'phags pa 'jam dpal gyi sngags yi ge 'bru gcig pa'i cho ga
Text
ff. 14b–15a · 2 folio sides
- 14b
ཐོས་པ་འཛིན་པར་འགྱུར་རོ། །འབུམ་ཕྲག་གསུམ་བཟླས་ན་འཇམ་དཔལ་གྱི་སྐུ་མཐོང་བར་འགྱུར་རོ། །འཇམ་དཔལ་གྱིས་དམ་བཅས་པའི་གཟུངས་རྫོགས་སོ།། །།འཕགས་པ་འཇམ་དཔལ་ལ་ཕྱག་འཚལ་ལོ། །ཨོཾ་བཱ་ཀྱེ་ཏེ་ཛཱ་ཡ། ཨོཾ་བཱ་ཀྱེ་ཥ་ཥེ་སྭ། ཨོཾ་བཱ་ ཀྱེ་ཁན་ཛ་ཡེ། ཨོཾ་བཱ་ཀྱེ་ནིཥྛ་ཨ། ཨོཾ་བཱ་ཀྱེ་ཡ་ན་མཿཨོཾ་བཱ་ཀྱེ་དཾ་ན་མཿ། འཕགས་པ་འཇམ་དཔལ་གྱི་མཚན་འདི་ཉིད་ལན་ཉི་ཤུ་རྩ་གཅིག་བཟླས་པས་མཚམས་མེད་པ་ལྔའི་ལས་ཀྱི་སྒྲིབ་པ་ཐམས་ཅད་འབྱང་ངོ་། །འཕགས་པ་འཇམ་དཔལ་གྱི་མཚན་རྫོགས་སོ།། །། ༄༅། །རྒྱ་གར་སྐད་དུ། ཨཱརྱ་མཉྫུ་ཤྲཱི་བྷཊྚཱ་ར་ཀ་སྱ་པྲ་ཛྙཱ་བུདྡྷི་བརྡྷ་ན་ནཱ་མ་དྷཱ་ར་ཎཱི། བོད་སྐད་དུ། རྗེ་བཙུན་འཕགས་པ་འཇམ་དཔལ་གྱི་ཤེས་རབ་དང་བློ་འཕེལ་བ་ཞེས་བྱ་བའི་གཟུངས། དཀོན་མཆོག་གསུམ་ཕྱག་འཚལ་ལོ། །ན་མོ་མཉྫུ་ཤྲི་ཡེ་ཀུ་མཱ་ར་ཡ། ཏདྱ་ཐཱ། ཨོཾ་ཨ་ར་ཛེ། བི་ར་ཛེ། ཤུད་དྷེ་བི་ཤུད་དྷེ། ཤོ་དྷ་ནི་བི་ཤོ་དྷ་ནི། ཤོ་དྷ་ཡ་བི་ཤོ་དྷ་ཡ། ཨ་མ་ལེ་བི་མ་ལེ་ཛ་ཡ་བ་ཏི་རུ་རུ་ཙ་ལེ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ་སྭཱ་ཧཱ། གང་ཞིག་འདི་འཛིན་པ་དེ་ཟླ་བ་གཅིག་གིས་བློ་དང་ལྡན་པར་འགྱུར་རོ། །དབྱངས་སྙན་པར་འགྱུར་རོ། །གཟུགས་ བཟང་བར་འགྱུར་རོ། །ལན་ཅིག་བཀླགས་ན་བསྐལ་པ་སྟོང་གི་བར་དུ་འཁོར་བ་ལ་རྒྱབ་ཀྱིས་ཕྱོགས་པར་འགྱུར་རོ། །བཅངས་པ་ཙམ་གྱིས་སྐྱེ་བ་དྲན་པར་འགྱུར་རོ། །འབུམ་ཕྲག་གཅིག་བཟླས་ན་མཁས་པར་འགྱུར་རོ། །འབུམ་ཕྲག་གཉིས་བཟླས་ན་རིག་པ་འཛིན་ པར་འགྱུར་རོ། །འབུམ་ཕྲག་གསུམ་བཟླས་ན་འཇམ་དཔལ་གྱི་ཞལ་མཐོང་བར་འགྱུར་རོ། །གལ་ཏེ་མཚམས་མེད་པ་ལྔ་བྱས་པས་གྲུབ་པར་མ་གྱུར་ན་དེའི་ཚེ་ང་ཉིང་མཚམས་མེད་པ་ལྔ་བྱེད་པ་ཡིན་ཞིང་། ང་ཉིད་ཀྱིས་སངས་རྒྱས་བཅོམ་ལྡན་འདས་རྣམས་བསླུས་པར་གྱུར་ ཅིག །རྗེ་བཙུན་འཕགས་པ་འཇམ་དཔལ་གྱི་ཤེས་རབ་དང་བློ་འཕེལ་བ་ཞེས་བྱ་བའི་གཟུངས་རྫོགས་སོ།། །།འཕགས་པ་འཇམ་དཔལ་གྱི་སྔགས་ཡི་གེ་འབྲུ་གཅིག་པའི་ཆོ་ག །ཏདྱ་ཐཱ། ཨོཾ་ཀྵྞཱིཾ། གསང་སྔགས་ཡི་གེ་འབྲུ་གཅིག་པ་འདི་རབ་ཏུ་གསང་བ་སྟེ།
- 15a
དོན་ཐམས་ཅད་སྒྲུབ་པར་བྱེད་པ། ལས་ཐམས་ཅད་བྱེད་པ། དེ་བཞིན་གཤེགས་པ་ཐམས་ཅད་ཀྱི་སྙིང་པོ། རེ་བ་ཐམས་ཅད་ཡོངས་སུ་སྐོང་བར་མཛད་པ་སྟེ། སོ་ཤིང་ལ་བསྔགས་ནས་བཅངས་ན་སོ་ན་བ་འབྱང་ངོ་། །མིག་ན་བ་ལ་རྒྱམ་ཚྭ་བཏགས་པ་ལ་ལན་བདུན་བསྔགས་ཏེ་ མིག་བཀང་ན་མིག་ནད་སེལ་ཏོ། །མིའི་ཁོང་དུ་མཚོན་གྱི་དུམ་བུ་ལུས་པ་ལ་ཞུན་མར་རྙིང་པ་ལ་ལན་བདུན་ནམ། བརྒྱ་རྩ་བརྒྱད་བསྔགས་ཏེ་བླུད་པའམ། རྨ་ཁར་བསྐུས་ན་མཚོན་གྱི་དུམ་བུ་འབྱུང་བར་འགྱུར་རོ། །ཟས་མ་ཞུ་བ་དང་། སྦོས་ཏེ་གསུད་པ་དང་། ཚད་པས་འཁྲུ་བ་ལ་མུ་རང་ ཚྭའམ། རྒྱམ་ཚྭའམ། ཡང་ན་ལན་ཚྭ་གཞན་གང་ཡང་རུང་བ་ལ་ལན་བདུན་བསྔགས་ཏེ་ཟོས་ན་ནད་དེ་ལས་གྲོལ་ཏེ་དེ་ཉིད་ཀྱི་ཉིན་པར་སོས་པར་འགྱུར་རོ། །ཀླད་པ་ན་བ་ལ་བྱ་རོག་གི་སྒྲོ་ལ་ལན་བདུན་བསྔགས་ཏེ་བྱབས་ན་ནད་དེ་སོས་པར་འགྱུར་རོ། །འཇམ་དཔལ་གྱི་ཡི་གེ་འབྲུ་གཅིག་ པའི་གཟུངས་རྫོགས་སོ།། །།ཐམས་ཅད་མཁྱེན་པ་ལ་ཕྱག་འཚལ་ལོ། །བཅོམ་ལྡན་འདས་ཀྱིས་འཇམ་དཔལ་རྣོན་པོ་ལ་བསྟོད་པ། མཐིང་ནག་མཛེས་པས་འཇམ་པར་འཚེར་བའི་དབུ། །ལྕང་ལོ་རྫིངས་བསྐྱོད་མཐིང་གི་མཚོ་ལྟར་གཡོ། །དགེ་བའི་སྤྱི་གཙུག་ མཚན་མཆོག་གཡས་སུ་འཁྱིལ། །གཙུག་ཏོར་འཕགས་པས་སྐྱེ་བོས་བལྟར་མི་མཐོང་། །སྲིད་པའི་སྡུག་བསྔལ་མ་ལུས་གཞོམ་པ་དང་། །མཐུ་ཆེན་བྱིན་གྱིས་རྒོལ་བ་གཞོམ་པའི་ཕྱིར། །དབུ་རྒྱན་ཅོད་པན་རྒྱལ་བའི་མཆོག་གསང་ཞིང་། །ཆོས་ཀྱི་རྒྱལ་ཐབས་དབང་གི་ཕ་ རོལ་ཕྱིན། །རིན་ཆེན་སྤུག་དང་ཨུཏྤལ་འདྲ་བ་ཡི། །ཤིན་ཏུ་དངས་པར་དཀར་ནག་ཕྱེད་པའི་སྤྱན། །སྨིན་ཚུགས་མཛེས་པས་ཟླ་བ་ཚེས་ལྟར་འཁྱུག །མིག་འཛུམས་ཟུར་གྱིས་ལྟ་བས་བྱམས་པའི་རྟགས། །སིལ་སྙན་རྣམ་དག་མཚན་རབ་འབྲུ་ཆགས་པ། །རིན་ཆེན་ མ་ལུས་རྣམ་པ་དུ་མས་སྤྲས། །རྒྱལ་བས་ཞིང་མང་རྣམ་པ་སྣ་ཚོགས་སུ། །རྣམ་ཐར་དཔག་ཡས་ཆོས་སྒོ་གྲངས་མེད་གནས། །ཤངས་ཀྱི་དབྱིབས་ལེགས་སྐྱེ་བོ་ཡོངས་ལས་འཕགས། །མཐོ་ལ་ཡིད་ཙམ་ཟུར་ལ་ལེགས་པའི་མཚན། །དྲང་ལ་ཆུ་ཕྲན་འདྲ་བར་མཛེས་པའི་
Colophon
'jam dpal gyi yi ge 'bru gcig pa'i gzungs rdzogs so/