rdzogs pa chen po kun tu bzang po ye shes gsal bar ston pa'i rgyud ces bya ba
Sinṅhamahasamantabhadra jñanayetantranama
Text
ff. 23b–29a · 12 folio sides
- 23b
dmyal ba chen por ltung // de phyir shin tu gsang bar bya// de tshe nges don yang snying 'di// gu lang gser bzhin mi nus tsam// snron ldan 'ga' la bstan pa las// snang dgu kun gyi spyod yul min// 'khor rnams nges ba de ltar zhog/ kun tu bzang po ye shes klong gi rgyud las// 'khor rnams la rgyud gtad pa'i le'u ste so bdun pa'o// / rdzogs pa chen po ye shes klong gi rgyud zhes bya ba// des don 'dus pa'i yang snying zhes kyang bya// rin po che gser gyi yang zhun zhes kyang bya// thugs kyi nying khu zhes kyang bya// rin po che gser gyi 'dril shing can zhes kyang bya ba 'di rdzogs so// / rgya gar gyi mkhan po bi mA la mi tras// bod du bsnams nas byon te// myang ting nge 'dzin la bstan pa'o// des dbu ru bzod phug mo'i brag la sbas nas// 'brom ye shes bla ma'i snying pos gton nas/ myang dbang phyug rgya mtsho la bshad// des myang shes rab mchog la bshad// des shangs pa lce chung pa la bshad do// @#/ kun tu bzang po ye shes gsal bar ston pa'i rgyud bzhugs// rgya gar skad du/ sin+d+hu ma hA sa man+ta b+ha dra/ dz+nyA na ye tan+t+ra nA mkhod skad du/ rdzogs pa chen po kun tu bzang po ye shes gsal bar ston pa'i rgyud ces bya ba// bcom ldan 'das kun tu bzang po mnyam pa chos sku la phyag 'tshalo// 'di skad bdag gis thos pa'i dus cig na/ bcom ldan 'das dpal kun tu bzang po gsang ba mchog gi bdag pa// dus gsum ma lus lus pa med pa'i ngo bo// sku gsum gyi rang bzhin/ ye shes lnga'i bdag nyid can// rol pa'i
- 24a
rdzu 'phrul la mnga' brnyes pa de nyid don chos nyid skye ba med pa las// rtags 'gag pa med pa cho 'phrul gyi skur bzhug so// de yang 'og min gyi gnas gsang ba mchog gi dkyil 'khor chen po dus gsum gyis rgyal ba rnams gshegs pa'i bzhugs gnas te// bzhugs par gyur pa'i gnas/ dbyings dang kha dog tha dad cing ngo bo nyid kyi gcig pa de/ de dag dbyings la ye shes gsal ba'i gzhal yas kyang khyab par brdal ba chen po na/ 'khor rdo rje 'dzin pa dang / 'khor lo 'dzin pa dang / rin chen 'dzin pa dang / pad+ma 'dzin pa dang / rgya gram 'dzin pa la sogs pa yang / til mar bzhin du khyab par gnaso// de'i tshe de'i dus na rdo rje 'dzin pa la sangs rgyas kun gyi zhu ba por bka' sgo ste// thabs gcig tu bzhugaso// rdzogs pa chen po kun tu bzang po ye shes gsal bar ston pa'i rgyud las/ gleng bzhi'i le'u ste dang po'o// // de nas bcom ldan 'das dpal gsang ba mchog gi bdag po de/ dus gsum dang 'khor ba dang mya ngan las 'das pa'i chos thams cad la/ rdzu 'phrul gyi spyan gyis kun la khyab par gzigs so// de bzhin du gzigs pa'i thams cad byang chub sems kyi mtha' chos nyid stong gsal chen po'i rang bzhin/ smra bsam las 'das pa'i de bzhin nyid de kho na'i ting nge 'dzin la snyoms par bzhugs so// de nas rdo rje 'dzin pas rang gi bstan las langs te 'di skad gsol to// kye kye bcom ldan 'das gsang ba mchog gi bdag nyid kyi ye shes gsal ba'i don stong gsal chen po'i bdag
- 24b
nyid de/ rims bdag 'dud bshad du gsal// ces gsol bas/ bcom ldan 'das dpal kun tu bzang pos gsang ba mchog gi bdag po la bka' stsal pa/ nyon cig rdo rje 'dzin pa khyod// gus par nyon la yid la bzung // chos nyid ye shes gsal ba ni// kun gyi rtsa ba sems nyid de// rtsa ba de'i don rtog na// lta ba ma 'gag sems nyid namakha' yin// sgom pa ma 'gag sems nyid yul med gsal spyod pa ma 'gag sems nyid rgya mtsho'i 'bying // 'bras bu sku gsum ye shes lnga'i// de nyid ma rtogs 'khor bar snang // zhes gsungs so// kun tu bzang po ye shes gsal bar ston pa'i rgyud las// gleng blang nas lan gsungs pa'i le'u ste gnyis pa'o// / de nas yang bcom ldan 'das dpal kun tu bzang po des// rdo rje 'dzin pa la sogs pa rig lnga'i sangs rgyas la bka' stsal pa/ sems nyid rtogs dang ma rtog las// 'khor ba dang ni mya ngan 'das// gzhi ni stong gsal ming ma thogs// gang du ma grub ga bur tshul// mnyam pa nyid kyi rang bzhin la// mtshan ma rang sar grol ba yis// stong gsal ngang du sangs rgyas te// sku gsum zhing khams dag tu snang // ma rtog 'khrul pa'i shes pa de// kun gzhi'i 'od kyi khang bu nas// ma rig pa yis 'khrul pa ni// dran pa phra mo rgyun byung // nas// 'gyu ba dran pas ngar 'dzin byung // ngar 'dzin byung bas 'khor bar 'khyam// mang ma thogs kyi dbyings dag nas// 'char sgo rnam pa gnyisu 'byung // de yang ma rig ye shes te// ma rag
- 25a
ye shes tha dad med// so sor phye ba rnam pa tsam// ma rtog pa la lam du cig/ rtog na byang chub chen po'i lam// zhes bka' stsal to// rdzogs pa chen po kun tu bzang po ye shes gsal bar ston pa'i rgyud las// 'khor 'das dgyes pa'i lugs bstan pa'i le'u ste gsum pa'o// // de nas yang rdo rje 'dzin pas gsol/ pa// de ltar gsungs pa'i don de las// ming ma thogs kyi gzhi nyid nas// 'char sgo gnyis su 'byung ba yang // gzhi la 'khrul pa'i mtshan nyid de// gzhi la 'khrul pa 'khrul ma grub// 'thun pa'i dpe ni ci yis mtshon// 'khrul pa rtsad nas ji ltar bcang // ces gsol bas// kun bzang nyid kyi bka' stsal pa// gzhi la nges pa chos sku ste// 'khrul pa snying rtog blo bur yin// de na 'khrul pa gzhi la yang // gdod nas ma grub blo bur yin// gzhi ni rig pa'i rgyu yin/ te/ 'khrul pa rnam rtog du ma bur snang dper na mig rgyur thag mthong gzhi// tho yor mi ru 'dzin bzhin no// 'khrul pa rtsad nas gcad pa ni// lha sgom spyod pa'i rim pa yis// 'khrul pa log ste 'bras bu yang / sku gsum ye shes sngar ldan 'gyur// ces gsungs so// rdzogs pa chen po kun tu bzang po ye shes gsal bar ston pa'i rgyud las// 'khrul pa zlog thabs kyi le'u ste bzhi pa'o// / de nas gzhan yang bka' stsal pa// lta sgom spyod pa'i rim pa yang // lta ba dbyer med rang grol te// khyud chen na mkha' lding ba 'dra// de yang ji ltar 'dug ce na// snang srid nges med phyir na sems// sems la ngos bzung
- 25b
med pa'o// de nyid 'dzin med rang shar du// rang gis grol te bla las 'das// lta ba de nyid mi ldan ma// bya sgo rlung gi khyer dang mtshungs// tshig tu ma song don dang sbyar// sgom pa 'dzin med rang gsal te// gar sbyin spangs ma chags pa 'dra// bram ze skud pa mkhal pa bzhin// shes pa klod la gar bdar bzhag/ sgom pa de ltar ma ldan na// lag rtum brag la 'dzeg pa 'dra// mnyam bzhag dang ni rjes thob mid// de ltar gyur na sgom pa'i mchog/ bying rmug rgod pa'i dgra byung yang // rang gi de nyid shes pas se la// ces gsungs so// rdzogs pa chen po kun tu bzang po ye shes gsal bar ston pa'i rgyud las// lta bsgom bstan pa'i le'u ste lnga pa'o// / de nas spyod pa bshang bya ste// spyod pa rang byung lhug pa ste// bi shwa karma'i gzo dang 'dra// tshul chos med pa'i rang nyid de// thabs dang shes rab 'thun par bya// spyod pa de dang ma ldan na// chus long brag la 'dzeg dang 'thun// ji bzhin pa'i lta ba la// ji bzhin pa'i blo bzhag ste// de'i ngang las ma yengs pa// sangs rgyas sa la gnas pa yin// ces gsungs so// rdzogs pa chen po kun tu bzang po ye shes gsal bar ston pa'i rgyud las// spyod pa'i man ngag bstan pa'i le'u ste drug pa'o// // de ltar gsang ba mchog gi bdag pos bka' stsal pa// rigs lnga'i sangs rgyas kyis// bcom ldan 'das la rang sems kyis rtogs tshar 'di smos// e ma bde gshegs bcom ldan 'das// sangs rgyas kun gyi byang chub sems// tshigs dang yi ge'i spyod yul min// gdod nas ma skyes rtog pa'i
- 26a
gnas med do// zhes rdo rje 'dzin pas smras so// e ma chos sku stong pa'i bdag/ rang gi ngo bo brjod du med// brjod med de ni sna tshogs pa'i// chos rnams kun la khyab par gnas// zhes 'khor lo 'dzin pas smras so// e ma mnyam nyid byang chub sems// ming du btags pa'i chos rnams kun// mnyam pa nyid la gnas bcas phyir// mnyam pa nyid las gzhan med do// zhes rin chen 'dzin pas smraso// e ma chos rnams snang ba thams cad kun// rang gi ngo bo yul las 'das// de nyid byang chub sems nyid ni// mkhas pas sgom na rtog par 'gyur// zhes pad+ma 'dzin pas smras so// e ma chos sku sems nyid do// nges pa med de dngos rtogs bral// de nyid dag pa'i rang bzhin te// mkhas pas cir dgar sgom na 'grub// ces rgya gram 'dzin pas smra so// de nas dpal gsang ba mchog gi bdag pos bka' stsal pa// rang gi ye shes gsal ba yis// nga nyid rtog pa shin tu legs// phyogs bcu 'jig rten gang nas kyang // sangs rgyas snyed par mi 'gyur ro// sems nyid rtog pas sangs rgyas mchog/ ces gsungaso// rdzogs pa chen po kun tu bzang po ye shes gsal bar ston pa'i rgyud las/ byin gyis brlabs kyis 'khor rnams rang rang gi rtogs tshad phul ba'i le'u ste bdun pa'o// // de nas rdo rje 'dzin pas yang gsol pa// kye kye bcom ldan 'das rdo rje 'chang // lta bsgom spyod pa de dag las// 'bras bu'i rim pa ji ltar lags// de dag sgom pa'i rnal 'byor pa'i// 'chi ka'i rtag dang bar ngo'i dus// rim pas bdag la bshad du
- 26b
gsol// nyon cig dpal ldan rdo rje 'dzin// ma 'ongs pa yi don ched du// khyod kyi don zhus la mtshan che// gus par rab tu nyon la bzung // 'bras bu sku lnga ye shes lnga// chos sku stong gsal zung du 'jug/ long sku bde chen rdo rje 'chang // sbrul skus 'gro ba rigs drug 'dul// ye shes lnga yang yon tan cha nas ldan// de nyid rang gi sems nyid de// logs nas 'byung ba ma yin no// 'i tshe stag rim pa bstan pa ni// nyams len rnal 'byor nyid kyis rtag/ sa ni chu la thim pa yis// lus ni mi theg ldang mi nus// chu nyid me la thim dus su// kha sna bskam te sha bkrag shor// me nyid rlung la thim dus su// lus kyi drod dag yal par 'gyur// rlung ni rnam par shes pa la thim pa'i tshe// dbugs bdud mi shes rngam pa rtseg/ de yi dusu dran pa bskyed// de nas dbugs ni chad pa dang // rnam shes snang ba dag la thim// snang ba mchod pa dag la thim// mched pa thob pa dag la thim// thob pa cho ga sku dag la thim// de'i dusu chos sku de// shin tu gsal la ngos bzung bral// stong gsal 'dzin med rang shar de// ngo yis zin pas mngon shes drug/ shar nas rig pa'i dbang mchog tho ba// man ngag gdam pa ldan gyur na// de ni sangs rgyas sa la gnas// bcu bzhi spyir chi ba sa yang non// bgrod du med pa'i lam mchog yin// gal te stong gsal ma zin cing // 'gyur ba byung na 'gro drug du// rang gi las kyi lus len te// 'khor ba'i mtha' la zad pa med// ces gsung so// rdzogs pa chen po kun tu bzang po ye shes gsal bar ston pa'i rgyud
- 27a
las / phyi rabs rnal 'byor pa 'chi rtags bstan pa'i rgyud le'u ste brgyad pa'o// // de nas rdo rje 'dzin pas gsol pa// kye kye rdo rje gsang mchog bdag/ stong gsal rig pa'i ye shes des ngo yis bzung na ji ltar bzung // de nyid la ni gang du zla// zhes gsol bas/ bcom ldan 'das gsang ba'i bdag po mchog gis bka' stsal pa// stong gsal rig pa chen po de// sku gzhi gnyis kyis dngos bzung ba// de nyid don gyi kun gzhi dang // sbyor ba rkyen gyi kun gzhi gnyis// sbyor ba rkyen gyi kun gzhi ni// sems can thams cad yin pa ste// sngar gyi bag chags ngag dang ni// phyis kyis nyon mongs rnam par dag/ dper na sa drang chu 'dres la// snyom par 'dzin pa dag dang mthun// de gsum dag dang chos skur 'brel// de ni chos skam yin te// ye nyid don gyi kun gzhi ni// chu ma rnyogs na dngas pa bzhin/ bag chags rtog/ pa nyon mongs kyis// ma slad ba yi shes pa de// 'dzin med rang shar chos kyi sku// shes pa rang lugs blod byas pas// shes pa dngas sangs bde ba la// ma zhen rtog pa'i zug rngu med// dben pa'i gnasu mthun gcad la// dang po kho nar sgom par bya// de la ngang gis gnas par bya// sgo lnga gsal la 'dzin pa med// de yi ngang la gnas par bya// de nas brtan par gyur pa dang // yul gyi snang ba thams cad kun// ltar snang bun ne long nge tsam// de yi ngang du gnas tsam na// 'jam thugs pa'i rnal 'byor bde// de la sgom du ga la yod// ye shes 'gyu ba ma zin na// sgom kyang bsgom par ga la 'gyur// ma sgom rang gom/
- 27b
byung tsam na/ sgom du med pa'i sgom pa yin// de nyid gdeng du gyur pa yin// lta ru med pa'i lta ba yin// de nyid dang du gnas pa yin// sbyang du med pa'i spyod pa yin// de ltar rtog na sangs rgyas yin// zhes gsung so/ rdzogs pa chen po kun tu bzang po ye shes gsal bar ston par rgyud las// khyad par du ye shes ngos bzung bar bstan pa'i le'u ste dgu pa'o// // de nas gzhan yang bshad kyi nyon// de nyid la zla'i rim pa ni// sangs rgyas sa la gnas 'dod na// zung 'jug nyid du la chen zla// stong gsal ngang la gnas tsam na// snying rje ngang gis byung ba ni// stong pa snying rje zung 'jug yin// de nyid 'dzin med rang shar du// gnas na bde stong zung 'jug yin// gsal ba dang ni stong pa dag/ gnyisu med na zung 'jug yin/ lta ba dang ni spyod pa dag/ gnyis med zung 'jug nyid du zla// thabs dang shes rab bzung du 'jug/ ma zhen blo las 'das pa na// rigs pa stong gsal bde ba la// snang ba 'dzin med rang shar nas// gnyis med bde ba chen po la// thun du bshad la sgom du med// bar bar sems kyis bya ra bya/ bAr ba la ngos bzung med// de yi ngang la gnas pa de// mtha' dbus med pa'i dgongs pa de// gang yang snang ba chos kyi sku// gang myong rig pa longs sku yin// sna tshogs shar ba sprul sku yin// de gsum dbyer med rdo rje'i sku// snang ba sku la grag pa gsungs// dran rtog thugs kyi 'khor lo yin// bgrod du med pas sa chen non// zhes gsung so// rdzogs pa chen po kun tu bzang po ye shes gsal bar
- 28a
ston pa'i rgyud las// la zla'i le'u ste bcu pa'o// // de nas gzhan yang gus par nyon// rdzogs pa chen po man ngag dam pa 'di// theg pa kun las khyad par 'phags// kun gyi dngos gzhir shar bas na// lta ba khyad par 'phags pa ni// 'dzin med rang shar zung 'jug yin// sgom pa khyad par 'phags pa ni// rig pa yul med blo las 'das// spyod pa rang 'byung lhug pa'i pang // kun las khyad 'phags bsam mi khyab// 'bras bu khyad 'phags dbyer med sku// lam ni khyad 'phags bgrod du med// sa las khyad 'phags tho ba med pa// rang byung ye shes blo las gro la// 'di ltar sna/ ba'i sems nyid de// sems las log pa rdul yang med// phyi yi sgro 'dogs chos pa yin// de dag 'dzin med rang shar las// sems ni kha dog dbyibs dang bral// rtag pa ma yin dngos po med// chad pa ma yin rig cing gsal// nang gi sgro 'dogs chod pa yin// stong pa gsal la dbyer med la// zung 'jug bde ba chos sku ste// gsang ba'i sgo dogs chod pa yin// de dag 'dzin med par shar bas// blo'i spyod pa dag las 'das// rang byung ye shes btsal med pas// mthar thugs sgro 'dogs chod pa yin// de ni khyad par lta ba'i don// de yi dang la gnas pa ni// sgom pa khyad 'phags don nyid yin// de'i dong du ma yengs shing // gar bder rig pa gnas pa ni// spyod pa khyad par 'phags pa yin// de yi don nyid nar son pa// 'bras bu khyad par 'phags pa yin// de la bgrod dang thob du med// lam
- 28b
dang sa'i khyad 'phags yin// 'di ni lam mchog dam pa ste// ri phran thams cad lta 'dod na// ri bo nyid la lta ba bzhi/ theg pa 'og ma shes 'dod na// a ti'i yo ga'i don la lta// zhes gsungs so// / rdzogs pa chen po ye shes gsal bar ston pa'i rgyud las// khyad 'phags kyi le'u ste bcu gcig pa'o// / de nas dpal kun tu bzang po chos kyi sku des 'khor rnams la bka' stsal pa/ nga'i rgyud 'di ni rgyud thams cad las khyad par du gyur pa yin te// de ci'i phyir zhe na/ log pa'i lam ni rtag chad du zhen la// nyan thos dang a nu yo gA man chad kyang // phyogs gcig tu shor te/ sangs rgyas kyi dgongs pa 'gal te// rgyud 'di ni stong gsal bde ba chen po// dus gsum gyi sangs rgyas thams cad kyi dgongs pa 'di ni dril nas cig tu dril ba yin pas// kun tu bzang po ye shes gsal bar ston pa'i rgyud ces bya bar zung shig/ nga'i rgyud 'di ni rtags tsam 'dzin pa'i dusu gang zag bskal ba dang ldan pa rnams kyis spyod par 'gyur ro// de yang rgyud 'di ston pa'i dusu ma 'ongs pa'i rnal 'byor rnams kyis rig pa rtsal gyis dbang gsum bskur la dam tshig la gnas par bya'o// zhes bka' stsal pa dang / rdo rje 'dzin pa la sogs pa yi rangs te// rang gi 'od gsal chen po'i don rtogs na/ sku gsum ye shes lnga yi ngang du sangs rgyas par gyur to// de ltar rtog nas dpal rdo rje 'chang la sogs 'khor rnams kyis rdo rje'i tshig tu bstod pa ni/ e ma'o// bdud bcom yon tan ldan// mtsha
- 29a
ma'i dngos po kun las 'das// stong gsal bde ba'i bdag nyid can// thams cad mkhyen la dad pas bstod// ces rdo rje'i tshig gis bstod par gyur to// rdzogs pa chen po kun tu bzang po ye shes gsal bar ston pa'i rgyud las// rgyud yongasu bzung ba'i le'u ste bcu gnyis pa'o// // dus gsum sangs rgyas thams cad kyis dgongs pa cig tu dril ba'i rgyud zhes bya ba rdzogs so// // gu ru shrI sing ha pra b+ha dang gnub sangs rgyas ye shes kyi bsgyur ba'o// ye shes gsal bar ston pa'i rgyud phyi ma bzhugs/ @#// rgya gar skad du/ ma hA sin+d+hu dz+nyA na b+ha sa man+ta/ dz+nyA na pra b+ha di sha ut+ta tan+ta na ma/ bod skad du/ rdzogs pa chen po kun tu bzang po ye shes gsal bar ston pa'i rgyud phyi ma zhes bya ba/ bcom ldan 'das dpal kun tu bzang po rdo rje 'chang gis sangs rgyas chen po la phyag 'tshalo// 'di skad bdag gis thos pa'i dus cig na/ bcom ldan 'das rdo rje 'chang gi sangs rgyas kun tu bzang po nyid/ chos kyi dbyings kyi pho brang na/ rdo rje 'dzin pa la sogs pa rigs lnga'i sangs rgyas rnams dang cig tu stong gsal chen po ting nge 'dzin tu bzhugaso// de nas rdo rje 'dzin pas gsol pa/ kye bcom ldan bde mchog kun tu bzang po/ nyid kyi stong gsal bshad du gsol/ de skad gsol pa gsan nas kyang / kun tu bzang pos bka' stsal pa// stong gsal rig pa bshad kyis nyon/ de yang gzhi las 'bras bu'i tshul// gcig las snang tshul tha dad shar// so sor kha kar 'dong pa min/ gzhi nyid rtog pa stong