N1201MW22704_1201rgyud 'grelAll versions of this work

spyan dbye ba'i cho ga

Pratistabidhi

Text

ff. 466a–467a · 3 folio sides

  1. 466a

    nas kyang/ /bla ma dam pa'i gdam ngag la brten nas/ /tshe 'di nyid la phyag rgya chen po bsgrub/ /de ltar bdag la 'di ni rim par 'byung/ /rjes su 'brangs pas 'di bzhin bsgrub par bya/ /dge ba gang thob des ni thams cad kyang/ /'phral la yid ches mngon du byed gyur cig/ dpa' bo gcig pa dpal he ru ka phyag bcu drug pa'i bsgrub pa'i thabs rdzogs so// //rgya gar skad du/ pra ti sta bi d+hi/ bod skad du/ spyan dbye ba'i cho ga rnal 'byor ma rnams la phyag 'tshal lo/ /rdo rje slob dpon gyi rab tu gnas pa'i lam bya ba'i phyir/ cho ga gang gis gang la rab tu gnas pa de'i mtshan nyid bshad par bya'o/ /de yang thams cad la 'thad cing dgon pa ma yin te/ skye pa med pa la gang zhig rab tu gnas par bya/ /kun rdzob gtso bor spyod pas kyang/ /de nyid byin rlabs yin shes na/ /rab gnas cho ga mi 'thad do/ /sems can dang po'i las can gyis/ /rgyud rnams yang dag smin phyir byas/ /de yang slob dpon mthu thob pa dang/ 'thob pa'i bye brag gis cho ga bsdus pa dang/ rgyas pa'i bye brag gis ci rigs par bla ma'i man ngag la brten pa rnams kyis shes par bya'o/ /de la cho ga rgyas pa ni dang po bsnyen pa gtso bo'i 'bum 'am 'khor gyi khrig de ltar grangs sam/ mtshan ma'i bsten pa byas la/ dkyil 'khor bri ba'i cho ga dag tshul bzhin du byas la/ khrus sa'i stegs bu brtsigs la/ bum pa rnams bkod la/ bzlas brjod kyi cho ge ni rang gi yi dam gyi lha'i sbyor bas mtshan nyid ldan pa'i bum pa las/ thams cad chu las kham por du/ /cung zad blugs te rnam rgyal gyi/ /bum ba pa las skyes pa yi/ /rin po che yi steng du bzhag/ der ni dkyil 'khor bskyed bya ste/ /dam tshig

  2. 466b

    bdag nyid rdzogs pa dang/ /ye shes dkyil 'khor spyan drangs te/ /zhal bsil la sogs rim par dbul/ /dam tshig lhan cig bcug byas te/ /mchod pa rnams kyis tshim byas la/ /me tog spos sogs rol mo yis/ /'bad pa yis gyur mchod par bya/ /dril bu dag ni dkrol ba dang/ /bstod pa gshegs kun khrus gsol ba/ /lha yi chu ni dag pa yis/ /de bzhin bdag gis bkru bya'o/ /oM sarba ta thA ga ta kA la a b+hi She ka sa ma ya sh+rI hUM/ /'di ni khrus sngags so/ /ras? sogs rang rang gsang sngags kyis/ /mnyam par bzhag pas dngul bar bya/ /yang na rang gi sngags kyis dbul/ /bzlas te phyag 'tshal gtso bo la /oM badzra pA sa se swAhA/ me tog la sogs pa'i sngags su yeng 'gyur ro/ /gser la sogs pas snod byas te/ /sprang rtsi mar ser byugs pa yi/ /gser gyi thur ma yis ni mig/ dbye ba 'am yang na bsam gtan gyis/ /oM tsak+Shu sa man+ta tsak+Shu ba sho d+ha na swA? ji ltar rdzogs pa'i sangs rgyas kun/ /dga' ldan yang dag rab bzhugs nas ji ltar lha mo ? 'phrul ?/ /de bzhin 'dir gnas bzhugs byas la/ /'dir ni rgyun du zhuD? gyur nas/ /mgon po me tog la sogs 'di/ /byang chub sems kyis bsdus pa'i phyir/ /che ge mo yi don du bzhes/ /lha rnamS brten par 'dod pa yis/ /mgo bo snying ga lkog nas su/ /rdo rje yis ni bskor byas nas/ /lan gsum bskor te rab gnas bya/ chad pa 'a ni lhag pas kyang/ /bdag gis brjod nas gang bgyid pa/ /gang phyir lus can skyabs mdzad pa// mgon po khyod kyis dkrod? par mdzod/ /mchad? pa dang ma shes ba/ /ma lus par yang bzod par mdzod/ /nyungs pa 'am bzhan du bgyis pa gang/ /de dag bzod par mdzad par rigs/ /zhes pas bzod par gsol la smon lam gdab//

  3. 467a

    mchod rten glegs bam la sogs la/ /kye yi rdo rje 'khor bcas pas/ /rab tu gnas pa bya ba ste/ /rnam pa dag ni ci rigs par/ /de nas slob ma rtsa ba'i dkyil 'khor du bcug la/ ci bde bar ni mchod par gyis zhes bsgo'o/ /de nas gtor ma dang sbyin sreg gi las byas te/ de rnams kyi cho ga ni gzhan du shes par bya'o/ /mchod pa dang bstod pa sngon du 'gro bas/ ye shes kyi lha gshegs su gsol ba la sogs pa bya'o/ /de ni cho ga rgyas pa'o/ /rdo rje slob dpon nus dang ldan pas ni nyin gcig gis rab tu gnas pa'i cho ga rdzogs par bya ste/ rang gi lha bskyed pa'i rim pa byas la/ rang gi lha'i sngags brgya 'am stong du bzlas brjod byas te/ rab tu gnas pa'i rten sbyang ba dang/ brten pa'i ye shes sems dpa' gzhug pa byas la/ yid kyi mchod pas mchod la bzlas brjod ci rigs pa bya'o/ rdzogs so// //sA tsha bya ba'i rim pa yang/ /sa la 'jim? pa byas nas ni/ /rang gi lha yi rnal 'byor gyis/ /'thim pa rin chen par lngar bsam/ /de nas sems can thams cad la/ byams dang snying rje bskyed bya ste/ /rigs gsum lha yang dran par bya/ /chos sku'i gzugs brnyan bzhengs pa dang/ /de yang sems can don du'o/ /de nas 'dzin ? dag pa ni/ sngags ni nyi shu rtsa gcig gad ba/ /na mo b+ha ga ba te/ pai ro tsa ra/ ta thA ga ta ya/ a ? ha te/ saM myaka saM burn+na ya/ tadya thA/ oM suk+Sha me suk+Sh+Tha? sa ma sa ma ye/ shAn+te dan+te/ a sa ma ro be a na lam+ba/ ta pa ba dang shes ? me hA te dza ni mgu le ni rgaNa/ sarba ta thA ga ta/ a d+hiSh+Tha na a d+hi Sh+Thi ta swAhA/ rten 'brel dag gi sngags dpag gis/ /rab tu gnas par bya ba yin/ rdzogs so/ gtor ma'i cho ga /rgya gar skad du/ bi

Colophon

yid kyis mchod pas mchod la bzlas brjod ci rigs pa bya'o/_rdzogs so/