rDzogs chen - Man ngag sde/Yang ti'i skorAll versions of this work

lta ba la shan chen po rin chen sgron ma rtsa ba'i rgyud

Dhis.ithitagramaharadnadipimulatantra

Text

ff. 12b–21a · 18 folio sides

  1. 12b

    dpes mtshon ma bkag rtsal zer ston// snang stong grags stong rig stong dbyingasu sbyong // yid rig gar yang mi 'gyur snying po ma la thim// thim rtags ma yin gdam pa'i thog rgyab pas// khams gsum 'gro drug nyon mongs dug lnga brlag/ mtsho klong gi rus sbal nor bu 'dud// dgongs pa mi 'gyur g.yo 'gul med pa'i klong // rus sbal mkhar gzhong bcug pas gar mi rtog/ ka dag dngos med rtogs pa gzhan na med// med las sna tshogs cad med cing yang snang // gcig ni ma grub stong nyid las byung dang sang nge// la med dngos med stong gsal rang gi ngangs// gting gsal 'od gsal cang med bya rtsal med// bsam med bsam gyis mi khyab mtshon tshig med// brtag med brtag dka' btsal med bzhag na gsal// ba/ skad tsam yin sgra bsam yul las 'das// ces gsung so// na mkha' 'brug sgrogs thog babs klong 'dus spyi rgyal brgya mdud kyi rgyud las/ rgyud kyi mtshon dpe bstan pa'i le'u ste bcu pa'o// // na mkha'i 'brug sgrogs thog babs klong 'jus spyi rgya la chu srin nor bu 'phrul gyi brgya mdud kyi rgyung rdzogs s+ho// // U rgyun gyi slob dpo byud+ma 'byung gnas dang / lo tsha bkab dpal rdzogs kyis bsgyur nas/ lha sbrus khri stong sde batshan lo gdapas paN+DI bo che'i gter du sbaso// po chun rdzu // / rgya gar skad du/ b+hI Shi Thi ta gra ma rdzing ngan ngi bi mu la tan tra khod skad du/ lta ba la shan chen po rin chen sgron ma rtsa ba'i rgyud/ ming ming mtha' las 'das pa'i gsang bdag chen po la phyag 'tsha'o// 'di skad bdag gis rtogs pa'i dus gcig ma/ ma byu' ba skyes mnyam pa chen po// chos dbyings rgya chang phyogs srung med pa/ rang bzhin gyis ming las 'das pa'i gnas na/ snying po rang thung blo las 'a/

  2. 13a

    pa'i ston pa gsang bdag chen po la/ rang gi rang bzhin gyi 'khor rnam pa gsum gyis bskor nas// thog ma mtha' gsum gyis phyogs ris dang bral ba'i dus// snang tshul thams cad blo 'das su ston pa/ ming med mtha' grol gyi bstan pa 'di bkod do// de'i tshe 'khor gyi nang nas rang gsal sems dpa'i rdo ston pa la zhus pa/ e ma ston pa gsang ba'i bdag po che// ming med mtha' grol blo 'das rang ngo 'di// ma rtogs gnyis 'dzin sgrub mthas bcing ba rnams// blo/ btags mthar 'dzin rang sar grol ba'i phyir// rgyu dang 'bras bu'i chos rnams la 'das pa'i// khyed 'phags don gyi rang bzhin yang tri gang // de yis gnyis 'dzin mtha' rnams ji ltar grol// ces zhu so// lta ba la shan chen po rin chen sgron ma rtsa ba'i rgyud las/ gleng gzhi'i le'u ste dang po'o// // de nas ston pa gsang ba'i bdag po ngo// chos thaMd dbyings las shar ste dbyingasu rang sar grol zhes bya ba'i ting nge 'dzin la snyoms pa zhug so// de la rang gsal sems dpa' rdos zhus pa ma byung ma skyes thog ma'i sngon rol na// ming med don gyi don sa gzhi ji lta bu/ ces zhus pas/ gsang bdag ston pa chen po ngas/ ting 'dzin de las bzhengs te/ bka' stsal pa/ ma byung ma skyes thog ma'i sngon rol na// sems nyid ting yangs don gyi gnas lugs ni// ming med shes med rtog med kun 'byung mdzod// mtha' ston snying po don gyi rang bzhin la// ma rig ye shes 'khrul dang ma 'khrul med// skyong las kun 'byung 'khrul rtogs sna tshogs dang // byung sar rang grol rang snang ye shes gnyis// snying po gzhi yi ngang du dbye gsal med// ngo bo kun bral thog mtha' dge sdig dang // mtha' dbus phyogs ris blang dor ming yang med// ji bzhin cang med dbyings las ma g.yos kyang // 'on kyang rang bzhin cing yang gsal bar

  3. 13b

    snang du chos kun rtsa ba dngos med byang chub sems// med las mi zad 'byung ba'i mchod chen po// rang bzhin ye nas ma bcos ting mthar yas// ngo bo cir yang ma yin blo las 'das// mtshan nyid tha dang bsam yas cing yang snang // gdas lugs ting yangs don gyi ngo bo la// chos can chos nyid mi phyed mnyam pa nyid// bden rdzun 'khrul pa rang grol zhe 'dod med// gsal dag zang thal rin chen sgron ma 'di// ngo bo cir yang ma grub na mkha' bzhin// rgyu las ma byung nam yang skye mi 'gyur// sa d+yas sen dbyer med ngo bo gcig/ gcig po bstan du med pa'i snying po nyid// snang stong rtag dang chang pa'i mtha' las grol// spang bya gnyen po blang dor dmigs 'dzin bral// rigs drug sen 'khrul pa'i rtog pa dang // dus gsum rgyal ba'i ye shes dgongs pa gcig/ snying po ming med don gyi ngo bor mnyam// mnyam dang mi mnyam nyid kyang mtshon brjod med// mtshon brjod yod med nyid kyang gting mtha' grol// ma byung ma skyes rang bzhin med par don// sems nyid ngo bo mkha' dang 'ja' ltar gnas// ji bzhin ma slad snying po kun gyi gzhi// ma phye mi phye 'gro 'ong med pa'i gnas// shes rgyu myong rig med pa'i dngos gzhi can// ma byung ma rtsal dmigs med dngos po mod// byar med chags pa med pa bde ba'i ngang // 'gyur med rang gnas klong chen tshigs las 'das// ces gsungaso// rin chen sgron ma rtsa ba'i rgyud las/ gnas lugs gtan la phab pa'i le'u ste gnyis pa'o// // de nas rang gsal sems dpa' rdo rje des// blo 'das gsang bdag ston pa la zhus pa// gnas lugs rang bzhin de ltar gnas pa las// 'gro drug seMn 'di dag ji ltar 'khrul// 'khrul pa'i ngo bo gang yin 'khrul tshul gang // de yi nyes pa gang lags bka' stsol cig/ ces zhus pas// gsang bdag

  4. 14a

    @don gyi ston pas bka' stsal pa/ gnas lugs mnyam pa'i ngang las 'khrul tshul ni// stong pa'i ngang las 'gyu ba rlung g.yos pas// de las rig pa rang sar shar ba la// yin nam ma yin snyam pa'i yid du nyong // skam byed 'dod pas semasu gsal bar 'gyus// gsal ba kha dog lnga ru snang ba la// 'od kyi dngos po de yi rkyen byas nas// med las yod byung rigs drug sems can rnams// snying po ming med rang ngo ma shes 'khrul// dper na rmus long mdun na gzugs snang 'dra ka med par yod snang dung la ser po bzhin// kun gzhi rnam par shes pas gzhi byas nas// tshogs bdun shes pa'i rtsal gyis rang ma shes// dper na rgan mo long ma'i mig dang 'dra// rtsa la dang rang ngo rang gi ma shes pas// gzhi las 'khrul dus lhan cig skyes pa las// lhan cig skyes pa'i ma rig pa zhes bya// de nas nga bdag bzung 'dzin phyi nang gzugs// shing gi srin bzhin khams gsum sdug bsngal myong // rang po rang gis ma shes bsgrib pa byung // rang las gzhan du brtsal bas gol sar lhung // rtsol bsgrub gnyis 'dzin rgyas pas 'khrul par rten// rnam rtog brtag chags gzung bzhin gol ba dang // dge med tshig la 'byams pa gol ba dang // grub mtha' blta ba bzung bas gol ba dang // spang blang spyod pa byas pas gol ba dang // bsgom chags nyams la zhen pas gol ba dang // blos byas 'bras bu bsgrubs pas gol ba yin// snying po ming med mtha' stong rtogs pa med// 'jig rten rgyu/ 'bras brtsol ba mthar 'byin pas// yang dag snying po ming med rgyang du 'phangs// cad med cing yang snang bas rkyen byas nas// rang rang 'dod pa'i don la zhen pa yis// yang dag don la 'khrugs pa rtogs par gzung // kun tu brtags pa'i

  5. 14b

    ma rig pa zhes bya// log rtog khams gsum se naM pa daM ni// dug gsum gnyis 'dzin nad kyis rab gzir nas// yun rings 'khor ba'i gnasu sdug bsngal myong // ces gsungaso// rin chen sgron ma rtsa ba'i rgyud las// san gyi 'khrul tshul bstan ba'i le'u ste gsum pa'o// // de nas rang gsal sems dpa' rdo rje des// blo 'das gsang bdag ston pa la zhus pa// de ltar ma rig 'khor ba'i sems can rnams// 'khrul tshul 'khor ba'i nyes pa de lta na// yang dag sangs rgyas po bo byung tshul gang // ces gsol bas/ blo 'das gsang bdag ston pas bka' stsal pa// ma byung ma skyes thog ma'i sngon rol na// ming med mnyam nyid phyogs lhung med pa las// rtsal gyi yan lag rtog pa'i zer 'phros kyang // 'phros ma/ rnyed gzhi yi klong du thim// gzhi nyid ngo shas rtogs pa'i gdang ldan pas// sngon thogs gzhi yi sangs rgyas zhes bya'o// dper na ga bur gzhi la gnyis med kyang // tshe grangs rkyen gyis sman du ga gnyisu snang // grang ba'i dug ngo shes na za mi srid du de bzhin gzhi yi ngang la kun byung bas// rtogs ma rtogs kyis 'khor 'das gnyis snang yang // ma rtogs 'khor ba rtogs pas gzhi shes nas// rtogs pa'i gdeng ldan 'khor bar 'khrul mi srid// de na spyi gzhi rgya che chad na yang // de nyid dong zhes sangs rgyas zhes bya ste// ma bu dbyer med ye sa byas pa'o// de las snang ba gsum gyi dkyil 'khor nas// rtsal zer snyan pa gsum gyi snang bas// 'dod pa'i 'bras bu 'char gzhi 'di bstan to// gsal byed ming med rin chen sgron ma 'di// snang tshul sku gsum 'gro ba kun don du// mdzad pa med pa'i thugs rje chen po snang // ces gsung so// rin chen sgron ma rtsa ba'i rgyud las/ sa byas kyi 'byung tshul gtan la dbab pa'i le'u ste bzhi pa'o// // de nas seMdang rdos yang zhus pa/

  6. 15a

    @sku gsum rgyu dang rang bzhin mtshan nyid dang // gzhi dang gnas dang gdul bya zhing khams dang // bstan pa gsungs tshul rgyud pa dgos ched gang // ces zhus pas/ blo 'das gsang bdag ston pas bka' stsal pa// chos sku'i rgyu ni kun gzhin nAM shes te// longs sku yid kyi rnam par shes las 'byung // sbrul sku sgo lnga'i rna shes de laso// chos sku'i rang bzhin snying po skye ba med// longs sku'i rang bzhin 'gag med g.yo ba med// sbrul sku gnyis med rgyun par bzhugs pa'o// chos sku'i mtshan nyid na mkha' lta bu la// longs sku sbrul sku 'ja' tshon chu zla 'dra// chos sku'i gnas ni dbyings nyid rno bar dag/ longs sku'i 'og min sbrul sku 'dzom gling kun// chos sku'i gzhi ni stong nyid ye shes la// longs sku'i gzhi ni mnyam nyid ye shes te// sod rtogs dang nan tan sbrul sku'i gzhi// chos sku'i gdul bya sku gsung thugs sprul la// rang rgyud 'brel pa'i 'khor rnams 'dul bar byed// longs sku'i gdul bya sku gsung thugs sprul la// rang rgyud 'brel ba'i 'khor rnams 'dul bar byed// longs sku'i gdul bya phyi nang gsang gsum las// don gyi gcig pa'i 'khor rnams 'dul bar byed// sbrul sku phyi 'khor nang 'khor gsum las ni// 'dod pas 'dul ba'i 'khor rnams 'dul bar byed// chos sku'i zhing khams na mkha'i mtha' gtugs par// long sku'i zhing khams 'og min gnas nas thod// 'dzam gling bye ba phrag rgya sbrul sku'o// chos sku'i bsten pa bskyed rdzogs rnam gsum ste// longs sku'i bstan pa phyi rgyud sde gsum yin// sbrul sku'i bstan pa mtshan nyid rnam gsum mo// chos skus byin rlabs longs sku'i ngo bos bshad// sbrul sku tshig gi sdebs kyi 'chad par byed// chos sku'i dgongs pa longs sku rigs pas rgyud// sbrul sku rna ba nas ni rna bar ro// ston pa sku gsum bstan pa'i dgos pa ni// gdul bya/

  7. 15b

    dbang po rab 'bring gsum 'dul ba'o// ces gsung so// rin chen sgron ma rtsa ba'i rgyud las/ sku gsum gtan la phab pa'i le'u ste lnga pa'o// / rang gsal rdzos ngas yang zhus pa/ ming med mtha' 'das ston pa gsang ba'i bdag yang ti la shan rin chen sgron ma 'di// sku gsum ston pa gsum gyi gsungs ma gsungs// gsungs na theg pa'i chos dang khyad par gang // ma gsungs ston pa bstan pa gang ci zhig/ blo 'das gsang bdag ston pas bka' stsal pa ma g.yos mnyam nyid ming med blo 'das las// kun 'byung rims rgyud 'khor lo gsum rim gyis// gsang ba'i rnam pa gcig tu shar nas ni// gsal ba'i 'od las kha dog rnam pa lnga// med las yod par gzung bas rig drug byung // mi zad gter mdzod kun 'byung rin po che// sku'i klong nas rang bzhin snang ba gsum// ston pa rnam gsum ngo bor shar nas ni// mos pa tha dad thugs rje drangs pa'i phyir// thabs kyi bye brag tha dad bsam yas pa// rgyu 'bras ma dgus bsdus pa'i chos rnams ni// snang tshul ston pa sku gsum rang byung nas// stong po rtogs par byed pa'i thabasu bstan// ming meng blo 'das grub pa'i mtha' rlag pa'i// snying po ngas don bla med yang te 'di// skra gsum ston pa'i bstan pa ma yin te// blo chos mtshan mas grol bar mi ston pas// chos 'dis la zla chen por nga yi bshad// sku gsum ston pa bstan par bcas pa rnams// ming med gting mtha' yas la mu mtha' grol// grub mtha'i 'dod pa grol bas khyad bar 'phags// dgag sgrub gnyis 'dzin mtha' stong ngo mtshar che// mtshon rdod blo yi yul du ma gyur kyang // tshig gi sgron mas blo ldan rnams la bstan// ces gsung so// rin chen sgron ma rtsa ba'i rgyud las/ chos dang theg pa las 'das par

  8. 16a

    la zla ba'i le'u ste drug pa'o// // de nas rang gsal sems dpa' rdo rje des// gsang bdag don gyi ston pa la zhus pa// theg pa'i chos rnams la zla shan bye'i phyir// kun btags rim dgu'i 'dod pa ji lta bu// las yang ti khyad par rang gis 'phags// ces zhus pas/ blo 'das ston pas 'khor la bka' stsal pa// theg pa rnams kyi 'dod pa du ma rnams// blo yi spros pa gcad phyir bstan par bya// nyan thos rang rgyal byang chub sems dpa' gsum// bden bzhi rten 'brel bden gnyis sgo nas 'jug/ kri yA u pa ya dang yo ga gsum// dag pa gsum dang phyag rgya bzhi nas 'jug/ nang pa skyed rdzogs gsum gyi 'jug sgo ni// ting 'dzin dbyings dang ye shes bka' tshogs bzhi de ltar theg pI rim pa 'dod pa ltar// tshad du 'jug pa'i ming med mu mtha' stongs// 'jug sgo mi dmigs ming med mu mtha' stongs// de ltar gnyis ka ming med mu mtha' stongs// gnyis med nyid kyang ming med mu mtha' stongs// nyan thos rang rgyal nyis rgyu lnga bcu bsrung // byang chub sems dpa' sdom pa nyi shu ste// kri yas rtsa ba yan lag gnyis sdom brgyad// yo ga'i rtsa ba yan lag gnyis sdoms bcu// rnal 'byor chen pos gnyis sdoms nyi brtsa / a nus dmigs pa bzhi yi dam tshig bsrung // a tis don gyi dam tshig rnam bzhi bsrungs// de ltar rim par bstan pa thaMd ni// bsrung bya bsrung byed bdag 'dzin ma log pas// bsrung nyams rtogs pa'i nad kyis tshig par 'gyur// yang ti rgyud chen rin chen sgron ma 'dir// de ltar bsrung ba ched du mi 'gegs ste// tshad du bsrung ba bsgrubs par mi byed pas// dgag sgrub gnyis med mthar stong snying po la// gnyis med nyid kyang ming med mu mtha' stongs// spyod pa nyan thos rab/

  9. 16b

    rgyal byang sems gsum// yon tan bcu gnyis rdzu 'phrul ya ma zung // pha rol phyin drug gzhan gyi don du spyong // kI ya u pa ya dang yo gA gsum// gtsang sbra 'phrin las bzhi dang cho 'phrul bzhi// ma hA a nu a ti nang pa gsum sbyor sgrol rdzogs longs ma bcos dang la spyod// de ltar rim par spyod pa'i rnam grangs rnams// ma rtogs blo can drang ba'i don du bstan// ming med ma rtogs ji ltar spyad kyang 'ching // brtsol bsgrub blang dor nad kyis rang tshig chad// yang tI la shan rin chen sgron ma 'dir// de ltar spyod pa'i ming med mu mtha' stongs// dgag bsgrub gnyis ka'i ming med mu mtha' stongs// gnyis med nyid kyang ming med dmigs mtha' stongs// bsgom pa nyan thos rang rgyal byang sems gsum// keng rus tshol bas dbang po'i sgo 'gegs pa// rten 'brel lugs 'byung lugs las bzlog pa dang // mnyam gzhag rjes thob rtog bcas rtog med bsgom// gsang sngags phyi ba kri a yog gsum// yan lag bcu gcig byang chub lnga rims kyis kA rim gsum rigs bzhi rigs lnga'i dkyil 'khor bsgom// nad pa ma hA a nu a ti gsum// ma hAs phung po khams dang skye mched rnams// lha dang lha mo'i ngal du bsgom par byed// a nus cho ga yan lag rnam gsum gyis// dam tshig ye shes gnyis med bsgom par byed// a tis bsgom du yod med rnam pa gnyis// bsgom yod 'gros gsum gyi lam spang zhing // skyon can rnam pa gsum gyis phreng bsal nas// dran rtogs kun bral lta ba'i ngang la 'jog/ bsgom med 'khor 'das gnyis med chos rnams kun// rang byung ye shes chos nyid rang yin pas// de la bsgom bya bsgom byed gnyis medo// ci yang bsgom du med par rdzogs par 'dod// snying po nges don bla med yang ti 'dir// gnyis

  10. 17a

    @'dzin blos byas bsgom pa ngas ma bstan// bsgom yong bsgom med gang yang blo rtog te// sgom pa'i ming du brtags pas bcings pa yin// cang med ma yin klong du cir snang gi/ yan lag bu dang chos nyid ngo sgra de du 'gyur med ngang du rang nyid rang thim pas// ma bsgom dran bsam skye med snying po'i don// gar yang rang grol 'dzin bral ngo bo nyid// chags bral mu med ting yangs snying po 'di// rtsol bsgrub gnyis 'dzin blo yis rtogs mi 'gyur// Dashes med gsal ba'i ngo bo 'khrul snang dag/ yid gnyis mtha' stongs brjod med gsung gis ni// blo 'das gting yangs gsang bdag dgongs pa ston// snying po mtha' stongs rin chen sgron ma 'dir// b+hai yod b+hai med mi 'dod mu mtha' stongs// gnyis ka ched du mi gshegs mu mtha' stongs// skyongs dang ma stongs ming med mu mtha' stongs// lta ba thog pa chung ngu nyan thos pas// phyi yi yul dang sems nyid snang ba la// sems ni bdag med yul ni phra rab rdul// rang rgyal yul gyi rgyu ni stongs pa la// sems ni rnam par rig byed ma yin no// sems tsam yul gyi rnam pa sems yin zhing // sems kyi ngo bo rang rig rang gsal 'dod// yul mi rnams pa cir snang rdzun pa la// sems ni// rig pa'i ngo bor bden par 'dod// dbu ma bden pa gnyisu phye nas ni// yul ni kun rdzob 'khrul pa'i snang ba la// sems ni don dam spros dang bral bar lta// kri ya kun rdzob snang ba rigs gsum lha// don dam pa'i chos nyid du lta'o// bas rigs bzhi'i ngal rang skye 'gag med// yo ga rigs lnga skye 'gag gnyis med lta// ma hAs snang stong thabs shes gnyis med la// a nus rgyu 'bras dbyings dang ye shes lha// a ti ka dag lhun grub nges med lta// ming med ting

  11. 17b

    mtha' yas pa'i ngo bo la// de ltar lta bar mang du brtags pas nor// lta bar ma skyes lta ba ma 'gag ste// lta ba gnyis med lta ba rang sar grol// nga yi yang ti rin chen sgron ma 'di// theg dgu'i lta ba mi bsgrub mu mtha' stongs// lta ba ched du mi 'gegs mu mtha' stongs// dgags bsgrub gnyis su ming med mu mtha' stongs// gnyis med mtha' grol ming med mu mtha' stongs// 'bras bu mtshan nyid sde gsum theg pa yis// dgra bcom pase rba sku bzhi thob par 'dod// ma sngags kyis longs sku zhi ba'i sku// ma hAs sku lnga ye shes lnga bsgrub cing // a nus dbyings gcig ye shes gcig bsgrub dang // a tis sku gcig ye shes gcig tu bsgrub// de ltar blo btags theg par rim pa yis// thob bya thob / byed rang sar dag pa yi// thig le spyi brdol ting yangs ma rtogs pas// 'bras bu sangs rgyas ming du brtags pas phung // bsgrub bya bsgrub byed gnyis 'dzin skyes pas brlag// yang ti la shan rin chen sgrol ma 'dir// 'khor 'das blang dor ma / grub mu mtha' stongs// blang dor gnyis pa mi 'gegs mu mtha' stongs// blang dor gnyis med mi 'dod su mtha' stongs// blang dor gnyis med mi 'gegs mu mtha' stongs// de ltar snang srid 'khor 'das chos rnams la// ched du bsgrub dang ched du dgegs pa dang // dgag bsgrub gnyis ka gnyis med gang gis yang // ming med mu mtha' stongs pa gnas kyi rdzong // gnyis 'dzin mtshan ma'i chos la bskor bar gyis// rim dgu blo btags theg pa'i rim pa las// ngo bo nyid kyi 'phags pa ngo mtshar che// ces gsung so// rin chen sgron mo rtsa ba'i rgyud las/ theg pa'i rim pa las khyad par du 'phags pa'i rjong can pa'i le'u ste bdun pa'o// // de nas rang gsal seMde dzo ngas// blo 'das gsang bdag ston pa la zhus pa// rgyud ces bya ba'i rang bzhin ji ltas

  12. 18a

    1/ @#rin chen sgron ma 'di nyid gang gi rgyud// de yis dgos pa ci zhig bsgrub par byed// ces zhus pas/ gsang bdag ston pas 'khor la bka' stsal pa// rgyud ni dngos po lnga dang ldang tshad brgyad// nges tshig dgongs pa'i bzhi dang dbye ba'i don// mthun pa'i dpe dang dgongs pa'i bstan pa'o// dngos po lnga ni ngo bo nges tshig dang // dbye ba phan yon dgos pa lnga'o// ldang tshad dbang dang dam tshig 'brel pa dang // thabs dang shes rab lta ba spyod pa dang // 'bras bus mchog dang thun mongs 'brel pa'o// 'brel dang mtshangs med pas rgyud zhes bya// gdul dka' zab cing rgya ches gdul bar dgongs// dbye na tshig dang gnyis med rgyud// 'thun dpe za 'og gur khyim thags dang 'dra// dgos pa'i bzhi ni myur du don grub byed// de yang yangs dang gsal dang zab pa dang // dgos 'byung thams cad yongasu rdzogs rgyud lnga las// nga yi yang ti rin chen sgron ma 'di// thams cad yongs rdzogs rgya chad med pa'i rgyud// 'di yi dgos pa theg pa rim dgu yi// kun btags mthar 'dzin thams cad sel bar byed// ming med mtha' stong chen po yongs su grol du ces gsung so// rin chen sgron ma rtsa ba'i rgyud las// rgyud kyi don bstan pa'i le'u ste brgyad pa'o// / de nas rang gsal sems dpa' rdo des// blo 'das gsang bdag ston pa la zhus pa// ming med mtha' stong don gyi ngo bo la// dbang dang 'jug sgo la sogs ming med kyang // yongs rdzogs rgya chad med par ston pa'i phyir// yongs rdzogs dbang gi rgyal po ji ltar lags// ces zhus pas// blo 'das ston pas 'khor la bka' stsal pa// dbang la thun mong khyad par gnyis su bstan// bun mong dbang la rnam pa bzhi yin te// lha dbang lus la bskur ba bum pa'i dbang // rdzas dbang dag la bskur ba gsang ba'i dbang // bde ba rgyud la bskyed pa shes rab dang // de nyid rang ngo sprod pa tshig dbang ste// bskur thabs spros pa'i mtshan ma la rten

  13. 18b

    nas bu dgos pa lus ngag yid gsum dag par byed// 'bras bu sku gsum sad+yas thob par 'dod// blo dman drang ba'i don du de yang bstan// bskur bya bskur byed thob bya thob byed dang // gnyis 'dzin dbye gsal byung bas 'khor ba'i chos// khyad par chos dbang sems la bskur ba ni// dbang gi ngo bo nges tshig dbye ba dang // bskur thabs dgos pa 'bras bur bcas te bstan// ngo bo sems nyid ye nas skye ba med// mtshan ma'i dri bral ming med mtha' stongs so// nges tshig snying po ye nas rang dbang rang gi thob// dbye na phyi nang gsang ba kho na nyid// bskur ba'i thabs ni rig pa'i rtsal dbang ste// shes med rang sar stong pa bum pa'i dbang // mtshon brjod bstan du med pas gsang ba'i dbang // kun 'byung sar grol ming med gting yangs te// rgyud la 'dres pa bags rab yeng shes dbang // zhe 'dod blo btags med pa brda' yi dbang // dbang bzhi bskur bas dri ma bzhi rang dag/ shes par 'dod dang mthong bar 'dod pa dang // bzang ngan blang dor gnyisu 'dod pa dang // zhe 'dod/ 'bras bu 'dod pa'i dri ma dag // stong las cir yang gsal ba bum pa'i dbang // gsal yang mthong yul 'das pa gsang ba'i dbang // gsal dag nyam su myong bas thabs shes dbang // nyams la zhen med mtha' stongs brda' yi dbang // dbang bzhi bskur bas dri ma rnam bzhi dag/ lhan cig skyes dang kun tu brtags pa dang // bsam brjod rtogs tshogs zhen pa'i mtha' las grol// 'bras bu blo drangos mu mtha' rang grol nas// grol dang ma grol nyid kyang mtha' stong ste// bskur thabs rang sa dgra pa ngo mtshar che// yang ti rin chen sgron mar bstan pa yin// ces gsung so// rin chen sgron ma rtsa ba'i rgyud las/ rig pa'i rtsal dbang bstan pa'i le'u ste dgu pa'o// // de nas rang gsal sems dpa' rdzongs// stod pa gsang

  14. 19a

    sa la skye ts+tshak+Sha ga/ sa sun med 'jug pa dbang gi rgyal po yin// ming med gting yangs mtha' stong ngo bo las// rtag tu 'da' ba med pa dam tshig yin// cir snang rang sar grol ba thabs yin te// grol bya grol byed blo 'das shes rab yin// ming med mtha' yis stong ba lta ba ste// de nyid 'du 'bral med pa spyod pa ste// yongs rdzogs 'gyur med 'bras bu kun gyi mchog/ ma btsal 'gro don rang byung thun mong gis// dngos grub bla na med par nga yi bshad// thad yongs rdzogs rin chen sgron ma'i rgyud// brtsol bral ming med yang ti ngo bo 'di// srog dang bral ba'i kha bzhin bsdam par gyis// ces gsungaso// rin chen sgron ma rtsa ba'i rgyud las/ rgyud kyi ldang tshad brgyad rdzogs par bstan pa'i le'u ste bcu pa'o// // de nas rang gsal sade'i rdo yis/ gsang bdag blo 'das ston pa la zhus pa/ yang ti sems dpa' rin chen sgron ma 'di// rtogs pa'i don la rtsis gdab dbye med kyang // de nyid rtogs pas blo la mtshon pa'i phyir// ting yangs don dang rang ngo ji ltar sprad// ces zhus pas/ blo 'das don gyi ston pas bka' stsal pa// stong gsal kun stong par rang yal ba'o// me long rnam pa gsum gyi ngo sprong bstan// skal ldan rnams kyi blo la gdabs par 'gyi// kun gzhi phyogs med sems kyi me long dang // dang po kun gzhi sems kyi me long du/ bde bar gshegs pa'i dgongs pa rang ngo spang // sprad pas cang med cing yang snang bar shes// de la rangs grol ba'i rgyu yis gdag// rig pa cing snang gsal ba'i me long du// 'khrul pa'i rtog pa bag chags rang ngo spang // smad pas mi snang gzus

  15. 19b

    brtan lta bur rtogs// de la gsal dag rang grol rgya yis gang ba// gsal ba rang dngas chos dbyings me long du// snang ba'i dngos po yul rnams rang po sprad // sprad pas snang yang ming med mtha' stong rtogs// de la dbyer med ting yangs rgyu yis gdag/ de ltar bstan pa de yang mtshon pa tsam// sgrung bya spyod byed gnyis dang gnyis med kyi// ming med mtha' stong rang dag klong du thim// ces gsungaso// rin chen sgron ma rtsa ba'i rgyud las/ me long rnam pa gsum du rang ngo sprad pa'i le'u ste bcu gcig pa'o// // de nas rang gsal sems dpa' rdo rje des// gsang ba dag don gyi ston pa la zhus pa/ yang ti sems nyid rin chen sgron ma 'dir// yang gsang don gyi gdam ngag la zla gang // zhes zhus pas// blo 'das don gyi ston pas bka' stsal pa// lha bsgom spyod pa 'bras bu rnam pa bzhis// sangs rgyas dgongs pa mtha' stong klong du zla// gtan tshig tshad ma gsum gyis de nyid rtogs// ming gi 'dod pa lta sgom spyod 'bras rnams// thob med don gyi ngang du la zla'o// thog ma'i gnas dang pha ma'i gnas bdag gi/ 'khrul pa rtsad nas bcad cing nyam su blang // snying po gnas lugs bzhi yi 'phra chen du// sangs rgyas sems can thaMd la zla'o// mtshan nyid rnam pa gsum po ngo sprod 'phrad// phyi nang gsang ba rnam pa gsum la zla'o// 'khrug pa bzlog thabs rim pa gdam ngag 'phrad/ 'gyu lugs rang lugs gsum gyis dus mtshams la zla'o// snying po chos 'das theg gcig sgron ma 'dis// kun btags theg pa rim dgu la zla'o// 'dod bral ming med mtha' stong lta ba'i mchog bsam bral 'gyur med ting yang bsgoms pa'i mchog/ rang lugs byar med 'dzin bral spyod pa'i mchog/ ri med su mthar grol ba 'bras bu'i mchog 'khrul rtsang chod na lta ba'i ming yang med// dus gsum 'gyur med bsgom pas ci zhig

  16. 20a

    // @#bya Ta snying po ming med mngon 'gyur bsgom mi dgos// 'khrul pa bzlog thabs mang shes mun pa 'jal// snying po mtha' stong shes med gsal dag 'di// dngos dang dngos med gnyis ka gnyis med min// rig pa med la ji ltar skye bar 'gyur// bsgom du med la ci zhig bsgom du yod// brjod med dang la ci zhig bshad du yod// snying po med pa rang bzhin mthong ba med// rgyu 'bras mdo rgyud thos sam bsgom bsgrub rnams// gzhan gyi spro ba bskyed phyir rol par spyod// don du/ spyod pa de nyid 'khrul pa'i lam// dben par lus ngag bya btang dgongs pa la// yid gdung ma byed gting yangs klong du zhog 'gyus dran skye med skyes kyang rang grol na// phyi nang 'khrul pa mtshon chen gcig gis mchod// dbus mtha' kun bral snying po tshogs las 'das// mtshan med mtha' stong 'gyur med kun gyi lam// zhe 'dod 'dzin pa med pa thig le klong // ye stong ye bral sgro bkur ming dang bral// kun khyab rgyud dang rkyen meng rgya ma chad// mi zad gter mdzod snying po bstan du med// ngo bo cir yang ma mthong blta ba la// rtsal gyis yan lag lta ba'i rim pa rnams// rang 'dod so sor snang yang gcig las med// gcig po ma skyes bcos med namakha' 'dra// dbyibs dang kha dog gang yang ma grub pas// 'di 'dra mtshon du med pa'i byang chub sems// lus dag yid gsum brtsol bral dang du spyod// khrul rtog skyes dang skye med gnyis med spyod/ mi 'gyur mi dmigs mtshon bral dang po sgros// gro 'ongs yengs med kyi byed med// gzhan med rangs snying por klong bye mchog gzhag nas thob med pa ga/ 'bras bu'i rgyal// rgyu dang rkyen med chos sku mkha' mnyam mchog/ rang bzhin kun khyab mtshan nyid thaMd mkhyen// chos sku'i ngo bo 'di zhes bstan du med// thob bya thob byed ming med mu mtha' stongs// 'khrul zhan grol tshe bdag gzhan yod ma yin// logs pa'i rgyu las grol bas bde

  17. 20b

    cher don// snying po 'khrul pa'i rkyen gyis rtogs par dka'// ldog thabs gnas kyis gang skyes pa dkar bsal// snying po ma yi rtsa ba mchod du med// 'khrul snang rang ba sa ma bu ngo sprod mchog/ 'khor 'das chos rnams gang yang mthong med la// 'a khrul ba rnam par rtog pa cing yang snang // snang sar grol bar shes pas bag chags stongs// mnyam rjes gnyis med mtha' stongs snying po rtogs// gnyis bsdus mtshan ma'i ming med mu mtha' stongs// ces gsung so// rin chen sgron ma rtsa ba'i rgyud las/ chos pad yang ting la zla ba'i le'u ste bcu gnyis pa'o// // de nas rang gsal sengar rdo nges// ston pa blo 'das gsang bdag la zhus pa// chos rnams tha~Md snang grol kun brlag par// rtogs pa'i don la dbye bsal ming med kyang // cir snang ma spangs rdzogs phyir bar do gang // tsas zhus pas/ blo 'das ston pas 'khor la bka' stsal pa// cang mod cing snang snang tshul bsam 'das pas// bar do'i mtshan nyid bstan gyis bzung bar gyis// rang bzhin gnas lugs thog ma'i bar do ruka/ sa byas sen gnyis kyis 'byung gzhi btsal// rang bzhin dang ni rlung gi bar do ru// rlung dang 'gyu ba dkris kyi gyes gzhi btsal// rtsal zer shes pa phra mor skyes pa la// rig pa skye ba'i gzhi mo btsal bar bya// yan lag snang tshul rig pa'i bar do ru// yar mar 'char sgo'i gzhi mo btsal// snang ba rnam pa gsum gyi bar do ru/ ka/ ston pa sku gsum 'byung ba'i gzhi mo btsal// kha dog rnam pa lnga yi bar do ru// gzugs brnyan 'od kyi gzhi mo btsal bar bya// 'od lnga gzugs lngar 'char ba'i bar do ru// rigs drug 'khrul pa'i gzhi mi btsal bar bya// bos dang bsam pa shes rab bar do ru// mar gyi seMn 'khrul chul kyang nas bcad// da lta shes pa snga phyi'i bar ro ru// 'khrul pa bzlog thabs rnam gsum nyam su grang // skye nas shi ba sring pa'i ba du// snying

  18. 21a

    @po mtha' grol klong du gnas par gyis// ces gsung so// rin chen sgron ma rtsa ba'i rgyud las// bar do'i le'u ste bcu gsum pa'o// / de nas rang gsal sems dpa' rdo des// blo 'das don gyi ston pa la zhus padz+ra yang tI la shan rin chen sgron ma 'dir// phyi rabs gtad pa'i snod kyi khyad par gang // ces zhus pas// gsang bdag ston pas 'khor la bka' stsal pa// dgos 'dod kun 'byung na mkha'i mtha' dang mnyam// gsal ba'i gos 'byed dzad yongs rdzogs pas// theg pa la 'od gzhan 'byed yang ti 'di// lha mi'i 'jig rten gnas su dar ba'i tshe// rin chen lta bur snod ldan gcig la gtong // na mkha' lta bur blo yangs can la btod// nyi zla lta bur glo gsal gcig la gtod // ma 'ongs bstan pa'i sgron ma byed par 'gyur// ces gsungaso// lta ba la shan chen po rin po che sgron ma rtsa ba'i rgyud las/ rgyud gtad pa'i le'u ste bcu bzhi pa'o// // lta ba la shan chen po rin chen sgron ma rtsa ba'i rgyud le'u bcu bzhi pa rdzogs so// / u rgyan gyi gu ru pad+ma 'byung gnas dang / bod kyi lots+tsha ba ka ba dpal rtsegs kyis mnga' bdag rgyal po'i don du bsgyur ba'o// / gtad rgya/ sbas rgya/ b+ha wan+tu/ shu b+haM// sarba mad+mA baM// / wu rig po chud sas// kun bzang rdzogs pa'i sangs rgyas kyis// thig le nyag gcig sku la phyag 'tshal nas// rtswa rlung thig le'i rgyud bshad pa// k+She thog ma lhun gyi grub pa'i gnas/ ston pa thig le nyag cig sku// 'khor ni rang 'byung chen po la// dus gsum dbye ba med pa'i dus// bstan pa gnyis snang med par shar// ces gsung so// rtsa rlung thig le'i rgyud las/ gleng gzhi'i le'u ste dang ba'o//