'phags pa sangs rgyas rjes su dran pa
Text
ff. 79a–80a · 3 folio sides
- 79a
brjod pa dang /'jigs pa med par yongasu brjod pa yin pa'i phyir ro//de nas lha rnams kyi dbang po brgya byin gyis chos kyi rnam grangs 'di la mchod par phyir/bcom ldan 'das la lha'i me tog man+dA rA ba dag gis mngon par gtor nas/bcom ldan 'das kyi zhabs la mgo bos phyag btsal te lan gsum bskor ba byas na yid dga' ba dang /sems dge ba dang /sems sgrib pa med pa dang /sems kun nas ldang ba med pa dang /de bzhin gshegs pa'i mtshon yongasu brjod pa'i chos kyi rnam grangs 'di yid la byad bzhin du slad kyis kyang bdag gis bcom ldan 'das kyi zhal mthong bar gyur cig ces tshig tu smras nas/sum cu rtsa gsum gyi lha rnams dang lhan cig tu bcom ldan 'das kyi thad nas dong ngo //bcom ldan 'das kyis de skad ces bka' stsal nas/lid tsa bi'i bu rtsal rab dang /lha rnams kyi dbang po brgya byin dang /lha dang /mi dang /lha ma yin dang / dri zar bcas pa'i 'jig rten yi rangs te/bcom ldan 'das kyis gsungs pa la mngon par bstod do//'phags pa bkra shis brgyad pa zhes bya ba theg pa chen po'i mdo rdzogs so////rgya gar skad du/Ar+ya bud d+ha a nu smr-i ti/bod skad du/'phags pa sangs rgyas rje su dran pa/sangs rgyas dang /byang chub sems dpa' thams
- 79b
cad la phyag 'tshal lo//'di ltar sangs rgyas bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas/rig pa dang zhabasu ldan pa/bad bar gshegs pa/'jig rten mkhyen pa/skyes bu 'dul ba'i kha la sgyur ba bla na med pa/lha dang mi rnams kyi ston pa/sangs rgyas bcom ldan 'das so//de bzhin gshegs pa de dag ni bsod nams dag gi rgyu mthun pa/dge ba'i rtsa ba rnams chud mi za ba/bzod pas brgyan pa/bsod nams kyi gter rnams kyi gzhi/dpe byad bzang po rnams kyis spras pa mtshan rnams kyi me tog rgyas pa/spyod yul ran par mthun pa/mthong na mi mthun pa med pa/dad pas mos pa rnams mngon par dga' ba/shes rab zil gyis mi non pa/stobs rnams la brjid pa med pa/sems can thams cad kyi ston pa/byang chub sems dpa' rnams kyi yab/'phags pa'i gang zag rnams kyi rgyal po/mya ngan las 'das pa'i grong khyer du 'gro/ ba rnams kyi deng dpon/ye shes dpag tu med pa/spobs pa bsam gyis mi khyab pa/gsung rnam par dag pa/dbyangs snyan pa/sku byed lta bas chog mi shes pa/sku mtshungs pa ming pa/'dod pa dag gis ma gos pa/gzugs dag gis nye bar ma gos pa/gzugs med pa dag dang ma 'dres po/sdug bsngal los rnam par grol ba/phung po dag las rab tu
- 80a
rnam par grol ba/khams rnams dang mi ldan pa/skye mched rnams bsdams pa/mdud pa rnams shin tu bcad pa/yongasu gdung ba dag las rnam par grol ba/sred pa las shin tu grol ba/chu bo las rgal ba/ye shes yongasu rdzogs pa/'das pa dang /ma byon pa dang /da ltar byung ba'i sangs rgyas bcom ldan 'das rnams kyi ye shes la gnas pa/mya ngan las 'das pa la mi gnas pa/yang dag pa nyid kyi mtha' la gnas pa/sems can thams cad la gzigs pa'i sa la bzhugs pa ste/'di dag ni de bzhin gshegs pa'i ye shes yang dag pa'i che ba'i yon tan yin no//'phags pa sangs rgyas rje su dran pa rdzogs so/// rgya gar skad du/d+harma a nu smr-i ti/bod skad du/chos rje su dran pa/sangs rgyas dang /byang chub sems dpa' thams cad la phyag 'tshal lo//dam pa'i chos ni legs par gsungs pa/tshangs par spyod pa/thog mar dag ba/bar du dge ba/tha mar dag pa/don bzang po/tshig 'bru bzang po/ma 'dres pa/yong su rdzogs pa/yong su dag pa/yongasu byang ba/sangs rgyas bcom ldan 'das kyis chos 'dul ba legs par gsungs pa/yang dag par thob pa/nad med pa/dus chad pa med pa/nye bar gtod pa/'di mthong ba la
Colophon
'phags pa sangs rgyas rjes su dran pa rdzogs so//