Q2142MW1KG13126_2142rgyud 'grelAll versions of this work

dpal 'khor lo sdom pa'i mtshan brgya rtsa brgyad pa'i bstod pa

Śrīcakrasambaranāmaśataaṣṭakanastotra

Text

ff. 197b–198b · 3 folio sides

  1. 197b

    gang gi phyir glo bur gyi dri ma de nyid spangs na byang chub thob par sla ba'o// de la glo bur gyi dri ma dag pa bsgrub par bya zhing rang bzhin gyis dag pa ni grub pa nyid do// rgyud gzhan rnams dang le'u gzhan rnams kyi don thun mong ba de gsal bar byed pa'i le'u'o// dpal dang ldan pa'i nam mkha' dang mnyam pa'i rgyud la bdag gi tshig gis mchod byas pas// bsod nams thob pa yongs su gyur pas ston ka'i zla ba'i zer bzhin 'od zer mdzes// sna tshogs don du nus pa yin te yon tan 'od zer gang la sbyor ba rnams// de yis myur bar rgyal ba rnams kyi nam mkha' dang mnyam mi mnyam tshangs par 'gro/ dpal nam mkha' dang mnyam pa'i rgyud kyi rgya cher 'grel pa nam mkha' mnyam pa las le'u lnga pa'o// // nam mkha' dang mnyam pa'i rgyud kyi rgya cher 'grel pa/ paN+Di ta chen po rin chen 'byung gnas zhi bas mdzad pa rdzogs so// rgya gar gyi paN+Di ta shU n+ya tA sa mA d+hi dang / lo tsa ba dge slong shes rab ye shes kyis bsgyur ba// / @#// dpal 'khor ma sdom pa'i mtshan ba rgya rtsa brgyad pa'i bstod pa bzhugs/ @#// rgya gar skad du/ shrI tsa kra sar+b+ba/ ra nA ma sha ta aSh+Ta ka na sto tra/ bod skad du/ dpal 'khor lo sdom pa'i mtshan brgya rtsa brgyad pa'i bstod pa// dpal rdo rje mkha' 'gro la phyag 'tshal lo// bskal pa'i me ltar 'bar ba'i 'jigs pa'i skur ldan pa// khros pas 'jigs mdzad mtsho skyes sngon po'i sku mdog bzhin// nyi ma'i dkyil 'khor steng bzhugs kha T+wAM ga dang ni// rdo rje bsnams shing oM oM yi ge dag pa yis// tshangs pa dang ni khyab 'jug/ drag po'i lha dag gi/ mgo rnams bcad mdzad nas ni dbul rnam brgyan pa// hU~M hUM phaT phaT Ta Ta yi ge 'khor ldan pa// mi yi seng ge zil mnan nas ni 'jigs mdzad pa// thugs rje chen pos sprul pa'i

  2. 198a

    'khor lo'i tshul bskyed pa// dzaHhU~M baM hoHsa dpal mo'i nu ma rab tu mnan/ bde bar gshegs pas dbu gtsug la ni rnam brgyan pa// lha rnams kun gyi dbu gtsug zhabs kyis mnan mdzad pa// a la la yi sbas ni bgegs rnams skrag mdzad pa// cang te'u 'khrol zhing khyab 'jug drag po'i pags pa bsnams// rdo rje lha mo rnams kyi'i bar ma bskor mdzang ba// pra lu Ta lu rdo dzaHdza sgrogs// rgyu mas brgyus pa'i mgo bo'i phreng ba'i rgyan ldan pa// rdo rje mkha' 'gro'i gzugs kyis 'jigs byed glu len pa// kruM kruM dang ni hu lu hu lus myos mdzad pa// rdo rje mkha' 'gro rnam par brgyan pa yi// dur khrod du ni gar dang ha la ha la'i sgras// gnod sbyin rnams ni rab tu skrag par mdzad pa des// rdo rje mkha' 'gro ma yi klus ni rab bskul ba// sha dang khrag dang rgyu ma nang khrol gsol bar mdzad// haM haM a a'i sgras ni lha rnams gas la mdzad pa// thod pa klad pas bkang nas gsol phyir phyag na bsnams// ka ha ka ha'i bzhad sgras 'khor ba 'jigs mdzad pa// mi bzad dur khrod rnams kyi rus pa'i rgyan ldan pa// rdo rje ha har bzhad pas khams gsum rgyal mdzad pa// ha ha hi hi dza dza'i yi ges sdigs mdzub mdzad// ha ha bzhad pas ri bo rtse nas bsgyel mdzad pa// rnal 'byor ma dang dpal rnams hri hri sgrogs pas 'bod// mi yi seng rdo rje dril bu mda' dang gzhul kr-i kr-i sgrogs// g.yon brkyang ba dang sbrul rnams kyis ni dbu brgyan cing // bskal pa grangs med sems can don mdzad mi 'dor ba// ha na da ha phaT paT sgrogs shing skyob mdzad pa//

  3. 198b

    rnal 'byor stobs kyis rgyal ba'i mdzad pa rnams mdzad pa// dngos dang dngos med min zhing bsgom dang rdo rje can// tsa Ta tsa Ta gra gr-i khaM khaM sgrogs mdzad pa// sangs rgyas sku gsung thugs kyi spros pa stong pa nyid// rol pa'i lta bas dri ma ma lus bral ba dang // go lu go lu dzaM dza yaM yaM sgrogs pas zhi ba dang // mkha' dang mnyam pa'i ting 'dzin bzhugs pa'i mthu mnga' ba// maM mi sbas ni bde ba chen po'i bdag nyid can// thugs rje chen pos rjes 'brel sems can mi gtong ba'i// brtan g.yo'i rang bzhin he ru ka dpal phyag 'tshal stod// mkha' 'gro'i dam tshig A li kA li'i sbyor ba ste// rigs lnga'i bde gshegs bcom ldan 'das kyis bshad du gsol// lha dang drang srong rnams ni phyag 'tshal brjod pa yis// he ru ka dpal gsang ba'i sku 'dzin der nges 'gyur// dpal ldan 'khor la sdom pa'i mtshan brgya rtsa brgyad pa'i bstod pa rdzogs so// @// gcan nyid kyi zhing grung pa zhes byab bzhugs so/ @#// rgya gar skad du/ tata ta gar+b+ha sA d+ha naM nA ma/ bod skad du/ de kho na nyid kyi snying po sgrub pa zhes bya ba/ dpal rdo rje mkha' 'gro la phyag 'tshal lo// 'tshe byed dang ni ri yi bu mo gnyis ka zhabs kyis mnan dang lha gsum dbang phyug ni// tshangs pa la sogs dbang phyug mdzad dang glang chen gos dang stag pags sprul dang sgyu ma 'dzin// phyag rgya la 'khrung rgyu mas spyi bor mdud mdzad mgo bo'i phreng bas rnam par brgyan pa ni// nam mkha' gsal ba'i sku 'dra bde ba'i mchog la btud nas de'i sgrub pa bri bar bya// dang po re zhig mal nas langs te/ gdong pa dag pa la sogs pa bya ba thams cad rnal 'byor dbang pos byas nas/ nyon mongs pa dang / nye ba'i nyon mongs pa'i 'byung po'i tshogs kyis 'dres par 'gyur ba dang / gal ba'i keng rus dang

Colophon

dpal ldan 'khor lo sdom pa'i mtshan brgya rtsa brgyad bstod pa rdzogs so/