rin po che me lha zhi bar gyur ba 'bar ba'i rgyud
Text
ff. 163a–189b · 54 folio sides
- 163a
rdo rje dmyal bar gtan du 'khor// chags pa'i ral can khyod la gtad// ces gsungs nas/ dgongs pa mi dmigs par gshegs so// rak+ta dmar gyi rgyud rdzogs so// // rak+ta dmar gyi rgyud las/ mtha' bstan pa'i le'u ste bco lnga pa'o// // gro long rtsal gyis bsgyur ba'o// / rgya gar skad du/ rat+na ag+ni shan+tiM ku ru dz+wa la tan tra/ bod skad du/ rin po che me lha zhi bar gyur pa 'bar ba'i rgyud/ bcom ldan 'das lhun gyis grub pa'i rgyal po la phyag 'tshal lo// thog ma med pa'i dus nyid na// rang bzhin lhun grub gnas de ru// chos dbyings ston pa chen po des// rang 'byung ye shes 'khor rnams la// sbyang ba chen po'i bstan pa bshad// rig pa rang gsal chen po'i dus// g.yos pa med pa'i gnas de ru// ye shes chen po'i ston pa des// rig pa 'od kyi 'khor lo la// sbyang ba zhi ba bstan pa bshad// rig pa rtsal du snang dus su// rig pa'i 'khor med gnas nyid du// longs spyod rdzogs pa'i ston pa des// byang chub sems dpa'i 'khor rnams la// sgrib pa sbyang ba'i bstan pa bshad// snang bas 'dul ba'i dus nyid du//
- 163b
rang bzhin 'og min gnas de ru// byung sems kun tu bzang po yis// nyon mongs zhi ba'i bstan pa bshad// thog ma bag chags dus nyid du/ srid pa chags pa'i grwanas de ru// ye shes kun tu bzang mo yis// rigs drug sems can 'khor rnams la// sdig sgrib pa sreg pa'i bstan pa bshad/ byung ba la ni rnam gnyis te// sems snang ba dang lus byung ba'o// gleng gzhi'i le'u ste dang po'o// / srung ba'i gsang bdug rdzorje sems dpa' yis// ston pa'i ston pa kun tu bzung po ste// gshed bskrad lan+d+ha nags sbyang ba kAng / ston+da pa'i nyon pa kun tu bzang po des/ bgegs bskrang pa la rnam pa gsum yin to// ting 'dzin sngags dang bskul gyis bslad pa'o// kun tu bzang po che ba'i// lha li rgyal dag gis bskrad/ de bzhin sngags kyis bskrad ba ni// ye shes khro bo'i thugs kyis brgyud// oM bi shwa lo d+hA dz+wa la maN+Dal/ ta la t+pa la/ tiSh+Tha ti// ban d+ha bAnad+ha/ na na bcab tsa/ pa k+She m+bul/ rol thugs kyis btakhas nas 'ang // bal tshig 'di yang rab kyi rjid/
- 164a
rigs kyi bu 'di la// thog ma med nas gnas pa yi// rtag tu srog la dbang byed pa'i// bgegs kyi rgyal po gang yod kyang // zas// su srog za dbugs spyod pa'i// tshe 'das gshed mar byed pa yi// tshe 'das lus nyid bzung nas su// kun tu 'khyam zhing kun tu gnod// bgegs kyi rgyal po khyod song zhig/ hUM/ nga yi bka' las 'da' bzhin du// tshe 'das gshed mar byed pa na// ye shes khro bo chen po yis// rus la gnas pa zhe sdang bgegs// zhe sdang mtshon gyi char pho bo cig/ khrag la gnas pa 'dod chags bgegs// myos byed dug gi char phob cig/ sha lnga gnas pa lta dug bgegs// khro chung nyungs kar char phob cig/ a ra li shri dzA la badz+ra hUM hUM phaT phaT/ tshe 'das bgegs dang da pral ba bstan pa'i le'u ste gnyis pa'o// / sdud pa'i gsang bdag rdo rje sems dpa' yis// ston pa'i ston pa kun tu bzang po la// rigs drug gnas nas drang ba ji lta bu// ston pa'i ston pa kun tu bzang po des// hUM/ zhe sdang mnar med las kyi sa bon gyis// sems can dmyal ba'i gnas su skyes pa na// las dang thugs rje dam tshig gis// ye shes thugs
- 164b
rjes drang zhing dgug/ du aM ku sha dza hUM/ skye bar nges pa'i sems can khyod// 'gro drug gnas su 'khyam pa na// stong gsum mun+da nag rig pa 'khyam/ bag chags sbyang phyir chug par bya'o// sho tan ti badz+ra sho tra hUM/ hUM/ tshe 'das lus brjes rigs kyi bu khyod ni// las kyi dbang gis stong gsum mun nag 'khyam// phyin ci log gi nyon mongs khu rnams bcings// ye shes gsal ba'i ral gris nyon mongs dra la// badz+ra a ti mu ti ba ma/ hUM/ mkha' dbyings rnam dag yum gyi b+ha ga ru// thabs dang shes rab gnyis med dkyil 'khor gsol// bag chags sbyang phyir ye shes bdud rtsi chu// tshe 'das bag chags gtan nas sbyang bar mdzod// oM AHhUM badz+ra a mr-i te sho dan ti sho d+ha ya swA hA/ hUMbacom ldan thub pa dmyal ba'i gtso chen po// tshe 'das rigs kyi bu khyod kyang // cha grang sdug bsngal shin tu gdungs pa na// kun bzangs thub pa khyod la skyabs su mchi'o// badz+ra sa ma ya s+t+wa~M/ hUM/ 'bru bcud stong dang ldan pa'i gser skyems 'di// gshin la bshags su byed pa'i bgegs// gson la bdud du byed pa'i 'dre// 'bru bcud gser skye mas 'di longs la// tshe 'das bla
- 165a
bzung gtang du gsol// hUM/ glud kyi gtor ma rgyan can 'di// srid pa'i rtse nas dmyal ba'i gnas yan chad// 'phags pa'i spyan gyis gzigs pa'i sems can kun// mchod sbyin gtor ma 'di bsngos pas// tshe 'das dmyal ba'i lan chags dag par shog/ hUM/ ser sna 'dod chags las kyi sa bon gyis// bkres skom yi dgas gnas su skyes pa na// las dang thugs rje dam tshig gis// ye shes lcags kyus drang zhing dgug/ pri ang ku sha dza/ hUM/ ma rig glen lkugs las kyi sa bon gyis// byol song lkugs pa'i gnas su 'khyam pa na// las dang thugs rje dam tshig gis// ye shes lcags kyus drang zhing dgug/ ti aM ku sha dza/ hUM/ nga rgyal dregs pa las kyi sa bon gyis// dregs pa mi yi gnas su 'khyams pa la// las dang thugs rje dam tshig gis// ye shes lcags kyus drang zhing dgug/ nr-i ang ku sha dza/ hUM/ phrag dog 'thab rtsod las kyi sa bon gyis// lha min phra men gnas su skyes pa na/ las dang thugs rje dam tshig gis// ye shes lcags kyus drang zhing dgug/ su ang ku sha dza/ hUM le lo yid spyod las kyi sa bon gyis// ltung ba lha yi
- 165b
gnas su skyes pa na// las dang thugs rje dam tshig gis// ye shes lcags kyus drang zhing dgug/ a ang ku sha dza/ rigs drug gnas nas drang ba bstan pa'i le'u ste gsum pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// gsang ba nang gi khrus nyid bya ba dang // 'gro drug pad+ma'i gdan la khrus nyid bya ba ji lta bu// ston pa kun tu bzang pos bka' stsal pa// hUM/ bdud rtsi ye shes lnga dang ldan// gnyis med bdud rtsi ye shes chus// tshe 'das bag chags sbyang ba'i phyir// tshe 'das sku la sku khrus gsol// oM badz+ra a ti sho da na di hUM/ pad+ma 'dab ma bzhi pa la// ye shes rigs lnga yig 'bru dgod// oM hUM s+pha aM ha/ de nas bskul tshig 'di brjod do// hU~M gos med ma chags pad+ma'i gdan// mdzes pa'i thugs rje chags pa med// tshe 'das bag chags dag pa'i phyir// rigs lnga bde ba'i gdan la bzhugs// pad+ma sa ma ya s+t+waM// de nas tshe 'das bu de yang // thugs rje chen pos sems bskyed de// sems la 'gyur ba med pas na// sna tshogs gzugs brnyan cir yang snang // snang med rang bzhi
- 166a
/ byang chub sems// rdo rje sems dpar sems bskyed do// / sems las thams cad 'byung bas na// rdzu ma nyid rtog pa meng pa ban/ rang bzhin ma 'gags thams cad 'byung // rin chen 'byung bar sems pabyed do// d+hU sems de cir yang snang bstan// rtswa tshugs ye shes so mi // rtog bzhin rgyun gyis grub// snang ba mthu' las sems bskyed do// sems las thams cad grub pas na// bya ru med pa'i ye shes bsgrub// sgrub med rang bzhin na rlon 'ang par skyems babyed do// sa den sgyul bdang sems d+hA d+hA ma nu brlung ba'i gsang bdag rdo rje dbya sa// ston pa'i skyon pa sngon rgyu bzang blol// ye shes rjong bu dgod pa dang // dri mi d+h+r-i ga la thug pa dang // Am+b+hi nAnArnams snang pa'i ba'i sngon brnyan cu bzang bdis// ci 'das rigs kyi ng+gel// hU~M la~M g+h+nA s+yA brgyas padis// ye shes gsang ba'i thong zung spyod// 'dus rigs kyi bu kyang / nyon mongs drug gsum mun nag 'khyams// ye shes gsal ba'i blan me 'dis// dkyil 'khor gyi tshogs gsale ba na// sa mal badz+ra mtshon/
- 166b
bdud rtsi tsan+da dAnA d+hi lis su// sgra yi grangs tsam lus la dgod// rang rang sngags dang nas bA yis// gnas s+'u dri li thig le bya'o// d+hu 'das rigs kyi bu 'di la// dri yi thig le bkod pa yis// bde bar gshegs pa thams cad kyis// rtags kyi spyi rgya btab pa yin// lha yi mtshan ma gdab pa ni// rang rang lha yi phyag mtshan dang // yig 'bru bcas te gdab par bya// hUM/ rdo rje 'khor lo rin po che// pad+ma ral gri dril bu'i tshogs// bde gshes sku yi phyag mtshan te// 'di nyid btab pa tsam gyis su// rgyal ba'i sras su gyur par shog/ hUM/ sku gsung thugs kyi yi ge 'di// 'di nyid btab pa tsam gyis su/ bder gshegs sangs rgyas thams cad kyi// sku gsung thugs kyi sras su shog/ oM bud+d+ha badz+ra kA ya badz+ra sa ma ya oM/ a bud+d+ha bA ka badz+ra sa ma ya aH d+hu bud+d+ha tsit+ta badz+ra sa ma ya hUM/ ye shes sdong bu dgod cing dri'i thig le byug pa dang / phyag mtshan yig 'bru 'dogs pa'i le'u ste lnga pa'o// / sdud bi'i gaMsang bdag rdo rje sems dpa' yis// ston pa'i ston pa kun tu bzang po la// dkyil 'khor sgo dbye lus kyis sdig pa bshags pa dang // rang gi lus nyid dkyil
- 167a
'khor lha la dbul ba ji lta bu/ ston pa'i ston pa kun tu bzang po des// shar phyogs rdo rje rigs kyi sgo// snying rje tshad med na/ mo ste/ me long lta bu'i sgo phye zhig/ tshe 'das dad pas 'jug par bya'o// badz+ra pra be sha ya dz+nyA na phaT/ hUM lho phyogs rin chen rigs kyi sgo// byams pa tshad med sgo mo ste// mnyam pa nyid kyi sgo phye zhig/ tshe 'das dad pas 'jug par bya'o// rat+na dz+nyA na pra bai shwa ya phaT/ hU~M/ nub phyogs pad+ma rigs kyi sgo// dga' ba tshad med sgo mo ste// so sor rtog pa'i sgo phye zhig/ tshe 'das dad pas 'jug par bya'o// pad+ma dz+nyA na pra ra pra be sha ya phaT/ hU~Mbyang phyogs las kyi rigs kyi sgo// btang snyom tshad med sgo mo ste// bya ba grub pa'i sgo phye zhig/ sa man ta dz+nyA na pra be sha ya phaT/ dkyil 'khor lha tshogs thams cad la// tshul dang ldan pa'i lus bzung ste// sngon gyi sdig sgrib thams cad bshags// hUM/ thog mi med nas 'khor bar 'khyams// bag med dbang gis nyon mongs spyad// ma rig dbang gis sdig pa spyad// kun tu bzang po'i thugs dang 'gal// rnam snang sku la bzod par gsol// hUM/ rtag tu 'khor bar 'khyams pa yis// ru tra'i dbang gis sdig pa spyad// zhe sdang
- 167b
dbang gis srog bcad pas// rdo rje sems la bzod par gsol// hUM/ srid pa kun tu 'khyams pa yis// gzhan sems dbang gis nga rgyal spyad// che ba'i dbang gis khengs pas bcings// rin chen 'byung la bzod par gsol// hU/ rtag tu ris drug gnas su 'khyams// 'dod chags dbang gis nyon mongs spyad// ser sna'i dbang gis 'ching bas bcings// rnam snang sku la bzod par gsol// hUM/ tshe rabs thog ma med pa nas// las kyi dbang gis khams gsum bag med 'khor// nyon mongs phrag dog rang gar spyad// don yod grub la bzod par gsol// hU~M/ sems can bdag gi lus 'di yang // thog ma med nas 'khor bar 'khyams// nyon mongs bag med rang gar spyad// de yi dbang gis sha khrag lus// 'bu srin mang po'i longs spyod 'di// bde bar gshegs pa rnams la 'bul// gti mug sha las grub pa'i lus// kun tu bzang la mchod par 'bul// zhe sdang rus las grub pa'i lus// rdo rje sems la mchod par 'bul// nga rgyal tshig las grub pa'i lus// rin chen 'byung la mchod par 'bul// 'dod chags khrag las grub pa'i lus// snang mtha' sku la mchod par 'bul// phrag dog rtsa las grub
- 168a
pa'i lus// don yod grub la mchod par 'bul// dbang po rnam shes khams rnams kun// sems dpa' sems ma rnams la 'bul// skyed mched yul rnams mang po kun// khro bo rnams la mchod par 'bral// don snying nang khrol mang po kun// thub pa rnams la mchod par 'bul// rkang pa yan lag bzhi po kun/ sgo ba bzhi la mchod par 'bul// tshe 'das kyi sgo dbye ba dang / sdig pa bshags pa dang / tshe 'das lus dbul ba'i le'u ste drug pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das sems la dbang bskur dang // byin gyis brlabs pa ji lta bu// ston pa'i ston pa kun tu bzang po des// tshe 'das sems la dbang bskur dang // byin gyis brlabs pa 'di lta bu// dam rdzas rnam bsnga yis bsgyur// hUM/ tshe 'das rigs kyi bu khyod la// 'joms byed rdo rje'i dbang bskur bas// gshed ma'i bdud las thar pa dang // rdo rje sku yi lus thob shog/ badz+ra a b+hi Shiny+tsa a/ hUM/ tshe 'das rigs kyi bu khyod la// 'dod spyod gtor ma 'di yi dbang bskur bas// sngon gyi lan chags dag gyur te// bdud rtsi zas la longs spyod shog/ a mr-i ta ba ling ta a b+hi Shiny+tsa a/
- 168b
hUM/ tshe 'das rigs kyi bu khyod la// 'khor lo 'bar ba'i dbang bskur bas// srid pa'i 'khor lo rgyun bcad de// bar do'i gnas nas thar par shog/ tsakra dz+nyA na a b+hi Shiny+tsa ahUM/ tshe 'das rigs kyi bu khyod la// chos dbyings dril bu'i dbang bskur bas// skye gnas sdug bsngal rgyun bcad de// chos nyid dang la gnas par shog/ sa man+ta nA ma ka a b+hi Shany+tsa a/ hUM/ tshe 'das rigs kyi bu khyod la// dbu rgyan dbang mchog bskur ba yis// nyon mongs dug lnga gnas dag ste// ye shes rigs lnga thob par shog/ sarba ta thA ga ta bud+ha a b+hi Shiny+tsa a/ hU~M/ tshe 'das rigs kyi bu khyod ni// snang ba sku yi rang bzhin te// gzugs 'dzin rnam rtog rnam dag phyir// bde gshegs sku yis byin rlabs so// sarba ta thA ga ta kA ya badz+ra hUM/ hUM/ tshe 'das rigs kyi bu khyod ni// grags pa gsung gi rang bzhin te// ming tshig rtog pa rnam dag ste// bde gshegs gsung du byin rlabs so// sarba ta thA ga ta wA ka badz+re hUM/ hUM/ tshe 'das rigs kyi bu khyod la// dran rtog thugs kyi rang bzhin te// rnam par rtog pa rnam dag nas// bde gshegs thugs su byin rlabs so// hUM sarba ta thA ga ta tsit+ta badz+ra hUM/ tshe 'das pa la dbang bskur zhing byin gyis brlabs pa'i le'u ste bdun pa'o//
- 169a
sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das rigs kyi bu nyid la// dkyil 'khor bstan cing yi dam dpog pa dang // sngags kyi bye brag dbog pa ji lta bu// ston pa'i ston pa kun tu bzang po des// tshe 'das rigs kyi bu de la// de nas dkyil 'khor bstan bstan par bya'o// hUM/ tshe 'das rigs kyi bu khyod kyang // ma bu 'du shes rab zhog la// rig pa'i shes pa chur nyon dang // nga ni rdo rje bla ma ste// nga yi bka' nyid ma bcag par// dkyil 'khor bzang po 'di la ltos// 'di ni kun bzangs dkyil 'khor te// bde gshegs 'dus pa'i pho brang yin// gnas mchog 'di ni bsgrub pa'i gnas// tshe 'das rigs kyi bu khyod kyang // dkyil 'khor gnas 'dir longs spyod shogahUM tshe 'das rigs kyi bu khyod kyang // wA ru kun bzung bde gshegs sgoms// sku mdog ser po 'od zer 'phro// mtshan rdzogs dpe byad ldan pa ste// mnyam par gzhag pa'i phyag rgya can// rtag tu lha mchog de sgoms shig de nas sngags kyi bsnyen pa dbog par bya// hUM tshe 'das rigs kyi bu khyod kyang // sngags su gsang sngags 'bru bdun zlos// de yi dang las ma 'da' bar/
- 169b
bzlas brjod bsnyen pa rgyun du gyis// hUM hUM badz+ra tsit+ta hUM/ tshe 'das pa la dkyil 'khor dang / lha dang / sngags dbog pa bstan pa'i le'u ste brgyad pa'o// / / sdud pa'i gsang bdag rdo rje sems dpa' yis// ston pa'i ston pa kun tu bzang po la// ye shes me lha spyan drangs dang // mchod dang bstod pa ji lta bu/ ston pa kun tu bzang po des// stong pa bdag med gsal bar gnas pa la// yi ge a nyid zhugs khang nang du bsgom// a de zhu zhing yongs su gyur pa las// dam tshig me lha dmar po gtsug phud can// mnyam gzhag bdud rtsi bum pa phyag na bsnams// thugs la rang 'byung ye shes me 'bar bas// 'khor ba'i bag chags nyon mongs sreg par byed// de nas ye shes me lha spyan drangs pa'o// hU/ me lha'i rgyal po drang srong mchog/ dmar po gcer bu gtsug phud can// rgyal ba kun gyi 'od mchog ste// bsreg sbyang lus 'di bzhes nas kyang // 'bar ba'i gdan la bzhugs su gsol// a g+ni dzA la maN+Dal hUM/ hUM/ me yaM lha mo kun tu bzang // 'byung ba me la dbang sgyur zhing // rgyal ba kun gyi gzi brjid mchog/ bsreg sbyang lus 'di 'bul lags pas// gnas 'dir spyan 'dren gshegs su gsol// badz+ra pa tra yag+ni dz+wa la raM dza hUM baM ho/ hU bde
- 170a
gshegs pho brang gnas mchog 'dir// me lha'i rgyal po 'khor dang bcas// 'byung ba'i me la dbang bya'i phyir// 'bar ba'i gdan la bzhugs su sa'o// dz+wal mar+d+ha hUM/ byidang nang gi mtshad pa yang // me nya 'khor dang brgyas la dbu'o// de nas kyi mi mchong pa dbul// byugs bcu ba 'gyus thams cad na// yon chab ji snyed yod pa kun// me lha 'khor dang bcas la 'bul// tshe 'das sgrib pa sbyang du gsol// badz+ra ag+ne a ha ra pU dza sA ma ye hUM/ hUM/ lhan cig skyes dang sbyar ba'i dri// bdug spos ji snyed yod pa kun// me lha 'khor dang bcas la 'bul// tshe 'das sgrib pa sbyang du gsol// badz+ra eg ni d+hU pa pU dza sa ma yai hU/ hUM/ chu dang thang las skyes pa yi// spyan gyi longs spyod me tog 'di// me lha 'khor dang bcas la 'bul// tshe 'das sgrib pa sbyang du gsol// badz+ra eg na puSh+pa pU dza sa ma yi hUMhUM/ rgyakho ba'i 'od dang rin chen 'od// mar me'i snang ba 'di rnams kyis// me lha 'khor dang bcas la 'bul// tshe 'das sgrib pa sbyang du gsol// badz+ra ag ni g+han+te pU dza sa ma ye hUM/ hU ro mchog brgya ldan lha yi zas// bdud rtsi'i zhal zas dag pa 'di// me lha 'khor dang bcas la 'bul// tshe 'das sgrib pa dag par mdzod//
- 170b
badz+ra ag+ne nai bi d+ya pU dza sa ma ye hUM/ hU/ gdung ba sel ba'i sgra mchog 'di// tshangs pa dbyangs kyi sgra snyan 'di// me lha 'khor dang bcas la 'bul// tshe 'das sgrib pa sbyang bar mdzod// badz+ra ag+na shab+da rat+na pU dza sa ma ye ho/ me lha'i rgyal po 'khor bcas la// nang gi mchod pa dbul ba ni// hUM/ dad pa dang ni dam tshig gis// mo'i rgyal po 'khor dang bcas// 'bar ma ye shes me klong nas// me lha 'bar ba'i sku bzhengs la// bsreg sbyang 'bar ba'i zhal zas 'di// me lha 'khor dang bcas la 'bul// badz+ra ag+ne bA pa ma ka ye swA hA/ hUM/ me lha'i rgyal po 'od mtha' yas// 'byung ba me la dbang bskur ba'i// rgyal ba kun gyi 'od mchog ste/ / chos nyid skye med hom khung du// rang 'byung ye shes me spar bas// tshe 'das bag chags bsreg sbyang rol// badz+ra ag+ne che ge mo shAn ting ku ru ye swA hA/ hU~M me lha'i rgyal po drang srong mchog/ gdong lnga gtsug phud thor tshugs can// sku mdog dmar po 'od 'bar bas// phyag na me yi 'khor lo bsnams// sems can bag chags sreg mdzad pa// dam rdzas 'bar ba'i mchod pa 'di// me lha'i rgyal po rnams la 'bul// badz+ra ag ni ba na ka ye swA hA/ me lha'i mchod pa'i
- 171a
le'u ste dgu pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// rigs lnga bde bar gshegs pa yab yum la// dam rdzas mchod pa dbul ba ji lta bu// ston pa'i ston pa kun tu bzang po des// hUM/ rnam shes phung po mngon sangs rgyas pa'i sku// gti mug rnam par dag pa'i gsung nyid can// chos dbyangs ye shes rnam par dag pa'i thugs// dam rdzas bdud rtsi 'bar ba'i mchod pa 'di// kun tu bzang po'i sku la mchod par 'bul// hUM hUM badz+ra tsit+ta hUM shan ting ku ru pU dza ye swA hA/ hUM/ chos nyid skye ba med pa'i hom khung du// nyon mongs gti mug sha yi yam shing la// rang 'byung ye shes me spa ra bas// ma rig bag chags thams cad bsreg sbyang rol// hUM badz+ra tsit+ta raM/ hUM/ gzugs kyi phung po rnam par dag pa'i sku// nyon mongs zhe sdang rnam par dag pa'i gsung // chos nyid ye shes me long lta bu'i thugs// dam rdzas bdud rtsi 'bar ba'i mchod pa 'di// rdo rje kun tu bzang la mchod par 'bul// tshe 'das las kyi sgrib pa dag gyur cig/ hUM badz+ra TIg shin+tiM ku ru swA hA/ hUM skye ba med pa'i hom khung du// zhe sdang rus
- 171b
pa'i yam shing la// me long lta bu'i me spar bas// tshe 'das bag chags thim sbyang rol// hUM badz+ra d+h+rig dz+wa la raM/ hUM/ tshor ba'i phung po gnas su dag pa'i sku/ nyon mongs nga rgyal gnas su dag pa'i gsung // mnyam nyid ye shes lta bu'i thugs mnga' ba// dam rdzas bdud rtsi 'bar ba'i mchod pa 'di// rin chen kun tu bzang la mchod par 'bul// tshe 'das las kyi sgrib pa byang gyur cig/ swa rat+na d+hI ga shan+tiM ku ru swA hA/ hU~M/ 'gag pa med pa'i hom khung du// nga rgyal rtsa ba'i yam shing la// mnyam nyid ye shes me spur bas// tshe 'das bag chags thim sbyang rol// swa rat+na dz+nyA na dz+wa la raM/ hU~M/ 'du shes phung po gnas su dag pa'i sku// nyon mongs 'dod chags gnas su dag pa'i gsung // so sor rtog pa'i ye shes thugs mnga' ba// dam rdzas bdud rtsi 'bar ba'i mchod pa 'dri// pad+ma kun bzang sku la mchod par 'bul// tshe 'das las kyi sgrib pa dag par mdzod// au a ro l-ig che ge shan+tiM ku ru swA hA/ hUM/ chos nyid gnas pa med pa'i hom khung du// 'dod chags khrag gi yam shing la// so sor rtog pa'i ye shes me spar bas// tshe 'das bag chags thams cad thim par rol// o a ro li ka dz+wa la raM/ hUM 'du byed phung po
- 172a
gnas su dag pa'i sku// nyon mongs phrag dog gnas su dag pa'i gsung // nan tan ye shes lta bu'i thugs mnga' ba// dam rdzas bdud rtsi 'bar ba'i mchod pa 'di// kun bzang don yod grub la mchod par 'bul// tshe 'das las kyi sgrib pa dag gyur cig/ ha pradz+nyA d+h+rig che ge shan+tiM ku ru ye swA hA/ hUM/ chos nyid dmigs pa med pa'i hom khung du// nyon mongs phrag dog chu ser yam shing la// bya ba sgrub pa'i ye shes me spa ra bas// tshe 'das las kyi bag chags thim sbyang rol// ha pra dz+nyA d+h+ri ga dz+wa la raM/ hU~M/ 'byung ba nam mkha' gnas su dag pa'i sku// ma byin len pa gnas su dag pa'i gsung // chos nyid mtshan ma med pa'i thugs mnga' ba/ dam rdza sa bdud rtsi 'bar ba'i mchod pa 'di// kun bzang dbyings phyug ma la mchod par 'bul// tshe 'das las kyi sgrib pa dag gyur cig/ hUM/ chos nyid skye ba med pa'i hom khung du// chos can skye bar snang ba'i yam shing la// chos nyid mtshan ma med pa'i me spar bas// tshe 'das las kyi bag chags thim sbyang rol// hUM/ 'byung bas nyid gnas su dag pa'i sku// nyon mongs 'dod chags gnas su dag pa'i gsung // chos nyid stong pa lta bu'i thugs mnga' ba// dam rdzas bdud rtsi 'bar ba'i mchod pa 'di//
- 172b
rdo rje sangs rgyas spyan la mchod par 'bul// tshe 'das las kyi sgrib pa dag gyur cig/ hUM/ chos nyid stong pa chen po'i hom khung du// mtshan ma 'dod par log pa'i yam shing la// chos nyid ye shes chen po'i me spar bas// tshe 'das bag chags thams cad thim sbyang rol// hUM/ 'byung ba chu nyid gnas su dag pa'i sku// rdzun du smra ba gnas su dag pa'i gsung // chos nyid smon pa med pa'i thugs mnga' ba// dam rdzas bdud rtsi 'bar ba'i mchod pa 'di// rin chen mA ma ki la mchod par 'bul// tshe 'das las kyi sgrib pa byang gyur cig/ hUM/ chos nyid smon pa med pa'i hom khung du// nyon mongs kun tu snang ba'i yam shing la// rig pa'i ye shes chen po'i me spar bas// tshe 'das bag chags/ thams cad thim sbyang rol// hUM/ 'byung ba me nyid gnas su dag pa'i sku// nyon mongs chags sems gnas su dag pa'i gsung // chos nyid bdag med gnas su dag pa'i thugs// dam rdzas bdud rtsi 'bar ba'i mchod pa 'di// pad+ma gos dkar mo la mchod par 'bul// tshe 'das las kyi sgrib pa byang gyur cig/ hUHbdag med chen po'i hom khung du// nyon mongs chags sems yam shing la// bdag 'dzin med pa'i me sba rabs// tshe 'das bag chags thim sbyang rol// hUM/ 'byung ba rlung nyid gnas su dag pa'i
- 173a
sku// nyon mongs gnod sems gnas su dag pa'i gsung // rang bzhin 'od gsal lta bu'i thugs mnga' ba// dam rdzas bdud rtsi 'bar ba'i mchod pa 'di// dam tshig sgrol ma'i sku la mchod par 'bul// tshe 'das las kyi bag chags thim sbyang rol// hUM/ chos nyid 'od gsal chen po'i hom khung du// nyon mongs gnod sems byed pa'i yam shing la// rig pa'i 'od gsal chen po'i me spar bas// tshe 'das las kyi bag chags thim par rol// rigs lnga kun bzang yab yum la/ tshe 'das pa'i mchod pa'i le'u ste bcu pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das las kyi bag chags sbyang ba'i phyir// rdo rje sems dpa'i tshogs la mchod pa dbul ba ji lta bu// hUM/ sbyin pa'i pha rol phyin pa gnas su dag pa'i sku// dga' ba'i sa la rab tu spyod pa'i gsung // dbul ba sel ba rig pa'i thugs 'chang ba// dam rdzas bdud rtsi 'bar ba'i mchod pa 'di// rdo rje snying gi sku la mchod par 'bul// tshe 'das las kyi bag chags dag gyur cig/ hUM chos nyid skye ba med pa'i hom khung du// mig gi dbang po'i rtog pa'i yam shing la// rang 'byung ye shes chen
- 173b
po'i me spar bas// tshe 'das las kyi bag chags thim sbyang rol// hUM/ tshul khrims pha rol phyin pa gnas su dag pa'i sku// nyon mongs sel byed dpa' bo chen po'i gsung dri med pa la spyod pa'i thugs mnga' ba// dam rdzas bdud rtsi 'bar ba'i mchod pa 'di// rdo rje nam mkha'i sku la mchod par 'bul// tshe 'das las kyi bag chags dag gyur cig/ hUM/ chos nyid spros pa med pa'i hom khung du// rna ba'i dbang po rtog pa'i yam shing la// rang 'byung ye shes chen po'i me sbar bas// tshe 'das las kyi bag chags thim sbyang rol// hUM/ bzod pa'i pha rol phyin pa rnam par dag pa'i sku// khro ba sel mdzad zhi ba lta bu'i gsung // 'od 'phro'i sa la rab tu spyod pa'i thugs// dam rdzas bdud rtsi 'bar ba'i mchod pa 'di// byang sems kun bzang sku la mchod pa 'bul// tshe 'das las kyi bag chags dag gyur cig/ hUM/ chos nyid g.yos pa med pa'i ho ma khung du// sna yi dbang po rtog pa'i yam shing la// rtog med rig pa chen po'i me spar bas// tshe 'das las kyi bag chags thim sbyang rol// hUM/ brtson 'grus pha rol phyin pa rnam par dag pa'i sku// me long sel mdzad gtum pa'i gsung nyid can// 'od byed sa la rab tu spyod pa'i thugs// dam rdzas bdud rtsi 'bar ba'i mchod pa 'di//
- 174a
rdo rje spyan ras gzigs la mchod par 'bul// tshe 'das las kyi bag chags dag gyur cig/ hUM/ chos nyid thig le chen po'i hom khung du/ lce yi dbang po'i rtog pa'i yam shing la// rang 'byung rig pa'i ye shes me spar bas// tshe 'das las kyi bag chags thim sbyang rol// hUM/ shes rab pha rol phyin pa rnam par dag pa'i sku// gti mug sel mdzad ye shes chen po'i gsung // sbyang ba dka' ba'i sa la spyod pa'i thugs// dam rdzas bdud rtsi 'bar ba'i mchod pa 'di// rdo rje 'jam dpal sku la mchod pa 'bul// tshe 'das las kyi bag chags dag gyur cig/ hUM chos nyid stong pa chen po'i hom khung du// lus kyi dbang po rtog pa'i yam shing la// rtog med mnyam pa chen po'i me sba rabs// tshe 'das las kyi bag chags thim sbyang rol// hUM bsam gtan pha rol phyin pa rnam par dag pa'i sku// bying rgod sel ba'i chos nyid lta bu'i gsung // mngon gyur sa la rab tu spyod pa'i thugs// dam rdzas bdud rtsi 'bar ba'i mchod pa 'di// byams pa mi tri'i sku la mchod par 'bul// tshe 'das las kyi bag chags dag gyur cig/ hUM chos rnams nam mkha' lta bu'i hom khung du// rtog par snang ba yid kyi lam shing la// rtog med nam mkha'
- 174b
chen po'i me spar bas// tshe 'das las kyi sdig pa dag gyur cig/ hUM/ smon lam pha rol phyin pa rnam par dag pa'i sku// skye ba sel mdzad rang nyid rig pa'i gsung // ring du song ba'i sa la spyod pa'i thugs// dam rdzas bdud rtsi 'bar pa'i mchod pa 'di// phyag na rdo rje'i sku la mchod par 'bul// tshe 'das las kyi bag chags dag gyur cig/ hUM/ chos nyid skye ba med pa'i hom khung du// gzugs su snang ba rtog pa'i yam shing la// gnyis su med par rtogs pa'i me sbyar bas// tshe 'das las kyi bag chags thim sbyang rol// hUM/ stobs kyi pha rol phyin pa rnam par dag pa'i sku// gdug pa sel mdzad gzhan rgyud 'dzin pa'i gsung // chos kyi sprin gyi sa la spyod pa'i thugs// dam rdzas bdud rtsi 'bar ba'i mchod pa 'di// rdo rje 'gag med sku la mchod par 'bul// tshe 'das las kyi sgrib pa dag gyur cig/ hUM/ chos nyid 'gag pa med pa'i hom khung du// sgra ru snang ba rtog pa'i yam shing la// 'gag pa med pa'i ye shes me spar bas// tshe 'das las kyi bag chags bsreg sbyang rol// hUM/ ye shes pha rol phyin pa rnam par dag pa'i sku// sgrib pa sel mdzad gsal ba'i rgyud rig gsung // legs pa'i blo gros sa la spyod pa'i thugs// dam rdzas bdud rtsi 'bar ba'i mchod pa 'di// rdo rje bde ba'i skul
- 175a
mchod par 'bul// tshe 'das las kyi bag chags dag gyur cig/ hUM/ chos nyid gnas pa med pa'i hom khung du// dri ru snang ba'i rtog pa'i sam shing la// rtog med rig pa chen po'i me spar bas// tshe 'das las kyi sgrib pa dag gyur cig/ hUM/ yan lag ma 'gag pha rol phyin pa'i sku// rig pa sel mdzad rig med chen po'i gsung // bde ba legs pa'i sa la spyod pa'i thugs// dam rdzas bdud rtsi 'bar ba'i mchod pa 'di// rdo rje rol pa'i sku la mchod par 'bul// tshe 'das las kyi bag chags dag gyur cig/ hUM/ chos nyid mnyam pa med pa'i hom khung du// ring du snang ba rtog pa'i yam shing la// dmigs med ye shes chen po'i me spar bas// tshe 'das las kyi bag chags thim sbyang rol// hUM/ sprul pa gang 'dul pha rol phyin pa'i sku// 'gro ba'i log par rtog pa sel ba'i gsung // pad+ma can gyi sa la spyod pa'i thugs// dam rdzas bdud rtsi 'bar ba'i mchod pa 'di// rdo rje sprul pa'i sku la mchod par 'bul// tshe 'das las kyi sgrib pa dag gyur cig/ hUM/ chos nyid 'gro ba med pa'i hom khung du// reg byar snang ba lus kyi yam shing la// chos nyid 'dod pa med pa'i me spar bas// tshe 'das las kyi bag chags thim sbyang rol// hUM/ 'od snang
- 175b
pha rol phyin pa rnam par dag pa'i sku// sku nyid snang bas sgrib pa sel ba'i gsung // ye shes tshogs chen 'khor lo'i sa la spyod pa'i thugs// dam rdzas bdud rtsi 'bar ba'i mchod pa 'di// rdo rje gsal ba'i sku la mchod par 'bul// tshe 'das las kyi bag chags dag gyur cig/ hUM/ lhun grub bde ba chen po'i hom khung du// log rtog chos su snang ba'i yam shing la// bde chen rig pa chen po'i me spar bas// 'khor ba'i bag chags rnam rtog bsreg sbyang rol// hUM/ 'od kyi rigs 'dus pha rol phyin pa'i sku// rig pa'i snang bas rtog pa sel ba'i gsung // 'joms byed rig pa'i sa la spyod pa'i thugs// dam rdzas bdud rtsi 'bar ba'i mchod pa 'di// rdo rje bzhud pa'i sku la mchod par 'bul// tshe 'das las kyi bag chags dag gyur cig/ hU/ chos nyid bde ba chen po'i hom khung du// gzung bar snang ba'i rig pa'i yam shing la// bde ba chen po'i ye shes me spar bas// tshe 'das las kyi sgrib pa thim sbyang rol// hUM/ ye shes lhun grub pha rol phyin pa'i sku// gnyis med ye shes gzung 'dzin sel ba'i gsung // lhun grub bde ba'i sa la spyod pa'i thugs// dam rdzas bdud rtsi 'bar ba'i mchod pa 'di// rdo rje lhun grub skul mchod par 'bul//
- 176a
tshe 'das las kyi bag chags dag gyur cig/ hUM/ chos nyid skye ba med pa'i hom khung du// 'dzin par snang ba rtog pa'i yam shing la// rig pa ye/ shes chen po'i me spa ra bas// tshe 'das las kyi sdig sgrib thim sbyang rol// hUMchos dbyings mi 'gyur pha rol phyin pa'i sku// rig med blang dor gnyis med sel ba'i gsung // ma bcos nam mkha'i dang la spyod pa'i thugs// dam rdzas bdud rtsi 'bar ba'i mchod pa 'di// rdo rje skye med sku la mchod par 'bul// tshe 'das las kyi sgrib pa dag gyur cig/ hUM/ chos nyid skye ba med pa'i hom khung du// mtshan ma'i rnam par rtog pa'i yam shing la// rang 'byung ye shes rig pa'i me spar bas// tshe 'das las kyi bag chags bsreg sbyang rol// tshe 'das bag chags sbyang zhing // rdo rje sems dpa' la mchod par dbul ba'i le'u ste bcu gcig pa'o// / sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das las kyi sgrib pa sbyang ba dang // rdo rje sems ma rnams la mchod pa ji lta bu// ston pa'i ston pa kun tu bzang po des// hUM/ kun gzhi rnam shes yul du dag pa'i sku// nyon mongs ser sna gnas su dag pa'i gsung // mig gi rnam
- 176b
shes gnas su dag pa'i thugs// dam rdzas bdud rtsi 'bar ba'i mchod pa 'di// rdo rje sgeg mo'i sku la mchod par 'bul// tshe 'das las kyi sgrib pa byang gyur cig/ hUM/ nyon mongs yid de gnas su dag pa'i sku// nyon mongs chags pa'i gnas su dag byed gsung // rna ba'i rnam shes gnas su dag pa'i thugs// dam rdzas bdud rtsi 'bar ba'i mchod pa 'di// rdo rje 'phreng ba'i sku la mchod par 'bul// tshe 'das las kyi sgrib pa byang gyur cig/ hUM/ yid kyi rnam shes gnas su dag pa'i sku// nyon mongs phra ma gnas su dag byed gsung // sna yi rnam shes gnas su dag pa'i thugs// dam rdzas bdud rtsi 'bar ba'i mchod pa 'di// rdo rje dbyangs ma'i sku la mchod par 'bul// tshe 'das las kyi sgrib pa byang gyur cig/ hUM mig gi rnam shes gnas su dag pa'i sku// nyon mongs bag med gnas su dag pa'i gsung // mig gi skye mched gnas su dag pa'i thugs// dam rdzas bdud rtsi 'bar ba'i mchod pa 'di// rdo rje gar gyi sku la mchod par 'bul// tshe 'das las kyi sgrib byang gyur cig/ hUM/ rna ba'i rnam shes gnas su dag pa'i sku// nyon mongs phra ma gnas su dag pa'i gsung // rna ba'i skye mched
- 177a
gnas su dag pa'i thugs// dam rdzas bdud rtsi 'bar ba'i mchod pa 'di// rdo rje dkar mo'i sku la mchod par 'bru la// tshe 'das las kyi sgrib pa byang gyur cig/ hUM/ sna yi rnam shes gnas su dag pa'i sku// nyon mongs bag med gnas su dag byed gsung // sna yi skye mched gnas su dag pa'i thugs// dam rdzas bdud rtsi 'bar ba'i mchod pa 'di// rdo rje ma le'i sku la mchod par 'bru la// tshe 'das las kyi sgrib pa byang gyur cig/ hU~M lce yi rnam shes ga na sra su dag pa'i sku// nyon mongs le lo gnas su dag byed gsung // lce yi skye mched gnas su dag byed thugs// dam rdzas bdud rtsi 'bar ba'i mchod pa 'di// rdo rje 'gir ti'i sku la mchod pa 'bul// tshe 'das las kyi sgrib pa byang gyur cig/ hUM/ lus kyi rnam shes gnas su dag pa'i sku// ma byin len pa gnas su dag pa'i gsung // lus kyi skye mched gnas su dag pa'i thugs// dam rdzas bdud rtsi 'bar ba'i mchod pa 'di// rdo rje ni ra de'i ska la mchod par 'bul// tshe 'das las kyi sgrib pa byang gyur cig/ hUM/ mig gi dbang po gnas su dag pa'i sku// nyon mongs chags sems gnas su dag pa'i gsung //
- 177b
sgra yi skye mched gnas su dag pa'i thugs// dam rdzas bdud rtsi 'bar ba'i mchod pa 'di// rdo rje 'od 'dzin sprul mchod par 'bul// tshe 'das las kyi sgrib pa byang gyur cig/ hUM/ sna yi dbang po gnas su dag pa'i sku// nyon mongs dri ma gnas su dag pa'i gsung // dri yi skye mched gnas su dag pa'i thugs// dam rdzu sa bdud rtsi 'bar ba'i mchod pa 'di// rdo rje 'od 'dzag sku la mchod par 'bul// tshe 'das las kyi sgrib pa byang gyur cig/ hUM/ lus kyi dbang po gnas su dag pa'i sku// log par lta ba gnas su dag pa'i gsung // lus kyi skye mched gnas su dag pa'i thugs// dam rdzas bdud rtsi 'bar ba'i mchod pa 'di// rdo rje 'joms pa mo la mchod par 'bul// tshe 'das las kyi sgrib byang gyur cig/ hU/ yid kyi dbang po gnas su dag pa'i sku// nyon mongs brna sems gnas su dag pa'i gsung // chos kyi skye mched gnas su dag pa'i thugs// dam rdzas bdud rtsi 'bar ba'i mchod pa 'di// rdo rje yid spyod ma la mchod par 'bul// tshe 'das las kyi sgrib pa byang gyur cig/ hUM/ dngos por snang ba gnas su dag pa'i sku// nyon mongs nyid du gnas su dag pa'i gsung // yul du 'dzin pa'i mtshan ma 'joms pa'i thugs// dam rdzas bdud rtsi 'bar
- 178a
ba'i mchod pa 'di// rdo rje brjid pa mo la mchod par 'bul// tshe 'das las kyi sgrib pa byang gyur cig/ d+hU/ bdag tu 'dzin pa rnam par dag pa'i / ngag gi nyes pa gnas su dag pa'i gsung // bdag med nam mkha' lta bu'i thugs mnga' ba// dam rdzas bdud rtsi 'bar ba'i mchod pa 'di// rdo rje bdug pa'i sku la mchod par 'bul// tshe 'das las kyi sgrib pa byang gyur cig/ hUM/ mtshan mar 'dzin pa gnas su dag pa'i sku// lus kyi nyes pa gnas su dag pa'i gsung // mtshan med nam mkha' lta bu'i thugs mnga' ba// dem rdza sna bdud rtsi 'bar ba'i mchod pa 'di// rdo rje me tog ma la mchod par 'bul// tshe 'das las kyi sgrib pa byang gyur cig/ 'dzin pa gnas su dag pa'i sku// yid kyi nyes pa gnas su dag pa'i gsung // rgyu med 'dzin pa gnas su dag pa'i thugs// dam rdzas bdud rtsi 'bar ba'i mchod pa 'di// rdo rje mar me mA la mchod par 'bul// tshe 'das las kyi sgrib pa byang gyur cig/ hU~M/ log par lta ba gnas su dag pa'i sku// grub pa'i longs spyod gnas su dag pa'i gsung // ye shes lta bu thugs kyi dgongs pa can// de ma rdzas bdud rtsi 'bar ba'i mchod pa 'di// rdo rje dri chab ma la mchod par 'bul// tshe 'das las kyi sgrib pa
- 178b
byang gyur cig/ hU/ chos nyid skye ba med pa'i hom khung du// chos can skye bar snang ba'i yam shing la// rang 'byung ye shes chen po'i me spar bas// tshe 'das las kyi sgrib pa bsreg sbyang thim// oM bo d+hi tsit+ta che ge shAn+ti ku ru swA hA/ badz+ra ag+ne cha ge shAn+ti ku ru swA hA/ tshe 'das pa'i bag chags bsreg cing / rdo rje sems ma la mchod pa dbul ba'i le'u ste bcu gnyis pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das las kyi bag chags sbyang ba dang // thub pa drug la mchod pa ji lta bu// ston pa'i ston pa kun tu bzang po des// hUM/ le lo'i skyon spangs gnas su dag pa'i sku// bde ba'i longs spyod 'dzin pa rig pa'i gsung // rig pa'i thugs kyis lha rnams 'dul// 'joms mdzad lha yi sku la mchod par 'bul// tshe 'das las kyi sgrib pa byang gyur cig/ hUM/ phrag dog skyon spangs gnas su dag pa'i sku// rmod kha'i longs spyod 'dzin pa rig pa'i gsung // dpa' bo lha yi thugs rjes lha min 'dul// rdo rje lha min thub pa mchod par 'bul// tshe 'das las kyi sgrib pa byang gyur cig/ hUM/ nga rgyal skyon spangs gnas su dag pa'i sku// khro ba'i rig pa'i longs spyod 'dzin pa'i gsung //
- 179a
'gro ba'i gnyen pos mi rnams 'dul ba'i thugs// 'dul byed thub pa'i sku la mchod par 'bul// tshe 'das las kyi sgrib pa byang gyur cig/ rU gti mug skyon spangs gnas su dag pa'i sku// gnyis med longs spyod 'dzin pa'i rig pa'i gsung // glen lkugs sgrib pa gcod pa rig pa'i thugs// 'joms byed thub pa'i sku la mchod par 'bul// tshe 'das las kyi sgrib pa byang gyur cig/ hUM/ 'dod chags skyon spangs gnas su dag pa'i sku// ser sna'i 'ching ba 'grol bar byed pa'i gsung // 'gro ba'i gnyen po yi dgas 'dul ba'i thugs// sel mdzad yid rtsol ma la mchod par 'bul// tshe 'das las kyi sgrib pa byang gyur cig/ hUM/ zhe sdang skyon spangs gnas su dag pa'i sku// tsha grang sdug bsngal sel byed rig pa'i gsung // rig mchog dmyal ba 'dren mdzad dpa' bo'i thugs// dpa' brtan dmyal ba'i sku la mchod par 'bu la// tshe 'das las kyi sgrib pa byang gyur cig/ hUM/ chos nyid skye ba med pa'i hom khung du// nyon mongs rgyu drug rtog pa'i yam shing la// rig pa'i ye shes chen po'i me spa ra bas// tshe 'das las kyi sgrib pa thim sbyang rol// a ni su tri pri su shan+tiM ku ru swA hA/ tshe 'das pa'i bag chags sbyang zhing / spul sku thub pa la mchod pa'i le'u
- 179b
ste bcu gsum pa'o// / sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das las kyi bag chags sbyang ba dang // ye shes khro bo rnams la mchod pa dbul ba gang // ston pa'i ston pa kun tu bzang po ngos// hUM/ khro ma khros pa'i zhi ba'i sku// khro dpung chen po 'joms pa'i gsung // khros pa nye ba'i sprin chen thugs// zhi mdzad khro bo'i sku la mchod par 'bul// hUM/ lha rnams 'dul ba gtso bo'i sku// 'joms byed dbang phyug chen po'i gsung // zhi mdzad rab tu 'jigs pa'i thugs// 'joms byed khro la mchod par 'bul// hUM/ shar phyogs dregs pa kun 'dul sku// dri za'i gtso gzung brjid pa'i gsung // 'joms byed dbang phyug 'dul ba'i thugs// gshed mdzad 'dul la mchod par 'bul// shar lho dregs pa 'dul ba'i sku// bden bral gtso gzung 'dul ba'i gsung // 'joms byed dbang phyug rig pa'i thugs// bden bral 'dul ba mchod par 'bul// hU/ lho phyogs dregs pa 'dul ba'i sku// gshin rje gtso gzung 'dul ba'i gsung // 'joms byed dbang phyug 'dul ba'i thugs// tshe gshed khro la mchod par 'bul// hU/ lho nub dregs pa 'dul ba'i sku// srin po 'dul ba rig pa'i gsung // 'joms byed
- 180a
dbang phyug thugs rje bdag/ thar byed khro la mchod par 'bul// hU/ nub phyogs dregs pa 'dul ba'i sku// klu yi gtsog zung gdan bting gsung // 'jon byed dbang phyug yid kyi thugs// 'dul byed khro la mchod par 'bu la// hU/ nub byang dregs pa 'dul ba'i sku// rlung lha'i gtsogazung gdan bting gsung // 'joms byed rga ba thugs kyi bdag/ 'dul byed khro la mchod par 'bul// dU/ byang phyogs dregs pa 'dul ba'i sku// gnod sbyin gtso gzung gdan bting gsung // 'dul byed dbang phyug thugs kyi bdag/ dbang mchog khro la mchod par 'bul// hU/ byang shar dregs pa 'dul ba'i sku// dbang ldan gdan bting rig pa'i gsung // 'joms byed stobs kyi mnon pa'i thugs// stobs ldan khro la mchod par 'bul// hUM/ 'phrin las 'joms pa'i hom khrung du// gdug pa nyon mongs yam shing la// 'joms byed khro bo'i me spar bas// tshe 'das gshed ma bsreg sbyang rol// hU badz+ra ko ti bi dza ya che ge mo ma ra ya dz+wa la raM/ tshe 'das pa'i gshed ma sbyang zhing // ye shes khro bo la mchod pa dbul ba'i le'u ste bcu bzhi pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// zhing skyong rdo rje 'gro ba'i dpal mdzad
- 180b
/ tshe 'das sgrib pa sbyang zhing mchod pa dbul ba gang // ston pa'i ston pa kun tu bzang po des// hU/ bad ga shegs thams cad 'od las sprul pa'i sku// rgyal ba kun gyi zhing khams skyong ba'i gsung // yon tan 'gag med thams cad mkhyen pa'i thugs// dam rdzas bdud rtsi 'bar ba'i mchod pa 'di// zhing skyong dpal mdzad sku la mchod par 'bul// tshe 'das las kyi sgrib pa byang bar shog/ a badz+ra pa tra a che ge mo shan+tiM ku ru swA hA/ hUM/ gnyis med b+ha ga'i hom khung du// 'byung ba 'od kyi me spar bas// tshe 'das bag chags sreg sbyang rol// badz+ra ag+ne che ge mo dz+wa la ra/ zhing skyong dpal mdzad ma'i mchod pa dbul ba'i le'u ste bco lnga pa'o// sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das las kyi bag chags sbyang ba dang // ye shes sgo ba rnams la mchod par dbul ba gang // ston pa'i ston pa kun tu bzang po des// hU/ log par lta ba'i mtshan ma 'joms pa'i sku// dmigs pa 'dzin pa 'gro ba 'dul ba'i gsung // ma 'gags ye shes rig pa'i thugs mnga' ba// rnam par rgyal ba'i sku la mchod par 'bul// hUM/ mtshan mar lta bas mtshan med dag pa'i sku// rnam pa'i yul gyis 'gro ba 'dul ba'i
- 181a
gsung // mi g.yo ba yi ye shes thugs mnga' ba// gshin rje gshed po'i sku la mchod par 'bul// hUM/ bdag tu lta ba'i mtshan ma 'joms pa'i sku/ yul du 'dzin pa'i rig pa med pa'i gsung // rgya ma chad pa'i ye shes thugs mnga' ba// dbang sdud rta mgrin sku la mchod par 'bul// hUM/ chang par lta ba bde/ bab sel ba'i sku// dmigs pa med pa rig pa chen po'i gsung // mi 'gyur ba yi ye shes thugs mnga' ba// gsol mdzad bdud rtsi 'khyil la mched par 'bu la// tshe 'das las kyi sgrib pa byang gyur cig/ o/ 'phrin las grub pa'i hom khung du// log rtog rgyu ru snang ba'i yam shing la// 'joms mdzad ye shes chen po'i me spar bas// tshe 'das bag chags thams cad bsreg sbyang rol// hUM badz+ra kro ta che ge mo shan+tiM ku ru swA hA/ ye shes sgo ba la mchod pa dbul ba'i le'u ste bcu drug pa'o// / sdud pa'i gsang bdag rdo rje sems dpa' yis// ston pa'i ston pa kun tu bzang po la// ye shes sgo ma rnams la mchod pa dbul ba dang // tshe 'das sgrib pa sbyang ba ji lta bu// ston pa'i ston pa kun tu bzang po des// hUM/ stong nyid chen po mngon sangs rgyas pa'i sku// rig pa'i lcags kyus 'gro ba 'dren pa'i gsung //
- 181b
snying rje tshad med 'gro ba'i thugs 'chang ba// rdo rje lcags kyu'i sku la mchod par 'bul// hUM/ smon pa chen po mngon sangs rgyas pa'i sku// ye shes zhags pas 'gro ba 'dren pa'i gsung // byams pa tshad med 'gro ba'i thugs 'chang ba// rdo rje zhags pa ma la mchod par 'bul// hUM/ bdag med chen po mngon sangs rgyas pa'i sku// thugs rje lcags sgrog 'gro ba bcing ba'i gsung // dga' ba tshad med 'gro ba'i thugs 'chang ba// rdo rje lcags sgrog ma la mchod par 'bul// hUM/ rang bzhin 'od gsal mngon sangs rgyas pa'i sku// 'phrin las 'dul ba'i rdo rje dril bu'i gsung // btang snyoms tshad med 'gro ba'i don mdzad thugs// 'joms byed dril bu ma la mchod par 'bul// tshe 'das las kyi sgrib pa dag par shog/ oM badz+ra kro ti pU dza sa ma ye hUM/ hUMchos nyid skye ba med pa'i hom khung du// rtog pa chen po 'byung ba'i yam shing la// rtog med ye shes chen po'i me spar bas// tshe 'das las kyi bag chags bsreg sbyang rol// oM kro ti che ge mo shin+tiM ku ru badz+ra dz+wA la raM/ ye shes sgo ma bzhi la sreg rdzas mchod pa'i le'u ste bcu bdun pa'o// // sdud pa'i gsang bdag rdo rje sems dpa' yis// ston pa'i ston pa kun tu
- 182a
bzang po la// tshe 'das bag chags sbyang ba dang // 'phrin las rnam bzhi'i sbyin sreg bya ba gang // ston pa'i ston pa kun tu bzang po des// oM/ dung ngam dkar po'i shing rnams la// mgo bo rgya mdud rtse zur zlum// log la zhi ba'i lha bsgoms pas// nyon mongs bag chags zhi bar 'gyur// zhi bar ma gyur gang yang med// zhi mdzad lha la mchod par 'bul// shin+tiM ku ru swA hA/ hUM/ 'phrin las chu yi thab khung du// zhe sdang rus pa'i yam shing la// kun bzang thugs kyi me sbar bas// 'khor ba'i nyon mongs zhi bar 'gyur// du shan+tiM ku ru swA hA/ hUM/ gser ram gser po'i shing rnams la// mgo bo rgya mdud rtse zur bzhi// log la rgyas pa'i lha bsgoms pas// yon tan ma lus rgyas par 'gyur// rgyal mdzad lha la mchod par 'bul// puSh+TiM ku ru swA hA/ hU/ 'phrin las sa yi hom khung du/ nyon mongs nga rgyal yam shing la// kun bzang rdzogs pa'i me spar bas// skye ba'i bag chags bsreg sbyang rol// su puSh+TiM ku ru swA hA/ hU zangs sam dmar po'i shing rnams la// mgo bo rgya mdung rtse zla gam// logs la dbang gi lha bsgoms pas// gang 'dod ye shes dbang du sgyur// dbang sdud lnga la mchod par 'bul//
- 182b
pa shang ku ru swA hA/ hUM/ 'phrin las me yi hom khung du// nyon mongs 'dod chags yam shing la// kun bzang rig pa'i me sbar bas// gnas pa'i bag chags bsreg sbyang rol// bri ma ti ku ru swA hA/ hUM lcags sam nag po'i shing rnams la// mgo bo brgyad mdud rtse zur gsum// logs la drag po'i lha bsgoms pas/ gnod gdug nyon mongs brlag par 'gyur// rlug mdzad lha la mchod par 'bul// badz+ra kro d+hi sum b+hA ni gr-ih+Na pA la hU~M/ hUM'aphrin las rlung gi hom lung du/ nyon mongs phrag dog yam shing la// khro rgyal 'joms pa'i me sbyar bas// gnod byed nyon mongs bsreg sbyang rol// oM badz+ra kro ta su b+ha ni/ gr-ih+NA pA ya che ge mo dz+wa la rA/ 'phrin las rnam pa bzhi'i lha la mchod pa dbul ba'i le'u ste bco brgyad pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// dkyil 'khor lha tshogs thams cad la// rdzas kyi mchod pa 'di rnams kun// lha rnams kun la re re dbul// dang po ye shes lha la zhal zas bdud rtsi mar gyis mchod// oM ag+na ye a mo ka shan+tiM ku ru swA hA/ oM ag+na ye/ oM badz+ra dza ya dza ya swA hA/ shan+tiM ku ru swA hA/ de nas dur ba'i myu gu la// sngags 'di
- 183a
bzlas te mchod par dbul// oM ag+na ye badz+ra A yu She shan+tiM ku ru swA hA/ de nas nas kyi snying po la// sngags 'di bzlas la mchod par dbu la// / oM ag+na ye swA hA/ ma hA be gA ya shin+tiM ku ru swA hA/ de bzhin gro'i snying po la// sngags 'di bzlas te mchod par dbul// oM ag+na ye badz+ra g+ha sma re shan+tiM ku ru swA hA// til dang yungs kar mar rnams la// sngags 'di bzlas te mchod par dbul// oM ag+na ye badz+ra sarba pA paM dA na badz+ra pa ti/ bya ba baM da ha na swA hA/ shan+tiM ku ru swA hA/ de nas zho dang zan nyid la// sngags 'di bzlas te mchod par dbul// oM ag+na ye sarba sa ma pa de sarba shan+tiM ku ru swA hA/ de nas rtswa mchog ku shA la// sngags 'di bzlas te mchod par dbul// oM ag+na ye a pra ti ha ta badz+rA ya/ shan+tiM ku ru swA hA/ de nas 'bru rnams thams cad la// sngags 'di bzlas shing mchod par dbul// oM as+thA ye badz+ra bi dza ya shan+tiM ku ru swA hA/ de nas ma sha ka nyid la// sngags 'di bzlas shing mchod par dbul// oM ag+na ye ma hA ba la ya shan+tiM ku ru swA hA/ de nas 'bras kyi lde gu la/ sngags 'di bzlas te mchod par dbul// oM ag+na ye badz+ra puSh+Ta ya shad+d+hi ku ru swA hA/ de nas zho sha rnam lnga la// sngags 'di bzlas te mchod par dbul//
- 183b
ag+na ye ma hA shrI ba ye shan+tiM ku ru swA hA/ de nas lha thams cad la// sngags dang sbyar te dbul bar bya// phyi dang nang gi mchod pa yang // lha rnams kun la re re dbul// rang gi sngags dang mchod pa'i sngags// sbyar te thim par rgyas par dbul// sngags kyi rdza sa dbul ba bstan pa'i le'u ste bcu dgu pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// phyi yi mchod pa sngags kyis dbul ba dang // tshe 'das sdig sgrib sbyang ba ji lta bu// ston pa'i ston/ pa kun tu bzang po des// de nas zhabs bsil dbu la ba ni// oM a dza hUM baM ho hUM hUM badz+ra tsit+ta hUM ni ri ti kha'i shan+tiM ku ru swA hA/ de nas me tog dbul ba ni// hUM hUM badz+ra tsit+ta hUM badz+ra pu sde pU dza shan+tiM ku ru swA hA/ de nas bdug spos dbu la ba ni// hUM hUM badz+ra tsit+ta hUM dz+nyo pe pU dza shan+ti ku ru swA hA/ de nas ma ra me dbul ba ni// hUM hUM badz+ra tsit+ta hUM a lo ke pU dza ya shan+ti/ ku ru swA hA/ de nas dri chab dbul ba ni// hUM hUM badz+ra tsit+ta hUM gan+d+he pU dza ya shAn+tiM ku ru swA hA/ de nas lha bshos dbul ba ni// hUM hUM badz+ra tsit+ta hU~M naM bi d+ya pU dza ya shAn+tiM ku ru swA hA/ de nas til dang mar dbul lo// hUM hU badz+ra tsit+ta hU~M sarba pA pa da ha na badz+ra pa ni swA hA/ ku sha 'bru rnams la sogs pa// sngags kyi rim par sbyar te dbul// sdig pa sbyang zhing
- 184a
kun tu bzang po la mchod pa dbul ba'i le'u ste nyi shu pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das zan nyid gtad pa ji lta bu// ston pa'i ston pa kun tu bzang po des// tshe 'das rigs kyi bu khyod kyang // dri ma 'di ni sku yi rten// 'phan phran 'di ni lus kyi tshad// tsun da 'di ni bla yi shing // gdugs bu 'di ni sku yi khabs// gnas mchog 'di ni bsgrub pa'i gnas// dkyil 'khor dam pa 'di la ltos// kun bzang yi dam lha mchog sgoms// snying po yi ge 'bru bcu zlos// rang gi slob dpon 'di la nyon// me mar gsal ba'i mdangs cig ltos// lu gu rgyud kyi phyag rgya bcing // rdo rje gnyen po'i ming nas 'bod// rdo rje 'gros kyis dkyil 'khor bskor// gdungs pa'i sems kyis lha srungs te// ma bya'i 'du shes nyer zhog la// rdo rje spun la nye bar dgongs// rdzas mchog longs spyod 'di la rol// bshos dang lag phyi dza gad dang // zla khrol zla rgyas zla tshogs dang // tshe yi snying po tshim byed dang // longs spyod lnga ldan thams cad ni// kun gyi zas su thob bya'i phyir// rang nyid rdo rje slob dpon te// zhal zas longs spyod 'di la rol// tshe 'das pa'i zan tshogs su gtang pa'i le'u ste nyer
- 184b
gcig pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// khyad par zan dang nor bsngo ba ji lta bu// ston pa'i ston pa kun tu bzang po des// tshe 'das rigs kyi bu la chu bsngo ba ni// de ring tshe 'phos lus kyi re bas te// gdung ba'i gnyen dang 'grogs par ma gyur de// 'jig rten pha rol gnas su phyin pa las// bag chags bkru phyir bsil chab 'dri bsngos pas// lus ngag yid gsum sdug bsngal dag gyur pas// tsha zhing gdung ba'i sdug bsngal dag gyur cig/ hUM/ de ring las kyi 'brel ba'i bu smad dang // mi yul 'di ni smon lam mthu med nas// gtan du 'grogs pa'i dbang dang skal med nas// 'jig rten pha rol gnas su phyin pa la// yid gcugs gdungs pas bsams te mchi ma phyung // sri zhu gus pa'i tshul gyis sems bskyed nas// ser sna chags pa med pa'i mdud pa grol// ro mchog brgya dang ldan pa'i zhal zas 'di// nam zhag gtan gyi bshos kyi skal bar bsngo// hUM/ de ring yid gcugs 'dris pa'i sha rogs pos// pha ma so sos bskyed kyang yid gcugs sems 'dris pas// mthun pa zas zos dga' ba'i rtsed mo byas//
- 185a
bskal par 'grogs kyang skad cig skyo med na// tshe 'phos lus brjes las kyi re bas re// 'jig rten pha rol gnas su phyin pa las// nam zhag gtan gyi bzhes pa 'dren lags kyis// ro mchog brgya dang ldan pa'i zhal zas 'di// dar cig gsol bas phung po bkrag mdangs gsal// lus kyi nang skyon thams cad zhi bar bsngo// nam zhag yun gyi bzhes pa'i skal bar bsngo// hUM/ 'jig rten las kyi 'brel ba'i grogs po dang // gtan du 'grogs pa'i dbang thang skal med na// 'jig rten pha rol gnas su phyin pa las// brtse zhing gdung ba'i grogs po 'bod lags kyis// las 'phro gcig pa'i grogs po 'di ru skyon// dge ba'i bshes gnyen chen po'i bka' drin gyis// dam tshig bdud rtsi gsung rab gnyen po bsgrub// tshogs kyi zhal zas longs spyod rgya mtsho la// ci bder rol cing spyad pa 'di ru spyoskyon// mthun pa'i zas za gsang ba'i gros bya yis// gsing bu sngon mthar 'byams su dkar bting steng // dga' sdug bde ba'i longs spyod tshe lo dge/ 'pham par mi/ dgos rgyal thabs thob par nges// spyod lam gcig pa'i grogs po 'di ru skyon// lha mo chos kyi dbyings kyi 'bem cig btsugs// ye shes rtogs pa'i mda' ciga'o/
- 185b
skol 'phangs// yang dag cha lu dkyil du brdeg 'tshal gyis// spyod lam gcig pa'i grogs po da tshur spyon// bca' dang 'ur mo lcags las me cig phyung // btang snyoms lha yi shing la me cig pus// thugs rje bdag la dro la lhan cig bsro// spyod lam gcig pa'i grogs po da tshur spyon// bkres skom gdung ba bsal phyir mdzar ba bshams// dar cig gsol bas lus kyi nad rnams byang // gdungs pa tshim par lus kyi bkrag mdangs gsal// 'khor ba'i gcong ra de na ci zhig byed// mtho ris dga' ldan gnas mchog yid bzhin du// na rag sdug bsngal gnas kyis ci zhig byed// breng breng thugs la dgongs la 'di ru skyon// hUM tshe gcig las kyis// 'brel ba'i grogs mo dang // yun du 'grogs kyang skad cig skyo med na// mgon btsun pa dang 'grogs pa'i skal med nas// 'jig rten pha rol gnas su phyin pa las// srang sang gsal ba tshangs pa'i sgra ldan zhing // byang chub rgyun thag sbrengs pas nad dang sdug bsngal zhi// thugs rjes 'dab mas yid bzhin gos dang zas// gdung ba'i glu yis byang chub rjes dran nas// smras pa'i tshig gis sku gsung thugs dang 'gal// zas dang btung bas sku yi bkrag mdangs rnyed// nam zhag gtan gyi zas kyi skal
- 186a
bar bsngo// hU/ gser dngul mu tig zangs dang mchod// gzi g.yu shel zangs ra gan dang // byed yul spyad pa'i bang cha dang // stang sgra 'khor gsum sgrub 'da' dang // mda' gzhu mtshon cha ru mtshon dang // skye rags gri gso go cha dang // hor chu ba dung rna gse bcod dang // stag gzigs grang srab phub rmog dang // sag ti sha lam su rgyud dang // brtse gdung byams ma'i sha rogs pos// mi zad gtan gyi nor du bsngo// kun tu bzang po'i thugs rdza yis// bskal pa du mar mi zad cing // bde sgyid longs spyod ldan par shog/ hUM/ de ring rtse gcig las kyis 'brel pa'i bu sring gis// gtan du 'grogs pa'i dbang thang skal med de// mi lus 'di nas 'jig rten tshe 'phos te// 'jig rten pha rol gnas su phyin pA las// tshe 'das lus brjes rang gi re bas te// gdung zhing brtse bar bas pa ldum dang sring mo yis// gdung bas sems kyis yid dran mchi ma byung // sri zhu gus pa'i tshul gyis sems bskyed nas// yid bzhin bdud rtsi longs spyod zhal zas 'di// nam zhag gtan gyi ba zhes pa'i skal bar bsngo// hUM/ yid bzhin bdud rtsi zhal skye mas 'dis// sdug bsngal gdung ba'i gnas nas grol ba'i
- 186b
phyir/ bsil ba'i bdud rtsi rab tu sbyar ba yis// 'bru yi chos las sbyar ba ma yin kyang // rgyu rkyen chu las sbyar ba ma yin kyang // dkon mchog gsum po thugs rje'i byin brlabs kyis// rab tu gdung ba'i shugs kyis mchi ma phyung // sngon du bsgrub pa'i bsod nams mthu yin te// mchu la reg na sgo gsum dbang po rno// lce la rig na dran zhing shes pa gsal// khong du 'thungs na nad dang sdug bsngal zhi// khe zas skom du sbyar ba lus kyi sdug bsngal zhi// byams gdung brtse ba'i bsam pas gnyen bshes kyis// yid la gcags pa'i sdug bsngal nges bsal bas// rtse ba'i bsam pas nad dang sdug bsngal zhi// mchu la reg pas shes rab dbang po rno// khong du chud pas rlung ni 'jam la bde// kha zas skom du sbyar bas mdog dang bkrag nyid gsal// yid bzhin bdud rtsir sbyar ba gsol ba yis// bskal pa du ma'i bdud rtsir 'di gyur cig/ nam zhag gtan gyi skye mas kyi skal bar bsngo// tshe 'das la zas nor gtad pa'i le'u ste nyer gnyis pa'o// // rjud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das lam nyid bstan pa ji lta bu// ston pa'i ston pa kun tu bzang po des/
- 187a
hUM/ song zhig song zhig rigs kyi bu// tshe 'das rigs kyi bu khyod ni// 'jig rten 'di ru rtag par ma gyur te// da lta skye shi las kyi babs// sa 'di bcad pa man chad ni// 'jig rten 'das pa'i sa yin te// de la chags pa ma skye zhig/ tshe 'das rigs kyi bu khyod la// rnam par thar pa'i lam bstan pas// sgrib gnyis spangs nas tshogs gnyis rdzogs// sa bcu rim gyis bgrod pa las// der yang shin tu mi gnas pas// sa bcu ye shes mthar phyin te// kun tu 'od kyi sa las 'das// pad+ma can du gyur pa las// yi ge tshogs chen sems las 'das// rang byung ye shes 'phro 'dra'i tshul// sangs rgya sras gsum lhun gyis grub// byang chub chen po'i sa las 'das// stug po bkod pa'i zhing khams na// 'og min lhun grub pho brang du// rgyas pa chen po'i tshal chen yin// skye med chos kyi dbyings nyid du// gdod nas dag pa byung ba yin// rang byung chos sku chen po thob// rtsol ba med par lhun gyis rdzogs// thams cad ma lus sangs rgyas pa'i// dbyer med kun bzang gcig tu gyur// bde ba chen po'i ngang du gnas// ma btsal chos sku rang bzhin thob// ye nas dag pa'i don nyid do// a nas rab tu skye bar gyur to// shes rab skye med
- 187b
dbyings kyi gzhu// lhag mthong ye shes thabs kyi mnga'// thabs dang shes rab 'brel pa yis// nyon mongs dug gsum gnad la 'debs// nyon mongs bag chags/ kun byang nas// byang chub chen po'i lam thob shog/ tshe 'das rigs kyi bu khyod kyang // ye shes chen po'i lam song la// chos nyid skye med gnas su song / gnas mchog de las mi 'da' 'o// tshe 'das pa'i lam bstan pa'i le'u ste nyer gsum pa'o// // sdud pa'i gsong bdag rdo rje sems dpa' yis// ston pa'i ston pa kun tu bzang po la// tshe 'das nyon mongs sbyangs te bde gshegs sbas su bskyed pa gang // ston pa'i ston pa kun tu bzang po des/ hUM/ nam mkha' mtha' dang mnyam pa'i dkyil 'khor nas// rgyal ba sras dang bcas pa'i dkyil 'khor ni// tshe 'das las kyi rigs kyi bu khyod las/ thugs rje lcags kyus ye shes dzas drangs nas// mdun ni mkha' la dbyar gyi sprin lta bu// kun bzang rgyal ba'i dkyil 'khor rab tu gsal// rgyal ba'i dkyil 'khor thugs ka nas// phaT kyi 'od zer nag po yis// tshe 'das bag chags gtan nas sbyang // pa ni gsod par byed pa ste// Ta ni sreg par byed pa'i
- 188a
mchog/ mtho ris sgo 'gengs ngan song sgo 'byed pa// dngos grub gegs su byed pa thams cad dang // las kyi sgrib pa bag chags thams cad kun// phaT kyi 'od zer nag pos bsreg par bya'o// tshe 'das rigs kyi bu khyod ni// las dang nyon mongs bag chags kun byang nas// 'bras bu chos sku chen po thob bya'i phyir// byang chub sems kyi thig le gcig tu gyur// bde gshegs rgyal ba sras kyis byin brlabs pas// sku gsung thugs las phyung ba'i yig 'bru gsum// thig le byang chub sems la rab tu thim// sku gsung thugs kyi sras su sku skyed do// hUM hUM badz+rA tsit+ta hUM/ sku gsung thugs las bskyed pa'i sras po khyod/ bde chen longs spyod rdzogs sku thob pa dang // 'gro de ni rdzogs pa sprul sku thob phyir dri// ri mos bris pa'i gzhal yas 'dir zhugs pas// tshe 'das rigs kyi bu khyod kyis// kun tu bzang po'i dkyil 'khor thob gyur cig/ chos sku longs sku sprul sku gsum thob pas// sku gsung thugs las byung ba'i sras po khyod/ gzugs sgra dri ro reg pa'i lha mo yis// 'dod pa'i yon tan lha mo thim pa rol// nyon mongs bag chags byang byas nas// sangs rgyas sras thob pa'i le'u ste nyer bzhi
- 188b
pa'o// sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das lus brjes rigs kyi bu de la// sbyin sreg byas pas 'bras bu thob pa ji lta bu// ston pa'i ston pa kun tu bzang po des// rigs drug gnas nas drangs pa yis// nyon mongs drug nyid dag nas su// thub pa drug gi gnas su skye// rigs drug gtor ma phul ba yis// nyon mongs las dang bag chags dag/ bdud rtsi zas dang longs spyod 'ong // bdud rtsi ye shes chen po'i khrus byas pas// nyon mongs bag chags kun byang nas// zag pa med pa'i lus kyi 'bras bu thob// sprul sku thob pa rnams la skyabs su gsol ba yis// 'bras bu spru la skrasgra chen po'i lus thob bo// tshe 'das sems bskyed byas pa yis// bag chags sna tshogs sems nyid 'das nas yang // 'bras bu rang 'byung ye shes sems thob bo// tshe 'das dbang bskur byin brlabs byas pa yis// 'khor ba'i sdug bsngal gtan nas byang nas yang // 'bras bu bde gshegs rnams kyi sras su gyur// rang gi rtog tshogs dkyil 'khor la phul ba yis// 'bras bu rtog med lha yi lus thob bo// rang gi phung pos me lha mchod pa yis// sgrib pa mang po dag ste gnyis med thob/ khade
- 189a
gshegs dkyil 'khor lha tshogs thams cad la// mchod bstod bye brag mang po byas pa yis// 'bras bu sku gsum lhun grub dbyer med thob// kun tu bzang po'i dkyil 'khor zhugs pa yis// theg pa kun gyi dkyil 'khor zhugs pa yin// 'bras bu theg pa kun gyi yang rtse thob// tshe 'das zan nyid gtad pa yis// bdud rtsi zas la rtag tu longs spyod cing // bag chags sbyangs te gnas nyid spar ba yis// 'bras bu kun tu bzang po'i sras su gyur// tshe 'das lus kyi phung po la// mchod pa sbyin sreg byas pa yis// bde gshegs kun gyi sras su gyur// 'khor ba'i 'dam nas thar nas yang // lhag med byang chub chen po thob// sbyin sreg byas pa'i 'bras bu bstun pa'i le'u ste nyer lnga pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// rgyud 'di gang la gtad cing gang du bsgyur nas// gang nas 'bras bu thob// ston pa'i ston pa kun tu bzang po des// chos nyid mnyam pa nyid kyi ye shes kyis// sreg tu med pa'i 'khor ba'i bag chags bsregs// thob rgyu med pa lhun grub skye med thob// rgyud du med pa ye shes me lha gtad// rang 'byung ye shes rig pa chen po des// sreg tu
- 189b
med pa rig pa'i bag chags bsregs// thob rgyu med pa rig gsal chen po thob// rgyud du med pa longs sku che la gtad// longs spyod rdzogs pa'i sku yi ston pa des// sreg rgyu med pa 'od kyi sgrib pa bsregs// thob rgyu med pa mtshan dang dpe byad thob// rgyud du med pa byang sems che la gtad// byang chub chen po'i longs spyod ston pa des// sreg/ tu med pa shes bya'i sgrib pa bsregs// thob rgyu med pa'i byang chub chen po thob// rgyud du med pa 'od 'dus sprul la gtad// 'od snang 'dus pa sprul pa'i lha mo des// bsreg tu med pas 'khor ba'i bag chags bsregs// thob tu med pa zhing skyong lha mo thob// rgyud du med pa mkha' 'gro ma la gtad// ye shes rig pa chos skyong mkha' 'gro mas// sreg tu med pa nyon mongs dug gsum bsregs// thob rgyu med pa chos skyong lha mo grub// gtad rgyu med pa mchod rten che la gtad// rgyal ba bde gshegs mchod pa dang // sgrib pa rnam gsum sbyang ba'i rgyud// bsregs sbyangs zhi ba'i rgyud chen 'di// bde gshegs sangs rgyas thams cad kyis// 'bar ba'i klong nas bka' stsal to// rin po che ma lha zhi bar gyur pa'i rgyud// rgyud gtang ba'i le'u ste nyer drug pa'o// // zhi ba'i sbyin sreg gi rgyud chen po rdzogs so// /