'phags pa ma skyes dgra'i 'gyod pa bsal ba zhes bya ba theg pa chen po'i mdo
Āryaajātaśatrākokridtapratibinodanāmamahāyānasūtra
Text
ff. 266b–351a · 170 folio sides
- 266b
ring ba legs/ / dpal ldan shangs 'tsham cha byad rmad du byung ba legs// smra mkhas snyan shal gser gyi 'phyang thag 'dra ba legs// mche ba kha ba dung 'dra legs la phyag 'tshal lo// gtso bo 'gres pa mgon po khyod kyis de ring du/ / mi rnams sbyin pa dbye ba legs par gsungs pa legs// slar zhing tshul khrims bzod pa stobs dang ye shes dang // thabs dang bsam gtan rdzu 'phrul smon lam mnyan par 'tshal/ bcom ldan 'das kyis de skad ces bka' stsal nas/ byang chub sems dpa' 'jam dpal gzhon nur gyur pa dang / byang chub sems dpa' spyan ras gzigs dpa phyug dang / ri'i phug dang / zo ma dang / ri sul dang / gseb dang / sman ljongs na seng ge'i mchog rnam par bsgyings shing / nga ro rnam par sgrogs pa lta bu'i mi'i dbang po'i gtsug gi nor bu la sogs pa byang chub sems dpa' de dag dang / lha'i bu de dag dang / rgyal po chen po bzhi po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis p hyu sa ga ci thag pa na pa ma drug ni d+hA lo tsa ba ban d+he ye shes sde la sogs pas bsgyur cing zhus te gtan la phab pa/ / rgya gar skad du/ Ar+ya adz+nyA ta/ sha tra ko kr-i u0f7fdz+dza b
- 267a
i no da nA ma mahA yA na sU tra/ bod skad du/ 'phags pa ma skyes dgra'i 'gyod pa bsal ba zhes bya ba theg pa chen po'i mdo// // bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab kyi ri'i bya rgod phung po la dge slong brgya phrag byed dang bcu gsum gyi dge slong gi dge 'dun chen po dang / byang chub sems dpa' sangs rgyas kyi zhing sna tshogs nas lhags pa brgyad khri bzhi stong / byang chub sems dpa' sems dpa' chen po mngon par shes pa mngon par shes pa gzungs thob pa/ spobs pa thogs pa med pa/ ma skyes pa'i chos la bzod pa thob pa/ ting nge 'dzin dang gzungs grub pa/ shes shing mkhas pa/ sems can thams cad kyi sems kyi bsam pa ji ltar mos pa bzhin du chos ston pa rnams dang / rgyal po chen po bzhi dang / brgya byin lha'i dbang po dang / tshangs pa mi mjed kyi bdag po dang / de ma yin pa gzhan lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po brgya stong mang po dang thabs cig tu bzhugs so// yang de'i tshe de'i dus na/ 'jam dpal gzhon nur gyur pa ri zhig gi bang rim gyi ngos la skyes bu dam pa nyi shu rtsa lnga dang lhan cig tu gnas pa 'di lta ste/ byang chub sems dpa' klu dpal dang / klus byin dang / dpal 'byung dang / dpal gyi snying po dang / pad+ma
- 267b
bla ma'i dpal dang / pad+ma dpal 'byung dang / skye bo 'dzin pa dang / sa 'dzin dang / lag na rin chen dang / lag na rin chen phyag rgya dang / seng ge'i blo gros dang / seng ge'i 'gros bsgrags dbyangs dang / nam mkha' mdzod dang / sems bskyed ma thag tu chos kyi 'khor lo sgyur ba dang / tshig gi rab tu tha dad pa thams cad la spobs pa dang / spobs pa'i phung po dang / blo gros rgya mtsho dang / lhun po chen po dang / mthong na dga' ba dang / rab tu dga' ba'i rgyal po dang / mtha' yas mthong ba dang / mtha' yas dmigs par gnas pa dang / bdud kyi lta ba yang dag par 'joms pa dang / mya ngan med sbyin dang / don thams cad grub pa'i byang chub sems dpa' sems dpa' chen po dang / skyes bu dam pa nyi shu rtsa lnga po de dag dang lhan cig tu gnas so// dga' ldan ris kyi lha'i bu bzhi yang chos nyan pa'i phyir 'jam dpal gzhon nur gyur pa'i phyi bzhin du 'brang bar gyur te/ lha'i bu kun nas me tog ces bya ba dang / lha'i bu me tog 'od zer can zhes bya ba dang / lha'i bu me tog ma nA ra ba'i dri zhes bya ba dang / lha'i bu chos la gnas pa rtag tu brtson pa zhes bya ba de dag dang / lha'i bu mang po gzhan dag kyang 'di lta ste/ chos rgan pa'i phyir 'jam dpal gzhon nur gyur pa'i phyi bzhin du 'brang bar gyur to// 'di lta ste/ skyes bu dam pa de dag dang / lha'i bu de dag tshogs shing 'khod pa las/ bar skabs su kye grogs po dag sangs rgyas kyi ye shes ni rgya che ba/ dpag tu med pa/ tshad med pa dang / bsam gyis mi
- 268a
khyab pa/ mnyam pa med pa/ gzhal du med pa/ mi rtogs pa/ mi mnyam pa dang mnyam pa/ bla na med pa yin te/ de ni go cha dam pa ma yin pas rtogs par mi nus na/ go cha ji tsam zhig bgos na thams cad mkhyen pa'i ye shes/ ye shes chen po de rtogs par nus zhes de lta bu'i gtam brjod par gyur pa dang / byang chub sems dpa' klu dpal gyis smras pa/ dge ba'i rtsa ba'i tshogs bsags pa/ bsngo ba la chog mi shes pa'i dge ba'i rtsa ba la gzhog par gnas shing mi brjed pa'i go cha bgos pas/ ye shes chen pode rtogs par nus so// byang chub sems dpa' klus byin gyis smras pa/ sems snyoms pa dang / sems dul ba dang / sems 'jam pa dang / sems drang ba dang / sems mnyen pa dang / sems cad shes pa'i phyir thams cad mkhyen pa'i ye shes kyi yi dam brtan po snying po la gnas pa'i go cha dgos pas thams cad mkhyen pa'i ye shes/ ye shes chen po rtogs par nus so// byang chub sems dpa' dpal 'byung gis spras pa/ kye grogs so dag bskal pa'i grangs kyis ye shes chen po de rtogs par mi nus kyi/ bskal pa dpag tu med par go cha bgos pas/ thams cad mkhyen pa'i ye shes rtogs par nus so// byang chub sems dpa' dpal gyi snying pos smras pa/ rigs kyi bu byang chub sems dpa' bdag gis bde ba la chags shing gnas pas/ ye shes chen po de rtogs par mi nus kyi/ bdag gi bde ba la ma chags pas thams cad
- 268b
mkhyen pa'i ye shes rtogs par nus te/ gang zang zing med pa la lan du bya ba ma yin pa'i bde ba de sems can thams cad la bstabs so zhes sems can thams cad bde zhing bde ba dang ldan pa la gzhog par byed pa des/ thams cad mkhyen pa'i ye shes de rtogs par nus so// byang chub sems dpa' pad+ma bla ma'i dpal gyis smras pa/ bdag nyid ma dul/ ma bsrungs/ ma byang ba des/ pha rol ma dul/ ma bsrungs/ ma byang ba dul bar bya ba dang / zhi bar bya ba'i gnas de ni med kyi/ bdag nyid shin tu dul/ shin tu bsrungs/ shin tu byang ba des/ pha rol ma dul/ ma bsrungs/ ma byang ba dul bar bya ba dang / zhi bar bya ba'i gnas de yod do zhes bcom ldan 'das kyis kyang de skad gsungs te/ de bas na dul ba dang / zhi gnas kyi rnal 'byor la zhugs shing / pha rol dul ba dang / zhi gnas dang 'thun pas bya ba la mkhas pas/ ye shes chen po de rtogs par nus so/ / byang chub sems dpa' pad+ma dpal 'byung gis smras pa/ kye grogs po dag 'jig rten gyi chos dang 'dres pas/ 'jig rten las 'das par mi nus kyi/ gang 'jig rten gyi chos dang ma 'dres pa de ni 'jig rten las 'da' bar 'gyur ro/ / de bas na byang chub sems dpa' gang rnyed pa dang / ma rnyed pa dang / grags pa dang / ma grags pa dang / bstod pa dang / smad pa dang / bde ba dang / sdug bsngal bas mi 'phrogs shing / byang chub sems dpa' sems dpa' chen po ma khengs pa/ mdud pa des ni ye shes chen po de rtogs par sla'o//
- 269a
byang chub sems dpa' skye bo 'dzin gyis smras pa/ kye grogs po dag gzhan la klan ka tshol bas ni/ thams cad mkhyen pa'i ye shes chen po rtogs par mi nus kyi/ gcig pu gnyis su med la/ bdag gis sems can thams cad kyi phyir go cha chen po bgos pas/ sems can thams cad kyi gang ci'ang rung yongs su thob par bya ba de dag thams cad bdag gis yongs su thob par bya'o zhes dge ba'i rtsa ba bskyed pa dang / sems can thams cad yongs su smin par bya ba'i phyir/ de sems can thams cad dang thun mong du sems bskyed de/ yud tsam du'ang brtson 'grus mi gtong zhing / de ltar brtson 'grus la gnas pa'i byang chub sems dpas ye shes chen po de rtogs par nus so// byang chub sems dpa' sa 'dzin gyis smras pa/ kye grogs po dag 'di lta ste dper na sa ni rtswa dang / shing gel ba dang / sman dang / nags tshal thams cad kyi gnas yin te/ de la gnas shing / rtswa dang / shing gel ba dang / sman dang / nags kyi sa bon thams cad skye bar 'gyur mod kyi/ sa chen po de ni lan re ba'ang med do/ / sems can thams cad kyang sa chen po las 'tsho mod kyi/ sa chen po ni skyo bar yang mi byed do// rigs kyi bu de bzhin du byang chub sems dpa' chags pa dang / zhe sdang ba'i sems dang thal ba dang / sems can thams cad kyi nye bar 'tsho ba dang / lan re ba med pa'i phyir sa dang 'dra bar sems bskyed na/ ye shes chen po de rtogs par nus so// byang chub sems dpa' lag na
- 269b
rin chen gyis smras pa/ kye grogs po dag 'di ni go cha chen po yan te/ dman pa la mos pas ni ye shes chen po de rtogs par mi nus kyi/ gang gnyid kyis log pa'i rmi lam na yang theg pa gnyis la sems mi 'jug cing / rin po che'i sems can thams cad mkhyen pa'i sems de pha rol dag kyang 'dod par byed du 'jug la/ rin po che'i sems de la ser sna mi byed kyi/ sems can thams cad kyang theg pa chen po'i go cha de skon par byed cing / sems mnyam pa med pa la'ang gang ba 'am/ bri bar yang mi mthong zhing / de ltar ser sna med pa'i sems kyis ye shes chen po de rtogs par nus so// byang chub sems dpa' lag na rin chen phyag rgyas smras pa/ kye ma'o sems can 'di dgra 'gro ba drug tu lhung gis/ de dang de dag tu snying rje chen po bskyed de/ sems can thams cad la chos kyi phyag rgyu rin po che'i phyag rgya gsum gyis btab pa sbyin par bya ste/ sems can thos pa tung ba rnams la ni thos pa'i lag pa sbyin par bya'o// sems can ser sna can rnams la ni gtong ba'i lag pa sbyin par bya'o// sems can dang tshul ngan pa can rnams la ni tshul khrims kyi lag pa sbyin par bya'o/ / sems can gnod sems can rnams la ni bzod pa'i lag pa sbyin par bya'o// sems can le lo can rnams la ni brtson 'grus kyi lag pa sbyin par bya'o/ / sems can dran pa nyams pa rnams la ni bsam gtan thob pa'i lag pa sbyin par bya'o// sems can shes rab 'chal pa rnams la ni shes rab kyi lag pa sbyin par bya'o//
- 270a
sems can dag chos dkar po gang dang gang dag las bral bar gyur pa'i de dang de dag nyid yongs su rdzogs par bya ba'i phyir lag pa sbyin par bya ste/ byang chub sems dpa' de'i dge ba'i rtsa ba'i lag pa'ang rin po che'i phyag rgya gsum gyis btab par bya'o/ / gsum gang dag yin zhe na/ 'di lta ste/ sems can thams cad sangs rgyas kyi ye shes yongs su rdzogs par sngo ba'i rin po che'i phyag rgyas gdab par bya ba dang / bdag gi dge ba'i rtsa ba yongs su 'grub pa rin po che'i phyag rgyas gdab par bya ba dang / sems can thams cad nam mkha'i rang bzhin gyi phyag rgyas gdab par bya ba ste/ rigs kyi bu de 'dra ba'i gnas la gnas pas ni thams cad mkhyen pa'i ye shes chen po de rtogs par nus so/ / byang chub sems dpa' seng ge'i blo gros kyis smras pa/ kye ma'o grogs po dag 'di ni mi 'jigs pa'i go na'o/ / 'di ni mi skrag pa'i go cha'o// 'di ni ma zhum pa'i go cha'o// 'di ni le lo med pa'i go cha'o// kye grogs po dag de bas na mi 'jigs pa dang / sems mi skrag pa dang ma zhum pa dang / le lo med pa dang / 'jigs shing spyi bung zhes byed pa dang bral ba dang / 'khor ba'i nyes pa mi skyed pa dang / mya ngan las 'da' ba'i yon tan yang dag par mthong ba dang / bang ba dang sdug bsngal ba'i chos la snyoms par gnas pa dang / mi gnyis pa la gnas pa dang ldan pas thams cad mkhyen pa rtogs par sla'o// byang chub sems dpa' seng ge'i 'gros bsgrags dbyangs
- 270b
kyis smras pa/ kye grogs po dag 'gros de ni skyes bu ngan pa'i ma yin gyis/ de ni skyes bu dam pa'i 'gros yin no// de ci'i phyir zhe na/ skyes bu dam pa dag ni sdig pa'i lta ba dang bral bas yang dag pa la zhugs pa yin no/ / skyes bu dam pa dag ni rtag par drang ba'i rang bzhin dang ldan pas g.yo med pa yin no// skyes bu dam pa dag ni bla ma la rim gro skyes pas dgra bcom pa yin no// skyes bu dam pa dag ni bstan na mthun len pas tshig bzang ba yin no/ / skyes bu dam pa dag ni yang dag pa'i 'tsho ba la gnas pas las kyi mtha' grags pa yin no// skyes bu dam pa dag ni skyo ba dang bral bas 'dod chags dang bral ba yin no/ / skyes bu dam pa dag ni khong khro ba dang bral bas zhe sdang dang bral ba yin no// skyes bu dam pa dag ni zhi ba/ rab tu zhi ba nye bar zhi bas mun pa mun nag dang bral ba yin no// skyes bu dam pa dag ni sdug bsngal ba dang / dbul po la snying rje bar gyur pas 'jam pa rnams yin no// skyes bu dam pa dag ni lus dang / ngag dang / yid kyi las kyi mtha' yongs su dag pas 'dzem pa dang bcas pa yin no/ / skyes bu dam pa dag ni de dag bya ba la yang dag par zhugs pas ji skad smras pa bzhin du byed pa yin no// skyes bu dam pa dag ni rtag tu brtul ba brtan pas lhag pa'i bsam pa dang ldan pa yin no// skyes bu dam pa dag ni log pa'i chos dang bral bas bden pa la gnas pa yin no/ / skyes bu dam pa dag ni chos kyi dga' bas dga' zhing mgu bas chos 'dod pa yin no// skyes bu dam pa dag ni lus dang srog gtong bas
- 271a
dam pa'i chos yongs su 'dzin pa yin no/ / skyes bu dam pa dag ni sems can thams cad dang 'brel bas mi gtong ba yin no// skyes bu dam pa dag ni don dam pa'i rjes su 'jug pas nges pa mthong ba yin no/ / skyes bu dam pa dag ni sdig pa'i chos rnams spangs pas dge ba'i chos la zhugs pa yin no// skyes bu dam pa dag ni dbul po rnams kyi gter yin no// skyes bu dam pa dag ni nang pa rnams kyi sman pa yin no/ / skyes bu dam pa dag ni 'jig rten pa rnams kyi mgon yin no// skyes bu dam pa dag ni dpung gnyen med pa rnams kyi skyabs yin no// skyes bu dam pa dag ni 'khor ba'i rgya mtshor zhugs pa rnams kyi gnas yin no/ / skyes bu dam pa dag ni rten med pa rnams kyi rten to// skyes bu dam pa dag ni mun pa mun nag tu zhugs pa rnams kyi snang bar byed pa yin no// skyes bu dam pa dag ni lam ngan par zhugs pa rnams kyi 'dren pa yin no/ / skyes bu dam pa dag ni chos smra ba rnams kyi yongs su 'dren pa yin no// skyes bu dam pa dag ni bzod pa dang dul ba'i rnal 'byor dang ldan pas tha ba'i nyes pa dang / gnod sems dang / gnod 'chab pa dang / khro ba'i yongs su gdung ba thams cad dang bral ba yin te/ de lta bas na skyes bu dam pa dag de 'dra ba'i chos la gnas pas ni ye shes chen po de rtogs par nus so// byang chub sems dpa' nam mkha' mdzod kyis smras pa/ nam mkha' dpag tu med pa bzhin du byams bsgom pa'i rnal 'byor dang ldan pas snying rje chen po la gnas pa rgyan mi 'chad pa/ dbang po chag tu dga'
- 271b
zhing 'god pa 'dod pa'i dga' ba thams cad la btang snyoms su gtong ba/ sbyin pa nam mkha' dang mtshungs pa/ tshul khrims nam mkha' dang mtshungs pa/ bzod pa nam mkha' dang mtshungs pa/ brtson 'grus nam mkha' dang mtshungs pa/ bsam gtan nam mkha' dang mtshungs pa/ shes rab nam mkha' dang mtshungs pas thams cad mkhyen pa rtogs par nus so// byang chub sems dpa' sems bskyed ma thag tu chos kyi 'khor lo sgyur bas smras pa/ sems bskyed pa gang las bdud sdig can gyis glags rnyed par 'gyur ba dang / de bzhin gshegs pa mnyes par mi 'gyur ba dang / lha mi dga' bar 'gyur ba dang / bdag gi dge ba'i phyogs yongs su 'bri bar 'gyur ba'i sems bskyed pa de dag ni/ byang chub sems dpas mi bskyed par bya'i/ sems bskyed pa gang las bdud sdig can gyis glags rnyed par mi 'gyur ba dang / de bzhin gshegs pa mnyes par 'gyur ba dang / lha dag dga' bar 'gyur ba dang / bdag gi dge ba'i phyogs yongs su 'bri bar mi 'gyur ba'i sems bskyed pa de dag ni bskyed par bya ste/ de ltar zhugs na sems bskyed ma thag tu chos kyi 'khor lo sgyur bar 'gyur ro// de ci'i phyir zhe na/ de ltar byang chub sems dpa' des sems bskyed ma thag tu rgyu dang dmigs pa'i skyen ma skyes pa'i phyir/ chos thams cad ma skyes pa dang / de bzhin gshegs pa'i byang chub kyang ma skyes pa las rtogs par 'gyur la/ byang chub ji lta bar chos kyi 'khor lo sgyur ba'ang de bzhin du shes te/ sems kyi bsam
- 272a
pa'i go cha de dag gis thams cad mkhyen pa rtogs par nus so/ / byang chub sems dpa' tshig gi rab tu tha dad pa thams cad la spobs pas smras pa skyes bu dam pa dag byang chub ni thams cad kyi rjes su song ba ste/ kun nas nyon mongs pa'i rjes su song ba/ rnam par byang ba'i rjes su song ba/ 'dus byas kyi rjes su song ba 'dus ma byas kyi rjes su song ba/ zag pa dang bcas pa'i rjes su song ba/ zag pa med pa'i rjes su song ba/ kha na ma tho ba dang bcas pa'i rjes su song ba/ kha na ma tho ba med pa'i rjes su song ba/ dge ba'i rtsa ba'i rjes su song ba/ mi dge ba'i rtsa ba'i rjes su song ba/ 'jig rten gyi chos kyi rjes su song ba/ 'jig rten las 'das pa'i chos kyi rjes su song ba/ 'khor ba'i rjes su song ba/ mya ngan las 'das pa'i rjes su song ba/ chad pa dang rtag pa'i rjes su song ba/ phung po dang / khams dang / skye mched kyi rjes su song ba ste/ skyes bu dam pa dag byang chub ni sa dang / chu dang / me dang / rlung dang // nam mkha'i rjes su song ba'o// de ci'i phyir zhe na/ chos thams cad ni 'di lta bu'i rang bzhin te/ rang bzhin stong pa nyid do// de dag ni brjod pa gang dang gang gis brjod par bya ba'i rnam pa de thams cad stong pa nyid smod par byed pa'o/ / 'di lta ste/ dper na nam mkha'i dbyings ni thams cad kyi rjes su song ngo // de bzhin du byang chub kyang thams cad kyi rjes su song ste/ skyes bu dam pa dag byang chub
- 272b
sems dpa' de lta bu'i ye shes la mos pa ni/ dmigs pa thams cad la spobs par 'byung zhing / de ni tshig gi rab tu tha dad pa shes pa thams cad kyang thob par 'gyur te/ tshul gcig la 'jug pa nges thams cad mkhyen pa rtogs so/ / byang chub sems dpa' spobs pa'i phung pos smras pa/ kye grogs po dag brjod pa thams cad ni brjod du med pa ste/ sgra thams cad bsnyen du med pa'o/ / byang chub sems dpa' ye shes de la mos pa ni sems mi g.yo bar 'dug pa yin te/ snyan par smras pa dang / mi snyan par smras pa la dga' ba dang / zhum pa med do// 'di lta ste/ dper na ri lhun po'i phung po la rlung bab pa las slar log ma/ ri lhun po ni g.yo ba'ang med/ rab tu g.yo ba med do// rigs kyi bu de bzhin du byang chub sems dpa' de 'dra ba'i ye shes rtogs pas thams cad kyi sgra dang / brjod pa kun bzod de/ g.yo bar mi byed/ rab tu g.yo bar mi byed cing / pha rol mu stegs can gyi smra ba gang la'ang chags par mi 'gyur/ de bzhin gshegs pa'i bka' dang / mu stegs can gyi tshig kyang chos mnyam pa nyid du mthong / mnyam pa nyid la'ang 'gal bar mi byed/ mu stegs can thams cad kyi spobs pa thams cad kyang zad pa'i chos su mthong / zad pa'i chos kyis chos la nga rgyal chen por yang mi byed de/ skyes bu dam pa dag byang chub sems dpa' de lta bu'i ye shes la mos pa ni/ myur du thams cad mkhyen pa'i ye shes skye bar 'gyur ro// byang chub sems dpa' blo
- 273a
gros rgya mtshos smras pa/ skyes bu dam pa dag byang chub sems dpas thos pa thams cad gzung ba'i phyir/ blo rgya mtsho la sems 'jug pa rtogs par bya'o// chos nyid la sna tshogs med pa'i phyir/ des chos ro gcig pa la mos par bya'o// rten cing 'brel par 'byung ba med/ mi 'gal ba'i phyir/ des chos nyid la brtag par bya'o// thog ma nas skyes pa'i phyir/ chos gang yang ma bri ba dang ma 'phel bar bya'o/ / bsod nams mi zad pa'i phyir/ sems can thams cad nye bar 'tsho ba'i dge ba'i rtsa ba bskyed par bya'o// chad pa dang rtag pa las dben pa'i phyir/ des mtha' gnyis rtogs par bya'o// sems kyi sgom pa tshad med pa'i phyir/ des chos thams cad la brtag par bya'o// chos yang dag mi 'byed pa'i phyir/ bdag gi dran pa'i stobs bskyed pa yang dag par gzhag par bya'o// sems can thams cad la snyoms par chos 'chang ba'i phyir/ des sems pa thams cad yang dag par bcom pa dran pa'i yongs su rdzogs par bya'o// sangs rgyas kyi chos ma 'dres pa lhur byed pa'i phyir/ mi dge ba'i chos thams cad dang mi 'grogs par bya'o/ / skyes bu dam pa dag dran pa'i ye shes kyi go cha des ni thams cad mkhyen pa rtogs par nus so// byang chub sems dpa' lhun po chen pos smras pa/ 'di lta ste/ sangs rgyas kyi ye shes de ni 'jig rten thams cad las mngon par 'phags pa'i ye shes te/ de ni tshad yong ba'i spyod pas rtogs par mi nus so// de bas
- 273b
na bsam pa 'jig rten thams cad las mngon par 'phags pa dang / thos pa 'jig rten thams cad las mngon par 'phags pa dang / dad pa 'jig rten thams cad las mngon par 'phags pa dang / sbyin pa 'jig rten thams cad las mngon par 'phags pa dang / de bzhin du tshul khrims dang / bzod pa dang / brtson 'grus dang / bsam gtan dang / shes rab 'jig rten thams cad las mngon par 'phags pa dang / bsod nams ri rab lhun po bzhin du mngon par 'phags pas thams cad mkhyen pa rtogs par nus so// byang chub sems dpa' mthong na dag bas smras pa/ skyes bu dam pa dag gang gi tshe byang chub sems dpa' bdag gi gzugs kyi sems yongs su dag pas gzugs su snang ba yid du mi 'ong ba gang yang mig gis mthong zhing snang bar mi 'gyur/ bdag gi rna ba'i sems yongs su dag pas sgra yid du mi 'ong ba gang yang rna bas thos shing grags par mi 'gyur/ de bzhin du dri'ang ma yin/ ro'ang ma yin/ reg kyang ma yin// rang gi spyod yul gyi sems yongs su dag pas chos yid du mi 'ong ba gang yang yid la snang bar mi 'gyur/ rang gi sems yongs su dag pas yid dga' ba dang / mi dga' ba dang / ma 'brel cing sems can gang yang sangs rgyas kyi chos kyi snod ma yin par ma mthong ste/ gang log par nges pa de dag kyang sangs rgyas kyi chos kyi snod du gyur par mthong zhing / gang bdag shin tu dga' bar 'gyur ba'i dngos
- 274a
po de dga' zhing yongs su gtong la/ byin nas kyang mi 'gyod pa yin te/ de ltar spyod pa'i byang chub sems dpa' ni thams cad mkhyen pa rtogs par nus so// byang chub sems dpa' rab tu dga' ba'i rgyal pos smras pa/ gang gi tshe na spros pa dang / brgyad pa dang / smad pa dang / brnyas pa dang / brdegs pa dang / tshar bcang na/ byang chub sems dpa' rab tu dga' ba skyed cing gang zag la'ang dge ba'i bshes gnyen du 'du shes bskyed la bzod par byed/ bzod pa'i mthu ston cing rab tu dga' ba skyes nas/ spro bar byed pa 'di su/ gang la spro bar byed ces// de chos nyid kyi rjes su 'jug par byed/ nang gi stong pa nyid la mos shing / phyi'i stong pa nyid la the tshom med pas bdag tu lta ba'ang mi skyed cing bzod la/ rkang pa dang lag pa yongs su gtong ba dang / mig dang mgo yongs su gtong ba dang / chung ma dang / bu pho dang / bu mo yongs su gtong / rgyal srid yongs su gtong bas rab tu dga' ba yin/ lus dang srog yongs su gtong bas dga' ba yin te/ 'khor los sgyur ba'i rgyal srid thob pas dga' ba ma yin gyi/ legs par bshad pa tshigs su bcad pa gcig thos pas shin tu dga' ba yin/ brgya byin thob pas dga' ba ma yin gyi// gzhan chos 'chad pal shin tu dga' ba yin/ tshangs pa thob pas dga' ma yin gyi/ sems can gcig kyang bla na med pa yang dag par rdzogs pa'i byang chub la gzhag na rab tu dga' ba yin/ stong gsum rin po ches bkang
- 274b
bas dga' ba ma yin gyi/ de bzhin gshegs pa mthong bas rab tu dga' ba yin te/ de ni gzhan yang dbang po nyams par mi 'gyur zhing / dga' bar gyur nas byang chub kyi phyogs kyi chos rnams dga' zhing mgu ba'i spyod pa 'dis sgrub par byed pa ni/ thams cad mkhyen pa rtogs par nus so// byang chub sems dpa' mtha' yas mthong bas smras pa/ skyes bu dam pa gang gi tshe na byang chub sems dpa' chos thams cad mthong mod kyi/ bdag tu lta bar yang mi ltung / sangs rgyas kyi chos thams cad shes mod kyi/ rnam par rtog pa spyod pa'ang ma yin/ sangs rgyas thams cad ma mthong mod kyi/ gzug la dmigs pa'i 'du shes kyang mi skyed/ sems can thams cad mthong mod kyi/ sems can du 'du shes kyang mi skyed/ las kyi rnam par smin pa yongs su dag pa'i phyir/ sha'i mig gsal bar gyur pa yin/ mngon par shes pa thob pas lha'i mig dang ldan pa yin/ nyon mongs pa thams cad bral bas/ shes rab kyi mig rtogs par khong du chud pa yin/ sangs rgyas kyi chos ma 'dres pa sgrub pas/ sangs rgyas kyi spyan la mos pa yin/ stobs bcu yongs su rdzogs pas/ chos kyi spyan snang ba thob pa yin te/ rigs kyi bu de 'dra ba'i ye shes mthong ba yongs su rdzogs pas thams cad mkhyen pa rtogs par nus so// byang chub sems dpa' mtha' yas dmigs par gnas pas smras pa/ byang chub ni thams cad dmigs pa ste/ thams cad mkhyen pa'i ye shes sgrub par 'gyur ro// de ci'i phyir na
- 275a
na/ dmigs pa thams cad ni nang du'ang mi gnas/ phyi rol na'ang mi gnas/ dbus na'ang mi gnas par brtags par bya'o// byang chub sems dpa' dmigs pa la mi gnas pa ni nyon mongs pa la dmigs pa dang / las la dmigs pa dang / bdud la dmigs pas nyams par mi 'gyur te/ las dang / nyon mongs pa dang / bdud la dmigs pa las 'das pa'i byang chub sems dpas thams cad mkhyen pa rtogs so/ / byang chub sems dpa' bdud kyi lta ba yang dag par bcom pas smras pa/ rigs kyi bu bdag tu lta ba ni/ bdag tu lta ba las ldang zhing byung ba yin/ bdud kyi las ni lta ba las ldang zhing byung ba ste/ bdag tu lta ba yongs su shes na/ lta ba byung bar mi byed do// lta ba yongs su shes na/ phung po 'byung bar mi byed do// phung po yongs su shes na bdud mi mthong ngo / / bdud kyi yul las 'da' bar bya ba'i phyir/ sgrib pa med pa'i rnam par thar pa la reg par 'gyur ro// byang chub sems dpa' sgrib pa med pa'i rnam par thar pa thob na/ thams cad mkhyen pa rtogs so// byang chub sems dpa' mya ngan med sbyin gyis smras pa/ las nyes pa byed pa ni phyis 'gyod par 'gyur/ las legs pa byed pa ni byis mya ngan byed par mi 'gyur ro/ / de bas na byang chub sems dpas las legs par byed pa/ las mi spang ba byed pa/ las mi 'gyod pa byed pa/ las kha na ma tho ba med par byed par bya'o// sems can mya ngan gyi zug rngus drug pa'i
- 275b
rnams kyang mya ngan zhi bar bya ba dang / zug rngu dang bral bar bya ba'i phyir chos bshad par bya ste/ de ltar spyod pa'i byang chub sems dpa' ni/ thams cad mkhyen pa rtogs so// byang chub sems dpa' don thams cad grub pas smras pa/ rigs kyi bu dag skyes bu gang zag tshul khrims dang ldan pa'i sems kyi smon pa 'grub/ smon lam 'grub par 'gyur la/ tshul khrims kyi rtsa ba la'ang bag byed pa rten/ bag byed pa'i rtsa ba la'ang byang chub kyi phyogs kyi chos rnams rten/ byang chub kyi phyogs kyi chos kyi rtsa ba la'ang thams cad mkhyen pa rten to// de bas na byang chub sems dpa' bag byed pa dang / byang chub kyi phyogs kyi chos la rten pa ni/ thams cad mkhyen pa rtogs so// lha'i bu kun nas me tog gis smras pa/ rigs kyi bu dag 'di lta ste/ dper na shing me tog gis brgyan pa ni 'gro ba mang po'i nye bar 'tsho ba yin no/ / rigs kyi bu de bzhin du byang chub sems dpa' sems dpa' chen po rnam par thar pa'i chos kyi me tog rgyas pa ni 'gro ba mang po nye bar 'tsho ba yin no// rigs kyi bu dag 'di lta ste/ dper na lha rnams kyi shing pa ri ya tra ka ko bidir me tog rgyas na/ sum cu rtsa gsum gyi lha'i bu rnams mngon par 'du bar 'gyur ro// rigs kyi bu de bzhin du byang chub sems dpa' sems dpa' chen po rnam par thar pa'i chos kyi me tog rgyas nas/ lha dang bcas pa'i 'jig rten mngon par 'du bar 'gyur ro// rigs kyi bu dag 'di lta ste/ dper na lha'i nor bu rin po che skyon thams cad dang bral la/
- 276a
yon tan thams cad dang ldan pa de bzhin du/ rigs kyi bu byang chub sems dpa' bsam pa yongs su dag pa/ skyon thams cad dang bral ba/ yon tan thams cad dang ldan pas thams cad mkhyen pa rtogs so/ / lha'i bu me tog 'od zer can gyis smras pa/ rigs kyi bu dag 'di lta ste/ dper na nyi ma'i 'od zer gtang na/ mun pa bsal cing gzugs kyi rnam pa thams cad snang bar 'gyur ro/ / rigs kyi bu dag de bzhin du byang chub sems dpa' ye shes kyi snang ba'i 'od zer dang ldan pa gang gi tshe na/ chos kyi snang ba gtong ba de'i tshe/ ma rigs pa dang ldan pa'i mun pas bsgribs pa'i sems can rnams la snang ba chen po byed cing chos kyi rang bzhin yang ston te/ mun pas ni snang ba zil gyis non par mi 'gyur gyi/ snang bas ni lam rtogs par nus pas/ byang chub sems dpa' lam la gnas na/ sems can lam ngan par zhugs pa rnams la yang dag pa'i lam ston te/ byang chub sems dpa' lam la gnas na// thams cad mkhyen pa rtogs so// k+ta'i bu ma tog man+da ra'i dris smras pa rigs kyi bu dag 'di lta ste/ dper na me tog man+dA ra ba'i khor khor yug dpag tshad gcig tu dris khyab par byed de/ ni nga'ang rnam par rtog pa med do// rigs kyi bu dag de bzhin du byang chub sems dpa' gtong sa dang / tshul khrims dang / thos pa dang / ting nge 'dzin dang / shes rab la gnas pa'ang stong gsum gyi stong chen po'i 'jig rten gyi khams chos kyi dris khyab par byed de/ dri nges nyon mongs pa'i nang thams cad sel
- 276b
par byed do/ / de bas na byang chub sems dpa' chos kyi dri dang ldan na/ thams cad mkhyen pa rtogs so// lha'i bu chos la gnas pa rtag tu brtson pas smras pa/ kye grogs po dag byang chub sems dpa' brtson pas byang chub par 'gyur gyi/ mi brtson pas ni ma yin no// de bas na byang chub sems dpa' rtag par brtson zhing dge ba'i rtsa ba la chog mi shes par bya'o// des chos brgyad la brtson par bya'o// brgyad po gang zhe na/ 'di lta ste/ pha rol tu phyin pa drug gi sbyor ba la brtson par bya ba dang / tshangs pa'i gnas bzhi bsgrub pa la mngon par shes pa lnga shes shing rtogs par khong du chud pa'i ye shes dang / bsdu ba'i dngos po bzhis sems can yongs su smin par byed pa ste/ bzhi po gang zhe na/ sbyin pa dang / tshig 'jam po dang / don spyad pa dang / don mtshungs par bya ba dag dang / rnam par thar pa'i sgo gsum la bzod pa dang / gzhan sangs rgyas kyi chos la gzhog pa dang / bdag byang chub kyi sems mi gtong ba dang / thabs mkhas pas sngo bar byed pa dang / gus par byas shing dam pa'i chos yongs su 'dzin pa ste/ chos brgyad po de dag la brtson pa'i byang chub sems dpas thams cad mkhyen pa rtogs so// de nas 'jam dpal gzhon nur gyur pas/ skyes bu dam pa de dag dang / lha'i bu de dag la 'di skad ces smras so/ / kye grogs po dag byang chub sems dpa' gang ma 'brel ba dang / mi brtson pa des thams cad mkhyen pa rtogs so// de ci'i phyir zhe na/ ma 'brel ces bya ba ni/ khams gsum dang ngo // mi
- 277a
brtson nye bya ba ni rtag pa dang / rnam par rtog pa dang / yongs su rtog pa thams cad la'o// ma 'brel ces bya ba ni nang dang ngo // mi brtson zhes bya ba ni phyi la'o// ma 'brel ces bya ba ni nyan thos kyi dang ngo / / mi brtson pa zhes bya ba ni rang sangs rgyas kyi sa la'o// ma 'brel ces bya ni 'khor ba na spyod pa'i nyon mongs pa dang / nye ba'i nyon mongs pa rnams dang ngo // mi brtson zhes bya ba ni byis pa lta bu so so'i skye bo'i chos thams cad la'o/ / ma 'brel ces bya ba ni ming dang ngo // mi brtson zhes bya ba ni gzugs la'o// ma 'brel ces bya ba ni rgyu dang ngo // mi brtson zhes bya ba ni 'bras bu la'o// ma 'brel ces bya ba ni lta ba'i rnam pa dang ngo // mi brtson zhes bya ba ni lta ba dang bral ba la'o// ma 'brel ces bya ba ni chags pa dang ngo // mi brtson zhes bya ba ni khong khro ba la'o// ma 'brel ces bya ba ni ngar 'dzin pa dang ngo / / mi brtson zhes bya ba ni bdag gir 'dzin pa la'o// ma 'brel ces bya ba ni ser sna dang ngo // mi brtson zhes bya ba ni sbyin pa'i skems pa la'o// ma 'brel ces bya ba ni ngang tshul ngan pa dang ngo / / mi brtson zhes bya ba ni tshul khrims sems pa la'o// ma 'brel ces bya ba ni gnod sems dang ngo // mi brtson zhes bya ba ni bzod pa'i skems pa la'o// ma 'brel ces bya ba ni le lo dang ngo / / mi brtson zhes bya ba ni brtson 'grus snyems pa la'o// ma 'brel ces bya ba ni dran pa nyams pa dang ngo // mi brtson zhes bya ba ni bsam gtan snyems pa la'o//
- 277b
ma 'brel ces bya ba ni shes rab 'chal pa dang ngo // mi brtson zhes bya ba ni shes rab sems pa la'o// ma 'brel ces bya ba ni mi dge ba dang ngo // mi brtson zhes bya ba ni dge ba'i rtsa ba sgro 'dogs pa la'o// ma 'brel ces bya ba ni 'jig rten gyi chos dang ngo // mi brtson zhes bya ba ni 'jig rten las 'das pa'i chos mngon par bya bar chags pa la'o// ma 'brel ces bya ba ni 'dus byas dang ngo // mi brtson zhes bya ba ni 'dus ma byas pa'i chos la yongs su rtogs pa la'o/ / ma 'brel ces bya ba ni kha na ma tho ba dang bcas pa dang ngo // mi brtson zhes bya ba ni kha na ma tho ba med pa'i chos sgro 'dogs pa la'o// ma 'brel ces bya ba ni zag pa dang bcas pa dang ngo / / mi brtson zhes bya ba ni zag pa med pa zad pa'i chos su snyems pa la'o// kye grogs po dag de lta bas na/ byang chub sems dpa' sems dpa' chen po gang 'brel ba / dang ma 'brel bar lta ba dang bral bas thams cad mkhyen pa rtogs mod kyi/ yang kye grogs po dag thams cad mkhyen pa ni mi rtogs so// de ci'i phyir zhe na/ byed pas thams cad mkhyen pa rtogs par mi 'gyur ro// de ci'i phyir zhe na/ byed pa dang bral ba ni thams cad mkhyen pa yin te/ thams cad mkhyen pa la rtogs par byed pa su'ang med do// thams cad mkhyen pa ni gzugs kyis kyang mi rtogs/ tshor bas ma yin 'du shes kyis ma yin/ 'du byed kyis ma yin/ rnam par shes pas mi rtogs so// thams cad mkhyen pa ni chos kyis kyang mi rtogs/ chos ma yin pas kyang mi rtogs so// thams cad mkhyen pa ni sbyin pas kyang mi
- 278a
rtogs so/ / de ci'i phyir zhe na/ sbyin pa nyid thams cad mkhyen pa'o// thams cad mkhyen pa ni tshul khrims dang / bzod pa dang / brtson 'grus dang / bsam gtan dang / shes rab kyis kyang mi rtogs so/ / de ci'i phyir zhe na/ shes rab nyid thams cad mkhyen pa'o// yang kye grogs po dag thams cad mkhyen pa ni 'das pa ma yin/ ma 'ongs pa ma yin/ da ltar ma yin no// de ci'i phyir zhe na/ kye grogs po dag thams cad mkhyen pa ni dus gsum las 'das pa'i phyir ro// yang kye grogs po dag thams cad mkhyen pa ni mig gi rnam par shes pas rnam par shes par bya ba ma yin no// kye grogs po dag thams cad mkhyen pa ni rna ba dang / sna dang / lce dang / lus dang / yid kyi rnam par shes pas rnam par shes par bya ba ma yin no// de ci'i phyir zhe na/ kye grogs po dag thams cad mkhyen pa ni yul thams cad las 'das pa'o/ / kye grogs po dag thams cad mkhyen pa rtogs par 'dod pas/ thams cad mkhyen pa ji lta bar gnas pa de bzhin du gnas par bya'o// smras pa/ thams cad mkhyen pa ji ltar gnas pa lags/ smras pa/ gang chos thams cad la mi gnas pa de ni thams cad mkhyen pa'o// chos thams cad la mnyam pa nyid de ni thams cad mkhyen pa ste/ so so'i skye bo'i sa mnyam pa nyid dang / sangs rgyas kyi chos su mnyam zhing / de ltar chos thams cad mnyam pa de ni thams cad mkhyen pa'o// byang chub sems dpa' 'byung ba chen po bzhi las byung ba'i lus de nyid ma gtogs
- 278b
par/ gzhan du thams cad mkhyen pa btsal bar mi bya'o// de ci'i phyir zhe na/ lus de ni dngos po med pa'o// lus zhes bya ba de ni dge ba dang mi dge ba'i chos la lhun gyis grub pa'o// lus zhes bya ba de ni/ bdag ma yin pa dang bdag med ba'o// lus zhes bya ba de ni ma byung ba/ yang dag par ma byung ba ste/ de gdags pa med do// gang de la gdags pa de'ang ma byung ba'o// gang de mthong ba de'ang ma byung ba'o// gang ma byung ba de ni yang dag par ma byung ba'o// gang yang dag par ma byung ba de ni/ mi shes pa dang mi rtogs pa'o// gang mi shes pa dang mi rtogs pa de ni thams cad mkhyen pa'o// bstan pa 'di bstan pa'i tshe/ lha'i bu nyis stong gis mi skye ba'i chos la bzod pa thob par gyur to// lha'i bu khri nyis stong ni bla na meng ba yang dag par rdzogs pa'i byang chub tu sems skyes so// de nas byang chub sems dpa' sems dpa' chen po spobs pa'i phung pos/ 'jam dpal gzhon nur gyur pa la 'di skad ces smras so// 'jam dpal tshur spyon/ de bzhin gshegs pa'i spyan sngar dong la/ byang chub sems dpa' ji lta bur bya ba de bzhin gshegs pa la mngon sum du zhu'o// de nas 'jam dpal gzhon nur gyur pas/ sa'i phyogs de nyid du bcom ldan 'das shAkya thub pa'i kha dog dang / dbyibs dang / chu zheng dang 'dra ba'i de bzhin gshegs pa zhig mngon par sprul to// de nas 'jam dpal gzhon nur gyur pas/ byang chub sems dpa' sems dpa' chen po spongs pa'i phung po la 'di
- 279a
skad ces smras so/ / rigs kyi bu byang chu sems dpa' ji lta bur bya ba de bzhin gshegs pa mngon du bzhugs pa 'di la zhus shig/ de nas sprul pa'i de bzhin gshegs pa de la/ byang chub sems dpa' sems dpa' chen po spobs pa'i phung pos/ bcom ldan 'das byang chub sems dpa' ji lta bur bgyi zhes de skad ces gsol pa dang / des bka' stsal pa ngaci 'dra ba ltar byang chub sems dpas kyang de bzhin du bya'o/ / bcom ldan 'das ci 'dra/ bcom ldan 'das nges bka' stsal pa/ sbyin pa ma spyad/ tshul khrims ma spyad/ bzod pa ma spyad brtson 'grus ma spyad/ bsam gtan ma spyad/ shes rab ma spyad/ 'dod pa'i khams su ma spyad/ gzugs kyi khams su ma spyad/ gzugs med pa'i khams su ma spyad/ lus kyis ma spyad/ ngag gis ma spyad/ yid kyis ma spyad pa ste/ thams cad du ma spyad cing ma zhugs pa'o// rigs kyi bu de ji snyam du sems/ ci sprul pas spyad dam/ gsol pa/ bcom ldan 'das sprul pas ma spyad do// bka' stsal pa/ rigs kyi bu byang chub sems dpas de ltar bya'o// de nas byang chub sems dpa' sems dpa' chen po spobs pa'i phung pos/ 'jam dpal gzhon nur gyur pa la 'di skad ces smras so// 'jam dpal de bzhin gshegs pa 'di sprul pa ma yin grang / nges spras pa/ rigs kyi bu chos thams cad ni sprul pa'i rang bzhin du nges te/ sgyu ma'i mtshan nyid las mi ldog go// smras pa/ 'jam dpal
- 279b
de bzhin no/ / chos thams cad ni sprul pa'i rang bzhin can te/ sgyu ma'i mtshan nyid las mi ldog go// smras pa/ chos thams cad ni sprul pa'i rang bzhin can yin nam/ khyod ci'i phyir de bzhin gshegs pa 'di sprul pa ma yin grangasnyam du byed par gyur/ smras pa/ sus sprul/ smras pa/ bdag gi las kyi rnam par smin pa yongs su dag pas sprul gyi/ 'di la rang bzhin gyis bdag gam/ sems can nam/ srog gam/ gang zag dag sangs rgyas su gnas pa'am/ so so'i skye bor gnas pa ni ma yin no// de nas de bzhin gshegs pa'i sku de la/ byang chub sems dpa' sems dpa' chen po spobs pa'i phung pos 'di skad ces gsol to/ / bcom ldan 'das kyis gang la bslabs na/ byang chub thob par gyur/ bka' stsal pa/ rigs kyi bu mi slob pa ni byang chub sems dpa'i slob ba'o/ / mi sdom pa ni byang chub sems dpa'i sdom pa'o// mi 'jigs pa ni byang chub sems dpa'i slob pa'o// mi rtogs pa ni byang chub sems dpa'i slob pa'o// mi dpyod pa ni byang chub sems dpa'i slob pa'o// rigs kyi bu gnas med pa dang / mi skems pa dang / ma spros pa dang / mi len pa dang / mi gtong ba dang / mi rgyu ba dang / yi ge med pa dang / mi skye ba dang / mi 'gag pa dang / ma 'ongs pa dang / ma song pa dang / mi gnas pa dang / mtshan ma med pa dang / dngos po med pa dang / mi dmigs pa dang / 'du shes thams cad dang bral ba ni/ byang chub sems dpa' sems dpa' chen po rnams kyi
- 280a
slob pa ste/ gang de ltar slob pa de yang dag par slob pa'o// gang de ltar slob pa de dag ni gang la'ang zhe sdang ba med do// gang de ltar slob pa de dag ni gang du'ang chags pa med do// gang de ltar slob pa de dag ni gang du'ang zhen pa med do// gang las kyang grol ba med do// gang de ltar slob pa de dag ni gang bu rang 'dod chags pa meng ngo // gang nas kyang 'dod chags pa dang bral ba med do// zhe sdang med do// gti mug med do// gang de ltar slob pa de dag ni slob 'dod pa zhes bya'o// gang slob 'dod pa de dag ni/ 'gro ba gang du'ang mi 'gro'o// mi 'ong ngo // de bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ da ji lta ba bzhin du 'khor ba'ang med/ mya ngan las 'das pa'ang med/ gtong ba'ang med/ len pa'ang med/ tshul khrims kyang med/ ngang tshul ngan pa'ang med/ bzod pa'ang med/ gnod sems kyang med/ brtson 'grus kyang med/ le lo'ang med/ bsam gtan yang med/ g.yeng ba'ang med// shes rab kyang med/ shes rab 'chal pa'ang med/ slob pa'ang med/ mi slob pa'ang med/ spyod pa'ang med/ mi spyod pa'ang med cing / nga ji lta ba bzhin du thob pa'ang med/ ma thob pa'ang med/ mngon par bya ba'ang med/ byang chub kyang med/ sangs rgyas kyi chos rnams kyang med/ bdag tu 'du shes pa'ang med/ sems can du 'du shes pa'ang med/ srog tu 'du shes pa'ang med/ gang
- 280b
zag tu 'du shes pa'ang med/ chos su 'du shes pa'ang med/ 'du shes pa nyid kyang med/ 'du shes pa'ang ma yin par nga'i rjes su bsgrub par bya'o// de ci'i phyir zhe na/ rigs kyi bu chos thams cad ni sgyu ma'i mtshan nyid kyi rang bzhin pa dang tha dad par gyur pa med pas mi 'gyur ba'o/ / rigs kyi bu chos thams cad ni/ so so tha dad pa med pas gnyis su med pa'o// rigs kyi bu chos thams cad ni mig gi lam las 'das pas bltar mi snang ba'o/ / rigs kyi bu chos thams cad ni khyad par med pa'i phyir mnyam pa'o// rigs kyi bu chos thams cad ni g.yo ba med cing byed pa med pa'i phyir glen pa ste/ de dag la gdags pa med do// gdags pa med pa'i chos rnams ni shin tu ma skyes pa'o// gang de ltar mos pa de dag ni grol bas mi sems/ spyod pas mi skems byang chub kyi mi snyems so/ / rigs kyi bu de bas na byang chub sems dpa' sems dpa' chen po de ni 'di 'dra ba'i bslob pa dang spyod pa bshad pa'i tshe/ mi 'jigs/ mi sdang / skrag par mi 'gyur te/ de ni byang chub sems dpa' zhes bya'o// rigs kyi bu 'di lta ste/ dper na nam mkha'i dbyings ni mes mi 'jigs/ rlung gis mi 'jigs/ char pas mi 'jigs/ tha na pas mi 'jigs/ rdul gyis mi 'jigs/ du ba sa mi 'jigs/ sprin gyi phung pos mi 'jigs/ glog gis mi 'jigs so// de ci'i phyir zhe na/ nam mkha'i dbyings ni gzung du med pa'i phyir ro//
- 281a
rigs kyi bu de bzhin du byang chub sems dpas kyang chos thams cad kyis kyang mi 'jigs par bya'o// bde ba dang sdug bsngal thams cad la mi bsam par bya ste/ byang chub sems dpa' sems nam mkha' dang mtshungs pas bdud kyi sde las rgyal bar nus so/ / bla na med pa yang dag par rdzogs pa'i byang chub mngon par rdzogs par 'tshang rgya bar nus so// sems can rnams kyi don byed nus so/ / de nas de bzhin gshegs pa sprul pa de de skad gsungs nas/ de nyid du mi snang bar gyur to// de nas byang chub sems dpa' spobs pa'i phung pos/ 'jam dpal gzhon nur gyur pa la 'di skad ces smras so/ / 'jam dpal de bzhin gshegs pa gar gshegs/ smras pa/ gang nas gshegs par ro// smras pa/ 'o na de gang nas gshegs/ smras pa/ gang du gshegs pa nas so/ / smras pa/ 'jam dpal sprul pa ni song ba'ang med/ 'ong ba'ang med do// rigs kyi bu ji ltar sprul pa song ba'ang med/ 'ong ba'ang med pa de bzhin du/ chos thams cad kyang de'i 'gros can nyid do/ / sems can thams cad kyang de'i 'gros nyid do// smras pa/ 'jam dpal chos thams cad ji lta bu'i 'gros can lags/ smras pa/ rang bzhin gnas pa'i 'gros can no// smras pa/ yang sems can thams cad ji lta bu'i 'gros can lags/ smras pa/ las kyi rnam par smin pa ji lta bu'i 'gros can pa de bzhin no// smras pa/ 'jam dpal 'o na chos thams cad las kyi rnam
- 281b
par smin pa ma mchis pa ma lags sam/ smras pa/ rigs kyi bu chos nyid la ni las kyi rnam par smin pa med do// de ci'i phyir zhe na/ chos thams cad ni chos nyid kyi rjes su 'jug pa'i phyir ro// smras pa/ 'o na ji ltar na las kyi rnam par smin pa ji lta bu'i 'gros can pa de bzhin pa lags/ smras pa/ las de ji lta ba rnam par smin pa'ang de bzhin/ de'i 'gro ba'ang de bzhin no// smras pa/ 'jam dpal las ji lta bu lags/ rnam par smin pa ji lta bu lags/ 'gro ba ji lta bu lags/ smras pa/ de bzhin nyid ji lta ba las kyang de bzhin/ rnam par smin pa'ang de bzhin/ 'gro ba'ang de bzhin no// smras pa/ 'jam dpal de bzhin nyid la ni las kyang ma mchis/ rnam par smin pa'ang ma mchis/ 'gro ba ma mchis so// smras pa/ rigs kyi bu ji ltar de bzhin nyid la las kyang med/ rnam par smin pa'ang med/ 'gro ba'ang med pa ltar las kyi rnam par smin pa'i 'gro ba'ang de bzhin du shes par bya'o// las kyi rnam par smin pa'i 'gro ba ni 'ong ba med pa can/ 'gro ba med ba can yin te/ de ni de bzhin nyid kyi 'gros las 'da' bar mi 'gyur ro// bstan pa 'di bstan pa'i tshe/ sangs rgyas kyi mthus tshe dang ldan pa shA ri'i bu dang / tshe dang ldan pa dga' bo dang / nyan thos chen po gzhan dag kyang bcom ldan 'das shAkya thub pa'i spyan snga na bstan pa 'di la nyan to/ / // bam po gnyis pa/ de nas bcom ldan 'das la/
- 282a
tshe dang ldan pa shA ri'i bus 'di skad ces gsol to// bcom ldan 'das chos nyid ni gcig pa kho na lags na/ skyes bu dam pa skyes bu chen po de dag brjod pa sna tshogs kyis ston kyang chos nyid dang yang mi 'gal bar bgyid pa ngo mtshar ro/ / bcom ldan 'das su zhig bla na med pa yang dag par rdzogs pa'i byang chub tu sems mi skyod par 'gyur/ bcom ldan 'das kyis bka' stsal pa shA ri'i bu byang chub sems dpa' dag ni de ltar ma chags pa'i slob pa la slob cing / mi chags bzhin du ston te/ shA ri'i bu sa bon ji lta ba bzhin du 'bras bu'ang de bzhin no// shA ri'i bu de dang 'dra bar byang chub sems dpa' rnams kyi bslab pa ji lta ba de bzhin du de dag gi ye shes so/ / de bzhin du de dag gi ston pa'o// shA ri'i bu khyod kyis bslab pa ji lta bu la slob pa khyod kyi ye shes kyang de bzhin no/ / spobs pa'ang de 'dra bar khyod kyis thob bo// byang chub sems dpa' 'od dkod pas gsol pa/ bcom ldan 'das nyan thos kyi bslab pa ji la bu lags/ byang chub sems dpa'i bslab pa ji lta bu lags/ bcom ldan 'das kyis bka' stsal pa/ rigs kyi bu nyan thos kyi bslab pa ni tshad yod pa/ byang chub sems dpa'i bsgrub pa ni tshad med pa ste/ rigs kyi bu ji ltar nyan thos kyi bslab pa tshad yod la/ chags pa dang bcas pa de bzhin du de'i ye shes kyang tshad yod la chags pa dang bcas pa'o// rigs kyi bu ji ltar
- 282b
byang chub sems dpa'i bslab pa tshad med la/ chags pa med pa de bzhin du// de'i ye shes kyang tshad med la chags pa med pa'o// de nas bcom ldan 'das la/ byang chub sems dpa' sems dpa' chen po 'od bkod pas 'di skad ces gsol to/ / bcom ldan 'das 'khor 'di nas su'ang chos nyan pa mi spong bar dgyi na/ skyes bu dam pa de dag 'dir mchis par mtshan ma nig mdzad du gsol/ / de ci'i phyir zhe na/ 'jam dpal gzhon nur gyur pa ni zab mo la mos pas/ de'i chos bshad pa'ang zab mo lags so// de nas bcom ldan 'das kyis 'jam dpal gzhon nur gyur pa 'ong bar bya ba'i phyir mtshan ma mdzad do/ / de nas 'jam dpal gzhon nur gyur pa skyes bu dam pa nyi shu rtsa lnga po de dag dang 'grogs/ lha'i 'khor de dang 'grogs te/ bcom ldan 'das ga la ba der dong nas phyin pa/ dang / bcom ldan 'das kyi zhabs la mgo bos phyag 'tshal nas/ phyogs gcig tu 'khod do// de nas byang chub sems dpa' sems dpa' chen po 'od bkod pas/ 'jam dpal gzhon nur gyur pa la 'di skad ces smras so/ / 'jam dpal khyod ci'i phyir de bzhin gshegs pa'i 'khor nas byung la/ phyogs gcig tu song ste chos ston/ smras pa/ rigs kyi bu sangs rgyas bcom ldan 'das ngag ni mnyes par dka' ste/ gtam thams cad kyis mnyes par mi nus so// smras pa/ 'jam dpal gtam ji lta bus de bzhin gshegs pa mnyes par 'gyur/ smras pa/ b.rol
- 283a
ldan 'das nyid mkhyen te/ thugs su chud mod kyi/ bdag ji ltar spobs pa de bzhin du ston no// rigs kyi bu gtam gang chos kyi dbyings dang yang mi 'gal/ de bzhin nyid dang yang mi 'gal/ yang dag pa'i mtha' dang yang mi 'gal ba de 'dra ba'i gtam gyis de bzhin gshegs pa mnyes par 'gyur ro// gtam gang 'thab pa med pa/ rtsod pa med pa/ rtsom pa med pa/ klan ka med pa/ sgro 'dogs pa med pa/ de 'dra ba'i gtam gyis de bzhin gshegs pa mnyes par 'gyur ro// gtam gang bdag la sgro mi 'dogs/ gzhan la sgro mi 'dogs/ chos la sgro mi 'dogs/ chos ma yin pa la sgo mi 'dogs/ 'khor ba la sgro mi 'dogs/ mya ngan las 'da' ba la sgro mi 'dogs pa de 'dra ba'i gtam gyis de bzhin gshegs pa mnyes par 'gyur ro// de nas bcom ldan 'das kyis 'jam dpal gzhon nur gyur pa la legs so zhes bya ba byin nas/ legs so legs so// 'jam dpal khyod kyis tshig 'di legs par bshad pa yin te/ de 'dra ba'i gtan gyis de bzhin gshegs pa mnyes par 'gyur mod kyi/ 'jam dpal gtam gang spros pa thams cad las 'das pa/ ha cang yang mi zhib pa/ ha cang yang mi rtsing bA/ mtshan ma med pa'i gtam de brjod na/ ting nge 'dzin kyang mi gtong / rtag tu shin tu sems mnyam par yang gzhog cing ston par byed la/ chos gang yang 'phel ba'am/ 'bri bar yang mi mthong ba de 'dra ba'i gtam gyis de bzhin gshegs
- 283b
pa mnyes par 'gyur ro/ / bstan pa 'di bstan pa'i tshe/ byang chub sems dpa' brgyad stong mi skye ba'i chos la bzod pa thob par gyur to// 'khor de nas lha'i bu sngon spyod pa dang ldan pa byang chub kyi sems rab tu stor ba nyis brgya 'di snyam du gyur te/ sangs rgyas kyi chos kyang de ltar tshad med pa/ byang chub sems dpa'i bslab pa'ang de ltar shin tu bslab dka' ba/ bla na med pa yang dag par rdzogs pa'i byang chub kyang de tsam du bsgrub dka' ba yin na/ bdag cag gis slob pa 'di bslab mi nus kyis/ gang bdag cag ni nyan thos kyi theg pa'am/ rang sangs rgyas kyi theg pas yongs su mya ngan las 'da' bar bya'o// snyam mo// de nas bcom ldan 'das kyis lha'i bu de dag gi sems kyi yongs su rtog pa thugs kyis mkhyen nas/ kye ma'o lha'i bu 'di dag ni bla na med pa yang dag par rdzogs pa'i byang chub tu 'tshang rgya ba'i skal ba yod do zhes/ lha'i bu de dag gi gdul ba'i dbang gi phyir 'khor gyi phyi rol tu khyim bdag cig mngon par sprul nas/ khyim bdag des lhung bzed kha zas ro brgyas gang ba zhig lag pa g.yas pa na thogs par gyur to/ / de nas khyim bdag de bcom ldan 'das ga la ba der song nas/ bcom ldan 'das kyi zhabs la mgo bos phyag 'tshal te/ lhung bzed kha zas kyis bkang ba de bcom ldan 'das la phul nas bcom ldan 'das bdag la thugs brtse ba'i slad du zhal zas 'di bzhes par gsol zhes de skad smras pa dang / bcom ldan 'das kyis lhung bzed zas kyis bkang ba de bzhes so// de nas 'jam dpal gzhon
- 284a
nur gyur pa stan las langs te/ bla gos phrag pa gcig la gzar nas thal mo sbyar te/ bcom ldan 'das la 'di skad ces gsol to// bcom ldan 'das zhal zas 'di las bdag lam sbal bar gsol na ni/ bcom ldan 'das bya ba gzo bar mi mdzad par 'gyur ro// de nas tshe dang ldan pa shA ri'i bu 'di snyam du gyur te/ kye ma'o 'jam dpal gzhon nur gyur pas/ sngon bcom ldan 'das la ji lta ba zhig tu phan btags na/ de'i phyir de byas pa gzo ba med pas rgol snyam mo// de nas bcom ldan 'das kyis tshe dang ldan pa shA ri'i bu'i sems kyi rtog pa mkhyen nas/ tshe dang ldan pa shA ri'i bu la 'di skad ces bka' stsal to/ / shA ri'i bu de bzhin gshegs pas dus mkhyen te/ khyod la bka' stsol gyis sdod cig/ de nas bcom ldan 'das kyis lhung bzed des chen po'i nang du btang ba dang / btang ma thag tu 'og gi phyogs kyi sangs rgyas kyi zhing gang dang gang dag na/ sangs rgyas bcom ldan 'das rnams bzhugs pa 'tsho ba gzhes pa'i yang dag par rdzogs pa'i sangs rgyas de dag gi spyan sngar lhung bzed de song ngo / / de nas lhung bzed de 'og gi phyogs kyi cha sangs rgyas kyi zhing gang+gA'i klung gi bye ma snyed 'das nas/ 'jig rten gyi khams snang ba dang ldan pa zhes bya ba na d e bzhin gshegs pa dgra bcom pa yang dag par rdzogs pa'i sangs rgyas 'od zer gyi rgyal po zhes bya ba bzhugs pa'i sangs rgyas kyi zhing de na lhung bzed de ma bzung bar bar snang la 'dug par
- 284b
gyur to/ / sangs rgyas bcom ldan 'das de dag la'ang bdag bdag gi bsnyen bkur byed pa dag gis/ bcom ldan 'das lhung bzed 'di ga las mchis zhes zhus nas/ sangs rgyas bcom ldan 'das de dag gis kyang steng gi phyogs kyi cha 'jig rten gyi khams mi mjed ces bya ba nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i drung nas 'ongs te/ byang chub sems dpa' gzhan dag gdul ba'i phyir btang ba yin no zhes bstan to// de nas bcom ldan 'das kyis/ tshe dang ldan pa shA ri'i bu la bka' stsal pa/ shA ri'i bu lhung bzed de phyung zhig/ gang na 'dug/ ga la na 'dug pa de'ang tshol cig/ de nas tshe dang ldan pa shA ri'i bus ting nge 'dzin stong phrag bcu la zhugs nas/ bdag gi shes rab kyi stobs dang / sangs rgyas kyi mthus sangs rgyas kyi zhing stong phrag bcur song yang / lhung bzed de'i gnas sam/ gzhi'ang ma mthong nas/ de slar bcom ldan 'das kyi spyan sngar 'dug go/ 'dug nas bcom ldan 'das la 'di skad ces gsol / bcom ldan 'das bdag gis lhung bzed de'i gnas sam/ gzhi'ang ma mthong ngo // de nas bcom ldan 'das kyis/ tshe dang ldan pa mo'u 'gal gyi bu chen po la 'di skad ces bka' stsal to// mo'u 'gal gyi bu khyod kyis lhung bzed de tshol cig/ de nas tshe dang ldan pa mo'u 'gal gyi bu chen pos ting nge 'dzin stong phrag bcu la zhugs nas/ sangs rgyas kyi mthu dang / bdag gi rdzu 'phrul gyi stobs kyis 'og gi phyogs kyi cha sangs rgyas
- 285a
kyi zhing stong zag bcur song yang / lhung bzed de'i gnas sam/ gzhi'angam mthong nas/ de slar yang bcom ldan 'das kyi spyan sngar 'jug go/ 'dug nas bcom ldan 'das la 'ja skad ces gsol to/ / bcom ldan 'das bdag gis lhung bzed de'i gnas sam/ gzhi'ang ma mthong ngo // de nas bcom ldan 'das kyis/ tshe dang ldan pa rab 'byor la bka' stsal pa/ rab 'byor / khyod kyis lhung bzed de tshol cig/ de nas tshe dang ldan pa rab 'byor gyis ting nge 'dzin stong phrag bcu gnyis la zhugs nas/ sangs rgyas kyi mthu dang / bdag gi rdzu 'phrul gyi stobs kyis 'og gi phyogs kyi cha sangs rgyas kyi zhing stong phrag bcu gnyis su song yang / lhung bzed de ma mthong nas/ de slar bcom ldan 'das kyi spyan sngar 'dug go/ 'dug nas bcom ldan 'das la 'di skad ces gsol to// bcom ldan 'das bdag gis lhung bzed de'i gnas sam/ gzhi'ang ma mthong ngo // de bzhin du nyan thos chen po lnga brgya tsam bdag bdag gi rdzu 'phrul gyi stobs dang / lha'i mig gis lhung bzed de brtsal kyang ma rnyed do/ / de nas tshe dang ldan pa rab 'byor gyis/ byang chub sems dpa' byams pa la 'di skad ces smras so// byams pa khyod ni bcom ldan 'das kyis bla na med pa yang dag par rdzogs pa'i byang chub tu skye ba gcig gis thogs par lung bstan na/ lhung bzed de gang na 'jug/ ga la 'dug tshol cig ces de skad smras pa dang / byang chub sems dpa' sems dpa' chen po byams pas/ tshe dang ldan pa
- 285b
rab 'byor la 'di skad ces smras so/ / btsun pa rab 'byor bdag ni de bzhin gshegs pas bla na med pa yang dag par rdzogs pa'i byang chub tu skye ba gcig gis thogs par lung bstan mod kyi/ bdag ni// ting nge 'dzin de dag gi mi yang ma 'tshal te/ 'jam dpal gzhon nur gyur pa ni ting nge 'dzin de dag la mnyam par yang gzhog/ ldang bar yang bgyid do// yang btsun pa rab 'byor bdag gis byang chub thob pa na/ 'jam dpal gzhon nur gyur pa de 'dra ba'i byang chub sems dpa' sems dpa' chen po de dag de bzhin gshegs pa ji ltar gom pa 'dor/ ji ltar 'jog par mdzad ces gom pa gcig 'dor zhing 'jog pa yang mi shes pa'i dus dang tshe'ang mchis par 'gyur ro/ / de bas na btsun pa rab 'byor 'jam dpal nyid la gsol cig dang / des ni lhung bzed de tshol ba dang 'byin par nus so// de nas bcom ldan 'das la/ gnas brtan rab 'byor gyis 'di skad ces gsol to// bcom ldan 'das 'jam dpal gzhon nur gyur pa ci nas kyang lhung bzed de phyung ste/ bcom ldan 'das kyi spyan sngar 'bul bar bsgor gsol/ de nas bcom ldan 'das kyis/ 'jam dpal gzhon nur gyur pa la bka' stsal pa/ 'jam dpal lhung bzed de phyung zhig/ lhung bzed de gang na 'dug pa dang ga la 'dug pa'ang shes par gyis shig/ de nas 'jam dpal gzhon nur gyur pa 'di snyam du gyur te/ gang bdag ni stan las kyang mi ldang zhing / 'khor 'di nas mi snang bar yang ma gyur par
- 286a
lhung bzed de dbyung ngo snyam mo/ / de nas 'jam dpal gzhon nur gyur pa kun gyi rjes su song ba zhes bya ba'i ting nge 'dzin la mnyam par gzhog ste/ 'og gis chen po la lag pa g.yas pa brkyang ngo / / de nas 'jam dpal gzhon nur gyur pa'i lag pa des/ sangs rgyas kyi zhing gang dang gang dag na sangs rgyas bcom ldan 'das mngon du gyur pa de dang de dag tu lag pa de bcom ldan 'das de dag la phyag 'tshal zhing song nas/ lag pa de las bcom ldan 'das la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa spung ba ma mchis sam 'o ma brgyal tam/ bzhengs pa yang ngam/ so bzhin nam/ mthu mnga' 'am/ bde ba la reg par gnas sam zhes gsung ngo zer ba'i sgra byung ngo // de nas lag pa'i ba spu'i khung bu thams cad nas 'od zer bye ba brgya stong byung ste/ 'od zer thams cad khas me tog pad+ma brgya stong byung zhing / pad+ma de dag thams cad kyi snying po dag la de bzhin gshegs pa'i sku dag bzhugs par snang ngo // de bzhin gshes pa'i sku de dag thams cad kyang bcom ldan 'das de bzhin gshegs pa shAkya thub pa'i bsngags pa brjod do/ / lag pa de sangs rgyas kyi zhing gang dang gang du 'gro ba'i sangs rgyas kyi zhing de dag thams cad kyang rnam pa drug tu rab tu g.yos so/ / sangs rgyas kyi zhing de dag thams cad snang ba chen pos kyang khyab par gyur to// sangs rgyas kyi zhing de dag thams cad su 'dug dang / rgyal mtshan
- 286b
dang / ba dan gyis kyang brgyan par gyur to// de nas 'jam dpal gzhon nur gyur pa'i lag pa g.yas pa sangs rgyas kyi zhing gang+gA'i klung gi bye ma snyed bdun cu rtsa gnyis thams cad las 'das nas sangs rgyas bcom ldan 'das de dag thams cad kyi zhabs la phyag 'tshal zhing / spung ba chung ngam pa'i sgra 'byin bzhin du/ bcom ldan 'das de bzhin gshegs pa 'od zer gyi rgyal po de'i sangs rgyas kyi zhing snang ba dang ldan pa'i 'jig rten gyi khams su phyin par gyur nas/ bcom ldan 'das de bzhin gshegs pa 'od zer gyi rgyal po de'i zhabs la phyag 'tshal nas/ bcom ldan 'das la bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa snang ba ma mchis sam/ 'o ma brgyal tam/ bzhengs pa yang ngam/ so bzhin nam/ mthu mnga' 'am/ bde ba la reg par gnas sam zhes gsung ngo zhes sgra phyung ngo // lag bde las kyang 'od zer brgya stong byung ngo // me tog pad+ma brgya stong yang byung bar gyur te/ 'od zer de dag de bzhin gshegs pa'i 'od zer de dag dang yang ma 'dres par gyur to/ / de nas de bzhin gshegs pa 'od zer gyi rgyal po de dag la bsnyen bkur byed pa byang chub sems dpa' sems dpa' chen bopo 'od kyi dpal zhes bya ba des/ de bzhin gshegs pa de la 'di skad ces gsol to// bcom ldan 'das lag pa de las 'od zer bye ba brgya stong 'di dag kyang byung zhing / me tog
- 287a
pad+ma brgya stong yang byung bar gyur la/ pad+ma thams cad la de bzhin gshegs pa'i sku dag bzhugs shing bcom ldan 'das shAkya thub pa'i bsngags pa brjod par gyur pa'i lag pa 'di ltar blta na sdug pa/ 'di ltar dga' bar bgyid pa de su'i lags/ de skad ces gsol pa dang / bcom ldan 'das kyis/ byang chub sems dpa' 'od kyi dpal la 'di skad ces bka' stsal to// 'od kyi dpal steng gi phyogs kyi cha sangs rgyas kyi zhing 'di nas sangs rgyas kyi zhing gang+gA'i klung gi bye ma snyed bdun cu rtsa gnyis 'das pa na/ 'jig rten gyi khams mi mjed ces bya ba de na/ de bzhin gshe pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs so/ / 'tsho'o// gzhes so// de nas byang chub sems dpa' sems dpa' chen po 'jam dpal gzhon nur gyur pa zhes bya ba bsam gyis mi khyab pa'i go cha bgos pa mngon par shes pa dang / stobs dang / pha rol tu phyin pa thams cad thob pa zhig yod de/ 'jam dpal gzhon nur gyur pa des lhung bzed 'di blang ba'i phyir/ stan las ma langs bzhin du lag pa 'di btang ngo // de nas de bzhin gshegs pa 'od zer gyi rgyal po'i sangs rgyas kyi zhing de na/ byang chub sems dpa' de dag yongs su sgom par gyur nas/ bcom ldan 'das bdag cag ni 'jig rten gyi khams mi mjed de dang / de bzhin gshegs pa shAkya thub pa de dang / 'jam dpal gzhon nur gyur pa de blta bar 'tshal lo zhes de skad ces smras so//
- 287b
nas de bzhin gshegs pa 'od zer gyi rgyal pos smin mtshams kyi mdzod spu nas 'od phyung nas/ 'od des sangs rgyas kyi zhing gang+gA'i klung gi bye ma snyed bdun cu rtsa gnyis po de dag thams cad brtol te thams cad yod pa'i 'jig rten gyi khams snang ba chen pos khyab par gyur to/ / sems can gang dag gi lus la 'od des phog par gyur pa de dag thams cad ni 'khor los sgyur ba'i bde ba dang ldan par gyur / / rnal 'byor spyod pa gang dag gi lus la 'od des phog par gyur pa de dag thams cad ni 'bras bu thob par gyur to// slob pa gang dag gi lus la 'od des phog par gyur pa de dag thams cad ni rnam par thar pa brgyad la bsam gtan byed pa'i dgra bcom par gyur to/ / byang chub sems dpa' gang dag gi lus la 'od des phog par gyur pa de dag thams cad ni ting nge 'dzin nyi ma lta bu'i sgron ma zhes bya ba thob par gyur to// 'di lta ste/ de bzhin gshegs pa 'od zer gyi rgyal po de'i sangs rgyas kyi zhing de nas byang chub sems dpa' de dag gis 'jig rten gyi khams mi mjed pa 'di dang / bcom ldan 'das shAkya thub pa dang 'jam dpal gzhon nur gyur pa dang / nyan thos kyi dge 'dun thams cad mthong bar gyur to// de nas byang chub sems dpa' sems dpa' chen po 'od kyi dpal gyis/ 'jig rten gyi khams mi mjed pa 'di mthong nas/ ngu zhing mchi ma phyung ste/ 'di skad kyi tshig smras so// bcom ldan 'das 'di lta ste/ dper na rin thang ma mchis pa'i nor bu rin po che bai DUr+ya 'dam gyi nang du
- 288a
stsal bar gyur pa de bzhin du/ bcom ldan 'das byang chub sems dpa' sems dpa' chen po 'jig rten gyi khams mi mjed par skyes pa de dag la blta bar bgyi'o// de bzhin gshegs pa 'od zer gyi rgyal pos bka' stsal pa/ rigs kyi bu khyod de skad ma zer cig/ de ci'i phyir zhe na/ gang 'jig rten gyi khams 'dir bskal pa bcur bsam gtan la gnas shing spyod pa bas gang 'jig rten gyi khams mi mjed par snga dro gcig sems can thams cad la byams pa'i sems skyed na/ de bas 'di bsod nams shin tu mang du 'phel lo// de ci'i phyir zhe na/ rigs kyi bu byang chub sems dpa' sems dpa' chen po gang mi mjed kyi 'jig rten gyi khams na/ dam pa'i chos bsrung ba de dag ni las kyi sgrib pa dang / nyon mongs pa thams cad byang bar 'gyur ro/ / de nas 'jig rten gyi khams mi mjed pa 'di na byang chub sems dpa' gang dag 'od des reg par gyur pa de dag gis/ bcom ldan 'das la 'di skad ces gsol to// bcom ldan 'das 'di ltar dga' zhing rab tu mgu bar bgyid pa/ nyon mongs pa thams cad rab tu spong bar bgyid pa'i 'od zer 'di su'i lags/ de skad ces gsol pa dang / bcom ldan 'das kyi/ byang chub sems dpa' de dag la 'di skad ces bka' stsal to// rigs kyi bu 'og gi phyogs kyi cha 'di na sangs rgyas kyi zhing gang+gA'i klung gi bye ma snyed bdun cu rtsa gnyis 'das pa dang / 'jig
- 288b
rten gyi khams snang ba dang ldan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas 'od bzer gyi rgyal po zhes bya ba da ltar bzhugs pa 'tsho ba gzhes pa zhig yod de/ de bzhin gshegs pa des smin mtshams kyi mdzod spu nas 'od btang ba dang / 'od des 'jig rten gyi khams mi mjed pa 'di snang bar byas so// de nas bcom ldan 'das la/ byang chub sems dpa' de ngag gis 'di skad ces gsol to/ / bcom ldan 'das 'jig rten gyi khams snang ba dang ldan pa de dang / de bzhin gshegs pa 'od zer gyi rgyal po de blta bar 'tshal lo// de nas bcom ldan 'das de b zhin gshegs pa shAkya thub pas zhabs kyi mthil 'khor lo'i rtsibs stong yod pa gnyis las 'od zer gang gis sangs rgyas kyi zhing gang+gA'i klung gi bye ma snyed bdun cu rtsa gnyis po de dag thams cad las 'das shing brtol nas/ 'jig rten gyi khams snang ba dang ldan pa de thams cad 'od zer de dag gis khyab par gyur pa de 'dra ba'i 'od zer 'og tu btang nas/ byang chub sems dpa' gang dag gi lus la 'od zer des phog par gyur pa thams cad ting nge 'dzin ri rab lhun po lta bu'i sgron ma zhes bya ba thob par gyur to/ / sangs rgyas kyi zhing de'ang sangs rgyas kyi zhing 'di nas snang bar gyur to// sangs rgyas kyi zhing 'di'ang sangs rgyas kyi zhing de nas snang bar gyur to/ / 'di lta ste/ dper na 'dzam bu'i gling 'di nas nyi ma dang zla ba snang ba de bzhin du/ byang chub sems dpa' de dag gis kyang de bzhin
- 289a
gshegs pa shAkya thub pa mthong bar gyur to/ / byang chub sems dpa' 'di dag gis kyang bcom ldan 'das de bzhin gshegs pa 'od zer gyi rgyal po de mthong bar gyur to// 'di lta ste/ dper na lha'i bu dag ri rab lhun po'i spyi bo la gnas shing 'dzam bu'i gling du blta ba de bzhin du/ byang chub sems dpa' dag 'jig rten gyi khams 'di nas bcom ldan 'das de bzhin gshegs pa 'od zer gyi rgyal po dang / byang chub sems dpa' sems dpa' chen po go cha chen po bgos pa de dag mthong bar gyur to// de nas 'jam dpal gzhon nur gyur pa'i lag pa g.yas pa des de bzhin gshegs pa 'od zer gyi rgyal po'i sangs rgyas kyi zhing 'jig rten gyi khams snang ba dang ldan pa de nas/ nam mkha'i steng gi lam las lhung bzed de bzung nas/ byang chub sems dpa' bye ba khrag khrig brgya stong du mas bskor cing mdun du bdar te/ steng du phyung bar gyur to// gang dang gang dag nas lag pa de phyung bar gyur pa'i sangs rgyas kyi zhing de dang de dag tu 'od zer de dag nub par gyur to// me tog pad+ma de dag kyang mi snang bar gyur to/ / 'di lta ste/ 'jam dpal gzhon nur gyur pa'i lag pa g.yas pa des lhung bzed de blangs nas/ 'jig rten gyi khams mi mjed pa 'dir phyin par gyur te/ bcom ldan 'das shAkya thub pa'i spyan sngar lhung bzed de nam mkha' la 'phangs nas/ bcom ldan 'das kyi zhabs la 'jam dpal gzhon nur gyur pas mgo bos phyag 'tshal te/ bcom ldan 'das la 'di skad ces gsol to//
- 289b
bcom ldan 'das lhung bzed blangs pa de lags kyis/ de bzhin gshegs pas bzhes su gsol/ bcom ldan 'das kyis kyang lhung bzed de bzhes so// de nas byang chub sems dpa' gang 'jam dpal gzhon nur gyur pa'i lag pa dang lhan cig tu 'jig rten gyi khams mi mjed pa 'dir 'ongs pa de dag gis bcom ldan 'das kyi zhabs la mgo bos phyag 'tshal nas/ bdag bdag gi de bzhin gshegs pa'i mtshan nas brjod do/ / bcom ldan 'das de bzhin gshegs pa che ge mo zhig bcom ldan 'das la srung ba ma mchis sam/ 'o ma brgyal tam/ bzhengs pa yang ngam/ so bzhin nam/ mthu mnga' 'am/ bde ba la reg par gnas sam zhes gsung ngo zhes de skad gsol te/ sangs rgyas kyis gnang nas/ bdag bdag gi stan la 'khod do// de nas bcom ldan 'das kyis/ tshe dang ldan pa shA ri'i bu la bka' stsal pa/ de bas na shA ri'i bu nga la sngon 'jam dpal gzhon nur gyur pas gang phan btags pa de'i phyir byas pa mi gzo bas rgol bar gyur pa bshad kyi nyon cig/ shA ri'i bu sngon 'das pa'i dus bskal pa bye ba khrag khrig brgya stong grangs med pa de'i pha rol gyi yang pha rol tu gyur pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas mi thub pa'i rgyal mtshan zhes bya ba 'jig rten gyi khams mi smod pa dang ldan pa zhes bya ba'i 'jig rten du skyes par gyur te/ shA ri'i bu de bzhin gshegs pa de'i nyan thos kyi tshogs ni brgyad khri bzhi stong / byang chub sems dpa' ni l+li/
- 290a
nyis stong du gyur te/ de bzhin gshegs pa de theg pa gsum po de nyid las brtsams te chos 'chad cing / theg pa gsum bshad pa dang / pha rol tu phyin pa drug dang / thabs mkhas pa bshad pa'i phyir de bzhin gshegs pa de skyes par gyur to/ / shA ri'i bu yang de'i tshe de'i dus na/ dge slong chos smra ba ye shes rgyal po zhes bya ba zhig byung ste/ de nang par sham thabs bgos/ chos gos dang lhung bzed khyer te/ bsod snyoms kyi phyir rgyal po'i pho brang rgya chen po dang ldan pa zhes bya bar song ba las/ de de nas zas ro brgya dang ldan pa'i bza' ba mang po khyer te byung bar gyur to// yang de'i tshe na tshong dpon gyi bu dri ma med pa'i dpung pa zhes bya ba ma ma'i phang pa na 'dug par gyur pa las/ khye'u des dge slong de rgyang ma nas 'ong ba mthong ngo // mthong nas ma ma'i phang pa nas babs te/ de dge slong de ga la ba der brgyugs nas bza' ba bslangs pa las/ dge slong des de la mo dka cig byin pa dang / de bza' ba des brnyogs nas dge slong de'i phyi bzhin du 'brang bar gyur pa las/ de rim gyis de bzhin gshegs pa mi thub pa'i rgyal mtshan ga la ba der song ste phyin nas/ de bzhin gshegs pa de'i zhabs la mgo bos phyag 'tshal te spyan sngar 'dug go// de nas dge slong ye shes rgyal pos bsod snyoms ci rnyed pa khye'u de la byin nas/ kye khye'u bsod snyoms 'di de bzhin gshegs pa la gsol cig ces byas so// de nas khye'u des bsod snyoms de blangs te/ bcom ldan 'das de'i lhung bzed bkang yang
- 290b
/ bsod snyoms de yongs su zad par ma gyur to// shA ri'i bu 'di lta ste/ bsod snyoms gcig pu de las khye'u des nyan thos brgyad khri bzhi stong de dag dang / byang chub sems dpa' khri nyis stong por dag dang / bcom ldan 'das de bzhin gshegs pa mi thub pa'i rgyal mtshan de zhos par byas shing bstabs kyang / bsod snyoms de yongs su zad par ma gyur to// de nas khye'u de dga' mgu rangs// rab tu dga' zhing / dga' ba dang yid bde ba skyes nas/ bcom ldan 'das kyi spyan sngar 'dug ste/ tshigs su bcad pa 'di dag smras so// dge slong dge 'dun zhes byas kyang / lhung bzed nam yang ma zad pas// / sbyin gnas bsod nams zhing gyur pas/ bdag gis nges par mchod par gyur// 'jig rte mgon po zhes byas kyang // 'bras chan zad par ma gyur pas// sangs rgyas la ni phul gyur na// sbyin pa mi zad the tshom med// ji ltar 'bras chan mi zad cing // phyi phyir 'phel bar 'gyur ba ltar// sangs rgyas dag la gang gus pa'i// dge ba dag ni de bzhin 'phel// shA ri'i bu de lta ste/ khye'u des bsod snyoms gcig po de las/ de bzhin gshegs pa dge slong gi dge 'dun dang bcas pa nyi ma bdun du zhos par gsol na/ sangs rgyas kyi mthu dang / khye'u de'i sems kyi bsam pa dag pas zas de yongs su zad par ma gyur to/ / de nas dge slong ye shes rgyal pos khye'u de sangs rgyas la skyabs su btang / chos la skyabs su btang / dge 'dun la skyabs su btang ngo // khrims
- 291a
kyang phog go/ / nyes pa'ang mthol du bcug go// rjes su yi rang bar bya ba dag kyang rjes su yi rang bar byed du bcug go// gsol ba gdab par bya ba dag kyang gsol ba 'debs su bcug nas/ phyis bla na med pa yang dag par rdzogs pa'i byang chub tu sems skyed bcug go/ shA ri'i bu de lta ste/ khye'u de'i pha dang ma khye'u de tshol zhing / de bzhin gshegs pa mi thub pa'i rgyal mtshan ga la ba der song ste phyin nas/ bcom ldan 'das kyi zhabs la mgo bos phyag 'tshal te spyan sngar 'dug go/ de nas khye'u des pha ma de dag gi rkang pa la phyag 'tshal nas/ tshigs su bcad pa 'di dag smras so/ / lus can kun la bde ba'i phyir// bdag ni byang chub rab zhugs kyis// khyed kyang legs par gnas par gyis// dal 'byor shin tu dkon pa'o// sangs rgyas sku ni 'bar ba dang mtshan dag gis kyang brgyan la ltos/ / ye shes kyis ni pha rol phyin// byang chub de la su mi smon// de bzhin gshegs pa shin tu dkon// bdag ni khyim nas khyim med par// 'di nyid du ni rab tu 'byung / / khyed cag gnyis kyis gnang bar mdzod// pha dang mas smras pa/ bdag cag gnyis ni khyod 'dod kyis// byang chub rab la smon par bgyid// rab tu 'byung bar bgyi ba'i phyir// bu khyod kyis ni rjes su slob/ / shA ri'i bu de lta ste/ khye'u de dang / khye'u de'i pha ma dang / gang byang chub tu sems bskyed pa'i srog chags lnga brgya tsam po de dag thams cad rab tu byung ngo // shA ri'i bu r-i'i
- 291b
tshe de'i dus na dge slong chos smra ba ye shes rgyal po zhes bya ba de gzhan zhig yin pa snyam du shA ri'i bu khyod de ltar ma lta zhig/ de ci'i phyir zhe na/ 'jam dpal gzhon nur gyur pa 'di de'i tshe de'i dus na dge/ slong chos smra ba ye shes rgyal po zhes bya bar gyur to// shA ri'i bu de'i tshe de'i dus na tshong dpon gyi bu dri ma med pa'i dpung pa zhes bya ba de gzhan yin pa snyam du the tshom mam/ yid gnyis sam/ som nyir zan shA ri'i bu khyod de ltar ma lta zhig/ de ci'i phyir zhe na/ da ni de'i tshe de'i dus na tshong dpon gyi bu dri ma med pa'i dpung pa zhes pa der gyur te/ shA ri'i bu 'jam dpal gzhon nur gyur pas nga la bsod snyoms byin nas/ byang chub tu sems bskyed du bcug ste/ de ni ngas byang chub kyi phyir thog ma sems bskyed pa yin te/ shA ri'i bu rnam grangs des kyang 'di ltar shes par bya'o// de bzhin gshegs pa'i sangs rgyas kyi che ba nyid dang / stobs bcu dang / mi 'jigs pa dang / ye shes chags pa med pa dang ci'ang rung ste/ de thams cad 'jam dpal gzhon nur gyur pas byed du bcug pa las gyur par blta'o// de ci'i phyir zhe na/ sems bskyed pa de la thams cad mkhyen pa thob pa'i phyir ro// shA ri'i bu ngas ni phyogs bcu nang bdag ji lta ba de dang 'dra ba'i de bzhin gshegs pa gang 'jam dpal gzhon nur gyur pas byang chub la gzhag pa shAkya thub pa zhes bya ba dpag tu med grangs med pa dang / de bzhin du ti sha zhes bya ba dang / rgyal ba zhes bya ba dang / gtsug ldan zhes bya ba dang / mar me mdzad ces bya ba dag
- 292a
mthong ste/ gang 'jam dpal gzhon nur gyur pas byang chub la bzhag nas/ de ltar chos kyi 'khor lo bskor ba'i de bzhin gshegs pa de dag gis mtshan kyang bskal pa 'am bskal pa'i lhag ma lus pas brjod kyang zad par mi 'gyur na/ gang dag byang chub sems dpa'i spyad pa spyod pa dag lta ci smos/ gang dga' ldan gyi gnas na gnas pa dag lta ci smos/ gang skye ba dag lta ci smos/ gang khyim nas 'byung ba dag lta ci smos/ gang dka' ba spyod pa dag lta ci smos/ gang byang chub kyi snying po la 'dug pa dag lta ci smos te/ shA ri'i bu rnam grangs des kyang 'di ltar rig par bya ste/ gang dag byang chub sems dpa' rnams kyi ma'o// skyed pa'o// thugs rje ba'o// byed du 'jug pa'o zhes yang dag par smra zhing ston pa ni 'jam dpal gzhon nur gyur pa nyid la de dag smra zhing ston te// shA ri'i bu rgyu de dang rkyen de yin te/ sngon phan btags pa'i phyir 'jam dpal gzhon nur gyur pa nga la byas pa mi gzo bas rgol lo// de nas lha'i bu nyis brgya po dag 'di snyam du gyur te/ chos thams cad ni rgyu'i rjes su 'gro ba'o/ / rkyen la rag las pa'o// sred pa'i rtsa ba can no// smon lam gyis thog drangs pa can yin te/ bcom ldan 'das 'di'ang gzhan gyis byed du bcug pa yin na/ de bzhin gshegs pa mngon par bzhugs bzhin du bdag cag dman pa la sems pa de ni mi rigs so snyam mo/ / de nas lha'i bu nyis brgya po de dag lhag pa'i bsam pas bla na med pa yang dag par rdzogs pa'i byang chub tu sems
- 292b
sems bskyed do/ / 'dir lag pa brkyang zhing rdzu 'phrul bstan pa'i tshe 'phrul 'jam dpal gzhon nur gyur pas bstan cing / lhung bzed blangs pa dang / 'di la sngon byung ba'i chos bstan pa'i cha/ 'og gi/ sangs rgyas kyi zhing dang / 'di nas sems can grangs las 'das pas byang chub tu sems bskyed do// phyogs bcu'i sangs rgyas kyi zhing dpag tu med pa nas kyang 'jam dpal gzhon nur gyur pa la mchod pa'i las bya ba dang / chos kyi g.yog bya ba'i phyir/ sangs rgyas bcom ldan 'das rnams kyis rin po che'i gdugs bskur bar gyur te/ rin po che'i gdugs de dag gis kyang 'jig rten gyi khams 'di khebs par gyur to/ / rin po che'i gdugs de las kyang de bzhin no// ji ltar de de bzhin gshegs pa shAkya thub pas gsungs pa bzhin te/ bdag cag thams cad kyang 'jam dpal gzhon nur gyur pas byang chub la bkod do zhes de skad zer ba'i sgra byung ngo / / de nas bcom ldan 'das kyis/ tshe dang ldan pa shwa ri'i bu la bka' stsal pa/ shA ri'i bu myur du mya ngan las 'da' bar 'dod pas/ bla na med pa yang dag par rdzogs pa'i byang chub tu sems bskyed par bya'o/ / de ci'i phyir zhe na/ shA ri'i bu sems can gang 'khor bas skrag nas/ bla na med pa yang dag par rdzogs pa'i byang chub tu sems mi skyed cing nyan thos kyi theg pa la gnas la/ nyan thos su 'gyur bar bya'o snyam du sems pa de dag ni/ da rung du'ang 'khor ba na 'khor bar 'gyur la/ byang chub sems dpa' gzhan brtson 'grus dang ldan pa
- 293a
yang dag par rdzogs pa'i byang chub la gnas pa dag gis ni thams cad mkhyen pa thob par ngas mthong ngo / / de ci'i phyir zhe na/ shA ri'i bu sngon 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas thams cad zil gyis gnon pa zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi'i ston pa sangs rgyas bcom ldan 'das 'jig rten du byung bar gyur te/ shA ri'i bu de bzhin gshegs pa de'i nyan thos ni bye ba phrag brgya yod par gyur to/ / tshe'i tshad ni lo 'bum thub par gyur to// shA ri'i bu de bzhin gshegs pa'i nyan thos kyi mchog shes rab dang ldan pa ni dge slong mngon par 'phags pa zhes bya ba zhig byung ngo // nyan thos kyi mchog gnyis pa rdzu 'phrul dang ldan pa'i mchog na ribugs chen po zhes bya ba zhig byung ngo / / 'di lta ste/ shA ri'i bu de bzhin gshegs pa de snga dro'i dus kyi tshe/ sham thabs mnapas/ chos gos dang lhung bzed bsnams te/ dge slong gi dge 'dun gyis mdun du bdar nas/ rgyal po'i pho brang grags ldan zhes bya bar bsod snyoms kyi phyir gshegs so// de'i tshe na de bzhin gshegs pa'i g.yas phyogs nas ni nyan thos shes rab dang ldan pa'i mchog 'gro'o/ / g.yon phyogs nas ni nyan thos rdzu 'phrul dang ldan pa'i mchog 'gro'o// rgyab nas ni mang du thos pa 'gro'o// mdun nas ni byang chub sems dpa' brkyang stong
- 293b
'gro ste/ la la ni tshangs pa'i gzugs/ la la ni brgya byin gyi gzugs/ la la ni rgyal po chen po bzhi'i gzugs/ la la ni lha'i gzugs kyis lam gyi byi dor byed cing 'gro ste/ shA ri'i bu de'i tshe na de bzhin gshegs/ pa de rgyal po'i pho brang der gshegs pa dang / byis pa rgyan bzang po sa brgyan pa gsum zhig lam gyi bar na rtse zhing 'dug pa las/ byis pa de dag gis de bzhin gshegs pa bzang ba/ sems dad par gyur pa/ dbang po zhi ba/ yid zhi ba/ dul ba dang / zhi gnas mchog dam pa'i pha rol tu son pa/ skyon med pa/ dbang po thub pa/ rdzing bzhin du dngas la gsal zhing rnyog pa med pa/ mchod sbyin gyi shing gser las byas pa ltar mngon par 'phags pa/ 'bar ba/ mdzes pa/ lham me lhan ner bzhugs pa/ skyes bu chen po'i mtshan sum cu rtsa gnyis kyis kun nas brgyan pa de rgyang ma nas gshegs pa mthong ngo / / mthong nas khye'u gcig gis/ khye'u gnyis la 'di skad ces smras so// khye'u khyed cag gis de bzhin gshegs pa sems can thams cad kyi mchog bsod nams kyi zhing bla na med pa/ lha dang / mi'i 'jig rten du bcas pa'i sbyin pa'i gnas de bzhin gshegs pa mthong ngam/ tshur shog/ de la mchod pa bya'o// 'di la phul na 'bras bu chen por 'gyur ro// de nas de'i tshe khye'u des tshigs su bcad pa 'di smras so/ / 'di ni sems can kun gyi mchog/ sbyin gnas bla na med pa ste// de bas 'di la mchod pa bya// bdi mchod 'bras bu chen por 'gyur// khye'u gnyis pos smras pa/ bdag cag la ni me
- 294a
tog dang / / dri dang phye ma byug ma mchis// 'jig rten gang zag zla med pa// 'di la cis ni mchod par bgyi// de nas khye'u des mu tig gis mo dor ni brgya stong ri ba lag pa g.yas pas mgul nas bkrol te/ tshigs su bcad pa 'di smras so// bsod nams zhing ni bla na med// de bas 'dis ni mchod par bgyi// 'di mthong na ni mkhas pa dag/ dngos po dag la su zhig chags/ de nas shA ri'i bu khye'u gnyis po de dag khye'u de'i rjes su slob par gyur nas/ bdag bdag gi mgul nas mu tig gi se mo do bkrol te/ tshigs su bcad pa 'di smras so// yang dag rdzogs pa 'od pa brgal/ mya ngan spangs pa sems grol ba// sdig med yang dag chos gnas la// bdag cag gnyis ni mchod par bgyid// de nas khye'u des/ khye'u gnyis po de dag la 'di skad ces smras so// khye'u khyed gnyis sbyin pa'i chos 'dis cir smon/ de nas khye'u gcig gis smras pa/ bdag ni bcom ldan 'das 'di'i g.yas phyogs na shes rab dang ldan pa'i mchog de ji lta ba bzhin du gyur cig/ khye'u gnyis pas smras pa/ bdag ni bcom ldan 'das 'di'i g.yon phyogs na rdzu 'phrul dang ldan pa'i mchog de ji lta ba bzhin du gyur cig/ de nas khye'u des smras pa/ bdag ni de bzhin gshegs pa dgra bcom pa yang dag par rdzogs pa'i sangs rgyas thams cad mkhyen pa/ thams cad gzigs pa/ phyogs thams cad du snang bar mdzad pa/ seng ge'i 'gres su gshegs pa 'di ji lta ba
- 294b
de bzhin du gyur cig ces/ shA ri'i bu khye'u des tshig 'di skad smras ma thag tu/ bar snang las lha'i bu brgyad stong gis legs so zhes bya ba byin te/ legs so legs so// skyes bu dam pa khyod kyis tshig de legs par smras so/ / lha dang 'jig rten du bcas pa'i 'jig rten du sems bskyed do// de nas shA ri'i bu de bzhin gshegs pa thams cad zil gyis gnon pas/ bsnyen bkur byed pa blo gros rgya mtsho zhes bya ba la bka' stsal pa/ dge slong khyod kyis khye'u mu tig gi se mo do thogs te 'ong ba 'di gsum mthong ngam/ gsol ba/ bcom ldan 'das mthong ngo // bcom ldan 'das kyis bka' stsa la ba/ dge slong khye'u bar ma tshur 'ong ba 'di ni 'di 'dra ba'i bsam pas 'ong ste/ gom pa 'dor ba dang 'jog pa thams cad la 'khor los sgyur ba'i rgyal srid brgya stong gi dge ba'i rtse ba yongs su len to/ / de bzhin du brgya byin 'thob pa dang / tshangs pa 'thob pa brgya stong yongs su len to// gom pa thams cad la sangs rgyas brgya stong mngon par mthong ba'i dge ba'i rtsa ba yongs su len to/ / shA ri'i bu de nas khye'u gsum po bcom ldan 'das de bzhin gshegs pa thams cad zil gyis gnon pa ga la ba der 'ong ste phyin pa dang / bcom ldan 'das kyi zhabs la mgo bos phyag 'tshal nas/ mu tig gi se mo do de bcom ldan 'das kyi sku la gtor ro// shA ri'i bu de'i tshe gang nyan thos kyi sems kyis mu tig gi se mo do gtor bar gyur pa de dag ni de bzhin gshegs
- 295a
kha de'i phrag pa gnyis la 'jug par gyur to/ / gang khye'u des thams cad mkhyen pa'i sems kyis mu tig gi se mo do gtor bar gyur pa de ni/ de bzhin gshegs pa de'i dbu'i gtsug gi steng na/ mu tig gi se mo do'i ling ba rtseg ma rnam pa sna tshogs blta na sdug pa/ gru bzhi ka ba bzhi zug pa kun nas rnam par phye bar gyur cing / khang pa rtseg ma de na de bzhin gshegs pa'i sku'i skyil mo krung bcas shing bzhugs par yang snang ngo / / de nas de bzhin gshegs pa de 'dzum pa mdzad de/ chos nyid kyis sangs rgyas bcom ldan 'das rnams nam 'dzum pa mdzad pa de'i tshe 'od zer kha dog rnam pa sna / tshogs pa du ma de bzhin gshegs pa'i zhal nas byung ste/ 'di lta ste/ sngon po dang / ser po dang / dmar po dang / dkar po dang / dza gong dang / shel dang / dngul gyi kha dog go// de dag gi snang bas 'jig rten gyi khams mtha' yas mu med par khyab par byas nas/ tshangs pa'i 'jig rten gyi bar du song ste/ nyi ma dang zla ba'i 'od zil gyis mnan nas slar log ste/ bcom ldan 'das la lan gsum bskor nas/ bcom ldan 'das kyi spyi bor mi snang bar song ngo // de nas bcom ldan 'das de la/ bcom ldan 'das kyi bsnyen bkur byed pa dge slong blo gros rgya mtshos zhus pa/ de bzhin gshegs pa rgyu ma mchis rkyen ma mchis par ni 'dzum pa mi mdzad na/ bcom ldan 'das ci'i rgyu ci'i rkyen gyis 'dzum pa mdzad ces 'di skad gsol pa dang / bcom ldan 'das kyis/ bsnyen bkur byed pa de la 'di
- 295b
skad ces bka' stsal to/ / dge slong khye'u 'di gnyis kyis nyan thos kyi sems kyis de bzhin gshegs pa la mu tig gi se mo do gnyis gtor 'khyod kyis mthong ngam/ gsol pa/ bcom ldan 'das mthong ngo / / bcom ldan 'das kyis bka' stsal pa/ dge slong khye'u 'di gnyis 'khor bas 'jigs skrag nas/ byang chub tu smon lam mi 'debs par bdag cag ni myur du mya ngan las 'da' bar bya'o snyam du de ltar sems so/ / dge slong khyod la bsgo'o// khong du chud par bya'o// gang gi tshe na khye'u gsum po 'di bla na med pa yang dag par rdzogs pa'i byang chub mngon par rdzogs par sangs rgyas par 'gyur ba de'i tshe / khye'u 'di gnyis ni de'i nyan thos kyi mchog tu 'gyur te/ gcig ni shes rab dang ldan pa'i mchog/ gnyis pa ni rdzu 'phrul dang ldan pa'i mchog tu 'gyur ro// shA ri'i bu de'i tshe de'i dus na khye'u bar ma gyur cing / thams cad mkhyen pa'i sems bskyed pa de ni gzhan no snyam du the tshom mam/ yid gnyis su gyur par shA ri'i bu de ltar ma lta zhig/ de ci'i phyir zhe na/ nga nyid de'i tshe de'i dus na khye'u bar ma der gyur to/ / shA ri'i bu de'i tshe de'i dus na ga yas phyogs kyi khye'ur gyur pa de gzhan yin pa snyam du de ltar ma lta zhig/ de ci'i phyir zhe na/ shA ri'i bu khyod nyid de'i tshe de'i dus na khye'u der gyur to// dge slong mo'u 'gal gyi bu ni khye'u g.yon phyogs par gyur to// shA ri'i bu ltos/ dge ba'i rtsa ba mnyam pa las/ khyed gnyis 'khor bas 'jigs skrag nas/ byang chub tu sems ma bskyed de
- 296a
sems zhum pas ci nas kyang bdag cag gis myur du mya ngan las 'da' bar bya'o snyam byed mod kyi/ khyed gnyis kyis nga las thal bar mi nus so// shA ri'i bu ltos/ ngas thams// cad mkhyen pa rtogs nas/ khyed gnyis ni nges chos bstan pas rnam par grol lo// shA ri'i bu rnam grangs des kyang 'di ltar shes par bya'o// ci nas kyang myur du mya ngan las 'da' bar 'dod na// thams cad mkhyen par sems bskyed par bya'o// de ci'i phyir zhe na/ shA ri'i bu myur ba'i theg pa zhe bya ba ni/ thams cad mkhyen pa'i tshig bla dgas so// mi bslu ba'i theg pa zhes bya ba/ sems can thams cad la phan pa dang bde ba'i theg pa zhe bya ba/ 'bar ba'i theg pa zhes bya ba/ theg pa'i mchog ces bya ba/ theg pa'i gtso bo zhes bya ba/ theg pa rab mchog ces bya ba/ bla na med pa'i theg pa zhes bya ba/ ma chags pa'i theg pa zhes bya ba/ nyan thos dang rang sangs rgyas thams cad zil gyis gnon pa'i theg pa zhes bya ba ni/ shA ri'i bu thams cad mkhyen pa'i tshig bla dgas so// sngon byung baba'i gtam 'di dang / thams cad mkhyen pa ston pa 'di bstan pa'i tshe/ srog chags khris bla na med pa yang dag par rdzogs pa'i byang chub tu sems bskyed do// shA ri'i bu dang / mo'u 'gal gyi bu chen po dang / 'od srungs chen po dang / rib ti dang / ma 'gags pa dang / ud li dang / byams ma'i bu gang po la sogs pa nyan thos chen po de dag thams cad kyis bcom ldan 'das kyi zhabs
- 296b
la phyag 'tshal nas/ mgrin gcig tu tshig smras pa/ bcom ldan 'das rigs kyi bu dang / rigs kyi bu mos gus par bgyis te/ dge ba'i rtsa ba bskyed par bgyi'o// rgya chen po la'ang mos par bgyi'o/ / smon lam rgya chen po'ang gdab par bgyi'o// de ci'i slad du zhe na/ bcom ldan 'das bdag cag la sangs rgyas brgya stong gis thams cad mkhyen pa dang ldan pa'i gtam brjod cing bdag cag la chos bstan kyang / bcom ldan 'das bdag cag ni ma chags pa'i ye shes rtogs par 'gyur ba'i skal ba ma mchis so// bcom ldan 'das bdag cag ni mtshams mchis pa lnga dang ldan na ni legs kyi/ / bla na med pa yang dag par rdzogs pa'i byang chub las ldog par 'gyur ba de lta ma lags so// de ci'i slad du zhe na/ bcom ldan 'das bdag cag mtshams ma mchis pa lnga dang ldan na ni/ sems can dmyal bar sdug bsngal sbyangs te/ thams cad mkhyen pa'i ye shes ma chags pa 'di dang mi 'bral bar gyur na/ bcom ldan 'das bdag cag ni bsam pa'i rgyud gcig la/ dbang po nyams pa/ thams cad mkhyen pa'i ye shes kyi snod ma lags par gyur na/ de ji ltar bgyi/ bcom ldan 'das 'di lta ste/ dper na skyes bu gum ste dus las 'das par gyur na/ gnyen rnams kyis nye bar 'tsho bar mi 'gyur ba de bzhin du/ bcom ldan 'das nyan thos kyi theg pa la mos na/ lha dang 'jig rten du bcas pa la sman mi thogs so// bcom ldan 'das 'di lta ste/ dper na sa chen
- 297a
po 'di rkang gnyis pa dang rkang bzhi pa rnams la sman 'dogs par 'gyur ba de bzhin du/ bcom ldan 'das gang dag gis bla na med pa yang dag par rdzogs pa'i byang chub tu sems bskyed par gyur pa de dag ni lha dang bcas pa'i 'jig rten la sman 'dogs par gyur pa'o/ / / bam po gsum pa/ gtam 'di brjod pa'i rjes la rgyal po ma skyes dgra dpung gi tshogs yan lag bzhi pa dang bcas te/ bcom ldan 'das ga la ba der song nas phyin pa dang / bcom ldan 'das kyi zhabs la mgo bos phyag 'tshal te/ lan gsum bskor nas phyogs gcig tu 'dug go/ phyogs gcig tu 'dug nas/ rgyal po ma skyes dgras bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / bcom ldan 'das sems can rnams ci la gnas/ ci'i mthus na sdig pa'i las la mngon par rtsom zhing bgyid par 'gyur/ de skad ces gsol pa dang / bcom ldan 'das kyis/ rgyal pom skyes dgral 'di skad ces bka' stsal to/ / rgyal po chen po sems can rnams ni bdag dang / sems can dang / srog dang / gang zag la gnas so// rgyal po chen po sems can rnams ni 'jig tshogs su lta ba la rten cing / phyin ci log tu mngon du gyur pa la gnas nas/ sdig pa'i las mngon par rtsom zhing byed par 'gyur ro// gsol pa/ bcom ldan 'das
- 297b
'jig tshegs su lta ba'i rtsa ba gang lags/ bka' stsal pa/ rgya bo chen po 'jig tshogs su lta ba ni ma rig pa'i rtsa ba las byung ngo // gsol pa/ bcom ldan 'das ma rig pa'i rtsa ba gang lags/ bka' stsal pa/ rgyal po chen po ma rig pa ni tshul bzhin du yid la mi byed pa las byung ngo // gsol pa/ bcom ldan 'das tshul bzhin yid la mi bgyid pa'i rtsa ba gang lags/ bka' stsal pa/ rgyal po chen po tshul bzhin yid la mi byed pa ni/ med pa la sgro bdogs pa'i rtsa ba las byung ngo // gsol pa/ bcom ldan 'das ma mchis pa la sgro 'dogs pa zhes bgyi ba ci lags/ bka' stsal pa/ rgyal po chen po med pa la sgro 'dogs pa zhes bya ba ni/ ma byung ba la yongs su rtog pa'i tshig bla dgas so// gsol pa/ bcom ldan 'das ma byung ba la yongs su rtog pa zhes bya ba'i rtsa ba gang lags/ bka' stsal pa/ rgyal po chen po ma byung ba la yongs su rtog pa zhes bya ba ni 'dus te ma byung ba'i tshig bla dgas so// gsol pa/ bcom ldan 'das 'dus te ma byung ba zhes bgyi ba ci lags/ bka' stsal pa/ rgyal po chen po 'dus te ma byung ba zhes bya ba ni/ gang phyir ma skyes ma byung bas/ de'i phyir 'dus te ma byung ba zhes bya'o// gsol pa/ bcom ldan 'das gang mi 'byung ba de ci zhig bgrangs 'tshal/ bka' stsal pa/ gang mi 'byung ba de la bgrang ba cung zad kyang med do// gsol pa/ bcom ldan 'das 'gyod pa ci la dmigs pa lags//
- 298a
bka' stsal pa/ rgyal po chen po 'gyod pa ni the tshom la dmigs so// gsol pa/ bcom ldan 'das the tshom zhes bgyi ba ci lags/ bka' stsal pa/ rgyal po chen po the tshom zhes bya ba ni gang 'phags pa yang dag par smra ba dag gis bshad pa la the tshom za ba ste/ de ni the tshom zhes bya'o// gsol pa/ bcom ldan 'das 'phags pa gang lags/ yang/ dag par smra ba gang lags/ bcom ldan 'das kyis bka' stsal pa/ rgyal po chen po rdul dang lta ba thams cad dang bral ba'i phyir 'phags pa zhes bya'o// rgyal po chen po gang dag gis chos thams cad 'dus te byung ba ma yin par rtogs pa ni/ yang dag par smra ba zhes bya ba'o// de skad ces bka' stsal pa dang / bcom ldan 'das la/ rgyal po ma skyes dgras 'di skad ces gsol to/ / bcom ldan 'das 'jig rten gnas pa ni bdag gis bsam pa'i rgyud kyis nyon mongs pas bsgribs pa ste/ de ni 'phags pa yang dag par smra ba dag gis bshad pa la yid mchis nas/ sdig pa'i las rnam pa du ma dag rtsol zhing bgyid pa de ni/ bcom ldan 'das ngo mtshar to// de ni bde bar gshegs pa rmad du byung ba'o// bcom ldan 'das bdag gis kyang sdig pa'i grogs po'i dbang du mchis pa dang / rgyal srid dang / longs spyod dang / dbang dang / nor gyis rgyags shing dregs pas/ phas ma nongs par srog bkum nas/ bcom ldan 'das bdag ni the tshom
- 298b
de bsal mi nus te/ zas 'tshal ba dang / skom 'tshal ba dang / rtse ba dang / dga' bar bgyid pa dang / yongs su spyod pa dang / don sgrub cing mchis pa dang / slas kyi nang du mchis pa dang / gcig pu mchis pa dang / 'gro ba mang po'i nang du mchis pa dang / nub mo dang gdugs la'ang the tshom de bsal ma nus nas/ bcom ldan 'das bdag ni gA yar zas kyi ro'ang mi bro/ bcom ldan 'das bdag ni chab la skom par yang mi 'gyur/ bcom ldan 'das bdag ni gnyid kyang mi mchis/ bcom ldan 'das bdag ni mdang gsal ba'ang ma mchis/ bcom ldan 'das bdag ni rtag tu rgyun mi 'chang bar skrag pa 'byung zhing / mjug tu bdag sems can dmyal bar 'gyur yang sems te/ bcom ldan 'das khyod ni 'jig rten long bar gyur pa'i ni mig/ chab kyis dad pa rnams kyi ni 'dren pa/ brgal 'tshal ba rnams kyi ni zam pa/ sdug bsngal ba rnams la ni bde ba stsol ba/ dbul po rnams kyi ni gter/ lam par zhugs pa rnams la ni lam ston pa/ thugs rje che ba/ thugs mi skyo ba/ sems can thams cad la snyoms par dgongs pa shin tu byams pa/ brtag pa/ bde ba dang sdug bsngal bas mi bskyod pa lags te/ bcom ldan 'das kyis ni sems can gang yang ma btang na/ bcom ldan 'das bdag 'jigs pa la mi 'jigs pa stsal cig/ mgon ma mchis pa'i mgon du gyur cig/ skyabs ma mchis pa'i skyabs su gyur cig/ long ba'i ni mig tu gyur
- 299a
cig/ bdag chad kyis 'tshal ba la ni phyag gis drang bar mdzod cig/ bcom ldan 'das bdag mnar ma mchis pa'i 'jigs pa dang skrag pa chen por lhung ba la cis kyang the tshom de bsal nas/ kun tu dkris pa ma mchis par 'gum pa'i dus bgyid pa dang / bdag gis sug las de'ang myong ba chung ngu 'gyur ba de lta de ltar chos bshad du gsol/ de nas bcom ldan 'das 'di snyam du dgongs te/ kye ma'o rgyal po ma skyes dgra 'di ni sred pa la spyod pa chos zab mo la dad pa yin gyis/ 'jam dpal gzhon nur gyur pa ma gtogs par/ gzhan sus kyang 'di'i the tshom lhag ma ma lus par sel mi nus snyam dgongs so/ / de nas sangs rgyas kyi mthus tshe dang ldan pa shA ri'i bus/ rgyal po ma skyes dgra la 'di skad ces smras so// rgyal po chen po 'jam dpal gzhon nur gyur pa sang bshos la spyan drongs shig dang / des khyod kyi the tshom ngan pa de'ang bsal bar 'gyur/ khyim yang spyad par 'gyur/ khyod kyi nang gi 'gro ba de thams cad kyis kyang dge ba'i rtsa bskyed par 'gyur/ rgyal po'i khab kyi grong khyer chen por yang sems can tshad med pa dag gis don byas par 'gyur ro// de nas 'jam dpal gzhon nur gyur pa la/ rgyal po ma skyes dgras 'di skad ces gsol to/ / 'jam dpal gzhon nur gyur pa bdag la thugs brtse ba'i slad du/ sang bshos la gshegs par dgongs shig/ de skad ces gsol pa dang / 'jam dpal gzhon nur gyur pas/
- 299b
rgyal po ma skyes dgra la 'di skad ces smras so// rgyal po chen po byas pa dang mchod pas chog gis/ 'di lta ste/ legs par gsungs pa'i chos 'dul ba la gos len pa 'am/ lhung bzed len pa 'am/ zas len pa de ni thugs brtse ba ma yin gyi/ rgyal po chen po khyod gang gi tshe zab mo don dam pa bdag med pa la the tshom med pa'am/ nem nur med par gyur pa na/ de lta bu'i ni khyod la thugs brtse bar byas pa yin no/ / rgyal po chen po gang gi tshe na/ khyod chos gang la'ang rtog par yang ma gyur/ rnam par rtog par yang ma gyur na/ de lta bu ni khyod la thugs brtse bar byas pa yin no// rgyal po chen po gang gi tshe na/ khyod sems 'das pa dang / ma 'ongs pa dang / da ltar du rtog pa'ang med/ rnam par rtog pa'ang med na/ de lta bu ni khyod la thugs brtse bar byas pa yin no// rgyal po chen po gang gi tshe na/ khyod lta ba chung ngu'ang skyed par yang mi byed/ 'gog par yang mi byed na/ de lta bu ni khyod la thugs brtse bar byas pa yin no// de skad ces smras pa dang / 'jam dpal gzhon nur gyur pa la/ rgyal po ma skyes dgras 'di skad ces gsol to// 'jam dpal chos kyi chos nyid ni de lta lags mod kyi/ 'on kyang bdag la thugs brtse ba'i slad du/ sang 'khor dang bcas te/ bdag gi mchis 'brang du bshos la gshegs shig/ de skad ces gsol pa dang / 'jam dpal gzhon nur gyur pas/ rgyal po ma skyes dgra la 'di skad smra so// rgyal po chen po 'di lta ste/ legs
- 300a
bar gsungs pa'i chos 'dul ba la ni gos len bya 'am/ lhung bzed len pa 'am/ zas len pa de thugs brtse ba ma yin gyi/ rgyal po chen po gang gi tshe na/ khyod bdag tu mi 'dzin/ sems can du mi 'dzin/ srog tu mi 'dzin/ gang zag tu mi 'dzin pa de'i tshe khyod la thugs brtse bar byas pa yin no// rgyal po chen po gang gi tshin/ khyod bdag tu bzung ba dang / gzhan du bzung ba mi 'dzin par gyur na/ de lta bu ni khyod la thugs brtse bar byas pa yin no// rgyal po chen po gang gi tshe na/ khyod sems su mi 'dzin/ dmigs par mi 'dzin/ phung por mi 'dzin/ khams su mi 'dzin/ skye mched du mi 'dzin/ nang du mi 'dzin/ phyir mi 'dzin/ khams gsum du mi 'dzin/ khams gsum las 'das par mi 'dzin/ dge bar mi 'dzin/ mi dge pabar mi 'dzin/ / kha na ma tho bo dang bcas par mi 'dzin/ kha na ma tho ba med par mi 'dzin/ 'jig rten par mi 'dzin/ 'jig rten las 'das par mi 'dzin/ zag pa dang bcas par mi 'dzin/ zag pa med par mi 'dzin/ 'dus byas su mi 'dzin/ 'dus ma byas su mi 'dzin/ nyon mongs par mi 'dzin/ rnam par byang bar mi 'dzin/ 'khor bar mi 'dzin/ mya ngan las 'das par mi 'dzin na/ de lta bu ni khyod la thugs brtse bar byas pa yin no// de nas 'jam dpal gzhon nur gyur pa la/ rgyal po ma skyes dgras 'di skad ces gsol to// 'jam
- 300b
dpal bdag la thugs brtse ba'i slang du dgongs su gsol/ 'jam dpal gyis smras pa/ rgyal po chen po 'di lta ste/ chos gang la'ang mngon par chags pa 'am/ yongs su len pa de ni phan pa 'am bde ba ma yin no/ / rgyal po chen po gang du'ang g.yo ba sems pa ni phan pa 'am bde ba ma yin gyi/ gang gAyo ba dang sems yongs su mi 'dzin cing / mngon par chabs pa spong ba de ni phan pa bde ba'o/ / rgyal po chen po gang mi 'khrug pa de ni phan pa dang bde ba'o// rgyal po chen po gang slar 'khrug pa de ni phan pa dang bde ba ma yin no// rgyal po chen po gang mthar gtugs pa de ni phan pa dang bde ba'o/ / gang slar yang bya bar 'gyur ba de ni phan pa dang bde ba ma yin no// de skad ces smras pa dang / 'jam dpal gzhon nur gyur pa la/ rgyal po ma skyes dgras 'di skad ces gsol to/ / 'jam dpal gang 'gyur ba ma mchis pa'i chos de gang lags/ smras pa/ rgyal po chen po stong pa nyid ni bya ba'ang med/ 'gyur ba'ang med do// de bzhin du mtshan ma med pa dang / smon pa med pa dang / mngon par 'du mi byed pa ni bya ba'ang med/ 'gyur ba'ang med do// rgyal po chen po ji srid du lus dang / ngag dang / yid kyis mngon par 'du bya ba med pa de srid du/ bya ba'ang med/ 'gyur ba'ang med do// rgyal po chen po gang gi tshe/ lus dang / ngag dang / yid kyis mi bya/ mngon par mi bya ba de la ni/ bya ba'ang med/ 'gyur ba'ang med do//
- 301a
rgyal po chen po de bas na chos thams cad ni mngon par 'du mi byed pa'i mtshan nyid de/ gang mngon par 'du mi byed pa de'ang de'i mtshan nyid ma yin no// gsol pa 'jam dpal ji ltar na mngon par 'dus byas pa la mngon par 'dus ma byas par mos pa lags/ smras pa/ rgyal po chen po gang gi tshe// 'das pa la zad par mi sems/ ma 'ongs pa la byin par mi 'dod/ da ltar la mi rtag pa'i phyir thog ma nas ma skyes par mos shing / lhag par yang mi byed/ bri bar yang mi byed pa de tsam gyis na/ rgyal po chen po mngon par 'du byed pa la mngon par 'du mi byed par mos pa yin no/ / gsol pa/ 'jam dpal ji ltar na nyon mongs pa dang lam 'grogs par 'gyur/ smras pa/ rgyal po chen po de ji snyam du sems/ nyi ma'i 'od zer mun pa dang lhan cig tu gnas sam/ gsol pa/ 'jam dpal de ni ma lags so// de ci'i slad du zhe na/ mun pa ni gdugs kyi 'od zer gyis gsal bar 'gyur ro// smras pa/ rgyal po chen po 'o na ci mun pa de phung po 'am/ phyogs su 'gro bar 'gyur ram/ gsol pa/ 'jam dpal de ma lags so// smras pa/ rgyal po chen po de bzhin du lam gyi ye shes skyes na/ nyon mongs pa rnams mi 'byung bar 'gyur gyi/ nyon mongs pa rnams phung por yang mi 'gyur/ yul na'ang mi gnas/ phyogs na'ang mi gnas te/ rgyal po chen po nyon mongs pa mnyam pa nyid kyi
- 301b
phyir lam mnyam pa nyid ngo / / lam mnyam pa nyid kyi phyir nyon mongs pa mnyam pa nyid do// nyon mongs pa mnyam pa nyid kyi phyir thams cad mnyam pa nyid de/ rgyal po chen po gang dag gis de ltar rtogs pa ni nyon mongs pa nyid de dag gi lam yin no/ / de ci'i phyir zhe na/ de ltar nyon mongs pa tshol ba'i phyir nyon mongs pa mi 'byung bar 'gyur ro// gang yang nyon mongs pa tshol ba de ni lam yin no/ / rgyal pos gsol pa/ 'jam dpal ji lta bu ni nyon mongs pa btsal na/ nyon mongs pa nyid lam lags/ 'jam dpal gyis smras pa/ rgyal po chen po gang gi tshe na/ nyon mongs pa tshol bas gnyis su sems mi 'gro ba de lta bu ni nyon mongs pa dag btsal na/ nyon mongs pa nyid lam yin te/ rgyal po chen po de ltar na nyon mongs pa nyid lam yin no// gsol pa/ 'jam dpal ji ltar na lam bsgom pa lags/ smras pa/ rgyal po chen po chos thams cad sgom pa ni lam sgom pa yin no// gsol pa/ 'jam dpal de ltar lam bsgoms na/ gar mchi bar 'gyur/ smras pa/ rgyal po chen po de ltar lam bsgoms na/ gar yang mi 'gro bar 'gyur ro// rgyal pos gsol pa/ 'jam dpal lam ni mya ngan las 'da' bar mchi ba ma lags sam/ 'jam dpal gyis smras pa/ rgyal po chen kho ci mya ngan las 'da' ba la chos gang gi yang kham yong ngam/ gsol pa/ 'jam dpal de ma lags so// 'jam dpal gyis smras pa/ rgyal po chen po de lta bas na 'phags pa rnams kyi lam bsgom pa ni
- 302a
'gro bas 'gro bar bya ba ma yin no/ / gsol pa/ 'jam dpal gang la gnas na/ 'phags pa dag lam bsgom pa lags/ smras pa/ rgyal po chen po gnas med pa la gnas na/ 'phags pa dag kham bsgom pa yin no// gsol pa/ 'jam dpal tshul khrims drang / shes rab dang / ting nge 'dzin gnas na/ 'phags pa drag lam bsgom pa ma lags sa ma/ smras pa/ rgyal po chen po 'phags pa rnams kyi tshul khrims ni mngon par 'du mi byed pa'i mtshan nyid do// rgyal po chen po 'phags pa rnams kyi ting nge 'dzin ni rnam par mi rtog pa'i mtshan nyid do/ / rgyal po chen po 'phags pa rnams kyi shes rab ni ma spros pa'i mtshan nyid do// rgyal po chen po de ji snyam du sems mngon par 'du mi byed pa 'am/ ma spros pa la gnas nus sam/ gsol pa/ 'jam dpal de ma lags so// 'jam dpal gyis smras pa/ rgyal po chen po rnam grangs des kyang 'di ltar rig par bya ste/ 'phags pa dag ni gnas med pa la gnas te lam bsgom mo/ / gsol pa/ 'jam dpal ji ltar na rigs kyi bu 'am/ rigs kyi bu mo la ma la zhugs pa lags/ smras pa/ rgyal po chen po lam tshol ba na chos gang yang ma dmigs te/ rtag pa'am/ mi rtag pa 'am/ chos gang yang sdug pa 'am/ mi sdug pa 'am/ bde ba 'am/ sdug bsngal ba 'am/ bdag yod pa 'am/ bdag med pa 'am/ yang gang 'khor ba 'am/
- 302b
mya ngan las 'da' ba'i chos gang yang ma dmigs te/ de ltar zhugs na rgyal po chen po la ma la zhugs pa zhes bya'o// de nas 'jam dpal gzhon nur gyur pa la/ rgyal po ma skyes dgras 'di skad ces gsol to/ / 'jam dpal bdag gi 'gyod pa ngan pa sbyang ba'i slad du sang 'khor dang bcas te bshos la gshegs na legs so// 'jam dpal gyis smras pa/ rgyal po chen po gang med pa de ni/ gzhan yang med do// med pas na yongs su grol ba'ang med do// gang yongs su grol ba de dag kyang med pas yongs su grol lo// med pa de'ang gang las yongs su grol bar mi 'gyur ro/ / de ci'i phyir zhe na/ rgyal po chen po chos thams cad ni rang bzhin gyis yongs su grol ba'i phyir ro// de nas bcom ldan 'das kyis/ 'jam dpal gzhon nur gyur pa la 'di skad ces bka' stsal to/ / 'jam dpal khyod rgyal po ma skyes dgra'i der zan la song zhig/ de na 'di la sogs te 'gro ba mang po'i drin du 'gyur ro// de skad ces bka' stsal pa dang / bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das bka' bzhin 'tshal/ bdag ni de bzhin gshegs pa'i bka' mi gcog go de nas 'ja kha dpal gzhon nur gyur pas gnang bar rgyal po ma skyes dgras shes nas/ dga' mgu rangs/ rab tu dga' zhing dga' ba dang yid bde ba skyes nas/ bcom ldan 'das kyi zhabs
- 303a
la mgo bos phyag 'tshal/ 'jam dpal gzhon nur gyur pa dang / dge slong gi dge 'dun thams cad kyi zhabs la'ang mgo bos phyag 'tshal te song ngo // de nas dang ldan pa shA ri'i bu la/ rgyal po ma skyes dgras 'di skad ces smras so// btsun pa shA ri'i bu 'jam dpal gzhon nur gyur pa'i g.yog ji snyed cig mchis/ shA ri'i bus smras pa/ rgyal po chen po byang chub sems dpa' lnga brgya tsam dag dang thabs cig tu bshos gsol lo// de nas rgyal po ma skyes dgras rgyal po'i khab kyi grong khyer ga la ba dang / bdag gi khang pa ga la ba der song ste/ de nyid kyi nub mo bza' ba dang / bca' ba dang / myang ba dang / bldag pa bzang zhing mang ba sbyor du bcug go// zas ro brgya pa'ang sbyor du bcug/ bdag gnas pa'i khang par yang dar gyi lda ldi bres shing / gdugs dang / rgyal mtshan dang / ba dan gyis kun tu brgyan to// dar gyi bla re'ang bres/ spos shin tu snying por gyur pas kyang dadug tu bcug go// gnas khang der khri gos du mas g.yogs pa/ rin po che rnam pa sna tshogs du mas spras pa lnga brgya yang btsugs so// de'i phyogs thams cad byi dor legs par byas// zhal zhal legs par blugs shing bdugs pas bdugs nas/ me tog sil mas kyang gang bar gtor du bcug go// rgyal po'i khab kyi grong khyer chen po'i 'phongs dang / lam gyi sum mdo dang / 'phreng dang /
- 303b
tshong dus thams cad du'ang chag chag legs par btab/ zhal zhal legs par byas/ bdug pas bdugs shing / me tog gi sil mas gang bar gtor du bcug go/ rgyal po'i khab kyi grong khyer chen po'i 'gro ba thams cad kyang 'jam dpal gzhon nur gyur pa la mchod pa'i las byed par bskos so/ / de nas 'jam dpal gzhon nur gyur pa bdag gi gtsug lag khang na gnas pa las nub mo thun dang po la 'di snyam du gyur te/ gang bdag ni 'khor nyung ngu dang rgyal po ma skyes dgra'i khab tu zas bza' bar mi rigs kyi/ gang bdag gis sangs rgyas kyi zhing gzhan nas byang chub sems dpa' dag gnyer la/ de dag the tshom gcod pa'i chos kyang nyan/ rgyal po ma skyes dgra'i zas kyang bza' bar bya'o snyam mo// de nas 'jam dpal gzhon nur gyur bas/ 'di lta ste/ skyes bu stobs po che'i lag pa bskum pa las brkyang ba'am/ brkyang ba las bskum pa tsam du de'i skad cig thang cig yud tsam la bdag gi gtsug lag khang du mi snang bar gyur nas/ shar phyogs su sangs rgyas kyi zhing brgya stong phrag brgyad cu 'das nas/ 'jig rten gyi khams rtag tu sgra sgrogs zhes bya bar phyin par gyur te/ de na de bzhin gshegs pa dgra bcom pa yang dag par rdzogs pa'i sangs rgyas bsgrags pa'i dpal zhes bya ba bzhugs so/ / 'tsho'o// byang chub sems dpa' 'ba' zhig la chos kyang ston to//
- 304a
de na phyir mi ldog pa'i chos kyi 'khor lo gcig kyang ston to// yang 'jig rten gyi khams de na rgyu rin po che sna bdun las byas pa'i shing me tog dang 'bras bu swA tshegs dang ldan pa dag yod de/ rin po che'i shing de dag rlung gis btab pa las/ sangs rgyas kyi sgra skad 'byung / chos kyi sgra skad 'byung / byang chub sems dpa' phyir mi ldog pa'i dge 'dun gyi sgra skad 'byung / 'di lta ste/ 'jig rten gyi khams rtag tu sgra sgrogs zhes bya ba ni 'jig rten gyi khams der dkon mchog gsum gyi sgra dang mi 'bral bas/ rtag tu sla sgrogs zhes bya'o/ / de nas bcom ldan 'das de bzhin gshegs pa bsgrags pa'i dpal de'i zhabs la/ 'jam dpal gzhon nur gyur pas mgo bos phyag 'tshal nas/ bcom ldan 'das de bzhin gshegs pa bsgrags pa'i dpal la 'di skad ces gsol to/ / bcom ldan 'das de bzhin gshegs pas sangs rgyas kyi zhing nas/ byang chub sems dpa' sems dpa' chen po ngag mi mjed kyi 'jig rten gyi khams rgyal po ma skyes dgra'i khab tu bdag dang lhan cig tu mchod ston 'tshal bar bka' stsal du gsol/ de nas de bzhin gshegs pa bsgrags pa'i dpal gyis/ byang chub sems dpa' sems dpa' chen po dag la bka' stsal pa/ rigs kyi bu dag khyed las gang 'dod pa'i rnams 'jam dpal gzhon nur gyur pa dang 'grog te/
- 304b
mi mjed kyi 'jig rten gyi khams su deng zhig/ de nas byang chub sems dpa'i 'khor de dag nas/ byang chub sems dpa' sems dpa' chen po brgyad khri nyis stong gis mgrin gcig tu tshig smras pa bcom ldan 'das bdag cag ni mi mjed kyi 'jig rten gyi kham sa de na rgyal po ma skyes dgra'i khab tu 'jam dpal gzhon nur gyur pa dang mchod ston 'tshal du mchi'o/ / / de nas 'jam dpal gzhon nur gyur pas de nyid kyi skad cig thang cig yung tsam la byang chub sems dpa' brkyang khri nyis stong po de dag dang 'grogs te/ 'jig rten gyi khams rtag tu sgra sgrogs nas mi snang bar gyur te/ bdag gi gtsug lag khang du 'dug go/ de nas 'jam dpal gzhon nur gyur pas de ltar tshogs pa'i byang chub sems dpa' de dag la gzungs zhes bya ba'i chos kyi rnam grangs rgya cher bshad pa de la gzungs gang zhe na/ gzungs zhes bya ba ni 'di lta ste/ dran pa mnyam pa/ rtogs pa ma yengs pa/ blo gros ma rmongs pa/ shes rab mngon du byed pa/ chos thams cad la de bzhin nyid bstan pas shes pa/ 'bras bu thob nas srung bar byed pa/ lam skyon med pa la 'jug shes pa/ chos thams cad kyi tshig rab tu tha dad pa shes pa gzungs kyis 'phags pa'i rigs mi gcod pa/ sangs rgyas kyi rigs 'dzin pa/ chos kyi rigs sdud pa/ dge 'dun gyi rigs chos kyi rjes su shes pa/ dri ba lung bstan pa la ma
- 305a
rmongs pa/ 'khor thams cad du ma zhum pa/ 'khor thams cad du mi 'jigs pa/ lha'i skad du ston pa shes pa/ klu'i skad du ston pa shes pa/ gnod sbyin gyi skad dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / brgya byini dang / tshangs pa'i skad du ston pa shes pa/ skad yang dag pa dang / dbang po shes pa/ log par lta ba yongs su shes pa/ sems cad thams cad kyi dbang po la rtog pa sems dang mtshungs par gzhog pa 'jig rten gyi chos brgyad kyis mi bskyod pa/ chos dkar po thams cad yongs su smin par byed pa/ las kyi rnam par smin pa'i 'bras bu ji lta ba bzhin du ston pa/ sems can thams cad kyi nye bar 'tsho bar rtsol ba/ tshul khrims kyi gzhi sems can thams cad la gnas pa/ ye shes thams cad kyi rjes su song ba/ sems can thams cad kyi sdug bsngal gyi khur khyer yang sems skyo zhing mus byung ba med pa/ chos kyi rang bzhin shes pa/ rang bzhin ston cing brjod pa/ chos kyi sbyin par spro bar byed kyi/ sems skyo bar mi byed pa dge nga'i rtsa ba'i tshogs bsags pa thams cad la rnam par smin par mi 'dod pa/ thams cad mkhyen pa'i sems kyi rtsa ba dang tha mi dad pa/ de'i rtsa ba la 'jog pa'i brtson
- 305b
'grus can sbyin pas chog mi shes la/ de'ang thams cad mkhyen pa'i sems kyis sngo ba/ tshul khrims kyis chog mi shes la/ de'ang sems can thams cad la sngo ba/ bzod pas chog mi shes la/ de'ang sangs rgyas kyi gzugs tshol ba/ brtson 'grus kyis chog mi shes la/ de'ang dge ba'i rtsa ba sdud par byed pa/ bsam gtan gyis chog mi shes la/ de'ang mi dmigs pa'i tshul du byed pa// shes rab kyis chog mi shes la/ de'ang thams cad du dpyod par byed pa/ chos kyi longs spyod kyis tshel la/ de'ang thams cad du kha na ma zlo ba med pa ste/ rigs kyi du gzungs gzungs zhes bya ba ni chos de dag la chos kyi rjes su song ba'i nan tan yin te/ de bas na gzung sro zhes bya'o// rigs kyi bu gzhan yang gzung ni chos thams cad 'dzin par byed do/ / ji ltar na gzungs chos thams cad 'dzin par byed ce na/ stong pa nyid kyis chos thams cad 'dzin par byed/ mtshan ma med pa dang / smon pa med pas chos thams cad 'dzin par byed pa/ 'dod chags dang bral ba/ dben pa dang dngos pos med pa/ tha mi dad pa/ gnas med pa/ ma skyes pa/ mi skye ba/ mi 'ongs pa/ mi 'gro ba/ mi gnas pa/ yang dag par ma byung ba/ ma 'phos pa/ mi 'jig pa/ mi blang ba/ mi dor ba/ rang bzhin med pa/ dngos po med pa/ rtog pa med pa/ rnam
- 306a
par rtog pa med pa/ sgrub pa med pa/ bdag med pa/ sems can med pa/ sgrog med pa/ gang zas med pa/ spros pa s+yAd+d+haSh+Ta/ gzu ba dahA/ ba med pa/ ma byung ba/ ma mthong ba/ ma thos pa/ ma bsnams pa/ ma myangs pa/ ma reg pa/ mi dmigs pas chos thams cad 'dzin pas na/ de'i phyir gzungs zhes bya'o// rigs kyi bu dag gzhan yang gzungs kyi sgyu ma'i rang bzhin gyis chos thams cad 'dzin to// rmi lam gyi rang bzhin dang / dbu ba'i rang bzhin gyis chos thams cad 'dzin to// smig/ rgyu'i rang bzhin dang / gzugs brnyan gyi rang bzhin dang / sgra brnyan gyi rang bzhin dang / nam mkha'i rang bzhin gyis chos thams cad 'dzin te/ de bas na gzungs zhes bya'o// rig kyi bu dag gzhan yang gzungs ni mi rtag pas chos thams cad 'dzin to/ / de bzhin du sdug bsngal ba dang / bdag med pa dang / rang bzhin gyis mi rgyu ba dang / kun nas nyon mongs pa med pa dang / rnam par byang ba med pa dang / thob pa med pa dang / mngon par byas pa med pas chos thams cad 'dzin te/ de bas na gzungs zhes bya'o// rigs kyi bu dag 'di lta ste/ dper na sa 'di ni skye bo thams cad 'dzin mod kyi/ 'gas par yang mi 'gyur/ skyo bar yang mi 'gyur ro// rigs kyi bu dag de bzhin du byang chub sems dpa' sems
- 306b
dpa' chen po gzungs thob pa'ang sems can thams cad kyi phyir bskal pa grangs med par thams cad mkhyen par sems bskyed pa'i dge ba'i rtsa ba bsdus pas 'dzin kyang / / 'gas pa'ang med/ skyo ba'ang med do// rigs kyi bu dag 'di lta ste/ dper na sa 'di ni sems can thams cad kyi nye bar 'tsho ba yin no// rigs kyi bu dag de bzhin du byang chub sems dpa' gzungs thob pa'ang sems can thams cad kyi nye bar 'tsho ba yin no/ / rigs kyi bu 'di lta ste/ dper na sa la gnas na r+dz+dza dang / shing gel ba dang / sman dang / nu gas tshal thams cad skye bar 'gyur ro/ / rigs kyi bu dag de bzhin du byang chub sems dpa' gzungs la gnas pa'i dge ba'i chos thams cad skye bar 'gyur ro// rigs kyi bu dag 'di lta ste/ dper nas ni chags par yang mi byed/ zhe sdang bar yang mi byed/ khengs par mi byed/ dud par yang mi byed do// rigs kyi bu dag de bzhin du byang chub sems dpa' gzungs la gnas pa'ang chags par mi byed/ zhe sdang bar yang mi byed/ khengs par mi byed/ dud par yang mi byed do// rigs kyi bu dag 'di lta ste/ dper na sa ni char pa'i rgyun thams cad len te/ cho ga mi shes par byed do// rigs kyi bu de bzhin du byang chub sems dpa' gzungs la gnas pa'ang sangs rgyas rnams dang / byang chub sems
- 307a
dpa' dag dang / yang dag par song ba dag dang / yang dag par zhugs pa dag la/ chos thams cad nyan na'ang chog mi shes/ 'chad na'ang chog mi shes so/ / rigs kyi bu dag 'di lta ste/ dper na sa ni sa bon thams cad 'dzin mod kyi/ dus la ma bra ba/ drod la ma bab par ljang bu mi skyed do// rigs kyi bu dag de bzhin du byang chub sems dpa' sems dpa' chen po gzungs thob pa'ang dge ba'i rtsa ba'i sa bon thams cad 'dzin mod kyi/ dus ma yin/ tshad ma yin zhing / sangs rgyas kyi chos yongs su ma rdzogs par byang chub kyi snying po la mi 'jug go/ / rigs kyi bu dag 'di lta ste/ dper na dpa' bo ni sa la gnas na/ pha rol gyi sde thams cad las rgyal bar byed do// rigs kyi bu dag de bzhin du byang chub sems dpa' sems dpa' chen po gzungs thob pa'ang byang chub kyi snying po la 'dug na/ bdud kyi sde thams cad las rgyal bar byed do// rigs kyi bu/ dag 'di lta ste/ dper na sa ni nam mkha' la rtag pa 'am/ mi rtag pa'am/ bde ba'am/ sdug bsngal ba 'am/ sdug pa 'am/ mi sdug pa 'am/ bdag gam/ bdag med pa 'am/ sems can nam/ sems can med pa'am/ srog gam/ srog med pa'am/ gang zag gam/ gang zag med par mi 'dzin to// rigs kyi bu dag de bzhin nga gzang
- 307b
chos thams cad mi 'dzin to/ / de ci'i phyir zhe na/ rigs kyi bu gzungs ni gnyis dang bral ba'i phyir ro// rigs kyi bu dag 'di lta ste/ dper na sa ni nam mkha' mi 'dzin te/ / rigs kyi bu dag de bzhin du gzungs kyang chos thams cad mi 'dzin to// rigs kyi bu dag 'di lta ste/ dper na stong pa nyid ni lta ba'i rnam pa thams cad mi 'dzin to// rigs kyi bu dag de bzhin du gzungs kyang chos thams cad mi 'dzin to// rigs kyi bu dag 'di lta ste/ dper na rang bzhin ni nye ba'i nyon mongs pa thams cad mi 'dzin to// rigs kyi bu dag de bzhin du gzungs kyang chos thams cad mi 'dzin to/ / rigs kyi bu dag 'di lta ste/ dper na lam skyon med par gyur pa ni chos thams cad la byed pa med pa 'dzin pa med do// rigs kyi bu dag de bzhin du gzungs kyang chos thams cad mi 'dzin to/ / de lta bas nA rigs kyi bu dag gang gzungs de ni mi zad pa'o// gang mi zad pa de ni tshad med pa'o// gang tshad med pa/ de ni kun gyi rjes su song ba'o// gang kun gyi rjes su song ba de ni nam mkha'i dbyings so// de lta ste/ rigs kyi bu dag nam mkha'i dbyings dang gzungs de gnyis ni rnam pa gnyis su med do/ / 'jam dpal gzhon nur gyur pas gzungs 'di ston pa bstan pa'i tshe/ 'khor de na byang chub sems dpa' lnga brgyas gzungs thob par gyur to// gzhan yang thun
- 308a
dbu ma la 'jam dpal gzhon nur gyur pas byang chub sems dpa' lnga brgya po de dag la byang chub sems dpa'i sde snod ces bya ba'i chos kyi rnam grangs rgya cher bshad/ de la byang chub sems dpa'i snga snod gang zhe na/ chos gang 'jig rten pa dang / gang 'jig rten las 'das pa dang / chos gang 'dus byas pa dang / gang 'dus ma byas pa dang / chos gang dge ba dang / gang mi dge ba dang / gang kha na ma tho ba dang bcas pa dang / gang kha na ma tho ba med pa dang / gang zag pa dang bcas pa dang / gang zag pa med pa'i chos gang yang byang chub sems dpa'i sde snod kyi chos su ma zhugs pa med de/ de dag thams cad ni byang chub sems dpa'i sde snod kyi rjes su zhugs so// de ci'i phyir zhe na/ rigs kyi bu dag byang chub sems dpa'i sde snod ni chos thams cad rtogs pa yin no/ / rigs kyi bu dag 'di lta ste/ dper na stong gsum gyi stong chen po'i 'jig rten gyi khams 'di ni/ gli bzhi pa'i 'jig rten gyi kham bye ba phrag brgya dang / nyi ma dang zla ba bye ba phrag brgya dang / ri rab ri'i rgyal po bye ba phrag brgya dang / rgya mtsho mching rnam chen po bye ba phrag brgya yod pa de dag thams cad ni/ stong gsum gyi stong chen po'i 'jig rten gyi khams 'dir 'dus shing 'ub bo/ / rigs kyi bu dag de bzhin du gang so so'i skye bo'i chos rnams dang / gang slob pa'i chos rnams dang / gang slob pa
- 308b
med pa'i chos rnams dang / gang nyan thos kyi chos rnams dang / gang rang sangs rgyas kyi chos rnams dang / gang byang chub sems dpa'i chos rnams dang / gang sangs rgyas kyi chos/ rnams dang / de dag thams cad byang chub sems dpa'i sde snod kyi chos kyi rnam grangs kyi nang du 'dus shing thub bo// de ci'i phyir zhe na/ rigs kyi bu dag nyan thos kyi theg par bsdu ba dang / rang sangs rgyas kyi theg par bsdu ba dang / theg pa chen po bsdu ba dang / theg pa thams cad du 'dus pa ni/ byang chub sems dpa'i sde snod kyi chos kyi rnam grangs so// rigs kyi bu/ dag 'di lta ste/ dper na shing gi rtsa ba bzung na/ lo ma dang / me tog dang / 'bras bu thams cad 'dus par 'gyur ro// rigs kyi bu dag de bzhin du byung chub sems dpa' sem dpa' chen po'ang byang chub sems dpa'i sde snong bzung na/ theg pa thams cad 'dus par 'gyur ro// rigs kyi bu dag de la byang chub sems dpa'i snga snod gang zhe na/ rigs kyi bu dgra byang chub sems dpa'i sde snod ces bya ba ni/ snod tshad med pa yin no// rigs kyi bu dag pa di lta ste/ dper na rgya mtsho mching rnam chen po tshad med pa'i chu ni/ klu dang / lha ma yin dang / gnod sbyin dang / byol song gi skye gnas su gtogs pa'i sems can tshad med pa dag gi snod yin no// rigs kyi bu dag de bzhin du byang chub sems dpa'i sde
- 309a
snod kyi chos kyi rnam grangs kyang thos pa dang / tshul khrims dang / ting nge 'dzin dang / shes rab dang / ye shes mthong ba tshad med pa'i snong yin no// rigs kyi bu dag 'di lta ste/ dper na sems can gang dag rgya mtsho mching rnam chen po'i nang du skyes pa ni/ rgya mtsho mching rnam chen po ma gtogs par chos gzhan gyi ro mi 'thung ngo // rigs kyi bu dag de bzhin du gang byang chub sems dpa'i snga snod kyi chos kyi rnam grangs la spyod pa de dag ni/ thams cad mkhyen pa'i ro ma gtogs par chos gzhan gyi ro mi 'thung ste/ de bas na byang chub sems dpa'i sde snod ces bya'o// yang rigs kyi bu dag 'di gsum ni snga snod yin no// gsum gang zhe na/ 'di lta ste/ nyan thos kyi sde snod dang / ra sangs rgyas kyi sde snod dang / byang chub sems dpa'i sde snod ngo // rigs kyi bu dag de la nyan thos kyi sde snod ni pha rol gyi sgra'i rjes su 'brangs pas thob pa'o// rang sangs rgyas kyi sde snod ni rten cing 'brel par 'byung ba rtogs pa'i phyir/ rgyu zin par rtogs pa'o// rigs kyi bu dag byang chub sems dpa'i sde snod ni chos tshad med pa rtogs shing / rang byung ba'i ye shes dang 'thun pa'o/ / yang rigs kyi bu dag nyan thos sam/ rang sangs rgyas dag ni gang yang sde snod gsum pa ma yin gyi/ rigs kyi bu dag gang gi chos bshad pa las/
- 309b
sems can dag nyan thos kyi theg pa dang / rang sangs rgyas kyi theg pa dang / bla na med pa yang dag par rdzogs pa'i byang chub kyi phyir theg pa gsum gyis 'byung ba de la ni sde stong gsum pa'o// zhes bdag smra'o// rigs kyi bu dag byang chub sems dpa' ni chos 'chad na/ sems can theg pa gsum gyis 'byung bas na/ de'i phyir byang chub sems dpa' de la sde snod gsum pa zhes bya'o/ / rigs kyi bu dag gzhan yang bslab pa ni gsum mo// gsum gang zhe na/ nyan thos kyi bslab pa dang / rang sangs rgyas kyi bslab pa dang / byang chub sem dpa'i bslab pa'o/ / rigs kyi bu dag de la nyan thos kyi bslab pa ni/ phyogs gcig pa/ bdag gi bsam pa'i rgyud snang ba'i mtshan nyid do// rang sangs rgyas kyi bslab pa ni/ rgan tan bar ma dang ldan zhing snying rjes chen po dang bral ba'o// rigs kyi bu dag byang chub sems dpa'i bslab pa ni tshad med pa'i rjes su song ba/ snying rje chen pos zin pa'o// nyan thos kyi theg pa la gnas pa ni rang sangs rgyas kyi bslab pa la mi slob cing mi shes so/ / rang sangs rgyas kyi theg pa la gnas pa ni byang chub sems dpa'i bslab pa la mi slob cing mi shes so/ / rigs kyi bu dag byang chub sems dpa' ni nyan thos kyi bslab pa la'ang slob cing shes mod kyi/ nyan thos kyi theg pa 'dod par yang mi byed/ theg pa nges 'byung bar
- 310a
yang mi byed/ rang sangs rgyas kyi bslab pa la'ang slob cing shes mod kyi/ rang sangs rgyas kyi theg pa 'dod par yang mi byed/ theg pa des 'byung bar yang mi byed de/ byang chub sems dpa'i bslab pa la slob cing shes la/ theg pa chen po des 'byung bar byed de/ byung nas kyang nyan thos kyi rnam par grol ba'ang ston/ rang sangs rgyas kyi rnam par grol ba'ang ston/ byang chub sems dpa'i rnam par grol ba'ang ston to// rigs kyi bu dag byang chub sems dpa'i bslab pa ni tshad med pa'i rjes su song ba/ snying rjes chen pos zin pa'o/ / nyan thos kyi theg pa la gnas pa ni rang sangs rgyas kyi bslab pa la mi slob cing mi shes so// rang sangs rgyas kyi theg pa la gnas pa ni/ byang chub semam dpa'i bslab pa la mi slob cing mi shes so/ / rigs kyi bu dag 'di lta ste/ gang byang chub sems dpa'i bslab pa la spyod pa de lta bu yongs su rdzogs pa de ni/ byang chub sems dpa'i sde snod ces bya'o/ / rigs kyi bu dag 'di lta ste/ dper na nor bu bai DUR+Ya'i snod kyi nang du ci dang ci bcug pa de thams cad de'i rang bzhin nyid du 'gyur ro// rigs kyi bu dag de bzhin du byang chub sem dpa'i sde snod kyi rjes su zhugs pa'i byang chub sems dpa' sems dpa' chen po chos gang dang gang 'chad pa de thams cad sangs rgyas kyi chos kyi rang bzhin nyid rjod par byed do/ / rigs kyi bu dag byang
- 310b
chub sems dpa'i sde snod kyi rjes su zhugs pa'i byang chub sems dpa' sems dpa' chen po ni gang sangs rgyas kyi chos ma yin pa de dag mi mthong ngo / / gang byang chub sems dpa' bslab pa ma yin pa de dag mi mthong ngo / / gang dag gi byang chub sems dpa'i bslab pa la slob par bya ba ma yin pa'i chos de dag mi mthong ngo // gang tshul bzhin ma yin pa'i chos de dag kyang mi mthong ste/ chos thams cad tshul bzhin du mthong bas gang yang sangs rgyas kyi chos su mi brjod pa med do// rigs kyi bu dag byang chub sems dpa'i sde snod ni/ yi ges bshad pa mtha' yas te/ yi ge'i 'bru gzhag pa tshad med pa yin no// snang bas gsal ba bsam gyis mi khyab pa yin no// de ltar mos pa'i sems can rnams la mnyam pa nyid du gzhug pa'i phyir/ thams cad mkhyen pa'i ye shes thob par byed pa'o// gang dag bslab pa de la slob cing slob par 'gyur ba de dag thams cad kyang / byang chub sems dpa'i sde snod 'di nyid kyi rjes su zhugs pas/ theg pa chen po de rtogs par 'gyur te/ de'ang byed pa med par rtogs so// de lta ste/ 'jam dpal gzhon nur gyur pas mtshan mo thun par ma'i tshe// byang chub sems dpa' de dag la byang chub sems dpa'i sde snod kyi chos kyi rnam grangs 'di rgya cher bshad do/ / de nas 'jam dpal gzhon nur gyur pas mtshan mo thun tha ma'i tshe/ byang chub sems
- 311a
dpa' de dag la phyir mi ldog pa'i 'khor lo rdo rje'i tshig la 'jug pa'i don rgya cher bshad pa/ rigs kyi bu dag phyir mi ldog pa'i 'khor lo zhes bya ba ni/ byang chub sems dpa' de chos 'chad pa las/ sems can gang dag gis chos 'chad pa de mnyan nas/ de dag thams cad kyis phyir mi ldog pa'i chos nyid rtogs shing / phyir mi ldog pa'i 'khor lo bshad pa las slar mi ldog pa'o// rigs kyi bu dag phyir mi ldog pa'i 'khor lo la mos pa'i byang chub sems dpa' sems dpa' chen po ni/ sems can sna tshogs su mi spyod/ chos sna tshogs su mi spyod/ theg pa sna tshogs su mi spyod/ sangs rgyas kyi zhing sna tshogs su mi spyod/ sangs rgyas sna tshogs su mi spyod cing / chos thams cad kyi 'khor lo skor ba ni thams cad kyi rjes su zhugs par mthong ste/ chos kyi dbyings tha dad par yang chos kyi 'khor lo de mi skor te/ de bas na phyir mi ldog pa'i 'khor lo zhes bya ba/ 'khor lo de ni yongs su ma chung pa'i 'khor lo'o// gnyis su med pa'i 'khor lo'o/ / ji lta ba bzhin du brjod pa'i 'khor lo'o// rang byung ba'i ye shes rtogs pa'i 'khor lo'o// 'khor lo de ni chos kyi dbyings kyi dkyil 'khor gyi 'khor lo'o// rigs kyi bu dag byang chub sems dpa' sems dpa' chen po gang dag mtshan ma thams cad kyi phyir mi ldog pa'i 'khor lo 'di la mos par gyur pa dang / mos par byed pa dang / mos par 'gyur ba
- 311b
de thams cad ni de bzhin gshegs pa'i rnam par grol bas rnam par grol bar 'gyur te/ rnam par grol ba ni gnyis su'ang mi ston no// de bzhin gshegs pa'i rnam par grol ba'i mtshan nyid gang yin pa chos thams cad kyi mtshan nyid kyang yin/ de bzhin gshegs pa'i rnam par grol ba ni mtshan nyid med pa'o// chos thams cad kyang rnam par grol ba'i mtshan nyid dang bral ba yin te/ chos gang mtshan nyid med pa de ni rnam par grol ba'ang med mod kyi/ gnyis su med pa sems dang lus dang bral ba de ni rnam par grol ba'o// gang sems dang / gang lus de ni rnam par grol bar mi 'gyur ro/ / de ci'i phyir zhe na/ rnam par grol ba de sems dang lus kyi rang bzhin yin pa'i phyir ro// de lta bas na ye shes de gzhan la rag ma las pa'i phyir/ phyir mi ldog pa'i 'khor lo zhes bya'o// rigs kyi bu dag gzhan yang phyir mi ldog pa'i 'khor lo ni slar mi ldog go/ de ci'i phyir zhe na/ gzugs ni gzugs kyi rang bzhin las mi ldog go/ de bzhin du tshor ba dang / 'dus shes dang / 'du byed dang / rnam par shes pa ni rnam par shes pa'i rang bzhin las mi ldog go// rigs kyi bu dag chos thams cad ni/ chos kyi dbyings de las mi ldog ste/ chos kyi dbyings de ni ji lta ba bzhin yin pas na/ phyir mi ldog pa'i 'khor lo zhes bya'o// 'khor lo de ni dbus su 'jug pa'ang med de/ 'khor lo de ni
- 312a
chad pa med pa/ rtag pa med pa'o// de la ni sgo cung zad kyang med do// de ni gnyis su med pa'i sgro'i 'khor lo'o// 'khor lo de ni skor ba med mi skor ba'i 'khor lo'o/ / 'khor lo de ni ston pa cung zad kyang med de/ mi rjod pa'i 'khor lo'o// 'khor lo de ni sgrogs pa cung zad kyang med de/ brjod du med pa'i 'khor lo'o/ / yang phyir mi ldog pa'i 'khor lo de ni stong pa nyid kyi sgo la gnas pas mtshan ma med pa'o// rnam par grol ba'i sgo la gnas pas mtshan nyid med pa'o// thams cad kyi rjes su song ba'i nam mkha'i mtshan nyid do/ / de'ang de'i rjes su yang dag par song ba'i rang bzhin gyi mtshan nyid de/ de bas na phyir mi ldog pa'i 'khor lo zhes bya ba'o// rigs kyi bu dag rdo rje'i tshig ni/ gang chos thams cad nges par rtogs pa'o// yang chos thams cad nges par rtogs pa gang zhe na/ rigs kyi bu dag stong pa nyid ni rdo rje'i tshig ste/ lta ba'i rnam pa thams cad nges par rtogs par 'gyur ro/ / rigs kyi bu dag mtshan med pa ni rdo rje'i tshig ste/ rnam par rtog pa thams cad las 'da' bar 'gyur ro// rigs kyi bu dag smon pa med pa ni rdo rje'i tshig ste/ 'gro ba thams cad las 'da' bar 'gyur ro// rigs kyi bu dag chos kyi dbyings ni rdo rje'i tshig ste/ sna tshogs las 'da' bar 'gyur ro// rigs
- 312b
kyi bu de dag de bzhin nyid ni rdo rje'i tshig ste/ bdag med par 'gyur ro// rigs kyi bu dag 'dod chags dang bral ba ni rdo rje'i tshig ste/ 'dod chags kyi rang bzhin med par 'gyur ro// rigs kyi bu dag mya ngan las 'das pa ni rdo rje'i tshig ste/ chos rnams de'i rang bzhin du ston to zhes 'jam dpal gzhon nur gyur pas byang chub sems dpa' de dag la mtshan thog thag tu chos rgya cher bshad pa dang / de nas byang chub sems dpa' kha cig ting nge 'dzin 'od zer gyi me tog ces bya ba mngon par grub par gyur te/ byang chub sems dpa'i ting nge 'dzin de la gnas nas/ ba spu'i khung bu'i 'od zer re re las kyang sangs rgyas brgya stong ston cing / sangs rgyas bcom ldan 'das de dag kyang phyogs bcu'i sangs rgyas kyi zhing na sems can thams cad sangs rgyas kyi bya ba byed par mngon du zhugs so/ / de nas rgyal po ma skyes dgras 'jam dpal gzhon nur gyur pa la 'jam dpal dus la bab bo// 'jam dpal man la bab bo// bshos lags kyis/ de'i dus la bab par mkhyen par mdzod cig ces pho nya gdugs tshod la smra na 'dren du bcug go/ de nas gnas brtan 'od srungs chen po snga dro'i dus kyi tshe sham thabs bgos/ chos gos dang lhung bzed khyer te/ dge slong lnga brgya dang 'grogs nas/ bsod snyoms kyi phyir rgyal po'i khab kyi grong khyer chen por song ba las/ de lam gyi tshigs su phyin pa dang / 'di snyam du
- 313a
gyur te/ grong khyer chen por 'gro ba ha cang snga ches kyis/ gang bdag ni 'jam dpal gzhon nur gyur pa'i gtsug lag khang ga la ba der song ba dang / de na gtam gyi rgyun cig yod par 'gyur ro snyam mo/ / de nas gnas brtan 'od srungs chen po dge slong lnga brgya tsam po de dag dang / 'jam dpal gzhon nur gyur pa'i gtsug lag khang ga la ba der song ste phyin nas/ 'jam dpal gzhon nur gyur pa dang dga' ba dang mgu ba'i gtam rnam pa sna tshogs byas te phyogs gcig tu 'dug go// de nas 'jam dpal gzhon nur gyur pas/ gnas brtan 'od srungs chen po phyogs gcig tu 'dug pa la 'di skad ces smras so/ / tshe dang ldan pa 'od srungs chen po ci'i phyir na nang par sngar sham thabs bgos/ chos gos dang lhung bzed khyer te 'gro// smras pa/ 'jam dpal bdag ni bsod snyoms kyi slad du rgyal po'i khab tu mchi bar 'tshal lo// 'jam dpal gyis smras pa/ tshe dang ldan pa 'od srungs chen po 'khor dang bcas pa la bdag gis bshos gsol gyis dgongs shig/ smras pa/ 'jam dpal bgyis shing mchod pas 'tshal te/ bdag ni chos 'tshal gyi/ zang zing 'tshal ba ma lags so// smras pa/ tshe dang ldan pa 'od srungs chen po bdag la dgongs shig/ zang zing gi bsdu ba dang / chos kyi bsdu ba gnyis ka khyod la 'du bar mchi'o// 'od srungs chen pos smras pa/ 'jam dpal
- 313b
bdag ni 'tshal ma chad kyang khyod kyi slad bzhin du 'brang 'tshal lo/ / de ci'i slad du zhe na/ chos ston pa de ni ji lta ba khyod kyi drung nas thos pa 'dra bar gzhan las mi thos so// de 'jam dpal de ring sems can chen po de dag dang gang du bshos gsol/ 'dzum dpal gyis smras pa/ tshe dang ldan pa 'od srungs chen po gang gis bdag cag la sbyin pa sbyin nas/ 'khor ba las kyang mi skyod/ mya ngan las 'das pa'ang rtogs par mi byed/ so so'i skye bo'i sa las kyang mi 'da'/ 'phags pa'i chos mngon par yang mi byed pa de'i zas de ring 'tshal lo// tshe dang ldan pa 'od srungs chen po gang gis bdag cag la sbyin pa byin na/ 'bri bar yang mi 'gyur/ 'phel bar yang mi 'gyur/ chos gang yang skyed par mi bgyid/ 'gag par yang mi bgyid/ chos gang yang gtong bar mi bgyid/ thob par yang mi bgyid pa de'i zas de ring 'tshal lo// gnas brtan gyis smras pa/ 'jam dpal de ltar sbyin par bgyid pa de dang de dag ni sbyin bdag chen/ po lags kyi mchi'o// de nas 'jam dpal gzhon nur pa 'di snyam du gyur te/ bdag ni sangs rgyas kyi rnam par rol pas rgyal po'i khab kyi grong khyer chen por 'gro'o snyam mo// yang de'i tshe na ting nge 'dzin rdzu 'phrul thams cad rnam par 'phrul pa zhes bya ba la mnyam par gzhag go/ 'jam dpal gzhon nur gyur pa rdzu 'phrul thams cad rnam par 'phrul pa'i ting nge 'dzin la
- 314a
mnyam par bzhag ma thag tu/ de nas mi mjed kyi 'jig rten gyi khams 'di thams cad lag mthil bzhin du mnyam par gyur to// stong gsum gyi stong chen po'i 'jig rten gyi khams thams cad kyang snang ba chen pos snang bar gyur to/ / sems can dmyal ba pa'i sems can rnams kyi sdug bsngal yang rgyun chad do// byol song gi skye gnas pa dang / shin rje'i 'jig rten pa'i sems can rnams kyi sdug bsngal yang rgyun chad do// sems can gang yang 'dod chags sam/ zhe sdang ngam/ gti mug gam/ nga'am/ g.yo'am// khro ba 'am/ gnod 'chab par gyur pa med do// de'i tshe sems can thams cad gcig la gcig pa dang mar 'du shes shing byams pa la gnas par gyur to// stong gsum gyi stong chen po'i 'jig rten gyi khams 'di'ang rnam par g.yos so/ / 'dod pa na spyod pa dang / gzugs na spyod pa'i lha'i bu rnams kyang 'jam dpal gzhin nur gyur pa la mchod par byaba'i las la brtson par gyur to/ / sil snyan brgya stong yang dkrol bar gyur to// me tog zi zhim po'i char yang mngon par phab bo// lam gyi byi dor yang byas so// 'jam dpal gzhon nur gyur pas ting nge 'dzin de la snyoms par zhugs ma thag tu/ de nas gtsug lag khang de'i sgo mas bzung ste/ grong khyer gyi sgo'i bar du/ de'i bar gyi lam thams cad
- 314b
lag zil bzhin du mnyam par gyur to/ / rin po che du ma ni bsags/ rin po che du mas ni spras/ rin po che stegs bus ni bskor/ zheng du ni shing rta bdun tsam du me tog pad+mo par po dang / ku mu da dang / puN+Da ri kas ni gang / steng nas ni rin po che'i dra bas g.yogs/ dar gyi lda ldi mang po ni dres/ gdugs dang / rgyal mtshan dang / ba dan dang / ru mtshon ni bsgreng bar gyur to/ / rin po'i che'i stegs bu gnyis kyi ka yas g.yon du mda' rgyang re re tsam na/ rin po che'i shing yod par gyur to// rin po che'i shing thams cad las/ rin po che shing gnyis pa/ rin po che'i srad bus sbrel bar gyur to// rin po che'i shing re re las kyang gang dri byung bar gyur pa'i dI des ni dpag tshad gcig khor khor yug tu khyab par gyur to/ / rin po che'i shing gnyis kyi bar ni rdzing bu sprul par gyur to// gser gyi bye ma ni bkram/ rin po che'i stegs bus ni bskor/ nor bu bai DUR+Ya'i skad ni zug/ me tog ut+pa la dang / pad+ma dang / ku mu da dang / puN+Da ri kas ni bkab/ bya ngur pas ni skad 'byin/ chu yan lag brgyad dang ldan pas ni yongs su gang bar gyur to// shing thams cad kha rin po che dang gser gyi dra bas ni zos par gyur to/ / rin po che'i shing thams cad kyi bar na rin po che'i pog bor nas spos kyis ni bdugs par gyur to// rin po che'i
- 315a
shing thams cad kyi drung na/ lha'i bu mo nyi shu rtsa lnga lnga sprul yod pa nas byung ba'i tsan dan gyi snying po phye ma thogs te 'dug par gyur to// 'jam dpal gzhon nur gyur pas ting nge 'dzin de la snyoms par zhugs ma thag tu/ de nas de'i tshe ngo mtshar dang / rmad du byung ba 'di dag dang / gzhan dag kyang snang ngo // de nas 'jam dpal gzhon nur gyur pas sham thabs bgos te/ gnas brtan 'od srungs chen po la 'di skad ces smras so// tshe dang ldan pa 'od srungs chen po khyod ni mdun du bzhud cig/ bdag ni khyod kyi slad bzhin du mchi'o/ / de ci'i phyir zhe na/ gnas brtan 'od srungs chen po ni bgres la rab tu byung nas kyang yun ring ste/ de bzhin gshegs pa ma mthong bar rab tu byung zhing gang 'jig rten na dgra bcom pa de'i rjes su rab tu byung bas/ de bas na tshe dang ldan pa 'od srungs chen po khyod ni mdun du bzhud cig/ de skad ces smras pa dang / 'od srungs chen bos/ 'jam dpal gzhon nur gyur pa la 'di skad ces smras so// 'jam dpal legs par gsungs pa'i chos 'dul ba las ni/ su yang nas rgan pa dang / lo grangs kyis rgan pa zhes mi bgyiri/ 'jam dpal legs par gsungs pa'i chos 'dul ba las/ shes rab kyi rgan pa dang / thos pas rgan pa dang / spobs pas rgan pa dang / dbang po shin tu rnam par
- 315b
phye ba la rgan pa zhes bgyi la/ 'jam dpal khyod kyang shes rab kyis bkres/ gsan pas bkres/ spobs pas bgres/ dbang po dam pa dang / dam pa ma lags par mkhyen pa la mkhas pas/ de'i slad du khyod nyid thu bo bkres pa lags kyis mdun du bzhud cig/ bdag ni khyod kyi slad bzhin mchi'o// yang 'jam dpal don 'di nyid shin tu bshad pa'i slang du/ skabs 'dir ba dag gis dpa tsam zhig bshad par spobs so// 'dra ma dpal 'di lta ste/ dper na seng ge 'phrug gu byung nas ring po ma lon pa na/ bdag gi stobs kyi shugs ma rdzogs mod kyi/ seng ge'i phrug gu de'i dri rlung gis gang dang gang du khyer ba de dang de dag tu ri dgas thams cad dri de mi bzod nas 'bros par bgyid de/ bal glang glang po che chen po lo drug cu lon pa/ lag ri sra bas dam du bcings pa de dag kyang seng ge'i phrug gu de'i dris phog pa dang / 'jigs skrag nas lig ris bcings pa de dag bcad de/ phyogs phyogs su 'bros so/ / phug na gnas pa ni phug tu/ khung na gnas pa ni khung du 'jug/ chu na gnas pa ni chur 'jug/ bya ni nam mkha' la 'phur ro// 'jam dpal de bzhin du byang chub sems dpa' sems thog ma skyed pa'ang shes rab dang ye shes kyi stobs bskyed pa ma thob mod kyi/ sems bskyed ma thag tu nyan thos dang rang sangs rgyas thams cad zil gyis gnon
- 316a
par gyur/ bdud thams cad 'jigs par gyur zhing / skrag nas bdag gi khang pa ni mi dga' bar 'gyur ro// yang 'jam dpal seng ge'i phrug gu des seng ge'i stobs dang shugs thob pa gzhan dag seng ge'i sgra skad 'byin pa'i sgra thos na'ang / 'jigs sngangs skrag par mi 'gyur gyi steng du/ bdag kyang ring po mi thogs par seng ge'i skad 'byin to snyam du sems par 'gyur ro/ / 'jam dpal de bzhin du byang chub sems dpa' sems dpa' chen po'ang sangs rgyas kyi seng ge'i skad thos nas/ mi 'jigs/ mi da dang skrag par ma 'gyur gyi steng du/ bdag kyang ring po mi thogs par de bzhin du byang chub thob nas de dang 'dra bar seng ge'i skad yang dag par 'byin par bya'o snyam du sems par 'gyur ro// 'jam dpal de lta bas na gang dag nyan thos kyi nang na gang bgres/ rang sangs rgyas kyi nang na gang bgres/ de bzhin gshegs pa'i nang na gang bgres zhes smra zhing / yang dag par brjod pa'i dag ni 'jam dpal byang chub kyi sems la smra zhing yang dag par brjod pa lags so/ / de ci'i slad du zhe na/ 'jam dpal dge ba'i chos de dag thams cad ni de las byung ngo // de'i slad du yang 'jam dpal khyod ni thu bo/ / 'gres pa lags kyis sngon du bzhud cig/ bdag ni khyod kyi slad bzhin du mchi'o// de nas 'jam dpal gzhon nur gyur pa mdun du song ba dang /
- 316b
byang chub sems dpa' sems dpa' chen po de dag dang / nyan thos chen po de dag kyang de'i phyi bzhin du dong ngo // 'jam dpal gzhon nur gyur pa rin po che'i lam der song ma thag tu/ de nas de'i tshe steng gi bar snang las me tog gi char chen po'ang mngon par bab bo// sil snyan brgya stong gi sgra yang byung ngo // sa chen po'ang rnam pa drug tu g.yos so// 'jig rten yang snang ba chen pos khyab par gyur to// de nas 'jam dpal gzhon nur gyur pa de 'dra ba'i bkod pa dang ldan nas/ lus las 'od zer brgya stong ni byung / me tog pad+ma'i char ni 'bab bzhin du/ grong khyer chen por song ba dang / rgyal po ma skyes dgras 'jam dpal gzhon nur gyur pa byang chub sems dpa' brgyad khri nyis stong dang / nyan thos lnga/ brgya tsam gyis bskor cing mdun du bdar te 'ong ngo zhes thos nas/ 'di snyam du gyur to// 'dir ni lnga brgya'i bshos sbyar la/ de 'di snyed kyi mang po zhig gshegs par gyur na gang du bzhugs/ ci gsol snyam ste/ de ltar bdag ni 'jam dpal gzhon nur gyur pas bslus so snyam du rgyal po ma skyes dgras de ltar sems skyes ma thag tu/ de nas de'i/ mod la rgyal po chen po ngal bso po dang gnod sbyin gyi bdag po kum d+hi ras/ bdag cag gi lus che ba bstan nas/ rgyal po ma skyes dgra la 'di skad ces smras so// rgyal po
- 317a
chen po mi dgar ma byed cig/ 'jam dpal gzhon nur gyur pa ni shes rab che ba/ shes rab kyi gzi brjid dang ldan pa/ rdzu 'phrul gyi byin gyis rlob pa la mkhas pa yin te/ de ni 'dod na zan chang gcig gis kyang stong gsum gyi stong chen po'i 'jig rten gyi khams su gtogs pa'i sems can thams cad 'grangs par byed mkhas na// brgyad khri nyis stong lha la ci smos te/ rgyal po chen po mi dgar ma byed cig/ thams cad la khyed par 'ong ngo // de ci'i phyir zhe na/ rgyal po chen po 'jam dpal gzhon nur gyur pa'i sbyin pa'i thabs ni zad mi shes so/ / de nas rgyal po ma skyes dgras chog de thos pa dang / dga' mgu rabs/ rab tu dga' zhing / dga' ba dang yid bde ba skyes nas yang shin tu 'jam dpal gzhon nur gyur pa la smon pa'i 'du shes kyis bkur sti byed par gyur to/ / de nas rgyal po ma skyes dgras bdag gi skye bo 'khor dang bcas te// me tog dang / dri dang / 'phreng ba dang / byug pa dang / phye ma thogs nas/ gra yog dang bcas pas 'jam dpal gzhon nur gyur pa bsu ba'i phyir phyi rol tu byung nas/ de nas 'jam dpal gzhon nur gyur pa la mchod pa byas te/ slar bdag gi khyim du so ngo // de nas 'jam dpal gzhon nur gyur pa 'khor dang bcas te/ rgyal
- 317b
ma skyes dgra'i khang ba ga lwa ba der dong ste sbyin pa dang / rlung du dong ngo // rang byin pa dang / zong khyer na gnas pa thams da kyang mtshang pa'i las la bson par gyur to/ yang de'i tshe na byang chub sems dpa'i 'khor der byang chub sems dpa' sems dpa' chen po kun du gzigs pa zhes bya ba zhig 'dus par b+hUtA/ de nas 'jam dpal gzhon nur gyur pas/ byang chub sems dpa' sems dpa' chen po kun tu gzigs pa la 'di skad ces smras so// rigs kyi bu khyod kyi 'khor gyi gnas bkod pa bya'o/ / de'i dus la bab par shes par gyis shig/ de nas byang chub sems dpa' sems dpa' chen po kun tu gzigs pas/ rgyal po ma skyes dgra'i khab kyi g.yas g.yon su bltas pa dang / bltas ma thag tu rgyal po ma skyes dgra'i khab tu 'khor gyi gnas byung ste/ dar gyi lda ldi mang po ni btags/ b+hA ra bris/ gzugs dang / rgyal mnan dang / ba da na ni bsgred/ me tog sil mos ni bkang zhing / lag mthil bzhin du mnyam pa dang / yangs shing rgyu che gyur te/ yang de'i tshen byang chub sems 'apa' sems dpa' chen po chos las mngon par 'phags pa zhes bya ba zhig byang chub sems dpa'i 'khor
- 318a
der 'dus par gyur to/ / de nas 'jam dpal gzhon nur gyur pas/ byang chub sems dpa' sems dpa' chen po chos las mngon par 'phags pa pos te 'di skad ces smras so/ / rigs kyi bu khyod kyis stan gding bar gyis shig/ de nas byang chub sems dpa' sems dpa' chen po chos las mngon par 'phags pas/ de'i tshes gol gyi sgra byas pa dang / de nas de'i tshe 'khor gyi gnas de nas stan rnam pa sna tshogs pa bstan sdug pa/ gos du mas g.yogs pa bzhi khri nyis stong mngon par byung bar gyur to// de nas 'jam dpal gzhon nur gyur pa stan bting ba de la 'dug pa dang / byang chub sems dpa' sems dpa' chen po de dgra dang / nyan thos chen po de dag kyang stan de dag la ci rigs par 'khod do/ / de nas rgyal po ma skyes dgras 'jam dpal gzhon nur gyur pa stan la 'dug par shes nas/ 'di skad ces gsol to// 'jam dpal 'bras chan slad ma sgrol gyi bar du cung zad cig gzhes shig/ 'jam dpal gyis smras pa/ rgyal po chen po thams cad la chog par 'gyur gyis/ bya ba nyung ngu gyis shig/ de nas rgyal po chen po bzhi dpung dang bcas/ / 'khor dang bcas te/ 'jam dpal gzhon nur gyur pa la mchod pa'i las la brtson par gyur to// brgya byin lha'i dbang po'ang chung ma dang /
- 318b
lha'i bu mo dang / de ma yin pa'i lha dang / lha ma yin gyi bu mo de dag dang bcas te/ a ka ru dang tsan dan gyi phye mas byang chub sems dpa' thams cad dang / nyan thos thams cad la gtor kyang / skyes bu dam pa de dag ni spos kyi 'du shes dang / lha'i bu mo'i 'du shes su skyes pa med do// tshangs pa mi mjed kyi bdag po'ang khye'u'i gzugs su bsgyur te/ ga yag rnga'i rdul ga yab thogs nas/ 'jam dpal gzhon nur gyur pa'i gau yas logs na g.yob cing 'dug par gyur to// tshangs pa'i ris kyi lha'i bu rnams kyang byang chub sems dpa' thams cad kyi ga yas phyogs na 'dug cing / g.yag rnga'i rdul ga yab thogs te g.yob par gyur to// klu'i rgyal po ma dros pa'ang bdag gi lus mi snang bar byas te/ steng gi bar snang las me tog gi se mo do 'phyang bar byas so// me tog gi se mo do de las kyang chu yan lag brgyad dang ldan pa byung bar byed de/ chu des kyang chu'i bya ba byas so// de bzhin du byang chub sems dpa' thams cad so so dang / de bzhin du nyan+da thos rnams kyi mdun durang mu tig gi se mo de 'phyang du bcug ste/ de dag gi chu'i bya ba byas so// de nas rgyal po ma skyes dgra ba'i snyam du gyur te/ byang chub sems dpa' 'di dag la lhung bzed mi mnga' ma/ de dag ci las
- 319a
gsol bar 'gyur snyam mo/ / de nas 'jam dpal gzhon nur gyur pa'i sems kyis rgyal po ma skye rims skyes dgra la 'di skad ces smras so/ / kye rgyal po chen po rigs kyi bu 'di dag ni lhung bzed khyer te mi 'ong gi/ sangs rgyas kyi zhing gang dang gang dag tu zas za ba de dang de dag 'di dag 'khod ma thag tu/ sngon gyi byin gyi rlabs kyis zas kyi la logs su bdag bdag gi sangs rgyas kyi zhing nas nga rnams par snga byed do/ / rgyal pos gsol pa/ 'jam dpal po na skyes bu dam pa 'di dag sangs rgyas kyi zhing gang nas mchis de na de bzhin gshegs pa'i mtshan ca lags dpal gyis smras pa/ rgyal po chen po 'jig rten gyi khams ni rtag tu smra bsgrags zhes bgyi'o// de na de bzhin gshegs pa dgra bcom pa yang dag par rdzogs pa'i rgyas bsgrags pa'i dpal zhes bya ba da ltar bzhugs so/ / 'tsho'o// gzhes so// sangs rgyas kyi zhing de nas chu sems dpa' sems da chen po kyi bshes gsol ba dang / khyod kyi 'gyod pa ngan pa de mnyam pa'i phyir 'dir lhags so// de nas byang chub sems dpa' de dag gis sems skyed ma thag tu 'jig cher po kham
- 319b
rtag tu sgra bsgrags de nas lhung bzed de dag byang chub sems dpa' de dag gi byin gyi rlabs dang / de bzhin gshegs pa de'i sngon gyi smon lam gyis steng gi bar snang las song ste/ mtsho ma dros pa chen por babs te/ de dag chu yan lag brgyad dang ldan pa sa bkrus nas/ me tog pad+ma'i 'arang ma'i steng du bzhag ste klu'i bu mo brgyad khri nyis stong gis khyer nas byang chub sems dpa' de dag la phul lo/ / de nas rgyal po ma skyes dgra shin tu cher dga' mgu rangs/ rab tu dga' zhing / dga' ba dang yid bde ba skyes nas/ 'jam dpal gzhon nur gyur pa la phyag 'tshal zhing 'dug par gyur pa dang / 'jam dpal gyis smras pa/ rgyal po chen po mchod ston drongs shig/ de'i dus la bab par shes par gyis shig/ de nas rgyal po ma skyes dgras mchod ston ji ltar sbyar ba'i rnam grangs te/ bza' ba 'am/ bca' ba 'am/ bldag pa gang dang gang drangs pa de dang de gzhon pa'i mtha'i bar du zad mi shes par gyur to/ / de lta ste/ rgyal po ma skyes dgras lnga brgya'i mchod ston sbyar ba de las/ byang chub sems dpa' brgyad khri nyis stong po de dag dang / nyan thos lnga brgya tsam po de dag chog par byas kyang / mchod ston de yongs su zad cing gtugs par ma gyur to// de nas rgyal po ma skyes dgras gsol pa/ 'jam dpal
- 320a
mchod sngon 'di ma bas pa ngo mtshar to/ / 'jam dpal gyis smras pa/ rgyal po chen po ji ltar 'gyod pa ngan pa de mi zad pa de bzhin du mchod ston 'di ma zad do/ / de nas byang chub sems dpa' sems dpa' chen po de dag gis zas zos nas/ lhung bzed rnams nam mkha' la 'phangs pa dang / de dag ma bzung bzhin/ du bar snang la 'dug par gyur te ma lhung ngo // de nas rgyal pos gsol pa/ 'jam dpal lhung bzed 'di dag ci la gnas/ smras pa/ rgyal po chen po khyod kyi 'gyod pa ngan pa de ci la gnas pa de nyid la lhung bzed 'di dag gnaso/ / rgyal pos gsol pa/ 'jam dpal lhu bzed 'di dag ni mri gnas so// 'jam dpal gyis smras pa/ rgyal po chen po khyod kyi 'gyod pa ngan pa de'ang mi gnas so// rgyal po chen po 'di lta ste/ dper na lhung bzed 'di dag mi gnas kyang mi lhung ba/ de ba du rgyal po chen po chos thams cad kyang mi chags mi gnas shing / chos gang la'ang mo ltung ngo // de nas rgyal po ma skyes dgras byang chub sems dpa' de dag dang / nyan thos chen po de dag lag pa dang lhung bzed bkrus par shes te/ chos mnyan pa'i phyir 'jam dpal gzhon nur gyur pa'i mdun du 'dug nas/ 'phag
- 320b
pa 'jam dpal bdag gi 'gyod pa de bsal du gsol zhes byas pa dang / 'jam dpal gyis smras pa/ rgyal po chen po khyod kyi 'gyod pa de ni/ yang dag par rdzogs pa'i sangs rgyas gang+gA'i klung gi bye ma snyed kyis kyang bsal mi nus so/ / de nas rgyal po ma skyes dgras bdag mgon med par shes nas/ shing bcad pa bzhin du sa chen po 'di la 'gyel bar gyur to/ / de nas gnas brtan 'od srungs chen pos/ rgyal po ma skyes dgra la 'di skad ces smras so// rgyal po chen po ma 'jigs ma skrag cig/ 'jam dpal gzhon nur gyur pa ni dgongs pa'i 'chad pa la mkhas pa yin gyi 'di nyid la khyod kyis ci las dgongs te/ khyod kyi 'gyod pa ngan pa de gang+gA'i klung gi bye ma sed kyi sangs rgyas bcom ldan 'das kyis kyang bsal bar mi nus so zhes de skad du ston ces zhus shig/ de nas rgyal po ma skyes dgras sa'i steng nas slar langs tite/ 'jam dpal gzhon rgur gyur pa la 'di skad ces gsol to// 'jam dpal ci la dgongs te/ khyod kyi 'gyod pa gAng+gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang bsal bar mi nus zhes de skad du ston/ 'jam dpal gyis smras pa/ rgyal po chen po de ji snyam du sems//
- 321a
sangs rgyas bcom ldan 'das sems kyi dmigs pas bskyed pa yin nam/ gsol pa/ 'jam dpal de ma lags so// smras pa/ sems bskyed/ pas bskyed pa yin nam/ gsol pa/ 'jam dpal de ma lags so// smras pa/ sems 'gags pas bskyed pa yin nam/ gsol pa/ 'jam dpal de ma lags so// smras pa/ 'dus ma byas kyis bskyed pa yin nam/ gsol pa/ 'jam dpal de ma lags so// smras pa/ 'dus byas kyis bskyed pa yin nam/ gsol pa/ 'jam dpel de ma lags so/ / smras pa/ rgyal po chen po de ji snyam du sems/ chos gang chos gang gis kyang skyed par mi 'gyur ba'i chos des chos gang yang bsal bar nus sam gsol pa/ 'jam dpal de ma lags so// 'jam dpal gyis smras pa/ rgyal po chen po ngas de la dgongs te/ sangs rgyas bcom ldan 'das gang+gA'i klung gi bye ma snyed kyis kyang khyod kyi 'gyod pa de bsal bar mi nus so zhes de skad smras so/ / rgyal po chen po gzhan yang bar snang gi nam mkha' 'di la gang la la zhig rdul tam/ du ba'am mun pas kun nas nyon mongs par byed 'dod na/ rgyal po chen po de ji snyam du sems/ bar snang gi nam mkha' kun nas nyon mongs par bya nus sam/ gsol pa
- 321b
'jam dpal de ma lags so/ / smras pa/ rgyal po chen po gang la la zhig ngas par snang gis nam mkha' rnam par sbyang ngo zhes de skad zer na/ bar snang gi nam mkha' rnam par sbyang bar nus sam/ gsol pa/ 'jam dpal de ma lags so// smras pa/ de bzhin du de bzhin gshegs pas chos thams cad nam mkha' dang mtshungs pa/ rang bzhin gyis kun nas nyon mongs pa med par mngon par rdzogs par sangs rgyas te/ chos gang yang nyon mongs pa'am/ byang bar ma gzigs na/ de dag gis ci zhig bsal bar mdzad/ rgyal po chen po ngas de las yang dgongs te/ sangs rgyas bcom ldan 'das gang+gA'i bye ma snyed kyis kyang khyod kyi 'gyod pa de bsal mi nus so zhes de skad smra'o// rgyal po chen po gzhan yang sangs rgyas bcom ldan 'das rnams kyis ni gang sems ldang ba de nang du'ang ma dmigs/ gang sems ldang ba de phyi rol du'ang ma dmigs so// de bas na rgyal po chen po chos thams/ cad ni rang bzhin gyis mi ldang te/ rang bzhin gang yin pa de ni mi ldang ba'o// gang mi ldang ba de ni ldang ba'i gnas dang skabs med do// de ci'i phyir zhe na/ rgyal po chen po chos thams cad ni rang bzhin dben pa'i phyir te/ rgyal po chen po chos thams cad ni yongs su ma rdzogs pa'i phyir rang bzhin med pa'o// rgyal po chen po ches
- 322a
thams cad ni ma 'dres pa'i phyir yongs su ma rdzogs pa'o/ / rgyal po chen po chos thams cang ni ma byung ba'i phyir ma 'dres pa'o// rgyal po chen po chos thams cad ni dngos po dang bral ba'i phyir ma byung ba'o/ / rgyal po chen po chos thams cad ni byed mi nus pa'i phyir dngos po med pa'o// rgyal po chen po chos thams cad ni glen pa'i phyir byed mi nus pa'o/ / rgyal po chen po chos thams cad ni mi 'gyur ba'i phyir glen pa'o// rgyal po chen po chos thams cad ni mi skye ba'i phyir mi 'gyur ba'o// rgyal po chen po chos thams cad ni 'brel ba med pa'i phyir mi skye ba'o/ / rgyal po chen po chos thams cad ni rang bzhin gyis 'od gsal ba'i phyir 'bres pa med pa'o// rgyal po chen po chos thams cad ni drug pa'i phyir rang bzhin gyis 'od gsal ba'o/ / rgyal po chen po chos thams cad ni bla gab med pa dang 'dra ba'i phyir dag pa'o// rgyal po chen po chos thams cad ni gnyen po med pa'i phyir bla gab med pa dang 'dra ba'o/ / rgyal po chen po chos thams cad ni gnyis su med pa'i phyir gnyen po med pa'o// rgyal po chen po chos thams cad ni mtha' spangs pa'i phyir gnyis su med pa'o/ / rgyal po chen po chos thams cad ni mtha' yas pa'i phyir mtha' spangs pa'o// rgyal po chen po chos thams cad ni mu med pa'i phyir mtha' yas pa'o//
- 322b
rgyal po chen po chos thams cad ni mthara' ma med pa'i phyir mu med pa'o// rgyal po chen po chos thams cad ni dmigs pa med pa'i phyir mtha' med pa'o// rgyal po chen po chos thams cad ni phyin ci log la mngon du gnas pa'i phyir dmigs pa med pa'o/ / rgyal po chen po chos thams cad ni rtag pa dang / sdug pa dang / bde ba dang / bdag mi dmigs pa'i phyir phyin ci// ma log pa'o// rgyal po chen po chos thams cad ni 'gro ba med pa'i tshul gyis rtag pa'o// rgyal po chen po chos thams cad ni rang bzhin gyis 'od gsal ba'i phyir sdug pa'o// rgyal po chen po chos thams cad ni rnam par mi rtog pa'i phyir bde ba'o// rgyal po chen po chos thams cad ni bdag med pa bstan pa'i tshul gyis bdag gi rang bzhin no// rgyal po chen po chos thams cad ni nang zhi ba'i phyir 'gyod pa med pa'o/ / rgyal po chen po chos thams cad ni don dam pa'i bden pa la gnas pas brdzun pa'o// rgyal po chen po chos thams cad ni rab tu zhi ba'i mtshan nyid pas zhi ba'o/ / rgyal po chen po chos thams cad ni bdag gir bya ba dang bral bas bdag gir bya ba med pa'o// rgyal po chen po chos thams cad ni rnam par grol ba'i mtshan nyid yin pas ro med pa'o/ / rgyal po chen po chos thams cad ni ngar byed pa med pas skyon med pa'i lam dang bral ba'o// rgyal po chen po chos thams cad ni rnam pa sna tshogs dang bral bas tha mi
- 323a
dad pa'o/ / rgyal po chen po chos thams cad ni rnam par grol ba'i rjes su 'jug pas ro gcig pa'o// rgyal po chen po chos thams cad ni mtshan ma med pa'i mtha' yin pas dben pa'i mtshan nyid do/ / rgyal po chen po chos thams cad ni lta ba'i rnam pa thams cad dang bral bas stong pa'o// rgyal po chen po chos thams cad ni 'jug pa med cing dmigs pa rnam par dag pas mtshan ma med pa'o/ / rgyal po chen po chos thams cad ni dus gsum las 'das pa'i phyir smon pa med pa'o// rgyal po chen po chos tham cad ni 'das pa dang / ma 'ongs pa dang / da ltar dang ma 'brel ba'i phyir dus gsum yongs su chad pa'o// rgyal po chen po chos thams cad ni shin tu ma skyes pa'i phyir mya ngan las 'das pa'i rjes su 'brang ba'o/ / rgyal po chen po de ji snyam du sems/ chos gang ma skyes ma byung ba de nyon mongs par bya nus sam/ gsol pa/ 'jam dpal de ma lags so/ / 'jam dpal gyis smras pa/ ci de bsal bar nus sam/ gsol pa/ 'jam dpal de ma lags so// 'jam dpal gyis smras pa/ rgyal po chen po de lta bas na de bzhin gshegs pas chos thams cad mya ngan las 'das pa dang mtshungs par mkhyen no/ / de bas na khyod kyi 'gyod pa de ni bsal mi nus te/ de'i phyir rgyal po chen
- 323b
po khyod ni sems phyin ci ma log pa dang / tshul bzhin dang ldan par gyis shig/ yang khyod kyis yang dag par brtag par bya ste/ ji ltar rtog pa de chos gang yang mi len pa dang / mi gtong ba dang / chos gang dang yang mi 'grogs pa de ltar khyod kyis brtag par bya'o// chos gang thams cad dang mi 'grogs pa de ni sbyangs pa'o// gang sbyangs pa de ni rab tu zhi ba'o/ / gang rab tu zhi ba de ni rang bzhin no// rang bzhin gang yin pa de ni ma byas pa'o// rgyal po chen po chos thams cad bdag po med pa'i phyir ma byas pa'o// de la khyod kyis bzod par gyis shig/ chos gang yang ma bya zhig/ rgyal po chen po de bas na mi bya ba ni mya ngan las 'das pa ste/ de na ni chos gang yang bubya ba'am bsgyur ba med de/ gang bya ba dang bsgyur ba med pa de ni mya ngan las 'das pa zhes bya'o/ / rgyal po chen po gang de ltar mos pa de dag ni yang dag par grol ba'o// gang yang dag par grol ba de drag gis ni chos gang yang mi gtogs te/ rgyal po chen po ches thams cad kyi de bzhin nyid ni byed pa med pa'o// chos thams cad kyi de bzhin nyid gang yin pa de ni gzhar yang de bzhin nyid ma yin par mi 'gyur ro// de bzhin nyid de'i de bzhin nyid ma yin no// gzhan yang ma yin no// de bas na gzhan ma yin pa de bzhin nyid ces bya'o// rgyal po chen po de bzhin nyid la mos na 'gyod pa thams cad
- 324a
med par 'gyur mod kyi/ rgyal po chen po mig ni kun nas nyon mongs par yang mi 'gyur/ rnam par dag par yang mi 'gyur te/ mig gi rang bzhin yang de bzhin nyid yin no/ / de bzhin nyid kyi rang bzhin yang mig yin no// rgyal po chen po de bzhin du rna ba dang / sna dang / lce dang / lus dang / yid ni kun nas nyon mongs par yang mi 'gyur/ rnam par dag par yang mi 'gyur te/ yid kyi rang bzhin yang de bzhin nyid yin no// de bzhin nyid kyi rang bzhin yang yid yin no// rgyal po chen po gzugs kyang kun nas nyon mongs par yang mi 'gyur/ rnam par dag par yang mi 'gyur te/ gzugs kyi rang bzhin yang de bzhin nyid yin no// de bzhin nyid kyi rang bzhin yang gzugs yin no// rgyal po chen po de bzhin du tshor ba dang / 'du shes dang / 'du byed dang / rnam par shes pa'ang kun nas nyon mongs par mi 'gyur/ rnam par dag par mi 'gyur te/ rnam par shes pa'i rang bzhin yang de bzhin nyid yin no/ / de bzhin nyid kyi rang bzhin yang rnam par shes pa yin no// rgyal po chen po ches thams can ni kun nas nyon mongs par yang mi 'gyur/ rnam par dag par yang mi 'gyur// 'dod chags par yang mi 'gyur// zhe sdang bar yang mi 'gyur/ gti mug par yang mi 'gyur/ chags par yang mi 'gyur/ khong khro bar yang mi 'gyur ba yin gyis/ de la khyod
- 324b
kyis rtog pa ngan pa mi bya'o/ / rgyal po chen po byis pa lta bu so so skye bo rnams ni/ med pa la yongs su rtog pas nyon mongs pa byung gis/ de la khyod kyis med pa la 'du shes bskyed par mi bya'o/ / gang ma byung ba de ni gzhar yang byung ba ma yin te/ rgyal po chen po chos thams cad med pa las byung bas med pa'o// de la khyod kyis yod par yang 'du shes ma byed cig/ rgyal po chen po 'di lta ste/ dper na nam mkha' na gzugs med pa/ bltar mi snang ba/ gzung du med pa/ mi dmigs pa yin te/ skyes bu la la zhig bdag gi nam mkha' gzugs med pa/ bltar mi snang ba/ gzung du med pa/ mi dmigs pa 'di rdul phran nam/ rdul ta ma/ du ba 'am/ stug po 'am/ sprin gyis kun nas nyon mongs par bya'o zhes de skad zer na/ rgyal po chen po des dzi ga nam mkha' gzugs med pa/ bltar mi snang / gzung du med pa/ mi dmigs pa 'di la// rdul phran nam// rdul tam/ du ba 'am/ sdug po 'am sprin gyis kun nas nyon mongs par bya nus sam/ gsol pa/ 'jam dpal de ma lags so// 'jam dpal gyis smras pa/ rgyal po chen de bzhin du chos thams cad ni// chos nyid kyi rjes su brtags na/ 'gyod pa thams cad dang bral bar 'gyur mod kyi/ chos nyid ni chos gang dang yang bral ba ma yin te/ gang 'gyod pa dang bral ba de'ang chos nyid dang
- 325a
mnyam pa nyid yin no/ / de bas na chos thams cad chos kyi dbyings kyi rjes su 'bral ba zhes bya mod kyi/ chos nyid la ni chos gang yang rjes su 'tha pa med do// ci'i phyir zhe na/ chos thams cad nyid chos kyi dbyings yin te/ chos kyi dbyings gang dang mnyam pa chos thams cad kyang de dang mnyam mo// de bas na chos thams cad ni chos kyi dbyings kyi rjes su 'brang zhes bya'o/ / bstan po 'di bstan pa'i tshe/ rgyal po ma skyes dgra stong pa nyid kyi rjes su 'thun pa'i bzod pa thob par gyur nas/ de dga' mgu rangs/ rab tu dag/ zhing / dga' ba dang yid bde ba skyes nas/ thal mo sbyar te tshig 'di skad gsol to// 'jam dpal khyod kyis legs par gsungs so// bdag gi 'gyod pa de bsal to// 'jam dpal gyis smras pa/ rgyal po chen po chos thams cadu shin tu mya ngan las 'das pa yin na/ bdag gi 'gyod pa bsal to zhes gang khyod de skad zer ba de nyid dmigs pa chen po yin no/ / rgyal bas gsol pa/ 'jam dpal bdag gi sgrib pa thams cad byang lags so// de ci'i slad du zhe na/ gang sems rang bzhin gyis dang pa de ni 'dod chags sam// zhe sdang ngam/ gti mug gis kun nas nyon mongs par bgyi mi nus so// smras pa/ rgyal po chen po 'di lta ste/ dper na nam mkha' la rdul phran nam/ rdul tam
- 325b
du ba 'am/ mun pa'am/ stug po 'am/ sprin dag snang mod kyi/ nam mkha'i ni de dag gis kun nas nyon mongs par byas pa med do// rgyal po chen po de bzhin du bdag dang bdag gir b+hA ba'i lta ba'i bag la nyal ba dang / 'dod chags dang / zla sdang dang / kati mus dag zung med kyi/ sems kyi chos nyid kun nas nyon mongs par mi byed do// po chen po khyod kyis de la 'gyod par mi bya ste/ rgyal po chen po sems ni theg ma'i mtha' nas kyang ma 'phos so// rgyal po chen po sems ni tha ma'i mthar yang ming pho'o// rgyal po chen po sems ni da ltar yang mi gnas so// de la mkhas pa dag ni chos thams cad ma 'phos pa/ mi 'pho ba/ mi gnas par rtog ste/ des de ltar shes nas/ lta ba la mngon par chags par yang mi byed do/ / rgyal po chen po mngon par ma chags na dag pa'o// rgyal po chen po chos thams cad ni rnam par dag pa'i mtshan nyid dang ldan pa/ dri ma med pa kun tu snang ba yin te/ rgyal po chen po chos med na gdags pa'ang med de/ gdags pa med par yang bcom ldan 'das kyis bka' stsal to// gang la skyon med pa de la'ang chos gang yang gdags pa med do/ / rgyal po chen po gang 'dogs pa'i rjes su 'brang ba de dag ni/ sgrib pa dang bcas pa/ rdul dang bcas pa yin
- 326a
no/ / gsol pa/ 'jam dpal bdag gi sgrib pa thams cad byang lags te/ gal te 'di'i bar skabs shig tu 'gum pa'i dus bgyis su lags na/ bdag nirtag tu mtshams sbyor bar mi 'gyur ro/ / 'jas dpal gyis smras pa/ rgyal po chen po chos thams cad shin tu mya ngan las 'das pa la mya ngan las 'da' bar rtog pa de nyid khyod kyis dmigs pa chen po yin no/ / de ci'i phyir zhe na/ rgyal po chen po chos thams cad ni shin tu mya ngan las 'das pa/ rang bzhin gyis ma skyes pa'o// de nas rgyal po ma skyes dgras rin brgya stong ri ba'i ras zung gcig/ khyer te stan las langs nas/ 'jam dpal gzhon nur gyur pa la ras zung gcig po de phul lo// 'jam dpal gzhon nur gyur pa'i lus la ras zung gcig po de phul ma thag tu/ de nas de'i tshe 'jam dpal gzhon nur gyur pas bdag gi lus mi snang bar byas pa dang / rgyal po ma skyes dgras slar 'jam / dpal gzhon nur gyur pa ma mthong nas/ steng gi bar snang las rgyal po chen po ji ltar 'jam dpal gzhon nur gyur pa'i lus ma mthong ba de bzhin du 'gyod pa de la ltos shig 'gyod pa de ji ltar mthong ba de bzhin du chos thams cad la ltos shig/ chos thams cad ji ltar mthong ba de bzhin du ras de la ltos shig/ gang gis ma mthong ba de
- 326b
la'ang de bzhin du blta bar bya mod kyi/ rgyal po chen po gang gi lus mthong ba de la ras zung gcig po 'di phul cig ces zer ba'i sgra thos nas/ de'i tshe 'jam dpal gzhon nur gyur pa'i drung na byang chub sems dpa' sems dpa' chen po ye shes dpal gyi rgyal mtshan zhes bya ba zhig 'dug par gyur nas/ rgyal po chen po ma skyes dgras byang chub sem dpa' ye shes dpal gyi rgyal mtshan la ras zung gcig po de phul ba dang / des ma blangs nas 'di skad ces smras so// rgyal po chen po bdag ni thur par 'dod pa las kyang mi len/ yongs su mya ngan las 'da' bar 'dod pa las kyang mi len to// rgyal po chen po bdag ni so so'i skye bo las kyang mi len/ so so'i skye bo'i chos dang ldan pa las kyang mi len/ slob pa las kyang mi len/ slob pa'i chos dang ldan pa las kyang mi len/ dgra bcom pa las kyang mi len/ dgra bcom pa'i chos dang ldan pa las kyang mi len rang sangs rgyas las kyang mi len/ rang sangs rgyas kyi chos dang ldan pa las kyang mi len to// rgyal po chen po bdag ni de bzhin gshegs pa las kyang mi len/ de bzhin gshegs pa'i chos dang ldan pa las kyang mi len te/ rgyal po chen po bdag ni gang chos 'di dag dang ldan pa'ang ma yin la/ de dag las log pa'ang ma yin pa de dag las
- 327a
len cing / de dag ji ltar sbyin par byed pa de bzhin du len te/ rgyal po chen po sbyin pa 'di ni gnyis las yongs su dag pa'o// de nas rgyal po chen po ma skyes dgras byang chub sems dpa' ye shes dpal gyi rgyal mtshan gyi lus la ras zung gcig po de phul ba dang / de nas stan de la de'i lus kyang ma mthong bar gyur nas bar snang las rgyal po chen po gang gi lus mthong ba de la phul cig ces zer ba'i sgra thos nas/ de nas byang chub sems dpa' ye shes dpal gyi rgyal mtshan gyi drung na byang chub sems dpa' sems dpa' chen po rab tu zhi ba la mos pa zhes bya ba zhig 'dug par gyur pa de la'ang rgyal pos ras zung gcig po phul ba dang / des smras pa/ rgyal po chen po bdag ni bdag tu lta ba las kyang mi len/ gzhan du lta ba las kyang mi len to// rgyal po chen po bdag ni nyon mongs pa dang bcas pa las kyang mi len/ nyon mongs pa med pa las kyang mi len to/ / rgyal po chen po bdag ni sems rtse gcig pa las kyang mi len/ sems g.yengs pa las kyang mi len/ ye shes dang ldan pa las kyang mi len/ ye shes dang mi ldan pa las kyang mi len to/ / zhes de skad smras pa dang / rgyal po chen pos de'i lus la'ang gos de phul ba dang / stan de la de'i lus kyang ma mthong nas/ bar snang
- 327b
las rgyal po chen po gang gi lus mthong ba de la gos phul cig ces zer ba'i sgra thos nas/ de'i tshe byang chub sems dpa' sems dpa' chen po rab tu zhi ba la mos pa'i drung na byang chub sems dpa' sems dpa' chen po mi g.yo ba yid la byed ces bya ba zhig 'dug par gyur pa de la rgyal po sa gos de phul ba dang / des kyang smras pa/ rgyal po chen po bdag ni lus la gnas pa las kyang mi len/ ngag la gnas pa las kyang mi len/ sems la gnas pa las kyang mi len/ don la gnas pa las kyang mi len/ phung po la gnas pa las kyang mi len/ khams la gnas pa las kyang mi len/ skye mched la gnas pa las kyang mi len/ sems la gnas pa las kyang mi len/ sangs rgyas kyi yon tan la gnas pa las kyang mi len to/ / de ci'i phyir zhe na/ rgyal po chen po chos thams cad ni rab tu mi g.yo ba'i tshul gyis mi gnas pa'o// de'i lus la'ang rgyal pos gos de phul ba dang / de'i lus kyang mi snang bar gyur nas/ bar snang las rgyal po chen po gang gi lus snang ba de la phul cig ces de skad zer ba'i sgra thos nas/ de'i tshe byang chub sems dpa' mi g.yo ba yid la byed pa'i drung na byang chub sems dpa' sems dpa' chen po blo gros mchog ces bya ba zhig 'dug par gyur pa de la rgyal pos gos de phul ba dang / des kyang smras pa/ rgyal
- 328a
po chen po bdag ni dman pa la mos pa las mi len te/ gal te rgyal po chen po khyod bla na med pa yang dag par rdzogs pa'i byang chub tu sems bskyed cing / sems mnyam pa nyid kyi phyir byang chub mnyam pa nyid dang / byang chub mnyam pa nyid kyi phyir sems mnyam pa nyid dang / sems mnyam pa nyid kyi phyir chos mnyam pa nyid du mos par byed cing / de bzhin du chos thams cad mnyam pa nyid do zhes len par mi byed/ gtong bar mi byed/ chos gang la'ang mnyam par yang mi byed/ chos thams cad bdag gir bya ba med par shes nas bdag gir mi 'dzin te/ de ltar byed na bdag ni khyod las len to zhes smras nas/ de'ang med par gyur te mi snang nas/ de'i tshe byang chub sems dpa' sems dpa' chen po blo gros mchog gi drung na byang chub sems dpa' sems dpa' chen po ting nge 'dzin gyis dri meng tog ces bya ba 'dug par gyur pa de la rgyal pos gos de phul ba dang / des kyang smras pa/ rgyal po chen po gal te khyod ting nge 'dzin thams cad kyis kyang spyod la/ ting nge 'dzin tha dad par yang mi byed cing / ches thams cad rang bzhin gyis mnyam par gzhog par mos par byed na/ bdag khyod las len mod kyi/ rgyal po chen po gang gi lus mthong ba de la ras zung gcig po de phul cig ces de skad smras nas/ de'ang med de mi snang bar gyur pa
- 328b
dang / de'i drung na byang chub sems dpa' sems dpa' chen po brjod du med pa zhes bya ba zhig 'dug par gyur pa de la rgyal pos ras zung gcig po de phul ba dang / des kyang smras pa rgyal po chen po gal te khyod yi ge'i sgra mnyam pa nyid kyi phyir skad thams cad kyi blos brjod pa thams cad brjod du med par shes nas/ brjod du med pa'i don la rten gyi/ yi ge'i 'bru la ni mi rten na/ bdag khyod las ras zung gcig po len mod kyi/ rgyal po chen po gang gi lus snang ba de la phul cig ces smras nas/ de'ang med de mi snang bar gyur pa dang / de'i drung na byang chub sems dpa' sems dpa' chen po 'khor gsum yongs su sbyong ba zhes bya ba zhig 'dug par gyur pa de la rgyal pos ras zung gcig po de phul ba dang des kyang smras pa/ rgyal po chen po gal te khyod bdag tu'ang mi dmigs/ len pa'ang mi dmigs/ rnam par smin par mi 'dod na/ bdag khyod las len mod kyi/ rgyal po chen po gang gi lus snang ba de la ras zung gcig po de phul cig ces de skad smras nas/ de'ang med de mi snang bar gyur pa dang / de'i drung na byang chub sems dpa' sems dpa' chen po chos rnam par 'phrul pa'i rgyal po zhes bya ba zhig 'dug par gyur pa de la/ rgyal pos ras zung gcig po de phul ba dang / des kyang smras pa/ rgyal po chen po gal te khyod nyan
- 329a
thos kyi mya ngan las 'da' ba'ang ston la/ yongs su mya ngan las 'da' bar yang mi byed/ rang sangs rgyas kyi mya ngan las 'da' bar yang ston la/ yongs su mya ngan las 'da' bar yang mi byed/ bla na med pa yang dag par rdzogs pa'i mya ngan las 'da' ba'ang ston la/ yongs su mya ngan las 'da' bar yang mi byed/ 'khor ba'i chos can yang ma yin/ mya ngan las 'da' ba'i chos can yang ma yin na/ bdag gis khyod las blang ngo zhes de skad smras nas/ de'ang med de mi snang bar gyur to// rgyal po chen po gang gis lus snang ba de la ras zung gcig po de phul cig ces de skad kyi sgra'ang thos so// de lta ste/ rgyal po chen po ma skyes dgras byang chub sems dpa' thams cad la ras zung gcig po de phul na/ thams cad kyis kyang bdag bdag gi bstan par bya ba bstan nas med cing mi snang bar gyur to// stan thams cad kyang stong par snang ngo // rgyal po chen po gang gi lus snang ba de la ras zung gcig po de phul cig ces de skad kyi sgra'ang thos par gyur to// de nas rgyal po ma skyes dgras/ gnas brtan 'od srungs chen po la 'di skad smras so/ / btsun pa 'od srungs chen po btsun pa ni bcom ldan 'das kyis sbyangs pa'i yon tan smra ba'i nang na mchog tu bka' stsal gyis/ ras zung gcig po
- 329b
'di bzhes shig/ 'od srungs chen pos kyang smras pa/ rgyal po chen po bdag ni 'dod chag ma spangs/ zhe sdang ma spangs/ gti mug ma spangs te/ bdag gis 'di blang ba'i mi rigs so/ / rgyal po chen po bdag gis ni ma rig pa ma spangs so// srid pa'i sred pa'ang ma spangs so// rgyal po chen po bdag gis ni sdug bsngal yang yongs su ma shes so/ / bdag gis ni 'dus byas pa'ang ma spangs/ bdag gis ni 'gog pa'ang mngon du ma bgyis/ bdag gis ni lam yang ma sgoms/ rgyal po chen po bdag gis ni de bzhin gshegs pa ma mthong ngo / / chos ma thos/ dge 'dun gyi rjes su ma zhugs so// rgyal po chen po bdag gis ni nyon mongs pa rnams ma spangs so// rgyal po chen po bdag giso ye shes mngon du ma bgyis so// rgyal po chen po bdag ni mig rnam par dag pa ma lags so// bdag ni ye shes kyi bya ba'ang cung zad kyang mi byed do/ / bdag la sbyin pa byin pas 'bras bu chen por yang mi 'gyur/ 'bras bu chung ngur yang mi 'gyur ro// bdag ni 'khor ba'i chos can yang ma lags// mya ngan las 'da' ba'i chos can yang ma lags so/ / bdag la sbyin pa byin pas dag par yang mi 'gyur ro// rgyal po chen po khyod gal te de 'dra ba'i chos dang ldan par gyur na/
- 330a
bdag khyod las ras zung gcig po len to zhes de skad smras nas/ gos de lus la phul ma thag tu de'ang med de slar mi snang bar gyur to// rgyal po chen po gang gi/ lus snang ba de la ras zung gcig po phul cig ces de skad kyi sgra'ang thos par gyur to// de lta ste/ dge slong lnga brgya po de dag kyang med de mi snang bar gyur to// rgyal po chen po gang gi lus snang ba de la ras zung gcig po de phul cig ces de skad kyi sgra'ang thos par gyur nas/ de 'di snyam du sems te/ gang bdag gi ras zung gcig po 'di btsun mo dam pa la sbyin nos ma ste de song ba dang / de'ang ma mthong nas de 'di snyam du sems te/ bdag gi bud med gzhan dag la'ang sbyin no snyam pa dang / des bud med kyi g.yog thams cad ma mthong bar gyur te/ de la 'di 'dra ba'i ting nge 'dzin mngon du gyur nas/ de ltar de mig gis kyang gzugs cung zad kyang ma mthong zhing snang ba med de/ skyes pa mi mthong / bud med mi mthong / khye'u mi mthong / bu mo mi mthong / rtsig po mi mthong / shing mi mthong ste/ gzhan du na bdag gi lus kyi 'du shes 'bra' zhig 'jug go// rgyal po chen po grang gi lus mthong ba de la ras zung gcig po phul cig ces de skad kyi sgra'ang thos par gyur na/ de 'di snyam du sems te/ bdag rang nyid bgo'o snyam pa dang / de nas bdag gi lus
- 330b
kyang ma mthong ste/ de gzugs kyi 'du shes thams cad dang bral nas/ rgyal po chen po ji ltar rags pa'ang rung / phra mo'ang rung / gzugs cung zad kyang ma mthong ba de bzhin du khyod kyi 'gyod pa la ltos shig/ khyod kyis 'gyod pa ji ltar mthong ba de bzhin du chos thams cad la ltos shig/ gang gis mthong ba de la'ang de bzhin du ltos shig/ ji ltar ga mthong ba dang / gang gis mthong ba de mi mthong ba dang / rnam par mi mthong ba de ltar ltos shig/ rgyal po chen po de ni chos thams cad la yang dag par mthong ba ste/ rgyal po chen po ma mthong ba ni yang dag par mthong ba'o/ / // bam po bzhi pa// de nas rgyal po ma skyes dgras 'du shes dang / sems pa'i rnam par rtog pa thams cad dang bral nas/ ting nge 'dzin de las langs ma thag tu/ 'khor de dang / bdag gi lus dang / bdag gi khang pa dang / bdag gi g.yog snga mkho bzhin du mthong nas/ baja ma dpal gzhon nur gyur pa la 'di skad ces gsol to// 'jam dpal bdag gis 'khor 'di sngar ma mthong na/ gar mchis par gyur/ 'jam dpal gyis smras pa/ rgyal po chen po khyod kyi 'gyod pa de/ gang na bar gyur pa 'khor 'di'ang der song bar gyur to// yang rgyal po chen po 'khor 'di dag mthong ngam/ gsol pa/ 'jam dpal mthong ngo //
- 331a
smras pa/ ji ltar mthong / gsol pa/ 'gyod pa de ji ltar mthong ba de bzhin du 'khor 'di mthong ngo // smras pa/ rgyal po chen po 'gyod pa de ji ltar mthong / gsol pa/ ji ltar 'khor 'di sngar mig gis ma mthong ba de bzhin du/ 'gyod pa de nang du ma mthong / phyi rol du dang ma mthong / gnyis ka ma gtogs par ma mthong ngo / / 'jam dpal gyis smras pa/ rgyal po chen po de bzhin gshegs pas mtshams med pa byed pa ni de ma thag tu sems can dmyal bar 'gro'o zhes gsungs na/ ci rgyal po chen po khyod sems can dmyal bar 'gro 'am/ de skad ces smras pa dang / 'jam dpal gzhon nur gyur pa la/ rgyal po ma skyes dgras 'di skad ces gsol to// 'jam dpal ci de bzhin gshegs pas 'di ni ngan song du 'gro ba'o/ / 'di ni mtho ris su 'gro ba'o// 'di ni mya ngan las 'da' bar 'gro ba'o zhes/ chos gang yang mngon par rdzogs par sangs rgyas sam/ smras pa/ rgyal po chen po de ma yin no// gsol pa/ 'jam dpal chos thams cad de bzhin du mngon par rdzogs par sangs rgyas nas/ chos grang sems can dmyal bar mchi ba 'am/ lhar mchi ba 'am/ mya ngan las 'da' bar 'gyur ba'i chos de bdag gis ma mthong ste/ 'jam dpal chos thams cad ni stong pa nyid du mchi ba las kyang ma
- 331b
'das la/ stong pa nyid ni ngan song du mchi ba yang ma lags/ mtho ris su mchi ba'ang ma lags/ mya ngan las 'da' bar mchi ba'ang ma lags so// 'jam dpal chos kyi dbyings ni ma 'dres pa'o/ / chos thams cad kyang chos kyi dbyings kyi rang bzhin can te/ chos kyi dbyings ni ngan song du'ang ma mchis/ mtho ris su'ang mi mchis/ mya ngan las 'da' bar mi mchi'o/ / 'jam dpal mtshams med pa zhes bgyi ba ni/ chos kyi dbyings su mtshams ma mchis pa'i tshig bla dgas so// 'jam dpal mtshams ma mchis pa ni chos kyi dbyings kyi rang bzhin can te/ mtshams ma mchis pa gang gi rang bzhin pa chos thams cad kyang de'i rang bzhin no// 'jam dpal de bas na chos thams cad ni 'gro ba mchis pa te/ de'i slad du bdag ni ngan song du'ang mi mchi/ mtho ris su'ang mi mchi/ mya ngan las 'da' bar yang mi mchi'o// 'jam dpal gyis smras pa/ rgyal po chen po khyod de skad smra na/ ston pa'i bka' dang 'gal bar byed dam/ gsol pa/ 'jam dpal bdag ni ston pa'i bka' dang 'gal bar mi bgyid do// de ci'i slad du zhe na/ bcom ldan 'das kyis bdag med pa'i mtha' ni yang dag pa'i mthar gsungs te/ gang bdag med pa'i mtha' de la ni sems can gang yang ma mchis so// sems can ma mchis na/ gang de ni
- 332a
mngon par 'du byed pa gang yang ma mchis so/ / gang tshor bar bgyid pa yang gang yang ma mchis so// smras pa/ rgyal po chen po 'gyod pa de bsal tam gsol pa/ chos thams cad rab tu bsal ba'i slad du'o// 'jam dpal gyis smras pa/ rgyal po chen po khyod the tshom spangs sam/ gsol pa/ chos thams cad shin tu spangs pa'i slad du'o/ / 'jam dpal gyis smras pa/ rgyal po chen po khyod la 'khor 'di dag mtshams med pa byed pa 'am/ 'on te ma yin par ram/ ji ltar 'dzin par 'gyur/ gsol pa/ 'jam dpal mtshams ma mchis pa gang gis/ mi bskyod pa'i rnam par grol ba rtogs par gyur pa'i mtshams ma mchis pa de la bdag gnas par 'dzin par 'gyur ro/ / mtshams ma mchis pa gang gis byang chub sems dpa' bzod pa thob par bgyis pa'i mtshams ma mchis pa de la bdag gnas par 'gyur ro// mtshams ma mchis pa zhes bgyi ba ni gang na mtha' yang ma mchis/ dbus kyang ma mchis pa ste/ gang na mtha' yang ma mchis/ dbus kyang ma mchis pa de la bdag gnas par 'dzin par 'gyur ro/ / de nas byang chub sems dpa' sems dpa' chen po ye shes dpal gyi rgyal mtshan gyis smras pa/ kye ma'o rgyal po chen po 'dis ni/ shes rab dang ye shes kyi lam
- 332b
sbyangs so/ / de bas na 'di 'dra ba'i bzod pa thob par gyur to// rgyal pos gsol pa/ rigs kyis bu chos thams cad ni shin tu rnam par dag pa/ shin tu ma 'dres pa// shin tu nyon mongs pa ste/ de dag ni kun nas nyon mongs par bgyi mi nus so// kun nas nyon mongs pa'i las ni lam lags te/ lam de'ang 'khor bar yang mi mchi/ mya ngan las 'da' bar yang mi mchi/ lam de ni gang du'ang mi 'dren te/ kham de ni mi 'dren pa'o// bstan pa 'di bstan pa'i tshe/ rgyal po ma skyes dgras mthun pa'i chos la bzod pa thob par gyur to/ / bud med sum khri nyis stong gis ni 'jam dpal gzhon nur gyur pa'i rdzu 'phrul mngon par 'phrul pa mthong nas/ bla na med pa yang dag par rdzogs pa'i byang chub tu sems bskyed do/ / nang gi skye bo srog chags lnga brgya ni chos la chos kyi mig rnam par dag go// rgyal po'i khab kyi grong khyer chen po nas kyang chos nyan par 'dod pa srog chags stong phrag mang po dag byung ste/ rgyal po ma skyes dgra'i khab kyi sgo na 'jam dpal gzhon nur gyur pa la mchod par bya ba'i phyir 'dug par gyur to// de nas de'i tshe 'jam dpal gzhon nur gyur pas rkang pa'i mthe bos sa chen po 'di la bsnun no// bsnun ma thag tu'ang sa chen po 'di thams cad rgyu baithun las byas par
- 333a
gyur to/ / de nas rgyal po'i khab kyi skyes pa dang / bud med dang / khye'u dang / bu mo thams cad kyis 'jam dpal gzhon nur gyur pa dang / byang chub sems dpa' de dag dang / nyan thos chen po de dag mthong ba ni 'di lta ste/ dper na me long shin tu gsal ba'i nang du bzhin mthong ba de bzhin du/ de dag gis 'jam dpal gzhon nur gyur pa 'khor dang bcas par mthong ngo / / de nas 'jam dpal gzhon nur gyur pas ci nas kyang srog chags brgyad khri bzhi stong gi chos la chos kyi mig rnam par dag pa dang / srog chags lnga brgyas bla na med pa yang dag par rdzogs pa'i byang chub tu sems skyed par 'gyur ba de lta de ltar chos bshad do// de nas 'jam dpal gzhon nur gyur pa stan las langs te/ dge slong gi dge 'dun dang 'khor dang bcas te rgyal po ma skyes dgra'i khab nas byung ngo // rgyal po ma skyes dgra yang 'khor dang bcas te/ 'jam dpal gzhon nur gyur pa'i phyi bzhin 'brangs pa las/ 'jam dpal gzhon nur gyur pa lam du zhugs pas phyogs gzhan zhig na/ mi zhig gis ma'i srog bcad nas/ de shing drung na ngu zhing mya ngan byed la/ bdag gis sdig pa'i las byas kyis/ bdag ni nges par sems can dmyal bar 'gro'o zhes zer zhing 'jug pa mthong ste/ mi de'ang 'jam dpal gzhon nur gyur
- 333b
pas gdul bar gyur pa zhig go/ / de nas 'jam dpal gzhon nur gyur pas/ skyes bu de gdul ba'i phyir/ skyes bu gzhan zhig mngon par sprul to// skyes bu de'i pha ma'ang mngon par sprul to/ / de nas skyes bu sprul pa de pha ma dang 'grogs te/ skyes bu ma gsod pa de gal ba der song nas/ ha cang yang rgyang mi ring ba zhig nas/ ci nas kyang skyes bu yang dag pa des mthong bar 'gyur ba de ltar brtson par gyur te/ bus smras pa/ lam ni 'di yin no// pha dang mas smras pa/ bu la ma 'di ma yin no zhes de dag 'thab par gyur pa las/ skyes bu sprul pa des/ pha dang ma'i srog bcad par gyur pa dang / skyes bu yang dag pas skyes bu de'i pha dang ma'i srog bcad pa mthong ngo // de nas sprul pa'i skyes bu nges pa dang ma'i srog bcad nas skyes bu yang dag pa de ga la ba der song ste/ ngu zhing mchi mas brnangs nas/ bdag gis sdig pa'i las byas te/ bdag gi pha dang ma'i srog bcad pas/ bdag ni nges par sems can dmyal bar mchi'o/ / zhes de skad smras pa dang / skyes bu yang dag pas de thos nas 'di snyam du gyur to// bdag gis ni ma 'ba' zhig gi srog bcad du zad kyi/ skyes bu 'dis ni pha ma gnyis ka'i srog bcad pas/ skyes bu 'dis sdig pa'i las cher byas kyis/ 'di gar 'gro ba bdag kyang der 'gro bar 'gyur ro snyam pa dang / kye sprul
- 334a
pa'i skyes bu de ngu zhing / kye skyes bu bdag ni bcom ldan 'das shAkya thub pa'i drung du mchi'o// de ci'i phyir zhe na/ bcom ldan 'das de ni sems can mgon med pa rnams kyi mgon/ sems can 'jigs pa rnams la mi 'jigs pa sbyin pa mdzad pa yin gyi/ bcom ldan 'das de ci gsungs pa bzhin du nan tan bya'o zhes de skad smras te/ de nas sprul pa'i skyes bu de song ba dang / skyes bu yang dag pa de'ang skyes bu gar 'gro bar bdag kyang der 'gro bar 'gyur gyis/ bdag kyang der 'gro'o zhes de'i phyi bzhin du 'brangs so// de nas sprul pa'i skyes bu des/ bcom ldan 'das ga la ba der song ste phyin pa dang / bcom ldan 'das kyis zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das bdag gi pha ma'i srog bcad na/ bcom ldan 'das bdag la skyabs mdzad par gsol/ bdag gis ji ltar bgyi/ de nas bcom ldan 'das kyis sprul pa'i skyes bu 'di la legs so zhes bya ba byin nas/ legs so legs so// kye skyes bu khyod ni bden par smra/ yang dag par smra/ ji ltar byas pa de bzhin du smra'o// gang khyod ni de bzhin gshegs pa'i spyan sngar bden pa'i tshig smra ste/ mi bslu ba yin mod kyi/ skyes bu khyod kyis sems kyi rgyud la rtogs shig/ khyod kyi 'das pas sam/ ma 'ongs pas sam/
- 334b
da ltar gyis sam/ sems gang gis pha ma'i srog bcad/ 'das pa'i sems ni zad pa/ bral ba/ 'gags pa/ gzhan du gyur pa ste/ yul na'ang mi gnas// phyogs/ na'ang mi gnas pas/ de'ang gdags su mi nus so// ma 'ongs pa ni ma phyin pa ste/ de ni ma skyes ma byung ba/ yang dag par ma byung ba/ ma gyur pa/ rnam par ma gyur pa/ mtshan ma med pa ma byung ba ste/ de'ang gdags su mi nus so// da ltar gyi sems ni gnas pa med pa ste/ skyes nas zhig cing dengs par 'gyur ba/ phung por ma gyur pa/ bsags par ma gyur pa'o// de ni 'gro ba dang 'ong bar gdags pa'ang med do// kye skyes bu sems ni nang gi lus la'ang mi 'jug/ phyi rol gyi yul du'ang mi rgyu/ gnyis ka med par yang mi dmigs so// kye skyes bu sems ni sngon po ma yin/ ser po ma yin// dmar po ma yin/ dkar po ma yin/ rnga gong ma yin/ shel gyi kha dog ma yin no/ / kye skyes bu sems ni gzugs med/ bstan du med/ gzung du med pa/ thogs pa med pa/ sgyu ma lta bu dpe med pa ste/ de'ang gdags su mi nus so// kye skyes bu sems ni zhe mi sdang / gti mi mug go// kye skyes bu sems ni mngon par 'du mi byed/ byed pa med/ tshor ba med/ sems pa med/ myong bar byed pa med do// kye skyes
- 335a
bu sems ni rang bzhin gyis dang ba yin te/ de ni kun nas nyon mongs par mi 'gyur/ rnam par dag par mi 'gyur ro// kye skyes bu sems ni tshe 'di la'ang med/ tshe rabs gzhan la'ang med/ gnyis ka med par yang med de/ de na'ang med/ gzhan na yang med pa/ nam mkha' dang mtshungs pa/ mi mnyam pa dang mnyam pa/ mi 'dra ba/ rnam par rig par mi 'gyur ba ste/ de la mkhas pas mngon par chags par mi bya'o// bdag gir mi bya'o// brten par mi bya'o// gnas par mi bya'o/ / bdag tu bsam par mi bya'o// bdag gir bsam par mi bya'o// kye skyes bu dag chos thams cad ni rang bzhin gyis nus pa med pas/ g.yo ba med pa'o// kye skyes bu dag da ni de ltar mos pa la kun nas nyon mongs pa 'am/ rnam par byang ba 'am/ ngan song du 'gro ba'am/ mtho ris su 'gro bar mi smra'o// de ci'i phyir zhe na/ gang sems kyi chos nyid de ni kun nas nyon mongs par mi 'gyur/ rnam par dag par mi 'gyur/ gang du'ang 'gro bar mi 'gyur/ 'ong bar mi 'gyur/ 'dug par mi 'gyur ro// de nas bcom ldan 'das la/ skyes bu sprul pa des 'di skad ces gsol to// bcom ldan 'das de bzhin gshegs pas chos kyi dbyings yongs su dag pa/ las ma mchis
- 335b
pa/ rnam par smin pa ma mchis pa/ ma skyes pa/ ma grub pa/ mngon par rdzogs par sangs rgyas pa ngo mtshar ro// bcom ldan 'das bdag rab tu 'byung bar 'tshal na/ bde bar gshegs pa rab tu 'byung bar gsol/ dge slong tshur shog/ tshangs par spyad pa spyod cig ces/ bcom ldan 'das kyis de la de skad gsungs pa dang / de'i mod la de rab tu byung bar snang ste/ bcom ldan 'das bdag gis mngon par bgyi bar thob kyis/ mya ngan las 'da' bar 'tshal lo zhes de skad kyang smras so// de lta ste/ dge slong de sangs rgyas kyi mthus steng gi bar snang la shing ta la gang tsam du 'phags nas/ bdag gis me'i khams kyis lus bsregs pa dang / skyes bu yang dag pa des chos bstan pa 'di dag thos so/ / thos nas kyang 'di snyam du gyur te/ skyes bu des ni pha ma gnyis ka'i srog bcad kyang de yongs su mya ngan las 'das na bdag gis ni ma 'ba' zhig gi srog bcad du zad pas/ ci'i phyir bdag yongs su mya ngan las mi 'da' snyam nas/ de de'i tshe bcom ldan 'das kyi drung du song ste/ bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to// bcom ldan 'das bdag gis kyang ma'i srog bkum mo// de nas bcom ldan 'das kyis skyes bu de la legs so zhes bya ba
- 336a
byin te/ legs so legs so// skyes bu khyod kyis de bzhin gshegs pa ma bsdus mod kyi/ kye skyes bu khyod sems gang gis ma'i srog bcad pa sems kyi rgyud la rtogs shig ces rgya cher bka' stsal te/ zhib tu sprul pa'i skyes bu ji lta ba bzhin du bya'o// de nas de'i tshe skyes bu de'i ba spu'i khung bu thams cad nas sems can dmyal ba'i me byung bar gyur te/ de tshig cing mgon med pa dang / bcom ldan 'das la 'di skad ces gsol to// bcom ldan 'das bdag ni tshig par gyur na/ bde bar gshegs pa mgon mdzad du gsol/ bcom ldan 'das la skyabs su mchi'o// de nas bcom ldan 'das kyis phyag g.yas pa gser gyi kha dog lta bu de'i spyi bor bzhag go// phyag bzhag ma thag tu de nas de'i tshe skyes bu de'i tshor ba de thams cad rgyun chad par gyur to// de lus bag yangs shing bde bar gyur nas/ de bzhin gshegs pa la shin tu gus par gyur te/ bcom ldan 'das la 'di skad ces gsol to// bcom ldan 'das bdag ni rab tu 'byung bar 'tshal nu/ bde bar gshegs pas rab tu 'byung bar gsol/ bcom ldan 'das kyis de la dge slong tshur shog/ tshangs par spyad pa spyod cig ces de skad bka' stsal pa dang / de'i tshe de nyid du de mgo bregs/ chos gos sbyar ma bgos/ skra
- 336b
dang kha spu bregs nas zhag bdun lon pa tsam du gyur te/ dge slong bsnyen par rdzogs nas lo brgya lon pa'i spyod lam du gnas par gyur to// de bzhin gshegs pas tshur shog ces gsungs nas/ / mgo bregs lus ni chos gos sbyar mar ldan// de ma thag tu dbang po rab zhi zhing // sangs rgyas dgongs pa'i cha lugs gnas par gyur// de nas bcom ldan 'das kyis dge slong de la 'phags pa'i bden pa bzhi dang ldan pa'i gtam bshad pa dang / des de thos nas chos la rdul med cing dri ma dang bral ba'i chos kyi mig rnam par dag pa'i steng du'ang lam bsgoms nas/ dgra bcom par gyur te/ des bcom ldan 'das la 'di skad ces gsol to// bcom ldan 'das bdag ni yongs su mya ngan las 'da' bar 'tshal lo/ / bde bar gshegs pa bdag ni yongs su mya ngan las 'da' ba'i dus dang man la bab bo// bcom ldan 'das kyis bka' stsal pa/ dge slong khyod de'i dus la bab par shes par gyis shig/ des de'i tshe steng gi bar snang la shing ta la bdun tsam na 'dug ste/ bdag gis me'i khams kyis lus bsregs so/ / bsregs pa'i de'i tshe sol ba dang thal ba'ang med par gyur nas/ lha brgya stong dag kyang de la phyag 'tshal bar gyur to// de nas tshe dang ldan pa shA ri'i bus skyes
- 337a
de'i gdul ba mthong nas/ ngo mtshar du gyur te/ bcom ldan 'das la 'di skad ces gsol to// de bzhin gshegs pa'i chos 'dul ba ni legs par gsungs pa ste/ de la ni mtshams ma mchis pa dang ldan pa dag kyang gdul bar 'gyur ba bcom ldan 'das ngo mtshar ro// bde bar gshegs pa ngo mtshar ro// bcom ldan 'das sems can rnams kyi dbang po rnam pa sna tshogs 'tshal ba de ni/ de bzhin gshegs pa dgra bcom pa yang dag par rdzogs pa'i sangs rgyas dang / 'jam dpal gzhon nur/ gyur pa dang / byang chub sems dpa' sems dpa' chen po gzhan yang de 'dra ba'i go cha dag bgros par ma gtogs par gzhan su'i yul lags/ nyan thos dang rang sangs rgyas thams cad kyi ni yul ma lags so/ / bcom ldan 'das kyis bka' stsal pa/ shA ri'i bud+d+he de bzhin no// ji skad smras pa de de bzhin te/ de nas sangs rgyas bcom ldan 'das rnams dang / byang chub sems dpa' sems dpa' chen po bzod pa la gnas pa rnams kyi yul yin te/ shA ri'i bu gang zag gang khyod kyis sems can dmyal bar shes la/ de dag langs mya ngan las 'da' ba'i chos can du mthong ba'ang yod do// shA ri'i bu khyod kyis gang zag gang sbyangs pa'i yon tan dang / chog shes pa dang
- 337b
tshul khrims dang / thos pa dang / ting nge 'dzin tsam dang ldan pa ste/ de la khyod kyis mya ngan las 'da' ba'i chos can du shes mod kyi/ de la de bzhin gshegs pas sems can dmyal pabapar gzigs pa'ang yod kyis/ shA ri'i bu khyod ni sems can gyi spyod pa la bsam pa dang bral bar gyis shig/ de ci'i phyir zhe na/ shA ri'i bu sems can gyi spyod pa ni bsam gyis mi khyab pa'i phyir ro/ / shA ri'i bu gang gis ma bsad nas/ chos bstan pa 'di la gnas te/ yongs su mya ngan las 'das par gyur pa'i skyes bu de khyod kyis mthong ngam gsol pa/ bcom ldan 'das bdag gis mthong ngo // bcom ldan 'das kyis bka' stsal pa/ shA ri'i bu skyes bu des ni sangs rgyas lnga brgya la dge ba'i rtsa ba bskyed par gyur cing 'di lta ste/ sems rang bzhin gyis dang ba'i chos bshad pa 'di 'ang thos so// shA ri'i bu skyes bu des chos bstan pa 'di thos nas/ chos thams cad yang dag pa ji lta ba bzhin du mthong ba'i phyir rnam par grol bar gyur to/ / de bas na shA ri'i bu rnam grangs 'dis kyang 'di ltar rig par bya ste/ gang su'ang rung ste/ da ltar ram/ da mya ngan las 'das pa na'ang zab mo chags pa med pa/ 'gro ba med pa 'di lta bu'i chos bstan pa la nyan la/ thos nas kyang mos par byed na/ sems la kun nas nyon mongs pa 'am/ sdig pa'i grogs po'i dbang
- 338a
gis mi dge ba'i 'du byed dag mngon par byed kyang / ma lus par rnam par grol bar ma gyur kyi bar du/ chos la rtogs pa de gtong bar mi 'gyur ro// shA ri bu gang dag chos 'di 'dra ba la mos par gyur pa de dag ni 'gro ba ngan par 'gro bar nga mi smra'o/ / shA ri'i bu de bas na gang gis chos kyi rnam grangs 'di las chung ngu na rtsa ba bzhi pa'i tshigs su bcad pa gcig gam/ tshig gcig len pa dang / gzhan la ston pa'i sems can de dag nges par thams cad 'gyur bar blta na/ gang dag thos nas tshul bzhin du byed pa lta ci smos/ de nas 'jam dpal gzhon nur gyur pa byang chub sems dpa' de dag dang / 'od srungs chen po la sogs pa nyan thos dag dang / rgyal po ma skyes dgra dang / gzhan yang skye bo'i tshogs chen po dang 'grogs nas/ bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal nas/ phyogs gcig tu 'khod do// de nas tshe dang ldan pa shA ri'i bus/ rgyal po ma skyes dgra la 'di skad ces smras so// rgyal po chen po khyod kyi 'gyod pa de bsal tam/ smras pa/ btsun pa shA ri'i bu bsal to// shA ri'i bus smras pa/ ji ltar bsal/ smras pa/ ci nas kyang mi len pa dang / mi gtong ba de ltar bsal lo// ci nas kyang slan chad shin tu nyon mongs par mi 'gyur
- 338b
ba dang / ci nas kyang thob pa'ang med pa/ phrogs pa'ang med pa de ltar bsal to// de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das rgyal po ma skyes dgra'i las kyi lhag ma ji tsam zhig ni lus/ ji tsam zhig ni lhag ma lus par byang zhing slan chad mi skye ba'i chos can du gyur/ bcom ldan 'das kyis bka' stsal pa/ shA ri'i bu rgyal po ma skyes dgra'i lus kyi lhag ma yungs kar gyi 'brum bu tsam ni lus so// ri ra ba ri'i rgyal po tsam ni chos zab mo 'di bstan pa 'di lo/ du chud pas lhag ma ma lus par byang ste/ phyin chad mi skye ba'i chos can du gyur to// gsol pa/ ci bcom ldan 'das rgyal po ma skyes dgra sems can dmyal bar mtsho 'am/ bcom ldan 'das kyi sku bka' stsal pa/ shA ri'i bu 'di lta ste/ dper na lha'i bu rin po che'i khang pa rtseg sun 'dug pa las/ sum cu rtsa gsum gyi gnas nus 'dzam bu'i gling du 'bab cing / 'dzam bu'i gling du babs nas/ slar yang sum cu rtsa gsum gyi gnas su 'dzeg pa de bzhin du/ rgyal po ma skyes dgra yang so so'i sems can dmyal ba me tog puN+Da ri ka zhes bya bar babs nas de bzhin du 'dzegs te/ de lus la sdug bsngal ba'i tshor ba reg par yang mi 'gyur ro// shA riH
- 339a
bus gsol pa/ bcom ldan 'das rgyal po ma skyes dgras ni dbang po rno ste/ des las kyi sgrib pa myong bar 'gyur ba 'di tsam zhig tu bgyis pa de mtshar to/ / bcom ldan 'das kyis bka' stsal pa/ shA ri'i bu rgyal po ma skyes dgra 'dis sangs rgyas bye ba phrag bdun cu rtsa gnyis las dge ba'i rtsa ba bskyed de/ yang dag par rdzogs pa'i sangs rgyas de dag la 'dis bsnyen bkur yang byas par gyur to/ / de dag las chos kyang thos par gyur to// dge ba'i rtsa ba de'ang bla na med pa yang dag par rdzogs pa'i byang chub tu bsngos par gyur to/ / shA ri'i bu 'jam dpal gzhon nur gyur pa 'di mthong ngam/ gsol ba/ mthong ngo // bcom ldan 'das kyis bka' sprul pa/ shA ri'i bu 'jam dpal gzhon nur gyur pa 'dis rgyal po ma skyes dgra 'di bskal pa dri ma med pa zhes bya ba lnga/ bcom ldan 'das de bzhin gshegs pa phyag bzangs zhes bya ba'i gsung rab las/ bla na med pa yang dag par rdzogs pa'i byang chub tu sems skyed du bcug go// yang shA ri'i bu bskal pa dri mu med pa la sangs rgyas bye ba phrag gsum byung ste/ de thams cad kyang 'jam dpal gzhon nur gyur pas chos kyi 'khor lo bskor ba na tshe ring bar gsol bar gyur te/ / shA ri'i bu rgyal po ma skyes dgra 'di ni 'jam dpal gzhon nur gyur pa
- 339b
ma gtogs par/ sangs rgyas stong gis kyang chos bshad de 'gyod pa de bsal bar bya ba'i gnas dang go skabs med do// de ci'i phyir zhe na/ 'di nyid kyis gdul ba yin te/ phyi phyir zhing 'dis chos zab mo bstan pa 'di nyid las thos par gyur to// de bas na shA ri'i bu rnam grangs des kyang 'di ltar rig par bya ste/ gang dang gang dag byang chub sems dpa' gang dang gang gis las 'dul bar 'gyur ba de dang de nyid kyi chos bstan pa shes par 'gyur ro/ / shA ri'i bu rgyal po ma skyes dgra 'di yang / so so'i sems can dmyal pab me tog puN+Da ri ka ltar gas pa de nas byung nas rma med cing ma smas par steng gi phyogs kyi cha sangs rgyas kyi zhing 'di nas sangs rgyas kyi zhing bzhi stong bzhi brgya 'das pa na/ 'jig rten gyi khams brgyan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rin po che'i phung po zhes bya ba bzhugs/ 'a gzhes la/ chos kyang ston pa'i sangs rgyas kyi zhing der skye bar 'gyur ro// de der skyes ma thag tu slar yang 'jam dpal gzhon nur gyur pa'ang mthong bar 'gyur ro// tshes zab mo bstan pa 'di'ang thos par 'gyur ro/ / thos nas kyang de nyid du mi skye ba'i chos la bzod pa thob par 'gyur/ gang gi tshe na byang chub sems dpa' sems dpa' chen po
- 340a
byams pa byang chub mngon par rdzogs par 'tshang rgya bar 'gyur ba de'i tshe'ang slar 'jam dpal gzhon nur gyur pa mthong bar gyur te/ byang chub sems dpa' sem/ dpa' chen po mi g.yo ba zhes bya bar 'gyur ro// dri na'ang byams pa de bzhin gshegs pas byang chub sems dpa' migayo ba la sogs pa la sngon byung ba dang ldan pa'i chos kyi gtam rjod par 'gyur te/ chos kyi rnam grangs 'di'ang ma lhag ma bri bar rjod par 'gyur ro// yang byang chub sems dpa' sems dpa' chen po mi g.yo ba 'di bcom ldan 'das de bzhin gshegs pa shAkya thub pa'i gsung rab khas/ rgyal po ma skyes dgra zhes bya bar gyur te/ des pa'i srog bcad nas/ des chos kyi rnam grangs 'di 'jam dpal gzhon nur gyur pa las thos te/ mthun pa'i chos la bzod pa thob bo// de'i las kyi slob pa'ang ma lus par byang bar gyur to zhes de skad du rjod par 'gyur ro// shA ri'i bu de lta ste/ byams pa de bzhin gshegs pa ni/ byang chub sems dpa' sems dpa' chen po mi g.yo ba la sogs pa la ci nas kyang / byang chub sems dpa' brgyad stong gis mi skye ba'i chos la bzod pa thob par 'gyur ba de lta de ltar chos kyi rnam grangs 'di ston par 'gyur ro/ / de na byang chub sems dpa' nyi khri nyis stong gi las kyi sgrib pa bskal pa grangs med pa nas
- 340b
bsags pa'ang rab tu zhi bar 'gyur ro/ / rgyal po ma skyes dgra 'di phan chad bskal pa grangs med pa phrag brgyad brgya'i bar du sems can yongs su smin par byed/ sangs rgyas kyi zhing yongs su sbyong bar byed cing / byang chub sems dpa'i spyad pa spyod do// shA ri'i bu sems can gang dag des nyan thos kyi theg pas sam/ rang sangs rgyas kyi theg bas sam/ theg pa chen pos yongs su smin par 'gyur ba'i sems can de dag ni las kyi sgrib pa 'am/ nyon mongs pa'i sgrib pa med par 'gyur te/ de dag thams cad dbang po rno bar 'gyur/ 'gyod pa dang the tshom med par 'gyur ro// shA ri'i bu rgyal po ma skyes dgra 'di bskal pa grangs med pa phrag brgyad brgya na/ bla na med pa yang dag par rdzogs ba'i byang chub mngon par rdzogs par 'tshang rgya bar 'gyur te/ bskal pa mthong na dga' ba zhes bya ba la/ 'jig rten gyi khams 'dam gyi rnyog ma med par de bzhin gshegs pa dgra bcom pa yang dag par rdzogs pa'i sangs rgyas yul shin tu rnam par dag pa zhes bya bar 'gyur te/ de'i tshe'i tshad ni bskal pa bar ma bzhir 'gyur ro// de'i nyan thos kyi tshogs ni bdun 'bum du 'gyur te/ thams cad kyang shes rab kyis mos pa/ rnam par thar pa brgyad la bsam gtan byed pa sha stag go// de'i byang chub sems dpa' sems dpa' chen po ni bye ba
- 341a
zag bcu gnyis su 'gyur te/ thams cad kyang thabs drang shes rab las byung ba shu stug go// de bzhin gshegs pa yongs su mya ngan las 'das nasmra/ dam pa'i chos ni lo bye bar gnas par 'gyur ro/ / 'dam gyi dri ma med pa'i 'jig rten gyi khams de na/ sems can gang yang 'gyod pa la gnas shing 'chi ba'i dus byed par mi 'gyur ro// de nas shi ba phos nas kyang 'gro ba ngan pa gsum du skye bar 'gyur ba gang yang med do// shA ri'i bu de bzhin gshegs pa yul shin tu rnam par dag pa de la sems can gang dag chos nyan pa de dag kun nas nyon mongs pa thams cad rnam par dag par 'gyur ro/ / de bas na shA ri'i bu gang zag gis gang zag la drod ma gzung zhig/ gang zag gis gang zag la rjod bzung na nyams par 'gyur ro/ / de ci'i phyir zhe na/ de bzhin gshegs pa 'am/ gang nga 'dra bas ni gang zag la drod zin no// de nas tshe dang ldan pa shA ri'i bu dang / thams cad yod pa'i 'khor dengo mtshar thob nas/ / ched du brjod pa ched du brjod cing / bcom ldan 'das bdag cag ni deng phan chad sems can gang la'ang sems can dmyal bar mchi bar mthus lung mi ston to// de ci'i slad du zhe na/ bcom ldan 'das sems can gyi spyod pa ni bsam gyis mi khyab bo zhes de skad kyang smra'o// rgyal po ma skyes dgra la lung ston pa'i bstan pa 'di bstan pa'i cha/
- 341b
lha'i bu sum khri nyis stong gis bla na med pa yang dag par rdzogs pa'i byang chub tu sems bskyed par gyur to// gang gi tshe na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yul shin tu rnam par dag pas byang chub thob par gyur pa de'i tshe/ bdag cag kyang 'jig rten gyi khams 'dam gyi dri ma med pa'i sangs rgyas kyi zhing der skye bar shog cig ces/ sangs rgyas kyi zhing der skye bar smon lam yang btab bo// de dag thams cad sangs rgyas kyi zhing der skye bar yang bcom ldan 'das kyis kyang lung bstan to// de nas rgyal po ma skyes dgra'i bu na tshod kyi lo brgyad lon pa'i khye'u zla ba'i dpal zhes bya ba des mgul pa nas rgyan bkrol te/ bcom ldan 'das ga la ba der gtor nas/ 'di skad kyi tshig kyang smras so/ / bcom ldan 'das bdag dge ba'i rtsa ba 'di bla na med pa yang dag par rdzogs pa'i byang chub tu bsngo'o// bcom ldan 'das bdag gi dge ba'i rtsa ba 'dis na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yul shin tu rnam par dag pas byang chub thob par gyur pa de'i tshe/ bdag sangs rgyas kyi zhing der 'khor los sgyur ba'i rgyal por gyur la/ bdag gis nam 'tshe'i bar du de bzhin gshegs pa dgra bcom pa yang dag par rdzogs pa'i sangs rgyas de dge slong gi dge 'dun dang
- 342a
bcas pa la bsnyen bkur bgyi ba dang / de bzhin gshegs pa de yongs su mya ngan las 'das pa'i sku gdung la'ang bdag mchod pa bgyid par gyur cig/ bcom ldan 'das de mya ngan las 'das nas kyang / 'jig rten gyi khams de nyid du bla na med pa yang dag par rdzogs pa'i byang chub tu mngon par rdzogs par sangs rgyas par gyur cig ces rgyan de dag gtor ma thag tu de nas sangs rgyas kyi mthus de'i tshe steng gi bar snang la rin po che sna bdun las byas pa'i khang pa rtseg ma/ cha mnyam pa/ shin tu phye ba zhig 'dug par gyur te/ khang pa rtseg ma de ni khri rin po ches smras pa'i rtsa ba btsugs pa/ gos bkram pa zhig byung bar gyur te/ khri de la'ang de bzhin gshegs pa'i sku mtshan gyis kun tu brgyan pa zhig bzhugs par snang ngo / / de nas de'i tshe bcom ldan 'das kyis 'dzum pa mdzad pa dang / chos nyid kyis sangs rgyas bcom ldan 'das rnams 'dzum pa mdzad pa de'i tshe/ bcom ldan 'das kyi zhal gyi sgo nas 'od zer kha dog du ma sna tshogs 'byung ba 'di lta ste/ sngon po dang / ser po dang / dmar po dang / dkar po dang / dza gong dang / shel gyi kha dog dang / dngul gyi kha dog dag 'byung ba de dag gis 'jig rten gyi khams mtha' yang mu med par khyab par byas nas/ tshangs pa'i 'jig rten gyi bar du song ste/ nyi ma dang zla ba'i 'od zil gyis
- 342b
mnan nas slar ldog ste/ bcom ldan 'das la lan gsum bskor te/ bcom ldan 'das kyi spyi bor mi snang bar song ngo // de nas tshe dang ldan pa dga' bo stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la tshigs su bcad pa 'di dag gsol to/ / ye shes khyad par thams cad pha rol phyin pa thub pa chags med 'od gtong ba// sems can pha rol gyi ni sems kyi spyod pa gang gi ci 'dra ba yang mkhyen/ / dbang po sna tshogs mkhyen nas khyod kyang chos rnams de bzhin du ni 'chad mdzad pa/ khyod kyis ci phyir bdag la 'dzum pa bstan pa 'gro ba kun gyi mchog srungs shig/ sems can phyogs bcu dag na gnas pa kun kyang khyod kyi mdun du 'dug 'gyur te/ thub pa la ni re re zhing yang zhu ba bye ba khrag khrig zhu bgyid kyang / khyod kyis skad cig nyid du de dag gi ni the tshom ma lus gcod par mdzad/ / 'jig rten mgon po khyod kyis 'dzum pa bstan pa de yi rgyu ni bdag la gsungs// sangs rgyas gang dag 'das dang stobs bcu ldan pa'i rgyal ba gang dag bzhugs pa dang / gang dag rgyal ba mang po ma byon rnams dang sems can rnams ni dpag med pa/ thams cad pha rol phyin pa khyod kyis de dag mkhyen cing gang la'ang chags
- 343a
pa med/ / ci yi slad du 'dzum pa bstan pa rdul dang bral bas bdag gi the tshomachod// khyod kyi 'od kyis tshangs pa'i dbang po nyi ma zla ba lha rnams zil gyis man na/ ri dang khor yug rtse mo dag las thal nas khyod kyi 'od kyang gsal bar gda'/ reg nas sems can brgya dag bde bas dga' zhing nyon mongs par yang ltung mi 'gyur/ nyon mongs pa dag thams cad grol ba khyod kyis 'dzum 'di ci phyir mdzad pa bdag la gsungs// de skad ces gsol pa dang / bcom ldan 'das kyis/ tshe dang ldan pa dga' bo la 'di skad ces bka' stsal to/ / dga' bo khyod kyis khye'u zla ba'i dpal 'di mthong ngam// gsol pa/ bcom ldan 'das bdag gis mthong ngo // bcom ldan 'das kyis bka' stsal pa/ dga' bo khye'u zla ba'i dpal 'dis nga'i drung du dge ba'i rtsa ba bskyed nas/ bla na med pa yang dag par rdzogs pa'i byang chub tu smon lam btab ste/ dga' bo khye'u 'dis rims kyis byang chub sems dpa'i spyod pa spyad nas/ nam de bzhin gshegs pa yul shin tu rnam par dag pas byang chub thob par gyur pa de'i tshe/ khye'u zla ba'i dpal 'di'ang 'jig rten gyi khams der 'khor los sgyur ba'i rgyal por 'gyur te/ des de bzhin gshegs pa yul shin tu rnam par dag pa dge slong gi dge 'dun dang bcas pa de la/ nam 'tsho'i bar du bkur sti byed par 'gyur/
- 343b
bsti stang byed par 'gyur/ rim gro byed par 'gyur/ mchod pa byed par 'gyur ro// de bzhin gshegs pa yongs su mya ngan las 'das nas kyang / sku gdung la mchod pa byed par 'gyur ro// de ni der de bzhin gshegs pa yongs su mya ngan las 'das/ de na bstan pa'ang nub nas/ dga' ldan du tshe zad par byas te/ bskal pa de nyid la bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas zla ba'i dpal zhes bya bar 'gyur ro// sangs rgyas kyi zhing yang de dang 'dra ba/ tshe'i tshad kyang de dang mnyam pa/ nyan thos kyi dge 'dun yang de dang mnyam pa/ byang chub sems dpa'i dge 'dun yang de dang mnyam par 'gyur ro// de nas gang 'jam dpal gzhon nur gyur pa dang 'grogs pa'i 'jig rten gyi khams gzhan nas 'jig rten gyi khams 'dir phyin pa'i byang chub sems dpa' de dag gis bstan pa 'di thos nas/ bcom ldan 'das la 'di skad ces gsol to// bcom ldan 'das sa phyogs gang na 'jam dpal gzhon nur gyur pa gnas pa de na/ de bzhin gshegs pas stong pa ma lags te/ der ni bcom ldan 'das kyis dgongs par bgyi mi 'tshal lo// de ci'i slad du zhe na/ bcom ldan 'das 'jam dpal gzhon nur gyur pas yongs su zin
- 344a
pa'i sems can rnams ni 'gro ba ngan pa'i 'jigs pa 'am/ mi khom pa'i 'jigs pa 'am/ bdud kyi las kyi 'jigs pa 'am/ nyon mongs pa'i 'jigs pa ma mchis so/ / bcom ldan 'das gro ngam/ grong khyer ram/ grong 'dab 'am/ gzhongs sam/ gzhongs kyi phyogs sam/ gtsug lag khang ngam/ dgon pa gang na chos kyi rnam grangs 'di spyod par 'gyur ba'i sa phyogs de'ang / bcom ldan 'das de bzhin gshegs pas stong pa ma lags so// de ci'i slad du zhe na/ gang na chos kyis rnam grangs 'di spyod par 'gyur ba de na/ de bzhin gshegs pa nyid brtson par blta bar bgyi'o// gang na chos kyi rnam grangs 'di spyod pa'i sa phyogs de ni/ de bzhin gshegs pas yongs su spyad par blta bar bgyi'o/ / de skad ces gsol pa dang / bcom ldan 'das kyis/ byang chub sems dpa' de dag la 'di skad ces bka' stsal to// de bzhin no/ / rigs kyi bu ji skad smras pa de bzhin te/ gang na chos kyi rnam grangs 'di spyod par 'gyur ba'i sa phyogs de ni/ de bzhin gshegs pas spyad pa yin no// de ci'i phyir zhe na/ rigs kyi bu dag sngon 'das pa'i dus na/ de bzhin gshegs pa mar me mdzad kyis nga lung bstan par gyur nas/ sa'i phyogs gang du ngas ral pa bting zhing
- 344b
ngas bzod pa thob par gyur pa de na/ de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis nga bzod pa thob par mkhyen nas/ khye'u 'di bskal pa grangs med pa na/ shAkya thub pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes/ bla na med pa yang dag par rdzogs pa'i byang chub tu lung bstan to/ / de nas de bzhin gshegs pa mar me mdzad des dge slong gi dge 'dun la/ dge slong dag khyed sus kyang sa'i phyogs 'di rkang pas ma bcag cig/ de ci'i phyir zhe na/ gang du khye'u 'dis ral pa bting zhing bzod pa thob pa de ni lha dang 'jig rten du bcas pa'i mchod rten yin no// yang sa'i phyogs 'dir mchod rten byed par su spro zhes de skad bka' stsal pa dang / rigs kyi bu dag de na lha bye ba phrag brgyad cus/ bcom ldan 'das sa phyogs 'dir mchod rten bgyi bar bdag cag spro'o zhes mgrin gcig tu tshig smras so/ / de na khyim bdag lha bzang zhes bya ba zhig 'khor der 'dus par gyur pa des kyang / bcom ldan 'das bdag gis sa phyogs 'dir mchod rten gyi bar spro zhes smras te/ rigs kyi bu dag sa phyogs der khyim bdag lha bzang zhes bya ba des/ mchod rten rgyan thams cad kyis brgyan pa zhig byas so// byas nas bcom ldan 'das ga lab
- 345a
der song ste phyin pa dang / bcom ldan 'das la 'di skad ces gsol to// bcom ldan 'das bdag gis sa phyogs der rin po che bdun las mchod rten bgyis na/ bcom ldan 'das bdag gis bsod nams ji tsam zhig bgyis par gyur/ de skad ces gsol pa dang / de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis khyim bdag lnga bzang la/ sa'i phyogs gang du byang chub sems dpa' bzod pa thob pa'i sa phyogs de na/ shing rta'i 'khor lo tsam gyis ji snyed ba/ 'og tu chu'i phung po la thug gi bar du sa chen po de sems can thams cad kyi mchod rten du gyur pa yin te/ khyim bdag gang gis chu'i phung po nas 'khor ba'i rtse mo'i bar du rin po che sna bdun gyis bkang ste/ de bzhin gshegs pa la phul ba bas/ gang khyod kyis mchod rten du byas pa 'di de bas bsod nams shin tu mang mod kyi/ khyim bdag dge ba'i rtsa ba 'dis ni/ ji ltar khye'u 'dri ngas da ltar lung bstan pa de bzhin du/ 'di byang chub thob nas khyod la lung ston par 'gyur ro zhes de skad bka' stsal to// rigs kyi bu dag ji snyam du sems/ de'i tshe de'i dus na khyim bdag lha bzang zhes bya ba de gzhan du gyur pa snyam du de ltar ma lta zhig/ de ci'i phyir zhe na/ khyim bdag gi bu dga' ba spyod pa zhes bya ba 'di nyid de'i tshe de'i dus na khyim bdag
- 345b
lha bzang zhes bya bar gyur te/ 'di'ang ngas bla na med pa yang dag par rdzogs pa'i byang chub tu lung bstan pa ste/ ma 'ongs pa'i dus na de bzhin gshegs pa dgra bcom yang dag bapar rdzogs pa'i sangs rgyas bstan bzang ba zhes bya bar 'gyur ro/ / de bas na rigs kyi bu dge slong ngam/ dge slong ma 'am/ dge bsnyen nam/ dge bsnyen ma 'dug kyang rung 'greng yang rung ste/ chos kyi rnam grangs 'di 'dri 'am/ klog gam/ kha ton byed dam/ kha ton zhu 'am/ 'chad na 'og gi chu'i phung po nas sa'i phyogs de'i bar gyi rdul de thams cad sems can thams cad kyi mchod rten du gyur par blta'o/ / de ci'i phyir zhe na/ chos 'di dag nyid byang chub sems dpa' sems dpa' chen po rnams kyi bzod pa thob bapar 'gyur ba'o/ / rigs kyi bu dag khyed la bsgo'o// khyed kyi khong du chud bar bya'o// rigs kyi bu 'am/ rigs kyi bu mo gang gis 'di stong gsum gyi stong chen po'i 'jig rten gyi khams rin po che sna bdun gyis bkang ste/ de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa rnams la rgyun ma chad cing las gzhan mi byed par nyin lan gsum/ mtshan lan gsum 'bul ba bas/ gang gis rgyal po ma skyes dgra'i le'u the tshom thams cad gcod par byed pa/ 'gyod
- 346a
pa thams cad sel bar byed pa/ las kyi sgrib pa thams cad rnam par sbyong bar byed pa/ chos thams cad mnyam pa nyid du ston pa'i chos kyi rnam grangs 'di 'dzin tam/ len tam/ klog gam/ kun chub par byed dam/ 'chad dam/ nyan tam/ mos par byed dam/ chung ngu dam pa'i chos yun ring du gnas par byed pa'i phyir glegs bam du bris te/ 'chang na 'di ni de bas shin tu bsod nams mang du 'phel lo// rigs kyi bu dag gang gis bskal pa 'am/ bskal pa'i lhag ma lus kyi bar du tshul khrims bsrung zhing sbyangs pa'i yon tan dang / chog shes pa thams cad la dga' bar gyur pa bas/ gang gis chos kyi rnam grangs 'di thos ma thag tu mos par byed na/ 'di ni de bas bsod nams shin tu mang du 'phel lo// rigs kyi bu dag gang gis bskal pa 'am/ bskal pa'i lhag ma lus kyi bar du bzod pas sgrub cing / sems can thams cad kyi ngan du smra ba dang / rdeg par byed pa bzod pa bas/ gang chos kyi rnam grangs 'di la chos la bzod pa de ni/ bzod pa de ni bzod de bas bsod nams kyi phung po shin tu mchog tu 'phel bar 'gyur ro/ / rigs kyi bu dag gang gis bskal pa 'am/ bskal pa'i lhag ma lus kyi bar du
- 346b
sems can thams cad la/ nyon mongs shing luswA dang srog la mi blta bar bsnyen bkur byed pa pas/ gang gis chos kyi rnam grangs 'di la yid ches shing the tshom mi sbed na/ brtson 'grus 'di ni de bas khyad zhugs pa yin no// rigs kyi bu dag gang gis bskal pa'am/ bskul pa'i lhag ma lus kyi bar du bsam gtan dang / ting denge 'dzin dang / mnyam par bzhag pa la gnas pa bas/ gang chos kyi rnam grangs 'di la rtog cing sems ma zhum pa 'di ni de bas khyad zhugs pa yin no// rigs kyi bu gang bskal pa 'am/ bskal pa'i lhag ma lus kyi bar du shes rab kyis rtog cing / de'i tshul gyi rtog pa dang ldan par gyur pa bas/ gang gis shin tu dben pa rang bzhin rnam par dag pa'i chos kyi rnam grangs 'di la nyan par byed/ mos par byed/ len par byed/ klog par byed/ kun chub par byed/ kha ton du byed/ gzhan la rgya cher ston par byed na/ de bas 'di nyid bsod nams shin tu mang du 'phel lo// myur du thams cad mkhyen par 'byung bar yang 'gyur ro// de nas bcom ldan 'das la/ byang chub sems dpa' sems dpa' chen po de dag gis 'di skad ces gsol to/ / bcom ldan 'das bdag cag gis chos kyi rnam grangs 'di blangs lags te/ bcom ldan 'das bdag cag
- 347a
sangs rgyas kyi zhing gang dang gang du spyod pa'i sangs rgyas kyi zhing de dang de dag tu chos kyi rnam grangs 'di bshad par bya'o/ / bcom ldan 'das kyis bka' stsal pa/ rigs kyi bu dag de'i phyir khyed sangs rgyas kyi zhing gang dang gang du chos kyi rnam grangs 'di 'chad pa de dang de dag tu sangs rgyas kyi bya ba byed do// de ci'i phyir zhe na/ rigs kyi bu dag chos kyi rnam grangs 'di ni sangs rgyas kyi bya ba la mngon par gnas pa yin no/ / de nas byang chub sems dpa' sems dpa' chen po de dag gis 'di stong gsum gyi stong chen po'i 'jig rten gyi khams me tog gis gang bar byas te ched du brjod pa ched du rjod cing 'di skad kyang smras so/ / kye ma'o chos kyi rnam grangs 'di ni yun ring du 'dzam bu'i gling du gnas par gyur cig/ kye ma'o bcom ldan 'das shAkya thub pa'i chos kyi sgron ma yun ring du 'bar bar gyur cig/ 'jam dpal gzhon nur gyur pa'ang yun ring du gnas par gyur cig/ de la gnas nas 'di lta bu'i chos kyi tshul gyi rnam pa 'chad par 'gyur ro/ / bcom ldan 'das bdag cag gis ni sha dang khrag gis kyang 'jam dpal gzhon nur gyur pa la sman yon thogs par mi nus na/ mchod pa gzhan gyis lta smos kyang ci 'tshal/ chos kyi rnam grangs 'di gang dag gi lag tu mchis pa'i rigs kyi bu 'am/ rigs kyi bu mo de dag la'ang sha dang khrag gis kyang sman yon mi thogs so// bcom
- 347b
ldan 'das de bzhin gshegs pa la blta bar 'tshal ba'i rigs kyi bu dang / rigs kyi bu mos de dag nyid la blta bar bgyi'o// de bzhin gshegs pa la mchod par 'tshal bas/ de dag nyid la mchod par bgyi'o/ / bcom ldan 'das dad pa'i rigs kyi bu 'am/ rigs kyi bu mos de dag la ston par 'du shes bskyed par bgyi'o// de skad ces gsol nas/ byang chub sems dpa' sems dpa' chen po de dag gis bcom ldan 'das kyi zhabs gnyis la mgo bos phyag 'tshal nas/ bcom ldan 'das la lan gsum bskor te/ 'jam dpal gzhon nur gyur pa la'ang mchod nas sangs rgyas kyi zhing 'di nas mi snang bar gyur te/ bdag bdag gi sangs rgyas kyi zhing du 'khod nas/ bdag bdag gi yang dag par rdzogs pa'i sangs rgyas rnams kyi spyan sngar de dag thams cad kyis chos kyi rnam grangs 'di ji ltar blangs pa bzhin du rgya cher bshad pa dang / der yang sems can dpag tu med pa dag bla na med pa yang dag par rdzogs pa'i byang chub tu nges par gyur de nas bcom ldan 'das kyis/ byang chub sems dpa' sems dpa' chen po byams pa la bka' stsal pa/ byams pa khyod kyis chos kyi rnam grangs 'di 'gro ba mang po la phan pa dang / 'gro ba mang po la bde ba dang / 'jig rten la snying brtse ba dang / lha dang mi rnams kyi don gyi phyir/ phan pa'i phyir/ bde ba'i phyir/ chos kyi rnam grangs 'di leng zhig/ zung zhig/
- 348a
lhogs shig/ shod cig/ de skad ces bka' stsal ba dang / bcom ldan 'das la/ byang chub sems dpa' sems dpa' chen po byams pas 'di skad ces gsol to// bcom ldan 'das bdag gis chos kyi rnam grangs 'di sngon gyi yang dag par rdzogs pa'i sangs rgyas rnams las kyang blangs lags te/ de yang bcom ldan 'das las mngon sum du thos te/ bcom ldan 'das bdag gis chos kyi rnam grangs 'di ni/ da ltar de bzhin gshegs pa bzhugs bzhin du'ang rgyas par bgyi'o// bcom ldan 'das yongs su mya ngan las 'das nas kyang / bdag dga' ldan gyi gnas na gnas bzhin du chos kyi rnam grangs 'di dge ba'i rtse ba 'bar zhing / theg pa chen po la gnas pa'i rigs kyi bu 'am/ rigs kyi bu mo dag la bstabs par bgyi'o/ / bcom ldan 'das phyi ma'i dus phyi ma'i tshe na/ chos kyi rnam grangs 'di gang dag gi rna lam du grag par 'gyur ba de nyid nges par byang chub sems dpa' byams pa'i byin gyi rlabs lags par rtogs par bgyi'o/ / bdud sdig can dag chos kyi rnam grangs 'di lta bu mi gda' bar bgyi ba'i slad du brtul du lags kyis kyang / bcom ldan 'das bdag gis ni/ sangs rgyas kyi mthu dang / sangs rgyas kyi byin gyi rlabs kyi chos kyi rnam grangs 'di lta bu yongs su gzung bar bgyi'o// de nas bcom ldan 'das kyis/ brgya byin
- 348b
lha'i dbang po la dka' stsal pa/ ko'u shi ka rgyal po ma skyes dgra'i le'u the tshom thams cad gcod par byed pa/ 'gyod pa thams cad sel bar byed pa/ las kyi sgrib pa thams cad sbyong bar byed pa/ chos thams cad kyi mnyam pa nyid ston pa'i chos kyi rnam grangs 'di zung zhig/ de ci'i phyir zhe na/ ko'u shi ka de ltar khyod gang gi tshe nA lha dang lha ma yin gyi g.yul du 'jug pade'i tshe/ chos kyi rnam grangs 'di la soms shig/ ko'u shi ka khyod kyis chos kyi rnam grangs 'di la bsams na/ lha rnams ni rgyal/ lha ma yin rnams ni pham par 'gyur bar re bar bya'o/ / ko'u shi ka khyod la bsgo'o// khyod kyis khong du chud par bya'o// grong dam/ grong khyer ram/ grong 'dab bam/ gzhongs sa ma/ yul lam/ rgyal po'i pho brang 'khor gang du'ang chos kyi rnam grangs 'di spyod pa de na/ phyir rgol ba 'am/ dgra klan ka tshol zhing glags lta bas glags mi rnyed par 'gyur ro// de bas na ko'u shi ka rgyal po'i pho brang du song yang rung / rkun po'i nang du song yang rung / gtum po'i nang du song yang rung / dgra'i nang du song yang rung / phyir rgol ba'i nang du song yang rung / me dang / dug dang / mtshon dang / chu'i nang du song yang rung ste/ chos kyi rnam grangs 'di la bsam par bya'o// de ltar byas na klan ka tshol ba gang gis kyang glags mi rnyed par 'gyur ro//
- 349a
de nas bcom ldan 'das kyis/ tshe dang ldan pa dga' bo la bka' stsal pa/ dga' bo khyod kyis chos kyi rnam grangs 'di zung zhig/ long zhig/ lhogs shig/ shod cig/ de ci'i phyir zhe na/ dga' bo de ltar rigs kyi bu 'am/ rigs kyi bu mo dag gis chos kyi rnam grangs 'di khyod las thos nas the tshom thams cad gcod par 'gyur ro// de dag nem nur thams cad byang bar 'gyur ro// 'gyod pa thams cad bsal bar 'gyur ro// las kyi sgrib pa 'am/ nyon mongs pa'i sgrib pas brlag par bya mi nus par 'gyur te/ gang dag gis chos kyi rnam grangs 'di nges par mnyan par bya ba de dag ni/ chos kyi rnam grangs 'di ma thos par 'chi ba'i dus byed par mi 'gyur ro// de ci'i phyir zhe na/ dga' bo 'di ni ma 'dres pa'i chos kyi rnam grangs kyi chos yin te/ 'di thos ma thag tu the tshom thams cad med par 'gyur ro// dga' bo khyod la bsgo'o// khyod kyis khong du chud par bya'o/ / gang mtshams med pa byed pas kyang chos kyi rnam grangs 'di la 'jug cing mos par byed na/ las de'i las kyi sgrib pa yod par nga mi smra'o// de nas bcom ldan 'das la/ gnas brtan 'od srungs chen pos 'di skad ces gsol to// bcom ldan 'das chos kyi rnam grangs 'di la bdag mngon sum du
- 349b
mchi ste/ gang gi tshe na 'jam dpal gzhon nur gyur pas rgyal po ma skyes dgra'i khab tu zlas 'tshul cing / mtshams ma mchis pa'i mnyam pa nyid bstan pa'i chos kyi rnam grangs 'di bshad pa de nA/ rgyal po ma skyes dgras mthun pa'i chos la bzod pa thob cing / de'i 'gyod pa byang bar gyur pa de'i tshe/ bcom ldan 'das bdag 'di snyam du gyur mtshams ma mchis pa bgyid pa thams cad chos nyid ni/ gang rgyal po ma skyes dgras rtogs pa de nyid lags na/ bcom ldan 'das byis pa lta bu'i so so'i skye bo dag ni ltar chos rang bzhin gyis zhi ba la/ ngag dang bdag gir rnam par brtags nas lta ba 'byung bar bgyid cing / ji ltar rgyal po ma skyes dgras rtogs pa bzhin du/ mtshams med pa bgyid pa thams cad kyi rang bzhin de 'dra ba lags par ni ma 'tshal te/ phyin ci log gis phyin ci log tu gyur cing ma mchis pa la yongs su rtog par btab pa'i rnams ni/ ma mchis bzhin du sems can dmyal ba dang // byol song gi skye gnas dang / gshin rje'i 'jig rten du sdug bsngal bar 'gyur te/ bcom ldan 'das bdag ni gang chos kyi rnam grangs 'di la mos pa de dag la ltung ba ma mchis/ ltung ba'i chos can ma lags so snyam bgyid do// bcom ldan 'das
- 350a
kyis bka' stsal pa/ legs so legs so// 'od srungs de bzhin no// ji skad smras pa de bzhin / sangs rgyas bcom ldan 'das rnams kyi byang chub ni kun nas nyon mongs pa med do/ / de nas bcom ldan 'das la// tshe dang ldan pa dga' bos 'di skad ces gsol to// bcom ldan ' das de bzhin gshegs pa dgra bcom pa yang dag par rdzogs pa'i sangs rgyas kyis ci nas kyang phyi ma'i dus phyi ma'i tshe la chos kyi rnam grangs 'di yod par 'gyur bar byin gyis brlab tu gsol/ de nas de'i tshe bcom ldan 'das kyis 'od gang gis 'jig rten gyi khams thams cad snang bar 'gyur ba'i 'od de lta bu ga yas phyogs dang / g.yon/ phyogs nas btang nas// sangs rgyas kyi zhing thams cad nas// de bzhin gshegs pa dgra bcom pa yang dag par rdzogs pa'i sangs rgyas kyis chos kyi rnam grangs 'di byin gyis brlabs so zhes de skad kyi sgra byung ngo / / gang dag gis chos kyi rnam grangs 'di mnyan par 'gyur ba de dag ni// gal te rgya mtsho mching rnam chen po'i nang du mchis par gyur kyang rung bsreg pa'i bskal pa'i nang du mchis kyang rung ste/ sems can de dag ni chos kyi rnam grangs 'di ma thos par 'gum pa'i dus
- 350b
bgyid par mi 'gyur ro/ / bco ldan 'das kyis bka' stsal pa dga' bro de bzhin no// ji ltar smra byung ba bzhin te/ skyes bu dam pa dge ba'i rtsa ba bskyed pa de dag gi phyir/ chos kyi rnam grangs 'di phyi ma'i dus phyi ma'i tshe la spyod par 'gyur ro// chos kyi rnam grangs 'di bshad pa'i tshe lha dang mi'i skye dgu'i srog chags 'bum phrag dgu bcu rtsa drug ni chos la chos kyi mig rdul med cing dri ma dang bral ba rnam par dag go/ / srog chags 'bum phrag bdun cu rtsa bdun ni bla na med pa yang dag par rdzogs pa'i byang chub tu sems skyes so/ / byang chub sems dpa' 'bum phrag sum cu rtsa gsum ni mi skye ba'i chos la bzod pa skyes so/ / srog chags brgyad stong gis ni 'dod chags dang bral ba thob par gyur to// stong gsum gyi stong chen po'i 'jig rten gyi khams 'di'ang rnam pa drug tu g.yos so// lha dang bcas pa'i 'jig rten yang chos kyi rnam grangs 'di'i mchod pa'i las la brtson par gyur te/ sil snyan brgya stong dkrol bar byed cing / gang de bzhin gshegs pas 'dir chos kyi rnam grangs bstan pa de ni chos kyi 'khor lo bskor ba'i mchog yin no/ / chos kyi rnam grangs 'di las ni mu stegs can gzhan klan
- 351a
@##/ ka la spyod pa/ bdud kyi yul la gnas pa thams cad tshar ga cad do// yang dag pa'i chos la mos pa'i rigs kyi bu dang rigs kyi bu mo de dag gi phyir de bzhin gshegs pa dgra bcom pa yang dag par rdzogs pa'i sangs rgyas kyis phyag rgya 'di bzhag ste/ gang dag gis phyag rgya 'di shes pa de dag ni yang dag par rdzogs pa'i byang chub tu nges par 'gyur ro zhes de skad kyang smra'o/ / bcom ldan 'das dgyes shing de skad bka' skul pa dang / rgyal po ma skyes dgra dang / 'jam dpal gzhon nur gyur pa la sogs pa byang chub sems dpa' sems dpa' chen po de dag dang / 'od srungs chen po dang / dga' bo dang / shA ri'i bu dang / mo'u 'gal gyi bu la sogs pa nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis bka' stsal pa la mngon par dga' 'o// rgyal po ma skyes dgra'i 'gyon
Colophon
rgyal po ma skyes dgra'i 'gyod pa bsal ba zhes bya ba theg pa chen po'i mdo rdzogs so/