rin po che sna tshogs ral gri'i rgyud
Text
ff. 32a–36b · 10 folio sides
- 32a
ldan 'das bdag mkha' 'gro ma rnams la bka' stsal pa'i/ rgyud 'di la ji ltar gdags par bgyi/ zhes zhus pas/ thams cad dum bur ston pas na// bskal pa dum bu'i rgyud du zung // dum bu ye shes rab 'bar bas// dum bu 'bar ba'i rgyud du zung // ngo sprod dngos su 'byin pas// thig le rjen ston rgyud du zung // zhes bka' stsal pa/ gsang ba'i bdag po rjes su yi rang ngo // rgyud kyi rgyal po bskal pa dum bu 'bar ba'i rgyud/ mkha' 'gro ma'i lag nas byung ba rdzogs so// / / rgya gar skad du/ rad na bi sha tig snA ta na tra/ bod skad du/ rin po che sna tshogs ral gri'i rgyud/ bcom ldan 'das lhun gyis grub pa'i rgyal po la phyag 'tshal lo// 'byung ba rtsa ba ston pa'i dus dag tu// 'og min yangs la snang ba'i gnas dag tu// ston pa'i ston pa kun tu bzang po des// sdus pa po rdo rje sems dpa'i 'khor rnams la// bya ba las kyi rim pa 'di bshad do// yan lag rdul gyis snang ba'i dngos po la// rgyud dang 'bras bu tha dad 'dod pa la// dag sdig las kyi 'bras bu so sor byed// gnyis med gnyis kyi dngos po so sor bshad// glang gzhi'i le'u ste dang po'o// // ston pa'i ston pa kun tu bzang po la// sdud
- 32b
pa'i gsang ba dag rdo rje sems dpas su// rtsal grub pa yi gnas 'di gang du bshad/ 1/ rtsal gyi maN+Dal gang la ji ltar dbul// / rtsal gyi maN+Dal tshad de ji tsam bya// rtsal gyi maN+Dal rgyan ni tswi yis bya// rtsal gyi maN+Dal phul ba'i dgongs pa gang / ston pa'i ston pa kun tu bzang po des// rtsi shing nag tshal me tog brgyan pa'i gnas// nyams dga' yid 'ong dben pa'i gnas de ru// 'tshogs pa'i yid 'ongs bsngags pa'i pho nya dang // 'phrul pa'i lha mchod lha yi rdzas rnams dang // 'bol ba'i stan la 'dus nyid legs 'dug ste/ 1/ srog chags med pa'i sa gzhi snum pa la/ kha yis rnam lngas legs par rab brdzis la// kha dog nag po khru gang tshad du bya// zlum zhing mtho ba grwa zur med par bya/ 3/ cha ma nyam yid 'ong mdzes pa'i maN+Da la la// sma na lnga spos lnga snying po rnam lnga yis// rin che na lnga dang legs par byugs byas la// / gser dngul me tig rin chen rnam lnga'am// chu dang thang skyes mdzes pa'i me tog kun// chos sku spros bral de la dbul ba'i phyir// tshom bu lnga ru legs par mo nyam la dgod// ye shes lnga yi ngo bor sprul la dbul// sangs rgyas dkon mchog sngags 'dis dbul bar bya// na mo b+hu d+ha ya maN+Da la bu dza sa ma ye hUM/ mdzes pa'i me tog rim pa dgur bkod do//
- 33a
theg pa'i grangs dang rim par sbyar byas la// bstan pa'i chos rnams kun la dbul// na mo d+har+m+ma ya maN+Da la pu dza badz+ra sa ma ye hUM/ me tog tshom bu gsum byas la// dge 'dun bden pa rnams la dbul// na mo sang g+hA ya maN+Da la pu dza sa ma ya hUM/ ra maN+Da la phul ba'i dgos pa 'di 'byung ste// maN+Da la rnam gsum rims kyis phul ba yis// sgrib pa rnam gsum rims kyis 'byung bar 'ong // pha rol phyin drug dbang du rdzogs pa'o// sa dang lam nye myur du thob par 'gyur// dkon mchog gsum gyi rtsal 'di spyad pas// sku gsum dbyer med chos sku don rtogs 'gyur// rtsal snang maN+Dal bya zhing dbul ba'i le'u ste gnyis pa'o// // ston pa'i ston pa kun tu bzang po la// sdud pa'i gsang bdag rdo rje sems dpas su// yan lag rtsal du snang ba'i chos rnams la// sems nyid gzung ba'i thubs ni ngu zhig mchis// sems nyid gzhag pa'i thabs ni du zhig mchis// sems de zin pa'i tshad ni ji lta bu// ston pa'i ston pa kun tu bzang po des// sems nyid gzung ba'i thabs ni 'di gsum ste// dang po sems kyi zhi la phar brtsal bas// sems de cir yang grub pa med par shes// grub med dang la rtag tu gnas par bya// sgrub pa med pa'i sems nyid
- 33b
de// phyi rol yul la phar ltas pas// yul de dngos po stong par shes// stong pa'i ngang la gnas par bya// stong pa'i rig pa chen po des// phyi nang kun gyi chos rnams la// dngos zhen dngos rtogs mi skye na// dngos bral dang la gnas par bya'o// sems nyid gzhag pa'i thabs gsum ste// dngos med mkha' la gzhag pa dang // rig med sems la gzhag pa dang // spros bral yul la gzhag pa'o// zin pa'i tshad ni rnam gsum ste// tshogs brgyad yul la bltas tsam na// yul la mi 'jug zin pa yin// tshogs brgyad nang du bsdus tsam na// ming mi 'dogs na zin pa yin// tshogs brgyad rang sor gzhag tsam na// g.yos pa med na zin pa yin// sems su gzung ba'i thabs te gsum pa'o// // ston pa'i ston pa kun tu bzang po la// sdud pa'i gsang bdag rdo rje sems dpa' yis// yan lag rtsal snang 'khrul pa'i sems can la// rnam rtog che ba'i sgom pa ji lta bu// 'dod chags che ba'i sgom pa ji lta bu// zhe sdang che ba'i skem pa ji lta bu// gti mug che ba'i sgom pa ji lta bu// nga rgyal che ba'i sgom pa ji lta bu// ston pa'i ston pa kun tu bzang po des// rnam rtog che ba'i sgom pa chen po ni// rnam rtog dbugs kyi rta la rten pa'i
- 34a
phyir// dbugs kyi rta la sems nyid par btang la// phyi ru spro yang mi gdag par bzhag/ nang du rngub kyang rtog pa mi skye'o// sems nyid stong pa dbus kyang stong par sgrom// 'dod chags ldan pa'i sgom pa chen po ni// 'dod chags yul las skyes pa'i phyir// yul ni mi rtag rkyen du gyur pas te// mi rtag rkyen gyis shi ba'i ro dag la// dang po 'di nyid 'dod chags rgyu yis grub// bdag gis las kyang 'di 'drar rnam par sgom/ zhe sdang ldang ba'i sgom pa chen po ni// dang po zhe sdang pha yis bsgrubs// bar du 'dod chags ma yis bskyed// tha mar rang 'dus zhe sdang grub// zhe sdang rang mnyam rgyu las skyes// rang yang pha ma'i rtsis las grub// gzhan yang pha ma'i rtsog las grub// ngan pa'i yul las zhe sdang skye mi dgos// skye ba'i rgyu med nang du sgom pa'o// gti mug che ba'i sgom pa ni// chos nyid ma gsal shin tu bying ba la// lus kyang legs 'dug sems kyang gzengs bstod la// chos nyid nam mkha'i ngang la blo bzhag ste// yengs pa med pa'i sems kyis blta bar bya'o// nga rgyal che ba'i sgom pa'i gzhag thabs ni// nga rgyal rang gi yon tan brjod pa ste// yon tan ma yin rang gi sems kyang yin// sems de yon tan brjod kyang
- 34b
cir yang grub pa med// brjod pa'i sgra dang sems la 'brel ba med// 'bral med ngang du rtag tu bsgom par bya'o// nyon mongs lnga sgom pa'i le'u ste bzhi pa'o// / ston pa'i ston pa kun tu bzang po la// sdud pa'i gsang bdag rdo rje sems dpas su// snang ba cher phrad sgom pa ji lta bu// snang ba rtag pa'i sgom pa gang lta bu// snang ba bsgyur ba'i sgom pa ji lta bu// snang ba 'dzin pa'i sgom pa ji lta bu// ston pa'i ston pa kun tu bzang pos su// dbang po drug gi yul du gyur pa la// sna tshogs snang yang ngos bzung med par bzhag/ sna tshogs grags kyang 'tshig pa med par zhi// sna tshogs sgom yang rtog pa med par bzhag/ sna tshogs myong yang brjod bya med par bzhag/ sna tshogs reg kyang zhe na chags med par zhe na// sna tshogs rgyu yang mi dogs med par bzhag/ snang ba dngos po ci dang cir snang yang // de nyid ka na chos sku ngang du rlom// rig rtog shes pa ci dang ci rgyus kyang // de nyid ka nas ye shes ngang du sgrom// snang ba rtags pa'i sgom pa chen po ni// 'khor dang mya ngan 'das pa'i chos kun yang // de rnams mtshan nyid stong pa'i rgyu yin te// stong pa'i ngang las mtshan nyid kun ma 'das// sku yi rgya mtsho chu yi phung po yang // thigs pa'i ngang las de kun yongs ma 'das//
- 35a
/ thigs pa de kun gcig tu grub pa med// gling bzhi ri rab sa yi dkyil 'khor yang // phra rab rdul gyi dngos po dag las grub// phra rab rdul de rdul gyi chos zhig na// rdul de dngos po gcig tu grub pa med// nang gi rig pa shes pa'i rnam pa yang // sna tshogs rig gi sna tshogs mi 'dogs kyang // dngos po 'di yin brtags na grub pa med// snang grags chos kyi dngos pa thams cad kun// brtags na cir yang grub pa med par sgom/ snang ba bsgyur ba'i sgom pa chen pon// sku chog bskyed pa'i chos rnams thams cad kun// kun gzhi rnam shes g.yos pa med pa yin// g.yos pa med pa rtag tu bsgom par bya/ sdang ba'i 'dzin pa bsgom bas ni/ yai la sems pazo// / gims pa med par bsgom par bya// yul du byas pa'i dmigs pa la// ming mo 'dogs par rang dgar zhem// sgro sngun ma shes rang sor bzhag pa ste// rtog pa med na snang yang sgom pa yin// nam mkha' g.yos pa med pa la// rang sems g.yos pa med par bzhag/ snang ba sgom pa'i le'u ste pa'o// / ston pa'i ston pa kun tu bzang po la// sdud pa'i gsang bdag rdo rje sa dpas su// rtsal gyi dngos po dag la grub pa'o// lus ngag yid
- 35b
gsum dul ba'i thabs ni gang // ston pa'i ston pa kun tu bzang po des// lus ni lha yi phyag rgya chen pos 'dul// rang nyid mos pa lha ru gsal ba la// phyag mtshan cha lugs lha bzhin du// dngos por ma grub 'od kyi tshul du sgom// 'gro 'dug spyod lam rnam bzhi'i dus su yang // g.yos pa med par lha yi dang du sgom// ngag de byang chub sngags kyis dul bar bya// gsang sngags 'phro 'du gnyis med rig pa gzung // snang grags tshes kyang byang chub sngags su shes// sngags kyi dbang phyug bden pa'i lam la mkhas// ngag gi bden pa 'gro ba 'dul ba'i mchog/ yid kyi rnam shes ming la mkhas pa de// ming med nam mkha'i ngang du dul bar bya// nam mkha'i ngo bo ming gi bden pa de// yid kyi rnam shes ming gi bden par sgom// lus ngag yid gsum ngang gis dul ba'i thabs// phyogs bcur mi 'gro lha yi phyag mtshan sgom// sna tshogs mi smra gsang sngags 'khor lo bzlas// sna tshogs mi bsam gnyis med rig pa sgom// de ltar byas na 'bras bu khams gsum spangs// sku gsum don byed bde ba'i zhing khams skye// lus ngag yid gsum 'dul ba'i le'u ste drug pa'o// ston pa'i ston pa
- 36a
bya/ kun tu bzang po la// sdud pa'i gsang bdag rdo rje sems dpa' yis// rtsal las grub pa'i sems can ma lus la// dmigs med tshogs bsog bya ba ji lta bu// zas kyi rnal 'byor bya ba ji lta bu// ston pa'i ston pa kun tu bzang po des// yul med lha yi tshegs rnams bsag par ni// bde gshegs zhing khams ma lus thams cad la// dmigs pa med pa'i mchod pa chen por bsngo// shes rab thabs kyis zin pa'i mchod pa chen po'o// snang ba'i yul du byas pa'i sems can la// thugs rje phyogs rigs med par shes byas la// gnyis med ngang gis phan pa'i don bya'o// lha yi rnal 'byor sgom pa'i rim pa ni// stong pa'i ngang las gsal ba'i lhar bskyed la// 'gro ba'i don bya kha dog cir yang gsal// yul du byas kyang g.yos pa med par sgom// rgyud kyi nyon mongs zhi na lha yi sku yin te/ nyon mongs mi skye kha dog ci yang rung // rang sems ma bcos tshad ma ci yang rung // ma bcos ngang gis grub pa lha sgom mo// zas kyi rnal 'byor mchod sbyin bya ba ni// snying po med pa'i lha yi lus 'di la// ro dang ldan pa'i las mchog 'di rnams la// rol chags shing rgyags phyir mi bza' 'o// ling grags dgo' phyir mi
- 36b
'gro'o// rang lus snying po med pa'i mchog yin te// bde gshegs kun gyi snying po mchog yin no// bde gshegs mchod bya rang gi zas bza' 'o// rang la gnas pa'i srin bu 'bum chags la// srin bu lus rgyas sbyin pa chen por bsam// zas de za yang rang bzhin med par bzhag/ tshogs gnyis bsag cing lha sgom zas kyi rnal 'byor gyi le'u ste bdun pa'o// // ston pa'i ston pa kun tu bzang po la// sdud pa'i gsang bdag rdo rje sems dpa' yis// rgyud 'di gang la ji ltar gtad pa yin// ston pa'i ston pa kun tu bzang po des// nyid las mi zhan sdud pa po la gtad// sdud pa'i gsang ba dag rdo rje sems dpa' des// brgya byin lha yi bu la gtad// brgya byin lha yi bu des rgyud kyi rgyal po 'di// lha dang mkha' 'gro rnams la gtad// lha dang mkha' 'gro de rnams kyis// mchod pa'i rten du rab mthong ste/ rin chen gsar gyi glegs bam la// bai DUr+ya yi zhun mas bris// rang byung mchod rten de la gtang // gsang ba gnyis su med pa'i 'khor lo bskor te/ rin po che ral gri'i rgyud gtad pa'i le'u ste brgyad pa'o// // rin po che sna tshogs ral gri'i rgyud rdzogs so// / rin po