MW21521_D75D44མན་ངག་ཨ་ཏི་ཡོ་གའི་ཆོས་སྐོར།All versions of this work

rig pa nam mkha' ltar gsal ba zhes bya ba'i rgyud

Text

ff. 290b–296b · 13 folio sides

  1. 290b

    las 'byung ba yang min// sangs rgyas kyi che ba'i yon tan gyis byin gyis brlabs las 'byung ba yang min/ thabs dang shes rab las 'byung ba yang ma yin/ rgyu rkyen lnga las bskyed de 'byung ba yang ma yin/ de dag kun gyi bcud kyi snying por byang chub kyi sems shar te/ sems la mthong zhing rtag tu med pa na/ phyogs su bltas shing maung med ji ltar yang gdags/ rtsa ba'i snying po la rtag tu goms par blta'o// byang chub kyi sems thig pa nya mo bag la nyal rdzogs so// / rgya gar gyi mkhan po shrI sid+d+ha dang / bod kyi lo tsa pa bai ro tsa nas bsgyur ba'o// / rgyu gar skad du/ tsit+ta bA sa mo g+ha Shod+d+ha ye nA ma/ bod skad du/ rig pa nam mkha' ltar gsol ba zhes bya ba'i rgyud/ rig pa'i ye shes la phyag 'tshal lo// 'di skad bdag gis thos pa'i dusaM gcig na/ chos nyid nam mkha' dbyings kyi klong / b+ha ga bgyil ba'i gnas na ston pa nyid bzhugs te/ nyid las byung ba dang / nyid kyi rjes su 'thun pa dang / nyid kyi rjes su slob pa'i 'khor 'di lta ste/ sa dang / chu dang / me dang / rlung dang / nam

  2. 291a

    mkha' dang / 'dras pa dang / ma 'ongs pa dang / da ltar ba'i sangs rgyas dang / rnal 'byor bzhi po dang / 'byed pa mi mnga' ba'i thugs rjes thabs gcig tu bzhugs so// de nas nyid kyi sprul pa nyid las byung ba'i 'khor/ rdo rje sems dpa' nyid la bskul zhing 'di skad gsol to// thams cad mkhyen pa spyan gyi mchog/ the tshomo thams cad gcod mdzad pa// drang ba'i theg pa mthar phyin nas// nges pa'i theg pa mi gsung ba// thugs rje chen po mi skyod dam// zhes bskul bas// nyid kyi ye shes las nyid kyi snang ba chen por mdzad nas/ 'di skad ces gsungs so// sangs rgyas kun gyi ye shes ldan phyir khyed gnyis smra ba'i seng ge ste// sku dang / gsung dang thugs kyi rang bzhin rmad du byung bar bshad// rin chen 'phrul snang thabs rnams mos pa'i blo la snang // brjod med chos nyid chos rnams kun gyi chos nyid don/ ces gsungs so// de nas nyid kyi yang sprul pa'i sprul par mdzad nas/ sprul pa'i sprul pa des 'di skad ces gsol to// bdag gis sems kyi mtshan nyid skye med la// nyid kyis skye bar byung ba'i don ji lta bu lags// bdag gis sems kyi mtshan nyid rtsol bral na// nyid kyi rgyu las rkyen gyis

  3. 291b

    bsgrubs// skye ba med las skye ba dang // 'gag pa med las 'gag pa ste// bdag gis ma rig brtag par dka'// gsung gi sgron mas gsal bar mdzod// ces gsol pa dang // de nas ston pas 'di skad ces bka' stsal to// thams cad sems kyi rang bzhin skye med na// rtag pa blo yis rtag na 'khrul pa'i nad/ de yi rang bzhin ci yang ma yin skye ba med// skye ba med pa'i cho 'phrul skye bar snang // zhes gsungs so// rog pa nam mkha' ltar gsal ba'i rgyud las gleng gzhi'i le'u ste dang po'o// // de nas yang sprul pa'i sprul pa des 'di skad ces gsol to// dngos po gsum po dbyer med cing // ma bcos sku gsung thugs su gnas// bde ba la sogs nyon mongs lnga// rgyu med ma byung rang gsal dag/ brtags pa'i 'bras bu sgyu ma 'dra// nam mkha'i mtha' bzhin mnyam par gnas// ye nas grub cing 'gyur ba med// phyi nang med pas kun la khyab// thams cad 'du zhing de las byung // snang ba'i dngos po thams cad kun// btsal med rang byung rgyal por bshad// mtshan du med cing lhun gyis rdzogs// kun tu bzang po'i rang bzhin blang dor med// chos nyid bsam du med pas nam mkha'

  4. 292a

    'dra// ci yang mi sgom mi btsal dmigs mi bya// mi spro mi bsdu gyi na lkug par bzhag/ chos rnams gcig pa'i snying por mi 'gyur don// rgyu yis ma bskyed rtog pa'i rgyu dang bral// de yi rang bzhin de yin mi gsal te// gnyen po med phyir de nyid rang rig yin// mi gnas mi brten mi 'cha' yul dang bral// rtsolo bas bskyod pa med cing rang lus med// sngon du byed pa'i yan lag med// 'bras bu rang bzhin med de ye nas lhun gyis grub// gdeng dang ldan pas gang yang bsgrub// pa med// mtshan ma chos kyi mi rtsol gang yang rtsol ba med// ma skyes sems kyi rang bzhin brjod med grol// rang bzhin snang bas mi rtsol mtshon dang bral// rgyu 'bras rten dang bral ba'i chos nyid la// rgyu dang 'bras bur lta ba sgro 'dog so chos// 'byung ba lnga las ma byung bskyed pa med// sku gsung thugs la mi dmigs rten mi 'chal// rang bzhin gnas pas ma btsal thog tu phebs// 'das dang ma 'ong da ltar thos med dge/ chos kyi chos nyid gsal ba snang ba med// mi rtog bsam mi khyab pa ye shes che// brtag pa ma yin rig pa tshad ma ste// shes pa gsum gyi mtshan nyid ma 'dres gsal// rig pa cir yang ma 'gags nam mkha'i mtha'// nyi ma'i

  5. 292b

    'od ltar gsal zhing rang rig snang // gnyis su med cing dbyer med cir mi dgongs// log rtog 'khrul pa'i rang bzhin byang chub sems// thams cad chos nyid rang gsal sems nyid gsal// spyod pa thams cad byang chub sems su gnas// dbyings dang ye shes tha dad bral ba med// mtshan ma'i gzung 'dzin med cing de yi/ dang / thabs kyi rang bzhin 'brel ba'i don du gnas// zhes gsol to// rig pa nam mkha' ltar gsal ba'i rgyud las/ lta ba bstan pa'i le'u ste gnyis pa'o// / de nas sprul pa'i sprul pa des 'di skad ces gsol to// chos rnams thams cad skye med rtsal bral na// skal ldan gdul bya rnams kyi ngo dag dang // sku gsum rnam grangs snang ba'i don gang lags// de nyid blo la snang ngam dngos po lags// zhes gsol pa dang // sprul pa'i ston pas 'di ces bka' stsal to// chos rnams thams cad skye med spros bral yang // las dang skal bar ldan pa gang dag la// tha dad ma 'dres gsal zhing 'dren par mdzad/ nyon mongs rkyen gyis mgos pad+ma 'dra// zhes gsungs so// de nas yang sprul pa'i sprul pa des/ blo la snang ba'i rtog pa 'di skad ces gsol to//

  6. 293a

    snang ba ma bcos chos kyi sku// rig pa ma sbyangs longs spyod rdzogs// thugs rjes sprul pa'i sku ru shar/ snang srid thams cad zhing khams yin// / snod bcud sems can sangs rgyas rnams// skye med thams cad byin rlabs 'khor// gsang sngags gter gyi rig pa rdzogs// mi rtog spros med sems su shar// 'du shes 'phel phyir de yi 'khor// ma skyes 'gyur med rtag pa yin// rang byung spros med byin rlabs shar// rang rig gzugs su snang ba dang // bde ba ma lus rang rig kyang / rig pa nyid la gdod nas rdzogs// khyad par bde ba lnga yi yin// lhag pa'i bde ba lha yi yin// rang 'byung spros med sems la rdzogs// shin tu bde ba thams cad kyang // rang byung spos med sems la shar// bde ba chen po thams cad kyang // rang byung spros med sems la 'dus// longs spyod ma chags zhing khams yin// rigs pa'i 'khor la dgongs pa chad// ting 'dzin rig pa gdeng gis go// gnas dang 'khor dang bstan pa tshang // rig pa'i ngo bo gsal bar ston// ma bcos pa la dgod par mdzod// mtshon byed thabs dang sprad pa dang // dbang gi man ngag ston par mdzod// mtshon bya mtshon byed 'brel bar gnas// thugs rje rang bzhin sprul par shar//

  7. 293b

    stong gsum 'jig rten thugs rje'i gnas// zhen pa'i bsam pas brtags pa rnams// bdag med rang snang 'bras bur shar// ston pa drug gi mdzad par shar/ gang zag blo la 'tshams phyogs su// gang dang 'thun pa'i sgo nas bstan// rig pa nam mkha' ltar gsal ba'i rgyud las/ sku gsum dbye ba'i le'u ste gsum pa'o// tade nas yang sprul pa'i sprul pa des 'di skad ces gsol to// thams cad ring rig rkyen dang bral// snang ba'i chos su btags pa rnams// de la de dag yod ma yin// de la de dag yod pa na// mnyam pa'i don la cis mi mthong // de la de med de mthong 'khrul// dngos po'i chos la 'khrul pa bzhin/ de la de yod bde bar na// de la bden par cis mi mthong // de phyir de dag 'khrul par snang // des na rang rig rkyen dang bral// de rkyen bye brag bzhin tu gnas/ dang po gnyis pa gsum pa bzhi// tha dad bzhi pa spun gyis grub// ma bcos rang snang chu zla 'dra// dngos gzhi nges med gzung ba med// thams cad byang chub sems kyi lung // rtogs pa'i rmi lam chos nyid 'dra// nam mkha' lta bu'i tshul du gnas// ma bgrod cig char 'jug pa'i sa// gang ltar spyad kyang

  8. 294a

    g.yos pa med// rtog pa sems su shes pa la// ye shes bye brag bsam mi khyab// rig pa'i shes pa rig pa'i nyams// dang po gnyis pa gsum pa bzhi// rgya mtsho dpe yi tshul gyis bstan// rnam rtog cir yang mi lta drang ba'i don// zin pa'i nad spangs lhun gyis gnas// rig pa nam mkha' ltar gsal ba'i rgyud las/ rig pa bstan pa'i le'u ste bzhi pa'o// / de nas yang sprul pa'i sprul pa des 'di skad ces gsol to// skye med ma lhun grub la// yon tan 'bras bu lhun grub gnas// lhun grub sgyu ma skye med la// btsal med rig pa'i ye shes lnga// btsal ba med par kun du shar// mi gnas thugs la phyi nang med// stong pa'i ye shes rkyen dang bral// gsol ba'i ye shes chen po ni// shes bya thams cad bsal med shar// rtag pa sems su shes pa la/ bzang ngan che chung blang dror med// shes bya'i don la ma 'dres gsal// thugs rje'i mtshan ma kun tu 'char// ma bcos ye shes chen po la// chos tshul mi zad rgya mtsho 'dra// rang rig yul gyis bskyed pa min// rgyu med bskyed pa'i ye shes min// rtsol ba med pas rgyu dang bral// nam mkha' lta bu'i ye shes la//

  9. 294b

    nam mkha' lta bur ye nas bdal// lhun gyis grub pa'i 'bras bu yin// ces gsol to// rig pa nam mkha' ltar gsal ba'i rgyud las/ ye shes lnga bstan pa'i le'u ste lnga pa'o// // de nas yang sprul pa'i sprul pa des 'di skad ces gsol to// ma 'ongs dus kyi gang zag dag/ rgyud kyi don la mi mkhas shing // ral chod gzu lums byed pa'i phyir// brtse bas don 'di brjod par bya// bcos med ye shes rang gsal la// mi 'gyur 'gyur med ye shes gsal bar gnas// 'jig rten bya bas bsgrub mi byed// kun la snyoms pa'i thugs kyi gnas// 'gro don mdzad dang nyams pa med// nges pa'i ye shes ma rnyed bar/ chags sdang zhen pa'i las mi byed// sems nyid blang dor 'dzin med kyang // lhug pa'i spyod pa gtso cher 'dzin// de nyid don ldan legs pa che// sems nyid dag pa rdeng byas na// thos bsam mi byed blo 'phangs dma'// 'du byed las kyi rjes su 'brang // mkhas 'dod sog tu mi 'dzin la// rna ba rgyud mi rten mkha' 'gro 'dra// srog phyir btsal zhing las las byung // bskal pa grangs med sngon rol nas// sems kyi don la sbyangs sbyangs pas// man ngag rgyal

  10. 295a

    'theb gcig la bstan// bla ma'i bdud rtsi bka' yi bcud// snod ldan ngang tshul bzang la bstan// ces gsol to// rig pa nam mkha' ltar gsal ba'i rgyud las/ dam tshig bstan pa'i le'u ste drug pa'o// // de nas yang sprul pa'i sprul pa des 'di skad ces gsol to// ji ltar sems kyi rang bzhin ni// zla ba'i dkyil 'khor ma 'phros ltar// ma 'dres gsal phyir de dang 'dra// kun gyi rang bzhin de ru gcig/ gcig pas ma 'phros tha dad snang // e ma rang snang ye shes sa// de phyir de la ngo mtshar che// rgyu yis ma bskyed rang bzhin 'byung // rkyen gyis ma bskyed ye nas grub// ci yang ma yin cir yang snang // brtags na dngos gzhi gang yang med// de phyir de la ngo mtshar che// chos rnams ma lus de ru 'dus// 'dus pa nyid na de las byung // e ma kun tu bzang po'i sa// de phyir de la ngo mtshar che// ye shes rig pa rang gsal la// thig le'i mtshan nyid ye nas grub// che ba'i rgyan gyis rnam par brgyan// po med pas ye nas che// spang bya med pas ye nas gsal// tha dad med phyir gnyis dang bral// 'du 'bral med pa'i ye shes ni// mtshan ma'i dngos po kun

  11. 295b

    las 'das// blo yi yul du de ma grub// de la dmigs nas de don bskyed// de phyir de la ngo mtshar che// de nyid de yul ma yin na// de don thabs dang bral ba'i phyir// mtshon byed thabs kyi man ngag bstan// rtog pa'i rim pa blo la bskyed// de phyir gzhi nas mA g.yos pas// mthar phyin gzhi la g.yos pa med// ces gsol to// rig pa nam mkha' ltar gsal ba'i rgyud las/ theg pa'i khyad par che ba bstan pa'i le'u ste bdun pa'o// // de nas yang sprul pa'i sprul pa des 'di skad ces gsol to// bla ma mkhas pa rtag tu rten// dam pa'i don du de la 'dun// bsam pa'i ye shes goms par bya// nyams blangs bsam pas gzung ba'i blo// zad 'gyur mi rtog gsal mthar phyin// 'gyur med rang gsal gyi na bde// lung ston lta bas thag bcad bzhin// bsam med dran pa ma shor te// lus sems khong smod lkug par gnas// de nyid don la mi g.yo bar// cha shas bzes pas don mi bzung // mi bskul mi spo mi rtog gsal// rdul phran rig pa de nyid tsam// sems nyid lhug pa glang chen 'dra// rig pa glang chen bcos med bzhag/ nyam nga med pas khyung

  12. 296a

    dang mtshungs// spyod pa med pas rgya mtsho 'dra// mtha' dang bral bas nam mkha' bzhin// dgos pa skong bas rin chen 'dra// bde ba bskyed pas smran dang 'dra// de 'dra'i 'od zer stobs kyi gsal// mi bsdu ched du yan pa med// goms pa'i shugs kyi 'byung gyur na// 'dzin pa'i rtog pa rjes su dran// de 'dra de yin de gsal med// de nyid mi dmigs nam mkha' 'dra// gang ltar ma yin de ltar yin// zhes gsol to// rig pa nam mkha' ltar gsal ba'i rgyud las/ 'dzin rtog ye shes su gsal ba'i le'u ste brgyad pa'o// // de nas yang sprul pa'i sprul pa des/ mtshan gyi don la 'jug pa'i min ngag 'di nyid ston cing / 'di skad ces gsol to// tha dad brtags pa'i yul med na// rig pa ma 'gags phyogs med gsal// de nyid de la 'dzin med rgyu med rgyur snang gsal// de phyir de nyid rang rig yin phyir 'dzin rtog bral// gang gis de la de rtags med phyir de yis stong // rgyu yis bskyed pa med phyir rkyen gyis bsgrubs pa med// de phyir de lanam mkha' lta bu'i bsam pas 'jug/ phyogs ris tshad las 'das shing mtha' las rtag tu grol// de phyir de la nam mkha' lta bu'i bsam pa 'jug/ ci yang ma

  13. 296b

    yin mtha' dang dbus las grol bar gnas// de phyir de la nam mkha' lta bu'i bsam pas 'jug/ ma rig log rtog sgyu ma 'dra phyir dngos por med// de phyir de nyid bsam med sgrib pa ye nas dag/ de nyid bsam las 'das pas nam mkha'i don la sgom// nam mkha'i don nyid mi sgom sgom pa'i yul las 'das// zhes gsol to// rig pa nam mkha' ltar gsal ba'i rgyud las/ mtshan gyi don la 'jug pa'i gdams pa'i le'u ste dgu pa'o// / rig pa nam mkha' ltar gsal ba'i rgyud rdzogs so// / rgya gar gyi paN+Di ta shrI sing+ga dang / bod kyi lo tsa ba dge slong bai ro tsa nas bsgyur zhing zhus te gtan la phab pa'o// ye shes gsang ba'i rgyud ces bya'o// rgya gar skad du/ sarba kha k+Sha oM ba yan po d+hi tsit+tA tan tra/ bod skad du/ thams cad nam mkho'i ngo bo skye ba med pa'i byang chub kyi sems bsgom pa'i rgyud/ bcom ldan 'das dpal kun tu bzang po la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa/ yang dag par rdzogs pa'i bcom ldan 'das de bzhin gshegs pa thams cad kyi sku gsung