chos nyis zhi ba'i lha rgyud

Dharmataśantadebatantra

Text

ff. 16b–21a · 10 folio sides

  1. 16b

    khams kyi mdangs ma bdud rtsi nyid// khams dgu 'dus pa chos kyi sku// snying po rlung rnams rang gdangs ma// dbyer med rdo rje sngon byang chub// rigs bdag dbyer med kun la khyab pa'i sku// ston pa'i bdag nyid kun bzang khyod phyag 'tshal// ye shes lnga las skur snang longs spyod rdzogs// phung po lnga'i rang bzhin nyid du snang // 'byung ba lnga'i yum dang rnam par 'khyil// 'chad pa'i skyes bu khyod la bdag phyag 'tshal// chu bo bzhin du rgyun tshad med par gnas// dang po de las byung nas bya ba byed// tha ma der thim rang gi gnas la zhugs// 'gro po'i nad sel mdzad pa sman gyis gnas// 'jig rten thogs bzhin snang ba'i rang bzhin can// rgyud rgyal dgongs pa can la phyag 'tshal stod// bdag sogs rnams kyi ji ltar bzung bar bya// zhes gsol pas/ bcom ldan 'das kyis gsungs pa// rgyud 'di snod ngan kun la gsang ba dang // dam can dam ldan rnams la khyad kyi gtong // zhes gsungs ste/ rje su yi ra ngo // zhi ba lha rgyud chen po las/ rjesuM yi rangs pa'i le'u ste dgu pa'o// / zhi ba lha rgyud chen po rdzogaso// // rgya gar gyis mkhan po pra sa twa dang / lo tsa ba pad+ma ru tses bsgyur ba'o// chos nyid zhi ba'i sa ltung saso// rgya gar skad du/ d+harma tA shAn ta dwe ba tAn tra/ bod skadadu/ chos nyid zhi ba'i lha rgyud/ bcom ldan 'das kun bzang kun zhi ba'i lha la phyag 'tsha'o// 'di skad bstan pa'i dus gcig na/ bcom ldan 'das kun tu bzang po zhes bya ba lha zhig thams cad rang gi sems la gan so// sems ni na mkha' la gan so// ni mkha' ni ci la yang mi gnas// ci la yang ma yin/ med pa yang ma yin pa'o// de

  2. 17a

    bzhin du sems dang kun tu bzang po yang de bzhin no// de de bzhin nyid// chos nyid ni sangs rgyaso// sangs rgyas ni mtha' la mi gnas shing // dbusu mi 'dzin pa'o// sangs rgyas ni phyogasu mi 'dzin cing // nga ru mi byed pa'o// sangs rgyas ni drang du mi len cing / gtsor mi 'dzin la/ skyon du mi 'dor zhing spong bar mi byed pa'o// de bzhin du dbyings 'pho 'gyur med pa'o// sems skye shi med pa'o// rig pa 'du 'bral med pa'o// kun gzhi bzang ngan med pa'o// rtog pa skyo du ba med pa'o// ye shes ldog 'gyur med pa'o// dus la nyin mtshan med pa'o// sgom pa 'byung 'jug med pa'o// sku la 'dun rgyab med pa'o// gsung la skye 'gag med pa'o// thugs la rtag chad med pa'o// yon tan bde sdug med pa'o// 'phrin las rtsol sgrub med pa'o// de lta bu zhig gi rang bzhin yin kyang // chos nyid skyon du mthong ba dang // chos can mtshan mar 'dzin pa dang // sems la dngos por 'dzin pa rnams la// rnam par dbye ba 'di skad ces bka' stsal to// yul dang dbang po'o// sems dang phung po'o// phyi dang nango // rgyu dang 'bras bu'o// sangs rgyas dang sems ca no// de la sems can thams cad ni// ma rig pas sems ca no// de bas kyang thams cad la chags pas sems cano// de bas kyang thams cad la 'dzin pas sems cano// de bas kyang 'dzin pa'i mthu rtas pas sems cano// de la sangs rgyas thams cad ni// bsam pa rnam par dag pas sangs rgyaso// de bas kyang thams cad la chags pas sangs rgyaso// de bas kyang thams cad la mi 'dzin pas sangs rgyaso// de bas kyang thams cad mi 'dzin mthus rtas pas sangs rgyaso// sems can thams cad ni yod par 'dzin pas sems ca no// de bas

  3. 17b

    kyang yod pa rtag par 'dzin pas sems can// de bas kyang rtag la ther gzugs pas sems can// de bas kyang ther zug par 'dzin pa'i mthu rtas pas sems cano// sangs rgyas thams cad ni gang la yod med du mi lta bas sangs rgyaso// de bas kyang rtag par mi 'dzin pas sangs rgyaso// de bas kyang ther zug par mi 'dzin pas sangs rgyaso// de bas kyang ther zug par mi 'dzin pa'i mthu rtas pas sangs rgyaso// sems can thams cad ni skye bar 'dzin pas sems cano// de bas kyang 'chi bar 'dzin pas sems cano// de bas kyang 'pho zhing 'gyur bar 'dzin pas sems cano// sangs rgyas thams cad mi skye bar mkhyen pas sangs rgyaso// de bas kyang mi 'chi bar mkhyen pas sangs rgyaso// de bas kyang 'pho 'gyur med sangs rgyaso// de bas kyang de rnams kyi mthu brtas pas sems cano// sangs rgyas thams cad ni phyogs dang risu mi lta bas sangs rgyaso// de bas kyang 'pho 'gyur med par mkhyen pa'i mthu brtas pasangs rgyaso// / sems can thams cad ni phyogs dang rigasu bltas pas kyang sems cano// de bas kyang bzung ba dang 'dzin par blta bas sems can// de bas kyang rtag pa dang chad par lta bas kyang sems can// de bas kyang yod pa dang med par blta bas kyang sems cano// de bas kyang gtsang ba dang mi gtsang bar blta bas sems cano// de bas kyang bzang ba dang ngan par blta bas sems cam pas kyang grub pa dang ma grub par blta bas sems can// de bas kyang bde ba dang sdug par blta bas sems cano// de bas kyang yin pa dang min par blta ba'i sems cano// de bas kyang snang ba dang mi snang bar blta bas sems cano// de bas kyang snang bas gzungs 'dzin gnyi su mi lta bas kyang sang+ya'o//

  4. 18a

    @#de bas kyang rtag 'chang gnyisu mi lta bas kyang sangs rgyaso// de bas kyang yod med gnyi su mi lta bas kyang sangs rgyaso// de bas kyang gtsang ba dang mi gtsang ba gnyi su med par mkhyen pas sangs rgyaso// de bas kyang bzang ba dang ngan pa gnyisu med par mkhyen pas sangs rgyaso// de bas kyang grub pa gnyisu med par mkhyen pas sangs rgyaso// de bas kyang bde ba dang sdug bsnga ba gnyisu med par mkhyen pas sangs rgyaso// de bas kyang yin pa dang ma yin/ pa gnyisu med par mkhyen pas sangs rgyaso// de bas kyang snang ba dang mi snang bar gnyisu med pa mkhyen pas sangs rgyaso// de bas kyang de rnamakyi mthu brtaso pas sangs rgyaso// chos thams cad ni rang bzhin med na chos nyid// mtshan ma med na chos nyid// stong pa nyid na chos nyid// dngos po med na chos nyid// skye ba med na chos nyid// 'gag pa med na chos nyid// 'phros pa med na chos nyid // sems can thams cad ni mtha' la mi gnas na sems nyid// dbus la mi gnas na sems nyid// mtha' dbus gnyis ka la mi gnas na sems nyid // yod pa la mi gnas na sems nyid do// med pa la mi gnas na sems nyid // yod med gnyis ga la med na sems nyid // skye ba la mi gnas na sems nyido// 'chi ba la mi gnas na sems nyid// skye 'chi gnyis ka la mi gnas na sems nyid// thog ma la mi gnas na sems nyid// tha ma la mi gnas na sems nyid// thog ma dang tha ma gnyis ka la mi gnas na sems nyid// de'i shes pa ye sheso// de lta bu'i rlung du gnas pa la 'khrug pa dang phyin ci log pa'i dbang gis// sems can gyis gzugs dang / dbyibs rnam grangs tha dad pas sna // kha dog dang yul grangs tha dad par sna // gnas dang

  5. 18b

    spyod pa grangs tha dad par snangango // de yang thams cad du rang gi sem so// de 'dul ba'i don du sems nyid ma skyes pa'i klong nas// kun tu bzang po chos kyi bskur bzhengs pa'i byin gyis rlabs las// sangs rgyas kyi sku dang dbyibs grangs rnams tha dad par sna // 'od zer dang zhing khams grangs rnam pa tha dad par snang // bzhugs gnas dang 'phrin las grangs rnam pa tha dad par sgre // de yang snang tsam na thams cad rang gi semaso// sems gcig gis lus la yang 'byung ba chen po lngas bskyed do// sangs rgyas kyi de lta bu'i gdod pa can yin chos nyid du mkhyen pas// sangs rgyas kyi sku snang ba dngos po med par byung bas// de 'dul bya'i don du yum chen mo lngar snango // sems can gcig gi lus la phung po lnga tshang bar gnaso// sangs rgyas kyi de lta bu'i gdos pa can ma yin// don chos nyid byang chub semasu mkhyen pas// sangs rgyas kyi sku snang la ring bzhin med pa byung bas// de 'dul ba'i don du/ rgyal ba rigs lngar sna // de bzhin du sems can gyi rnam par shes pa'i tshogs brgyad dang // sems dpa' brgyad do// yul dang dus dang sems ma brgya do// phyin ci log pa dang khro'o// yul dang khro mo'o// mtshan dang sems dpa' bcu drug la sogs pa snang la rang bzhin med par de 'dul ba'i don du snangango // sems can gyis gnas na 'gro ba ris drug du snang // sangs rgyas kyi de lta bu gangos pa can ma yin gyis// don thugs ye shes mkhyen pas// sangs rgyas kyi sku snang la rang bzhin med par byung bas// de 'dul ba'i don du thub po'i skyes bu drug du sna // sems can cig le yang phyi nang sdod bcung gnaso// sangs rgyas kyi de lta bu'i gdos pa can ma yon gyis// don dbyings dang yo

  6. 19a

    mkhyen pas// sangs rgyas kyi sku snang la rang bzhin med par byung bas// de 'dul ba'i don du yid dang cho su sna ngo // sems can gcig gis pa'i rgyud la yang // nyon mongs brgyad khri bzhi stong tshang bar gnas la// sangs rgyas kyi de lta bu'i gdos pa can ma yin gyi skye ba med par mkhyen pas// de 'dul ba'i don du chos kyis sgo mo brgyad khri bzhi stong du sna ngo // sems can gcig gis gnas skabs la// lam brgyud lngar gnaso// sangs rgyas kyi gnas skabs na/ de 'dul ba'i don du dpa'o 'bru lngar sna ngo // sems can gcig gis gnas skabs na/ nyon mongs pa lngar dbang du byas te// phyin ci log tu gnaso// sangs rgyas kyi gnas skabs na|de 'dul ba'i don du// byang chub kyi sems kun tu bzang po rang bzhin las// zhe sdang 'dul ba'i don du rdo rje sems dpa' skra phyag rgyar gsalo// gti mug 'dul bar rnam par snang mdzad sku la phyag rgyar gsalo// nga rgyal 'dul ba'i rin chen 'obyung ldan sku phyag rgyar gas lo// 'dod chags 'dul bar snang ba mtha' yas sku phyag rgyar gsalo// phrog dog 'dul ba'i don yod grub pa'i sku phyag rgyar gsalo// ngan song gsum zad par mdzad pas/ de rnams dbu gsum par gsolo// sku gsung thugasu snang bas kha dog gsum du gsalo// rgyu de drug 'di nas 'don pas de rnams phyag rgya drug du gsalo// de yong yi shes drug du mthar phyin pas// phyag mtshan drug du gsalo// de yang don chos nyid mnyam pa'i ngang la bzhugs pas// dkyil mo dkrung du gsalo// de phyin ci log thams cad las rgyal bas// dbu rgyan snyan cha la sogs pa 'khor lo sbyor ba'i cha byed du/

  7. 19b

    gsalo// mkhyen pa'i ye shes gsal lam 'dres pas// ba ti tsi ba dgu shams thabs la sogs pa gsolo// de yang thabs mkhas pas yab kyi bzhugs tshul du byung ba dang / phyogs bzhi dbus dang lngar brtags pa rigs lngar snang ba dang // de nyid ye shes lnga dang ldan pas kha dog lngar gsalo// yang chos nyid longs spyod rgyun mi chad par mdzad pa'i brtags gdan dang khri rkang du gas lo// thams cad smon lam mthar phyin pas// sen chen po la sogs par gsa'o// de yang chos kyi dbyings dang 'du 'bral med pa'i rtagasu yum du byung ste// sro bo'i mtshan mar 'dzin pa'i don du sangs rgyas spyan dang // gsher ba mtshan mar 'dzin pa'i don du mA~M ma ki dang // dro/ ba mtshan mar 'dzin pa'i don du gos dkar mo dang // bskyod pa mtshan mar 'dzin pa'i don du dam tshig sgrol ma dang // stong par mtshan mar 'dzin pa'i don du kun tu bzang mo dang // thams cad skyed par byed pa'i rtagasu bud med yum gyis gzugasu gsalo// gnyi su med pas gtso bzungs 'khril ba'i tshul du gsalo// gnyisu med pa las thams cad byung bas rnam par shes pa la sogs pa mtshan mar 'dzin pa'i don du// mig rnar shes pas mtshan mar 'dzin pa'i don du sa'i snying por gsalo// de bzhin sna na mkha'i snying po dang // lce spyan ras gzigs dang / rna ba phyag na rdo rje dang / mig gi dbang po la sogs pa bzhi/ kun tu bzang po dang / byams pa dang / sgrib pa rnam par sel ba dang / 'jam dpal la sogs par gsalo// de nyid kyang thabs dang shes rab dang ldan pa'i don du/ sems mar byung ste/ yul gzugs lha mo la thugs rje gas lo// sgra mA le dang dr-i nI ri ti ga

  8. 20a

    @ro gI tir gas so// de rnams kyang dus bzhir gsal bar byed pas/ lha mo bzhi ste/ 'das pa d+hu pe ra gas lo// de bzhin du da ltar me togo/ klad kyi bzhugs pa mar me/ dus 'byung bar ma nges pa drir gsalo// de rnams kyang gnyi su med chos nyid kyi ro tshim pa'i brtag su/ sems dpa' sems ma rnams la dbyer med par bzhug so// de yang thams cad du gsal zhing mthar phyin pas// bus pa dang khye'u dang bu mo la sogs pa gzhon sha chags pa'i mtshan nyid gsa'o// de yang rgyu dang 'bras bu mthar phyin par mdzad pas// rgyu dang 'bras bu'i byang chub sems dpa' sum bcu rtsa gnyis ste// shar phyogs na rdo rje sems dpa' dang / rdo rje rgyal po dang / rdo rje chags pa dang / rdo rje legs pa gsolo// shar lho 'tshams na dpa' bar 'gro ba dang // kun tu bzang po dang / zla 'od gzhon nur dang / bzang skyong kun gsa'o// lho'i phyogs na/ rdo rje rin chen dang / rdo rje nyi ma dang / rdo rje rgyal mtshan dang / rdo rje gzhal ba gsalo// lho nub mtshams na/ dra ba can gyis 'od dang / rdo rje snying po dang / 'od dpag med dang / na mkha'i mdzod gsalo// nub phyogs na rdo rje chos dang / rdo rje rnon po dang / rdo rje 'khor lo dang / rdo rje smra ba gsalo// nub byang nas/ mya ngan kun 'joms dang / rgyal ba'i ye shes rtog dang / blo gros mi zad pa dang / spobs pa rtsegs par gsalo// byang phyogs nas rdo rje las dang / rdo rje go cha dang / rdo rje mche ba dang / rdo rje khu tshur du gsalo// byang shar 'tshams na ngan song kun 'dren dang mai tri dang / spos kyi glang po dang / don yod grub par gas lo// de yang skye bo las dbang 'dul ba la brtson pas/ byang chub sems dpa' dbu lcang lo can du bzhug so// de las yang rigs bsam gyis mi khyab na/ mdor

  9. 20b

    drug tu 'dus te// lha la brgya byin du gsalo// de bzhin du lha ma yin la thag bzang ris dang / mi la shAkya seng+ge dang / byol song la seng+ge rab brtan dang / yi dwags la kha 'bar ma dang / dmyal ba la gshin rje chos kyi rgyal po la so// par gsaso// phyi nang yid chos las kun bzang yab yum du gsalo// gzhan yang rnam par rtog pa mi gnas par sel ba'i rtagasu/ khro bo dang khro mo la sogs par gsal te// na mkha'i mdzod dang phur pa las 'byung // de thams cad kyang sems can ji ltar 'dul bar mthun par don mdzad pas/ zhal gcig phyag gnyis pa la/ mtshon cha sna tshogs par gsalo// de las kyang thugs ye shes gsal ma sgrib pa'i phyir// ye shes kyi 'od zer kha dog rnam pa drug tu 'phros te/ dkar po dang ser po dang / dmar po dang / ljang khu dang / nag po dang / rin po che kha dog la sogs pa/ re re la yang 'od zer bye ba khrag khrig grangs drug cu drug cu ste/ drug cu tsho drug las 'od kyi lha mo drug cu tsho drug byung bas// phyi snod kyi 'jig rten gyi gling bzhi dang / gling phran dang lcags ri dang / nyi zla la sogs pa sangs rgyas kyi zhing du bsgyur gnang bcud kyi 'jig rten skye 'gro rig drug la sogs pa/ grangs bsam gyis mi khyab pa la sogs pa thams cad/ long bas gzugs mthong ba 'on pas sgra thos pa la sogs pa thams cad dang / snod du rung ba dang / bskul ba dang / dong sprug pa dang / sangs rgyas par lung bstan pa nas// rgyal brgya mtsho la thugs dam gyi rgyud bskul ba la sogs pa la// chos nyid kyi longs spyod chen po mdzad // phar 'phro ba dang / tshur 'du ba dang / 'od rnal mar 'khrug pa dang / mnyes pa dang / tshim pa dang / dngos grub rtsol ba dang / gnyis

  10. 21a

    med pa dang / gdod nas dag pa'i rang bzhin lhun gyi grub pa'i dkyil 'khor na/ dgyes pa chen po mthar phyin pa'i rang bzhin du bzhug so// de la ma khyab pa med cing // ma 'dus pa dang / mi shong ba dang / phyi nang dang steng 'og dang yang dogs med pas/ gzhal yas khang gi brgyan sna tshogs par yang gsalo// don de bzhin du sems can la sogs pa// yod pa'i cha su phyi nang du snang yang / lha'i dkyil 'khor la sogs pa sna tshogs bar snang la/ mi snang na ye shes sems kyi chos nyid skye ba med pa'i klong / phyogs bcur ye nas brdal to// ces 'khor ba dang mya ngan las 'das pa'i chos thams cad chos nyid zhi lha rgyud du gnyi su med par sangs rgyas par bzhugs par thams cad kyis mkhyen to// rgyud kyi rgyal po chen po/ chos nyid zhi ba'i lha rgyud rdzogaso// / rgya gar gyi paN+Di ta bI ma le mi tra dang / bod kyi lo tsa ba gnyags dz+nyA na ku ma ras sgyur cing zhus te gtan la phab pa'o// khro bo lnga rgyud chen mo zhugs/ rgya gar skad du/ kro d+ha dwe ba tan tra mahA nA ma/ bod skadadu/ khro bo lha rgyud chen mo zhes bya ba/ bcom ldan 'das dpal khrag 'thung rngam brjid kyi rgyal po la phyag 'tshalo// 'di skad bdag gi thos pa dus gcig na/ he ru ka'i gnas bcun bzhugs shing / dur khrod chen po'i gnas brgyad na spyod pa ni/ dus gsum gyis sangs rgyas bcom ldan 'das/ rnam pa thams cad mkhyen pa'i bde bar gshegs pa rnams// gdul bya gdug pa can la sku khro bar bstan pa ni/ bcom ldan 'das dpal kun bzang he ru ka ni/ 'bar ba chen po'i zhal dgu la/ dbus gyis zhal mthing nag du gnas pa/ g.yos rmug nag/ g.yas kyi tha ma ser nag/ g.yon dang po