'phags pa shes rab kyi pha rol tu phyin pa'i tshul brgya lnga bcu pa
Text
ff. 277a–284a · 15 folio sides
- 277a
dngos grub chen po las thams cad du rjes su chags shing shin tu mnyes pa dang // shin tu brtan pa dang / shin tu rgyas pa dang / rtag tu rgya che bar 'gyur ba yin no// gang zhig mchog gi rgyal po snying po sgrub bya pa// rgyal ba thams cad dgyes shing rgyal ba dgyes par mdzad// de dag grags pa chen po thob nas bde ba'ang thob// de phyir 'di la dad cing gus par bya ba yin// de nas rgyal ba rnams kyis bcom ldan 'das la legs so/ zhes bya ba byin te// yab mchog sangs rgyas sras ni legs so legs// sras mchog sangs rgyas sras ni legs so legs// rdo rje mchog ni rdo rje 'byung ba legaso legs// dam pa chos kyi bdag nyid legs so legs/ sangs rgyas rnams kyi yang dag byin brlabs pa// rtag tu mi 'gyur don yod grub pa che// ci ltar dang po'i grub pa de bzhin du// phyi nas kyang ni de bzhin grub par 'gyur// de ltar ngag chen gsungs nas ni// sras dang bcas pa'i sangs rgyas rnams// rdo rje sems dpa' chen po yi// gsung la rjes su yi rang mdzad// dpal mchog dang po las rtog pa'i rgyal po thams cad kyi cho ga rdzogs s+ho// thugs dam pa'i snying po thaM yid du/ rgya gar gyi mkhan po ba Na Di ta mkhas pa chen po man tra kA la she dang / sgra skyur gyi lo ts+tsha ba lha btsan po dge slong bla ma zhi ba'i 'od kyi zhal snga nas bsgyur cing zhus te gtan la phab pa// / lon+do chen po rin chen bzang po yis// dpal mchog dang po'i rgyud 'di bskur ba la// bar bar dpe ma rnyed pas ma 'gyur nas// bdag gis 'bad pas dpe btsal rnyed pas bsgyur//
- 277b
rgya gar skad du/ Ar+ya pradz+nyA pA ra mi tA na ya sha ta pany+dza sha ti ka/ bod skad du/ 'phags pa shes rab kyi pha rol tu phyin pa'i tshul brgya lnga bcu pa/ bcom ldan 'das shes rab kyi pha rol tu phyin bal phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyis mkhyen pa'i bye brag rnams tha dad pa dang ldan pa/ de bzhin gshegs pa rin po che thams cad kyis cod pan gyis khams gsum du dbang bcu rdzogs pa/ de bzhin gshegs pa thams cad kyis/ thams cad mkhyen pa'i ye shes dang ldan pa/ rnal 'byor can chen po'i dbang phyug/ de bzhin gshegs pa thams cad kyi phyag/ chos thams cad kyi mnyam pa nyid thugs su chud pa/ sna tshogs kyi bya ba mdzad de/ ma lus pa na sems can gyi khams lus pa med pa thams cad kyi re ba thams cad yongs su bskang ba'i 'phrin las mdzad thugs rje che ba rnam par snang mdzad chen po// rtog pa khams gsum gyi mnyam pa nyid la bzhugs pa/ sku dang gsung dang / thugs thams cad rdo rje de bzhin gshegs pa lha'i rgyal po gzhan 'phrul dbang byed kyi gnas/ 'dod pa'i khams thams cad na nor bu rin po che chen po rab tu spras pa dang / ba dan kha dog sna tshogs dril bu brgyus pa rlung gis bskyod pa dang / me tog gi phreng ba dang / rnga ma dang / rgyan phreng dang / chun 'chang dang / zla ba lta bus mdzes par byas pa/ de bzhin gshegs pa thams cad bzhugs pa/ shis pa thams cad bstod pa na/ byang chub sems dpa' bye ba phrag brgya dang thabs cig tu bzhugs pa la 'di lta ste/ byang chub sems dpa' sems dpa' chen po lag na rdo rje dang / spyan ras gzigs dbang phyug dang / nam mkha'i snying po dang / rdo rje khu tshur dang / 'jam dpal dang / sems skyed ma thag tu chos kyi 'khor lo bskor ba dang / nam mkha' mdzod dang / byang chub
- 278a
sems dpa' sems dpa' chen po bdud kyi stobs thabs cad rab du 'jobs pa dang / de dag la sogs pa byang chub sems dpa' bya ba phrag brgya dang thabs cig ste/ yongs su bskor cing mdun gyis lhas nas chos ston te/ shes rab kyipha rol tu phyin pa'i tshul chos thams cad kyi ngo bo nyid rnam par dag pa'i sgo zhes bya ba thog mar dge ba/ bar du dge ba tha mar dge ba/ don bzang po tshig 'bru bzang po// ma 'dres pa/ yongs su rdzogs pa/ yongs su dag pa/ yongs su byang ba yang dag par ston te/ 'di lta du dga' ba rnam par dag pa'i gnas de ni 'di lta ste/ byang chub sems dpa'i gnas so// 'dod chags kyi mtha' rnam par dag pa'i gnas de ni 'di lta ste/ byang chub sems dpa'i gnas so// rig pa rnam par dag pa'i gnas de ni 'di lta ste/ byang chub sems dpa'i gnas so// mtshan ma rnam par dag pa'i gnas de ni 'di lta ste/ byang chub sems dpa'i gnas so// des na 'dod chags rnam par dag pa'i gnas de ni 'di lta ste/ byang chub sems dpa'i gnas so// zhe sdang rnam par dag pa'i gnas de ni lta ste/ byang chub sems dpa'i gnas so// gti mug rnam par dag pa'i gnas de ni 'di lta ste/ byang chub sems dpa'i gnas so// nga rgyal rnam par dag pa'i gnas de ni 'di lta ste/ byang chub sems dpa'i gnas so// phrag tog rnam par dag shin de ni 'di lta ste/ byang chub sems dpa'i gnas so// sdug pa'i 'ching ba'i rnam par dag pa'i gnas de ni 'di lta ste/ byang chub sems dpa'i gnas so// thams cad la dbang phyug dang / dbang rnam par dag pa'i gnas de ni 'di lta ste/ byang chub sems dpa'i gnas so// lta ba rnam par dag pa'i gnas de ni 'di lta ste/ byang chub sems dpa'i gnas so// dga' ba rnam par dag pa'i gnas de ni 'di lta ste/ byang chub sems dpa'i gnas so// sred pa rnam par dag pa'i gnas de ni 'di lta ste/ byang chub sems dpa'i gnas so// snyems pa rnam par dag pa'i gnas de ni 'di lta ste/ byang chub sems dpa'i gan so// rgyan rnam par dag pa'i gnas de ni 'di lta ste/ byang chub sems dpa'i gan mo// yid tshim par byed pa rnam par dag pa'i gnas de ni 'di lta ste/ byang chub sems dpa'i gnas so// snang ba
- 278b
rnam par dag pa'i gnas de ni 'di lta ste/ byang chub sems dpa'i gnas so// lus bde ba rnam par dag pa'i gnas de ni de lta ste/ byang chub sems dpa'i gnas so// gzugs rnam par dag pa'i gnas de ni 'di lta ste/ byang chub sems dpa'i gnas so// sgra rnam par dag pa'i gnas de ni 'di lta ste/ byang chub sems dpa'i gan so// dri rnam par dag pa'i gnas de ni 'di lta ste/ byang chub sems dpa'i gan so// ro rnam par dag pa'i gnas de ni 'di lta ste/ byang chub sems dpa'i gnas so// reg rnam par dag pa'i gnas de ni 'di lta ste/ byang chub sems dpa'i gan so// de ci'i phyir zhe na/ 'di ltar chos zad ni ngo bo nyid kyis rnam par dag pa ste/ chos thams cad kyi ngo bo nyid kyis stong pa nyid pas shes rab kyi pha rol tu phyin pa yongs su dag pa'o// lag na rdo rje su la las chos thams cad kyi ngo bo nyid rnam bar dag pa'i sgo sgrub pa shes rab kyi pha rol tu phyin pa'i tshul 'di lan cig thos na yang de byang chub kyi snying po'i bar du sgrib pa thams cad dang / mchod pa dang / nyon mongs pa'i sgrib pa dang chos kyi sgrib pa dang las kyi sgrib pa chen po gsags kyang sems can dmyal ba las sogs bangan song du rnam kyang skye bar mi 'gyur/ sdig pa yang byas ma thag tu sdug bsngal med par byang bar 'gyur ro// su zhig 'dzin pa dang / nyin re zhing klog pa dang // kha ton byed pa dang / tshul bzhin yid la byed pa der tshe 'di nyid la chos thams cad kyi mnyam pa nyid rdo rje'i ting nge 'dzin thobs chos thams cad la dbang skur bar 'gyur ro// chos thams cad pa dga' ba dang / bgu ba dang / mchog tu dga' ba myong bar 'gyur ro// byang chub sems dpa' chen po'i tshe bcug drug gis de bzhin gshegs pa 'al/ rdo rje 'dzin thob par gyur ro// nas bcom ldan 'das lag na rdo rje de bzhin gshegs pa thams cad pa/ theg pa chen po mngon par rtogs pa/ dkyil 'khor thams cad ga rdo 'dzin mtha' dag gis sems can gyi mchog khams gsum malus pa mtha' dag na 'jig rten gsum po thabs cad las rnam par rgyal pa/ sems can gyi khams gu la med par 'dul ba/ don thams cad grub pa/ dam tshig chen po pa rdo rje gsang ba'i sems can chen po du mas g.yog byas pa/ shes rab kyi pha rol tu phyin pa'i tshul gyi don 'di ston te/ bzhin rab tu 'dzum ni pa lag pa g.yon pa rdo skyid te thog pa'i rdo chen po gsor/
- 279a
nas rang gi snying gar stod pa'i tshul gyis 'dzin cing bde ba chen po rdo rje don yod pa'i dam tshig ces bya ba rang gi de kho na nyid kyi snying po 'di smras so// hUM de nas bcom ldan 'das de bzhin gshegs pa rnam par snang mdzad kyis yang de bzhin gshegs pa thams cad kyi zhi ba'i chos nyid mngon par rdzogs par byang chub par sgrub pa zhes bya ba shes rab kyi pha rol tu phyin pa'i tshul 'di bshad do// rdo rje sra ba nyid kyi phyir rdo rje mnyam pa nyid mngon par rdzogs par byang chub pa ni byang chub chen po'o// don cig pa'i phyir don gyi mnyam pa nyid mngon par rdzogs par byang chub pa ni byang chub chen po'o// ngo bo nyid kyi rnam par dag pa'i phyir chos kyi mnyam pa nyid mngon par rdzogs par byang chub pa ni byang chub chen po'o// thams cad la rnam par mi rtog pa'i phyir thams cad kyi mnyam pa nyid mngon par rdzogs par byang chub pa ni byang chub chen po'o// lag na rdo rje sa la la chos mngon par sgrub pa bzhi po 'di dag nyan pa dang / 'dzin pa dang klog pa dang / sgom pa de sdig pa thams cad spyod kyang byang chub kyi snying po la 'dug gi bar du ngan song thams cad las yang dag par 'das par 'gyur ro// myur du bla na med pa yang dag par rdzogs par 'tshang rgya bar yang 'gyur ro// de nas de skad ces bka' stsal nas/ bcom ldan 'das ye shes kyi khu tshur yongs su 'dzin pa don gnas 'di nyid rgya cher ston cing bzhin rab tu 'dzum dmyal te chos thams cad kyi mnyam pa nyid kyi snying po 'di smras so// a/ de nas ma rungs pa thams cad 'dul ba bcom ldan 'das de bzhin gshegs pa shAkya thub pas kyang yang chos thams cad kyi mnyam pa nyid kyis rnam par rgyal ba bsdu ba zhes bya ba shes rab kyi pha rol tu phyin pa sgrub pa 'di bshad de/ 'dod chags kyi spros pa med pa nyid kyis zhe sdang gi spros pa med pa nyid do// zhe sdang gi spros pa med pa nyid kyis gti mug gi spros pa med pa nyid do// gti mug gi spros pa med pa nyid kyis chos thams cad spros pa med pa nyid do//
- 279b
chos thams cad kyi stos pa med pa nyid kyis shes rab kyi pha rol tu phyin pa spros pa med pa nyid du rig par bya'o// lag na rdo rje sul la shes rab kyi pha rol tu phyin pa'i tshul 'di nyan pa dang / 'dzin pa dang / klog pa dang / sgom pa des 'dul ba'i dbang gi phyir khams gsum du bskyes pa'i sems can thams cad gsad kyang ngan song du 'gro bar mi 'gyur te/ myur du bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro// de nas bcom ldan 'das lag na rdo rje chos nyid 'di'i don rgya cher ston te/ 'jig rten gsum las rnam par rgyal ba'i rdo rje zhes bya ba'i phyag rgya bcings nas khro gnyer dang bcas shing smin ma bteg ste/ 'bar bar lta la pad ma'i gdong khro zhing dgod de/ mche ba gtsigs nas rkang pa g.yon pa brkyang ba'i tshul du gnas pas gnas nas rdo rje hUM zhes bya ba'i snying po 'di smras so// hUM/ de nas bcom ldan 'das de bzhin gshegs pa ngo bo nyid dag pa'i chos nyid pas yang chos thams cad kyi mnyam pa nyid spyan ras gzigs dbang phyug gi ye shes kyi phyag rgya zhes bya ba shes rab kyi pha rol tu phyin pa'i tshul 'di bshad de/ 'dod chags thams cad rnam par dag pas 'jig rten na zhe sdang thams cad rnam par dag par 'gyur ro// dri ma thams cad rnam par dag pas 'jig rten na sdig pa thams cad rnam par dag par 'gyur ro// chos thams cad rnam par dag pas 'jig rten na sems can thams cad rnam par dag par 'gyur ro// shes pa thams cad rnam par dag pas 'jig rten na shes rab kyi pha rol tu phyin pa rnam par dag par 'gyur ro// lag na rdo rje su la la shes rab kyi pha rol tu phyin pa'i tshul 'di nyan pa dang / 'dzin pa dang / klog pa dang / sgom pa de 'dod chags dang / dri ma thams cad kyi nang na 'dug kyang pad ma lta bur 'dod chags kyi nyes pa rnams dang / dri ma rnams dang / blo bur gyi nyon mongs pa rnams kyis gos par mi 'gyur te/ myur du bla na med pa yang dag/
- 280a
par rdzogs pa'i byang chub mngon par rdzogs par 'tshang rgya bar yang 'gyur ro// de nas byang chub sems dpa' sems dpa' chen po spyan ras gzigs dbang phyug don gnas 'di nyid rgya cher ston cing bzhin rab tu 'dzum dmyal te/ pad ma'i 'dab mkha' byed pas 'dod chags la sogs pa'i dri mas mi gos pa la lta zhing 'gro ba thams cad kyi phyir pad ma gzugs sna tshogs shes bya ba'i snying po 'di smras so// hI/ de nas bcom ldan 'das de bzhin gshegs pa khams gsum thams cad kyi dbang pos yang de bzhin gshegs pa thams cad kyi dbang bskur ba las byung ba'i ye shes kyi snying po zhes bya ba shes rab kyi pha rol tu phyin pa'i tshul 'di bshad de/ dbang bskur basbyin pa ni khams gsum thams cad kyi rgyal srid thob par 'gyur ro// nor sbyin pa ni re ba thams cad yongs su rdzogs par 'gyur ro// chos sbyin pa ni chos thams cad kyi mnyam pa nyid thob par 'gyur ro// zang zing sbyin pa ni lus dang ngag dang sems kyi bde ba thams cad thob par 'gyur ro// de nas byang chub sems dpa' sems dpa' chen po nam mkha'i snying po bzhin rab tu 'dzum ste/ rang gi mgo la rdo rje rin po che'i dbang bskur ba'i phreng ba 'ching zhing don 'di nyid rgya cher ston te/ dbang bskur ba thams cad kyi dam tshig rin po che zhes bya ba'i snying po 'di smras so// tAM de nas bcom ldan 'das de bzhin gshegs pa thams cad kyi ye shes kyi phyag rgya thob pa de bzhin gshegs pa thams cad kyi khu tshur 'dzin pa de bzhin gshegs pa rtag pas yang de bzhin gshegs pa thams cad kyi ye shes kyi phyag rgya'i gnas rdo rje zhes bya ba shes rab kyi pha rol tu phyin pa'i tshul 'di bshad de/ de bzhin gshegs pa thams cad kyi sku'i phyag rgya yongs su 'dzin pa ni de bzhin gshegs pa thams cad nyid tu 'gyur ro// de bzhin gshegs pa thams cad kyi gsung gi phyag rgya yongs su 'dzin pa ni chos thams cad thob
- 280b
par 'gyur ro// de bzhin gshegs pa thams cad kyi thugs kyi phyag rgya yongs su 'dzin pa ni ting nge 'dzin thams cad thob par 'gyur ro// de bzhin gshegs pa thams cad kyi rdo rje'i phyag rgya yongs su 'dzin pa ni lus dang ngag dang / sems can thams cad rdo rjer dngos grub dam pa thob par 'gyur ro// su la la shes rab kyi pha rol tu phyin pa'i tshul 'di nyan pa dang 'char ba dang / klog pa dang / lud 'bogs pa dang / sgom pa des dngos grub thams cad dang / phun sum tshogs pa thams cad dang / shes pa thams cad dang / dgos pa thams cad dang / lus dang ngag dang / sems can thams cad rdo rjer rdo rje'i dngos grub dam pa thob nas/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de nas byang chub sems dpa' sems dpa' chen po rdo rje'i khu tshur dam tshig chen po'i rdo rje'i phyag rgya yongs su 'dzin khas don gnas 'di rgya cher bstan te/ de bzhin rab tu 'dzum zhing rdo rje sra pa'i phyag rgya dngos grub thams cad kyi dam tshig ces bya ba'i snying po 'di smras so/ aHde nas bcom ldan 'das chos thams cad spros pa med pa'i de bzhin gshegs pas yang 'khor lo ltar yi ge bskor ba zhes bya ba shes rab kyi pha rol tu phyin pa'i tshul 'di bshad de/ ngo bo nyid med pa'i tshul gyis chos thams cad stong pa nyid do// mtshan ma med pa'i tshul gyi chos thams cad mtshan ma med pa'o// smon pa med pa'i tshul gyis chos thams cad smon pa med pa'o// shes rab kyi pha rol tu phyin pa yongs su dag pas chos thams cad rang bzhin gyis 'od gsal ba'o// de nas/ bcom ldan 'das 'jam dpal gzhon nur gyur pa don 'di nyid rgya cher ston te/ bzhin 'dzum bzhin du ral gri des de bzhin gshegs pa thams cad la bdebs shing shes rab kyi pha rol tu phyin pa'i snying po mchog
- 281a
'di smras so// a de nas bcom ldan 'das de bzhin gshegs pa thams cad kyi 'khor lo 'dus pa'i de bzhin gshegs pas 'khor lo chen po la 'jug pa zhes bya ba shes rab kyi pha rol tu phyin pa'i tshul 'di bshad do// rdo rje mnyam pa nyid la 'jug pa ni de bzhin gshegs pa thams cad kyi 'khor lo la 'jug par 'gyur ro// don gyi mnyam pa nyid la 'jug pa ni byang chub sems dpa' sems dpa' chen po'i 'khor lo la 'jug par 'gyur ro// chos thams cad kyi mnyam pa nyid la 'jug pa ni dam pa'i chos kyi 'khor lo la 'jug par 'gyur ro// thams cad kyi mnyam pa nyid la 'jug pa ni 'khor lo thams cad la 'jug par 'gyur ro// de nas byang chub sems dpa' sems bskyed ma thag tu chos kyi 'khor lo bskor ba chos nyid kyi don 'di rgya cher ston cing 'dzum dmyal nas rdo rje'i 'khor lo skor zhing rdo rje'i 'khor lo thams cad la 'jug pa zhes bya ba'i snying po 'di smras so// hUM/ de nas bcom ldan 'das de bzhin gshegs pal mchod pa thams cad kyi cho ga rgyas pa'i snod kyis mchod pa thams cad kyi mchog ces bya ba shes rab kyi pha rol tu phyin pa'i tshul 'di bshad do// byang chub kyi sems skyed pa ni de bzhin gshegs pa thams cad la mchod pa'i cho ga rgyas pa'o// sems can gyi khams thams cad yongs su skyob pa ni de bzhin gshegs pa thams cad la mchod pa'i cho ga rgyas pa'o// dam pa'i chos yongs su 'dzin pa ni de bzhin gshegs pa thams cad la mchod pa'i cho ga rgyas pa'o// shes rab kyi pha rol tu phyin pa yi ger 'dri ba dang / yi ger 'drir 'jug pa dang / 'dzin pa dang / klog pa dang / brjod pa dang / ston pa dang / nyan pa dang / sems pa dang / sgom pa dang / mchod pa byed pa ni de bzhin gshegs pa thams cad la mchod pa'i cho ga rgyas pa'o// de nas byang chub sems dpa' sems dpa' chen po nam mkha' mdzod don de'i nga rgya cher ston te/ bzhin rab tu 'dzum zhing las thams cad don yod pa'i dam tshig
- 281b
ces bya ba'i snying po 'di smras so// oM/ de nas bcom ldan 'das de bzhin gsheg pa sems can thams cad la 'dul nus pas yang ye shes kyi khu tshur yongs su 'dzin pa sems can thams cad 'dul ba shes pa'i snying po zhes bya bshes rab kyi pha rol tu phyin pa'i tshul 'di bshad do// sems can thams cad mnyam pa nyid pas khro ba mnyam pa nyid de // sems can thams cad 'dul ba nyid pas khro ba 'dul ba nyid do// sems can thams cad nyid pas khro ba chos nyid do// sems can thams cad rdo rje nyid pas khro ba rdo rje nyid do// de ci'i phyir zhe na/ 'di ltar sems can thams cad 'dul ba ni byang chub bo// de nas byang chub sems dpa' bdud kyi stobs thams cad rab tu 'joms pa don de nyid rgya cher ston te/ bzhin rab tu 'dzum zhing rdo rje'i mche ba'i phyag rgya dang / rdo rje gnod sbyin gyi gzugs kyis rdo rje khro bo'i gad mo zhes bya ba'i snying po 'di smras so// ha/ de nas bcom ldan 'das de bzhin gshegs pa chos thams cad kyi mnyam pa nyid la gnas pas yang chos thams cad kyi mchog ces bya ba shes rab kyi pha rol tu phyin pa'i tshul 'di bshad do// thams cad mnyam pa nyid pas shes rab kyi pha rol tu phyin pa mnyam pa nyid do// thams cad don nyid pas shes rab kyi pha rol tu phyin pa don nyid do// thams cad chos nyid pas shes rab kyi pha rol tu phyin pa chos nyid do// thams cad las nyid pas shes rab kyi pha rol tu phyin pa las nyid du rig par bya'o// denas bcom ldan 'das lag na rdo rje de bzhin gshegs pa dang byang chub sems dpa' thams cad kyi don yod pa'i dam tshig gi dkyil 'khor byin gyis rlob pa zhes bya ba'i ting nge 'dzin la snyoms par zhugs nas don yod pa thams cad kyi dam tshig ces bya ba'i snying po 'di smras so// hUM/ de nas bcom ldan 'das de bzhin gshegs pa thams cad pa rnam par snang mdzad kyis yang sems can thams cad byin gyis rlob pa zhes bya ba shes rab kyi pha rol tu
- 282a
phyin pa'i tshul 'di bshad do// byang chub sems dpa' kun tu bzang po thams cad kyi rang bzhin yin pas/ sems can thams cad ni de bzhin gshegs pa'i snying po can no// thams cad rdo rje'i snying pos dbang bskur/ ba nyid pas sems can thams cad ni rdo rje'i snying po'i can no// gang thams cad rab tu 'byung bas sems can thams cad ni chos kyi snying po can no// sems can thams cad kyi bya ba byed pa la sbyor bas sems can thams cad ni las kyi snying po can no// de nas phyi rol gyi rdo rje'i rigs rnams kyis ca co'i sgra chung nas/ chos nyid kyi don rgya cher ston cing snying po phul te/ de nas rdo rje'i dbang phyug chen pos rang gi de kho na'i snying po 'di phul lo// dI/ de nas ma mo thams cad kyis bcom ldan 'das la phyag 'tshal te/ tshig mthun par thams cad dgug pa dang / gzung ba dang / gzhig pa dang / sgrub pa'i dam tshig ces bya ba rang gi de kho na'i snying po 'di phul lo// b+h+yoHde nas sbrang rtsir byed pa la sogs pa ming po gsum gyis bcom ldan 'das la phyag 'tshal te/ tshig mthun par rang gi de kho na'i snying po 'di phul lo/ sra/ de nas sring mo bzhis bcom ldan 'das la phyag 'tshal te/ rang gi de kho na'i snying po 'di phul lo// hA/ de nas bcom ldan 'das de bzhin gshegs pa mtha' yas mu med la mthar thug cing mu med pa'i chos dang ldan pas yang chos 'di mthar thug par byin gyis brlab pa'i phyir chos thams cad kyi mnyam pa/ nyid kyi mthar thug pas byin gyis brlab pa rdo rje zhes bya ba shes rab kyi pha rol tu phyin pa'i tshul 'di bshad do// shes rab kyi pha rol tu phyin pa mtha' yas pa nyid pas de bzhin gshegs pa thams cad mtha' yas pa nyid do// shes rab kyi pha rol tu phyin pa mu med pa nyid pas rdo rje thams cad mu med pa nyid do// shes rab kyi pha rol tu phyin pa du ma nyid pas chos thams cad du ma nyid do// shes rab kyi pha rol tu phyin pa mthar thug pa med pa nyid bas
- 282b
chos thams cad mthar thug pa med pa nyid yin no// su la la shes rab kyi pha rol tu phyin pa'i tshul 'di nyan pa dang / 'dzod dang 'a yag/ klog pa dang / ston pa dang / brjod pa dang / sgom pa de sangs rgyas dang / byang chub sems dpa'i spyod pa zug pa med pa'i mthar phyin te/ sgrib pa thams cad zad nas de bzhin gshegs pa 'am/ rdo rje 'dzin par myur du 'gyur ro// de nas de bzhin gshegs pa thams cad 'dus te/ chos kyi rnam grangs 'di don yod pa dang // thogs pa med par myur du 'grub par bya ba'i phyir lag na rdo rje la legs so zhes bya ba byin no// sems can chen po legs so legs// bde ba chen po legs so legs// theg pa chen po legs so legs// blo gros chen po legs so legs// cho ga 'di ni legs par smras// sangs rgyas rdo rje 'dzin kun gyis// 'bras bu yod pa 'dul ba'i mchog/ rdo rje mdo sde byin gyis brlabs// cho ga'i rgyal po bla na med// gang rnams 'di dag 'dzin pa ni// bdud la sogs pa thams cad kyis// de dag mi sod mi tshugs so// sangs rgyas byang chub sems dpa' dang // dngos grub dam pa thams cad kyang // sangs rgyas kun gyis gsungs pa bzhin// ring por mi thogs thob par 'gyur// de skad gsungs nas gsang grub phyir// rdo rje can gyis bshad pa la// kun mchog sangs rgyas mkhas bcas pa// thams cad kyi ni mngon par bstod// de nas bcom ldan 'das de bzhin gshegs pa rnam p ar snang mdzad de bzhin gshegs pa thams cad kyi gsang ba'i chos nyid brnyes pa chos thams cad spros pa med pas yang bde ba chen po rdo rje'i don yod pa'i dam tshig ces bya ba rdo rje don yod pa'i chos mnyam pa nyid shes rab kyi pha rol tu phyin pa'i sgo mchog dang po thog ma dang / tha ma dang / dbus med pa'i dam pa 'di gsungs so// byang chub sems dpa' chen po rnams kyi 'dod chags chen po dngos grub dam pa ni de bzhin gshegs pa thams cad kyi
- 283a
bad ba chen po dngos grub dam par 'gyur ro// byang chub sems dpa' chen po rnams kyi bde ba chen po dngos grub dam pa ni de bzhin gshegs pa thams cad kyi byang chub chen po dngos grub dam par 'gyur ro// byang chub sems dpa' chen po rnams kyi de bzhin gshegs pa thams cad kyi byang chub chen po dngos grub dam pa ni bdud chen po'i stobs thams cad rab tu 'joms pa dngos grub dam par 'gyur ro// byang chub sem dpa' chen po rnams kyi bdud chen po'i stobs thams cad rab tu 'joms pa dngos grub dam pa ni khams gsum pa thams cad kyi dbang phyug chen po dngos grub dam par 'gyur ro// byang chub sems dpa' chen po r nams kyi khams gsum pa thams cad kyi dbang phyug chen po'i dngos grub dam pa ni 'di rten gyi ma sus pa na mas na gyi khams lus pa med pa yongs su sbyong bar 'dod pa'i rgyu'i phyir 'khor ba la yang chags shing brtson 'grus che ba'i byang chub sems dpa' chen po rnams kyi 'di rten gyi mas mgus pa na sems can gyi khams lus pa med pa yongs su sgrub pa dang / sems can thams cad la phan pa dang / bde ba dang / mchog shin tu bde ba chen po'i dngos grub dam par 'gyur ro// de ci'i phyir zhe na/ ji srid 'khor ba'i gnas su ni// khams mchog 'dug par 'gyur ba'i tshe// de srid mtshungs med sems can don// mya ngan mi 'da' byed par nus// shes rab pha rol phyin thabs dang // ye shes gan su bsgrubs pas ni// chos kun rnam par dag pa'i phyir// 'khor ba yongs su dag par 'gyur// chags la sogs pas 'dul na ni// 'khor ba'i bar du rtag par yang // 'jig rten sdig byed de sbyang phyir// 'khor ba'i srid du bdag nyid 'dul// ji ltar pad ma rab dmar yang // tshod kyi nyes pas mi gos pa// de bzhin gnas pa'i nyes pa yis// 'gro phan rnams la mi gos so// 'dod chags chen po rnam
- 283b
par dag/ bde ba che zhing nor che la// khams gsum dbang phyug thob pas na// sems can don rnams brtan par byed// lag na rdo rje su la la nang bar langs nas mchog dang po shes rab kyi pha rol tu phyin pa'i tshul gyi sgo'i chos kyi rnam grangs 'di nyin re zhing 'don pa dang / nyan pa dang / 'dzin pa dang / klog pa dang / sgom pa de yid bde ba dang / bde ba thams cad thob par 'gyur ro// bde ba chen po rdo rje don yod pa'i dam tshig dngos grub kyi mchog kyang tshe 'di la thob par 'gyur ro// de bzhin gshegs pa thams cad kyi gsang ba mchog kyang 'grub stenya rdo rje 'dzin thams cad kyi chen po'am de bzhin gshegs par 'gyur ro// de nas bcom ldan 'das kyis gsang ba'i bdag po lag na rdo rje la bka' stsal pa/ gsang ba'i bdag po shes rab kyi pha rol tu phyin pa'i tshul gyi sgo'i sngags kyi tshig nyi shu rtsa lnga po 'di rnams so// oM byang chub kyi sems rdo rje// oM kun tu bzang po'i spyod pa// oM yid bzhin gyi nor bu// oM 'gog pa med pa/ oM skye bzlog pa/ oM rnam par shes pa thams cad/ oM 'dod chags dang bral ba'i chos nyid chen po/ oM brtson 'grus kyi cho ga/ oM kun tu 'gro ba/ oM rdo rje sra ba'i sems hUM/ oM de bzhin gshegs pa thams cad / oM ngo bo nyid rnam par dag pa/ oM chos nyid shes pa rnam par dag pa/ oM de bzhin lam rnam par sbyong ga hUM oM nges par gnod mdzes rdo rje can/ phaT oM 'dod pa la 'dod chags/ oM spong pa'i rdo rje can/ oM hUM/ thams cad 'dul ba oM hU~M oM a zhes bya ba'i sgo/ oM shes rab kyi pha rol tu phyin pa/ a baM hUM oM/ de bzhin gshegs pa thams cad kyi sku'i mchog/ oM de bzhin gshegs pa thams cad kyi gsung rnam par dag pa/ oM de bzhin gshegs pa thams cad kyi thugs rdo rje AH/ oM a/ sdig pa'i bcings pa thams cad chom shig/ ngan song gi rgyud thams cad las thar bar bar gyis shig/ oM dam tshig thams cad kyi rdo rje
- 284a
hU~M Ta ta// sdig pa gzhom pa'i phyag rgya dang sngags te/ de bzhin gshegs pa thams cad kyi gsang ba'i dngos grub dam pa rdo rje 'dzin chen po dang de bzhin gshegs par 'gyur ro// lag na rdo rje 'di ni sems can dge ba'i rtsa ba ma bskyed pa rnams kyi rna lam du thos par mi 'gyur ro// 'di ni sems can dge ba'i rtsa ba ma bskyed pa rnams kyis mnyan pa'am/ yi ger bri ba'am/ yi ger 'brir gzhug pa 'am/ klog pa 'am// 'chang ba 'am/ bsgom pa 'am/ sti stang du bya ba 'am/ ri mor bya ba 'am/ mchod par mi nus so// gang dag gis shes rab kyi pha rol tu phyin pa'i tshul gyi chos kyi rnam grangs 'di las tha na yi ge 'bru gcig tsam thos na yang sems can de dag ni gzhan na sangs rgyas mang po la dge ba'i rtsa ba bskyed pa yin na mtha' dag rdzogs pa lta ci spos/ lag na rdo rje gang la la dag sangs rgyas bye ba khrag khrig gang gA'i klung gi bye ma brgyad bcu'i bye ma snyed la bkur sti ma byas pa dang / bla mar ma byas pa dang / sti stang ma byas pa dang / mchod par ma byas pa de dag gis shes rab kyi pha rol tu phyin pa'i tshul gyi sgo'i chos kyi rnam grangs 'di thos par mi nus so// chos kyi rnam grangs 'di gang na spyod pa'i sa phyogs de mchod rten du 'gyur ro// chos kyi rnam grangs 'di gang gi lus la thogs sam/ glegs bsal bris te spyod pa'i gang zag de phyag bya ba'i gnas su 'gyur ro// de skal pa bye ba mang por skye ba dran par 'gyur ro// de la btud sdig can bar chad byed par mi 'gyur ro// rgyal po chen po bzhi dang / lha gzhan rnams kyang de la srung ba dang / sgrub pa dang / sba ba'i phyir rtag tu phyi bzhin 'brang bar 'gyur ro// ya ba ma spangs pas 'chi bar mi 'gyur ro// sangs rgyas dang byang chub sems dpa' thams cad kyis dgongs par 'gyur ro// mdor na sangs rgyas kyi zhing gang dang gang du 'dod pa de
Colophon
'phags pa shes rab kyi pha rol tu phyin pa'i tshul brgya lnga bcu pa rdzogs s+ho // (ta, 284b3)