F242MW1KG13607_0242mdo sdeAll versions of this work

dpe med par bstod pa

Nirubamastapa

Text

ff. 380b–382a · 4 folio sides

  1. 380b

    dngos bsnyes pa// tshad mi mnga' la phyag 'tshal 'dud// ring min nye ba ma lags shing // nam mkha' ma lags sa ma lags// 'khor min mya ngan 'das ma lags// mi mnga' ba la phyag 'tshal 'dud// chos rnams kun la mi gnas pas// chos kyi dbyings kyi dngos gyur cing // mchog tu zab pa nyid bsnyes pa/ zab mo khyod la phyag 'tshal bstod// de lta'i bstod pas bstod bgyi ba 'am// yang ni 'dir ni ci zhig bstod// chos rnams thams cad stong pa la// gang la bstod cing bdag gis bstod// skye dang 'jig pa rnams spangs shing // gang la mtha' dang dbus med la// gzung dang 'dzin pa mi mnga' ba// 'dir ni khyod stong nus pa gang // gshegs dang byon pa mi mnga' zhing // 'gro ba lnga spangs bde bar shegs bstod pas// bsod nams des ni 'jig rten rnams// bde gshegs gnasu 'gro bar shog/ ngag du// don dam par bstod pa/ slong dpon klu grub kyi mdzad pa rdzogs so// rgya gar skad du/ ni rub ma sta pa/ dpe med par bstod pa/ 'jam dpal gzhon nur gyur pa la phyag 'tshal lo// gang zhig lta bas 'phongs pa yi// 'jig rten 'di la phan tsom khyod// dngos pa med pa'i dzin rig pas// dpe med khyod la phyag 'tshal bstod// gang zhig khyod kyis chung zhig kyang /

  2. 381a

    sangs rgyas spyan gyis ma gzigs pa// khyod kyis gzigs pa bla med de// nyid kyi don ni rig pa lags// don dam pa yi yod pa nyid// rtogs dang rtogs bya mi mnga' zhing // e ma'o mchog tu rtogs dka' ba'i// chos nyid sangs rgyas rnams kyis rtogs// khyod kyis cung zad ma bskyed cing // chos rnams bkag pa'ang ma lags// mnyam pa nyid kyi lta ba yis// bla na med pa'i go 'phang bsnyes// 'khor ba spangs par gyur pa yi// mya ngan 'das khyod mi bzhed kyi// 'khor ba mi dmigs pa nyid kyi// zhi de mgon po khyod kyis rtogs// khyod kyis kun nas nyon mongs dang // rnam byang ro cig gyur rig pas// chos dbyings mngon par dbyer med pa// kun tu rnam par dag par gyur// gtso bo khyod kyis 'ga' zhig tu// yi ge cig kyang ma gsungs la// gdul bya'i 'gro ba ma lus la// chos kyi char kyis tshim pa'ang mdzad// mkha' dang mnyam pa'i thugs mnga' khyod// phung po khams dang skye mched la// chags par gyur pa mi mnga' bas// chos rnams kun la rten ma lags// mgon khyod sems can 'du shes kyis// 'jig pa kun tu mi mnga' yang // sdug bsngal gyur pa'i sems can la// snying rje'i bdag nyid gyur pa'ang khyod// bde dang sdug bsngal de bzhin du// rtag mi rtag stsogs pa rtso khyod// de lta'i rnam rtog

  3. 381b

    rna tshogs kyis// thugs ni chags par 'gyur ma lags// chos rnams gang du'ang 'gro 'ong med// de bzhin khyod kyi gshegs pa'ang lags// 'ga'/ ru spungs pa ma mchis pa// de phyir don dam rig pa'ang lags// kun gyi rjes su zhugs gyur kyang // 'ga' ru 'byung ba'ang ma lags la// skye dang chos dang sku rnams kyang // thub chen khyod kyi bsam mi khyab// gcig dang gzhan pa rnam spangs pa'i// brag cha lta bu'i 'gro ba rnams// 'pho dang 'jigs pa rnam spangs par// smad pa med par khyod kyis rtogs// rtag dang chad pa dang bral zhing // mtshan nyid mtshon cha rnam spangs par// gtso bos rmi lam sgyu skyogs bzhin// 'khor ba nges par rtogs pa lags// bag chags bzhin 'gyur mthar thug pa'i// khyod kyi nyon mongs sdig pa spangs// nyon mongs nyid kyi rang bzhin yang // khyod kyis bdud rtsi nyid du bsgrubs// dpa' bo khyod kyis gzugs rnams ni// mtshan ma med mthong gzugs med bzhin// mtshan kyis 'bar ba'i sku nyid kyang // gzugs su sgyid yul nyid du mthong // gzugs su mthong bas mthong min yang // mthong ngo zhes ni brjod par byed// chos mthong bas ni shin tu mthong // chos nyid mthong ba ma yin no// khong stong khyod kyi sku la med// sha dang rus pa khrag med kyang // nam mkha'i dbang po'i gzhu

  4. 382a

    bzhin du// khyod kyi sku ni ston par mdzad// sku la snyun med mi gtsang med// bkres dang skom pa 'byung med kyang // khyod ni 'jig rten rjes bzung phyir// 'jig rten spyod pa ston par mdzad// las kyi sgrib pa'i skyon rnams ni// sdig med khyod kyis kun spangs kyang // khyod kyis sems can rjes bzung phyir// las spangs pa yang rab tu bstan// chos kyi dbyings la dbyer med phyir// gtso bo theg dbye ma mchis kyang // khyod kyis theg pa gsum brtan pa// sems can gzhug pa'i ched du lags// rtag cing brtan la zhi ba yi// chos kyi rang bzhin khyod kyi sku// rgyal bas gdul bya'i 'gro ba'i phyir// khyod nyid mya ngan 'das par bstan// grangs med 'jig rten khams rnams su// 'das dang lham dang mngon byang chub// 'khor lo'ang thar par mos rnams kyis// khyod la gus rnams kyi yang mthong // mgon po sems g.yo mi mnga' zhing // rnam rtog g.yo ba mi mnga' yang // khyod nyid ngang gis 'jig rten la// sangs rgyas mdzad pa'ang 'jug par gyur// de ltar bde gshegs yon tan tshad med bsam mi khyab// me tog gis brgyan pa las bdag gis bsod nams gang thob par// gyur pa 'dis ni sems can ma lus pa// 'di dag mchog tu rtogs dka' thub pa'i chos kyi snod gyur cig// dpe med par bstod pa/ slob dpon klu grub kyis mdzad pa rdzogs s+ho//

Colophon

dpe med par bstod pa/ slob dpon klu grub kyis mdzad pa rdzogs s+ho/