Gpb022.006MW1KG14783_0022_006All versions of this work

dpal pad+ma dbang chen dregs pa dbang sdus kyi rgyud ces bya ba

Śrīpadmamahābaśasaṃbhātatantranāma

Text

ff. 326a–348a · 45 folio sides

  1. 326a

    bskur ba'o// // rgyud 'di dpe gcig las bsngar sa ma 'byor/ @#// rgya gar skad du/ shrI pad+ma ma hA ba sha saM b+hA ta tan+t+ra nA ma/ bod skad du/ dpal pad+ma dbang chen dregs pa dbang sdud kyi rgyud ces bya ba/ lhun gyis grub pa'i sangs rgyas rnams la phyag 'tshal lo// 'di skad bdag gis thos pa'i dus gcig na/ bcom ldan 'das sangs rgyas thams cad kyi ngo bo nyid de ni// pad+ma can nam bde ba can zhes bya ba'i gnas btsun mo'i b+ha ga las bzhengs te/ 'di ltar 'khor gyi dkyil 'khor la gzigs pa ni/ sa bcu'i byang chub sems dpa' sems dpa' chen po rnams la gzigs nas shes bya'i sgrib pa cha phra ba rnams sbyangs par mdzad do// rang sangs rgyas rnams la gzigs nas rten cing 'brel bar 'byung ba rnams rnam par dag par ston par mdzad do// nyan thos rnams la gzigs nas 'gog pa las bslangs shing sbyangs par mdzad do// bya ba las kyi rgyud kri ya ba la gzigs nas rigs gsum gyi don rnam par dag par mdzad do// cha mthun spyod pa'i rgyud u pa ya la gzigs nas rigs bzhi'i gdung rnam par dag par mdzad do// rnam grol rig pa'i rgyud rnal 'byor theg pa la gzigs nas sum cu rtsa gnyis rnam par dag pa mdzad do// rnal 'byor bla na med pa'i rgyud bskyed rdzogs rnam pa gsum

  2. 326b

    gyi blta spyod kyis dregs pa thams cad dbang du sdud par mdzad par yang gzigs so// de nas 'gro ba'i rigs bsam yas pa la gzigs nas/ sems nyid sangs rgyas pa yin pa las/ snang ba snod dang bcud du snang ba 'di thams cad ni/ sems nyid chos sku las snang ba chos sku'i 'od gsal du gtan la 'bebs pa'i phyir/ nyid sku zhal gsum phyag drug par bstan pa ni de lta ste/ dbus kyi sku mdog dkar dmar pad+ma rA ga'i mdangs su gnas/ g.yas thugs kyi zhal sngo ba/ g.yon yon tan gyi zhal ser ba/ g.yas dang po la pad+ma'i sdong bu/ bar ma na rdo rje rtse gsum/ tha ma na mda' 'dzin pa/ g.yon dang po na bum pa/ bar pa na dpal be'u/ tha ma na gzhu 'dzin pa/ rgyan rin chen sna tshogs pa'i na bzas mdzes pa/ yum phyag rgya ma dang bcas pa/ dmar po rdo rje dril bus 'khyud pa/ rin chen seng ge nyi zla pad+ma'i khri la/ ye shes 'od 'khyil gong bu'i nang na bzhugs pa/ zhal nas gsang ba'i sngags brjod pa ni// oM A ro li ka/ bI rA gar ti s+t+waM swA hA/ zhes brjod pas 'khor gyi byang chub sems dpa' rnams kyis mthong bar gyur te/ de nas 'khor rnams kyis bstod pa 'di mdzad nas bstod do// hUM dri med rnam dag zhi ba las// spros pa thams cad rab zhi ba'i// ye shes tshogs mchog mnga' brnyes pa// rang bzhin dag pa chos kyi sku// thugs rjes

  3. 327a

    sdug bsngal sel mdzad pa// bsod nams tshogs rdzogs gzugs kyi sku// las dang nyon mongs shes bya yi// dri ma spangs pa'i skur grub pa// gsung mchog sku gsung dang pa dang // lus ngag sems kyis phyag 'tshal bstod// thugs rje chen pos gzung ba dang // ye shes snang ba gsal bar mdzod// dus kyis mnar ba'i skye bo rnams// 'dul phyir khro bo bzhengs su gsol// rtag chad mtha' la zhen pa yi// gdug pa can rnams dbang du sdus// zhes bstod do// de nas gar dbang bde ba chen po'i sku des/ hUM drug rol pa'i cho 'phrul bstan nas// oM ma hA pad+ma shrI he ru ka pad+ma kro tI shwa rI hUM/ ma hA tsan+da sarba duSh+TA na hUM phaT/ ces brjod pas/ nyid kyi sku khro bor chen po dbu lnga phyag bcu drug par gyur te/ sku mdog dmar po dbu lnga pa/ dbu lnga'i nang na rdo rje dbyings kyi dkyil 'khor du gsal ba/ lhag pa na rta mgo lnga'i rtsa mgrin dbang gi dkyil 'khor du gsal ba/ gshog pa khams gsum rnam par rgyal ba dang // thugs ka ye shes sems dpa' dang / gzi ldan yum gyi dkyil 'khor dang / phyag g.yas pa brgyad na rdo rje dang / kha TaMTi dril bur bcas pa dang / rdo rje lcags kyu dang / sbrul gyi zhags pa dang / 'khor lo dang / rin po che zur 'phyang brgyad pa dang / ral gri dang / rdo rje lu gu rgyud kyi phreng ba'o// phyag g.yon pa brgyad na/ pad+ma'i yu

  4. 327b

    ba nas 'dzin pa/ thod khrag snod bkang ba dang / khro bo chen po'i snying 'byin po dang / gshin rje'i dbyug pa thogs pa dang / rdo rje rgya gram dang / rdo rje be con dang / me 'od kyi phreng ba dang / tri shUl dang / khyung gi khra bsnams pa/ zhabs khro bo brgyad kyi gdan la bzhugs par gyur te/ zhal nas nyid kyi snying po yi ge bcu bdun pa 'dzin pa 'di brjod do// oM pad+ma sid+d+ha sid+d+ho ha he tsakra b+h+yo/ b+h+yo hUM hUM phaT/ ces brjod cing gdug pa can 'dul ba'o// de nas nyid kyi 'khor ni/ sku yi kham rgya dkar mo 'khor lo dang / gsung gi kham rgya dmar mo pad+ma dang / thugs kyi kham rgya nag mo rdo rje dang / yon tan kham rgya ser mo dril bu dang / las kyi kham rgya ljang gu ral gri dang / gsang ba'i kham rgya sna tshogs mdog can khA T+wAM bsnams pa/ kham rgya mo drug po kun kyang g.yon na bdun rtsi'i thod pa bsnams pa/ zhal nas rang sngags brjod pa/ bud+d+ha badz+ra oM/ satwa badz+ra hUM/ rat+na badz+ra tAM/ d+harmA badz+ra hrIH/ karma badz+ra hA/ gu h+ya badz+ra phaT/ ces brjod cing 'khor lo 'bar ba'i rtse mo drug la bzhugs so// long ba chen po brgyad ni/ shar rdo rje'i long ba dkar po dang / lho rin chen long ba ser po dang / nub pad+ma'i long ba dmar po dang / byang las kyi long ba ljang gu dang / mtshams kyi long ba phyed gzugs kyi mdog can dang / phyag bzhi na g.yas pa zangs gri dang thod pa/ g.yon rgyu phreng dang

  5. 328a

    snying bsnams pa/ rang gi zhal nas rang sngags brjod pa ni// oM shwa ri khA hi hAM/ oM shwa ri khA hi tra/ oM shwa ri khA hi sriH/ oM shwa ri khA hi hA/ zhes brjod cing zod rus kyi bar khyams dang po la/ sku gcer bu'i tshul gyis gnas so// de nyid kyi gnas la bzhugs pa'i dmus long drug cu bo rnams ni// phyogs re na rigs kyi mdog can bco lnga bco lnga bzhugs te/ phyag g.yas na lcags kyu g.yon phur bu bsnams pa'o// zhal nas rang sngags brjod pa ni// oM shrI raM khA hi hUM/ oM shrI raM khA hi tAM/ oM shrI raM khA hi hrIH/ oM shrI raM khA hi hA/ zhes brjod cing bar khyams dang po la gnas so// za byed dpal gyi khyi brgyad ni/ sku mdog mthing nag sbyang ki'i mgo can/ g.yas gri gug/ g.yon thod pa 'dzin pa/ rang gi sprul pa ce spyang brgyad dang / ye shes kyi sprul pa khyi bcu yang / zhal nas rang sngags brjod pa ni// oM dIp+ta tsakra shwa na mu kha kha long kha hUM phaT/ ku ru ku ru yak+Sha hUM phaT/ ces brjod cing bar khyams gnyis pa me ri dmar po la bzhugs so// 'khor gyi sgo ba bzhi ni/ mgo dgu po la rkang gcig po/ mdog dkar lag na lcags kyu bsnams pa/ zhal nas hUM hUM phaT/ ces brjod cing shar sgor bzhugs so// 'od gshog mgo brgyad rkang brgyad po ser po lag na zhags pa thogs shing // hUM trAM trAM phaT/ ces brjod cing lho sgor bzhugs so// ye shes mgo drug

  6. 328b

    lag drug rkang drug po dmar po phyag na lcags sgrog bsnams shing / zhal nas hrI hrIHhrIHphaT/ zhes brjod cing / nub sgor bzhugs so// gsang ba mgo gsum lag gsum rkang gsum po ljang gu ni/ phyag na dril bu bsnams shing / zhal nas hUM hUM hA hA phaT/ ces brjod cing byang sgor bzhugs so// sgo ba de kun gyi phyag g.yon na/ thod khrag nyid kyis longs spyod mdzad pa// me 'brug dmar po b+h+rUM de gi ri ti dang / rlung 'brug sngon po ka la sha ni/ oM dzi na laM te tse ri/ yak+ka ku b+hany+dza hUM phaT/ ces brjod cing steng 'og phyogs mtshams kun tu khyab bo// yang sbrul pho nya ni/ dur bya dang / khrung khrung dang / ba se'i byan glag dang / khyi sbyang ma rnams dang gdong dgu grangs med pa yang / oM ha ha ru lu ma hA tsan+de shwa rI na ye a hUM hUM hUM phaT/ ces brjod par byed cing / phyi rol sgo nas ra ba'i mtshams kyi bar du gnas so// pad+ma dbang chen dregs pa dbang sdud kyi rgyud las nyid kyi sku mngon par bstan pa rtsa ba'i dkyil 'khor gyi le'u ste dang po'o// // de nas bcom ldan 'das kyis gsang sngags kyi las yongs su rdzogs pa 'di gsungs so// gsang sngags kun gyi ngo bo ni// spyi dang bye brag rnam pa gnyis// spyir ni sngags kyi ngo bo ni// thabs dang shes rab rnam pa gnyis// de la thabs zhes brjod pa ni// kun rdzob sgyu ma tsam du snang // shes rab zhes ni gang brjod

  7. 329a

    pa// don dam skye ba med pa'o// stong pa nyid kyi rang bzhin no// khyad par sngags kyi ngo bo ni// khyed la ngas ni rab bshad na// sngags kyi ngo bo lha yi sku// drang srong mthu las khyad par 'phags// nges tshig spyi dang khyad par gnyis// spyi yi nges pa'i tshig bshad pa// skyobs pa'i phyir na sngags yin te// yid bskyab pa yi don yin no// khyad par sngags kyi nges tshig ni// shes skyob yon tan ldan pa yin// sngags kyi dbye ba rnam pa gnyis// spyi dang bye brag gnyis su bshad// spyi yi dbye ba rnam gnyis te// kun rdzob kyi ni sngags zhes bya// lha yi dkyil 'khor yid la byed// don dam pa yis sngags zhes pas// gnyis su med pa'i rang bzhin te// stong pa chen po ye shes dang // de yul byed pa'i ye shes te// yul dang yul can ye shes te// rtogs pa 'khor ba bdag la skyob// bye brag sngags kyi dbye ba gsum// gsang sngags rigs sngags gsang sngags yin// gsang sngags don ni rnam pa bzhi// bzod pa thob pa'i rgyur 'gyur gzungs// gsang sngags gzungs dang chos kyi gzungs// don gyi gzungs zhes bya bar 'dod// bzod pa thob pa'i rgyur 'gyur pas// bskyed rim mthar phyin rnal 'byor ram// mtshan bcas rdzogs rim rnal 'byor ram// mtshan med rnal 'byor a dang hUM// de dag brjod bya thob byed

  8. 329b

    rnams// rang bzhin med par sems pa ni// de ltar yul dang yul can de// rang bzhin med par rtogs pa ni// dga' ba mchog tu dga' chen skyes// de la gzungs thob ces bya'o// dran dang shes rab gcig tu byas// bzod pa 'dzin par byed pas gzungs// gzungs thob pa des de ma thag/ phyag rgya chen po'i ye shes skye// mthun pa'i bzod pa chen po ste// don dam chos rnams bzod pa ni// de skyes ring po mi thogs par// phyag rgya chen po'i ye shes thob// gsang sngags kyi ni gzungs shes pa// de yang phyag rgya chen po ni// thob pa yan chad gang zag des// rang gi ting nge 'dzin dang ni// sngon gyi smon lam stobs bskyed pas// gsang sngags tshig ni 'di dag gis// sems can rnams kyi nad sogs pa// med par gyur cig ces brjod cing // ting 'dzin dbang gi stobs kyis ni// sems can rnams kyi yams nad sogs// med cing byin brlabs lhar 'grub 'gyur// des na ting nge 'dzin gyi dbang // de ltar gyur pas gsang sngags rnams// 'dzin par byed pas gsang sngags gzungs// chos kyi gzungs zhes bya ba yang // phyag rgya chen po'i thob pa'am// ston pa mkha' 'gro'am bla ma yis// sngon chad ma thob ma shes pa'i// bdag nyid gsang ba'i chos bshad pa// thos pa tsam gyis mi brjed 'dzin// dran pa shes rab chos kyi gzungs// don gyi

  9. 330a

    gzungs ni de bzhin du// gsungs pa'i chos rnams de dag ni// don rnams mi brjed 'dzin pa ni// dran pa shes rab don gyi gzungs// de la rig sngags zhes bya ba// stong pa chen po'i ye shes de// ye shes yul du byas rtogs pas// ma rig spangs shing rig pa skyed// de phyir rig sngags zhes bya ba'o// gsang sngags mtshan rgyud sngags dang don// 'di zhes nges par shes par bya// mtshan ni gsang sngags zhes bya ste// snod ma yin la gsang ba dang // blo chung theg pa dman la gsang // gsang thub dngos grub mi yal phyir// sangs rgyas rnams kyis gsang bar bsngags// de phyir gsang sngags nges pa'i mtshan// rgyud ni 'brel phyir rgyud ces bya// gzhi thabs 'bras bu'i 'brel ba'i phyir// gzhi ni bden gnyis rang bzhin gnas// thabs ni bsgrub pa'i rang bzhin gnas// 'bras bu chos sku gzugs skur gnas// sngags ni nus pa'i mthu chen de// bsgom pa'i gsang sngags bskyed rdzogs gnyis// spyod pa'i gsang sngags sbyor sgrol gnyis// bzlas pa'i gsang sngags ye shes nyid// bza' ba'i gsang sngags bdud rtsi lnga// don ni kun rdzob don dam gnyis// don dam yul dang yul can nyid// yul ni stong pa'i ye shes nyid// yul can zhes su bya ba yang // mi rtog ye shes yul byas shing // de rtogs gzungs su gyur pa yis// gnod pa'i 'tshe/

  10. 330b

    ba nub par byed// kun rdzob sngags de thob pa'i thabs// sngags kyi gzungs dang sngags kyi ming // brda' dang tshig sogs thams cad yin// zhes gsungs so// pad+ma dbang chen dregs pa dbang sdud kyi rgyud las// gsang sngags thams cad dbang du sdud par/ sngags kyi ngo bo nges tshig dbye ba ste le'u gnyis pa'o// // de nas bcom ldan 'das kyis gsang sngags kyi lam rnam par bkod pas sngags thams cad dbang du bsdu ba 'di gsungs so// 'bras bu'i theg chen gsang sngags 'di// khyad par gyur phyir khyad par che// thabs mang dka' ba med pa dang // dbang po rnon po'i dbang gyur dang // don gcig phyir na'ang ma slongs pas// sngags kyi theg pa khyad par 'phags// 'bras bu nyid du lam shes pas// tshe lus gcig la rdzogs sangs rgyas// de la gsang sngags slob ma ni// snod dang ldan pa gces pa ste// de phyir dam tshig srog ldan gzhug/ dam tshig mi ldan spang bar bya// dam tshig dang ldan bzlog pa ni// mkha' 'gro ma yi 'tshe ba dang // dus ma yin par 'chi ba dang // shi nas dmyal bar 'gro ba'o// dam tshig mi ldan bcug pa yang // tshul de nyid du shes par la// theg chen sngags kyi spyod pa la// skyon 'dogs smod par byed pa ni// mkha' 'gro ma yis myur du gsod// de nas dmyal bar skye bar 'gyur// des na zab mo'i spyod pa la//

  11. 331a

    skyon 'dogs smod pa spang bya'o// skal dang ldan pa'i gang zag de// bla ma dam par gyur pa ni// theg pa mtha' dag ma lus pa'i// grub pa'i mtha' la ma rmongs shing // rgyud kyi dgongs pa shes pa dang // dkyil 'khor la sogs kun mkhas shing // snying rje chen po dang ldan pa// bla ma'i bka' ni thob pa la// tshogs kyi 'khor lo'i dga' ston bya// yon dbul dbang bskur gsol ba btab// de ltar gsol ba btab pa dang // bla mas kyang ni bsnyen pa dang // sa cho ga lhag gnas cho ga dang // dkyil 'khor cho ga rgyas pa dang // 'jug pa dbang bskur yon blang bya// de ltar slob mas bla ma la// sems bskyed sdom blang dbang mnos nas// de nas slob ma dam pa yis// dbang sems de nyid dam tshig bsrung // de bas bsrung la 'bad par bya// dam tshig bsrungs pa'i yon tan yang // mchog dang thun mong dngos grub 'grub// ma bsrungs pa yi skyon rnams kyang // rdo rje dmyal bar nges par ltung // de yi sdug bsngal bzod par dka'// mtshan nyid shes par bya ba yang // de ltar snod du rung ba dang // rang gi bla ma dam pa la// theg chen sngags kyi rgyud mnyan nas// sngags song mtshan nyid shes par bya// de nas rang sems sbyang bar bya// sems sbyang don ni rnam par drug/ skyon yon yul dang rgyud la bskyed// spang bya spong thabs 'bras bu

  12. 331b

    yin// rnal 'byor rang sems ma sbyangs par// rdzogs pa'i byang chub mi 'grub la// de ma grub par gyur pas ni// gzhan gyi don rnams mi 'grub pas// de phyir sems ni spyad par bya'o// sems sbyang yon tan bsam mi khyab// dpag tu med pa'i dngos grub thob// yul ni rnam pa gnyis yin te// 'jug pa'i yul ni sngon byung gi/ ston pa'i spyod pa bzhin du 'jug/ dmigs pa'i yul yang rnam pa gnyis// mtshan bcas mtshan ma med pa ste// ye shes thig le phyag mtshan sku// de sogs mtshan ma can du 'dod// stong pa nyid kyi rang bzhin la// dmigs pa med pa'i tshul gyis dmigs// lam gyis rgyud la skyed pa yang // nye grogs lam dngos de grogs gsum// nye ba'i grogs kyang rnam pa lnga// bsgrub pa'i gnas dang shis pa'i dus// mtshan ldan grogs dang mthun pa'i rdzas// shes pa'i ston pa phun sum tshogs// lam dngos 'di ltar 'jug par bya// phyi lam dngos mchog rim pa rnams// rnal 'byor bsgom pas bslab par bya// bya spyod rnal 'byor rgyud gsum ni// mtshan ma dang bcas bsgrub thabs ni// mtshan ma med pa'i bsgrub par 'dod// rnal 'byor rgyud lung man ngag gsum// bskyed rim rdzogs rim rnam pa gnyis// rdzogs chen lam ni rang sems nyid// sangs rgyas rang sar grol ba'o// lam de cho ga'i rim pa dang // don rim dgos

  13. 332a

    pa'i rim pa bshad// cho ga'i rim pa bya ba ni// rgyas pa dpe byas bsdus pa yin// rgyas par 'dod pa'i rnal 'byor ni// bsgrub pa rten gyi gang zag gis// dang po bla ma dam pa las// dam tshig dbang thob bsrung la 'bad// gdams ngag mnos nas nyams su blangs// gnas gzhi yid du 'ong ba ru// grogs ni chos dang mthun pa'am// bdag nyid gcig pu sgrub pa pos// dus tshig bzang po dag la 'jug/ gtor ma gtang zhing sAts+tsha gdab// sbyin sreg yi dam bzlas pa bya// khrus byas maN+Dal me tog bkram// srung ba'i 'khor lo bsgom par bya// sems can sdug bsngal bral bar 'dod// de nas byams pa bsgom par bya// sems can bde dang ldan par 'dod// de nas dga' ba bsgom par bya// bdag gis byang chub thob par bya// sems can don bya spro bar bya// de nas btang snyoms bsgom par bya// de gsum mi dmigs par yang bsgom// de nas lha dang bla ma sprul// phyag 'tshal mchod dang sdig bshags sogs// bdun po rnam dag bsod nams tshogs// de nas ting 'dzin rnam pa gsum// ye shes tshogs las rang nyid lha// bya spyod rnal 'byor rgyud rnams ni// stong pa nyid kyi sngags brjod nas// bdag nyid dam tshig sems dpar bskyed// mdun du ye shes sems dpar sprul// bla med rnal 'byor bskyed rdzogs dang // dbang

  14. 332b

    bskur sku gsung thugs byin brlab// spyan drangs bzhugs mchod bstod par bya// yi ge phyag mtshan thig le sku// phra mo spro bsdu 'bar 'dzag la// dmigs nas rdzogs rim bsgom par bya// skyo bar gyur na ngag bzlas bya// shin tu skyo bar gyur pa na// mchod bstod byas la spyan drangs pa// rang bzhin gnas su gshegs su gsol// sprul pa rnams ni rang la bsdu// de yang mtshon pa'i dpe bshad pa// snying rje rtsa ba lta ba la// byams pa sdong po yin par 'dod// dga' ba yal ga rgyas pa ste// tshogs gnyis lo ma lta bu la// rnal 'byor gzhan ni me tog 'dra// bsgrub pa'i rnal 'byor pa yi rgyud// yongs su smin pa 'bras bu yin// bsdus pa'i cho ga rim pa bzhin// bya spyod rnal 'byor bsgom pa yang // bdag nyid lha ru bskyed byas nas// 'khor gyi dkyil 'khor mdun du sprul// mar me gyes pa'i tshul gnyis su// gcig ni dkyil 'khor gtso bor snang // gcig ni las kyi lhar byas nas// mchod bstod de bzhin thams cad bya// de ni phyi nang thun mong yin// khyad par lam du bshad pa ni// rnal 'byor bla na med pa ni// bdag nyid lha ru gsal byas nas// dbang bskur byin brlab spyan drangs nas// bdag dang gnyis su med byas te// bdag nyid lha yi snying ga nas// lha mor sprul nas bya ba'am// 'khor gyi lha mos bdag nyid la// mchod bstod

  15. 333a

    la sogs byas nas ni// yang ni bdag gi snying ga'am// sku la sogs par bsdu bar bya// bzlas pa'i dus ni thams cad du// mgal me bskor ba lta bu'am// zag mdung 'phen pa'i tshul 'dra dang // sgro yi chun po 'dra ba dang // thig gu bsgril pa lta bu dang // sgrog spel lcags sgrog lta bu ni// skabs kyi stobs kyis shes par bya// de ltar bsgoms shing bsgrubs pa las// mtshan ma brtan po 'byung bar 'gyur// mtshan ma thob nas mtshan med bsgom// mtshan ma med pa mngon gyur nas// phyag rgya chen po'i dngos grub yin// de dag gsang sngags phyi nang gi/ thun mong lam de gnyis su dbye// de nas don gyi rim pa ni// de bzhin gshegs pas tshad med bsgoms// tshogs ni rnam gnyis bsags pa dang // bdud rnams thams cad btul ba dang // thams cad la yang ma chags dang // snga phyi byang chub mchog sems bskyed// thos pa'i shes rab byang ba dang // bsam pa'i shes rab dpyad pa dang // bsgom pa'i shes rab mthar phyin bslab// de bzhin rnal 'byor sgrub pa pos// tshad med pa dang tshogs gnyis dang // srung ba'i 'khor lo pad+ma dang // zla ba dang ni yi ge dang // phyag mtshan sku ru gyur pa bstan// yang ni de bzhin gshegs pa yi// tshogs kyi lam dang sbyor ba'i lam// mthong ba'i lam dang bsgom pa'i lam// mi slob pa yi

  16. 333b

    lam dang ni// gzhan don sku gnyis byin brlabs so// de bzhin du ni sgrub pa pos// bsod nams tshogs dang ye shes tshogs// yi ge'am zla ba tshes pa'am// zla rgyas yi ge 'phro 'du dang // zla ba'am zla ba gnyis pa'am// phyag mtshan dang ni sku dag brtan// de bzhin gshegs pa'i 'phro 'du ni// mdzad pa spro dang bsdu ba dang // byin gyis brlab par bstan pa'o// de dag bya spyod rnal 'byor 'dod// yang ni bla med rnal 'byor pas// bdud rnams gdul phyir mtshams rnams gcad// bsod nams rgyud ldan phung gtor brlab// ma dag rgyud la brten nas ni// tshogs bsag phyir na tshad med bsgom// dag pa sangs rgyas la brten nas// tshogs bsag phyir na yan lag bdun// bsod nams tshogs bsag bshags pa bya// ye shes tshogs ni bsag pa'i phyir// sku gsum byung tshul ting 'dzin gsum// snod rnams sbyang bas gzhal yas gsal// bcud rnams sbyang bas lha tshogs gsal// lam gyi dbang rnams blang ba'i phyir// ye shes rnam lngas dbang yang bskur// zab mo'i dbang gsum ldan pas na// sku gsung thugs su byin gyis brlab// sangs rgyas sems can gnyis med phyir// ye shes dam tshig gnyis med bsre// gang yang bdag las gnyis med phyir// mchod cing bstod de bzlas pa bya// rtag pa'i mtha' la mi gnas phyir// stong

  17. 334a

    nyid rang gi yul du thim// dgos pa de bzhin gshegs pa yis// bden gnyis lam bzhir bsgom byas shing // tshogs bsags sku gsum thob pa bzhin// rnal 'byor rnams kyis thun gcig la// bsgom pa'i tshul yang de bzhin snang // goms pas phyis kyang de bzhin 'grub// de phyir khyad par 'bras bu'i lam// de yi grogs ni rnam pa lnga// gtor ma sbyin sreg rab tu gnas// tsha tshwa bum pas dbang bskur ro// bdag gzhan bar chad nyer zhi phyir// gtor ma'i cho ga bya ba yang // ma chag gtor bas gtor ma ste// 'byung po spyi yi gtor ma dang // lha mgron so so'i gtor ma yin// lha tshim par chad bgegs la sogs// zhi phyir sbyin sreg cho ga bya// rtogs sgrib nyams chags la sogs bsreb// gang 'dod dngos grub sbyin par byed// don dam sbyin sreg mi rtog bsgom// kun rdzob sbyin sreg phyi dang nang // nang ni rang gis bza' ba nyid// phyi yi sbyin sreg rnam pa gnyis// las rnams thams cad sbyin sreg dang // las bzhi so so'i sbyin sreg go/ de nyid gang mos rigs lnga dang // phrin las dbang du bya ba yin// dngos grub shin tu myur ba dang // sku gsung thugs rten khyad par phyir// rab gnas bzang po'i cho ga bya// khyad par gyur pas rab tu gnas// rab tu gnas pa rnam pa gsum// sku gzugs glegs bam rdo rje dril// bsod nams

  18. 334b

    khyad par can bsags phyir// tsha tshwa gdab pa'i cho ga bya// mchod pa'i yul gyur tsha tshwa bshad// dbye ba rnam pa gnyis yin te// cho ga rgyas bsdus phral du bya// bag chags sbyangs dang dbang bskur phyir// bum pa'i cho ga rab tu bya// yon tan thams cad 'du ba dang // dgos pa byed phyir bum pa'o// bum pa rnam pa gnyis yin te// skabs su bya dang dkyil 'khor bzhengs// gnas skabs phyi nang gsang ba de// phyi ni rdza pa rin chen sogs// nang ni thod pa mtshan dang ldan// gsang ba yum gyi b+ha ga nyid// dkyil 'khor dbang gi bum pa dang // khrus dang mchod pa tshe bum yin// spang bar bya ba rnam pa gnyis// ngan rtog sems bdag mtshan 'dzin dang // bzang rtog sangs rgyas bdag tu 'dzin// spong ba'i thabs ni rnam pa gnyis// ngan rtog bzang rtog bdag gis spang // bzang rtog mi rtog pa yis spang // spyod pa 'gro nyal 'dug sdod kun// nyid kyi lha yi nga rgyal ldan// 'gro dus lha yi spyod pa yang // lhag pa'i lha'am rigs gsum mam// lha'am lha mo gang 'dod bya// skabs su lus phyag bskor ba bya// maN+Dal dbul dang yi dam bzlas// brtul zhugs spyod pa rab tu bya// yangs pa'i 'bras bu rnam pa gnyis// thun mong don shes grub chen brgyad// mchog la rig 'dzin rnam bzhi dang // sku gsum sku bzhi sku lnga sogs// phyag rgya chen po

  19. 335a

    mchog bsgrub bo// zhes gsungs so// pad+ma dbang chen dregs pa dbang sdud kyi rgyud las/ gsang sngags kyi lam dbang du bsdu ba ste le'u gsum pa'o// // de nas 'khor gyi byang chub sems dpa' la sogs pa rnams kyis/ bcom ldan 'das gar gyi dbang phyug chen po la rang rang gi mngon pa don du gnyer bar bya ba'i phyir/ mgrin gcig tu 'di skad du ces ched du brjod do// hUM mi gnas ye shes thugs kyi dkyil 'khor nas// 'bar ba'i rgyal po khro bo kun gyi rje// gar dgu 'jigs pa'i cha lugs hUM sgra can// 'khor bcas khro bo'i tshogs rnams gshegs su gsol// dzaHhUM baM hoH/ e h+ye hi b+ha ga bAn sa ma ya s+t+waM/ srid gsum 'dren mdzad thar lam 'dren pa'i dpal// rigs lnga bde gshegs sems dpa' sras bcas tshogs// thabs dang shes rab gnyis med 'gro don mdzad// rdo rje bkod pa'i dkyil 'khor tshogs la phyag 'tshal lo// dbang drag klu rgyal 'joms mdzad gsung nyid lha// thugs rje thabs mkhas phra men 'dul mdzad cing // phrin las sna tshogs rta mgo ljang gu ston// 'gro 'dul brjid pa'i sku la phyag 'tshal lo// thig le chos sku gdal ba'i dkyil 'khor nas// gnyis med sna tshogs ma bsgribs sa ler gsal// thugs rje ye shes sems dpa' sngags kyi gnas// phyag rgya'i rten gnas 'phro 'du mdzad la

  20. 335b

    phyag 'tshal lo// mkha' 'gro bcu drug rab tu rngam chen sku// 'jigs pa'i tshon chas 'gro ba'i las rgyud stongs// gnas rnams so so sna tshogs ston pa'i sku// 'gro ba 'dul ba'i lha la phyag 'tshal lo// dregs byed dbang sdud khro bo gnon pa'i stobs// mi mthun tshogs 'joms gnyen po'i tshul du gnas// brjid pa'i chas brgyad phrin las bla na med// bdud 'dul khro bo'i tshogs la phyag 'tshal lo// thugs rje'i mdzad pas khams gsum zil gyis gnon// thabs dang shes rab 'dam rdzab mun pa sel// gsang ba'i phyag rgya drug pa'i ting 'dzin gsal// khams gsum gnon pa'i lha la phyag 'tshal lo// dus gsum sangs rgyas kun gyi rang bzhin las// dkyil 'khor thams cad sku gsung thugs su sdud// gnas gsum ston pas chos bshad rgyud sbyangs shing // byin rlabs nam mkha'i mdzod la phyag 'tshal lo// bde bar gshegs pa thams cad bskyed pa'i lam// yum gyi tshul gyis bde chen dgyes par mdzad// rang rig mkha' 'gro'i gtso mo dbyings kyi tshul// chags chen gzi ldan gtso la phyag 'tshal lo// chos sku mnyam nyid bde chen byang chub sems// ma bsgribs phyi nang med pa'i bde gsal ba'i// zab mo'i tshul gnas rang bzhin g.yo ba med// snang stong bde ba'i sku la phyag 'tshal lo// a ti pu hoH// pra tIts+tsha hoH// pad+ma ban+da naM ka ro mi/ a

  21. 336a

    la la hoH// oM dga' bo rol mo glu bro gar gyi tshogs// 'dod pa'i yon tan khyad par 'phags pa'i sprin// stong gsum mthun par snang ba'i spyod yul du// lha mo'i tshogs bcas zag pa med par dbul// oM na maHsarba ta thA ga te b+h+yo bi shra mu khe b+h+yaHsarba tat+saM ung+ga te s+pha ra Na i maM ga ga na khaM swA hA/ oM badz+ra d+haM pe hUM swA hA/ oM badz+ra puSh+pe hUM swA hA/ oM badz+ra A lo ke hUM swA hA/ oM badz+ra nai bi d+ya hUM swA hA/ oM badz+ra gan+d+he hUM/ swA hA/ rang byung bdud rtsi lnga dang sman sna tshogs// mnyam pa'i don gyis dbyer med rang bzhin gcig/ dam rdzas lnga po legs sbyar byin brlabs pas// gnyis med dgyes pa'i dam tshig bskang gyur cig/ ma hA pany+tsa a mr-i ta kha kha khA hi khA hi/ oM hu lu hu lu raM dza la oM e A ra li/ dzaHhUM baM hoH// a la la ho// oM ma traM rU tra ha la ha la hUM phaT/ dug gsum dngos po'i tshogs rnams sbyang ba'i phyir// rngam pa'i khro tshogs sprul pa phyogs bcur spros// khro 'dzum phyag rgya'i tshogs rnams bsten mdzad cing // ha he ru lu gsang sngags drag tu brjod// ha la'i rdo rje'i bshug pa'i gad rgyangs kyis// bdud dang srin po'i tshogs rnams brgya la bar mdzad// oM sarba pA paM ka ra hi ta sa bi shra ma tang rA tra hUM phaT/ oM pA pa ka ra hi ta sa bi shra kha T+wAM ga rA tra hUM phaT/ oM sarba pA pa ka re hi ta sa bi shra a ka ra ya rA tra hUM phaT/ hUM dpal chen thugs kyi pho nya'i

  22. 336b

    tshogs// dpal chen rdo rje thog thog ser chen 'bebs// hUM dang phaT kyis srid gsum 'khor ba 'jigs// hUM chen hUM gi byin rlabs bsam mi khyab// rdo rje khrag 'thung khrag gi rgya mtsho skem// rdo rje mtshon cha gnam lcags mthu 'dra bas// gsang sngags log par lta ba'i bdud rnams 'joms// rdo rje'i ser chen rang bzhin thog bcas 'khrugs// nyams pa'i snying srog khrag bcas thang la phyung // ye shes rngam pa'i thugs rje a la la// oM pad+ma ma hA shrI he ru ka b+han+d+ha b+han+da gardza gardza ha la ha la hUM phaT/ hUM thugs rje rnam dag pad+ma'i rang bzhin las// thugs rje'i sprul pa thar lam byang chub sems// phyogs bzhi dbus lngar brjid pa'i dbu mchog ni// grub pa'i sangs rgyas mkhyen lnga ye shes lnga// dpa' lus khyad par 'phags pa zhal gyi dbyibs// dbang mchog lhun gyis grub pa'i rta skad can// thugs las thugs rje thabs mkhas sprul pa ni// ye shes byin rlobs khro rgyal 'bum du ston// smin mdzad smon lam yun ring las grub pa'i// dmigs pa'i mtha' bral pad+ma yum gyi tshul// chos rnams ma lus gsal bar gzigs pa yi// chags med thugs rje pad+ma spyan gyi tshul// sgra skad thams cad mtha' las grol ba yi// zab dang rgya che chos kyi mtshan nyid gsan// shangs kyi rlung sgrom dug gsum rtsad nas gcod// zhal gyi hom lnga gdangs las rgyud lnga sgrol// rno

  23. 337a

    dpal mche bas ske shi rtsad nas gcod// le brgan ljags kyis gsungs rab rgya mtsho 'chad// rol pa'i phyag gis 'gro ba 'dul la mkhas// gshog bzhi brkyangs pas phrin las rnam bzhi mdzad// zhabs brgyad rol pas gzir gnon mdzad pa'i tshul// sku che yan lag rags to ri bo bzhin// thugs mchog ye shes stong gi nyi ma brdal// lha yi lha mchog byin brlabs 'byung ba'i gnas// ngo mtshar rol pas khro bo kun gyi rje// dpa' bo thabs mchog mnga' la phyag 'tshal bstod// rdo rjes 'khor la dam tshig sbyin mdzad cing // gtor ma rgya chen byin brlab sngags kyis dbul// oM AHhUM sarba pany+tsa a mr-i ta sa ma yo ga sid+d+hi hUM/ sa ho ka ma la pu ra ta hUM/ oM badz+ra sa ma ya ma hA kro ta oM AHhUM/ ma hA yo ga tsit+ta ri/ ba me la rak+ta khA hi khA hi hUM/ oM kha kha le le ru lu ru lu hUM b+h+yo hUM/ i dan sa ma ya a la la ho// thun skabs tha ma'i gtor ma la// bsreg sbyang byin brlab 'dod lnga bdud rtsi'i tshogs// rang gi sngags kyis mgron tshogs kun bsdus te// de dag sbyang zhing byin brlabs phyag rgya'i rgyu// sku gsung thugs gsal rigs kyi cod paN can// mnyam snyoms longs spyod bdud rtsis tshim gyur nas// rang nyid lha dang gnyis med gnas pa dang // rgyal ba'i bstan pa bsrung ba'i phrin las bcol// oM lha klu gnod sbyin srin po gshin rje klu// dri za

  24. 337b

    grul bum me lha mkha' 'gro'i tshogs// lha min 'dab bzangs dbang ldan srul po dang // 'gro drug gnas pa'i gang zag rdzu 'phrul can// snying rje lan chags mgron bcas ma lus kun// sku gsung thugs kyi phyag rgya sbyang byas nas// rang rig lhas brgyan gnyis med gnas pa dag/ bdud rtsi dga' ba'i longs spyod 'di bzhes la// bdag gi zhi rgyas dbang drag las bsgrub cing // rnal 'byor 'khor bcas bsrung bar mdzad pa dang // 'gro ba bde legs phun sum tshogs mdzad cing // nad rkyen bar chad ma lus bsal ba dang // rgyal ba'i bstan pa rjes su bsrung mdzod la// rang gi gnas su bde bar gshegs par mdzod// oM hri ha ha ya shro ta ma bi na sa ma ya ba liM ta khA hi/ ar+g+haM mAM sa khA hi/ zhes gsungs so// pad+ma dbang chen dregs pa dbang sdud kyi rgyud las/ ye shes dkyil 'khor dbang sdud mnyes pa'i le'u ste bzhi pa'o// // de nas bcom ldan 'das pad+ma dbang chen he ru kas rje btsun 'phags pa gnod mdzes chu dbang gi sgrub pa'i thabs 'di dag gsungs so// 'di bsgrub pa yi gang zag ni// byang chub mchog tu sems bskyed pa// sdom pa dang ni dam tshig ldan// dbang bskur thob cing brtson 'grus can// bla ma mched grogs dag la gus// de lta bu yi sngags pas bsgrub// gnas ni yid du 'ong ba dang // shin tu dben par bya

  25. 338a

    pa'am// rang nyid gang du gnas kyang rung // rgyun du gang du 'dugs par bsgrub// gnyis pa bya thabs rten bshad pa// gser dngul zangs kyi shog bu la// pad+ma 'dab brgyad gnyis byas la// gcig la gnod sbyin pho dgu bri// gcig la gnod sbyin mo dgu bri// de la rab gnas legs byas nas// de gnyis kha sbyar mnyes bsam la// mar dang sbrang rtsi ka ras gril// za ma tog gi nang du ni// me tog ser pos bkang ba yi// dbus su ga'u stsal byas nas// maN+Dal gru bzhi khru brgyad pa// byi dor legs byas rnam lngas byug/ me tog ser po bkram pa'i dbus// za ma tog ni bzhag nas kyang // dus gsum mchod bstod bskor dang bzlas// de ltar byed pa'i sngags pa la// grub chen brgyad kyang ster byed na// dngos grub phal cher lta ci dgos// de nas bcom ldan 'das kyis lha dang gsang sngags bshad pa 'di'o// IM dzaM b+ha la dza len+d+rA ya swA hA/ dbus gnod 'dzin gyi sngags so// oM ma Ni b+ha dra ya swA hA/ shar nor bu bzang po'i sngags so// oM pur+Na b+ha dra ya swA hA/ lhor gang ba bzang po'i sngags so// A~M d+ha na pa ta ye swA hA/ nub nor sbyin gyi sngags so// oM bai shrA ma NA ya swA hA/ byang nor sbyin chen po'i sngags so// oM ke li mA li ne swA ha/ shar lho rol pa'i phreng ba'i sngags so// oM mu khen dra ya swA hA/ lho nub sgo'i dbang po'i

  26. 338b

    sngags so// au tsa rin+d+ra ya swA hA/ nub byang spyod pa'i dbang po'i sngags so// au tsi bi kun+da li ne swA hA/ byang shar rgyal ba 'khyil pa'i sngags so/ au ba su d+hA ri N+ye swA hA/ dbus nor sbyin ma'i sngags so// au tsan+d+ra skA nA yai swA ha/ shar du zla 'od ma'i sngags so// oM Ar+ya yai swA hA/ lhor 'phags ma'i sngags so// oM su da t+ta ye swA hA/ nub rab sbyin ma'i sngags so// oM dat+ta yai swA hA/ byang sbyin ma'i sngags so// oM sa ra swa t+yai swA hA/ shar lho dbyangs can ma'i sngags so// oM de bye swA hA/ lho nub lha mo'i sngags so// oM gu p+ta yai swA hA/ nub byang sbas ma'i sngags so// oM su b+ha dra yai swA hA/ byang shar bzang mo'i sngags so// oM dzaM dzaM b+ha la swA hA/ bzlas pa'i sngags so// oM dzaM dzaM b+ha la dza len+d+ra d+ha na me d+hi hrIHswA hA/ bsgrub pa'i sngags so// oM dzaM lu swA hA/ las sbyor chu 'bul ba'i sngags so// gnod sbyin chen po 'di brgyad yang // sku mdog phyogs mthun dbus ma ser// g.yas pa'i phyag na a ru ra// g.yon pa ne'u le'i rgyal bu 'dzin// de yi chung ma dgra bo yang // dbus ma gser mdog phyogs mthun 'khor// g.yas pa mchog sbyin phyag rgya la// g.yon pa 'bras kyi snye ma 'dzin// yang na zhal gsum phyag drug ste// sku mdog rigs mthun phyogs kyi mdog/ g.yas na lcags kyu zhags pa dang // ne'u le'i rkyal ba 'dzin pa'o// g.yon na bi dza pU ra dang // rdo rje lcags kyu

  27. 339a

    'dzin pa dang // ne'u le'i rkyal ba bsnams pa ni// blo mchog rnams kyis bsgom par bya// de nas yi ge dgod pa ni// spyi bor oM ste kha la dzaM// dpung g.yas b+ha ste dpung g.yon la// snying khar dza ste brla g.yas len// brla g.yon dra la gsang bar ya// byin par sna ste rkang mthil hA// de nas phyag rgyas dgug pa yang // lag gnyis snying gar khu tshur bcang // gung mo'i tshigs ni dbus ma dang // gsum po bkug la phyag rgya'o// de la chu 'bral man ngag ni// zla ba dang ni rdo rje bsam// yi ge oM las gdu bu ni// so sor mkhrig mar bsam par bya// baM ni zla ba'i mdog can de// de la bdud rtsi rab 'bar ba// dri med so sor mngon phyogs pas// mkhas pas bum pa bzhin du blta// mdzub mo la ni nor bu bzang // gang ba bzang zhes gung mo la// srin lag la ni nor sbyin te// nor sprin chen po mthe'u chung la// mthe bor tsi pi kuN+Da li// ki li mi li mkhrig mar te// sgo dbang spyod pa'i dbang po dag/ lag pa'i ngos la rnam par bsam// sngags pas nor 'dzin chu dbang ni// lag pa'i dbus su rnam bzhag ste// rang rang sngags kyis rim bzhin bsam// dang por yi ge oM dang ni// rat+na badz+ra rang ming ldan// bzhi yi mtha' dang de bzhin du// swA hAr bcas pa sngags su drangs// rdo rje bdud rtsi lag par bsam// 'di ltar spyi bor cho ga

  28. 339b

    bzhin// mkhas pa chu yi sbyin blugs brgya// nyin re bzhin ni legs par dbul// de nas gal te 'gyangs pa na// nan tur bya bar rigs pa yis// bdag nyid pad+ma dbang chen gyis// thugs las yi ge mthing nag hUM// de las rdo rje hUM mdzad sbrul// zhal gcig spyan gsum phyag bzhi pa// g.yas g.yon dang po phyag gnyis na// rdo rje dril bu bsnol mar 'dzin// 'og ma lcags kyu zhags pa thogs// stag gi sham thabs mdzes par bsam// sgra tshil sku gzugs chu bdag 'dra// dug dang tsha ba gsum dang ni// skye tshe tsha ba'i mar khu dang // khrag gis gzugs la byug nas ni// de sngags bzlas shing dur khrod kyi// me la bdug na zhag bdun gyis// mngon sum 'dod pa ster bar byed// de nas bzod par gsol byas nas// rdzas dang bral bar byas pa yi// mtshan ma dben par bzhag la mchod// de ni nan tur bsgrub pa'o// de nas bcom ldan 'das kyis 'phags pa dze b+ha lha la bstod pa 'di gsungs so// nor gyi dbang phyug rin chen gter mnga' ba// gnod sbyin mang po'i nor 'chang kun gyi rje// byang phyogs skyong ba'i mgon po dze b+ha la// bcom ldan grub mchog stsol la phyag 'tshal bstod// gang gi thugs ni ston ka'i zla ba ltar dkar ba// yon tan 'od zer thams cad rab rdzogs shing // nyes pa'i mun pa ma lus rab sel ba// bcom ldan

  29. 340a

    nor lha'i pad+mar rab tu 'dud// thugs rje'i dbang byas bkra shis sku mnga' ba// gser gyi pad+ma lta bur yid 'ong zhing // dman pa rnams kyis mthong dka' dam pa yi// gtsug gi nor bu khyod la phyag 'tshal bstod// gsung gi chu 'dzin shin tu sdug po las// chos dbyings bdud rtsi'i chu rgyun rab 'bebs pas// dad pa'i lto ba rab rgyas dge ba yi// pad+ma skyed mdzad khyed la phyag 'tshal bstod// byams dang snying rje'i rang bzhin mi g.yo yang // nor bu rin chen dpag bsam shing lta bur// sa gsum po yi dgos pa dus gcig tu// rtsal bar mdzad pa khyed la phyag 'tshal bstod// yul rnams sgyu ma lta bur rab mkhyen kyang // sngon gyi smon lam ljags kyi so brdar bas// gter gyi dbang po ma lus rab bsnams pa// gnod sbyin gzugs 'dzin khyod la phyag 'tshal bstod// ma rig mun pas thar pa'i lam dang bral// srid pa'i g.yang sa sdug bsngal me nang du/ brtse med stobs ldan las kyis 'phangs pas na// mgon po nyid kyis bdag la myur du skyobs// zhes ni rnal 'byor sgrub pa po// gang gis bstod pa 'dis bstod na// nor gyi char pa myur du 'bebs// 'bru yi bang mdzod rgyas par 'gyur// pad+ma dbang chen dregs pa dbang sdud kyi rgyud las// mgon po gnod sbyin shing rta'i le'u ste lnga pa'o// // de nas bcom ldan 'das kyis

  30. 340b

    bgegs kyi rgyal po tshogs kyi bdag po rnams sgrub pa'i thabs rnams gsungs so// gang zhig rnal 'byor sgrub pa pos// sku yi tshogs bdag dkar po bsgrub// dbyi mong shing ngam tsan+dan shing // mthe bong tsam pa'i tshogs bdag sku// dkar po glang chen gzhon nu'i gdong // g.yas na la phug bgrang phreng dang // g.yon gnyis la du dgra sta bsnams// byi ba sngon po'i khri la bzhugs// de yi gsang sngags rab bshad kyis// nor gyi bdag po dbang du byed// oM gu ma ga Na pa ti swA hA/ bsnyen pa'i sngags so// sngags rnams ma byi sor bzhags// oM hri ha sti mu kha la la ma b+h+yo d+ha ra ya/ u tsit+ta ma la ya ma ha ra ma ne/ kr-i brum hri hUM traM/ u tsiSh+Tha ya swA hA/ snying po'o// oM bar ta ka u tsit+ti swA hA/ bsgrub pa'i sngags so// oM badz+ra a ru sha gu te sa te A ka ra sha ma hUM dzaH/ dngos grub blang ba'i sngags so// yang ngo'i tshes brgyad gnam stong par// dus gsum brgya rtsa brgyad bzlas na// yul khams dbang du 'du bar 'gyur// mchan khung g.yon du tshogs bdag sgra// sbas nas sngags bzlas gang 'dod pa// rang gi dbang du byed par 'gyur// rnal 'byor gang zhig sgrub pa pos// gsung gi tshogs bdag dmar por bsgrub// zangs la tshogs bdag dmar po'i sku// glang chen gdong can phyag bzhi pa// g.yas na la phug nor bu dang // g.yon pa dgra sta kha T+wAM ga/ gsum po che la

  31. 341a

    rgyan gyis brgyan// zla ba'i gdan bzhug sngags 'dis bsgrub// oM b+haM ga Na pa ti sa ra ka rat+na sid+d+hi hUM/ 'bod pa'i sngags so// oM b+ha ga tre ka dang Sh+ya bi d+ha hUM phaT/ bsgrub pa'i sngags so// tsan+dan dmar po byug pa'i maN+Dal steng du tshogs bdag bzhugs/ me tog dmar pos mchod pa bya// lha klu mi yi bu mo yis// bdag la bkur sti byed par 'gyur// bud med thams cad dbang du sdud// gang gi bsgrub pa'i rnal 'byor pas// thugs kyi tshogs bdag nag po bsgrub// dur khrod ras la sku bris te// mdun du maN+Dal steng du gzhag/ mi sha mar khu 'bras la sogs// gtor ma thod par bshams la 'dul// rang nyid pad+ma dbang chen bsgom// mdun du tshogs bdag glang gdong nag/ ral gri g.yas la thod pa g.yon// rtsangs pa zhon pa bsam par bya// oM hri dzaM be mo hri stam b+hi a na d+hi hUM hUM hUM/ ha ha ha/ bi nA ya ka ha ti b+hi sha tsi ba liM g+h+r-ih+Na gr-ih+Na hUM phaT/ 'bum tsho gsum bzlas gtor ma 'bul// mi sha glang khrag mar khu yis// sbyin sreg khri 'bum dngos su yang // de la gang 'dod dngos grub blangs// gsad par 'dod na btsan du gdang // gu gul tsha dang dgra yi ming // mar ngo'i bcu bzhi'i nub mo la// tsher ma'i hom du khri tsho gcig/ bsreg na zhag bdun dag na gsod// de yi gsang sngags 'di bzlas so// oM hri pi nA ya ka che ge mo sha tAM

  32. 341b

    na sha ya staM b+ha mA ra ya hUM phaT/ rnal 'byor gang zhig grub pa pos// yon tan tshogs bdag ser po bsgrub// rin chen gser sogs rdzas la// tshogs bdag ser po sbrel mgo can// phyag gnyis thal mo sbyar bar bya// khong du rin chen 'bru spos dang // dar zab sngags dang bcas pa gzhug/ maN+Dal gru bzhi ser po yi// steng du bzhag nas mchod par bya// sngags 'di bzlas na 'dzam gling gi/ longs spyod nor gyi char ba 'bebs// gu gul dud pas rtag tu bdug/ IM rat+na rat+na rat+na rat+na ga Na pa ti ga ga ga ga ga ga ga ga ga Na pa ti tsu ru tsu ru ma nu pa tra ru ru ru ru ga Na pa ta ye ga Na pa ta ye swA hA/ bsnyen pa go brgyad pa'i sngags so// au badz+ra a ru ru sha ma hA gu ra be/ ma ma puSh+Ti ku ru/ A kaR+sha ya hUM dzaH/ sgrub pa'i sngags so// 'dod pa'i longs spyod ma lus dang // gter chen po yang rnyed par 'gyur// gang zhig rnal 'byor sgrub pa pos// phrin las tshogs bdag nag po bsgrub// tshogs bdag nag po glang chen mgo// phyag bzhi zhabs ni brkyang bskum bzhugs// g.yas pa mche ba zhags pa 'dzin// g.yon pa dgra sta kha T+wAM bsnams// yum ni phag gdong dgra sta kha T+wAM dang // b+han+na khrag bkang zhal du stob// IM na mo ga Na ba d+he dzaHya ba ra ne dz+hi ba tri ya swA hA/ 'bod pa'o// rU pa bak+Sha bi nA ya ka me ra hUM/ tri na ga b+he the su ru b+ha hUM phaT/ yak+ka ka la ma

  33. 342a

    hA b+he ra be tri pra tsa sha rbur+the dzar+the dza/ rbad pa'i sngags so// yak+Sha ka la/ ma hA b+he ra be de ba yak+ka ma/ nA ga che ge mo zum ril ya/ rbad pa'i sngags gnyis pa'o// nA sha ya na sha ya/ se ga ya sa sha ya/ tsA ra Na tsA ra Na/ tra sa ya/ na ga ya ka tra sha ma ra ya/ ha na tsakra/ ha na tsakra/ bi na ya ka dzi bi tAn+ta ta ka rA ya/ che ge mo ma ra ya hUM hUM phaT phaT/ gsad pa'i sngags so// oM b+hi g+ha b+hi ba b+hi sarba biR+sha bi sha ya/ hri da yA hrihr-i da yA/ tsi tu ba tu/ sra ma du ta ya/ ha na ha na gr-i h+Na gr-ih+Na/ pa tsa pa tsa/ b+hU ma b+h+ra ma/ b+h+ra ma ya b+ha ya ma/ hUM hUM phaT phaT/ gsang ba'i sngags gnyis pa'o// rbad sngags gnyis ni nyin dang mtshan// dang po dgra bo srog nas 'dren// gnyis pa dgra la zad par bya// gsang sngags gnyis ni nyid dang mtshan// dang po gsad pa'i gsang sngags yin// gnyis pa thun gyis gsad pa'i sngags// dkyil 'khor gru gsum nag po ru// dgra gzugs spra tshil ras byas te// de yi snying gar ming rus gzhug/ dgra rdzas rnyed tshad de la byug/ la du la phug nya sha dang // sgog btsong 'bras chen dkar gsum dang // mngar gsum sbyar ba'i gtor ma dang // ce spyang thod par skye tshe dang // nyung dkar nyung nag zi ra yis// thun bya ling+gar brab par bya// tha mar bka' rten 'og tu gnan// dgra bgegs 'byung po dbang du byed// tshogs kyi bdag pos 'dul bar

  34. 342b

    'gyur// zhes gsungs so// pad+ma dbang chen dregs pa dbang sdud kyi rgyud las// tshogs kyi bdag pos dbang du sdud pa sku gsung thugs yon tan phrin las kyi le'u ste drug pa'o// // de nas bcom ldan 'das kyis spre'u'i rgyal po ha lu man+t+ra'i sgrub pa 'di gsungs so// shes rab snying rje ldan pa yis// dbang dang dam tshig thob nas ni// sems can kun la snying rjer ldan// de lta bu yi gang zag gis// rgyal gyi nyin/ par sku gzugs 'cha'// de yang snga dro'i dus su shis// rab ni gser dngul zangs dang lcags// 'bring ni spre'u shing zhes bya dang // bra ma tsa ra'i shing la bya// tha ma rdzas dag la byas// dbang dang dam tshig ldan pa yi// bzo bo mkhas pas bya ba yang // tshad ni rtse sor brgyad pa la// dbyibs ni zhal gsum phyag bzhi pa// rtsa zhal dbus ma spre'u gdong dmar// g.yas pa khyung gi mgo ni ser// g.yon pa seng ge'i dbu yang dkar// phyag g.yas dang po rin po che// g.yon pa 'bras bu can gyi shing // 'og ma gnyis ni thugs kar ni// thal mo khong stong sbyar ba la// spre'u'i zhabs gnyis tsog bur bzhugs// sku mdog ser po mjug ma can// legs par byas nas dbang po tshang // gdan ni bum pa pad+ma dang // brag gi steng na bzhugs par bya// sku gzugs khong stong nang du ni// spre'u'i snying dang rin chen lnga// byi ba'i pho mtshan 'bru sna lnga// snying po

  35. 343a

    lnga dang sman lnga dang // dri sna lnga dang tsan+dan dmar// dar zab gu gul dkar po rnams// nang du bcug la zhabs sdom bya// de la g+ha las sku bskyed nas// spyan drang rang rgyud bstim mchod de// rten 'brel snying po bzlas nas ni// dben pa'i gnas sam mchod pa'i gral// maN+Dal steng du bzhugs su gsol// yi ge g+ha las sku yang bskyed// rang nyid yi dam rta mgrin sku// thugs ka'i nyi ma'i dbus nyid nas// hrIHlas 'od zer 'phros nas ni// rang rgyud gnas nas 'gugs par bya'o// yi ge hrIHdmar 'od dpung ste// nub phyogs snang mdzad zhing khams nas// kha sar pa Ni'i nus mthu rnams// mdun gyi spre'u la thim pas// sku gsung thugs su byin gyis brlab// de dus oM AHhUM zhes brjod// kha sar pA Ni thugs rje che// de yi byin rlabs sprul pa yi// spre'u ha lu ma d+ha yi// srog nas drong pa'i sngags 'di yin// oM ba ra ha ya gri ba ha lu man d+hA sA ha/ bzhi gsum bcu gnyis ngo bo las// mgo mjug 'bru bzhi ldan pa ni// bsnyen pa'i sngags zhes bya ba ste// gsang sngags chen po rang srog yin// bsnyen pa 'bum du bzlas pas na// bud med thams cad dbang du 'du// bsnyen pa nyis 'bum bzlas gyur na// skyes pa pho rnams dbang du sdud// bsnyen pa sum 'bum bzlas gyur na// 'jig rten nor rdzas dbang du sdud// 'di dus thal

  36. 343b

    sbyar phyag gi nang // spre'u la spos kyi rengs bu dbul// bsnyen pa them par gyur nas ni// skar ma rgyal gyi dus su'am// yang na zla stod bco lnga la// mchod pa gtor ma rgya chen 'bul// kham bu'i gtor rgyan la phug dang // 'bras chen gtor ma dbul bya zhing // rtsa sngags bsnyen pa'i mjug tu yang // dngos grub blang ba'i sngags 'di gdags// rat+na rat+na sid+d+hi sid+d+hi/ pha la pha la/ ba shang ku ru/ ba su d+ha ra/ puSh+TiM ku ru swA hA/ zhes gsungs so// pad+ma dbang chen dregs pa dbang sdud kyi rgyud las/ byang chub sems dpa' spre'u'i rgyal po ha lum d+ha dbang sdud kyi le'u ste bdun pa'o// // de nas bcom ldan 'das kyi sku gsung thugs kyi mkha' 'gro mas dbang du sdu ba 'di dag bsgrub par gsungs so// rdo rje rin chen pad+ma yi// mkha' 'gro rnam gsum bsgrub par bya// sku yi rin chen mkha' 'gro ser// gsung gi pad+ma mkha' 'gro dmar// thugs kyi rdo rje mkha' 'gro nag/ kun kyang zhal gcig phyag gnyis te// g.yas pa yid bzhin nor bu la// g.yon pa gter gyi bum pa bsnams// de yi gsang ba'i thugs kyi sngags// oM na ma su tri mu khri ma hA bi sha tsirna ye swA ha/ nor 'du ba'i sngags so// oM gr-i na ba na ma hA bi sha tsi ne ye swA hA/ zas 'du ba'i sngags so// oM mi li ki li se li ki swA hA/ gos 'du ba'i sngags so// de nas gtor ma bya ba ni/ chang

  37. 344a

    gau chang bu gsum byas nas// moM dang aHdang hUM zhes pa// byin brlab bdud rtsi gsol dgyes bsam// sgrub pos 'di skad brjod la dbul// mkha' 'gro ma khyed gsum gtor mas mchod pas/ nor dang zas dang gos kyis mi phongs pa'i dngos grub dang / de nyid chos dang mthun pa'i grogs su mdzad du gsol// zhes brjod gtsang sar gtor ba yis// sems can rnams la ci 'dod pa// gtor ma de las 'byung bar bsam// tAM las rin chen phung por bsam// pad+ma dbang chen dregs pa dbang sdud kyi rgyud las/ mkha' 'gro ma rnam pa gsum gyi dbang du sdud pa'i le'u ste brgyad pa'o// // de nas bcom ldan 'das kyis gnod sbyin gzhan gyis mi thub pa'i sgrub pa 'di gsungs so// dang po sgrub par 'dod pa yis// byang phyogs gnas su dkyil 'khor ni// gru bzhi pa yi rnam lngas byug/ de dbus dmar la zlum pa bshos bu dag la ri bong snying // le'u brgan dar yang gdags par bya// hrIHlas gri gug 'od zhu bas// gnod sprin gzhan gyis mi thub dmar// gri gug g.yas la thod pa g.yon// ne'u le'i rgyal pa mtshan khung bkal// yab yum nor sbyin sku mdog ldang // rin chen g.yas la rkyal bu g.yon// spyan drang bzhugs mchod sngags 'di bzlas// IM hri a pa ra dzi ta yag sha hUM/ oM u ma ri hring hring dza dzaH'bum tsho gsum

  38. 344b

    du bzlas par bya'o// rdza yi ga'u la sbyor du// pho mo'i 'khor lo rtsibs brgyad bri// gser dngul bye ru mu tig shel// dkar gsum mngar gsum blug la bzhag/ nya nas gzug la nya la gdon// grangs them dkar gsum mngar gsum za// ga'u dben par sba bar bya// ma d+ha la tsan+da chu yis bsil// oM hrIHIM hUM/ a ba ra dzi ta hrIH/ hUM u ma ri hring hring / dzo ba ri dzo ba ri hring hring hUM hUM/ a ka sha ya dzaHdzaH/ shIn+tiM ku ru puSh+Ti ku ru swA hA/ bud med 'du dang nor 'phel dang // dgra yi gnod pa mi 'byung dang // lha min rnams kyis gter char 'bebs// dkar gsum 'bras chan khu ba sha/ shing thog bzang drug gtor ma chang // 'bru gsum sngags kyi byin brlabs nas// rdo rje gsum gyi phyag rgya byas// IM a pa ra dzi ta yag sha hr-i u ma ri hr-i hr-i hUM hUM/ ba liM ta a mr-i ta kha kha khA hi khA hi/ mA ra ya mA ra ya/ pa tsa pa tsa/ ha na ha na/ sha truM pa tsa ya/ shIn+taM priSh+Ti ku ru swA hA/ sngags bdun brjod la gtor ma dbul/ au 'dod pa lnga la longs spyod cing // khams gsum dbang du sdud byed pa'i// ci bsam lhun gyis 'grub pa yi// dngos grub chen po bdag la stsol// tshig 'di zangs kyis bris nas ni// gung mo bar du bcug byas na// nya yi nub mo kho 'ong bas// rnal 'byor mi smra brtan par bya// smras na bar chad chen po 'byung // bla ma mched la gnod pa dang // sangs

  39. 345a

    rgyas bstan pa bsrung ba la// dkyil 'khor gru gsum nang du ni// ri bong thod pa bzhag byas la// lhag par pha dang mes po bri// rna ba g.yas pa pha spun la// g.yon pa la ni bu sring bri// kha ru ming rus gang yin gzhug/ IM ya sha a pa ra dzi ta che ge mo A kaR+sha ya dza dzaH/ dgug pa'i sngags so// a pa ra dzi ta 'ub tre ya yA/ gzugs la dbab pa'o// rbad bu ni rbad bu ni tsit+ta la dza dzaH/ yag sha che ge mo thum laM thus ril rbad dza dzaH/ yag sha tshal pa tshal ba yA yA/ che ge mo ma ra ya a ba ra dzi tas sod sod// nyung dkar nyung nag dug khrag dang // skye tshes brdeg cing zla gcig bsgrub// dmag dpon byed dang srog chags bshas// a tsar bskor ba byed pa na// ling+ga me la bsreg par bya// thal ba chu la bskur bar bya// dgra bo myur du 'chi bar 'gyur// pad+ma dbang chen dregs pa dbang sdud kyi rgyud las/ gnod sbyin chen po a pa ra dzi ta sgrub pa'i thabs bstan pa ste le'u dgu pa'o// // de nas bcom ldan 'das kyis byang chub sems dpa' spre'u sgrub pa 'di gsungs so// thugs rje chen po'i sprul pa ni// byang chub sems dpa' spre'u ru bstan// dang po byang chub sems bskyed nas// stong pa nyid kyi rang bzhin las// A~M las byang chub sems spre'u// g.yas na ri bong 'dzin pa la// g.yon na shing lo 'dab mas 'dzin// sngags

  40. 345b

    'dis de nyid bskyed par bya// oM sid+d+hi wa rna mu kha ma// rang 'dra spyan drang bstim mchod 'bul// mo b+ho tre b+ho tre/ ma b+hi sha ma b+hi sha/ ma dza ra ma dza ra hUM phaT swA hA/ lag mthil mchil ma blugs nas ni// rang gi srin lag g.yas pa yis// smin phrag dag tu thig le ni// lan grangs nyi shu rtsa gcig bya// gnod pa kun las bsrung bar 'gyur// gal te thig le 'chor ba na// lus kyi gzugs kyis bsrung ba la// shing la pho mtshan gzugs bya la// sngags bris gur gum chus byugs la// rang gi sked par gdags par bya// khye'u bu mo gtsang ma ni// chags pa ma spyad gzhon pa yis// bkal ba'i skud pa gsum sgril la// mdud pa bdun nam gsum byas nas// brgya'am stong btab ske la gdags// yang na khyi yi rnga ma dang // ra dag gi ni og zhol dang // ra pho'i rmang kha'i spu gsum la// skud pa byas nas sngags bzlas te// sked pa dag la gdags par bya// nga yi sngags 'di bzlas pa bya// oM ha ra ha ra/ b+han+da ni/ shu kra d+ha ra ni/ si ra the swA hA/ yang ni sa bon 'dzag pa la// seng ge dkar mo'i zag pa gcad// rang gi bu sring 'doms kyi spu// khyi mo'i mjug spu'i skud pa yis// gang 'dzag gsang ba'i rdo rje bcing // seng ge dkar mo'i lcags thag gcad// gsang ba rdo rje'i gzugs bris nas// sngags bris bu mo gtsang ma yis// skud pa bkal nas 'khor

  41. 346a

    lo de// brgya rtsa brgyad bzlas rang sked gdags// oM shukra d+ha ra d+ha ra swA hA/ g.yon du bris pa'o// oM shu kra d+ha ra d+ha ra hUM hUM swA hA/ g.yas su bri ba'o// 'chang ba po ka s+ya rak+Sha rak+Sha swA hA/ dbus su bri ba'o// oM a na lha 'tshug 'tshug swA hA/ rtse mor 'khor lo bri ba'o// rdo rje che ba'i man ngag la// thar nu re'u lcags lan tshwa dang // bong bu'i gsang tsher zo 'jor dang // khyi yi gsang tshil sbrang rtsi sbyar// byugs shing mnyes nas bskam par bya// rdo rje mi ldang bsrung ba ni// rdo rje'i gzugs ni bris nas kyang // sngags bkod ngor rtar gdags par bya// des ni ldang bar 'gyur ba yin// ta ra so phul/ 'bras bu g.yon pa'i rtsa bar bri ba'o// h+ya then then then/ 'bras bu'i dbus su bkod pa'o// mo ri/ pho phul/ 'bras bu g.yas pa'i rtsa bar bri ba'o// thas has khyi sing lang lang / 'bras bu gnyis kyi bar du bkod par bya'o// b+hi mo khyi gang le lang la/ g.yon du bri'o// khyi kha la ni lang lang / g.yas su bri ba'o// ma he so ni par lang lang / dbus su bri'o// ba bed bad bad/ 'khor lo la bri'o// pi sa ra za kha la bri'o// pad+ma dbang chen dregs pa dbang sdud kyi rgyud las/ lus zungs dbang du bya ba rtsa ba rang gsang gi le'u ste bcu pa'o// // de nas bcom ldan 'das kyis rdo rje phub khur zhes bya ba 'di gsungs so// dbus su A~M gyi khog pa na// lus

  42. 346b

    ngag yid kyi srung sngags bri// gru bzhi logs la sngags kyis brgyan// oM gyi mgo mjug ngos su ni// brnag pa'i ling+ga gnan par bya// logs gnyis rdo rje mtshan par bya// zur bzhir sde brgyad bdud dang ni// klu dang sa bdag bsrung bar bya// de yi sngags ni 'di yin no// badz+ra hUM sang ha kha ma/ badz+ra kA ya/ badz+ra bA ka tsit+ta badz+ra ha ri sang sang / rdo rje'i rgyal po'i lus ngag yid gsum la ka s+ya ye rak+Sha rak+Sha/ A~M gyi khog par bri ba'o// sang sang her he ra b+ha dzo/ ne lo khi khi/ ka la sad mo ni na ti/ dz+nya ba kyi/ gru bzhi'i lcags ri'i nang du bri ba'o// tsakra badz+ra he ru ka rak+Sha/ he badz+ra mu seng kha rak+Sha/ ta lo le sa ra rak+Sha rak+Sha/ ma sa dz+ha rak+Sha rak+Sha/ zur bzhir shar du bri ba'o// lam lam bdud/ lim lim klu/ phem phem sa bdag sa ma ya sde brgyad/ zur bzhi bri ba'o// pa ra ya/ se ba ra ni/ kang kha mo ni/ ba ra ya/ 'og tu bri ba'o// 'khor lo nam mkha' bskor byas na// lha srin gnod pa dbang du byed// sa la brdung na klu rnams brgyal// shog dril mgul du btags pa na// rdo rje'i phub khur lta bu ste// cis kyang tshugs par mi 'gyur ro// thams cad dbang dusdud par byed// dregs pa dbang sdud chen po yin// spre'u thal sbyar byang chub sems// spyan ras gzigs sbrul chen po ste// g.yas na kham shing 'dzin pa la// g.yon na 'khor lo 'phyar bar

  43. 347a

    bsgom// pad+ma dbang chen dregs pa dbang sdud kyi rgyud las/ rdo rje gur phub kyi le'u ste bcu gcig pa'o// // de nas bcom ldan 'das kyis 'khor 'das kyi chos thams cad nyid kyi ngang du rdzogs par bya ba'i phyir/ gsang ba'i man ngag 'di dag gsungs so// rnam par shes dang bem rig las// mgal ma ma thag bde ba spro// sgo nga dag la brten pa yi// dmigs pa de la gsal ba na// mi rta chu dang 'o ma bzhin// yul la 'brel nas byung ba ste// snang dang mched grogs nyer thob pas// gsum gsum dag tu gsal ba stong // snang stong gnyis med phyogs dag pa// gser gyi ba thag 'dra bar bya// g.yas pa me la g.yon rlung dang // gnyis pa brdal chu khams kun stong // gtso dang 'khor du gang byung ba// lo zla zhag dang nyi ma las// srog dang rtsol ba bsgom par bya// gsang stong rtogs par gyur pa na// spyi mgrin snying lte gsang ba ru// dga' bzhi brgyad gnyis yab yum las// lhan cig skyes pas bde chen bzlas// rig pa kun khyab srog la byung // mi rtogs thabs kyi gnas su tshud// bde ba ye shes 'char ba'o// rang byung ye shes chen po yin// pho mo ma ning zod rgal gzung // tsha grangs rus pa yon tan zin// du ba smig rgyu srin me dang // mar me nyi ma lus sems mthong // rdo rje'i bzlas pa de ltar bya// gru gsum las ni gzhan

  44. 347b

    bzlas pa// yid bzhin nor bu lta bu'i oM// lnga pa'i dang por bzhi gsum sbyar// lnga pa'i tha ma lnga dang po// steng du i zhes bya ba dang // bzhi yi dang po bdun pa'i gsum// de la i yis spras pa ni// bzhi pa'i dang po is spras te// bdun pa'i tha ma gnyis blangs pa'i// tha ma i yis brgyan par bya// gnyis pa'i dang po dang po'i gsum// de sbyar dang po drug gnyis spras// lnga pa'i bzhi pa lan gnyis blangs// de la drug pa'i dang po ni// gnyis sbyar oM gnyis brgyan par bya// bdun pa'i bzhi pa lan gsum la// u gsum sbyar nas thig le gsum// lnga pa'i gnyis la bzhi'i dang po// de gnyis spras pas bcu bdun pa'o// bzlas pa'i sngags rnams 'di las byung // ka kha ga g+ha nga/ tsa tsha dza dz+ha nya/ Ta Sha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha/ a A/ i I/ u U/ e ai/ o o/ aM aH/ zhes gsungs so// pad+ma dbang chen dregs pa dbang sdud kyi rgyud las/ rlung rdo rje bzlas pa gsang sngags bsdu ba'i le'u ste bcu gnyis pa'o// // de nas bcom ldan 'das kyis thugs las hrIHzhes brjod pas/ pad+ma he ru ka don yod pas// g.yas dkar g.yon sngo dbus dmar zhal// rta mgo ljang gu hrIHbrjod pa// g.yas na rdo rje kha TaM ga dang cang te'u// g.yon na me dpung zhags pa thod khrag bsnams/ yum gzi

  45. 348a

    ldan ma dang 'khril bar gyur nas/ nyid kyi 'khor rnams la bka' stsal pa// rnam par rtog bral gdod nas skye med dbyings// ma bcos mtha' yas chen por gsal// mnyam nyid bde chen byang chub sems kyi mchog/ smra bsam yul 'das mtha' dag 'od gsal zhing // de lta'i chos kyi sku la gnas bzhin du// dmigs med yul bral snying rjes yongs la khyab// mkha' snang stong pa'i cho 'phrul gsal mdzad cing // de lta'i longs spyod rdzogs pa'i skur bzhengs nas// dri med thugs rje'i 'od mdangs gsal ba yis// thugs kyi rtags ston 'od zer rgyal ba'i sku// rnam gsum sems dpa' gsang sngags 'od phreng tshogs// chags pa'i skyon bral ye shes lnga yi mdangs// dkyil 'khor sna tshogs 'byung ba'i rgyu nyid de// rkyen gyi sngags bcas ma lus gsal bar byed// de lta'i sprul ba sku ru shar ba yis// dbang sdud dbang gi rgyud chen gsungs pa ni// zung la mtha' yas 'gro ba'i don du spyod// ces gtad pas 'khor thams cad kyis rjes su 'dzin par gyur to// pad+ma dbang chen dregs pa zil gnon dbang du sdud pa las// rgyud gtad pa'i le'u ste bcu gsum pa'o// // dbang chen dregs pa dbang sdud kyi rgyud rdzogs so// gu ru pad+ma dang kha che A nan+das bsgyur ba'o// // dbang chen 'dus rgyud dam gal por grags pa/