'phags pa bde ldan ma lung bstan pa zhes bya ba theg pa cen po'i mdo
Text
ff. 254a–256b · 6 folio sides
- 254a
gzas kyi rnam grangs 'di ba shad pan lha dang mi khrag khrig phrag bdun chos rnams la chos kyi mig rdul ba dacing drim dang bral ba rnam par dgago/ dge slong brgyan yinapa mad par zag pa rnams las sems rnam par grol lo/ / sngon byang chub tu sems ma bskyed pa'i dge slong mnyis brgya dang srog chags nyi khris ni bla na med pa yang dag par rdzogs pa'i byang chub tu sems bskyed do// bcom ldan 'das kyis de skad ces bka' stsal nas byang chub sems dpa' zla mchog dang / tshe dang ldan pa dga' bo dang / byang chub sems dpa' de dag dang / nyan thos chen po de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa bu mo zla mchog lung bstan pa zhes bya ba theg pa chen po mido// rdzogs s+ho// // rgya gar gyi mkhan po dzi na mi tra dang / zhu chen gyi lo ts+tsha ba banang / ye shes sdes zhus te gtan la phab pa'o// @#// rgya gar skad du/ Ar+yak+She mA ba tI bA ka ra Na nA ma ma hA yA na sU tra/ bod skad du/ 'phags pa bde ldan ma lung bstan pa zhes bya ba theg pa chen po'i mdo/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya rgod kyi brang po'i ri la dge slong nyi khri'i dge slong gi dge 'dun chen pa dang / byams pa dang / 'jam dpal la sogs pa byang chub sems dpa' sems dpa' chen po rab tu mang po dang / khabs gcig tu bzhugs so// de nas bcom ldan 'das snga dro'i dus kyi tshe chos gos dang sham thabs gsol te/ lhung bzed bsnams nas byang chub sems dpa' sems dpa' chen po byams pa dang thabs gcig tu rgyal po'i khab kyi grong khyer chen por bsod snyoms la gshegs so// de nas bcom ldan 'das rgyal
- 254b
bo'i la kyi gong byar du mthar chags kyis bsod snyoms rgyu zhing rgyal po gzugs can snying po'i pho brang ga la ba der gshegs so/ / de nas rgyal po gzugs can snying po'i btsun mo bde ldan ma zhes bya ba khang bzangs mchog gi steng na 'dug pas bcom ldan 'das thag ring po nas gshegs pa mthong ngo / / mthong nas kyang sems dga' bar gyur te/ khang bzangs kyi steng nas babs nas bcom ldan 'das dang / byang chub sems dpa' sems dpa' chen pa byams gdan dar dkar rin po che ba bting ngo / / de nas bcom ldan 'das dang byang chub sems dpa' sems dpa' chen po byams pa gdan bshams la bzhugs so// de nas rgyal po'i btsun mo bde ldan ma lus rgyan thams cad kyi brgyan/ pa bcom ldan 'das dang / byang chub sems dpa' sems dpa' chen po byams pa'i zhabs la mgo bos phyag 'tshal nas chos mnyan pa'i phyir zhe sa dang bcas/ gus pa dang bcas pas bcom ldan 'das kyi spyan pa 'dugag/ de nas bcom ldan 'das kyis rgyal po'i btsun mo bde ldan ma lus rgyan thams cad kyis brgyan pa la gzigs nas sems can thams cad la phan pa'i phyir mkhyen bzhin du rgyal po'i btsun mo bde ldan ma la bka' stsal pa/ bde ldan ma gang lus la thogs pa'i 'bras bu 'di lta bu shin tu lham me lhan ne lhang nger 'dug pa'i shing de'i ming ci zhes bya/ de skad ces bka' stsal pa dang / bcom ldan 'das la rgyal po'i btsun mo bde ldan mas tshigs su bcad de gsol pa/ gang gi 'bras bu khyod thogs pa// shing de'i ming ni ci yin zhes// dpa' ba chen po mkhyen bzhin du// gang zag mchog gis smras pa ni// bdag gis sngon ni gang bskyed pa// bsod nams las byung shing zhes bgyi/ / 'dren pa bdag gis myong ba yi// 'bras bu 'di dag de yi lags// ljon shing bshad pa de nyid kyang // sangs rgyas nyan thos rnams la yod// sangs rgyas ye shes 'theb 'dang rnams// byang
- 255a
chub phyir ni de la gnas/ / sbyin dang tshul khrims chab stsal pas// ljon shing de ni rnam par bsnyungs// de ni rnam par 'grung ba na// 'bras bu bzang po rnams kyang 'byung // bzod pa dang ni brtson 'grus mthum// ljon shing bdag gis legs par bsrungs/ / de ni rnam par 'khrung ba na// 'bras bu ri med 'byung bar 'gyur// shing 'di bltan mdzes pa ste// bsam gtan shes rab me tog rgyas// 'dren pa bdag gis de dag gi/ 'bras bu rnams ni myong ba lags// ji ltar ril rten pa ya/ / shing rnams yal ga lo ma dag/ chu zheng dgab par rgya che ba// 'phel bar gyur te bskyod mi nus// de bzhin ldon shing che bzang 'di// sangs rgyas chos nyid 'tshal bas na// sems can kun la phan pa'i phyir// sngon ni legs pa bsrungs pa lags/ / 'dren pa bsod nams ljon shing 'di'i// 'bras bu gzhan yang mchis lags te// bdag gis nyams su myong ba 'di// de yi me tog tsam du bas// de yi 'bras bu byang chub mchog/ sangs rgyas byang chub bla med ladra de ni bdag gis thob par 'gyur/ / smad pa bud med nyid spangs nas// skyes par bdag nyid 'gyur ba lags// sems can kun gyi rim pa mchog/ chos rnams kun gyi pha rol phyin// thams cad mkhyen pa thams cad gzigs// sdug bsngal kun gyi nyen pa yi/ / sems can rnams ni bdag gis dgrol// 'jig rten kun la snying brtse ba'i// skyabs su bdag ni 'gyur ba lags// de skad ces gsol pa dang / bcom ldan 'das kyis rgyal po'i btsun mo bde ldan ma la bka' stsal pa/ bde ldan ma gang khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che'i tshogs kyi don dang / lha rnams dang / mi rnams la phan pa dang / bde ba'i phyir zhugs pa legs so legs so/ / de skad ces bka' stsal pa dang / bcom ldan 'das la rgyal po'i btsun mo bde ldan mas 'di skad ces gsol to// bcom ldan 'das bcom ldan 'das kyi sku la skyes bu chen po'i mtshan sum bcu rtsa gnyis dang de
- 255b
byad bzang po brgyad cu dang / de bzhin gshegs pa'i stobs bcu dang // mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang byams pa chen po dang / snying rje chen po dang / dga' ba chen po dang / btang snyoms chen po 'di rnams ci las grub lags/ de bzhin du gzhan yang sangs rgyas kyi chos dpag tu ma mchis pa dang / bsam gyis mi khyab pa dang / gzhal du ma mchis pa dang / brjod du ma mchis pa dang / bgrang ba las 'dasas rnams ci las grub lags/ de skad ces gsol pa dang / bcom ldan 'das kyis rgyal po'i btsun mo bde ldan ma la tshigs su bcad de bka' stsal pa// sangs rgyas ye shes 'dod pas na// sems can kun la phan pa'i phyir// ngas kyang 'di ltar ljon pa'i shing / / sngon ni legs pa kho nar bskyed// sbyin dang tshul khrims bzod pa dang // de bzhin brtson 'grus bsam gtan bsags// yun ring dus nas ting 'dzin dang // shes rab nges par bstan pa yin// sems can rnams la mi mnyam sems/ / ngas ni bsgoms par mi dran te// rtag tu sems ni mnyam gyur pas// sangs rgyas nyid ni ngas brnyes so// ra yi sems ni mnyam pa yis// rtag tu sdug dang mi sdug dang // mdza' dang mi mdza' snyoms pas na/ / bsod nams shing ni rnam par bskyed// des na ljon shing chen po 'di// yon tan mang por gyur pa yin// 'khor los sgyur nyid ngas thob ste// brgya byin nyid kyang byas pa yin// rnam mang dbang phyug chen po dang // tshangs pa nyid kyang de las thog/ / bsam gyis mi khyab sangs rgyas chos// chos nyid dag kyang ngas rtogs so// de nas rgyal po'i btsun mo bde ldan mas bcom ldan 'das kyi yon tan rnams thos nas/ bcom ldan 'das kyis legs par rab tu gsungs pa la mngan par bstod de rjes su yi rang nas bcom ldan 'das la tshigs su bcad de gsol pa/ ji ltar mi mchog dam pa po// yon tan rgya mtsho mtha' yas pas// sngon ni spyod pa shin tu bslabs// de ltar bdag kyang rjes su slob// yon tan mthar
- 256a
byini khyod kyi ni/ / yon tan rnams ltar bdage slob ste// srid par sdug bsngal spangs nas ni// bdag kyang 'di 'drar 'gyur bar ba rtse// tshe rabs gzhan ni ma lus par// bdag gis sbyin pa gang stsal pa// mnyam med ye shes mthong slad du/ / de dag thams cad yongs su bsngo// srid pa 'di'am gzhan dag tu// bdag gis tshul khrims gang bsrungs pa// sangs rgyas ye shes 'thob slad du// de dag thams cad yongs su bsngo// bzod dang brtson 'grus ting 'dzin dang / / shes rab dge ba gang bsten pa// sangs rgyas chos kyi don gyi phyir// de dag thams cad bdag gis bsngo// lus dang ngag dang yid rnams kyis// las dge ba gang bdag gis bsags// sangs rgyas ye shes yon tan phyir byang chub tu ni bdag gis bsngo/ / bud med lus 'di spangs nas ni// skyes pa mchog tu bdag gyur cig/ de ltar skyes pa'i lus thob nas// dam pa'i mchog tu bdag gyur cig/ de ltar gyur nas bde gshegs kyi// 'khor lo bla med bskor bar bgyi/ / 'khor ba'i btson rar bcings pa yi// sems can bye ba dgrol bar bgyi// de nas bcom ldan 'das kyis rgyal po'i btsun mo bde ldan mal tshigs su bcad pa dag gis legs so zhes bya ba byin te/ tshig 'di smras pa legs ba yin/ / sems ni rab tu sdom pa legs// khyod kyis bdud ni legs par mnan// rdzogs sangs rgyas su khyod 'gyur ro// de nas rgyal po'i btsun mo bde ldan ma dga' zhing mgu la rab tu dga' ba dang / dga' zhing yid bde ba skyes nas bcom ldan 'das dang / byang chub sems dpa' byams pa bza' ba dang bca' ba mang pos tshim par byas so// de nas bcom ldan 'das sur sder ni gru/ phyag ni bcabs nas rgyal po'i btsun mo bde ldan ma la chos kyi gtam rgyas par yang dag par bstan/ / yang dag par 'dzin du bcug/ yang dag par gzeng bstod// yang dag par rab tu dga' bar mdzad nas lung bstan te/ bde ldan ma khyod ma 'ongs pa'i dus bskal pa du ma zhig na de bzhin gshegs pa dgra bcom pa yang
- 256b
dag par rdzogs pa'i sangs rgyas lha dang mi rnams kyi ston pa/ sangs rgyas bcom ldan 'das yon tan rin chen dpal zhes bya bar 'gyur ro// khyod kyi sangs rgyas kyi zhing yang mchog tu yongs su dag par 'gyur te/ ngan song ngan 'gro log par ltung ba'i sdug bsngal med pa/ yid du 'ong ba yid dang 'thad pa mchog tu rnam par dag pa'i byang chub sems dpa' rnams kyi gnas yin te/ khyod kyi sangs rgyas kyi zhing de ni de lta bur 'gyur ro// chos kyi rnam grangs 'di bshad pa na dge bsnyen ma stong phrag mang po zhig gis ni bla na med pa yang dag par rdzogs pa'i byang chub tu sems bskyed do/ / srog chags stong phrag mang po dang / lha dang mi'i skye dgu rnams kyis ni chos kyi snang ba thob par gyur to// bcom ldan 'das kyis de skad ces bka' stsal nas rgyal po'i btsun mo bde ldan ma dang / 'khor de dag dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ / // 'phags pa bde ldan ma lung bstan pa zhes bya ba theg pa chen po'i mdo// rdzogs s+ho// / rgya gar skad du/ Ar+ya shI ya ma hA de bi byA ka ra Na/ bod skad du/ 'phags pa lha mchen mo dpal lung bstan pa/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das bde ba can na byang chub sems dpa'i dge 'dun mang po 'di lta ste/ byang chub sems dpa' sems dpa' chen po 'phags pa spyan ras gzigs dbang phyug dang / / byang chub sems dpa' sems dpa' chen po mthu chen thob pa dang / byang chub sems dpa' sems dpa' chen po sgrib pa thams cad rnam par sel ba dang / byang chub sems dpa' sems dpa' chen po sa'i snying po dang / byang chub sems dpa' sems dpa' chen po kun tu bzang po dang / byang chub sems dpa' sems dpa' chen po nam mkha'i snying po dang / byang chub sems dpa'
Colophon
'phags pa bde ldan ma lung bstan pa zha(!e)s bya ba theg pa chen po'i mdo||rdzogs s.ho||