sku gsung thugs yid la mi byed pa zhes bya ba
Kāyabākacittaamanasikaranāma
Text
ff. 89b–95a · 12 folio sides
- 89b
gus dang dang bas bla ma dkon mchog brten// gsang ba'i yon tan bla ma mchog las byung // don ldan mtshan nyid nyon mongs g.yul las rgyal// gsang ba'i don nyid don dang rab ldan pa'i// bla ma slob dpon lung dang rab ldan nas// mi gnyis sgo nas 'gro bgrol 'gyur shog// thugs kyi mdzod skye med rdo rje'i glu snying po gsang ba'i don// dpal sa ra hA pa'i zhal nas gsungs pa rdzogs so// gas / 'das kyad pa shes rgya bas sa pad pa zhugs/ @#// rgya gar skad du/ kA ya bAka tsit+ta a man si ka ra nA ma/ bod skad du/ sku gsung thugs yid la mi byed pa zhes bya ba/ mtshan ma rab tu mi gnas pa la phyag 'tshal lo// rdo rje 'dzin pa la phyag 'tshal lo// gang nig sku yi khyad par bdud bzhi rab tu 'joms mdzad cing // rnal 'byor rnam par grol bas mdzad pa gang gis ni// 'dod pa'i don ni yang dag sbyin par gang 'gyur ba/ 'gro la byams pa'i cha lugs mchog gi don ston pa// don dam rab tu mi gnas dgongs pa rgyal ba'i thugs// gang gis sems la 'di kun bsam du med do kye// khyod ni phrin las yan lag mang po ston mdzad cing // dgyes shing nam mkha'i khams kun thams cad 'gengs par byed// gsung mchog yan lag drug cus sgra skad sna tshogs sgrogs// thugs kyi khyad par dgongs pa dbyings las mi bskyod kyang // thams cad tshim zhing mgu nas rab tu ston par byed// byams dang snying rje gdugs kyi dkyil 'khor gsal bar ston// ma hA de ba u ma de ba rab tu 'joms par byed// phyogs bcu dus gsum sangs rgyas kun gyi bdag nyid de// thar pa'i sgo ni rnal 'byor rnams kyi lam 'di nyid// gang yang gtso mchog ldan pa'i sbyor ba dag gis rab tu mi dbye bar// rnal 'byor chen po tha mi dad pa yin// gang gis de ni mi shes pa'i// dri ma'i
- 90a
tshul gyis gang yang mthong ba med// gang gis de kun 'chang bar byed pa de yis ni// gzi mdangs gnyis las brten te las kun ston par byed// bdag med ro gcig khyab par byed pa'i gzugs/ ldan ni// 'di na mi gnas kun kyang 'gro bar byed// sngags dang mdo sde kun gyi rgyal por dbang bskur bas// 'di dag kun gyi rtsa ba yid la mi byed par// khyed kyis gcig dang gnyis la ma sems kye// kun rdzob dran pa'i cho 'phrul sna tshogs par ston pa// don dam mi dmigs pa yi dbyings su ro gcig nyid// dug lnga la sogs nad kyis nyen pa'i mun pa sel// thog ma'i mtha' dang tha ma'i dngos gzhi ma mthong bar// 'dus ma byas la yid kyi dmigs su med do kye// gzung 'dzin gnyis kyi bar na ming dang bral 'dug pa// yan leg log na gcig gi ngo bo nyid// shes par bya dang bya'o cog gi tha snyad kun// 'di las gzhan du lta ba mtshan mas myong bar 'gyur// sgra gcan zin gyis zla ba zos pa ji bzhin te// ma mthong ba nyid byis dang bar nas shor bar 'gyur// yengs dang gnas pa'i bar na ngo bo 'di zhes med// rgyu med rkyen bral skye ba med pa gnyis par na// log par lta ba'i tshogs kyis 'di la gzhol du med// gi waM gur gum tsan dan thig le bris pa bzhin// zla ba bzang po rgyu skar 'od kyis 'gebs pa nyid// snying po'i bod kyis yan lag zil gyis gnon par 'gyur// 'di nas 'dir zad ces 'di byung brtags dka' nyid// gang gis nam mkha' dag la longs spyod pa'i// 'dod pa'i yon tan 'di la 'phel 'grib med par 'byung // gang zhig nor bu dri ma med pa 'chang ba yi// sems kyi yon tan gter chen 'di las 'byung 'gyur te// mthong ba med pa'i tshul gyis rtag tu blta ba nyid// chos nyid mtshon pa'i ngo bo 'di zhes 'das 'gyur ba// blo mchog rnams
- 90b
kyis kyang ni pibs par nus ma yin// gnyis med tshul gyis de bzhin gshegs gang nyid// 'di nas song ba gang yang med par shes pa de// 'di ni mi gnas gang na'ang gnas pa med// yul med 'di la rtag tu lta ba dang bral nyid// 'odi nas gang du 'gro ba'i phyogs rnams de kun na// 'jigs par byed pa'i sgra yis mkhyer bar// ci bde ba dang lhan cig dag tu byos// kye'o grogs dag 'di la sems gnyis yod de med kyi brtag pa kun// rnam rtog rlung gis bskyod de smon pa'i tshig du 'gyur// spro bar gur nas rgya mtshor ldang ba nyid// tshangs pa rdul dang mtshan ma'i mun pa dag dang ma bral ba// de nyid gnyis bral rtog par 'dod pa gang // rgya mtsho sa dang gshag mAr nor bu 'gyur mthong nyid// brtul zhugs mya ngan 'da' ba'i spyod pa gang byed pa// 'di ni mi shes de 'drar ston par byed// bden pa gnyis bral sgo skur med pa'i gzhug ma gang // gang du mthong ba med pa de yin te// ngos por grub cing 'di la rang bzhin med par 'gyur// gang gis ma mthong ba las de ni rgyal bar 'gyur// theg pa gsum gyis mya ngan 'das ston pa// 'di ru ma shes de nyid mthong ba med// rnam grol lam ston bye brag gang du'ang phye ba med pa de// byis pa rnams kyis shes par 'gyur ma yin// gang zhig 'di 'dod chags dang bral bar rtogs pa de// sdug bsngal gsum 'am brgyad la sogs pa kun spangs nyid// bden pa gnyis las mi 'da' thabs tshul sna tshogs kyis// 'gro ba'i don mdzad 'od zer g.yas g.yon rab tu 'gyed// bul ril kha srub ma dag pa nyid dag ston pa// tshang tshing 'brel pa'i yul drug la sogs rab tu 'joms// thams cad mkhyen ldan sus kyang mthong ba med pa de// grags pa la sogs kun gyis bstod dang bskyod pa med// kye'o 'di ltar gnas na kun gyis shes
- 91a
'gyur te// thog mtha' med nas srid pa'i rgya mtsho g.yengs 'gyur ba// sdug bsngal nyid kyi rtsa ba 'di ru byas// 'di la shes dang nyon mongs la sogs pa'i// dri mas ma gos 'dam gyi pad+ma bzhin// kha dog ma 'dres yul la so sor snang // sgyu mar rtogs tsam gar mkhan mig 'phrul bzhin// 'du byed sna tshogs gang la bsags pa de// blo bur rten 'brel dag las goms pa'i stobs// 'di goms gang yang shes par mi 'gyur te// ma goms pas na thams cad shes par 'gyur// 'dres pa'i chos ni gang yang gnas par mi byed do// sku gsung thugs dang phyag rgya la sogs rim pa kun// 'di la skad cig tsam du rtogs par ma byed cig/ 'jig rten bstan bcos dag dang glegs bam gyis// gsung gi bdag nyid brjod par bya ba min// nyi ma zla ba gnyis su gnas gyur pa// de dang gcig tu 'dres par gyur nas ni// gang gis gang spyod de yis rab tu brgyan// skye ba med pa'i rnam par nges brjod pa'i// dbus su brjod pas mtha' rnams rab tu spangs// ji ltar bstan pas go bar mi 'gyur ba'i// 'jig rten khams su gtan 'byams rigs chad de// bag chags las kyis man rab mtshor rabs// chos nyid dri ma med pa'i don mi mthong // gang yang 'di dang bral ba med pa de// dran 'dzin lus las myur du skad cig grol// rdo rje'i sems ni yongs su brtag dka' ba// sems la sems su ma mthong ro bsnams nas// phyi nang bsam gtan rtse mos btags pas stong // rnal ma'i don la gnas pa'i rnal 'byor ni// ye shes shes rab gsang ba'i dbyings la rdzogs// rang gis ma mthong mtshan nyid kun ldan zhes ni bsngags pa brjod 'gyur ba'i// dran med mnyam pa'i dbyings la skur gsal mos pa med par spyod// thugs rjes mi gzigs sku gsung thugs kyis ma gos pa// gnyis su ma mthong gsum gyi dri ma bral/
- 91b
sna tshogs par sdang gang la ngos gzung med pa ste// lus ngag yid gsum 'bad pa'i rtsol bas gdungs par ma byed cig/ ngas ni rdo rje'i glu dang long gtam rgyob gsod dang // 'gro ba kun gyis shes pa dag dang gar ba der spyod// / mi bsgrim mi blta mi spyod 'di dang 'brel ma myong // ye nas ma bcos thams cad 'byung 'jug go 'phang // kye'o sna tshogs gang yang rung ba 'di la bsam pa'i sems bral bas// yid kyi rtog pa sna tshogs 'di ni dran pa'i sems yin te// gang yang gzugs dang rtsa ba med pa dag las skyes pa yin// tha mal shes pa ma bzung bde chen rgyal po nyid// mtshan nyid cir yang ma mthong phyogs cha kun dang bral// 'khrul pas brtags pa'i bsam// brjod 'di ni glo bur te// blo las byung phyir blo yi bsgom drug la yod// gang la yan lag med pa de nyid kun gyi khyim du ltung bar 'gyur// ga ba'i tshe na ci yang med pa ste// dngos kun ci yang gsal ba mthong ba med// gang la mya ngan 'das dang srid pa kha sbyar ba// gnyis su snang ba khyod la brten dang 'byung bar 'gyur ba yin// rgyal ba la sogs kun du sprul pa sna tshogs ston mdzad pa// dag pa'i rigs rnams kun la khyod kyis spyod// mi bsam thugs rje rang 'byung sprul po ni// nor bu rin chen lta bur 'phel 'gri ba med par 'byung // dngos po med pas nams kyang rtogs min pas// btang bzhag med cing rang bzhin rnam par grol// 'dzin med yid la bya med/ rnal 'byor bsam gtan nyid// gang la mi bsgom btsal ba med pa de// bsam du med pas yid la mi byed ro snyoms kyi// ye shes mkha' 'dra bsam bral ma bcos snying po'i don// 'di la blo yis bsam zhing brjod du med do kye// ye btang rang yan tshogs drug lhug pa'i spyod pa 'di// tshegs drug rjes su sbyor ba'i mkhas pas btang gzhag med// kho na di ta kyi rnal 'byor lhag pa'i bsam bral bas// de bzhin nyid la mi gnas
- 92a
gang la rang bzhin med par grol// 'od gsal rdzogs dang thim dang 'gags par 'gyur ba gang // ji ltar bsgoms dang chags par 'gyur ba mtshan ma ste// phung po khams dang skye mched yan lag thams cad kun// / gcig gi dbyings na mi mngon phra ba'i tshul du gnas// rgya mtsho'i dbyings nas nor bu rin chen rnyed 'gyur ba// chu srin dung dang gdug pa can gyis mthong mi 'gyur// phrag dog srid pa'i nyon mongs la sogs pa'i// mtshan ma'i dbyings nas yongs bzung med par mthong // gsum la sogs pa'i sgo nas 'jug par byed pa ni// rnam rig bden pa gnyis kyi sgo nas rtsol bar byed// ji ltar snang bzhin 'jig rten tha snyad lam// rnam thar sgo gsum bslab pa rnam pa gsum// mtshan ma'i yid la byed pa'i rnal 'byor te// rnal 'byor chen po 'di la gnas mi byed// gang zhig shel sgong dag pa lta bur ni// dri ma gnyis bral srid dang 'das grol te// rin po che ltar dgos 'dod thams cad 'byung // yongs su zad pa zad phyir mtshan nyid med// dngos med bden pa gnyis bral gcig gi dngos po stong // mtshan ma thams cad ye nas med pa'i phyir// mthong thos la sogs mtha' yi rtog pa med// med la med/ par 'dzin pa tha snyad de// 'di ni tshor bar nus pa ma yin no// 'di ni rtsa ba kun gyi rjes su rtog par ba byed cig/ 'di la gang tshe rtog par byed pa dang // bskal par bgrad kyang de nyid rnyed pa min// mgal me rngub shing lta bur me mched 'bar ba bzhin// 'di kun mched nas thams cad sreg par byed// kye'o grogs dag rgya mtsho nor bu lta bu'i sems ni 'di nyid yin te// kye// ma he'i rA ru seng ge'i 'o ma gang blugs pa// nor bu rin chen 'bar ba de yis thob par 'gyur// nyon mongs pa rnams nyi mas rab tu skams pa'i 'od zer 'di// ngan 'gro la sogs log par lta bas 'jigs pa med pa de// gang dag rnyed pa de dag gzhal gyis mi lang ngo // ji ltar chos kyi dbyings su
- 92b
snang ba de srid du// zag pa med gang thams cad de yis spyad pa yin// dug sbrul pag rgod glang chen seng ges zos pa bzhin// de bzhin srid dang mya ngan 'das pa khyer ming brdas// bskal pa brjod du med pa brgya stong dum ru// nyon mongs la sogs bsags pa'i sa bon ni// sems gcig snang bar 'gyur bas 'bras bu gcig tu log par 'gyur// sgron me khang bur nor bu gnas gyur pa'i// 'od kyis thams cad zil gyis mnan par 'gyur// dman pa'i lha spyod nyan thos la sogs pa'i// sems de yang dag blangs nas 'jug par 'gyur// 'di la gang na byang chub sems dpar gyur pa de// rdzogs pa'i sangs rgyas dka' bar 'gyur ba ma yin no// sems kyi skad cig 'di la mtha' yas su med de// yan lag thams cad kad cig 'di la log par 'gyur// chos rnams thams cad khon nyid la rdzogs par 'gyur ba yi// gzhan ma ga zhig gang nas 'ongs par 'gyur ba ma yin no// zla ba'i snying po mun pa'i g.yul las rgyal bar gyur pa gang // 'jig rten rmi lam lta bu 'di la yang dag rnyed par 'gyur// brdzun pa gang yin 'di la yang dag sus mthong ba// bltar med de la gzugs su mthong bar ga la 'gyur// don dam par ni gang yang yod par 'gyur ba ma yin na// pha rol gzhan du mthong nas 'gro ba 'dod pa'i gang zag de// 'di las gzhan du 'gro ba'i khyad par bas dri can bzhin no// 'di ni pha rol rdol bas gang du ma bor bar// gcig kyang phyin pa med par 'dis rtol lo// kye 'o gang 'di tha snyad lam 'dis btsal ma yin// thar pa rtag du byi la lta bu'i mchongs pas nags su ldang bar 'gyur// gal te stag dang wa mo lta bu'i stobs ni go bzlog na// de nyid yod pas de la ci zhig pan par mi 'gyur ro// de nyid shes na mi bsam mi rtog par// gzugs mthong cir yang snang ba'i yul ni de ru stong bar 'gyur// 'di la yengs nas de la gnas par 'gyur ba mtshor ro// dran dang shes bzhin gnyis ni bar gyis de la gang
- 93a
yang ma mthong ste// chos kun stor na 'di yi khong na gnas par 'gyur ba yin// 'di la dngos po med cing bsam du med pa de// khyod kyis rtsa mchog tsam du gnyis ka med par byos// kye'o sangs rgyas kun gyi yan lag bzhi pa 'di kun gsum du ston par ni// khyod kyis yang nas yang du bsams pas mthong ba gang yang med mod kye// 'khor ba'i dran pas rten 'brel dag las 'byung ba ni// sna tshogs par snang rang gi ngo bo ma skyes phyir/ mi 'gyur bde ba chen po'i rang bzhin dag dang lhan cig skyes// sems kyi don dang de bzhin gshegs pa thams cad kyi// rang bzhin rnam par dag pa'i yon tan nyid// chos rnams thams cad gnyis su gdod nas ma byung ste// gnyis dang gcig gi dran pas du ma dag dang 'bral bar 'gyur// gang yang brjod par bya yi dngos po gang zhig rang gis stong pa ste// blo las 'das phyir mtshan ma rab tu 'joms// de med pa de gang yin gang nas gnas par mi 'gyur ro// rgyan mi chad pa'i bsam gtan gang ma thob par 'gyur ba la// bral bas 'di las gzhan du sang bas ma mthang // gsang sngags 'di kun rtsab de las bskyed par ni// de med pa las 'byung bar 'gyur pa gang yang yod pa ma yin gyi/ su zhig 'di la rtog par byed pa'i blun po de// bskal pa brgyar yang mchog gi don mi mthong // gang zhig yid la byed pa'i mtshan mas brgyal ba kun// btang gzhag bral dang thob par mi 'gyur rgyal srid bzhin// cung zad drod thob byang chub sems dpa' dag/ gang du g.yos pa med pa mtshor ro// rnam par rtog can lam du zhugs pa'i phyir// byang chub sems kyi thig le rlung la gang bskyon pa// sa bon des ni 'khor ba 'di ru zags par 'gyur// yang dag pa yi de nyid thob par mi 'gyur zhing // tshar tshing dra ba'i gseb du 'bral bar 'gyur// shes rab mig gis log par tshar bcad na// gzhan gyi log par lta ba rang gi de ru grol// dka' thub la sogs gzhan du 'bad pa med// bdag
- 93b
med par ni rang byang gang yang rnam pa sna tshogs nyid// rga rkyen la sogs 'brel pa 'di ru stong par byos// rnal 'byor 'di la bdag gi gnas su 'dug pa ma mthong ngo // sa dang pha rol phyin pa'i long ba gang 'tshal 'dis// srid pa'i// / dra ba khung nas rgya mtshor mtshang bar byed// de lagrumang rgya mtsho'i thabs su grags par 'gyur// thog mtha' med pa'i phyag rgyarin po'ang // srid dang myangangan 'das rlom nan mongs rgya sems par 'gyur // de la sems rgyan 'cha dang snyam du sems shing stong par yid la ma byed cig/ gang la don gyi brtul zhugs chen po 'di nyid ma thob par // brtul zhugs spyod pa'i dbang gis de la ma reg kye// byin gyis rlab dang brlab bya med pas ngo mtshar che ba nyid// gnyis med sgro skur bral ba 'di las gnas pa gang rten dang bral ba'i tshul gyis gnas par 'gyur// 'gro ba kun gyis de ltar shes par 'gyur gang ni// srid dang mya ngan 'das pa kun gyi don shes 'gyur// srid dang mya ngan 'das pa'i chos rnams rang gi sems yin par// gzhan du blta ba med par thag chod bsam med blo 'das nyid// de la bsgoms dang ma bsgoms rnam par rtog pa dang // mtshan ma dgag dang spang bar bya ba mi dgos te// de la ci bya gang yang ma byas de nyid gsal bar 'gyur// ji ltar rnam rtog ma bkag ma spangs par// gzhan du ma mthong de nyid gsal 'gyur na// de ni gang la gnas kyang gzhan du mthong bar 'gyur ba ma yin no// ma bsgoms ched du ma byas 'bral ba med pa'i rang bzhin te// dus rnams kun / tu 'di don shes pa'i mtshan pa 'di la rtog par ma byed cig/ rang la lhan cig gsal ba'i snang srid 'di la rtog med cing // de las gzhan du rtogs pa'i blo can 'dis ni rgya mtsho nang gi nor bu rnyed mi 'gyur// gang nas byung zhing gang du gnas pa'i 'dzin pa 'di ni skye ba med 'gyur na// rgyun tu 'gag pa med pas gzung 'dzin de ma skyes pas ye shes nyid// ngo bo de la dri ma ma spangs de nyid ma bsgoms par// nags khrod dag na gnas pa'i glang po yin par phye// mtshan ma'i yul gyi
- 94a
rnam g.yeng rtog pa bsam gyis mi khyab pas// gnod cing de la g.yeng bar mi 'gyur te// mtshon cha bral ba'i chom rkun dag gis bsad bcad ma yin no// mtshan ma de nyid snying po med 'gyur ba// sgyu ma'i dpe brgyad lta bur rang bzhin med par byos// gang mthong sems yin de la dngos po med 'gyur bas// dran med blo la mi gnas chos rnams thams cad ni// de las byung zhing de ru snar nas de nyid las 'gyur bas// 'di la gzhan du g.yo ba gang yang med pa nyid// de la de nyid tsam du mkhyen gyis yid la ma byed kye// kye'o grogs dag blo la ci skyes sems de ni// dus rnams kun du gsal ba ma yin no// de la gsal rgyu ci yang med pa ste// brtsad pa kun dang bral bar ni// rang gnas pas ni grol bar 'gyur// ji ltar tshul 'chos byas pa'i sangs rgyas 'di kun ni// dge slong ma yin rgya mtsho'i nang du ldang // 'di zhing las ni gzhan dag du// gcig kyang lta bar mi byed pa// des ni thams cad mthong ba'i dge slong yin// gang zhig brdzun la goms pa'i gnas brtan des// srid pa nyam thag 'di las 'byung bar nus ma yin// gang gis srid pa'i chu bo 'di brdzun par// shes pa de ni gnas brtan mchog thob 'gyur// rnal 'byor de yi spyod yul ni// lha dang sngags dang phyag rgya'i yan lag kun// 'di kun shes na dbab du yod pa ma yin no// de zhing shes pa de la de kun mthong ba med// de ltar 'di las ma gtogs pa'i// 'du shes yul gzhan dag las ni// skye bar 'gyur ba yod ma yin// yul can gang gi phyogs dag tu// gnyis su mthong ba med par 'gyur ba de// rnam pa sna tshogs de nyid dgrol ba yin// gang zhig phyogs su lta bar gyur pa de// mtshan ma'i dran rig phra rabs goms pa yin// gang zhig 'di las goms 'gyur bas// spyod pa ji ltar byas pa kun// don dang ldan par 'gyur ba ma yin te// nyam thag mtshan mas myur du 'ching bar 'gyur// gang zhig 'di dang phyogs su ni// gtad la goms su yod pa yin// bsam med/
- 94b
yid la goms su med// kye 'o grogs dag rig pa'i ye shes gnyis su med pa ni// ye shes bla na med pa'i dbang bskur chen po ste/ rdzogs ldan pa la ltar bla ma dag gis ni// bskur du med pa'i tshul gyis thob par byed pa ni/ mchog gi rnal 'byor rnams kyi dbang bskur te// thob bya med pa'i tshul du thams cad rdzogs pa de nyid ma shes log sred can gyi dbang rnams ni// mtshan ma'i rtog pa dag gis gzungs du zags par 'gyur// 'di la nyon mongs shes bya sgrib pa las bsags kun// shes rab te 'dzin mi dgos rnam par grol bar 'gyur// khro gzhir med pas zug rngu thams cad 'joms par ni// ma skyes pa yi tshul gyis 'dzin par mi byed do// snang ba 'gag pa 'di la gsal ba'i rtog pas yid la ma byed cig/ phyin ci log dang rnam par rtog pa thams cad ni// nyon mongs lnga yi gnas su thams cad zags par 'gyur ba yin// gzhan dag 'di nyid shes pas 'khor ba'i dra ba dag gis stong pa nyid// u dum bar lta bur dkon 'gyur ba'i// rmongs pa'i mun sel snying po gsang ba'i don// sus kyang shes pa med par kun lagasal 'gyur ba// snying gar gnas pa'i don la dri ma med 'gyur te// brtul zhugs spyod pas gang de mthong ba ma yin no// 'di rnams rdzogs la sbyor bar nus pa de// yan lag thim nas stong pa nyid du gnas// kye grogs dag gyad dang rje rigs ji bzhin du// gang gis khengs par myur du thob par 'gyur// rim par sbyong ba gang yang yod pa ma yin no// chos rnams thams cad stong pa zhidang du ro gcig dang // khyod kyis rdzogs par 'gyur bas thob pa ma yin no// gang tshe 'di la rtsa ba med par rtog pa ni// da lta zhing du gnyis med nges par 'gyur ba yin// ji ltar srin bu spyod pas bcings par gang 'gyur ba// 'di rnams rol chags pas 'tshang bar 'gyur ba ste// tshang tshing 'di la za bar nus pa gang gis ni// 'khor lo thams cad rgyun du bskor bar 'gyur ba yin// sangs rgyas rnams kyi sku gsung thug
- 95a
gsal ba// 'di kun gang gis yid la ma byas par// ston pa'i bla ma rdo rje 'dzin la 'dud// sku gsung thugs yid la mi byed pa'i phyag rgya chen po zhes bya ba// sangs rgyas gnyis pa ltar grags pa// rnal 'byor gyi dbang phyug chen po dpal sa raha pa'i zhal ldanas gsungs pa rdzogs so// // bla ma nag pos rang 'gyur du gnang ba'o// // gu ya sam pa da smai si// 5/ dan pa ces bya cag rgyacan po'i mad ga dpa' ba gapas kyi mang dpa ga/ rgya gar skad du/ do ha ko Sha nA ma ma hA mu dra u pa de sha/ bod skad du/ do ha mdzod ces bya ba phyag rgya chen po'i man ngag/ dpal rdo rje rnal 'byor ma la phyag 'tshal lo// lhan cig skyes pa'i ye shes chos kyi sku bde ba chen po la phyag 'tshal lo// ji ltar dngos dang dngos med snang stong dang // rgyu dang ma rgyu ga yo dang mi g.yo ba// thams cad ma lus na mkha'i rang bzhin las// dus rnams kun tu nam yang g.yo ba med// nam mkha' nam mkha' zhes ni rab brjod kyang // nam mkha'i ngo bo cir yang grub pa med// yod dang med dang yod min med min dang // de las gzhan du'ang mtshan pa'i yul las 'das// de ltar nam mkha' sems dang chos nyid la// tha dad cung zad yod pa ma yin te// tha dad ming ni// glo bur btags pa tsam// de la don med brdzun gyi tshig tu zad// chos rnams thams cad rang gi sems yin te// sems las ma gtogs chos gzhan rdul tsam med// gang gis gdod nas sems med rtogs pa yis// dus gsum rgyal ba'i dgongs pa dam pa rnyed// chos kyi za ma tog ces yongs su gdags// de yang logs pa'i chos gzhan ma yin te// gzod nas lhan cig skyes pa'i rang bzhin no// de yi de nyid bstan du yod min te// brjod du med pas sus kyang go ba med// gal te bdag po yod na nor yod de// ye nas bdag med de la ci zhig yod// sems yod gyur na chos kun yod rigs te// sems med pa la chos zhig su yis rtogs// sems dang chos su snang ba thams cad ni// /
Colophon
sku gsung thugs yid la mi byed pa zhes bya ba'i phyag rgya chen po zhes bya ba/_sangs rgyas gnyis pa ltar grags pa/_rnal 'byor gyi dbang phyug chen po dpal sa ra ha pa'i zhal snga nas gsungs pa rdzogs so/_/bla ma nag pos rang 'gyur du gnang ba'o