'phags pa rgyal ba'i blo gros zhes bya ba theg pa chen po'i mdo
Text
ff. 260b–261a · 2 folio sides
- 260b
sdud par byed pa 'di dag dang / de bzhin gshegs pa'i mtshan 'di dag 'chang ba dang / klog par byed pa des nang bar langs te gtsang mar byas la/ sangs rgyas thams cad la me tog dang bdug pa gsol nas lha mo chen mo dpal la yang tsan dan gyi bdug pa phul te/ blags na des dpal thams cad thob par 'gyur zhing bde ba dang / yid bde ba thams cad thob par 'gyur te/ lha thams cad bsrung ba dang / bskyab pa dang / sbed pa byed par 'gyur la de'i don thams cad kyang 'grub par 'gyur ro/ / bcom ldan 'das kyis de skad ces bka' stsal nas/ byang chub sems dpa' 'jigs pa med pa spyan ras gzigs dbang phyug dang / lha mo chen mo dpal de dang / 'khor de dag thams cad dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags palha mo chen mo dpal lung bstan pa/ rdzogs s+ho// rgya gar skad du/ Ar+ya dza ya ma ti ra nA sa ma hA yA na sU tra/ bod skad du/ 'phags pa rgyal ba'i blo gros zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong gi dge 'dun chen po dang / byang chub sems dpa' rab tu mang po dag dang thabs gcig tu bzhugs so// denas bcom ldan 'das kyis byang chub sems dpa' rgyal ba'i blo gros la bka' stsal pa/ rgyal ba'i blo gros rigs kyi bu'am rigs kyi bu mo bsod nams 'dod pas de bzhin gshegs pa la mchod par bya'o shes pa 'dod pas thos pa la brtson par bya'o/ / mtho ris 'dod pas tshul khrims bsrung bar bya'o// longs spyod 'dod pas gtong ba spel bar bya'o// gzugs bzang ba 'dod pas bzod pa bsgom par bya'o// spobs pa 'dod pas bla ma la gus par bya'o// gzungs 'dod
- 261a
bas mngon pa'i nga rgyal med par bya'o/ / ye shes 'dod pas tshul bzhin yid la byed pa la gnas par bya'o// thar pa 'dod pas sdig pa thams cad spang bar bya'o// sems can thams cad bde bar bya bar 'dod pas byang chub tu sems bskyed par bya'o/ / skad snyan pa 'dod pas bden par smra bar bya'o// yon tan 'dod pas rab tu dben pa la dga' bar bya'o// chos 'dod pas dge ba'i bshes gnyen la bsten par bya'o// zhi gnas 'dod pas 'du 'dzi med pa mang du bya'o// lhag mthong 'dod pas chos stong par so sor brtag par mang du bya'o/ / tshangs pa'i 'jig rten 'dod pas byams pa dang / snying rje dang / dga' ba dang / btang snyoms bsgom par bya'o// lha dang mi'i longs spyod phun sum tshogs pa 'dod pas dge ba bcu'i las kyi lam yang dag par blangs te gnas par bya'o/ / yongs su mya ngan 'da' bar 'dod pas stong pa'i chos la mngon par dga' bar bya'o// yon tan thams cad thob par 'dod pas dkon mchog gsum la mchod par bya'o// bcom ldan 'das kyis de skad ces bka' stsal nas/ byang chub sems dpa' sems dpa' chen po rgyal ba'i blo gros dang thams cad dang ldan pa'i 'khor de dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ / 'phags pa rgyal ba'i blo gros zhes bya ba theg pa chen po'i mdo// rdzogs s+ho// // rgya gar skad du/ Ar+ya a ba lo ka na ni nA ma ma hA yA na sU tra/ bod skad du/ 'phags pa spyan ras gzigs/ shes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// di skad bdag gis thos pa dus gcig na/ bcom ldan 'das rgyal ba'i 'ban byand kyi bung ba'i rol dge slong ga dge na chen po dang / byang chub sems dpa' sems dpa' chen po rab tu mang po dang thabs gcig tu bzhugs te/ de nas bcom ldan 'das kyis byang chub sems dpa' blo gros rnam par dag pa la bka' stsal pa/ blo gros rnam par dgapa
Colophon
'phags pa rgyal ba'i blo gros [kyis zhus pa] zhes bya ba theg pa chen po'i mdo||rdzogs s.ho||