'phags pa shes rab kyi pha rol tu phyin pa ko'u shi ka zhes bya ba
Āryakouśikaprajñāpāramitā
Text
ff. 5a–7a · 5 folio sides
- 5a
chen por 'gyur ro/ / 'phags pa shes rab kyi pha rol tu phyin pa'i mtshan brgya rtsa brgyad pa rdzogs so// // rgya gar skad du Ar+ya ko'u shi ka madz+nyA pA ra mi tA/ bod skad du/ 'phags pa shes rab kyi pha rol tu phyin pa ko'u shi ka zhes bya ba/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong gi dge 'dun chen po dang / byang chub sems dpa' 'bum phrag du ma thams cad kyang gzhon nur gyur pa sha stag dang thabs cig tu bzhugs te/ de nas bcom ldan 'das kyis/ lha'i dbang po brgya byin la bka' stsal pa/ ko'u shi ka de la shes rab kyi pha rol tu phyin pa'i don ni 'di yin te/ shes rab kyi pha rol tu phyin pa ni gnyis su blta bar mi bya/ gnyis ma yin par yang ma yin/ mtshan mar ma yin/ mtshan ma ma yin par yang ma yin/ blang bar ma yin/ dor bar ma yin/ bsnan par ma yin/ bsnan pa med par ma yin/ kun nas nyon mongs par ma yin/ kun nas nyon mongs pa ma yin par yang ma yini/ rnam par byang ba ma yin/ rnam par byang ba ma yin par yang ma yin/ spang bar ma yin/ spang bar ma yin par yang ma yin// gnas su ma yin/ gnas su ma yin par yang ma yin/ sbyor bar ma yin/ sbyor bar ma yin par yang ma yin/ 'brel par ma yin/ 'brel par ma yin par yang ma yin/ rkyen du ma yin/ rkyen du ma yin par yang ma yin/ chos su
- 5b
ma yin/ chos ma yin par yang ma yin/ de bzhin nyid ma yin/ de bzhin nyid ma yin par yang ma yin/ yang dag pa'i mtha' ma yin/ yang dag pa'i mtha' ma yin par yang ma yin/ ko'u shi ka de bzhin du shes rab kyi pha rol tu phyin pa'i don ni/ 'di lta ste/ chos thams cad mnyam pa nyid kyi phyir shes rab kyi pha rol tu phyin pa nyid mnyam mo// chos thams cad zab pa'i phyir shes rab kyi pha rol tu phyin pa zab bo// chos thams cad dben pa'i phyir shes rab kyi pha rol tu phyin pa dben no// chos thams cad g.yo ba med pa'i phyir shes rab kyi pha rol tu phyin pa g.yo ba med pa'o// chos thams cad rlom sems med pa'i phyir shes rab kyi pha rol tu phyin pa rlom sems med do/ / chos thams cad 'jigs pa med pa'i phyir shes rab kyi pha rol tu phyin pa 'jigs pa med do// chos thams cad bag tsha ba med pa'i phyir shes rab kyi pha rol tu phyin pa bag tshwa med do/ / chos thams cad ro gcig pa'i phyir shes rab kyi pha rol tu phyin pa ro gcig go// chos thams cad skye ba med pa'i phyir shes rab kyi pha rol tu phyin pa skye ba med do// chos thams cad 'gag pa med pa'i phyir shes rab kyi pha rol tu phyin pa 'gag pa med do// chos thams cad nam mkha' lta bu'i phyir shes rab kyi pha rol tu phyin pa nam mkha' lta bu'o// gzugs mu med pa'i phyir shes rab kyi pha rol tu phyin pa mu med do/ / de bzhin du tshor ba dang / 'du shes dang / 'du byed rnams dang / rnam par shes pa mu med pa'i phyir shes rab kyi pha rol tu phyin pa mu med do// sa'i khams mu med pa'i
- 6a
phyir shes rab kyi pha rol tu phyin pa mu med do/ / de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams mu med/ pa'i phyir shes rab kyi pha rol tu phyin pa mu med do// rgya mtsho mu med pa'i phyir shes rab kyi pha rol tu phyin pa mu med do// rdo rje mnyam pa'i phyir shes rab kyi pha rol tu phyin pa mnyam mo// chos thams cad dbyer med pa'i phyir shes rab kyi pha rol tu phyin pa dbyer med do/ / chos thams cad ngo bo nyid dmigs su med pa'i phyir shes rab kyi pha rol tu phyin pa dmigs su med do// chos thams cad gsal ba med par mnyam pa'i phyir shes rab kyi pha rol tu phyin pa gsal ba med par mnyam mo/ / chos thams cad byed pa med pa'i phyir shes rab kyi pha rol tu phyin pa byed pa med do// chos thams cad bsam gyis mi khyab pa'i phyir shes rab kyi pha rol tu phyin pa khasam gyis mi khyab bo/ / de bzhin du sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / thabs kyi pha rol tu phyin pa dang / smon lam gyi pha rol tu phyin pa dang / stobs kyi pha rol tu phyin pa dang / shes rab kyi pha rol tu phyin pa 'khor gsum longs su dag pa mu med pa'i phyir shes rab kyi pha rol tu phyin pa su med do/ / shes rab kyi pha rol tu phyin pa zhes bya ba ni/ 'di skar stong pa nyid bco brgyad 'di lta ste/ nang stong pa nyid dang / phyi stong pa nyid dang
- 6b
byi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid dang / mdor na stong pa nyid 'di ni shes rab kyi pha rol tu phyin pa zhes bya'o// skar ma rab rib mar me dang / sgyu ma zil pa chur bur dang / rmi lam glog dang sprin lta bur// 'dus byas de ltar blta bar bya// na mo b+ha ga ba te/ Ar+ya pradz+nyA pA ra mi tA ye/ oM d+hIHhriH/ shr-i shru ti smr-i ti ma ti ga ti dza ye swAhA/ 'gag pa med cing skye mid la/ / chad pa med cing rtag pa med// tha dad don med don gcig mo ni/ 'ong ba med cing 'gro med la/ spros pa zhi bas zhi ba yi// rten cing 'brel par 'byung ston pa// rdzogs pa'i sangs rgyas gang yin pa// smra mchog de la phyag 'tshal lo/ / bcom ldan 'das kyis de skad ces bka' stsal nas/ tshe dang ldan pa shA ri'i bu dang / lha'i dbang po brgya byin dang / dge slong de dag dang / byang chub sems dpa' de dag dang / lha dang mi dang / lha ba yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod ngo // 'phags pa shes rab kyi pha rol tu phyin pa ko'u shi ka zhes bya ba
- 7a
rdzogs so/ / rgya'i skad du/ de'i shing ki ma kAng meng dzA'i shing wad kyang / bod skad du/ 'phags pa gser 'o/ dam pa mchog tu rnam par rgyal ba mdo sde'i rgyal po zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ 'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri'i rtse mo mchog tu rnam par dag pa/ chos kyi dbyings shin tu zab pa/ sangs rgyas rnams kyi spyod yul de bzhin gshegs pa bzhugs pa na/ dge slong gi dge 'dun chen po dgu khri brgyad stong dang thabs cig tu bzhug te/ thams cad kyang dgra bcom pa/ glang po che'i rgyal po ltar shin tu dul ba/ zag pa rnams yongs su bsal ba/ nyon mongs pa med pa/ sems shin tu rnam par grol ba/ shes rab shin tu rnam par grol ba/ bya ba byas pa/ khur lci ba rnam par spangs pa/ bdag gi don thob pa srid par kun tu sbyor ba zad pa/ rang dbang chen po thob pa/ tshul khrims yongs su dag pa la gnas pa/ thabs mkhas pa dang shes rab kyis yongs su brgyan pa/ rnam par thar pa brgyad mngon sum du gyur pa/ pha rol gyi 'gram du phyin pa sha stag la/ 'di lta ste/ tshe dang ldan pa kun shes ko'u di n+ya dang / tshe dang ldan pa rta thul dang / tshe dang ldan pa rlangs pa dang / tshe dang
Colophon
'phags pa shes rab kyi pha rol tu phyin pa ko'u shi ka zhes bya ba rdzogs so/