zung du 'jug pa rab tu gsal ba bstan pa zhes bya ba
Juganadvaprakasanāma
Text
ff. 123a–123b · 2 folio sides
- 123a
drag// rnam bcas ma yinanam med min// tha ma'i ngag gis ma brgyan pa'i// dbum 'ar 'bring ba tsa ma nyid do// dngas pa 'dini byang chub 'gyur// rmugs pa spangs pa'i rang bzhin nyid/ 'khrul pa las ni chags med 'gyur// 'khrul pa'ang gnas pa med par 'dod// de nyid cin dngos rang bzhin// dngos po dngos med gang yin pa'o// dngos po med pa'ang dngos por 'gyur// rgyu dang 'bras bu'i rang bzhin gyis// de ltar chos rnams ro gcig ste// thogs pa med cing gnas med par// ji lta ba yi ting 'dzin gyis// 'di dag thams cad 'od gsal te// ji lta ba yi ting 'dzin yang rab tu 'jug pa'i sems nyid kyis// gang phyir de yi gnas rig pas// de nyid rgyun mi 'chang las skyes// shes dang shes bya rnam bral ba'i// 'gro ba nyid ni gnyis med 'dod// gnyis dang bral brlab pa yong // de ltar 'od gsal ba nyid do// de lta'i de nyid nges rtogs na// ji lnga de ltar gang den// rnal 'byor mig ni rgyas 'gyur bas// kun tu seng ge ji bzhin no// 'jig rten chos la rnam log 'dis// smyon pa'i spyod pa la brten nas// bdag byin brlab pas rnam brgyan nas// dmigs pa med par thams cad byed// dri med de nyid gang bstan cing // gnyis su med par gang smras pa// mnyam dang mi mnyam 'di spangs nas// blo chen rnams kyis rtogs bya'i rigs// de kho na nyid bcu pa/ slob dpon gnyis su med pa'i rdo rjes mdzad pa rdzogs so// // bla ma phyag na dang / mtshur gyis bskyor ba'o// phyis lo tsa ba tshul khrims rgyal bas bsgyur ro// / rgya gar skad du/ dzu ga na dra pra ka sa nA ma/ bod skad du/ zung du 'jug pa rab tu gsal ba bstan pa zhes bya ba/ 'jam dpal
- 123b
gzhon nur gyur pa la phyag 'tshal lo// gang dang gang snang de dag par// rtogs par gyur na mi 'gyur nyid// kyen las skyes pa de 'gyur ba// de yang rkyen las de ma skyes// gzugs las gzungs ni yod ma yin// mig la yang ni yod ma yin// de skyes rnam shes la yang min// ji ltar gtsub shing mi snyan bzhin// gcub shing dang ni gats+tshab ga tAn dang // skyes bu'i lag pa ma brten par// thon du me ni grub pa med// de ni 'di dag brten nas 'byung // bdag gi bu bas sngar rmongs sam// 'o na de bu las rmongs par 'gyur// bu nyid la ni sngar zhen pa// de ni rdzas su yod ma yin// de ltar rkyen nyid 'ba' zhig phyir// chos rnams rang bzhin med pa nyid// de la gnas pa'i rnal 'byor pas// bde mchog las ni nyams mi 'gyur// thams cad blang dang dor med kyang // tha snyad du ni 'jug par 'gyur// 'di dag sgyu ma bzhin dngos med// rkyen las byung bar rtogs pa'i phyir// ma skyes phyir na rang bzhin med// rkyen las byung ba mi 'gag nyid// dngos dang dngos med nyam / pas na// zang du 'jug pa snang bar 'gyur// stong pa snying rje gcig gyur pa// rang gi rnyog pas byas pa min// stong pa nyid dang rab gsal ba// rang bzhin zung du 'jug pa nyid// rnam pa kun// mchog rgyas ldan pa'o// zab mo gnyug ma'i snying po nyid// mngon sum rig pa sangs rgyas kyis// mchod pa legs sbyor byed pa yin// lus dang ngag dang sems kyis ni// rtag tu blo bzang rab gnas na// spyod pa byed dang mi byed kyang // de la spyod pa byed ces brjod// zung du 'jug pa rab tu gsal ba bstan pa zhes bya ba/ slob dpon a bad+hU tIs mdzad rdzogs so// badz+ra pA Ni dang nag chos bsgyur ba'o//
Colophon
zung du 'jug pa rab tu gsal ba bstan pa zhes bya ba/_slob dpon a ba d+hU tIs mdzad pa rdzogs so/_/badzra pA Ni dang /_nags tshos bsgyur ba'o