MW21521_9FF722མན་ངག་ཨ་ཏི་ཡོ་གའི་ཆོས་སྐོར།All versions of this work

byang chub kyi sems rgyal mtshan rtse mo'i rgyud

Text

ff. 277a–281b · 10 folio sides

  1. 277a

    rdzogs pa chen po thig le gsang ba'i des rgyud rdzogs so// rgya gar skang du/ bo d+hi satwa d+h+wa dza a gra tan+t+ra nA ma bod skad du/ byang chub kyi sems rgyal mtshan rtse mo'i rgyud ces bya ba/ sangs rgyas mar me mdzad stong gi gtsug phud rin po che la phyag 'tshal lo// 'di skad bdag gis thos pa'i dus gcig na/ sangs rgyas mi g.yo ba'i bskal pa dang po la/ yangs pa chen po grong khyer ma bkod par snang zhes bya ba na/ de bzhin gshegs pa 'od kyi phung po zhes bya ba mngon par 'dus mi byed pa/ chos nyid rang snang gi nam mkha' dang mnyam par zhugs pa/ snying po byang chub la mngon par byang chub la/ chos thams cad spros pa med par rang gi rgyan du bkod pa/ shes bya la ma rmongs pa/ mngon par 'das mi byed pa// kun tu bzang po thams cad rgya mtsho dang / chu bran gyi tshul du byung zhing 'du ba/ las thams cad la ma rtsol bar grub pa/ byed pa po med par klong gcig tu 'khyil pa/ sku'i ring bsrel chen po snang ba 'od kyi phung por zhugs pa/ gsung gi ring bsrel chen po rgyal mtshan gyi rtse mo ltar nub pa med par sgrog pa/ thugs kyi ring bsrel chen po rdo rje lta bur 'gyur ba med pa'o// zhes byang chub sems rgyal mtshan rtse mo'i rgyud las/ dang po'i

  2. 277b

    byung tshul bstan pa dang / rang gi 'dug tshul bstan pa'i le'u rtse dang po'o// de nas byang chub sems dpa' sems dpa' chen pos chos thams cad mi mnyam pa dang mnyam par bstan pa'i ting nge 'dzin las bzhengs te/ kye gsang ba'i bdag po lag na rdo rje gsang ba rmad du byung ba 'di ni/ stobs mi mnyam mo// rdzu 'phrul mi mnyam mo// thugs rje'i bye brag mi mnyam mo// bzhugs pa'i klong mi mnyam mo// lag na rdo rje legs par yid la zung zhig/ de ltar yin te/ de ltar ma yin no// chos thams cad kyi de bzhin nyid mnyam mo// ci ste gzhi rang gi ngo bo gcig pa'i phyir ro// rtsa la mnyam mo// ci ste byed pa'i tha dad med pa'i phyir ro// thugs rje mnyam mo// ci ste ye shes lnga mi 'gag pa'i phyir ro// bzhugs pa'i klong mnyam mo// ci ste chos nyid la tha dad med pa'i phyir ro// ci'i phyir nga'i shes rab zab mo ni/ rgyal mtshan gyi rtse mo dang 'dra ste nub pa med do// nor bu rin po che dang 'dra ste zad ming shes so// nam mkha' dang 'dra ste mthar thug pa med do// ri bo da 'dra ste 'gyur ba med do// pad+ma dang 'dra ste skyon med do// sa gzhi dang 'dra ste thams cad 'byung ngo // shing gi rgyal po yongs su sa brtol dang 'dra ste/ srid pa gsum

  3. 278a

    du nub pa med cing dar zhing rgyas pa de bzhin du/ byang chub kyi sems mi nub pa'i rgyal mtshan/ mi 'gyur ba'i g.yung drung / ma bslad pa'i ye shes rgyun gyi rtag pa'i shes rab/ mtshon pa med pa mya ngan las 'das so// rigs kyi bu chos nyid rdo rje rgya grum ni dgod legs/ chos sku rdo rje rtse mo ni rtseg legs/ thig lo mi 'gyur ba'i rgyal mtshan ni dpangs mtho/ thugs rje sprin gyi char khab ni khong snyoms/ ting nge 'dzin mi g.yo ba'i dar dbyangs ni gnyen 'khyil/ ye shes chen po bzhi'i me long ni 'od gsal/ tshangs pa'i sgra skad phun sum tshogs pa'i dril bu ni snyan/ zag pa med pa'i chos kyi 'khor lo ni bskor mkhas/ byang chub kyi srogang ging ni/ 'gyur ba med/ zhi gnas dang lhag mthong gi bre phul ni rtseg legs/ sangs rgyas kyi mdzad spyod ni tshul shes/ sangs rgyas kyi che ba'i yon tan dpag tu med pa'i rab gnas kyis mnga' phul te/ dam pa'i chos mtha' nas rgyas pa ni rang byung lhun rdzogs kyi dgongs pa'o// zhes byang chub kyi sems rgyal mtshan rtse mo'i rgyud las/ chos thams cad mi mnyam pa dang mnyam par bstan pa'i le'u ste gnyis pa'o// // de nas bcom ldan rdo rje 'chang // thugs rje mgon po 'od dpag

  4. 278b

    med// ngal dang po rgyu med pas// tha ma rkyen gyis bshig tu med// nga la bsgrub pa'i chos med pas// dngos grub gzhan la re ba med// nga la rten pa'i tshig med pas// smra ba sam yul la 'das pa yin// nga la bla na rje med pas// ye shes khyad par 'phags pa yin// nga la 'og na gzhan med pas// snying rje chen po cirare mi mdzad// nga nyid 'od kyi rang bzhin pas// thabs kyi ye shes dbyings na gsal// nyi ma'i snying por rang shar bas// 'byung ba lnga pas gtso chen yin// nam mkha' lta bur dngos med pas// bag chags skyon gyis sgrib tu med// man shel lta bur rang dag pas// sku gnyis ma brtsal dbyings nags la// nang med nang na 'od/ gsal ba// shes rab spyan gsum rnam par dog/ ri rab lta bur gzugs che bas// gom pa gcig gis pha rol phyin// kun gzhi kha dang zhabs med pas// snang srid lto ru zos kyang ngam 'grangs// nam mkha' gos su gon kyang ngam g.yogs// sa gzhi stan du bting yang ngam 'dus// nyi zla phang du blangs kyang ngam dros// kyi gsang ba'i bdag po/ ye shes rgyal po tshig las 'das pa la// lung dang rig pa nga la ci phyir yin// chos nyid yi nas ngos dang bral ba la// brtags pa'i tha skad

  5. 279a

    nga yi chos ma yin// rang byung ye shes 'gag pa med pa la// chos pa'i skyon gyis ye nas gos pa med// 'khor ba myang 'das gnyis su med pa la// go la dang ma gol tshig gi tha skad yin// rig pa'i rgyal po gzhi nas dag pa la// sgrib dang mi sgrib nga la dogs pa med// snying po gdod nas rdzogs sangs rgyas pa la// bsam gtan nga la gnas pas bden pa'i tshig dang bral// lung du ma bstan pa'i sgrib pa'o// rigs kyi bu sangs ma rgyas kyi bar du bla ma dam pa la dri bar bya'o// bden pa ma mthong gi bar du bsgoms pas mthong bar mi 'gyur ro// zhes byang chub sems dpa' rgyal mtshan rtse mo'i rgyud las/ che ba'i yon tan bstan pa'i le'u ste gsum pa'o// / / de nas byang chub sems dpa' sems dpa' chen pos/ spyi don lnga dgrol ba'i gdams ngag bstan pa/ dbang po bzhi bsdu/ chos nyid ngo spad/ rig pas gos gon/ ye shes ma bu sprad/ nor bu rgya las bzung ngo // dbang po gzhi bsdu ba la lnga ste/ bdag srid pa'i rtse mo rgal nas/ dbang po tshogs drug 'gag pa'i dus su/ byang chub sems dpa'i khye'u snga ma la bzhi ste/ khye'u sa'i snying po/ rigs rdo rje'i rigs/ 'byung ba sa'i rang bzhin/ sku mi bskyod pa'i sprul pa/ rang bzhin sangs rgyas par rgyun gyis

  6. 279b

    rtag pas/ de'i phyir ni stong pa ye shes kyi snying po can zhes bya ste/ nga'i rang bzhin ni mdzes pa'i lha mo 'od zer can zhes bya ba yin te/ sems can rnams la tshad med pa bzhi 'gag pa med par skyob pa'i phyir lha mo yin la/ rang bzhin dag pa'i phyir nas 'od zer 'byung bas nga'i sprul pa'i sku 'od zer du snang ngo // de'i phyir stong gsum gyi stong chen po 'jig rten gyi khams 'od zer gyi snang bar nus pa'o// de'i rtsa la snang ba nam mkha' la sprin gyi kha dog dkar dmar du snang ba dang / sa gzhi la rin po che dang / sa'i kha dog dang / rtsi shing dang / me tog gi kha dog dkar dmar lngar snang ba thams cad kyang / nga'i sku'i rol pa las byung ba yin no/ zhes dri ba dang po'o// // de nas bcom ldan 'das kyis bka' stsal pa/ byang chub sems dpa' chos kyi sku ni rang bzhin gyis rnam par dag nas brjod pa'i mtha' las 'das kyang / tshig dang / dbang po'i spyod yul min kyang / nga'i rang bzhin chen po yi nas sangs rgyas pas/ gzugs kyi sku'i 'od zer lngar snang ba yin te/ de ci'i phyir zhe na/ nga'i sku ya shes sgyu ma'i lus su ma bstan na/ ngo bo dang rang bzhin de bzhin gshegs pas mi gzigs mi mkhyen no// nga'i thugs rje sprul pa'i sku 'od bstan pas sems can rnams kyis shes par bya ba'i tshad du

  7. 280a

    dbu'i thor gtsug dang / mdzod spu'i bu ga dang / shangs kyi rlung sgom dang / ljags kyi pad+mo dang / thugs kyi dpal be'u dang / ba spu'i bu ga yan chod nas 'od zer lnga bye ba drug tu 'gyed pa'o// 'od zer de yang dpag tu med pa grangasu med pa'o// zhes dri ba gnyis pa'o// // de nas yang bka' stsal pa/ byang chub sems dpa' sems dpa' chen po khyod kyis dris pa de legs so// yang dag par rdzogs pa'i sangs rgyas la thugs rje dang rdzu 'phrul bsam gyis mi khyab cing brjod kyis mi lang ba de dag kyang khyod la 'byung bar 'gyur ro// ci ste sangs rgyas nyid kyi sprul pa'i sku yin pa'i phyir/ de'i phyir khyod kyis chen po lngas sangs rgyas pas/ sangs rgyas ye shes kyi lus can zhes bya ste/ khyod kyi ngo bo dang rang bzhin ni bsam pa'i mtha' las 'das so// khyod kyi thugs rje ni sprul pa'i skur bstan kyang / don lha mo lngar snang ste/ lha mo lnga yi gzhal yas na// mi skyod rdo rje 'chang ba'i sku// snying po byang chub nyid la gnas// sems can kun gyi don gyi phyir// gsal ba'i lha mo chen mo me long 'dzin// rtags kyi phyag rgya dkar la 'tsher// mnyam pa'i lha mo mi skyod sku// rtags kyi phyag rgya ser kha 'tsher// pad+ma'i lha mo dril bu 'dzin// rtags kyi phyag rgya dmar la 'tsher// las kyi

  8. 280b

    mo shugs 'chang ma// rtags kyi phyag rgya sngo la 'tsher// dbyings kyi lha mo rnam dag sku// rtags kyi phyag rgya mthing la 'tsher// 'od zer sna tshogs phyogs bcur 'phro// chos kyi dbyings kyi pho brang du// sgrib med gsal ba'i ngo bor shar// dkar dmar 'od zer sna lnga yang // ma 'dres yongs su gsal ba'i phyir// gsal ba dang / dro ba dang bsil dang / yang dang / yangs shing khyab pa sangs rgyas kyi spyan/ mthar phyin pa me long gi ye shes/ mchod pa gzugs kyi mchod pa la spyod do// de rnams so sor thim mo// kun la de 'dre/ khye'u phyag na rdo rje/ las kyi rigs/ rlung gi rang bzhin/ sku sangs rgyas don grub kyis sprul pa/ rang bzhin las kyi sgron ma/ mthar phyin pa bya ba grub pa'i ye shes/ mchod pa sgra'i mchod pa'o// khye'u nam mkha'i snying po/ de bzhin gshegs pa'i rigs/ nam mkha'i rang bzhin/ sku snang mdzad kyi sprul pa rang bzhini skye med/ mthar phyin pa rnam par dag pa'i ye shes/ mchod pa dri'i mchod pa'o// khye'u spyan ras gzigs/ rin po che'i rigs/ chu'i rang bzhin/ sku sangs rgyas 'byung gnas kyi sprul pa/ rang bzhin mA ma kun khyab/ mthar phyin pa mnyam pa nyid 'byed pa med pa'i ye shes/ mchod pa ro'i mchod pa'o// khye'u sgrib pa

  9. 281a

    rnam par sel/ pad+ma'i rigs/ me'i rang bzhin/ sku snang ba mtha' yas kyi sprul pa/ rang bzhin na bza' dkar mo/ mthar phyin pa so so smin pa'i ye shes/ mchod pa reg bya'i mchod pa'o// byang chub sems dpa' khye'u lnga po de'i khye'u snang ba rig byed la so so go gon gnas su thim nas gnas so// de nas khye'u snang ba rig byed/ rigs med pa'i rigs/ a'i rang bzhin// sku 'od dpag tu med pa'i rang bzhin/ ma bcos pas mthar phyin pa mi gnas pa'i ye shes// mchod pa bya ba med pa'i mchod pa'o// // chos nyid ngo sprad pa la gnyis te/ dbyings dang ye shes kha sbyor ro// rig la gos gon la gnyis te/ rig pa'i 'od kyi lus la 'jug pa dang / 'od rig pa la 'jug pa'o// ye shes ma bu phrad pa la gnyis te/ sngon byung gi sangs rgyas la/ rjes 'jug gi sangs rgyas 'jug pa'o// nor bus rgyal sa zin pa ni/ sems can sangs rgyas pa'o// dbang po bzhi sdus pas 'gro drug ma dang phrad/ chos nyid ngo sprad pas ka dag pa'i ye shes rang snang rig pa'i gos gon pas rdo rje lta bu'i ting nge 'dzin thob/ ye shes ma bu spad pas/ thugs rje 'byung ba'i sgo ma 'gags/ nor bus rgya las zin pas sangs rgyas mya ngan

  10. 281b

    las 'da' 'o// zhes byang chub sems dpa' rgyal mtshan rtse mo'i rgyud las/ ngo spong gzhi la spyi 'dud lngang dgrol ba'i le'u ste bzhi pa'o// kye byang chub sems dpa' sems dpa' chen po/ nga mya ngan las 'da' ba'i 'og tu/ 'khor gyi mi pho bzhi la/ gang 'dul ba'i chos bzhis ston pa mngon par mthong ba bzhin ston cig/ gsang ba bla na med pa'i 'dul ba'i 'khor la/ bya ba tsal med pa nam mkha' lta bu'i chos bstan/ mtshan yongs su rdzogs pa'i byed pa'i 'khor la/ chu zla'i dkyil 'khor lta bu'i chos bstan/ mos pa spyod pa'i 'khor la/ gdung sha ri ram rin po che'i chos bstan/ tshad med pa bzhi dang ldan pa'i 'khor la/ sman gyi lha bai DUR+Ya 'od kyi rgyal po bstan no// rigs kyi bu ngas 'jig rten gyi khams su rang lo nyi shu rtsa bzhi lon no// sems can gyi lo stong brgyad brgya nyi shu rtsa bzhi sprul pa'i skur bzhugs so// zhes byang chub sems dpa' rgyal mtshan gyi rtse mo'i rgyud las/ sangs rgyas kyi ring bsrel gang zag gdams pa bstan pa'i le'u ste lnga pa'o// // byang chub kyi sems rgyal mtshan rtse mo'i rgyud rdzogs so// / tha rims rgya yis btab bo// // rgya gar skad du