Untitled work
Text
ff. 111a–114b · 8 folio sides
- 111a
pa'i khro bo chen po yi// gtso bo khrod bdag ci 'ang lus bsgoms skye// yang nas yang du bsgoms pas mngon gyur nas// bag chags rtas pa'i yi ge hUM byung nas// ma bcos chos dbyings chos nyid zhi ba ste dbang po mngon sum ngag gis mthong ba med// ces so// yo ga phyi yi chos nyid bstan pa ni// byang chub sgrub pa'i yan lag bcu gcig rgyus// kun gyi sgo nas zhugs bsgoms pa 'ang // sku mdog phyag rgya phyag mtshan rdzogs pa rus sku yi cha lugs yid la ting 'dzin sgom// chu zla bzhin du gsal bar bsgom pa yis// gzung 'dzin mtshan ma ngag gis tshur ma gos// ye shes sems dpa' dag la bdag ma chags// chags pa med pa ci lta byung 'gyur yengs dper na byis pas 'dag khang brtsigs pa bzhin/ yang bsgoms yang bshig 'dag khang bzhig pa 'dra// ces bye brag 'byed pa'i mdo las// yo ba rnam pa bzhi'i don gyis 'grel pa bye brag 'byed pa'i mdo rdzogs so// // de nas yang sems dpa' chen po des/ 'dus pa'i tshogs la khyad par 'phags pa'i mdo 'di gsung so// kye 'dus pa'i tshogs chen nga nyon cig/ khyad par 'phags pa'i mdo 'di las// khyad par 'phags pa'i tshe lnga ru// chos rnams thams cad 'dus par bshad// khyad par 'phags pa'i tshe lnga ni// mngon par sangs rgyas che ba dang // chos nyid sangs rgyas che ba dang // bdag nyid sangs rgyas che ba dang // de yin sangs rgyas che ba dang // sangs rgyas med pa'i che ba'o// de yang ji ltar 'phags zhe na/ che ba lnga yi byang chub sems/ sems nyid che ba lngas 'phags ste// mngon par sangs rgyas che ba ni/ 'dus ma byas pa'i byang chub sems// snang sring
- 111b
kun las khyad par 'phags/ a ti yo ga'i che ba bshad/ chos dbyings sangs rgyas che ba ni// tha~Md 'byung ba'i byang chub sems/ 'byung gnas kun las khyad par 'phags/ a nu yo ga'i che bar bshad// bdag nyid sangs rgyas che ba ni// lhun gyis grub pa'i byang chub sems// rtsol zhing sgrub las khyad par 'phags// ma hA yo ga'i che bar bshad// de yin sangs rgyas che ba ni// ma nor ba yi byang chub sems/ gtan tshigs kun las khyang par 'phags// yo ga dag gi che bar bshad// thang sangs rgyas che ba ni// sgro skur 'das pa'i byang chub sems// bsam skyong kun las khyad par 'phags// la zlas pa yi tsho bar bshad // khyad par 'phags pa'i rnam pa lngas@ che ba rnam pa lnga bstan te// ston pa bstan pa 'khor gnas dus// phun sum tshogs pa rnam lnga la// skye 'gag med pa'i khyad par gyis// snang srid kun las khyad par 'phags// mngon par sangs rgyas yin par bshad byang chub sems lnga'i 'byung chen lnga/ na mkha' sa chu me rlung sems// thaMd 'byung ba'i rang bzhin gyis// 'byung gnas kun la khyad par 'phags// chos dbyings sangs rgyas yin par bshad// bdag nyid sangs rgyas che ba ni// phung po 'byung ba'i rnam shes yul// rang las byung ba'i chos yin ste// gzhan las mi ltos rang bzhin gyis// rno la sgrub kun las khyad par 'phags// bdag nyid sangs rgyas che ba bshad// de yin sangs rgyas che ba ni/ dpe dang don dang rtags dang ni// nges pa dang ni gtan tshigs lngas// ma nor ba'i rang bzhin gyis// gtan tshigs kun las khyad par 'phags// de yin sangs rgyas che bar bshad// thad sangs rgyas che ba ni
- 112a
'dus ma byas dang dmigasu med// bsam du med dang spros dang bral// mtshon du med pa'i byang chub sems// gzung 'dzin bral ba'i rang bzhin gyis// bsam sbyor kun las khyad par 'phags// thang sangs rgyas che bar bshad// mngon par sangs rgyas che ba ni// phun sum tshogs pa rnam lnga ni// ston pa kun tu bzang po ni/ sangs rgyas kun gyi spyi mes po// blang ngor med pa'i rang bzhin gyis/ ston pa kun las khyad par 'phags// des na mngon par che bar bshad// sdud pa sems dpa' chen pos ni// sangs rgyas se ni 'khor rnams la// skye 'jig med par khyad par 'khor// sdud pa kun las khyad par 'phags// 'khor de mngon par che bar bshad// bstan pa lta ba rdzogs chen 'di// chos nyid kun gyi snying po ste// thams cad kun gyi rang bzhin gyis// theg pa kun las khyad par 'phags// des ni bstan pa mngon par che// dus ni dus gsum khyad par gcig dus la skye 'jig med pas ni/ gcig tu gsal ba'i rang bzhin gyis/ snga phyi kun las khyad par 'phags// dus de mngon par che bar bshad// des na phun sum tshogs pa lnga// yangs pa chos dbyings kun bzang gnas// thad 'dus po'i gnas chen 'di// mtha' dbus med pa'i rang bzhin gyis// bzhugs gnas kun las khyad par 'phags// gnas de mngon par che bar bshad // des na phun sum tshogs pa lnga// mngon par sangs rgyas che bar bshad / cho dbyings sangs rgyas che ba ni// byang chub sems lnga 'byung chen lnga// chos nyid lnga ru sangs rgyas te// nam mkha' snang byed khyab pa'i dbyings// ma bsgribs pa'i byang chub sems// sgribs pa med pa khyad par gyis// kun la khyab
- 112b
pa'i bdag nyid // sa ni sra byed rdo rje dbyings/ skye ba med pa'i byang chub sems/ 'jigs pa med pa'i khyad par gyis// 'gyur ba med pa'i chos nyi // chu ni rin chen gter gyis dbyings// zang snrums pa'i byang chub sems// thaMng sdung pa'i khyad par gyis// 'byed pa med pa'i chos nyid do// me ni pad ma rnam dag dbyings// gzung 'dzin dag pa'i byang chub sems// rnam par dag pa'i khyad par gyis// skyon dang bral ba'i chos nyid // rlung ni brtson 'grus yangs pa'i dbyings// thogs po med pa'i byang chub sems/ yang zhing g.yo ba'i khyad par gyis// 'gag pa med pa'i chos nyidado// sa chu me rlung na mkha' lngas// thaMd skyed par byed pas na// 'byung ba kun las khyad par 'phags// des na chos dbyings che bar bshad// bdag nyid sangs rgyas che ba ni// bdag nyid lnga ru shes par bya// phung po 'byung ba rnam shes yul/ rang las byung ba'i chos yin pas// rtsol sgrub 'das te rang la rdzogs// 'byung ba lnga yi sangs rgyas ni// chos nyid rang gi byang chub sems// gzung 'dzin bral ba'i khyad par gyis// brtsal du med pa'i byang chub sems// phung po lnga ni rigs lnga ru// rtsol sgrub 'das te rang la rdzogs/ lhun gyis grub pa'i khyad par gyis// brtsal du med pas bdag nyid che/ rnam shes brgyad ni sems dpa' ru// rtsol bsgrub 'das te rang la rdzogs// semasu 'dus pa dam pa ste/ brtsal du med pa'i khyad par gyis// bsgrubs su med pas bdag nyid che'o// rnam shes brgyad kyi yul brgyad ni// sems ma brgya du rang la rdzogs/ rtog dang bral ba'i khyad par gyis/ sbyang du med pas chos nyid che'o// rang las byung ba'i chos rnams ni
- 113a
dmigs pa med pa byang chub sems// mi dmigs pa yi khyad par gyis// bgrod du med pas bdag nyid che// des na bdag nyid che bar bshad// de yin sangs rgyas che ba ni// dpe dang don dang rtags dang ni// nges pa dang ni gtan tshigs lnga// khyad par lnga yis yin pa lnga'o// chos rnams thaMd ma lus pa'i// dpe ni nam mkha' yin pa ste// na mkha' spyod yul kun las 'das/ mtshan du med pa'i khyad par gyis nam mkha'i dpe ni khyad par che// don ni chos nyid don gyi skye med las/ skye ba'i cho 'phrul sangs rgyas kyis// don ni chos nyid de yin che// rtags ni sems nyid 'gag med yin// 'gag pa med pa byang chub sems// mi 'gag pa yi khyad par gyis// rtags ni che ba yin par bshad/ nges pa dag la rnam pa gsum// dpe ni nam mkha' yin par nges// don ni chos nyid yin par nges// rtags ni sems nyid yin par nges// nges pa dag gis che bar bshad// gtan tshigs dag gis che ba ni// rnam par lnga ru shes par bya// phun sum tshogs pa rnam pa lnga// mngon par che bas gtan tshig so// 'byung chen lnga dang byang chub sems// chos nyid che ba'i gtan tshigaso/ phung po 'byung ba rnam shes yul// gzhan la rag ma lus pa yis// bdag nyid che ba'i gtan tshig so// dpe don rtags dang nges pa ni// yin pa dag gis gtan tshig so// bsam med smos pa med pa dang // 'dus ma byas pas mtshon med pas// thams cad sangs rgyas gtan tshig so// gtan tshigs che ba yin par bshad// thams cad sangs rgyas che ba yang // bsam med dmigs med spro ba med// mtshon du med dang 'dus pa
- 113b
medang/ rnam pa lnga ru shes par bya// chos nyid byang chub sems de la/ gzung 'dzin med pas bsam du med/ bsam med khyad par 'phags te che// chos nyid byang chub sems de la// yul ma mchis pas dmigasu med dmigs med khyad par 'phags te che// chos nyid byang chub sems de la// mtshan ma med pas spros pa med// spros med khyad par 'phags te che// chos nyid byang chub sems de la// dpe ma mchis pas mtshon du med da mtshan med khyad par 'phags te che// chos nyid byang chub sems de la// gnyisu med pas 'das byas med// 'dus med khyad par 'phags te che// thad sangs rgyas che bar bshad// khyad par 'phags pa'i mdo las khyad par 'phags pa'i che ba lnga bstan pa'i mdo// / de nas yang 'dus pa'i tshogs chen la// khyad par 'phags pa'i mdo'i 'grel pa 'di bstan to// kye 'dus pa'i tshogs chen da nyon cig rdo rje sems dpa' mngon sangs rgyas che// sems kyis kun la khyad par byams pa yis// chos nyid skye ba med par sbyang ba'i phyir// thugs rje rang bzhin chos nyid sten pa'i bka'// 'gro la dmigs nas thugs rje don mi mdzad dang rang byung ye shes gnyen po med pas che// che ba'i zab mo gzung 'dzin bral bas zab/ zab mo dmigasu med pa de la ni/ skyon la dor du med pa yon tan bsngagasu med ces bya// rdo rje sems dpa' chos nyid byang chub sems dang byang chub sems kyi dug gsum sku gsung thugs// snying po byang chub sems kyi lam las byung // dus gsum sangs rgyas khams gsum sems can kun// 'dod pa'i yon tan lnga la kun spyod kyang // sangs rgyas sku dang yis
- 114a
lnga ru spyod// sems can chags sdang lnga la rang khar spyod// chos nyid dbyings kyi rgyan ni 'dod spyod lnga// byang chub sems kyi rgyan du sems dpas gsungs// de nas chos nyid dbyingasu che bar bshad// byang chub sems kyi rang bzhin bdag nyid che// sangs rgyas seni mtho ris ngan song gang // gang gis las dang gang gis gnas skyes nas/ rgyu drug 'khor zhing las drug spyod pa de// bdag nyid byang chub sems las byung bar nges// kun gyi snying po byang chub sems de la// 'di ni skyes pa yin la 'di ni bud med ces// kun bzang mnyam pa'i rgyal pos yongs ma gsungs// des na bdag nyid che ba yin par bshad// byang chub sems ni yin pa'i che ba ste// sgro skur 'das pa'i chos nyid byang chub sems// brjod med gleng bral 'di la gang gnas pa// ma bcos chos nyid rtogs pa'i rnal 'byor de// las dang thugs rjes dus pas skal pa bzang // gleng bral brjod med don la gnas pa yis/ skye ba med pas bdag don bya mi dgos// brjod med pas gzhan don mi byed cing // chos nyid sgyu ma ma rtsal lhun grub pas// rang bzhin gnas pa'i chos nyid yul la rol// de na de yis che ba'i gtan tshig so// sangs rgyas zhes kyang med pa'i che ba ni// dus gsum sangs rgyas khams gsum senaM la// ma bstan ma chog tu gsang ba'i byang chub sems// bder gshegs ye shes snyan gyis sngar ma gsan// se naM rna ba'i dbang pos sngar ma thos de bzhin ston pa'i ljags kyi dbang pos kyang // bder gshegs rnams la gsung gis sgrags pa med// de bzhin gang zag lce yi dbang pos kyang // se naM rnams la tshig tu brjod pa med// des na sangs rgyas med pa'i che bar
- 114b
bshad da ces khyad par 'phags pa'i mdo las// don gyi 'brel pa bstan pa de khyad par 'phags pa'i mdo rdzog s+ho// / de nas yang sems dpa' chen po des// 'dus pa'i tshogs 'khor rnams kyis rdzogs pa chen po'i mdo ma thos pa rnams kyi skyon yon bsal ba'i phyir// gol sgrib ston pa'i mdo gsungs so// kye 'dus pa'i tshogs chen de nyon cig/ nges pa thob pa'i theg pa drug/ rdzogs pa chen po'i gol sa ste rdzogs pa chen po des thob sgrib par bshad// mdo sde dang ni kri ya dang // u pa ya dang yo ga dang // ma hA yo ga a nu yo gA'i bde che ni// rtog spyod 'das pa'i byang chub sems dpa' ni// kun tu 'od kyis 'dod par bden pa gnyis kyi rtog spyod kyis// chos nyid stong la na mkhar rtog/ a ti yo ga'i bde chen ni// rtog spyod 'das la mdo sde sgribs// rdzogs chen rtog dang spyod pa ni/ mdo sde dag tu gol bar bshad// kri ya rdo rje 'dzin 'dod pa// dag pa rnam gsum sgor zhugs nas// chos nyid dag la 'dzin pa ste// gzung 'dzin ngag gi yul la gnas// a ti yo ga'i bde che ni// gzung 'dzin 'das pa'i byang chub sems/ gzung 'dzin 'das la kri yas bsgribs// rdzogs chen gzungs dang 'dzin med pas// kri ya ngag tu gol bar bshad// u pa ya'i lta spyod ni// kri ya spyod cing yo ga sgrub// lta spyod 'brel pa'i don byed pas// gnyisu med pa'i don ma rtogs// a ti yo go'i bde che ni// gnyisu med pa'i byang chub sems// gnyisu med la u pas sgribs// rdzogs chen gnyi su 'byed pa ni// u pa ya ru gol bar bshad// yo ga stug po bkod 'dod pa// mtshan ma yod med sgor zhugs