Q2055MW1KG13126_2055bstod tshogsAll versions of this work

de bzhin gshegs pa brgyad la bstod pa

Aṣṭatathāgatastotra

Text

ff. 278b–279b · 3 folio sides

  1. 278b

    zer 'dra ba yis// sa steng mtha' dag rab tu brgyan par snang ba dang // u dra ma wa ra'i me tog bzhin du rmad byung ba// thub dbang chen po log dang sel la phyag 'tshal lo// dri ma med cing rtag tu phan par mdzad pa dang // chags pa med pa gang gis dri ma med pa'i thugs// rnam par 'phro bas mun pa'i thibs po rab bcom zhing // lha yis mchod pa'i gser thub de la phyag 'tshal lo// btso ma'i gser gyi phung po'i kha dog 'dra ba yi// gzi brjid 'bar ba'i nyi ma stong pas lhag pa mnga'// skye bo kun gyis phyag byas 'jig rten mchog gyur pa'i// 'od srungs mtshan gsol gang yin de la phyag 'tshal lo// nyi ma'i 'od zer mang pos pad+ma'i tshal 'byed lta// / gsung gi 'od zer mang pos 'jig rten sad par mdzad// ston pa shAkya thub pa thugs rje'i sgron ma can// mya ngan 'das pa gang yin de la phyag 'tshal lo// gang gis byang chub skye ba gcig gis thogs gyur cing // byams pa zhes bya dga' ldan gnam gyi gnas nas bzhugs// sa steng bde bar gshegs par 'gyur ba gang yin pa// de la bdag ni snying nas rtag tu phyag 'tshal lo// 'das pa'i rgyal ba bdun po dag dang phyis gshegs pa// brgyad pa byang chub sems dpa' bdag gis bstod yis// bsod nams mtha' yas dpag med padag gis gang thob pa// des ni sems can rnams kyang skyon chen bral gyur cig/ de bzhin gshegs pa bdun gyi bstod pa rdzogs so// // rgya gar gyi mkhan po shrad+d+ha kar dang / dge slong rin chen bzang pos bsgyur cing gtan la phab pa// mang+ga laM/ #/ da gshegs pa na pa pata rdzags// rgya gar skad du/ aSh+ma ta thA ga

  2. 279a

    sto tra/ bod skad du/ de bzhin gshegs pa brgyad la bstod pa/ de bzhin gshegs pa thams cad la phyag 'tshal lo// mtshan gyi me tog rgyas shing dag pa la// dpe byad bzang po'i 'bru chags mdzes pa'i sku// gang gis mthong thos dran yang dpal gyur pa// mtshan gyi rgyal po de la phyag 'tshal lo// rin chen zla ba pad+mas rab brgyan cing // shes bya kun la mkhas pas mkhyen pa 'phags// rgya mtsho lta bur zab pa'i thugs mnga' pa// sgra dbyangs rgyal po de la phyag 'tshal lo// dzam+bu chu bo'i gser ltar lhad de ba// nyi ma stong pas lhag pa'i gzi brjid 'bar// dri medathe gser gyi mchod stong lta bu'i sku// gser bzang dri med snang la phyag 'tshal lo// mya ngan 'das shing bde ba'i mchog brnyes pa// 'gro ba'i sdug bsngal gdung bzhi mdzad cing // 'gro drug mgon dang dpal du gyur pa po// mya ngan med mchog dpal la phyag 'tshal lo// chos sgra chen pos pha rol rgol ba 'joms// rgya mtsho lta bur zab pa'i sku mnga' zhing // 'gro ba'i dug gsum ma lus sel mdzad pa// chos bsgrags rgya mtsho'i dbyangs la phyag 'tshal lo// chos kyi blo gros gting dpag dka' ba'i tshul// rnam dag chos kyi dbyings las rol mdzad cing // shes bya ma lus mngon sum gzigs pa po// chos blo mngon par mkhyen la phyag 'tshal lo// 'gro ba'i nad gso mdzad pa sman pa'i mchog/ bai DUr+ya ltar dang pa'i sku mnga' zhing // sku yi 'od kyis 'gro ba sgrol mdzad pa// sman pa'i rgyal po de la phyag 'tshal lo// thugs rjes kun la snyoms pa'i bcom ldan 'das// mtshan tsam thos pas ngan 'gro'i sdug bsngal sel// dug gsum nad sel sangs rgyas sman gyi bla// bai DUr+ya yi 'od la phyag 'tshal lo//

  3. 279b

    nyi ma lta bur ma rig mun pa sel// zla ba lta bur nyon mongs gdung ba sel// dug gsum nad sel sangs rgyas sman gyi bla// bai DUr+ya yi 'od la phyag 'tshal lo// lha mi'i ston pa sman pa'i rgyal po ste/ bcom ldan 'jig rten gsum la skyabs mdzad pa// dag gsum nad sel sangs rgyas sman gyiH// bin+du byA'i 'di la sdug 'tshal lo// khyod ni 'jig rten gsum gyi snyan pa ste// 'dod chags ni snga ga te mug rtsad nas gcod// sems can thams cad bde la rab tu 'god// bai DUr+ya yi 'od la phyag 'tshal lo// ye shes spyan gyis 'gro ba kun la gzigs// thugs rje'i spyan gyis 'gro ba kun la khyab// dug gsum nad sel sangs rgyas sman gyi bla// bai DUr+ya yi 'od la phyag 'tshal lo// rlung dang mkhris pa bad kan 'dus la sogs// 'byung ba bzhi po 'khrugs par gyur pa la// nad kyi gnyen por phyag g.yas aru ra// sman pa'i rgyal po khyod la phyag 'tshal lo// sku mdog mthing ga ut+pal sngon po 'dra// phyag g.yon bdud rtsi sman gyi lhub bzed bsnams// dug gsum nad sel sangs rgyas sman gyi bla// bai DUr+ya yi 'od la phyag 'tshal lo// zhes pa rgya mtsho dag ni gzhir spangs nas// yon tan rgya mtsho dag gis pha rol phyin// thams cad mkhyen pa lha yi lhar gyur pa// bai DUr+ya yi 'od la phyag 'tshal lo// smon lam rgya chen yongs su dag gyur pas// yid bzhin nor bu lta bur gzhan don mdzad// dug gsum nad sel sangs rgyas sman gyi bla// bai DUr+ya yi 'od la phyag 'tshal lo// thabs mkhas thugs rjes shAkya'i rigs 'khrungs zhing / gzhan gyis mi thub bdud kyi dpung 'joms pa// gser gyis lhun po lta bur mdzes pa'i sku// shAkya'i rgyal po de la phyag 'tshal lo// de bzhin gshegs pa brgyad la bstod pa slob dpon zhi ba tshos mdzad pa rdzogs so//

Colophon

de bzhin gshegs pa brgyad la bstod pa slob dpon zhi ba 'tshos mdzad pa rdzogs so/