Q853MW1PD96684_0853mdo sna tshogsAll versions of this work

'phags pa sangs rgyas kyi stobs skyed pa'i cho 'phrul rnam par 'phrul ba bstan pa zhes bya ba theg pa chen po'i mdo

Text

ff. 153b–168a · 30 folio sides

  1. 153b

    ye shes bsam gyis mi khyab pa'i yul la 'jug pa bstan pa'i chos kyi rnam grangs 'di la mos pa'i byang chub sems dpa' ngo mtshar du 'dzin par gyur nas khyod chos kyi rnam grangs 'di la mos pa legs so legs so/ / khyod ni dang bcas pa'i 'jig rten gyis phyag b+ha ba'i 'os yin no zhes bsam pa zag pa nas legs so zhes bya ba byin la/ / khyod de bzhin gshegs pa thams cad kyi gsang ba'i gnas rnams su zhugs la chos kyi 'khor lo skor cig ces byas na/ 'jam dpal byang chub sems dpa' de ni de bas ches bsod nams grangs med pa 'phel te/ bsod nams mngon par 'du bya ba 'di la sbyin pa las byung ba bsod nams snga ma des brgya'i char yang nye bar mi 'gro/ stong gi cha dang / 'bum gyi chad bye ba'i cha dang / bye ba brgya'i cha dang / bye ba stong gi cha dang / bye ba 'bum gyi cha dang / bye ba khrag khrig phrag 'bum gyi cha dang / grangs dang / cha dang bgrang ba dang / dpa dang / zla dang / chur yang mi bzod do// bcom ldan 'das kyis gnang ste/ byang chub sems dpa' sgrib pa thams cad rnam par sel bas de skad ces smras nas/ byang chub sems dpa' 'jam dpal gzhon nur gyur pa dang / byang chub sems dpa' de dag dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// // 'phags pa de bzhin gshegs pa'i yon tan dang ye shes bsam gyis mi khyab pa'i yul la 'jug pa bstan pa zhes bya ba theg pa chen po'i mdo/ rdzogs s+ho// // rgya gar gyi mkhan po dz+nyA na ga r+b+ha dang / zhu chen gyi lo ts+tsha baban de ye shes sdes bsgyur cing zhus te gtan la phab pa'o// / rgya gar skad du/ Ar+ya bud d+ha ba lA d+hA na prA ti tAr+ya bi kra pA Na nir de sha nA ma ma hA yA na sU tra/ bod skad du/ 'phags pa sangs rgyas kyi stobs bskyed pa'i cho 'phrul rnam par 'phrul ba bstan pa zhes bya ba theg pa chen po'i mdo// thams cad mkhyen pa la phyag 'tshal lo// 'di skad bdag gis thos

  2. 154a

    padus gcig na/ bcom ldan 'das chu bo chen po klung ne ra Na dza nA'i 'gram na/ 'phags pa spyan ras gzigs kyi dbang phyug dang / lag na rdo rje dang / byams pa dang / 'dam dpal la sogs pa byang chub sems dpa' bdun stong dang / rab 'byor dang / shA ri'i bu dang / maud gal gyi bu la sogs pa nyan thos chen po dang thabs gcig tu bzhugs te/ brgya byin dang / tshangs pa dang / 'jig rten skyong ba dang / rgyal po dang / blon po dang / bram ze dang / khyim bdag thams cad kyis bskor cing mdun du bdar te/ zhal zas kyi bya ba byas nas 'khor gyi dkyil 'khor de dag chos dang ldan pa'i gtam gyis tshim par byas/ bskul/ gzeng stong/ yang dag par dga' bar byas te/ 'khor gyi dkyil 'khor dang thabs gcig tu de bzhin gshegs pa'i rdzu 'phrul chen pos grong khyer bA ra na ser gshegs te/ bA ra na se'i shing a mra srung ba'i tshal na bzhugs so// de nas de'i tshe na sa cher g.yos par gyur nas seng ge'i khri chen po rin po che sna bdun las byas pa 'phang du dpag tshad gcig tsam/ zheng du dpag tshad phyed tsam gyi tshad legs par smras pa/ shin du dga' bar gyur pa/ yid du 'ong ba/ dar gyi chun po btags shing sbyangs pa/ lha'i na bza' brgya stong du ma bting ba lha'i me tog gi chun po bye ba du ma rab tu spangs pa/ lha'i dri dang ldan pa/ kha dog dang ldan pa/ de bzhin gshegs pa'i sngon gyi dge ba'i rtsa ba las skyes pa de mthong ma thag tu sems can thams cad mi skye ba'i chos la bzod pa thob par 'gyur ba zhig byung ro/ / de nas bcom ldan 'das seng ge'i khrid nyid la bzhugs te sangs rgyas phal po che zhes bya ba'i ting nge 'dzin la snyoms par bzhugs nas byang chub sems dpa' 'phags pa spyan ras gzigs kyi dbang phyug dang / lag na rdo rje la bka' stsal pa/ spyan ras gzigs dbang phyug khyod song la mi mjed kyi 'jig rten gyi khams 'di dang / phyogs bcu'i 'jig rten gyi khams gzhan dag na khyod kyis 'dul bar 'gyur ba'i sems can snyigs ma can/ ma dad pa/ sdig

  3. 154b

    pa spong ba/ nyon mongs pa dang nye ba'i nyon mongs pa dag gis bsgribs pa/ mar ma shes pa/ par mi shes pa/ dge slong du ma 'dzin pa/ bram thar ma 'dzin pa/ dkan mchog gsum la mngon par ma dang pa/ da dag thams cad lag na rdo rdza dang / gnyis kyis rdzu 'phrul chen po dang / ting nge 'dzin gyi stobs kyi shugs kyis 'khor gyi dkyil 'khor 'dir sus shig/ de nas byang chub sems dpa' 'phags pa spyan ras gzigs kyi dbang phyug dang / byang chub sems dpa' lag na rdo rjes de bzhin gshegs pa las tshig 'di thos nas sems can thams cad la blta ba dang yang dag par skul bar 'gyur ba zhes bya ba'i ting nge 'dzin la snyoms par zhugs so/ / ting nge 'dzin do'i mthus sa chen po 'di rnam pa drug tu g.yo rab tu g.yos/ yang dag par rab tu g.yos so// de nas lus las 'od zer brgya stong du ma byung ngo // byung nas kyang stong gsum gyi stong chen po'i 'jig rten gyi khams 'di kun du snang bar byas te/ tshangs pa'i 'jig rten man chad gzugs yod pa dang gzugs kyis khyab pa man chad du snang bar byas te/ 'od zer de dag las kyang yang dag par skul ba'i tshigs su bcad pa 'di dag byung ngo // bag yod pa dang / nyon mongs med par byos// bag med pa yi dbang du ma 'gro zhig/ dang rga shis gtses ba sdug bsngal te// bde bar gshegs pa'i bstan pa 'byung bar dkon// bskal pa bye ba phrag brgya grangs med du// srid pa'i rgya mtshor nges par 'khor ba dang // nyon mongs dog par rtag tu 'khor ba na// 'tsho ba ma rungs pa ni skrag mi 'gyur/ / rnyed dang chags dadapung med rtag pa min// rtag tu gru gar sku ma'i chos dang ldan// bskal pa du mar bde ba myong nas kyang // phyis ni sdug bsngal rjes su thob par 'gyur// rnam par smra bar gyur pa 'di la ltos// 'di la mar gyur pa yang chung mar gyur/ / de yi sha dag yongs su zos nas kyang // mi mkhas pa dag mi shes dga' bar 'dzin// srid pa'i sdug bsngal rgya mtshod skye ba de// mis ni ma myong med la skrag pa med// mi rnams kyi ni dam pa'i chos 'chad kyis// /

  4. 155a

    bde bar gshegs la mchod par 'dod rnams dang // mi 'dul kha lo sgyur ba de mthong nas// ting 'dzin zhib bsgom pa 'thob 'gyur gyis// de phyir sdug bsngal rgya mtshor ma gang rnams// skrag par gyis la thar par 'dod par byos/ / mi rnams kyis ni dam pa de la mchod// gzhan gyi srog ni ma gcod de bzhin du// gzhan gyi nor dag ma byin len ma byed// gzhan gyi bud med dag la 'tshem byed// sangs rgyas chos la rtag tu gus par byos// rgyal rgyags dang brlang ba spangs nas kyang / / bA ra na se zhes ni bya ba yi// a mra srung ba mo'i tshal du dang // mi mchog la ni myur du blta bar gyis// de'i bkod pa rgya cher yid du'ong // dge slong dge 'dun rtag tu rdzu 'phrul ldan// byang chub sems dpa' rgya chen rdzu 'phrul che/ / sems can mi mkhas khong du chud bya dang // sems can bye ba mang po thang bya'i phyir// 'od zer rtag tu gang gis btang ba de// mtshan ni spyan ras gzigs kyi dbang phyug go/ gang dag nga rgyal rgyags khengs bgyid gyur cing / / sangs rgyas chos la rim gro mo byed pa// lag na rdo rje mgon po sems can mchog/ rtag tu 'od zer gtong zhing go bar byed// de yi gzugs ni yangs shing rdzu 'phrul che// bskal pa bye bar de ni bshad mi rdzogs/ / 'dir ni bde bar gshegs la mchod pa'i phyir// dri dang phreng ba gos mchog rgyan khyer la// mi yi 'dren pa 'di la mchod pa byos// sangs rgyas 'byung bar 'gyur bar rab dkon no// 'dod phyir bskal pa bye ba mang por yang / rtag tu sdug bsngal thob cing 'thob par 'gyur// mkhas pas rtag tu thar pa 'dod par gyis// me mchog sangs rgyas la ni mchod par byas// bu dang bu mo de bzhin gnyen rnams dang // pha ma chung ma bshes mang skye bo rnams// thams cad sgyu ma 'dra bas don med de/ / rtag par gzhan dang gzhan du skye bar 'gyur// de ltar gser dang dngul yang glog dang 'dra// 'di la snying po 'ga' yang snang ba med// byang chub go 'phang thob par bya ba'i phyir// mi rnams 'dren pa la//

  5. 155b

    ni mchod pa byos// de nas de'i tshe na 'od zer las byung ba'i tshigs su bcad pas bskul ba gcig nas gcig tu rgyud pa 'dis stong gsum gyi stong chen po'i 'jig rten gyi khams sgras gang bar gyur nas sems can thams cad la bskul bar gyur te/ sems can gang dag log par lta ba de dag ni yang dag pa'i lta ba la bkod par gyur// gang dag nga rgyal dang / rgyags pa dang / khengs pa dang / 'gyeng pa de dag ni nga rgyal dang / rgyags pa dang / khengs pa rnams dang bral bar byed par 'gyur// gang dag 'dod chags la rjes su spyod cing dpag med par gyur pa/ de dag ni 'dod chags dang bral bar gyur/ gang dag srog bcod pa dang / ma byin par len pa dang / 'dod pas log pa/ g.yem pa dang / mi dge ba'i chos brgyang la gnas pa de dag thams cad lus dang / ngag dang / yid kyi spyod pa rnams 'phags pa'i lam yan lag brgyad pa la gnas par gyur/ thams cad kyang dgod pa dang / ku re dang / dga' ba dang / rtse ba dang / 'dod pa dang / khro ba dang / phrag dog dang / chags pa yongs su spang nas de bzhin gshegs pa la blta ba dang / bsten pa dang / bsnyen bkur ba la spro bar gyur/ thams cad kyang chos nyan par 'dod par gyur to/ / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / klu'i rgyal po dang / rgyal po mkhar gyi bdag po dang / rgyal phran dang / stobs kyi 'khor los sgyur ba'i rgyal po dang / dge slong dang / dge slong ma dang / dge bsnyen dang / dge bsnyen ma de dag thams cad kyis de bzhin gshegs pa la mchod pa'i phyir lha'i me tog dang / phreng ba dang / byug pa dang / phye ma dang / gos dang / gdugs dang / rgyal mtshan dang / sil snyan dang / dar gyi chun po rnams thogs te/ grong khyer chen po bA ra na se zhes bya ba gang na ba dang / a mra srung ba mo'i tshal gang na ba der dod nas bdag gi bsod

  6. 156a

    la/ / nams las skyes pa'i dge ba'i rtsa ba de bzhin gshegs pa dang 'khor gyi dkyil 'khor rnams la mngon par mchod de/ me tog gi char dang / dri'i char chen po mngon par phab po// de nas de'i tshe na bcom ldan 'das 'dzam bu'i gling dang / a mra srung ba mo'i tshal de dpag tshad khrag khrig brgya stong du ma srid du rgya che bar byin gyis brlabs te/ sa gzhi lag mthil ltar mnyam la lha'i yid du 'ong ba kha dog dang ldan pa/ dri dang ldan pa/ lnga'i me tog gi shing dang / 'bras bu'i shing dang / spos kyi shing dang / rin po che'i shing dang / dpag bsam gyi shing dang / gos kyi shing rnams kyis mdzes par byas pa/ lha'i seng ge'i khri dang ldan pa/ rin po che dang / dar dang / me tog gi chun po rab tu sbyangs pa/ lha'i dril bu'i sgras brgyan par gyur te/ 'di lta ste/ dper na bde ba can gyi 'jig rten gyi khams de bzhin du yid 'phrog par byed pa/ tshim par byed pa/ mgu bar byed pa/ mngon par dga' bar byed pa/ byang chub sems dpa' dang / nyan thos dang / rang sangs rgyas dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po nas/ dge slong dang / dge slong ma dang / dge bsnyen dang / dge bsnyen ma dang / rgyal po dang / blon po dang / bram ze dang / khyim bdag rnams kyi bar du de dag gis gang bar byin gyis brlabs so// de nas byang chub sems dpa' 'phags pa spyan ras gzigs dbang phyug dang / byang chub sems dpa' lag na rdo rje ting nge 'dzin de las langs nas bcom ldan 'das ga la ba der song ste phyin pa dang / lan gsum du bskor ba byas te bcom ldan 'das la 'di skad ces gsol to// bcom ldan 'das de bzhin gshegs pa rnams kyi thabs mkhas pa dang sems can rnams yongs su smin par bgyid pa ni mang ngo / / bde bar gshegs pa mngo do// bcom ldan 'das de bzhin gshegs pa'i gzi brjid dang rdzu 'phrul gyi mthus byang chub sems dpa' sems dpa' chen po dang / nyan

  7. 156b

    thos chen po dang / wa dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / rgyal po dang / blon po dang / bram ze dang / khyim bdag dang / dge slong dang / dge slong ma dang / dge/ bsnyen dang / dge bsnyen ma rnams mang du 'dus so// bcom ldan 'das kyis bka' stsal pa/ rigs kyi bu legs so legs so// kye rgyal ba'i bu dag de bzhin te/ de bzhin gshegs pa'i thabs mkhas pa dang sems can yongs su smin par bya ba ni mang ngo / / sems can rnams kyi bsam pa ji lta bu dang / ji ltar 'dul ba dang / dge ba'i rtsa ba ji lta bu dang / sems can rnams kyi mos pa sna tshogs kyi spyod pa mkhyen nas chos ston te/ sems can kha cig ni byang chub sems dpas 'dul/ kha cig ni nyan thos kyis 'dul/ kha cig ni rang sangs rgyas kyis 'dul/ kha cig ni lhas 'dul/ kha cig ni brgya byin gyis 'dul/ kha cig ni tshangs pas 'dul/ kha cig ni klus 'dul/ kha cig ni rdzu 'phrul chen bos 'dul/ kha cig ni rgyal pos 'dul/ kha cig ni ting nge 'dzin gyis 'dul/ kha cig ni chos nyan pas 'dul/ kha cig ni cho 'phrul gyis 'dul/ kha cig ni de bzhin gshegs pa mya ngan las 'da' bas 'dul/ kha cig ni ring bsrel gyis 'dul/ kha cig ni mchod rten byed du 'jug/ gtsug lag khang dang / 'chags dang / bskyed mos tshal byed du gzhug pa'i dge ba'i rtsa ba spro ba bskyed pas 'dul/ kha cig ni sku gzugs byed du gzhug pa dang / ri mo dang / gser dang / dngul dang / ra gan gyi sku gzugs byed du gzhug pa'i dge ba'i rtsa ba la spro ba bskyed pas 'dul/ kha cig ni dge slong gi dge 'dun la mchod pa dang bkur sti bya ba'i dge ba'i rtsa ba la spro ba bskyed pas 'dul/ kha cig ni mdo sde 'dri ba dang / 'drir gzhug pa dang / klag pa la spro ba bskyed pas 'dul/ kha cig ni mar me dang / spos dang / me tog dang / dri dang / phreng ba dang / byug pa dang / do shal la sogs pas brgyan pa la spro ba bskyed pas 'dul ba yin te/ don dam pa la mkhas pa'i

  8. 157a

    chos dang ldan pa dang / mya ngan las 'das pa'i chos dang ldan pa ni ma yin no// kye rgyal ba'i bu dag yang de bzhin gshegs pa dag la mi mkhyen pa dang / mi gzigs pa 'am/ migs na pa dang / rnam par mi mkhyen bcung zad kyang mi mnga' ste/ / 'ongs pa yang mkhyen/ ma 'ongs pa yang mkhyen/ 'das pa yang mkhyen/ da ltar byung ba yang mkhyen/ sems can thams cad kyi spyod lam yang mkhyen/ spyod pa yang mkhyen// khams kyang mkhyen/ skye ba yang mkhyen/ 'byung ba yang mkhyen to// kye rgyal ba'i sras dag 'di lta ste/ dper na sman pa legs par bslabs pa/ tshe'i rig pa yan lag brgyad pa thams cad la chos mkhas zhing khams thams cad la mkhas pa/ sman dang yo byad sbyor ba la brtson pa ni sems can nad pa nad sna tshogs kyis lus yongs su gzir ba rnams kyi khams kyang shes/ dus kyang shes/ tshod kyang shes/ sman yang shes/ rlung las gyur pa dang / mkhris pa las gyur pa dang / bad kan las gyur pa dag 'dus pa las gyur pa dang / khrag las gyur pa dang / ma zhu ba las gyur pa dang / sman dang / dmu rdzing dang / snying nang dang / mdze dang / g.yan pa dang / shu ba dang / 'bras la sogs pa dang / dug dang / me dpal la sogs pa yang shes so// des thams cad shes nas sman gyi rdzas sna tshogs kyis sdug pa dang / bkru ba dang / phye ma sbyar ba dang / sna nas blugs pa'i las dang / gtar ka gdab pa dang / mar dang / 'bru mar bskol ba dang / smin par bya ba rnams sbyor ba'i thabs kyis sems/ can thams cad kyi nad de dag thams cad nye bar zhi bar byed cing nad sna tshogs kyis 'jigs pa las yongs su thar ba byed do// rgya pa'i da de bzhin du de bzhin gshegs pas kyang tingang 'dzin sna tshogs dang / rdzu 'phrul gyi rkang pa dang / stobs dang / mi 'jigs pa dang / lha'i mig dang / na ba rnams kyi tshe'i rig pa yan lag brgyad dang ldan te/ sems can gyi khams dang / bsam pa dang / sbyor ba sna tshogs la mkhas pas 'dod chags dang / zhe sdang dang / gti mug

  9. 157b

    gi nad dang / nyon mongs pa dang / nye ba'i nyon mongs pa'i nad kyis gzir ba'i sems can dang / nga rgyal dang / rgyags pa dang / dregs pas bsgribs pa dang / chags pa dang / mya ngan dang / 'jigs pa dang / khro bas bsgribs pa rnams sems can dmyal ba dang / dud 'gro'i skye gnas dang / yi dgas kyi skye gnas dang / gshin rje'i 'jig rten gyi gnas nas yongs su thar bar bya ba'i phyir thabs mkhas pa sna tshogs dang / sbyor ba sna tshogs dang / ting nge 'dzin sna tshogs dang rdzu 'phrul gyi rnam par rol pas sems can rnams yongs su grol bar byas nas bla na med pa yang dag par rdzogs pa'i byang chub kyi bar la bkod nas/ lhag ma ma lus pa'i mya ngan las 'das pa'i dbyings su mya ngan las 'da' bar mdzad do// mi/ dge ba'i chos brgyad las yongs su thar bar mdzad cing / 'phags pa'i lam yan lag brgyad pa la so sor 'god de/ rigs kyi bu 'di lta ste dper na zla ba'i dkyil 'khor ni thabs la mkhas pa dang ldan pas ji ltar khams kyi dge ba'i rtsa ba 'dul ba'i sems can rnams kyi don du bdag nyid mi snang bar yang ston/ zla ba kham pa lta bu'i dkyil 'khor kyang ston// zla ba mar gyi ngo dang / yar gyi ngo yang ston/ zla ba'i dkyil 'khor yongs su rgyas pa yang ston mAn nag thibs po thams cad kyang rnam par sel/ rtswa dang / shing gel ba dang / sman dang / 'bru la sogs pa yang sim par byed do// kye rgyal ba'i bu dag de bzhin du de bzhin gshegs pas kyang sdug bsngal rnam pa sna tshogs kyis bsgribs pa'i sems can rnams dang / khams sna tshogs kyis 'dul ba'i sems can rnams kyi spyod pa mkhyen nas yongs su mya ngan las 'da' ba yang ston/ skye ba yang ston/ 'khor los sgyur ba'i rgyal po yang ston/ ba dang / dga' ba dang / bud med kyi bzhad gad dang / ku re dang / dri dang / phreng ba dang / dga' zhing rtse ba yang ston/ khyim nas 'byung ba dang / rab tu 'byung ba dang / dka' ba spyod pa rnams kyang ston/ bdud btul ba dang / chos kyi 'khor lo/

  10. 158a

    banang ba nas rgyas kyi spyan chen pa'achar bab bas sems can rnams tshim par byas pa' bar du yang ston te/ de banan gshegs pa rnams yangs su mya nganams 'das kyang sbyor ba tshogs kyis ri srel mchod pa dang / mchod rten dang / gtsug lag khang dang / sku gzugs byed du gzhug pa dang / rab tu 'byung ba'i phyir khyim nas 'byung ba dang / dge slong gi dge 'dun la mchod pa dang / dam pa'i chos 'dri ba dang / glag pa dang / kha ton du bya ba la sprob skyed pa dag gis kyang sems can thams cad thar bar mdzad/ bslab pa 'dzin pa dang / brtul zhugs dang / sdom pa dang nye bar gnas pa dang / dge bsnyen gyi sdom pa rnams 'dzin du gzhug pa'i thabs mkhas pas kyang sems can rnams thar par mdzad de/ sems can dmyal ba dang / dud 'gro'i skye gnas dang / gshin rje'i 'jig rten dang / mi khom pa dang / ngan song dang / ngan 'gro thams cad las yongs su thar bar mdzad nas chos nyan pas tshim par mdzad de/ bla na med pa yang dag par rdzogs pa'i byang chub kyi bar du bkod do// de nas de'i tshe lha'i bu blo chung ba kha cig ni 'di snyam du sems par gyur te/ ji ltar sngon gyi de bzhin gshegs pa dgra bcom pa yang dag par rdzogs pa'i/ sangs rgyas de dag gis de bzhin gshegs pa'i mdzad pa mdzad de/ sku tshe shin du ring por byin gyis brlabs nas sems can thams cad skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su thar bar mdzad pa de ltar de bzhin gshegs pa 'dis de bzhin gshegs pa'i mdzad pa thams cad dadung ma mdzad kyis kyang 'dis mya ngan las 'da' ba la shin du bsngags shing brjod de/ 'khor mang po bsdus nas rdzu 'phrul dang rnam par 'phrul pa'i cho 'phrul sna tshogs ston pa las na// de ci de bzhin gshegs pa 'di myur ba nyid du yongs su mya ngan las 'da' bar bzhed pa lta snyam

  11. 158b

    nas de dag yid mi dga' ste cang mi smra bar gyur to/ / de nas 'jam dpal gzhon nur gyur pa'i sems kyis lha'i bu de dag gi sems shes nas lha'i bu de dag la 'di skad ces smras so// lha'i bu dag de ltar ma sems ma smra/ yid mi dga' bar ma byed cig/ de bzhin gshegs pa rnams kyi thabs mkhas pa ni mang ste/ thabs dang // shes rab dang / ting nge 'dzin sna tshogs kyi dge ba'i rtsa ba stobs kyi byin gyis brlabs kyis sems can bsam pa sna tshogs dag la chos ston te/ lha'i bu dag ngas sngon gyi de bzhin gshegs pa rnams kyi thabs mkhas pa'i rdzu 'phrul dang rnam par 'phrul pa'i cho 'phrul ji ltar mthong ba de ltar ngas shes pa las na/ de bzhin gshegs pa ni sangs rgyas kyi stobs bskyed pa'i cho 'phrul zhes bya ba theg pa chen po'i mdo sde'i rgyal po 'chad par bzhed pa dang / rgyas par mdzad par bzhed par mi 'gyur ram/ yang lha'i bu dag de bzhin gshegs pa rnams ni yongs su mya ngan las mi 'da' ste/ de bzhin gshegs pa rnams la yongs su mya ngan las 'da' ba yang med/ sku tshe zad par 'gyur ba yang med/ bskal pa bye ba dpag tu med pa'i bskal pa brjod du med pa'i yang brjod du med par de bzhin gshegs pa rnams bzhugs mod kyi/ thabs mkhas pas sems can rnams la yongs su mya ngan las 'da' ba yang ston/ dam pa'i chos nub par 'gyur ba yang ston to// sems can mya ngan las 'da' bas 'dul ba dang / ring bsrel gyis 'dul ba/ snyigs ma'i rang bzhin can de bzhin gshegs pa la ma dad pa/ bla ma la sti stang byed par mi 'gyur ba'i sems can dag ji lta ji ltar mthong ba de lta de ltar de bzhin gshegs pa yongs su mya ngan las 'da' ba ston mod kyi/ de bzhin gshegs pa ni byon pa yang med gshegs pa med do// gang gi tshe sems can rnams dge ba'i rtsa ba yongs su smin par gyur cing de bzhin gshegs pa la blta bar 'dod pa dang / mchod

  12. 159a

    bar 'os pa dang / chos nyan par 'dod pa dang / zla ba'i dkyil 'khor bzhin du 'dod par gyur pa de'i tshe lha dang mi rnams kyi skye bo mang po la phan pa dang / skye bo mang po la bde bar bya ba dang / dkon mchog gsum la gsol bar bya ba dang rgyas par bya ba'i phyir de bzhin gshegs pa 'jig rten du 'byung mod kyi/ de bzhin gshegs pa la skye ba med de/ rga ba dang 'chi ba yang med do// rigs kyi bu 'di lta ste dper na/ me long gi dkyil 'khor shin du legs par phyis pa la gzugs sna tshogs snang bar 'gyur mi snang bar yang 'gyur mod kyi/ gzugs brnyan ni der 'ong ba dang / 'gro bar snang ba ni med do// lha'i bu dag de bzhin gshegs pa'i skul yang de ltar blta bar bya'o// rigs kyi tha 'di lta ste dper na sgyu ma byed pa legs par bslabs pa ni grong khyer dang / rta babs dang / bskyed mos tshal sna tshogs dang / shing rta sna tshogs dang / 'khor los sgyur ba'i gzugs dang / dga' ba dang / rtse ba sna tshogs bstan te mi snang bar byed kyang de la 'pho ba yang med/ 'ong ba yang med/ 'gro ba yang med do// de bzhin du de bzhin gshegs pa rnams 'byung ba dang / yongs su mya ngan las 'da' ba la yang blta bar bya'o// yang lha'i bu dag sngon gyi smon lam gyis de bzhin gshegs pa mya ngan las 'das nas lo stong lon pa'am mya ngan las 'das nas bskal pa lon pa 'am/ mya ngan las 'das nas bskal pa bye ba lon yang sems can rnams kyis mchod par bya ba dang / bkur stir bya ba dang / ring bsrel gyi mchod rten byed du gzhug pa dang / sku gzugs byed du gzhug pa dang / mtshan nas brjod pa dang / dam pa'i chos 'dzin pa dang / mchod pa byed pa'i sems can 'jig rten gyi khams sna tshogs na gnas ba rnams thar bar mdzadade/ sems can dmyal ba dang / dud 'gro'i skye gnas dang / gshin rje'i 'jig rten dang / mi khom pa dang / ngan song dang / ngan 'gro log par ltung ba thams cad dang / sdug bsngal thams cad las yongs

  13. 159b

    su thar bar mdzad nas rim gyis bla na med pa yang dag par rdzogs pa'i byang chub kyi bar du mngon par rdzogs par 'tshang rgya bar 'gyur na/ gang dag de bzhin gshegs pa la mngon sum du me tog dang / spos dang / dri dang / phreng / ba dang / byug pa dang / na bza' dang / rgyan rnams kyi mchod pas mchod pa lta smos kyang ci dgos/ lha'i bu dag gang sems can la las sangs rgyas bcom ldan 'das mya ngan las 'das nas lo brgya stong dam bskal pa bye ba lon yang sangs rgyas la phyag 'tshal lo zhes mtshan nas lan bdun brjod nas nam mkha' la me tog gtor na de dag thams cad sdug bsngal gyi mthar byed par 'gyur ro/ / me tog nam mkha' la gtor ba lta zhog gi gang dag dad pas de bzhin gshegs pa'i rjes su slob pa la la zhig gis de bzhin gshegs pa la mchod pa'i phyir de bzhin gshegs pa'i tshul khrims bslab pa gcig tsam 'dzin tam/ nyin gcig gam/ mtshan gcig gam/ yud tsam zhig de bzhin gshegs pa la mchod pa yid la byed par brtson na de sdug bsngal mthar byas nas rim gyis bla na med pa yang dag par rdzogs pa'i byang chub tu mngon par rdzogs par 'tshang rgyab 'gyur ro/ / gang gis de bzhin gshegs pa la mchod pa'i phyir gzhad gdad ma/ ku re'am/ byis pa'i kyal ka 'am/ rtsed mor byed pa'am/ 'jim pa las mchod rten byed na/ de dag thams cad sdug bsngal mthar byas nas bra na med pa yang dag par rdzogs pa'i byang chub tu mngon par rdzogs par 'tshang rgya bar 'gyur na/ gang gis ring bsrel gyi mchod rten nam/ ring bsrel gyi sku gzugs byas te/ sems can thams cad la snying rje gtso bor shes nas sems can thams cad sdug bsngal las yongs su dgrol lo snyam ste/ bla na med pa yang dag par rdzogs pa'i byang chub tu sems bskyed nas lha'i me tog dang / lha'i spos dang / phreng ba dang / blag pa dang / phye ma dang / sil

  14. 160a

    snyan dang / gdugs dang / rgyal mtshan nams kyis mchad brgyad pa snyams kyang bdags / das bzhan gagags pa thams cadal ma cad pa zlas par gyur ga/ dasgrab dang / rkab dang / da dang 'a / mya ngan dang / smre sngags 'don pa dang / sdug bsngal ba dang / yid mi bde ba dang / 'jug pa rnams las yongs su thar par 'gyur te/ ji srid du bla na med pa yang dag par rdzogs pa'i byang chub tu mngon par rdzogs par sangs rgyas par ma gyur pa de srid kyi bar du bde 'gror 'gro bar 'gyur ro/ / lha'i bu dag de ltar na de bzhin gshegs pa rnams kyi sngon gyi smon lam la mkhas shing 'thun pa yongs su dag pa yin no// de nas lha'i bu de dag 'di snyam dri sems par gyur te/ kye ma'o 'jam dpal gzhon nur gyur pa 'di ni shes rab chen po dang ldan no// de bzhin gshegs pa rnams mchog tu thabs mkhas pa dang ldan pa ni legs na/ gang 'jam dpal gyis de bzhin gshegs pa rnams mya ngan las 'das nas bskal pa bye ba du ma lon yang 'jig rten gyi khams dag na bzhugs shing thabs mkhas pa sna tshogs kyi sems can rnams yongs su smin par mdzad do zhes des smras pa de lta bu 'di/ cizhig snyam mo/ / 'jam dpal gzhon nur gyur pa'i sems kyis lha'i bud dag gi sems shes nas 'di skad ces smras so// lha'i bu dag legs so legs so// yud tsam zhig sdod cig/ khyed kyi yid la byed pa skyes pa 'di dang sngar zhus par gyur par yang de bzhin gshegs pa'i byin gyi rlabs yin no/ / de nas bcom ldan 'das kyis ji lta bu'i rdzu 'phrul mngon par 'du mdzad pa mngon par 'du mdzad pas de bzhin gshegs pa gtsug pud can dang thams cad skyob dang / log par dadasel dang / gser thub dang / 'od bsrung dang / rnam par gzigs dang / mi 'khrugs pa dang / 'od dpag tu med pa de dag 'khor gyi dkyil 'khor na bzhugs shing de bzhin gshegs pa

  15. 160b

    seng ge'i khri chen po la bzhugs nas nyan thos dang / byang chub sems dpar bcas pas bskor cing 'khor rgya mtsho lta bu la chos ston par snang ba dang / shar dang / lho dang / nub dang / byang gi phyogs kyi 'jig rten gyi khams dag na yang de bzhin gshegs pa du ma seng ge'i khri chen po la bzhugs nas chos 'chad cing bzhugs par mthong ba de lta bu'i rdzu 'phrul mngon par 'du mdzad pa mngon par mdzad do/ / de nas thams cad dang ldan pa'i 'khor dang lha'i bu de dag dam par gyur te/ mchog tu dga' zhing yid bde ba skyes nas bdag gi dge ba'i rtsa ba las skyes pa'i bsod nams kyi stobs bskyed pas de bzhin gshegs pa de dag la me tog dang / spos dang / dri dang / phreng ba dang byug pa dang / na bza' dang / rgyan rnams kyis mngon par mchod de/ lan gsum du bskor ba byas nas tshigs su bcad pa 'di dag smras so// e ma ye shes ye shes ni// ting nge 'dzin dang shes rab sgom// ji ltar 'jig rten sgron ma rnams/ / 'das nas bskal pa du ma na// sems can rnams la phan pa'i phyir// dpa' bo chen po 'di na bzhugs// byang chub sems dpa' yongs bskor cing // seng ge'i khril bzhugs pa gda'// sangs rgyas mthong ba legs pa ste/ / chos mnyan pa yang legs pa yin// dge ba'i bshes gnyen blta ba dang // mnyan pa'ang de bzhin legs pa yin// gang dag 'dir ni bslab 'dzin pa'i// lus kyi sdom pa legs pa yin// nan tan gyis ni sgrub pa dag kun byang chub thob par 'gyur/ / thabs dang shes rab mkhas pa rnams// 'dir ni sems can thar bar mdzad// zla ba'i dkyil 'khor 'dra ba dang // de bzhin sgyu ma byed pa 'dra// 'ong ba dang ni 'gro ba yang // de bzhin gshegs pa ston par mdzad/ / mchod rten dang ni ri mo dang // sku gzugs byed du bzhug pa dang // mchod dang bkur sti bya ba'i phyir// gang dag mtshan ma dran byed pa// byang chub phyir ni gnas pa rnams// thams cad thar pa thob par 'gyur//

  16. 161a

    de bzhin gshegs la phyag 'tshal nas// dam pa'i chos ni mnyan pa dang / mtsho cing 'dzin pa'i de bzhin te// sdug 'asngal kun las grol bar 'gyur// de bzhin gshegs pa'i byin gyis brlabs dang rna par yul ba'i tshe 'phrul 'di yang dag par bstan pa 'di bshad pa na srog chags drug khri bzhi stong gis mi skye ba'i chos la bzod pa thob par gyur to/ / srog chags nyi khris ches la chos kyi mig rnam par dag go// lha'i bulwa stong gis len pa med par zag pa las sems rnam par grol lo/ / phyir mi ldog pa'i sa la gnas par gyur to// dge slong dang dge slong ma dang / dge bsnyen dang / dge bsnyen ma bdun brgyas ting nge 'dzin sna tshogs thob par gyur to// 'jam dpal gzhon nur gyur pa la rgyal po gsal rgyal gyis 'di skad ces smras so/ / rgyal ba'i sras khyod kyis sems can thams cad kyi don du dris pa'i lan bshad pa 'di ni khyod kyis legs par bshad de legs mod kyi/ kho bo the tsom cung zad cig skyes kyis/ gang thos nas sems can rnams kyis yid la byas te/ de dag thams cad 'khor ba'i sdug bsngal las grol bar 'gyur ba dang / bde 'gror 'gro bar 'gyur ba dang / bla na med pa yang dag par rdzogs pa'i byang chub las phyir mi ldog par 'gyur bar kho bos dris pa de bstan cing lung ston cig/ 'jam dpal gyis smras pa/ rgyal po chen po khyod kyis sngon dge ba'i rtsa ba bskyed pa dang / de bzhin gshegs pa'i byin gyis brlabs kyis spobs pa skyes pa ni legs so/ / khyod gang dang gang 'dod pa dris shig dang ngas khyod la bshad par bya'o// smras pa/ kye rgyal ba'i sras de bzhin gshegs pa rnams kyi mtshan thos pa tsam dang / mchod pa dang / bkur sti byas pa nyid kyis sdig pa byed pa'i sems can rnams sems can dmyal ba dang / dud 'gro'i skye gnas dang / gshin rje'i 'jig rten las grol bar 'gyur zhing bde 'gror 'gro bar 'gyur ba de dag gang lags// de dag 'jig rten gyi khams ni

  17. 161b

    gang na bzhugs/ de dag la mchod pa ni ji ltar bgyi/ 'jam dpal gyis smras pa/ rigs kyi bu gang gi phyir sems can rnams ngan song du 'gro bar mi 'gyur ba dang / gang ngan song du skyes pa de dag sems can dmyal ba dang / dud 'gro'i skye gnas dang / gshin rje'i 'jig rten las yongs su grol bar 'gyur ba'i bcom ldan 'das de bzhin gshegs pa de dag gi mtshan rnams dang 'jig rten gyi khams su mchod cing sti stang bya ba bshad kyis na cig/ 'jig rten gyi khams bai dUr+ya snang ba na de bzhin gshegs pa dgra bcom pa yang dag par rdzogs pa'i sangs rgyas sman gyi bla bai dUr+ya'i 'od ces bya ba bzhugs te 'tsho la gzhes shing chos kyang ston pa yod do// 'jig rten gyi khams gtsug phud can na de bzhin gshegs pa dgra bcom pa yang dag par rdzogs pa'i sangs rgyas rin po che'i gtsug phud can zhes bya ba yod do// 'jig rten gyi khams dri ma med pa na de bzhin gshegs pa dgra bcom pa yang dag par rdzogs pa'i sangs rgyas dri ma med par 'byung ba zhes bya ba yod do/ / 'jig rten gyi khams zhi ba na de bzhin gshegs pa dgra bcom pa yang dag par rdzogs pa'i sangs rgyas rab tu zhi ba bkod pa zhes bya ba yod do/ / 'jig rten gyi khams bde ba can na de bzhin gshegs pa dgra bcom pa yang dag par rdzogs pa'i sangs rgyas 'od dpag tu med pa zhes bya ba dang / 'jig rten gyi khams pad mo'i bla ma na de bzhin gshegs pa dgra bcom pa yang dag par rdzogs pa'i sangs rgyas pad mo 'byung ba zhes bya ba dang / 'jig rten gyi khams rdo rje na de bzhin gshegs pa rdo rje mkhregs pa zhes bya ba dang / 'jig rten gyi khams mya ngan med pa na de bzhin gshegs pa mya ngan bral ba zhes bya ba dang / 'jig rten gyi khams 'jigs pa med pa na de bzhin gshegs pa 'jigs pa thams cad rab tu zhi bar mdzad pa zhes bya ba dang / 'jig rten gyi khams rtogs

  18. 162a

    pa blo gros su ldan pa na de bzhin gshegs pa 'gro ba thams cad yongs su spyong ba zhes bya ba dang / 'jig rten gyi khams ngan 'gro dang bral ba na de bzhin gshegs pa ngan song thams cad zhi bar mdzad pa zhes bya dang / 'jig rten gyi khams dri ma med pa na de bzhin gshegs pa blo gros rnam par dag pa zhes bya ba dang / 'jig rten gyi khams dbang po ni de bzhin gshegs pa dbang po'i blo gros zhes bya ba yod de/ de'i mtshan bzung ba nyid kyis lha'i dbang por 'gyur ro/ / 'jig rten gyi khams zla ba na de bzhin gshegs pa zla ba rgyas pa dri ma med pa zhes bya ba yod de/ de'i mtshan bzung zhing mchod pas nyon mongs pa thams cad las yongs su grol bar 'gyur ro/ / 'jig rten gyi khams khyad par thob pa na de bzhin gshegs pa ngan 'gro thams cad zhi bar mdzad pa zhes bya ba yod de/ de'i mtshan bzung zhing mchod pas ngan 'gro thams cad las grol bar 'gyur ro// 'jig rten gyi khams legs par snang ba na de bzhin gshegs pa sems can thams cad sdug par mthong ba zhes bya ba yod de/ de'i mtshan bzung zhing mchod pas 'jig rten pa thams cad mngon par dga' bar 'gyur ro// rigs kyi bu mdor na de bzhin gshegs pa dga' ba'i dpal dang / de bzhin gshegs pa tsan dan dpal dang / de bzhin gshegs pa dpa' bo dang / de bzhin gshegs pa bdud thams cad kyi stobs rab tu 'joms pa dang / de bzhin gshegs pa gtsug phud can dang / de bzhin gshegs pa thams cad skyob dang / de bzhin gshegs pa log par dad sel dang / de bzhin gshegs pa gser thub dang / de bzhin gshegs pa 'od srung dang / rgyal po chen po de bzhin gshegs pa de dag mya ngan las 'das nas lo bye ba khrag khrig brgya stong lon pa'am/ mya ngan las 'das nas bskal pa brgya lon pa'i sangs rgyas bcom ldan 'das rnams kyi mtshan bzung ba dang / ring bsrel gyi mchod rten

  19. 162b

    byed du 'jug pa dang / ri mdang su gzugs byed du 'jug pa dang / mar me dang / sras dang / me tog dang / dri dang / thug pa rnams kyis mchod cing bkur ste byas pa dang / bslab pa 'dzin pa dang / brtul zhugs dang / dka' nga/ sdom pa dang / nye bar gnas pa rnams kyis sems can thams cad ngan song dang / ngan 'gro thams cad las yongs su grol bar 'gyur ro// bskal par gnas pa'i las kyi sgrib pa mtshams med pa lnga la sogs pa yang yongs su dag par 'gyur te/ bde 'gror 'gro bar 'gyur zhing ngan 'gror 'gro bar mi 'gyur ba nas/ rim gyis bla na med pa yang dag par rdzogs pa'i byang chub kyi bar tu mngon par rdzogs par 'tshang rgya'o// gal te rigs kyi bu 'am rigs/ kyi bu mo dad pa dang byang chub kyi sems dran pa nyams pa zhig gis sdig pa byed pa dang / dam pa'i chos spong ba dang / 'phags pa dag 'ayung pa 'debs pa dang / mtshams med pa lnga byed pa dang / srog gcod pa dang / dkon mchog gsum gyi nor nub dang / sems can dmyal ba mnar med par 'gro ba dang / ngan song gsum du skyes pa'i sems can rnams kyi don dang / grogs po dang gnyen rnams yongs su thar bar bya ba'i phyir de bzhin gshegs pa de dag gi ri mo'i sku gzugs dang / 'jim pa'i sku gzugs byed du 'jug cing / byed du bcug nas kyang sems can thams cad la snying rje ba'i sems gtso bar byas te/ 'phags pa'i lam yan lag brgyad pa dang ldan par gyur nas zla ba yar gyo chas brgyad nas brtsams te bcwa lnga'i bar du de bzhin gshegs pa de dag la me tog dang / spos dang / dri dang / phreng ba dang / thug pa dang / mang medang / si la stan dang rgyal mtshan dang ba dan rnams kyis mtshan la nagasu / lan gsum du mchod de/ sems can de dag thar bar bya ba'i phyir ci nas kyang sangs rgyas bcom ldan 'das de dag de bzhin gshegs pa'i ye shes kyis ni mkhyen/ lha'i snyan gyis ni gas na/ lha'i spyan gyis ni gzigs

  20. 163a

    shing sems can de dag bde 'gror 'gro bar 'gyur gyi ngan 'gror 'gro bar mi 'gyur ba dang / legs par bya ba byed kyi ngan par bya ba mi byed par yongs su bsngo zhing de ltar sems can ngan song du skyes pa de dag thar bar bgyi ba'i slad du de bzhin gshegs pa de dag la gsol ba gdab bo/ / bshags pa dang / mthol bas sdig pa bshags par gyur cig/ de bzhin gshegs pa'i mtshan thos par gyur cig/ ngan 'gro thams cad las yongs su grol bar gyur cig/ ji srid du bla na med pa yang dag par rdzogs pa'i byang chub tu mngon par rdzogs par sangs ma rgyas kyi bar du bdag gi spyod pa dang 'thun par spyod par gyur cig ces de ltar yongs su bsngo bar bya'o/ / chos kyi rnam grangs 'di yang bris pa dang / 'dri bcug pa dang / bcangs pa dang / klags pa dang / mchod pa de'i phyir sngon gyi de bzhin gshegs pa de dag gi smon lam gyi mthus sems can mnar med par 'grong da / ngan song gsum du skyes pa de dag gi rna bar mtshan rnams thos par 'gyur ro// chos kyi rnam grangs 'di'i mthus kyang sdig pa thams cad bsrabs par 'gyur ro// de bzhin gshegs pa de dag gi gzi brjid kyi mthu dang / chos kyi rnam grangs 'di'i mthus dge ba dang mi dge ba'i las rjes su dran par gyur nas phyis sdig pa'i las byed par mi 'gyur te/ de nas sdug bsngal de dag las yongs su grol bar 'gyur zhing bde 'gror 'gro bar 'gyur ro/ / bla na med pa yang dag par rdzogs pa'i byang chub mngon par rdzogs par sangs ma rgyas kyi bar du spyod pa 'thun par 'gyur ro// de lta bas na chos kyi rnam grangs 'di ni yon tan mang po dang ldan zhing nor bu rin po che chen po dang 'dra ste/ yid bzhin gyi nor bu rin po che bzhin du bsams pa thams cad 'grub ste/ sdig pa thams cad 'joms par byed/ ngan 'gro'i sgo thams cad gcod par byed/ bde 'gro'i sgo dang / sangs rgyas kyi

  21. 163b

    zhing gi sgo rnams ni 'byed do/ / rigs kyi bu de ltar na de bzhin gshegs pa rnams kyi thabs mkhas pa dang / smon lam dang / rnam par 'phrul pa dang / byin gyi rlabs dang / ting nge 'dzin sna tshogs pas mya ngan las 'das nas bskal pabargya lon pa/ 'jig rten gyi khams sna tshogs na gnas bdag mnyan cing mchod pa gcig nas gcig tu rgyud pa nyid kyis ngan song thams cad las yongs su thar te bde 'gror bkod par 'gyur na/ gang 'chang ba dang / thog pa dang / 'dri ba dang / 'drir gzhug pa dang / gzhan la rgya cher yang dag par ston pa lta smos kyang ci dgos te/ yon tan de dag rigs kyi bu'am rigs kyi bu mos yongs su bzung bar 'gyur na/ de'i bsod nams mngon par 'du bya ba dang / dge ba'i rtsa ba mngon par 'du bya ba'i yon tan de ni de bzhin gshegs pa ma gtogs par brjod par slab ma yin no// rgyal po chen po de lta bas na yon tan 'di dag la ltos la chos kyi rnam grangs ni bcang bar bya'o/ / zag par bya'o// shad par bya'o// mchod par bya'o// dkon mchog gsum la dad pa mi byed par bya'o// de bzhin gshegs pa la rtag tu mchod cing bsnyen bkur bya ba dang / de bzhin gshegs pa'i bstan pa yang dag par gzung bar bya'o/ / 'khor ba las yid skyo zhing bag yod pa dang / 'khor ba skad cig mar yid la byed pa dang ldan par bya'o// yang rgyal po chen po 'dod pa la sten pas bskal pa bye ba khrag khrig brgya stong mar sdug bsngal ba/ skye ba dang 'gag pa'i sdug bsngal dang / mngal na gnas pa'i sdug bsngal dang / sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal dang dbul ba'i sdug bsngal dang / bcad pa dang / gzhom pa dang / brdung ba dang / brdeg pa dang / bsreg pa'i sdug bsngal myong bar 'gyur te/ 'du byed thams cad yongs su spangs te 'gro dgos pas rgyal po chen po khyod kyis snying brtse ba gtso bor bya ba dang / chos dang

  22. 164a

    thar pa 'dod par bya'o/ / de nas thams cad dang ldan pa'i 'khor de dang / rgyal po gsal rgyal gyis 'jam dpal la legs so zhes bya ba byin te/ 'jam dpal legs so legs so// chos kyi char phab pas bdag cag tshim par bgyis/ rangs par bgyis/ byang chub la rab tu bzhag pas bag yod par bgyis so// de nas bcom ldan 'das la byang chub sems dpa' ltad mo can gyis 'di skad ces gsol to// bcom ldan 'das gang la la zhig chos kyi rnam grangs 'di 'chang ba dang / klog pa dang / gzhan dag la rgya cher yang dag par ston pa dang / 'dri ba dang / 'drir 'jug pa dang / 'dri ba po dang / 'chang ba po dang / klog pa po de dag la me tog dang / spos dang / dri dang / phreng ba dang / byug pa dang / gos dang / rgyan rnams kyis mchod na/ bcom ldan 'das de'i bsod nams ji snyed cig skye bar 'gyur/ bcom ldan 'das kyis bka' stsal pa/ gang rigs kyi bu 'am rigs kyi bu mo 'am/ rgyal po'am/ blon po 'am/ dge slong ngam/ dge slong ma 'am/ dge bsnyen nam/ dge bsnyen ma la la zhig gis chos kyi rnam grangs 'di de bzhin gshegs pa la dad pas bcangs pa dang / mchod pa dang / 'dri ba dang / 'drir 'jug pa dang / yang dag par bstan na des yon/ tan chen po brgyad thob par 'gyur te/ brgyad gang zhe na/ gang dag 'jig rten na nad dang gnod pa de dag de la thams cad kyi thams cad du mi 'byung ba dang / gang 'jig rten na gnod sbyin dang / 'byung po dang / sha za mdangs 'phrog pa de dag thams cad byams pa la gnas par 'gyur ba dang / gang dag gshed byed dang / byad dang / sngags dang / ro langs gzhan gyi gnod pa de dag de'i lus la gnod par mi 'gyur ba dang / rgyal po dang / blon po dang / bram ze dang khyim bdag dang / dge slong dang / dge slong ma dang / dge bsnyen dang / dge bsnyen ma thams cad de la dga' zhing mgu bar gyur nas de'i don thams cad 'grub par 'gyur ba dang / lha thams cad kyis yongs su gang bar 'gyur ba dang / bde 'gror 'gro bar

  23. 164b

    'gyur ba dang / lag na rdo rjes yongs su bzung bar 'gyur ba dang / ji ltar 'dod pa'i gnas su skye zhing tshe rabs dran par 'gyur ba ste/ yon tan chen po de brgyad thob par 'gyur ro// des ni de bzhin gshegs pa 'di dag la debazhin gshegs pa'i lha'i mchod pa dang mngon sum du mchod pas lo 'bum gyi bar du mchod par 'gyur ro/ / gang yang 'dzam bu'i gling 'di de bzhin gshegs pa'i ring bsrel gyi mchod rten rin po che sna bdun las byas pas gar bar byas te/ lha'i phreng ba dang / byug pa dang / me tog dang / mar me dang / rin po che'i gdugs dang / sel snyan dang / rgyal mtshan dang / ba dan rnams kyis lo 'bum du bkur sti byas te rjod cing mchod pas gang chos kyi rnam grangs 'di 'chang ba dang / klog pa dang / mchod pa dang / 'dri ba dang / 'drir 'jug pa dang / gzhan dag la yang dag par rab tu bstan na de bas 'di ches bsod nams mang du 'phel lo// rigs kyi bu gang la la zhig gis 'dzam bu'i gling gi sems can de dag 'phags pa'i lam yan lag brgyad pa la gzhog cing / bzhag nas kyang lha'i lo stong du yo byad thams cad kyis mi brel bar rjod cing mchod pa byas gang gis chos kyi rnam grangs 'di las tshig bzhi pa'i tshigs su bcad pa tsam yang nyan pa dang / 'chang ba dang / 'dri ba dang / 'drir 'jug pa dang / gzhan la rgyas par byed na de bas 'di ches bsod nams mang du 'phel lo// de nas bcom ldan 'das kyis don 'di nyid rgya cher brjod par bya ba'i phyir de'i tshe tshig su bcad pa 'di dag gsungs so/ / zhing stong bye ba gzhan du gnas pa yi// sangs rgyas mkhas pa mtha' yas bye ba dag/ sems can rnams kyi phyir ni dgongs mdzad cing // ngan 'gro las ni sems can thar bar mdzad// stir med las la gnas shing sbyin byed dag/ las byas nas ni ngan 'gror song ba rnams// de dag thar bar bya phyir chos 'dod pas// de bzhin gshegs pa 'di dag mchod par gyis// ri mor mchod rten rnam pa sna tshogs byos// gser dang

  24. 165a

    dngul dang de ltar lugs rnams dang / 'jim pa'i sku gzugs dag ni byed bcug nas// mchod pa sna tshogs kyis ni mchod par gyis// mar me sil snyan dri dang spos kyis mchod// shes rab che bas bsngo ba dag kyang gyis// mdo sde bshad cing 'drir yang gzhug par gyis// de bzhin gshegs dang mdo sde'i gzi brjid kyis// sdig pa'i las las sems can de thar gyis// med byang chub rag par gyur par du// dge ba'i gnas su skye ba 'dzin par 'gyur/ sngon gyi las rnams rjes su dran 'gyur zhing // dran nas mkhas pa sdig pa byed mi 'gyur// mi yi byang chub sems dpas mdo sde 'di// bshad pa des ni bsod nams mang du thob// de ni lha rnams kun gyis bsrungs par 'gyur// de mi lus 'di la ni nad mi 'byung / / de'i rgyal srid kun la gnod mi 'byung // khyim dang grong dang grong khyer zhi bar 'gyur// gang zhig mdo sde 'di ni rtag 'dzin pa// sangs rgyas rnams kyi mdzod ni rtag 'dzin 'gyur// gang zhig mchod cing rjed dang 'drir 'jug dang / / las gzhan med par nyan du 'jug pa ni// des ni sangs rgyas yang dag mchod par 'gyur// des ni myur du byang chub mchog rtogs 'gyur// de nas bcom ldan 'das la byang chub sems dpa' sems dpa' chen po ltad mo can gyis 'di skad ces gsol to/ / bcom ldan 'das bdag ni 'di la the tsom skyes te/ bcom ldan 'das ci lus 'dis rgyal srid kyi longs spyod bsgrubs nas slar yang sdug bsngal bsgrubs par 'gyur ram/ 'khor bar 'khor ba'i tshe skyo bar mi 'gyur ram/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba rnams myong bar 'gyur zhing ji ltar skye ji ltar 'gum// ji ltar 'tsho ji ltar bde bar sgrub par 'gyur/ ji ltar sdug bsngal myong bar 'gyur/ de nas bcom ldan 'das kyis byang chub sems dpa' sems dpa' chen po ltad mo can la 'di skad ces bka' stsal to// ltad mo can 'di ni las kyi rkyen yin par blta bar bya'o//

  25. 165b

    rigs kyi bu yang 'di la gang yang skye ba med/ 'chi ba med 'tsho ba med de/ rigs kyi bu 'di la rga ba dang 'chi ba med kyi/ 'tsho ba'i khams ni rtag tu lus kyi rnam par shes pa la gnas so// yang las kyi rkyen dang las kyi gzhis skye ba sna tshogs su 'ongs shing 'phos nas bde ba dang / sdug bsngal myong bar 'gyur te/ bde ba la bde bar 'du shes/ sdug bsngal la sdug bsngal du 'du shes/ bde ba yang ma yin/ sdug bsngal ba yang ma yin la bde ba yang ma yin/ sdug bsngal ba yang ma yin pa'i 'du shes skyed mod kyi/ lhag ma ma lus pa'i mya ngan las 'das pa'i dbyings su yongs su mya ngan las 'da' ba'i chos can du gur gyi bar du skyo ba'i sems skyed par 'gyur ro// rigs kyi bu 'di lta ste/ dper na skyes bu la la zhig gos sar pa gyon te/ des de gyon nas las thams cad byed cing bde ba dang sdug bsngal yang myong bar 'gyur ro// yang dus gzhan zhig na gos de rnyings shing mugs te dri ma can mthar shad par gyur pa dang / des de dor ba'i chos can du shes nas bor ro/ / bor nas yang gos sar pa gsar ma gzhan zhig btsal te gyon no// des gyon na yang las byed cing bde ba dang sdug bsngal myong bar 'gyur nas don dam pa'i gos sra zhing brtan la mi shigs shing mi chod pa gyon par ma gyur par du gcig nas gcig tu brgyud pa 'di lta bus bskal pa du ma 'das kyang gos de bgos so she'am/ bor ro zhes mi rtog rnam par mi rtog gi de ni lus kyi dbang du 'gro'o// rigs kyi bu de bzhin du gang gi tshe 'tsho ba'i khams des lus 'jig pa dang / 'gyel ba'i mthar gyur pa mthong ba de'i tshe lus de bor nas yang sar pa gzhon nu gzhan btsal te/ de de'i las byed cing de bgos nas bde ba dang sdug bsngal myong bar 'gyur ro// ji ltar rang gi bsod nams las skyes pa'i gos de 'jam pa dang / sra ba dang / rtsub pa'i bgo ba de bzhin du 'tsho ba'i khams kyis bgo ba lta bu'i lus blangs te/ ji ltar rang gi las kyi rkyen gyi dge ba'i rtsa ba las skyes pa bzhin du lha dang / rgyal po dang / sems can dmyal ba dang / dud

  26. 166a

    'gro'i skye gnas dang / gshin rje'i 'jig rten rnams su skye bar 'gyur te/ lus de yang 'tsho ba'i khams kyi dbang gis 'gro zhing 'tsho ba'i khams kyis yongs su btang yang mi rtog/ rnam par mi rtog go/ rigs kyi bu de bzhin du lus gos lta bur blta bar bya'o// rigs kyi bu 'di lta ste dper na sbrul ni las kyi rkyen gyis dus kyi mthar shun pa de bor nas rang gi lus kyi gzugs kyis 'gro zhing 'od ste/ bde ba dang sdug bsngal myong bar gyur kyang shun pa de mi rtog/ rnam par mi rtog go/ de bzhin du 'tsho ba'i khams ni sbrul lta bur blta'o// rigs kyi bu 'di lta ste/ dper na shing lo ma dang mdab mar ldan par gyur pa las/ yang dus kyi rkyen gyis 'jig pa dang ltung bar mthar 'gyur ba'i chos can du gyur nas phyis yang dus kyi rkyen gyis myu gu dang / yal ga dang / 'dab ma dang / me tog dang / 'bras bu rnams len te/ rigs kyi bu de bzhin du las kyi rkyen gyis skye ba dang 'gag par blta'o// / rigs kyi bu yang phyi ma'i dus phyi ma'i tshe na sems can dag rnyed pa dang / chags pa dang / khro ba dang / phrag dog dang / nga rgyal mang ba dag 'byung ste/ srang dang gzhal pa la g.yo byed par dga' ba 'dod chags kyi rjes su spyod pa dag 'byung ste de dag 'dod pa'i rgyu dang 'dod pa'i gzhis sdig pa mang du byed par 'gyur te/ sdig pa mang du byas nas sdug bsngal myong bar 'gyur zhing / mi rtag pa la rtag pa'i 'du shes can dang / mi gtsang ba la gtsang ba'i 'du shes can gyis sangs rgyas dang chos dang / dge 'dun la mchod pa byed par mi 'gyur te/ byis pa'i blo can de dag dge ba'i bshes gnyen mi tshol gyi/ gang de lta bu'i sems can de dag la chos ston pa de dag dgod cing rkyal ka byed pa mang bar 'gyur gyi dad par mi byed/ yid ches par mi byed de/ de lta bu'i sems can de dag ni sdig pa spyod do// de dag gi 'tsho ba'i khams des las kyi rkyen ji lta ba bzhin du myong bar 'gyur ba'i bgo ba'i lus blangs nas sdug bsngal la dga' ba'i

  27. 166b

    'du shes skyed do/ / rigs kyi bu de lta bas na de bzhin gshegs pas bka' stsal pa/ 'di ni las kyi rkyen yin par blta ste/ 'di la su yang 'chi ba med/ 'tsho ba med/ bde ba dang / sdug bsngal yang myong bar mi 'gyur te/ las kyi rgyu las kyi rkyen gyis skye ba dang 'gag par 'gyur ro/ / sems can de dag gi don du de bzhin gshegs pa rnams kyis dka' ba spyad pa bye ba khrag khrig brgya stong du ma mdzad nas bdog pa thams cad yongs su btang ba yongs su btang nas bla na med pa yang dag par rdzogs pa'i byang chub tu mngon par sangs rgyas par gyur te/ sems can thams cad kyang mya ngan las 'da' ba la bkod do// de nas de'i tshe na de bzhin gshegs pa'i byin gyis rlabs kyis sa chen g.yos par gyur to/ / ji ltar lhags pa'i 'khor de dag gis kyang bcom ldan 'das la legs so zhes gsol to// rgyal po gsal rgyal dang / gzhan yang mthu chen po mthu che ba rdzu 'phrul chen po mang pos lha'i na bza' lnga brgyas de bzhin gshegs pa la mngon par mchod nas lus 'dar bzhin du bcom ldan 'das la lan gsum bskor ba byas te/ de bzhin gshegs pa thams cad kyi spyan sngar sdig pa thams cad nyes pa la nyes so zhes so sor bshags te bslab pa la yi dam bca' bar bya ste/ ji ltar lpags pa'i 'khor de dag gis tshig 'di skad du smras so// de bzhin gshegs pa skye ba thams cad las slar log pa/ sems can thams cad sdug bsngal las sgrol ba/ grol ba thams cad la phyag bgyi'o// phyag 'tshal lo// bcom ldan 'das slan chad bdag cag skye ba'i 'khor bar sdug bsngal myong bar spro bar mi bgyid do// bcom ldan 'das bdag cag skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las grol bar mdzad du gsol// bcom ldan 'das kyis bka' stsal pa/ rigs kyi bu dag nan tan snying por byed pa'i dge ba'i rtsa bas dkon mchog gsum la lhag pa'i bsam pa dang

  28. 167a

    ldan par byos shig/ 'du byed thams cad mi rtog cing sgyu ma lta bur shes par byos shig/ dam pa'i chos yongs su gzung ba la spro bar byos shig/ mchod pa dang / rjed pa dang / bkur sti mang bar byos shig/ sems can thams// cad la mchog tu snying rje bar shes par byos shig/ chos smrab la de bzhin gshegs pa'i 'du shes bskyed par byos shig/ dge ba'i bshes gnyen la bla mar 'du shes bskyed par byos shig/ chos kyi rnam grangs 'di yid la bya ba dang / bsgom pa dang rgyas par byos shig/ rigs kyi bu sdug bsngal thams cad dang / skye ba thams cad dang / rga ba dang / na ba dang / 'chi ba dang / sdug bsngal ba dang / yid mi bde ba dang / 'khrug pa chen po las yongs su grol bar 'gyur/ 'khor ba'i zhags pa las yongs su grol bar 'gyur ro// 'phags pa'i lam yan lag brgyad pa'i dge ba'i rtsa ba la bsgrub par byos shig/ bag med pa'i gnas las slar ldog par byos shig/ rigs kyi bu de bzhin gshegs pa'i bslab pa gcig yud tsam bzung bas kyang sems can rnams sdug bsngal thams cad las yongs su grol zhing bde 'gror 'gro ste ngan 'gror mi 'gro bar 'gyur na/ gang dag dgod pa dang / ku re dang / dga' ba dang / rtsed mo rnams yid kyi yongs su spangs nas de bzhin gshegs pa la mchog tu mos pas rim gro byed cing lhag pa'i bsam pas zhugs te/ 'phags pa'i nye bar gnas nas gso sbyin yang dag par blangs te spyod pa de dag ngan song gsum du mi skye zhing bde 'gror 'gro bar 'gyur ba dang / lha dang mi'i bde ba myong nas sdug bsngal mthar byas te/ rim gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba sa ci smos/ bud med kyi lus nyon mongs pa dang nye ba'i nyon mongs pas nyon mongs par gyur pa la la zhig nyin gcig gam/ nyin ma phyed dam/ yud tsam yang rung ste/ gsum la skyabs su 'gro ba yang dag par len cing bslab pa 'dzin par byed na de dag thams cad

  29. 167b

    bud med kyi dngos po dang / sdug bsngal dang / yid mi bde ba dang / 'khrug pa thams cad rnam par bzlog ste/ sdug bsngal mthar byas nas bla na med pa yang dag par rdzogs pa'i byang chub tu mngon par rdzogs par sangs rgyas kyi bar du bde 'gror 'gro bar 'gyur ro/ / rigs kyi bu de ltar lus dang ngag dang / yid kyi yi dam 'cha' ba dang bslab pa 'dzin pa yang dag par len par byed pa ni yon tan dang dge ba'i rtsa ba mang po dang ldan pa yin na/ byis pa dag gis ni de mi shes so/ / de nas de'i tshe na bar snang las sgra chen po byung bar gyur pa dang / 'khor de dag thams cad kyis e ma'o e ma'o zhes dam pa'i sgra byung nas me tog dang / dri'i char chen po rab tu phab po// sems can 'bum tshad pa rnams sdug bsngal thams cad las grol bar gyur te/ phyir mi ldog pa'i sa bla na med pa yang dag par rdzogs pa'i byang chub la bkod do// gzhan yang sems can bye ba rnams sangs rgyas dang / chos dang / dge 'dun la skyabs su 'gro ba yid la byed cing / sems dang po bskyed par gyur to// de bzhin gshegs pa de dag thams cad kyang mi snang bar gyur to// de nas phyag na rdo rje la sogs pa rdo rje 'dzin pa thams cad dang / brgya byin dang / tshangs pa dang / 'jig rten skyong ba dang / rgyal chen po bzhi rnams kyis bcom ldan 'das la 'di skad ces gsol to// de bzhin gshegs pas bdag cag dbugs phyung ste/ bdag cag gis chos kyi rnam grangs 'di dang / de bzhin gshegs pa de dag gi mtshan rnams thos te/ bcom ldan 'das la chos smra ba dang / 'chang ba dang / 'dri ba dang / klog pa dang / mchod pa dang / sgrogs pa de dag gi yul la ma/ grong khyer ram/ gtsug lag khang rnams bdag cag gi lus dang srog dang yang bsngos te bsrung bar bgyi/ yongs su bskyab par bgyi/ don thams cad grub par bgyi/ nor dang 'bru rnams legs par bsgrub par bgyi/ thams cad du mchod par 'gyur bar bgyi/ nad thams cad las yongs su thar bar bgyi/ dran pa dang / stobs dang /

  30. 168a

    spro bsul bar bgyi'o// nas bcom ldan 'das kyis de dag la legs so legs so zhes bya ba byin nas 'di skad ces bka' stsal to// ci nas kyang de bzhin gshegs pa'i dam tshig gi chos kyi rnam grangs 'di myur du nub pa mi 'gyur ba de ltar khyed kyis byos shig/ bcom ldan 'das kyis de skad ces bka' stsal pa dang / 'phags pa spyan ras gzigs dbang phyug dang / lag na rdo rje la sogs pa byang chub sems dpa' sems dpa' chen po de dag thams cad dang / nyan thos chen po rnams dang / thams cad dang ldan pa'i 'khor de dag thams cad dang / lha dang / mi dang lha mo yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'bags pa sangs rgyas kyi stobs bskyed pa'i cho 'phrul rnam par 'phrul pa bstan pa zhes bya ba theg pa chen po'i mdo/ rdzogs s+ho// / rgya gar skad du/ Ar+ya bud d+ha d+harmA/ a tsin d+ha ni de sha/ bod skad du/ 'phags pa sangs rgyas kyi chos bsam gyis mi khyab pa bstan pa/ bamapo dang po// sangs rgyas dang byang chub sems dpa' mang po 'dus pa la phyag 'tshal lo// de nas de na byang chub sems dpa' mang po 'dus pa'i nang sa byang chub sems dpa' kha cig 'di snyam du gyur te/ kha cig ni sangs rgyas bcom ldan 'das rnams kyi sangs rgyas kyi zhing bsam gyis mi khyab snyam/ kha cig ni sangs rgyas bcom ldan 'das rnams kyi sngon gyi smon lam/ sa zung ba rnam par dag pa bsam gyis ma khyab snyam// cig ni sangs rgyas bcom ldan 'das rnams kyi de bzhin gshegs pa'i rigs bas ma gyis mi khyab snyam/ kha cig ni sangs rgyas bcom ldan 'das rnams kyi sangs rgyas 'byung ba bsam gyis mi khyab snyam/ kha cig ni sangs rgyas bcom ldan 'das rnams kyi de bzhin gshegs pa'i sbubasam gyis mi khyab snyam// kha cig ni sangs rgyas bcom ldan 'das rnams kyi de bzhin

Colophon

'phags pa sangs rgyas kyi stobs p(!)skyed pa'i cho 'phrul rnam par 'phrul ba bstan pa zhes bya ba theg pa chen po'i mdo| rdzogs s.ho|