sdug bsngal ba yin te bcom ldan 'das kyis kyang 'di skad du gsungs te dge slong dag se gol gtog pa srid du yang srid par 'grub pa'i bsngags pa mi ston te/ 'dus byas thams cad ni mi rtag pa srid par song ba thams cad ni sdug bsngal ba khams gsum pa thams cad ni stong pa chos thams cad ni bdag med pa ste/ de ltar na de dag thams cad ni mi brtan pa mi rtag pa sdug bsngal bar 'gyur ba'i chos can du rig par byas nas/ mkhas pa dag gis 'di nyid du rgyun tu zhugs pa'i 'bras bu thob par bya'o// lan cig phyir 'ong ba'i 'bras bu dang phyir mi 'ong ba'i 'bras bu dang 'di nyid du dgra bcom pa rab tu thob par bya ste/ bdag cag slar 'byor pa dang rgud pa'i sdug bsngal mang po de dag dang phrad par gyur ta re zhes zer ba de la byang chub sems dpa' kha cig skyo bar byed par 'gyur na/ rab 'byor 'di yang byang chub sems dpa' sems dpa' chen pos tshogs pa dang mi ldan pas bdud kyi las su rig par bya'o// rab 'byor gzhan yang dge slong chos smra ba gang yin pa de ni gcig pu la mngon par dga' bar 'gyur la/ chos nyan pa gang yin pa de dag ni 'khor lhur byed par 'gyur ba dang / chos smra ba de yang 'di skad du gang nga la bsnyen par byed pa de dag la ni ngas shes rab kyi pha rol tu phyin pa 'di sbyin no gang nga la brnyen par mi byed pa de dag la ni sbyin no zhes zer bar/

  415. 208b

    'gyur zhing / rigs kyi bu dang rigs kyi bu mo de dag de ltar don du gnyer ba dang 'dod pa dang chos la gus pas chos smra ba la bsnyen par byed kyang go skabs 'byed par mi 'gyur ba dang / chos smra ba de yang zang zing cung zad tsam 'dod la de yang sbyin par mi 'dod pa dang / gang dang gang na mu ge dang grub pa dang bde ba med ba dang srog gi bar chad du 'gyur ba yod pa de dang der 'gro bar 'gyur te/ chos nyan pa de dag kyang gzhan las thos nas phyogs der mu ge byung ste/ grub pa dang bde ba med cing phyogs der srog gi bar chad du yang 'gyur ro zhes rig pa dang / chos smra ba de yang rigs kyi bu de dag la 'di skad du rigs kyi bu dag phyogs 'di zhes bya bar gal te mu ge'i 'jigs pa 'byung ste/ rigs kyi bu khyod der dong na mu ge'i 'jigs pas phyis 'gyod par 'gyur ta re zhes zer nas/ de dag de ltar chos smra ba des thabs phra mos spong ste/ de dag kyang yid byung nas de ltar shes te/ 'di dag ni spong ba'i mtshan ma yin gyi 'di dag ni sbyin par 'dod pa'i mtshan ma ma yin te/ 'di ni sbyin mi 'dod do zhes rig pas bsten par mi byed par 'gyur te/ rab 'byor 'di yang shes rab kyi pha rol tu phyin pa 'di 'dri ba dang slob pa dang ston pa dang nye bar ston pa dang lung 'bogs pa dang kha ton byed pa de la tshogs pa dang mi ldan par 'gyur te/ rab 'byor 'di yang byang chub sems dpa'

  416. 209a

    sems dpa' chen po bdud kyi las su rig par bya'o// rab 'byor gzhan yang chos smra ba de gang na srog chags kyi 'jigs pa yod pa da gang na gcan gzan gyi 'jigs pa yod pa dang / gang na mi ma yin pa'i 'jigs pa yod pa der 'jug par 'gyur te/ der 'gro 'am 'dug pa dang / gcan gzan gyi dgon pa 'am/ sdig sbrul gyi dgon pa dang / chom rkun gyi dgon pa dang chu'i dgon pa dang mu ge'i dgon pa gang na yod pa der 'gro bar 'gyur te chos nyan pa de dag la 'di skad du rigs kyi bu dag shes par gyis shig nga ni yul gang na srog chags kyi 'jigs pa dang gcan gzan gyi 'jigs pa dang sha za'i 'jigs pa dang / sdig sbrul gyi dgon pa dang chom kun gyi dkon pa dang chu'i dgon pa dang mu ge'i dgon pa gang na yod pa der 'gro'o// rigs kyi bu dag shes par gyis shig/ khyed sdug bsngal 'di dag myong bar nus sam zhes zer zhing de dag thabs phra mos spong bar 'gyur te/ de nas de dag kyang yid 'byung bar 'gyur ro// yid byung nas de la bsnyen par mi byed cing phyir ldog par 'gyur te/ rab 'byor shes rab kyi pha rol tu phyin pa lung 'bogs pa dang kha ton byed pa dang yi ger 'dri ba'i bar la bar chad 'di dag 'byung bar 'gyur ro// rab 'byor 'di yang byang chub sems dpa' sems dpa' chen pos tshogs pa dang mi ldan par

  417. 209b

    'gyur bas bdud kyi las su rig par bya'o// rab 'byor gzhan yang dge slong chos smra ba ni mdza' bo'i khyim dang slongs mo ster ba'i khyim lhur len par 'gyur te/ de mdza' bo'i khyim dang slongs mo ster ba'i khyim lhur len pa des rtag tu mdza' bo'i khyim dang slongs mo ster ba'i khyim la blta bar nye bar 'gro bar sems te/ de rtag tu 'gro ba des bya ba mang ba'i phyir chos nyan de dag spong bar 'gyur te re shig de la cud zad blta bar bya ba zhig yod do// nga la cung zad 'gro dgos pa zhig yod do zhes zer na/ rab 'byor 'di yang shes rab kyi pha rol tu phyin pa bri ba dang kun chub par bya ba de la tshogs pa dang mi ldan par 'gyur te/ rab 'byor 'di yang byang chub sems dpa' sems dpa' chen pos tshogs pa dang mi ldan pas bdud kyi las su rig par bya'o// rab 'byor de ltar bdud sdig can ni ci nas shes rab kyi pha rol tu phyin pa 'di su yang mi 'dzin pa dang mi 'chang ba dang mi klog pa dang kun chub par byed par nga rab tu 'don par byed pa dang mi ston pa dang nye bar mi ston pa dang lung 'bogs par mi byed pa dang kha ton du mi byed pa dang yi ger mi 'dri ba dang yi ger 'drir mi 'jug pa de ltar rnam pa de dang de dag gis de lta de ltar rtsol bar 'gyur ro// rab 'byor de lta bas na bar chad ci snyed tshogs pa dang mi ldan par 'gyur ba de dag thams cad byang chub sems dpa' sems dpa' chen pos

  418. 210a

    bdud kyi las su rig par bya ste rig nas spang bar bya'o// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das rgyu ci'i slad du 'di ltar bdud sdig can ci nas shes rab kyi pha rol tu phyin pa 'di su yang mi 'dzin pa dang mi 'chang ba dang mi klog pa dang kun chub par mi bgyid pa dang rab tu 'don par mi bgyid pa dang mi ston pa dang nye bar mi ston pa dang lung 'bogs par mi bgyid pa dang kha ton du mi bgyid pa dang yi ger mi 'dri ba dang yi ger 'drir mi 'jug pa de lta de ltar thabs su sbar zhing 'bad pa cher rtsol/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor sangs rgyas bcom ldan 'das rnams kyis thams cad mkhyen pa nyid ni shes rab kyi pha rol tu phyin pa las skyes so// de bzhin gshegs pa'i bstan pa ni thams cad mkhyen pa nyid las byung ngo // de bzhin gshegs pa'i bstan pa las ni sems can gzhal du med grangs med bsam gyis mi khyab pa'i nyon mongs spong ba 'byung ngo // nyon mongs pa spangs pa la ni bdud sdig can gyis glags rnyed do// ma rnyed pas sdug bsngal gyis yid gzir cing yid mi bde ste mya ngan gyi zug rngu khong du chud par 'gyur ro//

  419. 210b

    de'i phyir shes rab kyi pha rol tu phyin pa yi ger 'dri ba 'am kun chub par byed pa 'am slob par byed pa la rab tu mi dga' zhi 'bad pa chen pos brtson pa cher byed de// ci nas shes rab kyi pha rol tu phyin pa 'di su yang mi 'dri ba dang kun chub par mi byed slob par mi byed pa de lta de ltar thabs su sbyor zhing brtson pa cher byed do// rab 'byor gzhan yang bdud sdig can dge sbyong gi cha byad du 'ongs nas 'byed par byed par 'gyur te/ rab 'byor byang chub sems dpa'i theg pa la gsar du zhugs pa blo chung ba blo zhan pa blo dman pa ldongs par gyur pa bla na med pa yang dag par rdzogs pa'i byang chub tu lung ma bstan pa'i rigs kyi bu de dag 'di ltar 'bral bar byed de/ gang tshe dang ldan pa khyod nyan pa 'di ni shes rab kyi pha rol tu phyin pa ma yin te// yang ci ltar nga'i mdo sde'i nang du chud cing mdo sde'i nang du gtogs pa 'di ni shes rab kyi pha rol tu phyin pa yin no zhes rab 'byor de ltar bdud sdig can gyis the tshom zabs spong du 'jug ste/ rab 'byor yang de ltar bdud sdig canan dge sbyong gi tha byad du 'ongs nas dbye ba byas nas byang chub sems dpa'i theg pa la gsar du zhugs pa blo chung ba blo zhan pa blod dman pa ldongs par gyur pa bren med pa yong dag par rdzogs pa'i byang chu tu lung ma bstan pa dag the tshom zar 'jug go/ de dag the tshom du gyur nas shes rab kyi pha rol tu phyin pa 'di mi 'dzin mi 'cha

  420. 211a

    mi klog kun chub par mi byed rab tu 'don par mi byed mi ston nye bar mi ston lung 'bogs par mi byed kha ton du mi byed yi ger mi 'dri yi ger 'drir mi 'jug par 'gyur te/ rab 'byor 'di yang byang chub sems dpa' sems dpa' chen pos bdud kyi las su rig par bya'o// rab 'byor gzhan yang bdud sdig can gyis dge slong du sprul te/ sangs rgyas kyi cha byad du 'ongs nas byang chub sems dpa' gang chos zab mo dag la spyod pa de ni yang dag pa'i mtha' mngon du byed cing de nyan thos su 'gyur gyi byang chub sems dpar mi 'gyur te/ dper na byang chub sems dpa' 'di bzhin no zhes bdud kyi las nye bar sbyor te/ rab 'byor 'di yang byang chub sems dpa' sems dpa' chen pos bdud kyi las su rig par bya'o// rab 'byor de ltar shes rab kyi pha rol tu phyin pa 'di yi ger 'dri ba dang kun chub par byed pa dang slob par byed pa la bdud sdig can gyis bdud kyi las gzhan dang gzhan dag mang du 'byung bar 'gyur te/ de dag byang chub sems dpa' sems dpa' chen pos rtogs par bya'o rtogs nas yongs su spang bar bya'o bsten par mi bya'o// gzhan du ni brtson 'grus brtsams shing dran pa dang shes bzhin dang yang ldan par bya'o// de skad ces bka' stsal pa dang / bcom ldan 'das la rab 'byor gyis 'di skad ces gsol to// bcom ldan 'das de de bzhin

  421. 211b

    no bde bar gshegs pa de de bzhin te/ bcom ldan 'das nor bu rin po che chen po gang lags pa de dag la dgra mang ngo // de ci'i slad du zhe na/ bcom ldan 'das 'di lta ste/ rnyed par dka' zhing rin che ba'i slad du ste/ de dag dbyigs lags pas na de'i slad du de dag la dgra mang bar 'gyur ro// de bzhin du bcom ldan 'das shes rab kyi pha rol tu phyin pa 'di la yang phal cher bar du gcod pa mang du 'byung ngo // bcom ldan 'das de la gang dag bar du gcod pa'i dbang gis le lo can du 'gyur zhing gang dag shes rab kyi pha rol tu phyin pa 'di mi 'dzin par sems pa dang mi 'chang ba dang mi klog pa dang kun chub par mi bgyid pa dang rab tu 'don par mi bgyid pa dang mi ston pa dang nye bar mi ston pa dang lung 'bogs par mi bgyid pa dang kha ton du mi bgyid pa dang yi ger mi 'dri ba dang chung ngu na yi ger 'dri mi 'jug par yang sems pa'i byang chub sems dpa' de dag ni/ bdud kyis byin gyis brlabs pa lags pa dang / bcom ldan 'das de dag ni theg pa la gsar du zhugs pa gang lags pa dang de dag blo chung ba lags pa dang blo dman pa legs pa dang bro zhan pa lags pa dang bcom ldan 'das de dag ni blo phyin ci log lags shing de dag gi sems chos rgya chen po rgya chen po dag la mi 'jug par yang rig par bgyi'o// de skad ces gsol pa dang / bcom ldan 'das kyis tshe dang ldan pa rab 'byor

  422. 212a

    la 'di skad ces bka' stsal to// rab 'byor de de bzhin no de de bzhin te/ gang dag shes rab kyi pha rol tu phyin pa 'di mi 'dzin par sems pa dang mi 'chang ba dang mi klog pa dang kun chub par mi byed pa dang rab tu 'don par mi byed pa dang / mi ston pa dang nye bar mi ston pa dang lung 'bogs par mi byed pa dang kha ton tu mi byed pa dang yi ger mi 'dri ba dang chung ngu na yi ger 'drir mi 'jug par yang sems pa'i byang chub sems dpa' de dag ni/ rab 'byor bdud kyis byin gyis brlabs par rig par bya ste rab 'byor byang chub sems dpa' de dag theg pa la gsar du zhugs pa yin no// de dag ni bro chung ba rnams yin no de dag ni blo dman pa rnams yin no de dag ni blo zhan pa rnams yin no// rab 'byor de dag ni blo phyin ci log pa rnams yin no// de dag ni chos rgya chen po rgya chen po dag la sems mi 'jug par 'gyur ro// rab 'byor 'di ltar yang bdud kyi las 'byung bar 'gyur zhing bdud kyi nyes pa dang bar du gcod par byed pa mang du 'byung mod kyi de lta na yang rab 'byor gang dag shes rab kyi pha rol tu phyin pa 'di 'dzin par sems shing 'chang ba dang klog pa dang kun chub par byed pa dang rab tu 'don par byed pa dang nye bar ston pa dang lung 'bogs pa dang kha ton byed pa dang yi ger 'dri ba dang / chung ngu na yi ger 'drir mi 'jug pa sems na

  423. 212b

    rab 'byor de ni sangs rgyas kyi mthu dang sangs rgyas kyi byin gyis brlabs dang sangs rgyas kyis yongs su bzungs pas/ de dag 'dzin pa dang 'chang ba dang / klog pa dang kun chub par byed pa dang rab tu 'don par byed pa dang ston pa dang nye bar ston pa dang lung 'bogs pa dang kha ton du byed pa dang yi ger 'dri ba dang chung du na yi ger 'drir 'jug par rig par bya'o// de ci'i phyir zhe na/ 'di la bdud sdig can yang bar chad bya ba'i phyir brtson pa cher byed la de bzhin gsheg pa dgra bcom pa yang dag par rdzogs pa'i sangs rgyas kyang yongs su gzung ba'i phyir brtson pa cher mdzad do// 'phags pa shes rab kyi pha rol tu phyin pa brgyad stong pa las bdud kyi las kyi le'u zhes bya ste bcu gcig pa'o// // 'phags pa shes rab kyi pha rol tu phyin pa brgyad stong pa/ bam po bcu gnyis pa// de nas yang bcom ldan 'das kyis tshe dang ldan pa rab 'byor la bka' stsal pa/ rab 'byor 'di lta ste dper na bud med 'ga' zhig la bu mang du yod de lnga 'am bcu 'am/ nyi shu 'am sum cu 'am/ bzhi bcu 'am lnga bcu 'am/ brgya 'am stong ngam brgya stong yod la/ de dag thams cad kyi ma na bar gyur na/ de dag bdag cag gi ma ci nas srog gi bar chad du mi 'gyur ba dang bdag cag gi ma ci nas yun ring du

  424. 213a

    'tsho bar 'gyur ba dang bdag cag gi ma ci nas lus ma rung bar mi 'gyur ba dang / bdag cag gi ma ci nas yun ring du gnas par 'gyur ba dang / bdag cag gi ma ci nas nyam nyes par mi 'gyur ba dang / bdag gi ma la ci nas sdug bsngal gyi tshor ba mi 'byung ba dang / 'di la reg par mi gnas pa med pa dang / lus la yid du 'ong ba mi 'byung bar 'bad cing rtsol lo// de ci'i phyir zhe na/ 'di ni bdag cag bskyed de 'di ni dka' ba byed pa bdag cag gi srog sbyin pa 'jig rten kun tu ston pa yin no// snyam pas 'di la sdug bsngal gyi tshor ba 'am/ sdug bsngal gyi reg pa gang yang 'byung ba re zhes bu de dag ma de la bde bar sbar ba thams cad kyis legs par gzung bas 'dzin legs par sba bas sbed legs par bcos pas 'chos shing / 'di'i mig gam rna ba 'am sna 'am lce 'am lus sam yid la rlung ngam mkhris pa 'am bad kan nam 'dus pa 'am sbrang bu 'am sha sbrang 'am sdig sbrul lam mi 'am mi ma yin pa 'am kun tu 'bab pa 'am nyam thag pa 'am ye 'drog gam mi 'dod pa 'byung bar lus la 'byung nga re zhes de lta bu de dag gis ma de la bsams te/ bde khar sbyar ba thams cad kyis 'di ni bdag cag gi ma skyed pa dka' ba byed pa 'di ni bdag cag gi srog sbyin par byed pa 'jig rten kun ston pa'o zhes 'chos shing

  425. 213b

    bdag gir byed sbed par byed do// rab 'byor de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyang shes rab kyi pha rol tu phyin pa 'di la dgongs te/ gang dag de dag yi ger 'dri ba dang / 'dzin pa dang / 'chang ba dang klog pa dang / kun chub par byed pa dang / rab tu 'don pa dang ston pa dang nye bar ston pa dang lung 'bogs pa dang / kha ton byed pa de dag thams cad kyang de bzhin gshegs pa dgra bcom pa yang dag par rdzogs pa'i sangs rgyas kyi mthu dang byin gyis rlabs dang dgongs pa las 'gyur ro// 'jig rten gyi khams gzhan dang gzhan dag na de bzhin gshegs pa dgra bcom pa yang dag pa dgra bcom pa yang dag par rdzogs pa'i sangs rgyas gang ji snyed cig skye bo mang po la bde ba dang 'jig rten la thugs brtse ba dang skye bo phal po che'i don dang phan pa dang bde ba dang lha dang mi rnams dang / sems can thams cad la thugs brtse ba'i phyir da ltar bzhugs te 'tsho zhing gzhes pa de dag thams cad kyang shes rab kyi pha rol tu phyin pa 'di nyid la dgongs te/ shes rab kyi pha rol tu phyin pa 'di ci nas kyang ring du gnas par 'gyur ba dang / ci nas kyang shes rab kyi pha rol tu phyin pa 'di'i ming 'jig par mi 'gyur ba dang / ci nas kyang shes rab kyi pha rol tu phyin pa 'di 'chad pa dang /

  426. 214a

    yi ger 'dri ba dang slob pa la bdud sdig can nam bdud kyi ris kyi lha dag bar chad byed par mi 'gyur bar mdzad do// rab 'byor de ltar de/ bzhin gshegs pa dgra bcom pa yang dag par rdzogs pa'i sangs rgyas rnams kyang shes rab kyi pha rol tu phyin pa 'di 'chos shing bdag gir mdzad cing sbed do// de ci'i phyir zhe na/ 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyi yum ste skyed pa'o// thams cad mkhyen pa nyid ston pa'i 'jig rten kun tu ston pa'o// rab 'byor de bzhin gshegs pa dgra bcom pa yang dag par rdzogs pa'i sangs rgyas rnams ni 'di las skyes te/ rab 'byor shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la thams cad mkhyen pa'i ye shes skyed par byed pa'o// ston par byed pa'o// de ltar 'jig rten 'di kun tu ston pa'o// rab 'byor de bzhin gshegs pa dgra bcom pa yang dag par rdzogs pa'i sangs rgyas rnams kyi thams cad mkhyen pa nyid ni 'di las skyes so// rab 'byor 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas gang su dag bla na med pa yang dag par rdzogs pa'i byang chub mngon par rdzogs par sangs rgyas pa de dag

  427. 214b

    thams cad kyang shes rab kyi pha rol tu phyin pa 'di nyid la brten nas bla na med pa yang dag par rdzogs pa'i byang chub mngon par rdzogs par sangs rgyas so// rab 'byor phyi ma ma 'ongs pa'i dus na 'byung bar 'gyur ba'i de bzhin gshegs pa dgra bcom pa yang dag par rdzogs pa'i sangs rgyas gang dag bla na med pa yang dag par rdzogs pa'i byang chub mngon par rdzogs par 'tshang rgya ba de dag thams cad kyang shes rab kyi pha rol tu phyin pa 'di nyid la brten nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// rab 'byor da ltar gyi dus na 'jig rten gyi khams gzhal du med cing grangs med pa'i phyogs bcu'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gang dag skye bo mang po phan pa dang skye bo mang po la bde ba dang 'jig rten la thugs brtse ba dang skye bo phal po che'i don dang phan pa dang bde ba dang lha dang mi rnams dang sems can thams cad la thugs brtse ba dag thugs brtse ba'i phyir bzhugs te 'tsho zhing gaM zhes pa dag bra na med pa yang dag par rdzogs pa'i byang chub mngon par rdzogs par sangs rgyas pa de dag thams cad kyang shes rab kyi pha rol tu phyin pa 'di nyid la brten nas bla na med pa yang dag par rdzogs pa'i byang chub mngon par rdzogs

  428. 215a

    bar sangs rgyas so// rab 'byor da ltar de bzhin gshegs pa dgra bcom pa yang dag par rdzogs pa'i sangs rgyas nga bla na med pa yang dag par rdzogs pa'i byang chub mngon par rdzogs par sangs rgyas pa yang shes rab kyi pha rol tu phyin pa 'di nyid la brten nas bla na med pa yang dag par rdzogs pa'i byang chub mngon par rdzogs par sangs rgyas so// rab 'byor de ltar na shes rab kyi pha rol tu phyin pa 'di ni de bzhin gshegs pa dgra bcom pa yang dag par rdzogs pa'i sangs rgyas rnams skyed par byed pa ste de ltar na 'di ni 'jig rten kun tu ston par byed pa'o// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das kyis gang 'di skad du shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di ston pa'o zhes bka' stsal na/ bcom ldan 'das ci ltar shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten ston pa lags/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis 'jig rten du gsungs pa gang lags/ de skad ces gsol pa dang bcom ldan 'das kyis tshe dang ldan pa rab

  429. 215b

    'byor la 'di skad ces bka' stsal to// rab 'byor phung po lnga rnams ni de bzhin gshegs pas 'jig rten du gsungs te/ lnga gang zhe na/ 'di lta ste gzugs dang tshor ba dang 'du shes dang 'du byed rnams dang rnam par shes pa ste/ rab 'byor phung po 'di lnga ni de bzhin gshegs pas 'jig rten zhes gsungs so// rab 'byor gyis gsol pa/ bcom ldan 'das de bzhin gshegs pa la shes rab kyi pha rol tu phyin pas phung po lnga ci ltar bstan/ bcom ldan 'das shes rab kyi pha rol tu phyin pas ci zhig bstan/ de skad ces gsol ba dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor mi 'jigs rab tu mi 'jig pas na phung po lnga 'jig rten no zhes de bzhin gshegs pa rnams la shes rab kyi pha rol tu phyin pas bstan to// de ci'i phyir mi 'jigs rab tu mi 'jig ces bstan ce na/ rab 'byor phung po lnga rnams ni ngo bo nyid med pas na stong pa nyid kyi ngo bo nyid do// rab 'byor stong pa nyid ni 'jig pa 'am rab tu 'jig pa ma yin te/ rab 'byor de ltar shes rab kyi pha rol tu phyin pa 'di de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di ston pa'o// rab 'byor mtshan ma med pa 'am smon pa med pa 'am mngon par 'du byed pa 'am mi skye ba 'am dngos po med pa 'am chos kyi

  430. 216a

    dbyings mi 'jig rab tu mi 'jig pa/ rab 'byor de ltar shes rab kyi pha rol tu phyin pa 'di de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di ston pa'o// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sem can gzhal du med sems can grangs med pa'o zhes yang dag pa ci lta ba bzhin du rab tu mkhyen to// rab 'byor ji ltar na de bzhin gshegs pas shes rab kyi pha rol tu phyin pa 'di la brten te sems can gzhal du med sems can grangs med pa'o zhes yang dag pa ji lta ba bzhin du rab tu mkhyen ce na/ rab 'byor sems can ngo bo nyid med pa'i phyir/ sems can gzhal du med sems can grangs med pa'o zhes de bzhin gshegs pas yang dag pa ji lta ba bzhin du rab tu mkhyen to// rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med sems can grangs med pa rnams yang dag pa ci lta ba bzhin du rab tu mkhyen to// rab 'byor gzhan yang sems can dngos po med pa'i phyir de bzhin gshegs pas sems can gzhal du med sems can grangs med bdag gi sems kyi spyod pa de dag kyang rab tu mkhyen te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal

  431. 216b

    du med sems can grangs med pa dag gi sems kyi spyod pa gzhal du med grangs med pa rnams yang dag pa ji lta ba bzhin du rab tu mkhyen to// rab 'byor de ltar shes rab kyi pha rol tu phyin pa ni de bzhin gshegs po dgra bcom pa yang dag par rdzogs pa'i sangs rgyas rnams la 'jig rten 'di ston pa'o// rab 'byor gzhan yang de bzhin gshegs pas shes rab kyi pha rol tu phyin pa 'di la brten te sems can gzhal du med grangs med pa dag gi sems bsdus pa rnams sems bsdus pa'o zhes yang dag pa ci lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med grangs med pa dag gi sems bsdus pa rnams sems bsdus pa'o zhes yang dag pa ci lta ba bzhin du rab tu mkhyen ce na/ de bsdus pa dang bcas pa zad pa nyid du dang ma zad pa yang ma zad pa nyid du yang dag pa ci lta ba bzhin du rab tu mkhyen te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bsdus pa rnams sems bsdus pa'o zhes yang dag pa ci lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems g.yengs pa rnams sems g.yeng

  432. 217a

    pa'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems g.yengs pa rnams sems g.yengs pa'o zhes yang dag pa ji lta ba bzhin du rab tu mkhyen ce na/ rab 'byor chos nyid las sems g.yengs pa'i sems de dag ni mtshan nyid med pa sems de dag na mi zad pa rnam par mi zad pa ma g.yengs par sems de dag yang dag pa ji lta ba bzhin du rab tu mkhyen te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems g.yengs pa rnams sems g.yengs pa'o zhes yang dag pa ji lta bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten te/ sems can gzhal du med grangs med pa dag gi sems gzhal du med pa mi zad pa la sems ga zhal du med pa mi/ zad pa mi zad pa'o zhes yang dag pa ci lta bzhin du rab tu mkhyen to// rab 'byor ci ltar na de bzhin gshegs pas shes rab kyi pha rol tu phyin pa 'di la brten nas sems can gzhal du med grangs med pa dag gi sems gzhal du med cing mi zad pa la sems gzhal du med cing mi zad pa'o zhes yang dag pa ji lta ba bzhin du/

  433. 217b

    rab tu mkhyen ce na/ rab 'byor gang gis de ltar nam mkha' bzhin du gzhal du med cing mi zad pas na sems gzhal du med cing mi zad par yang dag pa ji lta ba bzhin du rab tu shes pa de'i sems de ni de bzhin gshegs pas byin gyis brlabs pa 'gag pa med pa skye ba med pa gnas pa med pa rten med pa gzhal du med pa mi zad pa yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med grangs med pa dag gi sems gzhal du med cing mi zad pa la sems gzhal du med cing mi zad pa'o zhes yang dag pa ci lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi kun nas nyon mongs par gyur pa'i sems rnam kun nas nyon mongs par gyur pa'i sems so zhes yang dag pa ci lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi kun nas nyon mongs par gyur pa'i sems rnams kun nas nyon mongs par gyur pa'i sem so zhes yang dag pa ci lta ba bzhin du rab tu mkhyen ce na/ rab 'byor sems de dag ni kun nas nyon mongs pas kun nas nyon mongs par 'gyur ba ma yin

  434. 218a

    zhing brdar btags pa med pa ste/ rab 'byor de ltar de bzhin gshegs pas shes rab kyi pha rol tu phyin pa 'di la brten nas/ sems can gzhal du med pa dag gi sems kun nas nyon mongs par gyur pa dag sems kun nas nyon mongs par gyur pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems kun nas nyon mongs par ma gyur pa rnams sems kun nas nyon mongs par ma gyur pa'o zhes yang dag pa ci lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems kun nas nyon mongs par ma gyur pa rnams sems kun nas nyon mongs par ma gyur pa'o zhes yang dag pa ci lta ba bzhin du rab tu mkhyen ce na/ rab 'byor sems de dag rang bzhin gyis 'od gsal ba ste/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems kun nas nyon mongs par ma gyur pa rnams sems kun nas nyon mongs par ma gyur pa'o zhes yang dag pa ci lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu

  435. 218b

    phyin pa 'di la brten nas sems can gzhal du med pa dag gi sems gnas pa rnams sems gnas pa'o zhes yang dag pa ci lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems gnas pa rnams sems gnas pa'o zhes yang dag pa ci lta ba bzhin du rab tu mkhyen ce na/ rab 'byor sems de dag ni gzhi med pa la gnas pa ste/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems gnas pa rnams sems gnas pa'o zhes yang dag pa ci lta ba bzhin du/ rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rab tu/ bzung ba rnams sems rab tu bzung ba'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin ba 'di la brten nas sems can gzhal du med pa dag gi sems rab tu bzung ba rnams sems rab tu bzung ba'o zhes yang dag pa ji lta ba bzhin du rab tu mkhyen ce na/ rab 'byor sems de dag ni gzung ba ma yin zhing rab tu gzung bar bya ba ma yin te/ rab 'byor de ltar de bzhin gshegs pas shes rab kyi pha rol tu phyin pa 'di

  436. 219a

    la brten nas sems can gzhal du med pa dag gi sems rab tu bzung ba rnams sems rab tu bzung ba'o zhes yang dag pa ci lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zag pa dang bcas pa rnams sems zag pa dang bcas pa'o zhes yang dgra pa ci lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zag pa dang bcas pa rnams sems zag pa dang bcas pa'o/ zhes yang dag pa ci lta ba bzhin du rab tu mkhyen ce na/ rab 'byor sems de dag ngo bo nyid med cing med pa dang 'dra ba yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zag pa dang bcas pa rnams sems zag pa dang bcas pa'o zhes yang dag pa ci lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zag pa med pa rnams sems zag pa med pa'o zhes yang dag pa ji lta ba bzhin du rab tu mkhyen to// rab 'byor

  437. 219b

    ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zag pa med pa rnams sems zag pa med pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni dngos po med par gzhol ba lhun gyis grub pa ste/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zag pa med pa rnams sems zag pa med pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems 'dod chags dang bcas pa rnams sems 'dod chags dang bcas pa'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems 'dod chags dang bcas rnams sems 'dod chags dang bcas pa'o zhes yang dag pa ji lta ba bzhin du rab tu mkhyen ces na/ rab 'byor sems kyi 'dod chags dang bcas pa gang yin pa de ni sems kyi yang dag pa ci lta ba nyid ma yin sems kyi yang dag pa ci lta ba nyid gang yin pa de

  438. 220a

    ni 'dod chags dang bcas pa'i sems ma yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems 'dod chags dang bcas pa rnams sems 'dod chags dang bcas pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems 'dod chags dang bral ba rnams sems 'dod chags dang bral ba'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems 'dod chags dang bral ba rnams sems 'dod chags dang bral ba'o zhes yang dag pa ji lta ba bzhin du rab tu mkhyen ce na/ rab 'byor sems kyi bral ba gang yin pa de ni sems kyi 'dod chags dang bcas pa nyid ma yin 'dod chags dang bral ba'i sems kyi yang dag pa ji lta ba nyid gang yin pa de ni sems kyi 'dod chags dang bcas pa ma yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal tu med par dag gi sems 'dod chags dang bral ba rnams sems 'dod chags dang bral ba'o zhes yang dag

  439. 220b

    pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zhe sdang dang bcas pa rnams sems zhe sdang dang bcas pa'o zhes yang dge ba ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zhe sdang dang bcas pa rnams sems zhe sdang dang bcas pa'o zhes yang dag pa ji lta ba bzhin du rab tu mkhyen ce na/ rab 'byor sems kyi zhe sdang dang bcas pa gang yin pa de ni sems kyi yang dag pa ji lta ba nyid ma yin rab 'byor sems kyi yang dag pa ci lta ba nyid gang yin pa de ni sems kyi zhe sdang bcas pa ma yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zhe sdang dang bcas pa rnams sems zhe sdang dang bcas pa'o zhes yang dag pa ci lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zhe sdang dang bral ba rnams sems zhe sdang dang bral ba'o zhes yang dag pa ci lta ba bzhin du rab tu mkhyen to// rab 'byor ci ltar de bzhin

  440. 221a

    gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zhe sdang dang bral ba rnams sems zhe sdang dang bral ba'o zhes yang dag pa ji lta ba bzhin du rab tu mkhyen ce na/ rab 'byor sems kyi bral ba gang yin pa de ni zhe sdang dang bcas pa ma yin zhe sdang dang bral ba'i sems kyi yang dag pa ci lta ba nyid gang yin pa de ni sems zhe sdang dang bcas pa ma yin te/ rab 'byor de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zhe sdang dang bral ba rnams sems zhe sdang dang bral ba'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems gti// mug dang bcas pa rnams sems gti mug dang bcas pa'o zhes yang dag pa bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems gti mug dang bcas pa rnams sems gti mug dang bcas pa'o zhes yang dag pa ci lta ba bzhin du rab tu mkhyen ce na/ rab 'byor sems kyi gti mug dang bcas pa gang yin pa de ni sems kyi yang dag pa nyid ci lta ba bzhin ma yin sems kyi yang dag

  441. 221b

    pa ci lta ba nyid gang yin pa de ni sems kyi gti mug dang bcas pa ma yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems gzhal du med pa dag gi sems gti mug dang bcas pa rnams sems gti mug dang bcas pa'o// yang dag pa ci lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems gti mug dang bral ba rnams sems gti mug dang bral ba'o zhes yang dag pa ci lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems gti mug dang bral ba rnams sems gti mug dang bral ba'o zhes yang dag pa ji lta ba bzhin du rab tu mkhyen ce na/ rab 'byor sems kyi gti mug dang bral ba gang yin pa de ni sems kyi gti mug dang bcas pa ma yin gti mug dang bral ba'i sems kyi yang dag pa ci lta ba nyid gang yin pa de ni sems kyi gti mug dang bcas pa ma yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems gti mug dang bral ba rnams sems gti mug dang bral ba'o zhes yang dag pa ji lta ba bzhin du rab tu mkhyen to// rab

  442. 222a

    'byor gzhan yang de bzhin gshegs pas shes rab kyi pha rol tu phyin 'di la brten nas sems can gzhal du med pa dag gi sems rgya chen po ma yin pa rnams sems rgya chen po ma yin pa'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rgya chen po ma yin pa rnams sems rgya chen po ma yin pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni kun nas slong ba dang mi ldan pa kun nas slong ba med par gtogs pa'o// rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rgya chen po ma yin pa rnams sems rgya chen po ma yin pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rgya chen po rnams sems/ rgya chen po'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rgya chen po rnams sems rgya chen po'o zhes yang dag pa ji lta ba bzhin du rab tu mkhyen ce na/ rab 'byor sems de dag ni mi 'bri sems

  443. 222b

    de dag ni mi 'phel zhing / sems rnams bral ba med pa'i phyir sems de dag ni rnam par bral ba med pa ste/ rab 'byor de lta de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rgya chen po rnams sems rgya chen po'o zhes yang dag pa ji lta ba bzhin du rab tu mkhyen te/ rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rgya chen por gyur pa ma yin pa rnams sems chen por gyur pa ma yin pa'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin phyin pa 'di la brten nas sems can gzhal du med pa dag gi sems chen por gyur pa ma yin pa rnams sems chen por gyur pa ma yin pa'o zhes yang dag pa ci lta ba bzhin du rab tu mkhyen ce na/ rab 'byor sems de dag ni 'ong ba med pa 'gro ba med pa ma gtogs pa ste/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems chen por gyur pa ma yin pa rnams sems chen por gyur pa ma yin pa'o zhes yang dag pa ci lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas

  444. 223a

    sems can gzhal du med pa dag gi sems chen por gyur pa rnams sems chen por gyur pa'o zhes yang dag pa ji lta ba bzhin du rab tu mkhyen to/ rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems chen por gyur pa rnams sems chen por gyur pa'o zhes yang dag par ji lta ba bzhin du rab tu mkhyen ce na/ rab 'byor sems de dag ni mnyam pa nyid kyis mnyam pa yin te ngo bo nyid kyis mnyam pa'o// rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems chen por gyur pa rnams sems chen por gyur pa'o// zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems tshad ma med pa rnams sems tshad ma med pa'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems tshad ma med pa rnams sems tshad ma med pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni rten med pas sems tshad ma med

  445. 223b

    pa yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems tshad ma med pa rnams sems tshad ma med pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab pha rol tu phyin pa 'di la brten nas sems can gzhal du med pa dag gi sems bstan du yod pa rnams sems bstan du yod pa'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bstan du yod pa rnams sems bstan du yod pa'o zhes yang dag pa ji lta ba bzhin du rab tu mkhyen ce na/ rab 'byor sems de dag dang sems kyi ngo bo nyid ni mnyam par bstan pa yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bstan du yod pa rnams sems bstan du yod pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rog tu phyin pa 'di la brten nas sems can gzhal du med pa dag gi sems bstan du med pa rnams sems bstan du med pa'o zhes yang dag pa ji lta ba bzhin du rab tu/

  446. 224a

    mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bstan du med pa rnams sems bstan du med pa'o zhes yang dag pa ji lta ba bzhin du rab tu mkhyen ce na/ rab 'byor mtshan nyid med cing don gyis dben pa yin pa'i phyir sems de ni mi snang ba ste spyan gsum mam thams cad la snang bar ma gyur pa'o// rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhol du med pa dag gi sems bstan du med pa rnams sems bstan du med pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems thogs pa dang bcas pa rnams sems thogs pa dang bcas pa'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems thogs pa dang bcas pa rnams sems thogs pa dang bcas pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni med pa la kun brtags pa ste stong pa dmigs pa'i dbang du gyur pa'o// rab 'byor de ltar de bzhin

  447. 224b

    gshegs pas shes rab kyi pha rol tu phyin pa 'di la brten nas sems can gzhal du med pa dag gi sems thogs pa dang bcas pa rnams sems thogs pa dang bcas pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems thogs pa med pa rnams sems thogs pa med pa'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems thogs pa med pa rnams sems thogs pa med pa'o/ zhes yang dag pa ji lta ba bzhin du rab tu mkhyen ce na/ rab 'byor sems de dag ni gnyis su med cing gyur pa ma byung ba kun tu ma byung ba ste/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems thogs pa med pa rnams sems thogs pa med pa zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sem bla na yod pa rnams sems bla na yod pa'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas

  448. 225a

    shes rab kyi pha rol tu phyin pa 'di la brten nas sems can gzhal du med pa dag gi sems bla na yod pa rnams sems bla na yod pa'o zhes yang dag pa ji lta ba bzhin du rab tu mkhyen ce na/ rab 'byor sems bla na yod pa yang dag pa ji lta ba nyid gang yin pa de la rlom sems med de/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bla na yod pa dag sems bla na yod pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bla na med pa rnams sems bla na med pa'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bla na med pa rnams sems bla na med pa'o yang dag pa ji lta ba bzhin du/ rab tu mkhyen ce na/ rab 'byor sems de dag ni sems rdul phra mo tsam yang mi dmigs pa'i phyir spros pa med pa yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bla na med pa rnams sems bla na med pa'o zhes yang dag pa ji lta ba

  449. 225b

    bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems mnyam par gzhag pa rnams sems mnyam par ma gzhag pa'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems mnyam par ma gzhag pa rnams sems mnyam par ma gzhag pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni mi mnyam pa dang mnyam pas mi mnyam par 'jug cing de ltar sems mnyam par ma bzhag pa ste/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems mnyam par ma gzhag pa rnams sems mnyam par ma gzhag pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems mnyam par bzhag pa rnams sems mnyam par gzhag pa'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi

  450. 226a

    sems mnyam par gzhag pa rnams sems mnyam par bzhag pa'o zhes yang dag pa ci lta ba bzhin du rab tu mkhyen ce na/ rab 'byor sems de dag ni mnyam pa dang mnyam pas mnyam par 'jug cing de ltar sems mnyam par gzhag pa de dag ni nam mkha' dang mtshungs te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems mnyam par bzhag pa rnams sems mnyam par gzhag pa'o zhes yang dag pa ci lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rnam par ma grol ba rnams sems rnam par ma grol ba'o zhes yang dag pa ci lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rnam par ma grol ba rnams sems rnam par ma grol ba'o zhes yang dag pa ji lta ba bzhin du rab tu mkhyen ce na/ rab 'byor sems de dag ni rang bzhin gyis rnam par grol ba ngo bo nyid med pa'i rang bzhin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rnam par ma grol ba rnams sems rnam par

  451. 226b

    ma grol ba'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rnam par grol ba rnams sems rnam par grol ba'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rnam par grol ba rnams sems rnam par grol ba'o zhes yang dag par ji lta ba bzhin du rab tu mkhyen ce na/ rab 'byor sems ni med pa yin pa'i phyir sems ni de bzhin gshegs pas 'das par mi dmigs ma 'ongs pa dang da ltar byung bar ma dmigs te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rnam par grol ba rnams sems rnam par grol ba'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bltar med pa rnams sems bltar med pa'o zhes yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas/

  452. 227a

    sems can gzhal du med pa dag gi sems bltar med pa rnams sems bltar med pa'o// zhes yang dag pa ji lta ba bzhin du rab tu mkhyen ce na/ rab 'byor med pa'i phyir sems de ltar med pa dang ma byung ba'i phyir rnam par rig par bya ba ma yin pa dang yongs su ma grub pa'i phyir shes rab kyi mig dang lha'i mig gis kyang gzung du med na thams cad la mi snang ba'i phyir sha'i mig gis lta ci smos te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bltar med pa rnams sems bltar med pa'o zhes yang dag pa ji lta ba bzhin du rab tu mkhyen to// rab 'byor de ltar shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di ston pa'o// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhan dang gang zag gzhan gzhal du med grangs med pa dag gi phye ba dang btsums pa rnams phye ba dang btsums pa'o zhes yang dag pa ji lta ba bzhin du ra tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhan dang gang zag gzhan gzhal du med

  453. 227b

    grangs med pa dag gi phye ba dang btsums pa rnams phye ba dang btsums pa'o zhes yang dag pa ji lta ba bzhin du rab tu mkhyen ce na/ rab 'byor de dag skye ba thams cad ni gzugs la gnas shing skye bo zhes yang dag pa ji lta ba bzhin du rab tu mkhyen to// rab 'byor de bzhin du de dag skye ba thams cad ni tshor ba dang 'du shes dang 'du byed rnams dang rnam par shes pa la gnas shing skye bo zhes yang dag pa ji lta ba bzhin du rab tu mkhyen to// rab 'byor de la ci ltar de bzhin gshegs pas phye ba dang btsums pa de rnams gzugs la gnas par rnam par mkhyen par 'gyur zhing / de bzhin du ji ltar phye ba dang btsums pa de rnams tshor ba dang 'du shes dang 'du byed rnams dang rnam par shes pa la gnas par rnam par mkhyen par 'gyur zhe na/ de bzhin song ba shi phan chad 'byung ngo zhes bya ba 'di ni gzug la brten pa'o// de bzhin song ba shi phan chad mi 'byung ngo zhes bya ba 'di ni gzugs la brten pa'o// de bzhin song ba shi phan chad 'byung ba yang yin la mi 'byung ba yang yin no zhes bya ba 'di ni gzugs la brten pa'o// de bzhin song ba shi phan chad 'byung ba yang ma yin mi 'byung ba yang ma yin no// zhes bya ba 'di ni gzugs la brten pa'o// de bzhin du tshor ba dang 'du shes dang 'du byed rnams dang / de bzhin song ba shi phan chad 'byung ngo zhes bya ba 'di ni rnam par shes pa la

  454. 228a

    brten pa'o// de bzhin song ba shi phan chad mi 'byung ngo zhes bya ba 'di ni rnam par shes pa la brten pa'o// de bzhin song ba shi phan chad 'byung ba yang yin la mi 'byung ba yang yin no zhes bya ba 'di ni rnam par shes pa la brten pa'o// de bzhin song ba shi phan chad 'byung ba yang ma yin mi 'byung ba yang ma yin no zhes bya ba 'di ni rnam par shes pa la brten pa'o// bdag dang 'jig rten rtag pa zhes bya ba 'di nyid bden gyi gzhan ni gti mug go zhes bya ba 'di ni gzugs la brten pa'o// bdag dang 'jig rten mi rtag pa zhes bya ba 'di nyid bden gyi gzhan ni gti mug go zhes bya ba 'di ni gzugs la brten pa'o// bdag dang 'jig rten rtag pa yang ma yin mi rtag pa yang ma yin no// zhes bya ba 'di nyid bden gyi gzhan ni gti mug go zhes bya ba 'di ni gzugs la brten pa'o// bdag dang 'jig rten rtag pa nyid kyang ma yin mi rtag pa nyid kyang ma yin no zhes bya ba 'di nyid bden gyi gzhan ni gti mug go zhes bya ba 'di ni gzugs la brten pa'o// de bzhin du tshor ba dang 'du shes dang 'du byed rnams dang / bdag dang 'jig rten ni rtag pa ste/ 'di nyid bden gyi gzhan ni gti mug go zhes bya ba 'di ni rnam par shes pa la brten pa'o// bdag dang 'jig rten ni mi rtag pa ste 'di nyid bden gyi gzhan ni gti mug go zhes bya ba 'di ni rnam pa shes pa la brten pa'o// bdag dang 'jig rten ni rtag pa yin la mi

  455. 228b

    rtag pa yang yin no// zhes bya ba 'di nyid bden gyi gzhan ni gti mug go zhes bya ba 'di ni rnam par shes pa la brten pa'o// bdag dang 'jig rten ni rtag pa nyid kyang ma yin mi rtag pa nyid kyang ma yin no zhes bya ba 'di nyid bden gyi gzhan ni gti mug go zhes bya ba 'di ni rnam par shes pa la brten pa'o// 'phags shes rab kyi pha rol tu phyin pa brgyad stong pa/ bam po bcu gsum pa// // bdag dang 'jig rten mtha' dang bcas pa'o zhes bya ba 'di nyid bden gyi gzhan ni gti mug go zhes bya ba 'di ni gzugs la brten pa'o// bdag dang 'jig rten mtha' med pa'o zhes bya ba 'di nyid bden gyi gzhan mi ra ti mug go zhes bya ba 'di ni gzugs la brten pa'o// bdag dang 'jig rten mtha' dang bcas pa yang yin la mtha' med pa yang yin no zhes bya ba 'di nyid bden gyi gzhan ni gti mug go/ zhes bya ba 'di ni gzugs la brten pa'o// bdag dang 'jig rten mtha' dang bcas pa nyid kyang ma yin mtha' med pa yang ma yin no zhes bya ba 'di nyid bden gyi gzhan ni gti mug go zhes bya ba 'di ni gzugs la brten pa'o// de bzhin du tshor ba dang 'du shes dang 'du byed rnams dang / bdag dang 'jig rten mtha' dang bcas pa'o zhes bya ba 'di nyid bden gyi gzhan ni gti mug go zhes bya ba 'di ni rnam par shes pa la brten pa'o// bdag dang 'jig rten mtha' med pa'o zhes bya ba 'di nyid bden

  456. 229a

    gzhan gyi gti mug go zhes bya ba 'di ni rnam par shes pa la brten pa'o// bdag dang 'jig rten mtha' dang bcas pa yang yin la mtha' med pa yin no zhes bya ba 'di nyid bden gyi gzhan ni gti mug go zhes bya ba 'di ni rnam par shes pa la brten pa'o// bdag dang 'jig rten mtha' dang bcas pa nyid kyang ma yin mtha' med pa yang ma yin no zhes bya ba 'di nyid bden gyi gzhan ni gti mug go zhes bya ba 'di ni rnam par shes pa la brten pa'o// srog de ni lus de zhes bya ba 'di nyid bden gyi gzhan ni gti mug go zhes bya ba 'di ni gzugs la brten pa'o// srog kyang gzhan la lus kyang gzhan no zhes bya ba 'di nyid bden gyi gzhan ni gti mug go zhes bya ba 'di ni gzugs la brten pa'o// de bzhin du tshor ba dang 'du shes dang 'du byed rnams dang / srog de ni lus de'o zhes bya ba 'di nyid bden gyi gzhan ni gti mug go zhes bya ba 'di ni rnam par shes pa la brten pa'o// srog kyang gzhan la lus kyang gzhan no zhes bya ba 'di nyid bden gyi gzhan ni gti mug go/ zhes bya ba 'di ni rnam par shes pa la brten pa ste/ rab 'byor de ltar de bzhin gshegs pa dgra bcom pa yang dag par rdzogs pa'i sangs rgyas kyis shes rab kyi/ pha rol tu phyin pa 'di la brten nas sems can gzhan dang gang zag gzhan gzhal du med grangs med pa dag gi phye ba dang btsums pa de dag gzugs la brten par

  457. 229b

    rnam par mkhyen par gyur to// de bzhi can du phye ba dang btsums pa de dag tshor ba dang 'du shes dang 'du byed rnams dang rnam par shes pa la brten par rnam par mkhyen par gyur to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhan dang gang zag gzhan gzhal du med grangs med pa dag gi phye ba dang btsums pa de dag yang dag pa ji lta ba bzhin du rab tu mkhyen to// rab 'byor ci ltar de bzhin gshegs pas shes rab kyi pha rol tu phyin pa 'di la brtan nas sems can gzhan dang gang zag gzhan gzhal du med grangs med pa dag gi phye ba dang btsums pa de dag yang dag pa ji lta ba ban rab tu mkhyen ce na/ rab 'byor 'di la de bzhin gshegs pas gzugs mkhyen to// rab 'byor de bzhin gshegs pas gzugs ci ltar mkhyen ce na/ rab 'byor de bzhin gshegs pas de bzhin nyid ci lta ba bzhin du gzugs mkhyen te/ rab 'byor de ltar de bzhin gshegs pas gzugs mkhyen to// de bzhin du tshor ba dang 'du shes dang 'du byed rnams te/ rab 'byor 'di la de bzhin gshegs pas rnam par shes pa mkhyen to// rab 'byor ci ltar de bzhin gsheg pas rnam par shes pa mkhyen ce na/ rab 'byor de bzhin gshegs pas de bzhin nyid ci lta ba bzhin du rnam par shes pa mkhyen te/ rab 'byor de ltar de bzhin gsheg

  458. 230a

    pas rnam par shes pa mkhyen to// rab 'byor de ltar de bzhin gshegs pas shes rab kyi pha rol tu phyin pa 'di la brten nas sim can gzhan dang gang zag gzhan gzhal du med grangs med pa dag gi phye ba dang btsums pa yang dag pa ci lta ba bzhin du rab tu mkhyen to// rab 'byor de ltar na de bzhin gshegs pas de bzhin nyid la de bzhin gshegs pa'i de bzhin nyid dang phung po'i de bzhin nyid dang phye ba dang btsums pa'i de bzhin nyid du 'dogs par mdzad do// rab 'byor phung po'i de bzhin nyid gang yin pa de nyid ni 'jig rten gyi de bzhin nyid kyang yin no// de ci'i phyir zhe na/ rab 'byor de bzhin gshegs pas phung po lnga ni 'jig rten no zhes ming du gsungs te/ rab 'byor de lta bas na phung po'i de bzhin nyid gang yin pa de ni 'jig rten gyi de bzhin nyid do// 'jig rten gyi de bzhin nyid gang yin pa de ni chos thams cad kyi de bzhin nyid do// chos thams cad kyi de bzhin nyid gang yin pa de ni rgyun tu zhugs pa'i// 'bras bu'i de bzhin nyid do// rgyun tu zhugs pa'i 'bras bu'i de bzhin nyid gang yin pa de ni lan cig phyir 'ong ba'i 'bras bu'i de bzhin nyid do// lan cig phyir 'ongs pa'i 'bras bu'i de bzhin nyid gang yin pa de ni phyir mi 'ongs pa'i 'bras bu'i de bzhin nyid do// phyir mi 'ongs pa'i 'bras bu'i de bzhin nyid gang

  459. 230b

    yin pa de ni dgra bcom pa'i 'bras bu'i de bzhin nyid do// dgra bcom pa'i 'bras bu'i de bzhin nyid gang yin pa de ni rang sangs rgyas kyi de bzhin nyid do// ra sangs rgyas kyi de bzhin nyid gang yin pa de ni de bzhin gshegs pa'i de bzhin nyid do// rab 'byor de ltar na de bzhin gshegs pa'i de bzhin nyid dang phung po de bzhin nyid dang chos thams cad kyi de bzhin nyid dang 'phags pa nyan thos dang rang sangs rgyas thams cad kyi de bzhin nyid 'di ni de bzhin nyid gcig pa dngos po dang dngos po med pa du ma dang bral ba ste/ gcig pa ma yin pa'i phyir dang tha dad pa ma yin pa'i phyir dang mi zad pa'i phyir dang 'gyur ba med pa'i phyir dang gnyis su med pa'i phyir dang gnyis su byar med pa'i phyir ro// rab 'byor de ltar de bzhin gshegs pas shes rab kyi pha rol tu phyin pa 'di la brten nas de bzhin nyid 'di mngon par rdzogs par sangs rgyas so// rab 'byor de ltar na shes rab kyi pha rol tu phyin pa 'di de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di ston pa'o// rab 'byor de ltar na de bzhin gshegs pa 'jig rten 'di la 'jig rten yang dag par ston ba yin te/ de ltar na yang 'jig rten 'di kun tu ston par gyur pa'o// rab 'byor de ltar shes rab kyi pha rol tu phyin pa ni de bzhin gshegs pa dgra bcom yang

  460. 231a

    dag par rdzogs pa'i sangs rgyas rnams kyi yum dang skyed byed dang skyed par mdzad pa'o// rab 'byor de ltar de bzhin gshegs pas de bzhin nyid mngon par rdzogs par sangs rgyas nas 'jig rten gyi de bzhin nyid mkhyen to// ma log pa'i de bzhin nyid mkhyen to// gzhan ma yin pa'i de bzhin nyid mkhyen to// / rab 'byor de ltar de bzhin gshegs pas de bzhin nyid mngon par rdzogs par sangs rgyas pas na de bzhin gshegs pa zhes bya'o// gnas brtan rab 'byor gyis gsol pa/ bcom ldan 'das de bzhin nyid ni zab ste/ bcom ldan 'das de bzhin nyid de las sangs rgyas bcom ldan 'das rnams kyi byang chub rab tu 'byed cing rab tu ston to// bcom ldan 'das gzhan su zhig 'di la mos par 'gyur te 'di la phyir mi ldog pa'i byang chub sems dpa' sems dpa' chen po 'am dgra bcom pa brnags pa yongs su rdzogs pa 'am/ gang zag lta ba phun sum tshogs pa rnams so// bcom ldan 'das de lta bu mchog tu zab pa'i gnas 'di dag ni de bzhin gshegs pas mngon par rdzogs par sangs rgyas nas gsungs so// de skad ces gsol pa dang bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ de bzhin gshegs pas mchog tu zab pa'i gnas 'di dag mngon par rdzogs par sangs rgyas nas

  461. 231b

    bshad de rab 'byor 'di ltar de bzhin gshegs pas gang mngon par rdzogs par sangs rgyas pa'i de bzhin nyid 'di ni mi zad pa ste/ mngon par rdzogs par sang rgyas nas mi zad pa la mi zad pa nyid du bstan to// de nas lha rnams kyi dbang po brgya byin la sogs pa 'dod pa na spyod pa'i lha'i bu rnams dang tshangs ris kyi lha'i bu nyi khri dag bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te phyogs gcig tu 'khod do// phyogs gcig tu 'khod nas bcom ldan 'das la 'dod pa na spyod pa dang gzugs na spyod pa'i lha'i bu de dag gis 'di skad ces gsol to// bcom ldan 'das chos zab mo dag tu bshad na/ bcom ldan 'das 'di la mtshan nyid ji ltar bzhag bcom ldan 'das kyis bka' stsal pa/ lha'i bu dag stong pa'o zhes 'di la mtshan nyid bzhag go/ lha'i bu dag mtshan ma med pa'o// smon pa med pa'o// zhes 'di la mtshan nyid bzhag go/ lha'i bu dag skye ba med pa'o 'gag pa med pa'o// kun nas nyon mongs pa med pa'o// rnam par byang ba med pa'o// dngos po med pa'o mya ngan las 'das pa'o chos kyi dbyings so// de bzhin nyid do zhes 'di la mtshan nyid bzhag go de ci'i phyir zhe na/ lha'i bu dag mtshan nyid 'di dag ni mi gnas pa mtshan nyid 'di dag ni nam mkha' dang 'dra ba'o// lha'i bu dag mtshan nyid 'di dag ni de bzhin

  462. 232a

    gshegs pa dgra bcom pa yang dag par rdzogs pa'i sangs rgyas kyis ma bzhag ste/ mtshan nyid 'di dag ni gzugs su bgrang ba ma yin no// tshor ba dang 'du shes dang 'du byed rnams dang rnam par shes par bgrang ba ma yin no// mtshan nyid 'di dag ni gzugs la brten pa ma yin no// tshe ba dang 'du shes dang 'du byed rnams dang rnam par shes pa la brten pa ma yin no// mtshan nyid 'di dag ni lha dang mi ma yin pa dag gis ma gzhag go/ mtshan nyid 'di dag ni lha dang mi dang lha ma yin du bcas pa'i 'jig rten gyis bskyod mi nus so// de ci'i phyir zhe na/ lha dang mi dang lha ma yin du bcas pa'i 'jig rten yang mtshan nyid 'di dag kho nar zad do// mtshan nyid 'di dag ni gang gis kyang lag gis bzhig pa ma yin no// lha'i bu dag gang zhig 'di skad du nam mkha' 'di su bzhag ces zer na/ lha'i bu dag ci de yang dag par smra bas smra ba yin nam/ de skad ces bka' stsal pa/ dang / bcom ldan 'das la 'dod pa na spyod pa dang gzugs na spyod pa'i lha'i bu de dag gis 'di skad ces gsol to// bcom ldan 'das nam mkha' ni sus kyang ma gzhag go/ de ci'i slad du zhe na/ bcom ldan 'das nam mkha' ni 'dus ma bgyis pa lags te/ nam mkha' ni sus kyang ma gzhag go// de nas bcom ldan 'das

  463. 232b

    kyis 'dod pa na spyod pa dang gzugs na spyod pa'i lha'i bu de dag la bka' stsal pa/ lha'i bu dag de de bzhin no de de bzhin te/ de bzhin gshegs pa rnams byung yang rung de bzhin gshegs pa rnams ma byung yang rung ste mtshan nyid 'di dag ni de bzhin du gnas so// de ci'i phyir zhe na/ ji ltar 'di dag gnas pa de yang dag par de bzhin gshegs pas mngon par rdzogs par sangs rgyas nas bshad de de bas na lha'i bu dag de bzhin gshegs pa de bzhin gshegs pa zhes bya'o// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das mtshan nyid zab mo 'di dag de bzhin gshegs pas mngon par rdzogs par sangs rgyas so// 'di lta ste/ shes rab kyi pha rol tu phyin pa ni de bzhin gshegs pa rnams kyi chags pa ma mchis pa'i ye shes so// chags pa ma mchis pa'i ye shes kyi slad du shes rab kyi pha rol tu phyin pa ni de bzhin gshegs pa'i spyod yul lag so// de skad ces gsol ba dang / bcom lda 'das kyis tshe dang ldan pa rab 'byor la 'di skad ces bka' stsal pa to// rab 'byor de de bzhin no de de bzhin te/ rab 'byor de ltar shes rab kyi pha rol tu phyin pa 'di ni de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di yang dag par ston pa yin no// rab 'byor ci ltar/

  464. 233a

    de bzhin gshegs pa dgra bcom pa yang dag par rdzogs pa'i sangs rgyas rnams shes rab kyi pha rol tu phyin pa'i chos 'di la brten cing gnas pa de kho na bzhin du chos de dag la mi gnas pas rtag tu gnas pa yin zhing de bzhin du yang de bzhin gshegs pas mngon par rdzogs par sangs rgyas te de dag chos kho na la brten cing gnas so// chos la bkur stir mdzad do// bla mar mdzad do// brjed par mdzad do// mchod par mdzad do// ri mor mdzad do bsnyen bkur mdzad do// rab 'byor shes rab kyi pha rol tu phyin pa 'di ni chos rnams kyi chos nyid yin te/ de'i phyir de bzhin gshegs pa dgra bco pa yang dag par rdzogs pa'i sangs rgyas rnams shes rab kyi pha rol tu phyin pa la bkur stir mdzad do bla mar mdzad do rjed par mdzad do mchod par mdzad do// ri mor mdzad do bsnyen bkur mdzad do// de ci'i phyir zhe na/ rab 'byor shes rab kyi pha rol tu phyin pa 'di las de bzhin gshegs pa dgra bcom pa yang dag par rdzogs pa'i sangs rgyas rnams kyi thams cad mkhyen pa nyid rab tu 'byed par 'gyur te de bzhin gshegs pa dgra bcom pa yang dag par rdzogs pa'i sangs rgyas rnams ni byas pa shes shing byas pa shes shing byas pa tshor ba yin no// rab 'byor yang gang zhig 'di skad du de bzhin gshegs pa ni byas pa shes shing

  465. 233b

    byas pa tshor ba'o zhes zer na yang dag par smra bas smra ba'o// byas pa shes shing byas pa tshor ba'o zhes zer na yang dag par smra bas smra ba'o zhes bya ba rab 'byor ci ltar de bzhin gshegs pa byas pa shes shing byas pa tshor ba yin zhe na/ rab 'byor gang gis de bzhin gshegs pa dgra bcom pa yang dag par rdzogs pa'i sangs rgyas theg pa gang dang gang gis gshegs pa dang sgrub pa gang dang gang gis bla na med pa yang dag par rdzogs pa'i byang chub mngon par rdzogs par sangs rgyas pa'i theg pa de dag nyid dang sgrub pa de dag nyid byas pa shes shing byas pa tshor ba nyid kyis de bzhin gshegs pas rjes su 'dzin cing rjes su skyong ste/ rab 'byor 'di ni de bzhin gshegs pa'i byas pa shes shing byas pa tshor ba de nyid kyis rig par bya'o// rab 'byor gzhan yang de bzhin gshegs pas chos thams cad ma byas pa ma byas pa'o zhes mngon par rdzogs par sangs rgyas so// 'gyur ba med pa 'gyur ba med pa'o zhes mngon par rdzogs par sangs rgyas so// mngon par 'dus ma byas pa mngon par 'dus ma byas pa'o zhes mngon par rdzogs par sangs rgyas te/ rab 'byor 'di yang de bzhin gshegs pa'i byas pa shes shing byas pa tshor bar rig par bya'o// rab 'byor shes rab kyi pha rol tu phyin pa la brten nas chos thams cad la de bzhin gshegs pa dgra

  466. 234a

    bcom pa yang dag par rdzogs pa'i sangs rgyas kyi ye shes 'jug ste rab 'byor rnam grangs 'dis kyang shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di yang dag par ston pa'o// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das gang gi tshe chos thams cad shes pa po dang mthong ba po med pa yin pa de'i tshe/ bcom ldan 'das ci ltar shes rab kyi pha rol tu phyin pa de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di yang dag par ston pa lags/ de skad ces gsol pa dang bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor khyod de bzhin gshegs pa dgra bcom pa yang dag par rdzogs pa'i sangs rgyas la don 'di yongs su zhu bar bya ba dang 'dri bar bya ba sems pa gang yin pa de ni legs so legs so// rab 'byor khyod gang 'di skad du chos thams cad shes pa po med pa mthong ba po med pa'o zhes zer ba ni rab 'byor de de bzhin no de de bzhin te/ chos thams cad ni shes pa po dang mthong ba po med pa yin no// rab 'byor ci ltar chos thams cad shes pa po dang

  467. 234b

    mthong ba po med pa yin zhe na/ rab 'byor chos thams cad ni stong pa'o// rab 'byor chos thams cad ni mi gnas pa'o// rab 'byor de ltar na chos thams cad shes pa po dang mthong ba po med pa'o// rab 'byor de ltar na chos de dag thams cad ni shes rab kyi pha rol tu phyin pa la brten nas de bzhin gshegs pas mngon par rdzogs par sangs rgyas so// rab 'byor de ltar na yang shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di yang dag par ston pa yin no// gzugs ma mthong dang tshor ba dang 'du shes dang 'du byed rnams dang rnam par shes pa ma mthong ba'i phyir yang dag par ston pa'o// rab 'byor de ltar shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di yang dag par ston pa yin no// rab 'byor gyis gsol pa/ bcom ldan 'das ci ltar gzugs ma mthong ba lags/ ci ltar tshor ba dang 'du shes dang 'du byed rnams dang / bcom ldan 'das ci ltar rnam par shes pa ma mthong ba lags/ bcom ldan 'das kyis bka' stsal pa/ rab 'byor gal te gzugs la dmigs pa'i rnam par shes pa mi skye ba de ltar na gzugs mi mthong

  468. 235a

    pa yin no// de bzhin du gal te tshor ba dang 'du shes dang 'du byed rnams dang / rab 'byor gal te rnam par shes pa la dmigs pa'i sems mi skyed pa de ltar na rnam par shes pa mi mthong ba yin no// rab 'byor gzugs mi mthong ba gang yin pa dang / tshor ba dang 'du shes dang 'du byed rnams gang yin pa dang / rab 'byor rnam par shes pa mi mthong ba gang yin pa de ltar de bzhin gshegs pas 'jig rten gzigs pa yin no// rab 'byor de ltar shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di yang dag par ston pa'o// rab 'byor yang ci ltar shes rab kyi pha rol tu phyin pas 'jig rten yang dag par ston ce na/ de ltar 'jig rten ston pa'o// de ltar 'jig rten brjod pa'o// de ltar 'jig rten shes par byed pa'o// de ltar 'ji rten mthong bar mdzad do// de ltar 'jig rten bsam gyis mi khyab pa dang de ltar 'jig rten zhi ba dang de ltar 'jig rten dben pa dang de ltar 'jig rten rnam par dag pa'o zhes 'jig rten brjod do// de ltar shes par byed do// de ltar 'jig rten mthong bar mdzad pas so//

  469. 235b

    'phags pa shes rab kyi pha rol tu phyin pa brgyad stong pa las 'jig rten yang dag par ston pa zhes bya ba'i le'u ste bcu gnyis pa'o// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das shes rab kyi pha rol tu phyin pa 'di ni zab po// bcom ldan 'das kye ma shes rab kyi pha rol tu phyin pa 'di ni bgyi ba chen pos nye bar gnas to// bcom ldan 'das kye ma shes rab kyi pha rol tu phyin pa 'di ni bgyi ba bsam gyis mi khyab pa dang bgyi ba mnyam pa ma mchis pa dang bgyi ba gzhal du ma mchis pa dang bgyi ba grangs ma mchis pa dang bgyi ba mi mnyam pa dang mnyam pas nye bar gnas so// bcom ldan 'das kyis bka' stsal pa/ rab 'byor de de bzhin no de de bzhin te/ rab 'byor shes rab kyi pha rol tu phyin pa 'di ni bya ba chen pos nye bar gnas so// rab 'byor shes rab kyi pha rol tu phyin pa 'di ni bya ba bsam gyis mi khyab pa dang bya ba mnyam pa med pa dang bya ba gzhal du med pa dang bya ba grangs med pa dang bya ba mi mnyam pa dang mnyam pas nye bar gnas so// rab 'byor ci ltar shes rab kyi pha rol tu phyin pa 'di bya ba bsam gyis mi khyab pas nye bar gnas zhe na/ rab 'byor de bzhin gshegs pa nyid dang rang byung nyid dang thams cad mkhyen pa nyid ni bsam gyis mi

  470. 236a

    khyab bo// rab 'byor de ltar na shes rab kyi pha rol tu phyin pa 'di ni bya ba bsam gyis mi khyab pas nye bar gnas te 'di ni sems bsam par mi nus so// de ci'i phyir zhe na/ 'di la sems sam sems pa 'am sems las byung ba'i chos mi 'jug pa'i phyir ro// rab 'byor ci ltar shes rab kyi pha rol tu phyin pa 'di bya ba mnyam pa med pas nye bar gnas zhe na/ rab 'byor de bzhin gshegs pas de bzhin gshegs pa nyid dang sangs rgyas nyid dang rang byung nyid dang thams cad mkhyen pa nyid ni bsam pa 'amanyam par mi nus so// rab 'byor de ltar na shes rab kyi pha rol tu phyin pa 'di ni bya ba mnyam pa med pas nye bar gnas so// rab 'byor ci ltar na shes rab kyi pha rol tu phyin pa 'di bya ba gzhal du med pas nye bar gnas zhe na/ rab 'byor de bzhin gshegs pa nyid dang sangs rgyas nyid dang rang byung nyid dang thams cad mkhyen pa nyid ni gzhal du med yin te/ rab 'byor de ltar na shes rab kyi pha rol tu phyin pa 'di ni bya ba gzhal du med pas nye bar gnas so// rab 'byor ci ltar na shes rab kyi pha rol tu phyin pa 'di bya ba grangs med pas nye bar gnas zhe na/ rab 'byor de bzhin gshegs pa nyid dang sangs rgyas nyid dang rang byung nyid dang thams cad mkhyen pa nyid ni/

  471. 236b

    grangs med pa yin te/ rab 'byor de ltar na shes rab kyi pha rol tu phyin pa 'di ni bya ba grangs med pas nye bar gnas so// rab 'byor ci ltar na shes rab kyi pha rol tu phyin pa 'di ni bya ba mi mnyam pa dang mnyam pas nye bar gnas zhe na// rab 'byor de bzhin gshegs pa nyid dang sangs rgyas nyid dang rang byung nyid dang thams cad mkhyen pa nyid rnams la mnyam pa yang med na lhag pa lta ci smos/ rab 'byor de ltar na shes rab kyi pha rol tu phyin pa 'di bya ba mi mnyam pa dang mnyam pas nye bar gnas so// gnas brtan rab 'byor gyis gsol pa/ bcom ldan 'das ci lags de bzhin gshegs pa nyid bsam gyis mi khyab pa mnyam pa ma mchis pa gzhal du ma mchis pa grangs mchis pa mi mnyam pa dang mnyam pa lags sam// de bzhin du sangs rgyas nyid dang de bzhin du rang byang nyid dang de bzhin du thams cad mkhyen pa nyid bsam gyis mi khyab pa mnyam pa mnyam pa ma mchis pa gzhal du ma mchis pa grangs ma mchis pa mi mnyam pa dang mnyam pa lags sam/ 'on te gzugs kyang bsam gyis mi khyab pa mnyam pa mnyams pa gzhal du ma mchis pa grangs ma mchis pa mi mnyam pa dang mnyam pa lags/ de bzhin du tshor ba dang 'du shes dang 'du byed rnams dang / 'on

  472. 237a

    te rnam par shes pa yang bsam gyis mi khyab pa mnyam pa ma mchis pa gzhal du ma mchis pa grangs ma mchis pa mi mnyam pa dang mnyam pa lags/ 'on te chos thams cad kyang bsam gyi mi khyab pa mnyam pa mchis pa ga zhal du ma mchis pa grangs ma mchis pa mi mnyam pa dang mnyam pa lags/ de skad ces gsol pa dang bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no de de bzhin te/ rab 'byor gzugs kyang bsam gyis mi khyab pa mnyam pa med pa gzhal du med pa grangs med pa mi mnyam pa dang mnyam pa'o// rab 'byor de bzhin du tshor ba dang 'du shes dang 'du byed rnams dang rnam par shes pa yang bsam gyis mi khyab pa mnyam pa med pa gzhal du med pa grangs med pa mi mnyam pa dang mnyam pa'o// rab 'byor de bzhin du chos thams cad kyang bsam gyis mi khyab pa mnyam pa med pa gzhal du med pa grangs med pa mi mnyam pa dang mnyam pa'o// de ci'i phyir zhe na// rab 'byor gzugs kyi chos nyid gang yin pa de la ni sems med sems pa med sems las byung ba'i chos rnams med pas snyam du med do// rab 'byor

  473. 237b

    de bzhin du tshor ba dang 'du shes dang 'du byed rnams dang rnam par shes pa'i chos nyid gang yin pa de la ni sems med sems dpa' med sems las byung ba'i chos rnams med pas snyam du med do// rab 'byor chos thams cad kyi chos nyid gang yin pa de la ni sems med sems pa med sems las byung ba'i chos rnams med pas snyam du med do// rab 'byor de ltar na gzugs kyang bsam gyis mi khyab pa mnyam pa med pa'o// rab 'byor de bzhin du tshor ba dang 'du shes dang 'du byed rnams dang rnam par shes pa yang bsam gyis mi khyab pa mnyam pa med pa'o// rab 'byor de bzhin du chos thams cad kyang bsam gyis mi khyab pa mnyam pa med pa'o// rab 'byor gzugs kyang gzhal du med pa'o// rab 'byor de bzhin du tshor ba dang 'du shes dang 'du byed rnams dang rnam par shes pa yang gzhal du med pa'o// rab 'byor chos thams cad kyang gzhal du med pa'o// de ci'i phyir zhe na/ rab 'byor gzugs kyi tshad ma mi shes so// rab 'byor de bzhin du tshor ba dang 'du shes dang 'du byed rnams dang rnam par shes pa'i tshad ma mi shes te/ rab 'byor chos thams cad kyi yang tshad ma mi shes so// rab 'byor ci'i phyir gzugs kyi tshad ma rab

  474. 238a

    ta mi shes/ de bzhin du tshor ba dang 'du shes dang 'du da rnams dang / rab 'byor ci'i phyir rnam par shes pa'i tshad ma rab tu mi shes/ rab 'byor ci'i phyir chos thams cad kyi yang tshad ma rab tu mi shes zhe na/ rab 'byor gzugs la tshad ma med do// rab 'byor de bzhin du tshor ba dang // 'du shes dang 'du byed rnams dang / rnam par shes pa la tshad ma med de/ rab 'byor chos thams cad la yang tshad ma med do// rab 'byor ci'i phyir gzugs la tshad ma med/ rab 'byor ci'i phyir de bzhin du tshor ba dang 'du shes dang 'du byed rnams dang / rab 'byor ci'i phyir rnam par shes pa la tshad ma med/ rab 'byor ci'i phyir chos thams cad la tshad ma med ce na/ rab 'byor chos thams cad ni tshad ma med pa yin pa'i phyir ro// rab 'byor gzugs kyang grangs med pa'o// rab 'byor de bzhin du tshor ba dang 'du shes dang 'du byed rnams dang / rnam par shes pa yang grangs med pa'o// rab 'byor chos thams cad kyang grangs med pa ste bgrang ba las 'das pa nyid yin pa'i phyir ro// rab 'byor gzugs kyang mi mnyam pa dang mnyam pa'o// rab 'byor de bzhin du tshor ba dang 'du shes dang 'du byed rnams dang / rnam par shes pa yang mi mnyam pa dang mnyam pa'o// rab 'byor de bzhin du chos thams cad kyang mi mnyam pa dang mnyam pa ste/

  475. 238b

    rab 'byor chos thams cad ni nam mkha' dang mnyam pa'i phyir ro// rab 'byor de ci'i snyam du sems/ ci nam mkha' la mnyam pa 'am grangs sam tshad ma 'am snyom pa 'am sems sam sems pa'am/ sems las byung ba'i chos gang yang yod dam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa// rab 'byor de kho na bzhin du rnam grangs 'dis chos 'di thams cad kyang bsam gyis mi khyab pa mnyam pa med pa gzhal tu med pa grangs med pa mi mnyam pa dang mnyam pa ste/ rab 'byor 'di dag ni de bzhin gshegs pa'i chos yin no// rab 'byor rnam grangs 'dis kyang chos thams cad ni bsam gyis mi khyab mnyam pa med gzhal du med grangs med mi mnyam pa dang mnyam pa ste/ rab 'byor de bzhin gshegs pa'i chos 'di dag ni sems dang bral ba'i phyir bsam gyis mi khyab po// snyom pa las yang dag par 'das pa'i phyir mnyam pa med do// rab 'byor bsam gyis mi khyab pa dang mnyam pa med pa zhes bya ba 'di ni rnam par shes par gyur pa'i chos kyi tshig bla dgas so// gzhal du med pa dang bgrang du med pa dang mi mnyam pa dang mnyam pa zhes bya ba yang de bzhin te/ rab 'byor gzhal du med pa dang bgrang du med pa dang mi mnyam pa zhes bya ba ni/

  476. 239a

    mnyam pa dang grangs dang tshad ma dang bral ba'i phyir te/ de bzhin gshegs pa'i chos rnams gzhal du med pa dang 'grang du med pa dang mi mnyam pa dang mnyam pa yin no// chos 'di dag ni nam mkha' dang mnyam pa dang bgrang du med pa dang gzhol du med pa nyid kyis ni mi mnyam pa dang mnyam pa dang bgrang du med pa dang gzhal du med pa yin no// kye mchos 'di dag ni nam mkha' dang mnyam pas mi mnyam pa dang mnyam par mi 'jug pa yin te/ rab 'byor de bas na chos 'di dag ni mnyam pa med pa zhes brjod do// nam mkha' bsam gyis mi khyab pa'i phyir chos 'di dag bsam gyis mi khyab pa'o// namo mkha' mnyam pa med pa'i phyir chos 'di dag mnyam pa med pa'o// nam mkha' gzhal du med pa'i phyir chos 'di dgra gzhal du med pa'o// nam mkha' grangs med pa'i phyir chos 'di dag grangs med pa'o// nam mkha' mi mnyam pa dang mnyam pa'i phyir chos 'di dag ni mi mnyam pa dang mnyam pa'o// bcom ldan 'das kyis bsam gyis mi khyab pa dang mnyam pa med pa dang / gzhal du med pa dang grangs med pa dang mi mnyam ba dang mnyam pa 'di dag bshad pa na yang / dge slong lnga brgya len pa med par zag pa las sems rnam par grol lo// dge slong mnyis stong yang len

  477. 239b

    ba med par zag pa las sems rnam par grol lo// dge bsnyen pa drug snong yang chos rnams la chos kyi mig rdul mid dri ma dang bral ba rnam par dag go/ dge bsnyen ma sum stong yang chos rnams la chos kyi mig rdul med cing dri ma dang bral ba rnam par dag go// byang chub sems dpa' nyi khris kyang mi skye ba'i chos la bzod pa thob par gyur to// de dag kyang bskal pa bzang po 'di nyid la bcom ldan 'das kyis bla na med pa yang dag par rdzogs pa'i byang chub tu lung bstan to// dge bsnyen dang dge bsnyen ma gang dag chos rnams la chos kyi mig rdul med cing dri ma dang bral ba rnam par dag pa de dag kyang bcom ldan 'das kyis lung bstan te/ de dag kyang len pa med par zag pa las sems rnam par grol bar 'gyur ro// de nas bcom ldan 'das la tshe dang ldan pa rab 'byor gyis 'di skad ces gsol to/ bcom ldan 'das shes rab kyi pha rol tu phyin pa ni zab ste/ bcom ldan 'das kye ma shes rab kyi pha rol tu phyin pa 'di ni bgyi ba chen pos nye bar gnas pa lags so// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no de de bzhin te/ rab 'byor shes rab kyi pha rol tu phyin pa ni zab po// rab 'byor shes rab

  478. 240a

    kyi pha rol tu phyin pa 'di ni bya ba chen pos nye bar gnas so// de ci'i phyir zhe na/ rab 'byor 'di ni thams cad mkhyen pa nyid dang ya dag par ldan no// 'di ni rang sangs rgyas kyi sa dang yang dag par ldan no// 'di ni nyan thos kyi sa dang yang dag par ldan no// rab 'byor 'di lta ste dper na/ rgyal po rgyal rigs spyi bos nas dbang bskur ba yul gyi mi la mthu dang brtson 'grus thob pa'i rgyal po'i bya ba gang zhig yin pa dang grong khyer gyi bya ba gang yin pa de dag thams cad ni blon po dang 'brel bar 'gyur te/ de'i phyir rgyal po ni brtson pa chung zhing khur bor bar 'gyur ro// rab 'byor de bzhin du gang sangs rgyas kyi chos sam rang sangs rgyas kyi chos sam nyan thos kyi chos kyang rung ste/ de dag thams cad ni shes rab kyi pha rol tu phyin pa dang yang dag par ldan pas shes rab kyi pha rol tu phyin pa nyid de la bya ba byed do// rab 'byor rnam grangs 'dis ni shes rab kyi pha rol tu phyin pa 'di ni bya ba chen pos nye bar gnas so// gzugs la yongs su mi 'dzin cing mngon par ma zhen par bya ba'i phyir dang de bzhin du tshor ba dang 'du shes dang 'dra byed rnams dang / rnam par shes pa la yongs su mi 'dzin cing mngon par ma zhen par bya ba'i phyir dang // rgyun du zhugs pa'i

  479. 240b

    'bras bu la yongs su mi 'dzin cing mngon par ma zhen par bya ba'i phyir dang de bzhin du lan cig phyir 'ong ba'i 'bras bu dang phyir mi 'ong ba'i 'bras bu dang dgra bcom pa la yongs su mi 'dzin cing mngon par ma zhen par bya ba'i phyir dang / rang byang chub la yongs su mi 'dzin cing mngon par ma zhen par bya ba'i phyir dang / thams cad mkhyen pa nyid la yongs su mi 'dzin cing mngon par ma zhen par bya ba'i phyir shes rab kyi pha rol tu phyin pa nye bar gnas so// rab 'byor gyis gsol pa// bcom ldan 'das ci ltar na thams cad mkhyen pa nyid la yongs su mi 'dzin cing mngon par ma zhen par bgyi ba'i slad du shes rab kyi pha rol tu phyin pa nye bar gnas pa lags/ bcom ldan 'das kyis bka' stsal pa/ rab 'byor de ji snyam du sems/ gang la yongs su 'dzin pa 'am mngon par zhen par byed pa dgra bcom pa nyid ci khyod kyis yang dag par rjes su mthong ngam// rab 'byor gyis gsol pa/ bcom ldan 'das de ni ma lags te/ bcom ldan 'das gang la yongs su 'dzin pa 'am mngon par zhen par 'gyur ba dgra bcom pa nyid kyi chos de lta bu ni bdag gis yang dag par rjes su ma mthong ngo / bcom ldan 'das kyis bka' stsal pa/ rab 'byor de de bzhin no de de bzhin te/ rab 'byor ngas kyang de bzhin gshegs pa

  480. 241a

    yang dag par rjes su mi mthong ste/ rab 'byor ngas de bzhin gshegs pa nyid de yang dag par rjes su ma mthong bas yongs su 'dzin par mi byed mngon par zhen par mi byed do// rab 'byor de lta bas nas thams cad mkhyen pa nyid la yang yongs su 'dzin pa med cing mngon par zhen pa med do// rab 'byor gyis gsol pa/ bcom ldan 'das theg pa la gsar du zhugs pa dge ba'i rtsa ba chung ba'i byang chub sems dpa' sems dpa' chen po dag bcom ldan 'das thams cad mkhyen pa nyid la yang yongs su mi 'dzin cing mngon par zhen pa med do/ zhes bgyi ba'i bstan pa 'di thos na/ dngang zhing kun tu skrag la kun tun skrag pa dang ldan par 'gyur du mchi'o// bcom ldan 'das 'on kyang byang chub sems dpa' sems dpa' chen po gang rgyu phun sum tshogs pa sngon gyi rgyal ba la bgyi ba bgyis pa dang yun ring po nas dge ba'i rtsa ba bskrun bar gyur pa de dag gis ni shes rab kyi pha rol tu phyin pa zab mo 'di thos na mos par 'gyur ro// bcom 'das kyis bka' stsal pa/ rang 'byor de bzhin no de de bzhin te/ de nas bcom ldan 'das la 'dod pa na spyod pa dang gzugs na spyod pa'i lha'i bu rnams kyis 'di skad ces gsol to//

  481. 241b

    bcom ldan 'das shes rab kyi pha rol tu phyin ni zab cing blta dka' ba rtogs par dka' ba lags te/ bcom ldan 'das gang dag shesar gyi pha rol tu phyin pa zab mo 'di thos nas mos par 'gyur ba'i byang chub sems dpa' de dag ni sngon gyi rgyal ba la bgyi ba bgyis pa yun ring por dge ba'i rtsa ba bskrun pa'o// bcom ldan 'das gal te stong gsum gyi stong chen po'i 'jig rten gyi khams dag na sems can ji snyed mchis pa de dag thams cad kyis dad pa'i rjes su 'brang ba'i sa la bskal pa 'am bskal pa bas lhag par spyad pa dang / gang gis shes rab kyi pha rol tu phyin pa zab mo 'di la nyi ma gcig tsam yang bzod cing sred de tshol ba dang sems pa dang 'jal ba dang nye bar rtogs pa dang / nye bar sems par bgyid na/ bcom ldan 'das 'di nyid de dag pas mchog tu 'gyur ro// de skad ces gsol pa dang bcom ldan 'das kyis 'dod pa na spyod pa dang gzugs na spyod pa'i lha'i bu de rnams la bka' stsal pa/ lha'i bu dag gal te rigs kyi bu 'am rigs kyi bu mo gang dag shes rab kyi pha rol tu phyin pa zab mo 'di nyan na lha'i bu dag des ni ches myur mya ngan las 'da' ba'i bar du re bar bya ste/ dad pas rjes su 'brang ba'i sa la bskal pa 'am bskal pa bas lhag par spyod pa de dag gis ni ma yin no//

  482. 242a

    de nas 'dod pa na spyod pa'i lha'i bu dang gzugs na spyod pa'i lha'i bu de rnams kyis bcom ldan 'das la 'di skad ces gsol to// bcom ldan 'das 'di lta ste shes rab kyi pha rol tu phyin pa 'di ni pha rol tu phyin pa chen po'o zhes gsol nas bcom ldan 'das kyi zhabs la mgo bos phyag 'tshal te bcom ldan 'das la lan gsum bskor ba byas nas bcom ldan 'das kyi drang nas mchi'o zhes gsol te dong ngo // de dag ha cang mi ring ba zhig tu phyin nas mi snang bar gyur te/ 'dod pa na spyod pa'i lha'i bu rnams ni 'dod pa'i khams su ma gnas par gyur gzugs na spyod pa'i lha'i bu rnams ni tshangs pa'i 'jig rten du gnas par gyur to// // 'phags pa shes rab kyi pha rol tu phyin pa brgyad stong pa las bsam gyis mi khyab pa'i le'u zhes bya ba ste bcu gsum pa'o// // de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po gang thos pa dang lhan cig kho nar shes rab kyi rab kyi pha rol tu phyin pa zab mo 'di 'chad pa thos la mos shing mi 'gong kun tu mi zham rnam par mi gnas mi rmongs

  483. 242b

    the tshom mi za som nyi mi za bar shes rab kyi pha rol tu phyin pa la mngon par dga' na bcom ldan 'das de gang nas shi 'phos nas gang du skye bar 'gyur ba lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang thos pa dang lhan cig kho nar shes rab kyi pha rol tu phyin pa zab mo 'di 'chad pa thos la mos shing mi 'gong kun tu mi zhum rnam par mi gnas mi rmongs the tshom mi za som nyi mi za bar blta ba dang mnyan pa la mngon pa dga' bar 'gyur zhing shes rab kyi pha rol tu phyin pa zab mo 'di 'dzin cing sgom par 'gyur te/ shes rab kyi pha rol tu phyin ba dang ldan pa'i yid la byed pa mi spong zhing yid phyir phyogs par mi byed bzung ba dang bcang ba dang klag pa dang kun chub par bya ba dang rab tu gdon pa'i phyir 'dun pa skyed par 'gyur rjes su 'brang zhing phyi bzhin 'gro bar 'gyur chos smra ba mi gtong bar 'gyur te/ rab 'byor 'di lta ste dper na ba be'u gzhon nu yod pa be'u mi gotang ba de bzhin du rab 'byor byang chub sems dpa' sems dpa' chen po gang zhig shes rab kyi pha rol tu phyin ba zab mo 'di thos nas/ ci srid du shes rab kyi pha rol tu phyin pa 'di lus la thogs pa 'am glegs bam du chud par ma gyur pa de srid du chos smra ba mo gtong bar 'gyur ba'i byang chub sems

  484. 243a

    dpa' sems dpa' chen po de ni rab 'byor mi dag gi nang nas shi 'phos nas mir skyes pa yin no// rab 'byor gyis gsol pa/ bcom ldan 'das yon tan 'di dag dang ldan pa'i byang chub sems dpa' sems dpa' chen po sangs rgyas kyi zhing gzhan nas shi 'phos nas 'dir skyes par gyur pa mchis sam/ bcom ldan 'das kyis bka' stsal pa/ rab 'byor byang chub sems dpa' sems dpa' chen po sangs rgyas bcom ldan 'das gzhan dag la bsnyen bkur byas shing yongs su zhus yongs su dris la yongs su dri ba byas te sangs rgyas kyi zhing gzhan de dag nas shi 'phos nas 'dir skyes pa yang yod de de yang yon tan 'di dag nyid dang ldan par rig par bya'o// rab 'byor gzhan yang byang chub sems dpa' sems dpa' chen po dga' ldan gyi lha dag gi nang nas shi 'phos nas 'dir skyes pa de yang yon tan de dag nyid dang ldan par rig par bya ste/ gang gis byang chub sems dpa' sems dpa' chen po byams pa la bsnyen bkur byas shing shes rab kyi pha rol tu phyin pa 'di las brtsams te/ yongs su zhus shing yongs su dris la yongs su dri ba byas pa de yang yon tan 'di dag dang ldan par rig par bya'o// rab 'byor yang byang chub sems dpa' gang gis rlab kyi pha rol

  485. 243b

    tu phyin pa zab mo 'di thos nas sngon gyi mthar yongs su ma zhus shing yongs su ma dris yongs su dri 'am byas pa de ni mi nyid kyi nang du skyes na yang shes rab kyi pha rol tu phyin pa zab mo 'di bshad pa la nem nur du 'gyur rmongs par 'gyur sems zhum par 'gyur te// rab 'byor byang chub sems dpa' de ni sngon gyi mthar yang yongs su mi dri ba'i rang bzhin du gyur par rig par bya'o// de ci'i phyir zhe na// 'di ltar de ni shes rab kyi pha rol tu phyin pa zab mo 'di bshad pa la nem nur du gyur rmongs par gyur sems zhum pa nyid du gyur pa'i phyir ro// rab 'byor gzhan yang byang chub sems dpa' gang gis sngon gyi mtha yang shes rab kyi pha rol tu phyin pa zab mo 'di nyid nyi ma gcig gam gnyis sam gsum mam bzhi'am lnga tsam du thos par 'gyur te/ bsnyen bkur byas nas yongs su zhus shing yongs su dris la yongs su dri ba byas pa de ni dus re shig dad pa yin te/ slar yang stor bar 'gyur zhing yongs su dri bas 'phrogs par 'gyur ro// de ci'i phyir zhe na/ rab 'byor de ni 'di ltar yin te gang gis shes rab kyi pha rol tu phyin pa zab mo 'di sngon yongs su ma zhus yang dag par yongs su ma dris yang dag par yongs su dri ba ma byas shing rjes su ma 'brangs mi par gyur pa de ni/

  486. 244a

    shes rab kyi pha rol tu phyin pa zab mo 'di mnyan par bya ba'i phyir res 'ga' ni 'dun pas rjes su 'brang bar 'gyur res 'ga' ni 'dun par mi 'gyur ba de phyir zhing g.yengs pa dang zhum par 'gyur de'i blo rgod par 'gyur zhing ras bil gyi 'dab ma bzhin du 'gyur te/ byang chub sems dpa' 'di ni theg pa la yang dag par zhugs nas ring po ma lon zhing theg pa la gsar du zhugs te/ 'ongs par rig par bya'o// byang chub sems dpa' de ni dad pa de dang dang ba de dang 'dun pa de rab tu gtong bar 'gyur te/ 'di lta ste shes rab kyi pha rol tu phyin pa zab mi 'di rjes su 'dzin par mi 'gyur rjes su 'jug par mi 'gyur rjes su sten par mi 'gyur bas de nyan thos kyi sa 'am rang sangs rgyas kyi sa 'am de sa gnyis las gang yang rung ba'i sa gcig tu re bar bya'o// rab 'byor 'di lta ste dper na rgya mtsho chen por zhugs pa'i glu chag pa na gang dag der shing ngam spang leb la mi 'dzin tam shi ba'i ro la mi 'dzun rab 'byor de ni chu'i pha rol gyi 'gram du ma phyin par chu'i nang du 'chi ba'i dus byed par 'gyur ro zhes rig par bya'o// rab 'byor yang gang dag rgya mtsho chen por zhugs pa'i gru chags pa na der shing ngam spang leb dam shi ba'i ro la 'jug na rab 'byor

  487. 244b

    de ni chus 'chi ba'i dus byed par mi 'gyur zhing bde bar pha rol gyi 'gram du phyin par 'gyur te/ ma smas ma snad par skams la gnas par 'gyur ro zhes rig par bya'o// rab 'byor de bzhin du byang chub sems dpa' dad pa tsam dang dga' ba tsam dang 'dun pa tsam dang ldan yang des shes rab kyi pha rol tu phyin pa la ma brten na rab 'byor de ni lam gyi bar ma dor rnam par 'jig par 'gyur te/ thams cad mkhyen pa nyid ma thob par nyan thos nyid dam rang sangs rgyas nyid du gnas par 'gyur ro zhes de ltar rig par bya'o// rab 'byor yang byang chub sems dpa' sems dpa' chen po gang dag bla na med pa yang dag par rdzogs pa'i byang chub mngon par rdzogs par 'tshang rgya bar dad pa yod pa dang bzod yod pa dang 'dun pa yod pa dang brtson 'grus yod pa dang ngag byed pa yod pa dang mos pa yod pa dang / lhag pa'i bsam pa yod pa dang gtong ba yod pa dang gus par byed pa yod pa dang dga' yod pa dang mgu ba yod pa dang dang ba yod pa dang / rab tu dga' ba yod pa dang brtson pa mi gtong ba yod pa de dag gal te shes rab kyi pha rol tu phyin pa la brten par byed na/ de ltar na de dag gi dad pa de dang bzod pa de dang sred pa de dang 'dun pa de dang brtson 'grus de dang bag byed pa de dang mos pa de dang lhag pa'i

  488. 245a

    bsam pa de dang gtong ba de dang gus par byed pa de dang dga' ba de dang mgu ba de dang dang de dang rab tu dga' ba de dang brtson pa mi gtong ba de dag kyang shes rab kyi pha rol tu phyin pa thob nas thams cad mkhyen pa la gnas par 'gyur ro// rab 'byor 'di lta ste dper na bud med dam skyes pa yang rung bum pa so ma btang bas chu 'chu na rab 'byor de'i bum pa de ni yun ring por mi thung ste de ni myur ba nyid du chag cing zhing par 'gyur bar rig par bya'o// de ci'i phyir zhe na/ 'di ltar bum pa so ma btang ba'i phyir de ni mthar sa nyid du 'gyur ro// rab 'byor de bzhin du byang chub sems dpa' sems dpa' chen po la la zhig bla na med pa yang dag par rdzogs pa'i byang chub mngon par rdzogs pa 'tshang rgya bar dad pa yod pa dang bzod pa yod pa dang sred pa yod pa dang 'dun pa yod pa dang brtson 'grus yod pa dang bag byed pa yod pa dang mos pa yod pa dang lhag pa'i bsam pa yod pa dang gtong ba yod pa dang gus par byed pa yod pa dang dga' ba yod pa dang rab tu dga' ba yod pa dang / dang ba yod pa dang / yid dga' ba yod pa dang brtson pa mi gtong ba yod du zin kyang de shes rab kyi pha rol tu phyin pa dang thabs mkhas pas yongs su ma bzung bar gyur na rab 'byor byang chub sems dpa' de ni

  489. 245b

    lam gyi bar ma dor rnam par 'jig par 'gyur bar rig par bya'o// rab 'byor byang chub sems dpa'i lam gyi bar ma dor rnam par 'jig pa gang zhe na/ nyan thos kyi sa 'am rang sangs rgyas kyi sa'o// rab 'byor 'di lta ste dper na bud med dam skyes pa yang rung ste bum pa legs par so btang bas 'bab chu 'am rdzing bu 'am lteng ka 'am mtsho 'am khron pa 'am de ma yin pa'i chu'i bzhi gzhan las chu bcus te/ des chu de khyer na rab 'byor bum pa des ni bde bar khyim du phyin par 'gyur bar rig par bya'o// de ci'i phyir zhe na/ rab 'byor 'di ltar bum pa so legs par btang ba'i phyir ro// rab 'byor de bzhin du byang chub sems dpa' sems dpa' chen po gang bla na med pa yang dag par rdzogs pa'i byang chub mngon par rdzogs par 'tshang rgya bar dad pa yod bzod pa yod sred pa yod 'dun pa yod brtson 'grus yod bag byed pa yod mos pa yod lhag pa'i bsam pa yod gtong ba yod gus par byed pa yod dga' ba yod rab tu dag pa yod dang ba yod yid dga' ba yod/ brtson pa mi gtong ba yang yod la/ de shes rab kyi pha rol tu phyin pa dang thabs mkhas pas yongs su bzung bar gyur na rab 'byor byang chub sems dpa' sems dpa' chen po de ni lam gyi bar ma dor rnam par 'jig par

  490. 246a

    mi 'gyur te/ ma smas ma sdud par thams cad mkhyen pa nyid la gnas par 'gyur bar rig par bya'o// / shes rab kyi pha rol tu phyin pa brgyad stong pa/ bam po bcu bzhi pa// rab 'byor 'di lta ste dper na/ skyes bu shes rab 'chal ba'i rang bzhin can zhig rgya mtsho'i gru mag tshags ma byas shing ma bcos pa bcing ba bcings nas ring du lon pa zhig chu'i nang du drangs nas der rdzas bskyas te gang zhing khal gyis non pa'i nang du zhugs par gyur na/ rab 'byor gru de ni 'di lta ste 'di lta bur 'jig pa'i chos can du 'gyur te chu'i pha rol tu ma rgal bar de'i rdzas kyang gzhan du 'gyur la gru de yang gzhan du 'gro bar rig par bya ste/ de ltar ded dpon thabs mi mkhas pa 'chal pa'i shes rab can de nor chen po dang bral ba dang phrad par 'gyur te rin po che'i 'byung gnas chen po las yongs su nyams par 'gyur ro// rab 'byor de bzhin du byang chub sems dpa' la la zhig bla na med pa yang dag par rdzogs pa'i byang chub mngon par rdzogs par 'tshang rgya bar dad pa yod bzod pa yod sred pa yod 'dun pa yod brtson 'grus yod bag byed pa yod mos pa yod lhag pa'i bsam pa yod gtong pa yod gus par byed pa yod dga' ba yod mag ba yod dad pa yod/

  491. 246b

    rab tu dga' ba yod brtson pa mi gtong ba yod kyang / de shes rab kyi pha rol tu phyin pas yongs su ma bzung zhing thabs mkhas pa dang bral bar gyur na/ rab 'byor byang chub sems dpa' de ni thams cad mkhyen pa'i rin po che'i 'byung gnas ma thob pa nyid du bar ma dor chud zos shing yi gsod par 'gyur te/ rang gi don chen po las yongs su nyams par 'gyur zhing gzhan gyi don chen po'i rin po che'i phung po las yongs su nyams par 'gyur te/ 'di lta ste thams cad mkhyen pa'i don chen po'i rin po che'i 'byung gnas las yongs su nyams par 'gyur bar rig par bya'o// rab 'byor ya byang chub sems dpa'i bar ma dor chud za ba gang zhe na/ 'di lta ste nyan thos kyi sa 'am rang sangs rgyas kyi sa'o// rab 'byor 'di lta ste dper na ded dpon mkhas pa'i rang bzhin can gyis rgya mtshor 'jug pa'i gru bcing ba legs par bcings mig tshags bya ba legs par byas nas bcom par bya ba legs par bcos te chu'i nang du drangs nas rdzas bskyas te gang bar byas nas legs par bshams shing mthun pa'i rlung dang sbyar te gang du 'gro bar 'dod pa'i phyogs su mthar gyis song no/ rab 'byor gru do ni chu'i 'jig par mi 'gyur gyi gru de ni gang du 'gro bar bya ba'i phyogs der phyin par 'gyur zhing ded dpon de yang rnyed pa chen po 'di lta ste 'jig rten gyi rin po che dag dang ldan par

  492. 247a

    'gyur ro zhes rig par bya'o// rab 'byor de bzhin du byang chub sems dpa' sems dpa' chen pos bla na med pa yang dag par rdzog pa'i byang chub mngon par rdzogs par 'tshang rgya bar dad pa yod bzod pa yod sred pa yod 'dun pa yod brtson 'grus yod bag byed pa yod mos pa yod lha pi'i bsam pa yod gtong ba yod gus par byed pa yod dga' ba yod mgu ba yod dang ba yod rab tu dga' ba yod/ brtson pa mi gtong ba yang yod la/ de shas rab kyi pha rol tu phyin pas yongs su bzung shing thabs mkhas pa dang ma bral bar gyur na/ rab 'byor byang chub sems dpa' sems dpa' chen po de ni bar ma dor chud zos par mi 'gyur yid gsod par mi 'gyur te/ byang chub sems dpa' sems dpa' chen po de ni bla na med pa yang dag par rdzogs pa'i byang chub la gnas par 'gyur bar rig par bya'o// de ci'i phyir zhe na/ rab 'byor de ni 'di ltar yin te byang chub sems dpa' sems dpa' chen po gang dag bla na med pa yang dag par rdzogs pa'i byang chub mngon par rdzogs par 'tshang rgya bar dad pa yod bzod pa yod sred pa yod 'dun pa yod brtson 'grus yod bag byed pa yod mos pa yod lhag pa'i bsam pa yod gtong ba yod gus par byed pa yod dga' ba yod mgu ba yod dang ba yod rab tu dga' ba yod brtson pa mi gtong ba yang

  493. 247b

    yod la/ de'i chos 'di dag shes rab kyi pha rol tu phyin pas yongs su bzung shing thabs mkhas pa dang ma bral na de ni gang gis thams cad mkhyen pa nyid du 'gyur ba'i chos mngon du byed cing bla na med pa yang dag par rdzogs pa'i byang chub mngon par rdzogs par 'tshang rgya bar yang dag par zhugs par 'gyur ba ma gtog par nyan thos kyi sa 'am rang sangs rgyas kyi sar mi sgrub po// rab 'byor 'di lta ste dper na skyes bu 'ga' zhig skyes nas lo brgya nyi shu lon pa zhig rgan po rgas shing 'khogs par gyur la de'i lus la rlung las gyur pa 'am mkhris pas las gyur pa 'am/ bad kan las gyur pa 'am 'dus pa las gyur pa'i nad 'ga' zhig gis btab na rab 'byor de ji snyam du sems skyes bu de yang ma brtan par khri las ldang bar nus sam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor gal te skyes bu de khri las ldang nus par gyur kyang de rgas pa de dang nad des bcom pas rgyang grags gcig srid dam rgyang grags gnyis srid du 'gro ba'i stobs med do// gal te skyes bu de khri las ldang nas kyang 'gro bar bya bar stobs med do// rab 'byor de bzhin du byang chub sems dpa' sems dpa' chen pos bla na med pa yang

  494. 248a

    dag par rdzogs pa'i byang chub mngon par rdzogs par 'tshang rgya bar dad pa yod pa dang bzod pa yod pa dang sred pa yod pa dang 'dun pa yod pa dang brtson 'grus yod pa dang bag byed pa yod pa dang mos pa yod pa dang lhag pa'i bsam pa yod pa dang gtong ba yod pa dang gus par byed pa yod pa dang dga' ba yod pa dang mgu ba yod pa dang dang ba yod pa dang rab tu dga' ba yod pa dang brtson pa mi gtong ba yod par gyur kyang / de shes rab kyi pha rol tu phyin pas yongs su ma bzung zhing thangs mkhas pa dang bral bar gyur pas la la zhig bla na med pa yang dag par rdzogs pa'i byang chub mngon par rdzogs par 'tshang rgya bar bya ba la yang dag par zhugs su zin kyang rab 'byor yang 'di ltar byang chub sems dpa' de ni bar ma dor chud zos shing yi gsod par 'gyur te/ 'di lta ste nyan thos kyi sa 'am rang sangs rgyas kyi sa la gnas par 'gyur bar rig par bya'o// de ci'i phyir zhe na/ de ni 'di ltar shes rab kyi pha rol tu phyin pas yongs su ma bzung ba dang thabs mkhas pa dang bral ba'i phyir ro// rab 'byor 'di lta ste dper na skyes bu skyes nas lo rgya nyi shu lon par gyur pa rgan po rgas shing 'khogs pa de nyid kyi lus la rlung las gyur pa 'am mkhris pa las gyur pa'am bad kan los gyur pa 'am

  495. 248b

    'dus pa las gyur pa'i nad 'ga' zhig gis btab ste de'i g.yas dang g.yon gyi phyogs gnyis nas skyes bu stobs dang ldan pa gnyis kyis legs par brten zhing 'jur bcug cing legs par bzung nas de la 'di skad du kye skyes bu khyod gang du 'gro bar bya ba'i gnas der khyod kyis ma phyin gyis bar du khyod bdag cag gnyis kyis brtan pas lam du bar ma dor brdeg 'chos pa'i 'jigs par mi 'gyur gyis/ khyod gang du 'gro 'dod pa der song zhig ces bsgo na khri de las ldang nus par 'gyur ro// rab 'byor de bzhin du byang chub sems dpa' sems dpa' chen pos bla na med pa yang dag par rdzogs pa'i byang chub mngon par rdzogs par 'tshang rgya bar bya ba la dad pa yod pa dang bzod pa yod pa dang sred pa yod pa dang 'dun pa yod pa dang brtson 'grus yod pa dang / bag byed pa yod pa dang / mos pa yod pa dang lhag pa'i bsam pa yod pa dang gtong ba yod pa dang gus par byed pa yod pa dang dga' ba yod pa dang mgu ba yod pa dang / dang ba yod pa dang rab tu dga' ba yod pa dang brtson pa mi gtong ba yod par gyur la/ de shes rab kyi pha rol tu phyin pas yongs su bzung zhing thabs mkhas pa dang ma bral bar gyur na/ rab 'byor 'byang chub sems dpa' sems dpa' chen po de ni bar ma dor chud zos par mi 'gyur yi gsod par

  496. 249a

    mi 'gyur te/ byang chub sems dpa' sems dpa' chen po de ni 'di lta ste de'i gnas nas bla na med pa yang dag par rdzogs pa'i byang chub kyi gnas rjes su thob nus par rig par bya'o// // 'phags pa shes rab kyi pha rol tu phyin pa brgyad stong pa las dpe'i le'u zhes bya ba ste bcu bzhi pa'o// / de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po las dang po pas shes rab kyi pha rol tu phyin pa la ji ltar gnas par bgyi ci ltar bslab par bgyi/ de skad ces gsol pa dang bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor 'di la byang chub sems dpa' sems dpa' chen po las dang po pa shes rab kyi pha rol tu phyin pa la slob par 'dod pas dge ba'i bshes gnyen dag la bsnyen par bya bsten par bya bsnyen bkur bya'o// gang dag shes rab kyi pha rol tu phyin pa 'di la 'doms shing rjes su ston par 'gyur ba dang gang dag shes rab kyi pha rol tu phyin pa'i don 'di la lung 'bogs pa de dag ni byang chub sems dpa' sems dpa' chen po de'i dge ba'i bshes gnyen du rig par bya'o// de la 'di skad du rigs

  497. 249b

    kyi bu khyod tshur shog sbyin pa'i pha rol tu phyin pa la rnal 'byor du gyis shig de bzhin du tshul khrims kyi pha rol tu phyin pa dang bzod pa'i pha rol tu phyin pa dang brtson 'grus kyi pha rol tu phyin pa dang bsam gtan gyi pha rol tu phyin pa dang shes rab kyi pha rol tu phyin pa la rnal 'byor du gyis shig/ rigs kyi bu khyod sbyin pa gang dang gang nyid byin pa de dag thams cad bla na med pa yang dag par rdzogs pa'i byang chub tu yongs su sngos shig/ rigs kyi bu khyod kyis bla na med pa yang dag par rdzogs pa'i byang chub gzugs gsum snyems shig/ de bzhin du tshor bar ma yin 'du shes su ma yin 'du byed rnams sum yin rigs kyi bu khyod bla na med pa yang dag par rdzogs pa'i byang chub rnam shes par mi snyems shig/ de ci'i phyir zhe na/ rigs kyi bu thams cad mkhyen pa nyid ni mi snyems pa'o// de bzhin du khyod tshul khrims gang dang gang nyid srung ba dang / de bzhin du sbyar te rigs kyi bu khyod bzod pa gang dang gang nyid sgrub pa dang rigs kyi bu khyed brtson 'grus gang dang gang nyid rtsom pa dang rigs kyi bu khyod bsam gtan gang dang gang nyid la mnyam par 'jog pa dang rigs kyi bu khyod shes rab gang dang gang nyid yongs su spong bar byed pa de dag thams cad bla na med pa yang

  498. 250a

    dag par rdzogs pa'i byang chub tu yongs su sngos shig/ rigs kyi bu khyod bla na med pa yang dag par rdzogs pa'i byang chub la gzugs sum snyems shig/ de bzhin du tshor bar ma yin 'du shes su ma yin 'du byed rnams su ma yin rigs kyi bu khyod bla na med pa yang dag par rdzogs pa'i byang chub la rnam par shes par ma snyems shig/ de ci'i phyir zhe na/ rigs kyi bu thams cad mkhyen pa nyid ni mi snyems pa'o// rigs kyi bu khyod nyan thos kyi sa 'am rang sangs rgyas kyi sa la 'dod par ma byed cig ces shes rab kyi pha rol tu phyin pa'i don lung 'bogs te/ rab 'byor de ltar byang chub sems dpa' sems dpa' chen po las dang po pa dge ba'i shes gnyen dag gis mthar gyis shes rab kyi pha rol tu phyin pa la gzhugs par bya'o// rab 'byor gyis gsol pa bcom ldan 'das byang chub sems dpa' sems dpa' chen po gang dag bla na med pa yang dag par rdzogs pa'i byang chub tu mngon par rdzogs par 'tshang rgya bar yang dag par zhugs shing de lta bu'i ngo bo'i sbyin pa la brten/ de lta bu'i ngo bo'i tshul khrims dang de lta bu'i ngo bo'i bzod pa dang de lta bu'i ngo bo'i brtson 'grus dang de lta bu'i ngo bo'i bsam gtan dang / de lta bu'i ngo bo'i shes rab la brten nas yongs su mya ngan las 'das pa la

  499. 250b

    rang dbang du gyur pa lags kyang yongs su mya ngan las 'das pa mi 'tshal gyi/ 'on kyang sems cad kyi khams shin tu sdug bsngal ba mthong nas bla na med pa med pa yang dag par rdzogs pa'i byang chub mngon par rdzogs par 'tshang rgya bar 'tshal te/ 'khor bar skrag par mi bgyid pa ni dka' ba bgyid pa lags so// de skad ces gsol pa dang bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no de de bzhin te/ rab 'byor byang chub sems dpa' sems dpa' chen po gang 'jig rten la phan pa'i phyir zhugs pa dang 'jig rten la bde ba'i phyir dang 'jig rten la snying brtse ba'i phyir zhugs pa dang / bla na med pa yang dag par rdzogs pa'i byang chub mngon par rdzogs par sangs rgyas na/ 'jig rten gyi skyob 'gyur bar bya'o 'jig rten gyi gnas su 'gyur bar byo'o 'jig rten gyi dpung gnyen du 'gyur bar bya'o 'jig rte gyi gling du 'gyur bar bya'o 'jig rten gyi snang bar 'gyur bar bya'o 'jig rten gyi yongs su 'dren par 'gyur bar bya'o 'jig rten gyi rten du 'gyur bar bya'o snyam ste/ de lta bu'i ngo bo'i bla na med pa yang dag par rdzogs pa'i byang chub tu brtson 'grus rtsom pa de dka' ba byed pa yin no// rab 'byor ci ltar na byang chub sems dpa' sems dpa' chen

  500. 251a

    po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi skyob par 'gyur zhe na/ rab 'byor 'khor ba na spyod pa'i 'jig rten gyi sdug bsngal ji snyed yod pa de dag las de skyobs par byed cing sdug bsngal de dag spang ba'i phyir 'bad par byed la brtson 'grus rtsom po ste/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi skyob par 'gyur ro// rab 'byor ci ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi skyabs su 'gyur zhe na/ rab 'byor sems can gang skye ba'i chos can rga ba'i chos can rna ba'i chos can 'chi ba'i chos can mya ngan dang smre sngags 'don po dang sdug bsngal ba dang yid mi bde ba dang 'khrug pa'i chos can gyi sems can de dag skye ba dang rga ba dang na ba dang chi ba dang mya ngan dang spyi sngags 'don pa dang sdug bsngal ba dang yid mi bde ba dang 'khrug pa las yongs su thar bar byed pa ste/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par

  501. 251b

    rdzogs par sangs rgyas na 'jig rten gyi skyabs su 'gyur ro// rab 'byor ci ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi gnas su 'gyur zhe na/ rab 'byor gang de bzhin gshegs pa dgra bcom pa yang dag par rdzogs pa'i sangs rgyas sbyor ba med par bya ba'i phyir sems can rnams la chos ston te/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi gnas su 'gyur ro// rab 'byor gyis gsol pa/ bcom ldan 'das ci ltar na sbyor ba ma mchis pa lags/ bcom ldan 'das kyis bka' stsal pa/ rab 'byor gzugs kyi 'brel pa med pa gang yin pa de ni gzugs kyi sbyor ba med pa'o// gzugs kyi sbyor med pa gang yin pa de ni gzugs kyi 'brel pa med pa'o// gzugs kyi 'brel pa med pa gang yin pa de ni gzugs kyi skye ba med pa dang / 'gag pa med pa'o// gzugs kyi skye ba med dang 'gag pa med pa gang yin pa de ni gzugs kyi sbyor ba med pa'o// gang gzugs la

  502. 252a

    gang yin pa sbyor ba med pa 'di ni gzugs kyi 'brel pa med pa 'di ni gzugs kyi sbyor ba med pa'o// de bzhin du tshor ba dang 'du shes dang 'du byed rnams dang rab 'byor rnam par shes pa'i 'brel pa med pa gang yin pa de ni rnam par shes pa'i sbyor ba med pa'o// rnam par shes pa'i sbyor ba med pa gang yin pa de ni rnam par shes pa'i 'brel ba med pa'o// rnam par shes pa'i 'brel ba med pa gang yin pa de ni rnam par shes pa'i skye ba med pa dang 'gag pa med pa'o// rnam par shes pa'i skye ba med pa dang 'gag pa med pa ga yin pa de ni rnam par shes pa'i sbyor ba med pa'o// rnam par shes pa'i sbyor ba med pa gang yin pa 'di ni rnam par shes pa'i 'brel pa med pa 'di ni rnam par shes pa'i sbyor ba med pa'o// rab 'byor de ltar na chos thams cad ni sbyor ba med pa med pa 'brel pa med pa'o// zhes rnam par shes pas mthong bas sbyor ba med par 'gyur ro// rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon rdzogs par sangs rgyas nas 'jig rten gyi gling du 'gyur ro// rab 'byor ci

  503. 252b

    ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi dpung gnyen du 'gyur zhe na/ rab 'byor gzugs kyi pha rol gang yin pa de ni gzugs ma yin rab 'byor pha rol ci ltar ba gzugs kyang de bzhin te/ de bzhin du tshor ba dang 'du shes dang 'du byed rnams dang rab 'byor rnam par shes pa'i pha rol gang yin pa de ni rnam par shes pa ma yin rab 'byor pha rol ci lta ba bzhin du rnam par shes pa'ang de bzhin te/ rab 'byor gzugs dang tshor ba dang 'du shes dang 'du byed rnams dang rnam par shes pa'i pha rol ci lta ba chos thams cad kyang de bzhin no// rab 'byor gyis gsol pa/ bcom ldan 'das gal te gzugs dang tshor ba dang 'du shes dang 'du byed rnams dang rnam par shes pa'i pha rol ci lta ba chos thams cad kyang de bzhin no// bcom ldan 'das byang chub sems dpa' sems dpa' chen po dag gi chos thams cad mngon par rdzogs par sangs rgyas pa nyid ma lags sam/ de ci'i slad du zhe na/ bcom ldan 'das 'di la rnam par rtog pa gang yang ma mchis pa'i slad du'o// bcom ldan 'das kyi bka' stsal pa/ rab 'byor de de bzhin no

  504. 253a

    de de bzhin te/ pha rol gang yin pa de la rnam par rtog pa gang yang med de rab 'byor rnam par rtog pa med pa'i phyir/ byang chub sems 'ba' sems dpa' chen po dag gis chos thams cad mngon par rdzogs par sangs rgyas pa nyid yin te/ rab 'byor 'di yang byang chub sems dpa' sems dpa' chen po rnams kyi mchog tu dka' ba byed pa yin no// gang de ltar chos thams cad la nges par sems shing mngon du yang mi byed zhum par yang mi byed par 'di ltar bdag cag gis chos 'di dag mngon bar rdzogs par sangs rgyas par bya'o// 'di ltar bla na med pa yang dag par rdzogs pa'i byang chub mngon par rdzogs par sangs rgyas chos 'di dag bstan par bya'o rab tu bshad par bya'o snyam na/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi dpung gnyen du 'gyu ro// rab 'byor ci ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi gling du 'gyur zhe na/ rab 'byor 'di lta ste dper na 'bab chu 'am rgya mtsho dag gi nang na phyogs gang chus yongs su bskor bar gyur pa ni gling zhes bya'o// rab 'byor de bzhin du gzugs ni sngon gyi mtha' dang phyi ma'i mtha' yongs su chad pa'o// de bzhin rlo ba dang 'du shes dang 'ad byed rnams dang rab 'byor de bzhin du rnam par shes pa ni sngon gyi mtha' dang phyi ra'i mtha' yongs su chad pa ste/ rab 'byor yongs su

  505. 253b

    chad pa 'dis chos thams cad sngon gyi mtha' dang phyi ma'i mtha' yongs su chad pa yin no// rab 'byor chos thams cad kyi yongs su chad pa gang yin pa 'di ni zhi ba 'di ni gya nos pa'o 'dini yongs su mya ngan las 'das pa'o// 'di ni ci lta ba bzhin no// 'di ni phyin ci ma log pa ste/ rab 'byor de ltar na byang chub sems dpa' sems dpa' chen po bla na med yang dag par rdzogs pa'i byang chub mngon par rdzogs par sangs rgyas nas 'jig rten gyi gling du 'gyur ro// rab 'byor ci ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi snang bar 'gyur zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas dus ring por ma rig pa'i sgo nga'i sbubs dang ling tog gis yongs su khebs pa'i sems can mun pas zil gyis non pa rnams shes rab kyis snang bar byed cing mi shes pa'i mun pa mun nag thams cad sel bar byed de/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon pa rdzogs par sang rgyas nas 'jig rten gyi snang bar 'gyur ro// rab 'byor ci ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi yongs su 'dren par 'gyur zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par

  506. 254a

    sangs rgyas nas gzugs rang bzhin gyis skye ba med dang 'gag pa med par chos ston to// de bzhin du tshor ba dang 'du shes dang 'du byed rnams dang rnam par shes pa rang bzhin gyis skye ba med dang 'gag pa med par sa ston to// so so'i skye bo'i chos rnams kyang rang bzhin gyis skye ba med pa dang 'gag pa med par chos ston to// nyen thos kyi chos rnams kyang rwa bzhin gyis skye ba med pa dang 'gag pa med chos ston to// rang sangs rgyas kyi chos rnams kyang rang bzhin gyis skye ba med pa dang 'gag pa med par chos ston to// byang chub sems dpa'i chos rnams kyang rang bzhin gyis skye ba med pa dang 'gag pa med par chos ston to// sangs rgyas kyi chos rnams kyang rang bzhin gyis skye ba med pa dang 'gag pa med par chos ston to// chos thams cad kyang rang bzhin gyis skye ba med dang 'gag pa med par chos ston to// rab 'byor de ltar byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi yongs su 'dren par 'gyur ro// rab 'byer ji ltar na byang chub sems dpa' sems dpa' chen po bla na med pa yang dag par rdzogs ba'i byang chub mngon par rdzogs par sangs rgyas nas 'jig rten gyi rten du 'gyur zhe na// rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten la gzugs ni nam mkha'i rten can no zhes chos ston par 'gyur/ de bzhin du tshor ba dang 'du shes dang 'du byed rnams

  507. 254b

    dang rnam par shes pa yang nam mkha'i rten can no zhes chos ston par 'gyur ro// rab 'byor de bzhin du chos thams cad kyang nam ga ba'i rten can 'gro ba med pa/ 'ong ba med pa nam mkha' dang mtshungs pa ste/ ci ltar nam mkha' 'ong ba med pa 'gro ba med pa ma byas pa rnam par mi 'gyur ba mngon par 'dus ma byas pa mi gnas pa yang dag par mi gnas pa rnam par mi gnas pa ma skyes pa ma 'gag pa de bzhin du rab 'byor chos thams cad kyang 'ong ba med pa 'gro ba med pa ma byas pa rnam par mi 'gyur ba mngon par 'dus ma byas pa mi gnas pa yang dag par mi gnas pa rnam par mi gnas ma skyes pa ma 'gag pa nam mkha' dang mtshungs pa'i phyir rnam par mi rtog pa'o// de ci'i phyir zhe na/ rab 'byor gzugs kyi stong pa nyid gang yin pa de ni 'ong ba 'am 'gro ba med do// de bzhin du tshor ba dang 'du shes dang 'du byed rnams dang rab 'byor rnam par shes pa'i stong pa nyid gang yin pa de ni 'ong ba 'am 'gro ba med de rab 'byor de bzhin du chos thams cad kyi stong pa nyid ni 'ong ba'am 'gro ba med do// de ci'i phyir zhe na/ rab 'byor chos thams cad ni stong pa nyid kyi rten can te de dag rten de las mi 'da' 'o// rab 'byor chos thams cad ni mtshan ma med pa'i rten te de dag rten de las mi 'da' 'a rab 'byor chos thams cad smon pa med pa'i rteg can te de dag rten de las mi 'da' ro// rab 'byor chos thams cad ni mngon par 'du mi byed pa'i rten can te de dag rten de las mi 'da'a'o// rab 'byor chos thams cad ni 'byung ba med pa'i rten can te de

  508. 255a

    dag rten de las mi 'da'a'o// rab 'byor chos thams cad ni skye ba med pa'i rten can te de dag rten de las mi 'da' 'o// rab 'byor chos thams cad ni dngos po med rten can te de dag rten de las mi 'da' 'o// rab 'byor chos thams cad ni rmi lam gyi rten can te de dag rten de las mi 'da' 'o// rab 'byor chos thams cad ni bdag gi rten can te de dag rten de las mi 'da' 'o// rab 'byor chos thams cad ni mu med pa'i rten can te de dag rten de las mi 'da' 'o// rab 'byor chos thams cad ni zhi ba'i rten can te de dag rten de las mi 'da' 'o// rab 'byor chos thams cad ni mya ngan las 'das pa'i rten can te de dag rten de las mi 'da' 'o// rab 'byor chos thams cad ni dbyung du med pa'i rten can te de dag rten de las mi 'da' 'o// rab 'byor chos thams cad ni 'ong ba med pa'i rten can te de dag rten de las mi 'da' 'o// rab 'byor chos thams cad ni 'gro ba med pa'i rten can te de dag rten de las mi 'da' 'o// rab 'byor chos thams cad ni mi g.yo ba'i rten can te de dag rten de las mi 'da' 'o// rab 'byor chos thams cad ni gzugs kyi rten can te de dag rten de las mi 'da' 'o// rab 'byor de bzhin du chos thams cad ni tshor ba dang 'du shes dang 'du byed rnams dang rnam par shes pa'i rten can te de dag rten de las mi 'da'o// rab 'byor chos thams cad ni dgra bcom pa dang rang sangs rgyas nyid dang bla na med pa yang dag par rdzogs pa'i byang chub kyi rten can te/ de dag rten de las mi 'da' 'o

  509. 255b

    de dag na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas chos thams cad ni nam mkha'i rten rlo zhes chos ston to// rab 'byor de ltar na byang chub sems dpa' sems dpa' chen po bla na med yang dag par rdzogs pa'i byang chub mngon par rdzogs par sangs rgyas nas 'jig rten gyi rten du 'gyur ba yin no// rab 'byor gyis gsol pa// bcom ldan 'das shes rab pha rol tu phyin pa zab mo 'di su dag gi 'tshal bar 'gyur// bcom ldan 'das kyi sa bka' stsal pa/ rab 'byor byang chub sems dpa' sems dpa' chen po sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi drung du sprad par gyur pa dge ba'i rtsa ba yongs su smin pa gang yin pa'i byang chub sems dpa' sems dpa' chen po dog gis shes rab kyi pha rol tu phyin pa zab mo 'di shes par 'gyur bar rig par bya'o// rab 'byor gyis gsol pa/ bcom ldan 'das byang chub sems dpa' sems dpa' chen po gang dag shes rab kyi pha rol tu byin pa zab mo 'di 'tshal bar 'gyur ba de dag gi ngo bo nyid ji lta bu lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang dag shes rab kyi pha rol tu phyin pa zab mo 'di shes par 'gyur ba de dag ni 'dul ba las byung ba dben pa'i rang bzhin can no// rab 'byor gyis gsol pa/ bcom

  510. 256a

    ldan 'das byang chub sems dpa' sems dpa' chen po de dag ci de lta bu'i rten can kho nar 'gyur ba dang rten de dag nyid mngon par rdzogs par sangs rgyas nas sems can dag la yang dag 'di nyid stong par 'gyur zhing de dag de ltar sems can rnams kyi rten du 'gyur ba lags sam/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no de de bzhin te/ rab 'byor byang chub sems dpa' sems dpa' chen po de dag ni 'di lta bu'i rten can du 'gyur ba de dag mngon par rdzogs par sangs rgyas nas sems can dag la rten 'di dag ston par 'gyur zhing / de dag de ltar sems can rnams kyi rten du 'gyur te/ rab 'byor byang chub sems dpa' sems dpa' chen po bla na med yang dag par rdzogs pa'i byang chub mngon par rdzogs par sangs rgyas nas sems can gzhal tu med pa grangs med pa dag gi rten du 'gyur ro// rab 'byor gyis gsol pa/ bcom ldan 'das sems can gzhal du ma mchis pa de dag yongs su mya ngan las bzla'o zhes go cha 'di bgos pa'i byang chub sems dpa' sems dpa' chen po na bka' bgyid pa lags so// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no de de bzhin de/ sems can gzhal du med grangs med pa dag yongs su mya ngan las bzla'o

  511. 256b

    zhes gang gis cha 'di bgos pa'i byang chub sems dpa' sems dpa' chen po ni bka' ba byed pa'o// rab 'byor gzhan yang byang chub sems dpa' sems dpa' chen po ni/ go cha chen po bgos pa'i go cha de ni gzugs dang 'brel pa yang ma yin gzugs kyi don du 'brel pa yang ma yin/ de bzhin du tshor ba dang 'du shes dang 'du byed rnams dang rnam par se pa dang 'brel pa yang ma yin par shes pa'i dri 'brel pa yang ma yin/ nyan thos kyi sa dang 'brel pa yang ma yin/ nyan thos kyi sa'i don du 'brel pa yang ma yin/ rang sangs rgyas kyi sa dang 'brel pa yang ma yin/ rang sangs rgyas kyi sa'i don du 'brel pa yang ma yin/ sangs rgyas kyi sa dang 'brel pa yang yin sangs rgyas kyi sa dang 'brel pa yang ma yin sangs rgyas sa'i don du 'brel pa yang ma yin no// de ci'i phyir zhe na/ rab 'byor kye ma byang chub sems dpa' sems dpa' chen po go cha 'di ni chos thams cad nang ma 'brel ba'o// rab 'byor gyis gsol pa/ bcom ldan 'das 'di ltar byang chub sems dpa' sems dpa' chen po go cha chen po bgos pa shes rab kyi pha rol tu phyin pa zang mo la de ltar spyod pa des gnas gsum la re bar mi bgyi ste/ gsum gang zhe na/ 'di lta ste nyan thos kyis sa 'am rang sangs rgyas kyi sa 'am sangs rgyas sgra'o// de skad ces gsol pa dang / bcom ldan 'das kyis tshe dang ldan pa rab 'byor kyi 'di skad ces bka' stsal to// rab 'byor khyod don gyi dbang ci zhig mthong na 'di skad du 'di

  512. 257a

    ltang byang chub sems dpa' sems dpa' chen po go cha chen po bgos pa shes rab kyi pha rol tu phyin pa zab mo la de ltar spyod pa des gnas gnas sa su la re bar mi bya ste/ gsum gang zhe na 'di lta ste nyan thos kyi sa 'am rang sangs rgyas sa 'am sangs rgyas kyi sa'o zhes zer rab 'byor byang chub sems dpa' sems dpa' chen po go cha chen po bgos pa shes rab kyi pha rol tu phyin pa zab mo la de ltar spyod pa de nyan thos kyi sa 'am/ rang sangs rgyas kyi sa la re ba 'di ni gnas med cing ga skabs med do// 'on kyang gang gis sems can thams cad ni don du go cha chen po bgos pa 'di ni sangs rgyas kyi sa nyid la re bar bya'o// rab 'byor gyis gsol pa/ bcom ldan 'das shes rab kyi pha rol tu phyin pa ni zab ste/ de ni sus kyang sgom par bgyi ba ma lags de ni gang gis kyang bsgoms par ma gyur gang gis kyang sgom par mi byed gang gis kyang bsgom par mi 'gyur bsgom par mi bgyi ba yang cung zad ma mchis gang du bsgom par bgyi ba yang mchis so// de ci'i slad du zhe na/ bcom ldan 'das shes rab kyi pha rol tu phyin pa la chos gang yang yongs su grub pa mchis pa'i slad du'o// bcom ldan 'das 'di lta ste shes rab kyi pha rol tu phyin pa sgom pa 'di ni nam mkha' sgom pa lags so// bcom ldan 'das 'di lta ste shes rab kyi pha rol tu phyin pa sgom pa 'di ni chos thams cad ri sgom lags so// bcom ldan 'das 'di lta ste shes rab kyi pha rol tu

  513. 257b

    byin pa sgom pa 'di ni ma chags pa sgom pa lags so// bcom ldan 'das 'di lta ste shes rab kyi pha rol tu phyin pa 'di ni mtha' yas pa sgom pa lags so// bcom ldan 'das 'di lta ste shes rab kyi pha rol tu phyin pa sgom pa 'di ni dngos po ma mchis pa sgom pa lags so// bcom ldan 'das 'di lta ste shes rab kyi pha rol tu phyin pa sgom pa 'i ni yongs su bzung ba ma mchis pa sgom pa lags so// de skad ces gsol pa dang bcom ldan 'das kyi tshe dang ldan pa rab 'byor la 'di skad ces bka' stsal to// rab 'byor de de bzhin no de de bzhin te/ rab 'byor de lta bas na shes rab 'pha rol tu phyin pa zab mo 'di la gnas pas gnas pa'i byang chub sems dpa' sems dpa' chen po ni bla na med pa yang dag par rdzogs pa'i byang chub las phyir mi ldog par brtag par bya'o// rab 'byor 'di ltar byang chub sems dpa' sems dpa' chen po shes rab kyi pha rol tu phyin pa zab mo 'di la mngon par chags par mi byed pa dang 'di ltar gzhan gyis smras pa dang gzhan gyis bgros pa dag la mngon par chags par mi byed pa dang / 'di ltar byang chub sems dpa' sems dpa' chen po pha rol gyis dad pa'i phyir mi 'breng ba dang rab 'byor byang chub sems dpa' sems dpa' chen po shes rab kyi pha rol tu phyin ba zab mo 'di la bshad pa la mi 'gong kun mi zhum mi dngang kun du mi skrag kun du skrag pa dang ldan par mi 'gyur/ nem nur mi byed the tsom mi za rmongs par mi

  514. 258a

    'gyur zhing rtogs par byed mos par byed de shes rab kyi pha rol tu phyin pa mthong ba dang thos par dga' bas na rab 'byor 'di sngon gyi mthar yang shes rab kyi pha rol tu phyin pa yongs su dris par rig par bya'o// de ci'i phyir zhe na/ rab 'byor 'di ltar shes rab kyi pha rol tu phyin pa zab mo 'di bshad pa la mi dngang kun tu mi skrag kun du skrag pa dang ldan pa'i phyir ro// rab 'byor gyis gsol pa/ bcom ldan 'das byang chub sems dpa' sems dpa' chen po gang shes rab kyi pha rol tu phyin pa zab bi 'di bshad pa la mi dngang kun du mi skrag kun tu skrag pa dang ldan par mi 'gyur na/ bcom ldan 'das rnam pa gang gis nges shes rab kyi pha rol tu phyin pa byed brag tu brtags pa lags/ bcom ldan 'das kyis bka' stsal pa/ rab 'byor thams cad mkhyen pa nyid la gzhol ba'i rgyud kyis byang chub sems dpa' sems dpa' chen pos shes rab kyi pha rol tu phyin pa bye brag tu brtags pa yin no// rab 'byor gyis gsol pa/ bcom ldan 'das ci ltar thams cad mkhyen pa nyid la gzhol ba'i rgyud bye brag tu brtags pa lags bcom ldan 'das kyi bka' stsal pa/ rab 'byor nam mkha' la gzhol ba'i rgyud dang rab 'byor nam mkha' la 'bab pa dang rab 'byor nam mkha' la phyogs pa'i rgyud kyi thams cad mkhyen pa nyid la gzhol ba'i rgyud bye brag tu brtags pa yin no// rab 'byor yang thams cad mkhyen pa nyid la gzhol ba'i rgyud kyis bye brag tu brtags pa

  515. 258b

    gang yin pa de ri bye brag tu brtags pa'o// de ci'i phyir zhe na/ rab 'byor thams cad mkhyed pa nyid ni gzhal du med pa'o/ rab 'byor thams cad mkhyen pa nyid ni/ tshad ma med pa'o// rab 'byor gzhal du med pa dang tshad ma med pa gang yin pa de ni gzugs ma yin tsher ba ma yin 'du shes ma yin 'du byed rnams ma yin rnam par shes pa ma yin/ thob pa ma yin mngon par rtogs pa ma yin khong du chud pa ma yin lam ma yin lam gyi 'bras bu ma yin ye shes ma yin rnam par shes pa ma yin skye ba ma yin 'jig pa ma yin 'byung ba ma yin/ 'grib pa ma yin 'gag pa ma yin sgom pa ma yin rnam par sgom pa ma yin te/ sus kyang ma byas gang nas kyang ma 'ongs gang du yang mi 'gro gang du yang mi gnas phyogs gang du yang mi gnas te/ gzhan du na gzhal du med pa tshad med pa zhes bya ba de lta bu'i grangs su 'gro'o// nam mkha' gzhal du med pa'i phyir thams cad mkhyen pa nyid gzhal du med pa ste/ gzhal du med gang yin pa de ni sus kyang mngon par rdzogs par 'tshang rgya bar mi nus te gzugs kyis ma yin/ tshor bas ma yin 'du shes kyis ma yin 'du byed rnams kyis ma yin rnam par shes pas ma yin/ sbyin pa'i pha rol tu phyin pas ma yin tshul khrims kyi pha rol tu phyin pas ma yin bzod pa'i pha rol tu phyin pas ma yin brtson 'grus kyi pha rol tu phyin pas ma yin bsam gtan kyi pha rol tu phyin pas ma yin te/ shes rab kyi pha rol tu phyin pas

  516. 259a

    mngon par rdzogs par 'tshang rgya bar mi nus so// de ci'i phyir zhe na/ rab 'byor gzugs nyid thams cad mkhyen pa nyid do// de bzhin du tshor ba nyid dang 'du shes nyid dang 'du byed nyid rnams dang / rab 'byor rnam par shes pa nyid ni thams cad mkhyen pa nyid do// rab 'byor sbyin pa'i pha rol du phyin pa nyid ni thams cad mkhyen nyid do// de bzhin du tshul khrims kyi pha rol tu phyin pa nyid dang bzod pa'i pha rol tu phyin pa nyid dang brtson 'grus kyi pha rol tu phyin pa nyid dang / bsam gtan gyi pha rol tu phyin pa nyid dang rab 'byor shes rab kyi pha rol tu phyin pa nyid ni thams cad mkhyen pa nyid do// de nas lha rnams kyi dbang po brgya byin 'dod pa na sprod pa'i lha'i bu rnams dang bcas pa dang mi mjed kyi bdag po tshangs pa yang gzugs na sprod pa'i lha'i bu rnams dang bcas te bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod de// phyogs gcig tu 'khod pa dang lha rnams kyi dbang po brgya byin 'dod pa na spyod pa'i lha'i bu rnams dang bcas pa dang mi mjed kyi bdag po tshangs pa yang gzugs na spyod pa'i lha'i bu rnams dang bcas pas bcom ldan 'das la 'di skad ces gsol to// bcom ldan 'das shes rab kyi pha rol tu phyin pa ni zab pa'o bcom ldan 'das shes rab kyi pha rol tu phyin pa/

  517. 259b

    ni gting dpag bka' ba'o// bcom ldan 'das shes rab kyi pha rol tu phyin pa ni lta bar dka' ba'o// bcom ldan 'das shes rab kyi pha rol tu phyin ni rtogs par dka' ste/ don gyi dbang 'di gzigs nas kyang de bzhin gshegs pa dgra bcom pa yang dag par rdzogs pa'i sangs rgyas bla na med pa yang dag par rdzogs bI byang chub mngon par rdzogs par sangs rgyas nas byang chub kyi snying po la bzhugs pa na/ brtson pa chung ba la thugs gzhol bar mdzad de chos bstan pa la gzhol bar ma mdzad do// de skad ces gsol pa dang / bcom ldan 'das kyis lha rnams kyi dbang po brgya byin dang 'dod pa na spyod pa'i lha'i bu rnams dang mi mjed kyi bdag po tshangs pa dang gzugs na smod pa'i lha'i rnams 'di skad ces bka' stsal to// lha'i bu dag de de bzhin te de de bzhin no// lha'i ngag kye ma shes kyi pha rol tu phyin pa 'di ni zab po'o// lha'i bu dag shes rab kyi pha rol tu phyin pa dri ni gting dpag bka' ba'o// lha'i bu dag shes rab kyi pha rol tu phyi/ pa 'di ni blta bar bka' ba'o// lha'i bu dag shes rab kyi pha rol tu phyin pa 'di ni rtogs par dka' ste/ don gyi dbang 'di gzigs nas kyang de bzhin gshegs pa dgra bcom pa yang dag par rdzogs pa'i byang chub mngon par rdzogs par sangs rgyas ma thag tu byang chub kyi snying por bzhugs pa na kye ma chos zab mo 'di ngas mngon

  518. 260a

    par rdzogs par sangs rgyas so snyam pas brtson pa chung ba la thugs gzhol bar mdzad de chos bstan pa la gzhol bar ma mdzad do// / gang du sus kyang mngon par rdzogs par sangs ma rgyas su yang mngon par rdzogs par 'tshang brgya par mi 'gyur su yang mngon par rdzogs par 'tshang rgya ba 'di ni chos kyi zab pa yin no// nam mkha' zab pa'i phyir 'di zab bo// bdag zab pa'i phyir chos 'di zab bo// chos thams cad 'ong ba med pa'i phyir chos 'di zab po// chos thams cad 'gro ba med pa'i phyir ngas mngon par rdzogs par sangs rgyas pa'i chos 'di zab pa yin no// de skad ces bka' stsal dang bcom ldan 'das la lha rnams kyi dbang po brgya byin dang 'dod pa na spyod pa'i lha'i dag dang mi mjed kyi bdag po tshangs pa dang gzugs na spyod pa'i lha'i bu dag gis 'di skad ces gsol to// bcom ldan 'das ngo mtshar to bde bar gshegs pa rmad du 'byung ba'o// bcom ldan 'das chos 'di ni 'jig rten thams cad dang mi mthun par bstan te/ bcom ldan 'das chos thams cad mi bzung ba'i slad du chos 'di bstan pa lags na 'jig rten dag ni 'dzin pa la spyod do// / 'phags pa shes rab kyi pha rol tu phyin pa brgyad stong pa las lha'i le'u zhes bya ste/ bco lnga pa'o// // 'phags pa shes rab kyi pha rol tu phyin pa brgyang stong pa/ bam po bco lnga pa/ de nas bcom ldan 'das la tshe dang

  519. 260b

    ldan pa rab 'byor gyis 'di skad ces gsol to// bcom ldan 'das kye mchos bstan pa 'di ni chos thams cad dmigs su ma mchis pa ste/ bcom ldan 'das chos 'di ni gang la yang thogs pa ma mchis so// bcom ldan 'das kye ma nam mkha' dang mtshungs pas gnas thams cad dmigs su ma mchis pa'i slad du chos 'di ni thogs pa ma mchis pa'i mtshan nyid do// bcom ldan 'das kye ma gnyis su ma mchis pa'i slad du chos 'di ni mtshungs pa ma mchis pa'i mtshan nyid do// bcom ldan 'das kyi pa rgol ba ma mchis pa'i slad du chos 'di ni do zla ma mchis pa'i mtshan nyid do// bcom ldan 'das kye ma mngon pa grub pa ma mchis pa'i slad du chos 'di ni gnas ma mchis pa'o// bcom ldan 'das kyi sa skye ba thams cad skye ba ma mchis pa'i chos 'di ni 'byung ba ma mchis pa'o// bcom ldan 'das kye ma lam thams cad mi dmigs pa'i slad du chos 'di ni lam ma mchis pa'o// de nas lha rnams kyi dbang po brgya byin dang mi mjed kyi bdag po tshangs pa dang 'dod pa na spyod pa dang gzugs na spyod pa'i lha'i bu de dag gis bcom ldan 'das la 'di skad ces gsol to// bcom ldan 'das kye ma bcom ldan 'das kyi nyan thos 'phags pa gnas brtan rab 'byor 'di ni rjes su mthun par skyes pa lags so// de ci'i phyir zhe na/ bcom ldan 'das gnas brtan rab 'byor 'di ni 'di ltar chos gang gang kho nar ston pa

  520. 261a

    chos de dang de nyid stong pa nyid las brtsams te/ ston pa'i slad du'o de nas tshe dang ldan pa rab 'byor gyis lha rnams kyi dbang po brgya byin dang mi mjed kyi bdag po tshangs pa dang 'dod pa na spyod pa dang gzugs na smod pa'i lha'i bu de dag la 'di skad ces smras so// lha'i bu dag gang 'di skad du gnas brtan rab 'byor 'di ni de bzhin gshegs pa rjes su mthun par skyes so zhes smras pa ni ma skyes pa'i phyir gnas brtan rab 'byor ni de bzhin gshegs pa'i rjes su mthun par skyes te/ gnas brtan rab 'byor ni de bzhin gshegs pa'i de bzhin nyid kyi rjes su song ba'o// ci ltar de bzhin gshegs pa'i de bzhin nyid 'ong ba yang med song ba myed de bzhin du gnas brtan rab 'byor gyi de bzhin nyid 'ong ba yang med song ba yang med de/ de ltar na gnas brtan rab 'byor ni de bzhin gshegs pa'i de bzhin nyid kyi rjes su song ba'o// gnas brtan rab 'byor ni dang po nyid ni de bzhin gshegs pa'i de bzhin nyid kyis rjes su song ba ste/ de ci'i phyir zhe na/ de bzhin gshegs pa'i de bzhin nyid gang yin pa de ni chos thams cad kyi de bzhin nyid do// chos thams cad kyi bzhin nyid gang yin pa de ni de bzhin gshegs pa'i de bzhin nyid do// de bzhin gshegs pa'i de bzhin nyid gang yin pa dang chos thams cad kyi de bzhin nyid gang yin pa de ni gnas brtan rab 'byor gyi de bzhin nyid do//

  521. 261b

    gnas btan rab 'byor ni de bzhin nyid de'i rjes su song ba ste/ de bas na de bzhin gshegs pa'i rjes skyes so// de bzhin gshegs pa'i de bzhin nyid pa yin te/ de bzhin nyid de'i rjes su song ba'o// de ltar na gnas brtan rab 'byor ni de bzhin gshegs pa'i rjes su skyes pa'o// de bzhin gshegs pa'i de bzhin nyid gnas pa'i gang yin pa'i gnas pa de na gnas brtan rab 'byor ni de bzhin gshegs rjes su skyes pa'o// ci ltar de bzhin gshegs pa'i de bzhin nyid 'gyur ba med pa dang rnam par 'gyur ba med dang rtog pa med pa dang rnam par rtog pa med pa de bzhin du/ gnas brtan rab 'byor gyi de bzhin nyid kyang 'gyur ba med pa dang rnam par 'gyur ba med pa dang rtog pa med pa dang rnam par rtog pa med pa'o// de ltar na gnas brtan rab 'byor yang de bzhin nyid des 'gyur ba med pa rnam par 'gyur med pa rtog pa med pa rnam par rtog pa med pa de bzhin gshegs pa'i rjes su skyes so// ci ltar de bzhin gshegs pa'i de bzhin nyid 'gyur ba med rnam par 'gyur med rtog pa med rnam par rtog pa med de gang la yang thogs pa med pa de bzhin du chos thams cad kyi de bzhin nyid kyang 'gyur ba med rnam par 'gyur ba med rtog pa med rnam par rtog med de gang la yang thogs pa med do// / de ci'i phyir zhe na/ de bzhin gshegs pa'i de bzhin nyid gang yin pa dang chos thams cad kyi de bzhin nyid gang yin pa'i de bzhin nyid 'di ni gcig ste gnyis su med de gnyisu

  522. 262a

    byar med do// gnyis su med pa'i de bzhin nyid ni gang du yang bzhin nyid ma yin gang las kyang de bzhin nyid ma yin gang gi yang de bzhin nyid ma yin te/ gang gi phyir de ni gang gi yang de bzhin nyid ma yin den de bzhin nyid de ni gnyis su med pa se gnyis su med pa'i de bzhin nyid ni gnyis su byar byed do// de ltar na gnas brtan 'byor ni ma byas pa'i de bzhin nyid kyis de bzhin gshegs pa'i rjes su skyes te/ ma byas pa'i de bzhin nyid gang yin pa de ni nam yang de bzhin nyid pa yin par mi 'gyur ro// gang gi phyir de nam yang de bzhin nyid ma yin par mi 'gyur ba de'i phyir de bzhin nyid de ni gnyis su med de gnyis su med pa'i de bzhin nyid ni gnyis su byar med do// de ltar na gnas brtan rab 'byor ni de bzhin gshesas pa'i rjes su skyes so// ci ltar de bzhin gshegs pa'i de bzhin nyid rnam pa thams cad du chos thams cad la mi rtog rnam par mi rtog pa de bzhin du gnas brtan rab 'byor gyi de bzhin nyid kyang thams cad du chos thams cad la mi rtog rnam par mi rtog go/ de bzhin du de ba zhig gshegs pa dang rab 'byor ni de bzhin nyid kyis mngon par sprul ste/ 'di nyid ka yang bskal pa ma yin zhing tha mi dad pa ste/ tha dad par byed pa mi dmi pa'i phyir ro// de ltar na gnas brtan rab 'byor ni de bzhin gshegs pa'i rjes su skyes so// ji ltar de bzhin gshegs pa'i de bzhin nyid ni chos thams cad

  523. 262b

    de bzhin nyid las gzhan ma yin pa de bzhin du rab 'byor kyi de bzhin nyid kyang chos thams cad kyi de bzhin nyid las gzhan ma yin la chos thams cad kyi de bzhin nyid las gzhan ma yin pa gang yin pa de ni gang gi yang de bzhin nyid ma yin par mi 'gyur te/ de bzhin nyid de nyid ni chos thams cad kyi de bzhin nyid do// de bzhin de la gnas brtan rab 'byor gyis gzhan ma yin pa'i de bzhin nyid kyi rjes su song bar khas blangs te/ 'dir 'ga' zhig 'ga' zhig tu rjes su song bar khas blang ba ying med do// de ltar na gnas brtan rab 'byor ni de bzhin gshegs pa'i rjes su skyes so// ci ltar de bzhin gshegs pa'i de bzhin nyid 'das pa yang ma yin ma 'ongs pa ma yin da ltar byang ba ma yin pa de bzhin du chos thams cad kyi de bzhin nyid kyang 'das pa ma yin ma 'ongs pa ma yin da ltar byang ba ma yin te/ de ltar na gnas brtan rab 'byor de bzhin nyid de'i rjes su song bas de bzhin gshegs pa'i rjes su skyes pa zhes bya'o// de bzhin gshegs pa'i de bzhin nyid kyis kyang de bzhin nyid kyi rjes su song ba ste/ de bzhin gshegs pa'i de bzhin nyid kyis 'das pa'i de bzhin nyid kyi rjes su song ngo // 'das pa'i de bzhin nyid kyis de bzhin gshegs pa'i de bzhin nyid kyis rjes su song ngo // de bzhin gshegs pa'i de bzhin nyid kyis ma 'ongs pa'i de bzhin nyid kyi rjes su song ngo // ma 'ongs pa'i de bzhin

  524. 263a

    nyid kyi de bzhin gshegs pa'i de bzhin nyid kyi rjes su song ngo // de bzhin gshegs pa'i de bzhin nyid kyis da ltar byung ba'i de bzhin nyid kyi rjes su song ngo // da ltar byung ba'i de bzhin nyid kyis de bzhin gshegs pa'i de bzhin nyid kyi rjes su song ngo // de bzhin gshegs pa'i de bzhin nyid kyis 'das pa dang ma 'ongs pa dang da ltar byung ba'i de bzhin nyid kyis rjes su song ngo // 'das pa dang ma 'ongs pa dang da ltar byung ba'i de bzhin nyid kyis de bzhin gshegs pa'i de bzhin nyid kyis rjes su song ste/ de ltar gnas brtan rab 'byor gyi de bzhin nyid dang 'das pa dang ma 'ongs pa dang da ltar byang ba'i de bzhin dang de bzhin gshegs pa'i de bzhin nyid 'di ni gnyis su med de gnyis su byar med do// de bzhin du chos thams cad kyi de bzhin nyid dang rab 'byor gyi de bzhin nyid 'di ni gnyis su med de gnyis su byar med do// bcom ldan 'das byang chub sems dpar gyur pa'i de bzhin nyid gang yin pa de nyid ni bcom ldan 'das bla na med pa yang dag par rdzogs pa'i byang chub mngon par rdzogs par sangs rgyas pa'i de bzhin gang gi byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas par gyur pa na yang de bzhin gshegs pa'i ming 'thob par 'gyur ba de ni de bzhin nyid 'di yin no// de bzhin gshegs pa'i de bzhin nyid 'di bstan pa

  525. 263b

    de'i tshe na yang de bzhin gshegs pa'i bla na med pa yang dag par rdzogs pa'i byang chub mngon par rdzogs par 'tshang rgya ba bzhin dus chen po 'di rnam par 'gyur ba drug dang ltas chen po bcwo brgyad du 'gul rab tu 'gul kun rab tu 'gul/ g.yos rab tu g.yos kun tu rab tu g.yos/ ldeg rab tu ldeg kun tu rab tu ldeg 'khrugs rab tu 'khrugs kun tu rab tu 'khrugs/ tshemache ma rab tu chem chem kun tu rab tu chem chem/ 'ur 'ur rab tu 'ur 'ur kun tu rab tu 'ur 'ur ro// gzhan yang gnas brtan rab 'byor gyis lha'i bu de dag la smras pa lha'i bu de ltar na gnas brtan rab 'byor ni de bzhin gshegs pa'i rjes su skyes so// gzhan yang gnas brtan rab 'byor ni gzugs kyi rjes su ma skyes te tshor ba'i ma yin 'du shes kyi ma yin 'du byed rnams kyi ma yin rnam par shes pa'i rjes su ma skyes so// rgyun tu zhugs pa'i 'bras bu'i rjes su ma skyes te/ lan cig phyir 'ongs pa'i 'bras bu'i ma yin phyir mi 'ongs pa'i 'bras bu ma yin dgra bcom po'i 'bras bu'i rjes su ma skyes so// rang sangs rgyas nyid kyi rjes su ma skyes sangs rgyas nyid kyi ma skyes so// de ci'i phyir zhe na/ 'di ltar gang gis rjes su skye ba dang gang rje su skye ba'i chos de dag ni yang dag par yod ma yin zhing nye bar mi dmigs so// de ltar na gnas brtan rab 'byor ni de bzhin gshegs pa'i rjes

  526. 264a

    su skyes so// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das 'di lta ste de bzhin nyid 'di ni spyod pa zab mo lags so// de skad ces gsol pa dang bcom ldan 'das kyis tshe dang ldan pa shA ri'i bu la 'di skad ces bka' stsal to// shI ri'i bu de de bzhin no de de bzhin te/ sha ri'i bu 'di lta ste de bzhin nyid 'di ni spyod pa zab mo yin no// de bzhin nyid bstan pa 'di bshad pa na yang dge slong sum brgya len pa med pa zag pa las sems rnam par grol lo// dge slong ma lnga brgya chos rnams la chos mig rdul med cing dri ma dang bral ba rnam par dag go/ lha'i bu lnga stong sngon yongs su sbyang ba byas pa dag gis mi skye ba'i chos la bzod pa thob par gyur to// byang chub sems dpa' drug cu len pa med par zag pa las sem rnam par grol lo// de nas tshe dang ldan pa shA ri'i bus byang chub sems dpa' de rnams len pa med par zag pa rnams las sems rnam par grol bar shes nas bcom ldan 'das la 'di skad ces gsol to// bcom ldan 'das byang chub sems dpa' 'di rnams len pa med par zab pa rnams las sems rnam par grol ba'i rgyan gang lags rkyen ni gang lags/ bcom ldan 'das kyis bka' stsal pa/ shA ri'i bu byang chub sems dpa' 'di dag gis ni sangs rgyas lnga brgya la

  527. 264b

    bsnyen bkur byas shing thams cad du yang sbyin pa byin tshul khrims bsrungs bzod pa bsgrubs brtson 'grus brtsams bsam gtan dag skyed de de dag kyang shes rab kyi pha rol tu phyin pas yongs su ma bzung zhing thabs mkhas pa dang bral bar gyur to// shA ri'i bu 'di ltar yang byang chub sems dpa' 'di dag gi lam stong pa nyid dam mtshan ma med pa la spyod pa'am smon pa med pa yin mod kyi/ de ltar na yang de dag thabs mkhas pa dang mi ldan pa'i phyir yang dag pa'i mtha' mngon du byas nas nyan thos kyi sar nges par byung gi sangs rgyas kyi sar ma yin no// shA ri'i bu 'di lta ste dper na 'dab chags bya zhig gi lus dpag tshad brgya pa 'am dpag tshad nyis brgya pa 'am dpag tshad sum brgya pa 'am dpag tshad bzhi brgya'am dpag tshad lnga brgya pa tsam du gyur pa zhig yod de/ de sum cu rtsa gsum pa'i lha'i nang du 'dug pa las 'dzam bu'i gling 'dir 'gro'o snyam du sems shing shA ri'i bu 'dab chags bya de 'dab ma ma skyes pa 'am 'dab ma byi bar gyur pa 'am 'dab ma bcad par gyur la/ des 'dzam bu'i gling 'dir gnas par bya'o snyam du bsams te sum cu rtsa gsum pa'i lha'i rigs nas bdag nyid mchongs te 'dab chags bya te de nas lhung ba dang / nam mkha'i bar snang la gnas pa'i brda der 'di snyam du kye ma 'o bdag phyir sum cu rtsa gsum pa'i lha'i nang du gnas par bya'o snyam du sems na shA

  528. 265a

    ri'i bu de ci snyam du sems ci 'dab chags bya des phyir sum cu rtsa gsum pa'i lha'i nang na gnas par nus sam/ tshe dang ldan pa shA ri'i bus gsol pa/ bcom ldan 'das ma lags so// bcom ldan 'das kyis bka' stsal pa/ shA ri'i bu gal te yang 'di snyam du kye ma bdag ni ma smas ma snad par 'dzam bu'i gling du gnas par bya'o snyam du shA ri'i bu de ci snyam du sems ci 'dab chags bya des ma sras me snad par 'dzam bu gling du gnas par 'gyur ram shA ri'i bus gsol pa/ bcom ldan 'das de ni lags so// bcom ldan 'das de 'dzam bu'i gling du lhung nas sbas shing snad par 'gyur te/ de 'gum pa 'am 'gum pa la thug pa tsam gyi sdug bsngal du 'gyur ro// de ci'i slad du zhe na/ bcom ldan 'das de ni 'di ltar lags te/ gang gi lus kyang chen por gyur pa dang 'dab ma yang ma mchis par gyur pa dang mthon po zhig nas kyang ltung bar gyur pa'i slad du'o// de skad ces gsol pa dang bcom ldan 'das kyis tshe dang ldan pa shA ri'i bus 'di skad ces bka' stsal to// shA ri'i bu de de bzhin no de de bzhin te/ shA ri'i bu byang chub sems dpa' sems dpa' chen po gang bla na med pa yang dag par rdzogs pa'i byang chub tu sems bskyed nas bskal pa gang gA'i klung gi bye ma snyed du gnas shing sbyin pa byin tshul khrims bzod pa bsgrubs brtson 'grus

  529. 265b

    brtsams bsam gtan la mnyam par gzhag ste/ de rgya cher yang dag par zhugs par gyur cing bla na med pa yang dag par rdzogs pa'i byang chub mngon par rdzog par 'tshang rgya bar de'i sems cher bskyed par gyur kyang gal te shes rab kyi pha rol tu phyin pa 'dis yongs su ma zin cing thabs mkhas pa dang bral bar gyur na/ 'di ltar nyan thos kyi sa 'am rang sangs rgyas kyi sar ltung ngo // shA ri'i bu gzhan yang byang chub sems dpa' 'das pa dang ma 'ongs pa dang da ltar byung ba'i sangs rgyas bcom ldan 'das rnams kyi tshul khrims de dang ting nge 'dzin de dang shes rab de dang rnam par grol ba de dang rnam par grol ba'i ye shes gzigs pa de la mtshan ma'i tshul gyis sems shing 'dzin par byed pa des ni de bzhin gshegs pa dgra bcom pa yang dag par rdzogs pa'i sangs rgyas rnams kyi tshu lIm+bi shes mi mthong ste/ ting nge 'dzin ma yin shes rab ma yin rnam par grol ba yin de bzhin gshegs pa dgra bcom pa yang dag par rdzogs pa'i sangs rgyas rnams kyi rnam par grol ba'i ye shes gzigs pa mi shes mi mthong ngo // des ma shes ma mthong bas stong pa nyid kyi sgra nyan cing des sgra de la mtshan mar byas nas bla na med pa yang dag par rdzog pa'i byang chub tu yongs su sngo bar 'dod pa de'i phyir 'di ni nyan thos kyi sa 'am rang sangs rgyas sa la gnas par 'gyur bar rig par bya'o// de ci'i phyir zhe na/

  530. 266a

    shA ri'i bu gang shes rab kyi pha rol tu phyin pas yongs su ma bzung zhing thabs mkhas pa dang bral bar gyur pa de ni 'di ltar 'gyur ro// shA ri'i bus gsol pa/ bcom ldan 'das ci ltar bshad pa'i don bdag gis 'tshal ba ltar na byang chub gang bsod nams kyi tshogs shin tu mang po dang ldan du 'gyur lags kyang / shes rab kyi pha rol tu phyin pas yongs su ma zung la thams mkhas pa dang bral zhing dge ba'i bshes gnyen dang ma ldan par gyur na/ de bla na med pa yang dag par rdzogs pa'i byang chub 'thob pa la the tsom du 'gyur ro// bcom ldan 'das de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas shes rab kyi pha rol tu phyin pa bsgom par bgyi zhing thabs mkhas pa la yang brtson par bgyi'o// de skad ces gsol pa dang bcom ldan 'das kyis tshe dang ldan pa shA ri'i bu la 'di skad ces bka' stsal to// shA ri'i bu de de bzhin no de de bzhin te/ shA ri'i bu byang chub sems dpa' sems dpa' chen po gang shes rab kyi pha rol tu phyin pas yongs su ma bzung zhing thabs mkhas pa dang bral ba ni bsod nams kyi tshegs mang po ldan na yang dge ba'i bshes gnyen dang bral bar gyur na bla na med pa yang dag par rdzogs pa'i byang chub

  531. 266b

    'thob pa ni the tsom tu 'gyur ro// shA ri'i bu de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas shes rab kyi pha rol tu phyin pa la bsgom par bya zhing thabs mkhas pa dang yang ldan par bya'o// de nas lha rnams kyi dbang po brgya byin 'dod pa na spyod pa'i lha rnams dang bcas pa dang mi mjed kyi bdag po tshangs pa gzugs na spyod pa'i lha'i bu rnams dang bcas pas bcom ldan 'das la 'di skad ces gsol to// bcom ldan 'das shes rab kyi pha rol tu phyin pa 'di ni zab po// bla na med pa yang dag par rdzogs pa'i byang chub ni 'byung bar bka'o// bcom ldan 'das bla na med pa yang dag par rdzogs pa'i byang chub mngon par rdzogs par 'tshang rgya ba shin tu 'byung bar bka'o// de nas bcom ldan 'das kyis lha rnams kyi dbang po brgya byin la sogs pa 'dod pa na spyod pa'i lha'i bu rnams dang mi mjed kyi bdag tshangs pa la sogs pa gzug na spyod pa'i lha'i bu rnams la bka' stsal pa/ lha'i bu dag de de bzhin no de de bzhin te/ lha'i bu shes rab kyi pha rol tu phyin pa 'di ni zab bo// bla na med pa yang dag par rdzogs pa'i byang chub kyang 'byung bar bka' ste/ shes rab 'chal pa dang brtson 'grus dman pa dang mos pa dman pa dang

  532. 267a

    thabs mi mkhas pa dang sdig pa'i grogs po la brten pa rnams kyis bla na med pa yang dag par rdzogs pa'i byang chub mngon par rdzogs par 'tshang rgya ba shin tu 'byung bar dka'o// de nas bcom ldan 'das la tshe dang ldan pa rab 'byor gyis 'di skad ces gsol to// gang bcom ldan 'das kyis 'di skad du bla na med pa yang dag par rdzogs pa'i byang chub 'byung bar dka'o// bla na med pa yang dag par rdzogs pa'i byang chub ma par rdzogs par 'tshang rgya ba shin tu dka'o// zhes bka' stsal na/ gang la cung zad kyang mngon par rdzogs par 'tshang rgya bar bgyi ba ma mchis na/ bcom ldan 'das ci ltar bla na med yang dag par rdzogs pa'i byang chub mngon par rdzogs par 'tshang rgya ba 'byung bar dka' zhing bla na med pa yang dag par rdzogs pa'i byang chub mngon par rdzogs par 'tshang rgya ba shin tu 'byung bar dka' ba lags/ de ci'i slad du zhe na/ bcom ldan 'das chos thams cad stong pa lags pa'i slad du chos gang mngon par rdzogs par 'chang rgya bar nus pa'i chos de gang yang ma mchis so// bcom ldan 'das 'di ltar chos thams cad ni stong pa ste/ bcom ldan 'das chos gang spang bar bgyi ba'i slad du chos bstan pa'i chos de yang ma mchis so// de bzhin du bla na med pa yang dag par rdzogs pa'i byang chub mngon par

  533. 267b

    rdzogs par 'tshang rgya ba gang lags dang mngon par rdzogs par 'tshang rgya bar bgyi ba gang lags pa dang 'tshal ba gang lags pa dang 'chal bar bgyi ba gang lags pa'i chos de dag thams cad ni stong pa'o// bcom ldan 'das rnam grangs 'dis kyang bdag ni 'dis snyam du bla na med pa yang dag par rdzogs pa'i byang chub mngon par rdzogs par 'tshang rgya ba ni 'byung bar sla ba lags te 'byung bar dka' ba ni ma lags so zhes sems so// de skad ces gsol pa dang bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor 'byung ba med pa'i phyir bla na med pa yang dag par rdzogs pa'i byang chub 'byung bar dka'o// rab 'byor yang dag par ma yin pa'i phyir bla na med pa yang dag par rdzogs pa'i byang chub 'byung bar dka' rab 'byor rnam par mi rtog pa'i phyir bla na med pa yang dag par rdzogs pa'i byang chub ni 'byung bar dka'o// rab 'byor rnam par ma bsgrubs pa'i phyir bla na med pa yang dag par rdzogs pa'i byang chub 'byung bar dka'o// bla na med pa yang dag par rdzogs pa'i byang chub mngon par rdzogs par # rgya ba ni mchog tu 'byung bar dka'o// de nas tshe dang ldan pa shA ri'i bus tshe dang ldan pa rab 'byor la 'di skad ces smras so// tshe dang ldan pa rab

  534. 268a

    'byor stong pa zhes bya ba'i rnam grangs 'dis kyang bla na med pa yang dag par rdzogs pa'i byang chub 'byung bar dka'o// bla na med pa yang dag par rdzogs pa'i byang chub mngon par rdzogs par 'tshang rgya ba mchog tu 'byung bar dka'o// de ci'i phyir zhe na/ tshe dang ldan pa rab 'byor nam mkha' 'di snyam du bdag gis bla na med pa yang dag par rdzogs pa'i mngon par rdzogs par 'tshang rgya bar bya'o/ snyam du mi sems so// tshe dang ldan pa rab 'byor de bzhin du chos 'di dag kyang mngon par rdzogs par 'tshang rgya bar bya ba ma yin no// de ci'i phyir zhe na/ tshe dang ldan pa rab 'byor chos thams cad ni nam mkha' dang mtshungs pa'i phyir ro// tshe dang ldan pa rab 'byor gal te bla na med pa yang dag par rdzogs pa'i byang chub 'byung bar slar zin na byang chub sems dpa' gang gA'i klung gi bye ma snyed bla na med pa yang dag par rdzogs pa'i byang chub las phyir mi ldog par 'gyur ba zhig na/ tshe dang ldan pa rab 'byor 'di ltar byang chub sems dpa' gang gA'i klung gi bye ma snyed bla na med pa yang dag par rdzogs pa'i byang chub las phyir mi ldog ste/ tshe dang ldan pa rab 'byor de bas na bla na med pa yang dag par rdzogs pa'i byang chub 'byung bar dka' zhing bla na

  535. 268b

    med pa yang dag par rdzogs pa'i byang chub mngon par rdzogs par 'tshang rgya ba mchog tu 'byung bar dka'o zhes de ltar rig par bya'o// de skad ces smras pa dang / tshe dang ldan pa rab 'byor kyis tshe dang ldan pa shA ri'i bu la 'di skad ces smras so// tshe dang ldan pa shA ri'i bu ya'i gzugs gang yin pa bla na med pa yang dag par rdzogs pa'i byang chub las phyir ldog gam// sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa shA ri'i bu yid ci bla na med pa yang dag par rdzogs pa'i byang chub las gang phyir ldog pa'i chos de gzugs las gzhan na yod dam// shA ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa shA ri'i bu yang ci tsher ba dang 'du shes dang 'du byed rnams dang rnam par shes pa gang yin pa bla na med yang dag par rdzogs pa'i byang chub las phyir ldog gem// shA ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa shA ri'i bu yang ci bla na med pa yang dag par rdzogs pa'i byang chub las gang phyir ldog pa'i chos de tshor ba dang 'du shes dang 'du byed rnams

  536. 269a

    las gzhan na yod dam rnam par shes pa las gzhan na yod dam/ shA ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa che dang ldan pa sha ri'i bu yang ci gzugs kyi de bzhin nyid gang yin de bla na med pa yang dag par rdzogs pa'i byang chub las phyir ldog gam/ shA ri'i bus smras pa tshe dang ldan pa rab 'byor de ni ma yin no// rab 'bye gyis smras pa/ tshe dang ldan pa sha ri'i bu yang ci tshor ba'i de bzhin nyid dang 'di shes kyi de bzhin nyid dang 'du byed rnams kyi de bzhin nyid gang yin pa dang rnam par shes pa'i de bzhin nyid gang yin pa de bla na med pa yang dag par rdzogs pa'i byang chub la phyir ldog gam// shA ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa tshe dang ldan pa shA ri'i bu yang ci bla na med pa yang dag par rdzogs pa'i byang chub las phyir ldog pa'i chos de gzugs kyi de bzhin nyid las gzhan na yod dam// shA ri'i bu smras pa/ tshe dang ldan pa rab 'byor de ni ma yin no// rab 'byor gyis smras pa tshe dang ldan pa shA ri'i bu yang ci gang bla na med pa yang dag par

  537. 269b

    rdzogs pa'i byang chub las phyir ldog pa'i chos de tshor ba'i de bzhin nyid dang 'du shes kyi de bzhin nyid dang 'du byed rnams kyi de bzhin nyid las gzhan na yod dam// rnam par shes pa'i de bzhin nyid las gzhan na yod dam/ shA ri'i bus smras pa tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa shA ri'i bu yang ci gzugs gang yin pa bla na med pa yang dag par rdzogs pa'i byang chub mngon par rdzogs par 'tshang rgya'am/ shA ri'i bus smras pa/ tshe dang ldan pa rab 'byor de ni ma yin no// rab 'byor gyi tshe dang ldan pa shA ri'i bu yang ci tshor ba dang 'du shes dang 'du byed rnams dang rnam par shes pa gang yin pa bla na med pa yang dag par rdzogs pa'i byang chub mngon par rdzogs par 'tshang rgya 'am/ sha ri'i bus smras pa/ tshe dang ldan ba rab 'byor de ni ma yin no// rab 'byor gyis sbas pa/ tshe dang ldan pa shA ri'i bu yang ci gang bu med pa yang dag par rdzogs pa'i

  538. 270a

    byang chub mngon par rdzogs par 'tshang rgya ba'i chos de gzugs las gzhan na yod dam/ shA ri'i bus smras pa tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa shA ri'i bu yang ci gang bla na med pa yang dag par rdzogs pa'i byang chub mngon par rdzog par 'tshang rgya ba'i chos de tshor ba dang 'du shes dang 'du byed rnams las gzhan na yod dam rnam par shes pa las gzhan na yod dam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa shA ri'i bu yang ci gzugs kyi de bzhin nyid gang yin pa bla na med pa yang dag par rdzogs pa'i byang chub mngon par rdzogs par 'tshang rgya 'am/ shA ri'i bus smras pa che dang ldan pa rab 'byor de ni ma yin no// rab 'byor gyis smras pa/ tshe dang ldan pa shA ri'i bu yang ci tshor ba'i de bzhin nyid dang 'du shes kyi de bzhin nyid dang 'du byed rnams kyi de bzhin nyid dang rnam par shes pa'i de bzhin nyid gang yin pa bla na med yang dag par rdzogs pa'i byang chub mngon par rdzogs par 'tshang rgya 'am// shA ri'i bus smras pa tshe dang ldan pa rab 'byor de ni ma yin no// rab 'byor gyis spras pa tshe dang ldan pa shA ri'i bu yang ci bla na med pa yang dag par rdzogs pa'i byang chub mngon par rdzogs par 'tshang rgya ba ba'i

  539. 270b

    chos de gang yin pa de gzugs kyi de bzhin nyid las gzhan na yod dam/ shA ri'i bus smras pa tshe dang ldan pa rab 'byor de ni ma yin no// rab 'byor gyis smras pa tshe dang ldan pa shA ri'i bu yang ci bla na med pa yang dag par rdzogs pa'i byang chub mngon par rdzogs par 'tshang rgya ba'i chos gang yin pa de tsher ba'i de bzhin nyid dang 'du shes kyi de bzhin nyid dang 'du byed rnams kyi de bzhin lngas gzhan na yod dam// rnam par shes pa'i de bzhin nyid las gzhan na yod dam/ shA ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu yang ci gzug gang yin pa bla na med pa yang dag par rdzogs pa'i byang chub tu rig par bya 'am// shA ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa tshe dang ldan pa shA ri'i bu yang ci tshor dang 'du shes dang 'du byed rnams dang rnam par shes pa gang yin pa bla na med pa yang dag par rdzogs pa'i byang chub tu rig par bya 'am/ sha ri'i bus spras pa tshe dang ldan pa rab 'byor de ni ma yin no// rab 'byor gyis smras pa tshe dang ldan pa shA ri'i bu yang ci gzugs las gzhan pa'i chos gang yin pa de bla na med pa yang dag par rdzogs pa'i byang chub tu rig par bya 'am/ shA ri'i bus smras pa tshe dang ldan

  540. 271a

    pa rab 'byor de ni ma yin no// rab 'byor gyis smras pa/ tshe dang ldan pa shA ri'i bu yang ci tshor ba dang 'du shes dang 'du byed rnams las gzhan pa dang rnam par shes pa las gzhan pa'i chos gang yin pa de bla na med pa yang dag par rdzogs pa'i byang chub tu rig par 'am/ shA ri'i bu sa smras pa/ tshe dang ldan pa rab 'byor de ni ma yin no// rab 'byor gyis smras pa tshe dang ldan pa shA ri'i bu yang ci gzugs kyi de bzhin nyid gang yin pa bla na med pa yang dag par rdzogs pa'i byang chub tu rig par bya'am/ shA ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa shA ri'i bu yang ci tshor ba'i de bzhin nyid dang 'du shes kyi de bzhin nyid dang 'du byed rnams kyi de bzhin nyid dang rnam par shes pa'i de bzhin nyid gang yin pa bla na med pa yang dag par rdzogs pa'i byang chub tu rig par bya'o// shA ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa shA ri'i bu yang ci gzugs kyi de bzhin nyid las gzhan pa'i chos gang yin pa de bla na med pa yang dag par rdzogs pa'i byang chub tu rig par bya'am/ shA ri'i dus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa shA ri'i bu yang ci tshor ba'i de bzhin nyid dang 'du shes kyi de

  541. 271b

    bzhin nyid dang 'du byed rnams kyi de bzhin nyid las gzhan pa dang / rnam par shes pa'i de bzhin nyid las gzhan pa'i chos gang yin pa de bla na med pa yang dag par/ rdzogs pa'i byang chub tu rig par bya'am/ shA ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa tshe dang ldan pa shA ri'i bu de ci snyam du sems de bzhin nyid bla na med pa yang dag par rdzogs pa'i byang chub las phyir ldog gam/ shA ri'i dus smras pa/ tshe dang ldan pa rab 'byor de ni ma yin no// rab 'byor gyis smras pa tshe dang ldan pa shA ri'i bu de ci snyam du sems gang bla na med pa yang dag par rdzogs pa'i byang chub las phyir ldog pa'i chos de de bzhin nyid la yod dam/ shA ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa tshe dang ldan pa shA ri'i bu yang gang zhig chos nyid de nyid la mi gnas pa'i tshul gyis gnas pa bla na med pa yang dag par rdzogs pa'i byang chub las gang phyir ldog pa'i chos de gang yin/ shA ri'i bu gang zhig de bzhin nyid du gyur pa'i chos de yang gang yin tshe dang ldan pa shA ri'i bu ci de bzhin nyid phyir ldog par gyur pa yang yod dam/ shA ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa shA ri'i bu de ltar bden pa nyid dang / gnas pa nyid du chos thams cad

  542. 272a

    dmigs su med pa la bla na med pa yang dag par rdzogs pa'i byang chub las phyir ldog par gyur pa'i chos de gang yin/ de skad ces smras pa dang / tshe dang ldan pa shA ri'i bus tshe dang ldan pa rab 'byor la 'di skad ces smras so// chos kyi tshul gyis rnam pa gang zhig tshe dang ldan pa gnas brtan rab 'byor gyis bshad pa ltar na bla na med pa yang dag par rdzogs pa'i byang chub las gang phyir ldog pa'i chos de gang yang med do// tshe dang ldan pa rab 'byor byang chub sems dpa'i theg pa'i gang zag gsum po gang dag yin pa 'di dag ni de bzhin gshegs pas gsungs yin na ci ltar tshe dang ldan pa rab 'byor gyis bstan pa ltar na ni gsum po dag gis rnam par gzhag pa yod par mi 'gyur gyi/ theg pa gcig kho nar 'gyur te 'di lta ste/ sangs rgyas kyi theg pa dang byang chub sems dpa'i theg pa chen po'o// de nas tshe dang ldan pa byams ma'i gang pos tshe dang ldan pa shA ri'i bu la 'di skad ces smras so// tshe dang ldan pa shA ri'i bu yang ci tshe dang ldan pa gnas brtan rab 'byor nyan thos kyi theg pa can nam rang sangs rgyas kyi theg pa can nam theg pa chen po pa'i byang chub sems dpa' cig kyang yod par khas mi len nam/ re shig gnas brtan tshe dang ldan pa rab 'byor 'di la dri dgos so// de nas tshe dang ldan pa shA ri'i bus tshe dang ldan pa

  543. 272b

    gnas brtan rab 'byor la 'di skad ces smras so// tshe dang ldan pa rab 'byor yang ci khyod nyan thos kyi theg pa can nam rang sangs rgyas kyi theg pa can nam theg pa chen po pa'i byang chub sems dpa' gcig kyang yod par khas mi len nam/ rab 'byor gyis smras pa tshe dang ldan pa shA ri'i bu yang ci de bzhin nyid kyi de bzhin nyid gang yin pa de la nyan thos kyi theg pa can nam rang sangs rgyas kyi theg pa can nam theg pa chen po pa'i byang chub sems dpa' gcig kyang yang dag par rjes su mthong ngam/ shA ri'i bus smras pa/ tshe dang ldan pa rab 'byor de ni ma yin te de bzhin nyid kyang re shig rnam pa gsum du dmigs su med na byang chub sems dpa' lta ci smos// rab 'byor gyis smras pa tshe dang ldan pa shA ri'i bu yang ci de bzhin nyid rnam pa gcig tu yang dmigs su yod dam/ sha ri'i bus smras pa tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa shA ri'i bu ci khyod kyis de bzhin nyid la byang chub sems dpa'i chos gcig kyang yang dag par rjes su mthong ngam/ shA ri'i bus smras pa tshe dang ldan pa rab 'byor de ni ma yin no// rab 'byor gyis smras pa tshe dang ldan pa shA ri'i bu de ltar bden panyi dang gnas pa nyid dang gnas pa nyid du byang chub sems dpa'i chos de yang dmigs su med na khyod ci'i phyir 'di snyam du 'di ni nyan thos kyi theg pa can 'di ni rang sangs

  544. 273a

    rgyas kyi theg pa can 'di ni theg pa chen po pa'o snyam du sems/ sha ri'i bu de ltar byang chub sems dpa' sems dpa' chen po de bzhin nyid la rab tu rnam par 'byed pa rnams khyad par med pa dang bye brag med pa dang tha dad du byar med pa nyid thos nas byang chub sems dpa' sems dpa' chen po gang sems mi 'gong kun tu mi zhum phyir phyogs par mi 'gyur na/ byang chub sems dpa' sems dpa' chen po 'di ni byang chub tu nges par 'byung bar rig par bya'o// de nas bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no de de bzhin te/ rab 'byor 'di ltar de bzhin gshegs pa'i mthu dang sangs rgyas kyi byin gyi rlabs kyis khyod de skad du smra bar spobs pa de ni rab 'byor legs so legs so de ltar byang chub sems dpa' de dag de bzhin nyid rab tu rnam par 'byed pa rnams khyad par med pa dang bye brag med pa dang tha dad du bya ba med par thos nas/ byang chub sems dpa' sems dpa' chen po sems mi 'gong kun tu mi zhum phyir mi phyogs na/ rab 'byor byang chub sems dpa' sems dpa' chen po de ni byang chub la nges par 'byung ba rig par bya'o// de nas bcom ldan 'das la tshe dang ldan pa sha ri'i dus 'di skad ces gsol to// bcom ldan 'das byang chub gang gis byang chub sems dpa' sems

  545. 273b

    dpa' chen po 'di nges par 'byung bar 'gyur/ bcom ldan 'das kyis bka' stsal pa/ shA ri'i bu bla na med pa yang dag par rdzogs pa'i byang chub kyis byang chub sems dpa' sems dpa' chen po 'di nges par 'byung bar 'gyur ro// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'tshal bas ci ltar gnas bar bgyi ji ltar bslabs par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'dod pas/ sems can thams cad la mnyam par gnas par bya sems can thams cad la sems mnyam pa bskyed par bya ste mi mnyam pa med pa'i sems kyis gzhan la dmigs par bya/ byams pa'i sems kyis gzhan la dmigs par bya/ phan pa'i sems kyis gzhan la dmigs par bya/ dge ba'i sems kyis gzhan la dmigs par bya/ nga rgyal bcag pa'i sems kyis gzhan la dmigs par bya/ khong khro ba med pa'i sems kyis gzhan la dmigs par bya/ 'tshe ba med pa'i sems kyis gzhan la dmigs par bya/ mtho 'tshams pa med pa'i sems

  546. 274a

    kyis gzhan la dmigs par bya/ sems can thams cad la mar 'du shes pa nye bar bzhag pa dang bar 'du shes pa dang bur 'du shes pa dang bu mor 'du shes pa nye bar bzhag ste gzhan la dmigs par bya'o// rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chu mngon par rdzogs par 'tshang rgya bar 'dod pas sems can thams cad la de ltar gnas par bya/ de ltar brlabs par bya ste/ bdag sems can thams cad kyi mgon du gyur par bya'o// bdag nyid kyang sdig pa thams cad las ldog pa la gnas par bya/ sbyin pa sbyin par bya tshul khrims bsrung bar bya bzod pa bsgoms par bya/ brtson 'grus brtsam par bya bsam gtan la mnyam par bzhag par bya shes rab kyis yongs su rgyas par bya/ rten cing 'brel par 'byung ba lugs dang mthun pa dang lugs mthun pa ma yin pa blta bar bya/ gzhan dag kyang de la yang dag par bskul ba dang de'i bsngags pa brjod pa dang de la rjesu mthun pas dga' bar bya'o// de bzhin du bden pa nas byang chub sems dpa'i skyon med par 'jug pa'i bar dang sems can rnams yod/ su smin pa la gnas nas gzhan dag kyang de la yang dag par bskal ba dang de'i bsngags pa brjod pa dang de la rjes su mthun pas dga' bar bya'o// de ltar 'dod cing

  547. 274b

    de ltar slob pa ni sgrib pa med pa'i tshul nas dam pa'i chos gnas pa dang sgrib pa med pa'i rang bzhin gyi bar du 'gyur ro// ka/ 'phags pa shes rab kyis pa rol tu phyin pa brgyad stong pa las de bzhin nyid kyi le'u zhes bya ste bcu drug pa'o// // de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das phyir mi ldog pa'i byang chub sems dpa' sems dpa' chen po'i rnam pa gang dag lags rtags gang dag lags mtshan ma gang dag lags/ bcom ldan 'das ci ltar bdag gis phyir mi ldog pa'i byang chub sems dpa' sems dpa' chen po lags par 'tshal bar bgyi/ bcom ldan 'das kyis bka' stsal pa/ rab 'byor so so'i skye bo'i sa gang yin pa dang nyan thos kyi sa gang yin pa dang rang sangs rgyas kyi sa gang yin pa dang sangs rgyas kyis gang yin pa de ni de bzhin nyid kyis zhes bya ba ste/ 'di dag thams cad kyi de bzhin nyid la gnyis su med cing gnyis su byar med de rtog pa med la rnam par rtog pa med pa'o// de bzhin nyid de dang chos nyid de la 'jug pa dang de bzhin nyid la gnas shing de bzhin nyid la mi rtog rnam par mi rtog ste/ de ltar 'jug cing de ltar zhugs pa ni de bzhin nyid ci lta ba bzhin thos nas de las kyang song nas 'di ltar ma yin no zhes ni ma nur mi

  548. 275a

    byed the tshom mi byed rmongs par mi byed de 'on kyang 'di ni de bzhin te de kho na ltar yin no zhes mos par byed khong du chud par byed do// ci zod zong smra bar mi 'gyur gyi don dang ldan pa'i tshug tu smra ste don dang mi ldan pa ma yin zhing pha rol gyi byas pa dag dang ma byas pa la mi lta ste/ rab 'byor rnam pa de dag dang rtags de dag dang mtshan ma de dag dang ldan pa'i byang chub sems dpa' sems dpa' chen po ni bla na med pa yang dag par rdzogs pa'i byang chub las phyir mi ldog par gzung bar bya'o// rab 'byor gzhan yang phyir mi ldog pa'i byang chub sems dpa' sems dpa' chen po ni/ dge sbyong dang bram ze khyed 'di dag ni shes par bya ba shes so// blta bar bya ba mthong ngo zhes dge sbyong dang bram ze gzhan dag gi ngor mi blta zhing / lha gzhan dag la phyag mi 'tshal g+ha gzhan dag la me tog ga ma bdug pa 'am dri 'am phreng ba'am byug pa 'am phye ma 'am gos sam gdugs sam rgyal mtshan nam/ dri bu 'am ba dan dag gam mar me dag sbyin par sems shing lha gzhan dag la mi rten te/ rab 'byor rnam pa de dag dang rtags de dag dang mtshan ma de dag dang yang ldan pa'i byang chub sems dpa' sems dpa' chen po ni bla na med ba yang dag par rdzogs pa'i byang chub las phyir mi ldog par gzung bar bya'o// rab 'byor yang phyir mi ldog pa'i byang chub sems dpa' sems dpa' chen po de dag ni

  549. 275b

    ngan song du mi skye zhing bud med kyi dngos po yong yongs mi 'dzin to// rab 'byor gzhan yang phyir mi ldog pa'i byang chub sems dpa' sems dpa' chen po ni/ dge ba bcu'i las kyi lam rnams yang dag par blangs nas gnas te/ de bdag nyid kyang srog gcod spangs shing gzhan yang srog gcod pa spong ba la yang dag par 'god do// bdag nyid kyang ma byin par len pa spangs shing gzhan yang ma byin par len pa spong ba la yang dag par 'god do// bdag nyid kyang 'dod pas logs par spyod pa spangs yin zhing gzhan yang 'dod pas logs par spyod pa spong ba la yang dag par 'god do// bdag nyid kyang 'bru'i chang dang bcos pa'i chang bag med pa'i gnas spangs shing gzhan yang 'bru'i chang dang bcos pa'i chang bag med pa'i gnas spong ba la yang dag par 'god do// bdag nyid kyang brdzun du smra ba spangs shing gzhan yang brdzun du smra ba spong ba la yang dag par 'god do// bdag nyid kyang phra ma spangs shing gzhan yang phra ma smra ba spong ba la yang dag par 'god do// bdag nyid kyang tshig rtsub mo smra ba spangs shing gzhan yang tshig rtsub mo smra ba la yang dag par 'god do// bdag nyid kyang tshig kyal pa smra ba spangs shing gzhan yang tshi kyal pa smra ba spong ba la yang dag par 'god do// bdag nyid kyang brna ba sems spangs shing gzhan yang brnab sems spong ba la yang dag par 'god do// bdag

  550. 276a

    nyid kyang gnod sems spangs shing gzhan yang gnod sems spong ba la yang dag par 'god do// bdag nyid kyang log par stabasrungs shing gzhan yang log par sgru baspong ba la yang dag par 'god do// rab 'byor de ltar phyir mi ldog pa'i byang chub sems dpa' sems dpa' chen po bdag nyid kyang dge ba bcu'i las kyi lam rnams yang dag par blangs nas gnas shing gzhan yang dge bcu'i las kyi lam rnams la yang dag par ston yang dag par 'god yang dag par gzengs bstod yang dag par rab tu dga' bar byed brtan par byed de/ de rmi lam du yang mi dge ba bcu'i las kyi lam rnams gcig gam mang du yang rung ste/ thams cad nas thams cad rnam pa thams cad kyi thams cad du mi 'byung zhing sems kyis kyang kun tu mi spyod do// rab 'byor yang phyir mi ldog pa'i byang chub sems dpa' sems dpa' chen po ni de'i rmi lam du yang dge ba bcu'i las kyi lam rnams mngon du 'gyur te/ rab 'byor rnam pa de dag dang rtags de dag dang mtshan ma de dag dang yang ldan pa'i byang chub sems dpa' sems dpa' chen po ni bla na med pa yang dag par rdzogs pa'i byang chub las phyir mi ldog par gzung bar bya'o// rab 'byor gzhan yang phyir mi ldog pa'i byang chub sems dpa' sems dpa' chen po ni chos gang dang gang kun chub par byed pa dang

  551. 276b

    sbyin pa'i byed pa de dang de dag nyid sems la kun chub par byed cing sbyin par byed de/ bdag gis chos 'di sems can thams cad kyi don dang phan pa dang bde ba'i phyir/ sbyin par bya ste chos bstan pa 'dis kyang sems can thams cad chos kyi bsam pa yongs su rdzogs par gyur cig ces chos kyi sbyin pa de yang sems can thams cad la thun mongs du byed de/ rab 'byor rnam pa de dag dang rtags de dag dang mtshan ma de dag dang yang ldan pa'i byang chub sems dpa' sems dpa' chen po yang bla na med pa yang dag par rdzogs pa'i byang chub las phyir ldog par gzung bar bya'o// rab 'byor gzhan yang phyir mi ldog pa'i byang chub sems dpa' sems dpa' chen po ni chos zab mo bshad pa la men nur mi byed yid gnyis mi byed the tshom mi byed rmongs par mi 'gyur ro// de phan pa'i tshig dang ldan par 'gyur tshig ran par 'gyur tshig 'jam par 'gyur/ rmugs pa dang gnyid chung bar 'gyur ro// bag la nyal med par 'gyur/ de'ang ngam 'gro ba na yang sems ma 'khrul par 'gro zhing 'ong ngo // de dran pa nye bar bzhag cing 'gro dran pa nye bar bzhag cing 'ong de rkang pa sa la 'degs pa bul bar mi byed rkang pa sal 'jog pa bral bar mi byed/ bde ba nyid du 'degs bde bar 'jog rkang pa sa la gya tshom du mi bdegs rkang pa sa la gya tshom du mi 'jog de mthong bzhin du sa phyogs su gom pa 'dor ro//

  552. 277a

    rab 'byor yang phyir mi ldog pa'i byang chub sems dpa' sems dpa' chen po de'i lus la chos gos yongs su longs spyod pa yang shig med par 'gyur te kun spyod pa bzob par 'gyur gnod pa nyung bar 'gyur skyon nyung bar 'gyur ro// sems can gzhan dag gis lus la srin bu'i rigs stong phrag brgyad cu dag gang yod pa de dag kyang de'i lus thams cad nas thams cad rnam pa thams cad du thams cad mi 'byung ngo // de ci'i phyir zhe na/ rab 'byor 'di ltar phyir mi ldog pa'i byang chub sems dpa' sems dpa' chen po'i dge ba'i rtsa ba de dag ni 'dzin rten thams cad las mngon par 'phags yin no// ci lta ci ltar dge ba'i rtsa ba de dag rnam par 'phel ba de lta de ltar byang chub sems dpa' sems dpa' chen po de yang lus yongs su dag pa yongs su 'dzin to// ngag yongs su dag pa dang sems yongs su 'dzin to// rab 'byor gyis gsol pa/ bcom ldan 'das yang byang chub sems dpa' sems dpa' chen po'i sems yongs su dag pa gang lags par rig par bgyi/ bcom ldan 'das kyis bka' stsal pa/ rab 'byor ci lta ci ltar byang chub sems dpa' sems dpa' chen po'i dge ba'i rtsa ba de dag rnam par 'phel ba de lta de ltar byang chub sems dpa' sems dpa' chen po sems la bya ba nyung ba yongs su 'dzin to// sems g.yo ba med pa dang sems sgyu med/

  553. 277b

    pa dang sems gya gyu med pa dang sems yon po med pa yongs su 'dzin to// rab 'byor sems rnam par dag pa gang yin pa des nyan thos dang rang sangs rgyas kyi sa las 'das par 'gyur te/ rab 'byor 'di ni byang chub sems dpa' sems dpa' chen po'i sems yongs su dag par rig par bya'o// rab 'byor rnam pa de dag dang rtags de dag dang mtshan ma de dag dang ldan pa'i byang chub sems dpa' sems dpa' chen po yang bla na med pa yang dag par rdzogs pa'i byang chub las phyir mi ldog par gzung bar bya'o// rab 'byor gzhan yang phyir mi ldog pa'i byang chub sems dpa' sems dpa' chen po ni rnyed pa dang bkur sti dang tshigs su ga cad pa la lhur mi byed do// chos gos dang bsod snyoms dang mal stan dang na ba'i gsos sman dang yo byad dag la lhur byed pa ma yin no// phrag dog dang ser sna mang ba ma yin no// chos zab mo dag bshad na yang dag par mi zhum zhing blo brtan par 'gyur blo zab par 'gyur/ ri mor byas te gzhan las chos nyan cing ri mor byas te gzhan las chos gang nyan pa de dag thams cad kyang shes rab kyi pha rol tu phyin pa dang sbyor bar byed do// 'jig rten gyi bzo'i gnas dang las kyi gnas ci snyed yod pa de dag thams cad kyang shes rab kyi pha rol tu phyin pa la brten nas chos nyid dang sbyor bar byed de/ gang chos kyi dbyings dang mi sbyor ba'i

  554. 278a

    chos gang yang yang dag par rjes su mi mthong ste/ thams cad kyang de dang ldan par yang dag par mthong ngo // rab 'byor rnam pa de dag dang rtags de dag dang mtshan ma de dag dang ldan pa'i byang chub sems dpa' sems dpa' chen po yang bla na med pa yang dag par rdzogs pa'i byang chub las phyir ldog par gzung bar bya'o// rab 'byor gzhan yang gal te bdud sdig can nges sems can dmyal ba chen po brgyad mngon par sprul te/ sems can dmyal ba chen po de re rer yang byang chub sems dpa' brgya phrag mang po dag dang byang chub sems dpa'i stong phrag mang po dag dang byang chub sems dpa' brgya stong phrag mang po dag mngon par sprul te/ phyir mi ldog pa'i byang chub sems dpa' sems dpa' chen po la 'di skad ces zer te de bzhin gshegs pas byang chub sems dpa' sems dpa' chen po gang dag phyir mi ldog par lung bstan pa de dag ni sems can dmyal ba chen po brgyad po 'di dag tu skyes te/ khyod kyang phyir ldog par lung bstan pas khyod kyang sems can dmyal ba chen po brgyad po 'di dag tu skye bar 'gyur gyis/ 'di ltar khyod kyis byang chub kyi sems de phyir bshags par gyis shig so sor spongs shig sems can dmyal ba brgyad po der skyes na khyod la sangs rgyas kyis ci zhig bya de ltar byas na khyod mtho ris kyi 'jig rten du 'gro bar

  555. 278b

    'gyur ro// zhes zer ba de lta na yang gal te byang chub sems dang sems dpa' chen po'i sems mi 'khrugs mi g.yo zhing / 'di snyam du gang phyir mi ldog pa'i byang chub sems dpa' sems dpa' chen po ngan 'gro rnams su skye ba 'di ni gnas ma yin zhing go skabs med do snyam du shes nas/ rab 'byor rnam pa de dag dang rtags de dag dang mtshan ma de dag dang ldan pa'i byang chub sems dpa' sems dpa' chen po yang bla na med pa yang dag par rdzogs pa'i byang chub las phyir mi ldog pa gzung bar bya'o// rab 'byor gzhan yang bdud sdig can dge sbyong gi cha byad du phyir mi ldog pa'i byang chub sems dpa' sems dpa' chen po'i gan du 'ongs nas 'di skad ces zer te gang khyod kyis sngon thos pa de phyir bshags par gyis shig/ gang khyod kyis sngon yongs su bzung ba de so sor spongs shig gal te khyod kyis 'di phyir bshags shing gal te khyod kyis 'di so sor spangs pa de lta na nga khyod kyi gan du yang dang yang du nye bar 'ong ngo // gang khyod kyis nga ltar thos pa 'di ni sangs rgyas kyi bka' ma yin te 'di ni snyan dngags byed pas rang bzor byas pa'o// yang gang nga 'chad pa 'di ni sangs rgyas kyis bshad pa ste 'di ni sangs rgyas kyi bka'o zhes zer ba de thos nas gal te byang chub sems dpa' 'khrug cing g.yo na/ rab 'byor byang chub sems dpa' 'di ni de bzhin gshegs pa dag gis

  556. 279a

    lung ma bstan pa ste/ byang chub sems dpa' 'di ni bla na med pa yang dag par rdzogs pa'i byang chub tu nges pa ma yin zhing 'di ni phyir mi ldog pa'i khams la gnas pa ma yin par rig par bya'o// rab 'byor yang gal te byang chub sems dpa' sems dpa' chen po bdud sdig can las tshig 'di dag nas kyang mi 'khrug mi g.yo zhing de chos nyid la rton te mi skye ba nyid dang mi 'gag pa nyid dang / mngon par 'du mi byed pa nyid la rtog cing gzhan gyi dad pa'i phyir mi 'gro ste/ rab 'byor dper na dge slong dgra bcom pa zag pa zad pa gzhan gyi dad pa'i phyir mi 'brang ste chos nyid la mngon gsum du byed cing bdud sdig can gyis mi 'phrogs pa de bzhin du/ rab 'byor phyir mi ldog pa'i byang chub sems dpa' sems dpa' chen po yang nyan thos kyi theg pa dang rang sangs rgyas kyi theg pa can gyi gang zag dag gis mi brdzi ba yin te nyan thos kyi sa 'am rang sangs rgyas kyi sar phyir mi ldog pa'i chos can du 'gyur ro// thams cad mkhyen pa nyid du nges shing rdzogs pa byang chub la gzhol bar 'gyur ro// rab 'byor yang byang chub sems dpa' sems dpa' chen po de gang gi tshe/ phyir mi ldog pa'i khams la gnas par gyur pa de'i tshe gzhan gyi dring la mi 'jog par 'gyur ba yin no// rab 'byor rnam pa de dag dang rtags de dag dang mtshan ma de dag dang ldan pa'i byang chub sems dpa' sems dpa'

  557. 279b

    chen po ni yang bla na med pa yang dag par rdzogs pa'i byang chub las phyir mi ldog par gzung bar bya'o// // 'phags pa shes rab kyi pha rol tu phyin pa brgyad stong pa/ bam po bcu drug pa// / rab 'byor gzhan yang phyir mi ldog pa'i byang chub sems dpa' sems dpa' chen po'i gan du la la 'ongs nas 'di skad ces zer te byang chub sems dpa'i spyod pa 'di ni 'khor ba'i spyod pa yin te khyod 'di nyid du sdug bsngal mthar phyung la phyir 'khor ba na spyod pa'i sdug bsngal dang yid mi bde ba dag myong bar ma byed cig/ kye ma ma la re shig 'di nyid du khyod kyi phung po 'di mngon par grub par mi 'gyur bar yang khyod phung po gzhan yongs su gzung bar sems palta ga la srid ces zer ba la/ gal te de mi 'khrug mi g.yo na/ bdud sdig can bdag nyid der 'ongs nas de la 'di skad du bya chub sems dpa' sems dpa' chen po gang dag gis bskal pa gang gA'i klung gi bye ma snyed du sangs rgyas bcom ldan 'das dag la chos gos dang bsod snyoms dang mal stan dang snyun gyi gsos sman dang yo byad dag gis rim gror byas pa dang sangs rgyas bcom ldan 'das gang gA'i klung gi bye ma snyed dag gi drung du tshangs par spyod pa spyad pa dang / sangs rgyas bcom ldan 'das gang gA'i klung gi bye ma snyed dag la bsnyen bkur byas shing byang chub sems dpa'i theg pa 'di nyid kyi phyir ci ltar byang chub sems dpa'

  558. 280a

    sems dpa' chen po dag gis gnas par bya zhes yongs su zhus yongasu dri ba byas te/ ci ltar byang chub sems dpa' sems dpa' pos gnas par bya ba de ltar de bzhin gshegs pa de dag gis bstan pa de bzhin du gnas de bzhin du spyad de bzhin du rnal 'byor du byas kyang de dag gis da dung bla na med pa yang dag par rdzogs pa'i byang chub mngon par rdzogs par sangs ma rgyas te/ de ltar gdams pa dang rjes su bstan pa la gnas shing de ltar bslabs pas kyang thams cad mkhyen pa nyid rjes su ma thob na yang khyod kyis bla na med pa yang dag par rdzogs pa'i byang chub mngon par thob pa ga la 'gyur zhes byas nas/ gal te de lta bus kyang mi 'khrug mi g.yo na/ bdud sdig can gyis sa phyogs de nyid du dge slong dag mngon par sprul nas 'di skad ces zer te/ 'di ltar dge slong dgra bcom pa zag pa zad pa gang dag yin pa 'di dag ni byang chub tu zhugs par gyur pa las da ltar dgra bcom pa nyid thob cing dgra bcom pa nyid la gnas pa yin na/ khyod kyis bla na med pa yang dag par rdzogs pa'i byang chub thob par gal 'gyur zhes gal te byang chub sems dpa' sems dpa' chen po la de skad bshad de skad bstan kyang sems mi 'khrug mi g.yo na/ byang chub sems dpa' sems dpa' chen po de bla na med pa yang dag par rdzogs pa'i byang chub las phyir mi ldog par gzung bar bya'o//

  559. 280b

    gal te byang chub sems dpa' sems dpa' chen po de lta bu'i 'bral bar byed pa'i tshig rnams gzhan las thos nas sems chos nyid las yongs su nyams par mi 'gyur de'i yid phyir ldog par mi 'gyur de'i sems gzhan du mi 'gyur zhing bdud kyi las de dag thams cad de ltar shes na rab 'byor byang chub sems dpa' sems dpa' chen po gang de ltar pha rol tu phyin pa dag la spyod pa de dag thams cad mkhyen pa nyid mi 'thob par 'gyur ba 'di ni gnas ma yin zhing go skabs med do// byang chub sems dpa' sems dpa' chen po de ltar spyod cing de ltar slob ste/ de bzhin gshegs pas ci ltar gsungs pa'i spyod pa de dang ma bral ba dang pha rol tu phyin pa dang ldan pa'i yid la byed pa de dag dang ma bral ba la bdud sdig can gyis glags rnyed par 'gyur ba de ni gnas ma yin zhing go skabs med do// gal te byang chub sems dpa' sems dpa' chen po de bdud kyi las rnams khong du chud cing 'bral bar byed pa'i tshigs rnams gzhan las thos nas yongs su mi nyams de'i yid phyir mi ldog sems gzhan du mi 'gyur te/ bdud kyi las de dag de ltar shes na rab 'byor rnam pa de dag dang rtags de dag dang / mtshan ma de dag dang ldan pa'i byang chub sems dpa' sems dang chen po yang bla na med pa yang dag par rdzogs pa'i byang chub las phyir mi ldog par bzung bar bya'o// rab 'byor gzhan yang byang chub sems dpa' sems dpa' chen

  560. 281a

    po phyir mi ldog pa ni gzugs kyi 'du shes mngon par 'du byed pa ma yin gzugs kyi 'du shes skyed pa ma yin/ de bzhin du tshor ba'i 'du shes ma yin 'du shes kyi 'du shes ma yin 'du byed rnams kyi 'du shes ma yin rnam par shes pa'i 'du shes mngon par 'du byed pa ma yin rnam par shes pa'i 'du shes skyed pa ma yin no// de ci'i phyir zhe na/ 'di ltar phyir mi ldob pa'i byang chub sems dpa' sems dpa' chen po ni rang gi mtshan nyid kyis stong pas chos rnams la byang chub sems dpa'i skyon med par 'jug ste/ chos de yang mi dmigs shing mngon par 'du mi byed mi bskyed do// de bas na mi skye ba'i ye shes kyi bzod pa thob pa zhes bya ste/ rab 'byor rnam pa de dag dang rtags de dag dang mtshan ma de dag dang ldan pa'i byang chub sems dpa' sems dpa' chen po yang bla na med pa yang dag par rdzogs pa'i byang chub las phyir mi ldog par gzung bar bya'o// rab 'byor gzhan yang byang chub sems dpa' sems dpa' chen po'i drung du bdud sdig can dge slong gi cha byang du bsgyur te nye bar 'ongs nas 'di ltar byang chub sems dpa' sems dpa' chen po'i 'dun pa zlog par byed de/ 'di lta ste thams cad mkhyen pa nyid de ni nam mkha' dang mtshungs so// 'di lta ste thams cad mkhyen pa nyid ces bya ba'i chos 'di ni med pa'o// 'di lta ste thams cad mkhyen pa nyid

  561. 281b

    ces bya ba'i chos 'di ni yod pa ma yin pa ste su zhig de la shes par 'gyur/ su zhig de la mngon par rdzogs par 'tshang rgya bar 'gyur des gang yang nges par mi 'byung ste/ gang mngon par rdzogs par 'tshang rgya ba dang gang mngon par rdzogs par 'tshang rgya bar bya ba dang gang shes par byed pa dang gang shes par bya ba'i chos de dag thams cad na mkha' dang mtshungs te khyod ni don med par nyon mongs so// 'di lta ste bla na med pa yang dag par rdzogs pa'i byang chub mngon par rdzogs pa 'tshang rgya bar bya'o zhes bya ba de ni bdud kyi las su bstan te 'di ni sangs rgyas kyis bshad pa ma yin no// zhes zer zhing gang 'bral bar byed pa 'di ni bdud kyi las yin no zhes rigs kyi bu'am rigs kyi bu mo des de ltar shes par bya ste de ltar bsam par bya de ltar rig par bya ste/ de ltar bsams nas de la sems brta par bya'o// sems mi g.yo ba dang sems mi 'phrogs par bya'o// rab 'byor rnam pa de dag dang rtags de dag dang mtshan ma de drug ldan pa'i byang chub sems dpa' sems dpa' chen po yang bla na med pa yang dag par rdzogs pa'i byang chub las phyir mi ldog par gzung bar bya'o// rab 'byor gzhan yang phyir/ mi ldog pa'i byang chub sems dpa' sems dpa' chen po de ni nyan thos dang rang sangs rgyas kyi sa dag la ldog cing thams cad mkhyen pa nyid la 'jug par

  562. 282a

    'gyur ba yin no// de dag 'dod na bsam gtan dang po la snyom par 'jug go// de bzhin du gnyis pa dang de bzhin du gsum pa dang de bzhin du bsam gtan bzhi pa la snyoms par 'jug ste de bsam gtan bzhi po de dag la gnas shing bsam gtan la yongs su 'dris par byed do// de bsam gtan dag la snyoms par 'jug kyang bsam gtan gyi dbang gis mi skye zhing yang de nyid 'dod pa na spyod pa'i chos rnams la gnas par byed de/ rab 'byor 'di yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o// rab 'byor gzhan yang phyir mi ldog pa'i byang chub sems dpa' sems dpa' chen po ni ming ched cher byed pa ma yin/ grags pa dang sgra dang tshigs su bcad pa ched cher byed pa ma yin te ming la chags par mi byed do// de sems mi 'khrug cing sems can thams cad la phan pa'i sems su 'gyur te/ de 'gro ba dang 'ongs pa na sem 'khrul pas mi 'gro sems 'khrul par mi 'ong ste/ dran bzhin du 'ong dran bzhin du 'gro'o// de gal te khyim na gnas na yang 'dod pa rnams la 'dod pa la mngon par chags pa 'am bsam pa lhag par cher mi 'byung ste/ de skyo bar 'du shes pas 'dod pa la yongs su spyod cing skrag par 'du shes pas 'dod pa la

  563. 282b

    yongs su spyod do// rab 'byor 'di lta ste dper na/ skyes bu zhig chom rkun gyi gnas dgon pa'i nang du song ste zas kyi bya ba byed na skrag pa'i 'du shes kyis zas kyi bya ba byed cing 'gro bar 'du shes pas zas kyi bya ba byed de/ bdag chos rkun gyi gnas dgon pa 'di nas ci tsam na 'da' snyam du de ltar 'du shes pas rings thabs su zas za ba de bzhin du/ rab 'byor phyir mi ldog pa'i byang chub sems dpa' sems dpa' chen po yang khyim na gnas na 'dod pa gang dang gang dag la yongs su spyod pa'i 'dod pa de dang de dag la don du mi gnyer ba nyid dang mi rkam pa nyid dang ma chags pa nyid du yongs su spyod do// 'dod pa'i yon tan lnga po dga' ba'i rang bzhin can bde ba'i rang bzhin can de dag la don du mi gnyer ba nyid du 'gyur ro// de dag khyim na gnas na mnyam pa dang mi mnyam pas 'tsho bar mi byed de chos 'ba' zhig gis 'tsho bar byed cing chos ma yin pas mi 'tsho'o// 'chi bar gyur kyang sra'i gzhan la gnod pa mi byed do// de ci'i zhe na zhe na/ 'di ltar skyes bu dam pa skyes bu chen po skyes bu mchog skyes bu mchog rab skyes bu mdzes pa skyes bu khyu mchog skyes du rgya che ba skyes bu gcu bo skyes bu skyes mchog skyes bu gces pa skyes bu pad+ma dkar po skyes bu cang shes skyes bu glang po che skyes bu seng ge skyes bu gdul bya'i kha lo sgyur ba dag gis ni

  564. 283a

    sems can thams cad bde ba'i mchog la gzud par bya ba yin no// rab 'byor de ltar byang chub sems dpa' sems dpa' chen po de dag khyim na gnas te/ 'di ltar shes rab kyi pha rol tu phyin pa'i stobs bskyed pa thob pa'i phyir ro// rab 'byor rnam pa de dag dang rtags de dag dang mtshan ma de dag dang ldan pa'i byang chub sems dpa' sems dpa' chen po yang bla na med pa yang dag par rdzogs pa'i byang chub las phyir mi ldog par gzung bar bya'o// rab 'byor gzhan yang phyir mi ldog pa'i byang chub sems dpa' sems dpa' chen po la gnod sbyin chen po lag na rdo rje rtag par phyi bzhin du 'brang bar 'gyur te/ de thub par dka' zhing mi dang mi ma yin pa dag gis 'da' bar bya mi nus par 'gyur ro// sems can thams cad kyis bsnyen dka' bar 'gyur ro// de sems mi g.yeng bar 'gyur dbang po mi tshang bar mi 'gyur te/ dbang po yongs su rdzogs par 'gyur zhing dbang po yongs su ma rdzogs par mi 'gyur skyes bu khyu mchog gi dbang po dang ldan par 'gyur te/ skyes bu dam pa ma yin par mi 'gyur/ de dud med dag dbang du bya ba'i sngags kyi rigs dang rtsi dang rig pa dang sman la sogs pa de dag thams cad kyi thams cad du mi sbyor te/ 'tsho ba yongs su dag par 'gyur log pas 'tsho bar mi 'gyur ro//

  565. 283b

    rtsod pa dang rgol bar smra ba'i ngang tshul can du mi 'gyur lta ba drang por 'gyur/ bdag la mi bstod gzhan la mi smod de/ de yon tan de dag dang gzhan dag dang yang ldan par 'gyur ro// de skyes pa dang bud med dag la khyod kyi bu phor 'gyur ro zhe 'am du mor 'gyur ro zhes lung mi ston te de lta bu la sogs pa'i kun ston pa'i nyes pa de lta bu'i ngo bo mi 'byung ngo // rab 'byor rnam pa de dag dang rtags de dag dang mtshan ma de dag dang yang ldan na byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog par bzung bar bya'o// rab 'byor gzhan yang rnam pa gang dag dang rtags gang dag dang mtshan ma gang dag dang ldan pa'i byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog par rig par bya ba'i byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog par rig par bya ba'i byang chub sems dpa' sems dpa' chen po phyir mi ldog pa'i rnam pa gang yin pa dang rtags gang yin pa dang mtshan ma gang yin pa'i rnam pa de dag dang rtags de dag dang mtshan ma de dag bstan par bya'o// yang de ngag gang zhe na/ 'di lta ste de dag phung po dang skye mched dang khams dang rten cing 'brel par 'byung ba'i sbyor ba dang rjes su sbyor ba la brtson par mi gnas so//

  566. 284a

    de dag ni 'du 'jil dga' ba'i gtam gyi sbyor ba dang rjes su sbyor ba la brtson par mi gnas so// rgyal po'i gtam gyis sbyor ba dang rjes su sbyor ba la brtson par mi gnas so// rkun po'i gtam gyi sbyor ba dang rjes su sbyor ba la brtson par mi gnas so// dmag gi gtam gyi sbyor ba dang rjes su sbyor ba la brtson par mi gnas// 'thab mo'i gtam gyi sbyor ba dang rjes su sbyor ba la brtson par mi gnas// grong dang grong khyer dang grong rdal ljongs dang yul 'khor dang rgyal po'i pho brang 'khor gyi gtam gyi sbyor ba dang rjes su sbyor ba la brtson par mi gnas/ bdag gi gtam gyi sbyor ba dang rjes su sbyor ba la brtson par mi gnas/ blon po dang blon po chen po chen po'i gtam gyi sbyor ba dang rjes su sbyor ba la brtson par mi gnas skyes pa dang bud med dang ma ning gi gtam gyi sbyor ba dang rjes su sbyor ba la brtson par mi gnas/ bzhon pa dang skyed mos tshal dang gtsug lag khang dang gzhal yas khang dang mche bu dang mtsho dang lteng ka dang rdzing dang nags tshal dang kun dga'i ra ba dang ri gtam gyi sbyor ba dang rjes su sbyor ba la brtson par mi gnas/ gnod sbyin dang srin po dang yi dwags dang sha za dang lus srul po dang gral bum gyi gtam gyi sbyor ba dang / rjes su sbyor ba la brtson par mi gnas/ zas dang btung ba dang gos dang rgyan dang spos dang phreng ba dang byug pa'i gtam gyi sbyor ba dang rjes su sbyor ba la brtson par mi gnas/

  567. 284b

    srang dang lam gyi bzhi mdo dang dpongs dang tshong 'dus dang bu bza'i gtam gyi sbyor ba dang rjes su sbyor ba la brtson par mi gnas/ gru dang gar dang snyan pa dang brjod pa dang / bro rdung ba dang rol mo mkhan gyi gtam gyi sbyor ba dang rjes su sbyor ba la brtson par mi gnas/ rgya mtsho dang chu bo dang gling gi gtam gyi sbyor ba dang rjes su sbyor ba la brtson par mi gnas/ chos dang 'gal ba'i gtam gyi sbyor ba dang rjes su sbyor ba la brtson par mi gnas/ so so'i skye bo la dga' ba'i gtam gyi sbyor ba dang rjes su sbyor ba la brtson par mi gnas te/ gzhan du na shes rab kyi pha rol tu phyin pa'i gtam gyi sbyor ba dang rjes su sbyor ba la brtson par gnas shing / thams cad mkhyen pa dang ldan pa'i yid la byed pa dag dang ma bral bar 'gyur te/ de dag ni 'thab mo dang 'tshang 'bru ba dang rtsod pa dang rgol ba'i gtam gyi sbyor ba dang rjes su sbyor ba la brtson par mi gnas/ de dag ni chos 'dod pa kho nar 'gyur te chos ma yin pa 'dod par mi 'gyur/ de dag ni mi 'byed pa'i rjod pa smra bar 'gyur te/ 'byed pa'i brjod pa smra bar mi 'gyur/ de dag ni mdza' bar 'dod pa yin te/ mi mdza' bar 'dod pa ma yin/ de dag ni chos smra bar 'gyur te chos ma yin pa smra bar mi 'gyur de dag ni de bzhin gshegs pa mthong ba kho nar 'dod pas re bar byed de/ 'jig rten gyi khams gzhan dag na gang de bzhin gshegs pa

  568. 285a

    dgra bcom pa yang dag par rdzogs pa'i sangs rgyas bzhugs te mtsho zhing gzhes pa de dag gi drung du nye bar skye bar bya ba'i phyir sems bskyed cing de dag 'dod na der nye bar skyes te/ de dag de ltar de bzhin gshegs pa la blta ba dang de bzhin gshegs pa la mnyan bkur bya ba dang mi 'bral bar 'gyur ro// rab 'byor gzhan yang phyir mi ldog pa'i byang chub sems dpa' sems dpa' chen po dag ni 'dod pa na spyod pa'i lha dag las shi 'phos pa dang gzugs na spyod pa'i lha dag las shi 'phos pa dang / gzugs med pa na spyod pa'i lha dag las shi 'phos nas 'dzam bu'i gling gi yul gyi dbus 'di nyid kyi nang na/ mi dag sgyu ma rtsal la mkhas pa snyan dngags la mkhas pa sngags dag la mkhas pa rig pa dag la mkhas pa bstan bcos dag la mkhas pa mtshan ma dag la mkhas pa dag yod par skye ste/ mtha' 'khob kyi skye bo dag tu skye ba ni nyung / phal cher yul gyi dbus su skye'o// gang dag mtha' 'khob kyi skye bo'i nang du skyes pa de dag kyang grong khyer chen po'i nang du skyes te de dag la yang yon tan 'di dag yod do// rab 'byor rnam pa de dag dang rtags de dag dang mtshan ma de dag dang ldan pa'i byang chub sems dpa' sems dpa' chen po yang bla na med pa yang dag par rdzogs pa'i byang chub las phyir mi ldog par gzung bar bya'o// rab 'byor gzhan yang phyir mi ldog pa'i byang chub sems

  569. 285b

    dpa' sems dpa' chen po 'di snyam du bdag phyir mi ldog pa 'am phyir mi ldog pa ma yin pa snyam du mi sems te/ de ni 'di ltar rang gi sa la the tshom mi skye som nyi mi byed de kun tu zhum par yang mi 'gyur ro// rab 'byor 'di lta ste dper na rgyun tu zhugs pa ni rang gis rgyun tu zhugs pa'i 'bras bu la nem nur mi byed the tshom mi za ba de bzhin du/ rab 'byor phyir mi ldog pa'i byang chub sems dpa' sems dpa' chen po yang rang gi byang chub sems dpa'i sa la nem nur mi byed the tshom mi za som nyi mi byed de/ rang gi sa la de kun tu zhum par par mi 'gyur ro// bdud kyi las skyes shing byung ba rnams kyang myur du reg cing de dag bdud kyi las skyes shing byung ba rnams kyi dbang du mi 'gro'o// rab 'byor 'di lta ste dper na skyes bu zhig gis mtshams med pa byas nas 'chi ka'i gnas skabs kyi bar du mtshams med pa'i sems de dang mi 'bral bar 'gyur te/ sems de bsal ba 'am mnan par mi nus shing 'chi ka'i dus kyi rang du de'i sems de rjes su 'brang ngo // rab 'byor de bzhin du phyir mi ldog pa'i byang chub sems dpa' sems dpa' chen po'i phyir mi ldog pa'i sems kyang gnas par 'gyur zhing rang gi phyir mi ldog pa'i sa las mi bskyod par 'gyur ro// de lha dang mi dang lha ma yin du gcas pa'i 'jig rten gyis kyang bskyod ba 'am bsgral bar mi nus so// bdud kyi las skyes shing 'byung ba dag kyang rig par byed de bdud kyi las skyes shing byung ba dag gi dbang du mi 'gro ste/ de rang gi sa la nem nur mi byed

  570. 286a

    cing the tshom mi byed pas tshe 'phos na yang nyan thos kyi sems dang rang sangs rgyas kyi sems mi skye'o// de tshe 'phos na yang 'di snyam du sems te bdag ni mngon par rdzogs par 'tshang mi rgya bar mi 'gyur te/ bdag ni bla na med pa yang dag par rdzogs pa'i byang chub mngon par rdzogs par 'tshang rgya'o snyam nas der gi sa la gnas shing gzhan gyi dring mi 'jog par 'gyur rang gi sa la mi rdzi bar 'gyur ro// de ci'i phyir zhe na/ de ni 'di ltar mi 'phrogs pa'i sems dang mi 'phrogs pa'i ye shes kyis gnas pa dang ldan par 'gyur ba'i phyir ro// gal te yang bdud sdig can sangs rgyas kyi cha byad kyis nye bar 'ongs te de nye bar 'ongs nas 'di skad zer te khyod 'di nyid du dgra bcom pa nyid mngon sum du gyis shig khyod ni bla na med pa yang dag par rdzogs pa'i byang chub tu lung ma bstan te/ rnam pa gang dag dang rtags gang dag dang mtshan ma gang dag dang ldan na byang chub sems dpa' sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya ba'i rnam pa de dag med rtags de dag med mtshan ma de dag med de dag phod pa ma yin na ci khyod de la spyod dam zhes zer la/ gal te yang byang chub sems dpa' sems dpa' chen po'i sems gzhan du gyur na/ rab 'byor byang chub sems dpa' sems dpa' chen po 'di ni sngon gyi de bzhin gshegs pa dgra bcom pa yang dag par

  571. 286b

    rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung ma bstan par rig par bya'o// gal te yang de 'di snyam du kye ma 'di ni bdud sdig can yin te sangs rgyas kyi cha byang du mngon par sprul nas 'ongs pa 'am bdud kyis byin gyis brlabs pa 'am bdud kyis sprul pa zhig yin te 'di ni de bzhin gshegs pa ma yin no de bzhin gshegs pa dgra bcom pa yang dag par rdzogs pa'i sangs rgyas kyis ci skad gsungs pa de ni de bzhin te/ gzhan du ma yin no zhes sam/ gal te/ de 'di snyam du sems so sor rtogs cing 'di snyam du sems te kye ma 'di ni bdud sdig can gyis sangs rgyas su byin gyis brlabs te bdag bla na med pa yang dag par rdzogs pa'i byang chub las dbral bar 'dod do snyam la/ rab 'byor gal te bdud sdig can phyir ma log na byang chub sems dpa' sems dpa' chen po 'di ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung bstan pa ste/ byang chub sems dpa' sems dpa' chen po 'di ni phyir mi ldog pa'i byang chub sems dpa'i sa la gnas pa yin par rig par bya'o// rab 'byor gal te byang chub sems dpa' sems dpa' chen po la rnam pa de dag dang rtags dri dag dang mtshan ma 'di dag yod na rab 'byor ji ltar de la yon tan 'di dag yod pa dang sbyar na kye ma byang chub sems

  572. 287a

    dpa' sems dpa' chen po 'di ni gdon mi za bar sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis lung bstan pa ste/ byang chub sems dpa' sems dpa' chen po 'di ni phyir mi ldog pa'i byang chub sems dpa'i sa la gnas pa yin par rig par bya'o// de ci'i phyir/ zhe na/ de ni 'di ltar phyir mi ldog pa'i byang chub sems dpa' sems dpa' chen po'i rnam pa de dag dang rtags de dag dang mtshan ma de dag yod pa'i phyir te/ rab 'byor rnam pa de dag dang rtags de dang mtshan ma de dag dang ldan pa'i byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog par bzung bar bya'o// rab 'byor gzhan yang phyir mi ldog pa'i byang chub sems dpa' sems dpa' chen po ni dam pa'i chos yongs su gzung ba'i phyir bdag kyang yongs su gtong bar byed srog kyang yongs su gtong bar byed do// de'i phyir rab 'byor byang chub sems dpa' sems dpa' chen po phyir mi ldog pa ni dam pa'i chos yongs su gzung ba'i phyir shin tu brtson par byed de/ sangs rgyas bcom ldan 'das 'das pa dang ma byon pa dang da ltar byung ba rnams la dga' ba dang gus pa dang / sangs rgyas bcom ldan 'das rnams chos kyi sku'o zhes chos la dga' ba dang gus pa'i phyir dam pa'i chos yongs su 'dzin par byed de/ 'di ni sangs rgyas bcom

  573. 287b

    ldan 'das 'das pa 'ba' zhig gi dam pa'i chos yongs su gzung ba ma yin gyi sangs rgyas bcom ldan 'das da ltar byung ba rnams kyi dam pa'i chos yongs su gzung ba yang 'di nyid yin ma byon pa'i sangs rgyas bcom ldan 'das rnams kyi dam pa'i chos yongs su gzung ba yang 'di nyid yin te de la bdag kyang ma byon pa'i sangs rgyas bcom ldan 'das de rnams kyang grangs su bgrang bar yang gtogs pa des na bdag kyang bla na med pa yang dag par rdzogs pa'i byang chub de la lung bstan te/ 'di ni bdag gi yang dam pa'i chos yongs su gzung ba'o snyam ste don gyi dbang 'di mthong nas dam pa'i chos yongs su gzung ba'i phyir bdag nyid yongs su gtong ba dag byed do// srog yongs su gtong ba dag kyang byed de de la zhum par mi 'gyur le lo mi byed do// rab 'byor rnam pa de dag dang rtags de dag dang mtshan ma de dag ldan pa'i byang chub sems dpa' sems dpa' chen po yang bla na med pa yang dag par rdzo gas pa'i byang chub las phyir mi ldog par gzung bar bya'o// rab 'byor gzhan yang phyir mi ldog pa'i byang chub sems dpa' sems dpa' chen po ni de bzhin gshegs pa dgra bcom pa yang dag par rdzogs pa'i sangs rgyas chos ston pa la rnam nur med the tshom mi za'o// rab 'byor gyis gsol pa bcom ldan 'das ci de bzhin gshegs pa kho na chos ston pa la nem nur ma mchis shing the tshom mi 'tshal ba

  574. 288a

    @lags kyi nyan thos la ma lags sam/ bcom ldan 'das kyis bka' stsal pa/ rab 'byor nyan thos chos ston pa la yang nem nur mi byed cing / the tshom mi za'o// de ci'i phyir zhe na/ 'di ltar byang chub sems dpa' sems dpa' chen po des mi skye ba'i chos la/ bzod pa thobs pas na de'i phyir te/ chos thams cad kyi chos nyid dang mi 'gal bar nyan te/ thos nas kyang nem nur mi byed the tshom mi za ste/ rab 'byor yon tan de dag dang ldan pa'i byang chub sems dpa' sems dpa' chen po ni phyir mi ldog pa yin no// rab 'byor 'di dag kyang byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog pa'i rnam pa dang rtags dang mtshan mar rig par bya'o// 'phags pa shes rab kyi pha rol tu phyin pa brgyad stong pa las phyir mi ldog rnam pa dang rtags dang mtshan ma'i le'u zhes bya ba ste bcu bdun pa'o// // de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po yon tan chen po'i tshogs dang ldan pa dang bcom ldan 'das byang chub sems dpa' sems dpa' chen po yon tan tshad ma mchis pa dang ldan pa dang / bcom ldan 'das byang chub sems dpa' sems dpa' chen po yon tan dpag tu med pa dang ldan pa ni ngo mtshar to// /

  575. 288b

    de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin te de de bzhin no// de ci'i phyir/ zhe na/ rab 'byor byang chub sems dpa' sems dpa' chen po phyir mi ldog pa'i ni ye shes mtha' yas su med pa rab tu 'thob ste nyan thos dang rang sangs rgyas thams cad kyis mi 'phrogs pa yin no// rab 'byor gyis gsol pa/ bcom ldan 'das ni phyir mi ldog pa'i byang chub sems dpa' sems dpa' chen po'i rnam pa dang rtags dang mtshan ma dag bskal pa gang gA'i klung gi bye ma snyed du ston kyang spyod de/ de'i slad du bcom ldan 'das byang chub sems dpa' sems dpa' chen po la shes rab kyi pha rol tu phyin pa dang ldan pa'i gnas zlab mo dag bstan du gsol/ de skad ces gsol pa dang / bcom ldan 'das kyi tshe dang ldan pa rab 'byor la 'di/ skad ces bka' stsal to// rab 'byor khyod gnas zab mo zab mo dag las brtsams nas shes par bya bar 'dod pa legs so legs so// rab 'byor zab ces bya ba de/ ni stong pa nyid kyi tshig bla dgas so// rab 'byor 'di lta ste zab ces bya ba de ni mtshan ma med pa dang smon pa med pa dang / mngon par 'du mi byed pa dang / ma byung ba dang ma skyes pa dang dngos po med pa dang 'dod chags dang bral ba dang 'gog pa dang mya ngan las 'das pa dang bral bar gyur pa'i tshig dwags so// rab 'byor gyis gsol pa/

  576. 289a

    bcom ldan 'das 'di chos de dag 'ba' zhig gi tshig bla dgas lags kyi chos thams cad kyi yang ma lags sam/ bcom ldan 'das kyis bka' stsal pa/ rab 'byor 'di ni chos thams cad kyi yang bla dgas so// de ci'i phyir zhe na/ rab 'byor gzugs ni zab po// rab 'byor de bzhin tsher ba dang 'du shes dang 'du byed rnams dang rnam par shes pa zab po// rab 'byor gzugs ci ltar zab rab 'byor de bzhin du tshor ba dang 'du shes dang 'du byed rnams dang rab 'byor rnam par shes pa ci ltar zab ce na/ rab 'byor de bzhin nyid ci lta ba de bzhin du gzugs zab po// de bzhin du tshor ba dang 'du shes dang 'du byed rnams dang rab 'byor de bzhin nyid ji lta ba de bzhin du rnam par shes pa zab bo// rab 'byor de la gzugs kyi de bzhin nyi ci lta ba de bzhin du gzugs zab bo// de bzhin du tshor ba'i de bzhin nyid dang / 'du shes kyi de bzhin nyid dang 'du byed rnams kyi de bzhin nyid ci lta ba dang rab 'byor de la rnam par shes pa'i de bzhin nyid ci lta ba de bzhin du rnam par shes pa zab bo// rab 'byor gang la gzugs med pa 'di ni gzugs kyi zab pa nyid do// rab 'byor de bzhin du gang la tsher rab med pa dang 'du shes med pa dang 'du byed rnams med pa dang rnam par shes pa med pa 'di ni tshor ba dang 'du shes dang 'du byed rnams dang rnam par shes pa zab pa nyid do// rab 'byor gyis gsol pa/ bcom ldan 'das ci srid du thabs zhing

  577. 289b

    mos gzugs las kyang bzlog pa mya ngan las 'das pa yang bstan pa dang / de bzhin du tshor ba dang 'du shes dang 'du byed rnams dang ci srid du thabs zhib mos rnam par she pa las kyang bzlog la mya ngan las 'das pa yang bstan pa ni ngo mtshar to// bcom ldan 'das kyis bka' stsal pa/ rab 'byor shes rab kyi pha rol tu phyin pa dang ldan pa gnas zab mo zab mo 'di dag gang zhig sems par 'gyur 'jal bar 'gyur nges par rtog par 'gyur te/ bdag gis shes rab kyi pha rol tu phyin pa las ci ltar bstan pa de/ bzhin du gnas par bya'o// bdag gis shes rab kyi pha rol tu phyin pa las ci ltar bshad pa de bzhin du bslab par bya'o// bdag gis shes rab kyi pha rol tu phyin pa las ci ltar nye bar bstan pa de bzhin du bsgrub par bya'o// de bzhin du sgrub par byed pa dang de bzhin du nye bar sems pa dang / de bzhin du nye bar yongs su rtog pa dang de bzhin du nye bar rab tu sbyor bar byed pa dang de bzhin du rtsol ba dang de bzhin du 'bad par byed pas/ nyin gcig tsam yang 'di la rnal 'byor du byed na byang chub sems dpa' sems dpa' chen po des nyi ma gcig po de la las ci tsam byed par 'gyur zhe na/ rab 'byor 'di lta ste dper na skyes bu 'dod chags la spyod pa rnam par rtog pa la sbyod ba la la zhig yod le skyes bu 'dod chags la spyod pa rnam par rtog pa la spyod pa de/ bud med gzugs bzang ba mdzes pa blta na sdug pa zhig dang dus

  578. 290a

    btab par gyur la bud med de yang gzhan gyis yongs su zin pa zhig yin te/ bdag nyid khyim nas 'byung zhing 'ong ba'i dbang med na/ rab 'byor de ci snyam du sems skyes bu de'i rnam par rtog pa ci lta bu dang ldan pa dag 'byung bar 'gyur/ rab 'byor gyis gsol pa/ bcom ldan 'das skyes bu de'i rnam par rtog pa ni bud med dang ldan pa kho na 'byung ste de ni mchi'o// de mchis nas de dang lhan cig 'di ltar spyad par bya'o// 'di ltar dga' bar bya'o 'di ltar rtse bar bya'o// 'di ltar rab tu rnam par sbyang par bya'o snyam mo// bcom ldan 'das kyis bka' stsal pa/ rab 'byor de ji snyam du sems skyes bu de la nyi ma 'das kyi bar du rnam par rtog pa ci snyed cig 'byung / rab 'byor gyis gsol pa/ bcom ldan 'das gdugs 'das kyi bar du skyes bu de la rnam par rtog pa mang po zhig 'byung bar 'gyur ro// bcom ldan 'das kyis bka' stsal pa/ rab 'byor skyes bu de la nyi ma 'das kyi bar du rnam par rtog pa ci snyed cig 'byung ba/ rab 'byor byang chub sems dpa' sems dpa' chen pos bskal pa de snyed du 'khor ba la rgyab kyis phyogs par byed pa dang / 'dor ba dang mthar 'byin par byed do// gang shes rab kyi pha rol tu phyin pa 'di la ci ltar bzhag pa dang ci ltar bshad pa dang ci ltar nye bar bstan pa dang ci ltar nges par bstan pa ltar 'di la gnas pa dang slob pa dang rtogs pa dang nye bar bar

  579. 290b

    sems pa dang rnal 'byor du byed pa ni/ nyes pa gang dag gis byang chub sems dpa' sems dpa' chen po bla na med pa yang dag par rdzogs pa'i byang chub las ldog par 'gyur ba'i nyes pa de dag kyang rnam par spong ngo // rab 'byor de ltar byang chub sems dpa' sems dpa' chen po shes rab kyi pha rol tu phyin pa'i rnal 'byor la rtson par byed cing de lta bu'i gnas pa 'dis gnas pa de ni 'di lta ste shes rab kyi pha rol tu phyin pa dang ldan pa'i yid la byed pa 'dis nyin gcig la las de snyed byed do// byang chub sems dpa' gang shes rab kyi pha rol tu phyin pa dang bral bas bskal pa gang gA'i klung gi bye ma snyed du 'jug ste sbyin pa byin pa dang / byang chub sems dpa' sems dpa' chen po gang shes rab kyi pha rol tu phyin pa la nyin gcig tsam yang rnal 'byor du byed na 'di nyid de bas khyad par du 'phags so// rab 'byor gzhan yang byang chub sems dpa' gang bskal pa gang gA'i klung gi bye ma snyed du 'dug ste/ rgyun du zhugs pa dag la sbyin par byed cing rab tu 'jog pa dang / de bzhin du lan cig phyir 'ong ba dang phyir mi 'ong ba dang dgra bcom pa dag la yang sbyin pa sbyin par byed cing rab tu 'jog pa dang / rang sangs rgyas dag la sbyin pa sbyin par byed cing rab tu 'jog pa dang / de bzhin gshegs pa dgra bcom pa yang dag par rdzogs pa'i sangs rgyas rnams la sbyin pa sbyin par byed cing rab tu 'jog par byed la/

  580. 291a

    shes rab kyi pha rol tu phyin pa dang bral ba dang byang chub sems dpa' sems dpa' chen po gang shes rab kyi pha rol tu phyin pa las ci ltar nye bar bstan pa dang / ci ltar nges par ston pa de bzhin du nyin gcig tsam yang rnal 'byor du byed na byang chub sems dpa' snga ma de bas byang chub sems dpa' sems dpa' chen po 'di bsod nams ches mang du skyed do// rab 'byor gzhan yang byang chub sems dpa' gang bskal pa gang gA'i klung gi bye ma snyed du 'dug cing rgyun du zhugs pa dag nas yang dag par rdzogs pa'i sangs rgyas rnams kyi bar la sbyin par byed cing rab tu 'jog pa dang / tshul khrims yongs su rdzogs par byed par gyur la/ shes rab kyi pha rol tu phyin pa dang bral bar gyur pa dang / byang chub sems dpa' sems dpa' chen po shes rab kyi pha rol tu phyin pa la gnas pa gang zhig yid la byed pa de las langs te chos ston na/ rab 'byor byang chub sems dpa' snga ma de bas byang chub sems dpa' sems dpa' 'di/ nyid bsod nams mang du skyed do// rab 'byor gzhan yang byang chub sems dpa' gang bskal ba gang gA'i klung gi bye ma snyed du 'dug cing rgyun du zhugs pa dag nas/ yang dag par rdzogs pa'i sangs rgyas rnams kyi bar la sbyin pa sbyin par byed cing rab tu 'jog pa dang tshul khrims kyang yongs su rdzogs par byed par gyur/

  581. 291b

    bzod pa dang yang ldan par gyur pa/ shes rab kyi pha rol tu phyin pa dang bral ba dang / byang chub sems dpa' sems dpa' chen po shes rab kyi pha rol tu phyin pa gnas pa gang zhig yid la byed pa de las langs te chos kyi sbyin pa sbyin par byed na rab 'byor byang chub sems dpa' snga ma de bas byang chub sems dpa' sems dpa' chen po 'di nyid bsod nams ches mang du skyed do// rab 'byor gzhan yang byang chub sems dpa' grang bskal gang gA'i klung gi bye ma snyed du 'dug cing rgyun du zhugs pa dag nas yang dag par rdzogs pa'i sangs rgyas rnams kyi bar la sbyin pa sbyin par byed cing rab tu 'jog pa dang / tshul khrims yongs su rdzogs par byed par gyur pa dang bzod pa dang yang ldan pa dang brtson 'grus brtsams pa dang bsam gtan dag dang byang chub kyi phyogs kyi chos rnams la rnal 'byor du byed la shes rab kyi pha rol tu phyin pa dang bral ba dang / rab 'byor yang byang chub sems dpa' sems dpa' chen po gang zhig gis de ltar chos kyi sbyin pa byin nas bla na med pa yang dag par rdzogs pa'i byang chub tu yongs su bsngo na/ rab 'byor byang chub sems dpa' snga ma bas byang chub sems dpa' sems dpa' chen po gang 'di nyid bsod nams ches mang du skyed do// rab 'byor gzhan yang byang chub sems dpa' sems dpa' chen po gang de ltar chos kyi sbyin pa sbyin par byed

  582. 292a

    cing shes rab kyi pha rol tu phyin pa las gsungs pa'i yongs su bsngo bas bla na med pa yang dag par rdzogs pa'i byang chub tu yongs su sngo na de bas 'di bsod nams ches mang du skyed do// rab 'byor gzhan yang byang chub sems dpa' sems dpa' chen po gang de ltar chos kyi sbyin pa byin la shes rab kyi pha rol tu phyin pa las gsungs pa'i yongs su bsngo bas bla na med pa yang dag par rdzogs pa'i byang chub tu yongs su bsngo zhing gang gis yongs su bsngos nas kyang nang du yang dag 'jog la rnal 'byor du mi byed pa dang / rab 'byor yang byang chub sems dpa' sems dpa' chen po gang zhig de ltar chos kyi sbyin pa sbyin par byed cing shes rab kyi pha rol tu phyin pa las gsungs pa'i yongs su bsngo bas bla na med pa yang dag par rdzogs pa'i byang chub tu yongs su bsngo la yongs su bsngos nas kyang yang nang du yang dag 'jog la rnal 'byor du byed de/ nang du yang dag 'jog la rnal 'byor du byed na yang nang du yang dag 'jog pa de shes rab kyi pha rol tu phyin pas yongs su zin cing shes rab kyi pha rol tu phyin pa dang ma bral bar byed pa'i byang chub sems dpa' sems dpa' chen po 'di ni// ches bsod nams mang du skyed do// rab 'byor gyis gsol pa bcom ldan 'das gang gi tshe bcom ldan 'das kyis mngon par 'dus byas pa ni rnam par rtog

  583. 292b

    pa'o zhes gsungs pa de'i tshe ci ltar na bsod nams mang du skyed ces bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i bsod nams mngon par 'du byed pa de yang de ltar stong pa kho nar snang ngo // gsog nyid du snang ngo // snying po med pa nyid du snang ngo // rab 'byor yang byang chub sems dpa' sems dpa' chen po ci lta ci ltar 'di ltar chos thams cad la so sor rtog pa de lta de ltar rab 'byor byang chub sems dpa' se mas dpa' chen po shes rab kyi pha rol tu phyin pa dang ma bral bar 'gyur ro// rab 'byor yang byang chub sems dpa' sems dpa' chen po ci lta ci ltar shes rab kyi pha rol tu phyin pa dang ma bral bar gyur pa de lta de ltar bsod nams gzhal du med grangs med pa skyed do// rab 'byor gyis gsol pa/ bcom ldan 'das gzhal du ma mchis pa dang grangs ma mchis pa la tha dad du bgyi ba ci mchis bye brag ci mchis/ bcom ldan 'das kyis bka' stsal pa/ rab 'byor gzhal du med pa zhes bya ba ni gang la tshad ma mi 'jug pa'o// rab 'byor grangs med pa zhes bya ba ni gang bgrang bas zad par mi nus pa'o// rab 'byor gyis gsol pa/ bcom ldan 'das gang gis gzugs kyang gzhal du ma mchis par 'gyur ba'i rnam

  584. 293a

    grangs mchis sam/ de bzhin du tshor ba dang 'du shes dang 'du byed rnams dang bcom ldan 'das gang gis rnam par shes pa yang gzhal du ma mchis par 'gyur ba'i rnam grangs mchis sam/ bcom ldan 'das kyis bka' stsal pa/ rab 'byor gyis gang 'di skad du bcom 'das gang gis gzugs kyang gzhal du med par 'gyur ba'i rnam grangs yod dam/ de bzhin du tshor ba 'du shes dang 'du byed rnams dang bcom ldan 'das gang gis rnam par shes pa yang gzhal du med par 'gyur ba'i rnam grangs yod dam zhes smras pa ni/ rab 'byor rnam grangs gang gis gzugs nyid gzhal du med par 'gyur ba'i rnam grangs yod do// de bzhin du tshor ba nyid dang 'du shes nyid dang 'du byed rnams nyid dang rab 'byor rnam grangs gang gis rnam par shes pa nyid kyang gzhal du med pa'i 'gyur ba'i rnam grangs yod do// rab 'byor gyis gsol pa/ bcom ldan 'das yang gzhal du ma mchis pa zhes bgyi ba 'di ni gang gis tshig bla dgas lags/ bcom ldan 'das kyis bka' stsal pa/ rab 'byor gzhal du med pa zhes bya ba 'di ni stong pa nyid kyi tshig bla dgas so// gzhal du med pa zhes bya ba 'di ni mtshan ma med pa'i tshigs bla dgas so// rab 'byor gzhal du med pa zhes bya ba 'di ni smon pa med pa'i tshig bla dgas so// rab 'byor

  585. 293b

    gyis gsol pa/ bcom ldan 'das ci gzhal du ma mchis pa zhes bgyi ba 'di stong pa nyid 'ba' zhig gi tshig bla dgas dang / bcom ldan 'das gzhal du ma mchis pa zhes bgyi ba 'di mtshan ma ma mchis pa nyid dang smon pa ma mchis pa nyid 'ba' zhig gi tshig bla dgas lags te chos gzhan dag gi ma lags sam/ bcom ldan 'das kyis bka' stsal pa/ rab 'byor 'di ji snyam du sems ngas chos thams cad stong pa'o zhes ma bshad dam/ rab 'byor gyis gsol pa/ bcom ldan 'das de bzhin gshegs pas chos thams cad stong pa nyid do zhes bka' stsal to// bcom ldan 'das kyis bka' stsal pa/ rab 'byor stong nyid gang dag yin pa de dag ni mi zad pa yang yin la stong pa nyid gang yin pa de ni gzhal du med pa yang yin no// rab 'byor de lta bas na chos 'di dag ni don la bye brag gam tha dad du bya bar mi dmigs te/ rab 'byor de dag ni mngon par brjod pa'o zhes de bzhin gshegs pas bstan cing brjod do// gzhal du med pa zhes bya ba 'am grangs med pa zhes bya ba 'am mi zad pa zhes bya ba 'am song stong pa zhes bya ba 'am mtshan ma med pa zhes bya ba 'am/ smon pa med pa zhes bya ba'am mngon par 'du bya byed pa'am mi 'byung zhes bya ba 'am mi skye ba zhes bya ba 'am dngos po med pa zhes bya ba 'am 'dod chags dang bral ba zhes bya ba 'am 'gog pa zhes bya ba'am mya ngan las 'das pa zhes bya ba 'di ni rab 'byor bstan pa mngon par

  586. 294a

    bsgrub pa bshad par de bzhin gshegs pa dgra bcom pa yang dag par rdzogs pa'i sangs rgyas kyis gsungs so// rab 'byor gyis gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis chos thams cad kyi chos nyid kyi bar 'di yang bstan la chos thams cad kyi chos nyid de yang brjod du ma mchis pa ngo mtshar to// bcom ldan 'das bdag gis ci ltar bcom ldan 'das kyis gsungs pa'i don 'tshal ba ltar na/ bcom ldan 'das de ltar chos thams cad kyang brjod du ma mchis pa lags so// bcom ldan 'das kyis bka' stsal pa/ de de bzhin no rab 'byor de de bzhin te/ rab 'byor chos thams cad kyang brjod du med pa'o// de ci'i phyir zhe na/ rab 'byor chos thams cad kyi stong pa nyid gang yin pa de ni brjod du mi nus pa'i phyir ro// rab 'byor gyis gsol pa/ bcom ldan 'das yang ci brjod du ma mchis pa'i don la 'phel ba 'am yongs su 'grib pa mchis sam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das gal te brjod du ma mchis pa'i don la 'phel ba ma mchis yongs su 'grib pa ma mchis na sbyin pa'i pha rol tu phyin pa la yang 'phel ba ma mchis yongs su 'grib pa yang ma mchis par 'gyur ro// de bzhin du tshul khrims kyi pha rol tu bya dang bzod pa'i pha

  587. 294b

    rol tu phyin pa dang brtson 'grus kyi pha rol tu phyin pa dang bsam gtan gyi pha rol tu phyin pa dang shes rab kyi pha rol tu phyin pa la yang bcom ldan 'das 'phel ba ma mchis yongs su 'grib pa yang ma mchis par 'gyur ro// bcom ldan 'das gal te pha rol tu phyin pa drug po 'di rnams la 'phel ba ma mchis yongs su 'grib pa ma mchis na/ bcom ldan 'das ji ltar rnam par mi 'phel ba'i pha rol tu phyin pa drug po rnams kyi stobs kyis byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba 'am ci ltar bla na med pa yang dag par rdzogs pa'i byang chub tu nye bar 'gyur bcom ldan 'das pha rol tu phyin pa yongs su rdzogs par ma bgyis 'di byang chub sems dpa' sems dpa' chen po bla na med pa yang dag par rdzogs ba'i byang chub tu nye bar mi 'gyur ro// bcom ldan 'das kyis bka' stsal pa/ rab 'byor de de bzhin te de de bzhin no// rab 'byor yang pha rol tu phyin pa'i don pa 'phel ba 'am yongs su 'grib pa yang med mod kyi/ rab 'byor 'on kyang byang chub sems dpa' sems dpa' chen po shes rab kyi pha rol tu phyin pa la spyod cing shes rab kyi pha rol tu phyin pa la bsgoms pa thabs mkhas pa ni 'di snyam du sbyin pa'i pha rol tu phyin pa 'di ni rnam par 'phel lo sbyin pa'i pha rol tu phyin pa 'di ni yongs

  588. 295a

    su 'grib po zhes bya bar sems kyi/ 'on kyang de 'di snyam du de lta ste sbyin pa'i pha rol tu phyin pa zhes bya ba 'di ni ming tsam mo zhes bsams nas/ de sbyin pa sbyin par byed cing yid la byed pa de dag dang sems bskyed pa de dag dang dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ste/ bla na med pa yang dag par rdzogs pa'i byang chub ci lta ba de bzhin du yongs su bsngo'o// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod cing shes rab kyi pha rol tu phyin pa la bsgoms pa thabs mkhas pa ni 'di snyams du tshul khrims kyi pha rol tu phyin pa 'di ni rnam par 'phel lo tshul khrims kyi pha rol tu phyin pa 'di yongs su 'grib po zhes mi sems kyi 'on kyang de 'di snyam du 'di lta ste tshul khrims kyi pha rol tu phyin pa zhes bya ba 'di ni ming tsam mo zhes bsams de tshul khrims yang dag par blangs te gnas shing yid la byed pa de dag dang sems bskyed pa de dag dge ba'i rtsa ba de dag bla na med pa yang dag par rdzogs pa'i byang chub tu yo su bsngo ste bla na med pa yang dag par rdzogs pa'i byang chub ci lta ba de bzhin du yongs su bsngo'o// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod cing shes rab kyi pha rol tu phyin pa la bsgom pa thabs mkhas pa ni 'di snyam du bzod pa'i pha rol tu phyin pa 'di ni rnam par 'phel lo// bzod pa'i/

  589. 295b

    pha rol tu phyin pa 'di ni yongs su 'grib po zhes mi sems kyi/ 'on kyang de 'di snyam du 'di lta ste bzod pa'i pha rol tu phyin pa zhes bya ba 'di ni ming tsam mo snyam nas de bzod pa sgrub cing yid la byed pa de dag dang sems bskyed pa de dag dang dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ste bla na med pa yang dag par rdzogs pa'i byang chub ci lta ba de bzhin du yongs su bsngo'o// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod cing shes rab kyi pha rol tu phyin pa la bsgom pa thabs mkhas pa ni 'di snyam du brtson 'grus kyi pha rol tu phyin pa 'di ni rnam par 'phel lo brtson 'grus kyi pha rol tu phyin pa 'di ni yongs su 'grib bo zhes bya bar mi sems kyi 'on kyang de 'di snyam du 'di lta ste brtson 'grus kyi pha rol tu phyin pa zhes bya ba 'di ni ming tsam mo zhes bsams nas de brtson 'grus rtsom zhing yid la byed pa de dag dang sems bskyed pa de dag dang dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ste bla na med pa yang dag par rdzogs pa'i byang chub ci lta ba de bzhin du yongs su bsngo'o// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod cing shes rab kyi pha rol tu phyin pa la bsgom pa thabs mkhas pa ni 'di snyam du bsam gtan gyi pha rol tu phyin

  590. 296a

    pa 'di ni rnam par 'phel lo// bsam gtan gyi pha rol tu phyin pa 'di ni yongs su 'grib bo// zhes bya bar mi sems kyi 'on kyang de 'di snyam du 'di lta ste/ bsam gtan gyi pha rol tu phyin pa zhes bya ba 'di ni ming tsam mo zhes bsam gtan dag la yang mnyam par gzhog la yid la byed pa de dag dang sems bskyed pa de dag dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ste bla na med pa yang dag par rdzogs pa'i byang chub ci lta ba de bzhin du yongs su bsngo'o// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod cing shes rab kyi pha rol tu phyin pa la bsgom pa thabs mkhas pa ni 'di snyam du shes rab kyi pha rol tu phyin pa 'di ni rnam par 'phel lo shes rab kyi pha rol tu phyin pa 'di ni yongs su 'grib bo zhes bya bar mi sems kyi/ 'on kyang de 'di snyam du 'di lta ste shes rab kyi pha rol tu phyin pa zhes bya ba 'di ni ming tsam mo zhes bsam nas/ de shes rab kyi pha rol tu phyin pa la spyod shes rab kyi pha rol tu phyin pa la sgom zhing yid la byed pa de dag dang sems bskyed pa de dag dang dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ste/ bla na med pa yang dag par rdzogs pa'i byang chub ji lta ba de bzhin du yongs su bsngo'o// de nas bcom ldan 'das la tshe dang ldan pa rab 'byor gyis

  591. 296b

    'di skad ces gsol to// bcom ldan 'das bla na med pa yang dag par rdzogs pa'i byang chub ces bgyi ba 'di yang gang lags/ bcom ldan 'das kyis bka' stsal pa/ rab 'byor bla na med pa yang dag par rdzogs pa'i byang chub ces bya ba 'di ni de bzhin nyid do// rab 'byor de bzhin nyid ni rnam par 'phel ba'am yongs su 'grib pa med do// gal te byang chub sems dpa' sems dpa' chen po yid la byed pa de dag dang ldan pas rgyun mi 'chad par mang du gnas na de ltar na de bla na med pa yang dag par rdzogs ba'i byang chub tu nye ba yin no// rab 'byor de ltar brjod du med pa'i don la 'phel bar yang mi 'gyur yongs su 'grib par yang mi 'gyur ro// yid la byed pa de dag gis yongs su mi 'grib bo// rab 'byor de ltar pha rol tu phyin pa la 'phel bar yang mi 'gyur yongs su 'grib par yang mi 'gyur ro// rab 'byor de ltar chos thams cad la yang 'phel bar yang mi 'gyur yongs su 'grib par yang mi 'gyur ro// rab 'byor de ltar chos thams cad la yang mi 'gyur yongs su 'grib par yang mi 'gyur ro// rab 'byor de ltar byang chub sems dpa' sems dpa' chen po yid la byed pa de lta bu dag gis gnas na bla na med pa yang dag par rdzogs pa'i byang chub tu nga yin no// 'phags pa shes rab kyi pha rol tu phyin pa brgyad stong pa las stong pa nyid kyi le'u zhes bya ste bcwo brgyad pa'o//

  592. 297a

    'phags pa shes rab kyi pha rol tu phyin pa brgyad stong pa/ bam po bcu bdun pa// / de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das yang ci sems bskyed pa dang pos byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya 'am 'on te sems bskyed pa spang mas byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya/ bcom ldan 'das sems bskyed pa snga ma ni sems bskyed pa slad ma dang mi 'grogs sems bskyed pa slad ma yang sems bskyed pa snga ma dang mi 'grogs na/ bcom ldan 'das ci ltar byang chub sems dpa' sems dpa' chen po'i dge ba'i rtsa ba rnams sogs par 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor 'di ci snyam du sems 'bru mar gyi mar me 'bar ba'i me lce dang po phog pas snying po de tshig gam 'on te me lce phyi ma phog pas snying po de tshig par 'gyur/ rab 'byor gyis gsol pa/ bcom ldan 'das de ni ma lags so// bcom ldan 'das me lce dang po phog pas snying po de tshig pa ma lags me lce dang po byung ba la ma brten par yang snying po de mi 'tshig go/ bcom ldan

  593. 297b

    'das me lce slad ma phog pas kyang snying po de mi 'tshig ste me lce srad ma phog pa la ma brten par yang snying po de mi 'tshig go/ bcom ldan 'das kyis bka' stsal pa/ rab 'byor 'di ci snyam du sems ci snying po de yang tshig gam/ rab 'byor gyis gsol pa/ bcom ldan 'das tshig lags so// bde bar gshegs pa tshig lags so// bcom ldan 'das kyis bka' stsal pa/ rab 'byor de bzhin du sems bskyed pa dang pos kyang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang mi rgya/ sems bskyed pa dang po la ma brten par yang bla na med pa yang dag par rdzogs pa'i byang chub mngon par rdzogs par 'tshang mi rgya'o// sems bskyed pa phyi mas kyang bla na med pa yang dag par rdzogs pa'i byang chub mngon par rdzogs par 'tshang mi rgya sems bskyed pa phyi ma la ma brten par yang bla na med pa yang dag par rdzogs pa'i byang chub mngon par rdzogs par 'tshang mi rgya la/ sems bskyed pa de dag gis kyang ma yin sems bskyed pa de dag gzhan bas kyang mngon par rdzogs par 'tshang mi rgya ste/ byang chub sems dpa' sems dpa' chen po ni bla na med pa yang dag par rdzogs pa'i byang chub mngon par rdzogs 'tshang yang rgya'o// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das rten cing

  594. 298a

    'brel par 'byung ba ni zab pa lags te/ bcom ldan 'das sems bskyed pa dang pos byang chub sems dpa' sems dpa' chen po bla na med ba yang dag rdzogs pa'i byang chub mngon par rdzogs par 'tshang mi rgyal sems bskyed pa dang po la ma brten par yang bla na med pa yang dag par rdzogs pa'i byang chub mngon par rdzogs par 'chang mi rgya/ sems bskyed pa slang mas kyang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang mi rgya la/ sems bskyed pa slad ma la ma brten par yang byang chub sems dpa' sems dpa' chen po bla na med pa yang dag par rdzogs pa'i byang chub mngo par rdzogs par 'tshang mi rgya/ sems bskyed pa de dag gis kyang ma lags sems bskyed pa de ma lags gzhan las kyang mngon par rdzogs par 'tshang mi rgya ste/ byang chub sems dpa' sems dpa' chen po ni bla na med pa yang dag par rdzogs pa'i byang chub mngon par rdzogs par 'tshang yang rgya bar 'gyur ro// de skad ces gsol ba dang bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor 'di ci snyam du sems ci sems gang 'gags pa de dag phyir 'byung bar 'gyur ram/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ci snyam du sems ci sems gang 'byung ba de 'gag

  595. 298b

    pa'i chos can yin nam/ rab 'byor gyis gsol pa/ bcom ldan 'das 'gag pa'i chos can lags so// bcom ldan 'das kyis bka' stsal pa/ rab 'byor 'di ni ci snyam du sems ci gang 'gag pa'i chos can de 'gag par 'gyur ram/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ci snyam du sems ci sems gang ma byung ba de 'gag pa'i chos can yin nam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ci snyam du sems ci sems gang zhig 'gag pa'i chos can ma yin pa de 'gag par 'gyur ram/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ci snyam du sems ci sems gang mi 'byung ma 'gags pa'i chos can de 'gag par 'gyur ram/ rab 'byor gyis gsol pa/ bcom ldan 'das de ni ma lags so// bcom 'das kyis bka' stsal pa/ rab 'byor 'di ci snyam du sems ci chos gang rang bzhin gyis ngo bo nyid 'gags pa nyid kyi chos de 'gag par 'gyur ram/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ci snyam du sems ci chos rnams kyi chos nyid gang yin pa de 'gag par 'gyur ram/ rab 'byor gyis gsol pa/ bcom ldan 'das de ni ma lags so//

  596. 299a

    bcom ldan 'das kyis bka' stsal pa/ rab 'byor 'di ci snyam du sems de bzhin nyid ci lta ba de kho na bzhin du gnas par 'gyur ro// rab 'byor gyis gsol pa/ bcom ldan 'das de bzhin nyid ci lta ba de kho na bzhin du gnas par 'gyur ro// bcom ldan 'das kyis bka' stsal pa/ rab 'byor 'di ci snyam du sems// gal te de bzhin nyid ci lta ba de bzhin du gnas na ni de'i tshe ther zug ma yin par mi 'gyur ram/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ci snyam du sems de bzhin nyid zab pa ma yin nam/ rab 'byor gyis gsol pa/ bcom ldan 'das zab po// bcom ldan 'das kyis bka' stsal pa/ rab 'byor 'di ji snyam du sems/ de bzhin nyid la sems yod dam/ rab 'byor gyis gsol pa/ bcom ldan 'das de ni ma lags so// / bcom ldan 'das kyis bka' stsal pa/ rab 'byor de ci snyam du sems sems de de bzhin nyid yin nam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ci snyam du sems de bzhin nyid las gzhan na sems yod dam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor khyod kyis de bzhin nyid yang dag par rjes su mthong ngam/ rab 'byor gyis

  597. 299b

    gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ci snyam du sems/ gang de ltar spyod pa de zab mo la spyod dam/ rab 'byor gyis gsol ba/ bcom ldan 'das gang de ltar spyod pa de ci la yang mi spyod do// de ci'i phyir zhe na/ 'di ltar de la kun tu spyod pa de dag mi 'jug cing kun tu spyod pa med do// bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol tu phyin pa la spyod pa de ci la spyod/ rab 'byor gyis gsol pa/ bcom ldan 'das don dam pa la spyod do// bcom ldan 'das kyis bka' stsal pa/ rab 'byor 'di ji snyam du sems byang chub sems dpa' sems dpa' chen po gang don dam pa la spyod pa de mtshan ma la spyod dam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ci snyam du sems ci des mtshan ma de rnam par ma bshig gam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ji snyam du sems ci byang chub sems dpa' sems dpa' chen po shes rab kyi pha rol tu phyin pa la spyod pas mtshan ma rnam par bshig par 'gyur ram/ rab 'byor gyis gsol pa/ bcom ldan 'das byang chub sems dpa' sems dpa' chen po de byang chub sems dpa'i spyad

  598. 300a

    pa spyod pa na/ ci ltar bdag gis 'di nyid du mtshan ma spangs pa thob par 'gyur snyam du mi sbyor te/ gal te thob par 'gyur na ni sangs rgyas kyi chos thams cad ma rdzogs pas na nyan thos su 'gyur ro// bcom ldan 'das mtshan nyid gang lags pa dang mtshan ma gang lags pa'i mtshan ma de yang 'tshal la mtshan ma de med pa la yang yongs su 'dris par bgyid pa 'di ni byang chub sems dpa' sems dpa' chen po'i thabs mkhas pa'o// de nas tshe dang ldan pa sha ri'i bus tshe dang ldan pa rab 'byor la 'di skad ces smras so// tshe dang ldan pa rab 'byor byang chub sems dpa' sems dpa' chen po gang rnam par thar pa'i sgo stong pa nyid dang mtshan ma med pa smon pa med pa gsum rmi lam na sgom na/ ci de'i shes rab kyi pha rol tu phyin pa rnam par 'phel bar 'gyur ram/ rab 'byor gyis smras pa/ tshe dang ldan pa shA ri'i bu gal te nyin par bsgoms pas rnam par 'phel na ni rmi lam na yang rnam par 'phel lo// de ci'i phyir zhe na/ tshe dang ldan pa shA ri'i bu rmi lam dang nyin par ni rnam par mi rtog pa'o// zhes bcom ldan 'das kyis gsungs te/ tshe dang ldan pa shA ri'i bu gal te byang chub sems dpa' sems dpa' chen po shes rab kyi pha rol tu phyin pa rnyed pa de nyin gcig bzhin du shes rab kyi pha rol tu phyin pa la spyod na de'i tshe shes rab kyi pha rol tu phyin pa la goms pa'i byang chub sems dpa' sems dpa' chen po de'i rmi lam na

  599. 300b

    yang shes rab kyi pha rol tu phyin pa rgyas par 'gyur ro// shA ri'i dus smras pa/ tshe dang ldan pa rab 'byor gang yang skyes pa 'am bud med gang rmi lam na dge ba'am mi dge ba'i las shig byed na ci de'i las sogs pa'am nye bar sogs par 'gyur ram/ rab 'byor gyis smras pa/ ci ltar bcom ldan 'das kyis chos thams cad rmi lam lta bu'o zhes gsungs pa de ltar na las de sogs pa'am nye bar sogs par mi 'gyur ro// tshe dang ldan pa shA ri'i bu de ste yang skyes de sad nas rnam par rtog cing bsad par 'du shes bskyed na las de sogs pa 'am nye bar sogs par 'gyur ro// tshe dang ldan pa shA ri'i bu yang ci ltar rmi lam na srog gcod pa byas nas rnam par rtog cing bsad par 'du shes bskyed nas gal te sad nas kyang 'di ltar rnam par rtog ste/ a la la bsad do legs par bsad do shin tu bsad do ngas bsad do snyam du gang de ltar rtog cing gsod par 'du shes bskyed na ni/ tshe dang ldan pa shA ri'i bu las de sogs pa'am nye bar sogs par 'gyur ro// shA ri'i bus smras pa/ tshe dang ldan pa rab 'byor gal te skyes bu de sad nas kyang 'di ltar rnam par rtog cing bsad pa'i 'du shes bskyed de a la la bsad do legs par bsad do// shin tu bsad do ngas bsad do snyam du rnam par rtog cing gsod bar 'du shes bskyed na/ de bzhin du las de sogs pa 'am nye bar sogs par 'gyur na/ sangs rgyas bcom ldan 'das kyang zad pa'i 'du shes kyi rnam par

  600. 301a

    rtog pa bskyed par mdzad pas de'i yang las de sogs pa 'am nye bar sogs par 'gyur ram/ rab 'byor gyis smras pa/ tshe dang ldan pa shA ri'i du de ni ma yin no// de ci'i phyir zhe na/ de bzhin gshegs pa ni rtog pa dang rnam par rtog pa thams cad dang bral ba yin te 'di lta ste na mkha' lta bu nyid do// tshe dang ldan pa shA ri'i bu de bzhin du dmigs pa med par las mi skye dmigs pa med par sems mi skye ste/ tshe dang ldan pa shA ri'i bu de lta bas na las ni dmigs pa dang bcas pa nyid du skye'i dmigs pa med par ma yin no// sems ni dmigs pa dang bcas pa nyid du skye'i dmigs pa med par ma yin no// tshe dang ldan pa shA ri'i bu mthong ba dang thos pa dang rtogs pa dang rnam par shes pa'i chos rnams la blo 'jug ste de la blo la la ni kun nas nyon mongs pa yongs su 'dzin blo la la ni rnam par byang ba yongs su 'dzin te/ tshe dang ldan pa shA ri'i bu de lta bas na sems pa ni dmigs pa dang bcas par skye'i dmigs pa med par ma yin no// las ni dmigs pa dang bcas par skye'i dmigs pa med par ma yin no// shA ri'i bus smras pa/ tshe dang ldan pa rab 'byor gang gi tshe dmigs pa thams cad dben no// zhes bcom ldan 'das kyis bka' stsal na/ tshe dang ldan pa rab 'byor de'i tshe ci'i phyir sems pa dmigs pa dang bcas par skye'i dmigs pa med par mi skye/ rab 'byor gyis smras pa/

  601. 301b

    tshe dang ldan pa shA ri'i bu mtshan mar byas nas dmigs pa rnams med pa nyid la dmigs par byas nas dmigs pa dang bcas par sems pa skye'i dmigs pa med par ni ma yin no// tshe dang ldan pa shA ri'i bu sems pa ni dben pa ste mtshan ma yang dben pa'o// de bzhin du ma rig pa'i rkyen gyis 'du byed rnams kyang dben pa'o// 'du byed kyi rkyen gyis rnam par shes pa yang dben pa'o zhes bya ba nas skye ba'i rkyen gyis rga shi yang zhes bya ba'i bar du yang dben pa'o// tshe dang ldan pa shA ri'i bu de bzhin du dmigs pa de dag thams cad ni dben pa'o// sems pa yang mtshan mas dben pa ste 'jig rten gyi tha snyad la brten nas dmigs pa bcas pa'i sems skye'o// / shA ri'i bus smras pa/ tshe dang ldan pa rab 'byor gang gi tshe byang chub sems dpa' sems dpa' chen po gang rmi lam na sbyin pa sbyin par byed cing sbyin pa de yang bla na med pa yang dag par rdzogs pa'i byang chub tu yongs su sngon ci de'i tshe sbyin pa de yongs su bsngos pa zhes bya'am/ rab 'byor gyis smras pa/ tshe dang ldan pa shA ri'i bu byang chub sems dpa' sems dpa' chen po byams pa 'di mngon du 'dug na/ 'di ni bar du mchod par bla na med pa yang dag par rdzogs pa'i byang chub tu de bzhin gshegs pas lung bstan te don 'di lus kyis mngon sum du byed pa yin gyis 'di la dris shig dang 'dis don 'di'i lan ldon par 'gyur ro// de nas

  602. 302a

    tshe dang ldan pa shA ri'i bus byang chub sems dpa' sems dpa' chen po byams pa la 'di skad ces smras so// tshe dang ldan pa byams pa gnas brtan rab 'byor 'di skad du byang chub sems dpa' sems dpa' chen po byams pa 'di don 'di'i lan ldon no zhes zer na tshe dang ldan pa ma pham pas don 'di'i/ lan lon cig/ de nas byang chub sems dpa' sems dpa' chen po byams pas tshe dang ldan pa rab 'byor la 'di skad ces smras so// tshe dang ldan pa rab 'byor gang 'di skad du byang chub sems dpa' sems dpa' chen po byams pa 'di don 'di'i lan ldon no zhes zer na/ tshe dang ldan pa rab 'byor ci byams pa zhes bya ba'i ming gang yin pa de don 'di'i lan sngon tam/ de ste gzugs lan ldon tam/ de ste tshor ba dang 'du shes dang 'du byed rnams dang rnam par shes pa lan ljon tam/ de ste kha dog lan ldon tam/ de ste gzugs kyi stong pa nyid gang yin pa de lan ldon tam/ de bzhin du tshor ba dang 'du shes dang 'du byed rnams dang rnam par shes pa'i stong pa nyid gang yin pa de lan ldon/ tshe dang ldan pa rab 'byor gzugs kyi stong pa nyid gang yin pa des ni lan ldon mi nus so// de bzhin du tshor ba dang 'du shes dang 'du byed rnams dang tshe dang / ldan pa rab 'byor rnam par shes pa'i stong pa nyid gang yin pa des ni lan ldon mi nus so// tshe dang ldan pa rab 'byor chos gang lan ldon par byed pa'i chos de yang bdag ste dbyi bas lan ldan ta/

  603. 302b

    gis yang dag par rjes su ma mthong ngo // chos gang la lan glan par bya ba'i chos de yang bdag gis yang dag par rjes su ma mthong ngo // chos gang gis lan glan par bya ba'i chos de yang bdag gis yang dag par rjes su ma mthong ngo // chos gang bla na med pa yang dag par rdzogs pa'i byang chub tu lung bstan pa'i chos de yang bdag gis yang dag par rjes su ma mthong ngo // de nas tshe dang ldan pa shA ri'i bus byang chub sems dpa' sems dpa' chen po byams pa la 'di skad ces smras so// tshe dang ldan pa byams pa chos 'di dag gang ci ltar tshig gis bstan pa de bzhin du khyod kyis mngon sum du byas sam/ byams pas smras pa/ tshe dang ldan pa shA ri'i bu chos 'di dag ci ltar tshig gis bstan pa de bzhin du bdag gis mngon sum du ma byas te/ tshe dang ldan pa shA ri'i bu ci ltar tshig gi brjod pa'am sems kyis bsams pa'i chos de dag kyang de ltar bdag gis mi shes mi dmigs yang dag rjes su ma mthong ngo // tshe dang ldan pa shA ri'i bu 'on kyang ci ltar lus kyis reg tu med pa dang tshig gis brjod du med pa dang yid kyis bsam du med pa de bzhin du chos thams cad kyang ngo bo nyid med pa'i phyir rang bzhin med pa'o// de nas tshe dang ldan pa shA ri'i bu 'di snyam du e ma byang chub sems dpa' sems dpa' chen po byams pa 'di shes rab zab ste/ ci ltar yang shes rab kyi pha rol tu phyin pa la yun ring por sbyang ba ltar ston to snyam du sems so// de nas bcom ldan 'das kyis tshe dang ldan pa shA ri'i bu

  604. 303a

    ga la bka' stsal pa/ shA ri'i bu khyod ci'i phyir 'di snyam du e ma byang chub sems dpa' sems dpa' chen po byams pas 'di ni shes rab zab mo snyam du sems/ shA ri'i bu khyod chos gang dang ldan pas dgra bcom pa zhes rab tu dbye ba'i chos de yang khyod kyis yang dag par rjes su mthong ngam/ shA ri'i bus gsol pa/ bcom ldan 'das de ni ma lags so// bcom ldan 'das kyis bka' stsal pa/ shA ri'i bu de bzhin du byang chub sems dpa' sems dpa' chen po shes rab kyi pha rol tu phyin pa la spyod pa ni 'di snyam du chos 'di bla na med pa yang dag par rdzogs pa'i byang chub tu lung bstan to// chos 'di bla na med pa yang dag par rdzogs pa'i byang chub tu lung snyan par 'gyur ro// chos 'di bla na med pa yang dag par rdzogs pa'i byang chub tu lung ston to// chos 'di bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro snyam du mi sems te/ byang chub sems dpa' sems dpa' chen po de ltar spyod na shes rab kyi pha rol tu phyin pa la spyod do// de spyod pa na mi dngang kun tu mi skrag kun tu skrag pa dang ldan par mi 'gyur ro// stobs bskyed pa rnyed pa'i phyir nga mngon par rdzogs par 'tshang mi rgya bar mi 'gyur snyam du de ltar de rnal 'byor du byed de gal te de ltar spyod na shes rab kyi pha rol tu phyin pa la spyod ngo // shA ri'i bu gzhan yang byang chub sems dpa' sems dpa' chen po gcan gzan gyi dgon pa'i

  605. 303b

    nang du song na dngang bar mi bya/ kun tu skrag par mi bya kun tu sgrub pa dang ldan par mi bya'o// de ci'i phyir zhe na/ 'di ltar des sems can thams cad kyi don du thams cad yongs su btang ba yin no// des sems 'di ltar bskyed par bya ste gal te bdag gcan gzan gyis zos na de dag la 'di ltar sbyin pa de byin par gyur pa dang bdag gi sbyin pa'i pha rol tu phyin pa yang yongs su rdzogs par 'gyur ro// bdag bla na med pa yang dag par rdzogs pa'i byang chub tu yang nye bar 'gyur gyis ci ltar bdag bla na med pa yang dag par rdzo pa'i byang chub mngon par rdzogs par sangs rgyas pa'i sangs rgyas kyi zhing der byol song gi skye gnas su song ba'i sems can de dag thams cad nas thams cad rnam pa thams du thams cad mi 'byung zhing shes par mi 'gyur te lha'i nye bar longs spyod pa dang yongs su longs spyod pa dang ldan par 'gyur ba de ltar bya'o snyam mo// shA ri'i bu gzhan yang byang chub sems dpa' sems dpa' chen po chom rkun gyi dgon pa'i nang du song na dngang bar mi bya kun tu skrag par mi bya kun tu skrag pa dang ldan par mi bya'o// de ci'i phyir zhe na/ byang chub sems dpa' sems dpa' chen po ni bdog pa thams cad yongs su gtong ba'i dge ba'i rtsa ba la mngon par dga' ba yin te/ byang chub sems dpa' sems dpa chen pos lus kyang rab tu bor zhing yo byad dang nye bar mkho ba thams cad yongs su gtang bar bya dgos pa'i phyir ro// des sems 'di ltar bskyed par bya ste gal te bdag gi

  606. 304a

    @yo byad dang nye bar mkho ba thams cad phrogs na sems can de dag la sbyin pa de byin par gyur cig/ gal te 'ga' zhig gis bdag gi srog gcod na ni bdag gis de la gnod sems dang khro ba dang zhe sdang bskyed par mi bya ste/ de dag la yang bdag gis lus dang ngag dang yid kyis gnod par mi bya'o de ltar na de'i tshe bdag gi sbyin pa'i pha rol tu phyin pa dang tshul khrims kyi pha rol tu phyin pa dang bzod pa'i pha rol tu phyin pa yongs su rdzogs par 'gyur bas bdag bla na med pa yang dag par rdzogs pa'i byang chub tu nye bar 'gyur ro// ci ltar bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na chom rkun gyi dgon pa thams cang nas thams cad rnam pa thams cad mi 'byung bar 'gyur zhing shes par mi 'gyur ba de ltar bya zhing de ltar bsgrub bo// ci ltar bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der nyes pa de dag dang gzhan dag kyang thams cad nas thams cad rnam pa thams cad du thams cad mi 'byung zhing mi shes pa de dag sangs rgyas kyi zhing yongs su dag pa bya ba'i phyir 'bad ngo snyam mo// shA ri'i bu gzhan yang byang chub sems dpa' sems dpa' chen po chu'i dgon par gyur pa'i nang du song na dngang bar mi bya kun tu skrag par mi bya kun tu skrag pa dang ldan par mi bya'o// de ci'i phyir zhe na/ byang chub sems dpa' sems

  607. 304b

    dpa' chen po ni mi dngang kun tu mi skrag pa'i chos can yin no// des 'di ltar sems bskyed par bya ste/ bdag gis sems can thams cad kyi sred pa thams cad bcad pa'i phyir brlab par bya'o// gal te bdag skom pas 'chi ba'i dus byed par gyur na yi dwags kyi 'jig rten du skye bar 'gyur ro snyam du byang chub sems dpa' sems dpa' chen pos dngang bar mi bya kun tu skrag par mi bya kun tu skrag pa dang ldan par mi bya'o// 'on kyang kye ma sems can 'di dag ni bsod nams chung ba ste/ 'di ltar 'jig rten 'di na chu'i dgon par gyur pa 'di lta bu dag snang ngo snyam du sems can thams cad kyi thang du snying rje chen po'i sems bskyed do// ci ltar bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na chu'i dgon par gyur pa thams cad nas thams cad rnam ba thams cad du thams cad mi 'byung zhing mi shes pa de ltar bdag gis bya'o// ci ltar sems can thams cad yan lag brgyad dang ldan pa'i chu rnyed par 'gyur ba de ltar bsod nams la gzung bar bya'o// ci lta de'i tshe bdag gi brtson 'grus kyi pha rol tu phyin pa yongs su rdzogs 'gyur ba de ltar sems can thams cad kyi phyir brtson 'grus brtan par brtsam par bya'o snyam mo// shA ri'i bu gzhan yang byang chub sems dpa' sems dpa' chen po bkres pa'i dgon pa'i nang du song na dngang bar mi bya kun tu skrag

  608. 305a

    par mi bya kun tu skrag pa dang ldan par mi bya ste des 'di ltar go cha bgo bar bya'o// ci ltar bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs kyi zhing der bkres pa'i dgon pa 'di lta bu dag thams cad nas thams cad rnam pa thams cad du thams cad mi 'byung zhing mi shes pa dang sems can de dag thams cad skyid pa dang bde ba dang ldan pa dang bde ba thams cad dang phrad par 'gyur ba de ltar brtson 'grus brtan par brtsam mo// de ltar bdag gis sangs rgyas kyi zhing yongs su sbyang bar bya'o// ci ltar sems can de dag gi bsam pa gang dang gang yin pa dang gang dang gang nyid yid kyis bsam pa de dang de nyid 'grub par 'gyur ba de ltar bya ste/ 'di lta ste dper na sum cu rtsa gsum gyi lha rnams kyi yid kyis bsams pa tsam gyis cungad 'byung bar 'gyur ba de bzhin du sems de rnams kyi yid kyis bsam/ pa tsam gyis de dag thams cad 'grub par 'gyur ba dang yid la bsams pa thams cad 'byung bar bya'o// ci ltar dus de'i tshe bdag gi bsam gtan gyi pha rol tu phyin pa yongs su rdzogs par 'gyur ba de ltar sems can thams cad kyi ched du rang gi sems yongs su dag pa la 'bad par bya'o snyam pas/ ci ltar sems can de dag gi chos kyi bsams yongs su rdzogs par 'gyur ba dang sems can thams cad kyi 'tsho ba'i yo byad thams cad dus thams cad du rnam pa thams cad ma tshang bar mi 'gyur ba de ltar

  609. 305b

    brtson 'grus brtan par bya snyam mo// shA ri'i bu gzhan yang byang chub sems dpa' sems dpa' chen po nad kyi dgon par gyur pa'i nang du song na dngang bar mi bya kun tu skrag par mi bya kun tu skrag pa dang ldan par mi bya ste/ des 'di ltar nye bar brtag par bya bsam par bya gzhal bar bya ste 'di la chos 'ga' zhig na bar byed pa yang med chos 'ga' zhig na ba zhes bya ba yang med do zhes des stong pa nyid du brtag par bya ste dngang bar mi bya kun tu skrag par mi bya kun tu skrag pa dang ldan par mi bya'o// shA ri// bu byang chub sems dpa' sems dpa' chen po ni/ sems 'di ltar bskyed par mi bya ste yun ring mo zhig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro snyam du de ltar sems bskyed par mi bya zhing dngang bar mi bya kun tu skrag par mi bya kun tu skrag pa dang ldan par mi bya'o// de ci'i phyir zhe na/ sems kyi skad cig 'di tsam pa gang yin pa de ni sngon med pa'i mtha' ma ste/ 'di lta ste mtha' med pa'o// shA ri'i bu byang chub sems dpa' sems dpa' chen/ bo des 'di ltar dka' ba'i 'du shes bskyed par mi bya ste/ sngon med pa'i mtha' ma 'di ni ming zhing yun ring ba'o// sngon med pa'i mtha' ma 'di ni sems kyi skad cig ma gcig dang ldan pa ste 'di lta ste mtha' med pa'o snyam mo// shA ri'i bu de ltar byang chub sems dpa' sems dpa' chen pos yun ring mo zhig gis bla na med pa yang

  610. 306a

    dag par rdzogs pa'i byang chub mngon par rdzogs par 'tshang rgya bar 'gyur ro zhes dngang bar mi bya kun tu skrag par mi bya kun tu skrag pa dang ldan par mi bya'o// shA ri'i bu byang chub sems dpa' sems dpa' chen po gang 'jigs pa mi zad pa 'di dag dang gzhan dag mthong zhing thos pa dang rtags pa dang rnam par shes pa dag la mi dngang kun tu mi skrag kun tu skrag pa dang ldan par mi 'gyur na/ shA ri'i bu rigs kyi bu 'am rigs kyi bu mo de bla na med pa yang dag par rdzogs pa'i byang chub mngon par rdzogs par 'tshang rgya ba'i skal ba yod par shes par bya'o// shA ri'i bu de ltar byang chub sems dpa' sems dpa' chen pos go cha chen po bgos te/ ci ltar bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der sems can thams cad kyi nad rnams thams cad nas thams cad rnam pa thams cad du thams cad mi 'byung ba dang mi shes par 'gyur ba de ltar bya zhing de ltar brtson 'grus brtan pa brtsam par bya'o// ci ltar de bzhin gshegs pas gsungs pa smra bar 'gyur ba dang ci ltar gsungs pa bzhin byed par 'gyur de ltar bya zhing ci ltar dus de'i tshe shes rab kyi pha rol tu phyin pa yang bdag la yongs su rdzogs par 'gyur ba de ltar sems can thams cad kyi don du shes rab kyi pha rol tu phyin pa la yongs su 'dris par bya'o// de nas 'khor der gang gA'i

  611. 306b

    lha mo zhes bya ba'i bud med gcig 'dus par gyur te 'dug pa de stan las langs te bla gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar te phyag 'tshal nas bcom ldan 'das la 'di skad ces gsol to// bcom ldan 'das bdag ni gnas 'di la mi dngang kun tu mi skrag kun tu skrag pa dang ldan par mi bgyid de/ mi dngang kun tu mi skrag par sems can thams cad la chos bstan par bgyi'o// de nas de'i tshe bcom ldan 'das kyis 'dzum pa gser gyi kha dog lta bur mdzad de/ 'od des 'jig rten gyi khams mtha' yas mu med pa khyab par byas nas tshangs pa'i 'jig rten gyi bar du mngon par byung ste slar log nas bcom ldan 'das la lan gsum bskor ba byas te bcom ldan 'das kyi dbu'i gtsug tu nub par gyur to// bcom ldan 'das kyis 'dzum pa mdzad ma thag tu de nas/ bud med des gser gyi me tog dag blangs te/ gser gyi me tog gis bcom ldan 'das la gtor cing mngon par gtor la mngon par rab tu gtor to// de nas gser gyi me/ tog de dag chags pa med par bar snang gi na mkha' la 'dug par gyur to// de nas tshe dang ldan pa kun dga' bo stan las langs te bla gos phrag pa gcig tu gzar nas pus g.yas pa'i lha nga sa la btsug te bcom ldan 'das ga la ba de logs su thal mo sbar te phyag 'tshal nas bcom ldan 'das la 'di skad ces gsol to// bcom ldan 'das

  612. 307a

    de bzhin gshegs pa dgra bcom pa yang dag par rdzogs pa'i sangs rgyas ni rgyu ma mchis rkyen ma mchis par 'dzum pa mi mdzad na 'dzum pa mdzad pa'i rgyu gang lag rkyen gang lags/ de skad ces gsol ba dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo sring mo gang gA'i lha mo 'di ma 'ongs pa'i dus na gser gyi me tog ces bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa skyes bu gdul bya'i kha lo sgyur ba bla na med pa lha dang mi rnams kyi ston pa sangs rgyas bcom ldan 'das 'jig rten du 'byung bar 'gyur te/ bskal pa skar ma lta bu la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// kun dga' bo sring mo gang gA'i lha mo 'di ni bud med kyi lus bsgyur te skyes pa'i lus thob nas 'di nas shi 'phos mi bskyod pa de bzhin gshegs pa dgra bcom pa yang dag par rdzogs pa'i sangs rgyas kyi sangs rgyas kyi zhing mngon par dga' ba'i 'jig rten gyi khams su skye bar 'gyur ro// der skyes nas kyang mi bskyod pa de bzhin gshegs pa dgra bcom pa yang dag par rdzogs pa'i sangs rgyas kyi drung du tshangs par spyad pa spyod par 'gyur ro// de nas shi 'phos nas de bzhin gshegs pa dag lta ba dang ma bral bar sangs rgyas kyi zhing nas sangs rgyas kyi zhing du 'gro bar 'gyur ro// de nas kyang gang

  613. 307b

    na sangs rgyas bcom ldan 'das rnams dang ma bral ba'i sangs rgyas kyi zhing nas sangs rgyas kyi zhing du 'gro ste de dang de dag tu 'gro bar 'gyur ro// kun dga' bo 'di lta ste/ dper na 'khor los sgyur ba'i rgyal po khang bzang nas khang bzang du 'gro ba dang / de nam 'tsho'i bar du rkang pa'i mthil gyis sa la ma reg par 'gro ste 'chi ka'i bar du yang rkang pa'i mthil sa la ma reg par 'chi ba'i dus byed pa de bzhin du kun dga' bo sring mo gang gA'i lha mo 'di yang sangs rgyas kyi zhing nas sangs rgyas kyi zhing du 'gro bar 'gyur te/ de yang bla na med pa yang dag par rdzogs pa'i byang chub tu mngon par rdzogs par sangs rgyas kyi bar du sangs rgyas bcom ldan 'das dang mi 'bral bar 'gyur ro// de nas tshe dang ldan pa kun dga' bo 'di snyam du sems te mi bskyod pa de bzhin gshegs pa dgra bcom pa yang dag par rdzogs pa'i sangs rgyas kyi drung na byang chub sems dpa' sems dpa' chen po gang 'khod pa de dag ni de bzhin gshegs pa 'dus pa nyid du rig par bya'o snyam mo// de nas bcom ldan 'das kyis tshe dang ldan pa kun dga' bo'i sems kyi rtog pa thugs kyis mkhyen nas tshe dang ldan pa kun dga' bo la 'di skad ces bka' stsal to// kun dga' bo de de bzhin te/ byang chub sems dpa' sems dpa' chen po de dag ni/ 'dam las brgal ba yin te/ mi bskyod pa de bzhin gshegs pa dgra bcom pa yang dag par rdzogs pa'i sangs rgyas kyi zhing na tshangs par spyad pa spyod do// kun dga' bo byang chub

  614. 308a

    zag sebs dpa' sems dpa' chen pa dedag byang chub yongs su 'gru pa la nye bar man par rig par bya'o// kun dga'ab yang bamar kyis ga nas pa dgra bcom pa yang dag par rdzogs pa'i sangs rgyas de'i nyan thos kyi dge 'dun ni chad yod par mi 'gyur ro// de ci'i phyir zhe na/ kun dga' bo gang dag la tshad ma med pa'i nyan thos de snyed dag der 'byung bar 'gyur te/ 'on kyang gzhal du med pa dang bgrang du med pa zhes bya ba de lta bu'i grangs su 'gro bar 'gyur ro// kun dga' bo yang de'i tshe de'i dus na sangs rgyas kyi zhing der gcan gzan gyi dgon pa mi 'byung chom rkun gyi dgon pa mi 'byung chu'i dgon pa mi 'byung mu ge'i dgon pa mi 'byung nad kyi dgon pa mi 'byung ste/ kun dga' bo ma legs par 'gyur ba'i dgon pa de dag dang ma legs pa gzhan dag kyang sangs rgyas kyi zhing der thams cad nas thams cad rnam pa thams cad du thams cad mi 'byung zhing mi shes par 'gyur ro// kun dga' bo yang gser gyi me tog de bzhin gshegs pa dgra bcom pa yang dag par rdzogs pa'i sangs rgyas bla na med pa yang dag par rdzogs pa'i byang chub mngon par rdzogs par sangs rgyas pa na/ 'jigs pa mi zad pa'i dgon pa 'di lta bu'i ngo bo de'i tshe thams cad nas thams cad rnam par thams cad du thams cad mi 'byung zhing mi shes par 'gyur ro// de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to// bcom ldan 'das sring mo gang gA'i lha mo 'dis de bzhin gshegs

  615. 308b

    pa gang gi drung du dang po bla na med pa yang dag par rdzogs pa'i byang chub tu sems bskyed pa'i dge ba'i rtsa ba bskyed/ de skad ces gsol ba dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo srid mo lha 'dis ni mar me mdzad de bzhin gshegs pa dgra bcom pa yang dag rdzogs pa'i sangs rgyas kyi drung du bla na med pa yang dag par rdzogs pa'i byang chub tu dang po sems bskyed pa'i dge ba'i rtsa ba bskyed do// de yang mar me mdzad de bzhin gshegs pa dgra bcom pa yang dag par rdzogs pa'i sangs rgyas la bla na med pa yang dag par rdzogs pa'i byang chub don du gnyer ba'i yid kyis gser gyi me tog gis gtor nas yongs su bsngos te/ ngas mar me mdzad de bzhin gshegs pa dgra bcom pa yang dag par rdzogs pa'i sangs rgyas la gang gi tshe ut+pa la lngas gtor cing ngas mi skye ba'i chos la bzod pa yang thob bo// de nas mar me mdzad de bzhin gshegs pa dgra bcom yang dag par rdzogs pa'i sangs rgyas kyis nga la bram ze'i khye'u khyod ma 'ongs pa'i dus na shAkya thub pa zhes bya ba de bzhin gshegs pa dgra bcom yang dag par rdzogs pa'i sangs rgyas rig pa dang rkang par ldan pa bde bar gshegs pa 'jig rten mkhyen pa/ skyes bu gdul bya'i kha lo sgyur ba bla na med pa lha dang mi rnams kyi ston pa sangs rgyas bcom ldan 'das su 'gyur ro zhes bla na med pa yang dag par rdzogs pa'i byang chub tu lung bstan te/

  616. 309a

    de'i tshe sring mo 'dis nga lung bstan pa thos nas kye ma nga la bram ze'i khye'u 'di ci ltar bla na med pa yang dag par rdzogs pa'i byang chub tu lung bstan pa de bzhin du bdag kyang bla na med pa yang dag par rdzogs pa'i byang chub tu lung bstan na ci ma rung snyam du sems skyes so// kun dga' bo de ltar sring mo 'dis mar med mdzad de bzhin gshegs pa dgra bcom pa yang dag par rdzogs pa'i sangs rgyas kyi drung du bla na med pa yang dag par rdzogs pa'i byang chub tu dang po sems bskyed pa'i dge ba'i rtsa ba bskyed do// de skad ces bka' stsal pa dang bcom ldan 'das la tshe dang ldan pa kun dga' bos 'di skad ces gsol to// bcom ldan 'das e ma sring mo gang ga'i lha mo 'di ni yongs su sbyang ba bgyis shing mthar phyir bar bgyid pa lags te/ bla na med pa yang dag par rdzogs pa'i byang chub tu lung bstan pa'o// de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// de de bzhin no kun dga' bo de de bzhin te/ ci skad spras pa bzhin no// e ma'o sring mo gang ga'i lha mo 'di ni yongs su sbyang ba byas shing mthar phyin par byas pa yin te/ bla na med pa yang dag par rdzogs pa'i byang chub tu lung bstan pa'o// 'phags pa shes rab kyi pha rol tu phyin pa brgyad stong pa las sring mo gang gi'i lha mo'i le'u zhes bya ste bcu dgu pa'o//

  617. 309b

    de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pas ci ltar stong pa nyid la yongs su 'dris par bgyi/ ci ltar stong pa nyid kyi ting nge 'dzin la snyom par 'jug par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la smod pas gzug stong pa'o snyam du so sor brtag par bya ste/ de bzhin du tshor ba dang 'du shes dang 'du byed rnams dang rnam par shes pa stong pa'o zhes so sor brtog par bya'o// ci ltar so sor rtog pa na chos nyid de la chos nyid kyi rang bzhin yod pa yin no zhes yang dag par rjes su mi mthong ba de ltar mi g.yeng ba'i sems kyi rgyud kyis so/ sor brtag par bya ste/ chos nyid de yang yang dag par rjes su mi mthong bas yang dag pa'i mtha' mngon sum du mi byed do// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das kyis gang 'di skad du byang chub sems dpa' sems dpa' chen pos stong pa nyid mngon sum du mi bya'o zhes gsungs nas bcom ldan 'das byang chub sems dpa' sems dpa' chen po ting nge 'dzin de la

  618. 310a

    gnas na/ ci ltar stong pa nyid mngon sum du mi bgyid/ bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen po ni rnam pa thams cad kyi mchog dang ldan pa'i stong pa nyid la rtog mod kyi mngon sum du bya'o snyam du yang mi rtog la mngon sum du bya ba yin no snyam du yang mi rtog gi yongs su 'dris par bya'o snyam du rtog go// 'di ni yongs su 'dris par bya ba'i dus yin te mngon sum du bya ba'i dus ni ma yin no snyam du rtog cing / bdag gis shes rab kyi pha rol tu phyin pa yongs su gzungs par yang 'gyur la mngon sum du yang mi bya'o snyam pas mnyam par ma bzhag pa nyid dmigs pa la sems nye bar 'dogs te/ bar skabs der byang chub sems dpa' sems dpa' chen po byang chub kyi phyogs kyi chos rnam las yongs su nyams par mi 'gyur zhing / zag pa zad par yang mi byed la 'di la yongs su 'dris par yang byed do// gang gi tshe na byang chub sems dpa' sem dpa' chen po rnam par thar pa'i sgo stong pa nyid kyi ting nge 'dzin la gnas pa de'i tshe na/ byang chub sems dpa' sems dpa' chen pos mtshan ma med pa'i ting nge 'dzin la gnas par bya ste mtshan ma med pa mngon sum du yang mi bya'o// de ci'i phyir zhe na/ de ltar dge ba'i rtsa ba brten pa yongs su bskyed pa'i chos dang ldan pa'i

  619. 310b

    byang chub sems dpa' sems dpa' chen pos ni 'di yongs su 'dris par bya ba'i dus yin gyi mngon sum du bya ba'i dus ni ma yin no snyam du rab tu brtag par bya ste/ shes rab kyi pha rol tu phyin pas kyang yongs su bzung la yang dag pa'i mtha' yang mngon sum du mi byed do// rab 'byor 'di lta ste dper na/ skyes bu rab tu dpa' bar gyur pa/ shin tu brtson 'grus dang ldan par gyur pa brtan zhing gnas par gyur pa/ gzugs bzang bar gyur pa mdzes par gyur pa rab tu blta na sdug par gyur pa yon tan mang po dang ldan par gyur pa/ yon tan mchog dang ldan par gyur pa/ tshul khrims dang dbang phyug mchog dang thos pa dang gtong ba la sogs pa'i yon tan dang ldan par gyur pa/ yid gzhungs par gyur pa/ smra nus par gyur pa lan ldon nus par gyur pa spobs pa phun sum tshogs par gyur pa sgrub pa phun sum tshogs pa dang ldan par gyur pa dus shes par gyur pa yul shes par gyur pa gnas shes par gyur pa 'phong rkyen pa'i mthar phyin par gyur pa mtshon cha mang po zlog par gyur pa mtshon cha sra ba zlog par gyur pa sgyu rtsal thams cad la rab tu mkhas par gyur pa shin tu yongs su rdzogs pas gnas thams cad kyi shin tu mthar phyin par gyur pa dran pa dang ldan par gyur pa blo gros dang ldan par gyur pa rtog pa dang ldan par gyur pa mos pa dang ldan par

  620. 311a

    gyur ba lugs dang ldan par gyur pa bstan bcos thams cad la 'jigs pa med par gyur pa mdza' bo dang ldan par gyur pa nor dang ldan par gyur pa dpung dang ldan par gyur pa/ yan lag ma tshang ba med par gyur pa dbang po yongs su tshang bar gyur pa yo byad thams cad phun sum tshogs par gyur pa 'khor phun sum tshogs par gyur pa skye bo mang po la yang phangs shing yid du 'ong bar gyur pa dgos pa gang yang gang nyid ci rtsom pa de dang de dag thams cad la sgrol nus par gyur pa rigs pas tha snyad du byed pa 'ga' zhig yod la/ de la thams cad du yang rnyed pa che bar gyur pa ste de snyed pa chen po de dang ldan par skye bo mang po la 'ged par byed bkur stir bya ba la bkur stir byed bla mar bya ba la bla mar byed ri mor bya ba la ri mor byed mchod par bya ba la mchod par byed na/ rab 'byor 'di ci snyam du sems ci skyes bu de de'i gzhi las dga' ba dang mgu ba dang rangs pa dang yid bde ba cher skye 'am/ rab 'byor gyis gsol pa/ bcom ldan 'das de de bzhin ni bde bar gshegs pa de de bzhin te/ bcom ldan 'das kyis bka' stsal pa/ rab 'byor yang skyes bu de phun sum tshogs pa chen po de dang ldan nas pha ma dang bu dang chung ma rnams khrid de rgyu de'i tshogs pa 'ga' zhig dang ldan pas/ 'brog dgon pa chen po 'jigs pa chen po byis pa

  621. 311b

    rnams la sdig mor rung ba spu zing zhes byed pa der zhugs par gyur la/ de der byin nas pha ma dang bu dang chung ma de dag la bdag gis khyed 'brog dgon pa 'jigs pa mi bzad pa chen po 'di nas nye zho med cing bde legasu myur du bsgral te myur du thar bar bya yis ma 'jigs shig ces mi 'jigs pa bstabs la rab 'byor yang 'brog dgon pa de na skyes bu de la phyir rgol ba dang mi mdza' ba mang po zhig byung bar gyur na rab 'byor de ci snyam du sems phyir rgol ba dang mi mdza' ba de dag nye bar gnas pas/ skyes bu dpa' bo phyir mi ldog pa lta ba dang brtson 'grus dang stobs dang ldan pa shes rab dang ldan pa shin tu gnyis shin pa 'dzangs pa brtan pa tshogs chen po dang ldan pa de/ pha ma dang bu dang chung ma de dag bor te 'brog dgon pa 'jigs pa mi bzad pa de las bdag cig bu byung ste/ 'gro bar sems sam/ rab 'byor gyis gsol pa/ bcom ldan 'das de ni ma lags so// de ci'i srad du zhe na/ bcom ldan 'das 'di ltar skyes bu de'i pha ma dang bu dang chung ma de dag yongs su mi 'dor te/ de'i nang dang phyi'i dpung gi tshogs dang yang ldan la/ 'brog dgon pa de na phyir rgol ba dang mi mdza' ba de dag la phyir rgol ba gzhan de bas ches mang ba ches dpa' bgo mtshon ches sra ba ches rlabs che ba dge mchis pas bsrung bas na/ de'i

  622. 312a

    slad du de'i phyir rgol ba mi mdza' ba klan ka tshol ba glags lta ba glags tshol ba dag gis grags mi rnyed de/ bcom ldan 'das de'i slad du skyes bu stobs dang ldan pa de ma snang ma smras par pha ma dang bu dang chung ma dang bdag nyid kyang 'brog dgon pa 'jigs pa chen po mi bzad pa de las 'byung nus te/ bde ba 'am bde legs su myur du grong ngam grong khyer ram/ grong rdal gyi bar du phyin par 'gyur ro// de skad ces gsol pa dang bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de bzhin du byang chub sems dpa' sems dpa' chen po sems can la phan pa dang snying brtse ba'i byams pa la gnas pa snying rje la gnas pa dga' ba la gnas pa btang snyoms la gnas pa thabs mkhas pa dang shes rab kyi pha rol tu phyin pas yongs su bzung ba yang dge ba'i rtsa ba rnams yang dag par rdzogs pa'i sangs rgyas kyis gnang ba'i yongs su bsngo bas yongs su bsngos nas 'di ltar yang rnam par thar pa'i sgo stong pa nyid dang mtshan ma med pa dang smon pa med pa'i ting nge 'dzin la 'jug pa de lta na yang nyan thos kyi sa 'am rang sangs rgyas kyi sa la yang dag pa'i mtha' gang yang mngon sum du mi byed do// / de ci'i phyir zhe na/ 'di ltar 'di'i yongs su 'dzin par byed pa ni mchog tu stobs dang ldan zhing mchog tu brtan pa yin te/ 'di lta ste shes rab kyi pha rol tu phyin pa dang /

  623. 312b

    thabs mkhas pa'o// des na 'dis sems can thams cad yongs su ma btang ba yin zhing des na 'dis dge zhing bde bar bla na med pa yang dag par rdzogs pa'i byang chub mngon par rdzogs par 'tshang rgya bar nus so// rab 'byor gang gi tshe byang chub sems dpa' sems dpa' chen po sems can thams cad kyi drung na byams pa'i sems dmigs par byed cing dmigs par byas nas de dag la byams pa'i mchog gis nye bar 'brel bar byed pa de'i tshe byang chub sems dpa' sems dpa' chen po nyon mongs pa'i phyogs dang bdud kyi phyogs las shin tu 'das shing nyan thos kyi sa dang rang sangs rgyas kyi sa las shin tu 'das te de ting nge 'dzin de la gnas so// rab 'byor de zag pa zad pa ma thob kyang pha rol tu phyin pa'i mchog stong pa nyid la yongs su 'dris par byed do// rab 'byor gang gi tshe byang chub sems dpa' sems dpa' chen po rnam par thar pa'i sgo stong pa nyid kyi ting nge 'dzin la gnas pa de'i tshe byang chub sems dpa' sems dpa' chen po bar skabs der mtshan ma med pa'i ting nge 'dzin mngon sum du bya ba ma yin no// rab 'byor 'di lta ste dper na 'dab chags bya ni nam mkha' bar snang la rgyu yang sa la mi ltung zhing gnas ci la yang mi rten par 'du ste nam mkha' bar snang nyid la gnas kyang de la yang mi rten mi gnas so// rab 'byor de bzhin du byang chub sems dpa' sems dpa' chen po stong pa nyid la gnas pas

  624. 313a

    gnas shing stong pa nyid la yongs su 'dris par yang byed do// mtshan ma med pa la gnas pas gnas shing mtshan pa med pa la yongs su 'dris par yang byed do// smon pa med pa la gnas pas gnas shing smon pa med pa la yongs su 'dris par yang byed de/ sangs rgyas kyi chos rnams yongs su ma rdzogs par stong pa nyid dang mtshan ma med pa dang smon med par yang mi ltung ngo // rab 'byor 'di lta ste dper na 'phong gi slob dpon stobs dang ldan pa mda' mtshon la legs par bslab pa shin tu mthar phyin pa des mda' ste du du 'phongs te mda' 'phangs nas de mda' gzhan dag gis slar bzlog nas mda' de sa la ltung bar 'dzin te/ mnga' snga ma de la mda' phyi ma brgyud mar 'phangs pas sa la lhung du mi ster te/ kye ma mda' de sa la lhung yang sla snyam du 'dod pa ma byang ba de srid du mda' de sa la mi ltung ngo // rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa thabs mkhas pas/ yongs su bzung ba de ni ji srid du bla na med pa yang dag par rdzogs pa'i byang chub tu dge ba'i rtsa ba de dag yongs su smin pa dang shin tu yongs su smin par ma gyur pa de srid du yang dag pa'i mtha' dam pa de mngon sum du mi byed do// gang gi tshe bla na med pa yang dag par rdzogs pa'i byang chub tu dge ba'i rtsa ba de dag yongs su smin cing

  625. 313b

    shin tu smin par gyur pa de'i tshe yang dag pa'i mtha' dam pa mngon sum du byed do// rab 'byor de lta bas na byang chub sems dpa' sems dpa' chen pos shes rab kyi pha rol tu phyin pa la sprad par bya/ shes rab kyi pha rol tu phyin pa la bsgom par bya/ de ltar chos zab mo de dag gi chos nyid so sor brtag cing nye bar bsam par bya ste mngon sum du mi bya'o// // 'phags pa shes rab kyi pha rol tu phyin pa brgyad stong pa/ bam po bco brgyad pa// / de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po gang stong pa nyid la spyod stong pa nyid la gnas stong pa nyid kyi ting nge 'dzin la mnyam par 'jog la yang dag pa'i mtha' yang mngon sum du mi bgyid pa ni dka' ba bgyid pa lags so// bcom ldan 'das byang chub sems dpa' sems dpa' chen po de ni shin tu dka' ba bgyid pa lags te/ bcom ldan 'das de ni ngo mtshar to// bde bar gshegs pa de ni shin tu ngo mtshar ro'o// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no de de bzhin te/ byang chub sems dpa' sems dpa' chen po gang stong pa nyid la spyod cing stong pa nyid la gnas

  626. 314a

    te/ stong pa nyid kyi ting nge 'dzin la mnyam par gzhog cing yang dag pa'i mtha' yang mngon sum du mi byed pa ni dka' ba byed pa yin no// byang chub sems dpa' sems dpa' chen po de ni shin tu dka' ba byed pa yin no// de ci'i phyir zhe na/ rab 'byor 'di ltar byang chub sems dpa' sems dpa' chen pos sems can thams cad yongs su ma btang ste/ de la bdag gis sems can de dag thams cad thar bar bya'o zhes bya ba de lta bu'i rang bzhin can gyi smon lam gyi khyad par de dag 'byung bar 'gyur ro// gang gi tshe byang chub sems dpa' sems dpa' chen po 'di ltar sems can thams cad bdag gis yongs su mi btang ngo // bdag gis 'di dag thams cad yongs su thar bar bya'o zhes sems mngon par bsgrub cing / rnam par thar pa'i sgo stong pa nyid kyi ting nge 'dzin mngon par sgrub pa dang rnam par thar pa'i sgo mtshan ma med pa'i ting nge 'dzin mngon par sgrub pa dang rnam par thar pa'i sgo smon pa med pa'i ting nge 'dzin mngon par sgrub pa de'i tshe byang chub sems dpa' sems dpa' chen po ni thabs mkhas pa dang ldan par rig par bya ste/ de ni sangs rgyas kyi chos yongs su ma rdzogs par bar ma dor yang dag pa'i mtha' mngon sum du mi byed do// de ci'i phyir zhe na/ 'di ltar de ni thabs mkhas pas srung bar byed do// des sems can thams cad yongs su ma btang ba gang yin pa de nyid de'i sems bskyed pa

  627. 314b

    yin te/ de ltar sems bskyed pa de dang / thabs mkhas pa de dang ldan pa de ni bar ma dor yang dag pa'i mtha' mngon sum du mi byed do// rab 'byor gzhan yang nam byang chub sems dpa' sems dpa' chen po zab mo'i gnas su gyur pa 'di lta ste/ rnam par thar pa'i sgo stong pa nyid kyi ting nge 'dzin dang rnam par thar pa'i sgo mtshan ma med pa'i ting nge 'dzin dang / rnam par thar pa'i sgo smon pa med pa'i ting nge 'dzin 'di dag la so sor rtog pa 'am so sor rtog par 'dod par gyur na/ des 'di ltar sems mngon par bsgrub par bya ste/ sems can 'di dag ni yun ring por sems can du 'du shes pas dmigs pa la spyod de/ bla na med pa yang dag par rdzogs pa'i byang chub mngon par rdzogs par sangs rgyas nas dmigs pa'i lta ba can gyi dmigs pa'i lta ba spang ba'i phyir sems can de dag la chos bstan to snyam du bsams nas rnam par thar pa'i sgo stong pa nyid kyi ting nge 'dzin la mnyam par gzhog cing yang dag pa'i mtha' yang mngon sum du mi byed/ do// rnam par thar pa'i sgo mtshan ma med pa'i ting nge 'dzin la mnyam par gzhog cing yang dag pa'i mtha' yang mngon sum du mi byed do// rnam par thar pa sgo smon pa med pa'i ting nge 'dzin la mnyam par gzhog cing yang dag pa'i mtha' mngon sum du mi byed do// de ltar byang chub sems dpa' sems dpa' chen

  628. 315a

    po sems bskyed pa 'di dang thabs mkhas pa 'di dang ldan na bar ma dor yang dag pa'i mtha' mngon sum du mi byed cing byams pa'i ting nge 'dzin las kyang nyams par mi 'gyur/ snying rje las ma yin dga' ba las ma yin btang snyoms kyi ting nge 'dzin las kyang yongs su nyams par 'gyur ro// / de ci'i phyir zhe na/ thabs mkhas pas yongs su bzung bas byang chub sems dpa' sems dpa' chen po chos dkar po dag gis rgya cher rnam par 'phel te/ de'i dad pa la sogs pa'i dbang po yang shin tu rno bar 'gyur/ stobs dang byang chub kyi yan lag dang lam rnams kyang 'thob par 'gyur ro// rab 'byor gzhan yang byang chub sems dpa' sems dpa' chen po 'di snyam du sems te sems can 'di dag ni yun ring por chos kyi 'du shes kyi dmigs pa la spyod de/ bla na med pa/ dag par rdzogs pa'i byang chub mngon par rdzogs par sangs rgyas nas dmigs par lta ba can de dag gi dmigs pa'i lta ba spang bar bya ba'i phyir chos bstan to snyam du bsams nas sems can thams cad kyi phyir rnam par thar pa'i sgro stong pa nyid kyi ting nge 'dzin la mnyam par gzhog go// de sems bskyed pa de dang thabs mkhas pa snga ma de dang ldan pas rnam par thar pa'i sgo stong pa nyid kyi ting nge 'dzin la mnyam par gzhog cing yang dag pa'i mtha' yang mngon sum du mi byed do//

  629. 315b

    byams pa dang snying rje dang dga' ba dang btang snyoms kyi ting nge 'dzin las kyang nyams par mi 'gyur ro// de ci'i phyir zhe na/ thabs mkhas pas yongs su bzung bas byang chub sems dpa' sems dpa' chen po ni chos dkar po dag gis rgya cher rnam par 'phel te de'i dad pa la sogs pa'i dbang po yang shin ta rno bar 'gyur/ stobs dang byang chub kyi yan lag dang lam rnams kyang 'thob par 'gyur ro// rab 'byor gzhan yang byang chub sems dpa' sems dpa' chen po 'di snyam du snyam du sems te/ sems can 'di dag ni yun ring por mtshan ma'i 'du shes kyis mtshan ma la spyod de/ bla na med pa yang dag par rdzogs pa'i byang chub mngon par rdzogs par sangs rgyas nas de dag la mtshan ma'i 'du shes spang ba'i phyir chos bstan to snyam ste sems can thams cad kyi phyir rnam par thar pa'i sgo mtshan ma med pa'i ting nge 'dzin la mnyam par gzhog go// de sems bskyed pa de dang thabs mkhas pa snga ma de dang ldan pas rnam par thar pa'i sgo mtshan ma med pa'i ting nge 'dzin la mnyam par gzhog cing yang dag pa'i mtha' yang mngon sum du mi byed la/ byams pa dang snying rje dang dga' ba dang btang snyoms dang ting nge 'dzin thams cad las kyang yongs su nyams par mi 'gyur ro// de ci'i phyir zhe na/ thabs mkhas pas yongs su bzung bas byang chub sems dpa' sems dpa' chen po chos

  630. 316a

    dkar po dag gis rgya cher rnam par 'phel te de'i dad pa la sogs pa'i dbang po yang shin tu rno bar 'gyur/ stobs dang byang chub kyi yan lag dang lam rnams kyang 'thob par 'gyur ro// rab 'byor gzhan yang byang chub sems dpa' sems dpa' chen po 'di snyam du sems te/ sems can 'di dag ni yun ring por rtag par 'du shes pa dang bde bar 'du shes pa dang bdag tu 'du shes pa dang sdug par 'du shes pas phyin ci log pa ste/ ci nas bdag bla na med pa yang dag par rdzogs pa'i byang chub mngon par rdzogs par sangs rgyas nas rtag par 'du shes pa dang bde bar 'du shes pa dang bdag tu 'du shes pa dang sdug par 'du shes pas phyin ci log tu gyur pa spang ba'i phyir 'di thams cad ni mi rtag pa ste 'di ni rtag pa ma yin no 'di thams cad ni sdug bsngal ba ste 'di ni bde ba ma yin no 'di thams cad ni bdag med pa ste 'di ni bdag dang bcas pa ma yin no// 'di thams cad ni mi sdug pa yin te 'di ni sdug pa ma yin no// zhes chos bstan par 'gyur ba/ de ltar bya'o// de sems bskyed pa de dang ldan zhing thabs mkhas pa snga ma dang shes rab kyi pha rol tu phyin pas yongs su bzung bas sangs rgyas kyi chos rnams yongs su rdzogs par bar dor yang dag pa'i mtha' mngon sum du mi byed do// de bzhin du rnam par thar pa'i sgo smon pa med pa'i ting nge 'dzin la mnyam par bzhag ste/

  631. 316b

    gnas shing yang dag pa'i mtha' mngon sum du mi byed/ byams pa dang snying rje dang dga' ba dang btang snyoms las kyang yongs su nyams par mi 'gyur ro// de ci'i phyir zhe na/ thabs mkhas pas yongs su zin pa'i byang chub sems dpa' sems dpa' chen po ni chos dkar po dag gis rgya cher rnam par 'phel de de'i dad pa la sogs pa'i dbang po yang shin tu rno bar 'gyur ro// stobs dang byang chub kyi yan lag dang lam rnams kyang 'thob par 'gyur ro// rab 'byor byang chub sems dpa' sems dpa' chen po gang la la sems bskyed pa 'di skyed par byed de 'di ltar sems can 'di dag ni yun ring por dmigs pa la spyod por gyur cing da ltar yang dmigs pa la spyod/ mtshan ma'i 'du shes la sprad par gyur cing da ltar yang mtshan ma'i 'du shes la spyod/ phyin ci log le sprad par gyur cing da ltar yang phyin ci log lo spyod/ ril por 'du shes pa la sprad par gyur cing da ltar yang ril por 'du shes pa la spyod/ yang dag pa ma yin pa'i la shes la spyad par gyur cing da ltar yang yang dag pa ma yin pa'i 'du shes lo spyod log par lta ba la sprad par gyur cing da ltar yang log par lta ba la spyod do// ltar 'di dag la nyes pa 'di dag thams cad rnam pa thams cad mi 'byung zhing mi shes pa de ltar bya'o// zhes de ltar sems can thams cad la sems te/ byang chub

  632. 317a

    sems dpa' sems dpa' chen po de dran pa'i shes pa de dang sems bskyed pa de lta bu dang ldan zhing thabs mkhas pa dang yang ldan/ shes rab kyi pha rol tu phyin pas kyang yongs su bzung bas de ltar chos zab mo 'di dag gi chos nyid la 'di ltar stong pa nyid dam mtshan ma med pa 'am smon pa med pa 'am mngon par 'du mi byed pa 'am mi 'byung ba 'am mi skye ba'am dngos po med par so sor rtog go// rab 'byor byang chub sems dpa' sems dpa' chen po gang de ltar shes pa'i chos dang ldan pa ni mngon par 'di mi byed par ltung ba 'am khams gsum pa dang lhan cig gnas par 'gyur ba ni gnas ma yin zhing go skabs med do// rab 'byor byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas byang chub sems dpa' sems dpa' chen po la 'di skad ces byang chub sems dpa' sems dpa' chen po stong pa nyid mngon sum du mi byed pa dang mtshan ma med pa mngon sum du mi byed pa dang / smon pa med pa mngon sum du mi byed pa dang mngon par 'du mi byed pa mngon sum du mi byed pa dang 'byung ba med pa mngon sum du mi byed pa dang skye ba med pa mngon sum du mi byed pa dang dngos po med pa yang mngon sum du mi byed la shes rab kyi pha rol tu phyin pa la yang sgom par byed pas chos 'di dag la yongs su 'dris par bya ba ni gang yin/

  633. 317b

    zhing sems gang dag mngon par bsgrub pa na sems ci lta bu'i rang bzhin du mngon par bsgrub par bya zhes dri bar bya'o// gal te rab 'byor byang chub sems dpa' sem dpa' chen po la byang chub sems dpa' sems dpa' chen pos de skad dris pa na/ 'di skad du byang chub sems dpa' sems dpa' chen pos stong pa nyid yid la bya'o// mtshan ma med pa dang smon pa med pa dang mngon par 'du mi byed pa dang mi 'byung ba dang mi skye ba dang dngos po med pa nyid byang chub sems dpa' sems dpa' chen pos yid la bya'o zhes lung ston cing gal te sems can thams cad yongs su mi gtong ba'i sems de nye bar mi ston tam/ thabs mkhas pa lung mi ston na/ rab 'byor byang chub sems dpa' sems dpa' sems dpa' chen po 'di ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub las phyir mi ldog pa nyid du lung ma bstan par rig par bya'o// de ci'i phyir zhe na/ phyir mi ldog pa'i byang chub sems dpa' sems dpa' chen po'i ma 'dres pa'i chos gang yin pa'i chos de mi ston rab tu mi 'byed nye bar mi ston rab tu mi shes dris kyang lung mi ston lan mi lon cing phyir mi ldog pa'i byang chub sems dpa' sems dpa' chen po'i sa gang yin pa'i sa la de mi gnod pa'i phyir ro// rab 'byor gyis gsol pa/ bcom ldan 'das yang byang chub sems dpa' sems dpa' chen po rnam grang /

  634. 318a

    gang gis phyir mi ldog par 'gyur ba'i rnam grangs mchis sam/ bcom ldan 'das kyis bka' stsal pa/ rab 'byor rnam grangs gang gis phyir byang chub sems dpa' sems dpa' chen po phyir mi ldog par 'gyur ba'i rnam grangs yod de gal te byang chub sems dpa' sems dpa' chen pos shes rab kyi pha rol tu phyin pa 'di thos kyang rung ma thos kyang rung ste de ltar shes shing de ltar lan ldon na phyir mi ldog pa'i byang chub sems dpa' sems dpa' chen por rig par bya'o// rab 'byor gyis gsol pa/ bcom ldan 'das de'i slad du byang chub tu spyod pa mang yang gang de ltar lan ldon pa ni nyung ngo // bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen po gang phyir mi ldog pa'i ye shes kyi sar lung bstan pa de dag ni nyung ste yang lung bstan par gyur pa de dag ni de ltar lan ldon to// byang chub sems dpa' sems dpa' chen po de dang de dag ni dge ba'i rtsa ba 'bar ba bskyed par rig par bya'o// byang chub sems dpa' sem dpa' chen po de dang de dag ni lha dang mi dang lha ma yin du bcas pa'i 'jig rten gyis mi 'phrog pa'o// rab 'byor yang gal te byang chub sems dpa' sems dpa' chen po rmi lam gyi nang na yang chos thams cad rmi lam ltar yang dag par lta zhing mngon sum du yang mi byed na rab 'byor 'di yang phyir mi ldog pa'i byang chub sems dpa'

  635. 318b

    sems dpa' chen po'i phyir mi ldog pa'i mtshan nyid du rig par bya'o// rab 'byor gzhan yang byang chub sems dpa' sems dpa' chen po rmi lam gyi nang na yang nyan thos kyi sa 'am rang sangs rgyas kyi sa 'am khams gsum la 'dod pa med cing phan yon gyi sems mi bskyed na/ rab 'byor 'di yang phyir mi ldog pa'i byang chub sems dpa' sem dpa' chen po'i phyir mi ldog pa'i mtshan nyid du rig par bya'o// rab 'byor gzhan yang byang chub sems dpa' sems dpa' chen po rmi lam gyi nang na yang 'khor brgya phrag du ma dang stong phrag du ma dang brgya stong phrag du ma dang bye ba brgya phrag du ma dang bye ba stong phrag du ma dang bye ba brgya stong phrag du ma dang bye ba khrag khrig brgya stong phrag du ma'i 'khor gyi dbus su chud cing 'khor gyi dkyil 'khor gyi khyams na 'dug nas dge slong gi dge 'dun gyis yongs su bskor zhing byang chub sems dpa'i dge 'dun gyis mdun du nas bdag nyid de bzhin gshegs pa dgra bcom pa yang dag par rdzogs par sangs rgyas nas chos ston par mthong na/ rab 'byor 'di yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o// rab 'byor gzhan yang byang chub sems dpa' sems dpa' chen po'i rmi lam na yang bdag nyid nam mkha' la mngon par 'phags te sems can dag la chos ston pa dang / 'od 'dom gang par kun tu shes shing phyogs gzhan dag tu song ste 'jig rten gyi khams gzhan der sangs rgyas

  636. 319a

    kyi mdzad pa mdzad nas der yang dge slong dag mngon par sprul cing chos ston te/ rab 'byor 'di ltar yang rmi lam gyi nang na yang phyir mi ldog pa'i byang chub sems dpa' sems dpa' chen por kun shes na/ rab 'bor 'di yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o// rab 'byor gzhan yang byang chub sems dpa' sems dpa' chen po'i rmi lam na yang mi dngang kun tu mi skrag kun tu skrag pa dang ldan par mi 'gyur te grong la gnod pa 'am grong khyer la gnod pa 'am grong rdal la gnod pa 'am ljongs su gnod pa 'am yul 'khor du gnod pa 'am 'brog me shor ba'i gnod pa byung ngam/ gcan gzan nam ri dgas sam de ma yin pa'i ri dgas kyi rigs phra mo gzhan dag mthong ba dang mgo gcod pa nye bar gnas pa 'am de ma yin pa gzhan gang yang rung ba'i 'jigs pa chen po mi bzad pa dang sdug bsngal ba dang yid mi bde ba dag byung ba dang / sems can gzhan dag gi sdug bsngal ba dang yid mi bde ba dang 'jigs pa chen po mi bzad pa dag mthong yang de la 'jigs pa mi bzad pa skye bar mi 'gyur mi dngang kun tu mi skrag kun tu skrag pa dang ldan pa mi byed de/ de nas de gnyid kyis log pa las sad de de langs ma thag tu 'di snyam du sems te/ khams gsum 'di dag thams cad ni rmi lam lta bu ste bdag bla na med/

  637. 319b

    pa yang dag par rdzogs pa'i byang chub mngon par rdzogs par sangs rgyas nas de ltar gang yang dag par ston pas chos bstan par bya'o snyam na/ rab 'byor 'di yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o// rab 'byor gzhan yang phyir mi ldog pa'i byang chub sems dpa' sems dpa' chen po'i rmi lam gyi nang na dmyal ba pa'i sems can rnams mthong ba na 'di snyam du sems te/ ci ltar bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing du ngan song thams cad nas thams cad rnam pa thams cad du thams cad mi 'byung bar 'gyur ba de ltar bya'o snyam na/ rab 'byor 'di yang phyir mi ldog pa'i byang chub sems dpa' sems dpa' chen po 'di'i ngan song rnam par dag pa'i mtshan nyid du rig par bya'o// rab 'byor de la phyir mi ldog pa'i byang chub sems dpa' sems dpa' chen po de'i bla na med pa yang dag par rdzogs pa'i byang chub mngon par rdzogs par sang rgyas pa'i sangs rgyas kyi zhing du ngan song thams cad nas thams cad rnam pa thams cad du thams cad 'byung bar mi 'gyur bar ci ltar shes zhe na/ rab 'byor gal te byang chub sems dpa' sems dpa' chen po rmi lam gyi nang na dmyal bar gtogs pa 'am byol song dang yi dgas su gtogs pa'i sems can dag mthong nas dran pa

  638. 320a

    rnyed par 'gyur te de dran pa de rnyed nas 'di snyam du sems te ci ltar bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing na ngan song thams cad nas thams cad rnam pa thams cad du thams cad mi 'byung ba de ltar bya'o snyam pa 'di ni rab 'byor de ltar byang chub sems dpa' sems dpa' chen po'i ngan song yongs su dag pa'i mtshan nyid du rig par bya ste/ rab 'byor 'di yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o// rab 'byor gzhan yang byang chub sems dpa' sems dpa' chen pos rmi lam gyi nang du grong khyer tshig pa dang grong tshig par gyur pa rmis te de rmi lam de las sad nas 'di snyam du sems te/ ci lta ngas rmi lam gyi nang du rnam pa gang dang rtags gang dang mtshan ma gang / dag mthong ba'i rnam pa gang dang rtags gang dang mtshan ma gang dag gis byang chub sems dpa' sems dpa' chen po phyir mi ldog par gzung bar bya ba'i rnam pa de dag dang rtag de dag dang mtshan ma de dag nga la yod na/ bden pa de dang bden pa'i tshig des grong khyer tshig pa dang grong tshig pa 'di nye bar zhi bar gyur cig bsil bar gyur cig med par gyur cig ces byas na/ rab 'byor gal te grong tshig pa dang grong khyer tshig pa de nye bar zhi ba dang bsil ba dang med par gyur na ni rab 'byor byang chub sems dpa'

  639. 320b

    sems dpa' chen po de sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu phyir mi ldog par lung bstan par rig par bya'o// gal te nye bar ma zhi bsil bar ma gyur med par ma sod na rab 'byor byang chub sems dpa' sems dpa' chen po de bla na med pa yang dag par rdzogs pa'i byang chub tu lung ma bstan par rig par bya'o// rab 'byor yang gal te mes tshig pa de khyim nas khyim/ srang nas srang du thal te/ srang gzhan gang yang rung ba 'am/ khyim gzhan gang yang rung bar song nas tshig ste nye bar ma zhi bsil bar ma gyur med par ma song na/ rab 'byor de ni byang chub sems dpa' sems dpa' chen po des chos spong ba nyid dang shes rab 'chal par 'gyur ba dang mthun pa'i las nye bar bsags par rig par bya ste/ des na 'di la mthong ba'i chos la 'byung bar 'gyur ba dang rjes su mthun pa nyid kyi las rnam par smin pa yin pas chos spong ba de nyid las lhag ma dang bcas pa'i las kyi rnam par smin pa yin no// rab 'byor byang chub sems dpa' sems dpa' chen po phyir mi ldog pa'i mtshan nyid kyi rgyu ni de yin rkyen ni de yin te/ rab 'byor 'di yang byang chub sems dpa' sems dpa' chen po'i bla na med pa yang dag par rdzogs pa'i byang chub las phyir mi ldog par gzung bar bya'o// rab 'byor gzhan yang

  640. 321a

    rnam pa gang dag dang rtags gang dag dang mtshan ma gang dag gis phyir mi ldog pa'i byang chub sems dpa' sems dpa' chen por gzung bar bya ba'i rnam pa de dag dang rtags de dag dang mtshan ma de dag bstan par bya yis legs par rab tu nyon la yid la zung zhig dang ngas khyod la bshad do// de nas tshe dang ldan pa rab 'byor gyi bcom ldan 'das la legs so zhes gsol nas bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// rab 'byor gal te skyes pa 'am bud med dam khye'u 'am bu mo la la zhig mi ma yin pas zin cing babs par gyur na der byang chub sems dpa' sems dpa' chen po 'ongs nas byin gyis brlabs 'di ltar bsams par bya ste/ gal te nga sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu lung bstan pa yin gang bdag blan med pa yang dag par rtags pa'i byang chub mngon par rdzogs par 'chang rgya ba 'don tu bsam pa yongs su dag la ci ltar bdag bla na med pa yang dag par rdzogs pa'i byang chub mngon par rdzogs par 'tshang rgya bar 'dod de/ bla na med pa yang dag par rdzogs pa'i byang chub la bang gi yid la byed pa yongasu dag cing bdag nyan thos kyi sem dang rang bdag bla na med pa yang dag par rdzogs pa'i byang chub mngon par rdzogs par sangs sangs rgyas kyi sems dang bral ba des na/

  641. 321b

    rgyas par bya ba yin la/ bdag bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ba ma yin zhing bdag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba kho na yin pa dang / yang 'jig rten gyi khams gzhal du med grangs med pa de dag na sangs rgyas bcom ldan 'das gang dag bzhugs te 'tsho zhing gzhes pa'i de bzhin gshegs pa dgra bcom pa yang dag par rdzogs pa'i sangs rgyas de dag la ma mkhyen pa 'am ma gzigs pa 'am thugs su ma chud pa 'am mngon sum du ma mdzad pa 'am mngon par rdzogs par sangs ma rgyas pa ci yang med de/ ci ltar sang rgyas bcom ldan 'das de dag gis bdag gi bsam pa mkhyen pa ltar bdag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur na/ bden pa 'di dang bden pa'i tshig 'dis skyes pa 'am bud med dam khye'u 'am bu mo 'di mi ma yin pa'i gdon gyis zin cing non pa de song zhig ces byas la byang chub sems dpa' sems dpa' chen po'i gal te de skad smras pa dang mi ma yin pa de ma song na ni rab 'byor byang chub sems dpa' sems dpa' 'di sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu lung ma bstan par rig par

  642. 322a

    bya'o// rab 'byor yang gal te byang chub sems dpa' sems dpa' sems dpa' chen pos de skad ces smras pa na mi ma yin pa de song na ni rab 'byor byang chub sems dpa' sems dpa' chen po 'di sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu lung bstan par bya'o// / 'phags pa shes rab kyi pha rol tu phyin pa brgyad stong pa las thabs mkhas pa la spyod pa'i le'u zhes bya ste nyi shu pa'o// // rab 'byor yang de la byang chub sems dpa' sems dpa' chen po tshig 'di skad du smra bar 'gyur te/ bden pa dang bden pa'i tshig gang gis bdag sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu lung bstan na/ bden pa dang bden pa'i tshig des mi ma yin pa 'di song zhig ces byas na rab 'byor de la bdud sdig can mi ma yin pa de 'gro bar bya ba'i phyir brtson par byed do// de ci'i phyir zhe na/ der byang chub sems dpa' sems dpa' chen po theg pa la zhugs nas ring po ma lon pa de'i gan du shin tu stobs dang ldan pa dang shin tu gzi brjid dang ldan pa'i bdud sdig can ci ltar mi ma yin pa 'di 'gro bar 'gyur snyam pas 'bad par byed do// de ltar mi ma yin pa de bdud

  643. 322b

    kyi byin gyi rlabs kyis 'gro bar 'gyur la/ de ltar na yang byang chub sems dpa' sems dpa' chen po de 'di snyam du mi ma yin pa 'gro ba ni nga'i mthu'o snyam du sems kyi yang 'di ltar bdud kyi mthus mi ma yin pa 'gro'o snyam du mi shes so// de brtson pa de tsam zhig byed par 'gyur te de brtson pa des byang chub sems dpa' sems dpa' chen po gzhan dag la brnyas par byed rngan can byed snying par byed 'phya bar byed smod par byed par 'gyur te/ nga ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung bstan to// zhes de de tsam gyis phyi phyir nga rgyal skyed par 'gyur nga rgyal yang dag par bskyed par 'gyur nga rgyal 'phel bar byed par 'gyur/ nga rgyal yang dag par 'phel bar 'gyur nga rgyal ston par byed par 'gyur nga rgyal nye bar ston par byed par 'gyur/ nga rgyal rgyas par byed par 'gyur nga rgyal nye bar rgyas par byed par 'gyur nga rgyal 'byung bar byed par 'gyur ro// de rgyal dang che ba'i nga rgyal dang nga rgyal las kyang nga rgyal dang mngon pa'i nga rgyal dang log pa'i nga rgyal des thams cad mkhyen pa nyid rgyang ring du byed par 'gyur// na med pa'i sangs rgyas kyi ye shes dang rang byung gi ye shes dang thams cad mkhyen pa'i ye shes rgyang ring du byed par 'gyur/ bla na med pa yang dag par rdzogs pa'i

  644. 323a

    byang chub rgyang ring du byed par 'gyur ro// de lta bu'i tshul gyis dge ba'i bshes gnyen dge ba'i chos can mos pa rgya che ba lhag pa'i bas pa phun sum tshogs pa thabs mkhas pa phyir mi ldog pa'i chos dang ldan pa'i byang chub sems dpa' sems dpa' chen po de lta bu dag mthong na mngon pa'i nga rgyal bskyed nas brnyas par byed cing de lta bu'i tshul gyis dge ba'i bshes gnyen la mi bsnyen mi bsten bsnyen bkur mi byed mi 'dri zhing bdud kyis 'ching ba de nyid sra bar byed de/ de ni sa gnyis su rig par bya ste 'di lta ste nyan thos kyi sa 'am rang sangs rgyas kyi sa'o// rab 'byor de ltar bden pa'i byin gyi rlabs kyis bdud sdig can byang chub sems dpa' sems dpa' chen po theg pa la zhags nas ring po ma lon pa dad pa chung ba thos pa nyung ba dge ba'i bshes gnyen dang bral ba shes rab kyi pha rol tu phyin pas yongs su ma zin cing thabs mkhas pa dang bral ba la bla na med pa yang dag par rdzogs pa'i byang chub kyi bar chad byed de/ rab 'byor 'di yang byang chub sems dpa' sems dpa' chen po'i bdud kyi las su rig par bya'o// rab 'byor gzhan yang byang chub sems dpa' sems dpa' chen po la ming ston pas kyang bdud kyi las su 'gyur ro// rab 'byor ci ltar byang chub sems dpa' sems dpa' chen po la ming ston pas kyang bdud kyi las su 'gyur zhe na/ rab 'byor 'di la

  645. 323b

    bdud sdig can byang chub sems dpa' sems dpa' chen po'i ming ston pa dang ming byin gyis brlabs pas kyang nye bar 'ong bar 'gyur te/ gzhan gang yang rung ba dang gzhan gang yang rung ba'i cha byad du 'ongs nas 'di skad du khyod ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung bstan to// de ci'i phyir zhe na/ khyod kyi ming ni 'di zhes bya khyod kyi ma'i ming ni 'di zhes bya/ khyod kyi pa'i ming ni 'di zhes bya/ khyod kyi spun zla'i ming ni 'di zhes bya/ khyod kyi sring mo'i ming ni 'di zhes bya khyod kyi grogs po dang blon po dang nye du dang snag gi gnyen mtshams kyi ming ni 'di zhes bya'o// zhes ma mes dang pha mes gnyis ka'i rabs bdun tshun chad kyi ming brjod cing khyod ni phyogs ga ge mo zhig tu skyes te grong ngam grong khyer ram/ grong rdal ga ge mo zhig tu skyes nas ga ge mo zhig tu skyes so// zhes zer zhing gal te rang bzhin gyis rtul ba zhig yin na de la 'di skad du khyod sngon yang de bzhin du rtul por gyur to zhes zer ro// gal te rang bzhin gyi dbang po rno ba zhig yin na de'i phyir de la 'di skad du khyod sngon yang dbang po rno por gyur to zhes zer ro// gal te dgon pa pa zhig yin nam gal te bsod snyoms pa zhig yin nam gal te phyag dar khrod pa zhig yin nam gal te zas phyis mi len pa zhig yin nam/ gal te stan cig pa zhig yin nam gal te gzhi ji bzhin

  646. 324a

    pa zhig yin nam/ gal te chos gos gsum pa zhig yin nam gal te dur khrod pa zhig yin nam gal te shing drung pa zhig yin nam gal te cog pu pa zhig yin nam gal te bla gab med pa zhig yin nam gal te phying pa pa zhig yin nam gal te 'dod pa nyung zhing chog shes pa rab tu dben pa zhig yin nam gal te rkang bskud pa dang bral ba zhig yin nam/ gal te 'jam por smra zhing tshig nyung ba zhig yin na/ de la bdud sdig can tshe 'di'i yon tan de dang de dag gis 'di skad du khyod ni sngon yang yon tan 'di dang 'di dag dang yang ldan par gyur te khyod ni sngon gyi de bzhin gshegs pa dgra bcom pa yang dag par rdzogs pa'i sangs rgyas de rnams kyis tha na med pa yang dag par rdzogs pa'i byang chub tu phyir mi ldog pa'i byang chub sems dpa'i sa la nges par lung bstan to// de ci'i phyir zhe na/ 'di ltar khyod la sbyang pa'i yon tan 'di lta bu 'di dag yod kyis khyod ni gdon mi za bar sngon yang spangs pa'i yon tan 'di dag dang ldan par gyur to// zhes bsgo bar byed de de ltar ma sngon gyi ming bstan pa de dang ming la brten pa dang da ltar gyi sbyangs pa'i yon tan dang yo byad bsnyungs pa des rlom sems bskyed par 'gyur te/ de 'di snyam du bdag ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu lung bstan te/

  647. 324b

    'di ltar yon tan 'di dag ni bdag la yod do snyam pa dang / de la bdud sdig can 'di skad du khyod ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu phyir mi ldog par lung bstan to// de ci'i phyir zhe na/ 'di ltar khyod la spangs pa'i yon tan de lta bu de dag yod do zhes zer ro// rab 'byor yang de la bdud sdig can res 'ga' ni dge slong gi cha byad du 'ong bar sems/ res 'ga' ni dge slong ma'i cha byad du 'ong bar sems/ res 'ga' ni dge bsnyen gyi cha byad/ res 'ga' ni dge bsnyen ma'i cha byad res 'ga' ni bram ze'i cha byad res 'ga' ni khyim bdag gi cha byad res 'ga' ni ma'i cha byad res 'ga' ni pha'i cha byad res 'ga' ni spun zla'i cha byad res 'ga' ni sring mo'i cha byad res 'ga' ni grogs po dang blon po dang nye du dang snag gi gnyen mtshams kyi cha byad du 'ong bar 'gyur te/ 'ongs nas 'di skad du khyod ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu phyir mi ldog pa'i sa la lung bstan to// de ci'i phyir zhe na/ 'di ltar khyod la phyir mi ldog pa'i byang chub sems dpa' sems dpa' chen po'i yon tan gang yin pa'i spangs pa'i yon tan de lta bu de dag yod do zhes zer ro// rab 'byor yang ngas phyir mi ldog pa'i byang chub

  648. 325a

    sems dpa' sems dpa' chen po dag gi yon tan bstan pa dang rnam pa dang rtags dang mtshan ma gang dag bstan pa de dag la med na/ rab 'byor de la byang chub sems dpa' sems dpa' chen po gzhan gyis kye ma byang chub sems dpa' sems dpa' chen po 'di ni bdud kyi byin gyis brlabs pa'o zhes rig par bya'o// de ci'i phyir zhe na/ phyir mi ldog pa'i byang chub sems dpa' sems dpa' chen po rnams kyi rnam pa gang yin pa dang / rtags gang yin pa dang mtshan ma gang yin pa de dag de la med pa'i phyir ro// rab 'byor yang byang chub sems dpa' sems dpa' chen po de byin gyi rlabs de lta bus mngon pa'i nga rgyal bskyed par 'gyur te/ mngon pa'i nga rgyal bskyed nas nga rgyal gyi zil gyis non cing khengs pas zil gyis non bdud kyi byin gyi rlabs kyis non pas/ de byang chub sems dpa' sems dpa' chen po gzhan dag la brnyas par 'gyur/ rngan can byed par 'gyur sting bar 'gyur 'phya bar 'gyur smod par 'gyur te/ rab 'byor 'di yang byang chub sems dpa' sems dpa' chen pos bdud kyi byin gyi rlabs kyis bdud kyi las su rig par bya'o// rab 'byor gzhan yang byang chub sems dpa' sems dpa' chen pos ming bstan pa dang ming lung bstan pas bdud kyi las su rig par bya'o// rab 'byor ci ltar byang chub sems dpa' sems dpa' chen pos ming lung

  649. 325b

    bstan pa dang mi lung bstan pas bdud kyi las su rig par bya zhe na/ rab 'byor 'di la bdud sdig can dge slong gi cha byad du 'ongs nas byang chub sems dpa' sems dpa' chen po la 'di skad du lung ston te/ des gang sems kyis e ma bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i ming ni 'di zhes bya bar gyur cig/ ces ming gi rjes su 'brang la sems kyis rjes su brtags shing rjes su dpyad pa bzhin du khyod bla na med pa yang dag par rdzogs pa'i byang chub mngon par sangs rgyas pa'i ming ni 'di zhes bya ba de lta bur 'gyur ro zhes de nyid kyi ming lung ston to// de la byang chub sems dpa' shes rab 'chal ba'i rang bzhin can thabs la mi mkhas pa 'di snyam du sems te/ ci ltar bdag gis e ma bdag bla na med pa yang dag par rdzogs// pa'i byang chub mngon par rdzogs par sangs rgyas pa'i ming ni 'di zhes bya bar gyur cig ces ming gi rjes su 'brang la rjes su brtags shig rjes su dpyad pa de ltar dge slong 'dis bstan to snyam zhing des 'di ltar bdag gis rjes su bsams pa'i ming gang yin pa dang bdud sdig can de nyid dam/ bdud kyi ris kyi lha dag gis mngon par sprul pa dang bdud kyi byin gyis rlabs pa'i dge slong gis ming gang brjod pa de gnyis ka la ci ltar bdag gi sems bskyed pa byung ba dang / dge slong 'dis bdag

  650. 326a

    gi ming ci skad du bstan pa gnyis ming mtshungs so zhes brtags nas/ bdag ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis ming gis bla na med pa yang dag par rdzogs pa'i byang chub tu lung bstan to snyam du sems par 'gyur zhing / rab 'byor ngas phyir mi ldog pa'i byang chub sems dpa' sems dpa' chen po dag gi rnam pa dang rtags dang mtshan ma gang dag bstan pa de dag de la med cing de dag dang bral bar gyur la/ ming bstan pa dang ming lung bstan pa des rlom sems skyed par 'gyur zhing des rlom sems bskyed nas bdag ni bla na med pa yang dag par rdzogs pa'i byang chub tu lung bstan gyi 'di dag ni bla na med pa yang dag par rdzogs pa'i byang chub tu lung ma bstan to zhes byang chub sems dpa' sems dpa' chen po gzhan dag la brnyas par byed do// de ltar brnyas pa'i sems de dang nga rgyal dang che ba'i nga rgyal dang nga rgyal las kyang nga rgyal dang log pa'i nga rgyal dang mngon pa'i nga rgyal des byang chub sems dpa' sems dpa' chen po gzhan dag la brnyas pas thams cad mkhyen pa nyid rgyang ring du byed cing sangs rgyas kyi ye shes rgyang ring du byed par 'gyur ro// de shes rab kyi pha rol tu phyin pas yongs su ma bzung zhing thabs mkhas pa dang bral ba dge ba'i bshes gnyer dang bral ba sdig pa'i grogs

  651. 326b

    bos yongs su zin pa des nyan thos kyi sa 'am rang sangs rgyas kyi sa 'am sa gnyis po de las sa gang yang rung ba gcig tu re bar bya'o// gral te yang yun ring mo dang shin tu yun ring mor spangs shing dul bar gyur nas shes rab kyi pha rol tu phyin pa 'di la brten te bla na med pa yang dag par rdzogs pa'i byang chub mngon par rdzogs par 'tshang rgya bor 'dod par gyur la/ gal te de dge ba'i bshes gnyen dag la brten cing dge ba'i bshes gnyen dag gi thad du rtag par 'gro ba gyur/ na lus yongs su grub pa de nyid kyis sems bskyed pa de dag la rnam par smod par 'gyur byang bar byed par 'gyur/ gnod par gyur 'dor bar 'gyur so sor 'chag par 'gyur ba de lta na yang de'i sangs rgyas kyi so brnyed par dka' bar 'gyur ro// de ci'i phyir zhe na/ rab 'byor byang chub sems dpa' sems dpa' chen po rlom sems kyi ltung ba'i gnas ni 'di snyed du ches ci ste/ rab 'byor 'di lta ste dper na dge slong nyan thos kyi theg pa can gyi nyan thos kyi rtsa ba'i ltung ba bzhi lci// ba yin te de las ltung ba gzhan dang gzhan gang yang rung ba 'ga' zhig byung na dge slong ma yin dge sbyong ma yin shAkya'i sras po ma yin no// ltung ba bzhi po de dag bas kyang rlom sems dang brnyas pa'i sems bskyed pa de ches lci ste 'di lta ste/ byang chub sems dpa' sems dpa' chen po'i ming lung bstan pa las brnyas pa'i

  652. 327a

    mi dge ba chen po'i sems bskyed pa byung ba 'di ni ltung ba de dag pas sems bskyed pa ches lci bar rig par bya'o// rab 'byor rtsa ba ltung ba bzhi po lta zhog gi rab 'byor mtshams med pa'i las lnga po de dag pas kyang gang 'di byang chub sems dpa' sems dpa' chen po'i ming lung ston pas rlom sems dang ldan pa'i sems bskyed pa byung ba'i sems bskyed pa 'di ni ches lci ste mtshams med pa'i las lnga po'i ltung ba de dag pas kyang sems bskyed pa 'di ches lci bar rig par bya'o// rab 'byor de ltar ming bstan pa de lta bus kyang bdud kyi las phra mo phra ba dag 'byung bar 'gyur te de dag byang chub sems dpa' sems dpa' chen pos rtogs par bya'o// rtogs nas rnam par spang bar bya zhing gzhan dag kyang khong du chud par byed du gzhug cing spong du gzhug go/ rab 'byor gzhan yang bdud sdig can byang chub sems dpa' sems dpa' chen po'i drung du 'ongs nas dben pa'i yon tan gyis bskul zhing dran par byed do// rab 'byor ci ltar bdud sdig can byang chub sems dpa' sems dpa' chen po'i drung du 'ongs nas dben pa'i yon tan gyis bskul zhing dran par byed ce na/ rab 'byor 'di la bdud sdig can byang chub sems dpa' sems dpa' chen po'i drung du 'ongs shing 'ongs nas 'di skad du de bzhin gshegs pa ni dben pa'i bsngags pa gsung gis/

  653. 327b

    dgon pa dang nags 'dab dang ri'i bug dang dur khrod dang sog ma'i phung po la sogs pa'i nang du gnas par bya'o zhes zer te/ rab 'byor 'di lta ste dgon pa dang bas mtha' dang yul mi med pa dang / nags 'dab dang ri'i phug dang / dur khrod dang sog ma'i phung po la sogs pa'i gnas mal sna tshogs ni byang chub sems dpa' sems dpa' chen po'i dben pa'o// zhes nga mi smra'o rab 'byor gyis gsol pa/ bcom ldan 'das yang gal te dgon pa dang bas mtha' dang yul mi med pa dang nags 'dab dang ri'i phug dang dur khrod dang sog ma'i phung po la sogs pa'i gnas mal sna tshogs na gnas pa las byang chub sems dpa' sems dpa' chen po'i dben pa gzhan gang lags/ bcom ldan 'das yang byang chub sems dpa' sems dpa' chen po'i dben pa gzhan ci lta bu lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor gal te/ byang chub sems dpa' sems dpa' chen po nyan thos dang ldan pa'i yid la byed pa dag gis dben par gyur sangs rgyas dang ldan pa'i yid la byed pa de dag gis dben par gyur na/ de ltar na byang chub sems dpa' sems dpa' chen po dben par gnas pa yin no de grong gi nang na gnas kyang shes rab kyi pha rol tu phyin

  654. 328a

    pa dang thabs mkhas pa dang sems can thams cad la byams pa dang snying rje chen po'i gnas pas gnas te/ gnas pa 'dis gnas pa de ni dben pa nyid du gnas pa yin no// rab 'byor yang ngas byang chub sems dpa' sems dpa' chen po la nyan thos dang / rang sangs rgyas dang ldan ba'i yid la byed pa dag gis dben pa 'di gnang ste/ byang chub sems dpa' sems dpa' chen po dben pa 'dis gnas pas nyin mtshan 'da' bar byed na dben par gnas pa yin no// gal te byang chub sems dpa' sems dpa' chen po dgon pa dang nags 'dab dang ri'i phug dang dur khrod dang bas mtha'i gnas mal dag na gnas pa 'dis gnas na byang chub sems dpa' sems dpa' chen po dben par gnas pa yin no// rab 'byor gang yang bdud sdig can gyi dgon pa dang nags 'dab dang ri'i phug dang dur khrod dang bas mtha'i gnas mal du gnas pa'i dben pa nye bar bstan pa'i dben pa des de nyan thos dang rang sangs rgyas dang ldan pa'i yid la byed pa dag dang 'dres pa nyid du gyur pas shes rab kyi pha rol tu phyin pa la mngon par mi brtson cing thams cad mkhyen pa'i ye shes yongs su rdzogs par mi byed de de ltar 'dres par gnas pas gnas shing / de ltar yid la byed pa yongs su mi dag pas gnas pas lus dang ngag dang

  655. 328b

    yid kyi las kyi mtha' yongs su ma dag par 'gyur ro// lus dang ngag dang yid kyi las kyi mtha' yongs su ma dag pas na/ byang chub sems dpa' sems dpa' chen po de ma yin pa gzhan dag grong gi nang na gnas kyang nyan thos dang rang sangs rgyas dang ldan pa'i yid la byed pa dag dang / ma 'dres shing shes rab dang thabs dang snying rje chen po la gnas pas gnas pa dag la brnyas par sems shing / dgon pa na gnas kyang de'i lus dang ngag dang yid kyi las kyi mtha' yongs su ma dag cing 'dres par gnas pa nyid la gnas par 'gyur te dben par gnas pa ma yin la shes rab dang thabs dang snying rje chen po la gnas pas gnas pa grong na gnas pa lus dang ngag dang yid kyi las yongs su dag par spyod pa nyan thos dang rang sangs rgyas dang ldan pa'i yid la byed pa dag gis dben par gyur pa nyan thos dang rang sangs rgyas dang ldan pa'i yid la byed pa dag dang ma 'dres pa de dag la/ des brnyas pas bsam gtan dang ting nge 'dzin dang snyoms par 'jug pa dang rnam par thar pa dang mngon par shes pa rnams thob par mi 'gyur zhing de'i de dag yongs su rdzogs par mi 'gyur ro// de ci'i phyir zhe na/ 'di ltar de thabs mi mkhas ba yin pa'i phyir ro// rab 'byor gang yang byang chub sems dpa' sems dpa' chen po 'brog dgon pa dpag tshad brgya pa gcan gzan dang ri dgas dang bya'i

  656. 329a

    tshogs med pa ri dwags dang gcan gzan phra mo dang gnod sbyin dang srin po rjes su rgyu ba med pa/ chom rkun med pa'i dgong pa 'jigs pa mi bzad ba/ dang 'tshe ba med pa dag na/ lo 'am lo brgya 'am lo stong ngam lo bye ba 'am lo bye ba brgya 'am lo bye ba stong ngam lo bye ba brgya stong ngam/ lo bye ba khrag khrig brgya stong ngam de ba kyang lhag par gnas shing byang chub sems dpa' sems dpa' chen po de dben pa gang du lhag pa'i bsam pas yang dag par zhugs shing lhag pa'i bsam pa phun sum chog pas gnas pa ngas bstan pa'i dben pa 'di mi shes na byang chub sems dpa' thabs mi mkhas pa de mi shes pas dgon pa lhur byed cing gnas te dben pa de la brten pa dang zhen pa dang / chags pa dang lhag par chags pa dang ldan na/ rab 'byor byang chub sems dpa' sems dpa' chen po des de tsam gyis nga'i sems mgu bar byas pa ma yin no// de ci'i phyir zhe na/ rab 'byor dben pa 'dis pa ni byang chub sems dpa' sems dpa' chen po rnams kyi dben par ngas bstan pa gang yin pa'i dben pa de la mi snang ngo // de ltar bdud sdig can 'ongs nas steng gri bar snang gi nam mkha' la 'dug ste de la 'di skad du rigs kyi bu legs so legs so de bzhin gshegs pas byang chub sems dpa' sems dpa' chen po'i dben pa bstan pa ni 'di yin te rigs kyi bu khyod dben pa 'di nyid kyis gnas par gyis shig dang

  657. 329b

    de ltar na rigs kyi bu khyod myur du bla na med pa yang dag par rdzogs pa'i byang chub mngon par rdzogs par sangs rgyas par 'gyur ro zhes smra bar 'gyur zhing de yang dge pa'i dben pa des grong gi nang du zhugs pa'i byang chub sems dpa' sems dpa' chen po gzhan nges pa dge slong tshangs par spyod pa dang bcas pa/ dge ba'i chos can nyan thos dang rang sangs rgyas dang ldan pa'i yid la byed pa dag dang ma 'dres pa lus dang ngag dang yid kyi las kyi mtha' dang mtsho ba yongs su dag pa dag la/ brnyas par byed cing de la 'di skad du kye ma tshe dang ldan pa 'di dag ni 'dres par gnas pas gnas par byed de dben par gnas pa ma yin no// kye ma tshe dang ldan pa 'di dag ni kun tu 'dres par gnas pas gnas par byed de dben par gnas pas gnas pa ma yin no zhes smra bar 'gyur zhing byang chub sems dpa' sems dpa' chen po'i dben par gnas pas gnas pa gang yin pa de dag la 'dres par gnas pas rtsod par byed kun tu 'dres par gnas pas rtsod par byed par 'gyur ro// gang 'dres par gnas pa de dag la ni dben par gnas pas kun tu spyod pa yin no zhes zer cing de la gus pa skyed par 'gyur la gang la gus pa bskyed par 'os pa de la ni nga rgyal skyed par 'gyur ro// de ci'i phyir zhe na/ rab 'byor gnas pa gang gis bdag gnas pa 'di dag ni gnas pa yin te bdag ni mi ma yin pa dag gis bskul zhing bdag ni mi ma

  658. 330a

    yin pa dag gis dran par byas pa yin na/ grong gi nang na gnas pa su zhig la mi ma yin pa dag bskul bar byed grong gi nang na gnas pa su zhig la mi ma yin pa de dag dran par byed par 'gyur snyam nas de ltar de gang zag byang chub sems dpa'i theg pa can dag la brnyas par byed de/ rab 'byor 'di ni byang chub sems dpa' gdol par rig par bya'o// byang chub sems dpa' sun 'byin par rig par bya'o// byang chub sems dpa'i gzugs brnyan du rig par bya'o// byang chub sems dpa' bac+doMs bur rig par bya'o// byang chub sems dpa'i sre dar rig par bya ste/ dge slong gi cha byad du bcos pa chom rkun pa'o// gang zag byang chub sems dpa'i theg pa can gyi nang na chom rkun pa'o// lha dang bcas pa'i 'jig rten gyi chom rkun pa yin te/ rab 'byor yang gang zag de lta bu'i rang bzhin can ni bsnyen par mi bya gus par mi bya ba snyen bkur mi bya'o// de ci'i phyir zhe na/ gang zag de lta bu ni mngon pa'i nga rgyal can du ltung bar rig par bya ste/ de lta bu 'dis yang gzhan mthu chung ba theg pa la zhugs ring por ma lon pa dag la sun 'byin par byed de gang zag de lta bu ni rnam par dag pa'i chos can du rig par bya gang zag de lta bu ni slob dpon dang mi ldan par rig par bya'o// gang zag de lta bu ni 'phags pa'i chos dang ldan par rig par bya'o//

  659. 330b

    rab 'byor yang byang chub sems dpa' sems dpa' chen po gang gis sems can thams cad yongs su ma btang thams cad mkhyen pa nyid yongs su ma btang bla na med pa yang dag par rdzogs pa'i byang chub yongs su ma btang ba'i ba'i byang chub sems dpa' sems dpa' chen po lhag pa'i bsam pas bla na med pa yang dag par rdzogs pa'i byang chub mngon par rdzogs par sangs rgyas par 'dod cing sems can thams cad kyi don du mngon par brtson pas bdud kyi las de dag dang gzhan yang shes par bya ba'i phyir rtag tu sems skyo bar bya'o// lam ma thob pa'i sems can thams cad la lam nye bar bstan pa'i don du yid mi skrag pa dang khams gsum pa dang ma 'dres par bya ste/ der yang re shig byams pa'i yid dang snying rje'i yid kyis snying rje chen po bskyed de/ snying brtse ba nye bar bzung nas yang dag par zhugs pa'i sems can rnams la dga' ba'i sems dang / mi dmigs pa'i chos nyid kyis chos rnams la btang snyoms pas 'di ltar ci nas bdud kyi las kyi nyes pa thams cad thams cad nas thams cad rnam pa thams cad du thams cad gtan mi 'byung mi skye ba de ltar bya zhing gal te de lta bu byung na yang myur du sba ba de ltar slob po zhes sems bskyed par bya ste/ 'di yang byang chub sems dpa' sems dpa' chen po rnams kyi rang gi mngon par shes pas pha rol gnon pa/

  660. 331a

    yin par rig par bya ste/ rab 'byor 'di yang byang chub sems dpa' sems dpa' chen pos dben pa'i yon tan gyis bdud kyi las su rig par bya'o// 'phags pa shes rab kyi pha rol tu phyin pa brgyad stong pa las/ bdud kyi las kyi le'u zhes bya ste nyi shu rtsa gcig pa'o// 'phags pa shes rab kyi pha rol tu phyin pa brgyad stong pa/ bam po bcu dgu pa// / de nas yang bcom ldan 'das kyis che dang ldan pa rab 'byor la bka' stsal pa/ rab 'byor 'di la byang chub sems dpa' sems dpa' chen po lhag pa'i bsam pa la yang dag par zhugs shing blan med pa yang dag par rdzogs pa'i byang chub mngon par rdzogs par 'tshang rgya bar 'dod pas/ dang po nyid du dge ba'i bshes gnyen dag la bsnyen par bya gus par bya bsnyen bkur bya'o// rab 'byor gyis gsol pa/ bcom ldan 'das byang chub sems dpa' sems dpa' chen po lhag pa'i bsam pa la yang dag par zhugs shing bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas dang po kho nar dge ba'i bshes gnyen gang dag la bsnyen par bgyi ba dang gus par bgyi ba dang bsnyen bkur bgyi ba'i byang chub sems dpa' sems dpa' chen po'i dge ba'i bshes gnyen de dag gang lags par 'tshal

  661. 331b

    bar bgyi/ de skad pas gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor sangs rgyas bcom ldan 'das nyid dang phyir mi ldog pa'i byang chub sems dpa' sems dpa' chen po gang yin pa byang chub sems dpa'i spyod pa la mkhas pa gang dag pha rol tu phyin pa 'di dag legs par 'doms shing rjes su ston pa de dag dang / gang dag shes rab kyi pha rol tu phyin pa 'di ston cing nye bar ston pa de dag ni rab 'byor byang chub sems dpa' sems dpa' chen po'i dge ba'i bshes gnyen du rig par bya'o// rab 'byor shes rab kyi pha rol tu phyin pa nyid byang chub sems dpa' sems dpa' chen po'i dge ba'i bshes gnyen du rig par bya'o// rab 'byor pha rol tu phyin pa drug po thams cad nyid byang chub sems dpa' sems dpa' chen po'i dge ba'i bshes gnyen du rig par bya ste/ pha rol tu phyin pa drug po nyid ni ston pa'o// pha rol tu phyin pa drug ni lam mo pha rol tu phyin pa drug ni/ snang ba'o// pha rol tu phyin pa drug ni sgron ma'o// pha rol tu phyin pa drug ni 'od do// pha rol tu phyin pa drug ni skyob pa'o// pha rol tu phyin pa drug ni gnas so// pha rol tu phyin pa drug ni dpung gnyen no// pha rol tu phyin pa drug ni gling ngo // pha rol tu phyin pa drug ni ma'o// pha rol tu phyin pa drug ni pha'o//

  662. 332a

    pha rol tu phyin pa drug ni shes pa dang rtogs pa dang bla na med pa yang dag par rdzogs par byang chub par bya ba'i don du gnas par gyur pa'o// de ci'i phyir zhe na/ rab 'byor shes rab kyi pha rol tu phyin pa ni 'di la brten pa yin te/ 'di lta ste shes rab kyi pha rol tu phyin pa drug po rnams la'o// rab 'byor 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang dag bla na med pa yang dag par rdzogs pa'i byang chub mngon par rdzogs par sangs rgyas nas yongs su mya ngan las 'das pa'i sangs rgyas bcom ldan 'das de dag gi thams cad mkhyen pa nyid kyang 'di lta ste pha rol tu phyin pa drug po 'di dag las skyes so// rab 'byor ma 'ongs pa'i dus na 'byung ba'i de bzhin gshegs pa dgra bcom pa yang dag par rdzogs pa'i sangs rgyas gang dag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i sangs rgyas bcom ldan 'das de dag gi thams cad mkhyen pa nyid kyang 'di lta ste pha rol tu phyin pa drug po 'di dag las skye'o// rab 'byor 'jig rten gyi khams gzhal du med grangs med dpag tu med bsam gyis mi khyab pa dag na de bzhin gshegs pa dgra bcom pa yang dag par rdzogs pa'i sangs rgyas gang dag da ltar bla na med pa yang dag par rdzogs

  663. 332b

    pa'i byang chub mngon par rdzogs par sangs rgyas nas bzhugs te 'tsho zhing bzhes la chos ston pa'i sangs rgyas bcom ldan 'das de dag gi thams cad mkhyen pa nyid kyang 'di lta ste pha rol tu phyin pa drug po 'di dag las skyes so// rab 'byor da ltar de bzhin gshegs pa dgra bcom pa yang dag par rdzogs pa'i sangs rgyas pa yang bla na med pa yang dag par rdzogs pa'i byang chub mngon par rdzogs par sangs rgyas pa'i nga'i thams cad mkhyen pa yang rab 'byor 'di lta ste pha rol tu phyin pa drug po 'di dag las skyes so// de ci'i phyir zhe na/ rab 'byor pha rol tu phyin pa drug po 'di dag gi nang na byang chub kyi phyogs kyi chos sum cu rtsa bdun rnams 'das shing / tshangs pa'i gnas bzhi dang bsdu ba'i dngos po bzhi dang sangs rgyas kyi chos ji snyed yod pa ste/ sangs rgyas kyi ye shes dang rang byung gi ye shes dang bsam gyis mi khyab pa'i ye shes dang gzhal du med pa'i ye shes dang grangs med pa'i ye shes dang mnyam pa med pa'i ye shes dang / mi mnyam pa dang mnyam pa'i ye shes dang thams cad mkhyen pa'i ye shes de dag thams cad pha rol tu phyin pa drug gi nang na 'dus pa'i phyir ro// rab 'byor de byas na pha rol tu phyin pa drug po 'di dag nyid byang chub sems dpa' sems dpa' chen po'i dge ba'i bshes gnyen no// pha rol tu phyin pa drug po 'di nyid ston pa'o// pha rol tu phyin

  664. 333a

    pa drug ni lam mo// pha rol tu phyin pa drug ni snang ba'o// pha rol tu phyin pa drug ni sgron ma'o// pha rol tu phyin pa drug ni 'od do// pha rol tu phyin pa drug ni skyob pa'o// pha rol tu phyin pa drug ni skyabs so// pha rol tu phyin pa drug ni gnas so// pha rol tu phyin pa drug ni dpung gnyen no// pha rol tu phyin pa drug ni gling ngo // pha rol tu phyin pa drug ni ma'o// pha rol tu phyin pa drug ni pha'o// pha rol tu phyin pa drug ni shes pa dang rtogs pa dang thams cad mkhyen pa nyid dang bla na med pa yang dag par rdzogs pa'i byang chub thob par bya ba'i don du gnas par gyur pa'o// nam byang chub sems dpa' sems dpa' chen po pha rol tu phyin pa drug la slob pa na lan ldon mi nus pa'i sems can thams cad la yang de phan 'dogs par 'gyur ba yin no// rab 'byor yang pha rol tu phyin pa drug po 'di dag la slob par 'dod pa'i byang chub sems dpa' sems dpa' chen pos shes rab kyi pha rol tu phyin pa 'di mnyan par bya// gzung bar bya bcang bar bya klag par bya kun chub par bya rab tu gdon par bya bstan par bya nye bar bstan par bya lung 'bogs par bya kha ton du bya don dang chos dang tshul gyis nye bar yongs su brtag par bya nye bar bsam par bya 'dri bar bya yongs su 'dri bar bya'o// de ci'i phyir zhe na/ shes rab kyi pha rol tu phyin pa 'di ni pha rol tu phyin pa drug po 'di dag gi sngon du

  665. 333b

    'gro'o// 'dren pa'o// rab tu 'dren pa'o// yang dag par ston pa'o// kun tu ston pa'o// skyed pa'o// ma ma'o// de ci'i phyir zhe na/ shes rab kyi pha rol tu phyin pa dang bral na pha rol tu phyin pa lnga ni mi snang zhing pha rol tu phyin pa zhes bya ba'i ming yang thob par mi 'gyur ro// rab 'byor de lta bas na byang chub sems dpa' sems dpa' chen po gzhan gyi dring mi 'jog par 'gro bar 'dod cing byang chub sems dpa' sems dpa' chen po gzhan gyi dring mi 'jog pa la gnas par 'dod pas shes rab kyi pha rol tu phyin pa 'di nyid la bslab par bya'o// rab 'byor gyis gsol pa/ bcom ldan 'das shes rab kyi pha rol tu phyin pa'i mtshan nyid gang lags/ de skad ces gsol pa dang / bcom ldan 'das kyis tshe dang ldan po rab 'byor la 'di skad ces bka' stsal to// rab 'byor shes rab kyi pha rol tu phyin pa ni chags pa med pa'i mtshan nyid do// rab 'byor gyis gsol pa/ bcom ldan 'das rnam grangs gang dang chags pa ma mchis pa'i mtshan nyid gang gis shes rab kyi pha rol tu phyin pa mchis par 'gyur ba'i chags pa ma mchis pa'i mtshan nyid de nyid kyis chos thams cad mchis par 'gyur ba'i rnam grangs mchis sam/ bcom ldan 'das kyis bka' stsal pa/ rab 'byor de de bzhin no de de bzhin te/ rab 'byor rnam grangs gang dang chags pa med pa'i mtshan nyid gang gis shes rab kyi

  666. 334a

    pha rol tu phyin pa yod par 'gyur ba'i chags pa med pa'i mtshan nyid de nyid kyis chos thams cad yod par 'gyur ba'i rnam grangs yod do// de ci'i phyir zhe na/ rab 'byor chos thams cad ni dben pa'o zhes 'byor chos thams cad ni stong pa ste/ rab 'byor de lta bas na chags pa med pa'i mtshan nyid gang gis shes rab kyi pha rol tu phyin pa dben pa dang stong par 'gyur ba'i chags pa med pa'i mtshan nyid de nyid kyis chos thams cad ni dben pa dang stong pa'o// rab 'byor gyis gsol pa/ bcom ldan 'das gal te chos thams cad dben pa dang chos thams cad stong pa lags na/ bcom ldan 'das ci ltar sems can rnams kun nas nyon mongs par rab tu shes par 'gyur/ bcom ldan 'das ci ltar sems can rnams rnam par byang bar rab tu shes par 'gyur// bcom ldan 'das dben pa ni kun nas nyon mongs par mi 'gyur/ bcom ldan 'das dben pa ni rnam par byang bar 'gyur ro// bcom ldan 'das stong pa ni kun nas nyon mongs par mi 'gyur/ bcom ldan 'das stong pa ni rnam par byang bar mi 'gyur ro// bcom ldan 'das dben pa 'am stong pa ni bla na med pa yang dag par rdzogs pa'i byang chub mngon par rdzogs par 'chang mi rgyal bcom ldan 'das dben pa dang stong pa nyid las gzhan na yang gang bla na med pa

  667. 334b

    yang dag par rdzogs pa'i byang chub mngon par rdzogs par sangs rgyas pa 'am mngon par rdzogs par 'tshang rgya bar 'gyur ba 'am/ mngon par rdzogs par 'tshang rgya ba'i chos de dmigs su ma mchis na bcom ldan 'das bshad pa 'di'i don bdag gis ci ltar 'tshal bar bgyi/ bcom ldan 'das bstan du gsol bde bar gshegs pa bstan du gsol/ de skad ces gsol pa dang / bcom ldan 'das tshe dang ldan pa rab 'byor la 'di skad ces bka' stsal to// rab 'byor de ji snyam du sems sems can rnams yun ring po nas ngar 'dzin pa dang nga yir 'dzin pa la spyod dam/ rab 'byor gyis gsol pa/ bcom ldan 'das de de bzhin no bde bar gshegs pa de de bzhin te/ sems can rnams ni yun ring po nas ngar 'dzin pa dang nga yir 'dzin pa la spod do// bcom ldan 'das kyis bka' stsal pa/ rab 'byor de ji snyam du sems/ ci ngar 'dzin pa dang nga yir 'dzin pa stong pa yin nam/ rab 'byor gyis gsol ga bcom ldan 'das stong pa lags so// bde bar gshegs pa stong pa lags so// bcom ldan 'das kyis bka' stsal pa/ rab 'byor de ci snyam du sems/ ngar 'dzin pa dang nga yir 'dzin pas sems can rnams 'khor ba na 'khor ram/ rab 'byor gyis gsol pa/ bcom ldan 'das

  668. 335a

    de de bzhin no bde bar gshegs pa de de bzhin te/ ngar 'dzin pa dang nga yir 'dzin pas sems can rnams 'khor ba na 'khor ro// bcom ldan 'das kyis bka' stsal pa/ rab 'byor de ltar na sems can rnams kun nas nyon mongs par rab tu shes so// ci ltar sems can rnams 'dzin pa dang mngon par chags pa de ltar kun nas nyon mongs par 'gyur gyi 'di la su yang kun nas nyon mongs par 'gyur ba ni med do// rab 'byor ci ltar 'dzin pa med pa dang mngon par chags pa med pa de ltar ngar 'dzin pa dang nga yir 'dzin pa rab tu mi shes te/ rab 'byor de ltar na sems can rnams rnam par byang bar rab tu shes so// ci ltar sems can rnams la 'dzin pa med cing mngon par chags pa med pa de ltar rnam par byung bar 'gyur gyi/ 'di la su yang rnam par byang bar 'gyur ba ni med do// rab 'byor byang chub sems dpa' sems dpa' chen po de ltar spyod na shes rab kyi pha rol tu phyin pa la spyod do// rab 'byor de ltar chos thams cad dben zhing chos thams cad stong pa la sems can rnams kun nas nyon mongs pa dang rnam par byang bar rab tu shes so// rab 'byor gyis gsol pa/ bcom ldan 'das 'di ltar chos thams cad dben zhing chos thams cad stong pa la sems can rnams kun nas nyon mongs pa dang

  669. 335b

    rnam par byang bar yang rab tu shes pa 'di ni ngo mtshar to// bcom ldan 'das byang chub sems dpa' sems dpa' chen po de ltar spyod na shes rab kyi pha rol tu phyin pa la spyod do// bcom ldan 'das byang chub sems dpa' sems dpa' chen po de ltar spyod na gzugs lI spyod de/ tshor ba la ma lags 'du shes la ma legs 'do byed rnams la ma legs rnam par shes pa la mi spyod do// bcom ldan 'das byang chub sems dpa' sems dpa' chen po de ltar spyod na lha dang / mi dang lha mo yin du bcas pa'i 'jig rten gyis mi rdzi bar 'gyur ro// bcom ldan 'das byang chub sems dpa' sems dpa' chen po de ltar spyod na gang zag nyan thos kyi theg pa can dang rang sangs rgyas kyi theg pa can thams cad kyi spyod pa zil gyis gnon te zil gyis mi non pa'i gnas kyang 'thob po// de tsa srad du zhe na/ bcom ldan 'das sangs rgyas nyid dang de bzhin gshegs pa nyid dang rang byung nyid dang thams cad mkhyen pa nyid ni zil gyis mi non pa lags te/ bcom ldan 'das byang chub sems dpa' sems dpa' chen po shes rab kyi pha rol tu phyin pa dang ldan pa yid la bgyid pa'i gnas pa 'dis kyang gnas te nyin mtshan 'da' bar bgyid na/ bla na med pa yang dag par rdzogs pa'i byang chub la nye bar 'gyur zhing myur du bla na med pa yang dag par rdzogs pa'i byang chub pa

  670. 336a

    mngon par rdzogs par 'tshang rgya bar 'gyur ro// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no de de bzhin te/ rab 'byor byang chub sems dpa' sems dpa' chen po de ltar spod na shes rab kyi pha rol tu phyin pa la spyod do// byang chub sems dpa' sems dpa' chen po de ltar spyod na gzugs la mi spyod de/ de bzhin du tshor ba la ma yin 'du shes lam yin 'du byed rnams la ma yin rnam par shes pa la mi sprod do// rab 'byor byang chub sems dpa' sems dpa' chen po de ltar spyod na lha dang mi dang lha ma yin du bcas pa'i 'jig rten dag gis mi brdzi bar 'gyur ro// rab 'byor byang chub sems dpa' sems dpa' chen po de ltar spyod na gang zag nyan thos kyi theg pa can dang rang sangs rgyas kyi theg pa can thams cad kyi spyod pa zil gyis gnon te/ zil gyis mi non pa'i gnas kyang 'thob par 'gyur ro// de ci'i phyir zhe na/ rab 'byor sangs rgyas nyid dang de bzhin gshegs pa nyid dang rang byung nyid dang thams cad mkhyen pa nyid ni zil gyis mi non pa'o// rab 'byor byang chub sems dpa' sems dpa' chen po shes rab kyi pha rol tu phyin pa dang ldan pa'i yid la byed pa'i gnas pa 'dis kyang gnas te nyin mtshan 'da' bar byed na bla na med pa yang dag par rdzogs pa'i byang chub la nye bar gyur pa

  671. 336b

    yin te myur du bla na med pa yang dag par rdzogs pa'i byang chub mngon par rdzogs par rdzogs par 'tshang rgya bar 'gyur ro// rab 'byor yang gal te 'dzam bu'i gling na sems can ci snyed yod pa de dag thams cad kyis snga phyi med par mi'i lus thob par gyur la mi'i lus thob nas bla na med pa yang dag par rdzogs pa'i byang chub tu sems bskyed de/ bla na med pa yang dag par rdzogs pa'i byang chub tu sems bskyed nas ci srid 'tshe'i bar bar du gnas shing ci srid 'tshe'i bar du gnas nas ci srid 'tsho'i bar du de bzhin gshegs pa thams cad la bkur stir byed bla mar byed brjed par byed mchod par byed ri mor byed bsnyen bkur byed cing / de bzhin du sems can thams cad la sbyin pa byin la sbyin pa de yang bla na med pa yang dag par rdzogs pa'i byang chub tu yongs su bsngo na rab 'byor de ci snyam du sems/ byang chub sems dpa' sems dpa' chen po de dag de'i gzhi las bsod nams mang du skyed dam rab 'byor gyis gsol pa/ bcom ldan 'das mang ngo bde bar gshegs mang ngo // bcom ldan 'das kyis bka' stsal pa/ rab 'byor de bas kyang byang chub sems dpa' sems dpa' chen po gang chung ngu na nyin gcig tsam yang shes rab kyi pha rol tu phyin pa dang ldan pa'i yid la byed pas gnas na rigs kyi bu 'am rigs kyi bu mo de ches bsod nams mang du skyed do// de ci'i phyir zhe na/ rab 'byor ci lta ci lta

  672. 337a

    byang chub sems dpa' sems dpa' chen po shes rab kyi pha rol tu phyin pa dang ldan pa'i yid la byed pas nyin mtshan du gnas pa de lta de ltar sems can thams cad sbyin pa'i gnas su 'gyur ro// de ci'i phyir zhe na/ rab 'byor de ni 'di ltar byang chub sems dpa' sems dpa' chen po de'i byams pa dang ldan pa'i sems de lta bu ni sangs rgyas bcom ldan 'das ma gtogs par sems can gzhan dag la med do// de ci'i phyir zhe na/ rab 'byor de bzhin gsheg pa ni gang zag zla med pa'o// rab 'byor de bzhin gshegs pa dpe med pa'o// rab 'byor de bzhin gshegs pa dgra bcom pa yang dag par rdzogs pa'i sang rgyas ni bsam gyi mi khyab pa'i chos rnams dang ldan pa'o// rab 'byor ci ltar na rigs kyi bu 'am rigs kyi bu mo de'i de snyed kyi bsod nams mngon par bsgrub ce na/ rab 'byor byang chub sems dpa' sems dpa' chen po de shes rab ci lta bu dang ldan par gyur pas sems can thams cad gsad par bye bar 'gyur ba lta bur mthong ste/ des de'i tshe na snying rje chen po yongs su bzung bar gyur cing des lha'i mig gis bltas pa dang sems can gzhal du bgrang du med chad bzung du med dpag tu med pa rnams mtshams med pa'i las rnams dang ldan par gyur par mthong zhing mi khom par gyur pa dang / rnam par nyams pa dang lta ba'i dra bas khebs pa dang lam ma

  673. 337b

    rnyed pa dang / mi khom par gyur pa gzhan dag kyang mthong la ngal ba chud bson pa dag mthong nas de'i dus na de skyo ba chen po skyes te des sems can de dag thams cad la byams pa chen po de dang snying rje chen po des khyab par byas nas bdag ni sems can 'di dag thams cad kyi mgon du gyur par bya zhing bdag gis sems can 'di dag thams cad sdug bsngal las thar bar bya'o snyam du yid la byas par 'gyur ba dang / mtshan ma de dag gam gzhan dag lhan cig mi gnas par 'gyur ba'i shes rab de lta bu dang ldan par 'gyur ro// rab 'byor 'di yang byang chub sems dpa' sems dpa' chen po'i bla na med pa yang dag par rdzogs pa'i byang chub mngon par rdzogs par 'tshang rgya bar bya ba la shes rab kyi snang ba chen po'o// rab 'byor 'di ltar gnas pas gnas pa'i byang chub sems dpa' sems dpa' chen po ni 'jig rten thams cad kyi sbyin gnas su yongs su 'dzin cing bla na med pa yang dag par rdzogs pa'i byang chub las phyir mi ldog go// sbyin pa po dang sbyin pa'i bdag po gang dag gis chos gos dang bsod snyoms dang mal cha dang nad kyi gsos sman dang yo byad rnams la shes rab kyi pha rol tu phyin pa 'di la sems rab tu nye bar bzhag pas yongs su spyod na/ sbyin pa po dang sbyin pa'i bdag po rnams kyi sbyin pa dang yon rnam par spong bas de dag thams cad mkhyen pa nyid du nye bar 'gyur ro// rab 'byor de lta bas na byang chub

  674. 338a

    sems dpa' sems dpa' chen po yul 'khor gyi bsod snyoms 'bras bu yod par longs spyod par 'dod pa dang sems can thams cad la lam ston par 'dod pa dang / rgya cher snang bar byed 'dod pa dang sems can 'khor ba na gnas pa rnams 'khor ba los thar bar byed 'dod pa dang sems can thams cad kyi mig rnam par sbyang bar 'dod pas shes rab kyi pha rol tu phyin pa dang ldan pa'i yid la byed pa 'dis gnas par bya'o// gal te yid la byed pa 'dis gnas par 'dod na des shes rab kyi pha rol tu phyin pa dang ldan pa'i yid la byed pa shes par bya'o// de ci'i phyir zhe na/ gang zhig 'di dag shes par bya bar sems pa de nyid de'i yid la byed par 'gyur te/ de las gzhan shes rab kyi pha rol tu phyin pa dang bral ba'i yid la byed pa'i skabs dbye bar mi bya'o// ci ltar 'di shes rab kyi pha rol tu phyin pa dang ldan pa'i yid la byed pas nyin mtshan zad par 'gyur ba de ltar bya'o// rab 'byor 'di lta ste dper na nor bu rin po che shes pa la gnas pa'i skyes bu 'ga' zhig gis nor bu rin po che'i rigs shes pas sngon ma rnyed pa'i nor bu rin po che chen po zhig rnyed par gyur la des nor bu rin po che chen po de rnyed pas dga' ba dang rab tu dga' ba che zhing yangs pa dang ldan par 'gyur ba las de'i nor bu rin po che chen po de yang stor ba dang de de'i gzhi la sdug bsngal ba dang yid mi bde ba chen po dang

  675. 338b

    ldan par 'gyur te/ de 'di ltar kye ma bdag ni nor bu rin po che chen po de dang bral lo zhes rtag tu rgyun mi 'chad par nor bu rin po che chen po dang bral ba'i yid la byed pa 'byung zhing de ltar nor bu rin po che chen po de 'am de ma yin pa gzhan de dang yon tan 'dra zhing rigs mthun pa rnyed par ma gyur gyi bar du skyes bu de nor bu rin po che chen bo de mi brjed do// rab 'byor de bzhin du byang chub sems dpa' sems dpa' chen po shes rab kyi pha rol tu phyin pa'i nor bu rin po che chen po las yongs su nyams pas kyang nor bu rin po che chen po las yongs su nyams pa nor bu rin po che chen po la rin po cher 'du shes pa ltar shes rab kyi pha rol tu phyin pa yid la byed pa dang ldan zhing shes rab kyi pha rol tu phyin pa yid la byed pa dang ma bral bas thams cad mkhyen pa'i sems kyis ci srid du de 'am gzhan rnyed par gyur pa de srid du btsal bar bya zhing de srid du des shes rab kyi pha rol tu phyin pa'i nor bu rin po che chen po rnyed pa dang ldan pa'i yid la byed pa dang thams cad mkhyen pa nyid kyi nor bu rin po che chen bo rnyed pa dang ldan pa'i yid la byed pa dang mi 'bral bar 'gyur bar bya'o// rab 'byor gyis gsol pa/ bcom ldan 'das gang yang bcom ldan 'das kyis chos thams cad dang yid la bgyid pa thams cad ni ngo bo nyid dang bral ba dang stong par gsungs lags na/ bcom ldan 'das ci ltar na byang chub sems dpal

  676. 339a

    sems dpa' chen po des shes rab kyi pha rol tu phyin pa dang ldan pa'i yid la bgyid pa dang thams cad mkhyen pa nyid dang ldan pa'i yid la bgyid pa dang ma bral bar 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor gal te byang chub sems dpa' sems dpa' chen po 'di snyam du chos thams cad ni rang bzhin gyis dben pa'o chos thams cad ni rang bzhin gyis stong pa'o zhes yid la byed na/ de ltar yid la byed pa de ni shes rab kyi pha rol tu phyin pa dang ldan pa'i yid la byed pa dang thams cad mkhyen pa dang ldan pa'i yid la byed pa dang ma bral yin no// de ci'i phyir zhe na/ rab 'byor shes rab kyi pha rol tu phyin pa stong pa ste de ni mi 'phel mi 'grib bo// rab 'byor gyis gsol pa/ bcom ldan 'das gal te shes rab kyi pha rol tu phyin pa stong po ste de mi 'phel mi 'grib na/ bcom ldan 'das de ci ltar byang chub sems dpa' sems dpa' chen po 'phel ba ma mchis pa'i shes rab kyi pha rol tu phyin pas byang chub tu sgrub par 'gyur/ ci ltar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ de skad ces gsol pa dang bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor yang byang chub sems dpa' sems dpa' chen

  677. 339b

    kho shes rab kyi pha rol tu phyin pa la spyod pa ni 'phel ba 'am 'grib pa med do// rab 'byor ci ltar shes rab kyi pha rol tu phyin pa stong pas de 'phel ba dang 'grib pa med pa yin la/ rab 'byor de bzhin du byang chub sems dpa' sems dpa' chen po yang stong pas de 'phel ba med cing 'grib pa med do// rab 'byor gang gi phyir ci ltar shes rab kyi pha rol tu phyin pa stong pas de 'phel ba med cing 'grib pa med pa yin la rab 'byor de bzhin du byang chub sems dpa' sems dpa' chen po stong pas de 'phel ba med cing 'grib pa med pa yin pa de'i phyir byang chub sems dpa' sems dpa' chen po byang chub kyi phyir yang dag par sgrub cing de ltar bla na med pa yang dag par rdzogs pa'i byang chub mngon par rdzogs par 'tshang rgya'o// rab 'byor gal te de skad du bshad pa la byang chub sems dpa' sems dpa' chen po mi dngang kun tu mi skrag kun tu skrag pa dang mi ldan zhing zhum par ma gyur na rab 'byor byang chub sems dpa' sems dpa' chen po de shes rab kyi pha rol tu phyin pa 'di la spyod par rig par bya'o// rab 'byor gyis gsol pa/ bcom ldan 'das yang ci shes rab kyi pha rol tu phyin pa de shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das yang ci shes rab kyi pha rol tu phyin pa'i stong pa nyid gang lags pa de shes

  678. 340a

    rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das yang ci shes rab kyi pha rol tu phyin pa'i stong pa nyid las gzhan na gang shes rab kyi pha rol tu phyin pa la spyod pa'i chos de 'ga' yang dmigs sam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das yang ci stong pa nyid shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das yang ci shes rab kyi pha rol tu phyin po la spyod pa'i chos 'ga' yang stong pa nyid 'di la dmigs sam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das yang ci stong pa nyid la stong pa nyid spyod dam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das yang ci gzugs shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das yang ci tshor ba dang 'du shes dang 'du byed rnams dang bcom ldan 'das yang ci rnam par shes pa shes rab kyi pha rol tu phyin pa

  679. 340b

    la spod dam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das yang ci gzugs las gzhan na gong shes rab kyi pha rol tu phyin pa la spyod pa'i chos de 'ga' yang dmigs sam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das yang ci tshor ba dang 'du shes dang 'du byed rnams las gzhan dang rnam par shes pa la gzhan na gang shes rab kyi pha rol tu phyin pa la spyod pa'i chos de 'ga' yang dmigs sam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das 'o na ci ltar byang chub sems dpa' sems dpa' chen po shes rab kyi pha rol tu phyin pa la spyod par 'gyur/ de skad ces gsol ba dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor yang ci gang zhig shes rab kyi pha rol tu phyin pa la spyod pa'i chos de khyod kyis yang dag par rjes su mthong ngam/ rab 'byor gyis gsol ba/ bcom ldan 'das de ni ma lags so// bcom ldan 'das kyis bka' stsal pa/ rab 'byor shes rab kyi pha rol tu phyin pa gang la byang chub sems dpa' sems dpa' chen po spyod pa'i shes rab kyi pha rol tu phyin pa de khyod kyis yang dag par rjes su

  680. 341a

    mthong ngam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor de ci snyam du sems chos 'ga' zhig dmigs su med pa'i chos de yang dag par rjes su mthong ngam/ chos de nyid skyes pa 'am/ skye bar 'gyur ba 'am skye ba 'am 'gags pa 'am 'gag par 'gyur ba 'am/ 'gag pa yin nam ci rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor de ltar na byang chub sems dpa' sems dpa' chen po'i mi skye ba'i chos la bzod pa thob pa ni de lta bu'i ngo bo yin te/ rab 'byor de lta bu'i ngo bo'i bzod pa dang ldan pa'i byang chub sems dpa' sems dpa' chen po ni bla na med pa yang dag bar rdzogs pa'i byang chub tu lung bstan par 'gyur ro// rab 'byor byang chub sems dpa' sems dpa' chen po ni de bzhin gshegs pa'i mi 'jigs pa'i lam 'di bsgrubs nas/ de ltar spyod cing de ltar brtson te de ltar 'bad na sangs rgyas kyi ye shes chen po dang thams cad mkhyen pa'i ye shes dang / ded dpon chen po'i ye shes thob par mi 'gyur ba 'di ni gnas med do// rab 'byor gyis gsol pa/ bcom ldan 'das chos thams cad kyi mi skye ba'i

  681. 341b

    chos nyid gang lags pa de bla na med pa yang dag par rdzogs pa'i byang chub tu lung bstan par 'gyur ram/ bcom ldan 'das kyis bka' stsal pa/ rab 'byor gyis gsol pa/ bcom ldan 'das 'on de chos gang la bla na med pa yang dag par rdzogs pa'i byang chub tu lung bstan pa lags/ bcom ldan 'das kyis bka' stsal pa/ rab 'byor yang ci khyod kyis chos gang bla na med pa yang dag par rdzogs pa'i byang chub tu lung bstan pa'i chos de yang dag par rjes su mthong ngam/ rab 'byor gyis gsol pa/ bcom ldan 'das de ni ma lags te/ bcom ldan 'das chos gang bla na med pa yang dag par rdzogs pa'i byang chub tu lung bstan pa dang lung ston par 'gyur ba dang lung ston pa'i chos de ni bdag gis yang dag par rjes su ma mthong ngo // bcom ldan 'das chos gang mngon par rdzogs par sangs rgyas pa 'am chos gang mngon par rdzogs par sangs rgyas par bgyi ba 'am chos glang gis mngon par rdzogs par 'tshang rgya bar 'gyur ba'i chos de yang bdag gis yang dag par rjes su ma mthong ngo // de ci'i mdu zhe na/ bcom ldan 'ang chos thams cad dmigs su ma mchis pa la bdag 'di snyam du chos 'di ni mngon par rdzogs par 'tshang rgya'o// chos 'di ni mngon par rdzogs par 'tshang rgya bar

  682. 342a

    bgyi'o// chos 'di ni mngon par rdzogs par sangs rgyas so zhes mi sems pa'i srada'o// 'phags pa shes rab kyi pha rol tu phyin pa brgyad stong pa las/ dge ba'i bshes gnyen gyi le'u zhes bya ste nyi shu rtsa gnyis pa'o// / yang de'i tshe lha rnams kyi dbang po brgya byin 'khor de nyid du 'dus par gyur nas 'dug go/ de nas bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das shes rab kyi pha rol tu phyin pa 'di ni zab bo// kye ma bcom ldan 'das shes rab kyi pha rol tu phyin pa 'di ni blta bar dka' zhing rtogs par dka'o// de skad ces gsol pa dang / bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka de de bzhin no de de bzhin te/ kau shi ka shes rab kyi pha rol tu phyin pa 'di ni zab bo// kau shi ka shes rab kyi pha rol tu phyin pa 'di ni blta dka' zhing rtogs par dka' ba ste/ na mkha' zab pa'i phyir shes rab kyi pha rol tu phyin pa 'di zab bo// shes rab kyi pha rol tu phyin pa 'di dben pa'i phyir blta dka'o// stong pa'i phyir rtogs par dka'o// de skad ces bka' stsal pa dang bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das gang dag shes rab kyi pha rol tu phyin pa zab mo 'di nyan par 'gyur zhing thos nas kyang 'dzin pa dang 'chang ba dang

  683. 342b

    klog pa dang kun chub par bgyid pa dang / rab tu 'don pa dang ston pa dang nye bar ston pa dang lung 'bogs pa dang kha ton bgyid pa dang yi ger 'dri bar 'gyur ba'i sems can de dag ni ngan ngon gyi dge ba'i rtsa ba dang ldan pa ma lags so// de skad ces gsol pa dang bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka de de bzhin no de de bzhin te/ kau shi ka gang dag shes rab kyi pha rol tu phyin pa zab mo 'di nyan par 'gyur zhing thos nas kyang 'dzin pa dang 'chang ba dang klog pa dang kun chub par byed pa dang rab tu 'don pa dang / ston pa dang nye bar ston pa dang lung 'bogs pa dang kha ton byed pa dang yi ger 'dri bar 'gyur ba'i sems can de dag ni ngan ngon gyi dge ba'i rtsa ba dang ldan pa ma yin no// kau shi ka 'dzam bu'i gling na sems can ci snyed yod pa de dag thams cad dge ba bcu'i las kyi lam la bkod par gyur na kau shi ka de ci snyam du sems/ sems can de dag yang de'i gzhi las bsod nams mang du skyed dam/ brgya gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ kau shi ka rigs kyi bu 'am rigs kyi bu mo 'di de bas ches bsod nams mang du skyed de/ gang shes rab kyi pha rol tu phyin pa nyan pa dang thos nas kyang 'dzin

  684. 343a

    pa dang 'chang ba dang klog pa dang kun chub par byed pa dang rab tu 'don pa dang ston pa dang / nye bar ston pa dang lung 'bogs pa dang kha ton byed ba dang yi ger 'dri bar 'gyur ba ste/ ko'u shi ka rigs kyi bu 'am rigs kyi bu mo gang zhig shes rab kyi pha rol tu phyin pa zab mo 'di nyan par 'gyur zhing thos nas kyang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang / lung 'bogs pa dang kha ton byed pa dang yi ger 'dri bar 'gyur ba de dge ba'i rtsa ba gang dang ldan par gyur ba'i bsod nams kyi phung po 'di la snga ma 'dzam bu'i gling gi sems can thams cad kyi tshul khrims las byung ba'i bsod nams kyi phung po'i brgya yi char yang nye bar mi 'gro/ stong gi char yang brgya stong gi char yang bye ba'i char yang bye ba brgya'i char yang bye ba stongs gi char yang bye ba brgya stong gi char yang bye ba khrag khrig brgya stong gi char yang nye bar mi 'gro'o// grangasu yang nye bar mi 'gro'o// bgrang bar yang dper yang dpes bstan par bya bar yang gzhir yang rgyur yang mi bzod do// de nas dge slong gzhan zhig gis lha rnams kyi dbang po brgya byin la 'di skad ces smras so// ko'u shi ka rigs kyi bu 'am rigs kyi bu mo gang shes rab kyi pha rol tu phyin pa zab mo 'di nyan pa dang thos nas kyang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa

  685. 343b

    dang nye bar ston pa dang / lung 'bogs pa dang kha ton byed pa dang yi ger 'dri bar 'gyur ba des khyod zil gyis mnan to// de skad ces spras dang lha rnams kyi dbang po brgya byin gyis dge slong de la 'di skad ces smras so// 'phags pa rigs kyi bu 'am rigs kyi bu mo des sems bskyed pa gcig gis kyang bdag zil gyis mnan na/ gang shes rab kyi pha rol tu phyin pa zab mo 'di nyan pa dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang yi ger 'dri bar 'gyur bas lha yang ci smos/ gang gis thos nas kyang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang yi ger bris te de bzhin nyid du slob pa dang de bzhin nyid du bsgrub pa dang / de bzhin nyid du rnal 'byor du byed pa lta yang ci smos te/ byang chub sems dpa' sems dpa' chen po de dang de dag ni lha dang mi dang lha ma yin du bcas pa'i 'dzin rten zil gyis gnon cing 'gro bar 'gyur ro// byang chub sems dpa' sems dpa' chen po de dag ni lha dang mi dang lha ma yin du bcas pa'i 'jig rten 'ba' zhig zil gyis gnon cing 'gro bar ma zad kyi/ gang yang rgyun du zhugs pa dang / lan cig phyir 'ong ba dang phyir mi 'ong dang dgra bcom pa dang rang sangs rgyas de dag thams

  686. 344a

    cad kyang zil gyis gnon cing 'gro bar 'gyur ro// byang chub sems dpa' sems dpa' chen po de dag ni rgyun tu zhugs pa dang lan cig/ phyir 'ong ba dang phyir mi 'ong ba dang / dgra bcom pa dang rang sangs rgyas rnams 'ba' zhig zil gyis gnon cing 'gro bar ma zad kyi/ gang yang byang chub sems dpa' sems dpa' chen po sbyin pa'i bdag po dag shes rab kyi pha rol tu phyin pa dang thabs mkhas pa dang bral ba de dag thams cad kyang zil gyis gnon cing 'gro bar 'gyuraro// byang chub sems dpa' sems dpa' chen po de dag ni byang chub sems dpa' sems dpa' chen po dag 'ba' zhig zil gyis gnon cing 'gro bar ma zad kyi/ gang yang byang chub sems dpa' sems dpa' chen po tshul khrims yongs su dag cing tshul khrims kyi phung po mi nyams pa dang skyon med pa nyid dang 'dres mar ma gyur pa dang yongs su rdzogs pa dang yongs su dag pa dang lhang ma zhugs pa'i tshul khrims kyi phung po dang ldan la/ shes rab kyi pha rol tu phyin pa dang thabs mkhas pa dang bral ba de dag tham kyang zil gyis gnon cing 'gro bar 'gyur ro// byang chub sems dpa' sems dpa' chen po de dag ni byang chub sems dpa' sems dpa' chen po tshul khrims kyi phung po ma nyams pa skyon med pa 'dren mar ma gyur pa yongs su rdzogs pa yongs su dag pa/ lhang ma zhugs pa dang ldan pa dag 'ba' zhig zil gyis gnon cing 'gro bar ma zad kyi/

  687. 344b

    gang yang byang chub sems dpa' sems dpa' chen po bzod pa phun sum tshogs pa zhi ba phun sum tshogs pa chung ngu na sdong dum mes tshig pa la yang gnod pa'i sems mi bskyed la/ shes rab kyi pha rol tu phyin pa dang thabs mkhas pa dang bral ba de dag thams cad kyang zil gyis gnon cing 'gro bar 'gyur ro// byang chub sems dpa' sems dpa' chen po de dag ni byang chub sems dpa' sems dpa' chen po bzod pa phun sum tshogs pa zhi pa phun sum tshogs pa sems khong khro ba med pa dag 'ba' zhig zil gyis gnon cing 'gro bar ma zad kyi/ gang yang byang chub sems dpa' sems dpa' chen po bzod brtson 'grus brtsams pa snyom pa med pa le lo med pa ma zhum pa'i lus dang ngag dang yid kyi las kyi mtha' dang ldan la/ shes rab kyi pha rol tu phyin pa dang thabs mkhas pa dang bral ba de dag thams cad kyang zil gyis gnon cing 'gro bar 'gyur ro// byang chub sems dpa' sems dpa' chen po de dag ni byang chub sems dpa' sems dpa' chen po brtson 'grus brtsams pa snyom pa med pa le lo med pa ma zhum pa'i lus dang ngag dang yid kyi las kyi mtha' dang ldan pa dag 'ba' zhig zil gyis gnon cing 'gro bar ma zad kyi/ gang yang byang chub sems dpa' sems dpa' chen po bsam gtan la dga' zhing bsam gtan la mos pa bsam gtan gyi stobs can bsam gtan dang ldan pa bsam gtan la gnas pa bsam gtan la dbang ba/

  688. 345a

    shes rab kyi pha rol tu phyin pa dang thabs mkhas pa dang bral ba de dag thams cad kyang zil gyis gnon cing 'gro bar 'gyur ro// byang chub sems dpa' sems dpa' chen po shes rab kyi pha rol tu phyin pa ci ltar bstan pa la spyod pa'i byang chub sems dpa' sems dpa' chen po de dag ni lha dang mi dang lha ma yin du bcas pa'i 'jig rten thams cad zil gyis gnon cing 'gro bar 'gyur ro// nyan thos kyi theg pa can dang rang sangs rgyas kyi theg pa can thams cad dang thabs mkhas pa'i byang chub sems dpa' sems dpa' chen po rnams zil gyis mi gnon par mi 'gyur ro// de ci'i phyir zhe na/ byang chub sems dpa' sems dpa' chen po gang shes rab kyi pha rol tu phyin pa ci ltar bstan pa la spyod cing shes rab kyi pha rol tu phyin pa la rjes su 'jug na byang chub sems dpa' sems dpa' chen po 'di ni thams cad mkhyen ba'i gdung mi gcad par bya ba'i phyir zhugs pa yin no// byang chub sems dpa' sems dpa' chen po 'di ni de bzhin gshegs pa rnams rgyang ring du mi byed pa 'gyur ro// byang chub sems dpa' sems dpa' chen po 'di de ltar nan tan byed na byang chub snying por yun mi ring bar 'gro bar 'gyur ro// byang chub sems dpa' sems dpa' chen po/ 'di shes rab kyi pha rol tu phyin pa la de ltar slob na sems can nyon mongs pa'i 'dam du bying ba rnams 'byin par 'gyur ro// byang chub sems dpa' sems dpa' chen po 'di

  689. 345b

    de ltar slob na byang chub sems dpa'i bslab pa la slob pa yin te/ nyan thos kyi bsla lnga mi slob // rang sangs rgyas kyi bslab pa la mi slob ngo po// byang chub sems dpa' sems dpa' chen po de ltar shes rab kyi pha rol tu phyin pa la slob pa'i drung du 'jig rten skyong ba rgyal po chen po bzhi 'ongs nas 'di skad ces rigs kyi du khyod myur du byang chub sems dpa'i bslab pa la slobs shig la gor slongab shig dang gang khyod byang chub kyi snying po la 'dub nas bla na med pa yang dag par rdzogs pa'i byang chub mngon par rdzogs par sangs rgyas nas drang bar bya ba'i lhung bzed bzhi po ni 'di dag yin no zhes smra bar 'gyur ro// byang chub sems dpa' sems dpa' chen po ci ltar bstan pa shes rab kyi pha rol tu phyin pa la de ltar slob pa'i drung du 'jig rten skyong ba rgyal po chen po bzhi 'ba' zhig mchi bar sems dpa' yang ma zad de/ bcom ldan 'das bdag kyang byang chub sems dpa' sems dpa' chen po de'i drung du mchi bar sems na lha'i bu gzhan dag lta ci smos/ byang chub sems dpa' sems dpa' chen po de de bzhi gshegs pa dgra bcom pa yang dag par rdzogs pa'i sangs rgyas dag gis kyang rtag tu dgongs par 'gyur ro// byang chub sems dpa' sems dpa' chen po de ltar she rab kyi pha rol tu phyin pa la spyod na ni 'jig rten gyi sdug bsngal ba dang pha rol tu gnod pa gang yang rung ba dag 'byung ba de dag dang gzhan dag thams cad nas thams cad

  690. 346a

    rnam pa thams cad du thams cad 'byung bar mi 'gyur te/ bcom ldan 'das 'di yang byang chub sems dpa' sems dpa' chen po shes rab kyi pha rol tu phyin pa la sbyod ba'i tshe 'di'i yon tan lags so// de nas tshe dang ldan pa kun dga' bo 'di snyam du sems te/ ci lha rnams kyi dbang po brgya byin 'di bdag nyid kyi spobs pas sgra 'am 'on te sangs rgyas kyi mthus sgra snyam mo// de nas sangs rgyas kyi mthus lha rnams kyi dbang po brgya byin gyis tshe dang ldan pa kun dga' bo'i sems kyi rtog pa sems kyi shes nas tshe dang ldan pa kun dga' bo la 'di skad ces smras so// 'phags pa kun dga' bo 'di ni sangs rgyas kyi mthur rig par bya'o// 'phags pa kun dga' bo 'di ni sangs rgyas kyi byin gyi rlabs su rig par bya ste/ 'phags pa kun dga' bo bdag ni byang chub sems dpa' sems dpa' chen po las brtsams te spra mi nus so// de nas bcom ldan 'das kyi tshe dang ldan pa kun dga' bo 'di skad ces bka' stsal to// kun dga' bo ci ltar lha rnams kyi dbang po brgya byin gyis smras pa/ de de bzhin no de de bzhin te/ 'di ni de bzhin gshegs pa'i mthu'o// 'di ni de bzhin gshegs pa'i byin gyis brlabs kyis lha rnams kyi dbang po brgya byin gyis bshad pa yin no// 'phags shes rab kyi pha rol tu phyin pa brgyang stong pa las/ brgya byin gyi le'u zhes bya ste nyi shu gsum pa'o// /

  691. 346b

    'phags pa shes rab kyi pha rol tu phyin pa brgyad stong pa las/ bam po nyi shu pa// / de nas yang bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo yang gang gi tshe byang chub sems dpa' sems dpa' chen po shes rab kyi pha rol tu phyin pa la slob pa dang shes rab kyi pha rol tu phyin pa la rnal 'byor du byed pa dang shes rab kyi pha rol tu phyin pa sgom pa de'i tshe/ kun dga' bo gang dag stong gsum gyi stong chen po'i 'jig rten gyi khams kyi bdud sdig can de dag thams cad 'di ltar the tshom za bar 'gyur te/ byang chub sems dpa' sems dpa' chen po 'di ci bar ma dor nyan thos kyi sa 'am rang sangs rgyas kyi sa la yang dag pa'i mtha' mngon sum du byed dam/ 'on te bla na med pa yang dag par rdzogs pa'i byang chub mngon par rdzogs par 'tshang rgya bar 'gyur snyam mo// kun dga' bo gzhan yang gang gi tshe byang chub sems dpa' sems dpa' chen po shes rab kyi pha rol tu byin pa la gnas pas gnas pa de'i tshe/ gang bdud sdig can de dag mya ngan gyi zug rngus zug par 'gyur ro// kun dga' bo gzhan yang gang gi tshe byang chub sems dpa' sems dpa' chen po shes rab kyi pha rol tu phyin pa la spyod cing shes rab kyi pha rol tu phyin pa la rnal 'byor du byed pa de'i tshe bdud sdig can de dag

  692. 347a

    byang chub sems dpa' sems dpa' chen po la 'tshe bar byed de/ ci nas byang chub sems dpa' sems dpa' chen po 'di zhum par 'gyur ba dang / spu zings zhes byed par 'gyur ba dang des bla na med pa yang dag par rdzogs pa'i byang chub tu de'i sems bskyed pa gcig tsam yang zad par 'gyur snyam ste/ 'jig pa dag kyang 'byin cing phyogs dang phyogs su skar mda' ltung ba dang me 'thor ba lta bu dag kyang gtong zhing ston to// kun dga' bo de la byang chub sems dpa' sems dpa' chen po thams cad kyi drung du bdud sdig can 'che bar sems shing mi 'ong ste/ 'on kyang kha cig gi drung du ni 'ong kha cig gi drung du ni mi 'ong ngo // kun dga' bos gsol pa/ bcom ldan 'das byang chub sems dpa' sems dpa' chen po ci lta buM'i drung du bdud sdig can 'tshe bar sems shing mchi/ bcom ldan 'das kyis bka' stsal pa/ kun dga' bo byang chub sems dpa' sems dpa' chen po gang gis sngon gyi mthar yang shes rab kyi pha rol tu phyin pa bshad pa la mos pa'i sems bskyed par gyur na/ kun dga' bo byang chub sems dpa' sems dpa' chen po de la bdud sdig can 'che bar sems shing 'ong ste/ glag kyang rnyed par 'gyur ro// kun dga' bo gzhan yang byang chub sems dpa' sems dpa' chen po gang shes rab kyi pha rol tu phyin pa zab mo 'di ni bshang ba la 'di shes rab kyi pha rol tu phyin pa yin nam ma yin snyam du

  693. 347b

    the tshom za bar 'gyur yid gnyis skye bar 'gyur te/ kun dga' bo de ltar the tshom skyes pa'i byang chub sems dpa' sems dpa' chen po la yang bdud sdig can 'tshe bar sem shing 'ong ste de la glags kyang rnyed par 'gyur ro// kun dga' bo gzhan yang 'di la byang chub sems dpa' sems dpa' chen po dge ba'i bshes gnyen dang bral zhing sdig pa'i grogs pos yongs su zin par gyur na de zab mo'i gnas shes rab kyi pha rol tu phyin pa bshad pa la mi nyan te mnyan pas mi shes pas ci ltar shes rab kyi pha rol tu phyin pa la bsgom par bya zhes mi 'dri ste/ kun dga' bo byang chub sems dpa' sems dpa' chen po 'di la yang bdud sdig can 'tshe bar sems shing 'ong ste/ de la glags kyang rnyed par 'gyur ro// kun dga' bo gzhan yang byang chub sems dpa' sems dpa' chen po gang zhig dam pa'i chos ma yin pa yongs su 'dzin pa la sbyor ba la brten par 'gyur te/ 'di ni bdag gi grogs po don thams cad la yang mi 'dor ba/ bdag gi grogs po byang chub sems dpa' sems dpa' chen po gzhan mang du yong mod kyi de dag ni bdag gi bsam pa rdzogs par mi byed de/ 'di ni bdeg dang mthun pa'i grogs rnyed pa yin te 'dis gli bsam pa yongs su rdzogs bar byed do snyam na kun dga' bo byang chub sems dpa' sems dpa' chen po 'di la yang bdud sdig can 'tshe bar sems shing 'ong ste grags kyang rnyed par 'gyur ro//

  694. 348a

    kun dga' bo gzhan yang byang chub sems dpa' sems dpa' chen po gang shes rab kyi pha rol tu phyin pa zab mo 'di bshad pa na byang chub sems dpa' sems dpa' chen po gzhan la 'di skad ces zer te/ kye ma shes rab kyi pha rol tu phyin pa 'di ni zab ste khyod la 'di nyan pas ci zhig bya/ ji ltar mdo sde gzhan dag tu de bzhin gshegs pas bshad pa de ltar 'dir brtson par byas pa na ni ma yin te/ bdag gis ni 'di'i gting mi rnyed ro mi myong na khyod la 'di mnyan pa 'am bris pas ci zhig bya zhes byang chub sems dpa' sems dpa' chen po gzhan dag kyang de ltar 'bral bar byed de/ kun dga' bo byang chub sems dpa' sems dpa' chen po 'di yang bdud sdig can 'tshe bar sems shing 'ong ste glags kyang rnyed par 'gyur ro// kun dga' bo gzhan yang gang gi tshe byang chub sems dpas byang chub sems dpa' gzhan dag la brnyas par byed cing bdag ni dben par gnas pas gnas te gzhan dag ni dben par gnas pas mi gnas so// gzhan dag la ni dben par gnas pa med do snyam na/ kun dga' bo de tshe bdud sdig can dga' mgu yi rangs par 'gyur zhing rab tu dga' ba dang rangs pa dang yid bde ba skye ste kun tu tshim par skye zhing sems tshim par gyur la rab tu dga' ba skye bar 'gyur ro// de ci'i phyir zhe na/ 'di ni bla na med pa yang dag par rdzogs pa'i byang chub rgyang ring du byed do snyam mo// kun dga' bo gzhan yang gang gi tshe byang chub sems dpa'

  695. 348b

    sems dpa' chen po'i ming nas smos pa 'am rus nas smos pa 'am/ sbyangs pa'i yon tan yongs su brjod pa de'i tshe de de tsam gyis de ma yin pa'i byang chub sems dpa' sems dpa' chen po nges pa dge ba'i chos can gzhan dag la brnyas par byed de/ de la yang yon tan de dag med de phyir mi ldog pa'i byang chub sems dpa' sems dpa' chen po shes rab kyi pha rol tu phyin pa la spyod pa'i yon tan gang yin pa de dag 'ang rnam pa de dag dang rtags de dag dang mtshan ma de dag med do// de dag de la med bzhin du de phyir mi ldog pa'i yon tan rnams la nyon mongs pa skyed de/ 'di lta ste nga gang la snang ba'i chos de dag khyed la mi snang ngo zhes bdag la bstod cing gzhan la smod do// de la bdud sdig can 'di snyam du sems te/ bdud kyi gnas stongs par mi 'gyur zhing sems can dmyal ba chen po zhig par mi 'gyur/ byol song gi skye gnas dang yi dwags kyi yul dang ma yin gyi tshogs zhig par mi 'gyur ba lta snyam nas/ bdud sdig can gyis ci ltar byang chub sems dpa' sems dpa' chen po de dag 'di ltar rnyed pa dang bkur sti/ non pa'i rang bzhin can du 'gyur zhing / tshig btsun par 'gyur ba dang tshig btsun pa des skye bo mang pos 'dzin par 'gyur zhing de dag la skye bo mang po yang mnyan pa dang dad par bya snyam du sems dpa' de ltar byin gyis rlob ste/ mthong ngam thos nas kyang de dag gi rjes su byed par 'gyur zhing de dag mthong ba dang thos pa'i rjes su

  696. 349a

    byed pa na de bzhin nyid du mi sgrub de bzhin nyid du rnal 'byor du mi byed par 'gyur ro// de dag de ltar de bzhin nyid la mi slob cing de bzhin nyid la mi sgrub de bzhin lha rnal 'byor du mi byed pas nyon mongs pa rnams ra 'phel bar 'gyur ro// de dag de ltar sems kyi rgyud phyin ci log pas lus ngag dang yid kyi las gang dang gang byed pa de dag thams cad mi 'dod pa dang mi sdug pa dang mi dga' ba dang yid du mi 'ong bar 'gyur ro// de ltar sems can dmyal ba chen po de dag zhig par mi 'gyur ro// byol song gi skye gnas dang yi dwags kyi yul dang lha ma yin gyi tshogs dang bdud kyi gnas rnams zhig par mi 'gyur ro// kun dga' bo don gyi dbang 'di yang mthong nas bdud sdig can dga' mgu yi rangs shing rab tu dga' ba dang tshim pa dang yid bde ba skye bar 'gyur ro// kun dga' bo gzhan yang gang gi tshe byang chub sems dpa' sems dpa' chen po gang dag nyan thos kyi theg pa can dang lhan cig 'thab par byed/ rtsod par byed 'gyed par byed gshe zhing skye bar byed gnod par sems shing zhe sdang bskyed na/ de'i tshe bdud sdig can 'di snyam du sems te skye ma rigs kyi bu 'di ni thams cad mkhyen pa nyid rgyang ring du byed par 'gyur te/ thams cad mkhyen pa nyid las shin tu rgyang ring bar gnas par 'gyur ro snyam mo// gal te yang gang zag byang chub sems dpa'i theg pa can/ gang zag

  697. 349b

    byang chub sems dpa'i theg pa can gzhan dang lhan cig thab par byed rtsod par byed 'gyed par byed gshe zhing spyo bar byed gnod par sems shing zhe sdang bskyed na/ de la bdud sdig can shin tu dga' mgu yi rangs shing rab tu dga' ba dang tshim pa dang yid bde ba bskye bar 'gyur te/ de 'di snyam du sems te byang chub sems dpa' 'di gnyis ka yang thams cad mkhyen pa nyid las rgyang ring du gnas par 'gyur ro snyam mo// kun dga' bo gzhan yang byang chub sems dpa' sems dpa' chen po lung ma bstan pa gang byang chub sems dpa' sems dpa' chen po bya stan pa dang lhan cig 'thab par byed/ rtsod par byed 'gyed par byed gshe zhing skyo bar byed gnod par sems shing zhe sdang skyed la sems la gnod par byed na byang chub semasas dpa' sems dpa' chen po des gal te thams cad mkhyen pa nyid ma btang na sems bskyed pa de snyed kyi bskal par go cha bgo dgos so// de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to// bcom ldan 'das sems bskyed pa de dag la nges par 'byung ba cung zad cig mchis sam/ 'on te bskal pa de snyed du byang chub sems dpa' sems dpa' chen po des gdon mi 'tshal bar go bgo 'tshal ba lags/ bcom ldan 'das kyis bka' stsal pa/ kun dga' bo gang zag nyan thos kyi theg pa can dang rang sangs rgyas kyi theg pa can dang / gang zag

  698. 350a

    byang chub sems dpa'i theg pa can dag la ngas nges par 'byung ba dang bcas pa'i chos bstan to// de la kun dga' bo gang zag byang chub sems dpa'i theg pa can gang zhig gang zag byang chub sems dpa'i theg pa can dang lhan cig 'thab cing rtsod de/ bkye nas gshe zhing spyos gnod par bsams/ zhe sdang bskyed nas so sor bshags par mi byed phyis sdom par mi 'dzin khon du 'dzin cing khon du bzung nas 'dug na/ kun dga' bo gang zag de la nges par 'byung bar yod par nga mi smra ste/ kun dga' bo gang zag des phyir yang bskal pa de snyed du gdon mi za bar go cha bgo dgos so// kun dga' bo yang gang zag byang chub sems dpa'i theg pa can gang / gang zag byang chub sems dpa'i theg pa can dang lhan cig 'thab cing rtsod de bkye nas gshe zhing spyos gnod par bsams zhe sdang bskyed nas so sor bshags par byed so sor bshags par byas nas phyis kyang sdom pa 'dzin la sems 'di ltar bskyed de/ ci nas bdag gis sems can thams cad kyi rtsod pa gcad pa// bya ba yin bsal bar bya ba yin na/ bdag nyid rtsod par byed pa dang spras pa la bdag slar smra ba ni rnyed pa ngan pa rnyed pa yin no// ngan pa rnyed de legs pa ma rnyed do// bdag gi ci nas sems can thams cad kyi za ma pa lta bur 'gyur bar bya ba yin la bdag pha rol la khyod ces tshig drag tu smra ba 'am/ tshig rtsub pos lan ldon

  699. 350b

    zhing smra ba 'di ni bdag gis smra bar mi bya ste/ 'thab cing rtsod pa dang 'gyed pa rnams la bdag ni glen pa dang 'on pa dang lkugs pa dang 'dra bar bya'o// pha rol gyis ngan du smras pa dang / ngan du brjod pa dang ngan du zer ba rnams smra ba thos kyang gzhan gyi drung du ngan sems su mi bya'o// pha rol gyi nyes pa dang skyon bdag gis shes par bya ba 'di ni bdag la legs pa ma yin te/ bdag gi cha ma yin no bdag gis gzhan gyi nyes pa dang skyon mnyan to snyam du bsam pa 'di ni bdag gi cha ma yin no snyam mo// de ci'i phyir zhe na/ bdag gis lhag pa'i bsam pa 'khrug par bya ba ma yin no// ci nas bdag bla na med pa yang dag par rdzogs pa'i byang chub mngon par rdzogs par sangs rgyas nas sems can thams cad bde ba'i yo byad thams cad kyis bde bar bya ba dang yongs su mya ngan las 'da' bar bya ba zhes bya ba de bdag gis gnod sems bskyed pa yin nam/ bdag dang gzhan dag 'gras pa na yang bdag gis gzhan la gnod sems mi bya ba zhes bya ba de bdag 'khrugs par gyur pa yin nam/ 'di ni bdag gi bya ba ma yin te/ bdag gis brtul ba brtan pas pha rol mnan par bya zhing srog gi bar chad byed pa la yang bdag 'khrug par mi bya ba dang bzhin khro gnyer byung bar mi bya 'o snyam pa 'di ni kun dga' bo byang chub sems dpa' sems dpa' chen po de'i nges par 'byung ba yin par ngas bshad do// kun dga' bo byang chub sems dpa'

  700. 351a

    sems dpa' chen pos gang zag nyan thos kyi theg pa can rnams kyi drung du yang de ltar gnas par bya ste/ ci ltar sems can su'i drung du 'khrug par mi 'gyur ba de ltar sems can thams cad kyi drung du gnas par bya'o// kun dga' bo byang chub sems dpa' sems dpa' chen pos gang zag byang chub sems dpa'i theg pa can gzhan dag gi drung du ci ltar gnas par bya zhe na/ kun dga' bo 'di lta ste ston pa la la ci lta ba de bzhin du ste/ byang chub sems dpa' sems dpa' chen po 'di dag ni ngas ston pa'o zhes de ltar gnas par bya'o// byang chub sems dpa' sems dpa' chen po 'di dag ni bdag dang theg pa gcig la zhugs pa'o// byang chub sems dpa' sems dpa' chen po 'di dag ni bdag dang lam gcig tu zhugs pa'o// byang chub sems dpa' sems dpa' chen po 'di dag ni bdag dang bsam pa mthun ba'o// byang chub sems dpa' sems dpa' chen po 'di dag ni bdag dang theg pa mthun pa la yang dag par zhugs pa ste/ gang la 'di dag gis bslab par bya ba de la bdag gis kyang bslab par bya'o// 'di dag gis ci ltar bslab par bya ba de bzhin du bdag gis kyang de ltar bslab par bya'o// gal te 'di dag las kha cig 'dres par gnas pas gnas par gyur na yang bdag gis ni 'dres par gnas pas gnas par mi bya'o// gal te yang 'di dag thams cad mkhyen pa dang ldan pa'i yid la byed pas ma

  701. 351b

    par gnas pas gnas na bdag gis kyang de bzhin du bslab par bya'o// kun dga' bo byang chub sems dpa' sems dpa' chen po de ltar thams cad mkhyen pa nyid la slob pa na bla na med pa yang dag par rdzogs pa'i byang chub la bar chad med par 'gyur te/ myur du yang bla na med pa yang dag par rdzogs pa'i byang chub mngon par rdzogs 'tshang rgya'o// 'phags pa shes rab kyi pha rol tu phyin pa brgyad stong pa las mngon pa'i nga rgyal gyi le'u zhes bya ste nyi shu bzhi pa'o// / de nas yang bcom ldan 'das la tshe dang ldan pa rab 'byor gyis 'di skad gsol to// bcom ldan 'das yang byang chub sems dpa' sems dpa' chen po gang la bslangs na thams cad mkhyen pa nyid la slob pa lags/ bcom ldan 'das kyis bka' stsal pa/ rab 'byor gal te byang chub sems dpa' sems dpa' chen po zad pa la slob na thams cad mkhyen pa nyid la slob bo// de bzhin du 'byung ba med pa dang 'gog pa med pa dang skye ba med pa dang dngos po med pa dang dben pa dang 'dod chags dang bral ba dang na mkha' dang chos kyi dbyings dang / rab 'byor gal te byang chub sems dpa' sems dpa' chen po mya ngan las 'das pa la slob na thams cad mkhyen pa nyid la slob bo// rab 'byor gyis gsol pa/ bcom ldan 'das ci'i slad du byang chub sems dpa' sems dpa' chen po zad pa la slob na thams cad mkhyen pa nyid la slob pa lags/ de bzhin du 'byung ba ma mchis

  702. 352a

    pa dang 'gag pa ma mchis pa dang skye ba ma mchis pa dang dngos po ma mchis pa dang dben pa dang 'dod chags dang bral ba dang na mkha' dang chos kyi dbyings dang mya ngan las 'das pa la slob na thams cad mkhyen pa nyid la slob pa lags/ de skad ces gsol pa dang bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor gang 'di skad du ci'i phyir byang chub sems dpa' sems dpa' chen po zad pa la slob na thams cad mkhyen pa nyid la slob/ de bzhin du 'byung ba med pa dang 'gag pa med pa dang skye ba med pa dang dngos po med pa dang dben pa dang 'dod chags dang bral ba dang / na mkha' dang chos kyi dbyings dang mya ngan las 'das pa la slob na thams cad mkhyen pa nyid la slob par 'gyur zhes zer ba/ rab 'byor de ci snyam du sems ci de bzhin gshegs pa'i de bzhin nyid gang yin pa dang / de bzhin nyid gang gis de bzhin gshegs pa de bzhin gshegs pa'o zhes rab tu 'byed pa de zad par 'gyur ram/ rab 'byor gyis gsol pa/ bcom ldan 'das de ni ma lags so// de ci'i slad du zhe na/ bcom ldan 'das zad pa ni zad par mi 'gyur te/ bcom ldan 'das zad pa ni mi zad pa lags so// bcom ldan 'das kyis bka' stsal pa/ rab 'byor de ji snyam du sems/ de bzhin gshegs pa'i de bzhin nyid gang yin pa dang de bzhin nyid gang gis de bzhin gshegs pa de bzhin gshegs pa'o//

  703. 352b

    zhes rab tu 'byed pa de 'byung bar 'gyur ba 'am/ 'gag par 'gyur ba 'am skye bar 'gyur ba 'am/ dngos por 'gyur ba 'am dben par 'gyur ba 'am/ rnam par 'jig par 'gyur ba 'am 'dod chags dang bral bar 'gyur ba'am/ nam mkhar 'gyur ba 'am chos kying byings su 'gyur ba yin nam/ gsol pa bcom ldan 'das de ni ma lags so// bcom ldan 'das kyis bka' stsal pa/ rab 'byor de ji snyam du sems/ de bzhin gshegs pa'i de bzhin nyid nyid gang yin pa dang de bzhin nyid gang gis de bzhin gshegs pa de bzhin gshegs pa'o zhes rab tu 'byed pa de mya ngan las 'das par 'gyur ram/ gsol pa bcom ldan 'das de ni ma lags so// bcom ldan 'das kyis bka' stsal pa/ rab 'byor de'i phyir byang chub sems dpa' sems dpa' chen po de ltar slob na de bzhin nyid mi zad pa'o zhes de ltar slob ste/ rab 'byor byang chub sems dpa' sems dpa' chen po de ltar slob na thams cad mkhyen pa nyid la slob bo// rab 'byor byang chub sems dpa' sems dpa' chen po de ltar slob na shes rab kyi pha rol tu phyin pa la slob ngo // sangs rgyas kyi sa la slob ngo // stobs dag la slong ngo // mi 'jigs pa dag la slob bo// sangs rgyas kyi chos thams cad la slob bo// thams cad mkhyen pi ye shes la slob bo// rab 'byor byang chub sems dpa' sems dpa' chen po de ltar slong na bslab pa thams cad kyi pha rol tu phyin pa rjes su thob par 'gyur ro/

  704. 353a

    rab 'byor byang chub sems dpa' sems dpa' chen po de ltar slob na bdud dam bdud kyi 'khor tam bdud kyi lha dag gis brdzi bar mi nus so// rab 'byor byang chub sems dpa' sems dpa' chen po de ltar slob na myur du phyir mi ldog pa'i chos nyid rjes su thob par 'gyur ro// rab 'byor byang chub sems dpa' sems dpa' chen po de ltar slob na myur du byang chub kyi snying po la 'dug par 'gyur ro// rab 'byor byang chub sems dpa' sems dpa' chen po de ltar slob na rang gi spyod yul la slong ngo // rab 'byor byang chub sems dpa' sems dpa' chen po de ltar slob na mgon por 'gyur ba'i chos dag la slob bo// byams pa chen po la slob bo// snying rje chen po la slob bo// dga' ba chen po la slob bo// btang snyoms chen po la slob bo// rab 'byor byang chub sems dpa' sems dpa' chen po de ltar slob na chos kyi 'khor lo lan gsum du bzlas pa rnam pa bcu gnyis su rab tu bskor ba la slob bo// rab 'byor byang chub sems dpa' sems dpa' chen po de ltar slob na sems can gyi khams bri bar mi bya'o/ zhes slob bo// rab 'byor byang chub sems dpa' sems dpa' chen po de ltar slob na de bzhin gshegs pa'i gdung rgyun mi 'chad par bya ba la slong ngo // rab 'byor byang chub sems dpa' sems dpa' chen po de ltar slob na bdud rtsi'i dbyings kyi sgo dbye'o zhes slob bo// rab 'byor bslab pa rgya chen po 'di ni sems stobs zhan pas slob mi nus/

  705. 353b

    shing / bslab pa 'di la mthu chung ngus bslab par mi nus so// de ci'i phyir zhe na/ rab 'byor gang bslab pa 'di la slob pa de dag ni sems can thams cad kyi mthun mong ngo // rab 'byor de dag ni sems can thams cad kyi mgon no// gang bslab pa 'di la slob pa de dag ni sems can thams cad las mngon par 'phags pa rjes su thob par 'dod ba yin no// rab 'byor byang chub sems dpa' sems dpa' chen po de ltar slob pa ni sems can dmyal ba dag tu mi skye/ byol song gi skye gnas dag tu mi skye/ yi dwags kyi yul rnams su mi skye lha ma yin gyi lus su mi skye mtha' 'khob kyi skye bo'i nang du mi skye gdol pa'i rigs su mi skye bya ba'i rigs su mi skye rngon pa dang nye ba dang / chom rkun ba dang shan pa'i rigs su mi skye ste/ de lta bu'i rigs ngan pa las ngan pa brten ngan pa'i rigs gzhan du yang mi skye'o// rab 'byor byang chub sems dpa' sems dpa' chen po de ltar slob pa ni long bar mi 'gyur 'on par mi 'gyur zhar bar mi 'gyur rdum por mi 'gyur rgur bor mi 'gyur 'theng por mi 'gyur zha ngor mi 'gyur grum por mi 'gyur skrag par mi 'gyur rig par mi 'gyur rna ba mi gsal bar mi 'gyur yan lag nyams par mi 'gyur yan lag ma tshang bar mi 'gyur yan lag mi sdug par mi 'gyur mdog mi sdug par mi 'gyur/ dbyings mi sdug par mi 'gyur dbang po nyams par mi 'gyur dbang po ma tshang bar mi 'gyur te/ dbang po'i rnam pa thams cad yongs su rdzogs par 'gyuraro//

  706. 354a

    dbyangs phun sum tshogs par 'gyur ro// rab 'byor byang chub sems dpa' sems dpa' chen po de ltar slob pa ni srog gcod par mi 'gyur ma byin par len par mi 'gyur 'dod pa la log par spyod par mi 'gyur/ brdzun du smra bar mi 'gyur phra ma smra bar mi 'gyur tshig rtsub po smra bar mi 'gyur/ tshig kyal ba smra bar mi 'gyur brnab sems can du mi 'gyur/ gnod sems can du mi 'gyur log par lta ba can du mi 'gyur log par 'tsho bas 'tsho bar mi byed do// rab 'byor byang chub sems dpa' sems dpa' chen po de ltar slob pa ni lha tshe ring po'i nang du mi skye tshul khrims 'chal pa yongasu mi 'dzin yang dag pa ma yin pa'i chos yongs su mi 'dzin bsam gtan dang snyoms par 'jug dbang gis mi skye'o// de ci'i phyir zhe na/ de la byang chub sems dpa' sems dpa' chen po thabs mkhas pa gang dang ldan pas lha che ring po'i nang du mi skye bar 'gyur ba'i thabs mkhas ba de la yod do// rab 'byor thabs mkhas pa de yang gang zhe na/ 'di lta ste shes rab kyi pha rol tu phyin pa 'di nyid la byang chub sems dpa' sems dpa' chen po ci thabs mkhas pa dang ldan pa 'dis bsam gtan la yang snyoms par 'jog la bsam gtan gyi dbang gis skye bar mi 'gyur ba de ltar thabs mkhas pa 'di la rnal 'byor du byed do// rab 'byor byang chub sems dpa' sems dpa' chen po de ltar slob pa'i stobs yongs su dag par 'gyur/ mi 'jigs pa yongasu dag par 'gyur/ sangs rgyas kyi chos thams

  707. 354b

    cad yongs su dag par 'gyur te/ de dag rjes su thob par 'gyur ro// tshe dang ldan pa rab 'byor gyis gsol pa/ bcom ldan 'das gang gi tshe chos thams cad rang bzhin gyis yongs su dag pa nyid lags na bcom ldan 'das de'i tshe byang chub sems dpa' sems dpa' chen po chos gang gis stongs yongs su dag par 'gyur mi 'jigs pa yongs su dag par 'gyur sangs rgyas kyi chos yongs su dag par 'gyur ba rjes su thob par 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no de bzhin te/ de ci'i phyir zhe na/ rab 'byor chos thams cad ni rang bzhin gyis yongs su dag pa yin no// rab 'byor de ltar chos thams cad rang bzhin gyis yongs su dag pa la byang chub sems dpa' sems dpa' chen po shes rab kyi pha rol tu phyin pa la slob pa dag mi zhum mi 'gong na rab 'byor de ni shes rab kyi pha rol tu phyin pa'o// rab 'byor byis pa so so'i skye bo dag chos 'di dag de ltar ma shes ma mthong bas chos rnams kyi chos nyid mi shes mi mthong ste/ rab 'byor sems can de dag gi phyir byang chub sems dpa' sems dpa' chen po 'bad cing brtson 'grus rtsom ste/ bdag kho nas mi shes pa'i sems can rnams shes par bya'o// bdag nas mi mthong ba'i sems can rnams mthong bar bya'o zhes bslab pa 'di la slob ngo // bslang pa 'di la slob pa'i byang chub sems dpa' sems dpa' chen po ni stobs rnams

  708. 355a

    rjes su thob par 'gyur mi 'jigs pa rjes su thob par 'gyur ro// sangs rgyas kyi chos thams cad rjes su thob par 'gyur ro// rab 'byor byang chub sems dpa' sems dpa' chen po de ltar slob pa ni sems can pha rol dang gang zag pha rol dag gis sems kyi spyod pa dang g.yo ba rnams yang dag pa ji ltarab bzhin du rab tu shes te yang dag pa ji lta ba bzhin du rab tu shes pas pha rol gyi sems kyi spyod pa shes pa'i pha rol tu 'gro'o// rab 'byor 'di lta ste dper na sa chen pos sa phyogs gang na rdo ba med pa dang gang na gser dang sa le sbram dang dngul dag 'byung de lta bu ni nyung gi/ sa chen po'i sa phyogs gang na brla can dang grams dang rtsa dang sdong dum dang tsher ma sna tshogs kyis gang ba de lta bu ni ches mang ngo // rab 'byor de bzhin du sems can gyis ris na gang dag 'di lta ste shes rab kyi pha rol tu phyin pa thams cad mkhyen pa nyid kyi bslab pa la slob pa'i byang chub sems dpa' sems dpa' chen po ni nyung ngo // sems can gyi ris na gang nyan thos dang rang sangs rgyas kyi bslab pa la slob pa'i sems can de dag ni ches mang ngo // rab 'byor gzhan yang 'di lta ste dper na sems can gyi ris na 'khor los sgyur ba'i rgyal po'i srid thob par 'gyur ba'i las yang dag par blangs te gnas pa'i sems can de dag ni nyung gi sems can gyi ris na gang 'khar gyi rgyal po'i srid thob par 'gyur ba'i las yang dag par blangs te gnas pa'i sems can de dag ni

  709. 355b

    ches mang ngo // rab 'byor de bzhin du sems can gyi ris ni bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes lam chen po 'di lta ste shes rab kyi pha rol tu phyin pa'i lam du zhugs pa'i byang chub sems dpa' sems dpa' chen po de dag ni nyung ngo // sems can gyi ris na gang nyan thos dang rang sangs rgyas kyi lam du zhug ba'i sems can de dag ni ches mang ngo // rab 'byor gzhan yang 'di lta ste dper na/ sems can gyi ris na gang dag brgya byin nyid du 'gyur ba'i las yang dag par blangs te gnas ba'i sems can de dag ni nyung ngo // sems can gyi ris na gang dag lha'i 'jig rten du skye bar 'gyur ba'i las yang dag par blangs te gnas pa'i sems can de dag ni ches mang ngo / rab 'byor de bzhin du sems can gyi ris na gang dag shes rab kyi pha rol tu phyin pa'i bslab pa la slob pa'i byang chub sems dpa' sems dpa' chen po de dag ni nyung ngo // rab 'byor sems can gyi ris na gang nyan thos dang rang sangs rgyas kyi bslab pa la slob pa'i sems can de dag ni ches mang ngo // rab 'byor gzhan yang 'di lta ste dper na sems can gyi ris na gang tshangs pa nyid du 'gyur ba'i las yang dag par blangs te gnas pa'i sems can de dag ni nyung ngo // sems can gyi ris na gang dag tshangs ba'i 'khor du skye bar 'gyur ba'i las yang dag par blangs te gnas pa'i sems can de dag ni ches mang ngo // rab 'byor de bzhin du sems can gyi ris na gang bla na med

  710. 356a

    pa yang dag par rdzogs pa'i byang chub las phyir mi ldog pa'i byang chub sems dpa' sems dpa' chen po de dag ni nyung ngo // rab 'byor de bzhin du sems can gyi ris na gang bla na med pa yang dag par rdzogs pa'i byang chub las phyir mi ldog pa'i byang chub sems dpa' sems dpa' chen po de dag ni nyung ngo // rab 'byor sems can gyi ris na gang bla na med pa yang dag par rdzogs pa'i byang chub las phyir ldog par 'gyur ba'i byang chub sems dpa' sems dpa' chen de dag ni ches mang ngo // rab 'byor de lta bas na sems can gyi ris na gang bla na med pa yang dag par rdzogs pa'i byang chub tu yang dag par zhugs pa'i sems can de dag ni nyung ngo // rab 'byor nyung ba de dag pas kyang gang de bzhin nyid du sgrub pa'i sems can de dag ni ches nyung ngo // rab 'byor de bzhin nyid du sgrub pa ches nyung ba de dag pas kyang gang shes rab kyi pha rol tu phyin pa la rnal 'byor du byed pa de dag ni ches nyung ngo // rab 'byor gang shes rab kyi pha rol phyin pa la rnal 'byor du byed pa nyung ba de dag pas kyang byang chub sems dpa' sems dpa' chen po gang bla na med pa yang dag par rdzogs pa'i byang chub las phyir mi ldog bde ngag ni ches nyung ngo // rab 'byor de lta bas na byang chub sems dpa' sems dpa' chen pos nyung ba'i phyir mi ldog pa'i byang chub sems dpa' sems dpa' chen po de dag gis grangs su

  711. 356b

    bgrang bar 'dod pas shes rab kyi pha rol tu phyin pa 'di nyid la bslab par bya'o rnal 'byor du bya'o// rab 'byor gzhan yang byang chub sems dpa' sems dpa' chen po de ltar shes rab kyi pha rol tu phyin pa la slob pa na thab dang ldan pa'i sems mi skye the tshom dang ldan pa'i sems mi skye phra dog dang ldan pa'i sems mi skye/ ser sna dang ldan pa'i sems mi skye tshul khrims 'chal pa dang ldan pa'i sems mi skye/ gnod sems dang ldan pa'i sems mi skye/ le lo dang ldan pa'i sems mi skye/ g.yeng ba ldan pa'i sems mi skye/ bachal pa'i shes rab dang ldan pa'i sems mi skye'o// rab 'byor de ltar byang chub sems dpa' sems dpa' chen po shes rab kyi pha rol tu phyin pa la slob pas pha rol tu phyin ba thams cad yang dag par bzung bar 'gyur ro// pha rol tu phyin pa thams cad yongs su bzung bar 'gyur ro// pha rol tu phyin pa thams cad mchog tu bzang bar 'gyur ro// / pha rol tu phyin pa thams cad rjes su song bar 'gyur ro// pha rol tu phyin pa thams cad nang du 'dus par 'gyur ro// rab 'byor 'di lta ste dper na 'jig tshogs lalta ba'i nang du lta ba drug cu rtsa gnyis 'dus par 'gyur to// rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la slob pa der pha rol tu phyin pa thams cad nang du 'dus par 'gyur ro// rab 'byor 'di lta ste dper na skyes bu'i srog gi dbang po'i nang du dbang po thams cad 'dus

  712. 357a

    par 'gyur ro// rab 'byor de bzhin du shes rab kyi pha rol tu phyin pa la slob na byang chub sems dpa' sems dpa' chen po'i dge ba'i chos thams cad nang du 'dus par 'gyur ro// rab 'byor 'di lta ste dper na skyes bu'i srog gi dbang po 'gags na dbang po thams cad 'gag par 'gyur ro// rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la slob na mi shes pa 'gag pa dang mi dge ba'i chos thams cad 'gag par 'gyur zhing pha rol tu phyin pa thams cad nang du 'dus shing yongs su 'dzin par 'gyur ro// rab 'byor de lta bas na byang chub sems dpa' sems dpa' chen po pha rol tu phyin pa thams cad yongs su gzung bar 'dod pas shes rab kyi pha rol tu phyin pa la bslab par bya'o// rab 'byo byang chub sems dpa' sems dpa' chen po shes rab kyi pha rol tu phyin pa la slob na sems can thams cad kyi mchog tu slob bo// de ci'i phyir zhe na/ bsod nams kyi mchog nyid yin pa'i phyir ro// rab 'byor de ci snyam du sems/ ci stong gsum gyi stong chen po'i 'jig rten gyi khams na yod pa'i sems can ci snyed sems can du bsdu bas kun tu bsdus pa de dag thams cad mang ba yin nam rab 'byor gyis gsol pa/ bcom ldan 'das 'dzam bu'i gling gi sems can

  713. 357b

    yang mang ba lags na stong gsum gyi stong chen po'i 'jig rten gyi khams kyi sems can thams cad lta ci spos/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gcig gis ci srid 'tsho'i bar du 'dug cing sems can de dag thams cad la gos dang zas dang mal cha dang na ba'i gsos sman dang yo byad dang nye bar phan pa thams cad kyis rim gror byas na/ rab 'byor 'di ci snyam du sems ci byang chub sems dpa' sems dpa' chen po de de'i gzhi las bsod nams mang du skyed dam/ rab 'byor gyis gsol pa/ bcom ldan 'das mang ngo bde bar gshegs pa mang ngo // bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol tu phyin pa 'di la chung ngu na se gol gtogs pa srid du sgom na de bas ches bsod nams mang du skyed do// de ci'i phyir zhe na/ rab 'byor byang chub sems dpa' sems dpa' chen po'i shes rab kyi pha rol tu phyin ba ni don de ltar che ste shes rab kyi pha rol tu phyin pa ni byang chub sems dpa' sems dpa' chen po'i bla na med pa yang dag par rdzogs pa'i byang chub thob par byed pa'o// rab 'byor de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa

  714. 358a

    dang sems can thams cad kyi nang na bla na med par 'gyur bar 'dod pa dang sems can mgon med pa thams cad kyi mgon du 'gyur bar 'dod pa dang sangs rgyas kyi yul rjes su thob par 'dod pa dang sangs rgyas kyi khyu mchog tu 'gyur ba rjes su thob par 'dod ba dang sangs rgyas kyi rnam par rol pas rtse bar 'dod pa dang / sangs rgyas kyi seng ge'i sgra sgrogs par 'dod pa dang sangs rgyas kyi phun sum tshogs pa rjes su thob par 'dod pa dang stong gsum gyi stong chen po'i 'jig rten gyi khams su chos kyi gtam byed par 'dod pa'i byang chub sems dpa' sems dpa' chen pos shes rab kyi pha rol tu phyin pa 'di la bslab par bya'o// rab 'byor byang chub sems dpa' sems dpa' chen shes rab kyi pha rol tu phyin pa la slob pa na des gang ma bslabs par 'gyur ba'i phun sum tshogs pa de dag ngas yang dag par rjes su ma mthong ngo // rab 'byor gyis gsol pa/ bcom ldan 'das yang ci nyan thos kyi phun sum tshogs pa yang byang chub sems dpa' sems dpa' chen po des bslab pa lags sam/ bcom ldan 'das kyis bka' stsal pa/ rab 'byor nyan thos kyi phun sum tshogs pa yang byang chub sems dpa' sems dpa' chen po des bslab par 'gyur de/ rab

  715. 358b

    'byor byang chub sems dpa' sems dpa' chen po ni nyan thos kyi phun sum tshogs pa pa la yang gnas par bya'o zhes mi slob bdag la nyan thos kyi phun sum tshogs pa yod par 'gyur ro zhes mi slob ste/ de ltar slob par ni mi byed do// rab 'byor yang nyan thos kyi yon tan gang dag yin de dag kyang yang dag par shes te de la gnas pa ni ma yin no// de ltar rnam par spyod par byed kyi gnas par ni mi byed de/ bdag gis nyan thos kyi yon tan 'di dag bshad par bya'o rab tu bstan par bya'o zhes slob bo// rab 'byor byang chub sems dpa' sems dpa' chen po de ltar slob na lha dang mi dang lha ma yin du bcas pa'i 'jig rten gyi sbyin pa'i gnas su 'gyur ro// rab 'byor byang chub sems dpa' sems dpa' chen po de ltar slob na/ de las gzhan pa'i sbyin pa'i gnas nyan thos dang ldan pa dang rang sangs rgyas dang ldan pa de dag thams cad zil gyis gnon te/ de dag thams cad mkhyen pa nyid la nye bar 'gyur ro// rab 'byor byang chub sems dpa' sems dpa' chen po de ltar slob pa ni shes rab kyi pha rol tu phyin pa mi 'dor te shes rab kyi pha rol tu phyin pa la spyod cing shes rab kyi pha rol tu phyin pa'i gnas pa dang ma bral ba yin no// rab 'byor byang chub sems dpa' sems dpa' chen po de ltar spyod na

  716. 359a

    thams cad mkhyen pa nyid las yongs su mi nyams pa'i chos can du rig par bya'o// nyan thos kyi sa dang rang sangs rgyas kyi sa'ang ring du byed do// / bla na med pa yang dag par rdzogs pa'i byang chub la nye bar 'gyur ro// gal te yang de 'di snyam du 'di ni shes rab kyi pha rol tu phyin pa ste gang zhig thams cad mkhyen pa nyid thob par byed pa yin no// snyam du sems shing de ltar na shes rab kyi pha rol tu phyin pa la mi spod do// de ste shes rab kyi pha rol tu phyin pa 'di yang yang dag par mi shes te/ 'di ni shes rab kyi pha rol tu phyin pa'o// 'di'i shes rab kyi pha rol tu phyin pa'o// shes rab kyi pha rol tu phyin pa 'di ni thams cad mkhyen pa nyid 'thob pa'o zhes rab 'byor gal te de ltar yang byang chub sems dpa' sems dpa' chen pos yang dag par mi shes yang dag par rjes su mi mthong / na/ rab 'byor de ltar spyod pa'i byang chub sems dpa' sems dpa' chen po ni shes rab kyi pha rol tu phyin pa la sprod pa yin no// 'phags pa shes rab kyi pha rol tu phyin pa brgyad stong pa las bslab pa'i le'u zhes bya ste nyi shu lnga pa'o// // 'phags pa shes rab kyi pha rol tu phyin pa brgyad stong pa/ bam po nyi shu gcig pa// / de nas lha rnams kyi dbang po brgya byin 'di snyam du sems te byang chub sems dpa' sems dpa' chen po'i spyod pa

  717. 359b

    nyid king kyang re shig sems can thams cad 'di ltar zil gyis gnon na gang gis tshe bla na med pa yang dag par rdzogs pa'i byang chub mngon par rdzogs par sangs rgyas par 'gyur pas lta ci smos/ sems can gang dag thams cad mkhyen pa nyid du sems 'jug pa de dag ni rnyed pa legs par rnyed pa yin no// sems can de dag ni 'tsho ba yang legs par 'tsho ba yin na yang gang gis bla na med pa yang dag par rdzogs pa'i byang chub tu sems bskyed pa lta ci smos/ sems can dam pa gang bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i sems can de dag ni 'dod par bya'o// 8 de nas lha rnams kyi dbang po brgya byin gyis me tog man da ra ba dag mngon par sprul nas me tog snyim par thogs te/ de bzhin gshegs pa dgra bcom pa yang dag par rdzogs pa'i sangs rgyas la gtor nas tshig tu yang 'di skad ces smras so// byang chub sems dpa'i theg pa dpa'i gang zag gang dag gis bla na med pa yang dag par rdzogs pa'i byang chub mngon par rdzogs par sangs rgyas te me tog par rdzogs par sangs rgyas nas 'khor ba'i rgya mtsho chen pos khyer bar gyur pa'i sems can thams cad pha rol gyi 'gram rdzogs pa'i sangs rgyas kyi sa la mnyam par gzhag par bgyi'o bla na med pa yang dag par rdzogs pa'i byang chub tu sems bskyed pa de dag

  718. 360a

    gis 'tshal ba dang yongs su bsam pa dang yongs su bzung ba'i sems bskyed pa de rnams 'byor par gyur cig de dag gi sangs rgyas kyi chos de dag nyid yongs su rdzogs par gyur cig thams cad mkhyen pa nyid dang ldan pa'i chos de dag nyid yongs su rdzogs par gyur cig/ rang byung gi chos de dag nyid yongs su rdzogs par gyur cig/ mi 'phrog pa'i chos de dag nyid yongs su rdzogs par gyur cig/ bcom ldan 'das bdag ni byang chub sems dpa' sems dpa' chen po snying rje chen po dang ldan pa gang pa de dag bla na med pa yang dag par rdzogs pa'i byang chub las slar ldog pa'i sems bskyed pa gcig yang mi skye'o// bcom ldan 'das bdag ni byang chub sems dpa'i theg pa pa'i gang zag bla na med pa yang dag par rdzogs pa'i byang chub mngon par rdzogs par 'tshang rgya bar yang dag par zhugs pa gang yin pa de dag de las slar ldog par sems bskyed gcig tsam kyang mi skye ste/ sems can rnams kyi 'khor ba na spyod pa'i sdug bsngal rnams yang dag par mthong bas bla na med pa yang dag par rdzogs pa'i byang chub tu smon lam rgya cher skyed par 'gyur ro// de ci'i slad du zhe na/ gang dag sems bskyed pa 'di lta bu 'di dag dang ldan te ci ltar bdag brgal bas sems can rnams

  719. 360b

    bsgral bar bgyi grol bas dgrol bar bgyid dbugs dbyung bas dbugs dbyung bar bgyi yongs su mya ngan las 'das pas yongs su mya ngan las bzla bar bgyi'o zhes de lta bu'i sems bskyed pa de dag gis gnas pa de dag ni snying rje chen po de don du 'tshal ba dang sman par 'tshal ba dang lha dang mi dang lha ma yin du bcas pa'i 'jig rten la snying brtse bas snying brtse bar bgyid pa lags so// bcom ldan 'das gang byang chub sems dpa' sems dpa' chen po theg pa la dang por zhugs pa de dag gi sems bskyed pa de dag la rjes su yi rang ba dang byang chub sems dpa'i sprad pa sprod pa rnams kyi sems bskyed pa de dag la yang rjes su yi rang ba dang phyir mi ldog pa'i byang chub sems dpa' sems dpa' chen po rnams kyi phyir mi ldog pa'i chos nyid la yang rjes su yi rang ba dang ldan skye ba gcig gis thogs pa'i byang chub sems dpa' sems dpa' chen po rnams kyi skye ba gcig gis thogs pa'i chos nyid la yang rjes su yi rang bar bgyid na/ bcom ldan 'das rigs kyi bu 'am rigs kyi bu mo de bsod nams ci tsam zhig skyed par 'gyur/ de skad ces gsol pa dang bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka yang ri'i rgyal po srang grangs su bcal ba'i tshad ni gzung bar nus kyi/

  720. 361a

    kau shi ka rigs kyi bu 'am rigs kyi bu mo byang chub sems dpa' sems dpa' chen po'i rjes su yi rang dang ldan pa'i sems bskyed pa de'i bsod nams kyi tshad ni gzung bar mi nus so// kau shi ka yang gling chen po bzhi pa'i 'jig rten gyi khams srang grangs su bcal ba'i tshad ni gzung bar nus kyi/ kau shi ka rjes su yi rang ba dang ldan pa'i sems bskyed pa de'i tshe sod nams kyi tshad ni gzung bar mi nus so// ko'u shi ka yang stong gsum gyi stong chen po'i 'jig rten gyi khams srang grangs su btsal ba'i chad ni gzung bar nus kyi/ ko'u shi ka rigs kyi bu 'am rigs kyi bu mo byang chub sems dpa' sems dpa' chen po'i rjes su yi rang ba dang ldan pa'i sems bskyed pa de'i bsod nams kyi tshad ni gzung myi nus so// de skad ces bka' stsal ba dang bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das sems can gang dang byang chub sems dpa' sems dpa' chen po sems dang po bskyed pa nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas pa'i bar rnams kyi rjes su yi rang ba dang ldan pa'i

  721. 361b

    sems bskyed pa'i bsod nams de ltar gzhal du ma mchis pa lags par mi nyan ma 'tshal ma mthong rjes su yi rang bar mi sems pa de dag ni bdud kyis byin gyis brlabs par rigs par bgyi'o// bcom ldan 'das sems can gang byang chub sems dpa' sems dpa' chen po rnams kyi sems bskyed pa 'di la rjes su yi rang bar mi bgyid pa de dag ni bdud kyi phyogasu gyur pa lags so// bcom ldan 'das sems can gang byang chub sems dpa' sems dpa' chen po rnams kyi sems bskyed pa 'di la rjes su yi rang mi bgyid pa de dag ni bdud kyi gnas nas shi 'phos pa lags so// de ci'i slad du zhe na/ bcom ldan 'das gang gis sems bskyed pa 'di dag mngon par bsgrubs pa dang / sems bskyed pa 'di dag bla na med pa yang dag par rdzogs pa'i byang chub tu yongs su bsngos pa 'am sems bskyed pa 'di dag la rjes su yi rang bar bgyis pa de dag gis ni bdud kyi gnas rnam par 'jig par bgyid pa lags so// bcom ldan 'das byang chub sems dpa' sems dpa' chen po gang dag gis bla na med pa yang dag par rdzogs pa'i byang chub tu sems bskyed pa'i byang chub sems dpa' sems dpa' de dag gis sems bskyed bde dag ni rjes su yi rang bar bgyi ba lags so// bcom ldan 'das gang gis de bzhin gshegs pa yongs su ma btang ba dang / chos

  722. 363a

    yongasu ma btang ba dang / dge 'dun yongasu bla tang ba'i rigs kyi bu'am rigs kyi bu mo de dag gis sems bskyed pa 'di la rjes su yi rang bar bgyi'o// de skad ces gsol ba dang / bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka de de bzhin no de de bzhin te/ kau shi ka rigs kyi bu 'am rigs kyi bu mo gang dag gis de bzhin gshegs pa yongs su ma btang ba dang chos yongs su ma btang ba dang dge 'dun yongs su ma btang ba de dag gis sems bskyed pa 'di dag la rjes su yi rang bar bya'o// kau shi ka rigs kyi bu 'am rigs kyi bu mo byang chub sems dpa'i theg pa ba 'am rang sangs rgyas kyi theg pa pa 'am/ nyan tho kyi theg pa pa gang dag gis sems bskyed pa 'di la rjes su yi rang bar byas na/ de dag myur du de bzhin gshegs ba dgra bcom pa yang dag par rdzogs pa'i sangs rgyas rnams mnyes par byed par 'gyur gyi mi mnyes par byed par mi 'gyur ro// de skad ces bka' stsal pa dang / bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das de de bzhin no bde bar gshegs pa de de bzhin te/ rigs kyi bu 'am rigs kyi bu mo byang chub sems dpa'i theg pa pa 'am rang sangs rgyas kyi theg pa pa 'am/ nyan thos kyi theg pa pa gang dag gis sems bskyed pa 'di dag

  723. 363b

    la rjes su yi rang ba de dag ni shin tu myur bar de bzhin gshegs pa dgra bcom pa yang dag par rdzogs pa'i sangs rgyas rnams mnyes par bgyid par 'gyur gyi mi mnyes/ bar bgyid par mi 'gyur ro// de ltar rjes su yi rang ba dang ldan pa'i sems bskyed pa'i dge ba'i rtsa ba de dag gis gang dang gang du skye bar gyur pa de dang der bkur bstir bgyis par 'gyur bla mar bgyis par 'gyur rjed par bgyis par 'gyur mchod par bgyis par 'gyur ri mor bgyis par 'gyur bsnyen bkur bgyis par 'gyur te/ de dag yid du mi 'ong ba'i gzugs mthong bar mi 'gyur de dag yid du mi 'ong ba'i sgra thos par mi 'gyur de dag yid du mi 'ong ba'i dri snom par mi 'gyur de dag yid du mi 'ong ba'i ro yongs su myong bar mi 'gyur de dag yid du mi 'ong ba'i reg bya la reg par mi 'gyur ro// de dag ngan song du mi skye bar rig par bgyi ste/ de dag mtho ris su skye bar bar rig par bgyi'o// de ci'i slad du zhe na/ 'di ltar rigs kyi bu 'am rigs kyi bu mo de dag gis sems can gzhal du med pa dang / grangs med pa'i dge ba'i rtsa ba sems can thams cad bde bar byed pa la rjes su yi rang ba'i slad du'o// bcom ldan 'das gang gis 'dun pa bskyed de/ gang zag byang chub sems dpa'i theg pa can rnams kyi sems bskyed pa de dag la rjes su yi rang bar bgyis pa de dag gi sems bskyed pa de dag kyang rnam par 'phel bas bla na

  724. 364a

    med pa yang dag par rdzogs pa'i byang chub thob par bgyid par 'gyur ro// de dag kyang bla na med pa yang dag par rdzogs pa'i byang chub mngon par rdzogs par sangs rgyas nas sems can gzhal du ma mchis grangs ma mchis pa rnams yongs su mya ngan las 'da' bar bgyid par 'gyur ro// bcom ldan 'das kyis bka' stsal ba/ kau shi ka de bzhin gshegs pa'i mthus khyod kyis tshig ci skad smras pa de de bzhin no de de bzhin te/ kau shi ka rigs kyi bu 'am rigs kyi bu mo gang gis gang zag byang chub sems dpa'i theg pa pa rnams kyi sems bskyed pa de dag la rjes su yi rang bar byas nas/ kau shi ka rnams grangs 'dis rigs kyi bu 'am rigs kyi bu mo des gang zag byang chub sems dpa'i theg pa pa rnams kyi sems bskyed pa de dag la rjes su yi rang bar byas pas sems can gzhal du med/ grangs du med pa de dag gis dge ba'i rtsa ba la rjes su yi rang bar 'gyur bskyed pa dang mngon par bsgrubs par 'gyur ro// rab 'byor gyis gsol pa/ bcom ldan 'das sems sgyu ma lta bu ci ltar bla na med pa yang dag par rdzogs pa'i byang chub mngon par rdzogs par 'chang rgya bar 'gyur/ de skad ces gsol ba dang bcom ldan 'das kyis tshe dang ldan pa rab 'byor la 'di skad bka' stsal to// rab 'byor 'di ci snyam du sems khyod kyis sems sgyu ma lta bur yang dag par rjes su

  725. 364b

    mthong ngam/ rab 'byor gyis gsol pa/ bcom ldan 'das de ni ma lags ma lags so// bcom ldan 'das kyis bka' stsal pa/ rab 'byor 'di ci snyam du sems khyod kyis sgyu ma yang dag par rjes su mthong ngam/ rab 'byor gyis gsol pa/ bcom ldan 'das de ni ma lags te/ bcom ldan 'das bdag gis sem sgyu ma lta bu dang sgyu ma yang yang dag par rjes su ma mthong ngo // bcom ldan 'das kyis bka' stsal pa/ rab 'byor 'di ci snyam du sems sgyu ma dang sems sgyu ma yang yang dag par rjes su ma mthong ba gang yin pa khyod kyis ci sgyu ma 'am sems sgyu ma lta bu las gzhan na chos gang bla na med pa yang dag par rdzogs pa'i byang chub mngon par rdzogs par 'chang rgya ba'i chos de yang dag par rjes su mthong ngam/ rab 'byor gyis gsol ba/ bcom ldan 'das de ni ma lags te/ bcom ldan 'das bdag gis sgyu ma 'am sems sgyu ma lta bu las gzhan na chos gang bla na med pa yang dag par rdzogs pa'i byang chub mngon par rdzogs par 'tshang rgya ba'i chos de yang dag par rjes su ma mthong ngo // bcom ldan 'das bdag gis sgyu ma 'am sems sgyu ma lta bu las gzhan du chos de yang dag par rjes su ma mthong na mchis pa'o zhes sam ma mchis pa'o zhes chos gang zhig brjod par bgyi/ chos gang shin tu dben pa de ni mchis pa'o zhe 'am ma mchis pa'o zhes rtogs su mchis te/ chos gang shin

  726. 365a

    tu dben pa de ni bla na med pa yang dag par rdzogs pa'i byang chub mngon par rdzogs par 'chang mi rgya'o// de ci'i slad du zhe na/ bcom ldan 'das chos ma mchis pa ni bla na med pa yang dag par rdzogs pa'i byang chub mngon par rdzogs pa'i byang chub mngon par rdzogs par 'chang mi brgya'o// bcom ldan 'das de lta bas na shes rab kyi pha rol tu phyin pa ni shin tu dben pa lags la/ chos gang shin tu dben pa'i chos de ni bsgom par bgyi ba ma lags te/ des ni chos gang yang thob par bgyid pa 'am spong bar bgyid pa ma lags na/ bcom ldan 'das ci ltar shes rab kyi pha rol tu phyin pa shin tu dben pa la brten nas byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ bcom ldan 'das bla na med pa yang dag par rdzogs ba'i byang chub kyang shin tu dben pa lags te/ bcom ldan 'das gang gi tshe shes rab kyi pha rol tu phyin pa shin tu dben pa lags la bla na med pa yang dag par rdzogs ba'i byang chub kyang shin tu dben pa lags na/ bcom ldan 'das de'i tshe ci ltar dben pas dben pa mngon par rdzogs par 'tshangs rgya bar 'gyur/ de skad ces gsol ba dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor legs so legs so// rab 'byor de de bzhin no de de

  727. 365b

    bzhin te/ rab 'byor shes rab kyi pha rol tu phyin pa ni shin tu dben pa'o// bla na med pa yang dag par rdzogs pa'i byang chub kyang shin tu dben pa yin te/ rab 'byor gang gi phyir shes rab kyi pha rol tu phyin pa shin tu dben pa nyid kyi phyir bla na med pa yang dag par rdzogs pa'i byang chub shin tu dben pa mngon par rdzogs par 'a rgya'o// rab 'byor gal te byang chub sems dpa' sems dpa' chen po shes rab kyi pha rol tu phyin pa shin tu dben pa'o zhes yang dag par shes na de shes rab kyi pha rol tu phyin pa ma yin no// rab 'byor de ltar byang chub sems dpa' sems dpa' chen po shes rab kyi pha rol tu phyin pa la brten nas bla na med pa yang dag par rdzogs pa'i byang chub mngon par rdzogs par 'tshang rgya ste/ rab 'byor shes rab kyi pha rol tu phyin pa la brten nas tha na med pa yang dag par rdzogs pa'i byang chub mngon par rdzog bar 'tshang rgya ba yang med do// dben pas dben pa mngon par rdzogs par 'tshang mi rgya mod kyi/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'chang yang rgya ste shes rab kyi pha rol tu phyin pa la ma brten par yang mngon par rdzogs par 'chang mi rgya'o// rab 'byor gyis gsol pa/ bcom ldan 'das ci ltar bdag gis bcom ldan 'das kyis bka' stsal pa'i don 'tshal ba de ltar na bcom ldan 'das byang chub sems dpa' sems dpa' chen

  728. 366a

    bo ni don zab mo la spyod do// bcom ldan 'das kyis bka' stsal ba/ rab 'byor de de bzhin no de de bzhin te/ rab 'byor byang chub sems dpa' sems dpa' chen po don zab mo la spyod do// ba 'byor byang chub sems dpa' sems dpa' chen po gang den zab mo la yang spyod la/ 'di lta ste nyan thos kyi sa 'am/ rang sangs rgyas kyi sar don de mngon sum du mi byed pa ni dka' ba byed pa yin no// rab 'byor gyis gsol pa/ bcom ldan 'das ci ltar bdag gis bcom ldan 'das kyis bka' stsal ba'i don 'tshal ba de ltar na byang chub sems dpa' sems dpa' chen po dka' ba bgyid bcang ma lags so// de ci'i slad du zhe na/ bcom ldan 'das 'di ltar gang zhig mngon sum du bgyid pa'i chos de nyid kyang mi dmigs gang mngon sum du bgyi ba'i chos de yang mi dmigs gang gis mngon sum du bgyi ba'i chos de yang mi dmigs pa'i slad du'o// bcom ldan 'das gal te 'di skad bshad pa byang chub sems dpa' sems dpa' chen po mi zhum mi 'gong kun tu mi zhum yid phyir phyogs par mi 'gyur mi dngang kun tu mi skrag kun tu skrag pa dang ldan par mi 'gyur na/ shes rab kyi pha rol tu phyin pa la spyod do// gal te spyod do snyam du yang dag par rjes su mi mthong na/ shes rab kyi pha rol tu phyin pa la spyod do// gal te bdag bla na med pa yang dag par rdzogs pa'i byang chub tu nye bar gyur to// snyam du de ltar yang yang

  729. 366b

    dag par rjes su mi mthong na shes rab kyi pha rol tu phyin pa la spyod do// gal te bdag gis nyan thos dang rang sangs rgyas kyi sargyad ring du bsrings so snyam du de ltar yang de mi sems na shes rab kyi pha rol tu phyin pa la spyod do// bcom ldan 'das 'di lta ste dper na nam mkha' ni 'di skams du bdag kha cig dang ni nye'o kha cig dang ni ring ngo zhes snyam du mi sems so// de ci'i slad zhe na/ bcom ldan 'das nam mkha' la rnam par rtog pa ma mchis pa'i sla du ste/ bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa la spyod pa yang bdag ni bla na med pa yang dag par rdzogs pa'i byang chub dang nye bar gyur te/ nyan thos kyi sa dang rang sangs rgyas kyis ni bdag dang rgyang ring ngo snyam du mi sems so// de ci'i slad du zhe na/ bcom ldan 'das shes rab kyi pha rol tu phyin pa la rnam par rtogs pa ma mchis ba'i slad du'o// bcom ldan 'das 'di lta ste dper na sgyu ma'i skyes bu ni 'di snyam du skye ba byed pa ni bdag dang nye'i yang skye bo'i tshogs gzhan 'dus pa 'di ni bdag dang rgyang ring ngo zhes mi sems so// de ci'i slad du zhe na/ bcom ldan 'das sgyu ma'i skyes bu la rnam par rtog pa ma mchis pa'i slad du ste/ bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa la skyong ba yang 'di snyam du bdag ni bla na med pa med pa yang dag par rdzogs pa'i byang chub dang nye bar gyud

  730. 367a

    te nyan thos kyi sa dang rang sangs rgyas kyis ni bdag dang rgyang ring ngo zhes mi sems so// de ci'i slad du zhe na/ bcom ldan 'das shes rab kyi pha rol tu phyin pa la rnam par rtog pa ma mchis pa'i slad du'o// bcom ldan 'das 'di lta ste dper na gzugs brnyen ni 'di snyam du dmigs pa gang gis gzugs brnyan 'byung ba de ni bdag dang nye ba yin gyi yang gang dag me long ngam snod chus bkang ba de'i drung du nye bar ma 'ongs pa de dag ni bdag dang rgyang ring ngo zhes mi sems so// de ci'i slad du zhe na/ bcom ldan 'das gzugs brnyan la rnam par rtog pa ma mchis pa'i slad du ste/ bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa la spyod pa yang 'di snyam du bdag ni bla na med pa yang dag par rdzogs pa'i byang chub dang nye bar gyur te nyan thos kyi sa dang rang sangs rgyas kyi sa ni bdag dang rgyang ring ngo zhes mi sems so// de ci'i slad du zhe na/ bcom ldan 'das shes rab kyi pha rol tu phyin pa la rnam par rtog pa ma mchis pa'i slad du go// bcom ldan 'das 'di lta ste dper na de bzhin gshegs pa ni su la yang sdug pa 'am mi sdug mi mnga'o// de ci'i slad du zhe na/ de bzhin gshegs pas rtog/ pa dang rnam par rtog pa thams cad spangs pa'i slad du ste/ bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa

  731. 367b

    la spyod pa yang su la yang sdug pa'am mi sdug pa 'ab ma mchis so// de ci'i slad du zhe na/ bcom ldan 'das shes rab kyi pha rol tu phyin pa la rnam par rtog pa ma mchis banyid kyi slad du'o// bcom ldan 'das ci ltar de bzhin gshegs pas rtog pa dang rnam par rtog pa thams cad spangs pa de bzhin du/ bcom ldan 'das 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyis sprul pa gang mngon par sprul pa de 'di snyam du bdag ni bla na med ba yang dag par rdzogs pa'i byang chub dang nye bar gyur te/ nyan thos dang rang sangs rgyas kyis ni bdag dang rgyang ring ngo zhes mi sems so// de ci'i slad du zhe na/ bcom ldan 'das sprul pa la rnams par rtog pa ma mchis pa'i slad du ste/ bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa/ la spyod pa yang 'di snyam du bdag ni bla med pa yang dag par rdzogs pa'i byang chub dang nye bar gyur te nyan thos kyi sa dang rang sangs rgyas kyis ni bdag dang rgyang ring ngo zhes mi sems pa de ci'i slad du zhe na/ bcom ldan 'das shes rab kyi pha rol tu phyin pa la rnam par rtog pa ma mchis pa'i slad du'o// bcom ldan 'das 'di lta ste dper na sprul pa de bgyi ba gang bgyi ba'i slad du sprul pa'i bgyi ba de yang bgyid la sprul pa de yang rnam par rtog pa ma mchis so// de ci'i srad du zhe na/ sprul pa de la rnam par rtog ma 'an las shes rab kyi yor du phyin pa yang rtog pa dang

  732. 368a

    pa ma mchis pa'i slad du ste/ bcom ldan 'das de bzhin du byang chub sems dpa' sems dpa' chen po yang bgyi ba gang bgyi ba'i slad du shes rab kyi pha rol tu phyin pa 'di bsgom par bgyi ba de yang bgyid la shes rab kyi pha rol tu phyin pa de yang rnam par rtog pa ma mchis so// de ci'i slad du zhe na/ bcom ldan 'das shes rab kyi pha rol tu phyin pa la rnam par rtog pa ma mchis pa'i slad du'o// bcom ldan 'das 'di lta ste dper na/ shing mkhan mkhas pa 'am shing mkhan gyi slob mas shing las bgyis pa'i skye ba 'am bud med kyi 'khrul 'khor sbyar ba bgyis na/ de bgyi ba gang bgyi ba'i slad du bgyis pa'i bgyi ba de bgyid kyang shing gi tshegs de/ rnam par rtog pa ma mchis so// de ci'i slad du zhe na/ bcom ldan 'das shing gi tshogs de la rnam par rtog pa ma mchis pa'i slad du ste/ bcom ldan 'das de bzhin du/ byang chub sems dpa' sems dpa' chen po yang bgyi ba gang bgyi ba'i slad du shes rab kyi pha rol tu phyin pa 'di bsgom par bgyi ba de yang bgyid la shes rab kyi pha rol tu byin pa de yang rnam par rtog pa ma mchis so// de ci'i slad du zhe na/ bcom ldan 'das shes rab kyi pha rol tu phyin pa la rnam par rtog pa ma mchis pa'i slad du'o// 'phags pa shes rab kyi pha rol tu phyin pa brgyad stong pa las/ sgyu ma lta bu'i le'u zhes bya ste nyi shu rtsa drug pa'o// // de nas che dang

  733. 368b

    ldan pa sha ri'i bus tshe dang ldan pa rab 'byor la 'di skad ces smras so// tshe dang ldan pa rab 'byor kye ma byang chub sems par sems dpa' chen po gang shes rab kyi pha rol tu phyin pa la spyod pa ni snying po la spyod do// de skad ces smras pa dang / tshe dang ldan pa rab 'byor gyis tshe dang ldan pa sha ri'i bu la 'di skad ces smras so// tshe dang ldan pa sha ri'i bu kye ma byang chub sems dpa' sems dpa' sems dpa' chen po gang shes rab kyi pha rol tu phyin pa la spyod pa ni snying po ma yin pa la spyod pa'o// de nas 'dod pa na skyed bi'i lha'i bu stong phrag mang po rnams 'di snyam du sems te/ gang dag bla na med pa yang dag par rdzogs pa'i byang chub tu sems bskyed nas mngon par sgrub pa'i sems can de dag ni phyag bya ba yin no// gang dag shes rab kyi pha rol tu phyin pa zab mo 'di la spyod cing de ltar spyod kyang 'di lta ste nyan thos kyi sa 'am rang sangs rgyas kyi sar yang dag pa'i mtha' mngon sum du mi byed pa dang / gang chos rnams kyi chos nyid la spyod kyang chos nyid mngon sum du mi byed pa'i rnams grangs 'dis kyang byang chub sems dpa' sems dpa' chen po rnams dka' ba byed pa yin par rigs par bya'o// de nas tshe dang ldan pa rab 'byor gyis 'dod pa na spyod pa'i lha'i bu stong phrag mang po de dag gi sems kyi rtog pa sems kyi shes nas/ 'dod pa na spyod pa'i lha'i bu stong phrag mang po de dag la smras pa/ lha'i bu dag gang dag yang dag pa'i mtha' de mngon sum du mi byed pa'i

  734. 369a

    byang chub sems dpa' sems dpa' chen po de dag ni dka' ba byed pa ma yin gyi lha'i bu rnams gang gi tshe sems can gzhal du med grang med pa rnams yongs su mya ngan las bzla bar bya'o// snyam du go cha bgos pa'i byang chub sems dpa' sems dpa' chen po de dag ni dka' ba byed pa yin mchog tu dka' ba byed pa yin te sems can rnams ni dben pa'i phyir sems can de dag kyang shin tu yang dag par med de yang dag par med pas dmigasu med do// de bzhin du gdul bar bya ba rnams shin tu yang dag par med de/ yang dag par med pas de dag dmigs su med do// de ltar na byang chub sems dpa' skyes dpa' chen po rnams sems can rnams gdul bar bya'o snyam nas bla na med pa yang dag par rdzogs pa'i byang chub mngon par rdzogs pa'i byang chub mngon par rdzogs bar 'tshang rgya bar yang dag par zhugs pa'o// lha'i bu dag gang sems can rnams gdul bar bya'o snyam du sems pa de ni namakha' gdul bar bya'o snyam du sems ba'o// de ci'i phyir zhe na lha'i bu dag na mkha' dben pa'i phyir sems can rnams dben par rig par bya'o// lha'i bu dag byang chub sems dpa' sems dpa' chen po gang sems can rnams yang dag par med cing dmigs su med pa rnams kyi phyir go cha bgos na rnams grangs 'dis dka' ba byed pa yin no// lha'i bu dag

  735. 369b

    gang sems can rnams kyi phyir go cha bgo bar bya'o snyam du sems pa de ni nam mkha' dang lhan cig rtsod par bya'o snyam du sems pa'o// byang chub sems dpa' sems dpe' chen po sa sems can rnams kyi phyir go 'di bgos pa yin no// de yang sems can de dag kyang shin tu dmigs su pa med par de bzhin gshegs pa dgra bcom pa yang dag par rdzogs pa'i sengs rgyas kyis gsungs te de yang sems can dben pa'i phyir de ltar rig par bya'o// de ltar gdul bar bya ba dben pa'i phyir byang chub sems dpa'i dben pa'i phyi rig par bya'o// gal te 'di ltar bshad pa 'di la byang chub sems dpa' sems dpa' chen po zhum par ma gyur na lha'i bu dag byang chub sems dpa' sems dpa' chen po de ni shes rab kyi pha rol tu phyin pa la spyod pa yin par rig par bya'o// de ci'i phyir zhe na/ sems can dben pa'i phyir gzugs dben par rig par bya'o// de bzhin du sems can dben pa'i phyir tshor ba dang 'du shes dang 'du byed rnams dben pa dang / sems can dben pa'i phyi rnams par shes pa dben par rig par bya'o// de bzhin du sems can dben pa'i phyir chos thams cad kyi bar du dben par rig par bya'o// lha'i bu dag de lnga na chos thams cad dben pa nyid du blta'o// lha'i bu dge de ltar chos thams cad dben pa nyid du bshad pa la byang chub sems dpa' sems dpa' chen po zhum

  736. 370a

    bar mi byed na/ 'di ltar zhum par mi byed pa de'i phyir shes rab kyi pha rol tu phyin pa la spyod pa'o// de nas bcom ldan 'das kyis mkhyen bzhin du tshe dang ldan pa rab 'byor la bka' stsal pa/ rab 'byor ci'i phyir de ltar chos thams cad dben pa nyid du bshad pa las byang chub sems dpa' sems dpa' chen po zhum par mi byed/ rab 'byor gyis gsol pa/ bcom ldan 'das dben pa'i slad du zhum par mi bgyid do// bcom ldan 'das rgyu 'dis byang chub sems dpa' sems dpa' chen po chos thams cad dben pa nyid du bshad pa la zhum par mi bgyid do// bcom ldan 'das chos gang la yang zhum par 'gyur ba ma mchis so// de ci'i slad du zhe na/ bcom ldan 'das gang zhum par 'gyur ba'i chos de dag ni gang yang dmigs su ma mchis te/ bcom ldan 'das chos gang gis chos gang zhum par 'gyur ba'i chos de yang dmigs su ma mchis so// bcom ldan 'das kyis bka' stsal ba/ rab 'byor de de bzhin no de de bzhin te/ rab 'byor 'on kyang gal te de skad brjod pa dang bshed pa dang bstan pa dang de ltar nye bar bstan pa la byang chub sems dpa' sems dpa' chen po zhum par mi 'gyur/ bag mi tsha bag cha dang mi ldan/ kun tu mi zhum yang dag par mi zhum yid phyir phyogs par mi byed mi dngang kun tu mi skrag kun tu skrag pa dang mi ldan na/ shes rab kyi pha rol tu phyin pa

  737. 370b

    la spyod pa'o// rab 'byor gyis gsol pa/ bcom ldan 'das de de bzhin no bde bar gshegs pa de de bzhin te/ bcom ldan 'das gal te byang chub sems dpa' sems dpa' chen po de ltar spyod na/ shes rab kyi pha rol tu phyin pa la spyod do// de ltar spyod pa'i byang chub sems dpa' sems dpa' chen po la dbang po dang bcas pa'i lha rnams dang tshangs pa dang bcas pa dang skye dgu'i bdag po dang bcas pa dang dbang ldan dang bcas pa dang drang srong dang bcas pa dang / skyes pa dang bud med kyi tshogs rnam kyis rgyang ma nas thal mo sbyar te/ phyag 'tshal bar 'gyur ro// bcom ldan 'das kyis bka' stsal pa/ rab 'byor de ltar spyod pa'i byang chub sems dpa' sems dpa' chen po la dbang po dang bcas pa'i lha rnams dang tshangs pa dang bcas pa dang skye dgu'i bdag po dang bcas pa dang dbang ldan dang bcas pa dang / drang srong dang bcas pa dang / skyes pa dang bud med kyi tshogs rnams 'ba' zhig rgyang ma nas thal mo sbyar te/ phyag 'tshal bar 'gyur bar ma zad kyi ba rab 'byor tshangs ris kyi lha rnams dang tshangs pa'i mdun na 'don dang tshangs pa kun 'khor dang tshangs pa chen po dang / 'od chung dang chad med 'od dang / 'od gsal dang dge chung dang tshad med dge dge dang / dge rgyas dang sprin med dang bsod nams 'bel dang / 'brus bu che ba dang / 'du shes med pa'i sems can rnams dang / mi che ba dang / mi gdung ba dang / gya nom snang ba dang

  738. 371a

    shin tu mthong ba dang 'og min gyi lha gang dag yod pa de dag kyang / rab 'byor byang chub sems dpa' sems dpa' chen po shes rab kyi pha rol tu phyin pa nyid la spyod pa la phyag 'tshal bar 'gyur ro// rab 'byor yang 'jig rten gyi khams gzhal du med grangs med pa dag na de bzhin gshegs pa dgra bcom pa yang dag par rdzogs pa'i sangs rgyas gang dag da ltar bzhugs te 'tshe zhing gzhes pa'i sangs rgyas bcom ldan 'das de dag kyang shes rab kyi pha rol tu phyin pa la de ltar spyod pa'i byang chub sems dpa' sems dpa' chen po la sangs rgyas kyi spyan gyis gzigs te/ rab 'byor de dag gis byang chub sems dpa' sems dpa' chen po shes rab kyi pha rol tu phyin pa la spyod pa de la phan 'dogs shing dgos par mdzad do// rab 'byor yang byang chub sems dpa' sems dpa' chen po gang dag shes rab kyi pha rol tu phyin pa la spyod pa de dag la de bzhin gshegs pa dgra bcom pa yang dag par rdzogs pa'i sangs rgyas rnams phan 'dogs shing dgongs par mdzad de/ rab 'byor byang chub sems dpa' sems dpa' chen po de dang de dag ni bla na med pa yang dag par rdzogs pa'i byang chub las phyir mi ldog par gzung bar bya'o// de dag la bdud dab gzhan dag gi bar chad 'byung bar mi 'gyur ro// de ci'i phyir zhe na/ rab 'byor stong gsum gyi stong chen po'i 'jig rten gyi khams na sems can ji snyed

  739. 371b

    yod pa de dag thams cad bdud sdig can du gyur la/ bdud sdig can de dag re res kyang de snyed kyi bdud kyi sde mngon par sprul kyang rab 'byor bdud sdig can de dag gis byang chub sems dpa' sems dpa' chen po sangs rgyas kyis dgongs shing / shes rab kyi pha rol tu phyin pa la spyod pa de la bla na med pa yang dag par rdzogs pa'i byang chub las bar chad bya bar mi nus so// rab 'byor yang stong gsum gyi stong chen po'i 'jig rten gyi khams kyi sems can thams cad bdud sdig du gyur pa lta zhog rab 'byor stong gsum gyi stong chen po'i 'jig rten gyi khams gA'i klung gi bye ma snyed yod pa de dag thams cad ba dung sdig can du gyur la/ bdud sdig can de dag re res kyang bdud kyi sde de snyed mngon par sprul kyang / rab 'byor bdud sdig can de dag gis byang chub sems dpa' chen po sangs rgyas kyis dgongs shing shes rab kyi pha rol tu phyin pa la spyod pa de la bla na med pa yang dag par rdzogs pa'i byang chub las bar chad bya bar mi nus so// rab 'byor byang chub sems dpa' sems dpa' chen po chos gnyis dang ldan na/ bdud sdig can rnams ma/ bdud kyi ris kyis lha rnams kyis de'i tshe thub par dka' ba yin te/ gnyis po gang zhe na 'di lta ste des sems can thams cad yongs su ma btang ba yin/ des chos thams cad stong pa nyid du rtogs pa yin te rab 'byor chos de gnyis dang ldan pa'i byang chub sem

  740. 372a

    dpa' sems dpa' chen po ni bdud sdig can rnams sam/ bdud kyi ris kyi lha rnams kyis thug par dka' ba yin no// rab 'byor byang chub sems dpa' sems dpa' chen po chos gnyis po gzhan dang ldan na/ bdud sdig can rnams sam bdud kyi ris kyi lha rnams kyis thub par dka' ba yin te/ gnyis po gang zhe na/ 'di lta ste/ ci skad du klas pa de bzhin du byed pa yin/ sangs rgyas bcom ldan 'das rnams kyis dgongs pa yin te/ rab 'byor byang chub sems dpa' sems dpa' chen po chos de gnyis dang ldan pa ni bdud sdig can rnams sam bdud kyi ris kyi lha rnams kyis thub par dka' ba yin no// rab 'byor de ltar spyod pa'i byang chub sems dpa' sems dpa' chen po la lha rnams kyang nye bar 'ong bar sems par 'gyur nye bar 'ongs nas kyang yongs su 'dri bar sems/ yongs su 'dri bar bya bar sems/ bsnyen bkur byas par sems so// de la spro ba yang skyed par byed de/ rigs kyi bu khyod myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur gyis/ rigs kyi bu khyod de lta bas na 'di lta ste/ shes rab kyi pha rol tu phyin pa'i gnas pa'i gnas pa 'di nyid kyis gnas par bya'o// de ci'i phyir zhe na/ rigs kyi bu khyod de ltar gnas pa de nyid kyi gnas shing de ltar spyod na/ sems

  741. 372b

    can bgon byed pa rnams kyi mgon du 'gyur/ sems can skyob med pa rnams kyi skyob par 'gyur/ sems can skyabs med pa rnams kyi skyabs su 'gyur/ sems can gnas med pa rnams kyi gnas su 'gyur/ sems can dpung gnyen med pa rnams kyi dpung gnyen du gyur/ sems can gling med pa rnams kyi gling du 'gyur/ sems can ldong pa rnams kyi snang bar 'gyur/ sems can yongs su 'dren pa med pa rnams kyi yongasu 'dren par 'gyur/ sems can rten med pa rnams kyi rten du 'gyur/ seMs can lam las rab tu nyams pa rnams dang nges par 'byung ba med pa rnams kyi lam gyi dam pa dang nges par 'byung bar 'gyur ro zhes lha'i bu de dag de ltar byang chub sems dpa' sems dpa' chen po de la spo ba skyed do// de ci'i phyir zhe na/ rab 'byor 'jig rten gyi khams gzhal du med pa bgrang du med pa dag na sangs rgyas bcom ldan 'das gang dag nyan thos kyi dge 'dun gyis yongasu bskor cing / byang chub sems dpa'i dge 'dun gyis mdun du byas nas/ 'tshe zhing gzhes pa'i sangs rgyas bcom ldan 'das de dag kyang shes rab kyi pha rol tu phyin pa'i gnas pa 'dis gnas pa'i byang chub sems dpa' sems dpa' chen po shes rab kyi pha rol tu phyin pa la spyod cing 'di lta bu'i rang bzhin gyi yon tan 'di dag dang ldan pa ste/ 'di lta ste shes rab kyi pha rol tu phyin pa la gnas

  742. 373a

    pa'i yon tan dang ldan pa'i ming dang rus dang stobs dang kha dog dang / gzugs yongs su sgrogs pa'i tshul gyis chos ston cing byang chub sems dpa' sems dpa' chen po de la ched du brjod pa yang ched du brjod par mdzad do// rab 'byor 'di lta ste dper na da ltar nga zhing byang chub sems dpa' sems dpa' chen po rin po che'i tog dang byang chub sems dpa' sems dpa' chen po gtsug phud can dang byang chub sems dpa' sems dpa' chen po gzhan gang dag da ltar de bzhin gshegs pa dgra bcom pa yang dag par rdzogs pa'i sangs rgyas mi bskyod pa'i drung na tshangs par sbyang ba skyod pa dag gi ming dang rus dang stobs dang kha dog dang gzugs yongasu sgrogs pa'i tshul gyis chos ston cing ched du brjod pa yang ched du brjod pa yang de bzhin du rab 'byor sangs rgyas bcom ldan 'das de dag kyang da ltar nga'i sangs rgyas kyi zhing na byang chub sems dpa' sems dpa' chen po gang dag tshangs par spyad pa spyod cing shes rab kyi pha rol tu phyin pa'i gnas ba 'dis gnas pa'i byang chub sems dpa' sems dpa' chen po de dag gis ming dang rus dang stobs dang kha dog dang gzugs rnams yongs su sgrogs pa'i tshul gyis chos ston cing ched du brjod pa yang ched du brjod do// rab 'byor gyis gsol pa/ bcom ldan 'das ci sangs rgyas bcom ldan 'das de dag byang chub

  743. 373b

    sems dpa' sems dpa' chen po thams cad kyi ming dang rus dang stobs dang kha dog dang gzugs yongs su sgrogs pa'i tshul gyis chos ston cing ched du brjod pa yang ched du brjod dam/ bcom ldan 'das kyis bka' stsal pa/ rab 'byor de ni ma yin te/ rab 'byor sangs rgyas bcom ldan 'das de dag byang chub sems dpa' sems dpa' chen po thams cad kyi ming dang rus dang stobs dang kha dog dang gzugs yongs su sgrogs pa'i tshul gyis chos ston cing ched du brjod pa yang ched du brjod ba ma yin no// rab 'byor 'on kyang sangs rgyas bcom ldan 'das de dag ni gang dag phyir mi ldog pa'i sems dpa' sems dpa' chen po chags pa thams cad dang bral ba de dag gi ming dang rus dang stobs dang kha dog dang gzugs yongasu sgrogs pa'i tshul gyis chos ston cing ched du brjod do// rab 'byor gyis gsol pa/ bcom ldan 'das sangs rgyas bcom ldan 'das kyis byang chub sems dpa' sems dpa' chen po phyir mi ldog pa rnams ma gtogs par de ma lags pa'i byang chub sems dpa' sems dpa' chen po gzhan gyi ming dang rus dang stobs dang kha dog dang gzugs yongasu sgrogs pa'i tshul gyis chos ston cing ched du brjod pa yang ched du brjod par mdzad pa mchis sam/ bcom ldan 'das kyis bka' stsal pa/ rab 'byor byang chub sems dpa' sems dpa' chen po phyir mi ldog pa rnam

  744. 374a

    @ma gtogs par sangs rgyas bcom ldan 'das de dag gang gi ming dang rus dang stobs dang kha dog dang gzugs yongs su sgrogs pa'i tshul gyis chos ston cing ched du brjod pa yang ched du brjod pa'i gang zag byang chub sems dpa'i theg pa bganyen po'i stobs cad de dag ni yod do// de dag kyang gang zhe na/ gang da ltar de bzhin gshegs pa dgra bcom pa yang dag par rdzogs pa'i sangs rgyas mi bskyod pa'i byang chub sems dpa'i spyod pa'i rjes su slob pa'i tshul du byang chub sems dpa'i spyad pa spyod cing rjes su slob pa'i tshul tu gnas pa rnams te/ rab 'byor 'di dag ni byang chub sems dpa' sems dpa' chen po phyir mi ldog pa rnams ma gtogs bar sangs rgyas bcom ldan 'das de dag gis gang gi ming dang rus dang stobs dang kha dog dang gzugs yongs su sgrogs pa'i tshul gyis chos ston cing ched du brjod pa yang ched du brjod pa'i byang chub sems dpa'i theg pa pa'i gang zag yin no// rab 'byor yang dag byang chub sems dpa' sems dpa' chen po rin po che'i tog gis byang chub sems dpa'i spyod pa'i rjes slob pa'i tshul du byang chub sems dpa'i sbyang ba'i spyod cing de rjes su slob pa'i tshul du gnas su pa rnams te/ rab 'byor 'di dag kyang byang chub sems dpa' sems dpa' chen po phyir mi ldog pa rnams ma rtogs par sangs rgyas bcom ldan 'das de dag gang gi ming dang rus dang stobs dang kha dog

  745. 374b

    dang gzugs yongs su sgrogs pa'i tshul gyis chos ston cing ched du brjod pa yang ched du brjod pa yin no// rab 'byor gzhan yang byang chub sems pa' sems dpa' chen po gang dag shes rab kyi pha rol tu phyin pa la spyod cing chos thams cad mi skye ba'o zhes de ltar mos la da dung mi skye ba'i chos la bzod pa ma thob par gyur pa dang // chos thams cad zhi'o zhes mos la chos thams cad la phyir mi ldan pa'i dbang thob cing non par ma gyur pa ste/ sangs rgyas bcom ldan 'das de dag gis ni gnas pa 'dis gnas pa'i byang chub sems dpa' sems dpa' chen po de dag gi yang ming dang rus dang stobs dang kha dog dang gzugs yongs su sgrogs pa'i tshul gyis chos ston cing ched du brjod pa yang ched du brjod do// rab 'byor gzhan yang sangs rgyas bcom ldan 'das de dag gis byang chub sems dpa' sems dpa' chen po gang dag gis ming dang rus dang stobs dang kha dog dang gzugs yongs su sgrogs pa'i tshul gyis chos ston cing ched du brjod pa de dag ni nyan thos kyi sa dang rang sangs rgyas kyi sa spangs pa yin zhing / de dag gis ni sangs rgyas kyi sa nyid la re bar bya ste/ de dag kyang bla na med pa yang dag par rdzogs pa'i byang chub tu lung ston par 'gyur ro// ci'i phyir zhe na/ rab 'byor sangs rgyas bcom ldan 'das de dag gis byang chub sems dpa' sems dpa' chen po gang dag de ltar shes rab kyi pha rol tu phyin pa la spyod

  746. 375a

    bde dag gis ming dang rus dang stobs dang kha dog dang gzugs yongs su sgrogs pa'i tshul gyis chos ston cing ched du brjod pa yang che dang brjod pa de dag kyang phyir mi ldog pa nyid la gnas par 'gyur ro// rab 'byor gzhan yang byang chub sems dpa' sems dpa' chen po gang dag shes rab kyi pha rol tu phyin pa zab mo 'di bshad pa thos nas mos par byed cing rmongs par mi 'gyur nem nur mi byed the tshom mi za ste/ ci ltar de bzhin gshegs pa dgra bcom pa yang dag par rdzogs pa'i sangs rgyas kyi bshad pa de bzhin no zhes mos nas rgyas par nyan cing 'di snyam du bdag gis shes rab kyi pha rol tu phyin pa 'di de bzhin gshegs ba dgra bcom pa yang dag par rdzogs pa'i sangs rgyas mi bskyod pa dang gang dag de'i sangs rgyas kyi zhing na tshangs par spyad pa spyod pa'i gang zag byang chub sems dpa'i theg pa de dag gi thad nas rgyas par nyan to snyam du sems skyed par 'gyur ro// de dag gi thad nas kyang shes rab kyi pha rol tu phyin pa 'di nyid mnyan nas mes bar 'gyur te/ de dag kyang shes rab kyi pha rol tu phyin pa 'di la mos pa na ji ltar de bzhin gshegs pas gsungs pa de bzhin du mos pa de ltar mos pas phyir ldog pa nyid la gnas par 'gyur ro// rab 'byor de ltar shes rab kyi pha rol tu phyin pa'i tshul 'di thos pa yang byed de mang ba yin par bstan na/ gang dag mos par

  747. 375b

    byed cing mos nas kyang de bzhin nyid kyi don du gnas shing de bzhin nyid kyi don du sgrub pa dang de bzhin nyid kyi don du gnas shing de bzhin nyid kyi don du bsgrubs nas kyang // de bzhin nyid la gnas par gyur pa dang thams cad mkhyen pa nyid la gnas par gyur nas chos ston pa lta mos kyang ci dgos/ rab 'byor gyis gsol ba/ bcom lda 'das gang gi tshe de bzhin nyid ma gtogs par chos gzhan dmigs su ma mchis na bcom ldan 'das de'i tshe chos gang zhig de bzhin nyid la gnas par 'gyur gang zhig bla na med pa yang dag par rdzogs pa'i byang chub mngon par rdzogs par 'tshang rgya bar 'gyur gang zhig chos 'di ston par 'gyur/ de skad ces gsol pa dang bca ldan 'das kyis tshe dang ldan pa rab 'byor la 'di skad ces bka' stsal to// rab 'byor gang 'di skad du gang gi tshe de bzhin nyid ma togs par chos gzhan gang yang dmigs su med na nga'i tshe chos gang zhig de bzhin nyid la gnas par 'gyur gang zhig bla na med pa yang dag par rdzogs pa'i byang chub mngon par rdzogs par 'tshang rgya bar 'gyur gang zhig chos 'di ston par 'gyur zhes smras pa ni rab 'byor de bzhin nyid ma gtogs par chos gzhan gang de bzhin nyid la gnas/ par 'gyur ba'i chos gang yang dmigs su med/ rab 'byor re shig de bzhin nyid dmig su med na gang de bzhin nyid la gnas par 'gyur ba lta ci smos/ ra

  748. 376a

    'byor de bzhin nyid bla na med pa yang dag par rdzogs pa'i byang chub mngon par rdzogs par 'chang mi rgya ste/ rab 'byor gang bla na med pa yang dag par rdzogs pa'i byang chub mngon par rdzogs par sangs rgyas pa'am mngon par 'tshang rgya bar 'gyur ba'i mngon par rdzogs par 'tshang rgya ba'i chos de ni gang yang dmig su med de/ rab 'byor de bzhin nyid ni chos mi ston to// rab 'byor chos gang bstan par bya ba'i chos de yang dmigs su med do// de nas bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das shes rab kyi pha rol tu byin pa ni zab po// bcom ldan 'das gang dag bla na med pa yang dag par rdzogs pa'i byang chub mngon par rdzogs par 'chang rgya bar 'chal ba'i byang chub sems dpa' sems dpa' chen po dag ni dka' ba bgyid pa lags so// de ci'i slad du zhe na/ bcom ldan 'das de bzhin nyid la chos gang yang gnas pa ma mchis la bla na med par yang dag par rdzogs pa'i byang chub mngon par rdzogs par 'tshang rgya ba'i chos kyang gang yang ma mchis ches ston pa yang gang yang ma mchis pa dang / 'di la de zhum par mi 'gyur nem nur mi bgyid rmongs par yang mi 'gyur ba'i slad du'o// de nas tshe dang ldan pa rab 'byor gyis lha rnams kyis dbang po brgya byin la 'di skad ces sbas so// kau shi ka gang 'di skad gang dag chos

  749. 376b

    zab mo 'di lta bu bshad pa la nem nur mi byed pa dang / rmongs par mi 'gyur ba'i byang chub sems dpa' sems dpa' chen po dag ni dga' ba byed pa'o zhes zer na/ kau shi ka chos thams cad stong pa ni 'di la su zhig nem nur byed cing rmongs par 'gyur/ brgya byin gyis smras pa/ 'phags pa rab 'byor gyis gang dang gang bshad pa de dang de ni stong pa nyid las brtsams te bshad pas ci la yang thogs pa med do// 'di lta ste dper na bar snang la mda' 'phangs na ci la yang thogs pa med do// de bzhin du 'phags pa rab 'byor gyis chos bstan pa yang ci la yang thogs pa med do// de nas bcom ldan 'das lnga lha rnams kyi dbang po brgya byin gyis 'di skad ces gsol to// bcom ldan 'das gang yang bdag gis gnas brtan rab 'byor khas brtsams te 'di skad du bshad cing 'di skad du bstan pa de bzhin gshegs pas gsungs pa bzhin smra ba lags sam/ chos sba ba 'am chos dang rjes su mthun pa'i chos lung bstan pas lung ston pa lags sam/ de skad ces gsol ba dang bcom ldan 'das kyis lha rnams kyi dbang po brgya byin la 'di skad ces bka' stsal to// kau shi ka gang khyod kyis de ltar bshed pa de de bzhin no// kau shi ka de de te/ 'di skad du bshad cing 'di skad du bstan pa de ni de bzhin gshegs pas gsungs pa bzhin smra ba yin no// chos sba ba yin no// chos kyi rjes su mthun pa'i

  750. 377a

    chos lung bstan pas lung ston pa yin no// de ci'i phyir zhes na/ kosha ka gnas brtan rab 'byung gang dang gang slebs par gyur pa de dang de ni rkon ka stong pa nyid las brtsams te spobs so// de ci'i phyir zhe na/ kau shi ka gnas brtan rab 'byor ni shes rab kyi pha rol tu phyin pa yang re shig yang dag par rjes mi mthong zhing mi dmigs nu gang shes rab kyi pha rol tu phyin pa la spyod pa lta ga la yod/ byang chub nyid kyang re shig mi dmigs na gang byang chub mngon par rdzogs par 'tshang rgya bar 'gyur ba lta ci mos// thams cad mkhyen pa nyid kyang re shig mi dmigs na yang gang thams cad mkhyen pa nyid thob par 'gyur ba lta ga la yod de bzhin nyid kyang re shig mi dmigs na yang dgang de bzhin gshegs par 'gyur ba lta ga la yong / mi skye ba nyid kyang re shig mi dmigs na yang gang mi skye ba mngon sum du byed par 'gyur ba lta ga la yod/ byang chub sems dpa' nyid kyang re shig mi dmigs na yang gang byang chub mngon par rje bar 'gyur ba lta ga la yong / stobs nyid kyang re shig mi dmigs na yang gang stobs dang ldan par 'gyur ba lta ga la yod/ mi 'jigs pa nyid kyang re shig mi dmigs na yang gang mi 'jigs par 'gyur ba lta ga la yod/ chos kho na re shig mi dmigs na yang gang chos ston par 'gyur ba lta ga la yod/ kau shi ka

  751. 377b

    gnas brtan rab 'byor ni chos thams cad dben par gnas pa dang chos thams cad mi dmigs par gnas pas gnas so// kau shi ka yang gnas brtan rab 'byor gyis chos thams cad dben par gnas pa dang chos thams cad dmigs su med par gnas pa'i gnas pa gang yin pa 'dis ni/ kau shi ka byang chub sems dpa' sems dpa' chen po shes rab kyi pha rol tu phyin pa la spyod cing gnas pa'i brgya'i char yang nye bar mi 'gro'o// stong gi char yang brgya stong gi char yang bye ba'i char yang bye ba rgya'i char yang / bye ba stong gi char yang bye ba brgya stong gi char yang nye bar mi 'gro'o// bye ba khrag khrig brgya stong gi char yang nye bar mi 'gro 'o// grangs su yang nye bar mi 'gro'o// bgrang bar yang dper yang dpes bstan par bya bar yang rten du yang rgyur yang mi bzod do// kau shi ka byang chub sems dpa' sems dpa' chen po shes rab kyi pha rol tu phyin pa la spyod pa'i gnas pa'i gnas pa gang yin po'i gnas pa 'di ni de bzhin gshegs pa'i gnas pa ma gtogs par de ma yin pa'i gnas pa gzhan thams cad zil gyis gnon to// kau shi ka 'di ni gnas pa de dag thams cad pas mchog ces bya'o// dam pa zhes bya'o// gtso bo zhes bya'o// rab ces bya'o mchog rab ces bya'o// gya nem pa zhes bya'o// bla ma zhes bya'o// bla na med pa zhes bya'o//

  752. 378a

    gong na med pa zhes bya'o// mnyam pa med pa zhes bya'o mi mnyam pa dang mnyam pa zhes bya'o// byang chub sems dpa' sems dpa' chen po shes rab kyi pha rol tu phyin pa la spyod cing gnas pa'i gnas pa gang yin pa 'dis ni nyan thos dang rang sangs rgyas kyi gnas pa thams cad zil gyis gnon to// kau shi ka de lta bas na sems can thams cad kyi mchog tu phyin par 'dod pa dang / dam par byin par 'dod pa dang gtso bor phyin par 'dod pa dang / rab tu phyin par 'dod pa dang / mchog rab tu phyin par 'dod pa dang gya nom par phyin par 'dod pa dang bla mar phyin par 'dod pa dang bla na med par phyin par 'dod pa dang / gong na med par phyin par 'dod pa dang / mnyam pa med par phyin par 'dod pa dang / mi mnyam pa dang mnyam par phyin par 'dod pa'i bya rigs kyi bu 'am rigs kyi bu mos byang chub sems dpa' sems dpa' chen po gang dag shes rab kyi pha rol tu phyin pa la spyod cing gnas pa'i gnas pa 'dis gnas par bya'o// 'phags pa shes rab kyi pha rol tu phyin pa brgyad stong pa las snying po'i le'u zhes bya ba ste nyi shu rtsa bdun pa'o// // 'phags pa shes rab kyi pha rol phyin pa brgyad stong pa// / bam po nyi shu gnyis pa// de nas de tshe lha'i bu gzhan zhig sum bcu rtsa gsum pa'i lha rnams dang lhan

  753. 378b

    cig me tog man da ra ba dang man dA ra ba chen po thogs nas bcom ldan 'das ga la ba der leg su deng ngo // de'i tshe na dge slong brgya phrag drug bcu 'khor der 'dus te 'khong par gyur nas de dag kyang stan las langs te bla gos phrag pa cig tu gzar nas bus me g.yas pa'i lha nga sa la btsugs te/ bcom ldan 'das ga la ba der logs su thal mo sbyar te phyag 'tshal ba dang sangs rgyas kyi mthus dge slong de dag gi snyim par me tog man da ra ba dang man da ra ba chen pos gang bar gyur nas de dag gi me tog man da ra ba dang man da ra ba chen po de dag gis de bzhin gshegs pa yang dag par rdzogs pa'i sangs rgyas la gtor mngon par gtor mngon par rab tu gto/ nas tshig 'di skad ces kyang gsol to// bcom ldan 'das bdag cag gis shes rab kyi pha rol tu phyin pa 'di spyad par bgyi'o// bcom ldan 'das bdag cag gi/ ni shes rab kyi pha rol tu phyin pa'i gnas pa bla na med pa 'dis gnas par bgyi'o// de nas bcom ldan 'das de'i tshe 'dzum pa mdzad do// 'di ni chos nyid yin te gang gi tshe sangs rgyas bcom ldan 'das rnams 'dzum pa mdzad pa de'i tshe 'od zer kha dog sna tshogs pa kha dog du ma 'di lta ste sngon po dang ser po dang dmar po dang dkar po dang btsod ka dang shel dang dngul dang gser gyi kha dog rnams bcom ldan 'das kyi zhal gyi sgo nas byung ste/ de dag gis 'jig rten gyi khams mtha'

  754. 379a

    yas mu med pa thug pa med pa kun tu snang bar byas nas gyen du tshangs pa'i 'jig rten man chad du mngon par 'phags te slar log nas bcom ldan 'das la lan gsum bskor ba byas te/ bcom ldan 'das kyi dbu'i gtsug tu nub par gyur to// de nas tshe dang ldan pa kun dga' bo stan las langs te tha gos phrag pa gcig tu gzar te pus mo g.yas pa'i lha nga sa la btsugs nas bcom ldan 'das ga la ba der logs su thal mo sbyar te/ phyag 'tshal nas bcom ldan 'das la 'di skad ces gsol to// rgyu ma mchis rkyen ma mchis par de bzhin gshegs pa dgra bcom pa yang dag par rdzogs pa'i sangs rgyas 'dzum pa/ mi mdzad na/ bcom ldan 'das 'dzub pa mdzad pa'i rgyu gang lags/ de skad ces gsol ba dang / bcom ldan 'das kyis tshe dang ldan pa kun dga' bo 'di skad ce/ bka' stsal to// kun dga' bo ma thobyas pa'i dus na bskal paskar ma lta bu la dge slong brgya phrag drug bcu po 'di dag bla na med pa yang dag par rdzogs pa'i byang chub mngon par rdzogs par 'chang rgya bar 'gyur te mngon par rdzogs par sangs rgyas nas kyang sems can rnams la chos ston par 'gyur ro// thams cad kyang ming gcig par rdzog pa 'tshang rgya bar 'gyur te/ 'di lta ste me tog bkram pa zhes bya ba de bzhin gshegs pa dgra bcom pa yang dag par rdzogs pa'i sangs

  755. 379b

    ston pa rnams 'jig rten du 'byung bar 'gyur ro// kun dga'o yang de bzhin gshegs pa dgra bcom pa yang dag par rdzogs pa'i sangs rgyas me tog bkram pa zhes bya ba de dag gi nyan thos kyi dge 'dun de dag thams cad mnyam par 'gyur ro// de bzhin gshegs pa dgra bcom pa yang dag par rdzogs pa'i sangs rgyas me tog bkram pa zhes bya ba de dag thams cad kyi tshe'i tshad kyang bskal pa stong phrag nyi shur mnyam par 'gyur ro// de dag thams cad so so'i gsung rab kyang rgyas par te/ lha dang mi'i nang du yangs shing rgya che bar 'gyur ro// de dag thams cad so so'i dam pa'i chos kyang bskal pa stong phrag nyi shu'i bar du mnyam par gnas par 'gyur ro// de dag thams cad grong dang grong khyer dang grol rdal dang ljongs dang yul 'khor dang pho brang 'khor gang dgrang nas mngon par 'byung bar 'gyur/ ba dang / mngon par 'byung nas kyang gang dang gang du chos kyi 'khor lo skor bar 'gyur ba dang rab tu bskor nas kyang gang dang gang du gnas par 'gyur ba dang / gang dang gang nas gang dang gang du 'jug pa dang gang dang gang gis gang dang gang nas 'byung bar 'gyur ba de dang de nas de dang der 'jug pa dang 'byung ba dang gnas de dag la me tog kha dog rnams pa lnga dang ldan pa'i me tog gi char rab tu 'bab par 'gyur ro// kun dga' bo de lta bas na gnas pa mchog gis gnas par 'dod pa'i

  756. 380a

    byang chub sems dpa' sems dpa' chen pos kyang shes rab kyi pha rol tu phyin pa'i gnas pas gnas par bya'o// kun dga' bo de bzhin gshegs pa'i gnas pas gnas par 'dod pas kyang shes rab kyi pha rol tu phyin pa'i gnas pas gnas par bya'o// kun dga' bo byang chub sems dpa' sems dpa' chen po gang su dag shes rab kyi pha rol tu phyin pa la spyod pa de dag ni mi las shi 'phos te 'dir skyes pa'am dga' ldan gyi lha'i ris nas shi 'phos nas mi'i nang du skyes bar rtogs par bya'o// de ci'i phyir zhe na/ 'di ltar mi rnams dang dga' ldan gyi lha rnams na shes rab kyi pha rol tu phyin pa 'di rgyas par rab tu spyod do// kun dga' bo yang gang shes rab kyi pha rol tu phyin pa 'di la spyod pa'i byang chub sems dpa' sems dpa' chen po de dag ni de bzhin gshegs pas gzigs par rig par bya'o// gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang / kha tor byed pa dang chung dra na yi ger 'dri ba dang bzung bcangs bklags kun nub par byas rab tu ston bstan khung phog kha ton du byas/ chung ngu na yi ger bris nas byang chub sems dpa' sems dpa' chen po rnams la 'doms shing rjes su ston pa dang / yang dag par ston pa dang / yang dag par 'god

  757. 380b

    pa dang / yang dag par gzengs bstod pa dang rab tu dga' bar byed pa'i byang chub sems dpa' sems dpa' chen po de dag ni kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams la dge ba'i rtsa ba bskyed pa yin par rig par bya'o// gang dag shes rab kyi pha rol tu phyin pa 'di la slob pa de dag ni nyan thos dang rang sangs rgyas 'ba' zhig gi drung du dge ba'i rtsa ba bskyed pa ma yin gyi kun dga' bo yang byang chub sems dpa' sems chen po de dag gis de bzhin gshegs dgra bcom pa yang dag par rdzogs pa'i sangs rgyas rnams la gdon mi za bar dge ba'i rtsa ba bskyed pa yin no// kun dga' bo gang dag shes rab kyi pha rol tu phyin pa 'di la slob cing skrag par mi byed pa dang / gang dag shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang chung ngu na yi ger 'di ba dang / de ltar don dang chos nyid kyi tshul gyis rjes su rtogs par byed pa'i byang chub sems dpa' sems dpa' chen po de dag ni kun dga' bo nges par de bzhin gshegs pa dgra bcom pa yang dag par rdzogs pa'i sangs rgyas rnams kyi mngon sum du gyur pa yin par byed pa'o// kun dga' bo gang dag shes

  758. 381a

    @rab kyi pha rol tu phyin pa 'di la spong bar mi byed 'ga' bar mi byed 'khrug par mi byed 'jig par mi byed spong bar mi byed 'gog bar mi byed gnod par bya bar mi sems na byang chub sems dpa' sems dpa' chen po de dag kyang sngon gyi rgyal ba dag la bya ba byas pa yin par rig par bya'o// kun dga' bo 'di ltar yang gal te byang chub sems dpa' sems dpa' chen pos bla na med pa yang dag par rdzogs pa'i byang chub tu smon pa slu bar mi 'gyur ba de lta bas na byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams thad du dge ba'i rtsa ba bskyed pas nyan thos dang rang sangs rgyas kyi don du rnams par smin pa sgrub par mi byed kyi kun dga' dga' bo 'on kyang byang chub sems dpa' sems dpa' chen po des ni phal cher shes rab kyi pha rol tu phyin pa la sbyad par bya ba yin no// kun dga' bo de lta bas na shes rab kyi pha rol tu phyin pa 'di ci nas nub par mi 'gyur bar khyod la btad de rjes su gtad do// yi ge tsam yang nub par mi 'gyur bar zung zhig chongs shig lcogs shig kun chub par gyis shig rab tu thon cig yun ring por gnas par gyis shig/ kun dga' bo khyod kyis gal te shes kyi pha rol tu phyin pa ma gtogs par chos gang ngas mngon

  759. 381b

    sum du bshad pa'i tshes bshad pa de dag thams cad bzung nas phyis rnams par chud gzan tam phyis btang ngam/ brjed par byas na kun dga' bo khyod de tsam gyis ngas nyes par brtsi bar mi 'gyur gyi/ kun dga' bo yang 'di ltar khyod kyis shes rab kyi pha rol tu phyin pa dang ldan pa'i tshig gi yan lag kyang rung ste chud gzan tam btang ngam brjed par byas na kun dga' bo khyod kyis de tsam du ngal nyes pa byas par 'gyur te/ khyod kyis nga'i sems kyang mgu bar ma byas so// kun dga' bo yang khyod kyis gal te shes rab kyi pha rol tu phyin pa bzung nas phyis chung gzan cing btang ste/ brjed par byas na khyod kyis nga la bkur ster ma byas bla mar ma byas rjed par ma byas/ mchod par ma byas ri mor ma byas bsnyen bkur ma byas so// kun dga' bo gang dag 'das pa dang ma 'ongs pa dang da ltar byung ba'i sangs rgyas bcom ldan 'das de dag la yang kun dga' bo khyed kyis bkur stir ma byas bla mar ma byas rjed par ma byas mchod par ma byas ri mor ma byas bsnyen bkur ma byas pa yin// kun dga' bo gal te khyod kyis shes kyi pha rol tu phyin pa bzung nas phyis chud gzan cing btang ste brjed byas na kun dga' bo khyod kyis de tsam du nga la nyes pa byas par 'gyur te/ khyed kyi nga'i sems kyang mgu bar ma byas so// de ci'i phyir zhe na/ kun dga' bo shes rab

  760. 382a

    kyi pha rol tu phyin pa 'di ni 'das pa dang ma 'ongs pa dang da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyi yum ste skyed pa 'byin pa thams cad mkhyen pa nyid thob par byed pa yin par de bzhin gshegs pa dgra bcom pa yang dag par rdzogs pa'i sangs rgyas kyis gsungs so// kun dga' bo de lta bas na shes rab kyi pha rol tu phyin pa 'di ci nas kyang nub par mi 'gyur bar khyod la gtad do// rjes su gtang ngo // kun dga' bo shes rab kyi pha rol tu phyin pa 'di gzung bar bya'o// kun dga' bo shes rab kyi pha rol tu phyin pa 'di bcang bar bya'o// kun dga' bo shes rab kyi pha rol tu phyin 'di klag par bya'o// kun dga' bo shes rab kyi pha rol tu phyin pa 'di kun chub par bya'o// kun dga' bo shes rab kyi pha rol tu phyin pa 'di rab tu gdon par bya'o// kun dga' ba shes rab kyi pha rol tu phyin pa 'di bstan par bya'o// kun dga' bo shes rab kyi pha rol tu phyin pa 'di nye bar bstan par bya'o// kun dga' ba shes rab kyi pha rol tu phyin pa 'di lung 'bogs par bya'o// kun dga' ba shes rab kyi pha rol tu ba 'di kha ton du bya'o// kun dga' ba shes rab kyi pha rol tu phyin pa 'di bri bar bya ste/ kun dga' bo shes kyi pha rol tu phyin pa 'di bsgom par bya/ kun dga' bo khyod kyis shes rab kyi pha rol tu phyin pa 'di legs

  761. 382b

    khar yid la bya ba dang legs par zin par bya ba dang legs par kun chub par bya ba dang legs par rab tu gdon par bya ste/ yi ge dang tshig dang gsal byed shin tu gsal bas yig 'bru dang nges pa'i tshig bzang por gzung bar bya'o// de ci'i phyir zhes/ kun dga' bo 'das pa dang ma 'ongs pa dang da ltar byung ba'i de bzhin gshegs pa dgra bcom yang dag par rdzogs pa'i sangs rgyas rnams kyi chos kyi sku yin no zhes chos nyid de tshad mar bya'o// kun dga' bo de ltar bzhugs te 'tsho zhing gzhes pa'i de bzhin gshegs pa nga la khyod kyis ci ltar de dang des phan par sems pa dang dga' ba dang gus pa dang / dge 'bar bya ba 'am/ bde bar gnas par bya'o ba 'am dbul bu 'am bsam par bya bar sems pa de bzhin du kun dga' bo khyod kyis phan par sems pa de dang dga' ba de dang gus pa de dang yon tan/ dang ldan pa des shes rab kyi pha rol tu phyin pa 'di gzung bar bya bcang bar bya klags par bya kun kun chub par bya/ rab tu gdon par bya/ bstan par bya/ nye bar bstan par bya/ lung 'bogs par bya kha ton du bya bri bar bya sgom par bya bkur stir bla bla mar bya brjed par bya mchod par bya ri mor bya/ bsnyen bskur bya ste/ kun dga' bo de ltar na khyod kyis nga dang byang chub sems pa' sems dpa' chen po de dag kyang mchod par 'gyur zhing 'das pa dang ma 'ongs pa dang da ltar byung ba'i sangs rgyas

  762. 383a

    bcom ldan 'das rnams kyi drung du yang dga' ba dang dad pa dang gus pa bskyed pa yin no// kun dga' bo gal te de bzhin gshegs pa nga la khyod dga' ba dang yid du 'ong ba yongs su mi gtong na kun dga' bo khyod kyis ci nas tshig gcig kyang chud ma zos shing ma nub par 'gyur ba de ltar shes rab kyi pha rol tu phyin pa 'di la khyod dga' ba dang yid du 'ong ba yongs su mi btang bar gyis shig/ kun dga' bo shes rab kyi pha rol tu phyin pa 'dis yongasu gtad pa las brtsams te ngas khyod la mang du bshad na bskal pa 'am bskal pa las lhag pa 'am bskal pa brgya 'am bskal pa stong ngam bskal pa bye ba brgya 'am bskal dbye ba stong ngam bskal pa bye ba phrag brgya stong ngam/ bskal pa bye ba khrag khrig brgya steng ngam de bas kyang lhag par yong mod kyi kun dga' bo mdor na ci ltar khyod kyi ston pa nga yin pa de ltar shes rab kyi pha rol tu phyin pa yang ston pa yin no// kun dga' bo ci ltar 'das pa dang ma 'ongs pa dang da ltar byung ba'i sangs rgyas bcom ldan 'das rnams lha dang mi dang lha ma yin du bcas pa'i 'jigs rten rnams kyi ston pa yin pa de ltar shes rab kyi pha rol tu phyin pa yang lha dang mi dang lha ma yin du ba pa'i 'jig rten rnams kyi ston pa yin no// kun dga' bo de lta ba na shes rab kyi pha rol tu phyin pa ni chad med pa yin te/ lha dang mi dang lha ma yin du bcas pa'i 'jig

  763. 383b

    rten rnams la phan pa dang bde bar bya ba'i phyir chad med pa'i yongs su gtad pas shes rab kyi pha rol tu phyin pa 'di khyod la yongs su gtad do rjes su gtad do// kun dga' bo gang dag gis de bzhin gshegs pa yongs su ma gtang ba dang chos yongasu ma gtang ba dang dge 'dun yongs su ma btang ba dang 'das pa dang ma 'o/ pa dang de ltar byung ba'i sangs rgyas bcom ldan 'das rnams kyi byang chub yongs su ma btang ba des shes rab kyi pha rol tu phyin pa yongs su mi btang bar bya ste 'di/ ni nga'i rjes su bstan pa'o// kun dga' bo gang la la zhig shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang / 'dri ba dang sgom par byed pa des 'das pa dang ma 'ongs pa dang da ltar byung ba'i/ sangs rgyas bcom ldan 'das rnams kyi byang chub rjes su yongasu bzung bar 'gyur ro// kun dga' bo gang la la zhig shes rab kyi pha rol tu phyin pa 'di rab tu 'jig pa'i tshe rjes su bzung na des 'das pa dang ma 'ongs pa dang da ltar byung ba'i sangs rgyas bcom ldan 'das rnams kyi byang chub rjes su yongs su bzung bar 'gyur ro// de ci'i phyir zhe na/ kun dga' bo sangs rgyas bcom ldan 'das rnams kyi byang chub ni shes rab kyi pha rol tu phyin pa las skyes so// kun

  764. 384a

    dga' bo gang dag 'das pa'i dus su byung bar gyur pa'i de bzhin gshegs pa dgra bcom pa yang dag par rdzogs pa'i sangs rgyas pa'i sangs rgyas bcom ldan 'das de dag gi bla na med pa yang dag par rdzogs pa'i byang chub kun dga' bo shes rab kyi pha rol tu phyin pa las skyes so// kun dga' bo gang dag ma 'ongs pa'i dus na 'byung ba'i de bzhin gshegs pa dgra bcom pa yang dag par rdzogs par sangs rgyas pa'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang kun dga' bo shes kyi pha rol tu phyin pa las skyes so// kun dga' bo gang dag 'jig rten gyi khams gzhal du med grangs med pa thams cad na de bzhin gshegs pa dgra bcom pa yang dag par rdzogs par sangs rgyas pa da ltar bzhugs te 'tshe zhing gzhes pa'i sangs rgyas bcom ldan 'das de dag bla na med pa yang dag par rdzogs pa'i byang chub kyang kun dga' bo shes rab kyi pha rol tu phyin pa 'di las skyes so// kun dga' nga'i bla na med pa yang dag par rdzogs pa'i byang chub kyang shes rab kyi pha rol tu phyin pa 'di las skyes so// kun dga' 'di lta bas byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas par 'dod pa dang / pha rol tu phyin pa drug la slob par 'dod

  765. 384b

    pas kyang shes rab kyi pha rol tu phyin pa 'di nyid mnyan par bya/ gzung bar bya bcang bar bya klag par bya kun chub par bya rab tu gdon par bya/ bstan par bya nye bar bstan par bya/ lung 'bogs par bya kha ton du bya/ bri bar bya shes rab kyi pha rol tu phyin pa 'di nyid la bslab par bya rnal 'byor du bya'o// de ci'i phyir zhe na/ kun dga' bo shes rab kyi pha rol tu phyin pa 'di byang chub sems dpa' sems dpo' che no rnams kyi yum ste skyed pa 'byin pa'o// kun dga' bo byang chub sems dpa' sems dpa' chen po gang dag pha rol tu phyin pa drug po rnams la bslabs pas bla na med pa yang dag par rdzogs pa'i byang chub tu nges par byung bar gyur pa dang / nges par 'byung bar 'gyur ba dang / nges par 'byung ba de dag thams cad kyang kun dga' bo shes rab kyi pha rol tu phyin pa la brten nas pha rol tu phyin pa drug la bslabs pa yin no// de dag thams cad kyang shes rab kyi pha rol tu phyin pa 'di nyid la brten nas pha rol tu phyin pa drug las skyes so// de ci'i phyir zhe na/ kun dga' bo pha rol tu phyin pa thams cad ni shes rab kyi pha rol tu phyin pa las skyes te/ bla na med par yang dag par rdzogs pa'i byang chub thob par byed pa yin no// kun dga' de lta bas na shes rab kyi pha rol tu phyin pa 'di ci nas kyang nub par mi 'gyur bar lan gnyis su khyod la yosu gtad de rjes

  766. 385a

    su gtad do// kun dga' bo 'di lta ste/ shes rab kyi pha rol tu bla 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi mdzod mi zad pa'o// de ci'i phyir zhe na/ kun dga' bo 'das pa'i dus kyi thog ma med pa'i 'khor bar sems can rnams la sangs rgyas bcom ldan 'das rnams kyi chos bshad pa gang yin pa de dag thams cad ni 'di lta ste shes rab kyi pha rol tu phyin pa'i chos kyi mdzod 'di nyid las bshad do// kun dag bo sangs rgyas bcom ldan 'das gang dag ma 'ongs pa'i dus kyi dpag tu med pa'i 'khor bar bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la chos ston par 'gyur ba'i sangs rgyas bcom ldan 'das de dag kyang 'di lta ste/ shes rab kyi pha rol tu phyin pa'i chos kyi mdzod 'di nyid las 'chad do// kun dga' bo gang da ltar 'jig rten gyi khams gzhal du med grangs med pa dag na sangs rgyas bcom ldan 'das gang dag bzhugs te 'tshe zhing gzhes chos ston pa'i sangs rgyas bcom ldan 'das de dag kyang kun dga' bo 'di lta ste/ shes rab kyi pha rol tu phyin pa'i chos kyi mdzod 'di nyid las rab tu 'byed par 'gyur ro// kun dga' bo de lta bas na 'di lta ste shes rab kyi pha rol tu phyin pa'i mdzod 'di dag ni mi zad pa'i chos kyi mdzod de//

  767. 385b

    kun dga' bo gal te khyod kyis gang zag nyan thos kyi theg pa pa rnams la nyan thos kyi sa'i chos bshad par gyur la/ chos de bshad pa na yang stong gsum gyi stong chen po'i 'jig rten gyi khams na sems can gang dag yod pa de dag thams cad dgra bcom pa nyid mngon sum du byas par gyur na/ de lta na yang nga'i nyan thos kyi chos kyi 'khor lo skor cing rjes su bskor nas chos ston pa khyod kyis nyan thos kyi bya ba byas par mi 'gyur ro// kun dga' bo gal te khyod kyis byang chub sems dpa' sems dpa' chen po la shes rab kyi pha rol tu phyin pa dang ldan pa'i chos gcig tsam yang bshad dam/ rab tu bstan na/ de ltar na nga'i nyan thos kyi chos kyi 'khor lo bskor cing rjes su bskor nas chos ston pa khyod kyis de mgu ba byas par 'gyur gyi sngar gyi chos bshad pa des ni ma yin no// gang gi stong gsum gyi stong chen po'i 'jig rten gyi khams dag na sems can gang dag ci snyed yod pa de dag thams cad dgra bcom pa nyid thob par byas pa na/ kun dga' bo de ci snyam du sems dgra / bcom pa de dag gi sbyin pa las byung ba'i bsod nams bya ba'i dngos po dang tshul khrims las byung ba'i bsod nam bya ba'i dngos po dang / bsgom pa las byung ba'i bsod nam bya ba'i dngos po'i bsod nams kyi phung po de mang ba yin nam/ kun dga' bos gsol pa/ bcom ldan 'das mang ngo bde bar gshegs pa mang ngo // bcom ldan

  768. 386a

    'das kyi bka' stsal pa/ kun dga' bo nyan thos kyi theg pa pa'i gang zag de dag pas gang byang chub sems dpa' sems dpa' chen po ga byang chub sems dpa' sems dpa' chen po gzhan la chung ngu na nyi ma gcig tsam yang shes rab kyi pha rol tu phyin pa dang ldan pa'i chos ston ni de bsod nams mang du bskyed do// / shes rab kyi pha rol tu byed pa dang ldan pa'i chos ston pa de bsod nams ches yang du bskyed do/ kun dgar po de bas nang byang chub sems dpa' sems pa' chen po ku dga' bo zhi ma gcig lta zhog gi chung ngu na snga gro tsam mas/ kun dga' bo snga gros chos ston pa lnga zhog chung ngu na chu tshod gcig tsam mam/ kun dga' bo chu tshe gcig lta zhog chung ngu na/ yud tsam gcig gam/ kun dga' bo yud tsam gcig lta zhog thang gcig gam/ kun dga' bo thang cig lta zhog chung ngu na skad gcig tsam du yang rung ste/ kun dga' bo byang chub sems dpa' sems dpa' chen po gang skad cig dang thang cig dang yud tsam du yang byang chub sems dpa' sems dpa' chen po gzhan la shes rab kyi pha rol tu phyin pa dang ldan pa'i chos ston na 'di ni de bas bsod nams ches mang du bskyed do// kun dga' bo byang chub sems dpa' sems dpa' chen po de'i chos kyi sbyin pa 'dis ni nyan thos dang rang sangs rgyas kyi theg pa pa'i gang zag thams cad kyi dge ba'i rtsa ba zil gyis gnon to//

  769. 386b

    kun dga' bo de lta bu'i dge ba'i rtsa ba dang ldan pa'i byang chub sems dpa' sems dpa' chen po dang de lta bu'i dge ba'i rtsa ba la sems pa'i byang chub sems dpa' sems dpa' chen po de dag ni bla na med pa yang dag par rdzogs pa'i byang chub las byin ldog pa ni kun dga' bo gnas med skabs med de 'di ni gnas ma yin no// de nas bcom ldan 'das kyi de'i tshe ci lta bu'i rdzu 'phrul mngon par 'du mdzad pa mngon par 'du mdzad pas dge slong dang / dge slong ma dang dge bsnyen dang dge bsnyen ma'i 'khor bzhi dang / lha dang klu dang gnod sbyin dang dri za dang lha ma yin dang / na mkha' lding dang mi 'am ci dang lto 'phye chen po dang mi dang mi ma yin pa de dag thams cad kyis sangs rgyas kyi mthus de bzhin gshegs pa dgra bcom pa yang dag par rdzogs pa'i sangs rgyas mi bskyod pa dge slong gi dge 'dus gyis yongs su bskor cing byang chub sems dpa'i tshogs kyis mdun du byas pa mi bskyod pa rgya mtsho lta bu zab pa/ 'khor byang chub sems dpa' sems dpa' chen po bsam gyis mi khyab pa'i yon tan dang ldan pa dang dgra bcom pa thams cad kyang zag pa zad pa/ nyon mongs pa med pa dbang du gyur pa sems shin tu rnam par grol ba/ shes rab shin tu rnam par grol ba/ cang shes pa glang po chen po byas pa byas pa byed pa byas pa/ khur bor ba rang gi don rjes su thob pa/ srid par sbyor ba yongasu

  770. 387a

    zad pa yang dag pa/ kun shes pas sems shin tu rnam par grol ba sems thams cad kyi dbang dam pa'i pha rol tu son pa rnams kyis yongs su bskor cing mdun du bdar te chos ston pa mthong bar 'gyur ba de ltar rdzu 'phrul mngon par 'du mdzad pa mngon par du mdzad do// de nas bcom ldan 'das kyi rdzu 'phrul mngon par 'dzad pa de dag slar brtul to// bcom ldan 'das kyis rdzu 'phrul mngon par 'ju mdzad pa de slar brtul nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi bskyod pa yang mi sdang bar gyur/ byang chub sems dpa' sems dpa' chen po de dag dang nyan thos chen po de dag dang sangs rgyas kyi zhing de dag thams cad 'khor bzhi po de dag lha dang klu dang gnod sbyin dang dri za dang lha ma yin dang na mkha' lding dang mi 'am ci dang lto 'phye chen po dang / mi dang mi ma yin pa de dag gi mig lam du mi snang bar gyur to// de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas kyis rdzu 'phrul mngon par 'du mdzad pa de brtul bar gyur pas de dag thams cad de dag gi mig lam mi snang bar gyur to// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo de ltar chos thams cad ni mig lam du yang snang bar mi 'gyur te/ chos

  771. 387b

    rnams la chos rnams snang bar mi 'gyur chos rnams kyis chos rnams mi mthong chos rnams mi shes so// de ci'i phyir zhe na/ kun dga' bo chos thams cad ni shes pa po ma yin/ mthong ba po ma yin/ dgos pa byed nus pa ma yin no// de ci'i phyir zhe na/ kun dga' bo na mkha' byed pa med pa'i phyir chos tham cad byed pa med pa'o// kun dga' bo chos thams cad ni sgyu ma'i skyes bu ltar bsam gyis mi khyab pa'o// kun dga' bo chos thams cad ni dngos po med pa'i phyir tshor ba po ma yin no// kun dga' bo byang chub sems dpa' sems dpa' chen po de ltar spyod na/ shes rab kyi pha rol tu phyin pa la spyod cing chos gang la yang mngon par chags pa med do// kun dga' bo byang chub sems dpa' sems dpa' chen po de ltar slob na/ shes rab kyi pha rol tu phyin pa slob bo// bslab pa thams cad kyi dam pa'i pha rol tu phyin pa'i byang chub chen po rjes su thob par 'dod pa'i byang chub sems dpa' sems dpa' chen bos shes rab kyi pha rol tu bya la bslab par bya'o// de ci'i phyir zhe na/ kun dga' bo bslab pa 'di dag ni bslab pa thams cad kyi mchog ces bya'o// dam pa zhes bya'o// gtso bo zhes bya'o// rab ces bya'o// mchog rab ces bya'o// gya nom pa zhes bya'o// bla ma zhes bya'o// bla med pa

  772. 388a

    zhes bya'o// gong na med pa zhes bya'o// mnyam pa med pa zhes bya'o// mi mnyam pa dang mnyam pa zhes bya'o// 'jig rten thams cad la phan pa thob par byed pa'o// mi 'jig rten thams cad la bde ba thob par byed pa'o// mgon med pa rnams kyi mgon du gyur pa'o// sangs rgyas kyis gnang zhing sangs rgyas kyis bsngags pa ste/ kun dga' bo bslab pa 'di la bslabs shing bslab pa 'di la gnas nas de bzhin gshegs pa dgra bcom pa yang dag par rdzogs pa'i sangs rgyas rnams kyis stong gsum gyi stong chen po'i 'jig rten gyi khams 'di zhabs kyi the bo gcig gis bteg ste slar bzhag kyang sangs rgyas bcom ldan 'das de dag ni 'di snyam du stong gsum gyi stong chen po'i 'jig rten gyi khams 'di bteg pa'am bzhag par mi dgos so// de ci'i phyir zhe na/ shes rab kyi pha rol tu phyin pa ni gzhal du med grangs med pa'i yon tan dang ldan te kun dga' bo sangs rgyas bcom ldan 'das kyis shes rab kyi pha rol tu phyin pa'i bslab ba 'di la bslabs nas 'das pa dang ma 'ongs pa dang da ltar byung ba'i chos rnams la chags pa med pa nyid rjes su brnyes so// kun dga' bo 'das pa dang ma 'ong pa dang da ltar byung ba'i dus kyis bslab pa ci snyed yod pa'i bslab pa de dag thams cad las kun dga' bo shes rab kyi pha rol tu phyin pa'i bslab pa 'di ni mchog

  773. 388b

    ces bya'o// dam pa zhes bya'o// gtso bo zhes bya'o// rab ces bya'o mchog rab ces bya'o// gya nem pa zhes bya'o// bla ma zhes bya'o bla na med pa zhes bya'o// gong na med pa zhes bya'o// mnyam pa med pa zhes bya'o// mi mnyam pa dang mnyam pa zhes bya'o// kun dga' bo shes rab kyi pha rol pha rol tu phyin pa ni chad ma med pa'o// kun dga' bo shes rab kyi ba de ba pha rol tu phyin pa ni mi zad pa'o// de ci'i phyir zhe na/ shes rab kyi pha rol tu phyin pa med pa nyid yin pa'i phyir/ ro// kun dga' bo gang shes rab kyi pha rol tu phyin pa'i tshad mar ma zad pa 'am mtha' ma bzung bar sems pa de ni na mkha'i tshad ma 'am zad pa 'am mtha' ma bzung bar sems so// de ci'i phyir zhe na/ kun dga' bo shes rab kyi pha rol tu phyin pa ni chad ma med pa'o// kun dga' bo shes rab kyi pha rol tu phyin pa ni mi zad pa'o// kun dga' bo shes rab kyi pha rol tu phyin pa ni mtha' ma med pa'o// kun dga' bo ngas shes rab kyi pha rol tu phyin pa'i tshad ma'am zad ba'am mtha' ma ni ma bshad de/ kun dga' bo yang ming gi tshogs dang tshigs gi tshogs dang yi ge'i tshogs rnams la ni tshad ma dang 'brel pa yod kyi kun dga' bo shes rab kyi pha rol tu phyin pa la ni tshad ma dang 'brel pa med do// de ci'i phyir zhe na/ kun dga' bo ming gi tshogs dang tshig gi tshogs dang yi ge'i

  774. 389a

    tshegs ni shes rab kyi pha rol tu phyin pa ma yin te/ kun dga' bo shes rab kyi pha rol tu phyin pa ni tshad ma dang ldan pa ma yin no// kun dga' bo shes rab kyi pha rol tu phyin pa ni tshad med pa'o// kun dga' bos gsol pa/ bcom ldan 'das yang ci'i slad du bcom ldan 'das kyis shes rab kyi pha rol tu phyin pa'i tshad ma ma gsungs/ bcom ldan 'das kyis bka' stsal pa/ kun dga' bo shes rab kyi pha rol tu phyin pa mi zad pa'i phyir de bzhin gshegs pa tshad ma ma bstan to// kun dga' bo shes rab kyi pha rol tu phyin pa dben pa'i phyir de bzhin gshegs pas tshad ma ma brjod do// kun dga' bo dben pa'i chos la dben pa dmigs su med na de'i tshad ma lta ga la yod/ kun dga' bo de bzhin du shes rab kyi pha rol tu phyin pa gzhal du med pa'i phyir tshad ma med cing chad med pa yin no// kun dga' bo 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas gang dag byung bar gyur pa de dag kyang kun dga' bo shes rab kyi pha rol tu phyin pa 'di nyid kyis rab tu phye ba yin yang / kun dga' bo shes rab kyi pha rol tu phyin pa 'di zad pa 'am yongs su zad par 'gyur ba ma yin no// kun dga' bo ma 'ongs pa'i dus na de bzhin gshegs pa dgra

  775. 389b

    bcom pa yang dag par rdzogs pa'i sangs rgyas gang dag 'byung bar 'gyur ba de dag kyang kun dga' bo shes rab kyi pha rol tu phyin pa 'di nyid kyis rab tu 'byed par 'gyur yang / kun dga' bo shes rab kyi pha rol tu phyin pa 'di zad pa 'am yongs su zad par 'gyur ba ma yin no// kun dga' bo da ltar gzhal med grang med pa'i 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas gang dag bzhugs te 'tsho zhing bzhes pa de dag kyang / kun dga' bo shes rab kyi pha rol tu phyin pa 'di nyid kyis rab tu phye ba yin yang / kun dga' bo shes rab kyi pha rol tu phyin pa 'di zad pa 'am yod su zad par 'gyur ba ma yin no// kun dga' bo da ltar de bzhin gshegs pa dgra bcom pa yang dag par rdzogs pa'i sangs rgyas nga yang kun dga' bo shes rab kyi pha rol tu phyin pa 'di nyid kyis rab tu phye ba yin yang / kun dga' bo shes rab kyi pha rol tu phyin pa 'di zad pa 'am yongs su zad par 'gyur ba ma yin no// de ci'i phyir zhe na/ kun dga' bo gang shes rab kyi pha rol tu phyin pa zad par bya bar sems pa de ni na mkha' zad par bya bar sems te/ kun dga' bo de lta bas na shes rab kyi pha rol tu phyin pa 'di ni bzod pa'o// de nas tshe dang ldan pa rab 'byor 'di snyam du sems/ de bzhin gshegs pas gsungs pa'i

  776. 390a

    gnas 'di ni zab mo zhig yin gyis de bzhin gshegs pa la bdag gis gnas 'di zhu'o snyam mo// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das shes rab kyi pha rol tu phyin pa mi bas pa lags sam/ bcom ldan 'das kyis bka' stsal pa/ rab 'byor shes rab kyi pha rol tu phyin pa ni mi zad pa ste/ 'di lta ste na mkha' mi zad pa'i phyir chos thams cad skye ba med pa'o// rab 'byor gyis gsol pa bcom ldan 'das byang chub sems dpa' sems dpa' chen pos shes rab kyi pha rol tu phyin pa la ci ltar mngon par bsgrub par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen pos gzugs zad pa nyid kyis shes rab kyi pha rol tu phyin pa mngon par bsgrub par bya'o// rab 'byor de bzhin du byang chub sems dpa' sems dpa' chen pos tshor ba dang 'du shes dang 'du byed rnams dang rnam par shes pa zad pa med pa nyid kyis shes rab kyi pha rol tu phyin pa mngon par sgrub par bya ste/ rab 'byor de ltar byang chub sems dpa' sems dpa' chen pos shes rab kyi pha rol tu phyin pa mngon par sgrub par bya'o// rab 'byor byang chub sem dpa' sems dpa' chen pos/ ma rig pa mi zad pa nyid kyis shes rab kyi pha rol tu phyin pa mngon par bsgrub par bya'o// rab 'byor de bzhin du byang chub sems

  777. 390b

    dpa' sems dpa' chen pos 'du byed mi zad pa dang rnam par shes pa mi zad pa dang ming dang gzugs mi zad pa dang skye mched drug mi zad pa dang reg pa mi zad pa dang tshor ba mi zad pa dang sred pa mi zad pa dang / len pa mi zad pa dang srid pa mi zad pa dang skye ba mi zad pa dang rga shi mi zad pa dang mya ngan dang smre sngags 'don pa dang sdug bsngal ba dang yid mi bde ba dang / 'khrug pa mi zad pa nyid kyis shes rab kyi pha rol tu phyin pa mngon par bsgrub par bya'o// rab 'byor 'di ni byang chub sem dpa' sems dpa' chen po'i rten cing 'brel par 'byung ba la rnam par lta ba/ mtha' gnyis spangs pa'o// rab 'byor de ltar rnam par lta ba'i byang chub sems dpa' sems dpa' chen po ni rten cing 'brel par 'byung ba mtha' dang dbus med par rnam par lta ste/ rab 'byor gang rten cing 'brel par 'byung ba la de ltar lta ba 'di ni byang chub sems dpa' sems dpa' chen po byang chub kyi snying po la 'dug pa'i ma 'dres pa'i chos so// rab 'byor byang chub sems dpa' sems dpa' chen po gang de ltar rten cing 'brel par 'byung ba la lta ba ni thams cad mkhyen pa'i ye shes thob par 'gyur ro// rab 'byor byang chub sems dpa' sems dpa' chen po gang la la mi zad pa mngon par bsgrub pa 'dis shes rab kyi pha rol tu phyin pa la spyod cing rten cing 'brel par 'byung ba la rnam par lta na de ni nyan thos kyi sa 'am/

  778. 391a

    @rang sangs rgyas sa la gnas par mi 'gyur te/ 'on kyang thams cad mkhyen pa nyid la gnas par 'gyur te/ rab 'byor byang chub sems dpa' sems dpa' chen po gang su dag bla na med pa yang dag par rdzogs pa'i byang chub las phyir ldog pa de dag thams cad ni yid la byed pa 'di dang thabs mkhas pa 'di la ma pas mi shes so// ci ltar byang chub sems dpa' sems dpa' chen po shes rab kyi pha rol tu phyin pa la spyod pas mi zad pa mngon par bsgrub pas shes rab kyi pha rol tu phyin pa mngon par bsgrub par bya ci ltar mi zad pa mngon par bsgrub pas shes rab kyi pha rol tu phyin pa la rten cing 'brel par 'byung ba la rnam par lta zhe nA/ rab 'byor byang chub sems dpa' sems dpa' chen po gang su dag bla na med pa yang dag par rdzogs pa'i byang chub las phyir log pa dang / phyir ldog pa dang phyir ldog par 'gyur ba de dag thams cad ni thabs mkhas pa 'di lam brten pas phyir log go/ phyir ldog go phyir ldog par 'gyur ro// rab 'byor byang chub sems dpa' sems dpa' chen po gang su dag bla na med pa yang dag par rdzogs pa'i byang chub las phyir mi log pa dang phyir mi ldog pa dang phyir ldog par mi 'gyur/ ba de dag thams cad ni shes rab kyi pha rol tu phyin pa 'di la brten nas phyir ma log go phyir mi ldog go phyir ldog par mi 'gyur ro// de ltar byang chub sems dpa' sems

  779. 391b

    dpa' chen po shes rab kyi pha rol tu phyin pa la spyod pas mi zad pa mngon par bsgrub pas shes rab kyi pha rol tu phyin pa la mngon par bsgrub par bya'o// de ltar mi zad pa mngon par bsgrubs pas shes rab kyi pha rol tu phyin pa la rten cing 'brel par 'byung ba la rnam par blta'o// rab 'byor yang byang chub sems dpa' sems dpa' chen po de ltar rten cing 'brel par 'byung ba la rnam par lta bas chos gang yang rgyu med par 'byung bar yang dag par rjes su mi mthong ngo // chos gang yang rtag pa 'am brten pa 'am ther zug pa 'am rnam par 'gyur ba med pa'i chos can du yang dag par rjes su mi mthong ngo // chos gang yang byed pa po 'am tsher ba por yang dag par rjes su mi mthong ngo // rab 'byor 'di ni byang chub sems dpa' sems dpa' chen po shes rab kyi pha rol tu phyin pa la mi zad par mngon par bsgrubs pas mngon par bsgrub cing shes rab kyi pha rol tu phyin pa la spyod cing rten cing 'brel par 'byung ba la rnam par lta ba yin no// rab 'byor gang gi tshe byang chub sems dpa' sems dpa' chen po shes rab kyi pha rol tu phyin pa mi zad pa mngon par bsgrubs pas mngon par bsgrub pa sten cing 'brel par 'byung ba la rnam pa lta ba de'i tshe rab 'byor byang chub sems dpa' sems dpa' chen po gzugs yang dag par rjes su mi mthong de bzhin du tshor ba ma yin 'du shes

  780. 392a

    ma yin 'du byed rnams ma yin rnam par shes pa yang yang dag par rjes su mi mthong / ma rig pa yang yang dag par rjes su mi mthong / de bzhin du 'du byed rnams ma yin rnam par shes pa ma yin ming dang gzugs ma yin skye mched drug ma yin reg pa ma yin tshor ba ma yin/ sred pa ma yin len pa ma yin srid pa ma yin skye ba ma yin rga shi ma yin/ mya ngan dang smre sngags 'don pa dang sdug bsngal ba dang yid mi bde ba dang / 'khrug pa yang yang dag par rjes su mi mthong ngo // sangs rgyas kyi zhing 'di'o zhes kyang yang dag par rjes su mi mthong / sangs rgyas kyi zhing gzhan yin no zhes yang dag par rjes su mi mthong / chos gang gis sangs rgyas kyi zhing 'di 'am gzhan no zhes yang dag par rjes su mi mthong bar 'gyur ba'i chos de yang yang dag par rjes su mi mthong ste/ rab 'byor 'di ni byang chub sems dpa' sems dpa' chen po rnams kyi shes rab kyi pha rol tu phyin pa'o// rab 'byor gang gi tshe byang chub sems dpa' sems dpa' chen po shes rab kyi pha rol tu phyin pa la spyod pa de'i tshe bdud sdig can shin tu mya ngan zug rngu dang ldan par 'gyur ro// rab 'byor 'di lta ste dper na mi zhig pa 'chi ba'i dus byas/ par gyur na shin tu mya ngan gyi zug rngu dang ldan par 'gyur ba de bzhin du rab 'byor gang gi byang chub sems dpa' sems dpa' chen po shes rab kyi pha rol tu phyin pa la spyod

  781. 392b

    pa de'i tshe bdud sdig can yang shin tu mya ngan gyi zug rngu dang ldan par 'gyur ro// rab 'byor gyis gsol pa/ bcom ldan 'das ci bdud sdig can gcig cig shin tu mya ngan gyi zug rngu dang ldan par 'gyur ram/ 'on te bdud sdig can mang po shin tu mya ngan gyi zug rngu dang ldan par 'gyur ram/ 'on te stong gsum gyi stong chen po'i 'jig rten gyi khams na bdud sdig can ci snyed mchis pa de dag thams cad kyang de'i tshe shin tu mya ngan gyi zug rngu dang ldan par 'gyur/ de skad ces gsol ba dang / btso ldan 'das kyis tshe dang ldan pa ra bA l+ya 'di skad ces bka' stsal to// rab 'byor gang gi tshe byang chub sems dpa' sems dpa' chen po shes rab kyi pha rol tu phyin pa'i gnas pas gnas pa de'i tshe stong gsum gyi stong chen po'i 'jig rten gyi khams na bdud sdig can ci snyed yod pa de dag thams cad shin tu mya ngan gyi zug rngu dang ldan par 'gyur te/ rang rang gi stan la yang nyams mi dga' bar 'gyur ro// de ci'i phyir zhe na/ byang chub sems dpa' sems dpa' chen po shes rab kyi pha rol tu phyin pa la gnas pas gnas pa la ni lha dang mi dang lha ma yin du bcas pa'i 'jig rten gyis bdag cag gis 'di gzung la mtho tsam mo snyam pa dang / bla na med pa yang dag par rdzogs pa'i byang chub las slar bzlog par bya'o// snyam pa'i glags rnyed par mi 'gyur gting rnyed par mi 'gyur ro// rab 'byor de lta bas na byang chub sems dpa' sems dpa

  782. 393a

    chen po bla na med pa yang dag par rdzogs pa'i byang chub mngon par rdzogs par byang chub par 'dod pas shes rab kyi pha rol tu phyin pa la skyed par bya'o// de ci'i phyir zhe na/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pas ni sbyin pa'i pha rol tu phyin pa bsgom pa yongasu rdzogs par 'gyur/ de bzhin du tshul khrims kyi pha rol tu phyin pa dang bzod pa'i pha rol tu phyin pa dang brtson 'grus kyi pha rol tu phyin pa dang bsam gtan gyi pha rol tu phyin pa bsgom pa yongs su rdzogs par 'gyuraro// rab 'byor byang chub sems dpa' sems dpa' chen po shes rab kyi pha rol tu phyin pa la spyod pa ni pha rol tu phyin pa drug po tha ma cad bsgom pa yongs su rdzogs par 'gyur ro// thabs mkhas pa thams cad bsgom pa yongs su rdzogs par 'gyur te/ byang chub sems dpa' sems dpa' chen po shes rab kyi pha rol tu phyin pa la spyod pa des ni bdud kyi las gang cung zad 'byung bar 'gyur ba de dag thams cad 'byung ba'i tshe rab tu shes par 'gyur te/ rab tu shes nas rnam par spong bar 'gyur ro// rab 'byor thabs mkhas pa thams cad yongs su gzung bar 'dod pa'i byang chub sems dpa' sems dpa' chen po'i shes rab kyi pha rol tu phyin pa la spyad par bya'o// shes rab kyi pha rol tu phyin pa bsgom par bya'o// rab 'byor gang gi tshe byang chub sems dpa' sems dpa' chen po shes

  783. 393b

    rab kyi pha rol tu phyin pa la spyod cing shes rab kyi pha rol tu phyin pa mngon par bsgrub pa de'i tshe/ rab 'byor byang chub sems dpa' sems dpa' chen pos 'jig rten gyi khams gzhal du med grangs med pa dag na sangs rgyas bcom ldan 'das gang dag bzhugs te 'tsho zhing gzhes pa de dag la de dag gi thams cad mkhyen pa nyid kyang 'di lta ste/ shes rab kyi pha rol tu phyin pa 'di las skyes so// snyam du bsam par bya'o// de ltar bsams nas byang chub sems dpa' sems dpa' chen po des kyang sam 'di ltar bskyed par bya ste/ ci ltar sangs rgyas bcom ldan 'das de dag gis chos gang dge rjes su brnyes pa de bzhin du bdag gis kyang chos de dag kyang rjes su thob par bya'o snyam ste/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pas nyin gcig 'das kyi bar la tha na se gol gtogs pa srid tsam du yang sems bskyed pa 'di dag bskyed par bya mngon par bsgrub par bya'o// rab 'byor gang yang dmigs pa dang bcas pa'i byang chub sems dpa' sems dpa' chen po gang gis bskal pa gang+gA'i klung gi bye ma snyed du sbyin pa byin pa'i byang chub sems dpa' sems dpa' chen po gang gis nyi ma gcig 'das kyi bar la shes rab kyi pha rol tu phyin pa 'di chung ngu na se gol gtogs pa gcig tsam du mngon par bsgrub na bsod nams ches mang du bskyed de/ byang chub sem

  784. 394a

    dpa' sems dpa' chen po 'di ni phyir mi ldog pa'i sa la gnas par 'gyur ro// byang chub sems dpa' sems dpa' chen po gang nyin gcig 'das kyi bar la chung ngu na se gol gtogs pa srid tsam yang shes rab kyi pha rol tu phyin pa 'di la spyod cing sems bskyed pa 'di bskyed pa de de bzhin gshegs pas dgongs par rig par bya na/ gang sems skyed pa 'di nyin thog thag rjes su 'jug par byed pa lta ci smos/ rab 'byor byang chub sems dpa' sems dpa' chen po de bzhin gshegs pas dgongs pas 'gro ba gang zhig la re bar bya zhe na/ rab 'byor byang chub sems dpa' sems dpa' chen po de bzhin gshegs pas dgongs pas ni bla na med pa yang dag par rdzogs pa'i byang chub ma gtogs par 'gro ba gzhan du dogs par mi bya ste/ de ni skal ba med pa dang ngan song rnams su skye bar mi 'gyur gyi mthe ris su skye bar re bar bya'o// der yang de bzhin gshegs pa rnams dang mi 'bral bar 'gyur zhing de bzhin gshegs pa dang ma bral ba'i sangs rgyas kyi zhing du skye bar 'gyur te sems can yongs su smin par byed par 'gyur ro// rab 'byor byang chub sems dpa' sems dpa' chen po gang gis chung ngu na se gol gtogs pa gcig tsam du yang shes rab kyi pha rol tu phyin pa mngon par sgrub cing sems skyed pa 'di skyed par byed pa'i yon tan 'di dag dang phan yon 'di dag

  785. 394b

    yin nam/ gang zhig sems bskyed pa 'di nyin thog thag rjes su 'jug par byed pa lta ci smos/ rab 'byor 'di lta ste dper na de bzhin gshegs pa dgra ba pa yang dag par rdzogs pa'i sangs rgyas mi bskyod pa'i drung na da ltar byang chub sems dpa' sems dpa' chen po spos kyi glang po zhes bya ba tshangs par spyad pa spyod pa bzhin no// 'phags pa shes rab kyi pha rol tu phyin pa brgyad stong pa las me tog bkram pa'i le'u zhes bya ste nyi shu rtsa brgyad pa'o// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la 'di ltar rjes su rig par bya te/ chos thams cad chags pa med pa'i phyir shes rab kyi pha rol tu phyin rjes su rig par bya'o// chos thams cad dbyer mi phyed pa'i phyir shes rab kyi pha rol tu phyin par rjes su rig par bya'o// chos thams cad 'byung ba med pa'i phyir shes rab kyi pha rol tu phyin par rjes su rig par bya'o// chos thams cad 'gyur ba med par mnyam pa'i phyir shes rab kyi pha rol tu phyin par rjes su rig par bya'o// chos thams cad bdag med pa dang rnam par rig pa med par shes rab kyi rjes su rtogs pas shes rab kyi pha rol tu phyi par rjes su rig par bya'o// chos thams cad ming tsam dang tha snyad gdags pa tsam gyis brjod pa'i phyir shes rab kyi pha rol tu phyin par rjes su rig par bya'o//

  786. 395a

    tha snyad gdags pa yang gang la yang ma yin gang gis kyang ma yin gang yang tha snyad gdags pa med do// chos thams cad tha snyad med parjod du med pa slar med pa tshig med pa'i phyir shes rab kyi pha rol tu phyin par rjes su rig par bya'o// chos thams cad tshad ma med pa'i phyir shes rab kyi pha rol tu phyin par rjes su rig par bya'o// gzugs tshad ma med pa'i phyir/ shes rab kyi pha rol tu phyin par rjes su rig par bya'o// de bzhin du tshor ba tshad ma med pa dang 'du shes tshad ma med pa dang 'du byed rnams tshad ma med pa dang / rnam par shes pa tshad ma med pa'i phyir shes rab kyi pha rol tu phyin par rjes su rig par bya'o// chos thams cad mtshan ma med pa'i phyir shes rab kyi pha rol tu phyin par rjes su rig par bya'o// chos thams cad nges par 'byed pa'i shes rab kyi pha rol tu phyin par rjes su rig par bya'o// chos thams cad rang bzhin gyis yongs su dag pa'i phyir shes rab kyi pha rol tu phyin par rjes su rig par bya'o// chos thams cad tshig med pa'i phyir shes rab kyi pha rol tu phyin par rjes su rig par bya'o// chos thams cad 'gog pa med pas spang bar bya ba mnyam pa'i phyir/ shes rab kyi pha rol tu phyin par rjes su rig par bya'o// chos thams cad mya ngan las 'das pa thob cing de bzhin nyid dang mnyam pa'i phyir shes rab kyi pha rol tu phyin par rjes su rig par bya'o// chos thams cad mi 'ong mi 'gro mi shes mi skye shin tu

  787. 395b

    mi skye ba'i phyir shes rab kyi pha rol tu phyin par rjes su rig par bya'o// bdag dang gzhan du mi lta ba'i phyir shes rab kyi pha rol tu phyin par rjes su rig par bya'o// chos thams cad 'phags pa dgra bcom pa'i rang bzhin gyis yongs su dag pa'i phyir shes rab kyi pha rol tu phyin par rjes su rig par bya'o// chos thams cad khur bor zhing khur mi khyer ba'i phyir shes rab kyi pha rol tu phyin par rjes su rig par bya'o// chos thams cad yul med cing phyogs med pa'i phyir shes rab kyi pha rol tu phyin par rjes su rig par bya'o// de ci'i phyir zhe na/ rab 'byor gzugs ni rang bzhin gyis ngo bo nyid kyis yul dang phyogs med pa'o// rab 'byor de bzhin du tshor ba dang 'du shes dang 'du byed rnams dang rnam par shes pa ni rang bzhin gyis ngo bo nyid kyis yul dang phyogs med pa'o// chos thams cad 'gog par rab tu sim par byed pa'i phyir shes rab kyi pha rol tu phyin par rjes su rig par bya'o// dga' ba med cing dga' ba dang bral ba med pa'i phyir shes rab kyi pha rol tu phyin par rjes su rig par bya'o// 'dod chags pa med cing 'dod chags dang bral ba med pa'i phyir shes rab kyi pha rol tu phyin par rjesu rig par bya'o// de ci'i phyir zhe na/ rab 'byor gzugs ni de kho na dang bcas pa'i ngo bo nyid kyisen 'dod chags par mi byed 'dod chags dang bral bar mi byed do// rab 'byor de bzhin du tshor ba dang 'dus shes

  788. 396a

    dang 'du byed rnams dang rnam par shes pa ni de kho na dang bcas pa'i ngo bo nyid kyis na 'dod chags par mi byed 'dod chags dang bral bar mi byed do// rang bzhin gyis yongs su dag pa'i phyir shes rab kyi pha rol tu phyin par rjes su rig par bya'o// chos thams cad chags pa dang ma chags pa'i zhen pa dang bral ba'i phyir shes rab kyi pha rol tu phyin par rjes su rig par bya'o// sangs rgyas kyi ye shes khong du chud pas chos thams cad byang chub bo zhes shes rab kyi pha rol tu phyin par rjes su rig par bya'o// chos thams cad stong pa nyid dang mtshan ma med pa dang smon pa med pa'i phyir shes rab kyi pha rol tu phyin par rjes su rig par bya'o// byams pa chen po sngon du 'gro bas chos thams cad sman lta bu'o zhes shes rab kyi pha rol tu phyin par rjes su rig par bya'o// chos thams cad byams pa la gnas pa dang snying rje la gnas pa dang dga' ba la gnas pa dang btang snyoms la gnas pa'i phyir shes rab kyi pha rol tu phyin par rjes su rig par bya'o// chos thams cad tshangs par gyur pas zhe sdang mi skyed cing zhe sdang thams cad mi len pa'i phyir shes rab kyi pha rol tu phyin par rjes su rig par bya'o// chos thams cad smon pa med pa'i phyir dang khong khrob med pa'i phyir shes rab kyi pha rol tu phyin par rjes su rig par bya'o// rgya mtsho mu med pa'i phyir shes rab kyi pha rol tu phyin pa mu med par rjes su rig par bya'o// nam

  789. 396b

    mkha' mu med pa'i phyir shes rab kyi pha rol tu phyin pa mu med par rjes su rig par bya'o// ri rab sna tshogs pa nyid kyi phyir shes rab kyi pha rol tu phyin pa sna tshogs pa/ rjes su rig par bya'o// gzugs mu med pa'i phyir shes rab kyi pha rol tu phyin pa mu med par rjes su rig par bya'o// de bzhin du tshor ba dang 'du shes dang 'du byed rnams dang rnam par shes pa mu med pa'i phyir shes rab kyi pha rol tu phyin pa mu med par rjes su rig par bya'o// nyi ma'i 'od zer gyi dkyil 'khor mu med pa snang ba'i phyir shes rab kyi pha rol tu phyin pa mu med par rjes su rig par bya'o// sgra thams cad mu med pa'i phyir shes rab kyi pha rol tu phyin pa mu med par rjes su rig par bya'o// sangs rgyas kyi chos thams cad yang dag par sgrub pa mu med pa'i phyir shes rab kyi pha rol tu phyin pa mu med par rjes su rig par bya'o// sems can gyi khams thams cad kyi bsod nams dang ye shes kyi tshogs mu med pa'i phyir shes rab kyi pha rol tu phyin pa mu med par rjes su rig par bya'o// sa'i khams mu med pa'i phyir shes rab kyi pha rol tu phyin pa mu med par rjes su rig par bya'o// de bzhin du chu'i khams dang me'i khams dang rlung gi khams dang na mkha'i khams dang rnam par shes pa'i khams mu med pa'i phyir shes rab kyi pha rol tu phyin pa mu med par rjes su rig par bya'o// dge ba dang mi dge ba'i chos bsags pa tshad med pa'i

  790. 397a

    phyir shes rab kyi pha rol tu phyin pa tshad med par rjes su rig par bya'o// chos thams cad bsags pa tshad med pa'i phyir shes rab kyi pha rol tu phyin pa tshad med par rjes su rig par bya'o// chos thams cad kyi ting nge 'dzin mu med pa thob pa'i phyir/ shes rab kyi pha rol tu phyin pa mu med par rjes su rig par bya'o// sangs rgyas kyi chos thams cad mu med pa'i phyir/ shes rab kyi pha rol tu phyin pa mu med par rjes su rig par bya'o// chos thams cad mu med pa'i phyir shes rab kyi pha rol tu phyin pa mu med par rjesu rig par bya'o// stong pa nyid mu med pa'i phyir shes rab kyi pha rol tu phyin pa mu med par rjes su rig par bya'o// sems dang sems las byung ba mu med pa'i phyir/ shes rab kyi pha rol tu phyin pa mu med par rjes su rig par bya'o// sems kyi spyod pa mu med pa'i phyir/ shes rab kyi pha rol tu phyin pa mu med par rjes su rig par bya'o// dge ba dang mi dge ba'i chos tshad med pa'i phyir shes rab kyi pha rol tu phyin pa tshod med par rjes su rig par bya'o// seng ge'i sgra sgrogs pa'i phyir shes rab kyi pha rol tu phyin par rjes su rig par bya'o// chos thams cad 'khrug pa med pa'i phyir shes rab kyi pha rol tu phyin pa 'khrug pa med par rjes su rig par bya'o// de ci'i phyir zhe na/ rab 'byor gzugs ni rgya mtsho dang mtshungs pa'o// de bzhin du rab 'byor tshor ba dang 'du shes dang 'du byed

  791. 397b

    rnams dang rnam par shes pa ni rgya mtsho dang mtshungs pa'o// gzugs ni na mkha' dang mtshungs pa'o// de bzhin du tshor ba dang 'du shes dang 'du byed rnams dang par shes pa ni na mkha' dang mtshungs pa'o// gzugs ni ri rab sna tshogs dang mtshungs pa'o// de bzhin du tshor ba dang 'du shes dang 'du byed rnams dang rnam par shes pa ni ri rab sna tshogs dang mtshungs pa'o// gzugs ni mu med pa dang mtshungs pa'o// de bzhin du tshor dang 'du shes dang 'du byed rnams dang rnam par shes pa ni mu med pa dang mtshungs pa'o// gzugs ni nyi ma'i dkyil 'khor gyi 'od zer 'byung ba dang mtshungs pa'o// de bzhin du tshor ba dang 'du shes dang 'du byed rnam dang rnam par shes pa ni nyi ma'i 'od zer 'byung ba dang mtshungs pa'o// gzugs ni sgra thams cad mu med pa dang mtshungs pa'o// de bzhin du tshor ba dang 'du shes dang 'du byed rnams dang rnam par shes pa ni sgra thams cad mu med pa dang mtshungs pa'o// gzugs ni sangs rgyas kyi chos thams cad yang dag par sgrub pa mu med pa dang mtshung pa'o// / gzugs ni sems can gyi khams thams cad kyi bsod nams dang ye shes kyi tshogs mu med pa dang mtshungs pa'o// de bzhin du tshor ba dang 'du shes dang 'du byed rnams dang rnam par shes pa ni sems can gyi khams thams cad kyi bsod nams dang ye shes kyi tshogs mu med pa dang mtshungs pa'o// gzugs ni sa dang mchu/ de bzhin du tshor ba dang 'du shes dang ma byed rnams dang rnam pa shes pa ni sangs rgyas kyi chos thams cad yang dag par sgrubs su med papa

  792. 398a

    pa'o// de bzhin du tshor ba dang 'du shes dang 'du byed rnams dang rnam par shes pa ni sa dang mtshungs pa'o// gzugs ni chu dang mtshungs pa'o// de bzhin du tshor ba dang 'du shes dang 'du byed rnams dang rnam par shes pa ni chu dang mtshungs pa'o// gzugs ni me dang mtshungs pa'o// de bzhin du tshor ba dang 'du shes dang 'du byed rnam par shes pa ni mi dang mtshungs pa'o// gzugs ni rlung dang mtshungs pa'o// de bzhin du tshor ba dang 'du shes dang 'du byed rnams dang rnam par shes pa ni rlung dang mtshungs pa'o// gzugs ni nam mkha' dang mtshungs pa'o// de bzhin du tshor ba dang 'du shes dang 'du byed rnams dang rnam par shes pa ni nam mkha' mtshungs pa'o// gzugs ni rnam par shes pa dang mtshungs pa'o// de bzhin du tshor ba dang 'du shes dang 'du byed rnams dang rnam par shes pa ni rnam par shes pa dang mtshungs pa'o// gzugs ni dge ba dang mi dge ba'i chos bsags pa dang bral ba'o// de bzhin du tshor ba dang 'du shes dang 'du byed rnams dang rnam par shes pa ni dge ba dang mi dge ba'i chos bsags pa dang bral ba'o// gzugs ni chos thams cad bsags pa dang bral ba'o// de bzhin du tshor ba dang 'du shes dang 'du byed rnams dang rnam par shes pa ni chos thams cad bsags pa dang bral ba'o// gzugs ni chos thams cad ting nge 'dzin mu med pa dang mtshungs pa'o// de

  793. 398b

    bzhin du tshor ba dang 'du shes dang 'du byed rnams dang rnam par shes pa ni chos thams cad ting nge 'dzin mu med pa dang mtshungs pa'o// gzugs ni bral ba ste gzugs kyi ngo bo nyid dang gzugs kyi de bzhin nyid ni sangs rgyas kyi chos so// de bzhin du tshor ba dang 'du shes dang 'du byed rnams dang rnam par shes pa ni bral ba ste/ rnam par shes pa'i ngo bo nyid dang rnam par shes pa'i de bzhin nyid ni sangs rgyas kyi chos so// gzugs ni chos thams cad mu med pa'i chos nyid do// de bzhin du tshor ba dang 'du shes dang 'du byed rnams dang rnam par shes pa ni chos thams cad mu med pa'i chos nyid do// gzugs ni stong pa mu med pa'i chos nyid do// de bzhin du tshor ba dang 'du shes dang 'du byed rnam par shes pa ni stong pa mu med pa'i chos nyid do// gzugs ni sems dang sems las byung ba mu med pa nyid do// de bzhin du tshor ba dang 'du shes dang 'du byed rnams dang rnam par shes pa ni sems dang sems las byung ba mu med pa'o/ gzugs ni sems kyi spyod pa las byung ba'o// de bzhin du tshor ba dang 'du shes dang 'du byed rnams dang rnam par shes pa ni sems kyi spyod pa las byung ba'o// gzugs ni dge ba dang mi dge ba dang mi dmigs pa'i bar du'o/ de bzhin du tshor ba dang 'du shes dang 'du byed rnams dang rnam par shes pa ni dge ba dang mi dge ba dang mi dmigs pa'i bar du'o// gzugs ni seng ge'i sgra dang mtshu

  794. 399a

    pa'o// de bzhin du tshor ba dang 'du shes dang 'du byed rnams dang rnam par shes pa ni seng ge'i sgra dang mtshungs pa'o// gzugs ni 'khrug pa/ med pa'o// de bzhin du tshor ba dang 'du shes dang 'du byed rnams dang rnam par shes pa ni 'khrug pa med pa'o// rab 'byor de ltar na byang chub sems dpa' sems dpa' chen po'i shes rab kyi pha rol tu phyin par rjes su rig par bya'o// rab 'byor gang gi tshe byang chub sems dpa' sems dpa' chen po'i shes rab kyi pha rol tu phyin par de ltar rjes su rig par byed pa dang rnam par spyod pa dang 'jug pa dang rtogs par byed pa dang sems pa dang 'jal ba dang nye bar rtog pa dang sgyu dang g.yo/ thams cad rnam par spangs pa'i yid la byed pa dang le lo thams cad rnam par spangs pa'i yid la byed pa dang rlom sems thams cad rnam par spangs pa'i yid la byed pa dang / bdag bstod pa yid la byed pa dang / gzhan la smod pa'i rnam par spangs pa'i yid la byed pa dang bdag tu 'du shes pa rnam par spangs pa'i yid la byed pa dang / sems can du 'du shes pa rnam par spangs pa'i yid la byed pa dang rnyed pa dang bkur sti dang tshigs su bcad pa rnam par spangs pa'i yid la byed pa dang sgrib pa lnga rnam par spangs pa'i yid la byed pa dang phrag dog dang ser sna rnam par spangs pa'i yid la byed pa dang skye bo thams cad spangs pa'i yid la byed pa dag gis sgom par 'gyur

  795. 399b

    ba de'i tshe/ de la yon tan thams cad yongs su rdzogs pa dang / sangs rgyas kyi zhing bla na med pa dang sangs rgyas kyi chos rnams yongs su rdzogs par rnyed dka' bar mi 'gyur ro// 'phags pa shes rab kyi pha rol tu phyin pa brgyad stong pa las rjes su rig pa'i le'u zhes bya ste nyi shu rtsa dgu pa'o// 'phags pa shes rab kyi pha rol tu phyin pa brgyad stong pa/ bam po nyi shu gsum pa// rab 'byor gzhan yang shes rab kyi pha rol tu phyin pa 'di ci ltar byang chub sems dpa' sems dpa' chen po rtag tu ngu da ltar de bzhin gshegs pa dgra bcom pa yang dag par rdzogs pa'i sangs rgyas sgra dbyangs mi zad par sgrogs pa'i drung na tshangs par spyad pa spyod pa des yongs su btsal ba de bzhin du yongs su btsal bar bya'o// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po rtag tu ngus shes rab kyi pha rol tu phyin pa 'di tshol ba na ci ltar yongs su btsal lags/ de skad ces gsol pa dang bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor byang chub sems dpa' sems dpa' chen po rtag tu ngu sngon shes rab kyi pha rol tu phyin pa yongs su tshol ba na lus la che

  796. 400a

    che bar mi byed srog la mi lta rnyed pa dang bkur sti dang tshigs su bcad pa dag la mi gnas par yongs su btsal bas yongasu btsal to// des shes rab kyi pha rol tu phyin pa yongs su tshol zhing 'brog dgon pa zhig tu phyin pa na bar snang las/ rigs kyi bu khyod shar phyogs su song zhig dang shes rab kyi pha rol tu phyin pa thos par 'gyur gyis/ ci ltar lus ngal ba yid la byed pa mi bskyed pa dang gnyid dang rmugs pa yid byed pa mi skyed pa dang bza' ba yid la byed pa mi skyed pa dang btung ba yid la byed pa mi skyed pa dang / mtshan mo yid la byed pa mi skyed pa dang / nyin mo yid la byed pa mi skyed pa dang grang ba yid la byed pa mi skyed pa dang / tsha ba yid la byed pa mi skyed pa de ltar song zhig/ nang ngam phyi rol gang la yang sems smon par ma byed cig/ rigs kyi bu g.yon du ma lta bar song zhig/ g.yas su ma yin shar du ma yin/ lho ru ma yin nub tu ma yin byang du ma yin steng du ma yin 'og tu ma yin phyogs mtsham su yang ma lta bar song zhig rigs kyi bu ci ltar bdag las ma g.yos shing 'jigs tshogs las kyang ma yin pa dang / ci ltar gzugs las kyang ma g.yos pa dang ci ltar tshor ba dang 'du shes dang 'du byed rnams dang ci ltar rnam par shes pa las kyang ma g.yos pa de ltar song zhig/ gang 'di las g.yos pa 'di ni rnam par nyams par 'gyur ro//

  797. 400b

    ci las nyams par 'gyur zhe na/ sangs rgyas kyi chos rnams las nyams par 'gyur ro// gang sangs rgyas kyi chos rnams las nyams par 'gyur ba de ni 'khor/ ba la spyod do// gang 'khor ba la spyod pa de ni shes rab kyi pha rol tu phyin pa la mi spyod de/ des shes rab kyi pha rol tu phyin pa rjes su mi 'thob bo zhes bya ba'i sgra thos par gyur to// de skad ces smras pa dang / byang chub sems dpa' sems dpa' chen po rtag tu ngus sgra de la 'di skad de bzhin du bya'o// de ci'i phyir zhe na/ nga ni sems can thams cad la snang bar byed 'dod pa dang sangs rgyas kyi chos thams cad sgrub par 'dod pa'i phyir ro// zhes smras so// de skad ces smras pa dang sgra des byang chub sems dpa' sems dpa' chen po rtag tu ngu la 'di skad ces rigs kyi bu rtag tu ngu legs so leg so zhes smra so// de nas byang chub sems dpa' sem dpa' chen po rtag tu dus yang sgra de thos te/ 'di skad du rigs kyi bu khyod kyis stong pa nyid dang mtshan ma med pa dang smon pa med par chos thams cad la mos pa bskyed la shes rab kyi pha rol tu phyin pa yongs su btsal bar bya'o// khyod kyis mtshan ma yongasu spang ba dang dngos po yongs su spang ba dang / sems can du lta ba yongs spang bar bya'o// rigs kyi bu khyod kyi sdig pa'i grogs po dag yongasu spang bar bya'o// dge ba'i bshes gnyen gang chos thams cad stong pa nyid dang mtshan ma/

  798. 401a

    med pa dang smon pa med pa dang ma byung ba dang ma skyes pa dang ma 'gags pa dang dngos po med par chos rnams ston pa dag la khyod kyis bsnyen par bya gus par bya bsnyen bkur bya'o// rigs kyi bu khyod de ltar bsgrub na ring po mi thogs par shes rab kyi pha rol tu phyin pa glegs bam du chud pa 'am dge slong chos sgra ba'i lus la yod pa thos par 'gyur te/ rigs kyi bu gang las shes rab kyi pha rol tu phyin pa 'di thos pa de la khyod kyis ston par 'du shes bskyed par bya zhing khyod kyis byas pa gzo ba dang byas pa tsher bya ste/ gang las shes rab kyi pha rol tu phyin pa 'di thos pa 'di ni bdag gi dge ba'i bshes gnyin yin te/ 'di bdag gis thos pas myur du bla na med pa yang dag par rdzogs pa'i byang chub las phyir mi ldog par 'gyur/ de bzhin gshegs pa dgra bcom pa yang dag par rdzogs pa'i sangs rgyas rnams la bsnyen par 'gyur zhing / sangs rgyas kyi zhing de bzhin gshegs pa dang ma bral ba rnams su skye bar 'gyur ro// mi khom pa rnams spong bar 'gyuraro// dal ba phun sum tshogs pa spyod pa thob par 'gyur ro// rigs kyi bu phan yon 'di rnams khyod kyis yongasu rtogs la dge slong chos smra ba la ston pa yin par 'du shes bskyed par bya'o// rigs kyi bu khyod kyis 'jig rten gyi zang zing dang ldan pa'i sems kyi rgyud kyis dge slong chos smra ba'i phyi bzhin 'brang

  799. 401b

    bar mi bya'i/ khyod kyis dge slong smra ba la chos don du gnyer ba dang chos la gus par bya bas phyi bzhin 'brang bar bya'o// khyod kyis bdud kyi las rnams kyang rtogs par bya ste rigs kyi bu bdud sdig can ni byang chub sems dpa' sems dpa' chen po rnams la gzugs dang sgra dang dri dang ro dang reg pa dag bsnyen pa dang bsten pa dang spyad par bya ba'i phyir nye bar bsgrub ste/ de dag chos smra ba des zil gyis mnan nas thabs mkhas pas 'grogs shing bstan par byed pa dang bsnyen par byed pa yang yod de/ rigs kyi bu khyod kyis dge slong chos smra ba de la ma dad pa bskyed par mi bya'o// gzhan du na sems 'di ltar bskyed par bya ste/ bdag ni thabs mkhas pa de mi shes kyi 'di ni thabs mkhas pa rab tu shes so// 'di ni sems can gdul ba'i tshul gyis sems can rnams kyis dge ba'i rtsa ba yongs su gzung ba'i phyir chos 'di dag la brten cing 'grogs te bsnyen par byed kyi byang chub sems dpa' sems dpa' chen po rnams ni gang la yang chags pa'ang sgrib pa med kyi skad cig de nyid la rigs kyi bu khyod nyid kyis chos rnams kyis yang dag pa'i tshul so sor brtag par bya'o// rigs kyi bu chos rnams kyi dag pa'i tshul gang zhe na/ 'di lta ste chos thams cad kun nas nyon mongs pa ma yin rnam par byang ba ma yin no// de ci'i phyir zhe na/ chos thams cad ni ngo bo

  800. 402a

    nyid kyis stod pa lto/ chos ca ni sems can med pa srog med pa gas pa med pa/ skyes bu med pagang bag med pa sgyums bu mi lam sa sa/ brnyan lta bu mig yor lta bu ste/ rigs kyi bu khyod kyis chos thams cad kyi yang dag pa'i tshul de ltar rtog cing chos smra ba'i rjes su 'brang na ring por mi thogs par shes rab kyi pha rol tu phyin pa la nges par 'byung bar 'gyur ro// rigs kyi bu gzhan yang khyod kyis bdud kyi las la soms shig/ rigs kyi bu gal te chos smra ba dag shes rab kyi pha rol tu phyin pa don du gnyer ba'i rigs kyi bu la brnyas par byed cing mi sems na de la rigs kyi bu khyod kyis phyir bsngo bar mi bya ste/ gzhan du na chos don du gnyer ba nyid dang chos la gus par byed pa nyid dang yid mi skyo bas dge slong chos smra ba'i phyi bzhin 'brang bar bya'o zhes de skad kyang thos so// / de nas byang chub sems dpa' sems dpa' chen po rtag tu ngus sgra de las rjes su bstan pa 'di blangs nas shar phyogs ga la ba der song ba dang ring por ma phyin par de 'di snyam du sems te bdag gis sgra de la ci srid du 'gro bar bya ba ma dris so snyam du bsams nas de sa phyogs de nyid du ngu zhing tshong nges 'debs te mya ngan byed la sme zhing 'dug ste/ de 'di snyam du sa phyogs 'di nyid du nyin zhag gcig gi bar du nyin mtshan 'da' bar bya'o// nyin mtshan gnyis sam gsum mam bzhi'am lnga 'am

  801. 402b

    drug gam nyin mtshan bdun yang 'da' bar bya ste/ shes rab kyi pha rol tu phyin pa thos pa ma gyur gyi bar du lus ngal ba yid la byed pa mi skyed rmugs pa dang gnyid yid la byed pa mi skyed bza' ba yid la byed pa mi skyed btung ba yid la byed pa mi skyed mtshan mo yid la byed pa mi skyed nyin mo yid la byed pa mi skyed grang ba yid la byed pa mi skyed tsha ba yid la byed pa mi skyed do snyam du bsams so// rab 'byor 'di lta ste dper na skyes bu la la zhig bu gcig pa 'chi ba'i dus byas na sdug bsngal ba dang yid mi bde ba chen po dang ldan par 'gyur te/ de mya ngan gyi bu gcig pu yid la byed pa nyid ma gtogs par yid la byed pa gzhan gang yang mi 'byung ste/ rab 'byor de bzhin du byang chub sems dpa' sems dpa' chen po rtag tu dus yang de'i tshe bdag gis nam shes rab kyi pha rol tu phyin pa thos par 'gyur snyam pa ma gtogs par yid la byed pa gzhan gang yang ma byung ngo // rab 'byor de nas byang chub sems dpa' sems dpa' chen po rtag tu du de ltar gdung zhing 'dug pa'i mdun du de bzhin gshegs pa'i gzugs shig bzhugs nas legs so zhes bya ba byin te 'di skad du rigs kyi bu khyod kyis tshig de skad smra ba legs so legs so// ci ltar khyod kyis da ltar yongs su btsal ba de bzhin du rigs kyi bu sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang

  802. 403a

    sngon byang chub sems dpa'i spyad pa spyod pa na shes rab kyi pha rol tu phyin pa yongs su btsal to// rigs bu de'i phyir khyod kyi brtson 'grus 'di nyid dang spo ba 'di nyid dang don du gnyer ba 'di nyid dang 'dod pa 'di lta bu nyid kyis rjes su 'brang zhing shar phyogs nyid du song zhig dang rigs kyi bu 'di nas dpag tshad lnga brgya na spos dang ldan pa zhes bya ba'i grong khyer rin po che sna bdun gyi rang bzhin gyis ra ba rim pa bdun gyis bskor ba 'obs rim pa bdun dang shing tA la'i phreng ba rim pa bdun gyis yongs su bskor ba/ chur dpag tshad bcu gnyis zheng du dpag tshad bcu gnyis yod pa 'byor pa rgyas pa bde ba lo legs pa skye bo mang po dang mis gang ba/ bar gyi tshong khang gi ri mo sna tshogs su bris pa lta bur lta na sdug pa phigs par gyur pa mnyam zhing mtshungs pa/ skye bo dang khyogs kyi bzhon pa dang rkang gi sa 'gro ba'i gnas 'dzer dog med par gnas pa lnga brgya dag gis legs par bsgrubs pa/ grong khyer de'i 'khor yug tu zhol gyi phyir rin po che sna bdun gyi rang bzhin gyis bskor la rin po che sna bdun gyi rang bzhin gyi ra ba de dag gi 'da' yab rnams ni 'dzam bu chu bo'i gser las byas pa/ mtho zhing tshad dang ldan pa mnga' yab thams cad kyi rtse mo las kyang rin po che sna bdun gyi rang bzhin gyi shing skyes te/ rin po che sna tshogs bkra ba'i shing thog gi 'bras bu chags pa/ mda' yab

  803. 403b

    las shing skyes pa thams cad las kyang rin po che'i rang bzhin gyi thag gu byung bas mda' yab gnyis pa'i shing gzhan dang 'brel ba thams cad dang ldan pa'i grong khyer de gser gyi dril bu g.yer ka'i dra bas khebs te/ gser gyi dril bu g.yer ka'i dra ba de dag la rlung gis btab na sgra 'dzam zhing snyan pa yid du 'ong ba dag 'byung ba 'di lta ste/ dper na yan lag lnga dang ldan pa'i rol mo sna tshogs pa/ rol mo mkhan mkhas pas brdungs shing blangs na sgra 'jam zhing snyan pa yid du 'ong ba dag 'byung ba de bzhin du/ dril bu g.yer ka'i dra ba de dag la nu gis btab na sgra 'jam zhing snyan pa yid du 'ong ba dag 'byung ste/ sgra des sems can de dag rtse dga' zhing dga' mgur spyod do// grong khyer de kho ra yug tu 'obs chu rjes su mthun par 'bab pa'i chu yongasu gang zhing / chu ha cang yang mi grang ba ha cang yang mi dro bas gang ba dag yod do// chu de dag nyid la sems can rnams kyi sngon gyi las kyi rnam par smin pas grub pa/ rin po che sna bdun rnam par bkra zhing blta na sdug pa'i gru dag yod de/ der sems can dag zhugs nas rtse dga' zhing dga' mgur spyod do// chu de dag thams cad kyang ut+pal dang ku mu da dang pad+ma dkar po dag gis khebs pa/ me tog gi rigs che zhing bzang dri zhim po'i ngad ldang ba gzhan dag gis kyang khebs te stong gsum gyi stong chen po'i 'jig rten gyi khams na yod pa'i me tog gi rigs la de na med pa gang yang med do//

  804. 404a

    @grong khyer de'i nang na skyed mos tshal lnga brgya yod de thams cad kyang rin po che sna bdun gyi rang bzhin rnam par bkra zhing blta na sdug pa sha stag ste/ skyed mos tshal de dag re re na yang rdzing bu khor yug tu rgyang grags kyi tshad tsam lnga brgya lnga rgya yod de/ rdzing bu de dag thams cad nas rin po che sna bdun gyi rang bzhin gyi me tog ut+pa la dang ku mu da dang / pad+ma dkar po rnam par bkra zhing blta na sdug pa dag skyes te/ de dag gis chu de dag gis khebs shing / ut+pal dang ku mud dang pad+ma dkar po bzang po de dag thams cad kyang chu zheng du shing rta'i 'khor lo tsam ste/ dri bzang ba sngon po kha dog sngon po sngon por ston pa/ sngon por snang ba/ ser po kha dog ser po ser por ston pa ser por snang ba/ dmar po kha dog dmar po dmar por ston pa dmar por snang ba dkar po kha dog dkar po dkar por ston pa dkar bor snang ba dag yod do// rdzing bu de dag thams cad na ngang ngur dang / khrung khrung dang / ka raN+Da dang / swa ras sgra 'byin pa dag yod do// skyed mos tshal de dag tham cad kyang nga yir bya ba med cing yongasu 'dzin pa med de/ 'di ltar yun ring por sems can de dag shes rab kyi pha rol tu phyin pa la spyod cing / sangs rgyas kyi tshul la gus par byed pa rjes su 'gro ba'i thos pa dang sems pa legs par rtogs pa/ yun ring por chos zab mo la mos pa'i sems can de dag nyid sngon gyi las kyi rnam

  805. 404b

    par smin pas grub pa yin no// de la rigs kyi bu grong khyer spos dang ldan pa des dbus kyi bzhi mngon byang chub sems dpa' sems dpa' chen po chos 'phags kyi khang pa rin po che sna bdun las byas khor yug tu dpag tshad kyi tshad tsam rnam par bkra zhing blta na sdug pa ra ba rim pa bdun dang ta la'i phreng ba rim pa bdun gyis yongasu bskor ba zhig yod de/ khang pa de na khang pa'i longs spyad pa dang nye bar longs spyad pa dang yongs su longs spyad pa dag rtag tu dga' ba zhes bya ba'i skyed mos tshal dang / mya ngan med ces bya ba dang mya ngan dang bral ba zhes bya ba dang / me tog sna tshogs pa zhes bya ba'i skyed mos tshal dang skyed mos tshal bzhi yod de/ skyed mos tshal de dag re re na yang 'di lta ste/ rdzing bu bzang po zhes bya ba dang bzang mchog ces bya ba dang / dga' ba zhes bya ba dang dga' mchog ces bya ba dang bde ba zhes bya ba dang bde mchog ces bya ba dang nges pa zhes bya ba dang mi 'bab pa zhes bya ba brgyad brgyad yod de/ de yang rdzing bu de dag gi ngos gcig ni gser gyi rang bzhin// ngos gnyis pa ni dngul gyi rang bzhin/ ngos gsum pa ni bai DUr+ya'i rang bzhin/ ngos bzhi pa ni shel gyi rang bzhin/ 'og gi sa gzhi ni kar ke ta na'i rang bzhi la gser gyi bye ma gdal ba ste/ rdzing bu de dag re re la yang them skas them pa rin che'i rang bzhin sna tshogs pa rnam pa tha dad pas brgyan pa brgyad brgyad yod de/ them

  806. 405a

    @skas de dag thams cad kyi bar nas kyang 'dzam bu chu bo'i gser gyi shing ljon pa dag skyes so// rdzing bu de dag thams cad kyi me tog ut+pal dang / ku mud dang / pad+ma dkar po sna tshogs kyis khebs shing dang dur dang / khrung khrung dang / ka raN+Da dang / sA ra sa rnams skad 'byin to// rdzing bu de dag gi khor yug tu me tog gi shing rnam pa sna tshogs skyes te/ me tog gi shing de dag la rlung gis skyod pa dang / me tog rnams rdzing bu'i nang du lhung bas/ rdzing bu de dag thams cad kyi chu yang tsan dan gyi drir phyogs shing kha dog dang ldan dri dang ldan ro dang ldan reg dang ldan no// de na byang chub sems dpa' sems dpa' chen po chos 'phags 'khor dang bcas pa bud med drug khri brgyad stong dang lhan cig tu 'dod pa'i yon tan lnga dang ldan zhing dbang du gyur pa de/ rtse dga' zhing dga' mgur spyod do// grong khyer de na skyes pa dang bud med gang gzhan dag 'khod pa de dag thams cad kyang skyed mos tshal lam/ rdzing bu dag na rtag tu dga' zhing 'dod pa'i yon tan lnga dang ldan nas dbang du gyur te rtse dga' zhing dga' mgur spyod do// yang byang chub sems dpa' sems dpa' chen po chos 'phags de dus de srid du 'khor rnams dang lhan cig tu rtse dga' zhing dga' mgur spyod par byed cing dus de ni dus gsum du shes rab kyi pha rol tu phyin pa ston to// sems can gang dag grong khyer spos ldan 'khod pa de dag kyang grong khyer

  807. 405b

    gyi dbus kyi bzhi mdor byang chub sems dpa' sems dpa' chen po chos 'phags kyi khri gser gyi rkang pa dang dngul gyi rkang pa dang / bai DUr+ya'i rkang pa dang shel gyi rkang pa btsugs pa/ shing bal bting ba stan par tshangs can bting ba steng snying po can du byas pa ka shi ka'i gos bting ba 'phang du rgyang grags phyed yod pa bshams te/ steng gi bar snang la yang gos kyi bla re mu tig gis brgyan pa bres pa la ci 'di legs par gnas sam snyam pa/ legs par gnas pa sna tshogs pa rnam par smin pas lhar cig tu mnyam par rab tu 'dzin par byed cing sa phyogs de kho ra yug tu yang me tog kha dog sna lnga pa dag mngon par gtor rab tu gtor yang dag par gtor bar byed la ci ltar yang 'di chos kyi bsam pa rnam par dag pa dang / byang chub sems dpa' sems dpa' chen po chos 'phags chos la gus pas sa phyogs de yang dri dang bdug pa sna tshogs kyis shin tu bdug pa byed do// de la byang chub sems dpa' sems dpa' chen po chos 'phags 'dug nas shes rab kyi pha rol tu phyin pa ston te/ rigs kyi bu sems can de dag ni de ltar chos la gus pa byed cing chos rnams la brten pa dang dad pa dang ldan pas dad pa dang dad pa skyed pas byang chub sems dpa' sems chen po chos 'phags kyi drung du shes rab kyi pha rol tu phyin pa nyan to// de na gang dag nyan pa'i lha dang mi srog chags brgya phrag mang po dang / srog chags stong phras

  808. 406a

    @mang po dang srog chags brgya stong phrag mang po tshogs pa de dag las la la ni lung 'bogs/ la la ni kha ton byed/ la la ni yi ger 'dri/ la la ni tshul bzhin yid la byed pas rtogs par byed de sems can de dag thams cad kyang log par mi ltung ba'i chos can te/ bla na med pa yang dag par rdzogs pa'i byang chub las phyir mi ldog pa yin no// rigs kyi bu khyod byang chub sems dpa' sems dpa' chen po ches 'phags de'i drung du song zhig dang de las shes rab kyi pha rol tu phyin pa thos par 'gyur ro// rigs kyi bu de ni yun ring po nas khyod kyi dge ba'i bshes gnyen yin te/ bla na med pa yang dag par rdzogs pa'i byang chub yang dag par ston pa yang dag par 'dzin tu 'jug pa/ yang dag par gzengs bstod pa dang yang dag par rab tu dga' bar byed pa yin no// rigs kyi bu des kyang sngon da ltar khyod ci ltar tshol ba de bzhin du shes rab kyi pha rol tu phyin pa yongs su btsal gyis/ rigs kyi bu khyod nyin mtshan du yid la byed pa rgyun ma bcad par bskyed pas song zhig dang ring por mi thogs par shes rab kyi pha rol tu phyin pa thos par 'gyur ro zhes gsungs so// de nas byang chub sems dpa' sems dpa chen po rtag tu dus de thos nas dga' mgu yi rangs rab tu mgu zhing dga' ba dang yid bde ba skyes par gyur pa 'di lta ste dper na skyes bu mde'u dug can dug can

  809. 406b

    zhig gis phog na yid la byed pa gzhan mi skyed kyi gang dag zug rngu 'di las sgrol zhing bdag sdug bsngal 'di las thar bar byed pa zug rngu 'byin pa'i sman pa bdag gis nam rnyed snyam sems pa de bzhin du byang chub sems dpa' sems dpa' chen po rtag tu ngu yang de'i tshe gang dag la shes rab kyi pha rol tu phyin pa de thos par byed cing chos gang thos nas bdag gi dmigs pa yid la byed pa spong bar 'gyur ba'i rigs kyi bu de bdag gis nam mthong snyam sems pa ma gtogs par chos gang yang yid la mi byed do// de nas byang chub sems dpa' sems dpa' chen po rtag tu dus phyogs de nyid du 'dug pa na/ byang chub sems dpa' sems dpa' chen po chos 'phags de shes rab kyi pha rol tu phyin pa ston pa thos so// thos nas kyang chos thams cad la mi gnas pa'i 'du shes bskyed nas/ de ting nge 'dzin gyi sgo du ma mngon du gyur pa 'di lta ste/ chos thams cad kyi ngo bo nyid la lta ba zhes bya ba'i ting nge 'dzin dang / chos thams cad kyi ngo bo nyid mi dmigs pa zhes bya ba'i ting nge/ 'dzin dang / chos thams cad kyi ngo bo nyid shes pa las nges par 'byung ba zhes bya ba'i ting nge 'dzin dang / chos thams cad tha dad pa med pa zhes bya ba'i ting nge 'dzin dang / chos thams cad 'gyur ba med par mthong ba zhes bya ba'i ting nge 'dzin dang / chos thams cad snang bar byed pa zhes bya ba'i ting nge 'dzin dang / chos thams

  810. 407a

    cad mun pa dang bral ba zhes bya ba'i ting nge 'dzin dang / chos thams cad mi shes pa sel ba zhes bya ba'i ting nge 'dzin dang / chos thams cad rnam par gsal ba zhes bya ba'i ting nge 'dzin dang / chos thams cad mi dmigs pa zhes bya ba'i ting nge 'dzin dang / me tog bkram pa zhes bya ba'i ting nge 'dzin dang / chos tham cad bdag gi dngos po mi bsgrub pa zhes bya ba'i ting nge 'dzin dang / sgyu ma rnam par spangs pa zhes bya ba'i ting nge 'dzin dang / me long gi snang ba bsgrub pa zhes bya ba'i ting nge 'dzin dang / sems can thams cad kyi sgra sgrub pa zhes bya ba'i ting nge 'dzin dang / rdul med pa zhes bya ba'i ting nge 'dzin dang / sems can thams cad mngon par dga' ba zhes bya ba'i ting nge 'dzin dang / sems can thams cad kyi sgra la mkhas pa'i rjes su song ba zhes bya ba'i ting nge 'dzin dang / sgra dang tshig dang yig 'bru sna tshogs mngon par sgrub pa zhes bya ba'i ting nge 'dzin dang / khengs pa med pa zhes bya ba'i ting nge 'dzin dang / rang bzhin gyi tha snyad med pa zhes bya ba'i ting nge 'dzin dang / sgrib pa med pa'i rnam par thar pa thob pa zhes bya ba'i ting nge 'dzin dang / rdul dang bral ba zhes bya ba'i ting nge 'dzin dang / ming dang nges pa'i tshig dang yi 'bru zhes bya ba'i ting nge 'dzin dang / chos thams cad la rnam par lta ba zhes bya ba'i ting nge 'dzin dang / chos thams cad yul dang bral ba zhes bya ba'i ting nge 'dzin dang /

  811. 407b

    chos thams cad la sgrib pa med pa'i mtha' zhes bya ba'i ting nge 'dzin dang / na mkha' dang mtshungs pa zhes bya ba'i ting nge 'dzin dang rdo rje lta bu zhes bya ba'i ting nge 'dzin dang / gzugs kyi rdul sel ba zhes bya ba'i ting nge 'dzin dang / phun sum tshogs pa zhes bya ba'i ting nge 'dzin dang / rgyal ba thob pa zhes bya ba'i ting nge 'dzin dang / phyir mi ldog pI ces bya ba'i ting nge 'dzin dang / chos kyi dbyings su nges pa zhes bya ba'i ting nge 'dzin dang / chos kyi dbyings las nges par 'byung ba zhes bya ba'i ting nge 'dzin dang / dbugs 'byin pa sbyin pa zhes bya ba'i ting nge 'dzin dang / seng ge mngon par sgrogs pa zhes bya ba'i ting nge 'dzin dang / sems can thams cad zil gyis gnon pa zhes bya ba'i ting nge 'dzin dang / rdul dang rnam par bral ba zhes bya ba'i ting nge 'dzin dang kun nas nyon mongs pa med pa zhes bya ba'i ting nge 'dzin dang / pad+ma bkod pa zhes bya ba'i ting nge 'dzin dang / nem nur gcod pa zhes bya ba'i ting nge 'dzin dang / snying po thams cad kyi rjes su song ba zhes bya ba'i ting nge 'dzin dang / chos thams cad las mngon par 'phags pa zhes bya ba'i ting nge 'dzin dang / mngon par shes pa dang stobs dang mi 'jigs pa thob pa zhes bya ba'i ting nge 'dzin dang / chos thams cad la nges par 'bigs pa zhes bya ba'i ting nge 'dzin dang / chos thams cad kyi 'byor pa'i phyag rgya zhes bya ba'i ting nge 'dzin dang / chos thams cad kyi

  812. 408a

    @'byor pa'i rgya mtsho zhes bya ba'i ting nge 'dzin dang / chos bams thams cad bye brag med par lta ba zhes bya ba'i ting nge 'dzin dang / lta bar gyur pa'i thibs po thams cad rnam par spong ba zhes bya ba'i ting nge 'dzin dang / mun pa dang bral ba zhes bya ba'i ting nge 'dzin dang / chos thams cad mtshan ma dang bral ba zhes bya ba'i ting nge 'dzin dang / chags pa thams cad las rnam par grol ba zhes bya ba'i ting nge 'dzin dang / le lo thams cad dang bral ba zhes bya ba'i ting nge 'dzin dang / chos zab mo'i 'od byed pa zhes bya ba'i ting nge 'dzin dang / ri rab 'dra ba zhes bya ba'i ting nge 'dzin dang / mi 'phrogs pa zhes bya ba'i ting nge 'dzin dang / bdud kyi dkyil 'khor rnam par sel bar byed pa zhes bya ba'i ting nge 'dzin dang / 'jig rten gsum la mngon par ma chags pa zhes bya ba'i ting nge 'dzin dang / 'od zer sgrub pa zhes bya ba'i ting nge 'dzin dang / de bzhin gshegs pa mthong ba zhes bya ba'i ting nge 'dzin dang / de bzhin gshegs pa thams cad mthong ba zhes bya ba'i ting nge 'dzin dang / nge 'dzin de dag la gnas pas phyogs bcu'i 'jig rten gyi khams na sangs rgyas bcom ldan 'das gzhal du med grangs med pa dag byang chub sems dpa' sems dpa chen po dag la shes rab kyi pha rol tu phyin pa 'di nyid rab tu ston pa dag mthong ste/ de bzhin gshegs pa de dag gis leg so zhes bya ba byin nas dbugs dbyung ba mdzad

  813. 408b

    de/ tshig 'di skad ces rigs kyi bu nged kyis kyang sngon byang chub sems dpa'i spyad pa spyod pa na shes rab kyi pha rol tu phyin pa 'di bzhin du yongs su btsal te/ longs su tshol ba na yang gang 'dir khyod kyi thob pa'i ting nge 'dzin 'di lta bu nyid dag thob ste/ ting nge 'dzin 'di dag thob nas shes rab kyi pha rol tu phyin pa la rtogs par khong du chud par gyur te/ phyir mi ldog pa'i sangs rgyas kyi chos la gnas par gyur to// nged kyis ting nge 'dzin 'di dag gi ngo bo nyid dang rang bzhin la bltas na/ gang mnyam par gzhag pa bya ba 'am/ ldang bar bya ba 'am/ gang byang chub tu spyad par bya ba 'am gang bla na med pa yang dag par rdzogs pa'i byang chub mngon par rdzogs par 'chang rgya bar bya ba'i chos de gang yang yang dag par rjes su ma mthong ngo // rigs kyi bu 'di ni shes rab kyi pha rol tu phyin pa de yin te/ chos gang gis kyang rlom sems sam/ rlom sems med par mi byed pa la gnas nas/ nged kyis 'di 'dra ba'i lus gser gyi kha dog lta bu thob ste/ skyes bu chen po'i mtshan sum cu rtsa gnyis dang / dpe byad bzang po brgyad cu dang 'od 'dom gang ba dang sangs rgyas kyi ye shes dang / sangs rgyas kyi shes rab bsam gyis mi khyab pa/ bla na med pa dang sangs rgyas kyi ting nge 'dzin bla na med pa dang / sangs rgyas kyi chos kyi yon tan thams cad kyi pha rol tu phyin pa rjes su thob ste/ yon tan gyi pha rol tu phyin pa de la re shig de bzhin gshegs pa dag gi/

  814. 409a

    kyang tshad gzung ba 'am/ mtha' bstan par mi nus na nyan thos dang rang sangs rgyas dag gis lta ci smos/ rigs kyi bu de lta bas na khyod kyis chos 'di dag nyid la rab du don du gnyer ba dang 'dod pas gus pa mchog tu bskyed par bya ste/ rigs kyi bu don du gnyer ba dang 'dod pa la ni bla na med pa yang dag par rdzogs pa'i byang chub rnyed par dka' ba ma yin no// rigs kyi bu khyod kyis dge ba'i bshes gnyen la shin tu gus pa bskyed par bya'o// phangs par bya'o// rab tu dang bar bya'o// dge ba'i bshes gnyen gyis yongs su zin pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub mngon par rdzogs par 'tshang rgya'o// zhes kyang gsungs so// de nas de bzhin gshegs pa de dag la byang chub sems dpa' sems dpa' chen po rtag tu dus 'di skad ces bdag gi dge ba'i bshes gnyen gang lags zhes gsol to// de dag gis de la 'di skad ces rigs kyi bu khyod yun ring po nas byang chub sems dpa' sems dpa' chen po chos 'phags kyis bla na med pa yang dag par rdzogs pa'i byang chub tu yongs su smin par byas shing yongs su bzung ste/ shes rab kyi pha rol tu phyin pa dang thabs mkhas pa dang sangs rgyas kyi chos rnams la bslabs so// rigs kyi bu de ni khyod kyi dge ba'i bshes gnyen yongs su 'dzin pa yin te/ byas pa shes pa dang byas pa

  815. 409b

    tshor bas de bsgo ba dang des byas pa bzhin du zungs shig/ rigs kyi bu gal te khyod kyis byang chub sems dpa' sems dpa' chen po chos 'phags la bskal pa gcig gam bskal pa gnyis sam bskal pa gsum mam/ bskal pa brgya 'am/ bskal pa stong ngam/ bskal pa brgya stong ngam/ de las lhag par yang mgo la thod bzhin du thogs shing bde ba'i yo byad thams cad kyis rim gror byas te/ stong gsum gyi stong chen po'i 'jig rten gyi khams na gzugs dang sgra dang dri dang ro dang reg pa ci snyed yod pa de dag thams cad phul yang rigs kyi bu khyod kyi rigs kyi bu de'i byas pa de nyid la lan lon pa ma yin no// de ci'i phyir zhe na/ rigs kyi bu de'i mthus khyod kyis 'di lta bu'i ting nge 'dzin rnams rnyed par gyur to// shes rab kyi pha rol tu phyin pa dang thabs mkhas pa thos shing shes rab kyi pha rol tu phyin pa thob par gyur to// zhes bka' stsal to// de nas de bzhin gshegs pa de dag gis byang chub sems dpa' sems dpa' chen po rtag tu du dbugs phyung nas mi snang bar gyur te/ rigs kyi bu de yang ting nge 'dzin de dag las langs te langs nas kyang 'di snyam du sems so// de bzhin gshegs pa de dag gang nas byon de bzhin gshegs pa de dag gang du bzhud snyam ste/ de de bzhin gshegs de dag ma mthong bas rab tu gdung zhing mi dga' bar gyur to// yang de 'di snyam du sems te/ 'phags pa byang chub

  816. 410a

    sems dpa' sems dpa' chen po chos 'phags ni gzungs thob pa/ mngon par shes pa lnga dang ldan pa/ sngon gyi rgyal ba rnams la lhag par bya ba byas pa ste/ bdag gi dge ba'i bshes gnyen yang dag par yongs su 'dzin pa/ yun ring po nas des bdag gi don byas pa yin gyis/ bdag byang chub sems dpa' sems dpa' chen po chos 'phags kyi drung du mngon par song ste nye bar phyin nas de bzhin gshegs pa de dag gang nas byon/ de bzhin gshegs pa de dag gang du bzhud ces don 'di nyid dri'o snyam mo// de nas byang chub sems dpa' sems dpa' chen po rtag tu du byang chub sems dpa' sems dpa' chen po chos 'phags la dga' ba dang dad pa dang ri mo dang gus par bya ba nye bar bzhag nas 'di snyam du sems so// bdag gis ci lta bu'i bkur stir bya bas byang chub sems dpa' sems dpa' chen po chos 'phags de'i drung du 'gro bar bya/ bdag ni dbul te gang gis byang chub sems dpa' sems dpa' chen po chos 'phags la bdag gis bkur stir bya ba'i gos sam rin po che'am/ gser ram nor bu'am mu tig gam bai DUr+ya 'am dung ngam man shel lam byi ru'am dngul lam me tog gam bdug pa 'am dri 'am phreng ba 'am byug pa 'am phye ma 'am chos gos sam/ gdugs sam rgyal mtshan nam/ dril bu 'am ba dan de lta bu yang bdag la med na/ bdag 'di

  817. 410b

    bzhin du byang chub sems dpa' sems dpa' chen po chos 'phags kyi drung du song na ni bdag gis mi rigs pa byas par 'gyur te/ bdag dga' ba 'am rangs pa yang mi skye'o snyam du bsams so// de nas byang chub sems dpa' sems dpa' chen po rtag tu ngu de lta bu'i yon tan dag dang bla ma la gus pa yid la byed pa dag dang ldan pas song nas mthar gyis grong khyer gzhan zhig tu phyin par gyur to// de nas byang chub sems dpa' sems dpa' chen po rtag tu du grong bar gyi srang ga la ba der song ste de'i grong bar gyi dbus su phyin nas de 'di snyam du 'di ltar bdag gi lus bcong la/ de'i rin gyis byang chub sems dpa' sems dpa' chen po chos 'phags la bkur stir bya'o// yun ring po nas bdag gi lus stong zhig cing zad de/ 'gags par btsongs so// 'khor ba dpag tu med pa na 'dod pa'i rgyu dang / 'dod pa'i gzhis yang dang yang sems can dmyal ba'i sdug bsngal dpag tu med pa dag myong yang 'di lta bu'i chos kyi phyir ram 'di lta bu'i sems can chen po la bkur sti bya ba'i phyir ma yin no snyam du bsams so// de nas byang chub sems dpa' sems dpa' chen po rtag tu dus grong bar gyi tshong 'dus kyi dbus su 'dug ste mi su 'dod mi su 'dod mi su nyo bar 'dod ces sgra sgrags shing skad kyis bos so// de nas bdud sdig can gyis 'di snyam du byang chub sems dpa' sems dpa' chen po rtag tu ngu 'di ni chos 'dod pa'i phyir 'di ni bdag

  818. 411a

    nyid btsongs nas byang chub sems dpa' sems dpa' chen po chos 'phags la bkur stir byed cing / ci ltar byang chub sems dpa' sems dpa' che pos shes rab kyi pha rol tu phyin pa la spyad na myur du bla na med pa yang dag par rdzogs pa'i byang chub yongs su rdzogs par 'gyur zhes shes rab kyi pha rol tu phyin pa dang thab la mkhas pa yongs su 'dri bar 'gyur te/ des thos pa rgya mtsho rjes su thob par 'gyur/ bdud dang bdud kyi ris kyi lha dag gis mi thub par 'gyur/ yon tan thams cad kyi pha rol tu phyin pa rjes su thob par 'gyur ro// der sems can mang po dag gi don byed par 'gyur/ bla na med pa yang dag par rdzogs pa'i byang chub mngon par rdzogs par sangs rgyas nas de dag gzhan dag kyang nga'i yul las 'da' bar byed par 'gyur gyis/ bdag gis 'di'i bar chad bya'o snyam du bsam so// de nas bdud sdig can gyis ci nas bram ze dang khyim bdag de dag gis/ byang chub sems dpa' sems dpa' chen po rtag tu dus mi su 'dod mi su 'dod mi su nyo bar 'dod ces zer ba'i sgra ci ltar mi thos par 'gyur ba de ltar yongs su bsgribs so// de nas byang chub sems dpa' sems dpa' chen po rtag tu du gang gi tshe bdag nyo ba ma rnyed pa de'i tshe/ phyogs gcig tu song nas dungus te mchi ma phyung nas 'di skad du bdag gi lus btsongs la byang chub sems dpa' sems dpa' chen po chos 'phags la bkur sti bya

  819. 411b

    snyam na/ lus nyo ba yang bdag gis ma rnyed de/ kye ma bdag ni thob pa ngan pa thob bo zhes smras so// de nas lha rnams kyi dbang po brgya byin gyis 'di snyam du 'di ltar byang chub sems dpa' sems dpa' chen po rtag tu du 'di lta ste chos 'dod pa'i phyir/ bdag gi lus yongs su btang bar lhag pa'i bsam pa phun sum tshogs pa yin no ma yin pa byang chub sems dpa' sems dpa' chen po rtag tu ngu bdag gis sad par bya'o snyam du bsams so// de nas lha rnams kyi dbang po brgya byin bram ze'i khye'u'i cha byad du mngon par sprul nas/ byang chub sems dpa' sems dpa' chen po rtag tu du ga la ba der song ste 'ongs nas byang chub sems dpa' sems dpa' chen po rtag tu du la 'di skad ces smras so// rigs kyi bu 'di ltar khyod yid mi dga' zhing gdong la mchi ma byung zhing gnas pa ci nyes de la rtag tu dus 'di skad ces smras so// tham ze'i khye'u nga'i gus btsongs par 'dod na lus 'di nyo ba yang ma rnyed do// brgya byin bram ze'i khye'u'i gzugs can gyis smras pa/ rigs kyi bu khyod ci'i phyir bdag nyid 'tshong bar 'dod/ rtag tu ngus de la smras pa/ bram ze'i khye'u nga ni chos 'dod pa'i phyir bdag nyid btsongs te/ chos la mchod par bya bar 'dod cing 'phags pa bya chub sems dpa' sems dpa' chen po chos 'phags la yang bkur sti bya bar 'dod na/ lus nyo ba de ngas ma rnyed nas de la nga 'di snyam du sems so// kye ma nga ni bsod

  820. 412a

    nams chung bas 'di ltar lus btsongs te/ shes rab kyi pha rol tu phyin pa la mchod pa bya ba dang / 'phags pa byang chub sems dpa' sems dpa chen po chos 'phags la yang bkur sti bya snyam na/ bdag gi lus nyo ba yang ma rnyed do snyam mo// de nas bram ze'i khye'u des byang chub sems dpa' sems dpa' chen po rtag tu ngul 'di skad ces smras so/ rigs kyi bu ngal mis ni bya ba med kyi 'on kyang nga mchod sbyin zhig byed de/ der mi'i snying dang khrag dang rus pa dang / rkang dag nga la dgos na de'i rin gyis nyor byin cig ces byas pa dang / de nas byang chub sems dpa' sems dpa' chen po rtag tu ngu 'di snyam du sems te/ gang bdag gis bram ze'i khye'u 'di bdag gi snying dang khrag dang rus pa dang rkang nyo ba rnyed pa 'di ni bdag gis rnyed pa'i mchog legs par rnyed do// bdag gis lus ni shes rab kyi pha rol tu phyin pa dang thabs mkhas pa dang sangs rgyas kyi chos rnams yongs su rdzogs par 'gyur ro snyam nas/ de sems dga' ba dang sems bde ba dang sems rab tu dga' bar gyur nas bram ze'i khye'u de la 'di skad ces smras so/ bram ze'i khye'u nga'i lus 'di las khyod gang dang gang 'dod pa sbyin no// des de la 'di skad ces smras so// rigs kyi bu khyod rin du ci 'dod pa sbyin no// zhes byas pa rtag tu du des de la 'di skad ces smras so// bram ze khye'u khyod kyis gang

  821. 412b

    yongs su btang ba deng la byin cig/ de nas byang chub sems dpa' sems dpa' chen po thogs nas lag pa g.yas pa phug ste khrag gzags so// brla g.yas pa sha med par gtogs nas rus pa gcog tu rtsig pa'i drung du song ngo // de nas tshong dpon gyi bu mo zhig khang pa'i yang thog na 'dug pa des byang chub sems dpa' sems dpa' chen po rtag tu du khrag mang po 'dzag pa dang / brla sha med par gtogs nas rus pa gcog tu rtsig pa'i drung du song ba mthong nas/ de 'di snyam du sems te// rigs kyi bu 'di ci'i phyir bdag nyid la bdag nyid 'di lta bu'i na tsha byed pa bdag rigs kyi bu de'i drung du song ste dri'o snyam mo// de nas tshong dpon gyi bu mo de byang chub sems dpa' sems dpa' chen po rtag tu du ga la ba der song ste phyin nas/ byang chub sems dpa' sems dpa' chen po rtag tu ngu la 'di skad ces smras so// rigs kyi bu khyod ci'i phyir bdag nyid la 'di lta bu'i na tsha dag byed/ khrag dang rus pa dang rkang 'dis ci zhig bya/ rtag tu dus de la smras pa/ bu mo bram ze'i khye'u 'di la lus gtsengs te/ shes rab kyi pha rol tu phyin pa la mchod par bya'o// 'phags pa byang chub sems dpa' sems dpa' chen po chos 'phags la yang bkur sti bya'o// de nas tshong dpon gyi bu mo des byang chub sems dpa' sems dpa' chen po rtag tu ngu la 'di skad ces smras so// rigs kyi bu khyod 'di ltar bdag

  822. 413a

    gi snying dang khrag dang rus pa dang rkang yang btsongs te/ rigs kyi bu de la bkur sti bya bar 'dod pa khyod la yon tan gyi rigs yon tan gyi khyad par ci zhig 'grub par 'gyur/ des bu mo de la 'di skad ces bu me rigs kyi bu de ni gang langs bslab par bya ba'i shes rab kyi pha rol tu phyin pa dang / thabs mkhas pa dag ston par 'gyur te/ de la ngas bslabs na bla na med pa yang dag par rdzogs pa'i byang chub mngon par rdzogs par sangs rgyas nas sems can thams cad kyi rten du 'gyur lus gser gyi kha dog lta bu yang thob par 'gyur/ skyes bu chen po'i mtshan sum cu rtsa gnyis dang / dpe byad bzang po brgyad cu dang 'od 'dos gang ba dang / 'od zer mtha' yas pa dang byams pa chen po dang snying rje chen po dang dga' ba chen po dang btang snyoms chen po dang mi 'jigs pa bzhi rab tu thob par 'gyur/ so so yang dag par rig pa bzhi rab tu thob par 'gyur/ sangs rgyas kyi chos ma 'dres pa bco brgyad kyang rab tu thob par 'gyur/ mngon par shes pa lnga bsam gyis mi khyab pa/ dang / tshul khrims rnam par dag pa bsam gyis mi khyab pa dang / ting nge 'dzin rnam par dag pa bsam gyis mi khyab pa dang / shes rab rnam par dag pa bsam gyis mi khyab pa dang / de bzhin gshegs pa'i stobs bcu rab tu thob par 'gyur/ bla na med pa'i sangs rgyas kyi ye shes kyang mngon par rdzogs par 'tshang rgya bar 'gyur/

  823. 413b

    gang gis sems can thams cad la kun tu mgo sha bya ba'i bla na med pa'i chos rin po che yang rab tu thob par 'gyur ro zhes smras so// de nas tshong dpon gyi bu mo des byang chub sems dpa' sems dpa' chen po rtag tu ngu la 'di skad ces rigs kyi bu khyod kyis 'di ltar chos rgya chen po phul du byung ba 'di dag yongs su brjod pa ni ngo mtshar te/ rigs kyi bu chos kyi don 'di lta bu re re'i phyir yang bskal pa gang gi'i klung gi bye ma snyed du lus yongs su btang bar bya ba yin na mang po'i phyir lta ci smos te/ de tsam du khyod kyis chos 'di dag rgya che zhing phul du byung ba yongs su brjod pa ci lta bar bdag kyang 'dod cing bzod do// de lta na yang rigs kyi bu khyod gang dang gang gis byang chub sems dpa' sems dpa' chen po ches 'phags la bkur sti bya ba'i gser ram nor bu 'am mu tig gam bai DUr+ya 'am/ dngul lam mu sa la gardza 'am lo hi ta ra ga 'am shel lam me tog gam gdug pa 'am dri 'am phreng ba 'am byug pa 'am phye ma 'am gos sam gdugs sam rgyal mtshan nam/ dril bu 'am ba dan na mar me khyod la ci dgos pa de dang de khyod la byin gyis bdag nyid la 'di lta bu'i sdug bsngal ma byed cig/ bdag kyang khyod dang 'grogs te 'phags pa byang chub sems dpa' sems dpa' chen po chos 'phags ga la ba der dong la bdag kyang khyod dang lhan cig tu 'di lta ste/ de lta bu'i chos de dag thob par bya ba'i phyir dge ba'i rtsa ba

  824. 414a

    bskyed par bya'o zhes smras so// de nas lha rnams kyi dbang po brgya byin gyis bram ze'i khye'u'i cha byad mi snang bar byas nas bdag nyid kyi lus su byang chub sems dpa' sems dpa' chen po rtag tu dus mdun du 'dug nas 'di skad ces rigs kyi bu khyod de lta bu'i yi dam la brtan pa dang / de lta bu'i chos don du gnyer ba 'di ni legs so leg so// sngon gyi de bzhin gshegs pa dgra bcom pa yang dag par rdzogs pa'i sangs rgyas dag gis sngon byang chub sems dpa'i spyad pa spyod pa na shes rab kyi pha rol tu phyin pa dang thabs mkhas pa yongs su zhus pas chos rin po che shin tu thob nas bla na med pa yang dag par rdzogs pa'i byang chub mngon par rdzogs par sangs rgyas so// rigs kyi bu nga la snying dang khrag dang rus pa dang rkang gis bya ba med kyi nga khyod sad pa'i phyir 'dir 'ongs kyis rigs kyi bu khyod kyis phyogs bslongs shig/ rigs kyi bu khyod la mchog ci lta bu zhig sbyin par bya zhes smras so// des de la smras pa/ brgya byin sangs rgyas kyi chos bla na med pa dag bdag la stsol cig/ brgya byin gyis smras pa/ rigs kyi bu yul 'di la ni nga'i nus pa yod pa ma yin te/ yang yul 'di sangs rgyas bcom ldan 'das rnams kyi yul du gyur pa yin gyis/ mchog gzhan slongs shig/ rtag tu ngus smras pa/ bdag gis lus yongs su rdzogs par bya ba'i

  825. 414b

    gnas 'di la ni lha'i dbang po brgya byin khyod brtson pa chung bar gyis shig/ lha rnams kyi dbang po nga'i lus 'di la bdag nyid kyi bden pa'i byin gyis brlabs bya'o// lha rnams kyi dbang po bden pa gang gis bdag bla na med pa yang dag par rdzogs pa'i byang chub las phyir mi ldog par de bzhin gshegs pa dgra bcom pa yang dag par rdzogs pa'i sangs rgyas rnams kyis lung bstan cing bdag gi lhag pa'i bsam pa g.yo med pa mkhyen na bden pa de dang bden pa'i tshig des bdag gi lus sngon gyi ji lta ba bzhin du gyur cig ces byas pa dang / de nas skad cig thang cig yud tsam de la sangs rgyas kyi mthu dang lhag pa'i bsam pa yongs su dag pas byang chub sems dpa sems dpa' chen po rtag tu ngu'i lus sngon gyi ji lta ba bzhin du gnas pa dang nad med pa dang gnod pa med par gyur to// de nas lha rnams kyi dang po brgya byin dang / bdud sdig can yang spobs pa med par gyur te/ byang chub sems dpa' sems dpa' chen po rtag tu ngul len glan par spobs pa ma skyes nas de nyid du mi snang bar gyur to// de nas tshong dpon gyi bu mo des byang chub sems dpa' sems dpa' chen po rtag tu ngu la 'di skad ces smras so// rigs kyi bu khyod tshur shog/ bdag gi khyim gang na yod pa der 'dong ngo // bdag gi pha ma'i drung nas nor blangs te/ 'di ltar chos 'dod pa'i phyir gang gis shes kyi pha rol tu phyin pa de yang mchod par

  826. 415a

    bya ba dang / 'phags pa byang chub sems dpa' sems dpa' chen po chos 'phags de la yang bkur stir bya ba khyod la sbyin no// de nas byang chub sems dpa' sems dpa' chen po rtag tu ngu tshong dpon gyi bu mo de dang 'grogs nas de'i rang gi khyim gang na yod pa der dong ste/ phyin nas sgo drung du bsdad do// de nas tshong dpon gyi bu mo de rang gi khyim du phyin nas pha ma la 'di skad ces smras so// yab yum gser dang dngul dang rin po che dang nor bu dang / gos dang me tog dang gdug pa dang phreng ba dang byug pa dang phye ma dang chos gos dang gdugs dang rgyal mtshan dang dril bu dang ba dan dang rol me'i cha byad sna tshogs dag bdag la stsol cig/ bdag kyang khyed kyis stsal pa'i g.yog mo bu mo lnga brgya 'di dag dang lhan cig dgyer gsol/ byang chub sems dpa' sems dpa' chen po rtag tu ngu dang bdag cag 'grogs te/ byang chub sems dpa' sems dpa' chen po chos 'phags kyi drung du mchod pa bgyi ba'i slad du 'chi'o// de yang bdag cag la chos ston par 'gyur zhing des bdag gis kyang sangs rgyas kyi chos rnams rnyed par 'gyur ro// de nas bu mo de'i phams bu me de la 'di skad ces smras so// bu mo byang chub sem dpa' sems dpa' chen po rtag tu ngu zhes bya ba de su zhig de da lta gang na 'dug bu mos smras pa/ rigs kyi bu de da lta'o skol gyi sgo drung na mchis te/ rigs kyi bu de

  827. 415b

    ni lhag pa'i bsam pas bla na med pa yang dag par rdzogs pa'i byang chub tu mngon par rdzogs par 'tshang rgya bar yang dag par zhugs pa 'di lta ste/ sems can thams cad 'khor ba'i sdug bsngal dpag tu ma mchis pa las thar bar bgyi bar 'tshal bas de chos 'chol ba'i slad du bdag nyid btsongs la shes rab kyi pha rol tu phyin pa la mchod par bgyi bar 'tshal 'phags pa byang chub sems dpa' sems dpa' chen po chos 'phags la yang bkur sti bgyi bar 'tshal na/ de'i lus nyo ba 'ga' yang ma rnyed cing ma rnyed pas sdug bsngal zhing yid mi bde bas mi dga' bar sems shing mchi ma phyung nas mchis pa dang / des nga ni lus 'tshong bar 'dod na lus nyo ba ma rnyed do zhes bgyis pa dang / lha rnams kyi dbang po brgya byin bram ze'i khye'u'i gzugs su bsgyur bas smras pa/ rigs kyi bu khyod sdug bsngal ba dang yid mi bde bas mi dga' bar sems shing mchi ma phyung nas gnas pa ci nyes/ des de la smras pa/ bdag nyid 'tshong bar 'dod na bdag gi de nyo ba yang ma rnyed do bram ze'i khye'u'i gzugs kyi brgya byin gyis smras pa/ rigs kyi bu khyod gang gi phyir lus 'tshong bar 'dod ces bgyis pa dang / rtag tu ngus smras pa/ shes rab kyi pha rol tu phyin pa la mchod par bya ba dang / 'phags pa byang chub sems dpa' sems dpa' chen po chos 'phags de la yang bkur sti bya'o// nga'i sangs rgyas kyi

  828. 416a

    chos rnams ni de la rag las pas 'di lta ste/ chos 'dod pa'i phyir ro zhes bgyis pa dang bram ze'i khye'u'i gzugs kyi brgya byin gyis smras pa/ rigs kyi bu khyod ni nga mi 'dod de/ 'on kyang nga mchod sbyin zhig byed pa der mi'i snying dang khrag dang rus pa dang rkang dag dgos so zhes bgyis pa dang / rigs kyi bu des yi ma sad par de la 'di skad du sbyin no zhes smras nas/ de mtshon rnon po thogs te bdag gi lag phug nas khrag gzags brla sha med par gtogs te rus pa gcog tu rtsig pa'i drung du song nas phyogs gcig tu 'dug ste rus pa dang rkang sbyin no snyam nas rigs kyi bu de khrag gzags pa bdag khang pa'i yang thog na mchis pas mthong ste/ de la bdag 'di snyam du bgyid do// mi 'di ci'i slad du 'di lta bur bdag nyid la bdag nyid na tsha dag bgyid snyam ste/ de'i thad du bdag mchis nas 'di skad du bgyis so// rigs kyi bu 'di ltar bdag nyid kyis bdag nyid kyis lus kyi khrag gzags pa 'dis ci zhig bya zhes bgyis pa dang / de bdag la 'di skad ces mchis te/ bu mo bram ze'i khye'u 'di la khrag dang snying dang rus pa dang rkang sbyin no// de ci'i phyir zhe na/ nga ni dbul te nga la nor gzhan ci yang med do/ zhes mchi'o bdag gis khyod la nor gyis ci zhig bya zhes bgyis pa dang / de bdag la 'di skad du 'di lta ste/ chos 'dod pa'i phyir shes rab kyi pha rol tu phyin pa

  829. 416b

    mchod par bya'o// 'phags pa byang chub sems dpa' sems dpa' chen po chos 'phags la yang bkur stir bya'o zhes mchi nas/ bdag gis de la 'di skad ces bgyis te/ rigs kyi bu des khyod la yon tan gyi ris sam yon tan gyi khyad par ci zhig 'byung bar 'gyur/ des bdag la 'di skad du sangs rgyas kyi yon tan bsam gyis mi khyab pa brjod pa dang / sangs rgyas kyi chos gzhal du med pa rnams rab tu ston par 'gyur ro// 'di lta bu'i sangs rgyas kyi chos rnams de las 'byung bar 'gyur ro zhes bdag la mchi ste/ sangs rgyas kyi yon tan bsam gyis mi khyab pa de dag thos nas bdag kyang dga' ba dang rab tu dga' ba dang mgu ba chen po skyes nas 'di snyam du bgyid de/ rigs kyi bu 'di shin tu chos 'dod pa'i phyir 'di lta bur gang rang gi lus kyi bar du yang mi gnas par spro ba ni dka' ba bgyid pa ste ngo mtshar to// rigs kyi bu 'di ni chos 'dod pa'i phyir bdag nyid kyang yongs su gtong na/ bdag cag la longs spyod gang dag mang zhing rgya che ba dag yod na/ ci'i phyir bdag cag chos la mchod pa mi bgyid/ 'di lta bu'i gnas dag la smon lam ci'i phyir mi gdab snyam nas/ rigs kyi bu de la bdag gis 'di skad ces bgyis so// rigs kyi bu khyod bdag nyid la 'di lta bu'i srog 'phrog pa'i tshul gyi na tsha dag ma byed cig/ khyod don gang gis 'phags pa byang chub sems dpa' sems dpa'

  830. 417a

    @chen po chos 'phags la bkur stir bya ba dang / bla mar bya ba'i nor mang po dag bdag gis ba ma las blangs te bdag kyang khyod dang 'grogs te/ byang chub sems dpa' sems dpa' chen po chos 'phags ga la ba der mchi'o// bdag gis kyang rigs kyi bu de la mchod par bya'o// gang khyod kyis yongs su brjod pa 'di lta ste/ sangs rgyas chos bla na med pa de lta bu'i chos dag bdag gis kyang rdzogs par bgyi'o zhes bgyis na/ yab yum gyis dkor gyi phung po chen po de bdag la stsal ba gnang bar mdzad du gsol/ bdag gis kyang rigs kyi bu de dang lhan cig tu 'phags pa byang chub sems dpa' sems dpa' chen po chos 'phag la mchod par bgyi'o// 'phags pa shes rab kyi pha rol tu phyin pa brgyad stong pa/ bam po nyi shu bzhi pa/ de nas bu mo de'i pha mas bu mo de la 'di skad ces smras so// rigs kyi bu de'i dka' ba'i gnas dag khyod kyis bstan pa las na chos de dag ni gcig tu nges par bsam gyis mi khyab pa 'jig rten/ thams cad las khyad par du 'phags pa sems can thams cad bde ba thob par byed pa'i bar ni ngo mtshar to// rigs kyi bu gang dag de dag gi phyir de lta bu'i dka ba'i gnas dag la spro bar byed na khyod dad kyis gnang gis/ bu mo dad kyang khyod dang lhan cig tu byang chub sems dpa' sems dpa' chen po chos 'phags pa

  831. 417b

    ba dang phyag bya ba dang bsnyen bkur bya ba dang mchod pa byed du 'gro yis nged 'gro ba'i go skabs phye zhig/ de nas tshong dpon gyi bu mo de byang chub sems dpa' sems dpa' chen po chos 'phags la mchod par bya ba dang / bkur sti bya ba'i phyir chas te/ rang gi pha ma la rig pa byas nas 'di skad ces/ yab yum ci skad gsungs pa de bzhin du mdzod cig dang bdag ni dge ba'i phyogs gang gis yang bar chad mi bgyid do// zhes smras nas tshong dpon gyi bu mo de byang chub sems dpa' sems dpa' chen po chos 'phags la mchod pa dang bkur stir bya ba'i phyir chas par gyur to// de nas tshong dpon gyi bu mo des shing rta lnga brgya yang brgyan gyis brgyan/ bu mo lnga brgya de dag kyang rgyan gyis brgyan to// rgyan gyis brgyan nas me tog kha dog sna tshogs pa dag dang gos kha dog sna tshogs thogs te bdug pa dang dri dang phreng ba dang byug pa dang phye ma dang chos gos dang gdugs dang rgyal mtshan dang dril bu dang ba dan dag thogs/ rin po che sna tshogs tha dad pa dag dang rin po che sna tshogs rnam pa tha dad pa'i rang bzhin gyi me tog dag kyang thogs/ bza' ba dang bca' ba dang myang ba mang po pha mas kyang thogs nas byang chub sems dpa' sems dpa' chen po rtag tu ngu dang shing rta gcig tu lhan cig tu zhugs te/ bu mo lnga brgya shing rta lnga brgya'i nang du zhugs pa de dag gi yongs su bskor cing mdun du bdar nas pha ma la sogs pa 'khor mang

  832. 418a

    po dang shar phyogs ga la ba der logs su dong ste mthar gyis song ba dang / byang chub sems dpa' sems dpa' chen po rtag tu ngus rgyang ring mo/ nas/ grong khyer spos ldan rin po che sna bdun rnam par bkra ba lta na sdug pa las byas pa/ rin po che sna bdun gyi rang bzhin gyi rab rim pa bdun gyis bskor gA rta khabs bdun yod pa/ 'obs rim pa bdun dang shing rta la'i phreng ba rim pa bdun gyis yongs bskor ba/ chur dpag tshad bcu gnyis zheng du dpag tshad bcu gnyis yod pa/ 'byor cing rgyas pa bde ba lo legs pa/ mi dang skye bo mang po'i gang ba/ bar gyi tshong khang gyi phreng ba ri mo sna tshogs su bris pa lta bur blta na sdug pa/ bigags pa gyur pa mnyam zhing mtshungs pa skye bo khyogs kyi gzhon pa dang rkang gis 'gro ba'i gnas mdzer dog med par gnas pa lnga brgya dag gis legs par bsgrub pa grong khyer de'i dbus kyi bzhi mngon byang chub sems dpa' sems dpa' chen po chos 'phags chos kyi khri la 'dug nas 'khor brgya phrag du ma dang 'khor stong phrag du ma dang / 'khor brgya stong phrag du mas yangasu bskor cing mdun du byas nas chos ston pa mthong ste/ mthong ma thag tu de 'di lta bu'i bde ba thob pa 'di lta ste dper na dge slong bsam gtan dang rtse cig tu yid la byed pas snyoms par zhugs pa bzhin no/ de mthong nas 'di snyam du sems par gyur te bdag shing rta'i nang

  833. 418b

    du zhugs bzhin du byang chub sems dpa' sems dpa' chen po chos 'phags kyi drung du 'gro ba ni bdag gis mi cha'o snyam nas shing rta las babs so// de nas shing rta de las babs pa dang gzhan tshong dpon gyi bu mo de dang bu mo lnga brgya po de dag kyang mnyam du shing rta las babs so// de nas byang chub sems dpa' sems dpa' chen po rtag tu ngu tshong dpon gyi bu mo la sogs pa bu mo lnga rgyas yongs su bskor cing mdun du bdar te/ mchod pa'i bkod pa tshad med pa dang / byang chub sems dpa' sems dpa' chen po chos 'phags ga la ba der dong ngo // yang de'i tshe byang chub sems dpa' sems dpa' chen po chos 'phags kyis shes rab kyi pha rol tu phyin pa'i khang pa brtsegs pa rin po che sna bdun gyi rang bzhin las byas pa tsan dan dmar pos brgyan cing mu tig gi dra bas g.yogs pa zhig byed du bcug ste/ khang pa brtsegs pa de'i gru bzhir nor bu rin po che bzhag par gyur to/ de dag sgron ma'i bya ba byed do// bsdug spos kyi snod dngul las byas pa bzhi yang phyogs bzhir btags te/ 'di lta ste shes rab kyi pha rol tu phyin pa la mchod par bya ba'i phyir a ga ru nag po 'ba' zhig gis bdug par byed do// khang pa brtsegs pa de'i dbus su rin po che sna bdun las byas pa'i khri bzhi btsugs te de'i steng du rin po ches sgom bzhi bzhag nas de'i nang du shes rab kyi pha rol tu phyin pa gser

  834. 419a

    gyi glegs bam la bai DUr+ya bzhu pas bris pa bcug ste/ khang pa brtsegs pa de yang dar gyi chun po sna tshogs rnam pa tha dad pa 'phyang bas brgyan to// de nas byang chub sems dpa' sems dpa' chen po rtag tu ngu tshong dpon gyi bu mo la sogs te bu mo lnga brgya dang bcas pas khang pa brtsegs pa de mchod pa'i bkod pa tshad med pas brgyan pa mthong zhing den lha stong phrag du ma dag kyang mthong ste/ lha rnams kyi dbang po brgya byin yang lha'i me tog man dar ba dang lha'i tsan dran gyi phye ma dang lha'i gser gyi phye ma dang lha'i dngul phye ma dag gis khang pa brtsegs pa de la 'thor mngon par 'thor mngon par rab tu 'thor bar mthong ngo // sbru sil snyan dag kyang thos so// mthong zhing thos nas byang chub sems dpa' sems dpa' chen po rtag tu ngus lha rnams kyi dbang po brgya byin la 'di skad ces smras// lha rnams kyi dbang po khyod lha stong phrag du ma dag dang lhan cig rin po che'i khang pa brtsegs pa 'di la ci'i phyir lha'i me tog man da ra ba dang lha'i tsan dan gyi phye ma dang lha'i gser gyi phye ma dang lha'i dngul gyi phye ma dag gis 'thor zhing mngon par 'thor mngon par rab tu 'thor lha'i sil snyan 'di dag kyang lha rnams bar snang la ci'i phyir brdung / de skad ces smras pa dang lha rnams kyi dbang po brgya byin gyis byang chub sems dpa' sems dpa' chen po rtag tu ngu la 'di skad ces smras so// rigs

  835. 419b

    kyi bu 'di ni shes rab kyi pha rol tu phyin pa byang chub sems dpa' sems dpa' chen po rnams kyi yum yongs su 'dren pa yin te/ 'di la bslabs pas byang chub sems dpa' sems dpa' chen po dag yon tan thams cad kyi pha rol tu phyin par rjes su 'gro ba dang / sangs rgyas kyi chos thams cad dang rnam pa thams cad mkhyen pa nyid kyang myur du thob par 'gyur ba yin na/ khyod mi shes sam de skad ces smras pa dang / byang chub sems dpa' sems dpa' chen po rtag tu dus lha rnams kyi dbang po brgya byin la 'di skad ces smras so// kau shi ka shes rab kyi pha rol tu phyin pa byang chub sems dpa' sems dpa' chen po rnams kyi yu yongs su 'dren pa de gang na bzhugs/ brgya byin gyis smras pa/ rigs kyi bu de ni khang pa brtsegs pa 'di'i nang na gser gyi glegs bam la bai DUr+ya bzhu bas bris pa 'phags pa byang chub sems dpa' sems dpa' chen po chos 'phags kyi rgya rim pa bdun gyis rgyas btab nas bzhag ste nged kyis khyod la bstan par dka'o// de nas byang chub sems dpa' sems dpa' chen po rtag tu ngu tshong dpon gyi bu mo la sogs te/ bu mo lnga brgya dang lhan cig tu de dag gi me tog dang phreng ba'i chun po dang gos rin po che dang bdug pa dang dri dang phreng ba dang byug pa dang phye ma dang chos gos dang gdugs dang rgyal mtshan dang dril bu dang ba dan dag dang

  836. 420a

    @gser dang dngul las byas pa'i me tog gang dag thogs te 'ongs pa'i tshogs de dag gis shes rab kyi pha rol tu phyin pa la mchod pa byas te/ 'di lta ste 'phags pa byang chub sems dpa' sems dpa' chen po chos 'phags la mchod pa'i phyir de dag las gzhan dang gzhan ches so sor bzhag go// de nas byung chub sems dpa' sems dpa' chen po rtag tu ngu dang tshong dpon gyi bu mo la sogs pa bu mo lnga brgya dag gis me tog dang bdug pa dang dri dang phreng ba dang byug pa dang phyi ma dang chos gos dang gdugs dang rgyal mtshan dang dril bu dang ba dan dag dang / tsan dan gyi phye ma dang gser dang dngul las byas pa'i me tog dang lha'i rol mo rnams kyis shes rab kyi pha rol tu phyin pa la sngar mchod pa byas nas byang chub sems dpa' sems dpa' chen po chos 'phags ga la bder song ste phyin nas/ chos la mchod pa nyid kyi phyir byang chub sems dpa' sems dpa' chen po chos 'phags la me tog dang bdug pa dang dri dang phreng ba dang byug pa dang phye ma dang chos gos dang gdugs dang rgyal mtshan dang dril bu dang ba dan dag dang tsan dan gyi phye ma dang gser dang dngul las byas pa'i me tog dag gis gtor mngon par rab tu gtor to// lha'i sil snyan dag kyang yang dag par dkrol lo/ de nas me tog de dag byang chub sems dpa' sems dpa' chen po chos 'phags kyi spyi bo'i steng na me tog gi khang pa brtsegs

  837. 420b

    pa zhig gyur to// gser dang dngul las byas pa'i me tog dang kha dog sna tshogs pa'i me tog de dag na mkha' la gzhal med khang 'dra bar 'dug par gyur to// des chos go sa dang gos rin po che de dag kyang bar snang la rin po che sna tshogs kyi sprin gyi dkyil 'khor 'dra bar 'dug par gyur to// byang chub sems dpa' sems dpa' chen po rtag tu ngu dang tshong dpon gyi bu mo la sogs pa bu mo lnga brgya de dag gis byang chub sems dpa' sems dpa' chen po chos 'phags 'di rdzu 'phrul gyi cho 'bru'ade lta bu'i mthong ste/ mthong nas de nas de dag 'di snyam du sems te ngo mtshar to// 'di ltar byang chub sems dpa' sems dpa' chen po chos 'phags 'di rdzu 'phrul che zhing 'di ltar mthu che la 'di ltar gzi brjid che ste/ rigs kyi bu 'di byang chub sems dpa'i spyad pa spyod pa nyid na yang rdzu 'phrul rnam par 'phrul pa 'di 'dra na bla na med pa yang dag par rdzogs pa'i byang chub mngon par rdzogs par sangs rgyas pa'i tshe ci 'dra bar 'gyur snyam mo// de nas tshong dpon gyi bu mo la sogs pa bu mo lnga brgya de dag gis byang chub sems dpa' sems dpa' chen po chos 'phags la dga' ba bskyed nas tshogs pa de dag thams cad dang lhag pa'i bsam pas bla na med pa yang dag par rdzogs pa'i byang chub tu sems bskyed de/ 'di skad du dge ba'i rtsa ba 'dis bdag cag ma 'ongs pa'i dus na de bzhin gshegs pa dgra bcom pa yang dag par

  838. 421a

    rdzogs pa'i sangs rgyas su gyur cig/ byang chub sems dpa'i spyad pa spyod pa na yang byang chub sems dpa' sems dpa' chen po chos 'phag kyi chos gang thob par gyur pa 'di lta bu'i chos rnams thob par gyur cig/ ji ltar byang chub sems dpa' sems dpa' chen po chos 'phags shes rab kyi pha rol tu phyin pa la bkur stir byed pa dang tha mar byed pa de bzhin du shes rab kyi pha rol tu phyin pa la bkur stir byed pa dang bla mar byed par shog cig/ byang chub sems dpa' sems dpa' chen po chos 'phags ci ltar yang dag par ston pa bzhin du bdag cag kyang skye bo mang po la yang dag par ston par gyur cig/ ci ltar byang chub sems dpa' sems dpa' chen po chos 'phags 'di shes rab kyi pha rol tu phyin pa dang thabs mkhas pa dang ldan zhing yongs su rdzogs pa de bzhin du bdag cag kyang shes rab kyi pha rol tu phyin pa dang thabs mkhas pa dang ldan zhing yongs su rdzogs par shog cig ces smras so// de nas byang chub sems dpa' sems dpa' chen po rtag tu ngu dang tshong dpon gyi bu mo la sogs pa bu mo lnga brgya de dag gis shes rab kyi pha rol tu phyin pa la mchod pa byas/ byang chub sems dpa' sems dpa' chen po chos 'phags la yang bkur sti byas te/ byang chub sems dpa' sems dpa' chen po chos 'phags kyi rkang pa la mgo bo rnams kyis

  839. 421b

    mngon du phyag 'tshal nas zhes byed cing thal mo sbyar te phyogs gcig tu 'dug go// phyogs gcig tu 'dug nas byang chub sems dpa' sems dpa' chen po chos 'phags la byang chub sems dpa' sems dpa' chen po rtag tu dus 'di skad ces smras so// rigs kyi bu 'di na bdag shes rab kyi pha rol tu phyin pa 'di tshol zhing 'brog dgon par phyin pa na/ rigs kyi bu shar phyogs su song zhig dang shes rab kyi pha rol tu phyin pa thos par 'gyur ro zhes sgra thos te/ bdag gis sgra de las yang dag par bston pa de thos nas shar phyogs ga la ba de logs su phyin nas 'di snyam du bsams te/ bdag gis sgra de la ci srid gcig tu mchi bar bgyi su'i drung du shes rab kyi pha rol tu phyin pa mnyan cing rnyed par 'gyur ba yang dag par 'gro ba sgra thos pa la bdag gis ma dris so snyam ste des bdag yid mi bde zhing shin tu gdung bar gyur nas/ sa phyogs de nyid du nyin mtshan bdun 'das te de ltar shin tu gdung bas zas la sems pa ni ma byung gi/ gzhan du na shes rab kyi pha rol tu phyin pa 'ba' zhig yid la bgyis te ci srid gcig tu mchi bar bar bgyi ba dang shes rab kyi pha rol tu phyin pa 'di su las mnyan pa rnyed par 'gyur ba sgra de la ma dris so snyam pa dang / de nas bdag gi mdun du de bzhin gshegs pa'i skra zhig byung ste de 'di skad du rigs kyi bu khyod 'di nas dpag tshad lnga brgyar rim

  840. 422a

    gyis song dang grong khyer spos ldan zhes bya ba de na byang chub sems dpa' sems dpa' chen po chos 'phags shes rab kyi pha rol tu phyin pa ston cing 'chad pa mthong bar 'gyur ro zhes gsungs te de nas bdag dga' ba dang rab tu dga' ba rgya chen po dang ldan par gyur te/ bdag dga' ba dang rab tu dga' ba rgya chen po de nyid kyis khyab par gyur nas sa phyogs de nas ma bskyod par khyod kyis shes rab kyi pha rol tu phyin pa ston pa thos so// de bdag gis thos pa na ting nge 'dzin gyi sgo mang po skyes par gyur to/ bdag de nas mchis pa na phyogs bcu'i 'jig rten gyi khams kyi sangs rgyas bcom ldan 'das rnams kyis dbug dbyung bar mdzad pa legs so zhes bya ba byin te rigs kyi bu legs so leg so khyed kyi ting nge 'dzin de dag ni shes rab kyi pha rol tu phyin pa las skyes pa yin te/ 'di la gnas pas nged kyis kyang sangs rgyas kyi chos rnams yongs su rdzogs par byas so zhes de bzhin gshegs pa de dag gis bdag la shin tu legs par bstan yang dag par 'dzin du bcug yang dag par gzengs bstod yang dag par dga' bar mdzad nas mi snang bar gyur to// bdag kyang de nas ting nge 'dzin de las langs nas 'di snyam du bsams te de bzhin gshegs pa de dag gang nas byon de bzhin gshegs pa de dag gang du bzhud snyam mo/ de nas yang bdag gis 'di snyam du byang

  841. 422b

    chub sems dpa' sems dpa' chen po 'phags pa chos 'phags ni gzungs thob pa mngon par shes pa lnga dang ldan pa sngon gyi rgyal ba dag la bgyi ba bgyis pa dge ba'i rtsa ba bskrun pa shes rab kyi pha rol tu phyin pa dang thabs mkhas pa la shin tu bslabs pa yin te/ des bdag la de bzhin gshegs pa de dag gang nas byon pa dang de bzhin gshegs pa de dag gang du bzhud pa'i don 'di ji lta ba bzhin du ston par 'gyur ro snyam du bsams te/ bdag gis de bzhin gshegs pa'i sku'i sgra thos pa las ci ltar gdams pa de ltar shar phyogs ga la ba der mchis te mchis nas kyang rgyang ring mo zhig nas bdag gis 'phags pa chos ston pa mthong ste mthong ma thag tu bdag la dper na dge slong bsam gtan dang po la snyoms par zhugs pa rtse gcig par yid la byed pa'i bde ba de lta bu skyes par gyur to// rigs kyi bu khyod la bdag de bzhin gshegs pa de dag gang nas byon de bzhin gshegs pa de dag gang du bzhud ces 'dri na/ rigs kyi bu ci nas bdag de bzhin gshegs pa de dag byon pa dang bzhud pa 'tshal cing de bzhin gshegs pa mthong ba dang mi 'bral bar 'gyur bar de bzhin gshegs pa de dag byon pa dang bzhud pa bdag la bshad du gsol/ 'phags pa shes rab kyi pha rol tu phyin pa brgyad stong pa las rtag tu ngu'i le'u zhes bya ste sum cu pa'o//

  842. 423a

    @de skad ces smras pa dang / byang chub sems dpa' sems dpa' chen po chos 'phags kyis byang chub sems dpa' sems dpa' rtag tu ngul 'di skad ces smra so/ rigs kyi bu de bzhin gshegs pa de dag ni gang nas kyang ma byon gang du yang ma bzhud cing de bzhin nyid las ma g.yos te/ de bzhin nyid gang yin pa de ni de bzhin gshegs pa'o// rigs kyi bu mi skye ba la 'ong ba 'am 'gro ba med de mi skye ba gang yin pa de ni de bzhin gshegs pa'o// rigs kyi bu yang dag pa'i mtha' la ni 'ong ba 'am 'gro ba shes pa med de yang dag pa'i mtha' gang yin pa de ni de bzhin gshegs pa'o// rigs kyi bu stong pa nyid la 'ong ba 'am 'gro ba shes pa med de stong pa nyid gang yin pa de ni de bzhin gshegs pa'o// rigs kyi bu ci lta ba bzhin la ni 'ong ba 'am 'gro ba shes pa med de/ ci lta ba bzhin gang yin pa de ni de bzhin gshegs pa'o// rigs kyi bu 'dod chags dang bral ba la ni 'ong ba 'am 'gro ba shes pa med de 'dod chags dang bral ba gang yin pa de ni de bzhin gshegs pa'o// rigs kyi bu 'gog pa la ni 'ong ba'am 'gro ba shes pa med de 'gog pa gang yin pa de ni de bzhin gshegs pa'o// rig kyi bu na mkha'i khams la ni 'ong ba 'am 'gro ba shes pa med de/ na mkha'i khams gang yin pa de ni de bzhin gshegs pa'o// rigs kyi bu chos de dag las de

  843. 423b

    bzhin gshegs pa gzhan na med de rigs kyi bu chos 'di dag gi de bzhin nyid gang yin pa dang chos thams cad kyi de bzhin nyid gang yin pa dang de bzhin gshegs ba'i de bzhin nyid gang pa 'di dag ni de bzhin nyid gcig ste rigs kyi bu de bzhin nyid la ni gnyis su byar med do// rigs kyi bu de bzhin nyid gcig ste 'di lta ste med pa'i phyir gnyis sam gsum du bgrang ba las 'das pa'o// rigs kyi bu 'di lta ste dper na skyes bu'i sos ka'i zla ba tha ma sos ka'i nyi ma gung gi dus la bab pa'i tshe smig rgyu g.yo ba mthong ba la 'dir chu btung ngo snyam nas de gang du chu mthong ba de dang der rgyug ni rigs kyi bu de ci snyam du sems shar phyogs kyi rgya mtsho chen po 'am lho phyogs sam nub phyogs sam/ byang phyogs las chu de gang nas 'ong chu de gang du song / rtag tu ngus smras pa rigs kyi bu smig rgyu la chu ma mchis na 'ong ba 'am 'gro ba shes pa lta ga la mchis te rigs kyi bu skyes bu de nyi mas gdungs shing byis pa'i rang bzhin can shes rab 'chal ba'i rang bzhin can gyis smig rgyu ba mthong nas chu ma mchis pa la chur 'du shes skyes kyi yang de bzhin gyis ma mchis so// chos 'phags kyis smras pa/ rigs kyi bu de de bzhin no de de bzhin te/ de bzhin du rigs kyi bu gang su dag de bzhin gshegs pa la gzugs sam sgrar mngon par chags pa de dag ni de bzhin gshegs pa la byon pa 'am bzhud par rtog ge/

  844. 424a

    gang de bzhin gshegs pa la byon pa 'am bzhud par rtog pa de dag thams cad ni byis pa'i rang bzhin can shes rab 'chal pa'i rang bzhin can zhes bya ste dper na skyes bu de nyid chu med pa la chur 'du shes skyed pa bzhin no// de ci'i phyir zhe na/ de bzhin gshegs pa ni gzugs kyi skur mi lta ste/ de bzhin gshegs pa ni chos nyid kyi sku'o// rigs kyi bu chos nyid ni 'ong ba 'am 'gro ba med de rigs kyi bu de bzhin du de bzhin gshegs pa rnams la byon pa 'am bzhud pa med do// rigs kyi bu 'di lta ste dben sgyu ma byed pas sprul pa'i glang po che'i tshogs sam rta'i tshogs sem shing rta'i tshogs sam/ dpung bu chung gi tshogs la 'ong ba'am 'gro ba med do// rigs kyi bu de bzhin du de bzhin gshegs pa'i sku la yang byon pa 'am bzhud pa med do// rigs kyi bu 'di lta ste dper na skyes bu gnyid kyis log pa'i rmi lam du de bzhin gshegs pa gcig gam gnyis sam gsum mam bzhi 'am lnga 'am drug gam bdun nam brgyad dam dgu 'am bcu 'am nyi shu 'am sum nu'am bzhi bcu 'am lnga bcu'am brgya 'am stong ngam brgya stong de las lhag pa zhig mthong ba las bsad pa dang / des de bzhin gshegs pa gcig kyang ma mthong na/ rigs kyi bu de ji snyam du sems de bzhin gshegs pa de dag gang nas byon/ de bzhin gshegs pa de dag gang du

  845. 424b

    bzhud/ rtag tu dus smras pa rigs kyi bu rmi lam la chos gang yang yongs su grub par shes pa mi gda'o// rmi lam ni brdzun te yang dag pa ma lags so// chos 'phags kyis smras pa/ rigs kyi bu de de bzhin te chos thams cad ni bcom ldan 'das kyis rmi lam lta bu'o zhes gsungs so// rigs kyi bu gang su dag de bzhin gshegs pas chos thams cad rmi lam lta bur yang dag par ci lta ba bzhin du bstan pa mi shes pa de dag ni de bzhin gshegs pa la ming gi sku dang gzug kyi skur mngon par zhen par byed de de ltar chos nyid ma shes pas de bzhin gshegs pa la byon pa dang bzhud par rtog go/ gang dag de bzhin gshegs pa la byin pa dang bzhud par rtog pa'i byis pa so so'i skye bo de dag thams cad ni 'khor ba 'gro ba drug po 'di dag thams cad du dong ba 'dong ba 'dong bar 'gyur ba'o// de dag thams cad ni shes rab kyi pha rol tu phyin pa las rgyang ring du gyur pa'o// de dag thams cad ni sangs rgyas kyi chos las rgyang ring du gyur pa'o// rigs kyi bu yang gang dag chos thams cad ni rmi lam lta bu la de bzhin gshegs pas chos thams cad rmi lam lta bu'o zhes yang dag pa ci lta ba bzhin du bstan pa shes pa de dag ni chos gang la yang 'ong ba 'am 'gro ba 'am skye ba 'am 'gag par mi rtog go/ gang dag chos gang la yang 'ong ba 'am 'gro ba 'am skye ba 'gag par mi rtog pa

  846. 425a

    de dag ni de bzhin gshegs pa'i chos nyid du rab tu shes so// gang dag de bzhin gshegs pa'i chos nyid du rab tu shes pa de dag ni de bzhin gshegs pa la byon pa'am bzhud par mi rtog go// gang dag de bzhin gshegs pa'i chos nyid de lta bu rab tu shes pa de dag ni bla na med pa yang dag par rdzogs pa'i byang chub la nye bar spyod pa de shes rab kyi pha rol tu phyin pa la spyod pa'o// bcom ldan 'das kyis nyan thos de dag ni yu 'khor gyi bsod snyoms don yod par za ba ste/ de dang de dag ni 'jig rten gyi sbyin gnas so// rigs kyi bu 'di lta ste dper na rgya mtsho chen po'i nang na rin po che dag yod pa ni shar phyogs nas kyang ma 'ongs/ lho nas ma yin nub nas ma yin byang nas ma yin phyogs mtshams nas ma yin steng dang 'og nas ma yin phyogs bcu gang nas kyang ma 'ongs mod kyi 'on kyang sems can dag gi dge ba'i rtsa ba la brten nas rgya mtsho chen po'i nang nas rin po che de dag 'byung ste de dag kyang rgyu med par 'byung ba ma yin gyi dang rkyen dang gzhi la rag las pa yin te brten nas byung ngo // rin po che de dag 'gag pa yang phyogs bcu'i 'jig rten gang du yang mi 'pho mod kyi 'on kyang de dag yod na rin po che dag rab tu 'byed do// rkyen de dag med na rin po che de dag rab tu dbye bo yang med par 'gyur ro// rigs kyi bu de bzhin du de bzhin

  847. 425b

    gshegs pa de dag gi sku yongs su grub pa yang phyogs bcu'i 'jig rten gang nas kyang ma byon phyogs bcu'i 'jig rten gang du yang ma bzhud do// sangs rgyas bcom ldan 'das de dag gi sku rgyu med pa yang ma yin te sngon gyi spad pas yongs su grub pa yin pas rgyu la rag las pa rkyen la rag las pa/ sngon gyi phrin las rnam par smin pa las byung ba yin zhing de ni phyogs bcu'i 'jig rten gyi khams gang na yang yod pa ma yin no// 'on kyang rkyen rnams yod na sku mngon par 'grub par 'gyur te rkyen de dag med na sku mngon par grub pa yang mi snang ngo // rigs kyi bu 'di lta ste dper na/ pi wang gi sgra byung ba yang gang nas kyang ma 'ongs 'gags pa gang du yang mi 'gro gang na yang mi 'pho ste/ rgyu dang rkyen tshogs pa la rten nas byung ba rgyu la rag las pa rkyen la rag las pa 'di lta ste/ pi ka/ nang gi khog pa la brten pags pa la brten rgyud la brten yu ba la brten/ shing bu la brten rgyud rten la brten mi de las skyes pa'i rtsol ba la brten nas 'di ltar pi wang de las sgra byung ste/ rgyu la rag las pa rkyen la rag las pa'i sgra de yang pi wang gi khog pa las ma byung pags pa las ma byung rgyud las ma byung yu ba las ma byung / shing bu las ma byung rgyud brten las ma byung mi de las skyes pa'i rtsol ba la sgra ma byung mod kyi 'on kyang de dag thams cad 'dus pa las kyang sgrar

  848. 426a

    @gdags so// sgra de 'gags pa yang gang du yang mi 'gro'o// de bzhin du rigs kyi bu sangs rgyas bcom ldan 'das rnams kyi sku yongs su 'grub pa yang rgyu la rag las pa/ rkyen la rag las pa dge ba'i rtsa ba'i sbyor ba du mas yongs su grub pa yin te/ rgyu gcig gis ma yin rkyen gcig gis ma yin dge ba'i rtsa ba gcig gis sangs rgyas kyi sku rab tu dbye ba ma yin te/ rgyu med pa yang ma yin no// rgyu dang rkyen mang po tshogs pa las byung ba yin te de ni gang nas kyang ma byon to// rgyu dang rkyen tshogs pa med kyang gang yang mi bzhud de rigs kyi bu khyod kyis de bzhin gshegs pa de dag byon pa dang bzhud pa de ltar blta'o// rigs kyi bu chos thams cad kyi chos nyid kyang khyod kyis 'di bzhin du khong du chud par gyis shig/ rigs kyi bu khyod gang tshun chad de ltar de bzhin gshegs pa dang chos thams cad skye ba med pa dang 'gag pa med par shes pa de tshun tshad khyod bla na med pa yang dag par rdzogs pa'i byang chub tu nges par 'gyur zhing shes rab kyi pha rol tu phyin pa dang thabs mkhas pa la nges par spyod par 'gyur ro// yang de bzhin gshegs pa rnams byon pa dang bzhud pa med pa 'di bshad pa'i tshe sa g.yo ba chen po byung ste/ stong gsum gyi stong chen po'i 'jig rten gyi khams thams cad ltas chen po bco brgyad

  849. 426b

    dang rnam pa drug tu g.yos pa 'di lta ste/ 'gul rab tu 'gul kun tu rab tu 'gul/ g.yos rab tu g.yos kun tu rab tu g.yos/ ldeg rab tu ldeg kun rab tu ldeg/ 'khrugs rab tu 'khrugs kun tu rab tu 'khrugs/ chemachem rab tu chem chem kun tu rab tu che mtsham/ shur 'ur rab tu 'ur 'ur kun tu rab tu 'ur 'ur te/ bdud kyi gnas thams cad kyang dkrogs shing dpa' bkong bar gyur to// stong gsum gyi stong chen po'i 'jig rten gyi khams na rtsa dang shing gel ba dang sman dang nags tshal ci snyed yod pa de dag thams cad byang chub sems dpa' sems dpa' chen po chos 'phags ga la ba der logs su rab tu 'dud par gyur to// dus ma yin pa'i me tog dag kyang steng gi bar snang las 'thor zhing me tog gi char chen po dag kyang bab po lha rnams kyi dbang po brgya byin dang rgyal po chen po bzhi dag kyang byang chub sems dpa' sems dpa' chen po chos 'phags dang byang chub sems dpa' sems dpa' chen po rtag tu ngu dag gi phyogs su lha'i tsan dan gyi phye ma dang lha'i me tog dag gi 'thor mngon par 'thor mngon par rab tu 'thor zhing tshig 'di skad ces rigs kyi bu legs so leg so// rigs kyi bu khyod kyis mthus deng bdag cag gis kyang sems can gang 'jig tshogs la lta ba'i sa la gnas pa lta ba dang ba dang ba dang bcas pa thams cad la

  850. 427a

    mngon par zhen pa'i 'jig rten thams cad dang mi mthun pa don dam pa las byung ba'i gtam bstan pa la thos so zhes zer ro// de nas byang chub sems dpa' sems dpa' chen po chos 'phags la byang chub sems dpa' sems dpa' chen po rtag tu ngus 'di skad ces smras so// rigs kyi bu sa chen po g.yos pa 'jig rten du byung ba 'di'i rgyu gang lags rkyen gang lags/ byang chub sems dpa' sems dpa' chen po chos 'phags kyis sku pa/ rigs kyi bu de bzhin gshegs pa rnams mi byin mi bzhud pa bstan pa 'di khyod kyis dris te/ bdag gis bstan pas srog chags stong phrag brgyad skye ba'i chos la bzod pa thob par gyur pa dang srog chags khrag khrig phrag brgyad cu bla na med pa yang dag par rdzogs pa'i byang chub tu sems bskyed pa dang / srog tshogs drug khri bzhi stong chos rnams la chos kyi mig rdul med cing dri ma med pa rnam par dag par gyur to// de nas byang chub sems dpa' sems dpa' chen po rtag tu du dga' ba dang rangs pa mchog tu rgya chen po dang ldan par gyur te/ gang bdag gis shes rab kyi pha rol tu phyin pa dang de bzhin gshegs pa rnams byon pa dang bzhud/ pa med pa'i bstan pa 'di dris pas sems can 'di snyed gcig gi don byas par gyur pa ni bdag gis rnyed pa mchog tu legs par rnyed do// 'di nyid kyis bdag

  851. 427b

    bla na med pa yang dag par rdzogs pa'i byang chub yongasu 'grub par bya ba'i dge ba'i rtsa ba mchog thob par gyur pas bla na med pa yang dag par rdzogs pa'i byang chub la bdag slar yang the tshom mi 'jug go// bdag ni the tshom med par de bzhin gshegs pa dgra bcom pa yang dag par rdzogs pa'i sangs rgyas su 'gyur re snyam pa dang / de dga' ba dang rangs pa de dang ldan pas ta la bdun tsam du na mkha' la 'phags nas tA la bdun tsam na 'dug ste/ 'di ltar bdag na mkha' la 'dug nas byang chub sems dpa' sems dpa' chen po chos 'phags la bkur sti bya'o snyam du sems so// de nas lha rnams kyi dbang po brgya byin gyis byang chub sems dpa' sems dpa' chen po rtag tu ngu mngon par 'phags pa mthong ste de'i sems sems kyis shes nas de la lha'i me tog man da ra ba dag byin te/ 'di skad du rigs kyi bu khyod kyis lha'i me tog 'di dag gis byang chub sems dpa' sems dpa' chen po chos 'phags la bkur sti byed pas bkur stir gyis shig rigs kyi bu 'di ni ngas khyod yongs su bzung ba yin te/ rigs kyi bu khyod kyi mthus deng srog chags stong phrag mang pos don byas te rigs kyi bu gang sems can thams cad kyi phyir ci ltar khyod spro bar byed pa de ltar bskal pa gzhal du med grangs med par spro bar byed cing khur chen por khyer bar byed pa'i sems can de

  852. 428a

    dag ni rnyed par dka'o zhes smras so// de nas byang chub sems dpa' sems dpa' chen po rtag tu ngus lha rnams kyi dbang po brgya byin gyi drung nas me tog man da ra ba de dag blangs te/ byang chub sems dpa' sems dpa' chen po chos 'phags la gtor mngon par gtor mngon par rab tu gtor nas bdag gis lus kyis byang chub sems dpa' sems dpa' chen po chos 'phags la mngon par bkab ste/ nga tshig 'di skad ces rigs kyi bu deng slan chad khyod kyi rim gro dang zhabs 'bring bgyi ba'i slad du bdag gis lus khyod 'bul lo zhes smras te/ des bdag gis lus phul nas byang chub sems dpa' sems dpa' chen po chos 'phags kyi mdun du thal mo sbyar te 'dug go/ de nas tshong dpon gyi bu mo de dang bu mo lnga brgya de dag gis byang chub sem dpa' sems dpa' chen po rtag tu ngu la 'di skad ces rigs kyi bu bdag cag kyang khyod la lus 'bul gyis bdag cag kyang dge ba'i rtsa ba 'dis chos de dag thob par gyur cig/ khyod nyid dang lhan cig tu yang dang yang sangs rgyas bcom ldan 'das rnams dang / byang chub sems dpa' rnams la bkur stir bgyi bla mar bgyi de dag dang nye bar gyur par bgyi'o zhes smras so// de nas byang chub sems dpa' sems dpa' chen ba rtag tu dus tshong dpon gyi bu mo la sogs

  853. 428b

    pa bu mo lnga brgya 'ang 'di skad ces smras so// bu mo dag gal te khyod nga la lhag pa'i bsam pas gnas par byed na nga la lhag pa'i bsam pas bdag nyid byin cig dang de ltar na bu mo khyed ngas blang ngo // bu mo de dag gis smras pa/ khyod la lhag pa'i bsam pa thag pa nas khyod kyi rjes su mthun par 'jug go khyod lhag pa'i bsam pas ci dang ci 'dod par bya bar bdag nyid 'bul lo// de nas byang chub sems dpa' sems dpa' chen po rtag tu dus tshong dpon gyi bu mo la sogs pa bu mo lnga brgya de dag rgyan thams cad kyi brgyan te shing rta lnga brgya yang brgyan nas thams cad byang chub sems dpa' sems dpa' chen po chos 'phags la rim gro dang zhabs 'bring bya ba'i phyir phul te/ rigs kyi bu bdag ni g.yog mo 'di dag 'bul zhing shing rta lnga brgya 'di dag kyang yongs su longs spyad pa'i phyir khyod la 'bul lo// de nas lha rnams kyi dbang po brgya byin gyis rigs kyi bu de la legs so zhes bya ba byin te/ rigs kyi bu legs so legaso// rigs kyi bu de ltar byang chub sems dpa' sems dpa' chen po bdag gis 'byor pa thams cad yongs su gtang bar bya'o// yongs su gtong ba'i sems de lta bu'i byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya'o// de ltar na chos smra ba

  854. 429a

    dag la mchod pa byas nas shes rab kyi pha rol tu phyin pa dang thabs mkhas pa nyan nus te rigs kyi bu sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis kyang sngon byang chub sems dpa'i spyad pa spyod pa na 'di lta bu'i tshul dang 'di lta bu'i gtong ba la gnas nas bla na med pa yang dag par rdzogs pa'i byang chub yang dag par bsgrubs te/ shes rab kyi pha rol tu phyin pa dang thabs mkhas pa yongs su dris so// de nas byang chub sems dpa' sems dpa' chen po chos 'phags kyi tshong dpon gyi bu mo la sogs pa bu mo lnga brgya po de dag dang shing rta lnga brgya po de dag byang chub sems dpa' sems dpa' chen po rtag tu dus dge ba'i rtsa ba yongs su bsrung ba'i phyir blangs te blangs nas rigs kyi bu rtag tu ngul slar byin no// de nas byang chub seMs dpa sems dpa' chen po chos 'phags stan las langs te bdag gi khyim du zhugs pa dang nyi ma nub par gyur to// de nas byang chub sems dpa' sems dpa' chen po rtag tu ngu 'di snyam du sems par gyur te 'di ltar bdag chos 'dod pa'i phyir 'ongs la 'dug pa 'am nyal bar byed pa ni bdag gi mi cha la 'di ni ma legs kyis byang chub sems dpa' sems dpa' chen po chos 'phags bdag gzung ba'i phyir 'di lta ste chos ston du phyir mi byung gi bar du bdag 'greng ba dang /

  855. 429b

    'chags pa'i spyod lam gnyis kyis dus 'da' bar bya'o zhes sems par gyur to// de nas byang chub sems dpa' sems dpa' chen po chos 'phags lo bdun gyi bar du ting nge 'dzin gcig la snyoms par zhugs par gyur cing byang chub sems dpa'i ting nge 'dzin stong phrag gzhal du med grangs med pa dag dang shes rab kyi pha rol tu phyin pa dang thabs mkhas pa las byung ba la gnas par gyur to// byang chub sems dpa' sems dpa' chen po rtag tu ngu yang lo bdun gyi bar du gnyid dang rmugs pa med par spyod lam rnam pa gnyis kyis dus 'da' bar byed de lo bdun gyi bar du 'dod pa'i rtog pa ma byung gnod sems kyi rtog pa ma byung rnam par 'tshe ba'i rtog pa ma byung // ro la rkam pa ma yin sems kyi rnam par rtog pa ma byung ste/ gzhan du na byang chub sems dpa' sems dpa' chen po chos paphags ting nge 'dzin las nam ldang bar 'gyur/ bdag cag gis kyang khri gang la rigs kyi bu de 'dug nas chos ston par 'gyur ba byang chub sems dpa' sems dpa' chen po chos 'phags kyis chos kyis khri bshams nas/ bdag gis sa phyogs 'di chag chag ma btab kyis/ sa phyogs gang du byang chub sems dpa' sems dpa' chen po chos 'phags shes rab kyi pha rol tu phyin pa dang thabs mkhas pa rab tu ston par 'gyur ba der legs par byug par bya me tog

  856. 430a

    sna tshogs mngon par dgram mo snyam mo// tshong dpon gyi bu mo la sogs bu mo lnga brgya po de dag kyang byang chub sems dpa' sems dpa' chen po rtag tu ngu'i rjes su slob cing / spyod lam gnyis kyis dus 'da' bar byed de bya ba thams cad kyang de'i rjes su 'jug go/ de nas byang chub sem dpa' sems dpa' chen po rtag tu dus lha'i sgra dag las byang chub sems dpa' sems dpa' chen po chos 'phags de ste zhag bdun na ting nge 'dzin 'di las ldang ste langs nas grong khyer gyi dbus su 'dug ste chos ston par 'gyuro zhes thos so// de nas byang chub sems dpa' sems dpa' chen po rtag tu ngus lha'i sgra de thos pa dang dga' mgu yi rangs rab tu dga' mgu zhing bde ba dang yid bde ba skyes te/ tshong dpon gyi bu mo la sogs pa bu mo lnga brgya dang lhan cig tu sa phyog de phyags nas chos kyi khri rin po che sna bdun gyi rang bzhin bshams so// de nas bu mo de dag gis rang rang gi bla gos lus las phud de bla gos lnga brgya pa de dag stan gang la byang chub sems dpa' sems dpa' chen po chos 'phags 'dug nas chos ston par 'gyur ba der bting ngo // de ltar byang chub sems dpa' sems dpa' chen po chos 'phags kyi chos kyi stan bshams pa la bu mo de dag thams cad dga' mgu yi rang rab tu dga' zhing mgu ba dang yid bde ba skyes par gyur to//

  857. 430b

    de nas byang chub sems dpa' sems dpa' chen po rtag tu dus phyogs der chag chag gdab par 'dod na ci nas kyang bdud sdig can gyis byang chub sems dpa' sems dpa' chen po rtag tu du de chu ma rnyed nas sems mi dga' zhing sdug bsngal te/ yid mi bde bar gyur cing sems gzhan du 'gyur dang gang gis de'i dge ba'i rtsa ba nub par 'gyur ba mchod pa de yang mi mdzes par bya ba'i phyir gang gis sa phyogs chag chag 'debs pa'i chu de dag thams cad kyang mi snang ba nyid du byas pas kun tu chu btsal nas chu ma rnyed do// de nas byang chub sems dpa' sems dpa' chen po rtag tu ngu 'di snyam du ma la bdag gi lus phug la khrag gis sa phyogs 'di chag chag gdab po// de ci'i phyir zhe na/ sa phyogs 'di rdul che ste/ sa phyogs 'di nas rdul gyi khams byung bas byang chub sems dpa' sems dpa' chen po chos 'phags kyi lus la phog na mi rung gis bdag gis lus gdon mi za bar 'jig pa'i chos can 'dis ci zhig bya/ bdag gi lus 'di lta bu'i bya ba la zhig pa ni sla'i nus pa med pa'i bya ba la 'dod pa'i gzhis yang dang yang du 'khor bar 'khor zhing / bdag gi lus stong phrag mang po de lta bu'i gnas su zhig pa ni 'di lta bu'i gnas sam chos yongs su gzung ba'i phyir ni ma yin te/ 'dod pa de lta bu'i chos can la zhig pa yin no snyam du bsam so/ de nas byang chub sems dpa'

  858. 431a

    @sems dpa' chen po rtag tu dus de ltar bsam nas tshon rnon po blangs te bdag gi lus kun phug nas rang gis sa phyogs de thams cad chag chag btab po/ byang chub sems dpa' sems dpa' chen po rtag tu dus rjes su slob pa tshong dpon gyi bu mo la sogs pa bu mo lnga brgya po de dag thams cad kyis kyang mtshon rnon po blangs te rang rang gi lus phug nas rang rang gi khrag gis sa phyogs de dag thams cad du chag chag btab ste/ gang de dag la bdud sdig can des dge ba'i rtsa ba'i bar chad bya ba'i glags gang du rnyed par 'gyur ba byang chub sems dpa' sems dpa' chen po rtag tu ngu dang bu mo de dag thams cad gzhan du gyur pa med do// de nas lha rnams kyi dbang po brgya byin 'di snyam du sems te/ byang chub sems dpa' sems dpa' chen po rtag tu ngu 'di tsam du chos 'dod pa dang ci tsam du yi dam la brtan pa dang ci du go cha chen po bgos pa dang / lus dang srog dang longs spyod rnams la mi lta ba dang / bla na med pa yang dag par rdzogs pa'i byang chub rtogs par bya ba'i phyir 'di lta ste/ bla na med pa yang dag par rdzogs pa'i byang chub mngon par rdzogs par sangs rgyas nas 'khor ba'i sdug bsngal yongs su dpag tu med pa las sems can tham cad thar bar bya'o snyam du lhag pa'i bsams pa la yang dag par zhugs pa ni ngo mtshar to snyam mo// de nas lha rnams kyi dbang po brgya byin gyis khrag de dag thams cad

  859. 431b

    lha'i tsan dan gyis chur byin gyis brlabs te/ lha'i tsan dan gyi chu des dri dam pa rgya che ba bsam gyis mi khyab pa dang ldan pa de'i dris sa phyogs de kho ra khor yug tu dpag tshad lnga brgya tshang bar dris yongs su khyab po/ de nas lha rnams kyi dbang po brgya byin gyis byang chub sems dpa' sems dpa' chen po rtag tu ngu la 'di skad ces rigs kyi bu legs so leg so/ rigs kyi bu khyod kyis brtson 'grus bsam gyis mi khyab pa legaso legs so// khyod kyis chos 'dod pa dang chos yongs su tshol ba yang legs te/ rigs kyi bu sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis kyang / lhag pa'i bsam pa 'di lta bu dang brtson 'grus 'di lta bu dang chos 'dod pa 'di lta bu'i bla na med pa yang dag par rdzogs pa'i byang chub yang dag par bsgrub so zhes smras so// de nas byang chub sems dpa' sems dpa' chen po rtag tu ngu 'di snyam du sems te/ bdag gis byang chub sems dpa' sems dpa' chen po chos 'phags kyi chos kyi stan ni bting / sa phyogs 'di phyag dar ni legs par byas chag chag ni legs par btab na bdag gis me tog gang dag gis sa phyogs 'dir legs par gtor bar bya ba dang / byang chub sems dpa' chen po chos 'phags chos 'chad cing chos kyi stan la 'dug pa la gtor bar bya ba'i me tog de dag gang nas rnyed par 'gyur snyam mo/ de nas lha rnams kyi

  860. 432a

    dbang po brgya byin gyis byang chub sems dpa' sems dpa' chen po rtag tu rdul 'di skad ces rigs kyi bu lha'i me tog man dA rab 'di dag long la khyod kyis sa phyogs 'di dag tu me tog bkram par gyis shig/ byang chub sems dpa' sems dpa' chen po chos 'phags chos ston cing chos kyi khri la 'dug pa la yang gto cig ces smras nas des de la lha'i me tog man dar ba lha'i khal steng byin no// de nas byang chub sems dpa' sems dpa' chen po rtag tu ngus me tog de dag blangs te me tog kha cig gis ni sa phyogs der me tog bkram par byas so// me tog kha cig gis byang chub sems dpa' sems dpa' chen po chos 'phags la gtor to// de nas byang chub sems dpa' sems dpa' chen po chos 'phags lo bdun 'das pa dang ting nge 'dzin de las langs te chos kyi stan gang na yod pa der 'ong nas stan bting ba le 'dug ste/ 'khor brgya stong phrag du mas yongs su bskor cing mdun gyis bltas nas shes rab kyi pha rol tu phyin pa ston to// de nas byang chub sems dpa' sems dpa' chen po rtag tu dus byang chub sems dpa' sems dpa' chen po ches 'phags mthong ma thag tu 'di lta ste dper na bsam gtan dang po la snyoms par zhugs pa'i dge slong rtse gcig tu yid la byed pa bzhin du bde ba de lta bu thob po/ de la byang chub sems dpa' sems dpa' chen po chos 'phags shes rab kyi pha rol tu phyin

  861. 432b

    ba ston pa ni 'di yin te/ 'di lta ste chos thams cad mnyam pa nyid pas shes rab kyi pha rol tu phyin pa mnyam pa nyid do// chos thams cad dben pa nyid pas shes rab kyi pha rol tu phyin pa dben pa nyid do// chos thams cad g.yo ba med pa nyid pas/ shes rab kyi pha rol tu phyin pa g.yo ba med pa nyid do/ chos thams cad rno sems med pa nyid pas shes rab kyi pha rol tu phyin pa rlom sems med pa nyid do/ chos thams cad khengs pa med pa nyid pas shes rab kyi pha rol tu phyin pa khengs pa med pa nyid do/ chos thams cad ro gcig pa nyid pas shes rab kyi pha rol tu phyin pa ro gcig pa nyid do/ chos thams cad mu med pa nyid pas shes rab kyi pha rol tu phyin pa mu med pa nyid do// chos thams cad skye ba med pa nyid pas shes rab kyi pha rol tu phyin pa skye ba med pa nyid do// chos thams cad 'gag pa med pa nyid pas shes rab kyi pha rol tu phyin pa 'gag pa med pa nyid do// na mkha' mu med pa nyid pas shes rab kyi pha rol tu phyin pa mu med pa nyid do// rgya mtsho mu med pa nyid pas shes rab kyi pha rol tu phyin pa mu med pa nyid do// ri rab sna tshogs pa nyid pas shes rab kyi pha rol tu phyin pa sna tshogs pa nyid do// nam mkha' rtog pa med pa nyid pas shes rab kyi pha rol tu phyin pa rtog pa med pa nyid do/ gzugs med pa nyid pas shes rab kyi pha rol tu phyin pa mu med pa nyid do// de bzhin du tshor ba dang 'du shes dang 'du byed rnams/

  862. 433a

    @/ dang rnam par shes pa mu med pa nyid pas shes rab kyi pha rol tu phyin pa mu med pa nyid do// sa'i khams mu med pa nyid pas shes rab kyi pha rol tu phyin pa chu med pa nyid do// de bzhin du chu'i khams dang me'i khams dang rlung gi khams mu med pa nyid pas shes rab kyi pha rol tu phyin pa mu med pa nyid do// namakha'i khams mu med pa nyid pas shes rab kyi pha rol tu phyin pa su med pa nyid do// rnam par shes pa'i khams su med pa nyid pas shes rab kyi pha rol tu phyin pa mu med pa nyid do// rdo rje lta bu'i chos mnyam pa nyid pas shes rab kyi pha rol tu phyin pa mnyam pa nyid do// chos thams cad ma 'dres pa nyid pas shes rab kyi pha rol tu phyin pa ma 'dres pa nyid do// chos thams cad dmig su med pa nyid pas shes rab kyi pha rol tu phyin pa dmigs su med pa nyid do// chos thams cad rnam par 'jig pa mnyam pa nyid pas shes rab kyi pha rol tu phyin pa rnam par 'jig pa mnyam pa nyid do// chos thams cad byed pa med pa nyid pas shes rab kyi pha rol tu phyin pa byed pa med pa nyid do// chos thams cad bsam gyis mi khyab pa nyid pas shes rab kyi pha rol tu phyin pa bsam gyis mi khyab pa nyid du rig par bya'o zhes bya ba yin no// de nas byang chub sems dpa' sems dpa' chen po rtag tu du de ltar 'dug bzhin du de'i tshe chos thams cad mnyam pa nyid ces bya ba'i ting nge 'dzin gyi rgyal po skyes par gyur to// chos thams cad dben pa zhes bya ba'i ting nge 'dzin dang /

  863. 433b

    chos thams cad g.yo ba med pa zhes bya ba'i ting nge 'dzin dang / chos thams cad rlom sems med pa zhes bya ba'i ting nge 'dzin dang / chos thams cad khengs pa med pa zhes bya ba'i ting nge 'dzin dang / chos thams cad ro gcig pa zhes bya ba'i ting nge 'dzin dang / chos thams cad mu med pa zhes bya ba'i ting nge 'dzin dang / chos thams cad skye ba med pa zhes bya ba'i ting nge 'dzin dang / chos thams cad 'gag pa med pa zhes bya ba'i ting nge 'dzin dang / nam mkha' mu med pa zhes bya ba'i ting nge 'dzin dang rgya mtsho mu med pa zhes bya ba'i ting nge 'dzin dang / ri rab sna tshogs pa zhes bya ba'i ting nge 'dzin dang / nam mkha' rtog pa med pa zhes bya ba'i ting nge 'dzin dang / gzugs mu med pa zhes bya ba'i ting nge 'dzin dang / de bzhin du tshor ba dang 'du shes dang 'du byed rnams dang rnam par shes pa mu med pa zhes bya ba'i ting nge 'dzin dang / sa'i khams mu med pa zhes bya ba'i ting nge 'dzin dang / de bzhin du chu'i khams dang me'i khams dang rlung gi khams mu med pa zhes bya ba'i ting nge 'dzin dang / na mkha'i khams mu med pa zhes bya ba'i ting nge 'dzin dang / rnam par shes pa'i khams mu med pa zhes bya ba'i ting nge 'dzin dang / rdo rje lta bu zhes bya ba'i ting nge 'dzin dang / chos thams cad ma 'dres pa zhes bya ba'i ting nge 'dzin dang / chos thams cad dmigs su med pa zhes bya ba'i ting nge 'dzin dang / chos thams cad rnam par 'jig pa mnyam pa nyid ces bya ba'i ting nge 'dzin dang / chos tham

  864. 434a

    cad byed pa med pa zhes bya ba'i ting nge 'dzin dang / chos thams cad bsam gyis mi khyab pa zhes bya ba'i ting nge 'dzin dang / byang chub sems dpa' sems dpa' chen po rtag tu dus de lta bu la sogs pa'i ting nge 'dzin sgo brgya stong phrag drug cu rab tu thob par gyur to// 'phags pa shes rab kyi pha rol tu phyin pa brgyad stong pa las/ chos 'phags kyi le'u zhes bya ste sum cu rtsa gcig pa'o// rab 'byor byang chub sems dpa' sems dpa' chen po rtag tu ngus ting nge 'dzin gyi sgo brgya stong phrag drug cu thob ma thag tu shar phyogs dang lho phyogs dang nub phyogs dang byang phyogs dang mtshams dang 'og dang steng gi phyogs dang phyogs bcu'i 'jig rten stong gsum gyi stong chen po'i 'jig rten gyi khams gang+gA'i klung gi bye me rnyed dag na/ sangs rgyas bcom ldan 'das gang+gA'i klung gi bye ma snyed dag dge slong gi dge 'dun gyis yongasu bskor cing byang chub sems dpa'i tshogs kyis mdun du byas te tshul 'di lta bu nyid dang ming 'di nyid dang yi ge 'di nyid kyi shes rab kyi pha rol tu phyin pa 'di 'chad pa mthong ngo // 'di lta ste dper na/ da ltar nga stong gsum gyi snying chen po'i 'jig rten gyi khams 'di na chos ston pa dge slong gi dge 'dun gyis yongs su bskor cing byang chub sem dpa'i tshogs kyis mdun du byas te/ tshul 'di nyid dang ming 'di nyid dang yi ge 'di nyid kyis shes rab kyi pha rol tu phyin pa 'di 'chad pa bzhin no// de mang du thos pa bas

  865. 434b

    gyis mi khyab pa dang thos pa rgya mtsho dang ldan par 'gyur te/ gar skyes pa thams cad du nam yang sangs rgyas dang bral bar ma gyur to// skye ba thams cad du yang gang dang gang du sang rgyas bcom ldan 'das rnams mngon sum du 'gyur ba de dang de dag tu skyes te/ tha na rmi lam na yang sangs rgyas bcom ldan 'das dag dang mi 'bral bar 'gyur ro des mi khom pa thams cad ni spangs dal ba phun sum tshogs pa ni bsgrub so// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo rnam grangs 'dis kyang shes rab kyi pha rol tu phyin pa 'di byang chub sems dpa' sems dpa' chen po rnams kyi thams cad mkhyen pa'i ye shes sgrub pa yin par rig par bya'o// kun dga' bo de lta bas na byang chub sems dpa' sems dpa' chen po thams cad mkhyen pa'i ye shes thob par 'dod pa dag gis shes rab kyi pha rol tu phyin pa 'di la spyad par bya'o// shes rab kyi pha rol tu phyin pa 'di mnyan par gzung bar bya bcang bar bya klag par bya kun chub par bya rab tu gdon par bya/ bstan par byi nye bar bstan par bya lung 'bogs par bya kha ton du bya bri bar bya/ de bzhin gshegs pa'i byin gyis brlabs kyis glog bam chen po la yi ge gsal zhing rab tu gsal ba legs par bris te/ me tog dang bdug pa dang dri dang phreng ba dang byug pa dang phye ma dang rol mo dang na bza' dang / gdugs dang rgyal mtshan dang dril bu dang ba dan dang kho ra yug tu mar

  866. 435a

    mo'i phreng ba dang mchod pa rnam pa mang po dag gis bkur stir bya bla mar bya rjed par bya mchod par bya ri mor bya bsnyen bkur bya ste/ kun dga' bo 'di ni nga'i rjes su bstan pa'o// de ci'i phyir zhe na/ shes rab kyi pha rol tu phyin pa 'di las thams cad mkhyen pa'i ye shes yongs su rdzogs par 'gyur ro// kun dga' bo 'di ji snyam du sems/ de bzhin gshegs pa khyod kyi ston pa yin nam kun dga' bo'i gsol pa/ bcom ldan 'das bdag gi ston pa lag so// bde bar gsheg ba bdag gi sten pa lags so// de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo khyod kyi ston pa de bzhin gshegs pa la kun dga' bo khyod kyis lus kyi las byams pa yid du 'ong ba dang / ngag gi las byams pa yid du 'ong ba dang / yid kyi byams pa yid du 'ong bas rim gror byas te de lta bas na kun dga' bo de ltar nga bzhugs te 'tsho zhing gzhes pa'i sku 'di la ci ltar khyod kyis dga' ba dang dang ba dang ri mor byas pa kun dga' bo de ltar nga 'das nas shes rab kyi pha rol tu phyin pa 'di la yang byos shig/ kun dga' bo ci nas shes rab kyi pha rol tu phyin pa 'di nub par mi 'gyur zhing ci nas khyod skyes bu tha mar mi 'gyur bar kun dga' bo khyod lan gnyis lan gsum du yongs su gtad do// rjes su yongs su gtad do/ kun dga' bo shes

  867. 435b

    rab kyi pha rol tu phyin pa 'di 'jig rten ci srid du rab tu spyod pa de srid du de bzhin gshegs pa bzhugs par rig par bya'o// kun dga' bo de srid du de bzhin ga sh+ye pa chos ston par rig par bya'o// kun dga' bo gang shes rab kyi pha rol tu phyin pa 'di nyan pa dang 'dzin pa dang 'chang ba dang / klog pa dang kun chub par byed pa dang rab tu 'don pa dang / ston pa dang nye bar ston pa dang lung 'bogs pa dang kha ton byed pa dang / yi ger 'dri ba dang me tog dang / bdug pa dang dri dang / phreng ba dang byug pa dang phye ma dang / na bza' dang / gdugs dang / rgyal mtshan dang / dril bu dang / ba dan dag dang / kho ra yug tu mar me'i phreng ba dang / mchod pan pa mang po dag gis bkur stir byed bla mar byed/ rjed par byed mchod par byed/ ri mor byed bsnyen bkur byed pa'i sems can de dag ni/ sangs rgyas mthong ba dang / dam pa'i chos nyan pa dang / dge 'dun la rim gro byed pa dang ma bral bar rig par bya'o// kun dga' bo sems can de dag ni/ de bzhin gshegs pa'i drung na spyod par rig par bya'o// bcom ldan 'das dgyes shing de skad ces bka' stsal pa dang / byang chub sems dpa' sems dpa' chen po byams pa la sogs bo dang / tshe dang ldan pa rab 'byor dang / tshe dang ldan pa sha ri'i bu dang / tshe dang ldan pa kun dga' bo dang / lha rnams kyi dbang po brgya byin dang lha dang

  868. 436a

    mi dang lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa shes rab kyi pha rol tu phyin pa brgyad stong pa las yongs su gtad pa'i le'u zhes bya ste sum cu rtsa gnyis pa'o// bcom ldan 'das ma 'phags pa shes rab kyi pha rol tu phyin pa brgyad stong pa rdzogs so// rgya gar gyi mkhan po shAkya sen dang dz+nyA na sid+d+hi dang zhu chen gyi lo ts+tsha ba ban de d+harma tA shi la la sogs pas bsgyur cing zhus te gtan la phab/ skad kyis dbang phyug dam pa'i mnga' bdag bod kyi dpal lte bcan po bkra shis lha sde btsan gyis bkas/ rgya gar gyi mkhan po su b+ha She ta dang / sgra bsgyur gyi lets+tsha ba dge slong rin chen bzang po'i 'grel pa dang mthun par 'gyur/ slad kyi rgya gar gyi mkhan po paN+Di ta chen po di paM ka ra shri dz+nyA na dang / zhu chen gyi lits+tsha ba dge slong rin chen bzang po'i yul dbus kyi 'grel pa la gtugs nas bcos shing zhus te gtan la bab/ yang skad kyis kyi slang gnye zang ni me cher/ biN+Di ta chen po de pa kar shrI dz+nyA na/ sits+tsha ba 'bros rgyal ba'i 'byung gnas gnyis kyis brgyad stong pa bshad pa'i dus su tshe long zhig gtan la phab/ byisar sgreng gi gtsug lag khang du lots+tsha ba 'brom rgyal ba'i 'byung gnas kyis rgya gar gyi

  869. 436b

    mdo gsum la gtugs nas lan gnyis gtan la phab/ slad kyis lots+tsha ba de nyid kyis bshad pa mdzad cing phran tshegs kyang gtan la pha ba/ dus phyis lo tsA ba chen po shAkya'i dge slong blo ldan shes rab kyis kha che'i dpe dang yul dbus kyi dpe du ma bsags nas gtan la phab/ slar yang gnyis dus kyi thams cad mkhyen pa chen po// zha lu lo ts+tsha ba dpal rin chen chos skyong bzang po'i zhal snga nas kyi rgya bod kyi dpe du ma dang bstun nas shin tu rnam par dag par mdzad pa'i ma phyi dang / rgya dpe gnyis dang / bod dpe par ma rnams la btugs te/ shAkya'i dge slong mnga' ris rab 'byam pa dpal 'byor rgyal mtshan dang / skad gnyis smra ba'i btsun pa kun dga' chos bzang gnyis kyis/ rnam 'gyur lcags pho stag le'i chu'i zla ba'i tsan+d+ra tshes kyi dkyil 'khor nya yongs su gang ba'i nyin/ yar stod sham+bu ste bde 'byung gi gangs ri chen po mdzes pa'i yul gyi thig le yangs par zhus shing dag par byas pa'o// @#sa baHswasti ka ri Sh+ya ti/ tshogs gnyis rgya mtsho'i mngal las yongs thon sku gsum gsang ba bdud rtsi'i mdzod/ snying stobs bsam mi khyab pa'i cha rdzogs dpal stug bde 'byung zur phud rtse'i/ cod pan mnyam zla med pa'i gtsor 'phags srid zhir dge legs sa mos tshal/ rgyas mdzad gau ta mtshan me'i mgon des thugs rje'i 'od zhags ring po'i skyong // stobs bcu'i lang mtsho

  870. 437a

    dar ba'i dga' byed mangs// 'dud sde'i 'bod grogs mgrin rang bcad pa'i mthar// brgyad Thani snod chos bung mas pa'i klu// drug cu'i rgyud la blangs pa'i dbyangs de san// rim gsum la khor la'i 'dzin rjed bad+ma mes// mthar gA'i zung shing ring gi zhag sa ru// bac+doMs des chos kun bden pa'i rdzun chang gring zhig pas 'khor ba ral nyam thos pa bzhin// rgyal sum sher phyin ma dros chug tur las// brgyad stong pa m+bu'i skye bar smin pa'i khur// so gnyis sa ne'i ldid lda mtsho zung gi/ grangs 'khyud bam po'i 'od tshogs dar drag pa// dbang gyuran sde pa tsa yongs kyi bkas// bcad pa'i dge legs yol ba med pa yi/ ngo mtshar glags ma sa zlar rab 'bar ba'i/ la mtshan 'dod 'dzi'i dpyid gyur yid bzhin gang / blo bzang rgyal ba'i spyi gzugs ye shes ga/ dpal ldan skal ba bzang por mdzad pa'i rje'i/ 'dzin las rgyun ma chang par phun tshogs pa'i// rab brtan mdzod rgya'i khur chen 'dag mkhas pa/ mkhas mang lags bris 'dod dgur 'gying ba'i gnas/ bkra shis cu brtsegs sbyin pa'i chos sder/ rnam dgar mgrin ston rnam pa'i nam krung bas// mdzang med par gyi gad+hA che 'di sbengs// dgi tshogs dpag tu med pa sa mchod sbyin baH pa'i legs byas kyis// thub bstan yongs 'du'i yid mos tshal chen bla med dga' ston cher bzhad de/ lung dang rtogs pa'i 'bras bzang ste ma mchog gi gya no ma ro ba

  871. 437b

    ba// mkha' khyab 'gro 'di'i nyer 'tshor smin bde legs g.yo ba med gyur cig/ bzod pa dka' thub bzod pa dam pa ni// mya ngan 'das pa mchog ces sang+yas gsungs/ rab tu byung ba gzhan la gnod pa dang // gzhan la 'tshe ba dge sbyong ma yin no// tad+ya thA oM hrI shru ti smi bi dza ye swA ha/ pradz+nyA pA ra mi ta yai sarba durga ti sho d+ha ya ra dza ya swAhA/ lak+ShI d+ha raHkany+tsan parba ta b+ha ti/ lo kya na thasti ma la pra hi ni/ bud+d+ho bi bud+d+ha pU dza 'di sa ste/ thos badran pa rnam rgyal ma gzhi tshugs/ shes rab kyi pa ril tu byin ma ngan 'gro thams cad stso ba'i rgyal po la swA hU~M/ phun sum tshogs pa mnga' ba gser gyi ri bi 'dra// 'jig rten gsum gyi mgon pa dri ma gsum spangs pa/ pa tra ne trastaM mang+ga laM ba wa tu shan+ti ka rasta ba d+ya/ te no ba diSh+Ta pra rasta kam+b+haH khya tasti lo ke na ra de ba pu dz+yaHsad+d+harma shan+ti ka ra pra dza na naM taM maM ga laM b+ha ba tu shan+ti ka rasta bA d+ya/ sangs rgyas pad+ma rgyas pa 'dab 'dra'i spyan mnga' ga// des ni de ring khyed la'i byed bkra shes nan/ nye bar bstan pa'i mchog rab mo g.yo ba// 'jig rten gsum na grags shing lha dang mis mchod pa// chos kyi dam pa skye dgu rnams la zhi byed pa// sad+d+ha rma yug shru ta ma ga la D+ha/ saM g+ho nri su ra dkri Ni ya/ hri shri Ni ba sa pra ba ro ga Na naM taM maM ga laM b+ha ba tu shin+ti ka ra sa ta bA d+ya/ yA ni ha b+hu ta ni sa ma ga ti ni s+thi ta na b+hu mA ba thA wan+ta rik+Shi/ de ma dode ring khyed la ni byed bkra shis shog dge 'dun bachos ldan thos pa'i bkra shis phyug/ mi dang lha dang lha ma yin gyi mchod pa'i gnas// tshogs kyi mchog reb de tshe shis dang dpal gyi gzhi// de yis de ring khyed la zhi byed bkra shis shog/ 'byung po gang dag 'dir ni lhag zur

  872. 438a

    kur+m+ma ma~M tri sa ta twa pra dza su dI wa tsar dzoH rmA/ yang+ga ka lalag la sau tra dzi daM s+thi tas+ya/ sarba d+ha ka s+ya ba ra saMrba kA lA di pa ta/ ni she Sha sa twa dzi na kas ma su kha s+ya/ sa // khyed bu mas me sa // pa la nyid // 'grags sa sems ca kun gyi sring la gnas// kun gyi bdag da rjegs kun byin bdag tham / sems can ma lus paskyed byed pa @// r+b+bad laM b+hAmatsU raM tI wA ra b+hiShIke/ ye d+harmA h+ye tu pra d+hArba tetAn+te n+d+ra thAka tod+d+haH daH/ bdin pades kyang dbang bskyer mchog sa sa zhes so// chos rnapos gang dus rgyalas byeng bad// da'i rgya ga gang minag/ teSh+Thats+tsha ma~M ni rod+d+ha e thA wa dI tu thab ste// oM su~M r+b+ba tiSh+Thabadzes na/ de na gshegs pa nyid kyis // dri sang gsung nan tu shegasas rdo rjes bu bya ma stu sarbadzag tA ma~M/ gcig zhus/ 'argatha thams cad dge bar gyur ci/ byang chub sems pa' ma ga nas/ rgya chus mas dpa'as dus nas/

Colophon

rgya gar gyi mkhan po shAkya sen dang / dznyA na si ddhi dang / zhu chen gyi lo tsa ba ban de dharma tA shi la la sogs pas bsgyur cing zhus te gtan la phab/ slad kyis dbang phyug dam pa'i mnga' bdag bod kyi dpal lha btsan po bkra shis lha sde btsan gyis bkas/ rgya gar gyi mkhan po su bhA Shi ta dang / sgra bsgyur lo tsa ba dge slong rin chen bzang pos 'grel ba dang mthun par 'gyur/ slad kyi rgya gar gyi mkhan po xfc;aNDi ta chen po di paM ka ra shrI dznyA na dang / zhu chen gyi lo tstsha ba dge slong rin chen bzang po'i yul dbus kyi 'grel pa la gtugs nas bcos shing zhus te gtan la phab/ yang slad kyi smad gnye thang na mo cher/ paNDi ta chen po dvi baM ka ra shrI dznyA na/ lotstsha ba 'brom rgyal ba'i 'byung gnas gnyis kyis brgyad stong bshad pa'i dus su chen long zhig gtan la phab/ phyis ra sgreng gi gtsug la ga khang du lo tstsha ba 'brom rgyal ba'i 'byung gnas kyis rgya gar gyi mdo gsum la gtugs nas lan gnyis gtan la phab/ slad kyi lotstsha ba de nyid kyis bshad pa mdzad cing phran tshegs kyang gtan la phab/ dus phyis lotstsha ba chen po shAkya'i dge slong blo ldan shes rab kyis kha che'i dpe dang yul dbus kyi dpe du ma bsags nas gtan la phab/ slar yang gnyis dus kyi thams cad mkhyen po chen po zha lu lotstsha ba dpal rin chen skyong bzang po'i zhal snga nas kyi rgya bod kyi dpe du ma dang bstun nas shin tu rnam par dag par mdzad pa'i ma phyi dang / rgya dpe gnyis dang / bod dpe par ma rnams la btugs te/ shAkya'i dge slong mnga' ris rab 'byam pa dpal 'byor rgyal mtshan dang / skad gnyis smra ba'i btsun pa kun dga' chos bzang gnyis kyis/ rnam 'gyur lcags pho stag lo'i chu'i zla ba'i tsaNDra tshes kyi dkyil 'khor nya yongs su gang ba'i nyin/ yar stod shambu ste bde 'byung gi gangs ri chen po mdzes pa'i yul gyi thig le yangs par zhus shing dag par byas pa'o//