ro bsreg cho ga
Śalasaṅgabidhi
Text
ff. 527b–530b · 7 folio sides
- 527b
badz+ra gar+b+ha bsnams// gos dkar mo dang gnyis med sbyor// pad+ma gar dbang bsgom pa'o// de ltar sems can thams cad ni// chos 'byung nang du rigs gsum dngos// bsams la bdag gi mgrin sogs nas// yi ge hUM sogs so so la// dzaHhUM baM hoHsa lcags kyu la// sogs pa'i lha mo bzhi po yis// rtag pa la sogs rigs gsum gyi// sangs rgyas bkug ste gzugs brnyan la// bstims pas tshul chu blugs bzhin// tha dad med de gcig tu gyur// rang snying sa bon 'od zer la// lha mo phyung ste de rnams las// spyi bor bum bas dbang bskur bas// steng gi lha rnams dkar po la// rtag pa yis/ ni dbu brgyan byas// dbus kyi lha la thugs phyag rgya// 'og gi lha la gsung phyag rgya// de ltar rigs gsum dngos bsams la// rang nyid sa bon khyad par las// 'od zer las ni lha yi tshogs// phyung ste/ zhabs bsil zhal bsil dbul// de 'og mchod pa rnam lngas mchod// steng 'og dbus su rang gi rigs// der rjes gtor ma byin rlabs la// in da'i sngags kyis lha rnams mchod// oM in+da/ dzi ma dza la dzak+Sha b+hU ta ba ha ni bA u rak+kha tsan+da sU dz+nyA mA da pA pra ta la bA tA laM a na? sapra sAs+sa b+hUny+dza/ dzi g+ha pul+la d+hA b+ha mAM sa paM ga am+ba sap+pa kadz+dza sA d+ha khan+ti khu ni phe Ta ga da/ au a kA ro mu khaM sarba d+harma NAM/ A d+ha nut+pan+na tA ta oM AHhUM phaT swA hA// blo dman rnams kyis gi bya'i phyir/ gtor ma'i de nyid bsdus pa 'di// bdag gis gsal bar byas pa 'dis// bde ba sa yid dgeng bder gyub cig/ slob dpon d+harmA pa ka sa mdzad pa rdzogs so// nango batheg tshag bzugs/ 6/ rgya gar skad du/ sha la saM ga pi d+hi/ bod skad du/ ngo bsreg cho ga/ dpal dgyes pa rdo rje la phyag 'tshal lo// rdzogs pa'i byang chub bde chen po// dri med yid
- 528a
kyis btud byas te// rdo rje gur gyi rgyud la sogs// brten te dgyes pa rdo rje yis// sems can kun la phan pa'i phyir// ro ba sreg cho ga bshad par bya// dur khrod dam ni ru bo'i 'gram// nags tshal 'bab chu dgon pa ru// rdo rje slob dpon mtshan ldan ni// brtan zhing zab mo'i chos dang ldan// rig pa'i gnas rnams kun la mkhas// rtsa ba'i ltung ba rab 'joms pa// de yis nye bar bstan pa'i sngags// sgrub pa po la 'grub po kye// de la dang por bsnyen pa yis// cho ga bzhin du shes byas te// lha dang ro yi dbye ba yis// rnam pa gnyis su sbyar bar bya// de la lha yi chog yang // bla ma rdo rje can mchod cing // bdun pa rnam par dag par bya// byang chub du ni sems bskyed de// chos kyi 'byung gnas rnam par bkram// de la sangs rgyas gnas bsam te// byang chub rnam lnga bsgom par bya// dang ba skyes bubs ma de nas// mkha' 'grem yi 'khor lo spro// dri ma rab tu zhugs pa ni// lhung ste zhu ba rjes dran pa// mtshams kyi lha mos pa phul bar bya// ba sul nas 'bras bu bzhengs pa la// mig sogs gti mug rdo rje sogs// rdo rje gsum ni gnas gsum dgod// ye shes dngos kho rab bcug la// rig ma brgyad kyi dbang bsur bya// bdud rtsi yang ni myang bya zhing // lha mo brgyad rnams kyi sa mchod dang // 'khor lo'i 'dren pa la ba stong bya// de ltar yan lag drug po ni// sngags drug gi sa ni nga rgyal bya// de nas kyang ni yud tsam bsam// de la mtshan ma mtshon par bya// de nas ro yi cho ga yang // slob dpon 'das pa'i dus na ni// rmongs pa rnams ni shi zhes zer// shi ba zhes pa rnam rtog ste// dag pa'i gnas su gshegs pa'o// yang na bde ba can du'am// dag pa'i gnas su skye 'gyur ba// ro ba sreg 'di yis rnam par 'byed// lus mtha' nas ni lus mthar skye la// dman pa'i sems can thams cad kyang // bde 'gro nas
- 528b
ni bde 'gror 'gro/ de la cho ga dang por ni// chu gtsang dri zhim sbyar ba sa bkru/ sna tshogs dri yi sa byugs pa dang // tshul bzhin rgyan gyi sa gnas byas te// bgegs bslad ltar bskyed cho ga dang // skye mched gnas gsum byin rlabs te// rnam shes a yi gzugs kyi sa gzhug/ rtsa ba'i sngags sogs tshul bzhin du// bzlas pas sdig sgri ba thams cad bcom// byang chub sems su zhu bya sa la// slar yang bskyed cing tshul bzhin ldang // gtor dang mchod pa rgya chen bya// smon lam gdab cing bsrung la gnas// yi ge brgya pa ci mang du// bzlas brjod bya ba sngags pa yin// de ltar thun gsum bar du ni// bzlas brjod 'bum gyi chad du bya// de ni sngon gyi cho ga'o// de rjes sa yi cho ga sogs// dkyil 'khor cho ga tshul bzhin sbyar// rdo rje slob dpon dag la ni// rdo rje dril bu lag par sbyin// mgo bo dbu rgyan bskor ba na bya// rdo rje sdom pa rnams byin te// dkyil 'khor du 'jug tshul bzhin bya// bum pa'i dbang bskur rnams byin la// rdo rje thab khung rab sbyor gyis// 'du byed rab tu bya bar bstan// sgrub pa po yang de ltar bya// sems can phal pa thams cad kyi// 'jug cing dbang bskur spang bar bya// sbyin seg cho ga 'ba' zhig gis// sbyang ba dag ni rab tu bya// de la sbyin sreg gi cho ga ni dkyil 'khor gyi phyogs gcig tu sreg khang brtsig par bya ste// ji tsam lcogs pa'i maN+Dal byas la// de yi dbus su zhi ba'i thab khung zlum po khru gang bar bya'o// khru phyed thur du brko sor bzhi phyir bskyed// kha phyir sor bzhi bskor de'i phyir rims kyi sor bzhi bor la/ pad+ma'i phreng ba bri/ tha ba khung gi nang du gtso bo'i phyag mtshan gzhag pa ni dbus su rdo rje/ shar du 'khor lo// lhor rin chen/ nub tu pad+ma/ byang du ral gri/ zhe sor brgyad par bya'o// kha dog dkar po sa byugs pa der/ shing khang ji ltar rigs par brtsigs te/ ro de dkyil 'khor la kha mngon du
- 529a
phyogs par gzhug go// mchod rdzas dang sreg rdzas bzhag pa'i rim pa ni/ sngags mkhan gyi g.yon du g.yon chab kyi snod gser la sogs pa chab kyis bkang ba dang / zhabs bsil gyi snod bzhag g.yas phyogs su zangs gzhong gcig gi nang du dris bkang la/ ku sha bcug pa prok+Sha Na'i snod gzhag/ de bzhin du me tog dang / bdug spos dang / dri'i dung la sogs pa'i snod bzhag go// mdun gyi maN+Dal la gser la sogs pa las byas pa'i bzed zhal bzhag par bya ste/ de ltar me tog/ bdug spos/ dri yi dung sogs g.yas gnas te/ g.yon du sngags kyi mchod yon snod// mdun du bzed snod bzhag byas la/ zhabs bsil sngon du 'gro bas dbul/ me tog spos sogs go rims bzhin// sgeg sogs mchod pas mchod byas nas// skal ba chen por gyur pa yin// zhes gsungs so// yang sreg rdzas bzhag pa'i rim pa yang / mdun du dgang gzar dang / blugs gzar dang / khyad par gyis rdzas til dang / thun mong gi rdzas kyi gtso bo mar bzhag par bya'o// rdzas gzhan g.yas phyogs su maN+Dal la ji ltar 'byor par gzhag par bya'o// de ltar yang dag dgang gzar khyad par rdzas/ thun mongs rdzas kyi gtso bo rnams// sngags mkhan mdun du bzhag byas la// rdzas gzhan g.yas su ci 'byor pa// go rims bzhin du bzhag par bya// zhes gsungs so// de nas bdag nyid khrus byas la rgyan gyi sa brgyan te/ mchod pa la sogs pa kun hUM gis bsangs la/ lag pa g.yas pas rdo rje gzung la/ snod kun gyi steng du gtug cing / oM AHhUM zhes bsngags pa sa 'jig rten pa'i rtog pa kun bsal nas/ rdzas de nyid bzang zhing dri ma med par bsam mo// yam shing dang bud shing yang zhi ba la ji ltar bsngags pa ltar gzung ngo // de nas slob dpon gyis yan lag drug dang ldan pa'i bskyed pa'i rim
- 529b
pa rdzogs par bya/ sngar gyi gsal na ma byas kyang rung / de nas btsubs pa la sogs pa'i me blangs te/ rlung g.yab kyis me sbar ro// oM dz+wa la dz+wa la hUM phaT me sbar ba'i sngags so// oM badz+ra swa twa A yu She swA hA/ ku sha dgram pa'i sngags so// oM AHhUM bsang gtor gyi sngags so// de nas thab tu sna tshogs pad ma 'dab ma brgyad pa zhig bsgoms la/ der he ru ka ya ba yum byang chub pa lnga sa bskyed la/ de nyid 'dod chags chen po dngul chu bzhin du zhu nas gnas pa la/ yi ge re bsgril mar gyur nas/ yi ge gnyis gyur pa las me lha yab yum zhal gsum phyag drug pa/ gsus khyim che ba/ ral pa'i dbu rgyan can mchod phyir thogs 'chang ba/ phyag dang po gnyis kyis rang dang 'dra ba'i shes rab ma la 'khyud pa'o// g.yas na gun+d+he dang mchod pa'i phyir thogs/ g.yon na bum pa dang bgrang phreng sku mdog dkar bor bsams la/ thugs kar sna tshogs pad+ma'i steng du me gru gsum/ lce la raM ba sam mo// de ltar re zhu ba las dam tshig sems dpa'i me lha bsgom pa ste/ de yang rang gi lhag pa'i lhar dmigs te/ bzang po'i rgyan gyis rnam brgyan pa'i// me lha phun tshogs kun dmigs la// lto ba'i gnas su sreg blugs bya/ zhes gsungs so// de nas rang gi snying ga'i sa bon gyis ye shes sems dpa' spyan drangs te/ mdun gyi nam mkha' la bsang gtor dang / yon cha ba dang / phyag byas la/ oM ag+na ye ma hA te dzA/ sarba karma sA d+ha ka/ ka ru Na ya kri tra/ sarba a tra/ a smin san+ni hi tA b+ha ba zhes bya ba'i sngags kyis spyan drangs la gnyis su med par bsti ma/ de nas pro k+Sha Na la sogs pa bya'o// gzar bu la rang gi lha'i sa bon bsam sa la/ gru mo gnyis spad la gzar bu mdun du dbul/ sngags ni/ oM ak+Sha ye hUM/ oM sarba pA baM da ha na badz+rA ya badz+ra satwa s+ya sarba pA paM da ha swA hA/ oM badz+ra puSh+Ta ye swA hA
- 530a
oM sarba saM ba de swA hA/ oM badz+ra bi dza ya swA hA/ oM ma hA bai ga ye swA hA/ oM ma hA bA la ye swA hA/ oM badz+ra g+ha sma ri swA hA/ oM badz+ra A yu She swA hA/ oM badz+ra a pra ti ha ta badz+ra dz+ya dz+nyA ya swA hA/ oM badz+ra dz+ya dz+nyA ya swA hA/ oM badz+ra bo d+hi pre k+ShA ya swA hA/ oM pa tA ya swA hA/ oM ku pe rA ya swA hA/ oM sarba ka ra ye swA hA/ oM sarba pA paM da ha na badz+rA ya sarba pA paM da ha swA hA/ zhes bya ba'i sngags kyi sreg rdzas rnams gong bzhin dbul lo// de nas mar gyi dgang blugs brgya'am stong dbul bar bya'o// yang bsang gtor byas nas/ oM dzaHhUM baM hoHkhaM raM zhes pas ar+g+ha dbul lo// oM ni ri ti hUM zhes zhal bsil dbul lo// de nas me tog la sogs pa dang / sgeg mo la sogs pa'i mchod pas mchod la/ oM badz+ra g+han+de aHzhes pas dril bu dbul/ oM ma hA badz+ra hUM zhes bya bas rdo rje gzung bar bya'o// de nas me lha la bstod pa bya ba dang / don chen po'i gsol ba gdab pa la sogs pa bya'o// de nas thab khung lan gsum du bsams/ me lha'i thugs kar so so'i snying po las dkyil 'khor bsams la/ de nas yi shes sems dpa' ci rigs par spyan drangs la bzhugs su gsol lo// / yang bsang gtor la sogs pa byas la/ gnas khang du ba'i lci bas byugs la maN+Dal gru bzhi pa'i stegs bu brtsigs te/ re khA dkar po sa gru bzhi nyis rim du byas la/ dbus su gtor ma cha gcig bzhag/ mchod pa lnga yang bsham/ tshogs kyi khabs snod chen po gcig tu skyi spungs su banag/ char yang sdod chen po gcig bkang / de mi 'degs par bzhag nas/ de nas mar gzar bu nyi shu rtsa gcig tu dbul bar bya'o// de nas rdzas skrag ma rnams rang gi sngags sam/ lha'i sngags kyis rim bzhin du phul la/ tha mar yang mar gyi sbyin sreg brgya rtsa brgyad du dbul/ yang bsang ba dang mchod pa la sogs pa rdzogs par byas la/ de yang sbyar bar 'os pa'i
- 530b
gnas skabs dang sbyar ba ni rdo rje sgrub pa/ tha ma la/ slob dpon la/ yi ge rang lha'i sdig sgrib kun// brgya pa'i gsang sngags sreg pa rnams// brgya'am stong du bzlas par bya// rdo rje 'dzin pa rang lha sdig byed ni/ gzugs kyis gzugs ni gzugs su bsgoms la/ sbyang ba'i cho ga'i man ngag ste/ brgyud pa'i thabs kyis shes par bya/ de nas gar gyi dkyil 'khor gyi lha la phyag byas la/ oM AHhUM muHsa gshegs su gsol zhing smon lam gdab po// yi ge brgya pa lan gsum bzlas nas rdzas kyi lhag ma ci 'byor pas me lha mchod pa bya'o// de nas bsangs la/ mchod pa dang / bstod pa la sogs pa bya'o// de nas yang bsangs la gshegs su gsol ba ni// bdag gi don dang gzhan gyi don// bsrubs kyis byin za khyed gshegs shig/ de ltar dus bzhin slar gshegs nas// bdag gi dngos grub thams cad mdzod// ces gshegs su gsol lo// dam tshig gis mi dmigs par bsam mo// de nas rus bu bsdus la/ shi ba la phan mchod rten bya'o// de ltar nyi ma gsum ni lon pa dang // rus pa'i phreng ba bsdus byas la// dri dang 'o mas bran nas ni// de yis mchod rten du bya'o// zhes gsungs so// yon tan brjod kyis mi lang ba'i// sbyin sreg cho ga 'di byas pas// bdag gi bsod nams phung po 'dis// nyams thag rnams ni rgyal gyur shog/ slob dpon mkhas pa chen po// ye shes snying po'i zhal snga nas mdzad pa ro bsreg pa'i dbang du bya ba rdzogs so// gda' ga pa da nyengag cag du 'i thub thabs bzhugs/ @#// rgya gar skad du/ e ka pI ra shrI he ru ka Sho Da sha b+hu dza sA d+ha nAM nA ma/ bod skad du/ dpa' bo gcig pa dpal he ru ka phyag bcu drug pa'i sgrub pa'i thabs zhes bya ba/ dpal rdo rje sems dpa' la phyag 'tshal lo// dang por rang nyid thun mong dang khyad par gyi mtshan nyid dang ldan pas bgegs dang 'tshe ba la sogs pa med par rjes mthun pa'i gnas su zhugs te
Colophon
slob dpon mkhas pa chen po ye shes snying po'i zhal snga nas mdzad pa/_ro bsreg pa'i dbang du bya ba rdzogs so/