lha las phul du byung bar bstod pa
Debaatiśayatrotra
Text
ff. 240a–242a · 5 folio sides
- 240a
de ltar thams cad mkhyen min pa'i// grub mtha' skyon gyis brlag sems ldan// bsam brlag rnams kyis skyon med pa'i// ston pa khyod kyang mi mthong ngo // 'jig rten lha dang bram ze dang // rig byed sangs rgyas 'di dag ni// sdang zhes smra ba rab skyon nyid// ci phyir sems par mi byed kyi// gang slad khyod kyi bstan pa ni// bde bas de nyid thob bgyid pa// de slad smra ba'i seng khyod kyi// gzhung lugs la ni 'gro 'di dga'// khyod kyi yon tan yang dag pa// rnam pa 'di ltar rab brjod pas// bdag gis bsod nams gang thob des// 'gro ba'i 'jig rten khyod 'drar shog/ mgon po khyad par 'phags bstod pa// bton pas bdag gis dge bsags pa// gang yin des ni 'gro ba kun// byang chub la ni gzhol gyur cig/ khyad par du 'phags par bstod pa slob dpon mtho btsun grub rjes mdzad pa rdzogs so// / rgya gar gyi mkhan po sarba dz+nyA de ba dang / lo tsA ba ban+de rin chen mchog gis bsgyur cing / zhus chen gyi lo tsA ba ban+de pal brtsegs rak+Shi tas gtan la phab pa'o// / @6// rnalas sa du byu ba brtod pa pa / @##/ rgya gar skad du/ de ba a ti sha ya stotra/ bod skad du/ lha las phul du byung bar bstod pa/ de bzhin gshegs pa thams cad la phyag 'tshal lo// bcom ldan bde gshegs mngon sum ma gyur khyab 'jug min// tshangs pa ma yin lha chen po yang ma mthong ste// de dag gi gzugs mthu dang spyod dang bsam pa rnams// thos nas su la yon tan yod dam med pa dpyad// khyab 'jug dpung drag mtshon chad byug to thogs par brtson// lha chen me yi thod pa'i phreng ba rnams kyis
- 240b
brtan// sangs rgyas cha lugs gcig tu zhi ba'i phul phyin na// nye bar zhi dang ma zhi gang la mchod par bya// khyab 'jug gis ni 'thab dka' la sogs rigs chud brlag par gyur// lha chen pos ni grong khyer sum brtsegs bcoms par gyur zhes grags// skem byed kyis kyang mdud zung 'jebs bsnuran khrung khrung gsad par gyur// sangs rgyas nyag gcig 'gro la sman pa thams cad mdzad pa lags// nga yis 'di la gnod bu'adi nyid bsrung bya 'di// bsad bya zhes pa lha yi mchog gi gzhung lugs yin// sangs rgyas la ni dgra dang mdza' bshes mi mnga' bar// nges par legs dang mngon par mtho bas phan 'dogs mdzad// khyab 'jug tshig ni 'dod chags la sogs skyon rnams bskyed// lha chen po yi byed spyod gang yin smyon pa bzhin// de bzhin gshegs pa nyes pa ma lus sel mdzad na// su zhig ston pa chen por 'os// pa dpyad par gyis// gang zhig brtse med gzhan la gnod par brtson pa dang // gang la 'gro ba dag ni skyabs su song gyur pa// 'dod chags bcas dang gang zhig 'dod chags rnams bral ba// de las gang zhig 'di na mchod bya soms te spros// brgya byin rdo rje thogs shing stobs can gshol thogs khyab 'jug 'khor lo'i mtshon thogs dang // skem byed mdung thung thogs shing lha chen rtse gsum mtshon thogs dur khrod gnas gyur pa// de dag byis pa snying rje med pa sna tshogs mtshon thogs sdug bsngal 'jigs pas nyen// rtag tu srog chags 'joms par brtson pa de la mkhas pa su zhig 'dud par byed// gang zhig rtse gsum ma bsnams chags bcas mtshan na chung ma med// 'khor lo mdung thung drag po dang ni gshol mi bskams// nyon mongs rnam gro la mkhas pa gzhan la phan 'dogs rnam par brtson// 'jig rten skyabs gyur drang srong de la 'dir ni skyabs su mchi
- 241a
lha chen 'dod chags dbang gyur ngo tsha spangs shing tse 'dri chung ma len par byed// khyab 'jug lhag par gtum zhing byas pa chud gsod skem byed rang gi gnyen yang gsod// dka' bzlog khro zhing ma he bsod byed ma mo rnams ni mi yi sha tshil za// log 'dren chang dad che zhing stobs bcu ldan la nyes pa chung ngu'ang 'ga' mi mnga'// bcom ldan de ni bdag gi gnyen min gzhan dag dgra ma yin// de dag gi spyod gzhan yang mngon sum gyur pa ma mthong ste// tshig dang spyod pa dag gis so so'i khyad par thos pa las// sangs rgyas yon tan phul du byung la dad phyir bdag rten lags// bde bar gshegs pa bdag gis min mu stegs gzhan dag dgra ma yin// de bzhin gshegs des bdag nor ma su la gzegs zan sogs kyis cim phrogs// 'on kyang sangs rgyas bcom ldan de ni gcig tu 'grol phan mdzad gsungs/ dri med dri ma thams cad sel ba gang yin de la bdag dad lags// gang zhig rtag tu phan dgyes rgyun tu 'gro la phan mdzad lags// gang zhig 'gro ba sdug bsngal rnam mang gdungs pa bde mdzad dang // gang zhig shes bya mtha' dag lag mthil bzhin du gsal mkhyen pa// drang song mnyam med sku mnga' de la glo ba dad par gyur// snying nas dad dam ji ltar dga' ba dang // the tsom gyis sam gzhan gyi ngor yang rung // gang zhig thub dbang zla ba der phyag bgyid// des ni lha yi bde ba phun sum 'theb// gna' sngon khyab 'jug 'di yis 'jig rten phye nan 'chi'i dbang gyur thos nas su// mi rnams bskyab phyir rmad byung blo yis skang brtse brtson pas shAkya'i rigs rgyas par// go'u ta mar 'khrungs te sa steng 'jig rten 'dir ni sangs rgyas grung par grag ces thos// skye bo nyon mongs blun zhing rmongs pas ston pa phan 'dogs lags par ma//
- 241b
'tshal grang // gang tshe 'dod chags zhe sdang gis ni lha min khyim nas rin chen phrogs pa dang // chags pa'i blo gros kyis ni ngan g.yo byas nas sa dag phrogs par gyur kyang ni// de tshe khyab 'jug mgrol bzhin du skye bo blon po rnams ni mchod phyag 'tshal// sangs rgyas nges par rnam grol gyur kyang skye bo phal cher rmongs pas phyag mi 'tshal// sa 'di rgya mtsho bzhi yis ska rags chen pos bsdams pa'i ljid kyi ni/ lci lci ltar 'dug khyab 'jug byin yang stobs chen sdug bsngal gnas skabs gyur// thub pa la ni rdul tsam phul pas rgyal po mya ngan med pa yis// zla ba'i dkyil 'khor dpal gyi 'od zer gos can sa snyed mtha' dag thob// bdag ni sangs rgyas phyogs mi 'dzin// ser skya sogs la mi sdang yang // gang zhig rigs par ldan pa'i tshig/ de nyid ston par yongs su 'dzin// 'di ltar su yang rung ste nges par kun mkhyen dang // 'gro ba gcig tu phan 'dogs mdzad pa'i lugs che ba// de dag blo gros zhib mo'i mig gis btsal nas su// bsten par bya yi gzhan dag mkhas la tsa zhig ma'o// gang la skyon kun yod min la// yon tan thams cad yod gyur pa// tshangs par khyab 'jug dbang phyug che// de yang bdag gi ston pa yin// gang la skyon ni mi mnga' zhing // yon tan dpag med mnga' ba dang // thams cad mkhyen dang thug rje can// de la bdag ni sbubs su mchi// pad+ma kha bri rgyas pa'i 'ad ba ltar dkyus ring spyan mnga' ba// bstod pa'i chu klung stong gi rgya mtsho de ltar bstod bgyis pas// bdag gi tshig gis bsrun pa'i dge bcung zad ci mchis pa// des ni sems can thams cad bde ba dag dang ldan gyur cig/ lha las phul du byung bar bstod pa slob dpon bde byed bdag pos mdzad pa rdzogs so//
- 242a
rgya gar gyi mkhan po sarba dz+nyA de ba dang / lo tsA ba ban+de rin chen mchog gis bsgyur cing / zhus chen gyi lo tsA ba ban+de dpal brtsegs rak+Shi tas zhus te gtan la phab pa'o// rgya garaskad du/ tri sa ra Na sap+ta ti ka/ bod skad du/ gsum la skyabs su 'gro ba bdun cu pa/ 'phags pa 'jam dpal gzhon nur gyur pa la phyag 'tshal lo// dge bsnyen gsum la skyabs 'gro ba/ da ni sdom brgyad rtsa ba yin// sangs rgyas de chos dge 'dun ni// thar pa 'dod pa rnams kyi skyabs// dus gsum lam las nges grol zhing // shes bu la ni blo rnams rgyas// rmongs pa'i zum pa bcom pas na// sangs rgyas pad+ma ltar rnam rgyas// thog mtha' med pa'i srid pa ru// ma rig gnyid kyis log pa yis// 'gro ba gang gang snad de de// brdzun te rmi lam lta bur 'dod// ma rig gnyid ni rgyun chad cing // yang dag ye shes nges byung bas// gang zhig rnams de sangs rgyas// skyes bu ga nyid sad ji bzhin no// yang dag de nyid ston mdzad cing // mi mkhas sems can rtogs mdzad las// des kyang sangs rgyas sangs rgyas dang // de yang sangs rgyas dang mtshungs 'dod// ye shes bla na med pa yis// yang na de nyid thugs chud pa'am// zhi ba nyid kyis rtogs sangs rgyas/ de bas sangs rgyas sangs rgyas 'dod// sangs rgyas kyi ni gzugs kyi sku// mtshan dang dpe byad dag gis 'bar// 'gro ba rang gi mos pa yis// dbang gi sna tshogs sku 'dzin gang // bsod nams tshegs ni tshad med las// 'khrungs pa de ni rgyal ba'i sras// sa bcu la ni gnas rnams kyis// mthong bar gyur nas de yis// chos kyi rdzogs longs spyod 'di ni// rgyal sras rnams ni baspyod//
Colophon
lha las phul du byung bar bstod pa slob dpon bde byed bdag pos mdzad pa rdzogs so/_/rgya gar gyi mkhan po sarba dz+nyA de ba dang /_lo tsA ba ban+de rin chen mchog gis bsgyur cing /_zhus chen gyi lo tsA ba ban+de dpal brtsegs rak+Shi tas gtan la phab pa'o