Q200MW1PD96684_0200rgyudAll versions of this work

de bzhin gshegs pa thams cad kyi gtsug tor rnam par rgyal ma'i gzungs zhes bya ba'i rtog pa

Text

ff. 239b–241b · 5 folio sides

  1. 239b

    'gyur ro/ / gang gi tshe 'chi ba'i dus byas pa de'i tshe/ sbrul shun pa rjes pa dang 'dra bar rang gi lus bor te bde ba can gyi 'jig rten gyi khams su skye bar 'gyur ro// dmyal ba'i sgra rna bug tu yang thos par mi 'gyur na/ 'bras bu smin par lta yang ga la 'gyur/ gang dang gang du skyes pa de dang de ru skye ba dran par 'gyur ro// bcom ldan 'das kyis de skad ces bka' stsal pa dang / thams cad dang ldan pa'i 'khor de dag dang / lha dang / mi dang lha ma yin dang dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa rdzogs s+ho/ baN Di ta chos kyi sde dang / khams pa lo ts+tsha ba dge slong ba ris bsgyur cing zhus te gtan la phab pa'o// rgya gar skad du/ sarba ta thA ga toSh+NI Sha bi dzA ya nA mad+hA ra NI ka la pa// bod skad du de bzhin gshegs pa thams cad kyi gtsug tor rnam par rgyal ma'i gzungs zhes bya ba'i rtog pa/ gtsug ter rnam par rgyal ma la phyag 'tshal lo// 'di skad gis thos pa dus gcig ni/ becom ldan 'das bde ba can na bzhugs so// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas tshe dpag med chos yang dag par sdud pa'i phug chen po'i khang bzang gi tshal bde ba la nye bar bzhugs nas/ byang chub sems dpa' sems dpa' chen// po 'phags pa spyan ras gzigs dbang phyug la 'di skad ces bka' stsal to// rigs kyi bu sems can sdug bsngal dang nad sna tshogs kyis yongs su gzir cing tshe thung ba yod de/ de rnams kyi don du tshe ring bar nye bar bsgrub par bya ba'i phyir/ de bzhin gshegs pa thams cad kyi gtsug tor rnam par rgyal ma zhes bya ba'i gzungs 'di gzung bar bya/ gzhan rnams la rgya cher yang dag par bstan par bya'o// de nas byang chub sems dpa'

  2. 240a

    sems dpa' chen po 'phags pa spyan ras gzigs dbang phyug stan las langs te thal mo sbyar bar gyur pas bcom ldan 'das la 'di skad ces gsol to/ / bcom ldan 'das de bzhin gshegs pa thams cad kyi gtsug tor rnam par rgyal ma zhes bya ba'i gzungs bstan du gsol/ / bde bar gshegs pa bstan du gsol/ de nas bcom ldan 'das kyis thams cad dang ldan pa'i 'khor gyi dkyil 'khor la gzigs kun tu snang ba'i dpal zhes bya ba'i ting nge 'dzin la snyoms par zhugs nas de bzhin gshegs pa thams cad kyi gtsug tor rnam par rgyal ma zhes bya ba'i gzungs 'di bka' stsal to/ / oM na mo b+ha gawa te sarba trai lo kya pra ti bi shiSh+Ta ya/ bud d+hA ya te na maHtad+ya thA/ oM b+h+yAM b+h+yAM b+h+yAM/ sho d+ha ya sho d+ha ya/ bi sho d+ha ya bi sho d+ha ya/ a sa ma sa man+ta ba b+hA sa s+pha ra Na ga ti/ go ga na swa b+hA ba bi shud+d+he/ a b+hi Shin+ta n+tu ma sarba ta thA ga tA/ su ga ta ba ra ba tsa nA mri tA b+hi She kairma ma hA mu dra man+ta ba daiHo AM hi ra A ha ra/ ma ma a yu san+d+ha ra ni/ sho d+ha ya sho d+ha ya// bi sho d+hA ya bi she d+hA ya/ ga ga na swa b+hA ba bi shud+d+he/ uSh+NI Sha bi dza ya pa ri shud+he/ saM ha sra ra smi sa tse di ta sarba ta thA ga tA ba lo ka ni/ Sha Ta pA ra ma tA pa ri bu ra ni/ sarba ta thA ga ta mA te/ da sha b+hU ma~M pra tiSh+Thi te/ sarba ta thA ga ta hrid yA d+hiSh+NI nA d+hiSh+Thi ti/ oM mu dre mu dre ma hA mu dre badz+ra kA yai saM g+ha ta na pa ri shud d+he/ me pra ti ni bar+d+ha yA yur+tha shud+d+he sarba ta thA ga te sa ma yA d+hid+hA nA d+hiSh+Thate/ oM mu ni mu ni/ ma hA mu ni/ bi mu ni bi mu ni/ ma hA bi mu naM/ ma ti ma ti/ ma hA ma ti/ ma ma ti/ ma ma ti/ ma hA ma ma ti/ su ma ti su ma ti/ ma hA su ma ti/ ta thA tA b+hA ta ko tri pa ri shud+d+he/ bi sA TA/ bud+d+he shud+d+he/ oM he he dza ya dza ya/ bi dza ya bi dza ya/ sma rasma ra/ s+pha ra s+pha ra/ s+pha ra ya s+pha ra ya/ sarba bud+d+ha d+hiSh+Ti nA d+hiSh+Tha te/ oM shud+d+he shud+d+he/ bud+d+he bud+d+he/ badz+re badz+re ma hA badz+re su badz+re badz+ra gar+b+he dza ya gar+b+he bi dza ye gar+b+he badz+ra dz+wa lA gar+b+he badz+re

  3. 240b

    d+hU be badz+ra saM b+ha be badz+re badz+ri ni badz+ram+b+ha b+ha tu me sha rI raM sarba satwA nAny+tsa/ kA ya pa ri shud d+he b+hi ba tu me sa rA/ sarba ga ti ba ri shud+d+hish+tsa/ sarba ta thA ga tA shu mAM sa mA sA sa yan+tu/ oM bud+d+ha bud+d+ha sid+d+ha sid+d+ha bo d+ha ya bo d+ha ya/ bi bo d+ha ya bi bo d+ha mo tsa ya mo tsa ya/ bi mo tsa yaM bi mo tsa ya/ sho d+ha ya sho d+hi ya sa man+tan+totsa ya mo tsa ya man+ta ra smi pa ri shud+he/ sarba ta thA ga ta hri da yA d+hiSh+ThAn+ta d+hiSh+Thi te/ oM mudra mu dre ma hA mu dre ma~M hA mu drA ma~Mn+ta ba~M de swA hA/ rigs kyi bu gang 'di de bzhin gshegs pa thams cad kyi gtsug tor rnam par rgyal ma zhes bya ba'i gzungs/ 'chi ba'i dbyug pa chen po 'dzin pa/ sdig pa zhi bar byed pa'i dag byed do// gang su dag tshe ring bar 'dod pas 'chang bar 'gyur ba'i rim pas klag par bya'o/ / sa phyogs yangs pa kha cig tu sa dang pa byung gis nye bar byugs la/ dri bzang gi chab kyis chag chag gdab par bya'o// steng du bla res kyis bres shing 'phyang du bcug nas/ de'i dbus su rdul tshon dkar pos 'khor los rtsibs brgyad pa shin du brgyan par gdab par bya'o/ / gang de'i dbus su rang bzhin gyi snying po 'byung ba'i gtsug tor ro// de ltar rim pa ji lta bar shar la sogs pa'i rtsibs rnams su nam mkha' ltar 'dus pa'i bza' ston 'byung ba'i gtsug tor dang / sa'i snying po 'byung ba'i gtsug tor dang / nor bu'i snying po 'byung ba'i gtsug tor dang / ro bcud kyi snying po 'byung ba'i gtsug tor dang / snying po dpag med 'byung ba'i gtsug tor dang / gzi brjid snying po 'byung ba'i gtsug tor dang / rnga'i sgra dbyangs 'byung ba'i gtsug tor dang / ser bu 'byung ba'i gtsug tor te/ de bzhin gshegs pa rnams bzhugs su gsol lo// de'i yang phyi rol nyid du pad ma 'dab ma bcu drug pa legs par bri bar bya'o/ / 'dab ma so so re rer rim pa ji lta bar thig le bcu drug las byung ba'i de bzhin gshegs pa rnams bzhugs su gsol lo// nang stong pa nyid 'byung ba'i gtsug tor dang / phyi stong pa nyid 'byung

  4. 241a

    ba'i gtsug tor dang phyi nang stong pa nyid 'byung ba'i gtsug tor dang / stong pa nyid stong pa nyid 'byung ba'i gtsug tor dang / don dam pa stong pa nyid 'byung ba'i gtsug tor dang / 'dus byas stong pa nyid 'byung ba'i gtsug tor dang / 'dus ma byas stong pa nyid 'byung ba'i gtsug tor dang / thog ma dang tha ma med pa stong pa nyid 'byung ba'i gtsug tor dang / dor ba med pa stong pa nyid 'byung ba'i gtsug tor dang / rang bzhin stong pa nyid 'byung ba'i gtsug tor dang / chos thams cad stong pa nyid 'byung ba'i gtsug tor dang / rang gi mtshan nyid stong pa nyid 'byung ba'i gtsug tor dang / mi dmigs pa stong pa nyid 'byung ba'i gtsug tor dang / dngos po med pa stong pa nyid 'byung ba'i gtsug tor dang / rang gi ngo bo nyid stong pa nyid 'byung ba'i gtsug tor dang / dngos po med pa'i rang gi ngo bo stong pa nyid 'byung ba'i gtsug tor ro// de bzhin gshegs pa bzhugs pa'i gdan gyi dkyil 'khor byas nas dus ji lta ba'i me tog gi rnam pa 'bul bar bya'o// de'i phyed kyi steng du khri btsugs te chu'i snod du rnam par snang mdzad kyi snying po'i mchod rten bzhugs par bya'o// shog pu'am lo ma la sngags kyi yi ge sgrub pa po'i ming can yang bzhugs par bya'o// bum pa chu yis bkang ba yang gzhag par bya'o/ / pad ma'i phyi rol phyogs pa ni bum pa bzhi yang bzhag par bya'o/ gyi lnga ldi dang gdugs dang ba dan gyis nye bar mdzes par byas nas/ yang shar du bgegs rab tu 'joms pa'i gtsug tor rnam par rgyal ba'i lha mo dang lhor 'chi ba rab tu 'joms pa'i gtsug tor rnam par rgyal ba'i lha mo dang / nub tu nyon mongs pa rab tu 'joms pa'i gtsug tor rnam par rgyal ba'i lha mo dang / byang du phung po'i nang rab tu 'joms pa'i gtsug tor rnam par rgyal ba'i lha mo dang / mer rdo rje phreng ba tshe sbyin ma dang / bden bral du sgyum chen mo dang / rlung drug ser 'od ma dang / dbang ldan du gser gyi phreng ba can tshe sbyin ma'o// snod bzhi chu bzang dang bcas pas bkar ste/ me tog gi brang

  5. 241b

    ba 'phyang du bzhug par bya'o/ / 'di'i mthar re kha gsum rdul tshon gyis ze bar bya'o// phreng dang po la skra la sogs pa med pa'i 'jim pa rlon pa la byas pa'i sats+tsha stong phrag cig bsgrig par bya'o// ma grub na brgyanges par bzhugs par bya/ phyogs bzhir bkur sti dang sti stang dang chen po'i mchod pa byas nas/ tshig gzhan mi smra ba'i dam bca' 'dzin pa'i chos smra ba rnams kyis gzungs 'di bklag par bya'o// la na rerare zhing mchod rten gyi dpung mdzod cing rab tu gnas par bya'o/ / stong phrag gcig tu klog pas dbus kyi mchod rten gyi dbur lag pa bskyod cing mchod par bya'o// me tog dang bdug spos dang / mar me dang / dri chab dang / lhab shos la sogs pa mchod pa thams cad stong phrag so sor mchod rten gyi phreng ba'i rnam par byas nas mchod pa bya'o/ / ji srid yongs su ma rdzogs pa de srid du mar me'i phreng ba rlung gis mi nyams pa sbyar bar bya'o// mnyam par gzhag cing gtsang spras rab tu 'jug par bya'o// de ltar byas na zhag bdun pa'i tshe lo bdun du 'tsho bar 'gyur ro/ / lo bdun pa'i tshe ni de ltar tshe mchog 'thob cing nad las rnam par grol nas lo brgyar 'tsho bar 'gyur ro// dus ma yin pa'i 'chi ba yang thams cad du rnyed par mi 'gyur ro// de lta bu'i nye bar spyod pa'i rim pa las gzhan du byas na de yis 'grub pa ma yin no// rab tu byed pa dang po'o// rtog pa 'di yang dag pa'i dge ba'i bshes gnyen sdom brtson dam pa 'dul ba'i gtsug lag la bla med par smra ba ne mkhan po'i gsung bzhin du/ mang du thos pa'i lo tsA ba gnas brtan dpal nyi ma rgyal mtshan bzang pos dpal thar pa gling gi gtsug lag khang du rang gis bsgyur ba'o// // rgya gar skad du/ sarba ta thA ga ta uSh+Ti sha bi dza ya nA ma d+hA ra NI ka la pas hi ta/ / bod skad du/ de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa/ sangs rgyas dang byang chub sems dpa' thams cad la

Colophon

rtog pa 'di yang dag pa'i dge ba'i bshes gnyen sdom brtson dam pa 'dul ba'i gtsug lag la bla med par smra ba ne'u mkhan po'i gsung bzhin du /mang du thos pa'i lo ts+tsha ba gnas brtan dpal nyi ma rgyal mtshan bzang pos dpal thar pa gling gi gtsug lag khang du rang gis bsgyur ba'o // (pha, 241b6-7)