Q2090MW1KG13126_2090rgyud 'grelAll versions of this work

yan lag drug gi sbyor ba'i man ngag

Ṣaḍaṅgayogopadeśā

Text

ff. 280a–281a · 3 folio sides

  1. 280a

    skyong ba mnal dra gim krus// rgya gar skad du/ Sha Dang+ka yo go ba de shA/ bod skad du/ yan lag drug gi sbyor ba'i man ngag/ dpal bde ba chen po la phyag 'tshal lo// bde chen sku la phyag 'tshal te// sbyor drug man ngag bshad par bya// sgrub po dbang bzhi thob pa yis// rdo rje 'chang chen bsgrub don du// dben pa'i gnas su 'bol stan la/ yi dam ltar gnas sbyor drug bsgom// dang po so sor sdud pa ni// mtshan mo sngon la nyin mo phyi// bu ga med la thog mtho'i nang // ri rab bsrang la gling bzhi bsdu// gyen la nyi zla dar lce bskyod// rdo rje bsdams pas rgya mtsho gzhom// steng gi rlung chen thur la brdeg/ lus kyi byed pa zhes bya ste// des ni rlung rnams nang du 'ching // gtsug tor chen po'i lta stangs bya// lha yi nga rgyal gnas pa yis// nam mkhar zhen pas nam mkhar blta// dri ba la sogs rtags lnga 'byung // stong nyid rtogs par 'gyur ba'o// nyin mo nang nub nub shar blta// gung la sgom par mi bya'o// snga ma ltar ni byed cings pas// phyi yi mkha' la rtog med blta// 'bar ba 'dra sogs rtags drug 'byung // rig pa mkha' lding la sogs rtogs// so sor sdud la snyoms zhugs nas// sngags rnams kun gyis byin gyis rlob// skyong nyid de brtan bya ba'i phyir// bsam gtan snga ma ltar ni bsgom// nam mkhar mig lta stong nyid bsgom// de la goms pas shes rab dang // rtog dang dpyod dang dga' bde 'byung // de rtags mngon shes lnga 'byung 'gyur// bsam gtan la ni snyoms zhugs na// mngon shes lnga ni thob par 'gyur// rig pa rtse gcig sogs rgyur 'gyur// de gnyis thog mar dge ba ste// stong nyid mthong bstan byed pa'o// stong /

  2. 280b

    la bde ba rgyas gdab phyir// srog dang rtsol bas rlung dbang bsdu// bdud rtsi 'khyil pa'i lta stangs bya// kun 'dar nang du dbugs bcug la// rdo rje'i bzlas pa brtsam par bya// des ni bde skye ma skyes na// gtum mo 'bar ba'i sbyor ba bya// shin tu ma skyes phyag rgyar sbyar// lus sems bde ba chen por nges// sangs rgyas sras dang mkha' 'gro mthong // skul dang lung ba ston 'byung bar 'gyur// bum 'jug la sogs dgu ru 'gyur// srog dang rtsol bas nges par ni// byang chub sems sogs rnams ni gzigs// de brtan bya phyir 'dzin pa bsgom// 'khor lo bzhi yi lte ba la/ rlung sogs tha mi dad btsud bsgom// lus yang la sogs rtags 'byung ngo // bum gnas la sogs dgu ru 'gyur// rtag tu 'dzin pa'i stobs kyis ni// rdo rje sems dpa' yang dag 'jug/ de gnyis bar du dge ba'o// bde stong dbyer med brtan bya'i phyir// rjes su dran pa bsgom pa ni// gnas bzhir brtan pa'i bde stong bsgom// shin tu goms byas sangs rgyas kyi// lta ba mi 'phro brtan par gnas// lus la 'od 'phro longs sprul mthong // rjes dran la ni snyoms zhugs na// 'od kyi dkyil 'khor 'byung bar 'gyur// rjes med la sogs sku shes bya// de brtan bya phyir ting 'dzin bsgom// bde stong dbyer med de nyid la// shin tu goms par bya ba'o// thams cad bde snang la sogs 'byung // lhun grub la bogs dgu ru 'gyur// ting 'dzin dbang sgyur tsam gyis ni// sgrib pa thams cad 'byang bar 'gyur// de gnyis tha mar dge ba'o// de la spyod pa goms pa yis// tshe 'di nyid du sangs rgyas thob// ma thob par do'i sbyor drug bsgom// de ni chags bral man ngag ste// chags can sbyor drug gzhan du shes// de byas dge bas bdag dang gzhan// rdo rje 'chang chen

  3. 281a

    gnas thob shog/ sbyor ba yan lag drug gi man ngag/ tse lu pas mdzad pa rdzogs so// / paN+Di ta sa man+ta shrI dang / lo tsA bar chos rab kyis bsgyur ba'o// rnapa 'byong yan pagadug sa nas bye ba bzhugs so// rgya gar skad du/ yo ga Sha Dang+ga nA ma/ bod skad du/ rnal 'byor yan lag drug pa zhes bya ba/ dpal rdo rje 'dzin pa la phyag 'tshal lo// so sor gcod dang bsam gtan dang / srog rtsol de bzhin 'dzin pa dang // rjes su dran dang ting nge 'dzin// rnal 'byor yan lag drug tu gsungs// mi g.yo ba ni gsum ldan gyis// d+hU tIr rlung bcu chud gyur pa// phyi nang rtog 'gag rtags 'byung ba// so sor gcod pa'i yan lag yin// rtags rnams brtan par mthong 'gyur la// shes rab rtog dpyod dga' bde dang // rtse gcig mi g.yo rtog med ni// bsam gtan gyi ni yan lag yin// rlung bcu dbu mar chud gyur pas// 'khor lo bzhi yi thig le'i nang // rlung nyid 'gro 'od byed pa ni// srog rtsol gyi ni yan lag yin// srog rlung thig le'i nang du chud pas// rlung sems bde chen 'khor lo yi// haM gi thig ler zin pa ni// 'dzin pa yi ni yan lag go/ rlung sems thig ler zin stobs kyis// gtum mo'i me 'od snang ba dang // bde drod khyad par can 'byung ba// rjes su dran pa'i yan lag yin// rtags bcu rdzogs par gyur pa na// thig le chen po'i snang ba 'byung // sna tshogs thig le chen po la// re khA nag po'i ri mo 'byung // de nang 'gro drug la sogs dang // shin tu phra ba'i sprul sku dang // longs sku du ma mthong gyur pa// sna tshogs gzugs brnyan 'od gsal yin// de la sems ni thim pa na// ting 'dzin yan lag mthar phyin pa'o// rnal 'byor yan lag drug pa zhes bya ba//

Colophon

sbyor ba yan lag dru gi man ngag co lu pas mdzad pa rdzogs so/_/paN+Di ta sa man+ta shrAi dang lo tsA ba ra chos kyis bsgyur ba'o