Q2151MW1KG13126_2151rgyud 'grelAll versions of this work

man ngag lus kyi dkyil 'khor gyi mngon par rtogs pa

Text

ff. 263a–264a · 3 folio sides

  1. 263a

    sems// bsam du med pa'i rang bzhin phyir// ci yang bsam par mi bya'o// sems ni stong nyid la gzhug cing // stong pa sems su rnam gzhug bya// snong dang stong min la sogs pa// kun tog rab grangs mkha' mnyam 'gyur// rten dang brten pa yod min dang // dpe med bzhi ni yod ma yin// de nyid lnga pa rdzogs rim ni// zad med lhan cig skyes pa ni// shing dang tsher ma sdug ma sogs// khams gsum rgyu dang mi rgyur bcas// de bzhin bdag gi de nyid dang // rjes su mthun pa mdor bsgom bya// ngo bo nyid kyi bsgom byed kyang // de rtogs par ni byed ma yin// gal te de ni kun rtogs na// 'gro ba'i sdod pa 'jigs par 'gyur// rnal 'byong gnyid dang ldan pa yi// rdzogs pa'i sangs rgyas 'di rtogs mdzad// des na rang 'byung rang nyid ni// rdzogs sangs rgyas zhes brjod pa yin// mtha' bzhi las ni grol ba yin// dus gsum sangs rgyas rang bzhin nyid// sgom pa de ni ring po nyid// mi thogs rdo rje sems dpar 'gyur// dpal 'khor lo sdom pa'i rim pa lnga pa/ slob dpon chen po mkhas pa rdo rje dril bu pas mdzad pa rdzogs so// / rgya gar gyi pan+ti ta kriSh+Na ba dang / dge slong tshul khrims rgyal bas bsgyur/ gyis bla ma su ma ti kIrti dang / dge slong blo ldan shes rab kyis bcos pa'o// dpal po mthing ba'i rgyud pa ma nor ba'i bshad pa'o// // dpalan ma ma rnam pa'i rim pa'i khril pa grags/ @#// tha ma dam pa rnams la phyag 'tshal lo// dpal ldan 'khor lo sdom pa yi// rnal 'byor lus kyi dkyil 'khor ni// sems can rang bzhin yongs shes shing // rdzogs pa'i las la 'jug rnams la'o// dang po tshogs pa kun ldan pas// bla med do//

  2. 263b

    'byung dga' bas kal// bzhi yis nyer bskul zhal bzhi pa// bdud 'dul dpa' bo chen po bzhengs// khrus byas bde ba'i stan la gnas// ri lu khar bcug nying ka trAM// sngon po'i 'od kyis rang lus byung / pa spu la spos kha dog lngas// 'gro kun lus sbyang sgo gsum dag/ sprin 'dri'i 'od kyis rang mdun du// mkha' la bla ma'i 'khor lo dang // phyogs dbang mig gi lha rnams ni// gsal gdab rten dang brten par byas// phyag dang mchod sogs byas nas ni// mdzod spu'i gnas nas dang lus bzhug/ lus la rten dang brten pa yi// 'khor lo gsal gdab nye bar dmigs// rtog dang spros pa dga' 'gyur na// chos kyi 'khor lor 'dab ma bzhi// mdog gsal hU~M las lte ba ru// thabs dang shes rab bdag nyid bsam// phyogs 'dab rigs kyi sa bon las// snying po'i rnal 'byor ma bzhi bskyed// steng 'og lus kyi cha shas la// pudzA la sogs nyi shu bzhis// 'khor lo gsum gyi bdag nyid dran// chos 'khor phyi yi 'dab brgyad la// ring po'i hUM las khro mo brgyad// de ltar lha rnams thams cad ni// me long nang gi gzugs brnyan bzhin// phyi yi dkyil 'khor lta bur dmigs// mi gsal rtsa yig thams cad la// dag pa'i lha nyid mos shing dran// phyag rgya sngags kyi don ldan pas// ye shes spyan drang legs mchod nas// yi ge bzhi yis rang gnas 'jug/ gnas gsum byin brlabs go cha bcing // sangs rgyas dpa' bo rnal 'byor ma// thams cad nam mkhar nyer dmigs te// dbang bskur yid kyis/ gsol ba gdab// bdud rtsis dbang bskur thams cad la// rdo rje mtshan ma 'dzin pa'o// gtso bo ma zhi khro mo dang // sku gsung thugs kyi 'khor lo la// mi bskyod rin chen don yod dang // rtag pa gar

  3. 264a

    dbang thugs rdo rjes// rim pa bzhin du spyi bor mtshan// bsdus lam bsdus pa'i dbu rgyan nyid// de nas sngags rnams rim gyis mchod// bdud rtsis nye bar tshim byas nas// dgyes pa bsngags kyi sgra byung bsam// bdud rtsi myangs la bstod chen bya// lha rnams rang gnas thim byas te// bsam gtan chen po las kyi lam// rdzogs pa'i rim pa legs gnas bya// de nas gtor ma'i las rim dang // smon lam btab ste ldang bar bya// slob dpon chen po rdo rje dril bu pa'i man ngag lus kyi dkyil 'khor gyi mngon par rtogs pa rdzogs so// // rgya gar skad du shA tsikra sa~M ba ra pany+tsa kra ma br-it+ti/ bod skad du/ dpal 'khor lo sdom pa'i rim pa lnga pa'i 'grel pa/ dpal 'khor lo sdom pa la phyag 'tshal lo// snying ga'i hUM las 'od zer spros la/ a ban+d+haSh+T+ri nas gre bar byung nas sna bug g.yas pa nas byung ste sa la babs pa tsam gyis hUM du gyur te/ hUM zhu ba las sna tshogs rdo rje dbus dang / shar dang / byang dang / nub dang / lho ske rim bzhin du mthing ga dang sngon po dang / ljang gu dang / dmar po dang / ser po'i rdo rje rtse mo lnga ru gyur par bsgom mo// de las 'od zer phyogs bzhir byung bar bsams nas/ shar dang byang dang nub dang / lhor rim pa bzhin du rdo rje rtse mo lnga pa sngon po dang / ljang gu dang / dmar po dang / ser po'i thams pas rlung yang mi thar par gyur par bsam mo// rdo rje de dag gi rtse mo las 'od 'phros pas shar phyogs dang / byang phyogs dang / nub phyogs dang / lho phyogs kyi steng gi cha rdo rje rtse lnga pa sngon po dang / ljang gu dang / dmar po dang ser po'i thams pas mig mangs rigs su gnas pas rlung yang mi thar bar gyur par bsams te/ de ni rdo rje'i gur ro// sna tshogs rdo rje'i dbus

Colophon

slob dpon chen po rdo rje dril bu pa'i man ngag lus kyi dkyil 'khor gyi mngon par rtogs pa rdzogs so/