Untitled work
Text
ff. 186a–187b · 4 folio sides
- 186a
ba'i slob dpon rin chen te// rin thang dpag tu med pa'i rin gyis slu bar 'os// rtsal chen sprugs pa rdzogas+ho// / byang chub kyi sems khyung chen banugs/ bcom ldan 'das 'jam pa'i dbyangs la phyag 'tshalo// mi gnas dmigs pa'i yul med mi rtog chos kyi lam// bsngo ba'i ma shas phra ba'i yul las byung ba ste// rtog sgom chos kyi sku ni khyad par don med pas// rang byung ye shes mi rtog kun tu ji bzhin gnas/ bya bral yul la mi gnas gnyen pos bcosu med// yan lag chos kyi dbang gis snying po yul tshol zhing // rnam pa cir yang mi rtog thabs kyis de la rol// snying po rang bzhin 'byung bas chos sku gzhan na med// rdul phran gcig las brtsegs shing phyogs bcu kun dang bral// mi gnas don nyid legs pa'i ye shes rang byung ste// mngon sum kun tu mi rtog yangs pa'i snying po la// rnam dag lam 'dir ro zhugs pas mnyam pa'i rgyal po thob// mi 'gyur 'gyur ba med pas chags pa'i gnas med// de bzhin bzung ba'i yul sed chos kyi gnas kyang med mngon sum thob par 'dod pas rgyu la rtag tu bsgom// sgom chags bde ba de la mnyam pa'i don mi 'byung // sku gcig kun tu khyab pas bsnun pa'i chos med// mtha' la thug pa med cing dbyings la bri ba med chos nyid rol pas lhag pa'i gnas ming // rang byung che ba'i yul la kun tu ji bzhin gnas// ngo mtshar mthong ba'i yul med de la mthong ba'i dmigs/ gang la thob par mi rigs pa rnyed pa kun dang bral// chos
- 186b
dang chos nyid rtag tu 'dres shing dbyer med la/ don dam chos zhes lhag par bshad pa med// 'khrul dang byang chub lam ste rtog pas thob pa med/ rang byung ye shes nyid kyang tshig mtha' dang bral// ye nas sangs rgyas bdag nyid mngon sum gnas pa la// sgrib ma gzugs kyi dpe bzhin de la rtog pa 'byung // med de med pa ma yin med pa'i snying po 'byung // stong ste skyeng pa ma yin pa'i yul la gnas// nam mkha'i rang bzhin de la 'byung ba'i dran pa skyes/ bya bral zin pa'i bde ba 'dod pa med pas len// bza' ba'i yul med las ye shes 'byung bar rtsom// sngon gyi drang srong rje su sgom pa'i yid kyang 'jog/ rang bzhin lam ste 'khrul pas thams cad mkhyen pa med// ji bzhin pa zhes rnam rtog ji bzhin rtag sgom pa// bde ba chen po 'dod pas chags pas nang yin te/ mi g.yo rang bzhin gnas pa'i sman chen ma byas na// mtho ris bgrod pa'i rgyu des nyon mongs zin par 'gyur// lam med lam du 'jug pa rnams kyi nad che ba// phyin par 'dod pas ri dwags smigs rgyu snyeg pa 'dra// snyed pa'i yul med 'jig rten gsum las yongs mi 'byung // sa bcur ltos pa'i gnas kyang byang chub sgrib pa yin// shin tu myur ba'i ye shes bsam pa kun dang bral// bshes gnyen kun las 'byung ba'i nor bu rin chen bzhin/ dmigs pa med cing 'gyur ba med pa'i gnas la mi ltos par// rang gi rang ba zhin legs pas re ba thams cad skong // brtags na med la gzhan na sna tshogs 'byung ba'i legs pa che// dngos su mi snang chags pa'i cha lugs kun la ston// bdag dang
- 187a
gzhan du bral ba'i ston mkhan rin chen mdzod// thams cad grub pa'i yul zhes bdag med snying rjes bstan// nang nas ma g.yos nang du rtsal ba'i yul med// yul phyir chags shing yul la bsngo ba'i dmigs pa med// mi 'byung mi 'byung bdag med snying rje yin na// gzhan gyi nor min mi 'ong ye nas gnas pa yin// bde ba 'dod pas bode la rgyab kyis phyogs// bde nges zin te bde bas bde ba 'tshol// byang chub 'khrul pas ye rngam chos la za// de lta'i yul can sangs rgyas mthong ba med// sangs rgyas med pas sangs rgyas ming yang med// sangs rgyas ston pas ming du brtags pas nor sangs rgyas gzhan na thob med nor ba'i lam// gzugs med chos kun bshad pa rdul tsam med// zin pas chags dang bral dang zhi/ dngos po me da dang rnam par spangs// bdud rtsi chen po'i rang bzhin la bza' ba'i thabs la rag pa med/ yang so che che'o chos chen po// chung ngu rnams kyi ge nyin po yin// che la dmigs pa'i cha snyams nas// chung ngu de rnams dmigs dang bral// gsung dang rgyas la dmigs dang snang sgyu mkhan ri mo'i rnam pa bzhin// 'byung 'jug ye shes bying dbugs kyis// de yi dbang las skye bar 'gyur// bta ngo bzhigo rang bzhin te/ 'dod pa myed cing len pa med// brod pa rdul tsam mi skye zhing khyod chen mamakha' ldings pa ltar// spro ba med cing bsdu ba mod/ stong par mi rtogs bza' ba med// bza' ba'i yul dang bral te re ngogs med// rgya mtsho bzhin du yi gnas la// chos rnams sna tshogs 'byung
- 187b
bar byed da/ yon tan na mkha'i mtha' dang mnyam// bsdu ba'i gnasu nges pa med// byang chub snying por de ma thag/ ting 'dzin rgyal po chen po 'byung // snang ba rgya mtsho chen po bzhin// mi rtog na mkha'i mkha' ltar yangs kun tu bzang po'i spyod yul la// skye zhing 'pho ba'i gnas med// rgyu rkyen yan log bcu gnyis po// skur pas btags pas bshad pa yin/ 'khrul pa rnams kyi sgo tsam du// mkhas pas de bzhin shes par gyis/ 'gro ba'i rgyud drug snang po yang / dang po'i lam du shes par gyis// 'dod spyod snying rjes brlal pas na/ gang du dga' bar byang chub spyod// shan pa sman 'tshong mtshams med lnga// kha na ma tho 'jig rten spong // yongs su rdzogs pa chos kyi rtsi// bde ba che las gzhan medado// rnam por mi rtog snying po 'di/ yongs kyi rgyud la sbas pa med// mi len byang chub spyod lam la// rnam pa kun tu rang bzhin gnas// yul thams cad la 'jug pa'i bsam gtan du bya ba/ rnam par mi rtog pa'i snying po/ man ngag 'di rnams kyang sems chos nyid du gyur pa rnams kyi rna bar rgyud pa// khyung chen lding ba rdzog so// rdo rje sems dpa' na mkha' che bzhugs// @#rgya gar skad du/ Ar+ya pad badz+ra sad tA/ bod skad du/ rdo rje sems dpa'i lto ba/ rdo rje sems dpa' na mkha' che/ kun bzang yangs pa chos kyi dbyings// rnam dag lam chen kun grol phyir/ mi skye mi 'gag cir mi dgos// byams pas don nyid rnams skyong phyir// rdo rje chen pos cir mi mdzad// che ba'i che ba zab mo yi// yon tan cir yang