dpal 'khor lo sdom pa'i dkyil 'khor cho ga mdor bsdus pa zhes bya ba
Śrīcakrasaṃbarasaṅgramaṇḍalabidhīnāma
Text
ff. 61a–74b · 28 folio sides
- 61a
shes rab kyis bsgyur ba'o// 6// dpal 'khor po sgom pa'i dkyil 'khod mdor bsdus pa bzhugs/ @#// rgya gar skad du/ shrI tsakra saM ba ra saM gra ma n+ta la bi d+hI nA ma/ bod skad du/ dpal 'khor lo sdom pa'i dkyil 'khor cho ga mdor bsdus pa zhes bya ba/ dpal rdo rje 'chang la phyag 'tshal lo// gang gi drin gyis bde chen gnas// skad cig gis ni thob 'gyur ba'i// bla ma rin chen lta bu yi// rdo rje can zhabs pad la 'dud// dpal ldan rdo rje mkha' 'gro ma// mkha' 'gro ma yi 'khor lo sgyur// ye shes lnga dang sku gsum nyid// 'gro ba skyob la phyag 'tshal lo// skyes bu dam pa gzhung 'chad pa'i// mchog 'dzin thabs mkhas bdag la med// rang nyid dran pa gsal ba'i phyir// dkyil 'khor cho ga bshad par bya// rtsa bshad gsal ba'i rgyud rnams dang // mkhas pa rnams kyi cho ga dang // bla ma'i gdams ngag la brten nas// dkyil 'ar cho ga bri bar bya// slob dpon mtshan nyid thams cad ldan// mtshan nyid min pa kun tu spangs// yang dag shes shing rgyud shes pa// dpal ldan khrag 'thung gsang sngags shes// khro med gtsang zhing mkhas pa dang // sbyor shes ye shes pha rol 'gro// thod pas spyi bor rgyan cha sogs// gzugs bzang yon tan ldan pa bkur// snying rje med cing khrol 'dug/ khengs dang brkam chags bdag nyid bstod// mnyam par ma gzhag khyim la spyod// gshol 'jug pa dang tshong pa dang // rmongs pas dam chos 'tsheng ba ni// tshogs sam dkyil 'khor slob dpon min// slob ma rigs bzang chos la spro// 'jam zhing snyan par smra ba dang / snying rje la sogs phan sems ldan// thod dang klog pa mngon par brtson// gsang ba'i mchod dang bla ma gus// slob ma de nyid yongs su bzung // snying rje med cing khrol 'dug/ khengs dang brkam chags rnam
- 61b
g.yeng can// brag dang rmongs dang snyoms las can// gzhan gyi srog la snying brtse med// gzhan gyi nor la sred pa ni// bla mas yongs su spang bar bya// yon tan ldan pa'i bla ma la// mtshan nyid ldan pa'i slob ma yis// sems can 'khor ba'i sdug bsngal las// bsgral phyir lan gsum 'di skad brjod// thams cad mkhyen pa'i ston pa po// 'jig rten rnams kyi 'dren mdzad lha// 'khor ba 'dam gyi tshogs nang du// bying ba skyabs med bdag la skyobs// rdo rje bla ma mdzad du gsol// bla mas dkyil 'khor mchod pa yis// yo byad thams cad 'byor gyur ram// cung zad cig gam ma yin zhes// slob ma'i gtso la bri bar bya// mi 'byor zer na bzung mi nus// 'dres ma las ni 'dres mar shes// thams cad 'byor zhes brjod pa ni// de tshe gzung ba'i cho ga brtsams// slob ma'i rkang pa'i mthil du ni// rlung gi dkyil 'khor gzhu 'dra bsam// lte bar ye shes mi 'bar ba// de yi 'od zer snying kar 'bar// paM las byung ba'i sdig pa'i gzugs// mi sdug rid pa mdog sngon po// sdig ni sna yi sgo nas dbyung // de nas khro bo'i gzugs bsgoms nas/ sdig ni kun nAs za bar bsam// oM badz+ra DA ki ni kha kha khA hi khA hi sarba pA paM da ha na b+ha smi ku ru hU~M hUM phaT/ slob ma lha mo'i gzugs bskyed nas// bsrung ba dag ni dgod par bya// slob ma gzung ba'i cho ga'o// ri sul tshang tshing phug rnams dang // chu bo dag gi ngos rnams dang // gdod nas grub pa'i dur khrod du// der ni dkyil 'khor brtsams par bya// lha ni mnyes par ma byas na// bdag nyid rnam par sun 'byin yin// bdag gam yang na dkyil 'khor ni// sngon du bsnyen pa byas pas 'grub// gnas dang sdang ba nyid dag dang // 'jug dang yongs su rdzogs pa dang // byin gyis brlabs dang dbang bskur dang // ting nge 'dzin dang
- 62a
/ mchod pa'i mthar// cho ga bzhin du 'bum du bzla// rang gi lha yang 'bum du bzla// 'khor los bkang gnang de bzhin te// gzhan ni khri ru bzlas par bya// bsnyen pa'o// de ltar bsnyen pas// mthu bskyed nas// rang gi lus su dkyil 'khor bsdu// dngos grub mtshan ma mchog thob na// sa ni yongs su brtag par bya// grong dang dur khrod tshong dus dang // tshal dang lha khang grong khyer ni// shar dang byang gi sa ga ni shis// lho dang nub phyogs de lha min// gtsug lag khang dang gnas khang dang // tshal dang ri rtse rdo leb dang // khang bzang gi ni steng phyogs dang // dur khrod dang ni lha yi khyim// sa yi cha ni ji snyed pa// rgyud rnams kun las bsngags pa yin// rus pa thal ba zug rngu rdo// bshang bsam dag gzhan du bgrod// sman sogs dngos grub bye brag gis// pus mo chu so lte ba'i 'bar// brkos las yis rmar la dgang // lhag na dngos grub mchog tu 'gyur// phyi nas mtho gang tsam du brko// de ni chu yis rab bkang la// shar du bltas te gom brgyar 'gro// slar log nas ni brtag par bya// chu ni gang bar gnas na shis// bskams na sngags pas spang bar bya// ston/ tha chung la sogs nas// brtsams te zlab gsum gsum du// ljo 'phye lho dang nub dang byang // shar du de yi mgo bo ste// g.yon pa'i thur gyis nyal ba yin// 'di yi lho shes byas nas brko// mgo dang rgyab phyogs nas brkos pa'i// skyon ni rgyas pa las shes bya// legs par bsnyen te bcag par bya// byang dang shar du gzhol bas ni// sngags pa rnams kyis dngos grub 'gyur// dbus su mtho bas rgyal rdzing dngam// rig pa 'dzin pa'i gnas dag zab// byang du mthobs 'chi 'bur ram// nor rnams byung du 'jig par byed// ji skad bshad pa'i shar mthon// mur du rigs rnams zad par byed// dbus su dmal
- 62b
ba'i sa gzhi gang // sgrub pa po ni 'joms dang ldan// sa brtag pa'o// // khang bzangs rdo leb gzhi dang ni// gtsug lag khang dang zhabs kyis bcags// ba lang lhas dang rgya mtsho'i 'gram// der ni brko sogs// bya mi dgos// lag pa sal bzhag nas su// rang gi snying po rgya rtsa bzlas// de la lci ba ma lhung bas// dkyil 'khor sa ni nye bar byug/ dur khrod thal bar ldan pa dang // mi 'chi bcu phyed ldan pa yis// dkyil 'khor sa ni nyer byugs te// der ni dkyil 'khor yang dag brtsams// oM laM hUM/ zhes pas sbyang ngo // de ltar sbyangs pa'i sa gzhi la// dkyil 'khor dang ni rjes mthun pa'i// rin chen la sogs sa gzhi ru// ting nge 'dzin gyis bsam par bya// sa sbyang ba'o// // maM gyi sa bon las byung ba'i// gos dang rgyan gyis rnam par blugs// zhal gcig phyag ni gnyis pa ste// 'od zer ser po kun tu 'bar// sa yi lha mo'i lag pa na// gser gyi bum pa thogs pa ni// lus phyed sa la gnas pa ru// bltas te mchod la gsol ba gdab// skyob pa sangs rgyas thams cad kyis// spyod pa'i tshul dang khyad par dang // sa dang pha rol phyin pa la// lha mo khyod ni dpang du gyur// shAkya seng ge skyob pa yis// ji ltar bdud kyi sde bcom ltar// de bzhin bdag gis bdud kyi sde// pham par bya phyir dkyil 'khor bri// gnang ba byin nas thim par bsam// sa bslang pa'o// de nas sngar bstan pa'i dbus su// rdo rje 'dzin chen sbyor ba yis// bdag nyid nye bar gnas pa la// rdo rje dril 'dzin grogs kyi mchog/ mkha' 'gro la sogs gzugs can gyis// gsol ba lan gsum gdab par bya// de bzhin gshegs pa kun zhi ba// de bzhin gshegs pa kun gyi gnas// tshes kun bdag med pa yi mchog/ dkyil 'khor dam pa bshad du gsol// mtshan rnams thams cad yang dag rdzogs// mtshan min thams
- 63a
cad rnam spangs pa// kun du bzang po sku yi mchog/ dkyil 'khor dam pa bshad du gsol// zhi ba'i chos ni mchog las byung // ye shes spyod pa rnam sbyong ba// kun du bzang po gsung gi mchog dkyil 'khor dam pa bshad du gsol// sems can kun gyi sems chen po// rang bzhin dag pa dri ma med// kun bzang thugs mchog kha lo sgyur// dkyil 'khor dam pa bshad du gsol// de nas 'khor ba'i sdug bsngal la// dpal ldan khrag 'thung khros nas ni// hUM badz+ro ta tiSh+Tha brjod pa yis// sprul pa'i 'khor lo nam mkha' gdeg/ mgul rgyan gdu burna rgyan dang // spyi gtsug nor bus rnam par brgyan// mchod phyir thogs dang thal bas brgyan// rkang pa hUM las rdo rje bsams// ma dang Ta las nyi zla'i mig/ lag pa rdo rje gsor byed cing // rdo rje'i lta bas kun tu blta// mche ba gtsigs nas hUM sgrogs shing // rol pa rdo rje 'gros kyis gar// g.yas brkyang dang ni g.yon brgyang dang // zlum po sa ga rdo rje'i 'gros// mnyam pa'i stabs dang mi mnyam stabs// rus sbal bum pa'i 'phur tshogs brgyad// rdo rje 'gros kyis kun tu bskor// gdug pa'i bgegs rnams bskrad par bya// blo ldar rdo rje gsor byed cing // dril bu 'khrol bar brtson pa yis// lha dang lha min gsang ba dang // rab tu gdug pa'i bgegs tshogs bskrad// nga ni dpal ldan snying rje'i stobs// srung ba'i 'khor lo rab sbyor bas// lus srul la sogs gang yang rung // bgegs kyi tshogs rnams gzhan du gdengs// ji ste bsgo ba su zhig 'da'// rdo rje bdag po sku yis ni// lus gsum las byung dgas byas te// 'dir ni brlag 'gyur gzhan du min// bdag slob dpon 'di zhes bya bas// slob ma 'di zhes bya ba rdzogs pa'i byang chub kyi don du/ sa phyogs 'di ru dpal he ru ka 'byung ba'i dkyil 'khor bri
- 63b
yis/ 'di na gnas pa'i lha dang klu dang gnod sbyin dang / dri za dang / 'byung po dang / sha za dang / srin po la sogs pa gang dag gzhan du dengs shig/ gang dag mi 'gro ba de/ nga'i ye shes kyi rdo rje 'di dang / kha T+wAM ga 'dis spyi bo tshal par bkas par 'gyur// zhes lan gsum brjod pas kyang bskrad de/ zhal bzhi pa'i sngags rnams dang / rdo rje phur pa'i sngags kyis kyang // gdug pa'i bgegs rnams bskrad par bya// sa ni yongs su bzung byas nas// dra bas phyogs mtshams bcing bar bya// ra ba rnams ni phyogs su dgod// 'og tu mtshon cha dgod par bya// steng du mda' yi dra ba dang // bdag nyid steng du gur bya ste// de ltar go bgos sum cu ni// rtsa gsum pas kyang gzhig mi nus// sa bsrung ba'o// de nas ri rab rtse mo yang // shrI ri gan+d+ha rab bsam la// dri zhim chu yi byug pa dang // me tog sil ma rab bkram la// ye shes 'khor lo spyan drangs la// mchod yon phul la gsol ba gdab// bcom ldan khro mchog rdo rje can// rdzogs sangs rgyas rnams dgongs su gsol// slob ma rnams la rtsa ba dang // khyed rnams la yang mchod pa'i phyir// mgon po lhan cig 'byung ba yi// dkyil 'khor bri bar 'tshal lags na// de bas bcom ldan gus bdag la// bka' drin gnang bar mdzad du gsol// gang gzhan gsang sngags lha rnams dang // 'jig rten skyong ba'i lha rnams dang // rdzogs pa'i byang chub la rten pa'i// 'byung po bstan la mngon dga' ba// gang su rdo rje spyan ldan kun// dkyil 'khor bde mchog 'byung ba ni// dkyil 'khor 'bri bar bgyid lags na// bdag dang de bzhin slob ma la// rjes su brtse ba bskyed du gsol// phyogs bzhir mar me bltams nas ni// ur+yan phyogs su ci bder nyal// sa bzung ba'o// // de nas rin chen gser dang dngul// zangs ma'am 'jim pa dag kyang rung // ji ltar 'byor
- 64a
ba'i rjes mthun par// bum pa dag ni bya ba ste// rtsa ba nag po la sogs spangs// lto yang bum pa bzang po'i dbyibs// legs bkru dkar por bya ba dang // spos kyis bdug cing yungs kar brdeg/ bdud rtsi 'khyil pa'i sngags kyis bsrung // mtshan ma rnams ni dgod pa dang // bza' ba kun gyis legs bkang ba'i// snod ni steng du bzhag par bya// mgrin pa sras bus dkrib dang // kha ni 'dab mas brgyan par bya// gos zung gis ni legs dkris par// chu bzang 'om ldan pas dgang // bya gri seng kri dbyug pa dang // ut+pal gzhan gyis mi thub pa// ha sa de ba sman lngar bcas// oM pany+tsa b+hi kha dz+ye AHhUM// gser dang dngul dang mu thig dang // mu men b+hu ru rin chen lnga// oM bany+dza rat+na AHhUM// til dang nas dang gro dang ni// yon sran gre dang yungs kar bcas// oM pany+tsa be ga AHr+g+haM// mar dang til dang mar lan cha// gser dang sdang rtsi snying po// oM bany+tsa gan+d+he Ar+g+haM/ ga bur tsan+dan dri chen chu// sman gyi chu yis dgang bar bya// oM pany+tsa a mr-i te A hUM// // de ltar byas pa'i bum pa yang // brgyad ni sau ru dgod pa ste// gos zung sogs kyis dkris pa'o// bum pa dgra/ pa dbus su dgod// bdag nyid lhar gsal snying ga yi// 'od zer sbyor bas bum pa sbyang // de nas yi ge b+h+rUM las ni// lha yis gzhal yas khang du bsam// rnam par rgyal ba'i bum pa ru// lha yi 'khor lo rdzogs par yang // skad cig gis ni bsam par bya// gzhan du 'khor lo'i rjes 'brangs pa// rigs dang bcas pa gsal bar blta// mchod dang bskor bas mnyes pa dang // snying po rtsa ba'i sngags sogs kyang // stong ngam brgya rtsa brgyad du bzlas// bum nang lha rnams zhu bar bsam// de nas rol mor bcas pa dang // bkra shis glu dbyangs sna tshogs kyis// ras bzangs me tog ldan pa'am// ku sha'i steng du bzhag par bya// bum pa sta gon no// de nas skyes bu dam pa yis//
- 64b
mngon par rtogs pa gzhung bzhin bsgom// bdud rtsi lnga ni kun tu byug/ de bzhin gshegs pa'i gnas rnams su// tsan dan sogs pas gru bzhir bya// phal pa yi ni gnas rnams su// so sor zlum por byas nas ni// lha yi 'khor lo cho ga bzhin// me tog sogs pas mchod par bya// lte bar dgod bya'i dpa' bo ni// 'jigs byed chen po'i gzugs can ni// rab tu 'bar zhing mdang dang bcas// nam mkha'i mkha' 'gro ma rnams ni// yid kyis thams cad mkha' la dgod// sa stengs mkha' 'gro ma gang yin// dkyil 'khor kun tu dgod par bya// gang yang sa 'og mkha' 'gro ma// de ni sa 'og rnams su dgod// ma mo thams cad phyogs dang ni// phyogs mtshams rnams su dgod par bya// gal te dngos gru mchog 'dod na// dri dang me tog bdug spos dang // mar me brgya yang dbul bya zhing // rgyal mtshan dmar dang de bzhin/ ser// dkar dang gnag dang ser skya dang // de bzhin gos ni sna tshogs dang // me tog phreng ba du ma dang // bla re dag dang bcas pa yi// mda' ni shin tu mdzes pa dang // de bzhin bza' bca' btung ba yis// rab mnyam gzhag ste mchod par bya// de nas gsol ba gdab pa ni// gnyis med ye shes las byung ba'i// khyab bdag dngos kun bdag nyid dpal// ston pa gtso bo khrag 'thung dpal// rdo rje phag mor yang dag ldan// gang zhig phyogs bcu'i dpa' bo dang // rig pa'i lha mo rdzu 'phrul can// byang chub sems dpa' la sogs kun// ma lus bdag la dgongs su gsol// slob ma rnams la phan pa dang // khyed rnams la yang mchod pa'i phyir// rdo rje can bdag 'di zhes pa// nang par dkyil 'khor bri bar bgyid// rjes su brtse bar nye dgongs te// kun gyis byin gyis brlab tu gsol// lha la gsol ba gdab pa'o// sngar bshad mtshan ldan slob ma ni// khrus byas gtsang
- 65a
ma'i gos gyon te// me tog phreng thogs phyug btsal nas// bla ma mchog la gsol ba gdab// dga' chen khyod bdag ston babs// slob dpon khyod ni dgongs su gsol// byang chub chen po'i tshul bstan pa'i// mgon po chen po bdag 'tshal lo// dam tshig de nyid bdag la gsol// byang chub sems ni bdag la gsol// sangs rgyas chos dang dge 'dun te// skyabs gsum dag ni bdag la gsol/ zathar pa chen po'i grong mchog tu// mgon po bdag ni 'jug par 'tshal// slob mas de skad lan gsum brjod// slob ma'i gtso bo gcig nyid la// dmigs nas bla mas 'di skad brjod// bu tshur theg pa chen po la// khyod ni tshul chen snod yin te// gsang sngags spyad tshul cheg ni// khyod la yang dag bshad par bya// rdzogs pa'i sangs rgyas gang 'das dang // de bzhin gang dag ma byon dang // da ltar byung ba'i rdzogs sangs rgyas// 'grol pa na phyir bzhugs pa rnams// de dag kun gyis gsang sngags kyi// chog bzang po 'dimaldan nas// dpa' bo byang chub shing drung du// thams cad mkhyen pa tshad med nas// gsong sngags sbyor ba mnyam med de// spobs pa dpal ldan he ru kas// bdud sde shin tu mi bzad pa// dpung chen dag kyang de yis bcom// de bas kun mkhyen thob bya'i phyir// bu yis blo gros 'di gyis shig/ dpa' bo yan lago las byung ba'i// sdom pa la sogs slob ma la// byang chub thob pa'i don gyi phyir// cho ga thams cad sbyin par bya// sangs rgyas chos dang dge 'dun la// rtag tu bdag ni skyabs su mchi// rnal 'byor gsang sngags mkha' 'gro ma// 'khor lo gsum gyis bdag nyid can// kun la rtag tu skyabs su mchi// dpa' bo dpa' mo dbang lha mo// byang chub sems dpa' bdag nyid che// khyad par du yang slob dpon la// rtag par bdag ni skyabs su mchi/
- 65b
bla ma mchod pas de bzhin byams// sangs rgyas la gus 'gro la brtse// rtsa ba'i ltung ba yongs shes shing // sbom po'i ltung ba rnam par spangs// kha na ma tho bcas gyur pa'i// khyod kyis srogs chags bsad mi bya// ma byin par yang mi blang ngo // 'dod pa log par mi spyod cing // brdzun du smra bar mi bya'o// phung khrol kun gyi rtse ba yis// chang ni rnam par spangs par bya// sems can gdul phyir ma gtogs pa// bya ba ma yin thams cad spang // / bdag ni dus 'di nas bzung nas// byang chub snying por mchis kyi bar// de bzhin bla med byang chub sems// dam pa dag gis bskyed par bgyi// ji ltar dus gsum mgon po rnams// byang chub tu ni nges mdzad pa// sangs rgyas rnal 'byor sdom pa la// bslab pa yi ni tshul khrims dang // dge ba'i chos ni sdus pa dang // sems can don byed tshul khrims gsum// bdag gis brtan por bzung bar bya// sangs rgyas chos dang dge 'dun te// bla na med pa'i dkon mchog gsum// de ring mchog tu bzung bar bgyi// rdo rje rigs mchog chen po la// rdo rje dril bu phyag rgya yang // de kho na nyid zung bar bya// slob dpon dag kyang bzung bar ba rin chen rig mchog sbyor ba yis// dam tshig yid du 'ong ba la// nyi re bzhin du dus drug tu// sbyin pa rnam bzhi rtag tu sbyin// byang chub chen po las byung ba'i// pad+ma'i rigs mchog dag pa la// phyi nang gsang ba'i theg pa gsum// dam pa'i chos ni rab tu bzung // las kyis rigs mchog chen po la// sdom pa thams cad ldan par ni// thams cad du ni rab tu bzung // mchod pa'i las kyang ci nus bgyi// byang chub sems ni bla na med// dam pa de ni bskyed nas su// sems can kun gyi don gyi phyir// bdag gis sdom pa ma lus bzung // ma bsgral ba rnams bdag gis sgral// ma grol ba rnams grol bar bgyi// dbugs ma phyung ba dbug phyung zhing // sems
- 66a
/ can mya ngan 'das la dgod// de nas slob ma mdun bdar la// gnas gsum dri yi thig le yang // yig gsum bzlas te slu bar bya// sku gsung thugs kyi lha gsal la// spyi bor me tog spos mar me// dri yang snying gar zhal zas rnams// kun byed bzlas te mchod byas nas// dus 'di nyid nas bzung nas ni// 'khor ba'i nyes pas ma phob par// mchod pa kun dang ldan par ni// dus kun tu ni bde bar mnos// a shwad u dum pa ra yis// so shing sor ni bcu gnyis pa// ma yo mags srog chags med// rtse mo me tog bcas pa sbyin// shar ram byang du kha bltas te// bcas nas bstod pa med par ni// bko tsam gyis byugs par dor/ dang ma grub 'phrin las par chad gsum// dngos grub mchog ni shar phyogs dang // rang la bltas par shes par bya// 'bring ni gzhan la tha ma yang // 'og tu bltas par shes par bya// oM hrIHbi shud+d+ha ya sarba d+harmA ya/ b+hA pa ni sh+yA s+ya shod+hA ya/ sarba bi kaSh+kaM a pa na ya hUM/ zhes pas sbyor tshulan gsum blud par bya// srang bu dmar pos khyad par du// mdud la gnod mdzes sngags bzlas te// dpung pa bcings la bsrung bar bya// de nas da// brnyan / 'gyun ldan pa na / sa dun shi / dung du ya nam bdang // gas dgas spyod sgyu g+sa/ bas kyang ni dkon pa ste// gang gi mnyam med sems can don// grags pa mtha' yas spyod pa yi// mya ngan mi 'da' byed par nus// bskal pa bye ba du ma ru// sdig pa bgyis par gyur pa gang // de kun dkyil 'khor 'di 'dra ba/ mthong bas byang bar 'gyur lags na// grags pa mtha' yas spyod pa yi// tshul la gnas pa zlas ci dgos// de ltar blo bar bskyed nas kyang // yi ge bdun pa'i sngags bzlas pa'i// ku sha de la rab tu sbyin// ril ma dgas
- 66b
mi dge brtag/ tshogs 'khor byas la bkra shis brjod// gtor ma btang nas ye shes gshegs// dam tshig bsdus la ci bder gnas// slob ma lha gon no// srad bu ye shes lnga ldan zhing // nyi shu rtsa lngar rnam phye bas/ chos kun ngo bo nyid kyis ni// sras bu phan tshun bsgril bar bya// oM an+don+ya a nu ga ta sarba d+harmaHpa ra s+pha ra a nu pre biSh+Ta sarba d+harmAHa t+yan a nu pra biSh+Ta sarba d+harmAHdkyus su dkyil 'khor nyis 'gyur la// sboms su sgo yi nyi shu cha// bdud rtsi brgyas ni byug par bya// yi ge thig ni bskyed nas su// dza gsum brjod nas lte bar ni// g.yon pa'i khu tshur gyis bzung nas// blo ldan nam mkhar thig gdab bya// de bzhin sa la gdab par bya// khru phyed la sogs brtsams nas ni// ji srid khru ni brgya yi bar// dang po tshangs pa'i thig yin te// gnyis pa la ni zur thig gdab// gsum pa phyogs kyi thig btab la// bzhi pa cha chen bcu drug gdas chaphran bzhi bzhir bgos byas pa// spyir na cha chung drug cu bzhi// ngas gcig la ni sum cu gnyis// dkyil 'khor nang la bcu drug las// gnyis lnga gtso bo'i pho brang ste// gsum bzhi lnga drug bde chen gyi/ lo pad+ma 'dab brgyad bya// bdun pa gri gug phreng ba la// brgyad dang dgu pa thugs 'khor lo// bcu pa rdo rje phreng ba ste// bcu gcig bcu gnyis gsung yin te// bcu gsum pad+ma'i phreng ba'o// bcu bzhi bco lnga sku yi sa// bcu drug 'khor lo'i phreng bas bskor// de ni nang gi dkyil 'khor la// phyi yi dkyil 'khor mtshan nyid kyang // gru bzhi pa la sgo bzhi pa// rta babs bzhis ni rnam par brgyan// dra ba dra phyed 'phyang ba mdzes// g.yer ka'i phreng ba'i dra ba can// mtshams kyi cha ni thams cad dang // sgo 'khrud kyi ni nang rnams su// rdo rje rin chen gyis spras dang // rdo rje rab me 'od bcas// dkyil 'khor de yi phyi rol tu// shing la sogs pa'i dur khrod bya//
- 67a
gzhan yang 'khor lo'i rjes mthun par// ji ltar mdzes pa rab tu brtag/ thig skud chad na slob dpon 'chi// dman dang lhag pas nad 'byung ste// phyogs la 'khrul na slob ma myos// de bas skyon med shes par bya// thig gdab pa'o// // rin chen lnga yi phye ma 'am// yang na 'bras la sogs pa ste// ro bsregs sol ba'i phye ma'am// dur khrod so phag ldan pa la// brum kha la sogs yig 'bru/ lnga// yongs 'gyur tshen rtsi lnga ru bsam// slob dpon dbang ldan phyogs su ni// song ste mnyam par bzhag nas su// lag pa g.yon pa'i khu tshur gyis// ri mo lnga ni dgyes par bya// 'di ni tshes dbyings dge/ pa ste// sems can khams ni sgrol mdzad pa// rdo rje sems dpa' rgyal po che// de bzhin gshegs pa kun gyis gnas// me long la sogs rim brjod nas// dkar dang ser dang dmar dang ldang // kun gyi nang rol nag po ru// mtshan gyi cha ni rim bzhin dgye// tshon rtsi re re'i zheng du ni// sgo yi nyi shu cha yi tshad// phan tshun bar du nas re tsam// mtho la drang bar bri bar bya// gal te tshon rtsi mi mnyam zhing // yo dang dma' bar gyur na ni// ri mo dma' bas dngos mi 'grub// yon pos gdung ba skyed byed pa// de nyid mtho bas nang du 'gyur// chad ni slob dpon slob ma dag/ gnyis ka 'chi bar shes par bya// g.yas skor ma yin bris nas ni/ rdul tshan pur bus gdab par 'gyur// dbus su sna tshogs pad+ma ni// gi sar yang dag ldan pa la// mtshams su bum pazod pas brgyan// gser gyi mdog du bri bar bya// mthing shun phye ma la sogs pas// thugs kyi 'khor lo rtsibs brgyad pa// rdo rje 'khor los bskor bar bya// byu ru la sogs mdog 'dra bas// gsung gi 'khor lo rtsib brgyad pa// pad+ma'i phreng bas bskor ba bri// mu tig la sogs phye mas ni// sku ni 'khor lo bri byas/
- 67b
te/ 'khor lo'i phreng bas bskor bar bya// ji ltar pad+ma'i kha dog bzhin// sgo bzhi'i cha yang de bzhin te// shar phyogs su ni dkar po ste// lhor ni ser po yang dag ldan// nub kyi cha ni dmar po ste// byang du mar ka ta yang dag ldan// dbus kyi sa yi cha nyid ni// in+d+ra ni la 'od 'bar ba'i// grwa yi cha ni thams cad dang // sgo 'khyud kyi ni mtshams rnams su// rdo rje rin chen gyis spras pa// mnyam par gzhag pas yang dag/ bri/ rdo rje ra ba'i nang du ni// dur khrod brgyad kyis brgyan pa ste// gtum drag de bzhin tshang tshing dang // rdo rje 'bar bkang rus can// dbang ldan du ni mi bzad gzhan// byin za ru ni bkra shis mchog/ mun pa drag po bden bral du/ rlung du kI li kI li sgra// shar du shiR+Sha a shwang shing // kang ke khyad par rtswa ta'i shing // ba da de bzhin ka rany+dza// la da ba ra ka par thi ka/ dbang po de bzhin gnod sbyin dang // klu'i dbang dang gshin rje'i bdag/ dbang ldan de bzhin byin za dang // srin po'i dbang po rlung gi bdag/ ba su ki dang 'jog po nyid// pad chen hu lu hu lu dang // dbang ldan dang ni dung skyong ngo // sgrogs pa dang ni cher sgrogs dang // drag dang yon tan bstan de bzhin// gang ba dang ni de bzhin 'bebs// gtum po 'di dag srid dbang phyug/ rnal 'byor ma yi tshogs rnams dang // dngos grub rdzu 'phrul yang dag par// thob pa slob dpon gyi ni tshogs// dur khrod dbus su lta bar bya// // de nyid bsdus dang bde mchog dang // gsang ba rdo rje 'jigs byed las// dkyil 'khor rnams kyi rgyal po 'di// ma byung 'byung bar mi 'gyur ro// tshon dgye ba'o// de nas slob dpon mnyam gzhag pas// dkyil 'khor dbus nas dur khrod sar// lhag chad nyes pa'i skyon bsal la// skor ba lan gsum brtsams par bya// bum pa mchod rdzas la sogs pa// gdugs dang rgyal mtshan rol mo dang // sil/
- 68a
/ snyan glu yis spyan drangs la// dkyil 'khor gnas su dgod par bya// dkyil 'khor kun tu rin chen nam// gser rnams kyis ni mdzes par bya// de nas slob dpon khrus byas te// dri zhim rus pa'i rgyan gyis spras// rtse bran rdo rje dril 'dzin pa// dkyil 'khor gyi ni lho phyogs su// bde ba'i gdan la 'dug nas ni// bla ma dam pa lU yi pas// mngon par rtogs pa'i rim pa rnams// bsgom te bzlas/ pa byas pa'i mthar// bcu drug lha mo rnams kyis mchod// me tog bdug pa mar me dri// dkar po dung mdog dmar ba ljang // zhal gcig phyag gnyis rtsa bar brtags// 'dam bu thod pa kha T+wAM ga/ gzhan gyi phyag gsum dag na 'dzin// pi wang gling bu rnga zlum ma// rdza rnga zhal gcig phyag bzhi ma// gnyis kyis rang dang brdung bar brtson// tha ma rdo rje'i dril bu 'dzin// sngo ser dmar po ljang gu'o// phreng ba sgeg mo glu gar ma// dmar dkar ser mo ljang gu ste// phreng ma phyag gnyis phreng ba 'dren// rdo rje dril 'dzin sgeg pa mo// glu ma 'khar ba'i sil khrol te// gar ma pad+ma'i gar spyod byed// gzhan gnyis thod pa kha T+wAM ga/ gzugs dang ro dang reg dang chos// dkar dmar ljang gu dkar mo ste// zhal gcig phyag bzhi dang po na// me long dung dri gos chos 'byung // 'dam bu thod pa kha n+ta ga/ lhag ma'i phyag na gnas pas mchod// rkang pa brgyad kyis bstod byas la// bshags dang gsol ba la sogs bya// ga Na tshogs kyis mchod pa yis// dkyil 'khor lha kun mnyes byas la// dpal ldan mkha' 'gro ma rnams la// ba laM chen po'i gtor ma byin// dkyil 'khor sgrub pa'i don du ni// slob dpon rnal 'byor ldan pa yis// zhi dang rgyas pa'i sbyin sreg ni// slob ma sdig sogs sbyong ba'i phyir// ji ltar 'grub pa'i grang rnams byas// me tog phreng 'dzin slob dpon gyis// lho yi sgo nas zhugs nas
- 68b
kyang / he ru ka dpal rgyal po la// chu dang dbu rgyan la sogs pa// rjes gnang mtha' ru rim bzhin no// rigs la rjes gnang thob pa dang // slob ma shis par bya ba'i phyir// bden pa 'di ni bsgrag par bya// don dam smra ba'i seng ge rnal 'byor zhes bya ba// nyon mongs gcod pa'i don la shin tu mkhas gyur pa// srid pa'i nyes pa bskyed pa nyon mongs bcom mdzad pa// rnal 'byor don dam de nyid rgyal po grub par mdzod// dkyil 'khor sgrub pa'o// // kun byed chu yis khrus byas la// de yi bu sdug gdong la ni// dar gyis legs par dkris nas ni// yol ba'i mthar ni drangs pa la// bla mas 'di skad dri bar bya// sdug pa khyod su tsi la dga'// des kyang bdag ni bskal pa bzang // bde ba che la rtag tu dga'// de nas las kun byed pa'i chus// yol ba'i phyi ru bsang gtor bya// de nas slob mas 'di skad du// sangs rgyas kun gyis rang bzhin sku// slob dpon la ni skyabs su mchi// dpa' bo rnal 'byor ma 'khor lo// rnal 'byor rnams la bdag phyag 'tshal// thar pa chen po'i grong mchog tu// mgon pos bdag ni 'jug par mdzod// bla mas kyang / ni 'di skad du// de bzhin gshegs pa kun gyi gnas// he ru ka dpal grong khyer mchog/ snying po bsdus pa'i dkyil 'khor du// bdag gis slob ma gzhug par bgyi// de nas lho sgor mngon phyogs la// oM na ma ste hUM/ na mA mi hUM/ na mo na ma hUM/ lus ngag yid kyi phyag gsum bya// snying gar rdo rje rab bzhig la// rnal 'byor sems ni bskyed par bgyi// oM yo ga tsid+d+hit+pAd+hA ya mi/ su rasta sa ma ya s+t+waM hoHsid+d+ha badz+ra ya thA su khe/ de yi spro ba skyed pa ni// deng khyod de bzhin gshegs pa thams cad kyi rigs su zhugs kyis// ngas khyod la he ru ka'i ye shes bskyed par bya/ ye shes gang gis de bzhin gshegs pa thams
- 69a
cad dang / dpa' bo dang rnal 'byor ma rnams kyi dngos grub kyang thob par 'gyur na// dngos grub gzhan lta ci zhig smos kyis// khyod kyis dkyil 'khor ma mthong ba rnams kyi mdun du brjod par mi bya ste/ dam tshig nyams par gyur ta re/ he ru ka dpal deng khyod kyi// snying la yang dag zhugs par mdzad// gal te tshul 'di smras na ni// de ma thag du dral te gshegs// bdud rtsi lnga yi chu dag ni// thod par legs par byugs nas ni// mna' chu blung phyir 'di skad brjod// 'di ni khyod kyi dmyal ba'i chu// dam tshig nyams na sreg par byed// dam tshig bsrung na dngos grub ni// rdo rje bdud rtsi'i chu 'dis 'thob// oM bany+tsa a pre tod kaSh+ThaSh+ThaSh+Ta hUM deng nas brtsams te khyod kyi dpal he ru ka nga yin gyis// ngas kyis cig ces bsgo ba de khyod kyis bya dgos so// khyod nga la brnyas par ma byed cig/ khyod mi bde ba ma spangs par tshe'i dus byas nas dmyal bar ltung ra 'gyur ta re// // de nas dpa' bo dang nal 'byor ma thams cad kyis byin gyis rlobs la/ dpal he ru ka ba dgral 'bab par mdzod cig ces sgrar gzhug go// bdud rtsi lnga dang byi la'i thun// gu gul bud med gos kyi mtha'// pad+ma'i snod du bzhag nas su// dur khrod me la bdug par bya// g.yas brkyang bal legs bsdams te// gnyis med gsang sngags bzlas byas nas// skad cig nyid la yang dag 'jug/ oM tISh+Tha mthu bor+ha A be sha yadz+dza/ oM shrI he ru ka ya bid+me ho/ bit+tA rA dza ya nI ma he swAt+ma/ zhes ni dpa' bo bskul bar bya// de nas yon thogs grong khyer du// skor b.lan gsum byas nas ni// bsten nas snyems pa'i matog ngor// pra t+tir+yA badz+ra ho// dkyil 'khor gang du me tog babs// de yi rigs ni bstan par bya// slar yang de nyid blangs nas su// slob ma'i mgol bcing bar bya// he ru ka dpal dang khyod kyi// mig ni 'byed par brtson
- 69b
par mdzad// rdo rje'i mig ni bla na med// thams cad mig ni bye bar 'gyur// oM badz+ra Ne tra a pa ha ra phaT laM tsi// brjod nas gdong g.yogs phud nas ni// dkyil 'khor bzang po 'di la ltos// da ni dad pa rab tu bskyed// khyod ni rnal 'byor ma rig skyes// sngags dang phyag rgyas byin gyis brlabs// 'gro ba phun sum tshogs kun dang // dngos grub bu khyod skal ldan 'gyur// dam tshig thams cad bskyang ba dang // gsang sngags la yang brtson par gyis// de nas dkyil 'khor gyi de nyid ni// dbus kyi pad+ma rin chen 'dzin// thugs kyi 'khor lo mi bskyod pa// gsung gi 'khor lo snang mtha' yas// sku yi 'khor lo rnam snang mdzad// sbubs rnams kun ni don yod la// sgo bzhi dran pa nyer gzhag bzhi// kha dog lnga ni rigs lnga la// gru ba ni tshangs pa'i sgo bzhi gsungs// logs bzhi bsdu ba'i dngos po ste// ka ba brgyad ni rnam thar brgyad// gdong bzhi ye shes bzhi yi don// tro ra Na la sogs pa kun// stobs la sogs pa yin par gsungs// rnam shes dag pa dur khrod la// phyogs skyong mi dge bcu po spong // sangs rgyas brgyad kyi mtshan ma shing // gdug pa 'joms phyir shing brgyad do// thugs rje'i rtags su sprin brgyad do// de nas lha'i rnam dag ni// dpa' bo che la bu khyod ltos// dbyibs dang ye shes gnyis med pas// yu ma dang gnyis su med pa yin// mthing ga skyon gyis ma gos pa// zhal bzhi rnam par thar pa bzhi// spyan ni dus gsum mkhyen pa ste// rten 'brel dag pas phyogs bcu gnyis// pha rol phyin pas rgyan drug la// 'khor lo lnga yi lha rnams ni// sum cu rtsa bdun byang chub phyogs// yin par mngon rtogs gzhung ltar sbyar// slob ma gzhug pa'o// de nas slob mas bla ma yi// zhabs la dad pas phyag bya ste// thal sbar yon ni phul ba yis// dbang bskur don du gsol ba gdab// byang chub rdo rje sangs rgyas la// ji ltar
- 70a
ma mnan lag pa/ dag thang dang ba'ad med// rnams na dang bdug gsu// da nga da 'aM// 'ad ba brgyad dbyas su'i ba shams te/ thobs tag pa'i rnal 'byor ba/ sa rnabs bzhag pa bya// nams nam rgyal bum par ban+d+ha// me pra byud par ba stesanapa // ky-il 'khyer lus la btsu nas su// zlab ma'i bar bkra bar \u0f7f// dbang bska rje chen pa ni// 9 gnam ldan rjes phrag byas pas// g.yang ga sum gnas las byung ba y-i// sangs kyi na gyi chu dbang b+ha~M// oM s+yAd/ ad+hi Shany+dzA me// shid ngam na che du brdzun la// rin chen 'byung bar bskyed nas sa/ shes pa 'id lus lag ngagasum gnas las la/ sa rgyas dun ci nga // de nga byed la bcur bar bya// da ca dam brjid kyis 'ang / na da can pa'i rlo/ 'ad pag oM b+hi'i u mi/ tiSh+Tha badz+ra sa ma ya te/ thog mtha' med pa'i sems dpa' ni// rdo rje sems dpa' de bzhin gshegs// kun tu bzang po kun bdag nyid// rdo rje snyems tshul bdag po'i bdag/ a las bskyed pa'i dri bu yang // lag pa lon par byin nas ni// dam tshig 'khor lo rus la gzug/ 'di ni sangs rgyas thams cad kyi// shes rab dbyangs kyis rjes 'gror bshad// thod kyis kyang ni rtag tu bcar// byang chub mchogs rgyal ba bzhed// srid par po nyid kyi sa dag/ ngo bo nyid kyis srid bral byas// rang bzhin dag pa'i sems dpa' ni// srid pa'i dam pa byed par 'gyur// dzadza dril bu skye bar ni// dam par snang mdzad cu'i rnam banam//
- 70b
oM shrI he ru ka a d+hi pa ti s+t+waM/ a b+hi Shiny+tsa maM/ oM shrI he ru ka nA ma a b+hi She ka ta/ shI yi sgra dang bcas pa 'dis// rigs las drangs te ming dbang bskur// chu dang cod par rdo rje dang // dril bu dang ni ming dbang bskur// bde gshegs lnga yi bdag nyid de// phung po lnga dang nyon mongs dag/ rig pa'i dbang lnga'o// srid pa'i bde ba shin tu chung // sdug bsngal chen po zhib byed pa// shin tu bde ba dam pa'i thabs// dam tshig rtag tu bskyed// bar bya// yid kyis lus ni brtan pa'i phyir// phyag rgya'i dam tshig ces byar brjod// / dam tshig gsum ni byin nas su// de nas sngags kyi dbang bskur byin// nyi shu rtsa gnyis yi ge mchog/ bdag gis bcom ldan 'dir byin lags// 'di la 'go bar mdzad du gsol// bdag gi bcom ldan 'dir bzung lags// bdag la 'go bar mdzad du gsol// zhes pas sngags kyi dbang bskur byin// gzhan don nus pa'i gtso chen gyis/ dbang skur don du gsol ba gdab// he ru ka dpal dbang bskur ba// 'gro ba skyob phyir gzi brjid can// ji ltar yon tan 'byung gnas sogs// de bzhin bdag la de gsol cig/ dpa' bo chen po mi ldog pa'i// dbang bskur ba ni bdag la gsol// sems can kun gyi don gyi phyir// bdag ni rtag tu slob dpon 'gyur// de nas brtul zhugs sbyin pa ni// 'di de sangs rgyas thams cad de// he ru ka dpal phyag na bsnams// khyod kyis kyang ni rtag tu bcang // he ru ka dpal brtul zhugs bstan// oM sarba ta thA ga ta sid+d+hi badz+ra sa ma ya a d+hi pa ti s+t+waM badz+ra saM ma ya a d+hi pa ti s+t+waM e Sha s+t+waM/ d+ha ra yA mi hUM ha ha ha ha hrIHrdo rje'i brtul zhugs so// kha T+Ta tsa te pad snod sogs// dpa' bo chen pos blang bar bgyi// he ru ka yi phyag rgya 'di// phyi rol nang na yang dag gnas// spyod pa'i brtul bzhugs so// // g.yon pa'i phyag gis chos gos mtha'// brtul zhugs can
- 71a
gyis bzung ba dang // g.yas pas mi 'jigs sbyin par bya// slob ma lung ni bstan par bya// oM 'di ltar nga yis lung bstan te// rdo rje sems dpa' de bzhin gshegs// srid pa'i mtha' ni grub pa'i phyir// srid pa'i ngan 'gro kun nas bton// oM shrI he ru ka ke ti na maHsarba ta thA ga ta sid+d+hi sa ma ya s+t+waM/ b+hur b+hu ba swa// khyod ni 'khor lo gsum dbang phyug/ sangs rgyas kun gyi rang bzhin nyid// he ru ka dpal zhes bya/ ba// de bzhin gshegs pas lung bstan to// deng nas brtsams te rdzogs sangs rgyas// rnal 'byor ma deng dpa' tshogs dang // shes rab thabs kyis bsnyems chen gyis// gar chen bde bas dga' ston gyis// gar ro// sgeg dang bcas pa'i phreng bar bya// sangs rgyas kun sogs rnal 'byor ma// des ni bral bar mi 'gyur te// phreng ba 'di ni rgyan yin no// phreng ba'o// lus can kun la dam chos kyi// khyod kyi glu ni blang bar bya// de nas rnal 'byor mde dang // mchog tu bde ba myong bar 'gyur// glu'o// khyod kyis rgyal la dri phul la// tshul khrims ting 'dzin shes rab dang // rnal 'byor ye shes mthong ba yi// byang chub lus can rnams la bsgos// dri'o// rdzogs sangs rgyas/ la spos phul nas// brtul zhugs bzang pos legs tshim gyis// lus can bde gshegs cha lugs su// ye shes kyis ni tshim par 'gyur// spos so// chos kyi mar me legs sbar na// pad+ma gar dbang rang nyid 'gyur// sems can ma rig ljongs rnams la// ye shes sgron mas snang bar gyis// mar me'o// ji ltar mig mkhan rgyal po yi// 'jig rten rab rib bsal ba ltar// bu khyod kyis ni mi shes pa'i// rab rib rgyal ba rnams kyi bsal// oM badz+ra NaM tra a pa ha ra pa Ta laM hrIHthur ma'o// chos rnams gzugs brnyan lta bu ste// gsal zhing dag la rnyog pa med// gzung du med cing brjod med pa// rgyu dang las las kun du byung // ngo bo nyid med gnas med par//
- 71b
de ltar chos 'di shes gyis la// sems can don ni mnyam med gyis// 'on tang rnal 'byor ma sras skye// me long ngo // khyod ni the tshomadog med par// yid gnyis med pa'i sems kyis ni// chos kyi dung ni bla// med pa// dri med kun tu dag par gyis// dud do// zhi dang rgyas dang dbang dang dgug/ sdang bar bya dang gnas pa dang // bsad dang bskrad pa la sogs te// las de rnams ni grub par gyis// ral gri mig sman sa 'og dang // shing lham de bzhin ri lu ste// rnal 'byor ma yi dngos grub rnams// ci dga' bar ni grub par gyis// shes rab thabs dag rang bzhin gyis// yid bzhin nor bu ji bzhin du// skyo dub dogs pa ma byed par// da ni sems can don rnams kyis// byang chub snying po mthar thug par// ji lta ji ltar 'dul 'gyur ba// chos kyi 'khor lo bla na med// kun nas rab tu bsor bar gyis// dgun zla 'bring po nas brtsams nas// yar ngo mar po'i tshes bcul// 'bad pas dpa' bo chang sogs kyis// rdo rje lha mo rab tu mchod// gsang ba mchog gi dkyil 'khor du// mchog tu rab zhugs mthong bas na// de khyod sdig pa thams cad las// rnam grol bzang por 'gyur bar gnas// sangs rgyas kun gyis mnyam gsungs pa'i// rjes gnang mchog tu dbugs dbyung ba// dngos grub mtshan nyid snum pa ni// 'di dag rtag tu bsrung bar gyis// slob ma dad pa'i stobs kyis ni// bla ma'i zhabs la phyag 'tshal nas// gtso bos ji ltar bka' stsal pa// de ltar bgyi zhes smra bar bya// dbang bskur rjes gnang thob pa yis// bya ba byas pas rab dgod cing // kun tu dga' bar byed pa yi// 'jam pa'i tshig ni brjod par bya// deng dus bdag tshe 'bras bu yod// bdag gi gson pa 'bras bur bcas// de ring sangs rgyas rigs su skyes// sangs rgyas sras su gyur te//
- 72a
rtog pa'i mtshon chen rab 'jigs pa// nyon mongs 'dam ni brgal dka' zhing // mnar med la sogs skye ba 'khrungs// mgon po khyod kyis bdag bsgral lo// bag chags thams cad spangs pa yi// byang chub dam pa bdag 'tshal ba// khyod zhabs lam gyi bka' drin gyis// rdzogs pa nyid du bdag gyur to// slob dpon dbang bskur yang dag rdzogs// bum pa las ni byung ba'o// gnyis pa gsang ba mchog yin te// gsum pa shes rab ye shes yin// bzhi pa de ltar yang de bzhin// dbang bskur 'di dag yang dag ldan// de ni dam tshig can zhes bya// bla ma'i ngag la rtogs pa'i phyir// mchog dbang gsum po gsal ma byas// rdzogaso// de nas gzhan yang rab gnas kyi// cho ga pha rol son pa bshad// sngar bshad mtshan nyid ldan pa yi// slob dpon du ni rab tu brtag/ lugs ma mngon par 'dus byas pa'i// sku gzugs la sogs pa rnams ni// rab gan don du sa sbyang zhing // bla bre rgyal mtshan ba dan rnams// brgyan cing sa ni yongs su bzung // sku gzugs sam ni glegs ba ma mam// bris sku yongs su rdzogs pa rnams// mdun rol du ni gnas par bya// dkyil 'khor 'khor lo/ nam mkha' gnas// nyer spyod lnga yis yang dag mchod// sa ma ya s+t+waM/ sa ma ya ho// lan gsum du ni brjod par bya// ji ltar rdzogs pa'i sangs rgyas kun// dga' ldan yang dag gzigs nas ni// lha mo sgyu 'phrul lhums zhugs ltar// de bzhin 'dir ni gzhugs su gsol// che ge zhes bya'i don du ni// byang chub sems ni yongs sbrel phyir// me tog la sogs 'di bzhes te// mgon po 'dir ni brtag bzhugs mdzod// tshigs 'dis de bzhin gshegs pa rnams// lhag par gnas pa byas nas ni// mkhas pa yis ni bstod byas na// yungs kar gyis ni bskor nas kyang // lan gsum du ni spang bar bya// bdag chal gyis ni khrus kyang bya// dri zhim ldan pa'i mar sa thamathas pa mamasam ya ngas pang ma yam sa ra ma ma sams ma ma mam samam mamamatha ra ya ma tha sa pa ba nga ma ma pa ma 'amamam ma ba yang ba ya ba ba ngar ma par dag par ba ma pa sa
- 72b
gyi byug/ slar yang bum pa so so yi// sku gzugs rnams ni khrus kyang bya// phyi nas nam mkhar gnas pa yi// dkyil 'khor 'khor lo bcom ldan 'das// lugs ma la sogs rab zhugs bya// yul chos la sogs ji bzhin du/ las bcu yis ni bya ba bya// spyan ni dbye ba byas nas su// rdo rje'i spyan du byin gyis brlab// ji ltar mig mkhan rgyal po yis// 'jig rten ling thog bsal bltar// de bzhin rgyal ba rnams kyi spyan// sems can don du dbye bar bgyi// oM/ tsak+sha swar+thas mAn+ta drA br-i shan ya staH// dngum byin nus spyan bya'o// rdo rje'i sgran byin gyis brlab// 'gra rnams rgyas kyis 'bangs pa la// rgyal pas chas kyi drang bus spyang // de bzhin sems can na gyi phyid// rgyal ba'i sman ni kyi pabar bya// oM daM byaM kar Na ye swA hA// gser gyi rmangs tshes shangs phye la// rdo rje'i shangs su byin gyis brlab// zag bcas phung po dri spangs pa'i// 'gro ba sems can don gyi phyir// rnam par dag pa'i dri bskyed ltar// rgyal po'i shangs ni dbye ba b+ha// oM d+hi b+hag+hA Na ye swA hA// zhal zur gyis zhal phyel// rdo rje'i zhal du byin gyis brlab// chos kyi ro yi dga' ba yis// 'gro ba thams cad tshi ma mdzad pa// ro mchog brgya ldan zhal rnams// dbul phyir rgyal ba'i/ zhal dbye'o// oM di bya mu kha ye swA hA// choms shing gis tshems phyis la// rgyal po'i tshoms dkar bzhi bcu la// mi gtsang rdul gyi mgos te// bskur sti rin chen ljon shing gis// rgyal ba'i tshems ni dbye ba bya// ras kyi sku byis la// rgyal bas nyes pa'i skyon spangs kyang // sems can nyes pa sbyang slad du// ras dkar gtsang ma'i pho ldi yis// rgyal ba rnams ni sku phyi'o// oM kA ya bi sho d+ha ne swA hA// rab byung yin na gser gyi spu gris dbu skra bzhar la// ji ltar rang byung mchod rten du// rgyal bas khyim pa'i rtags spangs ltar// 'gro ba sems can don gyi phyir// khyim pa'i rtags rnams spang bar bya// 'khor los bsgyur ba'i cha byad yin na// rgyal ba'i dbu skra lung lo la// dug gsum dri mas
- 73a
mgos te/ bkur sti dung gi so mangs kyis rgyal ba'i dbu skra bshad par bya// byang chub sems dpa' 'khor ba na gnas rnams la// 'khor ba'i yo byad rnams phul la// 'gro ba sems can la kun la phan pa'i phyir// rigs pa'i gnas ldad dgal bslab bya zhes// ji ltar thugs dam rgya cher ba zhes pa ltar// mkho ba'i yo byad rnams ni dbul bar bya// oM bo d+hi satwa/ oM yu ka sa pa ri s+pha ra ye swA hA// de nas rdzas kyi mchod pa'am// 'dod// yon lnga yi mchod pa las// spyan la sogs pa'i skyed mches la// ci rigs par ni mchod par bya// de nas mnga' che ba'i rdzas dbul te// rin chen bdun dang bkra shis brgyad// sman lnga la sogs mkho ba'i rdzas// rdo rings gleg zag la sogs dbul// rin chen mnga' dbul 'dir me brjod// bkra shis brgyad kyis mnga' dbul ba// ji ltar sngon gyi sangs rgyas la// bkra shis dpal be'u g.yu drung 'khyil// dge ba'i don du mnga' bltar// bdag gis dpal be'u dpral bar btso// de ltar sngon gyi sangs rnas pa// gsar kyi 'khor lo makrud can// tshangs bachen pos bral ba ltar// de bzhin pa dag gis dbul bar gyi// ji skar sngon gyi sangs rgyas pa// gdug dkar gsor gyi yub can// bral ba de bzhin padag dbul gyis// ci bde bar ni bzhes su gsol// ji ltar sngon gyi sangs rgyas la// nyon mongs bdud las rgyal ba yi// chos kyis rgyal mtshan bral bltar// de bzhin bdag gis dbul bar bgyi// ci bde bar ni bzhen sugasol// re ba thams cad rdzogs mdzad pa'i// bum pa bzang po bral ba ltar// bdag gis de bzhin dbul bar bgyi// ci bde bar ni bzhes su gsol// ji ltar sngon gyi sangs rgyas la// 'dam gyi skyon gyi mgos pa'i// pad+ma dkar po phul bltar// de bzhin bdag gis dbul bar bgyi// ci bde bar ni bzhes su gsol// ji ltar sngon gyi sangs rgyas la// snyan pa phyogs bcur sgrogs pa yi// bud dung g.yas 'khyil phul bltar// de bzhin bdag gis dbu
- 73b
b.rabartsi// ci bde bar ni bzhes su gsol// ji ltar sngon gyi sangs rgyas la// na bza' gser gyi dang ris can// dul ba de bzhin bdag 'bul gyis// ci bde bar ni gzhes su gsol// de las gzhan pa'i mnga' dbul ba ni// bde gshegs rnams las 'bru phul bas// zas kyi 'byor pa ldan pa dang // dge ba'i lo tog rgyas gyur cig/ rin chen sna lnga phul ba yis// bdag dang 'gro ba thams cad kyi// dbul ba'i sdug bsngal zhi ba dang // longs spyod// phun sum tshogs gyur cig/ bde gshegs rnams la sman bul bas// nyon mongs brgyad khri bzhi stong gi/ nad kyi sdug bsngal byang gyur nas// zugs rje'i sman gyis gdul gyur cig/ snying po rnam pa lnga phul bas// bdag dang 'grob thams cad kyis// ye shes rnam pa lnga rtogs te// yang dag snying po ldan gyur cig/ de nas gur kum la sogs chus// dri sgo'i phyir na bkru bar bya// mchod rten glegs pa ma la sogs la// dbang po skye mched med pa'i phyir// spyan dbye// mags tha ma gad // A p+na ba dang thus byaste// ma tham sa thag da dang / 'ab ba Na ba rgyam macan dang // gdugs las gas pa'i mi byad nams// badzad rten rnams pa dbul par bya// gsang ga rten du gnas byung na// thugs/ shing phul la/ chos dbyings nam mkha' lta bur dag pa la// sdom dang mi sdom mtshan ma nyid med kyang // nyi zla lta bu'i glegs shing 'di 'phul bas// dbyings dang ye shes gnyis med 'brel bar shog/ glegs thag phul la/ tshes dpyid// 'gyur med rdo rje'i rang bzhin la// bcings dang ma bcings mtshan ma gnyis med kyang // rin chen sna lnga'i glags thag 'di phul bas// 'gro ba'i don la rgyalag byed par shog/ na bza' phul la/ rin chen 'byung gnas dam chos bdud rtsi la// rin chen sna tshogs rin chen rgyan sbas pa'i// rin chen rgyan pa'i na bza' 'di gsol bas// chu la sogs pa'i bar chad med par shog/ de ltar mnga' dbul byas nas kyang // sbyin sregs las kyis rdzogs par bya// / kun nal ni me yin pas/
- 74a
mkhas pas rab tu gnas par bya// rab gnas yang dag rdzogs dus su// bstod dang bkra shis brjod bya zhing // bro dang gar srogs sil snyan sgra// ji ltar snyed pa rab tu brjod// lha mo rnams kyi dam tshig tshad ma dang // des bshad gsung ni chad mar gyur pa ste// bden pa des na lha mo rnams kyis 'dir// rjes su bzung ba'i rgyur ni 'gyur bar shog/ tsA ru bza' bar ldan pa dang // cho gar yang dag ldan pa yis// rnal 'byor ma rnams legs 'dus to// tshogs kyi 'khor lo chen po bskor// 'byung po rnams la gtor ma sbyin// sngon mo dang ni yon dbul bas// skye bo tshim zhing rgyas par bya// lha yi 'jig rten skyong la sogs// gang tshe rtag tu gnas gyur pa// mchod dang mchod bya mnyam ldan par// de tshe lha yang dag gzhug/ nga yis rab tu gnas pa yis// gtsug lag khang la sogs pa yi// ji srid gnas pa de srid du// bsrungs shing khyed kyis legs par skyongs// brjod nas bzod pa gsol bya ste// gang yang dag blo gti mug pas// legs spyad 'di la nyes gyur gang // 'di kun bya ba gang nyes pa// 'di ni khyed la bzod par gsol// khyed kyis sems can don kun mdzad// rjes su mthun pa'i dngos grub gsol// sangs rgyas yul du gshegs 'tshal te// slar yang byon par mdzad du gsol// brjod nas ye shes lha rnams gshegs// dam tshigs bsdus nas shes rab thabs// cho ga gnyis kyis rab bsrungs te// slob dpon slob ma legs par gnas// dbang bskur rab gnas rdzogs nas su// ston mo dang ni yon yang dbul// skye bo tshi ma zhing rgyas par bya// dmang rigs stong phrag gnyis dag kyang // bram ze gtsang ma gcig dang 'dra/ bram ze stong phrags gnyis dang ni// dge slong gcig la rab tu sbyar// dge slong stong phrag gnyis dang ni// rdul med pa ni gcig dang sbyar// rdul med stong phrag gnyis dang ni// ye shes ldan pa gcig dang sbyar// ye shes ldan pa stong/
- 74b
phrag gnyis// slob dpon gcig dang mnyam par bshad// de nas bla ma dag la yon// de bzhin gshegs pas gsungs pa dbul// gser ni brgya stong dbul ba dang // rin chen rnam pa sna tshogs dang // ras ni bzung 'gyur brgya nyid dang / glang po rta dang yul 'khor dang // rna rgyan dang ni gdu bu dang // mgul rgyan sor gdub dam pa dang // gser las byas pa'i mchod phyir thogs// chung ma bzang dang bu mo nyid// bran pho bran mo sring mo rnams// ding nas brtsams te bran du ni// de la bdag ni dbul lags zhes// blo ldan kun nas dang pa yis// bdag nyid kyang ni dbul bar bya// de nas de la mkha' 'gro ma// rnal 'byor ma rnams mnyes par 'gyur// tshon la sogs pa'i dngos po kun// nang par tho rangs bsdu/ bar bya// bsdus nas gser gyi bum par ni// bcug nas chu bo chen por dor// bum pa thams cad bsdus nas ni// sngon bzhin du ni dga' stor bya// de nas bdud rtsi lnga sogs ni// sbyar bas sa ni byug par bya// slob dpon chen po lnga yi pa'i// mngon rtogs tshad mar rab gzung ba'i// lam de'i dkyil 'khor cho ga ni// lung la dad pas rab tu blangs// dpal ldan 'khor lo sdom pa yi// dkyil 'khor cho ga mdor bsdus pa// byas pa'i dge ba gang thob pa// 'gro kun rdo rje 'dzin gyur cig/ dpal 'khor lo sdom pa'i dkyil 'khor gyi cho ga lag tu blang ba'i rim pa pradz+nyA rak+Shi tas mdzad pa gsal ba rdzogs so// 66// dpal 'khor lo sgom pa'i dbang gi bya ba'i rim pa bzhugs so/ @#// rgya gar skad du/ shrI tsakra sam+ba ra Na ka kr-i yA kra ma/ bod skad du/ dpal 'khor lo sdom pa'i dbang gi bya ba'i rim pa/ dpal 'khor lo sdom pa la phyag 'tshal lo// dngos po thams cad gcig sdom pa// dpa' bo sdom pa la btud de// rgya che mchog tu gsal ba yi// dbang / gi bya rim bshad par bya// de la ji lta ba bzhin du dbang bskur ba rjes su gnang zhing / rnal 'byor bzhi la mkhas pa/ rnal 'byor pa rig pa bzlas pa'i rang gi slob ma legs par yongs su brtags te rjes su 'dzin par 'dod pas//
Colophon
dpal 'khor lo sdom pa'i dkyil 'khor gyi cho ga lag tu blang ba'i rim pa pradz+nyA rak+Shi tas mdzad pa gsal pa rdzogs so/