MW21521_B81E7Dབསྐྱེད་པ་མཧཱ་ཡོ་གའི་ཆོས་སྐོར།All versions of this work

sgyu 'phrul rgya mtsho zhes bya ba'i rgyud

Text

ff. 2a–52a · 101 folio sides

  1. 2a

    thams cad kyi// sangs rgyas de bzhin gshegs rang bzhin/ rdul snyed 'dus pa'i ngo bo ni// sku gsung yon tan 'phrin las thugs// ye shes rang byung bdag nyid de// ye shes rgya mtsho dpag med kyi// yon tan rdzogs pa'i ngo bor gnas// 'og min chen po'i gzhal yas khang // rgyal ba kun gyi b+ha ga'i gnas/

  2. 2b

    yon tan kun rdzogs dga' ba'i klong // tshad med ye shes chos dbyings kyi// ngo bos kun nas 'khyil ba la/ tshad dpag med pa'i yon tan rgyas// rnamathar bani mi sgo khyud mdzes// 'dod yon lnga mo 'phreng bas brgyan/ rnam thar brgyad kyi rta babs can// nyi zla'i 'phreng bas mdangs phyung zhing // nyi zla pad+ma'i gdan stangs na// lnga phung dag pa'i sangs rgyas ni// rgyal po lnga zhes rnam par brtan// 'byung ba lnga yi rgyal mo dang // zhal gsum phyag drug zhabs bzhi yis// rnam par 'phrul pa'i tshul gyis bzhugs// rnam shes dbang po yul dang dus// phyi nang

  3. 3a

    @##/ sems dpa' yab yum rnams// rang rang mdog dang cha lugs rnams// bcu gsum cha lugs sgeg pa yi// nyi zla 'bar ba'i gdan la bzhugs// lus kyi chos bzhi 'joms pa ni// sgo bzhir gnas pa de dag kyang // btsun mo 'jigs pa'i tshul dang bcas// 'bar zhing rngam pa'i tshul gyis bzhugs// ye shes rgya mtsho 'og min gyi// yon tan rdzogs pa'i ngo bor bstan/ 'khor lo 'bar ba'i lte ba la// bdagra po kun bzang 'khor lo bskor// bka' sdod skyes bu mdun na gnas// brjod pa med bzhin go bar mdzad// dpag med ye shes yongs rdzogs pas// zhing 'khor longs spyod phun sum tshogs// dga' bde yang dag rdzogs pa'i gnas// phyogs bcu dus bzhi rdzogs pa yi// ma lus 'dus pa'i gzhal yas khang // bdag po rgyan dang

  4. 3b

    bcas pa nyid// 'jig rten gnas kyi 'og min las// nyis 'gyur shin tu dpags pa'i gnas// de bzhin thugs kyi khyad par las// ngo bos mtha' gsum las 'das pa// ma spangs rgyas rdzogs gzhal yas khang // yon tan lnga yi bdag nyid des// gru bzhi spyi bos 'khyil snang ba// de bzhin thugs kyi khyad par las/ rang snang rgyal ba sems sogs dang // dang po'i sangs rgyas sar rgyal ba// sems dpa' chen po 'joms pa che// brjod kyis mi lang tshad med dang // rnam gnyis tshul du bzhugs pa'o// 'khor gyi nang na skal mchog ldan// 'dul ba'i dus bab gsang ba'i bdag/ lag na rdo rjes bsdu ba mdzad// de tshe dus kyi mtha' bral phyir// ngo bo dus bzhi mnyam pa nyid// rgyal ba'i sems dpa' rnal 'byor pa// dgongs pa rig pa rna bar brgyud// gsang ba'i snying po de kho na/ nyid de ngos pa'i dbyings nas phyung // sgyu 'phrul dra ba mngon rdzogs pa'i// bstan pa rgya mtsho sems kyi lung // rang byung rang snang dgongs pa nyid// byin rlabs dogang pa rang shar ba// sems nyid rang snang gzugs brnyan de// rtog ge byis pa'i yul min pas// rgyal sras sems dpa' rang nyid la// nyid la

  5. 4a

    'chad cing nyid kyis 'grel// ga sang mdzod sgyu 'phrul dra ba 'di// bstan pa kun gyi rtsa bas te/ rang byung ye shes gcig pu nyid// ma lus thams cad khyab par gsal// gsang ba'i thig le chen po ni// yon tan lhun rdzogs bdag nyid de// d+harma tsakra chos kyi gnas// 'od bzhi e sogs dbyings su gnas/ mi shig sa thig le baM dbyings can// rang la bde ba gsal byed pa dag/ ma na yid sogs rnam shes bzhi// ye shes myong bsdus bshad pa'o// ye shes nam mkha'i gzugs skyes pa// pa ra ma ta don zab mo// bde ba dus gnyis snga phyi bral// dus gsum kun gyi ngo bor gnas// rgyal ba'i bzhugs gnas b+ha ga nyid/ las dang yon tan rdzogs pa'i gnas// thig le byang chub sems nyid de// rang byung ye shes kun gyi bdag/ chags pas khyab pa'i yid can la// rtog bcas mnyam du gnas pa'i 'khor// lhan cig skyes pa'i bde chen po// brjod pa med pa'i tshul gyis myong // byed pa rlung gi mtha' bsdus pas// ma lus lhan cig/ skyes par shar// dus la 'jug rtog med pa'i dus// bde chen rtog pa zad pa'i dus// rgyal ba'i mdzad pa bsam mi khyab// gang la gang ltar ba de 'dul ba'i// spyod

  6. 4b

    pa rgya mtsho de nyid de// dpag med ye shes ngo bor shar// dus gcig yon tan lhun rdzogs pas// ma nyam nyid res 'jog med par gnas// zhes nyid la nyid bshad do// sgyu 'phrul rgya mtsho'i rgyud las/ gleng gzhi'i le'u ste dang po'o// // de nas de bzhin gshegs pa nyid// sangs rgyas 'dus pa'i ngo bo nyid// de nyid bi shad pa'i dgongs pa yis// 'jug pa'i dge ba mnyam sbyor bas// ro gcig mnyam pa'i ngo bor 'gyur// phyogs bcu dus bzhi ma lus pa// gcig dang du mar dbyer med pas// dgongs pa'i byin rlabs nyid la nyid// brjod cing gsungs pa'i don nyid ni// phung po khams dang skye mched dang // phyi nang snod bcud ma lus pa// thabs dang shes rab dbyer med pa'i// lhag pa kun rdzob nyid brjod pas// rgyal mchog btsun mo rang bzhin gyis// rgyal ba'i tshogs la dbang sgyur phyir// phyogs bcu snod bcud ma lus pa// bde chen thig le rang bzhin te// thig le dbyibs dang mtshon las 'das// bde ba mchog gi snying por gnas// de nyid gsang ba'i dbang nyid de/ rgyal ba sras bcas myong dgyes nas// thig le bde chen nyid la gnas// de nas thabs dang shes rab nyid// ma lus 'dus pa'i ngo bo yis// mthong

  7. 5a

    ba'i don nyid bstan bya'i phyir// gnyis med thabs kyis nyams myong ba'i// chags dang chags bral rnam par spangs// lhan cig skyes pa'i ngo bo nyid// / gang du skye dang 'gag pa dang // gnas dmigs 'gro 'ong las 'das pa'i// de bzhin nyid ni bstan par mdzad// nyi zla dngas pa'i rgya mtsho ltar// yongs dgyes khyab par gyur pa'o// ma 'dres gsang ba'i snying po nyid// kun kyang gsum du gnas pa ste// rang bzhin thabs kyis mngon byas phyir// ma lus gsum gyi rang bzhin nyid// 'jug pa thabs kyi rang bzhin ni// thun mong tha mal kun spangs pa'i// thabs dang cho ga las 'byung bas// dam pa'i rigs la 'jog par mdzad// rigs dang rigs su nges pa yis// ngo bo nyid ni gnyis su 'gyur// sems lnga skyes pa'i tshul nyid ni// skye ba'i gzhi dang skyes pa yis// rigs gcig rigs bzhi gang phye ba// 'jug pa'i ngo bo stobs las ni// rigs kyi dbye bas lam dbye ba// lnga dang cig gi rgyu 'bras 'gyur// ma nges spyi yi dbye ba ste// bzhi ni nges 'byung thun mong lam// de bzhin rigs gcig thun mong min// de nyid phyi nang cha snang bas// phyi rol stobs pa'i thun mong lam// grub pa phyi nang rgyu 'bras phyir// rgyu 'bras phyi nang 'brel par 'dod//

  8. 5b

    skabs 'dir bzhi gsum thun mong gnyis// phan chad sbyangs pa rgyu yi phyir// rang bzhin sngon du song ba dang // ched du sngon du bskur bas 'gro// des na thun mong sngon rdzogs yul/ gzhi dang skabs nas skye 'gyur ba// grol thar lam du rnam par bshad// de yang cig car rimi 'jug pa// snod kyi rim pas rnam par snang // gang yang sems lngas bsdus pas te// g.yo ldang smon 'jug mthar phyin pas// lam bzhi khyad par so sor phye// rang bzhin gcig las mngon gyur pa'i// thabs rkyen mos pas tshul bzhin du// lam bzhi sems lngas mthar phyin pa// mos dang mthar phyin tshul gyis snang // dngos po rang bzhin rtogs pa ni// bsnyen bsgrub bzhi dang sgo bzhi dang // dag mnyam rtogs pa bzhi dag gis// dus gcig rdzogs shing smin par byed// rnal 'byor lnga la rim goms pas// mthar phyin lam le the tsom med// stong pa nyid la gang goms nas// snying rje sgyu ma'i tshul du bsgom// phyag rgya'i rnal 'byor mngon bsal nas// rnal 'byor spros la the tsom med// rang rang spyod dang ldan gyur nas// bdag gzhan mthar phyin 'gyur ba'i lam// gang du chags pa'i khyad par gyis// rten 'brel lus kyis bsgom pa ni// bye brag rlung las gyur pa ni// ye shes

  9. 6a

    'byung ba steng 'og sgo// dgug dang dgug pa'i thabs nyid de// 'khor lo bzhi dang srog shing gsum// me rlung 'gro bas nam mkha'i ba// bzho ba steng du rnam par grags// lkug pa gsum gyi sems lnga'i rim// skyes pa bcu drug sa thob pa'i// rang bzhin lhan cig skyes pa'i phyi ri// 'chang ba nyid kyis thar pa'i lam/ yul dang dbang por sbyor nus pa'i// chags pa'i lam gyis gang rtogs pa// dug gis de nyid sel ba ltar// thabs dang ldan pa'i khyad par yin// gang zag/ thabs dang sbyor ba yis// gang la de ltar thabs nyid kyis// 'ching ba thabs kyis bkrol ba ltar// lung dang man ngag rtogs pas 'grub// dam pa nyid la mnyes zin nas// ye shes rig pa la sa las gyur// dbang po rim par 'gags pa las// bden pa gnyis med 'char bar 'gyur// gsang ba ye shes chen po ni// thig le rgyu ba kun zad pa// de nyid sgyu 'phrul rgya mtsho ste// dman dang bcings dang dbang sgyur bral// rtog ge rnams kyi spyod yul min// gang du ye shes shar ba yis// ma lus dam pa ye shes su// phyogs med rgyal ba nyid du 'gyur// de nas kun mkhyen rgyal ba nyid// sras dang btsun mor bcas pa nyid// ma lus gcig tu mngon gzigs kyang // thabs bral byang chub

  10. 6b

    snying por ma rig pas// 'gro ba lnga yi bde sdug khyad par rnams// skad cig ma 'dres gas la mkhyen nas// thabs kyis so sor dgrol ba'i phyir// kun mkhyen nyi de la don gyis gzigs// dgyes chen bdag pos mnyam nyid phyir// yul dang shes pa dbyings gcig phyir// mi gsung de bzhin nyid la bzhugs// de bzhin nyid ni spros med kyang // thugs rje byin rlabs rgya mtsho yis// med las yod pa'i tshul gyur pa// de nyid de bzhin gshegs nyid de// 'dul ba'i dbang gi sa phyogs bcu yi// 'jig rten drug gi rdul nyid du// sprul pa thub pa chen po yis// gang bdag tu ni rnam mdzad de// sku dang gsung thugs bsam mi khyab// 'dul ba bzhi yi khyad par gyis// rang rang las dang bsam pa dang // dbang po mos pa'i khyad par gyis// gdul bya'i bsam pa sna tshogs su// sgyu 'phrul dra ba snang mdzad de// rgyud dang thabs kyis grol ba yis// 'gro ba ma lus bde ba dang // rig dang ldan pas thar pa yi// 'bras bu don la 'khod par mdzad// mthar thug med pa'i 'jig rten du// rgyal ba dus gsum mnyam bzhugs pas/ de las byung ba'i sprul pa'i tshogs// rgyal ba kun kyang de bzhin no// zhes nyid la nyid bshad do// sgyu 'phrul rgya mtsho'i rgyud las/ sems lnga bstan pa'i le'u ste/

  11. 7a

    gnyis pa'o// // de nas kun mkhyen dgyes chen pos// 'khor gyi dkyil 'khor kun gzigs nas// lhan cig go cha'i 'khor rnams la// byin rlabs dam tshig dbang thob nas// dbang dngos rang bzhin bstan par mdzad// ma lus chos kun rang bzhin ni// byang chub snying po rang bzhin la// dbyer med don du kun gnas kyang // lhan cig skyes pa'i ma rig pa// la brten kun tu brtags pa yis// ma rig gzung 'dzin ngo bor smin// rten 'brel gnyis kyi tshul gyur pas// myong dang spyod yul so sor 'gyur// nam mkha'i rang bzhin dbyer med ltar// ma lus de bzhin nyid 'di la// rtogs pa'i dbang gi phye ba la// bdag dang gzhan dang yod ma yin// gang du dman pa'i rtog ge bas// mi shes rtog pa'i sna tshogs kyis// rang las gzhan du thos 'dod pa'i// thabs bde bskal par byed par yang // sangs rgyas ye shes dri med pa// rmi lam nyid du mi 'byung ba// slob dpon man ngag thabs nyid kyis// bsgribs pa'i rang bzhin snang bar 'gyur// kun mkhyen dbang dang man ngag ces/ byin rlabs thabs kyis phan 'dogs pa// 'gro la yid bzhin nor bu ltar// sna tshogs bsam pa rangs mdzad pa// dman pa'i

  12. 7b

    sbyor ba la brten nas// sangs rgyas 'khor lo 'chang byed pa// lus dang longs spyod sna tshogs pas// bskal pa rdul gyi grangs mnyam par// bskur kyang drin dang bral gyur na/ lan 'ga' tsam gyis ga la yin// dad dang dam tshig ldan pa yis// rang rang spungs ltar mngon gyur nas// dman pa'i lta ba spong byed cing // brtul zhugs rigs nges gang zag pa// ji nyid nam mkha' mtha' yun du// brtson zhing btsal bas mi rnyed de// gdung ba gsum las gdung ba de// mthong ba'i thabs ni gsum du pa shad lung dang man ngag cho ga yis// rtogs nas skye ba 'di yis 'grub// rnam smin bcas pas 'grub nges na// rang dbang lus kyis smos ci dgos// rgyal bas ma lus kun gzigs shing // thugs rjes the tsom mi slu bas// nges par bstan pa 'grub pa ni// dgongs pa rtogs na nges pa 'grub// rang rang blo dang mos pa yis// ji ltar 'dul zhing thabs mkhas pas// tshe dang bskal pa'i grangs bral zhing // lo dang zla bar brtsams pas 'grub// shes rab rkyen dang thabs ldan pas// ma lus dbyer med rtogs goms na// rang la rang snang goms pa yis// ma byung rang las mngon du snang // gang du lta dang spyad bral ba// ma bcos rang rig byang chub sems// byis

  13. 8a

    pa rtog ge'i spyod yul min// dam pa rnams kyis nges par mthong // cho sa rnams rang bzhin rkyen bral ba'i// mi rtog 'od gsal dbyer med pas// kun gyi ngo bo de bzhin nyid// da lta nyid du snang ba'o// don dam bden pa la brten nas// sgyu ma'i phyag rgya rang snang ba// goms nas bsdus pa'i thig la nyid// ma bcos rang bzhin/ mya ngan 'das// phyi nang yul sems 'dres pa'i rlung // rgyu ba rigs pa'i thig le nyid// rang 'byung stong par gnas 'gyur te// phyi nang ro dogs rgyu ba med// ma bcos de bzhin nyid du mthong // thabs dang shes rab rtogs pa yis// nyi zla 'dres pa'i gar thabs kyis// ma skyes mnyam la gnas 'gyur zhing // phung sogs gnas pa'i chos rnams kun// bde chen snying po gsal 'gyur zhing // dgag sgrub med pa'i thabs las byung // spyod yul ma lus thams cad kun// ma skyes dbyer med mngon du snang // rtsa sgra mthong ba med pa'i don// ma skyes sgra yis mi g.yo ba// ka sgras thugs rjes rnal 'byor spyod// a las dbyug ldan gar sbyor ba// dran pa gcig par nga nyid smra// des sogs byed pa'i rnal 'byor kun// ma skyes dbyer med mngon du snang // de sogs byed pa'i rnal 'byor lnga// gcig la ma lus rdzogs par rtogs// rig pa'i khyad par rtsal gyis snang //

  14. 8b

    gang du ma bcos rang snang ba// ma lus sgyu ma 'jig rten du// thabs dang ldan pas dbang sgyur zhing // ma lus dbyer med tshul du snang // yab yum ga shi ra bcu bcas rgyu// thabs kyis khams lnga ye shes gas la// bde skyed thig le ma rnams kun// sems mtha' rtog pas gnas su thim// bcu gsum sangs rgyas bdag 'gyur ba// ngo// bos gzhan nas thob pa med// rtsa bcud shes pa'i ngo bo nyid// thabs kyis yab yum ye shes gas la// de nyid rten can brtan lnga ltar// rang gnas thabs kyis bdag nyid du// nyon mongs sa bon kun kyang gnas// de phyir gzhan la rag ma lus// dbang po yul sems nyid med pa'i// shes rab thabs rol sgyu ma las// man ngag thabs kyis dbang sbyar nas// rang bzhin sgyu 'phrul chen po 'char// thabs dang thabs byung 'brel ba nyid// thams cad kun gyi gzhir gnas pa// rang lus thabs kyi ngo bo la/ rang rkyen ji bzhin mngon gyur pas// tshegs med rang log gyur pa yis// bden pa dbyer med mngon du mthong // rang bzhin ye shes mtha' bral bas// thabs/ dang las can skyes bu yis// spyod lam kun tu blang bya ba// 'khor dang mya ngan 'das pa'i rgyu// chags pa'i dam tshig blang bar bya// kun kyang thabs dang shes rab nyid// phan

  15. 9a

    tshun dgyes pa'i thabs nyid ni// sems mtha' 'ong bas go phye nas// rang snang thabs kyi gnas sbyar bas// zung 'jug thabs chen de las byung // gnyis med yang shes rdo rje che// rgyu rkyen gzhan las byung ba min// rang byung thabs kyi ngo bo nyid// lus dang rtsa dang longs spyod pas// thams cad bde chen 'jig rten du// bsal byed thabs kyis snang ba las// rkyen gyis bzlog par mthong ba bzhin// gzhan las 'byung zhing snang ba med// phyogs dus dkyil 'khor ngo bo nyid// bde ba chen po ma skyes pa'i// seng ge lta bu byin gyis brlabs// gsung gis gnyis med gsal bar 'gyur// gsang gsum bzhis bsgribs ye shes che// khams gsum 'dul ba'i thig le nyid// 'dres pas lhun grub ye shes nyid// dkyil 'khor bsal snang ba rtag par dka'// ma lus thig le rang snang ba'i// ma bcos rang snang thabs rtogs nas// ma nor lta ba'i don rtogs na// rang 'byung 'bras bu rang las 'char// phyogs dus rgyal ba'i ngo bo nyid// mi zad 'khor lo rang snang don// ma mthong rmongs pa'i 'khrul pa rnams// byin rlabs lha dang yon tan ltar// snang 'dod res 'jog sems 'dod sog/ gzhan las 'phags 'dod nor ba'i lam// mdongs pas nam mkha' snyeg pa bzhin// nor pas ma nor

  16. 9b

    rnyed mi 'gyur// ma bcos 'bras bu rang snang don// byin rlabs dgongs rtogs goms pa yis// ma btsal thabs kyi rang 'char ba// byin rlab gdul bya'i snang bar zad// ces nyid la nyid bshad do// sgyu 'phrul rgya mtsho'i rgyud las/ chos thams cad gtan la phab pa'i le'u ste gsum pa'o// // de nas bcom ldan dgyes chen pos// sangs rgyas kun 'dus dag pa ste// gcig dang du ma las 'das pas// 'jig rten 'das dang 'jig rten pa'i// brjod bya gsung gi 'khor lo nyid// mngon phyung nas ni gsung bar mdzad// aHka kha ga g+ha nga / tsa tsha dza dz+ha nya/ Ta Sha Da d+ha Na/ ta tha da d+ha na/ pa pha ba b+ha ma/ ya wa ra la/ sha Sha sa ha/ k+Sha/ i I/ u U/ e ai/ o au/ a ka tsat+ta pa ya sha/ a A/ i I/ u U/ e ai/ o au/ ri rI/ li lI/ a A/ ka kha ga g+ha nga/ tsa tsha dza dz+ha nya/ Ta tha Da D+ha Na/ ta tha da d+ha na/ pa pha ba b+ha ma/ ya wa ra la/ sha Sha sa ha/ ka kha ga g+ha nga/ tsa tsha dza dz+ha nya/ Ta tha Da D+ha Na/ ta tha da d+ha na/ ba pha ba b+ha ma/ ya wa ra la/ sha Sha sa ha/ rang 'byung mtshon pa las 'das pa// a nyid kun gyi nge ba ste// brjod las nam mkha' rang bzhin las// snod bcud yi ger rang bzhin sha ra// thams cad yi ge'i rang bzhin te/ mtshon pa brda yi ngo bor snang // gang du ma skyes yum nyid ni// sa dang nam

  17. 10a

    mkha' can rdo rje// stobs chen lnga ni dbang po lnga// gnyis pa lnga po rim bzhin du// sgeg mo 'phreng thogs dbyangs dang gar// ya man+ta krita nyid du ba shad/ gsum pa lnga ni rim pa bzhin// snang mdzad rdo rje rin chen dang // dpag med don grub nyid du ba shad// bzhi pa lnga pa rim bzhin du// sangs rgyas spyan dang na bza' dkar// mA ma ki dang sgrol mar ba shad// lnga pa lnga po rim bzhin du// byams dang sgrib sel kun bzang dpal// rta mgrin rim par 'dod pa yin// drug pa bzhi ste rim pa bzhin// bdug spos mar me me tog dang // dri chab lha mo zhes su bshad// bdun pa bzhi ste rim pa bzhin// rtag chad mtshan ma dag pa dang // bdag med ma ste rim pa bzhin// mthar zad byed pa rdo rje ni/ ma lus 'dus pa'i ngo bo ste// sku gsung thugs ni rdo rje las// rnam par 'phrul pa'i sprul pa drug/ brgyad pa'i yi ge drug tu ba shud// bcu gcig gnyis pa rnam bar shad pa// sgrib pa kun bzang yeng shes ni// 'ching ba gso byed yin par bar shad// thog me mthar zad mthing ka ste// rdo rje dril bu nyid du 'dod// dang po lnga dang gnyis pa lnga/ gtso bo yab yum bcu nyid de// 'khor lo rdo rje rin chen no// pad+ma ral gri 'dzin pa ste// dkar po mthing kha ser po dang // dmar po ljang khu rim pa bzhin// gsum pa

  18. 10b

    lnga po rim pa bzhin// rdo rje dang ni rin chen dang // pad+ma rdo rje dkar sngon dang // dmar dang ljang khur rang bzhin gnas// rdo rje rnon po mthing nag yin// bzhi pa lnga po rim pa bzhin// klu shing po ti rin chen ste// ut+pal dkar ser dmar ser dang // dmar ljang dkar ljang rim bzhin te// thod sprul ser nag 'bar bar gnas// tsa la sogs pa'i lha mo ni/ mi lo 'phreng ba pi wang gar// gtso bo nyid dang mtshungs pa yin// gzhan yang ya sogs bzhir bshad pa// bdug pa me tog mar me dang // dri yang gtso bo rjes 'thun pa'o// thod sbrul 'jigs pa dmar nag ste// de bzhin yi ge ge'ang shes par bya// rtag chad lcags kyu zhags pa dang // lcags sgrog dril bu thabs dang 'dra// sprul pa'i pi wang gseg par dang // po ti sgrom dang go cha dang // me dang chur ni shes bya ste// dkar dang ser dang dmar nag dang // ser nag mthing sngo dud kha dag/ rim pa bzhin du shes par bya// rdo rje rgya gram ljang nag gis// ma lus gnon pa bdud rtsi 'khyi'i// dkyil 'khor 'khor lo yi ge yis// ma dad pa dag dang byed cing // ma mthong ba dag mthong byas nas// de bzhin rnam par grol bar 'gyur// de nas gzhan yang bshad bya ni// rang snang gsung gi 'khor lo las// rim bzhin rang gis bzhir snang ba// dpag med yon tan lhun rdzogs pas// rang

  19. 11a

    'byung 'khor lo mngon par brjod// rang 'byung 'khor lo rgyu yi bdag/ ka sogs sum cu rtsa gnyis ni// ma lus kun gyi dngos gzhi ste// sku yi 'khor lo rang snang ba'o// sgra dbyangs gsung gi 'khor lo ni// brjod pa'i sgra ni sna tshogs pa// ma lus par ni ring snang bas// gsung gi phyag rgya bzhir nges pa'o// rig pa thugs kyi 'khor lo ni/ zag med yang shes drug ldan zhing // sde tshan brgyad kyis brgyan pa ni// snying po dngas ma lngar snang ba'o// yon tan sprul pa'i 'byung bzhi nyid// bye brag brgyad cu kun 'dus pa'i// 'phro 'du thig le kun gyi dngos// sprul pa'i thig le rang 'char ba// snang ba'i mdzad pa bsam mi khyab// gang du thabs las byung ba yis// dngas ma li ro myong 'gyur bzhis// rten bcas ngo bo dag gyur nas// mdzad pa'i byin rlabs bsam mi khyab// shes rab thabs rol sgyu ma las// rang bzhin sgyu 'phrul chen po 'chang // thabs dang thabs 'byung 'brel ba nyid// thams cad kun gyi gzhir gnas pa// ma skyes sems kyi rang bzhin las// sna tshogs sgyu ma'i don 'char bas// thabs la brten pa'i skyes/ bu nyid/ gnyis su med par 'brel bar bshad// gnas gzhi gar thabs bsgyur ba las// nam mkha'i ye shes cir yang gsal// cir snang bdag nyid reg par 'brel//

  20. 11b

    drang ba'i don dung yis bshad// gsang ba'i 'khor lo rang 'byung ba// gnas dang ngo bor ldan pa yid// thabs dang rkyen las snang ba yis// ro lnga sems la mnyam 'jug pa// steng 'og thabs kyi mtshon byas pa// ye shes lnga yi ngo bor bshad// g.yas g.yon dbus dang ldan pa yi// nyi zla 'bar ba gang mdzad pa// thabs ldan gnas sems rtse yi bzung // yon tan kun gyi ngo bor gsal// ma lus 'dus pa'i byang chub sems// gnas brtan byed pa'i ngo bor bcas// skad cig thabs las mngon gyur pa'i// bde ba chen po'i ngo bor snang / rang 'byung snang ba'i mtshan ma kun// bde ba chen po'i don rtogs pas// dngas ma'i snying por bsal gyur pa// bde chen nam mkha'i mtha' ltar snang // gang du mtshan rtog kun spangs pa'i// bde chen ye shes ro dang bcas// thabs dang shes rab 'brel pa yis// ma lus sku gsung thugs su snang // thabs ldan ye shes rgya mtsho yis// chos kun ro gcig kun gsal bas// rtog dang mi rtog cha las 'das// de nyid mtshon pa med par bstan// sangs rgyas 'khor lo kun 'das pa'i// gsung gi dkyil 'khor mi zad pa/ gdul bya'i don du kun bsgrags pa'i// rang 'byung 'khor lo'i gsung du gsal// phyi nang gsang ba'i mthar thug pa// snod bcud ro dang bcas pa las// mi rtog gsal

  21. 12a

    bar rang snang ba// 'khor lo kun gyi gzhir gyur pa'o// zhes nyid la nyid bshad do// sgyu 'phrul rgya mtsho'i rgyud las/ gsung gi 'khor lo mngon du byung ba'i le'u ste bzhi pa'o// // de nas bcom ldan dgyes chen po// sangs rgyas kun gyis rang bzhin des// kun 'byung sgyu 'phrul rgya mtsho che// dngos grub tshe ga yang gsungs pa// rang 'byung sgyu 'phrul dra ba ni// sangs rgyas kun gyi rang bzhin te// gsang ba'i ngo bo thabs kyi gnas// dngos grub kun gyi rtsa ba ste// sems nyid kun gyi rtsa ba yin// de nyid dngos med snying po ste// thams cad 'byung ba'i gnas mchog nyid// ma bcos sgyu 'phrul chen po las// gnyis med 'brel pa dra ba'i don// ro gcig gnas kyi khyad par las// yon tan rang bzhin sna tshogs 'char// sangs rgyas dkyil 'khor ma lus pa// bzhi bcu rtsa lngar rang bzhin gnas// de nyid grangs las 'das pa ste// ma bcos rang rig byang chub sems// thabs dang shes rab gnyis med pa'i// cho ga sna tshogs 'dod rnams la// rang rang mos pa ji bzhin du// cho 'phrul sna tshogs bstan pabar zad// rang 'byung yo byad dag pa ni// bskyed cing sbyangs nas 'bar ba ltar// nges pa rnyed nas longs spyod na// 'tsho ba bdud rtsi'i ngo bo ltar// gang gis rang rig byang chub

  22. 12b

    sems/ cho 'phrul gsal goms rnal 'byor pas// rang byung lnga la byin rlabs te// zos pas phyi nang nad sel 'gyur// phyag rgya dkyil 'khor gsal goms nas// rang 'byung gtsang sme med sbyar zhing // bdud rtsi lnga dang sha lnga la// yi ge lnga dang gsum gyis sbyang // 'dod pa phun sum tshogs par 'gyur// rang gi goms pa las rung nas// ji ltar bsam pa kun 'grub ste// dngos po gang yang rung ba dag/ gang ltar rgyu ba der 'grub ste// rtog goms stobs las 'byung ba'o// bdag nyid gsal bar bstan byas nas// mkha' dbyings rdo rje bltams pa las// bdag nyid bgrod par nus pa na// rnal 'byor gsal ba'i don rnams bya// gang gis spyan dang thugs gsal bas// mi mthun ma lus kun bsregs nas// dngos med stong pa'i ngang du 'tshig/ lag mthil zla ba'i chu rgyun bsam// nam mkha' sa gzhir bcas pa nyid// chu yis thams cad gang byas nas// bsreg pa'i bskal pa gzhil bar bya// rang gi sgrol ma'i rnal 'byor pa'i// brtan zhing goms par gyur pa na// gling bzhi ri rab khor yug na// ma lus brlag cing 'thor bar 'gyur// yaM gis bud cing kha gis bkrus// ragis sbyangs pas dngos po dag/ bdag gzhan rgyu la snang ba rnams// dngos med

  23. 13a

    stong pa ston par nus// mi mthun phyogs kyi dgra bgegs dang // sangs rgyas btsun mo gang yang rung // lha'am gnod sbyin bu mo dag/ ting 'dzin sbyor bas goms pa yis// de ma thag par bkug nas ni// bdag nyid ji ltar dga' bar byed// de nas 'dod pa'i don rdzogs nas// yid la der gnas mi 'dod na// gang dga'i gnas su gtang nas ni// phyis ni dam bcas bzhin du 'grub// gal te phyogs par ma gyur kyang // bdag gis bya ba ma rdzogs par// sngags dang phyag rgya ting 'dzin gyi/ ji srid 'dod par bcing bar bya// rang gi don ni legs grub nas// lus dang sems ni sgrol ba yis// pha rol ci bder gnas par bya// bdag dang gzhan dag phan 'dod pas// rim pa bzhin du brtsam par bya// bdag nyid thar lam bgrod pa yis// stong pa chen por goms gyur nas// rgyal ba'i sku tsho mi 'chi nyid// mtshan ma'i rgyun// gyis tshe bsdus nas// 'dod pa yid 'ong thob par 'gyur// stang 'og rlung la dbang thob nas// bar ma'i rkyen gyis bslu ba med// mtshan bzang thig le bcu drug sogs// dben pa'i gnas su zla dang bcas// zhun chen la sogs bcud kyis gso// gang rgyas bdud rtsi gsang ba'i lces// rngubs nas mi 'tshe nges par myong // lnga yi rtsa ba yan lag

  24. 13b

    bcas/ bdud rtsi rigs brgya lnga gcig sbyangs// rtag phyin 'thungs na the tsom med// ra sa ya na la sogs la// bsgrubs shing brten na de bzhin no// che mchog las byas zla rgyas sogs// rtags ldan zos pa'ang nges par 'grub// gzhan pa tha mal la sbyar te// bdag nyid kun la nges par 'gro// sngon song ba yi snga rol nyid// yan na mtha' nye'i lam tshe'o// tshe yi rten na gang rung la// bdag nyid stobs ldan rnal 'byor pas// phyogs bcu gzi byin kun bsdus nas// sngags dang phyag rgya ting 'dzin gyis// bstim la nges par bsrung bar bya// gal te 'chi ba gso 'dod pas// rgyal rigs rje'u dang bram ze'i ro// rma med ga tsang ma blangs nas ni// sbyangs shing rgyan dang ldan byas te// bdag/ gi sa gang yin bkug nas ni// mngon pastims rtags dang ldan gyur nas// mgo dang lce gcang go mtshon gyis// lha mi g.yul las 'joms par byed// lce gcad bstabs pa sa gser yin te// langs nas dam bcas chu blang nas// gang 'dod las ni be col bar bya// gal te drag po rtsom gyur na// de yi bdud rtse dag la brtan// ming rus bcas pa gsal bar bya// drag po'i gnas su gzhag nas ni// gnyen pos gnas bkug bstim byas nas// dug dang lan tshwa tsha bas bstim// gnas lnga phur btab de nyid gnan//

  25. 14a

    'di ni kun kyang brlag par 'gyur// dgra dpung 'pham pa'i las byas nas// bdag nyid lha rugasal byas la// ras sam gro gar ming rus bri// chags pa'i gos kyis dril byas nas// g.yas pas legs par gnan nas kyang // nga rgyal rang gi sngags bcas pas// phyogs su 'phyo bas 'pham par byed// de yis rgyal bar 'gyur ba ste// spyi gtsug 'khor lo rtsibs bcu gzhag/ khro bo sngags gnyis byin brlabs nas// ma yengs gar phyini rgyal bar 'gyur// gzhan yang thabs dang ldan pa yis// thabs dang shes rab ldan skyed de// rgyal ba'i dkyil 'khor nyi zlar langs// gnyis thim nyi zla ra bcud lngar 'dres// 'thungs pas bdud rtsi dag par byed// de nyid gnyis med ldan gyur nas// rtse spras byed pa'i thabs bcas pas// dug gsum nad bsal bde chen gyis// rang dga'i lus kyi stobs su gnas// rlung sems bde bas gang gyur tshe// thun mong thun mong ma yin pa'i// 'dod pa lnga la longs spyod cing // zhing dang spyod yul dag par 'gyur// gang tshe thabs dang ldan pa yis// tha mal snang ba lus bcas pa/ dka' zhing gdung ba spangs pa yis// bde chen dbyer med nyid du 'gyur// rang rig 'od gsal nam mkha' ni// rdo rje pad+ma la brten pas// 'byung bzhi thabs kyis 'bar ba

  26. 14b

    yi/ ta tha mal zhen pa mi gnas shing // byang chub sems kyis gang bar byed// sgrol ma rlung gi thabs ldan pas// 'bar nas rim par gnas bskyod pas// steng gi thig le zhu ba'i sems/ dngas ma lngar thim gsal ba'i tshe// stong nyid nam mkha'i rang mtshan nyid// dbang po yul sems rtog par 'gyur// rang 'byung bcud 'dul thig le nyid// thabs kyi/ phyag rgyas bkug byas nas// thabs dang shes rab thabs kyis bcing // rang 'byung bde ba'i nyams shar nas// rang rang gnas su gtang ba'i tshe// rlung sems zhen 'dzin grol gyur nas// sems mtha' 'gro 'ong med pa'i tshe// ye shes rgya mtshor gsal gyur nas// ma lus bde chen 'bar bar gnas// bdud bzhi ma lus 'pham pa yis// phyogs med rgyal ba'i dkyil 'khor du// ting 'dzin gsal bas byed par 'gyur// bde ba'i thig le rang snang bas// ming tshig tha snyad brjod bral ba// thabs dang shes rab thabs mtshon pas// bde chen rig pa'i thig ler 'gyur// thun mong khyad par yo byad kyis// sngon du bya ba kun byas nas// rang gi thabs ldan rnal 'byor pas// ji ltar bsgrubs pa bzhin du 'grub// sangs rgyas kun gyi sku gsung thugs// rang 'byung bde chen rgya mtsho ni// byin rlabs kun gyi bdag nyid pas// kun la 'tsham pa bzhin du

  27. 15a

    'char/ thig les bde ba myong gyur nas// bde ba'i thig le'i ngo bor gsal// gnyis med rang byung snying po la// gsal bar nyams kyis goms par bya// bde chen thig le'i ngo bo ni// rdo rje 'dzin pa'i bdag nyid de// rigs kyi bdag po kun las grol// mtha' dbus rgyu 'bras las 'das pas// thig le rang rig byang chub sems// 'gro 'ong dmigs 'dzin zhe na las 'das// de bzhin nyid du gshegs pa yang // sna tshogs zhe na las grol bar zad// thabs dang shes rab thig le yaM/ nyi zla gsang ba'i sems ldan pas// dngos rnams lhan cig skyes nus nas// sgyu 'phrul dra bar gsal bar 'char// ces nyid la nyid gsungs pa'o// sgyu 'phrul rgya mtsho'i rgyud las/ phye ma bsgrub pa'i le'u ste lnga pa'o// // de nas bcom ldan dgyes chen po// mtha' dbus med pa'i lhun grub pa// ye shes kun gyi bdag nyid des// sku yi dkyil 'khor snang bar mdzad// gcig dang du ma bral ba yi// rang byung ye shes phyogs med pa// yeng shes lnga rdzogs snying po nyid// mu khyud snying pos yongs su bskor// sangs rgyas kun gyi gzhal yas khang // ngo bo dzaM bzhin gsal gyur pa// che ba'i yon tan lhun rdzogs pa// dkyil 'khor kun gyi rang bzhin nyid//

  28. 15b

    ye shes 'khor lor ba gcod// lhun grub thig les yongs su bskor// che ba'i yon tan phyogs med cing // thar pa'i grong khyer khyams ldan pas// rnam par mdzes pa'i sgo dang ldan// 'dod yon lnga dang bzhugs gnas kyang // zad pa med pa'i tshul du gnas// bdud dang 'khor ba'i nyes pa yis// mi 'jigs stobs dang rdzu 'phrul dang // dbang dang 'phrin las lhun rdzogs pas// thabs dang shes rab skyon bral bas// rgyal ba kun gyi gnas pa'i gdan// rang byung rig pa'i 'phrul pa yis// mdzad pa rdzogs dang ma rdzogs dang // 'gro ba'i don las ma 'dres pas// lha dang gdanas khyad par dang // bzhugs tshul rgyan cha sna tshogs bstan// rang byung rgyal ba thams cad kyang // rang gi rtog pa der 'byung gi/ rgyu 'bras dka' thub rtsol ba yis// gzhan byung tha dad chos dang bral// rang rig lhun gyis 'grub pa la// yon tan khyad par kun rdzogs pas// thabs che na gsang bas goms rtogs nas// che ba'i 'bras bur bdag nyid gnas// sgyu 'phrul dra ba'i dkyil 'khor ni// kun nas rgya yongs ma chad pa// phyogs bcu dus bzhi sku gsung thugs/ ta ma lus bdag nyid byang chub sems// gdod nas dag mnyam rdzogs pa yis// mi zad 'khor lor rang snang ba// ma lus thams cad dag pa yis// byar med bya

  29. 16a

    las 'das pa yis// rang 'byung sgyu 'phrul rgya mtsho che// skyes bu rab la de bzhin snang // ma lus 'dod stobs khyad par gyis// thabs dang shes rab 'brel pa las// rab 'bring tha ma'i stobs bzhin du// dka' thub gdung ba spangs pas 'grub// thabs chen thabs las byung ba yis// gtso 'khor dbyer med dkyil 'khor ni// 'khor ba dag byed maN+Dal// bsgoms pas rgyu 'bras mngon du 'byung // thabs chen rgya mtshos zin pa la// 'khor ba'i rgya mtsho ngo bos stong // 'das dang ma 'das dbyed med pa'i// rang rig byang chub de bzhin nyid// rang reg byang chub skon bral la// mos pa'i yon tan khyad par gyis// rang rang kha dog ji bzhin du// yon tan stobs las mngon snang ba// ma 'dres gsal bar shar ba nyid// sgyu 'phrul thabs kyi ngo bo ni// dra bang shes rab ma skyes dbyings// gnyis med gnas pa rtog goms nas// 'bras bu rdzogs pa'i tshul du gnas// bskal par sbyangs dang rang gnas pa'i// blo yi bye brag ji snyed pa// thabs kyi rim pa de bzhin te// 'bras bu lhun grub nyid du 'gyur// sangs rgyas kun gyi gnas gyur pa// gsang ba'i bzhugs gnas thig le'i rten// ngo bo mtha' bral gnyis med pa// che ba'i yon tan lhun rdzogs pa// sgo dang ldan te snying por rdzogs// /

  30. 16b

    thig le chen po'i rang bzhin la// 'bras bu'i mtshan ma rang bzhin rdzogs// thabs chen nyi zla'i ro 'dres pas// ye shes dkyil 'khor gsal bar snang // sangs rgyas dkyil 'khor ma lus pa// sku gsung thugs kyi phyag rgya nyid// mA lus nyi zla'i tshul gnas te// skal ldan thugs la 'jug par 'gyur// bde chen rig pa'i dkyil 'khor ni// ma lus 'dus pa byang chub sems// thig le rlung dang bral ba yis// rdo rje 'dzin pa nyid du 'gyur// gang dang gang du zhe na gzung ba// bde chen thig ler zad gyur nas// zhing dang spyod yul bcas pa dag/ ma lus rig pa bde chen po// thabs dang shes rab dbyer med pa'i// gsang ba'i thig le kun gyis dngos// thams cad rang bzhini rdzogs pa'i phyir// thams cad kun gyi ngo bor gnas// steng 'og g.yas g.yon las byung ba'i// steng 'og thig ler 'brel ba'i bcud// nyi zla thabs dang shes rapa nyid// gnyis med thabs su 'brel pa yin// brjod bya'i yon tan kun 'das pa// sangs rgyas kun gyi rang bzhin nyid// ma lus kun dang 'brel ba'i phyir// sems lnga'i tshul gyis mngon du snang / thig le dang po nas brtsams nas// ma skyes bde chen bcu drug mtha'// 'gro 'ong med cing mthar phyin pa// rang 'byung dkyil 'khor lhun gyis grub// thog med

  31. 17a

    bsags las gang gyur pa'i// las dang 'du byed sgrib pa rnams// bde chen sku gsung thugs gyur nas// ma bsgribs ye shes ngo bor 'char// bye brag brgyad cu sprul pa yis// thig le'i rkyen gyis 'dus gyur pas// ma lus mun pas snang ba bzhin// dngos byed thabs kyis snang byed pa// rang 'byung rang snang ngo bo nyid// bde pa chen po'i thig le nyid// phan tshun 'brel cing 'dres pa las// nyi zla 'khor bcas de dag kun// gsang ba'i thig le 'phro 'du med// bde chen thig ler lhun rdzogs pa'i// byang chub sems la dang sa snyigs med// lus ngag sems kyi bya ba rnams// gang gi 'dul bar mi nus pa// byin rlabs rten 'brel las byung ba'i// bde ba chen po'i ngo bor 'gag/ snang gsum las 'das thig le ni// phyogs 'dzin dmigs khams las 'das pa// rang rig dmigs zhe na dag pa yis// 'dus byas zag pa'i bde ba med// sangs rgyas kun gyi thig le ni// 'gro 'ong thig le rgyu ba dag/ mkha' ltar dag pa'i byang chub sems// rkyen bral yang zhes zag med de// 'phel 'grib med pa'i tshul du gnas/ rgyud chen sgyu 'phrul dra ba las// rang byung ye shes rgya mtsho nyid// gdul bya mos pa'i bsam pa bzhin// thugs rje'i byin rlabs bsam mi khyab// ji snyed

  32. 17b

    mtha' yas chos rnams ni// rgyal ba kun dang dbyer med pa'i// sku gsung thugs kyi ngo bo ste// dbyer med bde chen phyag rgyar gsal// gang du snang dang mi g.yo ba'i// bya ba byed dang mi byed pa'i// sgyu 'phrul dra bar sngon rdzogs pa'i// thig le mchog gi snying por gnas// rten dang brten par bcas pa yi// sgyu 'phrul dra ba'i dkyil 'khor ni// sna tshogs bsam pa las byung ba'i// dkyil 'khor chen po 'bar par 'gyur// zag med ye shes lhun rdzogs pa'i// gdul bya'i bya ba kun kyang spyod// ces nyid la nyid bshad do// sgyu 'phrul rgya mtsho'i rgyud las/ dkyil 'khor yongs su rdzogs pa'i le'u ste drug pa'o// // rdo rje 'dzin pa tshon po ni// sangs rgyas kun gyi dngos gzhi ste// gsung gis 'dul ba'i don du ni// de dag 'khor lo bskor bar mdzad// rtsa ba cir yang 'gyur ba'i bru// rin chen ye shes sna tshogs pa// phyi nang mtha' dbus rgya bral ba'i// chos dbyings 'og min gzhal yas khang // rang rang sa bon bskyed pa dang // gnas dang byin gyis brlabs pa'i phyir// rdo rje 'dzin dang rgyal ba 'dzin// sangs rgyas nor bu pad+ma dang // shes rab 'dzin pa'i rim pa bzhin// 'khor lo'i tshul bzhin gnas pas mdzad// rang rang sa bon ji bzhin pa'i// gnas

  33. 18a

    dang bskyed pa'i byin rlabs pa// nang dang sbyor ba las byung ba// lnga steng 'byung ba'i rang bzhin nyid// rang gi btsun mo spyad bya ste// bde bskyed 'khril ba'i tshul du gnas// ming gi dang po las 'byung ba// rnam shes bzhi yi mnyam nyid ni// gnas skyed thabs kyis byin rlabs pas// rang gi gnas su de bzhin gang shegs// / thun mong thun mong ma yin pa'i// yul bzhi bde bskyed btsun mo ste// sa bon gnas bskyed thabs las byung // thabs dang 'brel pa'i tshul du bzhugs// skye mched gnas kyi rang bzhin las// ming gi dang po las byung ba// gnas dang skye mched la sogs pa'i// gnas ni ji bzhin gnas par 'dod// thun mong thun mong ma yin pa'o// dus bzhi'i btsun mo rang bzhin ni// dgyes pa bskyed pa'i lha mo ste// gnyis med 'khril ba'i tshul du gnas// dgug dang bsdum dang bskyod pa dang // dgyes pa chen po'i rang bzhin nyid/ tshim dang me tog gtor ba yis// gnyis med lhan cig gsal ba yis// ma lus khyab cing gsal bar byed// 'di dag dbye dang dbab pa dang // thim dang bde bas tshim pa dang // rim pa bzhin du yang dag gnas// gang du rang gi sa bon las// gong ma ji bzhin gsal gyur pas// lus kyi chos bzhi'i ji ba ni// ta kri de sgo srungs

  34. 18b

    tshul du gnas// gzhan dag rang gi btsun mo ni// lha mo bzhi yi dang po las// thun mong thun mong ma yin pa'i// mtshan ma 'joms shing 'khril bas 'khod// ma lus 'dus pa'i ye shes ni// dmigs pa gsum las 'das pa ste// yul gsum 'das pa'i 'dus ma byas// de nyid 'dus pa'i ye shes dbyings// kun gyi rang bzhin nyid ces bshad// thabs dang shes rab la sogs pa// thun mong thun mong ma yin pa'i// chags sogs mtshan ma drug po ni// sa bon gnas bskyed las byung ba'i// sprul pa'i skur ni mngon par rdzogs// rang 'byung rten gyi thig le nyid// phyag rgya bzhi yi sbyor ba las// dga' dang chags dang bde ba dang // ye shes nyid ni gsal bar 'byung // sems lnga ye shes lngar smin pa'i// ye shes thig le gnas 'phos nas// rang 'dod gnas las phog par mdzad// nyi zla reg pa'i thig ler bcas// phan tshun 'dres par gyur pa na/ lnga dang lngar ni mi phyed pas// rig pa'i me tog dor zhes brjod// gang gis gang la gsol btab pa'i// thugs rjes byin rlabs sbyang byas nas// thugs bzhugs 'dres nas dbyer med pa// sras gyur dgongs pas gcig la gnas// rang 'byung dngos dang mi 'gal bzhin// 'bras bu nyid las gzhan min pas// ma lus dkyil

  35. 19a

    'khor thig le rnams// bdag gi sras su bsgom par bya// lam dang 'bras bu'i khyad par dang // rtog pa ye shes 'od las byung // byin rlabs 'bras bu dngos 'brel pas// de bzhin gshegs pa'i sras tshogs bsgom// rang rig ma bcos dngos nyid las// rtog pa'i ye shes byin rlabs nyid// ma lus snang bas rgya mtsho ste// dman dang rigs chad spyod yul min// ma lus sku gsung thugs sbyor ba'i// de nyid thabs dang shes rab ste// dbyer med thim pas phyag rgya bzhi// gnyis med 'dres pa'i tshul du gnas// gnas lngar thim pa'i thig le ni// sangs rgyas kun gyi rang bzhin te// ye shes lnga yi dbang bskur phyir// dbu rgyan cod pan ldan par brjod// gnas gsum yi ge'i ring bzhin nyid// sangs rgyas kun gyis byin brlabs pas// thim pas gzi byin bskyed pa ste// sku gsung thugs kyi rang bzhin no// dngas ma 'dus pa'i thig le la// ye shes lhun grub rdzogs lnga'i ros// ma lus kun la rgyas btab pas// ye shes lnga yi tshul du gnas// nyi zla 'dus pa'i thig le nyid// brngams dang thabs kyi rang bzhin las// gsang ba'i ye shes lnga yi ros// khyab pas gnyis su med par gsal// 'khor lo gsum gyi thig le nyid// yi ge gsum du rang

  36. 19b

    gnas pas// thabs kyi sbyor bas gnyis su med// sku gsung thugs kyi sbyor ba'o// g.yas g.yon thig le dbus gnas pas// yab yum bde ba'i thabs dang bcas/ rang lus bde che na gsal 'bar nas// sku gsung thugs kyi phyag rgyar sbyang // gzhan yang gsung gi phyag rgya mchog/ ji ltar 'dul ba de nyid du// rtog 'dul gnyen po thabs su snang // de nyid mtshan mar ba sam me khyab// sangs rgyas ma lusau phyogs bcu rnams// thugs rje ye shes sna tshogs kyis// gsung gi de ltar brtag pa'i phyir// gsung gi phyag rgya'i ngo bor shar// brjod dang brjod bya dbyer med dang // rang 'byung gsung gi dkyil 'khor nyid// ma lus 'dus pa'i gsung mchog nyid// ji ltar 'tsham pa'i tshul du snang // sangs rgyas kun gyi gsung nyid ni// ma lus kun dang dbyer med pas// rtogs dang bsgoms dang brjod pa yis// byin rlabs skyob pas sngags su brjod/ rgyud tshon sgyu 'phrul dra ba las// thog mtha' med pa'i byang chub sems// gsung mchog phyag rgya mtha' yas pas// ma lus 'dus pa'i ngo bo nyid// ji snyed phyogs bcu'i 'jig rten du// chos kyi phung po dpag med pa'i// 'dul ba'i thabs su gsungs pa yang // sgyu 'phrul dra ba'i gsung du 'dus// zab mo rten cing 'brel 'byung ba'i//

  37. 20a

    rin chen rgya mtsho rgyud chen 'di// sku gsung thugs dang bya ba dang // bya spyod rnal 'byor rgyud chen rnams// ma lus 'dus pa'i snying por gnas// sangs rgyas kun gyis byin brlabs pa'i// rang 'byung gsung nyid rang snang bas// bstan pa rgya mtsho'i rang bzhin te// thugs rje gdul bya'i don du snang // zhes nyid la nyid brjod do// sgyu 'phrul rgya mtsho'i rgyud las/ gsung gi dkyil 'khor mngon du phyung ba'i le'u ste bdun pa'o// // de nas bcom ldan dgyes chen pos// lus rtog phung por bcas pa rnams// bde chen lhun grub byin brlabs phyir// thugs rje dkyil 'khor bshad par mdzad// thabs dang shes rab rang bzhin ni// sgyu 'phrul dra ba mtshan nyid de// bde chen thig ler mngon rdzogs pas// phyi nang snod bcung thams cad ni// bde chen byang chub sems kyi rgya// bde chen thig les rgyas btab pas// 'da' dka' rang bzhin mi shig/ pa/ shes rab stong nyid nyi ma ste// ri na chen gsang dkyil zla thig le// sems lnga gnyis sbyor byang chub sems// yang zhe sa lA ru gsal ba nyid// yang shes dkyil 'khor dpag med pa// sangs rgyas dkyil 'khor kun gyi rgyu// thig le 'brel cing rtse phrad pa// thabs dang shes rab gnyis med pa'i// nyi zla ba snol mar drangs pa la// bde chen

  38. 20b

    nyams myong gcig tu gsal// dngas ma thig ler gas la thim pas// bde ba'i thig le 'phro 'dra med// rang byung bde chen 'od gsal ba// sangs rgyas dkyil 'khor lhun gyis grub/ phung sogs rtog pa ma lus kun// bde ba'i ye shes lnga ru gsal// de nyid bcu gsum sangs rgyas la// ye shes dbyings rig rang gnas pa'i// khams gnyis 'das pa'i thabs las skyes// skyes pa nyid na bdag tu gsal// bco brgyad khams sogs rtogs pa kun// dngos med lhan cig ye shes che// rkyen bral sems lngas 'pho/ 'jig pas// god phye nyid na yeng shes lnga// gnyis su med pa'i byang chub sems// kun spangs bral bas gang med pa// snang med snang ba dam pa'o// rang byung thig le byang chub sems// rten dang brten pa dbyer med pa// gsang ba'i thig le nyams dang bcas// rnam shes rlung gis mngon bsdus pa'i// khams gsum thabs kyi ye shes che// rtse mo 'bru gsum gnas mthong ba// rdzas lnga'i ye shes so sor gsal// nyi zla'i khams 'dres drangs nyams sbyor// 'phel 'grib med pa'i yon tan mdzad// tshogs drug ye shes cha lnga mnyam// thabs las bzlog pas mngon nas shes// 'gro 'ong rdzu 'phrul nges lung bsal// brjod 'drar thos shing sa gsum mthong // phung khams gsum gyi

  39. 21a

    zag pa med// A li kA li bde ba nyid// phan tshun ma 'dres gcig par shes// bcu drug ngo gnyis mtshan dang ldan// phyogs gcig ye shes lnga ldan pa/ brgyad cu bzod sogs rgyu las 'phags// thig le gnyis med bde chen nyid// rnam par bde ba rang bzhin gcig/ thabs dang 'brel pa'i rang bzhin la// bde chen phra rags yongs rdzogs pas// yul dbang rnam zhes dus dang bcas// phyag rgya bzhi sogs rnam pa kun// bde ba chen po'i ngo bor rtogs// phyag rgya thugs sogs gdod nas rdzogs// phyogs dus ma lus thams cad ni// bde chen phyag rgya ragasal 'bar bas// sgo gsum bya btsal ma lus pa// mun pa snang bar gyur pa kun// bde chen gsal ba sa btsal ba maud/ steng 'og g.yas g.yon gnyis med du// bde chen 'khril ba'i rang bzhin la// bde chen phra rags yongs rdzogs pas// yul dbang rnam shes dus dang bcas// phyag rgya bzhi sogs rnam pa kun// bde ba chen po'i ngo bor gnas// khams bzhi 'das pa'i sku gsung thugs// rang 'byung thugs su rang dag pa'i// gnas drug lam gsum rang gnas pa// thabs kyi drag po mi 'byung ba'i// ba zhu ba'i bde ba lte ba yis// a ra thim sprul pa'i gsang thig le// ye shes nam mkha' 'byung ba'i rgyu// bde chen rgyu las

  40. 21b

    char rgyun sems// rim par gnas thim khams gsum sa// yeng shes lo 'dab 'bras bu bskrun// 'gro ba chags pa can mthong na// lus dang phung por bcas pa rnams// ma spangs 'dod yon longs spyod kyi// dga' mug chags pa'i ror bcas pas// bde chen tshim zhing gang bar mdzad// phyi nang snod bcud dran rtog kun// thig le gnyis kyis sbyor thabs las// dug 'gyur chags pa rang sel ltar// thabs chen gsang bas grol bar mdzad// phyogs bcu kun 'dus byang chub sems// gnyis med rol pa'i byin rlabs kyis/ rdo rje gsum gyis lam mtshon te// ma skyes don gyi snying por thim// sprul pa'i thig ler rang shar bas// bde ba chen por ngo bor smin// kha dog cha byad rang nyams dag/ bde ba chen por kun 'gyur bas// de nas snang mdzad rdo rje ra bcas// yon tan gsung mchog las su bcas// spyan dang nam mkha' lha mo lnga// dbang po yul sems dus bcas pa// rang rang bde ba'i thig le rgyas// bde ba'i cho 'phrul phyogs bcur snang // la lar lta zhing chags pa dang // la lar rgyud cing rmongs mdzad de// bsdams dang bzhad dang zhal sprod dang // rgod pa sgeg dang 'dzin pa rnams// bskyod dang phyogs bcur 'grod pa yis// ma chags pa ni de nyid de// chags pa smin cing rgyas par mdzad// /

  41. 22a

    rmongs dang brgyal bas kun bsdus te// ma lus bde ba chen por thim// bde chen gsang ba'i phyag rgya yis// nam mkha'i dbyings ltar rgyas btab pas/ thams cad bde ba chen po'i dbyings// rang 'byung gsang ba thig le'i dbyings// thams cad ma lus byang chub sems// rang snang dkyil 'khor phyag rgya'i tshogs// gnyis med ye shes sna tshogs mchog/ mi dmigs mi gnas de bzhin nyid// rgyal ba'i dkyil 'khor ma lus pa// sku gsung thugs kyi de bzhin nyid// dag mnyam bde bas rgyas btab cing // dus bzhi mnyam pa'i ngo bor gsal// 'jig rten 'das dang 'jig rten pa// ma lus thugs kyi dkyil 'khor nyid// sangs rgyas byang chub sems dpa' dang // zhing dang 'khor lo rol mor bcas// ji snyed dngos dang dngos min pa// thams cad bde ba chen po nyid// lam dang 'bras bu'i khyad par dang // yon tan lhun rdzogs bsam mi khyab// nam mkha'i dbyings dang mnyam pa yis// sgyu 'phrul dra ba'i dkyil 'khor snang // thabs chen thabs las 'byung ba yi// byang chub bde mchog thig le nyid// mi phyed bde chen ro gcig pa// skal ldan dag pa sa mngon gyur pa// sangs rgyas zhing gi rdul snyed du// che ba'i yon tan kun spro zhing // mdzad pa sna tshogs

  42. 22b

    rol pa ston// mnyam nyid dbyings las g.yos pa med// dbang phyug rgyal ba rgya mtsho rnams// sku gsung thugs ni rdo rje yi// nam mkha'i dbyings kyis mtha' klas pa'i// dgyes/ chen ro yis khyab byas nas// bde ba chen po'i tshigs su snang // rdo rje slob dpon thabs ldan gyis// pha rol dag par bya ba'i phyir// skabs gsum dag ni ma gtogs par// byang chub sems ni 'phro ba yin// bde ba'i thig le yongs rdzogs pas// bcu drug rdzogs pa'i tshul du gnas// zhes pa nyid la nyid bshad do// sgyu 'phrul rgya mtsho'i rgyud las thugs kyi dkyil 'khor gyi le'u ste brgyad pa'o// // de nas bcom ldan dgyes chen pos// rdo rje gsang ba dam tshig mchog/ nges pa las ni gyur/ pa yi// dkyil 'khor nyid ni nges par bshad// gang du phyi nang snod bcud dang // dbang po yul sems ma lus pa// bde chen zhing du kun mnyam phyir// sa gzhi rab tu mnyam par bya// phra ba'i dam tshig la gnas pas// phyi dang nang la bsgom pas ni// sor bzhi mdzub gang tshad du bya// sbyang dang dri bskyed yid 'jug pa'i// chags pa'i dam tshig blang bar bya// bcu gnyis bcu drug la gnas shing // nyi shu'am nyi shu lnga yi tshad// dbang po pad+ma rab rgyas la// rang bzhin rig par thig btab la// rang rang

  43. 23a

    rigs las brtags pa bzhin// mtshan ma gsal bskyed byin gyis brlabs// ye shes mtshan pa'i don phyir 'dod// lus dang b+ha ga'i rang bzhin dang / rang gi rig pa'i dkyil 'khor nyid// dbang dang khyad par ji bzhin du// rim pa bzhin du mkhas pas brtag/ lus rtsa yan lag snying du bcas// dkyil 'khor rgyan du nges bshad de// ma lus gzhal yas snying po bshad// yab yum dngos grub rang bzhin nyid// rdo rje gsum du nges gsal zhing // sangs rgyas rdul snyed sku gsung thugs/ mnyam sbyor ma 'dres mnyam pa nyid// gang gi sa gang lags la goms pa// de dag gsal ba'i tshed ldan pa// de yis de la byin brlab phyir// lhag pa'i ting 'dzin stobs kyis bri// bdag gzhan byin rlabs nus ldan phyir// rgyal ba'i dkyil 'khor rdul skyed pa// thabs dang shes rab ngo bo yis// gang 'dod thims par byin brlabs nas// rgyan 'phreng mdzes pas tshul bzhin bya// bdud rtsi longs spyod dang ldan pa// bdag nyid mnyes par bya phyir brtsam// longs spyod khams dang gsang bar bcas// me yi cho ga rab ldan pa// thabs kyi cho ga ji bzhin du// las bzhi'i sbyin sreg brtsam par bya// gal te mtshan ma sbyong ba na// tshad dpag med pa'i bag chags rnams//

  44. 23b

    las dang sbyor bas sbyang byas nas// snga phyi rim par bar gcod pa'i// bgegs rnams khro ba'i sbyor bas spangs// mtshan ma bkod pa'i yam shing la// gnyen po'i sbyor/ bas bsregs sbyangs nas// bshags dang byin rlabs chos ldan nas// dag pa gsum la gnas bcas nas// dam tshig ye shes bskyed bsgyur ba stim// mchod bstod bzlas pas rtags thob cing // ting 'dzin gsal brtan goms pa dang // dbang dang dam tshig ldan gyur nas// lhag pa'i gzugs brnya ni gang 'tsham par// bsreg sbrang cho ga rgyas par brtsam// ltas brtag las kyi rim par bya// gang du chag pa'i dkyil 'khor ni// chag pa'i glu dang gar dag dang // de bzhin ma nyes tshul sna tshogs pa'i// bro gar sprin tshogs rnams kyis mchod// gang du gnyis med dkyil 'khor ni// nam mkha'i tshod dang mnyam sbyor ba sa// bde mchog sgyu 'phrul dra ba nyid// sna tshogs 'bar zhing khyab par gsal// gang zag mos pa'i don du ni// dkyil 'khor bzhir ni snang gyur te// 'jug dang dam tshig ldan pa la// dbang bskur tsho gas legs par smin// chags pa'i dam tshig la gnas pa'i// bde ba chen po'i man ngag 'di// dka' thub can dang rgad po dang // ma ni de byis pa'i spyod yul min// gang du chags pas bcings pa rnams//

  45. 24a

    chags pa nyid kyis rnam grol zhing // nyon mongs rtogs pa ji snyed pa// thabs dang ldan pas ro myong ba'i// 'jig rten chags pa 'jig dus su// de dag thung gcig rnam par grol// dbang po kun las rab 'das pa'i// bde ba chen po'i rang bzhin du// ma lus gsal bar mnyam sbyor bas// dka' thub tha mal gtsang sme dang / re dog sa bag tsha rnam par spang // 'jig rten mun pa rnam bsal nas// da lta nyid du rnam grol bas// mun pa la ni mer me bzhin// phyis 'jog 'bad rtsol med par mdzad// de nyid rdo rje sems dpa' ste// btsun mo tshogs dang rol mdzad cing // rdo rje pad+mar mnyam sbyor nas// 'o dang 'khyud pa sa gar mdzad cing // byang chub sems dpa' rdul snyed dang / lha mo rdul snyed bcas pa kun// spyan gyi chags pas gzigs mdzad cing // snga phyi drin rtog kun 'gags nas// bde ba chen por rab tu 'bar// zhing khams snod bcud bcas pa dag/ sgyu mchu zla brag cha dang // dri za'i grong khyer bzhin du mthong // de phyir rnam dag lha mo yis// pad+mar rdo rje'i thabs reg pas// bskal par bsags pa'i mun pa dang // dngos dang dngos med rnam par spangs// 'dod chags dri med chags bral 'joms// bde chen 'dod pa bzhin du 'grub// thabs dang shes rab gnyis med pa'i// /

  46. 24b

    gsang ba'i thabs kyis bde bskyod pas// bcu gnyis sa la nyi shar tshe// lus kyi chos bzhi 'dus byas pas// thig le kha bsgyur phan tshun du// dgongs pa'i stobs kyi spyir gnas tshe// sku gsung mi zad 'khor lo sogs// 'bad pa med par shugs kyis 'byung // gnas kyi gzhi lnga 'bras bu yang // tha dad rgyu med dus gcig khyab// thabs kyi dam par nga yis brjod// rang 'byung thog mtha' med pa yi// thabs dang shes rab nyi zlar bcas// re dog sa 'jig pa spangs spyad pas// tshe 'dis sangs rgyas lhun gyis grub/ rdo rje 'dus pa'i snying po dang // ge sar bcud bcas 'brel ba yis// ji snyed kun mthun dngos 'di dag/ rang dbang med par rnam par 'jig/ pad+ma kha phye lta bu la// zla ba rgyas pa'i thabs sbyor ba// dzaHhUM baM ho thabs ldan pas// mdzes dang chags dang bde ba dang // grong khyer gnyis med ngang du 'jig/ nyid ldan hUM phaT oM phaT mu// bskyong 'dren bde ba ngo mos pa med// thig le 'pho ba'i rgyun bzhin du// dga' ba'i 'phreng bas rgyu 'bras 'byung // brjod dang bral ba kun gsal ba// rig pa'i sku dbyangs gnyis med rdzogs// nyi zla 'dres pas slar bskyod pa// sa ya bcu gsum bcu gsum ltar// phyogs rigs med par kun nas ldang // dgyes pa chen po'i gar

  47. 25a

    yin no// bcud 'dus thig le thabs sbyor bas// 'byung ldog bde ba dgyes pa che// muM gyi sgo phyo las 'byung ba// kun d+ha ra ga'i me tog dag gnas su skyes pa'i chus skyes dga'// de nyid slar thim thabs las skyes// de tshe ye shes gnyis gsal med// bde ba chen po kun tu gsal// mtha' gnyis rab mnyam lhun rdzogs pa'i// ye shes rgyal ba kun gyi thugs// rim nas rim par bcu drug ro// dang po bzhi tshogs gnyis sbyor lam// gsum pa bzhi mthong bzhi bsgom pa// tha mar thim brjod rim bzlog pa// rim pa bzhin du gsal bsgom pas// 'gro 'ong med pa'i thig le nyid// 'bras bu'i ngo bo lhun gyis rdzogs// rang byung ye shes thig le la// 'bras bu'i re rnams rdzogs par ldan// ngo bo thabs kyis mngon gsal nas// 'bras bu lhun gyis rdzogs par gnas// zhes pa nyid la nyid gsungs so// sgyu 'phrul rgya mtsho'i rgyud las/ rdo rje bkod pa byin gyis brlabs pa'i le'u ste dgu pa'o// // de nas bcom ldan dgyes chen po/ kun mchog dbang phyug rgyal po yis// byin rlabs gsang ba rtogs bya'i phyir// rdo rje byin rlabs mchog tu mdzad// gsang ba mchog ldan dbang phyug

  48. 25b

    gis 'khor lo rim pa brtag byas nas// snod dang mos pa ji bzhin du// rab 'bring tha ma'i bsam pa lhur// phyag rgya mdzes pa'i rol pa dang // thig le mchog tu 'dres pa yis// dri med dbang bskur grol bar mdzad// sems kyi thig le thog mtha' med// rang rig mkhyen pa'i ye shes la// kun mchog thabs kyis dbang bskur bas/ tshe 'dir nges par grol bar 'gyur// sangs rgyas kun gyi sku gsung thugs// rdo rje dbang du snang ba yis// snod dang ldan pa'i gang zag la// byin brlabs rje pos 'jug par 'gyur// de tshe stobs dang nus mthu dang // byin rlabs mngon shes la sogs dang // shes rab ting 'dzin la sogs pa// 'di tshe rtags ni 'byung bar 'gyur/ phyag rgya dbu rgyan cod pan dang // gdugs dang bum pa bza' btung dang // rgyal mtshan go cha snying po dang // 'phreng ba dag gis dbang bskur te// de nas glegs pam 'phreng ba dang // rgya gram 'khor lo rdor dril nyid// nus pa bstan pa thob pa'i phyi// ting 'dzin bstan pas sbyin par bya// de nas rgyal ba'i sku thob pas// gsung dang thugs la gnas bya'i phyir// gsang ba la sogs rim pa bzhin// mos pa ji bzhin brtag par bya// gzugs dang lang tshe ldan pa dang // btsun zhing na so dar

  49. 26a

    la ba ba/ dul zhing blo gros mchog dang ldan// yon tan phun sum tshogs pa dang // zas dang gos sogs rjes bsrung la// dam tshig sdom phog dbang bskur nas// thabs dang shes rab byin brlabs nas// mchod pastod bzlas pa mthar phyin pa// thig le nus pa bstan phyin nas// tha mal zhen pa spangs pa dang / gnas ngan len pa dag bya'i phyir// thabs dang shes rab thig le'i bcud// rtse nas rtse ru phyin pa yis// rang rig lus ngag sems su bcas// bde ba chen por 'bar bar 'gyur// lus ngag sgrib pa dag byas nas// phyis ni bde chen gsal bar bya// nyi ma zla bar ldan pa yi// thig le rgyas shing brtul zhugs ldan// byin rlabs mnyes par gyur na ni// 'dod chags thig le rgyas byed pa'i// bstan bcos bye brag brtsam par bya// shes rab thabs kyi g.yas gzung ste// stod smad bkug pas kyo ba ta// dbang po yul sgyus 'khyud pa ni// gsang ba chen po'i zhags pa'o// stong smad shin tu bsdam byas te// ma skyes mi stong sgrog gi las// bskyod pa ha si bde sgra sgrog/ kun tu grag cing bde myong ho// thabs dang shes rab yi ge bcus// ming dang lhan cig skyes pa brtag/ snang ba gsum las 'das pa yi/

  50. 26b

    rnam rtog dngas shing bde chen la// slob mas bde chen myong ba'i tshe// phyi nang zhen rtags ma lus pa// gnyis med ngang du gsal gyur na// lhan cig skyes pa'i ngo bor gsal/ dbang po yul sems ldan pa yis// dran rtog skye 'gag rgyu 'bras rnams// sems ltas bde bar smin pa dang // sa bcu'i khyad par rdzogs par bya// rnam rtog bya ba tsa la yul 'das pa'i// bde chen thig le mi rtog pa// sangs rgyas rnams kyi thugs nyid de// gnyis med bde chen ngo bor brtag/ sangs rgyas kun gyi bde chen rgyu 'bras 'gro 'ong kun bral ba// thabs dang shes rab mi phyed pa// rdo rje 'chang chen gsang bar dgongs// ma lus gsang bar ro gcig pas// ye shes sgyu ma bde chen po// gcig dang du ma'i sa las 'das// ye shes rtse mo mchog tu 'dod// rdo rje slob dpon byin rlabs kyis// sgyu 'phrul dra ba la brten pas// dug gis dug nad gsal ba ltar// skal ldan mchog la bstan pa yin// bde chen thig le mi g.yo ba// rgyu 'bras dbyer med byang chub sems// cig car dbang gis mun bsal nas/ ma lus bde ba chen por bskyed// gang tshe zhen pa kun bral ba'i// rang 'byung thig le gsal ba'i tshe// skye 'gag gnas dmigs 'gro 'ong chos// zhen rtags

  51. 27a

    bde chen ngo bo zlog/ rgyun chad pa dang mi 'phel dang // rang rgyud pa dang byin med pa// 'jig rten log pa mthar gyur pas// 'di dag rnam par spang par bya// de nas gang du mtshan pa yis// yi de 'ongad phyag rgya la brten cing // rgyu ba rlung gi drod ldan pa// de ma thag par grol bar 'gyur// gsang ba'i thig le rgyun bral ba// 'gro 'ong med pa'i thabs nyid kyis// rang 'byung thig le 'pho 'gyur med// rtogs nas goms par gnas par bya// 'dren pa'i thabs stobs las 'byung bas// bde ba chen po mi g.yo ba// rnam shes mtshan ma'i yul las 'das// bde ba chen po mi g.yo ba// bde ba chen po'i rang bzhin ni// ma skyes bden gnyis dbyer med pa'i// ngo bor ma lus kun gsal ba// mi 'gyur brtan par brjod pa yin// skal dman thabs kyi bde spyod na// steng 'og thabs kyis gnas bya la// shes rab 'phrul gyi 'khor lo bskor/ rgyas dang 'phror ba'i rtags byung na// rgyu ba bcad la 'khor lo spang // bde chen bar chad med 'dod na// thabs kyi rim bzhin bsgoms pa dang // shes rab yum gyi de bzhin te// yang na gnyis su med pa bya// rang rang thabs dang ldan pas brtsam// bar chad dag ni byung ba na// thabs dang ldan pas bskyed par bya// lus la

  52. 27b

    brten pas sems gang ste// phyi nang bde chen rgyas par bya// de nas nam mkha'i mthar thug par// khyab dang bar chad med par gnas// goms pa'i rim dang byin rlabs las/ tamakha' 'gro gsum gyi snang thob nas// zhing khams phyogs bcu rdul snyed bcas// bde chen zag pa med par gnas// dang po byin rlabs gnang thob nas// rdo rje 'dzin pa mthar thug par// ches nas bcu drug mthar byin ltar// man ngag stobs kyis shes par bya// lung dang rig pa la sogs pa'i// yid spyod tshad ma ring spangs nyams myong tshod ma la brten pas// rim spangs tshe 'di nyid kyis 'grub// las dang skal ba dman po dang // bla ma thabs la yid kyis phyogs// log pa'i skye bo'i dbang song ba'i// gang zag 'di dag rnam par spangs// thabs dang ldan pa'i rnal 'byor gyis// mi spyad pa ni gang yang med// mi bya ba yang yod min te// bza' dang mi bza' cung zad med// 'di la bsgom dang mi bsgom med// thams cad mnyam pa nyid sbyor bas// bya dang mau ba kun las 'das// snang srid 'dod yon lngar gnas te// bde chen rege mar kun gnas pa// ma lus yid 'phrog tshim byed pas// sgo gsum phyogs su gtang du med// bya med bya las 'das pa yi// rjes su mi dmigs de bzhin nyid// ma bcos

  53. 28a

    rang rig yul dang bral// gang du blo spyad gang 'dzin med// ma bcos thabs kyis bder gzhag pas// rang byung ye shes mtha' dbus med// gcig dang du ma kun bral bas// thams cad ma lus chos kyi sgo// bden gnyis tha snyad las 'das pa'i// ma skyes rang rig byang chub sems// yi ge tshig dang ming spangs pa'o// brjod bya ma lus rdzogs par snang // zhes nyid la nyid bshad do// sgyu 'phrul rgya mtsho'i rgyud las/ snod byin gyis brlabs pa'i le'u ste bcu pa'o// / / de nas de bzhin gshegs pa nyid// gcig dang du ma kun bral ba'i// dgyes pa chen po'i bdag nyid kyis// tshogs kyi dkyil 'khor bstan par mdzad// phyogs bcu dus bzhi bsdus pa yi// sangs rgyas dkyil 'khor ma lus pa// tshogs gnyis las byung ba sam mi khyab// rang byung 'khor lo mngon rdzogs pa/ dngos po 'jig rten mthar thug pa// sku gsung rdo rje gyur pa ni// dngos por snang ba thams cad nyid// rang byung sgyu 'phrul rgya mtshor bstan// thabs dang shes rab dbyer med pa'i// phyi nang gsang ba'i 'jug pa yis// rtog pa bzhi la rtogs goms na// ma lus lhun rdzogs dbyer med snang // don dam kun rdzob dbyer med pa'i//

  54. 28b

    tshogs nyid dbyings su tshul gcig pas// ma lus rang snang chos thams cad// ma lus byang chub sems su rtogs// sku gsung thugs nyid rang snang ba'i// ma lus gsung gi rgyan du rtog sa// thams cad gsung gi yi ge ste// thabs dang ldan pas rgyas btab po// de nyid dbyer med byin rlabs las// de nyid de yi byin brlabs te// gnyis med tshul gyis rang snang ba'i// bya ni rlabs ngo mchir bsam mi khyab// rang byung rang snang chos 'di dag/ gnyis med rang rig ma skyes par// gsal bar mngon sum the tshom med// rtogs pa kun gyi mchog tu bshad// dngas ma las byung thig le yis// zin dang ma zin khyad par las// 'das dang ma 'das rang snang bas// bde chen nang du ro gcig pa'o// rang byung 'khor lo rim pa las// gsung gi dkyil 'khor rang snang ba// skyes dang ma skyes dbyer med pas// yige 'bru tshul du nges par brjod// / gang du thabs kyis byin brlabs pas// gnas dang rtogs pa'i ngo bo yis// rim pa'i tshul gyis byin brlabs pa'o// 'di dag byin gyis brlabaso nyid de// gsang ba de nyid nges pa yis// rim pa'i phyag rgya mngon gsal bas// sgro dang skur pa zhi ba yi// de kho na nyid mngon du snang // thabs dang shes rab dbyer med pa'i// bde ba

  55. 29a

    chen po'i ro nyid ni// ma lus 'dus pa'i rang bzhin te// gnyis med gnyis las gang gyur pa// de nyid thig le bdag nyid do// sgra dbyangs gsung gi bstan pa rnams// gnas gzhi thig le'i byang chub sems// thabs dang shes rab gnyis med pas// mi zad 'khor lo gsum du snang // gnas dang thabs dang sbyar ba yang / gsang ba'i byin rlabs rang snang ba// thams cad bde ba chen po ste// de yi byin rlabs nyid snang ngo // sgro skur med pa'i bstan pa nyid// bde chen rlung gi sbyor thabs kyis// snang srid phyi nang chos rnams kun// bde chen sgyu mar mngon sum snang // thabs dang shes rab gnyis med pa'i// yul dang dbang po rnam shes dang // dus dang mtshan mar bcas pa yis// 'dus thabs nyid kyi rang bzhin gyis// thams cad rang gi thabs bzhin du// bde ba chen po'i dkyil 'khor snang // de nyid bsgrub pa'i yo byad lnga// ma nyams gsal bar rab spyad nas// bdag gzhan ji snyed snang ba rnams// ma lus dag pa'i ngo bor 'gyur// de tshe las kyi gzung ma bzhi// rig pa'i rtsal las grub pa ste// gnas skabs rim par sbyor ba yis// lhun grub nyid la the tshom med// bsnyen dang nye bsnyen bsgrub pa dang // bsgrub

  56. 29b

    pa chen po'i rim pa yis// sbyor ba bzhi ni brtsam par bya// bde chen thugs kyi dkyil 'khor gyis// rgyal ba'i dkyil 'khor ma lus pa// dgyes snyam thim pa'i ro ldan pa// thabs dang ldan pas blang spyad pas// gang 'dod 'bras bus phun sum tshogs// bdag gzhan phyi nang las byung ba'i// ma lus pasgral bya thams cad ni// so so bya ba kun snang yang // kun gyi rang bzhin de bzhin nyid// bdag nyid gsal bar mngon bsgoms te// ting 'jo ni thabs kyis mngon bsgral te// 'jigs pa med pa'i sa thong nas/ brtul zhugs mnyam pa'i thabs kyis ni// bde chen ma skyes sras su brlab// kun bzang thugs dang gnyis su med// phyi nang gsang ba'i rang bzhin gyis// snod bcud rgyud rnams dag pa ni// bde ba chen po'i zhing khams nyid// ma lus dag pa nyid du gsal// sku gsung thugs la rab gnas shing // cho ga rdzogs par shes ba yi// gnas dang longs spyod ci 'tsham par// bde ba chen pos 'phong med par// longs spyod ldan zhing dka' thub spangs// gnas dang longs spyod rgyan rnams dang / 'byor pa ci bder bstan nas ni// gang yang 'grub ste gzhan du min// longs spyod dga' bas mi gsungs shing // yab yum 'dod pa lngar ldan pas//

  57. 30a

    brtson pa'i tshul bzhin rab bsgrubs na// rdo rje lus dang rnam smin du// tha mal 'di yis 'grub par 'gyur// sa nas sar ni mngon 'phel ba bla ma thabs dang gzungs stobs kyi// gong bzhin las skal dag pa ni// myur du bar chad med par 'grub// las dang dngos grub phra mo dag/ chu rlabs lta bur rang snang ba/ byin rlabs sngags dang ting 'dzin gyis// ji ltar 'dod par 'byung 'gyur te// nga rgyal zhen pa'i tshul dang bral// las dang dngos grub thams cad la// zhen chags sbyor ba kun spangs la// bdag nyid chen po'i sbyor tshul gyis// 'dir ni ci bder 'grub par bya// thabs dang shes rab ldan pa yis// ma chags thabs kyi sbyor ba ni// yongs pa med par rab bsgrub na// myur du 'grub ste gzhan du min// rnal 'byor pasgrub pa thams cad la// gnyis med sbyor ba khyad par che// gang du 'di yi thebs ldan pas// ji ltar spyad kyang 'grub par 'gyur// ma chags pa la tshogs spyad pas// chags pa nyid kyang 'grub 'gyur te// spyod lam kun tu gnas pa yis// 'di yis 'grub ste gzhan du min// bde chen phyag rgya'i rnal 'byor dang // lhun grub la gnas cho ga bzhin// dus dang rang rang skal ba bzhin// le lo the tshom med brtson pas// rab 'bring

  58. 30b

    tha ma ji bzhin 'thob// thob bya kun gyi ngo ba na// rang 'byung gsal ba'i snying po ste// gzung 'dzin tha dad kun gyis stong // byang chub nam mkha'i rang bzhin no// thabs dang shes rab dbyer med pa'i// dkyil 'khor sna tshogs 'bar ba nyid// bde chen sku gsung thugs nyid de// rang 'byung nyid la sa gzhon ma yin// thog med dus nas rab dbyangs pa'i/ skal ldan dam las ma nyams pa'i// rang rang cho ga bzhin bsgrubs na// sangs rgyas tshe 'dis 'gru ba 'gyur na// rigs 'dzin la sogs smos ci dgos// rang rang goms pa'i thabs nyid de// mos dang 'tsham pa'i khyad par ltar// gzhan du cho ga nyams par 'gyur// dpal ldan rang gi dam tshig 'dis// skal pa bye bas ma'i grub pa// nyi shu lnga ldan lhun grub pa// skye ba 'di la the tshom med// bya ba byed la ma chags shing // gnyis med sgyu mar gsal bsgoms na// dka' thub gdung ba kun spangs pas// 'di nyid la ni dga' bas 'grub// ces nyid la nyid bshad do// sgyu 'phrul rgya mtsho'i rgyud las/ tshogs kyi dkyil 'khor gsang ba'i le'u ste bcu gcig pa'o// / / de nas bcom ldan de bzhin gshegs// sgyu 'phrul dro ba dgyes chen pos// bskal pa brgya stong dpag med du// bsnyen par dka' ba'i 'bras bu ste// sgyu 'phrul

  59. 31a

    lam la bsten pa yis// tshe 'dis 'bras bu thob phyir bshad// gsang sngags lam la gnas byas shing // thabs dang shes rab dbyer med pas// mtshan ma'i bya ba spangs pa yis// 'di'am par mar chos skra thob// gang du bden gnyis dbyer med pa'i// don la gnas pa'i rnal 'bor pas// byed pa sdom pa'i man ngag gis// phyi nang dngas snyigs 'byed pa'i rlung // snying po a las phog pa yis// bde chen stong pa'i thig ler mnyam// snyigs ma'i bag chags sangs gyur nas// bde chen nam mkha'i mtha' ltar rgyas// thabs dang shes rab nyi zla'i bcud// bsnyen bsgrub bzhi la goms pa yis// rang nyams rtags dang rtsa rlung gis// / dug gis dug nad sel ba ltar// lhan cig skyes pa mngon du shar// de nyid bde la mi rtog pa'i// bar ched spangs pas bsgrub pa yis// mun pa snang ba sa gsal ba ltar// ma lus bde ba chen por snang // bdag gzhan bral ba'i bde chen gyis// nam mkha' 'od kyis gang ba ltar// dus gsum ma yengs nan tan bya// gsal bar mngon du nan tan bya// mngon du gsal nas ma goms par// dbye ba med par gsal bar bya// bde chen nam mkha'i mtha' mnyam pa// bskal pa rdul snyed 'phel 'grib

  60. 31b

    rnams/ 'gro 'ong med pa'i ngo bo ni// bde ba chen po'i rdo rje 'chang // thog ma tha ma med pa ni// sangs rgyas kun gyi rang bzhin nyid// dang por rang bzhin skye med pa'i// mi dmigs pa las 'das pa yi// de bzhin nyid de ma bcos pa'i// rang bzhin nges par rtog par bya// chos rnams rang bzhin dngos med pa'i// bdag gzhan dngos 'dzin zhe na bral ba'i// de bzhin nyid ni ma bcos pa'i// rang bzhin ngang gi rnam par sgoms// dngos dang dngos med zhe na bral ba'i// rang bzhin ye shes kun snang 'od// nam mkha' lta bur phyogs med pa'i// sgyu ma lta bur bsam par bya// rig pa sgyu ma'i rang bzhin las// thabs dang shes rab nyi zla'i gdan// hUM bcas rdo rje 'od du 'bar// phra mo rdo rje sems dpa' 'am// gang yang rung ba'i yab yum bsgom// gang rung phra mo'i rang bzhin las// tshad dang ldan pa'i phyag rgya ste// skyon dang bral bas rtag bsgom zhing / de dag gsal zhing brtan par bya// gnas lnga dang ni gnas gsum dang // gnas gcig phyag rgyar gsal bar bsgom// de nas sangs rgyas brgya cig las// thabs dang shes rab phye ba yis// brgya bcu gsal bar bsgom bya zhing // de nas ye shes lnga rdzogs pas// sku gsung thugs la nan tan bya// ye shes

  61. 32a

    sems dpa' goms gyur nas// rigs bzhi sems dpa' yab yum dang // yab yum kun bzang goms par bcas// sprul sku la sogs de bzhin shes// de nas rgyang grags dpag ched dam// nam mkha'i dbyings ni bsam yas par// sangs rgyas dkyil 'khor sna tshogs pa// 'jigs dang bcas pa'i tshul bzhin bsgom// gang du gang ltar mdzes pa yi// spyod pa rim bzhin brtsam bya ste// dang por bya ba pasgral bas te// de nas thugs rje chen po nyid// gsum pa rtse gcig ldan pa ste// tha ma tshogs kyi spyod pa ni// rim pa bzhin du legs par spyad// thabs dang shes rab ldan pa yis// yid 'ang rab dben sa phyogs su// bdag dbang bar chad med pa'i gnas// dog zhing bkra shis phun sum tshogs// bzo' btung ro mchog ldan pa dang // glu gar rol mo tshig stabs bro// rgyun dang bgo ba phun sum tshogs/ thabs dang shes rab nyi zlar ldan// glu tshig sgra dang ldan pa yis// tshe la dbang sgyur gnas thob nas// goms nas phyag rgya'i rigs su nges// lhun gyis grub pa'i sa las ni// bcu drug rgyan gyis sangs rgyas pa// drin can dman pa'i la gang zag/ rdo rje 'dzin pa'i dbang bskur bas// zhing dang longs spyod ting 'dzin stobs/

  62. 32b

    nam mkha'i khams dang mnyam pa yis// 'bras bu lhun grub ngo bor 'gyur// gzhan du bsod nams chung ba yis// sangs rgyas kun gyi sku gsung thugs// gcig tu sbyor ba'i ngo bo nyid// yab yum sbyor ba gcig tu goms// phyogs bcu dus bzhi'i ngo bo nyid// ngo bo gcig dang tshul gcig dang // sku gsung thugs ni gcig bston nas// byin rlabs dngos grub stsol bar mdzad// dpag tu med pa'i rgyal ba rnams// sku gsung thugs su snang ba yis// mi zad 'khor lo rang snang don// ngo bo gcig tu 'dus par 'gyur// de dag nyid kyis thob 'gyur bas// khyad par gzhan nas yod ma yin// sangs rgyas zhing khams dpag med pa'i// rang 'byung byang chub snying po ste// 'khor lo yi ge kun 'dus pas// thob pas sna tshogs 'pho bar 'gyur// sangs rgyas kun gyi sku gsung thugs// til 'bru rdul phran grangs mnyam pa/ rang byung ye shes nyid kyi gzung // de ma thag par thob par 'gyur// sgyu 'phrul dra ba mngon rdzogs pa'i// ye shes rgya mtsho zag pa med// che ba kun rdzogs gsang ba'i don// bla med thabs chen 'bras bu gnas// zhes nyid la nyid bshad do// sgyu 'phrul rgya mtsho'i rgyud las/ gsang ba'i theg pa'i lam bstan pa'i le'u ste

  63. 33a

    bcu gnyis pa'o// // de nas de bzhin gshegs pa nyid// gsang ba'i longs spyod byang chub sems// dgyes pa chen pos tshim mdzad nas// gsang ba'i don ni bstan par mdzad// gang du gsang ba'i rang bzhin ni// phyogs cha mtshan ma las 'das pa'o// rang rig pastod pa'i yul 'das pa// / dngos med dngos po kun gyi gnas// 'di nyid kun gyi yul min pas// rang bzhin rtags dang bsgribs pa yis// la las dmus long ji bzhin du// bye brag yul du ma gyur te/ tha ma la zhon pa'i rang rgyud pa// 'di ni 'jig rten phal ba nyid// rang bzhin ngo bo la sogs pa// byed pa med cing gnyen po med// gdod nas rang shugs kyis grub pa/ ther zug rtag pa rang rgyud pa// gang yang med par blo bur du// snang ba 'jig rten 'di dag ni// sngon med phyis med gdod nas snang // phyis snang bar yang ji ltar du/ tal lar tha dad rtog pa ste// chos kyi bdag la dngos por 'dzin// la lar bden gnyis rkyen byas nas// rten 'brel 'khor lo 'gog par byed// la lar tha dad mi gnas te// rig pa'i rgyun ldan mi rtog 'dod// gzhan dag rig pa rnam med de// nam mkha'i dkyil ltar dmigs pa med// la lar sgyu ma'i don la gnas// la lar

  64. 33b

    cha shas med pa yi// mtha' yi spros pa rnam par gcad// gang dag gnyen po kun dang bral// gnyen po'i don ni mtha' la gnas// la las las dang bya ba dang // dka' thub sdom pa'i tshul la gnas// la las lta spyod tha dad pas// bsgoms dang sprad pas 'bras bu 'dod// la las byin brlabs rnal 'byor gyis// bsgoms pas 'bras bu thob par 'dod// rang bzhin gsang ba'i mtshan ma nyid// rdo rje theg pa'i snying po ni// yi ge sgra tshig las 'das pa// gsang sngags kun gyi ngo bor 'dod// 'di ni sangs / rgyas thams cad kyi// bka' brgyud theg pa'i snying po ste// gab sbas gsang ba'i rang bzhin pas// rtog ge ba yi yul ma yin// sangs rgyas sras dang bcas pa yis// thabs dang cho gas byin brlabs pa'i// slob dpon thabs kyi shes 'gyur gyis// dman pas rtogs goms yul ma yin// thog ma tha ma med pa yi// gdod nas dbyer med gsum ldan pa'i// gang du rtogs goms gsal ba yis// sgo gsum rang ltar gsal ba la// bzhi bcu rtsa gnyis ngag tu bsgoms// sku gsung rdo rje gsung las 'byung / ye shes lnga yis rgyas btab la// thugs kyi dkyil 'khor bzhi bcu gnyis// gzhan yang de bzhin gshegs par bya// thabs dang shes rab dbyer med pa'i// /

  65. 34a

    phung po 'byung ba rnam shes dang // yul dang dbang po dus gsum bcas// 'khor lo gsal bar rtags byas te// ma lus sku gsung thugs kyi ngang / zag med ye shes thig le la// ye shes 'bras bu lhun gyis rdzogs// bdag nyid rig pa rang snang ba'i// snying po rdzogs pa'i thig le la// ma lus chos kun rang snang bas// ye shes sgyu ma'i dkyil 'khor nyid// nam mkha'i mtha' ltar khyab par snang // gsang ba'i thig le chos kyi dbyings// dus gsum rgyal ba kun gyi dngos// phyogs bcu dkyil 'khor rgya bral ba'i// sku gsung yon tan 'phrin las thugs// rang 'byung snying por gsal mthong bas// 'bras bu ye shes lhun rdzogs pas// thob bya gzhan na yod ma yin/ rang byung snying po dang sa ma la// byin rlabs rtogs pa'i dkyil 'khor gyis// gsang ba la ni goms byas pa// thig le dang sa ma ma lus byung // ye shes lnga rdzogs dkyil 'khor nyid// zag med bde ba'i dkyil 'khor gyis// nam mkha' lta bur khyab par gnas// rang byung thig le mi shigs pa// 'byung ba zhi thams cad kun gyi rgyu// 'byung ba'i dngas ma kun gyi yum// chen po rgyal ba'i reng bzhin nyid// byang chub sems dang dbang po dang // yul dus yan lag bcas pa nyid// rang 'byung rten gyi thig le

  66. 34b

    yis/ nam mkha' gzugs chen skye ba med// tha mal 'byung ba la brten nas// lhag gi ro lnga thug gis blta// snying po thig ler mnyam sbyor ba// bde ba'i dkyil 'khor bsam mi khyab// rang 'byung thig le 'pho 'gyur med// gzhi la rang bzhin thim pa yis// zag med bde ba'i dkyil 'khor tshogs// sgyu ma'i dkyil 'khor bde ba'i mchog/ gsang ba thig le kun gyi dbyings// sangs rgyas dkyil 'khor lhun rdzogs pa// che ba'i yon tan bsam byas pa// kun gyi ngo bor rang shar ba// ma lus zhal mthong dbang bskur bas/ 'bras bu bsgrangs 'das lhun gyis rdzogs// rgyun dang che ba'i yon tan nyid// rang 'byung don goms mthar phyin pas// thugs rje rang snang dkyil 'khor nyid// phyogs med zhing khams mtha' yas par// rdzogs pa'i byin rlabs sna tshogs spyod// thabs dang shes rapa lhun rdzogs pa'i// dbyer med gnas pa'i dkyil 'khor gyis/ thig le bcud 'dus rten nyid la// bcu drug lnga 'dus rnal 'byor bsgom// thabs dang shes rab dbyer med pa'i// thabs kyi cho ga las 'byung ba// gcig/ la'ang ye shes lnga rdzogs pa// zag med khyab pas mtha' dbus med// gsang ba'i thig le lhan cig skyes// bde ba'i longs spyod kun gyi dbyings// 'jug po go bzhi'i phyag rgya

  67. 35a

    las/ 'byung bzhi rigs kyi yum du snang // phung po bde bar rgyas btab pas// dbang po yul sems rang bzhin thabs// kun bzang rig pa'i dkyil 'khor la// lhan cig skyes pa'i rang bzhin gyis// rten dang brten pa'i mnyam sbyor bas// ye shes lnga ni ring gsal bas// bde ba'i ye shes dgyes pa che// ma bsgoms bde ba'i longs spyod kyis// bde chen sgyu ma'i mtshan nyid gsal// bde ba'i rol mo bsam byas pa// gsang ba'i thig le ma skyes pa// kun gyi rang bzhin gnyis su med/ phyogs bcu dus bzhi mtha' yas pa// rgyal ba'i che ba ma lus pa// lhan cig skyes par zhal mthong zhing // thig le rlung sogs dbang sgyur bas// ma lus ye shes bde mchog yis// rang byung ye shes dkyil 'khor la// zag med dkyil 'khor rang gnas nyid// mthong goms rdzogs pas lhun gyis grub// ma spangs rang la lhun grub pas// ma lus dkyil 'khor rgyan du gnas// 'byung 'jug med pa'i dkyil 'khor la// che ba'i yon tan lhun rdzogs pas// phyogs bcu nam mkha'i mthar thug par// thugs rje'i dkyil 'khor phyogase med snang // bya byed med pas tshul gcig pa// rang 'byung snying po dkyil 'khor mchog/ thun mong thun mong ma yin pa//

  68. 35b

    shes rab yum la mnyam sbyar nas// rang 'byung 'bras bu lhun gyis grub// bskal pa rdul snyed grangs 'das nas// mos dang sbyang ba'i rang bzhin gyis// gsung ba'i don la gang bzhugs pa// tshe 'di rgyal ba nyid du 'gyur// 'das dang da ltar ma 'ongs pa'i// rgyal ba'i sku gsung thugs kyi bcud// 'dus pa'i gsang chen 'di yin te// lam gyi dam pa nya lam yin// 'jig rten drug gi phyogs bcu na// rgyal ba'i dkyil 'khor rdul phran snyed// bstan pa phyi nang gsang ba kun// sgyu 'phrul dra ba las 'phros te// thabs dang shes rab gnyis byed dang // bya ba spyod dang rnal 'byor dang // rnal 'byor chen po bla med pa// ma lus 'dus shing 'byung ba'i phyir// dngos grub rlabs chen kun 'byung ba'i// sgyu 'phrul rgya mtsho'i rgyud chen 'di// mos dang mthong dang bris pa 'di// klags pa tsam gyis 'grub 'gyur na// rtog dang goms pa'i sbyor ba yis// 'bras bu thob pa smos ci dgos// rang byung dkyil 'khor kun 'dus pa'i// rgyud chen sgyu 'phrul dra ba ste// rgyud kun gyi ni bdag po mchog/ snying po las kyi snying po mchog ces nyid la nyid bshad do// sgyu 'phrul rgya mtsho'i rgyud las/ gsang ba'i don bstan pa'i le'u ste bcu gsum pa'o// // de nas bcom ldan

  69. 36a

    dgyes chen po// rang bzhin lhun gyis grub pa des// gdul bya'i bsam pa sna tshogs phyir// 'bras bu'i cho 'phrul snang bar mdzad// ji snyed rang byung dkyil 'khor rnams// bya byed med par rang snang bas// thig le chen po lhun rdzogs pa'i// bdag gzhan dbyer med de bzhin nyid// phyogs bcu rgya yongs ma chad bro'i bde chen longs spyod dpag tu med// zhing khams 'khor dang che ba nyid// rang snang 'khor lo rang snang nyid// ma lus rang snang sku yi tshogs// bsom byas rdul dang til gang bzhin// gung mos blo la snang byed pa// gdul bya mos pa'i don du zad// gang du ma bcos de bzhin nyid// rang rig ngo bo gsal 'gyur ba// kun gyi rang bzhin rkyen bral ba// snga phyi med par kun mkhyen mchog/ dus gsum phyogs bcu mtha' yas kun// dbyer med rdo rje nyid snang bas// phyogs med byin rlabs gnyen po bral// dus gsum 'du 'bral med par bzhugs// mi phyed rdo rje rang bzhin la// brjod bya'i rang bzhin lhun rdzogs pas// dbyer med ngo bo kun snang bas// mi phyed gsung ni kun gyi mchog/ tshig dang yi ge kun bral ba// ma brjod dgongs pa brdas bstan pas// snga phyi mtha' dbus chos thams cad// mnyam pa chen po'i tshul du ston// rang byung ye shes

  70. 36b

    byin rlabs ni// gcig dang du ma las 'das pa'i// nam mkha'i dbyings ltar gnas pa yi// dgongs pa chen por gdal ba nyid// rang rig skye ba med pa las// ji snyed chos su rang snang ba// mtha' dbus spros pa bcas pa yis// de bzhin nyid kyis gsungs pa med// thugs rje byin rlabs rang snang ba// sgra dang dbyings la sogs pa rnams// mtshon pa thabs ni dpag med du// thugs rje byin rlabs snang bar 'gyur// sangs rgyas kun gyi yon tan mchog/ sku dang gsung thugs yon tan las// rgyal ba lngar ni snang mdzad de// re re zhing khams gdan sogs snang // rang byung dmigs med byang chub sems// sangs rgyas kun gyi thugs chen po// rnam dag dri med 'od gsal las/ mkhyen pa'i ye shes gzhir gsal nas// thams cad gdod nas dbyer med pas// gang dag de ltar mkhyen pa yis// bdag gzhan bya byed med pa yis// 'phrin las lngar ni snang bar 'gyur// steng 'og brten pa las 'byung ba'i// ye shes brten pa de bzhin nyid// sku dang gsung dang thugs 'khor lo// yon tan kun gyi las dang sbyar// dbyibs dang yi ge rang bzhin las// nam mkha' lta bu'i lnga rdzogs pa// zag med yon tan lhun rdzogs pa// byas pa med par rnam bzhi rdzogs// rang 'byung 'bras bu

  71. 37a

    rten 'brel ba'i// ngo bo dbyer med de bzhin nyid// bzhon pa rlung gi stobs 'dra ba'i// thig le 'gro 'ong 'du 'phro med// dbang sgyur phung po 'jigs med pas// 'byung bzhi 'du ba'i tshogs dang bral// rig pa rlung la dbang sgyur bas// sdug bsngal chu bo'i 'jigs dang bral// ye shes ting 'dzin las las 'grub// shes rab stobs sogs mnyam sbyor bas// 'phel 'grib thig le 'byung 'jug med// tshe dang lus dang bde ba dang // ye shes zag med gzugs ldan pas// ma lus zhing tshogs dag pa ste// bdud bzhi skye tshogs bar chad med// 'byung bzhi deng sa ma la brten pas// rig pa'i bde chen bar chad med// rnam rtog 'gyu ba'i rlung dngas pas// bde chen nam mkha' mtha' ltar gnas// tha ma'i dbang la rang ga nang bas// zhing khams rgya mtsho rdul snyed kyis// thabs dang shes rab mnyam sbyar nas// drin can nyid la dbang bskur bas// shes bya'i dkyil 'khor kun sad de// rmongs pa sangs ltar mngon sangs rgyas// de nas nam mkha'i mthar thug par// bde ba chen po'i sku nyid dang // chos kyi 'khor lo bskor mdzad cing // bde chen mi rtog gsal ba'i thugs// zhing khams phyogs bcu rdul snyed du// yon tan bsam byas mngon bstan

  72. 37b

    nas/ gdul bya'i don ni ji snyed pa// ma lus mdzad pas tshim par mdzad// lam dang mdzad pa zhing khams dag/ sa dang khams dang mthun par snang // snod bcud rgyud zhe na dri mi gsum// nyi zla sems 'thun 'gro 'ong gis// gnas su 'dren pa'i lam nyid kyis// dag pa yab yum ye shes gsal// thabs dang shes rab dbyer med pa'i// 'khor 'das dbyer med rang bzhin la// 'bru gsum 'tshams nas rang zlog pa// thabs la ldan pa sa gar skyod pas// ma skyes lhan cig skyes par gsal// rten can rlung dang thig le la// rang 'byung goms pa'i blo yis blta// rkyen dang bral bas mngon gyur na// sems kyi theg le 'chor ba med// rang 'byung bde ba mngon sum ste// goms dang thugs rje rang snang ba'i// 'dod yon longs spyod sna tshogs la// lha mo rol rtsad stong gi bdag/ grangs med 'khor lo'i tshul bskor bas// ma g.yos bde ba kun khyab can// phung sogs rtog pa thams cad kun// bde chen ye shes lnga ru gsal// de nyid bcu gsum sangs rgyas pa// ye shes dbyings nyid rang gnas pa'i// khams gnyis 'dus pa'i thabs las skyes// skyes pa nyid na bdag tu gsal// thabs la mkhas pa'i khyad par gyis//

  73. 38a

    gang la 'du ba'i tshul snang ba// gang dag log pa yod med kyi// shes rab spun gnyis yul gcig kyang // thabs lus phung po snang med bzhin// / ldog med stobs su rdzogs pa nyid// dang po 'jug pa'i rim pa nas// tha ma mthar phyin rdzogs par du// phyi nang gsang sogs ji bzhin par// skyes 'gag gnas dmigs 'gro 'ong gis// yo sems skyes la mi spyod kyang // zab mo grags pa sa bskyed rim bstan// smon lam 'dod yon 'jug pa yang // gnyis med don la snang ba med/ gnas pa dag ni rnam gsum gyi// yid chos shes rab 'phel bar byed// rgyun du gnas pa'i spros bcas tshe// mthar lam nyid la sbyor ba'o// bsgrub pa'i rgyu yis mi rtog pa// de bsgoms phyi ma'i rigs las brten// lhun grub phyi tshe yongs su rdzogs// thabs dang shes rab mnyam sbyor ba'o// bde ba thig le rdzogs skyes pa// rang bzhin med pa'i sgyu mar 'gag/ de nyid ma skyes dbyer med gnas// gnyis med rtogs las gang dmigs pa// 'gro 'ongs med pa'i 'bras bu 'char// bslod pa'i tshig bral sgro skur med// rgyu rkyen 'bras bu bdog po dang // gnyis med don las mi g.yo zhing // 'brel tshang 'khrug bsnol dka' rgyud yin// zhes nyid la nyid bshad

  74. 38b

    do// sgyu 'phrul rgya mtsho'i rgyud la smra/ dngos po lnga gtan la phab pa'i le'u skye bcu bzhi pa'o// / de nas bcom ldan dgyes chen pos// 'dul ba'i bsamo pa la dgongs nas// dkyil 'khor rdul snyed bcas pa dag/ khro bo dpag tu med par gyur// gang phyir gdul bya dpag med dag/ khro bas 'dul ba'i don phyir ro// kha cig sdang sems ldan pa la// sku gsung thugs su ldan pa yis// thabs mkhas skyon dang bral ba yi// zhe sdang khros pas 'dul bar mdzad// kha cig chags shing zhen pa ste// thabs dang shes rab dbyer med pa'i// 'dod chags rmongs par thim mdzad nas// chags pa khros pas 'dul bar mdzad// la lar lta dang tsho dang dngangs// ting 'dzin zhing khams cho 'phrul gyis// 'pham zhing nga rgyal zil ma na nas// log pa'i ri bo ltas mthong nas// log pa'i ri bo tshar gcod cing // thog ma tha ma'i dus med pa// rang 'byung sgyu 'phrul 'gag pa med// thabs mkhas phan pa'i rang bzhin gyis// 'jig rten go gsum bya ba la// 'jig dang re dogs med pa/ yis/ mi bya ba ni gang yang med// ting 'dzin bye ba sa ya dag/ dpag med che bar kun sprul nas// mtshan pa'i che ba zil mnan nas// thabs mkhas yid 'pham

  75. 39a

    'phrog par mdzad// stong gsum khrag dang dur khrod dang // dga' dang mi dga' 'jig byed pa'i// ma lus dur khrod ro gling du// stobs kyi gdug pa zil gyi sa gnon// 'jig rten khams ni ma lus pa// g.yo zhing 'khrul dang ldeg pa yis// gdug pas spa bkong 'jig mdzad nas// bskal pa me ltar rab 'bar zhing / 'jigs byed chen po brgyan gyis bzhugs// 'di ltar ma lus zil gnon pas// nga rgyal khros pas 'dul bar mdzad// de nas sangs rgyas thams cad ni// ma lus 'dus pa'i bdag nyid des// ma lus byin rlabs gsal bya'i phyir// gnyis med sbyor ba'i thig le yis// ma lus khyab cing gang mdzad nas// thig le rdul phran 'phros pa yisi// dag pa bde chen lhun grub par// thams cad byin rlabs gsal ba yis// ma lus dkyil 'khor chen po gnas// dpal ldan 'dus pa'i ngo bo la// rigs lnga'i tshul ni rnam par 'phrul// la lar rdo rjes sbyor mdzad cing // la lar kun gyi re bskong // la lar ma chags skyon bral nyid// la lar cho 'phrul mtha' yas ston/ ye shes phra rags gnyis su med// bde tshon rig pa'i stobs 'phel bas// shes pa brgyad ni rang ldog paso// bde chen rig pa kha ltas nas// rang rang

  76. 39b

    las dang skal bar gnas// bde chen rol pa rang snang bas// yul rnam gnyis med 'dres pa nyid// rdo rje bde chen 'phra men nyid// yul sems phyi nang thig ler gsal// 'khor 'das gnyis med mtshon par mdzad// thabs chen gsang ba la brten nas// rang 'byung gsal ba'i nyi zla'i 'od// dbab dang gzung dang gnas bcing zhing // rang rang gnas su slar son pas// mi shes yul las 'das pa yi// bde chen gsang ba'i sku gsung thugs// ma lus dkyil 'khor chen por gsal// gang du yid las 'das pa yis// bde chen gdal ba mtha' dbus med// rten med thig le 'gro 'ongs spangs// rang 'byung gnas pa'i snying por thim// phyi nang yul sems kun 'bral ba'i// rang 'byung sgyu 'phrul dra ba ste// thabs chen mi dmigs chos kyi dbyings// sgyu 'phrul dra ba'i dkyil 'khor ro// rang bzhin thabs dang shes rapa las// bde chen rang bzhin gsal bar 'char// phyogs bcu 'jig rten snod bcud bcas// bde chen thig le dkyil 'khor snang // rjes su 'dzin pa bzhi ldan zhing // yul sems lus dang dus bzhir bcas// rdo rje 'dzin par byin brlabs shing // gsang ba'i don du gnyis su med// rdo rjer nyi ma nub nas ni// rang 'byung dpa' bo'i zla ba nyid// sgrib

  77. 40a

    byed med pa'i tshal du 'char// ma lus dbyer med tshul du gnas// sgyu 'phrul dra ba mngon rdzogs pa// thog mtha' med pa'i rdo rje sems// snying po gnyis med pa de chen po// rang 'byung gnyis med don du gas la// rang 'byung gnyis med thig le yis// ma lus stobs par mdzad pa yis// rdo rje khro bo'i 'phrin las te// za byed ces kyang bshad pa yin// gang du rgyu ba kun zad pa'i// phyi nang gsang ba'i thig le ni// rten dang brten par bcas pa ni// zad med bde chen ngang du thim// rang rig dngos dang dngos bral ba'i// mtha' dbus gzung 'dzin yul 'das pas// skye med bde chen chos kyi dbyings// bden pa dbyer med don du gsal// tshig dang yi ge las 'das pa'i// bde chen lhan cig skyes pa ni// gang gis mtshon pa las 'das kyang // dbang dang man ngag stobs las snang // thabs dang shes rab 'brel pa yi// rang byung ye shes bde chen ni// rang bzhin sbyangs las snod gyur pa'i// skal ldan rnams kyi spyod yul te// las ngan sgra skur dbang byas shing // rmongs sogs dman pa'i yul ma yin// gsang ba thabs chen snying po'i rgyud// sangs rgyas kun gyi gsang chen 'di// bde chen nam mkhar kun gsal nas// yin dang ma yin yul las

  78. 40b

    'das/ phyogs bcu'i rdul snyed sangs rgyas kyis// thugs kyi thugs te thugs kyi mchog/ ma lus gsang mchog rgyan gyis mdzes// de ltas rgyal sras de bzhin gshegs// zhes nyid la nyid gsungs so// sgyu 'phrul rgya mtsho'i rgyud las/ rdo rje khro bo'i rang bzhin mngon du phyung ba'i le'u ste bco lnga pa'o// // de nas bcom ldan dgyes chen pos// phyogs dus bde gshegs ngo bo nyid// za byed thabs dang shes rab kyis// gsung gi byin rlabs snang bar mdzad// de tshe phyi nang snod bcud bcas/ g.yo dang 'bar zhing gang ba yis// ma lus ye shes byin brlabs nas// bde ba chen por gsal bar byed// gang du rtog gomasu bstan pa yis// thabs dang shes rab las byung ba'i// bde ba'i thig le thug pa med// ye shes lnga zhes gang bshad pa// rgyal ba kun gyi snying po lnga// sa bon yi ge AM zhes bshad// thog mtha' med pa'i de bzhin nyid// gnyis med mi phyed 'joms pa ni// thugs kyi rdo rje gang yin pa// badz+ra zhes ni brjod pa yin// ma bcos de bzhin ye shes ni/ re dogs 'gro 'ongs med son pa// chos kyi dbyings kyi sku las gyur// ta thA ga ta zhes brjod do// ma lus rang 'byung rin po che// nam mkha' lta bu zad

  79. 41a

    med cing // dbang bskur thogs med ye shes ni// rat+na zhes pa brjod pa yin// 'khor ba'i bag chags spong ba ni// bde ba chen po skyon med pa/ 'dod chags bya bral bcom pa nyid// pad+ma nyid ni yin par bshad// thog med brtson 'grus pha rol phyin// bya byed 'phrin las mthar phyin pa// 'gro 'ongs med pa'i thabs nyid ni// karma las kyi rang bzhin nyid// gnyis su med pa'i yang shes te// don grub lngar ni bsngags pa yin// ma hA chen po lnga nyid de// thig le chen po las byung ba// sku gsung yon tan 'phrin las thugs// ma lus chen po lnga nyid do// nyon mongs lnga 'joms khro bo ni// he ru ka zhes brjod pa ste// ye shes 'bar ba'i mtshan nyid ni// khrag 'thung lngar ni bshad pa yin// thabs kyi yul lnga btsem pa ni// ma hA tsaN+Da zhes brjod de// khro bas khro ba spangs pa ni// gtum po chen po de nyid do// ma rungs pa dang bdud bzhi dang // dam tshig sdang ba thams cad ni// bdag dang gzhan 'tshe bar gcod pa// thams cad sarba du Sh+Tan nyid// gsang ba'i thabs chen ma rungs pa// gang gis 'joms pa ta ka ste// gnyen pos 'joms pa ha na nyid// gang gi sa da ha 'joms pa nyid// bag chags zad pa pa tsa nyid// hUM ni thugs

  80. 41b

    kyi rang bzhin te// rbad dang sgrol dang drag po'i sgo// 'di ni phaT ces bskur bar bshad// ye shes rang bzhin skyes med pa// zab mo thig le 'dus ma byas// oM zhes phra mo yul lngar brjod// rig lnga phra bar gang brjod pa// badz+ra la sogs bshad pa lnga// mi rig spyod brtan mi nus pa// yum chen lnga zhes pa shad pa'o// yul dang shes pa gnyis med pa// zab mo thig le 'dus ma byas// kun gyi 'byung gnas dbyings 'jug pa// shA ri dbang phyug lngar ba shad pa'o// gang gis gang 'dzin mi gtong ba// de nyid d+ha ra gzungs mar bshad// haM ni mtshan med 'dus ma byas// steng brgyan thugasarje chen po nyid// ra ni chags pa bde chen nyid// gsung rab rgya mtsho sgra mtha' yas// hUM sdud phaT kyis sgrol ba ni// skye ba med pa'i ngang du bshad// ha brgyad dgyes pa'i thig le ste// rig pa thabs kyi khro bo ste// rgyal ba kun gyi sras mchog ste// las kyi srin mo 'dul phyir yin// dgyes pa'i thig le phra mo brgyad// he zhes zhib bur brjod pa las// 'khor 'das dbyer med 'phra men brgyad// srin mo 'phra men 'dul phyir yin// 'jig rten las skyes rgyu zad cing // gnyis med ye shes rnam 'phrul pa// de ni 'jig rten spangs pa'i lho// badz+ra zhes ni bshad pa yin//

  81. 42a

    zhi bas dkar mo'i rang bzhin te// che ba'i yon tan mthus rku bas// ser mo sku byed yin par bshad// mA lus rmongs byed chags mdog dmar/ nag mo drag pos thal byed ma// mi 'tshe bag chags med pa'o// che ba'i yon tan nga rgyal 'tshong // sbos mo rang bzhin yin par bshad// spong len rtogs mdzes pha rol phyin// rme sha can ni gdol pa mo// 'bar gzhig brlag pa gtum mo ste// sprul pa 'gyed pas ma tshogs ma// za ba seng gdong chen mo ste// dpa' brtul spyod pas stag gi gdong // bag chags bral bas wa yi mgo/ dur khrod 'joms pas spyang mor brjod// dam tshig mthar phyin pa zhad gdong ste// bdag 'dzin bral ba kang ka ma// mngon zhe na 'dul ba kha kha zhes// zab mo don rtog hu lu ma// rang sar gnas pa skyes pa la// na ma phyag 'tshal nyid du brjod// dzaHsa ni 'gugs pa'i las byed de// kha his mchod pa bstab par byed// phaT kyis kun kyang la sa la bskul// las kyi sgo bzhi 'dul ba'i phyir// 'gug 'ching bsdams pa mi stong ste// thal ba 'ching byed sgra snyan ma// badz+ra lhag ma zhes brjod pa// dzaHhUM baM hoHbzhi las 'byung // thabs dang shes rab 'khrol ba las// phyag rgya bzhi dang /

  82. 42b

    ldan par gnas// b+h+yo ni las byed bran mo ste// las kyi mkha' 'gro thig ler chags// rgyu ba las kyi thig le nyid// dzaHhU ba ho saHspyan drangs thim// thig ler zhu bas gnyis su med// rdo rje khro bo dam tshig gis// gnyis med gsal bar 'dres pa las// 'bar ba'i byin brlabs rang 'byung ba// dngos grub rang las snang bar brtags// skra gsung thugs dang dbyer med na// bden pa gsum par mi phyed pas// lha dang bdag tu dbyer med de// bdag nyid de la ni gsal bar bstim// rang rang sbyor ba'i bdag nyid kyis// chu la chu ltor dbyer med pas// dag pa'i yon tan rmad 'byung ba// thob nas rang la brtan par gnas// zhes nyid la nyid ched du brjod do// sgyu 'phrul rgya mtsho'i rgyud las/ khro bo gsung gi dkyil 'khor bshad pa'i le'u ste bcu drug pa'o// // de nas bcom ldan dgye sa chen pos// thog ma tha ma dbus med pa'i// bde ba chen po rdo rje 'chang // sku yi dkyil 'khor 'chad par mdzod// phyogs bcu mtha' dang dbus med nyid// 'bar ba'i dkyil 'khor gzhal yas khang // ye shes dkyil 'khor lhun grub pas// phyogs dus thig le chen po nyid// rang 'byung 'bar ba'i dkyil 'khor ba ni// rgyu 'bras thig les brgyan par

  83. 43a

    gnas/ tshad med rgyas pas gru bzhi ste// bden pa gsum brgyan khams kyis mdzes// rnam par thar pa sgo bzhi la// dur khrod rgyan chas rta babs bstan// thod 'phreng bla re nyi zla'i rgyan// 'jigs shing mdzes pa sna tshogs ldan// 'khor ba'i rmad byung 'bar ba'i gnas// khrag 'thung bzhugs pa'i gzhal yas khang // mkha' 'gro sna tshogs 'chag pa'i sa// rol pa'i lha mo sna tshogs kyang // lha dang mdzes tshul sna tshogs kyis// 'khor lo tshul du gnas pa la// mdog dang rang chas lugs bzhin du// dga' dang mdzes dang chags pa dang // rol dang sdigs par byed pa dang // rngams dang las la brtson la sogs// 'khor lo'i tshul du bskor te gnas// zhing khams bye ba rdul mnyam pa// khrag 'thung so sor 'khor dang bcas// mnyam pas mnyam pa'i tshul ston zhing // sku dang gsung thugs dbyer med pa'i// de bzhin nyid du dbyer med thim// rgyud chen sgyu 'phrul rgya mtsho yis// che ba'i yon tan bsam yas pa// nam mkha'i khams las ma 'das pa'i// 'bar ba'i dkyil 'khor sna tshogs snang // de nyid rang rig rang snang bas// sku gsung thugs kyi cho ga yis// dbang bskur byin brlabs kun ldan nas// lhag pa'i ting

  84. 43b

    'dzin bstan par goms// mtshan ma'i cho ga kun spangs pa'i// b+ha ga gsang ba'i gzhal yas khang // theg chen gsang ba'i grong khyer te// thabs dang shes rab dbyer med pa'i// yon tan dpag med rdzogs par snang // chags dang rmongs dang g.yeng ba dang // btang snyoms tha mal la sogs pa// 'jig dang bag tsha rnam par gcod// thig le rdul phran grangs mnyam pa// bde ba chen por ro gcig cing // mu mtha' med pa'i gnas su 'jug/ chags sdang la brten grong khyer dang // 'jigs dang bag tsha'i grong khyer dang // thabs dang ldan pa'i khyad par gyis// de nyid rnam par spyod par byed// dbyibs kyi b+ha gra brtan pa'i gnas// thig le spros med rang 'byung ba'i// bde ba chen po thog mtha' med// bdag po gnas dang dbyer med pa'o// thig lem skyes spros med pas// bden pa bzhir ni rab 'bar bas// phyi nang longs spyod kun tu 'phel// dga' bzhi rim pa brtags pa yis// byang chub sems kyi thig le gnyis// bde chen sna tshogs dga' bas brgyan// thig le phra rags snang ba kun// 'bab zhon bsnol ba'i thabs nyid kyi// chags sogs lnga po zil gnon pas// dag pa lngar ni rnam par gnas// thig le ting 'dzin ror bcas dang // gnas dang

  85. 44a

    nyams kyi khyad par gyis// rang rang las dang 'thun pa yi// mdog dang rim par gyur pa yin// bde chen rnam par thar pa la// mi gnas ye shes drug ldan pas// phung po la sogs par chod bral// thabs kyis bde chen lus rgyas pas// g.yo ba sna tshogs bcas pa yin// thig le stong par bcas pa yi// 'jigs dang sdigs dang dga' ba yis// sgra rnams sna tshogs ston par byed// chags pas thig le 'phreng bcas te// rdo rje snang bas khyab par byed// rang lus thubs dang bcas pa yis// thig le stong par bcas pa yis// gtsod dang 'joms sogs sna tshogs pas// bde ba'i ro ni sna tshogs ldan// gnyis med ro ni thig ler 'brel// rtsa bcud shes par bcas pa yis// thig le'i phyag rgya spyir bcas pas// bde chen gsang ba'i thig le la// dgug cing sgrol ba stim la sogs pa/ bya ba'i las la dbang thob 'gyur// steng 'og thabs las 'byung ba yi// gsang ba'i thig le chen po ni// yon tan rdzogs pa'i bdag nyid de// sna tshog sa ro dang bcas pa yi/ nyi zla 'khor lo ga sar bcas// gsang ba'i lus la rtag tu gnas// bye phrag brgya bcu kun 'dus pa'i// phyogs bzhi steng 'og bcas pa yi// bde chen 'bar

  86. 44b

    bas khyab gyur cing // phyi nang bcud kyis gang bar byed// gsang ba'i de nyid nges pa yis// sgyu 'phrul rgya mtsho'i gsang ba'i don// ma lus khyab par gsal gyur cing // dag pa/ rnams la mngon gyur kyang // dbang dang man ngag bral ba yis// rang bzhin skal ba dman pa lo// thabs kyis thig pa mi snang ste// rigs chad 'khor ba'i rigs 'chang yin/ bde chen gsang ba'i snying po 'di// ma lus rdzogs pa'i ngo bo ste// rang bzhin thabs las mngon gyur pas// thabs chen lhun grub mngon du gyur// rdo rjer thig le son pa yid// gsang ba las kyi me long la// ji bzhin mngon du byas pa yis// rdo rje rig pa'i lung thob cing // dbang bskur phyag rgya lhun gyis grub// ces gsang ba'i tshig tu'o// sgyu 'phrul rgya mtsho'i rgyud las/ lhun gyis grub pa'i dkyil 'khor bstan pa'i le'u ste bcu bdun pa'o// // de nas bcom ldan dgyes chen pos/ me lus mchod pa'i sprin bkod de// phyi nang gsang ba sna tshogs pa'i// dgyes pa'i mchod pa bstan par mdzad// ji srid nam mkha'i mthar thug pa'i// sangs rgyas rdul snyed mtha' yas pa// dbang po'i grong khyer mnyes mdzad pa'i// rang gi lag cha mdzes ldan pa'i// lha mo'i tshogs ni bsam byas pa// dgyes pa'i mnyes chu la sna tshogs

  87. 45a

    kyis/ 'khor lo bdag po mnyes par mdzad// ma lus longs spyod tshogs mchog mnyes// ma rtogs pa dang log par rtogs// phyogs rtogs yang dag nyid ma rtogs// dbyer med dag mnyam tshul brtags nas// lhun gyis grub pa zhing du bsgom// thabs dang ting 'dzin goms pa yis// gnas ngan drug po tshar bcad nas/ tshogs gnyis rdzogs pa'i rgyal sras la// skye shi med par lhun gyis grub// ma lus thabs dang shes rab tu// rtogs dang goms pa sbyor ba yis// bde ba chen po'i thig le yis// thabs dang sbyor bas mnyes par bya// ma lus rigs lngar mnyam sbyar nas// mi 'chi lnga dang sha lnga dag/ 'jigs pa med pa'i dpa' bo yis// mchod cing longs spyod chen por bya// longs spyod lnga dang mnyam sbyor bas// phyi nang gsang bar mnyam sbyor zhing // bde ba chen po gnyis med pas// dkyil 'khor lnga dang mnyam par gnas// phyogs dus rgyal ba'i dkyil 'khor che// ma lus gcig tu mnyam nyid pas// gnyis med rang 'byung ngo bo nyid// rtogs goms gnas pas lhan gyis 'grub// 'dres dang ma 'dres mnyam gnas pa// thabs dang shes rab thig le nyid// rol pa'i thabs las rang 'byung ba// bde chen gar gyi snying po mchog

  88. 45b

    ma lus rang 'byung snying po la// 'dod pa'i stobs kyis nyer rdzogs shing // thabs kyi sbyor ba gang gnas pa// yon tan lhun grub snying por gnas// sangs rgyas kun gyi rmad byung ba// rang 'byung thabs kyis byin brlabs shing // gsang ba'i me long gsal gonas na// lhun grub 'bras bu gzhan las min// phyogs bcu rdul snyed grangs mnyam pa'i// 'bras bu che ba lhun rdzogs dag/ ma lus bdag nyid lhun rdzogs pas// yon tan gzhan dag smos ci dgos// thabs dang shes rab gnyis med pa'i// ma lus kun la rgyas btab cing // thabs ldan rnams la snang gyur kyang // kun la gsal bar snang ma yin// gsang ba thig le chen po ni// yon tan stobs kyi bdag nyid de// rtogs goms mnyes pas lhun grub cing // log dang le lo stobs kyis min// sgyu 'phrul dra ba mngon rdzogs pa'i// thig le rdzogs pa'i thabs kyis bskul// gsang ba'i rig pa thabs kyis mnan// ro gcig bde ba chen por gas la// rnal 'byor thabs dang shes rab kyis// ma lus bde ba che rtogs shing / thig le gsang ba'i ros khyab na// byang spyod dkyil 'khor gsal bar 'gyur// ma lus ma bcos mnyam sbyor zhing // dkyil 'khor gsum la goms pa dang // dag dang

  89. 46a

    rgyal bar mnyam sbyor bas// ma lus mchod pa'i cho gar gnas// gang du bskul dang chags pa dang // dga' dang bde bas brgyan pa yis// gsang ba'i rol mos gang bskul ba// sangs rgyas kun gyi bde chen ni// phyi nang yul sems ma lus kun// bdag nyid chen po ros gang zhing // bde chen rdo rje gnyis su med// de nyid zag pa med par gnas// gnyis med 'dres pa'i rang bzhin la// gsang ba'i ye shes rang bzhini gsal// thabs chen gsang ba las byung ba'i// rgyal ba'i dkyil 'khor ma lus rdzogs// ma lus bdag tu dbyer med pas// thams cad gsang ba lhun gyis grub// ces nyid la nyid gsungs so// sgyu 'phrul rgya mtsho'i rgyud las/ mnyes pa chen pos byin gyis brlabs pa'i le'u ste bco brgyud pa'o// // de nas bcom ldan dgyes chen pos// ma lus bdag nyid lhun grub pas// bdag nyid bde bar byin brlabs pa// dam tshig mchog gis bshad par bya// gang du don la gnas pa dag/ bdag gzhan don ni lhun grub phyir// rgyal ba kun gyis byin brlabs pa'i// gang mi 'da' ba dam tshig mchog/ snying po phyag rgya sngags rig rnams// gsal la yid gnyis med pa yis// rdo rje sku gsung thugs sbyor bas//

  90. 46b

    gang yang nyams med 'bras bur 'grub// don dam snying por gnyis med cing // thabs kyi don la rab nges na// las dang spyod pa gang yang rung // ma bsags mi tshogs tshogs/ gyur te/ 'dul sdom dam tshig ma lus pa// dam tshig chen po'i ring bzhin du// ma byas rang gi ngo bor rdzogs// 'dul sdom lta spyod rnam par dag/ blang dor med par byin brlabs/ shing / ma lus 'dus par rdzogs te gnas// sangs rgyas kun gyis byin / rlabs pa'i// thabs chen gsang ba'i rang bzhin lo// mtha' dbus yod med las 'das pa'i// ma lus sgyu mar mnyam sbyor bas// rlung sems stong par ye dag pas// skye shi 'gyur med nam mkha'i ngang // grub pas bdag gzhan med snang bas// dngos gcig bsgral bas ma lus be sgral// ma lus dag dang mnyam sbyor bas// thig le chen po gnyis su med// gsang ba gsang chen las 'byung bas// ma lus gnyis med dkyil 'khor mchog/ ma lus dbyir med tshul gcig pas// gnyis dang yul du mi 'byed de// rang 'byung longs spyod gsal rtogs pas// blangs pas yon tan phun sum tshogs// chos rnams sgra tshigs bral ba yis// de bzhin nyid kyi rnam 'phrul pa// sgro brnyan brag char byin brlabs pas// ma lus bden rdzun tshig tu smra// gang du rtogs dang gnyer ba yi// rang

  91. 47a

    sems rdo rjer byin brlabs pas// gang du bde las 'da' byed ltung // de bas spangs par su zhig sems// sangs rgyas kun dang mnyam gnas shing / dri med rgyud la gang 'jog pa// spangs pas 'khor ba'i tha mar te// rmi lam du yang spangs par min// las dang nyon mongs dag byed cing // ye shes dkyil 'khor 'grub byed pa// snying po sngags kyi dam tshig la// skad cig tsam las 'da' mi rung // rgyal ba kun gyi thugs 'jug cing // ye shes snying po rgyas 'debs pa// phyag rgya thugs kyi rang bzhin las// 'das na rgyal ba nyid kyang ltung // dam pa'i grong khyer 'jug pa'i grogs// 'od dang snying po ji bzhin du// thog ma tha mar mi byed pa// 'bral dang dbye bar bya ba min// sangs rgyas kun gyis gsang ba'i don// gnyer gtad pas kyang gzhan la min// gnyis ka ltung 'jig 'byung bas na// dam pa nyid la nges par bya// 'joms pa chen po zhe sdang che// gtum pa chen po sreg pa nyid// 'dod chags chen po bde ba che// thabs chen thar po chen po nyid// gti mug chen po rmongs po che// gnyis med bdag nyid gsang ba che// nga rgyal chen po gnon sangs che// che ba chen por rang bzhin gnas// mi mthun spangs pa'i rang

  92. 47b

    bzhin bzhi// theg pa chen po dam tshig mchog/ dam pa'i rang bzhin dam pa'i mchog/ gnas na dam par lhun grub cing // 'das na dam pa'ang tshig par 'gyur// sangs rgyas kun gyis byin parlabs pa'i// brten par bya ba'i dam tshig lnga// byin brlabs bar chad sel bar byed// dngos grub bsgrub pa'i dam tshig ste// rin chen dag pa'i chu nyid dngo // dkar chen dmar chen 'jig pa'i rdzas// dpa' bo ri dog sa med par spyad// gsang ba'i thig le dbyer med pas// thabs dang brtul zhugs ldan pas blang // lhan cig gnas pa'i bde chen po// sangs rgyas kun gyi rang bzhin nyid// thabs dang nyi zla'i ros khyab cing // bde ba chen pos byini brlabs pas/ rlung dang phyag rgya gang bsngags pa// thugs kyi phyag rgya ye shes che// lus sems bde chen dbyer med pa'i// mi 'bral gzungs su bshad pa'o// rmongs dang rang bzhini ngan pa dang // skal meng dbang dang bral ba la// thabs kyis mngon du mi bstan te// thig le 'byung 'jug khar 'byung min// steng 'og thig le mtshams sbyar nas// thabs sten dpa' bo'i 'dod chags kyis// brkam chags yul dang zhen pa dang // lta ngan bdag 'dzin rnam par 'joms// gnyis med rig pa rab

  93. 48a

    gsal bas// ma lus bde chen ngo bor gnas// rang bzhin zhes bya zhen pa dag/ seng ge lta bus zil gyis mnan// dman dang chags bral dka' thub can// zad dang ma smin bde chen bral// gang du thabs dang bral ba ni// spangs shing 'jug par bya ba min// lus las byung ba'i bcud lnga ni// rnal 'byor mnyam la rtags gnas pa'i// dam tshig 'tsho ba'i longs spyod pas// nam yang dor bar bya ba min// ma lus 'dus pa'i bcud yin pas// snying po lnga zhes de la bya// rtsa bcud shes pa'i ngo bo nyid// rang 'byung dag par gsal brtogs shing // gnyis med sbyor bas goms pa yis// thams cad bde ba chen por mnyam// thun mong thun mong ma yin pa'i// 'da' ka dam tshig rang bzhin te// rtsa ba yan lag bcas pa las// 'das pa gang yin dmyal bar 'gro// dbyer med mnyam pa'i rang bzhin la// man ngag thabs kyis mnyam sbyar nas// ma lus bde ba phun sum tshogs// bdag las 'byung gi gzhan las min// gang du rtsa ba kun nyams pa// yan lag bcas pa rang bzhin 'das// kun gyi spangs chad gnas yin phyir// 'grogs dang phrad nas ltung bar 'gyur// sangs rgyas kun gyis byin brlabs pa// rtsa ba dam tshig gang 'das

  94. 48b

    ba/ rgyal ba 'khor bcas bka sa bcad nas// thar med sdug bsngal gnas su ltung // yan lag dam tshig rmad po che// 'das nas dngos grub mi 'byung zhing // theg chen lta spyod spangs pa yis// ngan 'gror 'gro ba'i gnas su ltung // sangs rgyas kun gyi sku gsung thugs// rdo rje dam tshig chen po ste// ma lus gsang bar mnyam sbyor bas// sangs rgyas kun gyi rang bzhin yin// rtse ba lnga la yan lag bcu// thabs dang shes rab sku gsung thugs// lnga yi rang bzhin mnyam sbyor bas// grangs dang bye brag ma nges te/ mos dang bsam pa'i khyad par snang // zhes nyid la nyid bshad do// sgyu 'phrul rgya mtsho'i rgyud las/ dam pas byin gyis brlab pa'i 'da' bar dka' ba'i le'u ste/ bcu dgu pa'o// // de nas bcom ldan de bzhin gshegs// kun mkhyen spangs rdzogs bdag nyid can// gcig dang du bral bdag nyid de// 'phrin las tshul ni yang dag bshad// rang bzhin thabs dang thugs rje nyid// 'phrin las rgya chen gang byung ba// de nyid sgyu 'phral rgya mtsho ste// sangs rgyas kun gyi ngo/ bor 'dod// e ma ngo mtshar rmad kyi chos// rang byung ye shes dkyil 'khor du// snang srid rang bzhin ma bcos pa// bde ba chen po'i ngo bor zhi// ma bsags lhun

  95. 49a

    rdzogs dkyil 'khor du// che ba'i yon tan rang snang ba// 'phel 'gri ba med par rang gsal ba// bsam gyis mi khya ba mtha' yas mchog ma chags dag pa'i dkyil 'khor du// spyod yul bag chags ma lus pa// gsung mchog ma skyes byin brlabs kyis// rig pa ma bcos ngang du 'dus// rang rig ye shes rgyal po yis// skye med rang bzhin ngang du nyid// mtshan ma bag chags bcom nas ni// stong pa chen po'i ngang du gnas// rang snying d+harma tsak+ku la// ye shes bzhi sogs gnas pa'i mthus// rang bzhin nus mthu bzhir snang ba// de dag ma bcos shes par bya// shes pa mnyes pa la gnas na// mtshan ma'i rtogs thob gyur pa/ na/ rang rang 'thad pa'i sa phyogs su// las rnams brtsams nas 'grub par 'gyur// waM gi dkyil 'khor rim gsum du// mtshan ma rdzas dang ldan pa la// dang ba dang ldan phur btab nas// ma lus sbyang phyir mchod sbyin bya// ma yi dkyil 'khor rim gsum du// mtshan ma rdzas dang ldan pa la// dga' bas nga rgyal phur btab nas// yon tan 'phel phyir mchod sbyin bya// yaM yi tshogs kyi dkyil 'khor du// rang gi mtshan ma rdzas ldan la// chags pa dbang byed phur btab nas// mi mthun 'du phyir mchod

  96. 49b

    sbyin bya// e yi dkyil 'khor rim gsum du// rang gi rdzas dang ldan pa la// khros pas drag po'i phur btab nas// thal bar brlag phyir mchod sbyin bya// rang byung pho brang snying po la// e sogs rang bzhin bzhir gnas pa// thig le thabs dang bcas pa'i ros// bdag gzhan las bzhi thogs me tsang // bde chen 'bras bus/ rdzogs par byed// rten can snying po'i thig le la// dngas ma lnga yi bcud 'dus pa// ma skyes nam mkha'i gzugs can nyid// de ma thag par snang bar byed// sangs rgyas btsun mo'i b+ha ga la// gsang ba'i dkyil 'khor bzhir gnas te// thabs dang lus bcas phyag rgya bzhis// lhan cig skyes pa'i ye shes nyid// nyi zla zin pa'i stobs las skye// gsang ba las bzhi dkyil 'khor du// dbyings phyag chags pa'i me nyid ni// phyag rgya bzhi bcas bstan po ces bskul// rdo rje pad+ma dgang blugs bcas// byang chub sems kyis gang mchod pas// las dang bag chags spyod yul bcas// bde ba chen po 'bar bar byed// ldan cig skyes pa khri rang bzhin 'char// thugs rje stobs kyis las bzhi yis// rang rang dga' ba'i tshul ston cing // thabs dang mos pa sna tshogs la// ci dga' ba ni ston par byed// la lar nad dang sdug bsngal dang //

  97. 50a

    bag chags ma lus zhi bar byed// la lar tshe dang bsod nams dang // longs spyod ye shes 'phel bar byed// la lar bgegs dang mi mthun dang // rnam par rtog pa thabs kyis sdud// gang gis 'dul bar mi nus pa// thubs mkhas drag pos mngon du sgrol// gang du yid la ldan pa'i gzungs// ljon pa mo dang lcug 'phrag 'tshal// sdong gcig ma dang mi dred ma// dang po dga' ba chags pa yi// khros pas sbyor ba rab tu brtsem// rang dang rjes su 'thun pa'i phyir// las brgyad glu gar ldan bskul bas// rjes su 'thun pa'i las 'grub cing // 'grub bya'i las dang dngos grub dag/ thogs pa med par 'grub par 'gyur// gsang ba las byung gsang chen no// rang 'byung thabs dang shes rab ldan// de nyid sgyu 'phrul rgya mtsho ste// 'gro ba'i don du rnam par 'phrul// thabs las thabs byung thabs kyis mchog/ kun las thugs chud snying po'i don// rang snang thabs kyis mngon snang gi/ gzhan las mi 'byung ngo bor gnas// thabs chen gsang ba'i theg pa 'di// las dang skal ldan spyod yul te// dman dang rigs chad la sogs la// khyab par gnas kyang spyod yul min// ces nyid la nyid bshad do// sgyu 'phrul rgya mtsho'i rgyud las/ las lhun gyis 'grub pa'i le'u

  98. 50b

    ste nyi shu pa'o// // de nas kun mkhyen sras chen pos// ma lus dgyes pa khyab gyur nas// sku gsung yon tan 'phrin las thugs// che ba'i tshul gyis glu 'di blangs// rgyal ba kun gyi sku che ba// 'bar ba 'jigs shing mdzes pa che// byin rlabs lhun grub sku dang ldan// rdo rje legs pa brjid pa che// hUM dang phaT du tshang ba gsungs// zhing khams kun tu khyab mdzad nas// gdul bya dga' dang 'jigs mdzad pa// gsung gi dkyil 'khor sgra mtha' yas// rang byung ye shes 'od gsal ba// mdzes dang khyab dang gsal ba yis// ye shes lnga ru gsal mdzad pa// rgyal ba kun gyi thugs kyi mchog/ ma bcos rang bzhin gsal ba la// sna tshogs sku gsung thugs su gsal// bdag gzhan bya ba kun rdzogs pa// yon tan nor bu rin chen 'chang // ma lus thabs kyi cho 'phrul gyis// ma rung gdug pa kun 'dul ba// rang 'byung thabs kyi sa 'phrin las kyis// bdud bzhi ma lus 'dul bar mdzad// sangs rgyas kun gyi rang bzhin khyod// sgyu 'phrul dra ba mngon rdzogs pa'i// sku gsung thugs kyi bdag nyid che// yon tan 'phrin las sna tshogs spru la// 'di ni ched du brjod pa yis// rgyal ba'i dkyil 'khor rdul snyed kun// gnyis med dgyes par khyab par 'gyur// lha dang

  99. 51a

    lha mor bcas pa dag/ mdzes dang dga' dang chags pa dang // bde ba chen po'i mdangs ldan pa// lha dang rgod dang 'o byed cing // 'khyud dang steg dang 'chir ba dang // 'jib dang 'khur bar bcas pa yis// bya ba sna tshogs las gtang nas// bde chen mchog la 'jug par mdzad// dkyil 'khor rdul snyed bcas pa dag gsang ba'i thig ler gnas pa ni// ye shes lnga yi ro dang ldan// dngas pa'i snying po blo zhugs pas// yul dang bag chags ma lus pa// bde ba chen po'i snying por gsal// las dang spyod pa'i khyad par dag/ pad+ma la ni 'dam bzhin no// sgyu 'phrul theg pa'i snying po 'di// ma lus dngos grub rnams kyi mdzod// thugs mchog phyag rgyas rgyas btab pas/ nam yang 'da' bar mi mdzad do// zhes nyid la nyid bshad do// sgyu 'phrul rgya mtsho'i rgyud las/ dgyes pa chen po'i le'u ste nyer gcig pa'o// / / de nas bcom ldan dgyes chen pos// ma lus gsung gcig 'dus pa yis// snod ldan gang zag rgyal sras la// gsang ba'i snying po gdams par mdzad// 'das dang da ltar ma byon pa// phyogs bcu dus bzhi ma lus pa'i// de bzhin gshegs pa'i ngo bo nyid// kun kyang gsang ba'i snying po nyid// thabs bral zhen pa gnyis bcings

  100. 51b

    pasatabadag 'dzin zhen pas don la bsgribs// ma lus sgro bral ngo bo la// rtag pa'i zhen pas 'gro bar 'khyams// ji snyed theg pa gang bshad pa// thabs chen theg pa brgyud pa'i lam// theg pa bsam yas bstan pa yang // gdul bya'i don dang bsam sbyar bas// don du mi 'gyur bcig ma gsungs// rdo rje gsung la spros med kyang // thugs rje thabs mkhas byin rlabs kyis// ji ltar mos pa so sor snang // chos kyi phung po bsal ba byin// ma lus 'dus pa'i snying po 'di// sangs rgyas kun gyi gsang ba ste/ kun 'byung sgyu 'phrul rgya mtsho'i rgyud// dbang bskur byin rlabs gsang ba'i mdzod// thog ma tham par dge ba// sgro skur med pa thabs kyi lam// rtog dang 'dzin pa gang byed pa// dus gsum rgyal ba kun gyi sras// dam cho ga dbang dang ldan pa dang // las dang smon lam dbang gis ni// sno de dang bcud du 'brel pa yis// gsang 'dzod 'dzin cing 'chang ba dang // thabs mkhas snying rje gtong phod can// sdug bsngal gnyer cing 'phangs pa med// lus dang longs spyod ma chags pa// dam pa 'di la gsang ba gtad/ ces nyid la nyid bshad do// sgyu 'phrul rgya mtsho'i rgyud las/ gsang ba gtad pa'i le'u ste nyer gnyis pa'o// // sgyu 'phrul rgya mtsho'i

  101. 52a

    rgyud chen po rdzogs so// // sgyu 'phrul thal ba'i rgyud ces bya ba/ dpal kun tu bzang po la phyag 'tshal lo// dpal ldan thugs kyi dkyil 'khor mchog/ thubs chen thig le bde ba'i don// sgyu 'phrul dri ba mngon rdzogs pa// ma lus 'dus pa'i 'khor lo'i tshogs// lha mos bzhad dang rol pa yi// gnyis med bde bas tshim pa yi// lhan cig skyes pa'i ngo bor gsal// ma lus bde chen rang bzhin du// snang zhen thig le'i ngo bor ldog thun mong thun mong ma yin pa'i// brtags pa rang gi rtog tsam nyid// thabs chen gsang bas ye shes gsal// nyi zla 'dres pa'i gar thabs kyis// gsang ba'i 'khor la dbang bskur ba// nam mkha' gang ba'i skye bo rnams// ma lus thig le'i gsal gyur cing // rol pa'i gsang ba'i nyams ldan pa// thabs dang bcas pa'i bdag nyid kyis// thabs dang mdzad pa'i dgongs pa dag/ dus bzhir mnyam pa'i tshul du bzhugs// // de nas gsang bdag sprul pa'i sku// 'dod lnga tshugs sdang thabs sbyor bas// thabs kyis gsang ba'i don bstan pa// ma lus dgongs pa'i don thob pas// thog mtha' med pa'i thabs la gnas// 'khor las thabs kyi pha rol phyin// 'khor ba thabs kyis