Q739MW1PD96684_0739sher phyinAll versions of this work

'phags pa shes rab kyi pha rol tu phyin pa rdo rje gcod pa zhes bya ba theg pa chen po'i mdo

Text

ff. 161b–175b · 29 folio sides

  1. 161b

    de dag dang lha ma yin dang / dri zar bcas pa'i 'jig rten yi rangs te/ bcom ldan 'das kyis gsum ngal mngon par bstod do// 'phags pa shes rab kyi pha rol tu phyin pa lnga brgya brdzogs s+ho// sadagasang rgyad kyis cad bcas nas gtan la phab pa/ @#// rtse gar skad du/ Ar+ya badz+rAn di kanA ma za b+hU mi tAm twA An s+phA t+ma/ bodaska dadu/ 'phags pa shes rab kyi pha rol du byin pa rdo rje gcod pa zhes bya ba theg pa chen pa'i med/ / sangs rgyas dang / byang chub sems dpa' thams cad la phyag 'tshal lo// 'di skad bdag gis byas pa'i dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dka' ra ba na/ dge slong stong nyis rgya lnga bcu'i dge slong gi dge 'dun chen po dang / byang chub sems dpa' sems dpa' chen po ral mang po dang thabs gcig tu bzhugs te/ de nas bcom ldan 'das snga dro'i dus kyi tshe sham thabs dang chos gos pa gos te/ lhung zed bsdams nas/ mnyan yod kyi grong khyer chen por bsod snyoms kyi phyir zhugs so/ / de nas bcom ldan 'das mnyan yod kyi grong khyer chen por bsod snyoms kyi phyir gshegs nas bsod snyoms kyi zhal zas 'jug tu gsol te// zhal zas kyi bya ba mdzad/ lhung zed dang chos gos bzhag nas zhabs bsil te/ gdan bshams pa la dkyil mo dkrung bcas nas sru drang por bsrang ste/ dran pa mngon du bzhag nas bzhugs so// de nas dge slong mang po bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das lan gsum bskor ba byas nas phyogs gcig du 'khod do//

  2. 162a

    yang de'i tshe tshe dang ldan pa rab 'byor 'khor de nyid na 'dus par gyur te 'dug ga/ de nas tshe dang ldan pa rab 'byor stan las langs te/ bla gos phrag pa gcig tu gzar nas pus mo g.yas pa'i lhangs la bcugs te/ bcom ldan 'das gal ba de logs su thal ma~M sna ba brtad te/ bcom ldan 'das la 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyi byang chub sems dpa' sems dpa' chen po rnams la phan gdags pa'i dam pa snyed pas pan gdags pa dang / de bzhin gshegs pa dgra bcom pa yang dag par rdzog pa'i sangs rgyas kyis byang chub sems dpa' sems dpa' chen po rnams yongs su gtad pa'i dam pa ji snyed pas yongs su gtad pa ni bcom ldan 'das ngo mtsharaH/ bde bar gshegs pa ngo mtshar to// bcom ldan 'das byang chub sems dpa' theg pa la yang dag par zhugs pas ji ltar gnas par bgyi ji ltar bsgrub par bgyi/ ji ltar sems rab tu gzung bar bgyi/ de skad ces gsol pa dang / bcom ldan 'das gyis mo dang ldan parab 'byor la 'di skad ces bka' stsal to/ / rab 'byor legs so/ lags so// rab 'byor bzhinan/ de bzhin te/ de bzhin gshegs pas byang chub sems dpa' sems dpa' chen po rnams la phan gdags pa'i dam pas pan gtags so/ / de bzhin gshegs pas byang chubasams dpa'asams dpa chen pa rnams yongs sugad pa' dam pas yongs su gad do// rang myong phyi can la legs pa ma da la dru shigad/ byang chu sems dpa ga la ya dun pa zugs pas sa gnas pa dang/ rtsub pa bang/ sa sams rab tu pa byab sa pyod la gad do// mam

  3. 162b

    'das de bzhin no zhes gsol nas tshe dang ldan pa rab 'byor bcom ldan 'das kyis ltar nyan pa dang / bcom ldan 'das kyis 'di skad ces bka' stsal to// rab 'byor 'di la byang chub sems dpa'i theg pa la yang dag par zhugs pas 'di snyam du bdag gis ci tsam sems can du bsdu bar bsdus pa sgo nga las skyes pa 'am/ mngal nas skyes pa 'am/ drod gsher las skyes pa'am/ rdzus te skyes pa 'am/ gzugs can nam/ gzugs med pa 'am/ 'du shes can nam/ 'du shes med pa 'am/ 'du shes med 'du shes med min nam/ sems can gyi khams ji tsam sems can du gdags pas bdags pa de dag thams cad phung po'i lhag ma med pa'i mya ngan las 'das pa'i dbyings su yongs su mya ngan las bzla'o/ / de ltar sems can tshad med pa yongs su mya ngan las bzlas kyang sems can gang yang yongs su mya ngan las bzlas par 'gyur ba med do/ / snyam du sems bskyed par bya'o// de ci'i phyir zhe na/ rab 'byor byang chub sems dpa' sems can du 'du shes 'jug na de byang chub sems dpa' zhes mi bya ba'i phyir ro// de ci'i phyir zhe na/ rab 'byor gang sems can du 'du shes 'jug gam/ srog tu 'du shes sam/ gang zag tu 'du shes 'jug na de byang chub sems dpa' zhes mi bya ba'i phyir te/ yang rab 'byor byang chub sems dpas dngos po la mi gnas par sbyin pa sbyin no/ / chos la yang mi gnas par sbyin pa sbyin no// gzugs la'ang mi gnas par sbyin pa sbyin no// sgra dang / dri dang / ro dang / reg bya dang / chos la yang mi gnas par sbyin pa sbyin no/ / rab 'byor ci nas mtshan mar 'du shes pa la'ang mi gnas pa de ltar byang chub sems dpas sbyin pa sbyin no// de ci'i phyir zhe na/ rab 'byor byang chub sems dpa' gang mi gnas par sbyin pa sbyin pa de'i

  4. 163a

    bsod nams kyi phung po ni rab 'byor cad gzung bar zlab ma yin pa'i gyur ro/ / rab 'byor 'didzi snyam du sems/ shar phyogs kyi nam mkha' chad gzung bar klu 'am/ rab 'byung gsol pa/ bcom ldan 'das de ni ma lags so// bcom ldan 'das kyis bka' stsal pa/ de bzhin du lho dang / nub dang / byang dang / steng dang / 'og gi phyogs dang / phyogs 'tshams dang / phyogs bcu'i nam mkha' tshad gzung bar smra snyama'am/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor de bzhin du byang chub sems dpa' gang mi gnas par sbyin pa sbyin pa de'i bsod nams kyi phung po yang tshad gzung bar sla ba ma yin no/ / rab 'byor 'di ji snyam du sems/ mtshan phun sum tshogs pas de bzhin gshegs par blta 'am// rab 'byor gyis gsol pa/ bcom ldan 'das de ni me lags te/ mtshan phun sum tshogs pas de bzhin gshegs par mi blta'o// de ci'i slad du zhe na/ de bzhin gshegs pas mtshan phun sum tshogs par gang gsus pa de nyid mtshan phun sum tshogs pa ma mchis pa'i slad du'o/ / de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor ji tsam du mtshan phun sum tshogs pa detsam du brdzun no/ / ci tsam du mtshan phun sum tshogs pa med pa de tsam du mi brdzun te/ de ltar de bzhin gshegs pa la mtshan dang / mtshan med par blta'o// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ / bcom ldan 'das ma 'ongs pa'i dus lnga brgya thas pa dam pa'i chos rab tu rnam par 'jig par 'gyur ba na/ sems can gang la la dag 'di lta bu'i mdo sde'i tshig bshad pa 'di la

  5. 163b

    yang dag par 'du shes skyed par 'gyur ba lta mnas sam/ bcom ldan 'das kyis bka' stsal pa/ rab 'byor khyod 'di skad du ma 'ongs pa'i dus lnga brgya tha ma la dam pa'i sa rab tu rnam par 'jog pa wAr na ma na bdag 'i ma pa/ pa 'dum yang dag par mas da par nga ba masas rnasasas kyi/ rang 'thong ma 'as yul ba'i chos rabargyanas par 'jigs par 'gyur ban byang chub sems dpa' sems dpa' chen po tshul khrims dang ldan pa/ yon tan dang ldan pa/ shes rab dang ldan pa dag babyu ste/ rab 'byor byeng chub pa dpa' sems dpa' chen po dag kyang sangs rgyas gcig la bsnyen bkur byas pa ma yin/ sangs rgyas gcig la dge ba'i rtsa ba bskyed pa ma yin gyi/ rab 'byor sangs rgyas brgya stong du ma la bsnyen bkur byas shing / sangs rgyas brgya stong dum la dge ba'i rtsa ba dag bskyed pa'i byang chub sems dpa' sems dpa' chen po dag 'byung ngo // gang dag 'di lta bu'i mdo sde'i tshig bshad pa 'di la sems dad pa gcig tsam snyed par 'gyur ba de dag ni rab 'byor de bzhin gshegs pas mthun to/ / rab 'byor de dag ni de bzhin gshegs pas gzigs te/ rab 'byor sems can de dag thams cad ni bsod nams kyi phung po dpag tu med pa bskyed cing yongs su chud par 'gyur/ de ci'i phyir zhe na/ rab 'byar byang chub sems dpa' sems dpa' chen po de dag ni bdag tu 'du shes 'jug par mi 'gyur zhing sems can du 'du shes pa ma yin/ srog tu 'du shes pa ma yin/ gang zag tu'ang 'du shes 'jug par mi 'gyur ba'i phyir ro// rab 'byor byang chub sems dpa' sems dpa' chen po de dag ni chos su 'du shes pa dang / chos med par yang 'du shes mi 'jug ste/ de dag ni 'du shes

  6. 164a

    dang 'du shes med par yang 'jug par mi 'gyur ro/ / de ci'i phyir zhe na/ rab 'byor gal te byang chub sems dpa' sems dpa' chen po dngag chos su 'du shes 'jug na de da de dge/ bdag tu 'dzin par 'gyur zhing / sems can du 'dzin pa dang / srog tu 'dzin pa dang / gang zag tu 'dzin par 'gyur ba'i phyir ro// gal te chos med par 'du shes 'jug na 'de ni/ de dag gi bdag tu 'dzin par 'gyur zhing / sems can du 'dzin pa dang / srog tu 'dzin pa dang / gang zag tu 'dzin par 'gyur ba'i phyir ro// de ci'i phyir zhe na/ yang rab 'byor byang chub sems dpas chos kyang log par gzung bar mi bya ste/ chos ma yin pa yang mi gzung ba'i phyir ro/ / de bas na de la dgongs te bzhin gshegs pas chos kyi rnam grangs gzings lta bur shes pa rnams kyis chos rnams kyang spangs par bya na chos ma yin pa rnams lta ci smos zhes gsungs so// gzhan yang bcom ldan 'das kyis tshe dang ldan pa rab 'byor la 'di skad ces bka' stsal to/ / rab 'byor 'di ji snyam du sems/ de bzhin gshegs pas gang bla na med pa yang dag par rdzogs pa'i byang chub tu mngon par rdzogs par sangs rgyas pa'i chos de gang yang yod dam/ de bzhin gshegs pas chos gang yang bstan tam/ de skad ces bka' stsal nas/ bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das bcom ldan 'das kyis gsungs pa'i don bdag gis 'tshal ba ltar na/ de bzhin gshegs pas gang bla na med pa yang dag par rdzogs pa'i byang chub tu mngon par rdzogs par sangs rgyas pa'i chos de gang yang ma mchis so// de bzhin gshegs pas gang bstan pa'i chos de gang yang ma mchis so// de ci'i slad du zhe na/ de bzhin gshegs pas chos gang yang mngon par rdzogs par sangs rgyas pa 'am bstan pa du ma pa'i'o// brjod du ma mchis te/ de ni

  7. 164b

    chos kyang ma lags/ chos ma mchis pa'ang ma lags pa'i slad du'o// de ci'i slad du zhe na/ 'phags pa'i gang zag rnams ni 'dus ma bgyis kyis rab tu phye ba'i slad tu// bcom ldan 'das kyis bka' stsal pa/ rab 'byor/ 'di ji snyam du sems/ rigs kyi bu 'am/ rigs kyi bu mo gang la la zhig gis stong gsum gyi stong chen po'i 'jig rten gyi khams 'di rin po che sna bdun gyis rab tu gang bar byas te sbyin pa byin na/ rigs kyi bu 'am/ rigs kyis bu mo de gzhi de las bsod nams kyi phung po mang du bskyed dam/ rab 'byor gyis gsol pa/ bcom ldan 'das mang lags so// bde bar gshegs pa mang lags te/ rigs kyi bu 'am/ rigs kyi bu mo de gzhi da las bsod nams kyi phung po mang du bskyed do/ / de ci'i slad du zhe na/ bcom ldan 'das bsod nams kyis phung po de nyid phung po ma mchis pa'i slad du ste/ des na de bzhin gshegs pas bsod nams kyi phung po bsod nams kyi phung po zhes gsungs so/ / bcom ldan 'das kyis bka' stsal pa/ rab 'byor rigs kyi bu'am/ rigs kyi bu mo gang gis stong gsum gyi stong chen po'i 'jig rten gyi khams 'di rin po che sna bdun gyis rab tu gang bar byas te sbyin babyin pabs/ gang gis chos kyi rnams grangs 'di las tha na tshig bzhi pa'i tshigs su bcad pa gcig tsam bzung nas gzhan dag la yang 'chad cing yang dag par rab tu ston na/ de gzhi de las bsod nams kyi phung po ches mang du grangs med dpag tu med pa bskyed do/ / de ci'i phyir zhe na/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub ni 'di las byung ste/ sangs rgyas bcom ldan 'das rnams kyi 'di las skyes pa'i phyir ro// de ci'i phyir zhe na/ rab 'byor sangs rgyas kyi chos rnams sangs rgyas kyi chos rnams shes bya ba ni sangs rgyas kyi chos de dag med par de bzhin gshegs pas

  8. 165a

    gsungs pa'i phyir te/ des nasangs rgyas kyi chos rnams shes bya'o// rab 'byor 'diji snyam dusems/ d+hun tu zhugs pa 'di snyam du bdag gis rgyan tu zhugs pa'i 'bras bu zabab snyam dusems sam/ rab 'byor gyis gsol pa/ bcom ldan 'das de ni ma lags so// de ci'i slad dri zhe na/ bcom ldan 'ad a la zhugs pa ma mchis pa'i skad te/ des na rgyun tu zhugs pa zhes bya'o// gzugs la'ang mazhugs/ sbal ma lan/ la lags/ rol ma lags/ reg rgya la ma lags/ chos la'ang ma zhugs te/ dasan rgyan tu zhugs pa zhes bgyi'o// som ldan das gal te rgyun tu zhugs pa de 'di snyam du dag gis rdzunaH zhugs pa'i 'bras bu thob bo snyam du sems par gyur na de nyid de'i bdag tu 'dzin par 'gyur ro/ / sems can du 'dzin pa dang / srog tu 'dzin pa dang / gang zag tu 'dzin par 'gyur ro// bcom ldan 'das kyis bka' stsal pa/ rab 'byor 'di ji snyam du sems/ lan cig phyir 'ong ba 'di snyam du bdag gis lan cig phyir 'ong ba'i 'bras bu thob po snyam du sems sam/ rab 'byor gyis gsol pa/ bcom ldan 'das de ni ma lags so// de ci'i slad du zhe na/ gang lan cig phyir 'ong ba'i chos de gang yang ma mchis pa'i slad du ste/ des na lan cig phyir 'ong ba zhes bgyi'o// bcom ldan 'das kyis bka' stsal pa/ rab 'byor de ji snyam du sems/ phyir mi 'ong ba 'di snyam du/ bdag gis phyir mi 'ong ba'i 'bras bu thob bo snyam du sa mas sam/ rab 'byor gyis gsol pa/ bcom ldan 'das de ni ma lags so// de ci'i slad du zhe na/ gang phyir mi 'ong ba nyid du zhugs pa'i chos de gang yang mamachis pa sang ste/ des na phyir mo'ong ba nas brtso'o// com ldan 'das kyis bka' stsal pa/ rab 'byor 'di ji snyam dus mas/ yang dge tsam pa 'di snyam du dag gis dgrab com pa nyid kyim snyam

  9. 165b

    sems sam/ rab 'byor gyis gsol pa/ bcom ldan 'das de ni ma lags so// de ci'i slad du zhe na/ gang dgra bcom pa zhes bgyi ba'i chos de gang yang ma mchis pa'i slad du'o// bcom ldan 'das gal te dang bcom pa 'di snyam du bdag gis dgra bcom pa nyid thob bo snyam du sems par gyur na de nyid de'i bdag tu 'dzin par 'gyur ro/ / sems can du 'dzin pa dang / srog tu 'dzin pa dang / gang zag tu 'dzin par 'gyur ro// bcom ldan 'das bdag ni de bzhin gshegs pa dgra bcom pa yang dag par rdzogs pa'i sangs rgyas kyis nyon mongs pa med par gnas pa rnams kyi mchog tu bstan te/ bcom ldan 'das bdag 'dod chags dang bral ba dgra bcom pa lags kyang / bcom ldan 'das bdag 'di snyam du bdag ni dgra bcom pa'o snyam du mi sems so// bcom ldan 'das gal te bdag ni 'di snyam du bdag gis dgra bcom pa nyid thobapa snyam du sems par gyur na/ de bzhin gshegs pas bdag la rigs kyi bu rab 'byor ni nyon mongs pa med par gnas pa rnams kyi mchog yin te/ ci la yang mi gnas pas na nyon mongs pa med par gnas pa nyon mongs pa med par gnas pa zhes lung mi ston to/ / bcom ldan 'das kyis bka' stsal pa/ rab 'byor 'di ji snyam du sems/ de bzhin gshegs pas de bzhin gshegs pa dgra bcom pa yang dag par rdzogs pa'i sangs rgyas mang me mdzad las gang blangs pa'i chos de gang yang yod dam/ rab 'byor gyis gsol pa/ bcom ldan 'das de ni ma lags te/ de bzhin gshegs pas de bzhin gshegs pa dgra bcom pa yang dag par rdzogs pa'i sangs rgyas mar ma mdzad las gang blangs pa'i chos de gang yang ma mchis sa/ / bcom ldan 'das kyis bka' stsal pa/ rab 'byor byang chub sems dpa' gang la la zhig 'di skad du bdag gis zhing bkod pa rnams

  10. 166a

    bsgrub par bya'o zhes zer na de ni mi bden par smra'o/ / de ci'i phyir zhe na/ rab 'byor zhing bkod pa rnams zhing bkod pa rnams shes bya ba ni bkod pa de dag med par de bzhin gshegs pas gsungs pa'i// byir te/ des na zhing bkod pa rnams shes bya'o// rab 'byor de lta bas na byang chub sems dpa' sems dpa' chen pos 'di ltar mi gnas par sems bskyed pa zhes bya'o// ci la yang mi gnas par sems bskyed par bya'o/ / gzugs la yang mi gnas par sems bskyed par bya'o// sgra dang dri dang ro dang / reg bya dang / chos la yang mi gnas par sems bskyed par bya'o// rab 'byor 'di lta ste dper na skyes bu zhig lus 'di lta bur gyur te/ 'di lta ste/ ri'i rgyal po ri rab tsam du gyur na rab 'byor 'di ji snyam dri sems lus de che ba yin nam/ rab 'byor gyis gsol pa/ bcom ldan 'das lus de ni che ba lags so/ / bde bar gshegs pa lus de che ba lags so// de ci'i slad du zhe na/ de bzhin gshegs pas de dngos po ma mchis par gsungs pa'i slad du ste/ des na lus shes bgyi'o// de dngos/ pom mchis par de bzhin gshegs pas gsungs te/ des na lus shes bgyi'o// bcom ldan 'das kyis bka'astsal pa/ rab 'byor 'di snyam du sems/ gang ga'i klung gi bye ma snyed pa gang ga'i klu yang de snyed kho nar zur na/ de dag gi bye ma gang yin pa de mang ba yin nam/ rab 'byor gyis gsol pa/ bcom ldan 'das gang ga'i klung de dag nyid kyang mang ba lags na de dag gi bye ma lha spos kyang ci 'tshal/ com ldan 'das kyis bka' stsal pa/ rab 'byor khyod kyis mos par bya// khyod kyis khong du chud bar bya'o// gang ga'i klung de dag gi bye ma ji snyed pa de snyed kyi 'jig rten gyi khams skyes/ 'am/ bud med gang la la zhig gis

  11. 166b

    rin po chen sna bdun gyis rab tu gang bar byas te/ de bzhin gshegs pa dgra bcom pa yang dag par rdzogs pa'i sangs rgyas rnams la sbyin pa byin na/ rab 'byor 'di ji snyam du sems/ skyes pa'am/ bud med de gzhi de las bsod nams mang du skyed dam/ rab 'byor gyis gsol pa/ bcom ldan 'das mang lags so// bde bar gshegs pa mang lags te/ skyes pa 'am bud med de gzhi de las bsod nams mang du skyed do// bcom ldan 'das kyis bka' stsal pa/ / rab 'byor gang gis 'jig rten gyi khams de skyed rin po che sna bdun gyis rab tu gang bar byas te/ de bzhin gshegs pa dgra bcom pa yang dag par rdzogs pa'i sangs rgyas rnams la sbyin pa byin pa bas/ gang gis chos kyi rnam grangs 'di las phan tshigs bzhi pa'i tshigs su bcad pa tsam bzung nas gzhan dag la yang rgya cher yang dag par rab tu bstan na/ de nyid gzhi de las bsod nams ches mang du grangs med da pag tu med pa bskyed do/ / yang rab 'byor sa phyogs gang na chos kyi rnams zangs 'di las zan tshig bzhi pa'i tshigs su bcad pa tsam 'don tam ston pa'i sa phyogs de lta dang / mi dang / lha ma yin du bcas pa'i 'jig rten gyimad 'du d+har ba yinan/ ni ga chos kyi rnams tha sa 'a len pa dang / yi nga zar pa dang tho pa dang / kun chub par med pa dang / tshul bzhin du yid la byed pa da mam ra ba dang ldan par 'thar ba la spos/ sa phyogs de na pa yang #/ rna pa'i gnas gzhand/ nga saded ces pa 'phrul pa dang / com ldan 'das la che ldan pa khyod ma na 'dang chos kyi rnams sas 'di'i ming ci lags/ de ltar gzung bar brtsi/ de skad ces gsol ba dang / bcom ldan 'das kyis tshe dang ldan parab 'byor la 'di gad ces bka' stsal to// rab 'byor chos kyi rnam grangs ri

  12. 167a

    shes rab kyi rol tu phyin pa zhes byaste/ 'didi ltar rlung shig/ de ci'i phyir zhe na/ rab 'byor de bzhin gshegs pas shes rab kyi pha rol tu phyin pa gang gzung bar de nyid pha rol tu phyin pa med pa'i byi te/ des na shes rab kyi pha rol du phyin pa zhes bya'o// rab 'byor 'di ji snyam du sems de bzhin gshegs pas gang gsungs pa'i chos degang yang yod dam/ rab 'byor gyis gsol pa/ bcom ldan 'das de bzhin gshegs pas gang gsungs pa'i chos de gang yang ma mchis so/ / bcom ldan 'das kyis bka' stsal pa/ rab 'byor 'di ji snyam du sems/ stong gsum gyi snang chen po'i 'jig rten gyi khams nasa'i rdul phrar ba ji snyed yod/ pa de dag mang ba yin nam/ rab 'byor gyis gsol pa/ bcom ldan 'das sa'i rdul de mang lags so// bde bar gshegs pa mang lags so// de ci'i slad du zhe na/ bcom ldan 'das sa'i rdul gang lags pa de rdul ma mchis par de bzhin gshegs pas gsungs pa'i slad du ste/ des na sa'i rdul cas bgyi'o// 'jig rten gyi khams gang lags pa de khams ma mchis par de bzhin gshegs pas gsungs te/ des na 'jig rten gyi khams shes bya'o/ / bcom ldan 'das kyis bka' stsal pa// rab 'byor 'di ji snyam du sems/ skyes bu chen po'i mtshan sum bcu rtsa gnyis po de dag gis de bzhin gshegs pa dgra bcom pa yang dag par rdzogs pa'i sangs rgyas su blta 'am/ rab 'byor gyis gsol pa/ bcom ldan 'das de ni ma lags so// de ci'i slad du zhe na/ skyes bu chen po'i mtshan sum bcu rtsa gnyis po gang dag de bzhin gshegs pas gsungs pa de dag mtshan ma mchis par gsungs pa'i slad du ste/ / des na de bzhin gshegs pa'i mtshan sum bcu rtsa gnyis shes bgyi'o// bcom ldan 'das kyis bka' stsal pa/ yang rab 'byor skyes pa 'am/ bud med gang

  13. 167b

    gis lus gang ga'i klung gi bye ma snyed yongs su gtong ba pas/ gang gis chos kyi rnam grangs 'di las tha na tshigs bzhi pa'i tshigs su bcad pa tsam bzung ste/ gzhan dag la yang bstan na de gni de las bsod nams ches mang du grangs med dpag tu med pa skyed do/ / de nas tshe dang ldan pa rab 'byor chos kyi shugs kyis mchi ma byung ste/ des mchi ma phyis nas bcom ldan 'das la 'di skad ces gsol to// 'di ltar chos kyi rnam grangs 'di de bzhin gshegs pas gsungs pa ni bcom ldan 'das ngo mtshar to/ / bde bar gshegs pa ngo mtshar to// bcom ldan 'das bdag gi ye shes skyes tshun chad bdag gis chos kyi rnam grangs 'di sngon nas yang ma thos so// bcom ldan 'das mdo bshad pa 'di la gang dag yang dag par 'du shes bskyed par gyur pa'i sems can de dag ni ngo mtshar rab dang ldan par 'gyur ro// de ci'i slad du zhe na/ bcom ldan 'das yang dag par 'du shes pa gang lags pa de nyid 'du shes ma mchis pa'i slad du ste/ de bas na yang dag par 'du shes yang dag par 'du shes zhes de bzhin gshegs pas gsungs so// bcom ldan 'das bdag chos kyi rnams grangs 'di bshad pa la rtog cing mos pa ni bdag la mos pa ma lags kyi/ bcom ldan 'das slad ma'i tshe slad ma'i dus lnga brgya tha ma la sems can gang dag chos kyi rnam grangs 'di len pa dang / 'dzin pa dang / klog pa dang / kun chub par bgyid pa de dag ningo mtshar rab dang ldan par 'gyur ro/ / yang bcom ldan 'das de dag ni bdag du 'du shes 'jug par mi 'gyur// sems can du 'du shes 'jug par mi 'gyur/ srog tu 'du shes pa dang / gang zag tu 'du shes 'jug par mi 'gyur lags so/ / de ci'i slad du zhe na/ bcom ldan 'das bdag tu 'du shes pa dang / sems can du 'du shes pa dang / srog du 'du shes pa dang / gang zag tu 'du shes pa gang lags pa de dag nyid 'du shes ma mchis pa'i

  14. 168a

    pa'i slad du'o/ / de ci'i slad du zhe na/ sangs rgyas bcom ldan 'das rnams ni 'du shes thams cad dang bral ba'i slad du'o// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ / rab 'byor de de bzhin no// de de bzhin te/ mdo bshad pa 'di la gang dag mi skrag/ mi dngang zhing dngang bar mi 'gyur ba'i sems can de dag ni ngo mtshar rab dang ldan par 'gyur ro// de cir byar zhe na/ rab 'byor pha rol tu phyin pa dam pa 'di ni de bzhin gshegs pas gsungs te/ pha rol tu phyin pa dam pa gang dag de bzhin gshegs pas gsungs pa de sangs rgyas bcom ldan 'das dpag tu med pa rnams kyis gsungs pa'i phyir te/ des pha rol tu phyin pa dam pa zhes bya'o// yang rab 'byor de bzhin gshegs pa'i bzod pa'i pha rol tu phyin pa gang yin pa de nyid pha rol tu phyin pa med do// de ci'i phyir zhe na/ rab 'byor gang gi tshe ka ling ka'i rgyal pos nga'i yan lag dang nying lag rnams bcad par gyur pa de'i tshe nga la bdag tu 'du shes sam/ sems can du 'du shes sam/ srog tu 'dra shes sam/ gang zag tu 'du shes kyang ma byung la/ nga la 'du shes ci'ang med la 'dra shes med par gyur pa yang ma yin pa'i phyir ro/ / de ci'i phyir zhe na/ rab 'byor gal te de'i tshe de la bdag tu 'du shes byung na de'i tshe gnod sems kyi 'du shes kyang byung la/ sems can du 'du shes pa dang / srog tu 'dra shes pa dang / gang zag tu 'du shes byung na de'i tshe gnod sems kyi 'du shes kyang 'byung ba'i phyir ro/ / rab 'byor ngas mngon par shes te/ 'das pa'i dus na tshe rabs lnga brgyar bzod par sla ba zhes bya ba'i drang srong du gyur pa de na yang nga la bdag tu 'du shes ma byung sems can du 'du shes pa dang / srog tu 'du shes pa dang / gang cag tu 'du shes mabyung ngo // rab 'byor de lta bas na byang chub sems dpa' sems dpa' chen pos 'du shes thams cad rnam par spangs te bla na med pa yang dag par rdzogs pa'i byang

  15. 168b

    chub tu sems bskyed par bya'o/ / gzugs la mi gnas par sems bskyed par bya'o// sgra dang / dri dang ro dang reg bya dang / chos la 'ang mi gnas par sems bskyed par bya'o// chos med pa la 'ang mi gnas par sems bskyed par bya'o/ / tsa la yang mi gnas par sems bskyed par bya'o// de ci'i byed zhe na/ gnas pa gang yin pa de nyid mi gnas pa'i phyir te/ de bas na de bzhin gshegs pas 'dige du/ byang chub sems dpa' mi gnas pa sbyin pa sbyin par bya'o zhes gsungs so/ / yad rab 'byor byang chub sems dpa' 'di ltar sems can thams cad kyi don gyi byed sbyin pa yongs su gtang bar bya'o// sems can du 'du shes pa gang yon pa de nyid kyang 'du shes med pa ste/ de bzhin gshegs pas sems can thams cad ces gang gsungs pa de nyid kyang med pa'o// de ci'i phyir zhe na/ rab 'byor de bzhini gshegs pa ni yang dag par gsungs pa/ bden pa gsung pa/ de bzhin nyid gsung pa ste/ de bzhin gshegs pa ni ma nor ba de bzhin nyid gsungs pa'i phyir ro// yang rab 'byor de bzhin gshegs pas chos gang mngon par rdzogs par sangs rgyas pa 'am bstan pa de la ni bden pa yang med brdzun pa yang med do/ / rab 'byor 'di lta ste dper na mig dang ldan pa'i mi zhig mun par zhugs nas ci yang mi mthong ba de bzhin du/ gang dngos por lhung bas sbyin pa yongs su gtong ba'i byang chub sems dpar blta'o/ / rab 'byor 'di lta ste dper na nam langs te nyi ma shar na mig dang ldan pa'i mis gzugs rnam ba sna tshogs dag mthong ba de bzhin du/ gang dngos por ma lhung bas sbyin pa yongs su gtong ba'i byang chub sems dpar blta'o/ / yang rab 'byor rigs kyi bu 'am/ rigs kyi bu mo gang dag chos kyi rnams grangs 'di len pa dang / 'dzin pa dang / klog pa dang / kun chub par byed pa dang / gzhon dag la yang dag par rab tu ston pa de

  16. 169a

    dag ni de bzhin gshegs pas mkhyen/ de dag ni de bzhin gshegs pas gzigs te/ sems can de dag thams cad ni bsod nams kyi phung po dpag tu med pa bskyed par 'gyur ro// yang rab 'byor skyes pa'am bud med gang zhig snga dro'i dus kyi tshe lus gang ga'i klung gi byem snyed yongs su gtong la/ byed kyi dus dang / byi dro'i dres kyi tshe yang lus gang ga'i klung gi byem snyed yongs su gtor te/ rnam grangs 'di lta bur bskal pa khrag khrig brgya stong du lus yongs su gtong ba bas/ gang gis chos kyi rnam grangs 'di thos nas mi spong ba na de nyid gzhi de las bsod nams ches mang dra grangs med dpag tu med pa bskyed na/ gang gis yi gar bris nas len pa dang / 'dzin pa dang / klog pa dang / kun chub par byed pa dang / gzhan dag la rgya cher yang dag par rab tu ston pa lta ci smos/ yang rab 'byor chos kyi rnam grangs 'di ni bsam gyis mi khyab cing mtshungs pa med de/ chos kyi rnam grangs 'di ni theg pa mchog la yang dag par zhugs pa'i sems can rnams kyi don dang / theg pa phul du phyin pa la yang dag par zhugs pa'i sems can rnams kyi don gyi phyir de bzhin gshegs pas gsungs so// gang dag chos kyi rnam gras 'di len pa dang / 'dzin pa dang / klog pa dang / kun chub par byed pa dang / gzhan dag la yang rgya cher yang dag par rab tu ston pa de dag ni de bzhin gshegs pas mkhyen te/ de dag de bzhin gshegs pas gzigs te/ sems can de dag thams cad ni bsod nams kyi phung po dpag tu med pa dang ldan par 'gyur ro/ / bsod nams kyi phung po bsam gyi mi khyab pa dang / mtshungs pa med pa dang / gnal du med pa dang / tshad med pa dang ldan par gyur te/ sems can de dag thams cad nga'i byang chub phrag pa la thogs par 'gyur ro// de ci'i phyir zhe na/ rab 'byor dman pa la mos pa rnams kyis rnam grangs 'di mnyan par mi nus te/ bdag tu lta ba rnams kyis ma

  17. 169b

    yin/ sems can du lta ba rnams kyis ma yin/ srog tu lta ba rnams kyis ma yin/ gang zag du lta ba rnams kyis nyan pa dang / blangs pa dang / gzung ba dang / klog pa dang / kun chub par byed pa mi nus te/ de ni gnas med pa'i phyir ro// yang rab 'byor sa phyogs gdan mdo sde 'di ston pa'i sa phyogs de lha dang / mi dang / lha ma yin du bcas pa'i 'jig rten gyis mchod par 'os par 'gyur ro// sa phyogs de daphyag bya bar 'os pa dang / bskor ba bya bar 'gyur te/ sa phyogs de mchod rten lta brer 'gyur ro// rab 'byor rigs kyi bu 'am/ rigs kyi bu mo gang dag 'di lta bu'i mdo sde'i tshigs 'di dag len pa dang / 'dzin pa dang / klog pa dang / kun chub par byed pa de dag ni mnar bar 'gyur/ shin tu mnang bar 'gyur ro// de ci'i phyir zhe na/ rab 'byor sems can de dag gi tshe rabs snga ma'i mi dge ba'i las ngan song du skyes par 'gyur ba gang dag byas pa dag 'di nyid la sa na rabs tshe rabs snga ma'i mi dge ba'i las de dag byang bar 'gyur te/ sangs rgyas kyi byang chub kyang thob par 'gyur ba'i phyir ro// rab 'byor ngas mngon par shes te/ 'das pa'i dus bskal pa grangs med pa yang ches zangs med pa na/ de bzhin gshegs pa dgra bcom pa yang dag par rdzogs pa'i sangs byas mar me mdzad kyi pha rol gyi yang ches par lan/ sangs rgyas bye ba khrag zig stong phrag brgyad bcurtsa pazhi dag zung ba sa xxx/ xxx pan mdo sde 'di len pa dang / 'dzin pa dang / klog pa dang / kun chub par byed pa gang yin pa las/ rab 'byor bsod nams kyi phung po 'di la bsod nams kyi phung po snga mas brgya'i char yang ma thong /

  18. 170a

    stong gi chu dang / brgya stong gi cha dang / grangs dang / cha dang / bgrang dang / dpe dang / zla dang / rgyur yang mi bzod do// rab 'byor gal te de'i tshe rigs kyi bu'am/ rigs kyi bu mo dag bsod nams kyi phung po ji snyed rab tu 'dzin par 'gyur ba'i rigs kyi bu'am rigs kyi bu mo de dag gi bsod nams kyi phung po ngas brjod na/ sems can rnams myo myo por 'gyur te/ sems 'khrugs par 'gyur ro// yang rab 'byor chos kyi rnam grangs 'di bsam gyis mi khyab ste/ 'di'i rnam par smin pa yang bsam gyis mi khyab par rig par bya'o// de nas bcom ldan 'das la tshe dang ldan pa rab 'byor gyis 'di skad ces gsol to/ / bcom ldan 'das byang chub sems dpa'i theg pa la yang dag par zhugs pas ji ltar gnas par bgyi/ ji lta bsgrub par bgyi/ ji ltar sems rab tu gzung bar bgyi/ bcom ldan 'das kyis bka' stsal pa/ rab 'byor 'di la byang chub sems dpa'i theg pa la yang dag par zhugs pas 'di snyam du bdag gi sems can thams cad phung po lhag ma med pa'i mya ngan las 'das pa'i dbyings su yongs su mya ngan la bzla'o/ / de ltar sems can yongs su mya ngan las bzlas kyang sems can gang yang yongs su mya ngan las bzlas par 'gyur ba med do snyam du sems bskyed par bya'o// de ci'i phyir zhe na/ rab 'byor gal te byang chub sems dpa' sems can du 'du shes 'jug na de byang chub sems dpa' zhes mi bya la/ gang zag gi bar du 'du shes 'jug na de yang byang chub sems dpa' zhes mi bya ba'i phyir ro// de ci'i phyir zhe na/ rab 'byor gang byang chub sems dpa'i theg pa la yang dag par zhugs pa zhes bya ba'i chos de gang yang med pa'i phyir ro/ / rab 'byor 'di ji snyam du sems/ de bzhin gshegs pas/ de bzhin gshegs pa mar me mdzad las gang bla na

  19. 170b

    med pa yang dag par rdzogs pa'i byang chub mngon par rdzogs par sangs rgyas pa'i chos de gang yang yod dam/ de mad ces bka' stsal nas/ bcom ldan 'das la tshe dang ldan pa rab 'byor gyis 'di sad ces gsol to// bcom ldan 'das de bzhin gshegs pas de bzhin gshegs pa mar me mdzad las gang tha na med pa yang dag par rdzogs pa'i byang chub mngon par rdzogs pa'i sangs rgyas pa'i chos dgang yang ma mchis so// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ de bzhin gshegs pa mar me mdzad las gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang med do/ / rab 'byor gal te de bzhin gshegs pas gang mngon par rdzogs par sangs rgyas pa'i chos de 'ga' zhig yod par gyur na/ de bzhin gshegs pa mar ma mdzad kyis nga la bram ze'i khye'u khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung mi ston pa zhig na/ rab 'byor 'di ltar de bzhin gshegs p as gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang med pas de'i phyir de bzhin gshegs pa mar me mdzad kyis nga la bram ze'i khye'u khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan to/ / de ci'i phyir zhe na/ rab 'byor de bzhin gshegs pa zhes bya ba ni yang dag pa de bzhin nyid kyis tshig bla dgas yin pa'i phyir ro/ / rab 'byor gang la la zhig 'di sa dadu/ de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par rdzogs par sangs

  20. 171a

    rgyas so zhes zer na de log par smra ba yin no/ / de ci'i phyir zhe na/ rab 'byor de bzhin gshegs pas gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang med pa'i phyir ro/ / rab 'byor de bzhin gshegs pas chos gang mngon par rdzogs par sangs rgyas pa de la bden pa yang med/ brdzun pa yang med de/ de bas na de bzhin gshegs pas chos thams cad sangs rgyas kyi chos so zhes gsungs so/ / rab 'byor chos thams cad ces bya ba ni de dag thams cad chos med pa yin te de bas na chos thams cad sangs rgyas kyi chos shes bya ste/ rab 'byor 'di lta ste/ dper na mi zhig lus dang ldan zhing lus chen por gyur pa bzhin no// tshe dang ldan pa rab 'byor gyis gsol pa/ bcom ldan 'das de bzhin gshegs pas mi'i lus dang ldan zhing lus chen po zhes gang gsungs pa/ de de bzhin gshegs pas lus ma mchis par gsungs te/ des na lus dang ldan zhing lus chen po zhes bgyi'o// bcom ldan 'das kyis bka' stsal pa/ rab 'byor de bzhin te/ byang chub sems dpa' gang 'di skad du bdag gis sems can rnams yongs su mya ngan las bzla'o zhes zer na de byang chub sems dpa' zhes mi bya'o// de ci'i phyir zhe na/ rab 'byor gang byang chub sems dpa' zhes bya ba'i chos de gang 'di yang yod dam/ rab 'byor gyis gsol pa/ bcom ldan 'das de ni ma mchis so// bcom ldan 'das kyis bka' stsal pa/ rab 'byor de bas na de bzhin gshegs pas chos thams cad ni sems can med pa/ srog med pa/ gang zag med pa zhes gsungs so// rab 'byor byang chub sems dpa' gang zhig 'di skad du/

  21. 171b

    bdag gis zhing bkod pa rnams bsgrub po zhes zer na de bzhin du brjod par bya'o// de ci'i phyir zhe na/ rab 'byor zhing bkod pa rnams zhing bkod pa rnams shes bya ba ni de dag bkod pa med par de bzhin gshegs pas gsungs pa'i phyir te/ de bas na zhing bkod pa rnams shes bya'o// rab 'byor byang chub sems dpa' gang zhig chos rnams ni bdag med pa'o// chos rnams ni bdag med pa'o// zhes mos pa de ni de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po zhes brjod do/ / rab 'byor 'di ji snyam du sems/ de bzhin gshegs pa la sha'i spyan mda' 'am/ rab 'byor gyis gsol pa/ bcom ldan 'das de de lta lags te/ de bzhin gshegs pa la sha'i spyan mnga'o// bcom ldan 'das kyis bka' stsal pa// rab 'byor 'di ji snyam du sems/ de bzhini gshegs pa la lha'i spyan mnga' 'am/ rab 'byor gyis gsol pa/ bcom ldan 'das de de lta lags te/ de bzhin gshegs pa la lha'i spyan mnga'o// bcom ldan 'das kyis bka' stsal pa/ rab 'byor 'di ji snyam du sems/ de bzhin gshegs pa la shes rab kyi spyan mnga' 'am/ rab 'byor gyis gsol pa/ bcom ldan 'das de de lta lags te/ de bzhin gshegs pa la shes rab kyi spyan mnga'o// bcom ldan 'das kyis bka' stsal pa/ rab 'byor 'di ji snyam du sems/ de bzhin gshegs pa la chos kyis spyan mnga' 'am/ rab 'byor gyis gsol pa/ bcom ldan 'das de de lta lags te/ de bzhin gshegs pa la chos kyi spyan mnga'o/ / bcom ldan 'das kyis bka' stsal pa/ rab 'byor 'di ji snyam du sems/ de bzhin gshegs pa la sangs rgyas kyis spyan mnga' 'am/ rab 'byor gyis gsol pa

  22. 172a

    bcom ldan 'das de de lta lags te/ de bzhin gshegs pa la sangs rgyas kyi spyan mnga' 'o// bcom ldan 'das kyis bka' stsal pa/ rab 'byor 'di snyam du sems/ gang ga'i klung gi bye ma ji snyed pa gang ga'i klung yong de snyed du gyur la/ de dag gi bye ma snyed ba de snyed kyi 'jig rten gyi khams su gyur na 'jig rten gyi khams de mang ba yin nam/ rab 'byor gyis gsol pa/ bcom ldan 'das de de lta lags te/ 'jig rten gyi khams de dag mang ba lags so// bcom ldan 'das kyis bka' stsal pa/ rab 'byor 'jig rten gyi khams de dag na sems can ji snyed yod pa de dag gi bsam pa tha dad pa'i sems kyis rgyud ces bya'o/ / de ci'i phyir zhe na/ rab 'byor 'das pa'i sems kyi rgyud sems kyi rgyud ces bya ba ni de rgyud med par de bzhin gshegs pas gsungs pa'i phyir te/ des na sems kyi rgyud ces bya'o/ / de ci'i phyir zhe na/ rab 'byor 'das pa'i sems kyang dmigs su med/ ma 'ongs pa'i sems kyang dmigs su med da ltar byung ba'i sems kyang dmigs su med pa'i phyir ro// rab 'byor de ci snyam du sems/ gang gis stong gsum gyis stong chen po'i 'jig rten gyis khams 'di rin po che sna bdun gyis yongs su gang bar byas te sbyin pa byin na/ rigs kyi bu'am/ rigs kyi bu mo de gzhi de las bsod rnams mang du bskyed dam/ rab 'byor gyis gsol pa/ bcom ldan 'das mang lags so// bde bar gshegs pa mang lags so// bcom ldan 'das kyis bka' stsal pa/ rab 'byor de de bzhin no// de de bzhin te/ rigs kyi bu 'am/ rigs kyi bu mo de gzhi de las bsod nams kyi phung po mang po skyed do// rab 'byor gal te bsod nams kyi phung po bsod nams kyi phung por gyur na/ bsod nams kyi phung po nas

  23. 172b

    de bzhin gshegs pa mi gsungs so/ / rab 'byor de ji snyam du sems/ gzugs kyi sku yongs su grub pas de bzhin gshegs par blta 'am/ rab 'byor gyis gsol pa/ bcom ldan 'das de ni ma lags te/ gzugs kyi sku yongs su grub pas de bzhin gshegs par mi lta'o// de ci'i slad du zhe na/ bcom ldan 'das gzugs kyi sku yongs su bsgrub pas gzugs kyi sku yongs su rdzogs pa zhes bgyi ba ni de yongs su grub pa ma mchis par de bzhin gsheg pas gsungs pa'i slad du ste/ des na gzugs kyi sku yongs su grub pa zhes bgyi'o// bcom ldan 'das kyis bka' stsal pa/ rab 'byor 'di ji snyam du sems/ mtshan phun sum tshogs pas de bzhin gshegs par blta 'am/ rab 'byor gyis gsol pa/ bcom ldan 'das de ni ma lags te/ mtshan phun sum tshogs pas de bzhin gshegs par mi blta'o/ / de ci'i phyir zhe na/ de bzhin gshegs pas mtshan phun sum tshogs par gsungs pa de mtshan phun sum tshogs pa ma mchis par de bzhin gshegs pas gsungs pa'i slad du ste// des na mtshan phun sum tshogs pa zhes bgyi'o// bcom ldan 'das kyis bka' stsal pa/ rab 'byor 'di ji snyam du sems/ de bzhin gshegs pa 'di snyam du ngas chos bstan to zhes dgongs so snyam na/ rab 'byor de ltar mi blta ste/ de bzhin gshegs pas gang bstan pa'i chos de gang yang med do// rab 'byor su zhig 'di skad du de bzhin gshegs pas chos bstan to zhes zer na/ rab 'byor de ni med pa dang / log par zin pas nga la bskur bar 'gyur ro// de ci'i phyir zhe na/ rab 'byor chos bstan pa zhes bya ba dmigs par 'gyur ba'i chos bstan pa chos bstan pa zhes bya ba de gang yang med pa'i phyir ro// de nas bcom

  24. 173a

    ldan 'das la tshe dang ldan pa rab 'byor gyis 'di skad ces gsol to/ / bcom ldan 'das ma 'ongs pa'i dus na sems can gang dag 'di lta ba bu'i chos bshad pa thos nas mngon par yid ches par 'gyur ba mchis sam/ bcom ldan 'das kyis bka' stsal ba/ rab 'byor de dag ni sems can yang ma yin sems can med pa yang ma yin no// de ci'i phyir zhe na/ rab 'byor sems can rnams shes bya ba ni de bzhin gshegs pas de dag sems can med par gsungs pa'i phyir te/ des na sems can rnams shes bya'o// rab 'byor 'di ji snyam du sems/ de bzhin gshegs pas gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang yod dam/ tshe dang ldan pa rab 'byor gyis gsol pa/ bcom ldan 'das de bzhin gshegs pas gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang ma mchis so/ / bcom ldan 'das kyis bka' stsal pa/ rab 'byor de de bzhin no// de de bzhin te/ de chos cung zad kyang med cing mi dmigs te des na bla na med pa yang dag par rdzogs pa'i byang chub ces bya'o// yang rab 'byor chos de ni mnyam pa ste/ de la mi mnyam pa gang yang med pas des na bla na med pa yang dag par rdzogs pa'i byang chub ces bya'o/ / bla na med pa yang dag par rdzogs pa'i byang chub ni bdag med pa dang / sems can med pa dang / srog med pa dang / gang zag med par mnyam ste/ dge ba'i chos thams cad kyis mngon par rdzogs par 'tshang rgya'o/ / rab 'byor dge ba'i chos rnams dge ba'i chos rnams shes bya ba ni de dag de bzhin gshegs pas chos med pa nyid du gsungs te/ des na dge ba'i

  25. 173b

    chos rnams shes bya'o/ / yang rab 'byor rigs kyi bu 'am/ rigs kyi bu mo gang la la zhig gis stong gsum gyi stong chen po'i 'jig rten gyi khams na ri'i rgyal po ri rab dag ji snyed yod pa de tsam gyi rin po che sna bdun gyi phung po mngon par bsdus te sbyin pa byin pa bas/ gang gis shes rab kyi pha rol tu phyin pa 'di las tha na tshigs pa'i pa'i rigs su bcad pa tsam bzung nas gzhan dag la yang bstan na/ rab 'byor bsod nams kyi phung po 'di la bsod nams kyi phung po snga ma nges brgya'i char yang mi phod pa nas rgyu'i bar du yang mi bzod do// rab 'byor 'di ji snyam du sems de bzhin gshegs pa 'di snyam du ngas sems can rnams bkrol lo zhes dgongs so snyam na/ rab 'byor de de ltar mi blta'o// de ci'i phyir zhe na/ rab 'byor de bzhin gshegs pas gang bkrol ba'i sems can de dag gang yang med pa'i phyir ro// rab 'byor gal te de bzhin gshegs pas sems can gang la la zhig bkrol bar gyur na de nyid de bzhin gshegs pas bdag tu 'dzin par 'gyur/ sems can du 'dzin pa dang / srog tu 'dzin pa dang / gang zag tu 'dzin par 'gyur ro/ / rab 'byor bdag du 'dzin pa ces bya ba ni de 'dzin pa med par de bzhin gshegs pas gsungs na de yang byis pa so so'i skye bo rnams kyis bzung ngo // rab 'byor byis pa so so'i skye ba rnams shes bya ba ni de dag skye bo med par de bzhin gshegs pas gsungs te/ des na byis pa so so'i skye bo rnams shes bya'o// rab 'byor 'di ji snyam du sems/ mtshan phun sum tshogs pas de bzhin gshegs par blta 'am/ rab 'byor gyis gsol pa/ bcom ldan 'das de ni ma lags te/ mtshan phun sum tshogs pas de bzhin gshegs par mi blta'o// bcom ldan 'das kyis bka' stsal pa/ rab 'byor de de bzhin te/ mtshan

  26. 174a

    phun sum tshogs pas de bzhin gshegs par mi lta'o/ / rab 'byor gal te mtshan phun sum tshogs pas de bzhin gshegs par blta bar gyur na 'khor los sgyur ba'i rgyal po yang de bzhin gshegs par 'gyur te/ de bas na mtshan phun sum tshogs pas de bzhin gshegs par mi blta'o// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das kyis gsungs pa'i don bdag gis 'tshal ba ltar na mtshan phun sum tshogs pas de bzhin gshegs par mi blta'o// de nas bcom ldan 'das kyis de'i tshe tshigs su bcad pa 'di dag bka' stsal to// gang dag de la gzugs su yod // gang dag ra la sgrar shes pa// log par spong bar zhugs pa ste// skye bo de dgar mi mthong // sangs rgyas rnams ni chos nyid lta// 'dren pa rnams ni chos kyi sku/ chos nyid rigs par bya min pas/ / da ni rnam par shes mi nus// rab 'byor 'di ji snyam du sems/ mtshan phun sum tshogs pas de bzhin gshegs pa dgra bcom pa yang dag par rdzogs pa'i sangs rgyas so snyam du 'dzin na/ rab 'byor/ khyod kyis de ltar mi blta ste/ rab 'byor mtshan phun sum tshogs pas de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par rdzogs par sangs rgyas pa med de/ / rab 'byor 'di ji snyam du sems/ byang chub sems dpa'i theg pa la yang dag par zhugs pa rnams kyis chos la la zhig rnams par bshig gam/ chad par btags pa snyam du 'dzin na/ rab 'byor de ltar mi lta ste/ byang chub sems dpa'i theg pa la yang dag par zhugs pa rnams kyis chos gang la yang rnam par bshig pa 'am/

  27. 174b

    chad par bdags pa med do// yang rab 'byor rigs kyi bu 'am/ rigs kyi bu mo gang gis 'jig rten gyi khams gang ga'i klung gi bye ma snyed dag rin po che sna bdun gyis bcugang bar byas te sbyin pa byin pa bas/ byang chub sems dpa' gang zhig chos rnams bdag med cing skye ba med pa la bzod pa thob na de nyid gzhi de las bsod nams kyi phung po ches mang du skyed do// yang rab 'byor byang/ chub sems dpa' bsod nams kyi phung po yongs su gzung bar mi bya'o// tshe dang ldan pa rab 'byor gyis gsol pa/ bcom ldan 'das byang chub sems dpa' bsod nams kyi phung po yongs su gzung bar mi bgyi lags sam/ bcom ldan 'das kyis bka' stsal pa/ rab 'byor yongs su gzung mod kyis log par mi gzung ste/ des na yongs su gzung ba zhes bya'o// rab 'byor gang la la zhig 'di skad du/ de bzhin gshegs pa bzhud dam/ byon tam/ bzhengs sam/ bzhugs sam/ mnal ba mdzad de zhes de skad zer na/ des na ngas bshad pa'i don mi shes so// de ci'i phyir zhe na/ rab 'byor de bzhin gshegs pa zhes bya ba ni gar yang ma bzhud/ gang nas kyang ma byon pa'i phyir te/ des na de bzhin gshegs pa dgra bcom pa yang dag par rdzogs pa'i sangs rgyas shes bya'o// yang rab 'byor rigs ba 'am/ rigs kyi bu mo gang gis stod gsum gyi spyod chen po'i 'jig rten gyi khams na sa'i rdul rnams ji nyid yod pa de dag 'di lta ste dper na rdul phra rab kyis tshogs bzhin du bye mar byas na/ rab 'byor 'di ji snyam du sems/ rdul phra rab kyis chog de mang ba yin nam/ rab 'byor gyis gsol pa/ bcom ldan 'das de de lta lags te/ rdul phra rab kyis tshogs de med pa lags so// de ci'i slad du

  28. 175a

    zhe na/ bcom ldan 'das gal te tshogs zhig mchim par 'gyur na bcom ldan 'das kyis rdul 'phrang ba kyi tshogs shes bka' mi stsal ba'i slad du'o// de ci'i slad du zhe na/ bcom ldan 'das kyis rdul phra rab kyi tshogs shes gang gsungs pa de tshogs ma mchis par de bzhin gshegs pas gsungs pa'i slad du ste/ des na rdul phra rab kyi tshogs shes bgyi'o// de bzhin gshegs pas stong gsum gyi stong chen po'i 'jig rten gyi khams shes gang gsungs pa de'i khams ma mchis par de bzhin gshegs pas gsungs te/ des na stong gsum gyi stong chen po'i 'jig rten gyi khams shes bgyi'o// de ci'i slad du zhe na/ bcom ldan 'das gal te khams shig mchis par thun/ de nyid ril por 'dzin par 'gyur ba'i slad du'o// de bzhin gshegs pas ril por 'dzin par gang gsungs pa de 'dzin pa ma mchis par de bzhin gshegs pas gsungs te/ des na ril por 'dzin pa zhes bgyi'o// bcom ldan 'das kyis bka' stsal pa// rab 'byor ril por 'dzin pa nyid ni tha snyad de/ chos de ni brjod du med pa yin na/ de yang byis pa so so'i skye bo rnams kyis bzung ngo // rab 'byor gang la la zhig 'di skad du de bzhin gshegs pas bdag du lta bar gsungs te/ de bzhin gshegs pas sems can du lta ba dang / srog tu lta ba dang / gang zag tu lta bar gsungs so zhes zer na/ rab 'byor de yang dag par sgra bas smra ba yin nam/ / rab 'byor gyis gsol pa// bcom ldan 'das de ni ma lags so// bde bar gshegs pa de ni ma lags so// de ci'i slad du zhe na/ bcom ldan 'das de bzhin gshegs pas bdag tu/ lta bar gang gsungs pa de lta ba ma mchis par de bzhin gshegs pas gsungs pa'i slad du ste/ des na bdag tu lta ba zhes bgyi'o// bcom ldan 'das kyis bgaka' stsal pa/ rab 'byor byang chub sems dpa'i theg pa la/

  29. 175b

    yang dag par zhugs pas 'di ltar chos thams cad shes par bya/ blta bar bya'o// mas par bya ste/ cin sa chos su 'du shes pa la yang mi gnas pa de ltar mos par bya'o// de ci'i phyir zhe na/ rab 'byor chos su 'du shes chos su 'duzhes shes bya ni 'du shes med par de bzhin gshegs pas gsungs pa'i phyir te/ des na chos su 'du shes shes bya'o// yang rab 'byor byang chub sems dpa' sems dpa' chen po gang gis 'jig rten gyi khams dpag tu med cing zangs med pa dag rin po che sna bdun gyis rab du gang bar byas te sbyin pa byin pa bas/ rigs kyi bu 'am/ rigs kyi bu mo gang gis shes rab kyi pha rol tu phyin pa 'di las 'than tshigs bzhi pa'i tshigs su bcad pa tsam blangs nas 'dzin tam/ klog gam/ kun chub par byed dag/ gzhan dag la yang rgya cher yang dag par rab tu ston na de nyid gzhi de las bsod nams ches mang du grangs med dpag tu med pa bskyed do/ / ji ltar yang dag par rab tu ston ce na/ ji ltar yang dag par rab tu mi ston pa bzhin du ste/ des na yang dag par rab tu ston pa zhes bya'o// skar ma rab rib mar me dang / sgyum zil pa chu bur dang / rmi lam glog dang sprin lta bur/ / 'dus byas de ltar blta bar bya// bcom ldan 'das kyis de skad ces bka' stsal pa nas/ gnas brtan rab 'byor dang / byang chub sems dpa' de dag dang / 'khor bzhi po dge slong dang / dge slong ma dang / dge bsnyen dang / dge bsnyen ma de dag dang / lha dang / mi dang / lha ma yin dang / dri zad bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa shes rab kyi pha rol tu phyin pa rdo rje gcod pa zhes bya ba theg pa chen po'i mdo// rdzogs s+ho//

Colophon

'phags pa shes rab kyi pha rol tu phyin pa rdo rje gcod pa zhes bya ba theg pa chen po'i mdo| |rdzogs s.ho||