S190MW22083_0190mdo sdeAll versions of this work

'phags pa bcom ldan 'das sman gyi bla baidurya'i 'do kyi sngon gyi smon lam gyi khyad par rgyas pa zhes bya ba theg pa chen po'i mdo

Āryabhagabatebhaiṣajyagurubaiḍūryaürabhasyapūrbapraṇidhanabisterananāmamahāyānasūtra

Text

ff. 268a–282a · 29 folio sides

  1. 268a

    ldan 'das kyis gsungs pa la mngon par bstod do/ / 'phags pa nges pa dang ma nges par 'gro ba'i phyag rgyal 'jug pa zhes bya ba theg pa chen po'i mdo rdzogs so// / rgya gar gyi mkhan po pradz+nyA bar ma dang / su ren dra bo d+he dang / zhu chen gyi lo tsa ba ban d+he ye shes sdes bsgyur cing zhus te gtan la phab pa// / rgya gar skad du/ Ar+ya b+ha ga ba te b+hai ShA dz+ya gu ru bai DUR+Ya pra b+ha s+ya pUrba pra Ni d+ha na bi ste ra na nA ma ma hA yAn sU tra/ bod skad du/ 'phags pa bcom ldan 'das sman gyi bla bai DUR+Ya'i 'od kyi sngon gyi smon lam gyi khyad par rgyas pa zhes bya ba theg pa chen po'i mdo sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das yul rgyu ba rgyu zhing yangs pa can du byon te/ yangs pa can rol mo'i sgra can gyi shing ljon pa'i drung na dge slong brgyad stong gi dge slong gi dge 'dun chen po dang thabs cig tu bzhugs te/ byang chub sems dpa' sum khri drug stong dang yang thabs cig tu/ rgyal po dang / blon po dang / bram ze dang / khyim bdag rnams dang / lha dang / lha ma yin dang / nam mkha' lding dang / mi 'am ci dang / lto 'phye chen po rnams kyis yongs su bskor cing mdun gyis bltas te chos ston to// de nas sangs

  2. 268b

    rgyas kyi mthus chos kyi rgyal bu 'jam dpal stan las langs te/ tha gos phrag pa gcig tu bgos nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// gang thos pas sems can rnams las kyi sgrib pa yongs su byang bar 'gyur ba dang / sla ma'i tshe slang ma'i dus dam pa'i chos ltar bcos pa 'byung ba na/ sems can de dag rjes su gzung ba'i slad du/ de bzhin gshegs pa de dag gi mtshan dang / sngon gyi smon lam gyi khyad par rgyas par bcom ldan 'das kyis bstan du gsol/ / de nas bcom 'das kyis 'jam dpal gzhon nur gyur pa la legs so zhes bya ba byin te/ 'jam dpal logs so legs so/ / 'jam dpal khyod ni snying rje dang ldan pa ste/ 'jam dpal khyod kyi snying rje dpag tu med pa bskyed nas/ sems can las kyi sgrib pa sna tshogs kyis bsgyings pa rnams dang / lha dang mi rnams kyi don dang / phan pa dang / bde ba'i phyir gsol ba 'debs pa ni yang legs so// 'jam dpal de'i phyir legs par rab tu nyon la yid la zung zhig dang bshad do/ / 'jam dpal gzhon nur gyur pas bcom ldan 'das de bzhin no zhes gsol nas/ bcom ldan 'das kyi ltar nyan pa dang / bcom ldan 'das kyis de

  3. 269a

    la 'di skad ces bka' stsal to/ / 'jam dpal shar phyogs logs su sangs rgyas kyi zhing 'di nas sangs rgyas kyi zhing gang+gA'i klung bcu'i bye ma snyed 'das pa na/ 'jig rten gyi khams pa DUR+Ya'i snang ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das sman gyi bla bai nAR+Ya'i 'od ces bya ba bzhugs so/ / 'jam dpal bcom ldan 'das de bzhin gshegs pa sman gyi bla bai DUR+Ya'i 'od de/ sngon byang chub sems dpa'i spyad pa spyod pa na/ smon lam chen po bcu gnyis // 'di dag btub bo// bcu gnyis gang zhe na/ de'i smon lam chen po dang po ni/ gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe/ bdag gi lus kyi 'od kyis 'jig rten gyi khams grangs med dpag tu med cing / dpag gis mi snang ba dag lam me lhan ne lhang nger gyur cig/ sems can thams cad skyes bu chen po'i mtshan sum cu rtsa gnyis dang / dpe byad bzang po brgyad cus legs par brgyan par gyur te/ bdag ci 'dra ba bzhin du sems can thams cad kyang de dang

  4. 269b

    'dra bar gyur cig ces btab bo/ / de'i smon lam chen po gnyis pa ni/ gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rmas pa de'i tshe/ bdag byang chub thob pa na/ lus nor bu rin po che bai DUR+Ya ci 'dra ba de 'dra bar phyin pa shin tu yongs su dag pa dang / dri ma med la 'od gsal ba dang / kho lag yangs shing rgya che ba dang / dpal dang / gzi brjid 'bar ba dang / legs par gnas pa dang / nyi ma dang zla ba bas lhag pa'i 'od zer gyi dra ba rnams kyis legs par brgyan par gyur cig/ de na sems can gang dag 'jig rten gyi bar dag tu skyes pa dag dang / gang dag yang mi'i 'jig rten 'di na/ mtshan mo mun pa mun gnag gi nang na phyogs tha dad pabar 'gro ba de dag bdag gi 'od kyis phyogs dga' dgur 'gro bar gyur cig/ las rnams kyang byed par gyur cig ces btab bo// de'i smon lam chen po gsum pa ni/ gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe/ bdag byang chub thob pa na bdag gi shes rab dang thabs dpag tu med pas sems can gyi khams dpag gis mi lang ba dag longs spyod mi zad pa dang ldan par gyur te/ su'ang cis kyang brel ba med par gyur cig ces btab bo// de'i

  5. 270a

    smon lam chen po bzhi pa ni/ gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe// bdag byang chub thob pa na sems can gang dag lam ngan par zhugs pa de dag byang chub kyi lam la dgod par bya'o// nyan thos kyi lam du zhugs pa dang / rang sangs rgyas kyi lam du zhugs pa de dag thams cad ni theg pa chen po la gzud par bya'o zhes btab bo/ / de'i smon lam chen po lnga pa ni/ gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe/ bdag byang chub thob pa na sems can gang dag bdag gi gan na tshangs par spyad pa spyod pa dang / de bzhin du sems can gzhan dpag tu med cing dpag gis mi lang ba de dag thams cad kyang bdag gi ming thos nas bdag gi mthus sdom pa gsum gyis bsdams pa dang / chu khrims nyams pa med par gyur cig/ su'ang tshul khrims log par zhugs te/ ngan par 'gro bar ma gyur cig ces btab bo// de'i smon lam chen po drug pa ni/ gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pade'i tshe/ bdag byang chub thob pa na sems can gang su dag lus ngan pa dang / dbang po ma tshang ba dang /

  6. 270b

    mdog mi thug pa dang / bems po dang / yan lag skyon can dang / sgur po dang / sha bkra nan dang / zhar ba dang long ba dang / 'on pa dang / smyon par gyur pa dang / gnan yang gang dag lus la nad kyis btab pa de dag gis bdag gi ming thos nas/ thams cad dbang po tshang zhing yan lag yongs su rdzogs par gyur cig ces btab bo// de'i smon lam chen po bdun pa ni/ gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe/ bdag byang chub thob pa na sems can gang su dag nad sna tshogs kyis yongs su gzir ba/ skyabs med pa/ mgon med pa/ 'tshog chas dang sman mi bdog pa/ dpung gnyen med pa/ dbul ba/ sdug bsngal ba gang dag gi rna lam du bdag gi ming grag pa de dag gi nad thams cad rab tu zhi bar gyur cig/ byang chub kyi mthar thug gi bar du nad med cing gnod pa med par gnas par gyur cig ces btab bo/ / de'i smon lam chen po brgyad pa ni/ gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe/ bdag byang chub thob pa na bud med gang la la bud med kyi skyon brgya dag gis kun nas nyon mongs par gyur pa/ bud med kyi dngos po la spyod pa/ bud med kyi skye gnas

  7. 271a

    las yongs su thar bar 'dod pa de dag bud med kyi dngos po las log par gyur cig/ byang chub kyi mthar thug gi bar du rgyas pa'i dbang po byung bar gyur cig ces btab bo/ / de'i smon lam chen po dgu pa ni/ gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe/ bdag byang chub thob pa na sems can thams cad bdud kyi zhags pa rnams las yongs su thar par bya'o/ / lta ba tha dad pa mi mthun pa zing gzing bas mi mthun par gyur pa dag yang dag pa'i lta ba la dgod bapar bya'o/ / mthar gyis byang chub sems dpa'i spyod pa bstan par bya'o zhes btab bo// de'i smon lam chen po bcu pa ni/ gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe/ bdag byang chub thob pa na/ sems can gang su dag rgyal po'i 'jigs pas skrag pa dang / gang dag bcing ba dang / brdeg pa dang / go rar gzhug pa dang / gsang bar 'os pa du mas kun tu gtses pa/ nga rgyal dang bral ba/ lus dang / ngag dang / sems sdug bsngal gyis zhen pa de dag bdag gi bsod nams kyi mthus gnod pa thams cad las yongs su thar bar gyur cig ces btab bo/ / de'i smon lam chen po bcu gcig pa ni/ gang gi tshe bdag ma 'ongs pa'i dus na bla

  8. 271b

    / na med pa yang dag par rdzogs pa'i byang chub mngon par rdzogs par sangs rgyas pa de'i tshe/ bdag byang chub thob pa na sems can gang sudag bkres pa dang spros pa'i me rab tu 'bar ba/ kha zas tshol ba la rab tu brtson pa/ sdig pa'i las byed pa de dag bdag gi kha dog dang / dri dang / ror ldan pa'i kha zas kyis lus tshim par byas te/ phyi chos kyi ros shin tu bde ba la dgod par bya'o zhes btab bo/ / de bzhin gshegs pa de'i smon lam chen po bcu gnyis po ni/ gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe/ sems can gang su dag sgren mo// bgo ba med pa/ dbul ba/ sdug bsngal ba/ grang ba dang / tsha ba dang / sbrang bu dang / sha sbrang dag gis nyin mtshan du sdug bsngal gyi tshor ba myong ba de dag la bdag gis gos yongs su spyad pa tshon sna tshogs su kha bsgyur ba dag sbyin par bya'o/ / ji ltar 'dod pa bzhin du rin po che'i rgyan sna tshogs dang brud pa dang / 'phreng ba dang / thos dang / byug pa dang / rol mo'i sgra dang / sil snyan dang / pheg rdob pa rnams kyis sems can rnams kyi bsam pa thams cad yongs su rdzog bar gyur cig ces btab bo/ / 'jam dpal bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sman gyi bla bai DUR+Ya'i 'od de sngon byang chub sems

  9. 272a

    dpa'i spyad pa spyod pa na/ smon lam chen po bcu gnyis po de dag btab par gyur to// 'jam dpal de bzhin gshegra pa sman gyi bla bai DUR+Ya'i 'od de'i sngon lam gang yin pa dang / sangs rgyas kyi zhing gi yon tan bkod pa gang yin pa de ni/ bskal pa 'am/ bskal pa las lhag par yang zad par byar mi nus so// sangs rgyas kyi zhing de ni shin tu yo/ su dag pa ste/ rdo dang / gseg ma dang / gyo mo med pa/ 'dod pa'i skyon med pa/ ngan song dang sdug bsngal gyi sgra med pa/ bud med kyi dngos po med pa/ sa dang / rtsig pa dang / rab dang / rta ba bas dang / skar khung gi dra ba dang / ba ga ma ni bai DUR+Ya'i rang bzhin can/ pu shu ni rin po ni sna bdun gyi rang bzhin can te/ 'jig rten gyi khams de bde ba can ci 'dra ba ba 'i du 'jig rten gyi khams bai DUR+Yar snang ba'i sangs rgyas kyi zhing gi yon tan bkod pa'ang de dang 'dra'o/ / 'jig rten gyi khams de na byang chub sems dpa' grangs med dpag tu med pa de dag gi nang na/ byang chub sems dpa' sems dpa' chen po gtso bo gnyis yod de/ gcig gi ming ni nyi ma ltar rnam par snang byed ces bya/ gnyis pa'i ming ni zla ba ltar rnam par snang byed ces bya ste/ de dag ni bcom ldan 'das de bzhin gshegs pa sman gyi bla bai DUR+Ya'i 'od de'i dam pa'i chos kyi mdzod 'dzin pa'o// 'jam dpal de lta bas na dad pa'i rigs kyi bu 'am/ rigs

  10. 272b

    kyi bu mos sangs rgyas kyi zhing der skye bar sor lam thob cig/ yang bcom ldan 'das kyis/ 'jam dpal gzhon nur gyur pa la bka' stsal pa/ 'jam dpal sems can so so'i skye bo gang dag dag pa dang / mi dge ba mi shes pa dag yod de/ de dag ni chags pa'i thal gyis non pa/ sbyin pa dang sbyin pa'i 'bras bu rnam par smin pa mi shes pa'o// de dag ni byis pa glen pa dad pa dbang po dang bral ba/ nor sogs shing bsrung ba la mngon par brtson gyi/ sbyin pa yang dag par bged pa de dag gi sems mi 'gro ba ste/ sbyin pa'i dus nye bar gnas pa na/ rang gi lus kyi sha las bcad pa bzhin du yid mi dga' bar 'gyur ro// sems can de dag ni bdag nyid kyang du ma yongs su mi spyod na/ pha ma dang / chung ma dang / bu dang / bu mo la mi ster ba lta smos kyang ci dgos/ bran pho dang / bran mo dang / las byed pa rnams dang / gzhan spong ba rnams la lha mos kyang ci dgos/ sems can de lta bu de dag ni 'di nas shi 'phos na yi dgas kyi 'jig rten du skye bar 'gyur ro/ / yang na dud 'gro'i skye gnas su skye bar 'gyur ro// de la gang sngon mir gyur pa na/ bcom ldan 'das de bzhin gshegs pa sman gyi bla bai DUR+Ya'i 'od de'i mtshan thos par gyur pa de dag ni gshin rje'i 'jig rten na gnas kyang rung / dud 'gro'i skye gnas na gnas kyang rung ste/ der de bzhin gshegs pa de'i mtshan mngon du 'gyur zhing //

  11. 273a

    dran ma thag pa tsam gyis de nas shi 'phos nas yang mi'i 'jig rten du skye bar 'gyur ro// tshe rabs dran par 'gyur ro// ngan 'gro'i 'jigs pas skrag nas yang 'dod pa'i yon tan dag don du mi gnyer ba dang / sbyin pa la mngon par dga' ba dang / sbyin pa'i bsngags pa brjod pa dang / bdog pa thams cad yongs su gtong bar 'gyur te/ rim gyis rang gi mgo dang / lag pa dang / rkang pa dang / mig dang / sha dang / khrag kyang slong ba rnams la rab tu sbyin par 'gyur na/ nor gyi phung po gzhan lta smos kyang ci dgos/ 'jam dpal gzhan yang sems can gang dag de bzhin gshegs pa rnams kyi bslab pa'i gnas 'jig pa dag yod de/ de dag tshul khrims log par zhugs shing / lta ba log par zhugs nas gang dag tshul khrims dang ldan pa de dag ni tshul khrims bsrung gi/ mang du thos pa yongs su mi tshol te/ de bzhin gshegs pas gsungs pa'i mdo sde rnams kyi don zab mo mi shes/ gang dag mang du thos pa de dag ni lhag pa'i nga rgyal can du gyur te/ nga rgyal gyis non pas/ gzhan dag la phrag dog byed cing dam pa'i chos la dbang za bar 'gyur/ spong bar 'gyur ro// mi blun po de lta bu de dag ni bdud kyi phyogs pa ste/ bdag kyang lam ngan par zhugs la/ sems can gzhan bye ba khrag khrig brgya stong du ma dag kyang g.yang sa chen por lhung bar byed pa'o// sems can de lta bu de

  12. 273b

    dag ni sems can dmyal ba mi bzad par 'gro bar 'gyur ro/ / gang dag sngon mir gyur pa na/ bcom ldan 'das de bzhin gshegs pa sman gyi bla bai DUR+Ya'i 'od de'i mtshan thos par gyur pa de dag ni sems can dmyal ba na gnas kyang der sangs rgyas kyi mthus de bzhin gshegs pa de'i mtshan mngon du gyur te/ de dag de nas shi 'phos nas yang mi'i 'jig rten du skye bar 'gyur/ yang dag pa'i lta ba can dang / brtson 'grus dang ldan pa dang / dge ba'i bsam pa can du 'gyur ro// de dag khyim spangs te de bzhin gshegs pa'i bstan pa la rab tu byung ba nas/ mthar gyis byang chub sems dpa'i spyad pa spyod par 'gyur ro/ / 'jam dpal gzhan yang sems can gang dag bdag gi bsngags pa brjod cing / phrag dog gis gzhan dag la mi bstan pa brjod pa yod de/ bdag la bstod cing gzhan la smod pa'i sems can de dag ngan song gsum po dag tu lo stong phrag mang por sdug bsngal myong bar 'gyur ro// de dag lo stong phrag du ma 'das nas/ de nas shi 'phos nas ba glang dang / rta dang / rnga mo dang / bong bu la sogs pa dud 'gro'i skye gnas rnams su skye bar 'gyur ro// lcug lcag dang / dbyig rnams kyis brdeg pa dang / bkres pa dang / skom pas lus nyen pa dang / khal chen po bkal te lam du 'gro bar 'gyur ro// gal te brgyal mi'i skye ba rnyed na'ang rtag tu rigs dma' ba rnams kyi nang du skye bar 'gyur/

  13. 274a

    dran du 'gyur zhing gzhan gyi dbang du 'gyur ro// gang dag sngon mir gyur pa na bcom ldan 'das de bzhin gshegs pa sman gyi bla bai DUR+Ya'i 'od de'i mtshan thos par gyur pa de dag ni dge ba'i rtsa ba des sdug bsngal thams cad las yongs su thar par 'gyur/ dbang po rno bar 'gyur/ mkhas pa dang / gsal ba dang / yid gzhungs pa dang / dge ba song su btsal ba la mngon par brtson pa dang / rtag tu dge ba'i bshes gnyen dang 'grogs pa rnyed par 'gyur/ bdud kyi nags pa gcod pa dang / ma rig pa'i sgo nga'i sbubs gcog pa dang / nyon mongs pa'i chu klung skems par 'gyur/ skye ba dang / rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su thar bar 'gyur ro/ 'jam dpal gzhan yang sems can gang dag phra ma la mngon par dga' zhing / sems can dag phan tshun 'thab pa dang / rtsod pa dang / 'gyed par byed du 'jug pa dag yod de/ sems can de dag rnam par rtsod pa'i sems su gyur pas/ lus dang / ngag dang / yid kyis mi dge ba rnam pa sna tshogs mngon par 'du byed do/ / gcig la gcig phan pa ma yin pa 'dod cing / rtag tu lam tshun gnod par bya ba'i phyir brtson to/ de dag nags tshal gyi lha dang / shing gi sme dang / ri'i lha 'gugs par byed

  14. 274b

    dur khrod rnams su 'byung po tha dad pa dag 'gugs par byed/ dud 'gro'i skye gnas su song ba'i srog chags rnams kyi srog gcod cing / sha dang khrag za ba'i gnod sbyin dang / srin po rnams mchod par byed de/ dgra bo'i ming nas brjod pa 'am/ gzugs byas nas/ der rig sngags drag po sgrub cing byang stems dang ro langs kyi sbyor bas srog gi bar chad bya ba dang lus rnam par zhig par 'dod pa la gang dag gis bcom ldan 'das de bzhin gshegs pa sman gyi bla bai DUR+Ya'i 'od de'i mtshan thos par gyur pa de dag la gang gis kyang bar chad bya bar mi nus te/ de dag phan tshun byams pa'i sems dang / gnod sems med pa'i sems su gnas par gyur/ rang rang gi bdog pas chog shes par 'gyur ro// 'jam dpal gzhan yang 'khor bzhi po dge slong dang / dge slong ma dang / dge bsnyen dang / dge bsnyen ma de dag dang / gzhan yang dad pa'i rigs kyi bu 'am/ rigs kyi bu mo gang dag yan lag brgyad dang ldan pa'i bsnyen gnas la nye bar gnas te/ lo gcig gam/ zla ba gsum du bslab pa'i gzhi rnams 'dzin cing gang dag gi bsam pas// bdag gi dge ba'i rtsa ba 'di sa phyogs gang na de bzhin gshegs pa tshe dpag med bzhugs pa'i 'jig rten gyi khams bde ba can du skye bar shog cig ces smon lam de lta bu btab pa dag las/ gang dag gis bcom ldan 'das de bzhin gshegs

  15. 275a

    ba sman gyi bla bai DUR+Ya'i 'od de'i mtshan thos par gyur pa de dag ni 'chi ba'i dus kyi tshe/ byang chub sems dpa' brgyad rdzu 'phrul gyis lhags nas lam ston par 'gyur te/ de dag der pad+ma tshon kha dog sna tshogs rnams las rdzus te skye bar 'gyur ro// gang la la dag lha'i 'jig rten du skye bar 'gyur ba de dag ni der skyes nas sngon gyi dge ba'i rtsa ba de zad par mi 'gyur zhing / ngan 'gror 'gro bar mi 'gyur ro// de nas shi 'phos nas kyang me'i 'jig rten 'dir gling bzhi pa'i dbang phyug 'khor los sgyur ba'i rgyal por 'gyur te/ sems can bye ba khrag khrig brgya stong du ma dag dge ba bcu'i las kyi lam la 'god par 'gyur ro// gzhan du na'ang rgyal rigs shing sA la chen po lta bu'i khyim dag tu skye bar 'gyur/ dram ze shing sA la chen po lta bu'i khyim dag dang / khyim bdag shing sA la chen po lta bu'i khyim dag dang / nor dang / 'bru dang / mdzod dang / bang ba mang po 'byor pa'i khyim du skye bar 'gyur te/ gzugs phun sum tshogs pa dang / dbang phyug phun sum tshogs pa dang / g.yog phun sum tshogs pa dang / dpa' ba dang / rtul pod pa dang / tshan po che chen po'i stobs kyi shugs dang ldan par 'gyur ro/ / bud med gang gis de bzhin gshegs pa de'i mtshan thos shing bzung ba des/ de bud med kyi dngos pod tha ma yin par shes par bya'o// de nas

  16. 275b

    bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das slad ma'i tshe slad ma'i dus na gang dag mdo 'di 'chang ba dang / klog pa dang / 'chad pa dang / gzhan dag la rgya cher yang dag par ston pa dang / yi ger 'dri ba dang / yi ger 'drir stsal ba dang / glegs bam la bris te/ me tog dang / bdug pa dang / 'phreng ba dang / byug pa dang / gdugs dang / rgyal mtshan rnams kyis bkur sti bgyid pa'i dad pa'i rigs kyi bu 'ab/ rigs kyi bu mo de dag la bdag gis bcom ldan 'das de bzhin gshegs pa sman gyi bla bai DUR+Ya'i 'od de'i mtshan rnam pa sna tshogs su bsgrags par bgyi'o/ / tha na rmi lam du'ang sangs rgyas kyi mtshan rna lam du nye bar bsgrub par bgyi'o// tshon sna lnga pa'i ras rnams kyis dkris te phyogs gtsang mar bzhag na/ gang na mdo sde 'di gnas pa der rgyal po bzhi 'khor dang bcas pa dang / lha bye ba khrag khrag brgya stong gzhan yang mchi bar 'gyur ro// gang dag bcom ldan 'das de bzhin gshegs pa sman gyi bla bai DUR+Ya'i 'od de'i mtshan dang / sngon gyi smon lam gyi khyad par rgyas pa'i mdo 'di 'dzin pa de dag dus ma lags par 'gum par mi 'gyur/ sus kyang mdangs 'phrog par mi nus te/ phrogs na'ang slar stsol bar 'gyur ro// bcom ldan 'das kyis bka' stsal pa/ 'jam dpal de de bzhin te/ ji skad smras pa de de bzhin no// 'jam

  17. 276a

    dpal dad pa'i rigs kyi bu 'am/ rigs kyi bu mo gang dag de bzhin gshegs pa de la mchod pa byed pa de dag gis de bzhin gshegs pa'i de'i gzugs bya/ nyin zhag bdun 'phags pa'i yan lag brgyad dang ldan pa'i bsnyen gnas la nye bar gnas par bya/ kha zas gtsang ma bza' zhing lus legs par bkrus te/ gos bzang po dri ma med pa bgo/ zhing / phyogs gtsang ma me tog sna tshogs sil ma bkram pa/ spos sna tshogs kyis bdugs pa ras dang / gdugs dang / rgyal mtshan sna tshogs kyis legs par brgyan pa'i sa byogs su dri ma med pa'i sems dang / rnyog pa med pa'i sems dang / gnod sems med pa'i sems dang / byams pa'i sems dang / btang snyoms kyi sems dang / mnyam pa'i sems su bya/ rol mo'i sgra dang / sil snyan dang / glu dbyangs blang zhing de bzhin gshegs pa'i gzugs de la bskor bar bya ste/ de'i sngon gyi smon lam yang yid la bya zhing mdo 'di'ang bstan na/ gang bsams pa dang / gang smon pa'i bsam pa de thams cad yongs su rdzogs par 'gyur te/ gal te tshe ring bar smon na ni tshe ring por 'gyur ro// gal te longs spyod dang ldan par smon na ni longs spyod 'byor par 'gyur ro/ / gal te dbang phyug dang ldan par smon na ni tshegs chung ngus rnyed par 'gyur ro// gal te bu 'dod na ni bu rnyed par 'gyur ro//

  18. 276b

    gang dag sdig pa can gyi rmi lam rmis sam/ gang du bya khA dang stas ngan mthong ngam/ gang gnas gang du bkra mi shis pa brgya dag gnas par gyur pa la gang dag bcom ldan 'das de bzhin gshegs pa sman gyi bla bai DUR+Ya'i 'od de la mchod pa rnam pa sna tshogs kyis bkur stir byed na/ rmi lam ngan pa dang / lhas ngan pa dang / bkra mi shis pa'i dngos po thams cad mthong bar mi 'gyur ro/ / gang dag mes 'jigs pa dang / rus 'jigs pa dang / mtshon gyis 'jigs pa dang / dug gis 'jigs pa dang / g.yang sa sa 'jigs pa dang / glang po che gtum pos 'jigs pa dang / seng ges 'jigs pa dang / stag gis 'jigs pa dang / dom dang / dred dang / sbrul gdug pas 'jigs pa dang / sdig pa dang / rkang lag brgya pas 'jigs pa dang / de dag gis de bzhin gshegs pa de la mchod pa byas na/ 'jigs pa thams cad las yongs su thar par 'gyur ro// gang dag pha rol gyi dmag tshogs kyis 'jigs pa dang / rkun pos 'jigs pa dang / chom pos 'jigs pa de dag gis kyang de bzhin gshegs pa de la mchod par bya'o// 'jam dpal gzhan yang dad pa'i rigs kyi bu 'am/ rigs kyi bu mo gang dag ji srid 'tsho'i bar du dkon mchog gsum la skyabs su 'dzin cing / lha gzhan mi 'dzin pa dang / gang dag yang bslab

  19. 277a

    pa'i gzhi lnga po dag 'dzin pa dang / gang dag bas pa'i gzhi bcu po dag 'dzin pa dang / gang dag byang chub sems dpa'i sdom pa bslab 'i gzhi bzhi bcu po dag 'dzin/ pa dang / khyim gyi gnas nas byung ba'i dge slong gang dag bslab pa'i gzhi nyis brgya lnga bcu po dag 'dzin pa dang / dge slong ma gang dag bslab pa'i gzhi lnga brgya po dag 'dzin pa dang / gang dag ji ltar yongs su bzung ba'i bslab pa'i sdom pa de dag gi nang nas/ bslab pa'i gzhi gang yang rung ba zhig las nyams par gyur te/ ngan 'gro ngan song gi 'jigs skrag pa gang dag bcom ldan 'das de bzhin gshegs pa sman gyi bla bai DUR+Ya'i 'od de la mchod pa rnam pa sna tshogs byed na/ de dag la ngan song gsum gyi sdug bsngal med par shes par bya'o// bud med gang la la bu btsa' ba'i dus na sdug bsngal ma rungs pa drag po mi bzad pa myong ba des/ bcom ldan 'das de bzhin gshegs pa sman gyi bla bai DUR+Ya'i 'od de la mchod na/ de myur du yongs su thar par 'gyur/ bu'ang yan lag yongs su tshang bar btsa' zhing gzugs bzang ba dang / mdzes pa dang / blta na sdug pa dang / dbang po rno ba dang / blo dang ldan pa dang / nad med cing gnod pa nyung bar 'gyur te/ de la mi ma yin pas mdangs 'phrog par mi nus so// de nas bcom ldan 'das kyis/ tshe dang ldan pa kun dga' bo la bka' stsal pa/ kun

  20. 277b

    dga' bo gang gi phyir bcom ldan 'das de bzhi ni gshegs pa sman gyi bla bai DUR+Ya'i 'od de'i yon tan rjod par khyod dad dam/ yid ches sa ma/ yang na khyod sangs rgyas kyi spyod yul zab mo 'di la yid gnyis sam/ som nyi'am/ the tsom za ba med dam// de skad ces bka' stsal pa dang / bcom ldan 'das la/ tshe dang ldan pa kun dga' bos 'di skad ces gsol to// btsun pa bcom ldan 'das bdag de bzhin gshegs pas gsungs pa'i chos rnams la yid gnyis sam/ som nyi 'am/ the tsom 'tshal ba ma mchis so// de ci'i slad du zhe na/ de bzhin gshegs pa rnams la sku dang / gsung dang / thugs kyi kun tu spyod pa yongs su ma dag pa mi mnga' ba'i slad du'o// bcom ldan 'das gdugs dang / dgung zla 'di ltar rdzu 'phrul che zhing 'di ltar mthu che ba 'di gnyis ni dog sa la lhung yang gda'/ ri'i rgyal po ri rab ni gnas nas 'pho'ang gda'i sangs rgyas rnams kyi bka' ni gzhan du mi 'gyur lags so// btsun pa bcom ldan 'das de ltar lag kyis kyang sems can dad pa'i dbang po dang bral ba dag gis thos te/ sangs rgyas rnams kyi sangs rgyas kyi spyod yul 'di thos na/ de dag 'di snyam du sems par 'gyur te/ de bzhin gshegs pa de'i mtshan 'di dran pa tsam gyis ji ltar shin tu yon tan dang phan yon du 'gyur snyam nas/ de dag mi dad cing yid mi ches te/ spong bas yun ring

  21. 278a

    por gnod pa dang / mi ldan pa dang / mi bde ba dang / log par ltung bar 'gyur ro// bcom ldan 'das kyis bka' stsal pa/ kun dga' bo de bzhin gshegs pa/ de'i mtshan su'i rna lam du grags par 'gyur ba de ngan 'gro ngan song du 'gro bar 'gyur ba ni gnas med de/ go skabs ma yin no// kun dga' bo sangs rgyas rnams kyi sangs rgyas kyi spyod yul ni yid ches par dka' ba'o/ / kun dga' bo khyod dad cing yid ches pa gang yin pa de ni de bzhin gshegs pa'i mthu yin par blta'o// byang chub sems dpa' sems dpa' chen po skye ba gcig gis thogs pa rnams ma gtogs par/ / 'di ni nyan thos dang rang sangs rgyas thams cad kyi sa ma yin no// kun dga' bo mar 'gyur bar rnyed pa ni rnyed par dka' 'o// dkon mchog gsum la dang cing gus pa'ang rnyed par dka'a'o/ / kun dga' bo de bzhin gshegs pa de'i mtshan thos pa'ang rnyed pa shin tu dka' 'o// kun dga' bo bcom ldan 'das de bzhin gshegs pa sman gyi bla bai DUR+Ya'i 'od de'i byang chub sems dpa'i spyod pa ni tshad med do/ / thabs mkhas pa'ang tshad med do// smon lam gyi khyad par rgyas pa'ang tshad med do// de bzhin gshegs pa de'i byang chub sems dpa'i spyod pa bskal pa 'am/ bskal pa las lhag par rgya cher yang dag par bshad par 'dod kyang / bskal pa zad par 'gyur ro// bcom ldan 'das de bzhin gshegs

  22. 278b

    ba spun gyi pra bai DUR+Ya'i 'od de'i sngon gyi smon lam gyi khyad par rgyas pa'i mtha' rtogs par ni mi 'gyur ro/ / yang de'i tshe 'khor de'i nang nas byang chub sems dpa' sems dpa'/ chen po bskyab grol zhes bya ba stan las langs te/ bla gos phrag pa gcig tu gzar nas pus mo g.yas pa'i lha bsal btsugs te/ bcom ldan 'das gal ba de logs su thal mo sbyar ba btud nas/ bcom ldan 'das la 'di skad ces gsol to// btsun pa bcom ldan 'das slad ma'i tshe slad ma'i dus na/ sems can bro nad sna tshogs kyis yongs su gzir te/ yun ring po'i bro nad kyis lus kyi sha bas shing / bkres pa dang skom pas gre ba dang mchu ni bskams 'gum pa la ni mngon du phyogs/ mdza' bshes dang / nye du dang / snag gi gnyen mtshams du ba rnams kyis ni bskor/ phyogs rnams ni mun par mthong / gshin rje'i mi rnams kyis ni drangs te/ de'i lus 'di na nyal yang rnam par shes pa chos kyi rgyal po gshin rje'i mdun du khrid cing mi de dang lhan cig skyes pa'i lha srad bzhin 'brang ba gang lags pa des ni des dge ba dang / mi dge ba bgyis pa de thams cad legs par yi ger bri sa nas chos kyi rgyal po shin rje la dul ba dang / chos kyi rgyal po gshin rjes de la dris shing brtags pas/ dge ba'am mi dge ba ji ltar bgyis pa de bzhin du bsgo ba la gang dag nad pa de'i don du/ bcom ldan 'das

  23. 279a

    bzhin gshegs pa sman gyi bla bai DU R+Ya'i 'od de la skyabs su mchi zhing 'di 'dra ba'i sbyor bas mchod pa bgyid na/ de'i rnam par shes pa slar ldog cing / rmi lam rmis pa bzhin du bdag nyid kyis 'tshal ba'i gnas der mchis te/ yang na ni gdugs bdun/ yang na ni gdugs nyi shu rtsa gcig/ yang na ni gdugs sum cu rtsa lnga/ yang na ni gdugs bzhi bcu rtsa dgu la de'i rnam par shes pa slar log cing dran pa rnyed la/ de dge ba dang / mi dge ba'i las kyi rnam par smin pa bdag nyid kyi mngon sum du gyur te/ srog gi slad du'ang sdig pa'i las mi bgyid do/ / de lta lags pas dad pa'i rigs kyi bu'am/ rigs kyi bu mos de bzhin gshegs pa de la mchod par bgyi'o// de nas tshe dang ldan pa kun dga' bos/ byang chub sems dpa' bskyab grol la 'di skad ces smras so// rigs kyi bu bcom ldan 'das de bzhin gshegs pa sman gyi bla bai DUR+Ya'i 'od de la ji ltar mchod par bya/ byang chub sems dpa' bskya grol gyis smras pa/ btsun pa kun dga' bo gang dgra nad chen po las yongs su thar par 'dod pa de dag gis nad pa de'i dron du nyin bdun mtshan bdun duyan lag brgyad dang ldan pa'i gso sbyong gi sdom pa blang bar bya'o/ / dge slong gi dge 'dun la zas dang skom rnams dang / yo byad thams cad kyis ci rus su mchod pa dang rim rma

  24. 279b

    bya'o/ / nyin lan gsum mtshan lan gsum du bcom ldan 'das de bzhin gshegs pa sman gyi bla bai DUR+Ya'i 'od de'i mtshan yid la bya'o// mdo 'di lan bzhi bcu rtsa dgur gdon par bya'o/ / zhag bzhi bcu rtsa dgur mar me bud par bya'o// sku gzugs bdun bya'o// sku gzugs re re'i spyan sngar me bdun bdun gzhag go// mar me re re'i tshad kyang shing rta'i 'phang lo tsam du byas te/ ci nas kyang zhag bzhi bcu rtsa dgur mar me mi zad par bya'o// tshon sna lnga pa'i bden bzhi bcu rtsa dgu las lhag pa dag bya'o// btsun pa kun dga' bo gzhan yang rgyal po rgyal rigs spyi bo nas dbang bskur ba rnams la nad kyi gnod pa 'am/ rang gi dmag tshogs sam/ pha rol gyi dmag tshogs kyi gnod pa 'am/ rgyu skar gyi gnod pa'am/ gza' zla ba'i gnod pa 'am/ gza' nyi ma'i gnod pa dang / dus ma yin pa'i rlung dang / char gyi gnod pa'am/ tha na pa'i gnod pa'ang rung ste/ gnod pa dang / nad 'gro ba dang / 'khrug pa zhig nye bar gnas par gyur na/ rgyal po rgyal rigs spyi bo nas dbang bskur ba des/ sems can thams cad la byams pa'i sems su bya/ btson du bzung ba rnams gtang bar bya zhing / gong du smos pa bzhin du bcom ldan 'das de bzhin gshegs pa sman gyi bla bai DUR+Ya'i 'od de la de lta bur mchod pa byas nas rgyal po rgyal rigs

  25. 280a

    spyi bo nas dbang bskur ba de'i dge ba'i rtsa ba de dang / bcom ldan 'das de bzhin gshegs pa sman gyi tha bai DUR+Ya'i 'od de'i sngon gyi smon lam gyi khyad par gyis yul bde ba dang lo legs par 'gyur/ rlung dang char dus su ldang zhing lo tog 'grub par 'gyur/ yul de na gnas pa'i sems can thams cad kyang nad med pa dang / bde ba dang mchog tu dga' ba mang bar 'gyur ro/ / yul der gnod sbyin dang / srin po dang / 'byung po dang / sha za ma rungs pas sems can rnams la gtse bar mi 'gyur ro// lngas ngan pa thams cad mthong bar mi 'gyur ro/ / rgyal po rgyal rigs spyi bo nas dbang bskur ba de'i tshe dang / mdog dang / stobs dang / nad med pa dang / dbang phyug rnams mngon par 'phel bar 'gyur ro/ / de nas tshe dang ldan pa kun dga' bos/ byang chub sems dpa' bskyab grol la 'di skad ces smras so// rigs kyi bu ji ltar na tshe yongs su zad nas yang mngon par skye byang chub sems dpa' bskyab grol gyis smras pa/ btsun pa kun dga' bo dus ma yin par 'chi ba dgu yod par khyod kyis de bzhin gshegs pa las ma thos sam/ de'i phyir sngags dang sman gyi sbyor ba rnams bstan to/ / sems can nad kyis btab pa la/ de nad tshabs mi ches kyang sman dang rim gro byed pa dang mi ldan nam/ yang na sman pa sman ma yin pa byed

  26. 280b

    pa'ang yod de/ 'di ni dus ma yin par 'chi ba dang po'o// dus ma yin par 'chi ba gnyis pa ni gang rgyal po'i chad pas 'chi ba'i dus byed pa'o// dus ma yin par 'chi ba gsu/ pa ni gang dag ha cang bag med de/ bag med par gnas pa de dag la mi ma yin pa dag mdangs 'phrog pa'o// dus ma yin par 'chi ba bzhi pa ni gang dag mas tshig ste 'chi ba'i dus byed pa'o/ / dus ma yin par 'chi balnga pa ni gang dag rgyus 'chi ba'o// dus ma yin par 'ching drug pa ni gang dge seng ge dang / stag dang / wa dang / sbrul dang / gcan ga khro bo'i nang du rud de 'chi ba'o/ / dus ma yin par 'chi ba bdun pa ni gang dag ri kha nas ga yang du lhung ba'o// dus ma yin par 'chi ba brgyad pa ni gang dag dug dang / byad dang / ro langs kyi sbyor ba sa gsod pa'o/ / dus ma yin par 'chi ba dgu pa ni gang dag zas skom ma rnyed nas bkres pa dang / skom pas nyen te 'chi ba'i dus byed pa'o// mdor na 'di dag ni de bzhin gshegs pas dus ma yin par 'chi ba chen por bstan pa ste/ gzhan yang du sa ma yin par 'chi ba ni grangs med dpag tu med pa'o// de nas 'khor der gnod sbyin gyi sde dpon chen po bcu gnyis 'dus par gyur te/ gnod sbyin gyi sde dpon chen po ji 'jigs dang / gnod sbyin gyi sde dpon chen po rdo rje dang / gnod sbyin

  27. 281a

    gyi sde dpon chen po rgyun 'dzin dang / gnod sbyin gyi sde dpon chen po gza' 'dzin dang / gnod sbyin gyi sde dpon chen po rlung dang / gnod sbyin gyi sde dpon/ chen po gnas bcas dang / gnod sbyin gyi sde dpon chen po dbang 'dzin dang / gnod sbyin gyi sde dpon chen po btung 'dzin dang / gnod sbyin gyi sde dpon chen po spu 'dzin dang / gnod sbyin gyi sde dpon chen po bsam 'dzin dang / gnod sbyin gyi sde dpon chen po g.yo ba 'dzin dang / gnod sbyin gyi sde dpon chen po rdzogs byed de/ gnod sbyin gyi sde dpon chen po bcu gnyis po de dag gi gnod sprin gyi sde dpon chen po re re la'ang g.yog gnod sbyin bdun 'bum bdun 'bum yod pa ste/ de dag gis tshigs gcig tu bcom ldan 'das la 'di skad ces gsol to/ / sangs rgyas kyi mthus bdag cag gis bcom ldan 'das de bzhin gshegs pa sman gyi bla bai DUR+Ya'i 'od de'i mtshan thos te/ bdag cag la'ang ngan 'gror 'chi ba'i 'jig pa 'byung bar mi 'gyur ro/ / des na bdag cag lhan cig tu mthun par ji srid 'tsho'i bar du sangs rgyas la skyabs su mchi'o// chos la skyabs su mchi'o// dge 'dun la skyabs sum sems can thams cad kyi don dang / sman pa dang / bde ba'i slad du spro bar bgyi'o// bye brag tu ni grong ngam/ grong khyer ram/ grong rdal lam/ dgon pa'i gnas gang na mdo 'di spyod/

  28. 281b

    pa dang / gang bcom ldan 'das de bzhin gshegs pa smad kyi tha bai DU R+Ya'i 'od de'i mtshan 'chang ba dang / mchod pa dang / rim gro bgyid pa'i sems can de dag la bdag gis bsrung bar bgyi yongs su bskyang bar bgyi/ gnod pa thams cad las yongs su thar par bgyi/ bsam pa thams cad yongs su rdzogs par bgyi'o// de nas bcom ldan 'das kyis gnod sbyin gyi sde dpon de dag la legs so zhes bya ba byin te/ gnod sbyin gyi sde dpon chen po dag gang gi phyir ci khyed bcom ldan 'das de bzhin gshegs pa sman gyi bla bai DUR+Ya'i 'od de la byas pa gzo zhing rjes su dran la/ sems can thams cad la phan pa'i phyir zhugs pa legs so legs so// de nas tshe dang ldan pa kun dga' bo stan las langs te/ bla gos phrag pa gcig tu gzar nas// pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di de bzhini gshegs basman gyi tha bai nuR+Ya'i 'od de'i sngon gyi smon lam gyi khyad par rgyas pa zhes bya bar zung zhig/ byang chub sems dpa' lag na rdo rjes dam bcas pa zhes bya bar yang zung zhig/ las kyi sgrib

  29. 282a

    pa thams cad rnam par sbyong zhing re ba thams cad yongs su skong ba zhes bya bar yang zung zhig/ gnod sbyin gyi sde dpon chen po bcu gnyis kyis dam bcas pa zhes bya bar yang zung zhig/ bcom ldan 'das kyis de skad ces bka' stsal nas/ 'jam dpal gzhon nur gyur pa dang / byang chub sems dpa' de dag dang / gsang ba'i bdag po lag na rdo rje dang / thams cad dang ldan pa'i 'khor de dag dang / d+hU dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa bcom ldan 'das sman gyi bla bai DUR+Ya'i 'od kyi sngon gyi smon lam gyi khyad par rgyas pa zhes bya ba theg pa chen po'i mdo rdzogs so// / mdo brgya brgya pa nas bkol ba'o/ / / !/ rgya gar skad du/ ar+ya shA li stam b+ha nA ma ma hA yA na sU tra/ bod skad du/ 'phags pa sA lu ldang ba zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab ma/ bya rgod phung po'i ra la dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/

Colophon

'phags pa bcom ldan 'das sman gyi bla vai dUr+ya'i 'od kyi sngon gyi smon lam gyi khyad par rgyas pa zhes bya ba theg pa chen po'i mdo rdzogs so/ /mdo brgyad brgya pa nas bkol ba'o