F292MW1KG13607_0292mdo sdeAll versions of this work

'phags pa tshangs pa'i dpal lung stan pa zhes bya ba theg pa chen po'i mdo

Āryabramaśribyakaraṇanamamahāyanasutra

Text

ff. 110a–112b · 6 folio sides

  1. 110a

    chung ngu na tshigs su bcad pa cig gam/ tshig cig tsam yang mi brjod mi nyams par tang ngo zhes gsol to// mdo sde 'di gsungs pa'i che/ dge slong stong snyed kyi dge sbyong gi 'bras bu thob par gyur te/ dge slong ma stong lnga rgyas rgyun tu zhugs pa'i 'bras bu thob par gyur to// dge snyen lnga rgyas yong du/ dag par 'gyur to// lha dang / mi dang / lha ma yin la sogs pas phyir dong ngo // 'phags pa ting nge 'dzin gyi mchog dam pa// rdzogs s+ho// rgya gar skad du/ Ar+ya bra ma shri bya ka ra Na na ma ma hA yan su tra/ bod skad du/ 'phags pa tshangs pa'i dpal lung snyan pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das rgyal bu rgyal byed kyi tshal/ mgon med zas sbyin gyi kun dga' ra ba na/ dge slong gi dge 'dun chen po dang / thabs gcig tu tu bzhugs so// de nas bcom ldan 'das snga dro shams thabs dang / chos gos gsol to// lhung bzed bsnams nas/ mnyan yod kyi grong khyer du bsod snyoms la gshegs so// yang de'i tshe gnyan yod kyi grong khyer gyi phyi rol na/ byis pa phal cher dag sa rdul gyi khyim dang / sa'i rdul ra dang / sa'i rdul gyi khang

  2. 110b

    brtsegs pa dag gis rtse zhing 'khod pa las/ byis pa phal che de dag gi thag ring po zhig nas bcom ldan 'das gshegs pa mthong ngo // ye mthong nas kyang lhag par dga' ba dang / rab tu dga' ba dang / yid bde ba skyes ste/ rtse dga' zhing 'khod do// de nas bcom ldan 'das khye'u de dag la thugs rtse ba'i phyir// gang na khye'u de dag rtse zhing 'khod pa'i sa phyogs der gshegs so// de nas byis pa de dag gi nang nas khye'u tshangs pa'i dpal zhes bya ba zhig/ bcom ldan 'das kyi zhabs la phyag 'tshal nas/ bcom ldan 'das kyi spyan sngar 'dug go/ de nas bcom ldan 'das mkhyen bzhin du byis pa de dag la 'di skad ces bka' stsal to// byis pa khyed 'di na ci byed/ de skad ces bka' stsal pa dang / bcom ldan 'das la khye'u de dag gis/ 'di skad ces gsol to// bcom ldan 'das bdag cag 'di na sa rdul gyi khyim dag dang / sa rdul gyi ra ba dag dang / sa rdal gyi khang pa brtsegs pa dag gis rtse zhing mchis lag so// de nas bcom ldan 'das la khye'u tshangs pa'i dpal gyis 'di skad ces gsol to// bcom ldan 'das bdag la thugs rtse ba'i slad du sa rdul gyi khang pa rtsegs pa 'di bzhes su gsol/ de nas bcom ldan das kyi khye'u tshangs pa'i dpal gyi lhag pa'i bsam pa dang / dga' ba'i sems thugs su chud nas thugs

  3. 111a

    rtse ba'i phyir/ sa rdul gyi khang pa brtsegs pa de bzhes so// de nas sangs rgyas kyi mthus skad cig de dang / yud tsam de la sa rdul gyi khang pa rtsegs pa de rin po che sna bdun las grub pa'i khang pa brtsegs pa zhig du gyur nas/ bcom ldan 'das kyi spyan sngar 'dug par gyur te/ de'i tshe shar phyogs kyi ngos su ni gser gyi bka' ba brgya khri bzhi stong zug pa gyur/ lho phyogs kyis ngos su ni dngul gyi bka' ba brgyad khri bzhi stong zug par gyur/ nub phyogs kyi ngos su ni bai dUr+ya'i bka' ba brgyad khri bzhi stong zug par gyur/ byang phyogs kyi ngos su ni shel gyi bka' ba brgyad khri bzhi stong zug par gyur to// de nas de'i tshe khye'u tshangs pa'i dpal gyi rdzu 'phrul gyi cho 'phrul de mthong nas lhag par ches dga' ba dang / mchog tu dga' ba rgya chen po skyes par gyur to// de nas bcom ldan 'das la khye'u de dag gis tshigs su bcad pa 'di dag gsol to// kye ma 'jig rten mgon po yis/ rdzu 'phrul shin tu rgya che stan// bdag nyid la ni thugs rtse'i phyir/ sangs rgyas kyis ni rdzu 'phrul stan// drang srong che la bdag gis ni// sa rdul khang pa brtsegs phul ni// rin po che las grub par 'gyur// kye ma sangs rgyas bsam mi khyab// kye kye sangs rgyas zhing ni 'dra ba// sangs rgyas zhing bla na med//

  4. 111b

    mig med mig ni nyams pa dang / shes rab chung ngus mi shes so// rkang gnyis dam pa 'gro ba'i zhing / 'di ni bdag gi brnyed pa dang / dal ba rab dkon thos pas na// byang chub du ni smon lam btab// bdag dang 'dren pa khyod kyi ni// yon tan rjes su slob par 'tshal// bla med byang chub thob nas ni// rdzu 'phrul 'di 'dra bdag gis bgyi// de nas de'i tshe bcom ldan 'das kyi 'dzum pa mdzad nas/ bcom ldan 'das kyi zhal gyi sgo nas/ 'od zer kha dog sna tshogs 'di lta ste/ sngon po dang / ser po dang / dkar po dang / bcod shes gyi kha dog dang / dngul gyi kha dog lta bu dag byung ngo // de dag byung nas tshangs pa'i 'jig rten gyi bar du song ste/ yang slar log nas bcom ldan 'das la lan gsum bskor ba byas te/ bcom ldan 'das kyi dbu'i gtsug gtor du nub par gyur to// de nas bcom ldan 'das la tshe dang ldan pa kun dga' bos tshigs su bcad de gsol pa// rgyal mchog 'dren pa 'gro ba'i gtso bo// rnams// rgyu ma mchis par 'dzum pa mi 'dzad na/ thugs rje ldan pas 'jig rten sman slad du// deng 'dir ci phyir 'dzum mdzad bdag la gsungs/ de skad ces gsol pa dang / bcom ldan 'das kyis tshe dang ldan pa kun dga'o la 'di skad ces bka' stsal to// kun dga' bo khyod kyi khye'u tshangs

  5. 112a

    da ga pa'i dpal 'di mthong ngam/ gsol ba bcom ldan 'das mthong lags so// bcom ldan 'das kyis bka' stsal po khye'u 'di dge ba'i rtsa ba 'di dang ldan sems kyis smon pa 'das na/ bskal pa sum stong nyis brgya'i bar du nas kyang sems can dmyal bar 'gro bar mi 'gyur ro// de nas byang chub bsgrub nas de bzhin gshegs pa dgra bcom pa yang dag par rdzogs pa'i sangs rgyas 'jig rten thams cad las mngon par 'phags pa zhes bya bar 'gyur ro gsungs so// de nas bcom ldan 'das kyis de'i tshigasu bcad pa 'di dag bka' stsal to// sangs rgyas la ni dad pa yi// bsod nams chung ngu skye mi 'gyur/ chos mchog/ thos dang dge 'dun la// gus pas byas pa 'ang de bzhin no// sangs rgyas la ni dad pa la// byang chub 'thob par bka' ba med// de ltar byang chub 'dod bas 'dir/ 'jig rten rnams mchod par bya// kun dga' bo khye'u 'di rkang gnyis kyi mchog/ mchog de dpal dang ldan pa yi// mngon par 'phags pa zhes bya ba// 'jig rten gyis ni 'dren par 'gyur// de ltar sangs rgyas bsam mi khyab// sangs rgyas chos dang de bzhin te// bsam mi khyab la dang pa yi// rnam par smin pa'ang de bzhin no// bcom ldan 'das kyis de skad ces bka' stsal nas/ tshe dang ldan pa kun dga' bo dang // khye'u tshangs pa'i

  6. 112b

    dpal bcom ldan 'das kyi gsungs pa la yid rangs te mngon par bstod do// 'phags pa tshangs pa'i dpal lung bstan pa zhes bya ba theg pa chen po'i mdo/ rdzogs s+ho// // rgya gar skad du/ A yu par+ya na da sU tram/ bod skad du// tshe'i mtha'i mdo// dkon mchog gsum la phyag 'tshal lo// 'di skad bdag gis thos pa'i dus gcig na/ bcom ldan 'das gnyen yod na/ rgyal bu rgyal byed kyi 'tshal mgon med zas sbyin gyi kun dga' ra ba na bzhugs so// de nas bcom ldan 'das kyis dge slong / rnams la bka' stsal pa/ dge slong dag khyed sems can rnams kyi tshe'i mtha' stan pa/ bcom ldan 'das las thos nas/ dge slong dag 'dzin par bgyid lag so// dge slong dag de'i phyir legs par rab tu nyon la zung shig dang bshad do// dge slong dag dmyal ba rnams kyi tshe tshad ni/ ring na bskal pa gcig te// bar ma dor mchi ba ni yod do// dge slong dag dud 'gro rnams kyi tshe tshad ni ring na bskal pa gcig ste/ bar ma dor mchi ba ni yod do// dge slong dag mi rnams kyi nyin zhag sum bcu la gang yin pa de yid btags rnams kyi nyin zhag gcig go/ nyin zhag sum bcu la zla ba cig/ zla ba bcu gnyis la lo cig ste/ yi dgas rnams kyi tshe

Colophon

phags pa tshangs pa'i dpal lung bstan pa zhes bya ba theg pa chen po'i mdo// rdzogs s+ho/